رواية لو انك غربه مالي الا في ضياعك الظالم الفصل الرابع 4 بقلم العنود العنزي
رواية لو انك غربه مالي الا في ضياعك الظالم pdf الفصل الرابع 4 هى رواية من اجمل الروايات الرومانسية السعودية رواية لو انك غربه مالي الا في ضياعك الظالم pdf الفصل الرابع 4 صدر لاول مرة على موقع التواصل الاجتماعى فيسبوك رواية لو انك غربه مالي الا في ضياعك الظالم الفصل الرابع 4 حقق تفاعل كبير على الفيسبوك لذلك سنعرض لكم رواية لو انك غربه مالي الا في ضياعك الظالم الفصل الرابع 4.
رواية لو انك غربه مالي الا في ضياعك الظالم الفصل الرابع 4 بقلم العنود العنزي.
العصر الساعه 5:20
كانوا يلعبون ويسبحون بالمسبح وفعاليات .
رينَاد : بنات اليوم عمامي يجون وجدي بعد بيجي الله وناسه حماااس .
منار : يوهه الله يستر يجي عمنا هذاك المسيطر!
اشواق تضحك : لا ابشرك هذا سافر للاردن عند خالتي .
منار : هو سافر لخالتي؟
اشواق : ايي وبيجون بعد كم شهر .
رينَاد : تدرون اليوم بدلعكم يا بنات عمي بدق على بابا يجيب لنا من ماك هو ما يرد لي طلب ههه!
اشواق والجوهره : كفو اطلق بنت عم والله .
رينَاد قامت وهي تنشف شعرها : انا بدخل داخل وراحت وهي تمشي وترجف من البرد صقعت بناصر كان طويل مره وهو يشوفها ويضحك على شكلها !
رينَاد رفعت راسها : وجع يالزرافه ما تشوف؟
ناصر فهى وصار يقول كلمات متقاطعه : يوجعكءء
رينَاد دفته وهي تمشي لغرفتها وقفلتها وهي تغير ملابسها وبعدها خذت المنشفه تنشف شعرها وثم طلعت لقت ناصر جالس بالصاله !
ناصر بتأمر : روحي جيبي لي لبن وحليب!
رينَاد هزت بالنفي : تخسي يا صرت زين معاي بوقتها اعرف اتعامل معاك !
ناصر قام : تمام هين هين .
رينَاد طنشته وراح هو اخذ خواته ومنار وشال بلوزته وانسدح وهو يأمرهم يدلكونه وماسك العصا واللي ما تدلك عدل يضربها صارت منار تبكي وهي تبي رينَاد تجي تنقذها منار وهي تدعي ربها تقدر تهرب وقامت بشويش وهي تهرب ولحقها ناصر وراحت لاختها وهي تصارخ رينَاد انقذيني وجت وراها ..
ناصر بـ عصبيه : تتخبين وراها اوريك يا منار !
منار بـ خوف : رينَاد لا تخليني يبي يضربني!
رينَاد وقفت بوجهه ناصر رغم صغر سنها وكان يبتسم وهو يشوفها تعابير وجها وكيف معصبه ودفته بقوه .
رينَاد : والله يا ناصر ما تلوم الا نفسك لو تقرب من اختي اكسر يدك تفهم ، طول ما انا عايشه ما احد يتجراء يتطاول على اختي!
↚
عند لمَار وعمتها
عمتها منى : لازم تحددين وقت للبث وتبثين بوقت نوم عيالي تفهمين!
لمَار بـ إرهاق ودموع : بس عمتي البث يطول وأنا تصحيني بدري وفيني نوم كيف بتحمل ..
عمتها منى بـ عصبيه : أنتِ بربرتك واجد وترا الساعه ١١:٣٠ استعدي على الساعه ١٢ وحطي ميكب يبرز جمالك عشان تخققين الجمهور !
لمَار مالها خلق : ما يحتاج أنا راضيه أطلع بدون ميكب واللي بيرضى بشكلي أهلاً وسهلاً مو راضين احسن .
عمتها منى : لمَار أنتبهي تراك بتصيرين مشهوره وغصبن عنك تسوين اللي اقوله عشان الجمهور يشوفونك على أحسن حال!
لمَار خذت نفس عميق : انا بروح للغرفه وراح افتح بث .. وراحت لغرفتها وهي تناضر لنفسها المرايه وصارت تلامس وجها البريئ والدموع متحجره بعيونها للمعلومه هي حساسه حيل .
.
.
ضاري دق عليه : هلا والله نايف متى بثك!
نايف : الساعه ١٢:٠٠ واحس مالي حيل شي!
ضاري : طيب اسمع البنت اللي دخلت معاها هذيك شكان اسمها ؟
نايف وهو يحاول يتذكر : مين ؟ ترا أكثر من شخص يدخل !
ضاري : لا هذيك البنت اللي شعرها بوي وواضح ملامحها بريئه بزياده !
نايف : أقول أنا زين أتذكر نفسي عشان أتذكر اللي دخلت معاهم قستات فكنا يا رجال !
ضاري : يا حمار هذيك وبداء يوصفها ..
نايف تذكرها : أيي كان أسمها لمَار شبغيت منها ؟
ضاري : أي هذي أدخل معاها ونبي نصمم عليكم شرايك ؟
نايف انفجع : خير وش تصممون تستهبل قلت لك بشتهر بس مو تشبكوني بالتصاميم مع بنت!
ضاري : يا حمار فايده لك الناس جوهم يشوفون اثنين مع بعض وبيدخلون يضيفونكم !
نايف مسك راسه : يا ضاري انا قلت إنك شريكي بس مو كذا الله يهديك جالس توهقني شقول لامي بعدين أقول مشهوره أطلع معاها !
ضاري بـ زعل : تردني يا نايف افا بس لا تنسى قلت لي إي شي أطلبه تسويه ..
نايف : يا شيخ الله يرجك بس وقفل منه وهو مغبون من هالشي ومو متقبل الشهره!
↚
عند لمَار ونايف
كانوا فاتحين بث كلهم بنفس الوقت وكل منهم عايش بحزنه وهمه ..
لمَار كانت تشوف القستات وقبلت قست ودخلت تسولف مع بنات وهي متردده وخايفه وكانوا يطقطقون عليها بحكم إنها جديده وطلعوا ..
لمَار وهي تشوف العدد اللي يدخلون بثها وكانت تلعب بـ سلسالها والتعليقات عباره عن هذي شفيها ساكته كأنها مغصوبه على الشهره وطقطقه واستهزاء فيها وكانت تكتم الغصه اللي فيها ودخل نايف عليها وهو يطلب قست وقبلته لان عمتها كانت واقفه حولها وهي تأشر لها .
نايف : اهلاً شخبارك لمَار ؟
لمَار بـ خوف مو متعوده : أهلاً ءء بخير !..
نايف حس بـ شي : نلعب جوله ؟
لمَار هزت بالايجاب : تمام .
نايف بـ إستغراب : فيك شي ؟
لمَار أنفجرت من البكاء وهي تبكي والكل يشوفها ونايف أنفجع وهي مبقق عيونه ..
نايف : يا بنت الحلال شفيك وليش تبكين!
لمَار اكتفت بالبكاء وهي تقفل البث قفلته وهي ترمي جوالها وصارت تصارخ ..
نايف كان مستغرب : والله مدري شفيها يا جماعه واضح البنت من بداية البث فيها شي .. وطفى البث وهو يفكر ليش بكت وش السبب ..!
.
.
عمتها منى ضربتها كف : شسويتي فضحتينا الله يفضحك يا حيوانه !!!!
لمَار ببكاء : تكفين يا عمه يكفيي والله يكفيي قسم بالله ماني حابه وضعي كذا ..
عمتها مسكتها من رقبتها وبـ عصبيه : غصبن عنك تسوينها يا لمَار والله ياويلك لو ما تسوين اللي أطلبه منك أنتِ بتفتحين بث بكرا وبتقولين أي موضوع يخلي المتابعين يصدقونك تفهمين!!
لمَار هزت راسها : طيب ءء طيبءء بس ارحميني!
عمتها منى وهي تقومها : اليوم ما بتنامين راح اطلعك بالحوش تنظفين الدوانيه كلها حتى غبارها ابيها تلق لق !
لمَار برجفه وهي تتمسك فيها : تكفين يا عمه والله ما اعيدها تكفين خليني والله خايفه حنا اخر الليل لا تسوين فيني كذا تكفين يا عمه !!!!
عمتها رمتها بالدوانيه وراحت تقفل الباب كانت لمَار بالحوش وهي خايفه مره وهي تناضرر وكل شي مطفي من اللمبات وراحت تشغل اللمبات وهي ترجف عندها فوبيا من القطط والكلاب ..
↚
عند ريمَان ومتعّب
متعّب ولع الحطب وهو يفرك يدينه وكان يشوف ريمَان وهي راكبه بالخيل وتبتسم له وأبتسم لها ..
متعّب وهو يأشر لها بمعنى تعالي نجلس
ريمَان نزلت وهي تبوس الخيل وراحت له .
متعّب عطاها الشاهي : أي من اليوم عطيتك بريك يلا كمليي قصتك مالك مفر !
ريمَان وهي ماسكه الكاسه : تم يعني اكملها ..
متعّب وهو يشرب رشفه : أيي كمليها .!
ريمَان بدت تحكي : الله يسلمك طبعاً يوم أمي صغيره كانت مشاغبه مره على قولة خالتي لان انا عندي كتاب كتبته خالتي لي كامل وفيه قصة أمي وعشان ما تقول كيف عرفت لان هي حطت كتاب فيه كل شي والقصه كامله بالشنطه وفيه صور لي وصور لامي وكل شي .. وطبعاً انا قريت كل شي وكانت صدمه ليي كنت أبي أفهم ليش صار معاي كذا وليش أنطردت بس قصة أمي مشتركه بقصتي يعني لازم أبداء فيها، وأمي من كثر مشاكلها مع خالاتي كانوا يكرهونها بحكم هي الكبيره فيهم وكانت أمي تعتمد على نفسها يعني دايم بحالها وتسوي اللي يعجبها وعنييييده مره !
وهالشي كان يخلي جدي الله يرحمه يغضب وخالي كرهه أمي ورغُم إن أمي ربته .. وأمي لما كانت صغيره كانت دايم تروح للبقاله كأي بنت تروح للبقاله وهناك أبوي شافها وكان يراقبها لما خطط يخطف أمي وفعلاً خطفها وأعْتصبها.. ودمعت
متعّب حضنها : وقفيي تكفيين تكملين بعدين أهدي يا ريمَان أنا أسف قاطعتك بس ما تحملت أشوف دموعك!
ريمَان والعبره خانقتها : بس اللي عرفته يا متعّب أوجعنيي أوجعنيي مره وش كان ذنبي يوم هذا مصيري بالدنيا هذي ؟ ليش أستاهل كل هذا ليش!!!
متعّب يهديها : أنتِ صح تحملتي أشياء فوق طاقتك بس صدقيني هالشي ربي ما ينساه وأكيد أنتِ فاهمه وعارفه إن الدنيا فانيه وحنا ورانا أخره وأنا واثق بيوم راح تتخطين هالمرحله!
ريمَان : كيففف بتخطى !!! كيف علمنيي أنا لي سنين أتعذبب نفسي وجسدي وكل شي قول كيف بتخطى!
↚
عند عائلة ريناد وناصر بالماضي ..
أم رينَاد : ريَناد يلا تعاليي خوذي القهوه والشاهي حطيهم عند عمامك وجدك !
رينَاد بركض : الله واخيراً بشوف جدي حبيبي.
أم رينَاد فتحت فمها : وين وين وش مسويه بروحُك بزر وكاشخه كل هذا البسي شي عادي وترتبي بس!
رينَاد : لا ماما تعرفين لازم جدي يمدحني ولا اموت احب مدحه اكثر من كل شي .
أم رينَاد بـ إستهبال : بنت عمتك إللِي بالكويت أزين منك .
رينَاد : ماما وين تشوفين انتِ ؟ تقارنين بنت عمتي فيني هذيك تكب بوجها فُل ميكب طبيعي بتزين بعيونك! ولو أنا سويت شي قلتي عيب وما يصير وتوك صغيره هي كبري ترا ..
أم رينَاد ضحكت على الخفيف : والله يازينها بأخذها لكروم .
رينَاد تخصرت : ويي ماما بسم الله على كروم منها مستحيل ماراح أخلي كروم يأخذها بالاحلام!
أم رينَاد : واي صح وأنتِ تأخذين أخوها وهي اجيبها عندي وتروحين لعمتك وتعيشين بالكويت .
رينَاد زعلت : لا ما ابي انا مستحيل اخذ هاللحجي هذا ما تشوفينه يعع يجلس معانا ما يجلس مع العيال خير ما ابيه يعع وراحت .
أم رينَاد بضحك: والله هالبنت عنيده طالعه على أبوها مره تسوي اللي براسها .
.
.
رينَاد كانت عند جدها وهي تبوس يده وراسه مو مصدقه إنها شافته وهو مستانس عليها ..
ناصر : هلا والله جدي شخبارك .
جده : هلا والله نصور شفيك ما عاد تجيني!
ناصر يحك اذنه : والله جدي اسف .
رينَاد : خله يولي جدي سولف معاي احب سوالفك .
ناصر : وش عندك ناشبه لجدي كلما جاء قومي!
جده بـ عصبيه : الا حبوبتي ما أحد يكلمها أو يقولها شي تسمع ؟ هذي أغلى من بناتي .
ناصر يسوي حركة يتحلف بريناد وبصوت قصير : هين ..
رينَاد تطلع إلسانها وهو مقهور وجو عمامهم وكل واحد من عمامهم يعزز لرينَاد وناصر ساكت ويخزها طول القعده هههههههههههه ..
↚
عند ناصر ورينَاد ، بالماضي .
منصور دخل عليهم وهو يشوف رينَاد تلعب وراح يحضنها ورينَاد بادلته الحضن بحكم إنها تعتبره أخو فقط .. غافلين عن منار اللِي جالسه تموت من الغيره وودها تذبح رينَاد !
الجوهره وأشواق يناضرون ببعض لان يدرون منار شكثر تغار على منصور !
رينَاد بـ فرحه : الله وناسه اليوم الكل جاء والله اشتقت لكُم .
منصور وهو يشد خدودها ويبوسها من خدها : والله انا اللي مشتااااق مره .
منار توخر رينَاد وتخصرت : ما شاء الله وحنا ؟.
منصور أبتسم : والله كلكم الشوق واصل حده!
رينَاد بـ إبتسامه : منصور أخيراً جيت عشان تلعبني بالسوني ناصر بس يتهاوش معي الزق!
منصور غمز لها : تم اليوم نسهر بالسوني ونتحداء بعض موافقه؟
رينَاد بـ عنااد : موافقه تخسي أنسحب أنا !
منار بـ عصبيه : لا معليش ماما ماراح ترضى تخلي رينَاد تسهر خل واحد من أخواني يلعب معاك!
رينَاد بـ إستغراب : طيب عادي وأنت منار تعالي ألعبي معانا .
منار : لا ما أبي .
أشواق سحبتها : منار منجدك أنتِ ترا رينَاد أختك!
منار بـ غضب : من جاء هو حضنها ما شفتي؟
أشواق : الا شفت بس مالها دخل رينَاد !!
منار : اليوم ما بنام بناشب لهم يخسون يلعبون!
أشواق : ترا هم من كانوا بيبي وهم مع بعض ورينَاد تشوف منصور أخوي أخوها لا يروح فكرك بعيد!
منار : يمكن هي كذا بس هو كيف ؟
أشواق مسكت راسها : يا بنت عادي خليه كلنا ندري ان منصور لك وأنتِ له حتى لو كان قلبه مع رينَاد !
منار : أشواق أنا أحب منصور وأحب رينَاد وأخاف رينَاد لو حبته راح يزوجونهم خصوصاً إن رينَاد محبوبه عند عمي اللي هو أبوك .
أشواق : طيب أنتِ جيبي راسه دام أختك مو يم الحُب وهالخرابيط !
منار : عندي فكره بس احلفي. توقفون معاي أنتِ والجوهره!
أشواق توترت : وش فكرتك!
↚
عند رينَاد وناصر .. بالماضي .
منار : شرايك نخلي رينَاد وناصر يحبون بعض؟
الجوهره بققت عيونها : لا معليش أنتم تدرون رينَاد وناصر ما يتفاهمون !
منار : لازم رينَاد تحب ناصر عشان منصور ماراح يقدر يسوي شي خصوصاً ان ناصر اكبر منه وراح يسبقه ويتزوج رينَاد !
الجوهره : لا منار ، ترانا نحب رينَاد ما نبيها تتأذى من أخوي وأساساً رينَاد لو درت راح تزعل منك!
أشواق بتفكير : طيب يعني بنأخذ مشوار نجمع راسين بالحلال !
الجوهره انقهرت : بنات خير أنا أحس غلط يمكن أنتم لا كبرتوا تندمون لان رينَاد قلبها أبيض ويمكن تنجرح أكثر مننا شدراكم ؟ أعرف رينَاد ما حبت للأن بس مستحيل نضرها بهالشكل!
منار : بنات والله أزعل منكم تكفون وافقو ؟
أشواق هزت بالايجاب : خلاص تم أنا معاك!
الجوهره : أنا ما بكون معاكم أسفه كلش ولا رينَاد!
أشواق بـ عصبيه : كليزق لهدرجه ناصر طايح من عيونك ؟ بعدين أنا أبي رينَاد تصير زوجة أخوي!
.
.
منصور يبوس خد رينَاد متهول بسم الله ههههه وهي تبتسم طول القعده وناصر يناضر له وهو يقول بقلبه الحمد الله والشكر !
رينَاد : سلامات كل شوي تفوز وتعطيني بوسه؟
منصور : شوفي إذا فزتي تعطيني بوسه طيب؟
رينَاد ضحكت وناضرت فيه بـ خُبث : تم .
منصور ضحك ويمد خده: يلا بوسه !!
رينَاد بـ خبث ضربته كف : هههههههههه .
منصور تنرفز : خير رنو ليش غش كذا ؟
ناصر : طيب انا بلعب معاكم وإذا فزت بصفق رينَاد!
رينَاد ترمش بعيونها : أتحداك!
ناصر جاء وهو يلعب وجت رينَاد تسحب منه اللعبه وهو يمسكها من يدينها يربطها وهي تصارخ ..
رينَاد بـ صراخ : مامااا !!!.
ناصر بضحك : يلا أنا الحراميي أتحداك تفكين نفسك!
رينَاد بهياط : يخسي الحرامي علي!
ناصر مكمل مربطها وراسها بحضنه وجت أم رينَاد ومنصور يفكون رينَاد منه ..
رينَاد رفسته : متخلف .
قام ناصر بيلحقها بس هربت .
↚
عند مكان بعيد كانت يدها تنزف من الدم وهي تبكي وتشاهق بقوه ما تبي تتزوجه تحس حياتها بتضيع معاه خصوصاً إن تجيها رسايل مليانه بالتهديدات!
الجَازي بـ تعب وهي تغمض وتفتح : اهخخ أحد يجي يساعدني!
راحت تركض لها : الجَازي وش سويتي بنفسك أهدي بدق على الاسعاف يجون !
الجَازي بـ ألم وهي تلقط إنفاسها : ءءء ما أبـ..ـي
كلمت الاسعاف وجو أسعفوها والدم مليانه وهم يعقمون جرحها " الجازي عمرها ٢٢ يتيمه "
ضلت تدور حول الممر وهي تبكي وتدعي ربها إن الجَازي ما يصير لها شي !
الدكتور طلع مسح عرق جنبيهه وهي توجهت له..
ترف : طمني يا دكتور هي بخير ؟
الدكتور : أي بخير بس عقمنا الجرح والحمد الله لحقتو عليها والضغط عندها نازل وخلوها ترتاح!
ترف ببكاء : شكراً دكتور طمنت قلبي .
الدكتور حزن عليها : بالسلامه .
.
.
كسر كل شي بالمكتب وهو منجن وعقله مو بمكانه كيف إمه بتزوجه هالبنت وأبوها قاتـ.ـل لاخته ، رن جواله وهو يشوف الاسم .
إمه بـ غضب : نادر العصبيه ما بتنفعك وتأكد هالبنت بتأخذها ؟.
نادر بـ جنون : ليش مصره عليها شبي أضيع حياتي معاها نسيت هي بنت مين؟؟.
إمه : اهداء لما تصير هي على ذمتك راح أعلمك ليش أنا بغيتها لك !
نادر : تعبت يا أمي والله لازم تعلميني من حقي أعرف ليش صامله لما تزوجينها لي اعرف الحقيقه!
إمه قفلت بوجهه وهي تولع الدخان : كل شي بوقته يا نادر صار الوقت تعرف إن هالبنت نصيبك!
↚
عند لمَار وعمتها .
عمتها منى : أظن أمس تربيتي وعرفتي حدودك!
لمَار بـ خُوف وبكاء : أيءء راح أسوي اللي تبينه!
عمتها منى عطتها الجوال : الوقت صار يا لمَار وتعرفين موعد البث وعندك بالكثير ساعتين!
لمَار هزت راسها : طيب أبشري .
عمتها منى طلعت وقفلت غرفتها بالمفتاح وراحت تفتح جوالها تشوف البث !
نايف كان مسوي جو ويغني والمتابعين خاقين على صوته وشاف لمَار وأرسل لها قست ..
لمَار دخلت : أهلاً .
نايف عدل جلسته : هلا والله شفيك أمس بكيتي!
لمَار أبتسمت : لا بصراحه تذكرت أهلي اللي توفو عشان كذا بكيت أسفه ..
نايف : اها يعني أنتِ يتيمه وجايه تترزقين من الشهره صح؟
لمَار تحسست من هالكلام : شدخلك؟؟
نايف إنقهر : اوهه ولا أنتِ من البنات اللي يبون شهره بعدها يبداء خبالهم!
لمَار بـ غضب : ما اسمح لك ألزم حدودك؟
والمتابعين يصورون هوشتهم وهم يتهاوشون وكانوا كثير منهم يصممون " يا بدايات المحبه "
لمَار بـ غضب : ما أبي أكثر هرج معك يالذكوري!
نايف فتح فمه : أنا تقولين عني كذا يالنسويه؟
لمَار : أي وبعدين أنت قليل أدب يلا!
نايف : أقول يالبويه متنكره إنك ولد اوه يعنني أقول انطمي مضيعه انوثتك أنتِ!
لمَار بـ غضب : أنوثتي ألقاها عندك وقفلت البث ونايف حاط يده بفمه ولمَار دخلت قست مع مشاهير ثانيين ..
.
.
عند متعّب وريمَان .
ريمَان : ولما صار الاغتـ..ـصاب جدي وخالي وعمامي كانوا رايحين يذبحون أبوي لانه دمر حياة أمي ولما أمي درت إنها حامل فيني كرهتني وانا ببطنها وحاولت كثير تنزلني بس ما كان هالشي ينجح ولما بدت تحس إن حياتها ضاعت وما بقى الا أنا قررت تخليني وكانت تنتظر موعد قدومي بس كان جدها وكلهم صاملين إن هي تنزلني!
ما كانوا يبوني بحياتهم أبداً كانوا يحسوني أنا دمرت كل شي ودمرت حياتهم بجيتي!
متعّب : كملي وش صار بعدها ؟
ريمَان : كانوا صاملين إن امي تنزلني لدرجهه هددوها وجدي كان رايح يجيب مسدس عشان يقتلني وانا ببطنها !
متعّب حضنها : صرنا بنص القصه وقلبي وجعني معقوله يا ريمَان في اشياء كثيره بخاطرك !
ريمَان : القصه باقي ما خلصت يا متعّب باقي أشياء بطلعها من قلبي وبقولها بس لك أنت؟
↚
عند ريناد وناصر .. بالماضي بعد مرور شهور بالاجازه الكبيره .
أم رينَاد : منار وين أختك ؟ عماتك بالطريق وأبوك بيستقبلهم!
منار بـ صدمه : أهل الكويت بيجون وصلوا وناسه .
أم رينَاد أستانست : يا حليلها منار مو زي رينَاد العوبا .
رينَاد وهي تكلم نفسها بالمرايه : اللي تهايط والله افرك وجها بالقاع تفهمون ؟
منار : الحمد الله والشكر يلا أمي تقولك تعالي!
رينَاد تمثل الصيحه : يارب الحيوان ولد عمتي ماجاء ما ادانيه يعع .
منار : يارب يجي ويقعد على قلبك !
رينَاد : الله الله وش هالحقد هذا كله!
منار : يلا عاد رينادوه تأخرتي لك ساعه تكلمين نفسك بالمرايه !
رينَاد تأخذ نفس : هذول عماتي بيقعدون شهر كامل اعرفهم بس اوريهم مسويات يعنني كشخه ونفسيات وشايفات نفسهم مدري على وش هذا الصدق وراحت وهي تشوف الكل جالس وسلمت عليهم ووصلت لبنات عماتها وهي تشوف كل وحده لابسه ضيق وقصير بققت عيونها وهي تقول بقلبها يعنني كشخه .
.
.
كانت اشواق تحط ميكب وهي تدور ملابس وتدعي ان سعيد يجي من الكويت مع عمتها وقلبها طنق طنق دخلت عليها الجوهره وهي تضحك ..
الجوهره : امبيه وش فيك مشتطه اوه نسيت ان حبيب القلب جاي من الكويت .
اشواق وهي تنسدح وقلبها فراشات : احبهه لو ما يجي بنجن يا جوج .
الجوهره : الله يستر يارب يجي عشان ما تكسرين الغرفه اعرفك تنهبلين .
ريناد دخلت مدرعمه عليهم : عماتي جو بس .
اشواق : بشريني عمتي جت ام سعيد ؟
ريناد : اوهه عاد بدينا اي جاء بس كلهم مع ناصر!
الجوهره : اشوا عشان ما تكسر الغرفه .
رينَاد ضحكت وهي تأشر : ولا تنسين بعد شهر بتكسر الغرفه لان سعيد القلب بيرجع لديرته الكويت .
↚
عند لمَار ونايف ..
نايف دخل قست رباعي وكانت لمَار موجوده وكانت صامته وهي تنزل راسها مالها خلق شي وهو كان يتأملها طول القست والثانيين يطقطقون .
نايف : في وحده الله يستر عليها من بداية الشهره وهي مسويه ام الردود .
لمَار رفعت راسها : وفي واحد الله يستر عليه مسوي من بداية الشهره يذب هههه .
اللي بالقست كانوا صمّت ويناضرون لبعض بمعنى شفيه ؟
نايف : عاد عناااد بقعد بالقست عشان اوريها كيف!
لمَار عدلت جلستها : وعناد ماني طالعه !
اطياف : هي هي شفيكم تتكلمون بالالغاز !
نايف ولمَار مع بعض وبـ صراخ : ههييييي اللليي بداء وبدت وكانوا يرمون على بعض من وراء الشاشه واللي معاهم ميتين من الضحك والمصممين عاجبهم جوهّم وهم مو يم شي بس يبون يعاندون بعض وكل شخص فيهم يسوي اللي يبيه .
لمَار مسكت القهوه وهي تشرب لان عمتها حطت لها حلويات وقهوه يعنني مدلعتها هههه لا هذا عشان الشهره فقط !
نايف : يعنني كشخه وهي تشرب قهوه هههههه .
لمَار : اقول عدل شماغك وتعال كلمني ههههه .
وكلهم يضحكون ونايف حس إن شخصيتها قويه وشوي وتقوم الحَرب بسبب ردودها القويه .
نايف بـ عناد شال شماغه وشعره طار وهنا لمَار فرطت من الضحك كانت ضحكتها مختلفه كأنها ضحكة وحده شايله هموم الدنيا بـ إكتافها ولا ننكر إن ضحكتها خلت نايف يبتسم بدون شعُور !
لمَار وهي تفتح جواله : شوف هذا انت ههههههه.
نايف ضحك وطلع صوره تشبهه لها : وهذي أنتِ .
وكانوا طول البث يضحكون واللي معاهم كل احد يعزز مره نايف ومره لمَار وهم يكملون طقطقه على بعض وعمتها دخلت سوت حساب فانز وصارت تشكبهم بُدون علم لمَار لاجل الفانزات تكثر!
.
.
عند نادر داهمهم بالكفيي لان الجَازي تشتغل هناك وكان يدور عليها زي المجنون !
الجَازي شافته إختبص قلبها وسحبها وصقع ظهرها بالجدار وهي تتألم .
الجَازي فتحت عيونها : شتبي أنت بحياتي ليش أنا بالذاات تبي تدمر حياتي!
نادر رص على إسنانه : أنتِ اللي دمرتي حياتي أسمعي قولي لامي إنك ما تبيني ولا والله بتعيشين معاي بالجحيم ماراح ارحمك تسمعين؟
الجازي دمعت وهي تمسح دمعتها : إذا أنت مجبور أنا بعد مجبوره روح قول لامك ترفضني!
نادر بـ جنون : أجل تحمليي اللي يصير لك دام عاجبك أنا أدري تبيني عشاني غني يالرخيـ.ـصه!
الجَازي ما تحملت وضربته كف قوي : أحترم نفسك!
نادر عطاها كف قوي : هذا عشان تعرفين كيف تتمادين علي والجايات جايه واوريك!
↚
عند رينَاد وناصر .. بالماضي .
كانوا بالحوش والبنات يلعبون وفجأه سعيد نط من فوق السطح عليهم سعيد وهو لابس طاقيه وكان يبتسم ويغمز لمنار !
منار خزته : نعم شوضعك؟
سعيد وهو يمشي : وقلبوش يا حياتي تهبلين نتفه أنت بنت خالي **وايي كيوت صغيره .
منار راحت عنه وكان هو يلاحقها يبيها تعطيه وجهه بس منار هربت داخل
كانت رينَاد داخل جالسه ولا منتبهه اللي متخبي تحت الدرج حقهم ويتأملها وحست بكائن غريب !
رينَاد : يماهه ليكون قطوه موجوده تحت وراحت تبي تشوفها .
نواف : هوبا هلا ببنت خالي الحلوه اللي مأخذه عقلي.
رينَاد بـ كتمه : الله يكتمك يا شيخ أنت تركت الكل وجاي عندي ؟
نواف : تصدقين وانا بالكويت أنتظر هاللحظه إني أجي للسعوديه وبرياض تحديداً لاجل خالي وخالتي تعرفين أحبهم مره .
رينَاد تأففت : طيب أبوي وأمي هناك مضيعهم أنت؟
نواف وهو يرفع حاجبه : اوهه مضيعهم دليني عليهم ممكن!
رينَاد : ياربي ثقيل طينه ما تنبلع أقول طس عني!
راحت ونواف يلاحقها وهو يسولف ويبربر ورينَاد وشوي تصيح وراحت لامها ونواف دخل يسلم على أم رينَاد .
نواف وعيونه على رينَاد : يا هلا باحلى خاله والله تدرين أحبك مره .
أم رينَاد : والله يازينك تهبل نورت الرياض والله .
نواف : النور نورك ونور خالي ونور قمركم .
رينَاد طلعت ونواف جاء وراها يبي يعلمها سوالف صارت معاه .
رينَاد لفت عليه : أسمع والله لو ما تنقلع أقول لبابا عنك وأنك تلاحقني يالوصخ !
نواف أنخرع : لا تكفين الا خالي لا تعلمينه والله ريناد تدرين خالي يجلدني تكفين لا .
رينَاد : أجل روح عن وجهي ولا تجي ان شفتك صوبي والله ما يردني عنك الا ابوي!
نواف راح يقعد مع اخته وبنت خاله وهو يسولف ويقول بنفسه : ليكون رينَاد بينها وبين منصور شي !
بعد ما الكل شافوا بعض وصار وقت النُوم
.
.
منار كانت معرقه صحت مفجوعه من الحلم قامت رينَاد وهي تشربها المويا ..
منار بـ خوف : يعني حنا باقي صغار؟
رينَاد بـ إستغراب : شفيك منار شكلك شفتي حلم!
منار : رينَاد أنا حلمت فيك وبـ ناصر ونواف كان الحلم شوي يخرع !
رينَاد : بسم الله عليك قولي وش ؟
منار : الحلم كان إن أنتِ وناصر تحبون بعض وكان نواف يقنع عمتي فيك واجبروك على نواف وناصر كان ماسك مسدس ويبي يقتلك ويقتل نواف كان الحلم يخرع !.
رينَاد : بسم الله علي منهم هالقرود اشوا انه حلم!
منار : مدري ليش الحلم وراه شي وراه تفسير!
رينَاد : اقول ارقدي يا بزر ورانا قومه بكرا وعزيمه!
منار حطت راسها بالمخده معقوله حُب ريناد وناصر راح يكون وراه شي ؟
↚
عند لمَار ونايف ..
لمَار طلعت من الحمام الله يكرمكم وحطت كريم بوجها وخذت المرطب ترطب شفايفها وطبطبت عليهم ونشفت شعرها بشويش وخلته مفتوح وخذت جوالها ولقت إضافه بالسناب من "نايف"
فز قلبها وفتحت فمها مو عارفه شتسوي ترددت
لمَار بينها وبين نفسها : وش هالمهوس هذا !!
تركت جوالها دخلت تسوي قهوه وفتحت الثلاجه وحطت الحلا عشان تبي تقراء " روايتها المفضله "
شافت روايه أسرت قلبها وحست إن هالبنت ودها تتعرف عليها أكثر ، وكان مكتوب بالفيد " ما ادري ليش لمَار الوحيده بين المشهورات كلهم لها قبول عندي بشكل مو طبيعي مدري ليش حسيت هي نصفي الثاني بالقصه ، أول مره تلفت نظري مشهوره وأحسها تؤامي اللي مضيعتها "
لمَار أبتسمت بـ فرحه حست إن شخص ما ما تعرف أي شي عنها حست فيها وكأنها حاسه إن حياتها مو حياتها جت تبي تشوف منو البنت اللي كتبتها بس الفيد ضاع وراحت دخلت على اللايكات وما لقته لان من ابتسامتها نست تحط لايك او كومنت .
.
.
عند الجَازي وخالها ..
الجَازي سوت القهوه والشاهي وحطته وهو يتابع مبارات وجلست جنبه .
خالها يوسف : جهزي نفسك ملكتك الاسبوع الجاي وبكرا نروح تسوين فحص !
الجَازي توترت : خالي طيب ما يمدي تأجل بعد اسبوعين!
خالها يوسف بـ غضب : الحرمه مالها أي كلمه من بعد وليي أمرها ، ودامني أنا أتفقت مع نادر مالك كلمه تفهمين!
الجَازي بـ خُوف : الله يأخذه شيبي فيني وش معنى انا يا خالي!!!
خالها يوسف بـ عصبيه : لا تدعين هذا بيصير زوجك وابو عيالك بالمستقبل!
الجَازي بينها وبين نفسها : وأنت يا خالي يوسف من عرفتك بس جالس وتتابع مبارات وأشياء سخيفه لا حياه ولا شي والله غريب خالي هذا ..
الجَازي : أنا بروح أرقد تبي شي ؟
خالها يوسف : تعالي تعالي كم طلعتي من راتبك!
الجَازي عطته : تفضل هذا الراتب .
خالها يوسف وهو يشم الفلوس : تدرين هذا اغلى منك على فكره !
الجَازي بتساؤل : طيب خالي ليش ما تشتغل وتطلع فلوس وتساعد نفسك !
خالها يوسف حمرت عيونه وطاحت الكاسه منه وانهبل عليها وبـ صراخ : لااااا عااادد اشوفك تطرينننن هالشييي قداميييي مااالككك دخخخلل!!
↚
عند متعّب وريمَان كانوا يلعبون بالملاهي ..
ريمَان تأشر على لعبه : يلا نلعبها ؟
متعّب : اسمعي إذا صرختي أنتِ خسرانه وإذا مسكتي نفسك بتفوزين علي طيب !
ريمَان ضحكت : يلا تم
وراحوا ركبوا اللعبه اللي تدور عليهم وريمَان بالبدايه تهايط وتوري متعّب إنها قويه لما بدت اللعبه تتحرك جت بحضن متعّب وصارت اللعبه أسرع وصارت تصرخ ومتعّب يضحك وهي بحضنه وتصارخ وشعرها يتطاير بالسماء ومتعّب ماسكها وهي بحضنه ..
ريمَان : أمانه خلاص خله يوقف ياويليي دخت!
متعّب : وين اللي تهايط هاه ؟
ريمَان : والله كنت استهبل .
وتوقفت اللعبه وريمَان كانت يلا يلا تمشي ومتعّب ماسكها ويساعدها فجأه رجعت وإغماء عليها ومتعّب شالها وراح يوديها للمستشفى من خوفه عليها ووجها أصفر عندها فوبيا من هاللعبه.
.
.
عند أم نادر وحارسها ..
الحارس الشخصي : يا سيدتي أنتِ كلما هذا تتعبين لازم ولدك نادر يعرف بهذا الشي ؟
أم نادر تكح : لا والله ما يصير لك طيب لو درا نادر عني أنا ما أبي أفجعه أو أخرب فرحته أبي أشوفه متزوج وأبي من يتم عرسه أقوله الحقيقه اللي هو مايعرفها !
الحارس الشخصي : يوسف ال** قال الملكه تتم بعد أسبوع بإذن الله .
أم نادر : أتمنى تتم بأسرع وقت عشان نادر من يعرف الحقيقه يمكن يتقبل الجَازي!
الحارس الشخصي : إن شاء الله يا ام نادر .
ام نادر التعب كلما هذا يتعبها أسواء من كذا وهي تعرف الحقيقه الكامله وودها يتم الزواج ثم تقول لنادر الحقيقيه الكامله ، ناضرت لصورة نادر وبدت تبكي وهي تقوله صار الوقت تعرف ان هذا رزقك من الحياه ونصيبك يا ولدي بيجيك قريب وبتفهم علي بعدين وماراح تلومني لاني أبي مصلحتك .
