رواية زاهية الشامة على الخد اليمين الفصل الخامس 5 بقلم جمان بنت عبدالله
رواية زاهية الشامة على الخد اليمين pdf الفصل الخامس 5 هى رواية من اجمل الروايات الرومانسية السعودية رواية زاهية الشامة على الخد اليمين pdf الفصل الخامس 5 صدر لاول مرة على موقع التواصل الاجتماعى فيسبوك رواية زاهية الشامة على الخد اليمين الفصل الخامس 5 حقق تفاعل كبير على الفيسبوك لذلك سنعرض لكم رواية زاهية الشامة على الخد اليمين الفصل الخامس 5
رواية زاهية الشامة على الخد اليمين الخامس 5 بقلم مجهول
نزلوا البنات و ناظرت مشاعل بنتها حركت يدينها : احسك متضايقه
اشرت شريفه على قلبها : قلبي يعورني
ام تركي تنهدت : مبسوطه لك والله
وقفت شريفه تحضن امها و ابتعدت : نادي لي شموخ تجلس معي راحت نزلت و خلتني
اكتفت بهز راسها امها و طلعت مشت شريفه و جلست على الكنب بضيق دقايق تفصلها عن عقد قرانها مع خالد
عند العيال كانوا يتضبطون و دخل خالد شماغه بيده ناظرهم واقفين عند المغاسل مشى لهم و سلم ردوا عليه السلام و نطق نواف : عريسنا خذا زينه البنات
عبدالعزيز و هو يعدل شماغه : اي والله اخذ امنا الثانيه
سعود استوعب : لحظه يا عيال محد راح يسخن لنا المويه الحاره للوضوء ولا احد راح يسوي قهوه الفجر
مشعل : ولا كلمه لا تخليني ابكي
ناظر تركي خالد : اللي صار صار خلاص ربي كاتب لكم تصيرون لبعض و تذكر ان اختي مالها ذنب باللي صار
خالد و هو يضبط شماغه : لا والله عارف ان مالها ذنب ولا ذنبها اللي صار ولا ذنبي اختك بتكون بالحفظ و الصون من الليله اللي راح ينعقد فيها اسمي بأسمها
ربت نواف على كتف خالد : ذا العشم يا ولد العم
دخل جابر و معه الشيخ ناظر العيال و اخوه ابتسم بخفه : ادخلوا يلا
دخلوا للمجلس و بصدر المجلس جلس الشيخ و جنبه خالد و ابو تركي اللي كان عاقد حواجبه و بس يبي يستر على بنته بأي طريقه اما ابو جابر ف كان يناظر خالد بحده بدا الشيخ يقول خطبه العقد و بعدها قال لأبو تركي : قل زوجتك ابنتي و اسمها
ابو تركي : زوجتك ابنتي
كشر من طاريها و كمل : شريفه
خالد اللي عرف من اللحظه ذي خلاص ما عنده الا خيارين يا انه يقبل فيها طول عمره و قلبه معلق باللي شافها ترقص او يطلقها و بعد فتره و يتزوج ذيك اللي حتى ما يعرف اسمها نطق بضيق : قبلت هذا الزواج
الشيخ : الله يبارك لكم
وقع خالد و صوره فارس وقف خالد و تقدم يقبل راس عمه و بعدها توجه لأبوه يقبل راسه نطق ابو تركي لنواف : قم خل اختك توقع و تخلصنا
اخذ نواف الكتاب و هو مبسوط و فرحان لأخته طق باب البيت و سمعته خلود وقفت ورا الباب : مين
نواف : اختي لو ما عليك امر شوفي لنا طريق بدخل لعند شريفه
دخلت خلود غرفه شريفه : شروف تعالي انزلي وقعي
وقفت شريفه بتوتر ناظرتها شموخ : وش قلت لك هدي
اكتفت بهز راسها و نزلت مع البنات دخلوا خلود و شموخ عند الحريم و توجهت للباب فتحت نصه و نطق نواف : شروف تعالي مافي احد
طلعت و سكرت الباب ناظرها نواف و ابتسم : وش ذا الزين و الحلا
ابتسمت بضيق له رفع الكتاب: نبي توقيع القمر يعني ولا راح تتغلين عليها و ما توقعين
ضحكت بخفه و اخذت القلم : اذا تغليت بكرا راح يصير اول ليله عزاء لي
نواف : اسم الله عليك
شريفه : وين اوقع
↚
اشر نواف و وقعت شريفه و من اللحظه ذي صارت حلال له خلاص قبل راسها نواف : مبروك يا اختي
اكتفت بهز راسها و دخلت داخل لعند الحريم و بدات تسلم سلمت على ساره اللي نطقت : مبروك و حياك اللي بيننا
ابتسمت بخفه شريفه و سلمت على مريم اللي كانت مو طايقه شريفه بس تمثل الحب لها قدام الناس و نطقت : الله يهنيكم تعالي نلبسك دبلتك و الشبكه
مشت شريفه لعند الكورنر و اخذت مريم الدبله و لبست شريفه و هي من داخلها ما تبيها لولدها زغرطوا الامهات و تمنت مشاعل انها تقدر تزغرط لبنتها و بعدها لبستها الشبكه ابتسمت شريفه بخفه تحاول ما تبين ضيقها و جلست و شبكت يدينها ببعض و بدوا البنات يرقصون و كانت فرحتهم كبيره لأخوهم لانه اخذ شريفه اللي كانت اخت لهم ناظرت نور و وقفت تجلس جنبها : شلونك
نور : الحمدلله
شريفه ابتسمت : تراه بيكلم ابوي علشانك
ناظرتها نور : صدق
هزت راسها بالموافقه شريفه : صدق يحبك ان شاءالله نهايه حبكم زواج و تعيشون بنفس البيت
ابتسمت نور : ان شاء الله يا رب
وقفت نور و بدات ترقص مع البنات قربت من شريفه رغد و همست : مبسوطه انك اخذتيه
ناظرتها شريفه و كملت رغد : صدقيني شهر واحد ما راح تجلسين عنده فوق ما انك مسويه مع العيبه مبسوطه
ناظرتها شريفه بصدمه : ما سويت العيبه ولا تطلع مني
ضحكت بخفه رغد و وقفت تترك شريفه متضايقه من كلامها و من اللي صار لها و الخوف ساكنها بخصوص حياتها الجايه بعد فتره الكل توجه لبيته صعدت شريفه لغرفتها جلست على كرسي التسريحه و ناظرت دبلتها الذهب بضيق تنهدت : يارب انت اعلم باللي في قلبي و انت اعلم باللي صار
التفتت للباب اللي انطق : تعال
دخلوا اخوانها و وقفت ناظروها و ابتسموا زغرط سعود ناظروه العيال و شريفه و ضحكوا نزل يده : انتظر عرسك علشان ازغرط لك بعد
ضحكت بخفه و تقدمت تحضنه : يا قلبي والله
ابتعدت عنه و ناظرها عبدالعزيز كيف واضحه عليها الضيقه مسك يدها : شروف
ناظرته و كمل : انبسطي راح تطلعين من البيت
شريفه بضيق : انبسط و انا راح اتزوج بالطريقه ذي
مشعل : اهم شي انك انتي عارفه و ربي عارف و حنا عارفين انك ما سويتي الغلط
نزلت دمعتها : بس حتى بنات عمي عرفوا بالقصه
تنهد نواف و تقدم يمسح دمعتها : لان كل عيال عمي عرفوا و فضحكم بالمجلس عند عمي
ناظرته بصدمه و حطت يدها على فمها : كيف يفضحني قدامهم كذا
حضنها نواف على جنب : لا تخافين كلهم عارفين ان ما طلع الغلط لا منك ولا منه امسحي دموعك بكلمك بموضوع.......
↚
ابتعدت عنه و مسحت دموعها طلع كرت البنك من محفظته نواف : مهرك هنا عطاني ياه خالد لان ابوك قايل لعمي مانبي مهر بس هو اصر يعطيك يقول ذا حقك
عبدالعزيز : شريفه خالد سيف مجرب فالمواجع و راعي حميه راح يصونك و يحفظك
نواف : و بعد فتره اذا ما تبينه نطلقك منه والله
اكتفت بهز راسها و نطق نواف : كلمت ابوي ننزل للمدينه نروح نجهز لزواجك
ناظرتهم و نطق سعود و هو مبتسم: وافق
مشعل : غيري لبسك علشان تروحين مع سعود و نواف
شريفه ناظرت مشعل و عبدالعزيز : تعالوا معنا
عبدالعزيز: ما احب خطوط الليل
مشعل : و انا بكرا دوري عند الحلال بنام
اكتفت بهز راسها طلعوا عبدالعزيز و مشعل و نطق سعود : بسوي القهوه و اجهز عده الخط انتي تجهزي
طلع سعود و ناظرها نواف : تعرفين رغم اللي صار الا اني مبسوط و فرحان لك
شريفه : بس قلبي مو مبسوط قلبي مكسور
مسك يدها نواف : شريفه يا بعد حيي و ميتي انتي هدي و لا تفكرين كثير بالموضوع علشانك انتي عارفه انك مريضه قلب صح ولا لا
هزت راسها و كمل : يلا انا منتظرك تحت و جيبي كل شي تحتاجينه لان اذا مسكر المول نروح بكرا الصباح و ناخذ لنا غرفه بالفندق ننام
شريفه : طيب
ترك يدها نواف و طلع ناظرت شكلها بالمنظره و جلست تفصخ شبكتها و تمسح مكياجها
طلع نواف بعد ما اخذ مفتاح سياره تركي و ركب السياره ناظره خالد اللي كان ايضاً منتظر خواته و نزل خالد من سيارته و مشى لنواف ناظره نواف و فتح شباك السياره و نطق نواف : نازل المدينه
خالد تكتف : اي والله نازل مع خواتي يجهزون للعرس
نواف : امش معنا كلنا جميع بنروح انا و شريفه و سعود
خالد : لا وين
نواف : اقول لك امش معنا كلنا نازلين و السياره كبيره تكفي الكل
خالد : مالي خلق لشيبتين
نواف : لا تقول و محد راح يعرف يلا عاد وش منت غريب زوج اختي و خواتك خواتنا و بنات عمنا بعد
خالد : مو عن عادي و خواتكم اي والله بس يلا خلاص اسكر السياره و ابلغ البنات و اجيك
طلع سعود و جنبه شريفه ناظر سعود خالد و ضحك : ها جاي تشوفها
اخذت شريفه من يده سله القهوه و دخلت السياره بقوه ضحك نواف : بس عاد ، بينزل للمدينه قلت يجي معنا
ابتسم سعود و ناظر شريفه من الشباك : اي خله يجي زوج اختي ذا مو غريب
تضايقت شريفه من الكلمه و ناظر خالد خواته : بجيبهم و اجيكم
تركهم خالد و ناظرت سعود : انا اكرهك زين
ضحك سعود : ليش وش سويت لك
شريفه تكتفت : كذا لا تقول زوجك تضايقني
نواف : خلاص ما راح يقول بس انزلي علشان خالد يركب قدام و انتي ورا مع البنات
↚
تأففت شريفه و فتحت الباب و كان خالد واقف عند الباب ناظرته و سكرت الباب بقوه و ناظرت البنات و ابتسمت ركب خالد و سعود ركب ورا نواف و جنبه شريفه و شموخ و ورا باقي البنات و حركوا و نطق نواف : حطوا لنا شي نسمعه
فتح خالد جواله : يلا وش تبي تسمع
نواف و هو يسوق : شروف حطي لنا على ذوقك شي نسمعه
التفت لها خالد : وش تسمعين
ناظرت عيونه اللي ما كانت واضحه حيل بسبب الظلمه و حطت راسها على كتف سعود اللي نطق : يكلمك وش تبين تسمعين
شريفه بغصه : معرف
اخذ يدها سعود و بدا يمسح عليها و نطقت الهنوف بصوت هادي : احط انا
خالد عطاها الجوال : اي حطوا شفيكم ساكتين تراهم مو غريبين اخوانكم و عيال عمكم
الهنوف : وش تبون تسمعون
ضحك سعود بخفه : يا اختي معطينك علشان تحطين و تسألينا
ضحكوا و ضحكت و نطقت اصايل : تسمعون راشد الماجد
الهنوف بدات تكتب الاغنيه : اي اي راشد نحط اغنيتنا
خالد : اغنيتكم
شموخ بحماس: اي ذي دايم نغنيها
عقد حواجبه نواف حس انه يعرف الصوت و من داخل : خبل نواف كيف تحس انك سمعته و انت ما عمرك سمعت صوت بنت مو محرم لك غير صوت نور
حاول يتناسى الموضوع و حطت الهنوف الاغنيه و نطقت لخالد بهمس : بنغني
ضحك خالد : غنوا غنوا يا اختي
بدوا البنات يغنون بحماس مع الاغنيه و دخلت معهم شريفه :
ما صار مني خطأ غير العطا و التضحيه ما صار
جبار حبك ياهالزمن ماتنضمن فيك البشر جبار
ويلاه
دخل معهم سعود و بدا يرقص و يغني ناظروا بعض خالد و نواف و ضحكوا و بعد مده نطقت شريفه : يلا اللي يبي قهوه يقول و اللي يبي شاي يقول
نواف و هو يسوق : قهوه ابي شي يصحصحني
صبت لنواف : دوك ( اخذ )
ناظر نواف خالد : اخذ منها ما اقدر الف و اخذ
اخذ خالد منها الفنجال بدون لا يلامس يدها و ناظرت البنات : قهوه
وصايف : لا ما ابي اكثر قهوه بعدين ما راح انام
الهنوف : انا شاي ، خالد تبي شاي
خالد : اذا بوه ( فيه ) اي
صبت شريفه للهنوف و اعطتها صبت لخالد و ناظرته من نطق : اترسي البياله
نست انها جالسه تصب و حست بحراره الشاي على يدها من امتلت البياله طاحت من يدها البياله و ناظرها سعود : حرقتي يدك
نواف ناظرها من المنظره : صار لك شي
شريفه بألم : بس يدي ، نواف احس بألم
وقف السياره على جنب نواف : انزلي اغسل يدك
نزلت و نزل معها سعود اخذ نواف المويه البارده و بدا يغسل يدها همست الهنوف لخالد : روح شوفها
خالد : اخوانها عندها
الهنوف بهمس : روح عيب و اخذ منديل معك
خالد تأفف و نزل من السياره و معه منديل : سلامات
نواف و هو يغسل يد شريفه : بسيطه بسيطه ان شاءالله
اخذ نواف من خالد المنديل و بدا ينشف يد شريفه : تعورك
هزت راسها بالنفي : لا احسن
↚
قبل يدها نواف : الحمدلله انتبهي لنفسك
حاوط كتفها سعود و مشى معها يركبون السياره ركبوا و كمل يسوق نواف و بعد فتره وصلوا المول نزلوا كانوا البنات يمشون و العيال وراهم اشرت شريفه : تبون ناخذ ماتشا
شموخ : اي الصدق ودي اجربها من مدحك
ناظرت نواف و اشرت : نبي قهوه
نواف : يلا امشوا
مشوا لعند الكافيه و نطق الموظف : اهلا وسهلا وش حابين تطلبون
ناظرت شريفه البنات : ها ماتشا
البنات : ماتشا
بدات تعطي الموظف طلباتهم و ناظرت نواف : وش تبي
نواف : قهوه سوده بارده
ابتسمت شريفه و ناظرت الموظف : واحد v60
ناظرت خالد و طنشته و ناظرت سعود : سبانش صح
ضحك سعود : صح
شريفه كملت للموظف : و واحد سبانش
الموظف : شي ثاني
شريفه : لا بس
ناظرت نواف و كملت : ادفع
ابتسم : حاضر على ذا الخشم
طلع الكرت نواف و دفع و تقدموا يجلسون جلست شريفه جنب اخوانها و جلسوا البنات قدامهم و كان خالد واقف يطلب له و نطق سعود و هو يهمس لها : نسيتيه
هزت شريفه راسها بالنفي : نسيته منو هو علشان ما انساه
سعود تنهد و نطقت اصايل و هي تأشر على نواف : انت نواف صح
هز راسه نواف و هو يشتت انظاره و كملت اصايل : اتذكركم
الهنوف : انا ما اتذكر الصراحه
اشرت شريفه على نواف : ذا نواف ثاني اكبر واحد
كملت و هي تأشر على سعود : و ذا
قاطعتها الهنوف: سعود صح او سعد شي كذا شفت الفيديو حقك بالاكسبلور
ضربته بخفه على زنده شريفه: والله صدق انشهرت يا سعود
سعود بغرور : شفتي اخوك مو قليل بكرا تلقيني الناس تلحقني تصور معي
ضحكوا البنات و حط خالد الصينيه على الطاوله : وش نكته جديده
اشر نواف بتقزز : ذا اللي تشربينه بالبيت
شريفه : اي
جلس خالد : ابك ذا سدر مهو عصير
شموخ اخذت الماتشا : مين قال عصير ذا شاي اخضر مطحون
فتحت العود و حطت بالمشروب شريفه : بنات رايكم عاد مره احبها حقتهم
شرب سعود من القهوه و ناظر خالد : ماشاءالله والله ما حسبت عمي عنده بنات كثار
ضحك خالد : لا بعد في وحده
سعود : ماشاءالله ماشاءالله
اصايل : شروف الماتشا ذي خيال
سعود ناظر شريفه : اخس يدلعونك حركات
ابتسمت شريفه من تحت النقاب كملوا يتقهوون و بعدها مشوا اشرت اصايل : محل الفساتين
حست شريفه فعلاً ان الامر صار حقيقي دخلت المحل مع البنات و بدات تختار اشرت شموخ : ذا حلو و ناعم شرايك
ناظرت الفستان و مسكته بضيق : بنادي اخواني
تركت الفستان و طلعت لأخوانها اللي كانوا واقفين برا المحل : نواف تعال انت و سعود شوي
التفت لها نواف : جايك
مشى معها نواف و سعود و نطقت : باخذ رايكم بالفستان........
