رواية لو انك غربه مالي الا في ضياعك الظالم الفصل الخامس 5 بقلم العنود العنزي
رواية لو انك غربه مالي الا في ضياعك الظالم pdf الفصل الخامس 5 هى رواية من اجمل الروايات الرومانسية السعودية رواية لو انك غربه مالي الا في ضياعك الظالم pdf الفصل الخامس 5 صدر لاول مرة على موقع التواصل الاجتماعى فيسبوك رواية لو انك غربه مالي الا في ضياعك الظالم الفصل الخامس 5 حقق تفاعل كبير على الفيسبوك لذلك سنعرض لكم رواية لو انك غربه مالي الا في ضياعك الظالم الفصل الخامس 5.
رواية لو انك غربه مالي الا في ضياعك الظالم الفصل الخامس 5 بقلم العنود العنزي.
عند رينَاد وناصر بالعزيمه .. بالماضي .
ام نواف : ماشاء الله بنات أخوي كبرنات عن أول!
ام رينَاد خافت على بناتها من العين : اي ..
رينَاد جت توزع الحلا والقهوه وكل وحده توزع اللي عليها ولاكن بنات عماتهم يتنافسون!
ام نواف : رينَاد روحي نادي ولاء تأخرت .
رينَاد : طيب عمه بروح لها .
ولاء كانت تحط ميكب ولبست فستان مفتوح من الظهر وقصير وكانت تسوي شعرها دخلت رينَاد وهي وشهقت!
رينَاد : شدعوه ولاء كل هذا ميكب!
ولاء بـ غرور : تدرين جمان جت من الكويت وجابت أنواع الفساتين ولازم أنافسها وأوريها إني أجمل منها بكثير!
رينَاد : اشوا إني انا واشواق قلوبنا على بعض مو زيكم وربي غريبات بنات خالات وكذا وضعكم!
ولاء ناضرت لها من فوق ولتحت : لابسه جينز وبلوزه ورابطه شعرك فوق وحاطه ميكب خفيف لا معليش تشوفين هذا كشخه؟
رينَاد : بس ماما تقول ان لبسي كذا حلو وحنا بالعزايم كذا !
ولاء : لا يا عيوني لازم تلبسين أشياء احلى بعدين خالي مو يحبج " كويتيه تتكلم كويتي " .
رينَاد : شدخل ابوي مو مقصر معاي ترا !
ولاء : خلي عنج تبين اعطيج فستان بتجيبين راس العيال كلهم ولا اقول ما شاء الله عليج جايبه راس اخوي نواف ههههههههه .
رينَاد : انا بروح واذا خلصتي تعالي امك تبيك!
ولاء : طيب خلاص فهمنا روحي .
.
.
اشواق وهي تشوف الغرفه مليانه ميكب واغراض وكانت جمان قاعده تتميكج وتختار فستان!
اشواق : والله غرفتي صارت حوسه وتراها عزيمه عاديه ماله داعي هذا كله!
جمان وهي تحط روج : متى تفهمين يا اشواق انتِ اذا تبين الثور سعيد شفيج ما تتكخشين!
اشواق : بس سعيد يحبني كذا .
جمان : اقول قومي تكشخي وخليج احلى من رينَاد ترا انا بكشخ ما ابي ولاء تصير احلى مني وتعقب أصلاً .
أشواق : بس شدخلنا انا وريناد فيكم؟
جمان بـ عصبيه : شفيك يا هبله ترا اوكيه بنت عمج وبنت خالتج بس لازم تنافسينها احب جو العزايم والمنافسات مع بنات خالاتي واليوم بوريج ان العيال بيخقون علي اكثر من ولاء .
اشواق قعدت وهي تشوفها تتكشخ ومصدومه من كلامها وصار يتردد بإذنها اكشخي ما تبين الثور سعيد يشوفج وخذت الروج بدت تحط منه عشان فعلاً تخقق سعيد ما تدري ان هالشي بيخلي ناصر بيلعن شكلها عليه ..
↚
عند نادر والجَازي ..
دخلت من الباب الخلفي وهي تمشي كم خطوه ودقات قلبها تزادد أكثر خايفه أحد يمسكها وفتحت الباب بـ شويش على مكتب " نادر " الخاص وردته
بـ شويش وحطت يدها بـ قلبها خوفاً أحد يشوفها
تقدمت وهي تدور بين الملفات ويدينها ترجف وعيونها على الملفات وصارت تدور اخذت وقت تدور ولقت ملف مكتوب عليه *** خذته وهي تحطه بالشنطه حقتها وجت بتفك الباب ولاكن انفتح وجت وراء الباب وهي تشوفه يدخل ويقفل الباب وهو يكلم بالهاتف ولا يشوفها راحت بشويش وهي تدخل بالدولاب وصارت تقفل فمها وهي تشوف الباب مقفول غمضت عيونها بـ خوف بينما هو كان يكلم ولا يم شي قفل المكالمه وجلس بمكانه وهو يدور الملف المهُم ..
نادر : هذا وينه انا متأكد حطيته هنا قاطعه رنين هاتفه .
متعّب : السلام عليكم .
نادر : وعليكم السلام يا هلا بالقاطع !
متعّب ضحك : والله أشغال شخبارك أنت ؟
نادر : والله مو بخير يا متعّب محتاج وقفتك معاي.
متعّب : بسم الله عليك شفيك !
نادر : الوالده بتزوجني يا متعّب غصبن عني من وحده ما أبيها مو قادر أتقبل هالفكره!
متعّب : إن تكرهوا شيئاً وهو خيراً لكُم ، يمكن خيره!
نادر : يرحم والديك مو وقت النصايح انا جد مو متقبل هالشي واحس اكره هالانسانه!
متعّب : انا بعدين اتفاهم معاك يلا باي .
نادر : الله معاك .
طلع من المكتب وهو مكتُوم ونسى أمر الملف طلعت من الدولاب وهي تأخذ نفس وراحت وهي ترجي على الباب الخلفي وطلعت وهي تحمد ربها إنها ما انمسكت .
.
.
عند متعّب وريمَان ..
ريمَان : شفيك متضايق وقاعد لحالك !
متعّب بـ ضيق : قربنا يا ريمَان تقولين القصه وتنتهي الرحله بيننا وكل مننا بيشوف طريقه مننا .
ريمَان دمعت : أنا أدري هالايام أنت ما تبيني أقول شي وأنا بحترم رغبتك وماراح أضغط عليك وأبيك تعرف إن هذا حال الدنيا وكل منا بيشوف حياته .
متعّب بينه وبين نفسه : ليتني أقوى على فراقك يا ريمَان أنا أتمنى تسامحيني كنت مأخذ فكره غلط عنك كنت أحسبك بنت راعي المحْدرات اهخخ وكنن أحسبك حراميه بالشوارع وكنت أبي أربيك ماحسبت وراك قصه تكسر ظهر أي شخص سمعه!
ريمَان صارت تتأمله وهو يفكر وبلعت غصتها معقوله تعلقت فيه كذا لا هذا مو حُب أكيد هي تعلقت فيه لان هو الوحيد اللي أحتواها بين الكل!
↚
عند لمَار ونايف بالسناب ..
نايف : أخيراً رديتي الاضافه!
لمَار : لا يجي ببالك إني قبلتك عشاني ميته عليك لا بس أبي أعرف وش تبي عشان ضفتني!
نايف : أسمعيي ضفتك عشان البثوث ونتفق عليها .
لمَار : أنا كيفي أدخل أي وقت واذا ببث راح أبث بدونك او بوجودك!
نايف : شدعوه عصبتي ترا قلت كذا عشان نسوي جو للمتابعين وعشان جوك عجبني بالبث وأنا احب الاجواء الضحك وسعة البال .
لمَار : مو عشان ضحكتك بالبث تقوم تحسبني مهرج عندك ترا كنت محتاجه اضحك عشان انا ابي كذا !
نايف : وانا بعد محتاج اضحك واوسع صدري شفيك علي انتِ !
لمَار طلعت من المحادثه وهي تحس بشي غريب بداخلها تحس كيف حياتها كذا تغيرت وصارت تفتح بثوث فتحت المقطع اللي كان مكتوب وودها تعرف مين هذي البنت اللي كتبتها بعد وقت قررت تدخل على محادثة نايف .
لمَار : نايف ممكن أسألك شي ؟
نايف : أي عادي اسألي ترا ما احب المُقدمات أسألي على طول كذا أتوتر !
لمَار : كيف أعرف منو اللي كتبت لي بالمقطع لان الفيد ما جاء كامل واليوزر مو واضح !
نايف : بسيطه نسوي اليوم بث وراح تتكلمين وهي راح تكون بالبث اللي كتبته .
لمَار : كيف اللي يدخلون بثي واجد ترا !!
نايف : راح نجرب هالطريقه ونشوف .
لمَار بـ تفكير : طيب .
.
.
كانت جالسه وهي تشوف المقطع اللي تنتظر مشهورتها تشوفه وكانت واقفه وهي تشوف صور مشهورتها " لمَار " وفجأه ولو أول مره تبكي عشان مشهوره تمنت تكون بمكان اللي حولها حست إن لمَار جزء من روحها وصارت تدمع وتبكي وودها تطلع اللي بقلبها لربها ولـ مشهورتها قفلت جوالها وهي تفتح الشباك وتتأمل الهواء وثم قفلته
ينشبون لك كل الفئات الا اللي تحبهم ؟؟
ليش كذا والله احس اني صرت اغار كذا !
.
.
بالمَاضي ..
أشواق : كيف طالعه؟
جمان : طالعه شقق يلا نمشي لهم ؟
أشواق : قدام .
نزلوا مع بعض وهم يشوفون العزيمه كبيره وسلموا قعدو وكانوا جمان و ولاء يناضرون لبعض بحقد!
جمان : قطيعه شوفيها وش لابسه تحسب ان بتطلع باللبس هذا اوهه يعع .
أشواق تبتسم بـ تسليك : أي .
ولاء قربت من ريناد : يعع شوفيها تبي تغطي جكرها عشان كذا ماليه الميكب بوجها الجيكره .
رينَاد صدعت منها : طيب ولاء خلاص عيب !
ولاء : يعع شوفي كشخت أشواق أكيد قالت لها عشان رينَاد بتطلع احلى مني اي يدرون ان بنت خالي تجنن مو زيهم .
رينَاد لفت بـ صدمه : أشواق !!
↚
عند الماضي ..رينَاد وناصر..
رينَاد لفت بـ صدمه : أشواق !!
أشواق خافت : رنو ..
رينَاد سحبتها من يدها : وش هذا انهبلتي!
أشواق : رينَاد عادي بعدين رنو أنتِ دايم معاي بكل شي هالمره بعد صيري معاي!
رينَاد : طيب وش بتقولين لاخوك لو شافك!
أشواق بـ خُوف : بس أنتِ معاي تكفين رينَاد هالمره وقفي معاي .
رينَاد هزت بالايجاب : طيب بس وش سبب هالكشخه أعرفك ما تسوين الشي الا اذا في شي!
أشواق : بشوف سعيد تساعديني ؟
رينَاد : تم بس ما نطول طيب ؟
أشواق : يلا مشينا
وراحوا ورينَاد ماسكه أشواق وسعيد يناضر فيهم ومتخرفن مع أشواق وطاح ورينَاد ما مسكت نفسها وضحكت بقوه وأشواق استحت وسحبتها ودخلوا داخل .
رينَاد : ياربي يضحك مرينا من عنده وطاح من الدرج .
أشواق : يماهه حبيبي بشوفه .
رينَاد مسكت يدها : وين وين يا حلوه أسمعي!
أشواق : وش ؟
رينَاد تناضر يمين ويسار : العيال بالدور الثاني بروح اقفل عليهم عشان نروح للمجلس اللي تحت ونأخذ البنات نرقص هناك تم؟
أشواق : يماهه لا رينَاد وربي ناصر يذبحنا .
رينَاد : معليك خليه علي .
وراحوا ورينَاد قفت الدور الثاني عليهم وانحشروا داخل وراحوا يقولون للبنات ان العيال راحوا وقاموا يركضون للمجلس وولعوا اغاني وصاروا يرقصون ومستانسات بالمره ..
ناصر شاف الباب متقفل ودق على أمه عشان تجيب المفتاح الثاني وتفتح لهم وفعلاً انفتح الباب وطلعوا وناصر معصب وراح للمجلس وشاف البنات فيه .
البنات كلهم راحوا وراء رينَاد وهم يرجفون أي نعم لان ناصر عصبي حيل وعادي عنده يمسكهم وحده وحده ويجلدها وهم كلهم وراء رينَاد .
والعيال يناضرون فيهم بـ صدمه .
ناصر مسك العقال : الله وجايات بالمجلس بعد ؟
رينَاد وقفت بوجهه : أي حنا عبالنا أنتم برا وجينا ننبسط وش فيها يعني !
ناصر ضحك بـ أستفزاز : ما شاء الله الباب تقفل بنفسه ولا حضرتك قفلتيه أنا متأكده أنتِ وراء هالشي يا رينَاد !
رينَاد من داخلها خايفه : بس ما عندك دليل إن أنا وراء هالشي أثبت هالشي وتعال تكلم!
ناصر : راح اثبت لما اجلدك بالعقال واخليك تعترفين طرق عن خشمك!
البنات كلهم يرجفون وهم يبكون وريناد مو مهتمه!
رينَاد : مشكلتك معاي مو مع البنات!
ناصر : لا اجلدهم معاك عشان اقهرك اكثر!
ولا صح ابداء بـ اختك منار ..
رينَاد خذت نفس : أبعد عنهم مالهم دخل انا اللي سويت كل هذا هم مالهم دخل !!!
ناصر : هاه يا عيال شرايكم نوريهم كيف يدخلون المجلس ويخربون جونا ؟
العيال يشجعونه رينَاد والبنات وراها ويبكون وهي ما تدري تهديهم من غضب ناصر ولا تهدي ناصر من غضبه على البنات .
↚
عند ناصر ورينَاد بالماضي ..
العيال يشجعونه رينَاد والبنات وراها ويبكون وهي ما تدري تهديهم من غضب ناصر ولا تهدي ناصر من غضبه على البنات .
ناصر بـ إستهزاء : واو متخبين وراها عبالكم راح تحميكم مني!
رينَاد رصت على إسنانه : أنت مره بالغت تراك وش فيها لو جينا للمجلس هنا ؟
ناصر بـ عصبيه : هالمجلس للرجال ولا للبنات ؟
رينَاد : هالمجلس لعمامي مو لكُم يالبزران !
ناصر بـ صراخ : بزره زيك وتجي تقول عننا بزران !!!
جمان بصوتها الناعم : نصوري خلاص والله حنا غلطنا اسفين .
ناصر بـ عصبيه : اوص انتِ مالك دخل !!
ولاء بـ رعُب : الله لا يوفقك يا رينَاد ورطتينا مع هالمجنون !
نواف بلع ريقه : ناصر خلاص خلهم يولون .
ناصر عطاه شلوتي لدرجهه نواف طاح وكان يناضر له بحقد وقام وشاف البنات مصنمات ويشوف ردت فعل رينَاد كانت رينَاد مو مهتمه له!
ناصر بـ غضب : يلا وحده وحده تجي تأخذ ضربه على ظهرها وتنقلع !
رينَاد وهي تعد البنات : شوف حنا عددنا ٦ يصير أخذ ضربه بظهري ٦ مرات بدال البنات ؟
ناصر والعيال يناضرون لبعض ويضحكون .
ناصر بـ صراخ وغمض عيونه : بسرعه هجو ما أبي أشوفكم بسرعه !!!!
والبنات هجو كلهم ورينَاد ارتاحت بس رينَاد ضلت واقفه لان ما تدري وش تسوي توترت .
ناصر فتح عيونه : انتِ هنا يا عله ؟ أنقلعي يلا ولا الحقكم واصفقهم وعيونك تشوف !
رينَاد : لا خلاص هم مالهم وراحت .
سعيد بضحك : والله تعجبني يا ولد خالي مهجدهم!
ناصر عطاه كف قوي من قوته سعيد وجهه وقف من الصدمه .
سعيد : أنا أعزز لك وأنت تضربني!
ناصر ببرود : كيفيي قلت أطلع الباقي بوجهك المعفن !
العيال كلهم ضحكو وسعيد طلع من المجلس والغضب مليان فيه .
نواف : والله يضحك ما أقدر بطني .
ناصر عطاه نظره لدرجهه نواف وقف وبلع ريقه وجلس يتبوسم .
منصور دخل عندهم : شصاير !
جاء بيتكلم نواف قاطعه ناصر وهو يطير عيونه ..
ناصر : مافي شي كنا نسوي مصارعه .
منصور : تسون بدوني والله ما هقيتها منكم!
ناصر : أقول لا تبلشنا مالنا خلقك .
منصور : ترا بنطلع شرايكم ؟
ناصر : أنتم أطلعوا لازم أحرس على المجلس لان هذيك الحشره حاطه الممتلكات حقاتي براسها .
منصور بـ إستغراب : شقصدك ما فهمت!
ناصر : شفت الحشره ؟
منصور : اي ؟
ناصر : تحب تحشر خشمها بمتلكاتي!
منصور بـ تسليك : خلاص قفل الشباك وما بيجونك الحشرات !
العيال هنا فطسو من الضحك .
.
.
ولاء : كله منك كان ناصر بيصفقنا ليش تكذبين علينا!
جمان : والله يا بنات بسبب ريناد كنا بنروح ملح قررت ما أطلع حتى الحوش ياويليي هذا ناصر كان بيضربنا .
أشواق : بس بس شفيكم تلومون رينَاد !
↚
عند ناصر ورينَاد بالماضي ..
ولاء : كله منك كان ناصر بيصفقنا ليش تكذبين علينا!
جمان : والله يا بنات بسبب ريناد كنا بنروح ملح قررت ما أطلع حتى الحوش ياويليي هذا ناصر كان بيضربنا .
أشواق : بس بس شفيكم تلومون رينَاد !
رينَاد بـ قهر : لا عادي خليهم يكملون!
ولاء بـ عصبيه : أي بنكمل وش عندك هاه ؟
منار بـ عصبيه : أقول أحمدو ربكم أختي فكتكم من ناصر ولو كنا لحالنا ورينَاد مو موجوده كان ضربكم!
الجوهره : رينَاد فيك شي ؟
رينَاد : لاا بس أستغربت بالعاده ناصر يضربني هالمره لا ما ضربني!
منار : وتبينه يضربك لهدرجه عاجبك!
رينَاد : ما قلت كذا بس مو متعوده ما نضرب بعض!
جمان وولاء مصدومات منها وأشواق فيها ضحكه.
ولاء : بنت خالي مو طبيعيه وش عاجبك بضربه هذا لا ضرب ما يرحم ياويليي خفت على جلدي.
جمان : ياويل حاليي منصور احسن واحد فيهم.
منار رفستها : هي هي وش في؟
الكل ضحك وجمان بعد وقت أستوعبت.
جمان : خييرر منصور حقيي أبعدي عنه!
منار سحبت شعرها وجمان تصارخ والبنات يفكونهم وجت رينَاد تسحب أختها منار .
رينَاد بـ عصبيه : أنهبلتي!
منار : ما تشوفينها حاطه عينها على زوجي!
جمان : كليزق متى صار ولد خالي زوجك!
رينَاد : خلاص خلاص شفيكم انهبلتو؟
الجوهره بـ فخر : والله وعصبت زوجة أخوي .
منار أبتسمت وهي تسوي حركه : افا عليك .
رينَاد : يلا يلا بس امشو .
أشواق : معليك جمان حنا كذا .
جمان بزعل : أشواق أبيك لحالك ولا بزعل .
أشواق خافت إمها تزعل : يلا جايتك.
رينَاد : وتخليني لحالي!
أشواق : أجلسي مع البنات تعرفين جمان جايه وتبيني .
رينَاد بـ غيره : أي يخليكم لبعض .
جمان سحبت أشواق وهي تشوف أشواق تناضر لريناد وريناد صدت عنها .
أشواق : أحس اني غلطت بجيب رينَاد وأجي .
جمان بـ قهر : أقول مافيها شي الحين تلقينها تسولف مع ولاء وتنساك.!
أشواق : أدري بس ترا رينَاد أعرفها يمكن مايهمها لو الجوهره او منار سحبو عليها بس أنا مره تحبني وراح تتضايق حيل أعرفها .
جمان : لا خليها تولي واقعدي معي انا اجي هنا بالسنه مره وانتِ دايم مع رينَاد ما صار شي لو قعدتي معي .
أشواق : طيب شرايك نقعد مع بعض ؟
جمان : لا لا اجل بزعل ترا ؟
أشواق : خلاص خلاص انسي .
↚
عند نايف ولمَار .. كان يدق عليها
نايف : الوه ؟
لمَار بنُوم : وش ؟
نايف : معليش والله شكلي أزعجتك!
لمَار : لا عادي وش تبي ؟
نايف : كنت بقولك نفتح بث مع بعض بس شكلك نعسانه مره .
لمَار وهي تشوف الوقت : نفتح البث الساعه 3:44 ؟
نايف : أي شفيها ؟
لمَار تذكرت إن الساعه 5:00 تسوي الفطور ..
لمَار بـ توتر : مافيها شي بس يصير نخليها ساعه ونقفل ؟
نايف بـ إستغراب : الناس تخلي البثوث بالكثير ٥ ساعات عشان التوب .
لمَار : بس أنا ما أقدر عندي أشغال وكذا ..
نايف حس وراها قصه: طيب أسمعي غسلي وجهك وأفطري وإذا تبين أطلب لك قهوه وتروقين ونفتح بث !
لمَار : ما أحتاج أهتمام وأنا أعرف لنفسي ولا فكيت البث بعطيك خبر باي .
نايف بـ قهر : هذي مو طبيعيه اللي عندي حيل خفيفات هذي لا جايه من كوكب مدري وش تنافخ ما ادري ليش أحسها مغصوبه على الشهره ووراها شي كبير بس مدري وش هو ولا أقول مالي دخل بالطقاق هي نفسيه أصلاً .
.
.
كانت طالعه وهي تشوف السواق جاي لها.
السواق : السيده أم نادر تعطيك الظرف هذا .
الجَازي مسكته : وش هذا ؟
السواق : هذا الظرف وخلال أسبوع العرس وفيه المهر الكامل حسب ما طلب خالك !
الجَازي شافت مكتوب مهرها ؛ 97 الف .
الجَازي : تمام يعطيك العافيه .
خالها يوسف من وراها : كم مهرك ؟
الجَازي : 97 الف .
خالها يوسف سحب الظرف منها : حلو لي نص المبلغ .
الجَازي بـ قهر : خالي ما أبي شي منهم أفهم!
خالها يوسف أخذ ٤٥ الف وعطاها الباقي : يلا عاد تجهزي!
الجَازي بـ قهر : انت تتاجر فيني ولا وش ؟؟
خالها يوسف : احمدي ربك تحملتك وربيتك وش تبين بعد أكثر من كذا وطبيعي بأخذ نص المهر!
الجَازي راحت وهي تتحلطم ووتنتظر اللحظه اللي تتخلص فيها منهم .
↚
عند ريمَان ومتعّب ..
ريمَان : غريبه ضليت معي ما رحت لبيتك!
متعّب : تعبان وأخذت إجازه باقي أسبوع وتروحين لشغلك الجديد وراح تكملين حياتك بدوني!
ريمَان بتناسي : معليه أنا قويه يا متعّب وراح أتعود على حياه جديده وشكراً لانك تحملتني سنين وبفضل ربي ثم أنت أنا وصلت هنا وبستقر .
متعّب : دام هذا أخر أسبوع لنا مع بعض شرايك تكملين القصه ؟.
ريمَان جلست على الاريكه : من عيوني .
متعّب أخذ القهوه يشربها : يلا .
ريمَان : أمي كانت تدافع عني مره وكانت تحبني وتبيني معاها وبيوم من الايام انا سويت غلطه وهي إني وضحت حُبي لولد خالي لدرجهه خالي جرحني وقال ما بقى الا بنت الحـ.ـرام تحب ولدي وكان يبعد ولده عنه بـ أشد الطُرق ، كنت صغيره وما أفهم شي وكان خالي يمسكني يصفقني وماما كانت متعقده كانت تمنعني أطلع وتحرمني من الطلعات وكنت طفله مو فاهمه ليش هي كانت كذا .
متعّب : لان أمك ما تبيك تعيشين اللي هي عاشته!
ريمَان دمعت ومسحت دمعتها : أيي ممكن وأذكر بعد خالتي مسكتني على جنب لان خالي كان يسوي مشاكل ويتكلم علي واجد قالت خالتي لا تقربين من ولد خالتك ولا نرميك للشارع .
متعّب شد على قبضة يده : منجدها هذي !!
ريمَان نزلت راسها : وفعلاً قالت لامي إن ولد خالي ىْْحـ.ـرش فيني وأمي كرهتني مره وكانت تضربني ضرب عنيف لدرجهه هي وخالتي مسكوني وخلوني بالشارع وراحو .
متعّب فجأه راح ذاكرته للماضي ،،
كانت تبكي وهي تصارخ وتدور أمها بس كانت تتذكر إن أمها رمتها وكان متعّب يسلم على الرجاجيل وشاف ريمَان اللي تبكي وعلامات الضرب فيها جاء عندها وهو مصدوم منها ويبعدها عن السيارات ووقف بالاشاره كان متعب عمره ١٨ وريمَان ٨ سنوات
متعّب نزل عندها : يا طفله وين أهلك وليش تبكين!
ريمَان ببكاء ويدها بدموعها : أبي ماما .
متعّب اخذ نفس : طيب وين أمك ؟
ريمَان : ماما قالت لي روحُي ما أبيك .
متعّب وهو يشوف الضربات : أنتِ مين مسوي فيك كذا ؟
ريمَان خافت وبعدت وهي تروح تدور إمها لحقها متعّب وهو يشيلها .
متعّب : جوعانه تبين أكل ؟
ريمَان منزله راسها : أبي ماما .
متعّب يمسح دموعها : خلاص أنا أصير اللي تبينه تعالي معي للمزرعه راح تحبينها أتفقنا ؟
ريمَان هزت راسها بالايجاب : طيب بس تشتري لي حلويات !
متعّب أبتسم وباس خشمها : تم .
↚
ريمَان : والحين ما صرت تعطيني بوسه على خشمي لانك تشوفني كبيره .
متعّب بضحك : هههههههه صرتي حرمه خلاص .
ريمَان : القصه باقي يا متعّب في وراها غموض بس في اشياء للحين مو معروفه بالقصه مثلاً اللي سوا هالشي بأمي لازم يأخذ جزاه وحتى لو كان أبوي !
متعّب : بس تتوقعين أبوك حي ولا ميت !
ريمَان : إذا كان حيي فـ راح يأخذ جزاه وأنا راح أخليه يتعاقب وإذا ميت بيتعاقب بالاخره !
متعّب : خلاص لا تبكين بس معقوله بتكلمين باقي المشوار بدوني!
ريمَان قامت : إذا تعزني خلاص كمل حياتك يا متعّب أنا بكمل باقي الطريق وراح أوصل للحقايق وراح أعاقبهم لانهم دمرو حياتي !
متعّب سكتت وهو يمسك راسه وقال بنفسه : وانا بكمل الطريق معاك بس مو معاك من دون علمك!
.
.
عند نادر والجَازي ..
نادر بـ غضب : واضح تبيني عشاني غني وناسيه إنك راح تعيشين بعذااااب معاي!
الجَازي بـ قهر : أنت وش تبي فيني قلت لك أنا مجبوره عليك ولا أنا ما تهمني وروح عني!
نادر بـ صراخ : معااااككك وقتتت ترفضينييي واتمنى جددد ترفضينييي وتشوفيييين غييييري!!!
الجَازي : كل شي بوقته حلو وأوعدك راح يصير!
نادر حس شي بداخله : وإذا ما صار !
الجَازي : ثق فيني وراح يصير ماراح نكون لبعض !
نادر رفع حاجبه : واو وشلون !
الجَازي : مالك دخل وأنا بتصرف دامك ما تعرف تتصرف!
نادر مسك كتوفها : أحترميي نفسك .
الجَازي بعدته : لا تأخذ مقلب بنفسك إنك خلاص صرت حلالك ماراح نصير لبعض تطمن!
نادر بسخريه : واو علساس عاجبني أكون لك ياشيخه أبي الفكه منك .
الجَازي : شعُور متبادل وراحت .
.
.
فتح الدرج وهو يشوف الاخبار اللي لها من أعوام سنين طويله ، وكانوا يدورون عليه عشان جريمته البشعه بحق البنت اللي سواه مو قليل دمر حياة عائله كامله وهو سكران !
الجَازي دخلت : خالي .
خالها يوسف خش الصفحه المقطوعه وحطها بالدرج وكان متوتر : شفيك ؟
الجَازي : شفيك توترت !
خالها يوسف بـ غضب : شدخلك انقلعي عني يلا !
الجَازي شافت مشروبات : خالي لمتى ما تبطل حركاتك!
خالها يوسف اخذ المشروب ورماه على الجدار عشان يخوفها وهي هربت لانها تعرفه عصبي حيل!
↚
عند نايف ولمَار ..
عمتها منى : الفلوس قاعده تكثر من الشهره !
لمَار : بس هالفلوس وش فايدتها إذا نسوي شي يغضب الله ؟
عمتها منى : اوص ولا كلمه بعدين متى ناويه تفكين البث!
لمَار : الحين عشان نايف بيدخل .
عمتها منى : يلا انا بطلع واتمنى يجي فايده منك!
لمَار مسكت راسها : الله يسلط عليها زي ما تسلطت علي اكرهها !!
فتحت البث وهي ترحب وتلعب بـ شعرها القصير ودخل نايف قست معاها .
نايف بـ صراخ : ارحببببو .
لمَار بضحك : ويي شفيك شوي شوي عليك .
نايف : تدرين يا لمَار من قبل شوي أقول هذي ليش ما تجي .
لمَار عيونها تلمع : يعني كنت تنتظرني!
نايف بـ إبتسامه شاقه وجهه : أيي كنت أنتظرك .
لمَار شافت العدد اللي داخلين بثها وانفجعت وقامت تضحك ونايف يضحك معاها .
لمَار : اليوم حالف تجيب العيد ؟ كم شربت قهوه!
نايف : شربت ٦ مرات هههههههههههه .
لمَار : اشوفك فاصل واضح فصلة النوم جت ههه.
نايف : الا أقولك صارت معي سالفه .
لمَار ضحكت : وش هي ؟
نايف : كنت رايح مع خويي للاستراحه والعيال الله يلعنهم مسوين لنا مقلب حاطين السطل ومعبين المويا وانكبت علينا هههههههه.
لمَار ما قدرت وجلست تضحك : هههههههههههههههههههه وييي ما أقدر أتخيل شكلك وربي يا شيخ وش هذا مت من الضحك .
نايف يضحك : ولا بعد السطل طاح علي ماطاح على القرد خويي .
لمَار بضحك : ههههههه مسكين رحمتك .
نايف : الا صح لمَار كم عمرك !
لمَار ترفع عيونها وترجعهم : امم كم تعطيني!
نايف : احسك نونو .
لمَار : أنا أصلاً نونو .
نايف : يلا جاوبي !
لمَار : عمري ١٩ وانت ؟
نايف : العمر كله وأنا عمري ٢٥ .
لمَار : العمر كله .. نلعب جوله!
نايف : يلا قدام .
لمَار : الحكم الاول تكب على وجهك طحين!
نايف راح جاب الطحين وكبه على وجهه : ههههه.
لمَار ضحكت وهي تشوف شعره طاير والطحين بشاربه : شكلك يضحك .
نايف : كله من حكمك هههههههه .
↚
عند رينَاد وناصر بالماضي ..
جالسه عند الدرج وضايق خلقها ونزلت دموعها ومسحتهم على طول شافها ناصر ..
ناصر بـ إستغراب : شفيها البزره منزله راسها !
رينَاد بدون صُوت ما ودها تتجادل معه .
ناصر جلس جنبها وهو يمسك راسها وهي تبعده وشافها تبكي وانصدم .
رينَاد : نعم وش فيه الواحد ما يقعد لحاله!
ناصر : ليش تبكين ومنو عليك!
رينَاد : مالك دخل وروح أزعجتنا بالمجلس حقك!
ناصر : وانتِ يا طفله تدرين إن المجلس للعيال!
رينَاد : وانت يا شايب بس مستعقد لنا !
ناصر ضحك : حبيتها تعرفين تسولفين يا طفله!
رينَاد : يعع روح عني مالي خلقك!
ناصر : طيب منو عليك يا طفله!
رينَاد قامت ما تبي تعلمه عشانه ينفعل ولا يعرف يتفاهم مسكها وهو يحشرها .
رينَاد : والله لو ما تفكني لا اعضك!
ناصر ضحك : أي هذا حيلك أسنانك حديد مو أسنان!
رينَاد : وخررر يا ناصر والله حلفت عاد !
ناصر : إذا جاوبتي بخليك تروحين!
رينَاد بـ صراخ : مااالكك دخللل ما بجاوب عنااد!
ناصر : وعناد عليك ما بخليك عادي خليك محشوره بالجدار وانا كذا حابسك بين قفصي!
رينَاد صارت تضرب يدينه وهو شاد بقوه على الجدران عشان ما تطلع وجت بتنزل راسها ونزل يده وجت ترفعه ورفع يده وكانت جالسه تضربه وهو يضحك عليها وهي معصبه .
ناصر : يا حليلك يا طفله ما أنتِ قد عنادي!
رينَاد : شوف أنا للحين ما عضيتك فـ وخر عني!
ناصر بـ عناد : والله ما بوخر الا لما أعرف !
منار والجوهره شافوهم وكانو منخشات تحت الدرج ويضحكون ومقفلات فمهم .
منار بـ صوت خفيف : شوفي والله لايقين لبعض!
الجوهره : والله يضحكون هوشتهم تضحك.
منار : جيبي شي نصورهم لو جوال كشاف .
الجوهره : يماهه تبين رينَاد تلعن خيرنا ؟
منار : معليك روحي يلا .
راحت الجوهره تجيب الجوال ومنار خاقه عليهم.
رينَاد صفطت يدينها : أشوف منو أعند انا ولا أنت ؟
ناصر : أي هين ماني فاكك اح يدي توجعني!
رينَاد : عناد لا أخلي يدك تعورك أكثر!
ناصر : أنت صح طفله بس قاسيه مره علي .
رينَاد : وأنت اكثر انسان تعصب ولا تعرف تتفاهم!
↚
عند ناصر ورينَاد بالماضي ..
منار كانت تصورهم : شوفي شوفي الله راح نذل رينَاد هههههههه.
الجوهره : الله يستر بتصير حرب مع رينَاد هههه.
منار : تدرين أنا وأنتِ مو هينات قمنا نقول بصوت عالي اوهه رينَاد مدري شفيها زعلانه وهو سمعنا.
الجوهره بضحك : أمرهم غريب يتهاوشون ويتذابحون بس ما يرضون على بعض!
منار : ممكن ناصر بس رينَاد ما قد شفناها عطت ردت فعل عن ناصر .
الجوهره : أجل شلون بندري ؟
منار بتفكير : أختي وخليها علي معليك.
الجوهره : نشوف وش يصير الله يستر بس عاد رينَاد أختك لو زعلت زعلها يطول !
.
.
رينَاد : ياربي خلاص روح يدك بتنقطع من كثر ماهي واقفه بالجدار !
ناصر بعناد : لاا ما ببعد قولي منو مزعلك!
رينَاد : يعع تكفى مو لايق عليك تهتم لزعلي!
ناصر : ما يهمني بس ودي أعرف منو زعلك عشان أشكره .
رينَاد : سخيف انقلع عني خلاص .
دخل عمهم وناصر شال يدينه ورينَاد راحت تركض وتطلع إلسانها لناصر .
رينَاد : ما أحد يفوز علي بالعناد .
ناصر ضحك : معليه معليه هين يجي يوم واكسر عنادك والله هذي الطفله راسها يابس!
.
.
منار بضحك : شوفي شوفي شوي ويضمون بعض!
الجوهره ضحكت : ولا حتى بهالشكل يتهاوشون.
رينَاد دخلت وشافتهم حول بعض ويضحكون واستغربت وجلست بالسرير مقهوره .
منار خشت الجوال الكشاف وراء ظهرها : متى جيتي!
رينَاد : شفيكم علي ما أحد طايقني ولا وش ؟
الجوهره بلعت ريقها : لا شدعوه نبيك.
منار ابتسمت : أي نبيك .
رينَاد شافت يدينها وراء قامت : وش خاشين علي!
منار : مافي شي .
رينَاد مسكت منار وطلعت الجوال من وراها وهي تشوف المقطع اللي بينها وبين ناصر انقهرت مره!
↚
عند ناصر ورينَاد بالماضي ..
رينَاد بـ غضب : وش أفهم من هالحركه!!
منار : كنا نستهبل والله .
رينَاد : وأنت الجوهره توقعتك أحسن منهم وطلعتي منهم بعد ؟
الجوهره : لا وربي يا رينَاد لا تفهميني غلط!
رينَاد : وانتِ مناروه عاجبك الوضع والمهزله!
منار : طيب عادي وبعدين ناصر زوجك !
رينَاد بققت عيونها : سلامات شعندك وش تخبصين انا باقي صغيره ولا احد صار زوجي!
منار : بس خالتي وكلهم يقولون رينَاد لناصر .
رينَاد بـ عصبيه: يقولون من هنا لبكرا ماراح أخذه!
الجوهره : خلاص رنو أهدي .
رينَاد ما تحملت وانفجرت : اكرهكم تفهمون! وراحت وهي تطلع من الغرفه وشافها ناصر نازله وراح فوق عند الجوهره ومنار .
ناصر قفل الباب وهو بيحقق معاهم!
.
.
منار خافت وتجمدت بمكانها : وش ءءء
ناصر بـ غضب : رينَاد شفتها طالعه من الغرفه وتبكي وش مسوين لها !
الجوهره بلعت ريقها : حنا ما سوينا شي !
ناصر : متأكدات ؟
منار والجوهره : اي
ناصر طلع المعلق بالدرج : يعني ماراح تعترفون!
الجوهره : ناصر والله ما احد قالها شي هي انفجرت علينا وراحت .
ناصر : وش السبب بسرعه تكلمو ؟
منار : هي عصبت عشاني انا والجوهره ءء
ناصر : وش عشانكم وش تكلمي!
الجوهره : كنا نبيها بشي ..
ناصر : وش الشي شايفكم خايفات ولا تجاوبون!
منار بكت : تكفى والله ما سوينا شي .
الجوهره : صدق بهذي اللحظه تمنيت إن ريناد هنا .
.
.
عند منصور وأشواق ..
منصور شاف أشواق وجمان قاعدات مع بعض ونادها .
منصور : وين رينَاد ما أشوفها معاكم!
أشواق : جمان تبينا لحالنا وبعدين بشوف رينَاد!
منصور : هالحقيره كلما تجي تسوي مشاكل بينك وبين رينَاد شوضعها !
أشواق : منصور خلاص تدري عمتي بتزعل من أمي وأمي تنبهني على جمان .
منصور : طيب رينَاد وينها ترا يا أشواق رينَاد تنفعك أكثر من هالزقه اللي معاك مو تخسرينها !
أشواق : طيب شسوي هذا طلب أمي .
منصور : خلاص روحي طسي .
↚
عند لمَار ونايف ..
لمَار حست بالضيقه حياتها نكد بالواقع وودها تهرب وتفتح بث تحس نايف أكثر شخص يطلعها من اللي هي فيه وكانت متردده تكلمه كانت محتاجه تضحك وتسولف ..
لمَار تكتب : السلام عليكم ؟
نايف فز من الرساله وقام وتربع : وعليكم السلام .
لمَار شافت الاشعارت ودخلت تكتب : فاضي ؟
نايف أبتسم : أي فاضي أمري !
لمَار أبتسمت : نفتح بث ؟.
نايف مشتاق لفيسها : تم نفتح ليش لا .
لمَار : يلا شويات واجيك .
لمَار وقفت قدام المرايه وهي ترتب شكلها وحطت مرطب على شفايفها وطبطبت على شفايفها ومسكرا خفيفه لاجل تمشط رموشها ولبست لبس واسع لاجل ما يبين شي وجلست وهي مجهزه قهوتها والحلا وفتحت البث ونايف دخل معاها .
نايف بضحك : هلا والله أشوفك مروقه .
لمَار أبتسمت : شوفة عيونك ، الا اسمع نبي نسولف ونلعب اتفقنا ؟.
نايف : قبل كل شي متى تبين نقفل البث ؟
لمَار وهي تشوف الساعه ١١:١٧ وتبي تقفل البث ٤:٥٠
لمَار : نقفل البث على ٤:٥٠ تمام ؟.
نايف : تمام ما عندك مشكله يعني نضل ٥ ساعات أول مره تبين نضل بالبث ٥ ساعات .
لمَار بينها وبين نفسها : لو بكيفي أضل بالبث ساعات طويله لاني أكره واقعي!
لمَار أبتسمت : اليوم فاضيه عشان كذا .
نايف : أعترفيي تتأملين جمالي صح عشان كذا أخذتي وقتك تردين!
لمَار بققت عيونها وصرخت وضحكت : لااا خيير وش ما اتأمل وعع .
نايف بضحك : الا الا أعترفيي .
لمَار : هيي المصممين هههههههه !!
نايف طاح من الضحك على ضحكتها : ويي وش هذا .
لمَار : نايف نايف .
نايف : هاااه شتبين هههههههه .
لمَار : خلاااص يا مجنون انهبلت علينا شوي وتموت.
نايف : انتِ اللي يقعد معاك بيموت جد من كثر الضحك .
لمَار اطلقت ضحكه قويه من كلامها : هههههههههههههههههه استغفرالله بطني .
نايف ضحك : والله والله واضح القهوه مأثره عليك.
لمَار ترفع اصابعها : شربت ٤ أكواب .
نايف : أشوفك فصلتي علينا بالبث هههههههه.
لمَار : تدري عمتي ما تخلي شي بخاطري حتى جايبه شغاله تسوي لي كل شي هههههههههههههه .
عمتها منى تنرفزت ودخلت وعطتها نظرات : لمُور!
لمَار شافتها وكملت تضحك وتبي تضيع السالفه: تدري انك كيوت نايف.
نايف حمر خدوده وقام يشرب قهوته : شكراً .
لمَار اطلقت ضحكه : صدقت نفسك؟
نايف نفس : اننننن مالك دخل خليني ههههههه .
↚
عند رينَاد بالحاضر ..
فتحت جوالها وهي تتابع التويتر وشافت تغريدة ناصر وكان مكتوب فيها " فمان الله يا R العذبه والوعد بعدين ، متى بعدين ؟ مدري بس خليني على ماني مصير الوقت ينصف طيبينه والامور تزين وبرجع لك ليا زانت معي كان الله أحياني
فمان الله يالقلب الحنون يالقلب الحنون ويالجناب الزين ، كثر ما أحبك يسكن معاليقي وشرياني .."
ما قدرت تكمل كلامه حست بسكاكين تغرز قلبها !
رينَاد طاحت دموعها مسحتها وراحت تتوضاء وفرشت سجادتها وهي تلبس عبايتها ولفت الشال على راسها وصلت ولما خلصت رفعت يدها بالسماء ، ياارب لا تختبرني أكثر يارب أرحمني وصبرني على ألم قلبي يارب قويني ووصلني لطريقي الصح يارب تقويني طاحت دموعها وهي تدعي وحست براحه وهي تفضفض لربها ومسحت دموعها وهي تمسحهم على قلبها وتنفخ على يدينها وهي تشد على يدينها .. قامت هي تقراء جزء من القرآن وخذت علاجها وهي تتمدد على فراشها وتفكر وش بيكون مصيرها معقوله حُبها قرب يروح!
رينَاد : الحقيقه لا أعلم مصيري في هذي الدنيا ولاكن راح أسوي اللِي أقدر عليه والباقي نصيب!
رينَاد غردت: عليه اللوم و دموع الهقاوي و السلام الحار كثر ما كان في صدري حكي قاسي و لا قلته.
شاف تغريدتها لان حسابها مفتوح وهو مخلي حسابه مفتوح .
ناصر غرد : حنّه لا يحز بخاطره لومي رغم ما صار !
و تجاهلت الشعُور اللي تسبب فيه بـ اسألته .
رينَاد شافته بعد ساعه ورجعت عصبت .
رينَاد غردت : لفظ كلمه مغشيها الظلام و لاحقتها النار خذت معها الصور و الذكريات و كبر منزلته .
رينَاد ارتجف يدينها وقفلت جوالها وهي تطيح من دموعها ومسحتهم وهي تحضن مخدتها .
ناصر ولع الزقاره وبينه وبين نفسه : من جرّب الفرقا طواه الياس تلقاه لا صاحي ولا مجنون اما تشوفه مثل ابن دواس ولا تشوفه كنه المامون .
.
.
نرجع للماضي رينَاد وناصر ..
رينَاد دخلت وشافت ناصر يجلدهم وجت بتفكهم بس ناصر كان معصب ومسكت اللي معاه .
الجوهره ومنار يبكون هربو ورينَاد شافته معصب وارتعبت وبنفس الوقت معصبه!
رينَاد : ناصر شوضعك خوفت البنات ؟
ناصر : هم اللي زعلوك!
رينَاد : لا مو هم شفيك أنت!
ناصر بـ عصبيّه : أجل مين تكلمييي!!!!
رينَاد تنرفزت : ليش شاد حيلك وتبي تعرف!
ناصر رمى العصا وقرب منها وحشرها بالجدار وهي شافت انهم مو بالصاله ولا تقدر تفك نفسها منه!
رينَاد بـ عصبيه : والله أنت مشتاق أسفل فيك!
ناصر ضحك : أيي أحب الهواش معاك ممتع!
رينَاد طيرت عيونها : كلزق بعدين لا تحاول ماني قايله لك !
ناصر : مسويه نفسك نافسيتني بعنادك ماتدرين إنك الحين تورطتي!
