وصل المدينة توجهو للفندق الجد سُليمان دخلو للفندق والعيال وراهم عمر التفت لابوه : ما تكفينا جناح واحد ،

يوسف : انت واخوانك وجدك لحال وانا وامك لحال راح تكفي وما شاء الله الفندق حلو وكبير ،

عبدالرحمن التفت لـ صقر : الساعه كم بالله ؟

صقر ناظر لساعته : ما بقى شي و ياذن بتنام!

عبدالرحمن: والله ميت تعب اريح راسي شوي وتوجه للمصعد صقر لحقه ، يوسف التفت لـ سلطان : روح انت وعمر جيبو غداء نتغدى ونريح شوي وعلى المغرب نمشي ،

سلطان : ابشر يبه والتفت لعُمر : امش يلا وطلعو للسياره ،

يوسف : خلاص يبه انت روح ارتاح وحنا بنمشي لجناحنا ،

الجد عبدالعزيز : لا انا اروح مع العيال سلطان وعمر ومشى لحقهم و ركب السياره معاهم وتوجهو للمطهم ،

'

= جناح عبدالرحمن وصقر =

'

صقر مشى انسدح على السرير : اوف واخيرًا ،

عبدالرحمن : والله ميت نوم انتظر نخلص من هالعزيمه وارجع انام وارتاح مره وحده ،

صقر : بكيفك بس انا بنام الحين ،

عبدالرحمن : الحين يجيك عمر يتهاوش على السرير ،

صقر قام وهو يضحك : على طاري عمر تخيل بالله يقولك حلمه يصير طار قلتله حتى فوق الطياره ما يحطونك ،

عبدالرحمن : تسولف ما شاء الله عليك يا صقر وانت صرت دكتور بواسطه هيا اجحد اشوف ،

صقر : عالاقل نسبتي ماكان زيه نسبته زي وجهه ،

عبدالرحمن: والله انك مانت اقل منه ،

صقر : اقول اسكت بس وانت جدي موظفك بالشركه ،

عبدالرحمن: ابرك من اني اصير دكتور بواسطه الله يستر كم مريض ماتو من يدك ،

صقر : اقول اذلف عني اخلص من عمر تجيني انت ،

عبدالرحمن صد عنه وهو يضحك مشى جلس على الكنب واخذ جواله وهو يطقطق فيه ،

'

عمر : سلطان يا غبي المطاعم قدامك وين تروح انت؟

سلطان : بالله شف باب المطعم كيف مغبر واضح حتى ما يغسلون يدهم قبل يطبخون ،

الجد : اقول انزل و روح جيب واخلص علينا ،

سلطان : والله ماراح اكل من هنا حرك سيارته ،

عمر : يا شيخ انت تاكل من يد صقر الي يغسل يدينه بسنه مره وحده وقف على مطاعمهم؟

سلطان : شف من يتكلم اقول اسكت بس لا اهفك ،

الجد : حسبي الله اوقف خلاص وانزل يا عمر وجيب اي شي ،

سلطان وقف سيارته بعصبيه : هاه يلا انزل جيب والله اني ما ماراح اكل ونشوف مين ياخذكم المستشفى ،

الجد : قم يا عمر روح جيب خلك منه ،

عمر ضحك وهو ينزل ، سلطان : يالله جدي شف حتى قفاز مو لابسين والله لا ابلغ عليهم ،

الجد : قطع العنق ولا قطع الارزاق. 

سلطان : اييي ما شاء الله وهم عادي يذبحونا صح؟

الجد تنهد وسكت وهو يراقب عمر الي نزل يجيب اكل ،

سلطان كان يراقب العُمال : والله مُتنا ،

'

= بيت الجد عبدالعزيز =

-

ام نجلاء كانت جالسه تستشور شعر ملاذ و نجلاء كانت تكلم الشغالات يسون قهوة ويرتبون الفناجيل ،

آمال وهي تقوم : انا بروح اتمكيج تبون شي ؟

ام نجلاء : لا لا روحي بس ،

ملاذ كانت ساكته و ام نجلاء تعدل لها شعرها لا شعورًيا نزلت دموعها ومدت يدها وهي تمسح دموعها وتتمنى لو مره وحده بالحياة تقدر تشوف وجه امها وتقدر تتكلم وتشكرها على كل الي تسويها لها وتتعب عشانها ولا تركتها بين يدين الشغالات دايم تهتم لها اكثر من الكل ، تتمنى لو تقدر تتكلم بكلمه وحده وتقول لها شكرًا وتعبر لامها عن حُبها بس للاسف ما تقدر ،

نزلت راسها ومسحت دموعها قبل احد يلاحظ ،

ام نجلاء استشورت لها شعرها ويفي : اي لون فستان تلبسين اصفر ولا ابيض؟ ملاذ رفعت يدها بمعنى رقم ١ والي هو اصفر،

نجلاء : خلاص يمه تجهزي انتي وانا البسها الفستان ،

ام نجلاء : تمام يا بنتي وكلمي آمال تخلص وتجيني ،

نجلاء هزت راسها بـ اي ومسكت يد ملاذ وهي تاخذها لفوق من الدرج ودخلت للغرفه وهي تشوف آمال مشغله اغنيه وتتمكيج صدت ومشت وهي تجلس ملاذ على السرير ومشت فتحت الدولاب وهي تطلع الفستان الاصفر لملاذ والتفتت لآمال : شرايك تسوين مكياج لـ ملاذ وانا اخلص شغلي؟

آمال : بشرط انك تعطيني فستانك الموفي ،

نجلاء : تمام ومشت فتحت دولابها وهي تدورها وطلعتها لها وحطتها على السرير : شوفيها هنا وناظرت لملاذ : يلا ملاذ،

'

الكل كانو جالسين ياكل الا عبدالرحمن وسلطان ،

عمر : عبدالرحمن لا تصدقه كذاب والله تعال كل ،

عبدالرحمن : والله ماراح اكل كلو انتم بالعافيه ،

سلطان : والله ماني كذاب اقولك حتى قفاز مو لابسين ،

يوسف : خلاص ياولدي خلهم ياكلون لا تقرفهم ،

الجد : خله خله هذا يالسنه يتروش مره وجاي ينتقد الناس ،

عبدالرحمن ضحك وهو يناظر لسلطان الي انصدم من رد الجد وهمس : والله اني يوميًا اتروش والكل يسالني عن عطري ،

ام صقر كانت تضحك على سوالفهم وتكوي ثوب صقر ،

الجد قام وهمس : ما بقى شي وياذن المغرب يلا تجهزو ،

يوسف التفت لـ عمر : جيب بشتي وبشت جدك معلقين ورا بالسياره وانا وجدك رايحين نصلي الحقونا يلا وطلعوا ،

ام صقر مشت وهي تطلع فستانها وحطتها على السرير وناظرت لـ عبدالرحمن : لا تنسى تاخذني الصالون ،

عبدالرحمن ناظر لساعته : تمام اصلي وانتظرك تحت ،

سلطان : يمه تعالي انا اسوي لك المكياج وشو له الصالون ،

ام صقر : انت روح الحق ابوك للمسجد لا يشوفك بس ،

-

= بيت عبدالعزيز =

نزلت ام نجلاء وهي تشوف الشغالات يبخرون البيت ،

والجد عبدالعزيز واقف يلبس البشت وفهد واقف جنبه عند المرايا يعدل شماغه ويحط من العود ، نزلت آمال وهي لابسه فستان موفي وفاتحه شعرها الاشقر ' صابغه ' نزلت ومشت وهي مبتسمه : والله اجواء عيد يا جدي ،

الجد بضحكه : اي والله عيد ، عيد بشوفة عبدالعزيز واحفاده ،

ام نجلاء مشت اخذت البخور من الشغاله ومشت تبخر فهد فهد ابتسم وهو يتبخر ، آمال ناظرت ما شاء الله تبخر زوجها بس عطيني ابخر جدي بعد ، فهد ضحك وهو يلتفت يمين يسار : وينهم ملاذ و نجوله ؟

ام نجلاء : الحين بيجون كلمتهم ،

-

رجعو من المسجد عبدالرحمن ترك امه في الصالون و رجع اخذ له شاور وطلع وهو يلبس ثوبه ويعدل شعره ،

سلطان دخل وبيده العقال : هذا اكبر مني مين ماخذ حقي!

صقر : هو في احد في البيت غير عمر السراق ؟

دخل الجد وهو لابس البشت وماسكه بيده : يلا يبه بسرعه ،

سلطان طلع وهو يدور عمر ناظر فيه كان واقف يعدل شماغه مشى لعنده : عطني عقالي لا اكسر ظهرك ،

عمر : والله انه حقي ،

سلطان : لا تحلف شف هذا الي حقك يا كبر راسك ،

عمر اخذه وهو يشوف وفعلًا طلع حقه مو حق سلطان ،

سلطان سحب عقاله من راسه : الله ياخذك ي شيخ ومشى وهو يلبس شماغه ،

يوسف دخل وهو لابس بشت بُني : رايح اجيب امكم ،

الجد : خلاص نمشي مره وحده وشو له مشوار ثاني ،

صقر كان بالغرفه تجهز وجلس على الكنب يطقطق بالجوال ،

عمر دخل عنده وهو يشوفه جالس : يلا بنمشي ،

صقر قام وقف ومشى يشوف نفسه بالمرايا وتعطر وطلع ،

عبدالرحمن كان واقف يولع الفحم عشان يتبخر ،

سلطان : خلاص اخلص علينا سنه عشان تولع ،

صقر : عطني عطني اولعه اخذه منه وهو يولعه ، وتبخرو كلهم وطلعو نزلو اول ما طلعو من الشقه ودخلو المصعد ، و ريحة العود والبخور امتلى المكان والنظرات الي كانو يناظرونهم الناس وهم يشوفهم متكشخين ولابسين البشت ،

-

ملاذ كانت جالسه على الكنب ولابسه فستان اصفر وشعرها الاسود ويفي على كتفها وهي تسمع اصوات اهلها ولا تقدر تتكلم وتشاركهم بالسوالف ولا حتى تقدر تشوفهم ،

الشغالات طلعوا وهم يجهزو الطاوله ويحطون المعجنات والقهوة ، ونجلاء تعلمهم شيسون ،

ام نجلاء ناظرت لفهد : وينهم تاخرو ؟

الجد عبدالعزيز : بالطريق قالو بيجون الحين ،

آمال : اوف ما اتحمل ريحة القهوة بروح اشرب ،

ام نجلاء : اهجدي الحين بيجون الناس ،

الجد وهو يقوم ويتوجه لمجلس الرجال قام فهد لحقه وطلعو لمجلس الرجال وهم يشوفون الشغالات يبخرون المجلس ،

-

يوسف وقف سيارته عند الصالون وهو يتصل على زوجته ام صقر دقايق و ردت : ثواني باقي ما خلصت ،

يوسف : يا بنت الناس حنا خلصنا وانتي باقي ،

ام صقر : بس باقي شعري دقايق واطلع ،

يوسف : طيب يلا انتظرك بسرعه بس خمس دقايق ،

ام صقر : تمام وقفلت منه ،

الجد : يالله هذا الي كان ناقص ،

سلطان : يبه صرفهم وقل الطريق زحمه ،

عبدالرحمن: توه بدري لو نوصل العشاء افضل ،

الجد : الرجال كلشوي يسال وينكم اقوله بالطريق ،

صقر كان ساكت ويطقطق على جواله ،

بعد دقايق وصلت ام صقر وحركو سيارتهم متوجه لبيت عبدالعزيز "

-

الجد عبدالعزيز كان جالس يسولف مع فهد فجاه سمعو صوت بوري السياره ابتسم وفز قام وهو يعدل بشته فهد قام مشى وهو يشوف السواق يفتح لهم الباب ، دخل سيارته يوسف ونزلو كلهم الجد عبدالعزيز  مشى لعند الجد سُليمان وهو يسلم عليه ويحضنه : يا هلا ياهلا ، فهد قرب وهو يسلم على يوسف والعيال ، بينما ام صقر مشت مع الشغاله لمجلس الحريم ان نجلاء كانت واقفه اول ما دخلت ام صقر ، ام نجلاء قربت تسلم عليها والبنات يسلمون عليهم : كيفك شالاخبار ،

ام صقر ابتسمت : والله انا بخير كيفكم انتم شخباركم؟

ام نجلاء : بخير والله نورتينا تو ما نور المدينة بوجودكم ،

'

= مجلس الرجال =

الكل دخلو جلسو عبدالعزيز التفت للعيال : هاه يا يبه كيفكم وكيف مدينه عجبكم ولا ودكم بالقصيم ،

عبدالرحمن بضحكه : والله مافي زي قصيمنا ،

عمر : انا حبيت اجواء المدينة ،

الجد سُليمان : وانتم متى تنورون قصيمنا ؟

فهد بضحكه : محنا طالعين من مدينتنا ،

يوسف : لا عاد هذا خيانه ،

سلطان كان جالس بضحك على سوالفهم ،

الجد عبدالعزيز: والله انكم نورتو المدينة ،

فهد : والله المدينه منور بـ اهله ،

الجد سُليمان التفت لـ عبدالعزيز : شصار على شركتك ، وكملو سوالفهم عن الشغل والشركه ،

صقر قام انسحب بهدوء وطلع عند السيارات للحديقه يدخن،

'

= مجلس الحريم =

الشغاله قامت وهي تصب القهوة للكل ،

ام صقر : ما شاء الله تبارك الله عندك ٣ بنات ؟

ام نجلاء ابتسمت : اي ربي ما رزقني بعيال ،

ام صقر : سبحان الله شوفي انا عندي اربع عيال و ربي ما رزقني ببنات لكن الحمدلله بكل الاحوال ،

جلسو وهم يسولفون ، نجلاء قامت طلعت وهي تشوف ملاذ بالصاله والشغاله ما حولها فزت ومشت لعندها : ملاذ شتسوين هناك ووين مارلين عنك؟ مشت وهي تدور الشغاله قامت طلعت للحديقه وهي تدورها ، فجاه سمعت صراخ آمال وهي تناديها وهمست : ملاذ انتظريني هنا الحين اجيكِ ومشت عند آمال ، ملاذ مدت يدها قدامها وهي تشوف مافي شي قامت بهدوء تمشي وقفت وهي تشم ريحة الدخان

ماتدري مين الشخص الي موجود فقط تشم ريحة دخان ما حست بنفسها الا وهي تطيح على الارض تعثرت خطواتها وطاحت ، صقر كان ورا السياره فز من الصوت وهو يلتفت يمين يسار لكن وقف من سمع صوت البنت ومشى اتجاه السياره وهو يشوف البنت الي طايحه و لابسه فستان اصفر وشعرها مفتوح ومغطي ظهرها ووجهها منزلتها على الارض وقف وهو يناظر لها بصدمه وينتظرها تتحرك ،

ملاذ رفعت راسها وهي تحاول تقوم ولا تشوف شي قدامها مدت يدها وهي تشوف قدامها شخص واقف مدت يدها له صقر كان مصدوم و مد يده ملاذ مسكت يده وهي تقوم

صقر كان يناظر فيها كانت حاطه مكياج نزل نظره لتحت وهو يشوف فستانها كان مصدوم كيف هي واقفه قدامه تطالع فيه ولا تمشي ولا تتكلم بس ساكته! رفع نظره وهو يناظر فيها ، ملاذ كانت ساكته ما تقدر تتكلم بشيء والدموع تتجمع بعيونها صقر كان متوقع انها تطالع فيه ناظر لعيونه وهو يشوفها عكس هي الي ماكانت تشوف شي قدامها غير السواد صقر تكلم بهمس : انتي بخير ؟ ملاذ فزت من صوته وسحبت يده منه وهي تعرف هالشخص مو ابوها ولا هو جدها تميز صوت اهلها وتعرفهم لكن هالشخص غريب وهي متاكده! صقر انصدم وهو يشوفها ترجع لوراء ، خاف انها تصارخ صد وقام بيمشي اول ما مشى وعطاها ظهره سمع صوت الشغاله بحركه سريعه تخبى ورا السياره ، الشغاله مشت مسكت يد ملاذ وهي تاخذها لداخل ، ملاذ كانت مصدومه وهي ترتجف بخوف و تاشر للشغاله بمعنى من كان هناك الشغاله ما كانت فاهمه شيء واخذتها تجلسها على الكنب ومدت لها المويا ،

'

صقر دخل المجلس جلس وهو مصدوم من نفسه كيف تجرا يوقف قدامها ويمسك يدها! لو هي تكلمت وعلمت الكل مستحيل يتركونه لكن طرد هالافكار من راسه وهو يتذكر شعرها الاسود وفستانها الاصفر وكيف كانت واقفه قدامه ،

غمض عيونه وهو يتعوذ من الشيطان لكن منظرها كل دقيقه يمر بباله ولا يقدر يتهرب من جمال المنظر الي شافه ، لاول مره بحياته يشوف انسانه كذا بكامل اناقتها قدامه ،

 صار وقت العشاء الكل تعشو وخلصو و س ١١ كل شخص راح لبيته وانتهى العزيمه بكل خير الا صقر الي بالنسبه له ما انتهى على خير الى الان يفكر فيها كل باله معها ، علمت احد عني ولا لا ، وكيف كانت ساكته ولا تكلمت بشيء ليه كانت تطالع فيني بطريقه ولا كاني موجوده؟ الف سوال وسوال براسه انسدح على السرير وهو يحاول ينام لكن ما يجيه النوم تنهد سحب الدخان ونزل طلع من الفندق وقف وهو يدخن غمض عيونه وهو يفكر فيها ويتمنى لو يقدر يعرف عنها شي ،

'

عبدالرحمن كان منسدح على السرير  يطقطق بجواله ترك جواله ومشى عند الشباك وهو يشوف صقر واقف تحت ويدخن استغرب وسحب جواله ولبس ثوبه وطلع نزل لتحت طلع من الفندق وهو يشوف صقر واقف ومعطيه ظهره ويدخن وسرحان مشى بهدوء وحط يده على كتفه : متضايق؟

صقر فز والتفت له وهز راسه بالنفي : لا وانت وش جابك؟

عبدالرحمن: لا تسوقه علي فيك شي متاكد علمني حتى في العزيمه ما كنت على بعضك  فيك شي ؟

صقر نزل راسه وهمس : مافيني شي يا دحوم خلني بحالي ،

عبدالرحمن : طيب اجل راح اسكت بس ماراح اروح من هنا ماراح اتركك لوحدك راح اكون جنبك ،

صقر التفت له : شفت بنت فهد ، عبدالرحمن انصدم وهو يناظر فيه : بنت من! بنت فهد حفيدة عبدالعزيز!

صقر هز راسه بـ اي وهو يناظر له ، عبدالرحمن كان مصدوم،

صقر : ما تعمدت كان صدفه وشكلي طحت فيه ،

عبدالرحمن شال يده عن كتف صقر وهو مصدوم ،

صقر بهدوء : ما كنت ادري راح تلعب بداخلي كذا كانت قدامييي يا عبدالرحمن حتى مسكت يديي كانت لابسه فستانها وواقفه قدامي وتطالع بعيوني ! كانت ساكته ما تكلمت بشيء يا عبدالرحمن وتركتني اتاملها تركتني اطيح نفسي بعذابها عطتني وقت ارمي نفسي ب نارها و هربت ، تكفى يا عبدالرحمن ش.. دفه عبدالرحمن وصد عنه وهو يدخل الفندق صقر لحقه وهو يمسكه من كتفه : بذمتك يا عبدالرحمن بذمتك تحفظ لي ماء وجهي طلبتك !

عبدالرحمن بحده : اذا انت ما احتفظت ب ماء وجهك ولا فكرت في ابوي وجدي ف لا تطلب مني احتفظ ب ماء وجهك.

صقر ناظر فيه : بتخليني اندم! عبدالرحمن ناظر فيه وهو ساكت صقر صد عنه : تمام ماراح اتكلم عنها ولا افكر فيها ،

عبدالرحمن : مانت واثق فيني يا صقر انا صديت عنك وقررت امشي عشان ما اطرحك على الارض وادفنك بدال ابوي ، اما سرك والي سويته والي شفته بعيونك والي تاملته ماراح اعلم فيه احد بس صحصح على نفسك ،

صقر : انا ضعت ماعاد فيني اصحصح ،

عبدالرحمن: دق باب بيتها دامك ضعت ،

صقر : مافيني هالقوه اواجه امي وابوي واعلمهم بلي صار ،

عبدالرحمن تنهد : بهالموضوع حتى انا معك صعب توضح لامي بس بالنهايه مالك حل ثاني ،

صقر صد وهو يناظر للارض وهمس : مو عارف شي يا دحوم ،

عبدالرحمن ناظر لعيونه : اعجاب صح؟

صقر هز راسه بالنفي : اعجاب بيسوي فيني كذا؟

عبدالرحمن : بس مستحيل حُب يا صقر ،

صقر سكت وهو يناظر له عبدالرحمن صد ودخل الفندق صقر لحقه وتوجهو للجناح ،

'

ملاذ كانت منسدحه على السرير وهي تفكر مين الشخص الي مسك يدها رغم انها ما شافته لكن سمعت صوته وحست بيده الي مسك يدينها ! قاطع تفكيرها وهي تسمع صوت خواتها يدخلون الغرفه آمال مشت وهي تحط الشاي ، نجلاء مشت وهي تشبك جوالها بالشاحن ومشت جلست معها ،

آمال : غريبه ملاذ نامت من بدري ،

نجلاء : يمكن تعبت الا بسالك شصار على روحتنا للمزرعه؟

آمال رفعت كتوفها : معرف كان المفروض بنروح اليوم بس بسبب عزيمة جدي تكنسل ،

نجلاء : يالله اشتقت لاجواء المزرعه ،

آمال : ما اشتقت لشيء غير شيهان ،

نجلاء بضحكه : لو بيدك جبتيه للبيت ،

آمال : بخاطري والله بس اعرف جدي راح يرفض ،

فجاه دخلت ام نجلاء وهي تناظر : للحين ما نمتو؟

نجلاء : لا تعالي جالسين نسولف واحلا شاي من يديني ،

ام نجلاء ابتسمت ومشت وهي تجلس وتسمع سوالفهم ،

'

الجد عبدالعزيز كان واقف برا يشم هواء فجاه وقف سيارة فهد ونزل وهو مبتسم : شتسوي هنا يا يبه ؟

الجد ضحك : طفشت من هالبيت ودي بقعده مع سُليمان تذكرت ايامنا كيف كنا نجلس اخر الليل ،

فهد : دامه في المدينه ف ابشر بكره اخذك له ،

الجد : شرايك لو بكره نمر للمزرعه؟

فهد : والله حلو ومنه سُليمان يشوف المزرعه وتعلمه خُطتك الي تبي تسويه بالمزرعه ،

الجد بضحكه : ايي بس بناتك يبون يروحون المزرعه بعد ،

فهد : لا يا يبه ناخذهم وقت ثاني ان شاء الله ،

الجد : على خير يا يبه يلا نمشي نريح تاخر الوقت ،

'

( صباح يوم جديد على ابطالي )

'

الجد سُليمان التفت لعمر : روح جيب فطور ياولدي وبعدين نمشي عند عبدالعزيز اتصل علي نروح له المزرعه ،

سلطان : من الحين اقولكم دام عمر الي بيروح يجيب ف لحد ياكل يجيب من واحد الناموس يدورون حوله وهو يطبخ وبدون قفازات معليش يهمني حياتي ماراح اكل ،

عمر : والله انك كذاب مافي الذ من اكل امس ،

عبدالرحمن: غسلت يدي منكم رايح اخذ لي قهوة ،

يوسف بضحكه : يلا اخلصو لا نتاخر على الرجال ،

سلطان وهو يقوم : انا رايح اخذ لي من البقاله  ،

صقر الي كان بعيد عن سوالفهم وكلامهم وسرحان ، عبدالرحمن مشى جلس جنبه : ماخذه عقلك؟ صقر ما سمعه وسرح في خياله عبدالرحمن دف كتفه بـ كتفه صقر فز ،

عبدالرحمن: تعال نروح نتقوى صحصح شوي عن خيالك ،

صقر قام معه بهدوء ونزلو لتحت عبدالرحمن ركب السياره

مشى عمر لعنده : انت بتاخذ السياره ؟

عبدالرحمن: اي والمطاعم قدامك وشو له سياره روح مشي،

عمر سحب عليه ومشى ، صقر ركب السياره عبدالرحمن ركب وشغل السياره : اي ما قلت لي ايش فكرت ؟

صقر تنهد وهو يصد : خله على ربك وانا اخوك ،

عبدالرحمن بضحكه : تعبك الحُب ؟

صقر : تطقطق علي؟ بيجي يوم وتطيح فيه واذكرك بكلامك واضحك عليك ، والله انه نار اذا طحت فيه يخليك رماد ،

عبدالرحمن: الله لا يجيب اليوم الي اطيح نفسي في هالنار ،

صقر : بتطيح وانا اخوك بتطيح بدون ما تحس على نفسك ،

عبدالرحمن : ليه تشوفه حب وهو يوم وليله لعله اعجاب؟

صقر : الاعجاب ما يسوي كذا يا دحوم والله تعبتني ،

عبدالرحمن : سمعت شي لكن ماودي اقولك ياه واكسرك ،

صقر فز والتفت له : حلفتك بالله تعلمني!!

عبدالرحمن تنهد وهو يهمس : امي كانت تقول لجدي عن بنات فهد وتقول وحده منهم مخطوبه الله اعلم من تكون ،

صقر انصدم وهمس : الله لا يقول انها هي !

عبدالرحمن رفع كتوفه : الله اعلم ف عشان كذا لا تخلي هقوتك واحلامك عاليه طيح حطب الحُب واحرقه من الان عشان ما تنصدم بعدين وتندم ،

صقر سكت وهو يناظر من الشباك بصمت ،

'

الجد سُليمان  ناظر لـ ام صقر : عساكِ لقيتي من عندهم بنت الحلال لعيالك ؟

ام صقر هزت راسها بالنفي : لا والله مالقيت ،

يوسف : اتوقع فهد عنده ٣ بنات ليه صغار هُم ؟

ام صقر : لا نجلاء بنتهم مخطوبه لولد عمتها وملاذ اكيد تعرفون انها ما تشوف ولا تتكلم ف صعب و آمال ما احس انها قد المسؤؤلية وتوها صغيره ف ما فكرت اخطب وحده منهم،

الجد بهدوء : الله يجيب نصيبهم على خير ،

يوسف : كان املي هناك انك تخطبين لعيالك وحده منهم ،

ام صقر هزت راسها بالنفي : كنت متوقعه نفس الشيء ،

'

= بيت الجد عبدالعزيز =

تجمعو على طاولة الفطور وهم يفطرون ،

الجد عبدالعزيز : اليوم نروح المزرعه بيجون احفاد سُليمان ،

آمال بصدمه : مو انت وعدتنا بتاخذنا؟

نجلاء : منجد ليه الحين انتم تروحون واحنا لا ؟

الجد : بس يا بنتي هُم ضيف ل كم يوم وبيروحون ،

آمال : بس انت وعدتني بتاخذنا واشوف شيهان ،

الجد : شوفته اليوم من نصيب الغير ،

فهد : خلاص احنا بنروح بعدين ان شاء الله ،

الجد التفت لفهد : كلم ابو مشعل بيجي؟

نجلاء التفتت لآمال على طاري مشعل آمال ضحكت وصدت وهي تهمس : الا صح متى زواج نجلاء ومشعل ؟

نجلاء فزت ومدت يدها تقرصها ،

ام نجلاء : مستحيل تصير الحين قلنا لهم بعد كم سنه ،

فهد : واختي  بعد كانت موافقه على هالقرار ،

آمال : صح عمتي خطبتها وهي بزره اكيد تكون موافقه ،

'

عبدالرحمن وصقر كانو في الكافيه يتقهون وجالسين ،

عبدالرحمن حط جواله على الطاوله : كلم جدي ،

صقر صد : مستحيل اكلمه ،

عبدالرحمن : شف يا صقر مافي غير جدي الي يقدر يكلم اهلها وانت تدري كلنا نمشي على كلمة جدي وانت زعلان منه عشانك سويت حادث وصارخ عليك ؟ خلاص الشيطان بح و اتفل عليه وتصالح معه ولا ترا اذا رجعنا القصيم بتضيع منك ماندري متى راح نرجع للمدينة او يمكن ما نرجع ،

صقر رفع نظره له : مافيني هالقوه اواجه جدي لمصلحتي ،

عبدالرحمن : طب كلم امي ؟

صقر : خلاص يا عبدالرحمن قفل الموضوع يمكن صح كلامك مجرد اعجاب وبينتهي مع الوقت خلاص انسى ،

عبدالرحمن : متردد من مشاعرك؟ مانت عارف شعورك؟

صقر : ماني عارف مو فاهم نفسي كل الي اشوفه قدامي وجهها وشكلها وفستانها الاصفر وشعرها الاسود ،

عبدالرحمن وهو يصد وضحك : توصف لي زوجتك ؟

صقر فز وابتسم على كلمة ( زوجتك ) ،

عبدالرحمن : عالعموم اذا بغيتها كلم جدي هذا نصيحتي لك ويلا قم تاخر الوقت بنروح نلحق للمزرعة جدها ،

صقر : الله يرزقني الثبات قدام ابوها وجدها ولا انهزم عشانها،

عبدالرحمن : والله وطحت يا صقر ومحد سمى عليك والله يذبحك ابوها لو عرف بشي امشي بس ،

صقر : راضي انذبح دام ابوها الي يذبحني ،

عبدالرحمن ضحك وصد طلع من الكافيه صقر لحقه ،

'

الجد كان واقف تحت والشماغ على راسه : وينهم ذول ،

سلطان : اتصلت عليهم بالطريق جاين ،

عمر : مسوين فيه اجانب يشربون قهوة من صباح الله ،

سلطان : شدخل الاجانب؟ ليتك راقد انت و راسك ذا ،

عمر :  انت شفيك علي ؟ ذابح زوجتك وعيالك انا؟

سلطان : يشيخ اذلف والتفت لجده الي كان يسولف مع ابوه فجاه وقف عبدالرحمن سيارته  و ركبو كلهم ،

يوسف : وين رحتو سنه عشان توصلون ؟

عبدالرحمن : والله الشوارع زحمه يا يبه ،

و توجهو المزرعه "

'

=  المزرعه =

مشعل خطيب نجلاء عمره ٢٢ كان الشماغ على كتفه وهو يصب الشاي للجد وابوه ولفهد ، وفهد وابو مشعل كانو واقفين يحاولون يشبون النار والدنيا برد ، مشعل حط دلة الشاي ومشى وهو يساعدهم بعد مُعاناة قدرو وتجمعو جلسو عند النار وحطو الفرشه على الارض وتكاية الجلسه ،

الجد جلس على الكرسي وهو يشرب الشاي ،

مشعل : والله يبي لنا شيله مع هالاجواء ،

فهد : صادق بس وينهم ما وصلو ذولا ،

فجاه وقف سيارتهم مشعل سمع صوت السياره ومشى وهو يستقبلهم ويدخلهم المزرعه الكل قامو وهم يسلمون ،

يا هلا يا هلا نورتو الله يحيكم تعالت اصوات الترحيب ،

سُليمان ضحك وهو يجلس بالكرسي الي جنب كرسي الجد ،

فهد وابو مشعل كانو واقفين جنب يوسف يسالون عن اخباره.

ومشعل كان مع العيال يصب لهم الشاي ،

عبدالرحمن : والله الدنيا برد وانا ما جبت معي شيء ،

الجد سُليمان كان لابس فروة ، والجد عبدالعزيز نفس الشي،

فهد : يا مشعل يبه تلقى في الغرفه الي داخل فيه جاكيتات جيبهم الله يسعدك ، مشعل قام ومشى يجيبهم والعيال التفتو وهم يناظرون الجاكيت الموفي والوردي والاحمر ،

الجد عبدالعزيز بضحكه : اعذرونا ماعندنا الا بنات ،

عبدالرحمن: اجل خلوني على البرد احسن ،

صقر سكت وهو من بينهم يلمح الجاكيت الاصفر وتذكر فستان ملاذ وهمس : عطني هالجاكيت مشعل مده له صقر رفع راسه وهو يشوف نظراتهم : معليش لازم اتدفى ما يهمني اذا للبنات ، الكل ضحكو ، مشعل حط الجاكيتات على الكرسي. صقر لبس الجاكيت اول ما لبسه شم ريحة عطر نسائي ثقيل وممزوج على ريحة حلاوة لا شعورًيا تذكرها لما مسك يدينها وهو يقومها شم نفس الريحة ! تنهد وهو يناظر للنار الي بوسطهم مد يده وهو يشد الجاكيت على نفسه وكان لابس ثوب ابيض كان يشد الجاكيت حتى يطبع الريحه على ثوبه ، الجد سُليمان قام وهو يفسخ فروته ويمده لـ عبدالرحمن : خذ ياولدي البسه ،

عبدالرحمن بصدمه : لا والله يا عمي ماراح الب.. قاطعه الجد بحده : البسه ومابي ولا كلمه خذ ولا ازعل منك ، عبدالرحمن ابتسم وقام وهو يلبسه ، الجد جلس ،

الجد سُليمان : راح تتعب من البرد خذ حقي انت ،

الجد عبدالعزيز بضحكه : لا والله انا احتريت من قوة النار الي قدامي ، الكل ضحكوا وجلسو وهم يسولفون ،

صقر الي كان بعيد عن سوالفهم و ريحة العطر الي دوخه ومو قادر يستوعب شي غير طيفها تمر بباله ،

عمر ناظر لمشعل : عطني اي جاكيت ما اتحمل البرد ،

مشعل نزل نظره للجاكيت الاحمر والي تاكد انه الجاكيت الاحمر لنجلاء هز راسه بالنفي : خذ جاكيتي انت وفسخ و رماه له وسحب جاكيت نجلاء لحضنه ، رغم انه مافي تواصل بينهم غير الخاتم وخطوبتهم عن عادات وتقاليد الا انه يحبها وجدًا ويعرف انها تحب اللون الاحمر كانت لابسه فستان احمر بالخطوبه وقد صادفها بالمزرعه لابسه هالجاكيت ، والوردي لاخته والموفي الي ما عرفه لمين لكن اكيد لبنات فهد ،

عمر لبس جاكيت مشعل : والله يبي لنا اغنيه ،

الجد : وشو اغنيه وشو خرابيط ،

مشعل : سامحهم يا عمر هُم في زمن غير زمننا ،

يوسف كان يسولف مع فهد وابو مشعل : شف شف شيقول ،

فهد بضحكه : اجل قومو من قدامنا وروحو هناك شبو النار وشغلو اغانيكم ،

الجد عبدالعزيز وهو يقوم : انا اقول نخليهم وحنا ندخل داخل للمجلس احتريت من هالنار ابي اجلس شوي تعبني الكرسي،

الجد سُليمان : صادق والله الكرسي كسر ظهري ، قامو الشياب والرجال وتوجهو للمجلس الي في المزرعه ،

عمر : اخيرًا الحين نقدر نجلس على راحتنا واقدر اسبكم ،

سلطان كان يضحك وهو يشوف صقر لابس جاكيت الاصفر

ومشعل الاحمر انسدح من الضحك ،

عبدالرحمن : والله وضاعت الرجوله يا عيال ،

صقر ضحك وهو يشوف سلطان الي يضحك ،

عمر : والله مشعل ضيع رجولته بيده عطاني جاكيته ولبس حق البنات الحمدلله على نعمة العقل ،

سلطان : الحمدلله لبست من البيت وجيت ولا تفشلت زيكم،

صقر صد عنهم وهو يولع الدخان ويدخن ،

عمر : الله يعين الي لبست جاكيتها تنكتم من ريحة الدخان تلقاه من ريحتك ولا ريحة الدخان ،

عبدالرحمن : والله لازم يغسلونهم بغسيل بسببكم ،

عمر : مع تايد مافيش مستحيل ،

قاطعهم مشعل الي بدا يغني : اشوفك كليوم و اروح ، شبك معه عمر وهو يكمل معه واقول نظره ترد الروح ،

اعيش فيها عشان بكرا عشان ليلي اللي كله جروح ،

تدخل معاهم عبدالرحمن: صحيح النظره ما تكفي من الآلآم ما تشفي لكن عذرنا الحاضر نراعي الوقت والخاطر ،

نفث الدخان صقر وهو يبدا معاهم : ومادام النظر مسموح اشوفك كليوم واروح عسى النظرة ترد الروح ، توصيني على الكتمان وتبغى حبنا ما يبان ، وسكت وهو يرجع يولع الدخان ويدخن وينزل راسه ويشم ريحة العطر من الجاكيت ،

والتفت لهم وهو يشوفهم يغنون بصوت واحد ،

وتحسب حُبنا خافي ترى راعي الهوى مفضوح ،

'

آمال كانت نايمه بغرفتها دخلت نجلاء مشت وهي تشغل اللمبات : بنت اصحي قومي بنمشي للمول ،

آمال التفتت لها : مالي خلق روحو انتم وامي انا بنام ،

نجلاء : ترا بنروح كلنا ناخذ ملاذ بعد وتجي ريما بعد ،

آمال : اي اجل قولي انك رايحه عشان اخت مشعل ،

نجلاء صدت : وع لا تذكريني فيه لو بيدي ما وافقت ،

آمال : الكُره ما يجي من وراه الا الحُب خل عنك بس ،

نجلاء : تمشين ولا لا ؟

آمال وهي تقوم : الا بمشي بس عشان اخذ لي قهوة واصحصح واخذ لي كعب ،

نجلاء : اجل قومي البسي بسرعه وانزلي ،

'

سلطان وهو يقوم : والله لازم نستكشف المزرعه وش فيه ،

عمر : من ساعه اسمع صوت الحيوانات وينهم ذولا ،

مشعل : ما تشوف اخوانك قدامك ؟ وقام يضحك ،

عمر وهو يفلده : ما تشوف اخوانك قدامك شايف نفسك يا بعير؟ اقول امش بس ورنا المزرعه كامل ،

عبدالرحمن وهو يناظر : كانه ذا اسطبل الخيل؟

مشعل : اي و مو واحد في اثنين ، ومشو عند الخيل وهم يشوفونهم ، صقر كان وراهم حاط يده بجيب الجاكيت ،

عبدالرحمن وقف وهو يشوف الخيل والتفت وهو يشوف الصقر الي على الوكر وضحك : اووه صقر لمن ذا؟

مشعل : وشو صقر والتفت اها ذا اسمه شيهان ،

عبدالرحمن : ما شاء الله وش هالاسم ،

مشعل : عاد جدي و ذوقه كل حيوان على اسم ،

عبدالرحمن وهو يسحب الدس القفاز ويلبسهم ويطلع شيهان ، بهاللحظه دخل الجد عبدالعزيز لعندهم وهو يناظر : وين رحتو قاعد ادوركم تعالو ساعدو ابوكم بالكبسه،

سلطان : كبسه والحين وهنا؟؟

عمر : لعبتي الكبسه يا جدي افا عليك بس وين المطبخ ؟

الجد ناظر لعبدالرحمن الي كان ماسك شيهان ومبتسم وهمس : ابيعه ودك فيه؟

عبدالرحمن بصدمه : صدق تبيعه؟ والله لو الف راح اخذه ،

عمر : مو شايف خير ،

الجد بضحكه : والله ما ابيعه بس حلالك يفداك احفاد سُليمان يبشرون بلي خاطرهم فيه والله انه ما يقعد بخاطرك ،

عبدالرحمن : لا والله ياجد..قاطعه الجد وهو يهمس : اعتبره هديه مني وخذه معك للقصيم كل ما تشوفه تذكرني ،

عبدالرحمن ضحك ومشى وهو يقبل راسه ويده ،

صقر كان واقف بصمت ويضحك ،

الجد : يلا على المطبخ والتفت لـ عُمر نشوف طبخك ،

ضحكو ومشو متوجهين للمطبخ ودخلو وهم يشوفون يوسف واقف ماسك الدجاجه وابو مشعل يقطعه ، وفهد ينقي الرز ،

العيال كتمو ضحكتهم من منظرهم ،

التفت لهم ابو مشعل : يلا تحركو واحد يقطع الطماطم بسرعه وواحد يسوي سلطه يلا تحركو ،

'

الجد سُليمان كان جالس عند النار والهواء بارد الجد عبدالعزيز مشى جلس جنبه : والله يا حليله عبدالرحمن ،

الجد سُليمان : ليه شصاير ؟

الجد عبدالعزيز : شفته كان بخاطره شيهان قلت يفداه ،

الجد سُليمان : عطيت صقرك له؟

الجد عبدالعزيز : دامه حفيدك يفداه دمي بعد ،

الجد سُليمان ابتسم : الله يخليك ويطول بعمرك ،

'

عمر ما ينحط فيه ملح سلامات تحط ملح في سلطه؟

سلطان : اقول ابعد بس جاهل شعرفك انا طباخ ،

عبدالرحمن كان واقف يناظر وبيده قرورة مويا يشرب ،

يوسف : الحين رجل الدجاجه ينطبخ ولا نرميه؟

ابو مشعل : كله عظم نرميه ليه نطبخه ،

فهد : ياهوه حطو الدجاجه كامل بالقدر وشو تقطعونه انتم؟

مشعل : لا يا عمي وشو يحطونه كامل ناكل العظم بعد؟

صقر ضحك وطلع عبدالرحمن لحقه وطلعو للحوش ،

ابو مشعل : احط الرز وفوقه احط الدجاجه ولا كيف؟

يوسف : لا اول شي نحط الدجاجه بدون رز ينطبخ ونسوي الرز،

عمر : من الحين اقول اعظم الله اجرنا والله يرحمنا مقدمًا ،

سلطان : انت من امس تاكل من مطاعم الي ما يغسلون يدهم ولا مت ف لا تخاف عندك سبع ارواح ،

'

عبدالرحمن مشى وقف عند اسطبل الخيل صقر وقف جنبه والتفت له : شعندك تراقبني؟

عبدالرحمن : جاكيتها صح ؟

صقر بصدمه : وانت كيف عرفت ؟

عبدالرحمن بضحكه : الفستان الاصفر على قولتك ما نسيته ،

صقر تنهد وهو يصد : حتى ريحة عطرها نفسه ،

عبدالرحمن : تعبتك واضح !

صقر تنهد وهو يصد : ليتني ما وقفتها يوم طاحت ،

عبدالرحمن : مو ناوي تصالح مع جدي لاجل خاطرك ؟

صقر : ماودي لاجل مصلحتي اتصالح اما خاطري عاف ،

عبدالرحمن : صدقني يا صقر مافي غير جدي الي يسمعك ،

صقر التفت له : الي مخوفني اذا هي الي مخطوبه ؟

عبدالرحمن : مدري والله يخوي ماني عارف شيء ،

صقر بهدوء : لو طلع مشعل خطيبها ؟ عبدالرحمن سكت وناظر له كمل مشعل : تدري وش بيصير بقلبي؟

عبدالرحمن : ليه قاعد تدمر نفسك عشانها؟ ولا همها ،

صقر : افكر ليه كانت تطالع فيني كذا يا صقر نظراتها لي ذبحتني حطيت عيوني بعيونها وانا اطالع فيها وهي ساكته !

عبدالرحمن : يمكن كانت مصدومه طيب؟

صقر هز راسه بالنفي : ما ظنتي يا عبدالرحمن ،

'

= عند البنات =

'

طلعو متوجهين للمول مع السواق نزلو من السياره وهم يدخلون المول ام صقر كانت ماسكه يد ملاذ والشغاله معها ،

والبنات قدام نجلاء وآمال و ريما دخلو المول مع بعض ،

نجلاء التفتت وهي تناظر : وش هالزحمه ياويلي ،

ريما ضحكت وصدت وهي تمشي مع آمال نجلاء لحقتهم ،

ام صقر كانت وراهم مع ملاذ والشغاله معها ،

ريما : ندخل هالمحل؟

نجلاء : لا واضح مافيه شي حلو امشي قدام ،

امال : والله انكم فاضين سحبت شنطتها وهي تطلع السماعات وتشبكهم بالجوال وتسمع اغنيتها المُفضله ،

وهم يمشون بالمول ويناظرون للناس الي جاين و رايحين ،

'

العيال طلعوا كلهم للحوش وهم يجلسون والرجال داخل يطبخون والشياب بالمجلس ،

صقر جلس جنب عبدالرحمن وهو يسمع سوالفهم ،

عمر : والله انه مافي احد منهم فنان بالطبخ ،

سلطان : ما يفرق معم اي شي تبلعه انت ،

مشعل بنعاس : والله ميت نوم ،

عبدالرحمن حط راسه على كتف صقر : مالومك الدنيا برد ودك تنام هنا ،

عمر : شرايكم اغني لكم ؟

مشعل : اسكت بالله مو ناقصين صوت النشاز ،

عمر : الشرهه على الي يبي يروقكم ،

سلطان : ماعليك حنا مروقين بس اكرمنا بسكوتك ،

عبدالرحمن التفت لصقر الي كان ساكت ويناظر للعيال ،

فجاه دخل يوسف : يلا تعالو المجلس الاكل جاهز ،

عمر : الله يرحمنا ويرحمكم برحمته مقدمًا ،

سلطان : اقول وصيتي ولا ما يحتاج؟

عبدالرحمن : تصدقو عني بعلبة تونه راضي ،

صقر ضحك وهو يقوم : ابشرو بس يلا سمو بالله نمشي ،

دخلو المجلس وهم يشوفون ابو مشعل قاعد يرتب السفره وصحن الرز بالنص والمويا وكل شي مرتب الكل جلسو وبداو ياكلون وفعلًا كان الطعم حلو ،

فهد : الله يخلي اليوتيوب الي انقذنا ،

'

نجلاء مشت وهي تناظر للفستان : شرايك ريمو؟

ريما هزت راسها بالنفي : مو حلو دوري غيره ،

آمال : شوفي الفستان الاحمر عاد ذوقك ،

نجلاء وهي تصد : ماما تذبحني كل دولابي احمر ،

ريما : شرايكم ناخذ اغراض المزرعه ونجلس هناك كم يوم؟

آمال : اييي كنت ابي اخذ قفص لشيهان ،

نجلاء : وانا بخاطري اخذ جاكيت جديده ،

فجاه مشت عندهم ام صقر وبيدها فستان ابيض وعليه خطوط اصفر : شرايكم لملاذ؟

نجلاء : تجننن بتطلع حلو عليها ،

ام صقر : انتم خلاص اخذتو وخلصتوا ؟

آمال هزت راسها بالنفي : ما عجبني شي باخذ لي مناكير موفي وودي ناخذ ملابس الشتاء من مول ثاني ،

ام صقر : ابوكِ توه اتصل يسال عنكم قلتله طلعتهم للمول يغيرون جو وقال انهم بيرجعون بعد شوي يلا اخلصوا ،

'

سلطان كان جالس ياكل بعد دقايق خلص وقام فجاه رن جواله استغرب ومشى غسل يدينه واخذ جواله وهو يرد : ياهلااا ،

مصعب : وينك فيه لا حس ولا خبر ؟

سلطان : والله في المدينة ليه عسى المانع خير ؟

مصعب : والله فقدتك يا رجال متى راجعين ؟

سلطان : كله كم يوم بنرجع انت علمني اخبارك؟

مصعب : يا انه طاح قضيه في يدي ودي تمسكه عني ،

سلطان : ليه وشهي ؟

مصعب : عنف اسري البنت رفعت قضيه على اهلها ،

سلطان : وليه ما تمسك القضيه انت ايش عندك؟

مصعب : والله زوجتي تعبت وولادتها قريب ف صعب ،

سلطان تنهد : خلاص مو مشكله ارجع بعد كم يوم واشوف ،

سلطان : تمام على خير ،

'

= تاخر الوقت والكل قامو يودعون بعض ويمشون لبيتهم =

الجد مشى لعنده وهو ماسك قفص شيهان : نسيته ،

عبدالرحمن ابتسم وهز راسه بالنفي : ما نسيته والله ،

صقر كان واقف وهو يفسخ الجاكيت عن نفسه مسكه وهو يناظر فيه وقرب حطه على الكرسي ونزل راسه لثوبه وهو يسم العطر و ريحة الدخان وفعلًا طبع ريحة العطر على ثوبه ابتسم بدون شعور ومشى عند العيال وودعو بعض والكل مشى ،

'

البنات رجعو من المول وتجمعو بالصاله وكل وحده تشوف اغراضها آمال كانت جالسه تحط من المناكير الموفي ،

نجلاء لبست فستانها وهي تناظر بالمرايا : شرايكم؟

ريما كانت جالسه تلبس الكعب : حلو بس ليتك اخذتي كعب،

ام صقر كانت واقفه تلبس الفستان لملاذ وهي مبتسمه ،

آمال تركت المناكير وهي تناظر : نجوله ليه ما اخذتي الي ورتيني؟ كان لونه احلا من هاللون ،

نجلاء : ما حبيته كان كبير علي حسيت ومشت تغير ،

ريما بضحكه : فستانها زي وجهها بس نسلك لها عاد ،

فجاه انفتح الباب و دخل الجد عبدالعزيز وفهد ،

ريما ابتسمت ومشت تسلم عليهم وهمست : بابا جاء؟

فهد : اي يا بنتي واقف ينتظرك برا ، ريما مشت تتجهز ،

فهد جلس وهو يناظر للاغراض : ما شاء الله ما تركتو شي ،

ام نجلاء ابتسمت والتفتت له : هاه كيف كان المزرعه؟

فهد التفت لآمال : جدك غدر فيكِ يا بنتي ،

الجد فز والتفت لفهد : انا غدرت فيها؟

فهد : شيهان طار من المزرعه ماعاد فيه ،

الجد تذكر وسكت وناظر للارض بصمت ،

آمال بصدمه : كيف طار؟؟ لا يكون خليتوه يهرب؟

فهد : لا والله ما هربه الا جدك بيده ،

الجد : بنجيب غيره ،

آمال : فهمني يبه شسالفه وكيف طيره بيده؟

فهد : حفيد سُليمان اخذ الصقر للقصيم ،

آمال انصدمت وهي تناظر : جدي صدق؟؟؟

الجد : يا بنتي هو كان خاطره فيه ماقدر.. سكت وهو يشوفها صدت وقامت مشت لغرفتها تنهد والتفت لفهد : ليه علمتها؟

فهد : والله وصرت تغدر ببناتي عشان احفاد سُليمان ،

نجلاء التفتت لآمال الي دخلت والدموع بعيونها : بسم الله شصاير؟ آمال صدت وهي تمسك جوالها وتطقطق فيه ،

نجلاء : شصار لا يكون بابا عصب اننا رحنا المول؟

آمال صدت : لا مو صاير شي خليني بحالي ، نجلاء قامت نزلت لتحت باستغراب : شصار وليه قاعده فوق تبكي؟

فهد التفت للجد : عجبك الي سويته؟

الجد : ياولدي كنت امزح معه قلت ابيعه وطلع خاطره فيه ماقدرت ارده ، وبنجيب واحد ثاني لبنتك ،

نجلاء : ما شاء الله جدي احفاده صارو اهم مننا واضح ،

الجد بضحكه : لا يا بنتي وش هالكلام قولي لاختك تتجهز الصباح بنروح للمزرعه بعد صلاة الفجر الاجواء هناك حلوه ،

نجلاء هزت راسها ومشت ناظرت فيها : تجهزي بنروح للمزرعه

آمال صدت : خليه ياخذ احفاده للمزرعه ماني برايحه ،

نجلاء : هالله هالله ترا ناوي يجيب لك شيهان جديد ،

آمال : ماعاد ابي واحد جديد يا يجيبه لي نفسه يا لا يكلمني،

نجلاء بصدمه : تخيلي يروح يقول له رجع لي الصقر ؟

آمال : عادي وهو بعد ما يستحي يروح يشتري ليه ياخذ حقنا؟

'

عمر بضحكه : والله يا يمه ليتك ذقتي طبخ ابوي ،

سلطان : ما شفتيه وهو يقطع الدجاجه ،

ام صقر ابتسمت والتفتت لـ يوسف : طلعت طباخ ،

يوسف : افا عليكِ اذا تبيني اعلمك ماعندي مشكله ،

ام صقر : لا ما يحتاج تعلمني خلني انزل اشوف العيال ذولا الاثنين وينهم ومشت طلعت لبست عبايتها وطلعت من جناحهم ومشت لجناح العيال وهي تدور صقر وعبدالرحمن ،

التفت ناظر كان عبدالرحمن منسدح وصقر جالس جنبه ويدخن وساكتين ، استغربت ودخلت : شتسون هنا؟

عبدالرحمن فز والتفت لصقر : ولاشي نحاول ننام ،

ام صقر : ليه ما تنزلون تحت كلنا جالسين مع بعض ،

عبدالرحمن ناظر لصقر الي كان ساكت بصمت ويدخن وقام عدل جلسته : ولاشي بس جالس مع صقر نسولف ،

ام صقر جلست وهي تناظر : في شي تخبونه عني؟

عبدالرحمن : لا يا يمه شدعوه مافي شي ،

فجاه دخل الجد وهو يتعوذ من الشيطان : ما نمتوا؟

عبدالرحمن : لا ننام الحين كنا ننتظرك انت وعمر وسلطان ،

ام صقر وهي تقوم : يلا انا رايحه تحت وناموا انتم ومشت ،

صقر التفت للجد الي مشى سحب السجاده وهو يصلي الوتر،

عبدالرحمن ناظر فيه : تكفى كلمه وخلصنا ،

صقر رمى الدخان من الشباك ومسح على وجهه ومشى بهدوء وجلس على سرير الجد ، والجد قدامه يصلي ، بعد دقايق خلص وسلم والتفت لصقر وصد : عبدالرحمن في ناس غلطانين بالسرير الظاهر كلمه انه سريري ماهو سريره ،

صقر بهدوء وهو يناظر بالارض : اعرف سريرك بس اسف سامحني اذا شلت بقلبك عني او زعلتك ،

الجد وهو يصد : عبدالرحمن كلمه وقل له مو منتظر اعتذاره.

عبدالرحمن : يبه خلاص عاد هو عرف غلطته سامحه ،

الجد التفت لصقر : متاكد انك عرفت غلطتك ولا جاي عشان مصلحه ولا شي؟ ما اشوفك من قبل قد حسيت بغلطك وجيت تعتذر؟ اذا في شي قل اسمعك ما يحتاج تعتذر وتنازل عن كبرياءك هذا انت صقر ماعمرك اعتذرت من احد ،

صقر كان ساكت ويناظر بالارض : مافي شيء ،

قاطعهم عبدالرحمن : الا في يا صقر تكلم ،

الجد : اذا انت تعرف ف تكلم لا يكون مسوين شي من ورا ظهري؟

صقر تنهد وهو يقوم ويجلس جنبه بالارض : مو مسوين شي،

الجد انصدم منه : طب تكلم شصاير وانا ابوك؟

صقر بحزن : يبه ابي اطلبك شي اوعدني ما ترفضني؟

عبدالرحمن تنهد وهو يناظر فيهم بصمت ،

الجد بخوف : تكلم شصاير؟

صقر ناظر لعبدالرحمن وهو مافيه القوه يتكلم ،

عبدالرحمن تنهد بضيق من حالة اخوه ويعرف مايقدر يتكلم ولا عنده هالقوه وهمس : يبي يتزوج ،

الجد انصدم والتفت لعبدالرحمن و رجع ناظر لصقر ،

وكمل عبدالرحمن : من بنات فهد ،

الجد انصدم وهو يناظر لصقر وعبدالرحمن : شعرفكم ببناته!

عبدالرحمن وهو يقوم ويمشي لعنده : يب..ماكمل كلامه الا والجد قرب من صقر وعطاه كف بكل قوته : تكلمممم ،

عبدالرحمن انصدم وناظر لصقر الي فز من قوة الكف ،

الجد بحده : كنتتت اشوفكككك وانت تشمشم جاكيت البنتتت حسبيي الله على. هالتربيه وقام شال السجاده و رماه على الارض ، صقر ما تحرك من مكانه وجلس ساكت بالارض،

عبدالرحمن ركض مسك جده : تكفى جدي اسمع منه!

الجد التفت لصقر الي كان ساكت ولا تحرك من مكانه فز قلبه من منظره وهو يشوفه ولا تكلم بحرف رغم انه ضربه ، و ضربته كانت قاسيه وهو حس بقوة يده لما رفعه صد وهو يجلس بهدوء ويصد وجهه عنهم ، بهاللحظه دخلو عمر وسلطان مصدومين وهم يناظرون ،

عبدالرحمن التفت لهم : اجلسو ولا تتكلمون ،

سلطان باستغراب : شصاير طيب ليه صقر كذا؟

عبدالرحمن : قلتلك اجلس هناك وناظر لعمر انت بعد ،

سلطان وعمر انسحبو ومشو جلسو على السرير بصمت ،

صقر : ادري انك فكرتني واحد خبيث يوم شفت حركاتي بالمزرعه بس جدي والله واحلف لك بربي اني ما تعمدت هي بنفسها وقت العزيمه جت قدامي كنت بالحديقه ادخن وهي جت قدامي وربي يا جدي اني ما اكذب هي الي جتني ،

سلطان فز وهو مصدوم ويناظر وعمر مو اقل منه ،

عبدالرحمن : وصقر الى الان ما تواصل معها ولا كلمها يا جدي والله ولا حتى كان ناوي يعلمك انا الي طلبت منه يعلمك ،

الجد بحده : انساها فاهم!! صقر انصدم وهو يناظر ،

عبدالرحمن مشى جلس : جدي وشفيه طيب اذا رحت وطلبت يد بنتهم له؟ كذا ولا كذا الاثنين مردهم يتزوجون ف ليه توافق انه يتزوج مع وحده بخاطره؟ وش الي بيغير يا جدي؟ مو انت تقول اننا حنا الاربعه اهم شي بحياتك؟ ليه تكسر بخاطر واحد مننا؟ قسم بالله يا جدي ان كسرت خاطر صقر ف معناته كسرت خاطرنا كلنا ، طالع بعيونه وشفت الامل الي بعيونه وهو جاي لعندك لا تخيب هقوته يا جدي لا تخيب ظنه فيك ،

الجد سكت وهو يناظر بصمت : كلمتو امكم!

عبدالرحمن هز راسه بالنفي : لا جينا نشوف اذا انت موافق ولا لا لانه رضاك اهم شي عندنا واعرف امي وابوي هُم بعد يمشون على رايك و رضاك ،

الجد : اي وحده تتكلمون عنها امكم قالت ما لقت عندهم بنت مناسبه لكم اخر وحده فيهم صغيره واتوقع الكبيره مخطوبه والثالثه مريضه لا تشوف ولا تتكلم شتسوي فيها؟

صقر فز وقف وهو يناظر لعبدالرحمن الي انصدم وناظر لصقر وهمس : ما تشوف! ولا تتكلم!!

الجد تنهد : اي ما تشوف ولا تتكلم خلقه من ربكم ،

صقر كان واقف مصدوم ويحس رجوله مو شايله من الصدمه ،

'

آمال سحبت الشال من الكنب وحطتها على كتفها تدفي نفسها ومشت اخذت كوب الشاي ونزلت لتحت لبرا الحديقه مشت وجلست بهدوء عند الباب وهي تناظر للسماء ،

ابوها فهد كان طالع يتوضى لصلاة الفجر وقف وهو يشوفها وعرف انها متضايقه مشى جلس جنبها بصمت ،

آمال عرفت انه ابوها وصدت وهي تناظر بالارض ،

فهد : زعلانه من جدك؟

آمال : مو زعلانه ولو هو همه زعلي ماكان باع خاطري لاجل احفاد صاحبه ،

فهد تنهد : شيسوي طيب ماكان بيده ؟

آمال : حتى ولو يا يبه هو يدري اني احبه و اروح المزرعه بس عشان اشوفه وقد طلبت منه اجيبه للبيت و رفض ،

فهد سمع صوت الصلاة بدا تنهد وهو يقوم : طيب خليني اصلي وارجع ونتفاهم ، بهاللحظه الجد بعد طلع واستغرب وهو يناظر : ليه جالسه هنا؟ قومي تجهزي بنمشي ،

آمال قامت وناظرت لابوها الي اشر لها بمعنى لا تقولين شي وسكتت ومشت لداخل ، طبع فهد يكره اذا شاف بناته يطولون لسانهم او يردون بوجه جدهم ما يحب هالحركه ،

طلعو توجهو للمسجد ،

'

ام نجلاء قامت من النوم ومشت توضت وصلت ونزلت لتحت مشت لغرفة البنات وهي تناظر آمال ترتب الاغراض بالشنطه

ونجلاء جالسه تاكل لملاذ الاكل ابتسمت : يلا اخلصوا ،

نجلاء : يمه تعالي كلي معانا ،

ام نجلاء : لا يا بنتي شبعانه والله كلو انتم بالعافيه ومشت ،

نجلاء ناظرت لملاذ : خلاص شبعتي؟ ملاذ هزت راسها بايه،

آمال مشت جلست وهي تاكل بعد دقايق خلصت ،

نجلاء : ما تكلمين جدي؟ آمال صدت وهي ساكته ،

دخل فهد كان توه راجع من المسجد : هاه ي اميراتي خلصتو؟

والتفت لملاذ وابتسم : هاه يا ملاذ مبسوطه للمزرعه؟

ملاذ هزت راسها بـ اي وابتسمت ، فهد ضحك ومشى جلس جنب ملاذ وهو يمسح على شعرها ،

البنات تجهزو وخلصو ، فهد قام والجد كان بالمسجد يقرا القران بعد دقايق خلص وطلع وهو يشوف فهد يحط الاغراض بالسياره وابتسم ومشى ركب ،

عبدالرحمن نزل وهو يشوف صقر واقف تحت ويدخن ركض لعنده وهو يناظر ويحط يده على قلبه : وجعك ؟

صقر صد وهو يحاول يجمع نفسه : ليه ما حسيت بهالشيء يا عبدالرحمن! كنت متوقع نظراتها لي وتطالع فيني طلعت تشوف السواد ما تشوف صقر الي وقفها بيدينه ،

عبدالرحمن تنهد وهو يمسح على كتفه : عوافي ،

صقر دف يده عنه وصد ونزل راسه ناظر بالارض ،

عبدالرحمن تنهد وهو يناظر له فجاه نزل لهم سلطان وبيده مويا عبدالرحمن اخذ منه المويا وهمس : صقر ،

صقر ما رد كان ساكت ومنزل راسه ويحس بشعور غريب مو قادر يستوعب هالصدمه اول ما نزل راسه كان لابس نفس الثوب وشم ريحة عطرها رفع راسه والدموع تتجمع بعيونه، هو ما يدري ليه لهدرجه طاح بحُبها بيوم وليله مو فاهم نفسه ما يدري ليه تعلق فيها هالكثر نظره وحده تسوي كذا!

سلطان مشى وهو يمسكه من ذراعه : صقر شفيك؟

عبدالرحمن مد له المويا : اشرب شوي وتمالك ،

صقر هز راسه بالنفي : روحو انتم ابي اكون لوحدي ،

عبدالرحمن : خذ اشرب ومحنا رايحين لمكان ،

سلطان : اشرب يا صقر ولو شوي يلا ، صقر اخذ المويا من عبدالرحمن وشرب و رجعه له وصد عنهم وهو يناظر للشارع.

سلطان ناظر لعبدالرحمن الي كان مصدوم من اخوه ولعن نفسه الف مره لانه طلب منه يعلم جدهم تنهد وهو يناظر فيه ، سلطان التفت للجد الي كان راجع من المسجد وطالع فيهم ومشى لعندهم : شتسون هنا ليه ما جيتو المسجد؟

عبدالرحمن : نصلي في البيت ، الجد رفع نظره لصقر الي كان ساكت وواقف وهمس : الحقوني فوق يلا بسرعه ، ومشى عبدالرحمن ناظر لصقر : تعال يلا ، ولحقوا الجد وطلعو للفندق متوجهين لـ جناحهم ودخلو لداخل ، سلطان وعبدالرحمن توجهو للحمام ( يكرم القارى) صقر دخل وجلس على السرير بهدوء وهو يناظر بالارض ، الجد كان جالس والتفت وهو يناظر لصقر ندم انه رفع يده عليه للمره الثانيه قام ومشى بهدوء وجلس جنبه : عورتك يا ابوك؟

صقر هز راسه بالنفي وهو ساكت ، الجد مد يده وهو يمسح على ظهره : اسف ياولدي اسف اذا عورتك وقسيت معك والله انكم صدمتوني انت واخوك وانتم تقولون بنات فهد طيحتو قلبي وانا مستعد اروح اطلب يد بنتهم بس انت ما قلت لي من؟ منهي تعرف اسمها او شي علمني؟

صقر بهدوء : احتاج وقت افكر فيه يا يبه ،

عبدالرحمن قاطعه : بس خلي جدي يعرف مين الي ودك فيه والتفت للجد يبي نفس البنت الي تقولون عنها ما تشوف ولا تتكلم وهي اللي صقر شافها لكن هي ما شافته ،

الجد انصدم والتفت لصقر : بس هي ما تشوف ولا تتكلم!

صقر : ما يهمني يا يبه بس خاطري فيها ابيها يا جدي ،

الجد سكت بهدوء وهمس : قم صلي وانا ابوك قم ،

صقر تنهد وقام يتوضى ، سلطان كان واقف يصلي ،

عمر كان راجع من المسجد توه وانسدح على السرير.

عبدالرحمن : يبه اكيد في علاج لها اي شي بس تكفى لا تكسر بخاطر صقر لاول مره اشوفه بهالعذاب بحياتي كله ما شفت صقر كذا ، معرف ايش هالنار الي ابتلا فيه ووصل لهالمرحله.

عمر بهدوء : انا كنت شاك انه فيه شي مو على بعضه ،

الجد : طيب اسمعوني انتم الثلاث انا بكره اروح لهم واكلمهم واشوف ردهم بس لا تعلمون امكم وابوكم بشيء!!

عبدالرحمن باستغراب : ليه ؟

الجد : بدون ليه سوو زي ما قلتلكم وبس ، وقام مشى انسدح ينام وهو يناظر للعيال ، سلطان خلص من الصلاه ، عبدالرحمن مشى يصلي بعده ، صقر دخل وسحب السجاده وهو يصلي بعد دقايق خلص والكل انسدح يستعدون للنوم،

عمر قام يطفي الضوء وناموا الا صقر الي من يومين ما يذوق لذة النوم كان يحاول ينام لكن عيا يجيه من النوم بس يتذكر لما مسك يدينها وهو يوقفها من الارض ،

'

= وصلو المزرعه ونزلو كلهم دخلو المزرعه =

ام نجلاء ابتسمت وهي تشوف الاجواء وصوت العصافير والدنيا برد : ياحلو هالاصوات ،

الجد : يلا اجلسو شوي راح يشرق الشمس وندخل ننام ،

نجلاء : اوف بس برد ضمت نفسها بيدينها ،

آمال صدت ومشت جلست على الكرسي بهدوء ،

الجد ناظر لفهد : عشان شيهان زعلانه؟

فهد : انت تدري يا يبه كانت تحبه وعطيته له ،

الجد مشى وهو يجلس جنبها : سمعت انك زعلانه من جدك؟

آمال : لا وليه ازعل اذا انت ما همك رضاي ،

الجد ابتسم : يهمني مين قال ما يهمني؟

آمال : لو يهمك ف رجع شيهان للمزرعه ،

الجد ضحك وهو يطلع جواله من جيبه و مده لها : طلعي لي رقم عبدالرحمن ، آمال استغربت وناظرت فيه : من ذا؟

الجد : طلعيه لي و راح تعرفين منهو ،

آمال بفشله : لا يكون نفسه الي اخذ شيهان! لا خلاص مابيه مابيك تتفشل وتطلب منه يرجعه ،

الجد بضحكه : لا ماراح اطلب منه يرجعه طلعي لي رقمه بس،

آمال تنهدت وهي تدور رقمه ولقته : خذ ،

الجد اخذ وهو يضغط على الرقم ويتصل ،

'

عبدالرحمن كان نايم وصقر نايم جنبه والسرير الي جنبهم عمر وسلطان نايمين ، الجد نايم بعيد عنهم ،

صقر تحرك بانزعاج من صوت جوال عبدالرحمن اخذه وقفله ،

'

الجد عبدالعزيز استغرب انه ما رد والتفت لآمال : نايم يمكن،

آمال : وانت ليه تتصل عليه ما علمتني؟

الجد : قلت يرسل صورته تشوفين انه بخير وهو معه ،

آمال ابتسمت وهي تقوم : شرق الشمس يلا ندخل ودخلوا لداخل والبنات دخلو لغرفتهم ، والجد انسدح بالصاله ،

ام نجلاء مدت له اللحاف والمخده ،

فهد كان بغرفته يطقطق على جواله و دخلت ام نجلاء ،

فهد : هاه البنات ناموا؟

ام نجلاء : وين بينامون بعد شوي تلقاهم برا في المزرعه ،

فهد : تعالي هنا عندي ابي اكلمك بموضوع ،

ام نجلاء استغربت ومشت جلست : ايش الموضوع؟

فهد بهدوء : تدرين لاول مره بحياتي احس بالوحده رغم ثلاث بنات حولي لاول مره اتمنى لو عندي ولد ،

ام نجلاء تنهدت وهي تناظر فيه : ليه تفكر كذا؟ وليه تحس بوحده وانا وبناتك وابوك كلنا معك؟

فهد : لما اشوف احفاد سُليمان وكيف انهم سند لابوهم ومعاهم بكل مكان ف اتمنى لو انا بعد عندي ولد ،

ام نجلاء بهمس : وش افهم من كلامك ودك اني أحمل بهالعمر! تكفى فهد لا تفكر كثير ولا تتمنى شي ما يصير ،

فهد : ليه ما يصير! وشفيه عمرك ليه ما تحملين بهالعمر!

ام نجلاء بصدمه : فهد بناتنا صارو كبار والحين وقتهم هُم الي نفكر بحياتهم ومستقبلهم و زواجهم مو وقتنا نربي اطفال ،

فهد وهو يصد : طيب براحتك ماراح اجبرك ،

ام نجلاء مد يدها وهي تمسك يدينه : لا تزعل مني بس صدقني ماعندي هالقوه والطاقه اني اتعب تعب الولاده وتربية اطفال واخاف اذا حملت وبرضوا كانت بنت؟

فهد : خلينا من هالموضوع ما قلتي لي ملاذ تعبانه؟

ام نجلاء : اي فيها سخونه والحين صارت احسن من امس،

فهد : الله يشفيها و ان شاء الله تتحسن تعالي نامي ارتاحي،

'

نجلاء : بنتتت آمال قومي نطلع برا مافيني نوم ،

آمال : اخاف بابا يشوفنا ويعصب خصوصًا برا شمس ،

نجلاء : لا اتوقع نايمين محد يحس قومي ،

آمال التفتت لملاذ : واذا ملاذ قامت وما لقتني؟

نجلاء : حطي جوالك هنا وانا اتصل وخليها على الخط اذا سمعنا صوت شي معناتها قامت وسوو هالحركه وطلعو ،

آمال : شمس بس برضوا برد هالله اهخ ناقصنا شاي ،

نجلاء : امشي نشوف الخيول ودي اركب ،

آمال : يلا يلا ومشو متوجهين عند الخيول ووقفو آمال التفتت وهي تشوف شيهان مو موجود كالعاده مكانه عند الخيول القفص يكون موجود عند الخيول جنب الاسطبل ،

نجلاء باستغراب : ليه فروة جدي هنا؟

آمال : يمكن نساه هنا عطيني البسه ميته برد ،

نجلاء مدته له وهمست : مشعل امس كان هنا ريما تقول ،

آمال : اييي صح امس كل العيال كانو هنا وت..ماكملت كلامها وهي ترمي الفروه : يع ريحته دخان جدي ما يدخن مين لبسه!

نجلاء : اكيد احد من العيال ومشعل اخذ جاكيتي،

آمال : وانا اقول ليه المزرعه كذا وسخ وبعدين وش هالحُب اخذ جاكيتك واضح يبيكِ تموتين من البرد سيبيه ،

نجلاء : على اساس مابي اسيبه اهلي الي حطوه برقبتي ،

آمال : بس هو يحبك ترا ،

نجلاء : من شفت قصة شعره غسلت يدي ،

آمال بضحكه : صحيح كانه عايش في عام ٢٠١٤ بس كيوت ،

نجلاء : تدرين امه بتجي هنا؟ و ريما بعد ،

آمال : اما مدري ماما ما كلمتني ،

نجلاء كانت حاطه سماعات وفزت : ملاذ قامت شكلها سمعت صوت قوي قامت تركض وآمال ركضت تلحقها دخلو وهم يشوفون ملاذ واقفه والكاسه طايحه على الارض ،

نجلاء فزت و ركضت لها : ملاذذ شفيكِ؟؟

آمال : تبين مويا؟ ملاذ هزت راسها بـ اي ،

نجلاء مدت لها مويا والتفتت لآمال : خلاص انقلعي ننام ،

'

_________

= صباح يوم جديد على ابطالنا =

'

ام نجلاء كانت بالمطبخ تطبخ وطلعت لغرفة البنات وشغلت الضوء وهمست : يلا قومو وتعالو ساعدوني مافي شغاله هنا،

نجلاء فزت وقامت ناظرت للساعه : يمه متى صار ١١؟

ام نجلاء : هذا انتم نايمين ولا حسيتو بالوقت يلا قومي خواتك ، ومشت للمطبخ تكمل تطبخ ، فهد والجد عبدالعزيز كانو في المزرعه يتطمنون على الخيول وقف الجد واخذ جواله وهو يناظر للاسم كان الجد سُليمان و رد : هلا هلا بالغالين ،

الجد سُليمان ابتسم : كيفك شالاخبار ؟

الجد عبدالعزيز : والله بخير اخبارك انت والعيال؟

الجد سُليمان : والله كلهم بخير لكن انا مانيب بخير و بخاطري طلب منك ، وينك فيه انت؟

الجد عبدالعزيز باستغراب : انا بالمزرعه قل وش الطلب؟

الجد سُليمان : مقدر اقولك بهالطريقه لازم اشوفك ونجلس متى بتجي للبيت عشان اجيك ؟

الجد عبدالعزيز : تعال المزرعه نجلس بهالاجواء ونتكلم ،

الجد سُليمان ابتسم : تمام اشوف و ارد لك وقفل منه ،

فهد باستغراب : شسالفه ؟

الجد عبدالعزيز رفع كتوفه : معرف والله يقول جاي يبي يكلمني بموضوع مدري ايش عنده ،

'

سلطان : اقولك مصعب ترك القضيه فوق راسي لازم اروح ،

عبدالرحمن بحده : وش الي بتروح انتظر نروح كلنا مره وحده،

سلطان : سالفة صقر مطول اكيد وانا مافيني اجلس هالكثر،

عبدالرحمن صد : بكيفك اجل ماني غاصبك وصد جلس ،

عمر : يخي خله يروح شغله اهم من صقر ،

سلطان : لا والله ماهو اهم من صقر بس هالقضيه مصعب طلبه مني وهو متورط مع زوجته حامل ،

عبدالرحمن : كلمت ابوي انك بترجع ؟

سلطان هز راسه بالنفي : لا راح اكلمه بعد شوي ،

فجاه دخل الجد وهمس : وين اخوكم صقر ؟

عبدالرحمن : تحت في جناح ابوي اتوقع ،

الجد : طب يلا قم انت تعال الحقني ونزل لتحت ، عبدالرحمن استغرب ومشى نزل لحقه ،

'

آمال : مو امس كانو هنا؟ ف ليه بيجون اليوم بعد؟

الجد : يقول انه جاي عشان موضوع ،

فهد : وينه ابو مشعل تاخر ما جاء ،

ام نجلاء : انا خلني اقوم اشوف المجلس وانظفه ،

والتفتت لملاذ كانت واقفه وواضح بردانه وهمست : اروح اجيب جاكيتها ومشت للمجلس وهي تدور جاكيتها الاصفر لقته فوق الكنب اخذته ومدت لها : خذي البسيها ،

ملاذ اخذته منها قربت ام نجلاء تلبسها ، ملاذ شمت ريحة دخان وسحبت الجاكيت و رمتها وهي تهز راسها بالنفي ،

ام نجلاء باستغراب : شصاير فيكِ شيء؟

آمال التفتت وهي تناظر : شفيها ملاذ؟

ملاذ اشرت للجاكيت بمعنى فيه ريحه ،

آمال : اييي امس العيال لبسو جاكيتنا كله ريحة دخان وعع ،

ام نجلاء بصدمه : صدقق؟ وناظرت لفهد ،

فهد : اي شنسوي ماكان معاهم شي و بردانين ،

فجاه وقف سيارة ابو مشعل ونزل و ريما وام مشعل نزلو وتوجهو دخلو المزرعه ، ابو مشعل ومشعل توجهو لمجلس الرجال ، و ريما و ام مشعل دخلو عند البنات يسلمون عليهم.

ام نجلاء ابتسمت : كيفك زين جيتي اشتقنا لك والله ،

نجلاء كانت تتصنع الابتسامه وتناظر لـ ام مشعل بصمت ،

ام مشعل ابتسمت و التفتت لها : والله وانا اشتقت لكم واشتقت لنجلاء زوجة ولدي كيفك يا بنتي؟

نجلاء ناظرت وهي تتصنع : بخير الحمدلله انتي كيفك؟

'

مشعل دخل وهو يصب لهم القهوة ،

الجد عبدالعزيز : والله معرف فال انه بالطريق جاي ،

فهد : يالله عسى خير ان شاء الله ،

ابو مشعل : ان شاء الله خير ويوصل بسلامه ،

مشعل مشى وهو يجلس : جدي ما كلمك بالجوال ليه جاي؟

الجد هز راسه بالنفي : قال ما يصلح اقولك بالجوال ،

فهد : يا مشعل ولدي روح شف و دخلهم هنا اذا وصلو برا في بنات لا يدخلون عندهم بالغلط ، مشعل ابتسم وطلع ومشى وهو يلتفت يمين يسار يتمنى لو يلمح نجلاء او حتى لو يلمح ظلها ، لكن للاسف ماكانت موجوده ،

'

نجلاء مشت للمطبخ تسوي القهوه لحقتها ريما ،

نجلاء التفتت لها : لا تحاولين معييي اتقبل كل شيء ،

ريما : ما احاول بس جيت اوصلك شي من مشعل ،

نجلاء : تكفين يا ريما فكيني مابي منه شيء ،

ريما : بكيفك بس هو طلب وجيت اوصل لك ومدت له جاكيت مشعل : اخذ حقك امس من هنا و جاب لك حقه ،

نجلاء : وليه ما جاب حقي؟

ريما بضحكه : جالس في المجلس روحي اسالي منه ،

آمال التفتت لهم : نجلاء يا جاهله ماتعرفين بالحُب شيء ،

نجلاء : وين الحب بالموضوع سرق جاكيتي وجاب حقه!

آمال قربت وهي تاخذه من ريما و رمته على بحضن نجلاء وهمست : خذي لا تموتين علينا من البرد وضحكت ومشت ريما لحقتها ودخلو عند الحريم للمجلس ،

نجلاء مسكت جاكيته وهي تناظر ومشت للغرفه تحطه على السرير فزت من شافت طاح شي من الجاكيت اخذته وهي تشوف علبه صغيره فتحته وهي تناظر كان اسواره وبداخله رساله جلست وهي تقرا الرساله كان عباره عن " احبك "

رجف قلبها لاول مره وهي تناظر للرساله وللجاكيت صدت وهي تحطهم على السرير وطلعت للمطبخ تسوي القهوة،

'

ملاذ كانت واقفه بالمزرعه عند الخيول تنتظر نجلاء وهي ماتدري وينها هي بالضبط! بس تدري نجلاء قالت لها اوقفي هنا اسلم على عمتي واجيكِ ، كانت واقفه بهدوء ،

بهاللحظه سمعت صوت عيال ، مشعل كان يرحب ب عبدالرحمن وصقر والجد سُليمان وصلوا ،

ملاذ استوطن قلبها الخوف وهي تحسب نفسها مو بالامان رغم انهم بعيد عنها الا انها اصواتهم عاليه قامت وهي تمشي وما تشوف شي قدامها مدت يدها وهي خايفه تطيح ، طلعت من عند الخيول وهي تمشيء بهدوء وخوف ،

الجد سُليمان دخل للمجلس مشعل وعبدالرحمن لحقوه ،

الا صقر الي راح يجيب جواله من السياره رجع يقفل الباب لكن تجمد بمكانه وهو يشوف نفس البنت شعرها الاسود وفستانها هالمره ابيض حس رجوله مو قادر يشيله من قوة الصدمه انه صادفها للمره الثانيه هالمره مايدري يتركها لوحدها ويمشي او يساعدها لانه عرف انها ما تشوف ، فز وهو يسمع صوت بنت تصارخ باسم : ملاذذذذ ، فتح الباب وطلع لبرا بسرعه وحط يده على قلبه الي شوي وبيطلع من مكانه خصوصًا انه هالمره سمع اسمها بعد وشافها وتاملها !

نجلاء مشت عند ملاذ : ما قلتلك خليكِ هناك ! لا سمح الله لو طحتي ماما كان ذبحتني مسكت يدها واخذتها لداخل ،

صقر فتح الباب ودخل وعرف انهم راحوا وتوجه للمجلس دخل ووجه معرق ونبضات قلبه مو منتظم مشى جلس جنب عبدالرحمن ، مشعل صب له القهوة مد يده ياخذ القهوة ويده يرجف ، عبدالرحمن لاحظ عليه وهمس : صقر فيك شيء؟

صقر هز راسه بالنفي ، عبدالرحمن ناظر لصدره الي كان يهبط وينزل من كثر ماهو متعرق ومصدوم ، عرف انه فيه شي ، صد وهو يناظر لجده ينتظره يفاتحهم بالموضوع ،

الجد سُليمان بضحكه : والله لازم تجونا القصيم لازم ،

فهد : ان شاء الله عمي ابشر راح نزورك ،

الجد سُليمان تنهد وشبك يدينه : مالكم بالطويل وادري تنتظروني اتكلم ليه جيتكم هنا ، الكل سكتوا وهم يناظرون ،

ألجد عبدالعزيز ترك الفنجان من يده : تفضل ،

الجد سُليمان : انا جاي هنا عشان اطلب يد حفيدتك لولدي صقر ، الكل سكتوا وعم الهدوء بالمجلس وهم يناظرون ،

وكمل الجد سُليمان : نبي بنتكم الكبيره الي قلتلي عنها مريضه اطلب يدها لحفيدي صقر ،

فهد فز من مكانه وهو مصدوم والتفت لابوه ينتظر يتكلم ،

الجد عبدالعزيز صدمته ماكان اقل من صدمة فهد ،

ابو مشعل ناظر لفهد ويدري ماله حق ياخذ قرار عن ملاذ لانها ماهي بنته اصلًا الجد الي له الحق ياخذ هالقرار ،

الجد سكت و رفع راسه لفهد الي صد وطلع بصمت ،

الجد سُليمان : اعرف اني صدمتكم بس والله اوعدكم بنتكم تكون بالامان عندنا لا تخافون عليها ،

الجد عبدالعزيز : شف يا سُليمان انت صديقي واعتبرك اخوي واكثر بس هالقرار مو بيدي ولا بيد فهد بيد حفيدتي وانا اصارحك اليوم هي ماهي بنت فهد ،

صقر انصدم وناظر للجد عبدالرحمن فز بصدمه ،

الجد سُليمان باستغراب : كيف يعني ماهي بنته؟

الجد وهو يقوم : عطني شوي من الوقت واجيك وطلع وهو يدور فهد ناظر فيه كان واقف وشابك يدينه ورا ظهره مشى لعنده وهمس : هذا الي اخوك علمك ياه بهالمواقف تصد وتترك البنت ؟ هذا نهايتها يا فهد دم اخوك هييي!!

فهد بهدوء : بس قرار حياتها طول عمرك انت تاخذه بهالموقف لو انا تكلمت صدقني يا يبه راح ارفض بوجههم بكلمه وحده واعرف ماراح يعجبك ف طلعت وتركتك ،

الجد تنهد وهمس : اخوك وزوجته لما ماتو بالحادث تتذكر هالبنت كيف كانت صغيره وترفسك برجولها على صدرك ؟ ولا نسيت يا فهد هالمره هي بعد ترفسك بيدينها انك تفكر بمستقبلها وهُم عارفين حالتها وبرضوا جاين عشانها ،

فهد بحده : عشان اوافق واعطيهم دم اخوي وبكره يتركونها بين يدين الشغاله تهتم لها صح!! يبه دم اخوي ماهي رخيصه ولا انا واحد رخيص اعطي بنتي وهي حالتها كذا! انا و لطيفه نهتم فيها طول عمرنا و راح نهتم لها لين اخر يوم بحياتنا ، ما اذكر قد تركناها للشغالات يهتمون فيها ، واذا وافقت هنا ف انا ما اووافق على رجال اوافق على واحد يتركها بيدين الشغاله و يهج لدوامه واخوياهه انا مانيييي موافق وعطيتك كلمتي،

'

ام صقر : وين راح جدك للحين ما جاء !

عمر بكذب : قال انه رايح يجيب عشاء اكيد الطريق زحمه،

يوسف تنهد : سنه عشان يجيبون العشاء!

سلطان دخل ومشى جلس : شسالفه ؟

يوسف : جدك واخوانك مدري وين راحو ياولدي ولا قالو لي ،

عمر : يبه تدري سلطان بيرجع القصيم؟

ام صقر بصدمه : ليه يرجع الحين؟

يوسف باستغراب : صدق يا يبه؟

سلطان : يبه في قضيه برقبتي لازم اروح مصعب مايقدر يمسكه عني هو بنفسه متورط مع زوجته ،

ام صقر : اجل كلنا بنمشي مره وحده خلاص طفشت انا ،

يوسف : اي والله هالفندق طفشنا خلاص بنمشي مره وحده ،

'

الجد عبدالعزيز: ماهي بنت فهد هي بنت خالد الله يرحمه لما صار له حادث كانت زوجته حامل ومعه بالسياره وللاسف ولدت وماقدرو ينقذونها و راحو لربهم وتركو لنا دمهم ،

الجد سُليمان سكت وهو يناظر لصقر الي مصدوم ،

فهد : ومن وقته انا صرت لها الابو والعم وكل شيء اعذروني بس انا مو موافق يا عمي على العين والراس حفيدك صقر و رجال ونعم فيه لكن ماله نصيب مع بنتنا الله يكتب له كل خير ويوفقه ويرزقه بالافضل ،

الجد سُليمان ابتسم بانكسار وهو يهز راسه بهدوء ،

'

نجلاء كانت جالسه بغرفتها وهي تحس بالبرد التفتت لجاكيت مشعل على السرير ومشت اخذته بقهر وهي تلبسه وناظرت لرسالته والاسواره اخذتهم وهي تحطهم بجيب الجاكيت ،

فجاه دخلت آمال وهي تضحك : اخيرًا القلب صار يميل للحبيب ايش صار علمينا لا يكون صادفتيه!

نجلاء وهي تصد : وخري عني مافي شي بس بردانه ،

آمال بضحكه : جيت اقولك تعالي عمتي تناديكِ ،

نجلاء : يخي مابي اشوف كلشوي تجيب طاري مشعل وكانه مافي رجال غير ولدها بالحياة ،

آمال : والله انك غبيه لو مكانك انبسط ،

نجلاء : ايش الي يخليكِ تنبسطين بالله؟ اروح اعيش مع واحد ما يفهم شي وكل شغله بالبر مع النياق؟ لا ويقول لاخته بعد اشتري نياق واسميه على نجلاء! حمار هذا مو انسان ،

آمال بضحكه : تكفيننن نجلاء ،

نجلاء دفته بقهر : ابعدي عني ،

'

ام مشعل ابتسمت : اي انا بعد اقول لمشعل يدور وظيفه هنا،

ام نجلاء : ان شاء الله بعد الزواج يستقر هنا ،

ام مشعل ابتسمت : ان شاء الله على خير ننتظر بس بنتك توافق ونحدد موعد العرس حنا بانتظار ردكم ،

ام نجلاء : ان شاء الله لكن الحين هي مو موافقه،

ام مشعل : مو مشكله ننتظر حنا الا صح ما علمتيني ايش فكرتي لحياة آمال ؟

ام نجلاء : باقي صغيره ما افكر بشيء كل همي نجلاء الحين ،

ام مشل : على خير ان شاء الله ،

'

صقر كان جالس ومنزل راسه ومصدوم مافي شي يوصف دمته بهالوقت عبدالرحمن مد يده يطبطب على كتفه ،

الجد سُليمان قام وقف : اعذروني امشي انا ،

الجد عبدالعزيز : لا تزعل مني وانا اخوك والله مو بيدي ،

الجد سُليمان ابتسم : لا لا مافي زعل ولاشي بنتكم والقرار لكم بالنهايه والله يكتب الي فيه الخير لعيالنا ولعيالكم ،

الجد عبدالعزيز : امين يارب الله يسمع منك ،

الجد سُليمان : يلا انا بمشي يوسف قاعد يتصل كلشوي ،

صقر تنهد وقام وقف وهو يحس رجوله مو شايلته بالقوه قدر يوقف ومنزل راسه بصمت ، فهد ناظر فيه وصد يودعهم،

الجد سُليمان : هاه سمعت منهم الجواب وارتحت؟

صقر بهدوء : ابيها بكل حالاتها يا جدي بنته ولا بنت مين انا ابيهاا تكفى جدي حاول معاهم ابي اعرف سبب الرفض!

عبدالرحمن : ما اتوقع يوافقون يا صقر الموضوع صعب ماهو على كيفي ولا على كيفك هُم قالو البنت برقبتهم امانه ،

صقر : والله اني ماراح أذيها واحطها بعيونييي!

عبدالرحمن : ندري يا صقر محد قال انك راح تاذيها بس مالها نصيب معك ولا لك نصيب بقلبها انساها و ربي يعوضك ،

الجد سُليمان : انا سويت الي طلبته مني ياولدي بس مو بيدي مقدر اجبرهم على شيء ،

صقر : هي اول احلامي وهي اخر مناي يا جدي غيرها مابي صد وهو يولع الدخان ويفتح شباك السياره ،

الجد تنهد وهو يهمس : الله يكون بعونك ياولدي ،

'

= كانو متجمعين جالسين في المجلس =

'

ام نجلاء بصدمه : جاين عشان ملاذ!!

نجلاء : يبه كيف يطلبونها لولدهم وهم عارفين بحالتها؟

الجد عبدالعزيز : معرف ليه بالضبط طلب ملاذ وهم عارفين حالتها ليه مو آمال؟

آمال فزت بصدمه : انا مستحيل اوافق حتى لو طلبو ،

الجد ناظر فيها : ليه ناويه تجلسين هنا طول حياتك؟

آمال بسخريه : لا طبعًا كنت متوقعه هالشيء امس عطيت لحفيدهم شيهان اكثر شي احبه ماراح استغرب لو بكره بتعطيني لواحد منهم صدت ومشت والدموع بعيونها ،

فهد بصراخ : آمالللل ، لكن ما ردت ومشت بقهر ،

نجلاء بهدوء : بروح اشوف ملاذ يمكن قامت ومشت طلعت،

ام نجلاء : انا مستغربه ليه سوو كذا؟

فهد : مهما كان السبب مستحيل اوافق ملاذ تروح بيدين احد.

الجد عبدالعزيز : بس من حقها تتزوج وتعيش مع زوجها مهما كان حالتها دام نصيبها جاء ليه نوقف نصيبها ونجلسها عانسه؟ انا ماراح اجبرك هي بنتك وانت ادرى وقام طلع ،

فهد سكت وصد بهدوء وهو يناظر بالارض ،

ام نجلاء ناظرت فيه : لا تفكر كثير ولا تشيل بقلبك انا اعرف قرارك صح وملاذ امانه برقبتنا ما نقدر نتركها بهالطريقه و رضاها اهم واذا تفكر في كلام ابوك ف اسال من ملاذ اذا هي موافقه ولا لا علمها وفهمها كل شيء ،

فهد التفت لها : يا لطيفه ملاذ عمرها ما شافت الزواج ولا تعرف شي ولا تدري كيف تصير زواجها مع واحد ياخذها ، ملاذ زي الطفل تبكي اذا طاحت ولا خست بخوف او سمعت صوت شخص غريب فما بالك اذا رميتها لواحد بيوم وليله كذا! ملاذ ماهي زي نجلاء او آمال او زي باقي البنات طول عمرها ما تشوف غير السواد وحناننا وحُبنا كيف اعلمها معنى الزواج كيف اعلمها اني اعطيكِ لواحد يتركك بين الخدم اذا راح الدوام! واذا هو يقول انه ماراح يتركها اجل ياخذها معه للدوام؟ يخي انا رجال واعرف طبع الرجال ،

'

نجلاء : وش هالكلام الي قلتيهاا ماكان له داعي!

آمال : ليه يا نجلاء تبيني اسكت زيك! تبيني اضحي بحياتي عشان رضاهم! يرموني لاي واحد راح اوافق واسكت زيك؟ واقول عشان اهلي وافقت وماراح احس بحُب الانسان الي بيصير زوجي ولا بيكون له ذرة مكان بقلبي! زي ما انتي تكرهين مشعل ولا تحبينه وضحيتي بنفسك وحياتك عشان جدي! اذا انتي كذا همك الاهل فانا مو زيك انا همني حياتي يا نجلاء واليوم الي قلته قليل صدقيني لو تكلمت ماراح اسكت ،

نجلاء ناظرت فيها وصدت : لا تقارنين نفسك فيني او بحياتي انا اعترف اني وافقت على مشعل عشان جدي وابوي بس برضوا احبه و راضيه فيه قاطعتها آمال وهي تضحك بسخريه وهمست : والله تحبينه؟ تكفين يا نجلاء تكذبين على نفسك ولا علي انا! اي حُب تتكلمين عنه وانتم اربع وعشرين ساعه تتكلمين عن عيوبه وعن كل الي فيه وتذلينه بعد ،

نجلاء انصدمت من كلامها : طيب يا آمال ماراح اتناقش معك اكثر اقولك كلمه تردين علي بعشره بنشوف وش مصيرك صدت وطلعت لبرا ، آمال تنهدت وجلست بهدوء على السرير وهي تفكر وخايفه انهم بعد رفضهم لملاذ يجون عشانها ،

'

يوسف بحده : ويننن رحتو و اي عشاء الي جبتوه؟

عمر التفت لابوه وهو يدري ابوه راح يكشف كذبته ،

الجد سُليمان بهدوء : الحقني للجناح ومشى يركب المصعد يوسف استغرب وناظر للعيال و لحق ابوه ،

سلطان ناظر لصقر : وجهك ما يبشر بالخير معناته رفضوك؟

عبدالرحمن بهدوء : اي رفضوه رفضو يعطون بنتهم ،

سلطان مد يده وحطه على كتف صقر : عوافي يا صقر كله ايام وتنساها هذي هي الحياة مو كل شيء نبيه نحصل عليه اتركها وانساها وعيش حياتك لا توقف حياتك عليها طلبتك ،

عمر حزن على حالة اخوه وهو يناظر لصقر الي كان ساكت بهدوء ولا تكلم بحرف وصد يدخل عند امه ،

عبدالرحمن : افكر نرجع للقصيم مستحيل ينساها هنا ،

سلطان : اي كلمت امي و رفضت اني ارجع قالت بنرجع مره وحده ، ودخلو كلهم عند امهم للجناح ،

ام صقر مدت المويا لصقر : صقر حبيبي شفيك زعلان؟

صقر بهدوء : مو زعلان يا يمه بس تعبان شوي ،

ام صقر مدت يدها لجبينه وفزت بخوف : حرارتك مرتفع !

عبدالرحمن انصدم و ركض عند صقر وهو يمد يده لجبينه وهمس : امشييي بسرعه اخذك للمستشفى ،

صقر صد بهدوء : مافيني شي بخير انا ماراح اموت ،

سلطان انصدم من رد صقر : صقررر شفيك انتت؟؟؟

ام صقر ركضت تجيب كمادات وهي خايفه عليه ،

عمر : ليه تخلي امي تشك بشيء؟

صقر : مافيني شي قلت لكم قهر قلبي ولاشي قدام هالحرارة،

عبدالرحمن : متى تبطل هالكلام يا صقر وتريحنا ؟

صقر سكت والغصه بوسط حلقه وهو يتذكرها لما شافها بفستانها الابيض هالمره غمض عيونه وهو يبلع ريقه بصعوبه،

سلطان تنهد بقهر وطلع لبرا عمر لحقه : شفيك انت بعد؟

سلطان : قسم بالله لو بيدي خليتهم يوافقون يخي مو قادر اتحمل صقر بهالحاله امس يضحك ومبسوط ويطقطق علينا و يذب والحين طايح كذا وكانه فقد احد من عياله ،

عمر : والله اني مقهور عليه يا سلطان بس ما باليد حيله ،

ام صقر دخلت ومشت عند صقر : انسدح يلا نام ،

صقر لاحظ خوف امه : يمه مافيني شي لا تخافين ،

ام صقر جلست وهمست : قلتلكك تعال يلا نام ، ومدت المُخده وهي تعدله صقر انسدح بهدوء وحط راسه على المُخده ام صقر حطت الكماده على جبينه وهي تقرا عليه،

عبدالرحمن كان جالس على طرف السرير ويناظر له بصمت ،

صقر غمض عيونه وهو وده يرتاح من كل شيء ،

عبدالرحمن سحب نفسه بهدوء وطلع لبرا وناظر لسلطان وعمر كانو واقفين يسولفون وهمس : جهزو اغراضكم ،

عمر : بنمشي اليوم؟

عبدالرحمن : وش رايك يا عمر بعد حالة صقر نجلس اكثر؟ ليتنا ما جينا ولا حضرنا هالعزيمه ولا .سكت وصد ،

'

يوسف بصدمه : بنتتت فهدد !

الجد سُليمان : اي بنت فهد و رحت طلبت يدها و رفضوا ما وافقوا وطلعت بنت اخوه ماهي بنته ،

يوسف بحده : كنت عارف في شي ورا هالصقر يا يبه ماكان مطمنني وضعه هو واخوه الملقوف عبدالرحمن كل دقيقه اشوفهم يهمسون كنت داري انهم مسوين مصيبه ،

الجد سُليمان : لا تقول لهم شيء ولا تعصب على صقر خله الي فيه يكفيه مارضيت اكسر خاطره لكن هو الي كسر نفسه بنفسه يوم انه طاح بحبها بس خله ينسى بنفسه ،

يوسف تنهد وهمس : خلني انزل اشو..فجاه دخل عمر وهمس : يبه امي تقولك تعال ناخذ صقر للمستشفى ،

يوسف والجد فزو بصدمه وخوف : وشفيه صقر؟؟

عمر : ارتفع حرارته وتعبان و مو راضي يروح للمستشفى معانا.

يوسف انصدم و ركض نزل لتحت و مشى للجناح دخل وهو يشوف صقر منسدح و منيره تغير له الكماده كلشوي ،

الجد مشى جلس جنب صقر : شفيك يا يبه شصاير لك؟

صقر فتح عيونه وناظر : مافيني شي يا يبه لا تخافون ،

الجد : ليه تسوي كذا وتخوفنا عليك علمني!

صقر ابتسم بخفه : ليه تخافون علي اقولكم مافيني شيء ،

'

آمال ناظرت لنجلاء : جدي نام؟

نجلاء : اي نام كان تعبان شوي شتبين فيه؟

آمال : مابي منه شي ابي جواله تكفين ساعديني ،

نجلاء : مجنونه انتييي شتبين في جواله ؟

آمال : ابيه وبس تساعدينييي ولا اروح بنفسي اجيبه!

نجلاء : حسبي الله انتظري لا تجيبين العيد وترفعين ضغطه وقامت مشت طلعوا لبرا وتوجهو لمجلس الرجال وهم يشوفون الجد عبدالعزيز نايم على الكنب وجواله على الارض.

آمال : روحييي جيبيه تكفين نجوله ،

نجلاء : اسكتي لا تطلعين صوت طيب! ومشت على خطوات اصابعها وهي تاخذ الجوال بهدوء اخذته وطلعت بسرعه ،

آمال سحبت منها الجوال وخبته ورا ظهرها : خلاص روحي،

نجلاء : لا ياحبيبي ما اروح لمكان امشي قدامي شتسوين!

آمال : اوعديني ما تعلمين احد !

نجلاء : يارب صبرك اوعدك ما اعلم احد شتسوين!

آمال : امشي اعلمك و توجهو للمزرعه عند الخيول بعيد حتى محد يشوفهم وهمست : باخذ رقم حفيده الغبي الله ياخذه و راح اقوله ماعندنا بنات للعرس ولاعاد تجون ،

نجلاء : الله ياخذك انتي ياويلك لو تسوين شيء كذااا!!

آمال : ادرييي اذا خطبوني جدي راح يوافق زي ما وافق على مشعل تكفين مابييي اتزوج ،

نجلاء : اجل انا مالي دخل لا تورطيني معك صدت بتمشي آمال مسكتها : تكفين نجوله ساعدينييي ،

نجلاء : ماهو حل انك تاخذين رقمه وتتصرفين كذا! واذا طلع احد ثاني شتسوين وقته؟ بيذبحك جدي ،

آمال : لا اعرفه انا جدي قال اسمه ذيك المره وقال لي طلعي لي رقمه وهو الي اخذ شيهان تكفين خليني اسفل فيه ،

نجلاء : طيب لا تسفلين فيه بذي الطريقه توضحين له انك مين ازعجيه ارفعي ضغطه بس لا تعلمين انك بنت مين تعرفين يمكن يطلع حقير ويعلم جدي بحركاتك وناكله حنا،

آمال فزت وهي تسمع صوت امها بسرعه فتحت الجوال وهي تطلع رقم عبدالرحمن وسجلته بجوالها وركضوا لداخل ،

نجلاء : رجعي الجوال وين ما كان عشان ما يذبحك جدي،

آمال مدته لها : تكفين رجعيههه انتييي ، نجلاء تنهدت بقلة حيل واخذت الجوال ومشت ترجعه بمكانه ،

آمال دخلت لعند امها : هلا يمه تناديني؟

ام نجلاء : اي اناديكم وين رحتو روحو داخل انتبهوا لاختكم ملاذ انا رايحه اسوي اكل لابوكم ومشت للمطبخ ،

آمال دخلت الغرفه ومشت فسخت الجاكيت وجلست وهي تدخل الواتس وتسجل رقمه ابتسمت بخبث وهي تعدل جلستها وترسل له : اهلين وينك لا خبر ولا حس عساك بخير؟

دخلت نجلاء عندها : ورينييي شتسوينن؟؟؟

آمال وهي تخبي الجوال ورا ظهره : ولاشي اتفرج مسلسل ،

نجلاء : لا بالله؟ اقول وريني لا افضحك ،

آمال ناظرت فيه : ابي العب باعصابه واقول له ارجع القصيم وتعرف مين انا بانتظارك عشان يرجعون وافتك ،

نجلاء بضحكه : ياربيي منك ياويلك اذا انكشفنا ،

'

العيال كلهم كانو جالسين بـ جناحهم والجد معاهم ،

سلطان : يعني يبه مافي اي حل نخليهم يوافقون؟

الجد سُليمان: للاسف ياولدي هم قالو بكلمه واحد محنا موافقين ولا اتوقع راح يوافقون مهما سوينا ،

عبدالرحمن : احاول اتفاهم مع صقر بس ما يعطيني فرصه و..ما كمل كلامه فز من وصل رساله بجواله اخذه ودخل الواتس وهو يقرا وانصدم رقم مين لكن الواضح بصورة العرض انها رقم بنت و رد : مين انتي؟

آمال كانت جالسه و نجلاء جنبها يضحكون ،

وكتبت له : ما يهم مين انا بس طمنني عنك اشتقت لك ،

عبدالرحمن باستغراب : كيف اشتقتي لي وانا معرفك؟

آمال : افا مسرع نسيتني؟ تذكر زين و راح تعرف مين انا ولك فتره مختفي عن البيت اشوف سيارتك مو موجود ،

عبدالرحمن عرف انها تكذب لانه كلهم جاو بسياره وحده ،

وكتب لها : حاولي تشوفين زين وتلقين سيارتي موجود ،

آمال ناظرت لنجلاء : يكذب ذا؟؟ مو هو في المدينة كيف سيارته يكون موجود في القصيم؟ وكتبت له : شفت زين ،

عبدالرحمن تنهد وقفل جواله وتركه وهو يفكر بـ صقر ،

عبدالرحمن : احاول اتفاهم مع صقر بس ما يعطيني فرصه و..ما كمل كلامه فز من وصل رساله بجواله اخذه ودخل الواتس وهو يقرا وانصدم رقم مين لكن الواضح بصورة العرض انها رقم بنت و رد : مين انتي؟

آمال كانت جالسه و نجلاء جنبها يضحكون ،

وكتبت له : ما يهم مين انا بس طمنني عنك اشتقت لك ،

عبدالرحمن باستغراب : كيف اشتقتي لي وانا معرفك؟

آمال : افا مسرع نسيتني؟ تذكر زين و راح تعرف مين انا ولك فتره مختفي عن البيت اشوف سيارتك مو موجود ،

عبدالرحمن عرف انها تكذب لانه كلهم جاو بسياره وحده ،

وكتب لها : حاولي تشوفين زين وتلقين سيارتي موجود ،

آمال ناظرت لنجلاء : يكذب ذا؟؟ مو هو في المدينة كيف سيارته يكون موجود في القصيم؟ وكتبت له : شفت زين ،

عبدالرحمن تنهد وقفل جواله وتركه وهو يفكر بـ صقر ،

آمال التفتت لنجلاء : خيرر شاف ولا رد؟

نجلاء صدت عنها : مالومه عرف انه ابتلش بوحده مجنونه انا رايحه اساعد ماما ومشت طلعت عند امها ،

آمال رجعت اخذت جوالها وهي تكتب : تتهرب من كذبك؟

عبدالرحمن شاف الاشعار وتجاهل ،

'

نجلاء : مدري يا يمه بس احس جدي كانه موافق؟

ام نجلاء : اي اكيد هو موافق لكن ابوكِ رافض مستحيل يرضى وهالمره ابوكِ مايبي يغلط نفس الغلطه نفس ما غلط معكِ،

نجلاء نزلت راسها بهدوء : لا ما غلط هو وانا راضيه ،

ام نجلاء : اي اشوفك راضيه وكل ما جت امه تتهربين تخافين انها تجي تطلب نحدد موعد العرس صح؟

نجلاء صدت وهي تفتح الثلاجه : تشربين شاي معانا؟

ام نجلاء : لا بالعافيه عليكم وانتبهوا لملاذ اذا بتطلعون للمزرعه واخذت صينية الاكل ومشت عند فهد ناظرت فيه كان ساكت وسرحان مشت حطت الاكل جنبه : ايش تفكر؟

فهد بهدوء : ولاشي فينهم البنات ناموا؟

ام نجلاء هزت راسها بالنفي : لا وين ينامون تعرفهم اول ما نجي المزرعه خلاص تبدا سهرتهم بالمزرعه ماينامون ،

فهذ ناظر فيها : وانتي ليه متضايقه اشوفك؟

ام نجلاء هزت راسها بالنفي : مو متضايقه ،

فهد : عشاني طلبت منك تحملين؟

ام نجلاء وهي تقوم : اروح اشوف ملاذ و..مسك يدها فهد وهمس : جاوبيني وبعدين روحي زعلانه مني؟

ام نجلاء رجعت جلست : مو زعلانه بس خايفه ،

فهد : طيب خليني اكل واخذك للمزرعه نتمشى واشوف سبب زعلك واعرف اراضيكِ ،

'

ام صقر كانت جالسه طول الوقت تغير له الكمادات وحرارته ما ينزل تجمعت الدموع بعيونها بخوف وهمست : يوسفف حرارته مو راضي ينزل تكفى خلنا ناخذه المستشفى ،

يوسف بهدوء : حتى بالمستشفى ماراح ينزل حرارته هالحراره سببه ما تعرفينه يا منيره خليه خليه من قهره مو راضي ينزل هالحراره خليه يبرد قهر قلبه والحراره بينزل عنه ،

ام صقر بصدمه : شقاعد تقول وشفيهه صقر شصاير؟

يوسف : كبر صقر يا منيره كبر لدرجه ما صار يشاورنا بشيء يتخبى عننا ورا جده ويطلب منه يحقق له كل الي بخاطره نسى انه ابوه باقي عايش ومستعد يضحي وينزل من نفسه لاجل خاطره بس هو ما طلب مني شي لكن انا ماراح اسكت يا منيره ولدي راح ياخذ الي يبيها ماراح اتركه بهالحاله ،

منيره بخوف : ايش يبي صقر ي يوسف؟؟

يوسف ناظر لصقر الي كان نايم ولا حاس بشيء صد وهمس بهدوء : بنت فهد الي قلتي عنها ما تشوف ولا تتكلم ولدك يبيها وصارت عناده يا ياخذها يا نشوفه بهالحاله طول عمرنا.

منيره انصدمت وهي مو فاهمه شي وكيف يعرف بنتهم وكيف وصل لملاذ وكيف صارت عناده! من صدمتها ما قدرت تتكلم اكثر وتسال سكتت وهي تناظر لـ يوسف الي كان مشبك يدينه ومنزل راسه ويفكر ، يفكر كيف ينقذ ولده من هالحاله وكيف يكلم فهد وعبدالعزيز يوافقون وهم رفضوا بوجه سُليمان !

'

الجد سُليمان : روح القصيم ياولدي روح للديار روح لشغلك مطولين حنا مانقدر نترك صقر ياذي نفسه عشانها ،

عمر : بس يا جدي هم رافضين ماراح يعطون بنتهم له!

الجد : ابوك حلف يا عمر حلف انه راح يخليهم يوافقون لاجل خاطر صقر ماعاد يهمنا كرامتنا ولا عاد ودنا بحفظ ماء الوجه لاجل صقر ابوكِ رايح لهم يرجع يطالب ببنتهم ،

عبدالرحمن بقهر : يبهه ليه ننزل نفسنا لهدرجه!! انت وانت كبيرنا رحت و رفضوك يعني متوقع اذا ابوي راح ف يوافقون! راح يشكون يا جدي يشكون انه صقر يعرف بنتهم او شي ليه تخلون هالموضوع عناد وتسببون فضيحه؟

الجد : روح للجناح وشف اخوك كيف طايح على فراشه ولا يطالع بوجه احد وبعده تعال اسالني ليه هالعناد !

عبدالرحمن : فتره ويتزين كل شيء بنرجع للقصيم وينساها وينسى طوايفها وانا اتفاهم معه ،

سلطان بهدوء : صح كلام عبدالرحمن يا جدي صحيح صقر حالته مو زين لكن راح يتزين فتره ويتعدى وينسى لكن حنا ما ننزل من انفُسنا عشان بنتهم ونخليهم يشكون بشيء خلاص ربي ما كتب نصيب حاولنا مره و رفضو ف خلاص انتهى ،

عمر : لا يا سلطان حاولنا مره و رفضو لكن نرجع نحاول مرتين وثلاث اذا رفضو ف خلاص نمشي للقصيم ،

سلطان بحده : انت اسكت لانك تحب البربربره كثير ليه نحاول وهم قالو بكلمه واحد ماراح نعطي بنتنا بهالحاله!

عبدالرحمن وهو يقوم : انا نازل اتطمن على صقر سحب نفسه وطلع ومشى ركب المصعد ،

'

البنات تجمعو بالمزرعه وهو يشربون الشاي والنار قدامهم

نجلاء : اوففف يالبرد سحبت جاكيت مشعل الي عطاه لها ولبستها والتفتت لملاذ : ملاذ بردانه اخذك داخل؟

ملاذ هزت راسها بالنفي وهي تسمع سوالفهم ،

آمال : ملاذذذ اسمعي اي شي تصير اذا ماما سالتك هزي راسك ب لا اي شي يصير عننا قولي لهم ماتدرين ،

ملاذ هزت راسها بـ اي ، هُم يدرون انها ما تتكلم لكن برضوا آمال خايفه احد يقفطها والي تسويه ب عبدالرحمن ،

آمال التفتت لنجلاء : شرايك اتصل عليه واقفل بوجهه؟

نجلاء وهي تلتفت يمين يسار : تم يلا مافي احد ،

آمال ابتسمت بخبث واخذت جوالها ودخلت ع رقمه تتصل،

'

عبدالرحمن طلع من المصعد وقام بيدخل لجناح ابوه لكن وقف وهو يشوف جواله رن و رد بهدوء : هلا؟

آمال ونجلاء فزو من صوته وكتمو ضحكتهم ،

عبدالرحمن : الوو مين؟ سكت وهو ما يسمع رد تنهد وقفل الخط وقام بيدخل لكن رجع رن تنهد بقهر و رد : تتكلم ولا كيف؟ " ما انتبه انه نفس الرقم الي بالواتس " وهمس بحده وبنبره عصبيه : المره الثانيه اذا اتصلت تزعجني اعرف كيف اطلعك واحطك قدامي و ارد عليك وقفل الخط بقهر ،

آمال فزت بخوف : يمهه نجلاء يطلعني كيف؟؟

نجلاء : بلكيهه بلكيه احذفيه وغيري رقمك ،

آمال : يمكن يكذب يهدد يخوفني بس؟

نجلاء : واضح من صوته كبير وصادق بكلامه ياويلك ،

آمال : اكيد يسوقه علي يبيني اخاف ،

نجلاء : خلاص اهجدي لا تتصلين عليه خلي جوالك ،

آمال تركت جوالها بقهر وهي تفكر بـ خُطه ،

نجلاء : شرايك نتابع مسلسل؟

آمال : تمام روحي جيبي الكمبيوتر من الغرفه ،

ملاذ حطت راسها على المخده وهي تحاول تنام ،

'

فهد و لطيفه ام نجلاء كانو يتمشون بالمزرعه بعيد عن البنات عند الخيول وهم يسولفون وماسكين يد بعض ،

فهد : ما قلتي لي ليه زعلك كلامي عشاني قلت ابي ولد؟

ام نجلاء : ما زعلني يا فهد بس خوفني ،

فهد ابتسم بخفه : ليه خوفك؟

ام نجلاء : مدري خفت تتزوج علي عشان ودك بـ ولد خفت تتركني او تخونني او تطلقني وتاخذ مني البنات ،

فهد : متوقعه مني هالشيء يعني؟ قبل تفكرين فيني كذا وتتوقعين مني كذا طالعي فيني وقولي قد لقيتي بعيوني حُب لاحد غيرك وغير بناتك؟ طلع لي شيب براسي وحُبك ما محى من قلبي الى الان احبك يا لطيفه اخون هالدنيا كله الا انتي ، اعرف اني احياناً اقسى عليكِ او اعصب بس قلبي مستحيل يميل لغيرك او يلتفت لغيرك انتي الاوله والاخيره ،

ام نجلاء ابتسمت وهي تناظر فيه، فهد قرب وحضنه من جنب وهم يتمشون ويسولفون ،

'

صقر كان جالس و ام صقر تجهز له شوربه حار ،

ويوسف جالس بعيد عنهم على الكنب ويناظر بصمت ،

عبدالرحمن كان جنب صقر وهمس : ليه تسوي فينا كذا؟

صقر التفت له : شسويت؟

عبدالرحمن : لا تسال يا صقر وطالع بنفسك وشكلك بالمرايا وش هالحاله الي وصلت له بس عشان بنت! والي نفسها اهلها رفضوك ليه ترفع سقف أمنياتك لفوق للحين علمني؟

صقر : مافي شي كذا يا عبدالرحمن بس تعبان شوي ،

عبدالرحمن : بحياتك ما تعبت الا بسبب شي يا صقر انت نفسه الي اذا زعلت او انقهرت تتعب ويرتفع حرارتك وانا اعرف انك مقهور للحين وتنحرق من داخلك لا تحسبني غبي،

صقر : اسكت يا عبدالرحمن مابي ابوي يسمعك ،

يوسف كان ساكت ويناظر بالارض وهو يسمع وهم يهمسون،

عبدالرحمن : خله يسمع لانه الكل صار عرف بموضوعك ،

صقر بصدمه : ابوي يدري؟؟ قاطعه يوسف وهو يقوم ويهمس بحده : اي دريت علمني جدك وعلمني عن حركاته بعد اخذك بدون ما يكلمني و رحتو وحتى انتم الاثنين ما فكرتو تعلموني برافو عليكم يا صقر وانا حيي وجالس بينكن تحسسوني ميت رميتوني بقبري قبل موتي ، انا ابوك ياولدي ابوك ولاجل خاطرك وخاطر اخوانك انا وامك نضحي بنفسنا تدري ولا لا!

ام صقر وقفت عند البنات وهي تسمع بصمت ،

صقر نزل راسه : يبه لا تقول كذا وانا والله ما علمت احد عبدالرحمن الي علم جدي بكل شيء وجدي الي طلب مني ما اعلمكم وحتى يوم رحنا هناك ما علمني اخذني بدون ما ادري،

يوسف التفت لـ عبدالرحمن وناظر لصقر : والله انكم قهرتوني ياولدي قهرتوني لما خبيتو عني حسيت نفسي سكت وصد ،

عبدالرحمن قام ومد يده لكتف ابوه : يبه جعل هالقهر فيني ولا فيك والله اني ما دريت انا وضعي نفس صقر جدي الي رفض نعلمك والظهر كلمني وقال جيب المفتاح والحقني ما عرفت الا يوم وصلنا لمزرعتهم والله لو ادري انه يضيق خاطرك وتنقهر كان ما سوينا كذا ،

يوسف تنهد : انتبه لاخوك يا يبه وانا رايح عند جدك وجاي وقام طلع لبرا وطلع جواله من جيبه ومشى يركب سيارته ،

عبدالرحمن التفت لصقر : امي تدري؟

صقر : دام ابوي عرف اكيد يعلم امي تعرفه انت ،

عبدالرحمن : ليت قهرهم فيني يا صقر ،

صقر سكت من دخل امه ومشت جلست وهي تشربه الشوربه،

عبدالرحمن : يمه بنمشي للقصيم؟

ام صقر بسخريه : ليه نمشي باقي بدري اشوف مين فيكم بعد يطيح بوحده ويخبي عننا ويروح يطلب يدها ولا يعطيني خبر بكره تتزوجون ولا تفكرون تعزموني ماراح استغرب ،

عبدالرحمن ابتسم بخفه وناظر لصقر : اسلم يا صقر ،

صقر مسك يد امه وهمس : حتى انتي زعلانه؟ ما علمتك يا يمه خفت خفت ترفضين وتقولين البنت مو مناسبه لي وتزعلين مني وتكسرين بخاطري بس عشانها ما تشوف،

ام صقر : ليه يا صقر توقعت مني ومن ابوك هالشيء؟ صحيح كان اعترضنا لانك صعب تقدر تعيش معها بهالحاله بس جاوبني قد جاء يوم وانا وابوك كسرنا بخاطرك او بخاطر اخوانك؟ نحبكم كلكم ونشوفكم نفس الشيء بعيوننا ،

عبدالرحمن : بس وش يفيد هالكلام يا يمه هم رفضو وخلاص.

صقر تنهد وهو يصد : بس انا ماراح اتنازل عن عنادي هي بتصير زوجتي غيرها مابي ولا راح ارضى ،

عبدالرحمن بسخريه : برايي حراراتك مرتفع بزياده وناظر لامه : عطيه حبوب وخليه يصحصح من وهمه وصد طلع ،

صقر سكت ، ام صقر مدت يدها لشعره وهي ترجع شعره لوراء وهمس : خلك منه نام ارتاح وانا اتصل على ابوك اكلمه نتجهز بنمشي للقصيم ،

صقر بدون واعي همس : وملاذ؟ ام صقر انصدمت والتفتت له

صقر نزل راسه : بخاطري هي كيف تاخذوني للقصيم؟

'

فهد ابتسم : والله بخير حنا وانا اخوك اخبارك انت والعيال؟

يوسف : كلنا بخير اتصلت ابي اعرف سبب رفضك يا فهد ودنا بالقرب منك وانت رفضت معرف اذا كان العيب في ولدي ول..قاطعه فهد : ولدك على العين والراس يا يوسف مافيه عيب رجال وعن الف رجال لكن لبنتي ماهو مناسب ،

يوسف : ليه مو مناسب اجل من الي مناسب لبنتك يا فهد؟امس ابوي جاء عندكم وهو واثق ما تردونه هو وده بالقرب منكم يا فهد ليه ترفض يا فهد عطنا سبب رفضك؟

فهد : شف يا يوسف عندي ثلاث بنات والله وقسم بالله انهم اغلى شي بدنيتي لكن ملاذ اغلى علي من نفسي حتى ملاذ صعب تعيش مع انسان ما تشوفه ولا تعرفه صعب يا يوسف كيف اضحي ببنتي وهي بذي الحاله! مافي مستشفى في المدينه الا و رحت له لكن مافي علاج يا يوسف شسوي انا؟ سالتك بالله حط نفسك بمكاني وقل لو عكسنا الدور وملاذ بنتك بترضى لو جيت طلبت يدها لولدي بذي الحاله؟

يوسف : لا يا فهد صح كلامك معك حق بس اوعدك انا صقر ماراح يخيب ظنك لو هالشيء كلفه حياته كله انه راح يعالج بنتك حتى لو علاجها كان باخر الدنيا صقر ياخذها ويعالجها يا فهد انا وعدتك يا فهد وانت تعرف اوفي بوعدي ،

فهد : انا اسف يا يوسف لكن يبي لي وقت اكثر افكر وافتح الموضوع مع البنت و افهمها ،

'

نجلاء كانت واقفه تعدل شعرها دخلت آمال عندها ومشت جلست على السرير : ارسل له ؟

نجلاء : اهجدي اذا قفطك والله ما اساعدك ،

آمال : يخييي ابيه يرجعون للقصيم ماني مرتاحه ،

نجلاء : اي وانا لما قلت اني مو مرتاحه لمشعل قلتي لي ماعليك ترتاحين مع الايام وانتي بعد اقولك ترتاحين مع الايام،

آمال : انتي مو عاجبك فيه لانه يحب البر والنياق؟ اقول ترا يدفع للنياق اكثر من مهرك اذا ما تدرين انه اغلى منك ،

نجلاء : وعمتي اكلت ابوي عشان المهر تقول ولدي مايقدر ،

آمال : عاد عمتي سوسه هذي واضح من حركاتها الله يعينك،

نجلاء : عشان كذا مابي اتزوج القاه منها ولا من ولدها مشعل الي ينام مع النياق بعد يعع تكفين ما اتخيل انه يلمسني وهو كليوم مع النياق ،

آمال : حياتي مو بس يلمسك ينام معك بنفس السرير بعد ،

نجلاء : وع يخسي خليه يطلع له شيب وهو ينتظرني اوافق ونتزوج ما اتزوج منه الا لما يموت ناقتها ،

آمال قامت تضحك لكن فزت من وصلت لها رساله اخذت الجوال وهي تناظر كان مكتوب : رقمك مو غريب علي ،

وصرخت : نجلاااظ رسلللل رسللل ،

نجلاء ركضت لعندها : وش يقول؟

آمال : يقول رقمك مو غريب علي! وكتبت له : اي زين حسيت لانه حتى انا مو غريبه عليك واعرفك بعد ،

عبدالرحمن كان منسدح وسلطان يجهز اغراضه وعمر يدلك رجول الجد ، عبدالرحمن كتب لها : شسمك طيب؟

آمال : اذا جيت للقصيم تعرف اسمي وشكلي بعد ،

عبدالرحمن : واذا قلتلك اني مو راجع للقصيم واستقر بالمدينه؟ "

آمال ناظرت لنجلاء الله ياخذه شوفي شيقول! يارب يروح يارب ما يلقى له مكان هنا يارب يضيق عليه هالمدينه ،

'

يوسف : كلمته وحاولت معه انتظر يرد واشوف ،

ام صقر : معرف ليه يعاند مستحيل يقدر يعيش معها ،

يوسف : يعالجها يا منيره اكيد بيلقى لها علاج في لندن ولا امريكا ولا اي مكان المهم هو وخاطره اهم شي عندي ،

ام صقر : اذا تسال رايي فانا مو راضيه لو علمني من قبل كان رفضت وعصبت عليه لكن بحالته هذي مو قادره حتى ارفع صوتي عليه واعصب !

يوسف : شنسوي يا منيره مالنا غيرهم اخاف نموت بكره وهم شايلين بقلبهم عننا ،

'

آمال : ليه مو ناوي ترجع للقصيم؟

عبدالرحمن: لا مو ناوي لكن اذا عرفت مين انتي راح ارجع،

آمال قامت بـ ترد لكن فجاه دخلت امها فزت وتركت الجوال حطتها تحت المُخده ،

ام نجلاء : ليه للحين صاحين يلا ناموا بكره نرجع للبيت ،

نجلاء : بدري ما استانسنا حتى ،

ام نجلاء : بكره جاين ضيوف بنمشي ومشت عند ملاذ غطتها باللحاف وطلعت ،

آمال فزت : مين جاييين لا يكون هُم؟؟

نجلاء : والله اشك مافي ضيوف غيرهم ،

آمال : يمه الحين شنسوي؟؟

نجلاء : ..

'

صقر كان منسدح وهو يتذكرها ويتذكر فستانها الابيض والاصفر ولما مسك يدينها ولما لبس جاكيتها و ريحة عطر تنهد وهو يغمض عيونه يحاول ينام لكن عجز ينام ،

صقر كان منسدح وهو يتذكرها ويتذكر فستانها الابيض والاصفر ولما مسك يدينها ولما لبس جاكيتها و ريحة عطر تنهد وهو يغمض عيونه يحاول ينام لكن عجز ينام ، والتفت للعيال كانوا نايمين غمض عيونه وهو يتذكرها ،

'

ام نجلاء : ايش فكرت انت ؟

فهد : ماني عارف يا لطيفه ابي افهم شي واحد ليه هُم ما يبون الا ملاذ و ايش هذا الاصرار! استحيت اسال واقول ليه تبون ملاذ وعندي غيرها بكامل صحتها وعافيتها! تنهد وكمل انا مو قصدي ملاذ فيها عيب لكن انا مو راضي ليه هُم مُصرين!

ام نجلاء : حتو انا افكر كذا ليه بالضبط ملاذ؟ وليه امه ما جت وليه بس السالفه صارت بينكم وين امه ما تجي تكلمني!

فهد : ماني عارف شي اتصل علي ويقول نبي القرب منكم وحلف لي انهم يعالجون ملاذ ولو علاجها في اخر الدنيا ،

ام نجلاء بصدمه : صادقين بكلامهم؟

فهد : لطيفه انتي ما شفتي انا وابوي كيف ركضنا لكل مستشفى هنا مالها علاج قالوا يعني وش بيسون هُم ؟

ام نجلاء : طب يمكن في علاج بمكان ثاني وهالحادث الي دمرها هي كانت تشوف يا فهد اذكر زوجة اخوك كانت تقول انها تشوف لكن مو متاكدين اذا تتكلم ولا لا وكبرت وعرفنا ما تتكلم لكن كانت تشوف وهالحادث الي بسببها صارت ما تشوف ، واكيد في علاج يا فهد ،

فهد بهدوء : وش قصدك يعني انتي موافقه؟

ام نجلاء : اذا الشيء يخص حياتها وعلاجها وشوفتها ف موافقه يا فهد موافقه ليه نوقف حياتها دام في شخص يسعى ل شفائها؟ بس علمني انت شفت شي في صقر يستحق نرفضه؟ الولد فيه شي ؟

فهد هز راسه بالنفي : مافيه شي ونعم فيه رفضي كان بسبب ملاذ ما تتقبل احد غيرنا يا لطيفه ،

ام نجلاء : طب شرايك لو انا اتكلم معها واشوف؟

فهد ناظر فيها ومد يده ومسك يدينها وقرب باس يدينها بحُب وهمس : احب هالشيء فيكِ يا لطيفه احب انك ما تقللين من ملاذ وترفعين من بناتك احبك لانك تشوفينهم كلهم نفس الشيء وتتعاملين مع بنت اخوي وكانها بنتك بسبب هالشيء كليوم تكبرين بعيوني واحبك اكثر من قبل يا لطيفه ،

ام نجلاء ابتسمت : ملاذ هي بنتي واكثر يا فهد ملاذ اشوفها زي آمال ونجلاء ،

'

نجلاء : شرايك نروح المزرعه ونتمشى بما انه اخر يوم هنا؟

آمال قامت وهي تسحب فروة فهد وتلبسها ،

نجلاء ناظرت لجاكيت مشعل واخذته ولبسته وطلعوا للمزرعه

آمال : غريب اليوم جدي طول وقته كان برا وجاء نام علطول ما جلس معانا ولا سولف معانا ؟

نجلاء : يمكن تعبان وتعرفين اذا تعب ما يحب يشوف احد ،

آمال : والله فقدت حس شيهان بالمزرعه اشتقت له ،

نجلاء تنهدت وهي تحط يدينها بجيب الجاكيت فزت من لمست شيء وطلعت يدها وطاح السلسال ،

آمال ناظرت لها : بسم الله شفيكِ؟

نجلاء ناظرت للسلسال واخذتها وهمست : مشعل جابه ،

آمال بصدمه : مشعل؟؟؟ هاتي اشوف اخذتها وهي تشوف،

نجلاء : و كتب لي معه رساله انه يحبني شفتهم داخل الجاكيت وابد ما استانست ولا حتى فرحت ما همني ،

آمال تغيرت ملامح وجهها وهمست : ما تستاهلين حُبه ،

نجلاء صدت : صح ما استاهل ليت يفكر ويتركني ،

آمال : تصدقين يا نجلاء لاول مره انقهر منك لهدرجه شوفي حُب مشعل لك كيف! رغم انك رفضتي تكلمينه و رفضتي تتواصلين معه مع ذلك هو كل مره يحاول يوصل لك بـ اي طريقه رغم تعاملك مع عمتي وتصرفاتك قدام ريما كله يدل انك ابد ما تحبينه ولا تستحقين حبه وانا متاكده مشعل بيكون عارف كل شيء بس للحين يركض وراك قلبك يبي يكسب رضاكِ وحُبك وهذا انتي الي ما تستاهلين منه شيء،

نجلاء صدت وسكتت وهي تمشي بهدوء وهمست : لو قلبنا الادوار يا آمال كان كنتي تعاملتي معه نفس الشيء مجرد كلمه من جدي انه احفاد سُليمان لو طلبو يدك راح يوافق عصبتي عليه وسمعتيه كلام وهجيتي والحين جايه تعلميني هالشيء!

آمال بحدها : نجلاااء افهمي انا وانتي فرق بيننا انا مجرد كلام قاله جدي و رفضت مافي اي شي صار! اما انتي ومشعل بينكم خاتم و اوراق النكاح كيف تقولين كذا!

نجلاء : حتى ولو يا آمال لو بيننا الف شي انا مو راضيه فيه ،

آمال : طيب ليه مانتي راضيه فيه علميني؟ ايش السبب ؟ عشانه دلوع اهله ولا عشانه يحب البر ونياقه؟ ايش السبب؟

نجلاء : ولاشي احس بردت خلينا نمشي داخل ،

آمال : قبل نمشي تذكري كلامي اليوم هو موجود تتعاملين معه كذا بكره اذا راح عنك تعرفين قدره صدت ومشت ،

نجلاء انصدمت من كلامها و لحقتها لداخل ،

'

" صباح يوم جديد على ابطالنا "

'

الجد سُليمان والكل كانو متجمعين يفطرون بعد دقايق خلصوا

صقر قام بيمشي لكن وقفه صوت ابوه والتفت : هلا؟

يوسف : كيف صرت اليوم عساك بخير؟

صقر هز راسه هدوء: اي بخير يا يبه ،

الجد : بنمشي اليوم روح يا عمر قل لامك تتجهز بتمشي بعد الناس وش يفكرون رايحين نطلب يد بنتهم وبدون امكم! ما يصير يا يبه تجهزو باذن الله هالليله بنروح وكلي ثقه و امل انهم يوافقون ادعو بس فهد يوافق اما جدها موافق اعرف،

عبدالرحمن : انا ماراح امشي اذا بتروحون لاني عارف وش راح يكون ردهم هالمره بعد مافيني انقهر مره ثانيه عشانه ،

يوسف : لا تقول كذا قل ان شاء الله يوافقون ،

عبدالرحمن صد وطلع ، صقر تنهد بضيق ولحقه ،

عبدالرحمن قام بيركب المصعد صقر مسكه من كتفه وهمس بهدوء : عشان خاطري يا عبدالرحمن!

عبدالرحمن : مالك خاطر عندي يا صقر يكفي قهر قلبك وحرقته ليه ناوي تحرق نفسك وتحرقني معك وتقهرني عليك!

صقر : ماراح اتركها يا عبدالرحمن مستعد انقهر وانحرق الف مره عند باب بيتها بس غيري ما ياخذها وانا وعدت نفسي يا تكون لي! يا تندفن تحت هالتراب واندفن معها اذا هالدنيا يضيق عليه انه يجمعنا ف تراب الارض راح بجمعنا بنفس القبر صد ومشى ، عبدالرحمن شد على يده بعصبيه وقهر و ركب المصعد وحرك مشى للجناح دخل وهو يشوف سلطان يجهز اغراضه وهمس بحده : حتى انا بمشي معك ماراح اجلس هنا خله يموت هنا ويدفنونه ويجون بدونه ،

سلطان بصدمه : شفيك منهو الي بيموت ويدفنونه؟

عبدالرحمن : اخوك الحمار من غيره يا سلطان! قاعد يحلف انها يا تكون له يا يندفن معها انا ماني عارف ايش صاير لعقله ايش سوت فيها هالبنت ليه انجن عليها كذا من اول نظره!

سلطان تنهد ومشى لعنده : خله يا عبدالرحمن خله الي يدينه بالنار ماهو مثل الي يدينه بالماء يا عبدالرحمن ماراح تحس بالشيء الي يحس فيه صقر خله يسوي الي وده الي عليك يا توقف معه وتكون جنبه يا تتركه وما تكسر بخاطره ،

عبدالرحمن : انا ما اتحمل اشوفه ينكسر اكثر من مره ،

سلطان : جدي قال انه هالمره يحاول واذا ما وافقو ماراح يحاول مره ثانيه وبنمشي للقصيم ،

عبدالرحمن : يعني شرايك انت هالمره بعد اروح معه؟

سلطان : اي روح يا عبدالرحمن والله انه بخاطري امشي انا بعد لكن اتصالات مصعب مو راضي يوقف والقضايا فوق راسي ف مضطر اني اروح ، خلك معه طلبتك يا دحوم ،

'

= في بيت الجد عبدالعزيز بعد ما رجعوا من المزرعه =

'

الشغالات كانو يبخرون البيت بعد ما عرفوا انهم جاين اهل سُليمان وحتى ام صقر بتجي البنات كانوا بغرفتهم يتجهزون،

فهد كان جالس بالغرفه و ام نجلاء مشت تجيب ملاذ ،

الجد عبدالعزيز : انا راح امشي تحت اشوف الوضع وانت تكلم معها وشوف رايها يا فهد وانا متاكد حفيد سُليمان راح يحطها بعيونه واذا ما شالتها هالارض حفيد سُليمان يشيلها انا واثق فيه لا تخلي الولد يضيع من يدنا دامه مُصر يبيها ومستعد يعالجها ف فكر زين فكر بعقل بارد و رد لهم ومشى طلع ،

فهد تنهد بضيق وهو مو عارف شي بهاللحظه دخلت ام نجلاء

وملاذ معها ومشت جلست وهمست: ابوكِ يبي يكلمك ،

ملاذ جلست على طرف السرير بهدوء وهي متوتره ،

فهد : لا تخافين يا يبه وابي اكلمك بموضوع مابيك تخافين من شيء ابيكِ تجاوبيني بس بـ اي ولا لا ، مابيكِ تخافين ،

ملاذ كانت تسمعه وهزت راسها بـ اي بصمت ،

فهد : تعرفين اني احبك وتعرفين امك بعد تحبك وكلنا نحبك حتى جدك وخواتك يحبونك ، كنت خايف بيجي يوم وتروحون عني وكنت متاكد كلهم بيروحون الا ملاذ تجلس عندي طول عمرها بس كلهم جالسين يا بنتي وانتي الي بتروحين عني ،

ملاذ انصدمت من هالكلمه ومدت يدها بتمسك يده كانت تدور يدينه فهد مد يده لها ملاذ مسكت يدينه وهي تشد عليه بخوف ، فهد ابتسم وكمل : تتذكرين لما جت عمتك خطبت نجلاء لولدها تتذكرين كيف كان الكل مبسوطين تتذكرين ملكة نجلاء والاغاني والرقص الي صارت؟ ومشعل تزوج منها؟

ملاذ ابتسمت وهزت راسها بـ اي وهي تتذكر ذيك الايام كانو يعلمونها بكل شيء كانت جالسه رغم السواد كان تسمع كل شيء صوت الاغاني و صوت الزفه لكن ما شافت الا السواد،

فهد ابتسم من بين دموعه : معرف كيف ابدا واقولك قاعد اتهرب بس يا بنتي في شخص تقدم لك يبي يتزوج منك وياخذك معه ، ملاذ فزت وهي تهز راسها بالنفي بخوف ،

ام نجلاء : لا تخافين يا يمه هو راح يحبك صدقيني ،

فهد : ملاذ انتي تبين تشوفيني صح وتشوفين خواتك وامك؟ تبين تشوفين كل شيء بهالدنيا صح؟

ملاذ هزت راسها بـ اي بخوف ،

فهد : هو راح يخليكِ تشوفين راح يعالجك راح ياخذك لبرا تتعالجين ويجيبك عندنا هو راح يحطك بعيونه ويحبك اكثر مننا ولا تخافين يا بنتي ماراح يمسك ضرر منه حنا نكون معك،

ملاذ سكتت وهي تسمع لهم بصمت ،

ام نجلاء : هذي سنة الحياة يا بنتي نجلاء انخطبت وقريب تتزوج ماودك تشوفين عرسها وتشوفينها بفستانها الابيض؟ وآمال بعد بيجي يوم وتتزوج ما ودك تشوفين خواتك عروسات؟ ماودك تشوفين امك ؟

ملاذ هزت راسها بـ اي بمعنى ودها تشوف ،

فهد : قولي لي يا بنتي انتي موافقه؟ انا كنت راح ارفض و رفضتهم لكن هو حلف انه يعالجك و راح تصيرين تشوفين وانا فكرت كثير وقلت اسال رايك ماودي اوقف نصيبك ،

ملاذ كانت ساكته لكن تذكرت انه هو يعالجه وبسببه تقدر تشوف امنيتها الوحيد بهالدنيا انها تشوف اهلها وهالحياة تبي تشوف شروق الشمس تبي تشوف خواتها تبي تشوف مزرعة الجد الي كل مره تروح له تبي تشوف جدها وامها وابوها ! سكتت وهي تفكر لعله ربي رسله بحياتي لاحتى يكون سبب انه يخليني اشوف هالدنيا تجمعت الدموع بعيونها ،

فهد قرب وهو يبوس جبينها : لا تخافين يا بابا لا تخافين من شيء خليكِ متاكده انه بابا عمره ماراح يتركك لا تخافين قرب وهو يضمها لصدره ملاذ حضنته وهي تبكي ،

ام نجلاء : لا تبكين يا ملاذ اذا مانتي موافقه قولي لنا محد راح يجبرك بس ودنا نشوفك عروسه ودنا انك تعيشين حياتك زي خواتك لو بيدنا ماراح نخليكِ تتركينا وتروحين ،

فهد بهدوء : قولي لي فقط شي واحد اي ولا لا يا ملاذ؟

ملاذ سكتت وهي ودها تتكلم وتعبر وتقول انها موافقه بس عشان ودها تشوفهم وتشوف هالحياة لكن ماعندها القوه تتكلم وتعبر لهم سبب الموافقه واكتفت بـ هزت راسها ،

ام نجلاء ابتسمت من بين دموعها وقربت حضنتها ،

فهد : راح اكون معك يا يبه اوعدك محد ياذيك بشي ،

والتفت لـ زوجته : انا رايح اشوف ابوي واكلمه ،

ام نجلاء : تمام وكلم البنات يجوني ،

'

آمال كانت واقفه تستشور شعرها ، ونجلاء تتمكيج

فجاه انفتح الباب و دخل فهد : امكم تناديكم بغرفتها ،

نجلاء ناظرت فيه بصدمه من ملامحه : يبه تبكي؟؟؟

آمال فزت والتفتت : شصاير يبه ملاذ فيها شي؟

فهد هز راسه بالنفي : مافيها شي روحوا امكم تعلمكم مافيني القوه اتكلم صد طلع وهو يمسح عيونه ويعدل شماغه ،

و توجه لمجلس الرجال ، الجد كان واقف يعدل بشته ولابس الشماغ و رفع راسه وهو يشوف فهد داخل وعيونه احمر انصدم وناظر فيه : وش صاير لك ؟

فهد بهدوء : موافقه هي يا يبه سالتها ووافقت ،

الجد عبدالعزيز ابتسم وهو مصدوم : ملاذ وافقت؟

فهد : اي وافقت وعلمتها انه هو يعالجها ومتاكد انها وافقت عشان هالسبب شافت ابوها ضعيف مافيه القوه يركض لعلاجها ووافقت عليه لاجل يعالجها ،

الجد بهدوء : محروسه باذن الله وباذن الله يلقى لها علاج وترجع لنا وهي تشوف تجينا وعيالها حوالينها ،

فهد ابتسم من بين دموعه وقرب وهو يحضن ابوه ، وبقلبه الل والف حسره وندمان ويلوم نفسه لانه ما لقى لها علاج واليوم بنته مضطره توافق على الزواج فقط عشان علاجها!

'

ام صقر تجهزت وطلعت وهي لابسه فستان كحلي ومشت وهي تشوف صقر واقف وعبدالرحمن يعدل شماغه ابتسمت وهمست : ان شاء الله يوافقون الله يفرح قلبك ياولدي ،

صقر بهدوء : يارب يا يمه يارب الله يسمع منك ،

عمر : باذن الله ما نطلع من بيتهم الا وهي صارت باسمه ،

عبدالرحمن بضحكه : من فمك للسماء قل امين ،

عمر : امين امين يارب تصير زوجته ونشوف عيالهم ،

عبدالرحمن : باذن الله وشوفو سلطان الخاين ما جاء ،

فجاه دخل سلطان وهو يضحك : جيت جيت ما هربت ، مشى وهو يحضن صقر : باذن الله بتصير لك وباذن الله يوافقون ومبروك مقدمًا وانا رايح المطار اذا وافقو اتصلو علي ،

صقر ابتسم وهو يشد عليه وهمس : الله يسمع منك ،

سلطان قرب وهو يحضن عبدالرحمن : وعقبالك بس تكفى لا تورطنا زي صقر وتطيح بوحده ، ضحك وهو يصد يحضن عمر

عبدالرحمن : ماني طايح باحد ولاني طايح بهالنار ،

عمر بضحكه : لا تنسى تنظف غرفتي جايك انا ،

سلطان : ماني فاتح لكم الباب اجلسو بالمدينة ،

ام صقر كانت تضحك عليهم ، سلطان مشى لعندها ووقف وهو يشوفها متكشخه : هالله هالله وش هالزين اللهم الثبات لابوي وقلبه ، ام صقر ضحكت وضربته على كتفه وقربت حضنته وهمست : انتبه على نفسك واتصلت على الشغاله كلمتها ترجع البيت وكلمتها تنتبه لفطورك واكلك زين ،

سلطان ابتسم وقرب يبوس جبينها : ان شاء الله وانتي لا تجين الا وعروسة صقر معكِ ولا ماني فاتح لكم الباب ،

فجاه نزل الجد وهو لابس البشت سلطان مشى يحضنه ،

'

آمال بدموع : يعني ملاذ بتصير عروسه ؟

نجلاء مشت وهي تحضن ملاذ : احلا عروسه والله ، الله يهنيكِ يارب وعاد ما نسمح له ياخذك مننا ،

آمال بضحكه : انتم الاثنين بتتزوجون والغرفه لي لوحدي ،

ملاذ كانت تسمع سوالفهم وتبتسم وحست بفرحة خواتها لها ،

آم نجلاء : الله يهنيها يارب وعسى صقر ما يخيب ظني فيه ،

نجلاء بصدمه : اسمه صقر؟؟؟

ام نجلاء : اي صقر اسمه دعواتكم بس انه يكون رجال قد كلمته ويحبها ويصونها ويحطها بعيونه الثنتين ،

البنات ابتسمو وهمسو امين يارب ،

نجلاء : اهخخ منك هالصقر الي بياخذك مننا ما اسامحه ،

ملاذ ابتسمت من كلامها وجلست وهي تسمع ،

ام نجلاء : انا انزل اشوف جدكم وابوكم ومشت طلعت ،

آمال : هالله ملاذ اول بنت تجيكم سموها على اسمي ،

نجلاء : وخري انا الاكبر فيكم سميها على اسمي انا ،

آمال بضحكه : واذا ولد سميه مشعل ،

نجلاء ضربتها على كتفها : ياحيوانهه ،

آمال ركضت وهي تطلع : رايحه اكمل شعري واجيكم ومشت ،

نجلاء ابتسمت وجلست جنب ملاذ : مبسوطه؟

ملاذ هزت رفعت كتوفها بمعنى مدري ، وفعلًا هي ما تدري تنبسط انه هو يعالجها ولا تحزن انها تترك اهلها وتروح عنهم وبنفس الوقت خايفه من صقر ماتدري عنه شي هو قاسي ولا حنون؟ يحبها ولا لا سكتت بهدوء وهي تفكر ،

نجلاء : ابوي وجدي دايم يمدحون احفاد سُليمان وجدي يحبهم مرره وانا متاكده انه ماراح يخيب ظن بابا وجدي فيه

واحسه صادق فعلًا راح يعالجك ، لا تشيلين هم شي يا ملاذ فكري انه هالانسان بيصير زوجك و ابو عيالك ويضحي بنفسه عشانك تاكدي انه صقر راح يحطك بعيونه باذن الله ، وناظرت فيها وكملت وهي تضحك : ادري تقولين ما شافت نفسها وجايه تعلمني ودايم تسمعيني عن مشعل بس يخي مشعل احسه مو فارس احلامي الصدق كنت متخيله شخص غير مدري تاثير الافلام ولا الروايات بس الصدق كنت افكر بنفس الرجال الي بالمسلسلات والقصص معضلين مشعل خيب ظني ، ملاذ كانت تضحك على كلامها ،

نجلاء : وعاد هو حلو مو ذاك الشين بس مدري يخوفني احسه قاسي او يمكن يكون حنون بس مدري ما فكرت اتواصل معه واكلمه اخاف يطلع عكس توقعاتي رغم اني داريه انه عكس توقعاتي من شفته يحب البر والحيوانات بس برضوا ،

'

يوسف وصل سلطان للمطار ونزل يحضنه و يودعه وابتسم وهمس : تحتاج شي يا يبه؟

سلطان : لا يا يبه ما احتاج شيء بس تكفى خاطر صقر لا ينكسر مره ثانيه حاول معاهم طلبتك ،

يوسف : ان شاء الله ياولدي والله اني اتصلت على فهد وحاولت معه كثيرر حتى قلت انه صقر يعالجها دعواتك بس،

سلطان : ان شاء الله وانا طول وقتي ادعي انهم يوافقون بس طمنني وانت جالس بينهم اذا وافقو علطول ارسل لي ،

يرسف ضحك وهمس : ان شاء الله ، يلا انتبه على نفسك اروح لهم ينتظروني اخذهم ونروح لعبدالعزيز ،

آمال كانت تتجهز فجاه وصلت لها رساله استغربت واخذت الجوال وهي تناظر رساله من عبدالرحمن: ما جاوبتيني؟

استغربت وهي تشوف رسالته الاخير : اذا عرفت مين انتي راح ارجع " تركت الجوال وهي تفكر دام ابوي وافق وملاذ وافقت ف اكيد ماراح يخطبوني ليه ارد عليه الحين! وبعدين ما يستحي خطب ملاذ ويتواصل مع وحده غيرها! بهاللحظه دخلت نجلاء : اخلصي يلا نروح لملاذ نجهزها ،

آمال : نجلاء بسالك ايش اسم الي خطب ملاذ ؟

نجلاء : ماما قالت اسمه صقر ليه؟

آمال : اها وهذا الغبي للحين يراسلني ابلكه؟

نجلاء : بكيفك بس اخلصي يلا بسرعه ،

'

يوسف كان يسوق ويسولف مع الجد ، اما صقر الي كان بعالم ثاني ومتوتر وخايف انه هالمره بعد يلقى الرد الي يكسره! اخذ تنهيده طويله والتفت لـ عبدالرحمن : يكسروني؟

عبدالرحمن بهدوء : انت الي ودك تكسر نفسك ،

صقر : ندمت من راسي لحد رجلي يا عبدالرحمن لاني سمحت لنفسي اطيح بحبها ونارها وماعاد في يد ينقذني غير يدينها!

عبدالرحمن : هالمره رايحين كلنا نطالب بيدها الي تنقذك لكن اذا هي هالمره رفضت تنقذك ف تكفى لاعاد تلتفت ،

صقر سكت وصد وهو يناظر من الشباك بصمت ،

وقفوا عند المحطه والجد نزل للبقاله ،

يوسف : صقر يبه روح مع جدك لا يضيع ويطلع من باب الخلفي للبقاله ، صقر هز راسه ونزل بهدوء يلحق جده ،

عمر التفت للمحطه : هالله ودي اسوي محطه كذا باسمي،

عبدالرحمن : انت اخلص دراستك ونشوف وش تسوي ،

ام صقر : ليه تقول له كذا ان شاء الله يخلص ويسوي الي وده وبخاطره ويستانس ،

عمر : يمه خليه حسود يحسبني اصير نفسه فاشل ،

عبدالرحمن : تخسي تصير زيي واذا صرت زيي قم اسجد واحمد ربك ،

يوسف يضحكه : خلاص لا يسمعكم جدكم بس ،

عمر : يبه ليه ما تعترف أنه عبدالرحمن ماهو ولدك؟ احسه غثيث ومستحيل يكون اخونا شف الفرق بيننا كيف ،

عبدالرحمن : والله يا عمر لو ابوي يعترف ف انت الي تصيح ماودي نعلمك انه لقيناك عند مسجد ،

ام صقر و يوسف كانوا يضحكون على هواشهم ،

بهاللحظه فتح الباب و دخل الجد و صقر دخل معه ،

الجد التفت ليوسف : هذا ولدك اكل شيء ولا لا؟

ام صقر : ليه شصاير لا يكون تعب؟

الجد : والله يا بنتي كان ناوي يطلعني للشارع الخلفي مدري وين عقله هالولد بغى يضيعني معه ،

عمر بضحكه : وابوي رسله عشان انت الي لا تضيع ياجدي ،

عبدالرحمن التفت لصقر الي كان ساكت ،

صقر غمض عيونه وهو وده يقول شوفي يا ملاذ كيف حالي صار نحس من بعدك ماعاد صرت احس على نفسي لولا جدي كان اندعست تحت السيارات ولا حسيت على نفسي ،

يوسف : والله يبه قلتله روح الحق جدك لا يضيع ما دريت هو الي ضايع و يضيعك معه ،

ام صقر حزنت و التفتت لصقر : يمه يا صقر وشفيك؟

صقر وهو يتصنع الابتسامه : ولاشي يا يمه ،

عمر : ان شاء الله يوافقون ونفتك من هالعاشق الولهان ،

الجد مد لهم الكيس لوراء : خذو كلو ورانا طريق طويل ،

'

ملاذ كانت جالسه و نجلاء تستشور شعرها ،

وآمال جالسه على سرير امها تحط مناكير ،

و ام نجلاء جنبها وهمست : مدري ليه قلبي بيطلع من مكانه،

نجلاء : بسم الله عليكِ يا يمه ليه شصاير؟

ام نجلاء : انتي وملاذ بتروحون مني وبكره آمال خايفه من بعدكم اعيش لوحدي ربي ما رزقني بعيال يكونو معي وانتم بتروحون عندي كبرتكم بيديني وغيري ياخذكم مني ،

ملاذ تجمعت الدموع بعيونها من كلامها ،

آمال : يمه مين قال هالكلام! مستحيل اتركك انا ،

نجلاء : حتى انا بجلس عندك ماراح اوافق على العرس ،

ام نجلاء : لين متى يا يمه انتي وهي مردكم تتزوجون وتعيشون حياتكم مع ازواجكم وعيالكم كنت اقول نفس الكلام زمان لامي الله يرحمها كنت اقولها ماراح اتزوج واجلس عندك طول حياتي بس لما ابوكم جاء وخطبني بكيت كثير و رفضت بس اذكر ابوي كان عصبي حيل وقاسي اجبرني على الزواج من ابوكم كنت رافضه وبكيت كثيرر اتذكر وقته سجدت ودعيت بناتي ما يعيشون الشعور الي عشته ذيك الليله وتمنيت ودعيت ابوكم يطلع انسان حنون مو زي ابوي قاسي ، تزوجت من ابوكم ولما جابني للبيت كنت خايفه منه توقعت كل الرجال نفس ابوي قاسين ما توقعت انه طيب وحنون هالكثر ،

نجلاء ضحكت من بين دموعها : وكيف عرفتي انه حنون؟

آمال : يمه طيب كيف حبيتيه؟

ام نجلاء ابتسمت : كنت مقهوره وبكيت عنده وقلتله لاعاد تاخذني لابوي مابي اشوفه اتذكر وقته ما رد علي بس حضني وجلس يمسح على شعري بحنيه ماعرفت الحُب والحنيه الا منه كان يعاملني وكاني بنته مو زوجته ومن ذيك الليله وعدت نفسي ما اتركه لين اموت وهذا انا اوفي بوعدي مستحيل اتركه ، وقبل كم ايام كنت خايفه يتركني ويتزوج علي لاني ما جبت له عيال ما جبت له ولد يشيل اسمه بس ابوكم هو نفسه الي حنون ويحب من قلب وعدني مستحيل يسويه،

بهاللحظه فجاه دخل فهد وابتسم : تحشون فيني شكلكم؟

ام نجلاء مسحت دموعها وهي تهز راسها بالنفي ،

البنات ضحكوا من بين دموعهم : اي نحش فيك يا يبه ،

فهد لاحظ عليهم : ليه تبكون شصاير؟

آمال : ماما ما تحملت غيابك وبكت وبكينا معها ،

فهد ناظر لـ ام نجلاء : شمسويه ليه خليتي بناتي يبكون؟

ام نجلاء : مافي شي بس اعلمهم عن ابوهم انه شكثر انسان طيب وحنون وانهم محظوظين فيه مو زي ابوي الي سود حياتي وما تعامل معي بشيء غير القساوه والضرب ،

فهد : مو حنا وعدنا بعض ننسى الماضي وش رجعك له؟

نجلاء : يبه مستحيل ماما تنسى الي شافتها من ابوها وحتى لو تمثل عليك انها نست ف مستحيل تنسى مافي بنت تنسى تعامل ابوها واهلها معها ، هذا احنا تربينا على يدك بكل حُب وحنيه ولا عمرنا ذقنا القساوه منك ف ماراح نتذكر منك الا الحُب وبكره لو صار عندنا عيال اكيد نعلمهم ،

فهد ابتسم بهدوء وهمس : هذا طلب امكم يا بنتي هي طلبت مني وطلبت مني اوعدها اني ما ارفع يدي عليكم او ارفع صوتي وما اتعامل معاكم الا بالحنيه والحُب وانا وفيت بوعدي ، كنت انسان قاسي وانا صغير بس من بعدكم عرفت الحنيه والحُب وحلفت انه يدي ما ارفعه عليكم واذا رفعت يدي جعلني اموت واطيح قدامكم قبل ارفعه ،

آمال شهقت : الله لا يقول يبه ،

نجلاء : بسم الله عليك يبه بعيد الشر يارب ،

ام نجلاء وهي تقوم : يلا يبه قومو اخذنا السوالف والضيوف بيوصلون ، البنات طلعوا توجهو لغرفتهم يتجهزون ويخلصون،

ام نجلاء التفتت لفهد : بروح اشوف جهزو القهوة ولا لا ،

قامت بتمشي بحركه سريعه من فهد مسك يدهل : اسمعيني،

ام نجلاء التفتت له باستغراب : هلا ؟

فهد وهو يناظر فيها : تعبك الماضي وقساوة ابوكِ؟ توقعت حُبي وحنيتي ينسيكِ قساوة اهلك بس الظاهر حبي ماكان ذاك الزود يا لطيفه كنت اتمنى لو احبك لدرجه تنسين كلشيء ،

قاطعته نجلاء وهمست : لا يا فهد صدقني انا اليوم واقفه قدمك مو عشان البنات او عشان شيء حُبك هو الي نساني الماضي رجلي الي كسره ابوي توقعت مستحيل ارجع اوقف عليه بس حُبك الي كان يقويني كل مره واليوم وانا واقفه قدامك بسبب حُبك وحنيتك الي كل مره كان يعطيني القوه ،

ما توقعت راح اكون قويه هالكثر بس بفضل الله ثم بفضلك يا فهد تغيرت انا وصرت قويه حتى بناتي اخذو من قوتي وتعلموا مني القوه وتعلمو منك الحُب والحنيه ،

'

ابو مشعل ومشعل وصلوا و دخلوا عند الجد ،

الجد ابتسم وقام وهو يسلم على ابو مشعل ومشعل ،

الجد عبدالعزيز ؛ كيفكم عساكم بخير؟

ابو مشعل : والله بخير يا يبه وينه فهد ؟

الجد عبدالعزيز : والله راح لداخل الحين بينزل ،

مشعل : جدي بيجون نفس الضيوف الي كانوا بالمزرعه؟

الجد : اي جاين هُم هالمره جاين يطلبون القُرب من فهد ،

ابو مشعل باستغراب : فهد وافق؟

الجد : اي ياولدي وافق مردها البنت تتزوج اليوم ولا بكره ،

ابو مشعل : والله زين سوا يا يبه وهم واضح ما شاء الله عليهم ناس كفو وولدهم يصون بنتكم باذن الله ،

'

" بهاللحظه وقف سيارة يوسف والكل نزلوا "

الجد ابتسم وطلع وهو يستقبلهم ونزل يوسف مشى لهم،

ام صقر مشت مع الشغاله لداخل وناظرت لـ ام نجلاء كانت واقفه ابتسمت وهي تحضنها : كيفك شخبارك ،

ام نجلاء ابتسمت : والله بخير اخبارك انتي ؟

ام مشعل قامت وهي تحضن ام صقر ،

'

الجد عبدالعزيز : حياكم حياكم تفضلوا شرفتونا ياهلا ،

الجد سُليمان : الله يحيك والله الشرف لنا دخلوا المجلس ،

يوسف : كيفك يافهد شالاخبار عساك بخير؟

فهد ابتسم : والله بخير يبوي والتفتت للعيال شخباركم؟

عبدالرحمن : والله بخير يا عمي ولله الحمد ،

مشعل قام وهو يصب لهم القهوة ،

فهد : كانه في شخص ناقص من بينكم ولا انا غلطان؟

يوسف بضحكه : اي اي ناقص سلطان رجع للقصيم ،

الجد عبدالعزيز : ليه رجع بدري؟

الجد سُليمان : والله يقول الشغل كله فوق راسه لازم يرجع ،

فهد بضحكه : والله هالجيل كفو وهمهم شغلهم مو زينا ،

يوسف ابتسم : صادق انا لي كم يوم يتصلون وعجزان ارد ،

'

ام صقر : ما شاء الله متخرجه يا بنتي؟

آمال ابتسمت وهزت راسها بالنفي : لا خالتي باقي ،

ام نجلاء : نجلاء تخرجت وهذي باقي ،

ام مشعل : تخرجت بس ماندري وش تنتظر بعد ماتبي عرس،

ام صقر باستغراب : هي مخطوبه لولدك صح؟

ام مشعل : اي وهذي ثاني سنه ننتظر حضرتها توافق ونحدد موعد العرس بس ماهي راضيه الله اعلم وش تنتظر ،

نجلاء انقهرت و صدت بقهر وهي تناظر لامها ،

ام نجلاء : ماودها تتزوج الحين باقي بدري توها صغيره ،

ام مشعل : وش صغيره وانا اختك الي اصغر منها عندهم عيال خمس ولا ست وهذي حتى عرس ما تبي ،

ام صقر التفتت لـ مرام : بنتك هذي متزوجه؟

ام مشعل ابتسمت : لا باقي ماهي متزوجه ،

ام صقر : اها ما شاء الله الله يخليها لك ،

آمال : عمتي بنتك بعد اصغر من نجلاء بسنه ليه ما تزوجينها؟

ام مشعل بحدها : كل شيء قسمه ونصيب ما جاها نصيبها تبيني اطلعها من بيتي ولا ايش! وحتى انتي مانتي صغيره ترا ،

نجلاء قامت بقهر وطلعت لبرا ،

ام نجلاء بتغير موضوع : انتم وش بالقصيم؟

آمال ناظرت الكل بداو يسولفون سحبت نفسها وطلعت وناظرت لنجلاء كانت جالسه بالصاله والدموع بعيونها رمشت لعندها بصدمه : بنتتت مو منجدك تبكين عشانها!!

نجلاء بقهر : قهرتنييي يا آمال وش له داعي تقول هالكلام! لدرجه صرت احسها تبي تخرب على ملاذ بس شدخلها تقول هالكلام قدام ام صقر! هي تعرف اني مو موافقه وانتهى ليه تدقني بكلام و ايش قصدها لما تقول اني انتظر شيء ثاني!

آمال : نجلاء تكفين لا تقهرين نفسك عشانها!

نجلاء : لا يا آمال هالمره ماراح اسكت و راح اقول لجدي يكنسل هالخطوبه ماعاد ابيه ولا تبي هالعرس ،

آمال : طيب مشعل وش ذنبه يا نجلاء؟؟

نجلاء : ذنبه انه هالحيه امه صدت وهي تقوم والتفتت لآمال وهمست : اليوم يا آمال يا انا اطلع الحين واكلم مشعل يا اكلم جدي وابوي يكنسلون هالخطوبه ،

آمال بصدمه : تكلمين مشعل في ايش؟؟

نجلاء طلعت الخاتم من يدها : اطلع وارمي هالخاتم بوجهه واطلب منه يكنسل كل شيء باحترام ي انا اتصرف ،

آمال : انا ماراح اتدخل الي تشوفينه صح سويه ،

نجلاء هزت راسها بـ اي ومشت للغرفه سحبت طرحتها ونزلت لتحت وناظرت لآمال الي كانت واقفه : جوالي معك؟

آمال : اي معي شتبين فيه؟

نجلاء : هاتي اخذت الجوال وطلعت للحديقه وهي تشوف السيارات الي واقف ومشت بهدوء عند باب المجلس وهي تسمع اصوات الرجال وهم يسولفون ،

اخذت جوالها وهي تدور رقم مشعل لما اتصل عليها زمان وحظرته وبعدت عن الباب وهي تتصل ،

مشعل كان جالس مع عبدالرحمن وعمر يسولف معاهم ، فز من شاف جواله يرن استغرب وهو يشوف الرقم وطلع لبرا ،

نجلاء مشت وقفت عند السيارات وهي تشوفه طالع من المجلس قفلت الخط وهمست : انا هنااا ،

مشعل فز بصدمه والتفت وهو يشوفها واقفه بفستانها الاحمر

ولابسه الطرحه تجمد بمكانه وهو يطالع فيها ،

آمال كانت واقفه عند الباب وخايفه احد يجي ويشوف ،

نجلاء ناظرت لمشعل الي كان يمشي بخطوات بطئي لعندها

نزلت دموعها وصدت وهي تمسح دموعها وتبكي ،

مشعل كان مصدوم مشى وقف قدامها : ءءنجلاء؟

نجلاء بحدها : لااااا تجيببب طاري اسمييي على لسانكك!!

مشعل : ليه تبكين شصاير تكلمي!

نجلاء مسكت يده مشعل انصدم وناظر فيها ،

نجلاء حطت الخاتم بيده : من بعد اليوم لاعاد اشوفك يا مشعل ولاعاد اشوف ترسل لي شييي! تعبت منك ومن امك تعبت من كل شيء تحملت كثيرر. بس ماعاد عندي القوه اني اتحمل اكثر خذ هالخاتم معك وانهي كل شيء من طرفك بيكون افضل لاني لو انا تكلمت راح تندم يا مشعل ! صدت عنه ومشت لداخل ، مشعل كان متجمد بمكانه ومو مستوعب شيء ولا كان قادر بوقفها ويفهم شيء ظل بمكانه يطالع لين اختفت من قدامه نزل راسه وهو يطالع بالخاتم ما تحرك من مكانه ، قفل يده وهو يضغط على الخاتم بقوه لين ما حس انه الخاتم طبع على يده غمض عيونه بقهر وقام مشى طلع مفاتيحه من جيبه و ركب السياره و حرك والغصه وسط حلقه

'

نجلاء دخلت ركضت للغرفه آمال لحقتها بخوف ،

نجلاء رمت الطرحه على السرير وجلست وهي تبكي ،

آمال بحزن : ليه تبكين الحين؟ خلاص سويتي الي تبين تسوينه المفروض تستانسين! ليه تبكين يا نجلاء! لانك كسرتيه ووجعتي له قلبه ولا عشان وش؟

نجلاء مدت يدها وهي تمسح دموعها وتبكي : ما ابكي انا ،

آمال فزت من سمعت صوت السياره ركضت عند الشباك وهي تناظر كان سيارة مشعل والتفتت لنجلاء وهمست : راح !

نجلاء صدت وهي تتنفس بقوه و دموعها تنزل ،

'

مشعل كان يسوق والدموع بطرف عيونه وناظر للخاتم الي رماه على مقعد السياره الي جنبه ضرب يده بقهر على الدركسون وهمس : ليهه ياااا نجلاااء ليهه!!! وششش ما سويت عشانك اناا ليهه سويتي فيني كذا!

'

الجد سُليمان بهدوء : اكيد انتم تعرفون سبب وجودنا هنا وليه جينا المره الاول للاسف انكسرت كثير من ردكم وهالمره جيت وانا كلي امل انك ما تكسرني بـ ردك هالمره ،

يوسف التفت لفهد : جيت اطلب يد بنتكم ملاذ على سنة الله و رسوله لولدي صقر نطالب بالقُرب منكم يا فهد ،

وعم الصمت بالمجلس كله ، وبهاللحظه صقر غمض عيونه وهو يدعي انه يلقى الرد الي يبرد خاطره ،

فهد : وهذه الساعه المباركه وانا اخوك وحنا نتشرف فيكم وفي ولدكم ومتاكد اني ماراح القى احسن من ولدك لبنتي وانا واثق ولدك راح يصون بنتي ويحطها بعيونه موافقين حنا ،

صقر فز من كلامه وهو مو مصدق ويلتفت لعبدالرحمن وعمر ويناظر لابوه ويحس انه بحلم ماهو واقع ،

الجد سُليمان ابتسم : نسمي بالله نقرا الفاتحه ، الكل رفعو يدهم يقراون الفاتحه بعد ما خلصوا قاموا وهم يحضنون بعض ، عبدالرحمن مشى عند صقر : مبروك ،

صقر : عبدالرحمن تكفى لا تقول اني بحلم واذا كان حلم لا تصحيني منه خلني اكمل هالحلم واشوفها معي!

عبدالرحمن بضحكه : ..

صقر : عبدالرحمن تكفى لا تقول اني بحلم واذا كان حلم لا تصحيني منه خلني اكمل هالحلم واشوفها معي!

عبدالرحمن بضحكه : بتشوفها بتشوفها لا تستعجل ،

فهد التفت لـ صقر ، صقر ابتسم ومشى لعنده يسلم عليه ويحضنه فهد شد على يده وقرب من اذنه وهمس : مبروك وانا ابوك وكلمتين اقولك ياه حطه باذنك زين يا صقر ملاذ لا اشوفها تبكي او تنزل دموعها بسببك واذا بيوم شفت دمعه منها بسببك ماراح اتركك ، صقر بلع ريقه وناظر فيه واخذ نفس وهمس : عمي اعرف بنتك وتحبها وتخاف عليها اوعدك ماراح اخلي دمعه من عيونها تنزل بسببي او بسبب غيري ،

'

ام صقر ابتسمت وهي تناظر لملاذ الي جالسه جنب امها ،

ام نجلاء ناظرت لرسالة فهد الي رسله : تم الموضوع مبروك،

ابتسمت وهي تقوم تطلع لبرا تتصل عليه ،

ام مشعل : اتوقع انه تم الموضوع وتكلموا ووافقوا ،

ام صقر : الله يسمع منك ان شاء الله بيكون كذا ،

فجاه دخلت ام نجلاء وهمست: مبروك الرجال تكلموا ووافقوا،

ام صقر ابتسمت وقامت والكل قاموا يحضنون بعض ،

ام نجلاء استغربت انها آمال ونجلاء مو موجودين ،

'

آمال : مسحي هالدموع وخلينا ننزل قبل احد يشك بشيء ،

نجلاء صدت : انتي انزلي انا مافيني حيل لشيء ودي اجلس لحالي مابي اشوف احد تكفين ،

آمال : اليوم فرحة ملاذ يا نجلاء لا تخلين هاليوم تعيس ،

نجلاء ناظرت فيها بدموع : ليه ي آمال كل مره انا الوحيده اكون تعيسه بفرحة هالبيت كل مره يصير شي كلكم تفرحون الا انا تعيسه ليه جدي ظلمني مع مشعل ليه سوا كذا؟

آمال : انتي ظلمتي نفسك بنفسك يا نجلاء ما تكلمتي ووقفتي بوجه جدي علطول قلتي انك موافقه ولا حتى فكرتي!

نجلاء بدموع : كنت خايفه ارفض وجدي يزعل مني ما توقعت كل هذا اعيشه يا آمال !

آمال : وش يفرق هالكلام الحين؟ خلاص انتهى كل شيء ! ومشعل راح مو بس من هالبيت من قلبك وحياتك بعد ،

نجلاء : اخاف يصير فيه شي ؟

آمال : خلي يصير يا نجلاء هو ماعاد يعني لك شيء غير ولد عمتك اما خطيبك او زوجك انتهى ماعاد في ويكفي يا نجلاء قومي انزلي صدت عنها وقامت طلعت لبرا نزلت لتحت بهاللحظه ام نجلاء كانت طالعه وشافتها : ويننن رحتوا؟؟

آمال بتوتر : رحت اعدل شعرها و نجلاء مصدعه قالت بترتاح،

ام نجلاء : وش مصدعه! ابوكِ وافق وعطاهم كلمته والكل مبسوطين وفرحانين الا انتم تاركين اختك وجالسين بغرفتكم!

آمال ابتسمت : صدقق وافقو؟ خليني اروح ابارك لملاذ مشت دخلت مجلس الحريم وهي تناظر كلهم جالسين مشت وهي تسلم على ام صقر و ام مشعل ومشت تحضن ملاذ ،

ام مشعل : وينها اختك غريبه ما جت تبارك؟

آمال بقهر : بتجي الحين ،

'

مشعل وقف سيارته وقام بيدخل البيت لكن وقفه صوت شخص والتفت بحده : شتبييي!

خالد : حرك سيارتك من هنا هذا موقف سيارتي قبلك!

مشعل : ليه موقف ابوك وانا مدري! ولا هالشارع شارع ابوك ولا الارض ارض ابوك !

خالد : الزم حدك وحرك بسرعه دام النفس طيب عليك!

مشعل بقهر : ليه وش بتسوي يعني؟ وانا ماراح احرك سيارتي من هنا بتتصل على شرطه مثلًا ؟ ولا تذبحني!

خالد : قد كلامك يعني ماراح تحرك سيارتك؟

مشعل : اي قد كلامي وماراح احرك وعلمني وش بتسوي ،

خالد : اكسره لك عشان كذا حرك ولا اخليك تندم!!

مشعل : سوي الي تبي تسويه ماراح احرك ،

خالد : حلو طيب اخذ جواله وهو يتصل على اصحابه ،

مشعل كان واقف عند باب بيته بهدوء ويناظر ،

خالد كان يكمل يتصل على اصحابه ويجمعهم ،

مشعل فجاه رن جواله اخذه وهو يشوف رقم ابوه تجاهل وحط الجوال بجيبه وهو يناظر ، فجاه وقف كم سياره وكلهم كانو اصحاب خالد طلعوا وهم يناظرون لمشعل ،

خالد : الحين تكسرون سيارته  تكسيرررر.

مشعل مشى وهو يوقف قدامه : هذا حدك تجمع اصحابك ؟ تدري هالحركه اخر مره شفته وانا في المتوسط ؟

خالد التفت لخويه بمعنى امسكه ،

مشى واحد منهم وهو يمسك مشعل ، مشعل دفه بقوه ،

'

ابو مشعل : مدري وين راح ما يرد !

عبدالرحمن : يمكن راح للبيت ؟

ابو مشعل : بس مايرد عالاقل يرد يعلمني مو من عادة مشعل يتجاهل اتصالاتي خلوني اروح اشوفه ، وقفه صوت الجد ،

الجد عبدالعزيز : خله بيجي بنفسه انت اجلس ،

عبدالرحمن : ولا يا عمي انا اروح اشوفه مو مشكله انت اجلس بس عطني عنوان البيت عشان اشوف اذا راح البيت ولا ،

ابو مشعل ابتسم : تمام ياولدي الحين ارسل لك ،

الجد عبدالعزيز مد جواله لعبدالرحمن : تعال هنا طلع لي رقم مشعل خلني انا اتصل عليه يمكن يرد ،

عبدالرحمن مشى اهذ جوال الجد وهو يدور رقم مشعل انصدم من شاف رقم آمال والرقم مو غريب عليه! اخذ جواله وهو يشوف وفعلًا نفس الرقم والجد كان كاتب على اسمها آمال وعرف انها اكيد وحده من بنات فهد الي حاولت تكلمه!

انصدم ولا توقع هالشيء وطلع رقم مشعل ومد الجوال للجد.

'

نجلاء كانت جالسه تبكي قامت مسحت دموعها وعدلت وجهها وشعرها ومكياجها ومشت فتحت الباب ونزلت لتحت توجهت لمجلس الحريم تسلم عليهم وتبارك لملاذ ،

ام مشعل : تشرفتي توك تتذكرين تجين الله اعلم كنتي مع مين كل خواتك هنا الا انتي ،

آمال التفتت لنجلاء الي كانت مقهوره والدمعه بعيونها ،

ام نجلاء : لا بس كانت مصدعه لانها ما نامت زين ،

ام مشعل : ليه ايش عندها ما تنام زين؟ لا اختبارات ولا دراسه ولا زوج ولا عيال ايش الي يخليها تسهر ولا تنام زين؟

ام صقر : يمكن كانت سهرانه مع خواتها ،

ام مشعل : الله اعلم مع خواتها ولا مع مين ،

نجلاء عرفت قصدها وصدت تمسك دموعها وهي مقهوره،

'

مشعل كان واقف ويمينه ويساره واقفين وماسكينه بقوه ،

خالد بحده : هاه تشوف نفسك قد كلامك للحين؟؟

مشعل : اي قد كلامي وماراح احرك سيارتي ، وكان يحاول يدفهم ويطلع نفسه منهم لكن بنفس الوقت مقهور ،

خالد : نصيحه لك استسلم لانك راح تندم ،

مشعل : ندمت كثير ماعاد صار يفرق معي شيء ناوي تقتلني؟ اقتلني ما اقولك لا واذا ناوي تكسر هالسياره ف اكسره لانه بداخله شيء ماودي ارجع المسه وكان يقصد خاتم نجلاء ، واذا لمسته او شفته ف انا الي اذبح نفسي عشان كذا تخلص مني ولا من هالسياره ماعاد يفرق ،

خالد انصدم من كلامه ،

يهاللحظه وقف سيارة عبدالرحمن الي انصدم وهو يشوف العيال متجمعين عند مشعل وفز و ركض له : شصايررر؟؟؟

خالد التفت لعبدالرحمن : اوه شكلك اخوه يلا زين جيت تفاهم معه بالطيب وخله يحرك سيارتي من مكاني ،

مشعل بحده : قلتلككك ماراح احركهه ما تفهممم!!!

عبدالرحمن انصدم ومسك مشعل من كتفه: اهجد!

مشعل دف عبدالرحمن بقوه : ابعددد عنييي انت خلهم يكسرونه ويذبحونييي خلهممم يسوننن الي يبوننن ،

عبدالرحمن ناظر لخالد : انتظرني انا راح احرك سيارته بس خلوه لا تقربون منه ،

مشعل ناظر لـ عبدالرحمن: مالككك دخللل انت تفهمم ولا لا!

عبدالرحمن : عطني المفتاح بسرعه ،

مشعل : ماراح اعطيك ولا راح احرك سيارتي ،

عبدالرحمن : مشعل عطني المفتاح قبل اتصل على ابوك ،

مشعل : روح اتصل عليه ماراح اعطيك ،

عبدالرحمن : شصاير لك؟ توك كنت جالس معانا ومبسوط وتمزح وش صار لك فجاه شفيه وجهك كذا؟

مشعل كان ساكت وواقف وخالد يناظر فيه ،

عبدالرحمن سكت وهو يطالع فيه : تكلم احد مسوي لك شي؟

مشعل تذكر نجلاء لما رمت الخاتم بيده صد ودموعه بعيونه،

عبدالرحمن مد يده لجيب ثوبه وهو يدور المفاتيح ،

مشعل كان ساكت ومنزل راسه ودموعه ينزله سمح لنفسه انه ينهزم حاول يمسك نفسه كثير لكن ما قدر نزل راسه وهو يبكي،  عبدالرحمن مشى ركب سيارة مشعل وحرك وقف لبعيد ونزل وناظر فيهم : خلاص يخوي تقدر تتفضل وتمشي،

خالد كان مصدوم وسكت مشى واصحابه لحقوه ،

عبدالرحمن ركض مشى عند مشعل : شفيك مشعل ؟؟؟ تكلم احد مسوي لك شي ! فيك شي صاير شي؟؟؟

مشعل هز راسه بالنفي وهو يحاول يلقط انفاسه ،

عبدالرحمن بصدمه : مشعل تكفى تكلم قل شي؟؟

مشعل صد : انا بروح ءءالبيت ،

عبدالرحمن مسكه من كتفه : امشي معي ،

مشعل هز راسه بالنفي وهو مو قادر يتكلم اكثر ،

عبدالرحمن مشى سحب المويا من سياره ومده له : اشرب ،

مشعل صد : اتركني يا عبدالرحمن و روح عني ،

عبدالرحمن : اجلس طيب اجلس هنا ،

مشعل سكت وجلس على طرف الرصيف وعبدالرحمن جلس جنبه وهو ساكت ويناظر فيه ، مشعل مسح دموعه بـ كُم ثوبه واخذ نفس وهو يناظر للشوارع بصمت ،

عبدالرحمن : اذا ممكن فيني اعرف سبب هالضيقه؟ اعرف في شي قوي صاير معك وصلك لذي الحاله انك تبكي!

مشعل صد :  مو صاير شيء ،

عبدالرحمن تنهد وهو يناظر فيه بحزن ،

مشعل قام وناظر فيه : عطني المفتاح ،

عبدالرحمن : امشي معي ابوك ينتظرك هناك ،

مشعل بحده : قل له ماني جاي ولا ارجع لذاك البيت وقرب سحب المفاتيح من عبدالرحمن وصد مشى ،

'

الجد سُليمان : ومتى ان شاء الله تسمحون لنا نحدد موعد الملكه والعرس ؟

فهد هز راسه بالنفي : لا ياعمي ماودنا بالعرس خلوه بس ملكه يعني انتم عارفين حالة البنت وماودي شوشره وازعاج وهي بذي الحاله ف ملكه فقط بين الاهل ،

يوسف : الي يريحكم حنا موافقين اي شي تبون تم ،

صقر التفت لعمر : كيف يعني ماراح يكون في عرس!

عمر : غبي انت؟ وشو له العرس وهي ما تشوف شي يعني ما تفرح ولاشيء ف صح كلام ابوها بس الملكه ،

صقر : طب يمكن هي بخاطرها عرس وتلبس فستان ابيض؟

عمر بضحكه : لبسها عندك لما تجيك ،

صقر انصدم وقرب وهو يقرصه ،

عمر ضحك وصد : والله احمد ربك انهم وافقوا بس ،

صقر : وينه عبدالرحمن تاخر؟

'

نجلاء ناظرت لملاذ : تعبتي شكلك اخذك الغرفه؟

ملاذ هزت راسها بـ اي نجلاء قامت مسكت يدها واخذتها ،

آمال قامت لحقتهم و مشو للغرفه ودخلوا ،

ملاذ مشت جلست وهي متوتره طول الوقت ،

نجلاء ناظرت لآمال : بيسون عرس هُم ؟

آمال : الي عرفته من ماما انه بابا رافض مايبي ،

نجلاء سكتت من تذكرت وهمست : تدرين اني خايفه؟

آمال : ليه ؟ لا يكون عشان سالفة مشعل؟

نجلاء : اي خايفه من جدي رغم اني قلت لمش.. سكتت وهي تشوف جوالها يرن مشت ناظرت للاسم وقفلت الخط ،

مشعل كان يسوق ووقف سيارته عند مكانه المُعتاد الي يحبه وكل ما تضايق يجيه البر ونياقه وخويه الي يعيش هناك نزل ومشى بهدوء دخل وهو يشوف خويه واقف عند النياق ،

سالم باستغراب : غريب جاي بهالوقت مو قلت انك بتر..سكت وهو يشوف ملامحه الي ما يطمن وواضح صاير معه شيء تنهد وهمس : متهاوش مع احد؟

مشعل تنهد بضيق : ياليت يا سالم ياليت متهاوش ،

سالم : شكله الموضوع طويل تعال اجلس وقل شصاير معك؟

مشعل فتح يده والخاتم بيده سالم انصدم وهو يناظر فيه،

مشعل جلس بهدوء : اليوم الي خفت اعيشه اليوم اعيشه يا سالم رمت هالخاتم بوجهي وانا كليوم اجيك واقولك ايش ارسل لها هديه و ايش اكتب لها بالكرت بس هالمره جيتك اقولك لم جرح صدري كسرتني يا سالم قسم بالله ضاقت فيني الدنيا يا سالم يا وسع هالدنيا ويا ضيق صدري ،

سالم كان مصدوم وما توقع انها ممكن خطيبته تتركه كان يحبها اكثر من نفسه ويموت فيها !

'

= الكل تجمعوا على العشاء وبعد العشاء تقهوو وكل شخص راح لبيته وانتهى يومهم بفرح الا مشعل الي انتهى يومه بضيق، وصقر الي الان مو مصدق انه فعلًا وافقو وملاذ بتصير زوجته! كان جالس بالسياره ويضحك كل ما تذكرها ،

عمر اخذ الجوال وهو يتصل على سلطان ،

ام صقر بضحكه : عساك مبسوط الحين؟

صقر : الارض مو شايلني من الفرحه يا يمه ،

عبدالرحمن الي كان بعيد عنهم ويفكر ليه بنت فهد راسلته وسوت هالحركه ووش مقصدها من الكلام الي قالتها؟

عمر بضحكه : والله سلطان شكله نام بالمطار ما يرد ،

يوسف : خله يا يبه لا تزعجه خله يوم القصيم ونعلمه ،

الجد سُليمان : كلمتوا الشغاله ترجع ؟

ام صقر : اي كلمتها ترجع وتجهز له فطوره و اكله وتنتبه له،

'

البنات كانوا جالسين بغرفتهم ملاذ كانت منسدحه وتفكر بحياتها الي من هاليوم تبدا تعيشه وتعيش مع شخص ما شافته ولا تعرفه ولا بتشوفه ولا تقدر تكلمه كيف بتعيش معه؟

ونجلاء الي كانت خايفه من ردة فعل اهلها اذا عرفوا عن مشعل والي سوته تنهدت وهي تاخذ جوالها ومتردده تكلمه.

آمال كانت باليوتيوب تدور اغاني تشغلهم بملكة ملاذ كانت بعالم ثاني لكن فزت من وصلت لها رساله من عبدالرحمن ،

اخذت جوالها وهي تشوف راسل : هاه يا بنت فهد شالاخبار؟

فزت وتجمدت بمكانها بخوف : يمه كيف عرف! ركضت بتروح عند نجلاء لكن وقفت وهي تشوفها نايمه ، قامت تكتب وهي متوتره : مين فهد شقاعد تقول؟

عبدالرحمن شاف رسالتها : اوه غريب ما تعرفين ابوكِ؟

آمال بصدمه : شكلك سكران مو بوعيك شقاعد تقول؟؟

عبدالرحمن بسخريه : تقولين لي سيارتي مو موجود بالقصيم؟

آمال بخوف : ما قلت كذا قاعد تجيب كلام من راسك ،

'

فهد دخل الغرفه وناظر لـ لطيفه كانت واقفه عند التسريحه تعدل شعرها وتمسح مكياجها ابتسم ومشى وهو يحط ساعته على الطاوله وهمس : هاه مبسوطه ؟

ام نجلاء التفتت له : مدري للحين مو عارفه شيء ،

فهد : اشوف البنات مختفين صاير شيء؟

ام نجلاء : والله تعبانين ونجلاء مدري شفيها متضايقه واختك ما قصرت فيها قعدت تدقها بالكلام ،

فهد : تدق نجلاء بالكلام! وليه؟

ام نجلاء : تعرف اختك انت تبي نوافق للزواج ،

فهد : وينها نجلاء خليني اش..قاطعتها لطيفه : نايمه خلها،

فهد : انا ابوهااا يجون يكلموني انا مو بنتي!

ام نجلاء : اختك مو اول مره تسوي هالحركات دايم تجي تضايقها بس اسكت عشان مابي مشاكل ،

فهد بحده : انا بنتي ماهي محبوره انها تتحمل كل هذا وتسكت صحيح اختي على عيني وعلى راسي بس كل شيء الا ضيقة بناتي ما ارضى يا لطيفه والمفروض تعلميني!

'

عمر : صدق يبيها تلبس فستان ابيض ،

عبدالرحمن ترك جواله : اجل تلبس ليش لا ،

صقر : والله ودي لو جبتها معي اليوم اوف بس مافيني صبر ،

عمر : البنت بتنحاش منك والله انت ووجهك ذا ،

صقر تنهد : تصدقون اني خايف لو تعالجت وصارت تشوف ف ما تتقبلني وتكرهني؟

عبدالرحمن : اهب وش هالتفكير خل عنك بس وش زينك ،

عمر : والله لو انا اعمى وما اشوف برضوا ما ارضى بواحد زي صقر معليش بس هذا الصدق ،

عبدالرحمن : اقول اتصل على سلطان شف وينها ،

صقر : الحين ليه ابوها رفضت العرس؟

عبدالرحمن : يمكن عشان البنت ماتبي ،

'

ام صقر : ولدك مبسوط الفرحه مو سايعته ،

يوسف ابتسم : الحمدلله وهذا الي نبيه حنا ما قدرت اتحمل وانا اشوف ولدي طايح ويعاني من ورا هالحُب الي ضيعه ،

ام صقر : بس تصدق شفت البنت واحس صعب صقر يعيش معها كيف يتعامل معها هي حتى خواتها يغيرون لها!

يوسف بهدوء : عادي وين المشكله هو زوجها وقت على انه يغير لها؟ واذا هي ما ودها يحط لها شغاله مو مشكله بس اهم شي سعادة ولدي ماودي نروح عن هالدنيا وحنا كاسرين بخاطرهم ودي احقق لهم كل الي بخاطرهم ،

'

سالم بهدوء : انت ايش فكرت؟

مشعل : حاولت نتفاهم اتصل عليها تقفل بوجهي ما تعطيني فرصه حتى ماني عارف يا سالم ،

سالم : بس لو اصرت على قرارها بتتركها صح؟

مشعل : وش اسوي بعد خلاص بنفسي اكلم جدي واحط كل الغلط واللوم علي اهم شي هي ما تتاذى راضي انذل و انهان من اهلي واهله بس هي ما يمسها الضرر ،

سلطان نزل وبيده اغراضه ابتسم وهو يرفع راسه ويناظر لبيتهم ومشى طلع المفتاح وفتح الباب و دخل استغرب من الهدوء ترك اغراضه وهو يصارخ : مارليننن ،

الشغاله كانت جالسه بالمطبخ تكلم زوجها فزت و تركت جوالها و ركضت : هلا بابا انتا جيت ما شاء الله ،

سلطان : اي جيت خذي اغراضي لفوق وانا بروح اخذ لي شاور سوي لي شي سريع قبل اطلع ،

مارلين : وماما كيف وعمر وبابا كيف؟

سلطان : كلهم بخير يسلمون عليكِ يلا روحي اخلصي ،

مارلين ابتسمت واخذت اغراضه ومشت ،

سلطان اخذ جواله وهو يتصل على مصعب دقايق و رد ،

مصعب : هلا هلا تو ما نور القصيم ،

سلطان ابتسم : القصيم منور بوجودك والله عالعموم جايك بعد شوي استلم منك ملف القضيه ،

مصعب : على هالطاري ما تقدر تتواصل مع البنت ،

سلطان بضحكه : ما شاء الله وكيف اخذ الادله؟

مصعب : بيوصلك كل شيء بس اوعدني تكسب هالقضيه!

سلطان : ما اوعدك يا مصعب لانه صعب هي رافعه قضيه ضد ابوها واخوانها وانهم يعنفونها ولو ابوها قدر يخليها كذابه وقته وش اسوي خصوصًا انا ما معي اي ادله اثبت انها صادقه لازم اكلمها اجلس معها ابيها تجي المكتب نتفاهم !!

مصعب : صعب يا سلطان ما تقدر تطلع من البيت ،

سلطان : طيب بس ما اضمن لك اني راح اكسب هالقضيه نسبة نجاحه اشوف... قاطعه مصعب : جايك انا ونتفاهم ،

'

صقر نزل من الفندق لتحت وقف وهو يدخن ومبتسم ،

فز من حس بشخص وراه التفت وهو يشوف عمر و عبدالرحمن وناظر فيهم : شعندكم تراقبوني؟

عمر : هالله يا صقر احس نفسي بمسلسل وانا اشوفك كل دقيقه تبتسم كانك تتخيلها قدامك ،

عبدالرحمن : والله ذابحك الحُب يا صقر ،

عمر : تكفى يا عبدالرحمن انت بعد حب وحده وصير نفس صقر شوفه بالله هادئ وساكت وبس يبتسم ويتخيل وينه صقر الي كل دقيقه مسلط علي وينتقدني ويتهاوش معي؟

عبدالرحمن دف عمر : ابعد بس فكني من الحُب ،

عمر : والله ودي اجرب اعيش شعور صقر واتخيل زوجتي ،

صقر بسخريه : قبل تجرب طالعت بنفسك في المرايا؟

عبدالرحمن : لا جن يتقبل فيه ولا انس سلم امرك لله ،

عمر ناظر لصقر : عادي ان شاء الله احب وحده عمياء ما تشوف عشان تتقبل فيني زي ما زوجتك تقبلتك ،

عبدالرحمن التفت لصقر الي صد وواضح تضايق ،

عمر لاحظ وهمس : اقول وين سلطان ما يرد؟

عبدالرحمن : بجيبي يعني وين بيكون شدرانا حنا؟

عمر : تدري يا صقر ابوي مكلمني يبيني اصير عسكري؟

صقر : اي بالله ما منك فايده عالاقل اخدم وطنك يا فاشل ،

عبدالرحمن : هذا يوم يبي يصير طيار ويوم يبي يصير دكتور ويوم يبي يصير عسكري انت زين لو حطوك فوق سيارة الاسعاف تقول يويويو قال عسكري قال اذلف بس ،

صقر بضحكه : ماعليك خله يتخيل ويحلم دام الاحلام ببلاش.

عمر : والله اصير و اوريكم وبتندمون على كلامكم هذا ،

صقر : اقول روح نام وكمل احلامك ،

عمر انقهر منهم : انا الغلطان الي جاي اكلمك صد ومشى.

عبدالرحمن ضحك وهو يلتفت لصقر : يستاهل ،

صقر : والله مدري هذا وش يبي من الحياه ،

عبدالرحمن : بالله امشي معي خلنا نتمشى واعلمك سالفه،

صقر : سوالفك التعبان ما اتخلص منه طول حياتي ،

عبدالرحمن : السالفه تخص زوجتك ،

صقر بصدمه : تخص ملاذ؟ ليه وش عرفك فيها؟

عبدالرحمن دفه من كتفه : اقول حرك عشان اعلمك ،

صقر : يعني بالله عليك احد راح يسمعنا ولا وش ،

عبدالرحمن صد وهو يمشي صقر لحقه ،

عبدالرحمن بهدوء : قبل كم يوم شفت رقم غريب رسل لي ،

صقر : اي كمل؟

عبدالرحمن : وطال عمرك شفت صورة العرض طلعت بنت وتبيني ارجع القصيم وتقول اذا رجعت القصيم راح تشوفني وتعرفني ويوم سالتها مين انتي علميني عيت تعلمني وتقول سيارتك مو في القصيم عرفت انها كذابه وتسوقه علي وسلكت لها تخيل بالله طلعت مين؟

صقر باستغراب : مين و ايش تبي منك؟

عبدالرحمن : بنت فهد ، صقر انصدم والتفت له بصدمه وهو يناظر فيه : بنت فهد اخت ملاذ يعني! كيف طيب ومن وين جابت رقمك و ايش تبي منك؟

عبدالرحمن : ماني عارف يا رجال ويوم علمتها اسم ابوها قامت تجحد وتقول معرف احد باسم فهد ،

صقر : طب يمكن مو بنت فهد شعرفك انت انها بنته؟

عبدالرحمن : لما مشعل اختفى جدها ناداني اطلع له رقم مشعل وشفت رقمها بجوال جدها وعرفتها ،

صقر رجع يدينه لوراء ظهره : ايش تبي منك طيب؟

عبدالرحمن بعصبيه : يخيي ايش عرفني انا ! ما تصارحني ،

صقر : اتصل عليها طيب وكلمها وشف كيف تتهرب ،

عبدالرحمن طلع جواله من جيبه وهو يدخل الواتس ،

صقر : حط سبيكر بسمع شتقول ،

عبدالرحمن عقد حواجبه : بتسمع صوتها؟

صقر : ليه مسوي لي فيه تغار؟

عبدالرحمن : لا تعقب اغار ع وحده معرفها ،

صقر : الله اعلم وش تنتظر للحين ما حذفتها وبلكتها؟

عبدالرحمن بضحكه : بالله ي صقر تحسبني زيك اطيح بوحده عشان مجرد محادثه بيننا؟

صقر : انا تركت المحادثات لك انت انا شفتها قدامي ومسكت يدينها ف لا تلومني وتقول كيف حبيت بهالسرعه ،

عبدالرحمن ابتسم وصد وهو يتصل على رقم آمال ،

'

نجلاء بدموع : معرف يا آمال احس خايفه ،

آمال : خلاص يا نجلاء انتي اخترتي راحة بالك لا تخافين من شي مستحيل بابا يجبرك على الزواج منه!

نجلاء بهدوء : خايفه من جدي يا آمال ،

آمال : لا تخافين بابا يتصرف بهالموضوع قومي نشرب شاي ونروق شوي الاجواء تجنن نمشي للحديقه ،

نجلاء : تمام اغسل وجهي واكلم الشغاله تجلس عند ملاذ،

آمال قامت بتتكلم لكن فجاه رن جوالها استغربت وناظرت للرقم وانصدمت وهمست : نجلاااء قاعد يتصلل!

نجلاء باستغراب مين والتفتت وهي تشوف اسمه كانت مسجله على اسمه السراق لانه اخذ شيهان وسمته كذا ،

نجلاء : لا ترديننن ياويلككك لو رديتي ،

آمال قفلت الخط وقفلت جوالها للابد وحطته ،

نجلاء : ياربي منك الحين هو عرف انك مين والحين يتصل يا خوفي اذا يهددك يا آمال ،

آمال : ماني خايفه منه بقول هو الي كلمني ،

نجلاء : لا بالله على اساسا ماعنده دليل انك انتي راسلتيه؟

آمال بتوتر : ارد و اتفاهم معه واعتذر؟

نجلاء : ياويلككك منييي اذا سويتي كذا قومي امشي معي وخلي جوالك ولا تردين على رسايله ،

'

عبدالرحمن بسخريه : ما ترد وقفلت بوجهي ،

صقر : في شي غريب بالموضوع يا عبدالرحمن وش تبي منك وكيف عرفت رقمك وكيف جابتك وتواصلت معك؟

عبدالرحمن : حتى انا مستغرب كلمتني بعد ما ابوها رفضك،

صقر : لا يكون تحسبك انا؟

عبدالرحمن : ما اتوقع ،

صقر : اجل خلها و شف نهايتها وش بس تكفى لا تسوي شي بسببه تخرب سالفتي مع ملاذ !

عبدالرحمن : لا تخاف ما بيصير شي بينك وبين ملاذ بس هذي ما اخليها لين اعرف وش تبي مني ،

صقر : هد لا تشد حيلك عشان ما تقلب الطاوله عليك ،

عبدالرحمن تنهد : خلنا منها متى بنرجع للقصيم؟

صقر : والله مدري بس الصدق فقدت سلطان ،

عبدالرحمن ابتسم : اي والله من اول ليله فقدته اشتقت وهو يحارش عمر ويتحمس لعرسك خلني اتصل اشوف ،

اخذ جواله وهو يتصل على سلطان ،

'

سلطان طلع من الحمام " يكرم القارىء " ومشى لبس ملابسه وعدل شعره ولبس ثوبه فجاه رن جواله اخذ وهو يشوف الاسم " دحوم " ابتسم و رد : ياهلا ياهلا زين ذكرتني ،

عبدالرحمن حط سبيكر : والله انت الي اشوفك نسيتنا كم لي اتصل عليك ولا ترد وعمر الف مره اتصل عليك؟

سلطان : والله اني ما انتبهت كل عقلي مع هالقضيه ،

صقر : حتى ما كلفت على نفسك تتصل وتبارك ؟

سلطان فز : اوه صقر بعد معك بشرني وافقوا صح؟

عبدالرحمن : يا ذكي قاعد يقول ما باركت لي معناته وافقوا ،

سلطان ابتسم : مبروك مبروك لولوششش ،

عبدالرحمن : اذني يا رجال بشويش فقعت اذني ،

صقر بضحكه : عقبالكم انتم الحمدلله الحين صرت متزوج لا تنادوني باسمي قولو ابو سيف ،

سلطان : سلامات وشو سيف مالي دخل تسميه سلطان ،

عبدالرحمن : لا لا عمر احسن عشان يطلع نفس غباءه ،

صقر : والله راضي اختار اسم حيوان ولا اختار عمر ،

سلطان بضحكه : وينه عمر بالله مشتاق له ،

عبدالرحمن : ابشرك زعل و هج للفندق ،

سلطان : اكيد طقطقتو عليه يا حمار انت وياه ،

صقر بضحكه : تخيل بالله يقولك بيصير عسكري ،

سلطان : هذا حده يحمي بيتك يا صقر ،

عبدالرحمن انفجر ضحك : حسبي الله يا سلطان ،

'

مشعل كان جالس يناظر للنياق وسالم يسوي الشاي بعد دقايق خلص وصب لنفسه ولمشعل ومشى جلس جنب مشعل

ومد له الشاي مُلاحظه ( سالم كبير بالسن كل عمره يعيش في البر وينتبه للنياق و زوجته وعياله في بلدهم )

وهمس : اشرب وانا ابوك اشرب مافي شي راح يتغير هذا انا كل عمري بين هالبر والنياق وتارك زوجتي وعيالي وعايش في الغُرب عشان لقمة عيش و راضي بواقعي والي يصير  متحمل فراق زوجتي وعيالي ،

مشعل : انا مافيني هالقوه اني اتحمل انا مو زيك ،

سالم : صحيح مانت زيي بس راح تتعود صدقني ،

مشعل : بسالك يا عم سالم وجاوبني الصدق ليه الي نحبهم يتركونا؟ ليه وش ذنب هالقلب لما يتعلق فيهم يسون كذا!

سالم : هذا درس لك عشان ما تتعلق باحد ،

مشعل : بس هي كانت بتصير زوجتي! ليه عيشتني بالاحلام وعلقتني فيها والحين تبي تتركني ليه ما تركتني من البدايه؟

سالم : الحُب مافيه خير يا مشعل مافيه خير ،

مشعل : الحُب فيه خير لكن حنا نتعلق بالاشخاص الغلط،

سالم : مو انت اخترت قرارك بتتركها؟

مشعل : اي بس من وين اجيب هالقوه واوقف قدام جدي واقوله ماعاد ابي حفيدتك والله انه يدفنني و يخليها تشرب قهوة عزاي وتتحلى على دمي ،

سالم : اذا تبي رايي ف اقولك لا تسوي شيء خلي الموضوع زي ماهو خلكم متعلقين بالنص لا القرار لك ولا لها اتركو الموضوع على الكبار هُم بنفسهم يتصرفون ،

مشعل تنهد وهو يشرب الشاي وهمس : تشوفه صح؟

سالم : اي اشوفه صح لا انت الي بتندفن ولا هي ،

'

نجلاء و آمال طلعوا وجلسوا برا والشاي قدامهم ،

آمال : لاول مره اندم واعيش بهالخوف الله ياخذه ،

نجلاء : قلتلك لا تسوين بس ما سمعتيني ،

آمال : يخييي كيف جاب رقمي ابي افهم!

نجلاء : معرف الصدق بس العيال خبيثين مافي شي صعب عليهم هذا مشعل ما عطيته رقمي بس طلعه من تحت الارض،

آمال : خليني منهم افكر ملاذ كيف تعيش مع ذا صقر؟

نجلاء : صحيح صعب بس يتعود زي ما تعودنا حنا ،

آمال : بس في فرق يخي هو رجال حنا بنات ،

نجلاء : بس هالرجال زوجها يا غبيه !

آمال : ما اتوقع ملاذ توافق احس راح ترفض ،

نجلاء : سمعت ماما تقول انه ما يتم الملكه الحين بالاول نروح القصيم ونروح بيتهم ومدري وشو ،

آمال : لا يكون جدي وافق بعد على كلام ماما؟

نجلاء : للاسف اي وهم عزمونا عندهم بس مدري متى اظن قالوا اول ما يرجعون القصيم نروح لهم ،

'

" مصعب و سلطان كانو جالسين بالكافيه "

'

مصعب : هُم اثنين خوات الكبيره ماعليها خلاف تقدر تستقر لحالها الي عليها الخلاف الصغيره لانها تحت السن القانوني

قاصره تحت ولاية ابوها هو يعنفهم يضربهم يطلع حرته فيهم

الكبيره زي ما قلتلك يا سلطان ماعليها خلاف تقدر تسوي الي تبي عمرها بالعشرينات لكن الصغيره عمرها ١٠ سنوات تتعنف من ابوها ومحد يقدر يسوي شي لانها تحت ولاية ابوها

ف الكبيره رفعت قضيه مد يده و رمى الملف قدامه وناظر فيه وهمس : تفضل هذا ملف القضيه ،

سلطان بهدوء : شف يا مصعب انا راح اسوي الي علي و اتواصل معها واساعدها قانونيًا لكن هل في ادله تثبت انها البنت الصغير معنفه من ابوها ؟

مصعب : اي في يا سلطان بالاول افتح الملف وشف ،

'

عبدالرحمن وصقر دخلوا الجناح وهم يشوفون الجد نايم

وعمر جالس يطقطق بجواله صقر مشى انسدح جنبه ،

عمر بقهر : ابعد عني روح مكانك !

صقر : ماهو مكانك مكان سلطان سمح لي انام ،

عبدالرحمن بضحكه : بشويش جدي نايم لا يقوم عليكم ،

صقر : عمر تدري شفنا لك عروسه ،

عمر : خله لك انا مابيها ،

عبدالرحمن صد ومشى انسدح وهو ياخذ جواله ويضحك عليهم والتفت لهم : صقر ارجع مكانك ،

صقر مشى انسدح جنب عبدالرحمن وهمس باذنه : بالله شرايك نمقلب عمر ؟

عبدالرحمن : كيف؟

صقر : سوي حساب في اي برنامج بس حساب بنت وارسل له،

عبدالرحمن بضحكه : حرام عليك لا يصدق ،

صقر : بالله خلنا نشوف شيقول احسه راعي بنات ،

عبدالرحمن : عندك حساب طيب؟

صقر : لا يا رجال سوي لك حساب جديد ،

عبدالرحمن دخل السناب وهو يسوي حساب جديد ،

صقر : سمي نفسك ساره عشان يدلع سارونه ،

عبدالرحمن كتم ضحكته وهو يسجل الاسم ساره ،

وفعلًا سوا الحساب وناظر لصقر : عطني سناب عمر ،

صقر : لا تضحك عشان ما يشك، وعطاه السناب ،

عبدالرحمن ضيفه وهو ينتظر عمر يقبله ،

صقر : مسوي لي فيه ثقيل ورا ما يقب..ماكمل كلامه الا وعمر قبل اضافته و دخل كتب لها : منوره ،

صقر انصدم وكتم ضحكته : يقلع عدوه الخفيف ،

عبدالرحمن كتب له : النور نورك ،

عمر كان منسدح ابتسم وكتب : اسمك حلو ،

عبدالرحمن : هذا لازم نسحب منه الجوال الخفيف ،

صقر : قل له اسمك الي حلو ،

عبدالرحمن : لا لو سمحت لازم الثقل وكتب : تسلم ،

عمر : كم عمرك ؟

صقر : قل له انت كم تتوقع ،

عبدالرحمن ضحك وكتب : كم تتوقع ؟

'

نجلاء مشت تنام آمال اخذت جوالها وطلعت لبرا للحديقه ودخلت الواتس وكتبت لعبدالرحمن : ليه اتصلت؟

عبدالرحمن شاف الاشعار وصقر كان جنبه و فزو ،

صقر : هذي بنت فهد صح؟

عبدالرحمن : اي و دخل كتب لها : ليه ما رديتي؟

آمال : تقدر تقول هنا ايش تبغى بدون ما تتصل!

عبدالرحمن : طيب ممكن تعلميني ليه سويتي هالحركات؟

آمال : خلاص اسفه اعتذر غلطت وعرفت غلطتي بس تكفى لاعاد ترسل لي او تتصل علي او تعلم لاحد بشيء ،

عبدالرحمن استغرب وناظر لصقر وكتب : اشوف خايفه ،

آمال : ماني خايفه بس مابي مشاكل خلاص انهي الموضوع،

عبدالرحمن : لا فيني فضول ليه كنتي تبين ارجع القصيم؟

صقر ناظر له : خلاص خلها واضح انها خايفه ،

عبدالرحمن : والله لا العب باعصابها لين تعلمني ليه سوت كذا،

صقر ناظر لعمر الي كان يرسل : ي رجال رد بيموت هذا ،

عبدالرحمن بضحكه : ما صدق انه في بنت رسلت له و دخل وهو يشوف راسل : اتوقع عمرك بالعشرينات وينك ردي ،

صقر : اهب يالخفيف لا بارك الله فيه ،

عبدالرحمن : والله خلنا نسحب عليه لا يقعد يتخيل في بنت تحبه ،

صقر : لا تكفى كمل كمل نشوف ،

'

آمال قفلت الجوال ومشت دخلت الغرفه وهي تشوف نجلاء نايمه فزت من سمعت صوت باب طلعت لبرا وهي تشوف جدها يدخل المطبخ ابتسمت و لحقته : غريب صاحي؟

الجد التفت لها و ابتسم : اي يابنتي جيت اخذ مويا ،

آمال : اذا مافيك نوم عادي تجلس معي ؟

الجد عبدالعزيز : ابشري جيبي لي مويا وتعالي للمجلس ،

آمال ابتسمت ومشت سحبت قرورة مويا ولحقت جدها و دخلوا المجلس الجد مشى جلس وجلست جنبه وعطته المويا الجد اخذ منها وهمس : اي وشفيها بنتي ماتبي تنام؟

آمال : احسني زعلانه بخصوص ملاذ وما تسون لها عرس؟

الجد ابتسم : اعرف هالسوالف ودك بعرس و رقص بس ابوكِ مو راضي يا بنتي يحس انها ملاذ راح تحزن لانها ما تقدر تشوف شيء ولا تستمتع ف ملكه و في البيت افضل. 

آمال : طب نجلاء كانت تقول بنروح للقصيم عندهم صح؟

الجد : اي بنروح ونشوف الوضع كيف والملكه بعد شهر ،

'

سلطان دخل البيت ومشى حط اغراضه على الطاوله وتوجه للمطبخ وهو يشوف مارلين جالسه وسرحانه ضحك ومشى جلس عندها : وش عندك زعلانه ؟

مارلين : مافي شي انتا يبغى شي يجي هنا؟

سلطان : لا ما ابغى شي بس جيت اشوف ايش تسوين ،

مارلين بحزن : انا اشتاق بنت حق انا في فلبين ،

سلطان : طيب اتصلي ؟

مارلين : لا انا ايبغا بنت انا يجي هنا عند انا ،

سلطان : اها وكيف تجي ؟

مارلين بتفكير وناظرت فيه : انتا في زواج مع بنت انا؟

سلطان انصدم وضحك : انا؟؟ واتزوج من بنتك الي عمرها ثمنيه سنوات؟؟

سلطان : اها وكيف تجي ؟

مارلين بتفكير وناظرت فيه : انتا في زواج مع بنت انا؟

سلطان انصدم وضحك : انا؟؟ واتزوج من بنتك الي عمره ثمنيه سنوات؟؟

مارلين : سوي زواج مع بنت انا روح فلبن وسوي زواج ،

سلطان بضحكه : اي ابشري اقول قومي نامي بس ،

مارلين : سولتان انتا ادري انا زواج كيف صار؟

سلطان ناظر لساعته : والله الساعه ١٢ مالومك اذا فضفضتي،

مارلين : انا زمان في حب واحد ثاني بس بابا مال انا كلم مافي زواج مع الي احبو لازم زواج مع ولد عمي انا ،

سلطان : يعني كنتي تحبين واحد وابوك اجبرك من واحد ثاني؟

مارلين : ايوااا بس انا مافي حب زوج انا ،

سلطان : اي واضح وانتي جايبه منه عشره طفل ، ضحك وقام والتفت لها : انا رايح فوق سوي لي قهوة ،

مارلين هزت راسها بـ اي ومشت تسوي له ،

'

" نروح لحياة إيلان واختها الصغيره "

إيلان كانت جالسه بغرفتها وهي تناظر لـ سديم تلعب تنهدت واخذت جوالها  وتركتها : سديم يلا ننام؟

سديم : لا باقي ابي العب ،

إيلان : سديم تعالي نامي قبل يجي بابا ،

سديم مشت بخوف وجلست جنبها : انتي قلتي بابا ماراح يسوي لي شيء و راح تاخذيني من هنا ؟

إيلان بحزن : صحيح يا سديم بس لازم يبي لي وقت ،

سديم : مين يساعدك تاخذيني من هنا؟

إيلان رفعت كتوفها : ما كلمته باقي توه وصل القصيم ،

سديم سكتت وانسدحت جنبها ، إيلان ابتسمت وقعدت تمسح على شعرها بهدوء لين نامت ،

إيلان غمضت عيونها بتنام معها لكن فزت من سمعت صوت جوالها اخذته وهي تناظر للاسم كانت سُلاف ،

إيلان : هلا سُلاف ؟

سُلاف : اليوم الاربعاء اكيد المحامي رجع صح؟ شصار ؟

إيلان : اي كلمني المحامي مصعب وقال انه رجع خويه وهو يمسك القضيه عنه ويتواصل معي بس الى الان ما كلمني،

سُلاف : يارب ينسجن وتفتكون منه انتي وسديم ،

إيلان : انا خايفه على سديم يا سُلاف خايفه عليها ابوي ما همه شيء غير نفسه عمرها ١٠ سنوات ويرفع يده عليها!

سُلاف بحزن : عارفه يا إيلان وحاسه فيكِ والله ،

'

صقر بضحكه : اقول خلنا ننام نكمل لعب فيه بكره ،

عبدالرحمن : سلطان قاعد يتصل كام ؟

صقر : فاضي ذا اسحب عليه ،

عبدالرحمن : والله شكله في موضوع مهُم خلني انزل اكلمه وارجع لك ، صقر هز راسه بالنفي وهو يقوم معه : بمشي معك، وطلعوا لبرا وعُمر الي نام وهو ينتظر رد ساره ،

عبدالرحمن دخل المصعد و صقر معه ونزلوا تحت وطلعوا من الفندق و رد وفتح الكام : يا ذا الوجه الي ما صدقت افتك منه.

سلطان : اقول شايف وجهك انت وايش عندك صاحي؟

عبدالرحمن : ازعجتني و صحيت من عز نومي وتقول شعندك صاحي؟  صقر كتم ضحكته ،

سلطان : والله من وجهك مو واضح انك كنت نايم ،

صقر لف الكام ع نفسه : هاه كيف القصيم بدوننا؟

سلطان : والله حلو و روقان خلكم في المدينة لا ترجعون ،

عبدالرحمن : ي رجال من يوم ما جينا المدينه وحنا نصلي بالمسجد ما رحنا المدينه ،

سلطان : من قلة الايمان الي فيك وفي الي جنبك لا بارك الله فيكم لا وجه ولا اسلوب ولا ايمان ،

صقر : شف من يتكلم عن الايمان وهو كان مستثقل انه يصلي ركعتين في المدينه وثم يسافر اهب عليك بس ،

سلطان : انا صليت في الطياره في السماء من قوة الايمان ،

عبدالرحمن : وحنا صلينا في الارض مافي فرق ،

صقر : والله لو احلف انك ما صليت وكنت نايم ،

عبدالرحمن ناظر لسلطان بالكام : اقول طف اللمبه الي وراك احسبه نور ايمانك طلعت مشغل الاضاءة ،

سلطان ضحك وقرب الاضاءة من وجهه : نور ايماني تطمن مافي لمبه وراي تتخيل انت ،

صقر : الا اقول سلطان في احد سال عني بالقصيم؟ والله احس راح يفصلوني من الدوام ،

عبدالرحمن : ماعليك واسطات جدي وابوي ما يقصرون ،

سلطان : والله صادق يا دحوم هذا بغى يقتل مريض وما انقذه الا واسطات جدي فال دكتور قال ،

صقر : والله اني انقذت الف واحد خل عنك بس ،

سلطان : شكلك انقذتهم بخيالك يا رجال انقلع بس قال انقذت الف واحد وانت بغيت تدمر حياتهم ،

عبدالرحمن بضحكه : سلطان اشوفك لقيت عمر نايم مسكت صقر المسكين ، بهاللحظه دخلت مارلين ومشت حطت القهوة جنب سلطان ، سلطان ضحك ولف الكام لها وهمس لمارلين : مارلين تعالي شوفي مين هنا ، مارلين استغربت ومشت وهي تناظر وقامت تضحك : سقور دهوم ،

صقر : الله يخلف يا مارلين باقي ما تعلمتي اسمي؟

عبدالرحمن كان يضحك وناظر للبنقالي الي مر و لف الكام عليه : مارلين شوفي لقيت لك حبيب ،

مارلين قربت وجهها وهي تناظر سلطان دفها ؛ صدقتي شفيك.

مارلين : هذا مو زوج انا ،

صقر بضحكه : تحسبنا في فلبن من وين نجيب زوجك؟

عبدالرحمن : مارلين كيف البيت بدوننا؟

سلطان ناظر لمارلين الي كانت متحمسه ومقربه وجهها من الجوال ضحك وهو يبعدها : خلاصصص يااا بنت وشو اول مره تشوفين وجههم خنقتيني والله ،

مارلين بعدت وهي تطالع فيه بقهر : مافي سوي شي انا انتا كلم تعلي شوفي انا مافي شوف صدت وطلعت لبرا ،

صقر بضحكه : حسبي الله يا سلطان حتى هي ما خليتها ،

سلطان : يا رجال خنقتني وهي مقربه كذا لا تشوفها امي بس،

عبدالرحمن : زعلت شكلها الحين ما تسوي لك فطور ،

سلطان : ماخذه دور الزوجه شافت مافي احد تبي تزوجني بنتها بعد والله لو هي وبنتها جمال الكون ما اخذتهم ،

صقر : ي رجال زين لو بنتها تقبل فيك انت و راسك ذا ،

عبدالرحمن : اقول توكلوا فيني نوم والله ،

سلطان بضحكه  : يلا اذلف وقفل منه وهو يضحك وحط جواله واخذ القهوة وهو يشرب بهدوء ،

'

= صباح يوم جديد على الابطال =

'

آمال قامت بانزعاج وهي تشوف نجلاء مشغله كل اللمبات

وتلبس عبايتها فزت وناظرت : وين رايحه؟؟

نجلاء : اهج من البيت يعني وين رايحه السوبر ماركت مع جدي بنجيب اغراض للبيت ،

آمال وهي تقوم : انتظريني بمشي انا بعد ابي اخذ شبسات وخرابيط للسهره ومشت توجهت للحمام " يكرم القارئ "

نجلاء : ياربي منها نشبه هالبنت مشت طلعت للحوش لكن فزت ووقف وهي تشوف الجد يكلم ابو مشعل ، استوطن قلبها الخوف يمكن يكون موضوعي! سكتت وهي تسمع وتنفست براحه انهم يسولفون عن المزرعه ،

'

عبدالرحمن كان واقف وهو يناظر لشيهان الي على واقف على يده والتفت لصقر : وش رايك نحطه في مزرعتنا؟

صقر : والله بيموت ومحد درى عنه المزرعه في اخر القصيم ومحد يروح له ومغبر وباقي تسميه مزرعه؟

عمر : اي خلوه لا تروحون له اسوي لي بيت هناك واعيش ،

عبدالرحمن : وشو له بيت انت نحطك في قفص ونقفل عليك وشو له التكلف والتعب ،

صقر التفت لامه الي كانت جالسه تمسح على شعره وهو منسدح وحاط راسه على رجولها وهي تلعب بشعره التفت لها وهمس : يمه تكفين خليهم يوافقون نسوي الملكه ؟

عمر : خلاصصص تحسبه حلا هو كل شيء على كيفك والله صرت اشك بيكنسلون وما يعطونك البنت ،

عبدالرحمن ضحك وهو يلتفت لامه : يمه تدرين عمر يبي يصير عسكري؟ ودكتور و طيار طبعًا جناح الطيار ان شاء الله،

ام صقر : ان شاء الله يصير عسكري يارب ويحقق حلمه ،

صقر بسخريه : هذا ويصير عسكري؟ هذا زين لو خلوه حارس.

ام صقر : لا تقول كذا عن اخوك ادعي له ياولدي ،

صقر : والله ادعي عليه مو له هو و راسه ذا ،

عمر : يمه خليه هذا دعواته ما يتعدا السقف ويسولف ،

عبدالرحمن وهو يصد : الله يعين امي عليكم ،

فجاه دخل يوسف والتفت للعيال : واحد منكم يروح مع جدكم رايح يقابل عبدالعزيز  ،

عمر : جدي شوي ويقلط في بيتهم ،

صقر وهو يقوم : انا وعبدالرحمن نروح ،

عمر : فكه والله ،

يوسف باستغراب : شفيكم على بعض انتم؟

'

آمال و نجلاء ركبوا السياره والجد ركب قدام ،

آمال : يبه يلا وش تنتظر ؟

الجد عبدالعزيز : يا بنتي كلمني سُليمان قال انه جاي اخاف نمشي والمسكين يجي ينتظرني في هالحر ،

نجلاء : يعني بتاخذه معانا للسوبر ماركت بعد؟

الجد : اي قال انه يبي يشتري اغراض بعد ،

آمال : ما شاء الله خلصوا باقي الاماكن يعني ،

نجلاء : انتي شفيكك خليه يجي عادي يبي يقضي مع جدي،

'

عبدالرحمن كان جالس والجد سُليمان يسوق ،

صقر : يبه كان كلمتنا انه رايحين نقضي ،

عبدالرحمن : وش نقضي وحنا كليوم مطاعم بس جدي واضح يبي يقابله ويجلس معه قال مقاضي قال ،

الجد سُليمان بضحكه : قال انه رايح قلت امشي معك ،

بعد دقايق وقف سيارته وهو يناظر لسيارة عبدالعزيز قام يضحك ونزل ، عبدالعزيز نزل ومشى وهو يحضنه ويسلم ،

آمال فزت وهي تناظر لسيارتهم : يمه هذا جايب احفاده بعد!

نجلاء : لا يكوننن ذاك المريض بعد معاهم الي هددك؟

آمال قامت بترد فجاه الجد عبدالعزيز فتح الباب و ركب ،

وحرك سيارته والجد سُليمان ركب سيارته ولحقه ،

'

سالم ناظر لجوال مشعل الي كان يرن ومشعل عند النياق يمسح على عليهم ويطالع فيهم وسرحان ،

قام مشى لعنده : ابوك قاعد يتصل،

مشعل صد : خله يتصل مافيني حيل ارد على احد ،

سالم : لا تسوي كذا ياولدي ربك راح يحل الامور ،

مشعل : ان شاء الله يا عم سالم لاني تعبت والله ضاق فيني الدنيا كله ،

سالم : ماعليه ياولدي ماعليه اصبر فان الله مع الصابرين ،

مشعل ناظر فيه : ودك ب شاي من يديني؟

سالم ابتسم : ما اردك والله لذة الشاي من يدك غير ،

مشعل ابتسم : ابشر جهز جلستنا وانا اجهز لك الشاي ،

'

وصلو للسوبر ماركت ونزلوا الجد سُليمان والجد عبدالعزيز

رجعو يحضنون بعض ويضحكون ، والبنات دخلوا السوبر ماركت والجد سُليمان والجد عبدالعزيز وقف عند المحل وجلسوا عند الدكه وهم يسولفون ويضحكون ،

عبدالرحمن وصقر نزلوا من السياره وهم يسلمون ع عبدالعزيز و وقفوا وهم يسمعون سوالفهم ،

الجد سُليمان : ادخلوا شوفو البنات وينهم انتبهوا لهم عيال الحرام كثرانين في هالزمن الله يحمي بناتنا وبنات المسلمين،

عبدالرحمن : ابشر جدي ومشى دخل وصقر لحقه وهو يتمنى لو ملاذ مع البنات بعد ، دخلوا وهم يدورونهم ،

آمال كانت واقفه عند ثلاجة الايسكريم ونجلاء تدور الشبسات.

آمال :  شرايك ناخذ اغراض الكيك بنسوي كيك؟

نجلاء : اييي وبما انه ميلاد بابا قرب ناخذ بلونات بعد ،

آمال بضحكه : هذا وحنا جاين نقضي للبيت ،

نجلاء : والله معرف وش اخذ للبيت همي بطني والخرابيط،

آمال قامت بتتكلم فزت وهي تشوف عبدالرحمن وصقر ،

صدت وهي تعدل نقابها ، نجلاء انصدمت وهي تناظر ،

عبدالرحمن : اذا خلصتوا تفضلوا جدكم ينتظركم ،

آمال التفتت له بتوتر : ءءاي خلصنا جاين ،

نجلاء بصدمه : انا ما خلصت!

صقر التفت وهو يناظر يمين يسار يدور ملاذ بعيونه ،

عبدالرحمن ناظر لعيون آمال كانت حاطه ايلاينر صد والتفت لصقر : تقول جايه قاعه مو سوبر ماركت ،

صقر تنهد : ملاذ مو في ،

عبدالرحمن عطاهم ظهره ووقف وهو يكلم صقر ،

: وشو له النقاب وحاطه فُل مكياج ،

صقر : يا رجال شدخلك انت خلهم بكيفهم ،

عبدالرحمن : والله لو بنتي دفنتها ،

صقر : الحمدلله ماهي بنتك ف لا تتحمس كثير ،

آمال وهي تهمس لنجلاء : يع يا شينه جديي ليه رسله!!

نجلاء : يطالع وعيونه شوي وبيطلع من مكانه ،

آمال : ما كلف على نفسه حتى يمشط شعره تقول جن مو انسان تكفين اخلصي بسرعه نمشي ،

آمال : خلاص مابي اخذ شيء امشي يلا ،

توجهو عند الكاشير يحاسبون وحطو كل الاغراض ،

عبدالرحمن و صقر لحقوهم وقامو بيطلعون لكن وقفوا وهم يناظرون يخلصون ،

الكاشير : الحساب ٥٠٠ ،

آمال التفتت لنجلاء : نسيتت اجيب بطاقة جدي جيبيه ،

نجلاء قامت بتمشي لكن صد عبدالرحمن ومد يده لجيبه يطلع الفلوس ، آمال ناظرت فيه بقهر ،

عبدالرحمن مد الفلوس لكاشير وهمس : اخلصوا ،

آمال صدت شالت الاكياس ونجلاء شالت معها وطلعوا ،

الجد عبدالعزيز قام : هلا يبه خلصتوا ،

آمال صدت مشت بقهر من حركة جدها وانه سمح لاحفاد سُليمان يتدخلون فيهم ومشت ركبت السياره ،

نجلاء : اي يبه خلصنا ،

الجد سُليمان : كيفك يا بنتي؟

نجلاء ابتسمت : الحمدلله يا عمي بخير انت كيفك؟

الجد سُليمان : اللهم لك الحمد بخير والله ،

الجد عبدالعزيز : يلا الحين تعالو الحقونا للبيت والله انكم ما تمشون الا لما تتعشون عندي يلا تعالوا ،

الجد سُليمان : لا لا تتعب نفسك والله بنمشي جيت اشوفك بس وقلت اجلس معك شوي ،

الجد عبدالعزيز ناظر لصقر : يا ولدي خلك من جدك وجيبه وتعالوا يلا انتظركم انا ومشى ركب السياره ،

الجد سُليمان بضحكه : يعرف انك تسمع كلامه ،

عبدالرحمن : اي اذا ما سمع ما يعطونه بنتهم ،

صقر بضحكه : خلونا نمشي بس و ركبو السياره ،

'

الجد عبدالعزيز ركب وناظر : شفيكِ يا بنتي معصبه؟

آمال بقهر : وش كان له داعي ترسلهم يجونا؟؟؟

الجد : والله ابوهم رسلهم انا ما رسلت احد استحيت ارفض وهم بحسبة اخوانكم ،

آمال : ماهُم بحسبة اخواننا قهروني ،

نجلاء قربت قرصه وهي تشوف ملامح جدها وانه تضايق ،

آمال تنهدت وسكتت : صحيح بحسبة اخواننا بس مدري ما حبيت يا جدي ،

الجد عبدالعزيز : خلاص يابنتي ما دريت والله ،

نجلاء : يبه خلك منها هذي وعادي شفيه اذا جاو يتطمنون علينا زي اخواننا بس شسمه هُم الي دفعو الفلوس يا يبه ف لا تنسى تعطيهم ،

الجد ابتسم : ابشري بس كم الحساب؟

'

بعد دقايق وصلوا البيت ونزل الجد يستقبلهم في البيت ،

آمال مشت لداخل ونجلاء لحقتها ودخلوا لداخل ،

آمال مشت حطت الاغراض : الله ياخذه الكريهه بكل مكان طالع لي متى يرجعون للقصيم ونفتك؟؟

نجلاء : وانتي شعندك خوافه قدامه! علطول اي خلصنا وانتي ما خلصتي! صدق انك خوافه والله ،

آمال : انتي ما شفتي شكله ازرار ثوبه مفتوح وشعره طاير على بالي دخل فيه جني ناقصه بعد اتفلسف معه !

نجلاء : امشي بس اكلم الشغاله تسوي القهوة ،

آمال : بخاطري كيك شرايك نسوي الحين؟

نجلاء ابتسمت : تم يلا نمشي للمطبخ ، ومشو دخلوا المطبخ،

ام نجلاء كانت واقفه تكلم الشغاله تسوي القهوة والتفتت لهم وهمست : شتسون ؟

آمال : بخاطري نسوي كيك ،

ام نجلاء : طيب كلموا الشغاله تسوي لكم ،

نجلاء : لا لا حنا بنسوي ،

'

الجد عبدالعزيز بضحكه : والله ايام كنا ساكنين جنب بعض مستحيل انساه ،

الجد سُليمان : كنا ما نجلس في البيت طول الوقت نتمشى،

عبدالرحمن اخذ جواله ودخل السناب وهو يشوف رسايل عُمر كان راسل : ساره وينك اختفيتي ردي شصاير معك؟

ضحك وناظر لصقر : شفيه هذا ؟

صقر : رد عليه بالله وقل ابوي عندي اختبارات ،

عبدالرحمن ضحك وكتب : عندي اختبارات ،

عمر كان منسدح يسولف مع امه لكن فز من شاف الاشعار علطول دخل وهو يشوف وكتب : يعني الاختبارات اهم مني؟

صقر شاف رسالته : الله يقلع عدوه ،

عبدالرحمن : اي والله انه اهم منه ،

'

آمال ونجلاء كانوا بالمطبخ يسون الكيك فجاه دخل عندهم الجد وناظر : يا بنتي اذا خلصتوا عطوني شوي اخذ لاحفاد سُليمان يذوقون ،

آمال : اشوف يا جدي تحبهم اكثر مننا؟

الجد بضحكه : كلكم بعيني واحد ،

نجلاء : حنا نرسل لهم الكيك بس ياويلك لو تاكل معاهم يرتفع السكر عندك و ابوي يعصب علينا ،

آمال ناظرت لنجلاء : نعطيهم من كيكنا؟

نجلاء : بس قطعه وشفيه ماراح تموتين ،

آمال : اكسب اجر مو مشكله ،

الجد مشى طلع وهو يدور ام نجلاء ،

نجلاء : بذبحك لو تتكلمين قدام جدي بهالطريقه لا تحسسين جدي اننا نكرههم سوي نفسك ما تعرفين عنهم شيء ،

آمال : ..

آمال ناظرت فيها : كريه طيب شسوي؟

نجلاء : اقول يلا تعالي اخلصي بنسوي الكيك ،

آمال : حطي فيه ملح بدال السكر خليه ينصرع ،

نجلاء : الله ينقذ الناس من كُرهك ،

آمال ضحكت وصدت وهي تخلط ،

نجلاء مشت وهي تصب القهوة بالدله ،

آمال بهدوء : نجلاء بسالك شيء تجاوبيني بالصدق؟

نجلاء باستغراب : اي اسالي؟

آمال : ليه مشعل للحين ساكت كلمتيه بشيء؟

نجلاء صدت : لا ولا لي نيه اكلمه ،

آمال تنهدت : مدري ليه احس عمتي بتجي اليوم.

نجلاء : لا فكينييي مو ناقصه الا هي ،

فجاه دخل فهد وهو مبتسم : وش تسون ي اميراتي؟

نجلاء ابتسمت وناظرت فيه : اشتقناا لك ليه تاخرت اليوم؟

فهد : الشغل كان كثيررر اليوم ما حسيت بالوقت ،

آمال التفتت له : بنسوي كيك تاكل منه؟

فهد : والله كيك ومن يدينكم ! اكيد راح اكل ،

آمال ابتسمت : تمام ابشر بس يتجهز ،

فهد ناظر لنجلاء وهمس : سمعت من امك انك متضايقه؟

نجلاء هزت راسها بالنفي : لا يا يبه ماني متضايقه ،

فهد : اذا زعلانه عشان كلام عمتك ف والله الحين اتصل عليها واكلمها اتحمل كل شيء بهالدنيا الا ضيقة بناتي!

آمال فزت والتفتت لنجلاء ،

نجلاء بتوتر : يبه مابي اتزوج من مشعل مابيه ،

فهد انصدم وناظر فيها : شقاعده تقولين يا نجلاء! اذا عشان عمتك زعلانه ف لا تحطين اللوم على المسكين مشعل!

آمال : يبه نجلاء ماتبي مشعل لانه شخصيته غير عنها ،

فهد تنهد وهو يناظر : شوفي يبه انتي وهي اسمعوني زين مافي شخص بهالدنيا كامل هو يختلف عنك وانتي تختلفين عنه تصير يا بنتي انا وامك كنا نختلف كثيرررر كانت تعيش في الديره ولا تعرف شي وشوفي الحين صارت زيي ،

نجلاء بدموع : يبه انا تعبت من عمتي ومن كلامها و دايم تدقني بكلام وتحسسني اني انسانه مو كويسه انا ماعلي من مشعل تقبلته ولا علي منه بس عمتي وكلامها ما اتحمل ،

فهد بهدوء : عمتك خليها علي راح اتفاهم معها ومسحي هالدموع وانا رايح اشوف امك وينها ومشى طلع ،

آمال التفتت لنجلاء : حسيت بيعطيكِ كف ،

نجلاء ضحكت من بيت دموعها : ابوي مو كذا ،

'

صقر ناظر لعبدالرحمن : ودي اشوفها والله خاطري فيها ،

عبدالرحمن بضحكه : يا رجال تطقطق على عمر اجل ؟؟

صقر تنهد : مو قادر اتحمل والله يا عبدالرحمن ابيها ودي اغمض عيوني وافتح والقاها قدامي ،

عبدالرحمن ناظر للجد عبدالعزيز طلع من المجلس والتفت لجده سُليمان وهمس : يبه شرايك تكلمهم بخصوص صقر؟

صقر : تكفى جدي والله مقدر اصبر اكثرر ،

الجد سُليمان : والله ياولدي هُم رافضين الحين ،

صقر : يبه اليوم ولا بكره مصيري راح اخذها !

الجد سُليمان : احاول معاهم ياولدي ان شاء الله ، بهاللحظه دخل الجد عبدالعزيز ومشى وهو يحط الكيك ،

وناظر لعبدالعزيز : تعال نذوق شوي ،

صقر بصدمه : وشووو تاكلون الكيك؟؟؟

الجد سُليمان : لا ما ناكل بس نذوق ،

عبدالعزيز قرب وهو ياخذ قطعه من الكيك وياكله

سُليمان كان يضحك معه واخذ قطعه وهو ياكل ،

عبدالرحمن : اكيد انك كذبت وقلت الكيك عشاننا صح؟؟

الجد عبدالعزيز : لا قلت عشاني انا وجدك ،

صقر : ما ش..ماكمل كلامه الا وانفتح الباب ودخل فهد وانصدم وهو يشوف : شقاعدددين تسون انتمم؟؟

الجد عبدالعزيز بحركه سريعه ترك الكيك : العيال يجبرونا ناكل ما قدرنا نردهم وقلنا نذوق شوي ،

الجد سُليمان : اي نقول لهم مانبي بس قاعدين يجبرونا ،

عبدالرحمن بصدمه : تكذبون!!

صقر : اهب يا جدي وتطورتو تكذبون بعد ،

فهد مشى وهو يسحب الكيك من قدامهم ،

'

آمال ونجلاء كانوا جالسين بغرفتهم ومشغلين اغاني

والكيك قدامهم وقهوة وشاي ويسولفون ،

ملاذ كانت جالسه تبتسم وتسمع سوالفهم ،

آمال : ملاذ تخيلي مين عندنا اليوم؟

ملاذ رفعت كتوفها باستغراب ،

نجلاء : حبيب القلب صقر هنا وشكله يفكر كيف ياخذك ،

آمال بضحكه : خير ما نسمح له ياخذ ملاذ مننا ،

نجلاء وهي تمد الكيك لملاذ : لازم تذوقين ،

بهاللحظه انفتح الباب و دخلت ام نجلاء ومشت جلست معاهم وابتسمت : اشوفكم مروقين ؟

آمال وهي تصب قهوه لامها : والله كان ناقصنا انتي زين جيتي.

ام نجلاء : اي جيت بعد الي سمعته من ابوكم وانها نجلاء ماعاد تبي مشعل ممكن اعرف السبب يا بنتي؟

نجلاء بهدوء : مافي سبب ،

ام نجلاء : مشعل رجال زين ونعم فيه ويحبك يا بنتي بكل صلاه ادعي حتى ملاذ وآمال يخطبهم واحد يكون رجال زي مشعل اذا امه تقهرك بكلامه ف هو وش ذنبه؟

آمال ناظرت لنجلاء : والله حاولت معها بس ما تسمعني ،

نجلاء تنهدت : يمه مشعل ماعليه خلاف الي قاهرني امه مابي اعيش معاهم بنفس البيت واقعد اسمع كلامها ،

'

سلطان عدل شماغه ولبس نظارته ونزل من السياره و دخل الكافيه بهاللحظه وصل مصعب و إيلان معه ودخلوا ،

مصعب : السلام عليكم ، سلطان ابتسم و رد السلام ،

إيلان كانت لابسه طرحه فقط وشعرها باين مُلاحظه ( ما تتنقب) وجلست وفسخت نظارتها وحطته على الطاوله ،

مصعب ناظر لها : تفضلي هذا هو المحامي سلطان بن يوسف ، والتفت لسلطان : هذي هي إيلان ،

سلطان : تشرفت ، إيلان ابتسمت الشرف لي ،

مصعب : يلا اترككم وامشي عندي مشوار وودعهم ومشى،

سلطان اخذ الملف وهو يقرا وناظر فيها : الجلسه بعد يومين.

إيلان : اي عندي علم كلمني مصعب ،

سلطان : ابوكِ عارف انك رفعتي قضيه ضده وساكت وما تجراء يكلمك صح؟

إيلان تنهدت : اي صح ما كلمني ولا رفع صوته علي كل الي قاله لي بنلتقي بالمحكمه و مو متطمنه ،

سلطان : معناته اكيد انه مُخطط لشيء ،

إيلان : ماراح استغرب متوقعه منه كل شيء ٢٢ سنه عشت معه وتحملت ظُلمه وضعفت بس هالمره ماراح استسلم ب اي حال ابيك تكسب هالقضيه طلبتك ،

سلطان : القانون بالقانون يا اخت إيلان بحال اذا قدرنا نكسب هالقضيه و ابوكِ انسجن بتُهمة عُنف اسري وتاخذين اختك بس ابي اعرف شي ما ذكره لي مصعب وين امكم؟

إيلان : طلقها ابوي وتزوجت وعايشه حياتها في حال انه ابوي انسجن وقدرنا نكسب هالقضيه ف هل الحضانه تكون للام؟ واختي سديم تقدر ترجع لامي؟

'

الجد عبدالعزيز : تفضل وش تبي تقول؟

الجد سُليمان : والله وانا اخوك في خاطري امنيه بسيطه قبل ارجع للقصيم ودي زوجة حفيدي ترجع معانا للقصيم بخاطري الملكه تصير قبل ارجع للقصيم ،

الجد عبدالعزيز انصدم وسكت والتفت لفهد بهدوء ،

صقر كان جالس يناظر ومتوتر وقلبه بيطلع من مكانه ،

فهد : والله يا عمي اني ماني مستعد بنتي تروح مني ،

الجد سُليمان : اذا مو اليوم يا فهد ف بكره مردها تتزوج وولدي بياخذها ف ليه نتاخر والله انه هالمرض قاعد ياكلني وما اضمن وجودي كل ليله انام واخاف اني ما اصحى ،

الجد عبدالعزيز شهق : عسى عمرك طويل ،

فهد بهدوء ناظر لابوه : يبه انت شرايك؟

الجد عبدالعزيز : نسمي بالله ونحدد الموعد والملكه بتصير في المزرعه بيننا بين الاهل ،

صقر فز بفرح وهو يسمع والتفت لعبدالرحمن بصدمه ،

'

نجلاء وهي تقوم وتنسدح : اوف ميته نوم والله ،

آمال : عاد اليوم نمت كثيرر مافيني نوم راح اسهر شكلي ،

نجلاء التفتت لملاذ : ملاذ بتنامين معي؟

ملاذ هزت راسها بـ اي والشغاله اخذتها وانسدحت ،

الشغاله مشت تشيل القهوه والي اكلوه وطلعت لبرا ،

آمال قامت شغلت المكيف وطفت الضوء وطلعت للصاله اخذت جوالها وهي تطقطق ودخلت الواتس وهي تشوف عبدالرحمن راسل : لاعاد تجربين تسوين كيك ،

انصدمت و رسلت له : ومين انت عشان تعطي رايك!

عبدالرحمن كان فرحان لصقر ومبتسم ،

الجد عبدالعزيز : خلاص الاسبوع الجاي تم ان شاء الله ،

الجد سُليمان : باذن الله وقاموا وهم يحضنون بعض ،

فهد توتر انه ما شاور لطيفه ولا كلمها وكيف ابوه حدد كلشي.

عبدالرحمن اخذ جواله وهو يشوف و رسل : ابوكِ قدامي شرايك لو اعلمه بكل شيء وانك تبيني ارجع للقصيم؟

آمال شافت رسالته فزت بخوف وتوترت وهي متوقعه منه كل شيء وكتبت له : تكفى لا تعلم احد بشيء !

عبدالرحمن : مقابل وش تعطيني وما اعلم؟

آمال بدون تفكير كتبت : اي شي تبييه اسويه ،

عبدالرحمن بضحكه : طيب نشوف و بطلي تحطين مكياج وتطلعين تخوفين الناس شفتك على بالي جنيه مو انسانه،

آمال انصدمت وكتبت له : وانت قبل تطلع عدل شعرك واطلع مو تخرع بنات الناس ،

عبدالرحمن : لا يكثر بس خليني ارجع واشوف ايش بتعطيني مقابل اني ما اعلم ابوك ، وترك جواله وهو يضحك ،

'

آمال تنهدت بقهر : ربي ياخذ حقي منك حسبي الله قامت بقهر ومست للغرفه ناظرت لخواتها نايمين مشت انسدحت على سريرها فزت من سمعت صوت السياره ركضت ناظرت من الشباك وعرفت انهم راحوا ونزلت لتحت وهي تشوف ابوها داخل غرفته ومشت للمجلس ناظرت للجد كان يستعد للنوم وابتسمت : تحتاج شيء يبه؟

الجد : سلامتك يا بنتي بس كلمي الشغاله تجي تنظف ،

آمال ابتسمت وهزت راسها بـ اي ومشت تنادي الشغاله ،

'

وصلوا الفندق وكل شخص مشى للجناح والعيال لحقو الجد و دخلوا الغرفه وناظرو لعمر كان نايم بمكان الجد ،

عبدالرحمن بضحكه : شكله اشتاق لك ونام بمكانك ،

صقر : والله تاخرنا وحنا عندهم ما حسينا بالوقت ،

الجد ابتسم ومشى وهو يجلس عند عمر ويمسح ع شعره ،

صقر : يبه نام بمكانه هذا نومه ثقيل ماراح يصحى ،

الجد فسخ شماغه وحطه ومشى ينسدح بمكان عمر ،

عبدالرحمن رمى نفسه بتعب وانسدح صقر حط اغراضه مفاتيحه وجواله على الطاوله ومشى انسدح جنب عبدالرحمن وهمس : حسافه عمر نام ولا كملنا الطقطقه ،

عبدالرحمن بهمس : والله عمر ما توقعته خفيف كذا ،

الجد بانزعاج : انتم ورا ما تسكتون الحين؟

صقر : ليتني ماقلت له ينام بمكان عمر ،

عبدالرحمن : خلاص انكتم ،

'

فهد دخل غرفته وهو يشوف لطيفه نايمه ابتسم ومشى وهو يحط ساعته على الطاوله ويفسخ ثوبه ومشى انسدح بهدوء ، لطيفه فزت وقامت : متى جيت؟

فهد : توي جاي نامي نامي ارتاحي ماني محتاج شيء ،

لطيفه : خلني اجيب لك شي تاكله ما اكلت شي!

فهد : لا شبعان نامي انتي كملي نومك ،

لطيفه انسدحت فهد ناظر فيها : يمدي اكلمك ولا تنامين؟

لطيفه باستغراب : قل؟ وقامت بتقوم فهد هز راسه بالنفي وهو يمسكها : لا تقومين خليكِ منسدحه ارتاحي ، لطيفه سكتت وكمل فهد : ماودي اصدمك بس جدي حدد موعد ملكة ملاذ وصقر وحدد انه بيكون في المزرعه ،

لطيفه فزت وقامت من مكانها وجلست : كيففف؟؟

فهد : ادري مانتي راضيه الحين بس الولد مستعجل ويبي ياخذها يعالجها وشو له نرفض اليوم ولا بكره مرده ياخذها ،

'

سلطان دخل البيت والتفت وهو يشوف بيلا تركض بالحوش مُلاحظه ( بيلا قطوة عُمر يحبها اكثر من نفسه )

سلطان ضحك وناظر لـ مارلين : لو هربت بيذبحك عمر ،

مارلين ناظرت لسلطان وصدت : مافي كلم انا ،

سلطان عقد حواجبه : يعني زعلانه؟

مارلين صدت وهي ساكته ومشت شالت بيلا ،

سلطان : اقول سوي لي شي ع سريع ابي اكل ،

ولحقها و دخل وهمس : بتجي ماما الصباح تجهزي للكرف،

مارلين فزت بفرح : ماما بابا يجي هنا قسيم؟

سلطان بضحكه : اي بيجون القصيم ،

'

يوسف : كلمت سلطان طيارتنا الصباح ،

منيره ام صقر : ايي زين سويت طفشت من هالفندق نبي نرجع القصيم ونتجهز لملكة صقر زين ،

يوسف : والله اختي قاعده تتصل تبي تجين تزورنا ،

منيره : كلمت ابوك انه بنمشي؟

يوسف : لا والله ما كلمته رجع من عند عبدالعزيز ومشى ينام.

منيره : انزين خلاص نكلمه الصباح وبنمشي كلنا ،

'

( صباح يوم جديد على الابطال )

'

آمال كانت جالسه تستشور شعرها نجلاء تنهدت بقهر والتفتت لها : قفلييي ازعجتيني ابي اكمل نومي ،

آمال : اقول قومي بنمشي للمزرعه ،

نجلاء باستغراب : وليه نمشي تونا راجعين؟

آمال : والله حددو موعد ملكة ملاذ وجدي يقول بنمشي واشوف كم كراسي نحتاج ومدري ايش بعد ،

نجلاء فزت وجلست بصدمه : حددو موعد الملكه؟؟؟

آمال : اييي عشان كذا كانوا جالسين امس طول الوقت ،

نجلاء : هالله حماسيس واخيرًا ،

بهاللحظه فجاه دخل فهد وناظر لنجلاء : جدك تحت يبيكِ ،

نجلاء باستغراب : تمام يبه الحين اغير وانزل ،

آمال التفتت : اكيد في موضوع انزل قبلك واشوف ، تركت الاستشوار من يدها و ركضت نزلت تحت للصاله وهي تشوف كلهم جالسين وملاذ جالسه ومشت جلست : في موضوع قوي شكله جلستكم كذا ما يبشر بالخير ،

الجد ابتسم : خلي اختك تجي وتعرفين ، بهاللحظه نزلت نجلاء ومشت جلست : اي جيت شسالفه؟

الجد تنهد وناظر فيها : شوفي يا بنتي خطوبتك مع مشعل صار له سنتين او اكثر وانتي للحين ما وافقتي ع زواج فانا افكر ملكتك انتي وملاذ تكون بنفس اليوم ،

نجلاء انصدمت وفزت وهي تناظر للجد وابوها وامها ،

آمال : مستحيل جدي رفضتوا عرس ملاذ و رفضتو قاعه مُستحيل نجلاء بعد تتزوج كذا !

فهد : يا بنتي جدك يتكلم عن الملكه استوعبي مو عرس ،

نجلاء نزلت راسها بهدوء : الي تبيه ياجدي وسكتت وهذي عادة نجلاء الي تكرهها آمال انها ما تحب ترفض او تتكلم او تعترض ع شيء دايم تمشي على كلام اهلها وخصوصًا جدها.

آمال انصدمت وناظرت لنجلاء بقهر وصدت عنها ،

الجد : والله اني ما اضمن لكم يا بنتي اني اقدر اعيش اكثر ودي وبخاطري تتزوجون واشوف عيالكم وماني شايل هم شيء غير آمال انتي وملاذ تطمنت عليكم و ريحت قلبي من الهم،

فهد : يبه جعل عمرك طويل يارب وباذن الله تشوف عيالهم كلهم بعد ،

'

" الجد سُليمان والعيال وكلهم وصلوا المطار وهم ينتظرون بعد عدة ساعات ركبوا السياره وكل شخص منهم مالهم خلق للثاني ميتين نوم ما ناموا الا قليل ، غير عمر الي كان يزعجهم.

صقر كان جالس عبدالرحمن ونايم على كتفه بهدوء ،

عبدالرحمن غمض عيونه وهو يحاول ينام فز من اشعار جواله ودخل وهو يشوف عمر راسل بالسناب : قلبي طمنيني عنك؟ صد وهمس بقلبه الله يخلف عليك وقفل جواله ونام ،

عمر كان جالس جنب الجد واستغرب انها ساره ما ردت ويكت وابتسم : اكيد مشغوله مع اختباراتها يارب تنجح وحط السماعات باذنه وهو يسمع اغنيه ويتخيل كيف تكون ساره ،

ويوسف كان جالس ع جواله ومنيره نايمه ع كتفه ،

'

سلطان قام نزل لتحت وهو يشوف مارلين تبخر البيت وحاطه القهوه ومشغله شيلة ترحيب ، سلطان ضحك عليها ومشى وهو يجلس وهمس : صبي لي قهوه بالله ،

مارلين : لا مافي الحين لازم اول ماما تجي ،

سلطان تنهد وهمس : حلو اجل ماراح اتزوج من بنتك ،

مارلين انصدمت ومشت جلست جنبه : انتا زوج بنت انا؟

سلطان كتم ضحكته : اي اتزوج من بنت انتي ،

مارلين فزت بفرح ومشت تجيب جوالها : اوريك بنت انا ،

سلطان صد : لا لا بالله لا توريني بس صبي لي قهوه ،

مارلين قامت وهي تصوره : بنت انا لازم شوف وجه انتا ،

سلطان ضحك وصد مارلين مشت مدت له القهوه واخذت جوالها وهي تصوره وهمست : سوي ابتسامه عشان اصور ،

سلطان ضحك وناظر : خلاص اخلصي علي القهوه برد ،

'

مشعل دخل البيت اول ما دخل ناظر لابوه الي كان جالس ومعصب وفز وقام ناظر فيه : وينننككك من امس؟؟؟

مشعل بهدوء : عند العم سالم ،

ابو مشعل بحده : انا ابوك ولا هو! همك هو اكثر منييي!

ام مشعل بخوف : لا تصارخ عليه اهدا شفيك؟

مشعل : محد مهُم بحياتي يا يبه هالحياه بكبره ماعاد صار مهم بالنسبه لي ،

ابو مشعل بحده : يكفي هالثرثره وقم تجهز واخلص الحقني جدك قاعد يتصل ينتظرنا ،

مشعل صد بهدوء : ماني جاييي ولا را.. ما كمل كلامه الا وابو مشعل عطاه كف بكل قوته وهو مقهور منه انه كان يتجاهل اتصالاته ولا يرد عليه ويومين وهو برا وكان خايف عليه

مشعل انصدم و تجمد بمكانه ،