<عند بهاج وأخوه بهيج >

بالديره كان شايل العزبه ورمى حصى على اخوه بهيج على دلاخته

بهيج بعصبيه:- بهاج اقضب ارضك

بهاج ضحك:- ههههههه وش راح تسوي هااه؟

بهيج:- انت من مسلطك علي من صبح الله خير!

بهاج:- تحب تسولف تعال ساعدني على العزبه ندخلها

بهيج:- اشيل هذي العزبه ؟

بهاج:- اي شبلاها هذي؟

بهيج:- صاحي انت الزبده انا بروح عند ابوي مو فاضي

بهاج:- ابوي مسافر يومين ويرجع

بهيج:- مافي مفر منك!

بهاج:- اي امش ساعدني وعندي لك خبر

بهيج يحب العلوم:- دام فيها خبر ابشر

بهاج ضحك:- لو دريت كان من اول اغريتك ههههههههه

اماني طبخت وحرقت الطبخه بالمطبخ وشافت القدر محترق وسمعت اصوات اخوانها شالت القدر وهي تحطه وراء

بهاج:- هاه اماني بشرينا وش طبختي لنا

اماني بتمثيل:- تعبانه انا جيت ادور علاج

بهاج:- العلاج مو بالمطبخ خلف الله على عقلتس في غرفه خاصة هناك للعلاجات

اماني بتمثيل:- اوكيي يلاا فارقو عني

بهاج شاف الاكل وراء وضحك وهو يسكر الباب

اماني بتمثيل:- نعم شفيك قفلته

بهاج ضحك:- انتي تعبانه ولا تمثيل؟

اماني بعصبيه:- ليش بكذب يعني؟

بهاج قرب وهو يسحب القدر:- اي قلتي ماطبختي؟

بهيج كتم ضحكته:- امي لها شهر تعلمها وهي مافلحت

اماني:- تكفون لا تقولون لماما راح تعصب علي

بهاج:- شهر يالظالمه امي تعلمتس وماتعلمتي؟

اماني:- ما احب الطبخ وش أسوي ياخي!

بهاج:- الله يصلحك وتتعلمين ههههههه

بهيج:- بهاج انت قلت عندك خبر حلو يلا علمني

بهاج:- انت يموتك الفضول بعلمك

اماني:- وانا بعرف بعد

بهاج:- طيب الخبر اني راح اخطب احلام

اماني كشرت:- مالقيت الا هذي؟

بهيج بطفش:- مبروك بس هذا؟

بهاج بقهر:- بدال ماتفرحون لي هذي ردودكم؟

بهيج:- احلام ماتصلح لك

بهاج:- ليش ماتصلح لي عطني سبب؟

بهيج:- ما اعرفها بس احساسي قال ماتناسبك

بهاج:- دحدر انت واحساسك وانتِ اماني؟

اماني:- تقهرني ماغير تتدلع ومتصنعه مرررره

بهاج:- وانتِ بعد دحدري البنت حلاتها دلوعه.

اماني:- الله يعينك على ذوقك بس مو كل بنت يلوق لها الدلع!

بهاج انقهر من كلامهم وطلع وسحب عليهم وأخذ العزبه على جنب ويبي يقابل خويه نمر

.

.

نمر:- انت ليش زعلان هم اخوانك تسذا

بهاج:- بس ردودهم ماعجبتني

نمر:- يارجال توكل على الله وانا معك بقرارك وادعمك

بهاج:- ويلوموني فيك يانمر

نمر:- من يلومك اقلب الطاوله عليهم

بهاج:- وانت نمر مو ناوي تتزوج؟

نمر:- انا مالي خلق للزواج وبعد يومين بسافر برا عندي شغل بس اجي هنا كل فتره ازور أخوي الي مفشلني دايم.

بهاج:- بنات الديره واجد دور لك وحده تروح معك وتلبي طلباتك وكل شي تبيه وتصير لك كل شي

<عند هداج>

هداج دخل بيته وجت سميه وهي تبخره وعفاف تأخذ عقاله من راسه وجلس وهو يمدد رجوله وسو له مساج كل وحده ماسكه رجل تسوي له مساج

سميه:- حبيبي اليوم مجهزه لك مرقوق

عفاف:- وانا جهزت لك محاشي

هداج براحه:- انا بالجنه ياعبدو والله انكم يا حريمي سنعات

بتزوج الثالثه قريب

عفاف بغيره:- والثالثه وش صار عليها؟

هداج:- معليكم خطبتها وبملك عليها قريب

سميه:- اكيد راح تسكن معنا ونحطها بعيوننا

هداج:- اي لو اسمعها تشتكي منكم ياويلكم مني

عفاف:- لا تشيل هم راح نعاملها مثل اختنا

هداج:- تعرفون هي عروسه جديده ولازم تسايرونها وبدلعها اول سنه وبعدها تنضم معكم وتخدمني انا هذي قوانيني

سميه:- انت تامر ياتاج راسي

هداج:- عفاف وسميه جهزوا الاكل انا رايح اغسل يدي وبجي القى السفره جاهزه

سميه وعفاف:- تبشر عطنا دقايق والسفره جاهزه

هداج ابتسم بفخر لهم:- احبكم ياحريمي

دخل للحمام الله يكرم القارئ ومسح يدينه وهو يفكر بخطيبته وفيه قهر إن الرجال ماوافق على طول وموضوع خطبته خذت وقت على ما وافقت البنت عليه وطلع من الحمام

وشاف السفره وجلس وسم بالرحمان وبداء يأكل وهو يناظر حريمه وكيف قوته وهيبته مخوفتهم وابتسم بمكر لهم

-

ابو الهنوف هادي:- هذا اخر كلام عندي وبنتس جهزيها عمرها صك٢٧وتبين اجلسها بنات الديره مايمدي يدخلون ٢٠ الا نسمع فلانه تزوجت وعلانه حامل

ام الهنوف شريفه:- يا ابو الهنوف انت تدري هداج ونعم فيه بس بنتي ماتصلح له

ابو الهنوف هادي:- وليش ماتصلح له ماخرب بنتس الا انتِ

ام الهنوف شريفه:- انت شايف عمره هو ٤٠ وبنتنا ٢٧

ابو الهنوف هادي بعصبيه:- وشفيها عادي مو ٦٠ عشان تستحين من عمره انا عمري ٥٣ وما اضمن عمري ويحق لي افرح بـ بنتي

ام الهنوف شريفه استسلمت:- خلاص شورك وهداية الله

الهنوف كانت تسمعهم وهي كاتمه بكيتها دخلت غرفتها وهي تكره ابوها وليش يبيعها على واحد متزوج ومعدد كان اقصى طموحها تأخذ واحد ملكها لحالها بس انقلب حالها إلى أردى حظ مسحت دموعها بضعف وقفت عند دريشتها بقلة حيله وكانت الامطار قويه وفيه صواعق

الهنوف نزلت دموعها:- حتى سماي بكت معي

.

.

ام رحاب:- عندنا دعوه لبيت الشيخ عايض

رحاب:- دعوة عرس؟

ام رحاب:- لا ابو بهاج طلبنا عشان نخيط بشوت وملابس شتويه ويعطينا مبلغ على شغلنا وانا وافقت

رحاب ابتسمت:- وناسة انا اجي معتس؟

ام رحاب:- اكيد ما أقدر بدونتس واخوانتس وين اوديهم؟

رحاب:- عادي ناخذهم معنا

ام رحاب:- اخاف مايرضون

<عند البّدر>

كان مسترخي بالمسبح وهو يشرب قهوه بارد ويأكل فواكه ودخل عليه من رجال الشرطه.

عبدالمجيد بقرف:- البّدر أنا بسافر وبعطيك القضيه عني!

البّدر مسح على وجهه:- ما تلاحظ أجازاتك كثرانه؟

عبدالمجيد بعصبيه:- وش دخلك أنت عليك من شغلك!

البّدر ضحك بسخريه:- هههههههه علامك عصبت شوي شوي على نفسك!

عبدالمجيد رمى الاوراق بالطاوله وطلع وترك البّدر اللي فطس ضحك عليه وطلع من القسم بكبره عشان يلحق على سفرته.

البّدر قام وهو يلبس روبه ويناظر فيه من الشباك وجت عيونه على الاوراق ومسك المنشفه ومسح وجهه وشعره وبحكم إن شعره طويل كان يحركه بقوه والمويا تتطاير من شعره وحط المنشفه فوق شعره ومسك الاوراق وكان مكتوب عليه "حسن مطلق المطيري" وقضيته تفحيط وكان أبوه مطلق المطيري رافع هالقضيه حط الاوراق على جنب.

البّدر بإستغراب:- كيف أبو يشتكي على ولده شي غريب!

طلع من مكانه وهو يلبس ملابسه عشان يستعد للروحه عند مطلق المطيري عشان يفهم قضية ولده أكثر وزاد فضوله ليش الابو مشتكي على ولده بعد دقايق تحرك وهو يركب سيارته وحرك للديره

.

.

<عند غرور>

نشفت ملابسها وملابس أخوها وأبوها بالحوش وهي تمشي ومنطربه طاحت وحسن طلع وركض يساعدها

حسن بخوف:- غرور فيك شي ياخيتي؟

غرور بدوخه:- لاا مافيني شي ياحبيبي بس ابي اقعد

حسن قام بدون أهتمام:- طيب انتِ قومي نفسك قايمه بالبيت كله تقدرين تقومين نفسك

وراح وترك أخته اللي كلما حاولت تقوم تحس بدوخه أكثر وبالقوه تمسك بالباب وتقوم ومشت بشويش وطاحت على الفراش ودها بأحد يعطيها مويا بس مامن أحد هنا

غرور بضيق تنفس:- أبي مويا أبي موبا مو قادره أتنفس!

مطلق أبوها طلع وشافها تتشكى وتبي مويا راح على طول يركض يجيب لها مويا وجاء رفعها يشربها وشربت براحه

مطلق بخوف حضنها:- يابنتي قلت لك لا كنتي تعبانه لا تسوين شي خوفتيني عليك؟

غرور باست يده:- يا بابا مالكم غيري كيف أرتاح وأنتم محتاجيني؟

مطلق نزل رأسه:- لو أمك حيه كانت أفتخرت فيك مو زي أخوك الي مشوهه سمعتنا عند الجيران

<عند وفاء بالرياض>

أم سعود:- يلاا بنات العشاء وينكم؟

وديان:- عاد ميته جوع أخيرًا جاء العشاء

أم سعود:- وين خواتك؟

وديان:- يا ماما ماتعرفين بناتك وداد تلقينها طلبت من المطعم و وفاء تلقينها مسويه دايت يعنني تبي تحافظ على رشاقتها

أم سعود:- أنا بروح أشوفهم

وديان بدت تأكل وتتابع فلم ماكان يهمها أحد غير الاكل

أم سعود فتحت باب وداد:- يلاا قومي تعشي مع أختك

وداد أبتسمت بتسليك:- ماما مسويه دايت

أم سعود قربت ورفعت الشرشف وشافت الاكل:- مسويه دايت؟

وداد ضحكت:- هههههههه ماما لا تفهميني صح

أم سعود:- الله يهديك يا بنتي المطاعم مو زينه أشوفك تحبين تأكلين منه مره

وداد :- شسوي يا ماما الاكل حقهم يجيب رأسي ويعدل جوي

أم سعود:- هذي أخر مره من بكرا تأكلين مع خواتك العشاء

وسكرت الباب وراحت لغرفة وفاء وفتحت الباب وشافتها تحط مناكير ولابسه قصير كان شكلهااا يجذب وشافتها حاطه أغراض عنايه للرجل واليدين وكانت قاضيه منهاا

أم سعود:- ذبحتي عمرك وأنتِ تهتمين بنفسك قومي تعشي يابنتي نحفانه مره

وفاء قامت باست رأس أمها ونطقت بدلع:- لا ماما أكلت سلطه وشبعت

أم سعود:- السلطه ماتسوي شي بعدين أشوفك مره مهتمه لنفسك وش وراك؟

وفاء بغنج:- ماما تعرفيني مستحيل أتقبل أزيد كيلو واحد ولازم أهتم برشاقتي ونفسي ونسيتي باقي كم يوم وعمتي أم البّدر مسويه عزيمه بطلع أحلى وحده فيهم

أم سعود:- والله يابنتي أنتِ من يوم يومك مغطيه على الكل بس أبشري بخليك براحتك

وفاء دق جوالها وطلع مندوب توصيل أغراض وراحت تمشي بدلع وشافت العامله

وفاء بدلع:- ميري روحي برا المندوب أغراض وهذي فلوس

ميري:- حاضر حبيبي أنتِ

وفاء أبتسمت بتسليك:- يلا يلا لا تطولين

راحت ميري تجيب أغراضها ودخلت عطتهم لوفاء وهنا وفاء خذت أغراضها ودخلت داخل وبدت تفحص بأغراضها وتتأكد هل ناقصين ولا لا وأرتاحت يوم شافتهم كاملين وبدت ترتبهم بين أغراضها وجلست بمكانها وهي تشغل اللابتوب

وديان:- واوي وش تسوين؟

وفاء بدلع:- بتابع فلم رعب أشجع نفسي ما أخاف

وديان:- ياربي ياربي أحب اللي تتدلع ياخي تدرين يا واوي لايق عليك الدلع

وفاء بدلع:- أنا من أمي ولدتني وأنا دلوعه ههههههه

وديان ضحكت:- ههههههه بهذي أتفق معك بدون كلام

<عند وفاء وخواتها>

وفاء نطقت بدلع:- الا وين وداد؟

وديان:- مدري عنها تلقينها بغرفتها تتابع مسلسلها التركي

وفاء بقرف ونطقت بدلع:- وعع ما لقت الا تتابع الاتراك عاد السيناريو حقهم مكرر مافي شي جديد

وديان:- انا ما أحبهم الاتراك

وداد دخلت عليهم:- عنكم ماحبيتوهم أنا خاقه مع الممثله جيمري بايسال وصراحه مستحيل اتابع لمسلسلات هاندا هابطه وتفشل ماتعرف تمثل

وديان:- هم بكبرهم يفشلون ماعندك ذوق يوم تتابعينهم

وداد:- انننن مالت عليك شايفه ذوقك من شفتك تتابع كوريا ماحبيت ذوقك

وفاء تأففت بدلع:- بس بس أنتِ وهي وجع ماغير تتكلمون عن الاذواق تراكم تفشلون وماعندكم حياه

وداد خزتها بنص عين:- انتِ مو عشانك القعده تهايطين علينا بعدين على الاقل مو زيك مهوسه بنفسك وبجمالك

وفاء نطقت بدلع ونرجسيه:- كيفي احب جمالي واحبني كلي محظوظ من هو بيأخذني على هالجمال ولد أمه المحظوظ اهخ بس

وداد بقرف:- يعع تكفين لا عاد تتدلعين كم مره اعلمك ان الدلع مو لايق عليك!

وفاء بعناد ونطقت بدلع:- كيفي بتدلع الدلع يصلح للانثى وحلاتني بالدلع

وديان تذكرت البّدر ونطقت:- بنات انا متحمسه لعزيمة عمي الوليد يالبيهه بس

وفاء نطقت بدلع:- اي عاد عمي الوليد اشتقت له واشتقت لعمتي نوره هي مره طيبه معي

وداد تذكرت سلطان:- الا ولدهم سلطان وش صار عليه كأنه طول بأمريكا؟

وديان:- سمعت قبل فتره أمه تقول قريب ويجي

وداد بفرحه وفتحت شعرها:- صدق متى راح يجي هو من السفر؟؟

وفاء خزتها:- وانتِ ليش مهتمه وش هالخفه هذي؟

وداد بأنزعاج:- انتِ توك ورعه ما ينسولف قدامك شي

.

.

<بأمريكا عند سلطان>

جهز أغراضه لان يومين ويسافر للرياض وكان مشتاق لاهله ودق جواله وكان المُتصل "البّدر الاخ البطل"

سلطان نطق بفرحه:- هلا بالضابط البّدر شخبارك؟

البّدر ابتسم بحنيه:- هلا فيك ياحبيب أخوك اشتقنا لك

سلطان:- كلها يومين وجااايكم ان شاء الله

البّدر:- توصل بالسلامه، عاد انا بطريقي للديره عندي قضيه

سلطان:- الله يعينك والله قضايا متعبه

البّدر:- الشكوى لله عاد هذا شغلي وان شاء الله أنجز فيه

ام الهنوف:- يابنت بلا عناد وقومي اجهزي ولا ابوتس بيسود عيشتس

الهنوف بدموع:- خليه يسودها هي سوداء خلقه

ام الهنوف جلست جنبها:- يابنتي غلط انتي كبرتي ماعادتس صغيره لازم تهتمين بصحتس ونفستس وش تبين الرجال يقول لابوتس

الهنوف بعصبيه:- الله يقطعه الشايب وش يبي مني انا ما اصلح له يدور غيري

ام الهنوف:- البنت مالها الا بيت زوجها وانا وابوتس مانضمن اعمارنا عشان تسذا نبي نفرح فيتس

الهنوف:- مابسامح ابوي ليش يزوجني وانا باقي ماجاء نصيبي

ام الهنوف:- يابنتي انتي نصيبتس مع هداج ولازم ترضين بالمقسوم لتس

الهنوف صدت عن امها ودموعها تنزل بقهر مسكت امها العبايه وهي تلبس بنتها اللي واضح مالها خلق للزواج كله

ام الهنوف:- امشي يلا لان طلبت سواق جارتنا ام عثمان

الهنوف بدون نفس:- طيب

ام الهنوف:- عدلي العبايه وسكريها

الهنوف عدلتها وسكرتها:- كم باقي للزواج؟

ام الهنوف:- بعد اسبوع ملكتس من هداج

الهنوف بحزن:- خلاص بتزوجه وانتم على قراركم؟

ام الهنوف بضيقه:- تهون يابنتي وعسى ان تكرهوا شيئاً وهو خيراً لكم

.

.

هداج جهز غرفة الهنوف وشراء كل الاغراض المطلوبه

عفاف بغيره:- شراء لها كل شي وحنا ياعزتي لنا

سمية بعفويه:- وانتِ وش عليتس منهم اهم شي حبيبي مو مقصر علينا

عفاف:- مالت عليتس مدري وشلون راضيه يتزوج علينا

سمية:- هو رجال ومحلله يتزوج اربعه وانا راضيه الحمدلله

عفاف:- مو منتس من عقلتس المخدي

سمية:- لا يسمعتس هداج ويعصب علينا

عفاف:- لا تشيلين هم مو سامع مشغول بتجهيزات عروسته الجديده الله يستر لا يحبها

سمية:- مالحب الا الحبيب الاول

عفاف خزتها:- لا ياقلبي هداج يحبني اكثر

سمية:- هداج ماله غناه عني

عفاف:- لانتس على نياتس ولا هو يحبني

سمية:- هههههههههه لو يحبتس ليه تزوج عليتس الثالثه؟

عفاف تقلد ضحكتها:- وتزوجتي عليتس ههههههههههه

سمية:- انا لاني كنت راضيه بس انتِ مو راضيه هههههه

عفاف:- انا مو راضيه بيني وبينتس مو عنده لان اعرف هداج يسوي اللي براسه ولا عليه من احد

.

.

<بالمدينه الدمام>

طلعت من الغرفه هي ماشيه بشويش فتحت باب المطبخ وفتحت الثلاجة خذت النوتيلا والتوست وهي تحط لها ومايمدي تحط اللقمة بفمها الا تسمع صوت احد ودخلت تحت الطاوله وشافت خالها داخل المطبخ ومعه مكالمه

حامد:- عجزت عنها ابي اعطيها ادويه تفقد وعيها اي ابي انصب عليها واخذ كل فلوسها وعندي لكم بنتها توليب