قبلت الفرس والمهرة وضمتهم بشوووق..

هديل\كيفك عسولة؟؟كيفك أم عسولتي؟؟

أعذروني على الغيبة اجازة تمردية ..

غمزت للفرس وكأنها تفهم عليها..

بدت في ترتيب الحضيرة وتوزيع القش..

حست بوجود أحد يراقبها رفعت عيونها وشافت ماكس واقف عند باب الحضيرة ويبتسم لها..

ماكس\مرحباً..

هديل بفرح\أهلاً بك..كيف حالك؟؟

ماكس\أنا بخير..وأنتي؟؟

هديل\الحمدلله..

ماكس\كيف حال مهرتك الصغيرة؟؟

هديل\تبدو بخير..والان أخبرني كيف حال صوفي؟؟

ماكس\حسناً أنتي تعلمين تلك المتكبرة..لاتستطيع تركي أبداً

هديل\ههههههههه اذن هل أثبت برائتك لها أيها الخائن؟؟

ماكس\ههههههههههه أجل أثبت برائتي وعفت عني..

هديل\اياك أن تفرط بها مرة أخرى..

ماكس\هههههههههههه انتي لاتكفين أبداً عن التهديد لي أو لها..

هديل\بلاكم مضيعين الدين لازم أوجهكم ل الطريق السليم..>>بالعربي

ماكس\>>كلام غير مفهوم

هديل\لم أفهم ماتقووول..

ماكس\وأنا لم أفهم ماتقولي..

هديل بقهر\اذهب الى عملك أيها المهمل..

ماكس\هههههههههههههههه يجب أن أخبرك أمراً..

هديل\ماذا؟؟

وقبل لا يتكلم ماكس وصل صوته القاسي يقطع عليهم الكلام..

غازي\أعتقد بأني طلبت منك الرحيل من أملاكي..

ماكس يناظر غازي\سأفعل ذلك أردت توديع صديقتي..

غازي\لم أسمح لك بذلك والآن غادر فوراً..

هديل بصدمة\ما الأمر؟؟

غازي\السيد ماكس تم طرده من مزرعتي..

هديل بجزع\ليييش؟؟

غازي\ماعاد ينفعني..

هديل\لا لا مايروح كيف يروح..مالك حق تطرده مالك حق..

غازي\من يمنعني؟؟

هديل\هو ماسوى شيء ليش تطرده ليش..؟؟

غازي\أنتي السبب..

هديل\ليش تطرده..؟

غازي\ما ابيه في أملاكي وهذا يكفي..

هديل شهقت\بس هو ...هو

سكتت لما شافت ماكس يتكلم مع غازي بلغة ثانية..

لماشافته طلع من الاسطبلات..

خرجت من الحضيرة وركضت ورى ماكس..

هديل\ماكس لاترحل أرجوك..

ماكس بابتسامة\يافتاة لاتقلقي علي سأكون بخير..

هديل بدموع\لاترحل..

ماكس\لدي أعمالي الخاصة..يجب أن أذهب لادارتها..

هديل\لا لا لن ترحل..أرجوك ماكس لاتتركني أرجوك..

ماكس\كنت سأرحل دون وداعك..

ولكنك تستحقين ان احترمك واعود لأجل وداعك..

هديل تبكي\لايحق لك الرحيل وتركي وحيدة هنا..

لا أشعر با الأمان الا بوجودك..

ماكس\استمعي الي ان حاول أحد العمال ايذائك فلا تتواني عن اخبار السيد..

هديل\وان أذاني السيد..؟

ماكس\لايسعني عمل شيء لذلك..ولكني اثق بانه لن يفعل..

هديل\لن اسمح لك بالذهاب..

ماكس\تذكري بأني أحبك..

هديل بألم\لاتتركني..ليس الآن ..

ماكس\يوسفني عدم قدرتي على اكمال تعليمك ركوب الخيل..

هديل\هل حقاً أنت راحل من هنا؟؟

ماكس\نعم..

هديل\فلتصلي لأجلي ماكس..

صلي أن يهبني ربي القوة وارحل من هنا..

ماكس\سأفعل..احذري من فكتور..

هديل\ليتك لاترحل ..

ماكس\صوفي تبلغك التحية..

هديل ماردت عليه..قفا عنها وتوجه لسيارته..

لوح بيده لها وقال الكلمة الأخيرة

ماكس\الوداع صغيرتي..

خبت وجها بين يديها وبكت بقهر..جلست على الأرض..

على ركبها..حست فيه لما قرب منها..

غازي\كيف راح تحسين بالأمان في غياب ماكس..؟؟

هديل وقفت مسحت دموعها وقفت عنه متوجهة للملحق..

غازي وقف قدامها\وين؟؟

هديل\جهنم..

غازي يمسك يدها ويسحبها وراه..

غازي\جهنم في القصر مو من هنا..

هديل سحبت يدها منه وهي ترجف\ماراح أخدم في القصر..

غازي\متناااقضة جداً مو انتي طلبتي العمل في القصر ورفضتي العمل في المزرعة..

هديل\والحين غيرت رأيي..وأبي اشتغل في المزرعة..

غازي مسك يدها مرة ثانية\مافيه مشكلة في القصر وفي المزرعة..

هديل\لا القصر ما ابي ادخله..

غازي\وأعتقد اني قلت لك ارادتك مالها أي أهمية..

هديل\اتركني..

غازي\مو فاضي أنا لمراقبة الخدم..قومي بعملك..

هديل رفعت راسها له\لا..

غازي عقد حواجبه ومد يده على وجها..انتفضت بخوف وغطت وجها بيدها..

لحظاااات مرت ماصار شيء نزلت يدها وناظرت فيه..

مسك يدها وأسرها مع يدها الثانية في يده الشمال..

لمس جبينها بهدوء..بس هي غمضت عيونها من الألم..

وبعدت راسها عن ملمس يده..

هديل\ايه أدري انك قوي مايحتاج تثبت هالشيء..

غازي\توجعك؟؟

هديل بسخرية\لا..

حط اصبعه على الكدمة وضغط بقوة\وألحين؟؟

هديل صرخت من الألم\آآآآه

غازي بسخرية\حسبتها ماتوجعك..

هديل رفعت يدينها اللي بيده وحطتها على جبينها تحاول تخفف الألم..

غازي\تبين مسكن؟؟

هديل تبكي\اتركني..

فك يدينها وظل واقف قرييييب منها..وهي كانت حاطة يدينها على راسها..

مد يدينه وحطها على يدينها وضغط عليهم..

هديل\لاتلمسني ابعد عني ابعد..

غازي\هشششش بيعورك أكثر اذا تكلمتي..

بعدت نفسها عنه وقفت راجعة للملحق..

صداااع قوي هاجمها وهي مع الحركة يزيد عليها..

دخلت غرفتها وحطت راسها على المخدة..

ماهدء الألم وهذا خلاها تزيد في البكاء أكثر..

بكت بصوت مخنوق وهي دافنة وجها ..

حاولت توقف من البكاء بس كل ماتذكرت رحيل ماكس..

وأهل غازي ..والالم اللي تحس فيه..

ماتقدر تهداء..

بعد مروور ساعة تمكن منها النوم وغفت ...

ولاكانت تدري بوجوده معها بنفس الغرفة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛

قفلت الجوال بعد ماوصت محمد على وسائل هي محتاجتها..

والجدة جالسة عندها وتناظرها بحدة..

الجدة\غادة..

غادة\لبيه..

الجدة\وش تبين من محمد؟؟

غادة\طلبت منه يجيب اغراض للمدرسة..

الجدة\اااه أجل كلميه وقوليله مايحتاج يجيب شيء..

غادة\واشلون مايحتاج..أنا محتاجتها..

الجدة\لا ما انتي في حاجتها..لانك ماانتي مداومة بعد اليوم..

غادة\نعم..

الجدة\نعامة ترافسك..مثل ماسمعتي ماعاد فيه دوام..

غادة\وليش مافيه دوام..؟؟

الجدة\وراك عرس وبيت لازم تديرينه خلي المدرسة للفاضي.

غادة تماشيها\ولايهمك متى ما اعرست تركت المدرسة لا تحاتين..

الجدة\عرسك بعد الفطر..

غادة\يومه عسى ربي يخليك ويحفظك اتركي عنك موضوع زواجي..

تراني ما اابي اعرس ولا اطلع من بيت أبوي..

الجدة\وراكان يبي يعرس ولا عندك مانع..؟؟

غادة\الا ألف مبروووك وعسى ربي يبني بيته..

الجدة\يعني موافقة يالغبراء؟؟

غادة\أكيد موافقة يومه ..

الجدة تهلل وجها\الحمدلله كنت أدري ما انتي برادتني..

غادة\افا عليك وكيف اردك يالغالية..

بس يومه منهي بنته اللي بياخذها راكان؟؟

الجدة عقدت حواجبها\وش منهي بنته؟؟

غادة\يعني منهي عليه من العرب..نعرفها تصير لنا ؟؟

الجدة\أمك ياحسين البنت تبي تجلطني..

غادة\هههههههههههههههههه فديتك يومه وليش اجلطك..؟؟

الجدة\رويكن يبيك زوجة له..وزواجكم بعد الفطر سمعتي ولا انطقي..

غادة\ماله عندنا نصيب الله يحفظه..

الجدة\اقربي مني انتي بس اقربي..

غادة\لا والله ما اقرب تبين تمصعين رقبتي..

تمت الجدة تتحلف وتتوعد في غادة وان مالها الا راكان..

بس غادة كانت مريحة بالها بعد ماوعدها ابوها مايجبرها على شيء..

انتبهت على مجلس الحريم ينفتح ويطلع ابوها منه..

وانصدمت لما شافت سارة بنت عمها خارجة ورى أبوها..

وقفت ببطء ونظراتها عليهم..

شافت أبوها يبتسم لها وهو اللي صارله زماااان ماشفت بسمته ,,

قرب منها وباسها على جبينها\ألف مبروك يا ابوووي عسى بيتك عامر..

انخطف اللون من وجها وركزت عيونها على سارة اللي كانت تبتسم مبسوطة..

الجدة\وش تبارك لها عليه؟؟

ابوعلي\ابارك لها براكان يومه..

الجدة\بالمبارك يا ولدي با المبارك..

غادة بهمس\يوبه...

ابوعلي\سارة فهمتني سبب رفضك..بس مايحقلك يابنتي..

تحرمي نفسك من السعادة علشان أحد..

والله ما اتمناك الا لراكان..ولو تدرين كيف فرحتي اليوم

من زمان يا ابوووك مافرحت من زمان..الله يتمم لكم على خير..

خرج أبوها من الصالة وسارة أستئذنت منهم بان زوجها عند الباب..

بس غادة كانت في عالم ال لاوعي..

رافضة وغير مدركة للي يصير حواليها..

علي دخل وحضنها بقوووة وبارك لها..اعتذر منها على صراخه عليها..

وطمنها ان راكان مابيضيمها..

أمها خفت الدموع من عيونها وسمحت لشفايفها تبتسم وتبارك..

حنان وولدها عبدالله..

وحتى محمد لما دخل عليهم صار ينشد للعرسان واهلها يضحكون..

انسحبت من بينهم بهدو وطلعت تايهة توجهت لغرفة هديل..

انسدحت على سريرها وانتحبت بصوت مخنوووق وهي تشم ريحة أختها المرحومة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛

كانت في المطبخ تساعد ماريا لما سمعت صوت قريب منهم يكلم طفل..

شوق\فديت غازي وقلبه..فديت غازي وأمه..فديت غازي وخاله..

فديت غازي وربعه..الدبدووب الحبوووب..

دخلت شوق وهي تلاعب غازي الصغير وتضحكه..

لما رفعت عيونها وشافت هديل كشرت ونفخت بقهر..

شوق\تشوف غزوي الحثالة هنا..

طنشتها هديل وخرجت من المطبخ متوجهة للمكتب..بعد ماوصلتها أوامر غازي بتنظيفه..

سكرت الباب وبدت بشغلها..فتحت الطاقات ونفضت الغبار..

طلعت على السلم الخاص بالمكتب..رتبت الكتب بس بشوية لعانة..

سحبت كتاب من تحت كانت دائما تشوفه على المكتب ورفعت فووق باعلى رف..

غيرت أماكن الكتب وهي تبتسم بنذالة..

وفي لحظة تحرك السلم بقوة وزلت أرجولها وطاحت وهي تصرخ بصوت عاااالي..

بس قبل لا توصل الأرض حست بيدين تلمها بقوة وتمنعها من الوصول للأرض..

فتحت عيونها برعب..وفي لحظات ماقدرت تشوف شيء غير الظلام..

بس أول مابانت لها الروياء..

أكتشفت انها بين يدينه وقريبة منه مرررررررررررررة....

وجها لاصق برقبته ويدينها حوالينه..

هديل برجفة\نزلني..

غازي مال بجسمه ونزلها على الأرض..

هديل\السلم كان ثابت أول مرة يتحرك..

غازي\يمكن بفعل فاعل..

لحظة وفهمت قصده يعني هو اللي حرك السلم وطيحها..

هديل ضربته على صدره بقوة\انت تبي تذبحني يامجرم..؟؟

غازي\ما أقوى ..

هديل\لاتقرب مني مرة ثانية فاهم..

غازي يناظر بالكتب\الحين تطلعين على السلم وترجعين كل كتاب لمكانه..

هديل\ماراح اطلع عليه مرة ثانية..ما اضمنك ..

غازي\رجعي كل كتاب بمكانه..

هديل\مكتبتك انت رتبها انا ما اعرف..

غازي\تطلعي او اطلعك غصب..

بعدت عنه بسرعة بس هو مسكها وقربها من السلم كان راح يرفعها عليه لما سمع ..

شوق\غازي الخدم اذا مانفذوا الأوامر ينضربون..

فكت يدينه من حواليها وبعدت عنه..

غازي\تعتقدي كذا ياشوق؟؟

شوق\ايه..

غازي\لا فيه ناس مانرضى عليهم..

هديل لمت الأغراض وتوجهت لباب المكتب تبي تطلع ..

بس شوق مدت أرجولها وكانت هديل راح تطيح على وجها بس تماسكت ..

شوق\سوري ماقصدت..

ووقفت بثبات ناظرت في شوق بتحدي وفكت علبة المنظفات وطاحت على أرجول شوق.

هديل\مو سوري لأني قصدت..

كملت طريقها وجت بتطلع من المكتب بس التفتت على صوت..

شافت غازي ماسك شوق ويسحب كتاب من يدها كانت ناوية ترمي هديل فيه..

شوق\هذي يبيلها تكسير رأس..اتركني غازي..

هديل\تمنيتك سويتيها..عاد أنا عندي دروس فن التشويه..

كنت راح أشوهك مزبوووط..

شوق\ياحثالة يا حقيرة اللي مثلك مايرفع راسه ولا يتكلم..

هديل\ألفاظك سوقية..احترمي أخوك

شوق بقهر\والله لا أطلع كل هذا من عيونك..

هديل مشت ولاردت عليها..بس كانت حاسة في غازي لما مشى وراها..

دخلت المطبخ رمت الاغراض وكانت راح تهرب لغرفة ماريا بس غازي مسكها..

غازي\ماني مجبور على طولة لسانك..ولا حركاتك..

هديل بتحدي\ماني مجبورة على لسان اختك ولا حركاتها..

غازي\واختي مالها ذنب في حالتك..

هديل بغصة\وانا لي كل الذنب في حالتكم؟؟

غازي\

ما هوب لا ذنبك ولا ذنب الأقدار

النار ما تختار حزمة حطبها

و أعجب كيف أخوض الجموع

بدونك

و أرقص فوق الحراب

بدونك

المرحوم غازي القصيبي ,,

وهذه أبيات تمثل هديل برأي الغالية رسووو..

قِفـوا ...

لن تَبلُغوا مِنّي وُقُوفَ النّدِّ للِندِّ ِ.

مَتى كُنتمْ مَعي.. حتَى

أُضارَ بِوَحشةِ البُعْـدِ ؟

قِفـوا ضِـدّي .

أنا حُـرُّ .. ولا أرجو بَراءةَ ذِمَّةٍ

مِن ذِمّـةِ العَبْدِ .

خُـذوا أوراق إثباتي .

خُذوا خِزْيَ انصهاري في ذَواتٍ

أَخجَلتْ ذاتي .

سَفَحتُ العُمْـرَ

أُوقـِظُ نائِمَ الإنسان في دَمِها

وَحينَ تَحرَّكَتْ أطرافُ نائِمِها

مَشَتْ فَوقي .. تُجدِّدُ بَيعةَ القـردِ !

خُـذوا آبارَكُمْ عَنّي .

خُـذوا النّار الّتي مُتُّمْ بِها

مِن شِدَّةِ البَـرْد

خُـذوا أنهارَكُمْ عَنّي

خُـذوا الدَّمْعَ الذّي يَجري

كسكّينٍ على خَـدّي .

خُذوا الأضواءَ والضّوضاءَ

عَن عَيني وَعَن أُذُني ..

أَنَا ابنُ الغَيمِ

لي مِن دُونِكُمْ بَرقي وَلي رَعْدي .

قِفـُوا ضِـدّي ..

كَفاني أنّني لم أنتزِعْ مِن قَبلِكُمْ جِلدي .

وأنّي لم أَبعْني، مِثلَكُمْ ، في ساعةِ الجِدِّ .

كَفاني بَعدَكمْ أنّي

بَقيتَُ ، كما أنا ، عِنْـدي .

فَماذا عِندَكُمْ بَعْـدي ؟!

<<مطر <<

كانت جالسة بغرفة أهلها مع امها ويتناقشون في موضوع الزواج..

وأمها ملاحظة صدها عن الموضوع وعدم أهتمامها فيه..

دق جوالها للمرة الخامسة قفلته لما شافت المتصلة سارة..

أم علي\غادة من يتصل عليك؟؟

غادة من دون اهتمام\سارة..

أم علي\ليش ماتردين عليها؟؟

غادة\مستحية منها يومه..وسارة بتظل تعلق علي وتضحك..

أم علي\الله يسعدك يابنتي ويبني بيتك..

غادة\يومه..

أم علي\لبيه..

غادة\لبيتي في منى ان شاء الله..

يومه ما أبي أتزوج هالسنة..أجلوها ل الصيفية الجاية..

أم علي\وليش ماتبين تتزوجين ها السنة..

قرروا زواجك بعد العيد..بعد زواج سهى..

غادة\يومه تكفين أفهميني..أنا مو مرتاحة الحين..

أم علي بحنية\وش اللي مكدرك يا غادة؟؟

غادة بغصة\بدري علي أفرح يومه..بدري على زواج وحفل ..

توها هديل ماكملت سنة من وفاتها..

أم علي بأنين\آآآآه يا غادة ولو أنتظرنا الزمن كله مارجعت..

هذي الأيام مرت وأنا أنتظرها تطل علي بغرفتي..

تزورني قبل تنام وتسولف عن هادي..

أضمها وأشم ريحته فيها..

غادة\الله يرحمها يومه ويصبرنا..

أم علي تمسح دموعها\لاتأخري زواجك يا غادة..

ولا تظني انك تسيئين لأختك بزواجك بعد وفاتها بشهور...

يومه الحزن يظل با القلب ولو تزوجتي الحين أو بعد سنين ماتغير شيء..

غادة تبكي وتحضن أمها\ما أقدر يومه والله ما أقدر..

ما أريد اخون أختي والله ما أقوى..

أم علي\أختك ماتت وعوضها عند ربي..

وأنتي اتبعي سنة الحياة وكملي طريقك..

غادة\تكفين يومه أجلوا الزواج ل السنة الجاية تكفين..

أم علي تهديها\هدي نفسك أبوك ماهو جابرك على شيء..

وراكان ما بيرفض تأجيل الزواج..

بس أنتي فكري بعقلك..وخلي منك الزعل..

ترى الحزن يذبح يا بنتي..

غادة تقبل يد أمه وتحضنها وظلوا يتكلموا عن هديل وذكرياتهم معها..

غادة تقبلت فكرة الزواج بغير اهتمام أو دون أن تستوعب الموقف..

وكأنها مسيرة مو مخيرة..حاولت تتكلم مع أبوها وتبين له موقفها..

لكن ماقدرت بعد ماشافت فرحته ونظرة عيونه..

فكرت تتكلم مع علي بس كانت تدري وش نهاية نقاشهم..

حاولت قد ماتقدر تمنع نفسها من التفكير..

وتنفي فكرة انها تخون أختها وتأخذ نصيبها..

بس كانت رغماً عنها تنسااااااق بدون احساس ل الشعور بالذنب ..

واحساس الخيانة المُرة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛

كانت جالسة في الصالة الداخلية تنتظر نزول غازي من فوق..

قالت له راح تنتظره برا القصر بس هو خيرها..

غازي\انتظري هنا او تعالي فوق..

عصبت عليه وجلست بالصالة مطنشته..

طلع وهي ظلت تنتظره ومتوترة ماتبي تشوف احد من أهله..

حست بقشعريرة بكل جسمها لما شافت أمه ورشا داخلين الصالة..

وقفت وهي تناظر بأم غازي..اللي كانت مركزة عيونها على هديل..

نزلت عيونها احتراماً لسنها..وخوف من اي مواجهة ممكن تجمعها مع الأم..

أنتبهت عليها تجلس بكنبة بعيدة عنها مرررة..

رشا\نعم وش تسوين جالسة هنا؟؟

هديل جلست\ينعم عليك..أنتظر الملك..

رشا\تقدري تنتظريه برا مو هنا..

هديل\لا ما أقدر..لأني أخاف أظل برا في الليل..

رشا\ليش المجرمين يخافون؟؟

هديل\ايه نخاف ولا محسبتنا ماعندنا مشاعر..

رشا\ماظنتي أمثالك عنده شعور..

هديل\ظنك بمحله..

رشا\المكان اللي نتواجد فيه تطلعي منه..

ولو سمحتي طول ما احنا هنا مانبيك تدخلين..

هديل\ان شاء الله ألف طلب مثل هالطلب..

رشا\لأنه وبصراحة وجودك مكرووهة في البيت..

هديل\صدقيني شعور متبادل..

شوق بعصبية\أنتي وش مجلسك هنا؟؟

هديل بطفش\كملت..

شوق\اطلعي برا ما ابي أشوفك هنا..

هديل بنظرات باردة\طالعة بس محتاجة الأمر أولاً..

شوق\وهذا أنا قلتلك أطلعي..

هديل بسخرية\ومن تكونين عشان تعطين الأمر..

لا ياحلوة مالك كلمة علي..

شوق تقرب منها وهي تصرخ فيها..

شوق بكره\من تفتكري نفسك يا......

رشا شهقت من هووول الكلمة اللي سمعتها ..

هديل وقفت مصدومة من الكلمة اللي قالتها شوق..

لا مو لها الدرجة توصل فيها الدناءة مو لها الدرجة..

هذي ماتعرف ان كل كلمة تقولها تسجل في كتابها عند ربي..

هديل\ولاترموا المحصنات المؤمنات..

شوق باحتقار\قلتيها المحصنات وأنتي مو منهم..

هديل\واثقة بنفسي وكلامك ماراح يهزني..

شوق\واثقة وأنتي جارية عند أخوي..؟؟

هديل\تدرين أمثالك ماينرد عليهم الصوت..

رشا\شوق تعالي هنا..

شوق\قلتي ماينرد علي الصوت يا حثالة..

هديل\ايه يا ولا تدرين بلاش أنزل لمستوى ألفاظك..

شوق مدت يدها وضربت هديل بكف وهي تصرخ عليها..

شوق\حقيرة ولئيمة مجرمة ..

هديل أول ما أستوعبت اللي صار..لفت على جهة شوق ..

بس أنصدمت بالوجه الصارم اللي واقف قدامها وشوق وراه..

هديل بألم\الحشيمة لك..لأنك بمقام الوالدة..

ناظرت في شوق وبوعيد\لك دين في رقبتي وأوعدك أوفي الدين..

رشا\لاتهددي وتنسي من تكونين..

هديل بتحدي\مانسيت من أكون..

أنا بنت الرجال اللي تنومس من حكى فيها..

مشت تبي تطلع من الباب لما سمعت صوت شوق وأجبرها الصوت تلتفت..

شوق بابتسامة\لو كنتي بنت الرجال ماكان تخلى عنك..

هديل\ولو كنتي تحشمين أمك ماتلفظتي بقولك..

بس هذي تربيتك العظيمة..

حست بشخص وراها وكانت تدري من يكون بس ماتراجعت..

ثبتت على موقفها وقالت اللي لازم ينقال..

غازي بحدة\وش صاير هنا؟؟

رشا\ماصار شيء..

غازي\أنا قلت وش صاير هنا؟؟

شوق\اسأل خادمتك..

غازي بعصبية\وبعدين ماراح تردون يعني؟؟

أم غازي\مافيه شيء يستاهل ينقال..

غازي\وأنتي عندك شيء تقولينه؟؟

هديل بهدوء\ممكن أرجع غرفتي؟؟

غازي\موقبل لا أعرف معنى كلامك اللي قلتيه..

هديل\كلامي مفهوم مايبيله شرح..

شوق\صارت تتكلم عن التربية وناسية وش صفتها الحقيرة..

غازي بغضب\شوق اكتمي نفسك..

ولاتقولي شيء أخليك تندمي عليه..

شوق\أنا ماقلت شيء غلط..

أم غازي\شوق ولا كلمة..

بعدت هديل عنه وانسحبت من المكان..

طلعت من القصر بس ماأمداها تبعد لأنه مسكها ولفها عليه بقوووة..

غازي بعصبية\أنا حذرتك أكثر من مرة..لاتقللي من أحترام هلي..

هديل كاتمة نفسها ماتبي تتكلم لأنها راح تقول شيء يخليه يعصب ويضربها..

وفي نفس الوقت كانت تدري لو تكلمت راح تبكي..

غازي\لاتخليني أقسى عليك أكثر..

أحترمي حدودك ولاتكبري في الكلام..

هديل هزت رأسها موافقة على كلامه من دون صوت..

كان يظن انها تهزىء فيه من سكوتها..رفع راسها بقوة وناظر بعيونها..

تغيرت نظرته من لون خدها الأحمر وأثر الأصابع عليه..

ومن لمعة الدموع في عيونها..

حط يده على خدها وأول ماحست بيده غمضت عينها..

ونزلت دمعتها على يد غازي..

حطت يدينها على صدره وبعدته عنها بهدوء..

وأنسحبت من يدينه متوجهة للملحق..

قفلت الباب وأرتكزت عليه وهي تشهق من البكاء..

كم موقف تمر فيه باليوم وتعاني منه..

بس ماتبكي قدامهم..

تعلمت أحبس الدمعة وأدور للبكاء أوقات

وأكون بعيد في حالي تنزل كل دمعاتي

أساطير الوفاء كانت من الماضي وهي حكايات

كبرت وصرت أكذبها ...كثر خير طعناتي

أنا مابي بهدنيا بعد هالمرحلة رغبات

عسي الله بس يكفيني هوى نفسي وغلطاتي

كسرت بداخلي أشياء تعيش الماضي إللي فات

ومريت التعب كله ولاحصلت راحاتي

كنت أحلم ,,ومن حقي مثل غيري ولي غايات

ولكن حالتي تقسي على أبسط خيالاتي

ولو ينكرني العالم شعوري ما عرف حسرات

أنا متعود النكران كثير أنكرت أنا ذاتي

رمت نفسها على فراشها تنتحب بصووت عالي..

كلامهم قاسي قااااسي ..

يجرحووون بضمير..

ينكرووون أصلي وكياني..

أنا ماأستاهل النكران..

أنا ما أستاهل الحرمان..

ماكفاهم اللي فيني يزيدوني بكلامهم..

ماكفاهم قسوته علي وضربي..

ويييينك يوبه وييينك..

ضاقت بي يا أبوعلي والله ضاقت بي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛

لو قسى هــ العألم أدري بقلبك حنون...

بس لو قسى قلبك وين بهـ العالم اكون ,,

هادي\على البركة يوبه الله يوفق بينهم على خير..

أبوعلي\حددنا زواجهم بعد زواج سهى بنت عمك..

هادي بصدمة\بس يوبه ما كأنك قدمت موعد الزواج..

مابقى وقت على رمضان والعيد..

أبوعلي\لا الموعد طيب..والبنت يمديها تحضر نفسها..

هادي\يعني غادة موافقة على الموعد؟؟

أبوعلي\ماظنتي انها رافضة يا أبوووك..

هادي\الله يوفقهم ان شاء الله..

أبوعلي\وأنت يا أبووك وش مسوي في غربتك؟؟

هادي\الحمدلله يوبه الحال طيب..

صح الغربة شينة بس صوتك يشفي القلب..

أبوعلي\اهتم بدراستك ياولدي واهتم بعمرك..

هادي\ان شاء الله لاتوصي..

أبوعلي\ناقصك شيء محتاج فلووس ؟؟

هادي\لا فديتك ماناقصني الا شوفك..

أبوعلي\الله يردكم بالسلامة..

هادي\الله كريم..سلم على أمي وعسولتي..

أبوعلي\الله يسلمك فمان الله ..

هادي\وداعة الله..

وهذي غادة بتتزوج ياهديل..

وبتستمر الدنيا تدووور والناس يعيشوون..

بس ماراح تصيرين ذكرى..

ولا ماضي..

طلع الصندوق الخشبي وخرج الدفتر منه..

فتح على الصفحة قبل الأخيرة..

هاقد حان وقت الرحيل ..

وبدأت بحزم حقائبي..

فهل ستبكون فراقي..

أم أنـــــــــي لا أعني لكم شيئاً؟؟!

والله أنك كل شيء..

كل شيء يا الغالية..

ليتني أعرف وش اللي كان مضايقك..

ليه كتبتي بكل ذا المرار..

معقولة كنتي حاسة أنك مودعة..

ولا الكوابيس اللي كانت تجيك..

أوهمتك بالموت..

ناظر بالسماء وهمس..

وحشتيني,,,

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛

سارة بترحيب\هلا وغلا فديت الرقم وراعيته..

أفا كل هذا سحى ماتردين..

غادة\قولي له يأجل الزواج أو يلغيه..

قفلت الجوال بوجه سارة ..

مقتنعة با اللي هي تسويه ..

أتصلت سارة عليها أكثر من مرة بس ماردت..

وصلتها رسالة من سارة وصدمتها

[ردي ولا والله أجيكم ألحين وأكلم عمي ويصير شيء مايعجبك]

ردت بعد ثالث رنة..

غادة\نعم..

سارة بارتباك\احم غادة كيفك؟؟

غادة بقهر\ماهو بشغلك..

سارة\طيب هدي شوي وفهميني وش فيك؟؟

غادة\ما أبي أتزوج..

سارة\ليش؟؟

غادة\مايخصك..

سارة\طيب ليش تبين تأجلين الزواج؟؟

غادة بغصة\سارة أتعبتييييني أتعبتيني حرااام عليك والله حرام..

أنا ماسويت لك شيء..ليش سويتي كذا ليييش؟؟

ما أقدر أتزوجه ماأقدر..نسيتي راكان من يكوون..

أنا ما أقدر أنسى والله ما أقدر..

أحس أني أخونها مالي حق أتزوجه مالي حق..

أختي ولا أقدر أنساها وأخوك ولا أقدر أنساه..

خليني بحالي تكفيني فكيني من هالزواج..

....\وراكان من يكون؟؟وليش ماتقدرين تتزوجينه؟؟

والمرحومة وش علاقتها في الموضوع؟؟

غادة شهقت وتجمدت بمكانها من الصوت الجهنمي اللي يكلمها..

توترت خافت حست فيه واقف قدامه..

حست بعصبيته من صوته العالي..

رمت جوالها بعيد عنها وضمت نفسها بقوووة..

راكان\غادة ردي..

ما أحد رد عليه وهذا زاد عصبيته..

ألتفت على سارة وصرخ عليها..

راكان\وش سالفة بنت عمك هذي؟؟

كلامها مبهم ولافهمت منها شيء..تبينا نأجل الزواج عشان هديل..

قلتلك ماعندي مانع بس تأجل لشيء وغير مفهوم..

سارة بخوف\راكان صل على النبي يا أخوي..

أنا أفهمك كل شيء..

راكان\اللهم صلي وسلم على محمد..

أسمعك فهميني بنت عمك وش سالفتها؟؟

سارة\والله مدري كيف أقولك ياراكان..

غادة مو راضية تتزوجك بسببي أنا..

راكان بنظرات نارية\وأنتي وش سويتي لها؟؟

سارة\أأنا ك من زمان قلت لها أنك تحب وحدة..

راكان وقف وصرخ\نعم وش قلتي لها؟؟

وأنتي من وين جايبة كلامك هذا يالهبلاء؟؟

سارة تحاول تهديه\قلت انك تحب وحة وتبي تتزوجها..

راكان\أنتي تبين تجننيني..كيف تقولي عني كذا؟؟

سارة\أنا فهمت غلط..ماكنت أدري انك تحب غادة..

ظنيتك تحب وحدة ثانية والله..

راكان\وان كنت انا احب غادة او غيرها..

بأي حق تتكلمين في هذا الأمر مع احد؟؟

سارة\انا أسفة ياراكان والله ماقصدت اسبب مشاكل..

راكان\وغادة وش دخلها ان كنت احب غيرها..

أنا ماطلبتها الا لأني أبيها..لو ابي وحدة ثانية ماتعنيت لها..

سارة تبلع ريقها\اصل المشكلة هنا..

راكان بضيق\تكلمي قولي كل شيء..

سارة\هي رفضتك بسبب البنت اللي قلت لها انك تحبها..

راكان بسخرية\ايوه ومن تكون هذي المحظوظة بحبي؟؟

ياليت بس تتكرمين علي وتعلميني انا من أحب؟؟

سارة\هـ هديـــــــل..

راكان بهدوء\من؟؟

سارة\قلت لها انك تحب هديل وتبي تتزوجها..

راكان وقف وركز نظره على سارة..

ولو كانت النظرة تذبح كان ذبحتها نظراته..

شال جواله ومفاتيحه وخرج من بيت أخته معصـــــــــــــب..

ركب سيارته وتوجه لبيت عمه أبو علي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

كانت في الحضيرة جالسة بعد ما نظفتها واكلت الفرس..

مشطت شعر عسولة وهي تسولف معها..

هديل\آآآآآه ياعسولة سني يعورني..

ماقدرت أنام من الألم..حتى ماعندي مسكن يخفف الوجع..

كان موعدي عند الدكتور من شهووور بس ماقدرت اروح..

لأني جيت هنا..تعرفي دكتور أسنان قريب من هنا؟؟

بس ما ابيه بيطري..أبيه دكتور انساني..

حست بأصوات تقترب من الحضيرة..وقفت وتخبت ورى الفرس..

سمعت صوت مألوف لها..صوت مايعرف الا الصراخ والهواش..

شوق\وأخيراً شفتها..ياقلبي ما أجملها..

رشا\ماشاء الله مثل ماوصفتها..

غازي كان شال غازي الصغير بين يدينه..ويسولف معهم عن المهرة..

بس لاهو ولا هم أنتبهوا على الظل المتخبي ورى الفرس الأم..

شوق\غازي وش سميتها؟؟

غازي يبتسم\أعتقد ان اسمها عسولة..

رشا باستنكار\عسولة؟؟ليش اخترت هذا الاسم؟؟

غازي\يمكن لأنه غالي على صاحبي فسماها عسولة..

شوق\وصاحبك هذا وش يحس فيه مع هذا الاسم ماهو حلوو بااايخ مررة..

غازي\المهم أعجبني ويكفي انه من اختيار صاحبـــــــي..

رشا\وصاحبك هذا وش اسمه؟؟

غازي\هادي..

طعنة توسطت بقلبها..

يــــــا الله كيف لذكر الاسم من شفاه غير شفتيها له وقع خاص..

له روووح له وجوووود..له معنى وألف ذكرى..

كتمت أنفاسها تمنع شهقة تطلب فيها الهواء يدخل جسدها وينعش روحها..

كتمت دمعة حائرة تتمنى النزول على ذكر اسم ذاك الغالي الأثير..

قمعت الحنين والشوووق القاسي..

فليس الآن وقت الضعف ولا الظهور بمظهر التائهة..

شوق\غازي مالي دخل أبيها..اشحنها ل السعودية..

رشا\لا توها صغيرة اذا كبرت بعد كم شهر اشحنها..

غازي\بس صاحبي يبيها ومتعلق فيها..

شوق\واذا كان متعلق فيها المفروض يدري انها مو له..

غازي\بس أنا وهبته اياها..

شوق\افا يعني هو أغلى مني؟؟

غازي\ــــــــــــــــ ماهو أغلى منك..

شوق تبوسه على راسه وكتفه مبسوووطة ان المهرة صارت لها..

ورشا تضحك على حماس شووق اللي قررت اول قرار انها تغير اسم المهرة..

جلست على الأرض بانكسار...

وهي تناظر في عسولة الغالية على قلبها موووت..

عسولة يعني جرحٍ جديد..

الى متى بيظل يأخذ مني أحبابي..

يحرمني من كل شيء أتعلق فيه وأريده..

أدري انه يعاقبني وينتقم مني..

بس مدام انه يعذبني لحالي..

وبعيد عن أهلي وأخواني..

فهذا يعزيني ويكفيني..

ابتسمت بألم ومسحت الدمعة الخاينة..

مادمت أتعذب لأغلى البشر فلا بــــــــــــــــــأس,,

آفًا يًاجًرحٌ لاتبكي ترى كل الجروح تطيب

ترى كل البشر يخطون ونتحمل خطاياهم

بكينا واندفن فينا,,حزن اصدق مٍن التكذيب

بٍكٍينًا بٍكٌل مًافٍينًا وفينا والعذر منهم !!!

لقينا ناس فيهم قلب وًنًاسٌ فُنُوًنهًا االتعذيب

وًلكٍنٍ مًانُقُولً :الآهـ ولانتعب مسامعهم

وسافرنا فراق الهم لقينا الهم فينا عيب

وواصلنا مسيرتنا وٍكٍل قُلُوبًناً معهم

نخبي آجًملً اًلآهٌآتً ولانرتب لها ترتيب

وتاخذنا .. سنين العمر ونتحمل خطاياهم

كٍذًاً يًاجٍرٌحً هالدنيا سهولتها من التصعيب

حلاوتها في قساوتها ولكن عيب نعلمهم

تًانبٌنٍا ضٍمًايٍرٌناً ولا نلقى سوى التأنيب..

مصيري او مصير،، الًلٌي بيخطي لو يجاملهم

صحيح قلوبنا تعبت ولكن اجمل التعذيب

عذاب آغًلًى آلٍبشًرٌ لاصرت تتعذب لراحتهم ,,,

لن أستطيع أن أحل معضلة وجودك..

هذه حقيقية مؤكدة ..

ولن تستطيع أن تحلي معضلة وجودي..

هذه حقيقية مؤكدة ثانية ..

ذلك أن معضلات الوجود تعيش في دهاليز الروح المظلمة التي لا يتسرب إليها ضوء نجم ،

ولا تدنو منها نسمة هواء ..

تصطرع مع الكوابيس ، مع الأشباح ،

مع الأسئلة التي لا تملك جواباً ، مع المجهول الذي يصب في مجهول ..

ونحن نحمل دهاليزنا المظلمة ، نروح ونجيء، نبتسم ابتسامة بلا روح ،

ونضحك ضحكة بلا فرح ، ونتظاهر أن وجودنا خلو المعضلات ..

ولكننا عندما نخلو إلى أنفسنا ندرك أننا نحاول أن نخدع قاضياً لا يخدع..

لا نستطيع أن نحل معضلات وجودنا ..

ولكننا نستطيع أن نقتسم لحظة وردية فاتنة..

في تلك اللحظة نضحك .. وتجيء ضحكاتنا صافية كالخرير..

ونبتسم.. وتجيء ابتسامتنا مشرقة كالشموس..

نلعب على الرمل.. نعدو فنسبق ظلنا ، كما يقول ناجي..

نمتطي أراجيح النجوم.. ننزلق على تلال الخيال..

نزور مقاصير الشعر..نسافر على أشعة القمر..

سنقتسم هذه اللحظة الوردية الفاتنة ..

ومعها قليل من الحب..

ثمة حقيقية مؤكدة ثالثة ..

بقليل من الحب..

نستطيع أن نواصل السير في الرحلة المرعبة ..

بقليل من السعادة..

المرحوم غازي القصيبي,,,

راكان لمادخل بيت عمه قابل علي اللي سلم عليه ودخله المجلس الخارجي..

بعد دقايق دخل أبوعلي سلم على راكان ورحب فيه..

سألوا عن الحال والأحوال..وبعدها بدء راكان في الكلام المهم..

راكان\طلبتك يا عمي..

أبوعلي\عطيتك يا راكان..آآمرني ياولدي..

راكان\مايامر عليك مخلوق..أنت طلبت أأجل الزواج وأنا وافقت..

أبوعلي\ايه وأجلنا الزواج ل الصيف الجاي..

راكان\وأنا غيرت رأيي ألحين والزواج أبيه بعد الفطر وقبل زواج سهى..

أبوعلي\وش اللي غير رأيك وخلاك تستعجل..؟؟

راكان\عندي سفرة مهمة بعد العيد عشان الشغل وخاطري أخذ زوجتي معي..

علي بتأييد\من حقك ياراكان..

أبوعلي\بما أن البنت موافقة على الزواج فماضنتي موعد العرس بيغير شيء..

الله يبارك لكم يا ولدي..وأنا بأقول لهم يجهزون حالهم قبل العيد..

راكان\الله يبارك فيك ياعمي..مابقى وقت لازم نجهز للحفل..

ونخلص حجوزات من الحين..

أبوعلي بابتسامة\على القوة يا ابوووك..

علي\مبروك يا أبو الشباب أخيراً بتودع العزوبية..

راكان يبتسم\الله يبارك فيك عقبالك..

علي\هههههههههههههههه مادام معايا القمر مالي ومال النجوم..

ما أبدل أم عبدالله لبى قلبها..

راكان\والنعم في بنت حمد..

وبكذا تم اعلان موعد زواج راكان وغادة خامس أيام عيد الفطر السعيد..

قبل زواج سهى بأربعة أيام...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛

ظلت جالسة بمكانها لحتى طلعوا من الاسطبلات وتأكدت من ابتعادهم..

وقفت بتعب وقررت تطلع من الحضيرة ولاترجع لها مرة ثانية..

قربت من الفرس ضمتها وقبلتها على رقبتها..

وبعدها توجهت للمهرة مسحت على شعرها وتأملتها بحزن..

هديل\كنت أدري انه بيجي يوم ويأخذك مني..

سامحيني ياعسولة أنتي ملكه وله الحق يعطيك للي يريد..

غازي\ماهو بس عسولة اللي ملكي..

حتى مالكت عسولة تكون ملكي..

هديل مالفت عليه ولاناظرته..ألتزمت الصمت وأختنقت بالغصة..

حست فيه يفتح باب الحضيرة ويقرب منها..

ركزت نظراتها على عسولة ولاحظت يده اللي يمسح فيها على الفرس..

غازي بهدوء\المهرة لك ومابتصير لغيرك..

حتى لوكانت شوق تبيها ماراح تأخذها..

ماعطيتك اياها عشان أرجع أعطيها غيرك..

هديل ببحة\ما أبى عطاياك..

قفت تبي تطلع بس غازي منعها لما مسك يدها وقربها منه..

غازي\قلتلك من البداية هي لك وأنتي لي..

هديل\وأذكر أني قلتلك مو مصدقتك..

غازي\وأنا قلتلك مافيه شيء من غير مقابل..

سحبت يدها منه وخبتها وراها عشان مايمسكها مرة ثانية..

ابتسم على حركتها وتركها على راحتها..

غازي\بالنسبة للي صار من يومين..الوالدة ماعهدتها تضرب أحد أبداً..

وأنا أنصدمت من ردت فعلها معك..يمكن أنتي نرفزتيها..

أو هي ماتتحمل وجودك..

هديل بسخرية\أمك..وكأن ضربي مايرضيك..

غازي\صدقي أو لاتصدقي مايرضيني..

هديل\وضربك لي؟؟

غازي\قلتلك اشتري سلامتك بس أنتي تعاندي..

هديل بعبرة\الضرب ماهو حل..

غازي بصد\الحل بيدك وأنتي تقدري تنهي كل هذا..

هديل بحسرة\أنسى هلي..

غازي\وتتقبلي حياتك معي..

هديل\المعذرة لو صدمتك بقراري..

بس أنت ماتنحط بالميزان مع أهلي..

غازي\أنا خيرتك وأنتي اختاري..

هديل\المهم لاتنتظر مني أرجع الاسطبلات مرة ثانية..

ولا اهتم في خيولك..

غازي\لاتقرري بتهور..بكره تخسري عسولة..

هديل\ما أقدر أخسر شيء أنا ماملكته..

غازي\وتقدري تتركيها..؟؟

هديل\تركت هلي من قبل..وهذا يعني اني اقدر اتركها..

غازي\براحتك اهمليها أو اهتمي فيها..

هي مهرتك وماراح أسمح لأحد يقرب منها غيرك أنتي..

هديل\تهددني فيها؟؟

غازي\ما أهددك بس ماراح يقرب منها احد من العمال ولا يهتموا فيها..

وان هانت عليك اتركيها تموت..

هديل\لو رفضت ألحين بتضربني؟؟

غازي\لا..

هديل\بتعصب؟؟

غازي يبتسم\لا..

هديل\يكون بعلمك اذا أنا قررت أرجع هنا وأهتم فيها..

مو عشانك أو عشان خايفة منك..بس عشان عسولة..

غازي يهز راسه موافق على كلامها..

وصلت لباب الحضيرة تبي تطلع بس رجعت لفت عليه ولاحظت نظراته الغريبة..

اللي يناظرها فيها بأوقات نادرة..

هديل\وترى أختك أبد ماعندها ذوق..قالت عسولة مو حلو..

عاد من زين اسمها المعفن..

طلعت قبل لايرد عليها بس سمعت ضحكته وهي طالعة..

وأدركت انها أول مرة تسمعه يضحك..

الحمدلله يارب طلع يعرف يضحك متخلـــــــــــف..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

غادة بضيق\والله شكلي يفشل..

سارة\هههههههههههههههه الا يهبل..

غادة طنشتها ولا ردت عليها ..والبنات ضحكوا على سارة..

سارة\يامال الناقة اللي ترفسك يا غويد ضحكتيهم علي..

سهى\صراحة غدووو معك حق..لو منك ماأزور بيت زوجي قبل زواجي بشهر..

غادة توقف\بدت عروس النحس تعاير..بأروح بيتنا..

نورة\هههههههههه ماعيك منهم أنتي جاية تزوريني أنا..

غادة بنظرات نص عين\لبى الذرابة..ماعمرهم بيصيرون مثلك يا النوري..

سارة\وخزياااه جاية بيت رجلها قبل العرس بشهر وخزياااه..

غادة\أنتي كلي تبن وانطمي..

نورة\أدري يا غدوو لو ماكنت نفاس ماجيتي..بس هم يبون يهبلون فيك..

غادة\فديتك يا الغالية ماهان علي ماأزورك..بأتصل بعلي يمرني..

سارة\وليش تكلفين عليه ركون يوصلك..

غادة توقف\يا الله بنات أشوفكم على خير..

سهى\انتظري حتى يجي علي..

غادة بقهر\لو البعير هذي كافيتني لسانها كأن انا بخير..

سارة مفجوعة\أنا بعير؟؟؟!!

غادة\الحمدلله عرفت نفسها..مع السلامة..

طلعت من الغرفة بسرعة قبل لاتمسكها سارة..

نزلت الدرج ركض بس تفركشت وطاحت من سبع درجات..

سارة شهقت وركضت لغادة اللي كانت تصرخ من الألم..

سارة تحاول ترفعها\بسم الله عليك غادة صار فيك شيء؟؟

غادة بألم\آآآه رجلي رجلي تعورني..

سارة\ياربي وش السواة لايكون مكسورة..؟؟

غادة\آآآآآآه سارة رجلي..

سارة بصراخ\سهــــــــــــى..يوم� �ـــه يومـه

سهى نزلت لهم ركض..بعد ماسمعت صراخ سارة..

سهى\سارة عساك الوجع وش سويتي في البنت؟؟

سارة\شوفي أبوي وينه خلينا نوديها المستشفى يمكن أرجولها مكسورة..

واحد من عيال سارة دخل الصالة يصارخ وينشر الخبر..

راكان\وش تقول يا السكني؟؟

حسن\أقولك خالة غادة ماتت..

خرج من الصالة يركض بعد ما ابلش خاله..

راكان طلع من الصالة وسمع الضجة وصراخ البنات..

توجه ل الدرج بسرعة وشاف خواته جالسين ووحدة ماعرفها كانت مسدوحة..

راكان بصدمة\وش فيكم؟؟عسى ماشر؟؟

سارة\اا ه هذي غادة طاحت من الدرج واظن رجلها مكسورة ماتقدر تحركها..

لف بوجهه عنهم\طيب هاتوها السيارة أنا أوديها المستشفى بسرعة..

قرب السيارة من الباب وشاف سارة وسهى خرجون غادة ل السيارة..

فتح الباب الخلفي لهم..ثم دخلت سارة وغادة وتوجهوا للمستشفى..

كانت غادة تتألم بس تكتم صوتها ماتبيه يسمعها..

راكان بحدة\كيف طاحت؟؟

سارة\زلقت رجلها وطاحت..

راكان بعصبية\من الله يعني زلقت رجلها..

غادة انقهرت من نبرة صوته وحدته في الكلام..

أستاهل لو ظليت لحتى يجي علي يوديني أحسن من تفضله..

سارة\اذكر اله ليش معصب؟؟

وقف السيارة ونزل طلب كرسي متحرك جلست غادة عليه وهو دفها ودخلها المستشفى..

كانت سارة تمشي قريب منهم..

بينما كانت غادة ذايبة بملابسها من الخجل..

وتتحسب على سارة وراكان..

تم الكشف عليها ومعاينتها..

الطبيب طمنهم بان رجلها ماكانت مكسورة ولكنها بحاجة لوضع الجبس..

لأن العظم كان على وشك ينكسر..

استغرب راكان من شكل وجه الدكتور اللي ماكان يبشر بالخير..

راكان\طمني يادكتور كيف حالها ألحين..

الدكتور\أنت زوجها؟؟

راكان بابتسامة خفية\ايه أنا زوجها..

الدكتور\تفضل معي لوسمحت..

راكان مشى مع الدكتور للمكتب..وهو يفكر وش ممكن يكون في غادة..

لأن مافي باله الا أن رجلها مكسورة وبس..

الدكتور\الحمدلله حالتها زينة ألحين..

بس هي أجهضت الطفل..

راكان وقف مبهـــــــــــــوت من كلام الدكتور..

وينتظر منه يكرر كلامه..

راكان\نعم؟؟

الدكتور\ماكنت تدري ان المدام حامل.؟؟

راكان\أي مدام؟؟

الدكتور\زوجتك..

راكان\لازوجتي مو حامل..

الدكتور\يمكن ماعندكم علم بحملها لأنها توها داخلة الثاني..

راكان\زوجتي مو حامل يمكن ملخبط با الفحص أو شيء..

الدكتور\مو زوجتك هي غادة الجاسم؟؟

راكان مارد عليه ماكان يتحرك منه الا صدره اللي يرتفع وينزل من شدة الضيق..

أو عيونه اللي تحرق من تناظره..

طلع من المستشفى بسرعة البرق واتصل على علي..

راكان\تعال وخذ ..اختك من المستشفى..

قفل الخط وقفل جواله ومسك خط الشرقية..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛

كانت تدوور بغرفتها من شدة الألم اللي بأسنانها مو قادرة تتحمل..

هذي ثالثة ليلة وهي تعاني من نفس الألم..

حتى راسها وأذونها تضرب عليها بقوووة..

فتحت الباب ناوية تروح للقصر وتطلب من ماريا مسكن..

بس أول ماعتبت على الدرجات تبع الملحق..

شافتهم مجتمعين بالحديقة سمعت صوت سواليفهم وضحكهم..

كانوا مسوين باربكيو وكان غازي واقف على الفحم..

شوق قريب منه ومعها غازي الصغير..

أمه ورشا كانوا ع الطاولة..وماريا تجهز الطاولة للعشاء..

من دون احساس نزلت دموعها..

مع ان الألم كان لايحتمل بس مابكت منه..

الا أن شوفتهم على ها الحال مجتمعين ومبسوطين..

وكأنها غير موجودة..وكأنهم مايطعنوها بكل لحظة..

رغم قسوتهم وحقدهم...الا ان فيه مكان في قلوبهم للفرح..

طيب وأنا مايحق لي أفرح مثلهم..

مايحق لي اكون مع هلي وانبسط معهم..

جلست على الدرجة الثانية وماشالت نظرها من عليهم..

حطت يدها على خدها كتخفيف لوجع السن..

ماني حسودة بس أبي مثلهم..

طال فيها الوقت وهي تراقبهم..

جلسوا ع الطاولة وبدوء في الأكل

بس غازي واقف بعيد عنهم و كان يناظر باتجاه الملحق..

تجمدت بمكانها هي تدري انه مايقدر يشوفها لأنها في مكان مظلم..

بس بنفس الوقت شكت بأنها مرئية للجميع..

لا لا ما أبيهم يشوفوني كذا..

ما أبيه يحس بانكساري..

وقفت بسرعة ورجعت لغرفتها..حالفة ماتاخذ مسكن يهدي ألمها..

والله وجع السن أهون من هالطعنة المسنــــــــــونة..

وعلى ساعات الفجر ماعاد قدرت تتحمل أكثر..

طلعت من الملحق ودخلت القصر من باب المطبخ..

توجهت لغرفة ماريا دقت الباب ودخلت..

كانت نايمة ماقدرت تصحيها خرجت وجلست بالمطبخ تنتظر متى تصحى..

بعد ساعتين دخلت ماريا المطبخ وانصدمت من تواجد هديل..

ماريا\صباح الخير..مالأمر عزيزتي؟؟

هديل\ماريا أرجوكي أعطني مسكن سني يولمني..

ماريا\آآوه ياعزيزتي لماذا لم تخبريني من قبل..

كنت سأخذك الى الطبيب..

هديل\اريد مسكن فقط لم أنم من ثلاث ليال..

ماريا\حسناً سأحضره ياصغيرتي..

خذت المسكن ومن التعب ماقدرت ترجع لملحق..

دخلت بالغرفة اللي كانت تنام فيها صوفي ونامت فيها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛

عذبوني ياعلي وحالي خطير ..

فارد الذرعان مكسور الظهر..

لي عليهم يوم خلوني كسير ..

اصفق الخدين واشهق بالصدر,,

علي\والله يومه ضاق صدري منه طول اليوم وأنا افكر فيه..

الجدة\أضغاث أحلام يا أمك لا تفكر فيها..

علي\أنقطع قلبي عليها يومه والله اني مشتاق لها..

ابوعلي\منهي اللي أنت مشتاق لها..؟؟

أم علي\لايكون أم عبدالله توها رايحة الصباح ما امداك..

علي\هههههههههههههه فديت الطاري..

ابوعلي\يا ها الولد عليك حب لمرتك ماحبيته أنا أمك..

علي\أفا يوبه لو اني مكانك ماقلت هالكلام وزوجتي موجودة..

أم علي\الله يحفظه لي أدري بقلبه..

الجدة حمقت\ياوجه استح..

الكل ضحك على ام علي اللي فشلتها الجدة..

علي\الله يسعدك يومه فشلتي أمي..

أم علي\لو سلمتنا من شوقك لمرتك كان انا سالمة الحين..

علي\صح اني مشتاق لها بس ماكنت أتكلم عنها..

أبوعلي\أجل من تتكلم عنه؟؟

علي\عن المرحومة..

أبوعلي بهت أما ام علي قرت سورة الفاتحة واستغفرت..

الجدة\الله يرحمها سكر السيرة ياولدي..

أبوعلي\ليش وشهي السيرة؟؟

علي\مابه سيرة يوبه..أنا حلمت بهديل وضقت من الحلم..

أبوعلي وقف وجلس قريب من ولده وسأله بكل خوف..

ابوعلي بلهفة\كيف شفتها وشهو حالها؟؟

علي\شفتها بخير وماعليها خلاف..

ابوعلي\سألتك بالله العظيم قلي الحلم ولاتكذب علي..

علي بقهر\يوبه وليش تحلفني الله يسامحك؟؟؟

ابوعلي\تكفى ياعلي تكلم..

علي\لاحول ولاقوة الا بالله..

حلمت فيها تبكي وتبني بالرمل بيوت..

وتناديك أنت وعمي علي..أنا اصرخ لها وارد عليها..

وهي تقول طولت الغيبة يا أبوعلي..

وتردد كلمات كثيرة أغلبها عن انها تتوجع وتعبانة..

أم علي شهقت وهي تبكي\ياقلبي يابنتي..تصدق لها ياحسين تصدق لها ياعلي..

علي يضم امه\يومه صلي على النبي هذا حلم من الشيطان..

الجدة\لاتفكروا الا بالخير..ادعوا لها وتصدقوا والله رئووف رحيم..

ابوعلي وقف وطلع من البيت بكبره ومشى في الشارع من غير مايوعى على نفسه..

ياروح أبوك ياهديل وش اللي صايرن فيك..

وش اللي تبنينه بالرمل وش اللي بعدك ترتجينه مني..

ترتجين الرجوع..

واللي يأخذه الموت يرده..خذاك يا ابوي وماظنتي يردك..

والله أن تظلين حسرة بقلبي لين أموت..

حسبي الله عليه وعلينا..

حسبي الله ونعم الوكيل على ابوك اللي فرط فيك..

دخل المسجد صلى ركعتين لتحية المسجد وبدء يقراء القران عل وعسى يطمن الله باله..

اللهم كما رددت يوسف على يعقوب..رد لي ابنتي يا أرحم الرحمين..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛

غازي دخل المطبخ وهو يدور بعيونه عليها..

غازي\ماريا أين رسل؟؟هل رئيتها اليوم..؟؟

ماريا\يا للمسكينة نعم لقد رأيتها..

انها متعبة جداً كانت تبكي وهي تتألم..

غازي بحدة\وما اللذي يؤلمها؟؟

ماريا\قالت بأنها لم تنم منذ مدة بسبب ألم أسنانها..

غازي بعصبية\وهل اشتكت لكي من قبل؟؟لماذا لم تخبريني؟؟

ماريا\لم تفعل..لم تخبرني الا عندما استيقظت صباحاً..

كانت هنا تنتظرني كي اعطيها مسكناً..

غازي\أين هي؟؟

ماريا\نائمة بالغرفة المجاورة لغرفتي..

توجه غازي لقسم ماريا وفتح الباب..

دخل وماحست عليه..قرب منها ناداها وماردت..

جلس على السرير ورفع خصلاتها من على وجها الشاحب..

ناداها بصوت خافت\رسل..رسل

حركت رأسها فتحت عيونها بتعب..ناظرت فيه بلاوعي..

مسح على جبينها..وأول ماحست بلمسته بعدت عنه وجلست..

هديل ترفع شعرها وتلفه بشكل سريع وبارتباك..

مدت يدها لحجابها لكن هو سحبه قبلها..

هديل\خير وش تبي؟؟

غازي بحدة\أنتي اللي وش تبين؟؟

هديل\ما أبي منك شيء..

غازي بغضب\ولا تبين الطبيب؟؟

هديل\شكراً جربت طبك من قبل..ماعجبني..

غازي\أشوفك معصبة..

هديل بقهر\مالك دخل تدخل هنا وانا نايمة..

والحين عطني احجابي..

غازي\وش اللي يعورك؟؟

هديل\روحي منقرفة منك ومن أهلك..

غازي\وغيرها..؟؟

هديل\ولاشيء..

دفته يبعد عنها وقفت بس هو مسكها بسرعة..

سدحها بحضنه وقرب وجها منه..

حط يده على خدودها وفتح فمها بالقوة..

غازي\هششش ولا كلمة أي سن يعورك..

هديل حاولت تفلت من يدينه بس هو ثبتها أكثر..

سحبت وجها من يده بس ماقدرت تشيل نفسها من حضنه

هديل\اتركنــــــــي اتركني..

غازي يناظر بعيونها\الى هالدرجة..

تتحملي الألم وماتنامي وتظلي سهرانة تعاني..

أهون من انك تقوليلي أوديك الطبيب..

هديل والدموع بعيونها\ايـــــــــــه اهون..

غازي\وش اللي راح تستفيديه من عنادك..

هديل بعبرة\أعاقب نفسي..

غازي باستنكار\وش اللي سويتيه عشان تتعاقبي عليه؟؟

هديل ودمعتها طفرت من عينها\الجواب عندك ماهو عندي..

رفعها من حضنه بخفة وجلسها جنبة ع السرير..

حطت يدينها على وجها وهو وقف وقبل لايطلع..

غازي\أنتظرك بالسيارة فيه طبيب أسنان قريب من هنا..

خرج وهي لمت نفسها وبكت بصوت خافت..

دخلت عندها ماريا هدتها وساعدتها تلبس حجابها..

ماريا\ماكان لكي أن تنتظري طوال هذا الوقت..

لو أنك أخبرتيني ماكنتي تبكي من الألم الآن..

هديل بضيق\ما أبيـه يلمسني ماأبيــــــــــــــه..

يقهرني يقهرني مـــــــــــوت..

الله لايسامحه مايحقله مـــــــــايحق له..

دخلت الحمام غسلت وجها وهي تبكي من القهر والألم بنفس الوقت..

لبست حجابها وثبتته عليها..

كانت تبي تعاند وماتروح معه..بس هي تدري انها الخسرانة الوحيدة..

مافيه غيرها راح يتألم ويتوجع..

طلعت من القصر كان في السيارة ينتظرها مثل ماقال لها..

فتحت الباب وجلست جنبه من دون ماتنطق بحرف..

حرك السيارة بصمت وطلعوا من المزرعة..

صحيح هذي ثاني مرة تطلع من المزرعة بس هالمرة ماكانت مرعوبة منه..

وخايفة من ردت فعله مثل المرة الأولى..

لأنه هو اللي مخرجها مو صوفي..

الله يذكرك بالخير ياصوفي..ليتني هجيت معك..

طول الطريق والصمت هو سيد الموقف كانت مركزة عيونها على يدينها..

ما همتها المناظر الممتدة قدامها..

وكأنها كل يوم تشوفها..في هاللحظة كانت محتقرة كل شيء..

وربما كارهة كل شيء..

التفت عليه لما سمعته يكلمها..

غازي\فيه طبيب هنا..اذا مالقينه بنروح المدينة..

ماردت عليه..

وقف السيارة نزل وانتظرها لحتى نزلت ووقف جنبها..

مسك يدها مشى وهي جنبه..

لما دخلوا طلب الدكتور ومن حسن الحظ انه كان موجود..

ملى استمارة المريضة وقدمها للاستقبال..

اضطروا ينتظرون لحتى ينتهي الدكتور من المراجع اللي عنده..

وبكذا جلسوا جنب بعض في الانتظار..

كانت تبي تجلس بعيد عنه بس هو شد على يدها وجلسها جنبه..

هديل\ترى مافي بالي اهرب الحين..

غازي\ما أضمنك..

سكتت عنه بقهر ولفت وجها عنه..

طلبت الممرضة منها الدخول عند الطبيب..

كانت خايفة ماتبى تدخل لوحدها..

ناظرت فيه بتردد..

هديل\ادخل لحالي؟؟

غازي\هذي القوانين..

هديل\لا ما ابى ادخل لحالي..

غازي\لأبوا قوانينهم ماتدخلين لحالك..

سحبها معه وهي مقهووورة منه..

يعني كان ينتظرني اقوله ادخل معي..وهو بالاساس بيدخل..

ليتك تجلس ع الكرسي ويخلع كل ضروسك يا الســـــــــوسة..

لما جلست ع الكرسي رجع لها الخوف المزمن من طبيب الأسنان..

قرب منها الدكتور وطلب منها تفتح فمها بس هي هزت رأسها بالنفي..

استغرب منها وناظر في غازي اللي قرب منهم مستغرب من تصرفها..

كانت مسدوحة على الكرسي والنور مسلط على وجها...

غازي\وش فيك؟؟

هديل بخوف\خلاص صحت أسناني ماعاد يحتاج..

غازي بابتسامة\تلعبين علي..افتحي فمك بالطيب وخلي الدكتور يكمل شغله..

هديل\بس هو وش بيسوي يعني..يخلعه..

غازي\أول يشوف وش المشكلة بسنك وبعدين يقرر..

هديل\بس انا ما اتحمل البنج كثير..

غازي\بطلي كذب افتحي فمك خليه يشوف شغله..

بعد عنها وقال ل الدكتور يعالجها..

فتحت فمها بخوف وهي تقراء المعوذات..

الدكتور قرر يقطع أعصاب السن بعد ماضربها ابرة بنج..

بعد فترة اعلن الطبيب انتهاء عمله معها..

طلب منها الوقوف ببطء ..

ابتعد عنها وكتب في ورقة المسكنات اللي راح تضطر تستعملها هالفترة..

كان يتكلم مع غازي لما وقفت بخمول وتعب..

كانت تحس بدوخة وعدم تركيز في شيء..

مشت بصعوبة تمسكت بغازي وطاحت عند أرجوله مغمي عليها...

الى الملتقى باذن المولى جل وعلى..

يوم الجمعة ..

الصداقة..

هل تدرك كم أتعذب بصداقتك؟!

هل تدرك أنني لو ملكت حرية الاختيار لترددت طويلا قبل أن أدخل عالمك المزدحم صديقاً؟

أنت متعب .. وصداقتك متعبة .. وأنا أنتقل من تعب إلى تعب..

أنت متعب لأنك تصر على أن تكون أنت وحدك في عالم لا يعترف إلا بملايين النسخ المتكررة ..

وأنت متعب لأنك تستطيع ، دون أدنى مجهود ، أن تكون ساذجاً كملاح عجوز وعميقاً كفيلسوف محنّط..

وأنت متعب لأنك لا تثير في أحد أية مشاعر محايدة ..

لا تثير سوى الإعجاب الجارف أو الكره العميق أو الغيرة المتأججة..

وصداقتك متعبة ..

ذلك لأنك تمنح و لا تأخذ .. تزور ولا تزار..

تسأل ولا تتوقع أن يسأل عنها أحد..

صداقتك تعطي لوجه الله لا تريد جزاءً ولا شكوراً..

وأجيء أنا ، بعد هذا كله ، لأضيف تعبي إلى رصيد التعب المتراكم..

أُتعب نفسي وأتعبك عندما أحمل كل آلامك وأدفنها خنجراً مسموماً صغيراً في صدري..

أتعب نفسي وأتعبك عندما أخوض معك كل معاركك ..

حروبك الحقيقية ومغامراتك مع طواحين الهواء..

أتعب نفسي وأتعبك عندما أتصور الوجود بدونك..

ويذوق (( كلانا ثكل صاحبه قدماً ))..

ولكن!

عندما أعود إلى صندوقي السحري وأتأمل ما أملكه من كنوز الدنيا الفانية ..

أجد لؤلؤة بيضاء فريدة يخطف بريقها الأبصار..

أتعرف ما اسمها؟!

اسمها الصداقة .. أيها الصديق!

المرحوم غازي القصيبي,,,

بعد عنها وقال ل الدكتور يعالجها..

فتحت فمها بخوف وهي تقراء المعوذات..

الدكتور قرر يقطع أعصاب السن بعد ماضربها ابرة بنج..

بعد فترة اعلن الطبيب انتهاء عمله معها..

طلب منها الوقوف ببطء ..

ابتعد عنها وكتب في ورقة المسكنات اللي راح تضطر تستعملها هالفترة..

كان يتكلم مع غازي لما وقفت بخمول وتعب..

كانت تحس بدوخة وعدم تركيز في شيء..

مشت بصعوبة تمسكت بغازي وطاحت عند أرجوله مغمي عليها...

نزل لها بسرعة ورفعها عن الأرض سدحها على الكنبة..

غازي\بسم الله عليك..وش صارلك؟؟

رفع أرجولها لأنه أدرك اللي صار فيها بسبب البنج..

هي حذرته بس هو ماصدقها وفسر كلامها من الخوف بس..

خفف حجابها من عليها ومسح على وجها با الماء..

كان الدكتور يتكلم بس غازي ما عطاه اهتمام..

فتحت عيونها ورجعت تسكرهم حست بيده تضغط على يدها..

حاولت تتكلم بس تحس بثقل في لسانها ومو قادرة تحكي..

بعد دقايق فتحت عيونها مرة ثانية وكان قريــــــب منها..

رفعت يدها بشكل آلي وحطتها على صدرها..

بعد عنها شوي وهو مقدر حركتها..

غازي\كيفك ألحين..بعدك تحسي بدوخة؟؟

هديل بصوت خافت\ايـه..

غازي\هذا من البنج لاتخافين مافيه شيء..

هديل\قلتلك..

غازي\حسبتك تتكلمي من الخوف..تحسين بعوار في اسنانك؟؟

هديل\لا..

غازي وقف ومد يدينه يوقفها..جات بتبعد عنه لاكنه حاوط كتوفها بيده..

وأخذ الوصفة من الطبيب وطلعها من المركز بعد ماصرف علاجها من الصدلية..

هديل\ارفع يدك خلاص..

غازي\ولاكلمة..يا الله ع السيارة..

هديل بسخرية\لا باهرب..

غازي ثبتها على السيارة وقرب منها مـــــــــرة..

غازي\هذي ثاني مرة تذكري الهرب اليوم..

اذا سمعتها مرة ثالثة تحملي اللي بيجيك..

هديل حطت يدها على صدره تحاول تبعده عنها..

هديل\وجع ابعد عني..ابــــــعد..

غازي يقرب منها أكثر\تدرين الدكتور هاوشني بعد ما فقدتي وعيك..

هديل\ليته ضربك..

غازي بخبث\قال يمكن تكونين حــــــــــامل وانا ماادري والبنج يكون أذاك..

هديل شهقت برعب وعيونها في عيونه ونظراته الخبيثة تتأملها..

هديل كورت يدها وضربته على بطنه بكل قوتها..

غازي كتم ضحكته ويده على مكان ضربتها\هو قال ماهو أنا..

هديل دفته عنها\ينقال قولك و قوله الشايب المخرف..

يصلح نظاراته أول بعدين يتفلسف جعلك الماحي أنت واياه..

دخلت السيارة وقفلت الباب بعصبية..

الله يجلطك جلطتني حتى وأنا تعبانة..

غازي جلس جنبها وهو يحاول مايضحك على شكلها ولون وجها اللي كان أحــــــــــمر من الاحراج..

غازي\احـــم نروح المزرعة أو تحبين نتمشى..؟؟

هديل وهي لافة بوجها عنه\ما أبي منك شيء..

غازي\طيب ناظريني..وش رأيك نصير أصدقاء..؟؟

هديل\ما أظنك تعرف وش تكون الصداقة..

غازي\اذا ما أعرف أتعلم..

طنشته ولا ردت عليه..تحس روحها مخنوقة من الخجل..والقهر بنفس الوقت..

قال لا أكون حامل..لعلك تحمل همي يا الخبل..

مشى بالسيارة وتوجهوا ل المزرعة تمنت لو قالت انها ماتبي ترجع..

وتظل برا هالمكان لوقت أطول..تنهدت بضيق أول مادخلوا المزرعة..

غازي بعصبية\اكرهي هالمكان قد ماتقدري راح يظل ملاذك لزمن طــــــــــــــويل..

نزلت من السيارة بسرعة وهي مقهورة منه ومن نفسها..

هديل\عساك تتغرب ولا تلقى بلاد تضمك..

سكرت الباب بقوة وتوجهت للملحق..ما أمداها تقفل الباب لأنه دخل معها..

مسك يدها بعصبية وسحبها لداخل الملحق..سحبت يدها منه وضربته على صدره..

غازي\مهما حقدتي وتمنيتي ظلي تذكري مالك غيري ..

هديل بقهر\الله ياخذ الحاجة يوم ذلتني لك وخلتني أقبل معروفك..

غازي قربها منه وضغط على خدودها بقسوة وهو مسندها على يده الثانية..

غازي\مـــــــــــالك غيري..وراح تظلي طول عمرك معي وتحت يدي..

انسي الهرب والرجوع لديار نستك ودفنتك بالتراب..

ارضي بحياتك معي وانسي الماضي..

ماقدرت تبعد يده عنها زاد الألم بأسنانها من ضغطه عليها..

حطت يدها على يده كمحاولة لتخفيف شده عليها..

ترك وجها ورفعها من بين يدينه..وقفها وبعد عنها..

مشى يبي يطلع من الملحق بس التفت ..

غازي\هذي مسكنات الألم تستخدمينها يومين بس..

وبعدها راح أخذ الحبوب منك..

ماردت عليه ولا اهتمت لتهديده..كانت تفرك خدودها من بعد شده عليها..

غازي\قبل لا أنسى لازم تعرفين..

رفعت عيونها الحاقدة عليه..

غازي\رمضان كريم..

تجمدت عظامها واحتارت من اللي سمعته..اعتقدت انها تتوهم..

هديل\كـ ..كيف مـ متى...؟؟

غازي\بكره أول يوم..

هديل بعدم تصديق\بــ بكره رمضان؟؟

غازي\ايه بكره رمضان..الله يبلغنا صيامه..

طلع وتركها واقفة تنكر وتنكر ان شهر رمضان يبداء بكره..

كيف أقضيه من دون اهلي..ومع مين أقضيه..

ليش جاء وانا هنا..ليش تأخر أبوي..

لا ما أبى اقضي الشهر معه..

هو معه أهله وكلهم مع بعض..وأنا أظل لحالي..

يعني حتى فرحتي بشهر رمضان يسرقها مني..

يعني أصوم لوحدي..

طال فيها التفكير وتقليب الحال..

وكل ماطرى في بالها انها لوحدها..

زادت في الخوف والبكاء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛

كانت جالسة على سجادتها تدعي بالرحمة للبنت الميتة..

وتدعي بالهداية والرجوع للولد المسافر..

آآآآه ياتوئمي الله ماجمعكم بحضني من زمــــــــــان..

كانت دموعها ساكنة بعينها..مهما ابتسمت أو تناست..

تظل لمعة الحزن مرسومة فيها..

هذا قلب الأم ماينسى الضنا..

مؤمنة بحكمة الله..مؤمنة بالموت والقدر..

لم تعترض لم تسب الدهر..

ولكنها تحزن..

والحزن لا يعرف الرحيل أبداً..

وأشد الحزن..

هو اللذي يصاحب الموت..

فبعد أن يموت ذاك الغالي..

تقف حياتنا..تذبل أرواحنا..

نعيش لأنه مقدر لنا أن نعيش..

نتحرك..نعمل..نستمر..

ولكن نبقى سجناء الذكرى..

نعم الذكرى..

فهي الجسر الوحيد اللذي يجمعنا معهم..

أحبتنا من يسكنون العالم الآخر..

فالحنين اليهم يقودنا لذاك الجسر..

الذكرى’’’

دخلت غادة الغرفة بسرعة وقفلت الباب..

غادة\يومــــــــه يومــــــــــــه..

أم علي\يابنتي وش فيك..خفي على أرجولك لاتكسريها..

ناسية أن زواجك بعد العيد..

غادة تبتسم\ماعليك من أرجولي ألحين..عندي لك مفاجئة..

قبل لا تكمل كلامها دخل محمد الغرفة وانصدم من وجود غادة..

محمد\بسم الله..أمداك يا السكنية تطلعي الدرج أنتي وجبسك؟؟

ام علي\ياولد لا تنظل أختك..

غادة\ايه لا تنظلني..وبعدين أخرج أبى أمي بسالفة..

محمد\تعقبين أخرجي أنتي..عندي كلام أبى أقوله لأمي..

غادة\قل لها بعدين ألحين أخرج..

محمد\وش كلامك؟؟

غادة\قلي أول أنت وش موضوعك؟؟

محمد بنظرات شك\لايكون تبين تعلمينها عن....؟؟

غادة\لايكون موضوعك عن.....

أم علي\يامال الصلاح أنت وهي..وش عن هذا..تكلموا ولا طسوا..

غادة\يومه أبي البشارة..

محمد حط يده على فم غادة ومنعها من الكلام..

أم علي\محمد أترك أختك وش بلاك؟؟

محمد\لا أنا اللي بأعلمك..

عضته غادة على يده بس هو ثبتها ومنعها من الكلام..

أم علي\لاتعلمني ولا هي تعلمني..اخرجوا من عندي..

محمد\لازم تعرفين يالغالية..هادي أخوي بيجي بكره السعودية..

أم علي بفرح\وعزة الله يامحمد لاتكذب علي..

محمد\والله يومه هو كلمني وقالي..

وهذي السكنية سمعت الخبر ونشرته..

ام علي\هادي بيرجع؟؟

محمد\ان شاء الله يومه بكره الوصول ..

ام علي\يالله لك الحمد ولك الشكر..لك الحمد ياربي ياحبيبي..

والله اني تمنيته يقضي الشهر معنا..ماحبيته يقضيه لحاله..

غادة وهي تضرب محمد\الحمدلله يومه..الملك سمح للمبتعثين بأخذ شهر رمضان اجازة..

ام علي\عسى عمره طويـــــــــل عسى ربي يحفظه ويخليه..

يوم رجعلي ولدي وحس بشوقي له..

محمد\اللهم آآآآمين..

غادة\بأروح أعلم جدتي..

محمد يمسكها ويسدحها على الأرض وهي تصارخ..

غادة\محمد حرام عليك ما أعرف أوقف بسبب الجبس..

محمد\أحسن خليك مريحة بأروح أعلم عسوولة وراجع أقوومك..

خرج محمد من الغرفة وغادة تناديه بس مارد عليها..

غادة\يومه ساعديني..

أم علي تضحك عليها\ههههههههههههههه دواك يالملقوفة..

غادة\يومه ولدك بيكسرني وأنا وراي زواج..

أم علي تجلس على الأرض جنب غادة وتحط راس بنتها في حضنها..

أم علي\يعني رضيتي بموعد العرس..؟؟

غادة\رأيي ماعاد يهم ألحين..أبوي عطاهم كلمة..

أم علي\ليه أحسك زعلانة؟؟

غادة\أكذب عليك لو قلتلك اني مرتاحة..

مدري ليش أحس بالضيق وكارهة الزواج..

أم علي\اصدقيني القول ياغادة..أنتي تبين راكان؟؟

غادة\كنت من زمـان..بس ألحين ماظنتي..

أم علي\وش اللي مضايقك فيه؟؟

غادة\ماهو منه يومه..الله يشهد ماشفت منه شيء شين..

البلاء مني أنا..أنا ما أبيه..ماهو نصيبي..

أم علي\لا أنتي ولا أنا اللي نحدد النصيب ومن يكون..

هذا علمه عند رب العالمين..واذا كان راكان ماهو بنصيبك..

فما بتعيشون مع بعض ولا بتحبون بعض..

غادة\الله كريم..واللي كاتبه ربي بيصير..

والله ماني راضية بها الزواج ولا بطاريه..

كل ماتذكرت اني بأنزف لراكان اختنق صدري..

يمكن هو ماكان يحب هديل مثل ماقالت سارة..

بس هديل وش كان موقفها منه..

أكيد فكرت فيه وتخيلت انه زوجها..

كله من سارة ومني انا بعد..

كان المفروض أحذر سارة ماتعلق هديل براكان..

كان المفروض أحميها من خيال كاذب..

بس كل هذا الكلام مايفيد..مايفيد لأن هديل ماتت..

والأكيد انها رسمت حياتها مع راكان..

الله يسامحك ياسارة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛

سارة\عساني ما افقد طلتك ولا شوفك يا الغالي..

احسب حسابك تتسحر عندي الليلة..

راكان بحدة\قفلي الباب وتعالي..

سارة خافت من شكله..ومن نبرة صوته..

جلست قريب منه وهي تترقب كل كلمة بيقولها..

سارة\راكان وش فيك؟؟متى رجعت؟؟

راكان\توني واصل..

سارة\الحمدلله على السلامة..

راكان\بنت عمك متى آخر مرة شفتيها؟؟

سارة\غادة؟؟

راكان بغضب\وفيه غيرها الزفت..؟

سارة\راكان وش فيك عليها..وليش معصب؟؟

راكان\انكتمي وردي على سؤالي متى آخر مرة شفتيها..؟؟

سارة\أخر مرة شفتها بالمستشفى..لما جاء علي وصلوني البيت..

وبعدين راحوا على بيتهم..

راكان\أبيك توصلين لها الكلام..بعد الزواج تنسى الوظيفة..

سارة\كيــــــــــف..راكان أنت من جد تتكلم؟؟

راكان واقف بعصبية\وظيفة تكنسلها..

سارة\ماراح توافق..

راكان\غصب عليها..

سارة\يا أخوي وش فيك..صل على النبي..وشهو له كل هالتعصيب..؟؟

راكان\اللهم صلي على محمد..كلامي يوصلها..

سارة\وانا قلتلك ماراح توافق..

راكان\بتوافق..

سارة\أنا مو فاهمتك..

راكان\مافيه شيء تفهمينه..

سارة\راكان ليش معصب كذا؟؟

راكان\لأن ... لأنكم ..وش تبيني أقـــــول وش أقووول؟؟

سارة تمسك يده وتجلسه على الكنبة..

سارة\بسم الله عليك..ياأخوي خاف على نفسك..خاف على قلبك من العصبية..

وش اللي مكدرك ومضيق خلقك..

راكان\بنت عمك..

سارة\وغادة وش فيها؟؟وش اللي سوته؟؟

راكان\مـــا أبـــــــــيها..

سارة شهقت\وليش ماتبيها؟؟راكان أنت بنفسك قلتلي أنك تحبها..

راكان بغضب\عسى الموت يحبك ويحبها معك..

وقف وطلع من بيت سارة وهو بحالة عصبية شديدة..

كان يسوق سيارته بسرعة ممنوعة في الأحياء السكنية..

بس ابليس كان يوسوس له بالفكرة الشينة..

و لما يصلي ويرتاح يحسن الظن فيها..

ويقول ممكن يكون غلط طبي..

بس يرجع ويقول الدكتور اكد له على هالشيء..

هو متأكد من بنت عمه ويعرفها ويعرف تربيتها وماتسويها..

بس يناقض نفسه ويقول الشيطان شاطر..

والبنت يمكن انحرفت..

والأدهى من هذا كله أنها غادة..

هي اللي تدور حولها كل هذي الشكوك..

دوامـــــــــــــــــة عايش فيها وأفقدته التحكم بأعصابه...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛

كانت في مكتبه تتحرك بشكل سريع تخاف يدخل عليها..

انا ماعاد أتحمل والله قلبي محتاج..

مشتاقة ل الراحة والطمئنينة..

حتى لو ضربني ولو قطعني..

ربي بيكون معي..

كانت تفتش في أدراج المكتب الخاصة فيه..

لقت اللي كانت تبيه ومشتــــــــــــــاقة له خرجته من الصندوق الحافظ له..

سمعت باب المكتب ينفتح وقفت بخوف وخبته ورى ظهرها..

شوق بنظرات شك\أنتي وش تسوين هنا؟؟

هديل\ولا شيء أرتب المكتب..

شوق\ترتبي المكتب؟؟وش مخبية وراك؟؟

هديل\ولاشيء..

شوق بعصبية\طلعي اللي معك..

هديل\صومي وفكيني من شرك..

شوق\يعني ماتبين تطلعين اللي سرقتيه..طيب اوريك

وبصوت عالي صارت شوق تصرخ تنادي على غازي..

وفي لحظات كان غازي وأمه موجودين بالمكتب..

شوق\لقيتها تفتش بمكتبك ولما شافتني خبت شيء ورى ظهرها..

ومو راضية تعلمني وش يكون..

غازي يناظر بهديل\بس أنا متعود أخليها ترتب المكتب وين المشكلة..؟؟

شوق بقهر\هي سرقت شيء أنا متأكدة خلها توريك وش معها..

غازي\ماهي مجبورة توريني اللي معها..يمكن شيء خاص فيها..

شوق\لا مو خاص فيها..هو شيء لك وخذته من مكتبك..

أم غازي\شوق لاتتهميها زور..

شوق\يومه أنا ما اتهمها هي سرقت شيء ومخبيته..شوفيها..

غازي يقرب من هديل ويوقف جنبها وهي تراجعت ولصقت بالجدار..

وشدت على اللي في يدها..

غازي\وش اللي معك؟؟

هديل برجفة\ولا شيء..

غازي\عطيني يدينك..

هديل هزت راسها با النفي..

غازي يمد يدينه\هاتي يدينك..

هديل ناظرت بأمه ولا ردت عليه..

قرب منها وهي شهقت بخوف..

مسكها من كتوفها وبعدها عن الجدار..

ناظر من فوق كتفها وشاف اللي بيدها..

اشتدت يده على ذراعها بقـــــــــــوة..

مد يده وراها وأخذ اللي بيدها..

ناظر بعيونها بغضب..

غازي\لاتحمليني هذا الذنب..

نزلت راسها وهي تكتم العبرة..

هديل\والله أشتقت له..

غازي\يعني من أول ماجيتي هنا؟؟

هديل\أنت أخذت مصحفي ولا رجعته..

غازي بحدة\وليش ماطلبتيه مني..ليش ماقلتي انك تبين القرآن..؟؟

هديل تمسح دمعتها\مــ مم مدري..

غازي\ليش تحمليني هذا الذنب..ماكنت راح أمنعك من القرآن..

ماردت عليه..مسك يدها وحط المصحف عليها..

بعد عنها وسمح لها تمشي..بينما كان الغضب مسيطر عليه..

كانت تدري انه يتمنى لو يضربها..لكن هو صايم وماراح يسويها..

مرت من جنبه بسرعة وكانت بتطلع من المكتب لما سمعت شوق..

شوق بكراهية\لايمسه الا المطهرون..

ظلت واقفة بمكانها ماكان لها ردت فعل..حتى انها ما التفتت عليها..

لكن اللي أجبرها تلتفت صوت الكف اللي شق الصمت..

شوق مصدومة\تضربني ياغازي..

غازي بغضب\وأذبحك ان سمعت مثل هالكلام..

شوق تبكي\لكـــن هي تستــــــ

غازي بصوت عالي\ولا كلمة..اوزني كلامك قبل تنطقينه..

ولا وعزة الله ياشوق مايصير لك طيب..

شوق خافت منه وطلعت من المكتب وهي تركض وتتوعد في هديل..

خافت منه..دائما كانت تخاف بس هالمرة غير..

صح دافع عنها لأنه يدري أنها طاهرة ومافيها من كلام اخته..

بس خافت لأنها شافت قسوته على غيرها..

خافت من عصبيته..ماتمالك نفسه وهو صايم وضرب أخته..

ضمت المصحف بشدة وتراجعت على ورى لما ركز نظراته عليها..

تقدم منها خطوتين لكن يد امه منعته من اكمال طريقه باتجاه هديل..

طلعت من المكتب بسرعة وهي خايفة لا يمسكها ويضربها..

أكيد معصب لأنه ضرب أخته بسببي..

أكيد بيضربني..

قفلت على نفسها ب الملحق وهي تبكي وضامة المصحف..

تماسكت غسلت وجهها صلت ركعتين وبدأت تقراء..

كانت ترتل بصوت مبحوح..

ولما تتمكن منها العبرة كانت تخفت الصوت..

قرئت ثلاثة أجزاء وبعدها اضطرت تقفله لأنه حان وقت الافطار..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

هادي\ترى ماصارت من أول ماجيت وأنتي مسحبتني في الأسواق..

غادة\يعني وش تبيني أسوي مع من أروح؟؟أنت أخوي ملزوم فيني..

هادي\جب ياملزوم فيني لا أكفخك..

غادة\يا أخي اخدمني قبل أتزوج وتتحسر على فراقي..

هادي\ههههههههههه حلوة أتحسر من حلاتك..

غادة\المهم فحط لو سمحت على الفيصلية..

هادي\تهبين ما تدخلينها تبين مكان ثاني من عيوني..

غادة\لا ما ابي الا الفيصلية..هادي خل عقدك لبعدين..

هادي\الفيصلية روحي لها مع محمد أنا لا..

غادة\مالت عليك وعلى محمد..لما قلتله يقول أخوياي مصيفين في الفيصلية..

هادي\هههههههههه والله صادق ما الومه..

غادة\بأقول لأبوي يوديني لها..

هادي\طيب انزلي وانا اركن السيارة وأجيك..

غادة\لا تروح وتخليني أعرفك نذل..

هادي\طسي يا المكسورة..فيه بنت أرجولها مكسورة تنطط بالأسواق..

غادة بقهر\ايه البنت اللي وراها زواج واخوانها سخيفين..

نزلت من السيارة ودخلت المجمع أما هادي راح وركن السيارة في المواقف الخاصة..

ماحبت تظل تنتظره عند البوابة..

كانت تمشي ببطء عشان ما احد يلاحظ عرجها بسبب الجبس..

دخلت محل للعطورات وأختارت مجموعة كاملة..

وأختارت مجموعة مركزة لأمها..

كانت بتطلع لكن عند باب المحل كان فيه شباب واقفين وملتهين بجوالاتهم..

ظلت بالمحل عشر دقايق زيادة تنتظرهم يتحركون لكن ماكان لهم نية..

أتصلت في هادي وطلبت منه يجيها في المحل..

شلفت هادي واقف ويتكلم مع الشباب وطلب منهم يبعدوا عن الباب..

طلعت مع أخوها وتوجهوا ل الدور الثاني كان هاي يتقدم عليها بسبب بطئها في المشي..

وهي تتوعد فيه وهو يضحك عليها..

بس ما أحد منهم لاحظ الشخص اللي يراقب كل حركات غادة..

ويراقب حركات اللي يتبعون غادة..

يعني متقصدة تتأخر في مشيتها ويروح عنها أخوها..

تبي عيال الحرام اللي وراها يكلمونها ويتعرفوا عليها..

هذي وشهي من جنسه ماعندها قلب..ماتخاف..

الأكيد أنها تدري اني راح أعرف كل شيء بعد الزواج..

بس أبداً مو مأثر عليها الوضع..

تبي تصاحب من جديد وتتعارف..

من دون احساس باللي هو يسويه..

توجه ل الشباب اللي يلحقون غادة وبداء فيهم ضرب..

وكردت فعل من الشباب بادروا بضربه..

ألتفتت غادة على صوت الهواش بس ماعرفت أحد منهم..

بعدت عن المكان ولصقت بهادي..

لكن هادي أول ما شاف راكان بين أربعة ويتضارب معهم..

ركض لهم وبدء يضرب مع ولد عمه..

تجمعوا الناس حواليهم وجات الشرطة فرقوهم عن بعض..

راكان يتوعد ويهدد والشباب يصارخون يبون يضربونه لانه هو بدء عليهم..

كانوا الشرطة راح يسحبوهم للمركز لكن تدخل شخص مهم كان متواجد في المول..

وتكفل فيهم وطلب منهم يتركون الشباب هالمرة..

غادة كانت مرعوووبة ومتجمدة على الكرسي..

فز قلبها لما شافت شخص ثوبه معفوس وشماغه طايح على كتفه يقرب منها..

ماكانت مصدقة عيونها هذا الشخص ماكان الا راكان..

راكان\آخر مرة تنزلي أسواق من دون سارة فاهمة؟؟

ماردت عليه ولاهو من تربيتها ترد على شخص غريب عنها..

حتى لو كان ولد عمها وتحت مسمى خطيبها..

وبكره يصير زوجها..

راكان\ولاتدرين بلاش سوق ونفاق..

تركها بعد ماشاف هادي قريب منهم..وصى هادي وقاله يراقب أخته زين..

اللي فهمه هادي ان راكان عصب من الشباب وملاحقتهم لغادة..

ولا كان يدري بالمعنى الحقيقي من كلام راكان..

بينما غادة فقدت رغبتها في التسوق وطلبت من هادي يرجعها البيت..

وكل اللي في بالها معاملة هالشخص لها..

هذي مو معاملة رجل يحب..

هذي معاملة رجل يكره..

يــــــــــــكرهـ ..

كانت جالسة على الطاولة في المطبخ تناظر الأكل اللي قدامها بجمووود..

ماتحب تأكل في القصر يكفيها القليل وتكون في الملحق فقط..

حاولت تأكل لكن نفسها مارضت الا بكأس ماء وقطعة خبز صغيرة..

مع ان ماريا محضرة أطباق شهية من اللحم والخضار..

وحساء الدجاج..أنواع من المقبلات..

وكل شيء يكون جاهز قبل وقت الافطار..

ماريا كانت تتذمر من تغير أوقات الطعام لكن تعودت عليها..

وجبتين في اليوم افطار وسحور..

أحياناً كانت تساعد ماريا في الطبخ..

وأحيان كانت تمتنع من دخول المطبخ لأنها تشوف أم غازي موجودة فيه..

وهي سرحانة حست بوجود أحد معها في المطبخ..

رفعت راسها بسرعة وبعدها نزلت عيونها..

أم غازي دخلت المطبخ وماكانت تتوقع تشوف أحد فيه..

من شكلها أنصدمت من وجود هديل..

مافكرت من قبل هديل وين تأكل أو مع من..

لأن الأمر مايهمها..ولا يعنيها..

توجهت ل الثلاجة أخذت حبة اسبرين وشربت ماء..

وقفت هديل وكانت راح تطلع من المطبخ لما سمعت أم غازي تكلمها..

أم غازي\كملي أكلك..

هديل ناظرته\الحمدلله..

أم غازي تناظر بأكل هديل وترجع تناظر في هديل..

هديل\تأمرين على شيء؟؟

أم غازي\ممكن بعد الصلاة تجيني في المكتب؟؟

هديل\ان شاء الله..

خرجت من المطبخ وهي تتسأل وش اللي تبيه منها وليش طلبتها..

هاوشت نفسها لانها تفكر..

ماتعبتي من التفكير مهما تسألتي ماراح تعرفي وش تبي..

أكيد شغل أو غثاء..

دخلت غرفتها صلت صلواتها وقرئت من القرآن جزئين..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛

رشا تضحك\هههههههههههه أنتي ماتبين أجرك يتم..؟؟

شوق\لااا ان شاء الله يتم..

أم غازي\أجل خلي عنك التحلطم..

شوق\يــومه وأنا وش قلت..هو صدق لو قضينا هالشهر في السعودية كان أحسن..

النهار هنا طويـــــــــــل مايخلص..

أم غازي\الصوم واحد هنا أو في السعودية..

شوق\المهم علمي ولدك أخر رمضان نقضيه هنا..

رشا\لا بيكون اخر رمضان تقضينه معنا والجاي مع زوجك..

شوق\وش جاب الطاري ألحين ؟؟

رشا مبققة عيونها\تزاعلتوا؟؟

شوق\ايه..

أم غازي\ومبسوطة..؟؟

شوق\ايه..

رشا\ولا يهمك يومه بعد شوي ترجع تعقل..

شوق\لا تزاعلنا وطلبت الطلاق..

أم غازي\هددتيه بالخلع مثل آخر مرة؟؟

شوق\لا الطلاق أحسن..

رشا\ههههههههههه رباااك مزبوط

شوق بقهر\انطمي..

انطق الباب ودخلت هديل..سلمت بهدوء..

وتركزت نظراتهم عليها..

رفعت راسها بتحدي وقربت من أم غازي..

هديل\آآمري..

أم غازي\اجلسي..

شوق\يومـــــــــه..

أم غازي\نعم..

شوق\وش تبين فيها؟؟

رشا\محتاجة شيء أجيبه لك؟؟

أم غازي\مو محتاجة شيء..شكراً..

هديل\مقدر أجلس عندي شغل..تأمرين على شيء..

أم غازي\ما أبى شيء..

هديل\أجل المعذرة منك عن اذنك..

شوق وتتمنى تقهر هديل بعد ماضربها غازي بسببها..

شوق\الا اريد أسألك؟؟

هديل بقرف\ما أتشرف..

شوق\أفا من زمان توسلتي لي أتكلم معك..

هديل بسخرية\زمان يعني من كم قرن؟؟

شوق\أخوك هادي يسلم عليك ومحملني أمانة لك..

بهتت بمكانها وأنسحبت كل معالم القوة من وجها..

لأن الكلام هذا مو غريــــــــب عليها واسم هادي يتررد بالمكان..

دخل غازي وتفاجاء من وجود هديل..

كانت أخر مرة التقوا فيها قبل تسعة أيام..لما أعطاها مصحفه..

شوق تكمل وبكل حقد\يقولك وافقي على الشرط وهو لما يرجع السعودية..

راح يبطل الشرط لأنه ممنوع في الدولة..

هديل بصدمة\مــن وين عرفتي كل هذا؟؟

شوق\مرحبا أنا جومانة ههههههههههههههههههههههههه ههههه

هديل\كـ ييييف جومانة أخت صاحب هادي؟؟

شوق بابتسامة\لا جومانة هي شوق أخت غازي..

غازي بحدة\شـــــــــوق ..

هديل ألتفتت على غازي وهي متأملة في..

متأملة يكذب شوق..لكن هو ماقال شيء..

ما أنكر ولا أثبت..

ظل صامت وهذا يذبح أكثر وأكثر..

هديل قربت منه وهي تهمس بصوت مخنوق..

هديل\أنت؟؟

غازي مارد عليها..مد يده مسك يدها وكان بيطلعها من المكتب..

بس هي سحبت يدها منه بسرعة..

هديل بعدم تصديق\قالت هي جوومانة هي تكذب؟؟

غازي\تعالـي..

هديل تبعد عنه وتردد سؤالها..

مارد ولا رد ولا رد..

ماتحكمت بدموعها..

غصب عنها أنهارت وصرخت..

هديل بصراخ\أخوي مايدري عنــــــــــي..

معقولة هادي مايدري أنا وين..مايدري اني مسجونة هنا..

كنت أتامل فيه..كنت أنتظره يوفي بوعده..

والحين كيف يوفي بوعد هو ماقطعه ولا تعهد فيه..

أخـــــــــوي هادي مايدري..

غازي\ايه مايدري..

حطت يدها على فمها وهي تشهق أكثر..

هديل\هذي جومانة؟؟

غازي\ايه جومانة هي شوق..

هديل\وأنت صاحبه؟؟

غازي\افتراضاً..

دارت بمكانها وهي تناظر فيه وفي شوق..

ماهي مصدقة ولا متقبلة الكلام..

تقدمت من أم غازي وجلست على ركبها عندها..

هديل بنــوح\شفتي عيالك وش سوو فيني؟؟

شفتي كيف خدعوني وكيف من أبوي خذوني..

أوهموني بكذبهم..علقوني بسراب..

ليـــش ربيتيهم على القسوة؟؟

وش تعرفيـــن من الأمومة؟؟

صدت أم غازي عنها تخفي دمـــوع ماقدرت تكتمها..

وقفت وهي تهددهم وتصارخ فيهم..

هيل\خلااااص أنا بأرجع لأهلي..بأرجع لهم..

أنتوا ماتخافون الله ماتعرفونه..

ناس مايخفون الله ينخاف منهم..

أنا بأرجع لأمي لأبوي وهلي..

ما أبي أظل معكم ما أبي..

أنا لو فقدت أخوي بأبكي عليه..

بأذكره ومابأنساه..بأرتجي ربي يجمعني واياه بالجنة..

مستحيل أسوي سواتـــكم..

أنتوا مو بشــــر مو بشــــر..

خرجت من المكتب وهي تركض..طلعت من القصر متوجهة للبوابة..

لكن يدينه وثقتها وثبتتها با الأرض..

هديل بصراخ\ابــــــعد يا حقير ياكــــــلب..

الله لايسامحك الله لا يسامحك..

حرمتني من أمي قهرت أبوي..

خذيتني بالظلم والحقد..

قهــــــــرتني الله يقهرك..

غازي يضمها بقــــوة\اهدي خلاااص اهدي..

هديل بصراخ\هــــــــــــــــــ� �ــــــــــــــادي..

هــــــــــــــــــــادي..

لماذا أعيش

لماذا أودع يوما وأرقب يوما

ويدفن عام ويولد عام

وما في الحياة جديد

تمر على الليالي

مكفنة بوجوم عميق

تراقص فيه ظلال الملل

سجون مغلفة بالأسى

تسمى حياة

وماذا أريد

مصابي ..أني أجهل ماذا أريد

المرحوم ,,غازي القصيبي ’’’

خرجت من المكتب وهي تركض..طلعت من القصر متوجهة للبوابة..

لكن يدينه وثقتها وثبتتها با الأرض..

هديل بصراخ\ابــــــعد يا حقير ياكــــــلب..

الله لايسامحك الله لا يسامحك..

حرمتني من أمي قهرت أبوي..

خذيتني بالظلم والحقد..

قهــــــــرتني الله يقهرك..

غازي يضمها بقــــوة\اهدي خلاااص اهدي..

هديل بصراخ\هــــــــــــــــــ� �ــــــــــــــادي..

هــــــــــــــــــــادي..

كانت تتحرك بين يدينه تبي تبعد عنه وهي تصرخ فيه..

ماتركها ولا تأثر بضرباتها عليه..

لفت بجسمها وصار ظهرها على صدره..

مشخت يدينه بأظافرها بس ماتركها..

صرخـــــــــــت بقهر ..

وماكانت تنادي الا اسم هـــادي...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛

في نفس الوقت في بيت أبوعلي...

كانوا جالسين في الصالة يشاهدون أحد المسلسلات الرمضانية..

مدت عليه غادة بالحلا مع فنجال قهوة..

بس ماقدر يمد يده ويتناول منها..

حس برجفة قويـــة بعظامة..

ضيقة تكتم صدره..ماقدر يتنفس..

وكأن كل الأكسجين ينسحب من حوله..

وقف من غير توازن..

كان يشهق يبي يتنفس..

بس ماقدر..

مشى وهو يترنح يبي يطلع لحديقة البيت..

الكل أنتبهوا عليه بس ماعرفوا اللي يصير فيه..

خرج وراه أبوه واخوانه..

كان جالس على ركبه فك أزارير ثوبه..

قطع فنيلته من أعلاها..

وكأنه باللي يسويه راح يقدر يدخل الهواء لصدره..

أحساس أول مـــرة يحس فيه..

وكأن روحه تنازع..ومستعدة توادع..

حس في أبوه لما سدحه على ظهره وهو يسمي عليه..

اخوانه كانوا يصارخون عليه يبونه يتكلم معهم..

دموعه من دون شعور منه صارت تنزل بحرارة..

سعل بشكل متكرر وحس بطعم الدم في حلقه..

أبوعلي\بسم الله عليك..هادي ياولدي وش فيك؟؟

وش اللي صاير لك؟؟

علي\يوبه وجهه ل القبلة..لقنه الشهادة يوبه..

أبوعلي ناظر في ولده علي بصدمة..معقولة ولدي يودع..

حانت ساعة الموت..

محمد وصل عندهم وهو يركض بعد مامنع غادة من الخروج وراهم..

صب كاس ماء على وجه هادي..

كانت ردت فعله شهقة قويـــــة ومن بعدها رجوع الهواء لرئتيه..

أبوعلي\ايه ايه تنفس يا أبوووك تنفس..

هادي حط يده على قلبه..ويحس بخفقان شديد..

علي\لازم نوديه المستشفى يوبه يمكن القلب فيه شيء..

دخل علي ومحمد البيت بسرعة عشان يودون أخوهم المستشفى..

هادي\يو..به

أبوعلي\لبيه يا هادي..

هادي\وش اللي صار فيني؟؟..

أبوعلي\أنت وش تحس فيه..وين الوجع في قلبك؟؟

هادي\في روحي..أول مرة أحس بها الضيقة..آآآهـ وكأني مخنوووق..

أبوعلي\سلامتك مابه شر..

هادي\روحي ماعادت تبيني..وش اللي صار فيني يوبه..

أحس بأحد يناديني..أحس أنها هديـــل والله هديل..

نزلت دموعه من الشوق..ومن احساسه فيها..

أرتخت يدين أبوعلي من سمع أسمها..

هذا منها..تناديــك..حسيت فيها تناديك..

وش اللي هي تقوووله..

تناديك تبي فزعة..ولا تناديك شوق..

حسيت بتوئمك..حسيت بروح أبوها..

وش اللي صايرن فيك يا أكبر ذنوبي؟؟

محتاجة أخوك..محتاجتن هلك..

رفع راسه ل السماء ودموع القهر بعيونه مرسومة..

أبوعلي\اللهم رحمتك يا أرحم الراحمين..

علي شال أخوه وركبه السيارة..

ومحمد كان ساند أبوهـ اللي مغمض عيونه..

علي يمسك يد أبوه\يوبه وش فيك؟؟

أبوعلي\مافيني شيء..أخوك اهتم فيه..

محمد\تعال نوديك الدكتور يمكن الضغط انخفض عندك..

أبوعلي يبعد عنهم وتوجه لبيته\مافيني شيء..وداعة الله..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛

تعتبت من البكاء والصراخ..

ضربته مشخته رفسته بأرجولها..

بس كان أقوى منــها بكثير..

ماتأثر بضرباتها المفزوعة..

ولاصرخاتها المتكررة..

هدأت مقاومتها له..

وأستسلمت لأسرها بين يدينه..

هديل بصوت مبحوح\وش مخبي بعد؟؟

وش سويت فيني أكثر؟؟كم طعنة بعدك مخبيها؟؟

مارد عليها..وقف وشالها عن الأرض..

خبت وجها في صدره وهي تبكي..

دخلها غرفتها نيمها على السرير..

حاولت توقف بس هو ماسمح لها..

جلس جنبها وثبتها على فراشها..

كانت تشهق بصوت عالي وكأن الهواء ماله وجود..

غمضت عيونها بقوووة وشهقت أكثر ..

لما سمعت القرآن الكريم بصوت الشيخ السديس..

من جوال غازي..اللي شغله وحطه جنب رأسها..

عضت على شفايفها ودموعها ماوقفت حتى وهي مغمضة عيونها..

أرتجفت غصب عنها بسبب كتمها لشهقاتها..

حست فيه يلحفها بمفرشها ويقرب منها أكثر..

لكن ماأثار قربه منها أي من حقدها وخجلها..

لأن روحها الملكومة كانت تناجي الله بصمت..

وهي تستمع الى أطهر وأعذب الكلام..

بصوت يشرح القلب..أيمان يهدىء النفوووس..

والأهم كلمات العزيز الجليل تنساب لأقصى الروح..

يقولون بأنه لايوجد دواء للحزن..

أوليس كلام الله دواءً ومواسياً..؟؟

أوليس كلام الله مخففاً للهم والكروب؟؟

ألا بذكر الله تطمئن القلوب..

كان هذا علاجاً كافياً لقلب أسير..

يحمل شوقاً وحزناً كبيراً..

قلباً مزقه اليأس والحرمان..

هدأت نفسها وخفت الشهقات لحتى أختفت..

مع انتهاء السورة الكريمة..

فتحت عيونها وشافته يناظرها..

كانت نظرات الشفقة والرحمة..

هديل\ماكنت اعرف وش معنى كلامهم لما يقولون..

يقتل القتيل ويمشي بجنازته..

أنت خير مثال لهذا الكلام..

غازي\ماكنت أبيك تدرين...مو خوف منك..

الا خوف عليك..

هديل\لو حلفتك بالله العظيم..

تعلمني وش مخبي علي أكثر من كذا..

غازي\رسل..

هديل بغصة\الله يأخذ رسل ويحرق قلبك عليها<<هديل تقصد نفسها بها الدعوة..

غازي\الله خذاها من زمان..

هديل\لا بعدها موجودة قدامك..ماخذاها منهو أرحم فيها منك..

غازي\تبين تموتين مثل رسل..

هديل\ما ألومها لو ماتت من يعيش معك مايخلصه الا الموت..

غازي\بس كنت أحبها وهي تحبني..

هديل\غبية ماكانت تعرفك صح..

غازي\لاتسبوا الأموات..

هديل\وتفتكر أني ممكن أصيرمثل رسل؟؟

غازي\لا ما أبيك تصيري رسل..

لأنك لو فكرتي تصيري مثلها ماراح أسمحلك..

هديل\ولأنه مايشرف..

غازي\لاتغلطي عليها..

هديل\عساها حرقة بقلبك لآخر يوم بعمرك..

غازي\بتظل حرقة من دون وصاتك..

مافيه أحد يقدر ينسى ضناهـ ..

هديل بعدم تصديق\ضناك؟؟

غازي\رسل بنتي..

هديل أنفجعت من كلمته ومن تصريحه..

رسل تصير بنته..

وبنته ميته الله يرحمها..

هديل\بنتك..؟؟

غازي\ايه بنتي توفت من ثلاث سنوات..

هديل\الله يرحمها..

طال الصمت..

وكل منهم أبعد بتفكيره عن الثاني..

بس هديل قطعت الصمت باللي كان يدور في بالها..

هديل بعبرة\ليش سميت وحدة مجرمة وقاتلة جارية عندك سميتها باسم بنتك؟؟

غازي\لي أسبابي..وهذي الأوصاف ماهي أوصافك..

هديل بقهر\ليـــش سميتني باسم بنتك؟؟

غازي\لأني كنت أريد أحيي الاسم من جديد..

كنت أريد أنادي اسم بنتي..

ولأني فقدت بنتي وأنتي فقدتي أبوك..

صرنا نشبه بعض..

هديل بدموع\لا مانشبه بعض..

أنت بنتك ماتت وأنا أبوي حي..

مانشبــــــــه بعض أبداً..

غازي بحدة\لا فيــــه شبه..

بنتي ماتت وأنتي يابنت أبوك ميته..

هديل\ما أموت دامني دين في رقبته..

ماأموت وهو بيقابل فيني رب العباد..

ما اموت والغالي يدورني بكل مكان..

غازي\أنتي بتذبحي نفسك بأوهامك..

هديل ضربته على كتفه وقامت من على السرير..

هديل\خلني أذبح نفسي..

اهون من طعناتك وغدرك يا الخاين..

غازي\خاين؟؟

هديل\ايه خاين وحقير..ولا اللي يسوي سواتك وش يسمونه..

نـــــذل وغشـــاش..تطعن بالظهر..

خدعتني لما أرسلتلي كلب الحراسة أختك..

خدعتني أنت واياها..

الله ينتقم منكم..

وقف وتوجه لها..كتف يديها وحط كفه على فمها..

غازي\خفي من دعاويك ترانا برمضان..

هديل تحاول تفك نفسها عنه بس ماقدرت..

داست بأرجولها على رجله...

رماها على سريرها وهو يصرخ عليها..

غازي\أصحي على حالك..

أنتي مو بزر لازم تفهمي ماعاد لك أهل..

أنتي مالك غيري..ومهما صارختي وعاندتي ..

في النهاية بترضين..ما ابيك ترضين وأنتي محطمة..

بتكملي سنة وأنت تفكري فيهم وتطرينهم..

وهم مادروا عنــــك..اصحــــــــــــــ ـــي..

هديل بصراخ\لا ولا ألف مرة..

مابرضى ومابأصدقك..أنت مجنون مريــــض..

معقـــــــد..تبيني أنسى أهلي وأظل طول عمري أسيرتك..

مستحــــيل..أبوي وهادي وأخواني بيجون وبياخذوني منك..

بيرجعوني لأنهم أهلي..وانتوا الحقد بياكل قلوبكم بتموتوا من القهر..

لأنك ماربحت شيء.ما أنتقمت لأخوك ولا قهرت هلي..

بأرجع لهم وأنت الخسراااااااااااان..

بنظرات غضب تقدم منها مسك ذراعها بقوة وهزها بعنف..

غازي\أجل ماربحت شيء؟؟

هديل بكره\ماربحت الا الخساير..

غازي بغضب\قلتلك أشتري سلامتك بس انتي ماتفهمين..

لف يدينه حوالينها وقربها منه..وهي كانت تضربه وتصرخ فيه..

حست بقبلاته على وجها بس كانت تقاومه بشدة..

حاولت تبعد وجهه من رقبتها بس ماقدرت..

تملكها الرعب والرجفة..

سبته شتمته..نادت امها وأبوها..

حفرت أظافرها فيه..

صرخت بأعلــــــــى صوتها لما حست فيه يشيلها من الأرض..

ويسدحها على سريرها وهو قريب منها..

.....\غازي أتركها..

صرخت هديل\يومـــــــــــــــــ� �ه..

أم غازي\وعزة الله عليك تتركها..

هديل تبكي\أبعديه عني تكفييين خليه يتركني..

غازي يهمس بأذونها\المرة الجاية ماأحد بينقذك مني يا جاريتي..

تركها وهي تبكي ولامة نفسها بيدينها..

خرج من الملحق وأمه ظلت واقفة تناظر في هديل..

هديل بخوف\رجعوني لهلي..حـــرام عليكم رجعوني...

أم غازي\لاتثيري أعصابه عليك..

هديل تبكي\تكفييين تكفييين رجعيني لهلي..

ولدك ماهو بصاحي مجنوون..

أم غازي\هذا نصيبك..

هديل\تصيبونه بمصيبة وتقولون نصيبه..

وين بتروحون من الله..؟؟

أم غازي\مهما صار تذكري أنك ملكه..

هديل برعب\أنتي ماتخافي على ولدك..

ماتخافي ربي يعاقبه على الحرام..

اذا ماتبين تبعدينه عني عشاني..

بعديه عشان نفسه..ربي بيغضب عليه..

والله بيغضب عليه..

خرجت أم غازي من دون ماترد عليها..

ظلت بمكانها مرعوبة وتسترجع الموقف الأخير بينهم..

هزها الخوف على نفسها..

وقفت بسرعة وركضت تقفل الأبواب عليها..

تسبحت وفركت رقبتها ووجها بقسوة من بقايا أثاره عليها..

كانت تبكي وهي تتوهم وجوده جنبها..

صلت الفجر وقرئت القرآن وهي ترجف..

اللهم أحرسني بعينك اللتي لا تنام..

غفت على كوابيس تصحى منها مفزوعة..

وهي تصرخ منادية على أمها..

سارة بطفش\انا لله وانا اليه راجعون..يابنت أتعبتيني معك..

أختاري وخلصيني..

غادة\جب ولا كلمة..لاتنسين أن أنا مزاعلتك..

سارة\مزاعلتني وطالبتني أتسوق معك..

غادة\من القرادة ماعندي أخت تعلمني حركات الحريم قليلات الأدب..

سارة بدلع\وه يالحريم قليلات الأدب..انطمي وخذي هذا الفستان روووعة..

الفستان أعجب غادة\وعععع أخذ هالزين عشان رويكن يهبى..

خليه يمكن تاخذه وحدة غيري ويكون زوجها يستاهل..

سارة\أنتوا مو صاحين أنتي واياه مهبل نعنبوا مابقى على العيد الا ثلاث أيام

وعلى زواجكم اسبوع..

غادة\صدقتي هو مهبل..

سارة\زعلانة منه؟؟

غادة\وهو يطووول أصلاً..

حبيبتي مافيه أحد يستاهل أني أزعل عشانه..

ياليت تبلغينه..

سارة\بصراحة معك حق تزعلين..

غادة\قلتلك تراه مايسوى..

سارة\تعالي نجلس في الكوفي ونتفاهم..

غادة بسخرية\لا أخاف ابليس يوزني وأروح أرقم القهوجي..

سارة\هههههههههههه لساتك مصرة على القهوجي..

غادة\ترى مليت وابى أرجع البيت..

سارة\غادة مايصير تتزوجين وحالتكم كذا..

غادة\أنتي وأخوك اللي جنيتوا على أنفسكم..

سارة\ما أنكر اني تدخلت بينكم..بس راكان بجد يبيك..

غادة بحدة\يبيني ولاعنن خيري..يبيني ولا ألقى منه الا التأفف والكلام السم..

سارة\لاتظلمينه أول مرة يتكلم معك اليوم..

وماتكلم الا من غيرته عليك..

طلعوا من المحل وصاروا يتمشون بالاسواق..

غادة\سارة لانلعب على بعض..وترى مو أول مرة ينافخ علي..

سارة\ليش وش صار من قبل اليوم..

غادة\اللي صار اليوم يكفي..حتى نظراته كرهتني فيه..

سارة\أنا ما ادافع عنه..صح ماله حق يصارخ عليك..

لأنه الى الآن ماملك عليك..

غادة\ماهمني صراخه كثر ماهمني الكلام اللي قاله..

سارة\طيب هو تفكيره كذا..

غادة\بالله شوفي عباتي مخصره مثل ماقال..

ولا مطرزة ومسوية حفلة..جزمتي شوفيها فلات..

سارة\هذا وعباتك راس أجل لو كتف مثلي وش يقول..؟؟

غادة\ماعندك فرصة على طول شمتي باخوك..

سارة\لان مامعه حق..

غادة\سارة قوليله أني ما ابيه..

راكان بغضب\أجل من تبين يا...بنت العم..

يكون بعلمك لوما هديل ماخذيتك..

غادة كملت طريقها ولا ردت عليه..شيء هي متوقعته ولا أحد أقنعها بالعكس..

راكان يحب هديل ويبي يتزوجها كبدل..

سارة تفاجئت من تواجده قريب منهم..ومن كلامه..

سارة بغضب\أنت وش سالفتك؟؟وش ناوي عليه؟؟

راكان\بنت عمك من تبي؟؟

سارة بعصبية\راكان واللي يرحم والديك اترك البنت في حالها..

كفاية كلامك..

راكان\هي وين رايحة لحالها ويـــن؟؟

سارة\راكان أنت وش صاير فيك..لايكون تراقب غادة؟؟

راكان\طسي وراها حسابكم في البيت..

سارة عصبت عليه وراحت تدور على غادة..

شافتها على الدرج المتحرك نازلة..راحت وراها..

وصلتها عند البوابة..

سارة\الله يهديك ياغادة أركض وراك أنا..

غادة\خليني بحالي وروحي مع أخوك..

أنا بأروح مع علي هذا هو واقف عند الباب..

خرجت من المجمع من دون ماتسمع رد سارة عليها..

ركبت بسيارة أخوها ودموعها حاجبة الروية عندها..

غادة وهي تبكي\أخر مرة أقولك ولد عمك هذا ما أبيه..

مجنون يراقبني بكل مكان..باينة شكوكة من كلامه وتصرفاته..

ما أبيـــــــــــه..بيت شيبتي ماهو بعاجزن عني يومه طالبني لاحتقاري..

تراه مايبيني الا بدل لهديل الله يرحمها..

تراني بذمتك يا أخوي بذمتك لاتخليه يقهرني حلفتك وحن رمضان..

والله ما أسامحك ولا أحلك..

....يعتزي\أنا أبن أبوي ..والله ما أردك ولا أخليه يقهرك..بس من أنتي بنته؟؟

غادة شهقت بقوة وناظرت بالشخص اللي جنبها..

والمصيبة هذا مو علي أخوها ولا تعرفه..

فتحت الباب ونزلت من السيارة بسرعة توجهت للمجمع بس يد مسكت على يدها بقوة..

ألتفتت برعب وكان علي هو اللي ماسكها..

علي\فضحتيني يالهبلاء..هذي سيارتي الثانية..

ظلت غادة مبحلقة في وجه علي..تبي تتأكد أنه اخوها..

ولما تأكدت ركبت السيارة وهي ترجف..

علي\هههههههه أعذرنا هذي ثاني مرة تصير مع الأهل مايفرقون بالسيارات..

...\علي؟؟

علي\مالك؟؟

مالك يسلم عليه بخشمه ويحضنه..

علي\يا الله ان تحييه وينك يا ابن الحلال لا خبر ولا علم عنك..

مالك\الله يحييك ويبقيك..عساك طيب؟؟

علي\الحمدلله يسرك الحال..طمني عنك وعن الأهل..

مالك\الحمدلله كلنا بخير من رب العالمين..

علي\متى رجعت الرياض؟؟

مالك\من بداية الشهر الكريم وأنا هنا..

جايب الأهل يتسووقون للعيد..

علي\أجل والله أن تسروون معي وسحوركم عندي..

مالك\يارجال صل على النبي ولا تحلف..مابينا هذا الكلام..

علي\والله أن تقول تم..

مالك\مشغولين ياأبو عبدالله خلها بيوم ثاني..

علي\أبدن الليلة اتصل على هلك واستعجلهم والله ان سحوركم عندي..

مالك\يامال النشبة على خبري بك نشبة ..

علي\هههههههههههههه تستاهل يا أبو حمد كل خير..

مالك\الله يعافيك..طيب بعدكم على نفس العنوان؟؟

علي\ماتعرف الا شوارع أمريكا..أمش وراي وأنا أدلك..

مالك\عاد الوالدة ألحين بتسوي موشح وانت تحمل..

علي\ولا يهمك أتحمل المهم نكسب شوفتكم..

أتصل مالك على هله وأستعجلهم..

وبعدها مشوا ورى علي لبيته..

غادة طوول الوقت كانت ترجف من الخوف..

المصيبة أنه طلع يعرف أخوي ولا جاي ورانا يتسحر عندنا ياسلاااااام..

عاد ماغلطت الا بسيارة خوي أخوي..

لعلك الماحي ياراكان ماخليت فيني نظر..

ياويييلي ليتني ماتكلمت ولا قلت كلمة..

صادقة جدتي اني غبراء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛

بقى ثلاث أيام ع العيد من أخر موقف صار بينهم..

ماطلعت من الملحق ولا تجرئت تقرب القصر..

حتى الاسطبلات مازارتها..

ماكانت تشوف الا ماريا..

لماتجيها بافطار ولا بالسحور..

ماكان لها نفس لا لأكل ولا شرب..

ولو ماخوفها من رب العالمين ولا ظلت صايمة على طووول..

وكيف بأقضي العيد..

معقولة جاء العيد وأنا وحدي..

...

لماذا أتيت يا عيد..؟؟

من يستبشر بك..ومن يفرح بقدومك..

لا أريدك أن تأتي وأنا هنا..

كيف أقضيك بلا أم وأب..

لا أريد لــ آسري أي ذكرى معي..

فلتطل غيابك ياعيد..

فأنا كـ اليتامى..

كم تغنوا بأغانيك الجريحة..

وتمنوا رؤية الأحلام الكسيرة..

لا تأتي ياعيــــــــــــــــــــد ..

فأنا لازلت أسيرة ’’’

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛

تردد صوت محمد بأذونها..لما تمصخر على شكلها..

محمد\بالله هذا شكل عروس..وجهك منفووخ من البكاء..

مدري وش تحسين فيه..

طنشته ودخلت غرفة جدتها..انتظرتها لحتى خلصت صلاتها..

جلست جنب سجادتها..

سلمت الجدة واستغفرت ودعت الله يتقبل منهم الصيام..

ويبلغهم الجنة..

الجدة\أعلنوا العيد يومه؟؟

غادة بغصة\ايه يومه بكره العيد..

الجدة حضنت غادة\عيدك مبارك يا العروس..

غادة بكت بحضن جدتها وهي تشهق..

الجدة\لا اله الا الله..وشله البكي ألحين..

كل ماقلنا لك عروس بكيتي..

غادة\تكفيـــــن يومه دبريني..

الجدة\بسم الله عليك..وش فيك يا غادة؟؟

وش صايرلك؟؟

غادة\ما أبي راكان يومـــه ما أبيه..

الجدة بعصبية\وليه ماتبينه؟؟وش شايفة عليه.؟؟

غادة\قولي لأبوي أني ما ابي راكان..

الجدة\وراكان وش مسوي؟؟

غادة\ماسوى شيء بس ما أبيـــــه والله ما أبيـــه..

الجدة\قومي اطلعي من غرفتي يابنت..

هذا خوف من العرس ما أنتي أول وحدة تعرس..

غادة\لا ماهو خوف من العرس..راكان ماهو بنصيبي..

ماني مرتاحة له..

الجدة\الخلا..

خرجت غادة من غرفة جدتها وهي تبكي قابلت أبوها..

ماكلمته طلعت لغرفتها وقفلت عليها..

ليش مايحسون..الرجال ماهو بطبيعي..

نظراته كلامه كل شيء يدل أنه مايبيني..

بعده عايش على ذكرى هديل..

يانـــــاس يبي أختي مايبيني..

والله أن خاطري منه طاب..

وش ها العيد اللي مدري وش وراه..

يارب رحمتك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛

بعد السؤاااال ؟؟؟

أنت تبكي ؟؟؟

أنا لا أبكي ...

فقد جفت دموعي ...

في لهيب الحرية ...

إنها منسكبة !!!

هذه ليست دموعي !!!

بل دمائي الشائبه ...

الهالـــه,,

كان جالس بمكتبه توه واصل من المدينة مع أمه وأخواته..

ويحط أخر اللمسات على المشروع اللي ناوي يسويه مكان كروم العنب..

سمع الباب يندق سمح بالدخول على باله ماريا..

دخلت بخطوات مترددة..كانت شادة على يد الباب بقوة..

سمت بالله تقدمت خطوتين ثم قفلت الباب..

مشت بهدوء ووقفت قريب من مكتبه..

رفع رأسه وبانت الصدمة على ملامحه من شوفتها قدامه..

ماكان متوقع أبداً يشوفها بعد اللي سواه فيها..

أكثر من 16 يوم مالمحها..

حابسة نفسها بغرفتها طول هالفترة..

مايلحقها لوووم..الي صار ماهو شوي..

غازي بصدق\عاش من شافك..كيفك؟؟

ماردت عليه وركزت عيونها على يدينها..

غازي\اجلسي..

جلست وهي تحس بعظامها تضرب في بعض من الخوف..

كانت ناوية تتكلم لكن الخوف ألجم لسانها..

طال الصمت..وهو احترم هالشيء..

تركها على راحتها متى ماقدرت تتكلم راح تتكلم..

هي منزلة راسها..

وهو مركز نظره عليها..

يراقب كل حركة تسويها..

لاحظ أصابع يدينها اللي صارت حمراء من فركها لها..

رفعت راسها وجت عينها بعيونه..

نزلت راسها بسرعة قررت ماتتكلم وتطلع من المكان..

لكن الحنيـــــــــــــن كان أقوى من العقل..

هديل بصوت خافت\بكرهـ العيد..

غازي يبتسم\ايه أعلنت المملكة بكره العيد..

كل عام وأنتي بخير..

هديل ماردت عليه تحاول تكتم العبرة اللي تحرق روحها..

رفعت عيونها تناظر فوق تمنع دموعها من التمرد..

نزلت دمعة ومسحتها بسرعة..

هديل\أ..أريـد أكلم أمي..

هز رأسه بالنفي\لا..

هديل بشهقة مخنوقة\بـ بــ ـس ببكره العيد..

غازي\لا..

هديل بصوت باكي\مــا بــأطول والله شوي وأقفل..

ما راح أقولهم شيء..أصلاً أنا ما أعرف ويني..

ولا أعرف البلاد هذي وش تكون..

غازي\لاتحاولي قلت لا..

هديل\أول مرة أطلبك ما أطلبك مرة ثانية والله..

غازي بهدوء\أطلبي كل شيء الا الماضي لاتطرينه..

هديل بحسرة\وما أبى الا الماضي..

أريد أكلم أمي أبى أسمع صوتها وأتطمن عليها..

أريـــد أمي..

غازي\أنا أمك وأنا هلك..

هديل\ليــش أمك معك وأنا لا..؟؟

ليــــش تعيش العيد مع أهلك وأنا لوحدي؟؟

غازي\أنتي مو لوحدك..أنا معك..

هديل\ما أبيييك أبي أمي..

غازي\انسي الموضوع..لاترهقي نفسك..

هديل مخنوقة\بس بكره العيـــــــــــــــــــــ ـــــــد..

وكأنها لو كررت المعلومة قد تغير في قرار الجلمــــود شيئاً..

غازي\بيكون صعب لأنه أول عيد..

لكن راح تتعودين..قدرتي على شهر رمضان..

وراح تقدري ع العيد..

هديل بعجز\وهو بيكون فيه عيد ثاني؟؟

غازي\ان شاء الله الحياة قدامنا..

وقفت بتعب وهو وقف معها..

مشت باتجاه الباب بس لفت عليه..

هديل وهي تبكي\كنت أدري أنك راح ترفض..

بس كان عندي أمل غبي..

مادمت ماراح أعيد مع أهلي..

فراح أخلي العيـــد لهله..

كيف راح تقضي هديل العيـــــــــد..؟؟

أوَ تدرين لماذا

كلما قربنا الشوق نما ما بيننا

ظل جدار؟

ولماذا

كلما طار بنا الحلم أعادتنا

إلى الأرض أعاصير الغبار؟

ولماذا

كلما حركنا الشعر غزانا النثر

فالألفاظ فحم دون نار؟

أوَ تدرين؟

لأن القلب ما عاد كما كان

بريئا

طيبا كالنبع.. كالفكرة.. في الليل

جريئا

عاد يشكو تعب الرحلة ما بين

الموانئ السود في هوج البحار

المرحوم غازي القصيبي...

هي فرحة العيــــــــــد رغم الحزن الخفي..

رغم شعور الفقدان المريــــر..

لازال يحق لهم الشعور بسعادة العيــد..

ولو كانت تلك السعادة مجرد وهم..

فليتم أخفاء الحنيــــن والشوق..

لمن يسكنون تحت التراب..

ومواساة من هم يناجون أؤلائك الراحلون..

لا بأس في الضحك وقلبك يبكي..

فلأجل أحبتك ستضحي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛

ماسك برواز الصورة مستغرب من نفسه..

كل مرة أشوفها تشبهني..

بس اليوم ليش متغيرة..نفس الصورة ونفس الوجه..

لكن فيه شيء متغير..

ترك البرواز وتوجه للمراية وظل يناظر بملامحه..

أختلف عنك كثيــــر ما أشوفك الا بعيوني..

مد يده على أغراضها الخاصة فيها على التسريحة..

مسك عطرها بخ منه وشم الريحة بعمق..

من يتعطر بعطرك..ويمشط شعره بمشطك..

ملابسك من تناسب من بعدك..

أقلامك أوراقك..

رسوماتك بدون ألوان تركتيها..

خواطرك مالها نهاية..

ذكرياتي معك للماضي نسبتيها..

جلس على سريرها وحضن وسادتها..

قالوا عيد ياهديل..

ثاني عيد أقضيه من دونك..

كنت بمنفى وهارب..

رجعت وأنتي في منفى كئيب..

تصدقين ياروحي..

أحس بالنقص والحرمان..

شيء غريب يحز بنفسي ..

لحظات تخنقني العبرة ولا أدري ليـــش..

ما أفكر الا فيك..؟؟

خرج من الغرفة قفلها وأخذ المفتاح معه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛

كل العائلة كانت مجتمعة في الصالة..

بعد رجوع الرجال من المسجد لصلاة العيد..

الجدة\عيدك مبارك يا أبوي..عيدكم مبارك ياعيال..

أبو علي\الله يبارك لنا ولكم..عيدكم مبارك..

أم علي بصوت مبحوح\عساكم من عواده ان شاء الله..

غادة بخفوت\عيدكم مبارك..

الكل رد عليها..وعلقوا على قرب موعد زواجها من راكان..

نزلت راسها بزعل من الموضوع ولا تكلمت..

الجدة\الله يصبرنا على فراق رمضان ويبارك لنا في العيد..

محمد\ياحبني للعيد يجي وأنا نحيـــف..

علي\يا الكذوووب شف كرشك..

أم علي\لاتنظل أخوك قول ماشاء الله..

محمد\أفا يومه تشوفين معي كرش؟؟

غادة\استمر على جدولك ولا راح تسمن بزيادة..

أبوعلي\بنطلع مع عمك الليلة للاستراحة..

أم علي\مافيه وقت ياحسين..بعد ثلاث أيام زواج بنتك..

ابوعلي\مافيه مشكلة نتعشاء هناك وبعدها نرجع..

غادة\بس أنا مابأروح معكم..

أم علي\وأنا بأظل معك..

الجدة\لا يأم علي أنتي روحي وأنا بأجلس معها..مالي نفس في الطلعة..

أم علي\وأنا والله مالي خاطر اطلع..

غادة تهمس لامها وجدتها\بزر انا تجلسون معي..أنا عروس عيب أطلع أستحي..

أنتوا روحوا ولاتطولون علي..

الجدة\يا الغبراء قالت تستحي..

غادة\مايعجبك كلامي عسولة هادي..؟؟

الجدة\الا وينه هادي ما اشوفه؟؟

محمد\طلع غرفته بيجي ألحين..

هادي\يابعد هادي وهذاني جيت..

جلس جنب جدته وهو يسلم عليها ويعايدها مرة ثانية..

رفع رأسه وشاف نظراتهم كلهم عليه..

أبتسم رغم الأسى الشوق اللي في قلبه..

عذبوني مثل ماعذبتوها في غيابي..

شوفوها فيني كما شفتوني فيها..

أطعنوني بنظرات الحسرة عليها مثل ماطعنتوها بحسرتي..

عبدالله دخل يركض ورمى ثوبه على غادة وينط عند أبوعلي..

عبدالله\يوبه ترضى يقولون عني ولد البخيل؟؟

أبو علي\يعقبون من اللي يقوله؟؟

عبدالله\عيال الجيران يقولون اني ولد ولدك البخيل..

علي\منهو أبوك يالثور؟؟

عبدالله\أنت..ماهو أنت أبوي؟؟

محمد\بلى أعتقد انه أبوك..

هادي\أنت دائما تسال هذا السؤال لأبوك خبل..

الجدة\عبدالله توني عطيتك العيدية..

عبدالله\ياجدة أبوي..أبوي مايعطيني..

علي\توني معطيك من يومين لاتكذب..

عبدالله\كلها خمسين ريال لا تمن علي فيهم..

أيام عيد لازم ألعاب نارية وطراطيع..

علي\شوفوا المقرووود ماهي عاجبتك الخمسين..؟؟

عبدالله\تدري أنا بأخذ من الجد عبدالعزيز مابيقصر بيعطيني اللي فيها صورته..

الكل ضحك على عبدالله ومغايضة لابوه..

علي\ههههههههههه يعني انا طلعت الملك عبدالله وأبوي الملك عبدالعزيز..

عبدالله يناظر جده باستعطاف\لا أنا عبدالله لبى عبدالعزيز..بس وش فيه مايطلع بوكه؟؟

أبوعلي\ههههههههههههههه بيطلع البوك لكن ما أضمنك يالسروووق..

محمد\عبيد اذا طلع البوك خذه وانحاش..

عبدالله\لاتوصي جاهز ل الشردة..

ابوعلي\هههههههههههههههههه تبي تسرقني ياورع؟؟

عبدالله\من اللي قال هذا الكلام؟؟

حنان بوصت هادي\عمي لاتعطيه تراهـ يلعب عليك معه فلوس..

عبدالله\بالله يوبه شفت أم ماتحب لعيالها الخير هذي أمي..

أبوعلي يمزع أذون عبدالله\عيب تقول عن أمك ها الكلام..

عبدالله\آي آي جدي لاتضربني قدام الحريم تطيح شخصيتي..خصوصاً قدام غادة الوغدة..

محمد\اكسرني ياشخصيتي هههههههههههههههههه

غادة معصبة\يامال البط ياعبيد كم مرة قلتلك لاتقول وغدة..

عبدالله\قلتيلي كثير بس أنا ما اسمع الكلام..

محمد\غادة هذا أبو شخصية وخري عنه..

عبدالله بخبث\عمي الدوب ماتبى طراطيع..؟؟

محمد\والله ياعبيد اتوطى في بطنك لاتعيد حركاتك الغبية..

علي\هههههههههههه قرناس ولد صقر طالع لأبوهـ..

محمد\هههههههههههههه اسكت أنت والله لو ما طلبتني أم عبدالله أسامحه..

والا كان مدري وش سويت فيه من الغيض..

غادة\ههههههههههه تقصد لما أشعلها عند راسك وأنت نايم..

هادي\هههههههههههه الى الحين تذكر؟؟

محمد\كنت بأموت من الرعب..حسبت الحرب قامت ولا شيء..

ماطرى لي طراطيع المهبوول هذا..

عبدالله\مشكلتك يالدوب أنك ناعم يعننك حساس..

محمد\أنت كفو كلامك تعال هنا..

عبدالله يتمسك بجده\اللي يبيني يجيني..

قام محمد من مكانه بسرعة..وعبدالله نط ورى جده وهو يصارخ..

عبدالله\يوبه بياكلني الدوب يحسبني خروف العشاء هههههههههههه..

محمد\نعنبوا غيرك يالورع ماتتوب..ابعد يوبه خلني أمطه شوي ذا القزم..

ابوعلي يضحك عليهم ويحاول يفك بينهم..

عبدالله\عادي قزم وضعيف..ماني دوووب وقزم هههههههههههههههه

مع كل تعليق كان يقوله عبدالله كانوا يضحكون على محمد..

محمد\ضحكتهم علي يالنتفة..طيب ما اكون محمد..

ان ماجيت تترجاني عشان الطراطيع اللي اشتريتها لك امس..

عبدالله يكلم جده\لو سمحت يا عبدالعزيز أبي أتمصلح عند الأمير سلطان..

سلطان وقف لبى السلاطين..

محمد يشوته\ولاتقرب مني ياورع..

علي\هههههههههههههههه الله يصلحك وأنا ماني من الملوك..؟؟

عبدالله\أبوك ماسماك باسم الملك أنا وش دخلني..

علي\يعني محمد باسم سلطان؟؟

عبدالله\يوبه انت وش عرفك بالتاريخ محمد يعني سلطان..

غادة\ههههههههههههههههه والله الصبي خارب وهو صغير وش يسوي لما يكبر..؟؟

عبدالله\مايفهمني الا غادة الوغدة..

غادة\انقلع يا ولد امك..

كلهم ضحكوا عليها..

تبسمت نبع الحنــــــــــان ومسحت دمعة مريرة..وهذي كانت أم علي,,

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛

اتحرى العيد اكثر من طفل

واتعذر فيك لأجل اسأل عليك

واسرق اللحظات منك بالعجل

فيها اباركلك وابارك عمري فيك

ينتهي عيدي وتوه ماكتمل

يوم ماتسحب من ايديني يديك

لوهزمت الخوف يهزمني الخجل

ماقدر اهمس انتظر لحظة ابيك

لين ضاعت فرصتي دمعي انهمل

كيف تخذلني وانا اللي محتريك

كنت ابي قربك لكن ماحصل

وانتظر لعيدي الثاني واجيك

نزلت المفرش من على عيونها المورمة من البكاء..

من بعد الليلة الماضية وهي مقررة تقضي يوم العيد..

تحت الفراش وفي الظلام..

بمعنى أدق تقضيه نائمة رافضة أن تعيش هذا اليوم لوحدها..

حتى لما صلت صلاة العيد لوحدها بكــــــت بشوق ل الصلاة مع أهلها..

تكلمت بصوت خافت وباكي مع العيـــد وكأنه يسمعها..

وش حاجتي فيك ياعيد..الخلق يفرحون فيك..

ماينقهرون وينظامون..حتى بالحلم محرومة منهم..

صعب علي ألقاهم حتى في الحلم..

غزى أحلامي ونومي..ماعاد يفارقني لابصحوتي ولا غفوتي..

أماضرب أو صراخ أو أنه<لمت يدينها حواليها>أو أنه يــ لمسني و و......

غمضت عيونها بسرعة تطرد اللي مر في بالها من ذكرى لأحلامها..

أنتبهت على نور بسيط يدخل من بين الستائر رفعت المفرش عنها..

ونزلت من سريرها توجهت ل الستارة وشدتها أكثر عشان مايدخل النور..

وهي راجعة تعثرت بشيء أستغربت وجوده..

شغلت الابجورة وقربت من الصندوق الموجود بغرفتها..

أول مرة تشوفه تسألت كيف جاء لغرفتها..

ولمن هذا الصندوق..قربت منه جلست على ركبها..

رفعت شعرها من على وجها وفتحت الصندوق..

مدت يدها وطلعت الورقة الموجودة بمقدمة الصندوق..

مكتوب <من صوفي >

ظلت تناظر بالورقة لعدة دقائق وكانها غير مستوعبة..

أو غير مصدقة ان صوفي تذكرها بعد كل هالوقت..

ابتسمت بانكسار..وطلعت اللي بالصندوق..

أول شيء كان قدامها هو بنطلون جينز مطرز على الفخذ طرز خفيف..

بدي باكسسوارات حول الرقبة يميل للون السكري الراهي..

جاكيت لحد الخصر شتوي لونه أبيض وعلى حدود رقبته والصدر فروو ناعم وهادي..

فستان ذهبي قصير بمنتهى الروعة بدون أكمام ومن تحت الصدر يوجد كرستالة صغيرة..

حطته عليها وناظرت بالمراية قصير فوق الركبة ضيق من الخصر ..

قلبته بيدينها<<الله يصلحك ياصوفي قلتلك قصير مايناسبني..

طلعت باقي الأغراض وأستغربت لما خرجت حجابين من الصندوق..

واحد باللون البني..والثاني باللون الوردي..

كيف اعترفت صوفي بالحجاب وأرسلت لي حجابات..يمكن ربي هداها وأسلمت..

كان فيه ثلاثة عطورات عرفت مس ديور وجيفنشي لكن الثالث أول مرة تشوفه..

بس ريحته كانت بمنتهى الروعة..

في آخر الصندوق كان فيه الغرض الأخير بس ملفوف بغلاف لوحده..

فكت الغلاف وطلعت اللي فيه..

شهقت بصدمة لما شافت قميـــــــــــــص النوم الأبيض..

ناظرت حواليها بخجل تخاف لايكون فيه احد يشوفها..

كورته بين يديها ورمته في الصندوق وهي ترجف..

لمت الأغراض كلها ورجعتها في الصندوق وقفلته..

حسبي الله عليك يالمنمشة قليلة أدب ماتستحين..

وش ابي في قميض فاصخ..محسبتني متزوجة مثلك يالهبلاء..

لو خليتيها بجايم كان أحسن..

أبتسمت وهي تتخيل شكل صوفي لماتشوفها ترمي القميص باهمال..

رفعت راسها فوق وهمست..

هديل بهمس\أحمدك وأشكرك يارب جبرت بخاطري تذكرتني صوفي..

سبحانك على الصدفة توصلني هداياها يوم العيد..

يارب تهديها وتهدي ماكس ومن مثلهم الى الطريق المستقيم..

سمعت أصوات خارج الملحق..توجهت ل الطاقة..

فتحت الستارة شوي وناظرت من خلف الزجاج العاكس..

كانت شوق ورشا بالحديقة عند باب القصر واقفين عند سيارة كبيرة ذهبية اللون..

وشوي الا خرج غازي مع أمه شايل غازي الصغير..

ركبوا السيارة وغازي عطى الولد لأمه وتوجه لمكان السائق..

وقف شوي وبعدين ألتفت على الملحق وهو لابس نظارته الشمسية..

نزلها من على عيونه وركز نظره عليها..

هديل فزت بمكانها بخوف وقفلت الستارة بسرعة..

مع أنها تدري أنه مستحيل يشوفها من خلال الزجاج..لكن ماتستبعد عنه شيء..

ركضت على فراشها نطت عليه بعجل..

طفت النور وتغطت بالمفرش وأجبرت نفسها على النوم..

مع أن خيالها كان يشتغل..

ويتخيل وناستهم وخروجهم من المزرعة عشان ينبسطون..

الا أن عيونها كانت محرووقة من الدموع وتعبااانة..

وآخر مامر في بالها قبل النوم..

أهلها وهم في الاستراحة الخاصة بعمها..

مثل كل عيد يجتمعون هناك ويقضون يومين في الاستراحة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛

ردت الجدة على تلفون البيت وكانت سارة تطلب غادة..

الجدة\غادة تعالي يومه كلمي..

غادة تجلس جنبها\من يبيني؟؟

الجدة\سوير أم القروود..

غادة تكلم\هلا..

سارة\ولا مرحبا..ليش ماجيتي ولا يعنني عروس وأستحي..

غادة\ياعيد عييييد على العرب..

سارة\هههههههههههه عيدك مبارك قلبي..

غادة\من العايدين..كييفك؟؟

سارة\الحمدلله بخير..بس كنت أتمنى أشوفك..

غادة\ما ابى اشوف أحد..

سارة\غدوو أمانة عليك أعتبريني أختك مو أخت راكان..

راكان مضايقك أو مزعلك؟؟

غادة\ومن يكون راكان هذا عشان يضايقني؟؟

سارة\أحلفلك بالله أنه مو صاحي خصوصاً كلامه لك في المول..

غادة\مايهمني لاهو ولا كلامه..بس ياليت يتلاحق على الموضوع وينهيه..

سارة ببطء\مافهمت..

غادة\الموضوع الفاشل اللي باقي عليه ثلاث أيام ينهيه بكرامته..

أو أنهيه أنا غصب عليه..

سارة مرعوبة\غادة صلي على النبي وش هالكلام؟؟

غادة\شوفي ياسارة أنا مو كارهة نفسي أعيش مع أنسان متخلف مثل أخوك..

أشوف الشك بعيووونه..ولا يحسبني غافلة عن تصرفاته ومراقبته لي..

أبوي ماهو عاجزن عني..وأخوك ماله فضلن علي..

سارة\يابنت اذكري الله..هذا الكلام ماينفع ألحين زواجك بعد يومين..

غادة\بعدنا على البر ومايربطني فيه شيء الى الآن الا انه ولد عمي..

سارة\اسمعي وأنا راجعة راح أنزل في بيتكم وانام عندك ونتفاهم..

غادة\نتفاهم؟؟مافيه شيء نتفاهم عليه..

قولي لاخوك اللي قلته لك..ما أبيـــــــــــــــــه..

قفلت غادة الخط وأنتبهت على نظرات الجدة لها..

الجدة\أنتي صادقة ياغادة في أنك ماتبين راكان؟؟

غادة\ايه يومه ما ابيه ومايبيني..

الجدة\وش اللي بينكم؟؟

غادة\من جهتي أنا مافيه شيء..كل شيء منه..

الجدة\وأنتي وين شفتيه..؟؟؟

غادة\في المول وهو قال مايبيني..

غادة حكت للجدة كل اللي يسويه راكان وهي تبكي..

واستثنت ذكر هديل في الموضوع..

اذا ما أحترم ذكرى أختي أنا أحترمها ..

الجدة\لايكون فاهمته غلط يا بنت؟؟الولد شاريك..

غادة تمسح دموعها\والله ماحرفت في كلمة هو قالها..

يومه تكفين خلصيني من ها الزواج الفاشل..

ما ابيـــه وما يبيني ليش نتعذب سوا..

الجدة\بس المصيبة أنه يبيك ومن زمان وهو يردد هالكلام..

غادة\لاتلعبووون علي وترموني له..

الجدة\يابنتي...........

قطع عليهم صوت جرس الباب..

الجدة تنهدت\يمكن أحد من الجيران يبي يعيد علي شوفي من يومه..

غسلت غادة وجها و رتبت لبسها..ولفت عليها جلال الصلاة..

برمودا أسود وعليه بلوزة حمراء مشكوكة على الصدر وبدون أكمام..

<<هاللبس ماتلبسه قدام أبوها وأخوانها بس قدام جدتها أو أمها..

وقفت عند الباب\ميين..؟؟

مالك\السلام عليكم..أبوعبدالله موجود؟؟

غادة\لا..ماهو موجود..

مالك\الوالد أو الشباب؟؟

غادة بعصبية\مــــافيه أحد..

مالك\طيب لوسمحتي خلي الخادمة تطلع وتأخذ هذا الكرتون..

خاص بأبوعبدالله..أنا مسافر ألحين وماظنتي أقدر ألقاهـ..

غادة أرتبكت ماتدري كيف تتصرف..مافيه الا جدتي تطلع وتاخذ الاغراض اللي معه..

مالك\يا هل البيت..

غادة\الحين أنادي أمي..انتظر الله لا يهينك..

خرجت وهي تسند الجدة لحتى وصلتها عند الباب وقفت وراه وفتحت لجدتها..

الجدة\نعم يا أمك وش تبي؟؟

مالك\مساك بالخير يومه..من العايدين..

الجدة\مساك بالنور عساك من السالمين..

مالك\يومه هذي أغراض تخص علي منبهني عليها..

وماعندي وقت أرجع مرة ثانية..وصلوها له..

الجدة\ان شاء الله توصله..

راكان بعصبية\أنت وش تسوي هنا؟؟

مالك\ومن تكون أنت؟؟

راكان\صاحب البيت..

مالك بسخرية لأنه يعرف هل البيت كلهم\وياصاحب البيت..محدن يهاوش ضيوفه..

راكان\الضيف اللي مثلك ينصك الباب في وجهه..

مالك\قفلي الباب عليكم يومه..فمان الله وراي سفر..

راكان\ماجاوبتني وش اللي تسويه هنا؟؟

مالك\شيء خاص ومايعنيك..

راكان بغضب\شيء خاص وفي بيت عمي؟؟

مالك\ايـــه خـــــاص..

راكان\بس البيت مافيه رجال ألحين وأنا شايفك من ساعة طاق حنك..

مالك بخبث\مادمت من هل البيت وشايفني أتكلم مع هلك ساعة..

ورى ماجيت تكلم الرجاجيل..ليش متخبي وتراقب؟؟

راكان\أشوف تاليتها معك..

غادة\يومه نادي راكان يخلي الرجال بحاله..ليش يهاوشه..؟؟

الجدة\ماهو بصاحي قليل السنع..

مالك\تيـــسر يا ابن الحلال ماني فاضي لهبالك..

مشى مالك باتجاه سيارته لكن راكان مسكه من كتفه وضربه على بطنه بكس..

مالك كانت ردت فعله عنيفة..مسك راكان شاله ورماه على الأرض..

وضربه كم ضربه على وجهه..

الجدة فتحت الباب ونادت على راكان اللي كان يتضارب مع مالك بعنف..

الجدة\راكان يا المجنون اترك الرجال اتركه..لاتفضحنا في الناس..

وش يقولون عنا يا الخبل..

لم يرد عليها الا بلكمة وجها لوجه مالك..وهو يصرخ بجدته..

راكان\هذي ماهي أول مرة أشوفه..هذا الكلب يطارد زوجتي..

شفته في المول لكن مايردني منه شيء..

مالك بعد كلام راكان وجنونه..وقف ضرب راكان على بطنه ثم كتف يدينه من وراه ..

نزله على الأرض بعد ماضرب ركبته من ورى..وجلسه على ركبه..

مالك\لو ماني حاشمن صاحب البيت وهله وما ابي الناس يحكون عليهم..

ولا كان الحين ذبحتك على قل عقلك وقصيت لسانك..

الجدة\خله يا أمك تراه ماهو بصاحي ..

مالك رمى راكان على الارض..وتوجه لسيارته وهو يرفع شماغه وعقاله عن الأرض..

مالك\خسارة فيك بنت الشيوخ..عز الله أنك ماتسوى ظفرها..

ركب سيارته ومشى بسرعة طالع من الحي..

الجدة\يا الله عساك ماتشفى من ضربه لك يا الخسيس النذل..

راكان وقف بصعوبة\وش كان يبي هالكلب؟؟

الجدة\نعنبوا اسكت اسكت لاتفضحنا..الناس بيتكلمون على بنت عمك..

راكان يدف الباب ويدخل..انصدم من وجود غادة ورى الباب..

راكان\وهذي وش تسوي هنا؟؟موهي كانت تكلمه؟؟

الجدة\والله يارويكن ان ماطلعت من ذا الباب ألحين لأكون شاربتن دمك..

راكان\هذي الكلبة ماتعبر ان وراها رجال..زواجها بعد يومين وهذي سواياها..؟؟

الجدة\والله ما أكون بنت عبدالله أن عرفتها أو صارت حليلةً لك..

عهدن علي يارويكن ماتتزوجها لو أشوف الشيب غازين وجهك..

الخلا يا النذل..مالك في ذا البيت مره ولا لك جده..

راكان\مابيستر عليكم غيري..لاتحسبينها شريفة هذي....

ماكمل كلامه بسبب الكف اللي صفق خده بقوووة..

غادة بحدة\يـــاحفي الرجلين ثمن كلامك..

ثوبي أبيض مايلمسه كلب مثلك..

أشرف منك وأطهر من الشنب اللي على وجهك..

الجدة تسحب راكان اللي كان في حالة ذهول ..

كف صحاه من كل اللي في باله..

كف من يدها الطاهرة علمه حجمه وقلة عقله..

الجدة دفته تخرجه برا وتقفل الباب عليه..

الجدة تضمها\ماعليك منه الولد أستخف مثل ماقلتي..

ولا يهمك يا غادة والله مايعرفك زوجة له..

ولو يحبي لك حبي..

غادة تبكي\فكيني منه يومــــه تكفين..

الجدة\دواهـ عندي..خلي أبوك واخوانك يجون وأوريك فيهم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

غربت شمس العيد وأخيراً قررت تطلع من الملحق..

جلست على المرجيحة الطويلة وهي تناظر خيوط الشمس الأخيرة..

ودعتها وكأنها تودع الأمل في الرحيل مثلها..

طول اليوم وهي تتأمل ان غازي ممكن يسمح لها تكلم أهلها..

لكن كان كما عرفته دوماً قاسي لا يلين..

ترك المزرعة مع أهله وتركني لوحدي..

الله يحرمك من أغلى الناس على قلبك وتذوق قهري..

مسحت دموعها بكم بلوزتها وتنهدت بتعب..

كانت سرحانة بأهلها وتفكر وش اللي ممكن هم يسوونه ألحين..

أكيد امي متوقعة أني راح أكلمهم اليوم..

لأنه مستحيل الدراسة تمنعني من مكالمتهم..

ولا اخواني اكيد زعلانين علي..

غـــادة يابعد روحي وحشتيني..

آآآه يا ابوعلي ويــــنك تأخرت علي..

فزت بخوف وهي تشهق لما حست بذراع تلتف على كتفها..

وثقل يجلس بجنبها لاصق فيها..

عرفته من دون ماتناظر فيه..يمكن من صوت انفاسه..

أو من ريحة عطره اللي حافظتها أكثر من ملامحها..

حاولت توقف لكن هو وثقها وشد على ذراعه اللي على كتفها..

كانت تدري مهما قاومته ماراح يتركها الا بارادته..

ظلت ساكنة على حالها لا ناظرت فيه ولا تكلمت..

غازي بهمس\ليـــش ماعشتي العيد معـي؟؟

هديل\..............

غازي\ع الأقل الصلاة لو صليتيها مع الأهل وبعدها سويتي اللي يرضيك..

هديل\................

غازي\قلت لك كل ماتقبلتي حياتك هنا..

راح ترتاحي ويتغير كل شيء..بس أنتي عيشي معي..

مو راضية تتركي العناد وتنسي الماضي..

لفت وجها بعيد عنه دليل على رفضها لكلامه..

غازي\وش اللي ربحيته غير التعب..الحزن والضيق..

مـــاربحتي شيء..

غازي تنهد\ناظريني..

رفضت طلبه وماناظرت فيه..

مسك وجها بيده ولفها عليه..

غمضت عيونها بسرعة ماتبي تشوفه..

غازي\ليـــــش..؟؟

هديل بهمس\ما ابى أشوفك..

غازي\ليــــش..؟؟

هديل بعبرة\ما أبيه يكون لي ذكرى معك بيوم العيد..

لاني لما ارجع لهلي ما ابي اذكرك حتى بيوم العيد..

غازي يقرب منها وهي تشد على عيونها..

غازي\بس انتي معي هذا العيد وكل عيد راح تظلين معي..

هديل بدمعة خاينة\لا ماراح اذكرك بيوم العيد..

شيء غريب حست فيه يصير معها..

والأغرب ملمس دافىء على فمها..

فتحت عيونها بفزع وماكانت الا شفايفه تقبل شفايفها..

قبـــلة طويلة متملكة..

وقاسيــــة بسبب مقاومتها له..

كلما حاولت الافلات شدها له أكثر..

سحب حجابها بيده ونزله عنها..

همس في أذنها بكلماته الناعمة..

غازي وفمه على أذنها\وألحين بتنسيني يوم العيد..

أنـــــا مستحيل أنسى..

باسها على أذنها وهو يشم ريحتها..

ماكان ردها عليه الا شهقة وبعدها بكــــت وهي ترجف من الخوف..

وجها كان على كتفه ويدينها لامتها بقوووة على صدره بعد ما كانت تضربه وهو يقبلها..

ضمها له أكثــــر حتى حست أنها ممكن تدخل جواته..

كانت تتكلم بتلعثم وأكثر كلماتها مو مفهومة..

لكن اللي هو متاكد منه أنها كانت تسبه وتتوعد فيه..

ابتسم لما سمعها تقول\بأسوي فيــ يك مم مثـ ل م اتسوي ففينــ ي..

غازي بضحكة\حـــــــــــلالك..يا� �يـــت تقدري..

كانت تمسح شفايفها على قميصه لأنه آسر يدينها على صدره..

حط يده على راسها وثبته على صدره ومنعها من اللي هي تسويه..

غازي بهمس\هششش بـــس بتجرحي فمك كذا..

بعد فترة..لما حس فيها هدت وخفت شهقاتها..

أرخى يدينه من عليها وباسها على شعرها المنثور حواليها..

بعدته عنها ووقفت بسرعة كانت بتطيح بس هو مسكها..

ضربت يدينه وصرخت فيه برعب..

هديل\لا تلمسنـــــــــي ...

مارد عليها لأنه كان يتأملها بنظرات غريبة..

شعرها باللون الفاتح والرائع..

وجهها الأحمر..من الدموع..من الغيض..

والأكيد من اللي سواه فيها..

فمها المجروح واللي صار مايل لـ اللون الأحمر القاني..

تراجعت خطوتين على ورى وعيونها عليه بخوف..

قفت عنه ورجعت للملحق وهي تبكي وتترنح في مشيتها..

أجدني بك غآرقه حد الهذيآن

أنفيك من أوردتي وأجدك تمسك بقلبي

تكتبني بـ سطر حيآتك حرف وأكتبك بـ حيآتي

دوآوين قصآئدها ذاك الغيآب وإنتظآر مله الرصيف

والمآرين به ..!

أهذي بك وأصآب بحمآك أبكيك وأشكوك لـ سآعآت الأنتظآر

ودقآئق الغيآب وأجدني عند مرور طيفك بـ أحلآمي فرِحه

كـ طفل قدمو له حلوى العيد.!

’’’قديسة الضوء ’’’

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

علي بعصبية\يومه انتي وش تقولين؟؟

الجدة بغضب\انت ولا كلمة..الحكي بيني وبين ولدي..

أبوعلي\يومه الله يهداك لا تلومنيه كلامك مايقبله العقل..

كيف نلغي زواج البنت من ولد عمها وهو ماباقي عليه الا يومين..؟؟

الجدة\مالهم نصيب مع بعض..البنت ماتبيه وماظنتي انك بتجبرها..

علي\بس غادة موافقة..

الجدة\لا ماهي موافقة غاد انجبرت عليه..

أبوعلي\يشهد الله أني ماأجبرتها..ولا لي نية أغصبها على شيء ماتبيه..

محمد\صلوا على النبي وخلونا نفهم وش السالفة..

يومه انتي كنتي موافقة على الزواج وش اللي غير رأيك؟؟

الجدة\البنت حالتها ماتسر احد..كلكم شايفينها ومتغاضين عن حالها..

علي\شيء طبيعي كل بنت يقرب زواجها يصيبها الخوف والبكاء..

الجدة\لا تناقشوني رويكن ماهو بماخذ غادة وأنتهينا..

هادي\مادمتي قلتي رويكن فهو مسوي بلى..

علي بجدة\وشهو مسوي علميني يومه؟؟

الجدة تمسح دمعتها\سوى اللي سواه..المهم أني ماعدت له ام ولا جدة..

وغادة حرام عليه ليوم الدين..

الكل أصابهم الذهول من بعد كلام الجدة الأخير..

عم الصمت العقول تفكـــر وتحاول تستنتج وش اللي راكان ممكن يكون مسويه..

أبوعلي\دامك حلفتي فوالله مايعرفها..

يومه وعزة الله الا معلمتني بسواته..

الجدة\غادة ولا واحد منكم يكلمها ولا يوجعها بالحكي..

علي بهدوء\غادة اختنا وأعز ماعلينا مصلحتها..

الجدة بحسرة\والله أن تركها لراكان هو مصلحتها..

هادي\الله يستر عليه..يدور حرمته في بيت ثاني..

محمد\وشهو مسوي يومه؟؟

الجدة\اوجعني بكلامه لي..قطع قلبي بحكيه..

علي بحميه\أفا يالعلم أوجعك يا الغالية..

والله مايمسي الا بفك قهرك يومه..ليه هو ناسي أنك امه الخايس..؟؟

طلع علي من البيت وأبوه يصارخ على اخوانه يمسكونه حتى يفهمون السالفة..

بس محمد وهادي كان ردهم انهم بيفزعون مع اخوهم وبيلعنون خير راكان..

خرجوا كلهم من البيت بسياراتهم وراحوا يدورون عليه..

كل واحد بطريق..سيارته ماكانت موجودة عند البيت..

الاستراحة ماكان فيها..ديوانية أصحابه بعد ماهو فيها...

طال فيهم الوقت وماكان له أثر..حتى جواله كان مغلق..

علي رجع البيت وتوجه لغرفة جدته وسمعها وهي تحكي السالفة لـ أبوه..

دخل عليهم وعيونه مثل الشرار ماهو مصدق اللي يسمعه..

علي بغضب\هذا الكلام يقوله على أختي..ولا حشمنا قدام ولد الناس..

والله لـ أشرب....

الجدة\وعزة الله وجلاله عليك ياعلي لاتكمل..تكفى لاتفرقون عيالي..

وتسيحون الدم بعروقكم..يا أبوي لاتقطعون الرحم تكفى..

علي يمسك يدين جدته\وراكان خلى فيها دم ورحم..قطعها يومه قطعها..

الجدة تبكي\حلفتك بالله ياعلي لا تحارب ولد عمك ولا يدري أحد بسواته..

علي\والرجال اللي تضارب معه وسب أختي عنده..

الجدة\هذا خويك وصاحبك مابيتكلم عليك..

علي بقهر\ومنهو الصاحب اللي بيستر على أختي من ولد عمها وخسته؟؟

الجدة\مـــالك ولد السالم خويك يا ابوي..

علي مصدوم\حسبي الله عليك ياراكان..فضحتني في أختي وخويي..

الله لا يوفقك..الحمدلله انه مالك ماهو بغيره.

أبوعلي\خله يا ابوك خله..والله مايربيه الا الزمن..

ماخسران غيره..ولا بنتنا ماهي بمعيوفة..

الجدة\أنا كلمت اخوك علي وقلتله ماعاد لولده حرمة عندك..

وان زعل ولا هاوش فلاعاد يعرفني ولا أعرفه..

تم نشر الخبر والقريب والبعيد ..عرفوا بكنسلت الزواج..

و من بعض الكلام اللي شاع..

ماترك بنت عمه قبل الزواج بيوم الا وهي مسويه مصيبة..

ماقدر ولد عمها يستر عليها..

سود الله وجها قالوا ماسكها مع واحد في المول..

غادة بنت علي ولد عمها رفضها قال ماتناسبه وأخلاقها ضايعة..

<<كثر مايقال عن غادة...

لأنها لم تكن الا ضحية من ضحايا مقـــــولة مشهورة جداً..

يرددها ذاك المجرم من خلف مكتبه وبابتسامة تافهــــة وحقيرة..

[ عذراً كان خطاء طبي ]

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛

هذا اليوم الثالث لها ماطلعت من الملحق ولا اعترفت بالحياة..

يومها يروح في صلاة قراءة قرآن..تفكيــــر..أوهام..خيال ات..نوم..فكوابيس..

كانت لابسة البدلة اللي أرسلتها صوفي وجنبها شنطة صغيرة فيها بعض ملابسها القليلة..

جاهزة كما طُلب منها وهذه المرة لم تسمح لنفسها ولن تسمح لغيرها بنزع لثامها عن وجهها..

وصلت لها ماريا رسالة من السيد..

بأن تكون جاهزة ل السفر معه ومع العائلة الى العاصمة..ولكن أي عاصمة؟؟..فهي لاتعرف..

ماكانت تدري بأي شيء..لا وين المكان ولا كيف راح تسافر..

جاهزة فقط وصـــــــــــــــامتة..

كانت جالسة في كرسي بعيد عن غازي وأهله..

تمنت لو تقدر تجلس عند المضيفة لكن كانت تدري بانه راح يرفض..

ثبتت لثمتها بارتباك ..كانت مطمنة انه مايقدر يشوفها لأن كرسيها خلف كرسيه..

كانت الاهتزازات كثيرة في الهواء..

وصوت شوق يعلى على كل اهتزاز..

ناظرت باتجاه ام غازي..

اللي أول ماشافتها معهم بالسيارة مدت يدها لهديل مصافحة..

أم غازي\عيدك مبارك..

هديل بهمس\الله يبارك فيك..عيدك مبارك

أستغربت شدها على يدها ونظراتها وكأنها تسترحم على حالها..

ناظرت من الطاقة وهي تتذكر أول مرة كانت فيها على هذي الطيارة..

كانت مرعوبة منهارة..

محتاجة الأمان ..الخوف كان مسيطر عليها وتالف أعصابها..

أعلن الكابتن عن الوصول ونبه بربط الأحزمة..

نزلوا من الطيارة..حاولت تكون آخر وحدة والأبعد عن غازي..

مافاتتها ألتفاتاته وبحثه عنها..أو بالاصح مراقبته لها..

طلعوا من المطار الرئيسي وركبوا السيارة الفخمة اللي كانت في انتظارهم..

لازالت متلثمة وهي الوحيدة من بينهم المختلف شكلها..

كلهم كانوا متحجبات لكن هي متحجبة ومتلثمة..

ما أعارت اللي يصير حولها أي اهتمام..

ما أثارها الكلام ولا المتحدثين..

كانت تراقب الشوارع وكانها تدور على أي شيء يدلها هي وين..

وقفت السيارة نزلوا المتواجدين معها..جت بتنزل لكن صوته منعها..

غازي\رسل لاتنزلين..

فتحت الباب ونزلت من السيارة بسرعة ولصقت في أمه..

أم غازي ناظرتها باستغراب بس ماقالت لها شيء..

شافته يقرب منها بعد مانزل وراها..

مسك يدها ورجعها السيارة وهو يأشر لرشا يدخلوا الفندق ويروحوا لجناحهم..

هديل سحبت يدها منه لكن ماقدرت تفكها..

ركبها السيارة وجلس جنبها..

ماكانت تدري هو وش يبي ووين راح يوديها..

الرجفة متملكة جسدها بالكامل..

يدها على لثمتها وخايفة من اللي راح يسويه..

أنتبهت على يده تأشر على الشارع من جهتها..

لفت راسها وشافت اللي يبيها تشوفه..

ماكان لها أي ردت فعل غير الصمت..

ومشاهدة المعالم اللي قدامها واللي تخبرها عن الدولة اللي هي فيها..

هديل بهمس\ رومـــــــا ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛

ماذا سيحدث في روما ...؟؟؟

تقولين بدهشة : لقد حدث شيء غريب غريب..

تقولين : إن عيوننا تلتقي الآن فلا يبصر أحدنا في عين الآخر ملايين الأفلاك والمجرات والعوالم..

تقولين : إن أصابعنا تشتبك الآن دون أن ينفجر ذلك الحريق المدمر الجميل الأخضر..

تقولين : إننا نتحدث الآن فلا تورق الكلمات بالبرتقال والعنب والليمون..

تتساءلين : ماذا حدث؟

حدث أن ذلك الساحر الصغير الذي كان يسكن عيوننا وأصابعنا وكلماتنا امتطي بساطه الطائر ورحل..

فعادت العيون إلى طبيعتها : نوافذ نطل منها على العالم الخارجي ..

واستأنفت الأصابع وظيفتها اليومية : أدوات نستعين بها على اللمس والالتقاط..

ورجعت الكلمات إلى أبجديتها القديمة : عارية من الكروم والواحات..

ماذا سنصنع الآن ؟ تسألين بحرقة ..

لا شيء..

من العبث أن نحدق في عيون فارغة أو نتلامس بأصابع باردة ، أو نتحدث بلغة ميتة..

من العبث أن نطارد الساحر الصغير ونحن نجهل اسمه وعنوانه وخط سيره ومحطته القادمة..

فلنبتسم ، إذن ، ونحن نسترجع الأيام التي قضيناها في صحبة ساحرنا الصغير..

ولنبتسم ، مرة ثانية ، ونحن نتصور حبيبين آخرين ينعمان الآن برفقة ساحرنا الصغير..

ولنبتسم ، مرة ثالثة ، ونحن نحلم بليوم الذي نعود فيه ، دون موعد ، ساحرنا الصغير..

المرحوم غازي القصيبي ,,,

ماكانت تدري هو وش يبي ووين راح يوديها..

الرجفة متملكة جسدها بالكامل..

يدها على لثمتها وخايفة من اللي راح يسويه..

أنتبهت على يده تأشر على الشارع من جهتها..

لفت راسها وشافت اللي يبيها تشوفه..

ماكان لها أي ردت فعل غير الصمت..

ومشاهدة المعالم اللي قدامها واللي تخبرها عن الدولة اللي هي فيها..

هديل بهمس\ رومـــــــا ..

غازي\وأخيراً عرفتي أنتي ويــــن..

هديل\بعيــــدة مــرة..

غازي بتسئول\بعيدة؟؟

هديل بهدوء\بعيدة من بيتنا..عشان كذا أبوي تأخر ولا جاء..

غازي قرب منها\تعتقدين هذا هو السبب..؟؟

هديل\يمكن هو يدورني في السعودية..مايدري انك جبتني هنا..

بس هو بيلقاني..وبيرجعني له..

غازي لفها عليه وعيونه بعيونها المليانة دموع..

غازي\مايقدر يأخذك مني..يـــابنت انسي انسي..

هديل بغصة\انسى؟؟..كيف انسى قلي كيف..

اذا نسيت أيش أصير وأيش أكون..اذا نسيت هلي فمن أذكر ومن اللي راح يذكرني؟؟..

تطلبني انسى هلي بكل سهولة تردد كلامك..

أنا لولا الله ثم ذكراهم مدري وش كان راح يصير فيني..

لو اني ما اصبر نفسي بلقاهم وش اللي بيصبرني..

وبعدين انت بأي حق تبيني أنساهم..

غازي بقسوة\بحق انه مابقى لك أهل غيري..

هديل\تسمي نفسك هلي وامي..وتطلبني انسى الماضي..

انسى المحبة الأمان انسى الحنان والرضى...

وأعيش على قسوتك ضربك وجورك..

أعيش على حرب نفسية وجسدية معك أنت..ومع هلك..

آسفة اذا صدمتك بس مافيه شيء بدنياكم يغري للحياة معكم..

أنتوا ماتخافون الله واللي مايخاف الله ينخاف منه..

غازي\واذا أغريتك بحياتنا تنسين وترضي بوجودك هنا..؟؟

هديل\سنة من الجور عشتها معك..

ماعاد يمدي تغيرها في عشرين سنة قدام..

غازي بغضب\ماقدامك الا هذا الحل..الماضي نسوك انسيهم..

ولثمتك مالها داعي..

هديل حطت يدها على لثمتها..خايفة لاينزلها..

والخوف من تغييره للموضوع اللي يتكلموا فيه..

ومن نظراته وعصبيته..

صد عنها وقال لـ السائق يرجعهم الفندق..

أنا ماكذبت عليه مستحيل انسى هلي ومستحيل أرضى بحياتي معه..

يوهمني بتغيير الحال اذا نسيت..

بس هو ليش يكذب علي هلي مانسوني..ثقته تهزني بالحيل..

أبوي واخواني يدوروني ألحين..فديتهم مايدرون أنا وين..

بما أني عرفت لازم أتصل فيهم وأخبرهم..

لازم اهرب منه وأرجع لأمي..

غازي بحدة\أدري وش تفكرين فيه..صدقيني ماراح تقدري..

هديل بتحدي\أقـــــــدر...

غازي\تذكري أنتي جنيتي على نفسك باعترافك..

طنشته وماعاد ردت عليه..تدري ان تهديده وراه مصيبة..

من معرفتها له هو مايهدد من دون ماينفذ..

ركزت نظرها على الطريق متجاهلة الرجفة اللي استوطنت بعظامها..

وصلوا الفندق أخذ مفتاح من الريسبشن مسك يدها ومشاها معه..

تأففت دليل على ضيقها من قربه منها لكن هو زاد من شده على يدها..

دليل على استمتاعه بمضايقتها..

وقف عند باب الجناح فتح الباب وأشر لها تدخل..

دخلت بتردد وهي تناظر بعيونها بأرجاء المكان تبحث عن أمه أو أخواته..

ماكان لهم أثر..فسخت البالطو تبعها وبالها في اي غرفة راح تنام..

اضطرت تسأله وهو يفسخ جاكيته ويجلس على الكنبة..

هديل\أمك وين ؟؟

غازي\أمي والبنات بجناحهم..

هديل بصدمة\يعني مو هنا؟؟

غازي\لا هذا ...جناحنا الخاص أنا وأنتي..وهم لهم جناح خاص فيهم..

رمشت بعيونها الحيرانة..غير مستوعبة لكلامه وغير راضية بكل تأكيد..

لم تتكلم ولم تنظر اليه..صدت عنه وتوجهت لباب الجناح فتحت الباب لكن ماامداها تطلع..

الا وهو ساحبها ومرجعها قفل الباب وهي تضربه وتصرخ فيه..

هديل بصراخ\افتح هذا الباب يامتخلف يا حقير..

تعتقد اني ممكن ارضى اظل معك بها المكان..

غازي\هشش ولا كلمة ومابتنزلين الا هنا وفي هذا الجناح..

هديل\بأظل مع أمك ما ابى اظل معك..

غازي\امي واخواتي مايبونك تظلين معهم..

هديل بعصبية\مايهموني أظل معهم غصب عليهم..ابعد عني ماراح اظل معك..

غازي يقفل الباب ويشيل المفتاح من عليه..مدت يدينها محاولة اخذ المفتاح من يده..

لكن هو رفع يده فوق وشكله مبسوط على ضربها له ومهاوشته..

هديل بقهر\لا تحبسني هنا ما بأظل معك..

غازي\أنتي جنيتي على نفسك وهذي أولتها..

هديل\افتح الباب بأكون عند امك..

غازي\لأني ما أظمنك مستحيل أتركك تغيبي عن عيني..

هديل\ماراح أهرب الحين مئجلة الموضوع..

غازي\الحذر واجب..

هديل بغيض\افتــــــــــــح الباب..

غازي تركها وتوجه لغرفة النوم وبعد عشر دقايق لحقته مقهورة من تصرفه..

مستحيل اظل معه في مكان واحد..هذا استخف ما أأمن على نفسي معه..

ماله امان خصوصاً بعد يوم العيد قليل الأدب..

حتى لو اهانتني امه واخواته عادي اتحملهم..أهون هم ولا هو..

دخلت وراه كان جالس على السرير و يفسخ جزمته ناظر فيها ولاحظ عصبيتها..

قبل لا تتكلم أو تهاجمه أمرها بلطف..

غازي\ممكن كاس الماء لو سمحتي..؟؟

هديل عاندت وركزت عيونها بعيونه ماتاثر من نظراتها المحرقة له..

قررت تعطيه الماء وتتفاهم معه بالهداوة وتترك عنها الصراخ..

لأنها ادركت انه أكتشف مدى خوفها من البقاء معه من ردت فعلها المجنونة..

قربت منه وبيدها كاس الماء مدته عليه بس ما اخذه كان يفك الزر تبع أكمامه..

غازي بخبث\فكي أزارير قميصي..

العقلانية اللي سكنتها بلحظة ونصحتها بالهداوة والتفاهم طارت..

وحل محلها الغيض والقهر من دون تفكير باللي تسويه..

كبت كأس الماء على رأسه ورمت الكاس على السرير..

كانت بتهرب برا الغرفة لكن الباب بعيد منها ولازم تمر من قدامه..

تراجعت على ورى ودخلت الحمام وسكرت الباب..

أنفجعت لما دورت على مفتاح الحمام بس ماكان موجود مفتاح..

ماهي الا ثواني وكان غازي معها بالحمام..

تراجعت لآخر الحمام بخوف من عقابه لها..

قرب منها وهي لاصقة بالجدار ماتجرئت تحط عيونها بعيونه خايفة من نظراته..

مد يده وبنفس اللحظة صرخت وحطت يدينها على وجها تحميه من الضرب..

نزل يدينها وآسرها بيده..وبيده الثانية نزل لثمتها وسحب حجابها..

فتحت عيونها وركلته بأرجولها على ساقه..سحبت يدينها منه..

ترك يدينها ومال بجسمه شالها من على الأرض وهي تصرخ بخوف..

مشى فيها خطوتين ونزلها في البانيو المليان ماء صافي..

أختفت هديل تحت الماء تحركت بين يدينه برعشة وخوف..

رفعها وسمح لها تتنفس لجزء من الثانية وأعادها تحت الماء وهي تشهق..

أعاد الكرة مرتين وثالثة حتى شعر بضعفها واستسلامها..

كانت تشهق وتتنفس بشكل سريع مع سعال متواصل بسبب الماء اللي دخل بحلقها..

مسح وجها بيده وبعدها شالها من البانيو وخرجها من الحمام..

وهو يهمس بأذنها\محتاجة تنفس اصطناعي..

سدحها على السرير وهي ترجف من البرد ومن الارهاق اللي أحدثه فيها اغراقه المتواصل لها..

سكرت عيونها لما شافته فسخ قميصه ورماه على الكرسي..

حست فيه يغطيها بمفرش السرير..

كل شيء فيها كان ينصحها تقوم وتطلع من الغرفة..لكن عظامها ماطاوعتها..

جسمها يرجف من الخوف ومن الانهاك والتعب..

ظلت على حالها مغمضة عيونها لحتى غفت من دون ماتنتبه على نفسها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

في الكوفي القريب من الفندق كانوا جالسين يشربوا قهوة لما انضم لهم غازي..

غازي\السلام عليكم ...

الكل\وعليكم السلام ورحمة الله وبركاته..

شوق\كنت نايم؟؟

غازي\لا...هممم كيف الجو معكم؟؟

رشا مبسوطة\جنان ياقلبي تسلم أحب روما مرررة..

شوق\يالبى الشوبينق في ايطاليانو..

غازي\مادية ماراح تتغيري..

شوق\هههههههههههههه وليش أتغير؟؟

رشا\ولدي بينام بأرجع الفندق تعالي معي شوق..

شوق توقف\اوكى جاية..يالله تصبحوا على خير..

غازي\وانتي بخير واذا جاك اتصال ردي عليه..

شوق\اتصال؟؟ايـــه فهمت لا ما راح ارد خله يتأدب..

غازي\انتي الخسرانة..

شوق\ليـــش ناوي يتزوج علي؟؟

غازي\ياليت يتزوج عليك يمكن تعقلين..

رشا\هي تظن راح يظل ينتظرها الخبلاء لبى قلبه بكره أزوجه احسن منها..

شوق بعصبية\وتسمين نفسك أختي يالخبيثة طسي الفندق قبل ادوسك..

توجهوا للفندق..وغازي ألتفت على أمه ولاحظ نظراتها..

غازي\وش فيها الغالية ساكتة؟؟

أم غازي\ويـــــنها؟؟

غازي\نايمة..

أم غازي\ويـــن؟؟

غازي\في جناحي..

أم غازي\جناحي كبير ابيها تجي عندي..

غازي\ولالك لوى..لكن ما ابيها تغيب عن عيني..

أم غازي\محتاجتها تساعدني في ترتيب الاغراض وتكون حولي اذا أحتجت شيء..

غازي\شوق موجودة..

أم غازي\ما ابى شوق..

غازي\لاتحاولي يومه ماتطلع من الجناح الا معي..

أم غازي\أخاف عليك يومـــه..

غازي يبتسم\أفا شايب وش كبري وتخافين علي..؟؟

أم غازي\أخاف تغرق بدون شعور..

غازي\ضامن نجاتي بالطيب او الغصب..

أم غازي\الله يصلح الحال..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛

رشا بزعل\شوق انتظري الولد نايم..

شوق بقهر\تبين تزوجينه ياللي ماتستحين تزوجين زوجي..

رشا\ههههههههههه يابنت اصبري..

شو طنشتها ومشت بسرعة عنها تبي تقهرها..لكن صدمت بجدار ضخم وكانت بتطيح..

لكن الجدار طلع معه يدين مسكها وثبتها توقف..

شوق تصرخ\عمــــــــــــــــــ� �ـــــي..لااا مو مصدقة..

سلمت عليه وهي تضمه..وتعبرله عن فرحها بشوفته..

تجمدت رشا بمكانها وهي تسمع صراخ شوق وضحكها بشوفة عمها..

وقفت بعيد عنهم وهي شايلة ولدها النايم..

نزلت راسها بخجل منه ومن تواجده..ماكانت تتوقع انه راح يلقاهم هنا..

شوق\رشا هذا عمي راجح..

رشا ماكان لها اي ردت فعل غير انها تتجاهل وجوده بأدب..

مشت من جنبهم وهي تلقي السلام بخفوت ..

راجح بصوت رجولي\كيفك يأم غازي..؟

رشا بخجل\الحمدلله يسرك الحال..عساك طيب؟؟

راجح\طيب بشوفتكم..عطيني الولد..

رشا ارتبكت\هو نايم الحين لما يصحى يصير خير..

راجح قرب منها وسحب غازي من يدها..باسه على خده وراسه..

شاله بخفة ثم ناظر في البنات وأشر لهم يلحقونه..

راجح\جناحي جنب جناح غازي طريقنا واحد..

شوق بصوت واطي\وش فيك مرتبكة اهدي..

رشا\ماهو على اساس بيجي الاسبوع الجاي..

شوق\هذا هو جاء خليك طبيعية..

رشا\بأقول لغازي يرجعني السعودية اليوم..

شوق\ترى مالك داعي عمي ماراح يأكلك..

رشا تدخل جناحهم\هاتي ولدي منه روووحي..

شوق\عمي خلاص هذا جناحنا عطني غازي ادخله..

راجح\خلي أمه تجي تأخذه..أنا في جناحي..

شوق\عمــــي الله يهداك لاتدخلني بمشاكلكم الولد يبي ينام..

راجح بحدة\تبي ولدها تجي تاخذه من عندي..

كمل طريقه لجناحه وهو حاقر شوق اللي صارت تتحلطم من كلامه معها..

شوق\مارضى يعطيني اياه..قال تبينه روحي جيبيه من عنده..

رشا بضيق\يا الله وش الحال معه هذا؟؟باتصل بغازي يجي يشوف عمه..

اتصلت بغازي وقالتله يجيهم الفندق بسرعة ويرجع ولدها..

غازي ماتفاجاء من تواجد عمه بروما هالاسبوع لأنه حجزله جناح قريب منه بطلب عمه..

رجع مع امه للفندق..توجه لجناح عمه..

دق الباب وسلم على عمه وجلسوا بصالة الجناح..

غازي\كنت أظنك بتوصل بكره..

راجح\خلصت الشغل وجيتكم هنا..

غازي\طيب ليـــش خاطف ولد أختي؟؟

راجح\لايكون جاي تأخذه مني؟؟

غازي\أمه أتصلت علي قالت اخذه منك..

راجح\اذا تبيه تجي تاخذه بنفسها..

غازي\لاتصعب الأمور عليها..

راجح\ماصعبت شيء تبي ولدها تجي تأخذه..

غازي\فيه غير هذي الطريقة عشان تتفاهم معها..

راجح\ما اتبع الا طرقي أنا..خلها تجي تاخذ ولدها..

غازي\بتروح معنا بكره السفارة؟؟

راجح\لا ما أعتقد السفير مايدري اني موجود بايطاليا ومالي نية اروح..

غازي\حلو..

راجح\وش عندك أنبسطت أني مو رايح؟؟

غازي\لأني مضطر أروح السفارة وبأحط عندك أمانة صعبة..

راجح\مابه صعب..

غازي\كفـــــو..وألحين عطني الولد بأروح أنام الوقت تأخر..

راجح\قول لـ رشا تجي تأخذه..

غازي\انتوا متزوجين وحلوا مشاكلكم لكن ولد اخوي خلوه برا أموركم..

راجح\تدري لاترد عليها وهي بنفسها راح تجي تأخذ ولدها..

غازي وقف\مو ناقص اجاهد مع اختي بحربها..عندي حربي الخاصة بجناحي..

راجح بعصبية\أنت صاحي؟؟

غازي\أنت اتبع طرقك وأنا أتبع طرقي..لا تدخل بأموري أتدخل بأمورك..

راجح\قل لأخك متى ماحبت تجي تأخذ ولدها تجي الدعوة مفتوحة..

غازي\تمسي على خير..الله يعين أختي عليك..

راجح\وانت من اهل الخير..

طلع غازي وبلغ اخته كلام راجح..اذا كانت تبي ولدها تروح تأخذه من عنده..

رشا\يومه روحي جيبي ولدي..

أم غازي\أروح جناح عم عيالي ؟؟طسي أقووول..

رشا بزعل\طيب تعالي معي اجيب ولدي..

أم غازي\مالي حاجة أروح..الرجال زوجك..والبزر ولدك..

رشا\زوجي بالأوراق مابينا شيء..ليش يسوي كذا؟؟

شوق\روحي تفاهمي معه..بيعطيك الولد..

رشا\أنتوا وعمكم هذا يخوووف ما ابى اروح بالحالي..

شوق\روحي لغازي يروح معك وجيبوا الولد..

أم غازي\مالكم شغل بغازي راح ينام..

شوق\يومه جارية أخوي وينها طاسة؟؟

أم غازي بحدة\مالك شغل بالبنت خليها في حالها..

اسلميها شر لسانك ولا تتقولي عليها بما يغضب الله..

شوق بدموع\لاتدافعي عنها وتنسي انها هي اللي قتلت ولدك..

أم غازي\هي مالها ذنب الا انها أخته..

شوق تبكي\وأنا مالي ذنب الا اني اخت اخوي..

ومشتاقة له وأبـــــيه..أخوي ميت وأخوها حي ماحوله شر..

ولد أخوي تيتم ..رشا ترملت..الكره في قلبي ماله حدود يومه..

أم غازي\ترحمي على اخوك وروحي نامي..الكره مابياكل الا صاحبه..

شوق\لا الكره بيأكلها هي وأهلها..تمسوا على خير..

راحت شوق تنام ..لكن رشا ظلت تترجاء أم غازي تروح معها..

أم غازي\خلوا البنت في حالها يارشا..ترى اللي مات ولدي..

رشا\انا مادخلني فيها..حتى لو عاملتها بقسوة ماراح أستفيد شيء..

زوجي مات بيد اخوها وهذا شيء مااقدر انساه..ولدي تيتم بسبب اخوها..

حياتنا انقلبت بسبب اخوها..لاتطلبي منا نحبها او نداريها..

أم غازي\لاتحبوها ولا تقربوا منها اتركوها بحالها وبس..

اللي تعانيه هي انتوا ماتعانونه..

رشا\اتركينا منها الحين وتعالي معي..

ام غازي\لا..تبينه روحي جيبيه..او خليه ينام عند راجح..

ماراح يصير فيه شيء..

رشا\لا مااباه ينام بعيد عني..

ام غازي\تصبحي على خير..

رشا\يووومه تكفين..

أم غازي راحت تنام وخلت رشا تدور بالجناح خايفة من انها تروح لجناح راجح لوحدها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛

دخل الجناح كانت الصالة ظلمة الا من نور خفييف على الطاولة المتوسطة الصالة..

فسخ جاكيته وعلقه عند الباب..دور بعيونه عليها بس ماكانت موجودة..

توجه لغرفة النوم الوحيدة الموجودة في الجناح كان الباب مسكر..

حاول يفتحه لكن الباب كان مقفووول..ابتسم على حركتها وتقفيلها لـ الباب..

غازي\أنتي ملزومة تفتحين أغراضي وملابسي داخل..

هديل بكره\عفشك بالصالة قدامك..

غازي يناظر أغراضه\هههههههههههههههههه� � قويــــــة يابنت يعني قد حركتك هذي؟؟

هديل طنشته ولا ردت عليه أنقهرت من استمتاعه بالوضع وضحكه..

كان راح يذبحني ويغرقني الملعون والحين جالس يضحك..

عساه الماحي ان شاء الله مبسوووط على قهري..

لما صحت من غفوتها ماكان موجود في الجناح كامل..

بدلت ملابسها وهي تبكي كل ماتذكرت حالتها تحت الماء وخوفها منه..

كان باب الجناح مقفول وماقدرت تطلع..جلست تفكر كيف تقدر تعيش معه بنفس المكان..

قررت تكون غرفة النوم لها لأن فيه باب يتقفل عليها وحمدت الله ان المفتاح موجود ماشاله..

جمعت ملابسه ورمتها بشنطته وعفستها متقصده ورمت جزمه وباقي أغراضه على الملابس...

سحبتها في الصالة وتركتها هناك..

قفلت عليها وهي مطمنة بانه ماراح يقدر يدخل ينام عندها او يقرب منها..

غازي\اممممم طيب ابي لحاف ومخده..

هديل\ليش بردان؟؟

غازي بخبث\ايـــــه بردان مـــــــــــــــرة محتاج دفاك..

هديل\أحسن خلك نايم في البرد..أنا نمت شهوور في البرد من دون ماتهتم..

غازي\آآآآآه بس لو كنت أدري..

هديل\ماراح أعطيك شيء..وجب لاتزعجني..

غازي\وتقولين جب ...يعني بتظلين طول عمرك بوسط الغرفة..؟؟

مصيري أمسكك ياالبزر وأربيك..

هديل\روح نام يامجرم نوم الظالم عباده..

غازي\تمسي على خير تهني بنومتك الليلة آخر ليلة تنامي لوحدك..

تنفست بصعوبة بعد ما تأكدت انه بعد من عند الباب..

قال آخر ليلة انام لوحدي..عساه الجرب يهددني..

يبي يخوفني..بس هو وش يقصد لايكون يبي ينام هنا؟؟

والله لو يذبحني او أذبحه ماينام معي واطي ..

طفت الأنوار ونامت ومثل كل ليلة تنتهي بالكوابيس وتصحى مفزوعة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

دقت الباب بهدوء هي نفسها ماسمعت صوت ضرباتها الخفيفة على الباب..

كانت متاكدة من انه ماسمعها..تراجعت تبي ترجع لجناحها لما فتح راجح الباب..

كان بروب الحمام وتوه متسبح وحاط فوطة صغيرة على راسه..

ارتبكت من شكله لانها ماكانت متوقعه تشوفه بهالشكل أبداً..

نزلت راسها وتلعثمت بالكلام..

رشا\ا ابـ ي غازي ممكن تجيبه؟؟؟

راجح\تفضلي خذيه..

رشا\جيبه لو سمحت..

راجح\مو سامح ادخلي شيليه..

ابتعد عن طريقها وأشر لها تدخل الجناح..

وقفت مكانها مترددة لكن تقدمت ودخلت وهو سكر الباب وراها..

ناظرت في الصالة ماكان موجود فيها..ناظرت فيه بتسئول فهم عليها..

راجح\نايم جوه على سريري ادخلي جيبيه..

رشا\انت جيبه أستناك هنا..

راجح دخل غرفة النوم وهو ينشف شعره..

راجح\تمسي على خير أنا داخل انام..

ظلت عشر دقايق تنتظره يجيب ولدها لكن ما طلع من الغرفة..

فتحت الباب اللي كان مردود ودخلت..تمنت لو انها ماتجرئت ولا جات لجناحه..

كان لابس بنطلون البجامة لكن من دون قميص..

تجاهلته وتوجهت لـ السرير مدت يدينها تبي تشيل ولدها..

لكنها حست بيدين تلتف على خصرها وتلمها من ورى..

شهقت بخوف وحبست أنفاسها..حاولت تتكلم لكن ماقدرت..

راجح همس بأذنها\ليـــش مستعجلة..؟؟

رشا بعبرة\ابـ ابعد عني..

راجح\نـــاسية اني زوجك..؟؟

رشا\زواجنا كان بشروط..اتركني..

راجح\بس انا ماوافقت على شروطك..

رشا\طلقني..

لفه عليه وقرب وجهه من وجها وعيونه مثل الشرار..

راجح\مــن بكره راح يتغير كل شيء..

بتنزلي بجناحي هنا..ماتطلعي الا معي وسفر معي وبس..

انسي اخوانك وانسي تأخذي شورك من راسك أو من غيري..

حاولت تبعده عنها وهي رافضة لكل كلامه..

رشا\صارلنا سنتين على هـ الحال وش اللي غير رأيك؟؟

راجح\كنت اظنك راح تعقلي وتتنازلي عن شروطك اللي ماترضي الله ولا ترضيني..

رشا دفته عنها\شروطي قبلت فيها..زواج ع الورق عشان ولدي يظل معي ومع هله..

راجح\وشرطي...؟؟

رشا\ما أذكر انك ذكرت شروط..

راجح ينام جنب غازي ويبوس راسه..

راجح ببرود\شرطي اني تزوجتك ابي عيال..

أنا نفذت شروطك بس انتي مانفذتي شرطي..

رشا مفجوعة\هذا الشرط ما انذكر وأنا ماوافقت عليه..أنت مو صاحي..

راجح يغمز لها\بلى صاحي تبين اثبات..

رشا\مالي كلام معك..اخواني يفهمونك الحكي عدل..

قربت منه مدت يدها تسحب غازي من جنبه..مسك يدينها وسحبها سدحها عليه..

صرخت رشا بكلمة وحدة\سعــــــود..

راجح تجمدت يدينه عليها وضمها له أكثر حتى تأكد من انه ألمها من صوتها..

راجح بهمس\تعتقدين انك لو ذكرتي اسمه راح أسمح لطيف انسان ميت ينهيني عن شيء ابيه..

سعود مات الله يرحمه..زوجك هو راجح..اياك اسمع اسم سعود على لسانك مرة ثانية..

ان حبيتي تنامي سليمة في ليلتك الاخيرة بعيد عن زوجك اخرجي من الغرفة في دقيقة..

رفعها عنه وهي طلعت من الغرفة وشهقاتها ترن بأذونه..

تركت غازي عنده وهربت لجناحها ..

كيف يبيني أعيش معه زوجه..كيف ينسى ولد أخوه..

تزوجته عشان غازي وبس..ابيه يتربى مع أهله..

باقول لغازي يطلقني منه هذا مايفي بشروطه..

عادي غازي يصير عم ولدي بيربيه وماراح يحرمني منه انا اخته مابيقهرني في ولدي..

وهذا الراجح يولي ويطس عن حياتنا..

حست برعشة بجسمها لما تذكرت ضمه لها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛

صحت توضت وصلت الفجر ماقدرت تنام من الخوف ..

مع انها أكدت لنفسها انه مايقدر يسوي لها شيء لانها راح تهرب اليوم وتنام بغرفة امه..

رضت امه او مارضت مو كارهة نفسي أنا أظل مع هـ المتخلف..

لبست بنطلون اشترته لها صوفي لما هربتها من المزرعة..

ماكانت مقتنعة فيه لانه برمودا..لبست بوت طويل ابيض لتحت الركبة بشوي وهذا بعد من اختيار صوفي..

بعد ما رمت جزمة هديل من شباك السيارة وهي تنتقد هديل..

لبست بدي اسود وقميص أحمر غامق..

ولفت حجابها عليها وتركت جزء تتلثم فيه..

فزت لما سمعت دقه على الباب وصوته الساخر..

غازي\اطلعي اكوي قميصي ليش عفستي ملابسي؟؟

هديل\عسى المكوى يحرق يدينك..انت رتب عفيستك..

غازي\ياقــــــــوية..أقول اطلعي ولا والله اطلع مع الأهل وأحبسك هنا..

هديل بكذب\ما ابى أطلع..

غازي\براحتك بأرجع في الليل وانتي خليك لحالك..

بعد دقايق طلعت من الغرفة وهي لابسة البالطو..

كان جالس على الكنبة يفطر ويشاهد التلفزيون..

هديل بتهديد\اذا ضربتني بأقول لهم يتصلون في الشرطة وأتهمك بالارهاب والقتل والله..

غازي يشرب قهوته\خوفتيني..اجلسي افطري مانبي نتأخر عليهم..

هديل\ما ابى..

غازي\طيب بس لا أحد يزعجني ويقول جوعان..

هديل\ما ابى منك شيء ابى اطلع من هنا بس..

غازي\بتطلعي لكن بترجعي ..

لبس جاكيته فتح الباب وانتظرها تخرج قبله..

طقت لثمتها على وجها وهي تتحداها يمنعها..

كانت شوق واقفة في الممر تنتظر رشا لما شافتهم طالعين..

سلمت على غازي ونظراتها على هديل نظرات احتقار وكرهـ..

غازي\وين راجح باقي ماطلع؟؟

شوق\كلمته الحين يجي غزوي معه..

غازي يبتسم\مارجعه..

شوق تضحك\ههههههههه لا قال رشا تجيه بس هي مارضت تروح..

غازي\يا الله نادي امي ورشا مانبي نتأحر..

شوق\اوكى بس جيب غازي رشا تبي تبدل ملابسه..

غازي\باروح أجيبه..رسل تعالي..

مشى ولاسمع كلام شوق لهديل..

شوق\ياجارية لاتحملي من أخوي مايشرفنا خلط الأنساب..

هديل\[ومايلفظ من قول الا لديه رقيب عتيد]

تركتها تسب وتلعن ومشت على خطى غازي..

شافته راجع لجناح امه وأخواته وقفت بمكانها مو قادرة ترجع معه..

أكيد بينقال عني مثل هـ الكلام..مو نايمة معه بجناحه..

مو يضمني قدامهم ويلمسني بكيفه..

ليــش مايشكون ويسبون..ليش مايحتقروني..

في النهاية انا جارية عنده وهذا رأيهم كلهم..

نزلت راسها بأسى ومسحت دمعة قهر..

راجح\رسل؟؟!

رفعت راسها وانصدمت من الشخص الواقف قدامها..

همست لنفسها بخوف يشبهه بس مو هو..

طويل مثله ضخم ويخوف..

حتى حواجبه معقودة مثله..ماكان باين منها الا عيونها..اللي وضحت خوفها..

ناظرت حولها تدور على غازي بس ماشافته..

خافت أكثر ورجعت خطوه على ورى..

راجح\لاتخافي أنتي رسل؟؟

هديل\ لــ لا مو رسل..

راجح\أجل هديل..؟؟

غازي بحدة\لا رسل..

ناظرت وراها وشافت غازي بالرغم من خوفها منه الا انها ارتاحت لوجوده..

المهم ماتظل لوحدها وخصوصاً مع هذا الغريب..

وقفت ورى غازي وهي منزلة راسها..

غازي\هذا عمي راجح يا رســــــــل..

راجح\كيفك يا رسل؟؟

ماردت عليه اختنقت بالهواء والعبرة..

أختنقت من القهر ومن الخوف..كانت تتمنى لو تصرخ فيهم..

أنا مو رسل أنا هديل..بس هي أضعف من انها تتحمل غضب واحد منهم..

فكيف لو عاقبوها اثنينهم وعنفوها..

طلع معه عمام وعزوة..آآآآه ياعمي علي دل ابوي علي وتعالوا..

حتى عمه الحين يقول عني نفس كلام شوق..بيحتقرني مثلهم..

ياويلي بيتكلمون الناس على سمعتك يوبه..

الله لا يطلعهم من ذنبي ولا يحلهم..

تبي تبكي وتصرخ بس مو قادرة تتمنى ترجع غرفتها وتحبس نفسها وما احد يشوفها..

غازي\أعذرها البنت سحاوية..

مشوا قدامها وهي ترددت بخطواتها..يتمصخرون علي يقول سحاوية..

ومن وراي يقولوا حقيرة..الله لايعلي قدركم ويقهركم بذنبي..

أكرهـــــــــــــكم أكرهــــكم..

انتبه لها غازي ورجع عندها..

غازي\كلهم نزلوا ليش ماتمشي مع الناس؟؟

هديل بعبرة\ما ابى أطلع رجعني غرفتي..

غازي تفاجاء\ليـــش؟؟

هديل\والله ما اهرب اليوم بس رجعني ما ابى اطلع معكم..

غازي\وش فيــــك؟؟

هديل بقهر\مايخصك ما ابى اطلع معكم مو غصب..

مسك يدها بقوة وسحبها وراهـ غصب عنها..

غازي\تطلعي غصب عنك ومو برضاك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

وصلوا للمدرج الروماني الشهير [ الكولوسيوم ]دخلوا بعد ماحان وقت دخولهم..

لأنو مايقدر احد يدخل الا ببطاقة وعلى حسب دوره..

دخلوا جوات المدرج وبالنسبة لشخص اول مرة يشوف هذي الاثار كان لابد ان تخطف انظاره..

لكن بالنسبة لهديل ما اثارتها ولا احدثت عندها اي اهتمام..

كانوا بالمدرج الثاني راجح طول الوقت ماسك يد رشا رغم عنها..

تجاهل غازي تصرفات راجح لأنه متفق معه بأنه صار الوقت بأن تعيش رشا مع راجح..

شوق متكفلة بالكاميرا تصور كل شيء ومن كل الزوايا..

جمعت شوق العائلة كلها وطلبت من احد السياح يصورهم..

بينما هي كانت واقفة بعيد عنهم وتداري دمعتها لاتنزل وتفضحها..

مع انه باين على عيونها اذا احد ناظرها بيشوف دموعها..

غصب عنها تحولت نظراتها عليهم وهم يتصورون مع بعض ومتفردين..

رفعت عيونها لآسرها ومالكها..

كان لابس نظاراته الشمسية ولا تدري انه يناظرها..

لحتى نزل نظارته شوي عن عيونه وبكذا عرفت انه شاف نظراتها لهم..

صور معي خايف يجي يوم وتموت..

ياشين هــآلكملة ولو هي حقيقة

لو ما تعوّض هالصور غيبة الصوت

على الأقل يذكر رفيقن رفيقه ,,

لفت بجسمها عليهم وناظرت بالسماء تمنع دموعها من النزول..

راقبت السياح بكدر..يبتسمون لـ الصور..

فرحين بتواجدهم بهذا المكان..مبسوطين مع أصحابهم وأهلهم..

كان فيه أشخاص يلبسون اللبس الروماني القديم ويجولون بالمكان..

السياح صوروا معهم وطلبوا معلومات عن هذا المكان..

حست بيده على كتفها غمضت عيونها بألم ..

نزلت يدهـ بقهر وصدت عنه..

واللي قهرها زيادة الكلام اللي نطق فيه..

الـــــــــــــــــــى متى اهانـــــــة..؟؟!

غازي\تدرين ان الجواري أنوجدوا في العصر الروماني بكثرة..

كان القيصر يستبيح أكثر بنات روما خصوصاً العذارء..

بينما حاكمات روما كانوا يصابون بالذل والقهر..

بعد مايمل القيصر من جاريته يقتلونها الحاكمات..كانتقام لكرامتهم..

لفها عليه وناظر بعيونها..

ما استغرب نظراتها الحاقدة..

بس تسأل وش سبب الدموع اللي مو راضية توقف من خروجهم من الجناح..

وفي السيارة وفي صف انتظار دخول المدرج..

سحب نظاراته من على عيونه وحطها على عيونها بهدوء..

غازي\ألحين ابكي ولا احد يشوف دموعك..

أنت مؤلم ..أنت جاني..

أنت ما ظنك تعاني..

أنت جرح بيوم أسود..

أنت جبــــار وأناني..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

رشا\وين موديني اترك يدي ماباروح معك..

راجح\انا علمتك من امس كيف راح تكون حياتنا..

رشا بقهر\وانا قلتلك طلقني..

راجح\لو ماكنا بين الناس كان وريتك شغلك..

رشا بصوت عالي\غــــــازي..

راجح\تهدديني بأخوك..خليه ينفعك..

نزل الدرجات بخطوات ثابته وهي تتعثر بخطواتها..

زلت رجلها وكانت بتطيح بس هو مسكها وثبتها..

راجح\وألحين امشي مزبوط..

رشا\ما ابى امشي بأرجع ولدي لحاله..

راجح\ولدك مع شوق انا وصيتها عليه..

رشا\النذلة متفقة معك..

راجح\مو محتاج مساعدتها..

خرجوا من المدرج الروماني وهي تحتج وتعاند لكن هو مااهتم بكلامها..

راجح\اممم الجو حلو مو لازم سيارة..تعالي نمشي..

رشا\راجح الله يخليك تصرفاتك ماتغير شيء بوضعنا..

راجح\يعني عاجبك الوضع اللي احنا فيه؟؟

رشا\ايه عاجبني انا مرتاحة كذا..

راجح\مرتاحة انك عايشة في بيت غريب عنك ومخليه بيت زوجك؟؟

رشا بقهر\أنا عايشة في بيت أخوي لاتنسى..

راجح\أخوك بالرضاعة وبس..

رشا\المهم بيت أخوي..

راجح\وأنا زوجك ومابتعيشي الا في بيتي ومعي انتي وولدك..

رشا\خلاص ماراح اعيش عند غازي باعيش في بيت أخوي طالب..

راجح\تدرين وين المشكلة؟؟

رشا\انت..

راجح\لا انتي مصدقة اني اخذ رايك..بينما انا ابلغك باللي راح يصير..

رشا\ماتقدر تجبرني على شيء بأتصل بطالب اخوي وهو يتفاهم معك..

راجح\ماتدرين ان طالب في ايطاليا؟؟قوليله واشوف وش يقدر يسوي..

رشا\طالب هنا؟؟

راجح\ايه وصل معي امس لكن عنده شغل يخلصه بميلان وراجع هنا..

رشا\غازي يدري؟؟

راجح\ايه يدري..لكن شوق ماتدري خليه يفاجئها..

رشا\تستاهل يصير فيها مثلي..

راجح\وانتي وش صار فيك؟؟

رشا\أنفجعت ماتوقعت أشوووفك..

راجح\من حقك تنفجعي لانك ناسية اني زوجك..من الليلة راح تتذكري..

غازي\يا الله لازم نرجع الفندق ورانا مشوار لـ السفارة..

راجح\موضروري تاخذ الحريم معك..

أم غازي\زوجة السفير مكلمتني لازم نروح كلنا وخصوصاً غازي الصغير..

راجح\الله معكم...

وصلوا الفندق وكلن على جناحه يتجهزوا للمشوار..

كان جالس على الكنبة في الصالة ناداها تجي عنده..

غازي\اجلسي..

جلست بدون عناد..

غازي\اذا أخذتك معي السفارة بتظلين بنت عاقلة..ولا بتحاولين تسوين شيء غلط..

هديل\راح اكون عاقلة وأطلب منهم يتصلون بأهلي..

غازي\توقعت هالشيء..طيب واذا تركتك هنا لوحدك بتهربي..

هديل\ايــــــه..

غازي تنهد\جنيتي على نفسك..

هديل بخبث\في الحالتين انت مجبور تاخذني معك..

غازي يشرب عصير برتقال واشر لها على كاسها..

غازي\تفتكري اني مجبور..

هديل\ايـــــــــــــه..ان تركتني فضحتك بالفندق وقلتلهم يتصلون باهلي..

وأن اخذتني فضحتك بالسفارة وقلت لهم يتصلون باهلي..

غازي\واذا ظليت هنا ومارحت السفارة..

هديل تشرب عصيرها\عادي باهرب في يوم ثاني..

غازي\مثل ماتحبيــــــــــــــن انا حذرتك بس انتي مو راضية تسمعي الكلام..

طنشته وطنشت تهديداته وناوية تقهره ولو شوي مثل ماقهرها..

دخل الغرفة وبدل ملابسه بعد دقايق خرج وهي جالسة بمكانها.

غازي\لساتك مصرة على رأيك..

وقفت بترنح وهي ميتة من الرعب..

هديل\وو..ش صــ ـار؟؟

غازي يقرب منها\وش فيك؟؟

هديل\دايـــ ـخة ..

غازي\لاتخافي راح تنامي لحتى ارجع مابيصيرلك شيء..

هديل تحاول تستوعب كلامه وهي تحس بالخدر في كل جسمها..

مشت خطوتين بس ماقدرت تكمل جلست على ركبها وهي تصرخ بيــــأس..

هديل\لا لا لاااااااا آآآآآآه

غازي يجلس جنبها على ركبه ويحضنها..

غازي\هشششش لاتخافي مخدر بسيط حطيته لك في العصير ماراح يضرك..

هديل تبكي\ما ابـــ ى انام ما ابى لا لا..

غازي\عمي راجح بيكون قريب من هنا وصيته عليك..ماراح تصحي الا لما أجي..

هديل وعيونها تتسكر غصب عنها\لا تخليني لاتــ ....

شالها من على الأرض دخلها غرفة النوم وسدحها على السرير وغطاها..

باسها على خدها من دون ماتدري لانها غفت عن العالم تماماً..

شال المفتاح من على باب غرفة النوم وحطه بجيبه..

خرج من الجناح وقفل الباب ...

فيم العناء

..

جميع المطارات عندي سواء

جميع الفنادق عندي سواء

و كل ارتحال قبيل الشروق

و بعد المساء

سواء

و كل الوجوه

تطاردني عند كل وداع

تلاحقني عند كل لقاء

سواء

ففيم العناء؟

* * *

أفيق مع الفجر

أشرب شاي الصباح

أسير إلى عنابة الأمس و اليوم

حيث تسيل الدماء

أصافح نفس الأيادي المليئه

بالعطر و المكر.. ألمح نفس الرياء

و نفس الخداع

و نفس الغباء

ففيم العناء؟

ففيم العناء؟

المرحوم غازي القصيبي,,,

كانوا بالاصنصير الارتباك باين على شوق..

رشا حاولت تفهم وش فيها لكن هي كانت تبعد عيونها عن رشا خايفة لاتكشفها..

رشا بطفش\تراك خوفتيني وش صاير معك؟؟

شوق\نعسانة وبأروح أنام بس..

رشا\عساك ماتكلمتي ..

شوق\وين غازي؟؟

رشا\مع غازي..

شوق\احـــم رشا لاتزعلي مني..تراني عبد مأمور..

رشا بشك\وش مسوية؟؟

شوق تمشي بسرعة باتجاه جناحهم\ولا شيء تصبحي على خير..

رشا\طيب اصبري وش فيك تركضين؟؟

شوق دخلت الجناح وقفلت الباب وراها بسرعة..

بينما رشا صرخت برعب لما حست بيدين تكتفها وتسحبها بعيد عن جناحها..

صرخت برعب لكن صرختها ماتت لما انحطت يد على فمها تمنعها من الصراخ..

حاولت تخلص نفسها من اللي سحبها ودخلها بمكان وقفل الباب..

ثبتها على الجدار وهو موثق يدينها..

رشا تنادي وهي تبكي\غــــــازي..راجــــــ� �ــــح..

راجح بهمس\لبيــــــــــــــــه قال راجح..

رشا بصدمة\ر راجح..؟؟!

راجح يمسح دموعها\ايـــه راجح..

رشا تصرخ فيه وتضربه على صدره تبعده عنها\يامتــــخلف ياتافه كنت باموت من الخوف..

راجح يبتسم\ياقلبه اللي يخاف..

رشا بعصبية\انت مو مراهق ليش تتصرف بها الشكل؟؟

راجح\وين غازي؟؟

رشا\مع أمي..

راجح\حلوو خليه ينام معها الليلة وخلينا نتفاهم..

رشا\مافيه شيء نتفاهم عليه تصبح على خير..

مشت تبي تطلع من الجناح..لكن راجح قفل الباب وشال المفتاح..

سحبها بقوة وجلسها على الكنبة..

راجح بحدة\لما أتكلم معك ماتديري ظهرك وتمشي فاهمة؟؟

رشا\وأنا قلتلك ما ابي اتكلم معك..اخواني موجودين تكلم معهم..

راجح\ما راح يتدخل اجد بيني وبين زوجتي..

رشا\طليـــقتك..طلقني..

راجح\مبطية عظم..

رشا\انت وش تبي..؟؟

راجح\اطالب بحقوقي كزوج..وقبل لا تثوري وتمني بنفسك وتأخذي مقلب..

حقوقي كـ ولي أمرك ومسئول عنك..أنا سمحتلك الفترة اللي طافت تعيشي مع اخوانك بكيفك..

لكن الحين تعيشي معي وتحت ظلي..رضيتي او رفضتي..

ماني عجزان عنك وعن ولدك..حطي عقلك براسك ولاتحديني على القوة..

رشا\وش اللي راح تستفيده اذا عشت معك في بيتك؟؟

راجح\أنتي زوجتي وملزومة تعيشي معي..وأنا ماني ملزوم أبرر قراري لك او لغيرك..

رشا\لا ملزوووم مادمت انا مو راضية اعيش معك..

راجح\طيب يارشا هذا الجناح ماراح تطلعي منه الا باذني ومعي..

ماراح ترجعي السعودية الا معي..ومابتعيشي الا في بيتي..

ورددي رايك ورفضك لحياتك معي قد ماتقدري..ماراح يفيدك الكلام بشيء..

رشا\لايكون مفكرني مقطوعة ومالي اهل تستقوي علي؟؟

راجح\أنتي زوجتي واللي فيه خير يفتح فمه بكلمه..

توجه لغرفة النوم لف وناظر فيها..

راجح\على فكرة ملابسك وأغراضك بغرفتي اذا حابة تبدلي ..

رشا بفزع\كيـــــــــف ملابسي هنا؟؟

راجح\جابتها شوق بأمر مني..عندك اعتراض لاسمح الله..

رشا\ايـــــــــــــــــه انت وبنت اخوك مالكم حق تتصرفوا معي كذا..

راجح\تصبحي على خير..نامي بالمكان اللي يريحك المهم بجناحي..

تركها واقفة بالصالة ودخل غرفة النوم بدل ملابسه ونام..

مرت ساعتين وهي جالسة بمكانها تفكر وش تسوي معه عشان يطلقها..

مر في بالها غازي كانت بتتصل عليه لكن غيرت رأيها لأن الوقت متأخر وأكيد هو نايم..

بكره ألقاه وأطلب منه يبعد عمه عني..

توعدت بشوق ومعاقبتها على اتفاقها مع عمها لحبسها بها المكان..

فسخت البالطو تبعها انسدحت على الكنبة ونامت وعيونها على باب الغرفة تخاف لا يطلع ويشوفها نايمة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛

ظــــلام هدوووووء لا كوابيس ولا اوهام..

لم تنم منذ دهر بهذه الراحة..لا تستيقظ بين الساعة والساعة مراقبة لمحيطها..

او تتأكد من اقفال باب غرفتها مرتين..

لا تركز نظرها على الشباك فتتوهم الاشكال من جذوع الشجر..

طمئنية وراحــــــــــة شعور غريب شعرت به في احدى الايام البعيـــدة القاسية..

وهاهو اليوم يعود لتشعر به من جديد..

وبلحظات انقلب الحال شيء ما يضغط على صدرها يمنعها من التنفس..

عظامها تكاد تسحق بالفولاذ..تأوهت بألم ترتجي السكينة من جديد..

شيء غريب يحدث معها لم يستطع عقلها ترجمته وفهمه..

هواء دافىء يدخل بأذنها بأحرف مبهمة في غيبوبتها..

عيناها خدودها شفتيها تتقد بنار حارقة لاتعرف مصدرها..

أتلوموني بحبها إنها شهيه كـ الحلوى ..طفلة تختبئ بمعطف أنثى

لم أستطع منع نفسي من إحتوائها ومداوات أوجاع العيد ..!

هي خطر على قلبي وروحي عند الأقتراب مع هذا وجدت اني كـ المراهق

عندما يستهويه أمراً ما ..!

قبلتها حتى أسكرتني ببراءتها ..ولكي أثبت لها مدى تملكي ..!

..قديسة الضوء..

فتحت عيونها بتعب والرؤيا مو واضحة لها..

حاولت تركز وتستوعب وش يصير معها..

لكن الصداع اللي يضرب راسها والنغز الموجع بعيونها مو مساعدها ابداً..

رفعت نفسها عن وسادتها ببطء..

لكن رجعت لمكانها غصب عنها ورجع الضغط على عظامها أقوى..

فضلت ترجع لـ الظلام وترتاح فيه..غمضت عيونها بتعب واستسلمت لـ النوم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛

صحت بعد ساعات لا أثر لـ الصداع ولا الم في عيونها..

وكما يحدث دوماً لما يصحى الشخص يكون بحالة عدم ادراك للي حوله..

ومايتذكر آخر شيء صار معه الا بعد دقائق..

لكن هديل في ثواني أدركت اللي صاير معها وانها مو لوحدها بفراشها..

بسبب اليد اللي على خصرها..

صرخت بحدة وفزت جالسة برعب ولامة نفسها..

غازي\صـــح النوم..

التفتت عليه وهي ترجف وشاحب لونها..

غازي\المفروض نمتي كم ساعة بس..

لكن شكلك كنتي تعبانة وماعرفتي النوم من سنين..

هديل تذكرت المخدر اللي نومها فيه أمس..

وبنفس الوقت ادركت انها ماحست بنفسها من هذاك الوقت..

يعني كانت فاقدة الوعي ومخدرة الى هالساعة..

همست بخوف\أنـ ـا وش صــار فيني؟؟

غازي\ماصار شيء..

هديل صرخت فيه\أنت وش تسوي نايم هنا؟؟كيف سمحت لنفسك تنومني ياحقير؟؟

غازي\نايم بغرفتي..ونومتك لاني ما اثق فيك..

هديل\غرفتك بجهنم ياواطي..مايحق لك اللي تسويه مايحق لك..

ليش خليتني اغفى عن نفسي؟؟كم صارلي غافية قوول كم؟؟

غازي\من 9 المساء الى8 الصباح..

هديل تناظر في نفسها وتناظر فيه..

هديل\وش سويت فيني؟؟

غازي مستند على ذراعه\ضميـــتك..وطول الليل وانتي نايمة بحضني..

هديل تصرخ\وش سويــــــت فيني؟؟

غازي يبتسم\الباقي ما باقول توك صغيرة على هالكلام..

هديل شهقت بقوة وماقدرت تتنفس من بعد كلامه..حاولت لكن ماقدرت..

حطت يدها على صدرها تحاول تخفف من ضيق التنفس اللي اصابها..

لكن الضيق اشتد عليها وشهقاتها تزيد أكثر..

وفي لحظات اختفى اللون من وجها مع زيادة شهقاتها..

جلس بشكل سريع وسحبها له بقوة..

غازي يحضنها\ماصار شيء يامجنونة اهدي..حاولي تتنفسي..

هديل غرزت اظافرها فيه وهي تشهق اكثر..

غازي\اهدي خلاص قلتلك ماصار شيء..

هديل\كـ كذ ا ب.

غازي\والله أنتي بخير..

هديل تتنفس وهي تبكي\سألتك بالله لاتكذب علي وش سويت فيني؟؟

غازي\ولا شيء..

هديل بنحيب\سألتك بالله..

غازي يعترف\ضميتك بوســـتك سولفت معك بس..

هديل بقهر\الله يأخذك يا حيوان أستغليت فقداني ياحقيييير..مريـــض معقد..

بعدت عنه وضربته على صدره ورقبته ووجه كانت تصرخ وتسبه بكل كلمة تعرفها..

كل ما مسك يدينها أفلتتهم منه ورجعت تضربه اكثر..

هديل بقهر\بأذبحك ان لمستني والله أذبحك..رجعني لأمي رجـــعني..

وقفت وبعدت عن السرير كانت جزمته على الأرض شالتها ورمتها عليه بقوة بس ما اصابته..

انتبهت عليه يوقف ويقرب منها شالت الثانية ورمتها عليه وهالمرة صابته في كتفه بقوة..

ركضت تبي تطلع من الغرفة لكن هو مسكها ولوى يدها ورى ظهرها..

ومسك شعرها بيده الثانية..

غازي\متوحشة يـ القطوة..

هديل\اتركني يانذل ياتافه يامتخلف..

غازي لصق خدها على الجدار وقرب من اذنها وهمس لها بصوت حاد..

غازي\هو صح انا ماسويت أكثر من اللي قلته..بس هذا مايعني اني مو ناوي..

أبيك تكوني صاحية وواعية يــــادمعة..حتى بنومك تبكي..

هديل صرخت بيأس وكأن الصراخ ممكن يبعده عنها ويحميها من تهديده..

أو يخفف من يدينه عليها..

غازي\خلصي نفسك مانبي نتأخر على راجح...

هديل\ما اروح معك ولا امشي خطوة وحدة ياتراب..

بعد عنها وتركها تتوعد انها ماتروح معه ولا تظل اكثر من كذا..

قفا عنها غير مهتم بهيجانها وصراخها..

الى الآن ماسيطرت على أعصابها ولا هداء خوفها..

أخذت جواله من على الطاولة وكانت راح ترميه عليه..

لكن اخفته بسرعة في بنطلونها قبل ينتبه عليها..

ناظرها فجئة مستغرب من سكوتها المفاجىء..ولاحظ الارتباك بعيونها..

ركز عيونه على عيونها بس هي هربت من الغرفة بسرعة وجلست بالصالة تنتظره يطلع من الغرفة..

خرج وهي دخلت أخذت ملابسها ودخلت الحمام غسلت وبدلت وعيونها على الجوال..

فتحته لكن تفاجئت انه مقفل برمز..سبــــــته أكثر من مرة..

كان المفروض اتوقع هذا الشيء منه أكيد مقفله عشان اذا اخذته ما اقدر افتحه..

خبته في صدريتها مابقى الا حجابها والبالطو تبعها قررت تلبسها في الغرفة لانها خايفة يظهر شكل الجوال..

بالرغم انه مو باين عليها لكن هي من الخوف تحس انه باين شكله..

خرجت من الحمام بحذر وتوجهت لدولابها تطلع حجابها..

صرخت بتعب لما حست بيدينه على خصرها ويضغط عليه بقوة..

مثل ماسوى فيها بالمزرعة لما كانت لابسة السكت رولز..

غازي\ويـــن حطيتي الجوال؟؟

هديل ماردت عليه الا بآآآآآآه بصوت مكتوم..

غازي بحدة\ويــــــــــــــــــ� �نه؟؟

هديل بتعب\مــ و معــ ي..

غازي شد على يده وهي انحنت على ورى لحتى لصقت فيه..

هديل\مو معــــ ....آآآآآآهـ

سدحها على الأرض وفتش جيوب بنطلونها بس مالقاه..

كانت منحنية على بطنها بألم..

مد يده على صدرها ولما حس بوجوده..مد يده لصدريتها وطلع الجوال..

ماحاولت تمنعه بسبب الألم اللي كانت تحس فيه..

غازي\متى تكبريــــن؟؟أفكارك مفهومة ومتوقعها..

جوالي اختفى أكيد مافيه غيرك اخذه..

مع اني مأمن انك ماتقدري تستخدميه..

مابيتعب غيرك هنا ولا راح يشقى الا جسمك وقلبك..

وأنا دائماً أحذرك بس أنتي ماتفهمي..

اللي تبينهم نســــــوك أنسيهم ..

مالك غيري أنا..

خرج من الغرفة وتركها مسدوحة على الأرض تتألم وتمسح دموعها..

مـــاأقساك يــــارجل ..

تريدني ان أتذكرك ...

بمـــــاذا ..؟؟؟

بعـــــذابك ...

أم

بقســــوتك ...

ببــــرودك ...

أم

بأنانيتـــــك ...

كل هذا لا شــــئ عند ...

ضربــــك لــــــي ....

يالـ السخرية ....

جعلتني أضحك وكلـــي قهــــر ...

كيــــف لي أن أتذكرك ...

وأنت لــــي الخــــوف ...

والضيــــاع والقهـــــر ...

بأختصار ...

صفحة سوداء بحيـــــاتي ...

..نور الليالي..

<<<<<<<<<<<<<<<<<<<<<<<<<<<<<<<<<<<<<<<<<<<<<<

كان جالس بالصالة ينتظرها تطلع عشان يفطرون وبعدها يطلعون لمشوار هو مخططه لهم..

خرجت وهي مبدلة ملابسها ومتحجبة..

راجح\حياك ياعروس أفطري..

رشا\الحمدلله عليك بالعافية..

راجح\فكرتي تعقلي؟؟

رشا بابتسامة سخرية\تصدق كلامك معقول..لكن مو مقتنعة فيه..

راجح\مو ضروري تقتنعي..

رشا\كلمت طالب وهو يتفاهم معك..

راجح\لاتدخلي أحد بينا..تبين نتفاهم نتفاهم..

بس اذا فكرتي ان اخوانك بيقدروا يغيروا قراري..

فأنتي غلطانة ما احد يجبرني على شيء..

سكتت لأنها مو قادرة تواجهه لوحدها ولا تقنعه بوجهة نظرها..

راح تقول لاخوانها يتكلموا معه..رضى او مارضى..

<<<<<<<<<<<<<<<<<<<<<<<<<<<<<<<<<<<<<<<<

الجدة\لو أجلوا الزواج احسن..

أم علي\والله توقعت ياجلونه بس هم قدموا الموعد..

الجدة تناظر بغادة اللي نزلت الدرج وهي لابسة فستان أخضر داكن..

تسريحة بسيطة تاركة شعرها الطويل مسدول..

وحاطة طوق من الورد الابيض الطبيعي على لفات بسيطة من خصل شعرها..

الجدة باستغراب\غادة وين رايحة؟؟

غادة بهدوء\زواج سهى..

ام علي\تبين تروحين الزواج..؟؟

غادة\ايـــه يومه سهى بنت عمي واكيد بأحضر زواجها..

الجدة\يابنتي ماله داعي تحضرين..الناس بيتكلمون عليك..

غادة\يتكلمون ..وش يقولون؟؟

ام علي\المفروض كان زواجك قبل أيام بولد عمك..

مايصير تطلعي وكأن مافيه شيء صار..

غادة بثقة\فعلاً مافيه شيء صار..وأنا ماراح احبس نفسي بالبيت عشان الناس..

زواج بنت عمي وبأحضره..واذا في الموضوع عيب فهو مايلحقني..

العيب مايلحق الا الناس العايبة..وثقتي بنفسي مايهزها ريح..فمابالك بمسمى رجل..

أم علي\خلاص يومه لا انا ولا انتي نحضر ومعنا عذرنا..

غادة\والعذر..مكسورة بعد مارفضها ولد عمها..ولا لها وجه تشوف الناس.

لايومه أنا اللي حقرته لانه حقير..والزواج بنحضره انا وانتي..

الجدة\عساني ما ابكيك يا الغبراء والله انك بنت رجال..

ايه يومه لا توزني بكلام الناس..ولا تضايقي بالك..

غادة تبوس راس الجدة\خليهم يتكلمون والشمس مايحجبها غربال يومه..

علي\جعل من حكى فيك يظلم يومه بليله..

غادة\جعلك سالم يا ابو عبدالله..

علي\وش هالزين يامشاء الله توني اعرف انك حلوة..

ام علي بغصة\فديت بناتي من اجمل بنات حواء..

غادة\فداك الكون وسكانه يالغالية..

علي\لا يومه الزين ماهو حولهم بطلة ام عبدالله لبى الزين ياعرب..

حنان بخجل\تسلم يا الغالي..

الجدة\با الله الا قايم تبوسها ياللي ماتستحي..

علي قايم\أفا يالعلم ما اردك وانا ولد أبوي..قربي يا مره..

حنان بتهديد\علي امانة لاتفشلني في هلك..

علي\شفتي يومه لو ماحلفتني ماخليتها في خاطرك..

غادة\ههههههههههههه ماصدق خبر ..

أم علي\يا الله ياعلي مانبي نتأخر أنت بتوصلنا الفندق..

علي\ايــــه يومه انا..لكن بشرط..

حنان\وش شرطه الحين؟؟

علي بخبث\الجدة تجلس ورى وحنونتي قدام معي..

الجدة عصبت\تهبي يالخسيس ما اجلس الا قدام وانت وحرمتك بالدبة..

علي\ههههههههههههههههههههه� �ه تبين تسوقين يا ام حسين..

الجدة\ايه اسوق قدامي السيارة لا بالعصا بين جنوبك..

حنان\هههههههههههههه يومه الله يسعدك لاتصدقي كلامه..أنتي قدام على طول..

غادة\يومه اجلس جنبك قدام؟؟

الجدة\نعنبوا غيركم تبون تهاوشوني على الشيخة..

الكل ضحك عليها وعلى كلامها ..

علي\مابه احد بيهاوشك على الشيخة يابنت الشيوخ..

يا الله لا تأخروني وراي مشاوير..

حنان\وين عبوود؟؟

علي بتحلطم\ولدك ذبح الذبايح ويقلط المعازيم..

لو تشوفينه كان سكني داخلن فيه..حشى ولا شايب بعمر ابوي..

ام علي\بسم الله عليه..اعوذ بالله من عيونك..عنبوا ابليس لاتنظل ولدك..

علي\بسم الله عليه مير انه يبط الكبد لما يقول ابوي شف ولدك احسن منك..

مايخلي لي فرصة افتخر فيه الا ويمد لسانه بوجهي الملعون من ورى ابوي..

ويضحك علي ان سمع الشايب يهاوشني..

حنان\هههههههههههه ماراح بعيد يشبه أبوه..

علي\يالبى الضحكة ماني مصدق ان ذاك القرد ولدك يالغزال..

غادة\هههههههههههههههههه ماعنده وقت على طول جاهز للكلام..

الجدة\انت بتقضب الطريق بدون كلامك ياللي ماتستحي..؟

علي\حنوو حبيبتي وش رايك نسفط العرس ونروح نتعشاء بمطعم ونسهر لحالنا؟؟

ام علي\ياولد انثبر زواج بنت عمك لازم تكون حاضر..

علي\يادين النبي لازم ينشبون لي بزوجتي..

حنان ماترد من الخجل ولان علي دائما يحرجها قدام اهله..

بس تكون مبسوطة بهواش الجدة له عشان كلامه عنها قدامهم..

وصلوا الفندق والكل نزل ومابقى الا غادة جت بتنزل لاكن انتبهت على وجود شخص قريب من الباب..

ترددت في النزول ولاحظ علي هذا الشيء..

علي بعصبية\تحبين اتوطى فيه قدامك..؟؟

غادة\لاتجيب الكلام عليكم انتوا عيال عم لاتشمت الناس فينا..

علي\والله ياغادة لا اخليه يدفع ثمن كل كلمة قالها فيك الخسيس..

غادة\قل للعقول اللي جهلت مادرت بي ..الريح ماهزتني وهزت جبال

وقل للذيابة مايضر لو حكت بي ..يبطون لا شمسٍ لقوا بي ولا ظلال

علي\لو ما حن بالشارع كان نطيت ابوس راسك..

بس يوم انسجن يومين برد خاطري السجن شوي..

غادة\ولد عمك أستخف يضارب خلق الله..وشله بالدكتور يوم يضربه ويكسر يده؟؟

علي\قلتيها يالغلا أستخف..أنط ابوس راسك..؟؟

غادة\هههههههه الحق لك يا ابو عبدالله..والحين انزل وصلني لـ الباب..

علي ينزل من السيارة ويفتح لها الباب..

نزلت وهو مسك يدها ووصلها لـباب الفندق الخاص..

تحت نظرات ذاك الصنم المنحوت من قهر وربما من الندم..

فسخت عبايتها وطرحتها متجاهلة الرجفة اللي تهزها..

حصنت نفسها وتعوذت من الشيطان ودخلت القاعة..

تمنت وجود هديل معها بها اللحظة..

كانت راح تستقوي بوجودها أكثر..

ماتقدر تبين قدام امها او جدتها اي من خوفها..

مشت بين الناس وهي رافعة راسها..

واثقة بخطواتها وشكلها..

توجهت لـ الطاولة اللي امها جالسة عليها..

لكن فيه من طلع بوجها..

سارة\هلا وغلا بشيختنا...

غادة تبتسم\هلا فيك ياسارة..

سارة تحضن غادة وتهمس باذنها\الله يسعدك ويرزقك بالنصيب الطيب..

غادة\الله يسعد الجميع..مشكورة يا الغالية..

سارة\تمنيتك لراكان لكن الله ماكتب..

غادة\الحمدلله الف مرة على نعمته..

سارة ماردت على غادة..

كنت اتمناك زوجة لاخوي وتسعدينه..

بس جفاكم عن بعضكم حيرني كثير..

الاكيد ماهو هديل وذكراها السبب..

السبب شيء كبير خلا عمي يكنسل الزواج وينهيه..

خيرة لكم..الله يعوضكم بخير..

كانت حاسة بنظرات الكل وتسمع بعض الهمس..

ماكنت راح احبس نفسي واخلي الناس تتكلم وتصدق نفسها..

تدري بصعوبة قرارها وماراح تتراجع..

قربت منها بنت خالتها وسحبتها معها على المسرح..

شغلت الدي جيه أغنية عبد المجيد عبدالله مرتاح ولا يتصنع قلبك الراحة..

ناظرت بسارة وأدركت انها هي اللي طلبت الأغنية لغادة..

غادة ابتسمت لسارة بسخرية والثانية نفس الشيء..

ورقصت بكل ثقة ودلع..

متجاهلة اي شعور ثاني يسكنها بها اللحظة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

تقول الأسطورة ..

أرمي قطعة نقود وان تمنيت أمنية خاصة لك..فقد تتحقق..

وان تحققت تلك الأمنية فأنت ستعود الى هذه النافورة وتتمنى من جديد..

وستعــــــــــــــــــود دوماً..

نافورة تريفي..

كان الجميع متواجدين حواليها ويتاملوا المنحوتات المحايطة بالنافورة..

شوق ورشا رموا حصى وهم يتمنوا يحكموا العالم بشكل ساخر وغير مهتمين بالاسطورة..

غازي وراجح يضحكون عليهم ويقولوا لهم يتمنوا شيء ممكن يتحقق..

شوق\ياهياط الايطاليين يسرقون فلوسنا لما نرميها في بركتهم..

راجح\لاتفضحينا اسمها نافورة مو بركة..

شوق\اللي هي المهم يبون نقودنا الغالية..

رشا\شوق خلينا نطب بوسط النافورة ونجمع كل هذي العملات..

شوق تشمر عن يدينها\وخري وانتي قلتيها..

راجح يمسكها\هههههههههههه يالمجنونة ترى يحبسونك اذا تعديتي على حرمة النافورة..

تركهم غازي وراح باتجاه هديل اللي كانت بعيـــــــــــدة عنهم بالموقع وبالخيال..

غازي\حابة تتمني؟؟

هديل\لا..

غازي\تدرين وش اسم تريفي يشير له؟؟

يشير للعذرية..كانوا بنات روما بالعصور القديمة يجون عند هذا النبع...

ويتمنوا الزواج..والنساء المتزوجات يتمنوا الأمومة والأطفال..

طبعاً هذا كان قبل لاتبنى النافورة كان نبع فقط..

يمكن حابة تتمني الحين؟؟

هديل\ايــــــه..

مد لها بقطعة نقدية وانتظرها تأخذها..أخذتها بأصابع ترتجف..

وظلت تناظر فيها بعدم اهتمام..

رجعتها له وحطتها بجيب جاكيته الخارجي..

هديل بهدوء\أتمنى من ربي بس..وربي مايحتاج فلوسك..

غازي\الحمدلله كل اللي عندي من فضل ربي علي..

هديل\مهما طال الوقت ربي بيحقق امنيتي..

غازي\ممكن تمنحيني الشرف بمعرفة أمنيتك..

هديل\ايـــــــــه أني أختفي من حياتك..

غازي\لو تقلبي الامنية ممكن تتحقق..

لو تقولي أختفي انا من حياتك..لأني أضمن لك انتي مستحيل تختفي من حياتي..

سكتت لأنه شيء مستحيل يختفي من حياتها..وحتى لو دار الزمن وهربت منه..

راح يظل عايش بذاكرتها بأحلامها..وراح تصحى بسبب الكوابيس اللي سببها لها..

تركها ورجع عند راجح والبنات وعيونه تراقبها..

شوق\انتي وين ولدك؟؟

رشا\مع امي..ليش؟؟

شوق\جيبيه أرميه في البركة وأنط وراه يعنني ابي انقذه..واسرق كم درهم..

راجح\ليــــش عفت ولدي يوم اعطيك اياه يالمهبولة..؟؟

رشا انبسطت من كلام راجح\شوفوا المجرمة ماكانك شايفة خير تبي تغرق الولد..

شوق\شوفوا الامر من زاوية ثانية..بأسرق الطليان ..

غازي\فيك خير طبي على بنك ماهو نافورة..

شوق\تخصصي نافورات مو مثلك الله يعافينا ماخليت بنك الا وقاط فيه..

رشا\هههههههههههههه لاتنظلين اخوي..

راجح\شوق اتحداك تدخلي القصر هذا المبني على النافورة..

رشا\أساطير كثير تنقال عن هذي النافورة..بس ماني مصدقة اي وحدة منها..

شوق\ليــش ماندخل القصر..؟؟

غازي\ممنوع السياح يدخلوا القصر لأنه من أروع القصور من العصور الوسطى الى هذا الوقت..

بنوا القصر على نبع ماء وبكذا بنوا هذي النافورة لان النبع يصب فيها..

ام غازي\مامليتوا من مناظر ها الاصنام؟؟تعبت من الجلسة على الدرج لحالي..

رشا\يومه وين غازي؟؟

ام غازي\بسم الله وين راح كان معي الحين..

رشا بخوف\ويـــن راح يومه؟؟

راجح يتلفت\ماراح يبعد اذكري الله..

رشا\ويـــــــــــنه ما اشوفه وين راح؟؟

الكل يتلفتون حواليهم يدورون على غازي الصغير..

حتى ان غازي التهى عن هديل ولا ناظر باتجاها لما كان يدور على غازي..

رشا بدت تبكي وهي تصرخ تنادي على ولدها..

شوق ماخلت قريب او بعيد الا وفتشت بعرباتهم وأغراضهم..

من غير ماتهتم لصراخهم عليها وانتقادهم لتصرفاتها..

ام غازي ماسكة رشا وتدور على غازي الصغير بخوف ..

غازي وراجح طلبوا من السياح البحث معهم عن طفل مايتعدى عمره اربع سنوات..

علموهم بلبسه وشكله..

أنهارت رشا وصارت تسب نفسها لأنها لهت عنه..

راجح قرر يتصل بالشرطة يطوقوا المنطقة..

<<<<<<<<<<<<<<<<<<<<<<<<<<<<<<<<<<<<<

هديل\هههههههههههههه بياكلنا سمك القرش..

غازي\فيه سمكة؟؟

هديل\ايـــه فيها سمكة كبيــــــــــــــرة مثل خالك الدوب..

غازي\سوفي<<شوفي

دخل يده بجيب بنطلونه وطلع حلق صغير ورماه بالنافورة..

هديل\ههههههههههه ياورع لمين هذا الحلق؟؟

غازي\حق سوقة..

هديل\شوقة يعني شوق..

غازي\ايه سوقة..

هديل\قول شوكة..مو سوقة..

غازي\سوكة..

هديل\ههههههههه بالضبط سوكة..تبي ماء..

هز راسه بايه وهي شربته من علبة الماء تبعها..

هديل\تدري وش اللي اكرهه فيك؟؟اسمك..

أنت ملاك ماتستاهل تحمل اسم هذاك الجلمود..

غازي\ماما..

هديل\أمك مدري وينها نروح ندورها؟؟

غازي\نلوح..

...بحقد\ناوية تذبحينه مثل ماذبحتوا أبوه؟؟

هديل التفتت على اللي تكلمها بهذا الحقد..وتنطق مثل هالكلام..

هديل\أنتي وش تخرفي؟؟

رشا\ناوية تذبحي ولدي يامجرمة..هاتي ولدي..

سحبت غازي من يدين هديل بقوة وهي تصرخ فيها..

شوق بكره\لاتمدي يدك على ولد أخوي ولا تقربي منه..

والله اشرب من دمك..

رشا\اسمعي ياحقيرة آخر مرة تقربي من ولدي..

راجح بعصبية\سدي فمك أنتي وهي..البنت ماسوت شيء..

شوق\عمـــي ماتـــ.....

راجح بحدة\قلتلك اكتمي..طسي قدامي عند أمك..

مشوا البنات وتركوا هديل تناظر وراهم باستغراب..

راجح\وانتي تعالي قريب منا..

صدت عنه ونزلت الدرجات الكبيرة غير مهتمة لا فيه ولا في غازي..

وماكان في نيتها الهرب..لانها ماتدل شيء بها المكان..

وصلت لآخر الدرجات ولمحت الأسواق الفخمة والماركات العالمية على الواجهات..

دخلت محل ديور بالرغم من البذخ والرقي بالمحل الا انها كانت حابسة الدمعة وتداريها..

عطورات..حقائب ملابس من ارقى مايكون..

حتى الاكسسوارات الباهضة كانت معروضة بطريقة جداً رائعة..

انتبهت عليه لما دخل المحل ووقف قريب منها..

وهي كانت جالسة على كنبة راقية موضوعة لـ الزبائن..

وقفت وطلعت من المحل بسرعة..

ماتبي تتواجد معه باي مكان..

وماتبي تسمع منه كلمة أو حرف..

وصلوا الفندق دخلت الجناح فسخت جزمتها ونامت على الكنبة بالصالة.وتغطت بجاكيتها..

جلس على كرسي مقابل لها..

كان واضح عليها الضيق..طول اليوم صامتة ولا تتكلم..

وزاد الوضع بعد كلام رشا وشوق لها..

وقف دخل الغرفة ورجع لها..

رفع راسها وحط المخدة تحتها..

وغطاها بالمفرش تبع السرير..

..حط يده على راسها وهمس..

غازي\بكرة بنسافر أنا وأنتي..

تمسي على خير..

رسالة من باريس..

وأخيراً ..

هذه مدينة المدائن!

السين ..

والغروب والعشاق والأرض المرصوفة بالقوافي..

والرصيف المصنوع من الفلسفة و أغنية عن الرجل والمرأة ..

الحي اللاتيني وقصة " عصفور من الشرق "

والطلبة والطالبات ..

يفلسفون الحياة ويحيونها حتى الثمالة ..

برج إيفل ..

يثبت للتاريخ أن الأهرام لم تكن حمق الإنسان الأخير..

أسير في الشانزليزية ..

أبحث عن عرس همنجواي المتنقل..

أحاول أن أتقمّص باريس..

أن أتحرر من جسدي المغيّر..

تصحو باريس تحتسي شربة البصل..

في المطاعم الصغيرة ..

وأنا ما زلت في الشوارع..

أبحث عن همنجواي..

أسأل نفسي :

أي باريس أحببت؟

باريس التي رأيت؟

أم باريس التي قرأت؟!

غازي القصيبي

في مطعم توليو الشهير بروما ..

من ارقى وافخم المطاعم الايطالية...

كانوا مجتمعين على طاولة الأكل بعد الغداء..

وكما العادة لم يكن لها وجود بينهم..

لو لم يوثقها ذاك الجلمود بالقرب منه..

وبكرسي ملاصق لكرسيه..

لما تحملت البقاء بالقرب منهم..

تجاهلت نظراتهم لها بين فترة وفترة..

ما اشتركت بالكلام ولا بطرح رأي مع ان راجح حاول يتكلم معها..

لكن هي بينت عدم رغبتها في مشاركتهم اي شيء..

أحرجها لما مد لها الايس كريم اللي طلبه لها..

هزت راسها بالرفض..ألتفت عليها وركز عيونه عليها.

غازي بصوت واطي\نزلي لثمتك وكلي أو أحرجتك..

هديل\ما ابى مالي نفس..

غازي\ايس كريم التارتوفو اروع مثلجات بايطاليا..

هديل\تشرفنا بمعرفتها بس ما ابى..

غازي\أتــــــــــهور..؟؟

هديل خذت الكاس منه بعصبية وحطته على الطاولة..

ماردت عليه وصارت تحرك الملعقة في الكاس ببرود..

مافاتتها نظرات شوق الحاقدة والمحتقرة بنفس الوقت..

شوق\عمي.؟؟

راجح\هلا...

شوق\اذا قابلت شخص خايس وحقيرومافي وجهه سحى وش تسوي فيه؟؟

راجح\أحقره وامشي..

شوق\طيب وان كان هذا الشخص مقابلك في كل مكان وعايش معك؟؟

راجح\اعوذ بالله منه وش ابي في واحد مثل هذا..؟؟

شوق\ماتدري يمكن يكون خادم عندك..

راجح\اذا كان خادم وهذي صفاته الشارع اولى فيه من بيتي..

شوق\فديتك هذا الكلام الصح..حتى الشارع ماظنتي يقبله..

عضت على شفايفها تمنع العبرة لاتطلع..

سبوني وحقروني..عند ربي أنا أخير منكم كلكم..

وقفت ومشت مبعدة عنهم سمعت صوت كانه صراخ بس ما التفتت عليهم..

طلعت من المطعم وحست فيه لما طلع وراها بوقت..

مشت جنبه من دون مايتكلمون..

انتبهت على يده وهو يمد نظاراته لها..

أخذتها منه ولبستها بهدوء..

مشوا لوقت طويل لحتى وصلوا لحديقة فيلا بورقيزي ..

هل حقاً المناظر الطبيعية الرائعة تنسي الشخص همومة..وتنقي ذهنه..

أم تثير أحزانً دفينة تقبع با القلب الملكوم..

لم يغريها ما راته من خضرة وجمال..

لم تجذبها الزهور بألوانها المستحيلة..

اقتربت من احد الرسامين بخجل..

تكلمت بهدوء وطلبت بعض الأوراق..

لم يبخل عليها قدمها لها بابتسامة..

طلبت من غازي بصوت واطي قلمه..

هديل\ممكن قلمك؟؟

خرج القلم من جيبه ومده لها ..أخذته وجلست على احدى الطاولات الحجرية..

لم يقترب منها ..

سمح لها بالبقاء لوحدها والتهاء بمخاطبت الرسام والمفاوضة معه لرسمها..

استغرب الرسام من طلبه وطلب منه ان يخلع حجابها او لثمتها..

غازي\أريــــد عينيها فهما ساحرتين رغم كثرة الدموع..

,,,يارب..

ان لي أحبةً يسكنون أرضك..

فرقني عنهم القدر..

وحرمني منهم البشر..

الهـــــــــــي ,,

اشتياقي لهم رغم مرارته يحييني..

انتظاري لهم يطبب بعض جروحي..

ربــــــــــــاهـ ..

أكتب بأم الكتاب لديك وصلهم..

وقدر لي بعد الغياب لقائهم..

مسحت دموعها وهي تتمنى لو يردون عليها أو توصلهم أخبارها,,

&&&&&&&&&&&&&&&&

لا تـلومونـه مفـارق أحـبابـه ..

يبان في عيونه شوقه و عذابه ..

و ان جا يوم يتناسى ودهم ..

ما قدر دايم و هو في ذكرهم ..

هل يا ترى بعد الوفا و الود ينسونه ..

دموعه في عيونه ..

على الخد صبابه ..

من هم يواسونه من البعد واسبابه ..

هل منه الذنب و لا ذنبهم ..

أو انه الذنب أنه حبهم ..

هل ياترى من حبهم يجفوا وينسونه ؟

باح مكنونه على السطر بكتابه ..

هل هم يراعونه يردوا بجوابه ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

وصلوا الفندق ولا زال راجح يلعن ويسب في شوق..

حاولت رشا تهديه لكن السب وصل لها هي بعد..

راجح بغضب\تستغفليني يا شوق..تسبي البنت وهي جالسة..

ماتخافين من ربك تتكلمين عليها كذا..؟؟

شوق بقهر\أنا ماقلت شيء غلط ماقلت..

راجح يمد يده يبي يمسكها لكن رشا وقفت بالنص بينهم..

رشا\راجح بالله عليك لاتلمسها..صل على النبي..

راجح\عليه الصلاة والسلام ألف مرة ومرة..

خليتيني اتكلم معك وانا مو فاهم مقصدك من اللي قلتيه..

شوق تبكي\عمي واللــــ .........

راجح بصراخ\انكتمي ولا كلمة ولا تحلفي بالله..

أنتي لو تخافي من الله كان راعيتي كلام الله..

[يا أيها اللذين أمنوا أتقوا الله وقولوا قولاً سديدا]

تتهمين البنت وتقذفينها بالباطل..

رشا\والله شوق ماتقصد هي بس من الضيق قالت اللي قالته..

راجح\وانتوا وش تعرفون عن الضيق وش تعرفون عن اللي هي عايشته..

ماهو كفاية اخوكم ماخذها بذنب أخوها..تزيدون عليها بكلامكم..

وهل يكب الناس في النار على وجههم الا حصائد السنتهم..

النار ماهي بعيدة عنكم بسبب طول السنتكم بغير حق..

شوق منهارة\والله ياعمي من قهري من قهـــــــري على أخوي..

راجح مسك شعرها\أخوك لو يدري بسواياك كره نفسه لأنك تبكين عليه..

توبي لربك واستغفري لذنوبك..بكره يجيلك بنات والله بيستر عليهم..

رشا\تكفى ياراجح خلاص مابتعيدها شوق مصلية وتخاف من الله..

وغازي ماقصر فيها..

راجح\ليته ذبحها..

جلس راجح وهدء شوي وبعدها ناظر فيهم ..

راجح\تحلوا بعادات الرسول عليه الصلاة والسلام..

تقيدوا بآدابه واخلاقه..ان أربى الربا شتم الأعراض..

خلوا الرسول لكم قدوة في كل شيء..

شوق تبكي\الله يسامحني والله ما اتقول عليها مرة ثانية والله ياعمي والله..

راجح بحدة\ما أعتقد ان هذي اول مرة تسبينها صح ياشوق؟؟

شوق هزت راسها\لا مو اول مرة..

راجح يوقف\حسبي الله ونعم الوكيل..

لو الضرب يصلح شيء كان وريتك نجوم الصباح..

خرج من الجناح وصفق الباب وراه بقوة..

رشا\انتي موصاحية مو صاحية..

لسانك ماعدتي تتحكمي فيه..

شوق\كنت ادري اني اغلط بشتمها وسبها..نيتي كانت اجرحها..

والله كنت اقول كلام من دون ما اقصده..نيتي جرحها وبس..

رشا\أحمدي ربك ان غازي ماذبحك..لو مارده راجح كان كسر الكاس بوجهك..

شوق\يومـــه تكفين لاتذكريني والله مت من الرعب..

رشا\والله خفت منــــه..الله يعين رسل وش مسوي فيها..

شوق\لاتقولي رسل ..

رشا\صح انا أحقد عليها..بس اللي يصير فيها هي ماتستاهله..

حتى اسمها حرمها منه وسماها باسم بنته..

شوق\ليته سماها سحر..

رشا\انتي ماتتوبي..مو توك حلفتي ماتسبيها ..

شوق\لاني اكره سحر وأموت برسل..

ليش سماها باسم بنته ولا سماها باسم زوجته..؟؟

رشا\طليقتـــــه..

شوق\الله ياخذها..لو اهتمت في رسل ماماتت..

رشا\انتي كل شيء عندك بسبب الناس..

ماتقدري تقولي حكمة رب العالمين وقدر الله وماشاء فعل..

شوق بقهر\تراك ماتبعدي مني..الى اليوم حدادك على سعود ..

حتى وانتي بذمة عمي لساتك تعشقي سعود..

رشا\سعود الله يرحمه..ما انكر اني حبيته..

بس أنا الحين مافي بالي الا ولدي وبس..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛

كانوا جالسين بالصالة يودعون هادي لانه بكره بيسافر..

أم علي أدمعت عيونها ولكن ليس مثل المرة الاولى..

الجدة توصيه وتنغزه بعصاها عشان ينتبه لها.

الأب صـــــــــــــامت كأغلب الاحيان..

عبدالله يناقز بين عمامه وهله..

هادي يهمس\وش قلتي؟؟

غادة\طس منااااك..ما انت صاحي..

هادي\غادة والله انا صادق..فكري بالموضوع..

غادة\انسى انا مافكرت بهذا الشيء وماعندي رغبة أكمل دراسة..

هادي\تعالي معي مابتخسري شيء..

غادة\نهـــــــــي نهــــــي ..

هادي\لاتقلبي هندي اتوطى في بطنك..

غادة\هادي والله مو مقتنعة..

هادي\هذاني احاول أقنعك يا تيــــس ..

غادة\من التيس؟؟!

هادي\ماهو انتي ...

غادة\المهم بكره قبل الساعة 8 وأنت مزروع هنا قدام عيني فاهم..؟؟

هادي\أهلكتيني من يوم العيد وانتي ترددي هالكلام..

غادة\اسمع الكلام لاتنسى..

هادي\طيب وانتي فكري باللي قلتلك..

غادة\اوكى بياااااا..

هادي\أنتي اليوم شايفة فلم هندي..؟؟

غادة\يب يب..

هادي\ههههههههههههههههه ما انتي بصاحية ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛

لمت أغراضها القليلة وهي تتناسى اللي صار اليوم معها..

هي تدري انها راجعة لـ السجن في مزرعته..

ومع ذلك حست ببعض الراحة لأنها راح تبعد عن أهله وعن نظراتهم..

قال لها تلم أغراضه لكن ماعبرته ولا اهتمت لكلامه..

ولما رجع ما انصدم لما شاف اغراضه مو جاهزة..

غازي\لا اله الا الله لازم تعاندي..

قومي لمي شنطتي بنتعشاء مع الأهل وبعدها نروح المطار..

هديل\ما ابى الم شنطتك ولا اتعشى مع اهلك..

صرف نفسك بنفسك..

غازي\تراك بتجني على نفسك بحركتك هذي..

هديل خافت من تهديده لكن ما بينت هالشيء..

تجاهلته وجلست في الصالة تشاهد التلفزيون..

هديل\لف عفشك ورانا طيارة لا تأخرنا..

غازي يبتسم\اوكى براحتك..أنا حذرتك بس أنتي ماتتوبي..

هديل لفت براسها ناحيته\كل شيء عندك تهديد..يعني بالله وش راح تسوي..

ماتقدر تسوي شيء الا تضربني..وعادي اضربني مايــــــــــهم..

غازي\يعني ما اقدر اسوي الا الضرب؟؟

هديل\ايـــــــــــه..

غازي\طيب لاتنسي أنك جارية عندي ولما أأمرك تنفذي..

هديل\روح لم عفشك يا متــــــــــــخلف..

لفت بوجهها وناظرت التلفزيون..

صرخت لما رفعها من على الكنبة وهو ماسك شعرها..

سحبها معه وهي تسبه وتشتمه..

دخلها الغرفة وقفها عند دولاب ملابسه وفتحه لها..

غازي وهو يفك شعرها\لمي الملابس وحطيها بالشنطة..

باقي اغراضي انا ألمها..

هديل\مابقى معي شعر قطعته كله..

غازي\ولا كلمة..نفذي اللي قلتلك..

هديل بقهر شالت ملابسه من الدرج ورمتها عليه وهي تصرخ فيه..

هديل بصراخ\مو جاريتك ولا ورثك من ابوك يوم تحكمني..

غازي بحدة\انتي ماتحبي نفسك؟؟؟

هديل\لا ما اطيـــــــــــــقها ولا أبيهـــــا عساها الموت..

غازي يقرب منها ويلصقها بالجدار ..

لم يدينه على خصرها ولصق خده على خدها..

غازي بهمس في اذنها\ماتبينها...؟؟ غيــــرك يحترق قلبه عليها..

رفسته بين أرجوله ودفته عنها..تألم وماقدر يمسكها..

خرجت من الغرفة تركض فتحت باب الجناح وطلعت منه بسرعة..

وقفت عند الاصنصير وانتظرته وهي تتلفت حواليها بخوف..

في لحظة ادركت انها مو متحجبة وشعرها مكشوف بعد ماسحبها من الصالة..

حتى البالطو تبعها مو معها..

فتح الاصنصير ودخلت بسرعة وقفلته وهي منتبهه لوجود أشخاص معها فيه..

كانت تتنفس بشكل سريع ومرتبكة..ناظرت وراها وشهقت بخوف..

لما شافت شخص حسبته راجح بس ماكان هو..

وزاد خوفها لما ركز عيونه عليها وناظرها نظرات متأملة..

حمدت ربها انها مو لوحدها معه فيه ثلاثة رجال اجانب وحرمة كبيرة في السن..

توقف الاصنصير وهي طلعت منه بسرعة..

شافت الغريب يمشي وراها وهي اسرعت بخطواتها وخرجت من الفندق تركض..

صدمت بشخص شهقت لما جات عيونها بعيونه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛

فتحت الباب تحسب ان غازي هو اللي يدق..

شهقت بفرح ونطت تحضن الواقف قدامها..

ضمها بهدوء وهو يضحك على حركتها..

رشا\ياهلا وغلا فديـــــــــت قلبك وحشتني..

طالب\هلا فيك..كيفك..؟؟

رشا\الحمدلله بخير ومشتاقة لك موووت..

أنت كيفك وش مسوي طمني عنك..؟؟

طالب بغموض\كنت بخير..

رشا\بسم الله عليك كنت

طالب\وصرت بخير أكثر بشوفتك..

وين الربع؟؟

رشا\غازي بيسافر الليلة..راجح يمكن معه..

طالب\زين أنك رجعتي لراجح وتركتي شرطك البايخ..

رشا بصدمة\كيـــف..؟؟

طالب\راجح علمني انك رضيتي تعيشي معه..

وصدقيني يارشا كنت اتمنى هذا الشيء يصير من زمان..

رشا\تتمنى؟؟يعني كنت مضيقة عليك..؟؟

طالب\عيوني أوسعلك من الدنيا كلها..

اللي قصدته حبيت أنك تستقري مع زوجك وولدك..

رشا بارتباك\يعني انت موافق..؟؟

طالب\أكيد موافق..راجح رجال كفوو وماينرد أبد..

وكفاية أنه صار لكم سنتين متزوجين وهو راضي بشرطك..

رشا\خلنا من هالكلام ألحين..وش جابك ايطاليا؟؟

طالب\أبد الشغل أرسلوني بمشروع..مطول فيه شوي..

رشا\شغل ولا مشتاق لبعض الناس..؟؟

طالب\لايكون تقصدين معصقل؟؟

رشا\ههههههههههه ايه معصقل ماغيرها..

طالب\الا وينها..توني تذكرتها..

رشا\صدقتك ..توك تذكرتها..

جووه بغرفتها..أناديها..؟؟

طالب\لا تناديها القاها بعدين..

تعبان الحين وباروح أنام..

تمسي على خير..

رشا\وأنت بخير يا الغالي..

ماراح تشوف غازي قبل لايسافر..

طالب\لا بالقاه لما يرجع ان شاء الله..

توجه لجناحه تسبح وانسدح على سريره بذهن غائب..

كان سرحــــــان غير واعي لتفكيره..

كان يفكر با الي لقاها في الاصنصير..

سبحان الله ما أجملها..من شفتها الى الحين مانسيت شكلها..

الاكيد انها مو أجنبية..ملامحها عربيــــة..

المصيبة بعيونها..

عيونها ماترحم لمعتها تسحر..

شعرها وجسمها..

أعوذ بالله من الشيطان الرجيم..

أستغفر الله العظيم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛

نزلت وجها بسرعة لانها عرفته ماكان الا راجح..

نزلت شعرها على وجها وبعدت عنه أكثر..

ماراح يعرفك أنتي دائما متلثمة ماراح يعرفك ..شجعت نفسها بها الكلام..

أكيد ماعرف من اكون ولا مرة شافني بس يشوف عيوني..

لاتركضين ..لاتركضين راح يشك فيك..

صرخت بيأس وقهر لما حست بيدينه تحجزها بمكانها..

هديل\آآآآآآآآآآآآآآآآآآآآ� �ـ لا..

راجح\رسل وين رايحة؟؟

هديل حطت يدينها على وجها وهي تبكي وترتجف..

وقف قدامها\وش صار فيك..قوليلي فيك شيء؟؟ويـــن حجابك؟؟

هديل بصوت مبحوح\مـــ ـا ابـــى ما اريـــ د ارجع ..

راجح\غازي؟؟

هديل تهز راسها\ايـــه ايه هو ما ابيه ما ابيـــكم ..

راجح\تعالي معي..

هديل سحبت نفسها منه لكن هو مسك يدها وسحبها وراه..

ضربت يده وهي تصرخ عليه..

هديل بقهر\اترك يدي اتـــــــــــركني..

راجح بعصبية\انكتـــــــــــــم� � وامشي عدل..

جلسها بحديقة الفندق فسخ جاكيته وحطه عليها..

رفعت جاكيته من على كتوفها وحطته على راسها تحاول تغطيه..

جلس قدامها وانتظرها تهداء شوي..

راجح بهدوء\راح اتصل بغازي يجي هنا..

هديل ماردت عليه ولا رفعت عيونها فيه..

بالموت تجرئت تناظر بغازي..مستحيل تقدر ترفع نظرها بعمه..

راجح\ما اقدر اخليك تهربي بها الشكل..

صح غازي عصبي ومايتفاهم باكثر الاحيان..

لكن ما اعتقد انه ممكن يضرك..

هديل بانكسار\حرمني من هلي..وحقرني بعيونكم..

هذي مو مضرة بنظرك؟؟

راجح\حقرك..؟؟

هديل بقهر\ادري ان كلكم تحتقروني وتتكلمون علي..

أكيد شوهتوا سمعت ابوي بكلامكم..

راجح بعصبية\ماهو صحيح..من وين جايبة هالكلام؟؟

هديل\مو من بعـــيد..أصلاً هو السبب..

وانتوا يحق لكم تسبوني وتحتقروني..

راجح بصدمة\يا بنت انتي صاحية..ليش نسبك؟؟

هديل\لاني جارية عنده وهو مايخاف الله كلكم ماتخافون الله..

راجح\جاريـــة..؟؟

ناظر باتجاه الفندق وحذرها بصوت هادي..

راجح\هذا هو جاء..خلينا نتفاهم معه..

هديل ناظرت وراها بسرعة وشافته جاي باتجاهم وقفت برعب..

وطاح جاكيت راجح من عليها....

تراجعت خطوتين على ورى وكانها بتقدر تهرب منه..

غازي\اشوفك على خير ياراجح انا ماشي المطار الحين..

مسك يدها بقوة وسحبها وراهـ ..

ناظرت براجح بس كانت تدري انه مثل ولد اخوه..

كيف يساعدها او يوقف معها ضد ولد اخوه..

لما قربوا من الفندق حط يده حول اكتافها وشدها له بقوة..

وكانه يدخلها فيه ومايبي احد يشوفها..

حست باصابعه تحفر كتفها لكن ماقدرت تهمس بحرف..

دخلوا الجناح قفل الباب وشال المفتاح معه..

غمضت عيونها بقوة لما قرب منها ووقف قدامها..

استعدت لـ الضرب ومثل ماتوقعت صــــار..

كف على خدها افقدها السمع للحظات..

غازي بحدة\اخرجي من دون حجابك مرة ثانية..

تركها ودخل غرفته..

وهي جلست على الارض جنب الكنبة..

يتعذر بحجابي..سامحني ياربي والله ماقصدت يارب والله..

كنت خايفة مرعوبة منه ما انتبهت ان حجابي طاح الا لما هربت..

هو السبب ياربي هو..والله هو..

ضربني عشان حجابي مو لاني ضربته...

الكذاب هو خلع حجابي من زمان وحرمني منه قدامه..

قال حلاله وله كل الحق يشوفني من دون حجاب..

ياربي لاتسامحه اقهره مثل مايقهرني..

غازي\قومـــي..بنطلع المطار..

وقفت ببطء توجهت للغرفة غسلت وجها في دورة المياه وهي تناظر بالمرايه..

وين ملامحك يا اخوي..ماعدت أميزها..

من أنتي..؟؟

هذا الوجه لايشبهني..من انتي..؟؟

أين ملامح ذاك الأثير..

كيف أختفت..متى اختفت..؟؟

لا أراهـ بوجهي ..

أين أخي..؟؟

يسكنني منذ الولادة..

يرعاني كما الطفولة..

من نزعه مني..؟؟

من اقتلع ملامح توئمي..؟؟

من أخفى هادي..؟؟؟!

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

طلعوا على مطار روما الدولي ..تم النداء للمسافرين بركوب الطائرة..

دخلوا بالطيارة وجلسوا بمقاعدهم..

تسلل لها بعض الراحة لانهم مو في طيارته الخاصة..

ع الأقل هنا فيه ناس وماراح يأذيها أكثر..

لكن لما تذكرت انهم راجعين المزرعة زاد الخوف فيها..

بنرجع لـ الضرب والتكفيخ..

ندمت وتمنت لو انها قدرت تهرب منه وهم في روما..

لانه صعب عليها الهرب وهي بالمزرعة..

مالت براسها على الكرسي وناظرت من الطاقة..

تحس فيه جالس جنبها..لما كانوا بطيارته الخاصة ماتجلس جنبه أبداً..

قدمت لها المظيفة مشروبات وهي هزت راسها بالرفض..

مو قادرة تشرب لأنها متلثمة ..

ولأنها مضروبة وفمها يعورها..

مو محتاجة شيء يزيد عليها الألم..

مرت الرحلة عليهم سريعة ماكانت طويلة..

نزلوا بمطار اول مرة تشوفه وانصدمت من تواجدها فيه..

مو من هذا المطار رحنا لروما..

كان هذا مطار ..شارل دي غول الدولي ..

المطار الرئيسي في باريس...

مسك يدها ومشت جنبه الجوازات طلبوا تشيل لثمتها وسوت مثل ماقالوا لها..

بس طبعاً هو تكفل بانزال لثمتها..

وها المرة هو رجعها عليها وهو يتامل وجها..

تمنت لو يتكلم لو يصرخ أو يسب..أو حتى يجرحها بالكلام..

لأن الصمت اتلف اعصابها..

وهي خايفة من ها الدولة اللي ماتعرف وش تكون..

وخايفة منه لما ينفرد فيها وش راح يسوي لها..

جلست جنبه في السيارة وهو ملصقها فيه ويده حوالين كتفها..

انقهرت منه ومن حركته بس التزمت السكوت..

كان بامكانه يجلس قدام أو يبعد عني شوي..

السيارة مو ضيقة لاصق فيني..حمــــــار..

وكاعادة لحركته في روما قام بنفس الحركة في باريس..

مسك وجها وأشر لها على برج ايفل البعيد عنهم..

ماصدقت اللي تشوفه..برج ايفل..

انا وش جابني هنا..ليـــه هالمدينة بالذات..

ليـــش مارجعنا المزرعة..تعبت من ها السفر والترحال تعبت..

أريد ارجع هناك والله هناك أأمن وأريح من ها الاماكن..

هناك راح ينشغل عني وينساني..

ليــــش جابني لباريس..؟؟!

صدت بوجها عن البرج..

وهي غير مدركة ان غازي يقراء اللي تفكر فيه من عيونها ورجفتها..

وصلوا للفندق اللي هو حاجز فيه فندق ريتز باريس..

دخلوا الجناح وهي مرعـــــوبة وحابسة عبرتها لاتبكي..

دخل شنطته وشنطتها لغرفة النوم وهي جلست بالصالة بحجابها ولثمتها..

نزلت دموعها غصب عنها من خوفها ومن شد أعصابها..

شهقت وزادت بالبكاء لما حست فيه يجلس جنبها ويأخذها بحضنه..

سحب حجابها من عليها وباسها على جبينها..

غازي\روحي نامي تصبحي على خير..

كانت بتبعد عنه وتقوم لكن رجعها له وهمس باذنها..

غازي\نـــــامي مو تبكي..

ماردت عليه ظلت بمكانها لحتى بعد عنها شوي..

وقفت وهي تترنح وتوجهت لغرفة النوم..

خافت تسكر الباب فيثور عليها او يهاوشها..

تركت الباب مفتوح فسخت جزمتها<<وانتوا بكرامة..

ونامت بكل ملابسها اللي عليها..

ولا حست فيه لما دخل غطاها وخرج وترك الباب مفتوح..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛

هادي بصراخ\غـــادة..لازم أمشي بعد ساعة للمطار..

وش تسوين حابستني هنا..؟؟

غادة\لا اله الا الله..

هادي\محمد رسول الله عليه الصلاة والسلام..

غادة\خلاص تعال يا دوب ابي اوريك شيء..

نزل هادي وغادة عند اهلهم في الصالة..

وأنصدم هادي من اللي قدامه..

كانت الصالة مزينة ومليانة بالورد والبالونات..

شمووع بكل مكان ..

وكيكة كبيــــــــــرة على الطاولة وعليها الشموع..

الكل صاروا يغنون له احتفالاً بيوم ميلادهـ ..

زادت صدمته اكثر لما ادرك ان كل هذا عشانه..

وتذكر لما كانوا يسوون حفلة له هو وهديل..

الله عليك ياغادة تبيني أطفي الشموع لحالي..

طيب وهديل يوم كنت غايب احتفلتوا لها..

ولا نسيتوها وأنا مانسيتوني..

أعرفها ماتحتفل من دوني..

أصلاً ماتعرف تطفي الشموع..

مهما حاولت تظل الشمعة مولعة ماتنطفي..

وأنا اطفيها بدل عنها..

ناظر فيهم كلهم حواليه..

يبي يشوفها..يلمح طيفها بينهم..

شافها بعيونهم كلهم..

ماكانت الا دمعة من عينه ويحسبها هديل..

يعني بطفي الشمعه وحدي بعيدي ميلادي السنه

يعني ما بلمح عيونك وتبقى ليله محزنه

آه لو تدري بشعوري غيبتك تنهي حضوري

وغربتي تنسى وجودي رغم انها مزينه

هذي ليله بالسنه

***

أدري لو كنت تغلى ولا ناوي تعتذر

جيتك تسوى حياتي يالي ما بعدك عمر

أنا مازعلت عينك لو نسيت إسأل حنينك

بس أبيك الليله يمي لو الأماني ممكنة

هذي ليلة بالسنة

**

كل أصحابي بقربي شفتهم إلا انت لا

دمعتي تسأل عيوني وين الي قلبه سلى

ما ابي كل الهدايا فرحتي وانت معايا

صرت ادور عن وجودي بكل ورده ملونه

هذي ليله بالسنة

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛

كيف ستقضي هديل هذه الليلة ..؟؟؟!!

الثلج المتساقط على الجبل..

يذوب مع النهار..

وشعرها ..

يذوب مع النوم..

كم تمنيت لو كنت القمر..

لأسطُع وأسطُع..

على السرير..

الذي ينام فيه حبيبي..

في صدري..

تحترق شعلة الألم..

ولكنها تحترق بصمت..

فلا يدري أحد..

الليالي مليئة بالثلج المنهمر..

بوريقات الشاي..

إذا كنت تريدني.. تعال!

لا! لن أغسل هذا الرداء..

هدية حبيبي..

حتى لا تشحب..

ذكريات الحب..

المرحوم غازي القصيبي ...

خرج من الفندق وهو يقفل جواله ماله رغبة يتكلم مع أحد..

ورشا تتصل عليه تبيه يمنع راجح من أخذها معه والسفر..

ولأنه يعرف مصلحت رشا تفاهم مع راجح وقاله انها زوجته وله الحق ياخذها معه..

جلس بالكوفي القريب من الفندق وتنهد وهو يتأمل الزبائن..

بنات جميلات ..لكن لايصلون لجمالها..

كلهم يملكون عيون..لكن ليس كعينيها..

حاول يلاقي لها شبه بسيط بينهم..

مالها شبيــــــــه..همس لنفسه وهو يبتسم بسخرية على حاله..

كيف من نظرة جذبت كل تفكيري فيها..

بعمري ماهزني الجمال ولا فكرت بأنثى بهذا الشكل..

بس هذي مو عشان جمالها او شكلها..

فيه شيء ثاني ماني فاهمة..

ليـــــه مو قادر أنساها..؟؟

أنتبه على اللي دخلت وشايلة ولد صغير..

جلست على طاولة بعيدة عنه شوي..

أبتسم وهو يسمعها تتذمر وتشكي لـ الطفل ..

شوق\فندق أبوهم وأنا ما ادري..يشوتوني منه يقال يبون يتفاهمون..

مابه تفاهم مع جدك ولا مع أمك الحولاء..

عساه ياخذها لسيبيريا ويضيع هو واياها..

غازي\سوكة بابا..<<يقصد طالب وهي تظنه يقصد غازي

شوق\أبوك كان بيذبحني يوم صكني بالايسكريم على وجهي..

ربك ستر ولا أنكسر الكاس وشوهني..

غازي\سووووكة..

شوق\وجع خبري فيك تسميني سوقة وش اللي جعلني سوكة؟؟

غازي يضحك\بابا..

شوق\ابوك سافر عسى اللي معه الموت كان بيذبحني بسببها..

طالب\معصقل؟؟

حطت يدينها على فمها ورفعت راسها ببطء تناظر فيه..

طالب يهزراسه بعدم رضا\بعده لسانك طويل؟؟

تأكدت من وجوده لما شال غازي وجلسه بحضنه وهو يبوسه..

نزلت راسها بخجل مو قادرة تحط عينها بعينه..

أنصدمت من وجوده معهم بايطاليا..ماكانت تدري..

طالب\كيفك عصقولة؟؟

شوق بقهر\معصقل بنتك..

طالب\أكيد طالعة على أمها..

صدت عنه بزعل ولا ردت عليه..

طالب\عصقول...؟؟

شوق\خلاص أنسى مرت سنين على هذا الاسم..

طالب\المهم كيفك؟؟

شوق\الحمدلله بخير..متى جيت هنا؟؟

طالب\أمس..ماقالت لك رشا؟؟

شوق\لا ماقالت..

طالب\كنتي تشتكين لغازي من غازي..وش مسوي فيك أخوي؟؟

شوق\أتذكر أن احنا متزاعلين..

طالب\أتذكر أن انتي زعلتي من نفسك وأكيد ترضي من نفسك..

شوق توقف\اوكى وأنا لساتني زعلانة وما ابي اجلس معك..

طالب\لما ترضي ارجعي اوكى؟؟

شوق\ما اعتقد اني جيتك عشان أرجع..

طالب\وش رايك نحل هذي المشكلة ونحدد موعد العرس..؟؟

شوق\يمكن أنا غيرت رأيي وما أبيك...

طالب\ويمكن أنا بعد غيرت رأيي..

شوق ناظرت فيه مصدومة من كلامه..أول مرة يقول لها مثل هالكلام..

هي دائما تهدد بالطلاق او الخلع كل ما زعلها بشيء..

بس ابداً ماكان يرد عليها الا بتطنيشها والضحك عليها..

والحين يقول انه غير رأيه ومايبيها..

من وعيت ع الدنيا وهو زوجي وخطيبي ونصيبي..

مهما زعلت وهاوشت أرجعله وهو ينتظرني ويدري اني بارجع..

شالت شنطتها وخرجت من الكوفي وتركت غازي معه..

دخلت غرفتها وعيونها تحرقها من الدمعة المحبوسة..

غير رأيه...

وش فيك ياشوق جرحتك الكلمة..

وليش ماجرحتك لما كنتي تقوليها له وترديها..؟؟

لأني ماكنت اعنيها وهو يدري اني ما اعنيها..

بس هو اول مرة يقولها واحسه يعنيها بجد..

ماتبيني يا طالب؟؟

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

راجح بعصبية\أعتقد ان احنا انهينا الكلام في هذا الموضوع..

رشا\يا ابن الحلال تبي تسافر الله معك..

لكن أنا ابي اظل مع اخواني هنا..

راجح\اولاً مالك مكان الا معي..واخوانك شيليهم من حساباتك..

ثانياً هذي رحلة مو سفر يعني بربوع ايطاليا..

رشا\وان رحت معك هذي الرحلة بارجع مع اخواني السعودية..؟؟

راجح بسخرية\ايــه انتي بس احلمي..

رشا\باكلم طالب..

راجح\انا مكلم طالب ومتفقين على كل شيء..أنتي زوجتي وماله دخل فيك..

رشا\ترى ما اروح مكان من دون غازي..

راجح بسخرية\لا أرميه بالماء..

رشا\أرميك أنت..

راجح\ههههههههههههه اذا فيك خير..

رشا\ومتى رحلتك؟؟

راجح\الليلة..

رشا\لا أنــــ..........

راجح\ولا كلمة ضيعتي وقتنا بالهواش اللي مدري وش يبي..

رشا\مايمدي اجهز اغراضي انا وغازي..

راجح\أغراضك جاهزة انتي وغازي..

رشا بقهر\مافيه غير شوقوه متفق مع شوق..؟؟

راجح\طلع فيها فايدة غير لسانها..

رشا\نذلة..

راجح\يالله لاتأخرينا..

رشا\طيب وين رحلتنا هذي..؟؟

راجح\بتعرفي بنفسك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

قبل غروب الشمس بساعة نزلوا من السيارة ولاحظت قربهم من برج ايفل..

مشت معه في الحديقة الخاصة با البرج حديقة شامب دي مارس..

مسك يدها وهي سحبتها منه وحطتها بجيب البالطو..

جاء دورهم في صعود البرج..

سمت بالله ومشت معه مع انها مو راضية وخايفة..

وصلوا لـ الطبقة الثانية ولما كانوا راح يستخدموا المصعد الكهربائي حتى يوصلوا قمة البرج..

تنهدت بخوف ومارضت تكمل..

هديل\خلاص هنا يكفي..ما اقدر أكمل..

غازي\طيب تعالي..

مسك يدها ووقفها عند تلسكوب من الجهة الجنوبية للبرج..

ناظر منه وبعدين قال لها تناظر من بعده..

حطت عينها على التلسكوب وهي تسمع كلامه ..

غازي\تقدري تشوفي باريس البانورامية..

بهذي الجهة تشوفي نهر السين الشهير..

هديل بعدت عن التلسكوب وهي تناظر فيه كانت بتتكلم لكن غيرت رأيها..

غازي\قولي؟؟

هديل\كنت دائما استسخف هذا البرج واستسخف اللي بنوهـ ..

واستغرب ليش كل الناس معجبين فيه..

مجرد حديد ماله اي معنى..

حتى ماكنت أدري ان الناس يقدروا يصعدوا فيه..

غازي\ماقرأتي عنه.؟؟

هديل\لا ماكنت مقتنعة فيه عشان كذا ماقرات عنه..

غازي\هذا أنتي فيه..أقتنعتي؟؟

هديل\مو بأرادتي..

غازي\تعالي..

هديل\لا ما باطلع فوق خلاص..

غازي\ماهو بارادتك..

مسك يدها وسحبها معه غمضت عيونها وهي بالمصعد الكهربائي..

ومافتحتها لحتى وقف وحست بيده تسحبها..

وقف ع السور وهي وراهـ أشر لها تقرب من السور لكن مارضت..

غازي يقربها منه\لاتخافي أنا معك..

هديل\مو خايفة الا لأنك معي...

غازي يبتسم\تخافين أرميك من هنا؟؟

هديل\ما أستبعد عنك..

لصقها بالسور وهي وجهت ظهرها لـ السور ووجها باتجاهه..

غازي\المهم طلعتك لـ القمة..

ماردت عليه وناظرت بالمتواجدين معهم بقمة البرج..

كانوا أقل من المتواجدين بالطبقة الثانية..

لاحظت ثلاثة شباب عربيين ومعهم كاميرات فديو ..

وأنتبهت لنظراتهم عليها لاحظوها لأنها متحجبة لكن ماكانت متلثمة..

خافت لما ثبت واحد منهم كاميرته عليها وصورها..

صدت عنهم وناظرت بـ باريس..

هديل\خلاص ابى انزل ماحبيت المكان..

غازي طلع جواله من جيبه اتصل برقم وتكلم بلغة فرنسية..

بعد ماقفل لاحظ نظرات السخرية بعيون هديل..

غازي\ايـــه اعرف فرنسي عندك مانع؟؟

هديل\لا اطلاقاً<<بالفرنسي..

غازي\هههههههههه حلو حلو عندك لغة فرنسية..

هديل\لا مو لغة أعرف كلمات بسيطة..

غازي\الحمدلله يعني مافهمتي انا وش قلت؟؟

هديل\لا مافهمت..

التفتت على صوت رجال الأمن وهم يخرجون الشباب الثلاثة اللي بكاميراتهم..

ناظرت بغازي\بس ألحين فهمت..

غازي بخبث\أجل يضايقونك وأسكت لهم ..يخسون..

هديل\هذؤلاء رجالك؟؟

غازي\اللي أخذوا الشباب من أمن البرج..

رجالي متخفين..

هديل\كل يوم يزيد خوفي منك اكثر..

لف يده على كتوفها وقربها منه..

غازي\خافي مني..وتكوني بأمان معي..

هديل\ما احس بأمان..

غازي\أنتي بخير لاتخافي..

هديل تتلفت\المكان بداء يظلم ماعندهم انوار هنا..؟؟

غازي يناظر وراها ويهمس بأذنها..

غازي بهمس\كل عام وأنتي لي يا أطهر ذنوبي ...

رفعت عيونها له وشافته يناظر وراها..

ألتفتت ببطء وهي تسمع كل الموجودين يغنووون عيد ميلاد سعيد..

شافت رجل يشيل قالب كيك كبير وفيه شمعتين بس..

لما قرب منها تراجعت على ورى ولصقت بغازي..

وهو حضنها من ورى وثبتها بمكانها..

لصقت فيه اكثر وكانها تبي تهرب من اللي قدامها..

سواهـــــا غزى عالم الذكرى..

تمرد على يومنا ياهادي..

بصم على ميلادي مثل مابصم على عيد الفطر..

وعلى شهر رمضان وعلى سنة من عمري..

ما أبي أطفي شموعه ما ابي أتواجد بقربه..

غازي بهمس\تمني...

لساتهم يغنون بفرح ..وهو يشد على خصرها بتملك..

والشموع تلتهب قدامها تنتظر أمنيتها وبعدها تموت..

غازي\تمني..

هديل تبكي\أتمنى اختفي من حياتك..

غازي\عساها ماتتحقق امنيتك..طفي شمعتك وشمعتي..

أختنقت بالهواء والذكرى تمر في بالها..

ماكانت تقدر تطفي الشموع..

هادي كان يطفيها..

هديل بتعب\ما أقدر..

غازي\طفيها وانا اساعدك..

أنطفت الشمعات بلمح البصر..

من أطفئها..؟؟

ربما هديل..غازي..أو نسمة هواء تحالفت مع قلب هديل..

أول ماطفت الشموع ولعت انوار البرج كلــــــها..

مع صراخ وهتاف كل المتواجدين في البرج والمتواجدين تحت البرج..

لفها عليه وقرب وجهه منها قبلها على جبينها وهو يمسح دموعها..

ضمها له بقوة وهو يرد على الناس اللي يهنونه ويهنونها بميلادها..

ما احد سمع صوت بكاها غيرهـ ..

بعدها عنه ورفع راسها لـ السماء..

حست بشيء بـــارد على خدها..

فتحت عيونها ولأول مرة في حياتها..

يتساقط الثلج عليها..

ياما تمنت الثلج وتمنت تلعب فيه وتشوفه...

حست بشيء يلتف عليها..

كان معطف من الفرو الأبيض..ورقبته رمادية..

غازي\شفته يناسبك..

وبعدين البالطو الأسود كئيب ما أحبك تلبسينه..

ماردت..

وان تجرئت ترد وش ممكن تقول..

لعــــبة بين يديه..حيرني معه..

أمس يضربني واليوم يحتفل فيني..

أتعبني بتصرفاته..

حنيته تضعفني..تعلقني فيه..

بس قسوته تطغى على كل شيء..

أخــــــــاف منه..

ومــــالي غيــــرهـ..

حطت راسها على صدرهـ مجبورة من يدينه..

أم غازي\تبين تظلين لحالك؟؟

شوق\ايه يومه مالي نفس اطلع..متى نرجع السعودية مليت..؟؟

ام غازي\قومي طالب ينتظرنا..

شوق\ما ابى اطلع معه..

ام غازي\شوق ترى زعلك ماله أساس..

شوق بهدوء\ومن قال اني زعلانة..

مو زعلانة بس ما ابي اطلع معه..

أم غازي بحدة\شوق قومي الرجال ينتظرنا..

شوق\يومـــه ما ابيـــ....

أم غازي بعصبية\من متى تراديني؟؟

شوق\يومه ما أرادك بس هذي رغبتي..

أم غازي تطلع من الغرفة\أنتظرك باللوبي مع طالب لا تتأخرين..

خرجت وشوق تعض على قميصها من القهر..

قامت تبدل ملابسها ونزلت لهم..

طلعوا من الفندق وأخذوا سيارة أجرة وتوجهوا لوسط روما..

تمشوا في الأسواق وشوق تحاول تتجاهل وجوده مثل ماهو متجاهلها..

بعدت عنه وعن أمها ودخلت بمحل خاص بالشنط والجزم فقط..

بدلت بارجولها كم جزمة بكل رجل تلبس نوع..

طالب\خذي بوت..المفتوح مالك شغل فيه..

شوق رفعت راسها له\مالك شغل أخذ اللي يعجبني..

طالب\خذي اللي يعجبك..

كانت تتمنى تاخذ بوت لكن عاندت وما أخذت..

لانه كان موجود..

أشترت ثلاث جزم <<وانتوا بكرامة..

وشنطتين..

جات بتحاسب بس مالقت بوكها با الشنطة..

هي متأكدة من انها حطته بشنطتها..

طالب بسخرية\مضيعة شيء؟؟

شوق\بوكي مالقيته..

طالب\أكيد في شنطتك بس تلعبي علي تبيني أحاسب على قشك..

شوق بصدمة\والله العظيم ما أكذب..

عصبت عليه\باروح أنادي أمي تحاسب وأنت لاتقرب من أغراضي..

خرجت من المحل وراحت تنادي أمها..

في طريقها وهي راجعة للمحل كان طالب خارج ومعه أغراضها..

طالب\لا تناظريني كذا هم هاوشوني وخلوني أدفع غصب..

شوق\خذها لك ما أبيها..

طالب\أصلاً هذي مو لك لزوجتي..

أم غازي\هههههههههههههههههه ماعليك منها ..

طالب\تشوفين بنتك بس تهاوش ماتعرف تقول شكراً..

شوق بقهر\لما ارجع الفندق ارجعلك فلوسك..

طالب بغمزة\لا عادي دفعتها من مهرك..

شوق\ما ابي منك مهر..خله لزوجتك..

أم غازي\لاتفضحينا معه خلونا نرجع الفندق الليل أنتصف..

طالب\يا الله الوقت تأخر..

رجعوا الفندق وشوق قلبت الجناح تدور على بوكها لكن مالقته..

قالت لأمها انها فقدته ويمكن أنسرق منها ..

أما الروم سيرفس أو بالشارع..

بكت من القهر لأنها حافظة شيء غالي على قلبها في البوك..

:::::

فتح البوك وهو يتخيل لو يشوفون الشباب هذا البوك معه ..

كان فضحوه بوك وردي ومع من مع طالب..

أوراق ماليه من عملة اليورو..

بطاقات خاصة بشوق..

بطاقة فيزا..

وبجيب مخفي كانت أهم محتويات البوك..

صورة لطالب وهو شايل شوق بحضنه..

لما كان عمرهـ 15 سنة وهي 5 سنوات ..

أبداً ماخطر في بالها انها ممكن تكون محتفظة بشيء مثل هذا..

قلب الصورة وضاق صدره من المكتوب وراها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛

وصلوا لجناحهم في الفندق..

توهم واصلين من المطعم طلب عشاء فاخر من أرقى الأطباق..

حاولت تأكل ماقدرت..

حاول يأكلها بس عبرتها المكتومة منعته من أجبارها على الأكل..

دخلت غرفة النوم وهو جلس بالصالة وشغل التلفزيون..

شالت حجابها تحممت وصلت..

انسدحت على السرير وعيونها على القمر من زجاج البلكونة<<البرندة..

القمر مع الثلج...

من يلومها فلقد غلبها الحنين..

أرهقها الشوق وعذبها القلق عليهم..

لو تسمع أصواتهم لو تعلم ماهي حالهم فقد ترتاح وتصبر أكثر..

شهقت من الحسرة وبكت وهي تدفن وجها بالوسادة..

أنتزعتها يدينه من على فراشها وزرعها بصدره..

طلعت منها الآآآآآهـ وأنتحبت بصوت عالي..

بين شهقاتها وبكائها كانت تشكي له..

بحروف مقطوعة وكلمات مبعثرة..

ماتكلم ولا عاتبها تركها تشكي وتذكرهم..

سمح لها تتكلم عنهم وعن قلوبهم..

وبكل ميلاد لها علمته كيف علي كان يضحك عليهم..

ويقول لو سبقوا بكم يوم كان ولدوا بيوم العيد وأكلوا من حلاو العيد..

ولو تنذلوا بأمهم وولدوا بشهر رمضان..

وبعد فترة...

هديل بصوت مخنوق\هم بخيــ ـر..؟؟

غازي بهدوء\هم بخير...

كم تمنت الاطمئنان عليهم..معرفت احوالهم..

سئلت سؤال قد يطفىء بعضاً من خوفها..

وكانت الاجابة بنفس السؤال..

الحمدلله يارب ..المهم انهم بخير..

غفت على صدرهـ..

بس ماتركتها الكوابيس تنام..

بين فترة وفترة تصحى مفزوعة..

وهو يهديها بأنه معها وماتخاف من شيء..

ربما نسى أو تناسى بأن خوفها منــــه هو’’’’

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

كانوا في البندقة::المدينة العائمة..

أستئجر قارب <<الجندل>>مع انها ترجته مايستاجر..

لكن راجح ماسمع لها ونفذ اللي في بالهـ ,,,

مسك يدينها ونزلت معه في القارب..

كانت حاضنة غازي وهي تترجاء راجح يغير رأيه..

رشا\ماله داعي اخاف على غازي ملقوف ما بيثبت..

أخذ غازي منها وجلس جنبها..

راجح بجمود\مابيصير فيه شيء هذا انا ماسكه..

رشا بخجل\أنا آسفة على اللي صار أمس..ماقصدت..

راجح\حسابك مو الحين..

رشا\راجح أنـــ........

راجح بحدة\أنا قلتلك من قبل ماراح ألمسك وأخليك براحتك..

بس انتي تبين تخليني أتخذ قرار ثاني بتصرفاتك الغبية..

رشا بقهر\مو تصرف غبي قفلت الباب علي وش صار يعني..؟؟

راجح رفع حاجبه\يعني ماتشوفين فيها شيء.؟؟

رشا\لا أنا دائما انام والباب مقفول..

راجح\رشا انتي مو صغيرة اتركي حركات البزران عنك..

رشا\مو حركات بزران..

راجح\انتي تبينا نتهاوش واقولك اجلسي مع أخوك..

بس هذا أبعد من خيالك..

رشا\هذا اللي ابيه..

راجح\وأنا قلتلك حسابك بعدين..

رشا\هات ولدي ولا تدخل فينا مرة ثانية..

راجح جلس غازي بين أرجوله وطنش رشا..

تدري انها غلطت بتصرفها لما دخلت غرفة النوم وقفلتها..

هي تعودت على هذا الشيء..تعودت تقفل غرفتها عليها دائماً..

ماكانت تقصد راجح باللي سوته..

لو أنتبهت كان فتحت الباب..

لكن هو مو راضي يسمعها او يفهم تصرفها..

حبيبــتي أميرة بين النساء..

تومض في ناظرها الكبرياء..

جاد لها الحسن بما تشتهي..

وأعطيت من دهرها ما تشاء..

يقول عنها الناس "مغرورة"

ويـــلي من الناس من الأغبياء..

ماقيمة الحسن اذا لم يكن..

فوق حدود الوهم..فوق الرجاء

وهــــل عشقنا البدر لو أنـــه

خـــر الى الأرض وعاف السمــــــــاء..؟؟

المرحوم باذن الله غازي القصيبي..

وتستمر المتاهة..والسفر بين المطارات والدول..

وهي تجهل كما في كل مرة أين هي وماذا يخبى لها القدر...

كل ماقررت تسأله هم وين..تتردد وتصد عنه..

مع انها تدري انه ينتظرها تسأل وتستفسر..

وماراح يعلمها لحتى تبداء هي بسؤاله..

أسندت راسها على مقعد الطائرة ..

وهي تتذكر ليلتهم الاخيرة في باريس كيف كانت مريحة ومستحيل تنساها...

قلبها تطمن على اهلها من كلمة طلعت منه..لكنها حست انه صادق فيها..

وداها لعالم ديزني..

وهذي المدينة ابدا ماكان في خيالها انها ممكن تزورها..

أول مادخلوا المدينة اخذ غازي خريطة لمدينة الالعاب..

وهو يشرح لهديل عن المهرجان اللي بيسوونه ابطال ديزني و راح تبداء بعد ساعتين..

توجهوا لـ الألعاب وكل ما اختار غازي لعبة..

هديل تمشي بشكل سريع هاربة منه..لان العابهم كبيرة ومرتفعة وهي تخاف منها..

غازي بلعانة\اثبتي مكانك ان هجيتي مرة ثانية شلتك وركبتك اللعبة غصب عنك..

هديل\ما ابى العب..العابهم بايخة..

جلست على مقاعد البطة دونالد وجلس جنبها..

غازي\غريب أمرك..رشا وشوق ينبسطون بالألعاب مع أنهم اكبر منك..

بس أنتي مايعجبك شيء..

هديل بغرور\وش جاب الثرى لـ الثريا..

غازي بنظرات سخرية\تطولين خواتي أنتي بس..

هديل\ماهم أقصى طموحاتي..

غازي\وش تكون أقصى طموحاتك؟؟؟

هديل\طموحاتي بعيدة عن عالمك ووجودك..

غازي\أسمعك كملي...

هديل\ما أبيك تعرفها..

غازي\أنتي خلصتي الجامعة؟؟

هديل\أنت تدري أني ماخلصتها..

غازي\وليش ماخلصتيها؟؟!

هديل بسخرية\لاني طلعت في رحلة ترفيهية مع اشخاص معقدين لدولة مجهولة..

غازي يتجاهل سخريتها\تبين تكملين دراستك؟؟

هديل\مو وقتها ألحين..

غازي\ليش وش اللي شاغلك هالفترة ماتكملين دراسة..؟؟

هديل\تبي تعرف اللي شاغلني عن دراستي؟؟

غازي\اذا تكرمتي..

هديل\شاغلني الأسر وكيف أتخلص منه..بعدها يمكن افكر بالدراسة..

غازي\معناتها ماراح تكملي دراستك..

هديل\واذا ماكملت دراسة مو مهم..تخصصي ماكنت مقتنعة فيه..

غازي\ليش مادخلتي الطب.؟؟

هديل باستفهام\كيف عرفت اني اتمنى الطب؟؟

غازي\مو ضروري تعرفين..

هديل بطفش\كان صعب علي أدخل الطب..المجتمع مايساعد أبداً..

وأخواني مابيرضون اشتغل بالمستشفى وفيه اختلاط..

غازي\واذا أنا سمحت..تكملي؟؟

هديل\لا..لأن هلي مو راضين بالطب وأنا ماراح أعصيهم..

غازي\بس هلك راضين..

هديل باستفهام\من هلي اللي راضين؟؟

غازي\أنا..

هديل بشطانة\مو معترفة فيك..لذلك رأيك مايهمني...

غازي يبتسم\الواقع مو منتظر اعترافك..

هديل\وأنا مو مجبورة اتناقش معك...

غازي\حن نتكلم عن مستقبلك..

ماعندي مانع تكملي دراستك..

هديل\في الرياض..؟؟

غازي\اذا حابة تكملي دراستك كملي بس مو في آسيا..

هديل بصد\أجل ما أبي أكمل هذا قراري..

غازي\أعتقد أن قراراتك بيدي وبأمري..

هديل بسخرية\عندي فضول اعرف كيف راح تجبرني على الدراسة..

مثلا يعني بتكفخني..ولا بتركلني..أو يمكن تقطع شعري؟؟

غازي يوقف\مافيـــه مشكلة الا ولها حل عندي..

هديل\المفروض أخاف ؟؟

غازي\أنتي دوووم خايفة وهذا شيء ماراح يتغير..

هديل\لا ماني خايفة..لا تاخذ مقلب بنفسك وتتوهم أنك قوي واني اخاف منك..

غازي بهمس\ياليــــت لو كنتي فعلاً مثل ماتدعين ماتخافين مني..

هديل\أنت تتوهم..

غازي\أتوهم انك خوافة؟؟

هديل بفخر\ايـــه انا ماني خوافة..مو أنام بقسم لحالي وأعيش بمكان مافيه الا وحوش..

غازي يمسك يدها ويسحبها توقف..وقفت وبعدت عنه وهم يمشون..

غازي\ايه واللي يقفل الأبواب ويحط وراها كرسي..

وينام وتحت راسه مقص ومستعد للهجوم وش تسمينه؟؟

وقفت متصنمة بمكانها وناظرت فيه بقهر..

هديل بعصبية\كيف عرفت؟؟

مشى ومارد عليها وهي تعيد السؤال عليه وتشتمه وتتوعد فيه..

كيف عرف اني انام والمقص تحت راسي..

ولا الكرسي اللي احطه ورى الباب واقفله..

كيف يدري وانا متاكدة اني اقفل الباب..

أمسكت بذراعه ووقفت قدامه وكأنها بحركتها هذي راح تخوفه وتجبره على الكلام..

هديل بغضب\كيف عرفت؟؟

غازي\ســــر..مايصير أقوولك..

هديل\لا يصير..قووول..

غازي يلم يده على كتفها ويدخلها بمكان مظلم شوي..

هديل باعتراض\وين موديني بعد يدك عني..

غازي بصوت خفيف\هششششش لاتتكلمين في هذا المكان..

هديل تقلده بصوت خفيف\ليــــــش؟؟

غازي يبتسم على حركتها\هذا المكان احــم بسم الله الرحمن الرحيم

هديل شهقت وتلفتت حواليها\بسم الله الرحمن الرحيم..

الله ياخذك قوول آمين..طلعني من هنا..

غازي\مو توك تقولين انتي ماتخافين..؟؟

هديل\يا مجنون هذؤلاء أعوذ بالله مايلعبون طلعني..

غازي\مانقدر نطلع الا من الجهة الثانية..

هديل\لا لا لا انت كمل انا بارجع..

غازي\خلاص ارجعي وانا اكمل..بس انتبهي منهم لاتهاوشينهم يحولونك..

هديل جلست على ركبها\يومـــــه لاااااا ما ابى أظل هنا طلعني..

غازي يوقفها وهو يضحك عليها..

غازي\افــــا وانا اقووول معي ذيبة ماتخاف..

هديل تمسكت فيه\عسى الذيابة تنهش عظامك طلعني..

غازي\هههههههههههههه طيب بس لا تصارخين يسمعونك..

مشت معه وهي تسبه وهو يضحك عليها..

كانوا في بيت الرعب وشخصيات مرعبة معروفة وغير معروفة تتحرك بالمكان..

تقرب منهم بشكل سريع وتطلع اصوات مخيفة..

لما تصرخ بصوت عالي يحط يده على فمها..

ويهددها انهم ممكن يشلونها معهم لان الدمى مسكونة<<بسم الله الرحمن الرحيم..

هديل\والله لأقول لهم ياخذونك معي..

غازي\أنا ماسويت شيء بس أنتي ملقوفة وتسبينهم..

هديل تمسكت فيه بقوة وتصرخ\أعوذ بالله منكم عساكم الجرب..

غازي\هههههههههههههه ما تتوبين..

بعدها عنه بالغصب وقربها من دمية متحركة لمصاص دماء..

بس هي تمسكت فيه بالقوة وسحبته معها لحتى طاحوا بحضن الدمية..

هي تبكي وهو يضحك..

خرجوا وأول ما التفت عليها بكسته على بطنه بقووووة..

هديل بقهر\مرة ثانية تحرم تدخلني بيوت مسكونة يا السكني..

غازي\من الخواف ألحين؟؟

هديل بعناد\ماهوب أنا ..

رجعت لواقعها على صوته..

ألتفتت عليه وهو ينبها على الحزام تربطه لان الطيارة راح توقع بالمطار..

ربطت حزامها وهي تنتظره يتكلم ويقول هم وين..

غازي\اسالي..ترى مو صعب السؤال..

هديل\أسال؟؟

غازي\ايه..السؤال اللي برأسك وتبين تعرفينه اساليه..

هديل باستغباء مقصود\كم عمرك؟؟

غازي يبتسم\ماهو هذا السؤال اللي في بالك..

هديل\صح مو هو بس كم عمرك؟؟

غازي\كم تعطيني عمر؟؟

هديل بسخرية\عشرين سنة..

غازي\ضعف عمرك ونقصي منها ثلاث سنين..

هديل شهقت\كنت أدري انك شايب مخرف..

غازي\مفكرة نفسك تجرحين بكلامك..؟؟

هديل\ما أعتقد فيه شيء يجرحك او يعذبك لأنك جلمود يالشايب..

غازي\طيب يا بيبي قومي ننزل الطيارة موقعة من ساعة وأنتي تهذرين..

نزلوا من الطيارة وهي كالعادة تتلفت حواليها ربما تعرف علم البلاد..

صرخت بانتصار\سويسر لاند عرفت من دون ما أسالك..

غازي\ههههههههه كفووو يا ماجلانة..

هديل\تمصخر بكيفك المهم ماسالتك..

غازي\طفلة<<با الايطالي

هديل تناظرهـ بعصبية\لايكون تسبني..

غازي بابتسامة\وأنا أقدر أسبك..؟؟

هديل\طبعاً ما تقدر..

توجهوا للفندق وهديل تتذمر من البرد..

وتشترط غرفة لها لوحدها بس غازي مطنشها ومارد عليها..

دخلوا الجناح وانبسطت لما شافت سريرين بالغرفة..

أنتبهت لنظراته الساخرة..خرجت من الغرفة ونامت بالصالة ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

كانت بالمول تنتظر صديقتها سامية وبنت اختها شهد..

شهد هي صديقة هديل اللي بالجامعة..

وللمرة الثالة تمسك نفسها ماتقوم وتتوطى في بطن عبدالله..

عبدالله بغضب\لا تعال اجلس معنا احسن وش رايك..؟؟

غادة\عبيييييد والله ان ما كفيت لسانك وخليت عنك المشاكل..

لا اكلم علي واقوله انك تضارب في المول..

عبدالله\ماشفتي هذا الصيني كيف يبحلق بعيونه فيك..؟؟

غادة\يمكن عاجبه فستاني ولا لون شعري..

نعنبو ابليسك وش بيشوف فيني غير العباية عشان يبحلق..

وش اللي جابك معي ..؟؟

عبدالله\لا والله..قولي والله..أجل تبين تتسوقين لحالك تعقبين..

غادة\مايعقب غيرك يالبدوي..

عبدالله بصوت عالي\هيه هيه وين مدرعمة أنتي واياها..

كان يقصد شهد وسامية اللي قربوا منهم يبون يجلسون..

غادة\عبيد لا تفضحنا هذؤلاء صديقاتي..

عبدالله يعتزي\أبو حسين..مواعدة خوياتك بالمول ياوغدة..؟؟

غادة\قووول آآآمين..

عبدالله\الله يبارك فيني..

غادة\انقلع خلني اسولف مع البنات..

عبدالله\اعذرونا يابنات بس لاتجلسون معنا..

أرجعوا لهلكم..

سامية\هههههههههههه ماندل الطريق..

عبدالله\كلمي هلك يجون ياخذونكم ..

كفاية وغدة وحدة تحت مسئوليتي مانيب في حاجة لوغدتين غيرها..

شهد\هههههههههههههههههههه صدقت والله انهم وغدات ياأبو حسين..

عبدالله\والله أنك كفوو و ماانتي بوغدة مثلهم يا أم حسين..

شهد بخبث\يابختك ياغادة في ولد أخوك النشمي..

عبدالله\تراها ماتعرف قدري..

شهد\ماعليك منها يالشيخ ولد الشيوخ..

مانبى نزعجكم خلاص الشيخ قال نمشي يالله ياسامية..

عبدالله يوقف وبصوت عالي\علي الطلاق ماتمشون خذوا راحتكم مع خويتكم الوغدة..

بس ان شفت وحدة منكم معتبة الطاولة اسلخها عند الجزار..

مشى طالع من عندهم وشهد تمدح فيه وتنفخه بالكلام..

شهد\ياعسى عمرك طويل يا الشيخ الكريم المغوار يافارس البيداء وطاوي الصحراء..

غادة\خلاص انكتمي طلع بعد ماطلع روحي...

سامية\أنتي مصيـــــــــــــــــــبة..

شهد\هههههههههههههههه ياختي خبرة مع المراهقين والبزارين..

غادة\يابنات حاط دوبه من دوبي ناشب لي في كل شيء..

شهد\عندنا وعندك خير..بس انتي عامليه مثل مايحب..

احترميه ناقشيه ولاتفرضين عليه رايك بالغصب..

خذي رايه واهتمي فيه..بتشوفينه يلين معك ومايحاول يعاندك بكل شيء..

غادة\خليه منك الحين حسابه في البيت..

وش صار على بعثتك؟؟

شهد\قالوا يازين جامعات الرياض..

سامية\ههههههههههههههههههه� �ه وهم صادقين..

غادة\ليه ماتتزوجين سعيدان وتهجين..؟؟

شهد\لبى ذا الطاري..بس سعد مهندس ماحن في مقامه عساه البط..

سامية\يبط العدوووو وجعوووه

شهد\يوجع سعيدان ويقطع مصارينه..

سامية\شهيييييد لاتدعين الرجال..

غادة\بلى بلى خليها تدعي عليه وش حارك انتي؟؟

عساه البط اللي يبطه هو واللي في بالي..

سامية\ياصديقات السؤ الغيبة حرام..

شهد\المرة الجاية قوليله يجي يجلس معنا عشان ماتصير غيبة..

واللي في بال غادة خليه يتفضل بعد..

سامية\غادة شهودة لاتخلون قلوبكم تقسى..

كونوا طيبات مثل ماعهدتكم..

غادة\بالنسبة لي الطيبة ما أكلتني الا التراب..

خليني افصل لي ثوب من القسوة عله ينفعني..

شهد\وش ربحنا من طيبتنا وسذاجتنا الا طعووون بالظهر وحن مانستاهل..

سامية\ومافيه أحد يستاهل تقلبون قلوبكم وتدعون شخصية غير شخصيتكم عشانه..

غادة\القوة ماجاتنا من عدم..اللي تعرضت له علمني درس ما بانساهـ..

سامية\يعني راكان انتصر عليك..؟؟

غادة\كل شيء بحسابه ومصيري ادفعه الثمن غالي..

شهد\لاتعني نفسك عشانه غدوو احقريه مثل ماحقرت سعد..

شوفيني مبسوطة بحياتي بعد ماكنت اظن ان سعادتي معه..

غادة بوعيد\لا..أنا لي حق عند راكان ولازم يرد لي الحق..

واللي يسكت عن حقه يستاهل المذلة..

شهد\براحتك..الانتقام يمكن يرضيك لفترة قصيرة وبعدها بتفقدي لذته..

سامية\تتكلمي من تجربه شهودة..؟؟

شهد تبتسم\ايـــه انتقمت لنفسي منه وماني ندمانة على اللي صار..

بس في النهاية هو بيكمل حياته وانا مثل ماتشوفون أحاول اكمل بس ماقدرت..

غادة\بالعكس انبسطي باللي سويتيه..

ياليت لو تصير معي نفسي سالفتك ويرجع يخطبني راكان واول مايسالني الشيخ والرجال مجتمعين..

أرد بكل صوتي لا ما ابيه ياشيخ..

شهد\في مجلس مليان حريم قال ماله عازة فيني ومايبيني..

وفي مجلس مليان رجال قلت ما ابيه..

سامية\واخوانك وابوك وش يكون موقفهم والمجلس مليان رجال ينتظرون موافقتك..

مافكرتوا الا بانفسكم أنانيات..

وعلى فكرة ياشهد ترى سعد خطبك من ابوك مرة ثانية وابوك عطاك له..

بس باقي ما قالوا لك..والحين مالرايك أهمية..

شهد تبتسم بخبث\وانا موافقة ..

غادة مصدومة\نعم؟؟

شهد\ايه موافقة..أهاني مرة وأهنته بالمثل..

جرحني وجرحته..طعني وطعنته..

تعادلنا وش المانع مانبدى من جديد..

سامية\يعني مو متوقعة منه جرح او اهانة..

شهد\يمكن..بس أكيد بيكون معلوم عنده انه لو جرح بينجرح..

ولو اهاني باهينه..

غادة\ولو كسرك ودفنك حية ؟؟

شهد\اشرب من دمــــه..

غادة تبتسم\ماعاد يمدي..

سامية\غادة تفكرين براكان؟؟

غادة\من احتقاري له أحتقر نفسي اذا فكرت فيه..

أنا ما باسعى عشان انتقم منه..بس ان توفرت لي الفرصة فما راح اضيعها أبداً..

قاموا البنات من على الطاولة ومايدرون وش المكتوب..

أو اذا تحققت امانيهم هل بيكونون قد كلمتهم وينفذون تهديداتهم..

وينتقمون لأنفسهم..

ورداء القسوة اللذي فصلته غادة لنفسها..

هل تنتزعه يداً ما من عليها أم يصبح جلداً جديداً لكيانها..؟؟

كانوا بالسيارة ماشين من المطار متوجهين للمزرعة ..

مارضت تجلس جنبه فاضطرت ام غازي تجلس جنب طالب قدام..

بعد نظرات تهديد ناظرت فيها لشوق..

وصلوا المزرعة وكانت ماريا باستقبالهم بعد ماكلمها غازي..

شوق طلعت لغرفتها بجناح أمها وقلبت كل اغراضها تدور على بوكها..

مع انها متأكدة ان البوك كان معها في روما..

دخلت أمها وشافت الدنيا معفوسة ..

أم غازي\شوق ؟؟

شوق\والله بارتب كل شيء بس خليني ادور على بوكي..

أم غازي\أنا ابي اعرف وش اللي في البوك وراجك بهالشكل..؟؟

شوق\بطاقاتي وفلوس بس..

أم غازي\شوق وش اللي في البوك؟؟

شوق جلست بتعب\فيه ورقة تخصني وما ابيها تضيع مني..

أم غازي\وش اللي في هالورقة؟؟

شوق\سر سري أنا..

أم غازي\أجل احمدي ربك ان البوك ماضاع..

شوق\هاهـ؟؟

أم غازي تمد على شوق بالبوك وتحطه بيدها..

وشوق مصدومة ومو مصدقة انها تشوف بوكها رجع لها..

ضمته غير مدركة لردة فعلها وهي تناظر بامها ودموعها بعيونها..

شوق تضم امها\فديتك يومه فديتك..رجعتي لي روحي..

ام غازي تبتسم\الله يعين وش هالسر اللي قاطع قلبك..

أشكري طالب لانه هو اللي لقى البوك..

شوق برعب\وشهو..طالب وش سوى؟؟

أم غازي\هو اللي عطاني البوك..

شوق جلست بسرعة وفتحت البوك ويدينها ترجف تنفست براحة لما شافت الصورة موجودة..

ضمت البوك مرة ثانية..وانتبهت على امها تهز راسها وتروح لغرفتها..

خرجت الصورة وتاملتها وهي تبتسم ..

لفت الصورة وناظرتها من ورى شهقت بقوووة لما قرئت الكلام..

بخط جديد وبقلم جديد وربما بقلب جديد أنكتب المكتوب..

لا لا مستحيل يكون شافها ..

بس اكيد شافها والدليل الكلام اللي كتبه ..

ورى الصورة ...

وقح كيف يسمح لنفسه يفتش بوكي..

قليـــــــــــــل ادب متخلف..

ياربـــــــــــــي كيف احط عيني بعينه الحين..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛

جالسين بالصالة وعلي يحاول يقنع ابوهـ باللي موصيه عليه هادي..

ابوعلي\ما اقنعتني..لا مايحتاج تدرس برا..

غادة\وهو صادق ابوي مايحتاج ادرس برا..

علي\خليك محضر خير واسكتي..

غادة\علاوي ترا الموضوع عني انا يعني انا اللي اسافر وادري برا..

علي\أنتي حاولي تفهمي وجهت نظرنا..

غادة\اسلم يا ابو عبدالله اسمعك..

علي\أنتي مو محتدة على الشغل والحمدلله الخير واجد..

بعد الثانوية ما اخذتي الا سنتين حاسب وبعدها توظفتي..

وانتي كنتي تتمني تدرسي التخصص اللي خبرك بس انا مارضيت..

وانتي ماتعديتي على كلامي..وهديل تمنت طب وماسمحت لها عساها الجنة..

لما قالي هادي عن موضوع دراستك معه في بريطانيا صديت عن الموضوع..

بس الحين اسالك بالله العظيم ياغادة اذا باقي الدراسة في خاطرك والله ما اردك..

غادة وقفت وحبته على راسه\عسى عمرك طويل يا الغالي..

والله ويشهد ربي علي ماشلت بخاطري عليك عشان التخصص..

كلمتك تمشي علي ان رضيت او مارضيت..

ما اكذب عليك واقول ماهو في خاطري ادرس هندسة..

ويكون لي تصاميمي وديكوراتي..بس الحين صعب اسافر او ادرس..

علي\ليه صعب وش اللي مخوفك؟؟

غادة\مو خايفة من شيء بس ما ابي اترك أمي وابوي وهلي..

علي\وسلامة هلك هذؤلاء هم بخير..

وترى السالفة كلها طيارة راميتك بلندن وطيارة شاحطتك السعودية..

غادة\بجد علاوي ما ابى اسافر او ادرس مو في بالي..

ابوعلي\والله ياغادة ان رضيتي بالدراسة مايوديك لندن غيري..

بغصة<<وهديل لوكانت موجودة كنت باوديها تدرس الطب ولو شليتها على ظهري..

غادة تقبل يده\الله يرحمها..هديل صارت عند الرحمن..

ولا لها بالطب والدراسة الحين اي حاجة..

مطالب الدنيا يايوبه مالها قيمة عند النعيم اللي هديل تعيش فيه الحين..

عساها من سكان الجنة ..

وأوعدك افكر بالموضوع وارد لك خبر..

آآآآآآآآآآآهـ ياغادة ياليتها بالجنة وانا دافنها بيديني ومطمن عليها..

باكون سلمتها لربي ورديت الأمانة..

بس الغالية ويــــــن؟؟وش صار فيها؟؟

يارب عفوك وورحمتك بعبدك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

في أنترلاكن بسويسرا ,,,

هديل برجفة\افسخ جاكيتك..

غازي\لا كفاية اللي انتي لابسته..مابتقدري تتزلجي بكل هذي الملابس..

هديل\ما ابى اتزلج يامجرم ما قلت لك طلعني بهالثلج..هات الجاكيت..

غازي يمسك يدها ويسحبها وراهـ..ويبتسم على تحلطمها عليه..

فسخته قفازات يدينه ولبستهم على قفازاتها..

حتى الايشارب اللي كان ملفووف على رقبته أخذته من عليه بالغصب..

ولفته على الايشارب حقها..

والحين تطلب منه يعطيها الجاكيت..

هديل\ما باتزلج لاتقول ماقلت لك..

غازي\أمشي يالدب القطبي..من شاف شكلك قال ماعمرها شافت ملابس..

هديل تثبت قبعت الثلج على راسها وحوالين أذونها ومو باين منها الا راس خشمها وعيونها..

لانها لافة الايشارب على رقبتها وفمها من البرد..

هديل\ما باتزلج..

غازي\اختاري تتزلجي لوحدك او اخذ زلاجة مزدوجة نتزلج عليها انا وانتي..

هديل\اختار اما ترجعني الفندق او دحرج نفسك من فوق هذا الجبل..

غازي\ماتتوبين..

اخذ زلاجة مزدوجة وسحبها لها..

صرخت وضربته مع صعوبة الحركة اللي تحس فيها..

بس هو جلسها على الزلاجة وجلس وراها وهو يضمها من ورى ويثبتها..

هديل سبته وشتمته حاولت تعضه بس الايشارب منعها من العض..

هديل\لا وقف بانزل وانت تزلج براحتك ما ابى ما ابى..

غازي بهمس خبيث\يا الله دعاء السفر..

أول ما انطلقت الزلاجة بدأت صرخت هديل المرعوبة..

كان يتزلج بمهارة بس في نظر هديل كان يرميهم من اعلى الجبل بتهور..

كل ما ارتفعت الزلاجة وضربت في الارض..

كانت تلتفت عليه وتضربه على راسه وبطنه وهو يضحك عليها لما ترجع تتمسك فيه..

وأخيراً وقفت الزلاجة خرجت منها قبله ولما شافته يطلع منها ورجل ع الزلاجة ورجل على الثلج..

دفته بقوووة وطيحته على الأرض..

تدحرج كم مرة وهي ركضت عنده وجلست على ركبها قريب منه..

وصارت تلم الثلج بيدينها وتحطه عليه وكأنها تدفنه وهو يضحك ويبعد الثلج عنه..

غطى الثلج صدره ورقبته وهو كل مارفع الثلج عنه رجعته عليه وتضرب يدينه..

غازي بمرح\يعني تبين تدفنيني ولا تسوين رجل الثلج..

هديل\لا ابي ادفنك مـــــــت مـــــــــــــــــت ..

غازي بشهقة درامية\بسم الله علي من الموت..

هديل مستمرة في دفنه\لا لا مـــــــت مت..

غازي\طيب وأنتي وش يصير فيك اذا انا مت..

فكري بنفسك ..

هديل\مالك شغل انت مــــــــــت والأمور طيبة من بعدك..

غازي\فكري بنفسك..

بعدت شوي من الثلج اللي على وجهه وقربت منه..

هديل\صدق اذا أنت مت..وش يصير بعدين..

غازي يسحب يده من تحت ركبتها ويبعد الثلج من على عيونه..

غازي\لاتخافيــــــن مأمن عليك..بتكونين بخير اذا صار ومت..

هديل\اممممممم أجل مت..

ورجعت تدفنه بالثلج سحب يدينه منها وبعد الثلج عنه..

وقفت قبل لايوقف ويمسكها..

ركضت بعيد عنه بس لثقل حركتها ما امداها تبعد الا وهو ماسكها..

غازي\وين وين يالدب القطبي؟؟

سدحها على الثلج وهي تترجاهـ مايسوي مثلها ويحط الثلج عليها..

هديل\ما باعيدها والله والله..

غازي\اسحبي كلامك..

هديل\اي كلام..؟؟

غازي\لما قلتي اموت اسحبيها يالله..

هديل\طيب لاتموت..

غازي رفعها وجلسها ..

هديل بلهانة\لاتموت انتحر ..

غازي يهز راسه باسى\ماتتوبين..

قبل لا تحزر هو وش ممكن يسوي..

مد يده وسحب الايشاربز من رقبتها..

صرخت وسحبت نفسها منه بس هو ثبتها على الأرض ونزل قبعتها..

انتثر شعرها على الثلج وبان وجها الأبيض خدودها الحمر وراس انفها الاحمر..

شالت بيدها ثلج ورمته عليه..

سوا كورة ثلج كبيرة وقربها منها..

حطت يدينها على وجها بسرعة من دون ماتحسب حساب لاي شيء ثاني..

وبدت تصرخ بهستريا لما حست بالثلج داخل كنزتها على صدرها..

لان غازي دخل كورة الثلج داخل الكنزة..

جلس يراقبهاوهو مبسوط على شكلها وهي تنتفض تبي تخرج الثلج اللي تحسه بيجمدها..

وقفت فسخت الجاكيت الثقيل اللي هي لابسته وسحبت الكنزة الصوفية من تحت عشان ينزل الثلج..

حست الدموع تتجمع بعينها من البرد ولان بعض الثلج علق بصدريتها ماقدرت تخرجه..

صدت عنه واخذت ايشارب لفته على راسها..

وتركت جاكيتها على الأرض ومشت تبي ترجع لاستراحة التزلج..

مامرت ثواني من مشت الا وهو يلفها عليه ويلبسها الجاكيت ويلصقها فيه..

غازي بهمس\اذا تبيني اموت..أنا ما أبيك تموتين..

دخلوا الاستراحة جلسها بمكان قريب من موقد النار..

لاحظ انها تقاوم النوم ..

فطلب لهم كاسين من القهوة السويسرية

طلب "اسبريسو" لهديل لانه يبيها تصحى وتكمل اليوم قبل السفر..

وهو اخذ قهوة سوداء ..

شافته وهو ياخذ الكوبين ولما مد لها بكاس..

مارضت تاخذهـ منه..

وقفت وطلبت لها كوب ثاني ورجعت تجلس بمكانها..

غازي بخبث\افـــــــا تثقين بالسويسري وماتثقين فيني..

هديل\ما اكون تلميذتك اذا ماحفضت الدرس..

نومتني مرة مستحيل أسمحلك تعيدها ثاني..

غازي يرفع حاجب\مافيه مستحيل عندي..

نزلوا بالعربات المعلقة مثل ماطلعوا..

توجهوا لمطعم صيني تعشوا ورجعوا الفندق..

كان يشتغل على الاب توب وهي جالسة على الأرض بنفس الغرفة ..

خلص شغله وقفل الجهاز ثم انسدح على سريرهـ..

غازي ويده على عيونه\قومي نامي..

هديل وهي لامة مخدة على صدرها وتشوف فلم..

هديل\ما ابي انام مو نعسانة..

غازي\ورانا سفر بكرة نامي عشان ماتتعبين..

هديل\لا تشيل هم يالشايب أنت نام وريح..

عشان تسوق الطيارة ..

غازي يبتسم\رايقة اشوف..

هديل\عادي بس بجد احس بنشاط غير طبيعي..

غازي\هذا من اللي شربتيه..

هديل عصبت\ماشربت شيء لا تتبلاني..

غازي\من اللي شرب القهوة اسبريسو؟؟

هديل\طيب قهوة وش فيها؟؟

غازي\الله يسلمك يابيبي القهوة تنشطك وتطير النوم من عيونك..

وأنا طلبتها لك لانك كنتي راح تنامين وحن نتزلج..

هديل\ومن طلب منك تشربني قهوة منبهة؟؟

غازي رجع يده على عيونه\دايـــخ بانام قومي نامي لاتوهقيني بكرهـ..

هديل تبي تقهرهـ رفعت صوت الفلم عشان تزعجه..

غازي\والله اذا أنا شايب فانتي بزر على حركتك هذي..

هديل تستفزهـ\نام يالشايب مافيك حيلة..

غازي\طيب واذا قام الشايب الحين ووراك حيلته من يفكك منه؟؟

أنتظر ردها بس هي ماردت عليه الا انها قفلت التلفزيون وطفت النور اللي بالغرفة..

جات بتطلع من الغرفة بس هو منعها..

لما مسك يدها فزت بخوف لانه كان نايم على السرير والحين واقف جنبها وقريـــب منها..

هديل بخوف\والله العظيم طفيته..

غازي\أدري والحين نامي..

هديل\ما احس بالنوم ..

غازي\لازم تنامي مرت 6ساعات من شربتي القهوة راح مفعولها خلاص..

هديل تحاول تسحب نفسها عنه بس ماقدرت ..

هديل\والله مو نعسانة ..

غازي يثبتها على الجدار ويقرب منها\أنا وش قلت؟؟

هديل\ايه بانام انا نعسانة بانام..بكره ورانا سفر لازم أنام..

ركز عيونه عليها وقرب وجهه من وجها..

غمضت عيونها بسرعة وصدت تبعد وجها عنه وقعت شفايفه على خدها ..

همس باذنها\ماكنت ابيها الا في مكانها بس انتي ماتتوبين..

بعد عنها وسحبها بهدؤ سدحها على سريرها وغطاها وهي متخشبة من الخوف..

خرج من الغرفة وسكر الباب ونام بالصالة ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛

تشنجت عضلاتها من كثر ماهي شادة اعصابها..

تناظر فيه وهو يلاعب غازي بالألعاب ويضحك معه..

من بعد ليلتهم الاولى في البندقية وهي تراقب تصرفاتها..

قفلت الباب عليها مرة ثانية بس تنبهت وفتحته قبل لا يحس عليها..

حذرت نفسها بانه لازم ماتخلي راجح يحس على شيء..

مسحت كل اللي بجهازها عن الماضي وعلاقتها فيه..

مسحت الذكريات اللي كتبتها على حياة سعود..

أوراقها الخاصة مخبيتها في بيت اخوها طالب في السعودية..

كانت رشا تمسح كل شيء له صلة او ليس له صلة بالسر ..

ســـر قد يقضي على حياتها ان اكتشفه راجح أو اكتشفه شخص ما غيره..

بينما كانت رشا تفكر بسرها وكيف تخفيه..

كان راجح يخطط لـ السيطرة على غازي الصغير..

ومن بعدها على رشا..

جلس جنبها وهو لاصق فيها وغازي بحضنه..

فزت من سرحانها وهي تحس فيه ملاصقها..

ارتبكت وحاولت ماتبين ..

راجح\ملامحه طالعة لسميه اكثر شيء..

رشا تبتسم\في البداية ماكان الا نسخة ابوهـ بس الحين بدء يتغير..

راجح\يكبر شوي ويصير يشبه جده راجح..

بلا غازي بلا بطيخ..خلك شيخ مثل جدك..

قول جدي..

رشا\وانت تبيه يسميك جدهـ؟؟

راجح يناظرها\أنتي وش تبينه يسميني؟؟

رشا ارتبكت\براحتك ا أنا بس سالت..

راجح\وانا سئلت..تبين يناديني ابوي..

رشا تسحب غازي منه وتحكم جاكيته عليه بسبب البرد وهي تضمه..

راجح\جاوبي..

رشا\هو يقول لغازي وطالب بابا..

مدري وش تبيه يقولك..

راجح\غويزي وطويلب لازم يدرون انهم خواله وبس ماهم ابووهـ..

أنا لحالي ابووهـ..

رشا رفعت راسها بخوف\لا انت مو ابوووهـ..

راجح\بأصير ابوووهـ ..

رشا وقفت وبعدت عنه وغازي بحضنها..

رشا\ما ابيه يتعلق فيك لو سمحت لاتعلقه فيك..

راجح\هو وضامنه بجيبي..

واللي ابيهم يتعلقون فيني باعلقهم وما يقدرون يستغنون عني..

حست ان الهواء ينحبس بصدرها ومو قادرة تتنفس..

الخوف من انه يكشفها بيشل عظامها ..

همست\لا..

راجح\بلى..

شال غازي منها وجلسه بعربية الاطفال..

لم يدهـ على كتفها ورجعوا الفندق..

وقرار اتخذته رشا ترجع عند غازي قبل لا يفوت الفوت..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛

دخلوا المزرعة وهديل مصدومة من شكل المزرعة..

الثلج اللي مغطي اسوارها واشجارها..

والثلج اللي مغطي ارضها الخضراء لحتى صارت بيضاء..

غيرها الثلج وعطاها منظر ثاني تماما ..

غازي\القسم اللي انتي فيه راح يكون بارد كثير..

انقلي اغراضك للقصر..

هديل بصدمة\لا أنا مرتاحة بقسمي..

غازي بحدة\لاتراديني..نفذي اللي قلته لك..

هديل بعناد\لا..ما ابى..

غازي\اعتقد انك صرتي تعرفيني وتعرفين اسلوبي لاتعاندي..

مابيخسر غيرك..

هديل سكتت وماردت عليه ..

نزلت من السيارة وتفاجئت بامه واخته جالسين على الشرفة في هذا البرد..

كانت تعتقد انها اخر مرة تشوفهم في روما..

ماطرى في بالها انها بترجع وتلقاهم في المزرعة..

كملت يبيني اعيش بالقصر واهله موجودين..

لايكون عمه وزوج اخته بيعيشون هنا بعد..

لانهم كلهم محارم لبعض شايف عادي اعيش معهم..

لو يموت ماانتقلت للقصر...

تمنت لو تقدر تصد عنهم وترجع لقسمها الخاص فيها..

لكن كان من الأدب انها تسلم على امه ولو بكلمة بسيطة..

ماهو خوفاً منه على ماهو احترام لهذه الأنثى..

نطقت السلام عليهم..

ردت ام غازي ..

أما شوق ما اهتمت لتواجد هديل وقامت تسلم على اخوها وتحضنه..

هديل تجاهلت شوق وكانها غير موجودة..

سالت أم غازي عن حالها واستئذنت تبي تروح لقسمها..

أم غازي صبت كوبين قهوة مدت لغازي ومدت على هديل..

ماكانت تبي تجلس معهم لانها متضايقة من قرار غازي..

ولانها لاحظت من اول ماصحى من النوم وهو متغير عليها..

وكانه غازي الوحش اللي عرفته باول يوم للغربة ..

ذاك الجلمود القاسي..

تسالت بصمت أين هو غازي الحنون اللذي كانت في رحلة معه طوال الاسبوعين المنصرمين ..

هل مات عندما دفنته بالثلج أم ضاع منها في جبال سويسرا..

من سمح لهذا الجلمود بالعودة..

لا أريـــــــــــــدهـ ..

أخذت الكوب من يد ام غازي واستئذنت منها ..

نزلت الدرجات وشت على الثلج مشتاقة تختلي بنفسها..

وتحاول تفهم وش اللي صار لحتى يقسى غازي ويهددها من جديد..

أول ماقفت عنهم ..تكلمت شوق بقهر..

شوق\مغــــرورة..مدري على أيش شايفة نفسها..

غازي بهدؤ\يحق لها..

شوق\يمكن نست انها خادمة..صحها من اوهامها وذكرها بها الشيء..

قامت شوق ودخلت القصر..ماتبي تتهاوش مع غازي..

أم غازي\غرقت ياغــــازي ..؟؟

غازي يناظر بقهوته\قلبـــــــــي حقود يومــه..ماينسى..

تنهدت أم غازي وهي تناظر بولدها..

جلست.... جلست والخوف بعينيها تتأمل فنجاني المقلوب

قال يا ولدي لا تحزن فالحب عليك هو المكتوب يا ولدي...

يا ولدي قد مات شهيداً يا ولدي قد مات شهيداً من مات فداءاً للمحبوب

يا ولدي ........يا ولدي

فكرت ودبرت كثيراً لكني لم أقرأ أبداً فنجاناً يشبه فنجانك

فكرت ودبرت كثيراً لكني لم أعرف أبداً أحزاناً تشبه أحزانك

مقدورك أن تبقى أبداً في بحر الحزن بغير رجوع

وتكون حياتك طول العمر طول العمر كتاب دموع

مقدورك أن تبقى مسجوناً بين الماء وبين النار

فبرغم جميع سوابقه وبرغم جميع حرائقه

الحب سيبقى يا ولدي الحب سيبقى يا ولدي

أحلى الأفكار

يا ولدي......... يا ولدي

بحياتك يا ولدي امرأة عيناها سبحان المعبود

فمها مرسوم كالعنقود

ضحكتها أنغام وورود

والشعر الغجري المجنون يسافر في كل الدنيا

قد تغدو امرأة يا ولدي يهواها القلب هي الدنيا

......لكن سماءك ممطرة وطريقك مسدود

فحبيبة قلبك يا ولدي نائمة في قصر مرصود

من يدخل حجرتها من يطلب يدها ..

من يدنو من سور حديقتها ..

من حاول فك ضفائرها يا ولدي

مفقود مفقود مفقود

يا ولدي ............. يا ولدي

وسترجع يوماً يا ولدي مهزوماً مكسور الوجدان

وستعرف بعد رحيل العمر بأنك كنت تطارد خيط دخان

فحبيبة قلبك يا ولدي ليس لها أرض أو وطن أو عنوان

ما أصعب أن تهوى امرأة ليس لها عنوان ليس لها عنوان

يا ولدي ............ يا ولدي

نزار قباني ...

أتدرين كم ذا أحبك؟

لا تسخري يا حبيبه

إني أحبك حتى أكره كل الألي

اجترأوا أن يحبوك

حتى لأكره-أكثر-كل الألي

اجترأوا أن يروك و لم يعشقوك!

المرحوم باذن الله..غازي القصيبي..

بعد رجوعهم بيوم جاها لقسمها وطلب منها تنتقل للقصر..

لكن هديل ظلت على موقفها الرافض..

هديل\أنت بس تبي تقهرني..

غازي\آيـــــه..والحين لمي اغراضك وامشي معي..

هديل بهدوء\الله يخليك ماله داعي تحرجني مع هلك..

وش بيكون موقفي من اخوك وعمك..

لاتقول حالي حال شوق ورشا..لاهم يصيروا محارم لهم..

بس انا مابينا قرابة ولايجوووز..

غازي\القصر كبير وانتي بتظلين بقسمك..

هديل\بس ماراح اكون مرتاحة..

أنا هنا مرتاحة لا تستكثر علي هالشيء..

غازي بحدة\وليش ماتكوني مرتاحة هناك؟؟

لاتقولي عمي واخوي السبب..شوفي غير هالعذر..

هديل بصدق\لأني ما ابي اكون قريبة منك ولا من هلك..

غازي\أجل تجمدي بهـذا المكان..هذي رغبتك..

طلع من الملحق وتركها واقفة تناظر فيه..

لاتستغرب قسوووته..

بل تستغرب بانها اول مرة يتركها بهذا الشكل..

فلطالما كانت كلمته هي المسموعة..

وتنفذ اوامره ان رضت او لا..

::::::::::::::::::::::::::::::

كانت جالسة ومرتبكة مو عارفة كيف تتكلم معه..وتوصل له قرارها..

شافته بيطلع من الغرفة نادت عليه..

رشا\وين رايــح؟؟

راجح\نازل عند الشباب ليش فيك شيء؟؟

رشا بارتباك\أنـ..لا بس

راجح\بــــــــــــــس كملي.

رشا\حبيت اقولك بامكانك تاخذ راحتك هنا..

أنا وغازي بنام في غرفتي..

راجح\وأنا اشتكيت لك وقلت مو مرتاح؟؟

رشا بقهر\لا..

راجح\أجل لاتشيلي هم انا مرتاح..

رشا\بس أنا مو مرتاحة..

راجح بسخرية\وليه مو مرتاحة..أحد تعرض لك لاسمح الله..

رشا\مو متعودة أحد يشاركني غرفتي..

راجح\على خبري انتي كنتي متزوجة من قبل..وأكيد فيه غيري شاركك الغرفة..

ماله داعي اعذار واهية..

أختنقت من الاحراج..ماتوقعت بيوصل النقاش الى هالنقطة بالذات..

بس قررت ماتخليه يحرجها أكثر..

رشا\المهم عطيتك خبر بانتقل لغرفتي..

راجح\وأنا باعطيك العلم..أنا رجال مافي وجهي سحى

ولاني بقايل عيب واستحي من اخوانك..لاياحلوة باسحبك من شعرك وارجعك لهذي الغرفة..

واللي عندهـ كلمة يواجهني فيها..

وعشان ماتحرجين نفسك قدام اخوانك حكمي عقلك ولاتتركين غرفتنـــــا..

رشا\مابتسويها..

راجح\معذورة بعدك ماعرفتيني..بس جربي تعصيني وانتي تشوفين..

طلع من الغرفة وهي واقفة xxxxxة وش تسوي..

ماتبي تظل بالغرفة وهذا الشيء الاكيد..ع الاقل في الفندق كان يحجز جناح..

الغرفة تكون لها وهو يظل بالصالة..

لكن هنا الوضع غير مافيه الا غرفة وحدة مو جناح..

خايفة تطلع لغرفتها مع شوق وينفذ كلامه..

تخيلت الموقف قدام اخوانها وشوق..

والله شكله من جد مافي وجهه سحى قليل الأدب..

بس هين انا أوريه شغله..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛

كانوا جالسين بالمكتب وطالب لازال يحقق مع غازي..

بشأن المشروع الجديد اللي ناوي عليه غازي..

لما دخل راجح وشاركهم الموضوع..

طالب\حي الله زوج اختي..

راجح يبتسم\الله يحييك ويبقيك..

طالب\تصدق اني نسيت انك زوج اختي من سنتين..

راجح\ماتنلام رضينا بشرط لايرضي الله ولا يرضينا عشان كحيلة العين..

غازي\لاتغزل بأختي قدامي..ترى دمي حار..

راجح\يالبى كحيلة العين..

غازي\لا بالله الكحيلة عندي ماهي بعندك لبى العيون وبس..

طالب\مابه كحيلة مثل هذيك اللي شفتها..ويلي ويلاهـ عليها عيووون مصيبة..

ياخوفي اني اكون نضلتها بسم الله عليها..

راجح وغازي مفتحين عيونهم بقوووة ويناظرون بطالب..

طالب\وش بلاكم أدري اني ماخذ بنتكم..بس عيون ذيك تجلط..

راجح\ياولد استح على وجهك..تتغزل في غريبة قدام هل زوجتك..

طالب\لا والله مابعد تغزلت..أنت بس عطني مجال وأتغزل صح ياويـــلي ويلاااه..

غازي يكتم ابتسامته\طويلب ماخبري فيك بصاص وعينك زايغة..

طالب\والله اني على خبرك يا اخوي..مير اللي شفتها قلبت عقلي والله أنها جـــــرح ..

راجح يمثل العصبية\لو اني لابس العقال كان رجع عقلك على حاله..قال قلبت عقلي..

طالب\الله جميل يحب الجمال..

غازي\وعندك جميلة ليش ماتتغزل فيها..

طالب\شف باكون صريح معك..أختك صح أنها حلووة ومملوحة..

بس هذيك مصيــــــــــــــــــبة وجع بشكلها ماخلت شيء لباقي البنات ماخذة الزين كل ابووه..

الشعر ياصلاة النبي..الوجه ماشاء الله..ولا الطول والجسم جــــــــرح..

غازي بحنية\والله مامذبوح غيرك قل انها ايطالية لاتتوهق شف من اللي وراك..

طالب وفهم من اللي وراهـ من دون مايلتفت\بس تعقب هي وكل بنات الدنيا عند المزيونة معصقل..

مايسكن القلب الا عصقووولتي الحلوة..

شوق بقهـــر\طلقنـــــــــــــ� � ..

خرجت وهي تضرب الباب بقوووة من القهر والزعل..

غازي وراجح ماتوا من الضحك على شكل طالب

وهو يحط أصابعه باذونه من صرخة شوق وتقفيلها لـ الباب,,

طالب\ليه ماعلمتوني انها دخلت يالنذل انت واياهـ..؟؟

راجح يمسح عيونه من الضحك\وانت فتحت عيونك عشان تشوفنا..مغمض وتوصف مالت عليك

غازي وعجبه الموضوع\نرجع لكحيلة العين الايطالية

طالب\والله وعسى ربي يسامحني ان كنت كذاب انها ماتمد للغرب ولاهي من أصلهم..

غازي\عربية؟؟

طالب\خليجية..

راجح\غازي لو تدخل اللي خبرك ماسمعتك تقوول نرجع لكحيلة العين..

غازي يبتسم\لا كحيلة العين حقتي هي الجــــــــرح يا طالب..

راجح\وأنا أشهد..

غازي بنظرات\وأنت وش دخلك تشهد..؟؟

راجح\أشهد بالحق..هي أطلق من رشا ومن شوق..

غازي بعصبية\ماطلبت شهادتك..

راجح ببرود\ترى ماشفت منها الا عيونها..

غازي\ماهو عشان كذا ماني براضي بلثمتها..

طالب\وين كحيلت عينك يا غازي ؟؟

غازي يفتن\مالك شغل..

طالب\المهـــم أبى أعرس..

راجح\واحد مانعك من زوجتك..تراك معرس منذو مبطي..

طالب\البلا في ولد أخوك ماعرسني أخته..

غازي\وأنت حددت الموعد وأنا قلت لا؟؟

طالب\انت المفروض تحدد ..

راجح\بما اني كبير العيلة فأنا باحدد..

غازي\من وين صرت الكبير؟؟

راجح\أنا عمك وأنا الكبير..لاتعصيني..

غازي\ههههههههه طيب صدقتك..يالله يا الكبير حدد موعدهم..

راجح\الا وش ذا الأوراق اللي قدامك..

أخذها راجح ودرسها بدقة..

طالب\مشروع باذن الله ناجح..الله يوفقك فيه

راجح\الحين أنت متاكد من قدرتك على هذا المشروع؟؟

غازي بثقة\متأكد..

راجح\وعندك السيولة الكافية؟؟

غازي يبتسم\في بالك تشاركني ؟؟

راجح بخبث\والله ماهي بشينة الفكرة..

طالب\يمكن تحتاجون سيولة أكبر وش رايكم براس مال ثالث؟؟

غازي\هههههههههههه انا أخذ رايكم في المشروع وأنتوا تبون تسرقونه..

راجح\هههههههه شف أنا بزنس مان وانت تدري..

ماعرضت المشاركة عليك الا لن المشروع دخل مزاجي..

لو ماتطمنت له ماشاركتك وخليتك تخسر لحالك..

طالب\غازي ياخووك عمك ذا نذل ولا وش سالفته؟؟

راجح\تراني عمك حتى انت..الحكم على الرضاعة مثل الحكم على الولادة..

طالب بخبث\اذا كنت عمي فهذا يعني انك عم رشا..طلقها أشوووف..

راجح\تعقب..

غازي\هههههههههههه طالب اسحبها قبل يتوطاك..كله ولا رشا..

راجح\وتحسبني باخذ بكلام الورعان..؟؟

طالب\الله اكبر ياالشايب مابينا الا سنة..

غازي\لا اله الا الله وش يفكني منكم الحين؟؟

وش قلتوا في المشروووع؟؟

راجح\أنت ماعرضت المشروع الا وانت محتاج شريك صح؟؟

غازي بمفاوضة\معي شريك..

طالب\يعني مو محتاج شركاء ثانين؟؟

غازي\الشريك الثاني شريك بالاسم..

راجح\وراس المال؟؟

غازي\يكفيني اسمه..

طالب\اكسررر منهو شريكك الفلتة؟؟

غازي\ماتعرفونه..

راجح\ان كنك مشارك ايطالي ولا الماني مايصير طيب..

غازي\ما انكر اني افكر اشارك الماني بالمشروع..

بس طبعا رئاسة الادارة لي..

راجح\خل عنك الالماني وانا ادخل معك شريك براس المال وبمجلس الادارة..

طالب\وانا شريك واذا تحب بالاسم..

غازي\من زين اسمك ارتاح بس..

طالب\ماني بمرتاح لين اعرف الفلتة واسمه..

غازي\مابتعرفه ريح راسك..

راجح\وش قلت يا أبو ذياب؟؟

غازي يصافح راجح\اتفقنا يا أبوحمد..

طالب\داخل معكم داخل مد يدك وتمم معي..

غازي يصافح طالب\تم وأنا أخوك..

جلسوا بعدها يتناقشون في المشروع..وحددوا رقم أولي لـ السيولة اللي محتاجها المشروع..

وبعد ما انتهى اجتماعهم سأل طالب..

طالب\الا ماقلت وش اسم المشروع؟؟

غازي بهدؤ\................

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛

كانت جالسة بغرفتها متغطية بمفرش السرير لأنها تحس بالبرد..

صح جهاز التدفئة يشتغل بس أبداً مو نافع مع البرد الصقيعي اللي تحس فيه..

مسحت دمعتها وهي تضحك بهستريا على اللي جالسة تقراهـ..

رسالة عطتها اياها ماريا..قالت ان صوفي طلبت منها تعطي الرسالة لـ السيد غازي..

عشان يوصلها لهديل..

ماريا\ولكن مادمتي عدتي الى هنا..فاسلمك اياها باليد..

عزيزتي رثت الثياب..

مضى زمن طويل وأنا أتمنى العودة الى هنا والاطمئنان عليك بنفسي..

عندما أسال ماريا عنك لاتخبرني عنك الكثير..بل تفضل الصمت..فأنتي بتي تعرفينها جيداً..

أتيت الى المزرعة ومعي المحامي الخاص بي..وكنت أتية لكي أفي بوعدي لك وأخرجك من هذا المكان..

ولكن كانت مفاجئتي كبيرة عندما أخبرتني ماريا بأنك عدت الى الوطن..

فرحت لأجلك كثيراً..وحزنت لأنه لم تتسنى لي الفرصة لتوديعك..

رغم كراهيتي لك الا أنني أحبك كثيراً..

ربما أنتي تفهمين معنى ما أقوله..فأنا أثق بك رغم صغر حجمك الداعي لـ الشفقة..

أتمنى أن تكوني بخير برفقة والدتك وعائلتك..

لدي خبر لك..

أرجو أن تنسي من ماكس ولاتعلقي أمالك به..فلقد عاد الي ونحن الآن بأحسن حال..

فابحثي لك عن زوج آخر ..

محبتك..

المنمشة ..

ضمت الرسالة وبكت بقهر توقف بكاء وهي تضحك..

ماتدري تضحك على الحال وسخرية الوضع اللي هي عايشته..

ولا تضحك على كلمات صوفي..

تبكي على حالها..أو على عودت صوفي لمساعدتها ورحيلها..

تبكي من وحدتها أو من البرد اللي معذبها..

والدتي وعائلتي آآآآآهـ ياصوفي قلبي مشتاق لهم..

والله مشتاق لهم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

دخل الغرفة ومثل ماتوقع كانت رشا نايمة على السرير وغازي الصغير جنبها..

كانت مخططة تتظاهر بالنوم وماتبين له انها صاحية..

بس أول مادخل تحركت وفتحت عيونها بحركة غير ارادية..

عرفت انها كشفها وعرف انها صاحية..

أستوت جالسة وناظرت فيه..

راجح\السلام عليكم..

رشا بخفوت\وعليكم السلام..

أخذ ملابسه وتوجه لدورة المياهـ..

تسبح ورجع الغرفة صلى وبعدها قام وتوجه لـ السرير..

رفع المفرش وهو ملاحظ نظرات رشا عليه..

راجح\طفي النور..تصبحين على خير..

رشا\وأنت من أهله..

شالت وسادتها واخذت لحاف من الدرج ونامت على الكنبة..

تغطت مع انها ماتحس بالبرد..

كانت تتوقع انه ممكن يهاوشها او يردها عن النوم على الكنبة..

لكن راجح ظل على حاله ونام من دون مايقول لها شيء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛

شوق..

أجل شايف له شوووفة النذل..عشان كذا يقوول انه غير رايه..

عساه الماحي هو واياها..

معقولة يحبها لـهـ الدرجة..يتغزل فيها قدام اخوي وعمي بكل جرئة..

وغازي النذل عادي عندهـ..بدل مايكفخه ويربيه جالس يضحك معه..

يحبــــــــــــــها؟؟

من متى؟؟ومن تكون؟؟

بس هو زوجي..لا أنا زوجته واذا كان يحب غيري فهذا يعني انه خاين..

برودهـ معي واستفزازهـ الدايم لي عرفت السبب ألحين..

يحب وحدة ثانية..

بس ليش ماتكلم طوول هالسنين وأنا له وهو لي..

ليش ماقال ماابيك..

ليش علقني طول هالوقت..

خرجت من غرفتها حابسة الدمعة مقـــــــــهورة..

دخلت جناح غازي ودقت الباب..

دخلت دورت عليه بس ماكان موجود..

أستغربت وين بيكون بهذا الوقت..المفروض يكون نايم..

بس ماله أثر..انتظرته ربع ساعة..

قالت يمكن يكون في المكتب..

خرجت من جناحه ونزلت للمكتب..

دقت الباب ودخلت..

بس ماكان موجود حتى في المكتب..

شوق\الحين وين ألقاهـ الغول؟؟

طالب\هذاني وراك..

شهقت بفزع وبعدت عن الباب..

نزلت عيونها وجات بتطلع من المكتب لكن طالب وقف على الباب ومنعها من الخروج..

شوق\ممكن تبعد عن طريقي.؟؟

طالب\لا.

شوق تتنهد\ابي اطلع ابعد..

طالب\لا..

شوق مدت يدها تبعدهـ عن الباب لكن طالب مسك يدها ولواها ورى ظهرها..

دخلها المكتب وقفل الباب وراهـ..

شوق\آآآآهـ اترك يدي وجعتني..

طالب ترك يدها وجلسها على كرسي وجلس قدامها..

طالب\والحين ممكن نتفاهم؟؟

شوق\لا..

طالب\ولوى..

شوق\يلوي بطنك..

طالب\معصقل..؟؟

شوق\لاتقوول معصقل..وبما انك ناوي نتفاهم..

موافقة خل نتفاهم..أبيك تطلقني..

بما انك هايم وتحب وميييت من الشوق لمحبوبتك طلقني وروح لها..

طالب\أي محبوبة؟؟

شوق\اللي كنت تتغزل فيها..الجرح على قولك..

طالب\هههههههههههههه أنتي الحين هذا اللي مزعلك؟؟

الحمدلله يعني ماانتي زعلانة من شيء ثاني..؟؟

شوق وكانها انضربت على راسها لماتذكرت الصورة واللي فيها..

ارتبكت وبان عليها هذا الشيء..

طالب\شكلك ماشفتيها؟؟

شوق\لا ماشفتها ولاعرفت وش فيها..

طالب\وشهي؟؟

شوق\الصورة...

طالب\هههههههههههههههههه رحمت حالك وش عرفك اني اتكلم عن الصورة واللي فيها..

حست انها أغبى المخلوقات على وجه الأرض..

نزلت دمعتها بقهر..لأنها كانت غبية وهو يستجوبها..

وقفت وضربته بجوالها وخرجت من المكتب وهي مقهورة..

وصوت ضحكه يرن بأذونها...

مرت بجناح غازي والى الآن ماكان موجود..

دخلت غرفتها وقفلت الباب بقهر وضيق..

غبيـــة وطول عمرك تظلين غبية..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛

دخلت الاسطبلات وتوجهت لحضيرة عسولة..

صارت تمشطها وتتكلم معها مثل ماتعودت..

هديل تبتسم\والله وكبرتي ياعسووولة..

وش رايك نرووح في دووورة في المزرعة..؟؟

تونا بدري ما احد منهم صحى على ما اعتقد..

مرت اسبوعين على رجوعها المزرعة..

وخلال هذي الاسبوعين ماشافت غازي ولا تكلمت معه..

طول الوقت تقضيه في قسمها الخاص فيها..

تناست اللي صار وهي تحاول تسرج الفرس..

ماقدرت لانها كانت ترفض تتعلم كيف تسرجها لما كان ماكس يحاول يعلمها..

فكتور\هل تريدين المساعدة؟؟

هديل\لا..

فكتور يقرب من الفرس ويسرجها وهو يتكلم مع هديل..

فكتور\لا داعي للخجل..ان احتجتي المساعدة اطلبيها مني..

نحن مثل بعضنا هنا نشتغل في هذه المزرعة لم لانكون رفاق؟؟

مد يدهـ يبي يصافحها..لكن هديل تراجعت خطوة وبعدت عنه..

سحب يدهـ\لابأس يبدو بأنك لازلتي غاضبة مني..؟؟

هديل\اخرج من الحضيرة ايها السيد..

هذه الفرس لي ولا اريد منك اي مساعدة..

وان خالفت ذلك ساخبر المدير وهو يتصرف معك..

فكتور\كما تشائين..أنا احاول ان اصلح الامور بيننا..

راقبته وهو يخرج من الحضيرة وتنفست براحة..

والله ماينقصني الا انت..

قربت صندوق من الخشب وصعدت عليه..

وسوت مثل ماعلمها ماكس..

تمسكت باللجام ورفعت ارجولها..

ثبتت نفسها على الفرس..

وخرجت من الحضيرة بهدؤ..

كان الثلج متزايد ومغطي أغلب الطريق..

ماكانت تحس بخووف من الفرس لانها هادية وتمشي بارادتها..

تتسال ليش مكتئبة وتحس بقهر..

هذا هي عايشة بحالها..

اسبوعين ما احد فيهم تعرض لها او اذاها..

حتى غازي ما فرض عليها شيء..

ولا اجبرها على دخول القصر..

طيب ليـــش مكتئبة..؟؟

مكتئبة لاني أحس بوحدة..

أحس اني مهملة ولا أحد يهمه أمري..

لو أموووت ما حدن درى..

معقولة انتهى الانتقام..

وباقي حياتي بتظل بهالشكل..

أكيد بيرجعون السعودية هذا اللي قالته ماريا..

طيب وأنا بيتركوني هنا..

لا مستحيل يسويها ويخليني هنا..

وليش مايخليك..

مو سواها من قبل لما رجع السعودية وخلاك مع ماكس وكل اللي بالمزرعة..

ولما يسافر يخلص شغله ويرجع..

ومحتمل جدا يخليك وينسى منك..

عادي عساهـ مايرجع..

يروح ويريحني منه..

يمكن اذا راح ونساني اقدر اطلع من هنا..

واتخلص من هالسجن وكلاب الحراسة اللي تراقبني..

صرخت بخوف لما سمعت صوت قوي ماقدرت تفسرهـ..

وهذا خلا الفرس تثووور ترفع رجلينها الأمامية وتضرب الأرض عدت مرات..

وبعدها أسرعت الفرس وصارت تعدوو بشكل هائج ومخيييف..

صرخت هديل وتمسكت باللجام بقوووة..

صرخت وصرخت لكن ماكانت تزيد الفرس الا هيجان وخوف..

فجاءة طاحت من على الفرس والسرج معها..

ضربت على الأرض بقوووة والثلج كان قاسي وزاد من قوة الضربة..

تأوهت بألم وحست بدوووخة وانها بتفقد وعيها..

حست باحد قريب منها..فتحت عيونها وهي تمد يدها بتعب..

يد مسكت على يدها بقووة..

وبعدها ضربة على وجها افقدتها الوعــــي ...

صحت وبنفس الوقت ماصحت..

ماتدري هي وين..ولاتدري وش صار فيها..

وبين لحظات الوعي وال لاوعي..

أدركت بآســـــــــى عميق بأنها لازالت على الأرض والثلج يغطيها..

تحاملت على نفسها بتعب..

وبقدرة عجيبة قدرت تجلس بانحناء..

نفضت بعض الثلج عنها..

من شدة الألم ماتدري أي مكان من جسمها محتاج تحط يدها عليها وتحاول تهدي ألمه..

وقفت بانتفاضة..

طاحت على ركبها وهي تأن من الألم..

أدركت ان اصابتها مؤلمة بحد كبيــــــــــــــر..

وقفت وصارت تمشي مثل التايهة..

كانت شاكة بالطريق اللي تمشي فيه..

هل هو الطريق الصح أو لا..

ناظرت حوالينها وشافت الاسطبلات..

توجهت لها وجلست بتعب داخل حضيرة عسولة..

لاحظها أحد العمال وحاول يساعدها..

تكلمت بتعب\أرجوك استدعي ماريا..

العامل نفذ طلبها وراح لـ القصر ونادى ماريا..

اللي تواجدت معها بعد دقائق..

هديل بالم\ســـ اعديــ ني ..

ماريا\ماذا حدث لكي..يا الهي أنتي تنزفين..

هديل تشهق\مــــــــــــــــــا� �يا أنا امــــــــوت..

ماريا ضمتها بخوف..وطلبت من العامل يشيل هديل..

هديل بخوف\لا لاتدعيه يقترب مني ارجوك..

ماريا\آآآهـ ما اعندك لن تستطيعي المشي ولا استطيع حملك..

اسمحي له بمساعدتي..

هديل تتآآوهـ\لا أرجــ وكي ماريا لا..

وقفت ماريا ووقفت هديل برقة..

كانت تتعثر بخطواتها بسبب الثلج..

مازال القصر بعيد عنهم كم متر..

هديل كانت على وشك انها تنهار..

بس لمحته جاي لها وبخطوات سريعة..

الدموع اغرقت عيونها والدم خانقها مو قادرة تتنفس..

أول ماقرب منهم أنهارت بين يدينه..

تبكي بألم..

ماكان له اي ردت فعل حتى يدينه ماحضنتها مثل ماكان يسوي..

وبلحظات شالها بخفة ومشى ورى ماريا..

دخلها غرفتها وسدحها على السرير وخرج من دون مايلتفت وراهـ..

هديل\سأموت ماريا سيقتلني سيرحل ويتركني هنا..

ماريا\عزيزتي اهدئي أرجوكي كفي عن الصراخ..

هديل\ابي أمي ما ابي أظل لحالي بها المكان أنا موووجوعة مووجوعة..

يوبــــــــــــــه يوبـــــــــه تكفى خلاص ما اقدر اتحمل..

يوبــــــــــــــــــه آآآآهـ..

ماريا بارتباك\ساذهب لأنادي السيد أرجوك لاتخافي انا لا أفهم ماذا تقولين..

خرجت ماريا وتركت هديل تبكي وتتألم..

ماتبيه يرجع..ماهو شافها تعبانة وتموت وراح وتركها..

ماتبيه يقرب منها..ماتبيييييييييييييييي يييه..

أكرهك والله اكرهك..

أهملتني نسيتني..

ما اتحمل وحدتي بتجنني..

وقفت بصعوبة وقفلت باب قسمها بالمفتاح ماتبيه يجيها..

مو محتاجة طبـــه ولا شفقته..

دخلت دورة المياهـ..

فسخت ملابسها الغرقانة بألم..

جلست تحت الماء الدافي وهي ضامة نفسها..

كل ماتحركت حست بعضلاتها تتمزق..

لفت جسمها بمنشفتها..

ناظرت بالمرايه وشهقت لما شافت شكل ظهرها..

كتفها اليمين رقبتها ..

كانت ألوان من الأخضر والازرق وتحورات من الدم..

وجها ماكان أحسن من حال جسمها..

خرجت من الحمام وانصدمت فيه واقف في غرفتها..

انقرت من تواجدهـ..

وأنقهرت من شكلها بالمنشفة..

شافته يقرب منها بخطوات كبيرة..

رجعت لدورة المياهـ وقفلت الباب قبل يوصل لها..

غازي بحدة\افتحي الباب..

هديل تهز راسها بلا وكانه يشوفها..

غازي بغضب يدق الباب\افتــــــــــــحي..

لبست بنطلونها وقميصها بقدر ماتستطيع ..

مع انها كانت تتالم..

غازي\انا معي مستر كي واقدر افتح الباب..

لو سمحتي افتحي الباب مابضرك والله العظيم..

خرجت وهي تترنح بتعب..

وقبل لا تنطق بكلمة ..

وقبل لا يقرب منها خطوة..

غابت عن الوعي..

صحت من النوم متالمة مثل ماتالمت بمرات كثييير..

ربع ساعة أو أكثر مايتحرك فيها غير جفونها..

حالة أصابتها ربما ماتسمى بالصدمة..

وربما حالة نفسية تسمى الكئابة..

الاكتئاب النفسي..

كم سيطر ذاك الاكتئاب على ملايين القلوب الحزينة..

أما لسبب الفقدان المرير..

أو بسبب هم كبيــــر عجز العقل والقلب معاً على استحماله..

فلينقذ ربي كل من يصيبه ذاك البغيض الكريه..

ذاك الاكتئاب..

حركت راسها لأول مرة من صحيت من النوم...

بس حست بثقل وشيء يشدها ترجع تنسدح بمكانها..

ألتفتت بخفة ولاحظته بطرف عينها..

نايم على شعرهـــا..

رجعت راسها لوسادتها مالها حيلة تصحيه أو تتكلم معه..

ماتبي قربه..ماتبي تتكلم..

ماتبي الا انها تظل لحالها..

صحى من النوم ويدينه تدور عليها قريب منه..

لكن مكانها كان بارد..

أستغرب عدم وجودها جنبه..

وين ممكن تكون..

بس شعرها الملامس لخدهـ..

واللي ريحته ماليه شرايينه..

أثبت له أنها جنبه..

مسك شعرها وصار يمسح عليه..

بس بلحظة فز واقف على رجلينه لما حس بشعرها ينسحب بشكل غريب..

وأنفجع لما لقى شعرها مرمي على مكان نومه..

وهديل مو موجودة..

قـــــــــــــــصت شعرهــــا ...

تريدين أن تعرفي كم اشتقت إليكِ؟! سأحاول أن أصف يومي بدونك ...

أصحو و أفتح الستائر فتبدو الأشجار في الحديقة متعبة شاحبة تسألني: أينها؟!

أحلق في الحمام وأحدّق في المرآة وتتضاعف الشعرات البيض فجأة

وتضحك المرأى بخبث وهي تسألني : أينها؟!

وأقرأ جريدة الصباح وأعثر على خبر طريف وأبدأ في الحديث معك

قبل أن يصفعني الواقع الوقح بسؤال مباغت : أينها؟!

تمر ساعات اليوم بطيئة ..

بطيئة كجِمالٍ تحمل جندلاً وحديداً وتسألني كل ثانية منها : أينها؟!

أعود إلى المنزل وأتخيل وأنا في الطريق

أن كل العيون في كل الوجوه تحملق فيّ باستغراب وتسألني : أينها؟!

ويضمني المنزل الخاوي..

أفتح كتاباً في التاريخ فلا أفهم شيئاً لأن كل حرف يغادر مكانه ويصرخ فيّ : أينها؟!

أنصرف إلى المذياع وتنهال الموسيقى طبلاً غجرياً ملحّاً يردد: أينها؟!

أهرب إلى الرائي فتقفز أمامي الصور والألوان والأصوات

في سيمفونية مجنونة مشوّشة تعيد وتعيد : أينها؟!

أفر إلى السرير . أضع المخدة فوق رأسي أطمع أن أراكِ فيما يرى لنائم.

ويجيء النوم بعد جهاد مرير.

لا أكاد أنام حتى فاجأني حلم غريب غاضب يسألني كأنني متهم أمام القضاء :أينها؟!

وأفيق . انتظر الصباح المرهق..

أيتها الغالية!

هل بدأتٍ تعرفين كم أشتاق إليك؟!

المرحوم باذن الله تعالى غازي القصيبي..

الرجال منتشرون بكل مكان..

الحرس الخاصون به يمترون المزرعة يبحثون في كل مكان..

قـــام باجراء عدة أتصالت يعلم بانها لاتستطيع الوصول الى السفارة..

فالسفارة هناك في العاصمة في رومـــــا..

ولكنه لايترك للممكن مجالاً..ولا يعترف بكلمة مســـتحيل..

فان هي قادرة على الهرب فهي قادرة على الوصول الى السفارة..

لايعلم هل يتمنى أن تصل الى السفارة وتهرب بعيداً..

أم يتمنى ألا تقع يديه عليها فيذيقها عقاب ما أقترفته..

فحالها كما يعلم هو لن يساعدها على الابتعاد من ممتلكاته..

حراس البوابة واثقون بأنها لم تتعدا تلك الأسوار الشاهقة..

ولم تتجاوز تلك البوابة الحديدية..

اذاً أين هـــــي؟؟

كيف أختفت..؟؟

كان على ظهر الخيل راجع من الكوخ الخاص بعمال المزرعة..

فلم يطمئن قلبه الا بعد أن بحث بنفسه هناك..

لربما هي لم تهرب..قد يكون أحداً ما مسئوول عن اختفائها..

هذا كان رأي راجــح فهو من قال بأنها مريضة ولن تستطيع الهرب..

وهو من أشار بان كوخ العمال مكان مشبوووهـ ويجب البحث فيه..

وافقه غازي وطالب الكلام والظن..

بحثوا معاً ولكن بلا جدوى..

راجح بغضب\أنت وش سويت فيها؟؟

غازي بوعيد\باقي ماسويت..

راجح\ماهربت منك وهي بحالتها ذيك الا وانت مسوي شيء كبير..

طالب\وليه تهرب ؟؟

راجح\أسال أخوك ..أنا يا الله قدرت أشيلها من دون ما أكسرها..

وهو الله العالم اذا داواها ولا كسرها..

تركهم غازي من دون مايرد على راجح أو طالب..

توجهـ الى القسم الخاص بالنخيل..

رغم معرفته بانها لن تقدر على الوصول الى هناك..

لكـــن هي فتاته العنيدة..

وستصل الى هناك ان كانت تريد ذلك حتى ولو زحفت على يديها..

طـــــــــــــال الوقت وطال..

ولم يتم العثور على أثر لهديــــل..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛

بالمكتب كانت رشا وشوق جالسين مستغربين من اللي صار..

ربما هديل ماتهمهم ..

ولكن اخوهم غازي يهمهم وتهمهم حياته..

وهذي أول مرة يشوفونه معــــصب وغاضب الى هذي الدرجة..

لما دخل مثل الاعصار وتوجه لمكتبه يجري اتصالاته وتحذيرات..

واستغربوا صراخ راجح على غازي ورد غازي بنفس الاسلوب..

طالب كان بالنص بينهم ولاهو فاهم سبب الغضب..

رشا\ويــن راحت مرت خمس ساعات وهم يدورون عليها؟؟

شوق\مدري..

رشا\ليش هربت؟؟

شوق\فهمت من كلام عمي انه ممكن غازي ضربها..

رشا\مع حبي لغازي واحترامي له بس مايحق له يضربها..

شوق\غازي ماضربها..عمي بس يظن ان غازي ضربها..

رشا تناظرها\ان كان ماضربها هالمرة فتراهـ ماقصر فيها من قبل..

شوق\وان ضربها مو هي جاريته؟؟

رشا باستخفاف\واذا جاريته او خادمته لكل شيء حد..

هذا احنا مانضرب الخدم ولا نعاملهم بقسوة..

شوق\اذا أنا وأنتي ماناذي الخدم فترى مو كل الناس مثلنا..

فيه ناس بلغت قسوتهم انهم يذبحون الخدامة ..

رشا\لاتغيري الموضوع..انسي حقدك عليها وتكلمي بالحق..

شوق\كلن ماياخذ الا نصيبه..

رشا\وش اللي مقسي قلبك عليها الى هذي الدرجة؟؟

شوق\لاني لما اشوفها اشوف اخوها اللي قتل أخوي وقتل زوجك

يتم غازي قتل ولد امي..

رشا\وهذا هي تتعاقب على سواة اخوها..

ماهو كفاية حارمها من هلها لا تزورهم ولا تتصل عليهم..

شوق\هذا أقل شيء تستاهله..

رشا بقهر\طيب فهميني وش ذنبها هي؟؟

شوق\ذنبها أنها أخته..

رشا\الله لا يذوقنا الحرمان اللي تعيشه ولا يحرمنا من اهلنا..

شوق\احنا مو مجرمين مثلها..

رشا\ما احب اتكلم معك عنها..لانك حقوودة وتفكرين بحقد

شوق بعصبية\بالله وش تبيني أسوي أبكي على حالها ولا اضمها وأطبب عليها..

كل واحد يتحمل مسئولية أفعالهـ..

رشا\استغفر الله العظيم..خلاص لاتكلمي عنها..

شوق\بس الهبلاء وين راحت والدنيا ثلج؟؟

رشا بعصبية\وأنتي وش يهمك مو تكرهينها خلاص خليها تروح وين ماتبي..

شوق بعناد\عساها تتجمد مخليه هلنا يخرجون بالثلووج بسببها..

وفوتت على غازي سفرته..بجد انها بزر ماتفكر ولا تفهم..

رشا توقف\يالكبيرة العاقلة سدي حلقك لاتدعين على البنت..

شوق\أوووف منك رشا اطلعي دوري معهم عليها..

رشا\ياليت لو أقدر أطلع وادور عليها..وشكلي باسويها

ماتدرين وش حالها ألحين..يمكن تعبانة او احد أذاها..

ماكان يحق لغازي يخليها برا القصر لحالها..

المفروض تعيش هنا بالقصر وتكون قريبة منا..

شوق\متى ماتذكرتي انها السبب في ترملك وفي يتم ولدك علميني..

أنا باروح أشوف أمي ..

خرجت شوق من المكتب متجاهلة التفكير في اللي صاير خارج جدران القصر..

بينما رشا وقفت عند الشباك تناظر على الحديقة الجليدية..

مافيه أثر لأي مخلووووق في الحديقة..

تخيلت لو مثلاً كانت هديل تحت الثلج وما احد يدري عنها..

يمكن هي ماهربت مثل مايتوقعون..

يمكن طاحت بحفرة أو صار لها شيء..

بتتجمد من البرد ..

ماقدرت توقف بمكانها وهي تسمع صوووت الريح ..

ناظرت بالمدفئة وشافت النار وحست بالدفاء حواليها..

طيب وهي تتجمد..تمــــوت..

لبست البالطو ولفت حجابها عليها وخرجت من القصر..

كانت تمشي بتردد وعقلها ينبها ترجع..

راحت للملحق كان الباب مردوود بعد خروج غازي منه..

المكان كان بارد فسرت هالشيء من ان الباب كان مفتوح فاكيد المكان بيبرد..

دخلت لغرفة النوم جليت على سرير هديل ولاحظت بقايا شعرها مرمي على الفراش..

لفته بين يدينها ورتبته ربطت الجزء العلوي منه بمنديل..

وجدلت الباقي وفي نهايته ربطت الجديلة..

وقفت وحطت الجديلة على السرير وهي تمسح دمعتها..

وخرجت من الغرفة..

قفلت الملحق ومشت راجعة القصر..

الله يسامحك ياغازي ليش قصيت شعرها..

وش اللي هي سوته عشان يكون هذا عقابها..

صعبة علي بعد هالزمن اكتشف انك قـــاسي يا أخوي..

قلبي يوجعني عليها ماعدت اتحمل ظلمها..

لو أنا منها ما اتحمــــل..

ليــــش قصيت شعرها ليـــش؟؟

وماتبيها تهرب بعد سواتك هذي؟؟

تمشي من غير ماتنتبهـ لـ الطريق..

القصر قدامها وهذا المهم..

لكن الطريق مو نفس الطريق اللي مشت عليه..

في لحظة زحلقت رجلها على الجليد بشكل قوي..

وبلمح البصر كانت طايحة على الأرض وهي تصرخ من الألم..

ألم فظيــــــــع برجلها مو قادرة تحركها ..

بكت من شدة الوجع اللي تحس فيه..

حاولت توقف عدة مرات ..

وقفت وهي تترنح مشت خطوتين وطاحت ع الأرض مرة ثانية..

وأدركت أن رجلها مو بحالة طبيعية..تحس فيها مكسورة..

رفعت راسها وناظرت حوالينها تشوف اذا فيه أحد ممكن يساعدها..

بس المكان كان هادي جداً..

لأن كل الرجال في المزرعة يدورون على هديل..

الملحق كان أقرب لها من القصر ومع ذلك ماقدرت توصل للملحق..

ظلت بمكانها تتألم لحتى غفت ع الأرض..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

غادة\أقتنعت..بس بشرط..

علي\وش شرطك؟؟

غادة\دراستي ماتكون اجبارية..يعني ماتربطني بالسنوات..

خلني ابداء في معهد خاص لكم شهر ان شفت اني قادرة اكمل نحول اوراقي ع الجامعة..

علي\بتضيعي الوقت..

غادة\لا ياحلوو ما بيضيع وقتي لاني عرفت النظام عندهم..

ولو ادرس معهم لمدة شهر ماراح يروح تعبي اومجهودي..

بيعطوني شهادة او سجل يشهد بدراستي معهم..ومعه كشف بقدرتي وتقديري..

علي\براحتك أنتي واعية وفاهمة وتعرفي مصلحتك..

غادة\تممنا على خير..وترى ماقلت لامي شيء أنت قول لها وقول لعسوولة..

علي\تبينهم يطبون في بطني لا انتي قولي لهم..

عبدالله يلعب بالقيم بوي\خلك ذيب لاتخاف من الحريم..

علي\ذيب غصباً عن أمك..

حنان\وش فيها أمه؟؟

علي بحب\ياويل حالي لبى أمه ولبى طوايفها..

عبدالله\كم مرة قلتلك لاتغزل في امي؟؟

علي بغضب\عبيد تراك نغصت بعمري كل ماقلت لها كلمة نطيت مثل القطوو..

عبدالله\لو أبووك يتغزل في أمك بتسكت له؟؟

علي بصدمة\عنبو غيرك استح على وجهك زوجته انا وش دخلني بينهم..؟؟

غادة\لا اله الا الله دايم هواش ذا الاثنين..

عبدالله\وغدة قولي لاخووك لا يتغزل في أمي وش يحسب ماوراها رجاجيل؟؟

حنان\هههههههههههههههههه

عبدالله\ايه أضحكي عاجبك ان ولد الناس يقولك لبى ومدري وشهو..

بس مايكون ذا الشنب على عبدالله ان ماعلمت ابووك يومه وخليته يشوف شغله معك..

علي\زوجتي يالثووور زوجتي..

عبدالله يستعد لـ الهرب\ماباقي الا ترقمها ماكني مالين عينك..

علي يقووم من مكانه ويركض ورى عبدالله اللي حط رجله شارد من الصالة وأبوهـ وراهـ..

حنان وغادة يضحكون على علي وتوعده في عبدالله اللي دخل غرفة عسولة وقفل الباب وراهـ..

علي طلع يبدل ملابسه لان صاحبه بيمر عليه وحلف ماياخذ عبدالله معه..

غادة\الله يعينك من شاف هذؤلاء قال طباين مو أب وولدهـ ..

حنان تبتسم\احمدي ربك ماتشوفين هوشتهم بجناحي..

ياويل عبيد يدخل غرفة نومي وياويل علي يدخل غرفة عبيد..

غادة\فديته عبوودي والله باشتاقله..

حنان\الحمدلله ربي مارزقني الا بعبوود وماني ابي غيرهـ..

غادة\دوووم علي يقووول لو جاء عبود بنت كان احسن..

حنان\ههههههههه لما يوصل حده من عبود يقول لو جبتي بنت مالت عليك..

غادة\هههههههههههههه جنن أبوهـ..

حنان\غدوو متى بتسافرين؟؟

غادة\ماعندي خبر علاوي وهادي هم المسئولين عن الموضوع..

انا ماعلي الا أجهز شنطتي وأشل عقلي معي..أخاف أنساهـ..

حنان\هههههههههههههههههه فديت عبووودي دووم يذكرك بعقلك لاتنسينه..

غادة تذكرت شيء\تدرين ان الخايس حاط نغمة جوالي همتارو..

وأنا في اجتماع مع المدرسات الا واسمع صوت جوال هل تعرفون من هو همتارو

وانا اناظر في المعلمات من الهبلاء اللي حاطة هذي النغمة..

وشوي الا وكل المعلمات يناظرون فيني اتاري هذي نغمة جوالي..

حنان\هههههههههههههههههههه� �هههههههه يووومه فشلة..

غادة\فشلة وبس..أقووولك طاح برستيجي وانا اللي يعنني ثقيلة..

قمت أتبسم وانا اقفل الجوال واتوعد في عبيد الوغد..

عبدالله\ماوغد غيرك يالوغدة..

قال كلمته وخرج من البيت يركض وغادة وراهـ..

طاح عبدالله على الدرج وغادة جلست على الأرض ميتة من الضحك على شكله..

عبدالله\آآآآي هذي عين أبوووي مايذكر الله..

غادة\آآآهـ بطني ههههههههههههههه ياليتني مصورتك بلوتوث كان فضحتك..

عبدالله\قايلك أنك وغدة بس ماانتي مستوعبة..

غادة\ههههههههههههه ياربي مو قادرة شكلك فلة..

عبدالله\المهم ماشافني حميد الدوب كان الحين برك فوقي..

غادة\قووم أساعدك عطني يدك..

عبدالله\معصي حرمه تقومني افا يالعلم..

غادة بغرور\يجيلك ياهندي المزرعة ان غدوو تساعدك..

في لحظات وقف عبدالله بسرعة وسحب غادة من يدها ودخلها البيت وسكر الباب الداخلي..

عبدالله\لاتخرجين فيه رجال في الحديقة..

حسبي الله عليك وعلى وجهك شافك وشبع من كشتك..

بس دواك عندي لما يروح ان شفتك لابسة بجامة قطعت العقال على ظهرك..

باروح أقلطه جهزي القهوة..

خرج وغادة واقفة بمكانها مصدومة..رجال وشافني..

ناظرت بنفسها بجامة وخزياه شافني لابسة بجامة..

حنان\ياويلك ياغدووو ماشافك الا وانتي لابسة بجامة..

غادة\وش رايك أطلع أكشخ واتلبس وانزل يشوفني وانا كاشخة ؟؟

حنان\هههههههههههههه ليش لا؟؟

غادة\هههههههههههه تخيلي بالله ادخل واقول ترى انا اللي شفتها قبل شوي بالبجامة..

حنان\ايه قولي لايغرك المنظر قبل شوي هذي حقيقتي..

علي\يعني نقول البنت موافقة وهذي الشوفة الشرعية؟؟

تجمدت غادة بمكانها حنان شهقت بصدمة..

وش يقصد علي من كلامه..

هل يمزح معهم ويكمل هبالهم ..

ولا هو صادق بكلامه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

خرج من غرفته وبيدهـ ظرف اسود مايندرى وش فيه..

مر الوقت وهي الى الآن مالها أثر..

ومع مرور الوقت كانت تزيد عصبيته وغضبه..

ويتوعد بهديل أكثر وأكثر..

قرر يوسع نطاق البحث لخارج المزرعة لانها وبكل تاكيد هديل مو في المزرعة..

راجح هو اللي قرر يروح معه لانه مايضمن غازي وش ممكن يسوي فيها اذا مسكها..

بينما طالب يظل في القصر ويكمل البحث مع العمال..

كان بينزل الدرج لما سمع امه تناديه..التفت عليها بجمود..

ام غازي\وين رايح بهذا الوقت؟؟

غازي\أرجعها..

ام غازي\وينها فيه؟؟

غازي\بألقاها..

أم غازي\وسفرك مو على أساس اليوم مسافر؟؟

غازي باستغراب\أسافر وأنا مدري وينها فيه؟؟

أروح لشغل وهي الله أعلم بحالها؟؟

ام غازي\يعني يهمك حالها؟؟

غازي بشك\قولي اللي عندك يومه..

أم غازي ببرود\هديـــل عندي..والحين تقدر تسافر وتشوف شغلك..

غازي مارد عليها واقف مو مستوعب كلام امه..

يدور عليها من الفجر قلب المزرعة والدنيا عليها..

ماترك مكان الا ودورها فيه..

ماتجاهل اي توقع الا وخلاه ممكن..

كان خايف عليها وأكثر شيء خايف عليها من نفسها..

وأمه تراقب الوضع وتشوف كل اللي قاعد يصير..

وماتكلمت ولا رحمت حاله ..

أم غازي بصوت مخنوق\هديل عندي بغرفتي..

مدري أنت وش مسوي فيها..لحتى هربت منك..

وماقصدت الا امك..هربت منك ولجئت لأمك..

ماني مصدقة ان انت ممكن تسوي فيها كل هذا..

مو انت صح ياغازي مو أنت؟؟

غازي\عندك؟؟

ام غازي مشت وجلست بالصالة الفوقية وغازي جلس عندها..

ام غازي\صحيت ولقيتها بغرفتي..

كانت جالسة على الكنبة وكأنها مو واعية..

قربت منها ناديتها بس ماردت علي..

انصدمت من شكلها ومن شعرها المبهذل..

صحت من النوم وقبل لا تقوم من سريرها قرأت المعوذات وقرئت أذكار الصباح..

وقفت ببطء توها بتتوجه لدورة المياهـ الا وتلمح مثل الطيف جالس ع الكنبة..

فتحت انوار الغرفة بشكل سريع وانصدمت من الموجودة معها بالغرفة ..

قربت منها بهدؤ وعرفتها مع ان هديل مارفعت راسها..

بس هذي مو رشا وأكيد مو شوق..

نادتها باسمها..

حاولت تناديها من قبل باسم رسل لكن ماقدرت..

لانها تظلم رسل وتظلم هديل بنفس الوقت..

ففظلت انها ماتناديها أبداً..

لكن اليوم وبهذي اللحظة لازم تناديها..

ام غازي\هديـــل..

هديل ماردت ولا ادت اي حركة تدل انها واعية او سمعت ام غازي..

جلست جنبها ام غازي وحطت يدها على ظهر هديل..

لكن شالتها بسرعة لما سمعت شهقة هديل بألم..

أم غازي بخوف\وش فيك فيه شيء يعورك..؟؟

مدت يدينها ورفعت راس هديل لها..

تلمست وجها ومررت يدينها على شعرها..

مصدووومة من شكلها من شعرها..

والصدمة الأكبر ان هديل هنا بغرفتها..

وقفت وسحبت هديل توقف..

فسخت عنها البالطو بحذر عشان ماتعورها..

بس مابان معها شيء لان هديل كانت لابسة كنزتها الصوفية..

رفعت الكنزة بهدؤ..بس يدين هديل اللي ضمت بها نفسها ماساعدتها..

أم غازي\لاتخافين ولاتخجلين مني..أبي اتطمن عليك..

صدت عنها هديل ورجعت تجلس على الكنبة بصمت..

رفعت الكنزة عن ظهرها وشهقت لما شافت شكله..

أرتجفت بخوووف ومن دون شعور لمت يدينها حوالين هديل من ورى وضمتها بقوووة..

مع انها حست انها عورت هديل لما ضمتها على ظهرها..

لكن ماقدرت تتركها...ماقدرت تتركها..

أم غازي بغصة\اذا هذي سوات ولدي عسى ربي مايسامحني..

لا رد صمــــــت وكأنها انسلبت منها كل ارادة وقدرة على الكلام..

ليش ياغازي ليــــش؟؟

متخبية عندي..تبيني احميها منك..

ياربي عفووك..يارب سامحنا سامحنا..

أم غازي\قومي معي ..

وقفت ومدت يدها لهديل..

بس يدها ظلت معلقة بالهواء لان هديل مامدت يدها لها..

ام غازي\هديل ساعديني عشان أساعدك..

قومي معي يـــومه..

رفعت راسها بالم وبعيون دامعة تعلقت عيونها بعيون ام غازي..

أم غازي\تكفين..

هزت راسها نافيه هالشيء..

لان ثنتينهم يدرون باستحالة هذا الشيء ومدى صعوبته..

أمــــه ومستحيل تصير امـــها..

بصـــفه وصعبه تنصـــفها..

بعد وقت قربت منها ام غازي ووقفت وراها..

مشطت شعرها وقصته لحتى ساوته مع بعض بقصة مرتبة ..

لان شعرها كان مبهذل جزء اطول من جزء..

قصت لها غرة كثيفة على حد عيونها..

طلع لها شكل ثاني جداً..

لن نراها الآن بل لاحقاً في عيون احدهم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

سكتت تمسح دمعتها وعيون غازي مركزة عليها..

غازي ترك أمه وتوجه لغرفتها ..

لكن أمه وقفت بوجهه..

أم غازي\وعزة الله وجلاله ماتقرب منها ولا تشوفها..

غازي بغضب\استغفري ربك يومه ولا تحلفين..

واتمنى منك ماتدخلين بيني وبينها..

أم غازي\أنت لو تراعي ربي فيها ماتدخلت..

لو هي ماجاتني ولا تعشمت فيني ماتدخلت..

ليه ضربتها ليه قصيت شعرها ليـــه تعذبها؟؟

غازي بعناد\ملك خاص لي وانا اسوي فيها اللي ابيه..

أم غازي\مابتشوفها والحين رووح لشغلك سافر ابعد من هذا المكان..

غازي\باسافر وهي معي..

أم غازي\والله ماتاخذها ياغازي الا على جثتي..

غازي\استغفر الله العظيم..يومه يكفي راجح..

خلوني احل اموري بنفسي لا تدخلون بحياتي..

أم غازي\اللي فيها يكفيها..

تكفى يومه أنت سافر الحين ولماترجع يصير خير..

غازي\يومه انا باغيب اكثر من عشر ايام لازم أشوفها..

ام غازي\مابتشوفها..هي بخير..

وأوعدك أخليها تحت عيوني ومايصير فيها شيء..

غازي\اسافر قبل لا اشوفها مستحيل..

ترك أمه وتوجه لـ الباب فتحه..

لكن الباب كان مقفووول..

أم غازي\كنت أدري انك ماراح ترضى..

أخذت احتياطي وقفلت الباب عليها...

صد عن امه ومشى يبي ينزل..

غازي\قولي لها يومـــه..

كل شيء بحسابـــــه..

دخل المكتب أخذ جهازهـ ومفكرته الالكترونية..

متجاهل الجميع ومتجاهل سؤال راجح له..

راجح\ويـــن بتروح..؟؟

خرج من المكتب ورجع يناظر فيهم..

غازي\البنت عند أمي..

خرج من القصر ركب سيارته وتوجه للمطار..

طالب\أخوك أستخف؟؟

شوق\يقول انها عند أمي..

راجح\وأمك ليه ماقالت انها عندها وحن من فجر قالبين الدنيا..

خايفين لايكون صار في البنت شيء..

شوق خافت من هجومهم عليها وارتبكت..

ماهي عارفة كيف تقول لهم ان رشا مو موجودة بالقصر..

الخادمة قالت لها ان رشا خرجت قبل ساعتين والى الحين مارجعت..

شوق\عــ عمي رشــ ـا..

راجح\وش فيها رشا؟؟

شوق\وينــ ـها؟؟

راجح\ما ادري من خرجت الى الحين ماشفتها..

شوق\يعني هي ماكانت معكم؟؟

راجح ركز عيونه عليها ينتظرها تتكلم..

لكن طالب لفها عليه بقوة..

طالب\كيف تكون معنا؟؟وينها فيه؟؟

شوق ترتجف\مدري والله مدري..

راجح\كيف ماتدرين؟؟هي في القصر؟؟

شوق تهز راسها\لا مو فيه خرجت قبل ساعتين..

طالب\ولا رجعت؟؟

شوق\لا مارجعت ..

راجح يهز شوق\وليش ماتكلمتي من قبل ياغبية..

ليه ماكلمتيني..؟؟

شوق تبكي\مدري خفت تهاوشها..

ظنيتها بترجع بس مارجعت ..

دفها راجح على طالب وخرج من المكتب..

وخرج طالب وراهــ..

راجح\هذولاء يبيلهم ضرب يعلمهم السنع..

طالب\بادورها حوالين القصر ..

راجح\وانا باشوف الاسطبلات والملحق..

مابتبعد من هنا..

دور عليها راجح بالاسطبلات بس ماكانت موجودة..

وهو كان يستبعد وجودها هناك..

توجه للملحق وهو يتوعد فيها ومصمم يخليها تحسب حساب لكل شيء هي تسويه..

ماكانت في الملحق والباب كان مقفووول..

رجع للقصر وهو يتلفت بالمكان..

شافها مثل الخيال طايحة على الثلج..

عرف من تكون قبل لا يوصل لها..

جلس جنبها ورفعها بخوف..

راجح يمسح وجها\رشـــا..رشـــا

فتحت عيونها و ماردت عليه الا بأنيين متعب..

شالها من على الأرض بسرعة ودخلها القصر..

قال لشووق تنادي طالب وتقوله انه لقاها..

دخلها المكتب وجلسها على كنبة عند النار..

فسخ البالطو عنها وضمها يدفيها..

حتى قفازاتها كانت ثلللللج..

رفع أرجولها على الكنبة وهي صرخت بالم..

رشا\آآآآآآآآهــ ارجولي

راجح سدحها وجلس عند رجلها رفع البنطلون وانصدم من شكل العظم..

كيف كان مورم وينزف تحت الجلد..

طالب\ويـــن لقيتها؟؟وش صار فيها؟؟

راجح\أعتقد رجلها مكسورة..

بأوديها المستشفى..شوق هاتي معطفك..

فسخت معطفها بسرعة وعطته عمها..

وهو لف رشا فيه وشالها وطلب من حراس المزرعة يقربوا سيارته..

حاول طالب يروح معهم لكن راجح ماعطاه فرصة..

ومارضى ياخذه معهم..

مشى بالسيارة وطالب وشوق واقفين عند الباب..

طالب\حريم ناقصات عقل..

وش يخرجهم بالثلوووج..ناسين انهم بنات السعودية..

ولا عمرهم شافوا الثلج وعاشوا فيه..

شوق\باروح أعلم أمي برشا..

طالب يلتفت عليهاوبعصبية\وش موقفك قدام العمال بذا الشكل ياللي ماتستحين؟؟

شوق بقهر\أنا ما أستحي ؟؟

طالب يسحبها من يدها ويدخلها القصر ويقفل الباب..

طالب\ايه ماتستحين خارجة بلبسك هذا وشعرك..

شوق\معطفي عطيته عمي وشعري ما انتبهت عليه..

طالب\لانك حمارة واحد ينسى من حجابه ..؟؟

شوق\انت الحمار يا قليل الادب ياللي ماتستحي..

أدري عينك على الخايسة اللي تحبها عساك الجلطة معها قوول امين..

طالب يمسك فمها بقووة\لاتعلين صوتك علي ياشوق..

صح أنا ساكت لاكثر كلامك..بس ذا مايعني ماني قادر اربيك..

شوق دفته عنها\رووح رب حالك اول انت والصايعة اللي تحبها..

طالب ضربها كف على وجها خلاها تدرك ان اللي قدامها مو مثل ماتتوقعه..

ماهو طالب اللي كان يغطي على شطانتها واغلاطها..

ولا هوطالب اللي طووول عمره مطول باله عليها وعلى دلعها..

هذا طالب اللي ماتتمنى بحياتها تشوفه وتعرفه..

طالب\من اليوم يا شوق الى وقت رجوعنا لـ السعودية قرري..

زواج باحترام وتكبرين عقلك..

أو اخوك ماهو بعاجزن عنك..وحتى لو صرتي مطلقـــة..

خرج من المكتب وتركها واقفة بمكانها ..

عيونها معلقة فيه ودموعها متجمدة من الصدمة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛

صحت وراجح جالس عندها..

في البداية حاولت تستوعب هي وين لحتى تذكرت اللي صار معها..

راجح\الحمدلله على سلامتك..

رشا\الله يسلمك..لقيتوها؟؟

راجح يبتسم\ايه لقيناها..كانت عند أم غازي..

الله يصلحها ماخلينا مكان الا ودورنا فيه عليها..

رشا\مالقيتها بالملحق..

راجح\ليه طلعتي من القصر..؟؟

رشا\كنت خايفة عليها..تخيلت انها يمكن مدفونة تحت الثلج..

راجح\وخيالك ماصاب الا عظامك..

لما لقيتك كان الثلج مغطيك..

والحين لازم تنامين بالمستشفى لان حرارتك مرتفعة..

رشا\غــازي وينه؟؟

راجح\ســافر..

رشا تبكي\قهرنــ ي..

راجح بعصبية\ليه هو وش قالك..سوا لك شيء..ليه ماقلتي لي؟؟

رشا\قص شعرها..

راجح\قص شعرها؟؟

رشا\شعرها طويـــل ولما رحت الملحق شفت شعرها مرمي هناك..

راجح بغيض\حسبي الله ونعم الوكيل..

هذا ماهو بصاحي..أنا قلت له رووح شوف البنت بتموت..

وهو كمل عليها وقص شعرها..

رشا\راجح ابي اشوفها..

راجح\ان شاء الله اذا رجعنا المزرعة تشوفينها..

وأنا لازم اشوفها وأتفاهم معها قبل يرجع غازي المزرعة..

رشا\طيب ابي اكلمها اتصل فيها..

راجح\مايصير انتي بالملاحظة الحين نامي وبكره يصير خير..

رشا\بس أنا لازم .....

راجح\انتي ماتكرهينها؟؟

رشا\أكرها؟؟

راجح\مو هي توئم هادي اللي قتل زوجك ويتم ولدك..؟؟

رشا غمضت عيونها وماردت على راجح..

نامت وعيون راجح عليها ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

بعد غياب 12 يوم رجع لـ المزرعة..

ومن رجوعه للمزرعة مر اسبووع كامل مالها أي أثر..

ماشافها طوول هالمدة..

لانها مازالت تعتكف بغرفة أمه رافضة تنزل او تشوف احد..

حاولت أمه فيها تطلع بايام ماكان غازي غايب عن المكان لكن هي مارضت..

طلبت منها تنام جنبها على السرير وترتاح من الكنبة..لكن مارضت..

صد وبرود وقلة حيلة هذه كانت تصرفاتها..

طلب راجح مقابلتها رفضت مقابلته والاستماع له..

فهي جربت الكلام معه من قبل ولكن لم يفدها بشيء..

لطالما ترقبت دخوله عليها ومعاقبتها كما تستحق..

تعلم بانه عاد..

وتستغرب عدم قدومه الى هنا..

لربما هي فعلاً لم تعد تعني له شيئاً..

وقد قرر الرجوع الى الوطن وتركها هنا سجينة..

فها هو اليوم يوم الرحيل..

العائلة جميعها سترحل..

سيعودون الى الوطن..وهي تظل هنا وحيدة..

سيرحل معهم ويتركها..

هذا هو عقابه لها..

مـالـي حـل غـيـر انـي أقـفـل قـلـبـي وبـابـي

وشـوف اش يـقـدر يـسـوي اذا طـولـت فـي غـيـابـي

مـالـك حـل بتـلـقـى نـاس يـسـلـونك

مـالـك حـل ولـكـن مـا يـحـبـونـك

ويوم تضيق بالدنيا صدقني يملونك مــالـك حــل

مدري ليه في قربه أحس البعد في قلبه

وإذا حبه على كيفه شكرا ما نبي حبه

لا مـالـك حـل بتـلـقـى نـاس يـسـلـونك

مـالـك حـل ولـكـن مـا يـحـبـونـك

ويوم تضيق بالدنيا صدقني يملونك مــالـك حــل

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛

وهو بدورهـ لم يقترب من تلك الغرفة الملاصقة لغرفته..

ولم ينظر اليها حتى..

استمر بادارة مزرعته وممتلكاته كما يفعل دوماً..

وكأنها لم توجد بحياته أبداً ..

أضطرت تطلع من الغرفة بعد دخول شوق..

لان شوق مازالت تدق بالحكي وتبين انزعاجها من وجود هديل بغرفة امها..

ولاحظت غيرة شوق على امها..لان ام غازي تهتم بهديل وتداريها..

وهذا الشيء ماتبيه شوق ولاتقبل فيه...

خرجت من القصر وهي تدري الجمييع مشغولين بلم أغراضهم..

وما احد راح يلاحظ غيابها او يدور عليها بالوقت الضايع ..

نست الملحق تماماً ولا بنيتها ترجع له مرة ثانية أبداً..

توجهت للاسطبلات ووقفت عند حضيرة عسولة..

وبعد دقايق كان فيه شخص ثاني معها ..

ماكانت الا شوق..

شوق\أعتقد بينا كلام..

هديل طنشتها وماردت عليها..

شوق\أنا عرفت كل شيء..

وادري انه انتي اللي يتكلم عنها طالب..

ناظرت فيها هديل تنتظرها تتكلم ..

وتكمل كلامها..

شوق\ايــه انتي لاتنكري..

هديل ببرود\وش انكر؟؟

شوق\أنتي اللي شافك طالب بروما..وأنتي اللي اعجب فيك وحبك..

هديل تدري انه طالب اللي شافها..

لانها لما شافته تذكرته وتذكرت وين شافته..

هديل\أتهمتيني بأشياء كثير..أبشع من هذا الاتهام..

فماراح يأثر فيني كلامك..

شوق قربت منها\يمكن متعودة على الحقارة..

وتبين تبدلين حضن غازي بحضن اخوهـ..

الرد كف آخر تتلقاهـ شوق ولكن هذه المرة ليس من طالب..

بل من هديل..

هديل\وعدتك أردلك الدين..وهذاني رديته..

الجحيم اللي عشته مع اخووك ومعكم..

الوحدة اللي تجرعت علقمها لحالي ومحدن درى فيني..

الكلاب اللي تنتظر الفرصة عشان تنهشني..

كل هذا اتحمله بس أنتي و لسانك..

والكفر اللي تنطقين فيه كل ماحلا لك الوضع مالكم عندي احتمال..

شوق بصراخ\كل اللي فيك حصاد افعالك..

حاولتي تغري طالب يهربك ويرجعك السعودية..

هديل ولأن النقاش مع أشخاص سطحيون مصدقين بآرائهم وتوقعاتهم هو مضيعة للوقت والجهد..

فقررت ان تلعب لعبة شوق..

هديل\ان كان أعجب فيني وحبني فلانه أدرك أن الجارية أحسن من الملكة..

وانا عندي امل فيه..

شوق\تعترفين؟؟

هديل\بحقارة تفكيرك نعم اعترف..

قربت شوق من هديل ناوية تضربها لما حسوا بشخص ثالث معهم..

غازي بوعيد\قلتي عندك امل فيـــه؟؟

أختنقت بالهواء لانها ابدا مو ناقصة قسوته او عقابه..

فكرت تهرب لكن مافيه مكان للهرب..

وقفت بمكانها تخبي خوفها منه بجمودها..

شوق تبكي\ايـــه هي في بالها ان طالب بيخلصها منك ويتزوجها..

وهي تخطط معه على هذا الشيء..

لمحت بطرف عينها علبة خشبية خاصة بتنظيف حوافر الخيول..

شالتها وخبت يدها ورى ظهرها..

غازي\أشوووف الخدم مصدقين حالهم بزيادة..

وناسين وش يكونون..يمكن الغلط مني لاني تساهلت في عقابهم..

هديل\الخدم قرروا يعاملونك بنفس طريقة تعاملك..

وكانك غير موجود..يا حـــثالة..

غازي\تدرين كيف كانوا يعاقبون العبيد لما يعصون الأوامر..

كان يتكلم وهو يمد يده وياخذ السوط من على سياج الحضيرة..

حست الدم نشف بعروقها وارجولها مو قادرة تشيلها..

شوق برعب\لا غازي تكفى ..

ماكملت كلامها لان غازي ضربها على وجها بيدهـ..

خلاها تتراجع من مكانها كم خطوة..

الخوف سيطر عليها وتاكدت من العقاب لما ضرب شوق..

رمت اللي بيدها عليه بكل قوتها..

ضربته بجبينه وجرحته..

قرب منها أكثر وهي صرخت برعب..

هديل\لا تكفــــى لا..مو بالسووط تكفى لا..

غازي\تأخرتي كثير..

رفع السوط وضرب فيه الأرض..

وهي لمت نفسها بيدينها وعطته ظهرها..

رفعه مرة ثانية..وهالمرة نزل السوط على ظهرها بقوووة..

ورفعه مرة ثالثة وضرب ظهرها..

كانت تصرخ بصوووت جريح مؤلم..

شوق مسكت يده وهي تترجاه..

شوق\تكفى ياغازي تكفى خلاااص يااخوي تكفى..

غازي رماها بعيد عنه وضربها على جنبها بنفس قوة ضربه لهديل..

خرجت شوق تركض من الاسطبلات..

وهي تصرخ وتنادي على أمها..

كانت أمها وراجح واقفين ينتظرونها عند السيارة ..

لما وصلت لهم وهي تبكي..

شوق بنحيب\يووومه بيذبحها..

قتل هديل يوومه غازي ذبح هديل بالاسطبلات يووومه..

راجح راح يركض وأم غازي تركض وراهـ..

وصل الاسطبلات وغازي كالمجرم رافع سوطه وعيونه على المرمية تزحف على بطنها..

لما شافت أم غازي صرخت بيأس وألم..

صرخت وهي تمد يدينها لها..

هديل بألم\يـــــــــــــــومــ� �ـــــــــــــــــــه..

أيا رفيقةَ دربي!.. لو لديّ سوى

عمري.. لقلتُ: فدى عينيكِ أعماري

أحببتني.. وشبابي في فتوّتهِ

وما تغيّرتِ.. والأوجاعُ سُمّاري

منحتني من كنوز الحُبّ.. أَنفَسها

وكنتُ لولا نداكِ الجائعَ العاري

ماذا أقولُ؟ وددتُ البحرَ قافيتي

والغيم محبرتي.. والأفقَ أشعاري

إنْ ساءلوكِ فقولي: كان يعشقني

بكلِّ ما فيهِ من عُنفٍ.. وإصرار

وكان يأوي إلى قلبي.. ويسكنه

وكان يحمل في أضلاعهِ داري

وإنْ مضيتُ.. فقولي: لم يكنْ بَطَلاً

لكنه لم يقبّل جبهةَ العارِ

المرحوم باذن الله تعالى..غازي القصيبي’’

هديل\لا تكفــــى لا..مو بالسووط تكفى لا..

غازي\تأخرتي كثير..

رفع السوط وضرب فيه الأرض..

وهي لمت نفسها بيدينها وعطته ظهرها..

رفعه مرة ثانية..وهالمرة نزل السوط على ظهرها بقوووة..

ورفعه مرة ثالثة وضرب ظهرها..