فتحت سويره عيونها وحصلت سعود جالس يتاملها فنطت جالسه

سويره:وش بك

سعود:من هي العنود؟انت عشقان ياسويري

سعوود:من هي العنود؟

وقفت سويره ومشت عنه بعدها التفتت لسعود:ليه انا وش كنت اقول ؟

سعود:كنت تنادي العنود

سويره:........

سعود:ماودك اتقول من هي؟

سويره:هذي فرسي ايه فرسي

سعود:تنادي فرسك !!!!

سويره:افرسي هذي ياسعود كانت كل حياتي لاكن قطاع الطرق اسرقوها

سعود:ايه لجل هيج كنت تناديها

سويره:مدري هي من زمان انسرقت وكاد ان قلبي عده متعلق فيها

سعود:باذن الله تلقاها

سويره:اقول ياسعود خويينك ماعاد بينو وانا قلبي ماكلني على اخوي خلنا نمشي ونلحقهم

سعود:واذا رجعو ومعهم لعلوم وشلون

سويري:ودي احصل اخوي خايفا عليه

سعود:اسمع ياسويري هذا طخ بارود يمكن انهم عاودو

ركضو بعدها سعود وسويره يشوفو من من صوت البارود

سعود:هذا هم ياسعود

نزلو سعود وسويره من الجبل مسرعين لين ماوصلو عند محيميد وسعد

وقفو يلهثون

سعود:وش الاخبار ؟

سعد:ماحصلنا شي

سويره:وشلون انتو ماتبعتو الاثر

محيميد :مشينا ورا الاثر لين تعدينا الجبال السود الي بالجنوب مير ان المطر يوم نزل ضيع علينا الاثر

سعود:انتو وصلتو لين الجبال السود معناه طريقهم بالجنوب

سويره :لزوما اني اوصل اهناك وابد ا بحثي من اهناك

محيميد:حنا ودنا نعاود للديره

سعود:عاودو وطمنو عمي الشيخ وخيه عنا وحمود وكاد تحصلوه اهناك حنا باذن الله اول مانحصل اخو سويري عاودنا

التفتت سويره لسعود وبعيونها شكر وامتنان له لانه مارضي يتخلا عن مساعدتها ..ابتسم سعود لها وحط ايده على كتفها طبعا نذاله

سعود:تيسرو انتو وماعليكو منا واذا ابطينا وماعاودنا قبل ثلاث ايام خل حمود يلحقنا مع الرجال

سعد:تم طال عمرك

بعدها ترخصو ومشيو رفعت سويره ايدها وبعدت ايد سعود عن كتفها

سعود:وش بك يارجال

سويره:ايييييه وش بي انت نسيت اني مصيوب

سعود:مصيوب بكتفك الثاني ياسويري

سويره:ايه وشلون الحين ليه ماعاودت معهم؟

سعود:واتركك الحالك ذي مهي من شيمتي انت معك رجال رجااااال ياسويري

ورجع سعود ايحط ايده على كتف سويره الي نزلتها اول ماحطها وتركته ومشت

مشى سعود وراها وهو مازال مبتسم

دخل حمود الخيمه وحصل نجيله حاضنه عمود الخيمه وهي جالسه جنبها وكل ماسمعت صوت الرعد تمسكت اكثر بالعمود

حمود ماعرف وش ايساوي جلس على الوساده وقعد ايشوفها وحس بخوفها الشديد من صوت الرعد

‏"وش بك ياحمود البارح كنت تصرخ عليها كل ماسمعتها تصرخ والحين قلبك مايطاوعك تشوفها خايفه "قام حمود وقرب منها وجلس قريب منها واعطاها ظهره لجل تحس بالامان وتوقع انها يمكن تحتمي فيه لاكن انجيله ظلت على حالها حاضنه العمود وترجف من الخوف وصوت الرعد ايزيد في الخارج

التفت لها حمود وشاف كيف هي ترجف ودموعها تسيل

حمود:نجيله ليه تخافي من صوت الرعد؟والمطر

نجيله :لجل انه قتل ابوي

حمود:وش اتقولي؟

نجيله :اييه ابوي يو م جانا المطر والصوت ذا خاف ومات منه وانا انا هقوتي اني بموت اليوم

حمود اوجعه قلبه عليها اكثر وقرب منها اكثر

حمود:ماودك تجي عندي؟

نجيله:لا ماودي العمود ماتصرخ علي انت تصرخ

حك حمود راسه وشلون يتفاهم معها

حمود:ودج اياني اروح

نجيله :لا ظل هنيا قريب لجل لو تصارخ على العمود اجي جنبك

ظل حمود ونجيله طول الوقت في الخيمه لان المطر ماوقف لين العصر وبعد سويري وسعود تمو جالسين فوق بالجبل لين مايوقف المطر

العصر قريب المغرب دخل سند على العنود الي كانت طايحه بفراشها والحمى مرتفعه عندها من اثر الضرب تقرب منها سند وكانت لافه وجهها للجه الثانيه وجلس مقابل وجهها كانت بحالة هذيان من اثر الحمى

العنود:سامحيني يانجيله ...سامحيني ياسويره سامحيني ياخيه سامحيني كله مني كله مني

كانت دموعها اتسيل وكل شوي تقول سامحيني ياخيه

اتفاجئ سند بحجيها ورفع يده لجل يرفع من شعرها الي مغطي وجهها ولاصق فيه من اثر الدموع لاكنه حس بحرارة وجهها بعد شعرها كله عن وجها وحط ايده عليه وكانت الحمى تطبخها طباخ

وقف سند بسرعه وطلع رايح لخيمة عمته

حصل عندها بعض النسوان وناداها لجل تجي عنده

‏ العمه:وش عندك

سند:البنيه ياعمه الحمى مرتفعه فيها

العمه:وكاد ان الحمى تجيها بعد الي ساويته فيها

سند:كان لزوما اساوي هيج

العمه:وش بك ياسند هذي حرمه مهب رجال لجل توطاها بعصاك

سند:الغضب اعماني ياعمه والحين وش السواه؟

العمه: رح وانا جايه وراك وجايبه معي الدوا لجل انطيب جروحها

سند:جروحها!!!!هي بها حمى ياعمه

العمه:والعصى ياسند ماتساوي جروح

لحقت العمه بسند لخيمة العنود وطلبت منه يطلع ويخليها

سند:اشلون اتركج معها انتي نسيتي وش ساوت

العمه:ياولدي انت شايف ان بها حال لجل اتساوي شي

سند :وليه ماجبتي معك احد من النسوان

العمه :بعد الي صار مارضيت وحده فيهن تجي وانا لزوما تكون معي وحده لجل تساعدني

سند:انا اجيبها

طلع سند وخبر سلطان يروح يشوف احد من النسون تجي مع العمه لاكنه رجع وقال بانهن رافصات خصوصا ان بعض النسوان ازواجهن مصيوبين على ايديها وماودهن يشوفنها

المقهوي:ياعمي ارخصني اروح اجيب ابنيتي تساعد العمه...

المقهوي رجال على قد حاله لفا على القبيله من كم شهر ومامعه الا بنيته وهو ساكن في طرف القبيله وشغله سند عنده مقهوي بعد ماطلب يشتغل عنده

سند:خلك انته ياصالح سلطان رح بالسرعه وجب لبنيه

سلطان :تم طال عمرك

اتوجه سلطان لبيت لمقهوي

وقف سلطان عند الخيمه واخذ ينادي

سلطان:ياخيه ياخيه

البنت: من اهنيا

سلطان :لزوما تجي معي لبيت الشيخ الحين

طلعت البنت والخوف باين بوجهها

البنت:ليه وش صاير ابوي به شي

سلطان اتفاجئ بالبنت الي زي القمر طلعت له ونزل عينه بسرعه لتحت

سلطان :لا ياخيه الشيخ وده اياج لجل تساعدي العمه والعم صالح هو الي قاله

البنت:اجل تيسر انت وانا الحقك باذن الله

سلطان :ماودنا نتاخر على الشيخ عجلي لجل تجي معي

البنت:وشلون ودك اياني اجي معك انتبه سلطان للوضع

سلطان :اييه اجل اعجلي

بدلت البنت ولبست عباه وطلعت رايحه لبيت الشيخ الي كان بعيد عليها

سند :وين البنت ياسلطان

سلطان :جايه بالطريق

سند:سلطان انا مابعثتك لجل اتخلي البنت تجي لحالها

سلطان :ايييه مارضيت

ابتسم العم صالح وهو يدري ببنته الي ماكانت راضيه بعادات هذي القبيله بكثير من الامور

وصلت بنت العم صالح العندهم قبل ماتقوم القيامه على سلطان ودخلها سند لعند العمه

العمه:ياولدي لزوما تطلع

بعد ساعه رجع سند ووقف ايشوفهن وش ايساون

غطت العمه العنودوما بان منها غير اكتوفها وعلامات الضرب فيها

اتقرب سند وجلس على طرف الفراش وطلعت عنهم بنت العم صالح

سند:وش ساوت من الحمى ؟

العمه:الحمى نزلت ياولدي مير ان جسمها كله به جروح

نزل سند راسه لتحت وهو يحس بان الي ساواه ذنب مايغتفر

رفع عينه لوجهها الي نزلت عنه الحراره وراح عنه لحمرار الي شافه قبل

فتحت العنود عيونها واول ماشافته وحست بوضعها رفعت الغطا بسرعه وهي تصرخ عليه

العنود:انت وش اتساوي هنيا ؟

ابتسم سند وهو يرفع نظره لعمته

العمه:يابنيتي الحمد لله على سلامتك

رفعت العنود اللحاف من الطرف الي فيه العمه

العنود:انتي !!!انتي وشلون تخليه يشوفني هيج

العمه:انتي نسيتي انج ملك يمين الشيخ

العنود:لا انا مانسيت ان موته على يدي وانتي قبله

جر سند اللحاف عنها

سند :انتي وشو ؟!!ماكفاج الي جاج

سحبت العنود عنه اللحاف وغطت حالها فيه

العنود:ماودي حد عندي انقلعو برا

العمه:يابنيتي انت جروحج تنزف ولزوما اكون جنبج لجل اضمد لجروح

العنود بصراخ :قلت ماودي حد عندي

وقف سند وهو ماوده الغضب يعاود له

سند:ياعمه ماودي اقعد عندها لجل ماذبحها وماودي تقعدي عندها لحالج قومي خليها لحالها

سمعت العمه كلام سند بعد الحاح منه

اما حمود الي جن وهو يدور الفرس الي اختفت بعد ماوقف المطر "وش السواه الحين وشلون نعاود للديره

كان حمود لحاله بالخارج اما نجيله فصابها بيات شتوي من البرد والخوف الي حست به وظلت طول اليوم نايمه

وصل سعود وسويري لقبيله من القبايل ماشافو حولها اي شي من الحلال وبيوت الشعر الي يسكنوها حالتها رثه

سعود:وش الراي ياسويري ودك نقلط يمهم نسال عن اخوك

سويري :وكاد

واسرعت سويره بفرسها لداخل القبيله وهناك رحب بهم الشيخ واستقبلهم بمجلسه الصغير والي حالته حاله

سويره مارتاحت للرعيان الي شالو خيولهم وكانت تتلفت كل شوي ناحية الخيول

الشيخ:انتو من ايا عربا

سعود:حنا من عرب الشيخ متعب البدري

الشيخ:ايييه والنعم منه ...وانتو وش تقربو للشيخ

سعود:انااخو زوجة الشيخ

الشيخ:اييييه

كان الشيخ يهز راسه ويمسح على لحيته وهو يفكر

قربت سويره راسها من سعود

سويره:سعود خلنا نمشي انا مهبمتطمنه من الجماعه ذي

سعود:وش بك ياسويري الشيخ رحب بنا ومابه شيخ يرضاها على نسه مايضيف ضيوفه وانا تراني ميت من الجوع

سويره:انت ماتفهم قم خلنا نروح

وقفت سويره وهي تقول

:إرخص لنا ياشيخ

لاكنها ماكملت حجيها الا بالبواريد محاوطه بهم من كل جهه

¤¤

¤¤

6

بعد ماوقفت سويره عشان تسترخص كانت البواريد محاوطه بهم من كل جهه

سعود استوعب الامر :وش ذا ياشيخ؟

لاكنه اتفاجى بواحد من الي مسوين حالهم رعيان اينط وسط المجلس وهو يقول:شيخ هو فينه هذا الشيخ وكاد انك تطري مناحي بعدها قعدو الجماعه يضحكون

وكان الرجال الي بهيئة شيخ يناظرهم بطرف عينه

مناحي:ايييه وش بك يانواف المشيخه ماتلبق لي

نواف:عزالله اننا دمرنا

بعدها التفت نواف لسعود وسويره

نواف :وانتو ماتدرون انكم جيتو للموت برجولكم

سعود:انت وش تبقا يأالخسيس

تفاجئ بعدها سعود بضربه على كتفه بطرف الباروده

سويره بخوف وهلع:سعووود

كان سعود يتالم من الضربه الي جته وخلته ايطيح على الارض

نواف نط وراح للرجال الي ضرب سعود وعطاه كف على وجهه

نواف :من الي قالك تضربه انت ماتدري من هذا ؟ هذا ياالخبل اخو مرت الشيخ وكاد ان بيجينا من وراهم خير كثير

بعدها التفت لسويره:وانت يا المزيون وش تقرب للشيخ ؟

سعود كان ميت من خوفه على سويره لا ينكشف امرها

سعود:اتركه لحاله انت وش اتريد منا ومن انتو

نواف:ليه انت ماسمعت بقطاعين طرق الجبال السود

سعود:والقبيله ذي المن ؟

نواف :ذي جماعتها ميتين من زمان وحنا لجل صيداتنا نجي هنيا بين حين وحين المهم خلصنا لزوما زوج اختك الشيخ قلتلي وش اسمه

...وش اسمه يامناحي

مناحي:مدري نسيت

نواف:واتقول المشيخه تلبق لي

التفت لسعود:حنا ودنا زوج اختك يدفع لنا المال لجل نردك له سالم

سعود:وش ذا النذاله

نواف:اييه وش عليك انته حنا نريدك الحين توصف لنا مكان عربكم

سعود:عمي الشيخ متعب ماراح ايصدق مرسالك له

نواف :وليه مايصدق؟

سعود:وش الي ياكد له؟

نواف:وش الراي

سعود:تخلي الرجال ذا هو الي يبلغه

نواف :هذا خويك

سعود:اييه خويي هو الي بيصدقه عمي الشيخ وغيره ماراح ايصدقه

سويره:وش تقول ياسعود ودك اياني اعاود الحالي

سعود:ايه ياسويري لزوما تعاود وتخبر عمي بمطلبهم

سويره:وشلون اعاود لحالي اني اني اخاف ياسعود من الذياب تاكلني بالخلا

سعود بغيض:سويري ودك تسمع الحجي وتنفذه

سويري:اييه قلتلك مقدر الذيابه بالطريج كثيره وانا لحالي مقدر

نواف :وانت من قال انك راح اتعاود لحالك لزوما ارسل معك احد

سعود:خله يعاود لحاله ..سويري وش بك

سويره:قلتلك اخاف اعاود لحالي

وانت تدري اني معرف امسك الباروده زين

سعود:انت ناوي اتجنني

قام نواف وطلب من سويره تجي معه

نواف :خلك منه انت تدل الطريق زين

سويره:ايه ادله لاكن لزوما يجي معي احد انا لحالي اخاف

نواف:ماعليك انا بدز معك واحد من الرجال توصله للديره وبعدها تعاودو

سويره:وليه اعاود

نواف :انت ماودك بخويك

سويره:وشلون خويي ويقول لي رح للخلا لحالك

نواف:انته من عربه

سويره:انا ولد واحد من الرعيان الي بالديره

اتفق بعدها نواف مع الرجال الي بيبعثه مع سويره انه يقتل سويري بعد مايوصل للديره لجل مايدل جماعتهم على مكانهم

دخل حمود الخيمه وحصل نجيله قاعده جنب النار الي في الكوه قدام الخيمه

حمود:وش اتساوي

نجيله:انت وين كنت

حمود:كنت ادور الفرس مدري وين اختفت

نجيله:فرس عناد انافكيتها لجل تعاود بعناد

حمود:وش قلتي هي انتي الي فكيتيها ليه وشلون الحين نعاود للديره

نجيله:نعاود هيج

واشارت باصابعها تمشيها على الارض

حمود:ودج ايانا نمشي !!

نجيله :حمود انا جيعانه

حمود:ومين اجيب لج اكل انتو وشلون عايشين

نجيله التفت لطرف الخيمه

نجيله:عناد وسويري يخبو الطعام هنيا

واشارت بايدها

قام حمود وحفر المكان وحصل صندوق به طعام لحم ناشف وبصل ورز وحب

حمود:وليه ساكته من زمان

بعدها اخذ حمود يجهز الاكل ويطبخه على النار وازعجته نجيله وهي كل شوي تقول ودها تاكل لين ماصرخ عليها حمود وراحت وجلست بطرف الخيمه

حمود بعد ما انتهى :ماودج تجي تاكلي

لاكنها ماردت عليه فقام وراح لها

كانت جالسه وحاضنه ركبها لصدرها وماسكه شعرها من ورا بربطه وسرحانه بعيون دامعه

تمدد حمود جنبها واخذ يناظذها

حمود وهو ذايب من زينها:يالييييييل الشقى ياحمود

ناظرته ورجعت تناظر قدامها

حمود:وش بج اتريدي تاكلي العشا خلص

ماردت عليه

حمود:نجيله وش بج ليه ماتردي علي

نجيله :ودي بسويري وعنااااااااااااااااااااااااااااااد ااااااااااه

نط حمود جالس وهو مبتلش بيها لانها مارضت تسكر فمها من البكي بصوت عالي

حمود:اسمعي اسمعي

لاكن مابه فايده

نجيله:اآآآآودي بسويري وعناااااااد

حمود:ومنين اجيبهم اسكتي انتي الحين وبكره بالصباح نروح جنبهم

نجيله:انت كذاب انت قتلتهم ودي بيهم ااااااااااااااااااااااودي بيهم

حمود:ياجهد البلا وش ذا لمصيبه اسكتي اسكتي ترا والله اني اذبحج

نجيله:ودك تذبحني زي ماذبحتهم ااااااااااااااااااااا

حط حمود ايديه على اذونه وطلع من عندها

حمود:وش الي بلاني انا بذالهبيله

10

اما العنود فقدرت العمه تقنعها انها تاكل شي بعد مالبستها ثوب خفيف لونه عنابي ..جلستها وحطت الاكل قدامها

العمه:يالله يابنيتي اكلي لزوما ترجعي لك عافيتك

اول مامدت العنود ايدها للطعام دخل سند ووقف عند الباب يناظرهم التفتت له العنود وبعدها دزت عنها صنية الطعام بعيد

العمه:ليه يابنيتي

العنود:ماودي اكل وليه تقولي لي يابنيتي انا ماني ببنيتك انقلعي من قدامي

امسك سند شعرها ولفها ناحيته سند:انتي ودك اياني اذبحك

العمه:ياولدي اتركها البنيه موجوعه

سندترك العنود الي ماتوقعته يساوي هيج وسحبت نفسها بسرعه واتخبت ورا العمه ..وقف سند وهو يناظرها ويحاول ايهدي نفسه بعد ماشاف ردة فعلها منه

العمه:اتركنا ياولدي

سند:ماودياج تقعدي عندها لحالج

حاولت العمه تقوم لجل اتكلم سند وكانت العنود ماسكه بيها

العمه:ارجاك ياولدي اتركنا لحالنا

سند:والله مدري وش سبب اهتمامج بيها

تركهم بعدها وطلع

سويره والرجال الي طلع معها اول مابعدو عن القبيله ألمهجوره جلست سويره وهي تعبانه

سويره:خلنا نريح ياخوي

بعدها اخذت سويره تسال الرجال وهو يجاوبها وبينت له سويره انها تخاف من الذياب ..فهمت سويره ان القبيله مابها عرب وانهم كلهم بحدود العشرة رجاجيل بعدها بدت سويره بتنفيذ خطتها استقفلت سويره الرجال وضربته على راسه واخذت سلاحه والفرس وعاودت للديره المهجوره وبنصايف الليل دارت على بيوت الشعر واشعلت النيران فيها كلها

في الخيمه حل الذعر والخوف بالرجال وهم يشوفون النيران بكل مكان

نواف:وش الي صاير

:مدري ياعمي وكان ان قوم هجمو علينا

نواف:رح شف وش السالفه

طلع الرجال لجل يشوف وش صار وانطخ

نواف :انطخ استعدو يارجال لزوما نخلص حالنا

:ياعمي وين نطلع وكاد انهم محاوطين بينا من كل مكان

اخذ بعدها نواف يخطط مع جماعته كل خططه لجل يقدر يواجه القوم الي هجمت عليه

سعود كان يناظرهم وهو لحاله ماكان يدري ان سويره هي ورا ذا كله

سعود:ياحييف على الرجال اطلعو قاتلو الرجال وش ذاالمذله

نواف:اسكت انت وكاد انهم جماعتك

سعود:هم لحقو يوصلو لهم لجل ايعاودو معهم

نواف:قلت اسكت لا اطخك بالبارود

سعود:خل الرجال اتواجه ليه قاعدين هنيا زي الحريم

التفت نواف لرجاله وطلب منهم يطلعو وانطخو كلهم ومابقي غير نواف ومناحي

نواف:مناحي قم اطلع شف القوم

مناحي وهو يمد رجيلاته:رجولي توجعني

نواف:ايييه عزالله انك شيخ

وطلع نواف وانطخ هو بعد

سويره:وهذا التاسع بقي واحد

دخلت سويره عليهم وهي مصوبه بارودتها عليه

سويره:مسيك الله بالخير ياشيخ مناحي

انتفض مناحي مكانه وعلت الدهشه وجه سعوود وهو يشوف سويره داخله عليه

سعود:سوييري وش الي عاود بك

سويره:خفت ياخوي من الذياب توكلني

التفتت لمناحي :حط بارودتك هنيا

13

مناحي:ارجاك ارجاك لاتقتلني وخذ الباروده

سويره وهي تصوب الباروده على مناحي:قم قم اذبح الشاه الي ورا الخيمه وساو العشى لينا

مناحي منصدم:وش اتقول انااذبح الشاه انا مقدر اذبح دجاجه

سويره:لزوما تقدر ولا تراني اذبحك انت

مناحي :اييييه اذبح الشاه اذبحها انت تامر بس

سويره:امش انقلع

طلع مناحي وتمت سويره مع سعود

سعود:سويري ماودك تفك رباطي

سويره:ولويش افكه خلك مكانك

سعود:له له له ياسويري وش الطاري؟

وقفت سويره قدام سعود وهي تناظره

سويره:والله ودي باشيا كثيره

رجف حينها قلب سعود

سعود وهو مبتسم :وش ودك فيه

سويره وهي تصوب بارودتها ناحية سعود:ودي اطخك

سعود:ليه

سويره:ليه تخليني مرسال للشيخ متعب وانت تدري اني مادل طريق ديرتك وان الشيخ مايعرفني

سعود:لجل اكفيك بلاهم كان ودي اياك تخلص روحك منهم

سويره:وشلون كنت تعتقد اني راح اتركك

سعودمبتسم :والله ياسويري اني مخطي في حقك واني ماعرفت قيمتك الا اليوم

سويره:وشلون

سعود:اخلص على وفك رباطي ودي اضمك لصدري

رجفت سويره:وش اتقول

سعود:ايه بعد الي ساويته اليوم لزوما اضمك لصدري ..انت شجاع ياسويري والي ساويته قليل من الرجال يساويه

سويره:بالاول كنت امزح معك اني اتركك بالرباط لاكن الحين لزوما اخليك هيج لين ماتوعدني انك تترك عنك الهرج ذا

سعود:ليه منت رجال

سويره:وش منت رجال ذي بعد..غصبا عنك رجال

سعود:وانا اشهد ياسويري ..فك رباطي لعاد

سويره:ماودي خليك بالرباط

سعود:انت ماتخاف مناحي ينهزم

سويره:وكاد انه انهزم

سعود:ليه خليته ينهزم

سويره:وش اساوي به ..ترجاني اني مقتله خله وكاد ان الذياب تنتظره

سعود:والله انك نرفزتني يوم قلت ان الذياب ودها تاكلك

سويره:اييه لزوما ابين لهم خوفي

سعود:ماودك تفك رباطي

سويره :اول خلني اشوف به عشا ولا لا

سعود:الجماعه تركو القدر بعد ماتعسو بطرف الخيمه شف ان كان به شي

راحت سويره واحضرت القدر وحطته قدام سعود:به الخير اقلط

سعود:وانا مربط هيج

نطت سويره وفكت رباطه وهي خايفه انه ينفذ كلامه لاكن سعود من الجوع نط للجدر واخذو يتعشو منه

سعود:سويري وش بلاها لقمتك صغيره كبر اللقمه يارجال

كان سعود وده يحرج سويره لاكنه تفاجى لما ملت ايدها بلقمه كبيره

سويره:وش رايك باللقمه ذي

سعود:اييه هذي لقمة رجال

دعست سويره بعدها اللقمه في فمها وانتفخت غزوزها

سعود فطس من الضحك على شكل وجهها

سويره كانت مبتلشه باللقمه وماقدرت ترد على سعود لجل يسكت عن الضحك ..مسكت بارودتها وصوبتها ناحيته

بعد مانتهو من عشاهم صعدو خيولهم وطلعو من القبيله مخلفين وراهم النيران مشتعله

في اليوم الثاني كانت العنود واقفه عند باب الشق ودخل عليها سند وتفاجى بها واقفه قدامه العنود يوم شافته رجعت وراء بسرعه وهي تنظر له بخوف

سند:وش كنتي تساوي ياعنود السيح

العنود:من الي قالك اسمي ؟

سند :ليه وش اسمك انت

سكتت العنود بعد ماعرفت انه قال اسمها صدفه

سند ببديهته:اجل اسمك العنود

التفتت عنه العنود ومشت لكنه لحقها ولفها ناحيته

سند:احذري تعيدي سواتك هذي مرتا ثانيه

العنود بغيظ:اترك ايدي وش ساويت لك انا

سند:لعاد تعطيني ظهرك وانا اكلمك ولا انتي ناسيه من انتي هنيا

ودفعها بقوه اسقطتها على الارض

العنود:انت وش اتريد مني اتركني لحالي

سند:اتركك بكيفي ومتى مابغيت تفهمي

العنود:وكاد انك ماعرفت من هي العنود

امسكها سند مره ثانيه واوقفها وهو يضغط بقو على ايدها

سند:كل الي اعرفه ان الي سماك العنود مااخطى يوم سماك لاكن لزوما اربيك من اول وجديد وانسيك وش معنى العنود

العنود:اتركني..اتركني انت توجعني بايدي

تذكر سند جروحها وتركها والتفت عنها وقبل لايطلع وقف وقال:احذري تخطي خطوه وحده خارج الشق ..تفهمي ترا باشاره مني ابيح دمك

خلاها وطلع

العنود:انقلع..والله اني لزوما اخليك تعرف من هي العنود

جتها بعدها النسوان مع العمه بالاكل الي رفضته العنود

العمه:ليه يابنيتي صارلك يومين مااكلتي شوفي وجهك شلون صاير اصفر

العنود:ودج اياني اكل ..خذيني معج لبيتج ماودي اقعد اهنيه

العمه:الشيخ مهب راضي

العنود:انتي تقدري تقنعيه ..اسمعي ترا يحرم على الطعام طول ما انا جالسه هنيا ببيته

العمه بقلة حيله :اجل انا رايحه اكلمه

طلعت العمه وهربن النسوان اول ماناظرتهن العنود

1

العمه:وش قلت ياولدي

سند:ودها تمشي رايها علينا...اتركيها بلا اكل ياعمه

العمه:صار لها يومين ماذاقت الاكل

سند:قلعتها هي الي تريد هيج

العمه:اتركها ياولدي عندي كم يوم لجل ترد لها صحتها

سند :انا خايفا عليك ياعمه منها ماودي اياها تضرك

العمه بالحاح:اتركها عندي اليوم بس ياسند

سند:يصير خير ياعمه

قعد حمود بالصباح وماحصل نجيله بالخيمه

حمود:وين راحت هذي

طلع ولقاها جالسه على نفس الصخره

حمود:وش اتساوي

نجيله :انتظر عناد وسويري

حمود جلس جنبها :باذن الله اليوم نعاود للديره وتشوفيهم هناك

نجيله:حمود وكاد ماصار لهم شي؟

وقف حمود قدام نجيله وجلس يناظرها مسك ايديها وخلاها توقف قباله

حمود:شلون تكوني هبيله وانتي مهمومه عليهم هيج

نزلت دموع نجيله وما قدرت اترد عليه

حمودوهو يمسح دموعها:ليه تبجي ..اوعدك اني الاقيك بيهم انتي تحبيهم؟

هزت راسها بلا

حمود:وشلون اجل تريديهم

نجيله لجل يشوفو اني مع رجلي وما يعاودو يضربوني

حمود:رجلج!!!!!وش ذا الهرج انا مهب رجلج انا جاي اوصلج عندهم

نجيله:هم قالو انك جاي

حمود: هم مهابيل وانتي لزوما تعقلي وبسمعي الكلام وياله لزوما الاقي عباه وبرقع لجل ماخلي حد يشوف زينج وحنا راجعين

خلاها حمود ودخل المغاره يدور في الخلاجين الي هناك عن عباه وبرقع لاكنه ماحصل الا بشت وبرقع

حمود:تعالي

نطت نجيله وجت وقفت قدامه :وش اتريد

حمود:الحين اعلمك البسي البشت هذا

البسها البشت

نجيله :ليه انا شيخ قبيله لجل تلبسني البنشت

ضحك حمود:ياهبيله ...لبستك اياه لجل استرك

نجيله:وليه تسترني

حمود:اسمعيني زين المره لما تجي تروح مع رجلها لبيته لزوما انها تغطي حالها من راسها لرجولها

نجيله:يعني انت رجلي

حمود:ايييه انا رجلج

نجيله:اييييه ماودي اياك ..ماودي اتغطى

هز حمود راسه ووده يقطع شعره

حمود:ياجهد البلا ...نجيله اسمعيني حنا الحين ودنا نعاود للديره ولزوما تغطي لجل لو نحصل بطريقنا قطاعين الطرق ويشوفنك مايخطفوك

نجيله :ليه يخطفوني ..اجل ماودي اروح معك

حمود:طول ما انتي مع حمود مايقدر و يلمسو شعره منك

نجيله :بي شعر كثير خلهم يلمسو ثلاث شعرات

حمود: نجيله اتركي عنج الهرج ذا ودي اياج الحين تلمي شعرج وتجدليه بجديله

نجيله :وش يعني جديله

حمود:التفتي التفتي

امسك حمود شعر نجيله ولمه واخذ يجدله

نجيله :انت وش اتساوي

حمود:اجدله

بعدها وقف حمود ولف نجيله ناحيته وجمع غرتها الي كانت نازله لحد حواجبها ورفعها لفوق

لاكنه تسمر مكانه وهو يشوف وجهها الي انفتن بيه لف وجهها براحتين ايديه واخذ نفس طويل

حمود:ياليييييل الشقا

نجيله :وش بك

حمود:بلاي الحمى الي بدت تسري بجسمي

نجيله:ليه

حمودمارد عليها وظل يناظر عيونها

نجيله"وش بج يانجيله..وش به قلبج يرجف هيج ..ودي ودي اعرف انت وش تريد مني ياحمود وكيف عناد وسويري يرسلوك وكاد صاير لهم شي وانا مقدر اسال اكثر..خايفه منك ياحمود وسلاحي الوحيد هو هبالي "

نجيله:حمووود ماودك نمشي

حمود:هاه...اييه الحين نمشي خليني البسك البرقع

نجيله:ماريده

حمود:لزوما تلبسيه ولا ترا اجيب رماد النار اصبغ بهاوجهج مثل ماكان عناد ايساوي

نجيله:اييه خلاص البسه لاكن مهو ذا الحين لما نشوف حد البسه

حمود:وانا يانجيله لزوما تلبسيه عني ولا تراني قربت انجن

20

دخل سند لشق العنود وحصل العمه تترجا العنود لجل تاكل

سند:ليه ماودك تاكلي

بنظرات كره وحقد قالت العنود:ماودي

سند :ودك بالعصى لجل تاكلي

ارتعبت العنود من طاريها لاكنها صممت تعانده

العنود:معاد جسمي يحس بشي ساو الي تريد تساويه

سند:قلتلج ياعمه اتركيها عنج هي ودها تموت بلحالها

العمه:لزوما تاكل ياولدي

العنود:ماودي اكل اهنيا شي انا قلت يحرم على الطعام في بيتك انتو ماتفهمو انقلعو من اهنيا وخذ العجوز ذي الي ازعجتني بطعامها

سند وعفاريته رجعت له:وش قلتي

انتي وش الي يفيد معك دام الضرب وغيره مايفيد معك

كانت العنود تخطي للخلف وسند يتقدم لها خطوه

العمه:ياولدي ياولدي ارجاك لا...

طبعا العمه ماكملت حجيها لان سند شال العنود وطلع من الخيمه

اخذت العنود تصرخ اتريده اينزلها لاكن هو وين رايح بها

دخلها خيمة الرعيان الي باخر القبيله ونزلها بينهم

سند :تراها عطيه ماوراها جزيه ومحلوله عليكو

الرعيان كانو بحدود الخمسه

خلاهم سند ورجع لين خيمته تارك العنود عندهم

خلاص طابت النفس منها

العمه وسلطان:وين وديتها

سند:ماودي حد يجيب لي طاريها كان لزوم من البدايه اساوي هيج

بلا وخلصنا منه

سعود وسويره بعد ماطلعو من القبيله الي كانو فيها استمرو في مسيرهم لين الصباح بعدها حصلو مكان مثل المغاره ونامو فيها وصحو على الظهر

سعود:اااخ

سويره :وش بك

سعود:احس ان ظهري منقبظ

سويره:وكاد مانمت زين

سعود:سويري وش رايك تجي تمسدلياه

سويره: وانا وش عرفني بالمساد

سعود:اييييه وشلون ماتعرف

سويره وهي تقوم بعد ماوضبت اغراضها:قم قم اترك عنك التشكي ذا وخلنا نمشي ودنا نشوف غدير لجل نسقي الخيل مي

خلته وطلعت

قام سعود وهو متالم من ظهره

سعود:مابه فايده منها

لحقها سعود وصعد فرسه وانطلقو بعدها بساعتين شرفو على غدير وكان مليان بنات

سعود وهو مبتسم وفرحان:الغدير ياسويري

سويره شافت الغدير والي عليه

سويره:سعود وش انت ناوي عليه الغدير به نسوان

حرك سعود حواجبه:ايه وحنا وش علينا لزوم نسقي الخيل

تحرك بعدها سعود ناحيه الغدير وظلت سويره واقفه تناظره وهي تذكر العنود ومغمراتها عند الغدير نزلت دموعها وكبتت عبرتها

صرخ سعود من عند الغدير عليها

سعود:سوووييييري تعال يارجال

تحركت سويرن ناحيتهم وحصلت البنات محاوطات سعود من كل جهه لاكنها راحت لمكان مافيه احد ونزلت وقربت فرسها من الغدير لجل يشرب

وضحه:وش به خويك انعزل الحاله

سعود:ايه خويي رجال يستحي وعازل نفسه

وضحى:لزوما تقلطو عند عمي الشيخ جبرلجل نقدم لكم الضيفه

سعود:تسلمي يابنت الاجواد وكاد اننا نمر عنده

وضحى وعيونها مافارقت سويره

وصحى:هو خويك وش اسمه؟

ابتسم سعود:اسمه ساري

وضحي:ايه لزوما اروح جنبه لجل اعزمه لبيت عمي الشيخ

سعود وهو منبسط للي يصير :اييه ياخيه روحيله لجل مايلزم علي نترك الديره

مشت وضحى وهي تمايل بمشيتها وقربت من سويره الي كانت مشغوله بسقاي الفرس

وضحى:وشلونك ياضيف الرحمن

التفتت سويرن للبنت بعدها رجعت تنشغل بسرج الفرس:الحمد لله

وضحى:وكاد انكم هلكانين من المسير الي كنتو جاين منه

سويره:مابه تعب

وضحى:الشيخ جبر تراه عمي ولزوما تقلطو لمجلسه

سويره:يصير خير

ركبت سويره فرسها ومشت وتركت البنت عند الغدير لحالها رجعت وضحى لعند سعود الي كان مكيف مع البنات بالسوالف ولاحظ عبوس وضحى

سعود:وش الي صار

وضحى: بحياتي ماشفت رجال مثله هو ويش حجر

انفجر بعدها سعود من الضحك وضحكته وصلت لسويره الي وقفت فرسها والتفتت ناحيتهم"وش بج ياسويره قلعته وياهن وش الي مكدر خاطرج وذي مهب اول مره يمر عليج الموقف ذا كثير مريتي به مع العنود ..بس هذا مش العنود هذا سعود ليه احس قلبي واجعني وانا اشوفه يضحك معهن ..وكاد لجل انه يضيع وقتنا بحجي فاضي"

سويره وهي تصرخ على سعود:سعووود تحرك يارجال

سعود:جايلك جايلك

التفت للبنات:اشوفكن مرتن ثانيه ارخصلي

لحق سعود سويره

سعود وهو يحاول يلحق سويره:سويري ياسويري اسمعني

وقفت سويره والتفتت له بغيض:وش اتريد ؟

سعود:وش بك يارجال ليه استعجلت بالسيره

سويره:وش ودك اياني اساوي حنا ماجينا لجل نسولف ونتضحك مع النسوان عند الغدير انت ناسي لويش جاين

سعود:يارجال وسع صدرك ماصار شي

لاكن الغضب كان ظاهر على وجه سويره وهي تكلم سعود

بعدها مشت سويره بفرسها ولحقها سعود رأحو للشيخ وقالو له وش قصتهم واصر الشيخ وهو رجال صاحب واجب وكرم انهم يضلو عنده وانه مستعد يرسل مراسيله للقبايل الي حوله والي هم يعرفون الشيخ لجل يسالهم عن وصف الرجال الي شافوهم في الوادي الاخضر

اما حمود ونجيله فكانو في طريقهم للديره ولانهم كانو يمشون فالطريق كان طويل عليهم طبعا نجيله هبلت بحمود طول الوقت وهي كل شوي ترمي العباه والبرقع وتركض ورا الفراشات مغيره في ركيضها مسيرهم ..حمود صرخ بما فيه الكفايه وتوعد لسعود للمره الالف

صرخ حمود:ليييييييييه ليه اتسوي فيني هيج

نجيله :وش صار

حمود:ليه تفكي شعرج بعد مالميته لك وليه كل شوي ترمي العباه

نجيله:ذا بشت بشت ماهب عباه

حمود:والله مدري من الي دعا علي بذالغربال ارجاج يانجيله ارجاج تسمعي الكلام لجل نوصل بسرعه عند سويري وعناد

راحلها حمود ولبسها البشت وجدل شعرها ولبسها غطها والبرقع

حمود:اسمعي مرتن ثانيه رميتيهن عنك تركتج وهجيت

تركها بعدها ومشى وهو يحس ان خلاص ماعاد يقدر يصبر على هبالها ولا مقاومة زينها

مشت نجيله خطوتين وتعثرت بالبشت وجلست على الارض تبكي حمود:ارجاك ياربي ارجاك تشوف لي وتخلصني من ذي لمصيبه

1

اما سند فكان جالس في مجلسه وماكان مركز بالي ينقال بالمجلس كان لمقهوي واقف عند راسه ويمد له الفنجال الاخير من الدله لانه طول الوقت يشرب القهوه ولا وقف

العم صالح:ارخصلي ياعمي الشيخ القم المزله مرتن ثانيه

حرك سند راسه له لجل ايروح

لاكن سند ضيقته زادت كل مامرت عليه ساعه وتلحقها ساعه ثانيه وهو ماعنده علم بمصير العنود المجهول

قام :ارخصولي ودي اروح جنب الحلال شوي

طلع وركب فرسه وراح لين مراعي الحلال متجنب انه يروح من الطريق الي يودي لخيمة الرعيان وهناك شاف اثنين من الرعيان الي كانو بالخيمه اتقرب منهم واستقرب من الدم في ثوب واحدا منهم

سند:وشلون المرعى

الراعي الاول:الحمد لله المرعى ماشي حاله

الرعيان كان باين علهم التوتر وحس سند ابهم

سند:وش فيكم صاير عليكو شي

الراعي:لا ياعمي ماصار شي

سندوبدا الشك فيه ان العنود يمكن تكون اذتهم

سند:سويلم وخوينكم فيهم شي

الراعي:لا ياعمي مابهم الا الخير

سند:البنيه اهربت؟

الراعي:لا لا بالخيمه معها سويلم

حس سند بشي غريب تملكه وشعور ماحبه خلا ضيقته ترجع له مرتن ثانيه

سند:ارخصولي

عاود سند لمجلسه وماكان حاله احسن عن لول وشرب دلة القهوه كلها بعدها انتبه ان سلطان مش معه بالمجلس

سند:سلطان وين ؟

سلطان وهو يدخل :اهنيا طال عمرك

سند:وين كنت

سلطان :قريب مع العمه

كان باين على سلطان الضيق

سند: وش الي صاير

سلطان :ليه ياشيخ ليه سويت الي سويته ليه ترمي بالبنيه بخيمة الرعيان

صرخ سند :سلطااان من متى وانا محاسب على تصرفاتي قلت لك ماودي حد يجيب لي طاريها

سكت سلطان وهو يهز راسه على السمع والطاعه لاكنه مادرا بالنار الي شبت في سند وهو ماوده انه يسكت لجل يعرف وش صار مع العنود..لاكن شكل سلطان ان امرها منتهي

5

الشيخ جبر امر بنصب خيمه صغيره لضيوفه وانبنت الخيمه جنب بيت الشيخ قعدو سويري وسعود فيها وتمدد سعود على فراشها

سعود:والله انها زينه هلخيمه بس لو انك ياسويري تجي وتمسد لي ظهري

سويره:ماودي..

سعود:تحدك الحاجه بيوم

وقفت سويره:انا ودي اطلع امشي شوي

سعود:لاتبعد ودي اطلع معك مير ظهري يالمني

طلعت سويره وبعدها بشوي دخلت بنتين من البنات جايبات معاهن الاكل نط سعود واقف

سعود:ليه تكلفن انفسكن

بابتسامه دلع:مابه كلافه حنا لزوما نوجب الضيوف الا خويك وين ؟

جلس سعود وحط الاكل قدامه

سعود:يجي الحين

جلست وحده من البنات :ماودك اقطع لك الخبز

سعود"وش سالفتهن هذيلا مابه رجال بهالديره يردعهن "

دخلت سويره وتفاجئت بالي تشوفه

وبنظراتها فهم لها سعود:تعال تعال ياسويري المزايين جايبات لك الضيفه

ضحكت البنات لتعليق سعود

سويره بغيض:ماودي بشي

كانت سويره واقفه بطرف الخيمه ماتعرف وش اتسوي وأخذت تلهي حالها بجراب هناك فيه بعض الاغراض تناظر فيه

اما سعود فكان مستغرب ليه مزاج سويره متكدر هيج

‏"وش فيها ...تفكر باخوها ولا تصرفات البنات مهب عاجبتها "

سعود:سويري وش بك

صرخت سويره:قلتلك مابي شي

سعود:ايييه وشله تصرخ

سويره وهي تطلع من الخيمه :مابي شي مابي شي

في مجلس سند على الليل قام سلطان وترخص منهم وراح بعدها قام سند وكان ناوي يروح لعمته مثل كل ليله يجلس عندها لاكنه كان متاكد ان عمته بتجلس اتلومه بالي سواه بالعنود فرجع وجلس انفض المجلس بعد ها وظل سند لحاله

العم صالح :ماودك بشي ياعمي

سند:لا ياعم صالح تيسر انت

العم صالح:ودي اروح لجل أخذ بنتي من خيمة الرعيان وارجعها البيت

نط سند:وش اتساوي بخيمة الرعيان

صالح:ليه ياعمي انت مادريت وش صار

سكت سند مابين انه يتجاهل الموضوع وبين انه يعرف وش الي صار

سند:وش صار ياعم صالح؟

العم صالح بتردد:البنيه طعنت حالها سند بصدمه :وش تقول ؟ !!

ماتت

صالح:مدري بنيتي تقول ان حالتها صعيبه

اختبص سند ولا عرف وش يسوي ولا كيف يسال ومنو يسال

صالح:العمه معها

سند:في خيمة الرعيان وش الهرج هذا

صالح:ماقدرو يحركو لبنيه لين يتاكدو من صحتها

قام بعدها سند وطلع وهو مش عارف وين يروح

4

في بيت الشيخ جبر كان كل من سعود وسويره جالس في جنب بعد ماتخانقو وزعل كل واحد منهم على الثاني

قرب الشيخ جبر من سعود:وش به خويك متكدر حاله

سعود:يهوجس بخوه ياشيخ

الشيخ جبر:اقول ياسويري بلاك ياولدي فوض امرك لله اخوك ان شاالله يعاود

قامت سويره وقربت من النار وجلست ومسكت المهباش من عند لمقهوي بعدها التفتت للشيخ :ودك ياشيخ تسمع شله

فرح الشيخ:ودي ودي سمعنا ياولدي...

ياخووي من بعدك انا صابني هاااام ارجوك ترجع ياعسى عمرك طويييل

البعد خلى الجسم ناقص من الدم

عود ترى ياخوي مشتاق لك حييل

كل مايمر طيفك عليا يسلم

ادموع عيني تنهمل كنها سيل

1

الصبح من نورك تراه يتعلم

والبعد خلى دنيتي ليل في ليل

حتى خفوقي من غيابك تالم

والنفس ماتقوى لشوفتك تاجيل

انت الذي عالجرح تنحط مرهم

يامن انا ماشفت في طيبه مثيل

والحين ياكل الغلا ليت تفهم

الشوق فيني قد وصل نجمة سهيل

ياخوي ياليتك تجيني وترحم

خل يحبك ويعشقك دون تمثيل

القصيده للمنشد خالد التميمي

1

وحلف انه من باجر بيرسل حق كل القبايل الي جنبه عشان ايخلصون موضوع سويره

الشيخ بعد ماوقف وجا جنب سويره وحط ايده على كتوفها :ياولدي انا الي اعرفه طول عمري ان المناطق الي قريبه من هنيا مابها ناس بالمواصفات الي قلتوها وكاد ان خويينكم ماتبعو الاثر زين

سويره:مدري ياعمي

الشيخ:المهم ياولدي وسع خاطرك وباذن الله انه يعاود وتجتمع به

هزت سويره راسها

سويره:ارخصلي ياعمي

الشيخ:مرخوص ياولدي

بعدها التفت الشيخ لسعود:الحق خويك ووسع خاطره

قام سعود ولحق سويره دخل الخيمه وحصلها جالسه وظهرها للجهه الي جا سعود وجلس فيها الا ان سعود جلس وراها وخلا ظهره يلامس ظهرها

سويره:قم عني

التفت سعود:انت اهنيا

بعدها لف سعود وجهه وكتوفه ناحيتها ولف سويره بيديه وحط راسه على ظهرها

سويره بغيض:سعوووود

سعود:يالبي قلب سعود

سويره:انت انهبلت ..فكني يارجال

سعود:ماودي

سويره:انت مهب صاحي اتركني قبل ماخليك تندم على اليوم الي عرفتني به

سعود:بالاول لزوما تراضيني

سويره:اراضيك لويش

سعود:اييه لانك طول اليوم وانت كله تصرخ علي

سويره:اتركني ياسعود

رفع سعود راسه وقرب من اذن سويره

سعود:سويري ليه احسبك ترجف؟

سويره امسكت بيدين سعود وحاولت انها تبعدهن عنها

سويره:والله ياسعود ان ماتركتني اني.....

لاكنها ماكملت جملتها لانها سمعت صوت ينادي بالخارج

وضحى:سعود ياسعود

ابتسم سعود وهو مازال مطوق سويره بيديه

سعود:اقلطي

سويره:فكني يامال الماحس

ضحك سعود بصوت عالي

ودخلت وصحى ومعها وحده من خوياتها

وضحى:مسيكم الله بالخير...اييه وش بك ياسعود على خويك

سعود:خويي لزومله تاديب اول ماسمع صوتك كان وده يطلع وانا مسكته لجل يضل وما يهرب

جت وضحى وجلست قبال سويره

وضحى: اييه ياسعود هو كيف يقدر يستحمل جثتك ذي

سعود:ايه في ذي صادقه انت شايفه حاله الرزي ذا ضعفان بالحيل

وضحى :لاكنه مملوح ومزيون

سويره:انت يامال الماحي مابه رجال وراك يسنعك جايه لخيمة رجاجيل اغراب عنك وعن الديره وش ذا السنع

وضحى بغيض:سعود شف خويك وش ايقول

سعود كان داعس وجهه في ظهر سويره ايحاول يكتم ضحكته وهو يهتز من الضحك حتى ان ايديه ارتخت وقدرت سويره تفك نفسها وتقوم واقفه وتاخذ سيفها

سويره:قم قم قدامي وخذ سيفك

سعود:وش بك يارجال

سويره:قم خلني اعلمك من هو الرزي

سعود عجبته الفكره ونط وأخذ سيفه وطلع مع سويره قدام الخيمه وبدا لمنازل بينهم

خويت وضحى:وش ابهم

وضحى :مابهم شي مير يستعرضون قدامنا شجاعتهم

البنيه:اييه ودي سعود هو الي ايفوز

وضحى :وانا ودي المزيون هو الي يفوز

التف حول سعود وسويره كثير من البنات والشيخ وكم رجال

سعود كان كل وقته يضحك مستخف بسويره لاكن سويره قدرت بعدها انها تجرد سعود من سيفه وطاح سعود على الارض ووقفت سويره قدامه وسيفها على صدره ابتسمت له

سويره:وش رايك ذاالحين

تغافلها سعود وضرب سيفها برجله وطار على جنب وتعثرت سويره وطاحت على صدره

حاولت سويره تقوم لاكنه مسكها وخلاها هي الى طايحه على الارض وهو فوقها

سعود:سويري ودي اقول لك شي

سويره:قم عني

وكانت المره هذي هي الي على صدره لانهم كانو يتصارعون على الارض "اسمر وعلى"

سعود:اسمعني انت بس

سويره:وش عندك ؟

سعود:انت ماتلاحظ ان القبيله اكثرها نسوان؟

رفعت سويره نظرها للي حولها:هاه اييه صادق ياسعود وش فيها

سعود: فيها ان اليوم ذا ماراح يعدي على خير الحريم قدهن يدخلن علينا بالخيمه وش تتوقع يصير

سويره:وش السواه؟

سعود:نهج لزوما نلقى طريقه ونهج

سويره:والشيخ انت نسيت انه قال بيساعدني

سعود:يساعدك بويش انت شايف حوله رجال

سويره بدا الخوف عندها

سويره:ليه وين الرجال؟

سعود:وكاد انهم انغزو وماتو جميع

بعدها اكمل سعود وسويره صراعهم وقدرو بعدها يوصلون لخيولهم ويركبونها ويفلو من القبيله

الشيخ:ايه وين راحو ياوضحى

وضحى:مدري مدري ياعمي وكاد انهم هجو مثل الباقيين

الشيخ :وانتي ليه تخلي النسوان كلها تجي هنيا

وضحى:مادريت عنهن ياعمي

11

سند توجه بعد ما تعب من كثر مايروح ويجي لخيمة الرعيان بحجة انه رايح للعمه حصل سلطان والعم صالح وسويلم الراعي جالسين قدام الخيمه

وقف ايناظرهم

سند:وين العمه

سويلم:اهنيا ياعمي الشيخ اهنيا اقلط

دخل سند للخيمه وتفاجئ بالعنود بحضن العمه تبكي والعمه لافتنها بايديها وضامتنها لحضنها

وقف وراهن

العنودوهي تبكي بكا ايقطع القلت:ارجاج ياعمه ارجاج لاتتركيني لحالي هنيا خذيني معج ...ماودي اقعد هنيا ارجاااااج

رفعت العمه نظرها لسند ودموعها بعيونها وكان متفاجئ من دموعها

العمه:ليه يابنتي تحاولي تذبحي حالج

العنود:ماودي ماودياهم يلمسوني ارجاج ياعمه لاتتركيني عندهم

العمه:تطمني يابنيتي اوعدك ماطلع من هنيا الا وانتي معي

نامي نامي وريحي حالج

خلاهن بعدها سند وطلع

6

اما نجيله وحمود فكانو بعدهم في نصف الطريق مابعد وصلو للديره

اشعل حمود النار وجلس جنبها ونجيله جلست عند الصخره وفكت شعرها ورمت العباه والبرقع وحمود مادرا عنها جت وجلست جنبه

التفت لها:لييييييييييييييه الشقى ذا

نجيله:وش بك؟

حمود:ليه ماتسمعي الكلام ليه ترمي الملابس انتي ناويه تهبلي بي زيج

نجيله:ماقدر امشي بالبشت

حمود:وليه تمشي خلصنا من المشي ودنا ننام

نجيله:ماودي انام ودي ودي وش ودي مدري ايه ودي انام

حمود هز راسه:ليه ياربي ليه تبلاني ذلبليه

في اليوم الثاني كمل حمود ونجيله طريقهم للديره وسعود وسويره كلعاده ليلهم يكون مسرا وبالصباح يحصلو مكان وينامو فيه

اما سند فراح بعد ما قاله العم صالح ان العمه بعدها عند العنود وانها طلبت من سويلم يخليها تجي معها لاكنه رفض وقال ان ذي عطية الشيخ وانه مايفرط فيها خصوصا انه اشتراها من بقية الرعيان

سند:هو انهبل

صألح:والله ياعمي هو الي يقول هيج

سندكان يحس بغيض وغضب لاكنه مايدري في من يطلعه

دخل على العمه وكانت العنود ماسكه فيها لجل ماتروح وتتركها

العمه:وش الي جابك؟

سند:انتي ياعمه زعلانه مني؟

ا لعمه:ودي تخلصنا من المصيبه الي حطيتنا بيها ماودي اطلع اليوم من هنيا الا والعنود معي

التقت نظرات سند بنظرات العنود الي كان الشرر طالع منها

سند"بعدج يا العنود ماتربيتي"

سند:وش تطلبي ياعمه انا حاضر..مير اني مقدر اخذها بعد ماعطيتهم اياها

العمه:قله العمه بتنطيك كل حلالها وينطيني العنود

التفت العنود للعمه مستقربه كلامها وغير متوقعه

سند:ليه ياعمه هي ماتستاهل الي انتي تطلبيه؟

العمه:ولزوما تدري ان شورها عندي لا انت ولا غيرك يتحكم فيها

وقف سند :لك الي تريديه ياعمه سويلم امره هين بس لزوما تاكدي عليها ان اذت وحده من النسوان ولا تجرات تخطي خطوه برا الديره اني وراها واهل قبيلتها تراني عرفتهم من الفرس الي جت بها ووالله لوحاولت تشرد اني افني هلقبيله

العنود:ذي مهب قبيلتي الفرس مهب لي

سند :العلم جاج

خلاهن وطلع وخلص امر العنود مع سويلم بعد ماشترا العنود منه

رجع للعمه

سند:الموضوع انتهينا منه

فرحت العمه والعنود اكثر قامت العمه وطلبت من العنود توقف الا انها ماقدرت بسبب الم الطعنه

تقرب سند منهن :خليك ياعمه

نزل على العنود وشالها وكانت تحاول تمنعه لاكنه مااعطاها مجال طلع برا الخيمه ومشى بعدها وقف ينتظر العمه تقرب منهم

العمه:خذها لبيتي ياسند

العنود انتهزت الفرصه وعضت سند في ذراعه بكل قهرها وكرههاله غمض سند عيونه من شدة العضه لاكنه ماقال ولاكلمه رفعت العنود راسها اتشوفه ليه ماصرخ فابتسم لها ابتسامه متصنعه ورفع نظره عنها لقدام وهو معصب بعدها مشى تارك العمه وراه ودخلها لخيمة العمه حطها على لفراش وبدت العنود بضربه بايديها ومد لها يده لجل يمسكها من فكيها الا انه سمع صوت العمه عند الباب خلاها وقام بسرعه

سند:ارخصيلي ياعمه

تركها وبخطوات سريعه راح لشقه الي كان قريب من بيت العمه

خلع ملابسه وشاف مكان عضة العنود الي طلعت الدم

التفت حمود ايدور نجيله الي كانت تمشي وراه وماحصلها

حمود:وين راحت هذي..نجيله يانجيله

لاكنه ماشافها ولا سمع لها صوت

حمود:ياجهد البلا ..توها كانت تمشي وراي ..نجيله اتركي عنك اللعب ذا واطلعي

رجع حمود من طريقه الي جا منه وشاف انه مشي مسافه طويله وهي مهب معه بعدها حصل اثرها فارقه عنه لطريق ثاني

حمود:وش ذا البليه وشلون ماحسيت بيها

بعدها حصل البشت وبعد مسافه حصل البرقع وكل مسافه ايحصل شي

صرخ باعلى صوته :نجييييييله اطلعي قبل لاتطلع عليج عفاريتي

حمود:هين ياسعوود

نجيله:حموووود انا هنيا

سمع حمود الصوت واخذ ايدور وكان المكان به نبتات احجامها كبيره

حمود:نجيله انت وين؟

نجيله:هنيا ياحمود اسرع تعال انا صدته

وصل حمود عند نجيله وحصلها جالسه ومغطيه بطرف ثوبها على شي بالارض

نجيله :الحق ياحمود تعال امسكه

تقرب حمود منها وهو مهب مستوعب ويش ايصير

حمود:وش الي صدتيه

نجيله:تعال قرب اخاف اشيل ايدي ويهرب

جثى حمود جنبها :وش عندج يانجيله

نجيله:ودي اياك تشويه لي بالضو

حمود:وش هو ؟

نجيله :مد ايدك تحت ثوبي وامسكه

حمود:تراه ان كان ضب ماودي امسكه

نجيله:لا لا مهو بضب امسك انت اسمع انا برفع ثوبي وانت نط عليه وامسكه

رفعت نجيله ثوبها

نجيله وهي تصرخ:امسك الجربوع ياحمود هرب

وقامت وركضت وراه

قعد حمود على الارض بعد راحت وحط ايديه على وجهه كياس من الحياه

حمود:وش السواه ياربي وش السوااااااه ليه انا انبلا فيها والله اني مرضي امي وابوي وش الذنب الي سويته

قام بعدها حمود والمره هذي صدق يوم قال ان عفاريته بتطلع مشى بكل سرعته ناحية نجيله ومسكها ولفها ناحيته

نجيله:هرب ياحمود

حمود:اسمعيني زين والله ان صبري معج وصل حده ومعاد عندي صبر ثاني واني معذور ان تركتج هنيا وهجيت

انا مهب ملزوم بج مير اني وعدت اخوج اوصلج للديره ووالله لو ماكان اخوج مصيوب والثاني لحق الي صابوه ولاعاد بين اني ماتحمل مسؤليتك ..البسي العباه والبرقع وانكتمي لين مانوصل الديره وارتاح منك

حط حمود البشت عليها ولفها بالغطا والبرقع هيج اي كلام ومشي

حمود:الحقيني وترا ان لفيت ولا شفتك وراي طخيتج بالبارود

نجيله كان وقع كلامه عليها قوي وهي تسمع علوم اخواتها ..مين الي انصابت؟ ومين الي لحقت القوم ؟ وش السواه اشلون اتطمن عليهن كيف اتصرف انا وعدت عناد اظل مهبوله لين مايعاودو

مشت نجيله ورا حمود الي مادرا عنها وهي اشبه بجثه متحركه

7

العنود كملت العمه علاجها وظلت عندها طول اليوم اماسند انشغل ببعض مشاكل القبيله

سعود وسويره بعد ماصحو تحركو وقررو يصطادون طيور وانلدق سعود من عقرب وصرخ

سعود:ياسوي.......اخ

سويره:وش بك ؟

سعود:انلدغت ياسويري

التفتت سويره اتدور العقرب والخوف على سعود واضح على وجهها وشافتها

سعود:بعد عنها ياسويري بعد

سويره :لزوما اقتلها

سعود وهو يتالم من وجع اللدغه:ارجاك ياسويري ارجاك بعد عنها بعد

لاكن سويره لحقتها وقتلتها بعدها رجعت لسعود وحصلت سعود يتلوى من وجع اللدغه

سويره:اشوف اشوف وين الدغتك

سعود:ااااه ياسويري تالم تالمني حيل

سويره :قم معي قم

سعود:مقدر مقدر احس بسمها يسري بجسمي

سويره جنت اول ماسمعته يقول هيج وبدت دموعها تنزل لاشعوريا

سويره:خلني اشوف مكان اللدغه

كان ملدوغ في ذراعه

كشف لها مكان اللدغه

سويره:شلون لدغتك اهنيا

سعود:مدري وكاد انها تشبثت بثيابي

سويره:سعووود

التقت نظرات سعود بنظرات سويره الي كانت تبكي

سعود بابتسامه:ليه تبكي ياسويري

سويره:اسكت اسكت

اخرجت سويره بعدها سكين صغيره وجرحت سعود مكان اللدغه وبعدها اخذت تمص مكانها وتتفل

سعود:انت انجنيت

سويره:قلت لك اسكت

بعدها لفت سويره الجرح بلفه مزعتها من غترتها

وبعدها ساعدت سعود يرجعو للغار الي باتو فيه وطبعا بدت بعدها الحراره تدهم سعود الي ماكان يحس بشي من بعد ماوصل الغار

طول الطريق نجيله ماقالت شي وحتى البشت ماخلعته حمود فكر انها خافت من تهديده

صرخ حمود وه وهو يشوف مرعى قبيلته

حمود:وصلنا وصلنا يانجيله

التفتلها لاكنها كانت جامده مكانها

حمود:نجيله اقولج وصلنا وش بج

تقرب حمود منها وشافها واقفه وتناظر تحت

حمود:نجيله انت تسمعيني

تقرب منها اكثر :نجيله

مسك حمود برقع نجيله وارفعه وانصدم من شكلها كانت دموعها تنزل بدون ماتوقف ووجهها صاير احمر

حمود:نجيله !!!وش الي صاير ليه تبكي

مد بعدها حمود يده ومسح دموعها ورفع وجهها ناحيته

حمود :ليه تبكي

هو صحيح رفع وجها ناحيته الا ان نظرات عيونها ظلت تناظر بهن تحت متجنبه تلاقي بهن نظراته ودموعها تنزل اكثر

حمود حس بقلبه يوجعه من شكلها

حمود:ارجاج يانجيله ليه ساكته

زعلتي لاني صرخت عليك

ظلت ساكته وماردت عليه

بعدها فرد حمود ايديه لجل يحضنها الا انها ظلت جامده في مكانها وماتجاوبت معه

حمود:نجيله وش بج علي انتي الي خليتيني اصرخ عليج

لاكنها ظلت ساكته وماردت عليه الا بدموعها

حمود:شوفي حنا وصلنا الديره ووكاد نحصل سويري وعناد هناك

التفتت نجيله للديره وعاودت تنظر تحت وهي تبكي بصمت

حمود:ارجاج يانجيله لاتوجعي قلبي اكثر من هيج

واستمرت في سكوتها وكره حمود حاله واسلوبه الي كان يعاملها بيه

حمود:قوليلي وين ودج اخذج اخليج عند مرة الشيخ ولا اخذج عندي

لاكنها ماردت عليه

حمود:شلون اخذها عندي اظاهر اني انهبلت

حمود باستعطاف اكثر:نجيله ردي علي ليه اتساوي بي هيج

يأس حمود منها وبعدها قرر ايكملون الطريق وهو كل شوي ايكلمها

حمود كان ايكلم نفسه"انا وش ساويت فيها ليه مش راضيه ترد علي مهي باول مره اصرخ فيها عليها "

وصل حمود للديره واخذ نجيله لعند مرت الشيخ اخت سعود وبنت عم حمود واخبرها بكل السالفه ووعدته ان البنت بتكون في الحفظ والصون عندها

ناظر حمود نجيله للمره الاخيره وكانت لابسه البرقع واتمنى انها بدونه

حمود:ارخصيلي ياعمه

قام حمود متوجه للخارج وكان متوقع من نجيله انها توقفه وتمنعه يتركها لاكنها كانت مثل الجثه حتى انها ماناظرت ناحيته

طلع وحس انه ترك جزء من قلبه بالداخل وطبعا قضى حمود باقي يومه بدون صحبت احد وكان حاله متكدر وفكر انه يمكن لان سعود مش معه

2

استمرت سويره اتحاول اتنزل الحراره الي ارتفعت عند سعود وهي تحط له الكمدات الي سوتها من غترتها لين ماستسلمت للنوم

ومر اليوم الثاني كلا في حاله وبدون احداث جديده حمود رجع لحياته ومفتقد سعود وشي ثاني مكدرنه وسويره وسعود في الغار ظلو طول اليوم نزلت الحراره عن سعود وبدا يسترد عافيته وسويره جنبه طول الوقت صادت له بعض الطيور واكلته اياهن ورجع بعدها سعود للنوم وبعدها بيوم مرحمود عند مرة الشيخ يسال عن احوال نجيله

الهنوف:حمود هي لبنيه وش فيها

حمود:مهبوله يالهنوف وش شفتي منها

الهنوف: ياحمود البنيه ماتكلمت من جت ماغير دموعها بعيونها

حمودحس بالهنوف بكلامها هذا اقتلعت له قلبه

حمود:وش تقولي ليه ماخبرت بها شي ..ماغير انها هبلت بي بالطريق

الهنوف:انت شفتها ياحمود بدون البرقع

حمود:ايييه ايه شفتها انا الي لبستها البرقع ..هي مهبوله يالهنوف

الهنوف:والله ان زينها يقتل حرام تكون ذي مهبوله

حمود:وش السواه معها

الهنوف :ماعليك ياحمود انا معها ..هي تكلم؟

حمود:ايه.

بعدها راح حمود وهو شايل هم نجيله

في ديرة سند كان سند مار هو وسلطان من جنب بيت الشعر الي للعمه وقف سند وهو يسمع ضحك العنود العالي بعدها رفع رجله لجل ايكمل طريقه فسمع الضحكه مره ثانيه التفت لسلطان وشافه مبتسم قرر ايكمل طريقه لاكن الضحكه زادت وماوقفت حس بفضول انه يعرف سر الضحكه معقوله تكون وحده ثانيه غيرها رجع وراح لعند باب الشق وفتح الباب بشويش ايناظر للداخل وكانت العنود جالسه وظهرها مجابل الباب والعمه جنبها وجها للباب وشاف ان العنود ماسكه مرايه في ايدها اتناظر نفسها فيها

العنود:هههههههه من ذي ياعمه ههههههها

العمه:ليه يابنيتي انت مقد حطيتي كحل والله انج قمر

العنود:هههه لاياعمه بحياتي ماحطيته ولا البلاوي ذي كلها حمره وحلق وذي ويش ياعمه

العمه:قلاده يابنيتي ..ليه انتي كنتي وين عايشه؟

العنود:ياعمه انا ماعشت بحياتي بنيه انا طول حياتي اسمي عناد وشايله بارودتي وسيفي وعلى ظهر لحصان

العمه:ليه يابنيتي؟

العنود:الزمان ايريد هيج

العمه :ماودج تقولي لي وش هي سالفتج ومن هم اهلج

العنود مغيره الموضوع:عمه هو شكلي هيج احسن ماودي بذا كله وكاد الي بيشوفني بيضحك على

العمه:لا يابنيتي انت شكلج هيج صح والي بيشوفج لزوما يذكر الله لجل مايصيبج بعين

رجعت بعدها حالة الضحك للعنود اول مارجعت وشافت حالها مرة ثانيه بالمرايه

الفضول وصل عنده حده:ياعمه

ياعمه..

اول ماسمعت العنود صوته قامت بسرعه وراحت لطرف البيت والتفتت للجهه الثانيه

ابتسمت العمه وهي تناظرها:اقلط ياسند

دخل سند وكانت عيونه ناحيتها لاكنه ماشاف الا ظهرها وشعرها المنساب على طول ظهرها

العمه:اقلط ياولدي اقلط

سند:وشلونج ياعمه

العمه:الحمد لله انت وش علومك

سندظل ساكت يناظر العنود الي ظلت واقفه وهي تنظر للحهه الثانيه

العمه:ياولدي

التفت سند لعمته:وش كنتي تقولي ياعمه

ابتسمت العمه:وش علومك ياولدي

سند:زينه علومي زينه

العنود:ياعمه ودي اطلع اشوي حول بيت الشعر

العمه:براحتج يابنيتي وديري بالج على حالج

مشت العنود بسرعه لخارج بيت الشعر بدون ماتعطي سند فرصه يشوفها

حس بغيض ناحيتها:ليه ياعمه ترخصي لها تطلع برا البيت

العمه:كفاها ياولدي ماجاها خلها في حالها والبنيه صارت تسمع الكلام وماشفت منها شي

سند:وكاد انها خافت بعد ماهددتها بقبيلتها

العمه:اتركها ياسند لحالها

سند:ليه كل الاهتمام هذا ليها

العمه:قلت لك بعد ماتاكد من الي في بالي اقول لك

قام سند:ارخصيلي ياعمه

طلع سند وشافها واقفه عند طرف البيت ماسكه بحبل البيت حست العنود انه جاي من ناحيتها فمشت بسرعه ودارت حول البيت لجل تجي من الطرف الثاني لاكنها اول ماجت تلف قدام بيت الشعر كان سند قدامها واقف كان لقا زلزل كيان سند ناظرته العنود بنظراتها الناريه ومادرت انها بنظراتها هذي اشعلت الفتيل بقلبه مشت عنه بسرعه ودخلت لبيت الشعر التفت سند لباب البيت وبعدها التفت لسلطان الي ماغاب عنه كل الاحداث وشافه مبتسم ويناظر لتحت

11

في الغار كانت سويره جالسه وسعود نايم وكل شوي كانت تجي وتشوف اذا كان حي ولا صار له شي

جلست سويره مره من المرات تتسمع لتنفس سعود وحست ان مابه نفس وحست بقلبها وقف الا ان سعود بعدها رجع له تنفسه

قامت بعدها سويره وطلعت برا بعدها سمعت صوت سعود ايناديها

فرجعت له بسرعه

سويره:سعود

رفع سعود راسه وابتسمت له سويره

سعود:سويري

سويره:وش بك

سعود بوجه متالم :سويري مدري وش في احس روحي ودها تفارقني

تقربت سويره منه وقلبها يطبل

سويره:وش تقول ليه ؟يوجعك شي

سعود وهو يحاول ياخذ نفس :اااه وكاد ذي سكرة الموت ياسويره

سويره وصوتها معاد قادره تثبته لصوت رجال :ليه ياسعود تقول هيج باذن الله مبك شي

سعود:سكاكين سكاكين ياسويري احسبها بجسمي

هزت راسها سويره ودموعها بدت تنزل

سعود:سامحني ياسويري كان ودي اكم اكمل م مع معك لجل ن نلاقي اخوك

سويره:اسكت ياسعود ارجاك اسكت

سعود: و وصل سلامي ياسو......

سعود ماكمل كلامه لانه غاب

سويره:سعود سعود

سعود

كانت في حاله صعبه وهي تحاول عدم تصديق اكي يصير قدامها حطت راسها على صدر سعود وماسمعت دقاته

وبصوت انثوي باكي :سعود ارجاك ياسعووود ارجاك لا تترك سويره .....حطت سويره راسها على صدره وجلست تبكي فتح سعود عيونه وعض على شفايفه بعدها اخذ نفس وغمض عيونه بسرعه ..رفعت سويره راسها بسرعه وناظرته وابتسامتها تشق دموعها

سويره:سعود سعود

سعود:ا ا اه ودي بمي

سويره قامت بسرعه وركضت برا الغار عند لحصنه

قعد سعود بسرعه وهو حاط ايده على فمه لجل مايضحك ورجع ونام مرتن ثانيه ..سويره رجعت بسرعه بالمي وجلست جنبه واسقته

سويره:وش الي جاك يارجال

سعود:مدري ياخوك حسيت ان روحي ودها كان تطلع مني

سويره:ايييه الحمد لله على سلامتك

نم نم تريح شوي

التفت سعود لجنبه الثاني وهو يحاول ايسيطر على مشاعر انولدت عنده جديد

كان سند في مجلسه لما جاه سلطان وقاله ان عيال القبيله ودهم يتنازلو قدامه وكانت ذي عندهم عاده لجل ايشجعو لعيال على الشجاعه

طلع سند ووقف ومعاه اهل القبيله متحاوطين بالعيال وبنص لمبارزه شاف سند العمه واقفه وجنبها العنود يناظرن وكان بينه وبينهن بعض الحريم والرجال

سند حاول ايشوف العنود بالتفاته بسيطه لجهتها لاكنه ماقدر لان في وحده واقفه وحاجبه الرؤيه وبخطوه صغيره من سند لورا رجع والتفت ناحيتها لاكنه بعد ماقدر يشوفها زين رجع لمكانه وحاول مره ثانيه بخطوه اصغر لقدام وجت حرمه ثانيه وحجبة الرؤيه

قرب منه سلطان وهمس له:ياشيخ لعيال قدامك يتبارزو مهب حولك

سند:انكتم

بعدها مشى سند لين العمه وقف جنبها وحوط كتوفها بايده

سند:وشلونج ياعمه

العمه :الحمد لله

مد سند بصره للعنود الي التفت اول ماوقف جنب العمه ورجعت للخيمه تتبعها بنظراته وبعدها رجع يناظر قدامه وبه حره عليها "مدري وش فاكره حالها"

بعد ماخلص عرض لعيال مشى سند مع العمه لين خيمتها ودخل معها لاكنه تفاجئ بالحاجز الي ماكان موجود بالصباح وهوجاجز انمد من نصف عمود بيت الشعر لين اخره كانت العنود جالسه وراه ونص بيت الشعر مع العمود الثانيه كان مكان جلست فيه العمه مع سند

حس سند بقهر لما شاف الحاجز "والله انها شايفه حالها"

التفت بعدها لعمته :وش اخبارج ياعمه

العمه:زينه ياولدي نحمد الله كثير

وجاهم صوت من برا ينادي العمه

العمه قامت وهي ترد على الصوت وطلعت برا

وظل سند يناظر الحاجز بعدها قرر يقوم لجل يطلع

العنود ماسمعت صوت في بيت الشعر فعزمت هي بعد تطلع من ورا الحاجز وقفت وعدلت الرباط الي على راسها وطلعت وهي تقلد صوت سند:وشلونج ياعمه

وتلاقت نظراتهم مع بعض شهقت العنود اول ماشافته ورجعت بسرعه ورا الحاجز سند حس بروحه مثل الي غطست في البحر وطلعت مد يده لسيفه وسله من غمده وقبل لايطلع مده للحاجز وقطع الحبل وطلع بسرعه

العنود اول ماطاح الحاجز فتحت عيونها منصدمه

9

كان حمود جالس

مع محيميد وسعد وكان فكره مش معهم

محيميد:وش بك يارجال ماخبرتك ياحمود تهوجس هلكثر ولا تون حالك حال عمير

حمود:اتخسى يا الخام مهوبحمود الي يون لجل مره

محيميد:ومن جاب طاري المره ذلحين

حمود:اجل وش تقصد

محيميد :مدري انت ابخص بحالك

وقف حمود وخطى عنهم كم خطوه

حمود:انا شاغل بالي سعوود الي مابين انتو شلون تتركونه لحاله

سعد:ايييه يقولك الرجال به مرض معدي وشلون تريدنا نظل معهم

حمود:انالزوما الحقه واشوف وش صار له

محيميد:ووين ودك تلاقيه

حمود:لزوما القاه

قعدت سويره جنب سعود

سويره وهي تحط يدها على جبهة سعود:الحمى نزلت الحمد لله وش تشوف حالك ذالحين

جلس سعود :الحمد لله ياسويري مابي غير العافيه

سويره:ودك نعاود لديرتك

سعود:ليه ياسويري واخوك

وقفت سويره:اخوي ان كان حي لزوما يعاود

وحنا مندري هو ذا طريقنا الصح ولا به طريق ثاني واناودي اتطمن على خويتي الهبيله وكاد انها مسببه الهم مشاكل ومابه حد يعرف يتعامل معها وهي وكاد تدور علينا

التفتت سويره لسعود:خلنا نعاود ياسعود

وقف سعود ووقف قبالها ومد يده وحطها على كتفها وجمدت سويره وماقدرت تنزل يده

سعود:اذا ودك نعاود نعاود وباذن الله نلاقي اخوك قدامنا

ابتسمت سويره له :باذن الله

وبعدها بدت سويره وسعود طريق العوده

في اليوم الثاني كانت العنود واقفه برا بيت الشعر واول ماشافت سند وسلطان مارين التفتت لجهه ثانيه وقف سند وناظرها وبعدها كمل طريقه بعدها دخلت لبيت الشعر

العمه كانت تمشي والتوت رجلها وطاحت وتوجعت من رجلها جتها منيره وساعدتها توقف واخذتها لبيت الشعر سند قالوله عن العمه وجا يركض لها وحصلها قدام باب بيت الشعر مسكها من ايدها وساعدها تدخل لداخل

سند:وش الي صار ياعمه

العمه:مابي شي ياولدي التوت رجلي شوي

جلس سند العمه:ارتاحي تحسي بوجع فيها؟

العمه:خفيف ياولدي انت لاتشغل بالك

سند:ماودج اقول لهم يجيبو الطبيب

العمه:ياولدي انا لحالي اعلج نفسي

كان سند جالس قدامها ومنيره جالسه جنبها وهي تناظر سند

العمه التفتت للحاجز:العنود يالعنود..

العنودطلعت من ورا الحاجز :ياعونج ياعمه

العنود كانت تسمعهم قبل ماتطلع فظلت واقفه ورا سند تناظر رجل العمه

اما سند فوجودها واقفه وراه وتره

سند:ديري بالج ياعمه على حالج واذا احتجتي لي انا موجود

وقف سند وجلست العنود جنب العمه تناظر لرجل العمه ناظرهم سند الي اخذ مكان العنود وهي خذت مكانه

العنود:توجعج ياعمه

وحطت العنود ايدها على رجل العمه

العمه:الوجع وكاد انه بيروح من لمسة ايدج

كان سند عند الباب وسمعها وبعدها طلع لاكنه سمع العنود تصرخ على منيره الي ماعجبها كلام العمه للعنود وقالت كلمه ضايقت بها العنود

رجع سند ووقف يناظرهن قامت العنود اول ماسمعته

سند:وش ابكن

كانت تناظره بنظرات خوف مع تحدي

منيره: ياشيخ شفها تصرخ علي

كانت عيون سند على العنود الي تبادله بنظراتها تقرب منها خطوتين ووقف قدامها وبنهاية بارودته الي حطها تحت وجهها ورفعه لفوق لجل يناظر وجها زين والعنود تبادله نظرات الخوف والتحدي

سندوعيونه اتجول بوجهها الي اصبح قريب من انفاسه:ليه تصرخي عليها

العنود:ماودي اياها هنيا

سند:ومن تكوني لجل تطرديها ؟

العنود: العنوود

ظل سند يناظرها وكآنه استبعد انه يحصل فرصه مثل الفرصه هذي فلتت خصله من شعر العنود على وجهها ورفع سند يده بدون شعور لجل يرفعها لاكن يده جمدت قبل مايلمس الخصله لان نظرات العنود توجهت ليده المرفوعه لجنب وجهها بعدها نزل سند ايده ورفع وجه العنود اكثر له

سند:هذي اخر مره اعيد عليك ماودي اسمعك ترفعي صوتك على اي وحده من النسوان ..

وزجرها:تفهمي

بعدها تركها وطلع .. 

اول ماطلع سند من بيت العمه كانت خطواته سريعه ناحية فرسه المربوطه قريب بيته ركبه وانطلق به محاولتن منه لجل يسيطر على احاسيسه ورجفة قلبه الي ماوقفت من طاحت عينه على عيونها واسرته "وشلون وهي اسيرتي "

1

بحلقت العنود بعيونها لمنيره الي ملاها الرعب والخوف من عنود وقامت

منيره:ارخصيلي ياعمه

وطلعت بسرعه واطلقت بعدها العنود ضحكتها

العنود:خبيله

العمه:ليه يابنيتي تساوي هيج

العنود:ماودي اشوفها

العمه:ليه تراها حبوبه وزينه

العنود:مبه حد هنيا زين غيرج انتي ياعمه ...عمه رجلج توجعج

العمه:شوي يابنيتي

العنود:وش ودج اسويلها

العمه:في نبته يابنيتي زينه للاوجاع ذي وهي موجوده اهنيا بالمراعي تنطبخ وتنحط على الرجل لما يعاود سند اقوله يجيبها

وقفت العنود:لا ياعمه انا اعرفها زين اروح اجيبها لك الحين

العمه:يابنيتي

العنود:ماراح اتاخر ياعمه احصلها وراجعه

طلعت العنود بدون انتظار جواب العمه ومشت ناحية المرعى واخذت اهناك تبحث عن النبته واخيرا لقتها وعند التفاتتها للعوده كان سويلم الراعي بوجهها

سويلم:حي ذاالوجه الحسن

العنود:انقلع من قدامي

سويلم:ليييييه ماودج اياني اهرج معج

سكتت عنه العنود وغيرت اتجاهها لجل تكمل طريقها لاكنه وقف قدامها مرتن ثانيه

العنود:وش اتريد انته

سويلم:ليه طلبتي من العمه تاخذك معها بعد ماكنتي لي

العنود:اتخسى اكون لك ولا لغيرك واسمعني زين تراك ماتعرف من انا والله ان مافارقت من قدامي اني اخلي عناد يعلمك شلون توقف قدامي مرتن ثانه

سويلم :ومنهو عناد هذا خويك

العنود:قلت انقلع من قدامي

مشت العنود خطوه ولانهم بعيد عن بيوت الشعر مد سويلم يده ومسكها من كتفها لاكنه ارتعب لماجلبت الايه العنود وانقلب الوضع بوضع العنود الخنجر بحلق سويلم

العنود:وش الراي الحين ودك اياني انحرك مثل ماتنحر النعجه

سويلم:اا اا يادافع البلا وش السلطه ذي اتركيني اتركيني ياحرمه وعهدا علي ماجيلج بطريق

افلتته العنود ووقفت قباله وبايدها الخنجر

العنود:انقلع من قدامي انقلع

كان سند جاي وشاف العنود واقفه وبايدها الخنجر وسويلم يزحف على الارض لورا

سند:العنووود

التفتت العنود للشيخ الي نزل من فرسه وسل سيفه

سند:وش اتسوي هنيا ودج تهربي انتي نسيتي وش قلت لك

رمت العنود الخنجر وبنظراتها العدائيه لسند رجعت والتفتت ناحية القبيله وقررت ترجع وماكان ودها تكلمه او تشرح له شي لاكن سند صرخ عليها بعد مامد بسيفه قدامها

سند:لييه ماتردي على..وش كنتي تساوي هنيا؟

العنود:اسال المخبول ذا هو يجاوبك

سويلم:ياعمي الشيخ كان ودها تنحاش مير اني منعتها وكان ودها تلتقي بخويها واسمه عناد لجل تهرب معه

طبع العنود ناري ماستحملت الي يقوله سويلم نزلت للارض بقيتها تلقى الخنجر لاكنها مالقتها وملت ايديها من الرمل ورمته على وجه سويلم الي انترست عيونه ووجهه بالرمل ورجعت مره ثانيه لجل اتعاود الكره لاكن سند منعها لانه حاوطها بايديه وجرها ناحيته

العنود:اتركني والله اني اورجيك ياكذاب

التفتت ناحية سندوهي تدفعه عنها بايديها:فكني فكني ماودي اياك تلمسني

وقفت العنود مقابله سند كل واحد منهم يناظر الثاني بنظرات غيظ

سند:سويلم انقلع من هنيا

وطبعا ماشافو الا غبرته وهو فال

ومازالت نظراتهم مواجه بعض بدون كلام

هدت نفس سند وبدا شعوره يعاود له ونظراته تبدلت لنظرات اربكت العنود

نزلت بعدها نظرها لتحت والتفتت عنه شافت النبته الي طاحت عنها خذتها وركضت بسرعه راجعه لعند العمه وسند يتبعها بنظراته

سند:وش الي سويتيه فيه

ابتسم بعدها لما تذكر سويلم يوم قال عناد هو يدري ان اسمها لما تكون رجال عناد وكاد هددته بعناد

5

كان حمود جالس ويا خوياه يوم جاهم محيميد وقال:حمود وش ذالغزال الي كانت معك

حمود باستنكار :اي غزال ؟

محيميد:اييييه المهبوله عزالله ان بها زين ماشفته بحياتي

نط حمود ووقف قدام محيميد:وانت وين شفتها

محيميدوهو ياخذ نفس:عند الغدير ..وشلون ذي هبيله ذي اتهبل ارجال

حمود:اسكت وش ذا الهرج يامحيميد انت ماتستحي على وجهك ماعندك خوات

محيميد:عندي لاكن ماعندي مهبولات

حمود:اترك الهرج عنك ذا واحشم اخت الرجال الي ساعدوك وانت بين الموت والحيا

محيميد:ذي مهبوله ياحمود مهبوله

حمود:ولجل انها مهبوله ماودي اياك تجيب طاريها وتصحي النفوس الشينه

تركه بعدها حمود وتوجه لبيت الهنوف وناداها

الهنوف:وش اتريد ياحمود

حمود بعصبيه:وش اخبار لبنيه يا الهنوف

الهنوف :ابشرك اليوم سكتت عن البكا وطلبت من البنات ياخذوها معهن للغدير

حمود:اشلون تتركي وحده مهبوله تروح لحالها مع البنات انتي يالهنوف ماتدري وش اتساوي لما تجيها حالت الهبل الي فيها

الهنوف:هي تجيها حالات بس انا ماشفت منها شي اصلا هي ماتكلمت

حمود:ايييه لمن تكلم تعرفي انها مهبوله وبعدين شلون تخليها تطلع بدون البرقع والعباه

الهنوف:حمود برقع ويش وعباة ويش البنات كلهن عند الغدير مايلبسن براقع

حمود:ذي امانه وماودي اياها تلفت الانظار

الهنوف:حمود وكاد ان ذا هو الي معصب بك بحياتي ماشفتك هيج

حمود:اسمحي لي قلت لج ذي امانه

الهنوف :داريه انها امانه وانت خلاص بريت ذمتك منها ووصلتها ليه ليه شايل همها مانت شايف اني كفو

حمود:لاتفهميني يالهنوف غلط

الهنوف:توكل ياحمود ولاتشيل هم البنت

تركها حمود والنار عدها قايده بصدره كان وده يقولها ماتتركها تطلع الا وهي مغطاه وماتتركها تطلع اصلا

باليوم الثاني وصلو سعود وسويره لمشارف القبيله

سعود:وصلنا ياسويري

وقفت سويره فرسها :اقول ياسعود

سعود: ياعونك

سويره:وش رايك تجيب لي اختي وترخصو لنا

سعود دار بفرسه على سويره:وش تقول !!!لا باله ماتركتك ترحل عن الديره الا لما يعاود اخوك وش ذالهرج ياسويري

سويره:ارجاك ياسعود ماودي اظل اهنيا اريد اخويتي لجل نعاود لمغارتنا وكاد عناد اذا عاود يجي هناك

سعود:ووكاد ان حمود خلا له اشاره يعرف منها انكم بقبيلتنا

سويره :سعود والله ماودي اظل اهنيا

سعود:امش ياسويري امش معي تعال ودي اياك تشوف المكان الي ببني لك فيه بيت الشعر لجل تضل فيه مع اختك تهبل بك فيه لحالك

ابتسمت سويره وارتاحت من الفكره

سويره:ماودي اكلف عليكو

سعود:مابه كلافه هذي لزوم الضيافه وجعلها ضيافة دايمه ..امش ياسويري امش

بعدها توجهو لداخل الديره لبيت الشيخ متعب كان حمود هناك وقف حمود

حمود:ياعمي الشيخ سعود جا نزل سعود عن فرسه وركض لعند صديقه الي تلقاله بالاحضان "نسي حمود المليون مره الي توعد فيها لسعود"بعدها سعود ركض لعمه متعب وسلم عليه بالاحضان وحبه على راسه وعلى ايديه والشيخ ايرحب به من اول ماشافه سويره ظلت واقفه عند فرسها وهي تشوف لقا سعود بالشيخ وربعه مادرت بالعاصفه الي جتها من شق حرمت الشيخ

نجيله وهي تنط على سويره وتطيح معها على الارض:سوييييييري

اخذت بعدها نجيله تستعرض حركات لهبال الي فيها وهي تحضن سويره وتحبها في حين ان سويره توهقت ابها وهي طايحه قدام الكل وذي فوقها

سويره بهمس :اشهد انك هبيله قومي ذبحتيني جلست نجيله على جنب وقعدت سويره بسرعه والكل كانت انظاره الهن اول ماطاحت انظار نجيله على حمود

نجيله:حمووود سويري جا ياحمود

حمودانحرج ورفع نظره للكل ايشوف ردة فعلهم

وقفت سويره وساعدت اختها توقف معها ونادت سعود

سعود قرب من سويره :وش بك يا سويري

سويره:ودي اخذ اختي ونروح شوي عند الغدير لجل اشوف وش اخبارها

سعود:وكاد ماودك تروح

سويره:لا اوعدك اني راجع مير ودي استفرد بخيتي

سعود:توكل ياسويري وحنا بنتظارك

ابتسمت سويره لسعود وهي تمسك لجام فرسها وسعود واقف يناظرها ..ركبت بعدها سويره ومسكت بايد نجيله الي ركبت وراها

سويره وهي توجه كلامها للشيخ:ارخص لنا ياشيخ

الشيخ متعب :على وين لزوما تضيف ياولدي

سعود:هنيا ياعمي الشيخ رايح شوي وبيعاود

حمود كان ايناظر نجيله الي حطت راسها على ظهر اختها وطوقتها بايديها

انطلقت سويره بالفرس ناحية الغدير نزلت وساعدت اختها بالنزول

سويره:يامهبوله اشتقت لك

نجيله:وانا ياخيه اجل وين عناد

اخبرت سويره نجيله بالي صار وبعدها قعدت سويره تبجي وبجت معها نجيله

وقفت نجيله:لزوما ياسويره نروح ندور عليها

سويره:وشلون يا نجلا حنا ماعرفنا لهم طريق الصحرا كبيره والقبايل كثيره

نجيله:لزوما نسال ياسويره به شيوخ كبار عندهم علم بالقبايل واصلها ولزوم نوصلهم ونوصف لهم القوم الي لحقت بهم العنود

سويره:صحيح ياخيه لزوما اقول لسعود وهو وعدني يظل معنا لين ما نلقا عناد

نجيله :وشلون يعني ودج ايانا نظل اهنيا لزوما نعاود ودج اياني اظل مهبوله القوم طفرت مني وانتي ياخيه وشلون تظلي مع الرجال خلينا نعاود

سويره:سعود قال لي وده يبني لنا بيت لحالنا

ظلت بعدها نجيله وسويره عند الغدير يتحجن بالي صار لهن

اماسعود وحمود قامو على بيت الشعر وبنوه على طرف القبيله وقريب من بيت الشيخ

اما العنود كانت النار قايده بصدرها وضايقه بها الوسيعه لجل انها ماقدرت تحصل لها طريقه لجل تنحاش وخايفه بنفس الوقت انها لو هربت ياذي سند القبيله الي كانت الفرس لهم رجعت العنود من المرعي بعد مافشل مخططها بانها تشوف كيف هو الحال عند المرعى

دخلت البيت عند العمه

العنود:هي ذي النبته ياعمه

العمه:لا يابنيتي مهبذي

العنود:ايييه شلون ارجع مرتن ثانيه

دخل سند :ترجعي وين مرتن ثانيه

التفتت له العنود ووقفت على جنب وهي تناظره بكره

سند:الخنجر ذا لمن ياعمه

العمه:ذا لي ياولدي

التفت سند للعنود:وش كنتي تساوي عند المرعى

العنود:كنت اشوف المكان لجل اعرف كيف اهرب به مانع

مشى سند خطوه ناحيتها والغضب بدا يتملكه

العمه:سند

التفت لها سند:وش السواه ياعمه معها لزوما تقولي لها تجنب الشياطين الي براسي ترا الي جاها قليل من الي اقدر اساويه ..تراها ولا شي عند الروس الي قهرتها بذي القبيله وخليتهم يمشو على الصراط المستقيم .. هي من وين جايه يكون واحد من القبيله خلفها ونساها خارج القبيله نفس الطينه ياعمه

بعدها التفت سند للعنود:تجنبي شياطيني اريح لك

تركهن بعدها وطلع وكلمة سند بان واحد من اهل القبيله خلفها وتركها خارج القبيله اترن باذن العمه

العنود:هو وش فاكر نفسه اذا كان به شياطين انا بي مردت الشياطين

العمه:يابنيتي تجنبي سند هو الي شافه من اهل القبيله مهوب هين هم الي قسو قلبه وصار مايتعامل الابطريقته ذي

العنود:هو ماله حكم علي انا ذلحين عندك ياعمه

العمه:حنا كلنا يابنتي تحت حكمه

العنودوهي تكلم نفسها "والله ماكون تحت رحمته لو تطلع فيه كل شياطين الارض لاكن انا لزوما اهدي معه لجل اعرف كيف اتصرف وشلون اخذ بثاري قبل لااهرب من هنيا "

3

وصلت سويره ونجيله للمكان الي انبنا فيه بيت الشعر وكان حمود وسعود مشغولين مع بعض الرجال ببنايته

سويره:لدي يانجيله صارلنا بيت لحالنا

نجيله:مهب دايم ياسويره

وقفت سويره بفرسها قريب منهم ونجيله ظلت محاوطه سويره بايديها وحاطه راسها على ظهرها

ابتسم سعود اول ماشافها جايه

سعود:وش رايك ياسويري بالبيت

سويره:كلفت على حالك ياسعود لو كانت خيمه تكفينا

سعود:مابه كلافه وانت ياسويري تستاهل البيت

سويره:المهبوله ماودها تتركني

حمود:حنا قربنا نخلص خذ اختك عند مرت الشيخ

سويره:ماودها تتركني

بعد مانتهو من بيت الشعر نزلت سويره ونزلت نجيله معها

سويره :نجيله ناظري بيت الشعر ذا بيتك

تركت نجيله سويره تكلمها ولحقت حشره كانت اتطير جنبهم

وابتسم حمود وهو يشوفها تلحقها

مسك سعود سويره من ايدها

سعود:تعال ياسويري ودي اورجيك شي راح سعود وسويره لداخل بيت الشعر وظل حمود يناظر نجيله الي ابد ماناظرته ولا جت ناحيته وكان حمود يحس بقهر انها ماعبرته

حمود"وش بك ياحمود تقهرك هبيله لجل انها ماتعطيك وجه "

بداخل بيت الشعر

سعود:هنيا ياسويري حطينا حاجز لجل ان الهنوف خيتي قالت ان ودها تجي عند خيتك تجلس معها كل يوم

سويره: وش ودها فيها ذي مهبوله

سعود:هي ودها هيج

وترا عمي الشيخ كفاكم الاكل عنده الضيفه دايم

سويره:بس انا ياسعود ودي اجلس مع خيتي كل وقتي لين ماعرف كيف اخليها تاخذ على المكان

سعود:خذ راحتك ياسويري الضيفه راح توصل لكم هنيا والحين ارخص لي تريح في بيتك يا سويري وبخصوص عناد انا بقول لعمي الشيخ هو وكاد عنده طريقه تخلينا نلقاه بيها

سويره:والله اني معرف ياسعود وشلون ارد لك جميلك

سعود:حنا كنا ميتين ياسويري لوما ارسلكو الله لنا

ارخص لي

طلع سعود وشاف حمود واقف يناظر نجيله وهي تحاول تمسك الحشره

سعود:هي ذي المهبوله

حمود:ايه هي

ظل سعود يناظرها وحمود ماجاز له

حمود:امش ياسعود امش حشم خويك جالس تناظر باخته

ضحك سعود وهو يمشي معه متجهين لبيت الشيخ

سعود:وش احشمه فيه ذي مهبوله ياحمود وش اناظر فيها

حمود:تظل مره وانت عيونك زايغه

سعود:وانت وش كنت تساوي اجل

حمود: انا جبتها وشفت من هبلها الي خلاني اقرب انهبل معها

رجع سعود يضحك مرتن ثانيه

وظل حمود يحكي له وش صار معه معها

وظلت سويره مع نجيله ببيت الشعر طول اليوم وكان سعود يجيب لهن الطعام ويرجع عند ربعه

باليوم الثاني طلعت العنود قدام بيت الشعر وجاها ولد بعمر العشر سنوات

الولد:ودي اياك تنازليني بالسيف

ضحكت العنود:لويش

الولد:ودي تشوفي كيف اظرب بالسيف وتعلميني وشلون انازل زيج

العنود:اعجبك منازلي بالسيف

الولد :كثير

العنود:ايه بس انا ماعندي سيف

الولد:اجيب لك

العنود:اذا جبته علمتك

غاب عنها الولد ورجع معه سيفين شافتهن العنود وتكدرت لان نوعيتهن رديئه ماتصلح الا للتعليم

العنود:اسمعني يا.....انت وش اسمك ؟

الولد:سند اسمي سند

العنود:ياحبي لسمك وياكرهي لراعيه ...اسمعني ياسند بالاول تمسك السيف هيج وبالظربه الاولى لزوم تخلي رجلك الموازيه للسيف ..........

اخذت العنود تدرب سند الصغير وبعدها اشتد بينهم الظرب بالسيف

الشيخ سند ماتوقع ايشوف الي شافه بين العنود والولد تفاجئت العنود باليد الي سحبتها ورمتها على الارض

سند:وش الي جاج لجل تقاتلي الصغاريه؟

سند الصغير:لا ياعمي الشيخ انا الي طلبت منها تعلمني لمنازل

التفت له سند:ليه تطلب منها هي

سند الصغير:لجل انها شجاعه وقدرت على الرجال كلهم

سند وهو يجلس قدام الولد :لاكنها مره تظل مره لاحول لها ولا قوه

العنود قامت بسرعه ومسكت السيف وجت بسرعه لجل تظرب سند بالسيف لاكنه كان اسرع منها واتصدا لها بسيفه وكانت السيفوف بينهم على شكل اكس وكلان يناظر الثاني بنظرات ثايره

سند:وش ودج تسوي

العنود:لزوما اقتلك وأخذ بثاري منك

سند:ليه ماودج تسمعي الحجي وتتجنبي شري

العنود:انت قتلت اخوي والنار بصدري بعدها قايده

سند:انا ماقتلت اخوك لاكني قادر اوصل انجيله وسويره واورجيج وش اقدر اساوي

العنوداول ماسمعته قال هيج ارخت قبضتها للسيف وطاح من ايدها

العنود:وش الي تقوله انت منين تعرفهن

سند:قلت لج ياعنود السيح اني قادر على كل شي

هزت العنود راسها غير مصدقه الي تسمعه وركضت للخيمه.

في قبيلة الشيخ متعب استقبل الشيخ اخته الي كانت عايشه بقبيله ثانيه ورجعت الحين عند اخوها بعد ماتوفى زوجها ومعها بنتها هند

الشيخ امر ينبنا لاخته بيت شعر قريب مند بيته ووعد اخته انها تكون هي وبنتها تحت عهدته

بعد ماخلصو من بنا البيت طلع سعود وراح لسويري ونده عليه من عند باب البيت

طلعت سويره لسعود

سويره:ياهلا ياسعود اقلط

سعود:لا ماودك تجي معي ندور حول المرعى

سويره:بودي ياسعود مير خيتي هبلت بي من الصبح وانا افهمها انها لزوم ماتطلع من البيت

سعود:اييه جبها عند الهنوف خيتي

سويره :لا ماودي اكلف عليها وانا شايف ان عندها ضيوف

سعود:ايه ذي اخت الشيخ ترملت وجايه تعيش بكنف اخوها

سويره:والله ان الشيخ متعب رجال كريم وراعي فضل كبير وانا ياخوي مستحي منه لاجل اني ماجيت بمجلسه

ابتسم سعود:لا ماعليه انا قلتله انك ملزوم باختك ومنت قادر تجي للمجلس

سويره:والله ان ضايقا صدري وودي اركب الفرس وادور بيها مير ماني عارف اتركها لحالها

سعود بخبث:وش رايك ياسويري نجوزك بنيه من بناتنا مزيونه لجل تظل مع اختك بالبيت

سويره وهي تحك راسها باحراج:وكاد ان ذا هو الحل الزين مير انا ماودي ابلا بنات الناس بمهبوله

ضحك سعود بصوت عالي وهو يحط ايده على كتف سويره وسويره ماكانت فاهمه هو ليه يضحك

ورفعت ايدها ونزلت ايده من على كتفه

سعود:اااه ياسويري والله اني احبك

رجف قلب سويره للكلمه وخافت وجها يحمر قدام سعود

سويره:امش امش انت ماوراك الا الضحك ذا

التفتت عنه وراحت لداخل

سويره"وكاد اني انهبلت هو قال يحب سويري مهب سويره وش دراه هو بسويره بالاصل

جلست سويره جنب اختها

نجلا:سويره وش بج

سويره:مابي شي

سعود كان وده اياني اروح معه حول المرعى

نجلا:ايه ودج تروحي

سويره:ايه اشلون اروح وانا عندي مهبوله بالبيت

نجلا:المهبوله اربطها بعمود البيت واتركها

سويره:ايه لجل يجي الي نفسه شينه ويدخل عليها

نجلا:اييه ترا لمهبوله مهبوله لاكنها قادره تدافع عن نفسها

سويره:لا يانجيله ماودنا نريق الدم هنيا حنا ودنا اياهم يساعدونا لجل نلقى العنود وبعدها نرجع لمكانا او انشوف لنا مكان ثاني

بس تعرفي يانجيله ..صحيح لما يكون الوحد في حمى قبيله ينام مرتاح لاكن حنا مانخلقنا نعيش بالخيام حنا تعودنا على ركوب الفرس وننطلق بذي الصحرا متخيل حالي بيوم اظل بالبيت زي الحريم ..

نجلا:هذانت ياخيه صارلك يومين منحبسه

سويره:ايه لجل هيج اقول لك ماودي اظل اكثر من هيج ودي اطلع للفضى

نجلا:اجل خلينا نطلع سوا

بالمسى كان الشيخ سند لحاله في مجلسه بعد ماراح عنه سلطان والمقهوجي ..كان متكي بجلسته وسرحان بفكره وعينه على دخان النار الي قدام البيت

جت العنود ووقفت قدام بيت الشعر بطرفه

اتجه لها نظر سند وهو متخيل ان هذا مجرد خيال لها لاكن الخيال ماراح وظل واقف بمكانه

اتقدمت العنود بخطوتين لداخل بيت الشعر وهي تناظر بالمكان

اخيرا تاكد سند ان هذي هي العنود نفسها قام واقف وهو يناظرها بنظرات استغراب وتقدم منها حتى وقف قدامها وعيونه تناظر وجها الي كان باين عليه البكا كانت نظراتها بعيد عنه رفع ايده وحطها تحت وجهها ورفعه له حطت بعدها العنود نظرها بنظره وسالت دمعه من عينها وقفت قريب شفايفها ومن دون مايدري سند رفع ايده الثانيه ومسحها

سند:قوليلي وش فيها عنود السيح ؟

انهمرت بعدها دموع العنود اكثر

العنود:وشلون دريت بنجيله وسويره؟

سند ظل يناظرها بدون مايرد عليها

العنود:ماودك اتقول؟

سند:اييه ماودي

مسكت العنود ايد سند الي رافعه وجها له

العنود:ارجاك تقول لي هي سويره بعدها حيه ماماتت

تفاجئ سند بسوالها وظل ساكت

العنود:ليه ماودك تقول لي وكاد انك داري بيها ليه ماودك تقول

سند :وشلون هي ماتت

العنود:انتو قتلتوها بالوادي

سند:انتي تقصدي اخوك هو مره بعد

العنود بدت تثير:انت وش الي تعرفه

سند:شلون الشيخ متعب يترك نسوانه تسترجل مابه رجال يردعوكن

العنود:من هو الشيخ متعب

سند باستنكار:لاتنكري انا دريت من الفرس الي جيتي فيها انها لقبيلة الشيخ متعب

العنود:انت ليه ماودك تريحني.. سويره ونجيله بديرة الشيخ متعب ؟

سند:انت وش سالفتك وش الي جاب فرس قبيلت الشيخ متعب معج

ضربت العنود بقبضة ايديها صدر سند

العنود:ليه ماودك تقول لي هي سويره ماتت ولا لا

مسك سند ايديها وبدت العنود تبكي

العنود:انت تقول انك قادر تجيبها اشلون تجيبها وهي ميته

ليه ماودك تريحني

سند:انا مدري عنها حيه ولا ميته

العنود:وشلون اجل دريت بيها

وشلون تقول انك قادر تجيبها ودك اياني اكون تحت شورك ..نجوم السما اقرب لك ياشيخ والله انك اتشوف مني من اليوم ورايح الي مايسرك واني اظل اعند من الاول واخليك تندم على اليوم الي خليتني فيه عايشه بديرتك

كانت العنود تقاومه بايديها الي تحاول تظرب بهن صدره الاانه احكم مسكته عليهن

سند:اعقلي اعقلي وتجنبي شري ترا معاد بي صبر عليج

صرخت العنود:اتركني اتركني

سند:اسكتي انت ناويه تلمي اهل القبيله

العنود:معاد يهمني شي بالاوله كان ودي اهرب لاكن الحين معاد افكر بشي غير اني اخليك تطلع عن طورك

سند سحب العنود لعند عمود الخيمه ولف ايديها وراها وربطها بالعمود وهو يقول:لييه هو انا اصلا ماطلعت عن طوري قدني من زمان طالع من يوم مامسكت مشيخة القبيله ذي وانت جايه من فوقهم

العمه دخلت عليهم بعد ماسمعت صراخ العنود

العمه:سند ياولدي وش الي صار

سند وهو واقف يكمل رباط ايديها : وش بقا ياعمه وش بقا انا معاد بي صبر عليها كل الي سويته ولا منه فايده

العمه:العنود وش الي صار يابنيتي

العنود:اني مهب ببنيتك ياعجوز النار وبلحضة غضب امسك سند العنود برقبتها وضغط عليها حتى حست انها بدت تفقد نفسها والعمه تترجاه لجل يتركها

بعدها ارخى سند يده ومازال ماسك رقبتها

سند:ليه ليه تحديني على شي ماودي اسويه وش جاج من العمه مهب هي الي كنتي تبكي بحضنها وتقولي لها تاخذك معها ..مهب هي الي قالت خذو مالي وحلالي كله لجلج

انسابت دموع العنود وسالت على ايدين سند

العنود:انت ليه ماودك تقول لي وشلون دريت بسويره ونجيله ..وهي السوري بعدها عايشه

فقدت بعدها العنود وعيها وسند سند لراسها على صدره وفك رباطها

سند:ياعمه ياعمه

شال سند العنود وهو يحس بروحه طلعت منه وراح ابها لشقه وحطها على فراشه والعمه وراه

العمه:انت وش الي سويته بيها

سند:ياعمه انا ..انا ارجاج ياعمه تجي تشوفي هي وش الي جاها

قربت العمه وجلست جنب العنود وسند بجنبها الثاني

جلس سند جنب العنود يناظرها والعمه تحاول معها لجل تصحى

ناظرت العمه سند

سند:وش بج ياعمه صار لها شي

العمه:ودي اياك ياسند تروح لبيتي تجيب صره بالصندوق الي بطرف البيت عجل ياولدي

ماكملت العمه حجيها الا وسند طالع بالسرعه

ناظرت العمن العنود"انا متوكده انج بنت الغالي وخايفه اتوكد اكثر اعلمج بعدها وانتي لسه بعدج كاره الديره ..لزوما اصبر ليمن تتقبلي وترضي بينا "

دخل سند ومعه طلب العمه خذتها العمه وقربتها من العنود لجل تشمها وتقوم لاكنها ماتحركت

سند:وش فيها ياعمه ليه ماودها تقوم؟

هزت العمه راسها:ذي سواياك وش تريدني اسوي

سند:ارجاج ياعمه حاولي معها والله انه ماكان ودي اسوي هيج مير انتي تدري بحالي وهي بعد لها يد بالي صار

العمه:ياولدي قلتلك اتركها لحالها

سند:وشلون ياعمه وهي الي جتني تسال عن وحدتن تنقال لها نجيله والثانيه سويره

العمه:من ذيلا وليه تسالك عنهن؟

سند:مدري ياعمه سمعت منها مره وهي محمومه تهذي بيهن

العمه:وش كانت تقول؟

سند:هي كانت تستسمح منهن ..والي عرفته ياعمه ان اخوها الي اقتلوه جماعة مفلح ماهي الا اختها والي هي اسمها سويره

العمه بخوف:قتلوها وشلون اخوها وهي بنت

سند :مدري عنهن ياعمه ومدري ليه لابسات لبس الرجال

العمه:وهو مات قصدي ماتت

سند:مدري العنود نفسها متدري وش صار على اختها

العمه:ياجهد البلا ..ياسند ياولدي لزوما تبعث مطاريش لجل يسالو ويشوفو وش الي صار

سند:انا ياعمه ارسلت من يسال عن الفرس الي جت بيها وطلعت لقبيلة الشيخ متعب

اخذت العنود نفس طويل وناظرها سندوبعدها ناظر عمته

سند:عمه بعدها حيه ياعمه

العمه:الحمد لله

العنود:مي اريد مي

وقف سند وعاد بالمي وجلس جنبها واسند راسها لجل تشرب من المي والعنود ماتدري من هو الي يساعدها بشرب المي بعدها العنود نامت

وظل سند يناظرها لفتره بعدها استرخص من العمه لجل تبات عندها وراح لمجلسه وظل يهوجس ويفكر حاله حال كل ليله يفكر بعنود السيح

‏"يالي تدور مايزيد التياعي .. خليت قلبي يرتجف بين لاضلاع اصبح علي الصبح مانمت واعي "

دخل سند باليوم الثاني على العمه والعنود الي بعدها نايمه وحصل العمه واقفه

سند:على وين ياعمه

العمه:ودي اروح اقضي لي حاجات واجيب فطور واجي

راحت العمه وظل سند واقف يناظر العنود

بعدها بفتره فتحت العنود عيونها وكان سند متكي جنبها يناظرها لاكنها عاودت ونامت مرتن ثانيه ..وبعد نصف ساعه فتحت العنود عيونها وشافته على حاله يناظرها..وبعد ماتوكدت العنود من الي تشوفه قفزت جالسه

العنود:وش اتسوي هنيا؟

ناظرت بعدها بالمكان الي هي فيه

العنود:وشلون انا جيت اهنيا

اعتدل سند بجلسته وهو مازال ايناظرها اما العنود فجلست تناظر بالمكان وتحاول تذكر وش الي صار لها..بعدها مسكت رقبتها بايديها وهي تذكر الي صار

سند قام وهو مهب متقبل حركتها ذي الي ذكرته بالي صار البارح

لمت العنود ركبها لصدرها وظلت جالسه تفكر بالي صار لها

بديره الشيخ متعب

كانت هند بنت اخت الشيخ جالسه عند خالها بمجلسه بالصباح قبل لاتجيه الرجال ..دخل عليهم سعود الي طاحت عينه على هند

سعود:صبحك الله بالخير ياعمي

الشيخ:اقلط اقلط ياولدي مابه حد اهنيا غريب

وقفتهند لجل تروح لاكن الشيخ منعها:اقعدي يابنتي سعود مهوب غريب سعود مثل اولدي تربى على ايدي

ناظرت هند سعود:ايه ياخال ودي اروح لامي وكاد انها تبيني ذلحين

الشيخ:براحتج

هند:ارخصولي

راحت هند ونظرات سعود تتبعها

الشيخ:سعود

رجع سعود بنظره لعمه:ايه ياعمي وش بك

ضحك الشيخ:وش بك..وش بلا عيونك تفرفر ورا لبنيه

ضحك سعود:انا ياعمي عيوني تفرفر

الشيخ:اييه اجل من ياسعود

سعود:السموحه ياعمي وكاد ان عويناتي نست انهابنت اخت الشيخ

الشيخ:لا ياسعود المره ذي انا ودي اياك تشوف لجل تقولي وش رايكبالبنيه

سعود باندفاع:مزيونه ياعمي...اقصد يعني انت وش بخاطرك

الشيخ:ودي اياك تجوز ياسعود لجل نفرح بعيالك

ابتسم سعود لعمه وهو جايزه له الفكره

سعود :امهلني ياعمي افكر وانا ارد عليك

الشيخ:ايه ودي افرح بيك قريب

سعود:يصير خير ياعمي لزوما بالاول اخلص حاجة رفيجي سويري ونحصل اخوه وبعدها نسوي الي تريده

الشيخ: خبر خويك ان اليوم جاينا شيخ كبير عنده معرفه بالقبايل الي تسكن وراء الجبال السود..وكاد يعلمنا بالفرسان الي لقيتوهم بالودي

سعود:اجل ارخص لي لجل اروح واخبره

اخبر سعود سويره بالي عمه قاله له وفرحت سويره

سويره:اسمع ياسعود ..ودي اروح الف بظهر الفرس لجل اروح عن حالي من الجلسه بالبيت

سعود:وخيتك ياسويري

سويره:هي ذلحين نايمه

سعود:اجل امش انت وانا رايح اجيب فرسي

عند المكان الي دايما يجتمعو فيه سعود وحمود وربعهم وقفو سويري وسعود ونزل سعود وهو يصرخ

سعود:الحق ياحمود الحق

حمود:وش الي صار

ناظر حمودسويره واعتقد ان نجيله صاير بها شي (انهبل الرجال)

حمود:وش الي صايرياسويري

سويره:ماصارشي اسال خويك وش به

حمود:وش بك ياسعود

سعود:شفتها ياحمود شفتها

حمود:من هي؟

سعود:الي بت ليلي البارح اهوجس بيها اشلون ودي اشوفها

حمود:سود الله وجهك وش ذا الهرج انت ماتستحي

سعود:ههههههه لا وزيدك من الشعر بيت عمي الشيخ وده اياني اتزوجها

حمود:تتزوج بنت اخت الشيخ ؟

سعود:اييه قريب خويك يتركك انت والمهبل ذولا ويفتح بيت لحاله

ظل سعود وحمود يتحجون وماحس سعود بسويره الي سحبت حالها من الصدمه ورجعت لعند اختها

دخلت سويره عند نجلا ووجهها مابه لون نجيله حست ان سويره بيها شي

نجيله :سويره وش بج

سويره دخلت بفراشها وتغطت:مابي شي ارجاج ياخيه اتركيني لحالي..

كشفت نجلا اللحاف من على سويره وشافت دموعها بعيونها

نجلا:سويره ليه تبكي عرفتي شي عن العنود؟

هزت سويره راسها :اتركيني ارجاج تتركيني لحالي

نجلا:ودي اعرف وش بج

سويره:مابي شي مابي شي

واجهشت سويره بالبكا

نجله بدت دموعها تنزل:ياخيه ارجاج تقولي لي وش صاير

مسحت سويره دموعها وجلست وضمت نجله: مابه شي مير اني كارهه الحال الي حنا بيه

سعود من الخارج:سويري ياسويري

‏ هزت سويره راسها بقصد انها ماودها تطلع له

همست لها نجلا :اجل سعود هو السبب

سويره:اسكتي اسكتي

قامت سويره: وش تريد ياسعود

سعود:وش الي صار ياسويري ليه ترجع وماتخبرني

سويره:انشغل بالي باختي ورجعت

سعود بضيق:اطلع لي ياسويري ودي اتحجا معك

سويره:مرتن ثانيه ياسعود انا ذلحين ملتهي مع الهبيله

صرخت نجيله :ليه تقولي هبيله انامهب هبيله

سويره:اسكتي

نجيله:اييييه

سعود:براحتك ياسويري اعاود لك مرتن ثانيه

راح سعود وهومستغرب ليه سويره رجعت بدون ماتخبره وش الي ماعجبها بكلامه

‏"تكون البنت تهواك ياسعود لا لا وشلون وانا مافكر فيها شلون افكر بمره مرجلانيه ..انا واحدا احب الزين والبنت الدلوع ..البنيه ذي انهبلت وكاد لو كانت تفكر بي ..هي ماتعني لي شي انا الي اعرفه هو سويري وهو الي ساعدني ولزوما ارد له جميله واجمعه مع اخوه"

دخل سند على العنود وقامت العنود:انت وش تريد ليه جايبني هنيا

سند:اجل وين ودج اوديج..ألعمه وزعلها حجيج عليها البارحه بعد كل الي ساوته لج ..ودج اياني اوديج عند سويلم الراعي ولا اخليج تدوري بالقبيله وبعض النسوان حاقده عليج لجل انج طخيتي رجالها ولوما الله كتب لهم حياه ثانيه قدهن اهنيا ..والعالم الله وش راح يسون بيج

العنود:ماجبتها امها الي تقدر تلمس مني شعره مني

سند:ايه بذي صادقه ..تدري ليه لانج ملك للشيخ..ترى حلالي وحلال عمتي واحد

العنود:نجوم السما اقربلك مني ..العنود حره مهب ملك لاحد

سند:قريب ياعنود السيح قريب تعرفي من هي اقرب لي نجوم السماء ولا انتي

دخلت العمه وركضت لها العنود كلعاده تحتمي بيها لجل تبتعد من سند وتهديداته الي بدت تخاف منها

ظلت سويره طول فترت الظهيره وهي تفكر

بحالها وكيف ان معرفتها بسعود غيرت بشخصيتها كثير وكيف انها بذي السرعه تعلقت بيه وحبته وهي طول عمرها ماكانت من النوع الي يفكر يحب وسعود من حقه يتزوج الي وده اياها لانه بالاوله مايدري عنها وهي لزوما تتجاهل اللي تحسه ناحية سعود

بالعصير وقفت سويره ولبست لباسها وتحزمت بحزام سلاحها وطلعت القاروره الصغيره الي بيها البودره الي تحطها سويره لجل تظل بلون السمار

نجيله:تدري يا سويري انك لو تحط الي بوجهك هذا الا ان بيك زين يفتن البنات

سويره ماردت على نجيله

نجيله:وش بك ياسويري

سويره:عناد لزوما يعاود لاسعود ولا عشره

منه يقدرو يعوضوني عنه

نجيله :اييييييييييييه انت وشبك اليوم

سويره :بي حسره على اخوي لزوما ادور عليه..نجيله انا رايحن لبيت الشيخ ودي اشوف وش هي لعلوم

طلعت سويره من بيت الشعر وتوجهت لبيت الشيخ وكانت مشيتها كلها رجوله وثقه بالنفس.........خلاص ماعاد يهمها سعود هالحين ولزوما تنسا انها مره وترجع لشخص سويري الي حست ان سعود بدا يسلبها اياه والدليل انها بدت تميل لترك مجالس الرجال خوفا من شعورها يفضحهاعندهم

كان سعود متكي بجنب الشيخ ومن شافها اعتدل بجلسته وهو يناظرها وعنده احساس ان بيها شي ما تعود يشوفه بيها

سويري:السلام عليكم

الشيخ:وعليكم السلام تفظل ياولدي

سويره:يديم فظلك ياعمي

الشيخ:اقلط ياولدي

تقدمت سويره من المجلس واخذت لها مكان قريب من حمودوجلست من غير ماتناظر سعود باي نظره وكان هو يناظرها ووده يفهم وش الي يصير

الشيخ:هالحين ياولدي يوصل الرجال الي قلت لسعود عنه وباذن الله يعطيكم العلوم الي ترضيكم

هزت سويره راسها موافقه وانها بالانتظار بعدها اخذ حمود يتكلم معها وسعود يشوف ان الي يصير قدامه غلط بغلط

سعود قام واتقدم من سويره

سعود:اقول يا سويري اذا ودك تروح جنب خيتك توكل ولمن يجي الرجال اطرش من يقول لك

سويره من دون ما ترفع نظرها لسعود:ماودي ودي انتظره الحالي

وقف سعود يناظر سويره وهو مستغرب النغمه الجديده بعد

سعود:سويري

مكان ودها تناظره مير ان التردد انها توجه نظرها له ما غاب عن سعود

سعود:سويري

تلاقت نظراتهم

سويره:سم

سعود:قم ودي ياك

سويره:ما ودي اتحرك من اهنيا لين ما يجي الرجال

سعود:بعده الرجال مبطي ليما يجي

سويره:ودي انتظره

سعود:وخيتك

سويره:ماعليها شر قدها لاهيه تغني لحالها

ابتسم حمود وهو يتذكر الغنا الي كانت تغنيه وماكان يفهم منه شي

سعود :قم يا سويري

رد عليه حمود:انت وش بك يارجال اترك الرجال الحاله هو ابخص بنفسه

سعود:اسكت يا حمود انت تدري بحال اخته

سويره:انت من ويش خايف خايف انها تجي هنيا؟

سعود:وش هالهرج؟

الشيخ:سعود اترك الرجال الحاله

رجع سعود لمكانه وبه غيظ على سويره " سويره "مهب سويري

وجلس وهو يناظرهم من بعيد

بعد ما جا الرجال وخذو علومه وقال لهم ان المنطقه الي ورا الجبال السود مابها ناس بوصاف القوم الي قالو عنهم توكل الرجال وقامت سويره ولحقها حمود وذاك واقف يناظرهم

سويره:ودك تجي يا حمود تقلط عندي

حمود:وخيتك؟

سويره:ماعليها بمحرمها واتريد الصدق انا قلت لها ان شفت زولج قصيت ارقبتج والزمي فراشج عاد هي الخوف عندها عجيب تصدق السالفه على طول

حمود:ليه تسوي بيها هيج

سويره:مابه طريقه الاذي هبلت بي وانا لزوما ماظل جالس معها وقلبي محروق على اخوي

رفع حمود ايده وحطها على كتف سويره

حمود:لا تشيل هم وانا اخوك حنا كلنا معك ولزوما نحصله عمي الشيخ قال من باجر راح يطرش المطاريش بكل مكان لجل ايجيبو لعلوم

هزت سويره راسها موافقه على كلامه

كانت سويره وحمود قدام بيت الشيخ يتكلمو جاهم سعود

سعود:الوين رايح ياحمود

التفتت له سويره:وده يجي معي وان كان ودك تجي حياك

سعود:حمود ما ودك تجي معي حول المرعى

سويره : لا وده يجي معي

التفتت لحمود:مشينا ياحمود

سعود "ذي وش جاها لجل انها تعزم الرجال في بيتها "

اما سويره وحمود راحو لبيت سويره الي كان قريب من بيت الشيخ

جلس حمود واتكى على احدا التكيات وسويره طلعت تفتح طرف البيت من الخارج

نجيله ماكانت تدري بحمود فطلعت من ورا الحاجز وعيونها عند طرف البيت وما شافت حمود

نجيله :سويري

ناظرها حمود وحست نجيله ان في حد يناظرها فالتفتت له وجمدت مكانها

حمود:وشلونج يا نجيله

ناظرته وبسرعه رجعت واستخبت ورا الحاجز

وهي تحس برجفه من شوفت حمود

اما حمود ظل يناظر للمكان الي اختفت منه نجيله وبعدها حس بالنور يدخل لبيت الشعر لان سويره رفعت طرف البيت وخلت المكان مكشوف نط حمود

حمود:ليه ماقلت لي لجل اساعدك

سويره: ماعلي ....شغلته ماتريد جهد كثير اجلس ودي اشب النار لجل نساوي القهوه

حمود:ودي اساعدك

مر منهم سعد ومحيميد وسلمو وقربتهم سويره وكل ذا كان قدام عين سعود الي ابد ما جاز له وهو يدري انها مره فمشي ناحيتهم ورجله تظرب بالارض والغبار يتطاير معلنن لهم بالغضب الي جاي صرخ سعود

سعود:سويري

التفتت له سويره:وش عندك

امسك سعود بسويره من ايدها وجرها لطرف بعيد عنهم جرت سويره ايدها منه بقوه

سويره :وش بك اترك ايدي

سعود:وش الي انت قاعدتسويه ليه تفتح البيت للرجاجيل وبالبيت اختك

سويره:بكيفي افتحه ولا اسكره

ولما جت سويره تلتفت عنه امسكها سعود ودارها له

سعود:بعدني ماخلصت كلامي يا سويري

سويره بغيض:وش اتريد انت مني

سعود قرب من سويره وصار مقابل لها مع ارتفاع طوله عنها وحط اعيونه بعيونها

سعود:ودي تسكر المجلس ذا لانه ماهوب عاجبني

سويره:مير انا عاجبني يا سعود طقت نفسي من القعده مع الهبيله وان كان ماهب عاجبك توكل وين ما ودك تريد ولا اقول ليه ما تسير عند اخت الشيخ لجل تشوف المزيونه بنتها

الي ماتخيلته سويره ان سعود ضحك بصوت عالي التفتو له كلهم

مد سعود ايده ومسك خد سويره وقرصها به وهي تبعد ايده عن خدها بغيض

سعود:ايه وانت صادق ذي ما جت ابالي هالحين اسير صوبهم

تركها سعود وعاودلبيت الشيخ "اجل لو كنتي داريه اني داري بج انج مره وش كنتي سويتي"

انجيله بعد ماجاز لها الي تسويه سويره وكيف سمحت لهم يدخلو البيت كلمتها لما انفردت معها لاكن سويره طنشت كلام اختها

سويره:انسي يا خيه اني سويره انا هالحين بنظرهم رجال وما علي من شي ودي اسوي الي اريده

الشيخ سند كان جالس بحاله بمجلسه لاكنه حس بحركه ورا بيت الشعر ومكان عنده احد فقام واتوجه لطرف البيت من ورا وفجئه لما جا يدور من ورا البيت طلع له شخص ما عرف منهو لان الشخص رمى بوجه الشيخ سند بشي يشبه التراب حرق الشيخ بعيونه حاول سند انه يفتح اعيونه ويشوف من الي طبه لاكنه ما كان يقدر يشوف شي اخذ سند يحاول ويحاول لاكنه ما قدر بعدها اخذ يصرخ وينادي على سلطان والمقهوي ويتخبط بالمكان ماهب قادر يشوف شي

سند:سلطاااااااااااااااااااان

جاه المقهوي وجا من وراه سلطان وشافو ان الشيخ مهب ابحاله

سلطان :وش بك يا شيخ

سند:ماني قادر ماني قادر يا سلطان اشوف شي ...ليه ليه....ليه ماني قادر اشوف شي من هو الي سوا بي هيج امسك سلطان سند وقاده لداخل بيت الشيخ

سلطان:وش الي صار يا شيخ

سند: مدري ياسلطان سمعت صوت ورا البيت ورحت لجل اشوف ما صحيت الا بالي جاي بعيوني سلطان من الي له يد يساوي بي هيج لزومان تجيبوه لو من تحت الارض

سلطان والمقهوجي كانو يناظرون بعض

وشكوكهم راحت للعنود

سلطان:تهقا يا شيخ انهااااا

سكت سلطان وهو رافض الفكره

اما سند فكان الغيض متملكنه وصدره يرتفع وينزل وهو ما يشوف غير السواد

العنود كانت الحالها ببيت العمه رايحه وجايه تفكر لمان دخل عليها سند وسلطان

سلطان:يا عمه

العنود:العمه مهب اهنيه

وبخطوه ناحية الصوت خطى سند وامسك العنود بايديه وضغط عليها بكل قوته

سند:انت وش امفكره حالج لجل اتحطي راسك براسي بعدج ماتبتي من كل الي صار لج

العنود وعينها على العمه الي دخلت ومعها منيره:اتركني تراك توجعني

سند: انت ما

ما قدر سند يكمل حجيه ومسك راسه الي كان يالمه كثير

العمه:سند ياولدي وش الي صاير

من كثر ما كان سند موجوع جلس بالارض وهو ماسك براسه

سند:ااااه راسي راسي يوجعني

سلطان رفع نظره للعنود ورجع يناظر سند

سلطان جلس قريب من سند

سلطان:وش صاير لك وش الوجع ذا

سند:مدري يا سلطان راسي احس به وجع معاد بي طاقه استحمله

العمه:بسم الله عليك ياولدي وش الي صاير لك وش الي صاير ياسلطان رفع سلطان نظره للعنود:مدري من يا عمه نثر بعيون الشيخ شي مثل الرمل معاد الشيخ بعدها يشوف

العمه:وش اتقول من الي سوا به هيج؟

سلطان:مندري يا عمه الشيخ كان الحاله

العمه:بسم الله عليك ياولدي بسم الله عليك ياولدي

سند:الوجع ايزيد يا سلطان ارجاك اربط راسي بشي

ربط سلطان راس سند بعصابه وهب واقف

سلطان:لزوما اروح اجيب الطبيب

العمه:عجل ياولدي

العنود كانت تراقب الي يصير قدامها وهي منزويه بطرف الخيمه بعد ماعرفت ليه الشيخ كان غاضب عليهااما منيره فكانت جالسه قريب من الشيخ وهي تناظر العنود بغيض

منيره:انتي الي سويتي به هيج لزوما تنقتلي

نظرت العنود لمنيره بنظره ارعبتها

منيره:لدي يا عمه وشلون تناظرني

العمه:اسكتي يا منيره الشيخ موجوع

احضنت العمه راس سند واخذت تضغط عليه بسم الله عليك ياولدي وش البلا الي جانا ذا

رفعت العمه عينها للعنود وهزت لها العنود راسها بلااا بعدها مشت العنود وراحت ورا الحاجز.... 

في خيمة العمه احضر سلطان الطبيب الي شاف عيون سند

وحط له علاج فيها وربطه بعصامه على عيونه مدت اسبوع وبعدها يكشف عليه مرتن ثانيه لجل ايشوف نتيجة الدوا

العمه اصرت ان سند ايظل عندها اليوم لجل اتشوف وش ايريد ويحتاج

طلعت العنود الخارج البيت وشافت حراس بكل مكان ما قد شافتهم من قبل وجاها صوت من وراها

سلطان:بغيتي شي؟

التفتت له العنود :وش الي صاير ليه كل الحراسه ذي

سلطان:لزوم الامن ولا انتي نسيتي وش صار للشيخ

العنود باستهزاء:وليه ما حطيتو من قبل الحراسه ذي

سلطان:الشيخ ما كان ايريد

العنود:وهالحين

سلطان:لزومان ناخذ حيطتنا

العنود:انت خايف اني انهزم تعتقد اني انا الي ساويت هيج؟

ضحك سلطان:لا انتي مابه خوف منج واذا انهزمتي الشيخ قادر يجيبج بعد ما عرفنا وين ناويه تروحي

العنود:ما يقدر يوصل لي

سلطان:يطولي بعمرج ماودي اقولج اكثر من هيج وانا متوكد انه قادر يوصل لج

العنود:ليه تقولي يطولي بعمرج؟

سلطان:ان راد الله بيوم من الايام اقولج

العنود:انت وش الالغاز الي قاعد تهرج بيها

ابتسم سلطان:قلتلج ما ودي اقول شي والشيخ مهب حاضر

نظرت العنود لسلطان شوي وبعدها راحت لداخل البيت نظرت لسند الي العمه ملزماه وبعدها راحت ورا الحاجز

مشى سعود بعد ما غاب عنهم فتره لبيت سويره وقالهم ان الشيخ وده اياهم وبعد ما قامو وطلعو من البيت مسك سعود بطرف البيت المرفوع واخذ ايرجعه مكانه اقتربت منه سويره

سويره:انت وش اتسوي

سعود :ودي اساعدك بتسكير البيت

سويره:ليه شفتني ودي اسكره

ابتسم سعود:وش بك يا سويري ما ودك اياني اساعدك

سويره:لاكن انا ماقلت انه ودي اسكره

سعود بعد ما انتها من تسكير كل فتحه بالبيت امسك سويره من يدها وجرها لداخل البيت كان توه وده يقول بكل الي يعرفه لاكنه حط ايده على فمه........ما وده يقول شي لحد ما يلقو عناد ومن بعدها يصير الي يصير هو ما يعرف وش راح تكون ردة فعلها لجل هيج فكر انه يسكت

غضبت سويره من حركته

سويره:انت وش بك

سعود:مابي شي مير ما ودي اياك تفتح البيت هذا مرتن ثانيه وان فتحته ما تلوم الا نفسك

قالها بغضب وبعدها راح وتركها

نجيله:وش الي يصير يا سويري

التفتت سويره ناحية انجيله:مدري عنه ماني فاهمه هو وش به

نجيله:الي يقوله صحيح لزوما ما تفتحي البيت

سويره:ودي افهم هو ليه يسوي هيج وليه يهددني واش الي يقدر يسويه ويخليني الوم نفسي عليه

نجيله:سويره ليه احسبج فقدتي عقلج ليه العناد هذا لو كنتي العنود ما ستغربت تصرفاتج لاكن انتي يا سويره سويره الي تحكم عقلها قبل كل شي

سويره:اني اعرف وش اسوي والحين ارخصي لي ودي اروح لبيت الشيخ

نجيله:سويره وش الي جاج اتركي عنج مجالس الرجال وانتي الحين معذوره لجل تقعدي عندي

سويره:لا ودي اعرف سعود وش به؟

طلعت سويره واتوجهت لبيت الشيخ

ما زال الغضب بسعود وزاد لما شافها جت وجلست قريب منه

ترخص عنهم بعدها الشيخ وراح الشق عند زوجته واخته

محيميد:اقول يا سويري انت ما تشوف ان شعرك طويل بزياده لحد اكتوفك

سعود وسويره كانت لهم نفس الصدمه

سويره:ليه وش به..ال ..الشعر ال طويل

حس سعود انها توهقت فاعتدل بجلسته

سعود:وش بك يا محيميد انت ما تدري ان خوينا قناص غزلان

ضحك سعد ومحيميد وسويره ما فهمت هو وش يقصد

سعد:ايييه وكاد انك شفت منه شي

سعود:ايه الديره الي جيناها وانحشنا منها الغزلان يومها انهبلن على سويري ونطن علينا بالخيمه جايبات العشا والضيفه

محيميد:اييه وكاد ترا خوينا به زين ايطير العقل

بعد الحجي ذا ما ستحمل سعود ايجاريهم اكثر فقام

سعود:قم يا سويري ودي اياك

سويره قامت معه وهي تحس انها مكشوفه قدامهم وقريب من بيت الشعر وقف سعود وجنبه سويره

سعود:ما ودك تروح جنب اختك

كانت سويره تناظر التحت وبدون ما تلفظ بحرف مشت وتركت سعود

سند:يا عمه

العمه:ياعونك يا ولدي

سند:اريد سلطان

العنود:خليج ياعمه اروح انا وانده عليه

سمع صوتها ومكان متخيل انها كانت قريبه منه بعد اشوي دخل سلطان ومن وراه العنود

سلطان:عونك يا شيخ

سند:مابه اعلوم يا سلطان

سلطان:علوم الخير يا شيخ الرعيان يقولو انهم شافو رجال هاج من القبيله عى حصان

سند:ايييه

سلطان:بعثنا وراه من ايجيب اعلومه وايجيبه باذن الله

نظر بعدها سلطان للعنود الي ربعت ايديها لصدرها وهي تنظر لهم بطرف عينها يعني هي بريه

سند:ودي اروح البيتي

العمه:لا ياولدي لزوم تظل اهنيا لجل ترتاح

سند:ودي بمجلسي يا عمه

سلطان:لزوم ترتاح يا شيخ وترا كل اهل القبيله ودهم يشوفوك ويتطمنو عليك هالحين ان رحت جوك كلهم وانت لزوم تريح

سند:ذي ماهب حاله لزوما اطلع عينه من راسه الي سوا بي هيج

العنود:اييه لزومان بالوله تعرف مكان اعيونه وين

وقف سند وقرب من مكان صوتها وكانه يشوفها قدامه

سند:تشمتي بي يا

رفع ايده لاكن سلطان مسكها

سلطان:يا شيخ استهدا بالله.....وانتي انقلعي من اهنيا

العنود:اتخسا مهب ابكيفك تقولي انقلع

التفت سند للجهه الثانيه وهو يرص باسنانه

سند:خذني البيتي يا سلطان

سلطان:يا شيخ.........اا

سند بصوت عالي:قلت خذني البيتي

العمه:العنود يا بنيتي انتي تشوفي الشيخ بحاله لجل تغضبيه ...يا ولدي ان رحت البيتك جيت معك ولبنيه ذي المن اتركها اهنيا

هديت نفس سند اشوي وقال:معلي شر يا عمه سلطان يظل معي

العمه:ودي اياك تظل معي اليوم بس يا ولدي خلك اهنيا

هز سند راسه موافق على كلام العمه بعدها مد يده وساعده سلطان يقعد مكانه اما العنود فبعد كلام العمه راحت خلف الحاجز وظلت هناك

كانت اسويره سارحه بخيالها لمن اجت نجيله وجلست جنبها

نجيله:وش بج

سويره:تهقين سعود دري بي

نجيله :ليه تقولي هيج

سويره:مدري كل الي يساويه يقول هيج

نجيله :ما هقوتي يا خيه وكاد ان درا قال

سويره:مدري......... وش سبب انه ما وده اياني افتح البيت ولا وده اياني اجلس بالمجلس

نجيله:هو قال ليه؟

سويره:يقول لجل ما اخليج الحالج ليه هو وش يدري عنج

بعدها قامت سويره:اقول يا نجيله ودي بمقص لجل اقصر شعري شوي

نجيله:ماجبت ...سويري سلاح ابوي بالمغاره خوفي ليجي المكان قطاع طرق وينبشو المكان وياخذوه

سويره:لزوما نروح وانجيبه

ببيت العمه قربت العمه الطعام لسند

العمه:ياولدي اقعد ودي ااكلك

سند:ماودي ياعمه

العمه :لزوم تاكل

واخذت العمه تلف الحم بالخبز

العمه:مد يدك يا ولدي

مد سند ايده واخذ اللقمه من ايدها

طلعت العنود وشافتهم وقربت منهم وجلست معهم ومدت ايدها للطعام

العنود:جيعانه يا عمه

واخذت تاكل

سند:انتي وش اتساوي

العنود:مهب لازم تدري وش اسوي

فهم سند قصدها انه مدام انه ما يشوف معليها تاكل جنبه

سند:الحرمه ما تاكل مع الرجال

بلعت العنود لقمتها واعتدلت بجلستها

وقالت بصوتها المبحوح مقلده صوت عناد:ما عليك يا شيخ ما به حريم اهنيا

صمت سند وهو يكبت غيضه

العنود:وش بك يا شيخ ما عرفت من انا ؟انا عناد فارس الفرسان الي هزمت كل ارجالك الي موقفهم بالخارج

نط سند لجل يمسكها لاكنها نطت قبله وضحكت واهي تقول العنود:وش بك يا شيخ انت نسيت انك ما تشوف لزومان ترتاح لجل تشفى

العمه:العنوووود اكفينا بلاج يا بنيه واتركي الشيخ الحاله

سند:والله ان جت يدي عليها اني ما تركها الا لمن اطلع روحها

اشارت العمه براسها للعنود لجل اتروح وتتركهم فسمعت الكلام وراحت ورا الحاجز بعده رجعت وقالت:قوليله اني رحت

العمه:العنوود

ضحكت العنود واختفت ورا الحاجز اما سند فرجع وقعد مكانه ولولا انه ما سمع ضحكتها كان صارت اعلوم لاكن نفسه هديت مع صوت الضحكه وهو داري انها شمتانه بيه

10

باليوم الثاني كان سعود يركض ناحية الفرس الي صعدت عليها سويره وانجيله ومسك الجامها

سعود:على وين يا سويري؟

سويره:ودي اروح للمغاره الي كنا فيها لجل اجيب سلاح ابوي خوفن يجي المكان قطاع طرق وينبشو المكان

سعود:وليه ما قلت لي

سويره:جيت لمجلس الشيخ وترخصت منه وما لقيتك

اسعود:اجل انتظرني يا سويري ودي اجي معك وخيتك ليه ما تتركها عند خيتي

سويري:هيه تدري عناد وين حط السلاح

سعود:انتظرني يا سويري اجيب افرسي واجي

سويره:ننتظرك عند الغدير

سعود:تيسرو وانا لاحق بيكو

انطلقت سويره ومعها انجيله وراح سعود عند عمه الشيخ واسترخص منه ولحق سويره وبطريقه لقي حمود وقاله بوجهتهم فعزم حمود انه يروح معهم

قطعو مسافه طويله راجعين للمكان الي كانت سويره وانجيله عايشات بيه وبنص الطريق وقفو عند غدير لجل يسقو الخيل نزلت سويره واتركت نجيله فوق الفرس حمود وسعود بعد كل واحد نزل لجل يسقي فرسه بعد ما شربت فرس سويري مشت الفرس مسافه صغيره عنهم ووقفت سويره مع سعود وحمود يتفقو على طريق يقصر المسافه عليهم وما صحيو الا بطيحه قويه على الارض كانت طيحة انجيله من على ظهر الفرس طيرت الغبار بكل مكان ركضت سويره لها ومعاها حمود قربت سويره من نجيله وضربتها على راسها

سويره :هبيله ..انا وش قلت لك ما قلت لك لا تتحركي من على ظهر الفرس

حطت انجيله ايديها تداري بهن وجهها لجل سويري ما يضربها

نجيله :هي الي وقعتني

سويره كانت معتاده على حركت انجيله ذي الي كانت تسويها دايمن لمن كانت تستهبل على عناد

سويره رفعت ايدها لجل تضرب نجيله لاكن حمود صرخ عليها

سويره:هبيله

حمود:اترك البنت يا سويري وش الي جاك

اما سعود فكان ضحكته ماليه الدنيا وهو يضحك على الي صار لنجيله ويتخيل الغبار الي تطاير بكل مكان من الطيحه

تركتهم سويره وراحت جنب الغدير ولحقها سعود وهو ما يزال يضحك بصوت عالى

اما نجيله فرسمت على وجهها ابتسامه مقلوبه وهي تحاول انها تكبت بكاها...همس لها حمود:نجيله

ناظرته وهي تريد تبكي

حمود:يوجعج شي يا نجيله

هزت له راسها بايه

حمود:وش الي يوجعج؟

نجيله :ارجيلاتي

نظر حمود لسويره وسعود

حمود:كان ودي والله اهمز ارجيلاتج لاكن الخوف من اخوج ما يرضى

حست انجيله بدقات اقليبها تزيد وقف حمود ومد ايده لها لجل توقف وبعد ما ساعدها ايده ما رضيت تترك ايدها لفت انجيله بنظراتها بكل مكان وسحبت ايديها بسرعه وهي تركض لمكان كان فيه سرب نمل كبير جلست جنبه وجا حمود وقرب منها وجثى جنبها كانت حاطه طرف شالها والنمل تركب فيه

حمود:وش اتسوي يا نجيله؟

نجيله:ودي اكتها في ملابسه

حمود:من هو؟

نجيله:ذاك الي ضحك علي

ابتسم حمود:ودك اياني امسكه لك؟

هزت انجيله راسها بايه

وقف حمود:خليك جاهزه اول ما امسكه تعالي

راح حمود لسعود الي كان يرفع ضغط سويره بضحكه وتعليقاته وما صحي الا بحمود ماسك فيه ومجلسنه وفاتح قميصه من فوق عند ارقبته من ورا

حمود:اعجلي يا نجيله

ركضت انجيله ناحيته وكتت النمل فيه ضحكو حمود وانجيله بصوت عالي واستوعب سعود الي يصير له واخذ يحاول يبعد عنه النمل وهو يصارخ

سعود:عزالله انك انهبلت يا سعود

مسك حمود ايد نجيله وجرها معه هاربين عن سعود لمكان بعيد ورا الجبال القريبه منهم اما سويره ركضت لسعود وهي تشوفه يصارخ ويتوعد حمود والمهبوله خلع سعود قميصه ورماه لبعيد وهو يناظر حمود وانجيله وهم يهربو

سعود:انهبل الرجال

وقفت سويره تناظره بعدها انحرجت منه بعد ما خلع ملابسه وصدت عنه للجهه الثانيه وانفجرت بالضحك

لفها سعود ناحيته:تضحك يا سويري

انحرجت سويره مره ثانيه منه وصدت بوجهها لجنب وفهم سعود انها منحرجه

سعود:شفت اختك وش سوت بي ؟

7

سويره:بعدك ما شفت شي 

بعد ما هرب حمود ونجيله ظل سعود وسويره الي كانت تصد بنظرها عن سعود لاكن سعود نذالته رجعت له وقرب من سويره

سعود:شف يا سويري نمل اختك وش سوا بي

لاكن سويره التفتت عنه فعاود سعود ومسكها ولفها مرتن ثانيه ناحيته فنزلت سويره نظرها لتحت

سويره:وش بك ؟اتركني

سعود:ليه ما ودك تناظر قريص النمل بصدري؟

سويره:اتركني يا سعود

جرها سعود اكثر لصدره

سعود:ما ودك اتشوف ليه؟

غمضت سويره عيونها واخذ نفسها يزيد تركها سعود بسرعه

سعود:اعوذ بالله منك يا بليس

كانت سويره ترتجف اما سعود ركض لفرسه وركب عليها

سعود:سويري انا ودي اروح اشوف الهبلان ذولا وين راحو...عجل يا خوك والحقني

انطلق سعود الي كان حاله من حال سويره يحس بقلبه يرجف كل ما حاول يتنيذل معها مع ان قصده بس يحرجها بدون ما تشعر انه كاشفها

سويره"وش الي يصير...؟ ليه سعود يسوي بي هيج ؟وانا هقوتي اني فاضحه حالي...هالحال معاد اقدر اصبر عليه لاكن وش السواه لزوما اعرف شي عن العنود لزوما نلقاها" ء

مشت سويره لعند ملابس سعود الي تركها واخذتها وابعدت عنها بقايا النمل بعدها راحت لفرسها

اما نجيله وحمود استخبو ورا الصخره الكبيره وكانت نجيله تناظر تشوف اذا احد لحقهم اما حمود فظل يناظرها وهي قريبه منه ونفسها سريع من الركيض

حمود:تدري يا نجيله ان حالي شقا

نجيله ماردت عليه وظلت تناظر الطريق

مد حمود ايده ومسك ايدها وحطها على قلبه

حمود:تدري وش حال هذا الي هنيا؟

ظلت نجيله تناظر الطريق وهي سانده ظهرها على الصخره وحمود قبالها وهي ملتفته للطريق

حمود:تدري انه يوم ايحس انك قريبه منه وده يطلع من مكانه

نظرت نجيله لحمود وايدها ترجف تحت ايده

حمود:وش اسوي بحالي وحاله

نجيله:ح حم حمود..ح حمود تدري ان النمل الي رميناه عليه يقرص... هالحين وكاد انه جاي وجايب معه عقارب لجل يرميها علينا

ابتسم حمود بلاحول ولا قوه منه وش ايسوي هي هبيله وذا واقع ولزوما ما ينجر ورا عشقه لها ....نزل حمود ايدها واخذ نفس طويل

حمود:هذي فرسي جت الحالها خلينا نمشي قبل لا يلحقنا سعود

ركب حمود فرسه ومد ايده لنجيلا:هاتي ايدج

نجيله:وو ودي امشي.... هالحين يجي سويري واروح معه وركضت عنه نجيله وكانت وهي تركض تقافز مهبوله

لحقها حمود:هاتي ايدج يا نجيله ليه ما ودج تجي معي

لاكنها صرخت اول ما شافت سعود جاي على فرسه

نجيله:جا جا جا ودي اتخبا ودي اتخبا وين اروح

حمود:اعطيني ايدج

وصل سعود عندهم وركضت نجيله بعيد عنهم اول ما شافته نزل بارودته وصوبها عليهم نجيله بالاصل عندها عقده من البواريد وتخاف اي احد يصوبها عليها حتى لو كان يمزح فاخذت تركض بعيد عنهم وسعود يتوعدها وهو يركض وراها لحقهم حمود وسبق انجيله ونزل وركض ناحيتها وهي ركضت له وارتمت عليه وهي ترجف من الخوف

نجيله :الباروده الباروده خله يبعد الباروده

صرخ حمود بسعود:بعد الباروده يا سعود البنيه ميته من الخوف

سعود:خلها تخاف لجل تحرم مرتن ثانيه تعيد الي سوته وانت حسابك يجي بعدين

حمود:بعدها ياسعود ارجاك

نزل سعود الباروده

حمود:انقلع انقلع ياسعود من اهنيا

ضحك سعود واستغرب من تعصيبة حمود

حمود :انقلع يا سعود ورح البس ملابسك

سعود:تريح هالحين اروح

بعدها راح عنه

بعد حمود نجيله عنه وناظر بوجهها:لا تخافي راح

نجيله:وكاد؟

حمود:وكاد وناظري الحالك

نجيله:لزوما اطخه انا الحالي

خاف حمود من تهديدها واعتقد انها راح تسوي الي قالته

حمود:وش اتقولي يا نجيله الي يطخ ويقتل احد لزوما ينقتل بعدين... وانتي ما ودج احد يقتلج

نجيله:وليه هو يلحقني بالباروده مهب لجل يطخني

حمود:ايييه هو يمزح معك

نجيله:اطخه واقول امزح معه

حمود:هههههه لزوم اسعود اليوم يشوفله دار وينحاش منك وش رايك بدال ما تطخيه نسوي به شين ثاني

تحمست نجيله:ايه وش انسوي

حمود:وش انسوي وش انسوي

نجيله:ايه نوكله جرابيع

حمود:جرابيع!!!!!!!ومن الي ودك يصيدهن؟

نجيله:انت

حمود:ارجاج يا نجيله لا تجيبي طاري الجرابيع مرتن ثانيه....نفسي قلبت علي

نجيله:هههههههه جرابيع جرابيع

وركضت وهي تقافز واتقول جرابيع جرابيع

وقف حمود يناظرها ونفسه تقلب عليه

حمود:وش السوااااه اشهد اني وهقت حالي

.................................................. ..............

كان سند متكي في بيت العمه والعمه راحت عند حرمه كانت تريدها

دخلت منيره وشافته جالس وبعدها صرخت وركضت ناحيته وارتمت بحضنه

منيره:نفسي فداك نفسي فداك يا شيخ

اعتدل سند ومسكها وبعدها اشوي

سند:وش بج يا حرمه؟

منيره:ودها تقتلك يا شيخ ودها تقتلك

سند:انتي وش اتقولي وش السالفه؟

منيره:العنود يا شيخ ....انتي وش اتريدي من الشيخ ودك تقتليه...ليه ما تردي تريدي تبيني اني اكذب ..يا شيخ تراها ماسكه الباروده تريد تقتلك وتهرب بعد ماشافت ان الرجال راحو مع سلطان يتدربو

التفت سند لجهه تخيل ان العنود واقفه فيها

سند بصوت عالي:العنود وش الي انتي ناويه عليه

قفزت العنود من افراشها وهي تسمع الشيخ يصرخ عليها ودارت من ورا الحاجز

العنود:وش الي يصير؟

منيره:وش الي يصير مسويه حالج متدري بشي وانا هالحين شايفتنك تريدي تقتلي الشيخ

العنود كانت لابسه ثوب حرير للنوم بدون اكمام وشعرها منشول حوليها وكان وجهها مليان نوم وفاتحه نصف اعيونها ماهب مستوعبه وش الي يصير

وقف سند ومسكت فيه منيره:ودك تقتليني؟

نظرت له العنود وبصوت هادي :ايه ودي اقتلك مير مهب هالحين

بعدها التفتت لمنيره :وانتي وش الهرج الي تقوليه امفكره اني لو وصلتج الشيخ بيقدر يحميك

امسكت منيره اكثر بسند

منيره:شفها يا شيخ ودها تقتلني؟

العنود:والله انمسكتج اني اقطعج قطع اصغار واخلي الشيخ يدوسج برجليه وهو ما يدري

منيره من الخوف ركضت للخارج والعنود تتوعدها لاكن سند قدر يمسكها لجل يمنعها عن منيره لاكنه تفاجئ بالي لمسته ايديه

العنود:اتركني

سند مع ابتسامه:لجل اني ما شوف طالعه قدامي بملابس النوم

العنود:اتركني

كان ماسكها بايديه الثنتين ورفع وحده وتحسس شعرها المنشول ورجع مسكها مرتن ثانيه

سند"ليت النظر يعودلي بس لو ثواني"ء

سند:اجل كنتي نايمه؟

العنود:لا كنت اريد اقتلك

سند:وانتي هيج وشلون كان ودج تهربي؟

حاولت العنود تخلص حالها منه لاكنه كان ماسكها بقو

العنود:اتركني ولا تراني

سند:ولا تراكي ويش؟

العنود:انت وش اتريد مني ؟اتركني

سند بعد ما قربها اكثر ولمها لصدره همس الها:ودي اقولك انك اقرب لي من نجوم السما ولوما المكان والحال الي حنا فيه كان ورجيتك انك قريبه اكثر

سحبت العنود نفسها منه بالقو

العنود:انت وش ات اتر...ء

لاكنها ماقدرت تكمل حجيها وركضت لورا الحاجز

ابتسم سند ورجع جلس بمكانه اليوم بطوله سند ما سمع للعنود صوت حتى لما رجعت العمه ...كان يسمعها تحاجيها من ورا الحاجز

............................................

سعود راح لعند سويره ورفعت له ملابسه من بعيد لجل يجي وياخذهن وانطلق وراها بفرسه ليمن وقفت له

نزل واخذهن

سعود:متوكد ان مابهن نمل

سويري:شف الحالك

بعدها تركته وانطلقت للطريق الي راحو منه حمود وانجيله

انجيله واهي تركض صرخت وجاها حمود يركض بعد ما شافها جالسه على الارض

حمود:وش فيج يا نجيله

نجيله:رجلي رجلي رجلي الشوكه دخلت فيها

حمود:وش؟ وزرابيج وين

نجيله:مدري وقعن مني الحالهن

حمود:الحالهن؟!!ء

نجيله:ايه الحالهن

مد حمود ايده لرجلها لاكنها سحبتها بسرعه تحت ثوبها رفع حمود نظره لها:ليه ماودج اشوف رجلج

هزت نجيله راسها بشويش

حمود:ما ودج المسج؟

احمر وجه نجيله واحمود ابتسم"تفهم وتحس بالي يصير"ء

حمود:يالييييييييييييييييييل الشقا يحمود ليتك تشوفي قليبي وش كثر هو شقيان

نجيله:و ودي تجيب لي ززرابي

حمود وهو ذايب بعيونها:ايييه

صرخت انجيله بعد ما لمحت الجربوعي يركض من ورا حمود وقفز من صرختها وقفزت هي تركض وراه

نجيله:الحق يا حمود الحق الجربوعي

خلته وراحت تركض وراه وظل حمود يناظرها وهو يحس بوجع بصدره وجاه صوتها من بعيد

نجيله:حموووووود صدته ياحمود جيب الحبل وتعال اربطه

حمود:لاحول ولا قوة الابالله ..شقا شقا شقا والله ان حالي شقا.....وش اسوي بهلحال ...بحياتي ما فكرت اني اعشق ويومن اني عشقت عشقت لي مهبوله.....عزالله اني تبعت دربك يا عمير ومهب دربا سمح ..وصدق من قال من عيب ابتلى

نجيله:حموووود عجل يا حمود

حمود ما قام وظل جالس يفكر بحاله ليمن جت انجيله ووقفت قريب منه

نجيله:وش بك يا حمود ليه ماجيت تساعدني لجل نمسك الجربوعي

رفع حمودنظره ليها"لزوما الاقي طريقه وبعدج من فكري مادري اتركهم وعاود للديره..بس هذا بيزيد النار نار وش اسوي"ء

جلست نجيله قريبه منه ومدت رجلها تشوف مكان الشوك وبعدها جلست تبكي

انتبه حمود ليها:وش بج يا نجيله؟

نجيله:آ آ آ آ آ آ آ آ آ الجربوعي مات كله منك قلت لك تعال اربطه وما جيت وانا فقسته بثوبي ومات آ آ آ آ آ آ آ آ آ

نظر حمود لطرف ثوبها وشاف الدم هو كان دم رجلها من الشوك لاكن حمود فكره دم الجربوعي

حمود:فقستيه؟!!!!!ء

قام بسرعه وركض لجنب ورجع

وصلت سويره عندهم وناظرت في حمود الي يرجع

سويره :عسى ما شر وش بيكم؟

نجيله كانت ملتهيه برجلها والشوك الي بيها وما ردت عليها وجاهم سعود ووقف جنب سويره

سعود:وش الي صاير؟

حمود:المهبوله فقست الجربوعي بثوبها وحط ايده بسرعه على فمه

صرخت انجيله عليه:اني مهب امهبوله انت المهبول ودك اقول لهم وش كنت اتقول لي قبل اشوي

التفت لها حمود منصدم وخايف انها تفضحه عزالله انها مهبوله صدق

قام بسرعه وقرب منها :وش كنت اقول هاه وش كنت اقول

ازحفت انجيله لورا شوي وهي خايفه منه ومن هجومه عليها

نجيله:ايييه كنت ت تق ول

حمو:كنت اقول انك مهبوله والي يجري وراج مهبول

اشارت انجيله وهي لامه نفسها مبتعده عن حمود لسعود باصبعها:هو الي كان يجري وراي

قصدها ان سعود هو المهبول لانه كان يجري وراهامن قبل

قرب سعودمنهم:حمود وش بك عليها تراها مهبوله

حمود:ايه مهبوله مير ما تبلى علي وتحجيني حجي اني ما قلته

سعود:هي وش قالت هالحين

حمود:وش دراني عنها؟

سعود:حمودوكاد ان نفسك غاثه عليك رح تريح واتركها عنك

قربت سويره من انجيله وعيون حمود عليهن خايف ان المهبوله تفضحه

سويره:انتي وش بج على الرجال؟التقت نظرات انجيله بحمودوقالت بصوت عالي :ياليييييييل الشقا ياحمود

رجع الها حمود وهو مفول عليها

حمود:ايه ياليل الشقا ياحمود وكاد انه شقا وانا الحق لي وحدتن امهبوله تراكض ور الجرابيع

سعود:حمود وش بك؟اتركها يارجال

عصبت انجيله:ودك اقول ان

سويره حطت ايديها على فم انجيله

سويره :انكتمي انكتمي وش هالفضايح يا خيه ..اسمح لي يا حمود تراها مهبوله وكل الي تقوله هبل

انحرج حمود من سويري

حمود:ماعلي منها مير اني نفسي قلبت علي اشوي

تركهم بعدها حمود وراح لفرسه وبعد ما راح قرب سعود منها

سعود:وش كان ايقول لج؟

نذذذذذذذذاله..ء