نزل اللي بيده على سريره..

ورجع يسكر باب غرفته بهدوء..

جلس متربع..

وشالها بين يدينه ..حضنها بخفة وباسها على خدها..

عبدالله بهمس\هشش لا تسمعك أمي وتجي تتوطاني..

ابيك في كلمة راس ولا أبيها تسمعنا..

أسمعي وانا أخوك وإفهمي كلامي..

صح عمرك شهرين بس ماشاء الله شكلك فطينة وتفهمين بسرعة..

انا الكبير وكلمتي هي اللي تمشي في البيت..

يعني اذا تبين تروحين لصديقتك باحش أرجولك قبل تطلبين تروحين..

واذا سولت لك نفسك تطلعين السوق من دوني نتفت هالشعرتين اللي في راسك..

وان دريت يا بنت أبوك إنك تشوفين أفلام هندية لأفقع عيونك هذي اللي مسكرتهم طول الوقت..

ودراسة برا الرياض مافيه..وتخصص طب مافيه..

حدك تشتغلين مدرسة وبس..

فز مرعوب لما فتح أبوه الباب بسرعة..

علي يتنهد\تعالي يا المرجوجة..هذي بنتك مع ولدك..

عبيد كيف تاخذ اختك من فراشها ولا تقول لأمك..؟؟

عبدالله\لا حول ولا قوة الا بالله..يوبه الحين ليه تعلمها..

بتجي وتصكني بكل ماقدامها..

صايرة عصبية زوجتك هالأيام وش بلاها..؟؟

عبدالله يضربه على راسه\لا تقول وش بلاها قل وش فيها وجع امك..

عبدالله يعض لسانه\يالهووي ما انتبهت..

علي\ههههههههه الله يصلحك..

عبدالله يفتن\يوبه وش تقصد بالحركة هذي إنت وأمي..؟؟

علي بتعجب\أي حركة؟؟

عبدالله بنص عين\يعننك مو فاهم هاهـ؟؟

أقصد ماجات البنت الجديدة الا في البيت الجديد..

يعني تبون تسببون الفتنة بين الاخ وأخته..؟؟

علي بصدمة\نسبب فتنة..؟؟!

عبدالله\انا فاهم حركاتكم يالمراهقين..

تحسبون اني باغار من نتفتكم واترك البيت ..

بس ماباترك البيت الا وهدوولة معي..وصلك العلم..

علي بقهر\إخرس يا بني ضربتك أمك..

هات قلب أبوها لبى الزين يا عسولة..

عبدالله\لا دوري..لما خلص دوري خذ دورك..

كل ماشفتها معي أخذتها..

علي خذاها منه\هات بنتي لا أشوتك..

بنتي مااحد له شغل فيها..قال دوري قال دورك..

مناك أقول ...

عبدالله\ترى كنت اعطيها دروس في القبيلة والأمور الطيبة..

علي مفجوع\عبيييد هذي بنت..نواعم..دلووعة..بنية..رقي قة..

تكفى يا أبوك لا تقلب تفكيرها وتصير نسختك..

بسم الله على بنتي من خشتك..

عبدالله بسخرية\الحين هذي اللي وجها كبر أصغر صبع في يدي..

كل هذا التغزل فيها..سقا الله يوم ما الدلع الا لحنان ..

علي يضحك\هههههههههههههه لا حنان نبع الدلع..

هذي هديل أبوها نتفة الدلع..

دخلت حنان الغرفة وهي عاقدة حواجبها..

وتوها بتبدا تهاوش عبدالله سبقها بالكلام..

عبدالله\هلا وغلا ياحي الله أمي الحنونة..

الساعة المباركة يوم نورتي الغرفة..

يازين الزول اللي دخل..أقلطي فديت كرشك أقلطي..

علي يعض شفايفه وبوعيد\ياويلك ويلااااااه كله ولا كرشها بتحوسك الحين..

حنان بعصبية\كم مرة قلت لك ماتشيل هديل من فراشها..؟؟

عبدالله\الصدق ماعديت كم مرة بس أنا متأكدة إنها أكثر من خمس مرات..

حنان\انت تبي تذبحني..

توني منيمتها تجي تشيلها وش تبي منها..؟؟

عبدالله يتبوسم\اختي وأبيها بسالفة حرام يعني..

ماتذكرين سوالفك مع خالي وطاخ طيخ..

علي\والله ياعبيد ان ضربت اختك وسويت لها طاخ طيخ يصير علم ماهو بزين..

عبدالله بتكبر\انا أضرب حرمة..أخسي..

علي\كفووو..الحرمة ما أحد يضربها..

وان ضربها الرجال فهو رخمة ومايسمى رجال..

حنان خذت بنتها من علي..

حنان\فك بنتي أفلامكم الوثائقية كملوها بعيد عنها..

علي بنفخة\فكي بنتي لا أشوتك..

عبدالله يعتزي\وانا ابن ابوي تبي تشوت امي..؟؟

وين اللي يقول لاتضرب الحريم..؟؟

علي\اعوذبالله..ولد مرجوج من يوم ولدتك أم كرش..

حنان تشهق\هين يا علي..أجل أنا أم كرش طيب دواك عندي..

شالت بنتها وطلعت من الغرفة...

علي بدراما\يالهوووي..حرمتي طنقرت..

عبدالله يضحك\هههههههههههه مراهقين..

سحبه علي من فنيلته وسدحه على الأرض..

وتصارع معه...

هديل أنضمت لعائلة علي بن حسين..

عمرها شهرين..

وبولادتها وتسميتها باسم هديل..

رجعت البسمة لقلب أبوعلي..

وتعلق فيها وكل يوم يضمها له ويظل يراقبها...

ويزرع بقايا المفقودة الغالية بملامحها الصغيرة...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

قفل جواله غاضب وبشدة..

اتصل بماكس وطلب منه يقابله عند صوفي..

صار لازم يحل الموضوع معها ويعرف من اللي يملك الأسهم..

اتصل بسلمان وتفاجاء لما قاله ان ياسمين باعت الأسهم قبل ما تترك إيطاليا..

صوفي تحضر الإجتماعات بالنيابة عن صاحبت الأسهم المجهولة..

وغازي سمح لها بهالشيء المهم ماتكون الأسهم ملك لها..

ولا يتأثر شغلهم بغياب صاحبت الأسهم..

طلع من شقته وتوجه لبيت صوفي..

انتظر بسيارته لحتى وصل ماكس ودخل معه..

أنصدمت صوفي وهي تشوفهم واقفين على بابها..

وتضايقت لما أدركت إنهم لاحظوا صدمتها..

أشرت لهم يدخلون بصمت..

توجهوا لــ الصالة وصوفي أنسحبت بسرعة..

أخذت جوالها وأتصلت بهديل بسرعة وخوف..

صوفي بتحذير\لا تأتي إلى هنا..لدي ضيوف غير مرغوب بهم..

سأتصل بك لاحقاً..

قفلت الخط وشخقت لما شافت ماكس واقف عندها..

صوفي بغضب\كيف تسمح لنفسك ان تتصنت على مكالماتي..؟؟

ماكس بهدوء\يبدوا أنها مكالمة مهمة..

صوفي بعصبية\ليس من شأنك..

ماكس\هل اصبح لديك صديق صوفي..؟؟

صوفي بخبث\هذا أيضاً لا يعنيك..ألم نفترق..

ماكس بغضب\إفترقنا ولكن لم ننفصل نهائياً..

صوفي\سنفترق قريباً..والآن أعذرني لدي ضيف يجب أن أطرده من منزلي..

دخلت عند غازي ووقفت بتحدي..

صوفي\نعم أيها السيد..هل فاتني أمرا ما في الإجتماع..؟؟

غازي بهدوء\إجلسي صوفي يجب أن نتكلم..

جلست وعيونها تتحاشا النظر بجهة ماكس..

صوفي\أسمعك..تفضل..

غازي\من مالك الأسهم..؟؟

أدركت من سؤاله إنه عرف ان الأسهم ماعادت ملك لياسمين..

فقررت تلعب لعبته وتسايرهـ..

صوفي\الأسهم ملك لشخص ما...

غازي\حقاً..ظننتها لشيء ما...

أريد اسم مالك الأسهم صوفي..

صوفي بأسف\أسفة لا استطيع الإفصاح عن اسمه..

هذه رغبته..وأعتقد باني غير مجبرة على إخبارك..

غازي بغضب\بل أنتي مجبرة على إخباري من يكون..

صوفي ببرود\ايها السيد سألتني وجاوبتك..

إن لم يكن لك طلباً أخر..أتمنى ان تغادر منزلي..

فأنا مشغولة جداً..

ماكس\صوفي يحق لصاحب الشركة أن يعلم من يكون مالك الاسهم..

ولربما يتم معاقبتك لتلاعبك بالنظام..

صوفي\وماشأني أنا...

هناك مثل عزيزي يقول(Do not kill the Messenger)

لا تقتل المرسل..انا مجرد حلقة وصل بين مالك الأسهم والشركة..

وليس لديكما الحق باستجوابي..

غازي\بما أنك المرسل بيينا...

أخبريه إن لم يحضر الإجتماع القادم..

سيصوت مجلس الإدارة لطردهـ وسأفعل المستحيل لتحقيق ذلك..

صوفي باستعباط\أوهــ يبدو انك لم تعلم بعد..

يؤسفني أن أخبرك بأن الأمور لا تتم بهذه الطريقة..

بما أن صديقي أصبح الآن يمتلك حصة كبيرة من الأسهم وليس فقط ما تعتقده يمتلكها..

ماكس بحذر\ماذا تعنين..؟؟

صوفي مبسوطة بقهرهم\أيها السيد غازي...

أنت المالك لأكبر مجموعة من الأسهم هذا صحيح..

وصديقي يعتبر ثاني مالك لأغلبية الأسهم...

إذاً لن تستطيع تنحيته عن الشركة او طردهـ..

غازي بسخرية\ثاني شخص يمتلك الأسهم مهاجر لإيطاليا منذ زمن..

صوفي بذكاء\هل تقصد هادي...؟؟

لقد كان كريماً جداً عندما حول أسهمه باسم صديقي اليوم..

كنت أنوي إخبارك في الإجتماع القادم..

ولكن بما اننا إلتقينا لا بأس بإخبارك الآن..

غازي\ماذا تعنين..؟؟

صوفي بهدوء\أسهم هادي أصبحت ملكاً لصديقي..

اليوم تم التوقيع على العقود..ناسف لعدم إخبارك من قبل..

وقف وبنظرات حادة ثبتها على صوفي بوعيد..

أجراء إتصال سريع ثم قفل جوالها وهو يبتسم بتحدي..

غازي بحدة\سنرى ماذا سيفعل صديقك هذا عندما يتلقى الخبر الجميل..

صوفي بحذر\ماذا تعني..؟؟

غازي\أيتها السيدة صوفي..

سيُعقد يوم الاحد القادم إجتماع طارىء لمجلس الإدارة..

وستاتين أنتي وصديقك المجهول..

صوفي بتهرب\الأحد إجازة أيها المستبد لن يكون هناك إجتماع..

غازي ببرود\الأحد موعدنا..أتمنى ان تتصلي بمحام انتي وصديقك..

صوفي بقهر\وجـــع...

عضت لسانها لما لاحظت نظرات غازي الساخرة منها بقوة..

غازي بسخرية\يبدو ان صديقنا المجهول يختلف معك كثيراً..

فتتلقين منه هذه الكلمة ....

صوفي تضيع الموضوع\لسنا ملزمين بالحضور بأيام الإجازة..

غازي بتجاهل\وداعاً صوفي...

خرج من بيتها معميه الغضب على هادي..

اللي عرفه من احد رجاله المتتبعين لاخبار هادي..

إنه ترك إيطاليا وتوجه لــ السعودية ..

بأي حق يتصرف باسهمها بهالشكل..

كيف يتخلى عن حقها ويرميه لشخص غير معروف..

وكل هذا عشان يقهرهـ ويعاندهـ..

هذا الشريك صار مثل السيف بظهرهـ..

كل ماقرر شيء..

تعانده صوفي بامر من المجهول..

تعاكس كل أمر وقرار يتخذهـ..

صار يحس إن هذا المجهول يتقصد إغاضته ومعاداته..

من زمان وهو متاكد إن فيه شخص متخبي وراء ياسمين..

ولو كانت هي مالكة الأسهم فيه شخص غيرها..

والحين تأكد إن الأسهم صارت ملك لهذا الشخص ومن مدة طويلة..

هو يتحاشا يلاقيني أو أعرفه..

وصوفي مستحيل تكشف من يكون..

بس أنا راح أعرف من يكون..

هذي الشركة لها بكل مافيها..

ومستحيل أخلي أحد يحولها لساحة حرب وإثبات وجود...

وقفت بغطرسة وهي تناظرهـ بحقد..

صوفي\شكراً لزيارتك أيها السيد..

يمكن الرحيل الآن لقد إنتهى الإجتماع الطارىء..

ماكس يتأملها\هل لا حظتي شيئاً غريباً عليك صوفي..

أم أني انا فقط من لاحظ ذلك..؟؟

صوفي بغرور\انا بت غريبة جداً عليك أيها السيد ولم تعد تعرف شيئاً عني..

ماكس يبتسم\لقد لاحظت انك أصبحتي تحتشمين بملابسك كثيراً..

لا ترتدين القصير ولا الملابس الفاضحة..

ما اجملك وأنتي محتشمة..

صوفي بصد\كن متاكداً ماكس بان الفضل في هذا لا يعود إليك..

فانت لم تفعل أبداً ما يغير بي..

ماكس\من غيرك صوفي..تغيرتي كثيراً..

تخليتي عن عادتك السخيفة..بإقامة حفلة بعد نجاح عروضك..

تركتي حفلات الرقص والشراب..

الكنيسة لم تزوريها منذ أشهر عديدة..تصاميمك إختلفت كثيراً عن الماضي..

بين العرض والآخر أرى الاطفال يثيرون إهتماك بازيائهم..

أخبريني صوفي من غيرك...؟؟!

صوفي بجمود\يبدوا بانك كنت تراقبني سيد ماكس..

وأنت تعلم كم أكرهـ مراقبتي..

ماكس\أجيبيني..

صوفي بألم\سؤالك ليس له إجابة..

أرجوك غادر منزلي كما غادرت حياتي..

قرب منها بهدوء وثبت عيونه بعيونها..

ماكس بحنين\صوفي أحبك..

وأريد لك السلام اللذي أعيش به الآن..

إسمحي لي ان أدلك على طريقي..

صوفي بحسرة\ألم تتاخر كثيراً بإتخاذ هذا القرار..؟؟

شكراً ماكس لست بحاجة إليك..إتركني بسلام...

قبلها على جبينها وطلع من بيتها..

أستغربت حالهم..

مفترقين من وقت طويل..

بس ولا مرة فكروا بالطلاق..

رغم معرفته بصعوبة الحياة بينهم بنظرها غدر فيها ..

غير ديانته أسلم ولا كلف على نفسه وقال لها..

وهو يعرف إنها غير معارضة لــ الحرية الشخصية..

بإمكان أي شخص يختار ديانته..عمله..اسمه..

طريق حياته وشريكه بكل شيء..

بس تجاهله لها وصده عنها حيرها..

ولما عرفت السبب حقدت عليه..

لسبب معروف..

وسبب ثاني تخفيه حتى عن نفسها..

نفضت الأفكار عن راسها..

وذكرت نفسها بان هديل لازم تتخذ قرار..

إما تظهر نفسها له ويعرف من غريمه..

او تبيع الأسهم له وتترك ايطاليا..

وبكذا تعيش حياتها وهو مايدري عنها..

فكرت تزورها الحين وتقول لها عن اللي صار..

بس شكها في غازي وماكس منعها من هالشيء..

ما تستبعد عنهم يراقبونها ويتحرون عن صديقها المجهول..

ولذلك قررت تقطع زياراتها لهديل لحتى تضمن سلامتها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

رمت اللي بيدها على المغسلة وجلست تبكي بخوف..

ماتبي تشوف النتيجة..

قلبها مشتاق كثير تكون حامل وتعوض اللي مات ..

سمعت طالب يدق الباب ويناديها باستعجال..

طالب بمرح\بشري وش النتيجة أروح أشتري سيريلاك وغيارات ..

طيب أشتري ملابس ولا البزارين يولدون وشناط ملابسهم معهم..

ياحليلهم مايبون يثقلون على هلهم كل واحد يطلع من بطن أمه مكون نفسه..

غصب عنها أبتسمت بين دموعها وهي تتخيل أطفال يولدون بملابسهم..

طالب يتسأل\إلا أقولك انتي يوم ولدتي كنتي لابسة نقابك ياللي ماتستحين ولا كاشفة خشتك..؟؟

انا نسيت سيارتي في بطن أمي..

يالله عصقووول وش صار معك إطلعي..

أخذت الجهاز من دون ماتشوف النتيجة وخرجت وهي ترتجف..

مدته لطالب بصمت..

أخذه من يدها وجلسها على السرير وجلس جنبها..

مضت لحظات وهو يتأملها بهدوء..

شاف النتيجة وناظرها مرة ثانية..

طالب بحنية\عصقووول ياقلبي ولو كانت النتيجة سلبية..

الحياة قدامنا والله بيرزقنا الذرية الصالحة..

بكت شوق بصوت مخنوق وهي تعض على شفايفها..

شوق بألم\بس ياطالب مر وقت طويل من بعد ماسقطت..

وانا أتمنى يكون لي طفل بهالفترة..

شيء داخلي يبي هالشيء وبقووة..

طالب بعبط\يعني مصممة..؟؟

شوق بزعل\اوف منك كل شيء إستهبال عندك..

طالب\شوفي يا عصقول..

من ألحين أقولك لو تجيبين عصقولة صغيرونه كفختها بعقالي ورجعتها بطنك..

أبي عصقوول صغيروون..أنا كيفي عقلية متخلفة..أبي ولد إذا جبتي بنت طلقتك..

شوق\هـــاهــ ..؟؟!

طالب\يووه انا ماقلت لك تراك حامل يا مرهـ...

شوق\............................

طالب يضمها وهو يضحك\يا زينك وأنتي مفتحة عيونك يقال مصدوومة..

مبروووك يالغالية يتربى بعزك وعز طلووبك..

شوق تبكي\أكرهك يا جدار..

طالب\هههههههههههه فديت اللي تكرهـ ..

ولا يهمك توحمي على كيفك..

شوق تبعده عنها\وخر ما أحبك تلعب علي كذا ليش..؟؟

طالب بمحبة\نسيت أقولك..لاني كنت افكر في المصاريف..

ألحين السكني اللي في بطنك كم يكلفنا في الشهر..؟؟

شوق\هههههههههه من الحين بيكلفك..قم ودني المستشفى ابي أتاكد من حملي...

طالب\شوييق علم يوصلك..عمك راجح تقاطعينه طول أشهر الحمل..

ولا تكلمينه ولا تعرفينه فاهمة..؟؟

شوق بتأييد\إيه خله يولي أخاف يفجعني واسقط مرة ثانية..

طالب يتنهد\الله يشفي رشا ويرزقها اللي تقر به عينها..

شوق تأمن\اللهم آآآمين..مرضها يقهر كثير..

طالب\بتتعالج وبأذن الله بتصير بخير..

أنا طالع ألحين طالبيني وإنتي ريحي نفسك ونامي اذا تحبين..

سلم عليها وطلع من البيت حاول يجذب تفكيره من رشا لحمل شوق..

بس ماقدر..يعرف رشا اكثر من حالها..

مهما كابرت وأظهرت إن الحال عادي ..

هي تحترق وتموت من داخلها..

قالت له إن النوم مريحها وينسيها أشياء كثير مضايقتها..

أبتسم لها وأوهمها إنه مصدقها..

وهو يدري إن مرضها مبعدها عنه وعن شوق والأكيد مبعدها عن راجح..

واثق براجح وواثق بعدله ومحبته لرشا..

ويمكن إذا ما تشافت يقرر يكمل حياته مع غيرها..

المرض له علاج...

بس هي بنفسها ماسمحت لحالها تتعالج..

وأكيد راجح ملاحظ هالشيء مثله..

دعاء لها بقلب صادق تتشافى وترتاح من مرضها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛

خرجت من غرفتها بسرعة وهي تناديه..

هديل بحب\ورعي..ياورعي وين رحت..؟؟

ذيبوو يا قلب أمك ترى بأربطك ماتحبي وتبعد عني..

مد يدينه وأستند على الكنبة وهو يطلع صرخات مبسوطة..

مشى بخفة ويدينه مستندة على الكنبة..

جلست على ركبها ومدت يدينها له..

هديل بابتسامة\يا الله تعال يالذيب..

بس سوية سوية يا مامي..

ضحكت على صوت ضحكته الغالية عليها..

صار يشاهق شهقات متلاحقة بسرعة..

بعد عن الكنبة ومشى بشكل سريع..

فقد توازنه وقبل لا يطيح مسكته وضمته بقووووة..

هديل تبووسه\ياروح وقلب هدولة..

وصرنا كبار نركض ونلعب ونهرب من فراشنا..

كم مرة قلت لا تنزل من سريرك..شكلك كبرت يا قلبي ولازم أراقبك على طول..

يالله نام لحتى تجي صوفي المرجوجة..

شغلت لابها على الحرم المكي وضمت ذياب بحضنها تنيمه..

مشّتآق لـ الحرم ، مع آللي يصلون !

. . . أصلي [ صبحُ ، وعشِيّـ?)

خآطريْ بـ زَمزمّ وآلنّـآس يطُوفونْ

منَ بعدّ ”آلتعَب “آرتـويِ شويّ?

وصَلآة آلفجَرّ » وخلقْ آللّ? [ يصفّونْ]

وگلن يوسّع لخويّـ? بـ قلوُب تقيّـ?

آللّ? اگبرّ ، بصُوت [ آلسّدِيسْ } يخشعُون

وإلا بـ/ آلمعَيقليِ ، ترقّ لَ? آلقلوبّ آلنديّـ? . .

عّسآني لـ دَرب مگ?..إتجآهـيْ يگـوُن

وآن مآ حصَل ، ، عسّـآهـآ بـ آلنيّـ? “آمِّـَيَنْ ...

رف قلبها بشوووق للحرم والعمرة والصلاة بروح مطمئنة مرتاحة..

يالله ياربي سنييين لازرت الحرم ولا أعتمرت..

يارب عدلها وإكتب لي العمرة..

شالت ذياب ونيمته بفراشه..

وتجاهلت رجفت يدينها الخايفة..

أتصلت بصوفي تستعجلها..

مابقى على موعدها مع راجح الا ساعة ونص..

أنصدمت من رد صوفي..

ماتقدر تجيها لأن غازي حاط لها مراقبين عشان يكتشف من يكون صاحب الأسهم المجهول..

صرخت بصوفي بخوف ..

هديل بخوف\هل يشك بوجودي..هل تعتقدين بان عمه أخبره عني..؟؟

صوفي بسرعة\لا إطمئني لا يعلم..

أخبرته بان الأسهم أصبحت ملكاً لنا..

هديل بحنين\أسهم أخي..؟؟

صوفي\نعم أسهم توئمك الوسيم..لازلت أشعر برغبة بالبكاء كلما تذكرت شوقه لرؤيتك..

هديل بغصة\أجل وش أقول أنا..

حسناً صوفي سأخذ ذياب معي..أرجوك كوني حذرة إن كان سيعلم بوجودي..

فليعلم بعد مغادرتي ايطاليا..

قفلت من صوفي وهي تحس بضياع وخوف..

إن كان غازي مصمم على ظهور صاحبت الاسهم..

فلازم تبيعها له مثل مانصحتها صوفي..

هي ماراح تستفيد شيء اذا كشفها وحبسها مرة ثانية بقصرهـ..

بتروح مع صوفي لدبي بتستقر هناك تكمل دراستها وتشتغل بنفس الوقت..

المهم بالوقت الحالي تثبت هويتها وتترك ايطاليا لغازي..

حطت يدها على قلبها المشتاق لهادي..

كانت واثقة انه بيوافق على صفقة صوفي..

وطبعاً بمساعدت مسفر لهم للمرة الرابعة او الخامسة او العاشرة..

كثرت أفضالك علي يا مسفر عسى ربي يسعدك..

إجتماع ضم هادي ومسفر وصوفي..

أقنعوه إنهم أصدقاء للمرحومة هديل..

في البداية ماصدقهم وناظرهم باحتقار..

بس صوفي حكت له عنها عن شكلها طيبتها وبعض حركاتها..

اللي خلته يبتسم بشوووق كبير لها..

ومسفر حكى له عن تفاصيل دقيقة لاحظها فيها ودرسها باهتمام..

لمعة عيونها وكيف تفضحها لكل شخص يهمه أمرها..

وكيف تضم يدينها حوالين نفسها بأوقات ضعفها..

عند هذا الوصف جمدت ملامح هادي ..

وهو يأكد بأنها دائما تسويها..

كانت تتمنى تروح معهم وتراقبهم من بعيد..

بس مسفر أكد لها وش بيكون تصرفها..

وسالها إن كانت تبي ترجع لهم وتترك الهرب..

تروح معهم وهو واثق انها بتظهر لهادي وترتمي بحضنه..

بس اذا كان قرارها تظل هاربة فمن الافضل تظل في شقتها لحتى يرجعون لها..

وبكذا حكمت عقلها وظلت في الشقة وهم أجتمعوا مع هادي..

نفضت الأفكار من راسها بدلت ملابسها ولبست ذياب ملابس ثقيلة..

الشتاء رجع .. وهو باقي مارجع لها ..

وُ جَانَا البَردْ !

رَحلْت . . وُقَلت لِيّ " رَاجْع "

قبَل مَا تْمطَر الدنِيَا وُينَبتْ وُرَد !

وُراحْ الصَيْف . . . وُرَاح الوُرْد

وُجَانا البَرْد !

. . . وَأببَد مَا جْيَت !

تجاهلت ضربه على باب الغرفة..

مقفلة الباب عليها من ثلاث ساعات..

تحس إنها يمكن باي لحظة تكشف سر هديل تحت إستجواب سلمان لها..

تهاوشت معه على موضوع الأسهم ..

لما قالت له إنها باعتها لشخص يستاهلها..

في البداية كذبت وقالت باعتها لصوفي..

ثار عليها ورفع صوته..

كيف تبيع الأسهم لإنسانة مثل صوفي..

غير مسملة ومالها أمان..

ردت عليه بان أسهمها شيء مايعنيه وماله شغل فيها..

من بعد وصولها السعودية بشهرين اكتشفت إن عائلة سلمان هي عائلة هديل..

غادة زوجت راكان أخو زوجها..

تصير أخت الغالية هديل..

لما عرفتها على عائلتها باحد المناسبات..

ما أثارت اي شك بقربهم لهديل..

بس لما شافت ألبوم الصور اللي عند غادة بغرفتها..

أنصدممممت وهي تشوف هديل وهادي بصورة كثيرة في الألبوم..

سألت غادة بحزن من تكون صاحبت الصورة..

وغادة لمعت عيونها بدموع وهي تجاوبها بشوق لاختها الحية المدفونة..

تعبت كثير بهذيك الفترة من حياتها..

خصوصاً وهي تشوف أم هديل وابوها..

وإذا أنذكر اسم هديل تدمع عيونهم من غير وعي منهم..

كانت تتمنى لو تضم أم هديل وتهمس لها وتطمنها إن بنتها حية وعندها ولد..

لو تمسح الكئابة المرسومة على ملامح أبوها الحزين..

بكت بصوت مخنوق وهي تترجاء هديل بقلبها..

الله يخليك هديل كفاية غياب..

لو أمي وابوي عايشين على هالدنيا ماتركتهم ولا لحظة..

يارب سامحنا على قسوت قلبونا..

أضطرت تفتح الباب لسلمان لانه ألحين أكيد معصب..

مرت ثلاث أيام لا تكلمه ولا يكلمها..

من بعد ما هاوشها على الاسهم..

بدل ملابسه واخذ شماغه واغراضه وطلع من الغرفة..

هو إنسان حنون وطيب معها كثير..

يعاملها بكل محبة وإحترام سواء مع هله او لوحدهم..

تحب إهتمامه فيها وفي مشاعرها..

حياتها معه بمنتهى الروعة..

أكثر شيء يعذبها ويحسسها بتأنيب الضمير..

إن بنتهم متغربة وعايشة حياتها بخوف وحرمان..

لو تحكي لهم عنها يروحون لها ويرجعونها لهم..

يحمونها من غازي ومن غيرهـ..

تخاف من اليوم اللي ممكن يعرف فيه سلمان وهله عن هديل..

ويعرفون غنها مخبية عنهم أمر كبير مثل هذا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛

أنا من شالـك بإيـده رماكِ فـأسفل البركان..

نخيتينـي وطلبتينـي ولا حصّلتي نخواتـي...

جالسة على أحد المقاعد بالحديقة الخالية من الناس..

يدها على قلبها اللي يخفق بقووة..

بكل عزم وتصميم تحاول تكتم صوت خايف بجوات صدرها يصرخ بخوف يحذرها..

كيف اتصلت براجح ووثقت فيه..

والحين تنتظرهـ يجيها ويمكن غازي يكون معه..

ناظرت ولدها بخوف أول ماطرى لها إن أول شيء راح يسويه غازي ياخذ ذياب..

تغلب عليها الخوف وأختلط الشك باليقين..

وقفت بسرعة ناوية تهرب وترجع لشقتها..

وقفت بجمووود لما شافته واقف قدامها وفاتح عيونه بغير تصديق..

يشوفها قدامه حية بنفس الرعشة بيدينها..

وبلمعة الخوف بعيونها..

تغيرت كثير بس ما أنكرها هذي هديل..

يعني هي حية صدق..

مد يدينه يبي يلمسها..

يتأكد إنها قدامه تتنفس ..تتحرك..

تبتسم له بإنكسار..

تجمدت يدينه بالهواء لما سمع صوت قريب منهم..

وشافها تلتفت عنه وترتفع مرة ثانية شايلة شيء بيدينها..

ولما شافها تهز اللي بيدها وتهمس له بحنان..

شهق بصدمة وتراجع خطوتين على ورى..

ويدينه اللي معلقة بالهواء دخلها في شعرهـ وهو يغمض عيونه بقوووة..

طلع من فمه صوت مكتوووم ماعرفت وش يكون...

عيونه تناظرها برعب من رب العالمين..

بشفقة على قلبها المظلوم..

بحنية لــ اللي بين يديها..

هديل بهمس مخنوق\ولدي...

صد عنها ومشى بخطوات وسيعة ووقف على سور يطل على بحيرة نيمي..

شد بيدينه على طرف السور..

وعيونه تحترق بآسى على حالها المسكين..

سنتين وهي ميتة..

دفنوها ولا طرى لهم إنها ممكن تكون حية..

كيف عاشت بعمرها غربتها والادهى بحملها..

رفع راسه لــ السماء وهمس بحزن..

لا إله الا الله سبحانك إني كنت من الظالمين..

اللهم إغفر لنا ذنبنا..

ربي أنتقم لك منا يا هديل..

بس والله مايغنمك بعد اليوم..

ومايصير الا اللي يرضيك...

حاضنة ولدها بقوة وتعاتب نفسها..

لا تبكين ..لاتضعفين..

وإن خابت هقوتك فيه عادي لا تيأسين..

وصيه يحفظ سرك وإرجعي بيتك..

مابيخون ولد أخوهـ..

مابيوقف معك ضدهـ..

وإنتي كشفتي له كل أوراقك..

كشفتي له حياتك وكشفتي له ولدك اللي هو ولدهم..

ليه مافكرت إنه ممكن يخذلني ولا يساعدني..

ليه كنت واثقة مابيساعدني غيرهـ..

غبية يا هديل..

ومابيضيعك الا غبائك وحسن نيتك..

سمعت صوته الهادي يناديها..

راجح بحنية\هديل تعالي معي..الجو بارد..

رفعت راسها وماقدرت تشوف وجهه من دموعها المحبوسة بعيونها..

هزت راسها بالنفي..وتكلمت بصوت مبحوح من العبرة الي خانقتها..

هديل بغصة\الله معك ياراجح..أسفة لاني طلبتك تجيني..

ما ابي منك الا تحفظ السر..وتعاهدني الحين ما تقول لغازي عني..

أنت عمه والدم مايصير ماء..

مابتساعدني ضد مصلحته..

حست فيه يجلس جنبها ويهمس لها بحنية..

راجح بحنان\أفا يا هديل وهذا كلام تقولينه..؟؟

أنا صح عمه ودمنا واحد..بس من سنين وأنا أعتبرك بنتي..

الله يشهد بقدرك ومكانتك بقلبي يالطيبة..

وأوعدك وأعاهدك قدام ربي ماياخذك..

وتطمني غازي مابيوصله علم عنك..

هديل برجاء\تكفى ياراجح..لايدري..

بياخذني غصب عنك وعني..

راجح يطمنها\دامني معك ولا يحلم فيك..

بالوقت اللي ظنيتك ميته فيه..

ندمت الف مرة ومرة اني ماخذيتك منه غصب أو قتل..

واليوم ربي عطاني الفرصة أعوضك وأتمم يميني..

طال صمتها وهو مد يده لها ..

راجح\عطيني الشيخ أشوفه..

سمحت له ياخذه وقلبها يرجف بخوف..

كلامه طمنها وريحها..

بس قلبها يخفق بخوووف..

شاله بين يديه وهو يذكر الله ويصلي على النبي..

راجح\هلا ..هلا والله بالطيب..

سلام عليك يا ..............

وش اسمه..؟؟

هديل بغصة\...ذيـــ...ــ ذياب..

نزلت راسها ومالاحظت نظراته الرحيمة بحالها..

عز الله اللي ماعرفت تصون نعمتك يا غازي..

رغم كل شيء سويته فيها..

سمت ولدك بعزوتك..

راجح بحنية\سلام عليك يا ذياب..

مبروك علينا فديتك..

حضنه وقبله على جبينه وخدهـ..

قرأ عليه أيات من القرآن وحصنه..

وهو يسمع شهقات هديل المكتومة..

وقف وذياب بحضنه..

راجح بحنية\قومي يا أم ذياب..

وصلتي وعهدن علي ترجعين لهلك بالرضا ولا الغصيبة..

وقفت معه ومشت جنبه بهدوء..

ماردت عليه ولا قالت له إنها ماتبي ترجع لهلها..

خذوا تكسي وتوجهوا لشقتها..

وهناك قالت له عن مشكلتها في السفارة..

طمنها بان المشكلة بتنحل وبكم يوم بس بتكون اوراقها جاهزة..

هي حية وبيشهد إنها هديل بنت حسين..

ولو طلبوا غيره شهود بيجيبهم لعيونها..

توادع منها وهو يأكد لها بانه بكره الصباح بيمرها وبياخذها معه السفارة..

لما طلع من عندها..

جلست على الأرض وأستندت على الباب تبكي بحسرة على حالها..

يوم ضاقت بكيت..

ويوم ربي أفرجها علي بكيت..

آآآآآهـ ياربي يا حبيبي وش بقى في الدنيا يفرحني...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

دخل البيت الجديد بخطوات ثقيلة..

من أول ماعرف إنها صارت بدل عنه ..

وصارت ضحية بغير حق ..

مانزل السعودية..

كان خايف يرجع ويهاوش أبوه وعمه وهله كلهم..

بس كل مافكر يلومهم ويزعل عليهم ..

يتذكر ضعف ابوهـ ودموعه اللي أحرقت قلبه..

يتذكر الجلطة اللي تعرض لها لما عرف بموتها ..

وكيف كان يبكي بصوت يقطع القلب..

اللوم الاول والأخير عليه هو..

لو ماهرب من السعودية وواجهم بقووة وثبات..

لو حكى لهم اللي صار كان تمت برائته..

ولو إنه تلاحق عليها ووصل وصيت سعود لغازي..

كان لقاها قبل تموت ورجعها..

أستغفر ربه وتعوذ من ابليس..

فتح الباب ودخل الصالة..

كان أبوهـ جالس وطفلة صغيرة في حضنه..

عرف من تكون هذي هديل بنت علي اخوهـ..

وامه جالسة على الأرض عند زوجها تقهويه..

اما عسولة ماسكة عبدالله من طرف ثوبه وتهاوشه وهو منسدح يضحك..

هادي بصوت عالي\السلام عليكم...

ضحك على ملامحهم المصدومة بشوفته..

وصلت له امه وضمته وهي تبكي وترحب فيه..

ضمها بحنان وسلم على راسها ويدينها..

عاتبته بمحبة وهي تضمه مرة ثانية..

وشوي الا ونط عليهم عبدالله يحضن عمه ويسلم عليه..

ويفتن على جدته..

عبدالله بفرح\وخري هيه جدة وخري شوي عطي غيرك مجال..

ياليل دموع التماسيح..

ضحك لما ضربه هادي على راسه وضمه بقوووة...

عبدالله يقلد جدته\وه فديتك يومه حنيت على امك..

حنيت على امك ياهادي وجيت..

ياقلبي عليك يا وليدي..عساني ما اذوق حزنك..

بعده هادي عنه وهو يضحك على هواش امه لعبدالله اللي كان يقلدها..

سلم على جدته وكان شوي ويشيلها من على الأرض..

الجدة\هلا والله ..

جعلني فدوة لزولك وريحتك..جعلني ما ابكيك يا هادي..

وين الغيبة يأمك..القطيعة ماهي بزينة والله ماهي بزينة..

هادي يضمها\السموحة جعلني فداك ..

سامحيني بس الدراسة أهلكتني ونشفت دمي..

وقف وثبت عيونه على أبوهـ..

شاف الحزن بعيونه والدمعة برمشه..

راح له بسرعة ودنق عليه يحب راسه وكتفه..

ضمه بقووووة وثبت راس أبوه على كتفه..

لما حس بابوه يشم ريحته ويحضنه بشوووق..

ولا واحد فيهم نطق بحرف او همس بكلمة..

ظلوا حاضنين بعض وكانهم يعزون هديل للمرة الأولى..

همس أبو علي بحسرة\شابت روحي يا بعد أبوك...

هادي غمض عيونه بآسى على حال أبوهـ..

لأنه يدري الكلام لهديل ماهو له..

رفع كف أبوه وقبلها بشدة..

هادي بحب\ياجعل الضيق اللي في قلبك يسكن ضلوعي ويسهاك..

سحبه أبو علي له بقوووة وضمه اكثر من أول..

كلهم كانوا واقفين يراقبونهم..

ودخل علي البيت وفرح بشوف هادي ورجوعه..

ضاق صدره وهو يسمع شهقات أبوهـ المقهورة..

وأنتبه لدموع ولده عبدالله وهو يبكي على حال جدهـ..

وحلف ان ولده يعرف الكثير عن أبوهـ..

بس عنيد ولا رضى ينطق بحرف..

وتوعدهـ يعرف منه كل شيء رضى ولا زعل..

ولأن قلبه محروق على حال أبوه ماتحمل ...

سحب عبدالله من الصالة بسرعة وخرجه من البيت..

لاحظ صدمت ولده بحركته معه بس خلاص وصل صبره لحده..

لازم يعرف كل شيء..

ركبه السيارة وطلع من البيت ..

خذاه لمكان بعيد عن الازعاج والناس..

وبدأ يستجوبه بحدة ..

علي بجمود\طلبتك يا عبدالله..

عبدالله بحمية\عطيتك جعلني فداك يوبه..

علي\ياولدي أنت كبرت وماشاء الله عليك..

تحفظ السر وتكتم الخبر..

بس يرضيك أبوك ينقهر ويعيش بحسرة..

عبدالله بقهر\لا والله مايرضيني..أمرني يوبه وش بخاطرك..؟؟

علي\أبوي يا عبدالله يموت قدامي ولاني بعارف ليه..

أنت تعرف وش اللي ذابح أبوي وأبيك تقولي كل شيء..

عبدالله مصدوم\تكفى يوبه لا..

انصدم علي من رد عبدالله ومن دموعه اللي تجمعت بعيونه..

علي\تقولي لا يا عبدالله..؟؟

عبدالله يبكي\ماهو بسري عشان اقوله..

وصدقني يوبه ان عرفته مابينفعك الا بيزيدك قهر وحسرة..

شف حال جدي بيصير حالك مثله..

علي بعصبية\ماهو شغلك بحالي وش يصير فيني..

ابيك تنطق وتقول وش اللي صايرن مع أبوي..

تكلم مرت سنين وأنا اقول حاله بيتعدل..

وحاله ابد لازان ولا اعتدل..

ريح أبوك وقله ..قلي وش صاب أبوي..؟؟

عبدالله\يوبه جدي بيزعل علي..وانا بازعل على حالك..

شده علي مع ثوبه بعصبية ورفعه له..

علي بقهر\تكلم يا عبيييد تكلـــــــــم..

عبدالله\هديل يوبه هديل...

هي علته ودواهـ..

جدي مغبون بعد موت هديل..

وأرتاح يوم ولدت أمي بهديل..

فك يدينه عن ولده وشغل السيارة راجع البيت..

هديل ماتت من خمس سنين..

وحال ابوي مقلوب من يومها..

بس لا السنتين الماضية كانت أقوى وأصعب من الأولات..

ما أرتاح يوبه قبل لا تبوح سرك والله ما ارتاح..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛

قفلت جوالها بعد ماتطمنت على ذياب مع ايميلي سكرتيرت صوفي..

أنتبهت على راجح يناديها..

وقفت ومشت معاهـ..

دخلها بمكتب السفير..

وجاوبت على كم سؤال يخصها ويخص عائلتها..

وعن موعد ولادتها ومتى تركت السعودية ..

ومن كان محرمها ...

خرجت من المكتب وبعد دقايق طلع وراها راجح..

ولما شافته يبتسم أرتاحت وتطمنت..

راجح\تطمني ان شاء الله كل أمورنا تمام..

هديل بابتسامة\يعني صدقوا اني حية مامت..؟؟

راجح\اممم مبدئياً ايه ..بس لازم بعض الوقت ..

ويتاكدون ان الجثة اللي اندفنت ماهي جثت هديل الجاسم..

هديل بزعل\بس كذا بيطول الموضوع...

راجح\لو على السفارة يمكن ينهون الموضوع من دون مشاكل..

بس الحكومةالايطالية لها قوانين..

نزلوا تحت وسلم غازي على احد الموظفين في السفارة..

وطلب منه يسرع في إنهاء اوراق هديل ..

أيوب\أبشر يا ابوحمد..ولا باشتغل هاليومين الا فيها..

وان شاء الله يصير خير..

راجح\تسلم ماتقصر والله..تأمر على شيء..

أيوب\سلامتك الله يحفظك..

راجح\الله يسلمك..مثل ماوصيتك يا أيوب يبقى الموضوع سر..

أيوب\أبشر ولا يهمك..

راجح\فمان الله..

أيوب\هلا والله..

طلع راجح من السفارة وهديل معه..

وما أنتبه لــ العيون اللي تناظرهم بتساؤل..

سلم على أيوب وماقدر الا يسأله من تكون اللي مع راجح..

سالم\هذا اللي كان يتكلم معك من شوي..

ماهو راجح بن جالي..؟؟

أيوب بهدوء\إيه هو راجح ..

سالم\والي معه من تكون..؟؟

أيوب تضايق من لقافت سالم..ولا حب يوضح له الموضوع..

أيوب\هذي بنت أخوهـ عندها مشكلة بأوراقها ولا تقدر تسافر هاليومين..

سالم باستغراب\تقصد أخت غازي..؟؟

أيوب بجمود\سالم الله يصلحك وانا وش عرفني عن عائلتهم..

سالم يبتسم\لا الله يسلمك بس كنت ابي أساعدهم اذا محتاجين شيء..

أيوب\مشكور وماتقصر..

مشكلة بسيطة ونخلصها ان شاء الله..

طلع سالم من السفارة وهو يدري ان ايوب يكذب عليه..

هذي البنت اللي مع راجح يعرفها زين..

شافها بالمطار مع غازي..

ومتأكد إنها ماهي أخته..

واللي أثار شكوكه ليش كذب عليه أيوب...

قرر يسأل غازي..

أتصل بمكتبه وقالوا مسافر برلين وبيرجع بعد يومين..

تنهد وهو يقول بخاطرهـ خيره من رب العالمين...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛

زارت هديل صوفي في دار الأزياء وهي متنكرة وذياب بعربيته..

دخلت المكتب وضحكت بقوة لما سمعت صراخ صوووفي ..

وقفت صوفي وراحت لها تركض وضمتها بقووووة..

سلمت عليها هديل وهي تشيل النظارات الكبيرة من على عيونها..

هديل\هههههههههه مارأيك ألا ابدو عجوز مسنة بهذا الفروو..

صوفي\بل رثت الثياب وجميلة جداً..

وولفي إشتقت إليك كثيراً..

شالته من عربيته وضمته لها بقووة وبوسته وعضته وهو يضحك ويتعلق فيها..

صوفي برجاء\ديل عزيزتي لا استطيع السفر وتركه هنا..

سأشتاق إليه كثيراً..

هديل\لا تخافي عزيزتي سنلحق بك قريباً..

يجب أن تذهبي لتحضري العرض..لا تنسي انك انتي المصممة..

صوفي\أشعر بغرابة الوضع..

ولكن كوني متأكدة إن لم تأتي الى دبي بغضون إسبوع واحد ..

ساعود الى إيطاليا وأخذك معي بالقوة..

هديل\هههههههههه حسناً سانتظرك إذاً..

يجب أن اذهب عزيزتي..لا اريد أن يهاجمنا الغول..

صوفي\وداعاً أيتها القزمة..

ضمتها هديل وودعتها..

وصوفي تعلقت بذياب أكثر..

وتوعده تشتري ألعاب من دبي مخصوص له هو..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛

جالس على مكتبه ,,بنظرات مصدوومة مرعبة كالسوط واشد حدة ينهال بها على ذاك الشخص المواجه له ,,

كيف يجرؤ على روية الأموااات ,, بل كيف يجرؤ على ذكرهم بهذا الشكل ,,

أيعوود الأموات من ذاااك المكااان ,,كيف لهم ان يعوودوا ؟؟!

أحقا الأموات يعودووون ,,

غازي بصووت غااضب كااسح\وين شفتها ؟؟

سالم \ قبل يومين با السفارة ..سألت ايوب عنها وقالي عن مشكلتها شدني اسمها واسم الشخص اللي معها

انصدمت لما لقيتهم يحملون نفس اسمك ونفس اسم العائلة ..

غازي\ سافرت؟؟

سالم\ والله ما ادري ياطويل العمر ..

بس ما اعتقد لان ايووب قال مشكلتها يبيلها وقت لحتى يتم حلها وتكتمل

أوراقها وبعدين تقدر تسافر ..

وقف وخرج من المكتب مثل الاعصااار المدمر معمي عيونه عن كل شيء ..يبي يصدق ..وبنفس الوقت

مو مصدق لساتها حية معقوولة هي عاايشة ..ويلك من الله ياسالم لا تعلقني با الأطياااف ..

تكفيين كوني ميته ..كووني ميته ..

ياويلك مني ياوييييييييييييييلك ..بتتمني لو كنتي ميته وخااالصة ..

بتتمني لو كنتي طيييييييييييف مو نفس ..

كووني حقيقة علشاااني ,, وكوني طييف علشاان نفسك ,,

ارجعيلي بس اهربي لابعد حد تقدرييينه ,,

كووني عااايشة واحمي نفسك مني احمي نفسك ,,

ركب السياارة وبصرخة على الساائق \ السفـــــــــــــــــــــ ــــــارة ..

قفل جواله بعد ما تأكد إن شوق في السعودية ماهي في ايطاليا..

هي إذا مثل مايقول سالم فهي هديل..

يقول نفس البنت اللي كانت معي بمطار باريس..

واللي كانت معي هي هديل ماهي شوق..

لا ماهي شوق أكيد هديل..

إيـــه ياربي هديل..

خلها تكون هديل...

طلع من السفارة عيونه متحجرة..

وقلبه يخفق بقوووة..

قفل جواله بعد ما أعطى الأمر ..

تلفت حوالينه وكأن الشتاء الكئيب صار ربيع..

والظلام اللي طغى على حياته اندحر وغشاه النووور..

جلس بحديقة السفارة لمدة ساعتين..

ويمر في باله كل التفاصيل من بعد موتها الى هذي اللحظة..

كيف صدق برحيلها وغيابها عنه..

ليه ما تحقق من الجثة..

صدق رحيلها بسبب عقد..

عقد تافه أشقاه طول هالوقت وحرمه منها..

تلقى الإتصال اللي ينتظرهـ..

وأعط أمر ثاني بإلهاء راجح بأي مصيبة..

وهو يتوعد فيه يحاسبه على خيانته لانه ماقاله عن نجات هديل وانها حية..

بس الاهم الحين هديل يوصل لها ..

اللي عاشه من حرمانها جننه..

أخذ السيارة من السائق وتوجه على العنوان اللي وصله من رجل التحري اللي كان يراقب صوفي..

طول الطريق وعيونه ترسم خيالها قدامه..

ماعرف ليه عجزت عيونه تتصورها لما قرب وقت لقاها..

وطول زمانه كانت عيونه تشوفها بالصحوة وبالنوم..

وصل على المكان الموصوف له..

نزل من السيارة يدفعه شوقه لها..

حبه وحرمانه منها..

أبعد يده عن الباب وأنسحب بهدوء...

طلعت من دورة المياهـ ملتفة بروب الحمام وهي تنشف شعرها المبلول..

مشطته وهي تتذمر من طوله..

وتتوعد فيه تقصه لما تروح دبي..

رمت مشطها على التسريحة وهي تحس بهواء بارد يدخل غرفتها..

قربت من ذياب وشافته يلعب بأرجوله..

باسته بقوووة وعضته على خدهـ..

قبل لاتبدل ملابسها طلعت من الغرفة توجهت للمطبخ أخذت كاس مويا ..

وطلعت متوجه لغرفتها..

بعد خروجها من المطبخ بخطوتين..

حست بيدين مثل الحديد تلتف على خصرها ..

وجسم قوي وعريض يحضنها من ورى بقوووة..

صرخت بصوت عالي وطاح الكاس من يدها..

حاولت تفلت من بين يدينه ماقدرت..

كل اللي في بالها هذا مجرم ودخل بيتها..

كانت تصرخ بصوت عالي ومبحوح..

وهي تحاول تبعد عنه بيأس..

حست أنها بتجن من الخوف لما حست بيدينه تتلمس جسمها ..

ضربت بأرجولها الأرض ..

ونادت بعالي صوتها تستنجد بأي مخلوووق..

ثبتها على الجدار ولصق فيها..

حست بانفاسه على خدها ورقبتها ويدينه على خصرها..

شهقت بقوووة وهي تقاوم قربه البغيض منها..

مشخته على رقبته لما حسته يقبلها على شفايفها..

رفع أحد يدينه ورفع راسها وأجبرها تناظرهـ ...

تعلقت عيونها بعيونه..

يتأملها بشووووق وغرام..

وتقابله نظرات رفض وصدوود..

بثواني درس كل تغيراتها..

بوجها ..بجسمها..بأنفاسها..

وهي شافت غدر الزمن فيه..

وحرمان وعذاب ينتظرها..

غازي بهمس\طولتي الغيبة يا هديل ...

هديل بصراخ\لاااااااااااااااااا لااااااااااااااااااااااا..

لاااااااااااااااااااا ما ابييييييييييييييييييييييي ييك..

لا لالا...راجح يا خااااااااااااين اكرهك يا خاااااين..

ابعد عنيييي ابعد عني ما ابيييييييييييييك...

لم يدينه حوالينها اكثر وقربها منه..

غازي بوعيد\ماتبيني..؟؟

كل هذا هجر ..كل هذا حرمان وقهر...؟؟

قاومته بكل قوتها وهو يحتضنها غصب عنها..

صرخت برعب أكثر وهي تسمع الصوت الغالي عليها يقترب منها..

ناظرت باتجاه الغرفة وهي تبكي...

هديل بنحيب\لاااااا..لاتطلع خلك مكانك لا تطلع تكفــــــــى تكفى لا تطلع..

شهق غازي بصدمة وهو يشوف خيال طفل واقف مستند على باب الغرفة..

أقاهرتي! افترقنا ثلثَ قرنٍ

فهل لي أن أبثكِ ما بدا لي؟

ذرعتُ مناكب الصحراء.. حتى

شكتْ من طول رحلتها رحالي

وجبتُ البحر.. يدفعني شراعي

إلى المجهولِ.. في جُزرِ المُحالِ

وعانقتُ السعادة في ذراها

وقلبني الشقاء على النصالِ

وعدتُ من المعارك.. لستُ أدري

علامَ أضعتُ عُمري في النزالِ

وماذا عنكِ؟ هل جربت بعدي

من الأهوالِ قاصمة الجبالِ؟

وهل عانيتِ ما عانيتُ.. جُرحاً

تجهّمه الطبيبُ! بلا اندمال؟

على عينيكِ ألمح برق دمعٍ

أحالكِ يا حبيبةُ مثل حالي؟؟!

المرحوم باذن الله تعالى..غازي القصيبي...

وصل على المكان الموصوف له..

نزل من السيارة يدفعه شوقه لها..

حبه وحرمانه منها..

أبعد يده عن الباب وأنسحب بهدوء...

نزل لحارس السكن..

تكلم معه بلغة ايطالية عن سكان العمارة..

قاله بآسى\أنا قادم من المطار ولا أعلم ان كان هذا هو العنوان الصحيح..

هل تعلم إن كانت فتاة عربية تقيم هنا اسمها هديل؟؟

.....\هل تقصد الفتاة ذات الحجاب..؟؟

غازي بتنهيدة رضا\نــعم ذات الحجاب..

....\لا يوجد الا فتاة واحد عربية بهذا السكن وترتدي الحجاب هنا..

رقم شقتها 4..

غازي\حسناً ياصديقي أنا بحاجة لمساعدتك..

أريد مفاجئت زوجتي..لم نلتقي منذ سنتين..

....\كيف استطيع خدمتك سيدي...؟؟

طلع بوكه وخرج 200 يورو وحطها بيد الحارس..

غازي بهدوء\مفتاح الشقة لو سمحت..؟؟

الحارس بغير تردد وبابتسامة كبيرة\بكل تاكيد...

بعد ثواني رجع الحارس والمفتاح بيدهـ..

سلمه لغازي وهو مبسوووط بالمبلغ اللي بيدهـ..

صد عنه غازي وطلع الدرج بخطوات ثابته..

قبل لا يفتح الباب تردد للحظات..

جلس على أحد الدرجات وعينه على باب الشقة..

هل هذا حلم..او كابوس..

حقيقة أو صنع خيال..

معقولة هديل حية ...!

عايشة وتتنفس...!

ورى هذا الباب موجودة ..؟؟

يمكن سالم يتوهم..؟؟

وضاع بين هديل وشوق..؟؟

بس شوق في السعودية... وانا تاكدت..

هو يقول اللي كانت معك في مطار باريس عند الجوازات..

هديل اللي كانت معي في باريس ..

وانا بيدي شلت لثمتها عند الجوازات..

يقول انا وصلتكم فندق ريتزباريس..

وزوجتي هي اللي كانت معي...

والسفارة يا غازي... يتوهمون مثل سالم..؟؟

أكدوا لك انها هديل..

حكوا لك كل شيء بالتفصيل..

يحسبونك جاي تكمل معاملات زوجتك..

هويتها..جوازها..اوراقها..

ويا رحمة الأقدار فيك ..

سلموك كل أوراقها وإثباتاتها...

بمجرد اضافة توقيعك وشهادتك بانها زوجتك..

وانها ماتنتحل شخصية فتاة ميته..

وسالفة موتها كانت غلطة غير معروف سببها...

والعنوان عندهم يطابق العنوان اللي عطاه اياه التحري ..

المكلف بمراقبت صوفي من آخر اجتماع صار بالمكتب..

هذاك الإجتماع اللي خلاه يصمم يعرف من يكون شريكه المجهول..

هي واللي معها يحملون نفس اسمك واسم العائلة..

هي واللي معها يحملون نفس اسمك واسم العائلة..

اللي معها هو راجح..

يحملون نفس اسمي واسم العائلة..

سماها شوق..وبكذا صارت تحمل اسم ابوي وعائلتي..

والله ولعبتها صح ياراجح..

وقف ومشى بتصميم ..

فتح الباب بسهولة وقطع السلسلة الخفيفة المثبته عليه بأمان..

دخل وسكر الباب وراهـ بهدوء..

ما أستغرب من الهدوء المسيطر على المكان..

الوقت متأخر وأكيد نايمة و ماتدري عنه..

الأضواء خافته في الصالة..

نور يطلع من المطبخ المفتوح على الصالة..

ونور من غرفة حزر انها غرفة النوم..

كمل طريقه يتأمل بيتها..

مسكنها لفترة مايعرف كم مدتها..

أغراض غريبة مرمية على الأرض ما اثارت إهتمامه..

ولما قرر يتوجه لغرفة النوم..

ثبت بمكانه بجمود..

وهو يسمع صوت هامس وضحكة مبحوحة...

جلس على كرسي منفرد بضعف وعيونه مثبته على باب الغرفة..

حس بخفقان قوي بقلبه من همسات بسيطة تشبه الخيال..

ناظر يدينه ترتجف من حقيقة الصدمة..

وهمس لقلبه الموجوع..

هي حية..

مادفنتها بتراب..

هي واقع ماتنتمي لـ الذكرى..

اللي ذابت روحك بفراقها حية وموجودة..

على الأرض ماهي بجوفها..

انحبست انفاسه لما شاف ظلها معكوس على الأرض..

تعلقت عيونه بطيفها قبل لا تظهر قدامها كلها..

لا رف جفنه ولا ضيع تفصيل صغير منها..

تمشي بهداوة..

وهداوتها بلبسها عذبته ..

ملفوفة بروب حمام قصير..

يظهر منها الكثييير لعيونه المستاقة..

شعرها منثور على ظهرها..

وجهها لازال يحتفظ بجماله وفتنته..

عيونها غرامه وعشقه تلمع بأجمل سحر..

عيونها الغالية على روحه..

تبصر النور ماهي بعمياء..

ما أحترقت بزاوية الفندق وهي ماتدل طريقها..

ما أحترقت وهي تنادي تطلب العون والفزعة..

شافت طريقها وهربت مني..

هربـــــــت ...

رحمها ورحم برائتها..

تشرب ولا تدري وش ينتظرها..

همس بحقد\

لأبوك يا عقد الألماس لأبوك...

دفنتها ألا حسبي الله عليك ...

وقف بحنين وقرب منها ..

هي بنور وهو بظلام..

لا شافته ولا حست عليه..

لم يدينه على خصرها بتملك..

وضمها له بقووووة يأكد لقلبه إن الروح رجعت له..

طاح الكاس منها..

وهي تسحب نفسها عنه وتصرخ...

رفعها بخفة وابعدها عن الزجاج المكسور لا يجرحها وهي حافية..

مرر يدينه عليها بعبث..

يبي يعرف كل تغير صار فيها..

رفعت ارجولها تحاول تضربه أو ترمي نفسها على الارض وتهرب منه...

يدري إنه أرعبها..

ومتأكد إنها مستحيل تتوقع وجودهـ..

بهذي اللحظة حس بأنانيته بتملكها..

مايبي يهدي روحها الخايفة المرعوبة..

على كثر مايبي ينعش روحه الملهوفة...

ثبتها على الجدار وقرب وجهه منها..

يدينه لازالت مسيطرة على خصرها..

ثبت راسه على كتفها وهو يشم ريحتها..

وأنفاسه تضرب وجها ورقبتها..

جزم لنفسه بانه ماراح يهدا حنينه الا إذا قبلها..

قبلها بحب وشوق..

تملكها حلم ما أستحال تحقيقه..

بقت في باله دائماً ذكرى أخر قبلة ولمسة..

ترددت بخياله مقاومتها وهمساتها..

كم تمنى وترجى..

لو ترجع له بيوم..

ولو بالحلم..

وربي أكرمه ومن عليه ورجعها له..

ترك شفايفها وهو يبتسم لما حس بأظافرها تجرح رقبته..

رفع راسها بيدهـ..

وثبت وجها يقابل وجهه..

صار دورها ألحين تعرف من أكون....

ضاع وتاهـ ..

وعيونها الجايرة تناظر عيونه..

ونظراتها المرعوبة تقابل نظراته المغروومة...

شاف فيها الخوف..

شاف فيها الصدوود...

شاف سنيييين من الضماء والهجران..

شاف العذاب الغالي على قلبه..

يبيها تتأمله..وتدرك وش سوا فيه هجرانها وغيابها..

علها تفهم وش تكون لقلبه وروحه..

بشوفت الدموع بعيونها تألم..

معقولة تألمت لفراقه..

أشتاقت مثل شوقه..

نادته بحنين مثل ماكان يناديها..

حالها هل هو مثل حاله ..؟؟!

وبلحـــظات ..

أدرك إنه بدأ بحرب المنتصر فيها هديل..

همس بشوق\طولتي الغيبة يا هديل...

وكان ردها مثل ماتوقع واكثر...

توها تستوعب وجودهـ..

يشوف الأمل فيها يكون كابوس وتصحى منه..

بس هذي الحقيقة ..

هي حية وهو رجع..

هديل بصراخ\لاااااااااااااااااا لااااااااااااااااااااااا..

لاااااااااااااااااااا ما ابييييييييييييييييييييييي ييك..

لا لالا...راجح يا خااااااااااااين اكرهك يا خاااااين..

ابعد عنيييي ابعد عني ما ابيييييييييييييك...

لم يدينه حوالينها اكثر وقربها منه..

غازي بوعيد\ماتبيني..؟؟

كل هذا هجر ..كل هذا حرمان وقهر...؟؟

قاومته بكل قوتها وهو يحتضنها غصب عنها..

وعيونه تراقب روبها اللي كشفها له بعد مقاومتها..

صرخت برعب أكثر وهي تسمع الصوت الغالي عليها يقترب منها..

ناظرت باتجاه الغرفة وهي تبكي...

هديل بنحيب\لاااااا..لاتطلع خلك مكانك لا تطلع تكفــــــــى تكفى لا تطلع..

قبل لا تصرخ ترتجي شخص غير معروف يطلع من غرفتها..

سمع صوت ضربات خفيفة متلاحقة تضرب على الأرض الخشبية..

وبعد ماسمع هالصوت وهي سمعته..

صرخت برعب أكبر من رعبها منه...

ترتجي هالشخص لايطلع من الغرفة...

ناظر بنفس اتجاهـ انظارها...

وشهق بصدمة وهو يشوف خيال طفل واقف مستند على باب الغرفة..

من دون وعي شد يدينه حواليها بقووووة..

وعيونه تراقب الخيال الصغير..

يمكن ظلال ويختفي..

يمكن سراب وينتهي..

بس كان كائن وحي..

مشى بطفولة ..

وخطوات مهزوزة..

يتعبث في طريقه..

يشاهق ويصفق بيدينه..

غامت روحها على شكله..

يضحك لها ينتظرها تمد يدينها له..

لقاها ولقاهـ..

عرف عن مكانها وعن ولدها..

لازم تواجهه ماهو عشانها..

عشانه هو وبس..

عشان ولدها وروحها وكيانها ..

قرب منهم بخطواته..

وتمنى غازي لو يدخل جوات هديل..

يختفي..ينتهي..

حس بعظيم صدمته..

ناظرها بتساؤل..

وشاف نظرات الحقد والتحدي..

تجمدت كل عضلاته..

ونشف الدم بعروقه..

لما همست له بحقد\أنجبت الجارية سيدها..

وقبل لا تكتمل صدمته بكلامها..

غمض عيونه بقوووة ودفن وجهه في شعرها..

وهو يحس بيدين الطفل تستند عليه وتتمسك ببنطلونه..

شد على هديل أكثر..

أول مرة يخاف..

ويحس بعدم قدرته على المواجهة..

ويـــاصدمته لان خوفه كان من مواجهة عيون ولدهـ..

برائته..طهارته..

شهقاته المبسوطة..

ضربته على ظهرهـ بعجز..

تحاول تبتعد عنه..

تصحيه من صدمته..

خفف يدينه حواليها لما لمح ذياب يتعلق بأرجول أمه الباردة..

بعد مافقد الأمل في غازي وإهتمامه..

لفت جسمها بين يدينه وشالت ذياب وحضنته..

قوست نفسها عنه تبيه يتركها..

لكن هو كان له رأي ثاني..

حصرها بالزاوية وعيونه متعلقة بوجه ذياب..

عض شفته بحنين لما حس بيد ذياب على وجهه..

رفع يد ذياب من على خده وحطها على شفايفه..

قبلها بحـــب وحسرة..

ابتسم بألم وهو يسمع شهقة ذياب وضحكته المبحوحة..

طلعت منه آآآهـ مقهوووورة..

وضمه له بقووووة..

خذاه من يدها بيد وحدة وضمه على قلبه..

وبيده الثانية لمها له ومنعها ماتهرب منه..

Maha bint saad likes this.

جرح الذات غير متواجد حالياً  التوقيع

رد مع اقتباس

قديم 03-01-12, 03:49 AM   #1353

جرح الذات

مراقبة ومشرفة سابقة ونجم روايتي

alkap ~

 

الصورة الرمزية جرح الذات

? العضوٌ??? » 54920

?  التسِجيلٌ » Oct 2008

? مشَارَ?اتْي » 16,539

?  مُ?إني » الدمــام

? الًجنِس » 

? دولتي » دولتي Saudi Arabia

? مزاجي » مزاجي

My Facebook My Twitter My Flickr My Fromspring My Tumblr My Deviantart

?  نُقآطِيْ » جرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond repute

¬» مشروبك   cola

¬» قناتك dubi

¬» اشجع hilal

?? ??? ~

قول الله تعالى ..(إذكروني أذكركم وإشكروا لي ولا تكفرون )

?? ??? ~

My Mms ~

افتراضي

سبحانك يارب..

فتحتها من أوسع ابوابك..

زوجتي وولدي بحــــضني..

تممت حملها..

ولدت وتعافت..

وهذا حلمي المبتور أكتمل..

الحمد والشكر لك يا رب العالمين..

ياربي ما أكرمك..

اول ماحست انه خفف يده من عليها..

سحبت نفسها عنه بقووة..

وسحبت ذياب بسرعة..

بعدت عنه خطوتين وهي تلم الروب عليها برجفة..

بعدت اكثر وهو يقرب منها..

هديل بقوة\لا تقرب مني...

مالك مكان في حياتنا..

غازي يهز راسه برفض\قررتي كثير في حياتنا..

طول فترة غيابك وموتك المزعوم وأنتي مقررة الفراق..

واليوم صار دوري أنا أتخذ قرار..

أنتي زوجتي..وهو ولدي..

وحياتك من دوني انسيها..

هديل بحقد\لا أنا جاريتك..ولا نسيت..؟؟

ملك يمين أمة عبدة..مغتصبة ومنهانة ..مذلولة..

ومن شروط الجواري تعتق لما تلد بولد سيدها..

وبذالك يا حقير انا صرت جارية لولدي..

وبكل أمانة أنا فخورة اني جاريته..

رغم تاريخي الأسود مع طاغوت مثلك..

غازي بحدة\انتي زوجتي مو جاريتي..

هديل بكرهـ\ما يشرفني ..

دخلت غرفتها سكرت الباب بقووة وقفلته..

جلست ذياب في سريرهـ..

وطلعت ملابس من الدرج بسرعة..

لبست بنطلون جنز وكنزة بيضاء..

وهي تحاول تهدي من رجفتها..

مسحت دموعها بخوف..

وهي تلم ملابس واغراض لذياب..

اخذت جوالها وأتصلت براجح وهي تسمع غازي يضرب على الباب..

بعد كم رنة رد عليها بصوت هادي..

راجح\ألو هلا ام ذياب..

هديل بقهر\حلفت يا كذاب..حلفت ماتخوني ولا تدله علي..

حلفت بالله العظيم ما تغدر فيني..

ليش كذبت علي؟؟الله لا يسامحك ياراجح..

راجح وقف بصدمة\هديل أنتي وش تقولين وش فيك..؟؟

صاير معك شيء..؟؟

هديل تبكي\حرام عليك ماطلبتك الا شهادة..

ليه تدله علي..ليه قلت له اني حية ليييييه؟؟؟

راجح وعرف من تقصد\غازي عرف عنك..؟؟!

صرخت لما كسر الباب ودخل عندها..

رمت الجوال عليه بقوووة...

هديل بحقد\أكرهـــــــك ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

طوى سجادته واتصل برشا بس ماردت عليه..

أنسدح على فراشه وكل تفكيره بهديل..

هي تقول ماتبي ترجع السعودية ولا ترجع لهلها..

لام الله من لامك يا هديل..

وكيف ترجعين وأنتي ميته..

بس لا هذا ماهو بحل..

لازم ترجع لامها وابوها المسكين..

ترجع لهلها..

هي متزوجة وماسوت حرام..

ويدبرونها بألف دبرة من عندهم..

المهم ما تبقى متشردة وضايعة طول عمرها..

برقبتها ولد وهي بعدها صغيرة..

ماباخليها على كيفها..

بارجعها معي وأسلمها لأبوها أو اخوانها..

انا كل خوفي لايدري عنها غازي..

هي لابد تطلع من ايطاليا وترجع لهلها قبل يشوفها..

أستعجلتهم في أوراقها وبكرهـ أمر السفارة وأخذها..

ولدها أوراقه جاهزة اثباتاته وهويته مثل مافهمت منها..

يارب تسهلها عليها..

قفل النور ونام بعد ماقرأ أذكارهـ..

وبعد دقايق سمع جواله..

رد وهو يشوف اسم هديل ..

راجح\ألو هلا ام ذياب..

هديل بقهر\حلفت يا كذاب..حلفت ماتخوني ولا تدله علي..

حلفت بالله العظيم ما تغدر فيني..

ليش كذبت علي؟؟الله لا يسامحك ياراجح..الله لا يسامحك..

أنصدم من كلامها وصوتها..

من عتابها له وبكاها بخوف..

وقف بصدمة\هديل أنتي وش تقولين وش فيك..؟؟

صاير معك شيء..؟؟

هديل تبكي\حرام عليك ماطلبتك الا شهادة..

ليه تدله علي..ليه قلت له اني حية ليييييه؟؟؟

راجح وعرف من تقصد\غازي عرف عنك..؟؟!

ماردت عليه الا بصرخة..

وهو يسمع صوت عالي مخيف عندها..

نادى عليها بس ماردت..

بدل ملابسه بسرعة وأخذ مفتاح السيارة..

طلع من الفندق يركض ..

وصل المواقف وأنصدم بكل كفرات السيارة مثقوبة..

ركض على الخط العام وحاول يوقف سيارة اجرة..

وشتم بقهر لما وقف في وجهه رجال سكران..

وصار يتهاوش معه بالايطالية..

راجح ضربه بقوة وبعده عنه\انقلع لا اذبحك..

وتفاجأ بواحد ثاني يهاوشه..

استغفر الله بخاطرهـ..

وهو يدافع عن نفسه ويبي يلحق على هديل..

ضربه بقسوة وعصبية ..

وابتعد عنهم واشر بيده بشكل سريع..

وقف سيارة وعطاه العنوان بسرعة..

وطول الطريق من الفندق وهو يتصل عليها..

ويتصل على غازي..

وكانت هذي اول مرة يتصل على غازي من فترة طويلة..

اتصالاتهم مقتصرة بس على الشغل..

وأحياناً يكتفون بالرسائل..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

تقدم منها بخطوات وسيعة..

شالت علبة حليب ذياب ورمتها عليه..

بعد عنها وضربت العلبة على التسريحة وأنكسرت..

وقبل لا يوصل لها نطت على سريرها تبي تهرب منه..

مسكها من ارجولها وطاحت على سريرها..

ضربته بأرجولها بقوة على صدره وبطنه..

كل شيء يطيح بيدها ترميه عليه..

كانت بحالة دفاع عن نفسها كيانها..

متأكدة لو سمحت له يأخذها..

بترجع لــ الذل والمهانة..

بيتملكها غصب عنها..

بيضربها ويهينها...

قاومته بكل قوتها..

حاول يهديها ..

يخفف صدمتها اللي تحكمت فيها بقوة..

عرف إنها تقاومه من رعبها من الماضي..

مايلومها..

كيف لنفس ترضى تعيش بسجن مظلم وكله اهانة..؟؟

لم يدينه حواليها ومنعها من الحركة ..

رفعت رجلها وداست على رجله بقوة..

دفته عنها تراجع على ورى ويدينه محاوطتها طاح وطاحت عليه..

ولازالت مستمرة في مقاومته وضربه..

تسمع صوت ذياب يبكي مع بكاها ونحيبها...

عضته مشخته..

سبته بكل كرهــ ..

أنقلب الحال وصارت هي اللي على الأرض ..

ثبتها على ظهرها ومنعها من الحركة..

همس لها\انسي القاسي..

مات ودفنته يوم دفنتك..

اللي خايفة منه مابقى له وجود..

صرخت بالآآآآآهـ بكل قهر ورفض ..

علت صرخاتها المستنجدة براجح وأبوها..

قبلها يضعف قوتها..

وبعد لحظات رفع راسه عنها وشاف الظلام بعيونها..

وقف بهدوء..

ورفعها بحنية...

وبلحظة مكر وخدعة منها دفته بكل قوتها..

ضرب على الجدار وطاح على الارض..

مسك ساقها وطاحت جنبه وضرب راسها الارض بقسوة...

حست بدوخة وماقدرت ترفع راسها..

غصب عنها غامت عيونها عن الدنيا..

وهي تحس بنفسها بحضنه..

وهو يطمنها بتكون بخير..

أخر شيء تتذكرهـ قبله على جبينها..

رفعها عن الأرض وسدحها على فراشها..

أخذ أغراض ذياب ونزلها سيارته بسرعة..

رجع لها شالها وشال ذياب ..

سدحها بالمرتبة الخلفية..

وحط ذياب جنبه قدام..

لازم يأخذها بعيد عن راجح وغيرهـ..

يبي يظل معها ..

هو وهي من دون متطفلين...

ناظر ولده بطرف عينه..

وجودهـ بيكون مثل الشفاء لروحه وروحها...

ماردت هديل ولا رد غازي..

اتصل بالسفارة وطلبهم تجهيز أوراق هديل لانه بياخذها بعد ساعة..

شتمهم وسبهم وتوعد فيهم لما قالوا انهم سلموا اوراقها لزوجها..

راجح بحقد\والله ماتدفنها من جديد لو أدفنك أو تدفني ..

نزل من السيارة يركض وطلع الدرج بشكل سريع ..

ضرب على باب الشقة أكثر من مرة ..

ماكان فيه رد عليه...

ضرب بقوة اكبر وقرر يكسر الباب وما فكر بالعواقب..

دخل الشقة وصار ينادي بأعلى صوته عليها وعلى غازي..

من الهدوء اللي قابله أيقن وتاكد إنهم مو موجودين بالشقة..

الصالة كانت بحالة فوضى..

والزجاج منثور على الأرض..

غرفة النوم كانت تحكي عن معركة كبيرة صارت فيها..

التسريحة مكسورة..

جوال هديل مرمي على الأرض..

فراش ذياب معفوس وألعابه منثورة..

السرير بحالة فوضى...

هز راسه بآسى على حالها..

وهو يفكر في غازي كيف عاملها..

يمكن ضربها وخطفها مرة ثانية..

خرج من الشقة وقفل الباب بقوة وصعوبة..

نزل من العمارة وناظر حوالينه..

بأي طريق وداها..؟؟

وبأي حال صارت..؟؟

بدأ المطر ينزل وتنهد بيأس من غازي العنيد..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛

وقف السيارة عند أحد المحطات..

ألتفت على ورى وتطمن عليها..

نايمة ومغطيها بوشاح أسود..

مد يده ونزل الغطاء عن وجها..

أبتسم بشوق لها ولعيونها..

حول عيونه من عليها وناظر بذياب السهران معه..

كان مجلسه قدام جنبه بكرسي الأطفال اللي خذاه من شقة هديل..

ابتسم له وشاله من كرسيه..

غازي بحب\ياحي الله الشيخ...

كيفك يا روح أبوك..والله إني عرفتك وانكرت ليه ماتكون ولدي..

شميتها فيك وغررت بي صوفي وكذبها..

بس ماجهلتك..بقيت في بالي على طول..

تمنيت القاك اشوفك..او اعرف منهم هلك..

اتاري امك هي أمي وروحي..

ضمه على صدرهـ وهمس له..

غازي بهمس\لايكون عذبتها وأتعبتها..

ولادتك كيف كانت..؟؟

من أسعفها..من واساها وطمنها..؟؟

طمن أبوك على روحه..

عساها ما تعذبت بسبايبنا يا ابووك..؟؟

رفعه عن كتفه وابتسم على شكله النايم..

قبله على جبينه وخده وعيونه..

رفع يدينه الصغيرة ودفنها برقبته..

غازي بهمس\نمت ولا قلت لي وش أسمك..؟؟

يعني أقضي باقي المشوار من دون صاحب يونسني..

غلاي نايمة وأنت نمت..

نوم العوافي يا فديتك..

نزله بفراشه وغطاهـ..

ألتفت عليها مرة ثانية وشاف عيونها مدمعة وشفايفها ترتجف..

كانت مركزة نظرها على ذياب النايم..

وكلامه واسئلته لذياب تخنقها وتعذبها..

لاتصدقه فديتك..

بحياته لا عز أمك ولا حبها..

لا قدرها ولا حن عليها..

صدقني انه يتمنى لو تعذبت ومت بولادتك..

لو عانيت وتوحدت من بعدك..

يهمه حالي ..؟؟

يسأل انا كنت وحيدة وأنا أولدك..؟؟

وكأنه مايعرف الجواب..

ماهو غربني ودفني..

حرمني من أمي وهلي..

بخل علي أعرف إنك ولد حلال وأنا مرة متزوجة ماني............

قهرني يا ذياب..

قهرني لا تقهرني معه تكفـــى..

مسحت طرف فمها بأصابعها..

وهي تتنهد بآسى..

مستحيل أسمح له يذلني مثل أول..

يضربني أو يعذبني..

صد عنها وشغل السيارة مشى على طريقه..

وباله كله معها اللي نايمة ورى..

شافها بالمرايه تجلس وتبعد الغطاء عنها...

حست بدوخة اول مارفعت راسها..

أسندت راسها على ورى...

وغمضت عيونها تهدي الألم..

وغفت بسبب الصداع ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طلعت الدرج بسرعة..

ضربت في غادة من دون ماتنتبه..

كانت بتطيح على ورى بس غادة مسكتها وثبتتها..

غادة بخوف\ياسمين وش فيك..؟؟

ياسمين تهز راسها\اا.... أنــ..... ولا إشي..ولا إشي..

غادة باهتمام\ياسمين حبيبتي ليه ترجفين..

ياسمين\شفت واحد .....خفت يدخل وانا لوحدي..

غادة تبتسم\حبيبتي لا تخافي هذا أخوي هادي..

اللي حكيت لك عنه كثير..رجع من بريطانيا..

والحمدلله خلص المحاماة..

ياسمين\اسفة ماعرفته..

اممم عن اذنك لا تتاخري على اخوك..

دخلت جناحها بسرعة..

قفلت الباب وهي ترتجف..

همست لنفسها\عرفته يا غادة قبل لا تحكين..

ياربي أرشدني لــ الصواب..

أقول لهم هديل حية وبخير..

أرشدهم على مكانها وترجع لهم..

ولا التزم بوعدي وأنسى وجودها مثل ماطلبت مني..

جلست على الأرض بحيرة..

واذا ماقلت لهم..

معقولة تبقى اختي هديل متغربة عن أهلها وبلادها..

وأهلها المساكين مايعرفوا عنها إشي..

آآآآهـ ياهديل لو ترجعي لحظات بس ..

وتشوفي اللي فاقدينك كيف عايشين بدونك..

انا يتيمة وأتمنى لو كانت أمـــي عايشة..

ماكنت راح اتركها ولا يوم..

أبوي ما ابتعد عنه محيطات وقارات..

بلادي ما اتغرب عنها وأتبرى عنها..

بترجاك هديل..

إرجعي وإمسحي الحزن من قلوبهم الحزينة..

حطت راسها على ركبها ..

وبكت بصوت مخنووق ..

ياربي أرشدني ياربي..

رفعت راسها لما حست بيد سلمان على شعرها..

شافت نظراته الحنونة الحاوية لها ..

زادت شهقاتها وهو ضمها لصدره بحنان..

سلمان\هشششش ليه يا قلبي زعلانة..؟؟

لا يكون إنت مزعلك..؟؟

ياسمين حبيبتي..ما احب اشوفك تبكين..

ياسمين\كيف اقرر..؟؟

مو قادرة أخونها..؟؟ولا اقدر أشوفهم يتعذبون..

سلمان ضايعة بينها وبينهم والله العظيم..

رفع راسها من على صدره وناظرها بتساؤل..

سلمان\اي قرار..؟؟

ومن هي ومن هم..؟؟

هزت راسها بعجز وضمت نفسها له..

ياسمين\ما اقدر..

كل هذا العذاب وما اقدر..

سلمان\ياسمين أنا مو فاهم عليك..

وش اللي ماتقدرين..؟؟

ياسمين\ما اقدر اقول..

سلمان احترم رغبتها\حبيبتي اذا xxxxxة بشيء..

ومو قادرة تقررين إستخيري ربك..

صلي استخارة ومابتندمين...

ياسمين\.......................

حب يغير جوها ويطلعها من حالة الحزن..

وبالمرة يتفاهم معها على موضوع الأسهم..

سلمان\ياسمين بالنسبة لــ الأسهم..

هي ملك لك إنتي..

وأنا مالي أي علاقة فيها..

اللي ضايقني انك بعتيها لهذيك الايطالية وهي ماهي مسلمة..

ياسمين\الأسهم بعتها لمسلمة من تونس..

صوفي مالعا اي علاقة في الأسهم..

لازالت تغير في أقوالها..

وقيمة الأسهم الى الآن غير معروفة..

حسابها ماتغير..

حب ينهي الموضوع عند هذي النقطة ..

لان الأسهم راحت وارتاحوا من شرها..

وقف وسحب يدها توقف معه..

سلمان بمحبة\مشتاق لك..

وعازمك على سهرة تسر خاطرك..

ابتسمت بهدوء\شكراً حبيبي..

سلمان\يازين كلمة حبيبي..أحسن من كلمتك وأنتي مزاعلتني..

ياسمين بدلال\أنت اللي تزعلني..

سلمان\وش اللي مخرب بيتي غير إنت هذا..

كل ماشفتك زعلانة أقولك من زعلك تقولين إنت..

انا بس لو أمسك إنت هذا لا أحوووسه لبى قلبه..

ياسمين\ههههههههههههه حشش الرجال..

سلمان فتح عيونه ع الآخر\من وين عرفتي كلمة حشش..؟؟

ياسمين بضحكة\من عبدالله ولد اخو غادة..

سلمان\ألحين هذا الأفة على المجتمع خرب ألفاظك..

هذاك الولد من قطاعين الطرق لا تصاحبينه..

ياسمين بدفاع\ههههههههه والله حبيته..رغم عصبيته الدائمة..

سلمان\يقال إني عسر وخروا عني..

ياسمين \لبى قلبه..

سلمان عقد حواجبه\لا ياشيخة وبعد تعلمتي لبى قلبه..

ياسمين بمرح\ايه فديتك..

سلمان\يا ويلي ويلاااهـ..صاحبيه فديتك صاحبيه دامة يعلمك السنع..

قبلها على جبينها لما شافها منحرجة منه..

وارتاح لأنه قدر ينهي مشكلة صارت تزعجه كثير..

وبنفس الوقت..

محيرته بسرحانها الدايم..

وسؤالها عن أهل بيت عمه أكثر من بيت هله..

وكثير تحب تزورهم وتتقرب من أم علي وجدته..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛

نزلت من السيارة مسك يدها ..

وهو واقف جنبها وذياب بكرسيه بيده الثانية..

مشى بهدوء وهي تمشي معه بجمود..

كانت تتوقع بيرجعها المزرعة ويحبسها مرة ثانية..

تفاجئت بالبيت الفخم اللي دخلها له..

سكر الباب وقفله بالمفتاح..

مافاتته نظراتها الساخرة من تقفيله لــ الباب..

وكأنها توصل له رسالة تحدي..

إن الباب ماراح يمنعها من الخروج من البيت ومن حياته..

أعترف بقلبه إنه معجب وبقوة بشخصيتها القوية..

وتاكد من نظراتها الجامدة له إنها بتكون مقاومة بأقوى من مقاومتها له في شقتها..

أشر لها بيده على غرفة بجهة اليمين..

تقدمت منه خطوتين وأخذت ذياب من يده بتملك..

ضمته لها وهو نايم ..

وأنقهرت من نظراته المتأملة لها وهي تضم ولدها..

ماتعرف إنه إلى الآن لازال يشك بصدق اللي يصير.

وإنها فعلاً حية مو ميته..

لو تدري كم مرة رسمها بأنوار الشوارع..

وناداها كل ليلة..

ويرحب بفصل الشتاء لانه أجمل فصوله معها..

ماحنت عليه..

ماطمنته بكلمة..برسالة..بحلم وطيف كذاب..

انتظرتك عمري كله .. وانتي حلم ..

هذا إنتي .. قولي والله إنه إنتي ..

وين غبتي ؟! .. عني هذا الوقت كله ..

وين كنتي ؟! ..

شيبت عيني طيوفك .. وما أصدق إني أشوفك ..

ياللي قلبي في كفوفك .. نقش حنا ..

وفي جديلك عطر ورد ..

آتمنى .. لو تكوني في فراغ اعيوني وعنى

وفي سموم ضلوعي برد ..

ليه تأخرتي علي ..

وما طرى لك تسألي ..

بقلم مهــــرة حـــرب ...

صدت عنه ودخلت الصالة الجانبية..

جلست ولازالت تحتضن ذياب..

أنتبهت عليه يجلس قدامها على الطاولة..

أرجولها صارت بين ركبتينه..

تحكمت بكل شيء فيها..

برجفت شفايفها..

برعشة يدينها..

وخانتها رفة جفنها..

وأثبتت له مدى ضياعها..

وبسبب الهدوء..

والنظرات الصامته بينهم..

كل واحد سمح لنفسه يعاتب الثاني بعيونه..

حكى لها بصمت عن جرحه بغيابها..

عن ضياعه والهجير..

عن كل نبضة كانت تقطع أنفاسه وترجعها..

حكت له عن فرحة مطعونة بفراقه..

وأهل قفلوا الباب بوجها ..

عن صدمتها بحملها..

عن وحدتها وألمها..

وماتجرات تحكي عن لحظات حاجتها له ومناداتها له..

صمت وسكــــــوت..

مالــ الكلام معنى..

من رجعك ؟

كنت السفر , من رجعك !

ضاع الطريق او ضيعك؟؟

لا تقول احبك , لا تقول

عالي السكوت , ما اسمعك ..

تذكر في يوم الفراق

لما وقفت اودعك

ناديت يا عمري ابيك

و بكيتها عيوني عليك

و تركتني الله معك

لا تقول احبك لا تقول

عالي السكوت , ما اسمعك ..

يا صوتك الناحل

في ضجت ظنوني

انت الزهر ذابل

في قلبي و عيوني ..

صدقني ما يفيد العتاب

و صدقني ما يكفي الندم .

تبغاني احبك للـعذاب

والا احبك للالم ..

انا حتى مدري وش تقول ؟

عالي السكوت , ما اسمعـك ..

بدر بن عبدالمحسن...

صحى ذياب وقاطع صمتهم القاتل..

وأجبرهم يناظرونه..

وينسون حقدهم لخاطر عيونه..

هو مايدري ليش ولده يبكي..

بس هي تدري..

آخر مرة شرب حليب قبل ثلاث ساعات وزيادة..

وأكيد جوعان..

وقفت و هو وقف معاها..

كانوا لاصقين في بعض مابينهم الا ذياب..

ماتقدر ترجع ورى..لان مافيه وراها الا الكنبة..

وماله اي نية يبتعد عنها..

أضطرت ترفع راسها بنظرات حاقدة..

وقابلها بنظرات رافض يتحرك..

حطت يدها على كتفه..

رفعت نفسها على الكنبة عشان تطلع من سجنه..

ندمت أول ماحست بيدينه تشيلها بخفة ويمشي فيها..

صرخت فيه بقهر وهي تحضن ذياب لا يطيح منها..

هديل بإعتراض\أبعد يدينك عني نزلني..

ماني على خبرك..ولاني براضخة لك..نزلني..

غازي بجمود\هشششش لا تتحركين وتقاومين..

يطيح الولد من يدينك..

بعد ما عاد التفكير ..

ودرس كلا الإحتمالات ..

قرر ينفذ اللي في باله..

هو وعدها..ومستحيل يسمح لغازي يستفرد فيها ويدفنها من جديد..

فتح جواله واتصل برقم مخزن عنده من زمــان من قبل لا تموت هديل وتعيش..

رقم يا ما تمنى يتصل فيه ويحكي له كل شيء..

واليوم مابقى لها الرقم معنى بجواله اذا ما نفذ قراره بحكمة..

بعد ثواني جاهـ الرد..

راجح بجمود\السلام عليكم ....

.....\وعليكم السلام..هلا ..

راجح\معك راجح بن جالي ...

....\.........والنعم والله ...

راجح بتصميم\..................................... .

......................

...................

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

طلع الدرج بخطوات هادية متأنية..

وهي بدأ قلبها يضرب بقوة وخوف..

هديل بهدوء\نزلني..يا حقير..

غازي مكتفي بضمه لها بدون ماتقاومه..

لو ذياب مو بحضنها يمكن رمت نفسها من اعلى الدرج..

دخلها بغرفة ونزلها بلطف..

دفته عنها وضربته بقوة..

هديل بتهديد\اسمع يا أنت ...

مابقى لك مكان ولا اثر ولا وجود في حياتي..

ولا تعتقد ماراح أعاقبك على فعايلك فيني يا تافه..

غازي بوعيد\عاقبيني على كل شيء تبين..

وباعاقبك على الهجر..على الغياب..

على ولدي اللي حرمتيني من حق اني أعرفه..

سدحت ذياب على السرير...

وهو نزل على الأرض بعناد...

وجلس قريب منهم يناظرهم بهدوء..

ورجعت توقف قدامه..

هديل بكرهـ\لك عين تتكلم وتتوعد..

لك عين تشرهـ وتلوم..

من أي الكائنات أنت مصقول..؟؟

تبي تعاقبني ليش هربت من إهاناتك وضربك وتعذيبك..

تبي تعاقب ليش منعتك عن ولدك..

بالأول شوف نفسك إنت..

ماتستاهل تكون أب..

لانك ماكنت قبلها زوج..

كنت إنسان تافه وحقير وطاغية مستبد..

أستكثرت علي تعلمني إني زوجتك..

عايشة معك بمسمى جارية..

أقولك حرام تقولي حلال..

أقولك مايجوز تقول يجوز..

تتقولون علي بعرضي وديني..

تنام معي غصب عني ..

تجعلني مع ال****** بنفس المستوى..

احتقرت نفسي وكرهتها..

شفتها باسواء وأرذل الأشكال..

لانك يا مريض يا معقد يا حجر يا جلمووود..

أستكثرت تقول إنتي زوجتي..

أستكثرت علي أعرف إني ما اسوي حرام..

ماتدري أنا كيف كنت اصلي..

كنت أتمنى لو اغطي وجهي بشرشف صلاتي..

لاني خجلانة من ربي..

من ربيييييييييييييي..

أتاري ربي راحمني وطلعت زوجتك..

شف يا قسوتها..

رغم كل شيء فرحت لاني طلعت زوجتك..

ماهو عشانك عشاني..

غازي بقهر\ليش مارجعتي السعودية..؟؟

ليه عشتي بهذا البلد..؟؟

ليه مارجعتي لامك..لأبوك..لهلك..

حسين اللي ياما ناديتيه وطلبتيه..

كمل بغيرة\هادي اللي ماينبض قلبك الا به..

وماتهنى حياتك الا بشوفه ووصاله..؟؟

ليه بقيتي بنفس البلد معي..؟؟

هديل بحسرة\لأنك يالطيب طلعت مخبي لي عذاب أكبر من أفعالك وضربك..

اتاريني ميته لهلي من اليوم اللي خذيتني فيه..

هلي دافنيني وناسين مني..

ظليت هنا لانه مابقى لي أحد..

حتى هويتي اسمي ..أقل شيء أملكه خذيته مني..

هلي دفنوني وإنت دفنتني..

قلي وش رايك تعاقبني أكثر..؟؟

لم يدينه حواليها بقسوة..

قربها منه وهمس بإذنها..

غازي بهمس\أنتي حية..وهذا أكبر عقاب لي..

كنت ميت بدونك..

ومن اليوم باموت بكل لحظة ..

وأنا افكر كيف قضيتي سنتين وإنتي حامل..

وحيدة..مجروحة..

لا أنتي متزوجة..ولا لك أهل..

مدفونة بشهادة الكل..

وحية بشبه حقيقة..

بعدت نفسها عنه بقهر..

وضربته بغضب وحقد..

هديل برفض\وإنت تفكر بحالي من دون اهل..

فكر كيف ضعت بالشوارع..

فكر بعيال الحرام اللي هاجموني..

ولا تنسى ماتفكر بالكفار ومعاملتهم لــ المسلمين..

وبعد خل في بالك الشتاء والثلج القاسي رغم بياضه..

سكتت والعبرة تخنقها..

وهي تتذكر حالها بعد غدر أهلها فيها..

وحياتها في بيت مسفر وهله..

وهربها خايفة منه..

قبل لا يقرب منها ويجبرها تضربه مرة ثانية وثالثة..

شاف ذياب يسبقه لها..

ويتمسك ببنطلونها..

كأنه يرجيها تهدأ وترجع له..

نزلت راسها وناظرته..

بلعت عبرتها وجلست جنبه على الأرض..

جلس بحضنها ورمى نفسه على صدرها ..

جلس قدامهم ركبه ونص..

هذا الملاك يسحرهـ..

يغتال روحه ويذبحه..

قلبه مشتاق يعرف اسمه..

يناديه ويلتفت له..

يدري انها مستحيل تقوله وش اسم الولد لو سألها..

خطر في باله اسم هادي..

او حسين..

قرر يناديه ويشوف بأي اسم راح يرد عليه..

غازي بحنية\هادي...؟؟

رفعت عيونها له مصدومة من الاسم اللي ذكرهـ..

وش يقصد..؟؟

غازي\حسين..؟؟

شهقت لما عرفت انه ينادي ذياب وهو مايعرف وش يكون اسمه..

ضمته لها أكثر وأشرت براسها لا..

تبيه يوقف لعبته القاتلة..

غازي\علي...؟؟محمد...؟؟

تحرك ذياب بحضنها وجلس يلعب بيدها ويدخلها بفمه..

وعيونها لازالت معلقة بغازي..

حست انها تتشفى فيه وهو يعاني عشان يعرف اسم ولده..

أعجبتها اللعبة وطغت على عيونها نظرات التحدي..

لاحظ نظراتها اللي تغيرت من القلق الى التحدي..

برفعة حاجبها اليسار..

قرر يكبر نطاق الأسماء..

ولانه يعرفها ما استبعد يكون اسم ولده......

غازي بحنين\سعـــود ...؟؟؟

......راجح....؟؟

راكان..؟؟

سلمان؟؟

لما ذكر اسم سلمان تذكر ياسمين..

وصوفي و...............

وتذكر مسفر ...

تسأل بحقد..

ولدهـ وش كان يسوي مع مسفر..؟؟

ورجع له سؤاله لمسفر عن اسم ولدهـ..

وجواب مسفر عليه باسم ولدك..

ثبت عيونه بعيونها..

حواسه كلها تجمدت..

عضلاته وعروقه...

همس بضياع\ذ...ذيــــــاب ..؟؟؟!

رفع راسه له بسرعة وهو يطلع صوت خفيف من فمه..

وكانه يرد عليه بــــ ايه انا ذياب ...

لمي ضفائرك الشقراء و ابتعدي

أخشى عليك اللظى الموار في جسدي

أخشى عليك معاناتي.. مكابرتي

تمزقي.. يقظة الآلام في سهدي

تشردي في بلاد الله أذرعها

خطوي جريح.. و قلبي نابض بيدي

يا زهرة بطيوب الصبح عابقة

إني أتيت و ريح الليل في كبدي

يا ضحكة بالصبا الممراح ضاخبة

أما رأيت خيوط الدمع في كمدي؟

و يا حمامة دوح تستريح على

فخ من الشوق.. إن لم ترحلي تصدي

حسبي و حسبك حلم في تنفسه

ما في العوالم من طيب و من رغد

عشنا على راحتيه نشوة ضحكت

لنا.. و ما ابتسمت قبلا على أحد

ما كان يوما و لا يومين موعدنا

بل كان عمرا و عشناه الى الأبد

المرحوم باذن الله تعالى .. غازي القصيبي ..

ثبت عيونه بعيونها..

حواسه كلها تجمدت..

عضلاته وعروقه...

همس بضياع\ذ...ذيــــــاب ..؟؟؟!

رفع راسه له بسرعة وهو يطلع صوت خفيف من فمه..

وكانه يرد عليه بــــ ايه انا ذياب ...

أرتجفت يدينه المعقودة على ركبته..

وبألم نزل عيونه المصدومة من عيونها المتحدية..

بتظل تهزمه..

من أول ما رجعت لحياته أنهزم وانهزم..

هزمته في وحدتها وغربتها في بلد غريب عنها..

لا لغة لا بيت ولا هوية ..ولا احد يهتم فيها ويسـأل عنها..

بينما غربته كانت في بيت وأمان..

له هوية..له أم وأهل يسألون عنه ويهتمون لامرهـ..

له حيل وله قوة..

هزمته في أصالتها..

رغم كل شيء سواهـ فيها الا إنها كانت أصيلة..

سمت ولدها بالاسم اللي يبيه هو..

بعكسه لما حرمها من اسمها..

من أهلها من ابســـط حق وهو معرفة انها زوجته..

شاف ذياب يناظرهـ بــ براءة وحماس..

وراقب حركته ماسك أصابعها ويدخلها بفمه ..

وبصوت غريب عنه ناداهـ مرة ثانية..

غازي بتوسل\ذيـــاب..

نفس ردت فعله الأولى..

ناظره بسرعة..

ينتظر اي كلمة ثانية او لعبة..

مد يدينه يأشر له يجيه..

وبتصرف أستغربته على نفسها بقوة..

أرخت يدها من على ذياب..

وكأنها تبيه يرضي أبوهـ..

عادت وشدت عليه وثبتته بحضنها ..

تحرك ذياب بحضنها بعجلة طفولية وانزعاج...

وقف بشكل غير ثابت..

ومد يدينه لغازي...

مشى خطوتين ولما شاف غازي يتحرك يبي يلمه..

رجع يركض لهديل وطاح بحضنها وهو يضحك..

سواها مرة ثاني..ورجع لامه يركض قبل لا يلمسه غازي..

غصب عنها ابتسمت لهبال ولدها الغريب عليها..

أول مرة يلعب بهالشكل..

وقف مرة ثالثة وخلص نفسه من يدينها..

مشى لجهة غازي وهو يبتسم..

ينتظره يتحرك عشان يهرب منه مرة ثانية..

فهم غازي حركة ذياب العابثة..

وأدرك إنه يعتبر هالشيء لعبة..

نزل يدينه على ارجوله واعتدل في جلسته مقابل لهديل..

ومثل انه مايشوفه يقرب منه او ينتظرهـ..

طال ذياب في وقفته ولما كان بيفقد توازنه مدت هديل يدها اليمين..

وسمحت له يرتكز عليها ويظل واقف في مكانه..

وهو لما لاحظ سكون غازي مشى لعنده خطوتين سريعة..

وطاح بحضنه بعد مافقد سيطرته على نفسه..

ضمه غازي على صدرهـ بقوووة..

ولازال قلبه يرف بقووة لولدهـ..

وكانها المرة الأولى اللي يحضنه..

وهو من أول ماشافه الى الآن ضمه أكثر من خمس مرات..

بس هذي المرة كانت غير..

لأنه....لأنه ذيـــــــاب ولدهـ و ولدها...

دفن وجهه برقبة ولدهـ يشم ريحته..

ومن حركته ضحك ذياب بصوت عالي..

قبله على صدره وبطنه على وجهه وعيونه..

وبين لحظة ولحظة يحرك خشمه على رقبت ذياب

وذياب يضحك مبسوط...

نساها ..

نسى ولده كيف ولد وكيف وصل ليدهـ..

نسى السنين اللي مضت..

وكل مايكدر حياته وروحه..

مابقى في باله الا الطهر والبراءة اللي بين يديه..

كل شيء كبير وقاسي أندفن بضمه لذياب..

حتى وعيده لها بسبب هربها وتعذيبها له طول هالسنتين نساهـ..

ذياب يدمح لها كل غلطة وكل قسوة..

رفع عيونه لها وهزهـ شكلها..

لامه يدينها على حالها..حركتها الدائمة بوقت الخوف..

عيونها غاشيتها دمووع..

شفايفها ترتجف بعبرة..

تحاول تتنفس من دون صوت..

طاحت دمعتها على حضنها من دون ماتلمس خدها..

يدري وش اللي جرحها..

وش اللي أضعفها وألمها..

إنها تشوف ولدها بحضن المجرم..

يضحك ومبسوط..

وقفت بتعب..

وهمست بضعف\ماهو عشانك..عشانه..

صدت بوجها عنه..

توجهت لباب جانبي في الغرفة..

فتحته ودخلت لغرفة تبديل الملابس..

قفلت الباب مرتين..

أرخت بجسمها على الباب..

وحطت يدينها على فمها تمنع نفسها لاتشهق وتبكي بنحيب..

غصب عنها أختنقت بدموعها..

والعبرة حرمتها من الهواء..

مشت بعجز وجلست بزاوية الغرفة..

دفنت راسها بين ارجولها ..

وبكت بنحييييب..

وكل ماكتمت شهقاتها أختنقت أكثر..

أنسدحت على الارض من شدت التعب..

لمت نفسها بيدينها..

وعيونها ضايعة في الفراغ..

لقاها..!

بعد أيام وشهور وسنين من الوحدة والتعب لقاها..

لقاها ولازال يكسر بخاطرها..

يوجعها ويجرحها..

يتوعد يعاقبها..

ماتخاف منه..

خوفها من ذياب..

رغم انه طفل ماينلام..

اذا تعلق بأبوهـ..

ليه يحبه ويرتاح معاهـ..

لايكون بيوقف معه ويخليني..

لا يومه فديتك لا..

ما اقدر أعيش من دون هلي..

ولا اقدر أحفظ لك هلك..

ما اقدر أجمعك مع أبوك..

الله ماكتبه فديتك..

لاتخوني وتحبه..لا يلوي ذراعي بك يا ذياب..

لا تخليه يدفن أمك برماد هالمرة..

باندفن برماد ماهو تراب..

سمعت ذياب يبكي..

الجمود اللي صابها منعها تطلع وتشوفه..

بعد دقايق غاب صوته تأكدت انه نام مع ابوهـ..

نهرت نفسها لاتقولين ابوهـ ..لا تقولين..

غمضت عيونها ونامت على الأرض..

رافضة مقابلته لباقي الليلة..

ماراح يتركها بحالها..

وهي تعبانة ومابتقدر تواجهه..

وبقلب شقيان همست بزعل..

\الله يسامحك ياراجح..الله يسامحك..

سدح ذياب على السرير وغطاهـ من البرد..

حط حواليه وسادات تحميه لا يتحرك ويطيح..

ناظر في باب غرفة التبديل المقفول...

وهو متأكد من إنها مابتطلع منها..

بتحبس نفسها كحماية منه..

حمد الله على حركتها..

مايبي يأذيها ويزيد بقهرها..

يعرف نفسه انه مشتاق لها..

وبيضايقها بتصرفاته..

فتح البلكونة وقف عليها بثبات..

بينما داخله عواصف من المشاعر..

وأكثر مايغلب عليه هو الفرح..

عمرهـ ماحس برضا مثل مايحسه اليوم..

رجعت له بعد ما ذابت روحه بغيابها..

ومعها طفل يجبر الكثييير من كسورهـ..

تنهد بســـلام وهو يشوف حاله اليوم..وكيف يختلف عن حاله امس..

وتذكر انه أمس وبمثل هالوقت كان يكلم البرد..

ويحكي له عن فقدانه لها..

لقاها بفصل الشتاء..

دفنها بالشتاء..

والله أنعم عليه ورجعها له بفصل الشتاء..

بــرد الشتاء زعلان وش فيه زعلان

ظني فقد مخــلوق في الأمس موجود

حتى أنت تشكي مثلنا كأنك أنسـان

بس انت وضعك غير في صوتك رعـود

برد ومـطر والصوت في جم الألـحان

لـحن حزين وسبته شخـص مفقود

القلب عقبه عايش وقت حـرمان

لو هو على كيفه تمنـى له يعـود

يابرد فيك أعـتاب وأحساس ولـهان

وأنا من شعورك مع الضيـق موعـود

ليلك طويل وداخلك عدة أزمـان

يلقى بها العاشق متاهات وسـدود...

همس بانتصار\لقيتها يــ الشتاء..

ودع همومك دخيلك..

قفل البلكونة وأبعد نفسه عن باب غرفة التبديل بالإكراهـ..

انسدح جنب ذياب وضمه له..

وهالمرة كانت ريحت هديل الطاغية عليه..

شم ريحتها بولدهـ..

وهذا خلاهـ يتمناها اكثر..

همس لولدهـ وهو يبتسم\تقول ماهو عشاني سمتك ذياب..!

أمك صادقة..ولا صادقة..؟؟!

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛

شالت عبايتها وطلعت من الغرفة بسرعة..

انصدمت فيه واقف قدامها..

ابتسمت بمحبة\صباح الخير..اممم توصلني ولا اروح مع عمي..؟؟

راكان ببرود\لا خذي مفتاح السيارة وروحي بنفسك..

غادة بفشلة\راكان حبيبي ماصارت كل هذا زعل..

راكان\تدرين..مافيه أحد يستاهل ازعل عشانه..ولو كنتي أنتي..

أنتظرك في السيارة..

طلع من الجناح وطنش مناداتها له..

تنهدت بزعل..

هي غلطانة..وهو غلطان..

تدري انها مقصرة بحقه وحق نفسها..

لبست عبايتها وطلعت من الجناح وقفلت الباب..

جلست جنبه في السيارة وألتزمت الصمت..

مهما كبرت مشاكلهم او أختلفوا بالرأي..

المفروض مايجرح بكلامه وتصرفاته..

يتجاهلها ويرمي كلامه من دون إهتمام..

وصلت لشركتها..

نزلت بهدوء وقفلت الباب..

دخلت مكتبها تهدد حالها لا تبكي أو تزعل..

مثل ماقال ماأستاهل زعله..حتى هو مايستاهل ازعل عشانه..

بعد فترة من التفكير قررت ترخي الحبل ..

فتحت لابها وكتبت رسالة طويلة ومن دون ماتراجعها أرسلتها على إيميله..

اذا كنا كل ماتواجهنا بنوجع بعض..

مافيه مشكلة نحاول نحل الوضع كــ شركاء بالعمل,,

بعد ساعتين وصلها الرد رسالة مماثلة..

ومثل ماتوقعت هي الغلطانة ولازال هو الصح..

قفلت الجهاز بعصبية بعد ماكتبت ردها الأخير..

ليه مايفهم بأنه من حقي أثبت الشركة وبعدها يصير خير..

الأطفال ربي بيرزقنا ان شاء الله..

بس اذا حملت راح اتعب وبيتعطل شغلي..

غلطت لما وقعت العقد الأخير..من دون ما استشيره وأخبره..

بس كنت اعرف ردت فعله..

بيرفض اوقع العقد..

غمضت عيونها بزعل..

راكان ماقصر معي..

هو اللي فتح الشركة وساعدني فيها..

أروع مشروع هو سعى لي فيه واهداني اياهـ..

وحصلنا على مكافئة كبيرة لنجاحنا..

أنشغلت عنه كثير..وهو قدر انشغالي..

كان لازم احترم وعدي له بعد آخر مشروع..

مااوقع على شيء لبعد سنة ونص..

وأكتفي باللي أشتغل فيهم ألحين..

بس بعد ما اقدر اوقف التعاقد لان هذا بيسيء لـ الشركة..

فتحت جهازها مرة ثانية وأرسلت رد من عدة كلمات..

راح أفسخ العقد معهم ..

كله ولا زعلك يا ابو علي..

أرسلت الإيميل..

وراسلت المحامي يتصل بالمتعاقدين وينهي العقد قبل بدايته..

أرتاحت لانها ارضت راكان..

وتضايقت بسبب العقد..

ولما وزنت الأمور أكتشفت إنها مرتاحة اكثر من اول..

رضى راكان اهم من رضاها..

وهو أبد ماقصر معها..

نزلت الدرج بهدوء..

وهي تفكر وين ممكن يكون..

طلعت من غرفت التبديل وماكان له أثر ..

دارت في البيت وقلبها يخفق بقووة..

مالهم اثر..لا بالمطبخ ولا الغرف ولا الصالة..

فتحت الباب الرئيسي وهي تظنه مقفوول ..كان مفتوح ..

شهقت بصدمة..

ليه راح وخلا الباب مفتووح..

ليه ماقفل علي يمنعني لا اهرب..

المفروض يقفل الباب..ليه ماقفله..؟؟!

ذياب وينه؟؟وين ولدي وينه؟؟

ياويلي ياذياب خذاك وراح..

ناظرت من الطاقة ماشافت السيارة..

كرسي ذياب مو موجود..

دارت في مكانها بخوف..

تحاول تدفن الصوت اللي يصرخ داخلها..

خذاهـ وراح..

مثل ماحرمته من ولده بيحرمني منه..

بيقهرني فيه مثل ماقهرته..

جلست على ركبها بضعف..

وبالموت قدرت تتنفس..

تكفى لاتسويها..

والله مالي حيل على فراقه..

كفاية هلي ياغازي..

حرمتني ويتمتني..

يكفيك ظلم..تكفى لا تاخذهـ..

ذياب ياابووي وين بالقاك..؟؟

وين بالقاااك يووومه وين..؟؟

ياليت عيوني مانامت..

ياليتني ماوثقت فيه ولا تركتك له..

ياليتني طلعت له ويسوي فيني اللي يبي بس ماياخذك مني..

عساني الموت يوم ضيعتك..

عسى ربي مايسامحنيييييييي...

بلحظات حست إنها كبرت سنين..

وبتشيب بأي لحظة..

كل هذا من الخوف..

ماتبي تفقد ولدها..

ماتقدر تعيش بوحدة وغربة..

مالها حيل على الدنيا من دونه..

لا أم ولا اب..لاأهل ولا عزوة..

مالها غير ذياب..

وان خذاهـ فهو كمل جميله وتمم واجبه..

بكت باستسلام\كملت جميلك ياغازي ووجهك أبيض..

يافخر أخوك فيك وبإنتقامك..عز الله انك كفيت ووفيت..

ألا ليت لي أخ مثلك ويعذبك ويقهرك..

ياليت لي من ينتقم منك ويعذبك بيدينك..

طاحت على جنبها وهي تضرب أرجولها على الأرض وتبكي بانهيار..

شدت على شعرها بقهر وهي تصرخ باسمه..

أنرسمت حياتها قدامها..

لوحة سوداء ..

وذياب ماله اثر فيها..

علا صوت نحيبها وغطى على المكان..

ماسمعت الباب لما انفتح ولا شافته واقف قدامها وذياب بكرسيه..

ماوعت عليه يناديها ..

ولا حست فيه يضمها ويحاول يهديها..

كانت بغير وعي ..

فاقدة وهي صاحية..

صرخت بين بكاها\أخذ ذياب وراح...

قهرني يووووبه قهرني..

اخذ ولدييييييييييييييييييييي .. آآآآآآآآآآآهـ ..

عرف سبب انهيارها..وندم على خروجه وماهي معه..

شال ذياب من كرسيه ولمه على صدرها..

ماحست فيه ولا أدركت وجودهـ..

صوت بكاهـ اختلط بصوت نحيبها..

رفعها بحضنه ولمها بقوووة ودفن وجها بصدر ذياب..

ثبت ارجولها اللي تضرب الأرض بأرجوله ومنعها تحركها..

قبلها على شعرها وهو يقرأ عليها..

ماتجرأ يفكر بتفكيرها..

ولا تعمد يخوفها..

مسك شعرها ورفع وجها له..

لازالت مغمضة عيونها وتنادي أبوها..

هديل بإعياء\يوووبه...!

آآآآهـ خذاه مني..راح ..تركني لحالي..

ياربي شوفه ياربيييي ..كل يوم يذبنحي كل يوم..

غازي بحدة\هديل اصحي..شوفي ولدك بحضنك أصحي..

والله ماتركتك ولا سرقته منك..

أوعي على نفسك..شوفيه يبكي يبيك تهدين..

خوفتيه خلاص ياقلب ذياب وابوه اهدي..

تمسكت فيه\رووح جيبه..

تكفى قله يرجعه لي..والله أموت من دونه..

قله مابقى فيني روح..خذاهم كلهم مني..

لاياخذهـ..خله يرجعه لي تكفى مسفر خله يرجعه...

فتح عيونه بقوووة من ذكرها لاسمه..

اسم الشخص اللي أرقه اليلة الماضية..

وهو يفكر كيف كان حاضن ذياب ويقول انه ولده هو..

وبأي حق يحضن ولده وهو لا..

وهديل الحين متمسكة فيه وترتجيه من غير وعي يرجع ولدها ويفزع لها..

وهي تظنه مسفر..

شد يدينه عليها بقووووة..

وأخفا وجها بصدرهـ..

ضربته بيأس تحاول تبتعد عنه وتتنفس..

وهي لازالت تنادي ذياب..

ماسمح لها تبتعد عنه لأنه كان بحالة غياب..

يفكر فيها وفي مسفر..

رفعها من حضنه بقوووة وصرخ فيها..

غازي بوعيد\وش علاقتك بمسفر..؟؟!

ماردت عليه لأنها كانت فاقدة وعيها..

هزها بقهر..

ماكن لها ردت فعل..

وجها تعبان من الصدمة والخوف..

رفعها بعد ماجلس ذياب على الأرض..

نيمها على كنبة في الصالة ...

رجع لذياب شاله بهدوء وجلسه بحضنه قريب منها..

وهو يحس بشيء يكتم على روحه..

مناداتها له باسم مسفر أشعل نار بقلبه..

شكلها كانت تعتمد عليه ولا ماطلبته يرجع ولدها..

يعني حتى هو كان يدري إنها حية..

وهو الوحيد اللي لعبت عليه وأوهمته بموتها..

إصحــــي ..

إنتي بس إصحــــــي..

رفع راسه وركز عيونه عليها يراقب ملامحها..

عيونها الغايبة عنه..

شفايفها المجروحة ..

جمالها زاد بكثييير عن أيامها معه..

كان الذبول والحزن طاغي عليها بأيامه..

واليوم تغيرت كثير..

كبـــرت عن أول..

حتى جسمها تغيــر..

ماهو على خبرهـ..

راقبها بتمعن بكل جزء منها..

وقف بسرعة يمنع نفسه من مراقبتها بهالشكل..

وغطاها بجاكيته وطلع من الصالة...

أشياء كثير لازم يعرفها..

وهي لازم تعرف كل شيء ..

بس هي مابتطيع ولا بتقوله اللي يبيه..

لازم يجبرها تتكلم وهو بيستمع لها..

أخذ ذياب معه المطبخ وشال الأكياس اللي جابها معه..

جلسه قدامه وطلع صحن صغير..

وهو يسولف مع ذياب..

غازي بحب\عاد مدري انت تاكل كبسة ولا مشاوي..

بس خلها سيريلاك وش رايك..؟؟

طبخة سريعة..شوي مويا وخلاص..

سمى بالله وبدأ يأكله بإهتمام..

وبين كل لقمة والثانية يمسح فمه..

وبعد لحظات مسك ذياب الصحن وضربه على غازي..

غازي بتعجب\هههههههههه وش بلاك عصبت؟؟

لايكون طالع لامك..أمس كانت بتقسم راسي نصين..

وماخلت شيء الا وضربتني فيه..

كان رد ذياب شهقات عالية ويصفق بيدينه..

ناظر غازي وراهـ وشافها واقفة مستندة على الباب..

وعرف سبب فرحة ذياب..

عقد حواجبه وصد عنها يناظر ولدهـ..

نزله على الأرض وسمح له يروح لها..

نزلت بجسمها ورفعته لها بشووق..

ضمته لها وهي تشم ريحته الغالية عليها..

همست له بشووق\وحشتني ياروحي..وين رحت وخليتني..

ماقدرت تكتم شهقتها..

لازالت تحس برجفة قوية بعظامها..

الخوف من فقدانه أضعفهـــــا...

هز كيانها وثقتها بكل شيء..

حست فيه يحط يده على كتفها ويمشيها معه..

جلسها على كرسي وجلس قريب منها..

ولما حس فيها هدت مد يده ورفع وجها له..

غازي بحنية\ليه أنهرتي كذا..؟؟

هديل بألم\خفت تاخذه مني وتروح..

غازي بصدمة\وأتركك..؟؟تظنين أني ممكن اتركك؟؟

هديل بتعب\أنا ادري إنك بتقهرني فيه..

بتحرمني منه وبتعذبني عشانه..

غازي \أعذبك..!

هديل بحسرة\انا اعرفك..وادري انك بتحرمني منه..

انت قاسي كثييير..وتكرهني أكثر..

حرمتني من أمي وهي أغلى مني على قلبي..

فكيف ماتحرمني من ولدي عشان تعذبني..

قلي بالله عليك ما أكتفيت..؟؟

الى الحين ما أرتاح أخوك بقبرهـ..؟؟

بعدهـ يطلبك تنتقم له وتدفني حية..؟؟

قلي وش ذنبنا يوم أنخلقنا بنفس الكوكب مع اخوك..؟؟

هذا قدرنا وهذا مصيرنا..

كم تمنيت يكون لي اخ مثلك..

ماهو لطيبتك ولا دينك ولا قلبك..

عشان شيء واحد بس إنه ينتقم لي منك ..

يكون قاسي مايرحم..

يظلم ويطغى ولا يحسب لآخرته حساب..

اليوم خذيت من عمري أكثر من السنين اللي مضت..

حركتك فيني اليوم شابت بشعري..

الثقة والقوة اللي عانيت بسنين غربتي أبنيها..

دمرتها بقسوتك اليوم...

أخذته عشان ترعبني وتربطني فيك..

غازي يهز راسه\ماقصدت اللي في بالك..

كنتي نايمة أخذته معي لمحل براس الشارع..

مستحيل أتركك او أحرمك منه..

هديل بصد\ليه ماقفلت الباب علي..؟؟!

لو قفلته كنت باتطمن وأتاكد إنك راجع..

ليييه ماقفلته علي ليييه؟؟

تركته مفتوح تقولي روحي خلاص ولدي معي مالك أهمية..

وقف وقرب منها ..

لصق فيها ورفع وجها له..

غازي بهمس حنون\والله ما اقهرك فيه ولا احرمك منه..

أوعدك ما اهددك بذياب ولا أوجعك فيه..

غمضت عيونها وصدت عنه ..

طلعت من المطبخ وراحت لغرفتها فوق..

قفلت الباب وكملت بكاها المتعب..

تبي ترتاح وتطمن انه رجع لها..

بس رجفتها وخوفها لازال مسيطر عليها..

مابيهددني فيك..

مابيقهرني ويجبرني اعيش معه عشانك..

كذاااب..بيأخذك مني..

أعرفه..واعرف قسوته..

صرخ بصوت عالي ينادي على عمامه..

وهو شايل هديل بحضنه..

عبدالله بصوت عالي\ألحقوووا ألحقووا..

محمد مفجوع\وش بلاك هاه..؟؟وش فيها..؟؟

أخذ هديل من يدين عبدالله وفتح فمها يناظر جواته..

بس البنت كان شكلها طبيعي جداً..

مفتحة عيونها الصغيرة وتناظره..

محمد\عبييد وش فيها اختك؟؟

عبدالله\مافيها شيء..انت وش تسوي فيها؟؟

محمد بعصبية\وش بلاك تصارخ..؟؟

عبدالله\ايه تذكرت..إلحق جدتك خرفت..

محمد\هـــاهـ ..؟؟!!

عبدالله\اقولك جدتك خرفت إسمع وش هي تقووول..

محمد جلس جنب جدته وهديل في حضنه..

محمد\يومه وش فيك ..؟؟

الجدة بغضب\وين علي أخوك؟؟

محمد\اا .. وين أبوك ياعبيد؟؟

عبدالله\مدري وينه...

الجدة\محمد يا أنا يا هذا السكني في البيت..

محمد بصدمة\تقصدين عبدالله..؟؟

الجدة\هذا ماهو بعبدالله هذا من العياذ بالله ..

عبدالله يمثل الصدمة\يالهوووي .. ليه تجرحين يا جدة أبوي..؟؟

الجدة\بأرجع بيتنا الأولي..ليه جيت هنا ليه طعتكم..

محمد رمى عبدالله بفنجال قهوة..

بس عبدالله هرب منه وجلس بعيد عنهم..

محمد بحنية\ليه جعلني فداك وشهو مسوي زعيم قطاع الطرق..؟؟

الجدة\يقول يبي يدرسني في الامية..؟؟

ويضحك على شكلي اذا جيت أحل الواجب..أتبطح في الصالة..

محمد وغصباً عنه ضحك\هههههههههههههههههه ياويلي ويلاااااه ياجدة..

بتلبسين مريول الإبتدائي وتسوين جديلتين وتلبسين سبورت ..

عبدالله\ههههههههههههههه لا لاتنسى لما تجيب النتيجة وفيها هذيك الطماطة اللي وش كبرها..

وتقول لجدي حسين وقع ياولدي جبت العيد..

محمد يمسح دموعه\ههههههههههههه بس خسارة ماهو بماسطها بالعقال مثل ماسوى فينا وفي أبوك..

عبدالله مبسوط\أبوي كان يجيب طماط..؟؟

محمد\ههههههههههههه لا انا اكثر واحد جبت طماط..أبوك جاب طماطتين بس في الثنوي وبعدها اعتدل..

عبدالله\رح ياعمي الدووب جعلك مدري وشهو على هالخبر اللي يشرح الصدر..

وأخوك كل يوم وهو يخرط علي..انا كنت الاول وانا كنت الشاطر...

أتاري به طماط يالبيه يالورطة..خلني اكشفه على حقيقته..

الجدة\عنبوا غيرك دعيتك تهاوشه وجيت تضحك معاهـ..

محمد وهو يضحك\عبيد ياللي ماتستحي وش مجلسك هاهـ..؟؟

ماعندك اليوم إختبار..قم إنقلع مدرستك قـــم لا أشوتك..

عبدالله\على خبري يقولون ان الحريم لهم وجهين..

ونذلات ويقلبون بسرعة..اتاريك حتى أنت ابو وجهين..

محمد\اعقب يالنتفة..انقلع..فكي ياجدة حلفت فكي خليني أذبحه..

الجدة\ومن اللي ماسكك يالدووب..قم أفغصه..

عبدالله\ههههههههههه ابعد عنها يا ابو حمييد تراها معصبة من قلب جدت أبوي..

يالله تاخرت على السكوول..وعع ياكرهي لــ الدلوعين قال وشهو قالوا سكول..

ياليت المدرس ماحلف علي ولا كان بالجوتي على خششهم..

محمد\تكفى يا عبييد عذبتهم بلا حق..خلهم براحتهم بزارين وبكره يتعدلون..

عبدالله يرفع حاجب بزعل\لا ماعندي عيال يتدلعون..

يرجعون لــ الصراط المستقيم راضين ولا باكين..

انا وقطاع الطرق ناوين نربيهم..قال ياي قال..

قام طالع وهو ينشد بصوت عالي..

شنطتي ياشنطتي لا ربوع ولا خميس..

وصليني حصتي من ورى ذيك الطعوس..

محمد\ههههههههههه يالفراعنة تكفى..اذكرها ناقتي ياناقتي..

عبدالله بغمزة\كلن يغني على ليلااااهـ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛

نزلت غازي على الأرض..

وجلست جنب رشا المشغولة بالـ الاب توب...

تراقبها تقرأ بتمعن وماحست فيها جالسة جنبها..

أم غازي بهدوء\وش اللي شاغلك كذا..؟؟

رشا تبتسم لها\اممم أقرأ عن النوم اللي صايبني..

يومه هالمرض بيفتك فيني وانا ساكته له..

ام غازي\الله يشافيك يومه..عاد إنتي حاربيه..واسمعي كلام الطبيب..

رشا بتعب\والله علاجي منتظمة فيه..

وكل شيء يقوله أسويه..

أم غازي بعتب\لا تحلفين يارشا..؟؟

مرضك ماهو بس عضوي..مرضك نفسي بزيادة..

رشا بزعل\أدري يومه..وصدقيني أنا احاول أتفوق عليه..

ماهو عشاني كثر ماهو عشان راجح وغازي..

يومه الى اليوم مااحس اني عايشة مثل الناس..

ابي ارتاح وأعيش برضا..

ام غازي تضمها\حن حواليك ياقلبي..

إتركي خوفك وإنسي كل اللي صار وإدفنيه بالماضي..

هذا غازي قدامك..كل يوم يكبر ويتعلق فيك..

بكره يجيلك عيال وتلتهين فيهم..

شوفي عالية ولدت وأنشغلت عن غازي..

ماصارت تطلبه كل كم شهر..

وهذا بيكون حالك حتى انتي..

لما يجيلك ولد أو بنت بتلتهين عن غازي..

رشا تبكي\لا يومه..والله ما اهمله ولا ألتهي عنه..

ليه ما احد يفهم غازي وش يكون لي..

غازي هو أنا يومني صغيرة..

هو أنا يومه..أنا..

أم غازي بحنية\أنا ماقلت بتهملينه يا قلبي..

ولا بتنسينه..بيظل بكرك وفرحتك الأولى..

ياوجدي عليك ياسعووود..كيف أنت جرحتها..

رشا بتعب\لا هو ماجرحني..

بكاني ايه..صدمني ..عيشني بوحدة..

بس حبيته يومه..وحبيت ولده أكثر..

عمري ما بانسى هدية سعود لي..

ولا بانسى حلاوت مرارهـ..

أم غازي بحنين\تدرين زوجت سعود كيف ماتت..؟؟!

رشا بصمت هزت راسها بالنفي..

أم غازي بهدوء\ماتت من حب ابوها لها..

ومحاولته يكفر عن غلطه بحقها..

كان يظن إن سعود ماهو بكفوو لها..

وإنه مقلل من شانها وقاهرها..

او يتقول عليها ويهينها بسبب تزويجها له بطريقة تقلل من قدرها..

أخذها من بيت سعود اللي بالكويت بالغصيبة..

وسعود كان هنا في السعودية..

حالتها كانت صعبة والحمل ماهو ثابت عندها..

طاحت من يدين أبوها لما ضربته سيارة..

عاشت في العناية حية وميته..

وغازي ماكان له أي امل يعيش في بطنها..

ولما كانوا بيسوون لها عملية يطلعونه مارضت..

وسبحان الله كل علامات الحياة ظاهره عليه..

يتحرك في بطنها وينبض قلبه ..

وفي اليوم اللي أدركوا ان حالتها مابتتحمل أكثر..

سووا لها العملية بموافقة سعود..

هو ماكان له اي خيار ثاني الا يوقع او يشوفها تموت وهي حامل..

طلعوه من بطنها وهي ماتت بعد يومين..

يارشا حن لما نحب احد وبتملك..

نضيق عليه الكون..

بكثرة إهتمامنا..بخوفنا وملاحقتنا له..

واذا غلطنا عليه..

نندم ونبكي وننهار..

ونرجع نبيه ينسى كل شيء ويشفع لنا حبنا له..

نضيع من دونه..

وعشان نرضيه نعاقبه عشان نعاقب أنفسنا..

أبو لين عاقبها عشان يعاقب حاله..

حرمها من سعود عشان يحس انه انصفها ..

ولما كان مرجعها لسعود برغبت انه يرضيها..

خذاهـ الحادث وخذاها الموت..

خفي من حبك على غازي..

بعض الحب يذبح يارشا ويقتل..

حبك مابيذبح غازي..

أخاف إنه يذبحك أنتي..

رحمت حالها وهي تبكي ومخبية وجها بحضنها..

وتردد إنها تحبه وتبي له الخير..

أدركت ام غازي ان رشا بتنام في أي لحظة..

سدحتها على الكنبة وغطتها وبلحظات نامت رشا من غير وعي..

رفعت راسها لــ الخادمة والتلفون بيدها..

اخذته منها وردت بصوت هادي..

أم غازي\ألوو......

غازي\ياجعلني فدوة لراعية الصوت..

أم غازي بشهقة\.............غـ...غــازي..؟؟!

غازي بشوق\إيه غازي يابعد روحه...

أم غازي تبكي\توهـ يحن قلبك على أمك..

توك تذكرت إنها حية ماراحت مع من راح..؟؟

غازي\يومه حرمت نفسي منك مثل ماحرمتها من امها وهلها..

حرمت نفسي من الديرة والربع عشانها..

عل وعسى ربي يهونها علي ويريحها..

أم غازي\تجرح امك بغيابك..لاتكلم ولا تسأل..من تعاقب مـــن؟؟

غازي\أخبارك كلها عندي..وكل يوم أتطمن عليك وعلى حالك..

انتي رشا وشوق..

أم غازي بحسرة\مابينفع مهما عاتبتك..كفاية اللي فيك وزيادة..

طمني عنك..أنت بخير..؟؟

غازي\عاتبي وإزعلي..تشرهي علي وتغلي..

أجيك بعذري وشوقي..

أم غازي\تقول إنك محرم على نفسك الديرة..

وين بتجيني..؟؟وين اشوفك وأنت محرم على نفسك أمك؟؟

غازي بحنين\جايك يومه..راجع لديرتي وهلي..

أم غازي بفرح\أحسك مبسوط ياغازي..

غازي يتنهد\تؤمنين بالله..؟؟!

ام غازي\لا إله الا الله..محمد رسول الله..

غازي\يومه الميت يرجع حي..؟؟

أم غازي بخوف\مايرجع الا بقدرة القادر..وبقوله كن فيكون..

غازي\وربي جبر قلبي يومه..

جبر حالي وحالك وحالنا جميع..

جابر المكسوور جبر خواطرنا يا أم غازي..

ام غازي\.........................هديل..؟؟!

غازي\إيـــــه يومه هديل..هديل حية ماماتت..

حيـــة يومه..تصدقين إنها حية؟؟

ام غازي تبكي\غازي..ياولدي البنت ماتت من سنتين..

ماتت وأنت اللي دفنتها..ماتت وعزيناها عن هلها وعن الناس..

إرفق بحالك وحالي فديت ترابك ياغازي إرحم حالك..

غازي خاف عليها\يومه صلي على النبي وإسمعيني..

اللي دفنتها ماهي هديل..هديل حية..رجعت ومعها لي هدية..

رجعت برضا ربي رجعت يومه..

ام غازي تبكي\أحرقت قلبها وهي حية..عذبتها وذوقتها المُر..

خل الميت بقبرهـ..وأنت إرجع وربك يعدلها..

غازي....تكفى طمني عليك..لاتجن وتستخف..

هديل ماتت يا أمك ماتت..

هديل بشوق\لا يومــــه انا حية مامت..

أم غازي شهقت\......................................... .

هديل بغصة\سامحيني على كذبتي..

سامحيني لأني عذبتكم بموتي الكذاب..

أم غازي بصوت مبحوح\هـــ ....هديـــــــــ..........ـــل..!!

هديل بنحيب\آآآآآآآآهـ ايه والله العظيم هديل والله العظيم..

ما أندم الا على دموعك انتي وبس..وغيرك ماله عندي إهتمام..

مهما بكوني مايوفوني عذابي..بس انتي إسمحي لي خطاي..

أم غازي تبكي\روحي يا بنت قلبي عساني ما اذوق حزنك..

ياعسى ربي يجبر بخاطرك ويهدي سرك وقلبك..

هديل يا أمي والله إني كرهته..وغضبت عليه وهجرته..

سامحيه..سامحي الظالم يالمظلومة..

هديل بمحبة\يومه ماتبين تفرحين أكثر..؟؟

أم غازي\لا والله يافرحتي برجوعك تسوى عيوني المركبة..

ولو رجع سعود من قبرهـ مافرحت هالكثر..

رجوعك بيخلينا نكفر ذنوبنا ونقابل ربنا وهو راضي علينا..

هديل بزعل\مالك ذنب على رقبتي..أنتي مالك ذنب..

أم غازي\ذنوب الموت كثير يا هديل كثيير..

هديل\خذي هذا وكلميه تراهـ أزعجني...

ام غازي بعصبية\بعدهـ على طبعه..والله ما أخليه هالمرة يضايقك ولا يضرك..

تبين أجيك..جيتك واخذتك منه ورجعتك لأمك وهلك..وياعساه مارضى ولا طاب حاله..

ويييينك..؟؟هديل أنتي تسمعيني..؟؟

وصلها رد غريب..

شهقات خافته وصوت ضرب على السماعة..وبعدها صرخات ضاحكة وشهقات..

ركزت سمعها تحاول تفهم وش اللي صاير وهديل وين راحت..

سمعت غازي من بعيد يتكلم..

غازي بحنية\كلم جدتك..ماقلت كل الجوال يا ابوي..

حطت يدها على قلبها وشدت عليه بقوووة..

بعد ماعرفت من الأنفاس المتحشرجة له..

ومن اللي يضرب السماعة ويصارخ فيها..

بكت بصوت عالي وهي توقف وتجلس..

ياقلبي عليك يا هديل..

يافديت حسك وحسه..

يارب تفتحها بوجها من أوسع ابوابك..

والله ضاقت بعيني الدنيا بعد موتها..

يارب لك الحمد والشكر كما ينبغي لجلال وجهك وعظيم سلطانك..

سبحانك لا إله الا أنت إني كنت من الظالمين..

شد على يدها بقوووة وعرف إنه ألمها لما حاولت تسحب يدها منه..

وهذا خلاه يشد عليها أكثر..

ياسمين بألم\سلمان يدي..وجعتني..

سلمان بحقد\بأكسرها..وعيونك هذي بأفقعها ..

إستحي على وجهك ولا اشوفك تناظرين ولد عمي بهالنظرات..

ماتستحين على وجهك ياقليلة الأدب..

ياسمين مصدووومة\أنت إش عم بتقول..؟؟

سلمان\إحمدي ربك إن الناس موجودين..ولا كان صار شيء مايعجبك..

ياسمين بقهر\لا قوم أضربني قدامهم ..

سلمان\قصري حسك وإنقلعي من قدامي..

من أول ماجلسنا كل شوي معلقة عيونك بهادي..

ياسمين\سلمان لاتغلط أكثر..وتتبلاني..مافيها إشي نظراتي..

سلمان بقهر\قومي إنقلعي عند البنات..وحسابك في البيت..

ياسمين بوعيد\طيب يا سلمان حسابك إنت في البيت مو أنا..

وكلامك راح أطلعه من عيونك..

وقفت وأبتعدت عنهم..

جلست جنب سارة تحاول تحبس دموعها وتخفي رجفت يدينها..

سارة مبسوطة\هلا هلا..كرشها ابو الشباب..تستاهلين..

ياسمين بعصبية\جب مع أخوك..

سارة\ههههههههههههه والله سرقت كلامنا ولك إش مالك يابنت عم بتعيطي علينا وت از بربلم وت از مسكل كبير ولا صغير..

وير ذس .........امم الفزعة يا وغدة..

غادة\هههههههههههه ياسمين يا حلووة وش فيك معصبة..؟؟

ياسمين\مثل ماقالت سارة كرشني..

غادة\ههههههههه عادي عادي تصير في أرقى العائلات..

ياما أنكرشنا صح السوري..؟؟

سارة\يب يب..يتم كرشنا بين الفينة والفينة..

بس ماعليك منه أبوذيل هذا ذايب فيك يالهبلاء..

بيجيك مثل القطوو يعننه مسكين..عاد انتي شوفي شغلك وطلعي عيونه قليل اللللأدب..

غادة بتأييد\ايه شوفي ياقلبي انا مثلك كرشني زوجي كرشة محترررررررررررمة..

أخر كلام بينا كان ايميلات..وسااافر تخيلوا بعلي سافر مع ابوي من دون مايقول مع السلاااااامة يا حبي..

بس دواااهـ عندي إن ماعلمته أصول التكريش الحقيقي ما أكون غادة الوغدة..

ياسمين\وأنا كمان أريد أكرش سلمانوووهـ...

سارة\تعالوا فديتكم توكم ماعرفتوا لفن التكريش..انا عندي خبرة وأعلمكم ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

عندما تــــغار المـــرأة تبكــــــــــي ..

وعندمــــا يغــــار الرجـــــــل يصمـــــــــت ..

غازي بخبث\صوفي تسلم عليك...وتعتذر لأنها ماحضرت الإجتماع..

هديل بهدوء\الله يسلمها ولا يسلمك..

والإجتماع ماله داعي تحضرهـ خلاص أنا أحضر بالنيابة عن نفسي..

غازي برضا\تأكدت إن الأسهم لك..

كنت شاك بهادي أخوك..بسلمان..باي شخص حــــي..

بس الاموات ماطرى في بالي يمتلكون أسهم..

هديل بغرور\وصرت أملك أسهمك غصب عنك..

غازي يهز راسها\كيف تشترين شيء هو ملك لك..

الشركة بكل مافيها لك انتي..

هديل\شـــكراً ما ابي منتك..

ما ابي الا الأسهم اللي أنا اشتريتها...

غازي\امممم طيب وكيف قدرتي تشترين كل هذي الأسهم..؟؟

هديل بمكر\انت صدق مفتكرني كنت وحيدة وياسة من الحياة..

كان لي أصحاب..مسكوا بيدي بأوقات صعبة..كانوا لي عون..

ولولا الله ثم هم ماحصلت على الأسهم..

غازي معقد حواجبه\وممكن نتعرف من يكونون أصحابك..؟؟

هديل بجمود\لا..مو ممكن..

غازي\يعني ماهي بس صوفي اللي ساعدتك..؟؟

اعجبها حالته وهو يحاول يستجوبها..

وهي في محل قوة وتقدر تتحكم بالوضع..

هديل\صوفي صديقتي..وأصحابي غيــر ..

لاحظت عصبيته وشكل حواجبه المعقودة بقوووة..

قررت تترك المكان له وتهرب لغرفتها..

شالت ذياب وطلعت بسرعة..

طلعت من الغرفة وتجاهلت مناداته لها..

بأي حق يسأل..بأي حق يستفسر..

والله ما أجاوبك على شيء..

خلك بهمك وتفكيرك..حرام ما أطمنك على حالي..

ولا أريح قلبك بفترة غيابي..

عيش بحسرتك وضيمك..

هذا اللي زرعته واليوم بتحصدهـ..

والله لا اقهرك على ماتعرف اخباري..

دخلت غرفتها ونيمت ذياب بسرير صغير أشتراهـ غازي من يومين..

تضايقت من وجودهـ وأدركت إنه يبيهم يطولون هنا..

هي تدري بقدرتها على الهرب منه..

بس أوراقها صارت معه..

لازم تحتال عليه وتاخذها منه..

هو يستاهل الغدر كثير..

تطمنت لما تذركت وجود اماكن كثير دلتها عليها صوفي..

بإمكانها تتخبى فيها ولا يلقاها لحتى تهرب من ايطاليا..

رغم إن سالفة الهرب ما تريحها..

بس هي خايفة من نذالته وقسوته...

رجع لهله..

وأنا بأرجع لهــلي...

ماهو احسن مني..ولاهو أرحم مني بامي وأبوي..

فزت بخوف لما سمعت صوت الباب يتقفل بحدة..

ناظرت فيه برعب وهي تشوف إنسان كريه على قلبها واقف قدامها..

عرفته هذا هو..

هذا غازي اللي ذبحني وعذبني..

هذا اللي أغتـ....... وقهرني...

رجع الجلمووود..

رجع القاسي الحقير..

تراجعت بخوف وهي تشوفه يقرب منها..

حاولت تتكلم وتهديه..

تدري انها أغضبته بكلامها ونرفزته..

بس لا مايحق له يهاجمها او يجبرها على شيء..

لا لا..كل شيء لازم يكون له حد..

غازي بحدة\من اصحابك..؟؟

هديل بهدوء\ماتعرفهم...تعرفت عليهم هنا..

غازي\أسماء..أبي أسماء..

هديل\ماتخصك أسمائهم..وهم أصحاب وفيين وطيبين..

غازي يهز راسه بتفهم\اممممم يعني مايخصني..؟؟

هديل بثبات\إيه مايخصك...

قرب منها بسرعة ومسكها قبل تهرب منه..

ثبت راسها على صدره وهو موثقها..

غازي بهمس\لأي مدى وصلت صحبتكم...؟؟!

ماقاومته ولا صرخت وحاولت تبتعد عنه..

هديل\صحبة وبس...

غازي\اسم واحد..ابيه..؟؟

من يكون؟؟؟

هديل برعب\خلاص ابعد عني..قلت لك مجرد أصحاب..

وأنت ماتعرفهم..صوفي عرفتني عليهم..

هزها بقوة وصرخ فيها\شادة الظهر فيـــه..؟؟

وليه عطاك قيمة الأسهم..؟؟وش له بالمقابل..؟؟

ضربته على خده بقوووة\تحسب إن كل الناس مثلك..

إنتهازيين وتافهين..بقت هذي ماحملتني إياها..

بقت الخيانة الزوجية يا الزوج العزيز..

إرمني بالخيانة وتفوق على نفسك...

بس تدري حتى لو كان عرض اللي في بالك مقابل فلوووسه..

يمكن يسويها...وإن سواها فلنفسه..

بس انا ما اسويها..ماهو عشانك..ولا عشانه..

ولا عشان اهل وعرض وعزوة وفضايح ..

عشان ربي وديني..عشاني أخشى ربي واحطه بين عيوني بكل شيء..

وإنت يا شبه الرجال بتظل على تفكيرك وعقليتك اللي ماتناسب أحد غيرك..

وألحين إطلع برا..إطلع من حياتي وإتركني أعيش..

عش وخل غيرك يعيش..

مع كل كلمة كانت تنطقها كان يفقد أعصابه أكثر..

رماها على فراشها بقوة وهي قاومته بقوة أكبر..

تحسفت وندمت لما استوعبت عصبيته..

مافادتها كل محاولات الضرب والصد..

بكت بخوف ورجاء..

ماتبي أيام الذل ترجع لها..

ماتبيه يهينها مثل أول..

لما كانت بحكم جارية ..وملك يمين..

صح زوجته بس أبداً ماتغير الحال..

لازال يعاملها مثل أول..

لمت يدينها على رقبته بقوووة وضمته لها..

همست بأذنه بصوووت مبحوح حزين..

هديل برجاء\لاتداوي الجرح بجرح ياغازي..

جرح على جرح يبطي عــــــــلاجه ...

عندما استيقظت بعنف مفاجئ..

لم أسمع سوى دقات قلبي..

وشيئاً فشيئاً دخل الفجر غرفتي..

ورأيت شرخاً يمتد عبر الجدار..

ومع الفطور أخبرني المذياع ..

أن زلزالاً زار المدينة في الليل..

ظللت أشعر بالخوف طيلة النهار..

أشعر أنني في سباق مع الزمن..

أويت إلى فراشي مبكرة..

أفكر كالعادة في حبي البعيد..

البعيد عن يدي .. البعيد عني..

البعيد عن آمالي..

حبي الذي يعيش في أفكاري..

حلمت أننا تحولنا إلى مهرجين..

نضحك بوجهينا المصبوغين..

حتى صرخت فجأة ......

" هيا .. أحببني .. أحببني .. فالحياة قصيرة "..

إلا أن صوتي كان بلا كلمات..

وكانت عينه ميتة..

وسقطنا معاً كدميتين محطمتين..

ووضعت رأسي على صدره..

وصحوت..

فلم أسمع سوى دقات قلبي الوحيد..

المرحوم باذن الله تعالى..غازي القصيبي...

لمت يدينها على رقبته بقوووة وضمته لها..

همست بأذنه بصوووت مبحوح حزين..

هديل برجاء\لاتداوي الجرح بجرح ياغازي..

جرح على جرح يبطي عــــــــلاجه ...

حست فيه يهدأ بس لازال لام يدينه حواليها..

دفن راسه بصدرها أكثر وهي لامته بقووة..

يكفيه يدينها تحضنه ولو كانت بحالة دفــاع..

همسها باسمه يداوي ليالي وحدته دونها..

كلماتها بنت قصووور من رمال..

بنت أمل مطعووون بيندفن بسنين..

همس لها بحنين\بتقوين ياهديل تنسين..؟؟!

ردت بعجز مستحيل\بتقوى أنت تنسيني..؟؟!

حط كفه على قلبها\أنتي حيــــــــة..؟؟!

والله إنك حيــة..!

ماتدرين بحالي في غيابك..ياماندمت وتحسرت..

تمنيتك لو من موتك ترجعين..

لحظات بس وأتطمن عليك..

أشوف عيونك طابت ولا بعدها عميانة..

جروحك تشافت ولا تنزف..

دموعك وش حالها..؟؟جفت ولا ذابت..

نسيت كل اللي عشته وعرفته..

ومابقيت الا على ذكراك..

إن اصبحت اصبحتي معي..

وإن نمت نمتي بحضني..

وفكرة موتك بزاوية الغرفة..

ماتدلين طريقك..

يخنقك الدخان وتأكلك النار..

تمنيت تكونين ميته قبل لا تحترقين..

موتي من الله..

موتي مخنوقة..مضروبة..

بس لا تحترقين وتصرخين بوجـــع..

لا تتعذبين من دون سبب..

ماهزتني أيام سجني وتعذيبي..

مثل ما طعنتني شهقاتك من ضربي لك..

أنسجنت سنين أنضربت فيها وتعفنت جروحي وتلوث دمي..

بس والله يا وجعها ما يساوي وجيعتي على أثار السوط بظهرك..

من دون وعي منها غرزت اظافرها برقبته وكتفه وهي تشد عليه..

تمنى لو تقدر تخلع قلبه من مكانه وتداوي جروحها..

قبلها على رقبتها وهو يسمع شهقاتها..

همست بعذاب\مـ...ـالك عــ.....ــذر ...

غازي بوله\هذا بلا أبوك يا ذياب ...

صرخت بحسرة وهي تبكي\ما أعذرك...ما اعذرك..

لم نفسه لها ودفن وجهه بنحرها..

وهو ذايب من شد يدينها على رقبته..

توسل لها بكل مافيه..

يبيها تتكلم..تحكي..تشكي له وتقوله وش صار معها..

يبي يعرف وش كان حالها وهي بحكم الميته..

كيف عاشت..ومتى تشافت عيونها..

وش صار فيها لما عرفت بحملها..

وكيف درت إنها متزوجة وإنها بنت حلال وكل حياتها حلال..

تعبت بحملها أكيد..طيب من اللي أعتنى فيها وساهرها..

ولادتها...وآآآآهـ كيف معذبته ..

كملت شهورها ولا تعدتها..؟؟

أسعفت حالها ولا أحد فزع لها..

وبعد ولادتك وش صار فيك..

تكلمي تكفيـــن..تكلمي...

إلى متى ببني على صمتك جسور ..

لاحيرتني اسباب سلمك وحربك...

العمر احبك... مابقي فينى شعور ...

ومتى جفاني العمر ... وشلون أحبك..

أستمر الصمت بينهم..

يسمع دقات قلبها اللي خف خفقانه وهدات نبضاته..

يدينها التعبانة أرتخت من عليه..

شهقاتها أختفت..

تأكد إنها نامت او غابت عن الوعي..

رفع راسه لها وتأمل ملامحها..

نهر نفسه بقهر..

إنت وش كنت بتسوي..؟؟

من هو مثلك يداوي جروح بجروح..

عدل نفسه وضمها له..

بعد ماكانت هي ضامته..

مرر اصابعه على خدها وعيونها..

همس بخفوت\أنتي حيـــة..!!

نزلها على فراشها وهو يحارب نفسه..

عدل ملابسها بعد هجومه عليها..

حس بشيء قاسي بصدريتها..

ماقدر يمنع نفسه من معرفة وش اللي مخبى تحت قميصها..

فتح أعلى قميصها وسحب سلسلة خفيفة على رقبتها..

طلع التعليقة اللي فيها..

وطاحت من يده بصدمة..

حط يدينه على كتفها..

وتمنى لو يهزها بقوووة وتصحى..

إما يذبحها أو تذبحه...

مايقوى عليـــها..

وتستمر الهزيـــمة ياغازي...

فك السلسلة الذهبية وسحب الخاتم..

خاتمه اللي لبسها إياهـ قبل موتها المزعوم..

قبل فراقها الجائر..

تحتفظ فيه قريب من قلبها..

غمض عيونه وردد بقلبه..

ماهو علشاني...أكيد علشانه..

سحب يدها ودخل الخاتم بإصبعها..

قبلها بحب على يدها..

وأحتضنها على خدهـ...

غطاها وسلم على راسها...

لازم كل شيء يتصلح..

لازم يداويها..

ماطاعته نفسه يطلع من الغرفة..

يبي يظل معها ومع ولدهـ..

قرب من سرير ذياب..

انحنى عليه وباس جبينه..

قرأ الاذكار عليه ...

وقرب منه مرررة..

غازي بحنين\كيف نحصد شيء مازرعناهـ ..؟؟!

زرعت الكرهـ في قلبها..كيف أحصد رضاها..؟؟

أنسدح على الكنبة ..

ناظر السقف وهو يفكر كيف يبدأ معها..

وكيف يداويها..

يدري إن كل جرح يمكن يطيب بس الحرمان مستحيل تنساهـ..

ضاقت نفسه من الحرمان وطاريه..

مابترضى بالحرمان من أهلها..

ولا بأرضى أنا بزعلها..

فز جالس بسرعة وهو يسمع شهقاتها..

ناظرها وهي تجلس بسرعة وتحرك يدينها كأنها تطرد شيء..

وتهمس بتعب\لا لالا...يوممممممه..اتركنيييي� �ييي..

مـــا ابيييك...

بأي وجه وبأي حق يقرب منها..

كوابيسها الى الآن تهاجمها..

وكلها من بركاته هو..

وكيف تتغلب على كوابيس والغول لازال حــــــــي ...؟؟!

انتبه عليها تناظر حوالينها تدور عليه..

وتلم فراشها على صدرها وتتغطى بالكامل..

ماشافته لأنه بالجزء المظلم من الغرفة..

وقف وراح لها بعد ما تاكد إنها نامت..

همس بالقرب منها\السموحة يا أطهر ذنوبي..

خرج من الغرفة وقفل الباب وراهــ...

تراجع خطوة على ورى لما صدمت فيه حرمه طويله..

كانت بتشيله معها من سرعتها..

فتحت الباب بقوة وعلا صوتها تصارخ على صاحب المكتب..

دخل بكل برووود ووقف جنبها..

صوفي بقهر\أيـــن هـــو..؟؟إلى أين أخذها؟؟

تكلم ماكس أين اخذها ذاك المجرم..؟؟

ماكس بصدمة\يا الهي ألن تكفي عن الهجوم بهذا الشكل أبداً..؟؟

ما الأمر..من تريدين..؟؟

صوفي بكرهـ\صديقك الحقير الخاطف المجرم القاتل..

أين أخذ ديل..؟؟أين هو..؟؟إن لم تتكلم سأبلغ السلطات..

ماكس بهدوء\صوفي عن من تبحثين..؟؟وماللذي فعله صديقي ليضايقك.؟؟

صوفي\أخذ ديل..إختطفها مرة أخرى..أنا أطالبك بإخباري أين هو..

ماكس بصدمة\صوفي..ديل ميته..ماللذي أصابك عزيزتي..؟؟

صوفي بقهر\لا تمثل الغباء ماكس..أنت تعلم بانها حية كما يعلم ذاك المجرم..

وأنا متاكدة أنك تعلم أين هو..أريدها ماااكس أريدها..

أين أخذها تكلم..أقسم باني لن أصفح عنك هذه المرة ابداً...

ماكس بعدم تصديق\هديل لم تمت..؟؟صوفي هل تعين ماتقولين..؟؟

صوفي بسخرية\حسناً لازلت تريد التمثيل..لا بأس إفعل ذالك..

صدت عنه طالعة من المكتب بس هو مسكها ووقفها قدامه بقوة..

ماكس بغضب\ماذا تعنين بأن هديل حية..؟؟

صوفي تضرب يدينه عنها\نعم هي حية..لم تمت..

وكانت مختبئة عنه طوال هذا الوقت..والآن هاجمها بقسوة..

لم أجدها..بحثت بكل مكان..هاتفها محطم..شقتها بحال يرثى لها..

ماكس أرجوك أخبرني أين أخذها..أرجوك كن عادلاً هذه المرة..

ماكس\الحمدلله...الحمدلله..

جلس على كرسي يحاول يتقبل الخبر الغير معقول..

هديل حية..لم تمت..

إذاً هذا سبب إختفائه وتصرفاته الغريبة..

أبتسم بسرحان..عادت حمامتك يا صديقي..

صوفي بقهر\ماكس..!أجبني أين هو...؟؟

ماكس بهدوء\لا أعلم..

رفع راسه لــ الشخص اللي واقف يراقبهم بإهتمام..

عرفه لما تذكر وين شافه من قبل..

وقف ومد يده يصافحه..

ماكس\أهلاً بك..

راجح بجمود\أهلاً...

ماكس\كيف استطيع ان أخدمك..؟؟

راجح\أن تخبرني أين صاحبك اللذي تسأل عنه السيدة..؟؟

ماكس\انت أيضاً تطالب براسه..للأسف أنا لا أعلم أين يكون..

صوفي بقهر\لابد من ان لديك فكرة عن مكانه..

أين هو..؟؟

ماكس بغضب\صوفي قلت لك لا أعلم..

صوفي\شكراً لك أيها السيد..سأجدها بنفسي..

وستتم معاقبتك لمساعدتك مجرماً هارب من العدالة..

راجح يقاطعهم\سيد ماكسيمليو الأمر أصبح بيد السلطات..

سيأتي فريق أمن خاص من السعودية لــ البحث عن فتاة سعودية مختطفة بإيطاليا..

يجب أن أقابله ليعلم ماينتظرهـ..واريد الإطمئنان عليها..

صوفي صرخت بفرح\كم هذا خبر جميل ورائع..

ساكون شاهدة على كل شيء..سأخبرهم كيف إختطفها وعذبها..

سأقتله قبل أن يلقوا القبض عليه..

راجح طنشها\والآن هل ستخبرني أين هو..؟؟

ماكس برفض\لا لن أخبرك..فهو ليس صديقاً فحسب..بل صاحب فضل كبير علي..

ولا انكر فضل تلك الصغيرة..يبقى أخي ولن أكون سبباً بالإطاحة به..

صوفي بكرهـ\نذل..كاذب..وتقول بانك لا تعلم بانهاحية..

ماكس بقوة\لم أكن أعلم..هو لم يخبرني..

راجح بحدة\هل تعلم أين مكانه..؟؟

ماكس بحدة مماثلة\لدي فكرة عن مكانه..

ولكني لن أخبرك..

طلع راجح من المكتب وطلعت وراه صوفي بعد ما شتمت ماكس..

صوفي بقهر\كم أكرهــك..ساعاقبك وأعاقبه..لن تنجوا بفعلتكما هذه المرة..

سمعها تناديه ألتفت عليها ووقف يناظرها..

صوفي\ماعلاقتك بــ ديل..؟؟

راجح\عمها..منذ متى تعرفينها..؟؟

صوفي\سنوات عديدة..لماذا لم تعودوا لاخذها..؟؟

والدها اين هو..؟؟كانت تنتظره كثيراً ولم يعد..

راجح\سأعيدها إليــه..حالما أجدها..

صوفي\وماذا ستفعل بذاك الرجل..؟؟أرجوك إضربه بقسوة..

ولا بأس إن إستخدمت السوط هو معتاد على ذلك..

راجح بابتسامة\سأفكر بذلك..هل تعرفين ماكس..؟؟

صوفي بهدوء\نعم هو زوجي..وصديق لغازي..

راجح بتأمل\هل لديك فكرة عن مكان غازي..؟؟

صوفي\ظننته ذهب الى الريف..ولكني لم أجد لهم اثراً هناك..

راجح\بحثت هناك انا ايضاً..

استغربت وكانت بتساله وش عرفه عن المزرعة..

بس شكله وهو معصب ما ساعدها تحقق معه..

تطمنت انه بيساعد هديل وهذا يكفيها..

صوفي\هل سالت عنه في شركته؟؟

راجح\لا يعرفون شيئاً..الا يملك بيتاً او شقة بمكان ما..؟؟

صوفي\لا اعرف ذلك..ماكس صديقه ويعرف عنه الكثير..

وصل سيارته وهي معه..

ورد على جواله وتكلم عربي..

راجح\هلا....الله يعافيك.....على خير ان شاء الله..

........الحمدلله المهم طلعتها.......خلاص اجل انتظرك بعد يومين........

لاتخاف ان شاء الله بيسرك العلم ويسر ابوك.....والله ماهو بودي بس لازم انك تجي....

فمان الكريم.......

صوفي بهمس\وجع...

راجح عقد حواجبه\ماذا..؟؟!!

صوفي\امم لا شيء...سيدي هل استطيع ان اظل على اتصال بك..

ارجوك ان عرفت شيئاً عنها اخبرني..وانا سابحث عنها..

راجح\بالتاكيد...هذا رقم هاتفي...

كتبه لها في قطعة ورقة طلعها من سيارته ومده لها..

صوفي\شكراً لك سيدي

حرك سيارته وطلع من المكان..

وهي توجهت لسيارتها..

جلست فيها تفكر وهي تسجل رقم راجح..

ونست ما تساله عن اسمع ..لماذا أصبحت غبية..؟؟

وين أخذها...وكيف عرف عنها..

سبت حارس العمارة وبلغت عنه الشرطة..

لما قال لها انه اعطى المفتاح لزوج المفقودة..

كان المفروض يكلم صاحبت الشقة ويستئذن منها..

ماتركته لحتى اخذوع الشرطة بتهمة عدم الامانة ...

اما اختفاء هديل فهي اخفته عنهم وقالت ان الشقة تخصها هي...

والغريب دخل شقتها بغيابها..

غمضت عيونها واسندت راسها وهي تفكر بغازي واماكن اقامته في ايطاليا..

أماكن كثير زارتها معه ومع ماكس...

أما شقته سالت الحارس عنه قال مسافر من ايام..

المزرعة ماله اثر فيها..

أغلب الفنادق اتصلت عليها بمساعدة ايميليا سكرتيرتها..

والاجابة كانت لا يوجد لدينا حجز باسم غازي الجالي..

أين سيكون .. أين أنتي عزيزتي..؟؟

يا إلهي أرجوك ساعدها..

أنا متاكدة من أن ماكس يعلم أين هو..

يجب ان يخبرني..

وقبل لا تحرك سيارتها..

أتصلت على ...........................

خبرته باللي صار...ووعدها يكون الفجر بكره بايطاليا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛

طالب يقفل الشنطة ويسحب شنطت شوق منها..

ويرمي كل اللي على التسريحة فيها..

ويفتح كبتها شال ملابسها بين يدينه ورماها بسرعة في الشنطة..

وهو مطنش صراخها عليه وضربها له..

طالب بتجاهل\لو انتظرتك ما مشينا الا بعد أمس بكم يوم..

انقلعي شوفي كيف لميت عفشي بسرعة..

شوق بعصبية\ما باشيل معي كل هذا مجنون إنت..

ترى كل اللي حطيته في شنطتي بجامات وقمصان..يعني بلاها فزعات..

طالب بعناد\جب لا اشوتك مع اللي في بطنك..البسي عباتك بسرعة بنمشي الحين..

شوق بقهر\خلااااااص عنبوا ابليس وكأنها اول مرة نروح الرياض..

طالب\امك متصلة تقول تعالوا اباكم بسرعة..لازم نلبي نداها..

يمكن تبي تقسم الورث بينا..

شوق بشهقة\هئئئئئئئئئئئ عينك على الورث..؟؟

طالب بسخرية\لا عيني على خشتك..إمشي قدامي اشوووف..

احس فيه شء كبير ورى امك الله يستر منها..

شوق جلست\هيه كله ولا أمي..

طالب بغيض\وش جلسك..؟؟

اخذ عبايتها وحطها عليها وسحبها معه برا البيت وهو يقفل الأبواب..

ركبها السيارة وجلس جنبها..

شوق\قلت لك لا تجيب شنطتي ما اباها..عندي اغرض في بيتنا هناك..

طالب\اربطي حزامك وقولي دعاء السفر...

شوق\طالب ما ابى اروح...

طالب يناظرها\ليه..؟؟

شوق\مدري خايفة..مع أن امي حلفت إن كل شيء بخير..

وصوتها مرة مبسووطة..بس اخاف يصير فيني شيء وانا حامل..

طالب\شوق خلي قلبك قوي واذكري ربك..

مابيصير الا ماربك كاتبه..وانا مطمن من صوت أمك وفرحتها..

شوق بغصة\تقولي جاك الفرج ياشوق..

ومن وين بيجي الفرج..؟؟همي كبير والموت ماوراهـ الا الصبر..

طالب بهدوء\"وَإِنْ يَمْسَسْكَ اللهُ بِضُرٍّ فَلاَ كَاشِفَ لَهُ إِلاَّ هُوَ وَإِنْ يُرِدْكَ بِخَيْرٍ فَلاَ رَادَّ لِفَضْلِهِ يُصِيبُ بِهِ مَنْ يَشَاءُ مِنْ عِبَادِهِ وَهُوَ الغَفُورُ الرَّحِيمُ "

اكثر ما يزعلني عليك هو ضعف إيمانك يا شوق...

صدت عنه وهي ضامة يدينها بحضنه..

وتردد في قلبها...

أستغفر الله العظيم من كل ذنب عظيم..

يارب قوي قلبي با الايمان..انصرني على نفسي..احرق الوسواس الخناس يا ارحم الراحمين..

سبحانك لا اله الا أنت إني كنت من الظالمين..

نعم أنـــا أؤمن :

بأن الانتقآم آولى مظاهر الضعف

ولكني آيضاً أؤمن بأن آلبعض

بـ حآجه إلى التأديب ...

لبست بنطلون أبيض ..و كنزة حمراء ضيقة..

كانت هذي من استر الملابس اللي لقتها بالاكياس الموجودة بغرفتها لما صحت من النوم..

من يوم اللي أخذها وهي تلبس نفس اللبس..عرض عليها ملابسه..

وردت عليه بقهر إنها مالها رغبة تحتقر نفسها بلبسها لملابسه..

وقرر يشتري لها ملابس..إذاً ناوي يطوول في حبسه لي..

بدلت لذياب ورتبت أغراضها..

صار لازم يتفاهمون,,وينتهي كل شيء..

بعد اللي صار أمس مستحيل تثق فيه او تظل معه..

ناظرت بإصبعها والخاتم فيه..

كانت بتشيله من يدها وترميه..

بس تذكرت عصبيته أمس وكيف قدرت تمنعه عنها بالمووت..

ماتبي تثير أعصابه ويقضي عليها..

ماتقدر تسمح له ينهيها مثل أول..

زمان كانت غير مسئولة الا منه هو..

بس اليوم صار عندها ذياب..

وحلم غرقان تبي تنعشه وتحييه من جديد..

حلم الرجوووع لاهلها ..رغم إستحالة رجوعها لهم..

تركت الخاتم بإصبعها ناوية توهمه مثل ماهو يوهمها..

وتبعد عن المشاكل معه...

نزلت بهدوء وصوت ذياب نبهه بنزولهم..

وقف لما شافهم نازلين وقرب منها..

أبتعدت عنه بسرعة من غير تفكير..

حواسها وخوفها حركها غصب عنها..

ظل بمكانه ومد يدهـ لذياب..

اخذه منها وأشر لها تجلس..

طنشته وراحت لــ المطبخ..

وهي تهمس لنفسها..

طيعيه..جامليه..

المهم لا يجبرك عليه وتندمين..

كانت ناوية تجهز وجبة لها ولذياب..

ولاحظت كل شيء جاهز على الطاولة..

رفعت راسا وناظرته واقف ويجلس ذياب بكرسيه..

جلست بهدوء وهو جلس قدامها..

سما بالله ومد لها الكرسون..أشتهت شكله وريحته..

وقلبها مارضى ياخذ منه شيء..

مسكت كاس مويا وقبل لا تشرب نزلته على الطاولة..

نزل كوب الحليب عندها وتعلقت عيونها بالكوب..

رفعت راسها وناظرته..

كان ياكل بهدوء..ويشرب حليب..

وبين لحظة والثانية يأكل ذياب من اكله..

شيء داخلها يسيرها غصب عنها..

صعب تتظاره بالهدوء والرضا..

بينما قلبها ينبض بحقد وغضب..

فزت بصدمة لما شافته ياخذ كوب الحليب اللي عندها ويشرب منه..

رجعه لها وعيونه بعيونها..

غازي بهدوء\تطمني مافيه شيء..لا منوم ولا مخدر..

حمدت الله بداخلها ..هو اللي فتح الموضوع..

أجل تحمل يا قاسي..

هديل بقرف\ما اشرب من يدينك..

وقفت وكبت الحليب بالغسالة..

مشت من جنبه..

مسك يدها وقربها من فمه..

قبلها على الخاتم اللي باصبعها..

وترك يدها..

لمت يدينها وراها وركزت عيونها بعيونه..

وقبل لا تتكلم سبقها وقال اللي يبيه..

غازي بحنية\كلامك أمس..إنتي صادقة فيه..؟؟

هديل بجمود\أي كلام...؟؟

وقف قرب منها وهي تراجعت ولصقت في الجدار..

غازي بهدوء\أقدر أنسيك اللي صار ونبدأ من جديد..؟؟

شدت على يدينها بقوووة..

وهي تتذكر كلامه لها..همساته بشوقه وعذابها في موتها..

تبي تضربه..تبي تألمه بجسمه قبل روحه..

يقول إني وحشته..يقول إنه تغير وصار حنون..

يوهمني بكذبه وكرهه..

وين أنســــى وييين..

مانسيت هلي عشان أنساك..

مانسيت تحقيرك ومذلتك لي..

همست بصد\نبدأ من جديد..؟!

تقصد نتزوج مثلاً..؟؟

من دون ضرب ولا إهانات..؟؟

لا غربة ولا تعذيب..؟؟

ما أكون جارية ..اكون زوجة وحلال..؟؟

لا ماتقدر تنسيني...لا..

دفته عنها بكرهـ طلعت من المطبخ ودخلت بغرفة قريبة من المطبخ..

قفلت الباب وجلست ترتجف..

لاتضعفين ولا تبكين..

ما أنتي مجبورة ترضينه عشان يعتقك..

كنتي مثل مايبي..راضية وساكته..

وعذبك من دون رحمه..

اليوم كوني مثل ماتبين..

وخليه يعذب على كيفه..

تذكري خساراتك بكل شيء وزيدي نارك حطب..

ترددت في راسها كلماته لها من قبل..

لاهو بذنبك ولا ذنب الأقدرا..

النار ماتختار حزمة حطبها..

انا ما أخترت..بس انت أخترت...

يارب عفوك..

مجتمعين كلهم بالصالة العلوية ينتظرون أم غازي..

شوق بتعب\ليش ماجمعتنا أمي تحت..ماني قادرة اطلع وانزل..

رشا\لازين جمعتنا فوق اخاف انام تحت وما احس بعمري..

طالب بترييقة\يمكن الوصية بالخزنة اللي فوق..

شوق تضحك\هههههههههه بعدك مصمم على الورث..؟؟

طالب\أجل تبيني اخرج من عرسك ببلاش..لا ياحلوة انا ابي قريشااات...

رشا\طلع اخوي مادي وداخل على طمع..

طالب\هشش لا تسمعك شوق وتخرب خطتي..

شوق\طالب امي جات اسكت لا تسمعك مابتعطينا من الورث..

طالب يقبلها على خدها بسرعة قبل تجي ام غازي..

رشا\وجع انت وهي وهي..قلة ادب قدامي..

شوق\اقول نامي..

طالب\نامي صارلك ساعتين صاحية حرام..

رشا بزعل\دواكم عند راجح اخليه يكفخكم..

شوق\زوجك مسافر وانتي نايمة..حالتكم يرثى لها..

جلست ام غازي والابتسامة شاقة وجها..

طالب بهمس\وين الوصية ما اشوفها بيدها..

رشا وشوق\هههههههههههههههههههه. .

ام غازي\دوم ان شاء الله الضحكة..وش فيكم..؟؟

طالب بثقل\ماعليك منهم مهابيل..الا أنتي وش العلم اللي في بطنك..

جايينك نركض على الطريق..

رشا\حاولت فيها تقولي مارضت قالت لازم تجمعنا..

ام غازي\عاد هذا الخبر ابي اشوفكم واشوف ردت فعلكم..

شوق بحماس\قولي يومه حمستينا..

ام غازي بحنية\وش اكثر شيء تتمنينه يا شوق..؟؟

كلهم ناظروا في شوق وهي تناظر امها بتسأول..

شوق بهدوء\مافهمت عليك يومه..

ام غازي\قولي أكثر شيء تتمنينه..؟؟

شوق بحسرة\مايفيد أقوله..لانه مابيصير..

أم غازي بحيلة\ما تومنين بالله..؟؟

شوق برهبة\استغفر الله..لا والله مومنة بس يومه.....

انتي تعرفين وش اكثر شيء مضايقني..

واتمنى يتصلح..

رشا\تقصدين غازي..؟؟

شوق تهز راسها\لا غلاته عندي ماهي اكبر من ذنبي وخطاي..

أم غازي\لو ترجع هديل يا شوق وش تقولين لها..؟؟

كلهم ناظروها بصدمة من كلامها..

طالب بانزعاج\الله يهديك يومه وش هالكلام..وش ترجع ماترجع..

حن ماصدقنا تشيل الوسواس من راسها..

أم غازي\لا ماخرفت لا تخافون..ردي علي يا شوق..

شوق بألم\لو ترجع..!!

مابيكون لي وجه أقابلها فيه..انا خجلانة من ذكرها يومه..فلو ترجع كيف اقابلها..

أم غازي بحنية\بس انتي لازم تنفذين عهدك على نفسك..

ياما قلتي بتعتذرين منها وتطلبين منها السماح..

شوق بخوف على أمها\يومه بسم الله عليك..هديل ماتت..وش فيك تتكلمين كذا..؟؟

أم غازي تبتسم وهي تبكي\ربي أكرمنا ياشوق..

هديل حية ما ماتت..كلمتني مع غازي..

طالب بصدمة\كيف ماماتت..؟؟سنتين مرت وهي ميته..؟؟

أم غازي تبكي\ما انت باكرم من الله يا طالب..

ربي حفظها واللي احترقت ماكانت بهديل..

كانت وحدة ثانية..هديل حية وصارت ام لــ ذياب..

ذياب موجود يا شوق..ولد أخوك وامه رجعوا لحياتنا..

وقفت ومشت بتعب وهي ترتجف..

جلست على الأرض عن أرجول أمها وتمسكت فيها..

شوق تبكي\يومه تكفيييين لا تذبحيني..كفاية اللي صار فيني من حسرتي..

مات ضناي من حسرتي عليها...

تكفين لا يموت اللي في بطني مفجووع مثل اخوهـ..أرحموا حالي..والله إني ندمت وتبت..

لا تعذبوني بكلامكم..يووومه حسي فيني بأموت من ذكرها..لاتذكرينها..

أم غازي بحنان\والله إنها حية ياشوق..كلمتني وسمعت صوت ولدها..

أتاري عندنا ولد وتونا عرفنا..

رشا برجفة\يومه الميت مايرجع..

أم غازي\بقدرة قادر يرجع...وهديل رجعت ..

جمعتكم أعلمكم..هديل أكيد بترجع مع غازي..

طالب يبتسم\سبحانك اللهم وبحمدك نستغفرك ونتوب إليك..

مبروووك عليكم رجوعها بالسلامة..مبرووك ياشوق..

وقفت بمكانها وصرخت بصوت عالي\لااااااااااااااااااا� �اااااااااااااااااااااا...

يوووووووومه ماني مصدقة..تكفين لا تلعبون علي..تكفييين يومه لا يكون حلم تكفين..

سحبتها أمها بسرعة وجلستها بحضنه..

قرأت عليها آيات من القرآن ونفثت عليها..

أم غازي\شوق أذكري ربك وصلي على النبي..

هديل حية ماماتت..ورب العزةوالجلال هي حية..

ضمت نفسها بحضن أمها\الحمدلله رب العالمين..

الحمدلله اللي رجعها..أحمدك واشكرك يارب..

عساني ما افقدك يومه ولا افقد بشارتك..

ياربي قدرني على تعويضها والسموحة منها..

يارب إني تبت فتقبل توبتي..

رشا تبكي وتضحك\الحمدلله رب العالمين...

آآآآهـ والله قلبي يخفق بقوووة..

الله يبشرك بالجنة يومه على هالبشارة..

باروح أكلم غازي..لازم أكلمه..

شوق وقفت بسرعة\وأنا بعد باكلمه..ماهو بكيفه يزاعلنا..خلاص يكفي زعل..

مابقى له حجة علينا..ابي اكلمها..يومه ابي اكلمها تكفين..

ام غازي تبتسم\طيب ألحين أكلمه وتسمعون صوتها معي...

أخذت جوالها وأتصلت بغازي..

مارد عليها قفلته وهي تقول لهم مايرد..

أخذت شوق الجوال وأتصلت عليه بلهفة..

بعد ثواني رد عليهم..

غازي بمحبة\هلا بالغالية..

شوق\.......................

غازي\يومه...؟؟!تسمعيني..؟؟

شوق بغصة\.................. أبو ذياب..

غازي ناظر ذياب بحضنه وابتسم\لبيه قال أبو ذياب..

شوق تبكي\آآآآآآآآآآهـ غازي وحشتني..وحشتني يا أخوي...

أحبك وأحب ظلمك وقسوتك..عساني ما أنحرم منك..

خلاص جعلني فداك سامح ترى ربي يسامح ويغفر..

غازي بحنية\مسموووحة من زمان يا غلا أخوك...

شوق\غازي سألتك بالله..والرسول يقول وإذا سلتم ان تخرجوا من بيوتكم فأخرجوا..

هديل هي حية..؟؟هي صدق بخير ماماتت..؟؟ريحني تراني سألتك بالله..

غازي يتنهد وعيونه عليها\والله العظيم حيةوبخير..

وأجمل وأحلى من أول بكثيـــــر..

أتاري اللي يموت يا شوق يزيد جماله وزينه..

شوق بحب\مبرووك يا أخوي ألف مبروووك..قرت عينك..

العمر أحبك

لليل أحبك .. مابقى في السما نور

والى ضواني الليل .. للصبح أحبك

واللحظة اللي كلها صد وغرور

اشوف قبري بين عينك وقلبك

في صدري اسراجٍ حزين ومكسور

رغم المطر والريح ... شلته افدربك

والله مابه غير لوعاتي قصور

وخوفي عليك الله ربي ..وربك

خفق قلبها بقوة وحمر وجها وهي تسمعه يتغزل فيها عند شوق ويغمز لها..

شوق...يا الله كم مضى على ايامي معك يا أخت أخوك..

مدري بترجعين على ماعهدتك ولا بتقسين أكثر..

لسانك لازال ظالم وجاير ولا لمه لك الزمن وأقصاهـ..

ما اقول الا اللي قلته يوم فارقتكم..الله يسامحكم وبس..

وعت على صوته يناديها..

هديل..هديل...

غريب اسمي منه..ماتعودت الا على رسل..

ما ابيه يناديني باسمي..ولا يناديني بالمرة..

شافته يمد جواله لها يبيها تكلم شوق..

عبرة بوسط قلبها خنقتها..

ليه اكلم هله وأطمنهم..

وهلي متحسرين علي..

لا تلعبين على نفسك..

أنتي ميته عند هلك من خمس سنين..

واكيد أستمرت حياتهم من دونك..

لا ياقلب لا..

هلي أعرفهم وأعرف قلوبهم..

قلوبنا لا فارقنا حي نبكي ونتحسر على غيابه ولو طال سنين ماتعودنا فراقه..

فكيف لو يموت ويخلينا..لو يندفن بتراب ونقطع الأمل برجوعه..

قلوبنا ماتموت اذا مات غالينا..

تظل تنبض بحبه واسمه وذكرهـ..

نتذكرهـ مع نسمة هواء..ولا ريحة عطر..

نتذكرهـ بهبوب الشتاء..ونزول المطر..

كذا ربي خلقنا نوفي لـــ ميتنا قبل حينا...

رفعت راسها له مجبورة بسبب يده اللي تحت وجها..

حط الجوال عى اذونهاوجلس جنبها ويده على كتفها..

غمضت عينها بألم وطاحت الدمعة..

لما سمعت صوت شوق يترجاها ترد عليها..

شوق بنحيب\هديل..مبروك رجوعك لنا ياهديل..

ردي علي تكفين...ابى اسمع صوتك..ابى أتعذر منك وأراضيك..

يشهد الله إني ندمت وتبت..تحسرت بموتك..

تمنيتك ترجعين وتعفين عني وترضين..

هديل ردي علي يا أم ذياب..

سحبت الجوال من يده ورمته على الأرض بقوووة وهي تبكي..

يبون يلوون ذراعي بك ياذياب..

كل ماقالوا ام ذياب..

ليه أجل ماقالوا لي إني مرت أبوك..

ليه تظلمت علي وتعدت على عرضي ورمتني بالزوور والشينة..

ما أنسى كلمتها لي نبي عيال حلال..

وليه سواياكم فيني يسوونها عيال الحلال..

حتى امكم أطهركم وأنقاكم..

مارحمت حالي..

ما طمنت قلبي وقالت أنتي حرمت ولدي..

ياحسرتي علي يومه..

ذبحوني واليوم يطلبون رضاي...

لا يا الجالي ماهو انتوا اللي تستاهلون الفرحة..

هلي انا اللي يستاهلونها..

امي وابوي..اخواني واختي..عمامي وخوالي..

وكل اللي حرمتوهم مني..

هم اللي يستاهلون الفرحة برجوعي..

فرحتهم صادقة وعلشاني..

ماهي عشان ذنوب ارتكبوها ويبون الغفران عليها..

انتفضت من حضنه بقهر..

وقفت قدامه بتعب وركزت عيونها في عيونه..

هديل بغصة\ليه...؟؟

بس ابى اعرف ليه ماقلت لي..؟؟

ليه ماقلت لي إني زوجتك..

كنت خايف إني أفرح..؟؟

ماكنت بافرح..والله ماكنت بافرح بس كنت باتطمن..

الفرح دفنته انت وانا عزيته ونسيته..

ليه قبل لا تغتـ.......

ليه ماقلت لي إني زوجتك واللي بيصير حلال..

ليه ذليتني بهالشكل...؟؟ليه كرهتني لحد الموت..؟؟

نزلت على ركبها ع الأرض قرب منها وجلس قدامها..

كانت حاضنة نفسها وتزيد بعتابه..

هديل بألم\كل اللي سويته ما يوجع كثر هذا..

تدري إن حرماني من هلي أخف علي من ذا الوجع..

بتكون ظالم إن طلبتني انسى اللي انت سويته..

خذت ذياب من حضنه وضمته لها..

هديل بتعاسة\شفهم ياذياب يرقصون على قبري..

كفنوني بذنوبهم..ودفنوني بحقدهم..

ياحسرتي على الدم اللي بعروقك تصير مثلهم..

ياويلك لو تعصي ربك مثلهم ..ياويلك يومه ياويلك..

حاول يظل بمكانه بس ماقدر..

كلامها بكاها بحسرة والم..

وبكى ذياب بحضنها أجبرهـ يسحبها ويحضنها..

لمها له وهي ظلت على حالها لامه ولدها وتوصيه بوصاياها..

هذا ولا شيء من كل شيء..

إستمري بالعتاب..

إصرخي وإبكي ..

إحزني...

ثقيلة

مزحة الدنيَاا ..

غثيثة .. مزحة الأيّام !

تقول إنطر علىَ بابك ترىَ

'' الغالي // علىَ جيّه ..

وأروُحْ لِـ بَابي بـِ خطوه تِسبق الأقدااامـ ..

بـِ شوق يحمِله قلبِي .. وعين تحتضن ضَيّه !

رجِعت وخَاطِري .. ضَايق // أنَاا ماشفته يجي أعوااامـ ..

تجين الحين يَا .. دنيَاا تصحّين الحِزن فيّه !!!

كذبتي ليه !! ؟ يَاأيامي علىَ قلب // مِسَى منظآم

وأصبَحْ بـِ الأمل

لأنّه ...

صدّقك بـِ حِسن نيّه !!...

دخل غرفة امه وشافها منسدحة على فراشها..

قلبه ضايق كثير..

تمر في باله كيف عاشت..وأيش صار فيها..

هل قسى عليها ولا رحمها وداراها..

شاف الحسرة بعيونه عليها..

بس ماصدقه لان وجيعته أكبر منه..

هز راسه بزعل لما تذكر كيف عاتب علي أخوهـ بكلمة وحدة..

"ليـــه ما انتبهت عليها"

يدري إن علي ماعنده خبر عنها..

بس يبيهم يحسون إن أختهم انخطفت من وسط بيتهم وأنقتلت بحقد..

سمع أمه تناديه..مايبيها تشوفه بهالحال..

قلبه مقبوووض بقوة وحزنه أكبر من إنه يكتمه قدامها..

صد عنها يبي يطلع بس تفدته يرجع لها..

جلس جنبها ومسك يدها بين يدينه..

قبل يدها وهي يهمس بقلبه..

حلمت فيها تناديني..

تقول إفتح ترا جيتك..

مال على حضن أمه لما حس فيها تسحبه..

عطى وجهه بجلالها وحط يدينها على صدرهـ..

كان يتنفس بصوت عالي يمنع شهقاته لا تطلع وتفضحه عند امه..

وهي تدري بحاله..

هو ولدها وتشوفه قدامها مهموم ويفكر..

قبلته على جبينه وقرأت عليه ونفثت على صدره..

هادي بحزن\متى بترجع...

أم علي بإيمان\إنا لله وإنا إليه راجعون ..

من مات مايرجع يا هادي...إرحم حالك وأنا امك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛

طلعت من شقتها بسرعة لما اتصل عليها..

جلست جنبه وسلمت عليه..

صوفي\السلام عليكم..

مسفر يناظرها برضا\وعليكم السلام...

صوفي\اممم ديل دائما تقول هكذا...

مسفر\اعلم..هل عرفتي شيئاً عنها..؟؟

صوفي بزعل\لا لم أعرف شيئاً..بحثت بأمكان كثيرة ولكن لا اثر لهما..

مسفر\قلتي بانك تشكين بماكس وأنه يعلم أين ذهبا....؟؟

صوفي بقهر\نعم هو يعلم ولكنه لم يخبرني ولن يفعل..

مسفر\كنت افكر وأنا بالطائرة..ربما ذهب إلى مكان يخص ماكس..

منزل ربما او كوخ..أو شيء مشابه..

صوفي بشهقة\يا لغبائي لماذا لم أفكر بهذا..؟؟

لا لقد فكرت بهذا ولكني لم أبحث هناك..

مسفر\حسناً لا بأس سنبحث الآن..دليني على بيت ماكس..

مشوا بالسيارة ودلته على الكوخ البعيد اللي أخذت هديل له قبل الولادة..

وبعدها رجعوا لشقة خاصة ليه ولصوفي..

بس ماكان لهم أثر فيها..

طال فيهم الوقت ونامت صوفي في السيارة..

صحت على صوت جوالها وردت من دون ماتناظر الرقم..

راجح بهدوء\عرفت مكانهم..أحتاج العنوان منك..أين أنتي..؟؟

صوفي بفرح\أين انت...؟؟سنأتي لاخذك..

راجح\من أنتم...؟؟

صوفي\انا ومسر...

راجح\من مسر..؟؟

صوفي\إنتظر قليلاً..

لفت على مسفر اللي كان منتبه على كلامها\هذا عم هديل أخبره من تكون..

رفع حاجبه مستغرب من كلامها\ألو...

راجح\السلام عليكم..

مسفر\وعليكم السلام...من أنت..؟؟

راجح\أنت من تكون..؟؟

مسفر\أنت راجح...؟؟

راجح يتنهد\نعم أنا راجح...من تكون..؟؟

مسفر\ولد أخوك وين أخذ البنت..؟؟

راجح بعصبية\وأنت من تكون...وش دخلك فيها..؟؟

قفل الخط بسرعة وقال صوفي ماترد عليه..

مسفر بغضب\قلتي بانه عمها...؟؟

صوفي باستغراب\قال لي بانه عمها...

مسفر\هذا عم غازي وليس عم هديل...

صوفي تشهق\ماذا...؟؟هل هذا هو اللذي أتى لمساعدتها..

إذاً لقد غدر بها..؟؟يا الهي هذا أمر غير معقول..

هو من اخبر غازي عن مكانها..قالت بانها ستتصل بعم غازي..

فهو رجل طيب وسيساعدها..ولكن أنظر ماذا فعل..؟؟

مسفر بحدة\يساعدها في ماذا..؟؟

لماذا لم تتصل بي أنا..؟؟لماذا إتصلت بعمه..؟؟

صوفي\قلت لها أن تتصل بك..ولكنهم لن يقبلوا بشهادتك..

مسفر\أوضحي ماتعنين..

صوفي\كانت تريد إثبات هويتها وأنها لم تمت..

وكان يجب ان يكون هناك شهود على ذلك..فاتصلت به...

مسفر بعصبية\غبيتان..كلاكما غبيتان..رمت بنفسها بالنار..

كان يجب أن تتصل بي وتخبرني ..

حرك السيارة بسرعة على عنوان ذكرته له صوفي..

والمكان كان مثل ماتوقع فاضي ومالهم اثر فيه..

قالت له ان راجح يقول انه لقاهم..

وهو يقول لها اليس هو من اخبر غازي بمكانها اذن هو يعلم اين هم..

مشطت شعرها وتركته مفتوح وطايح على ظهرها..

وهي لازالت تتوعد تقصه..لأنها لاحظت نظرات الإعجاب من غازي..

نزلت بسرعة لما سمعت صوت ذياب يبكي..

شافته يلبسه جزمته وذياب ماهو براضي يلبسها..

هديل بسخرية\الله يخلف علينا..ماتعرف تلبس بزر جزمته..

وخر اشوووف..

خذته من يدينه ولمته بحضنه وهي تسولف معه وتبوسه..

رفعت راسها وشافته يناظرها وهو رافع حاجب..

هديل بغرور\شفت لبسته مايبيلها طاخ طيخ..شوي وتفغص الولد..

غازي بخبث\لو مالقى شيء يسليه ما سكت وخلاك تلبسينه..

في البداية مافهمت عليه وكانت برتد..

بس لما حست بيد ذياب على صدرها عرفت قصدهـ..

شتمته في داخلها بكل الألفاظ..

وهي تقفل ازارير بلوزتها اللي كانت كاشفة عن صدرها له ولذياب..

غازي بابتسامة رضا\لبى قلبه طاح ساكت..

هديل بقهر\وجع..يا اللي ماتستحي..

وقف وقرب منها\وش سويت عشان ما أستحي..

نزلت ذياب على الأرض ووقفت بسرعة..

مشت خطوتين وما أمداها تبعد عنه الا وهو لامها من خصرها..

غازي بهمس\تغلي...عسل على قلبي..

ضربته بكوعها على بطنه وبعدت عنه..

هديل\يدينك هذي لا تلمسني فيهم فاهم...

غازي يهز راسه\ايه فاهم..

هديل بدلع\ذيبي قلبووو تعال وقت غفوتك يا رووح ماماتك..

غازي\ترى بأشوته من الطاقة..وأنتي تحملي..

هديل\أشوتك وراهـ..تحسب ماوراهـ ام..

غازي\ابي أسئلك سؤال واحد بس..؟؟

هديل ببرود\لا تسأل لأني ماراح اجاوبك..

راقبها تنيم ذياب بحضنها وتهزه بخفيف..

أنتظرها لحتى نيمته وسدحته..

سحبها من يدها وطلعها لــ الصالة..

هديل بهدوء\اترك يدي..

تركها براحتها وجلس على الطاولة مقابل لها..

غازي\ناديتيني بلحظة انهيارك باسم مسفر..

ليه مسفر..؟؟!

صدت عنه بزعل..

هديل ببرود\قلت لك لا تسأل لأني ماراح اجاوبك..

غازي\وش اللي عطاك اياه مسفر وخلاك تطلبين فزعته..

هديل بحقد\عطاني اللي ماعطيتني إياهـ أنت..

ولا عطاني إياهـ أبوي..

غازي عقد حواجبه بغضب\قولي كلام ينفهم..

هديل بجفاء\هذا اللي عندي..عاد إفهمه على راحتك..

غازي يهزها بقوة\تكلمي ياهديل..

ضربت يدينه وبعدت عنه بسرعة..

هديل بألم\تبي تعرف مسفر وش عطاني..

أقولك..عطاني الراحة النفسية..عطاني الأمان..عطاني الكرامة ..

لولا الله ثم هو ماكنت بأدري إني زوجتك..ولا كنت بأدري إن ولدي ولد حلال..

لولا الله ثم مسفر ماكنت اليوم حية..كان قضوا علي الزنوج والمجرمين..

لولا الله ثم مسفر ........................................

كفاية عليك اللي سمعته ما ابيك تعرف اكثر..لأنك ماتستاهل..

خلك بأفكارك ... وتخيلي كيف عشت بالغربة..

شافته يقرب منها..

ركضت تبي تهرب من الصالة وتطلع فوق..

مسكها وثبتها على الجدار..

غازي بهمس\وغيرهـ...؟؟؟

هديل بغصة\ابعد عني...لاتعاملني بقسوة..مابيخسر غيرك..

همس وخشمه على خشمها\وش بقى ماخسرنـــاهـ ...

قبلها على شفايفها وضمها له بقوووة...

يشم ريحة شعرها ويطفي نارهـ من بطلها مسفر...

همست بحسرة والم وهي تحاول تبعده عنها...

كلمات زادت من حزنها ومن قهرهـ...

بعد عنها لما سمع صوت الباب..

رجع يحضنها وهمس لها بكلمة طعنتها وعذبتها...

قبلها على خشمها وتوجه لــ الباب..

جلست على الارض رفعت شعرها من على عيونها...

ومسحت شفايفها وهي تبكي..

ماتدري كم مر عليها وهي جالسة..

عيونها زايغة وتفكيرها جامد..

رفعت راسها بألم وذهول..

وهي تسمع صوت يناديها..

........ بعذاب\هديـــ.....ـل ...

شهقت بقوووة ووقفت من غير حيل ولا قوة..

ضربتها رجفة قوية من أعلاها لأسفلها..

دمعت عيونها وضاقت أنفاسها..

تبي تصرخ..

تبي تناديه بكل صوتها ويرد صداها..

تبي اعالم يدرون إنه وصلها..

حاولت تتكلم..ماقدرت ترفع صوتها..

همست بإختناق\...........عـــــلي ...

يرتحل الصيف..فقومي بنا

نسكب في وداعه دمعتينْ

كان كريماً..طيباً..طيباً

أحبنا محبة الوالدين

هيأ في الشمس لنا مقعداً

وفي ظلال الورد أورجوحتين

وصير البحر لنا منزلاً

فنحن ضيفان على موجتين

وحولّ الرمل إلى لؤلؤٍٍ

نبني به قصراً أو قلعتين

وردني بعد مشيبي فتىً

تعجب من نضرته كل عين

توَّجَنا أنا أمير الهوى

وأنتِ أحلى الغيد في الخافقين

يرتحل الصيف فوالهفتا

على زمان..كغبار اللجين

كان لنا حيناً..وكنا له ..

فما له أنساب من الراحتين؟

يرتحل الصيف وأبقا أنا

أمشي على الثلج..بخفي حُنين

والثلج في بيتي..وفي أضلعي وفي قوافيّ..وفي اللمّتين

أبصرني الصيف هنا مرة ..

أشك أن يبصرني مرتين ...

المرحوم باذن الله تعالى ..غازي القصيبي...

عذبوني يا علي وحالي خطير..

فارد الذرعان مكسور الظهـــر ..

ماتدري كم مر عليها وهي جالسة..

عيونها زايغة وتفكيرها جامد..

رفعت راسها بألم وذهول..

وهي تسمع صوت يناديها..

........ بعذاب\هديـــ.....ـل ...

شهقت بقوووة ووقفت من غير حيل ولا قوة..

ضربتها رجفة قوية من أعلاها لأسفلها..

دمعت عيونها وضاقت أنفاسها..

تبي تصرخ..

تبي تناديه بكل صوتها ويرد صداها..

تبي العالم يدرون إنه وصلها..

حاولت تتكلم..ماقدرت ترفع صوتها..

همست بإختناق\...........عـــــلي ...

وللأسف همسها ماتعدى مسامعها..

أخـــوي...

أخوي جاء...

عــ....عـــلي..لقاني..

والله أخوي جاء والله العظيم..

عساني ما أبكي طلتك يا اخوي..

تكفى اقرب واحضني..

دمرني بعدكم يا بعد حالي..

مالي حيل أتحرك ..

رجلي جامدة وتعصاني..

دايخة بغربتي ومرعوبة اطيح بظلام..

لا يكون عيني تخدعني وتوهمني...

تكفى فديتك صدق عيوني وأحضني..

يناظرها بصدمة وشوق وحنية..

ماصدقه يوم قال هديل حية..

قال تبي تعرف أبوك وش فيه تعال ايطاليا..

تبي تعرف وش سبب حزنه وضيقه وبلواهـ ..تعال وشف بعيونك..

شف اللي ذبح ابوك خمس سنين وبكاهـ ..

جاء طاير يسابق ظلاله..

يبي يعرف من اللي زعل أبوهــ..من اللي كسر ظهرهـ وقلبه..

جاء ناوي ينتقم لدموع شايبه ونجواهـ ..

وأنصدم يوم لقاها..

لقى أخته المدفونة من سنين..

الغايبة عن الدنيا والعين..

يلقاها حية وفي ايطاليا..

وهذي هي واقفة قدامه ترتجف وتبكي..

تمد يدينها بعجز تطلب أحضانه..

ليه ماتجيني ألمها وأتاكد لا تخوني عيني...

رجلي جامدة ماتطاوعني..

حنيني تغلب على عقلي..

تعالي..تكفين تعالي وصدقي عيني..

هديل بحنين\علـــي ...!

علي بحسرة\يارجاء عينه..

هديل بنحيب\ياويليييييييييييي يا أخووووي...

راحت له تركض وهو ماد لها يدينه..

رمت نفسها بحضنه ولمت يدينها حوالينه وهي تصرخ باسمه وتنخاهـ ..

هديل بصوت باكي مبحوح\تأخرت يا علي تأخرررررررررت...

ذاب قلبي وأنا أنتظركم..أنبح صوتي وأنا أناديكم..

ضمني يا ريحة أمي..ضمني يا عزوة أبوي..

ضمني يا راحتي بعد العذاب..يا ديرتي بعد الغياب..

آآآآآآآآآآآآآآآهـ ياربي يا حبيبي..ياربييييييييييييييي ييي ما اوسع رحمتك...

يا اخوك.. تكفى ضمني .!

.. ليسار ضلعك شددددني

... وطبطب علي !

شاد عليها بكل قوته..

يتنفس بصوت عالي..

يسحب الهواء لروحه المطعونة..

اصدقت عينه..وصدق قلبه.. يوم ضمها انشرح صدرهـ..

حس بدموعه تحرق جفونه وهو مغمض بقوووة..

ذاب قلبه عليها وهو يسمع كلامها..

ويحس بيدينها تتلمسه وتضمه أكثر..

فتح عيونه وناظر فوق وهو يحمد الله ويشكرهـ..

مصدووووم أخته حية وتحضنه..

بس قوى قلبه ولاسمح لـ الصدمة تسلب منه فرحته بشوفها..

ما ألومك يوبه يوم تبكي وتنهار..

مالوم قلبك يوم أنجلط..

ياخذونها من حضنك ويخفونها عنك..

ياليتني دريييت..يا ليتني دريت..

ضمها أكثر وكتم أنفاسها بصدرهـ..

ومن دون وعي منه حفر ظهرها بأصابعه..

وهو يرفعها له ويقبل راسها وجبينها..

علي بمحبة\والله لو علي يدل قبرك ما امسيتي الا تحت عينه..

لو عرفت انك حية ما انضامت عيونك..

ياجعل ذنبك مايتعداني يوم صدقت وخليتك..

وش اللي حدك على الموت ياقلب اخوك..؟؟

ماتسوى أشنابهم عندك يا فديتك يا هديل..

من شدة ضمه لها ماقدرت تتنفس..

وهذا أبداً ماخلاها تفكر تبتعد عنه..

ظلت متعلقة فيه تبكي وتشهق بقوووة..

تشم ريحته وتتلمس وجهه وكتوفه..

تقبله على صدرهـ على يدينه وذراعه..

كانت تبكي بصوت عالي..وتتكلم بشكوى..

هذا عزوتي..هذا أخوي..

هذا اللي بيأسرني من أسرهم..

ضمني ياعل حزني يضمهم ..

خلني مابين كفينك أسير ..

يمكن أأمن أسرهم !

سلني بـ أوهام ..

تعبت أجفاني سهر ..

الخوف مانعني لا انام ...

والهم ياكل بالصدر ..

خفف يدينه عليها ورفع راسها له يناظرها..

مسح دموعها بكفوفه..ورفع شعرها..

مسكت كفوفه وثبتتها على شفايفها..

قبلتها من وجه وقفا..

ودفنت نفسها بحضنه مرة ثانية..

علي بحب\يالله إن تحييها..

هديل بالم\أحياني ربي يا أخوي...

علي يبتسم\ابعدي شوي ابى اشوفك زين..

هديل تهز راسها بـ لا\لااا تكفى لا تخليني..

علي بحنية\أخسي ولا اخليك..

تنعمى عيني يا هديل إن خليتك..

هديل بإنكسار\رجعني لأمي يا علي تكفى..

علي يقبلها بين عيونها\ماجيت الا عشان ارجعك..

ابتسمت وهي تبكي\آآآآآآآآآآآهـ يا حسين وينك فديتك..؟؟

علي بحسرة على أخته\بتشوفين حسين..وبتشوفين أمي وعسوولة..

هادي وعبود وغادة ومحمد..وسميتك..بنتي سميتها باسمك..

هديل بانهيار\يالله الحين ودني لهم الحين..

تكفى ياعلي مابقى فيني رووح تكفى..

علي يهديها\هشششش بسم الله عليك..

ماصدقت على الله القاك لا تتعبين يالغالية..

وابشري بهلك كلهم..

ماردت عليه واكتفت بــ بكاها على صدرهـ..

وكأنها تشتكي له حالها..

وهو يحتضنها بقوووة..

وعيونه مركزها بــ العيون اللي تراقبهم..

عيون غـــازي..

يشتعل قلبه بتهديد ووعيد لقاتلها..

لــ خـــاطفها من حضن أمها وأهلها..

ضمها له أكثر ويتحدى بضمته سجانها..

وكأنه يقول لو فيك خير..خذها مني.

يراقبها متعلقة باخوها وتبكيه..

ترتجيه يأخذها منه..

شبت نار بصدرهـ من حالهم..

تحضن علي وماتبي تتركه..

بعكس حالها معه..

تذبح حالها ولا تلمسه..

قبل لا يرجعها بنفسه جاوء وخذوها..

عرف انه صار وقت الرجوع..

ومثل ما حرمهم منها بيحرمونه..

صد عنهم وطلع لــ راجح..

هو اللي جاب علي ودله عليها..

بشره ان اخته حية وبخير..

لا قدر يفجع ابوها المريض التعبان..

ولا يقول لـ هادي..

بنظره صغير وطايش..

ويمكن يسوي شيء وهم في ايطاليا ماهم في السعودية..

ماكان يدري ان هادي كشف كل شيء ..

وانه عرف ان هديل كانت حية ومعهم..

كان واقف ويسمع صوتها وهي تبكي وتتفدا أخوها..

دخل معهم بس لما شافها بدون حجاب طلع ووقف قريب منهم..

لا يضمن علي المغبون من حال أخته..والمقهور على حالها..

والأكيد مايضمن غازي المتملك لـــ هديل...

رفع عيونه لغازي اللي يناظرهـ بحدة..

عمه كان ضدهـ بكل شيء يخص هديل..

واللي غلبه لوقت طويل بعنادهـ..

لأنه هو ولي أمرها ومال راجح اي يد عليها..

اليوم جاب أهلها ياخذونها..

وأهلها ما بيقدر يمنعهم منها لو هرب لأخر الدنيا..

أكتشفوا إنها حية وهذا يسطر نهاية المأساة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛

دخلوا لمحل خاص بالملابس النسائية الخاصة..

ويدينهم بيدين بعض..

رشا بهمس\وش بلاك ماسكة يدي..؟؟لا يكون خايفة تضيعين..؟؟

شوق بنذالة\لا خايفة تنامين وتطيحين..قلت امسكك وأخذ أجرك..

دفتها رشا عنها\وخري عني..ما وقفتي مهزلتك أنتي وزوجك..

بس ماعليهه رجوحي بيجي وأخليه يأدبكم..

شوق\ههههههههه لبى رجوحي..كل هذاك تسمينه رجوحي مايصلح ترى..

هو قبيلة بحالها سميه مراجيح..

رشا بوله\بسم الله عليه فديته أحسن من عصاقيل...

شوق\تراهـ أخوك لا تنسين..

رشا\ألحين أخوي هاه؟؟وفي السيارة كل شوي يضرب بوري..يقول لا انام ويروعني..

شوق\هههههههههه والله أنا اللي قلت له..فشلة تنامين وين نوديك..

رشا\انطمي وخليني أخلص أغراضي..

شوق\طيب وانا بعد..

دارت في المحل وأختارت اللي هي تبيه..

بعد دقايق حست برشا تتمسك فيها بقووة..

شوق بخوف\رشا وش فيك..؟؟بتنامين؟انادي طالب يشيلك؟؟

رشا برجفة\يووومه..شووق الحقي ما اصدق..

شوق فاهتمام\وش فيك؟؟وش صاير؟؟

رشا\شوفي هناك بآخر المحل..تشوفينهم.؟؟

شوق بشهقة\هئئئئئ بنات اللذين وين عباياتهم؟؟

رشا بهمس\هذولاء مو بنات..هذولاء من عسى ربي لا يبلانا..

شوق بكرهـ\أعوذ بالله..هئئئئئ شوفي وش يسوون؟؟

يختارون ملابس حريم...

رشا\وععع أكرهم..شوق يالله نطلع..

شوق بقهر\يخسون نطلع ونخليهم هنا..انا أوريك فيهم..

أتصلت بطالب اللي كان موجود معهم بالمجمع وينتظرهم يخلصون..

طالب\نعم مدام فيه خلص خمي كلو سووق كلووو أغراض..

مافيه قول تعال سوي حساب أهفك بوكس على ضروسك..

شوق بسرعة\طالب تعال في قسم......... أنا أنتظرك مع رشا بسرعة..

طالب يوقف\خير وش فيك؟؟صار لك شيء..؟؟ولا رشا فيها شيء.؟؟

شوق\لا مافينا شيء..بس الحق علينا بسرررعة..ولا بننجلط..

طالب\يالله جايكم..لا تموتووون طيب..

شوق\طيب..بس تعال..

قفل منها وراح لهم..

طلع الدرج وهو يفكر فيهم..

وش بلا الخبلات..لا يكون سارقين..ولا مهايطين..ويلهم ويلاهـ..

شافهم واقفين ينتظرونه عند باب المحل..

قرب منهم\خير وش فيكم..؟؟

شوق\تكفى طلبتك..عسى يومي قبل يومك لا تردني..

طالب برعب\وش بلاك؟؟وش صاير..؟؟

شوق بحقد\ادخل هذا المحل وشف وش فيه..؟؟

طالب يناظر المحل بعصبية\وش لي بمحل الحريم يا يا يا ترى باكفخك...

شوق\طالب وحن في المحل شفنا شباب..

طالب عقد حواجبه\احم ااا وش يعني اذا شفتوا شباب ..يمكن يتقضون لحريمهم..

رشا\لا ماهو لحريمهم الا لهم...

طالب بصدمة\نعم نعم..؟؟

شوق\ايه اللي سمعته..تراهم مايعين ومن شلة بابا طيحني..

طالب بعصبية\الا يا عيال الذنووب..

شوق\تكفى علمهم ان الله حق..ولو تروح سجن عشرين سنة..

طالب\أعلمهم ولو أروح إعدام..ترى ان شاء الله اني شهيد..

شال عقاله من على راسه تلطم بشماغه ودخل المحل..

وشوق تتلفت في المكان..

شافت ثنين من رجال هيئة الأمر بالمعروف والنهي عن المنكر..

راحت لهم ونادت عليهم..

شوق بصوت هادي\ياشيخ الله يحفظك نحتاج مساعدتكم..

الشيخ يصد عنها\نعم يا أختي...

شوق\زوجي يتضارب مع شباب قل دينهم في محل قريب..

فكونا منهم جزاكم الله خير...

الشيخ\حسبي الله ونعم الوكيل..وينهم فيه يا أختي..بأي محل؟؟

شوق تأشر على المحل\بهذاك المحل..

مشت وراهم وهم وقفوا عند الباب بصدمة..

ويشوفون طالب طالع من المحل وماسك الثنين من ورى بقمصانهم الضيقة..

ويضرب بعقاله على ظهورهم..

طالب\لأبووو من جابكم ولا سنعكم..يا حثالة البشر..

طيحهم على الأرض وكمل ضربه لهم وشاتهم بأرجوله..

الشيخ\لاحول ولا قوة الا بالله العلي العظيم..

منظرهم تقشعر له الأبدان..

طالب\إزهلهم يا شيخ مايربيهم ذا الليل إلا أنا..

الشيخ يمسك واحد منهم ويوقفه..وصفعه على وجهه لما سمعه يتكلم بدلع..

الغريب عن الفطرة\آآآآآهـ عورتني ابعد يا متوحش..

الشيخ يصفعه\متوحش يا قليل الخاتمة...يا مغضب الرحمن..يا ولي الشيطان..

الغريب عن الفطرة\آآآآآي ترى اشكيكم لــ البوليس..

كمل الشيخ ومعه طالب الضرب فيهم..

والناس تجمعوا عندهم اللي يصور اللي يشجع..

واللي يترجاهم يخلونه يأدبهم..

شوق بهمس لرشا\رشا لا تزعلين مني ..بس باقولك شيء..

رشا بخوف\يووومه ما احب أشووف ضرب وهواش..

وش تبين تقولين؟؟

شوق\ماتشوفين ان فيه دلع ماهو بعلي ولا عليك..؟؟

رشا\جعل مابه دلع..والله إني أشلى منهم..واجيب الذيب من ذيله..

شوق مفتحة عيونها\طيب يمكنك احسن منهم..بس لا تهايطين قالت بتجيب الذيب من خشمه قالت..

رشا\هههههههه شوفي طالب يقول خطبة..

شوق\يافديت طلوبي..

الشيخ يبتسم\جاهم ماكفاهم يا ولدي..جزاك الله خيراً..

طالب بغضب\ياشيخ هالأشكال كثرت في مجتمعنا..

مابيسلم منها الا من رحم ربي..

أحد المتجمعين\بيلعنهم الله واهل السماء والأرض..

ضيعوا دينهم وأخلاقهم..

طالب بقهر وبصوت عالي\تدرون ليه ضيعوها..وصاروا يتساهلون في كل شيء..؟؟

لأن حن سمحنا لهم بهذا الشيء..

القاتل ماعاد يقتل..والزاني ماعاد يرجم..

السارق ما قطعنا يدهـ..والمجرم ماعاقبناهـ..

وهذولاء اللي مخالفين لشرع الله ولسنة الأنبياء..ومخالفين لــ الطبيعة والحياة..

ما عاقبناهم مثل ما يستحقون..الله سبحانه مارحم قوم لوط...

وقلب فيهم الأرض بعد مارفعها لــ السماء..

ماحن بعاجزين نقيم الحد عليهم ونقتلعهم من أصلهم..

هذا ماهو مرض اللي فيهم ولا هي حالة نفسي..نكذب على انفسنا ونقول بيتعالجون..

اللي فيهم ذنب وهم ماتابوا منه..واللي مثلهم يدنسنا ويدنس حياتنا..

هذولاء ماهم بشر ولا يسوون يكونون حثالة البشر..

قرب منه الشيخ وحبه على خشمه\قواك الله وأثابك على إيمانك..

طالب حبه على راسه\تكفى ياشيخ لا يطلعون منها بالهين..

ولو سجن يربيهم لا تقصرون فيهم..

طمنه الشيخ وأشر لرجال الشرطة يسحبونهم قدام الناس..

ويكونون عبرة لمن لا يعتبر..

وبين هتاف الناس وتصفيقهم..

انسحب طالب وهله معه..

في السيارة كان يستغفر ويذكر الله..

وشوق تمدح فيه وتفتخر باللي سواهـ..

شوق بتسأول\عسى بس ماعلي ذنب..؟؟

طالب يناظرها بعدم فهم\؟؟؟؟؟؟؟؟؟؟؟؟؟؟

شوق بعبط\يقولون قطع الاعناق ولا قطع الارزاق..وانا شيشتك عليهم..

طالب بندم\ليتنا في الشرقية...كان غرقتك بالبحر..

شوق\ههههههههههه الحمدلله مافي الرياض بحر..

ترى امزح معك ابي اغير جوك يا قلبي..

طالب يبتسم\والله مافي قلبي ذرة ندم على اللي سويته..

شوق\اممممم بس اكثرهم يقولون اذا تعالجوا نفسياً يتعدلون..

طالب بضيق\تدرين وين المشكلة..ان الناس يكذبون الكذبة ويصدقونها..

ويتركونهم على كيفهم..وهم مثل المرض بينشرن بلاهم بين المراهقين..

بين الاطفال..ومثل ماتعرفين بذرة فاسدة بتفسد كل المحصول..

رشا\عسى ربي يرحمنا برحمته..الله يقبل التوبة بس يتوبون من بلاهم..

((قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعاً إنه هو الغفور الرحيم

وإني لغفار لمن تاب وآمن وعمل صالحاً ))

اللهم إني أستغفرك لكل ذنب

خطوت إليه برجلي

أو مددت إليه يدي

و تأملته ببصري

أو أصغيت إليه بأذني

أو نطق به لساني...

أو أتلفت فيه ما رزقتني

ثم استر زقتك على عصياني فرزقتني

ثم استعنت برزقك على عصيانك

فسترته علي

وسألتك الزيادة فلم تحرمني

ولا تزال عائدا علي بحلمك وإحسانك

يا أكرم الأكرمين...

اللهم إني أستغفرك من كل سيئة

ارتكبتُها في وضح النهار أو سواد الليل

في ملأٍ أو خلوة

في سرٍ أو علانية

فلم أستحيي منك

وأنت ناظر إلي...

اللهم إني أستغفرك من كل فريضة

أوجبتَها عليّ في الليل أو النهار

تركتُها خطأً أو عمدا

أو نسياناً أو جهلا

وأستغفرك من كل سنة من سنن

خاتم النبيين محمد صلى الله عليه وسلم

تركتُها غفلةً أو سهوا

أو نسياناً أو تهاوناً أو جهلا...

أستغفر الله وأتوب إليه

مما يكرهه الله

قولاً أو فعلا

باطناً أو ظاهرا

أستغفر الله وأتوب إليه...

جالسة جنبه يدينها في يدهـ..

وبين كل لفته وحركة تضمه وتقبل يده او راسه..

وهو لامها بذراعه ويده الثانية بين يدينها..

صار حالها مثل حال البزر..

خايف لا يترك يد امه وتضيع منه..

قلبه يذوب على رجفتها وشهقاتها اللي ماتقدر تكتمها..

مايدري يزعل عليها ولا منها..

لودرى..لو قالت له وسلمته أمرها..

ماكانت غابت عنهم وموتوها..

ناظرها بحنية وهمس لها\نرجع بيتنا..

رددت مثل الطفل\ايه..ايه خلنا نرجع يالله قم..

علي يبتسم\يالله مشينا..

هديل مخنوقة بشوق\صدق بتاخذني..؟؟

علي يطمنها\والله صدق..

هديل برجفة تناظر غازي وتتخبى بحضنه اكثر\مابيخليني..

علي بجمود\ومن قال بنستئذنه..؟؟!

يالله يا بعد أخوك قومي معي..

ثبتت وشاحها على راسها وقامت بسرعة لما سمعت صوته يبكي..

وقف علي وعيونه تراقبها لا تغيب عنه..

شافها تنحني وتوقف شايلة شيء بيدها..

يعرف هيئة هالشيء وش يكون..

لان عنده نفس هالشيء في بيته وفي أحضان أبوهـ أكثر الوقت..

هالشيء ولدها..

رفع يدينه لـفوق وحطها على عيونه بحسرة..

لما تاكد إنها صارت أم وهذا ولدها أو بنتها..

نزل يدينه وناظرها واقفة بعيدة عنه تبكي وترتجف..

عرف إنها فسرت ردت فعله غلط..

وتعتقد إنه مايبي ولدها..

لازالت بريئة مثل ما عهدها..وكل شيء يجرحها..

مد يدينه لها يطلبها تجيه برجاء..

قربت منه وهي تهمس بحزن..

هديل بهمس باكي\حلال..والله العظيم..

سحبها له بقوووة وحضنها مع ولدها..

واعتلى صوت بكاها..

همس باذنها بتعب\ياعسى ذنبك مايتعداني..

هديل بحب\ولدي يا علي...هذا ولدي..

خذاهـ من حضنها ورفعه له..

وهي تمسكت بقميصه ماتبي تبعد عنه..

قبله وحضنه على صدرهـ..

وبارك لها فيه..

وأدركت إن علي أول شخص يقول لها مبروك على ولدها..

حتى غازي ماقالها..

جلس وظل يتأمله بهدوء ويتامل امه..

هديل بخجل\يشبهني..؟؟

علي يكتم حسرته\ياحظه..

هديل بخوف\ابى اخذه معي..

علي يطمنها\بتوسعنا الطيارة كلنا..

ابتسمت بحب\خذني لأمي..

علي يزم شفايفه\توني اقولك يالله..

وشيخنا هذا جيبي اغراضه ويالله مشينا..

هديل\اسمه ذياب..

عقد حواجبه وبعدها ابتسم لها\جعلني فداك يا ام ذياب..

لمت يدينها عليه وضمته بقوووة وبكت..

نزل ذياب على الأرض ولمها بهدوء..

وراقب ولدها يركض بخطوات سريعة غير متوزانة لــ غازي..

ويطنش راجح اللي ناداهـ..

دخل بين ارجول غازي ورمى نفسه على بطن ابوهـ..

رفعه له وضمه على رقبته وقبله بحنية..

وعيونه تراقب هديل اللي تحاول تختفي من عيونه بحضن أخوها..

حس إنهم مابيطلعون من البيت الا بمشاكل..

وحب يطلعها ويتفاهم معه ..

علي بهمس\هديل يا أخوك..ماتبين نمشي من هنا..

هزت راسها بايه بسرعة\ايه..يالله نروح..

علي\اممم طيب ولدك ماتبين تاخذين اغراضه..

أو انتي تبين شيء..

هديل\لا أنا ما ابى شيء..

بس ذياب بأخذ شنطته وحليبه..

علي يبتسم لها\يالله جيبي اغراضه وانا أنتظرك هنا..

وقفت وبعدت عنه شوي..

وعيونهم كلهم عليها..

همست بتعب عذبهم\تعال معي..

علي بتأكيد\بانتظرك هنا..يالله يا قلبي..

هديل برجاء باكي\لا تروووح تكفى..

علي يهز راسه ويكتم عبرته على شكلها المكسور التعبان..

هديل بحلف\والله ما أتاخر..لاتروح أسالك بالله لا تروح..

علي بقلب مهدود\والله ما اروح الا بك..

نزلت عيونها بذياب الجالس بحضن ابوهـ..

من دون ماتحط عيونها بعيونه..

علي يطمنها\باتعرف على ذياب لحتى تجين لا تخافين..

أبتسمت لأنه فهم عليها..

وبيهتم بذياب ويمنع ابوه ماياخذهـ ويتركها..

خرجت من عندهم وطلعت الدرج بخطوات تعبانة..

دخلت الغرفة وقلبها يخفق بقوووة..

هو صدق اني بأرجع..

هو صدق اللي أشوفه..

بينتهي كل شيء خلاص..

بينتهي العذاب..

بأطلع من كفن الغربة..

وأغادر مقبرة الفراق..

بارجع لهلي...

بأرجع لأمي..وبأحضن ابوي..

بأرجع لك يا هادي..

حست بأرجولها تخونها وبتطيح بمكانها..

قاومت ضعفها ورجفتها..

وجلست على السرير تقرأ وتتحمد الله..

وقفت بسرعة ودخلت دورة المياهـ..

توضت وخرجت..

صلت ركعتين شكر لله تعالى وهي تبكي وتستغفر..

لمت اغراض ذياب بشنطة خاصة فيه..

وكانت بتطلع من الغرفة بس شافت لبسها الضيق مايناسب ولا يريحها..

فتحت الكبت وطلعت لها لبس ثاني..

وقبل لا تبدأ تبدل شافت شيء ثاني في الكبت يخصها من سنين..

سحبتها بين يديها بألم..

لازال يحتفظ فيها..

كان السبب بقصها..

إلى اي درجة بيوصل تملكه لها وعشقها..

جديلتها متراخية بين اصابعها..

تسألت هل كان يقصد جديلتها اللي كانت مصبرته على غيابها..

ولا من جد يقصد دعوتها عليه بهذيك الليلة..

رمت جديلتها على الأرض وكانها جمرة تكويها..

وسحبت دفترها اللي هجرته من بعد ما عمت عيونها..

فتحته بعجز وقرأت صفحة عليها القلم..

أنا رحــت المكــان اللي جمعنــا مـن قبــل عامين ...

بغيت أصبر مع الذكرى وأعيد أيام تذكارك

تصدّق!! شفـت ياعمري رسوم إبها حـروف أثنين ...

ولقيت أن الجدار اللي لمسته يحمل أسرارك

بدأ بذاك المكــان اللي تحيــده كـــل شــيء إيلين ...

نعـم يشفق على حالي ويتخبّــر عن أخبارك

وعطرك هو ترى عطرك ولو قد صار له سنتين ...

أشمّـه بـس في الواقـع أشــم بغيبتـــك نارك

قعدت أتخيّلك تطلع وأشوفك بس ما أعرف وين ...

ولكن وين ياعمــري وإنتــه بعيــد في دارك

بدت تخنقنــي العبرة وأنا أصـارع دموع العين ...

ياليتك عشت هالموقـف بتعرف كيف مقدارك

سهرت يلين ما بيّن عـن إطلـوع الفجــر ثلثين ...

أسامــر نجمــة غيابك وأكلّمهــا عن أعذارك

طلعت من المكان وكن قلبــي منقســم قسمين ...

في عيني صورتك وإنته قبالي تسمع أشعارك

عرفت أن الزمـن قاسي ولكــن فرقـة القلبين ...

صعيبه يابعد عمري وفي وسط الروح تذكارك

انتبهت على التاريخ..

قبل لا يلقاها بشهرين..

يعني كان في المزرعة..ماجمعنا غيرها وعذبنا..

عذبك بعدي..عذبك موتي..؟؟

ليه ماعذبك ضعفي وحزني..

ليه مالان قلبك على حالي ورحمني..

ليه مارحمتني من ضربك وسوطك..

ليه يوم حرمتني من أمي ماعوضتني..

طعونك بقلبي ماهي بقليلة..

واقساها اني مادريت أنك زوجي..

تحمل خطاياك..مثل ماحملت أنا خطاء غيري..

مسكت القلم وكتبت بحيل مهدود منه..

هيــه يـآمـن تفتــش بـدفتـري.. وش ترتجي..

كــل سطـــرن يمـرك آعرف آنــه جريــــح ..

قفلت الدفتر ورمته ع الأرض جنب جديلتها..

فسخت بلوزتها بشكل سريع وكل تفكيرها بأخوها..

وبدأت ترسم من جديد كيف اللقاء بيكون..

كيف بتشوف أمها وكيف بتحضنها..

ابوها الغالي مابتعاتبه..قلبها ما يقوى على عتابه..

ناظرت بكل ملابسها..

بتكون ضيقة وماتناسب قدام أخوها..

لأن غازي أشتراها على مايناسبه ويعجبه..

مسكت بلوزة ضيقة وشفافة كثير...

أبتسمت بسخرية يبي يشوفها كــ زوجة..

والله إن تبطي ما أروي ظماك..

غازي بهمس\تمنيتك تلبسين هذي واشوفها عليك..

شهقت بسرعة وقبل لا تلتفت ضمها من ورى بقووة..

تمسكت في البلوزة بقووة..والباقي طاح من يدينها..

غازي بنبرة خاصة\بتروحين..؟؟

هديل بغصة\اتركني..خلاص أنتهت محكوميتي..

تعاقبت على ذنبي..خذيت جزاي..

تبت وربي رحمني..

غازي بحنان\وشهو ذنبك..؟؟

هديل برجفة\...........................

همس بصوت يعنيها هي وبس..

بنفس اللي قاله لها قبل يفتح لعلي وراجح..

غمضت عيونها ونزلت دموعها بألم..

قبلها على كتفها..

على الآثر الباقي من ضربة السوط..

أنتفضت بحضنه وبعدت عنه بروح مهزوزة..

استحت تنحني قدامه وتشيل ملابسها من الارض..

لبست اللي بيدها وهي خجلانة من نظراته اللي تراقبها..

همس بحب ورضا\ماخليتيها في خاطري...

ناظرته باستفهام...؟؟؟

أشر بعيونه عليها..

نزلت عيونها تشوف لبسها..

كانت لابسة اللي تمنى يشوفه عليها..

البلوزة الضيقة الشفافة..

صدت عنه بقهر وأخذت قميص من ملابسه ولبسته على بلوزتها..

مستحيل تبدل قدامه مرة ثانية...

غازي\ابى قميصي...افسخيه..

طنشته لانها تعرف قصده من كلامه..

يبي يشوفها باللبس الاول..

شالت حجابها واخذت معطفها وقبل لا تكمل مشيها..

ألتفتت عليه وناظرته بقوة..

وانصدمت لما لاحظت ملابسه معفوسة واثر لضربه على خده..

من دون ماتفكر وتحتار عرفت من اللي ضربه..

هديل بهدوء\توجعك..؟؟!

هز راسه بايه وهو يبتسم..

ابتسمت بتشفي\أحســـن..

نزلت اللي بيدها ومسكت الخاتم وعينها بعينه..

وقبل لا تطلعه من يدها مسكها بقوة وهزها..

غازي بوعيد\اقسم بالله ان فسختيه من يدك ماتعرفين هلك سنة كاملة..

شهقت بخوف وتراجعت عنه..

كانت بتتحداهـ..وتقول اخوي موجود مابتقدر تمنعني..

بس هي تعرفه..وتعرف قسوته وحقدهـ..

ثبتت الخاتم باصبعها وهي ترتجف..

همست بكرهـ\عادي لما اوصل السعودية بأرميه..

غازي بحب\تبي تضيق خاطري جعله فداك..

ماهوب أنا اللي يعاتبك في حلالك..

هديل بحقد\قلتها لك من سنين..

لما جاء وقت فراقك ما بألتفت لك ولا باتردد ثواني..

وهذا أنا اليوم راجعة لـ السعودية..

غازي يبتسم\معك على نفس الطيارة..

صدت عنه بكره\طلقني...

فتحت الباب وقبل لا تطلع حست بأصابعه تنحفر بخصرها بقووة..

ويلصقها بالجدار وفمه يهمس عند أذنها..

رجعت لها ذكرى الأيام اللي كان يعذبها بهالطريقة..

كيف كانت تفقد قوتها وتطيح على الأرض من ضعفها..

تركت اللي بيدها بسرعة وحطتها على يدينه بألم..

غازي بوعيد\اذا لمستي سهيل تعالي أطلقك...

هديل بألم\آآآآهـ إتركني...آآآآهـ...عــ...علي..

غازي بحقد\أخوك راح من دونك...

صدقته وبكل سهولة صدقته..

أستكثرت على نفسها تثق فيه وفي مصيرها..

مستسلمة من زمان..إنها مابترجع..

بعد مالقاها تركها..بكت بحسرة..

صرخت بيأس\عــــــــــــــــــل� � يا أخوووووي...

بعد لحظات تحررت منه وسمعت شتايم وضرب..

جلست على الأرض تبكي وتنتحب ولامة يدينها على خصرها..

رفعت راسها وشافت علي يضرب غازي ..وغازي يضربه..

علي بقهر\والله العظيم لأذبحك اذا مديت يدك عليها..

انا مابعد أشفيت قهري فيك...يالخسيس..

خمس سنين وش انت مسوي فيها..؟؟

ثبته غازي على الجدار وصرخ فيه بحقد..

غازي بصوت عالي\لوو أنت ماجيت كنت بأرجعها..

بس عشانها بأرجعها..ولا أنتوا ماتستاهلون ترجع لكم..

ضربه علي بقوة وبعده عنه..

علي\الكفن والتراب اكرم لها من حضنك..

قرب منها راجح ونزل ذياب جنبها وراح لهم...

مسك غازي وبعده عن علي بالقوة..

وعلي يدفه عنه ويمد يدينه يبي يضرب غازي..

راجح بعصبية\بالموت فكيتكم تحت..الموضوع طلع عن يدنا..

صار بيد الحكومة..انا هديت الموضوع وتفاهمت معهم..

بس فيه من أستعجلهم وبلغ أكثر من مرة...

علي بقهر\لا حكومة ولا غيرها بياخذونها..

أنا أخوها وبتجي معي واللي ولد امه يقول كلمة..

غازي بسخرية\تو الناس..ماكأنك تأخرت كم سنة بس..

علي بغيض ضرب راجح وهجم على غازي يتضارب معه..

وهذا اللي كان يبيه غازي..

ضمت ولدها وبكت بقوووة..

أخوها وغازي وراجح ..

من فيهم بيوقف المهزلة..

وقفت بسرعة وشالت ذياب اللي يبكي بخوف من صراخهم..

نزلت الدرج وهي تركض وتبكي..

ما ابى اظل معهم..

يخوفون..قاسين..

يوووبه وينك..؟؟

فتحت الباب وطلعت في الحديقة جلست وهي تضم ذياب تهديه..

حست بواحد منهم واقف عندها..

خبت وجها في ذياب..

هديل بقهر\ما اباكم...خلوني في حالي ما اباكم...

......بنبرة حادة\من أنتي..؟؟

رفعت راسها وناظرت فيهم بخوف..

كانوا خمسة غريبين أول مرة بحياتها تشوفهم..

وقفت وهي ترتجف..أشكالهم تبعث الرعب في القلب..

تراجعت كم خطوة وهو يقرب منها ويتكلم معها..

ماردت عليه ولا تجرأت تثبت مكانها..

شهقت لما شافته يمد يده عليها..

صرخت بخوف\ابعد عني...لا تلمسنييييي...

دخلت البيت بسرعة ولما حست بيده تمسكها...

صرخت بكل صوتها تنادي..

هديل برعب\يوووووومــــــــــــ� �ـــــــه...

حاولت تسحب نفسها عنه ماقدرت..

كانت يدينه مثل الحديد حوالينها..

شافت غازي يوقف على أخر درج ومصدوم من وجودهم في بيته ومحاصرينها..

صرخت بخوف\غااااازي بعدهم عني..

ركض لها وضرب يدين الغريب بقوة يبعده عنها..

تمسكت فيه وصارت وراهـ..

والغريبين حواليهم..

وقف راجح وعلي يناظرونهم بقلة صبر..

الغريب بصوت عالي\حن من الأمن الخاص..وجينا في مهمة خاصة..

ردي علي..أنتي هديل حسين الجاسم..؟؟

خافت من صوته ونبرته في الكلام..

وهتفت بروحها بيأس..

وش انا مسوية يوم يطلبوني الأمن الخاص..

ياويلي بيعاقبوني لأني أوهمتهم بموتي..

فزت بخوف وتمسكت بغازي أكثر لما سمعته يصرخ فيها مرة ثانية..

بصوت حاد\هل أنتي هديل حسين الجاسم..؟؟

لاتنكري لان مواصفاتك نفس المواصفات اللي أخناها من السفارة..

تمسكت فيه وجاوبتهم بخوف\إيـــه أنا هديل..

الغريب\عندنا أمر تفضلي معنا..

هديل برجفة\لا لا ماباروح معكم..باروح مع اخوي..

الغريب بقلة صبر\لو سمحتي تفضلي معنا..

ولا إضطرينا نأخذك بالقوة..

غازي بحدة\تخسي تأخذها..

هديل زوجتي ولا بتروح معكم..

الغريب\حضرتك غازي الجالي..؟؟

غازي\ايه انا غازي الجالي..

الغريب\عندنا امر بإلقاء القبض عليك..

غازي بسخرية\بالله..ومن اللي أمرك تقبض علي ياقوي..؟؟

الغريب بغيض\خذوهـ ..

غازي بتحدي\حاولوا بس..لا بتأخذوني ولا بتأخذونها..

راجح يتدخل\لحظة..لحظة..البلاغ تم إبطاله..

أنا راجح الجالي وأنا اللي بلغت عن هديل..

بس المشكلة أنحلت والبنت بترجع مع أخوها..

وتفاهمت مع الجهات الخاصة وانتهى الموضوع..

الغريب بجمود\انتهى لك ولغيرك..البلاغ تم تأكيدهـ من غيرك..

لو سمحتي تفضلي معنا..

وأنت إذا ماجيت براحتك بتجيبك السلطات الإيطالية..

هديل تبكي\لا ما ابى اروح معكم..علي قل لهم..

علي بقلة صبر\أنا أخوها..وبأجي معها..

الغريب طلع سلاحه ومدهـ على علي وراجح..

علي\اعقب يالخسيس..

الغريب\هديل تفضلي على السيارة لا تجبرينا نتعامل معك بالقوة..

همست بخوف\لا تخليهم يأخذوني..

مسك يدها وسحبها من وراهـ..

لمها مع كتوفها\دامكم بتاخذونها وبتاخذوني..فبتكون معي..

الغريب بسخرية\إيه يصير خير..

غازي بوعيد\إن مامسحت بسمتك هذي ما أكون غازي بن جالي..

قبل لا يمشي أخذ ذياب من يدينها ومدهـ لراجح..

وهمس في أذنه بصوت واطي ماسمعهالا راجح..

هديل بخوف\لا ليه..؟؟حرام عليكم وش تبون فيني..

راجح يطمنها\لا تخافين مابيصير شيء..

إجراءت بسيطة..وذياب بيكون معي ومع علي..

هديل\علي تكفى لا تروح وتخليني..

إنتظرني لاتروح..

طلعوهم من البيت وركبوا كلهم بسيارة كبيرة..

متمسكة فيه بقوة والرجفة متملكتها..

خافت من أشكالهم..

وخوفها الأكبر من المكان اللي مودينها له..

ناظرت في غازي وجهه مايعبر عن اي شيء..

جامد ومعقد حواجبه..

يفكر بكلام راجح..هو يدري إنه بلغ عنه في السعودية..

ويدري إن البلاغ أنلغى بعد يوم..

لأنه حجز له ولهديل يرجعون وبكذا يبطل البلاغ ويصير كاذب..

بس من اللي أثار البلاغ مرة ثانية..وحرك الأمن..

تبي تسأله وين بياخذونها..بس خوفها من الإجابة منعها..

هي ماسوت شيء..

كيف ماسويتي شيء..

نسيتي انك عايشة في ايطاليا كل هالوقت من دون محرم..

ولا ناسية إنك أوهمتي الكل بموتك..وهذا يعتبر تظليل..

هديل بهمس\ماكنت ادري إنه جريمة..

ناظرها ولانت ملامحه لها\اي جريمة..؟؟

هديل تقرب فمها من اذنه عشان مايسمعونها\لأني كنت ميته..

أنا حية وهذي جريمة..

غازي بحنية\تدرين جريمتك وش عقابها..؟؟

دمعت عيونها أكثر وزاد خوفها وهزت راسها بالنفي..

همس لها في إذنها وقبلها عليها بخفيف..

غازي بهمس\عقابك علقتيني فيك أكثر..

ابتسم برضا لما شافها تعض شفايفها بعصبية وعرف انها تتمنى تضربه..

لأنه خوفها زيادة على خوفها..

ورجع يهمس لها بنفس كلماته اللي تطعنها..

اليوم عادها عليها ثلاث مرات...

وقفت السيارة وفتحوا لها الباب..

نزلت قبل غازي..لأنها كانت جالسة بجهت الباب ..

وغازي بالنص بينها وبين واحد من الامن..

قبل لا ينزل قفلوا باب السيارة عليه ومشت السيارة بسرعة..

صرخت بخوف وهي تنادي عليه..

الغريب\أختي الله يهديك لا تخافي..

ماراح يصير عليك شر..عندنا توصية خاصة عليك..

هديل برجفة\لا الله يخليك..ما اقدر..ابي أخوي او زوجي..

الغريب\تفضلي معي لو سمحتي..

مشت جنبه وهي تتلفت بخوف..

ثبتت حجابها وهي تدعي الله يهونها..

خرج وناظر البحر براحة..

ألتفت لعمه اللي جالس على كرسي وغايب عنه بتفكيرهـ..

بيكملون إسبوع من وصولهم الشرقية وعمه على نفس حاله..

صاد عنه وسرحان..

راكان بضيق\الله يخفف عنك يا عمي..والله حالتك عجزتنا..

وش اللي بيشغلك في ذا الدنيا ويوجعك..

تقابل مع عمه باحد الأيام في المسجد..

وشاف عمه يمسح دموعه وهو يصلي..

خلص صلاته وجلس قريب منه وشار عليه بشور..

راكان بهدوء\ياعم في خاطري العمرة ..تخاويني..؟؟

رد عليه بصوت خافت\لا يا ابوك..خذ هلك وتيسر..

راكان\هلي مالهم في العمرة مصلوح..

أبيك أنت تخاويني والله ماتقول لا..

تراني حلفت وحن في مسجد..

ابوعلي يبتسم له\تم..متى بتمشي..

راكان\اذا مالقينا حجز نمشي سيارة..

ابو علي\شورك وهداية الله..

راحوا العمرة..وهناك شاف عمه منهار وفاقد أعصابه..

شافه يدعي ويبكي بصوت مغبون..

ومع انه ماكان يفهم وش دعاوي عمه بس كان يآآمن وراهـ بقلب صادق..

بعد العمرة لاحظ عمه مرتاح..

فماحب يرجعه الرياض بسرعة..

وكان لازم يروح الشرقية عشان شغله..

فاخذ عمه معه الشرقية يغير جوهـ..

جلس قريب منه بعد ماسلم على راسه..

راكان بروقان\حي الله أبوعلي..

ابوعلي يبتسم\الله يبقيك..

راكان بغمزة\وش ذا الكشخة رافع السروال عن السيقان..

ولابس النظارات..كم بنت مرقم..؟؟

ابوعلي\ههههههههه وش بيعجبهم في ابو سيقان..؟؟

راكان\لو عبوود هنا كان شحطهم من قدامك بالعقال..

ابوعلي\فديت ذكره وطاريه..سند جدهـ..واخته جعلني فدوة لها..

راكان\الله يطول بعمرك ويربون بحضنك..

ابوعلي\جعلك ياراكان من هل الجنة..على العمرة اللي ريحتني..

راكان\كان علي ناوي ياخذك العمرة بس أنت ماترضى..

ابوعلي كتم اللي في صدرهـ وصد يناظر البحر..

شفتها تشيل هديل بحضنها وتبتسم لي ..

يا ابوي انا جيت..

روحي يا بنت أبوك مرحومة..

السموحة على الطعنات والغربة يا بعد حالي..

ربك خذاك وما أكرمه في عطاياهـ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛

دخلت غرفت تبديل الملابس وردت على جوالها..

ياسمين\أهلاً صوفي..ماذا حصل؟؟هل عادت؟؟

صوفي\لا ليس بعد..أخذوها منذ يومين ولا اثر لها ولا له..

ياسمين\ماذا عن ذياب..؟؟

صوفي بحب\وولفي هاهو معي..رغم صراخ ذاك الرجل..

كم اكرهه لا يشبه ديل وليس طيباً مثلها..

ياسمين\من يكون..؟؟

صوفي\لا اعلم يقول بانه اخ لهديل..

ياسمين باستغراب\ما اسمه...؟؟أنا اعرف عائلتها جميعاً..

صوفي بتفكير\امممم أعتقد اسمه ألي..

ياسمين بشهقة\علي...؟؟

صوفي\نعم هذا ألي..يبدوا مجنوناً..

ياسمين\صوفي أخبريني بكل شيء..

صوفي\ليس الآن يجب ان اهتم بوولفي..الان وقت نومه..

ياسمين برجاء\أخبريني عن غازي هل رأيته..؟؟

كيف عرف مكانها؟؟واين هو الآن..هل هو معها؟؟

صوفي بتهديد\كفي عن الثرثرة لا اعرف شيء عنه..

ولكني ساعرف من ماكس..لم يعد الامر سراً..

ياسمين بهدوء\حسناً أنتظر أخباراً جيدة..

صوفي\ان شاااءالله هبيبتي...

ياسمين تبتسم\الله يهديك...وداعاً..

صوفي\وجع...وداعاً..

قفلت وياسمين ضحكت على كلمتها..

شهقت وفزت من مكانها لما سمعت سلمان يتكلم بغضب..

سلمان بحدة\وأنتي وش تبين بأخبار غازي..؟؟

وهذي الافرة ماقلت لك إقطعي علاقتك معها..؟؟

ياسمين بقهر\صوفي صديقتي وماراح إتركها بدون سبب..

سلمان بصوت عالي\ليه تسألين عن غازي واللي معه..؟؟

ياسمين\ماسألت عنه عشانه..زوجته تصير صديقتي هذي كل الحكاية..

سلمان يمسكها بقوة\سألتي عن غازي ماهو عن حرمته..

ياسمين بخوف\سلمان اترك يدي..تصرفاتك ماعادت تعجبني..

سؤال عادي..ما اقصد منه شيء..

سلمان\ياسمين أنا ماني غبي ولا أهبل تلعبين علي..

مكالماتك اللي تسوينها بالسر بينك وبين صوفي..

وكلامك الدايم عن غازي وأسماء ثانية..وش مخبية علي..؟؟

ياسمين تبعده عنها بضعف\سلمان أنا ضقت من كلامك وتعاملك..

سلمان بصراخ\وأنا ضقت من اسرارك وسرحانك الدائم..

قولي أنتي وش مخبية علي..أكيد الموضوع كبير..

من تفكيرك وحساباتك اللي ماتنتهي..ياسمين تكلمي..

بعدت عنه وأسندت نفسها على الجدار بتعب..

اتكلم واقوله..خلاص اخوها درى وبيرجعها معه..

يعني بيدرون أهلها...

سلمان أكيد بيتفهم الموضوع..وبيساعدنا..

ياسمين تبكي\سلمان الموضوع كبير كثييير...

كاتم على قلبي من سنين..

قطعت عهد أحفظه سر وما ابوحه لاحد..

بس خلاص بدأ السر ينكشف..

سلمان بجمود\أسمعك تكلمي...

مع انها خايفة من ردت فعله بس تماسكت ..

طلبت منه يجلس ..ماتحرك من مكانه..

ياسمين بضيق\سلمان أنت ماتساعدني أتكلم...

إذا تبي تسمعني اجلس وصل على النبي..

عطاها على جوها وجلس وهو يذكر الله..

سلمان\تفضلي أسمعك...

ياسمين بهدوء\الموضوع يخص بيت عمك حسين..

هديل بنت عمك...

سلمان عقد حواجبه\هديل...؟؟

من وين عرفتيها؟؟هي ماتت قبل تجين هنا..

ياسمين برجفة\هديل حية ماماتت..

ألتقيت فيها بإيطاليا..

سلمان بملامح مصدومة وجامدة\..............................

ياسمين بغصة\ايه بنت عمك حية...

وعايشة هناك ومعها ولد..

سلمان\هديل ميته..؟؟

ياسمين بنفي\لا مو ميته..بتشبه هادي كتير...

شفت صورها عند اختها غادة..

اشتغلت معها بايطاليا..وهي صممت حفلة زواجنا مع صوفي..

وشافتك انت واخوها بالحفلة..

قالت له كل اللي تعرفه عن هديل..ماعدا علاقتها في غازي..

لانها عرفت من صوفي ان غازي يكون زوج هديل..

وماتعرف كيف اخذها او وش صار معها..

خلصت كلامها وهي تقوله ان علي في ايطاليا..

راح يرجع هديل..

وقف مثل التايه واتصل بولد عمه..

ساله وش يسوي في ايطاليا..

وعلي رد عليه انه يتمشى مع اصحابه..

سلمان بحدة\لقيت هديل...؟؟

علي\.................................... من وين عرفت..؟؟

سلمان غمض عيونه\يعني صدق حية..؟؟

علي\خلك رجال مثل ماعهدتك واحفظ السر لين نرجع السعودية..

سلمان بغضب\رجعها المغضوب عليها...

علي يقطعه بغضب\والله واللي رفعها سبع وبسطها سبع..

إن أطريتها بالشينة لا أذبحك يا الخسيس...

سلمان بصراخ\حيييية وفي ايطاليا وعليها ولد..؟؟

أختك وش هي من أصله..؟؟

علي بتمني\ياليتها عاكست ظروفها وراسك اليوم مبتور تحت التراب..

قفل الخط في وجهه..وسلمان صار هايج بقووة..

ويدور في الغرفة وكل فكرة تطرى عليه..

التفت على ياسمين وشدها توقف بقوووة..

سلمان\ليه ماتكلمتي من زمان..؟؟

سنين عايشة معي ولا تكلمتي ليييه؟؟

وقبل لا تنطق بحرف ضربها على وجها وهو ماسك شعرها..

سلمان بقهر\بنت عمي حية ولا تتكلمين..

عرضنا وشرفنا عايشة لحالها..

مارحمتي حال امها وابوها..ولا اخوانها وجدتها..

هزها بين يدينه بقوة ورماها على الأرض..

طلع من الجناح بسرعة وطلع من بيتهم..

في قلبه نار..

بنت عمه..خمس سنين مالها اثر..

خمس سنين يترحمون عليها..

حاول يطلع لها بعذر بس ماقدر..

مالها عذر خمس سنين..خمــــــس..

صار يتوعد فيها ...

خرجت ولفحها الهواء البارد..

وشافته واقف عند السيارة ينتظرها..

هذا نفسه الشخص اللي حقق معها واستجوبها..

وهو اللي جابها لهذا المكان..

واليوم بيرجعها لاخوها..

دخلت السيارة وجلست بتعب وضمت يدينها حواليها..

شافته يجلس ورى عندها ويلتفت عليها..

رحلتنا على السعودية بعد ساعتين..

والحين ماشين المطار..

أخوك وولدك ينتظرونك هناك..

وحن بنكون معك وبنوصلك لــ أرض الوطن..

هزت راسها له من دون ماتتكلم..

حققوا معها عن حياتها مع غازي...

وكانوا يسألونها أسئلة متأكدين من إجابتها..

وهي كانت تجاوبهم بالعكس..

حاولوا فيها تغير اقوالها..بس هي ثبتت على كلامها..

ناظرت لــ الثلج يلامس الأرض بجمال وروعة..

وهي تهمس لروحها..

برئته من سواياهـ..

قالوا خطفك وخذاك بالغصيبة..

قلت لا تزوجته ورحت معاهـ..

ضربك..أهانك..تسبب بإعاقتك..

لا ماصار اللي تقولونه...

برئتك من كل تهمك...

ليه برئتك..؟؟!

ليه ماطلبت يحاكمونك ويحبسونك..؟؟

ليه أكرهك ولا أوجعك مثل ما أنت توجعني..؟؟

طلبته طلب أخير قبل ماتطلع من المركز..

مايطلع غازي الا بعد ما تسافر وتترك أيطاليا..

فسخت الخاتم من يدها ولمته بالإشارب حقها..

وأمنته يوصله لغازي..

عطاهـ لاحد رجال المركز وطلب منه يوصله له..

كانت رغبتها الاخيرة..تكلمه قبل تتركه..

عطاها جواله وسمعت صوته يناديها..

غازي بإهتمام\هديل..تسمعيني..؟؟

هديل بغصة\ماهو عشانك..روح الله يسهل لك..

غازي\وش سويتي..؟؟

هديل بإختناق\ماظلمتك...

قفلت الخط ولا سمعت باقي كلامه..

مدت الجوال لـ صاحبه وشافت علي يناظرها ويسرع لها..

حضنته بقوووة وترجته يرجعها ..

هديل بتعب\يا ابو عبدالله تكفى أبى اشوف أمي قبل أموت..

إلحق وحقق لي مناي جعلني فدوة لك..

تمنى لو يشيلها في المطار وينخلقون في السعودية..

كانت بتاخذ ذياب منه بس ماسمح لها..

حالها تعبان ولا بتقد تشيل نفسها..

وقبل لا يدخلون من بوابة المسافرون..

سمعت صوت غالي عليها يناديها بشوق..

صوفي\ديييييل..ديل عزيزتي توقفي..

أنرعبت هديل لما شافت الخمسة يوقفون بوجه صوفي ويمنعونها تقرب من هديل..

صرخت فيهم صوفي بغضب..صوفي\ديل ما الأمر..أريد أن أودعك..

بعدت عن علي وراحت لها..

مسكها رئيسهم من يدها وهي ضربته بقوة..

هديل بحقد\لاتلمسني..مالك اي حق تلمسني..

إلزم حدودك..

أبتعدت عنه وهي تشوف الغضب في عيونه..

صوفي\أجل لا تلمسها ايها المتوحش..وجع..

ضمتها هديل بقوووة وهي تضحك على آخر كلمة قالتها..

صوفي\هل انتي بخير..؟؟بحثت عنك طويلاً..

هديل تبتسم\نعم أنا بخير..صوفي سأعود إلى الوطن..

صوفي تمسح دموعها بفرح\أتمنى لك السعادة دائماً..

أخبري والدتك كم أحبها...

هديل بحب\سأفعل عزيزتي..صوفي؟؟

صوفي بغصة\ماذا..؟؟

هديل\لن أتي الى إيطاليا مرة أخرى أبداً..

سيكون هذا وداعنا الأخير..

صوفي عقدت حواجبها\ألن اراك في مكة بموسم الحج..

قلتي باني لا استطيع الهاب لــ الحج الا اذا أمنت بــ الشهادة..وصليت..

وأعطيت من مالي لــ الفقراء.. وصمت ...وو بعدها استطيع الحج أليس كذلك..؟؟

هديل تضمها بقوووة\نعم سألتقيك هناك بإذن الله..

صوفي\أكرهك يا رثت الثياب..

هديل تبتسم\أحبك يا اختي فاطمة المنمشة..

صوفي\هههههههههه أحببت الاسم..

هل تعلمين ما اسم ماكس بعد الاسلام..؟؟

هديل تهز راسها بالنفي..

صوفي\اسمه عبدالله ..

هديل بفرح\اسم رائع..واسمك أحبه كثيراً..

صوفي تتنهد\سأطلق ماكس وأتي لزيارتك..

هديل تبتعد عنها كم خطوة\فاطمة حبيبتي في الاسلام..

الرجل هو من يطلق المرأة وليس العكس...

صوفي بصدمة\أيتها القزمة لماذا لم تخبريني كي أطلقه من قبل..

هديل بوداع\لانه يحبك ووعدته باحد الأيام أن أساعدهـ بحبك..

صوفي تركض لها وتضمها\الوداع عزيزتي ديل..

هديل تبكي\فمان الله..اللهم إني أستودعك إياها فاحفظها..

صوفي\وداعاً وولفي الجميل..

أحبك يا صغيري..

توجهوا لــ البوابة وتم النداء لرحلتهم..

ولا أنتبهت لعيونه اللي تودعها لآخر مرة..

مستحيل يشوفها او يقابلها بعد اليوم..

رجعت لــ السعودية لاهلها وناسها..

وهنا ينتهي دورهـ..وهذا اللي يقنع نفسه فيه..

جلست جنب علي وذياب بحضنها..

دخلت يدها بذراع علي وخبت وجها ورى كتفه..

هديل بهمس\علي....أبى أمي..ودني لها قبل أموت..

علي يقبل راسها\بسم الله عليك من الموت..

رايحين لهم يا بعد أخوك..

وفيه من ينتظرك في المطار..

رفعت راسها بوله\أبوووي..

علي يهز راسه بنفي\لا ماهو أبوي..

هديل\هادي..؟؟

علي يضحك\ههههههه لا مو هادي...

خلاص لا تعددين لما وصلنا بتعرفين من اللي ينتظرك..

هديل\علي صدق أنا بأرجع..؟؟

علي يناظرها\صدق انتي حية..؟؟

أبتسمت له ..اسندت راسها وناظرت الطيارة تقلع عن إيطاليا..

أخيـــراً راجعة لبلادي وهلي..

راجعة لديرتي وعزوتي..

وش خذيت منك..؟؟

غير المذلة ولاقهر..

وش خذيييت منك..

تحرك ذياب في حضنها..

ناظرت فيه وهو يمد أصابعه ويحطها بفمها..

نزلت يده من فمها بعد ما قبلتها..

همست له\ما اغباني أسال وش خذيت..؟؟

فديت روحي اللي مخاويني..

والله ما يخففها غيرك يا قلبي..

آآآآآآآهـ يومه راجعة لك..

لا تكسرين في خاطري تكفين..

أعـــــودُ إليــكِ يا أمـــــي

سجينـــاً مـــــلَّ مضجعــــهُ

أعـــــودُ إليــكِ يا عمـري

نشـــيداً ضـــاعَ مطلعــــــهُ

فعـُــدتُ اليــومَ من وجدي

علـــى كفَّــيكِ أجمعـــــــــهُ

وقلبـــــي لـــو كشفتيــــــهِ

وجـــدتِ رضــــاكِ أفرعهُ

ولـــو كـــانَ الجفا رجــلاً

بحــــدِّ الســـفِ أصــــرعهُ ...

نزلوا من الطيارة وقلبها يخفق بقوووة..

ثبتت عبايتها عليها اللي قدمتها لها السفارة..

ولمت طرحتها عليها وتلثمت لأن مامعها نقاب..

أول مالمست ارض المطار تمنت لو تقبلها..

رجعت يالرياض..

رجعت يا عااااالم..

أبي أصرخ..

أبي الناس يحسون فيني..

شوفوني بنتكم بعد سنين غربة رجعت..

لا معي شهادة ولا وثيقة..

تخرجت من جامعة غازي ..

بدكتوراهـ كسر خاطر..

أحرقت شهادتي يوم التخرج..

وجيتكم اطلب تنسوني اللي كسرني..

شافت علي يأشر بيدهـ ناظرت بس ماعرفت احد من الموجودين..

وبعد لحظات شافته يقرب منهم...

وضحكته شاقة وجهه..لازال على عهدها..

طال شوي بس قصير لمن هم في عمرهـ..

عيونه اللي تعشقها..

مشيته اللي تعجبها بثقة وكأنه شيخ بالثلاثين..

قرب منها وهو يرحب ويهلي..

وهذا اللي قتلها..

إنه مانصدم مثل غازي وراجح وعلي..

لا ردت فعله وكأنه كان ينتظرها ..

عبدالله بحب\وأرحبوا...أسفرت وانورت..

قرب منها وقبلها على راسها..

كيف قدر يقلب الادوار وتصير هي بخانت المصدومة وهو المبسووط..

سحبته لحضنها وضمته بكل شوق..

بكت وهو يضمها ويقول كلام يسعدها..

عبدالله يكتم عبرته\أنتظرناك كثير أنا وجدي..

يمكن جدي أكثر مني من خمس سنين..

بس أنا من سنتين وزيادة وأنا أنتظرك..

هديل تبكي\فديتك وفديت جدك..جعل عيني ماتبكيكم يا رووحي..

شفني جيت..صح أني تأخرت شوووي بس جيت..

عبدالله\الحمدلله ..المهم إنك جيتي..

علي بمحبة\عبييد تعال هاك...

عبدالله بفزع\وش ذا ..؟؟ضـــب..؟؟

علي حمق\ضب في كرشك..هذا ولد عمتك اسمه ذياب..

عبدالله بصدمة\هـــاهـ..؟؟عليك ولد..؟؟

هديل خافت من ردت فعله\ايوهـ...

لاحظ أبوه يناظره بقوة..

رجع يبتسم ويمد يدهـ\هذي اللي تعرف تخلف صح..

جابت ذياب ماجابت سحلية مثل أمي..

علي يتوعده\مالسحلية الا بنتك..

عبدالله\هات الورع أشوفه..

يالبيه يا الشيوووخ..وش بلا وجهه أبيض..

وخدوده حمر..براطمه ماش ما اعجبتني..

لايكون سحلية وتلعبين علي..

هديل تضحك\هذا الشيخ ذياب..ذيبي..

طلعوا من المطار وعبدالله يسولف لهم..

وصلوا لــ سيارة علي اللي وقفها بمواقف المطار..

عبدالله يضرب جبينه\يوووهـ نسيت..

ترى معي واحد ينتظركم ...

علي بعصبية\أنت علمت أحد..؟؟

عبدالله بزعل\ماعلمتك عشان اعلم أحد...

هديل برجفة\من يا عبدالله..؟؟

بصوت مخنوق\أنـــــــــــا ....

صباح الخير يا حلوه..

صباح الخير يا أميـــرتي الحلوه

مضى عامان يا أمي

على الولد الذي أبحر

برحلته الخرافيه

وخبأ في حقائبه

صباح بلاده الأخضر

وأنجمها، وأنهرها، وكل شقيقها الأحمر

وخبأ في ملابسه

طرابيناً من النعناع والزعتر

أنا وحدي..

دخان سجائري يضجر

ومني مقعدي يضجر

وأحزاني عصافيرٌ..

تفتش –بعد- عن بيدر

عرفت نساء أوروبا..

عرفت عواطف الإسمنت والخشب

عرفت حضارة التعب..

وطفت الهند، طفت السند، طفت العالم الأصفر

ولم أعثر..

على امرأةٍ تمشط شعري الأشقر

وتحمل في حقيبتها..

إلي عرائس السكر

وتكسوني إذا أعرى

وتنشلني إذا أعثر

أيا أمي..

أيا أمي..

أنا الولد الذي أبحر

ولا زالت بخاطره

تعيش عروسة السكر

فكيف.. فكيف يا أمي

غدوت أباً..

ولم أكبر؟

صباح الخير من مدريد

ما أخبارها الفلة؟

بها أوصيك يا أماه..

تلك الطفلة الطفله ..

المرحوم بإذن الله تعالى ..غازي القصيبي...

طلعوا من المطار وعبدالله يسولف لهم..

وصلوا لــ سيارة علي اللي وقفها بمواقف المطار..

عبدالله يضرب جبينه\يوووهـ نسيت..

ترى معي واحد ينتظركم ...

علي بعصبية\أنت علمت أحد..؟؟

عبدالله بزعل\ماعلمتك عشان اعلم أحد...

هديل برجفة\من يا عبدالله..؟؟

بصوت مخنوق\أنـــــــــــا ....

ألتفتت لصاحبة الصوت بقلب مشتاق...

شهقت بحسرة وهي تشوفها مرخية عن وجها ومرتكزة على عصاها..

والرجفة متملكتها وباينة عليها..

هديل بحنين\يـــــــــــابعد حالي يا أنــــــــا..

الجدة تبكي\هدييل..

ضمتها هديل بقوة وهي تصرخ با الآآآآآآآآآآهـ..

الجدة بنحيب\لعنبووك يالدنيا..خمس سنين يا هدييل..

خمس غايبتن عني ومشقيتني..

ياحسرتي عليك يا حسيييين..لمتك على دموعك ولا أنت تنلام يا ابوي..

هديل تبكي بصوت عالي\ياحسرتي على حالي يا عسووولة..

لامت وريحت ولا عشت وأعتقت..

ياما تمنيتك جنبي بعكازك.. تسنديني وترعيني..

كم ناديتك وترجيتك تدعين لي ارجع بالسلامة..

رجعت يا رووحي رجعت..رجعت يا أم حسييين..

الجدة تلم يدينها بضعف على خصر هديل..

وتحط راسها على صدرها..

وهديل تلمها بقوووة..

الجدة بحزن\يشهد الله علي مانسيتك بفرض ولا سنة..

وبتطوعاتي مانسيتك..رجيت ربي وربي ما كسرني..

هديل بألم\كنتي تدرين إني حية..؟؟حسيتي فيني..سمعتيني..؟؟

الجدة\كل ماقلت حية تعوذت من ابليس وقلت اوهام..

ولما اشوف حال أبوك أصدق أوهامي واقول اني بانتظر معه..

وإن شفت اليأس تملكه يأست معه..

ماكذبت قلبي يوم دلني على مكانك..

هديل بغصة\ليه مامنعتيهم من دفني وأنا حية..؟؟

الجدة بآسى\قلت لهم مابتروح لقبرها قبلي..

ما بتوجعني وتسبقني لــ الموت..

قالوا حكمت الله وقضاهـ..

أوجعوني بموتك يا هدييل..أوجعوني..

هديل كاتمة عبرتها\لاتخلينهم يوجعوني ياعسولة تكفين..

لا يجرحوني بكلامهم ولا فعلهم..

لا يطردوني من حياتهم..

الجدة تناظر بعيونها\ابى اشوف وجهك..

أبى اشوف الزمن كبرك مثل ما كبرنا..

غيرتك السنين ولا باقية على عهدي بك..

عبدالله يقاطعهم\والله إن كشفتي لا أحوسكم حووس..

شوفوا الناس يناظرونا..ادخلوا السيارة وبراحتكم..

ضربته الجدة بعصاها..ومسكت هديل تسحبها معها لـ السيارة..

الجدة بعصبية\انت انطم يا قليل السنع..

دواك عندي يالكذووب..

توجهوا لــ السيارة اللي جاء فيها عبدالله وجدته مع السواق..

أما سيارة علي فظلت في مواقف السيارات بالمطار..

عبدالله جلس قدام وذياب بحضنه وما انتبهت عليه الجدة..

وعلي جلس جنب هديل اللي حاضنتها جدتها وتحفاها..

علي يسلم على جدته\مبروك عليك هديل يومه..

قرت عينك بشوفها..

الجدة بزعل\إنقلع ياولد أبوك..

تقهرون المسكينة وتعيشون حياتكم..

تبعدونها عنا وتنسون منها..

علي يناظر أخته\والله ياللي قهرها لأقهرهـ..

ومثل ما ابعدها عنا بأحرمه منها..

هديل بغصة\صدق يا علي..؟؟!

قبلها على كتفها\صدق يا بعد علي..

هديل بخوف\لاتقهرهـ هو وبس..

إقهر اللي يبي يقهرني..

لايوجعوني يا علي..لا يجفوني..

علي يطمنها\نسيتي قلوبنا يا هديل..؟؟

عهدن علي من قهرك لأقهرهـ..ومن زعلك أزعله وأشقيه..

هديل بصوت مبحوح\يومه يقول إنه بيرعاني..

إشهدي يومه عليه..إشهدي على كلامه ووعده لي..

خذوني بعيداً عنه وأحموني دثرني أخي بـك أنتزعني من وطن الغربه

وأزرعني بوطني الذي أشتاق له أقرأ علي تعاويذ الأحتواء وأنفث عن يميني

وعن شمالي .. خذني لهم وإن أعلنو وفاتي فـ قلبي يتوق لهم ..!

دع ظالمي بنار أفعالة يكتوي ..

لن أكون لغيره فقد كرهت الرجال به ومن بعدهِ

فقد ترك خلفه أنثى ميته باردة به تلتهب وتطفئ

فـ روحي بين يدي صغيري ثمرة سنوات القسوة التي حصدت قهراً

حورآء إنسية ..

الجدة تبكي\ياويل حالي عليك يا الضنى..

بأشهد وربي يشهد ما تنضامين بعد اليوم..

هديل بخجل\يومه أنا .....

أنا ماني على خبرك..يومه انا صرت أم..

وهذا ولدي مع عبدالله..

يومه والله العظيم حلال..متزوجة يومه وهذا ولدي..

حلال يومه صدقيني..

لفت عنها الجدة لعبدالله اللي جالس قدام جنب السواق..

ماشافت ولد..ماشافت الا هديل..

جيتي يا ضناي ومعك ضنى..

ياحسرة في قلب أبوك..يا شقى قلبك يا حسين..

كنت حاسة بشيء كبير..

دامك حية فهذا يكفينا..والله ما أوجعك بولدك ولا فيك..

تقولين حلال..؟؟ليه خايفة يا هدييل..؟؟

وش اللي فجعك فديتك..؟؟

الجدة بصرامة\هات الولد..

مد لها عبدالله بــ ذياب..

خذاهـ علي وحطه بحضن جدته..

هديل مسكت يد علي وغرزت أظافرها بكفه من دون ماتحس..

تخاف من ردة فعل جدتها..

راحت من عندهم بنت وبحكم الميتة..

وترجع لهم معها ولد وبعد سنين غياب..

هتفت بقلبها..لا توجعوني..تكفوون..

علي ناظر بيدهـ وكيف شادة عليها بقووة..

رحم حالها ورفع يدها له يطمنها ..

الجدة تناظر في وجه ذياب وتذكر الله..

صاحي ويناظرهم بصمت..

أول مرة يشوف عبايات وحجاب..

قبلته على راسه وجبينه وهي تبكي..

رفعت عيونها لهديل..

الجدة برجاء\تكفين يا بنتي..ابى أشوفك..

تحرك علي في مكانه وغطاها عن السواق بجسمه..

علي\نزلي لثامك..السيارة مغيمة..

هديل تشد على يده أكثر وتهمس\ماني على خبرك يومه..

الجدة بنحيب\تكفييين يا هدييل إرحمي حالي..

سحبت لثامها بهدوء ونزلت راسها..

خجلانة لا ترفعه وتقابل عيون جدتها..

الخوف حاكمها..

غربة تملكتها بينهم..

ليه هذا إحساسي..ليييييييييه؟؟

الجدة رفعت راسه هديل ومسحت دموعها بيدينها المرتجفة التعبانة..

شهقت هديل ومسكت يد جدتها تقبلها وتبكي..

الجدة بحزن\صدقتي ياهدييل..ما انتي على خبري..

هديل بألم\يوومه ابى ارجع بيتنا...

تكفين رجعوني ابى ارتاح..

ضمتها جدتها وخلتها تبكي بحضنها..

الجدة\والله ما أدخل البيت الا وأنتي قبلي..

عبدالله مايل بجسمه عليهم وارجوله قدام..

أخذ ذياب من حضن جدته ورفعه منهم..

علي\إجلس زين يا المطفوق..

عدل جلسته وصار ظهره ل السواق ..

ووجه مقابل هديل وابوهـ..

عبدالله\ياجدت ابوي خفي عليها..

باقي وراها مشوار من الدموع والزعل..

الجدة قبصته بقوة\ولابه خلاف هاه؟؟

بتروح الحراج يالكذووب..؟؟

عبدالله\يوبه شف جدتك تكفخني من أمس وهي منيمتني عندها..

ماتدري ان التنصت جريمة يعاقب عليها القانون..

علي يضحك\كيف درت؟؟

الجدة بحدة\كنت اسمعه يكلمك أمس وطاير من فرحته..

ويقول بيستقبلك في المطار ويحلف..

عبدالله\لعبت علي وخذتني على حين غرة..

تقول من يكلمك ومن بتستقبل..

قلت ابوي..قالت وش تبارك له عليه ومن اللي معه..؟؟

قلت ياليل العجز ********..

ماامداني ابى اشرد منها الا وهي باطحتني بعصاها..

علي مبسوط\أفا قدرت عليك..؟؟

عبدالله\إني مجمع لها كم طيحة وشوته..

وبيجي يوم وانفجر فيها ويصير مالا يحمد عقباهـ..

الجدة\هات الولد لا ترجه معك وقم اجلس زين يالمبزرة..

علي\ههههههههههه صدق يومه كيف عرفتي بهديل..؟؟

الجدة تناظر هديل\قلبي من زمان كان حاس بشيء..

خفت اقول لكم هديل حية ..تقولون خرفت ولا تاخذون بكلامي..

واللي أكد لي حال أبوك وضيقه..

من شوقه للي راحوا ومتى يرجعون..

أعرفه ولدي مؤمن بالقضاء ولا يعترض على الموت..

بس حاله بعد موت هديل شككني..وكل ماتذكرت حالك قبل ماتتركينا..

وكيف ودعتينا..اتعلق برجوعك أكثر..

علي بندم\ليه يومه ماقلتي لي..؟؟

ليه ماعلمتيني بشكك..ماكان غابت كل هالسنين..

الجدة\قلت اني مخرفة وبازيكم اوهام واعلقكم بسراب..

هديل بغصة\ليتك قلتي له يومه..

ليييتك قلتي له وجاني..

عبدالله يبكي\كنت ادري انك مامتي..

جدي قالي إنك كنتي حية وبعدين متي..

تمنى يموت ويروح وراك..

هديل بخوف\أبوي..؟؟

ليييه وش صار عليه؟؟هو يدري اني حية مامت..

ليه يصدق وهم هو سواهـ؟؟

علي سحب عبدالله وجلسه قريب منه وسحب ذياب منه..

هديل برجاء\تكفى ياعلي قلي وش فيه أبوي؟؟

علي بحنية\والله هو بخير وماعليه شر..

تطمني..عبدالله كاتم سرك من سنين..

وكم ترجيته يتكلم ما طاعني..

عبدالله يضم هديل\ماقلت لهم لانه سر جدي..

والسر ما ينباح...

هديل تضمه\المهم إنه بخيــــر ..

وغير هذا ما يهم..

علي يكلم السواق\خذنا على فندق ............

هديل بقهر\ليه يا علي ليه..؟؟

حرام عليك ابى اروح بيتنا تكفى ابى امي..

علي بسرعة\والله بنروح لهم..

بس يا قلبي ما نبى نفجعهم..

هم يحسبونك ميته...وش بتسوي امي اذا شافتك داخلة عليها..

لا يصير فيها شيء..وحتى ابوي وهادي ومحمد..

واختك غادة لازم نمهد لهم..

هديل برفض\لا مالي دخل ما ابى..

ودني لهم الحين..ما اقدر اصبر..

قلبي يوجعني ما اقدر..

يومه تكفين قولي له يوديني بيتنا تكفييييين..

علي يطمنها\والله ماتمسين ليلتك الا في بيتنا..

بس الحين ارتاحي في الفندق وانا باروح اجيب العيال..

محمد وهادي وأحاول امهد لامي..

هديل تبكي\علي لا تقطع فرحتي فيهم..

اباهم يشوفوني تكفى..

علي يبتسم بوجع على حالها\لا تخافين ما باقول لهم انك حية..

بأسولف لهم عنك واردد عليهم سواليفك..

هديل\بانتظرك..واذا ماجيتني جيتكم ولا تلومني..

الجدة\باكون معك في الفندق..وما ارجع الا وانتي معي..

هديل بشوووق\بسرعة وصلنا فندق بسررررعة...

عبدالله يفتن\تبين اسووق بداله..؟؟

علي يوثقه جنبه\إسترح انت لا تقلب السيارة ونموت..

عبدالله يهمس\شف جدتك كيف تناظر الورع..

تقول هي تتذكرك ولا تتذكر جدي حسين..؟؟

علي يبتسم\ظني انها تتذكر جدي انا..

عبدالله بعصبية\صدق مابه حريم يستحون..

علي\يومه عصاك عصاك..

الجدة مدت عصاها وضربت عبدالله على كتفه..

وهو يتخبى ورى هديل اللي تدافع عنه..

ياليتني وادعتهم قبل يمشون..

او ليتهم قبل السفر وادعوني..

لو الموادع نظرات بالعيــــون..

يكفيني أملى من عيونه عيوني..

جاني خبرهم في السفر يوم يبكون ..

ولولا غلاي عندهم مابكــــــوني..

دخل الخاتم في إصبعه والإيشارب بجيبه..

ناظر بوجه الحارس اللي قدامه ومشى متجاهل كلامه..

ركب السيارة وأشر لـ السائق يحرك..

أخذ جواله وأتصل بطائرته الخاصة..

تنهد وهو يناظر الخاتم في إصبعه..

وبعدها يناظر الطريق المؤدي لــ المطار.

أقتلعو زيزفونتي من حقلي ولم يعد لحمامتي غصن سلام

هم لم يأخذوها مني فقط هم أخذوني مني أودعت قلبي معها

همستها سراً بتعاويذ هي تعلمها ..!

أكنت أحلم أما ماذا عادت لـ أحضاني بالأمس وهاهم اليوم

يسرقونها لن تأخذوها بسلام ...فـ الأوطان تعمر لـ تُسكن لـ لاتهجر

هي وطني وإنتمائي هي ذاك الذي ينبض بالصدر هي أرضي التي

حرثتها بقسوتي وبذرت بها كرهي .. ولكنها أنبتت صغيراً كـ الملائكة

هو مني ومنها وإليها ينتمي سوف تعودين لي يمامتي كما أعادكِ الموت

لي من قبل .. كوني لي صغيرتي ..!

لن أحتمل هذه المرة بعدكِ عني ..!

حورآء إنسية ...

راحت..ياغازي..

صار بينا قارات ومحيطات..

رجعت لحضن أبوها..

لناس باعتها ماشرتها..

آآآآآهـ يا حظهم بحضنها وعيونها..

بشوفت مبسمها ودلعها..

بيحرموني منها..

بيخفونها عني ..

مابعد برى جرحي الأول بفقدانها ..

فيجرحون من ثاني...

راحت ولاكشفت لعبتك ولعبتها..

لازلت تنهزم بسبايبها..

تفوقت بأصالتها حتى على حالها..

قالت ماهو علشاني..

قالت ماظلمتني..

كذبتي في الثنتين يا بنت حسين..

هروبك مني أكبر ظلم واجهني..

هذي محاولتك الثانية لـ الهروب يا هديل..

والثالة لا تحلمين فيها..

آخر مابينا همس مبحوح..

ونظرات مسروقة..

ماودعتها مثل ما المفروض أوادعها..

واللي سويته في ابوها أنعاد فيني..

حرمته يودعها وحرمتني غلاها..

بس متى ربي بيكتب لقاها..

أول تصبرت بالميت ما يعوود..

بس اليوم وش اللي يصبرني..

وانا أدري إنها حية وترمح بلا رسنها..

ما أذوق الحرمان اللي ذوقتها إياهـ..

ولا يرضيني طيفها باالاحلام..

راجع لها..

ولو خطفتها ورحت إعدام..

مالي قدرة صبر..

ولا لي حكمة حكيم..

قبل الخاتم والإيشارب على خدهـ..

رفع حاجبه وابتسم بسخرية..

مابه خلاف..نعوض سلام الوداع مع سلام اللقاء..

راجع يا المملكة لأبوك يا إيطاليا..

ماعاد لي حاجتن فيــــك..

نزل المطار وقبل لا يدخل..

تقابل مع غريمه ..

وأكثر شخص يتمنى يلتقي فيه..

بينهم حساب كبيــــــــر ...

ولازم يصفونه..

قرب منه بخطوات ثقيلة..

ولاحظ نظرات غريمه تناظره بتحدي..

سلم عليه من كل قلبه بدون أي مجاملة..

سلام أحباب...

مد يده وضربه بكل قوته على وجهه..

مسك ياقة قميصه ورفعه له..

مسفر بتحدي\راحت عليك..مابقى الا ثراها..

ياليتها أثبتت التهم عليك وهجت..

ياالله المهم سجنوك وهربوها..

واليوم إحفى وعساك ماتلقاها..

غازي يبتسم بحقد\احفى وليه ما أحفى..

حمامتــي والغازي بيقنصها..

مسفر بكرهـ\عهدن علي لما تحررت منك لاخذها..

وتعرف وقتها كيف تفقدها..

مد يده وضرب غازي على وجهه..

ضربه غازي على بطنه بقوووة..

غازي بجمود\هذي بس لأنك تفكر بمليكتي..

ونصيحة ماهي من قلب..

رح وإلعب بعيادتك يا ورع...

تركه وقفا عنه بس رجع له بسرعة وضربه على وجهه مرة ثانية..

غازي بوعيد\هذي بس تصبيرة ونلتقي في السعودية..

صد عنه وتوجه لبوابات المطار..

دخل وبعد ساعة سمحوا لطيارته بالإقلاع من المطار متوجهه لـ السعودية..

أندق باب الجناح أكثر من مرة ..

ومن صوت الضرب على الباب تأكدوا إن فيه مصيبة..

تركهم علي من ثلاث ساعات..

وكل شوي يتصل بجوال عبدالله ويطمنهم..

فزت هديل بخوف ووقفت جنب جدتها..

عبدالله شال ذياب اللي أنرعب من صوت الضرب على الباب..

وصار يبكي بصوت عالي..

هديل برجفة\ممـــ.........من اللي بيجـ....ـي..؟؟

عبود كلم علي خله يجي بسرعة..

الجدة بحدة\خذي ولدك وإدخلي وأنا اشوف من اللي عند الباب..

هديل برعب\لا يومه تكفين..

يمكن إخواني ما رضوا فيني..

يمكن احد من قبيلتنا بيذبحني..

تكفين كلمي علي تكفين..

دفت هديل ودخلتها الغرفة وسكرت الباب وهي تهدد..

الجدة بوعيد\والله والله لو يحرقوني ولا يقطعوني ما خليتهم يمسونك بشر..

توجهت لـ الباب وهي تلاحظ عيون عبدالله الزايغة من الخوف..

ولانه فكر بكلام هديل وصدقه..

سالت من عند الباب ..

وجاوبها صوت غاضب مرعب..

عرفت الصوت وتحسرت في قلبها عليه وعلى حالهم..

فتحت الباب وهو دخل بسرعة وأنصدم بوجود جدته بالغرفة.

محمد بقهر\وينها فيه..؟؟

الجدة بعصبية\وش تبي فيها ..؟؟

محمد بقهر\والله ما تمسي في السعودية..

إن تنقلع من حيث جات..لا هي بأصلنا ولا هي بثوبنا..

ناديها بنت اللذين باوديها المطار وتدبر عمرها..

الجدة بقوة\جعلني ماني بام لك ولا لأبوك..

إن خليتك تمس شعرهـ من راسها..

اطلع برا لا بركة فيك ولا في وجهك يالخايس..

عنبوا غيركم مافيكم قلب ولا رحمة..

ماعندكم إحترام لها ولـ اللي سوته علشانكم..

محمد بإستفهام غاضب\امداك تحبينها وتعزينها علينا..

تبريتي مني ومن ابوي علشانها..

لا يصيبك ماصاب علي من جنون..

وأنت يا قليل الخاتمة يا مسود الوجه..

وطول زمانك تتفاخر إنك رجال وكفووو..

رايح تستقبلهم في المطار..من زين الطبووع ولا التربية..

تهبى ما أنت برجال..

نزلت ذياب بين ألعابه ووقفت عند الباب تسمع صوت اخوها الغالي..

محمد اللي كانت علاقتها فيه مثل الماء بصفاها..

مايدلعها أحد كثرهـ..ولا يتفوق عليه أحد بحنيته عليها وعلى غادة..

اليوم بعد ما عرف إنها حية جاء يطعنها بكلامه وذمه..

يبي يرميها لــ الزمن ويغربها من جديد..

بكت ويدينها ترتجف وتضم حالها..

أجل لو يدري إن عندي ولد..

لو يدري بحياتي وش صار فيها..

هذا وأنت محمد الغالي..

أجل وش انتظر من عيال عمي وقبيلتي..

متى بتصلون علي الجنازة..

متى بتتقاسمون الشرف بثاركم مني..

يارب عدلـــــــــــها يارب..

عبدالله بقهر\رجال غصب عن اللي مايرضى..

أستقبلتها وبأعزها وأحميها..

إحمد ربك وإشكرهـ إنها جات..

بدل ماتقول بتوديها المطار وتتحلف فيها..

يوم انك ماتباها ليه جيت..؟؟

محمد بصراخ\وش ابي فيها..؟؟

وحدة مثلها ما تشرف..

رح نادها انا حلفت ما تمسي الا من حيث جات..

مالها في الرياض مكان..

ضربته الجدة على كتفه وهي تبكي..

الجدة\إذبحني أشوووف..

كسرني وإقلع عيوني..

قبل لا تمسها وتشقيها..

محمد برجاء\يومه تكفين انتي راعية الأصول والحق..

ولدك ماجابها الا عشان يفضحنا بين الناس..

ترضينها علينا..؟؟على ولدك وعياله ..؟؟

مانبيها يوومه الله الغني عنها مانبيها..

هديل تبكي بحسرة\ليه يا محمد...؟؟

وش انا كسرتكم فيه..؟؟صرت أنا فضيحة ولا أحدن يبيني..

ماترضون على حالكم في بنتكم..

ما قهرتكم مثل ماقهرتوني..

ولا نسيتكم مثل مانسيتوني..

صنتكم وربي يشهد علي..حفظتكم في ديني وقلبي..

لاتصير مع الزمن على أختك يا محمد..

لا تكسبون ذنبي بذنب جديد..

من أول ماسمع كلمت ليه يا محمد..

وهو مفتح عيونه على وسعها ويناظرها..

مصدووم ومفجوووع فيها..

كل كلامها صم أذانه عن كل كلام..

لا سمع بكى جدته ونحيبها..

ولا إهتم لكلام عبدالله وتهديدهـ..

ركز عيونه عليها تبكي وترتجف بقووة..

نزلت دموع من عينه..

وهمس لنفسه إنه أنجن ولا عاقبه رب العالمين وسكنوهـ..

ناظر جدته ومد يده\هـ......هــديــــــل..

ششو.....في ههديل هنـــ.....ـا..

الجدة\إيوه هديل هنا..

يا أمك لا تقسون على لحمكم..

شوفتكم وعرضكم لا تظلمونها..

محمد يشهق\هديـــل..!

همست بعتب\لبيــــه..

طاح على ركبه وجدته تمسكه تبي تسنده..

الجدة\محمد ياولدي..جعلني فداك لا تقهرنا..

محمد بشقى\هديل حية يووومه..

انا جنيت ولا مت ولا ربي رحمنا..

ركضت له وجلست على الارض جنبه..

مدت يدينها بخوف لا يصد عنها..

هديل بنحيب\ربي رحمنا يا محمد..

والله انا حية مامت..

شفني..شف الشقاء فيني..

شف هذا انت في عيوني..

مسك يدينها بقوووة وسحبها له..

ضمها وهو يرتجف ويصرخ..

محمد بصراخ\اللهم لك الحمد ولك الشكر..

يارب إنه حلم لا تصحيني..

وإن صدق لا تاخذ عقلي..

أنتي حية يا روح محمد...؟؟

أنتي هديل يا هديل..؟؟

هديل تبكي وتضمه\والله هديل..

صدق يا محمد..ما أنت تحلم ولا انت مجنون..

أنا حية ورجعت لكم يا أخوووي..

رجعت لا تضيعوني تكفووون..

محمد بشووق\هلا بك وهلا بشوفك ونبضك..

وين كنتي..؟؟وش اللي صار عليك؟؟

عزيناك وبكيناك..ترحمنا عليك..

وينك يا هديل ويييينك؟؟

هديل\ماخنتكم..ولا رحت طالبة الدنيا..

محمد بغبنة\واثق فيك ولو رجعتي بعد عشر سنين..

بس علميني ليه رحتي عنا؟؟

هديل بآسى\رحت أدور لراحتكم وسعادتكم..

محمد بعتب مرير\بموووتك..؟؟

تسعدينا بمووتك؟؟

هديل بفرح\يا محمــــــــــد انا رجعـــــت..

إفرحوا فيني..ابى أفرح..

بعدها عنه وقف ووقفها..

وعبدالله وقف جدته ..

ناظرها بابتسامة\والله إنك حية..

هديل براحة تبتسم\إي والله..

محمد\وأرحبي يا الغالية..

جلس وهو موثقها جنبه ويناظر فيها..

محمد\حليانة يا بنت أمك..

هديل تبتتسم\يافدييييت الطاري..

ليه ماجبتها معك..؟؟

محمد بفشلة\جعلني فداك يا هديل لا تزعلين علي..

ترى ماقصدتك بكلامي..ومستحيل أقوله عليك..

عبدالله\لا تنسى تعتذر لي تراك أخطيت علينا..

محمد بقهر\البلا من ابوك..

قال تراني تزوجت ايطالية وحطيتها في الفندق..

باروح اطلق حنان وأرجع اخذها لبيتي..

هاوشته وكنت باتضارب معه..بس ربكم ستر..

سالته عن اسم الفندق..

وجيت حالف ان ارجعها من حيث جات..ولا تعيش معه بعد ام عبدالله..

اجل يبدل الثريا بالثرى..

عبدالله\يا جعلك سالم يا عمي الدووب..

اثرك فازع لامي..؟؟

الجدة تضحك\كل الهوشة بسبت عليان..

عنبوا ابليسه لا يجون هلك ويذبحونا كلنا..

محمد يقبل هديل على جبينها\بنتنا ولاحد له عندنا شيء..

هديل برضا\دامكم جنبي فما اخاف الدنيا ومكرها..

محمد بحب\والله إن ترحبيــــــن ...

هديل\ههههههههههههه والله أحبك..

محمد\يازين الحكى من الدلووعين..

عبدالله\ولدك يبكي...

فتح عيونه وناظرها بقووة..

محمد\ولدك..؟؟

الجدة\رووحي يومه لولدك وانا افهمه..

وقفت وراحت تجيب ذياب..

رجعت لهم ومدته لمحمد..

خذاهـ منها وسلم عليه بهدوء..

الكل لاحظ كيف تغير حاله وصد عنهم..

همست لحالها..

إنجرحي..هذا قيمة رجوعك..

إنجرحي وإكتــــــــــــمي..

هديل تمسك ذراعه\حلال يا محمد..

أنا متزوجة يا أخوي..

لف لها\مــــــــــن..؟؟

هديل برجفة\غـ..........ـــازي..

محمد بتفكير\منهو ذا..؟؟ما نعرفه؟؟

هديل بغصة\من الجالي..أخو سعود اللي قتله هادي..

نزلت راسها بسرعة..

ماتبى تشوف نظراته المكسورة..

غمضت عيونها وهي تسمع شهقات جدتها المصدومة باسمه..

بانت لهم السالفة..

وعرفوا اللي صار من دون ما يسالون..

السنة اللي ماتت فيها..

رجع فيها هادي..

تزوجها عشان يحرر رقبت هادي..

رفع راسه بصدمة من سؤاله له...

وش اللي يخليه يذكرها ويسأل عنها..

وهو ولا مرة سواها..

هادي بإستفهام\مافهمت قصدك..

سلمان يكتم غيضه\سألتك عن هديل..

وين دفنوها..؟؟وكيف ماتت..؟؟

هادي بعتب\طيب قل الله يرحمها..

سلمان بقهر\جاوبني على سؤالي..

هادي\ماتت في حادث سيارة..

ودفنوها بقرية بعيدة بآخر الرياض..

سلمان بجمود\وليه يدفنونها بعيد عنا..؟؟

ماعندنا مقابر؟؟أو مانصلي على الميت؟؟

هادي بضيق\أنت جايبني هنا عشان تستفسر عن موت هديل..؟؟

سلمان\ايه..استفسر ابى اعرف كل شيء..

هادي\أمرها مايخصك..ماتت من سنين والله يرحمها..

سلمان بغضب\الله لا يرحم فيها عظم ..

هادي مفجوع\...............................

سلمان بصراخ\إيه الله لا يبارك فيها ولا في ذكرها..

خسيسة و........و.................

أختك ماماتت يوم قالوا ماتت..

أختك هاربة من الديرة..رايحة تدشر وتصيع..

ناسية من هي بنته وش يكون اصلها..

أوهمتنا بموتها عسى الموت يلفاها وشردت..

بس وين بتروح مني..والله لأوريها قدرها الحقيــــرة...

ضربه كل قوته..ورماه على الأرض..

وكمل ضرب وسب وشتم فيه..

ورغم ان سلمان اكبر واضخم من هادي..

بس ماقدر يصد ضرباته القاسية..

هادي بقهر\ما الحقير الا أنا وأنت..

يالخسيس ماخليت عليها كلمة الا وقلتها..

تبي تدري هي وين راحت تدشر..

وين راحت تصيع وتوطي راسنا..راحت لغازي بن جالي..

راحت له بدل عني وعنك..خذاها وتنازل عن رقابنا..

تزوجها وحلف مايرجعها ولا نعرفها..

قهر ابوي وامي وقهرنا كلنا..والله اعلم وش سوا فيها..؟؟

تبى تنتقم لأصلك وعرضك..روح لمقابر إيطاليا..

رح وتلقاها تنتظر من يزورها ويذكرها..

وقف وصار يدور في مكانه ويحكي لسلمان كل شيء عرفه عنها..

كيف عرف انها حية..

وراح يدور عليها مع غازي بس مالقاها..

قاله انها ماتت بالفندق وماقدر يطلعها..

كان يتكلم والغصة تخنقه ويضيق صدرهـ...

هادي بزعل\والحين عرفت ليه انا وانت حيين..

عرفت ليه عفوا عنا ورجعونا..حتى الحق العام طيحوهـ..

رب كلمه قالت لصاحبها دعني..

لاتذكرها لا في خير ولا في شر..

ولا تكلمني ولا تعرفني من اليوم إلين نقابلها قدام ربي ونتحاسب..

ركب سيارته ومشى بسرعة..

وسلمان لازال جالس على الارض...

ويفكر بكل كلام هادي...

خذاها بذنب مالها فيه..

ولا حن ذبحنا أخوهـ...

لو قصنا نكون مظلومين وعند ربي برائتنا..

بس خذاها وصرنا ظالمين وعند ربي جزانا..

بس هي حيــــــــــــة...

ياهادي إرجع تراها حية..

علي راح يجيبها..

يكذب عليك الخسيسة أختك ما ماتت..

هديل حية يا هادي حيييية...

أبتسم ودمعته محبوسة في عينه..

يافرحتك برجوعها يا هادي..

قرة عينك بشوفها..

وقف بسرعة وحرك سيارته لبيت هله..

اتصل براكان وطلبه يرجعون الرياض الليلة..

عند راكان وقال مايقدرون..

بس سلمان حلف عليه يرجعون ولو على الفجر..

خاف راكان من عناد اخوهـ وقاله بيمشون بعد المغرب..

ويتوعد فيه اذا ماوراه سالفة..

دخل عبدالله البيت ومعه محمد..

كانت أمهم وغادة في الصالة..

جلس عبدالله عند جدته وشال هديل من حضنها..

عبدالله\هاتي أختي..وغدة حبيبتي..تعالي أبيك شوي..

غادة بسخرية\انت يا نص نصيص..ماتتعلم ماتتربى..

يعني ركووني يكفخك ويعلمك الحكي صح ولا تتعلم..

قلي وش نسوي فيك عشان تفهم ..؟؟

عبدالله يوقف\عمتي تكفين تعالي أبيك شوي..

وقفت معه وهي تفكر بجدية..

ماهو من عوايده يقول عمتي..

مشت معه لغرفتها دخلوا ونزل هديل في حضنها..

غادة تبوس هديل\وش فيك عبوود..؟؟صاير معك شيء متهاوش مع أحد..؟؟

عبدالله ودموعه بعيونه\تشبه عمتي هديل...

غادة تناظره بهدوء\الله يرحمها..لا ماتشبها..

عبدالله بغصة\هديل كيف ماتت..؟؟

انا ماني مصدق إنها ماتت..

غادة مفجوعة\عبدالله وش ذا الكلام..

هديل ماتت الله يرحمها..والموت حق..لاتتكلم كذا وتفكر بشيء غلط..

عبدالله بتصميم\طيب ليه ما دفنوها عندنا..؟؟

ليه جدي دفنها هناك بسرعة وماخلا احد يشوفها..

غادة\لأنه......... لانه ماقدر يرجع بسرعة...

ككـــ........ كـانت القرية بعيدة......وماعندهم اسعاف ينقل جثتها...

ووو...............وهي ماتت والأرض كلها لربي...

عبدالله\ليه ترتجفين..؟؟

غادة بقهر\انت ليه تفتح هذا الموضوع..؟؟

عبدالله\لأني أحس إنها حية وبترجع لنا قريب..

قلت لك ماني مقتنع إنها ميته..ما اصدق لحتى أشوفها بعيوني...

غادة تبكي\عبدالله جعلني فداك لا تقول كذا..

هديل ماتت يا قلبي..لا توهم نفسك بشيء مستحيل..

عبدالله\تحسبيني مجنون..

ابيك تفكرين مثلي..إن هديل يمكن تكون حية وبترجع لنا..

غادة بعصبية تمسح دموعها\تبيني اشاركك وهم وجنون..؟؟

لا ..اسمع ياعبيد إذا ما شلت هذي الأفكار من بالك قلت لأبوك يتصرف معك..

عبدالله يخفي ابتسامته\لا لا تقولين لأبوي..بيهاوشني..

خليه سر بيني وبينك..بس هذا ما يمنع إنك تفكرين برجوعها..

باروح لغرفتي..أبيك تشوفين وش مخبي من أبوي..

لا تروحين ولا تطلعين من غرفتك...

ولا تدرين ما اثق فيك بأقفل عليكم وارجع..

غادة\تعال يالملقوووف رجع المفتاح على الباب لا تقفل علي..

خرج بسرعة وقفل الباب وهو يقول لها إنه بيرجع..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛

فتح الباب ودخل بهدوء..

ناظر المكان الهادي ومافيه أحد..

توجه لــ الدرج وكان بيطلع بس سمع صوت بالصالة الجانبية..

رجع كم خطوة ودخل عليها...

كانت جالسة قدامها القرآن مفتوح..

تقرأ مع صوت الشيخ في الجهاز..

قرب منها بشووق لها..

أشتاق لها ولريحتها..

أشتاق لرضاها عليه..لــ نصايحها وهوشتها..

جلس على ركبه عندها..

رفعت راسها وهي تصدق وتقفل المصحف..

طفى الجهاز وهو يصدق معها..

دمعت عينها وهي تشوفه قدامها..

قطعته بعد تعذيبه لهديل وحرمانها من هلها..

غضبت عليه ومارضت تكلمه..

جرحها يوم رضى بزعلها..

يوم حرم نفسه منها ينتقم لهديل من حاله..

مدت يدينها له وهو وقف سحبها وضمها له بقووووة..

حس بجسمها يهتز وصوتها يعلى بعتاب..

قبلها على راسها وجبينها وهو يحضنها بشوووق وإعتذار..

أم غازي\مارحمت حالي ولا حنيت على أمك..

جرحتني بصدك..وانا قلبي يوجعني على حالك..

مابغيت منك حال ولا مال..

مابغيت الا اعرف وشهي أحوالك..

كنت ابى أتطمن عليك..وش صار فيك عقبها..

اتاريني طلعت منسية يا ولد بطني..

ناسي أمك وهاجرها..خاف الله فيني..

خاف الله في أمك يا غازي لا تعذبني أكثر تكفى..

نزل راسه قبل يدينها وكتوفها..

غازي بحب\قليل خاتمة..وقاسي جلموود..

ذنوبي كثرت يومه..وسكتي مسدوودة..

إن رجعت عذبتك معي واشقيتك..

وإن ظليت هناك عذبتك وأشقيتك..

حالي مثل العطشان بنص البحر..

الماء حوله من كل جهه ولا يقدر يشرب..

رحمني ربي يوم رجعها علي..

ابى اكفر ذنوبي يومه..وذنبي منك يوجعني..

حط يدها على قلبه\مل من القسوة والتعذيب..

أنجرح بأبووهـ..أنفجع في بنته..

تجبر على زوجته..تمرد على أمه..

أما يتعدل ويرضى بحكم ربه..

أو أقطعه من وريده وارميه..

قسى وتجبر وذاب بعيونها يومه..

ما طيحه الا عيونها وهمسها المخنوق..

ضمته وهي تبكي وتقبله على صدره ..

ام غازي بزعل\راضية عليك من زمان..

بس كنت مشتاقة اشوفك واتطمن عليك..

ربك بيصلح الحال يا غازي ..

ضمها له أكثر وراح تفكيرهـ لها..

لقيت امي يا هديل..

عساك لقيتي أمك..

حضنتيها..شكيتي لها..

بكيتي بحضنها ونمتي..

ولا حالك على خبري..

تاكلين أظافرك وزايغة بعيونك من الخوف..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛

جلست تنتظر محمد مشتاقة تخلص سالفتها عن هديل..

مع إنها أستغربت سؤاله لما قال لها سولفي عن هديل بشيء ما اعرفه..

ترحمت عليها وبدأت تسولف له عنها..

شوي تبتسم وبعدها تعقد حواجبها وتغمض عيونها لا تبكي..

وهو يبتسم وبعدها يضحك...

قال لها\يومه تومنين ان الله يحي العظام وهي رميم..

أم علي تستغفر\لا إله الا هو..ما امره الا كن فيكون..

محمد قبل راسها وقام\بأروح السيارة وارجع عندي لك مفاجئة يحبها قلبك..

أم علي\تعال أكمل سالفة هديل...

محمد يبتسم\لما رجعت ما بتكملينها..لاتروحين..

خرج لهم وأشر لعلي يدخلهم..

دخل علي وجدته وذياب بين يدين علي..

وقفت تناظرهم قربت بتسلم على علي..

بس وقفت وهي تشوف الولد في يدهـ..

ناظرت بإستغراب وهو يبتسم لها..

جلست الجدة وهي تحس برجفة في عظامها..

وبعد دقايق دخل محمد وابتسامته شاقة وجهه والفرح باين عليهم..

سكتت لانهم ساكتين..

تناظرهم لانهم يناظرونها..

عقدت حواجبها تنتظرهم يعلمونها ليه قلبها يخفق بقوووة..

أعـــــودُ إليـــــكِ يا أمّـي

أعـــــودُ لنبـــــــــعِ أحلامـي

لأغفـــــو بيـــــنَ عينيــكِ

وأغســـــل دربَ أيــامـــــي

وأغـــرفُ منْ ســنا الدمعِ

ضيــــاءَ مـــدادِ أقلامــــــي

فأنــــتِ قصيدتـــي الأولى

وأنـــتِ عبيـــــر إلهامــــي

وأنـــتِ أخـــي وأنــتِ أبي

وأخــــــــوالــي وأعمــامي..

سمعت همس مخنووق\يووومــــــــه...

لفت بسرعة لراعية الصوت..

وشافتها واقفة قدامها دموعها على وجها..

جسمها كله يرتجف..

شفايفها تتحرك بس مايطلع كلام...

شهقت ولوحت بيدها قدام عيونها..

وكأنها تشوف سراب تبيه يختفي قبل لا تصدق وجودهـ

صارت تردد\لا إله الا الله..لا إله الا الله..

هديل بحسرة\يووووووووووومــــــ� �...

كان ردها شهقات ودموع وتمد يدينها لها..

ركضت لها وضمتها بقوووووة وهي تصرخ وتبكي..

أم علي\آآآآآآآآآآآآآآآآآآآآآ� �آآآآهـ بنتـــــــــــــــي ..بنتييي رجعت..

يوووومه بنتي جاااات...هدييييييييييييل يووومه هديييل..

آآآآآآآآآآآآهـ ياقلبي قولوا إنه صدق...قولوا إنها رجعت تكفووون..

رفعتها عنها وقبلتها على جبينها وخدودها وعيونها..

نزلت لرقبتها وكتوفها وهي تقبل بسرعة وترجع تضمها...

هديل بنحيب\رجعت يووومه...رجعت يا روحي..

يادوا جروحي ياجبرة كسوووري..

يوووومه أشتقت لريحتك..أشتقت لحضنك وأنفاسك..

يوووومه أنا رجعت..ربي رحمني ورجعني..

يووومه ضمينييييييييييييي..ضميني بقوووة..

خانتها أرجولها جلست على الأرض وهديل بحضنها..

ضمتها لها اكثر..

ام علي بإنهيار\ياربـــــــــــــ� �ــي..إلطف بحااالي..

هديل يومه أنتي جيتي..؟؟أنتي حية يوومه..؟؟

سمعتك تناديني يا قلب أمك..وصلني شوقك..

ياربي ما اكرمك..ياربي ما ارحمك..

ضمت نفسها لامها أكثر ولمت نفسها بحضنها..

هديل برجاء مخنووق\يووومه تكفين دخليني جواتك..

يووومه خبيني ابى اظل داخلك..لا تبعديني عنك تكفييين..

ما ابي احد..ابيك أنتي بس...تكفيني عن العالم كله..

ضمييييييييييني يووومه شدي علي...

مشتاقة اضمك واسولف لك..مشتاقة ابكي على صدرك..

مشتاقة لهواشك لي ونصحك..يوووووومه بأمووووت من لهفتي عليك يومه..

لا شفت خير ولا عشت براحة..كل ما أبتسمت تذكرتك وصديت عن كل مايفرحني بغيابك..

يومه لا عرفت أكمل حياتي ولا أقطع الرجاء فيكم..

أناديك كل يوم وكل ليلة..أترجاك ماتنسيني ولا تغفلين عني..

يووومه لا يكون نسيتيني..؟؟لا يكون حطيتي غيري في مكاني..؟؟

شدت شعرها ورفعت راسها لها..

ام علي\ياجرحن في قلبي يا هديل..

يا فجيعتي يوم مووتك..كبرتني وشيبت ركبي..

طاح الجمل من سكين وحدة وهي موووتك..

وينك فيه يومه..؟؟وين الغيبة؟؟

وش اللي اجبرك تنسين امك وتسلييين عني..؟؟

ليه مارديتي يوم أناديك..ليه ماحنيتي علي ورجعتي بيوم موتك..؟؟

هديل تقبلها على يدينها وتنزل تقبل ركبها وارجولها..

مسك راس أمها ودفنته في صدرها وهي تشهق..

هديل بألم\إسمعيه...اسمعي قلبي المشتاق لك..

اسمعي ونينه وحسرته عليك وعلى حالي..

ارحمي همسه باسمك..نبضاته كلها لك أنتي..

يوووومه ربي رحمني ورجعني...

كنت باموووت وأنا أنتظر شوفك..

عمت عيني عن كل شيء وما جزعني الا خوفي ما اشوفك مرة ثانية..

رجيت الظلام يعتقني يوم القاك ويرجع بعدها بثواني..

يووومه صبرت وما حسبت ان فيني صبر..

قلبي مايبيني يبيك أنتي..يوووومه خبيني جواااتك تكفيييين..

وصل لهم وهو يحبي ودخل بينهم ولم يدينه حوالين هديل..

هديل تضمه بحضن أمها..

وتهمس لها برجاء\يووومه ولدي..

هذا ولدي كان أمي بغيابي عنك..كان ابوي بغربتي..

يوومه ضميه معي..ضمينا حن يتامى بدووونك ...

أم علي تضمه بينها وبين هديل..

وتقبله على وجهه ورقبته ويدينه..

أم علي\ياربييييييييي زدني فرح..

زدني سروووور..زدني من نعيمك ورحمتك..

يارب ماخاب من رجاك ودعاك..

ماخاب من سألك ترجع الميت حي..

بعدت راس ولدها ماتبيه يشاركها بامها..

تبيهم ياخذوونه ويبعدون عنهم..

أمي لي لحالي..أتركوني أروي ظماي بحضنها..

خلوووني مع أمـــــــــــــــــــــي ...

لك الحمد… والأحلام ضاحكةُ الثغرِ

لك الحمد… والأيامُ داميةُ الظفرِ

لك الحمد… والأفراح ترقصُ في دمي

لك الحمد… والأتراح تعصف في صدري

لك الحمد… لا أوفيك حمداً.. وإن طغى

زماني… وإن لَجّت لياليهِ في الغدرِ

إليك، عظيم العفو، أشكو مواجعي

بدمع على مرأى الخلائق لا يجري

ترحّل إخواني.. فأصبحت بعدهم

غريباً.. يتيم الروح والقلب والفكرِ

لك الحمد… والأحباب في كل سامرٍ

لك الحمد… والأحباب في وحشةِ القبرِ

وأشكرُ إذ تعطي، بما أنت أهله

وتأخذ ما تعطي، فأرتاحُ للشكرِ

المرحوم بإذن الله تعالى ..غازي القصيبــــــــــي ...

جالسة في غرفتها مركزة عيونها في الفراغ..

وما أنتبهت إن هديل بنت أخوها نامت بحضنها..

عاشت بخيال عبدالله لو ترجع هديل حية..

خذاها الخيال لبعيـــــــد..

هتفت بحسرة بداخلها..

حرام عليك يا عبود تعذبني..

ياما تخيلت هالشيء..

وقلت بكرة بأصحى وألقى كل شيء كذب..

وتكون هديل حية وموجودة بينا..

ماهو هذا حالنا لما فقدنا غالي..؟؟

نظل نتظرهـ يرجع..

ولو بالحلم..نبيه يرجع..

ونأمل نفسنا..ونعيش لحظات معه من صنع خيالنا..

ونردد من غير وعي..بكــرهـ يرجع..ونشكي له مرارة فقدانهـ ..

شهقت بحسرة\الميـــــــت ما يرجع..

هديل ماتت..أختي الوحيدة تحت التراب..

يارب إرحمها..وأفتح لها أبواب الجنة..

حطت كفها على فمها تمنع شهقات متتالية..

سدحت هديل الصغيرة على سريرها الكبير..

وحاوطتها بوسادات عشان اذا تحركت لا تطيح ع الأرض..

غطتها وتوجهت لــ الباب ..

كان مقفووول..وعبدالله تأخر عليها مارجع..

طقت ع الباب بالخفيف ماتبي تصحي هديل..

غادة بصوت خافت\عبدالله وينك؟؟إفتح الباب..

تاخر عليها ومارد..

اخذت جوالها واتصلت عليه..

عبدالله بفرح\هلا بأغلى وغدة في المجرات ودرب التبانة..

غادة تبتسم\يالنتفة مانسيتني..؟؟تعال إفتح الباب..

عبدالله يضحك\هههههههههههههه مدري وين حطيت المفتاح..

بادوره واجيك..

وقبل لا يسمع ردها قفل الخط وناظر في هديل وأمها..

عبدالله\خلاااااص قومي من حضن جدتي فغصتيها..

غادة فوووق حابسها في غرفتها..تعالي سلمي عليها..

أم علي\انت مالك شغل في بنتي..

خلها في حضني..خلني اتطمن عليها..

هديل تقبل كتفها\ههههههه يومه عورتك..

ام علي\مافقد أحد هالحضن مثل ما فقدك..

كلهم ناموا فيه بغيابك..خليني أعوضك..

هديل بوعيد\والله ما أنام الليلة الا في حضنك..

عبدالله\بيشووتك أبو علي..

هديل بفرح\جعلني فدا الطاري وراعيه..

وينه فيه..؟؟أبوي وينه؟؟

علي يبتسم\في الطريق راجع من الشرقية..

عبدالله وقف وسحبها من حضن جدته بالقوة..

والجدة تضربه بعصاها من وراهـ..

عبدالله يناظر الجدة\افا يا جدة أبوي تطعنيني في ظهري..

مابه خلاف..بنفرح بهديل وانتقم منك بعدين..

الجدة بعصبية\علي ضف ولدك يامال الصلاح..

خل البنت تسلم على أمها..

عبدالله بعناد\خلااااص سلمت..قووومي تكفين..

والله تنتظرنا فوق..

ام علي ترفع هديل عنها وتقوم معها..

قبلتها على جبينها ومسحت دموعها..

أم علي\اطلعي لأختك يا فرحتي..

خليها تحمد الله وتشكرهـ..

وأنا بأتصبر بولدك لحتى تنزلين..

كان الشوق لغادة ذابحها..وبنفس الوقت ما تبي تترك أمها..

قبلت يدين أمها وضمتها بقووة..

همست لها بخوف\يومه لا تروحين بارجع الحين..

أم علي تضمها اكثر\والله ما أروح..انزلوا بسرعة..

أنسحبت من حضن أمها بيدين عبدالله اللي يشدها..

عبدالله\تكفووون لا تخربون الخطة..

لا يطب علينا جدي ولا هادي وتنعفس الدنيا..

هديل تضحك\هههههههههه طيب لا تسحبني كذا..

عبدالله بعناد\لو ماسحبتك ما مشيتي معي..

يا عيال اللي يبي يشووف فلم هندي يجي معنا..

وقفوا محمد وعلي ومشوا معهم..

الجدة\تعال أنت وهو خلوا البنت تسلم على أختها..

محمد طلع يركض\والله ما اخلي لقاء يفوتني أنت يالكبير لا تطلع خلك عاقل..

علي يطلع ويده في يد هديل\انا اللي جبتها..ولي الحق أشهد كل لحظات اللقاء..

عبدالله يضحك\فاتك لقائها مع عمي الدوووب..

علي يضربه على راسه\مافاتني كنت اراقبكم وماشفتوني..

هديل\ههههههههههه يا خرطك..

علي بنص عين\أقول أطلعي لأختك..

أخذت المفتاح من عبدالله ودخلته في الباب..

أرتجفت اصابعها ماقدرت تحرك المفتاح..

ناظرت باخوانها وكانوا يشجعونها تدخل..

بعدت عن الباب بسرعة وتعلقت بــ علي..

هديل تبكي\كيف اقابلها..يمكن تغيرت..يمكن يصير فيها شيء..

علي أنت قول لها وخلها تجيني هنا..

لا تخوفها..

علي يضمها\حن ماتغيرنا ولا رفضناك..

فكيف بغادة اللي أنهارت بخبرك موتك..

هديل ترتجف\مو خايفة على نفسي..خايفة عليها..

علي بحنية\تعالي معي..

مشى معها وفتح لها الباب..

وهمس لها بكلمات تشجعها وتشوقها لغادة اكثر..

علي\ادخلي وريحيها بشوفتك مثل ماريحتينا..

ترك يدها..وهي خطت خطوتين لداخل الغرفة..

شافتها منسدحة على السرير وظهرها لها..

سمعتها تتكلم بصوت مبحوح..

غادة بزعل\بدري يا عبيد..بس الشرهه ماهي عليك..

علي اللي صدقت وماشيتك..تعال عند اختك..

بأروح أوضي..

وقفت بتعب وتوجهت لدورة المياهـ من دون ما تناظر الباب..

همست بقهر\الكلام اللي قلته لا تعيده مرة ثانية..

لا علي ولا على اي أحد ثاني..

هديل ماتت وحن رضينا بهـ الشيء من زمان..

وإن كان إيمانك ضعيف فأبوي ماهو بعاجز يعلمك إن الله حق..

ماقدرت تكتم شهقتها وهي تبكي مع كل كلمة تنطقها..

سمعت شهقات غير شهقاتها وصوت باكي يناديها..

عرفت إنها قست بالكلام على عبدالله..بس لازم يفهم لازم..

رغم إنها استنكرت صوت البكاء..والهمس المخنوق..

هذا ماهو صوت عبدالله..

وقبل لا تلتفت حست بيدين تضمها من ورى وراس يندفن بظهرها..

وصوت مكتوووم يبكي بقوة..

حطت يدها على قلبها بجزع وخوف..

ودموعها أستمرت وهي تسمع الصوت اللي ما أنكرته روحها..

صوت هديــــل..

لمت يدينها الثنتين على اليدين اللي محاوطة خصرها..

صرخت بحسرة\هديل......؟؟!

ردت عليها بشقى\ياروح هديل...إيه يا قلبي أنا هديل..

رجعت يا غادة..رجعت يا رووووحـــــي..

صرخت بكلمة لا بأعلى صوتها وطاحت على ركبها وهي تنتحب..

نزلت معها هديل ولازالت ضامتها..

لمتها في حضنها وهي تسمي عليها وتقول لها إنها رجعت..

هديل بحب\لا تقولين لا..هذا امر ربي..

شوفيني حية مامت..غادة وحشتيــــــني..

رفعت راسها لها\لا لا لا....تكفييييين لا ..

والله ما نسيتك لاتعذبيني..يووووووومه لحقي علي يوووومه..

بانجن يا يووومه..

هديل بحزن\علــــــــــي..تكفى تعال قول لها..

قول لها إني رجعت..طمنها يا اخوي تكفى طمنهااااااا...

دخل عندهم وضاق قلبهم على حالهم..

كيف ضامين بعض ويبكون..

جلس عندهم وسحبهم له ..

لم يدينه حواليهم وضمهم بقوووة..

علي بقوة\أذكروا الله وصلوا على النبي..

غادة يا قلبي هديل حية ماماتت..هذي هي..

أنتي لا جنيتي ولا تتوهمين..

غادة بحسرة\هدييييل تكفين ارجعي..كوني صدق..

ما أبى احلم فيك ولا أعشم حالي بوهم..

هديل تقبل يدينها\والله العظيم صدق..

شوفيني يا غادة..ضميني ..حسي فيني..

غادة برجاء\علي خلها صدق..

أختي خلها صدق..لا تعذبوني تراني مؤمنة ومسلمة بحكم ربي..

علي يبتسم\تبين أكفخك عشان تصدقين..

ترى كلنا صار فينا مثلك..

غادة تهز راسها\إيه..أبي أصدق..انا أحلم ولا أتوهم..

علي يضحك\عز الطلب..أحلى كفخة..

هديل تبعد يدينه\وخر عن أختي..

أنا أأكد لها إني حقيقة ماني خيال..

مسكت غادة من كتوفها وهزتها بقووووة..

هديل بمرح\غــــــــــــــادة غادة غادوووة غدووو غدي غدير غووويدة

غندووور..غنادير...قووووومي مدرسة مدرسة مدرسة..

غدووووو.....غندووورة...

غادة بصراااااخ\والله أختي...

ما أحد يصحيني لـ الدوام مثلك..

هديـــــــــل ياروووحي رجعتي..

ضمتها هديل بقوووة\رجعت يا بعد روحي..

ربك كريييييم يا غادة ورجعني..

غادة بصوت عالي وهي تبكي\آآآآآآآآهـ وينك يا هديل؟؟

وين كنتي..طول هذي السنين مارحمتينا ورجعتي..

هديل تبتسم\المهم رجعــــت..

محمد\ماتسمعون البزر تبكي حرام عليكم..

شال هديل من على السرير..

وهزها على خفيف..

علي\هذي بنتي..سميتك..

هديل بحب\فديتها وفديت ابوها..

قبل لا توقف سحبتها غادة وضمتها اكثر..

غادة\لا تتركيني باقي ما أرتاح قلبي..

بنت علي لا حقة عليها..خليك معي..

ضحكت هديل ولمت أختها لها أكثر..

وهمست لعلي\بنتك لا حقة عليها أريد أختي..

عبدالله بفتنة\من رأيي تغير اسم بنتك..

عندي لك اسم احلى من اسم هذي..

سمها عبدة الله..

علي يرميه بلعبت هديل\لا بركة في شورك ياقاطع الطرق..

عبدالله بوناسة\بأروح أنادي أمي..

حتى هي لازم نفجعها..بس ياويلك يا هديل إن ماتت أمي..

طلع من غرفةة غادة يركض..

وعلي وقف وسحب محمد برا الغرفة..

محمد بقهر\لا مالي شغل ابى اشووف اللقاء..

علي\معصـــي مايجوووز تشوف حرمتي وهي بلحظات الجنون..

محمد\والله ما اخليك تشوف حرمتي لما شافت هديل..

علي\ههههههههههههه تزوج أول وبعدين تشرط يالدوووب..

خذ بنتي معك وأنزل عند أمي تحت..

أم عبدالله بتجي ألحين مفحطة..بيخوفها ولد أبوووهـ ..

ومثل ماقال علي..

بمجرد نزول محمد الدرج وهو يتحلطم ..

شاف حنان جاية تركض ورى عبدالله ولون وجها مخطوف..

حنان برعب\وش فيها هديل..؟؟

وش صار على بنتي يا علي..؟؟وينها فيه؟؟

علي يبتسم ويضمها\ماصار فيها شيء..

الخبل ذا وش قايل لك..

عبدالله يسحب أمه\هيه وخر عن أمي..

يوومه إلحقي شوفي عمتي غادة وش فيها..

علي يضربه\لا تخرب المفاجئة وتجعلها مفاجعة..

حنان حبيبتي صلي على النبي قبل تدخلين غرفة غادة..

خافت من كلام ولدها وزوجها..

صدت عنهم راجعة لجناحها..

حنان بقهر\ماتتركون حركاتكم البايخة..

أنا بأقول لعمي يشوف لكم حل..

أكيد بتجلطوني..

مسكها علي وسحبها معه وعبدالله يدفها مع أبوهـ..

علي\ليه الحريم مايسمعون الكلام من أول مرة..

عبدالله\لو أنك مكوفنها من قبل ماكانت عندت..

حنان\هههههههههههه وخروا عني يا اللي ماتستحووون..

عبدالله\يومه شوقي أبوي متبنطل..

علي\ههههههههههه ما أمداني ألبس الثوب والغترة..

حنان بشك\تراك ما أنت بخلي..وراك علم..

عبدالله\وأنا اشهد يا ام عبدالله..

والله إنك صقرة يا أم ولد خال ذياب..

علي\أدخلي عند غادة بسرعة جبت لك هدية من إيطاليا..

مابتنسينها لو كسيتك ذهب وألماس..

عبدالله\يومه أدخلي تكفين..

ضربت يدينهم اللي حواليها ودخلت وهي تعدل ملابسها..

اللي عفسها علي وعبدالله بهوشتهم معها..

حنان بهدوء\السلام عليكم ..

ردوا عليها ثنتين كانوا ضامين بعض..

عرفت غادة بس ماعرفت من تكون الثانية لأن وجها بحضن غادة..

غادة تبتسم بين دموعها\حنان تعالي شوفي ..

تقدمت منها بخطوات مترددة..

ووقفت جنبها..

مدت يدها ترفع راس البنت اللي بحضن غادة..

ناظرتها لحظات من غير ماتعرفها..

وبعدها ناظرت في غادة بإستفهام..

أنصدمت لما شافت علي وعبدالله معهم بالغرفة..

بنت غريبة وكاشفة وزوجها دخل عندهم..

رجف قلبها بقوووة تبي تعرف من تكون هذي الإنسانة..

بعدت هديل عن غادة ورفعت راسها وبعدت شعرها عن وجها..

ثواني مرت وهم يتأملون بعض ..

حنان بصوت مهزوز\رحمتك يا ربي..ياصلاتك يا نبي..

..هــ.........هديـــ....ـل ..؟؟!

قربت منها وضمتها بسرعة وهي تأكد لها..

هديل بحب\إيه يا حنان انا هديل..

صدقي يالغالية..والله رجعت ..أنا مو ميتة..

حنان تبكي\هديييييييييييل...هذا أنتي صدق يا هديل..؟؟

علي هذي أختك حية صدق..؟؟

بعدتها عنها وناظرتها من فوق لتحت..

شوي تبتسم وتضحك وشوي تبكي..

قربت منهم غادة وحضنت هديل من جنبها..

وناظرت حنان بضحكة..

غادة بفرح\هديل رجعت يا أم عبدالله..

رجعها أخوي فديت قلبه رجعها لنا..

ضمتهم حنان لها وهي تعاتب علي..

حنان\هذا اللي وداك إيطاليا..

ذبحني الهم في غيابك..

وش اللي وداك لآخر الدنيا..

لديرة ما لقينا منها خير..

طلعت هديل صاحبت الشان..

ياهلا وغلا يا الغالية..

نورتي بيتك وحياتنا..والله فقدناك..

هديل بابتسامة\يعني ما أنفجعتي مثلهم..؟؟

حنان بضحكة\هههههههه بلى أنفجعت بس بحالة غادة..

وفرح علي وعبدالله صدقت إنك حية..

وفوق كل شيء قدرة رب العالمين..

هديل تصرخ بفرح وتضمها\فدييييييييييتك يا هلي وحشتووووني..

غادة\أمي لايصير فيها شيء..

علي\هههههههه فاتك خلاص..امي شافتها قبلك..

طلعت غادة من الغرفة وهي تسحب هديل معها..

راح معهم عبدالله ونزلوا تحت..

ألتفت لزوجته وشافها ترتجف بخوف..

قرب منها ضمها..

علي بهدوء\إذكري ربك يا حنان..

حنان تشهق\لا اله الا الله..علي وين كانت..؟؟

كيف راحت عنها وقالوا ماتت طول هالوقت..؟؟

علي بجمود\كل شيء بيتصلح..ومادامت رجعت لنا..

فكل شيء هين بعدها..

حنان تبتسم\بانزل معهم..

علي يبتسم لها\طيب وانا بانزل ..

بس حطي شيء على راسك محمد تحت..

حنان\عمي كيف قابلها..؟؟

علي\أبوي باقي مارجع من الشرقية..

والله خايف عليه..بس أكيد هو يدري إنها حية..

لانه هو اللي زوجها وأعلن موتها..

حنان\زوجها..؟؟!هديل متزوجة؟؟

علي بحسرة على أخته\وعليها ولد..

صد عن زوجته ونزل لهم تحت..

شاف غادة وهديل ضامين أمهم ويبكون..

وذياب بحضن غادة..

طلع جواله وأتصل بهادي..

ماهو شايل هم احد كثر هادي وراكان ولد عمه..

هادي لانها توئمه..وراكان لانه ماراح يسكت عن اللي صار..

وبيقومها على أبوهـ وعمه..

لازم يفهمون كل شيء من ابوهـ وعمه..

وليه أشاعوا عن هديل الموت وهي حية..

وقف أبو راكان بسرعة وهو يسمع صراخ سلمان ينادي عليه..

كانت زوجته وسارة موجودين عندهـ..

دخل سلمان ووجه مايتفسر..

أبو راكان بجزع\وش بلاك تصارخ..وش وراك من علم..؟؟

سلمان\أبى أفهم كل شيء قبل لا أنجن..

فهمني يوبه ليه سويتوا كذا..؟؟ليه عطيتوهـ بنتنا..؟؟

كيف خذاها..طيب ليه مانشرتوا الخبر..

ليه قلتوا ماتت وهي حية..؟؟ليه ما قلتوا لنا؟؟

بهت بمكانه يناظر ولده الفاقد أعصابه ويسأل من دون وعي..

وعرف المقصوود من اسئلة ولده..مايقصد الا هديل..

بس كيف عرفوا عنها..هي ماتت..

سارة بخوف\سلمان من اللي حية وماماتت..؟؟

أنت وش تتكلم عنه..؟؟

سلمان بقهر\هديل بنت عمي...

زوجوها لغازي عشان يعتقني أنا وهادي..

ليه يوبه تعطونه إياها..؟؟مالنا ذنب في موت اخوهـ ..

سارة بصدمة\هديل بنت عمي حية..؟؟

أبو راكان بقوة\لا ماهي بحية...ماتت قبل سنتين..

خلاص مادمتوا عرفتوا فمابترضون الا بالسالفة كلها..

سلمان بغضب\أسمعك...قلي كل شيء..

أبو راكان يتنهد\لما يجي عمك نقول لكم كل شيء..

سلمان\الليلة عمي بيجي...الليلة ما امسي الا والعلم في راسي..

أم راكان\كيف تقول ماتت من سنتين..

هديل ميته من خمس سنين..؟؟

ابو راكان\زوجناها قبل خمس سنين..

وماتت قبل سنتين..

سلمان يهز راسها\لا يوبه..

هديل ما ماتت..علي جابها من إيطاليا..

بعدها حية وماعليها شر..

قرب من ولده وشده مع ثوبه وصر خ فيه..

ابو راكان\الموت لا تعلب بذكرهـ..

وترى اللي فيها من سبايبك أنت وهادي..

سلمان بغيض\أنتوا اللي لعبتوا في الموت قبلنا..

فاولتوا عليها ودفنتوها..وأنتوا معطينها لعدونا..

لا قتلنا أخوه ولا لنا ذنب فيه..مانتحمل جرمكم فيها..

ضربه ابوه على وجهه\يالخسيس تبريت منها بعد ما فدتكم بروحها..

راحت معه عشانكم..عشانا..

لاتبري نفسك من الذنب..

لو كنتوا رجاجيل واجهتوا مصيركم وأثبتوا برائتكم..

سلمان بقهر\ليه تعطونه إياها..

ليـــــه يوبه لييييه...؟؟بنت عمي ماتروح دية..

أبو راكان بندم\راحت والله يرحمها..

سلمان\يوبه هديل حية..والله العظيم حية مثل ماقلت لك..

وهي في بيت عمي الحين..مع هلها..

أبو راكان برجفة\أنت صادق..؟؟!

سلمان يهز راسه\والله إني صادق..

وعمي وراكان جايين في الطريق..

بعدهم مادروا..

أبو راكان\قال لنا يوم رحنا إيطاليا إنها ماتت..

سلمان بحقد\يكذب عليكم الخسيس..

يوبه لازم نتصرف ونشهر إنها متزوجة وماهربت..

تعرف عرف القبايل ودمهم الحار..

أبو راكان\حسبي الله ونعم الوكيل فيه..

سوا فينا اللي سويناه فيكم..

دفنها قدام عيني..عزاها معنا..كيف قواه قلبه..؟؟

سارة بزعل\مثل ماقواكم قلبكم..

تفجعون امها وأخوانها..مثل مافجعتونا فيها..

يمهل ولا يهمل يوبه..

أم راكان بنحيب\لا حول ولا قوة الا بالله..

ليه ياعلي..؟؟حرام عليكم تعطون البنت بذنب أخوانها..

تظل شوفة وعرض ماينداس..

أبو راكان بقهر\ماكنتي تبين ولدك..؟؟

أم راكان تبكي\إيه ابى ولدي..بس والله ماكنت بأقبلها على بنتي..

تروح عشان يرجع أخوها..والله ماكنت باعطيها والله..

ابو راكان بقلة حيلة\ندمنا لين شيبنا..

بأروح لها..أبى اشوفها..

أم راكان\بأروح معك..بأشوفها..ابى أتاكد..

سلمان بجمود\لاتروحون..ألحين هلها بحالة الله العالم فيها..

كيف ميت يرجع حي..ياكبرها عند الله..

طلع من عند هله وطلع جناحه..

ضرب الباب بقوووة ..

وتفكيره بكلام الناس والقبايل عليهم..

لو اشهروا الزواج ماكنا بنواجه مشاكل..

كل واحد بيطلع بشووور..الله يعين..

شافها نايمة على الكنبة ومتلحفة ..

ناظرها بقهر..يتمنى لو كانت صاحية..

يمكن يخفف من غضبه ويفهم منها كيف كانت حياتها في ايطاليا..

دخل دورة المياه تحمم وطلع وهي لازالت على حالها..

طاحت زجاجة عطر على الارض وطلع صوت قوي..

وهو متقصد هالشيء عشان تصحى..

شافها تحركت وسكنت مرة ثانية..

شال الغطاء من عليها وجلس جنبها..

بعد عيونه من عليها مايبي يشوفها..

يحس إنها غدرت فيه وأستغفلته..

كان المفروض تتكلم..سنتين طوويلة..

كان الحال بيتغير خلالها..ويمكن هديل كان رجعت من زمان لهم.

مقهوور ليه ما تكلمت..؟؟

قالت ان هديل صديقة لها..طيب ليه ماساعدت صديقتها..ليييه؟؟

سلمان بجمود\أبى أعرف كل شيء تعرفينه عنها..؟؟

متى تعرفتي عليها؟؟وكيف كان وضعها؟؟

زوجها كيف يعاملها؟؟تكلمي يا ياسمين..؟؟

التعب والألم كان مسيطر عليها..وآخر شخص تتمنى يكون جنبها هو سلمان..

غطت نفسها وهي ترد عليه بصوت مكتوم متألم..

ياسمين بتعب\إسألــــها ...

وقف وأبتعد عنها من دون ما يهتم في حالها..

سمع صوتها تعبان..وفسر هذا الشيء من الزعل بعد ماضربها وهاوشها..

بدل ملابسه وطلع من الجناح لانه أدرك إنه مستحيل ينام قبل لا يقابل عمه وراكان..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛

خرجت من غرفتها تنتظر طالب اللي راح يوصل رشا لبيتها..

وقال لها بينتظر مع رشا لحتى يوصل لهم راجح..

جلست بالصالة وتفكيرها يوديها لهديل وقررت تطلب من أمها يروحون لهم إيطاليا..

إن كانت مابترضى بالطيب..لازم ترضى بالغصب..

أبتسمت على تفكيرها كيف بتجبر هديل تسامحها..

حطت يدها على بطنها وتلمسته بهدؤ..

شوق بحنية\على وعدي..إن كنت بنت بأسميك هديل..

وإذا ولد غازي..

غازي برفض\لا ما ابي الا هديل وحدة في حياتي..

إن سميتي بنتك هديل مالها عندي قبوول..

وقفت بصدمة وصرخت باسمه بصوت عالي..

ضحك عليها لما ركضت له وحضنته بقوووة..

شوق تبكي\وحشتني يا أخووووي..

أشتقت لك يا غازي موووت..تكفى سامحني..

والله عرفت خطاي..دنيتي بدونك ماتسوى..

أنت ابوي وأنت هلي كلهم..

أشتقت لك مووووت..

غازي يقبلها على جبينها\وأنا اشتقت لك..

وكل ماجيت أكلمك أقسى على حالي قبل حالك..

شوق بندم\أنا آسفة..غلطت عليها كثير..

غازي بتأكيد\ومن منا ماغلط عليها وظلمها..

شوق بلهفة\وينها..؟؟أكيد جبتها معك..

أبي أسلم عليها..

غازي بنفي\عند هلها..رجعت لهم..

شوق تبتسم\رجعتها لهلها يا أخوي..

هديل رجعت لأمها وابوها..رجعت لتوئمها..؟؟

غازي بحنين لها\إيه رجعت لهم..

وعقبال ماترجع لي..

عقدت حواجبها وقبل لا تستفسر منه..

سمعوا صوت طالب يهلي ويرحب..

طالب بحدة\وارحبوووا وأرحبوووا ياللي ذبحتكم الغيرة..

مقاطعين اخوكم عشان قال كلمتين حلوتين في زوجتكم..

لله دركم ما أمحق طبعكم..

غازي يبتسم لشوق\زوجك هذا مايتوب..

طلع شيء من جيبه ولف على طالب بسرعة ورماهـ بجواله..

طالب بصدمة\آآآآآآآآععععي والله كنت ادري مابتمررها على خير..

غازي بحدة\أجل جرح هاهـ..؟؟

طالب\هو أنت بعدك فاكر يا ود إنت..؟؟

غازي\ههههههههه ولا برد قلبي عليك إلى ألحين..

طالب يقرب منه ويمد يده يصافحه\سلم وإدحر إبليس..

تراني أخووك بيني وبينك لبن وعلووم طيبة..

ضمه غازي وهمس له\نسيتها صح..؟؟

طالب يضحك\تبى الصدق..؟؟لا والله..

هي حلوة كثير..مثل ماقلت لك جرح..

ضربه غازي بوكس على بطنه..

غازي بقهر\وألحين نسيتها..؟؟

طالب عقد حواجبه\إيووه نسيتها ونسيت أختك بعد..

شوق\هههههههههه أحسن..عطه واحد ثاني يا أخوي..

غازي\كيفكم ؟؟طمنوني عن حالكم..؟؟

جلسوا معه بالصالة العلوية وحكوا له عن كل شيء..

قالت له شوق عن تسقيطها لحملها الأول..

وشرحوا له مرض رشا وتعبها..وعن هل الكويت وكيف صاروا أصحاب معهم..

وهو يستمع لهم مبسوط بوجوده بينهم..

ويقول بخاطره ماتدرون إن كل أخباركم عندي وأعرفها..

تضايق وهو يدرك للمرة الألف..

إن حرمانه لنفسه من السعودية ومن هله..مايقارن ولا واحد بالمية من حرمانها هي..

هو كان يعرف احوال هله..وأخبار أمه وأخوانه..

بس هي ماكان يسمح لها تعرف عنهم شيء..

حتى في العيد ما تطمن عليهم..

تعذر منهم وتوجه لجناحه ..

دخل وهو يتمنى لو يروح لها في بيتها..

يشوف وش حالها بينهم..كيف أستقبلوها..

واللي شاد أعصابه لا أحد يجرحها ويزعلها..

أخذ جواله وأتصل بشيخ قبيلتهم ..

وقاله كل السالفة وطلب منه يجتمعون كل قبيلتهم ويتوجهون لقبيلة الجاسم..

لازم يشهرون خبر زواجها منه ويفهمون غنها كانت معه طول هذي السنين..

خايف عليها من أعراف القبايل..

لا يثورون عليها ويقتلونها متهمينها بشرفها..

غابت عنهم سنين بحكم الميتة..وترجع لهم معها ولد..

رغم التوتر والخوف الطاغي بالمكان..

إلا إن الجميع حاولوا قد مايقدرون يكونون طبيعيين..

مافاتتها نظرات علي ومحمد وكل شوي يوصلهم إتصال او رسالة..

ولا إرتباك أمها وكلمتها اللي ترددها بصوت خافت ( الله يستر )

عرفت امها من يكون زوجها..

وحضنتها تبكي وتعاتبها ليه تتركها من دون ماتقول لها..

لما شافت ما أحد عنده أي فكرة عن زواجها او كيف طلبها جارية..

فضلت تتغاضى عن الموضوع لحتى يجي أبوها ويقول لهم كل شيء..

أنتبهت على غادة تحضن ذياب وتبووسه بقووة وهو يبكي..

غادة\ياويل قلبه وش زينه..

ليه ماجبتي لي معك واحد من هناك..؟؟

الجدة تنقد\لا يكون أشترته من سوق ولا مول هناك..

عنبوا إبليسك ولدها دمها ولحمها..

هديل\سمعتي عسوولة وش تقوول..

غادة بصوت واطي\لا باقي ماكملت السب..اسمعي انتي بس..

الجدة\لو فيك خير ولدك يلعب مع ولدها ألحين..

بس الشغل ما خلاك تلتفتين لبيتك..

هديل بهمس\تزوجتـــي..؟؟

غادة بغصة\إيـــه..تزوجت..

هديل بزعل\مين أخذتي..؟؟

غادة بإرتباك\راكان..

عقدت حواجبها شوي وبعدها فتحت عيونها ع الآخر وهي تضحك بصوت مكتوم..

هديل بنص عين\راكان حقي تزوجتيه..؟؟

غادة مفجوعة\أنا.........هديل ســ.......

هديل\هههههههههههه والله العظيم كنت اقول لسارة دائماً..

ما بياخذ الا غادة..بس هي كانت ملقووفة وتقول مايبيها..

واللي أكد لي هادي حبيبي..

غادة\هادي..؟؟

هديل\إيه قال إن راكان طلبك من أبوي لما كنا في جدة هذاك الصيف..

وأبوي وعده خير..وعاد السي راكان قال فيك قصيدة..

غادة بصدمة\متى هذا..؟؟

هديل بسخرية من حالها\قبل ما أمووت..وقبل لا يقتل هادي..

غادة بحنية\حبيبتي..وش صار معك طول هالسنين..؟؟

كيف كانت حياتك؟؟ليه ما واصلتينا..؟؟

وقف علي وطلب من هديل تطلع فوق..

لأن هادي ممكن يجي باي لحظة..

هو مايرد عليهم ولا يدرون وينه فيه..

وقفت وهي ترتجف لانها حست ان لحظت مقابلتها لهادي قربت..

مارضوا يطلعون معها..قالوا بينتظرون هادي..

كلهم متحمسين يشوفون ردت فعله لما يدري..

هاوشتهم الجدة وقالت لو تقدر كانت بتطلع مع هديل..

بس عندوا وظلوا على رايهم..

طلعت من عندهم وهي تضحك عليهم وعلى حماسهم..

هديل بمرح\المهم أنا مابيفوتني شيء من اللقاءات..

علي\الا تعالي خذي ذياب معك..مانبيه يخرب الخطة..

خذته معها وطلعت فوق..

توجهت لغرفة غادة بس ماحبت تحبس نفسها فيها..

نزلت ذياب ع الأرض ومسكت يده يمشي ويتسند على يدها عشان لا يطيح..

مرت الصالة الكبيرة وشافت صور على المكتبة..

صدت عنها بسرعة..ماتبي تشوف الصور قبل لا تشوف أصحابها..

دخلت احد الغرف حزرت انها لمحمد او لهادي..

من الملابس الرجالية والاغراض المتناثرة فيها..

ماشافت اي شيء يدلها لمن تكون الغرفة..

بقلب مشتاق رتبت الملابس با الأدراج..

ورتبت التسريحة بالعطورات وأزرار الثوب..

شالت الجزم المرمية ونزلتها بمكانها..

بعد ماخلصت حست إنها فاقدة شيء..

ناظرت حوالينها بخوف وهي تدور على ذياب..

طلعت من الغرفة بسرعة..

تخاف لا يروح لــ الدرج ويطيح..

قبل لا تطلع من ممر الغرف شافت باب مفتوح..

وسمعت صوت بداخل الغرفة..

وقفت قريبة من الباب..

لما سمعت الصوت ذاب قلبها من الشوووق لصاحبه..

لحضنه وضحكته اللي مايفهمها غيرهـا..

حطت يدها على قلبها وشدت عليها لما سمعته يستجوب ذياب بأسئلة ممتعة..

تجرأت وسمحت لعينها تسرق النظر عليهم..

كان متربع على الارض ومجلس ذياب قدامه ويسولف معه..

هادي بحنية\من انت عليه..يا ماشاء الله عليك..؟؟

ليه شارد من أمك وتطق علي غرفتي..؟؟

خلك عندي لحتى تجي اما غادة أو ام عبدالله وياخذونك..

يمكن أنت ولد صديقتهم..بس والله أنك حلووو وتنحب..

الله يحفظك لامك وأبوك..

ذياب كان يحرك يدينه بعبث بين يدين هادي..

يوقف ويجلس..وهادي مبسوط على حركاته..

همست بقلبها الملكووم\ضمـــه..ضمه وإعرف من يكون..

تكفى يا هادي لايكون هو الوحيد اللي يعرف ريحتي..

نسيتوها بس هو مانساها..

هادي بحب\ياولد أنت تصير لنا..؟؟

ليه أحسك قريب منا..؟؟من أبوك..؟؟

ماقدرت تتحمل..تبيه يشوفها..يضمها ويعرفها..

تبيه يحضنها بقوووة ويحميها حتى من نفسها..

يعوضها عن فقدانه وحسرتها في بعدهـ..

ظهرت قدامه ولا أنتبه لها لحتى تكلمت..

همست بصوت مخنوق\مالك شغل في أبـــوهـ..

مايخصك إلا أمـــه..انا أمــــه يا رووح أمه وقلبها..

انا أمه يا بعد عيني يا هادي..

وقف على ركبه وهو حاضن ذياب..

ناظرها بعيونها هي..بحسرتها..بعذابها..

دمعت عيونه تشارك عيونها النوووح..

قربت منه وطاحت على ركبها قدامه..

مد يدهـ وتلمس وجها المحروم منه..

لاحظت شفايفه ترجف ودموعه تنزل بآسى..

مسكت كفه وقبلته بشوووق..

سحبت ولدها من بين يدينه ونزلته على الأرض..

وهمست بشهقات عالية باكية\ضمنـــــــــــــي ..

وحشتني يا روووح هديل وحشتنـــــي..

لم يدينه حوالينها وضمها بقووووة وهو يصرخ بصوت عالي باسمها..

وهي تصرخ باسمه بصوت مخنووق على صدرهـ..

صوتهم وصل لــ أهلهم اللي تحت..

طلعوا لهم يركضون مرعوبين على هديل..وش صار فيها؟؟

وأنصدموا بشوفتها مع هادي يحضنون بعض..

كيف دخل وماشافوهـ ..؟؟

ضمته لها بحسرة وندم على فراقه..

ضمته وتتمنى لو ترجع السنين وتمنعه من البر ومن مصاحبت سلمان..

لو ترجع السنين وتمحي غازي من حياتها ومن كيانها..

أدركت إستحالة امنيتها وذياب يشدها له ويبكي مرعوب من صوت بكاها..

همست وماسمعها\وسم العبوودية لازال على ظهري..

هادي بوجع\تأخرتي كثير يالغالية..

غبت سنة وغبتي سنين..دورتك وناديتك مالقيتك..

آآآآآآآآهـ ياهديل ليه مارحمتيني ورجعتي...؟؟

هديل بنحيب\ليـــه..؟؟كلكم تقوولون ليـــه..؟؟

لا تعاتبوووني..لا تشرهون علي..

فقدتكم ولا سليت عنكم..هاااادي..

ضمني يا اللي فقدتك ومالك بديل..

نبضنا مع بعض..ولدنا وتربينا وكبرنا..

فرقتنا الدنيا..فرقونا عيال ابوووهم..

خذاك واحد وخذاني الثاني..

لاتخليهم يفرقونا يا أخوووي تكفى..

هادي يشهق بقوووة\قال متـــــي..وإنه دفنك..

حلفت ما اصدقهم وأظل انتظرك..

كنت حاس فيك حية وموجودة..بي الأرض وسيعة يا هديل..

وسيييعة أرض ربي ولا عرفت وين بألقاك..

حسوا بيدين تحتضنهم وتبكي بصوت عالي..

أم علي\تعالوا أنا اللي شقيت فيكم..حملتكم وأنجبتكم..

أنا اللي أشقيتوني بغربتكم عني وعذبتوني..

ياما تمنيت اضمكم بحضني سوا..

يوم هي راحت انت جيت..وأنا قلبي يتقطع عليكم..

الله لا يذوقكم ماذقته من عناء وحزن عليكم..

أرحموا أمكم يا عيالي تكفوون ارحمووها..

يومه وش فيني أكتئبت..ليه ضايقة..

ليييه قلبي يوجعني وأنا في حضن أمـــي..

ليه أحس بحريقة بظهري ..

ليه ماعرفتني من ولـــدي..توني ضامته يا هادي..

ليه ماعرفتني فيييه ليه..؟؟؟

هديل بإعياء\يووومه لاتخلوووني..

خذيت كفايتي من الدنيا..يوووووومه..

شهقت أم علي وصرخت بخووف\هديييل يوومه..

بسم الله عليك..فتحي عيوونك يا بنتي فديتك..

رفعها هادي من حضن أمها وضرب على خدها ضربات خفيفة..

وهو يناديها بخوووف..

أخذها علي من بين يديهم وطلعها من الغرفة..

سدحها بالصالة وطلب مويا من غادة..

جابتها بسرعة قرأ عليها ونفث مويا على وجها وصدرها..

علي يطمنهم\يومه الله يهداك خفوا عليها..

تشوفونها تعبانة..من صدمة في صدمة..وتنهار مع كل واحد منا.

لازم ترتاح..مانبى نفقدها وتونا لقيناها..

قرب منها حضن كف يدها وقبلها..

هادي برجاء\هديل سلامتك يالغالية..

لاتنامين الليلة..خليني أخذ علوومك..وأتطمن عليك..

شدت على يدهـ بحب\ما بانام..

باقي ماشفت أبوي..يووومه وينه..؟؟

وينك يا حسيييين..؟؟

سمعوا صوت يناديهم من تحت..

كلهم ألتفتوا على بعض..

ورددوا بصوت واحد \أبووووي..

أتريدين أن نتقاسم الأخطاء؟

أتريدين أن نقيم محاكمة مصغرة يمثل أمامها مندوب الادعاء والمتهم..

ويثور جدال عنيف صاخب قبل أن يصدر القاضي حكمه النهائي؟

أتريدين أن نستعرض الماضي ، ثانية ثانية ،

واقعة واقعة ، وكلمة كلمة ،

لكي نقرر من أصاب ومن أخطأ؟

دعيني أختصر المشوار فأقول أننا مذنبان وبنفس الدرجة..

لقد أذنبنا حين اعتقدنا أننا نستطيع أن ننصب بمفردنا

خيمة من الشعر وسط عالم من الحرائق..

حين ظننا أن بإمكاننا

أن نفرّ من دنيا الحقد والكراهية إلى قوقعة الحنين..

حين تصورنا أننا نستطيع أن نتجاهل ضجيج الكون

ونفتح قلوبنا للسمفونيات الزرقاء..

كان هذا ذنبنا الأعظم..

ثم اكتشفنا أن الحرائق تستطيع أن تلتهم الخيام ..

وأن قبضة الحقد تستطيع أن تهشم القواقع الصغيرة ..

وأن الضجيج يخمد كل السيمفونيات..

بدأنا نتحاور .. ونمت للحوار أظافر ومخالب..

قلت أنت ِ إنه كان بإمكاننا أن نعيش بمعزل عن العالم الخارجي المشوه .. لولاي..

وقلت أنا إنك فتحت الباب الذي دخلت منه الجراثيم المسمومة..

وقلنا ، وقلنا ..

تبقى ثمة حقيقة مفروشة في وجداني كما أعلم ،

وفي وجدانك ، كما أرجو..

لقد تمكنا من أن نحلم ، برهة ،

في خيمتنا الشعرية ، في قوقعة الحنين ، في السمفونية الزرقاء..

أنجزنا هذه الروعة معاً ..

هل يهم بعدها من الذي أخطأ؟

المرحوم بإذن الله تعالى..غازي القصيبي..

رفعت راسها من حضن أمها مجبورة..

يد أبوها اللي رفعتها غصب عنها..

شافت إبتسامت أمها المطمنة..

وشافت العكس بوجه ابوها..

سحبها له وهمس لها بصوت تعبان مهدوود..

أبو علي بحزن\إصدقيني القول يا بنت حسين..

من غير وعي منها غرزت اظافرها في صدر ابوها..

وبكت بحســرة ..

لاتصدقني ..انا كذاااابة..لا تصدقني..

كانت تصرخ بقلبها وهي تحترق بقهر..

كل اللي قلته لك كذب..الحقيقة عكس اللي قلته..

حتى كلمتي الأخيرة تراها معكوسة يوووبه..

لا تحرمني من الشكوى..لا تمنعني من الراحة..

خلني أقولك وش صار فيني..

أبي أشكي لك وأنوح على حالي..

ما ابى اكتم عبراتي وخوفي..

ذبح بنتك يا حسين..عذبني وضربني..

نسبني لغيرك..عاملني مثل الجواري..

جرحني وكسر في خاطري..

كرهت حالي معه يوبه..

خلني اشكي لك تـــكفى..

أبي أرتاااح يوبه ابي أرتاح..

وعكس كل اللي بخاطرها جاوبته بصوت مبحوح..

قبلت جبينه\صدقت في قولي يا ابو علي..

حط يده على راسها وشدهـ بقووة على صدرهـ..

وكأنه يبي يدخلها بضلوعه..

يحس فيها مجرووحة..

ولما يمر في باله صورة غازي ويتذكر قسوته..

يتحسر على بنته ويتخيل حياتها معه..

تأملها نايمة بتعب..وجها شاحب..

مرر اصابعه على عيونها وخدها..

هزمته الدمعة..

لاتعذبين ابوك ياالقلب..

إشكي لي..قولي لي الحقيقة..وش صار فيك بغيابك..

كم مرة طعنك..وبكاك..

كم مرة شهقتي باسمي مستوجعة..

يابعد أبوك ياهديل وش اللي سواهـ فيك..؟؟

سدحها جنب أمها اللي حضنتها بشوق وقرأ عليها الأذكار..

طلع من الغرفة وشاف عياله كلهم ينتظرونه في الصالة..

الأسئلة..العتب..الزعل مالي عيونهم..

خمس سنين وهو مخبي عليهم وخادعهم..

صار لازم يعرفون كل شيء..

ومادامت بنته عندهـ وتحت عينه..

فماعاد يهمه شيء..

أشر لهم بيده وخرجوا لــ مجلس الرجال الخارجي..

جلسوا بصمت..وهو اتصل على أخوهـ..

وطلب منه يجي ومعه عياله..

صحت من النوم بعد ثلاث ساعات..

جلست بسرعة وهي تشهق لأنها أدركت هي وين..

في السعودية..وفي بيت أهلها..وبغرفة أمها وأبوها..

كانت نايمة بحضن أمها...

تلفتت حواليها بعجز..

همست بألم\يوومه وينك..؟؟

بلحظات تملكها التفكير السوداوي الحزين..

هل ممكن افقدها بعد مالقيتها..

ولا أنا فعلاً مالقيتها..وكنت أتوهم..

هل هذا حلم مبتووور..

بس عمرها الأحلام مارحمتني ووصلتني لحضن أمي..

كانت تسمح لي أشوفها من بعيد واصرخ باسمها وتسمعني..

بس أني ألمسها..أحضنها..هذا ما سمحت لي فيه الأحلام..

أكثر كرمها كان معه هو..

بس هو ماكان من طرف الاحلام..

كان من الكوابيس..

وقفت بسرعة طلعت من الغرفة ونزلت الدرج تركض..

شافت جدتها جالسة في الصالة وسبحتها بيدها..

جلست عندها وضمتها بقووووة مانعة دموعها وشهقاتها..

همست بحنين\أنا رجعت..

الجدة قبلتها على كتفها\هلا بك يا بعدي..

بعدت عن جدتها وصارت تتلفت بإستفهام..

والجدة مستغربة منها..

هديل\أمي وين..؟؟

الجدة تبتسم\في المطبخ..

أتجهت لــ المطبخ بشكل سريع..

شافتها واقفة عند الغاز وتخلص القهوة والفطور..

حست قلبها يطير من فرحتها بشوفها..

حبيبت قلبي يا امي..

قربت منها وضمتها من ورى وقبلتها على ظهرها وكتوفها..

حست بامها تتصلب بوقفتها لانها أنصدمت من ضمتها لها..

بس عرفت من تكون اللي تقبلها بشووق..

هديل بغصة فرح\يووومه رجعت..

ألتفتت لها وضمتها لها بقوووة..

أم علي\ياروح أمي وعيونها..

عسى ربي يبارك ذا الصباح يوم حضنتك..

والله وراحت الضيقة يا هديل وإحساسي بالنقيصة..

رفعت راسها لامها تغالب دموعها..

قبلت كفوفها وهي تتنهد براحة..

هديل بإبتسامة\ماطلبت من الدنيا إلا حضنك وقربك..

مابقى شيء يستاهل الضيقة دامني معكم..

أم علي تبتسم\فرحتي ما أعطيها أحد بهـ اليوم..

هديل تضحك\ولا أنا..مبسووطة يومه..

أم علي\دوووم إن شاء الله يا روحي..

هديل\وين أبوي..؟؟

ام علي\في الضيافة الخارجية مع عمامك والعيال لا تطلعين..

هديل بإرتباك\عمامي كلهم..؟؟

أم علي\عمك علي..وعيال عم أبوك..

هديل تخفي خوفها\امممم آاآ ليش مجتمعين من بدري..؟؟

توها الساعة 7 عسى ماشر..

ام علي بحنية\مابه شر إن شاء الله..

خذي كوب حليب جونا بارد..

هديل بإبتسامة\فديت جونا وحشني..

أم علي\ههههههههههه كل شيء وحشك..؟؟

هديل بغصة\كل شيء يومه..كل شيء..

أم علي\طيب ليه مانمتي وأرتحتي..؟؟

هديل\ما ابى..أحس بنشاط ما اقدر أنام..

بأروح أشوف غادة واصحيها..

أم علي\لا بدري خليها تنام..

هديل بعناد\امممم بأصحيها مشتاقة لها..

خرجت من المطبخ وطلعت لغرفة غادة..

دخلت بهدوء وشافتها نايمة على ظهرها..

جلست على السرير بخفة..

مسكت كتوف غادة وصارت تهزها بقوووة..

هديل بصراخ\غااااااااادة..غدوووو� � قوووومي..

قومممي قلبوو أنا جيييييييييت..وغدة قووومي..

ضحكت بصوت عالي لما سمعت صراخ غادة..

فزت من نومها بخوف وركزت عيونها على هديل..

غادة بصدمة\هو صدق أنتي رجعتي..؟؟

هديل بابتسامة\يب رجعت..قووومي مشتاقة لك..

بلا نووم بلا بطيخ..أبي اعوض كل لحظاتي من دونكم..

يالله قوومي..

غادة تضمها\دام في السالفة تعويض..أبشري.

هديل بخجل\اممم غدوو..ابي اتحمم وأبدل ملابسي..

عطيني من ملابسك..

غادة بابتسامة\لا ماراح أعطيك من ملابسي..

خذي من شنطتك..

هديل\ما اخذت معي شيء من هناك..

غادة\تعالي انتي مافهمتي قصدي..

خذتها لخزانة الملابس..وطلعت شنطة صغيرة..

فتحتها وعرضتها لهديل..

غادة بغصة\هذي بعض ملابسك..

اخذتها من غرفتك قبل ننتقل هنا..

كنت أحب احتفظ فيها..لانها تخصك..

صح ماكانت بترجعك لي..بس ...... أنا...

جربت فقدان غالي وموته فيك..

كل شيء يخصك كنت اضمه وأبكي عليه..

أتذكر مواقف بينا كنت أزعلك فيها وأستفزك...

وكنت أمووت من الندم لأني بيوم ضايقتك..

كتمت هديل عبرتها وضمت غادة بحنية..

ماتبي تسمع الباقي..يكفيها الوجع الباين بعيونهم..

يكفيها إنهم عاشوا بحسرة موتها سنين وهي حية..

آآآهـ يا رفيقة دربي..

لو تدرين كيف حرمني من بقاياكم..

ومن أغراضكم اللي أخذتها معي..

عاقبني كثييير..تجبر وألمني..

حرمني منكم وقهرنــــي..

بعدت عنها وهي تبتسم..

هديل ترفع حواجبها\أنا بادخل أتحم وألبس من ملابسي وحشوووني..

وأنتي دبري عمرك لأني لما طلعت باسحبك معي تحت غصب عنك..

غادة بضحكة\بأروح لغرفة أمي أتحمم هناك ونجهز مع بعض..

هديل\اوكى..بس ابي اشوف ذياب أول..

غادة\يمكن نايم الحين..

هديل عقدت حواجبها\إيه هو دوووب نوم فديته..

غادة\هههههههههههه لايكون طالع لأبووهـ ..

هديل بصد\يقطع الطاري وصاحبه..

دخلت دورة المياهـ وغادة ظلت واقفة تفكر في كلام هديل..

هزت راسها بآسى على أختها وراحت تخلص نفسها..

حست بصوت يناديها..حاولت ترد بس مالها حيل..

يدين ناعمة هزتها بخفة وهي تنادي أسمها..

فتحت عيونها بتعب وهي تسمع سارة تتذمر..

سارة بزعل\ياسمين وش فيك كل هذا نوم..أووولي على ئااامتك..

ثلاث ايام زايرة عندكم ما أشوفك..؟؟يالله قومي قبل يجي بعلي..

واحشتني يا مرت أخوي..قومي بلا كسل..

أبتسمت ياسمين بتعب على كلام سارة..

جلست بالقوة وسارة توقفها وتسحبها لدورة المياه..

سارة\أدخلي غسلي وتعالي..

كنت احسبك ذربة وراعية واجب طلعتي خرطي..

شكلي بأشتغلك شغل الحماوات وأطلع عيونك..

جلست ياسمين على الكرسي بتعب...

سارة بغيض\خييير من جدك نعسانة مع عيونك..؟؟

ياسمين\تعبانة مو قادرة اوقف..

سارة بإهتمام\سلامات وش تحسين فيه..؟؟

ياسمين\خموول وألم في بطني وظهري..

سارة بحنية\الله يعينك شكلك تعانين منها كثير..

قومي معي انا اساعدك..

ماسمحت لها تعترض..

ساعدتها تتغسل وتبدل ملابسها..

شهقت بصدمة لما شافت أثر على ذراع ياسمين..

سارة بشك\ياسمين..وش هذا اللي بذراعك..؟؟

ياسمين بهدوء\ضربت في الكبت..

سارة بقهر\كذابة..سلمان يضربك..؟؟

ياسمين\اول مرة يسويها..

سارة بغيض\وناوية تخلينه يسويها مرة ثانية..؟؟

ياسمين ببرود\لا..

سارة\يعني هذا اللي كان مانعك ما تنزلي تحت..؟؟

طيب يا سلمان انا أعلمك كيف تضربها..

ياسمين بهدوء\سارة ضربته المتني بوقتها..

اللي منعني ما أتحرك المي اللي قلت لك..

سارة بنبرة غاضبة\قومي معي تحت..وجهك اصفر من قل الأكل والتعب..

ياسمين\ليش زعلانة أنتي..؟؟

سارة بقهر\لانه ما يحق له يضربك مهما كان السبب..

وحتى لو كان أخوي مايحق له يضربك..

لا تتستري عليه..

ياسمين بصوت تعبان\سارة مافي نيتي أتستر على أخوك..

موضوع ابيه يظل بيني وبين زوجي وبنتفاهم عليه..

سارة بمحبة\ياسمين أنا اعتبرك مثل سهى ونورة أخواتي..

ومثل نفسي..ما ارضى عليك..

ياسمين\والله بأعرف بقدر حبك إلي..

بس صدقيني إذا عرفتي السبب ممكن تضربيني أنتي كمان..

سارة بصدمة\.................مافهمت..

ياسمين\سلمان أكيد بيقول لكم..

سارة بجدية\مايحتاج يقول..أكيد موضوع خاص فيكم..

وأنتي مستحيل تسوين شيء..تستاهلين منه الضرب..

وحتى لو صار وكنتي تستحقين العقاب..

لاتسمحي لاحد يعاقبك قبل نفسك..زوجك وله كلمة وحق عليك..

هذا أمر مفروغ منه..بس غيره مثلاً أنا أو أحد ثاني غير مسموح..

ياسمين بغصة\كنت مجبوورة..

سارة بحنية\قومي معي ألحين..

وبعدين نتكلم في الموضوع..حالك ماهو عاجبني..

نزلت معها وكانت سارة ساندتها وتسولف معها..

بعدت عنها عشان ماتنتبه امها وتحرج ياسمين..

كل خواتها كانوا موجودين بعد ما أتصلت عليهم سارة وخبرتهم برجوع هديل..

كانت سرحانة عنهم وأجبرها ذكر اسم هديل تركز معهم..

ياسمين\هديل..؟؟

سارة تبتسم\إيه هديل تكون بنت عمي حسين..أصغر من غادة..

هي توئم هادي..تزوجت من خمس سنين وتوها ترجع السعودية..

كنا نعتقد إنها ميتة بس الحمدلله طلعت حية..

ياسمين بشهقة\وينها..؟؟

سارة\جات من إيطاليا مع أخوها وولدها..

بنروح لها في الليل لازم تروحين معنا وتتعرفين عليها..

ياسمين بإرتباك\اممم ماراح أقدر أروح معكم..تعبانة..إن شاء الله مرة ثانية..

أم راكان\يابنتي مايصير لازم تروحين معنا..

أنتي صرتي منا وفينا ولزوم تسلمين عليها..

ياسمين بخوف\ما اقدر..تعبانة...ممــ....مو.....

سارة بهدوء\يومه شوفي شكلها غصب قدرت توقف..

إن شاء الله بكرهـ تكون أحسن واخذها تشوف هديل..

رضت أم راكان لان وجه ياسمين وحالها يثبت تبعها وعدم قدرتها..

بس ياسمين كانت مرعوووبة وتفكر بيأس..

كيف تقابل أهل هديل..امها الطيبة..وجدتها..وحتى غادة..

علاقتهم مثل الأخوات وماتبي تخسرهم..

الكل بيدرون إنها خبت عليهم سر هديل..

الضرب كان من نصيب زوجها..بس الباقين كيف راح يتعاملون معها..

ماتبي تخسر محبتهم وثقتهم..وما احد راح يتفهم إن هذي كانت رغبت هديل..

بهذي اللحظة أدركت مدى غلطها..

كان المفروض تتكلم من زمان..وتدلهم على مكان هديل..

حاولت توقف بس الألم زاد في بطنها..

حست بيد سارة توقفها وتسندها..

سارة\والله شكلك ماهو عاجبني..

خليني أخذك لـ الدكتورة..نتطمن عليك..

ياسمين بتعب\لا..بانام وإن شاء الله بأصير بخير..

بس ساعديني أروح لغرفتي..

طلعتها سارة وسدحتها على فراشها..

وقبل لا تقفل باب الغرفة سمعت صوت ياسمين تبكي..

توعدت في سلمان وتركتها لحالها..

كانت جالسة جنب أبوها..وإخوانها كلهم مجتمعين ماعدا غادة..

لاحظت صمتهم ونظراتهم الهاربة منها..

ما أهتمت لــهذا الشيء..

وفسرته بمحاولتهم تقبل فكرة رجوعها..

حنت على حال عمها اللي ضمها وتعذر منها..

قدام أبوها وأخوانها..

شافت الندم في عيونه والزعل على حالها وحال أبوها..

أبتسمت له وقالت إنها بخير وماعليها قاصر..

وبعدها صارت تتذكر كم مرة عاتبت عمها بغربتها..

وكم تمنت لو إنه ماقال لها عن غازي وعن شرطه..

أستغربت كلام عمها لما حاول يطمنها..

ويقول لها لاتخاف من شيء..

بيحلون الموضوع بالهداوة والعقل..

في بالها إن الموضوع يخص غازي..

وبيمنعونه يأخذها..مافكرت في شيء أبعد منه..

فزت من سرحانها على صوت ابوها يهاوش..

وأخوانها يضحكون..

ألتفتت بفضول..ووقفت وهي تصرخ..

كان عبدالله داخل عليهم وهو ماسك ذياب من أعلى قميصه من ورى..

ويمشيه على أصابع ارجوله بشكل سريع..ويهدده ويهاوشه..

هديل بقهر\عبييييد وخر عن ولدي...

عبدالله\ولدك مجرم..كان بيفغص أختي الوحيدة..

ويزهق روحها البريئة..

علي\أفا..أفغصه ذا النتفة..كله ولا بنتي..

راحت له بسرعة وهو ترك ذياب وهرب..

كان ذياب بيطيح بس لحقت عليه هديل ومسكته..

كان يشاهق مبسوط ولم يدينه حواليها..

هديل بحنية\فديت ابوي أنا..وش سوى فيك الدوب..؟؟

أوريك فيه ولد أبوهـ..

علي\هههههههه تبين نسكت لولدك وهو يضرب بنتنا..؟؟

هديل\كله ولا ولدي..يبي يفغص بنتك يفغصهامالكم شغل..

يبي يطلع عيونها يطلعها..يبي يشوتها يشوتها..

هو الكبير ويصير ولد عمتها يمووون..

عبدالله من بعيد\يبطي أبو خدود حمر...

هديل\فيك خير تعال..قلها من قريب..

محمد\تبين فزعة تراهـ رافع ضغطي قاطع الطرق..

هديل\إيوه تكفى إذا مسكته كفخه بدالي..

علي\تعال يا ولد أبوك..لاتحط راسك براس الايطالي وأمه..

هديل بغرور\وهـ فديت الإيطالي..يحوسكم يالسعوديين..

عبدالله بنفخة\يعقب..إذا هو كفوو خليه يواجهني..

أعلمه ابو سروال وفنيلة كيف يتعامل مع أبو بنطلون..

أبو علي\لا يابنتي لاتخلين ولدك يروح له..

ترى عبيد فاصل ذا اليومين..

هديل\عشان أبوي سامحناك..

ولا كنت بأخليه يأدبك..

عبدالله يتوعد\معليه بينام عندنا مثل أمس..

واربيه على علووم العرب وسلوومهم..

هادي بضحة\انت وش بلاك على الولد..

وش مسوي لك..؟؟

عبدالله بسخرية\ذا..خله يفقس من بيضته اول..

محمد\لايكون تغار منه..؟؟

عبدالله\يخسي..

هديل بقهر\هيه لا تسب ولدي..كل شوي يعقب ويخسي..

وانتوا مو خواله تسمعونه يسب ولدي..

ضربت الجدة بعصاها على رجل عبدالله اللي نقز مفجوع..

عبدالله\عووذة هذي ثالث مرة تطعنيني في ظهري ياجدة أبوي..

الجدة\إعقل وخل الذيب في حاله..

عبدالله\تراكم تكبرون الفجوة اللي بيني وبينه..

وتسوون تفرقة بينا..فحاولوا قد ماتقدرون تحلون النزاع..

هديل\مانبى قربك..وولدي لا تمسه مرة ثانية..

لا بعصا عسوولة على راسك..

طلع عبدالله البوك من جيبه واشر لذياب..

نزل ذياب من حضن هديل بسرعة وراح يمشي بإتجاه عبدالله..

ولما وصل له..مسكه عبدالله من قميصه ورفعه على أصابع ارجوله..

عبدالله\خير وش جايبك عندي يا الإيطالي..

صدق من قال القطو يحب خانقه..

قام هادي بسرعة وكتف يدين عبدالله..

وهديل راحت لهم وشالت ذياب..

سدحه هادي على الارض..وهديل جلست ذياب على عبدالله..

هديل\هاه شفت إن ولدي ماهو بهين..

لاتغرك المظاهر وصغر حجمه تراه أسد..

عبدالله\غش..والله غش..يووبه أفزع ..

قام لهم علي يبي يفزع لولده اللي يستنجد فيه..

مسكه محمد وابوهـ ومنعوه مايقرب لهم..

والجدة تشجع ومتحمسة لــ الهوشة..

هادي بحب\وش يقول الشيخ ذياب سامحه..

هديل بخبث\لا أصبر بنفتش جيوبه..

عبدالله\لااااع وخري لاتسرقيني..

طلعت اللي بجيبه..

ومدتها قدام ذياب..أخذ البوك والباقي ماأهتم له..

رجعت اغراضه بجيبه وهي مبسوطة..

هديل بضحكة\هههههههههه بيطلع يحب الفلووس..

ما اخذ الا البووك..خلاص يا هادي سامحناهـ..

بعدت عنهم وجلست جنب جدتها وذياب معها..

علي من تحت محمد\سرقتوا ولدي..؟؟

عبدالله\يوبه ترى في البوك عشرة ريال وخمستين وخمسة ثانية ومعها ريالين..

أبو علي\هههههههههه راحت خذاها الذيب..

عبدالله\ماهو بشايف خير الايطالي..مايعرفها المسكين..

هديل\تحسبه مثلك مصروع على الفلووس..

وبعدين حن مانتعامل مع الكاش..ما نستخدم الا ماستر كارد والفيزا..

عبدالله بصدمة\أبو سنين هذا نعه حساب في البنك..؟؟

هديل بكذب\ايه معه..وعنده شركة باسمه..وش رايك تصير عنده سكرتير..؟؟

وراتبك خمسة يورو في الشهر..

علي\هههههههههه لا توافق هم الخسرانين..

دخلت عليهم أم علي وشافت الصالة كيف معفوسة..

هادي مثبت عبدالله على الارض..

ومحمد مكتف علي ..هديل متخبية عند جدتها وولدها معها..

بس اكثر شيء لفت نظرها وأسعدها..

هو صوت ضحكة زوجها..وملامح وجهه المبسووط..

سنين ماشافته يضحك ومرتاح..وكان الهم مخيم عليه..

لاحظت نظراته على هديل وولدها..

وشافت اخوانها وهادي كيف مبسوطين ويضحكون على كل شيء..

أدركت إن الفرح اللي غاب عنهم رجع برجوعها..

كانوا مسلمين بموتها وعايشين حياتهم..

بس من غير وعي منهم كانوا ينتظرونها ترجع..

في وقت ماكانت العائلة مجتمعة بالبيت..

غادة طلعت حديقة البيت تقابل راكان..

قربت منه وهي تحاول تخفي دموعها وتتحكم برجفتها..

رفع راسه لها وشال نظاراته وثبت عيونه عليها..

تأملت عيونه ولا تدري وش بيكون موقفه من الخبر..

أكيد صار عنده خبر من رجوع هديل..

بس هل راح يتقبلون الموضوع أو بيعارضون رجوعها..

لاحظ رجفتها وإرتباكها..

وأدرك وش اللي مخوفها..

ماينكر غضبه وقهره من الخبر..

وكيف تهاوش مع سلمان وهادي وعلي وعلت اصواتهم كل واحد يتهم الثاني..

ماقدروا يكسرون بقلوب شيبانهم ويواجهونهم بكلام قاسي..

لان الزمن طول السنين اللي فاتت ماقصر معهم..

والندم اللي كانوا يشوفونهم فيهم عرفوا السبب فيه..

ما يفسر تصرف ابوه وعمه بالشهامة او العدل..

كيف هانت عليهم..

صح زوجوها له..بس إشهار موتها وغدرهم فيها ما ينغفر لهم..

وحتى لو هددهم إنه مابيرجعها لهم مالهم حق يعلنون موتها..

لو عذروه إنه بلحظات غضب وإنتقام قال اللي قاله..

لا راكان ولا أحد عرف عن طلب غازي الأول..

لما طلب هديل تكون جارية له ورفض الزواج..

الشيبان قرروا يظل الموضوع بينهم وبين هديل..

أجبر نفسه يبتسم لها إبتسامة بسيطة يطمنها فيها..

ما يبي يكسر فرحتها بأختها..

راكان بحنية\مبرووك رجوعها بالسلامة..

شهقت بفرح وضمته بقوووة وبكت بصوت عالي..

غادة بحزن\ماصدقت..إلى ألحين مو مصدقة..

فرحانة فيها بس أبي أفرح أكثر..

أختي حية ياراكان ماماتت..

راكان يبتسم\الحمدلله اللي رجعها بالسلامة..

لاتخلين التفكير أو شيء ثاني يخرب عليك فرحتك برجوعها..

إن شاء الله بعد الليلة ما بتخافون من شيء..

رفعت راسها وناظرت بعيونه..

غادة بإستفهام\ليه وش بيصير الليلة..؟؟

راكان بهدوء\بنشهر خبر رجوعها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛

تنهد بضيق وهو يكتم عصبيته..

امه وشوق ماهم براضين يفهمون عليه..

ام غازي بحدة\ما بأنتظر أكثر..

بأروح لها اليوم أشوفها واشوف ولدك..

غازي\يومه الله يسعدك إنتظري لحتى تهدى الأمور..

وبعدها روحوا لها بكيفكم..

شوق\ليه حن مو غريبين عنها..أهل زوجها..

غازي بسخرية\شوق لاتضحكين على روحك..

ماجعلها غريبة الا أهل زوجها..

أم غازي بقلة صبر\يعني متى اقدر أشوفها..؟؟

إذا مارحت اليوم بأروح بكرهـ..

غازي\اليوم إنسي الموضوع..

انا والجماعة بنروح لهم الليلة..

هلها بيشهرون خبر رجوعها..

وأكيد بنشهر خبر الزواج..

وجماعتنا كلها صار عندهم خبر..

شوق\اممم طيب وش تتوقع ردت فعلهم بتكون..؟؟

غازي بجمود\الغضب شيء أكيد..وبعدها الرضا باللي صار..

هي زوجتي ومعها ولدي..واللي عنده مانع يواجهني..

أم غازي بغضب\لاتلومهم ولا تتحداهم..

إللي سويته أنت ماهو قليل في حقهم وحق بنتهم..

ماتت وتقبلوا العزاء فيها..وأنت مغربها بآخر الدنيا..

تحمل نتيجة قرارك ياغازي..

غازي بهدوء\وهذا اللي بيصير..

باتحمل نتيجة قراري..بس فرار غيري مالي شغل فيه..

أم غازي\غيـــرك..؟؟

غازي\تزوجتها وأخذتها معي..

وشيء طبيعي الزوجة تكون مع زوجها..

بس خبر موتها من كان قرارهـ..؟؟

قرار ابوها وعمها..وهم موتوها..

أم غازي بصدمة\ماهو أنت السبب في اللي صار..؟؟

انت اللي قطعت الرجاء فيهم..وحلفت ماترجعها..

غازي\صح انا قلت ..بس هم ماكانوا مجبورين بكلامي..

لو أشهروا الزواج وقالوا زوجنا بنتنا وراحت بسبيلها..

ام غازي\بتظل قاسي ومستحيل تتغير..

غازي\مابريت نفسي من الذنب..

وبالنسبة لي زوجتي وبعدها الطوفان..مايهمني غيرها..

شوق بحذر\وهي موقفها العكس منك ..

غازي بواقعية\يحق لها..

وقف وطلع من البيت..

مايحتاج منهم يذكرونه بشيء هو مانساهـ ..

يحتاجون منه يأكد لهم رجوعها له..رضا ولا غصيبة..

سمع صرخة باسمه..

رفع راسه وشاف رشا تناديه وتركض له..

مد يدينه لها وضمها بقوة وهو يضحك لها..

رشا\حبيبي..فديتك وحشتـــــني..

غازي يبتسم\ياقلب اخوك..

قبلته على جبينه\والله مبسووطة بشوفتك..

فقدتك كثير يالغالي..

غازي بحنية\ماتفقدين غالي إن شاء الله..

وهذا انا رجعت وبعون الله مانبعد مثل قبل..

وين غازي..؟؟

رشا\مع راجح ألحين بيدخلون..

رفع راسه عنها وشاف راجح ماسك يد غازي وداخلين الحديقة..

تجاهل راجح وركز نظره على غازي ولد أخوهـ ..

أبتسم بشوق لما شافه يركض له ويصرخ باسمه..

نزل بجسمه ضمه بقوة ورفعه لفوق..

غازي بفرح\هلا وغلا بالشيخ..

غازي يضحك\أروح معك...

غازي يعقد حواجبه\ههههههه توك واصل وين تروح معي..؟؟

كيف حالك..؟؟

غازي يتعلق فيه\بخير..بأروح معك..

رشا\ههههههه مالك حل..

غازي\أبشر تروح معي..بس بعدين..

ألحين بأروح عندي عمل وبعدها ارجع لك..

غازي الصغير\قل والله..

غازي بتفكير\امممم طيب ماهو الليلة بكره ان شاء الله اخذك معي..

غازي الصغير\قل والله..

غازي يتنهد\ياليل الجلطة..قلت إن شاء الله..

خذته رشا وهي تضحك على شكل غازي..

رشا\وين رايح أبي أجلس معك..وأعرف اخبارك..

غازي\مشوار وبأتاخر فيه..

إنتي نامي عندنا الليلة واسهر معك..

رشا\اوكى بس بأستئذن راجح اول..

مارد عليها ورفع راسه يناظر براجح اللي واقف بعيد عنهم..

وشكله ينتظرهـ .. طلب منها تدخل عند أمه وشوق..

وهو توجه لراجح..وقف قباله..

راجح\عاش من شافك..

غازي\عاشت ايامك..

راجح بهدوء\برسالتك قلت بكرهـ موعدنا..

وش صار وخلاك تحطه اليوم..

غازي\هلها مجتمعين الليلة..

وأبو نايف قال إذا اقبلنا عليهم الليلة يكون أحسن بما أنهم مجتمعين..

راجح بتاييد\رأي طيب..تمشي معي بسيارتي ولا..؟؟

غازي\مابعد نسيت شوارع الرياض..

راجح\عشرة عمر كيف تنساها..

غازي ببرود\والعشرة ماتهون الا على الخاين..

راجح يرفع حاجب\مابه مشكلة أكون بنظرك خاين..

على الأقل أنا خنتك ماخنت نفسي مثلك..

غازي\كل شيء بحسابه ياراجح..

صد عنه راجح\عمـــك راجح ..