رواية انا شاعرك العام والقصيد عيونك الفصل الرابع 4 بقلم الكاتبه امال
رواية انا شاعرك العام والقصيد عيونك الفصل الرابع 4 هى رواية من اجمل الروايات الرومانسية السعودية رواية انا شاعرك العام والقصيد عيونك الفصل الرابع 4 صدر لاول مرة على موقع التواصل الاجتماعى فيسبوك رواية انا شاعرك العام والقصيد عيونك الفصل الرابع 4 حقق تفاعل كبير على الفيسبوك لذلك سنعرض لكم رواية انا شاعرك العام والقصيد عيونك الفصل الرابع 4
رواية انا شاعرك العام والقصيد عيونك الفصل الرابع 4
عبدالرحمن : اخلصي علميني قبل سعود يجي ينام فيهم ،
امال بصدمه : سعود معاكم؟
عبدالرحمن : اي جنبي بينام معي ويسالني اي واحد لك ،
امال : كذاب لو جنبك كان عرف اي واحد لي هو يعرف لوني المفضل ابيض ' عبدالرحمن ضحك وناظر لفهد الي ترك اللحاف والمخدات ومشى وقام وهو يسحب المخده الي لونها ابيض وحط راسه وهو يصور : تصبحين على خير ،
امال انصدمت وناظرت لرسالتها وانها جابت العيد وعلمته انقهرت وهمست : ياربييي من وين جايبه كل هالغباء انااا!
عبدالرحمن انسدح ع جنب وسحب اللحاف الي كان مع المخده وتلحف : اوففف بس اشتقت لنومة الارض ،
دخل فهد وناظر : محتاجين شي بعد؟
عبدالرحمن عز رايه بالنفي وقام جلس وهو يعطس بقوه وناظر : حتى المخده ما سلمت من عطرها وصد وهو يلتفت يمين يسار وناظر لمخدات الكنب سحب منهم ونام ،
'
ام نجلاء : يلا يابنتي انا رايحه انام تعالي نامي بغرفتي ،
امال : والله تكشخت عشان نجلاء بس حيوانه ماترد!
ام نجلاء : خليها توها راحت من هنا خليها ترتاح ،
امال : بروح اسوي لي شاهي واطلع اشم هواء ،
ام نجلاء وقفتها : الا بسالك اليوم شفت في المطبخ علبة كليجه مين جابه سالت من ابوكِ قال مو هُم ،
امال بتوتر : اييي شفت حساب وحده تبيع ورسلت السواق يجيب منها ،
ام نجلاء ابتسمت : عاد ابوكِ يحبه اطلبي منهم مره ثانيه ،
امال : لا لا قفلت حسابها اخر طلب اخذته انا واعتزلت هي،
ام نجلاء استغربت وهي فيها نوم ماودها تتناقش اكثر وتنهدت ومشت متوجه لغرفتها تنام ترتاح شوي ،
'
غلا كانت تناظر من الشباك تنتظر يطلع عمر يجي ياخذ بيلا لكن للاسف ما طلع ولا رجع اتصل بعد ما قفلت الخط بوجهه تنهدت ونزلت للصاله وهي تشوف محسن نايم بالصاله والتلفزيون شغال مشت عنده : محسننن ،
محسن فز من نومه : هلا شصاير؟
غلا : مو صاير شي قم نام بغرفتك ،
محسن هز راسه بـ اي وقام توجه لغرفته بينام ،
غلا جبست بمكانه وهي تناظر للتلفزيون ،
'
عمر كان جالس بغرفته ويعض اظافره بقهر وياكلهم وتنهد ومشى فتح الباب طلع متوجه للحمام " يكرم القارىء " غسل وجهه وناظر لامه كانت جالسه على السجاده وسرحانه عقا حواجبه ومشى لعندها : يمه شفيكِ ؟
ام صقر بهدوء : مافيني شي ياولدي بس خايفه على اخوك صقر ما يرد ولا يتصل مدري شصار فيه ،
عمر : اكيد انشغل مع زوجته وعمليتها ان شاء الله يرد ،
ام صقر بهدوء : ان شاء الله الله يسمع منك ،
عمر : وينه سلطان ؟
ام صقر : راح ينام وبعد صقر وعبدالرحمن وجدك البيت ماعاد له طعم وابوك كله همه دوامه ما يجلس في البيت حتى واذا جاء علطول ينام ،
عمر قام بيتكلم لكن وقف من سمع صوت الجرس استغرب ومشى نزل طلع فتح الباب وهو يشوف عمير واقف ،
عمير ابتسم : جيت اسالكم هالمره عندكم كهرباء؟
عمر ناظر فيه بحده : وش مفكر نفسك انت!
عمير باستغراب : ليه وش مسوي انا؟
عمر قرب مسكه من ياقته : ليهه علمتهاااا بكلامييي!!!
عمير دفه وهو يعدل ثوبه : انت الي قايل لي وعلمتها حقيقتك ونيتك الشين يالخروف ،
عمر تنفس بقهر و دخل البيت وقفل الباب بوجهه ،
عمير ضحك بسخريه و صد توجه لبيته ،
'
نجلاء اخذت لها شاور وطلعت وهي تنشف شعرها دخلت الغرفه وهي تحس ببرود الغرفه ومشت تطفي المكيف ،
مشعل كان نايم ولا حاس بشيء ،
نجلاء مشت شغلت الضوء ووقفت عندك التسريحه تنشف شعرها بعد دقايق خلصت وبدات تحط مكياج خفيف اخذت البلاشر تحط لكن ما انتبهت وطاحت من يدها ،
مشعل فز من الصوت وقام جلس وناظر : شصايررر؟؟؟
نجلاء التفتت له : مو صاير شي نام انت ،
مشعل عقد حواجبه : ليه متروشه الحين وليه صحيتي؟
نجلاء ناظرت فيه : صحيت اصلي مابقى شي ياذن الفجر ،
مشعل اخذ جواله يناظر وانصدم انه نام كل هالوقت من العشاء لين الفجر رمى عنه اللحاف وناظر : طلعي لي ملابس، ومشى سحب المنشفه وتوجه ياخذ له شاور ،
نجلاء تركت البلاشر من يدها وتوجهت فتحت الدولاب تطلع له ملابس عقدت حواجبها وهي تشوف ملابسه قليل وهمست : غريبه الشغاله ما تغسل ملابسه! وطلعت له فنيله وسروال وحطتهم على السرير وعدلت شعرها ومشت فتحت الباب وناظرت ريما كانت جالسه تاكل ومشت عندها ،
ريما ناظرت فيها : تعالي كلي ؟
نجلاء هزت راسها بالنفي : لا بالعافيه جيت اسال وين الشغاله ما تغسل ملابس اخوكِ كل ملابسه وسخ؟
فجاه دخلت ام مشعل وسمعت كلامها : وهو ليه متزوج منك؟
نجلاء انصدمت من صوتها والتفتت ناظرت فيها بصدمه ،
ام مشعل : من عادات هالبيت انها الزوجه تخدم زوجها فطوره و اكله و غداه وملابسه وغسيله كل شيء عليكِ انتي!
نجلاء ضحكت بصدمه : ليه خدامه عند ولدك انا؟
ام مشعل بحدها : اذا هذا كلامك ف الشرع حلل اربعه لا تنسين وصدت عنها ومشت متوجه لغرفتها ،
ريما ناظرت لنجلاء الي كانت مصدومه وواقفه ،
ريما : ماعليكِ من كلام امي انا اغسل ملابسه عادي ،
نجلاء صدت ومشت للمطبخ تسوي اكل لنفسها وناظرت للشغاله كانت واقفه وهمست : غسلي ملابس بابا مشعل ،
الشغاله : لا مفي غسل هادي ماما عصب كلام مافي غسل وسوي شي حق بابا مشعل وصدت طلعت من المطبخ ،
نجلاء انقهرت ومشت فتحت الثلاجه تسحب بيض ،
'
عمر كان جالس ومعه جواله يتصل على غلا يبي يفهمها الموضوع لكن ما ردت طلع لبرا وقف عند باب البيت وهو يناظر لبيتها و رفع راسه لشباك بيتهم وهو يشوف الانوار مشغل والواضح انها صاحيه لكن ما ترد و رجع يتصل ،
غلا كانت تناظر لاتصالاته وما ودها ترد وتتناقش معه اكثر تنهدت وهي تشوف كل دقيقه يتصل و ردت : شتبي!
عمر بهدوء : اسف صح الي سويته غلط ومعرف ليه سويت كذا والله اني ندمت ع الي سويته سامحيني شوهت سمعتك ،
غلا سكتت من نبرة صوته وضميرها تانبها انها صارخت عليه وهمست : حصل خير بس ياليت ما تكرر غلطتك ،
عمر : ان شاء الله يلا تبين شي؟
غلا بهدوء : سلامتك واسفه اذا ضايقتك بكلامي ،
عمر : لا بالعكس من حقك وانا الغبي الي تصرفت بدون تفكير ولو تبين الصدق فانا تصرفي كان بسبب اني ما رضيت وانا اشوفه يكلمك ويسولف معك لا تسالين ليه بس ما رضيت ،
غلا عقدت حواجبها من كلامه : هو زيه زيك يا عمر انت وهو غريبين معرفكم ولا بيننا شيء ،
عمر بهدوء : تمام اذا تشوفين الموضوع كذا براحتك ،
غلا : ليه انت كيف تشوفه؟
عمر : ابد ولاشي خلاص براحتك ،
غلا سكتت بهدوء عمر قفل الخط وحط جواله بجيبه وهو مقهور ، غلا مشت عند الشباك فتحت الشباك وهي تناظر لبيتهم سكتت وهي تشوفه واقف بهدوء يناظر بالارض وواضح عليه انه مقهور او متضايق ،
عمر ناظر للقطوه الي ركضت عند رجوله ويدور حوله ،
ابتسم وجلس على ركبته يمسح عليها.
القطوه انسدحت وهي ساكته تناظر فيه ،
عمر كان مشتاق لبيلا لكن ما وده يطلب بيلا منها ،
فز وهو يسمع صوتها : اشتقت لها؟
رفع نظره وهو يشوف غلا واقفه وبيدها بيلا : انتي!
غلا : كنت اشوفك وشفتك كيف انبسطت لما جاك هالقطوه والواضح انك مشتاق لـ بيلا؟
عمر هز راسه بالنفي : لا خليها عندك انا مشغول هالايام بالجامعه وباذن الله اتخرج واخذها منك ،
غلا ناظرت فيه : بس بيلا الواضح تعودت واخاف ماعاد تجيك؟
عمر ابتسم بخفه : عادي انا اخلص الجامعه وباذن الله يقبلوني واصير عسكري وانشغل بحياتي ومستقبلي ،
غلا : بالكويت؟
عمر فز وناظر وتذكر انه كذب : اي اي اسافر الكويت ،
غلا بهدوء : حلو بالتوفيق يارب وناظرت فيه ومشت لبيتها ،
عمر تنفس براحه انه ما انكشف ،
'
صقر كان منسدح على الكنب ويناظر لملاذ الي كانت نايمه وهذي حالتها صارت تصدع اذا فتحت عيونها ما تقدر تتحمل و مو فاهمه نفسها ولا تستوعب شي بس ترجع تنام ولا ودها تصحى تنهد صقر وهو يشوف الدكتور متوجه لعنده ،
وقام وقف : تفضل ،
الدكتور ناظر فيه : اظن انك خايف جيت اطمنك هي بخير ماعليها لا خوف ولا شي وباذن الله تتعود بس تفتح عيونها لكن الواضح هي خايفه وتخاف تفتح عيونها وتشوف شي لانها مو متعوده طول حياتها تشوف الظلام لاول مره تفتح عيونها تشوف شي غريب بنظرها الاضواء والناس وما تعطي فرصه لنفسها علطول ترجع تغمض بخوف لكن خلك معها هالايام وحاول معها حنا ما ودنا نضغط عليها ونخليها تعاني من هالشيء انت زوجها وبرايي الافضل تكون معها وتتفاهم معها وتخليها تفتح وتتعود شوي هي طبيعي بهالحاله تصدع من النور وتتالم بس مع الايام اذا تعودت ف كل شي بيكون تمام،
صقر تنهد وهز راسه : ان شاء الله والله هالدنيا ماكان سايعتني لما سمعت منك انها راح تشوف لكن بلحظه كل شي تقفل بوجهي من شفتها بذي الحاله وبس تنام ولا ودها تصحى وتفتح عيونها وتشوف المنظر هي خوافه يا دكتور ماهي قويه من عرفتها وهي كذا والسبب برايي اهلها خلوها تتعود على كذا ودايم هُم حولها ف هي صارت ضعيفه وكل وقتها تبيني حولها زي ما انت شايف والله اني حتى البيت ماني قادر اروح،
الدكتور التفت وناظر لملاذ : صح كلامك السبب اهلها هم غلطوا غلطه كبيره بدون ما يحسون على نفسهم وما فكروا انها راح تعاني بالمستقبل جدًا غلط خلوها تتعود تكون بحاجة احد حولها والله يا صقر انا دكتور و مر علي كثيرر حالات كذا وبالعكس كانوا ما شاء الله ياكلون ويعرفون لنفسهم ويمشون بدون مساعدة احد على حسهم لكن اتوقع حالة زوجتك اول مره تمر علي وفعلًا في كثير نفسها لكن خوفها وحاجتها لاحد ما مر علي بس نقول ان شاء الله تتحسن باذن الله وتقدر تعتمد على نفسها بس بقولك شي يا صقر انتبه تغلط هالغلطه وتكون وراها طول الوقت وتخليها تعتمد عليك وما تسوي شي بنفسها وكل وقتها تحتاجك انا ما اقول ابعد عنها لا خلك قريب منها بس نصيحتي اتركها تتعلم وتعيش مع نفسها خلها لوحدها في البيت واطلع واذا بغت شي خلها تروح بنفسها تجيبها وتسوي كل شي بنفسها وتعتمد على نفسها ،
صقر : برايك اتركها الحين وامشي؟
الدكتور بتفكير : الحين لا حالتها صعبه ف اخاف انها تتفاعل اكثر وتاذي نفسها وما تشوفك جنبها ف الحين خلك بس لما تتحسن حاول تبعد عنها وما تخليها تتعلق فيك انا فاهم شعورك يا استاذ صقر انها زوجتك وانت تخاف عليها وتحبها هالامر طبيعي لكن لمصلحتها ومصلحتك لا تخليها تتعود عليك بكل امورها يعني هنا بالمستشفى حتى لدورة المياه تكون بحاجة عامله ف باذن الله تتحسن وما تكون بحاجة احد،
صقر تنهد وهز راسه بـ اي وقرب وهو يحضن الدكتور وابتسم وهمس : شكراً انك تساعدني وتوقف معي وتنصحني ،
الدكتور : العفو وهذا واجبي يا صقر وانت تستاهل كل خير،
'
نجلاء سوت البيض وخلصت وتركت المواعين وقامت بتطلع فجاه دخلت ام مشعل وناظرت فيها : غسلي مواعينك.
نجلاء بصدمه : انا في بيت ابوي ما غسلت عشان اغسل هنا!
ام نجلاء : انتي هنا ببيتي انا مو بيت ابوكِ!
نجلاء بسخريه : انا ببيت زوجي مو ببيتك ،
ام نجلاء : لا تطولين لسانك وغسلي واطلعي ،
نجلاء بعناد : ماراح اغسل ولا راح المس حتى.
مشعل كان بغرفته لبس ثوبه وعدل شعره واستغرب وهو يشوف نجلاء من وقت طويل مو موجوده قام طلع من الغرفه استغرب وهو يسمع صوت نجلاء وامه من المطبخ ومشى دخل وهو يشوف ام مشعل يصارخ : قلتلكك غسلييي!
نجلاء : ماراحح اغسلل ليه جايبه الخدامه اذا ما تشتغل!
مشعل بصدمه : شصاير ليه تصارخون؟
نجلاء ناظرت لمشعل والدموع بعيونها عمرها ما تعودت تشتغل في بيت ابوها والحين هنا عمتها تغصبها تشتغل،
ام مشعل : كلم زوجتك تغسلل مواعينها الي وسختهم ،
مشعل بصدمه : وليه هي تغسل وينها الشغاله؟
ام مشعل بكذب : ماهي موجوده راحت بيتها طردتها انا ،
مشعل : خلاص نجيب غيرها بس زوجتي ليه تغسل وينها ريما تجي تغسل طول وقتها على المسلسلات ،
ام مشعل بحدها : تخلي اختك تغسل و زوجتك تجلس!!
مشعل : يمه لا تطولين الموضوع وهي قصيره و زوجتي توها عروسه مستحيل اخليها تشتغل !
ام مشعل بسخريه : بتكملون شهر وتقول انها عروسه!
نجلاء كانت ساكته وراقفه ورا ظهر مشعل ،
مشعل بصراخ : ريماااا ،
ام مشعل بعصبيه : ريما ماراح تغسلل زوجتك الي تغسل!
نجلاء رفعت نظره لمشعل الي كان معصب ومصدوم من امه وهمس : طيب راح تغسل هي انتي روحي وخليها ،
ام مشعل صدت وطلعت من المطبخ للصاله وناظرت لريما الي كانت رايحه للمطبخ ومسكتها : ارجعيي لغرفتكك!
ريما : بس مشعل قاعد يناديني!
ام مشعل بحدها : قلتلكك ارجعيي لغرفتك!
ريما سكتت بخوف ومشن لغرفتها باستغراب من امها ،
مشعل التفت لنجلاء الي كانت واقفه وراها والدموع بعيونها وناظر فيها : تبكين منجدك!
نجلاء صدت : ليه تكرهني لهدرجه شسويت لها انا!
مشعل تنهد وقرب منها مسك يدها : ما سويتي شي بس معرف امي شفيها اتوقع انها معصبه من شي وجت تطلع حرتها فيك ما لقت احد وانا اتفاهم معها بنفسي ،
نجلاء رفعت نظرها له : انا ماراح اغسل ،
مشعل ابتسم : ماراح تغسلين انتي اجلسي هنا وكلي ،
نجلاء صدت : انسد نفسي ما ابي اكل شيء ،
مشعل ترك يدها وهو يرفع كُم ثوبه : انا اغسل عنك ،
نجلاء ابتسمت من بين دموعها : انت تغسل!!
مشعل عقد حواجبه : طايح من عينك؟
نجلاء هزت راسها بالنفي وهي تناظر فيه ،
مشعل سحب الكرسي وناظر فيها : اجلسي وكلي!
نجلاء : وانت ماراح تاكل؟
مشعل : لا سعود برا ينتظرني اروح معه وناكل مع بعض ،
نجلاء سكتت وجلست تاكل وتناظر فيه ،
مشعل مشى وقف عند المغسله وهو يسحب الفيري ويغسل المواعين نجلاء كانت تضحك على شكلها ،
مشعل التفت لها : اشوف عاجبك الموضوع؟
نجلاء ابتسمت وهي تقوم : اساعدك طيب؟
مشعل هز راسه بالنفي : لا كملي اكلك انا في البر مع عم سالم اغسل واعرف لا تخافين ،
نجلاء جلست وهمست : ليه عمتي صارت كذا؟
مشعل بتغير موضوع : الا صح اعرف اغير حفاضه للاطفال بعد يعني انتي محظوظه فيني ،
نجلاء رفعت راسها تناظر وهي تشوفه يغير الموضوع ،
'
اذن الفجر وقام فهد والجد سُليمان وعبدالرحمن كان نايم،
الجد سُليمان بصراخ : عبدالرحمن قم تاخرنا عن الصلاة،
عبدالرحمن قام بانزعاج اخذ جواله يشوف الساعه وحك راسه وهو يقوم يجلس ويحس بالم بظهره بسبب نومة الارض مو متعود ينام على الارض ،
فهد : يلا يا يبه حنا رايحين المسجد الحقنا ،
الجد سُليمان طلع و فهد طلع وراه متوجهين للمسجد ،
عبدالرحمن ناظر لثوبه الي كان على الكنب و سحبه و لبس ثوبه و توجه للحمام " يكرم القارىء "
'
امال كانت نايمه بغرفة امها ام نجلاء صحت قبلها وصلت وتوجهت للمطبخ تجهز الفطور كلمها فهد تجهز على بال ما يرجعون من المسجد ودخلت ناظرت لامال : قومي صلي،
امال التفتت لها : خلصت الصلاه؟
ام نجلاء : لا باقي بس قومي لا تتاخرين وتعالي المطبخ ساعديني وسوي شاهي من يدك ابوكِ يحب الشاهي حقك،
امال ابتسمت وقامت جلست رفعت شعرها لفوق ونزلت من السرير توجهت تتوضى وتصلي ،
ام نجلاء مشت المطبخ ناظرت للشغاله كانت تطلع الصحون مشت فتحت الثلاجه وهي تطلع الجبنه والزيتون ،
امال دخلت المطبخ : وش الفطور؟
ام نجلاء : ابوكِ راح بجيب تميس ياكلون مع جبنه وقال سوو شاهي يفطرون ويمشون اتوقع ،
'
سلطان قام وتجهز و لبس ثوبه وطلع من الغرفه وهو يشوف امه ومارلينا يجهزون الفطور ابتسم ومشى جلس يفطر ،
طلع عمر من غرفته ومشى جلس معاهم يفطرون ،
سلطان ناظر لامه : يمه دعواتك اكسب هالقضيه ،
ام صقر رفعت يدينها وهي تدعي : يارب ياولدي ان شاء الله،
عمر : واذا كسب القضيه وش تعشينا؟
سلطان : الي ودك ماراح اقول لا بس دعواتكم ،
مارلينا ناظرت فيه : سولتان انا ما ايبغى زوج حق انا كيف في طلاق من زوج انتا صير محامي حق انا؟
سلطان تنهد وهو يقوم وينفض يدينه : لو اصير محامي لك ف اوقف مع زوجك والله وصد طلع وهو يضحك ،
↚
مارلينا ناظرت فيه : سولتان انا ما ايبغى زوج حق انا كيف في طلاق من زوج انتا صير محامي حق انا؟
سلطان تنهد وهو يقوم وينفض يدينه : لو اصير محامي لك ف اوقف مع زوجك والله وصد طلع وهو يضحك ،
عمر كان ساكت بهدوء وياكل بصمت ولا يسولف كالعاده ،
ام صقر بخوف : عمر صاير معك شي؟
عمر هز راسه بالنفي : ولاشي ،
ام صقر استغربت انه ساكت وماله خلق يتكلم حتى ،
'
مشعل خلص من المواعين والتفت لنجلاء الي كانت ساكته وسرحانه وهمس : شفيكِ؟
نجلاء ناظرت فيه : مافيني شي بتروح انت؟
مشعل : اي سعود ينتظرني بمشي انتبهي ع نفسك ،
نجلاء هزت راسها بـ اي وهي تشوفه طالع من المطبخ ،
مشعل ناظر لجواله الي ما وقف اتصالات من سعود وطلع بسرعه لبرا وناظر لسيارته كان واقف ومشى ركب ،
سعود : ياخذ عمرك وينك كم لي اتصل؟
مشعل تنهد : والله انشغلت وانت شفيك بتموت علينا ،
سعود : خالك فهد قاعد يتصل كل دقيقه يقول افطرو عندي،
مشعل عقد حواجبه : هُم للحين عندهم؟
سعود : اي امس اتصلت عليك ما جيت كنا في المزرعه،
مشعل تذكر ليلة امس وابتسم وصد : كنت مشغول ،
'
نجلاء توجهت لغرفتها وقفلت الباب ومشت وهي تفتح الدولاب وتطلع لها فستان خفيف وبدلت ومشت وهي تعدل شعرها وجلست على السرير تتصل على امال بس استغربت انها ما ترد تركت جوالها وهي تحس بطفش وانسدحت تحاول تنام ابتسمت وهي تتذكر ملاذ اخذت جوالها تشوف صورتها وصورهم مع بعض كلهم وصورة جدها تجمعت الدموع بعيونها وهي تناظر وتحس انها اشتاقت لذيك الايام ،
'
عبدالرحمن والجد سُليمان رجعوا من المسجد وفهد معاهم ودخلوا المجلس بهاللحظه دخلو مشعل وسعود ،
مشعل : السلام عليكم ودخلوا وهم يسلمون ويحضنون ،
عبدالرحمن : ياهلا شالاخبار؟
مشعل : والله تمام وين اخوانك ما جاو؟
عبدالرحمن : لا والله ما جاو بس انا وجدي جينا ،
سعود مشى وهو يجلس مشعل جلس جنبه وعبدالرحمن قبالهم جلس وفهد قام مشى يشوف جهزو الاكل ولا لا ،
مشعل : هاه يا جدي كيفك ؟
الجد سُليمان ابتسم بخفه : بخير ياولدي الحمدلله ؛
سعود التفت لعبدالرحمن : امس سحبت عليك ،
عبدالرحمن بضحكه : ابشرك من بعده رجعنا ننام ،
مشعل : وبكل عين اتصل يخرب نومي ،
'
امال سوت الشاهي وخلصت وهي تشوف ابوها واقف ،
ام نجلاء مدت له الصحون فهد حطهم بالصينيه واخذهم ،
امال حطت ترمس الشاهي والاكواب بالصينيه ،
ام نجلاء : انتي وش بتاكلين يا بنتي؟
امال ناظرت فيها : اخاف اقولك و تخاصميني ،
ام نجلاء تنهدت : عرفت وش تبين وصدت طلعت ،
امال ابتسمت وناظرت للشغاله : كلمي السواق يجيب لي من ماك او اي مكان ، الشغاله هزت راسها بـ اي ومشت تكلمه،
'
العيال غسلوا يدينهم وتجمعوا يفطرون الجد سُليمان وفهد جلسوا و سمو بالله ياكلون ،
سعود ابتسم : والله اشتقت لهالاجواء شاهي والتميس ،
عبدالرحمن مد كوبه لمشعل الي كان يصب للكل ،
فهد ناظر للجد وهو يمده له الكوب : من يدين بنتي ،
الجد سُليمان ابتسم وهو ياخذ : الله يخليها لك يارب ،
فهد ابتسم : ما احب الشاهي الا من يدينها ،
عبدالرحمن رفع نظره وهو عرف مين الي يقصدها فهد واخذ وهو يشرب وكمل ياكل ،
مشعل : هاه يا عمي رحتوا المزرعه بدوني وناظر لنظرات فهد وهمس اقصد خالي يخي كله بسبب دحوم وسعود من مثر ما يقولون لك عمي صرت زيهم نسيت انك خالي ،
الكل ضحكوا وناظرو لفهد الي كان يضحك على مشعل ،
'
سلطان تنهد وقف سيارته عند المحكمه ونزل وسُلاف نزلت معه وناظر فيها كانت ماسكه عساف : لا تخافين راح نكسب هالقضيه باذن الله عندي امل ، ودخلوا لداخل ينتظرون ،
سلطان كان واقف وناظر للشخص الي دخل وسلم الادله للقاضي سلطان همس : هذي الادله تثبت التعنيف لها ،
القاضي فتح الاوراق وهو يقرا ويناظر وانصدم و رفع راسه لسلطان ، سلطان كان مستغرب من نظراته ،
القاضي : هذا الاثبات؟
سلطان عقد حواجبه وهو يمشي يناظر بالاوراق وانصدم وهو يشوف وناظر لسُلاف بصدمه ،
صالح وناصر كانوا جالسين يناظرون لوجه سلطان الي تغير،
القاضي : مافي ادله كافيه على اتهامك والاوراق تثبت هالشيء ، سلطان كان ساكت وناظر لناصر وصالح بنظرات حقد وهو شاك انه احد منهم سوا شيء ،
'
ام نجلاء مشت دخلت غرفتها وهي تشوف امال جالسه وابتسمت : الواضح مانتي ناويه ترجعين لغرفتك ،
امال : ميته برد وبابا اخذ كل شيء لهم ،
ام نجلاء : بس الشيء الحلو راح يشتري كل شي جديد ،
امال اخذت جوالها وهي تناظر : غريبه نجلاء اتصلت؟
ام نجلاء عقدت حواجبها ومشت اخذت جوالها وهي تشوف حتى اتصلت عليها واستغربت وهي ترجع تتصل عليها ،
نجلاء كانت نايمه بغرفتها وجوالها مقفل ،
ام نجلاء : جوالها مقفل غريب ليه اتصلت؟
امال : لا تخافين اكيد تكون فاضيه وقعدت تتصل علينا ،
'
مشعل باستغراب : وين رايحين ؟
فهد : ابو سعود وابوك جاو ينتظرونا برا بنمشي للمزرعه ،
سعود : يوه يالمشوار بعيد ما بمشي انا ،
مشعل : والله حتى انا ما بمشي ،
عبدالرحمن ابتسم : اجل شكلي حتنا ماراح رايح ،
فهد : خلكم هنا اجل ماشين احنا وطلعوا لبرا ،
الجد سُليمان ضحك ومشى طلع لحق فهد ،
سعود انسدح على الكنب : تصدقون ما نمت زين ،
مشعل : الحين ايش نسوي حنا نقابل وجيه بعض؟
عبدالرحمن : والله الظاهر كذا ،
سعود : خلونا نلعب بالله مشعل روح لسيارتي جيب الـ أونو نكسر راس عبدالرحمن ،
عبدالرحمن بضحكه : بنشوف اجل مين يكسر راس الثاني ،
مشعل سحب المفاتيح ومشى يجيب = اوراق الأونو ابحثو بالقوقل تعرفون اللعبه = وطلع متوجه لسيارة سعود ،
عبدالرحمن اخذ جواله وهو يشوفها راسله " سويت الشاهي"
ابتسم وكتب " كان متغير مو زي امس "
امال كانت جالسه وناظرت لرسالته : ليه ماكان حلو؟
عبدالرحمن : الا بس امس كان احلى ،
امال ناظرت لرسالته وسكتت و رجعت كتبت " سعود معك؟
عبدالرحمن رفع نظره لسعود الي كان منسدح ويناظر بالسقف ، وكتب لها " لا مو معي شتبين فيه؟
امال باستغراب : غريب توقعته معاكم كل يوم يفطر عندنا ،
عبدالرحمن : امزح معك موجود قدامي تبين اصوره لك؟
امال بصدمه : لا بسم الله بس كذا سالت عنه ،
عبدالرحمن لاحظ لسعود كان حاط راسه على مخدة امال الابيض و صوره وهو يرسل صورته " على مخدتك بعد '
امال دخلت وهي تشوف صورته انصدمت وهي تشوفه متغير كثير اخر مره شافته قبل يسافر كان صغير سكتت وهي تشوفه وصورت الشاشه دخلت رسلته لنجلاء : تتوقعين مين؟
و رجعت دخلت تشوف صورته كان منسدح ويناظر بالسقف وشنبه و دقنه الي مغير ملامحه كثير ونحيف عكس لما كان صغير سكتت وهي تقرا الاشعار ' اخذ عقلك؟
فزت و ردت : لا بسم الله بس مستغربه كيف تغير ،
عبدالرحمن : اول مره تشوفينه؟
امال : اي اخر مره شفته زماننن ومصدومه كيف تغير ،
عبدالرحمن : تبين ارجع اصوره لك يمكن اجمع بين راسين ،
امال بتغير موضوع : ابوي وينه عنكم ؟
عبدالرحمن : مشى مع ابو سعود للمزرعه ،
امال باستغراب : وتركتكم لوحدكم بالمجلس؟
عبدالرحمن كان بيرد لكن ترك جواله وهو يشوف سعود ومشعل الي جلسوا جنبه ويطلعون الاونو يلعبون ،
'
سلطان وقف سيارته عند بيت مصعب ومشى وهو يدق الباب
لكن تنهد بضيق وهو يشوف سيارته مو موجود اخذ جواله يتصل على متعب : وينكك يا متعب!
متعب باستغراب : في البيت ليه شصاير؟
سلطان : جيت عند مصعب ماهو موجود جايك انا ،
وقفل الخط ومشى ركب سيارته متوجه لبيت متعب بعد دقايق وصل ونزل وهو يشوف متعب واقف ،
متعب انصدم من ملامحه : شصاير معك؟
سلطان بقهر : رجعتت خسرت هالقضيهه يا متعبببب ،
متعب بصدمه : تستهبللل يا سلطان!!
سلطان بقهر : ابن الكلب ماراحح اتركهه قلب ضديي كل شييي و زور الاوراق الاوراق الي طاح بيد القاضييي كان مزوررر ،
متعب انصدم وناظر فيه : كيف قدر يسوي كذا!
سلطان بحده : انااا سلطاننن يا متعب انا سلطان بن يوسف انا الي ينلعب ضدييي واخسر اكثر من قضيهه!!!
متعب : وين عقلك انت ليه ما شفت الاوراق قبله يطيح بيده!
سلطان ضرب الجدار برجله بقهر ومد يده يرجع شعره لورا ،
متعب وقف قدامه : اهدا الحين وفكر وش تسوي؟
سلطان : ما اتركه هالمره ماراح اركض ورا القضيه راح انتقم منه بطريقتي ماراح اخليهه ابننن الكلب ،
متعب : طليقها وابوها الاثنين ضدها صح؟
سلطان انصدم وهو يتذكر الشخص الي شافه بالفندق عند باب الغرفه وانصدم وهو يتذكر انه نفسه طليقها ناصر! و همس : هو نفسه يا متعب هو ال..سكت و ركض ركب سيارته متوجه للفندق ، متعب انصدم منه وهو مو فاهم شي ،
'
مشعل رمى وناظر : احمر معك!
سعود ناظر للي بيده : اسحبببب يا عبدالرحمن ،
عبدالرحمن تنهد وهو يسحب : كم معك ؟
سعود رمى لون اصفر : معك يا مشعل؟
مشعل رمى : اي معي هاه يا عبدالرحمن تسحب شكلك ،
عبدالرحمن انقهر وهو يرجع يسحب : والله مابوه فايده ،
مشعل بضحكه : طلع العرق طلع من القهر ،
سعود رمى لون ازرق : اويلاوووو ارجع اسحب ،
عبدالرحمن عقد حواجبه: يليل هذا ما نقول اويلاو ،
مشعل : بوه فايده ولا مابوه و رمى لون ازرق ،
عبدالرحمن : ترا احسكم متفقين ما معي الا لون احمر ،
سعود : اقول اسحب بس ،
عبدالرحمن رجع سحب وضحك : هيااا القمم لون ازرق ،
سعود ناظر للي بيده و سحب : ما معي عطيتني عين شكلك ،
عبدالرحمن : اولاه تكفى يا مشعل بدون اصفر ،
سعود : والله القصيمي شد حيله يا مشعل ،
مشعل : يخي لا تمد الحروف ،
عبدالرحمن : ترا نتكلم زيكم العب وانت ساكت ،
سعود : عطننن ،
عبدالرحمن : اذا تطقطقون ما العب معاكم ،
مشعل بضحكه : اويلاووو القمووو وحط لون احمر ،
عبدالرحمن تنهد بقهر من طقطقتهم ،
'
صقر كان جالس والملعقه بيده ومده لملاذ : كلي بنفسك ،
ملاذ مسكت الملعقه وانصدمت انه قال كذا وقعدت ساكته،
صقر بحده : افتحيي عيونك مافيكِ شي وكلي ،
ملاذ كانت جالسه وساكته ومنصدمه من اسلوبه ،
صقر تنهد وهو يقرب يسحب الملعقه من يدها وياكلها ،
ملاذ كانت مغمضه عيونها وقربت تاكل ،
صقر : ماني فاضي اقضي كل عمري معك بالمستشفى تحسنتي و حاولي تفتحين عيونك بدون هالخوف وما بيصير لك شي وش فايدة العمليه والتعب اذا تصرفاتك كذا!
ملاذ تجمدت بمكانها من كلامه وهي تحس انه مو صقر الي قاعد يتكلم سكتت وهي تفكر ليه ما يحس بلي احس فيه لو الموضوع سهل كان سويت الي علي ليه ما يحس بالم الي احس فيه ! صقر قرب الملعقه من فمها ملاذ صدت بقهر ،
صقر تنهد وهو يشيل الاكل من قدامها ،
ملاذ نزلت راسها وهي مو قادره تفتح عيونها ولو شوي ،
صقر تنهد بضيق من حالتها ومشى جلس جنبها : ملاذ؟
ملاذ صدت صقر عرف انها زعلت و واضح من تصرفاتها ،
سكت وهو يناظر فيها : ليه تتعبيني معك؟
'
سُلاف كانت جالسه بالفندق وعساف نايم بحضنها تجمعت الدموع بعيونها وهي خايفه فزت من سمعت صوت الباب،
توقعت انه سلطان لبست عبايتها رمشت فتحت الباب تجمدت وهي تشوف ناصر واقف هزت راسها بالنفي وهي ترجع لوراء ناصر دخل وترك الباب وناظر : هاه وينه المحامي حقك قدر يسوي شي!! تتوقعين يقدر علينااا!!!!
سُلاف كانت ساكته والدموع بعيونها ،
ناصر قرب وهو يسحب الطرحه الي على وجهها و رماها ع ارض : تقولين ما بترجعين لي ! طلقتك مره ما طلقتك ثلاث!
بهاللحظه طلع سلطان من المصعد متوجه عند سُلاف لكن انصدم وهو يشوف الباب مفتوح و ركض وقف وهو يشوف سُلاف واقفه وشعرها مفتوح ودموعها تنزل وناصر قدامها،
تجمد بمكانه وهو يشوفها بذي الحاله ودخل لداخل ،
سُلاف طالعت وهي تشوف سلطان الي دخل ومصدوم ، مدت يدها سحبت طرحتها ودموعها تنزل ،
ناصر التفت بصدمه ع صوت سلطان وناظر ،
سلطان بحده : شتسويبي هنااا!!!!
ناصر بسخريه : جاي اخذ زوجتي انت الي شتبي ؟
سلطان ناظر لسُلاف الي هزت راسها بالنفي وركضت تشيل عساف وغطت وجهها بالطرحه ،
سلطان : زوجتك!! مو انت طلقتها كيف صارت زوجتك!
ناصر : ماهو شغلك شي بيني وبينها ونتفاهم حنا ،
سلطان رفع اصبعه بتهديد : اطلع برا ولا اطلعك بطريقتي!
ناصر : ليه وش بتسوي! ومن اي حق تتصرف وكانك المسؤؤل عنها! انا ابيي ولدييي وقرب بياخذ عساف ، لكن سلطان مسكه من ياقته وهو يدفه ويطلعه لبرا ،
ناصر قرب مسك سلطان من ياقة ثوبه : خلكك بعيددد احسننن لك!!
سلطان : اذا مانت طالع بالطيب ف بتطلع غصب! ولدك طالب فيه بالمحكمه مو هنا ،
ناصر بتحدي : ماراح اطالب في بالمحكمه راح اخذه الحينن،
سلطان : لا تخليني ارتكب فيك جريمه !!
ناصر قام بيتكلم لكن ناظر لسُلاف الي اخذت جوالها والواضح تتصل على احد خاف انها تتصل على الشرطه ،
وناظر لسلطان بنظرات حقد وصد طلع لبرا بخوف ،
سلطان التفت لسُلاف : وشش جابهه؟؟؟
سُلاف بدموع ؛ معرف معرف حتى الصباح جاء ،
سلطان : اجل هو الي زور الاوراق !!
سُلاف كانت ساكته و دموعها بعيونها : بياخذ عساف؟
سلطان : ترجعين تثقين فيني بعد هالخساره؟
سُلاف نزلت راسها : مابيدي شي ولا لي احد ،
سلطان تنهد وناظر لعساف الي صحى من نومه وكان يناظر لسلطان بهدوء وساكت و لهاية بفمه ،
سلطان بهدوء : الواضح هو يبيكِ انتي مو الولد ،
سُلاف رفعت نظرها له : مستحيللل ارجع له انا ،
سلطان تنهد وهو يشوفها منهاره تبكي وقرب : عطيني ياه،
واخذ عساف منها وشاله سكت وابتسم من شاف عساف علطول قرب حط راسه على كتفه ولا بكى ،
والتفت ناظر بالمرايه وهو يشوف ازرار ثوبه الي انفك لما ناصر مسكه من ياقته والتفت لسُلاف : طالعين حنا ارتاحي انتي،
سُلاف بخوف : اخاف ياخذه منك او يسوي لك شي !
سلطان عقد حواجبه : لا تخافين محد بياخذه بامانتي ولدك،
سُلاف سكتت وهزت راسها بـ اي سلطان طلع سُلاف قفلت الباب ومشت وهي تفسخ عبايتها وجلست بخوف ،
'
الدكتور دخل وناطر لصقر : نفع معك شي؟
صقر هز راسه بالنفي وصد : للاسف لا مو راضيه تسمعني ،
الدكتور قفل الاضواء كله و شغل ضوء اصفر خفيف مرره ،
وناظر لصقر : حاول معها الحين يمكن بسبب الم راسها والصداع من الاضاءه ف ما تتحمل ، ومشى طلع ،
صقر قرب من ملاذ ومسك يدينها : ملاذ تسمعيني؟
ملاذ كانت ساكته ولا ترد عليه ومقهوره من كلامه الي قاله ،
صقر قرب وهو يبوس يدينها : لا تعذبيني طلبتك يا ملاذ ارفقي فيني وفي حالتي وقدريني ولو شوي ،
ملاذ سكتت ونزلت راسها وهي تسمعه ،
صقر : ادري يا ملاذ صعب عليكِ بس حاولي راح تقدرين تتحملين ولو ثواني ، مد يدينها لصدره : تكفين يا ملاذ تكفين،
ملاذ رفعت راسها صقر قرب اكثر وهو يجلس جنبها ،
ومد يده وهو يمسك وجهها بكفوفه : حاولي راح تقدرين ،
ملاذ كانت تحس بصعوبه ونزلت راسها فتحت عيونها وفزت وهي تشوف كل شي مشوش قدامها ماقدرت تتحمل المنظر والي تشوفه و رفعت راسها وهي تشوف صقر لكن ما تشوف شي بوضوع قعدت ترجف بخوف وغمضت عيونها وهي تهز راسها بالنفي وترجف ويدينها ترتجف بقوه ،
صقر عرف انها اكيد شافت وعشان كذا مصدومه وخايفه قرب وهو يسحبها لحضنه ويمسح على راسها : مافي شي اهدي ،
ملاذ كانت مصنمه وساكته وتحاول تستوعب ايش الي شافته بالضبط صعب عليها تستوعب بعد كل هالسنين لاول مره تلمح شخص بعيونها ولا قدرت تلمح بوضوح ،
صقر كان حاضنها ويمسح عليها : لا تخافين كل شي تمام ،
'
سلطان طلع واخذ جواله وهو يتصل على متعب ،
متعب رد بنفس الدقيقه : وينكك شصار معك؟
سلطان ركب سيارته وعساف بحضنه ،
سلطان : ضعت يا متعب ضايع قسم بالله ،
متعب : ليه تتكلم كذا شصاير معك؟
سلطان : وينك فيه اجيك محتاجك بهالوقت ،
متعب : عند بيتي طالع انتظرك ،
سلطان هز راسه بـ اي وشال عساف وهو يجلسه بمقعد الي جنبه وخاف انه يطيح مد يده وهو يمسكه ويسوق ،
بعد دقايق وصل ونزل وهو شايل عساف ،
متعب انصدم ومشى لعنده : من ذا؟
سلطان مده له متعب اخذه منه وهو يبوسه ويبتسم ،
سلطان صد : قايل لك ضايع يا متعب مدري شسويت انا طيحتهم برقبتي والحين طليقها من جهه وابوها من جهه وهذا المسكين الي تورط ،
متعب عقد حواجبه وناظر لعساف : ابوه بياخذه
سلطان : واجهته بس الواضح انه اقوى مني يا متعب راح يقفل كل الابواب بوجهي ومالي وجه اكلم البنت ترفه قضيه ثانيه،
متعب : يعني الحين كذا تخليهم برقبتك ولا ايش؟
سلطان بقهر : يخي وش اسوي ماني فاهم شي عقلي تقفل مو قادر استوعب شي كل هالدنيا قفل بوجهي لا صقر موجود حولي ولا عبدالرحمن موجود حولي قسم بالله ضعت يا متعب ضايع بين حياة هالطفل وامه مو بيدي شي ،
متعب تنهد وسكت وهو يناظر لعساف الي بدا يبكي ،
سلطان رفع نظره له وقرب اخذه من متعب وهو يحاول يسكته
عساف قام يبكي وحط راسه على كتف سلطان ،
متعب ناظر لثوب سلطان : وش هالحاله الي فيه انت؟
سلطان : ابن الكلب طير كل الازرار ،
متعب : كان اتصلت علي ما اقصر فيه ،
سلطان : يا ابن الحلال ماودي اطول الموضوع انا متورط قسم بالله ضايع بين هالنار ،
عساف سكت وقرب وهو يطلع لسانه ويحط ياقة ثوب سلطان بفمه سلطان ماكان حاس وناظر لمتعب : شسوي؟
متعب : ماني عارف والله كلم مصعب يمكن يلقى لك حل،
'
عبدالرحمن ناظر لسعود الي نام ومشعل مشى لبيته ،
اخذ جواله وهو يرسل لامال " صاحيه ؟ '
امال كانت جالسه تتابع مسلسلها استغربت و ردت : اي ليه؟
عبدالرحمن : ميت جوع ارسلي لي شي بالله ،
امال عقدت حواجبها : تمام بس مين معك؟
عبدالرحمن : محد سعود نايم ومافي احد غيري ،
امال مشت للمطبخ وهي تشوف الشغاله حاطه سماعات وتكلم زوجها ضحكت ومشت وهي تفتح الثلاجه تدور شي،
تنهدت وهمست : الحين وش اعطيه ياربي ،
امال كتبت له : بتاكل بيض؟
عبدالرحمن ناظر لرسالته : ما اقول لا ،
امال ابتسمت : تمام بسوي لك بس مقابله وش بتعطيني؟
عبدالرحمن : ما شاء الله كذا يكرمون الضيف؟
امال : كل شي بهالدنيا مقابل ،
عبدالرحمن : الي ودك ما امنع ،
'
غلا كانت جالسه تذاكر استغربت انه عمر ماله حس ولا يتصل حتى اخذت جوالها وهي تتصل عليه لكن ما رد ،
عمر كان جالس بالصاله و سرحان لاول مره يحس انه اشتاق لصقر فاقده هو الوحيد الي دايم يطقطق عليه ويضحك معه ويسولفون تجمع الدموع بطرف عيونه ومسح دموعه وصد واخذ جواله وهو يشوف غلا تتصل قفل الخط و دخل يتصل على صقر لكن جواله مقفل و دخل الصور وهو يشوف صورهم مع بعض ،
'
الجد سُليمان وفهد و ابو سعود و ابو مشعل كانوا بالمزرعه متجمعين يسولفون والنار قدامهم ويضحكون ويسولفون ،
الجد سُليمان كان لابس فروة الجد عبدالعزيز نزل راسه وهو يتذكر وهمس : يالله عونك والله انه خاطري ما نساه ،
تنهد وهو يرفع عيونه حوالين المزرعه ويتذكره ،
'
متعب ناظر لسلطان : كلمت مصعب بيجي الحين ،
سلطان ناظر لعساف الي نام وهو يعض ياقة ثوبه من الجوع،
تنهد وهو يشيله ويعدله زين ومشى فتح باب السياره وهو ينومه على المقعد الخلفي و ناظر لشماغه الي كان بالسياره وحطه عليه و ترك الباب مفتوح وتكى يده على باب السياره،
بهاللحظه وقف سيارة مصعب ونزل ومشى عندهم ،
متعب جلس يعلمه السالفه كامل ، مصعب انصدم والتفت ناظر لداخل السياره عساف كان نايم ،
'
امال سوت البيض وخلصت وناظرت للشغاله : بنتت ،
الشغاله رفعت راسها لها امال مدت لها الصينيه ،
الشغاله اخذت منها الصينيه : ودي عند رجال؟
امال : اي خذيهم لمجلس الرجال ،
الشغاله هزت راسها بـ اي وطلعت متوجه للمجلس ،
عبدالرحمن كان جالس فز من شاف الشغاله دخلت وبيدها الصينية ومشت حطته قدامه عبدالرحمن ابتسم وقرب ياكل،
'
صقر مشى عند الشباك فتحه وهو يدخن ويحس بصداع لانه طول هالايام كان صعب عليه يدخن عندها وتنكتم ،
وقف وهو يدخن ويبتسم من تذكر اخوانه وامه وجده اخذ جواله وهو يشوف شاحنه مخلص تنهد ورجع حطه بجيبه
وهمس : يالله مشتاق والله وبموت من الشوق واللهفه ،
'
مصعب ناظر لسلطان : وش تسوي الحين هربتها من بيت ابوها والحين هن صار ضدها واحتمال يذبحها ؟
متعب : يخي لا تزيد عليه همه ،
مصعب : هووو غلط يا مصعب! هو محامي ماهو مسؤؤل عن حياة الناس كان ما ساعدها ولا جابها للفندق!
سلطان بحده : انااا سويتت كذاا اقدر اساعدها واخذ الادله منها كان موقفها صعب اني اقدر اقابلها!
مصعب : اي يا استاذ سلطان والحين خذها للمحكمه وتزوجوا ومبروك هذا الي ناويه انت لانه مافي حل ثاني ،
سلطان انصدم وناظر لمصعب : مصعبب!!!
متعب صد : نفس الشيء كنت بقول بس مسكت لساني،
مصعب : ماني قايلل شييي غلط ومافي حل غيرهه !
سلطان بحده : تعرف عواقب كلامك!
مصعب : ليه وش ناوي تسوي وين تاخذها ؟
سلطان : مصعب انت تعرف ابوي وتعرف انه راح يذبحني و يدفنني!! مستحيل اسوي شي كذا مستحيل يوافقون ،
متعب : يا ابن الحلال مصعب قصده تزوج منها بالسر بدون محد يدري وبكذا تفتك من زوجها و خلها ترفع قضيه وحاول تكسب القضيه ولا ابوها يقدر يسوي شيء ويكون معك دليل انها زوجتك وعلى ذمتك!
سلطان صد : لا تخربونن عقليي خلوني ،
'
مشعل وصل البيت و توجه دخل الغرفه وهو يشوف نجلاء نايمه ابتسم ومشى وهو يشغل اللمبه : نجلاء ،
نجلاء تنهدت وفتحت عيونها وناظرت كان واقف وبيده الاكياس جايب اكل معه وهمست : مشعل اتركني انام ،
مشعل : قومي كلي وننام مع بعض ،
نجلاء صدت بترجع تنام ، مشعل ترك الاكل على الطاوله ومشى لعندها وهو يسحب اللحاف : قومي يلا ،
نجلاء تنهدت وهي تناظر فيه وقامت بهدوء ،
'
سلطان وقف سيارته عند الفندق و نزل وهو شايل عساف الي نايم بحضنه ومشى دخل للمصعد وصل للجناح ومشى وهن يدق الباب سُلاف مشت عند الباب : مين؟
سلطان : افتحي انا سلطان ،
سُلاف مشت وهي تلبس العبايه وفتحت الباب ،
دخل سلطان وتوجه وهو يحط عساف على السرير : نام ،
سُلاف : اسفه اذا تعبك او شيء ،
سلطان هز راسه بالنفي وناظر : ايش فكرتي؟
سُلاف رفعت كتوفها : معرف ماني عارفه شي اختار بيت ابوي و يدفنني ولا اختار وناظر لـ عساف ولا اختار ابوه و ارضى بالذل والاهانة و اتحمل ضربها يوصل فيه يضرب ولده بعد!
سلطان تنهد وشبك يدينه والتفت لعساف : مافي حل ؟
سُلاف رفعت كتوفها : ماني عارفه شي ،
سلطان بهدوء وتوتر همس : تختاريني؟
سُلاف فزت بصدمه و رفعت راسها له وهي مصدومه من الكلمه الي نطقه سلطان ،
'
عمر توجه لغرفته دخل وهو يتصل على غلا دقايق و ردت ،
عمر بهدوء : هلا ليه اتصلتي ؟
غلا : وقفلت بوجهي انت ،
عمر : كنت مشغول وفضيت الحين ،
غلا : خلاص مابي شيء مشكور بالغلط اتصلت ،
عمر : تمام براحتك ماراح اجبرك ،
غلا عقدت حواجبها : متى بتاخذ بيلا؟
عمر : اذا طفشتي منها حطيها عند الباب باخذها ،
↚
سلطان تنهد وشبك يدينه والتفت لعساف : مافي حل ؟
سُلاف رفعت كتوفها : ماني عارفه شي ،
سلطان بهدوء وتوتر همس : تختاريني؟
سُلاف فزت بصدمه و رفعت راسها له وهي مصدومه من الكلمه الي نطقه سلطان وتجمدت بمكانها ،
سلطان : شوفي لا تفهمينيي غلطان تكفين انا بس الي احتاجه عقد النكاح بيني وبينك وبس اكسب هالقضيه راح اطلقك،
سُلاف كانت ساكته ومصدومه : ءانت تعرف شقاعدد تقولل!!
سلطان صد : اعرف يا بنت الناس اعرف وانا م..قاطعته سُلاف وناظرت فيه : مشكور وتسلم انك ساعدتني وسويت الي عليك انا ماني وحده من الشوارع او وحده رخيصه عشان اواف..قاطعها سلطان بصدمه : انا متى قلت كذا!! ما يهمني انتي مين ولا يهمني شي ويكون بيننا اتفاق اني راح اطلقك ومحد راح يدري بزواجنا ونفس ما تزوجت منك بالسر اطلقك بالسر بعد ما اكسب هالقضيه و اسجنهم!
سُلاف صدت وهي مصدومه وناظرت لعساف الي نايم ،
سلطان التفت : انا رايح وفكري بالموضوع صد وطلع وقفل الباب ومشى ، سُلاف فسخت عبايتها و رمته على الارض والدموع بعيونها وهي تحس انها ضايعه ولاتدري وش تسوي،
'
غلا سحبت عبايتها و طرحتها ومشت طلعت من بيتها وهي تناظر وتنتظر عمر يطلع بتعطيه بيلا لكن ما طلع استغربت،
عمر كان بغرفته عدل شعره ومشى طلع لبرا ونزل للحوش فتح باب البيت وهو يشوف غلا واقفه بعيد ،
غلا ناظرت فيه كان واقف ومشت لعنده مدت له بيلا ،
عمر بهدوء : ابيعها انا ،
غلا بصدمه : تبيعها؟
عمر هز راسه بـ اي : اي ابيعها ماعاد تهمني ،
غلا عقدت حواجبها : اذكر كنت تقول لي مستحيل تبيعه؟
عمر : غيرت رايي وكل شي تغير ،
غلا : بكم تعطيني ياها؟
عمر رفع كتوفه : كم ودك انتي ؟
غلا : ابي اعرف سعرها الي تبيعها فيه ،
عمر تنهد : خذيها بدون ما تدفعين الواضح انها تعودت عليكِ،
غلا : يعني خلاص ماعاد بتتصل تتطمن عليها ؟
عمر ابتسم بخفه : لا ارتاحي ما راح ازعجك ،
غلا ابتسمت له ومشت متوجه لبيتها ودخلت قفلت الباب،
عمر تنهد و رفع راسه للسماء : ما توقعت الفقد يوجع هالكثر يا صقر لا انت ولا عبدالرحمن موجودين كنت احب بيلا بسببكم ازعجكم و انبسط اذا شفتكم تنرفزون البيت ماعاد له طعم حتى سلطان تغير كل شي حولي طفى لاول مره احتاج وجودكم حواليني صقر سافر وتوقعت عادي فتره ويرجع ما اهتميت و راح عبدالرحمن وجدي وتوقعت ما يفرق بس فرق كثيرر كل شي تغير محد حولي لوحدي اعاني تنهد وهو يسمع صوت مارلينا تناديه ومشى دخل البيت ،
'
سلطان كان بالسياره يسوق ومتعب معه وساكتين ،
سلطان بهدوء : لاول مره احس اطعن ظهر ابوي بيديني ،
متعب التفت له : ليه تفكر كذا مو انت راح تطلقها بعدين!
سلطان : اي يا متعب بس ما تخيلت بحياتي كله اخذ هالخطوه بدون وجود اخواني وابوي معرف شقاعد اسوي مو فاهم نفسي ولا قادر استوعب اسم وحده مطلقه وعندها ولد ترتبط باسمي وتصير على ذمتي وكامل مسؤؤليتي!
متعب : انت مجبور يا سلطان وشي مو بيدك ،
سلطان تنهد وهو يسوق : مقهور يا متعب مقهور صادق مصعب حدي محامي ايش الله حادني يوم اني اخذها!
متعب : ماعاد ينفع الكلام يا سلطان فكر بعقل بارد وخذ قرارك،
سلطان التفت له : ليه يا متعب تشوفني بارد مبرد اكلمك! وكيف افكر بعقل بارد! اقولك قاعد احترق ضايعع انا يا ابن الحلال ضايع قسم بالله ماني عارف شي ،
متعب : خذه مني يا سلطان ولا تفكر كثير القرار الي تاخذه صح تزوج منها بالسر واكسب هالقضيه وطلقها ،
سلطان تنهد وعيونه على الطريق : ماني مرتاح ،
متعب : وش ناوي انت يعني! تروح تكلم اهلك انك تتزوج من وحده مطلقه وعندها ولد و طليقها يلحقها من مكان لمكان! متوقع يوافقون!
سلطان هز راسه بالنفي : يدفنوني ،
متعب : داري والله عشان كذا انصحك تتخلص من الامور بالسر ومحد يعرف بشيء ولا تخاف انا ومعصب واقفين معك،
'
الدكتور دخل وناظر لصقر كان جالس مع ملاذ ،
صقر فز وهو يشوفه يدخل وتوجه لعنده : هلا يا دكتور ،
الدكتور : في شي جديد؟
صقر ابتسم بخفه والتفت لملاذ : حاولت نقدر نقول ان شاءالله تبدا تتعود هالفتره ،
الدكتور : ان شاء الله وانت ايش فكرت تقسى ؟
صقر تنهد بضيق : صعب يا دكتور مافيني هالقوه اقسى عليها ما اتحمل وهي تصد وتزعل والله يحترق قلبي لاول مره اقسى عليها و نبرة صوتي تغيرت معه انقهرت من صدها ،
الدكتور بهدوء : اعرف الموضوع صعب عليكِ بس صدقني مع الايام هي راح تتعود وتبدا تعتمد على نفسها ،
صقر : اخاف تكرهني وتصد للابد؟
الدكتور : ما اعتقد وانت لا تقسى لهدرجه ،
'
امال ابتسمت وهي تشوف رسالته " شكراً على البيض '
وكتبت له : لا تنسى وش كان اتفاقنا؟
عبدالرحمن كان جالس بالمجلس : ما نسيت قولي وش؟
امال : والله ما ببالي شي بس بسبب طقطقتك علي ودي انتقم و اتشرط تحلق شعرك ،
عبدالرحمن بصدمه : احلق شعري! اقول تحركي بس ،
امال : انت وافقت اني اطلب شي مقابل اسوي لك بيض واذا رفضت ان شاء الله يوجعك بطنك ،
عبدالرحمن فز من رسالتها : استهدي بالله مو انسانه عدوه انتي والله غيري اطلبي شي ثاني ،
امال : والله ماعندي شي غيره بتسويه ولا اكمل ادعي؟
عبدالرحمن : والله مصيبه وانا مفكر انك طيبه سويتي لي،
امال بضحكه : لا تدور الطيبه عندي خلي طقطقتك ينفعك،
عبدالرحمن : طيب فكري يمكن في شي ثاني ببالك؟
امال بتفكير : للاسف مافي شي غير شعرك ،
عبدالرحمن : شرايك لو اقول قصيده لك؟
امال عقد حواجبها : الاخ شاعر وانا مدري؟
عبدالرحمن : افا عليكِ اصير شاعر ولا احلق ،
امال ابتسمت : تمام تفضل عطني قصيده بشوف ،
'
مشعل كان جالس ياكل الرز بيده و نجلاء بالملعقه ،
مشعل ناظر فيها : ما جربتي تاكلين بيدك فاتك لذة الاكل ،
نجلاء ناظرت فيه : اذا على كذا ف الحمدلله فاتني ،
مشعل : والله يا نجلاء ما عرفتي شي بالحياه انتي خلي يجون عيالنا اخليهم يصيرون زيي حتى بناتي مابيهم دلوعات زيك،
نجلاء بضحكه : حتى بناتك بيصيرون زيك يحبون النياق والبر؟
مشعل ابتسم : اي مو زيك خوافه والله لا اخليهم يربون النياق بعد مو بس يحبونهم ،
نجلاء تركت الملعقه من يدها : زين قلت لي من الحين ماعاد ابي اطفال دام بيصيرون زيك انت تكفي و توفي ،
مشعل بضحكه : اقولل لا تخليني افتح فمي و احرجك ،
نجلاء عقدت حواجبها : على ايش تحرجني؟
مشعل : ودك اقول بلساني يعني؟
نجلاء قامت بترد لكن رن جوالها وقامت مشت تشوف مين ،
'
سلطان دخل البيت وناظر لامه كانت واقفه تكلم مارلينا وفزت من شافته و ثوبه الي كل ازراره مو فيه : سلطانن شصايرر؟؟
سلطان بهدوء : مو صاير شي بس كنت اطقطق مع العيال،
عمر طلع بخوف على صوت امه وناظر لسلطان الي ملامحه كان متغير وواضح صاير معه شيء ،
سلطان ابتسم بخفه لامه ومشى متوجه لغرفته وقفل الباب،
عمر تنهد و رجع لغرفته وهو يحس انه تعب من بين هالجدران ماعاد في احد يجلس معه او يسولف طلع لبرا ومشى وهو يجلس عند باب البيت ويناظر للسيارات ،
عمير كالعاده كان يغسل سيارته ولاحظ لعمر كان جالس وساكت يناظر فيه استغرب وترك الي بيده وتوجه لعنده ،
عمر رفع نظره له : جاي تتهاوش ؟
عمير ابتسم بخفه : شدعوه ماني جاي اتهاوش بس مستغرب منك ليه تطالع فيني كذا؟
عمر صد : مافي شي جالس وانت قدامي وطالعت فيك ،
عمير ناظر لملامحه : الواضح انك متضايق اذا بسببي صار بينك وبين حبيبتك شي اعتذر اعترف اني غلطت ،
عمر هز راسه بالنفي : ماهي حبيبتي ولا اعرفها ،
بهاللحظه كانت جايه من البقاله متوجه لبيتها استغربت وهي تشوف عمر وعمير يسولفون ومشت لبيتها وهي مستغربه،
عمير : طيب شفيك كذا توقعت اجيك تجلدني ،
عمر بهدوء : فاقد لي شخص يا عمير وتعبت من بعده ،
عمير جلس جنبه : حي ولا؟
عمر تنهد : للاسف حي وبعيد هالبُعد مني ،
عمير باستغراب : ليه وينه عنك؟
عمر بهدوء : لا تسال يا عمير لا تقلب المواجع ،
عمير تنهد وهو يجلس جنبه : صدقني يا عمر دامه حي ف انت محظوظ ما جربت شعوري وانا فاقد امي وابوي فقدتهم وانا صغير وطول عمري تربيت بين يدين اعمامي وكل واحد يرميني على الثاني ويشوفوني عار عليهم ويتيم الحمدلله كبرت و اعتمدت على نفسي واستاجرت لي شقه هنا واشتغل سواق عند راعي البيت اسالني انا عن الفقد يا عمر ،
عمر انصدم وناظر فيه : الله يرحمهم توقعت البيت بيتك،
عمير ابتسم بخفه : ياليت يا عمر ياليت ،
'
عبدالرحمن قام طلع لبرا للحوش عند موقف السيارات وهو يتصل ، امال كانت بغرفتها و ردت : ياهلا ،
عبدالرحمن : اي تقولين ودك بقصيده؟
امال : والله دامك تقول انك شاعر ف بنشوف ،
عبدالرحمن بضحكه : تدرين طلعت برا والاجواء لا يفوتك ،
امال ابتسمت : ماعليك شايفه من الشباك الاجواء تجنن بردد،
عبدالرحمن : اجل اسمعي ، امال سكتت وهي تسمع ،
وكمل عبدالرحمن : لا غشاك البرد يا سمح المحيا أحطب الطارف من ضلوعي وشبه هات من عذب السوالف ما تهيا ودي أمسك صوتك بـ كفي و أحبه ، امال انصدمت وسكتت ،
عبدالرحمن عقد حواجبه من سكوتها : ترا مانتي المقصوده،
امال توترت وقفلت الخط بوجهه وتركت جوالها ،
عبدالرحمن ضحك وهو يناظر انها قفلت الخط : مقصوده والله مقصوده بكل الحكي والشعور تنهد واستوعب على نفسه وهز راسه بالنفي : لا شقاعد اقول انا جتني حالة صقر شكله ولا من السهر والله اروح ارقد مع سعود افضل لي وتوجه للمجلس،
امال ابتسمت وكلامه يتكرر بعقلها : لا يمه شفيني خفيفه وهو قايل مو انا المقصوده طردت كل الافكار من راسها وهي تقوم تتوجه لغرفة امها ،
'
غلا كان مستغربه كيف عمير وعمر جالسين مع بعض ومشت فتحت الشباك وهي تشوفهم مو موجودين اخذت جوالها
وهي تتصل على عمر ، ماهو دقايق الا و رد ،
عمر كان بغرفته يتذكر صقر وسوالفه و رد : هلا؟
غلا : اهلين كيفك ؟
عمر : بخير الله يسلمك عساه خير اتصلتي بهالوقت؟
غلا : ابد بس شفتك مع عمير واستغربت ،
عمر : مابوه استغراب عادي ،
غلا بهدوء : اي اكيد بكيفك بس كذا اتصلت بالغلط.
عمر تنهد : غلطتك هذي لو كثرتي منه ف راح تقتليني يا غلا! انا مو مستعد اطيح بهالنار تكفين ابعدي قد ما تقدرين ،
غلا بصدمه من كلامه : وانت ليه عودتني على اتصالاتك وفجاه ناوي تختفي ومالك حس؟
عمر : اختفي لمصلحتي ووقفت اتصال معك لاني صحيت وانقذت نفسي قبل اطيح فيكِ.
غلا سكتت وهي كانت متوقعه هالشيء انه اكيد عمر حبها وهمست : ماني فاهمه شقاعد تقول انا بنام وقفلت الخط وتركت جوالها وحطت يدها على قلبها وهي تسمع دقات قلبها تنهدت وانسدحت على السرير وهي تفكر ،
'
سُلاف كانت جالسه على السرير وعساف نايم جنبها نزلت دموعها بخوف انه ناصر ياخذه منها انسدحت جنبها وهي تحاول تنام وتهرب من كل شيء ولا تفكر كثير لكن كل ما هربت ترجع تلقى نفسها غارقه بهالتفكير وتذكرت سلطان وكلامه هزت راسها بالنفي : يارب انقذني من هالمصيبه يارب،
'
الجد سُليمان وفهد رجعوا من المزرعه بعد يوم طويل وسوالف وضحك توجهو للمجلس وهم يشوفون سعود وعبدالرحمن نايمين جنب بعض والمجلس بارد ابتسموا وهم يتجهزون ينامون ،
'
صقر ناظر لملاذ الي قامت ومشى وهو يطفي النور والاضواء عشان تقدر تتعود وتفتح عيونها وما تصدع ومشى جلس جنبها : هاه يقلبي كيف صرتي الحين ؟
ملاذ كانت ساكته وفتحت عيونها وهي تشوف وجه شخص غريب قدامها ولا تقدر تشوفه بوضوح لانها بحاجة نظاره وغير كذا النور طافي غمضت عيونها و رجعت فتحت وهي تحاول تلمح شي لكن للاسف ماهي قادره وحست بصداع مدت يدها لراسها وهي تمسك راسها بقوه من الصداع والالم ،
صقر كان ساكت ويناظر فيها كان وده يقرب ويضمها لصدره لكن هالمره قرر يتركها تتعود وتتصرف بنفسها ،
وصد عنها وهو يقوم : الاكل قدامك كلي بنفسك وانا رايح ،
ملاذ فزت بصدمه ومدت يدينها تدور يده تمسكه ،
لكن صقر صد ومشى وهو يجلس على الكنب بعيد ،
ملاذ بدات ترتجف بخوف وهي مصدومه من تصرفات صقر،
صقر كان ساكت يراقبها بهدوء ويطالع فيها لكن ما قدر يقاوم المنظر وهو يشوفها مدت رجلينها لصدرها وتضم نفسها بنفسي ومنزله راسها ، تنهد وشد على يده بقهر لانه مايقدر يتحمل حالتها ومشى لعندها قرب وهو يمسك يدها ويسحبها لحضنه وهمس : اسف ياقلبيي اسف والله اسف ،
ملاذ كانت منزله راسها وخايفه ،
صقر بهدوء : سامحينيي انا اسف اني اتصرف معك كذا وناظر فيها وصد وهو يسحب الاكل يـ اكلها ،
'
نجلاء كانت واقفه عند التسريحه تتعطر وترطب يدينها ،
ومشعل منسدح على السرير ومتكي يناظر فيها ،
نجلاء التفتت له : وش تشوف؟
مشعل ابتسم : اشوف زوجتي ام عيالي ،
نجلاء ضحكت من كلامه وقامت مشت جلست جنبه ،
مشعل مد يده يمسك يدينها : احبك تدرين ؟
نجلاء هزت راسها بالنفي : لا توي دريت ،
مشعل : وش تبين اسوي يا نجلاء عشان تعرفين مدة حبي لك؟
نجلاء صدت وهي تسحب اللحاف : مايحتاج عارفه انا ،
مشعل بهدوء : ودي بطفل يا نجلاء ،
نجلاء انصدمت والتفتت له : مستحيل قلتلك مابي الحين ولا افكر وتوي صغيره مابي اعيش دور الام من الحين ،
مشعل بتفكير : طيب اجل ودي تتعودين على جوي وتصيزين زيي وتمشين معي للبر ونسولف ونشرب قهوه ؟
نجلاء ناظرت فيه : بخاطرك؟
مشعل ابتسم : مرره كنت احلم متى نتزوج عشان اعيش هالشعور ونجلس بالبر ونشب النار ونشارك نفس الفروه ونشرب قهوة ولا شاهي بس هدمتي احلامي ،
نجلاء انسدحت قريب منه : اسفه ،
مشعل فتح يدينه نجلاء انسدحت بحضنه : بس اخاف ،
مشعل : حتى وانا معك ؟
نجلاء ابتسمت : لا بس اخاف من اشكال النياق واخاف يطلع لي جني في البر وما علمتك حتى ذيك المره لما رحت وتركتني في احد كان يرمي شي على المخيم ،
مشعل تذكر نفسه وكتم ضحكته : صدق؟؟
نجلاء بخوف : ايي عشان كذا علطول حضنتك من الخوف،
مشعل : تتوقعين جني؟
نجلاء فزت : تكفى خلنا في البيت ما نروح هناك ،
مشعل بضحكه : لا تزعلين بس ترا انا الي كنت اخوفك ،
نجلاء انصدمت وناظرت فيه مشعل كان يضحك ،
'
سلطان كان منسدح وعجز ينام تنهد وهو يفكر بـ سُلاف وكيف يتصرف معها وكيف يتزوج منها بالسر ويطلقها وكل هذا بالسر بدون محد يدري قام من السرير توجه عند الشباك وهو يناظر واخذ جواله يتصل على متعب ، متعب بعد دقايق رد ،
سلطان بهمس : صاحي ولا ازعجتك؟
متعب : لا ي رجال ازعاج وش ماعليك صاحي شفيك؟
سلطان : مو قادر ارتاح ولا قادر انام وانا برقبتي هالاثنين ،
متعب : ليه تتعب نفسك هالكثر يا سلطان؟
سلطان : ماني عارف يا متعب قسم بالله صعب الموضوع،
متعب : سلطان نهايتك تطلقها ف ليه تتعب نفسك!
سلطان : مدري يخي لا تسالني ومدري ليه اتصلت عليك بس محتاج احد حواليني تعبان و اموت من هالتفكير الزايد ،
'
امال التفتت لامها وهي تشوفها نايمه ابتسمت وانسدحت وهي تتذكر كلامه " : لا غشاك البرد يا سمح المحيا أحطب الطارف من ضلوعي وشبه هات من عذب السوالف ما تهيا ودي أمسك صوتك بـ كفي و أحبه ، تنهدت وهي تصد للجهه الثانيه وتحاول تنام لكن تبتسم من تتذكر نبرة صوته وحطت يدها على قلبها : يمه شفيني انت! لا يكون سحرني ولا مسحوره ليه افكر فيه ! ومجرد قصيده وهبده لي يسكتني عشاني طلبت منه صدت وهي تغمض عيونها وتنام ،
'
سُلاف فزت من نومها على بكاء عساف وناظرت فيه كان يبكي شالته وهي تحاول تسكته لكن عجز يسكت و فسخت ملابسه تغير له ولا سكت تنهدت بخوف وهي تهزه يمين يسار ولا راضي يسكت نزلت دموعها بخوف وماتدري وش تسوي ..
↚
سُلاف فزت من نومها على بكاء عساف وناظرت فيه كان يبكي شالته وهي تحاول تسكته لكن عجز يسكت و فسخت ملابسه تغير له ولا سكت تنهدت بخوف وهي تهزه يمين يسار ولا راضي يسكت نزلت دموعها بخوف وماتدري وش تسوي فزت من سمعت صوت الباب وقربت وهمست : مينن؟
ناصر بحده : اناا افتحيي الباب ،
سُلاف فزت بخوف من صوته وهزت راسها بالنفي ومشت وهي تضم عساف لصدرها بخوف ،
ناصر كان واقف يدق الباب لكن ما فتحتها تنهد وهو يسمع صوت بكاء عساف وقف وهو يدق الباب : افتحييي ،
سُلاف ناظرت لجوالها وتذكرت سلطان وترددت انه تعلمه لكن مافي حل غيره اخذت جوالها وهي تتصل عليه ،
'
سلطان كان واقف عند الشباك وسرحان ويتذكر ملامحها لما شافها واقفه وطرحتها على الارض وتبكي وناصر جنبها فجاه رن جواله التفت واخذه وهو يناظر للاسم كانت سُلاف و رد : هلا؟
سُلاف بدموع : تكفى تعال طلعه من هنا ءراح ياخذ مني ولديي تكفى ساعدني و طلعه ،
سلطان انصدم : مين فهميني شصاير ؟
سُلاف : ءءابوه جاء يبي ياخذه منيءء،
سلطان فهم عليها رغم بكاءها وصوتها المتقطع : جايك انا،
ومشى سحب ثوبه من الدولاب و لبسه وسحب مفاتيحه ومشى طلع لبرا وصادف عمر الي كان واقف عند باب البيت وصد عنه ولا كلمه و ركض ركب سيارته وحرك ،
عمر عقد حواجبه من تصرفاته وصد دخل البيت وهو متعود على الهدوء اخذ جواله يتصل على عبدالرحمن ،
عبدالرحمن كان نايم فز من رن جواله وناظر للاسم كان عمر استغرب انه اتصل هالوقت و رد : الو شصاير؟
عمر بهدوء : كيفك وكيف جدي؟
عبدالرحمن التفت للكل كانوا نايمين وقام طلع لبرا وقف وهو يرد : بخير انت شفيك متصل بهالوقت وليه صوتك كذا؟
عمر : لا تسال ي عبدالرحمن فقدتكم والله البيت بدونكم مو حلو حتى ابوي كل وقته بالدوام وسلطان تغير هالايام ،
عبدالرحمن عقد حواجبه : ليه شصاير له؟
عمر : مدري حاس نفسي اني بالسجن بدونكم وبدون صقر،
عبدالرحمن تنهد : مشتاق الظاهر ؟
عمر : والله انهد حيلي بدونكم مدري شصار فيني مو طايق احد ولا لي نفس تكفى ارجع خلاص يكفي غياب ،
عبدالرحمن ابتسم : افا يا عمر لهدرجه كبرت وتسولف كذا؟
عمر : يخي لا تطقطق قل متى تجي وقريب اتخرج ومحد طق لي خبر ولا درا عني ،
عبدالرحمن : جاين جاين ياحبيبي لا تشيل هم ان شاء الله اقرب طياره الصباح نرجع ،
عمر : لا تتاخر يا عبدالرحمن انتظرك انا ،
عبدالرحمن : ابشر وانا اخوك اجيك بس شد حيلك وتخرج،
'
ناصر ناظر انها عيت تفتح الباب وصد طلع من الفندق وتوجه يركب سيارته بهاللحظه سلطان وقف سيارته وهو متوجه يدخل الفندق ركب المصعد وهو يناظر لساعته يشوف الوقت وفتح المصعد ومشى وهو يدق الباب : افتحي انا سلطان ،
سُلاف كانت لابسه عبايتها وغطت وجهها بالطرحه وفتحت الباب سلطان دخل : وينه ما لقيته؟
سُلاف : ءكان هنا عند الباب بس ما فتحته ،
سلطان تنهد وصد : الظاهر هرب ما شفته بالفندق كله،
سُلاف سكتت سلطان التفت وهو يشوف عساف الي كان وجهه احمر ونايم وواضح بكى كثير : شفيه عساف؟
سُلاف صدت : معرف صحى من النوم وهو يبكي ،
سلطان سكت وصد وهو يرجع شعره لوراء بيده والتفت يمين يسار : فكرتي بالموضوع ؟
سُلاف صدت عنه : فكرت وماني راضيه لا تضغط علي،
سلطان : ماودي اضغط عليكِ بس انا مجبور وانتي مجبوره اكثر مني انا خسرت القضيه الاولى مافيني اخسر هالقضيه وانتي لين متى تجلسين كذا مع ولدك وتتهربين منه! ماراح يتركك لا هو ولا ابوكِ ف عشان مصلحة ولدك الراي بيدك،
سُلاف ناظرت فيه : معرف خايفه من كل شيء مافيني حيل اتحمل اكثر من كذا ودي اهرب من السعوديه و اسافر ،
سلطان : هذا مو حل انا علمتك الراي بيدك اذا ما تفكرين بنفسك فكري بولدك كل الي احتاجه بهالقضيه اسمك يا سُلاف يرتبط باسمي ولو ليله وحده صدقيني لو بس فكر طليقك يجي هنا اقلب ضده كل شي واخليه يتعفن بالسجن انا ببالي خُطه يا سُلاف اقدر انقذك منهم ،
سُلاف سكتت وناظرت فيه : بتطول؟
سلطان هز راسه بالنفي : معرف بس لو تحاولين تفكرين زين و توافقين ماراح نطول لكن سكوتك هذا يطولنا كثير ،
سُلاف صدت وناظرت لعساف : اهلك؟
سلطان عقد حواجبه : اتفاقنا اطلقك ف ماعليكِ من اهلي،
سُلاف سكتت وهمست : تمام راح اوافق عشان عساف ما بياخذه مني وافتك من كل شيء ،
سلطان : موافقه؟
سُلاف نزلت راسها وهمست : اي بس تكفى لا تطول ،
سلطان : ماني مطول خليكِ واثقه فيني وبس.
سُلاف سكتت وناظرت لعساف الي صحى من نومه ومشت تشيله ، سلطان توجه عند الشباك وقف وهو يناظر من الشباك لسيارته كان واقف و التفت لـ سُلاف : بنروح المحكمه الصباح وجهزي اغراضك اطلعك من هنا ،
سُلاف فزت بصدمه : الصباح!
سلطان : ماودي نطول اكثر راح اسوي الي علي والباقي بيدك،
سُلاف سكتت ، سلطان توجه فتح الباب ومشى ،
سُلاف حضنت عساف : يارب ساعدني ايش قاعد يصير معي ليه طيحت نفسي بهالمصيبه ،
سلطان مشى ركب سيارته واخذ جواله وهو يشوف الساعه ٤ مابقى شي ياذن الفجر ترك جواله وجلس بسيارته وهو يفكر،
وينتظر يشرق الشمس ويبدا يصحى الدنيا كله ،
'
عبدالرحمن كان منسدح و سرحان بتفكيره بعد كلام عمر وهو يعرف عمر طول عمره ما جرب يكون وحيد ويعيش هالشعور صد وهو يفكر ليه سلطان تارك عمر وتصرفاته متغير على قولة عمر اخذ جواله يتصل على سلطان لكن تراجع توقع انه بيكون نايم وترك جواله وهمس : اهخخ يا صقر عالاقل انت ارجع لنا،
'
1
You'll also like
الرياش نهج مغاير by MlkkSlt
الرياش نهج مغاير
4.5M
124K
حياة اعيشها يسودها البرود النظرات تحاوطني اوجهها ب صمود نظرات مترفة.... اعيظ هائمة ، عاشقة ، مستغلة ، عازفة! الناقلة: مريم حادر🤍🖤
بين ًسًـــلاسل العادات by Ch_Kfiah
بين ًسًـــلاسل العادات
2.4M
136K
العادات هي سلاسل قيدت العديد منا.. أما القدر فلة كلمة لاتتجزأ.. رواية جميلة تستحق القراءة متنوعة فلا تتوقف في بداية سطورها.. تعالو معي لنرى كيف تسير الاحداث ومن منهم...
قصص سكسي عراقي by user45832757
قصص سكسي عراقي
101K
194
قصص سكسي
جـحـيـَم روث by Rkao_24
جـحـيـَم روث
23.8K
1.1K
روايا حقيقة ||
شهد حياتي by SomaElaraby8
شهد حياتي
9.3M
155K
المركز الأول في رواية بتاريخ 18 /11 فى يوم وليله تحول كل شئ وأصبحت هى زوجته بسبب الظروف تحملت الكثير من اهانات نظرة المجتمع للأرمله صعبه جدا فوافقت على الزواج لتجنب صعوب...
روح في بحر الظلام by pahrasoad
روح في بحر الظلام
2.8M
114K
في وسط حقل الشوك يامن رميتني مع روحي وقلبي في الهموم اغرقتني حافيا ستعود في درب الالم ستموت ندمانا كما موتّني بقلمي✍️ الكاتبة بحر
عسى يفتديك لسان شاعرك و حصانه by rciwei
عسى يفتديك لسان شاعرك و حصانه
2.3M
71.6K
حسابي في الأنستا ؛ rciwei » لا اُبيح نقل الرواية أو إقتباسها « قد يُعرضك نقل أو إقتباس أو سرقة الرواية بدون إذن من الكاتبة إلى المسائلة القانونية .
ام نجلاء كانت نايمه و فزت من نومها وهي تصارخ : ملاذذذ،
امال كانت نايمه وفرت من نومها على صراخ امها : يمه ،
ام ملاذ حطت يدها على قلبها وهي تبكي : ءءملاذ بنتي بنتي ،
امال عرفت انها اكيد شافت حلم : بسم الله يمه شفيكِ؟
ام نجلاء بدموع : يذبحونهااا يذبحونهااا فوليي لابوكِ ينقذهاا،
امال قربت حضنتها : يمه اهدي كانت حلم ملاذ مافيها شي،
ام نجلاء هزت راسها بالنفي وهي تبكي : ءءانا شفتها اناءء ،
امال بخوف : يمه مافيها شي ملاذ،
ام نجلاء هزا راسها بالنفي وهي تبكي : نادييي ابوكِ ،
امال هزت راسها بـ اي وطلعت لبرا ،
'
صقر مشى جلس جنب ملاذ : ملاذ تشوفيني؟
ملاذ فتحت عيونها وهي تشوف شي قدامه بس ما تقدر تلمحه بوضوح ورجعت غمضت وكمل صقر : اعرف تعبتي من المستشفى واعرف ودك تطلعين من هنا بس صدقيني لو فتحتي عيونك وحاولتي راح اطلعك من هنا ،
ملاذ سكتت وهي ماسكه يدينه وتلعب بـ اصابعه ،
صقر تنهد وهو يسحب يده : ليه انتي بارده كذا! ليه ما تشوفين تعبي حتى نوم يا ملاذ مو قادر انام اخاف اصحى اشوف صاير فيكِ شي مجرد صوت خفيف افز من نومي كم لي ما رحت البيت ولا قادر اجيب لي ملابس ساكت ومتحمل كل شي تعبت من المستشفى و ريحة المستشفى احس نفسي مريض وانا مو مريض هلكتيني يا بنت الناس ليه كذا بارده انتي! كل ما حاولت اقسى عليكِ اخاف ! طلبتك ملاذ قدريني ارفقي فيني وفي حالي تعبت انا والله تعبت ،
ملاذ كانت ساكته وتسمع وودها ترد وتقول له انها هي بعد تعبت من كثر عتابه دوم يعاتب ولا يحس فيها ودها تتكلم وتقول له انها ماهي قادره على شي وصعب عليها تقوي نفسها وتواجه هالالم والصداع ماهي متعوده على النور والاضواء كبرت وهي ما تشوف الا الظلام واذا فتحت عيونها تصدع ودها تتكلم عن مُعناتها وتشتكي بس ما باليد حيله ،
صقر تنهد وكمل : كان ودي تكلمين لو كلفني علاج هالشيء عالجتك بس مافي علاج يا ملاذ خلقه ما تتكلمين ف حتى انا ما يمديني اسوي شي تكفين بس افتحي وطالعي فيني؟
ملاذ كانت ساكته ومدت يدها للحاف وهي ماسكه اللحاف ،
صقر صد بتعب وهو يقوم و رجع التفت : ليهه ليهه بارددده انتي كذاا ساعه اتكلممم واشتكييي وانتيي ساكتته! وشش تبين؟ اتركك هناا و ارميكِ وامشي! حتى اهليي واخوانيي تركتهم وهمي انتيي وهذي انتي الي ما همك شيي كم لك بالمستشفى وانتي كذا! عاجبك الوضع يعني!! صد بقهر و رجع التفت لها : اي طبعًا عاجبك كيف ما يعجبك وانتي كل شي يجيكِ جاهز وبارده مبرده جالسه وكل وقتك نايمه!
ملاذ كانت منصدمه من كلامه ،
صقر : قسم بالله يا ملاذ وصلت معي لين خشمي ماني قادر اتحمل اكثرر معك اسبوع لو ما حاولتيي وشديتيي حيلكك ارميكِ هنااا و ارجع القصيم وخليكِ جالسه نايمه هنا ،
ملاذ فزت على كلامه ومدت يدها وهي ترمي اي شي قدامها و رمت اللحاف على الارض وهي مقهوره مدت رجلينها لصدرها ونزلت راسها وهي تهز راسها بالنفي ومسكت شعرها وهي تشد، صقر طالع فيها وانصدم من تصرفاتها والي تسويها ركض يمسكها ملاذ دفته بيدينها وهي تهز راسها بالنفي،
صقر تنهد وتركها و صد توجه عند الشباك سحب الدخان وولعه وهو يدخن ، ملاذ كانت منزله راسها وهي مقهوره،
صقر سكت وهو يدخن و التفت لها : صيحي صيحي وجعي عيونك وخليهم يجلسونك هنا سنه كامل ،
ملاذ كانت ساكته وتتنفس بقوه ومقهوره من كلامه ،
صقر التفت وهو يدخن بصمت ويناظر من الشباك ،
ملاذ حطت يدها على قلبها وهي تحاول تتنفس من قوة القهر الي حست فيها وحست انها تختنق من ريحة الدخان ،
صقر كان معطيها ظهره ويدخن بصمت ويناظر من الشباك،
ملاذ كانت حاطه يدها على قلبها وهي تحاول تتنفس فتحت عيونها وهي تناظر كل شي قدامها مشوش نزلت راسها وهي تحاول تلقط انفاسها ، العامله دخلت تنظف الغرفه انصدمت وهي تشوف حالة ملاذ وقعدت تصارخ : دكتورر دكتوورر،
صقر فز من صراخها والتفت ناظر لملاذ وتجمد بمكانه بخوف و رمى الدخان من يده و ركض لعندها : ملاذذ ،
بهاللحظه دخل الدكتور و ركض لعندهم ،
'
امال طلعت لبرا وهي مو عارفه كيف تنادي ابوها توقعت الكل نايم ومشت بخوف للمجلس وقفت عند الباب اخذت جوالها وهي تتصل لكن مقفل جوال فهد ، تنهدت وهي خايفه احد يصحى وقربت تدق الباب ،
عبدالرحمن كان منسدح يفكر بـ صقر استغرب من صوت الباب والتفت لسعود كان نايم ،
امال مشت وقفت ورا الجدار وهي تنتظر مين يطلع ،
'
الدكتور ناظر لصقر بهدوء : جدًا غلط الي سويته ،
صقر صد : مو بيدي تعبت انا لين متى اتحمل ؟
الدكتور ناظر فيه : انت رضيت فيها وهي بذي الحاله و لازم تتحمل و تداري بخاطرها هي حساسه وصعب تتحمل وتسمع كلام قاسي منك حاول شوي تهدا ،
صقر هز راسه بالنفي : سكتت كثير وهي صارت ما همها شي حبت الوضع الي عايشه فيها وتشوفني نفس الشغالات ادور حوالينها و اداري بخاطرها واهتم بـ اكلها ! اما انا تركتي ديرتي و اهلي وناسي واخواني عشانها! وهي تسوي فيني كذا ما تسمع كلامي حتى لين متى اجلس احاول واسكت؟
الدكتور تنهد وسكت : ماني عارف شقول ،
صقر صد بقهر وتوجه للغرفه وهو يشوفها منسدحه وساكته،
وطلع لبرا وقف الدكتور كان يناظر فيه ،
'
عبدالرحمن طلع وهو مستغرب مافي احد والتفت يمين يسار،
امال لمحته وفزت وهي تشوفه بذي الحاله كان طويل وجسمه ضخم ولابس الثوب و ازراره مفتوح وشعره مو مرتب ،
فزت وحطت يدها على قلبها : يمه هذا الي اكلمه كليوم! ويسولف مستحيل هو و رجعت التفتت وهي تشوفه يدخل المجلس، تنفست براحه و ركضت مشت دخلت البيت وتوجهت لغرفة امها ناظرت فيها كانت تصلي و تنفست براحه انها هدت ومشت جلست وهي تتذكر ملامح عبدالرحمن ،
''
اذن صلاة الفجر سلطان نزل من سيارته و توجه للمسجد يصلي بعد دقايق خلص وطلع وهو يتصل على متعب ،
متعب كان يسوق متوجه للدوام و رد : صح النوم ،
سلطان تنهد : اي نوم اي بطيخ ماني نايم ولا ذقت النوم،
متعب عقد حواجبه : ليه وينك ؟
سلطان : عندها وافقت تتزوج مني وماني عارف متورط ،
متعب بصدمه : وافقت تتزوج؟
سلطان : اي و اتفقنا اطلقها بعدين دعواتك بس ،
متعب : تحتاجني اجيك؟
سلطان هز راسه بالنفي : لا طالع من المسجد اروح لها انتظر ساعه تسعه نروح المحكمه و نتزوج بشكل رسمي ،
متعب : ليت سمعت هالكلمه منك وانت مبسوط ،
سلطان صد : ضايع يخي ضعت نفسي بحياتها ،
متعب : ماعليه خلاف يا سلطان راح تمر هالايام بغمضة عين،
سلطان تنهد : ياليت يا متعب ياليت ،
'
عمر قام من النوم ومشى يصلي وتوجه يتجهز للجامعه وطلع لبرا وهو يشوف عمير واقف يدخن ابتسم وتوجه لعنده وناظر فيه : وراك جامعه زيي؟
عمير : وين جامعه انا حتى متوسط ما درست ،
عمر بصدمه : صدق؟
عمير : ايي والله ياحظ الي عنده اهل بس ويفكرون فيهم،
عمر تنهد ومد يده لكتفه : عوافي يا رجال ،
عمير : خلك مني انت متغير هالايام مو نفس اول يوم شفتك فيك بغيت تاكلني من كثر شغفك بالحياة ،
عمر ضحك على كلامه : تعرف تنكت ما شاء الله عليك ،
عمير : وين اخوانك قبل كنت اشوفكم تتجمعون عند الباب ،
عمر : كل واحد انشغل بحياته ماني عارف وش الي اشغلهم نسوني لهدرجه والظاهر ضاعت ذيك الايام لما نتجمع ،
عمير : لا ان شاء الله بيرجعون ،
عمر سكت وهو يشوف محسن طالع من البيت وغلا معه،
غلا وقفت وهي تناظر لعمر الي كان واقف مع عمير ،
ومشت ركبت السياره وهي تناظر له من الشباك وخافت محسن يشك و صدت بسرعه ،
عمر كان منتبه لنظراتها ويناظر فيها بهدوء ،
عمير لاحظ وهمس : تحبها ؟
عمر بهدوء : لا انا وين والحب وين ،
عمير : هالكذب على غيري انا ملاحظ وشايف ،
'
مشعل كان نايم ونجلاء تصلي تنهد من الضوء وفتح عيونه ناظر فيها كانت تصلي و ابتسم و سحب اللحاف عنه وهو يقوم وتوجه للحمام " يكرم القارىء " بعد دقايق طلع ومشى يصلي لانه فاته الصلاه ما لحق يروح المسجد ،
نجلاء سلمت ومشت وهي تحط الطرحه على الكنب وتعدل شعرها وناظرت لنفسها بالمرايا وفتحت شعرها ،
مشعل خلص من الصلاه والتفت لها : ليه ما صحتيني؟
نجلاء : ما شاء الله عليك اثقل من نومك ما شفت نشف حلقي وانا اصحيك ولا راضي تصحى ، مشعل ابتسم بخفه ومشى لعندها وهو يلبس ثوبه : تاكلين من برا؟
نجلاء التفتت له وابتسمت : نروح البر ناكل رز بيدنا؟
مشعل انصدم وناظر فيها : انتي نجلاء زوجتي ؟
نجلاء ضحكت وناظرت فيه : قلت لي بخاطرك صح؟
مشعل قرب وناظر : اي قلت وبخاطري كثيررر ،
نجلاء : ما اذكر انت تركت شي بخاطري حتى القهوة لما طلبته منك ما رفضت وجبت لي صحيح الموقف الي صارت زعلتني كثير بس لازم اتعود ،
مشعل بشك : في شي صح ما ودك تعلميني؟
نجلاء ابتسمت : تشك فيني؟
'
سلطان مشى وهو يدق الباب سُلاف مشت فتحت الباب وكانت ماسكه عساف الي طول الوقت كان يبكي ،
سلطان عقد حواجبه : شفيه يبكي؟ وقرب اخذه منها وانصدم وهو يشوف حرارته مرتفع : ليه ما كلمتيني انه تعبان!
سُلاف : مدري ما حبيت ازعجك ، سلطان انقهر وصد توجه للمصعد سُلاف لحقته و نزلوا متوجهين للمستشفى ،
سُلاف كانت راكبه ورا وشايله عساف تحاول تسكته ،
سلطان وقف سيارته ونزل اخذه منها ودخلوا لداخل ،
سلطان كان ماسك عساف ، عساف مسك اصبعه وهو يناظر فيه ووقف عن البكاء سلطان ابتسم ومشى جلس وهو ينتظر الدكتور عساف كان بحضنه يلعب بـ اصبعه ،
'
ملاذ قامت جلست صقر حط الاكل قدامها ومد يده ياكلها،
ملاذ صدت صقر عرف انها زعلانه وترك الملعقه من يدها،
ملاذ مدت يدها وهي تحاول بنفسها مدت يدها وهي تدور الملعقه ما قدرت تعرف وين الملعقه كانت مغمضه وحست يدها بصحن الرز وهب تحاول تاكل بنفسها و تكب على السرير، صقر كان ساكت يناظر فيها بهدوء ،
ملاذ يدينها كانت ترجف من القهر وكانت تحاول تاكل وكل ما قربت الاكل من فمها بتاكل تطيح من يدها الرز ،
↚
صقر كان ساكت يناظر فيها بهدوء ،
ملاذ يدينها كانت ترجف من القهر وكانت تحاول تاكل وكل ما قربت الاكل من فمها بتاكل تطيح من يدها الرز ،
صقر صد وهو يقوم : حلو تعرفين تاكلين بنفسك يلا كلي ونامي انا رايح وصد مشى ياخذ جواله وطلع من الغرفه ،
ملاذ انصدمت وتركت الرز من يدها و انكب على السرير
غمضت عيونها وهي تتذكر امها وابوها وجدها وخواتها حست بقهر انهم مو موجودين حولهم عمرها محد صارخ عليها او رفعوا صوتهم او تركوها لوحدها نزلت راسها وهي تحس بشوق لاهلها ودها ترجع لهم وتعيش عندهم ،
صقر طلع من المستشفى و توجه للفندق بعد دقايق وصل تنفس براحه وشبك جواله بالشاحن ومشى فتح الدولاب يطلع له ملابس واخذ تيشيرت اسود وبنطلون ابيض وتوجه للحمام " يكرم القارى " ياخذ له شاور على سريع ،
ملاذ انسدحت وارتمت على المخده والاكل قدامها و يدها عليها رز و السرير رز كانت تفكر بـ اهلها ،
'
سلطان وسُلاف طلعوا من المستشفى و توجهو للمحكمه لعقد النكاح بعد ساعات خلصوا وطلعوا سلطان طلع وهو شايل عساف وبيده الاوراق والتفت لسُلاف : اركبي قدام ،
سُلاف ناظرت فيه وهزت راسها بالنفي : بركب ورا ،
سلطان تنهد : اركبي اقولك ومشى فتح الباب و ركب ،
سُلاف مشت ركبت قدام بهدوء ،
سلطان مد يده فتح الدرج وهو يحط اوراق النكاح وقفله ،
وناظر لعساف الي نام على كتفه وشاله مده لـ سُلاف ،
سُلاف اخذته منه وحطته بحضنه وهي تناظر فيه ،
سلطان كان يسوق فجاه رن جواله وناظر للاسم كان عبدالرحمن اخذه و رد : هلا عبدالرحمن رجعت؟
عبدالرحمن : لا ما رجعت انت وينك؟
سلطان بتوتر : مع متعب ليه؟
عبدالرحمن : ليه متغير على البيت امي قبل فتره اتصلت تشتكي انه البيت ماعاد له طعم وانت متغير واليوم عمر شسالفتك ليه متغير وما تجلس في البيت؟
سلطان : عبدالرحمن انت تعرف شغلي اذا كان وراي قضيه ف انشغل ما اجلس في البيت ماعندي وقت لاحد ،
عبدالرحمن عقد حواجبه : حلو اجل راجع انا اشوف وضعك،
سلطان تنهد عبدالرحمن قفل بوجهه ، سلطان ترك جواله وهو يناظر بالطريق بهدوء ،
'
مشعل : في موضوع اكيد علميني ما اعلم احد ترا ،
نجلاء صدت : مافي شي يخي شفيك؟
مشعل هز راسه بالنفي : ما اظن اكيد في شي ،
نجلاء ضحكت وهي تصد : اجل خلاص ما بمشي ،
مشعل ناظر فيها : علميني ايش السالفه ؟
نجلاء ابتسمت : اففف منك مافي شي يخي خلاص صرت احبك ولا تسال ليه بس كذا ،
مشعل ضحك من كلمة احبك وناظر : ارجعي قوليها مره ثانيه،
نجلاء استوعبت وصدت : ما بقول ،
مشعل قرب مسك يدها : قولي!
نجلاء قامت بتتكلم فجاه انطق الباب ،
مشعل تنهد : ي هادمين اللحظات السعيده ومشى وهو يفتح الباب : هاه وش بغيتي؟
ريما : ابوي تحت ينتظرك ومن امس يسال عنك ،
مشعل عقد حواجبه : ليه شسالفه؟
ريما : مدري ومعصب شوي شكلك مسوي شي؟
مشعل استغرب والتفت لنجلاء : شوي وجاي تجهزي ، و صد طلع مع ريما وقفل الباب و توجه لغرفة ابوه ،
'
صقر طلع ومشى وهو ينشف شعره واخذ جواله و دخل وهن يشوف كثرة الاتصالات من الجد سُليمان و فهد وعمر وسلطان وعبدالرحمن وامه وابوه و اخوياهه ابتسم بخفه وهو يتصل على عبدالرحمن مشتاق له كثير مشتاق يشتكي له ،
عبدالرحمن كان متكي على السياره توه خلص من مكالمة سلطان و توجه يدخل فجاه رن جواله وناظر للاسم وفز بصدمه وهو يشوف اسم صقر و علطول رد : صقررر!
صقر ابتسم : كيفك وكيف الاهل مشتاق قسم بالله ،
عبدالرحمن : ي جعلك ب ماني بقايل وينكك وليه ماترد؟
صقر جلس على السرير : لا تسال يا دحوم تعبت منها قسم بالله انتهت طاقتي كله انهد حيلي وتعبت ،
عبدالرحمن بصدمه : من زوجتك؟
صقر بهدوء : اي وجلس يعلمها كل شيء ،
وعبدالرحمن كان مصدوم وهو يسمع ،
'
غلا كانت جالسه و بيلا بحضنها ابتسمت وهي تمسح عليها وتشيلها وتبوسها تركتها واخذت جوالها وهي تشوف عمر من فتره ما رسل ولا يتصل و صورت بيلا و رسلت له ،
عمر كان توه طالع من الجامعه وناظر لرسالة من غلا واستغرب و دخل وهو يشوف صورة بيلا و ابتسم : اشتقت لها ،
غلا : اتوقع انها زعلت منك ماعاد تطمن عليها ؟
عمر عقد حواجبه : بيلا متاكده؟
غلا سكتت لثواني وهمست : في غير بيلا كنت تسال عنها؟
عمر تنهد : ابد مافي ،
غلا : ما شاء الله صرتوا اصحاب انت وعمير ،
عمر : اي صرنا اصحاب باركي لنا ،
غلا بهدوء : بس ليه كذبت عليه اني حبيبتك؟
عمر تنهد : اعتذرت غلطت ،
غلا : ابي اعرف ليه غلطت وقلت كذا؟
عمر : ليه تبيني افشل نفسي وانطق وانا ما ودي انطقه؟
غلا بتوتر : انطق ؟
عمر : صعب مافيني انطق خليه على ربك ،
غلا سكتت وعمر سكت معها وما يسمعون غير انفاس بعض وهمست غلا : بيلا تحبك ،
عمر : لغز؟
غلا ابتسمت : لا مافي سوالف وحبيت اقول بيلا تحبك ،
عمر : و راعية بيلا تحبني؟
غلا انصدمت وهي تعرف عمر وش وده يوصل لها وقفلت الخط بوجهه وتركت الجوال وهي تحس نبضات قلبها تتسارع،
'
عبدالرحمن بصدمه : انت تعرف شسويت فيهاا!!
صقر : تعبت انا يا عبدالرحمن ما توقعت الموضوع صعب كذا ،
عبدالرحمن : بالله عليك يا صقر هذا انت نفسه الي مرضت نفسك عشانها و طحت علينا وعانيت بس عشان تتزوج منها والحين هذا كلامك! ايش ذنبها هي!
صقر : عبدالرحمن تكفى لا تزيد علي وهذا نصيحة الدكتور اني اقسى عليها عشان تتعود ،
عبدالرحمن بعصبيه: فييي ستيننن داهيه انت والدكتور الي معككك زي ما اخذت البنت من اهلها وهي بكامل صحتها رجعها وهي بكامل صحتها هذا حُبك آلي ازعجتنا فيه!!
كنت داري واقولك يا صقررر هذا اعجاب و تتغير كنت تقول لا احبها ومدري ايش انتهى كل شي انتهى حبك؟
صقر بهدوء : احبها ما انتهى حبي بس تعبت انا مافيني اتحمل هالبعد عنكم واعيش بالغربه اكثر ،
عبدالرحمن بحده : علىىى تبن يا صقر فاهم!! على تبن قال ايش قال ما اتحمل انت تدري لو سمع عمي فهد شقاعد تسوي مع بنتها راح يدفنك! كان صادق يوم انه رفضك ما تستاهل بنته قسم بالله يا صقر وانا بنفسي مصدوم منك،
صقر بهمس : وش اسوي علمني وش اسوي كيف اتصرف انا تعبت ي عبدالرحمن هي ما تسمعني!
عبدالرحمن : اسمعني زين كلمتين وحطه براسك البنت الحين حالتها مو زين توها خلصت من العمليه طلعها برا و اطلعوا من المستشفى شوي وغيرو جو وتعامل بحنيه ي صقر البنت بحاجة حنان وحُب و صدقني عشان خاطرك راح تقوي نفسها و تتعود تفتح عيونها لكن بحركاتك هذا قسم بالله تكرهك وما تجلس عندك ولو ثانيه وخلي الدكتور ينفعك وتزوج منه ،
صقر انصدم : عبدالرحمن!!!
عبدالرحمن : صقر! لا تسوي لي فيه معصب و ارجع للبنت و اهتم فيها ترا مالها هناك احد غيرك انا اخوك وابي مصلحتك حاول تتفاهم معها وتطلع معها وتاخذها الصباح وتخليها تفتح عيونها وتتعود على الشمس ومع الايام ماراح تصدع ،
صقر تنهد وهمس : تمام ان شاء الله ،
عبدالرحمن : زعلت مني؟
صقر : جيتك اشتكي لك وانت ما قصرت فيني ،
عبدالرحمن بندم : يخي صقر قسم بالله اني خايف على بنت الناس وهم ما وافقوا عليك الا وهم واثقين فيك والبنت واضح بدات تحبك وانت تخليها تكرهك وتبعد عنك!
صقر : مدري ماني عارف وخلني اروح لها تاخرت عليها ،
عبدالرحمن : تمام وانتبه على نفسك و تعامل معها زين وخلك جنبها طول الوقت هي بحاجتك اكثر من اي شي!
صقر ابتسم : ان شاء الله وقفل منه وسحب اغراضه الي يحتاجهم وطلع بسرعه من الفندق متوجه للمستشفى ،
'
مشعل ناظر امه وابوه كانوا جالسين ومشى جلس : شسالفه؟
ابو مشعل : شف ياولدي حنا مانبي مشاكل في البيت وامك قررت قرار من بعد اليوم راح نمشي على قوانين البيت ،
مشعل عقد حواجبه : قوانين ايش؟
ابو مشعل التفت لـ ام مشعل : علميه ،
ام مشعل ناظرت فيه : من بعد اليوم ماعاد نحتاج شغالات في البيت كل شخص يخدم نفسه بنفسها وقل هالكلام لزوجته
تغسل ملابسك وملابسها بنفسها وتنظف المطبخ يوم هي ويوم اختك مانبي مشاكل اكثر ،
مشعل بصدمه : وش معنى ماعاد في شغالات! نجلاء مستحيل ترضى يا يمه هي طول عمرها متعوده على الشغالات ،
ابو مشعل : ليه مستحيل ترضى لا يكون نازله من السماء؟
ام مشعل : انت زوجها ومشي كلمتك عليها واذا ما رضت ارميها عند اهلها وانت الف وحده تتمناك ،
مشعل انصدم وقام وقف : يمه انتي امي وعلى عيني و راسي لكن كل شي له حدود انا مقدر اترك زوجتي تشتغل وملابسي انا بنفسي اخذهم المغسله و راح تاكل من برا وخلي ريما تشتغل دام ما تبين شغاله في البيت وصد طلع ،
ام مشعل انصدمت وناظرت لابو مشعل : سحرتهه شفت! اكيد سحرته هالساحره زي ما امها سحرت اخويي ،
ابو مشعل تنهد وسكت ،
'
صقر دخل المستشفى وناظر لملاذ كانت نايمه وصينية الرز قدامها على السرير ويدينها فيها رز والسرير عليه اكل رز ،
تنهد وهو يشوفها بذي الحاله ما قدر يتحمل ولعن نفسه انه سوا معها كذا وترك اغراضه ومشى : ملاذ قلبي ،
ملاذ فزت من نومه وهي تسمع نبرة صوته الي تعودت عليه،
صقر مد يده : قومي تعالي غسلي يدك ،
ملاذ صدت عنه وهي تتذكر كلامه ،
صقر سحبها من يدها وهو يقومها ملاذ قامت وقفت ،
صقر طلع ينادي العامله تغير مفرش السرير ،
ملاذ كانت مقهوره وما انتظرته وصدت وهي تمشي وتحاول تفتح عيونها وتشوف لكن ما قدرت و انصقع راسها بالجدار،
صقر دخل بهاللحظه وانصدم و ركض لعندها : ملاذذ!
ملاذ وقفت وهي تناظر فيه صقر انصدم من حركتها وانها كيف اثر فيها كلامه وتحاول تسوي كل شي بنفسها ،
قرب وهو ياخذها يغسل يدينها ،
'
فهد والجد سُليمان وعبدالرحمن وسعود خلصوا من الاكل،
وتجهزو الجد سُليمان و عبدالرحمن بيرجعون القصيم ،
سعود ناظر لعبدالرحمن : والله افقدك وانا توي عرفتك ،
عبدالرحمن بضحكه : يا جعلك ما تفقد غالي متى رايح انت؟
سعود تنهد : والله بكره رايح خلاص فليته هنا ،
عبدالرحمن ابتسم : يلا يعني بتلحقني ،
'
مشعل دخل الغرفه وناظر لنجلاء كانت واقفه و لابسه جلابيه لونها احمر و شعرها ويفي ابتسم وهو يناظر فيها ،
نجلاء التفتت له : شصاير ليه عمي كان يناديك؟
مشعل مشى لعندها : ناويه تذبحيني؟
نجلاء ابتسمت : شرايك ؟
مشعل : علميني شسالفتك متاكد في شي !
نجلاء ضحكت وهي تصد : مافي شي يخيي ،
مشعل قرب وهو يمسك يدينها ويرجعهم لوراء ظهرها وناظر فيها : علميني الحين ؟
نجلاء حاولت تفك يدينها منه : ايش اعلمك؟
مشعل : تستغبين ودك اعرف بطريقتي!
نجلاء سحبت يدينها منه و دفته : بنمشي؟
مشعل : تمام يلا خلينا نروح هناك واعرف بطريقتي ،
نجلاء ابتسمت وصدت تلبس عبايتها ،
مشعل مشى وهو يسحب المفاتيح ويكلم العم سالم انه يطلع ويروح لاخوياهه لانه بيجيب معه نجلاء ،
'
امال كانت جالسه تطقطق بجوالها : يمه اخبارها نجوله؟
ام نجلاء : والله ما كلمتها يا بنتي ،
امال تركت جوالها : ودي نروح لها طفشانه ،
ام نجلاء : لا يا بنتي تعرفين عمتك متوحشه تنتظر زله مننا ما ودي نروح وتتصرف معانا بشكل مو زين و نجلاء تزعل ،
امال : بغيت اقول اجل نروح المزرعه بس تذكرت صارت للغير،
ام نجلاء : ودك اكلم ابوكِ تروحين لصحباتك؟
امال صدت : لا اشتقت لنجلاء وملاذ وجلستنا ،
'
عبدالرحمن والجد سُليمان كانوا في المطار ينتظرون الطياره بعد ساعات ركبوا وكالعاده الجد سُليمان نام ،
وعبدالرحمن كان يسمع اغنيته المفضله وصور الطياره و رسل لـ عمر : جايك خلك صاحي ،
عمر كان جالس بالصاله مصدوم ويناظر لمارلينا الي تبكي من المسلسل واخذ جواله فز وهو يشوف الصور : احلف!
عبدالرحمن ضحك وكتب له : والله جاي انتظرني ،
عمر صور مارلينا و رسل له : تكفى تعال وفكني منها ،
'
ملاذ مشت جلست على الكنب العامله كانت تغير مفرش السرير صقر قرب وهو يناظر لشعر ملاذ وقرب مشى عندها وهو يلم شعرها ويربطهم : ودك نروح نتمشى؟
ملاذ هزت راسها بالنفي وهي تطالع بالارض ،
صقر صد : ماهو على كيفك خلينا نمشي نغير جو ،
ملاذ سكتت وهي تعرف مهما سوت محد يسمع لها ،
صقر مشى وهو يسحب الجاكيت وقرب يلبسها ،
ولبس الجاكيت حقه : اروح اكلم الدكتور واجي لا تتحركين!
ومشى طلع ، ملاذ اول ما حست انه مشى صدت وهي تقوم وتحاول تمشي بنفسها العامله كانت تناظر فيها ،
وخافت انها تطيح و ركضت عندها تمسكها ،
'
فهد دخل وناظر لـ ام نجلاء كانت جالسه و سرحانه ،
وهمس : شفيها وليفة القلب؟
ام نجلاء التفتت له : اهلين متى جيت؟
فهد مشى جلس جنبها : امال قالت انك حلمتي بملاذ؟
ام نجلاء رفعت راسها له : احتاج بنتي يا فهد احتاجها احسها تحتاجني يا فهد! نزلت دموعها وهي تبكي ،
فهد انصدم منها وقرب حضنها : لطيفه!
ام نجلاء بدموع : احتاج بنتييي رجع لي بنتي ي فهد رجعهاا!
فهد تنهد وهو يضمها لصدره : اوش خلاص ارجعها ،
ام نجلاء قعدت تبكي بحضنه وهي مشتاقه لملاذ ،
'
امال كانت بغرفتها تناظر من الشباك والشاهي بيدها تشرب وتحس بالبرد ومشت فتحت الدولاب تطلع لها جاكيت ابتسمت من لمحت جاكيت الاصفر حقت ملاذ اخذتها وهي تلبسها ومشت اخذت جوالها و رسلت لعبدالرحمن : السلام عليكم اسفه اذا ازعجتك بس ابي رقم صقر ضاع مني ،
عبدالرحمن كان بالطياره استغرب وهو يشوف رسالتها وصحك وكتب : ياهلا وش هالاحترام؟
امال بنرفزه : محترمه قبل لا اعرفك ،
عبدالرحمن : وش تبين في رقم صقر؟
امال : ابي اتطمن على اختي ملاذ ؟
عبدالرحمن : بعلمك شي ويكون سر بيننا محد يعرفه؟
امال باستغراب : اي تمام علمني؟
عبدالرحمن : اختك نجحت عمليتها وقريب بترجع ،
امال انصدمت وهي تقرا وكيف ومتى صار كل هذا ومحد علمنا وكتبت له : تكفى قل متى وكيفها هي!
عبدالرحمن : هي بخير اخوي معها لا تخافين وقريب بيرجعون بس تتحسن ولا تعلمين احد فاهمه!
امال ابتسمت وهي تحس الدنيا مو سايعته من الفرحه ،
'
صقر وملاذ نزلوا عند البحر صقر ناظر لملاذ كانت واقفه مسك يدها وهو يسحبها معه : تعالي معي ،
ملاذ كانت تمشي معه وهي مقهوره ماهي راضيه عليه ،
صقر وقف عند البحر وهو يشوف الدنيا برد و ابتسم والتفت لملاذ : تجلسين هنا على التراب؟
ملاذ صدت عنه ولا ردت صقر عرف انها للحين زعلانه وطول الطريق ما تبتسم وهمس : ملاذي زعلتي مني؟
ملاذ كانت ساكته وكمل صقر : يخي انا حمار و سافل و خبيث وكل شيء في الدنيا و ادري تتفقين معي ما يحتاج تقولين ودك تحفرين قبري هنا و تدفنيني؟ ما اقولك لا ادفنيني !
ملاذ كانت ساكته وصاده عنه وتسمع كلامه ،
تنهد صقر : ما اعرف شصار لي مدري ليه تصرفت معك كذا بس والله احبك يا ملاذ وقسم بالله احبك ،
ملاذ كانت ساكته صقر سحبها لحضنه : اسف ينفع؟
ملاذ هزت راسها بالنفي و ضحك صقر : وش ينفع طيب؟
ملاذ سكتت ومدت يدها لوراء ظهره تحضنه ،
صقر ابتسم بفرح وحس بيدينها تحضنه ،
وهمس : ودك تدفنيني صح؟
ملاذ سكتت صقر جلس على الارض وجلسها معها ،
ملاذ جلست ومدت يدينها للتراب تلمس وابتسمت ،
صقر همس : وش رايك اكتب حرفك وتكتبين حرفي؟
ملاذ سكتت وقرب صقر : افتحي عيونك وشوفي وش رسمت،
ملاذ كانت ودها ترفض وتهز راسها بالنفي لكن خافت انه يصارخ و..
'
امال مشت للصاله وهي تشوف امها وابوها جالسين يسولفون ومشت جلست : يووه اشتقت اجلس معاكم ،
فهد ناظر : امك تعبانه اشتاقت لملاذ قلت نغير جو ،
امال : شدعوه قريب بتجي ونجحت العمليه و..سكتت وهي تتذكر كلام عبدالرحمن انه قال لا تعلمين احد ،
ام نجلاء فزت بفرح : ءءملاذ تعالجت!
فهد انصدم و...
↚
امال : شدعوه قريب بتجي ونجحت العمليه و..سكتت وهي تتذكر كلام عبدالرحمن انه قال لا تعلمين احد ،
ام نجلاء فزت بفرح : ءءملاذ تعالجت!
فهد انصدم وناظر : كيف عرفتي انتي!
امال بورطه : ءان..سكتت وهي تناظر لامها الي فرحانه ودموعها تنزل ما قدرت تكذب وهمست : ءخالتي ام صقر قالت وقالت علمي امك ونسيت ،
فهد ابتسم وطلع جواله وهو يتصل على يوسف ،
امال كانت تناظر وهي متورطه ماتدري شتسوي ،
يوسف كان بالشركه يشتغل فجاه رن جواله ابتسم وناظر للاسم و رد : يا هلا يا هلا ،
قاطعه فهد وهو فرحان : بنتيي صارت تشوف ي يوسف وما علمتني ولا اتصلت علي حتى!
يوسف انصدم وابتسم : الحمدلله الحمدلله والله انا ما رحت البيت توي دريت منك الله يرجعهم بالسلامه ،
ام نجلاء اخذت جوالها ومشت تكلم ام صقر .
امال حطت يدها على راسها : يارب ارحمني شسويتتت انا،
'
عمر ناظر لمارلينا : هيي بنت ،
مارلينا كانت تتابع مسلسلها وما ردت عليه ،
عمر رمى عليها المخده : هييي اكلمك انا ،
مارلينا بقهر : شفييي خلي انا تابع مسلسل ،
عمر : عبدالرحمن وجدي جاين ياويلك البيت وسخ بيطردك جدي و يسفرك فلبين ، مارلينا فزت وهي تقوم ،
عمر : حطي قناة الحرم عشان ما يسفرك ،
مارلينا مشت وهي تغير القناة و ركضت تنظف البيت ،
عمر ضحك وقام طلع لبرا ينتظرهم فرحان انه اخيرًا عبدالرحمن وجده بيرجعون وترجع الفرحه للبيت ،
ابتسم وهو واقف وما انتبه لـ غلا الي كانت تناظر من الشباك وبيدها ستاربكس تشرب فزت من شافت عمر وابتسمت ،
'
ملاذ فتحت عيونها بشويش وتجمدت بمكانها وهي مصدومه وتشوف البحر الي قدامها ونور الشمس الي معطي للبحر منظر حلو تصنمت بمكانها وهي فاتحه عيونها تناظر ،
صقر الي انصدم انها ما غمضت وبدا يضحك زي المجنون من الفرحه لكن تلاشت ضحكته وهو يشوفها متصنمه بمكانها وقرب وهو يهزها : ملاذ!
ملاذ ما تحركت وكانت تناظر للبحر وهي مصدومه وتشوف الموج وماقدرت تلتفت يمين او يسار كانت تحاول تستوعب هي وين و ايش قاعده تشوف تحس نفسها بالحلم ،
صقر وقف قدامها وهو ياشر بيده قدام وجهها : تشوفيني؟
ملاذ فزت من شافت صقر الي وقف قدامها فتحت فمها بصدمه وهي تناظر فيه وتشوفه كان لابس تيشيرت اسود و شنبه و لحيته الي مغير شكله من قبل من فتره ماراح الحلاق ملاذ كانت ساكته تناظر فيه ومصدومه ،
صقر خاف انها صار فيها شي قرب وهو يضمها لصدره ويشد عليها بخوف ، ملاذ حضنته وهي مو قادره تستوعب شي الى الان تحس نفسها بحلم وتنتظر احد يصحيها ،
'
مشعل كان يسوق ونجلاء راكبه قدام وتكلم امال ،
امال : وافق؟
نجلاء ابتسمت : لا اصبري باقي خليني اقنعه ،
امال : اموتك لو ما جيتيي ،
نجلاء : والله انا الي جايه اموتك من الصوره الي رسلتيه ،
امال استغربت وهي تتذكر صورة مين لكن نجلاء قفلت الخط،
مشعل التفت : اي وش تسولفون ،
نجلاء ابتسمت : اكلم اختي وش تبي بسوالفنا؟
مشعل بضحكه : لا بس كذا اسال ،
نجلاء : ما علمتني ليه ابوك كان يناديك ؟
مشعل صد : مافي شي بس كان يكلمني عن الشغل ،
نجلاء سكتت وناظرت لمشعل الي وقف سيارته ونزل ،
عند المحل ابتسمت وجلست تنتظره ،
'
ام صقر انصدمت لما سمعت من ام نجلاء اتصلت وني مبسوطه وتقول ملاذ نجحت عمليتها ،
وهمست : الحمدلله الحمدلله ،
ام نجلاء : بس انتظر يرجعون ويفرحون قلوبنا يارب ،
ام صقر ابتسمت : ان شاء الله يرجعون ان شاء الله ،
ام نجلاء : يلا الحين اقفل اشغلتك معي ،
ام صقر ابتسمت : لا والله كنت فاضيه وجالسه لوحدي ،
ام نجلاء : ليتك قريبه مني كان جيتك والله ،
ام صقر : تعالوا القصيم من زمان عنكم ،
ام نجلاء : والله بدت الدوامات وكلن مشغول بشغله ،
ام صقر ابتسمت : اي والله صادقه بذي الكل مشغولين ،
'
عبدالرحمن وصلوا لمطار جده و توجهو للقصيم ،
بعد ساعات بالضبط وصلوا ابتسم من وصلوا عند البيت وناظر لعمر الي كان جالس يطقطق بجواله وفز من شافهم و ركض وهو يسلم على الجد ويقبل يدينه ،
الجد ابتسم : كيفك ياولدي ووين ابوك سيارته مو هنا؟
عمر : راح الدوام يا يبه انت ادخل ارتاح ، الجد ابتسم ومشى يدخل البيت عمر وقف وناظر لعبدالرحمن ومشى وهو يحضنه وهمس : والله مو عاجبني البيت بدونك ،
عبدالرحمن ابتسم وناظر : وينه سلطان العنه ؟
عمر بضحكه : والله طلع ساعه ثلاث الليل وماعاد رجع ،
عبدالرحمن بصدمه : ثلاث الليل والحين ما جاء!!!
عمر رفع كتوفه : للاسف مدري شعنده ،
عبدالرحمن استغرب وسكت وشال اغراضه وعمر شال الاغراض معه و توجهو دخلوا البيت ،
الجد سُليمان كان جالس مبتسم ويشرب القهوة ،
ام صقر : والله البيت بدونك ماهي حلوه ،
بهاللحظه دخل عبدالرحمن ، ام صقر فزت ومشت حضنته وهمست : كيفك اشتقت لك ،
عبدالرحمن ابتسم وهو يقبل جبينها : ياهلا بالغاليه ،
ام صقر ناظرت فيه : تعال اجلس ارتاح اكيد تعبت ،
عبدالرحمن مسى جلس ، عمر قام يصب له قهوة ،
'
سلطان كان يسوق يدور فندق جديد تسكن فيه سُلاف و التفت وناظر : ما اتوقع يتركك اكيد يرجع يطلع مكانك ،
سُلاف ناظرت فيه بهدوء : وش بتسوي؟
سلطان حرك سيارته : اخذك لمكان محد يعرفه ،
سُلاف بخوف : وين؟
سلطان : لا تخافين اخذك لمزرعتنا محد يروح له من سنين وبعيد من هنا شوي مو كثير ،
سُلاف سكتت وهمست : المكان مرعب؟
سلطان عقد حواجبه : تخافين؟
سُلاف سكتت وهي تناظر لـ عساف الي قام من نومه يبكي،
سُلاف شالته وهي تحاول تسكته واخذت اللهايه تعطيه،
عساف سكت وهو يفتح عيونه ويناظر لسلطان الي يسوق،
سلطان ابتسم : ياهلا ومد يده يمسك يد عساف ،
سُلاف كانت ساكته وابتسمت وهي تناظر لعساف الي ضحك من صوت سلطان و رمى اللهايه من فمه ،
سلطان : هاه يا بابا شبعت من النوم؟
عساف كان يضحك وبدا يتكلم ويسولف ومحد يفهم عليه،
سلطان كان مبتسم : اي ؟ كمل شصار ،
عساف ضحك و رجع يسولف ويحرك يدينه ويضحك ،
سلطان : والله الولد شبع من النوم الظاهر ،
سُلاف كانت ساكته تناظر لعساف الي ما يسكت ،
" مُلاحظه عساف توه كمل سنتين "
'
عبدالرحمن كان يشرب القهوة وبيده التمر وناظر لمارلينا الي دخلت وبيدها صينية المعمول : انا سوي هادا ،
عمر : يا كذبك انتبهي لا تموتين من كثرة الكذب ،
ام صقر قاطعته : في خبر انتظركم تعلموني ولا اعلمكم ياه،
الجد سُليمان عقد حواجبه : وشهي؟
عبدالرحمن التفت لامه : الله يستر وش الخبر علمينا؟
عمر : والله من يوم ما رحتوا مافي خبر مدري من وين امي جابت خبر محد يعرفه الا هي ،
ام صقر ابتسمت : زوجة صقر نجحت عمليتها وقريب بيجون،
عبدالرحمن شرق بالقهوة وناظر : مين علمك؟
الجد سُليمان فز بفرحه : صدقق؟
ام صقر ابتسمت : اي ام نجلاء اتصلت كلمتني وقالت لي،
عبدالرحمن انصدم وصد بقهر : طيب طيب ،
'
مشعل وقف سيارته في البر ونزل وناظر لنجلاء الي كانت بالسياره وتلتفت يمين يسار وهمست : مافي احد صح!
مشعل ضحك وهز راسه بالنفي : ظلام ما يشوفونك انزلي،
ومشى وهو يفتح لها الباب نجلاء نزلت بخوف مشعل تركها ومشى فتح باب الخلفي يطلع الاكل والاغراض ،
نجلاء ابتسمت وهي تشوف الهواء بارد وعباتها تنفتح من الهواء نزلت طرحتها وفتحت شعرها : يووه يجنن الاجواء ،
مشعل ابتسم وهو ماخذ الاغراض : الحقيني يلا ،
نجلاء كانت لابسه كعب ومشت عنده وهي تشوف يدينه الاثنين ماسك فيهم الاغراض ومسكت طرف ثوبه ،
مشعل : يا خوافه محد بياكلك اتركي ثوبي خليني امشي ،
نجلاء مسكت كتفه : لا تتركني يخي اخاف يجوني ،
مشعل مشى ودخلوا عند المخيم نجلاء فزت وهي تسمع صوت صراصير الليل : مشعلللل والله في صرصور اكيدد،
مشعل : تعودي يا كثرهم هنا ،
نجلاء قربت وهي ماسكته : شرايك نرجع؟
مشعل عقد حواجبه : لا والله ما نرجع خلينا نروح المخيم،
نجلاء مشت معه بخوف وفزت وهي تشوف النياق كان طول البر ظلام و نور خفيف لكن عند النياق حاطين لمبه ،
فزت وهي تناظر فيهم بخوف : مشعل يخوفونن ،
مشعل ضحك و دخل المخيم نجلاء دخلت معه ،
مشعل ترك الاغراض من يده : فسخي العبايه وتعالي ،
نجلاء تركت عباتها ومشت جلست جنبه : متى نرجع؟
مشعل ضحك وهو يطلع جواله من جيبه ويشوف الساعه،
نجلاء قربت منه اكثر وهي تمسك كتفه : مشعللل ،
مشعل التفت لها : هلا يا امي انتي شفيكِ؟
نجلاء ناظرت فيه : مدري خايفه احس بيدخلون هنا النياق،
مشعل ضحك وهو يترك الجوال : انا معك وتخافين؟
نجلاء : انت الي تخوفني ما نسيت حركتك هذيك ،
مشعل ضحك : طيب ناكل؟
نجلاء هزت راسها بـ اي وابتسمت ،
'
امال كانت جالسه بغرفتها فزت من وهي تشوف عبدالرحمن يتصل صدت وهي ما ودها ترد مدت يدها وهي تعض اظافرها: ياربيي انا ما قلت شييي شدخلني يتصل ،
والتفتت وهي تشوف رجع يتصل واخذته و ردت : الو؟
عبدالرحمن : اهلين تعالي باقي جيراننا الكويتين ما علمتيهم،
امال بتوتر : وش اما جيرانكم كويتين ؟
عبدالرحمن بحده : مو قلتلكك لا تعلمينن ي احد!
امال بكذب : بسم الله ايش تقول ماني عارفه شي؟
عبدالرحمن : وامي من وين عرفت!
امال : مدري اكيد اخوك علمه وترا هو اتصل وعلم بابا ،
عبدالرحمن : والله؟ وليه ما اتصل على ابوي كان كمل جميله!
امال بتوتر : شعرفني انا ما علمت احد ،
عبدالرحمن : قسم بالله الغلط مني اني علمتك ،
امال : خير شسويت ما علمت احد مدري كيف عرفوا ،
عبدالرحمن : خليني اخلص ولي تفاهم ثاني معك ، وقفل الخط بوجهها و توجه ياخذ له شاور على السريع ،
'
الجد كان منسدح وعمر معه يدلك رجوله : اشتقت لهالحركه،
الجد سُليمان ابتسم : والله من بعدك ماكان لي احد يدلك لي رجولي و يسوي لي مساج ،
عمر : انت تركتني و رحت يا جدي والله طفشت بدونكم ،
الجد سُليمان : ماعليك يابوك رجعنا رجعنا وينه اخوك سلطان ما جاء ولا ما يعرف اني وصلت؟
عمر تنهد : مدري والله الحين اكلمه اخذ جواله وهو يتصل عليه لكن ما يرد ،
'
سلطان وصل المزرعه ونزل وسُلاف نزلت معه سلطان توجه وهو ياخذ عساف منها وهمس : ادخلي وانتبهي لا تطيحين،
سُلاف دخلت المزرعه وهي تسمع صوت الكلاب وفزت ،
سلطان لاحظ وهمس : مو هنا هُم ورا الجبل ،
سُلاف التفتت وهي تشوف المزرعه كامل ولاحظت للبيت الي بنص المزرعه وتوجهت مع سلطان هناك ،
سلطان طلع المفاتيح من جيبه وهو يفتح الباب ،
ودخلوا لداخل سلطان مشى يشغل النور سكت وهو يشوف البيت غبار والكنبات عليه غبار : والله يبي له تنظيف ،
سُلاف هزت راسها بالنفي : لا عادي اتحمل كم يوم ،
سلطان : بس غلط على عساف ينام بين هالغبار ،
سُلاف سكتت وهي تناظر لعساف الي حاط راسه على كتف سلطان وساكت ويبتسم وهو يسمع صوت الكلاب ،
سلطان ناظر : انا اروح البيت اغير واجيب معي الاغراض الي نحتاجه وننظف ؟
سُلاف : يمكن في مكنسه داخل انظف عادي روح انت ،
سلطان سكت وهو يشوف عباتها الي اطول منها شوي وهمس : ارفعي عباتك يتوسخ وانا بمشي ،
سُلاف هزت راسها بـ اي ،
سلطان : شوفي الغرفه الي قدامك نظيف ولا كيف ،
سُلاف مشت وهي تفتح الباب وتشغل اللمبه.
عساف صد وهو يرفع راسه من كتف سلطان وبدا يبكي ،
سلطان حطه على الارض عساف مسك ثوبه وهو يصيح و رافع يدينه يبيه يشيله سلطان تنهد و رجع شاله : شتبي طيب؟
عساف ناظر لشنطة سُلاف الي كان بداخله رضاعه و باين وقام ياشر ويبكي سلطان ناظر وعرف انه يبي الرضاعه ومشى وهو ياخذ الرضاعه وجلس على طرف الكنب و حطه بحضنه و مد له الرضاعه عساف بدا يشرب وهو ماسك اصبعه ويناظر فيه،
سلطان التفت وهو يشوف سُلاف بالغرفه ما طلعت ،
'
مشعل كان جالس ياكل بيده الرز وناظر لنجلاء الي ما كانت عارفه كيف تاكل بيده وتطيح الرز من يدها ،
مشعل : يا بنت الناس شوفيني وتعلمي كيف اكل ،
نجلاء : يخي يدك كبير مو زي يدي ،
مشعل : قربي اصابعك زين ،
نجلاء صدت وهي تترك الرز : اوف خلاص شبعت وسخت ملابسي وكل شيء ،
مشعل : اوكلك بيديني؟
نجلاء صدت : لا خلاص شبعت بغسل يدي ،
مشعل : كلي زين و سحب الدجاجه وهو يقطع لها : كلي يلا،
نجلاء تنهدت وقربت تاكل بهدوء وهو يقطع لها ،
'
عبدالرحمن كان واقف عند التسريحه وعدل شعره وتعطر بعطره الي معتاد يتعطر منه ريحته خفيف جدًا وما يكتمه عكس العطور الثقيله الي ينكتم منهم ووقف وهو يقفل ازرار ثوبه و لبس ساعته وطلع لبرا وهو يصارخ : عمررر ،
عمر كان جالس بغرفة الجد ، والجد سُليمان نايم ،
ابتسم عمر من سمع صراخ عبدالرحمن وقام بسرعه وطلع لبرا وهمس : هلا جاي ،. مشى لعنده.
عبدالرحمن : يلا تعال بنمشي نتعشى واخذ منك الاخبار ،
عمر بضحكه : تصدق فرحت وانا اسمع صراخك بالبيت ،
عبدالرحمن : شف ترا ما نمت بسببك يلا تعال ،
عمر التفت : مارليناا روحي انتبهي لجدي ،
ومشى مع عبدالرحمن وطلعوا لبرا ، عمر وقف وهو يشوف عمير الي واقف عند سيارته يدخن وهمس : عبدالرحمن ،
عبدالرحمن التفت له : هلا؟
عمر : شفت هذا ؟
عبدالرحمن التفت وناظر لعمير : اي شفيه؟
عمر : تعال نروح نتعشى و اعلمك هناك ،
'
ملاذ وصقر وصلوا المستشفى ملاذ كانت جالسه على السرير ومن رجعت وهي ساكته ما تتكلم و فاتحه عيونها تناظر لكل شيء لكن مافي اي ردة فعل من صدمتها ،
صقر كان جالس جنبها ماسك يدها وهو يشد عليها ويمسح على يدها بخوف : تكفين ملاذ غمضي عيونك خلاص لا تطالعين كذا بس لا تخوفيني!
ملاذ رفعت نظرها وهي تطالع فيه ودها تتكلم وتسال وين هي وكيف لكن كانت مصدومه وتناظر فيه وبملامحه وواضح عليه الخوف سحبت يدها منه وهي تنزل راسها وتحاول تتنفس،
صقر قرب منها وهو يرفع راسها : ملاذ تشوفيني؟
ملاذ ناظرت فيه وهزت راسها بـ اي وقربت حضنته وهي تمد يدينه لورا ظهره وتشم ريحته وفعلًا تاكدت وعرفت وشافت هالانسان الي كان دوم معها وحبها و اهتم فيها و تزوج منها وكان يحميها من كل شيء وهو الى جابها عشان تتعالج ما كانت قادره تستوعب وكانت مصدومه طول هالوقت ،
من ناظرت فيه استوعبت انها ما تحلم وفعلًا هالانسان الي قدامه هو زوجها هو الي تزوج منها هو نفسه الي كانت تسمع كلامه وسوالفه دايم كانت حاضنته وساكته ولا غمضت عيونها كانت خايفه تغمض وماعاد ترجع تشوف الا الظلام ما صدقت انها اخيرًا قدرت تشوف رغم انها ما كانت تشوف بوضوح مرره بس الاهم كانت تشوف وماودها تغمض وتفقد هالنظره ،
صقر كان منصدم منها وقرب يشد عليها لحضنه ،
'
مشعل طلع لبرا وهمس : تعالي يلا نسوي شاي ،
نجلاء هزت راسها بالنفي : ما بطلع برا نسوي هنا ،
مشعل بضحكه : تعالي ماراح يسون لك شي ،
ومشى وهو ياخذ الفرشه و يحطه على الارض واخذ الحطب يشب النار ، نجلاء طلعت الشال من شنطتها وحطتها على كتفها وطلعت وقفت وهي تشوفه جالس يحاول يشب النار ،
وناظرت ماكان في نياق كانوا بعيدين والظاهر نايمين ومشت بهدوء لعنده وهي تجلس جنبه : مشعل ،
مشعل ابتسم والتفت لها : هاه جيتي كنت ناوي اجيبك بالغصب ،
نجلاء ناظرت فيه : برد وانت ما جبت معك شي؟
مشعل ابتسم : موجوده انتي تحضنيني و تدفيني صح؟
نجلاء ضحكت وصدت : يوه مشعل كيف تعودت ما تخاف؟
مشعل : مافي شي يخوف انتي خوافه بزياده ،
نجلاء بتفكير : في جن هنا ؟
مشعل : يووه على طاريهم بعلمك سالفه ،
نجلاء بخوف : وش تعلمني لا يكون في؟
مشعل بصراخ : نجلااااء شوفيي..نجلاء فزت من مكانها وقربت منه وارتمت بحضنه ، مشعل قام يضحك : يا خوافه ،
نجلاء ناظرت فيه و ضربته على صده بقهر : مشعللل !!
مشعل كان يناظر فيها ويضحك : اسف خلاص ،
'
امال طلعت من غرفتها وهي تحس بالطفش وتوجهت طلعت للحديقه وهي تشوف الاجواء يجنن و برد ابتسمت و رفعت راسها للسماء تناظر فزت من انفتح الباب و دخل فهد ابتسمت ومشت حضنته : يبه طفشانه ،
فهد عقد حواجبه : افا بنتي طفشانه ليه ما تروحين لصاحباتك؟
↚
امال طلعت من غرفتها وهي تحس بالطفش وتوجهت طلعت للحديقه وهي تشوف الاجواء يجنن و برد ابتسمت و رفعت راسها للسماء تناظر فزت من انفتح الباب و دخل فهد ابتسمت ومشت حضنته : يبه طفشانه ،
فهد عقد حواجبه : افا بنتي طفشانه ليه ما تروحين لصحباتك؟
امال صدت : ماودي ، فهد ابتسم وهو حاضنها من جنب و دخلوا لداخل البيت فهد ناظر لـ ام نجلاء كانت مع الشغاله تحط الاكل على الطاوله وهمست : تعالو جهزت العشاء،
فهد : يلا تعالي يا يبه ناكل ونخطط وين اخذك ،
امال ابتسمت ومشت جلست : يبه ودي نروح سوبر ماركت بس مو مع السواق ودي اروح معك انت!
فهد ابتسم بخفه : ابشري خلينا ناكل بالاول واخذك ،
ام نجلاء : ليه تتعبين ابوكِ والسواق موجود؟
فهد عقد حواجبه : وانا ابوها على فاضي! لو سمحتي يا لطيفه لا تهاوشين بنتي عادي اتعب عشان خاطرها ،
امال ابتسمت بانتصار وهي تناظر لامها الي تضحك ،
'
مشعل جلس بعد ما شب النار وناظر لنجلاء : تعالي عندي،
نجلاء كانت تناظر للشاهي الى على النار : اصبر اشوف ،
مشعل قرب وهو يسحبها من يدها : تعالي دفيني ،
نجلاء التفتت وابتسمت وهي تصد : جهز الشاهي،
مشعل فتح يده نجلاء قربت وهي تحضنه وتحط راسها على كتفه مشعل ابتسم : ردت لي روحس بقربك ،
نجلاء ابتسمت : مشعل عادي اطلب طلب؟
مشعل بضحكه : هيا اسلم كنت داري وراكِ شيء ،
نجلاء مسكت يده : اوعدني ما ترفض!
مشعل بتفكير : والله على حسب وش الشي؟
نجلاء فتحت يدها ومدت له : حط يدك اوعدني!
مشعل هز راسه بالنفي : مافي ما اوعدك لين تعلميني ،
نجلاء : بجلس عند اهلي اسبوعين تكفى لااا ترفض !
مشعل عقد حواجبه بصدمه : اسبوعينن!!!
نجلاء : تكفى مشعل تكفى لا تقول لا !
مشعل هز راسه بالنفي وهو يبعد عنه ويشيل ابريق الشاي ،
نجلاء جلست وهي تناظر فيه بزعل : مشعلل الله يخليك ،
مشعل التفت لها : اقول اسكتي لا تخليني اعصب!
نجلاء صدت بقهر وهي تناظر للبر : ليتني ما سويت كل هذا،
مشعل صب الشاهي لنفسه و له : امسكي ،
نجلاء صدت بقهر : مابي ،
مشعل : زعلتي! يا بنت الناس اسبوعين كثيرره كيف اتحمل بدونك؟ قسم بالله غرفتي كئيب بدونك ما اتحمل ،
نجلاء : طب بس اسبوع تكفى والله بعده ماعاد اطلبك شي،
مشعل سكت وهو يشرب الشاهي والتفت : والله؟
نجلاء هزت راسها بـ اي : والله ما بطلبك واذا طلبت لا ترضى،
مشعل تنهد : الشكوى لله ابشري اتحمل اسبوع بدونك ،
نجلاء ناظرت فيه وابتسمت وقربت منه : احبك ،
مشعل : ايي يا مصلحجيه والله بسبب فرحتك وابتسامتك غصب ادعس على قلبي و ارضى اهخخ منك ،
نجلاء ضحكت وهي ترفع راسها للسماء : ادور القمر ،
مشعل : ما تشوفيني قدامك ؟ نجلاء ناظرت فيه وضحكت،
'
عبدالرحمن كان جالس وعمر معه ياكلون ساندويش ،
عمر : اي كنت اقولك تدري عمير هذا وحيد اهله متوفين ويشتغل سواق عندهم رما كمل دراسته ولا درس؟
عبدالرحمن عقد حواجبه وهو ياخذ المنديل ويمسح فمه وناظر : من وين تعرفه انت؟
عمر ترك البيبسي من يده : والله شفته بالصدفه وكنت اكرهه وكرهت اسمه نفس اسمي بس عاد عرفت سالفته وانقهرت،
عبدالرحمن : الله يكون بعونه كان كلمته نساعده بوظيفه افضل من كذا ،
عمر رفع كتوفه : مدري والله ما حبيت احرجه ،
عبدالرحمن : يصير خير اقابله واشوف بعدين ،
عمر : جدي كان يسال عن سلطان ،
عبدالرحمن كان يمسح يده بالمناديل : هذا ما يمر من يدي على خير خلني اشوف ايش شاغله ،
'
صقر ابتسم وهو مو مصدق وناظر : تشوفيني؟؟؟
ملاذ هزت راسها بـ اي وهي تضحك وتناظر فيه وقربت يدينها ومسكت وجهه بكفوفها وهي تناظر بعيونه ،
صقر ضحك وهو يناظر فيها ومسك يدها : ملاذذ ،
ملاذ كانت مبتسمه وهي تحس انها مو مستوعبه للحين ،
صقر قرب وهو يرجع يحضنها : اهخ يارب لك الحمد ،
ملاذ شدت عليه وهي حاضنته بقوه وساكته ،
صقر بعد عنها وهو يرجع شعرها لورا اذنها : اوعدك اخذك البيت وتكلمين امك وخواتك بس تكفين شدي حيلك اكثر،
ملاذ تذكرت اهلها وابتسمت وهي تهز راسها بـ اي ،
'
نجلاء كانت جالسه تشرب الشاهي والنار قدامهم والدنيا برد والسماء متزين بالنجوم والقمر وسطهم وعلى ضوء القمر جالسين ، ومشعل حط راسه على رجولها وهي تلعب بشعره : شعرك ناعم اكثر من شعري ،
مشعل ابتسم : ناوي احلق ،
نجلاء : لا احب شعرك كذا لا تغير القصه ،
مشعل رفع يده وهو يمسك شعرها : شعرك خشن شوي ،
نجلاء : كله من الصبغات كنت العب بشعري كثير ،
مشعل ترك شعرها و رفع راسه وهو بحضنها : نجلاء بسالك،
نجلاء ناظرت فيه وهي تلم شعره وتحاول تربطهم ،
مشعل : ما فكرتي تحملين ونجيب نونو يلعب حوالينا؟
نجلاء ابتسمت : لا ما فكرت ولا ودي اتخيل وحنا جالسين يصارخ يبيني اخذه الحمام او اغير له ويخرب جونا ،
مشعل بضحكه : انا بقوم اغيره له ماعليكِ ،
نجلاء : وبكره راح تغير كلامك هذا!
مشعل كان ساكت ويناظر فيها : تدرين خايف تتغيرين علي بعد ما يمر اسبوع وترجعين من اهلك الحين عشان مصلحتك تسوين كل هذا و تعطيني على جوي وتحبيني ،
نجلاء سكتت وناظرت فيه : لا ماراح اتغير.
مشعل مد يده لبطنها : حامل اجل!
نجلاء انصدمت و دفت يده : وخر حامل وش!
مشعل : اجل ليه متغيره كذا شاربه شيء؟
نجلاء : ياربي اجل خلاص برجع زي اول ،
مشعل ضحك وهو يناظر فيها : خلاص راح اسكت ،
'
صقر كان يناظر لملاذ الي بحضنه منسدحه ولا راضيه تنام،
صقر رفع كفه وناظر لملاذ الي كانت تناظر فيه و رفعت يدها وهي تشبك كفها و اصابعها بكفه وابتسمت ،
صقر ضحك وفعلًا تاكد انها تشوف وناظر فيها ولحالتها وعرف انها اذا راحت الحمام اكيد بتشوف نفسها في المرايا ابتسم وهو يقوم : خليني اعدل شعرك و احط لك مكياج ؟
ملاذ كانت ساكته وتناظر فيه بحُب وتبتسم ،
صقر مشى وهو يسحب المشط ووقف وهو يفتح شعرها و يمشط لها وهمس : الصدق انا مو فنان وشعرك طول ودي ارجع اقص لك بس اخاف اجيب العيد؟
ملاذ ابتسمت بخفه وسكتت ،
صقر عقد حواجبه : حتى مكياج مافي هنا شرايك نروح الفندق شوي ؟ ونشرب كوفي بنفس الكوب نفس اول مره و تجلسين بحضني في البلكونه ونشم هواء و اتاملك؟
ملاذ ابتسمت وهي تهز راسها بـ اي ،
صقر : خليني استاذن من الدكتور و نمشي ،
'
عبدالرحمن كان يسوق وناظر لعمر الي ما وقف سوالف وكان يسولف ولا يسكت ويتكلم عن يومه ووش سوا بدونه ،
عمر : والله حتى بيلا تركتها واحد اخذه يتبناه ،
عبدالرحمن : يالله لك الحمد افتكينا اخيرًا ،
عمر ضحك وهو يناظر له عبدالرحمن وقف سيارته ونزل عمر و توجه يدخل البيت يجيب الكوره عشان يلعبون ،
عبدالرحمن تنهد بتعب ووده ينام لكن لما يشوف حماس عمر وفرحته ما وده يكسر بخاطره ، واخذ جواله وتذكر حركة امال وهمس : وين بتروحين مني ي راس المصايب ، واخذ جواله يتصل عليها ،
امال دخلت السوبر ماركت مع ابوها والتفتت يمين يسار ومشت وهي تاخذ لها اغراض فجاه رن جوالها ناظرت للاسم كان رقم عبدالرحمن وقفلت الخط وهي تبتسم ،
فهد مشى يقضي للبيت وامال تاخذ اغراض الكيك مخططه تجي نجلاء ويسون كيك و يتقهون ،
'
عبدالرحمن : اوه تطورتي تقفلين بوجهي بنشوف وين بتروحين مني مردك تردين و..سكت وهو يشوف سلطان الي وقف سيارته ونزل ومتغير كثيرر وله فتره ماراح الحلاق ولحيته الي مغير شكله مره وناظر فيه بهدوء ،
سلطان ابتسم ومشى وهو يحضنه : الحمدلله على السلامه،
عبدالرحمن كان ساكت سلطان استغرب وبعد عنه : شفيك؟
عبدالرحمن بحده : شايف وجهك في المرايا؟
سلطان عقد حواجبه وهو يرفع جواله ويشوف وجهه ،
عبدالرحمن : وين كنت و وش تسوي بحياتك انت! وليه مختفي جدي نام وهو ينتظرك تجي!
سلطان بهدوء : كنت مشغول مع متعب ،
عبدالرحمن بصراخ : ايششش اليي كنت عند متعب!! كل ما سالتكك تقول عند متعبب!!!
سلطان بصدمه : طب لا تصارخ!
عبدالرحمن : ليه ما اصارخخ!!! حتى اميي تشتكي منككك!
سلطان ناظر فيه : قلتلك مشغول كنت ،
عبدالرحمن : فهمنييي طيب وش هالشغل!
سلطان صد : مع متعب انشغلت كم مره اقولك!
عبدالرحمن بحده : ثلاثثث اليللل مع متعب!!!
سلطان : كنت في البيت ،
عبدالرحمن دفه بقوه : لاااا تكذبب لااا تكذبب!
سلطان انصدم وناظر فيه وهو يرجع يدفه : مالك دخل فيني،
عبدالرحمن بصراخ : الااا لييي دخلللل لي دخل ليه مالي دخل! ساعه ثلاثثث اليلل ويننن كنتت!
سلطان : تحقق معي يعني!
عبدالرحمن بحده : اييي احقق معك والتفت لباب البيت وهن يصارخ : عمرررر ،
سلطان عرف انه ينادي عمر يسال منه ومد يده يمسكه من كتفه : اسمعني يا عبدالرحمن ان..ماكمل كلامه الا وعبدالرحمن رفع يده وما انتبه لكوع يده الي انصقع بـ انف سلطان بقوه ، سلطان فز ومد يده لخشمه ،
عبدالرحمن ناظر فيه بحده : انااا اعرففف ثلاث اليلل وش تسوي برا وانت وش مفكرني غبي! ما اعرف متعب هذا وشغله بالحياه! كل يوم نايم مع وحده و ناوي تصير زيه!
سلطان سكت و رفع يده يناظر للدم الي ينزف من انفه ،
عبدالرحمن انصدم وناظر للدم الي ينزف منه : سلطان!
سلطان تجاهل وناظر فيه : هذااا ثقتك فيني! وهذا ظنك فيني!
عبدالرحمن سكت وهو يناظر ومشى للسياره يسحب المناديل،
سلطان بصراخ : هذااا حركاتكك انت مو اناا يا عبدالرحمن ظنك الخبيث احتفظه لنفسكك وماني بحاجة ثقتك ولا راح ابرر لك وصد وهو يدخل البيت ومقهور ،
عبدالرحمن تنهد و رمى المنديل من يده لداخل السياره ،
ام صقر كانت جالسه تكلم مارلينا فزت وهي تشوف سلطان الي دخل وثوبه دم والدم ينزف من انفه و ركضت لعنده،
بخوف : شصايررر لك ؟؟؟
سلطان بحده : يمه قولي لولدك هذا لاعاد يكلمنييي او يتدخل بحياتيي انا بكيفييي متى ما اطلعع ومتى ما ارجععع و اقابل مين واجلس مع مين لا يتدخل فيني!
ام صقر بصدمه : شقاعد تقول مين مسوي لك كذا!
عبدالرحمن كان واقف وراه وسمع كلامه : اتدخللل وغصبن عنك حركاتك هذا لو عرفه ابوي تعرف وش بيصير لك ،
سلطان التفت له : وش مفكر نفسك انت! تحسبني زي عمر مانييي اصغر عيالك عشان تهددني وتصارخ علي!
ام صقر انصدمت من صراخهم وخافت يتهاوشون وتزيد الهوشه وناظرت لعبدالرحمن : اطلععع برااا ،
عبدالرحمن صد وتوجه لغرفته وقفل الباب بقوه من القهر ،
ام صقر سحبت سلطان من يده وجلسته : اجلس ،
عمر كان طالع من المخزن وبيده الكوره ومصدوم من صراخهم وناظر لسلطان الي جالس وثوبه عليه دم ،
ام صقر نزلت دموعها وهي واقفه تسحب المنديل وسلطان جالس على الكنب ومقهور قربت ام صقر تمسح دمه ،
عمر : تهاوشتوا!
ام صقر : اسكتتت انت الثانيي واطلععع برا ،
عمر انصدم ووقف وهو يناظر لامه الي تبكي بخوف ،
سلطان صد : يمه مافيني شي لا تخافين ،
ام صقر : مانت شايف كيف كل ثوبك دم وتقول مافيك شي!
دخل يوسف وكان راجع من الدوام ودخل البيت وهو يشوف ام صقر واقفه قدام سلطان الي جالس وهي تمسح دمه ،
يوسف فز و ركض : شفيهه سلطاننن؟
ام صقر بدموع : حسبيي الله عليه من ولد شف شسوا فيهه ،
يوسف : ميننن سواا فيه كذاا شصايرر؟
سلطان خاف ابوه يعصب ويصارخ على عبدالرحمن وناظر لابوه وهمس : يبه مافيني شي امي مطوله الموضوع.
ام صقر اخذت المناديل الي كله دم و توريهم لـ يوسف وناظرت فيه ؛ كللل هذا وتقول اني مطوله الموضوعع!!
سلطان : ماكان متعمد بالغلط صار كل شي ،
يوسف : فهمنييي ميننن سوا فيكك كذااا!
ام صقر التفتت له : هذاا ولدنا الكبير العاقل الفاهم الواعي مين غيره عبدالرحمن!
عمر كان واقف وناظر لابوه بخوف كان واقف ومعصب و مشى لغرفة عبدالرحمن وهو يدق الباب بقوه ،
سلطان فز وهو يقوم : يبهه ماهو موجود في البيت ،
بهاللحظه عبدالرحمن فتح الباب باستغراب ،
يوسف دف الباب بقوه ودخل : شسويتتت فييي اخوككك!
عبدالرحمن ناظر لسلطان : مسرع اشتكيت لابوي!
سلطان صد وهو ماسك المنديل الي على خشمه ،
يوسف مسكه من ياقته ؛ اكلمككك انااا هذااا الي علمتككك عليهه عمرك يصك الاربعينن وتتهاوشش مع اخوانككك وانا واثق وفخور فيك وانك فاهم وعاقل !
عبدالرحمن صد وهو يناظر للجدار ،
يوسف بحده : اكلمككك هناااا طالععع فينييي!
عبدالرحمن التفت له : اسال من ولدك المحترم ساعه ثلاث الليل وين يروح ! ومع من؟ مع متعب الي وسكت وصد ،
يوسف رفع اصبعه بتهديد : ويننن ما يروحح و ساعه كم هذااا ما يخصك انا ابوهه مو انت! وانا اتفاهم معه وصد وهو يطلع لبرا ومعصب وتوجه لغرفته ام صقر التفتت لسلطان الي كان واقف ومشت واخذته معه تحط له اللصقه ،
عبدالرحمن قفل الباب بقوه ، عمر فز بخوف وهو يناظر ،
'
صقر كان واقف برا ينتظر لانه الدكتور طلب يسوي لها فحص قبل ياخذها تنهد وهو ينتظره بعد دقايق طلع الدكتور فز ومشى لعنده : كيفها ؟
الدكتور ابتسم : هي بخير وبحاجة نظاره زي ما قلنا راح تفصل لها على مقاسها ويمديك تاخذها الحين لكن ترجعها الصباح وان شاء الله شهر و امورها كله تمام ،
صقر ابتسم : ويمدي نمشي السعوديه؟
الدكتور بضحكه : لاا وين لازم تجلسون ثلاث شهور و لازم هي تراجع عندنا ونشوف امورها وبعده يمديكم تمشون ،
صقر ابتسم : تمام ان شاء الله ومشكور ،
'
مشعل مشى ركب و نجلاء ركبت معه متوجهين للبيت ،
نجلاء ابتسمت : ودي يكونو نايمين واسوي لهم سبرايز ،
مشعل : وين ينامون توه بدري عشان كذا خليني اخذك البيت وننام شوي و نريح وبعده نمشي ،
نجلاء فزت : لااا تكفى اتركني عند اهلي و روح انت ،
مشعل بضحكه : تمام تمام لا تاكليني ، و توجه لبيت فهد بعد دقايق وصلوا نجلاء نزلت وانصدمت وهي تشوف سيارة ابوها الي وقف ونزلت امال وفزت وهي تشوف نجلاء و ركضت لها،
مشعل ضحك ونزل وتوجه لفهد يسلم عليه ،
نجلاء حضنت ابوها : كيفك يبه؟
فهد : الحمدلله بخير يا بنتي وناظر لمشعل : كيفك ياولدي،
مشعل : والله بخير يا خالي ،
امال ضحكت وهي تسحب نجلاء و دخلوا لداخل ،
مشعل وقف وهو يسولف مع فهد ،
'
صقر وملاذ وصلوا الفندق صقر ناظر فيها كانت مبسوطه وماسكه يده وتناظر ليمين يسار وطول الطريق مصدومه وتناظر للناس والاماكن وهمس : ندخل ؟
ملاذ هزت راسها بـ اي و دخلوا لداخل ،
صقر فتح الباب و ملاذ معه ودخلوا لداخل اول ما دخلوا صقر ضحك وهو يقرب ويشيلها ملاذ فزت بخوف ،
صقر شالها بيدينه وناظر : وين تهربين مني الحين ؟
ملاذ ابتسمت وناظرت صقر مشى وهو يرميها على السرير والتفت : خليكِ هنا لا تتحركين طيب!
ملاذ كانت تطالع فيه ومبتسمه وهي تشوف فرحته ،
صقر توجه عند الدولاب وهو يفتحه وكانه يطلع شي ،
ملاذ كانت جالسه تناظر فيه صقر التفت له و حط يدينه ورا ظهره : تعالي قومي بنفسك ،
ملاذ عقدت حواجبها وهي تقوم بنفسها وتوجهت لعنده،
صقر طلع يدينه من ورا ظهره وبيده علبه صغيره ،
وهمس : خذيه وافتحيه ،
ملاذ كانت مستغربه واخذته منه وهي تفتحه وانصدمت وهي تشوف الخاتم وناظرت فيه صقر مد يده : لبسيني ياه يوم العرس انا لبسته بنفسي ،
ملاذ ضحكت وهي تاخذ الخاتم وتمسك يده وتلبسه ،
صقر كان مبتسم وهو يناظر فيها ويشوف فرحتها ،
'
امال كانت جالسه تدور فلم وتنتظر نجلاء الي دخلت الحمام تاخذ لها شاور بعد دقايق طلعت وهي تنشف شعرها وناظرت فيها : اي علميني نت وين جبتي صورة سعود؟
امال فزت وهي تتذكر وتورطت : سعود؟
نجلاء : اي سعود رسلتي لي صورته بالواتس؟
امال : ءءاي اي بابا صوره يوريه لماما ،
نجلاء : و ايش جاب الصوره لجوالك؟
امال تنهدت : ياربيي نجوله خلاصصص وش ذا التحقيق ،
نجلاء : عارفه انك تسوين شي من وراء ظهري وما تعلميني،
امال ضحكت وهي تاخذ الايسكريم : تعالي ابلعي و اسكتي،
نجلاء : اليوم ابلع واسكت بس بكره ما اسكت ترا اسبوع هنا،
امال بضحكه : ليته ما وافق اجل ،
نجلاء ضحكت ومشت وهي تجلس : غريبه ماما نايمه ؟
امال : اي بابا كان يقنعها تمشي معانا للسوبر ماركت رفضت قالت بنام تعبانه ،
نجلاء : يعمري متحمسه تصحى وتشوفني اجلس اسبوع عندها،
'
عبدالرحمن كان جالس وكل باله بـ سلطان ويفكر فيه وندمان انه رفع يده و تاذى بسببه تنهد وطلع لبرا وهو يتمنى لو يشوفه بالصدفه ويتطمن عليه ماوده يروح لغرفته لكن ما شاف احد بالصاله وتوجه طلع لبرا. وناظر لعمر الي كان جالس وجلس جنبه : شتسوي؟
عمر التفت له و ابتسم : ولاشي ما جاني نوم ،
عبدالرحمن سكت و همس : وجعته كثير ؟
عمر رفع كتوفه : نزف دم كثير منه ،
عبدالرحمن بقهر : يخي قسم بالله ما انتبهت ما كنت متعمد.
عمر : كان ينقذك من ابوي وكذب انك مو في البيت ،
عبدالرحمن عقد حواجبه : مو هو الي اشتكى لابوي؟
عمر هز راسه بالنفي : مو هو امي الي اشتكت ،
عبدالرحمن صد : هو ولا امي ما يهم ،
عمر : مو ناوي تعتذر ؟
عبدالرحمن : لا خله من بعد اليوم لا اعرفه ولا يعرفني ،
عمر بصدمه : عبدالرحمن!
عبدالرحمن بحده : ايي يا عمر خله مو هو يقول لا اتدخل فيه او في حياته! خلاص من بعد اليوم لا اعرفه ولا يعرفني ،
عمر سكت وهو ما وده يتناقش اكثر ويعصب ،
عبدالرحمن كان ساكت و رجع التفت : روح تطمن عليه ،
عمر ابتسم من خوفه : يمكن نايم ،
عبدالرحمن : حتى ولو روح شوف يمكن صاحي و يتالم ،
عمر هز راسه بـ اي وقام دخل البيت و توجه لغرفة سلطان دق الباب وسمع صوته وهو يقول ادخل ، و دخل ناظر ،
سلطان كان واقف عند التسريحه وقريب من المرايه يغير لصقة انفه وناظر لـ عمر : غريب صاحي؟
عمر : ابد جيت اتطمن يوجعك ؟
سلطان صد : ما وجعني شي كثر سوء ظن اخوك فيني ،
عمر : كان مقهور يخي وانت متغير مرره ،
سلطان بحده : عمر الانسان ينشغل حتى الفجر مو اذا غبت عن البيت ساعه ثلاث الليل معناته نايم مع وحده! هذا تفكيره فيني! و هو متوقع مني شي كذا!
عمر : مو منك من متعب لانك قلت كنت مع متعب ،
سلطان : يخي متعب مجرد صديق لي ما يهم هو وش يسوي بحياته لا يقارنني فيه !
عمر تنهد : طيب خلاص تسامحوا ،
سلطان : هو الي غلط علي مو انا الي غلطت ،
عمر بهدوء : حتى هو متضايق ترا !
سلطان : ما يهمني ولا تسولف لي عنه ،
عمر سكت : تمام بكيفكم رايح انام وطلع لبرا ،
سلطان مشى مشى متوجه للحمام ياخذ له شاور بعد دقايق طلع لبس ثوبه وعدل شعره وتوجه لبس ساعته ومشى وهو يناظر للصقه الي على انفه تنهد وطلع لبرا ،
عمر كان جالس مع عبدالرحمن يسولفون ،
فجاه طلع سلطان ناظر فيهم وصد وهو متوجه يركب سيارته عبدالرحمن كان يطالع فيه وهمس : يعاندني كذا يعني!
عمر : خله يخي بكيفه ،
عبدالرحمن سكت وصد : قهرني قسم بالله ،
'
مشعل دخل البيت و توجه لغرفته بينام لكن وقف وهو يشوف امه الي وقفته : وينها زوجتك!
مشعل بهدوء : عند اهلها ،
ام مشعل : اصحى الصباح و روح جيبها تنظف البيت مع ريما جاين ضيوف بعد بكره ولازم تكون موجوده ،
مشعل : ما تجي الحين بترجع بعد اسبوع ،
ام مشعل : ليه بترجع بعد اسبوع ايش عندها !
مشعل : يمه تكفين خليها تستانس عند اهلها هنا لا انتي ولا ريما تجلسون اكيد تطفش وتراها انسانه ماهي حيوانه ،
ام مشعل سكتت بهدوء وناظرت فيه وصدت مشت ،
مشعل تنهد بقهر و توجه لغرفته ينام ،
'
نجلاء : دوري لنا فلم حلو نتابعه وانا جاي الحين ،
امال ابتسمت : تمام لا تتاخرين ،
نجلاء مشت طلعت وناظرت لابوها الي كان واقف ينفخ البلونه ومشت وهي تضحك : الحمدلله ما شكت بسرعه ،
ام نجلاء كانت جالسه وبيدها اللبوم الي فيهم صور الكل وهم صغار وناظرت : تغالي اختاري اي صوره تطبعينه على الكيك؟
فهد : انا كلمت سعود يجيب الكيك صوره وش تختارون؟
نجلاء بقهر : يبههه لااا كنا نبي نحط على الكيك صورتها ،
فهد ضحك وهو ياخذ جوالها ويكلم سعود : اخذت؟
سعود : لا والله توي نزلت وكانوا ناوين يقفلون المحل ،
فهد بضحكه : اعذرنا ياولدي اتعبك بس والله ماني قادر اسوق رجولي رايح فيه ،
سعود ابتسم : لا ياعمي عادي مافيه تعب ،
فهد : ارسل لك صورة آمال اطبعه خلهم يحطونه على الكيك ،
سعود ابتسم على طاري اسمها وعرف انهم يتجهزون لميلادها لانه فهد طلب منه يحط رقم ٢٠ على الكيك بعد ،
وهمس : ابشر يا عمي ،
ام نجلاء : نجلاء انتي روحي داخل عشان ما تشك ،
نجلاء هزت راسها بـ اي ومشت دخلت : هاه اخترتي؟
امال : اي تعالي يلا ، نجلاء مشت جلست معه ،
'
صقر دخل المطبخ وهو ماسك يد ملاذ ومشى وهو يطلع الكوب وناظر : القهوة عليكِ انتي اعلمك كيف تسوين ،
ملاذ هزت راسها بـ اي واخذت الكوب وهو قرب يساعدها تسوي بعد دقايق خلصت صقر قرب اخذ منه : نشرب بواحد،
ومسك يدها وطلعوا للبلكونه صقر حط الكوب ومشى يجيب الفروه لبسه وجلس وناظر : تعالي ، ملاذ جلست بحضنه وابتسمت وتنفست وهي تناظر للسماء وكيف الدنيا برد ،
صقر ناظر للقمر و اشر عليه : شجابك هنا؟
ملاذ رفعت راسها لكن ما قدرت تلمح القمر بوضوح ،
صقر مد يده وهو يلعب بشعرها : ودك تكلمين امك؟
ملاذ فزت والتفتت وهب تهز راسها بـ اي وتبتسم ،
صقر : ابشري بس لازم نصدمها فكري معي كيف؟
ملاذ سكتت وهي تناظر فيه صقر : خليني اقوم.
ملاذ قامت صقر توجه للغرفه يدور شي وناظر لـ بلوفر الي عنده بالدولاب عليه كل اللوان اخذه : عندي فكره ،
ملاذ كانت مستغربه وتناظر فيه بهدوء ،
صقر اخذ المقص وجلس وهو يقصه ملاذ كانت جالسه على الكرسي وبيدها الكوب تشرب وتناظر فيه ،
'
سعود وقف سيارته ونزل واخذ الكيك وفتحه وهو يشوف صورة امال وهي صغيره ضحك وهو يتذكر ايامهم مع بعض لما كانوا صغار ومشى وهو يتصل على فهد ،
ام نجلاء كانت جالسه وفهد ينفخ البلونه والشغاله تنظف ،
فهد اخذ جواله وهو يرد : ادخل ياولدي تعال مافي احد غير عمتك تعال ، سعود ابتسم وناظر للشغاله الي فتحت له الباب ودخل ومشى وهو يسلم وحط الكيك على الطاوله ،
فهد : تعبتك سامحني ،
سعود : لا ياعمي والله مافي اي تعب بالعكس انبسطت ،
فهد ابتسم ومشى سعود وهو يسحب البلونه و ينفخ ،
ام نجلاء كانت تضحك وتناظر فيه : كيفها امك وترا زعلانه منها لانها ما جت معاكم ،
سعود ابتسم : والله بخير ي عمتي بس ما جت عشان اختي تودها ولدت و انشغلت معها وهي تتعب من السفر ف م جت،
ام نجلاء ابتسمت واخذت صورة سعود لما كان صغير وناظرت فيه : حتى صورك عندي شف نفسك ،
سعود ابتسم واخذ الصوره وهو يشوف نفسه ولمح صورته الي مع امال وهم صغار واخذه : هذي مو امال؟
ام نجلاء ابتسمت : اي هي الحين تغيرت مره ،
سعود عقد حواجبه وترك الصوره وهو وده ياخذه معه ،
ام نجلاء : خلني اروح اجيب لك قهوة تشرب ، ومشت ،
سعود ناظر لفهد الي كان ينفخ البلونه ومبسوط ،
وطلع جواله وهو يصور صورته الي مع امال ،
'
عبدالرحمن كان بغرفته جالس وسرحان وهو يفكر بـ سلطان،
ام صقر دخلت عنده وناظرت فيه : اقدر اكلمك؟
عبدالرحمن فز والتفت : اي اكيد تعالي ،
ام صقر مشت جلست جنبه : الي سويته مع اخوك غلط يا عبدالرحمن وش ما سوا هو ما تضربه كذا!
عبدالرحمن بصدمه : هو قايل لك اني ضربته!
ام صقر هزت راسها بالنفي : لا ياولدي ادري هو يغطي عليك نفس ما كذب على ابوك انك مو موجود ،
عبدالرحمن تنهد : يمه قسم بالله بالغلط ما تعمدت ،
ام صقر بهدوء : ليه صارخت عليه طيب!
عبدالرحمن : يمه قهرني متغير مرره وطول الوقت برا!
ام صقر : انت تعرف ابوك ارتفع ضغطه بسببكم! ونام وهو ضايق خاطره ي يمه فكرو ب ابوكم كبير بالسن ويتعب زين جدكم نايم لو كان صاحي كان زعل ،
عبدالرحمن : ..
↚
ام صقر بهدوء : ليه صارخت عليه طيب!
عبدالرحمن : يمه قهرني متغير مرره وطول الوقت برا!
ام صقر : انت تعرف ابوك ارتفع ضغطه بسببكم! ونام وهو ضايق خاطره ي يمه فكرو ب ابوكم كبير بالسن ويتعب زين جدكم نايم لو كان صاحي كان زعل ،
عبدالرحمن : اسف يمه بس فهمي ولدك يجلس في البيت قهرني وانا اشوفه متغير كذا ولا يهتم بنفسه ،
ام صقر بهدوء : خله انت اكيد مشغول ورا هالقضايا ،
عبدالرحمن قرب مسك يدها وهو يقبلهم : اسف ،
ام صقر ابتسمت : لا تكرر هالحركه انت اكبر واحد فيهم المفروض توقف معاهم و تتفاهمون مو تتهاوشون ،
عبدالرحمن تنهد وهو يقرب و يحط راسه بحضنها ،
ام صقر ابتسمت ومدت يدها تمسح على شعره : زعلت مني؟
عبدالرحمن ابتسم : لا بس من ابوي قال اني اصك الاربعين وانا توي بعمر الزهور ،
ام صقر ضحكت وناظرت فيه : شف صقر تزوج وهو اصغر منك وانت ما شاء الله عليك طلع لك شيب ولا راضي تتزوج؟
عبدالرحمن رفع راسه لها : دوري لي بنت الحلال ،
ام صقر بضحكه : صدق ؟ جدك كان بيخطب لك اسماعيل؟
عبدالرحمن : لا ماودي من بناته يوفرهم ،
ام صقر : عن الغلط يا عبدالرحمن!
عبدالرحمن ضحك وهو يرجع يقبل يدينها : احبك ،
ام صقر ابتسمت : ببدا من الحين ادور لك بنت واكلم خالتك،
عبدالرحمن : خالتي مُزنه طلعيها من هالسوالف بالله ،
ام صقر بضحكه : حرام عليك هي تحب هالسوالف ،
عبدالرحمن ابتسم وكمل يسولف مع امه ،
'
ام امال مشت وهي تصب القهوة لسعود ، سعود اخذ منها وهو يشرب : يعطيكِ العافيه عمتي ،
فهد ناظر فيه : شرايك يا يبه لو نعلق البلونات في الجدار؟
سعود بتفكير : والله يا عمي برايي لو اجمعهم كلهم و اعلقهم على جدار من طرف واحد ونحط على جنب ستاند الكيك ،
ام نجلاء كانت مبتسمه تناظر لسعود من كان صغير كانت تعتبره زي ولدها وفرحت بعد وصية الجد انه يتزوج من بنتها،
سعود مشى وهو يعلق البلونات فهد كان يناظر فيه ،
سعود التفت له : شرايك عمي كذا؟
فهد ابتسم : اي زين ياولدي خلاص لا تتعب نفسك ،
سعود ابتسم وهو يقوم و يعدل الستاند الي عليه الكيك ،
ام نجلاء ناظرت فيه : يعطيك العافيه يارب ما قصرت ،
سعود ابتسم : عاد ي عمتي لا تحسسوني اني غريب ،
'
نجلاء كانت متوتره تنتظر ابوها يرسل لها تطلع لكن استغربت تنهدت وتركت جوالها وهي تناظر لامال الي مندمجه بالفلم،
امال كانت تاكل الفشار وتناظر بالفلم فزت من رسل لها عبدالرحمن : صاحيه يا ام المصايب؟
ضحكت وهي تاخذ جوالها وكتبت له : لا نايمه ،
عبدالرحمن كان منسدح و ام صقر تسولف معه وترتب ملابسه وهمست : من لما كنتم صغير وانا احب ارتب ملابسكم بنفسي ما احب مارلينا تسوي شي ،
عبدالرحمن كتب لامال : الحين وين بتروحين مني! و رفع نظره لامه وابتسم : يمه لا تتعبين نفسك خليهم تعرفين حركاتي اصحى احوس و اخرب الترتيب كله ،
ام صقر التفتت له : لين تجي زوجتك وتهتم لك ،
امال شافت رسالته : ودك بـ شاهي؟ وتسامحني ؟
عبدالرحمن عقد حواجبه : على بالك كذا اسكت!
امال : معرف كيف طلع من لساني والله ،
عبدالرحمن : الحين جالس مع امي بعدين اتصل ونتفاهم ،
امال ابتسمت : يوه خالتي اشتقت لها ،
عبدالرحمن : لو سمحتي خليكِ برا الموضوع محد يشتاق لامي غيري ،
امال ضحكت والتفتت وتركت جوالها وهي تشوف نجلاء الي مشت لعندها : قوميي غيري ملابسك ،
امال باستغراب : ليه شصاير؟
نجلاء : مشعل جاء وجاب عمتي تعالي بسرعه ،
امال استغربت وقامت بسرعه : يمه شتبي جت بهالوقت؟
نجلاء : غيريي بسرعه وانزلي معي تحت نشوف ،
امال مشت سحبت بنطلون اسود و بلوفر ابيض ومشت غيرت وطلعت والتفتت لنجلاء : يلا ،
نجلاء مشت فتحت لها شعرها : اصبري خليكِ هنا شوي ،
'
فهد ابتسم وهو يناظر لسعود الي مشى ركب سيارته ،
سعود ناظر من شباك سيارته : يلا عمي مع السلامه ،
فهد : استودعتك الله ياولدي بحفظ الرحمن ، وقفل الباب ودخل لداخل وهو يشوف ام نجلاء الي طلعت من الغرفه و لابسه فستان ازرق وفاتحه شعرها وحاطه مكياج خفيف ابتسم بخفه : شكلي اسحب على البنات واخذك ،
ام نجلاء ضحكت وهي تناظر لنجلاء الي نزلت ومعها امال مغطيه عيونها والشغاله شغلت الاغنيه وقاموا يصفقون ،
امال فتحت عيونها وانصدمت وهي تشوف تجمعت الدموع بعيونها ومشت وهي تحضن ابوها وامها ،
فهد كان يضحك وهو يشوفها تبكي ،
امال التفتت لنجلاء وحضنتها : حيوانهه ليه ما علمتيني!
نجلاء بضحكه : ما جيت هنا اسبوع على فاضي ،
ام نجلاء : تعالي يلا قطعي الكيك ،
امال مشت وهي تناظر وابتسمت : يووه صورتي ،
نجلاء : كل الشكر للاخ سعود ساعدنا بهالوقت ،
امال ابتسمت : سعود؟
ام نجلاء : اي كان هنا وعلق البلونات وكل شي و راح ،
امال : كان عطيتوه ياكل من الكيك شوي!
'
صقر ناظر لملاذ : يلا شوفي راح اتصل على امك وابوكِ و افتح الكام في لابتوب واسالك اي لون لابسين و من هنا تختارين اللون الي هُم لابسين عشان ينصدمون ،
ملاذ ضحكت من تفكيره وهزت راسها بـ اي ،
صقر : يلا تعالي ومشى وهو يعدل السرير وملاذ جلست صقر جلس جنبه وهو يتصل على فهد ،
امال كانت توكلهم الكيك بيدها ويضحكون ومبسوطين ،
فهد رن جواله وانصدم وهو يشوف اسم صقر وعلطول رد بفرح و لهفه وشوق : الوو يا يبه كيفك وكيفها بنتي ملاذ؟
صقر ابتسم : اكلمك من لابتوب عشان تشوفها وتعرف حالتها بنفسك ، فهد التفت لنجلاء وهو يطلب منها تجيب لابتوب ،
'
عمر كان منسدح بغرفته وهو يفكر كيف يصالح بين سلطان وعبدالرحمن فجاه رن جواله وناظر للاسم كانت غلا و رد بهدوء ولا تكلم بحرف واحد وهو ينتظرها تتكلم ،
غلا سكتت واستغربت من هدوءه تعودت على ازعاجه و اتصالاته وفجاه تغير وهمست : كيفك؟
عمر ابتسم : بخير الله يسلمك غريبه اتصلتي؟
غلا : ولاشي بس طفشانه وقلت نسولف ،
عمر : وقتك غلط توي انسدحت انام ،
غلا بهدوء : ليه تغيرت علي ومانت زي اول؟
عمر : عشان ارجع انذل منك ومن كلامك؟
غلا تنهدت : اسفه ماكان قصدي ذيك الليله معصبه ،
عمر : يلا بغيتي شي قبل اقفل؟
غلا : لا سلامتك شكلك ماعاد صرت تطيق صوتي ،
عمر تنهد وهمس : احبها تفهمين!
غلا سكتت وتجمدت بمكانها من كلمته الي نطقه ،
عمر : وش تبين توصلين له انتي! تبين تخليني اقولك احبك واحب صوتك واحب شكلك! هذا الي تبينه اي احبك افهمي احبك صوتك وشكلك وكل شي فيكِ يكفي ولا اهين نفسي بعد! ترا مابقى عندي كرامه من ذيك الليله.
غلا كانت ساكته وتسمع وحطت يدها على قلبها وهي تسمع دقات قلبها و توترت وهمست : ءءعمر ،
عمر بحده : وش تبين يا غلا فهميني وش اقول ؟؟
غلا : عمر اكلمك بعدين وقفلت الخط بوجهه ومدت يدها تمسح على وجهها وترفع شعرها وشغلت المكيف ووقفت قدامه وهي تحس انها احترت رغم البرد كل جسمها بدات تحس فيه بالحراره من التوتر والخوف ،
عمر ترك جواله وتنهد وهمس : ليتني ساكت ابرك لي ،
'
سُلاف ناظرت لعساف الي كان عند الباب ويضربه ويبكي يبي يطلع لبرا وهمست : عساف بابا اجلس خلاص ،
عساف مد يده للباب وهو يبكي ويضرب الباب بيده ،
سُلاف صدت ومشت وهي تحاول تنظف البيت ،
سلطان وقف سيارته عند المزرعه وبيده اغراض تنظيف البيت ومشى وهو يدق الباب ، سُلاف فزت وعدلت عباتها وطرحتها ومشت فتحت الباب وهي تشيل عساف من عند الباب ،
عساف بدا يصارخ ويضرب سُلاف بيده ،
سلطان دخل وانصدم من صراخه : شفيه يبكي؟
سُلاف تنهدت : يبي يطلع برا ، وسكتت وهي تشوف اللصقه الي بـ انفه وهمست : سلامتك ما تشوف شر ،
سلطان قرب اخذ عساف منها : الله يسلمك الشر ما يجيكِ ،
واخذ عساف وهو يناظر فيه : ودك تطلع برا شكلي خربتك ،
وناظر لسُلاف : تفضلي هذي الاغراض الي تحتاجينهم وخذي راحتك وانا هنا بالمزرعه مع عويس ،
سُلاف ابتسمت وهمست : عويس جديده هذي ،
سلطان : يعني دلع عساف عويس وضحك ومشى طلع ،
وحط عساف على الارض ووقف وهو يناظر فيه ،
عساف بدا يمشي بشويش وهو يناظر يمين يسار ،
سلطان مشى وهو يشيله : يا ولد الناس بتطيح ،
عساف رجع يبكي ويضربه على كتفه يبيه يتركه على الارض،
سلطان ناظر للقطو الي كان نايم : عويس شف وش هذا ،
عساف ناظر للقطو وبدا يضحك سلطان كان يضحك من ضحكته وقرب حطه على الارض ومسك يده : تعال يلا ،
عساف مسك اصبعه وهو يمشي معه وطلعوا لبرا من المزرعه عند السيارات سلطان ناظر للكلاب الي متجمعين فوق الجبل و صراخهم عالي عساف بدا يبكي بخوف من قوة صراخ الكلاب سلطان ابتسم وهو يشيله : خلاص خلاص نمشي،
عساف مسك طرف ثوبه وهو يحط راسه على كتفه ،
سلطان مد يده وهو يطبطب على ظهره ،
عساف كان ساكت ونايم على كتفه ،
'
صقر حط لابتوب قدام ملاذ الي تجمدت بمكانها وهي تشوف امها وابوها والتفتت لصقر و ملامح وجهها تتغير ،
ام نجلاء حطت يدها على فمها وبدات تبكي وصدت تبعد،
فهد حاول يقوي نفسه وهمس : ملاذ ابوي كيفك؟
صقر ناظر لملاذ الي نست خُطته وقعدت ساكته تناظر ،
امال ونجلاء كانوا واقفين ما قدرو يجون يشوفون لانه صقر موجود مع ملاذ وما يصير يطلعون قدامه ،
صقر قرب من ملاذ : تكفين لا تسوين كذا شوفي امك تبكي،
ملاذ ناظرت لصقر بهدوء و رجعت تناظر لابوها ،
فهد : ملاذ شفيكِ ؟
صقر : ملاذ لا تخليني اقفل ردي سوي اي شي حركي يدك ،
ملاذ ابتسمت وهي ترفع يده تسوي هاي ،
فهد ابتسم : صقر ياولدي خواتها يبون يشوفونها ،
صقر فهم عليه وهمس : تمام عمي انا رايح ، وقام توجه دخل البلكونه وهو يتصل على عبدالرحمن ،
امال و نجلاء ركضوا وهم يناظرون : ملاذذذ ،
ملاذ فزت من صوتهم وانصدمت وهي تشوفهم حطت يدها على فمها بصدمه وهي تناظر لهم ،
نجلاء تجمعت الدموع بعيونها : ملاذذذ كيفكك؟؟؟
امال ناظرت لملامح ملاذ وحبت تغير جو : نستيني هاه!
ملاذ ضحكت وهزت راسها بالنفي ،
فهد ناظر لـ لطيفه الي ما وقفت بكاء ومشى توجه لعندها ومد يده : تعالي قومي معي ،
ام نجلاء رفعت راسها له بدموع : ءءملاذ تشوف ،
فهد ابتسم : والله بسبب المستشفيات الي رحت لهم خلوني افقد الامل لدرجه ما بغيت اسافر وارجع انكسر من نفس الرد،
'
صقر : كيفك وكيف امي ؟
عبدالرحمن ابتسم : الحمدلله بخير حنا كيف الامور عندك؟
صقر : زين زين قاعده تكلم اهلها وجيتك انا ،
عبدالرحمن : يلا الحمدلله عقبال ما توصلون السعوديه ،
صقر : تصدق ودي اتصل واكلم امي بس اعرفها اذا شافت وجهي وشافتني بذي الحاله راح تبكي ،
عبدالرحمن تنهد : اليوم بالغلط انصقع كوعي بخشم سلطان الله لا يوريك كيف جلست تبكي تحسب انه بيموت ،
صقر بصدمه : بالغلط ولا صاير شي ؟
عبدالرحمن : يخي متغير سلطان هالايام ماهو نفس قبل ،
صقر : في ايش متغير؟
عبدالرحمن : مدري عنه ساعه ثلاث الليل برا يرجع الصباح،
صقر عقد حواجبه : غريب قبل كان بهالوقت ينام ،
عبدالرحمن : ولما شكيت فيه زعل مني و تهاوشنا ،
صقر بصدمه : شكيت!
عبدالرحمن : يخي متعب خويهه وش متوقع منه انت!
صقر : والله مدري بس قويه هذي تشك فيه ي دحوم ،
عبدالرحمن : خلنا منه لا تبطي علينا احضر عرسي ،
صقر بصدمه : عرسك مع من ؟
عبدالرحمن بضحكه : والله معرف مجهوله باقي امي تدورها،
صقر بصدمه : تتزوج ؟؟
عبدالرحمن : اي خلاص الحقك واصير من حزب المتزوجين ،
صقر : والله اعرفك اليوم توافق بكره ترفض ،
عبدالرحمن : خلاص خالتي مُزنه تدور العروسه ،
صقر بضحكه : خالتي مُزنه هذي لحد يعلمها شي ،
'
مشعل قام من النوم وتنهد وهو يناظر لمكان نجلاء كانت مو موجوده ابتسم بخفه وقام سحب اللحاف عنه و توجه ياخذ له شاور طلع ونشف شعره و لبس ثوبه وعدل شعره وفتح باب الغرفه وطلع وهو يشوف ريما تنظف و امه معها ومشى بهدوء وجلس : وش العشاء يا يمه؟
ام مشعل ناظرت فيه : مو مسوين شي روح جيب من برا ،
ريما ناظرت بصدمه : الا سوينا ملوخيه ،
ام مشعل : لا خليه ذا ياكل من برا ،
مشعل تنهد : تمام راح اكل من برا انا الغلطان الي جيت اسال وصد سحب مفاتيحه بيمشي لكن وقف وهو يسمع ،
ام مشعل : ارجع الحين ريما تجيب لك ،
مشعل التفت : لا خلاص اكل من برا ،
ام مشعل : لا تعاندني و ارجع ،
مشعل ناظر فيها : يمه فهميني ليه تسوين كذا؟ و نجلاء في ايش اذتك؟ حالها حال نفسها زيها زي ريم ليه تكرهينها؟
ام مشعل بهدوء : ما اكرهها بس حركاتها ما تعجبني ،
مشعل : يمه نجلاء توها ما تعودت عليكم وقسم بالله هي مو نفس ما انتي مفكره تراها طيوبه بغض النظر عن تعاملها ،
ام مشعل : انا من بعد حركات ابوها صرت ما اطيقهم كلهم،
مشعل : يمه خالي ومكانته بناته مالهم دخل نجلاء زوجتي انا! قسم بالله ما توقعت بيجي يوم اتحمل كُره امي لزوجتي!
ام مشعل ناظرت فيه : طيب خلاص اسفه تعال كل ،
مشعل مشى وهو يقبل جبينها : تكفين يمه لا تسوين كذا ،
ام مشعل ابتسمت : تمام اجلس انت ،
مشعل مشى بهدوء جلس وهو ياكل ويناظر لامه ،
'
امال بضحكه : اليوم كان ميلادي جيبي هديتي من المانيا ،
نجلاء : يليل المشفوحه هذي ملاذ لا تجيبين لها شي ،
ملاذ كلنت تبتسم وتضحك وهي تناظر لهم لكن فزت من طفى اللابتوب خلص شاحنه انقهرت بهاللحظه دخل صقر ملاذ ناظرت فيه وهي تاشر له بمعنى شصار؟
صقر مشى وهو ياخذ اللابتوب ويشوف : خلص شاحنه ،
ملاذ تنهدت صقر ناظر فيها : خلاص كلميهم بكره ،
ملاذ ابتسمت وهي تقرب منه وتحط راسها على كتفه ،
صقر قرب وهو يبوس راسها : احبك تفهمين!
ملاذ ابتسمت بخفه ،
'
امال : اووه اكيد زوجها الحيوان طفش مننا وقفل ،
نجلاء : مالومه ما صدقنا سولفنا وماعاد سكتنا ،
امال ضحكت وهمست : احط الكيك بالثلاجه ،
نجلاء : اي بالله حلي سعود اذا جاء يذوق مسكين انكرف ،
امال ابتسمت : احبه ما تغير من وهو صغير يكرف عشاني ،
نجلاء بضحكه : لا يسمعك ابوي يلا بروح اكلم الشغاله تجي تنظف و اخذ لي شاور واجي ننام ، ومشت ،
امال ابتسمت وهي تناظر للكيك فجاه رن جوالها استغربت وهي تشوف رقم عبدالرحمن و ردت : هلا؟
عبدالرحمن : اتصلت اهاوشك بس سمعت كلمتوها ،
امال : ياربي اخوك هذا يعلمكم كل شي مافي خصوصيه ،
عبدالرحمن : زيك قلتلك سر حتى ما مر يوم الا وفضحتي ،
امال : والله ماكان نيتي افضح بس مدري شصار ،
عبدالرحمن : اتصلت عشان اقفل بوجهك واش..ماكمل كلامه تلا وامال قفلت بوجهه وهي تضحك بانتصار ،
عبدالرحمن انصدم وقام يضحك : يالله منك بنشوف بنشوف وين بتروحين مني اعرف كيف اتصرف معك ، ترك جواله ومشى وهو يفسخ ساعته وينسدح ينام ،
'
سلطان ناظر لـ عساف الي نام بحضنه ومشى وهو يدق الباب لكن تراجع وهو يشوف الباب مفتوح عقد حواجبه وفتح الباب و دخل سُلاف كانت مو لابسه العبايه كانت لابسه بجامه خفيفه وتنظف فزت وهي تشوفه يدخل ومعه عساف ،
سلطان ناظر فيها وهو يشوفها كانت نحيفه و رافعه شعرها انصدم منها لكن ما بين وهمس : عساف نام ،
سُلاف : اطلع برا وقامت بتمشي لكن وقفت وهي تسمعه ،
سلطان : وين تتهربين ترا بيننا عقد نكاح وانتي حلالي و مو اول مره اشوفك !
سُلاف سحبت عباتها وهي تلبس : وبيننا اتفاق!!
سلطان : ما يفرق الاتفاق وانا اجلس هنا يعني راح تتهربين طول وقتك و تركضين من هنا وهناك؟
سُلاف : ياليت تخلص هالقضيه باسرع وقت وتفكني ،
سلطان مشى وهو يتوجه للغرفه : على خير بنشوف ،
ومشى وهو يحط عساف على السرير وناظر للغرفه كان نظيف نظفته وانسدح ع سرير جنب عساف ،
سُلاف ناظرت فيه بصدمه : بتجلس هنا!
سلطان رفع نظره لها : اي وبنام هنا بعد ،
سُلاف : انتتت انجنيتتت!!!
سلطان هز راسه بالنفي : لا ما انجنيت ليه تشوفيني اسوي شي غلط! متزوج منك بالحلال مو بالحرام ،
سُلاف كانت منصدمه من حركاته وتصرفاته : سلطان!
سلطان تنهد وهو يقوم ويوقف قدامها : وش تبين؟
سُلاف : اطلع من البيت ولا انا بطلع!
سلطان ضحك بسخريه : اطلعي بشوف وين تطلعين ،
سُلاف كانت مصدومه وقربت تشيل عساف سلطان مد يده وهو يمسكها : اتركي الولد نايم ،
سُلاف ناظرت فيه بصدمه : فيك شييي انتتت!!!
سلطان تنهد وهو يحاول يمسك نفسه و صد عنها وطلع لبرا وقفل باب البيت ومشى وهو يتمشى بالمزرعه ويطرد كل الافكار من راسه ويتعوذ من الشيطان ،
'
= صباح يوم جديد على الابطال =
'
صقر قام من النوم وناظر لـ ملاذ الي كانت نايمه بحضنه ابتسم وهر يناظر فيها وكيف كانت خايفه مو راضيه تنام تخاف تغمض عيونها وماعاد ترجع تلمحه ابتسم والتفت ياخذ جواله ويشوف الوقت وترك جواله وهو يحاول يقوم بدون ما يحسسها وفعلًا قام و توجه ياخذ له شاور على السريع وطلع وهو يشوفها باقي نايمه بتعب ابتسم ومشى وهو يعدل شعره و دخل اخذ كوب يسوي له كوفي بعد دقايق خلص و توجه للبلكونه وهو يناظر للأجواء اخذ نفس وهو يبتسم ويطلع يلتفت لملاذ الي نايمه ،
'
عبدالرحمن كان جالس بالصاله يتقهوى مع جده ،
الجد سُليمان كان يناظر للتلفزيون حاطين قناة الحرم وابتسم وهمس : اشتقت لـ مكه و ريحة مكه متى نزوره؟
عبدالرحمن : ان شاء الله جدي بس يخف الزحمه و اخذك،
بهاللحظه طلع سلطان من غرفته وناظر لعبدالرحمن الي كان جالس وصد ومشى وهو يسلم على الجد : كيفك يبه؟
الجد : انا بخير ياولدي توك تجيني وينك طول الوقت؟
عبدالرحمن صد وهو يقوم سحب مفاتيحه ومشى دخل غرفته وقفل الباب ، سلطان ناظر فيه وعرف انه مشى عشانه هو جاء وهمس : والله انشغلت ياجدي ما فضيت الا تو ،
'
امال ناظرت لنجلاء : شرايك نطلع نفطر برا ؟
نجلاء بتفكير : والله كنت افكر الاجواء تجنن نفطر بالسطح،
امال : لا كله غبار تبينا نموت!
نجلاء قامت بتتكلم فجاه رن جوالها ومشت وهي تشوف مشعل يتصل ابتسمت و ردت : هلا ؟
امال قربت منها وهي تسمع نجلاء دفتها و رجعت قربت ،
مشعل : كيفك نستيني الظاهر ؟
نجلاء : لا والله توي صحيت ما لحقت اتصل عليك ،
مشعل : اشتقت لك صحيت وانتي مو موجوده جنبي ،
امال ضحكت نجلاء دفتها وهي تبعد عنها وتمشي لبرا ،
امال بضحكه : هذي الي تقول اكرهه اجل ، ومشت وهي تعدل شعرها فجاه رن جوالها استغربت وناظرت وهي تشوف رقم ام صقر و ردت باستغراب : وعليكم السلام هلا خالتي ،
ام صقر : كيفك يا بنتي وكل عام وانتي بخير ،
امال ابتسمت : والله بخير انتي كيفك وما شاء الله كيف عرفتي؟
عبدالرحمن كان داخل غرفة امه وناظر فيها تكلم بجوالها وتوجه جلس وهو ينتظرها تخلص ،
ام صقر : شفت امك منزلة بحالة الواتس وعرفت اليوم ميلادك وكان بخاطري اجيب لك هديه بس بعيده عني انتي ،
امال : والله اتصالك تكفي ي خالتي مايحتاج هديه ،
ام صقر : كيفها امك وكيفها اختك نجلاء؟
امال ابتسمت : بخير كلنا والله و نجوله عندنا اليوم ،
ام صقر : صدق؟ سلمي لي عليها والله مشتاقه لكم ،
عبدالرحمن كان يناظر باستغراب بعد دقايق ام صقر قفلت من امال وناظرت فيه : هلا ياولدي وش بغيت؟
عبدالرحمن : ميلاد من ومن هذي الي تكلمينها؟
ام صقر : اخت زوجة صقر بنت فهد يا حليلها ،
عبدالرحمن : اوه يا كثر بناته ،
ام صقر : لا وين ياولدي ماعنده الا ثلاثه زوجة صقر ووحده ثانيه تزوجت وباقي اخر وحده هذي عمرها ٢٠ توها دخلت ،
عبدالرحمن كان مستغرب لانه ما يعرف اسماءهم ولا يعرف اعمارهم ولا يعرف عنهم شي : زوجة صقر ماهي بنتهم صح؟
ام صقر : اي نجلاء و امال بنته بس ،
عبدالرحمن عقد حواجبه من الاسماء : يخليهم له ،
ام صقر : افكر ارسل لها هديه او شي افرحها ،
عبدالرحمن : خلاص بنشوف اطلبي لها من موقع ويوصلون لها،
'
غلا كانت جالسه بالصاله تناظر لـ بيلا الي بحضن محسن يلعب معه وابتسمت : ياحلوها حبتك ،
محسن : مين ما يحبني ،
غلا ضحكت والتفتت لجوالها الي رن استغربت واخذته ناظرت للاسم كان عمر وتذكرت كلامها حست قلبها شوي وبيطلع من مكانها قفلت الخط وناظرت لمحسن الي ماكان منتبه ومشغول مع بيلا وصدت مشت لغرفتها و ردت : هلا؟
عمر نطق بدون مقدمات : تحبيني؟
غلا انصدمت منه وسكتت ولا قدرت تنطق او تتكلم ،
عمر : مت مره ومابي اموت مره ثانيه قولي تحبيني! جاوبي لا تسكتين وتتركيني اطيح فيكِ اكثر و تمشين عني!
غلا بهدوء : وين امشي عنك؟
عمر : معرف بس جاوبيني تحبيني!
غلا : عمر مشغوله الحين اك..ماكملت كلامه الا وعمر انقهر وقفل الخط بوجهها ، غلا تنهدت وهي ماعندها القوه تنطق وتقول له انها فعلًا حبته ،
'
مشعل كان جالس يناظر لامه الي تبخر البيت ومبسوطه و ريما نزلت وهي متكشخه ما بقى شي و يوصلون الضيوف ،
ام مشعل التفتت اول ما رن الجرس و فزت : وصلوا وصلوا،
مشعل قام بسرعه و توجه لغرفته وقفل الباب ،
ام مشعل مشت وهي تستقبلهم وترحب فيهم ،
دخلت ام ناديه و ديمه و ناديه دخلوا وهم يسلمون ،
والاطفال الي كانوا معاهم و امتلى البيت ازعاج ،
'
عبدالرحمن مشى ركب سيارته واخذ جواله ودخل يتصل على صقر لكن ضحك وهو يشوف رقم امال وضغط يتصل عليها،
امال كانت بغرفتها تناظر لنجلاء الي كانت تتمكيج فجاه رن جوالها فزت وناظرت للاسم كان عبدالرحمن و اخذت جوالها وطلعت بدون ما تشك نجلاء وطلعت للحديقه وهي ترد ،
عبدالرحمن : سمعت ميلادك اليوم مدري هي انتي ولا،
امال باستغراب : ميلادي انا؟ لا غلطان مو ميلادي ،
عبدالرحمن عقد حواجبه : والله سمعت من امي ،
امال : واذا ميلادي يعني وش بتجيب؟
عبدالرحمن : لصقه تقفلين فيه فمك وتكتمين الاسرار ،
امال بنرفزه : ما شاء الله تعرف تنكت انت ميلادك متى؟
عبدالرحمن : ما اعلمك تبين تنكتين شكلك ،
امال : اوه نسيت ميلاد وش قدك شايب ،
عبدالرحمن ابتسم : اي الميلاد والاحتفال للاطفال زيك يفرحون اما حنا عقلنا كبير ما همنا هالخرابيط ،
امال بقهر : اي الي بعمرك يربون عيالهم مو ينكتون ،
عبدالرحمن بضحكه : تو الناس لاحق اربي عيالي انتي جهزي الخطابات بيجونك و اعزميني ،
امال : خطابات ايش؟
عبدالرحمن : ميلادك خلاص كبرتي دخلتي العشرين سمعت ،
امال : ياربي خالتي ما تركت شي ما علمتك ،
عبدالرحمن : اي و جايه امي تخطبك ،
امال بسخريه : ماراح اوافق ،
عبدالرحمن : افا ترا اخوي مزيون ،
'
سُلاف جهزت كل اغراضها و لبست عباتها واخذت عساف وهي تفكر كيف تهرب من هالمكان بعد ما شافت حركات سلطان امس الليله فزت من انفتح الباب و دخل سلطان وهو يشوفها بذي الحاله : على وين؟
سُلاف شالت اغراضها : ابعد عن الباب بطلع ،
سلطان انصدم وقرب منها : ايش قلتي ما سمعت!
سُلاف بدموع : شتبيي مني انت حتى القضيه مو قاعد تسوي شيي ليه جبتني هنا!
سلطان ضحك بسخريه وهو يتذكر " فلاش باك "
لما كان ماسك عساف وهو يبكي يبي الرضاعه وسُلاف توجهت للغرفه ومشى سلطان جلس وهو يمد الرضاعه لعساف وجلس بهاللحظه سمع صوت جوال سُلاف الي كان يرن ووصلتها رساله عقد حواجبه واخذ جوالها كان فوق الكنب وناظر للرساله انصدم و تجمد بمكانه وهو يقرا : ...
'
مشعل كان بغرفته وهو يشوف ريما الي دخلت والاطفال دخلوا وراها و تجمعو بالغرفه وهم يمسكون اغراض نجلاء ،
مشعل ضحك ومشى وهو يشيل عبود و يبوسه ،
ريما : اطلعوا يلا ياويلكم من نجوله ،
مشعل اخذ جواله وهو يتصور مع عبود و يرسل لـ نجلاء ،
نجلاء كانت تستشور شعرها استغربت واخذت جوالها وهي تشوف صورة مشعل ماسك عبود : منهو الي معك؟
مشعل : افا ما عرفتيه ولدي من بيكون ،
نجلاء ضحكت وهي تتصل عليه بنفس الدقيقه رد مشعل : هاه علطول اتصلتي شكلك متوقعته مني،
نجلاء : شكله جاين ضيوف ما صدقوا اني طلعت من البيت ،
مشعل : ..
↚
امال عقدت حواجبه : مزيون!
عبدالرحمن : اي راح تدوخين من جماله ،
امال : يا شين الثقه وانت تعزز لاخوانك ،
عبدالرحمن بضحكه : عاد هذي هديتي لميلادك بكيفك ،
امال : اوه جتك حالة الخطابات ،
عبدالرحمن : اي و ادور عروسه لنفسي ادور لك عريس معي ،
امال بضحكه : لو العروسه شافت شعرك وشكلك راح تهج ،
عبدالرحمن : والله تعرفين تنكتين بسببك اتاخر عن الدوام ،
امال : اخبار شيهانه اشتقت له ،
عبدالرحمن : والله ماعندي حلم مارلينا تهتم فيه ،
امال بصدمه : اخذته مني وما تهتم فيه!
عبدالرحمن : ما اخذته منك اخذته من جدك ،
امال : نفس الشيء جدي عطاني هو!
عبدالرحمن : اذا ودك فيه تعالي خذيه من القصيم.
امال : خدعتني على شاي وتجيب شيهانه!
عبدالرحمن : لا حشى ما خدعتك جبت لك كليجه بداله،
امال التفتت لنجلاء الي دخلت عندها وقفلت الخط بسرعه ،
'
نجلاء ضحكت وهي تتصل عليه بنفس الدقيقه رد مشعل : هاه علطول اتصلتي شكلك متوقعته مني،
نجلاء : شكله جاين ضيوف ما صدقوا اني طلعت ،
مشعل عقد حواجبه : لا امي طلبت مني ارجعك بس رفضت ،
نجلاء : ليه جاين في سبب؟
مشعل : معرف والله بس الحريم جاين ،
نجلاء : غريب حتى عمتي ما كلمت ماما لو عزيمه او شي ،
مشعل : والله مدري خلينا منهم تراي مشتاق ،
نجلاء ابتسمت : اتفقنا اسبوع لا تتراجع ،
مشعل بضحكه : تمام يلا هالاسبوع بالنسبه لي سنه ،
'
= فلاش باك =
بهاللحظه سمع صوت جوال سُلاف الي كان يرن ووصلتها رساله عقد حواجبه واخذ جوالها كان فوق الكنب وناظر للرساله انصدم و تجمد بمكانه وهو يقرا : اخذك من الفندق؟
انصدم وهو يقرا وترك الجوال وناظر لسُلاف الي ما طلعت من الغرفه سلطان ترك الجوال و توجه طلع من المزرعه ،
= نرجع للواقع =
سُلاف : ابعد عني قلت!
سلطان هز راسه بالنفي وهو يقفل الباب : مانتي رايحه لمكان ،
سلاف انصدمت وناظرت لعساف الي بحضنها كان يبكي يبي ينزل ع ارض وتركته وناظرت لسلطان : شتبي مني!
سلطان : مابي شي ادخلي داخل و اشر على الغرفه ،
سُلاف رجفت بخوف انه يكون عرف بشي وصدت وقربت تشيل عساف قاطعه سلطان : اتركي الولد!
سُلاف التفتت بخوف : ءءشتسوي فيه!
سلطان قرب وهو يشيل عساف : ادخلي انتي جايك انا ،
سُلاف هزت راسها بالنفي بخوف : ءءسلط..قاطعه سلطان وهو يناظر فيها : قلت ادخلي ادخليييي!
سُلاف فزت من ملامحه وهي تشوفه معصب وسكتت و توجهت دخلت الغرفه وقفلت الباب وحطت يدها على فمها و دموعها تنزل بخوف انه عرف بشي وبياخذ عساف ،
سلطان وقف وهو يناظر لعساف الي كان يركض بالصاله توجه وجلس على الكنب وغمض عيونه وهو يفكر بعد دقايق قام و توجه فتح الباب و دخل وناظر فيها كانت تبكي ومشى بهدوء وقف قدامها : طليقك ناصر كيف عرف مكانك بالفندق!
سُلاف رفعت نظرها له و رفعت كتوفها : ءمعرف ،
سلطان : كيف ما تعرفين! جاوبيني كيف وصل لك وكيف عرف رقم الجناح وكيف عرف انك بالفندق والحجز باسمي!
سُلاف سكتت وهي تناظر فيه : ءمدري معرف شي ،
سلطان تنهد وصد طلع لبرا وسحب المفاتيح وقفل الباب ومشى ركب سيارته سحب المويا وهو يشرب و توجه للبيت،
سُلاف ركضت عند الشباك وهي تناظر انه مشى وطلعت وهي تشيل عساف و تحضنه وتبوسه ودموعها تنزل ،
'
غلا كانت منسدحه و سرحانه تفكر بـ عمر وهمس بقلبها : ياربيي ليه سويت كذاا ليه كلمته معرفه ولا اعرف عنهم شي شسوي الحين تنهدت وجلست فزت من سمعت صوت السياره ركضت فتحت الشباك وهي تناظر لسلطان الي نزل التفتت يمين يسار ما لقت عمر مشت اخذت جوالها وهي تشوف مافي رساله منه تنهدت ومشت جلست وهي تفكر ،
'
امال كانت جالسه مع نجلاء يسولفون و يشربون شاهي ،
ام نجلاء : ماني متطمنه من عمتك ،
نجلاء باستغراب : ليه وش الطاري؟
امال التفتت لامها : يمه فكينا من عمتي مانبي نسمع طاريها،
نجلاء : اساسًا مشغوله الحين مع ضيوفها ،
امال باستغراب : ضيوف وش؟
نجلاء رفعت كتوفها : معرف مشعل كلمني وقال ،
فجاه دخل فهد وناظر لزوجته : لطيفه تعالي ابي اكلمك ،
ام نجلاء استغربت وقامت مشت توجهت لعنده ،
فهد دخل وقفل الباب وناظر : كلمتي امال بخصوص سعود؟
ام نجلاء هزت راسها بالنفي : لا توها بدري ما كلمتها ،
فهد شبك يدينه وناظر فيها : ابو سعود فجاه قرر يقول ودي الملكه الحين والعرس بعد سنه ،
ام نجلاء بصدمه : مستحيل بنتك توافق توها صغيره !
فهد : مردها لسعود صح ولا لا!
ام نجلاء : صح بس يافهد ما يصير كذا نخليه مره وحده يخلص دراسته سعود ويرجع ويصير خير وبنتنا توها ما كملت دراستها ولا خلصت ،
فهد ناظر وسكت : يعني ارفض؟
ام نجلاء : اي اكيد توها ماهي مستعده ،
'
صقر ناظر لملاذ الي صحت ملاذ فتحت عيونها وهي تلتفت يمين يسار وقامت تبتسم وتضحك انها فعلًا تقدر تشوف ،
صقر ابتسم بخفه ومشى جلس : كل هذا نوم ؟
ملاذ ناظرت فيه وهزت راسها بـ اي ،
صقر : قومي تجهزي بنمشي نتمشى شوي ،
ملاذ ابتسمت وقامت توجهت للحمام " يكرم القارىء "
صقر اخذ جواله وهو يشوف رسايل عمر الي ما رد عليه من فتره ضحك وهو يتصل عليه لكن استغرب انه مايرد وترك جواله ومشى يسوي كوفي لملاذ ،
بعد دقايق طلعت ملاذ مشت وقفت عند المرايا وهي تشوف نفسها ابتسمت وهي تلمس وجهها وشعرها وتضحك ،
صقر طلع وناظر فيها وابتسم ووقف وهو يناظر لها ،
ملاذ رجعت شعرها لوراء اذنها وابتسمت وهي تشوف وجه صقر بالمرايه كان وراها والتفتت له ،
صقر مد لها الكوب : روقي وبنمشي ،
'
عبدالرحمن طلع من المكتب وتوجه لمكتب ابوه ناظر فيه ماكان موجود والتفت ناظر للعامل الي ينظف مكتب يوسف وهمس : وينه؟
العامل : في الاجتماع ،
عبدالرحمن هز راسه ومشى سحب الكرسي وهو يجلس ،
بعد دقايق دخل يوسف و بيده الاوراق عقد حواجبه وهو يشوف عبدالرحمن توجه وحط الاوراق على الطاوله وصد عنه،
عبدالرحمن رفع راسه ناظر فيه وهمس : اسف يبه ،
يوسف : اطلع من المكتب خلني اكمل شغلي ،
عبدالرحمن ابتسم وقام ناظر فيه : زعلان مني؟
يوسف : امك رضت عنك؟
عبدالرحمن بضحكه : اي رضت يعني ما ترضى عني الا لما امي ترضى عني ؟
يوسف : زعلت من حركاتكم شايفين طولكم وشنبكم وانتم تتهاوشون ؟
عبدالرحمن : يبه سلطان ما لاحظته متغير؟
يوسف : خسر القضيه عشان كذا متغير كلمني عمر ،
عبدالرحمن باستغراب : قضيه ثانيه؟
يوسف : اي سمعت خسر قضيتين بشهر واحد وهالشيء اثر على شغله كثير وانا مستغرب من سلطان الكل كان يمدحه فجاه صار يخسر قضيه ورا قضيه ،
عبدالرحمن عقد حواجبه : غريب ما كلمني احد ،
'
عمير ناظر لعمر الي وقف سيارته ونزل وتوجه لعنده وابتسم وناظر : مالك حس هالايام ،
عمر بهدوء : ابد من جامعه للبيت وانام ماعندي وقت ،
عمير : شرايك لو نمشي للملعب ونلعب كوره؟
عمر ابتسم : ماراح ارفضك ابشر بس خلني اتعشى واجيك ،
عمير : ابد خذ راحتك وانا اخلص شغلي واجي ،
عمر هز راسه بـ اي و توجه يدخل البيت لكن وقف و رفع راسه يناظر لبيت غلا وتنهد و دخل وقفل الباب ،
توجه دخل البيت وناظر لجده كان جالس بالصاله يشرب القهوة ويتفرج على قناة الحرم ومشى وهو يقبل جبينه ويده وجلس وناظر لامه : غريب وينه دحوم ما جاء؟
ام صقر هزت راسها بالنفي : تاخر اليوم ،
عمر : و سلطان ؟ شفت سيارته واقف ،
ام صقر باستغراب : لا ما جاء البيت ما شفته ،
عبدالرحمن وقف سيارته عند البيت وناظر لسيارة سلطان وتوجه دخل البيت وناظر : السلام عليكم ،
الكل ردو السلام والجد ناظر فيه : ابوك ما جاء؟
عبدالرحمن : لا عنده اجتماع مهُم وينه سلطان ؟
عمر : تونا نتكلم عنه ماندري وينه مختفي سيارته موجود ،
عبدالرحمن عقد حواجبه و توجه لغرفة سلطان فتح الباب لكن استغرب انه مو موجود وطلع لبرا لكن تذكر انه يمكن بالسطح وتوجه وهو يمشي من الدرج وصل السطح وقف وهو يشوفه فعلًا بالسطح واقف يدخل عقد حواجبه ،
سلطان كان واقف بالسطح يناظر للشارع و زحمة الشوارع ويدخن و سرحان بتفكيره والي يمر بباله الافكار ، قاطع حبل تفكيره عبدالرحمن الي همس : وش ناوي عليه؟
سلطان التفت له وهو يرمي الزقارة على الارض ويدعس عليه وصد بيطلع لكن مسكه عبدالرحمن : خسرت؟
سلطان : مو شغلك خسرت او كسبت ،
عبدالرحمن ناظر فيه : سمعت من ابوي خسرت القضيه مرتين واعرف شعورك ب..قاطعه سلطان وهو يمشي رجع عبدالرحمن مسكه من كتفه : اكلمك!
سلطان بحده : لا تكلمني ولا اكلمك وخل ظنونك يفيدك ،
عبدالرحمن تنهد وهمس : اسف غلطت و اعترف بغلطتي،
سلطان ناظر فيه : كسرت ثقتي فيك بظنك ،
عبدالرحمن : يخي كل مره تقول انك مع متعب وش تبغاني اتوقع؟ توزع مويا بالحرم ولا توزع اكل للايتام! متعب ما غيره الي من سرير لسرير مع وحده ويخلف بالحرام تتمشى معه!
سلطان بصدمه : عبدالرحمن!!!
عبدالرحمن : وش الي عبدالرحمن قلت شي غلط!
سلطان : متعب ما خلف من احد ولا في وحده حملت منه ،
عبدالرحمن : هذا كلامك انت اما متعب انا متاكد منه واعرف حركاته و وساخته النجس ،
سلطان : شف ي عبدالرحمن ما يهمني متعب وش يسوي بحياته الي يهمني انه يحترمني احترمه واحترم العشره بيننا ،
عبدالرحمن : خوش حلو خلنا منه علمني شصاير معك؟
سلطان ناظر فيه : معرف شصاير فيني كل قضيه اخسره ،
عبدالرحمن : وشهي القضيه؟
سلطان التفت وناظر له : القضية الاثنين يتشابهون وما خسرت الا بسبب اوراق من المستشفى بسبب التزوير معرف ايش الرابط ولا لي حيل افكر بس انا متاكد في شي بالموضوع يخي انا طول عمري ما خسرت قضيه وحده! الحين اخسر ورا بعض!
عبدالرحمن عقد حواجبه : وش اسم المستشفى الي جابوا الاوراق تزوير منهم؟
سلطان : ما يهم المستشفى كثر ما يهم مين الي يسوي كذا! و ايش الهدف! الحين ماسك قضية وحده تتعنف من ابوها و زوجها و في الجلسه تغيرت كل الادله و صار في تزوير في الموضوع و انقلب ضدي !
عبدالرحمن بتفكير : ما تحس في احد ورا هالشيء؟
سلطان هز راسه بالنفي : لا ما احس ولا اشك باحد يخي مالي عداوه مع احد ولا في احد حاقد علي !
عبدالرحمن رفع كتوفه : في شي غريب بالموضوع بس معرف وش عالعموم خلنا ننزل نتعشى ونتفاهم ،
سلطان صد : مالي خلق اتعشى اتركني افكر بهالقضيه الجاي،
عبدالرحمن وقف وناظر : وشهي؟
سلطان التفت له : يخي عبدالرحمن صدعت وانا افكر مدري شقاعد يصير حولي وحده رفعت قضيه ضد زوجها وابوها و ساعدتها بس كل مره طليقها يكشف مكانها! يخي كيف يعرف انا ماني عارف ايش الي قاعد يصير حواليني!
عبدالرحمن عقد حواجبه : يمكن هي تعلمه؟
سلطان بصدمه : مستحيلل هي رفعت قضيه ضده كيف تعلمه! مستحيل تسوي كذا وهي تطلب مني اساعدها ،
عبدالرحمن سكت وناظر و رفع كتوفه : ماني فاهم والله ،
'
صقر طلع من الفندق وهو ماسك يد ملاذ وطلعوا يتمشون ملاذ ابتسمت وهي تناظر الشوارع زحمه والكل ماسكين مظله كان مطر ع خفيف و لابسين جاكيتات ،
صقر ناظر للي يبيع بطاطس وهمس : اخذ لك؟
ملاذ التفتت وناظرت وابتسمت وهزت راسها بـ اي ،
صقر توجه وهو ياخذ لها ملاذ وقفت و رفعت راسها تناظر للسماء وتشوف قطرات المطر الي تنزل على الارض ،
صقر توجه وهو يمد له صحن البطاطس : تفضلي ،
ملاذ اخذته منه وفزت وهي تشوف الصحن حار ،
صقر انصدم وقرب مسكه : اسف اسف ما انتبهت والله ،
ملاذ ابتسمت صقر مسكه بيده : كلي وهو بيدي ،
ملاذ هزت راسها بالنفي بخوف انه يحرق يده و نزلت كُم جاكيتها واشرت له بمعنى يخليه على كُم الجاكيت ،
صقر هز راسه بالنفي وهو يمسك يدها : ماراح احترق لا تخافين و مد اخذ حبه ومده لها : كلي ،
'
مشعل كان بغرفته يتابع المباراة فجاه ريما فتحت الباب و دخلت ناظرت فيه : ماما تقولك لا تنسى تجيب عشاء ،
مشعل : بيجلسون بعد؟
ريما : اي بيروحون قريب الفجر يمكن ،
مشعل تنهد وهو يقوم يسحب ثوبه : تمام رايح ،
ريما ابتسمت : يسالون عن نجوله ،
مشعل : والله نجوله هذي الظاهر نستني ماعاد اتصلت ،
ريما : ليتها موجوده ،
مشعل : عشان امي تفشلها قدام الناس صح؟
ريما : الصدق ماما احس متغيره اليوم ،
مشعل : خليها بيروحون ضيوفها تقلب على زوجتي ،
'
ام ناديه ابتسمت : زوجة ولدك مو في البيت؟
ام مشعل تغيرت ملامح وجهها : لا راحت لاهلها امها مريضه بالمستشفى راحت تزورها ،
ديمه : توقعنا انها هنا قلنا ما حضرنا العرس ف نجي نشوفها ،
ام مشعل : اي اي كانت هنا راحت الظهر امها تعبت ،
ناديه : اوه وكيف حالتها الحين؟
ام مشعل بنرفزه : بخير بخير اتصلت كلمتها وتطمنت عليها طول وقتي وانا خايفه عليها حتى نوم ما نمت زين ،
'
عمر وعمير بعد ما رجعوا من الملعب عمير توجه لبيته عمر وقف عند الباب اخذ جواله وهو يشوف غلا ما رسلت شي تنهد وكتب لها : انا بانتظار جوابك " و دخل البيت وناظر لامه كانت جالسه تتفرج على المسلسل ومشى عنده : ابوي ما جاء؟
ام صقر : لا ياولدي قايل انه مشغول ،
'
28
You'll also like
الرياش نهج مغاير by MlkkSlt
الرياش نهج مغاير
4.5M
124K
حياة اعيشها يسودها البرود النظرات تحاوطني اوجهها ب صمود نظرات مترفة.... اعيظ هائمة ، عاشقة ، مستغلة ، عازفة! الناقلة: مريم حادر🤍🖤
بين ًسًـــلاسل العادات by Ch_Kfiah
بين ًسًـــلاسل العادات
2.4M
136K
العادات هي سلاسل قيدت العديد منا.. أما القدر فلة كلمة لاتتجزأ.. رواية جميلة تستحق القراءة متنوعة فلا تتوقف في بداية سطورها.. تعالو معي لنرى كيف تسير الاحداث ومن منهم...
قصص سكسي عراقي by user45832757
قصص سكسي عراقي
101K
194
قصص سكسي
جـحـيـَم روث by Rkao_24
جـحـيـَم روث
23.8K
1.1K
روايا حقيقة ||
شهد حياتي by SomaElaraby8
شهد حياتي
9.3M
155K
المركز الأول في رواية بتاريخ 18 /11 فى يوم وليله تحول كل شئ وأصبحت هى زوجته بسبب الظروف تحملت الكثير من اهانات نظرة المجتمع للأرمله صعبه جدا فوافقت على الزواج لتجنب صعوب...
روح في بحر الظلام by pahrasoad
روح في بحر الظلام
2.8M
114K
في وسط حقل الشوك يامن رميتني مع روحي وقلبي في الهموم اغرقتني حافيا ستعود في درب الالم ستموت ندمانا كما موتّني بقلمي✍️ الكاتبة بحر
عسى يفتديك لسان شاعرك و حصانه by rciwei
عسى يفتديك لسان شاعرك و حصانه
2.3M
71.6K
حسابي في الأنستا ؛ rciwei » لا اُبيح نقل الرواية أو إقتباسها « قد يُعرضك نقل أو إقتباس أو سرقة الرواية بدون إذن من الكاتبة إلى المسائلة القانونية .
نجلاء ناظرت لامال كانت نايمه توجهت للصاله شغلت التلفزيون جلست وهي تتابع ناظرت للشغاله الي دخلت وجابت لها الفشار ابتسمت واخذته منها وقعدت تاكل ،
طلعت ام نجلاء وهي لابسه العبايه وناظرت فيها : تمشين؟
نجلاء باستغراب : وين؟
ام نجلاء : رايحه مع ابوكِ نتمشى شوي نغير جو ،
نجلاء ابتسمت : لا والله ما بمشي روحوا انتم ،
ام نجلاء : تطفشين لوحدك واختك نايمه امشي معانا ؟
نجلاء : لا يمه مالي خلق روحي انتي بابا ينتظرك اكيد ،
ام نجلاء ابتسمت و هزت راسها بـ اي ومشت ،
نجلاء ضحكت و رجعت تتابع طفشت من المسلسل وتذكرت مشعل ابتسمت واخذت جوالها وهي تتصل عليه ،
مشعل كان واقف بالمطعم فز من رن جواله وناظر للاسم كانت نجلاء لا شعورياً ابتسم من تزوجوا اول مره تتصل عليه ،
و رد وهو مبتسم : ارحبي حي الله اول مره شاشة جوالي ينور باسمك عسى اشتقتي؟
نجلاء بضحكه : ما اشتقت اتصلت اتطمن وينك؟
مشعل : متاكده تتطمنين ولا ودك اجيكِ؟
نجلاء : لا والله طفشانه لوحدي وقلت اتصل عليك ،
مشعل باستغراب : ليه لوحدك وينهم خواتك وامك؟
نجلاء : اختي نايمه وماما طلعت تغير جو وانا اتذكرك ،
مشعل ابتسم : شرايك اجي اخذك اسحبي عليهم وتعالي للي مشتاق لك و لشوفتك؟
نجلاء بتفكير : لا اخاف اختي تزعل وعدتها اجلس اسبوع ،
مشعل : خليها تزعل محد قال لها تنام وتسحب عليكِ يلا جاي تجهزي مابي اسمع شيء ،
نجلاء ابتسمت وقفلت منه ومشت تتجهز.
'
صقر وقف عند البحر والدنيا ليل و هدوء ومطر على خفيف وزحمه عند البحر صقر التفت لملاذ : تدرين اعرف اصيد السمك تراي فنان تبين اصيد لك؟
ملاذ عقدت حواجبها وهزت راسها بالنفي وهي تبتسم ،
صقر التفت وناظر للرجال الي يصيد : شوفي شوفي كيف يصيد الحين انا مدري المحلات في ايش مقصرين ،
ملاذ التفتت للرجال وهي تناظر ، صقر انتبه لنظراتها و مد يده لعيونها : مو على كيفك تطالعين باحد غيري!
ملاذ التفتت ناظرت فيه وهزت راسها بالنفي و رجعت تناظر للرجال صقر انقهر و سحبها ووقف قدامها : تعاندين!
ملاذ ضحكت وقربت حضنته صقر التفت للرجال : ان شاء الله يارب كل الي يصيدهم يطيرون منه ،
'
سلطان وقف سيارته وتوجه للمزرعه دخل وبيده المفتاح وفتح الباب استغرب من الهدوء و دخل وهو يلتفت يمين يسار مسى فتح باب الغرفه ناظر لسُلاف كانت نايمه و عساف نايم بحضنها دخل وقفل الباب ومشى عند الشباك فتحه وناظر و رجع التفت لسُلاف الي ما حست بشيء ونايمه ،
طلع الدخان من يجيبه وهو يولع ويدخن ،
سلاف فزت من نومها على ريحة الدخان وقامت وهي تشوفه واقف وناظرت بنفسها كانت لابسه بجامة نوم لونه اسود وخفيف مره سحبت اللحاف وهي تغطي نفسها : اطلعع ،
سلطان ابتسم وناظر : وين اطلع ؟
سُلاف كانت مصدومه منه ومن تصرفاتها سحبت اللحاف اكثر وهي تغطي نفسها ، سلطان توجه لعندها : خايفه مني؟
سُلاف تجمعت الدموع بعيونها بخوف : ءالله يخليك لا ت..قاطعه سلطان : هذا تفكيرك منحرف مو تفكيري ،
سلاف انصدمت من كلمته وهي تناظر ولا قادره تقوم وتمشي لانه بيشوفها وبيشوف كل جسدها جلست و تغطت باللحاف ،
سلطان مشى وهو يرمي الزقارة من الشباك ويناظر بهدوء ويفكر ، سلاف كانت منصدمه من تصرفاته و اسلوبه ،
بعد دقايق نطق سلطان : ودك ترفعين قضيه ثانيه قلتي؟
سلاف كانت ساكته وتناظر فيه بصدمه ،
سلطان التفت وهو يحاول يمسك نفسه ولا يتكلم بشي ،
فجاه رن جواله اخذه وهو يشوف ابوه يتصل والتفت لسلاف وناظر فيها بنظرات ارعبتها وخافت منه سلاف ،
صد سلطان وطلع وهو يقفل باب الغرفه و يرد ..
'
مشعل وقف سيارته وهو ينتظر نجلاء بعد دقايق طلعت نجلاء وهي تشوفه واقف ابتسمت ومشت ركبت : هاي ،
مشعل : ارحبي عسى ما شافتك بس؟
نجلاء بضحكه : لا نايمه ولا حست ياويلي منها ،
مشعل قرب وهو يمسك يدها : هاليوم كان بالنسبه لي سنه!
نجلاء : اي وينها هذيك الي جبت منها الولد؟
مشعل عقد حواجبه : من.سكت وتذكر كلامه وصورة عبود وضحك وهمس : سحبت علي زيك راحت لاهلها ،
نجلاء انصدمت و قربت قرصته بكتفه ، مشعل فز وهو يضحك وناظر : وشفيك غيرتي الشرع حلل اربعه بس صح انتي قلتي محد يقبل فيني ومين الي يرضى ينام معي ؟
نجلاء تذكرت كلامها وهمست : لا تسولف بسوالف ما احبه،
مشعل : هذا كلامك انتي مو كلامي ،
نجلاء : طب لا تذكرني دامني ناسيه! ولا هذا طبعك مستحيل تتركه و تخليني ارجع ابعد!
مشعل انصدم من ردها والتفت : اسف طيب خلاص ،
'
غلا ناظرت لرسالة عمر وتنهدت وهي ماتدري وش ترد تحس انها تورطت هي فعلًا تحس بشعور اتجاهه بس بسبب خوفها ماودها تعترف وكتبت له : تنتظر ردي على ايش؟
عمر كان جالس بالصاله مع امه وناظر لامها كانت تتابع المسلسل ابتسم وهو يصور يدينها و رسل : راضيه اكلمها؟
غلا ناظرت لصورة اليدين وعرفت اكيد امه انصدمت وكتبت له : تكفى مو الحين خلني اخلص الجامعه ،
عمر : اخطبك بس!
غلا بخوف : لا عمر تكفى مو الحين ما احس اني مستعده ،
عمر : طب تحبيني معناته؟
غلا من شافت هالرساله سكتت ولا ردت ،
'
امال كانت نايمه قامت بازعاج من صوت جوالها الي ما وقف رسايل استغربت وهي تشوف رسايل من مندوب ،
وعدلت جلستها وهي تقرا " السلام عليكم معك مندوب توصيل في هدية باسمك ممكن ترسلين موقعك عشان نوصلك، استغربت وهي تقرا وتفكر من مين ، بنفس اللحظه رسل عبدالرحمن : ارسلي موقعك للمندوب ،
انصدمت وهي ترفع شعرها وتجلس زين : هدية ايش!
عبدالرحمن : ما صارت هدية اذا علمتك ارسلي وبس ،
امال بخوف : لا ما برسل اذا سالني امي شقول !
كانت متوقعه نجلاء في البيت وخافت تتورط معها ،
عبدالرحمن : ارسلي الموقع للرجال ونتفاهم ،
امال ترددت بعد دقايق رسلت له الموقع ، والتفتت وهي تدور نجلاء لكن مو بالغرفه وعلطول اتصلت عليه ،
عبدالرحمن كان منسدح بغرفته ويتابع المباراة ويرسل لها ،
ابتسم من شاف انها اتصلت و رد : رسلتي ؟
امال : اي بس هديه ايش شسالفه؟
عبدالرحمن : شفيكِ خايفه ترا هدية مو قنبله ،
امال : من وقتك تنكت اخلص !
عبدالرحمن : مو شغلك بيوصل لك وتعرفين ،
امال : تعلمني ولا ابلك المندوب !
عبدالرحمن : دام موقع وصل له عادي بلكيه راح يدق الباب وخلي عمي يطلع ويستلم الهدية وعناد فيكِ اكتب على هديه من حبيبك عشان تنجلدين ،
امال : ياربي من وقاحتك ليتني نايمه ولا رديتي ،
عبدالرحمن : اوه صح النوم اكيد شفتي رقم المندوب طار نومك ما صدقتي احد يرسل لك هدية ،
'
صقر ناظر للملاهي والتفت : تخافين؟
ملاذ هزت راسها بالنفي ،
صقر : متاكده؟ ترا راح اخذك واشوف اذا تكذبين ولا صادقه،
ملاذ ابتسمت صقر مسك يدها و دخلوا الملاهي ، ومتجاهل وناسي المستشفى الي يتصلون عليه ،
ملاذ رفعت راسها وهي تشوف اللعاب والناس راكبين ،
و اشرت على لعبه كان يخوف ويرتفع كثير ،
صقر بصدمه : تركبين بذا؟؟؟
ملاذ هزت راسها بـ لي وهي مبتسمه ،
صقر : لا والله خلينا نمشي مو مستعد اخسرك او افقدك ،
وسحبها وتوجه وهو يشوف الاطفال يلعبون ، العاب مُخصص للاطفال وهمس : هنا ارضى لو تركبين معاهم ،
ملاذ ضحكت وهي تناظر للاطفال ،
صقر : يلا تركبين هنا ولا نمشي ناكل شي ونرجع الفندق ؟
ملاذ هزت راسها بالنفي بمعنى ما تبي تركب ،
صقر مسك يدها : اجل بنمشي ناكل ،
'
مشعل وقف سيارته والتفت لنجلاء : انزلي يلا ،
نجلاء نزلت ومشت دخلت البيت ، مشعل طلع اكياس الاكل من السياره و لحقها ، نجلاء دخلت وانصدمت وهي تشوف كثرة الاطفال وصراخهم في البيت علطول توجهت لغرفتها،
ريما مشت عند مشعل : اوه رجعت نجوله ،
مشعل هز راسها بـ ومد لها الاكل و توجه لغرفته دخل وهو يشوفها تسحب لها فستان وتتجهز وهمس : على وين؟
نجلاء باستغراب : اروح اسلم عليهم عشان ما ابتلش بامك،
مشعل : ماله داعي خلينا ننام ،
نجلاء : لا تكفى مو ناقصه لامك ترا ومشت وهي تغير ،
مشعل سكت ومشى جلس على السرير ،
نجلاء طلعت و توجهت عند التسريحه تعدل مكياجها ،
مشعل كان جالس يطقطق بجواله ويكلم سعود ،
نجلاء التفتت له : مشعل شعري كذا زين؟
مشعل ما ناظر فيها كان يضحك مع سعود وهمس : اي اي ،
نجلاء بقهر : وش اي اي وانت حتى ما طالعت!
'
عمر دخل غرفته وهو يتصل على غلا ومبسوط انها غلا وافقت يخطبها بس بعد ما تخلص الجامعه ،
غلا ردت بتوتر : هلا ؟
عمر ابتسم : ايش الي هلا من بعد اليوم مابي اسمع غير حبيبي قلبي حياتي ،
غلا انصدمت : حبيبي وقلبي ؟
عمر : ايي كذاا غيره مابي اسمع لا هلا ولا الو ،
غلا ضحكت : تمام راح اقول هلا ،
عمر : يليل يعني تعانديني!
غلا ضحكت وجلست تسولف معه وتسال عنه ،
'
سلطان اخذ جواله وهو يكلم متعب ووينه في متعب رسله الموقع انه بالكافيه سلطان حرك سيارته متوجه للكافيه بعد دقايق وصل ونزل دخل وهو يدور متعب لمحه من بعيد كان جالس لوحده وتوجه لعندي وهو يجلس : سلام ،
متعب استغرب من ملامحه وتوتر : وعليكم السلام شفيك؟
سلطان تنهد : لا تسالني ماني عارف ايش قاعد يصير معي ،
متعب عقد حواجبه : ايش يصير معك؟
سلطان : انا تعبت وانا افكر فهمني انت ناصر كيف طلع مكانها وكيف جاء ! وكيف يعرف مكانها ! وكيف قدر يوصل لاوراق المستشفى و يزورهم وكيف وصل للفندق!
متعب توتر وهو يحس بحرارة بجسمه كله من التوتر ما حسب حساب شي وهمس : ي رجال اكيد كان يراقب ،
سلطان هز راسه بالنفي : عقلي بينفجررر يا متعب ،
متعب بتغير موضوع : الا بسالك سلطان شصار على سيارة مصعب؟
سلطان التفت له : انا اشكي لك همي وتعبي وانت تسالني عن مصعب! يخي وصد وهو يقوم ويسحب مفاتيحه ويطلع ،
متعب تنفس براحه انه مشى ،
'
صقر و ملاذ كانوا جالسين بالمطعم ياكلون ،
صقر بهمس : عجبك الاكل ولا اطلب لك شي ثاني؟
ملاذ هزت راسها بالنفي بمعنى ماتبي شي ثاني ،
صقر ناظر فيها : بنرجع المستشفى شكله ،
ملاذ فزت بخوف وهزت راسها بالنفي طفشت من المستشفى،
صقر مسك يدها : لازم يقلبي ما يصير كذا ،
ملاذ تغيرت ملامح وجهها وتركت الشوكه من يدها ،
صقر : طيب خلاص راح نرجع الفندق ننام ونرتاح ونمشي الصباح يتطمنون عليك ونرجع نطلع نتمشى اتفقنا؟
ملاذ ناظرت فيه بتفكير بعد دقايق هزت راسها بموافقه ،
↚
لطيفه وفهد وصلو للممشى وكانوا يتمشون وفهد سرحان ،
لطيفه التفتت له : ايش تفكر ؟
فهد بهدوء : صقر عالجها وصارت تشوف ،
لطيفه عقدت جواجبها باستغراب من كلامه : اي وشفيها؟
فهد تنهد وكمل : راح تزعل مني و راح تلومني يا لطيفه راح تقول ليه انت ما عالجتني ليه تركتني كل هالسنين اعاني ! بس يخي هنا خلوني افقد الامل وين ما رحت قالوا مالها علاج خفت خفت اسافر معها و اخذها و يكسروني بنفس الرد ماكان بيدي حتى يوم صقر حلف يعالجها ما كنت واثق وكنت عارف وش الرد الي بيجيه وكل هالايام كان مختفي ولا يرد كنت متوقع وصله نفس الرد الي كان يوصلني انها مالها علاج ! تركتهم وكنت عارف بيرجعون ويجي صقر يعتذر مني ويقول عمي سامحني مالقيت لعلاجها بس صدمني ي لطيفه!
لطيفه ناظرت فيه بحزن : لا تقول كذا بالعكس اكيد ملاذ تكون مبسوطه انه تزوجت من انسان يحبها و سعى لعلاجها! احنا ايش ما سوينا عشانها ي فهد! وانت ايش ما سويت عشانها ؟ اكل و شرب و لبس و تغير و اهتمام محد كثرنا سوا لها!
فهد نزل راسه وهمس : ماراح تسامحني ي لطيفه وتذكري كلامي اعرفها بتجيني و تشتكي وتكرهني ،
لطيفه : لا تقول كذا ي فهد !
فهد تنهد وهو يصد ويناظر حوالينه : تاكلين شي؟
لطيفه هزت راسها بالنفي ومسكت يده : اوعدك ماراح تسوي كذا و راح تحبك لانك وافقت على زواجها من واحد زي صقر،
'
امال استغربت من هدوء البيت ومشت طلعت لبرا وهي تصارخ : نجولهه مامااا ، استغربت وهي ما تسمع الرد ،
فجاه طلعت الشغاله : مافي اهد كلو روح ،
امال استغربت وين راحوا ومشت لغرفتها اخذت جوالها تتصل على نجلاء لكن ما ردت : اوفف سحبوا علي ولا كاني بنتهم !
تنهدت بقهر ومشت وهي تاخذ لها شاور ،
'
سلطان كان يسوق و سرحان بتفكيره توجه للمزرعه وقف سيارته ومشى فتح الباب ، سلاف كانت بالغرفه ودموعها ما وقفت كانت خايفه من كل شيء محد يعرف الي هي فيها وكيف انجبرت ماكان بيدها حيل ولا بيدها شي ماغير تبكي،
سلطان وقف عند الباب وهو يسمع صوت بكاءها ، تراجع وما فتح الباب وقف و سند نفسه على الجدار وغمض عيونه وهو يحس انه يظلمها كيف حكم عليها مجرد رساله شافه! بس بنفس الوقت كيف ناصر عرف الفندق ومكانها! تنهد وهو يمسح على وجهه والتفت دق الباب و دخل وناظر فيها ،
سُلاف فزت وسحبت اللحاف وهي تغطي نفسها والدموع بعيونها ووجها متغير من كثر البكاء والقهر ،
سلطان نزل نظره لعساف الي كان يلعب ب العابه بالارض ،
وتوجه عند السرير وجلس على طرف السرير : ليه تبكين؟
سُلاف صدت وهي ترجف بخوف منه ومن نظراته ،
سلطان اخذ نفس وهمس : اسف اذا خوفتك ادري حسستك بالامان معي وجبتك و تصرفاتي ماكان فيه اي امان ،
سُلاف كانت ساكته ونزلت راسها وهي تمسح دموعها ،
سلطان رفع نظره لها : وقفي هالبكاء وهالدموع اوعدك راح اسوي كل الي علي وانقذك بس ساعديني تكفين ماني عارف ايش قاعد يصير معي انا ضايع ي بنت الناس ضعت بسببك،
سُلاف ناظرت فيه و ودها تتكلم و تعلمه لكن ما تقدر ،
سلطان : اسف على الي سويته و اجبرتك تقعدين قدامي بهالمنظر وشفتك وشفت كل شيء فيكِ وبيننا اتفاق وانت ما وفيت بالاتفاق وما غضيت بصري عنك بس انتي حلالي بهالوقت وانا ما سويت شي غلط! لين متى نتهرب من بعض ولين متى تتغطين عني !
سُلاف صدت عنه وهي تناظر لعساف الي قام من مكانه،
سلطان سكت وهو يناظر فيها يشوفها و يتاملها حاول يبعد نظره لكن ما قدر سكت وهو يطالع فيها وشعرها القصير لين كتفها و الشامه الي بخدها اليسار وعيونها الي غرقانه بالدموع
والتعب الي بوجهها كان يشوف كل هالشيء ، بينما سلاف كانت صاده وتناظر لعساف الي يمشي لعندها ،
'
عمر طلع وهو يناظر : اخلصيي ولا بمشي ،
ام صقر : الحين تجيك كلمتها تلبس العبايه وتجي ،
مارلين طلعت وهي لابسه العبايه والنقاب وحواجبها طالعه ،
عبدالرحمن كتم ضحكته : قدامنا ما تتغطى وبرا تتغطى دين و دنيا ي مارلين تحسبين حلال نشوفك والي برا حرام ،
عمر : انت شف بالاول كيف لابسه امشي امشي بس ،
مارلين بقهر : شفي انتا يبغا رجال برا شوف انا؟
عمر هز راسه بالنفي : لا والله زين سويتي اخاف يدوخون من جمالك و نبتلش امشي بس اخلصي ،
ام صقر ضحكت وهمست : مارلين روحي وجيبي كل الاغراض تلي ناقص بالمطبخ ، مارلين هزت راسها بـ اي ومشت ،
عمر لحقها وطلعوا ركبوا السياره عمر مشى ركب قدام ،
مارلين فتحت الباب وقامت بتركب قدام لكن وقفت ،
عمر : هيهي وشو اركبي ورا ،
مارلين انقهرت وقفلت الباب بقوه ومشت ركبت ورا ،
عمر بصراخ : يااا بنتتتتت ،
'
نجلاء طلعت من الغرفه وتوجهت لمجلس الضيوف دخلت وهي تشوفهم جالسين يسولفون وابتسمت ومشت تسلم ،
ام مشعل انصدمت وهي تشوفها والتفتت لريما ،
ام ناديه ابتسمت : زين جيتي كان بخاطري اشوفك ،
نجلاء ابتسمت لها وقربت تسلم على البنات ،
ام ناديه : كيفها امك وكيف صحتها و ايش قال الدكتور؟
نجلاء انصدمت من كلامها والتفتت لـ ام مشعل الي نزلت راسها وعرفت حركاتها وهمست : بخير الحمدلله تحسنت كان تعب بسيط والحين احسن ،
ام مشعل انصدمت من ردها وناظرت فيها ،
نجلاء ابتسمت بخفه والتفتت لريما الي صبت لها القهوة
اخذت منها القهوة وهي تشرب ،
'
صقر كان جالس ينتظر الدكتور كان داخل يفحص لملاذ ،
بعد دقايق طلع صقر فز ومشى له : كيفها ؟
الدكتور ابتسم : بخير وحالتها تحسنت كثير احسن من قبل ،
صقر بفرح : الحمدلله الحمدلله ما يحتاج تقعد صح؟
الدكتور هز راسه بالنفي : لا ما تحتاج تقعد بس بين اسبوع و اسبوع لازم تجيبها عشان نتطمن اكثر ،
صقر هز راسه : ان شاء الله ،
الدكتور : و زي ما قلتلك من قبل حاول تخليها تعتمد على نفسها حالتها بهالطريقه مو زين ،
صقر : ان شاء الله بس ارجع السعوديه هنا صعب اتعامل معها بقساوه او ازعلها مالها غيري ،
'
امال تنهدت وهي تشوف للحين ما رجعوا فزت من وصلت له رساله من المندوب وكتبت له يحطه عند الباب وفعلًا حطه ومشت طلعت وما كلمت الشغاله تجيبه لانها تعرف راح تفضحها ومشت بنفسها طلعت لبرا وفتحت الباب بهدوء وهي تشوف كيس الهديه ابتسمت ومدت يدها اخذته ومشت لغرفتها قفلت الباب ومشت وهي تفتحه عقدت حواجبها وهي تشوف الاسوارة اخذت جوالها وهي تتصل عليه ،
عبدالرحمن كان يسوق سيارته متوجه عند العيال اخوياهه ،
اخذ جواله و رد : وصلك؟
امال : اي وصلني وماكان له داعي كل هذا ،
عبدالرحمن : عجبتك ولا لا؟
امال : كم سعره؟
عبدالرحمن : يليل جاوبي على قد السوال حلو ولا لا؟
امال : الا حلو بس بعطيك سعره ،
عبدالرحمن عقد حواجبه : ما صارت هديه عاد ،
امال : وش حسابك الراجحي ؟
عبدالرحمن : مافي لا تسوين لي فيه سالفه هديه و تقبليه ،
امال : لا ماراح اتقبله لين ارجع لك سعره ،
عبدالرحمن : ياهوه خلاص هديه وشو ترجعين لي سعره؟
امال : قلتلك ماراح اتقبله لين ارجع لك سعره !
عبدالرحمن تنهد : بدال ما ترجعين لي سعره خلاص يصير كل م جيت المدينة تسوين لي شاهي مقابل هالاسواره ،
امال : بالله عليك!
عبدالرحمن بضحكه : اي وما قلتي لي قدك ولا اكبر؟
امال اخذته وهي تلبسه وهمست : باقي ما لبسته ،
عبدالرحمن : حلو جربي وشوفي واذا اكبر قصريه ،
امال : بس انت ما علمتني متى ميلادك؟
عبدالرحمن : مافي ماراح اعلمك ،
امال باستغراب : وليه؟ قلنا شايب صح بس صدق متى؟
عبدالرحمن : مافي لا تحاولين ،
امال : طب كم عمرك ؟
عبدالرحمن بضحكه : انتي عمري ، امال انصدمت من رده،
عبدالرحمن انتبه لسكوتها والهدوء وهمس : امزح.
امال : لاعاد تمزح ،
عبدالرحمن ابتسم : ابشري ماراح امزح ،
امال : الحين اذا سالوني من جابه وش اقول؟
عبدالرحمن : قولي عبدالرحمن ،
امال انصدمت منه ومن جرائته : تستهبل!
عبدالرحمن : وين المشكله عادي ولا تخافين؟
امال : ما اخاف بس بـ صفتك من؟
عبدالرحمن ابتسم : مين ودك انتي؟
امال : غريب بالنسبه لي انت غريب ،
عبدالرحمن : حلو اجل خلاص قولي من شخص غريب ،
امال سكتت وهمست : واضح انك فاضي ،
عبدالرحمن : لا والله قاعد اسوق ،
'
عمر دخل البقاله وهو يشوف غلا كانت في البقالة تشتري و دايم تجي تشتري خرابيط للسهر وقف وهو يطالع فيها كانت لابسه عبايه لونه بينك و طرحه ابيض و شعرها طالع صبغتها اشقر لونها وكانت حاطه مكياج خفيف وشعرها ويفي ،
" مُلاحظه انها ما تتغطى فقط تلبس الحجاب ع راسها "
عمر كان مبتسم ويتاملها بينما غلا ما كانت منتبهه وتشتري ،
عمر التفت لمارلين الي مشت تشتري الاغراض ،
وتوجه يحاسب عن غلا ، غلا كانت واقفه تشتري بعد دقايق خلصت و توجهت تحاسب عمر عطاها ظهره عشان ما تعرفه،
الكاشير همس : حسابك مدفوع ،
غلا انصدمت وهي تلتفت يمين يسار تدور محسن او ابوها لكن ما هُم فيه وهمست : مين دفع؟
عمر التفت لها وهو يضحك والكاشير اشر عليه ،
غلا انصدمت وهي تشوف عمر واقف ،
عمر : انا دفعت عيوني لك ،
غلا بتوتر : عمر وش هالحركات !
عمر : مو شغلي من بعد اليوم تاخذين على حسابي ،
غلا التفتت وهي تناظر للي يدخلون البقالة : اروح البيت اكلمك واخذت اغراضها ومشت ، عمر كان مبتسم ويناظر لها،
'
سلطان طلع للمزرعه وهو ماسك عساف ومشى وهو يحطه على الارض عساف قام يبي و يرفع يدينه يبيه يشيله ،
سلطان انحنى وهو يشيله وتوجه وهو يحطه فوق سيارته،
واخذ جواله وناظر لاتصالات مصعب و رد : هلا مصعب ،
مصعب : شالاخبار متعب قايل لي انك متضايق؟
سلطان مد يده وهو يمسح على شعر عساف وهمس : ماني عارف ي مصعب احس اني ضعت بين هالام وولدها ولا قادر اهرب منهم و اتركهم ماني عارف شي يخي ولا قادر افكر بالقضيه عقلي مقفل مصدع ماني عارف شي ،
سُلاف كانت بالغرفه مشت وقفت عند الشباك وهي تناظر ،
كانوا بعيد لكن قدرت تلمحهم وتشوفهم ،
ناظرت لسلطان الي كان واقف يكلم بالجوال وعساف على سيارته يناظر فيه ، توجهت اخذت لها ملابس تدخل تاخذ شاور وتكمل تنظيف البيت وتحاول تنسى كل شي وتترك الموضوع ينحل بنفسه او ينكشف كل شيء تحاول تهرب من كل شي وترتاح هي مو اقل من سلطان حتى هي ضايعه ضيعت نفسها كانت تحس بشعور ثقيل ماعندها القوه تكمل اكثر وتسكت لكن بنفس الوقت ماعندها القوه تتحمل فقد عساف ،
'
صقر وقف وهو يطالع بـ ملاذ الي كانت واقفه كانوا واقفين بنص شارع المانيا والدنيا برد و زحمة الناس ،
ملاذ رفعت راسها وهي تشوف نظرات صقر ابتسمت وهي تحب هالنظرات تحب اهتمامه وحُبه وخوفه تحب كل شي فيه
تحب انه كيف يتاملها وكيف يحبها وكيف يهتم فيها ،
صقر ابتسم وهو يشوفها تطالع فيه كان يحس قلبه بيطلع من مكانه من قوة الحُب وده لو هي تقدر تتكلم وتعبر له عن حُبها له وبنفس الوقت يشوف الحُب بعيونها ويعرف انها تحبه وكيف تحضنه وكيف تبتسم وتضحك من كل كلمه يقوله ،
مد يده شبك يدينه بيدها وهم يتمشون بشوارع المانيا و يمرون بين الاسواق ،
'
مشعل كان نايم بغرفته نجلاء دخلت بعد ما راحوا الضيوف دخلت وهي تشوفه نايم مشت وهي تناظر فيه كان نايم وهو ينتظرها تجي كان مشتاق لها بس اخذه النوم ولا قدر ينتظر ،
نجلاء مشت وهي تمسح مكياجها وتفكر ليه ام مشعل سوت كذا ما عطت فرصه لنفسها تسالها ما ودها بوجع الراس انسحبت و دخلت غرفتها قاطع تفكيرها صوت جوالها وهي تشوف رسايل امال ضحكت وعضت شفتها : ياويلي منها ،
وتركت جوالها ومشت تغير وترتاح من هالفستان ،
'
امال استغربت انها ما ترد تركت الجوال بهاللحظه دخلوا فهد و لطيفه وهم مبتسمين ، امال وقفت مشت وهي تحضن ابوها والتفتت يمين يسار : وينها نجوله نسيتوها ؟
ام نجلاء باستغراب : في البيت هي وين بتكون ؟
امال بصدمه : لا صحيت مالقيتها والشغاله كلمتني انكم رحتوا توقعتها جت معاكم !
ام نجلاء : لا قالت لي بتجلس في البيت يمكن راحت لبيتها ،
امال ناظرت لابوها : يبه شف الحيوانه كذبت علي تجلس اسبوع!
فهد بضحكه : حتى انتي بكره تصيرين زيها ،
امال : لا طبعًا مستحيل اصير زيها ،
'
ام صقر ناظرت للجد الي كان جالس يتقهوى : كيف المزرعه؟
الجد سُليمان ابتسم : ماكان خاطري فيه كل ذكريات عبدالعزيز في المزرعه كل مكان في المزرعه يذكرني فيه ،
ام صقر : الله يرحمه من حبه ومعزتك بقلبه ترك لك المزرعه،
الجد سُليمان : اذكر زمان كان يقول لي نسوي مزرعه لاحفادنا وما شاء الله عليه شد حيله و سواه وانا سويت المزرعه في اخر الدنيا ولا لنا حيل نروح له ،
ام صقر : اذت بخاطرك ف اكلم فهد ونروح ونتطمن ونغير جو ونجلس فيه شوي ،
الجد سُليمان : افكر لو يجي فهد وقته نروح و اخذه يشوفه ،
ام صقر : حلو اجل ونروح قبله بيوم ننظف اكيد يكون مغبر،
الجد سُليمان : ان شاء الله على خير.
'
سلطان التفت وهو يشوف شباك الغرفه مفتوح والتفت لعساف كان يركض في المزرعه ويطيح ابتسم وناظر فيه : يلا عويس روح لماما بمشي انا ،
وتوجه وهو يشيله ومشى فتح الباب ودخل البيت وهو يدور سُلاف بعيونه استغرب من الهدوء دخل الغرفه وهو يشوف مالها حس والتفت للشباك وانصدم اول ما خطر على باله انها احتمال هربت ومشى طلع وهو يدورها لكن وقف من سمع صوت المويا من الحمام وتنفس براحه وتوجه دخل الغرفه وهو يشوف عساف الي مشى ارتمى على الارض ينام ابتسم بخفه وشاله وحطه فوق السرير وجلس جنبه ،
عساف كان منسدح ويطالع فيه بهدوء ،
سلطان كان ساكت و سرحان بتفكيره مايدري وش يسوي يحس انه ضايع وهو فعلًا ضايع ماهو فقط احساس ضيع نفسه لاجل هالقضيه سكت من سمع صوت الباب و رفع نظره وهو ينتظرها تدخل ...
'
عبدالرحمن كان جالس مع اخوياهه في البر يسولفون والنار وسطهم عقد حواجبه من وصله رساله دخل وهو يشوف كان رساله من امال كاتبه " شكرًا على الهديه نسيت اشكرك '
ابتسم وترك جواله و رجع رن اخذه وهو متوقع امال لكن ابوه الي كان يتصل وقام وبعد عن جلسة العيال و رد : هلا يبه؟
يوسف : اخوك صقر وشفيه ما يرد علي؟
عبدالرحمن : ماعندي علم والله ما اكلمه هالايام ،
يوسف : خايف عليه يكون بحاجة شي فلوس او اي شي ،
عبدالرحمن ابتسم : لا تخاف يا يبه ماهو بحاجة شي ولا كان كلمني تطمن انت ،
يوسف : والله فقدته ماله حس ولا حتى يرد على اتصالاتي ،
عبدالرحمن : لا تحاتي يبه اكيد مشغول ان شاء الله بيرجع ،
'
نجلاء انسدحت وهي تحاول تنام وتحس نفسيتها متغير من رجعت من عند اهلها وهي تحس نفسها مو بخير ولا قدرت تاكل شي طول الوقت ما اكلت غير كيكة ميلاد امال قامت جلست وهي حاطه يدها على قلبها تحس انها تستفرغ ،
مشعل فتح عيونه يسحب اللحاف لكن استغرب وهو يشوف نجلاء جالسه وقام ناظر فيها : وش فيكِ؟
نجلاء هزت راسها بالنفي : مافيني شي نام انت ،
مشعل بخوف : تكلمي وشفيكِ؟ يوجعك شي؟
نجلاء التفتت له وهزت راسها بالنفي : لا مافيني شي يخي ،
مشعل سكت وهو يقوم يجلس ويناظر فيها ،
نجلاء فزت و ركضت متوجه للحمام ، مشعل انصدم و لحقها،
نجلاء قعدت تستفرغ بعد دقايق طلعت وناظرت لمشعل كان واقف بخوف : شصاير لك؟؟
نجلاء تجمعت الدموع بعيونها وهمست : ماني عارفه بموت من الم بطني ،
مشعل : وش اكلتي؟
نجلاء هزت راسها بالنفي : ماني ماكله شي ،
مشعل مسكها من يدها : تعالي اجلسي ارتاحي ،
نجلاء مشت جلست و دموعها تنزل بخوف ،
مشعل مد اصبعه وهو يمسح دموعها : بلاها ي نجلاء تحملي شوي خليني البس ثوبي اخذك المستشفى ، ومشى وهو يسحب ثوبه ،
↚
مشعل سحب ثوبه و لبسه والتفت لنجلاء الي قامت بتلبس عبايتها وتوجه لعندها يساعدها لبست وطلعت معه مشعل قفل الباب ومسك يدها بيطلعون ، ام مشعل و ريما كانوا جالسين يسولفون بعد ما خلصوا من تنظيف البيت ،
ام مشعل باستغراب : وين رايحين؟
مشعل التفت : اذا جيت اعلمك وطلع وهو ماسك يد نجلاء ،
ومشى ركب السياره نجلاء ركبت معه و دموعها بعيونها ،
مشعل حزك سيارته ومد يده يمسك يدها : لا تخافين ،
نجلاء مسحت دموعها وهي تناظر للطريق ،
مشعل التفت لها بشك : تاخرت عندك الدوره؟
نجلاء انصدمت وناظرت فيه وما تكلمت بشيء ،
مشعل : اكلمك انا! جتك ولا لا؟
نجلاء هزت راسها بالنفي و رجعت تناظر للطريق من الشباك،
مشعل ابتسم وكمل يسوق وهو متاكد الي بباله صح ،
'
لطيفه دخلت وناظرت لفهد الي كان سرحان بتفكيره ومنسدح ومشت له : ايش فيك ما نمت؟
فهد ابتسم بخفه : اشتقت لابوي بخاطري اروح ازور قبره ،
لطيفه : طب روح ليه ما تروح ؟
فهد : الدوام ي لطيفه كيف اترك شغلي؟
لطيفه : خذ اجازه و ريح راسك و ارتاح وخلنا نطلع للقصيم نغير جو وغير كذا ام صقر كان بخاطرها نروح معها البحر ،
فهد عقد حواجبه : جده؟
لطيفه : هي كان بخاطرها كذا بس لا نروح لمكان ثاني ،
فهد : تمام اشوف اخلص شغلي ونطلع للقصيم على خير ،
'
عبدالرحمن لبس الدس وهو يناظر لـ شيهان على الوكر فوقه و البرقع على وجهه ابتسم وهو يخليه بين يده بهاللحظه نزل عمر وهو يشوفه وابتسم : شتسوي ؟
عبدالرحمن مد له الجوال : صورني بالله صوره حلوه ،
عمر بتفكير : كم تدفع لي؟ عاد تصويري حلو لازم مقابل ،
عبدالرحمن : اقول اخلص بس من زين التصوير عاد ،
عمر : تنتقد وتبغاني اصورك!
عبدالرحمن : اخلص علي ي رجال بسرعه ،
عمر ضحك واخذ الجوال وهو يصوره.
'
" عند صقر وملاذ في المانيا بالفندق تحديدًا "
ملاذ كانت عند المرايه تناظر بنفسها و لبست بلوفر لونه ابيض
صقر كان لابس بلوفر لونه اسود ومشى عندها : تعالي يلا ،
ملاذ ابتسمت ومشت معه و دخلوا المطبخ ،
صقر : وش ودك كيك ولا دونات تراي فنان ،
ملاذ ابتسمت ومشت وهي تشيل القلم والدفتر وتكتب ،
" مُلاحظه تعرف تكتب وتقرا الحادث صارت معها وعمرها ١٤ كانت تدرس وتشوف لكن ما تتكلم خلقه "
كتبت له كيك صقر قرب و قراء وابتسم ومشى وهو يطلع الاغراض ملاذ مشت عنده وهي تساعده ،
صقر طلع الفراوله وناظر فيه واخذ حبه ومده لها.
ملاذ ابتسمت واكلت شوي واخذته ومدته له صقر ابتسم وفتح فمه و اكل من يدها ، وقرب اخذ البيض وهو يكسره وملاذ تساعده يسون كيك '
'
مشعل وقف وهو ينتظر الدكتوره الي طلعت ومبتسمه وناظرت فيه : انت زوجها؟
مشعل ابتسم من كلمة " انت زوجها" وهز راسه بـ اي ،
الدكتوره : مبروك هي حامل ،
مشعل كان حاس بهالشيء وعرف لكن ما يدري ليه انصدم لما سمع من الدكتوره هالكلمه تجمد بمكانه وهو يحس رجوله مو شايله والدنيا مو سايعته ومشى دخل عند نجلاء ناظر فيها كانت منسدحه نجلاء رفعت نظره له وهي تشوفه مبسوط،
مشعل مشى وهو يجلس جنبها ويمسك يدها ويبوسها ،
نجلاء ناظرت فيه : مشعل احس اني خايفه ،
مشعل : لا تخافين راح اتفاهم مع ولدي ما يعذبك ،
نجلاء ضحكت من كلامه وهي تشوف فرحته ،
مشعل : ما ودك تقومين نمشي للبيت عشان اقدر اضمك؟
نجلاء : لا تعلم احد لا اهلي ولا اهلك ،
مشعل باستغراب : ليه؟
نجلاء : بس لا تعلم احد مابي احد يعرف ،
مشعل : ترا راح يفرحون ! و اول حفيد كيف تبين ما اعل..قاطعته نجلاء : ادري ي مشعل ادري بس لا تعلم تكفى،
مشعل تنهد وهو ما وده يتناقش معها اكثر وهي بذي الحاله وهمس بهدوء : تمام ابشري قومي ،
'
امال كانت جالسه بغرفتها وتناظر بالاسواره ابتسمت وهي ترجع تحطه بالدرج و انسدحت وهي مستغربه ليه نجلاء ما ترد على اتصالاتها و رسايلها سحبت اللحاف وانسدحت واخذت جوالها تطقطق فيه و دخلت الواتس تشوف نجلاء اذا شافت الرسايل ولا لا لكن وقفت وهي تشوف صورة العرض حقت عبدالرحمن كان لابس ثوب و كُم الثوب مشمر رافعه ،
ولابس بيده الدس و شيهانه على يده ، كبرت الصوره وهي تشوف وابتسمت : اوف شيهانه اشتقت لك والله ،
فجاه دخلت ام نجلاء وناظرت فيها : ما نمتي للحين؟
امال تركت جوالها والتفتت : لا والله طفشانه ودي نروح لمكان نغير جو حتى نجوله حيوانه سحبت علي ،
ام نجلاء ابتسمت : خليها اكيد مشغوله مع زوجها و ابوكِ وده يروح القصيم يزور قبر جدك ودك نمشي لـ ام صقر ؟
امال ابتسمت : يوه اشتقت لها اتصلت تعايدني ع ميلادي ،
ام نجلاء : خلاص ان شاء الله ابوكِ كلمني بيقوم الصباح يروح يخلص اجتماعه ويرجع ونتجهز وبنمشي ،
امال : ماراح ناخذ نجوله الحيوانه خلي شعلولي ينفعه ،
'
مشعل كان يسوق وماسك يدها وكل شوي يبوس يدها ويحس انه مو مصدق واخيرًا بيصير اب وناظر فيها : ي ام نايف شالاخبار ايش عندك ساكته؟
نجلاء التفتت له وضحكت : ام نايف؟
مشعل : اي ومن بعد اليوم مافي الا ام نايف راح اصير اقولك ارحبي ام نايف سوي العشاء ي ام نايف ،
نجلاء كانت تضحك وهي تسمع سوالفه وتشوف فرحته ،
'
سلطان رفع نظره وهو ينتظرها تدخل سُلاف ماكانت متوقعه انه سلطان بالغرفه كانت حاطه المنشفه على راسها و لابسه جينز وتيشيرت ابيض لونه قصير الكُم تصنمت بمكانها وهي تشوف سلطان منسدح على السرير و عساف جنبه ،
سلطان ما بعد نظره وعيونه عنها وهو يشوفها بهذي المنظر وقدامها وكيف واقفه و طولها كانت طويله لكن مو اطول من سلطان، ما قدرت تتحكم من الصدمه وهي تشوفه استوعبت على نفسها وصدت طلعت بسرعه وهي تقفل الباب حطت يدها على قلبها بخوف وهي تحس بيطلع من مكانها ،
سلطان حس انه بيتهور سحب مفاتيحه وترك عساف ومشى فتح الباب وقف وهو يشوفها عند الباب وناظر فيها لثواني وتعوذ من الشيطان وصد طلع بسرعه ،
'
امال مشت وهي تفتح الدولاب تدور لها فستان ابتسمت وهي تلمح فستانها لونه لحمي على وردي خفيف طلعته وهي تناظر فيه ومشت حطته على السرير ومشت تدور اساور وحلق تليق على الفستان ابتسمت من تذكرت اسوارة عبدالرحمن مشت اخذته وهي تشوف لونه فضي وتليق مع الفستان لبسته ومشت وهي تلبس الخواتم وتشوف يدها بالمرايه و عروقها البارزه بيدينها مشت وهي تاخذ الشنطه لونه اخضر صغير نوعًا ما وشالته وهي تشوف بالمرايا و ابتسمت برضى ومشت لبست الفستان وتشوف شكلها : والله طالعه حلوهه ،
ومشت وهي ترجع كل شي لمكانها وتستشور شعرها ناظرت للساعه كان ٣ الفجر واكيد فهد بيصحى ٤ ويروح لدوامه يخلص ساعه ٦ و بيروحون القصيم بالسياره هالمره ،
ومشت وهي تشيل مكياجها وتحطهم في الشنطه وتجهز ،
'
عبدالرحمن دخل غرفته وهو يفسخ ساعته ويحطه على الطاوله رفع يده بيفسخ ثوبه لكن وقف وهو يشوف امه تدخل ابتسم وهمس : هلا بالغاليه تعالي حياكِ ،
دخلت ام صقر وناظرت فيه : بتنام؟
عبدالرحمن هز راسه بالنفي : لا والله ما انام الحين ليه؟
ام صقر : ابوك كلمني احتمال بيجي فهد مع الاهل ،
عبدالرحمن عقد حواجبه وهمس : حياهم الله ،
ام صقر : قال لي احد يستقبلهم لانه راح يكون في الدوام ومافي غير سلطان بس ما يرد علي انا بنام واذا جاء كلمها اخاف انسى بكره و انشغل بالقهوة والترتيب ،
عبدالرحمن بضحكه : انا استقبلهم اروح لهم ماعليكِ ،
'
صقر مشى وهو يناظر للكيك الي تجهز وطلعه وحطه على الطاوله والتفت لملاذ : شرايك؟
ملاذ ابتسمت وقربت وهي تحط الفراوله فوق الكيك ،
صقر ناظر للشوكلاته واخذ شوي ب اصبعه وقرب من خشمها وهو : اسويه!
ملاذ هزت راسها بالنفي وضحكت وهي تهرب منه ،
صقر لحقه وطلعوا من المطبخ ملاذ ركضت لفوق السرير ،
صقر : وش تحسبين مقدر اجيكِ؟
ملاذ ابتسمت وهي تشيل اللحاف وترميه عليه ،
صقر عقد حواجبه : عاد من بعد هالحركه ما اتركك لحقها ومشى وهو يمسكها من يدها : وين راح تهربين يعني؟
ومد اصبعه الي فيه الشوكلاته لخدها وهو يضحك ويشوف خدها الي كله صارت شوكلاتة ،
ملاذ ناظرت فيه بقهر ومسحت وقربت تحط على وجهه ،
صقر ضحك وقرب وهو يبوس خدها : خلاص اسفه يلا نمشي،
ملاذ ابتسمت وقامت معه ،
'
مشعل دخل ونجلاء معها وماسك يدها و توجهوا لغرفتهم ،
نجلاء مشت حطت عباتها وجلست على السرير بتعب ،
مشعل ابتسم وتوجه لعندها : متوقعه اني اتركك تنامين؟
نجلاء عقدت حواجبها باستغراب وبهاللحظه فجاه اندق الباب مشعل استغرب وتوجه فتح الباب وهو يشوف امه ،
ام مشعل : انا و ريما نظفنا الصاله كلم زوجتك تنظف المطبخ،
مشعل تنهد : يمه هي تعبانه كلمي ريما تنظف وبعدين وينهت ريم ابي منها شغله وطلع وهو يصارخ : ريمااا ،
ريما ركضت له : هلا ناديتني؟
مشعل : اي ناديتك سوي اكل لـ نجلاء ما اكلت شي طول اليوم،
ريما : في رز اسخنه لها؟
مشعل : اي ر..قاطعته ام مشعل بصدمه وهي تناظر فيه وطلعت وهمست بحدها : وليه هي ما تسوي لنفسها لا يكون حاطه حناء برجلها ولا ما تقدر تمشي!
مشعل بهدوء : يمه قلتلك هي تعبانه شفيكِ؟
ام مشعل : ما تستحي وانت تخلي اختك تخدم زوجتك!
مشعل بصدمه : على ايش استحي وبالنهايه نجلاء بنت خالها وهم من زمان يسون لبعض وعادي !
'
فهد قام من نومه وهو يشوف الساعه ٤ الفجر تنهد وهو يقوم و التفت لـ لطيفه و ابتسم : ما نمتي؟
لطيفه : لا مافيني نوم وبنتك من سمعت بنمشي ماعاد نامت،
فهد ابتسم وتوجه للحمام " يكرم القارىء " بعد دقايق طلع ومشى وهو يعدل شعره و لبس ثوبه وطلع وهو يشوف امال بالصاله و ابتسم : وش تسوين هنا؟
امال قامت ومشت حضنته : صح النوم كنت انتظرك تصحى عشان اقنعك نروح جده اشتقت للبحر ،
فهد ابتسم وهمس : على خشمي ابشري ،
ام نجلاء بصدمه : بس انا كلمت ام صقر اننا بنجيهم؟
امال : يمه مو هي كانت تبي نروح البحر؟ قولي لها تجي هناك،
ام نجلاء تنهدت : تمام اكلمها واشوف ،
فهد : جهزو اغراضكم اخلص الاجتماع واجي وبنمشي ،
امال : ماراح نعلم نجوله ولا بناخذها معانا الحيوانه ،
'
ريما كانت تسخن الرز وما انتبهت ليدها الي انحرقت فزت وهي تشوف يدها احمر وتحس بوجع ومدت يدها لوراء ظهرها وحطت الرز بالصحن واخذت الصينيه وتوجهت لغرفة مشعل،
مشعل كان جالس جنب نجلاء وماسك يدها ومد يده وهو يرجع شعرها ورا اذنها : يوجعك شيء؟
نجلاء هزت راسها بالنفي ، بهاللحظه دخلت ريما وبيدها الصينيه ومشت حطتها وهي تحاول تخبي يدها من مشعل،
مشعل ابتسم : شكرًا يعطيكِ العافيه ،
نجلاء ابتسمت : شكرا ريموه ، ريما ضحكت ومشت ،
مشعل ناظر لنجلاء : من بعد اليوم لازم تهتمين بـ اكلك عشان بيجي نايف وهو صحته زين ،
نجلاء ناظرت فيه : وانت شعرفك انه ولد؟
مشعل بضحكه : احساس و احساس الاب ما يخيب ،
نجلاء ضحكت وقربت تاكل من يده ،
'
امال دخلت غرفتها ومشت وهي تجهز شنطتها وملابسها وناظرت للفستان : ما بلبسه دامنا ما بنروح لخالتي ام صقر. ومشت وهي تطلع بنطلون ابيض وتيشيرت كحلي بدون كُم،
واخذت جاكيت لونها اسود لبسته فوقها وهي تتصور ومشت جلست وهي تنتظر أبوها يجي ،
'
عبدالرحمن كان صاحي بغرفته يتابع التلفزيون ،
ام صقر توقعت انه نايم و دخلت تطمن عليه ابتسمت وهي تشوفه صاحي : ما نمت؟
عبدالرحمن : اخاف تروح علي نومه مين يستقبل ضيوفك ،
ام صقر ناظرت فيه : ما بيجون غريب انا قلت لمارلين تعلمك؟
عبدالرحمن عقد حواجبه : لا ما علمتني وليه ما بيجون؟
ام صقر : بيروحون لجده وكلمونا نروح حنا بعد نتجمع هناك ،
عبدالرحمن : اووه وش هالقرار فجاه ؟
ام صقر : كنا مخططين من قبل نروح البحر كلنا ونغير جو وما قدرنا ف ان شاء الله هُم يوصلون وبنروح حنا ،
عبدالرحمن ابتسم : انزين حلو بنمشي الظهر بعد ما يوصلون ،
'
فهد دخل البيت وناظر فيهم كانوا جاهزين ابتسم والتفت للسواق الي اخذ الاغراض والشنط يدخلهم السياره ،
امال : كم يوم نقعد يبه؟
فهد : والله مدري يا بنتي انا كلمت يوسف تني اوصل و نستاجر فندق و اححز لهم بعد ويجون ،
ام نجلاء : بنفس الفندق نتجمع؟
فهد : اي نشوف فندق زين الجناح يكونو جنب بعض افضل جناح لكن و جناح لنا ،
امال ابتسمت : بس تكفى يبه قريب البحر عشان اخر الليل اذا طفشت اروح البحر و استمتع لوحدي ،
فهد : ان شاء الله ابشري ،
↚
= صباح يوم جديد على الابطال =
'
فهد كان يسوق وعيونه على الطريق و ام نجلاء تصب له القهوة والتفتت لامال وراء : عطيني المعمول الي بالكيس ،
امال مدت لها وهي ماسكه جوالها وتسمع اغنيتها المفضله ،
فهد : اتركي هالجوال و سولفي معنا ،
ام نجلاء : طول وقتها على الجوال مدري شتسوي ،
امال ضحكت وهي تترك جوالها : طب شسوي طفشانه مافي احد نجوله وملاذ كلهم راحوا ،
ام نجلاء ابتسمت على طاري ملاذ : ياحلوها ملاذ اشتقت لها ،
فهد تنهد : ان شاء الله بيرجعون على خير ،
'
ملاذ كانت نايمه بحضنه صقر التفت وناظر فيها وهو يلعب بشعرها غمض عيونه وكلام الدكتور يتكرر باذنه الكلام الي عجز يصدقه و انصدم صدمة عمره ولا وده احد يعرف رغم انه اخوانه يعرفون بوضعه لكن ما علم احد لا ابوه ولا امه ، غير عبدالرحمن وسلطان سكت وهمس : سامحيني ي ملاذ ،
غمض عيونه بقهر و رجع اخذ جواله وهو يتصل على عبدالرحمن وترك ملاذ و توجه دخل البلكونه ينتظر رده ،
عبدالرحمن كان نايم وتحرك بانزعاج من صوت جواله جلس و رد باستغراب : هلا ي صقر شصاير ؟
صقر : مو صاير شي بس فاضي ؟
عبدالرحمن : اي فاضي تكلم شفيك ؟
صقر تنهد : مدري يا عبدالرحمن احس قاعد ارتكب جريمه في حق نفسي وفي حق زوجتي اخاف تعرف حقيقتي تكرهني ،
عبدالرحمن عقد حواجبه : حقيقتك؟
صقر : اي حقيقتي ولا نسيت كلام الدكتور؟
عبدالرحمن سكت وتذكر وانصدم : علمتها؟؟
صقر : لا يخي ما علمتها مابي اخسرها و افقدها ،
عبدالرحمن : لا تعلمها خلها و ربك يحل الامور ،
صقر بقهر : ايش الي ينحل ي عبدالرحمن!! بسبب كلامك انت وسلطان من تزوجت وانا اقولها بنجيب عيال ودك بعيال! بس الحقيقه قدامي مهما هربت مستحيل اصير اب ي عبدالرحمن وهي تحرم من شعور الام بسببي! تعرف وش يعني بسببي! احرمها من شعور الام والحمل والمشكله فينيي!
عبدالرحمن قام جلس وسحب اللحاف عنه وتوجه وهو يفتح الشباك وهمس بهدوء : ليه ما نمت؟ خابرك هالوقت نايم! ولا شعور الذنب ما تركك تذوق النوم؟
صقر بضيق : تجاهلت كثير ي عبدالرحمن وقلت اركز في حياتها بس وعمليتها والحين هي تشافت وتنتظر نرجع السعوديه بس خايف ي عبدالرحمن بكره امي تحط السبب فيها ولا تدري المشكله في ولدها! خايف عليها من السوال الي كل بنت اذا تزوجت يسالونها للحين ما حملتي! وش تجاوبهم يا عبدالرحمن ! كيف اصارحها!
عبدالرحمن تنهد : صقر اطرد هالافكار من راسك وكل شي بوقته حلو لا تفكر كثير ما بيتغير شيء صدقني ،
صقر سكت وهمس : داري مافي شي يتغير اتصلت عليك اقولك همي الي اثقل كتفي ،
عبدالرحمن : خير وانا اخوك باذن الله خير كل شي بوقته حلو لا تفكر كثير ولا تصارحها ولا تصارح احد خله بيننا ،
'
سلطان كان صاحي وجالس بغرفته تعب من كثر التفكير اخذ اللابتوب وهو يجلس ويحاول يتذكر قضية ايلان وكل شي يخصه و يربط الامور بقضية سُلاف لعله يوصل لشيء بس للاسف تنهد وهو يترك كل شيء من يده ولا قادر يوصل بشي ولا وده يظلم سُلاف ويشك فيها ويترك قضيتها اخذ جواله وهو يتصل على مصعب بعد ساعات رد : هلا سلطان ،
سلطان بهدوء : تمسك قضية سُلاف عني؟
مصعب عقد حواجبه : ليه تعبت انت؟
سلطان : عقلي بينفجر ب مصعب ماني عارف شي تعبت قسم بالله ولا قادر اتصرف و اندم ،
مصعب : والله انت تعرف زوجتي توها ولدت مقدر ،
سلطان تنهد وهمس : نسيت خلاص احله بنفسي ، قفل منه وتوجه وهو ياخذ الشنطه ويدخل فيه كل ملابسه ،
'
ريما كانت بغرفتها وبيدها الثلج وتحطه على مكان الحرق ودموعها بعيونها مو قادره تتحمل فزت من انفتح الباب وحطت يدها ورا ظهرها : ءءهلا يمه ،
ام مشعل بحدها : شفيكِ! وليه حطيتي يدك ورا ظهرك!
ريما هزت راسها بخوف : مافيني شي بس كذا ،
ام مشعل مشت وهي تسحب يدها وانصدمت وهي تشوف الحرق وناظرت فيها : بسببببهااا حرقتي نفسك صح!!!
ريما هزت راسها بالنفي وسحبت يدها : مو بسبب احد ،
ام مشعل سحبتها معها وطلعت وهي تصارخ : حسبي الله عليكم حسبي الله شسويتووو ببنتي حسبي الله ،
نجلاء كانت منسدحه على السرير ومشعل جالس جنبها وماسك يدها وهمس : مبسوطه؟
نجلاء هزت راسها بالنفي : ماكان ودي الحين ،
مشعل عقد حواجبه : وليه م..فز من دق الباب وقام وقف وتوجه فتح الباب ما تكلم وهو يسمع صراخ امه ،
ام مشعل : حسبييي الله عليك ساحرتكك ساحرتك زوجتك ما تشوف شصار باختك بسببهااا!
مشعل سكت وناظر لريما الي كانت تهز راسها بالنفي ،
ام مشعل سحبت يدها وناظرت لمشعل : شفف!!
مشعل انصدم وهو يشوفها يدها احمر قرب وهو يمسك يدها،
نجلاء قامت من مكانها ومشت لهم : شصاير؟
مشعل : مو صاير شي ارتاحي انتي ، وسحب ريما : تعالي ،
ريما دخلت معه للغرفه مشعل توجه وهو ياخذ الكريم من عند التسريحه وناظر فيها : ليه ما علمتيني!
ريما بدموع : مافيني شي امي معصبه على فاضي ،
مشعل تنهد وهو يحط لها الكريم ،
ام مشعل ناظرت لنجلاء بقرف وصدت مشت ،
نجلاء مشت وهي تسحب المعجون : احطه بالثلاجه تبرد تفيدك، ومشت طلعت متوجه للمطبخ ، ام مشعل ناظرتها ولحقتها ووقفت : نظفي البيت ريما مايمديها انحرقت بسببك طول وقتك جالسه ما تسوين شي ، ومشت بقهر ،
نجلاء وهي ماودها تتناقش ويعصب مشعل مشت بهدوء وهي تاخذ الصحون وتغسلهم ،
'
ام صقر طلعت وهي تناظر لمارلين : مارلينااا ،
مارلين ركضت لها : هلا ماما ،
ام صقر : جهزي الاغراض بنمشي لجده اليوم ان شاء الله ،
طلع يوسف وناظر : جهزتوا الفطور ولا باقي ،
ام صقر : اي اي جاهز ابوك قاعد يفطر روح افطر معه ،
يوسف توجه وهو يشوف الكل جالسين على طاولة الطعام ،
الجد سُليمان : تعال افطر ،
يوسف مشى جلس وهو يسمي بالله وبدا ياكل ،
سلطان استغرب من الهدوء وهمس : بتروحون جده كلكم؟
الجد سُليمان : اي لا يكون مانت جاي معانا؟
سلطان هز راسه بالنفي : لا والله مشغول هالايام ما يمديني ،
عبدالرحمن ناظر فيه وسكت وكمل ياكل ،
عمر : ترا قريب اتخرج ،
عبدالرحمن : لا تنتظر مافي هدايا ،
عمر : لا والله مو على كيفكم تسون لي حفلة التخرج بعد ،
يوسف ضحك وهو ما وده خُطة عبدالرحمن والي فكرو فيه ،
الجد سُليمان : حرام ي يبه وش حفلة وخرابيط ،
عبدالرحمن : صادق جدي ما يصير الاحتفال صدقني ي عمر ،
يوسف التفت لابوه : كلمك فهد وصلوا؟
الجد سُليمان : والله ما كلمني يمكن ما وصلوا باقي ،
'
مشعل ناظر لريما : تحرقك؟
ريما بكذب : لا ما تحرقني واصلًا امي زودت السالفه من عندها مافيني شيء ،
مشعل ابتسم : انتبهي لنفسك و اسف اذا بسببي ،
ريما : مشعللل قلتلك مافيني شي خلاص ووينها نجوله م جت؟
مشعل : خليني اروح اشوفه وطلع وهو يدورها ومشى للمطبخ انصدم وهو يشوفها تغسل : شقاعده تسوين انتي!
نجلاء التفتت له : قاعده اغسل ،
مشعل مشى وهو يسحب من يدها المواعين : اطلعي برا ،
نجلاء : مشعل خلني اكمل مافيني شيء ،
مشعل بحده : ابعدي اقولك و روحي ارتاحي انا بغسلهم ،
نجلاء هزت راسها بالنفي : ابعد انا الي بغسلهم ،
مشعل : تعاندين يعني! نجلاء سكتت وصدت وهي تكمل تغسل مشعل وقف قدامها وناظر فيها : اساعدك طيب ،
نجلاء سكتت وكملت تغسل مشعل وقف وراها ومد يدينه من عند خصرها وقرب من عند اذنها وهمس : تحبيني؟
نجلاء تقشعرت من همسه وانفاسه : مشعل ابعد خلني اكمل،
مشعل مسك يدها الي كله فيري وشبك يده بيدها : جاوبي!
نجلاء توترت وهي تترك الصحون وتغسل يدينها ، والتفتت له مشعل عرف انها راح تهرب ووقف قدامها ومد يدينها بحكم انها ما تقدر تمشي وهمس : جاوبي وبعده روحي عشان اذا جاء نايف اقوله امك اعترفت لي وقت خبر حملك ،
نجلاء سكتت وهي تناظر فيه : مو على كيفك نايف! يمكن تطلع جوهره ،
مشعل بضحكه : جوهره؟ ، نجلاء هزت راسها بـ اي ،
مشعل هز راسه بالنفي : واذا قلت ابيها نجلاء الصغيره؟
نجلاء ابتسمت وهي تحط يدها على صدره : صدق؟
مشعل ابتسم من شافها تقرب منه وهز راسه بـ اي : صدق،
نجلاء قربت وهي تشوفه طويل اطول منها ووقفت على اصابع رجولها ومدت يدها عند دقنه : واذا طلع مشعل الصغير؟
مشعل كان منصدم من حركاتها ويناظر بعيونها : ودك؟
نجلاء ناظرت فيه وهي تشوفها : وش ودي؟
مشعل ابتسم وهو يبعد يدينها عنها وقرب يمد يده لورا خصرها نجلاء ضحكت و دفته و ركضت طلعت من المطبخ،
مشعل انصدم انها كانت تلعب عليه وهمس : طييب طيب ،
نجلاء رجعت ناظرت فيه بضحكه : غسل وتعال انا بنام ،
مشعل ضحك من ضحكتها وحركاتها ،
'
فهد وقف سيارته ونزل عند الفندق وناظر : انزلوا يبه ،
امال ابتسمت وهي تلتفت وهي تشوف البحر قريب من الفندق وهمست : اوف يجنن الاجواء ،
ام نجلاء ابتسمت : الحياة غير في جده وين بنلقى زي جده،
امال بضحكه : اي والله مافي زي جده وبحره ،
فهد طلع من الفندق : يلا تعالوا يا يبه ،
و دخلوا لداخل الفندق توجهو للمصعد ،
ام نجلاء : كلمت اهل صقر بيجون؟
يوسف : اي توي رسلت الموقع ليوسف وكلمته ،
امال : بالاول بشوف اي جناح فيه شباك مطل على البحر ،
يوسف بضحكه : الاثنين فيهم لا تخافين ،
امال ابتسمت وطلعوا من الفندق والتفتت وهي تشوف الباب الاثنين قدام بعض و توجهت دخلت لجناحهم حطت عبايتها ومشت وهي تناظر من الشباك : اوف ودي اروح البحر ،
ام نجلاء : كان رحتي ليه فسختي عبايتك ،
امال : ميته تعب من طول الطريق بنام ،
دخل فهد وهو يضحك : كانوا يحسبون بنجي بطياره ولدهم يتصل عبدالرحمن يقول اجي استقبلكم قلتله وصلنا ،
ام نجلاء ابتسمت : يعمري الله يحفظه يازين عيالهم والله ،
'
صقر كان ساكت و سرحان ومنسدح على السرير ويناظر لملاذ الي حاطه راسها بحضنه وبيدها القلم وترسم ،
صقر : ترسمين ايش؟
ملاذ مدت يدها على نفسها وعلى صقر اشرت له وسوت بيدها حركه انهت هي وصقر وطفلهم ، صقر سكت وتغير ملامح وجهه وقرب سحب منها الدفتر والقلم : ماله داعي ،
ملاذ انقهرت انها ما كملت الرسمه وناظرت فيه ،
صقر قام وقف : قومي بنمشي نتمشى الاجواء حلوه ،
ملاذ ابتسمت وقامت من مكانها توجهت وهي تلبس الجاكيت صقر مد يده فتح ازرار تيشيرته يحاول يتنفس من القهر والغبنه الي حس فيه وتوجه طلع قبلها وتركها ،
'
يوسف وقف وهو يناظر لعمر ومارلين يدخلون الاغراض بالبيت وناظر لسلطان : انتبه على نفسك وعلى اخوك ،
عبدالرحمن مشى وهو يحضن سلطان : شد حيلك بالقضيه، والتفت لعمر : وانت شد حيلك بالاختبارات ،
ام صقر نزلت والتفتت لهم : استودعتكم الله ، والجد سُليمان وفهد وعبدالرحمن و ام صقر ركبوا السيارة متوجهين لجده ،
سلطان ناظر لعمر : انا رايح لمصعب انتبه ع نفسك ،
عمر هز راسه بـ اي و دخل البيت وناظر لمارلين كانت تنظف الطاوله و تجاهل ودخل لغرفته يتصل على غلا ،
مارلين استغربت ومشت قربت من الباب وحطت اذنها تسمع،
'
سلطان حرك سيارته متوجه للمزرعه بعد ساعات وصل ونزل،
سُلاف كانت بالمزرعه برا جالسه تشوف قطرات المطر الي بدت تنزل وناظرت لعساف الي كان واقف يناظر للقطو ويضحك سُلاف ابتسمت وكانت لابسه فستان خفيف لونها ليموني وبدون كُم وحاطه الشال على كتفها وماسكه جاكيت عساف الي مو راضي يلبسه : عساف بابا تعال راح تبرد ،
وفزت من سمعت صوت السياره التفتت وهي تشوف سلطان الي وقف سيارته ونزل ووقف بمكانه وهو يشوفها وتصنم ،
سلاف قامت من مكانها وهي تسحب الشال تغطي نفسها ،
سلطان تجاهل وصد ناظر لعساف الي طاح على الارض كان يبي يركض لسلطان ومشى عنده وهو يشيله ، سلاف ركضت مشت لداخل سلطان ناظر لعساف وقرب يبوسه وتركه على الارض وهو يشوف ملابسه الي توسخ لما طاح ،
عساف قام يبكي و رافع يدينه يبيه يشيله ،
سلطان مد اصبعه : ما بشيلك امسك يدي ،
عساف جلس على الارض وهو يبكي و رافع يدينه ،
سلطان تنهد وناظر لثوبه وخاف يتوسخ ،
وقرب شاله وهو يبعده عنه ومشى فتح الباب ودخل وحطه بالصاله وهمس : روح لماما تغير ملابسك ،
سلاف كانت بالغرفه مقفله الباب وجالسه بخوف ،
'
امال باستغراب : شاي ولا قهوة؟
ام نجلاء : سوي قهوة افضل وهم بالطريق جاين ،
امال ابتسمت وهزت راسها بـ اي و دخلت المطبخ تسوي ،
ام نجلاء اخذت الصحون وهي تحط المعمول والتمر ترتب ،
فهد دخل وناظر : خلاص انتم الحريم هنا وحنا بالجناح الي قدامكم وجهزو القهوة اخذهم معي هُم بالطريق ،
امال طلعت وناظرت : يبه اسوي القهوة بشرط اروح البحر !
فهد ناظر لساعته : توه ٦ المغرب بدا الدنيا يظلم ،
امال : مالي دخل ادري راح تنشغل وتسولف معاهم وما تاخذني بروح لوحدي بس شوي و ارجع ،
فهد تنهد وناظر لزوجته : اخليها ؟
ام نجلاء : تعرفها عنيده ما تسمع خلها تروح بس ترجع بسرعه،
امال ابتسمت بحماس : يمه القهوة على النار ، و ركضت للغرفه وهي تشوف نفسها بالمرايه و رفعت شعرها و لبست عباتها وعدلت نقابها وطلعت : يمه انا رايحه الحين ،
ام نجلاء تنهدت وسكتت : يالله انك تصبرني على هالبنت ،
امال مشت طلعت وتوجهت للمصعد ركبت ونزلت لتحت ومشت طلعت من الفندق وهي تشوف زحمة السيارات ابتسمت وتوجهت تمشي للبحر وهي تشوف الزحمه ،
'
نجلاء كانت نايمه ومشعل جنبها على الجوال يكلم سعود وكتب له : هاه كيف البريطانيه؟
سعود ضحك وكتب : والله مو حلو تعودت عليكم ،
مشعل : عندي لك خبر بس ما اعلمك لين ترجع مره ثانيه ،
سعود : يوه قده الخبر صار مغبر ،
مشعل : عاد عجل علينا لا تتاخر ،
سعود : تدري بطلت مالي نيه اكمل الدراسه خلاص اتزوج و اتوظف و اشوف لي بيت و استقر عندكم ،
مشعل عقد حواجبه : فكره حلوه والله ،
سعود ابتسم وطلع وهو يناظر لصورة امال وصورته وهم صغار ،
'
صقر وملاذ طلعوا وهم يتمشون وقفوا عند الحديقه وهم يشوفون الزحمه والاطفال الي يلعبون و ازعاج ،
ملاذ ابتسمت وهي تناظر والتفتت لصقر الي كان سرحان ويناظر بالاطفال والتفتت وهي تشوف الطفل الي توجه عندهم وقف وهو يناظر فيهم ، ملاذ ابتسمت ومشت عنده ومدت يدها الطفل قرب مسك يدها وابتسم ،
صقر بهاللحظه كان ساكت ويراقب بصمت ،
ملاذ التفتت لصقر تناديه يجي صقر تنهد ومشى عندها ،
ملاذ ضحكت وهي تاشر على الطفل ،
صقر قرب جلس على ركبته وناظر للطفل كان بيده حلاوه اخذه وهو يفكه له ومده له ،
الطفل اخذ منه الحلاوه وهو يناظر فيهم بصمت ،
صقر التفت لملاذ الي كانت مبسوطه وقرب مسك يدها يسحبها معه : تعالي نشرب قهوة ازعاج هنا ما احب الاطفال،
ملاذ عقدت حواجبها وسكتت ،
'
امال وقفت عند البحر وهي تناظر ابتسمت وهي تشوف البحر وصوت الموج والتفتت يمين يسار تشوف الزحمه وناظرت للبنت الي جنبها تصور البحر وابتسمت لها واخذت جوالها تصور لنجلاء وقف جنبهم رجال ثاني وقرب يصور ،
امال ما كانت منتبهه له وتصور والتفتت وهي تشوف الرجال جنبه فزت و جوالها بغت تطيح لكن بحركه سريعه من البنت الي جنبها مسكت لها جوالها : يمه جوالك انتبهي ،
امال حطت يدها على قلبها والتفتت لها : شكراً والله انقذتيني، وناظرت للرجال الي صور ومشى بطريقه ،
البنت : والله اتذكر جوالي طاح هنا وللحين مقهوره ،
امال بضحكه : قدها السمك اكلو جوالك ،
البنت : اي للاسف وجوالك بعد كان بيكون من نصيبهم ،
امال : لا تكفين زين انقذتيني ،
البنت ضحكت وناظرت فيها : ياحلوك حبيتك ،
امال : والله انتي الي ياحلوك ،
البنت مدت يدها تسلم : انا ريمان وانتي؟
امال ابتسمت بفرح وسلمت عليها : وانا امال ،
ريمان : تشرفت وشكلنا بنصير صحبات معرف احد في جده،
امال ابتسمت : يوه انتي زيي معرف احد في جده كل مره نجي بس ما تعرفت على احد ،
ريمان : ليه من وين انتي؟
امال قامت بتتكلم لكن شافت مجموعة العيال الي وقفوا على جنبهم ويسولفون وصوت ضحكاتهم عالي ،
ريمان بقهر : يع يا شينهم تعالي نتمشى ونسولف ،
امال ابتسمت ومشت لها : جيتي لوحدك؟
ريمان هزت راسها بالنفي : لا مع اهلي كلهم جالسين ،
امال : انا جيت لوحدي اهلي مشغولين بالضيوف ،
وقعدو يتمشون ويسولفون ،
'
يوسف وقف سيارته ونزل والكل نزلوا وفهد كان واقف ينتظرهم مشى وهو يستقبلهم ويسلمون على بعض ،
يوسف التفت لعبدالرحمن : خذ امك انت بنجي حنا ،
عبدالرحمن هز راسه بـ اي ودخل الفندق ام صقر دخلت معه،
فهد : يالله حيهم زين جيتوا بغيت انام ،
يوسف : والله تعبت من الطريق ،
الجد سُليمان : خلونا ندخل نرتاح ونسولف ونتقهوى ،
و دخلوا لداخل الفندق ركبوا المصعد ،
ام صقر وصلت و دخلت وهي تسلم على ام نجلاء ،
وجلسوا وهم يسولفون و يتقهون ،
'
سلاف قربت تلبس عبايتها فزت من انفتح الباب ودخل سلطان وهو ماسك يد عساف الي يبكي : غيري له اخذه معي ،
سُلاف هزت راسها بـ اي لبست عبايتها وتركت شعرها ومشت شالت عساف وطلعت لبرا تغير له ،
سلطان التفت يمين يسار ومشى وهو يدور جوالها تنهد بقهر ما لقاها وقف وهو يشوف شنطتها مشى فتحه وشاف جوالها اخذه وشافه مقفل شغله وهو ينتظر ينفتح ،
'
فهد اخذ جواله وناظر للساعه صارت ٨ قريب الـ ٩ و رسل للطيفه : جت امال ولا لا؟
لطيفه كانت جالسه تسولف مع ام صقر وكتبت له : لا ما جت روح شوفها وينها لا يكون صار فيها شيء؟
فهد فز من هالطاري وترك الفنجال من يده وهو يقوم ،
يوسف باستغراب : على وين ؟
فهد : بنتي راحت للبحر وللحين ما جت مر ساعتين ،
الجد سُليمان بصدمه : راحت لوحدها!
فهد : اي البحر قريب وقالت تجي بسرعه ما جت ،
يوسف : فهد انجنيت انت كيف تتركها تروح لوحدها انت ما تعرف الاوضاع كيف في هالزمن! قم نمشي ندورها ،
الجد سُليمان قام بعصبيه : كيفف يطاوعكم قلبكم تتركون بنتكم تروحو لوحدها الدنيا مالها امان قم نمشي ندورها ،
وطلعوا عبدالرحمن كان منصدم وطلع وراهم ونزلوا ،
'
ريمان : تعبت وانا امشي تعالي نروح نجلس عند اهلي ،
امال بتوتر : يمه كيف اتعرف عليهم توترت ،
ريمان بضحكه : تعالي بس ماما وخواتي ،
امال مشت معها ريمان وقفت وهي تناظر لاخوها الي كان جالس على جواله يطقطق اسمه طلال عمره ٢٥،
ريمان : اوقفي نسيت انه هالحيوان هنا ومشت لعندهم وناظرت : طلاال قم روح لمكان ثاني بتجي صحبتي تتعرف.
طلال عقد حواجبه : صحباتك ؟ من وين جاو في جده ،
ريمان : مو شغلك قم بسرعه ،
ام طلال كانت جالسه تنقش من حقين الي ينقشون في جده عند البحر وهمست : قم ي يمه روح خلها تجي البنت ،
طلال تنهد وقام وقف وناظر لامال الي كانت واقفه ومشى بطريقه توجه وقف عند النخله يناظر للبحر وبيده الجوال،
امال مشت عندهم وهي تتعرف عليهم ،
'
فهد استوطن قلبه الخوف وهو يدورها وناظر : انتم روحو من هنا وانا من هنا اشوف وينها ،
يوسف وفهد والجد سُليمان انتشرو يدورونها ،
عبدالرحمن تنهد واخذ جواله لكن تراجع : يمكن مو هي! وحط جواله بجيبه وتوجه يدورها وتذكر الاسم انه فهد كان يقول ليوسف راح تعرفونها قولوا امال اذا سمعت تجيكم ،
وانصدم : لا يكون هالمجنونه الي ضاعت! واخذ جواله يرسل لها ، امال كانت جالسه تسولف وتضحك معاهم و مو منتبهه للجوال وهمست : اوف صار بخاطري انقش ،
ريمان : عاد كل مره نجي ماما تنقش من عندهم نقشي ،
امال ابتسمت وهي ترفع كُم عباتها عشان تتنقش و مو منتبهه للساعه ومشغوله تسولف و مبسوطه ،
عبدالرحمن تنهد بقهر انها ما ترد وناظر لفهد الي تعرق وخايف وكيف يركض يدورها ،
وهمس : لا يكون ضاعت صدق ماهي طفله هي ،
وترك جواله وتوجه يدورها ،
