بدت تبكي بخوف وشدت عليه تصحيه..

رجع البت وكانت نايمة وتوهـ تغطى عشان ينام..

شوق\طاااالب قووم باولد..الحق علييييييييي..

طالب\نامي ياموسوسة..ماحد يولد في السادس..

شوق\بلى قوووم احس فيه بيولد..

طالب جلس\شوفي يا تيتشر إن ولدتي ألحين مايصير لك طيب..

خليك بنت طالب واركدي ونامي في بطن أمك..

شوق\طااالب ماهو وقت هبالك قوووم..

طالب\عنبوا ابليسك من الشهر الرابع..

والطلق ماشي معك..كل مامغصك بطنك قلتي باولد..

وأنا خبل اوديك واقول لهم زوجتي بتولد..

كفاية الدكتورة تشرشحني بسبتك أنتي وتيتشر..

شوق بوجع\حرااام عليك انت ماتحس بالوجع..

طالب بحنية\والله ادري يتعبك الحمل بس وش اسوي اشيله بدالك..؟؟

شوق بقهر\ترى ما احمل مرة ثانية..

طالب بنص عين\ابي درزن تيتشرات..بنات بس ما ابي عيال..

شوق\طالب خلاص راح الطلق..

طالب بسخرية\قولي والله..توني باقوم اوديك..

شوق بعصبية\وانا وش عرفني انه انذار كاذب..

مثلا ولدت هنا في الغرفة وش بتسوي انت..؟؟

طالب\انتظرك برا الغرفة..

لما ولدتي نادي علي..

شوق\شفت انك نذل..امي لازم تجي عندي..

طالب\ايه تجي عندك عشان كل ماقلتي ولادة تهفك بوكس..

لحتى تتعدلين وتعرفين متى ولادتك..

شوق\سبحانه كتب علينا الحمل..لو تحس بشوي منه ماكنت بتنكت علي..

طالب بنذالة\عاد ياويلك يا شوق يقولون الولادة صعبة..

شوق\ياربي رحمتك..رجال مايحس..

طالب\منهو اللي مايحس..؟؟

شوق توقف\أبو تيتشر من غيرهـ..قووم وراك دوام..باجهز فطورك..

طالب\هههههههههه يا مخرفة تونا الساعة 12 نص الليل..

نامي يا ام تيتشر..

شوق بفشلة\تصبح على خير..

تغطت تبي تنام بس هو ماخلاها بحالها..

كل دقيقة يسألها متى بتولدين..

او يذكرها بانه سمع ان الولادة صعبة..

ضربته وقالت له يطلع من الغرفة..

طالب\خلاص باسكت..مرة ثانية لا تصحيني تقولين بتولدين..

الا بعد ماتولدين..امي الله يرحمها ولدت بي في المزرعة..

كانت تحرث الأرض..عاد يوم ولدت أنا قمت اساعدها وكملت عنها حرث..

ولما رجعنا البيت قال ابوي من هذا النشمي..؟؟

قالت ولدك جاء يساعدني في المزرعة..

عاد أبوي راعي واجب ذبح الذبايح وعزم العرب وقلطني على العشاء..

وأنا اقول ماعندكم حليب؟؟توني والد اليوم..

شوق\ايه أذكر هذاك اليوم..

طالب\كذوب مابعد ولدتي يوم انا ولدت..

شوق\خلني أهايط مثلك..

طالب\هايطي بقصة حياتك لاتهايطين بقصة حياتي وتزورين فيها..

شوق\ههههههههه ما اعرف مثلك..

طالب بضحكة\لـ الهياط اصووول..

شوق\طالب شكل الطلق رجع..

طالب بسرعة\تصبحين على خير..

تغطى بالكامل وهي تضحك عليه..

طالب بنذالة\بجد يا شوق قالوا الولادة صعبة ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛

صحت من النوم غصب عنها لما حست بشيء غريب عليها..

شيء يتحرك على صدرها...أنفاس سريعة على وجهها ..

وفزت لما وصلت الانفاس لمحاولة عض على خدها..

صرخت بفرحة لما شافته يشاهق مبسوط فيها..

ضمته لها بقووووة وهي تبوسه على وجهه ورقبته وصدرهـ..

كان يلم يدينه حوالينها ويضحك..

بكت وهي تضمه وتترجاهـ يسامحها..

هديل بحب\يارووووح أمك يا قلبها..

فديييتك يا حبيبي..واحشنــــــــي..

دوب دوب دوب..

ضحكت مبسوطة لما يفتح فمه ويحاول يقبلها بطريقة غريبة..

ناظرت في أمها اللي تضحك على شكلها..

نزلته على فراشها وقبل تقوم لأمها نط عليها بسرعة..

لم يدينه حواليها وكرر حركته بفتح فمه على خدها..

هديل بحب\يووووومه امووت فيه..

بياكلني أو باكله..ياروووحي والله اشتقت لك..

ماسمح لها تبعد عنه..وهي نادت امها لها..

ضمتها بقوووة وهي تضحك..

هديل\ياقلبـــــــــــي وحشتيني..

ام علي بغصة\الحمدلله على السلامة..

هديل تبتسم\الله يسلمك...متى جيتي.؟؟

ام علي\نمت جنبك ماحسيتي علي..

هديل بخجل\لا والله ماحسيت عليك..يوومه وحشتوني..

ام علي\وأنا ميته عليك..

هديل\بسم الله عليك من الطاري..

ابوي جاء معك ولا مين..؟؟

ام علي\لا ما أحد جاء معي أنا لحالي..

هديل\أجل ذياب هو اللي جابك..

فديت ذيب أمه..البار بجدته..

ام علي\مادخلته عندك وانتي نايمة خفت يصحيك..

هديل تقبله بحب\ياليتك دخلتيه..فديييته امووت فيه..

ام علي\قال علي إنك تعبانة فخليتك ترتاحين..

وولدك ملقووف إذا شافك أو شم ريحتك مابيخليك تنامين..

هديل\ياعساني لعبة بيدين الملقووف الشيخ الأمير..

ام علي تبتسم\عطيني إياهـ وأنتي قومي أفطري معنا..

هديل\طيب خذيه بابدل واجيكم..

مدته لأمها تاخذه..

بس هو تعلق بشعرها وسحبها معه..

هديل\آآآآآي لا هههههههه ذياب فك شعري..

ام علي تمسك يدينه\ألا يالورع..فك شعر أمك..

هديل\آآآآهـ يوومه فكي يدينه عن شعري..

لما حاولت تاخذه من هديل بكاء بصوت عالي وشد على شعرها اكثر..

هديل بوجع\ههههههه لاااا ذيبي فك شعري عورتني..

هههههههه ههههههههههه...

ام علي\لا تضحكين..ترى بيظن إنك مبسوطة عليه ويزيد بحركاته..

هديل\ههههههههههه يومه ولدي مثل ابوهـ هههههههه ..

ام علي\يعني متعلم من ابوهـ يشد شعرك..؟؟

هديل\إيه لما اعاندهـ وابي اشرد منه يسحب شعري ويمسكني..

ام علي بحسرة\الله يعوضك يومه..

جلست على السرير وسدحت ذياب عليه..

حركت اصابعها على بطنه وصدره بخفة..

خلته يضحك ويفك يدينه من عليها..

وقفت بسرعة قبل يتعلق فيها مرة ثانية..

وراحت لدورة المياهـ..

هديل بانتصار\دووب واحد..

روح مع تاج راسك جدتك وأنا اجيكم..

يوومه يا روحي أنتي..ربي عوضني بالذيب..

دخلت دورة المياهـ وهي تسمع ذياب يبكي..

أستغربت القميص اللي لابسته..

والماء اللي تحس فيه باقي في بنطلونها..

مافكرت كثير وهي تسمع ذياب يصارخ..

تحممت بشكل سريع ولمت منشفتها عليها..

طلعت لغرفتها مالقت امها ولا ذياب..

مشطت شعرها ورفعته..

فتحت الكبت وشافت ملابسها معفوسة..

أستغربت لانها مرتبتها ..

وبعدين ملابسها مو كثير بس مع شكلها المعفوس وكأنها كومة ملابس..

لبست وهي مبسووطة بتطلع وتلقى أمها وذياب..

مشتاقة لهم كثير..تمنت لو ابوها وأخوانها موجودين..

وقفت قدام المراية كانت تقفل بلوزتها..

لما لاحظت شيء غريب بأسفل رقبتها..

ماتدري ليه حست بخجل من اللي فيها..

لما حست تفكيرها بياخذها له..صدت عن المراية..

وطلعت من الغرفة..

راحت له وهي تبتسم بشوووق..

وقف لها وهي ضمته وقبلت راسه وكفه..

ماتوقعت تشوفه لان امها قالت مامعها الا ذياب..

هديل تبتسم\نوورت الشرقية..

ابوعلي\منورة بسكانها يا روح أبوك..

كيفك يوبه..؟علي يقول تعبانة..

هديل\الحمدلله بخير..بس كنت مصدعة شوي..

راحت لمحمد سلمت عليه..

وعلى غادة وحنان وعبدالله..

غادة\جعلك من هل الجنة..

كسبتي أجرنا وجبتينا لـ البحر..

هديل بمرح\ليتكم كنتوا معي في العمرة..

حنان\فديتك يا هدووول مشتاقين لك..

هديل\ياغلاهم ياحنونة..والله مشتاقة لكم..

أحس سنين ماشفتكم..

حنان\ترى بغيابك صار ذياب وهدول ربع..

هديل تبتسم\واخيراً نالت بنتك على رضى ذيبي..

حنان\هههههههه والله بالغصب..

يمسكها من شعرها وشوي الايفغصها..

هديل تبرر\هههههههه رجال لازم يربيها على السنع..

هذي بنت خاله..

غادة\خير يا اللي يربيها..

مابقى الا ولد الجالي يربي بنت الجاسم..

هديل\عندك نزعة قبلية غير مرغووبة..

وبعدين يجيلكم ذياب بن هديل يربي بنتكم..

غادة\هههههههههه ياقوووية..ذياب بن هديل..

كيف يجي ذيب ولد حمامة..؟؟

هديل بقهر\أخبار راكانك...بعدهـ وع مايتنظف؟؟

غادة عبست\وجع حتى أخوك محمد مثله نفس ريحته..

أعتقد يستخدمون نفس العطر..

هديل\أقول أرجعي لزوجك ياللي ماتستحين..

غادة\شوفوا من يتكلم..؟؟ليش أنتي ماترجعين..؟؟

هديل بهدوء\انا انصحك لأن هذا لصالحك..

فلا تنصحيني للي يدمرني..

دخلت الغرفة بعد ما تأكدت إن راجح طلع من البيت ..

بدت ترتبها مع الخدامة وتفرد الغسيل..

دخلت غرفة التبديل وشهقت بقوووة..

لما شافت فستان الزفاف معروض قدامها..

هي متأكدة إنها خبته عن راجح..

حطته بشنطة وقفلتها..

كيف قدر يطلعه..كيف عرف عنه وشافه..؟؟

نادت الخدامة وسالتها إذا كانت هي اللي طلعته..

وإجابتها أكدت لها إنه راجح هو اللي عرضه قدامها..

بلحظات قدرت تفسر غرابت نظراته لها لما دخلت الغرفة وهو فيها..

هذا كان مقصدهـ ..

بس مافهمت هل هو رضى او شيء ثاني ما اعرفه..

ماكان المفروض يشوفه ولا يدري عنه..

تمنيت يشوفه علي ونكون راضين..

مابينا حلف بالطلاق وزعل كبير..

طول أمس وأنا اراجع تصرفاتي..

كنت خايفة يكون سامع شيء..

أو في باله موال جديد يهاوشني عليه..

والحين فهمت..كله من هذا الفستان..

فستان ابيض ناااعم جداً..

يليق بحفلة صغيرة لزوجة طمووحة لإرضاء زوجها..

حست بزعل وضيقة قووية..

غصب عنها أدمعت عيونها..

وتضايقت اكثر من وجود الخدامة وراها..

رشا بحدة\جيبي كيس كبير..

حطي فستان ونزليه في مستودع..

راجح بحنية\أفـــا وتخلينها في خاطري..

ألتفتت عليه بسرعة..

حست بإحراج كبييير..

وكأنه أول مرة يشوفها..

تمنت لو مادخلت غرفته..

لو شالت الفستان اول ماشافته وخبته..

تحس وكأنه مسكها تسرق وبالجرم..

نزلت راسها وكانت بتعدي من جنبه..

وقف قدامها ومنعها تمشي..

راحت من الجهة الثانية ومنعها..

حطت يدينها على صدرهـ تبعدهـ عن طريقها..

وهو لم يدينه على خصرها وقربها منه..

راجح\ليه الخجل..؟؟

رشا\باطلع..

راجح يبتسم\اول بدلي ملابسك..

رشا بإحراج\ما بألبسه..والحين بعد عني..

راجح\لازم تلبسينه ولا كيف تطلعين..؟؟

رشا تحاول تفك نفسها عنه\اطلع مثل ما انا الفستان ما بألبسه..

راجح بحنية\الفستان إن شاء الله بتلبسينه..

بس أنا ابيك تلبسين عباتك ياروحي..

عندك موعد مع الدكتور..

حست بفشششلة منه..

ألحين بيضحك عليها وعلى تفكيرها..

يبيها تلبس العباية وهي تتغلى وتحسبه يبي الفستان..

انحرجت منه بزيادة..

وبكت بقهر..

ضمها وهو يضحك بصوت عالي..

راجح\ههههههههه فديت الحساسة..

إن مالبستيه لبستك إياهـ غصب..

رشا بزعل\بسسسسس..

راجح\سبحان الله الحسد ماهو زين..

وأنا حاولت قد ما اقدر ما احسد طالب..

وحبيت يكون لي مثله..

يعني أشوف زوجتي عرووس..

هدت نفسها لما سمعت كلامه..

يعني هو كان يتمنى يشوفها بشكل العروس..

وهذا يعني إنه ما يسخر منها او يستسخف حركتها..

حاول يرفع وجها له بس هي مارضت وخبته في صدرهـ..

رشا\لا تضحك علي..كانت فكرة غبية..

راجح\إلا اطلق فكـــرة..أعجبتني مرررة..

ومشتاااق أشوفك لابسته..

وكان لازم اجيب شيء يناسب الفستان ويناسب رضاك..

مافهمت كلامه وهو مسك يدها وطلعها لغرفة النوم..

جلسها على السرير وجلس جنبها..

طلع علبة مخملية كبيرة من كيس ..

فتح العلبة وكانت طقم ذهب أبيض لازوردي..

عقد راااقي وفخم ..بخاتم وإسوارة وحلق ..

ناظرت الطقم مبهورة برووعته..

رفعت عيونها والتقت بعيونه..

راجح\كلامك كان صح..

وانا جرحتك بطاري الطلاق..

مع إن هذي ماكانت رغبتي..

فكرة حبيت اوصلها لك وأخليها على بالك دائماً..

كفرت عن يميني وإن شاء الله ربي يتقبل مني..

رشا تبكي\لاتطري الطلاق مرة ثانية..

إلا إن كنت ناوي فراق فلك اللي تبي..

بس تهديد وكسر خواطر لا..

راجح\بس يارشا لازلت عند رأيي..

ما أبيك تدخلين بحياة غازي وهديل..

إن كانت نصيبه فلو اجتمعوا كل اهل الأرض ضد غازي فهو بياخذها..

وإن كانت ماهي من نصيبه فمستحيل ترجع له ولو جمع ما جمع..

كل كلامه صح..

العاقل والمجنون يتفقون بهذ النقطة..

إن كانت نصيبه فهي له..

وإن كانت ماهي نصيبه فمابتكون له..

لما حست بيده على كتفها..

قربت منه ولمت يدينها على رقبته وضمته بقوووة..

تحبه وتحب حنيته عليها وعلى هديل وشوق..

تبي ترضيه تبيه يكون سعيد معها..

هو يستاهل الراحة..

الراحة اللي ماعرفها من يوم تزوجها او قبل مايتزوجها..

قبلته على رقبته بحب..

رشا\فديتك يا حنون...

ضمها له اكثر وقبلها بعمق..

يحبها..يرحمها..يحب يرعاها..

لما شاف الفستان بشنطته أنصدم منه..

ظل يفكر لوقت طوويل من وين بيجي فستان زفاف لشنطته..

وتذكر تصرفاتها الغريبة قبل حفلة شوق..

ومنعها له مايدخل غرفة تبديل الملابس..

والمفاجئة اللي كانت توعدهـ فيها..

طلع الفستان وعلقه بواجهة غرفة التبديل..

ذوقها الناعم الهادي..

أنبسط وحس بسعادة كبيرة إن رشا فكرة بهذا الشيء..

يمكن حست بغيرة من شوق..أو تفكيرها كله ترضيه هو..

لانه ماشافها بحلة العرووس..

عرف ليه الفستان متخبي بشنطته..

لأن اللي صار بينه وبينها والمشكلة ماسمحت لها تظهرهـ ..

ضمها له اكثر وهو يهمس لها بحبه ..

كلهم كانوا يضحكون عليها..

وهي مخبية وجها ورى يدينها وتضحك..

علي\ايه بس حمى وتهذي..

وتصحيني من النوم تقول غازي ضرب أمي..

هديل تشهق\ههههههه لا ماقلته..

علي\هههههههه والله قلتيها..

وانا قمت مفزوع صدقتها ..

خرجت من الشاليه ادور أمي وين غازي يضربها..

رجعت لها وهي نايمة في غرفتي..

جيت اصحيها طلعت البنت راعية حمى وخرابيط..

عبدالله\ههههههههههههههه عاد مالقيتي الا جدتي ضربها..

لو قلتي ابوي أخواني جدة ابوي يمكن معقولة..

بس امك يضربها زوجك كيف طرت في بالك..

هديل بفشلة\يلعب عليكم لا تصدقووونه..

علي يضحك\ههههههههههه والله إني صادق..

لا وكنت جالس معها على التفزيون..

الا البنت تشرح لي وش معنى خرق في طبقة الاوزون..

وإنه بسبب اكل الخيول لـ السكر..

بالله عليكم وين الرابط العجيب بين المعلومتين..؟

هديل\علـــــــــي حرام عليك والله ما اذكر..

غادة\ههههههههههه آآي بطني..

محمد\ههههههههههههه والله نكته عجيييبة يا هدووول..

عبدالله\أرسلتها لشلتي قطاع الطرق..

وبعد شوي توصلكم بالواتس..

علي بجدية\هديل أنتي ماتذكرين وش صار أمس..؟؟

هديل بتفكير\امممممم بلى مو امس رحنا نتعشى بالمطعم..؟؟

علي يبتسم\لا يا عيوني أول أمس رحنا المطعم..

هديل\هههههههههه شكلي خرفت..

بس صدق وش سوينا امس..؟؟

علي\بعيدن اقولك..فيه قطاع طرق هنا وعواذل..

غادة\بالله قول يا علي خلنا نضحك عليها..

هديل\والله العظيم ماتقول لهم..

خلاص يكفي فضايح..

محمد\لايكون فيها غازي بعد؟؟

علي\بعضها فيها وبعضها لا..

هديل\لااااااا تقول شيء خلاص..

كنت تعبانة المفروض ما تنشر اسراري..

علي بنظرات\سويت معك تحقيق..

وقلتي لي كل شيء..

رفعت راسها عن ذياب وناظرت فيه مصدووومة..

نظراته خوفتها وحست انه صادق بكلامه..

خافت يكون صدق أستجوبها وهي قالت له شيء..

ماتبي مشاكل بينهم وبينه..

تبي كل شيء ينتهي بالطلاق..

ماتبيهم يعرفون..

نزلت ذياب بحضن غادة وطلعت من الشاليه..

جلست مع ابوها اللي كان يشوي اللحم..

وأمها تجهز أغراض العشاء مع حنان..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أبتعدت عنهم ووقفت قدام البحر..

كلام علي قلب مزاجها وخوفها..

هي ماتذكر كل اللي يقوله لهم..

يعني يمكن يكون صادق وهي أعترفت بكل شيء..

ألتفتت على صوت وشافت علي متوجه لها..

ارتجفت وفكرت كيف تواجهه..

تذكرت غازي كيف يتصرف..

يكون بارد ومتملك بأعصابه..

مايسمح لأحد يستغفله أو يستدرجه..

حين اشتـــاقك ..

أتقمص شخصيتك..

أبتسم لما تحب..أغضب لما تكـــرهـ ..

أتخذ قراراتي بحزمك..

أصد عما يسيئني ببرودك..

أتجاهل عبارات الإستفزاز كما علمتنـــي..

وأتمســــك بثقتي العوجـــاء مهما ضعُفت..

علي بهدوء\وش رايك تسبحين..؟؟

هديل بهدوء\مالي خاطر أسبح..

علي\ليه هربتي بعد كلامي..؟؟

هديل\انا ماعندي شيء يخليني أهرب منك..

علي\وش صار بينك انتي وغازي..؟؟

هديل\متـــى..؟؟

علي\لما كنتي معه..

هديل بهدوء\أيام كثير كنت معه..حدد متى..

علي بحنية\ماني حاب أضغط عليك او أجبرك تتكلمين..

بس هذيانك كان كله عن غازي..وعن خيول ومزرعة..

هديل بحذر\طبيعي أتكلم عنه وعن الخيو ولامزرعة..

عشنا هناك فترة في الريف..وكان فيه خيول..

علي\تحاولين تضيعين الموضوع..

هديل\مافيه موضوع..إذا عندك شيء واجهني فيه..

علي\هديل أنا أخوك ماني عدوك عشان اواجهك بشيء..

يمكن انتي عشتي كفاح طويل مع الدنيا ومع الناس..

بس يالغالية ما أنتي مجبورة تعيشين بحالة دفاع دائمة مع نفسك وهلك.

أبيك تظلين مرتاحة مثل ماكنتي بأيام العمرة..

أنتي خايفة من شيء..

وتطمني انا ماعرفت شيء ماتبيني اعرفه..

هديل بجمود\انا ماعندي شيء أخبيه..

اللي تبونه قلته لكم..

علي\ما ابيك تقولين اللي أنا ابيه..

أبيك تقولين اللي بخاطرك تقولينه..

هديل\اللي في خاطري قلته في مكة ودفنته..

والكلام في الفايت نقصان عقل..

ما ابي من غازي الا يطلقني وأبيك توقف معي في هذا الشيء..

علي\هو قالي إنكم تفاهمتوا..

وإنك وافقتي ترجعين معه لحتى يتعالج ذياب..

بس ألحين ادركت إنه يكذب علي..

هديل\وأنا متى قابلته عشان اقرر معه..؟

علي\غازي كان معنا امس هنا في الشاليه..

وأنتي اللي طلبتي منه يجي..

هديل بصدمة\مستحيل..أنا اطلبه يجي..؟؟

لا انا ماطلبته لا تتهمني..وهو ماجاء..

لو جاء ماكنت بانسى..

علي\صلي على النبي ولا تخافين..

أنتي طلبتيه يجي بس ألحين أدركت انك ماكنتي واعية لطلبك له..

كنتي تعبانة وتهذين..

هديل\اطلبه وانا تعبانة ليه..؟؟ وش ابي فيه..؟؟

ليه وافقتني وخليته يجي..مو انا اقول ابي الطلاق..

علي أنا ما اذكر..

علي\طلعت امس اجيب علاجك من الصيدلية..

رجعت وكنتي أنتي وهو جالسين هنا..

يمكن لقاك تسبحين ووطلعك من البحر..

عشان كذا ماتذكرين..

صدت عنه ومشت مبتعدة ..

غازي جاء..؟؟

طلعني من البحر..؟؟

وأنا ليه دخلت البحر..أنا ما اعرف اسبح..

مستحيل ادخل البحر لحالي..

يمكن هو دخلني البحر..

جلست وغمضت عيونها وحاولت قد ماتقدر تسترجع اللي صار معها..

بعد ربع ساعة فتحت عيونها وهي تشهق بخوف..

وقفت بسرعة ودخلت الشاليه..

ماردت على ابوها ولا اخوانها اللي كانوا ينادونها..

دخلت غرفتها وقفلت الباب..

فسخت بلوزتها بسرعة ورمتها..

وقفت قدام المراية وشافت اللي برقبتها..

حطت يدينها على وجها ودارت على نفسها..

هديل بهمس\وش صار..؟؟

ياربي وش صار..وش سوى فيني..

تذكرت كلامنا هواشنا..هو صدق كان موجود..

بس كنت بوعيي مالمسني..

طيب كيف جات هذي كيييف..؟؟

فتحت الجوال واتصلت عليه من دون تفكير..

غازي\هلا والله..

هديل بحقد\أنت وش سويت..؟؟

غازي\بعدني ماسويت شيء..

هديل برجفة\تكلم قووول أنت وش سويت فيني..؟؟

غازي بمحبة\ولاشيء ياروحي..

بكرهـ إن شاء الله يصير خير..

هديل\مابيصير شيء بكرهـ..

غازي\ليه يا حبي مابيصير..؟

وعادي إذا ماصار المهم تكونين معي..

هديل\أنت مو صاحي..ليه ماتطلقني وتريحني..

غازي\أفا اطلقك واللي صار أمس..؟؟

هديل بشك\قلت ماصار شيء..

غازي\ياحبي أنتي..امس قلتي إني حبيبك..

وإنك تبين ترجعين لي..ونعالج ذياب ونكمل حياتنا..

هديل بقهر\كذااااب مستحيل اقوووله..

أنت كذاااب كذاااااب..

غازي\هشششش لا تزعلين وتتعبين نفسك..

ألحين ابيك تنامي وترتاحين..بكره مع الفجر عندكم مشوار..

لازم ترجعون الرياض بدري..

عيب الناس ينتظرون أبوك واخوانك..

هديل\أي ناس واي بطيخ..؟؟أنت تهذي..؟؟

غازي يتنه\إلا أموووت فيك..ما اهذي وبس..

الناس ياقلبي الجاهه اللي جايين يرجعونك لزوجك حبيبك..

هديل\لا والله ما تجيبهم..

لا تجيبهم ما بارجع معك..ليه ماتفهم ليييه..؟

غازي\وتردين الشيوخ والأمراء والناس كلهم اللي جايين يطلبونك..؟؟

هديل بقهر\ليه أنت مارديتهم لما جاوء يطلبونك تعتق هادي..؟؟

مو قلت الدم بدم ومانقبل صلح..

ليه انا مايحق لي اقول لا ما ابيه ومابارجع معكم..

على الاقل انا في حق..وانت كنت في باطل..

غازي\حالي غير عن حالك..

هديل بحقد\هذا ردك حالك غير عن حالي..

معك حق أنا غير عنك..وما بأرجع لك..

غازي\ياروحي أنتي أمس أتفقنا على كل شيء..

ترجعين وتعيشين معي لحتى يتعالج ذياب..

بعدها إن ماقدرتي تكملين معي ننفصل..

هديل برفض\لا والله ماقلته أمس والله..

غازي\لا تحلفين..

أنتي قلتيه بس يمكن تعبانة الحين وماتذكرين..

هديل\ما ابي ارجع لك..

غازي\ليــــه..؟؟

هديل\...................

غازي\أحبـــــك..

هديل بغصة\لاتجيبهم..

غازي\أطلبي غير بعدك وابشري..

هديل\أنت تطلب عناك..

إذا رجعت لك أعيش معك مثل ماكنا بإيطاليا..

مثل مانسيت إني زوجتك إنسى مرة ثانية..

ومثل ماصديت وجرحت صد مرة عاشرة ..

غازي\أنتي أرجعي ولكل حادث حديث..

هديل\لا..

ألحين إما نتفق أو والله العظيم لأردك واردهم..

ولو فيه فشلة وقهر لهلي ولك ولـ الشيوخ اللي جايبهم..

ولو قالوا عني الناس ناقصة عقل وسنع ماهمني..

نعيش مثل زمان ومايكون لك علي حق ملك اليمين..

لأن مالك دم برقبتي ولا برقبة اخوي..حن بريئين من دمكم..

غازي\لك اللي تبين..

هديل بوعيد\ورب العزة والجلال ياغازي..

إن ضربتني أو أجبرتني عليك أهرب من الديرة كلها.

ومثل ماغبت عنك سنتين اغيب عنك سنين...

سويتها مرة وانا بزر واسويها من ثاني ..

قفلت الجوال ورمته على الارض..

جلست على ركبها وبكت بقهر..

ليه ماتخليني ابني حياتي وارتاح..

ليه تبيني أبنيها على ركام حياة قديمة..؟؟

بعد صلاة الفجر خرجت من غرفتها ..

وكانوا هلها كلهم مجتمعين برا الشاليه ويتكلمون في الموضوع..

كانوا خايفين تسمعهم وتتضايق..

علي\حسبي الله ونعم الوكيل فيه..

هو يدري إن حن ماحنا في الرياض..ليه يحرجنا مع العرب..؟

ابوعلي\وش السواة..الناس بيقبلون على بيتنا وقبيلتنا..

وحن هاربينا هنا..قوموا رجعنا..

ودامها ماهي براضية فـ الله يستر عليهم..

بنتنا لنا وماحد له عندنا شيء..

علي\شورك وهداية الله..

هديل\بس أنا بأرجع يوبه..

ابوعلي بصدمة\كيــــف..؟؟

علي بغضب\لييه ترجعين لييييه..؟؟

اتفقنا ماترجعين وتنتهي حياتك معه بالطلاق..

هديل\وبعدني عند كلامي..وباتطلق منه..

بأرجع معه لحتى يتعالج ذياب وبعدها ارجع..

علي\انا اعالج ذياب..أوديك أنتي واياهـ وين ماتحبين..

بأي بلد مستعد أخذك..بس لاترجعين له..

هديل\ماتقصر يا ابو عبدالله..

بس أنا اعرف الأصول واعراف القبايل..

اللي جايينكم الليلة شيوخ وناس لهم حشمة وقدر..

وإن رديتوهم فينقص قدركم بينهم..

ويزيدون الناس في كلامهم علي وعليكم..

انا بارجع له عشانكم ماهو عشانه..

وهي شهرين وارجع لكم..

وبعدها لا هو ولا غيرهـ لهم عندي شيء..

بس طلبتك يوبه لاتقفل الباب بوجهي وتسدها علي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛

دام السنين الي مضن لي مخاسير

عسى العوض في باقيات السنيني ...

جالسة جنبه في السيارة..

يوم أنتهى مثل ماوعدها ينتهي وهي معه وراجعه له..

شافت الحسرة بعيون أمها وجدتها..

ومرح حزين حاولت تنشره سارة وغادة بينهم..

حضروا لها شنطة صغيرة مستلزمات كم يوم لحتى يشترون لها الباقي..

وماسمحوا لها تروح الا بفستـــان يليق بها..

حرمة راجعة لزوجها..لازم تفتنه وتقهرهـ..

الفكرة اعجبتها وكانت تدري إنها بتقدر تهزمه وتقهرهـ..

بس هي تعرفه مايتحمل تكون جنبه الا ويتحرش فيها..

فكيف لو تقصدت تلبس وتدلع عندهـ...

سارة\يا بختك يا أبو قوطي الطماط ..

أبوها واخوانها لما سلموا عليها..

ودعتهم بإبتسامة وضحكات كذابة..

كان عبدالله يشرح لها كيف المجلس والحديقة أمتلت رجال..

وهو يدور عليهم مع ابوه وعمامه وعيال قبيلتهم بالقهوة ..

كم تمنت لو إنها مافيها خير..

لو كانت حقوودة وحقيرة..

لو تدخل عند الرجال وتقول ما بارجع له والله لا يردكم ولا يردهـ..

جبان قتلني وجايبكم اليوم تدفنوني معه..

عاتبت نفسها...

راحت سنين مالها اي قيمة عند أحد..

ماخسر غيرك ولا ضاع غيرك..

كل من طاح منهم رجع يوقف ويكمل حياته..

وأنت بعدك طايحة مالك نية تقومين..

قومي وكملي حياتك به وبدونه..

هي شهرين وكلها بتكون علاج لذياب..

وبعدها ترجعين لهلك..

عامليه مثل ماكان يعاملك..

غازي بوله\نورتي يا اطهر ذنوبي...

حست بيدهـ على يدها..

رفعت عيونها لعيونه وماتكلمت..

نزل من السيارة ولما نزلت كان جنبها وذياب بحضنه..

مشت جنبه بهدوء ..

ودخلوا البيت اللي صابها من دخولها له هذي المرة إحساس غريب..

توقعت تشوف أمه وخواته..

بس ماقابلت احد منهم وهذا الشيء ريحها..

ماتبي مواجهات ولا تقابلهم وهي راجعة غصب عنها..

طلعت الدرج جنبه وبدت تحس إن الثقة والجمود اللي كانت تدعيه يهرب منها..

حفرت كفها بأظافرها تحاول تسيطر على اعصابها..

فتح باب واشار لها تدخل..

دخلت وهو دخل وقفل الجناح عليهم..

تجاهلت حركته وكأنها ماشافته..

دخل لاحد الغرف نيم ذياب بسريرهـ..

غطاهـ وقرأ عليه الأذكار..

وبعدها رجع لها..

كانت واقفة قدامه من دون عبايتها..

أبحرتِ ، سيدةَ الأقمار ،عن رجلٍ

ما زال يبحرُ في أعماقِه الكمدُ

وراعَك الحزنُ في عينيه..مؤتلقاً

وصدّك اليأسُ في دنياه يحتشدُ

أتيتِ تبغين شعراً كُلُّه فرحٌ

أنشودةً عن زمانٍ كلُهُ رغدُ

و جولةٌ عبْرَ أحلام مورَّدةٍ

في هودجٍ بالندى الورديِّ يبتردُ

فما سمعتِ سوى الأشعارِ باكيةً

وما رأيتِ سوى الإنسانِ يرتعدُ

أنا الطموحُ الذي كلّت قوادمهُ

أنتِ الطموحُ الذي يسعى له الامدُ

أنتِ الشبابُ إلى الاعراس مُنطلقٌ

أنا الكهولةُ يومٌ ما لديه غدُ

أنتِ الحياةُ التي تنسابُ ضاحكةً

إلى الحياةِ أنا الموتُ الذي يَئِدُ

لا تعجَبي من صباحٍ فيه فُرقتُنا

بل اعجبي من مساءٍ فيه نتّحدُ ..

المرحووم بإذن الله تعالى ..غازي القصيبي ..

كانت واقفة قدامه من دون عبايتها..

بفستان أصفر طويل..

عاري الصدر والكتف..

مرسوم على جسمها..بفتحة طويلة على قدمها اليسرى..

شعرها محاوط وجهها ونازل على كتفها..

ولازال الهاي لايت معطيه منظر رائع..

مكياج راقي ومناسب للون الفستان..

عيونها قصة بالحالها برسمت كحلها والشادو السموكي..

تعمدت الإهتمام بعيونها لانها تدري بان عيونها عشقه الأول..

رفعت يدها وحركت شعرها على ظهرها..

ورفعت حاجب كتحدي واضح له..

أتحـــدى من ..

إلى عينيك يا سيدتي قد سبقوني

يحملون الشمس في راحاتهم

وعقود الياسمين..

أتحدى كل من أحببتهم..

من مجانين ومفقودين في بحر الحنين

أن يحبوك بأسلوبي وطيشي وجنوني ..

أتحداك أنا أن تجدي

وطنا مثل فمي ..

وسريرا دافئا مثل عيوني ..

إنني أسكن في الحب

فما من قُبلة

أُخذت أو أُعطيت

ليس لي فيها حلول أو حضور ..

أتحدى أشجع الفرسان يا سيدتي

وبواريد القبيله ..

أتحدى من أحبوك ومن أحببتهم

منذ ميلادك حتى صرت كالنخل العراقي طويله

أتحداهم جميعا..

أن يكونوا قطرة صغرى ببحري

أو يكونوا أطفأوا أعمارهم

مثلما أطفأت في عينيك عمري ..

أتحداك أنا أن تجدي

عاشقاً مثلي

وعصراً ذهبياً مثل عصري

فارحلي حيث تريدين ارحلي ..

واضحكي

وابكي

وجوعي

فأنا أعرف أنك لن تجدي

موطنـــاً فيه تنامين كصــدري...

نزار القباني ...

وقف واسند ظهره على جدار غرفة ذياب..

وعقد يدينه على صدرهـ ..

وعيونه تتاملها من شعرها اللي بعيد كل البعد ..

عن جديلتها الغالية على قلبه..

سواء باللون أو الشكل..

وجها الجذاااب بملامحه الناعمة الحادة..

عيونها أحباب قلبه..

عشقه وغرامه ..

طعنته من أول نظرة بينه وبينها..

لما أخذها من ابوها..

خدودها الصافية المتوووردة من خجل تحاول قد ماتقدر تخفيه..

الخجوولة المتحدية..

عجيبة بكل أدوارها..

ركز عيونه على فمها ..شفايفها المغرية..

بوابة نجاته بكلمة من شفايفها..

قسوتها وصدها وإنتقامها..

يكون من فمها الراقي بمنظرهـ..السليط بسمه..

وكملت عيونه رحلت التأمل..

بنحرها وصدرها..

بجسمها الفاتن المتناسق..

ولما وصلت عيونه لفتحة الفستان..

رفع حاجب وغمز لها كقبول لـ التحدي..

صدت بعيونها عنه وتوجهت لغرفة أدركت إنها غرفة النوم..

لانها كانت قريبة من غرفة ذياب..

ولان بابها الكبير المفتوح يدل على هذا الشيء..

كان يناظرها برضى وهي تمشي لجهته..

رفع يدينه لها يدعيها لحضنه..

يدري مثل ماهي تدري إنها مستحيل تلبي طلبه..

لا تقابلني حبيبي بهالبرود..

تو حبك مشتعلني مانطفــا...

تجاهلت وجوده ويدينه..

ودخلت الغرفة تاركته يضم الهواء لصدرهـ..

رمت عبايتها على الكنبة ..

وتذكرت إن شنطتها لازالت في الصالة..

التفتت تبي تطلع تجيبها..

وأنصدمت فيه واقف وشنطتها بيدهـ..

وصدمتها الأكبر..

إنه مقفل الباب ومستند عليه..

نزل شنطتها وراح لها..

حاولت تظل واقفة بمكانها وماتبين له خوفها..

بس بسبب قربه الكبييير منها وملاصقته لها أجبرها تتحرك وتبتعد عنه..

قرب منها اكثر..

وهي حطت يدينها على صدرهـ وابعدته عنها..

صدت عنه ناوية تطلع من الغرفة وتروح عند ذياب..

لم يدينه على خصرها وثبت ظهرها على صدره..

غازي بهمس\مبروووك علي يا جنوني..

هديل ببرود\الله لا يبارك لك فيني..

غازي بمحبة\لمست سهيل..واليوم بأصافحك..

هديل\أحلامك كبيرة..

غازي يبتسم\عندي لك أمانة..

حست بيدينه تتحرك عليها..

أرتجفت وحاولت تبعد عنه ماسمح لها..

فسخ الخاتم من إصبعه..

ومسك يدها بحنية ودخل الخاتم..

ثم رفع يدها وقبلها..واحتضنها مرة ثانية..

تحركت بين يدينه برفض..

حاولت تفسخ الخاتم من إصبعها..

بس يدينه منعتها من هذا الشيء..

غازي بهمس\بأشتاق له..لانه لك..

بس دامه معك ماعليه خوف..

هديل\ما ابييييه..لانه منك ولك..

غازي\لو ماتبينه كنتي رميتيه مع العقد اللي أوهمتيني فيه بموتك..

ماسمح لها ترد عليه..

لبسها عقد الماس مكتوب عليه أطهر ذنوبي..

ودخل خاتم العقد باصبعها..والإسوارة بمعصمها..

حررت نفسها منه وواجهته بقوة..

هديل\أوهمتك..؟؟

لازلت تعتقد إني إنسانة حقوودة وخبيثة مثلك..

وكل شيء أسويه مخططة له ودارسته بالمسطرة..

أنا صح هجــــرتك وهربت منك..

بس موتي المزعووم كان بقدرة رب العالمين..

وسبحان الله ..مايحب الظلم وحرمه على نفسه وعلى الخلق..

غازي\ماخططتي لــ الموت..

بس خططتي لـ الهرب وكلها عندي بنفس الميزان..

هديل بسخرية\انت راعي الأولة..

ومن جنونك تعاقبني قبل ارتكب الجريمة..

عاقبتني سنين لجريمة هربي..

عاقبتني ثم انا اجرمت..

وبكذا تعادلنا..

غازي\تعادلنا..؟؟

هديل بآسى\مستحيل نتعادل..

واليوم كاسيني ألماس..

تفتكر ممكن ألماسك يبهرني..

أو يذوب الجليد اللي حولتني له..؟

غازي\نبدأ صفحة جديدة..ونذوب الجليد..

هديل بصد\أكيد بأبداء صفحة جديدة..

بس ماهو معك..ولا في عالمك أو كوكبك..

بأبداء في مكان بعيييد عنك..

مع إنسان ثاني..عاقل ماهو مجنون..

غازي بغموض\بعد مايتعالج ذياب لك الحرية ترحلين او تبقين..

بس من الحين لحتى هذاك الوقت..

لاتفكرين بالفراق أو الصد..

وغير أبو ذياب لا يخطر على بالك..

قرب منها ولم يده اليسار على خصرها ولصقها فيه..

وحط يده اليمين على راسها..

غازي\اللهم إني أسألك خيرها وخير ماجبلتها عليه

واعوذ بك من شرها وشر ماجبلتها عليه..

غصب عنها ادمعت عيونها بقهر..

غمضت وهي تتحسر على حالها..

توهـ يتذكر الدين..

بعد خمس سنين تذكر يقتدي بسنة الرسول..

تذكر يعتبرني زوجة ولي حق وابسط حق إني أصلي معه..

يارب لك حكمتك وانا ما اعترض..

بس اللي نسى دينه باول حياته معي ما أضمنه..

ماسمحت له يقبلها على جبينها..

أبتعدت عنه وناظرته بحقد..

هديل بغصة\تو الناس..

ماتشوف إنك مبكر مرة بتصرفك..؟؟

خمس سنين مضت بس..

لو انتظرت دبلها مو أحسن..؟؟

غازي بحنين\راح اللي راح..تعالي نصلي..

هديل بقهر\صل بروحك إن كنت تعرف تصلي..

ما ابي أصلي معك..

فرش سجادته يصلي..

وهي حاولت قد ماتقدر ماتدعي الله مايتقبل منه..

ربي عاذرني ما اصلي معك..

اللي يناسبه من أحكام يعمل فيها..

واللي مايناسب حقارته وإجرامه ينساهـ ويصد عنه..

حاله حال الملايين من شاكلته..

إن جات على حقوقهم قالوا ربي يلعنك والملائكة..

وإن جات على اقل حق لنا..

يصدوون وينسون وكأن اللي خلقهم ماخلقنا..

ليه ماقال إني زوجته..؟؟

لييييه حقرني..؟؟وكرهني بعمري وحياتي..؟؟

حست بألم فظيع بظهرها..

وكانه يشتعل نااار..

وقفت تبي تطلع من الغرفة..

بس الباب كان مقفول والمفتاح معه..

حست إنها ممكن تثور عليه وتكسر كل شيء على راسه..

رجع لعادته القديمة..

يسجنها ويبني أسوار حوالينها..

انهى صلاته وهي صرخت عليه بقهر..

هديل\إفتح الباب..بأروح عند ذياب..

مارد عليها توجه لباب كانت تظنه غرفة تبديل..

فتح الباب واشر لها عليه..

دخلت وتفاجئت إنها غرفة ذياب..

فاتح باب بين غرفة النوم الرئيسية وغرفة ذياب..

قربت من السرير..

وشافته نايم وتطمنت عليه..

تضايقت ولا اظهرت ضيقتها من تصميم الغرفة..

في البداية كانت تظن إنها تخص رسل الله يرحمها..

بس من لون الغرفة وصور ذياب منتشرة فيها ..

أدركت إنها مصنوعة لذياب..

تبي تصرخ فيه ليش مافيه سرير خاص لها بغرفة ذياب..

بس تدري إنه متقصد هذا الشيء ويبيها تشاركه غرفته..

ومنتظرها تفتح الموضوع ويتفلسف عليها..

من عصبيتها والمها المكبووت داخلها..

حست بالحرارة تزييد بظهرها..

وكأنها تحترق أو تنضرب..

رفعت شعرها عن ظهرها العاري..

ترتجي هواء بارد يخفف عليها..

بس حركتها كانت مثل البنج لغازي..

اللي قرب منها وقبلها على كتفها..

غازي بحب\أحبــــــك ..

هديل بوجع\حبك مايرضيني بقدر مايقرفني من نفسي..

أحس بكرهـ لذاتي لانك تحبني..

تصووور كيف احتقر نفسي..

غازي\تحتقرينها لدرجة إنك صرتي تحبيني..

يالنادرهـ كل المزايا بك إحسان..

أستثني الا في نقاشك عنيــدهـ ..

ألتفتت عليه وتعلقت عيونها بعيونه..

هديل بهمس\إلا هذا الوهم..

لاتنتظر مني محبة..

غازي\يكفيني حقدك علي..

كرهك لقربي..

يكفيني صدك الدايم عني..

كل شيء منك أعشقه ..

فمابالك بالمحبة لو ملكتها..؟؟

هديل بجمود\إكـــرهني..بقد ماتقدر إكــرهني..

أنا كرهتك عني وعن العالم..

ومن يملك الكرهـ اللي في قلبي..

مايلقى السلام حتى مع نفسه..

غازي\حبيتك اكثر من امك ومن ذياب..

مأساتك دفنت مأساة رسل..

ومادمتي أنتي قلبي فمستحيل تكرهين..

هديل بحدة\شربتني الحقد عليك..

اكلتني صدك وهجرك..

عشمتني في غدرك وطعنك بظهرك..

لا تنصدم لو في يوم تركتك بكل بروود..

ربيتني يا غازي..وأحسنت تربيتي..

غازي\وكم من تلميذ هزم أستاذهـ ..

هديل بتحدي\وكسر خشمه..

غازي\ههههههههه لاتنسين أكبر منك بيوم أعلم منك بسنة..

هديل\أكبر مني بقروون أجهل مني بعقووود..

غازي\لازم ترجعين لمدرستي..

وتسمحين لي أكمل تعليمك..

أهم وارقى درس بحياتك..

العودة من المنفـــى ..

هديل بغرور\درس تافه..

ماله اي مكان بحياتي..

بس شكلك درسته وللأسف مانجحت فيه..

لانك لو نجحت فيه..ماكنت بتكون ما انت عليه..

جلمووود ..

قفلت باب غرفتها وهي تنتحب بصوت عالي..

غاضبة مقهوورة ..

راحت من حضنها مرة ثانية..

رجعت للي فرقها عنها وعن ابوها وأخوانها..

رجعت للي قهرها وعذبها..

ام علي\حسبي الله ونعم الوكيل فيك ياغازي..

حسبي الله ونعم الوكيل فيك..

ياليتني خرجت عليهم وقلت والله ماترجع لهم..

ليتني قابلتهم وطلبت شيخهم مايطلعون الا وأنت مطلقها..

ياليتني قلبت خبثك عليك وعليهم..

هادي برجاء\يومه تكفين والله ماكان بيدي شيء..

هي وافقت وراحت..لارضت تشوفني ولا تكلمني..

ام علي بغضب\إطلع من البيت..

لاترجع الا بعد ماترجع هديل..

مثل ما قهرتها سنين روح ورجعها لي..

لا انت ولا ابوووك..ذنبها في ذمتكم..

ما ابي أشووفك ولا أسمع صوتك..

إطلع من البيت حالك حالها..

غادة تبكي\يومه صلي على النبي..

ليه ما منعتيها دامك ما انتي راضية ترجع له..؟

ليه سكتي وخليتيها تروح..؟؟

والله لو كانت تدري برغبتك ماراحت..

جلست تبكي وتندب على بنتها..

ليه ما منعتها..؟؟

لأني شفتها ماهي بنتي اللي أعرفها..

لازم ترجع له وتعالج ولدها..

وقبل لاتعالج ولدها تعالج نفسها..

مرت عليها حالة هديل قبل يومين في الشاليه..

لما دخلت عليها تطمن عليها..

كانت نايمة وترتجف..

قربت منها تغطيها وسمعتها تتكلم وتبكي..

هديل بألم\سامحني..لا..مو السوط..

يووومه ضربني..آآآآهـ...يوووومه..

أم علي مصدومة\بسم الله عليك..

لبيه يومه هذاني جنبك..

هديل قومي فديتك وش تحسين فيه..؟؟

هديل بشهقات عالية\لاااا..غازي سامحني..

رسل..انا رسل..أنت أمـــي..سامحني..

ام علي تبكي\هديل وش تقولين يا عذابي؟؟

هديل\آآآآهــ..

شالت الغطاء من على هديل..

نزلت القميص من عليها شافت اللي برقبتها..

وحقدت على ولدها اللي سمح لغازي يقابلها..

حركتها بحنية وظهر لها ظهرها..

نزلت راسها وحطته على ظهر هديل وهي تبكي..

ام علي\ياحسرتي يا هديل..

لمحتها وأنتي تخفينها وتضحكين..

شفتك تغطينها بشعرك ووشاحك..

ياليته كذب إحساسي..

سوط..ضربك بسووط يا بعد أمك..

عسى يمينه ماتشل بنته يارب العالمين..

عساهـ يشقى بذنبك وقهرك..

وتقولين يرعاك ويحبك..؟؟

وش مخبية غير السوط يا شقى امك وابوك..؟؟

قامت تتوضى وصلت ركعتين لله..

دعت فيها لهديل وإن الله يحميها من شر غازي..

ودعت فيها لهادي اللي صارت الدنيا في عيونه سواد وظلال..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛

غصب رايح ولا برجع لأني أبرز عيوبك..

حرام إنَّه يجي واحد يلومك من كثر..حزني..

طلع من البيت مقهوور مكسور..

حلفت على إخوانها مايسمحون له يقابلها..

منعه علي مايكلمها ولا يشوفها..

حتى بالشاليه ماراح عشان راحتها ورغبتها..

ليه رضت على العالم مارضت عليه..

وليييه رجعت له قبل ترجع لتوئمها..

مشتاق لها..

لهديل القديييمة البريئة..

اللي روحها صافية وخالية من الحقد والكرهـ..

حتى قبل لا تروح معه مارضت تقابله..

تحرق كل اللي بينهم بجفاها وصدها..

ليه ماتصد عنه ..؟؟

ليه ترجع له وهي تكرهه..

إيه تكرهه..هو اللي ظلمنا وظلمها..

هو تجبر وفرقنا..

فقد أخوه لازم كل الناس يعانون معه..

نهايته ماتكون إنتصارهـ بهديل..

لازم مثل ما أنهزمنا سنين ينهزم..

مثل ما تجبر وتفرعن يتعاقب..

لازم ينكسر مثل ماكسرنا..

كنا توئم..

دخل بينا وصرنا أغراااب..

عرفت ماضيك الأسووود..

وباحول مستقبلك لماضي ..

مثل ما جنيت علينا بأجني عليك..

وانت قلتها زمان..

الدم بالدم..والاخ بالأخت..

واليوم أقولك:

هديل بــ هديل ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

مضت نص ساعة وهي في دورة المياهـ ..

تحممت ولما كانت بتلبس بجامتها..

ناظرت بظهرها في المرايه..

كان احمر ولونه غريب..

أستغربت حالها..

حست بالالم فيه يخف ويزول بعد ما تحممت بماء بارد..

غصب عنها صابها خوف ورعب من وجودها معه بنفس الغرفة..

متاكدة إنه ماراح يعرض هدنتهم الوهمية لـ فراق من اول ليلة وهرب..

ومتأكدة اكثر إنه ماراح يخليها بحالها..

أحتجت إما يطلع من الغرفة او هي تطلع..

هي شرطت يعيشون مثل ماعاشوا في إيطاليا..

لها غرفتها وله غرفته..

وهو تعذر جناحه مافيه إلا غرفة نوم وحدة..

والحقير مقفل الباب ومخبي المفتاح..

ماتبي شعور السجن والمحاصرة يرجع لها..

طلعت من دورة المياهـ ..

مرت على ذياب متجاهلة وجوده في الغرفة..

تمنت لو كان فيها كنبة او شيء تقدر تنام عليه..

بس الخبيث حاسب حساب لكل شيء..

مايترك شيء لـ الظروف..

رجعت لغرفة النوم..

متسطح على السرير..

ساند ظهره على مقدمة السرير..

وباين من شكله إنه ينتظرها وماله نية ينام..

هديل بهدوء\بأطلع أنا في الصالة..أبي المفتاح..

غازي بهدوء\ماله داعي نعيد ونزيد بالكلام..

طول ما انتي معي مكانك جنبي ماهو بعيد..

هديل بحدة\ما اضمنك..إنت نذل وخاين لكل عهد بينا..

حتى مع نفسك خاين..

غازي\معك حق بحرصك..

تقدرين تصديني بس أنا ما اقدر..

بس أنتي السبب..

يعني لبستي الأصفر ليييه..؟؟

ليه اللون الأصفر؟؟

هديل ببرود\مجرد صدفة..لا تعشم روحك..

غازي بهدوء\تقولين صدفة..

لا ياهديل انا وانتي أكبر من مجرد صدفة..

وصلت رسالتك..بس ما زادتني إلا طيش..

هديل برفعة حاجب\حلووو إنك فاهم..

ومفهوم الرسالة مجبور تلتزم فيه..

وإن ما التزمت بالطيب..

أجبرتك تلزم حدودك..

غازي بتسلية\كلي شوق واعرف كيف تجبريني..؟؟

هديل بصد\لاتنسى تلميذتك ولي في الجرووح تجارب..

طفت نور الغرفة وتوجهت لـ السرير..

جلست على الطرف ونزلت الروب من عليها..

أنسدحت وطفت الابجورة..

قرأت أذكارها..وحست براحة لانه ما قرب منها..

غمضت عيونها وهي تسترجع آخر لقاء مع امها..

كانت تبكي بحسرة..

وهي حاولت قد ماتقدر تسلي أمها وتطمنها عن حالها..

ماتملك اي فكرة عن الي امها تعرفه..

تنهدت بآسى لما حست فيه قريب منها..

غازي بهمس\حاولت بس ماقدرت..

هديل\إبتعد عني..

غازي بحنين\مشتاق بس احضنك..

لم يدينه حواليها وقربها منه..

تدري الكلام ماراح يبعده عنها..

مدت يدها ونزلت القميص من على كتفها..

هديل\هذا الآثر جريمة يدينك..

متى ما اختفى وسم الجارية..

راح اتقبل أكون زوجة..

أنت مجرم وأنا بين يدينك..

حست بيدينه تضغط عليها بقوووة..

وكأن اصابعه راح تدخل جواتها..

تالمت بس كتمت الآآآهـ ..

وهي ترجع لها ذكرى حركته في ايامها معه..

لما يحفر خصرها بأصابعه ويفقدها قوتها..

كان ينتظر منها تتكلم او تتوجع..

ولا تركها لحتى سمع الآآآهـ المكبوته تطلع..

شال يدينه من عليها بس ظل قرييب منها..

وانفاسه تضرب بكتفها المجروح..

مدت يدها ترفع كم القميص على كتفها..

بس هو منعها لما نزل يدها..

أكتفت بإنتصارها المهزووم..

ولمت يدينها على خصرها تخفف من الألم اللي فيه..

نامت ولا درت عنه يتأمل الآثر اللي بكتفها..

ولادرى عن باقي الآثار اللي بظهرها..

لبست عبايتها وقفازاتها..

طلعت جوالها من شنطتها واتصلت على امها..

خلود\السلام عليكم..

أم خلود\وعليكم السلام..هلا امي..

خلود بمحبة\يومه انتهى دوامي تعالي خذيني..

ام خلود\يالله يومه مسافت الطريق واكون عندك إن شاء الله..

قفلت الجوال وهي تدعي الله يحفظ أمها ويديم عليها صحتها..

وسمعت مرام تتنهد بضيق..

مرام\خلود حرام عليك..

يعني لازم تطلعين امك من البيت بهذا الوقت..

وتجي مشوار إلى الجامعة عشان تأخذك..؟؟

خلود\وأنتي تظنين إن انا راضية بتعذيب أمي معي كل يوم..

مرام\أنا مو فاهمة عليك وين الغلط لو وصلتك أنا وسواقي..؟؟

خلود\دائماً تسألين نفس السؤال..

مرام\ودائماً تتجاهلين الإجابة..

خلود بهدوء\أنا ما اضمن الدنيا..

ولا اقدر اروح مع غرباء..

مرام\بس أنا بأكون معك..

خلود\مرام لاتزعلين..

صح أنتي صاحبتي من سنتين..

بس انا ما اثق في احد..الدنيا علمتنا نحذر من ظلالنا..

مرام بصدمة\خايفة مني..؟؟

خلود\ماهو منك إلا من الزمن..

ولا اركب مع سواقين أو تاكسي من دون امي..

بتقولين كبيرة والمفروض أعتمد على حالي..

بس لا يامرام سواء كنت كبيرة او صغيرة..

محتاجة أمي تحميني وتكون معي..

مرام بزعل\صدمتيني فيك..ماكنت اظن هذا تفكيرك عني..

خلود بجدية\لاتأخذين الموضوع بحساسية وتعتقدين إني أظن فيك الشينة..

انا لو ناقدة عليك بشيء ماكنت باصاحبك أو أجاملك..

يمكن الغرابة مني أنا..بس هذي قناعة عندي..

ما اروح مكان من دون امي..

مرام\مابأقول معقدة ولا جاهلة..

بأقوول إنسانة حريصة وقوية..

خلود تبتسم\ردي على جوالك..وكم مرة اقولك بلاش نغمات اغاني..؟؟

مرام تبتسم بخبث\مارفتي من المتصل..؟؟

خلود\أمي..؟؟

مرام\ههههههههههه وليه تتصل أمك علي..؟؟

خلود\مدري يمكن أختارت 2 لأنه رقمك في الإتصال السريع وانا 1 ..

مرام\لا ياحلوة هذا مو امك..هذا المجرم اللي يذبح الناس ويشرد..

خلود بقهر\لا تردين عليه قفلي في وجهه..

رفعت مرام الجوال ومدته لخلود..

مرام\بالله هذا وجه يتقفل عليه الخط..

شوفي زينه لبى قلبه يهبل..

خلود\إيه شوفي وجهه تقولين مجرم حاكمينه إعدام..

مرام\هههههههه وجع بسم الله على ولد أختي حبيبي..

خلود\قومي أطلعي لـ المراهق لا يصدم بنات الجامعة ويذبحهم..

مرام\ههههههههه اعوذ بالله ماصارت صدمك بالغلط يا حقووودة..

خلود\ياما أنقتلوا ناس بالغلط..

طلعت مرام لمسفر وهي xxxxxة من وضع خلود.

إللي مستحيل تترك رجل من غير ماتركب عليه كل عيووب العالم..

جلست جنب مسفر وهي تسلم عليه..

حرك السيارة وهي بدت توصيه..

مرام\انتبه وأنا خالتك لا تصدم بنات الناس..

مسفر بنص عين\وشهو..؟؟

مرام\هههههههههه ناس حملوني أمانة أحذرك لا تصدم العرب..

مسفر يبتسم\ومن هذولاء الناس اللي يفترون علي..

مرام\وحدة صدمتها بسيارتك وكنت بتذبحها..

مسفر بصدمة\لا اله الا الله..متى..؟؟والله ماسويتها..

مرام\لاتحلف فديتك بلى سويتها..

هذيك البنت اللي صدمتها وهي مع امها وأخذتهم المستشفى..

مسفر\لاحول ولا قوة الا بالله..

فجعتيني حسبت إني ذبحت نفس ومادريت..

وبعدين كم مرة اعيد لك اللي صار..

طلعت بطريقي وأنا ماشي والحمدلله هي أصلاً طاحت من الخوف..

واسعفتها عشان أمها المسكينة..ولا البنت ودك لو تشخطين عليها بالسيارة..

مرام\ههههههههههه والله نفس الشعور بينك وبينها..

كارهتك كره العمى..وتتمنى لو يحكمون عليك إعدام..

مسفر\أعوووذ بالله حقووودة..

عاد ليتني سويتها مطبة بالشارع وش بتحكم علي..؟؟

مرام\هههههههه آآآآي بطني ..حسبي الله على عدوك..

لو تدري بكلامك مدري وش تسوي..

مسفر\شكل البنت والله اعلم ماخذة موقف قوي..

إما من حادث سيارة مأثر عليها إلى ألحين..

أو مني كـ رجل غريب عنها..وهذا يوصلك لأول الخيط..

إنها حاقدة على جنس الرجال..

ودليلي معاملتها لي ولـ الدكتور في المستشفى..

مرام\بدأ علم النفس والتحليل..

عاد أنا ما بأقولك شيء خاص فيها..

الله يستر عليها ويلطف بحالها..

مسفر\ليه وش فيه حالها..؟؟

مرام\ياليل النفسيين..وش يفكني منك..؟؟

مسفر يبتسم\ماتهمني الشخصية على كثر ماتهمني الحالة..

لازم اشخصها ولو بيني وبين حالي..

مرام\أجل إكتشفها بنفسك ولا تدخلني بشغلك..

مارد عليها وابتسم لها بهدوء..

يحب يعرف أي معلومة عن اي حالة تصادفه..

معلومة بسيط يكتفي فيها ويبدأ يحلل ويدرس نفسية الشخص..

يعشق تحدي نفسه لنفسه..

لما يجيه مريض او مريضة..

يسمع منهم بداية كلامهم..

وبعدها يتمنى لو يقول لهم إسكتوا عرفت من أيش تعانون..

وحس بحالة البنت المجهولة حالة تحدي بينه وبين حاله.

يـــ الصبـــاح ما أحتريت إلا صبـــاحه..

وبــــــــاقي العالم عوآآآآآآآآآآآفي ..

نزلت الدرج وهي تضحك لذياب..

اللي متمسك فيها ويطلبها تشيله..

هديل\إمش على ارجولك..عيب اشيلك..

رشا\وهـ فديته انا اشيله..

طلعت الدرجات بخطوات سريعة..

وشالت ذياب وضمته لها وقبلته بحنية..

صدت عن هديل وكان لهديل نفس ردت الفعل..

في البداية تفاجئت من وجود رشا ..

ولما شافت امه وشوق جالسين معه في الصالة تضايقت..

حبت لو تحقرهم وترجع فوق..

ماتبي تجتمع معهم ولا تنافقهم وينافقونها..

لو تجرح رشا وتاخذ ذياب من يدينها..

لو تتجبر وتقسى وتصير كارثة..

نزلت بخطوات هادية ورزينة..

سلمت بهدوء وهي منتبه على نظراته لها..

مدت يدها وصافحت أمه..

وتقبلت إحتضانها لها وتقبلها لخدودها..

أم غازي\نورتي بيتك يا ام ذياب..

هديل بهدوء\منور بأهله..

تجاهلت شوق ولا كأنها موجودة..

ولا ردت على سلامها ولا مدت يدها تصافحها..

جلست مقابلة لغازي..

وعينها بعينه..

ولازالت تشوف التسلية بعيونه بعد اللي سواهـ لما صحت من نومها..

صدت عنه وهي تتوعدهـ تربيه وتخليه يحرم جرئة ووقاحة معها..

صحت وهو مغطيها بورد أحمر..

ناظرت حوالينها مصدومة هي وش تسوي عندهـ..

لحتى تذكرت إنها رجعت له..

كان الورد منثور عليها بروووعة..

كتمت إبتسامة خجولة وهاوشته..

هديل\تدري إنك مراهق في السبعين..؟؟

غازي يبتسم\توني في الأربعين لا تكذبين..الكذب خيبة..

هديل\شيل مزرعتك هذي من علي..

تبي الشوك يخزني..

غازي\طلبته من غير شوك..والورد لـ الورد..

هديل بجمود\من يغرس الشوك ما يجني الورود ..

غازي\ومن يطفي الشووق ما يلقى دفا..

حاولت تبعد الورد عنها وتقوم..

بس هو منعها لما حط يدينه عليها ورجعها تنسدح..

نط ذياب عليها وهي صرخت..

هديل\ذياااب يا دووب لا وقف..

حط وجهه على وجها وفتح فمه يحاول يبوسها على خدها..

غصب عنها ضحكتها حركته مثل ما تضحكها دائماً..

هديل\هههههههه وخر عني بــــــــس..

غازي بصدمة\ألا يالخسيس من علمك..؟؟

رفعه من على هديل وجلسه بحضنه..

غازي\ولد ابووك يالذيب..

هديل تمسح خدها\أبداً ولا يشبه لك في شيء..

نزل ذياب جنبه..

غازي\إصبر وأنا ابوك..أمك نست وش علمتها..

مسكها قبل تشرد منه وهو يضحك على شهقات ذياب وتصفيقه بحماس..

قبلها وهي تقاومه..

وساعدها ذياب لما نط عليهم وشد على شعرها بقوووة..

هديل بقهر\خسيس ولد خسيس..

فك شعري من ولدك يا متوحش..

غازي\ههههههههه حسبي الله على عدوك من اللي طلب فزعتك..

كنت اقدر عليها لحالي..

أغـــآر كل مآشفتهم يآخذونك..

رح قلهم ترى منكم صدرها ضآق..

كان هو همزة الوصل بين الأضداد..

كلهم ملاحظين صمتها ورفضها الكلام معهم..

وهو يسحب منها كم كلمة بين لحظة ولحظااات..

ام غازي\لا حن ماشين بعد العصر..

غازي\لا يومه خليك..أنا أوصلك لهم قبل السفر بيومين..

ام غازي\ومتى بتسافر..؟؟

غازي\بنسافر بعد إسبوع إن شاء الله..

شوق برجاء\لا تكفى ياغازي ابيها تروح معي..

تعبانة من الحمل وابيها جنبي..

رشا\الله يعينك ياقلبي..باين التعب عليك مرة..

ام غازي\بالعكس حملك عادي بس انتي مستصعبته لانها اول مرة..

شوق\يووومه تكفين تعالي معي اليوم..

شددت يدينها على ذياب..

وهي تسمع شكاوي شوق عن حملها..

وامها كيف تطمنها وتواسيها..

وغازي ينصحها تقرأ قرآن ولا توسوس كثير..

وبتمر شهور حملها براحة وطمئنينة..

كانت غاصة بكلام كثير تبي تقوله..

يهتم فيك ولا أهتم فيني..

ليه أنا ماحملت قبلك..؟؟

وكنت لحالي..

لا أم تطمني وتكون معي..

ولازوج يرعاني ويهتم فيني..

حملك بتولدينه وبتذكرين أيامك بخير ان شاء الله..

بس أنا أذكر أيامي بحسرة وخوف..

كنت أخاف أخوك يلقاني ويعاقبني..

وكنت خايفة من مرام وزوجها ياخذون ولدي..

وكنت خايفة من الشوارع وعيال الحرام..

خوفك ياشوق أغبطك عليه..

لأني ماحسيت فيه ولا عرفته..

قبلت ذياب على جبينه وهمست له..

هديل\أيام ذكراها سر بيني وبينك..

رفعت راسها وجات عينها بعينه..

وأدركت إنه يراقبها..

لما رفع إصبعه ومسح بها على خدهـ..

رفعت يدها بشكل آلي..

ومسحت على خدها..

ماحست بدموعها اللي خانتها بوجودهم..

أنتبه عليها وهي ما أنتبهت على حالها..

خافت لا يشوفونها او يحسون بضعفها..

شالت ذياب وأستئذنت منهم بهدوء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

دخل لمجلس بيت عمه وهو رامي شماغه على كتفه..

شاف راكان وسلمان جالسين ..

سلم عليهم ودخل..

هادي\ماشفنا زولك بين الرجال أمس..

قلت يمكن تكون خايف من غازي لا يفرشك قدامهم..

سلمان بعصبية\ماجيت لأن رجوعها لهم ماهو عاجبني..

هادي بحقد\ومن أنت عشان ترضى وماترضى..

حسافة تكون ولد عم لها..أجل أنت تهين هديل..

ليه نسيت من اللي خلص رقبتك من السيف..؟؟

سلمان بغضب\ذنب وتحملناهـ ..

قطيعة وذقناها..ضيم وشربناهـ..

انوخذت بذنبك وذنبي..وطالت السنين..

لارجعت ولا عرفنا عنها..

ويوم تواجهني تقول اهون عليها تبقى معهم ولا ترجع لهلها..

وش اقول لها حقانية وراعية واجب..

هادي بصراخ\تنكتم وتاكل تراب..

ولا تقول لها كلمة..لا تمدحها ولا تذمها..

والموت يوم تمد يدك عليها..

رمى شماغه على لاارض بقهر..

وهجم على سلمان..

ضربه على وجهه ومسكه من جيب ثوبه بقوووة..

وقف راكان بينهم وحاول يفكه عن سلمان..

هادي بقهر\نذل وحقير..

تضرب هديل...تضرب اختي..

تهينها وتتكلم عليها بالشينة..

والله يا سلمان والله لو فكرت تتعرض لها..

إن الجريمة اللي راحت فيها سنين بتكون دية رقبتك..

والله أذبحك وأمشي بين الناس مفتخر بجريمتي..

تضارب مع سلمان وبالموت ابعدهم راكان عن بعض..

هادي\المرة الاولى وضربتك بإعتقادي إنها ميتة..

بس اليوم هي حية وبتحطها تاج على راسك..

وبتحترمها غصب عنك وعن اللي خلفوك..

سحب نفسه من راكان وطلع من بيت عمه..

كارهـ البيت وهله..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

شفت في عينك حزن وانا ودي احتويك

افتح قلبي لهمومك تاخذ الي يدوايك..

الحزن كتمانه عذاب ومناي اني اواسيك

حيرتني بين أمرين نظرتك وصــدك..

وعيشتني شوق قلبين قلبي وقلبك

وأبيك تحس بشخصـ(ن) مغرمـ(ن) فيك ...

دخلت الغرفة وقفلت الباب عليها..

نزلت ذياب على الأرض بالغصب وهي تتآوهـ بألم..

غازي ماهو موجود في البيت وبكذا بتاخذ راحتها..

نزلت بلوزتها ورمتها على الأرض..

ناظرت في المرآيه..

وشافت ظهرها أحمــــر وعلامات جروح ظاهرهـ عليه..

لها ايام تتألم منه وأحيان توصل لـ البكاء..

ماسمحت له يدري بألمها..

أو يكشف عليها..

قررت تروح من بكرهـ مع غادة أو سارة لـ طبيبة خاصة..

تكشف على ظهرها وتعالجه لها..

سفرها لإيطاليا بعد ايام..

ولا تبي تروح وهي تعبانة..

حتى بصلاتها ماتقدر تركع ركوع صحيح.

خافت يدري عن ظهرها لما جلس جنبها عصر اليوم..

وحط يدهـ حوالين كتفها..

شهقت بوجع ووقفت بسرعة..

أستغرب تصرفها وهي تعمدت توهمه إن شهقتها بسبب قربه منها..

وإنها عصبت من لمسه لها..

نامت على السرير على بطنها..

ظهرها ذابحها من شدة الألم..

كانت تكتم الآآآهـ بوسادتها..

وتسمع ذياب يلعب على الارض..

ماتدري كيف تخفف الألم..

هي خايفة من اللي يصير معها..

لا تكون مريضة مرض مميت..

أو مرض معدي يمكن تعدي ذياب..

بكت من الوجع وهي ترجي الله يبرد عليها ويشفيها..

حست بقطرات ماء تلمس ظهرها..

خافت لا يكون ذياب لانه بيرمي حاله عليها وبيعورها..

ألتفتت على جنب بحيث تبعد ظهرها عنه..

وشهقت بصدمة لما شافته واقف لاف منشفه على جسمه..

والماء مبلل شعرهـ..

يعني هو كان في البيت وفي دورة المياهـ يتحمم..

وهي اللي مقفلة عليها تظن إنها بعيدة عنه ومابيشوفها..

جلس على السرير قرييب منها..

ورجعها على وضعيتها الأولى..

وبكت بحدة لما يدهـ لمست ظهرها...

قل لها ..

إنه تأمل في دنياه

حينا فعاد يحضن دمعه

راعه أن عمره يتلاشى

مثل ما تخمد الأعاصير شمعة

وصباه يضيع منه .. كما ضاع

نداء.. تطوي المتاهات رجعه

قل لها .. انه يفيق على جرح

وتغفو سنينه فوق لوعه

سكب الدهر من أساه رحيقا

فإحتساه جرعة إثر جرعه

قل لها .. انه يهيم .. وأخشى

ان تواريه رحلة دون رجعه ..

المرحوم بإذن الله تعالى ..غازي القصيبي ..

بكت من الوجع وهي ترجي الله يبرد عليها ويشفيها..

حست بقطرات ماء تلمس ظهرها..

خافت لا يكون ذياب لانه بيرمي حاله عليها وبيعورها..

ألتفتت على جنب بحيث تبعد ظهرها عنه..

وشهقت بصدمة لما شافته واقف لاف منشفه على جسمه..

والماء مبلل شعرهـ..

يعني هو كان في البيت وفي دورة المياهـ يتحمم..

وهي اللي مقفلة عليها تظن إنها بعيدة عنه ومابيشوفها..

جلس على السرير قرييب منها..

ورجعها على وضعيتها الأولى..

وبكت بحدة لما يدهـ لمست ظهرها...

هديل بوجع\آآآآآآآآآآهـ لاااااااااا ...

غازي\.........................

هديل برجاء\غااازي الله يخليك بسسسس..

شيل يدك تكفى بــــــس..

بكت أكثر لما زادت يدينه في لمسها..

وقطرات الماء اللي كانت تلمس ظهرها من شعرهـ تزيد بألمها..

حاولت ترفع نفسها وتبتعد عنه ..

بس يدينه وثقتها بالفراش أكثر..

هديل بزعل\حرااام عليك خلااااص عذبتني...

ابعد يدينه من على ظهرها وقرب راسه من راسها..

همس لها بصوت جامد غاضب..

غازي\من متى تعانين من ظهرك..؟؟

هديل بألم\آآآآهـ كنت احس بألم ومثل الحريق من فترة..

بس الإلتهاب هذا اول مرة يطلع معي من يومين..

يمكن مرض يعدي ذياب..أو يعديك..

بكرة اروح مع علي أخو......... آآآآآآآآآآهـ

لااااااااا بسسسسسسسسسس آآآآآآآهـ يووومه..

منعها تكمل كلامها عن أخوها..

غاضب من نفسه ماهو منها..

ظهرها بشكله المؤلم..

جدد فيه احقادهـ على نفسه ..

لامس ظهرها بصدرهـ وضغط عليه..

وشعرهـ المبلول لاصق برقبتها...

وهذا اللي قطع كلامها عن أخوها..

وخلاها تصرخ ترتجيه يبتعد عنها..

غازي بقهر\تبين تعرفين وش اللي بظهرك..؟؟

تطمني يا جنوني ماهو مرض معدي..

هذا كبت نفسي وقهــــر حابسته بقلبك..

هذي أكزيما..إلتهاب جلدي..

هديل تبكي\غازي ذبحتنــــي إبــعد..

أبتعد عنها ووقف بسرعة..

حاول يرفعها عن فراشها..

وهي تمسكت بالوسادة ولمتها على صدرها وبطنها..

جلسها وهي تبكي وتبتعد عنه..

هديل بقهر\إبعــــــد عنــــي ...

تموت إنت لو ما أذيتني..

لو ماوجعتني ماتكون غازي..

تتمنى لو كانت اكبر من كذا..

لو كانت نار شاعلة بظهري يمكن ترضيك..

غازي بحدة\ولا كلمة..قومي أوديك المستشفى..

لازم يصرفون لك علاج..

مانبيها تلتهب أكثر من كذا..توها في بدايتها..

هديل\ما بأروح معك..ألحين اكلم علي هو يوديني..

غازي\لا علي ولا غيرهـ ينهون ما انا بديته..

قومي قبل أوجعك اكثر ..

هديل بحسرة\لا تهددنــــــــــــــــــي ..

لا تصارخ ولا تقسى علي..

لاترجع لطبعك الجامد..

لا تعيشني ظلمك بآخر أيامي معك..

جلس قدامها على ركبه..

وحط يدينه على كتفها..

وهي شدت المخدة عليها اكثر..

غازي بحنية\لاتخافين مني أنا حبيـــبك ..

كنت أفحص ظهرك وشيء طبيعي تتألمين..

وجاد في كلامي..علي وغيرهـ مايسوون لك شيء وانا موجود..

قومي نروح المستشفى..

هديل بتعب\ما اقدر أروح..ظهري يوجعني..

ما استحمل تلمسه ملابس او عباية..

غازي بهدوء\طيب إرتاحي هنا..

وانا بأروح الصيدلية وراجع إن شاء الله..

نزلت راسها وشالت عينها من عيونه..

الموقف بقد ماهو يألمها محرجها..

هي بشكل ماتحب يشوفها فيه..

وهو بحال ماتتمنى تشوفه ..

حست فيه لما ابتعد عنها ..

وراح يبدل ملابسه..

شال ذياب معه..

غازي\بانزله عند الخدامة..

وأنتي خليك على وضعك حتى ارجع..

طلع وهي تنفست بضيق وتعب..

كيف اظل على وضعي حتى يرجع..؟؟

مجنونة أنا أظل قدامه كذا..

وقفت وهي لامة المخدة على صدرها..

فتحت الكبت بس ماكان فيه شيء مناسب لها..

تبي شيء يكون مفتوح ظهرهـ ..

وكل ملابسها ماتخدمها في هذا الظرف..

فتحت كبته وأخذت قميص أسود رسمي..

جلست على السرير ولبسته بشكل مقلوب..

بحيث صار ظهر القميص على صدرها..

ومن ورى تركته مفتوح ماقفلته..

رجعت تنسدح على بطنها وكل ماتحركت تتوجع اكثر..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛

لو المقاااابر تسمح بشوف مرحوم..

رحت ولمحت المندفن في ترابه ..

نزلت صورة أبوها تحت مخدتها..

انسدحت وعيونها تقاوم دموع حبستها عليه من سنين..

بعد وفاته حست الدنيا ضايقة فيها رغم كبرها..

كان معها بكل خطوة وبكل قرار..

كانت تظن إن الدنيا بتوقف ومستحيل تستمر الحياة..

بس تفاجئت في نفسها تتنفس وتتحرك..

تكافح مع عائلتها الملكومة..

تتصنع القوة وهي ضعيفة ومنهارة..

كل ليلة تنتظره يرجع البيت وهي تدري بموته..

تمر عليها ساعات جالسة وعيونها على الباب الرئيسي ..

متى يدخل ويكذب سالفة موته..

متى يرجع لهم ويشيل عنها هم تلبسها من بعدهـ..

لازالت حـــــــاقدة وكارهه على اللي قتل ابوها وحرمها منه..

توصل فيها الأماني تشوفه ينقتل قدام عيونها..

يتعزر ويتعذب الف مرة قبل يموت..

بس خلاص هو راح في حال سبيله..

عاش وكمل حياته..

يتمـــها..وأسس عائلته..

ناظرت بإخواتها اللي نايمين معها بغرفتها..

تسوي المستحيل عشانهم..

عشان مايحسون بفقدان ابوهم ويتمهم..

بس لازم قبل تريح أمها..

مرام معها حق..انا اعذب أمي بمشاوير الجامعة..

وبأغراض البيت..

ما اطلع الا وهي معي..

حتى المكتبات والأسواق لازم تكون معي..

طلعت من غرفتها وفتحت باب غرفة أمها وابوها..

ماتدخل الغرفة من سنين..

من بعد وفاة ابوها مادخلت غرفته..

توقف عند الباب تناظر الغرفة وترجع بخطواتها..

كانت امها نايمة وماحست عليها..

قفلت عليها الباب وجلست تفكر باللي صار بينهم..

ام خلود\بس هو رجال طيب وخطبك مرة ثانية..

خلود بكرهـ\طاب الموت بعظامه..

يومه مابه رجال طيب..الطيبين ماتوا..

انا وانتي واخواتي مرتاحين بحياتنا..

حتى ولدك ماله امان بكره يكبر ويصير رجال واطرده من البيت..

ام خلود بعصبية\وقص بلسانك يالقاطعة..

حتى أخوك جعلتيه عدو لك ولنا..

يابنتي خافي ربك في حالك قبل غيرك..

حقدك وخوفك ماينفعك يضرك ويدفنك..

خلود بمحبة\يومه فديتك لا تزعلين..

خلاص ماتبين نطردهـ بنخليه يعيش في الملحق..

ام خلود\عنبو ابليسك من بنت تطردينه يعني..

خلود\هههههههههه إذا تبين روحي معه ..

ام خلود\هههههههههه تسوينها ما هي بعيدة عنك..

خلود تضمها\لا والله ما اقوى على بعدك..

عشانك ممكن اتنازل واسمح لولدك يعيش معنا..

ام خلود\وعيسى..؟؟

خلود بحقد\ياجعل مابه عيسى...

وش اسوي له الشري..الحرامي السارق الناهب..

تبين اتزوج راعي مشاكل وحبووس ويمكن بكره يقتل ويتفاخر بسواته..

ام خلود\الحين عيسى النشمي طلع سارق ناهب..؟؟

خلود\ماله امان..

اللي يضرب الناس ويسدحهم في المستشفى شهور..

يمكن يقتل مرة ومرتين..

ام خلود\قومي..حالتك مستعصية..

خلود تبتسم\لأني اتكلم بمنطق ما يرضيك..

ام خلود\اي منطق..؟؟

أنتي نظرتك ظالمة لـ الدنيا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛

دخل الغرفة وأشر لـ الخدامة تطلع..

بعد مانيمت ذياب وطلعت من الجناح بكبرهـ..

راح لها وكانت نايمة ماحست فيه..

ناداها ماردت عليه..

جلس قريب منها وأنتبه إنها لابسة قميصه..

أبتسم على حالهم الغريب ..

أخذ مرهم صرفه له الصيدلي ..

ونصحه ياخذها المستشفى ولا يعتمد على العلاج..

نزل أطراف القميص عن كتوفها..

وبدأ ينشر المرهم على الإلتهابات ..

حاول قد مايقدر ما يضغط عليها وتصحى متوجعة..

وقبل لا ينتهي من علاجها..

سمعها تتألم وتتحرك متضايقة منه..

كان مجبور يثبتها لا تنقلب على ظهرها وتتوجع اكثر..

غازي\هششش إهدي..ألحين يبرد عليك وتنامين مرتاحة..

هديل بألم\آآآآهـ مو أنت..

لاتزعل مو أنت..

غازي بهدوء\مو أنا..؟؟

هديل\هذا يوجعني من زمان..

مو انت السبب..

صدمته بكلامها..هي كيف تفكر..

بأي حق تهتم في زعله وضيقه..؟؟

مو أنا السبب..من اللي شوه ظهرك وطُهرك..؟؟

من اللي حولك لجليد وأنثى هلامية..

وكفنك باسم جارية بمراسم زواج..

خنقك بماضي مالك فيه ذنب؟؟

ماتبين أزعل على اللي سويته؟؟

ماتبين اضيق على ذنب وذنوب..؟؟

عشان كذا ما سمحتي لي اعرف عن ظهرك..

وامس طول الليل تتوجعين ولا قلتي..

كنتي تخفين الوجع عني مثل ما اخفيتيه عنهم..

بس أنا غير عنهم..

أنا اللي تبين تنتقمين منه وتقهرينه..

ولا احد عرف يقهرني مثلك..

الآثار على جسمك والإنكسار اللي بعيونك..

هي اللي هزمتني وكتفت يديني عنك ..

نام جنبها وراسه على نفس المخدة معها..

وعيونه تتامل ملامحها المتخبية ورى خصلات شعرها..

وضحت له ضيقها منه بس هو ما استجاب لها..

وهي كانت تعبانة وغير قادرة على محاربته...

فنامت محاولة تنسى وجعها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

شال شنطته وقبل يطلع اجبره صوتها يوقف ويلتفت عليها..

رشا\تبي تهرب..؟؟

راجح يبتسم\وش اسوي فيك طفشتيني..

رشا برجاء\تكفى راجح تكفى..

راجح\لا اله الا الله..

يا بنت الحلال أنا وغازي مابينا الا كل خير..

رشا\لا تلعب علي..أنتوا من زمان متهاوشين..

وانا بأصلح بينكم..اليوم نروح لغازي وينحل الموضوع..

راجح\أقول روحي داخل قبل اشوتك..

ما باروح له,,هو مستمر بخطاهـ وانا ماني راضي بتصرفاته..

رشا بهدوء\راجح ليش أنت مستبد..؟؟

راجح\انا مستبد..؟؟

رشا\إيه..ليش تدخل نفسك بحايت غازي الخاصة..؟؟

هو رجع زوجته وإن شاء الله يعوضها عن اللي فات..

هلها موجودين حواليها مو مثل أول..

يعني ماعادت بحاجة لك..

وانت لازم تنهي العداوة مع غازي..

راجح بجمود\رشا انا وغازي مابينا عداوة..

وحتى لما كنت ضد الكثير من تصرفاته كنت ما انسى ان بينا دم وحن اهل..

بعد موت هديل..ظل لحاله هناك..

بس واجبي كقريب وعم له يحتم علي اهتم فيه ولو كان اكبر مني..

كنت ازورهـ كان يجبرنيأذكرهـ انه يتحمل الكثير من اللي صار لها..

وصدقيني هو ماكان في حاجتي حتى اذكرهـ بسواياهـ فيها..

رشا\انا زوجتك واخته..

أبي العلاقة بينكم ترجع مثل زمان..

لما كنانسافر وننبسط مع بعض..

راجح\حن كبار وعاقلين..وصدنا عن بعض لان كل واحد متمسك برأيه..

وتدرين في بالي اطفشه شوي..صاير ما ينشاف له مدهـ..

وش رايك نطب عليه اليوم..؟؟

رشا\ههههههههه أكيد ما ينشاف زوجته وولده عنده..

ولا تنسى بيسافرون عشان علاج ذياب قريب..

راجح يبتسم بخبث\ليته يدري وش ينتظره في سفرته..

رشا\وشهو وش ينتظرهـ..؟؟

راجح\لا انتي في صفه ما بأقولك..

أنتي كلميه وعطيه خبر يمكن عندهم خطط ثانية ليومهم..

رشا\علمني اول ما بأقوله..

راجح بنص عين\أعرفك بتقولين له عشان ياخذ احتياطه..

بس مافيه انسي..وين بوستي..؟؟

رشا بعبوس\مافيه قلي اول..

راجح\خلاص اخذها بعدين فمان الله يا بطة..

طلع من البيت وهي عصبت ليه مايقول لها..

هي ما بتدخل بحيات هديل وغازي..

بس كلام راجح خلاها تشك إن غيرها بيتدخل..

ليه غيري مباح له وأنا ممنوع..؟؟

أخذت جوالها واتصلت على غازي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

غازي بهمس\هديل انتي ليه طيبة..؟؟

هديل بصد\كنـــت طيبة..

غازي\أنا غازي..

هديل\وانا رسل..

حط يده على خصرها وضغط عليه بخفة..

هديل بوجع\خلااااااص إبعد يدك..

غازي بجمود\لساتني على خبرك..

لاتستفزيني..

هديل\وانا مو طيبة على خبرك..

لا تهددني..

غازي بمحبة\ندمتي على كلمتك..؟؟

هديل بغصة\خلني بحالي تعبانة..

أنسدح جنبها وقرب منها..

نزل راسه لراسها على نفس المخدة..

غازي\إرفعي راسك لي..

دفنت وجها بمخدتها هاربة منه..

غازي يبتسم\يعني إذا ماشفتيني ما اشوفك..؟؟

هديل بصوت مكتوم\اليوم بأروح لهلي..

وقبل لا تقول شيء..

لازم تعرف إني ما استئذنك..

ومهما كان ردك أنا باروح غصب عليك..

غازي بروقان\كنت بنفسي باوديك..

بس لانك متمردة وطويلة لسان مافيه روحة..

هديل بعناد\بأرووح ياغازي ولا تفكر تمنعني..

غازي\مابتروحين يا رووح غازي ولا تفكرين تتحديني..

رفعت راسها من على المخدة والتقت عينها بعينه القريبة منها..

بعدت وجها عنه بسرعة وجلست بتعب..

جلس قريب منها وهي وقفت..

صارت تدور في الغرفة ..

ويدينها تثبت القميص من ورى لا يطيح من عليها وتنفضح قدامه..

كانت تدور على جوالها..

لازم يتعلم إنه مستحيل يمنعها من اهلها..

بتكلم علي قدامه وتقوله يجي ياخذها..

نفخت بقهر لما مالقت الجوال..

غازي بهدوء\انا هنا ياقلبي إذا تدورين علي..

طنشته وراحت لغرفة ذياب..

تدري إنه يبي يستفزها بكلامه..

مالقت الجوال هناك..

ولما رجعت لغرفته..

أخذت جواله من على الكومندينو..

مسك يدها بسرعة واخذ الجوال..

غازي\جوالي لا تستخدمينه مع اعدائي..

هديل بصدمة\اخواني أعدائك..؟؟

غازي\كل من يفكر يأخذك مني عدوي..

هديل بحسرة\أجل تطمن ما احد يفكر بهذا الشيء..

غازي\ماتعرفين قدرك لاعندي ولا عندهم..

وهذا سبب اللي فيك..

هديل بسخرية\أعرف قدري عندك..

ومثل ما انا وانت نعرف هو شيء مايشرف..

غازي\تعالي واعلمك..

هديل بجمود\شفت انه مايشرف ..وين جوالي باكلم أخوي..

غازي\جوالك قطعته وتنازلت عنه..

هديل بغضب\نعم..؟؟

بأي حق تقطع رقمي..ماهو باسمك ولا حلالك..

غازي بهدوء كاذب\قلت اهديك جوال جديد..

ونفس رقمي بس يختلف برقم واحد..

هديل\ما ابي هداياك..خلها لضحية ثانية..

ابي جوالي ورقمي..

ما باسمح لك تحرمني من هلي مرة ثانية..

غازي براحة\انا ابي اعطيك الجوال..

بس في حالتك هذي ما اضمنك..

يمكن تصكينه في الجدار أو تغرقينه في الماء..

عاد لك سوابق في إعدام الأجهزة تحبين اذكرك..

هديل برفعة حاجب وإبتسامة\فدووة لي..ولا غيرت كلامك الأول..؟؟

غازي بوله\يالبيييه انا وكلي فدوة لك..

هديل بغيض\فداك الجمر..

غازي\هاتي قميصي ..

هديل\نعــم..؟؟

غازي\قميصي اللي عليك هاتيه..

صدمها طلبه وخافت لا يقوم ياخذ القميص من عليها..

ولما شافته يوقف ويتوجه لها..

صرخت بخوف وهربت منه..

دخلت غرفة التبديل وقفلت الباب..

سمعته يضحك ويهددها..

وبعدها يكلم بجواله..

رمت قميصه بالسلة..

ودخلت دورة المياهـ..

تحممت وبكت لما حست بالوجع بظهرها..

أستاهل هو قال لا تتحممين..

بس ما اقدر احس العلاج مثل التراب على ظهري..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛

صخرت بوجع وتمسكت بالباب..

جلست على الأرض وهي تنادي على سلمان..

ياسمين\سلمااااان...؟؟غــــا دة..؟؟

آآآآآآهـ موجوووعة يا أمــــه..

يا امــة يا حبيبتي رح مووووت...

توهـ راجع من دوامه..

وسمع صوت صراخ بأحد الغرف..

وقف عند الدرج وسمع صوت ياسمين زوجة أخوهـ ..

تلفت حواليه ونادى على أمه..

ماردت عليه فراح لها المطبخ بسرعة..

راكان\يومه تعالي شوفي زوجة سلمان اسمعها تنادي..

ام راكان\بسم الله عليها وش فيها..؟؟

طلعت من المطبخ وراحت لغرفة ياسمين..

فتحت الباب وتفاجئت بياسمين جالسة على الأرض ويدينها على بطنها..

وكانت تبكي مستوجعة مررة..

ام راكان\اللهم صلي على محمد..

وش فيك يا بنتي..؟؟طحتي؟؟ وش تحسين فيه.؟؟

ياسمين تبكي\أريد أميييي..بأمووت اريدها بجنبي..

ام راكان\بسم الله عليك من الموت..

إهدي فديتك الحين أخذك المستشفى إهدي..

لمت يدينها حواليها ورفعتها عن الارض..

سدحتها على سريرها وخرجت من الغرفة..

ام راكان\راكان وينك يومه..؟؟

راكان من بعيد\هنا يومه في الصالة..

خير عسى ماشر..؟؟

ام راكان\خلنا ناخذها المستشفى شكلها مايطمن..

راكان بإرتباك\يومه كلمت سلمان..

الحين يجي ويأخذها معك..

ام راكان بعصبية\وأخوك متى بيجي أخاف يتاخر علينا..

راكان\لا ان شاء الله ما يتأخر..

كيف تبيني اسعفها يومه الله يسعدك؟؟

رفع جواله واتصل مرة ثانية في سلمان..

راكان\انت وينك بسرعة تعال لا تنكبني..

سلمان\راكان وش صاير فيها..؟؟تراك أرعبتني..

راكان\ماصار شيء..

بس لازم تجي توديها المستشفى..ما اقدر اخذها انا ..

سلمان بقهر\مبطي عنكم والزحمة بتاخرني أكثر..

تكفى يا ابو علي خذها المستشفى..

قفل راكان الجوال بوجه سلمان..

راكان\يومه يالله هاتي ياسمين نوديها..

سلمان بيتأخر مكانه بعيد عنا..

دخلت ام راكان لغرفة ياسمين..

لبستها عبايتها واسندتها..

ام راكان\يالله يا بنتي سمي بالله..

ماعليك الا العافية ان شاء الله..

ياسمين بخوف\آآآآآهـ هذا مووت ماهي عافية..

ام راكان\إستغفري ربك..سبحي ومابتحسين بألم..

شكلها والله اعلم ولادة..

ياسمين\توني دخلت الثامن..بدري والله بدري..

طلعتها ام راكان من الغرفة..

وتوجهوا لـ الباب الرئيسي..

راكان بصدمة\يوومه عباتك مالبستيها..!

ام راكان بشهقة\ياسترالله كنت باطلع من دون عباتي..

راكان يبتسم\وخزياااهـ يومه..هذي أخر تربيتك..

طنشته امه وبالها مع ياسمين..

نادت على الخدامة وقالت لها تجيب عبايتها..

طلع راكان وقرب السيارة لهم..

أنحرج كثيـــر وهو يسمع صوت ياسمين..

ويقول الفال لغادة ..

وصلوا المستشفى واضطر راكان يساعد أمه في ياسمين..

لحتى استقبلوهم الممرضات واخذوها لغرفة المعاينة..

ناظر جواله الي توصله اتصالات من سلمان ومن سارة..

راكان\هلا..

سارة\وييين أمي..؟؟الخدامة تقول إنها معك..

راكان\أفا باقي ماوصلك العلم من جاسوستك اللي في بيتنا..؟؟

سارة بترقب\لا ماكلمت كوكو اليوم وش صاير..؟؟

راكان\ياهذي الشغالة باسفرها..مسوية جاسوسة لك..

سارة\رويكن خل جاسوستي في حالها..

وقلي وش صاير معكم..؟؟

راكان\حرمة سلمان شكلها والله اعلم حالة ولادة..

هذا كلام امي واخذناها المستشفى..

سارة بشهقة\ياحبيبت قلبي ياوردة..

راكان\من وردة..؟؟!

سارة\وينكم في أي مستشفى..؟؟

راكان\في مستشفى ............

سارة\طيب قل لها لا تولد قبل اجي..

وقل لها..................

قفل راكان الجوال في وجها لانها بدت توصيه على ياسمين وتحمله رسايل لها..

مهبولة كيف اشوف ياسمين واقول لها لاتولدين قبل تجي سوير..

رد على سلمان ..

سلمان\أنت مع من شاغل جوالك..؟؟

وش صار معكم ؟؟

راكان\إحترم نفسك وانت تكلمني..ترا أنا اللي انقذت زوجتك..

لاتخليني ارجعها البيت..

سلمان\طلبناك طول السنة تروق مارضيت..

يوم جاء وقت الجد مروووق..؟؟

قلي وش صار معكم..؟؟

راكان\تطمن كل شيء طيب..

وهي بخير عندها الطبيبة الحين..

لو ولد اسمه راكان فاهم..؟؟

ولو بنت اسمها غادة..؟؟

سلمان\ولا لك لوى..سميتهم قبلك..

الولد هادي والبنت هديل ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛

عظيـــمة هيـــبتك يـ الصمـــــت ..

تظــــل أجمــل سواليفـــــي ...

حاولت ماتبين قهرها لعيون رشا..

هي طلبت تزور أهلها ..

ولما قال لها تعدلي باوديك لهم,,

تنصدم في رشا وراجح عندهم..

يلعب عليها او يتحداها..

ركزت عيونها على غازي الصغير..

جالس على الارض وماسك ذياب بحضنه..

وكل ماحاول ذياب يوقف يسحبه بحضنه غصب..

أبتسمت لما سمعت صرخة طلعت من ذياب..

دليل على عصبيته..

بس غازي الصغير كان مُصر يجلسه بحضنه..

ألتفت ذياب على غازي وعضه على خدهـ بقوووة..

صرخ غازي ورمى ذياب من حضنه..

وبوقتها بكوا الثنين من بعض..

راحت رشا لغازي وشالته عن الأرض..

وغازي الكبير شال ذياب وضمه له..

وهو يضحك على اللي صار بينهم..

جلس جنب هديل وهو يداري ذياب بكلمات طفولية..

هديل بإنتقاد\عائلة غريبة..

الحب عندكم غصب يصير..

وإذا ما يناسبكم طعنتوا اللي يحبكم..

غازي بنبرة خاصة\عساني فدوة للي يحبني وانا طعنته..

هديل بسخرية\اللهم آآآآآآآآآمين ..

رشا بعفوية\ولدكم شري..ولدي يحبه يقوم يعضه..

غازي بخبث\والله يا وخيتي ماراح بعيد..

عرفت إنه يقصدها بكلامه..

يحبها وهي تصدهـ..

ياليت العضة اللي بوجه غازي الصغير بوجهك..

بس ولدها النذل يعضها ويشد شعرها..

بس مع ابوووهـ أليييف ورايق..

هديل\وش رايك تروح لعمك وتخلي عنك رمي الكلام..؟

غازي\وش رايك اشوت عمي وحرمته وتضميني..؟؟

لما شافته يقرب منها..

حذرته بصوت واطي..

هديل\ظهري يعورني..لا تنكبني مع اختك..

غازي بهمس\طيب غطي شعرك بأقول لراجح يدخل هنا..

هديل\طيب تنذل براحتك..

وما انام الليلة الا عند هلي..

غازي بوعيد\تبطين عظم..بكره تروحين لهم..

بس نوم ما اسمح لك..

أتصل على راجح وطلب منه لما يوصل البيت يدخل عندهم..

مارضى يدخل وقال يطلع له برا..

طلع لحديقة البيت وقابله..

غازي\هلا والله..حياك تفضل..

راجح\زاد فضلك..كيف أنت..؟؟

غازي\طيب..أقلط حياك داخل..

راجح\لاماعليه نجلس هنا..

غازي\يا ابن الحلال ادخل انت عمها وعمي..

راجح برفعة حاجب\زين إنك تذكرت إني عمك..

غازي بسخرية\وش اسوي فيك أنت وهس..

إن قلت اللي يرضيكم ماعجبكم وإن هاوشتكم ما اعجبكم..

وش اللي يرضيكم..؟؟

راجح\أبد يرضينا الحق..كن حقاني وابشر برضاك..

غازي\ربك يعدلها..والله إن تدخل..

راجح\لو ما انت بشايب ماقبلت ادخل..

غازي\لعنبوا الغيرة وش تسوي بـ البزارين..

راجح\هههههههههههه كثر منها..

دخلوا البيت وهم يضحكون..

وهذا خلا رشا تنصددددم بقوووة..

شيء أبداً ما كانت تتوقعه..

توها تفهم كلام راجح ..

لما قال لها مافيه بينه وبين غازي الا كل خير..

ومهما صار بينهم مابينسون إنهم اهل ودمهم واحد..

حست بفرحة كبييرة وهي تشوفهم..

جلس راجح وسلم على هديل..

راجح\كيفك يا ام ذياب.؟؟

هيل بهدوء\الحمدلله..عساك طيب..؟؟

راجح\الحمدلله الحال طيب ..

لها مكانة كبيرة في قلب راجح..

هي وهو وكلهم يدركون هذا الشيء..

غالية عنده كثير..

ويهمه أمرها وراحتها..

ويدري إن من اسباب رجوعها هو الجاهة اللي راحت لاهلها تطلبها..

وسبب ثاني هو علاج ذياب والعملية اللي بتسويها معه..

تظل كبييرة في عينه من سنين..

أكبر من شوق ورشا وغازي بنفسه..

رشا\مبروك الصلح..

غازي\أي صــلح..؟؟

راجح\تظن إن بيننا حرب طاحنة..

غازي\ياساتر ليـــه..؟؟!

راجح\عشان الشغل..

غازي فهم عليه\لا ابد مابه الا كل خيـــر..

والدم مايصير ماء..

سرحت بكلام غازي وراجح..

هم أهل ودمهم واحد..

وكل اللي صار بينهم بسببي نسوهـ وعاشوا أهل..

وأنا اللي قسيت على توئمي وصديت عنه..

عاقبته من قهري منهم ومن حالي..

وأنا أعرفه ..هو مثلي بكل شيء..

حنون وطيب وقلبه غبي..

مهما قسوا الناس عليه يسامح وينسى..

كيف قدرت أقسى عليه واتجبر..

وانا ادري إن حبه لي أكبر من حبي له..

ليه أحمله ذنبي والجاني جالس قدامي مبسوط بوجودي بحياته..

يظن إنه أنتصر وصرت نصيبه..

يبيني أرضيه وأنا مزعله أمير قلبي..

فديتك يا هادي..سامحني يا روح اختك..

من شدة افكارها وقهرها..

حست بظهرها يحترق والالم يزيد عليها..

أبعدت ظهرها عن الكنب وعضت على شفايفها لما ضمها ذياب بقووة..

حاولت تفك يدينه من على رقبتها..

بس هو كان يسحب طرحتها وكان بيكشفها قدام راجح..

شالته رشا من حضن هديل وابعدته عنها..

وهنا غازي الصغير شافها فرصة ينتقم من ذياب..

صار يسحبه من يدين رشا بغيرة واضحة..

غازي أخذ ولدهـ من رشا..

وراجح هاوش غازي الصغير ..

راجح\عيب أنت صرت كبير..كيف تضرب بزر..؟؟

غازي بغصة\هو عفني أول<<هو عضني أول..

راجح بحدة\إجلس عند أمك..

أستئذنت منهم وخرجت من الصالة..

طلعت الدرج بخطوات تعبانة..

نزلت دموعها من الوجع ومن تفكيرها في هادي..

دخلت غرفتها وقفلت الباب ماتبيه يدخل عندها..

فسخت البلوزة القطنية اللي كانت لابستها..

أخذت علاجها ووقفت عند المراية ..

كانت تحطه على ظهرها بس لما تتوجع تتركه..

ماتقدر تعالج نفسها لأن الألم يتحكم فيها..

فتترك اماكن كثيرة من غير علاج..

أتصلت بالخدامة وطلبت منها ترقى لها فوق..

ماتبيه يقرب منها ولا يلمسها..

الخدامة تحط الكريم لها قبل يجي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

وين الطريق اللي يودي لقيـاك

طالت خطاوي البعد بينك وبينـي

والله لأشيل الحمل ضعفين لأرضاك

عسى يمينك مـا تفـارق يمينـي ..

قبلها على جبينها وجلس قريب منها..

ويده تشد على يدها بخفة..

سلمان بمحبة\الحمدلله على سلامتك..

ياسمين تبكي\مات..

سلمان\الحمدلله على كل حال..

العوض بسلامتك وسلامة أخته..

ياسمين بزعل\الحمدلله..بس أنا ابيه..

سلمان بحنية\وربه يبيه..

طير من طيور الجنة إن شاء الله..

وماتدرين وين الخيرة فيه..

ياسمين بألم\البنت كيفها..؟؟

سلمان\تقصدين بنتنا هديل..

الحمدلله هي بخير..في الحضانة..

ياسمين\سميتها هديل..؟؟

سلمان بآسى\إيه سميتها هديل..

عساه أعجبك إسمها..

ياسمين\أحبه..

سلمان\وأنا ما تحبيني..

ياسمين\..................

سلمان\لايكون لساتك زعلانة من انت..

ترى والله هو يحبك ومشتااااق لك..

ياسمين\ايه هو مزعلني كثير..

ويصدمني بتصرفاته وقت غضبه..

سلمان\وبغير غضبه كيفه معك..؟؟

ياسمين\طيب وأموت فيه..

بس لما يعصب يصير ماهو حلو..

سلمان يضحك\ههههه يالبى الحلو..

ياسمين\بجد لما تعصب تخوفني..

سلمان بهدوء\ياسمين أنا ماني معصوم..

ولا فيه انسان كامل ومايغلط..

إرضي فيني بخيري وشري..

ضيعت حياة ناس غالين علي..

واليوم لما اشوفهم أتكدر وأزعل من حالي..

خليك أول من أرضيه وازيل ما بينا من عتب..

والباقين ناوي وبعون الله نتصافى..

قبلت جبينه وهو ضمها بخفيف له..

ولادتها كانت عملية..

الولد كان ميت من ثلاث أيام..

دخلت سارة عندهم ولما شافت شكلهم..

سارة\يا ممرضة الله يسعدك نادي الأمن..

فيه زائر موجود ووقت الزيارة منتهي منذو مبطي..

سلمان بفشلة\هههههههههه سوير يامال الصلاح

وش مدخلك علينا كذا؟؟ماتستحين..؟؟

سارة\ياسمين لا يكون سامحتيه ياالخبلة..؟؟

سلمان بقهر\ليه ماتكونين محضر خير..؟؟

إيه سامحتني وسامحتها وعندنا بنت ولا ازوجها من قرودك..

سارة\سلمانووه اطلع من الغرفة قبل انادي التختور لك..

سلمان\بعدك على كلمة تختور ما تتغيرين..

سارة\ترى غادة بترافق عند ياسمين مو انا..

لذلك تيسر بيتك..

سلمان\صدق غادة بتجي هنا..؟؟

سارة بإستغراب\وليييه مبسوط إنها بتجي..؟؟

سلمان\ابي اقهر راكانوهـ..على اللي سواه فيني اليوم..

سارة مبسوطة\فللللة خلني اقووله يجي يولد غادة قبل وقتها...

ياسمين\لا حرام عليكم..المسكينة بتتعب في الحمل..

سلمان يتنهد\أموووت يالحنونة..

قرب منها وقبلها بحنيه..

سارة بإحراج\هيه انت أستح على وجهك..

وخر عن الحرمة توها والدة بعملية..

وترى بأخذها عندي في بيتي تتنفس..

سلمان\معصـــي..وإن سولت لك نفسك..

تلعبين بعقلها توطيتك..

سارة\ياساتر..

سلمان\يالله يا قلبي..أزورك بكرة الصبح إن شاء الله..

سارة\إنتظر بأروح معك..

ياسمين حبيبتي انا جبت لك اغراض ولـبنتك القموورة..

وغادة بتجيك بعد شوي وبتظل عندك ومعها كم غرض قلت لها تجيبها..

إذا صار شيء معك أو محتاجة شيء كلميني..

نامت ياسمين بعد طلوعهم من عندها وماحست بغادة لما دخلت عندها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛

صحيح اللي يقول الذيب لو يرضخ ترى غدار

حسبت إن الثنايا البيض من ثغره ثمر نوة...

حسافه كيف درب الصد والقسوة لها أسرار

تعانق طيفه المرسوم في أروع عزف غنوة...

ولكن بجبر المكسور وأتنازل عن الأدوار

وأمثل طيره المجروح في أرضٍ بها رغوة...

ومادامي عطيت الحب كله بأول المشوار

أبرحل واتركه وأنساه وأتبادل معه قسوة ...

وقفت وهي لابسة قميص لغازي..

ولما سمعت صوت غازي عند الباب..

انقهرت وهي تتوعد في الخدامة اللي ماطلعت لها..

هديل\نعـــم..؟؟

غازي\ينعم عليك ياقلبي..

إفتحي الباب ضيوفك راحوا ماودعتيهم..

هديل بقهر\الأولة هذا ماهو بيتي..

والثانية هلك ماهم ضيوفي..

غازي\طيب إفتحي الباب..

هديل\إنتظر ما اقدر افتح الحين..

أبتعدت عن الباب ودخلت دورة المياهـ ..

حاولت تحط الكريم على ظهرها مرة ثانية..

يدها ماتوصل الا لـ الجهات السفلية من ظهرها..

وماتقدر ترفعها اكثر..

رفعت راسها وشافته وراها في المرايه..

فزت وهي تصرخ بخوووف ..

قرب منها بسرعة وضمها له..

طلعها من الحمام وسمى عليها..

هديل بخوف\أنت مو أنسان..

كيف تدخل وانا مقفلة الباب..؟؟

غازي بهدوء\دخلت من غرفة ذياب..

ناسية الباب بين الغرفتين..؟؟

هديل بقهر\كيف تدخل وانا قلت ما ابيك تدخل..؟؟

ليش ماتحترم رغبتي..؟؟

غازي بحنية\يعني ناوية تخبين علي ظهرك..

بس هو صار احسن من امس..

هديل\مالك شغل بظهري..الخدامة بتجي الحين تساعدني..

غازي بحدة\كم مرة قلت لك ما احد ينهي ما انا بديته..

والخدامة صرفتها قبل نص ساعة..

بكل ثقة طلبتيها وكاني ممكن اسمح بهذا الشيء..

هديل بتمرد\ومن انت عشان تسمح أو لا..

أنـ..................

وقف وراها وناظر بظهرها..

أنصدم لانه رجع يلتهب مرة ثانية..

جلسها على السرير واخذ المرهم من يدها..

جلس وراها ونشره على ظرها بيد خفيفة..

غازي بهمس\وش اللي زعلك..؟؟

ليه ألتهبت عليك بهذا الشكل..؟؟

هديل\....................

غازي\تكلمي..وش اللي قهرك..؟؟

ما اذكر أحد قال شيء يضايقك..

هديل\..........................

غازي\تذكرتي ضربي لك؟؟

أو حملك بذياب؟؟

أو يمكن سنين غربتك معي ومن دوني؟؟

وش كان اقسى شيء تعرضتي له..

ولادة ذياب او لما عرفتي إنك ميته بالنسبة لهلك..؟؟

كنت اتمنى اشوف ردت فعلك بعد ماعرفتي خبر موتك؟؟

شهقت مصدومة من كلامه القاسي..

كيف يحاول يثير جروحها بكلامه واسلوبه..

هو يحبها..؟؟

إيه يحبها..فليه يقسى كذا لييييه؟؟

وش اللي بيستفيدهـ..؟؟

كان يتمنى يشوفني منهارة بعد ما انصدم بهلي..

كان يتمنــــــــــى ..!!

هذا كيف يحب ويكرهـ بهذا الشكل..

كيــــــــــف ..؟؟!

وقفت هاربة منه وكارهه قربه منها..

لم يدينه على خصرها وجلسها بحضنه..

صرخت بقهرررر..

وقاومته بكل قوتها..

كانت تئذي نفسها وتجرح ظهرها بحركتها..

الوجع النفسي اللي أشتعل بقلبها أكبر من وجعها الجسدي..

هديل بكرهـ\اتركنييييييييييييي..

أكرهك..أكرهك قد السماء..

أنت مستحيل تتغير..بتظل حقير..

بديت تعايرني بفعايلك فيني..

والله ما تتهنى يا غازي..

والله أطلع كل شقاي من عيوونك..

وقف وحاول يسيطر عليها بحضنه..

كان يبيها تتكلم ولو تثور وتضربه..

المهم ماتبقى كاتمة الغيض بقلبها..

غازي\هشششششش إهدي..

جرحتي ظهرك..

ما ابي الا راحتك..

هديل بحقد اعمى وإنتقام\تبي تعرف وش صار فيني..

تتمنى تشوفني وانا ادري إني ميته ومدفوونة عند هلي..

طيب وحالي وانا اتلقى خبر إني زوووجتك..

ما تتمنى تشوف كيف تقبلت الخبر..

كيف رقصت بمكاني من فرحتي..

وكيف ضميت مسفر وقبلت جبينه على الخبر..

يالله ليتك شفته كيف يهتم فيني ويرعاني..

رجاااال يخاف ربه..طيب حنوون..

ماهو مثلك يا تافه يا جبااان يا مرييييض...

مافاتك شيء يالطيب لا تتحسر..

بكره تطلقني واتزوج مسفر..

أتزوج إنساااان ماهو جمــــــــــــاد ...

صرخت بكل صوتها لما حست إن ظهرها بينكسر بين يدينه..

سحب القميص من عليها بقوة ورماها على السرير..

نزل قميصه وهو يتوعد فيها بغضب..

غازي بقسوة\بتتزوجين رجال واسمه مسفر..

ومن اللي بيقبل فيك وانتي كنتي جارية عندي..ولا زلتي..

لاتنسين إنك بقايا أنثى..

لمت يدينها على صدرها وهي تشوفه يقرب منها..

أدركت إنها رجعت غازي رجل الكهف..

خرجته من كهفه..

بيرجع لها الذل..ماتبي أيام الإكراهـ ترجع لها..

بينهم وعد وإذا هو نكث الوعد بتذبحه..

سحبت طرحتها من على السرير ولمتها على صدرها..

وقفت بسرعة ناوية تهرب منه..

مسكها قبل تبتعد ووثقها بيدينه..

بكت بإنهيار وهي تصرخ بخوووف..

قاومته باللي تقدر عليه..

وحاولت تبعد وجهه عن وجها ورقبتها..

حفرت اظافرها بكتفه ورقبته..

بس قوته كانت اكبر من قوتها ...

بيننا يا صديقة الأمــس بحـــــــرٌ

وفــــلاة ... وبيننـــــــــا الأخريــــاتُ

بيننا الأربعــــــون تلهـــــــث في

شعري ... شيبــاً كأنه جمـــــــراتُ

بيننا الأربعــــــون تطــــــفو على

عينيك ليلاً نجومـــــه مظلمـــــــاتُ

بعد هذه السنيـــن ... مــــــــاذا

تريدين؟...و فيم الرسائل الواعـداتُ

هي عشرون وانقضت... فدعيها

ودعيني ... مكاننــــــــا الذكريـــاتُ

بعد عشرين .. هل يعـــود صبيٌ

لصبـــاه ... وهل تعود فتــــــــــاةُ؟!

المرحوم بإذن الله تعالى..غازي القصيبي...

بكت بإنهيار وهي تصرخ بخوووف..

قاومته باللي تقدر عليه..

وحاولت تبعد وجهه عن وجها ورقبتها..

حفرت اظافرها بكتفه ورقبته..

بس قوته كانت اكبر من قوتها ...

أجبرها ترضخ له..

رغم رجائها المقهووور..

وكانه يوصل رسالة أخيـــرة..

لازلتي جارية..

ولازلت اعتبرك ملك يمين مالها سند

برضاك أو غصب عنك تكونين لي..

أستسلمت لقوته بعد ما حست بألم ظهرها يقتلها..

كانت تدري إنه نذل..

ومستحيل يلتزم بوعدهـ لها..

يعايرها بجنونه فيها..

بسجنه لها وتحقيرها..

ورجع يعاملها نفس معاملته القديمة..

إكراهـ xإكراهـ ..

تركها بسرعة قبل لا يقطع كل الجسور بينه وبينها...

وقف مبتعد عنها..

غطاها بالمفرش وتوجه لدورة المياهـ..

لمت نفسها بقوووة وهي تبكي..

منع نفسه منها..

ماجرحها واجبرها على نفسه..

مرعوبة من تجربتها الأولى معه..

ماتبي الماضي يتكرر..

ولا شعور الخزي والعار يتلبسها..

كانت زوجته ولازالت زوجته..

بس قسوته كانت اكبر من الواقع..

..بقايا أنـــثى..

نسى من اللي حولها لأنثى هلامية..

تتشكل بمزاجه وقسوته..

تفرعن يا غازي..

عمرك مابتلقى إلا بقايا أنثى..

لا ترضيك ولا تسرك بحياتك..

أحتارت هل اللي سواهـ كان تهديد..

أو إثبات قوته وتملكه لها..

حاولت تقوم وتطلع من الغرفة..

تهرب منه..تهرب من بيته..

تبي ترجع لأمها..

بس ألمها النفسي والجسدي منعها تتحرك..

مالهم حياة مع بعض..

يجرحون بعض بكل قسوووة..

أي شيء يقهرهم يسوونه..

أي كلمة تطعنهم يقولونها..

حياتهم مستحيلة..

فتحت عيونها وهي تسمع حركته عندها..

شافته يأخذ جواله ومفاتيحه ويطلع من الغرفة ويقفل الباب عليها بالمفتاح..

حمدت الله إنه طلع وتركها لحالها..

وفهمت تصرفه بإقفال الباب..

مايبيها تكلم هلها او تروح لهم..

إذن هو مصدقها..ومصدق تهديدها..

لو اجبرها بتهرب منه..

وهو ماينلدغ من نفس الجحر مرتين..

عذرك معك لاصرت في البعد مجبور..

وأشرهـ عليك إن كان هذا إختيارك..

وقفت وصارت تمشي في الغرفة..

تحس بألم في رجلها..

طول اليوم وهي جالسة..

والدم يتجمع فيها..

ياسمين بهدؤ\ياحبيبتي..شكلك مرة تعبانة..

تسطحي ع السرير..

غادة تتنهد بتعب\ما احس براحة لما اتسطح..

يمكن ارتاح اذا مشيت..

انا أنتظر وقت الزيارة ينتهي واطلع امشي بالممرات..

ياسمين بحنية\غادة اتصلي بزوجك وروحي ع البيت..

أنا بخير والممرضات قريب مني..إذا احتجت شيء هم موجودين..

غادة بزعل\لو أنا مكانك كنتي بتتركيني..؟؟

ما اتركك الا اذا جات سارة او احد البنات عندك..

أنتي تعبانة ما يهون علي اخليك..

ياسمين بغصة\مابتعرفي كم مرة بحمد الله على وجودكم بحياتي..

غادة\الحمدلله على كل شيء..

وبطلي حساسية زايدة ياوردة..

دخل سلمان الغرفة ..

سلم عليهم وبعد دقايق استئذنت منهم غادة..

خجلت تظل معهم..وحست بإحراجهم منها..

مشت في الممرات وألم رجلها يزيد عليها..

جلست على احد المقاعد وهي تلهث وتحس انها بتفقد وعيها..

خافت يصير فيها شيء وهي بعيدة عن غرفة ياسمين..

طلعت جوالها وقبل لا تتصل على ياسمين ..

كان راكان يتصل عليها...

غادة بغصة\راكان...

راكان بإهتمام\غادة وينك..؟؟

غادة\تــ..تعال..تعبانة..

راكان بحدة\وينك فيه..؟؟

أنتي في المستشفى..؟؟

غادة\إيـــ..ـه..باحد الممرات..

بس مدري وين..تعال مو قادرة اتحرك..

راكان\ياقلبي المستشفى كبير..

بأي قسم انتي..؟؟

غادة\ماطعلت من قسم الولادة..

راكان\طيب تطمني باجيك ألحين..

غادة تبكي\لاتقفل..خلك معي..

راكان\معـــك ما بأقفل الخط..

يالله أشوفك..

نزلت الجوال وتلفتت حواليها..

شافته بأول الممر جاي لها..

حمدت الله إن المكان اللي هي فيه مو مزدحم..

مع ان الوقت وقت زيارة..

تعلقت عيونها فيه وادركت قد ايش هي مشتاقة له..

وبنفس الوقت خايفة من قربه..

ما تبي تتعب مع حملها..

وقف قدامها وحب يتأكد..

راكان\غادة..؟؟

غادة تبتسم بتعب\قلبها..

جلس جنبها وبوله\فديت القلب وراعيته..

طمنيني وش فيك؟؟

غادة\رجلي منفوخة وأحس الدم متجمع فيها..

ما اقدر أمشي احسها تتشقق..

راكان\ألف سلامة عليك..

وأنتي الله يصلحك ماشية كل هذا وانتي تعبانة..

تعالي نشوف طبيبة تفصحك..

غادة\ما اقدر أحركها تعورني..

راكان\ألحين أطلب منهم ينقلونك لغرفة معاينة..

إنتظري شوي..

وقف وابتعد عنها..

وهي صارت تتنفس بسرعة..

حاولت قد ماتقدر تكتم نفسها ماتصرخ فيه ابتعد عني..

أنتبهت عليه راجع ومعه ممرضة جايبة كرسي متحرك..

ساعدها توقف وجلسها على الكرسي..

أخذوها لغرفة معاينة وساعدتها الممرضة تتسطح على السرير..

طلعت من الغرفة وقالت لهم غن الطبيبة بتكون عندهم بعد دقايق..

قرب منها وجلس جنبها على السرير..

راكان\مرتاحة كذا..

أنحنت بجسمها على قدام وفسخت جزمتها ورمتها ع الأرض..

غادة\ألحين مرتاحة..

راكان يبتسم\ليش ما اخذتي مقاس أكبر..؟؟

غادة\هي على مقاسي..

بس الإنتفاخ ضيقها..

راكان يبتسم\حي الله غادة..

غادة تبتسم\إبعد شوي..

راكان بعبوس\أفا..

غادة\هههههههه بالله إبعد..

راكان بتذمر\وش تحسين فيه مالقيتي غيري..؟؟

غادة بضيق\ماهو أنا..ولدك..

راكان\فديته من بدايتها عاق وقليل سنع..

غادة\لا بسم الله عليه..عساهـ مرضي وطيب..

راكان\اللهم آآآمين..بس ما اشتقتي لي..؟؟

غادة تصد عنه\راكان ترى تحسنت عن أول...

ماكنت اطيق ينذكر اسمك..

راكان\امي قالت تزوج خلها تتعدل مع وحامها..

غادة\هههههههههه لافديتها ماتقوله..

راكان\واثقة في أمي..؟؟!

غادة\لأنها أمــــي ..

راكان\يالبى الطيوووبة..

احم الا ماقلت لك معوضة في الخسارة..

غادة\الحمدلله على كل حال..

صح انصدمت من خسارتنا بس هذا المكتوب..

راكان\أبشري بالخير..

وترى شغلكم مطلوب كثير..

غادة\راكان ترى بأرجع الشغل..

تعطلت أمور كثيرة بغيابي..

راكان\إن شاء الله لما تتحسن حالتك..

غادة بصدمة\يعني موافق..؟؟

راكان عقد حواجبه\ليه تظنين إني بأخرب عليك كل تعبك..؟؟

كل همي تكون صحتك كويسة..

بس إذا شفت الشغل متعبك..

تاخذين إجازة إلى بعد الولادة..

غادة\لا لا ما بيتعبني..

راكان يبتسم\طيب وش رايك ترجعين البيت معي..؟؟

غادة\إيه وصلني البيت تعبانة..

وسارة تظل عند ياسمين..

راكان\لا لا ابيك ترجعين بيتي..

غادة تغيرت ملامحها\رويكن بالمووت متحملتك وانت جالس جنبي..

قم لا اقلب عليك المستشفى كله..

راكان مصدوم\صدق حرمة مالك امان..

تونا وش حلونا..

غادة بضييق\راكان خلاااص إطلع من الغرفة..

راكان بعناد\ما اطلع..جالس على قلبك..

نفسي أعرف ليه تحسون بهذا الشيء اللي مدري وشهو..

مثلا الوحدة توحمت على نفسها كيف تتصرف..

غادة\يارببببي..غير عطوراتك..

غير شكلك..كلك غلط..

راكان\وصلت لكلي..

كان بس عطري وخشمي..

قرب منها وحاول يقبلها..

لمت يدينها على فمها ووجها..

غادة\اطللللللللللللع..

وقف وابتعد عنها..

وحست براحة جزئية..سمحت لها تناظرهـ..

دخلت الدكتورة ومعها ممرضة..

راكان بنذالة\يارب تعطيك إبرة تعلمك كيف تجرحيني..

غادة تبتسم\فديت المجروح..

راكان\دكتورة أخرجي شوي..

حرك السيارة وطلع من البيت..

من بعد اللي صار بينهم..

كل واحد ألتزم الصمت والصد..

قبل نص ساعة عرفت إنهم راجعين إيطاليا..

ما ناقشته ولا حاولت ترد عليه..

طمنها لما قال لها بيمرون على أهلها..

توادعهم قبل تسافر..

لمت اغراض ذياب وبعض أقل أغراضها..

بدت رحلة الرجوع من المنفى..

يتعالج ذياب وارجع لهلي وهو لحياته..

وبعدها مانعرف بعض..

يمكن هو ادرك مثلي إن الحياة بينا مستحيلة..

ماضينا بنى سد كبيييير أمام مستقبلنا..

مانقدر نتجاوزهـ مهما تصورنا ونافقنا بعض..

وقف قدام باب بيت هلها..

وقبل تتحرك من مكانها حرك السيارة مرة ثانية..

ومشى بسرعة كبيرة..

حتى إن الكفرات طلعت صوت قوي ..

ألتفتت على ورى ناظرت بإتجاه بيتهم بصدمة من تصرفه..

شافت هادي اخوها ومعه مســـفر..

ويناظرون بسيارة غازي بحيرة..

مد ذراعه عليها ومنعها تناظرهم..

ولفها بيده على قدام..

حست بيأس كافر يسيطر عليها..

وتاكدت إنها ما بتشوف أمها ولا ابوها قبل تسافر..

ماحاولت ولا فكرت تتكلم معه او تحاول تقنعه يرجعها..

كلامها لا زال آثر عقابه على شفايفها..

ومسفر موجود قدام باب بيتها..

مستحيل يرجعها..

صدت عنه وركزت عيونها على الشارع..

بتترك المملكة مرة ثانية..

من دون وداع أمها ولا رضى ابوها..

لما حست بافكارها تضايقها..

صارت تستغفر وتقرأ من صغار المفاصل..

خايفة لا يعورها ظهرها أكثر..

انجرح ظهرها امس بحربهم القاسية..

ماقدرت تنام ولاتتحرك من فراشها..

وبعد جهد نامت..

صحت وكان جالس على السرير قريب منها..

أبتعدت عنه بسرعة وتوجهت لدورة المياهـ..

كرهت وجودهـ ونظراته..

وتفاجئت بالعلاج مغطي جروحها..

حتى شفايفها بجزء منها لاصقة جروح..

ولازال يداوي بعد ما يجرح..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛

تنهدت بقهر وهي تكلمها وتطلبها لـ المرة الثالثة..

مرام\أنا اخر وحدة جيتك..أنتي أبداً ما تزوريني..

خلود\عيييب وشق جيييب ازورك..

مرام بقهر\عطيني أمك ما ابي أكلمك..

خلود\أخاف تخربين اخلاق امي..

مرام\ههههههههه بالله خلوود تعالي..

خلود\لا تحاولين..تعالي انتي..

مرام\لا ولدي مزعج مرة..ما ابي ازعج امك واخواتك..

خلود\ايه صح لا تجيبينه..

مرام\حتى هو حاقدة عليه..؟؟

خلود\ما اضمن يمكن يكون متجرثم..

مرام\هههههههه انتي مو صاحية ابداً..

نص ساعة واكون عندك..

انا جاهزة لأني اعرفك مابتجين..

أشوف مين يوصلني لك..

خلود\تعالي على رجلك ولا تركبين مع رجال..

ترى مالهم امان يصكونك بالسيارة بأقرب جدار وتموتين..

مرام\ياشينك لا تفلسفتي..

مع السلامة..

قفلت وأخذت عبايتها..

نزلت وكان مسفر جالس مع جده..

سألتهم عن تركي..

مرام\وين تركي..؟؟

مسفر\طلع مع أبوي..

مرام\اممم طيب تقدر توصلني عندي مشوار..

مسفر\إيه اوصلك..وين بتروحين..؟؟

مرام\صديقة..

مسفر\يالله إذا جاهزة مشينا..

مرام\انا جاهزة بس اشوف الشغالة واجيك..

طلع مسفر ينتظرها في السيارة..

تاخرت عليه..ولما ركبت تمسخر عليها..

مسفر\نومتي الشغالة..؟؟

مرام\ههههههههه لا..

بس كنت اوصيها على الولد..

مسفر\ليه ما اخذتيه معك..؟؟

مرام\لا تكفى ابيه..

لو أخذته معي بتذبحه الخبلة..

مسفر\ههههههههه أعوذ بالله من حبها له يعني..؟

مرام\إلا من كرهها له..

مسفر بإستغراب\صديقتك تكره ولدك وعادي عندك..؟؟

وبعدين وش مسوي لها البزر عشان تكرهه..؟؟

مرام\هذا شغلك ماهو شغلي..

مسفر\شغلي..؟؟

مرام\إيه شغلك..

بصراحة يا مسفر البنت حالتها مستعصية..

هي بسم الله عليها عاقلة وطيبة وخلوقة..

مسفر\بـــــــس..؟؟

مرام\بس تكرهـ الدنيا لان فيها رجال..

تحقد على كل رجال..سواء قريب لها..

او واحد يمشي في الشارع..

حتى أخوها من امها وابوها تكرهه..

هههههههه تفكر تطلعه من البيت لما يخلص ثانوي..

مسفر\هي نفسها اللي صدمتها بسيارتي..؟؟

مرام\إيه هي..وترى حتى انت تكرهك..

مسفر بهدؤ\شيء طبيعي تكرهني..

مرام بإستغراب\شيء طبيعي تكرهك لأانك كنت بتصدمها بالغلط؟؟

مسفر يبتسم\لا اقصد شيء طبيعي تكرهني في حالتها..

يمكن أكون الرجل الوحيد اللي أذاها..

اعني تسبب لها بوجع جسدي..

مرام\لا تكون واثق..

مسفر\هي أبوها متوفي صح..؟؟

مرام\إيه مات مقتول..

مسفر\اممم واللي قتله أنقتل..؟؟

مرام تتنهد\لا ما انقتل..

مسفر\مرام أنا ابي اقابل صاحبتك هذي..

مرام بصدمة\نعـــــم..؟؟

مسفر\أبي أقابلها..أقنعيها تجي العيادة عندي وتعالي معها..

مرام بعصبية\هذا اللي طلع معك..؟؟

مسفر\أنتي قلتي إنها صارت شغلي صح..؟؟

مرام\انا قصدت تتزوجها..

أنت دكتور نفسي وبتقدر تتعامل معها..

والله من غلاتها عندي ابيها تطلع من حالتها وتعيش حياتها..

أعرفك طيب ومتفهم..وبعدين يا قلبي أنت صرت كبير..

ثلاثة وثلاثين سنة ليش ماتتزوج..؟

مسفر بحدة\لا زواج ماهو في بالي هذي الفترة..

وانا صرت مهتم بأمر صاحبتك..

لأني احسها فعلاً محتاجة مساعدة..

حالتها صعبة بما إن حقدها وصل لأخوها ولولدك الصغير..

فحاولي فيها وتحايلي عليها..

جيبيها العيادة ابي اتكلم معها وفهميها اني طبيب..

مرام بإحباط\ليش ماتبي تتزوج..؟؟

مسفر\انسي موضوع الزواج وفكري في اللي قلت لك..

مرام\عشان تمزع رقبتي..

بأقول لأمها وهي تقول لها..

مسفر يبتسم\طيب براحتك..هذا بيتهم صح..؟؟

مرام\كيف عرفته..؟؟

مسفر بسخرية\نسيتي إني صدمتها مرة وكنت بأذبحها..

ثم وصلتها بيتهم وكانت بتذبحني..

مرام\ههههههههه فديتك لا مانسيت..

اذا ما لقيت تركي بأتصل عليك لا تبعد..

مسفر\سواقك أنتي وزوجك..؟؟

انزلي قبل ارجعك البيت..

نزلت وهو انتظرها لحتى دخلت البيت..

أنصدم لما تقفل الباب بقوووة وهو واقف..

بعد ثواني ضحك وهو متأكد إن خلود هي اللي قفلت الباب بهذا الشكل..

وكأنها تبين وتوضح مدى كرهها لشوفته ووجوده..

مر عليهم وقت طوويل..

مستحيل كل هذا مشوار لـ المطار..

هم طالعين من الرياض..

وتوقعها انهم متوجهين لـ الشرقية..

وقفوا قبل ساعتين وصلى المغرب قريب من السيارة..

وهي صلت معه..

وكانوا مثل الغريبين مايتكلمون ولا يناظرون بعض..

تحركت في مكانها وابعدت ظهرها عن المقعد..

بدأ الألم يزيد عليها..

سمعت صوت ذياب..

ألتفتت عليه جالس بمقعد أطفال..

مدت يدينها له وخذته بحضنها..

أنبسط وصار يشهق ويصفق بيدينه..

تمنت لو يتكلم..

لو تسمع صوته..مشتاقة له..

شهرين كيف بتقضيها مع ابوهـ..

لو تدخلت بينا امس يا ذياب..

ماسمعت صراخي وبكاي..؟؟

ولا قلبك قاسي مثل ابوك..؟؟

وقف بحضنها ومد يدينه لغازي..

مسك ذراع أبوه وصار يشدهـ له..

سحبت يدينه بسرعة من عليه وابعدته عنه..

تضايق وصار يتحرك بملل..

تركته لغازي اللي مد يدهـ ..

سحبه له وجلسه بحضنه..

وذياب بحركة سريعة سحب العقال من على راس ابوهـ..

توترت وخافت لا يلهيه عن السيارة..

مدت يدينها بتأخذهـ ..

بس هو طلع صوت غاضب وتعلق بابوه اللي ضحك على تصرفه..

أنقـــهرت وصدت عنهم..

تبي ابوك ولا تبيني..؟؟

حبه ومووت عليه..

بس مصيرك تفترق عنه..

وحتى لو هددني فيك..أو انت عفتني ورحت له..

بأتركم واعيش لحالي..

ما بتجبرني ارجع له يا ذياب..

بعد علاجك يطلع من حياتي..

وحتى لو هدمني للمرة المليون..

بأتركه..

واتركك حتى إنت لو فضلته علي..

لما قربوا من نقطة تفتيش..

خفف سرعة السيارة وشال ذياب من حضنه ومدهـ لهديل..

تجاهلته ولا مدت يدينها له..

وقف السيارة ولف بجسمه على ورى..

جلس ذياب بكرسيه وقفله عليه..

نسف شماغه وعدله..

وبعدها كملوا مشوارهم..

وقف عند فندق فخم..

نزلت وهي تتنفس براحة..

كانت خايفة ياخذها لبيت شوق وطالب..

خافت لا يمنعها من اهلها ويقابل هله..

أول مرة يخالف ظنونها..ويطلع فيه عدل..

جلست مع ذياب لحتى يحجز غرفة..

رجع لها وهي وقفت ومدت يدها تاخذ المفتاح من يده..

عطاها المفتاح ورد على جواله..

غازي\هلا وعليكم السلام...

الحمدلله طيبين...كيفك وكيف شوق والوالدة..؟؟

اممم ليه تسأل....انا في الرياض....

هههههههه كيف عرفت......لا ياشيخ..

قفل جواله والتفت..

شاف طالب جاي لهم وهو مبتسم..

سلم على غازي وهو يسأل عن الحال..

رفع راسه لها والقى سلامه وسؤاله عن حالها..

ماردت عليه ولارفعت راسها له..

قرب منها غازي وخذا ذياب وعطاهـ لطالب..

سمعته قبل تبتعد يقول ان شوق وامها بالحديقة..

صدت عنهم وتوجهت لـ الأصنصير..

شافت رقم الغرفة على المفتاح وسألت احد العاملين..

دلها على الطابق اللي فيه غرفتها..

حست بوجع بقلبها..

غبيـــة..من متى وهو يعرف العدل..؟؟

إن ماراح لهم الجبيل جابهم لـ الخبر..

متى تكبرين وتفهمين اسلوبه..

وتقولين خالف ظنك الشين فيه..

لا ماخالف ظنك..

واستحملي نفاقهم وضحكهم بوجهك..

تحملي مرارة شوفتهم وحرمانك من هلك..

هانت يا هديل هانت..

كلمآ زآد بي الحنين وأعترتني نوبة بكآء .

همستُ لِ ذآتي :

..أسألك بِـ الله كُوني أقوى ممآ أنتي عليه..

جلس معه في اللوبي..

رغم إنه يحس بقهر كبييير ليش تقابل مع طالب..

ترك الرياض لمسفر وهادي..

حتى هلها ما خلاها تشوفهم بسببهم..

غصب عنه يتذكر إن طالب كان معجب كثير في هديل..

وكيف كان يتغزل فيها قدامه وهو ماعنده خبر..

احتار وين يخفيها..

وين يوديها بعيد عنهم كلهم..

طالب\أفا والله تجي الشرقية ولا تقول..؟؟

يعني لو ماشفتك مادريت عنك..

غازي بهدؤ\ماله داعي أقولك..

ناوين ننام الليلة هنا..والفجر طيارتنا لإيطاليا..

أنت وش تسوي في الخبر؟؟

طالب\عندنا دورة لمدة اسبوع..

اخذتهم معي خايف لايصير فيهم شيء ما احد عندهم..

أنت ليه مارحت من الرياض..؟؟

غازي\الطيارة هنا..

طالب\قل والله..يعني ماتقدر تطلب طيارتك تجيك الرياض..؟؟

غازي يبتسم\بلى اقدر..

بس ما ابي اسافر من مطار الرياض..

علي رقابة..

طالب بعصبية\وش صاير؟؟غازي لايكون رجع الموضوع القديم؟؟

غازي\لا مارجع..قوم شوف هلك وانا اطلع لهلي..

طالب\بيجون الحين..كلمتهم وقلت لهم إنك موجود..

بعد دقايق دخلت شوق وأمها معها الفندق..

طلعوا على غرفتهم وراح لهم غازي مع طالب..

سلم على امه وشاف فرحتها بوجودهم وشوق مثلها..

سألوا عن هديل وطلبوا يشوفونها..

غازي\إن شاء الله قبل نطلع المطار نمر عليكم..

ام غازي بتفهم\على خير إن شاء الله..

طلبتك يومه لاتردني..

غازي\آمري فديتك..

ام غازي\ذياب أبيه ينام عندي الليلة..

أنتوا بتسافرون ويمكن تطولون بسفركم..

خلني اودعه واشوفه مثل ماتمنيت..

من ولادته الى اليوم ماتهنيت بشوفته..

غازي يقبل جبينها\وهو لك الليلة..نايم طول الطريق..

وما ابيه يزعجنا ومايخلينا ننام..اسهري معه..

ام غازي\عسى عمرهـ وعمر ابوهـ طويل في الطاعة..

شوق\يمكن هديل ماترضى ينام بعيد عنها..

غازي\دامني معها بترضى..

شوق بفرح\الله يتمم لكم ويسعدكم يا اخوي..

والله كنت خايفة على حياتكم..

غازي\لا تخافين الله بيبارك لنا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

إذا أتى الشتاء..

وحركت رياحه ستائري

أحس يا صديقتي

بحاجة إلى البكاء

على ذراعيك..

على دفاتري..

إذا أتى الشتاء

وانقطعت عندلة العنادل

وأصبحت ..

كل العصافير بلا منازل

يبتدئ النزيف في قلبي .. وفي أناملي.

كأنما الأمطار في السماء

تهطل يا صديقتي في داخلي..

عندئذ .. يغمرني

شوق طفولي إلى البكاء ..

على حرير شعرك الطويل كالسنابل..

كمركب أرهقه العياء

كطائر مهاجر..

يبحث عن نافذة تضاء

يبحث عن سقف له ..

في عتمة الجدائل ..

إذا أتى الشتاء..

واغتال ما في الحقل من طيوب..

وخبأ النجوم في ردائه الكئيب

يأتي إلى الحزن من مغارة المساء

يأتي كطفل شاحب غريب

مبلل الخدين والرداء..

وأفتح الباب لهذا الزائر الحبيب

أمنحه السرير .. والغطاء

أمنحه .. جميع ما يشاء

من أين جاء الحزن يا صديقتي ؟

وكيف جاء؟

يحمل لي في يده..

زنابقا رائعة الشحوب

يحمل لي ..

حقائب الدموع والبكاء..

نزار القبــاني ,,,

كتمت صرخة قهر لا تطلع منها...

تدور بالغرفة وتشد البلوزة تبعدها عن ظهرها..

تدري إن أفكارها فيه مع هله تذبحها..

وتزيد إلتهاب جلدها..

حاولت تغير تفكيرها..

بس ماقدرت محاصرينها بكل مكان..

وتخاف..تخاف يجبرها تقابلهم..

ماتبي تشوفهم..

هم مو أغلى من هلها..

نزلت دموعها من وجعها..

تمنت لو تفسخ بلوزتها يمكن يبرد جلدها..

بس بعد اللي سواهـ أمس معها..

مستحيل تأمن له..او تضمنه..

قررت تتغسل بماء بارد يمكن تخف عليها..

وقفت تحت الماء وعضت على يدها لا تبكي..

تالمت اكثر وحست بنار تشتعل في ظهرها..

جلست على ركبها وهي تبكي..

دخل عليها بسرعة وشافها طايحة تحت الماء..

راح لها وسحبها له..

غازي\أنتي مجنونة..؟؟

الماء يزيد الإلتهاب..ويسبب تقشر بجلدك..

ماردت عليه كأن المها اكبر من الكلام..

لفها بروب الحمام وطلعها..

ولما لامس الروب ظهرها شهقت بتعب..

نيمها على بطنها ونزل الروب من على ظهرها..

أبتعد عنها وراح يدور على علاجها..

هديل بوجع\ماجبته..

غازي\أدري لأنك تحبين تعذبين نفسك..

انا جبته معي..

هديل\لا تلمسني..

جلست قبل يرجع لها ورفعت الروب عليها..

غازي\عن جنانك..خليني أشوف ظهرك..

كانت هادية عليك في السيارة..ليه التهبت..؟؟

هديل بتعب\لا..ما ابي..

روح لامك واخوك..ليه جيت هنا..؟؟

روح لهم مو تعنيت على شانهم..

تتركهم وتجي عندي ليه..؟؟

تبي تفتخر فيهم او تسحبني لهم..؟؟

والله ما اقابلهم ولا اشوفهم..

حرمتني ما اشوف هلي فــ والله العظيم ما اشوفهم..

غازي بهدؤ\أنا ما اتفقت معهم..

وماكنت ناوي ازورهم..ألتقينا بالصدفة..

هديل بحقد\ياسبحان الله..

أنتوا بس اللي تصير معكم الصدف..

اما انا وهلي لا مانلتقي صدفة..

غازي\يعني هذا اللي تعبك بزيادة..؟؟

هديل بكرهـ\لا تنسى اللي سويته امس..

أنت اللي أذيت ظهري اكثر..

بهمجيتك يا همجي..

غازي بجمود\لا تتكلمين عن امس..

خليه باللي راح فيه..

وقفت واخذت العلاج من يدهـ..

دخلت دورةالمياهـ وقفلت الباب بالمفتاح..

نزلت الروب وحطت الكريم عليها باللي تقدر عليه..

الالم مسيطر عليها ماتقدر تتكلم ..

حذرت نفسها تستمع لنصيحته وماتتكلم عن امس..

لازم تكون حذرة معه وماتجبرهـ يئذيها..

انتظرت ربع ساعة لحتى ينشف ..

لبست الروب وطلعت..

كان منسدح على السرير..

تمللت من وضعهم..ماتبيه قريب منها..

دورت على ذياب بس ماكان موجود في الغرفة..

كانت بتسأله بس هي تعرف الإجابة..

ولدي مع امي..

تبي تسد طريق الكلام..

تمرد على كيفك يا غازي..

خذهـ اليوم وبكرة وكل سنة..

الدم يحـــن..ياليته ماهو ولدك..

ياليـــــــــــــــت ..

مسحت دموعها وجلست على السرير..

ظهرها له رفعت ارجولها ونامت على جنبها اليمين..

أول ماحطت راسها على المخدة..

حست بشيء قاسي تحت رقبتها..

كانت ذراعه لمها عليها ولصقها فيه..

بعدت ظهرها عنه بخفة..

وهي تردد في قلبها بخوف..

إبــعد عني...

همس في إذنها بحنية..

غازي بهمس\والله العظيم ماكنت متواعد معهم..

ولا كنت ابي اقابلهم..عشانك ماهو عشاني..

ريحي حالك عشان تخف الأكزيما عندك..

هديل\رحلتنا الفجــر..؟؟

غازي\الفجــــر ..

هديل\ماراح اقابلهم..

غازي\ما بأجبرك..

حاولت تبتعد عنه..ولما شد يدهـ عليها..

هدت وهي تصبر نفسها بيوم فراقهم..

غمضت عيونها ترتجي النوم..

ولو كنت صادق..

صار والتقيتوا..

يسمع صوت شهقاتها المكتومة..

يبيها تنام مرتاحة من ظنونها الحايرة..

دفن وجهه في شعرها..

وهو يهمس لها عشان ترد عليه..

هديل بغصة\ظهري يوجعني..أتركني..

غازي\إلتفتي علي ويصير ظهرك لـ الجهة الثانية..

هديل بوجع\ما ابــى اشوفك..

غازي\وأنا ابى اشوفك..

هديل\موجوعة اتركني..

حركها بين يدينه رغم إعتراضها..

صار راسها على صدرهـ..

وظهرها لـ الجهة الثانية..

نزلت راسها بقد ماتقدر..

تخفي وجهها عنه..

ماتبي عيونها تلتقي بعيونه..

الأمس ماهو بعيــــد..

وكلامه الســـم ماهو بسيط..

حاول يرفع وجها له..

وهي دفنته بصدرهـ..

قبلها على جبينها ونام حاضنها...

قفل راجح الجوال وهو يضحك..

رشا\خير إن شاء الله..

راجح\هههههه كل خير..

أخوك كشف اللي مخططين له اهل هديل..

رشا عقدت حواجبها\ليه وش مخططين عليه..؟؟

راجح\مجهزين أمورهم يسافرون معها..

ههههههههه والله كل ما اتذكر شكله وهو مصدوم أنبسط..

رشا\راجح فهمني مين اللي يروح معها وليه..؟؟

راجح\أمها وأخوها الكبير..

ناوين يسافرون معها ويهتمون فيها وفي ذياب..

رشا\لا والله..واخوي وش وضعه مو زوجته وولدهـ..؟؟

أكيد بيهتم فيهم..

راجح بجمود\يهتمون فيها من أخوك بالذات..

رشا لا انا ولا انتي نسينا اللي صار بينهم..

رشا\أنت قلت لي لا اتدخل بحياتهم..

طيب ليه الناس يتدخلون..

يتركونهم بحالهم..إن تفاهموا صلى الله وبارك على نبينا محمد..

وإن ماتفاهموا بعد صلى الله وبارك على نبينا محمد..

راجح\عليه الصلاة والسلام..

وضعهم ماهو وضع عادي..

عشان نلوم هلها في تدخلهم ومحاولتهم لحمايتها..

رشا\طيب هو كيف عرف..؟؟

راجح\أعوذ بالله وأخوك فيه شيء يصعب عليه..؟؟

رشا بشهقة\بسم الله عليه..الله يحفظه..

راجح\هذي اللي بأتوطاها..

خليني أنظله يمكن يخف على المسكينة..

رشا\ههههههههه كمل..

راجح\المهم ابو الشباب اخذ إحتياطه..

وراح الشرقية وبيسافر على ايطاليا من هناك..

مايبي هلها يدرون انهم سافروا ايطاليا..

رشا\شيء طبيعي بيدرون انها مو في الرياض

راجح\أخوك حاسبها صح..

يبي يوهمهم إنه هو وهله عند اخوه وأمه في الشرقية..

رشا\ياقلبي على الذكــــي..قوم نروح لهم الشرقية..

راجح\ليه أنتي ما توقفين مع الحق..؟؟

أخوك ماهو راعي حق..

رشا\لانه أخوي انا معه ظالم أو مظلوم..

راجح\ولاني راعي حق..فأوقف مع المظلوم دائماً..

والحمدلله سويت اللي علي وريحت ضميري..

رشا بصدمة\وش سويـــت..؟؟

راجح\لا انتي بصف غازي ما بأقولك..

رشا\لايكون قلت لهلها عن خطته..؟؟

راجح\شوفي انا مع الحق..بس هذا ما يعني إني نذل..

رشا بحيــرة\قووول وش سويت..؟؟

راجح\هههههههههه لا ما اقووول بكره يوصلك العلم من غازي..

رشا\شفت إنك تدخل في أمور الناس..

لا تنهى عن خُلق وتاتي بمثله..عار عليك إذا فعلت عظيمُ..

راجح يبتسم\أقووول نااامي..

رشا\لا الحمدلله تخلصت من المرض ..

عسى ربي يشفي كل مرضى المسلمين..

راجح\اللهم آآآآآآآآمين..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛

أعـــود إليـــك يا سجني..

أسيرة ذات جاهـ ومال..

أعود إليــك منتحبة..

بصوت لا يكاد يقال..

إشتاقت ثنايا الروح لوسادتي..

وتاهت من عوالم الدنيا رسالتي..

عدت إليـــك يا سجـــني..

هل لي بذاكرة تنسيني..

ليالي بكائي وجنوني..؟؟

عدت إليــك يا سجــــني..

فهل لي بدواء يشــفيني..؟؟!

دخلت السيارة المزرعة..

حطت يدها على قلبها وصارت تشد عليه بقوووة..

أحاسيس كثيــرة ومريرة تتزاحم بروحها..

فتح لها الباب وأنتظرها تطلع من السيارة..

تملكها التردد..

ليه ما ظلوا في العاصة روما..

هناك يعالجون ذياب ويرجعون السعودية..

كانت سفرتها هذي تختلف كل الإختلاف عن سفرتها الأولى...

لما دخلت طائرته الخاصة..

دخلت بهدوء وثقة..بعكس أول مرة لما دخلتها غصب عنها..

وهو شايلها بيدينه ويمنعها لا تصرخ ولا تنادي احد يساعدها..

مشوارهم كان هاادي ومريح..

ماكانت خايفة وتبكي..

ولا كانت تفكر وين بيأخذها وش بيسوي فيها..

ولا تدري إنه زوجهـــا..

هذي المرة كانت تدري وجهتها وين..

ولأي سبب هي مسافرة..

والأهم إنها تدري إنها بصحبة زوجها مو رجل غريب..

نزلت من السيارة وانتبهت على ذياب..

يركض حوالين أبوهـ مبسوط بالمكان ..

جلست على ركبها وضمته لها وهو يضحك..

هديل\انت الجديد بــكل هذا..

رجعتنا لساحة حرب ظالمة..

بين عملاق وقزم..

تدري من اللي أنتصر في الحرب ومن أنهزم..؟؟

غازي\مابيننا مهــزوم..

هديل بحدة\لا بيننا مهزوم..

اليوم لك وبكرة عليك..

غازي\ما اكتفينا من الفراق والوجع..؟؟

هديل بتفكير\ليه وحن متى افترقنا..؟؟

إن شاء الله بعد ما يتعالج ذياب نفترق..

والوعـد دين..

صدت عنه ومشت مع ذياب..

قبل لا تدخل القصر ألتفتت عليه..

هديل\الملحق أحب على قلبي من قصرك..

نزلت الدرجات بخطوات سريعة..

وشالت ذياب عن الارض..

هديل\تعال معي تشوف بيت جارية ابوك..

غازي من بعيد\لـ كل شيء حد يا هديــ.......

هديل تقاطعه بتحدي\يا رســــــــل..

كملت طريقها ودخلت الملحق..

نزلت ذياب ومشت فيه تتأمله..

تذكرت اول ايامها فيه..

أيام باااردة صقيعية...

موحشة وكلها كوابيس..

وتذكرت ايامها مع صوفي لما كانوا يصممون أزياء..

كانت تتمنى تكلم صوفي..

بس لما عرف انها تبي صوفي اخذ جواله منها..

غازي\تبينها تنشب في بلعومي..

إنسي تكلمينها الحين..

دخلت ذياب الغرفة معها..

وقفلت الباب عليهم..

نيمتهم بحضنها وسدحته على سريرها..

هديل\شناطنا عند أبوك..

كيف نجيبها..؟؟

يالله ننام بملابسنا وبكرهـ نبدل..

ولا اقولك نام أنت بملابسك..

ابي اريح ظهري..

بعد لحظات تسطحت جنب ذياب..

حاولت تنام بس ذكريات غريبة وتفاصيل دقيقة بدت ترجع لها..

أبتسمت وهي تحس بغرابة وضعها..

وكأنها في أول ايامها بالمزرعة..

لما كانت عنيدة ومتمردة..

ضحكت وهي تتذكر شكلها لما كانت تصرخ عليه او تضربه..

صح كان يعاقبها..بس حتى هي كانت تنتقم لنفسها..

حمدت الله على إن الكآبة تركتها وصارت تضحك من قلبها على مقالب صارت معها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛

يـــاهو يـــوجع هــ الحنيـــــــــــن..

وكـــل سالفة نبداهـــا بــ تذكـــرين..؟؟!

فزت جالسة وهي تصرخ برعب..

لما حست فيه ينسدح جنبها..

غازي\ههههههههههههه تذكرين لما كنت ادخل هنا وأنت ما تحسين..

هديل تضربه\تبي تجلطني..

إيه اذكر..والحين ابي اعرف كيف دخلت هنا وأنا مقفلة الباب..

غازي\اممممم يمكن من الشباك..؟؟

هديل\لا ماتقدر الشباك صغير عليك..

كيف دخلت..؟؟

غازي\تذكرين لما كنتي تنامين من دون تدفئة..

ولا ملابسك يالله كيف كنت أتمنى أضمك وانتي بملابس المزرعة..

هديل تبتسم\كنت شرير كثيــر..

يا مفتري حارمني من الدفأ ومعطل الجهاز علي..

غازي\لا والله قلت لهم يصلحون الجهاز بس ما احد صلحه..

وأنا عاقبتهم وصلحوا الجهاز وأنا على راسهم..

هديل بإبتسامة\تذكر يوم أنا ضربتك في الحضيرة وطيحتك..؟؟

غازي\تذكرين يوم خليتك تحلبين الابقار..

هديل بشهقة\لا والله ماحلبتها أصلاً كفختك هذاك اليوم ولا حلبتها..

غازي\كفختيني..؟؟!يالهيـــاط ..

هديل\بلى سويت كذا..

مدت يدينها وضربته ودفته بكل قوتها لحتى طيحته من على السرير..

انحنت براسها تناظرهـ..

وصرخت لما سحبها وطيحها عليه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

"اسمع صدى صوتك" وادورك وين انت ؟!

واصيح بين الناس " سـامعك .. ويــــــنك" ؟

ردوا علي الناس .. مسكين يا انت

اللي سمعته ..

"بين نفسك وبينك"

الصوت هذا مصدره .. داخلك انت

في وسط قلبك ساكن " نور عينك "

دخلت العيادة مع مرام وهي تحاول تخفي إرتجافها..

تحس برهبة وخوف لان أمها مو معها..

مرام بحنية\وش فيك خايفة..؟؟

دكتوري طيب مايخوف..

خلود\الثقة عندك مشكلة..

مدري ليه اجبرتني امي اروح معك..

مرام\انا طلبتها تقنعك..

خلود\مرام بسرعة خلصي شغلك ابي ارجع البيت..

مرام\ادخلي معي..

خلود\لا باجلس لحالي..أكيد بأدخل معك..

مرام تبتسم\طيب يالله..

دخلوا المكتب وجلست خلود جنب مرام..

خلود\دكتورك شايب..؟؟

مرام\ايه قلت لك إنه شايب..

خلود\بس ترى حتى الشواب مالهم امان..

مرام\إيه ادري يا قلبي عندنا شايب تقولين مراهق..

خلود\من هذا..؟؟

مرام بصدمة\مدري..

دخل عليهم رجال شايب..

لابس ثوب رجالي قديم..

وشماغ ابيض وبني..

في يدهـ سبحة ولابس نظارات طبية كبيرة..

خلود بشهقة\يــوبـــه..؟؟!!

يا صغيرات!.. يلتقي ذات يوم

في رحاب الردى جبان و باسل

يلتقي السائر المغذ و من سار

وئيدا.. كل الدروب حبائل

يلتقي الطفل في الغضير من العمر

و شيخ مغضن الروح ناحل

ما ارتوى الطفل بالحليب و لا

الشيخ رواه طوافه بالمناهل

تتلاشى الحياء فهي سراب

عند هذا و عند ذاك مخاتل

يا صغيرات!.. ليس عند الليالي

بعد طول العناء إلا المقاتل

المرحوم باذن الله تعالى غازي القصيبي...

غازي\تذكرين يوم خليتك تحلبين الابقار..

هديل بشهقة\لا والله ماحلبتها أصلاً كفختك هذاك اليوم ولا حلبتها..

غازي\كفختيني..؟؟!يالهيـــاط ..

هديل\بلى سويت كذا..

مدت يدينها وضربته ودفته بكل قوتها لحتى طيحته من على السرير..

انحنت براسها تناظرهـ..

وصرخت لما سحبها وطيحها عليه..

غازي بهمس\لا تستقوين علي..يا بطة..

هديل بقهر\انت الدوب ماهو انا...

وبعدين ليه ولا مرة تخليني أضربك..؟؟

غازي\بلى بطة..بس تجننيـــــــن..

وتراك دائماً تهزميني..لا تفترين..

هديل\وخر يدينك من علي..

غازي بعناد\أنتي اللي بديتي..

هديل\غازي..

غازي\ياجنونه..

هديل\إبعد يدينك بأقوم..

غازي\مقــابل..؟؟

هديل بإحراج\ولاشيء..إبعد يدينك..

غازي بإبتسامة\مستحية مني يا حبي..؟؟

هديل تبتسم\ياحبك لنفسك..

نزلت راسها وعضته على عضدهـ بقوووة..

حاول يكون اقوى من عضتها..

بس لما شافته معاند يتركها زادت بعضه لحتى ارتخت يدينه من عليها..

بعدت عنه بسرعة وجلست على ركبها أخذت كوب مويا وكبته عليه قبل يوقف..

ضحك بصوت عالي وكان بيقوم بس هي ماسمحت له..

ثبتت يدها على صدره ويدها الثانية دخلتها بشعرهـ..

قربت وجها من وجهه..

هديل\شوف يالشايب العايب..

إن كنت تبي الضرب والطق لغتنا ماعندي مانع..

أنت ماتفهم بالكلام..طقني واطقك..

كذا ممكن نتفاهم..

كانت شادة شعره وتحركه حركات سريعة..

عشان تزيد في ألمه منه..

وهو يزيد قهرها بصوت ضحكته عليها وتهديدهـ..

غازي\ههههههههههه أجل طقني واطقك..

لو اقوم الحين ما اشوف الا غبارك..

بتشردين ما انتي قد كلمتك..

انقهرت لأنه يقول الصدق..

شيء أكيد بتهرب عشان لا يضربها..

بس بتخالف توقعه وتبين له انها تغيرت وماعادت تخاف من ضربه..

رفعت راسه وضربته على الأرض بتشفي..

هديل بتحدي\كنـــت خوافة واهرب بس الحين اكفخك..

ما بأشفق عليك واقول شايب حرام اضربه..

الا باتوطى في مصارينك..

وقفت بسرعة وابتعدت عنه..

وهو جلس وحط يدهـ على راسه من ورى..

غازي يقلدها\متوحشة..مافي قلبك رحمة..

كل هذا حقد علي..كنتي بتبطين راسي..

هذا وانا حاضنك واقولك يا حبي..

أجل لو مكفخك وش تسوين..؟؟

هديل\عادي أكفخك..

غازي\طيب هاتي يدك..ساعدي الشايب..

هديل\والله ماشالتني يدينك يوم اتوجع بمكانك زمان..

غازي بنظرات\تبين الزمن يعيد نفسه فيني..؟؟

هديل\وتأخذ أجري واخذ ذنبك؟؟

لا ما ابـــي..خلنا على حالنا..

وقف وراح لها وهي ثبتت في مكانها..

ماتبي ترجع تنضرب..

بس إن كان الضرب بيبعدهـ عنها..

فهذا اهون من لمسه لها او محاولة إستمالتها له..

غمضت عيونها بسرعة لما رفع كفه على وجها..

وغصب عنها رفعت يدينها وغطت وجها..

أنتظرته يضربها..

يشد شعرها او يبكسها..

طال إنتظارها وهي متخبية ورى يدينها..

حست بيدينه تنزل يدينها..

فتحت عيونها ونظرة الرعب القديم فيها..

قابلتها نظرات حنونة من عيونه..

وإبتسامة حسرة من شفايفه..

قرب وجهه منها وقبلها على جبينها..

ياليت بعض الناس فيني يحسون

وياليت مافي خاطري يعرفونـه..

وياليت بعض الناس للعهد يوفون

والماضي اللي فات ماينكرونـه .,.

خلود\من هذا..؟؟

مرام بصدمة\مدري..

دخل عليهم رجال شايب..

لابس ثوب رجالي قديم..

وشماغ ابيض وبني..

في يدهـ سبحة ولابس نظارات طبية كبيرة..

خلود بشهقة\يــوبـــه..؟؟!!

رفع راسه لها وهو يثبت نظاراته الطبية على عيونه..

الدكتور يبتسم\إعتبريني مثل أبوك..يابنتي..

شدت يدينها حوالين ذراع مرام..

مرام\بسم الله عليك وش يوبه؟؟

خلود بغصة\هذا أبوي..ابوي..

مرام بخوف\لا يا قلبي هذا دكتوري..

مو ابوك..ابوك الله يرحمه..

خلود\دكتورك؟؟

مرام بندم\ايه دكتوري..

مو قلت لك دكتوري شايب..هذا هو..

خلود بهمس\يشبه ابوي..

مرام\لانه شايب..وتعرفين الشواب يتشابهون..

خلود\لا..لبسه..شماغه..حتى سبحته ماسكها مثل ابوي..

الدكتور بصوت عالي\مين المريضة فيكم..؟؟

مرام\اممم كلنا مريضات..

الدكتور\وحدة تطلع والثانية تظل..

مرام\خلاص انا اطلع..وادخل بعدها..

خلود\والله ماتطلعين..

مرام\يا اختي عادي تكلمي معه عن اي شيء..

خلود بقهر\وجع جينا عشانك مو عشاني..

الدكتور\أنتي اللي صوتك عالي اطلعي برا..

مرام بقهر\أنا اطلع برا..؟؟

خلود\لا هي المريضة بتظل وانا انتظرها برا..

الدكتور\إجلسي يا بنتي..

خلود بهدوء\لا تقول بنتي..

الدكتور\انتي قلتي يوبه..!

خلود\مو لك..مرام انتظرك برا..

تمسكت فيها مرام واجبرتها تجلس جنبها...

مرام\مو تقولين الشواب مالهم امان..

خليك جنبي..ونطلع مع بعض..

خلود بصد\ما ابي اظل مع هذا الشايب..

الدكتور\شابت ركبك..

رجال بعمر أبوك تطولين لسانك عليه..

خلود\لا تجيب طاري أبوي..

وأنا ماقلت الا الصدق مو أنت شايب..

ترى يقولون الشيب ولا العيب..

بس ابد شكلك شايب عايب..

الدكتور\أفا..الله يسامحك يابنت ابوك..

رباك على الأخلاق والزين..

لو يشوفك تشتمين الناس وش يقول؟؟

خلود بإرتباك\أأنــ.....ــا مـا أقـــ...ـصد..

السموحة منك..والله ابوي طيب..

ورباني زين..انا لساني طويل..

ابوي ماله شغل بكلامي..

أنا قلت كذا عشـ...ــان انا....

الدكتور\خلاص سامحتك..

فتحت عيونها بقهر..قال سامحتك قال..

لا احسن قوم طقني بعصاتك..

إلا وين عصاته ..شايب مامعه عصى؟؟!

كيف قدر يخليها تعتذر بسرعة وهي مقتنعة بكلامها..

قبصت على فخذ مرام بقهر..

خلود بهمس\جعل رقبت ذا الشايب القص..

مرام\يقص رقبتك..

خلود\عســ........

مرام بسرعة\إنطمي لا تدعين عليه..

وراهـ أهل وناس يبونه..

خلود\خلصي مع شايبك ابي ارجع بيتنا..

تكلمت مرام مع الدكتور..

عن مشكلة ماتخصها أبداً..أخترعتها من بالها ..

دمجت فيها بين قصتها وقصة خلود..

انحرجت وكان لازم تتكلم..

عشان خلود ماتشك بشيء..

الدكتور\على مافهمت من كلامك..

إن حالتك مستقرة من ثلاث سنوات..

مرام\إيه الحمدلله مستقرة ومرتاحة..

الدكتور\الحمدلله..

يابنتي فيه ناس يحملون أنفسهم ذنب ماهو ذنبهم..

ويسمحون لكلمة لــو تحكم حياتهم وتدمرهم..

أنتي قلتي لو ما فعلتي كذا..كان بيتغير وضعك..

وينسيك الشيطان إن هذا قدر ومكتوب من قبل لا تولدين..

مرام فهمت كلامه وانه يقصد فيه مشكلتها القديمة مع زوجها.

وبنفس الوقت يقصد فيه خلود اللي صادة عنهم بجسمها..

بس كل حواسها معهم..

مرام\كثير لمت نفسي على موت جنين كنت حامل فيه من سنين..

الدكتور\وأنا لمت العالم لما خسرت شيء انا ماملكته..

وضيعت اللي ماعمري لقيته..

مرام\وفيه من يلوم كل رجال العالم..

على ذنب رجال واحد..

الدكتور\يعاني من عقدة النقص..

خلود\خييير..؟؟

وش عقدته اللي أعاني منها؟؟

الحمدلله ماعندي نقص ولا شيء..

قال أعاني عقدت نقص قال..

الدكتور\يعني انتي تلومين كل بني آدم..

عشان غلطت رجال واحد..؟؟

خلود\اللي قتل رجال..واللي حكم رجال..

واللي فزع وطلب الصلح رجال..

واللي قبل الدية وتنازل رجال..

واللي ماقص رقبت القاتل رجال..

وانا بنت المقتول ماني رجل لا انا حرمه..

مالي حق اقول ابي قاتل ابوي ينقتل..

ولا لي راي يلتفت له قاضي ومحامي..

الدكتور\انتي حاقدة على الدنيا كلها..

وناسية لو ابوك ما مات مقتول..بيموت بحادث..

بمرض بغرق او بلاء..

وبنفس المكان واللحظة بيموت..

لان هذا قدر وكتوب عليه وعلى غيرهـ..

خلود بجمود\ماجيت اخذ عندك درس في الدين..

الدكتور\تم تشخيص الحالة..

إعترافاتك اليوم تساعدنا كثير..

شكراً لقدومك..

جلستنا الجاية بعد يومين على نفس الوقت..

خلود\الحالة؟؟؟

الدكتور\نعم عندك عقدة نقص..

وبنفس الوقت حقد كبيير يعيش في وجدانك..

وبإرادة قوية منك يظهر هذا الحقد بكل موقف يواجهك بحياتك..

سواء مع اسرتك أو مع المجتمع..وربما مع نفسك..

وللاسف الحقد اقوى بكثير من الكــرهـ..

لأن الحقد مرتبط بالإنتقام..وهذا جداً واضح في حالتك..

أنهى كلامه ونزل راسه يكتب في ملف..

قامت مرام وهي ماسكة يد خلود..

طلعوا من المكتب وخلود ساكته ومصدومة من نفسها..

أول مرة تتكلم عن شيء مدفوون في قلبها..

هي فعلاً حاقدة..ويمكن مثل ماقال الدكتور حاقدة على الدنيا..

أنقهرت ماكان المفروض تتكلم معه او تسمح له يتفلسف عليها..

هو شايب مايعرف عن إحساسها شيء..

مستحيل أحد يشعر بجرح اليتيم إلا اليتيم..

طلعت من العيادة رافضة ترجع مرة ثانية هنا..

حقك علي ان كنت ضايق وزعلان

آعاهدك نبدا بصفحه جديده..

جيت استبيح العذر لو كنت غلطان

والعفو من ضمن االخصال الحميده..

إن الخطا يابنت من طبع الانسان

ولافيه نفس من الغلط مستفيده..

مهما يطيش الظلم للحق ميزان

يرجح ومن ضيّع طريقه يعيده...

فتحت الكبت وأخذت البالطوا القديم تبع غازي..

اللي لبسها إياه بدل عبايتها لما رماها..

لبسته وهي تقوي نفسها ..

ألتفتت على غازي اللي كان نايم وذياب جنبه..

مر عليهم يومين في المزرعة..

مارضت تدخل القصر ولا تعيش فيه..

وهو مارضى يطلع من الملحق الا وهي وذياب معه..

وبكذا ظل معهم بنفس المكان..

طردته أكثر من مرة..ولما تجي بتنام..

يكون نايم على السرير وذياب جنبه..

تتجاهل تصرفاته وتنام على كنبة قريبة منهم..

سريرها صغير وغذا فكرت تنام معهم بتلصق فيه..

قربت من السرير وغطت ذياب..

ولما رفعت الغطاء على غازي ندمت..

ورجعت تسحبه من عليه وتحطه كله على ذياب..

أبتسمت على حركاتها وكأنها بزر..

غازي بإبتسامة\هذي اللي تقول كبرت..

هديل\ههههههههه البرد زين لـ الشواب..

يقوي عظامك ويعطيك كالسيوم..

غازي بنص عين\وين دارسة انتي يامخرفة..؟؟

هديل\عندي شهادة طب في التعذيب البشري..

نفس تخصصك طال عمرك..

إنتبه على ذيبي أنا طالعة..

غازي جلس بسرعة\تعالي تعالي..

وين رايحة..؟؟

وبعدين ذيبك إذا صحى وش اسوي فيه..؟؟

هديل\رايحة أنظف الاسطبلات قبل لا يغضب السيد ويجلدني..

أما الذيب فلما يصحى بدل ملابسه واهتم فيه لحتى ارجع..

طلعت من الملحق وقفلت الباب وراها..

طول اليومين اللي فاتت ما ابتعدت عن الملحق..

ولا تجرأت تزور الخيول او تتمشى في المزرعة..

رجعها لهذا المكان..

وهي لازم تدفن كل ماضيها هنا بحدود المزرعة..

مشت بخطوات واثقة بطريقها..

تلفتت حوالينا بكل مكان لها ذكرى..

على الرصيف هناك كانت لابسة السكت رولز..

وصدمت فيه بإرادته..

وكان له معها تعامل خاص فيه وبس..

مرت بنفس المكان اللي سكرت فيه مع صوفي..

هزت راسها تنفض ذكرى اللي صار معها من بعد ماصحت..

كانت بغرفته وعلى فراشه..

أوهمها بأشياء ماصارت وبعدها عاقبها..

وقفت قريبة من الإسطبلات..

آخر مكان كانت فيه قبل تنعمى وتموت سنين لغازي وغيرهـ..

الحصان الاسود..

إللي رمت نفسها تحت ارجوله..

هذا اقسى عليها من الحضيرة اللي أنضربت فيها بالسوط..

واقوى من إجباره لها على نفسه وهي ماتدري إنها زوجته..

لو ماتت..كانت بتكون منتحرة..

والمنتحر بأمر الله يدخل النار..

غمضت عيونها وهي تردد كلامها لنفسها ..

لاتخسرين آخرتك عشان ذنوبهم..

همست بـ الحمدلله..

وصدت ناوية ترجع وتترك هذا المكان..

مابتستحمل تشوف المكان اللي أنضربت فيه..

ماتبي تتذكر شكله وهو قاسي ومتوحش..

غازي تغير مثل ماهي تغيرت..

هي كبرت ماعادت صغيرة..

وهو ماعاد غازي القاسي..

تغيـــروا..

وتغيرهم يمكن يقدرهم يعيشون بسلام لحتى يفترقون..

رفعت راسها وشافته شايل ذياب..

قرب منها وعيونها تتأمله مع ولدها الغالي..

أرتجفت بخوف من فكرة راودتها..

لو ماكان ذياب موجود في حياتها..

كيف كانت بتكوون..؟؟

رغم قسوة غازي الكبيرة معها وإجبارها عليه..

إلا إن في قلبها إمتنان له..

لأنه أعطاها ذياب بإذن ربه وحكمته..

نزل ذياب على الارض بعيد عنها..

وهي فتحت يدينها له تناديه..

ركض لها بخطوات صغيرة غير متزنة..

طاح وهي ركضت له وهي تضحك..

شالته وهو معقد حواجبه زعلان..

وشوي شوي بدت شفايفهتتقلب والنونة انعقدت..

وبثواني بكى بصوت عالي..

هديل تضمه\ياقلبـــي اللي يبكوون..

فديت رووحهم وعبرتهم..

ذيبي ياروحي لايكون تعورت..؟؟

غازي\هههههههههه لو دريت مانزلته..

هديل\لو ظليت نايم ماهو أحسن..

غازي ياخذ ذياب منها\هاتي الذيب..حاله مثل حالي..

جن وانهبل لأنك فتحتي يدينك تنادينه..

ظنيتك تناديني..بس يالله الجايات اكثر..

هديل\اللي بعمرك تقاعدوا عن قلة الادب..

وعن المراهقة واحلام اليقظة..

غازي\ما اخذهم قدوة لي..

يالبى قلبك يا أم الذيب..

هديل\مالك حل..

هات الذيب..أبي أوريه حلاله واملااااااااااكه..

غازي بنص عين\تبين تورثيني وانا حي..؟؟

هديل\اممممم في خاطري أشتري هذي المزرعة منك..

بكم تسومها علـــي..؟؟

غازي بوله\جاتك عطيـــه..

وعلها ترضيك..

هديل بغرور\مقبولة العطية..

وألحين إطلع برا أملاكي..

غازي عقد حواجبه\تسوينها والله..

بس ما اهون عليك صح؟؟

هديل\صح..أنت ماطردتني من قبل..

ما بأطردك..

مارضى يعيطها ذياب اللي كان معصب منها ولا يناظرها..

كل ما مدت يدينها تاخذه..

يضرب يدها ويضم ابــوهـ ..

هديل بزعل\أنا وش دخلني..

هو نزلك وانت طحت..

ليه زعلان منـــي..؟؟

غازي\يقول لأنك مزعلة ابـــوهـ..

هديل\لو سمحت خلك برا الموضوع..

لا تنشر الفتنة بين الذيبة والذيب..

خذته من حضن غازي غصب عنه..

وهو حط يدينه على حجابها وطيحه من عليها..

مسك شعرها وشدهـ بقوووة..

وهو يصرخ برفض لها..

هديل\آآآآهـ حسبي الله على إبليس..

فك شعري يا دووووب..

غازي يضحك\ههههههههههه قلنا لك مايبيك..

إلا تبينه يا الذيبة..

هديل\صدق من قال العرق دساس..

والمصيبة ماورث منك الا النذالة..

إمسك يدينه..

غازي\قصدك الجلادة مو النذالة..

شوفيه ماسكه بس مارضى يفك شعرك..

هديل\آآآآآي اصبر شيله وانا اتصرف معه..

أخذه من يدينها ..

وهي حركت اصابعها على صدره وبطنه..

ضحك ذياب وارتخت يدينه من على شعرها..

بعدت عنه بسرعة ودفت غازي بقهر..

غازي\فازع لك وتضربين..؟؟

هديل بقهر\نتف شعري..

إنقلع إنت وهو..ونيمه عندك ما ابيه..

أبتعدت عنهم ورجعت الملحق..

وهو أخذ ذياب معه ودخلوا الإسطبلات..

غازي\ماورثت مني النباهة..

صاحين من النوم مبسوطين ونضحك..

ونحضر ليوم رومنسي وحلو..

وحضرتك تخرب كل هذا بلقافتك..

بس ولا يهمك يا أبو غازي نروح وراها ونراضيها..

كم حمامة عندنا..فديت المبـــسم عليها..

دخلت الملحق ورمت البالطوا على الكنبة..

فكت شعرها وصارت تدلك فروة راسها..

سمعت صوت في الملحق..

أستغربت من بيكون موجود..

فتحت الباب الرئيسي وقفلته بقوة..

سمعت خطوات طالعة من غرفة النوم..

فتحت الباب مرة ثانية..

لأنها خافت من صاحب هذي الخطوات..

بعد لحظات طلعت ماريا من الغرفة..

أبتسمت لما شافت هديل وتقدمت لها بخطوات مترددة..

هديل ظلت واقفة بمكانها مصدوومة..

هي تدري إن ماريا رجعت المزرعة..

لان غازي قال لها..

بس مارضت تروح القصر..

وقالت له ما تبي تشوفها ولا تدخل القصر..

ماريا بحنية\مرحبا عزيزتي..

إشتقت إليك كثيـــراً..

هديل بغصة\أهــ....ـلاً ماريا..

كيف حالك..

تجرات ماريا اكثر..

قربت منها ومدت يدها تصافحها..

ترددت كثير تمد يدها لها..

ماتنسى إن ماريا هي اللي رجعتها لـ المزرعة..

وبعد مارجعتها..غازي أنهى كل شيء بحياتها..

أجبرها عليه..وبعدها صارت عمياء..وبعدها ماتت..

حست بماريا تضمها بقوووة وتبكي..

ماريا\أنا آسفة..آسفة جداً..

يا إلهي أنتي لا تعلمين كيف عانيت بعد رحيلك..

أرجوك صغيرتي سامحيني..

كنت سبباً في موتك ..

هديل بهدؤ\إهدئي ماريا..

انا بخيــــر..انظري عدت كما كنت..

لا تبكي هكذا..أرجوك كفى..

ماريا\لم اغفر لنفسي مافعلت..

كنت اعلم بانك غير سعيدة معه..

ولكني اعدتك إليـــه..

مسكتها هديل وجلستها قريب منها..

أبتسمت لها تحاول تهديها..

هديل\كفى..أنظري كم انا جميلة ورائعة..

لقد عدت إلى هنا ولا انوي الرحيل قبل أن ينتهي الماضي..

ماريا انتي لاذنب لك..

لربما كان وفائك لسيدك جريمة بنظري..

ولكنه يُعد فضيلة لديك..

ماريا\ولكنه لم يكن طيباً..

كان يقسوا عليك كثيــراً..

هديل بحسرة\لانه يحبــني..

أحببني رغمـــاً عنه..

فكان يجب أن يعاقبني على ذلك..

ماريا\صوفي لامتني كثيــراً بعد رحيلك..

لأني لم اخبرها بما حصل معك..

هديل بمرح\إذاً هي تلك المنمشة..

كانت سبباً بحزنك..سأعاقبها عندما التقي بها..

ماريا تضحك\لا تعلمين ماذا كان شرطها..

كي تسامحني وتعود لمقابلتي..

هديل بقهر\تلك المتنمرة..

إن لم تكف عن تطاولها سوف أقتلها..

ماريا\ربما يعجبك شرطها..

هديل برفض\مهما كان شرطها..

فيجب ان تحترمك ألستي أنتي من ربيتها واهتممتي بها..

يالها من ناكرة لـ الجميل..

ساعاقبها على تمردها..

ماريا\ولكني أحببت شرطها..

واحببتها كثيراً..

هديل تبتسم\وماكان شرط المنمشة..

ماريا\إشترطت علي أن ادخل الإسلام..

وارافقها إلى وطنك ونقوم بالحج معاً..

هديل مصدومة\......................

ماريا\لقد ألحت علي كثيراً..

في الحقيقة لقد كان رجاءً أكثر من أن يكون شرطاً..

كانت تاتي إلي بكتب كثيرة..

وكنا نسمع القرآن..

لم اكن مقتنعة بكلامها ومحاولاتها الدائمة إستمالتي إلى ديانتكم..

ولكن إجبارها لي على سماع القرآن..

أثر بي كثيــــراً..

كنت ابكي وانا لا اعرف ماذا أسمع..

أحببت ماسمعته..وماقراته عن الاسلام..

أحببت محمد كثيـــراً..كم كان طيبـــاً وصبوراً..

واحببت المسيح أيــضاً..

هديل بغصة\الله يهيدك إن شاء الله..

ماريا الدين عند الله هو الإسلام..

لن يُقبل منك ديانة أخــرى..

المسيــح كان رسولاً..ونبينا محمد رسولاً..

لم نعبـــد محمد..بل عبدنا من خلق محمد وخلق المسيح وخلقنا..

قال تعالى(مَا الْمَسِيحُ ابْنُ مَرْيَمَ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ

وَأُمُّهُ صِدِّيقَةٌ كَانَا يَأْكُلَانِ الطَّعَامَ انْظُرْ كَيْفَ نُبَيِّنُ لَهُمُ الْآيَاتِ ثُمَّ انْظُرْ أَنَّى يُؤْفَكُونَ ْ)

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

نزل يركض دخل الصالة بسرعة..

ضم الجدة بقوووووة..

وهي شلت عصاها وضربته على راسه..

عبدالله بمرح\ما ابى اخنقك بس أضمك..

ياليل العجز لما يعنني ..

الجدة\لاتقرب ياولد ابوك..

إن ابط راسك واذبحك..

عبدالله بلقافة\أوهـ ماي قود..

واااي جدة فاذر واي..؟؟

واتس اوب يا مــرهـ ؟؟

الجدة\هذا اللي بيجلطني..

ليه ما يخلوني اروح عنك..

ليه انت تروح وانا ما ارووح؟؟

عبدالله بفخر\العجز مايروحون إيطاليا..

مايروح الا الشباب المودريين اللي مثلي..

حنان مفتحة عيونها\ياويل حالي قلت مودريين..؟؟

عبوود لا تنسى إنك ولد راعي مشاكل وهوشات وطق..

لا تفضحنا هناك وتهاوش خلق الله..

عبدالله\هههههههه الخيزرانة في الشنطة..

يامن مرت من عندي لابسة مفسخ لا اشوطها فلكة 200..

عبدالله عندهم لزووم يتسترون..

جدة وين ولدك أخرنا الله يصلحه..

ام علي بزعل\مدري عنه..

دخل علي ومعه غادة وسمع امه..

علي\يااااابعدهم انتي..

زعلانة يا ام علي..

والله لو انا رايح معهم إنك قبلي في الطيارة..

ام علي\اروح أنا وهادي..ولا محمد..

البنت بتسوي عملية مع ولدها..

من بيهتم فيها ويراعيها..

علي\الله يرضى عليك يومه..

كيف من يهتم فيها..هي بتسوي عمليتها في مستشفى..

وزوجها عندها..

ولاتنسين إنها ولدة هناك في إيطاليا ولا انتي معاها..

هدوول قوية ماهي على شوفها صغيرونة وغشيمة..

عبدالله بترزز\إيه لا تخافين عليه يا جدتي البيوتفل..

أنا بأكون معها..

مع ان بينا ثار أنا وورعها ولازال سارق مني..

كم هندرد من الريالات..

بس أسامحه لحتى نرجع واخذ هندراداتي منه..

علي يحلف\قسم بالله يا عبيييد..

إن ماتعدلت في كلامك ماتعرف إيطاليا ولا تطب الطيارة..

عبدالله مفجوع\نو نو بلييييز يوبه لاتقولها ..

أتعدل أفا عليك..شفني هه لابس بدلة وشماغ..

والعقال في الشنطة..

علي\هههههههههه والله بأشتاق لك يادووب..

قام عبدالله وقرب من امه..

جلس جنبها وهمس لها بأذونها..

وقبل لا يكمل كلامه..

سحبه علي بقوة ووقفه..

علي\اطلع..برا يالله..

إنقلع المطار وسافر..

إلا تبي تنشر الفتنة وتوقع بيني انا وامك قبل لا تسافر..

عبدالله\هههههههههههه كمان بروذر..

وي أصدقاء..وخر اقووول..

طلع علي مع عبدالله ووصله السيارة..

علي\عبدالله مثل مافهمتك..

عبدالله\ولا يهمك يوبه..

كل اللي قلته يصير إن شاء الله..

علي يقبل جبين ولده\إن شاء الله..

يالله إطلع العيال ينتظرونك في السيارة..

عبدالله\اوكى فمان الله فذر..

علي\هههههههههه فمان الله..

طلع عبدالله من البيت وقابل عيال عمه..

راكان وسلمان في السيارة..

عبدالله\السلام عليكم..

الجميع\وعليكم السلام..

عبدالله\من هذي اللي جنبي..؟؟

راكان\حرمتك..

عبدالله\كأنها سوير ام الدوببة الاساطير..

سارة\قصدك سوير ام مكفخينك ومتوطين في بطنك..

عبدالله\ياليل الشقاء..

هذي وش جايبها معنا..مابيمدينا نقطها في بيتها ونروح المطار..

يمكن نتاخر على الطيارة..

سلمان\هههههههههههه لا ماخذينها معنا المطار..

عبدالله\ماله داعي تودعنا..نزلها في بيتنا ياعم سلمان..

سارة\وقف وقف..أنا ادري إن فرحتي بهذ السفرة بتنغصونها علي..

عاد مالقيتوا غير هذا النتفة تعاقبوني فيه..

إسمع يا ولد ولد عمي..إن طولت لسانك ولا تمنذلت علي..

لا أشوتك من طاقة الكبتن حق الطيارة..

وقد أعذر من انذر..

عبدالله مصدوم\أنتي بتسافرين معنا؟؟

ليييييييييييييييييه وش سوينا يوم أنتي تسافرين معنا..

هل إيطاليا المساكين وش سووا..وش ذنبهم؟؟

راكان\خلاااص أنت وهي..

ترى باقي ماوصلنا المطار..كلمة ثانية وارجعكم..

سارة\خلاص باكبر عقلي..وخل هذا النشبة يسكت..

عبدالله\بالله وقفوا شوي الخيزرانة في الشنطة خلوني اشحطها عليها..

راكان\ههههههههههههه جبت الخيزرانة..

عبدالله بفخر\إيه والشبرية..وباقي اغراض القنص..

سارة\ماسكينك ومرجعينك السعودية مكمم ملغم..

عبدالله\والقايل إن شاء الله ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

لو كنت أعلم أنني

سأذوب شوقا.. و ألما

لو كنت أعلم أنني

سأصير شيئا من عدم

لبقيت وحدي

أنشد الأشعار في دنيا.. بعيدة

و جعلت بيتك واحة

أرتاح فيها.. كل عام

و أتيت بيتك زائراً

كالناس يكفيني السلام..

فاروق جويدة...

قامت من على السرير..

وهي متضايقة من اللي على قميصها..

سدحت ذياب على سرير خاص بالأطفال..

جابه لهم غازي امس ..

وتمنذل عليها يقول خلاص..

صار السرير كبير وبيشيلها هي واياه..

طنشته ومارضت تنام جنبه..

ماتثق فيه ولا في وعده لها..

حتى نفسها صارت تخاف منها تميل لهـ ..

كان زلاغ ذياب على ملابسها..

نفخت بتعب..وتوجهت لدورة المياهـ..

تحممت ونشفت شعرها في الحمام..

خرجت وصدمت فيه عند الباب..

غمضت عيونها وهي تصد عنه بسرعة..

أرتبكت بخوووف..

هذي ثاني مرة تشوفه من دون قميص..

وحالتها اردى منه..لافة نفسها بمنشفة..

تعدته وكانت بتطلع من جنبه..

وصار اللي كانت متوقعة يصير..

لم يدينه عليها ومنعها تبتعد عنه..

قرب منها ولصقها فيه..

أرتجفت غصب عنها..

وهي تحس بوجهه على كتفها..

همس لها بحبه..بعشقه..

وهو يدري إنها ماتجهل غلاتها عندهـ..

قبلها على خدها وعيونها وجبينها..

حالتهم تخوفها..ترعبها..

ماتبيه يستمر في اللي يسويه..

لازم تقاومه وتبعده عنها..

رفع يدينها ولفها على رقبته..

قبلها على شفايفها بعمـــق..

لا تقولي "

لا تقولي : أنت حبي

ربمّا غرّتك مني

كلمة شاعر ترضي شياطين الشباب

ربما ضلل أهواءك شيء في اكتئابي

ربما أغوتك ألوان نقابي

لا تقولي .... أنا أهواك ...

لأن الليل دنيا شاعريه

و لأن البدر طفل

أسند الرأس على صدر الغمام

مغمضا ً أضواءه ... غير خيوط ذهبية

رقصت في روض عينيك

فراشات سلام

و لأن الشوق ينمو في الظلام

فغداً نصحو مع النور ..

يموت الصمت ... يغشانا الكلام

المرحوووم بإذن الله تعالى ..غازي القصيــــــــــبي ..

مشت بسرعة تبي تطفي التلفزيون..

ماتبيه يشوفها بهذا الشكل بتموت من الإحراج..

مسكها قبل تطفي التلفزيون وهو يضحك على تصرفاتها..

حاولت تخلص نفسها من بين يدينه..

هديل\لااااا ابعد..غازي لا تشوووف..

قليل ادب مالك شغل تشوف شريطي..

غمض عيووونك..

غازي يضحك\ههههههههههه أقووول إجلسي..

جلس وضمها في حضنه..

وعاد اللي فاته من الشريط..

وثقها له بقوووة وهي تتحرك تبي تفلت منه وتاخذ الريموت من يدهـ..

غازي\ههههههههه بعد تنحرجين من صوفي..

زين اللي طردتيها..تستاهل الحقوودة..مخبيتك عني ولاعبة لعبتها..

هديل وقفت الشريط\هي مو حقوودة..وانت تستاهل..

والقضية اللي رفعتها عليك أنا طلبتها تتنازل..

وقبل لا تفرح مو عشانك تنازلنا..عشانها وعشان نفسي..

بعدين لو ننكشف نروح السجن بتهمة تظليل العدالة..

أخذ الريموت منها\عادي ولو انسجنت..صار عندي خبرة في هذي الأمور..

ولا تحاولين توقفين الجهاز..أبي اكمل الفلم..

هديل بغيض\يعني عادي أموووت..؟؟

غازي بوله\بسم الله عليك..كنت حاب أنسجن..اتعاقب..

أنضرب أو اخسر كل شيء..عشانك أنتي ماهو عشان غيرك..

هذي الأشرطة ماقدرت اشوفها..

لانه وصلني خبر إنك هاربة من بيت هلك..

تركت الأشرطة هنا ورجعت الرياض..

هديل\طيب خلني اقووم ونتفاهم ..وخر يدينك..

غازي يشغل الشريط\أقوول أنثبري مكانك..

هديل\ما ابي اجلس بحضنك..وخر عني..

غازي\هششش خلينا نسمع البطلة وش تقول لولد البطل..

هديل بقهر\بطل في عينك..وقف الشريط..

حط كفه على فمها ورفع الصوت يسمع وش تقول لذياب..

هديل بحنية\فتح عيونك يا قلبي..

ذياب ياروح أمك..بدت حياتي من جديد بقدومك..

صار عندي ام واب وعزوة يا ابوي..

سميتك ذياب..لانه من حقك انت البكر وانت الكبير وانت ذياب..

ولازم تنتسب لأبوك وهلك..

أنت ولد حلال ولد ابوك النذل..

ما بادفن حقوقك تحت خوفي وهروبي..

تنتمي له غصبن عليه...مع ان هذا لا يشرفك ولا يشرفني..

صوفي قالت انسبك لي ولهلي...

بس الدين له كلمته يا ابوي وانت تنتسب لابوك...

ما نعصي ربي عشان نهرب من ابوك...

شد يدينه عليها لما حس فيها تحاول تبتعد عنه..

كانت تبي تهرب منه..

لازال رايها ماتغير فيه..نذل..

وكلامها لذياب تقدر تعيده عليه بكل ثقة..

ذياب ينتسب له غصب عنها وعنه..

هديل لذياب \انا هديل أمك...

وابيك اليوم والحين توعدني ماتروح وتخليني..

ولاتفكر تنتمي لاحد غيري..

وتكفى يا ابوي لا تترك الدنيا من دوني...

مسحت دموعها وهي تضحك لما شافته فتح عيونه..

هديل بصوت مخنوق\فديت اللي مايشبع نوم..

توك صاحي وتتثاوب..لازم تشرب حليب..

احممم ذيبو يا ابوي غمض عيونك زين..تراني ما اعرف..

اذا عورتك ارفسني زين ؟؟..حبيبي انت...

غمضت عيونها تقاوم دموعها..

رجعت لها ذكريات هذيك الفترة من حياتها..

وحدتها خوفها..ضياعها..ألمـــها..

غازي\كل هذا انا يا هديل..؟؟!

واقول إنســــي..؟؟بالله كيف تنسين..؟؟

كيف عرفتي إنك حامل..؟؟وإنك متزوجة..؟؟

كيف عشتي سنينك من دوني..؟؟لازم اعرف..

قبلها على كتفها وهي سحبت نفسها منه بسرعة..

وقفت طفت التلفزيون وخرجت الشريط..

والتفتت عليه بتحدي..

هديل بجمود\هذي ايام ماتعنيك..مالك حق تشوفها ولا تدري عنها..

هذي أيامي مع ذياب وبس مالك شغل فيها..

لاتظن عجزت عنه وعن حالي..

أشكرك على ذياب..ولوما ذياب ماكنت معك اليوم..

وقف وقرب منها\جاوبي عن اسئلتي..

هديل\بأجاوبك..بس مو الحين..

لما تضربني وتشوهني..ولما تخليني عمياء ما افرق الليل عن النهار..

ولما تخليني انكر كل هلي واعترف إنك ابوي وامي ونفسي..

إن سويت كل هذا اوعدك أجاوبك عن اسئلتك..

غازي\سويتها مرة ماني عجزان اسويها مرة ثانية..

هديل بحقد\حلو الإعتراف..

بدل قناع المبحة والندم اللي إنت لابسة..

خلك طبيعي وكن غازي..

بعد العملية بارجع مع راكان..

وأتمنى لو تظل في هذي الديرة وماترجع السعودية..

لأنها ماراح تتسع لنا..إما انت أو أنا..

غازي بجمود\مابترجعين ياهديل..

إصحي من احلامك..وواجهي الواقع..

مكانك هنا ..

هديل\هلي بيأخذوني منك..

ماعدت لحالي ولاتظن بتقدر تأسرني بقصرك..

غازي بحدة\يمكن ياخذونك..

بس أنتي اللي بترفضين ترجعين معهم..

هديل بسخرية\لاني ما اقدر أعيش من دونك..؟؟

غازي\هذا سبب..والسبب الثاني لاتستعجلين عليه يا جنوني..

بأي حق يملك كل هذي الجرئة..

واثــــق..مثل ماعهدته دائماً واثق..

هي بترفض تبتعد عنه وبتظل معه..؟؟

الذيب مايهرول عبث..

وماقال اللي قاله..

إلا وهو مخطط لشيء ممكن يكسرني ويجبرني اظل معه..

بس لازال ينسى إنه رباني على اسلوبه ومـــكرهـ ..

دخلت الغرفة ومن خوفها من ثقته..

قفلت الباب وتركت المفتاح على الباب..

تخاف يكون معه مفتاح ثاني ويدخل..

نامت وبسبب افكارها رجعت لها الكوابيس..

ذكرت نفسها إن ما التزم بوعــدهـ إرجعي لإنتقامك..

انتي رضيتي بحالكم عشان تعالجين ذياب ويتركك بعدها..

أخذت وسادات من على الكنب..

حطتها تحت راس شوق..

وقررت تولد بنتها قبل تموت والجنين في بطنها يموت ورى امه..

ام غازي\شوق سمي بالله..

أنا جنبك وباولدك..لازم تساعديني وتساعدين ضناك..

شووووق إصحي يا بنت إصحي..

ضربتها على خدها وغسلتها بماء بارد..

ام غازي\تكفين يومه..لايموت الولد في بطنك..

أنتي في حالة ولادة..لازم تولدين..

بكت شوق وصرخت من الامها..

وامها تهديها وتساعدها بولادتها..

كانت تفقد وعيها غصب عنها وأمها تجبرها تصحى..

وصل الإسعاف ومعهم طالب..

ولما دخل البيت تفاجىء بحال زوجته وأمها..

تصنم بمكانه وماقدر ينادي المسعفين يدخلون..

ولاكان يسمع ام غازي اللي تهاوشه وتطلب منه يطلع..

ام غازي بعصبية\طاااالب..

طالب\هاهـ..

ام غازي\هوى ابليس في النار..

خلهم يدخلون خلاص زوجتك ولدت..

طالب بحيرة\هي حية..؟؟

ام غازي\الحمدلله على كل حال..

خلهم يجون يهتمون في الولد..

دخلوا المسعفين..

واخذوا الولد من ام غازي...قصوا عنه الحبل السري..

ونقلوا شوق على الحمالة لسيارة الإسعاف..

وبان معهم وجود كسر في الحوض..

وصلوا المستشفى وطالب كان بحالة ضيـــاع..

وقف سيارته ورى الإسعاف ..

وتهاوش مع الأمن اللي طلبوه يركنها بمواقف السيارت..

ماسمحوا له يشوفها دخلوها غرفة المعاينة قبل ما يشوفها..

ولدهـ أخذوهـ لـ الحضـــانة..

ظل واقف بالممر ينتظر أم شوق تطلع..

محتاج يتطمن عليها..

يشوفها..يتاكد بنفسه إنها بخير..

أنتبه على ام غازي وهي طالعة من الغرفة..

مسك يدينها بقوووة وشد عليها..

طالب\بشري يومـــه..كيفها..؟؟

وش صار معها..؟؟

ام غازي تمسح دموعها\الحمدلله..هي بخير..

ولادتها طبيعية والولد بخير..

طالب\بعدها تتوجع..؟؟

ام غازي بحنية\عطوها مسكنات..

لأن الكسر يألمها..

طالب\الحمدلله على كل حال..

وش صار معها؟؟ليه طاحت؟؟

ام غازي\قدرة الله..انا طلعت من المطبخ على صوت صراخها..

لقيتها طايحة بآخر الدرج..

وكانت بحالة ولادة..

بعد نص ساعة سمحت له الطبيبة يدخل عند شوق..

كانت نايمة وملامحها ماتشبه لها..

وايقن إن تعب الولادة مايرحم..

قبلها على جبينها ..

طالب\الحمدلله على السلامة يالغالية..

ومبرووك ماخلفتي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

ألا ياقلبي القاسي دقيقه بس من وقتك

دقيقه بس نتفاهم وأبين لك معزتها

وأنا أدري لو بتعطيني ساعاتك وأيامك

أعجزأجيب لك كلمه توضح لك برائتها

أشوفك فعيوني كون وأشوف الكون مايكفيك

ولكنك على كبرك تضيق وماتوفيهـــا..

تلفتت حواليها بحنين غريب..

بهذا المكان انجــــــرحت وأنهانت..

منه ومن خواتـــه..

في هذا المكــــان كان يتفلسف عليها..

ويشرح لها ليه سموا النافورة نافورة تريفي..

تذكرت كلام راجح عن الأسطورة الخاصة بنافورة تريفي..

تقول الأسطورة ..

أرمي قطعة نقود وان تمنيت أمنية خاصة لك..فقد تتحقق..

وان تحققت تلك الأمنية فأنت ستعود الى هذه النافورة وتتمنى من جديد..

وستعــــــــــــــــــود دوماً..

وقف قريب منها وذياب بحضنه..

غازي\تذكرين زيارتنا لهذا المكان..؟؟

هديل بصد\لا ما اذكر..

غازي\يحق لك تنسين ماكانت مريحة لك..

وانا واثق إنك مانسيتي..

هديل\تذكر انا وش قلت لك لما قلت لي تمني..؟؟

غازي يبتسم\تمنيتي لو تختفين من حياتي..

هديل بجمود\وأنت بكل ثقة قلت مستحيل..

صار وهربت منك يا غازي واختفيت من حياتك..

وكنت صادق بكلامك..أنت ماتركتني ولا يوم ولا لحظة..

كنت مشاركني كل شيء..حتى لما اتناساك..

تعاقبني في الكوابيس بكل قســـوة..

طلبت من ربي يحرمك إنسان غالي على قلبك مثل ماحرمتني من كل هلي..

وحرمك منـــي..وبعذر الموووت..

صدقت إن الدنيا سلف ودين..

وكماتدين تُدان..؟؟

غازي بهدوء\كان لك فضل كبير علي..

ورغم إنه كان قاسي..بس كان نافع كثيــــر..

هديل\؟؟؟؟؟؟؟؟؟؟؟؟؟؟

غازي بحنية\إنسي كل شيء..

العملية بكـــرهـ..ولازم نروح المستشفى الحين..

بتنامون الليلة هناك..

ماردت عليه وفضلت تنهي الموضوع والكلام..

إذا الماضي حضر بينهم في كل لحظة بيدمرهم..

توجهوا لـ المستشفى وهي أتصلت على سارة وقالت لها..

كانت بتتصل على أمها بس هو اخذ الجوال منها..

ناظرته بزعل وصدت عنه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛

وصلوا المستشفى ودخلت غرفتها الخاصة..

نيمت ذياب وقرأت عليه الأذكار..

أخذوه من عندها وقالوا بيظل عندهم حتى وقت العملية..

حست بضيقة قوية تسيطر عليها..

أخذت جواله واتصلت على امها..

هديل\السلام عليكم..

ام علي\هلا والله..وعليكم السلام ورحمة الله..

يالله تحيي صاحبت الصوووت..هديل عسى عيني ماتبكيك..

كيفك يوومه وكيف ولدك..؟؟

هديل تبتسم\فديييت روحك يالغالية..الحمدلله أنا بخير..

وذياب بخيـــر..بكره العملية يومه..

ام علي\الله يقومك بالسلامة يووومه ويقر عينك بشوفته طيب ومتشافي..

هديل برجاء\اللهم آآآآآآآآآآآآآآآمين..

ام علي\هديل إصدقيني القول..

كيــف زوجك معك؟؟لايكون مضايقك أو قاهرك..؟؟

هديل بهدؤ\لا يومه تطمني أنا بخير..

وامورنا الحمدلله زينة ومرتاحين..

ام علي\يومه انا نبهت سارة عليك..

والله افتشلت منها..كنت اتمنى اكون انا معك او غادة..

هديل بحنية\فديتها والله السوري لها غلاتكم..

ولاتشيلي هم راسها والف سيف تنام عندي الليلة..

ام علي تضحك\ههههههههه توني متهاوشة معها..

تقول بعدك ماسويتي العملية تبي تقش الاسواق..

هديل\ههههههه الدوووبة هي جاية في مهمة لازم تأديها..

ومن عيوني لما اطلع من هنا ما اخلي شيء بخاطرها..

ام علي\أمنتك على نفسك يا هديل..

لاتقهرينها ولا تخلينه يقهرك..

نفسك أغلى علي منك ومن ضناك وزوجك..

هديل بغصة\أحبـــك يومه..

ام علي\عساك من هل الجنة ياروح امك..

سلمي على قلبك الطيب..

هديل\الله يسلمك..وصلي سلامي لابوي وعسوولة وغادة..

وإخوانــي كلهمممم يومه كلهم..

ام علي\إن شاء الله فمان الله يافديتك..

قفلت الجوال..

ونزلته على الطاولة..

رفعت راسها وناظرت في غازي..

هديل\بنت عمي بتجي عندي الليلة..

ابيك تطلع من هنا ولا ترجع..

فسخ جاكيته ورماهـ على الكنبة..

نام ع السرير وحط ذراعه على عيونه..

غازي\كلمت ولد عمك وقلت له أنتهت الزيارة..

بكرة يوم جديد..ويزورونك بعد العملية..

هديل بقهر\أنا قلت لها تجي..أبيها تكون عندي..

غازي\وانا ابيك عندي..

ولا واحد منا تتحقق أمانيه..

تعالي نامي..

هديل بغيض\قوم إطلع برا..أنت مستحيل تتغير..

أي شيء يضايقني تسويه..إطلع برا إطلع..

وقف وراح لها..جلسها على الكنبة غصب عنها..

جلس جنبها وثبت وجها قدام وجهه..

غازي بهدؤ\ما ابيك تتوترين وتخافين..

بإذن الله انتي وذياب بتكونون بخيـــر..

العملية ماراح تكون صعبة..

هديل برجفة\مو اكيد راح تنجح..

أخاف ما اقدر أساعدهـ..

أبيه يكون بخير..لو يقدرون يأخذون النطق مني ويعطونه إياهـ..

هو كل شـــــيء أحبه..ما ابيه يموووت..

ما ابيه يموووت..

ضمها وهي بكت بخوف..

ومن دون اي تحفظ تكلمت عن طفولة ذياب..

كيف كانت تصحى على صوت بكاهـ ..

وكيف أدركت إنه مريض ويعاني لم يغمى عليه فجأة..

تكلمت عن العابه وعن لقافته لما يرمي اي شيء بيدهـ ع الأرض بقووة..

وحتى لو كانت تترجاهـ مايرمي اغراضها يرميها وهو مبسوووط ويضحك..

رحبت بمرام ودخلتها مجلس النساء..

مستغربة من زيارتهاالمفاجئة من غير موعد..

مرام\أدري من غير موعد..بس كنت مارة منهنا قلت اسلم..

خلود تبتسم\حياك الله البيت بيتك..

مرام\من هذا المصارع اللي واقف عند باب بيتكم..؟؟

خلود تتنهد\ولد جيرانا..

مرام بابتسامة\عيـــسى..؟؟

خلود بعصبية\ووجع..ليه تتبوسمين..؟؟

مرام\أعووذ بالله ماقصدت شيء..قووومي نادي أمك ابيها في سالفة..

خلود بفضول\وش تبين في أمي..؟؟

مرام\عنبوا ابليسك نادي امك ابيها..

خلود\طالعة مشوار الجمعية..وش تبين فيها..؟؟

مرام بزعل\الله يسامحك يا خلود ليه مارحتي معها..

خلود\إبراهيم راح معها..وانا توني راجعة من مشوار..

مرام\راجعة من وين..؟؟

خلود\امممممم احم ..أنــ....كنت عند الدكتور..

مرام تخفي إبتسامتها\دكتوري..؟؟

خلود\ماهو دكتورك لحالك..حتى انا صار دكتوري..

مرام\ياسلام من متى..؟؟

خلود\إيه دكتوري..بصراحة صرت ارتاح لهذاك الشايب..

أحس براحة لما اتكلم معه..

مرام\اممم كيف مافهمت..؟؟

خلود\مدري بس هو طيب..صح يهزئني ويرفع ضغطي...

بس طيب مرة ومايجامل بكلامه..إنسان واقعي وصريح..

مرام بخبث\وش رايك تتزوجينه..؟؟

خلود\ماعندي مانع..

مرام\لا فديتك عندي اللي أحسن من الشايب..

بس أنتي عطيني الضؤ الأخضر..

خلود\صايرة خطابة مع وجهك..؟؟

مرام\إسمعي مني ماتبين ترتاحين من ولد جيرانكم المؤذي..؟؟

خلود\ياليت..بس ما ابي ابتلي برجال ثاني..

إن كان الشايب بيخطبني بأوافق عليه وبشرووط..

بس واحد ثاني ولا يقرب..

مرام\امممم والله مسفر ولد أختي طيب وخلووق ويهبل..

خلود بعصبية\نعــــــــــــم..من� �والطيب؟؟منهو الخلوووق؟؟

أقول عدلي كلامك قبل أذبحك..

مرام بصدمة\أعوذ بالله..وش فيه فديت طووله وعرضه..؟؟

وش اللي مو عاجبك فيه؟؟

خلود\نسيتي إنه قاتل ومحكوم إعدام..؟؟

مرام تشهق\ميــــــــــــن المحكوم إعدام ..؟؟

خلود\ولد أختك ..مو كان بيذبحني هذاك اليووم..

مرام\حسبي الله على عدوووك..فجعتيني..

وبعدين الى متى تتبلين المسكين..؟؟

خلووود\هذاك مو مسكين عســاهـ الــ.......

مرام تكتم فم خلود\إنطمي ولا كلمة..

لاتدعين على ولد أختي أذبحك..

مو توك تقولين موافقة على الشايب..؟؟

خلود تبعد يدها\وش جاب الشايب النبيل الجنتل..

عند مسفر المجرم القاتل الجاني..

مرام تضحك\ههههههههههههه نفسيـــة انتي جداً..

كلامي ماهو معك..كلامي مع الكبيرة امك..

خلود\لا تخليني أطردك من البيت..

مرام\كل هذا عشان الشايب..

طيب وإذا الشايب نصحك برجال طيب بتوافقين..

خلود\طبعاً لا..

مرام\مو توك تقولين تثقين فيه ومن هـ الكلام..

خلود\أثق فيه هو يعني شوي مو كثير..أحس وراه سالفة..

بس بينه وبين ولد اختك..اكيد هو..

مرام بخبث\أجل مبروووووووووووك يا كنتنا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كانوا الممرضات راح يأخذونها لإجراء تحاليل..

لكن غازي منعهم من لمسها..

أستغربت تصرفــه..

طلع من الغرفة ورجع بعد وقت معه كوب ماء..

مدهـ لها وهي مارضت تاخذهـ..

هديل بهدؤ\انت دكتور..ومااعتقد إنك نسيت..

إن احد قوانين إجراء العمليات لا أكل ولا شرب قبل العملية..

غازي\هذي العملية غير..أشربي ..

هديل\إشرب أنت اول..

غازي\شربت برا..

هديل بحدة\أنت إلى متى بتظل تعاملني بتملك..؟؟

تعتقد إني ما ادري وش ناوي عليه..؟؟

أنا باتبرع لذياب..حياتي وموتي فدوة له..

ما راح اسمح لك تغدر فيني..وتحملني جميـــلك..

ما ابي لك دين برقبتي..وإذا أنت تبرعت لذياب..

بيكون لك دين عندي..

غازي بقسوة\أنتي ضعيفة وماتقدرين..

هديل بقهر\لا أقدر..أنا ولدته..

وهذا أكبر دليل على إني قادرة ع العملية..

غازي\أنسي الحرب اللي بيني وبينك..

إنسي كرهك لي..هديل أنتي أضعف مما توهمي نفسك..

أنا جاهز للعملية..وبأتبرع لذياب..

هديل تبكي\والله العظيم ماتسويها..

أنا مو غشيمة يا غازي...

إذا انت سويت العملية الشلل نتيجة حتمية ولو بعد سنين..

أنا ماهي صعبة علي..

بأتالم بهذا الوقت وبعدها مابيكون فيه أضرار..

صرخت بقهر\انا بأسوي العملية مو أنت..

كون لي عوون وسند ولو مرة في حياتي..

خلني أحس إني أهمك اكثر من نفسك..

غازي\لك اللي تبين من بعد العملية..

لما اصحى انفذ وعدنا وترجعين لهلك..

بس إن كنتي انتي فمابينا وعد..

هديل\هددني بكيفك..

وإن صحيت..تحمل ذنوبك..

ألتفتت على صوت الباب..

شهقت من الصدمة..

لما شافت أمها وابوها وعلي..

هديل بنحيب\يووووومه..

ضمتها بقوووة وهي تبكي..

وأمها تحضنها وتقبلها على جبينها وراسها..

هديل بزعل\والله محتاجتكم...

بسني غربة يووومه..بسني قهر منكم..

إلى متى باظل ساكتة انتظر وصلكم..

ام علي\كله منهم..كنت باقولك امس..

بس اخوك حلفني ما اعلمك..

هديل\لانه دوووب..كنت بادخل العملية قبل اشووفكم..

أبتعدت عن أمها وضمت ابوها وقبلت جبينه ويدينه..

هديل\تقبل الله ياالغالي..

ابوعلي\منا ومنك يا روح ابوك..

ماظنيت سفرك قريب ولاكنت باجلها..

هديل بمحبة\الحمدلله لكل شيء حكمة..

ابوعلي\الحمدلله..طمنيني عنك..

هديل بخوف\الحمدلله طيبة..

بعد شوي باروح العمليات..

علي بهدؤ\بس غازي قال هو بيسوي العملية عنك..

هديل\لا غازي مايصلح..

رفضووهـ..

علي بحدة\لاتكذبين علي..

هديل بغصة\سألتك بالله تكون لي عون ماهو بفرعون..

أنا باسوي العملية..هذا روحي وقلبي..

دخلوا الممرضات واخذوها معهم لقسم العمليات..

مشت معها امها وابوها..

وعند باب القسم ودعوها..

بس غازي دخل معها القسم..

دكتوٌر تكفى جهز الغرفة الحينً

ونادَ استشاريينِ علمّ الجراحهِ

بنجيكِ انآ والليّ عشقتهِ من سنينّ

منّ بـعدنآ ماشافتّ العينّ راحهِ

دكتورّ تكفىَ مانبيَ انكوٌنَ شخصينّ

شفِ لكِ !! طريقهِ تختصرَ هالمسآحهِ

مالوٌمكّ !! اليا قلتّ عنآ مجانينّ

العقلّ رآح ّوسمّح الله مراحهّ

حنا انتبنّج منّ تجيّ العينّ بالعينَ

مآحنآ بحآجهِ للمخدرَ صرآحهِ

دكتورَ لحظهِ .. بسّ تبيّ تبديَ منينَ ؟

ابيكّ تبدىَ فيّ .. !! ماقوىَ صياحهِ

ماقوىَ نزيفّ الدمَ منّ نآسّ غالينّ

وماقوىَ علىً دمعٌه بحزة مطاحهِ

دكتورّ تكفىً بسَ اعلمكَ !! بامرينّ

وديّ صبآحيّ مايفارقّ صباحهِ

هالآدميّ يسوىً بعينيّ ملايين ّ

حكمتّ قلبهِ واستطعتً اكتساحهِ

لكنّ امانهِ تبتديّ فينيّ الحين ّ

حآولَ تخيّطناّ !! بسلكّ الجراحــهِ

غازي برجاء\تبين أترجاك..

ما اتحمل أشووفك تعبانة ومريضة..

خليها هذي المرة فيني أنا..

هديل برفض\لا..

غازي\أنا وأنتي جاهزين للعملية..

هديل لا تخليني اجبرك..

هديل برجاء\تكـــفى لا تسويها وتجبرني..

أدري إنك تقدر تمنعني بالقوة..

بس لا تجبرني الحين..

خلني راضية باللي راح اسويه..

لم يدينه حوالينها وضمها له بقووووة..

قبلها على خدها وهو يهمس لها بكلمته القديمة..

الكلمة اللي رددها عليها آخر أيامها في إيطاليا..

دمعت عيونها لما ادركت إنه ينتظر منها كلمة اخيرة..

ماقدرت تنطق مسمووح..ولا تبادله مشاعر الحب..

أبتعدت عنه وعيونها في عيونه..

تشوف حبه في عيونه..ويشوف الصد في عيونها..

تنهد بآآآسى وقبل يدها ..

دخلت مع الممرضات بأحد الغرف..

لبست ملابس العملية..وهي تقرأ كل اللي حافظته من القرآن..

طلبتهم تشوف ذياب قبل تبدأ العملية..

سمحوا لها بس من خلف الزجاج..

بكت على شكله والأجهزة حوله والاكسجين عليه..

قرأت عليه من بعيد ودعت الله يحميه..

سمت بالله و نامت بالبنج..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

أبتسمت وهي تسمع تعليق طالب على ولدهـ..

كان يكلم راجح وكل شوي يطلع بسالفة ولادة جديدة..

طالب\أقووولك ولد وحن في الملاهي..

طلع وصار يلعب معنا..

راجح\هههههههههههههه يالنذل ما احد ياخذ منك حق او باطل..

طالب\طيب خلاص باقولك الصدق والله يعيني اقووله..

لان لساني كذووب وإن ماكذبت او لفقت احس بشيء غلط..

راجح\الله يعينك على نفسك..

يالله قوول..

طالب\كنت امشي في الشركة وجنبي صاحبي..

إلا وجوالي يدق..عاد شفت الاسم وعبست وجهي وعقدت حواجبي ورديت..

تفاجئت بصوت ام زوجتي وأم أخوي تصرخ وتستنجد..

خير اللهم إجعله خير وش صاير..

إلا وتقول إلحق زوجتك زحلطن في الدرج وهي بتولد ومدري وشهو..

عاد أنا كنت باقفل الجوال واصكه في جبين صاحبي..

ألحين كل هذا الإزعاج عشان شوق بتولد..وانا حسبت إني ماسددت الفاتورة..

راجح فاطس ضحك من اول السالفة\هههههههههههه لا الحمدلله طلعت سلامات..

أنت مسدد الفاتورة تطمن..

طالب\إيه عاد تدري خفت يقولون ماسددت وانا مسدد..

المهم اتصلت بسيارة الإسعاف..

قلت انتوا فاضين..قالوا وش في خاطرك..

قلت ابد إذا كنتوا فاضين نبي فزعتكم المدام عندها ولادة..

وجاو واخذنا ام البطل المستشفى والبطل يسوق الإسعاف..

راجح\لبى اللي يسعف امه..

طالب\ههههههههههه بعد ماكسرها اسعفها..هب عليه من ولد..

أم غازي\أستغفر الله ياربي..

أنت متى بتعقل..؟؟كل هذا ذم في ولدك..

طالب\يستاهل مو هو اللي كسر أمه..كسر زوجتي..عصقوولتي..

شوق بتعب\هههههه خلاص طالب سامحه..

طالب\عشان عيونك الحلوين نسامحه..

ام غازي\كلمك غازي..؟؟

طالب\إيه كلمني وقلت له إنها ولادة في المستشفى وبخير..

ماجبت له طاري عن البيت و الكسر..

ام غازي\كذا احسن..الله يشفي ولدهـ ويقومه لهم بالسلامة..

والله ليتني عندهم..

المسكينة ما احد معها من هلها..

طالب\اممم بلى هلها عندها هناك..

راجح قالي إن اخوها كلمه وطمنه عليهم..

صبَاحَ الخِيرْ وِإنْ غَرّد عَلى ذِيگ السوَاقي طيرْ

صبَاحَه والضمَا والجُوعْ تلاعبْ غَفلةالسّاقِي...

مَادامِگ مِلْهِمِي يِسعِدْ صبَاحْ ٍالصّــد وَالتّقصِيرْ

صِبَاح آلبُعدْ وِإنْ حَرگ حَنِينْ أعمَاقِگ أعْمَاقِيْ..

صِبَاح تِزهِرْ أَورَاقه عَلى غِصْن العتَبْ نُوّيـرْ

يِبَللهَا نِدَى هَمسْ القلُوبْ وطِيفِـگ البَاقيْ..

تمرْ بخِيرْ هَالضِيقه مِنَ الخَاطِر تِمرْبخِيـرْ

تِغيبْ الشّمْس وِيغِيب الحَنِين وتسگنَ أوْرَاقِي...

فتحت عيونها بتعب..

وهي تحس بوخز موجع بجفونها..

بين رمشات جفونها لمحت عيونه تتأملها..

وإبتسامته تحييها..

حاولت تتكلم بس ماقدرت بسبب العطش..

حطت يدها على يدهـ..

نزل راسه وقبلها بحنية..

غازي بمحبة\الحمدلله ع السلامة يا أطهر ذنوبي..

هديل بوجع\ذذ......ذيــ....

غازي بهدؤ\الحمدلله بخير..

صحى قبلك بيومين..خوفتيني عليك..

هديا تبكي\ششــ....شفتك تموت..

غازي\وأنا شفتك تهربين..

أحبك ياهديل..

أبتسمت بألم..واشرت على رقبتها..

قرب منها كوب ماء ورفعها بخفة يشربها..

غازي\هششش بس شوي..لا خلاص..

أبعد الماء عنها وهي باقي عطشانة..

غازي\تحملي شوي..

هديل\باشوف ذياب..

غازي\الحين اجيبه لك..

وانادي امك وابوك..

غمضت عيونها تحبس دموع الخوف..

حتى وهي في العملية وتحت البنج مسيطر عليها..

حنيته مغلفتها القساوة..

أبتسمت وهي تشوف أمها وابوها عندها..

سلموا عليها وتحمدوا لها بالسلامة..

ابوعلي\اللهم لك الحمد والشكر..

مبرووك نجاح عمليتكم يابنتي..

هديل بغصة\نجحت عملية ذياب..؟؟

ابوعلي\الحمدلله نجحت وربك شافاهـ..

هديل\اللهم لك الحمد بعدد حملة عرشك وملائكة سماواتك..

الحمدلله والله رديت لي الروح يوبه..

ابوعلي\الحمدلله ..الحمدلله..

هديل\يوممه وش فيك..؟؟

ابوعلي\مافيها الا العافية..

هديل\يووومه..؟؟!

ام علي\...............

علي\الحمدلله على سلامتك وسلامة ورعك..

هديل\الله يسلمك..بالله عليك كيف حاله.؟؟

شفته احسن من اول..تكلم..؟؟

علي\صلي على النبي ياهديل..

توكم مسوين العملية..لازم ياخذ فترة وتصلح امورهـ إن شاء الله..

هديل\يوومه انتي شفتي ذياب..؟؟

علي بحنية\أمي مابترد عليك..

هديل\ليييه..؟؟يوومه وش فيك؟؟

علي\امس هاوشت غازي وتوطت في بطنه..

وطردته ما يشوفك..واليوم وصلنا المستشفى الا وهو قدامنا..

قال لنا إنك صحيتي وصرتي بخير..وبيروح يجيب ذياب..

هديل تناظر أمها\يووومه..؟؟

ام علي\الحمدلله على سلامتك..

أجر وعافية يا بعدي..

هديل\تعالي جنبي..

قربت منها ضمتها وبكت غصب عنها..

هديل\يومه إذكري ربك..ليه ضايقة كذا..

الحمدلله انا بخير وولدي بخير..

ام علي تبتسم\كنت خايفة عليكم..

هديل بهمس\صدق طردتي غازي امس..؟؟

ام علي\إيـــه طردته..

هديل\كيف طاوعك وراح..؟؟

ام علي\قلت له انا أم هديل..

و........... ولازم يطيعني..

هديل بتعب\فديتك ياروحي..

لاتزعلين أنا بخير والله..

ام علي بزعل\لاتحلفين وانتي كذابة..

بترجعين معي السعودية..

هديل\أكيد بأرجع معكم..الحمدلله تمت العملية..

ام غازي بحسرة\لاتقولين اكيييد يوومه لاتقولين..

قولي ان شاء الله..

ناظرت امها xxxxxة من نظراتها وزعلها..

وش صار بينها هي وغازي..

وليه طردته من عندي..؟؟

وليه شاكة إني بأرجع معهم..؟؟

أبتعدت عنها لما دخل غازي وذياب معه..

جلست بمساعدت علي وضمت ذياب على صدرها بمحبة..

بكت وهي تحس فيه تعبان..

نزلت وجها على صدرهـ وخبته فيه..

شمت ريحته وقبلته على صدره ورقبته ووجهه..

خرجت أمها لما شافت غازي جلس جنب هديل..

وهذا كان تصرف أبوها واخوها..

هديل تبكي\وش قال الطبيب..؟؟

غازي\تطمني..الحمدلله هو بخير..

هيل\وش صار وقت العملية..؟؟

غازي\أستخدموا الحبل السري اللي اخذوه منك بعد ولادة ذياب..

ومع اللي خذوهـ منك قدروا يحييون الالياف اللي حوالين النخاع..

والحمدلله هذا ذياب بخير..

هديل تبتسم\الحمدلله رب العالمين..

غازي بجمود\أمك مصممة ترجعين معها السعودية..

هديل بهدؤ\إيه إن شاء الله بأرجع معهم..

لما اتحسن أنا وذياب..

غازي\العلاج باقي ماخلص..

والسفر ماهو زين بحالة ذياب وحالتك..

هديل\أدري..ماراح نسافر الا لما يسمح لنا الطبيب..

غازي\وأنا مو سامح لكم..

هديل تتنهد\غازي ماهو وقت حرب وهواش..

متفقين نرجع بعد ما يتعالج ذياب..

غازي بغموض\وذياب الى الحين ما تعالج..

ما انتهى علاجه ولا علاجك..

هديل\انا مافيني شيء..

وذياب قد ما يلزم علاجه أنا مستعدة..

غازي\معناتها قولي لهلك إنك ماراح تسافرين معهم..

هديل ببرود\لا بأقول لهم يأجلون السفر..لحتى نقدر نسافر..

غازي بغيض\لاتعلبين معي..

أعصابي هذي الأيام ابداً ماتتحمل ..

وقبل لا تسالين..هذا تهديد مو نصيحة..

طلع من الغرفة..

وهي شدت يدينها حوالين ذياب..

وش اللي صار بينهم..

هو وأمـــي مو طبيعيين..

لازم اعرف ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

همي طواني واكثر الناس لا هيّن

ماحدٍ درا عني ولاحـدٍ نشدنـي ...

نزل في مطار روما..

يدري إن هله كلهم موجودين في إيطاليا..

بس مايبي يقابل احد منهم..

مايبي يقابل احد غير هديل..

مر عليها أكثر من اسبوع بعد العملية..

تمنى لو يشوفها ولو من بعيد..

توجه لأحد الفنادق ..

رمى شنطته اللي تحوي أهم الأوراق الخاصة بقضية غازي..

صلى ونام على سريرهـ..

غمض عيونه بس ماقدر ينام..

يحس بنار تاكل في صدرهــ ..

كل شيء صار واضح ومفهوم عندهـ ..

مايبي هديل تعرف اللي هو عرفه..

ولا يبي غازي يدري إن كل ماضيه صار عند هادي..

يتمنى لو يقدر يدفنه مثل ما طلعه من دهاليز النسيان..

أنسب حل لهديل هو إبتعادها عن غازي..

حياته كانت صعبة كثييير..

وقسوته وجبروته كانت نتيجة للي صار معه..

مايبي ينتقم منه ولا يفضح ماضيه..

كل اللي يخطط له هو إبتعاد هديل عن غازي..

لازم يتركها ترجع لـ هلها..

رد على جواله لما شاف اسم علي..

تطمن إنهم رجعوا السعودية..

وامه زعلانة على هديل وعليهم ..

جالسة جنبه في السيارة..

تحاول تكتم شهقاتها ماتطلع منها..

ناظرها بطرف عينه..

غازي\مايسوى كل هذا الزعل..

تحملي إسبوع مواعيد وبعدها ترجعين لامك..

هديل بقهر\هي قالت لي..

مابترجعين معي..وأنا قلت اكيييد بارجع معك يومه..

وطلعت تعرفك اكثر مني..

غازي\إن عرفتني أمك أكثر منك هذا خطاك ماهو خطاي..

هديل\أنا ابي اعرف وش صار بينك وبينها..

أمي كانت معي ولا هي معي...

فيه شيء كبير مضايقها ومزعلها..

كل ماشافتك صدت عنك..وكل ماشافتني ادمعت عينها..

غازي أنت وش سويت لامـــي..؟؟

غازي بغموض\في المزرعة بتعرفين..

هديل\لا الحين ابي اعرف..

وبعدين انا قلت لك ما ابي ارجع المزرعة ما ابيييييييييي..

غازي\لازم ترجعــــين..

كمل طريقه وهي بكت لما تذكرت وداعها لأمها..

هديل برجاء\يوومه خليك معي..

اخلص مواعيد ذياب ونرجع مع بعض..

ام علي بزعل\لايومه..ابوك واخوانك بيقدرون يرجعونك..

انا ما اقدر على شيء..

هديل بغصة\ما احتاجهم كثر حاجتي لك..

ام علي تبتسم بحسرة\بكرهـ ترجعين وبتكونين بخير..

حلفتك بالله يا هديل..لاتسوين شيء ما انتي مقتنعة فيه..

أنتبهت على السيارة واقفة عند القصر..

نزلت من السيارة ووقفت مكانها..

تبي تروح الملحق..

بس هو مسك يدها وشال ذياب منها..

اخذها معه لــ داخل القصر..

صابتها نفس حالة الحنين..

كل شيء حوالينها له ذكريات..

وإن كان اقل قليلها ممتع..

إلا إنها ذكريات مغلفة بالقسوة..

أخذت ماريا ذياب من يدين غازي..

وأمرها تخليه معها..

دخل المكتب ويدهـ في يدها..

جلسها وجلس جنبها..

غازي بهدؤ\تبين تعرفين ليه أمك زعلانة..؟؟

تمنت لو تقول لا ما ابي اعرف..

لو تهرب من قدامه ووتخبىء بعيد عنه..

ليه خايفة من اللي بيقوله..

ليه تحس إنها تحتضر وأنفاسها بتفارقها اول مايتكلم..

غازي\أولاً جاوبيني..

أنتي ناوية على الفراق..؟؟

هديل بخوف\لاتظن إني راضية على اللي بيصير..

أنا ابي الطلاق لاني ادري مانقدر لبعض..

انا مستحيل اسعدك او ارضيك..

ومستحيل اقدر انسى اللي صار بينا..

تنازلت عن حقدي عليك هذي الشهرين..

دفنت انتقامي منك عشان اعالج ذياب وبعدها نفترق..

بينا وعد..

غازي بجمود\صح بينا وعد..

وقلنا لما يتعالج ذياب نفترق..

بس يالغاليـــة..ذياب بعدهـ ماتعالج..

هديل\الحمدلله عمليته نجحت..

غازي\نجحـــت..؟؟

صح هي نجحت لمدة الثلاثة اشهر القادمة..

أو الستة اشهر..او السنة..

أكثر من سنة ماراح يتحمل الا بعملية ثانية

يمكن اخطر واكبر من هذي..

شهقت بخوف ووقفت..

هديل بغصة\ببـ.....بســ هم قااالوا..........

وقف وقرب منها..

غازي\أدري وش قالوا..بس النتائج عكس ما قالوا..

فيه طريقة ثانية لعلاج ذياب..

لا أنا ولا أنتي نقدر ننقذ أليافه..

هديل بصراخ\لااااااا..

لاتقووول بيموووت..هم مو الله..

مايقدرووون يحكمون بمووته..

مالهم حق يقولون بيمووت..

غازي\ذياب محتاج أخ ..

من مشيمة اخـــوهـ نقدر ننعش ألياف ذياب..

وبكذا وبقدرة الله نمنع عنه الشلل والعمى..

محتاجين اخ لذياب يا هديل..

أحس بالرعشة تعتريني

و الموت يسترسل في وتيني

و موجة الإغماء تحتويني

فقربي مني و لامسيني

مري بكفيك على جبيني

و قبل أن أرقد حدثيني

قصي علي قصة السنين

حكاية المشرد المسكين

طوف عبر قفره الضنين

يشرب من سرابه الخؤون

و يشتكي النجود للحزون

و جرب الغربة في السفين

و هام في مرافئ الجنون

كسندباد أحمق مأفون

و عاد بالحمى و بالشجون

محملا بصفقة المغبون..

المرحووم بإذن الله تعالى ..غازي القصيــــــــــبي ..

شهقت بخوف ووقفت..

هديل بغصة\ببـ.....بســ هم قااالوا..........

وقف وقرب منها..

غازي\أدري وش قالوا..بس النتائج عكس ما قالوا..

فيه طريقة ثانية لعلاج ذياب..

لا أنا ولا أنتي نقدر ننقذ أليافه..

هديل بصراخ\لااااااا..

لاتقووول بيموووت..هم مو الله..

مايقدرووون يحكمون بمووته..

مالهم حق يقولون بيمووت..

غازي\ذياب محتاج أخ ..

من مشيمة اخـــوهـ نقدر ننعش ألياف ذياب..

وبكذا وبقدرة الله نمنع عنه الشلل والعمى..

محتاجين اخ لذياب يا هديل..

هديل بحيرة\أخ..؟؟!

غازي بهدؤ\إيـــه أخ..

أنتي امه وانا ابــوهـ..

أبتعدت عنه بخطوات مهزوزة..

وهي تردد كلامه بصدمة ومن غير وعي..

هديل\أنا أمه..أنــ...ــا ؟؟

ذياب يبي أخ..وأنا أمه..؟؟

أنت مجنون؟؟!

غازي\مجنون؟؟

لا مو مجنون..وعلاج ذياب عندك أنتي..

حقنوا الالياف وقدروا ينعشونها..

بس محتاجين مورثات جينية حتى يمنعون تلف الألياف..

لأن تلف الألياف ممكن يسبب له شلل كامل أو عمى..

ذياب محتاج أخ يساعدهـ وينقذهـ..

دارت بمكانها وهي تسمعه يتكلم..

مررت يدينها على وجها ورقبتها..

حست إنها مخنوقة وماتقدر تتنفس..

علاج ذياب عندك انتي..

علاج ذياب عندك انتي..

هديل بصراخ\خلاااااااااااص..

أسكت لا تكمل كلامك..

كل كلامك كذب وتلفيق..

ذياب علاجه عند ربه ماهو عندي..

أنا ما اقدر أعالج ذياب..ما اقدر أعطيه اكثر مما عطيته..

لاتحاول تجبرني عليك وعلى حياتك..

لا تستخدم ذياب في حربك يا النذل..

غازي\الموضوع اكبر منك هذي المرة..

ماراح اخلي ذياب يتعب وانا اقدر اعالجه..

مستحيل اشوف ولدي يتعذب مثل ماتعذبت اخته من قبله..

ذياب بحاجة أخ..ولازم تجيبين له اخ..

هديل بقهر\ما اقـــــــــدر..

مستحيييييييييييييل..لا لا لا..

انت واحد مجنون ومنتهي..أنت مجنوووووووووون..

أكرههههك أكرهك..

رووح تزوج..خلف وانقذ ولدك..

أنا ما اقدر أساعدكم اكثر ما اقددددددددددر..

لا تطلب مني ولا تتفرعن علي..

أنا باخذه وارجع السعودية..

والله بيتلطف فيه وبحاله..

عش حياتك متوحد وظالم وقاهر..

بيجي لك يوم والله ينكبك بكل ذنوبك..

غازي بجمود\لازم تهزمين خوفك..

وتتنازلين عن قناعاتك..

ذياب أهم منك عندك صح..؟؟

هديل تبكي\لا مووو صح لا..

أنت تتمنى هذا الشيء يصير..

بس ماراح يصير لا لا ..

غازي يتجاهل كلامها\سنة ياهديل..

ويمكن تنتكس حالة ذياب..هذا كلام الطبيب..

هديل بعجز\رووح لـ الطبيب وقله..

قله مانقدر نجيب اخ..

قله أنت وش سويت فيني..

قووول كيف قتلتني..قوووله إني أكرهك..

إكشف لهم ليييه ما اقدر انقذ ولدي ..

قل لهم إنك عذبتني مووووتني..

انا ما اقددددددددددر..انت السبب أنت..

الفكرة تذببببببببببح..

الله يقهرك مثل ماتقهرني..

غازي يقرب منها\تقدريـــن..

والقهر ذقته قبل لا اعرفك..

وشربته بعد موتك..

مابأخلي القهر يأكل باقي حياتي معك..

إنسي اللي صار يا هديل..

صرخت بوجهه بكلمه آآآآآآآآآآهـ بكل صوتها..

وهي تشد على شعرها وتضرب الأرض بارجولها..

شالت كل اللي على مكتبه ورمتها عليه..

كسرت الفازات الموجودة قدامها..

الكتب المرصوصة رمتها على الارض..

قطعت اوراقه..

هديل بإنهيار\لاااااااااااااااا. .

ماراح انســــــــــى..

ماراح انسى اي شيء إنت سويته فيني..

كيف أنسى وأنت كل يوم تزيد في خطاياك..

كل يوووم تبني جسوور بينا كييييييييييف؟؟

ماراح انسى كرهك لي..ولا حقدك..

ماراح انسى إني خسرت حياتي وهلي ودراستي..

أبوي وامي واخواني..خسرررررتهم..

صارت علاقتنا كذبة نحاول نصدقها..

أنا ميته بس مالقيت لي قبر يضمني مالقييييييييييييت..

مابأنسى كلام الناس عني وأكلهم في لحمي..

ما ابي ارتبط فيك لآخر عمري..

أنت بتنسى كل شيء..بس أنا ما اقددددر أنسى ما اقدر..

ذياب وكاسر ظهري لأنه بيظل يذكرني بحياتي معك..

بإجبارك لي على نفسك..

ما ابي أخووه يربطني فيك بذكرى تقهرني..

ما ابي حياتي كلها تكوون قهـــــــــر ما ابــــــــــي..

خرجت من المكتب وتركته يناديها..

كرهت القصر وكل اللي فيه..

فتحت الباب الرئيسي وخرجت..

ركضت هاربة منه ومن القصر..

من صوت ذياب ومن كل ذكرى تمر فيها..

دخلت الإسطبلات وهي اللي كانت حالفة ماتدخلها من بعد ماضربها..

ناظرت الخيول بحضائرها..

دخلت الحضيرة اللي ضربها فيها..

تجمعت الدموع بعيونها..

وهي تتذكر حالها تحت يدينه..

يضربها بسوطه وهي تصرخ تترجاهـ يسامحها..

بكل قهر أخذت السوط من على أحد الحواجز..

وصارت تضرب على الأرض في المكان اللي كانت طايحة فيه..

هديل تبكي بقهر\جاااارية..طول عمرك بتظلين جااارية..

مجبووورة تظلين معه..كل شيء بينعاد..

ياجارية يا رخيصة..مالك غيرهـ..

يهينك ويقهرك ويجبرك على حياته..

أكرررررررررهك يا هدييييل اكرهك..

ليييييييش مامتي..ليييه رجعتي لهم..

لييييييييه مامتي من سنين..؟؟!

باعوك جارية وتظلين جارية أكرهك أكرهك..

ألتفتت على صوته يناديها..

رمت السوط عليه بقوووة..

هديل بنحيب\كمل اللي بديته..؟؟

الجارية رجعت..اضربها وعاقبها على هربها..

اضرب زوووجتك يا محترم..

أجبرها على نفسك وعذبها..

مارس عقدك يا مريييض يا معقــــــد..

إجلدها بسوووطك..أترك آثار وعلامات..

اوسمها بوسم الجواري..

ماهو مابقى لها غيرك..

أعترفت خلاااص مابقى لي غيرك..

خذيتني منهم ولما رجعت ومالقيت لي مكان بينهم..

لأني مو بنتهم اللي تركتهم..

أبـــــــي هديييل..رجعها لي أبييييييها..

ابي حالي وين وديتني وييييييييييين؟؟

بأي حفرة دفنتني..؟؟رجعني ليييي رجعني..

قرب منها ضمها له ..

وهي حست برجفته اقوى من رجفتها..

مستحيل يكون المك اقوووى..

بكت وهي تشكي له منه..

تشكي غازي القديم الظالم..

لغازي العاشق المتيم..

بعدت نفسها عنه..

وجلست على ركبها ..

مررت يدينها على القش وهي تتذكر كيف زحفت عليه..

لما كانت تحاول تهرب من سوطه وضربه لها..

هديل بألم\ترجيتك ترحمني..

ليه ضربتني؟؟ماظلمتك ولا غلطت عليك..

ليتك ماضربتني..كنت صغيرة كيف قويت تضربني..؟؟

كنت اصرخ واترجاك توقف ضرب..

لييييه ماوقفت..لييه ماعاقبتني باي شيء ثاني؟؟

ليه مارحمتني وانا كنت اتوجع واصرخ من الألم..

وجعتـــني كثييير..

زعلت منك..وشلت بقلبي عليييك..

كنت تضربني وتقسى علي..بس بعدها تحاول تراضيني..

بس بعد السوط ماقدرت اسامحك..أنا إنسانة مو بهيمة..

إنســـــــانة يا قاسي يا جلمووود..

صوت السوط وهو يضرب ظهري لازال يرعبني..

كرهتك..وكرهت أمك وهلك كلهم..

كرهت شووووق وطالب..

وبأظل أكرهك ولو عشت معك طول عمري..

غرامك مايشرح الصدر..ولا يرضيني..

صدقني لو تكرهني يمكن اتقبلك..

مرت من جنبه ورمت القش اللي بيدها على الأرض..

وقف قدامها ومنعها تطلع..

حط يده على كتفها وهي رفعت راسها له..

مد لها السوط وعرفت معنى تصرفه..

إضربيني مثل ماضربتك..

أخذت السوط من يدهـ ورمته..

هديل بغصة\لازلت تجهـــلني..

السوط شوهني..وآثارهـ مابتختفي مني..

نار ضربه تشب في ظهري..

ما اوصل لقسوووتك..ولا لي قوة قلبك..

ما أقدر أضرب عدوي ولو كان كافر..

فكيف أضرب زوجــــي ..؟!

غازي بحنين\حتى أنا فاقدها..

مشتاق اشوفها..أقابلها..

أعتذر منها على غدري لها..

ولأني أخذتها علاج لسنين وذنوب مالها علاقة فيها..

أبيها تدري إنها زوجتي وكل ضمة وقبلة كنت اعطيها لها كانت حلال..

مشتاق تصرخ علي وتضربني..

تتمرد وتوعدني تهرب ولا ألقاها مرة ثانية..

ابيها تعرف إن كل اللي سويته فيها ندمت عليه..

من صفة الجارية..من اسم رسل..من تجبر وضرب بالسوط وغيرهـ..

حتى مراقبتي لها ودخولي غرفتها من دون اذنها..

بتضييق الدنيا حوالينها وتشكيكها بوعيها وهذيانها..

عشت بكذبة موتها..ندمان على كل كلمة وكل جرح..

أتذكرها حتى وانا نايم..

اشوفها في عيوني..في يديني..

في مكتبي وغرفتي..في الماء..

ومع طيور السماء..

أتخيلها تكلمني..تهمس تترجى..

وهمساتها اللي مافارقتني ..هي دعوتها الصادقة علي..

بان الله مايبيحني ولا يحللني على كل شيء سويته فيها..

ما ابيها تسامحني..أبيها تسامح حالها..

ابي هديل اليوم تتصالح مع هديل الماضي..

عشان تعيش ولو من دووني..

المهم ترجع تضحك..تدرس..تكمل حياتها..

تطوي سنواتها معي وتنساها..صعب علي أتركها..

قولي لها صعب اتخلى عنها وابتعد..وبأظل أعاندها واعاند نفسي..

بس في النهاية غلاها بينتصر علي..

قولي لها تحاربني لاني من الو يوم شفتها هزمتني..

من اول ماعرفت إنها وافقت تجيني جارية ..

صارت اكبر مني ومن هلها..

ومن بعد مامسحت بطرحتها على وجها..

بعذر امسح دموعها عشان تظهر صورتها واضحة..

بس الحقيقة كنت أتاكد إن قدامي آدمية..

تكون زوجتي من دون علمها..

أول مرة شفتها عرفت إن كل شيء بيتغير..

جيتيني بآخر عمري..

وتمنيت لو قابلتك قبل أتحول لصخر جلمود..

هديل بآسى\البقاء في راسك يا ابو ذياب..

هذيك ماتت..ماتت مقهـــورة..

ليتها عرفت من تكون قبل تموت..

يمكن كانت بترجع لك..

اللي يموت قهـــر..مايذكر وصاتــه..

صدت عنه ورجعت القصر..

دخلت وهي تبكي..

قابلت ماريا ومعها ذياب..

ناظرتهم بحقد وقهر..

صدت عنهم وطلعت الدرجات ..

وقفت بالممر..

وتعلقت عيونها على باب جناحه..

وكأنها تشوف آخر مرة دخلت هذا الجناح..

لما كانت مرعوووبة وتصرخ وتستنجد..

في هذيك الليلة أجبرها وهي ماتدري إنها زوجته..

غمضت عيونها وعضت على شفايفها بحسرة..

عسى السحاب اللي تكاشف بروقه

تمطر هماليلـه علـى دار الاحبـاب ..

وتسيـل وديـانـه وتــروى عـروقـه

وياخذ ثـلاث ايـام والوبـل صبـاب ..

ديــرة ولـيـف كــل زيـــن يـلـوقـه

وبينـي وبينـه وقفـت كـل الاسبـاب ..

عـزالله ان عيـنـي لشـوفـه شفـوقـه

وفرقاه داي وشوفته كـل الاطبـاب ..

ضحكت غصب عنها وهي تحاول تخفي إبتسامتها..

وقفت في الصالة وعينها بعينه..

راكان\هلا والله ومرحبا..

أسفرت وأنورت واستهلت وأمطرت..

حي الله الغالية بنت الغالي..

أم الغالي..

غادة\هههههههههه الله يحييك..

راكان\نورتي بيتك يا ام سلمان..

غادة بخجل\منور بهله..

راكان يقبل جبينها\الله يسامحك..

الحين وجهي وزولي ينعاف..؟؟

غادة\ههههههههه مالي دخل..

ولدك هو السبب..

راكان\ترى مثل ما وصيتي..

كل العطورات والخرابيط..

في المجلس الخارجي حطيتها..

عشان مايكون لك عذر وتهجين..

غادة براحة\الحمدلله..أهم شيء شلت العطر هذاك المركز..؟؟

راكان\أهديته السكيورتي في البنك..

غادة تبتسم\الحمدلله يعني خرج من بيتنا..

راكان\أبشرك خرج..

غادة بمحبة\أعذرني ياراكان..

بس والله ماكنت طايقتك وكارهتك..

راكان عقد حواجبه\وتقولينها في وجهي..؟؟

غادة\ههههههههههه أحبك..

راكان\هههههه يافديتك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

أحب آلصدق وأعمل به كسبت أو كنت أنا آلخسرآن

ولـــو صـــدقي يخسرني تشـــرفني خسارآتي...

وقفت أم خلود بصدمة..

وخلود نزلت راسها خجلانة من أمها ولا تقدر تواجها..

ام خلود\تفضلين الشايب على شاب..

عنبوا ابليسك طالبك ومتعني لك ثلاث مرات..

لو مايغليك ماطلبك..والشايب اللي مافكر اصلاً يطلبك تبينه..

خلود\إيه ما ابيه..

خريج سجوون راعي مشاكل يتهاوش مع ظلاله..

بزر عقله بحجم البذرة ما يناسبني..

أنا ابي اتزوج الشايب لانه عاقل ورزين..

ما بيهاوش الناس ليه داخلين حارتنا..

ولا ليه يكلمون في الجوال..

ام خلود\يابنتي الشايب ماخطبك..

لا تخليني احلف ماتروحين عيادته ولا تزورينه..

خلود\يوووومه لا تكفين لا تحلفين علي تكفين..

والله إنه طيب وصادق..

لاتحسبينه يلعب علي او يحاول يستغلني..

أنا ماني هبلاء عشان يلعب علي..

أنا عاقلة وكبيرة..

وبصراحة يومه أحسه يتمنى اول مايشوفني لو يشوتني برا العيادة..

ام خلود\مرام يابنتي عطيني عنوان ولد اختك..

بنحول حالة خلود عندهـ..

انا ما أنكر ان الشايب ساعدك وصرتي احسن من أول..

كفاية محبتك لابراهيم وحنيتك عليه الحين..

ولا بانسى جميله معنا..بس تفكيرك ماحبيته..

قالت الشايب احسن لها..بكرهـ يموت ويخليك..

خلود\وإذا مات الله يرحمه..

أبوووي مات قبله وشوفيني حية مامت..

وبعدين المجرم ولد أخت مرام وش تبين فيه..

هذا مايعرف شيء..إذا رحت له بيعلمني كيف اقتل..

وكيف اشخط الناس بسيارتي واقوول سوري ما اقصد..

توهـ بزر وطايش..عقل الشايب يسواهـ ويسوى عشرة دكاترة مثله..

مرام بشهقة\ألحين مسفر بيعلمك الإجرام..

والشايب عقله يوزن مسفر وطوايفه..؟؟

خلود بتحدي\إيـــــــــــه وإذا عندك غير هذا الكلام..

أثبتيه بالدلائل والبراهين..

بتنكرين ان ولد أختك كان بيذبحني..

مرام بقهر\ليته ذبحك وساواك بالزفلت..

لا يا خالتي وضع الخبلة هذي ماينسكت عليه..

أجل تبي الشايب وعينها عليه..وعايفة الشباب الحلووين..

أنا كنت ناوية اخطبها لولد أختي مسفر..

الدكتوور الشهم..بس شكل مافيه نصيب وهذا تفكيرها..

ام خلوود\لا تاخذين على كلامها..

ماتعرف مصلحتها..ومسفر ماعليه قصور..

خلود\لا والله..مابقى الا أتزوج مراهق مفحط..

لا عيوني غير الشايب ما راح أخذ..

مرام\ألحين الشايب طلبك لـ الزواج..

عطاك وجه وقال باجي اتزوجك..؟؟

خلود\لا ماقال..

مرام\أجل ليه تهاوشين وتقولين مابتاخذين الا الشايب..

وهو لا عبرك ولا درى عن هوى دارك..؟؟

خلود\يقولون أخطب لبنتك قبل تخطب لولدك..

وانا بأخطب لنفسي الشايب..

ام خلود\والله يا خلود إذا ماعقلتي من هذا الكلام لأزعل عليك..

خلود\هههههههههههه يووومه فديتك امزح والله أمزح..

مستحيل اخطبه..ولو انا اعرف في الأصول..

بس إن خطبني رضيت فيه..وغيرهـ لا ما ابي..

مرام\يعني لو يخطبك مسفر مابترضين..؟؟

خلود بحقد\لا ماراح أرضى..

مرام\وإذا خطبك الشايب بترضين..؟؟

خلود\إن شاء الله بأرضى..

مرام\مبرووك خالتي صرنا اهل..

خلوود\خييييييييير يا الأهل..

قلت الشايب ماهو ولد أختك..

مرام\أدري ياقلبي..الشايب قريب لنا..

يصير جدي وجد اختي الله يرحمها..

واسمه مسفر..اختي سمت ولدها باسم جدنا..

خلود\ياشييييينه..سميتوا الضب باسم الأسد..

مرام بوعيد\هييين يا خلووود..

إن ماطلعت كلمة الضب من عيوونك ما اكون مرام..

خالتي تعالي أبيك بموضوع خاص..

ابي اعطيك مواصفات الشايب المنحوووس اللي بيخطب بنتك..

خلود\لا تسبينه فديت الشايب..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛

إجمعيــــــــنا يــ الأمـــاكن ..

وإكسبـــــي فينا ثـــواب ,,,

مر عليها اليوم الثاني وهي في غرفتها..

ماطلعت منها من امس..

من بعد اللي صار بينهم..

حتى ذياب ماتبي تشوفه..

تركته مع ابوه ومع ماريا..

تتمنى لو يرجع الزمن..وماتقابل راجح..

ولا تروح السفارة ويلقاها..

لو ظلت متخبية منه..وميته له ولهم..

بدلت ملابسها بالملابس القديمة لها..

ملابس كانت تخص هديل الأولى..

تلمست قميص قديم لها..

كانت تحب تلبسه..

وسيع ويخفي معالم جسمها عنه وعن غيرهـ..

لما تشوفها صوفي لابسته تتمسخر عليها ..

ضمته لها وكأنها تضم اللي كانتها بيوم..

تسألت بألم..

هل بكــــــاني أحد من العالمين..

كما بكيــت أنا نفســـي..؟؟

هل نـــعاني سرب الحمام ..

بعد رحيـــلي ..

أم أكمــلوا هجــرتهم إلى المستقبل دونــي..؟؟

هل إشتــــاقني أحدهم..

كما اشتقت انا لذاتـــــي..؟؟

كم اشتــاق لتلك الصغيرة اللتي كنتـــها..

لازلت اسمع أنيـــــنها..

أسمع همسها الخافت..

ترجوا الظـــلام عتقـــها..

أرى أحلامها مبنية من الرمال..

وتنهدم بهيجان ذاك الجلمود..

صغيـــرتي أنـــا:

لم تموتــــي منسيـــة..

لــن تُطــوى ذكراك..

قتلوك يا أنـــا..

ونجـــوا بفعلــــــتهم..

ليتنــــا نلتقي اليوم..

هنا بغرفتـــــي..

أو بعريـــن ذاك الاسد..

نلتقي لتري أي هديل اصبحت انا اليوم..

لم اختلف عنك كثيـــراً..

فلازلت ابكــــــــي..

وألقي بــ التحدي واُهـــزم..

ولكنـــي يا أنـــا..

لم اعــد أعرف لــ الغفــران طريــقاً..

بقلمي..

سحبت بلوزة لونها أحمـــر..

كانت دائماً تتأمل البلوزة..بقصتها الجريئة..

وتتخيل لو تلبسها ويشوفها غازي..

كانت من مجرد الفكرة تخاف ولاتلبسها..

قررت تلبسها اليوم..

وماتترك شيء بخاطر هديل القديمة الا وتسويه..

حست بشيء غريب موجود داخلها..

مدت يدها جواتها ولما لمست اللي فيها..

غمضت عيونها وهي تتذكر وش مخبية داخل بلوزتها الحمراء..

طلعتها وكانت ميـتــــــة ومنتهية من سنيين طوويلة..

هذي الوردة اليتيمة اللي أهداهــا لها باحد الأيام..

لما كانت هي على البلكونة وهو في الحديقة..

أول رجل يهيدها وردة..

بغض النظر إنها جاريته وهو سيدها ..

كانت اول وردة..

همست بعتب\ليه احتفظتي فيها يا أنـــــا ..؟؟!

همست مرة ثانية لما استغربت تصرفها..

خبت الوردة تحت وسادتها..

\\ليه تحتفظين فيها يا هديــل..؟؟

رفعت راسها وهي تمسح دموعها..

غمضت عيونها بتعب وهي تتألم من ظهرها..

تسمع كلام أمها وتضيق أكثر..

غصب عنها متضايقة ومكتئبة..

ولادتها كانت صعبــــة وقاتلة..

والم الحوض عندها يجبرها تظل متسطحة ماتتحرك..

كل شيء يضايقها..

إن حست بالبرد تضايقت وتذمرت من كل شيء..

وإن أكلت أو شربت تذمرت..

وتظل طول الليل سهرانة وتبكي..

ولما تسمع صوت ولدها يبكي..

تبكي وتطلب أمها تخرجه من غرفتها..

حتى طالب لما تشوفه تحس بقهر كبير منه..

تنفر من وجودهـ..

ماتحب تسمع صوته ولا تتكلم معه..

تفهم تصرفاتها بعد ماقالت لهم الطبيبة..

إن شوق تعاني من إكتئاب مابعد الولادة "أســى الأمومة"

وبعد فترة من ولادتها بتتحسن وترجع لطبيعتها..

ناظرت في امها بزعل..

وهزت راسها رافضة الأكل..

شوق بتعب\الحمدلله يومه مو مشتهية..

ام غازي\لا اله الا الله..

شوق خافي ربك..أنتي والدة وترضعين..

حوضك مكسوور ومحتاجة ما يشد حالك..

كلي ولو عشان وليد ياقلبي..

شوق\إن شاء الله..

بس بعدين مو الحين..والله ما اقدر اكل الحين..

ام غازي تتنهد\طيب بعد نص ساعة احضر اكلك..

شوق بغصة\طيب..

ام غازي\ليه تبكين الحين..؟؟

شوق تبكي\ولاشيء..

ابي أنام يومه..خذي وليد معك..

ام غازي\خلاص باخذه معي في الصالة..

وأنتي نامي وأرتاحي..

طلعت أمها ومعها وليد..

وهي تغطت بمفرشها وبكت بصوت مكتوم..

ماتدري ليه كل شيء ضايقها زمان تتذكرهـ الحين..

تتذكره ويزيد بإكتئابها..

واكثر فكرة مسيطرة عليها..هي هديل..

كيف كانت لما ولدت..؟؟

هل حست باللي تحس فيه شوق..

أو حالتها كانت اسوء واقســى..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

الصباح اليوم ماهو صبح عادي

كان برد أحساسنا واضح علينا ..

نحتري من يقهر الصمت وينادي

بـ النظر لو كان حتى ماحكينا ..

جلست على الكرسي وتجاهلت ذياب اللي ركض لها..

نزل من حضن ابوهـ لما شافها..

لم يدينه حوالين ارجولها وحط وجهه على ركبها..

ناظرته بطرف عينها..

وحاولت قد ماتقدر ماتلين معه وتشيله..

عضت على شفايفها بألم..

لما عضها على ساقها بقوووة..

وكأنه يحتج على إهمالها له..

مايكفيها يومين وهي ماتدري عنه..

ولما يضمها تصد عنه..

أبتسمت له لما شافت علامة الزعل والبكاء على وجهه..

مدت يدينها ورفعته بحضنها..

قبلت جبينه تطلب رضاهـ عليها..

لم يدينه حوالين رقبتها وفتح فمه وحطه على خدها..

وهذي كانت حركته الدائمة معها..

واللي دائماً تخليها تضحك وتبعدهـ عنها بسرعة..

بعدته عنها ووثقته بحضنها..

صدت عن ماريا وماردت عليها..

لما سألتها إذا حابة تشرب شيء..

أنسحبت ماريا بعد ما أستئذنت من غازي..

وهديل منزلة راسها ملتهية مع ذياب تفــطرهـ..

رفعت راسها وطاحت عينها في عينه..

ماتقدر تفسر نظرات عيونه..

بس تشووف الإجاب اللي دائماً يظهرهـ لها..

لبست بلوزتها الحمراء واللي كانت من إختيارهـ بأيامها في باريس..

سرحت شعرها وتركته مرمي على ظهرها بحرية..

ومع لون الهاي لايت وجسمها من خلال البلوزة..

كان منظرها رائـــــــع..

هي ماتتجمل له..عشانه..

تتجمل لحالها..

لزوجته المنفيـــة من سنين..

شربت قهوتها وحست بمرارتها قوية..

أدركت إن المرار يسكن بداخلها هي..

لان فكرة أخ لذياب هاجمتها..

وقفت بسرعة طلعت من غرفة الأكل..

جلست في الصالة وهي ضامة ذياب..

أخ لذيـــاب..

كيف تجرأ يقولها بكل ثقة..؟؟

كيف قدر يطعنها فيه وهو يعرف كل اللي صار معها..

لحظات حملها..عماها ..معاناتها..

والأدهى ولادتها..

ينتظر منها توافق وتسمح له يلمسها..

فزت من الفكرة ومن يدهـ اللي أنحطت على كتفها..

بعدت يدهـ عنها وناظرته بحدة..

هديل بجمود\ماعندي شيء أعطيك إياهـ..

لا انت ولا ولدك..

أنت تزوج..بيكون أخوهـ..

أكيد بينفعه ويساعدهـ بالعلاج..

غازي بحنية\أنسي هذا الموضوع..

ماراح اجبرك على شيء..

هديل\لاتنسى الموضوع اكبر مني..

ما اقدر أقدم لذياب شيء..

انت ملزوم تأمن حياته..

هو ولدك ومحتاج إهتمامك..

هذا هو الحل..ذياب يبي اخ..

وهذي مهمتك أنت..

غازي\لازم تكونين أنتي أمه..

هديل تقاطعه\لا تطعني بهذا الشكل..

خلاص سيفك إرمـــه..وأرحمني..

انا ما اقدر أنجب أخ لذياب..

لأنـــي شلت الرحم بعد ولادة ذيـــاب..

أبتعدت عنه ووقفت بسرعة..

أنتبهت على ماريا..

تخبرهم إن صوفي وماكس موجودين في المزرعة..

طلعت لغرفتها لبست جاكيت طوويل..

ولمت حجابها على راســـها..

التفتت بسرعة لما سمعت باب غرفتها ينفتح..

عصبت وكانت بتسبه..

بس أبتسمت بمرح لما شافت صوفي داخلة عندها..

رحبت فيها وضمتها بقوووة..

صوفي\كيف حالك اليوم..؟؟

هديل\الحمدلله أنا بخير..

صوفي\لقد رأيت وولفي..يبدو بصحة جيدة..

هديل بهدؤ\نعم..هو بخير الآن..

صوفي بهمس\أين ذاك الشقي الصغير..؟؟

اين يختبىء؟؟

هديل\ههههههههههه عبدالله..؟؟

صوفي بقهر\نعم هو..لا اقصد زوجي بل قريبك..

هديل\هههههههههه لقد عاد الى الوطن..

صوفي بزعل\لااااا..لم انتقم منه على مافعل بي..

هديل تبتسم\سانتقم لك أنا منه عندما اعود إلى هناك..

صوفي\سأرسل له بعض الملابس المناسبة له ولحجمه..

أرئيتي كيف أجبرني ان اغير ملابسي..؟؟

هديل\ههههههههههههههه فديت قلبه..تستاهلين..

صوفي بقهر\وجع..

هديل\ههههههههه نعم لقد اجبرك على تغيير ملابسك..

وكم تمنيت لو إستطاع إقناعك بإرتداء الحجاب..

صوفي\ديل لقد قابلت مسلمات هنا وبمدن آخرى..

لا يرتدون الحجاب رغم أنهن عربيات مثلك تماماً..

هديل\صوفي إرتداء الحجاب أمر من الله..

وإن تركه البعض من المسلمات فسيحاسبهن الله على ذلك..

صوفي\لقد البسني أحد حجابات سارا..

قائلاً باني ابدوا اجمل..

وأن شعري له لون يشبه لون شعر هووني..

هديل بشهقة\عسوولة..؟؟قال لون شعرك يشبه لون شعر عسوولة..

صوفي\نعم هووني..قال بانها ملكة جمال عالمية..

ولكني لم اسمع بها من قبل..بحثت عن صورها ولم اجد لها صورة واحدة..

هديل\ههههههههههههههههه..

صوفي هوووني تكون جدتي..هههههههههههههه

صوفي\هل كذب علي ذاك المحتال..؟؟

هديل\ههههههههههههههه نعم..

صوفي\ليته موجوداً الآن..ساقتله..

هديل\ماذا حل بفستانك اللذي أعدمه عليك..؟؟

صوفي تضحك\هههههههههههه لقد رميته..

هديل\الله يسامحك..كان رائعاً..

صوفي\ديل يارثت الثياب..

لقد أحضرت معي صندوقاً يخصك ياجميلتي..

هديل\ماذا..؟؟

صوفي\امممم عندما غادرت المزرعة..

وعدت لعالم الأزياء..كنت اصمم تفاصيل خاصة بك أنتي..

وأحتفظ بها بركن خاص في دار الأزياء..

لم اقدمها لك عندما تقابلنا وأنتي حامل وبعد ولادتك..

فلم تكوني لتسعدي بها او ترتديها..

واليوم بعد ان عدتي لزوجك النذل..وابنك اصبح بصحة جيدة..

ارى انك تستحقين ان ترتديها..

هديل بمحبة\كم احبـــــــك صوفي..

صوفي بغصة\وأنا احبـــــــــك..

ضمتها بقوووة وبكت بحضنها..

هذي صديقتها بايامها الاولى هنا..

وصاحبتها بأيام ولادتها ومعاناتها بغربتها..

حمدت الله إنها أسلمت وصارت أختها في الإسلام..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛

خرجت من دورة الميــاه وهي مبسووطة..

حاولت تخفي ملامح وجها عن راجح وعن الموجودين..

بس إبتسامتها مارضت تتخبى عنهم..

شوق\دووم الفرح..

رشا بخجل\وإياك..

شوق\فرحيني معك..

رشا\بعدين مو الحين..

رفعت راسها وناظرت براجح..

غمز لها وهي نزلت راسها خجلانة منه..

ماتدري كيف بتقوله عن خبر حملها..

هو مايدري إنها تركت العلاج من زمان..

تخاف من ردت فعله..

بس أكيد بينبسط..

شوق\يارب عافينا..وش عندك أنتي وهو..

رشا\عذووول مالك شغل فينا..

طالب\انا سجلته في المجاهدين..

ام غازي\طالب سألتك بالله..

لا تتمسخر على ولدك..

طالب\هههههههههههه خلينا نبني مستقبله..

ابيه يصير جندي..

راجح\شكل الورع بيهج من كلامك..

طالب\لا فديته رجال..أنت ماسمعته وش يقول قبل تجون..

يقول غازي ولدهم ما ابلعه..

دلووع نصه كويتي ونصه سعودي..

راجح\أقول إنثبر مع ورعك..

ولدنا سفير للمملكة ولـ الكويت..

يجمع خواله وعمامه..

سلمت على ماكس وهي تودعه مع صوفي..

ناداها بالأميرة الصغيرة..

مثل ماكان يسميها اول ايامها في المزرعة..

قال لها إن عسوولة عندهـ ومتى ماتحب بيجيبها لها..

تمنت لو تشوفها بس تشك إن الفرس ممكن تعرفها..

انتبهت على غازي اللي كان أغلب الوقت ساكت..

ماكان يرد على ماكس او صوفي لما يكلمونه الا بكلمات مختصرة جداً..

أو يهز راسه يحاول ينهي كلامهم معه..

ودعت صوفي وهي تذكرها..

إن فكرت التبني مرفوضة في الإسلام..

لان هذي الفكرة في بال صوفي وماكس..

طريقة رجوعهم لبعض غريبة بغرابتهم..

طلب منها تقابله في مقهى..

تقابلوا تفاهموا بهدوء..

وقرروا يرجعون البعض..

هجرها له بعد ما اشهر اسلامه ..

كان عقاب له كيف يغير ديانته من غير علمها..

لو طلبها وحاول معها تغير ديانتها..

يعرفها تتقبل النقاش وهي غير منغلقة في موضوع الديانات..

تصافت امورهم بطريقة مسالمة وسهلة..

تمنت لو تتعدل أمورها مع غازي بمثل سهولت أمورهم..

أول ماقفل غازي الباب الرئيسي..

صدت عنه وطلعت الدرج بخطوات سريعة..

تدري إنه ينتظر خروجهم من القصر..

عشان يستفرد فيها..

ويكملون كلامهم اللي أنهته بطعنة قوووية له..

بانها شالت الرحم..

كانت تظن لو صرحت بهذا الشيء بيقو لها إن فيه امل..

يكون لذياب أخ من ابوهـ ..

ويقدر ينقذهـ..

دخلت غرفتها بسرعة..

قفلت الباب وراها وهي تلهث بخووف..

مابقى قدامه حل..

لازم يتخلى عني..حيات ولدهـ.

أهم من قلبه ومن حبه..

أخ لذياب..

من غازي وحرمة ثانية..

تضايقت من الفكرة..

يتزوج ويعيش مع غيرها..

ينجبون اطفال..

يعالج ذياب..

وبعدها يهجرها ذياب ويعيش مع أبوه وحرمة ابوهـ..

وأنت ليه مهتمة بهذا الشيء..؟؟

لان هذا ظلـــم..وظلم كبييير لي..

بيكمل حياته مع ولدي أنا..

ومع زوجة وعيال..

وانا حتى غرفة في بيت ابوي ماعندي..

ولا شهادة..ولا مستقبل..

كل شيء أخذهـ مني..

سمعت ضربه على باب غرفتها..

تراجعت عن الباب وهي ترتجف..

عنفت نفسها..

ليه خايفة منه..؟؟واجهيه..

أنتي شفتي الضيق والآسى عليه طول اليوم..

من اول ما قلتي له عن رحمك وهو يأكل في نفسه..

أثبتي على موقفك..

أنتي ماتقدرين تسلمينه نفسك..

ماتقدرين تعيدين تجربة قاسية كبرتك سنين على عمرك..

فتحت الباب وهو دخل عندها وسكر الباب وراهـ..

قرب منها وهي تراجعت بسرعة..

ماسمح لها تبتعد عنه..أسرها بين يدينه وضمها له بقووووة..

غازي بهمس\سامحيني..

ذنبك برقبتي إلى يوم البعث..

هيل بغصة\أنا سامحتك من زمان..

بس ماقدرت امنع نفسي من رفضك وطردك من حياتي..

غازي\انتي أطهر ذنوبي..

هديل برجاء باكي\غازي تكفى أريد تعالج ذياب..

مابقى لي غيرهـ..عالجه وننتهي..

غازي\الطفل لازم من نفس الرحم ومن نفس الأم..

وبـ النسبة لمرض ذياب.....فأ.........

بعدته عنها وضربته بقهر..

هديل بجزع\لااااااااااااااااااا� �اا..

لا لا لا..

انت مو طيب عشان كل شيء يصير مثل ماتحب..

أنت إنسان قاسي وقلبك أسووود..

ليييه لازم اكووون أنا أمه..

لييييييه تظلمني كثر ذنوووبك..

أنا ما اققققققدر..

إطلع براااااااا..إطلع إطلللللع..

ضربته وطلعته من غرفتها ..

حالو يتكلم معها ويكمل كلامه..

بس هس ماسمحت له يتكلم..

كانت تسبه وهي تبكي..

قفلت الباب وجلست على الارض..

ضمت نفسها وهي تبكي بهستريا وخوووف..

ظلت على حالها ساعتين..

وعيونها متعلقة في الفراغ..

حسمت امرها وأتخذت قرارها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ما كنت أدرك أنني

سأصير روحا حائرة

في القلب أحزان..

و في جسمي جراح غائرة

و تسافرين..

لا شيء بعدك يملأ القلب الحزين

لا حب بعدك. لا اشتياقا لا حنين..

فلقد غدوت اليوم جــرحاً للسنين

تنساب أيامي و تنزف كالدماء

و تضيع شيئا.. بعد شيء كالضياء..

و هناك في قلبي بقايا من وفاء

و تسافرين

و أنت كل الناس عندي و الرجاء..

قولي لمن سيجيء بعدي

هكذا كان القضاء

قدر أراد لنا اللقاء

ثم انتهى ما بيننا

و بقيت وحدي للشقاء ..

فاروق جويدة..

نزل ذياب في فراشه..

وقرأ عليه الأذكار..

هذا سريره اللي كان في الملحق..

طلب من العمال يجيبونه غرفته..

كان بيحطه في غرفة هديل..

بس هي كانت مقفلة عليها ورافضة تطلع من غرفتها..

نام على سريرهـ ..

حط ذراعه تحت راسه..

وعيونه بسقف الغرفة..

كم ذاقت من قهرهـ وجورهـ عليها..

كان يظن إن حالة ذياب بتقربهم من بعض..

كل ماحاول معها تنسى زادت ذكرياتها ووجعها..

معها حق ماتقدر تنسى..

لانه هو مانسى اللي قبل 16 سنة..

فكيف هي تنسى اللي قبل خمس سنين..

معاناتها أكبر من معاناته..

هي حملت بشكها وطريقة فاجعة لها..

تغربت عن هلها وعنه وعن كل اللي تعرفهم..

عاشت لحالها والله العالم عن حياتها كيف كانت..

ولدت ولا يدري عن امور ولادتها الا القليل من صوفي..

فقدت رحمها..

وهذا ذنب جديد ينحط برقبته هو..

تنهد بحسرة وهو يتمنى لو يروح لها..

لو يحضنها ويعتذر لحتى ترضى..

يدري إن نهايته معها فراق..

سمع ضربات خفيفة .

أرهف السمع عندهـ لما ظن إنه يتهيء..

جلس وناظر بإتجاهـ باب البلكونة الزجاجي..

كانت واقفة ورى الباب..

لابسة قميص نوم اصفر..

وعليه روب بنفس اللون..

وقف مصدووووووم من وجودها عندهـ..

فتح الباب الزجاجي وتعلقت عيونه بعيونها..

كانت الدموع في عيونها..

وكلها ترتجف..

ذاب قلبه عليها وعلى حالها المكسور..

هديل برجفة\أ....أبي ولــــد..

غازي\؟؟؟؟؟؟؟؟؟؟؟؟؟

هديل تبكي\أنا ماشلت الرحم..

كنت أبيك تحس بـ اليأس اللي أنا حسيته..

تفكر إنك بتفقد ولدك مثل ما انا فكرت بهذا الشيء..

مرت من جنبه ودخلت الغرفة..

وقفت عند سرير ذياب..

ترتجف بخووووف..غرفته تذكرها باللي صار بينهم..

تذكرها بقسوته وإجبارهـ لها..

شهقت وهي تبكي بصوت مكتوم..

قبلته وهي تهمس\ذبحت امك يا ذياب..

شهقت بخوف لما حست بيدينه على كتفها..

جلسها على السرير وجلس جنبها..

لم يدهـ على كتفها وقربها منه..

قبل جبينه وهمس لها..

غازي\هديل..تصالحي مع نفسك..

أحبــــك...وما ابــي الا راحتك..

لاتخافين مني أنا ماراح أجبرك على شيء..

............تسمعيني...هديل..

ماردت عليه ولاتحركت..

رفع راسها له وانصدم إنها غايبة عن وعيها..

أدرك إن إغمائها بسبب خوفها منه..

نيمها على السرير ونفث على وجها ماء وهو يقرأ عليها..

انتبه على شيء في يدها..

كانت ورقة صغيرة..

فتحها وقرأ المكتوب فيها..

فهم رسالتها ومضمونها..

تناولت منوم عشان ماتكون واعية ...

تفضل تكون جثة من غير وعيها..

طعنة قوووية وجهتها له..

لإنسانيته..لرجولته..

ولاتدري رد غازي عليها بأي قسوة راح يكون,

أقول أحبك...

في زمنٍ يخجل الناس فيه من الحب

لا يخجلون من الحقد

والكبر والعنف

لكنما الحب يجرح فيهم إباء الفحولة

يحرجهم..

يتلعثم واحدهم حينما يذكر الحب

لكنني من دون لحظة شك

ودون هنيهة خوف

أقول أحبك !..

أكتبها في الدفاتر

أعلنها في المنابر

أزرعها في الغيوم

وأنقشها في الرمال

أقول أحبك

من غير

أن أتحفظ أو أتردد

أو أتراجع..

أكتب حبك

شعراً ونثراً.. وتاريخ وجدٍ

وعصر حنينٍ وقرن غرام

وهذا الصباح

نهضت فلاحظت أن السماء أرق

لأني أحبك

إن الورود أشد احمراراً

لأني أحبك

إن الغيوم ترش الرذاذ

لأني أحبك

قلت: صباحك نور وورد وغيم وحب...

المرحوم بإذن الله تعالى غازي القصيبي...

انتبه على شيء في يدها..

كانت ورقة صغيرة..

فتحها وقرأ المكتوب فيها..

فهم رسالتها ومضمونها..

..ما اقدر أكون واعية..

تناولت منوم عشان ماتكون واعية ...

تفضل تكون جثة من غير وعيها..

طعنة قوووية وجهتها له..

لإنسانيته..لرجولته..

وقف بسرعة وابتعد عنها..

الغضب سيطر عليه..

لأي درجة وصل فيها الخوف..

وإحتقارها له بهذا الشكل..

يتمنى يرجع لها يوعيها غصب عنها..

يضربها يعاقبها..

خايف عليها من نفسه..

اللي سوته كبييير كثير في حقه..

كان بامكانها تظل في غرفتها ولا تهينه ..

ليه جاته..؟؟!

جاتك عشان ذياب ماهو عشانك..

هذا كان راح يكون ردها عليه..

ماهو عشانك..

ماراح يتركها تسيء له ..

لازم يعاقبها..

تفضل تكون جثة..جماد..

وكأني حـ.....

أبي روحك..

وما ابي أي شيء ثاني..

فتح الورقة مرة ثانية والأحرف قدامه كأنها مكتوبة من نار..

تزيد من غيظه وقهرهـ..

ما اقدر أكون واعية..

يتامل خطها ويدري إنها كتبت برجفة..

لاحظ شيء ثاني في الورقة..

قلبها للجهة الثانية..

وصدمته كلمتها الخايفة من عقابه..

أثبتت له إنها تعرفه اكثر من نفسه..

ومتوقعة ردت فعله غضب وبعدها عقاب..

كلمة ياما رددتها عليه من غير حق..

أجبرها تقولها مرات ومرات..

عشان تسلم من عقابه وطيشه..

دائماً تهزمة..

إما بهمسها..أو نظراتها..

ســــــامحني ..

لو ماكانت خايفة من عقابه لها لما تصحى..

ماكانت بتكتب سامحني..

كانت بتجرحه بكلامها من غير إهتمام...

دار في مكانه وكل ماوقعت عينه عليها..

يصد عنها بسرعة..

صار يردد في باله..

أعذرها..

لا تلومها..

هذا أقل شيء تقدر هي تسويه..

أنت تسببت في خوفها وكرهها لك..

لاتلومها لوم نفسك وابتعد عنها..

تغير..لازم تتغير معها..

سامحها عشان تقدر تسامحك..

خرج من غرفته ووقف على البلكونة..

مشتاق لها..وصدها عنه يعذبه..

لازال أناني في حبه لها..

يعترف لنفسه مثل ماهي تواجهه بحقيقته..

مايقدر يسمح لها تروح عنه..

تغيب عن حياته..

سنتين كان متصبر لانها بحكم الميتة..

صعبة عليه تكون حية وماتكون معه..

يبيها له ومعه..

ولو مارضت..

ويدري إنها مستحيل ترضى..

وهذا يثبت انانيته وتملــكهـ ..

منع نفسه لا يرجع غرفته..

توجه لغرفتها..

غرفتها اللي قضى فيها ليالي من دونها..

يناظرها بكل زاوية..

يتخيلها ويتكلم معها..

يسألها كيف ماتت..

تالمت وهي تحترق ..؟؟

نادته او نادت غيــرهـ ..؟؟

أنتبه على علبة المنوم..

أخذها وقرأ الاسم..

فتح العلبة وطلع كل الحبوب اللي فيها..

رماها في مغسلة الحمام..

ورمى العلبة بالسلة..

نام على فراشها ..

وشم ريحتها جنبه..

دفن وجهه في وسادتها..

وضمها له..

حس بملمس غريب تحت يدهـ..

رفع وسادتها وناظر اللي تحتها..

وكانت صدمته أكبــــر..

لأنه عرف هذي وش تكـــون..؟؟

ماينسى أي شيء صار بينهم..

قبل الوردة..

وهو يذكر كيف مررتها على خدها..

وابتسمت له بعذاب..

فكـــيف ينسى أول إبتسامة عطتها له..

ولو كانت تراوغه وتخدعه..

كانت اول إبتسامة..

وأول مرة تمثل الرضى..

أنت طيفك مرني..

مرني ليل وفجر ..

مرني باحلى العمر..

آآآآهـ من يقوى الصبر ..

التجافي موت ..

طول صدوود صاحبك يالعيون السود ..

ماسمع من صاح بك..

صاح من هم وغضب ..

ها الجفا ماله سبب ..

وانت من خان وكذب ..

ليه احبك موت ..

بدر بن عبدالمحسن ..

خافت من غضبه وصراخه عليها..

بس ماسمحت له ينهي الموضوع ويهرب مثل عادته..

مسكت يده وحاولت تهديه..

مرام بهدؤ\صل على النبي واسمعني..

مسفر بقهر\عليه الصلاة والسلام..

مرام واللي يرحم امواتك إبعدي عني..

المصيبة اللي سويتيها تحملي نتايجها..

مرام\مسفر وش ذنب البنت الحين؟؟

مسفر بغضب\مالها ذنب الا إنك مصاحبتها..

كيف تسمحين لنفسك تخطبين وتحلين وتربطين من راسك..؟؟

أنتي واعية وش سويتي ؟؟

مرام\البنت موافقة عليك..

صدقني هي خير لك وأنت خيرها باذن الله..

مسفر\لاتجننيني..

أنا ماطلبتها عشان توافق..

ولا طلبت منك تسعين في الموضوع..

حابة تلعبين إلعبي بحياتك أنتي..

ماهو بحياتي ولا بحياتها..

مرام بزعل\كل اللي سويته عشانك..

أبيك تستقر وترتاح..

مسفر\وانا ماطلبت منك..

مرفوع عني القلم عشان ما ادبر اموري..

ما اشتكيت لك عن زواج ولا عن شيء..

ليه ما اهتميتي بامورك وخليتيني بحالي..

مرام\تظن إني مو فاهمة عليك..؟؟

أنت تنتظر وهم ماراح يتحقق..

هي متزوجة وعندها ولد..

قبل سنين وقفت بوجهي وقلت ماراح اخذ ولدها منها..

اليوم انت لازم تستوعب إنك ماتقدر تأخذها من زوجها..

مسفر بصراخ\مـــــــــــرام..

لاتتكلمين عنها ولا تفكرين تسحبينها لموضوعك..

مرام تبكي\أنا آسفة..بأكلم ام خلود واعتذر منها..

مسفر بسخرية\وينتهي الموضوع..؟؟!

بكل بساطة تعشمين الناس وتصكينها بوجهم..

والمصيبة الأكبر..تخدعين البنت وتقولين بنزوجك الشايب..

انتي ناسية إني مو شايب..

مرام بقهر\أنت اللي أوهمتها إنك شايب..؟؟

مسفر\أنا كنت أعالجها..

ماكانت بتتقبل تتكلم مع شخص تكرهه ولها معه موقف صعب..

حاولت أكون لها بصورة اب..

لانها مابتتقبل الكلام الا مع من تحس بامان معه وراحة..

مرام بتهور\وهي حستها معك أنت..

مسفر أنت نفسك الشايب اللي تعالجها..

مسفر بقهر\ياصبر الأرض عليك..

طلع من عندها خايف لا يكبر الموضوع اكثر..

فجعته بكلامها لما قالت خطبت لك خلود..

من اعطاها الحق تتصرف وتقرر من حالها..

حس وكأنها غدرت فيه..

قيدته بوعد هو ماوعدهـ..

تقول أم البنت تقولك حياك الله..

مثلك ماينرد..

وبكل وقاحة تتكلم عن هديل..

تشبه الولد بالزوج..

قرر يزور ام خلود ويعتذر منها على كلام مرام..

له خطط كبيرة في حياته..

وإنسانة وحدة يتمناها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

وعدتك ان لا احبك..

ثم امام القرار الكبير

جبنت..

وعدتك ان لا اعود

وعدت..

وان لا اموت اشتياقا

ومت

وعدت مرارا..

وقررت ان استقيل مرارا

ولا اتذكر اني استقلت..

نزار القبانــي..

صحت من نومها وكل أطرافها بحالة خدر..

عيونها تخونها وماترضى تظل مفتوحة..

عقلها وحواسها تنبها بحالة توتر..

حاولت تتذكر آخر شيء صار معها..

ماقدرت لحتى فتحت عيونها وشافته..

نايم جنبها مستند على ذراعه..

عيونه تتأملها..

ويدهـ تعبث بغرتها..

لحظات مرت عليها وعيونها بعيونه..

هدؤ يسيطر عليهم..

رضى غريب يحسون فيه..

رمشت بعيونها بفزع لما تذكرت إنها في غرفته وهي بنفسها جاته..

شهقت بخوف وجلست بسرعة..

حطت يدها على صدرها..

وناظرت نفسها بإرتباك...

توها وعت على نفسها..

أستوعبت هي وش سوت..

قدمت نفسها له بكل سهولة..

وهي اللي حلفت مايعرفها..

عضتها شفايفها بندم..

أنتي وش سويتي..؟؟

غبيـــة..غبية..

ألتفتت عليه..

وأنتبهت على إبتسامته..

أرتعبت اكثر..

تجمعت الدموع في عيونها..

وارتجفت شفايفها بسبب الغصة اللي خنقتها..

صدت عنه تخفي ملامحها عنه..

وش توقعتي يكون ردت فعله..؟؟

يصدك وهو اللي يتمناك..؟؟

ولا يقدرك ويـ.........

لمت يدينها عليها..

ضمت نفسها لما سيطرت عليها رجفة قوية..

ماقدرت تمنع شهقات مكتوومة ماتطلع..

ماتوصل لقلبه وتحننه عليها..

همس لها من بعيد..

غازي بحنية\مالمستك..

ألتفتت عليه بسرعة بكل جسمها..

قربت منه وركزت عيونها في عيونه..

هديل بخوف\إحــ...ـللــ..ــف..

غازي بهدؤ\والله مالمستك..

صرخت بآآآآهـ مكتومة..

وبعكس كل توقعاته..

لمت يدينها حوالين رقبته وضمته لها بقووووة وهي تبكـــي..

صدقته..حلف وصدقته..

ما استغل غياب وعيها وتملكها..

ماجرحها جرح جديد..

تركه لها وهو اللي يتمناها..

حسسها بإن لها حق ترفض وتقبل..

لها حق تبعد وترجع..

قبلت جبينه وابتعدت عنه بسرعة..

خرجت من غرفته ولا ألتفتت عليه..

سمعت صوت ضحكته مبسووط باللي سوته..

أول مرة تضمه لها بدون إكراهـ منه..

أول مرة تقبله وكأنها تشكـــرهـ..

تركها تبتعد عنه براحتها..

يكفيه لمحت فرح تخيلها بعيونها..

دخلت غرفتها وهي تضحك وتبكي بنفس الوقت..

يحترمني..أنا مو جارية عندهـ..

ماني سلف ودين..ولاجيته بالرخيص..

يهمه رضاي..

بديت تعالجني..

بديت ترجعني لنفســـــــي..

بلحظات فرحها تذكرت ذياب..

كيف أنقذك يا ذياب..؟؟

فديت الي اذآ ابطي

سآل عنــي وينهآ البطــــه ".,

فديت كل الكلام الي رسمه بغمزهـ من عينه

اقول ابطيت آسفة..

يقول لعنبوآ هالبنت و الحشمه ..

سلم على سارة وجلس جنبها..

راكان\وين بطتي..؟؟

لفت وجها عنه ولا كلمته..

راكان\ههههههههه من جدك أنتي زعلانة..؟؟

سارة\لاتكلمني..

راكان\طيب لما اروح مرة ثانية أجيبها لك..

سارة بغرور\شكــراً مانبي منتك..

زوجي بعد تسبدي جابها لي..

راكان\أوووف اجل بعد تسبدس جابها لك..

من وييين أكيد ماهي من شارع الماركات..

سارة بغيض\ولو من سوق أبو ريالين..

أنت وش دخلك..جبت الغالي وعطيته بطتك..

وأنا مسكينة ما أهديتني..

راكان\هههههههه عنبوا ابليس..

ما انتي كنتي معي هناك..

ليه ما اشتريتي اللي خاطرك فيه..؟؟

سارة\قلت أنت بتشتري ماله داعي اقولك..

بس طلعت غلطانة..مافكرت فيني وانا مبحلقة عيوني فيك..

ماحسيت على دمك وقلت ابشري باللي يسرك..

راكان\وانتي خليتي شيء ماقشيتيه..

كاسرتيهم في السعر وجلطتيهم..

ولما جات على خاتم غادة استجنيتي..

سارة تمثل الزعل\مانمت هذاك الليلة..

تسان ابتسي وابتسي..

ابيك تحس على دمك ولاعبرتني..

راكان\هههههههههههه الله يخليك لعين ترجيك يا سويرة..

دخلت غادة سلمت عليهم..

وقربت من سارة وراكان وهي معقدة حواجبها..

غادة بضيق\وخري من جنب بعد تسبدي..

سارة\تعقبين يالبطة..

خذيتي الخاتم وش تبين أكثر..

غادة تمد إصبعها لسارة\قومي قبل اتوطى في مصارينك..

وشوفي الخاتم مزين صوباااعي..

سارة\ياشينه في يدك..

إصبعك مسواك مايحلا عليها..عطيني اجربه..

يدي ريانة وأصابعي كنز..

غادة بسخرية\دا بوووعدك ياولية..

وخري من جنب زوجي اقولك..

راكان بعدها من مكاني..

راكان\يابعد راكان والله..

تعالي ماعليك منها العذوول..

مد يدهـ وبعد سارة من جنبه بدفاشة..

مسك يد غادة وجلسها جنبه..

راكان بمحبة\هلا وغلا..

غادة بدلع\هلا فيك ياقلبي..

سارة\ياتسببببببببدي مايلبق أبد ابد..

غادة بدلع زيادة\لايكون تاخرت عليك حبيبي؟؟

راكان بوله\يابعد حبيبك والله..

تدللي أنتي بس..

سارة\ابي خاتم..

غادة\ركووني باروح المكتب الله يخليك لا تقول لا..

سارة\لعنبوا ابليسكم يالحرييييم..

تدلعين عنده وركوني ومدري وشهو..

عشان تروحين المكتب..

إنثبري مافيه مكتب ولا شغل..

ماعندنا حريم يشتغلون..

بيتك وزوجك أولى فيك من مكتب وخرابيط..

غادة تعض شفايفها\جب لا تخربين تفكيرهـ ركووني ذو عقلية متفتحة..

راكان\خرطي..مافيه مكتب..

قلنا إذا كنتي مرتاحة تروحين المكتب..غير كذا إنسي..

غادة\ياخرابت البيوووت..

ياناشرة الفتن بين الزوجين..

أنتي ماعندك بيت تنثبرين فيه وتفكينا..

كل يوم ناشبة لنا..؟؟

سارة بشهقة\ألحين انا ناشرت فتن يا مبيد الحشرات العائلي..

أنا خرابت بيووت يا كيس السمنت المتنقل..

أنا ياللي خذيتي الخاتم وأنا ظليت ابتسي من الحسرة..

راكان\ههههههههههههههههه

يارب لا تبلانا بكيد الحريم..

كل هذا غل بقلوبكم فديتكم..

طلعوا طلعوا..إعتبروني ماني موجود..

غادة بغرور\لافديتك..أنهيت وصلة اليوم مع ناشرت الفتن..

الحقوودة ليش جبت لي خاتم ماجبت لها..

سارة\مالت بس..

هو عطاك خاتم بس عطى غيرك إسوارة وعقد..

لا تفرحين بنفسك يالمهبوولة..

شفته بعيوني يقز وحدة شقراء عصلاء..

عيونها حمر وشعرها اخضر..

ولابسة اللهم إسترنا ولا تغضب علينا..

ما ابي اخرب بيتك ولا كنت قلت لك كل الحقيقة..

بس حرام انتي حامل مانبي نولدك قبل وقتك..

غادة\تسذووووب..

صح إنها تكذب يا راكان..؟؟

راكان\أكيد تكذب..غيرانة منك يا بطة..

سارة\أجل ليه ما أهديتها العقد والإسوارة؟؟

غادة بقهر\إيه ليه ما اهديتني العقد..

سؤال يقرقع في قلبي ماقلته لك..

وين العقد والإسوارة..إعترف..؟؟

راكان بصدمة\أ...آآم مو عندنا موعد مع الطبيبة اليوم..

جهزي نفسك باوديك بعد المغرب..

سارة الله لا يسلمني إن مررتها لك على خير..

طلع من الصالة بسرعة وسارة تضحك عليه..

سارة\يستاهل اجل يهديك ومايهديني..

آآآهـ ياقلبي والله أرتحت لأني ورطته..

خييييير لا تناظريني كذا..جزاتي كشفته لك..

يالهووووي..

طلعت سارة ورى راكان وهي تضحك على غادة..

اللي كانت جالسة وتضرب أسداس في أخماس وتتوعد في راكان..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛

جلس في المجلس الرجالي المتواضع..

ولاحظ إحراج إبراهيم منه..

سولف معه وقهواهـ..

مسفر بهدؤ\إبراهيم أبي الوالدة في موضوع مهم..

الله يسعدك ممكن تناديها..

إبراهيم بحدة\وليه تبي أمي..؟؟

ومن تكون أنت؟؟

مسفر يبتسم\أنا صاحب أبوك الله يرحمه..

ولازم اكلم أمك..

إبراهيم\الله يرحمه..اللي تبي تقوله لامي وقله لي وأنا اوصله لها..

مسفر\أنت اطلب أمك تجي هنا وتسمع وش بأقول..

قدر يقنع إبراهيم ينادي أمه..

دخلت ام خلود وسلمت عليه من بعيد..

جلست جنب ولدها..

مسفر\أنا مسفر بن نايف الجالي..

مرام تصير خالتي..

ام خلود تبتسم\هلا والله فيك..

إيه عرفتك من تكون..

مسفر\الله يحييك..

والله يا خالة ماني عارف كيف أفهمك الموضوع..

ام خلود بهدؤ\مرام شرحت لي كل شيء ياولدي..

أنت رجال طيب وحطك الله في طريقنا..

ما انكر إني أستغربت كلامها عن الشايب..

وفهمتني ليه سويت اللي سويته..

مسفر تورط\السموحة منك يا ام إبراهيم..

يشهد الله ماقصدت الا كل خير..

ومافي نيتي إلا صالحها وراحتها..

أم خلود\العيب مايجي إلا من هل العيب..

وانت دقيت بابنا وطلبت عندنا..

وإن ربي كتبها لك فهي لك..

مسفر مصدوم\......................

ام خلود\بس طلبتك طلب..

مسفر بهدؤ\تم إن شاء الله..

ام خلود\ابراهيم إطلع يا امك شوي..

ابراهيم\يومه انا اخوها..

ام خلود\لاتعصاني فديتك..

وقف بضيق وطلع من المجلس..

ظل يتحلطم بقهر..

ام خلود\إن الله وفق وكتب لكم الزواج..

أبيك تظل مسفر الشايب لحتى تملكون والله يوفقكم..

مسفر بصدمة\لا يا خالة..

هذي حياة جديدة ومن حقها توافق وهي على بينة..

مايصير نخدعها..أنتي ومرام تفكيركم غلط..

ام خلود\انا امها واعرف مصلحتها..

واعرف بنتي وتفكيرها..لو تدري قبل الملكة إن انت الشايب..

ماراح توافق عليك..

مسفر\إن ماوافقت فهذا قرارها..

ولا احد يقدر يجبرها..

ام خلود\ياولدي همنا كبييير..

خلود أكبرهم بس والله إني شايلة همها اكثر من إخوانها..

مايخفيك خوفها وكرهها لكل رجال يمشي على الارض..

أنت دكتور وقدرت تخليها تحس باخوها اللي هجرته من بعد موت ابوها..

والله ماذكرتك الا بكل خير..

وقالت لولا العيب كانت بتخطبك لنفسها..

ابي اتطمن عليها همها علي كبير..

مسفر بضياع\إن شاء الله كل شيء بيتم على خير..

ام خلود تبتسم\الله يجزاك الجنة وينور دربك ويسعدك ياقادر ياكريم..

تقدر تطلبها من عمامها..باقول لابراهيم يعطيك رقم ولي أمرها..

مسفر محاولة اخيرة\صعب ياخالة اعقد عليها قدام الناس وأنا شايب..

ام خلود براحة\بتكون شايب عندها هي وبس..

موافقتها باعطيكم إياها على مسفر الشايب..

بس الحقيقة بتكون أنت مسفر الطيب..

عـلى هونك على قلبي ..

ترآ مآ أقوى تبخـتـارك

دخيلك لا تضيعني..

ترفق بـي .. علـى هونــــك ......!

وقفت بنص الدرج بإرتباك..

لما رفعت راسها وشافته واقف أسفل الدرج..

عيونه تتاملها بلبسها الراقي..

بشعرها المتمرد..

والأهم والأجمل روحها الجديدة..

يشوفها اليوم غير عن كل يوم عرفها فيه..

تنزل الدرج بخطوات هادية مترددة..

ماتدري بدلعها العفوي كيف تذوب قلبه..

أخجلتها نظراته لها..

وتمنت لو مالبست من فساتين صوفي..

اللي أهدتها لها بآخر زيارة لها..

فستان هادي جداً..

مرسوم على جسمها يوصل لتحت الركبة بشوي..

بسيور رفيعة من على الكتف..

لونه وردي..

وقف قدامه وسألت نفسها..

ليـــه مبسوطة ..؟؟

ليه تتجملين لــ المرة الثانية..

وليه نفسك ماخنقها الرعب لما شفتيه..؟؟

أبعدت عيونها عن عيونه بضعف..

ماعندها جرئته ولاقوة مشاعرهـ..

حبه لها واضح بكل رمشة ونظرة يوجها لها..

هي ماتبي حبه بقدر ماتبي الراحة..

وراحتها تاهت عنها ولا تدري وين بتلقاها..

معه.؟؟ أو بعيـــد عنه..؟؟

ماتكلم..ولا هي تكلمت..

حتى إبتسامتها العملية ماقدرت تظهرها..

خافت يحضنها او يحاول يتقرب منها..

ويقتل شيء توهـ بدأ ينمو بداخلها..

ناظرت ذياب بحضن ابوهـ..

مدت يدينها له وهو تعلق برقبتها..

فتح فمه وحطه على خدها..

ضحكتها حركته غصب عنها..

همست بكلمة\بــس..

وانحرجت اكثر من نظرات غازي المركزة عليها..

صدت عنه وتمنت لو تبعد عنه..

لو تظل لحالها من دون مراقبته ووجودهـ..

رجعت ذياب لحضنه وابتعدت عنهم..

أخذت معطفها وحجابها وطلعت من القصر..

سمعت صراخ ذياب يبيها ترجع او تاخذه معها..

بس فكرهـ مخيفة ضايقتها..

نظراته وعدم محاولته مضايقتها..

تنبئها إنه مخبي شيء كبيير..

ليه ماعاقبني على اللي سويته امس..؟؟

ليه يتبسم ويبين إنه طيب..

معقولة يخطط لشـــيء.؟؟

أكيد يخطط..

مو محتاجين أخ لذياب..؟؟

بس انا ما اقدر أعطيه اخ..

فيه حل ثاني أكيد..

وغن ماكان فيه فراح ينعاد اللي صار أمس..

لاني ما اقدر..والله ما اقدر..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛

احتويتك في خفوقي همس محتـاج لجـواب

وارتضيتك حلم ليل وحرف بكفوف الـبريـد ..

كل حرفٍ من حروفك خالط احساسي وذاب

عانقه نبضي وشوقي جاري مجـرى الوريد ..

ناظرت نفسها في المراية..

مبسوووطة بشكلها وروعتها..

تشوف كل شيء فيها غير..

حتى عيونها تتخيل إن لونهم تغير..

ضحكت على تفكيرها..

حطت آخر اللمسات على وجهها..

وناظرت غرفتها برضى تـــام..

أخيـــراً تجرئت تلبس الفستان الابيض..

أستغنت عن الطرحة وباقي التفاصيل..

لبست الفستان وسرحت شعرها..

مكياج أول مرة تسويه..

كانت دائماً تحط هادي ومايغير ملامحها..

بس اليوم زادت جرئة مكياجها واعجبتها النتيجة..

حست قلبها بيوقف لما سمعت خطواته داخل جناحهم..

أبتسمت بحب لما فتح الباب ..

وقف مبهوور بالغرفة وبزوجته..

أبتسم برضى وفرحة كبيـــرة..

كان يظن إنها مستحيل تلبسه بعد ما هددها بالطلاق..

لانها أخفته عن عيونه واعتقد إنها تخلصت منه..

يشوف حبها له وخجلها..

قفل الباب وقرب منها وإبتسامته تزيد..

وقف قبالها وحط يدهـ على كتفها..

رفع وجها له وظل يتأملها لحظات..

راجح بحب\روعة ياروعة..

رشا تبتسم\أحبك من هنا إلى الشمس..

راجح\أحبك من الشمس إلى هنا..

ضحكت بحب وضمته..

لم يدينه عليها وهو يضحك..

لأنها تتذكر مثل ماهو يتذكر..

لما كانت صغيرة تقوله أحبك من هنا إلى الشمس..

وهو يقول لها العكــــــــــس..

كانت بتقوله عن حملــــها..

بس أوهمت نفسها إنها مو متأكدة..

وبسبب ثاني تخاف يعصب عليها او يهاوشها..

هي صارت بخير..

نومها صار طبيعي..

تركت العلاج وهي واثقة بقرارها..

ما علمك صوت المطر كيف أحتريك ..؟

و إلا المطر .. ما جاب لي طاري أبد ..!

كم قلت لك في غيبتك وش كثر أبيك

أشتقت لك تقول لي .. وأنا بعد ..!

ركضت تحت المطر وهي تضحك مبسووطة..

وكانها رجعت بزر مايهمها شيء..

وقفت تحت المظلة التابعة لـ الملحق..

وجلست على المرجيحة..

ناظرت لـ القصر وشافته واقف على البلكونة يناظرها..

أشر لها بيدهـ وردت عليه بنفس الإشارة..

ناداها ترجع القصر..

بس هي هزت راسها بالرفض..

غازي بصوت عالي\بتبردين وتدخلين..

هديل بعناد رفعت مفتاح الملحق واشرت فيه له..

ضحك وصرخ عليها\سرووووووق ..

هديل بنفس صراخه\منكم نتعــــــــــــلم..

غازي بجنون\أحبــــــــــــــــ� �ـــك..

نزلت راسها ولا ردت عليه..

وكانت ردت فعلها متوقعة له..

عضت شفايفها من شدة خجلها..

وقفت بسرعة لما اشتد المطر..

ودخلت الملحق..

قفلته وتركت المفتاح على الباب..

عشان مايقدر يدخل إذا كان معه سبير..

شغلت التدفئة وتجاهلت كل تفكير يسبب لها ضيق وزعل..

إعتاقه لها لما هي جاته بنفسها..

تعني لها الكثيـــر..

أحيت شيء ميت بداخلها..

أقصت عن بالها فكرة إنه يرفض كونها جثة..

ولو كانت بوعيها ماكان بيتركها..

تبي تظل متفائلة وتفسر أي شيء يصير بينهم بنية طيبة..

ولو إنها تعرف نواياهـ كلها تملكية..

أتصلت على ابوها..

ولما طلبت أمها تعذر لها إنها نايمة..

كلمت عسوولة..

وحاولت تراضيها لانها زعلانة عليهم..

هديل بزعل\طيب أنا وش ذنبي..؟؟

هم ماجابوك لي..قلت لعلي يجيبك بس مارضى..

ام حسين\طلبتيني ولا جابني لك.؟؟

والله يالعصا الليلة تصك جنوبه الوجه الودر..

هو قال إنك مارضيت أجيك..

هديل بتبلي\الكذوووب..يتبلاني يومه لا تصدقينه..

جايب عبيد وسويرة..جننوني هبلو فيني..

ام حسين\أقول أنتي مطولة هناك؟؟

هديل\والله مدري يومه باقي ماقررنا..

نخلص مواعيد ذياب ونرجع بعون الله..

ام حسين\تدرين إن رويكن عطاني عقد وإسوارة..

هديل\هههههههههههه مبروووكة عليك..

ام حسين\ماهي لي يالهبلاء..

عطاني إياها قال هديتك متى مارجعتي..

هديل بإستغراب\هديتي أنا..؟؟

ام حسين\إيه هديتك انتي..

هديل\وليش يهديني..؟؟

ام حسين\يهديك عشان رجوعك بالسلامة انتي وولدك..

تدرين إنها طابت لي..وخاطري فيها..

هديل بخبث\أقووول يا ام حسين..

هديتي حطيها بـ الصندوق لحتى ارجع..

عيب عليك عجوز وش كبرك تسرقين هديتي..

الجدة\ههههههههههههه روحي عسى عيني ماتبكيك..

إيه يومه إضحكي وإنبسطي..الدنيا فانية يا فديتك..

الدنيا فانية..الدنيا فانية..

هزت راسها بعد ماقفلت من عسوولة..

وهي تردد كلمتها..

الدنيا فانية..

صدقتي يومه الدنيا فانية..

ولا يبقى غير وجهه سبحانه وتعالى..

حسيتي إني تغيرت يا عسوولة..

عساني أرجع مثل ماكنت..

إدعي بس إنه يعتقني دوم ماهو يوم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛

آخاف لا قآلو النآس وشلونكـــ؟!

آنطق بدون شعوووور ..موجوعه..

ردت على الشيخ بالموافقة..

والتفتت على أمها بخووف..

لما سمعتها تشهق وتبكي ..

خلود بسرعة\خلاص يومه والله اقول لـ الشيخ لا يعقد لنا..

ما ابي الشايب ولا غيرهـ..ابراهيم ناد الشيخ تكفى..

ام خلود تضمها\لا يومه..

أنا فرحانة لك بس شايلة هم زعلك..

خلود مافهمت\لا ان شاء الله ماراح ازعل ولا اشكي منه..

شايب طيب وفيه الخير..

صدقيني مابيظلمني..أنا عرفته وجلست معه..

وبأظل ازور عيادته لحتى احس براحة اكبر..

ام خلود\لا مافيه تروحين لعيادته الا بعد الزواج..

خلود بحيرة\أي زواج..؟؟

ام خلود\حفلة زواجكم..

خلود تضحك\ههههههههه يومه فديتك..

هذا شايب يمكن على الساعة 7 وهو نايم..

لايعرف سهر ولا خرابيط..قالت حفل ههههههههه

ام خلود بإرتباك\لا لازم حفلة..وتنزفين وترقصين بعد..

خلود\أبشري نسوي حفلة ولا يهمك..

وارقص فيها بعد..بس الشايب لازم ينام بدري..

وش رايك نسوي الحفلة والشايب نايم..

حرام اخاف يكون فيه روماتيزم او ضغط وسكر بسم الله عليه..

الله يحفظ لي شايبي..

مرام\ياويلك ياويلك يامسفر ياويلك..

أنا مسافرة مع تركي مابنحضر زواجكم..

خلود\تحضرين غصب عن خشمك..هذا جدك ياللي ماتستحين..

إبراهيم\احم خلوود زوجك يبي يشوفك..

خلود\لبى الشواب ههههههههههههه..يبي يتطمن لا اكون شينة..

مرام\خلوود لا تستهينين فيه تراهـ جــــدي حبيبي..

خلود\جب لاتوصيني على شايبي فديته..

والله مبسوطة لاني تزوجت شايب..

عاقل ومؤدب ودكتووور..

إبراهيم\أي شايب..؟؟

ام خلود\ولا حد..قله بتجيه خلود ينتظر علينا شوي..

خلود تبتسم\يوومه حرام اخليه ينتظر..

يمكن ينام في المجلس ونتوهق فيه..

خليني اشوف وش يبي صارت الساعة ست ونص..

بعد نص ساعة بينام..

فزت بمكانها بسرعة لما حست بأرجولها تتحرك..

صرخت بخوف ووقفت بسرعة..

ناظرت فيه وهو يضحك عليها..

لما استوعبت إنه كان يحاول ينيمها على الكنبة..

لأنها كانت نايمة وهي جالسة..

ضربته على كتفه..

هديل بقهر\كيييييف دخلت هنا..

أنا كنت ادري إنك بتجي وسهرانة أنتظرك..

غازي يبتسم\فديت اللي تنتظرني..عشان كذا نايمة وانتي جالسة..

وهذا انا جيت ياقلبي..

هديل بإحراج\ابي اعرف كيف تقدر تدخل هنا..

عشان كذا ظليت سهرانة..

غازي\لااا سر ما اقدر اقوولك..

هديل\بلى علمني..الباب مقفول ماتقدر تدخله منه..

ولا تكذب علي وتقول من الشباك..

قول الصدق..

غازي بتفكير\اممممممم مصممة..؟؟

هديل بحماس\إيه..أبي اعرف..

غازي\مافيه شيء من غير مقابل..

هديل\قلتها لي زمان لما اهديتني عسوولة..

مافيه شيء من غير مقابل..

غازي يبتسم\حلووووو حلوو..

يعني فاهمة اللعبة..

هديل بعناد\مو فاهمة شيء..

ولا تحاول تضيع الموضوع..

كيف تدخل الملحق وهو مقفل..

غازي\اقولك إذا قلتي لي..؟؟

هديل بحذر\أقولك أيش بالضبط..؟؟

غازي بوله\اللي أنتي مخبيته عني..

هديل\مو مخبية عنك شيء..

بلى مخبية عنك أشياء..

غازي\لا مو الأشياء اللي في بالك الحين..

شيء ثاني أمووت وتقولينه..

هديل بشك\مو فاهمة عليك..

شيء..وشيء..تكلم بالعقل..

غازي بحنين\أنا احبك..

وما ابيك تنسين هذا الشيء ابداً..

هديل بخجل\اللي مايهمني أنساهـ..

والحين قلي كيف دخلت..؟؟

غازي\الحمدلله إني عرفت..

كنت بأتهور واسمح لك عني تغيبين..

هديل بخوف\عرفت أيـــش..؟؟

انا مو فاهمة عليك..

غازي\أدري إنك مو فاهمة..

إفهمي شيء واحد..

أنا أحبــــــــــــــــك..

خافت منه..

خافت من ثقته بشيء مجهوول عنها..

ماهو ذياب ولا اخــوهـ..

لا شيء أكبر من إنها تستوعبه..

أنصدمت لما مسك يدها ومشاها معه..

سحبت يدها منه وتراجعت بخطواتها..

غازي\ماتبين تعرفين كيف أدخل هنا..؟؟

هديل بتردد\ما أبي أعرف شيء..

غازي\وانا ابي اعرف كل شيء..

أبتعدت عنه بخوووف..

تبي تصرخ فيه لا تخوفني..

لاتعقدني منك ومني..

كمل جميلك وحررني منك بالكامل..

صدت وتوجهت لـ الباب..

تبي تطلع من الملحق وتروح القصر..

مسكها قبل تطلع..

غازي\وين رايحة..؟؟

هديل\القصر..كيف تركت ذياب لوحدهـ..؟؟

إبعد يدينك باروح..

غازي\لاتروحين في المطر..تعالي من هنا..

مشت وراهـ وتغلب إحساس الفضوول..

على الخووف والإرتباك..

توجه لآخر زاوية في غرفة النوم..

وقفها على الجدار..

وهي تلفتت حواليها تناظر الباب اللي دخل منه..

بس ماكان فيه باب ولا شباك..

رفعت عيونها فيه بقهر..

وهو ابتسم على نظراته..

غازي\اول ابي المقابل..

هديل بصد\ماعندي شيء أعطيك إياهـ..

لا اليوم ولا بعد سنين..

غازي إبتسامته تزيد\ابي المقابل..

بوسة وضمة مثل الصباح..

هديل بإحراج\أي صباح..؟؟

غازي عقد حواجبه\اللي سويتيه الصباح عيديه الحين..

هديل\من عيوني..

ابتسم لها وقرب منها..

بكسته على بطنه بقوووة..

هديل\تبي زيادة..؟؟

بكسته مرة ثانيه وهي مبسووطة..

هديل\كيف دخلت..؟؟

غازي\ههههههههههه

الحمدلله على السلامة..

رجعتي يا فديتك..

انحنى ومسك حلقة مخفية لونها بلون الارضية..

رفعها بقوووة..

وكانت عبارة عن مفتاح لباب ارضي..

نزل ومد يدينه لها..

غازي\تعالي..

هديل بتردد\لا إبعد..أنا انزل لحالي..

غازي\هههههه مابتقدرين الارضية بعيدة عنك..

هديل بعناد\مالك شغل..صح قصيرة بس بأوصل..

إبعد لا تمسكني..

غازي\طيب يا قصيرة إنزلي أشووف..

ولا تكسرين كافي عاهات..

هديل بقهر\أنت العاهة..

غازي\طيب يالله..

جلست ع الأرض ونزلت رجلينها..

درست وضعها وشافت إن طريقتها غلط..

قلبت وضعيتها وشددت يدينها على الأرضية..

تحاول توصل رجلينها لــ الأرض بس ماقدرت توصلها..

هديل\هههههههههه بأطييييح..

غازي\وش أسوي..؟؟

هديل\ههههههههههه والله خلاص ما اقدر..يديني تخوني..

غازي يضحك\يعني وش أسوي..؟؟

هديل\آآآآهـ غااازي إمسكني بالله عليك..

غازي مبسوط\يالبيييه..

أنفكت يدينها وصرخت وهي تحس فيه يمسكها قبل تطيح..

نزلها على الارض وهي ضربته على صدرهـ..

هديل\تبيني امووت..مافيه على قلبك..

غازي\والله عسل..

مشت قدامه وهي ماتدري وين تمشي..

يكلمها ولا ترد عليه..

تبي تكتشف المكان اللي هو مخبيه عنها..

وقفت عند تحفة كبيرة ..

عبست ملامح وجها وتعوذت من الشيطان..

وابتعدت عنها بسرعة..

مشى جنبها وحط يدهـ حوالين خصرها..

غازي\وين رايحة..؟؟

هديل\مالك شغل..

غازي\أبي اعترف لك بشيء..

هديل بنظرات شك\مابيعجبني إعترافك..

ما ابي اسمعك..

غازي\ههههههه تدرين إنك من اول يوم جيتي فيه المزرعة..

كنت انام معك في الملحق..

أحيان ما انام..أظل صاحي وأراقبك..

هديل بهدؤ\لاتكمل..

غازي\كل ليلة تبكين قبل تنامين..

تنامين وتبكين من غير وعي..

بعدت يدينه من حواليها..

ومشت بخطوات كبيرة هاربة منه ومن كلامه..

دخل يدهـ بجيبه..

وطلع الورقة اللي أعطته إياها صوفي..

آخر مرة زارتهم في المزرعة..

قرأ اللي فيها للمرة الألف..

ولازالت نفس المشاعر تنبض في قلبه..

فز بمكانه وركض يدرو عليها لما سمعها تصرخ بصوت عالي وتبكي..

كيف استطاعت نفاذاً لقلبي؟

ويا ويح قلبي!

منذ سنين تجمّد كيف يعيشُ

الفتى دون قلبٍ يدقّ؟

ودون دماء تسيلْ؟

تحنطتُ لكنني لم أبح

فمشيت ولم يدر من مرّ بي

أنني دون قلبْ

فمن أين أقبلت ترتجلين القصائد

تستمطرين الكواكب زخة وجدٍ

تثيرين زوبعة في الرميم؟

أنا قد تقاعدت سيدتي

من مطاردة الوهم عبر صحارى الخيال

تقاعدت من رحلتي في تخوم الرجاء

وعبر بحار المخاض المليئة

موجاً عنيفاً

تقاعدت أعلنت للناس أني

قد كنت منذ سنين طوال ومتّ

فمن يفضح السر؟

من يحفر القبر؟

المرحوم بإذن الله تعالى..غازي القصيبي..

بعدت يدينه من حواليها..

ومشت بخطوات كبيرة هاربة منه ومن كلامه..

دخل يدهـ بجيبه..

وطلع الورقة اللي أعطته إياها صوفي..

آخر مرة زارتهم في المزرعة..

تحس بالأرض تحتها مثل الماء..

خطواتها متعثرة هاربة منه..

وهاربة من ذكريات صارحها فيها..

كان يشاركها الملحق باول ايامها..

ينام عندها..؟؟!

يسمعها تبكي..يعني يسمع كلامها وندائها لربها..

لأبوها..ندائها لـ هادي..

يسمع صراخها وهي تشوف كوابيس هو الملك فيها..

كان معي بلحظات خوفي منه ومن المكان..

خوفي من غربة انكتبت علي..

من إنسان غريب عني ومتملكني..

يسهر عندي وينام..

يعني حتى البرد اللي جمدني جمدهـ..

رفعت راسها وهي تحس بضيق وكئابة من المكان..

ماتدل الطريق عشان ترجع..

لازم هو يطلعها..

وبنفس الوقت تبي تظل لحالها..

تبي تسترجع أوقاتها الوحيدة بملحقها..

وكل ذكرى راح تتذكرها بتشركه فيها..

ناظرت حوالينها بإستطلاع..

تنتظرهـ يطلع لها او يناديها..

رجعت على نفس الطريق اللي مشت عليه..

اللي مطمنها إن المكان اللي هم فيه له طريق واحد بس..

مالاحظت وجود متاهات او مداخل غريبة..

ثبتت بمكانها وارهفت سمعها..

سمعت خطوات سريعة تقترب منها..

يرافقها تنفس سريع..

ماشكت يكون غازي..

لان غازي ماتعداها...

فيه شخص وراها يقترب منها بسرررعة..

حاولت تركض..

تبي تهرب منه ..

الخوف سيطر عليها..

صرخت باسمه بصوت عالي..

لما حست بشيء يلتف على أرجولها..

وشيء غريب يلمس ركبها من ورى..

ظلت تصرخ بكل صوتها وهي مغمضة عيونها..

حست بيدن غازي تلمها بقوووة لصدرهـ..

وسمعت صوت ضحكته عاااالي وهو يسمي عليها..

صرخت فيه وهي تبكي بخووف..

هديل بجنون\إبعــــدهـ عنـــــــــــــــــي ..

وخرهـ عني وخــــــــــرهـ..

يوممممممممممممممممممه..

غازي يضحك\ههههههههههه بسم الله عليك..

هششش إهدي مافيه شيء يخووف هششش خوفتيه...

حركت ارجولها بسرعة تبي اللي حوالينها يتركها..

وهي تصرخ بغازي يبعد اللي عليها..

شال يدينه من عليها وانحنى بسرعة..

فك اللي حوالينها وهي أبتعدت بسرعة ووقفت بعيد عنه..

أرتفع وهو شايل ذياب بين يدينه..

كانت ترتجف بمكانها..

والشهقات تمنعها لا تتنفس براحة..

الخوف متحكم فيها ولا فهمت سبب ضحك غازي..

لحتى شافت ذياب بحضنه..

حطت يدينها على فمها بصدمة ..

ولاقدرت تتحكم بدموعها..

قرب منها وهو يبتسم وضمها له وضم ذياب..

حطت وجها بحضن ذياب وبكت بخووف..

وذياب بكى زعلان منها لما صرخت وخوفته..

غازي بحنية\ليه تخوف أمك..كنت بتجلطها يا ابووك..

هديل بصوت باكي\ماعرفت وش يكون..

حسبته كائن..

غازي ماقدر يكتم ضحكته\ههههههههههههههه كائن مرة وحدة..

الحين هذا الذيب كائن غريب..

هديل\والله خفت منه..

وبعدين انت السبب..ليه خليته لحاله..؟؟

غازي\قال يبيك فرحت اجيبك له..

خذته من يدين غازي وضمته لها بقوووة..

بكت غصب عنها..

لازالت تحس برجفة الرعب اللي صابها مسيطرة عليها..

دائماً يضمها ويركض لها لما يشوفها بعد ماتغيب عنه لوقت طويل..

وهي من الظهر هاربة من ابوهـ وجالسة في الملحق..

غازي بحنية\إستهدي بالله ..

هديل بغصة\خووفتـــه مني..

غازي\بينتقم لنفسه بس خليه يستوعب وش سويتي فيه..

هديل تمسح دموعها\ههههههه بيتعلق بشعري اعرفه...

المفروض نتوطاك انا وهو..كيف قدرت تخليه لوحدهـ..

غازي\ماريا كانت معه..

هديل\كيف قدر يدخل هذا المكان..؟؟

انت من وين تدخل..؟؟

غازي\ذيب طالع لأبووهـ.

عرف الطريق مو مثلك كم سنة ماتدلين..

هديل بقهر\ماكنت ادري إن ابوهـ موسوس وجاسوس..

هذي حركات الجواسيس..ليه بنيت هذا الطريق..؟؟

غازي\هههههههههه اتجسس على اروع كنز..

هديل بصد\إختصر..ليه بنيته.؟؟

غازي\وليه ابنيه؟؟مو انا اللي سويته..

اللي بنى القصر بنى هذا الممر معه..

الملحق كان ورشة نحت..وانا سويتها ملحق للقصر..

هديل\امممممم وين الباب الثاني لممرك يالجاسوس..

غازي\تعالي وإكتشفي بنفسك..

اخذ ذياب منها ومشت جنبه..

ألتقوا بماريا عند الباب وكانت مرعوبة..

ماريا\أنا أسفة سيدي..

لقد ركض داخلاً ولم أستطع الإمساك به..

هديل بقهر\ليش مادخلتي وراهـ..

غازي\ماتحب الأماكن الضيقة..تخاف منها..

ماريا\أنا أسفة..

هديل\لو صار فيه شيء..كنت باذبحك أنت ياجلمود..

غازي بنص عين\يعني معصبة عشان ذياب

ولا لانك أنهبلتي من الخوف يالخوافة..؟؟

هديل تشهق\هئئئئئئئئ هذا المكتب..

غازي يبتسم\إيه المكتب..

هديل\الحين ماريا تعرف هذا المكان..؟؟

غازي\ماريا تعرف كل شيء هنا..

لانها عاشت في هذا البيت من سنين طويلة..

وهي اللي دلتني على هذا الممر..

هديل\تدري إنك مجرم..؟؟

غازي بوله\تدرين إنك قمر..؟؟

هديل تبتسم\حالتك اليوم مستعصية..

وش عندك مبسوط..؟؟

غازي\لانك معــي..

هديل\مو على طول..

غازي بهدؤ\مو قلنا نبي أخ لذياب..؟؟

هديل\سنة وينتهي عرضك..

غازي يقرب منها\سنتين..

هديل\يثبت حملي وارجع عند هلي..

وبعدها خذ عيالك وأطلع من حياتي..

غازي\معـــصي ولا تبعدين خطوة..

هديل بجمود\ابي اراجع دكتور ذياب..

غازي\هذا هو قدامك..

هديل بقسوة\سمعتك يادكتور فاشلة جداً..

ما انقذت بنتك فكيف تنقذ ولـــدي..؟؟

غازي\جبارة يا حمامة..

هديل\بعض ماعندكم يا جلمووود..

شالت ذياب وخرجت من المكتب..

وقبل لا تقفل الباب سمعت صوته..

غازي\نيميه بفراشه..

الليلة دور أخوهـ..

هديل بحقد\إحلم على قدك..

وأنا اقرر مو أنت..

غازي يغيضها\إن وقفت عليك ما جاء بعد عشر سنين..

طلعت غرفتها ونامت جنب ذياب وهي ضامته لها..

وعينها على باب الغرفة..

تخاف يدخل عندها..

عاتبت نفسها وين راحت الراحة اللي كانت مصاحبتها طول اليوم..

من اول ماصحت وهو جنبها..

وعرفت إنه مالمسها..

كانت مبسوطة ومرتاحة..

ليه لما واجها بموضوع الطفل الثاني..

تجمدت وقست..؟؟

هي قررت يثبت حملها وترجع لهلها..

تدري ما احد بيرضى بوضعها..

وبنفس الوقت ماتبي تعيش معه مجبوورة..

دخلت المجلس وشهقت بقووة لما شافت رجال فيه..

طلعت بسرعة قبل يشوفها أخذت عبايتها وطرحتها..

لبستها وهي معصبة ورجعت المجلس..

ماردت على امها ولا على مرام اللي يسالونها وش صار معها..

خلود\السلام عليكم..

مسفر وقف\وعليكم السلام ورحمة الله..هلا..

خلود بقهر\نعـــم وش تسوي هنا..؟؟

مسفر\؟؟؟؟؟

خلود\جدك وينه..؟؟

مسفر\جدي..؟؟

خلود\إيه جدك..اللي هو زوجي..

مسفر مصدوم\امك ماقالت لك..؟؟

خلود\وش تقولي..؟؟

جلس وهو مصدووم من الموقف اللي أنحط فيه.

كيف يشرح لها إنه هو الشايب او الجد مثل ماتقول..

كان يظن إن أمها او مرام بيقولون لها..

بس شكلهم معتمدين عليه..

مايشوف منها الا عيونها اللي تناظره بكرهـ..

لو تدري انه هو زوجها كيف بتقتله..؟؟

مسفر ابتسم على تفكيره\خلود إجلسي نتفاهم..

خلود\نتفاهم؟؟

أسمع أنا زوجت جدك وبمقام جدتك..

وتفاهم مابينا..جدك وينه..؟؟

مسفر\جدي في السيارة..

خلود\...في السيارة؟؟

مسفر بهدؤ\إيه تعبان وبيرجع البيت..

قال اتفاهم معك بالنيابة عنه..

خلود بقهر\تعبان وانت جالس هنا..؟؟

رجعه البيت يرتاح وياخذ علاجه..

وبكره يجي ونتفاهم..أنت لا تدخل بينا..

مسفر\لا بكره هو بيسافر..

الحين لازم اقولك هو وش يبي منك..

خلود\قوول..

مسفر\طيب إجلسي..

خلود\قوول اللي عندك ومالك شغل..

ولاتنسى ترى أنا جدتك أسمع كلامي..

مسفر\طيب ياجدتي..

زواجكم الإسبوع الجاي موافقة..؟؟

خلود\أدري أمي قالت لي..

مسفر\طيب نبي اللي في خاطرك..

خلود\اللي في خاطري..؟؟

مسفر\إيه جدي يقول إذا عندك شروط أو طلبات هو حاضر..

خلود\سلامته ما ابي شيء..

شغلي مابأتركه محتاجته..

وما ابي نبعد عن هلي..

مسفر\لك اللي تبين..وإذا فيه شيء ثاني لاتترددين..

خلود\لي اللي أبي..؟؟

أنت وش دخلك تقرر..هو اللي يسمح مو أنت..

مسفر بفشلة\احم احم لاني اعرف جدي..

مابيمنعك من الشغل..

خلود بطفش\والحين مع السلامة..

الشايب في السيارة ينتظرك يا مال العافية..

مسفر كاتم ضحكته\فمان الله..

مد يدهـ يبي يصافحها..

وسحبها بسرعة لما شاف عيونها تنبىء بضرب أو شتم..

أشر بيدهـ فمان الله وطلع من المجلس..

جلس في سيارته يضحك بصوت عالي..

يحس كل اللي يصير معه حلم وبيصحى منه..

دخلت مرارم السيارة وظلت تناظره مصدومة من ضحكه..

مسفر\صدق من قال شر البلية مايُضحك..

مرام\دووم الضحكة إن شاء الله..

وش صاير معك..أشوفك لا مفقووش ولا مطعون..

حتى انا ماطقتني ولا توطت في بطني..

كيف تفاهمتوا..؟؟

مسفر\هههههههههههه تقول إنها جدتي..

ههههههههههههه ومتزوجة جدي الشايب..

بعد بكره بتقول ياولدي..هههههههههه

مرام\هههههههههههه هي جدتك..؟؟

مسفر\لاحول ولا قوة الا بالله..

والله شايل همها لما تعرف..

مرام مصدومة\باقي ماعرفت..؟؟ماقلت لها؟؟

مسفر\هههههههه لا ماقلت لها..

شفتها مرتاحة لـ الشايب..

اما أنا تمنت لو تحرقني..

مرام\كييف بتقول لها..؟؟

مسفر\خليها علي هي زوجتي وزوجت الشايب..

مرام\مسفر كان المفروض تقول لها اليوم..

مسفر\ماراح اقولك ليش أنتي ماقلتي لها..

ولا اعاتبك اكثر من اول..

مرام\كان بإمكانك تنهي الموضوع لو مو عاجبك..

مسفر بعصبية\نعـــم كيف انهيه..؟؟

مرام\مو أنت قابلت امها..

ليش ماقلت لها إن الموضوع ماله اساس..

ولا تعيد كلامك إنك أنحرجت معها وماعرفت تتصرف..

أعرفك زين يامسفر ما احد يغلبك في الكلام..

مسفر\مو مسالة غلبتني او غلبتها..

ماني متعود أجرح احد..الحرمة ظنت إني جاي اخطب بنتها..

فكيف بتنصدم إذا قلت لها خالتي ملفقة موضوع من بالها أعذرينا..

مرام\لا مو كذا ياحنون..كنت بتقدر تسحب نفسك من الموضوع..

بس لان السالفة اعجبتك..

ولأن خلود مسيطرة على اغلب تفكيرك هذي الفترة استمريت فيه..

مسفر\لاتسوين محللة نفسيه علي..

لا شاغلة فكري ولا شيء..

وكسر الخواطر ماهو سهل مثل ماتتصورينه..

ماقدرت اكسر في خاطر ام خلود ولا في خاطر خلود..

وسكري الموضوع ولو سمحتي لا تدخلين بيني وبينها..

أنا بافهمها كل شيء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛

مالهم صوت ..

غربوا والزمان سكوت .. ليتهم ماقربوا

وهقوني بالوصل .. علقوني بالأمل

هذا شيء لايحتمل ..

التجافي موت ..

ألتفتت على صوت عبدالله اللي يناديها..

عبدالله\يومه ليش ما كلمتي عمتي هديل..؟؟

ام علي\كلمتها قبل لا اصلي الظهر..

عبدالله\صدقتك..

ام علي بعصبية\احسن قوول كذابة..؟؟

عبدالله\محشوومة..بس أنتي ماكلمتيها..

ام علي\وانت مالك شغل..

اكلمها او لا..

عبدالله\بلى لي شغل..

لاتحسبيني مو فاهم ولا ادري وش صاير بينكم..

انا سمعت كلامك مع غازي..

ام علي بصدمة\سمعت كلامنا..؟؟

عبدالله\إيه سمعته..

بس هو يكذب عليك..

ام علي بقهر\ولا كلمة يا عبيد..

والله لو عرفت إنك تكلمت عن اللي سمعته مع أحد ما اسامحك..

عبدالله\ماني ناقل كلام..

بس ما ابيك تظلين متضايقة بسبب كذبه عليك..

ام علي\عبييييد..؟؟

عبدالله\هديل وش ذنبها قولي لي..؟؟

ليه تقاطعينها وماتردين عليها..؟؟

ام علي بغصة\إسكت يا عبدالله انت مو فاهم شيء..

عبدالله\قلتي ليه ضربت هديل..؟؟

هو مستحيل يضربها لانه يحبها..

أنا متاكد هو يكذب عليك لما قال إنه ضربها وأوجعها..

شفته كيف يهتم فيها زرتهم في بيتهم يومه والله هو طيب معها كثير..

ام علي تكتم قهرها\صح يا عبدالله..أدري إنه يكذب علي..

مابيضربها ولا بيوجعها..هي زوجته وأم ولدهـ..

عبدالله\طيب ليه انتي زعلانة..؟؟

ام علي\لاني أحب هديل..

أبيها ترجع تعيش عندنا هنا..

ولو يحبها مابيحبها كثري انا..

عبدالله\وغادة تبينها تعيش معك..؟؟

ام علي تبكي\ما ابي الا هديل..

ليتني مارجعت الا وهي معي..

ياخوفي تسوي اللي في بالي..

عبدالله\يومه لا تبكين..تكفين..

ام علي\اطلع من عندي يا عبدالله..

رحم الله والديك أطلع من عندي..

خرج من غرفتها..لا اقتنع بكلامها ولا قدر يقنعها..

هو سمع كلامها مع غازي..

وسمعها كيف تبكي وتترجاه يترك هديل ترجع معها السعودية..

وهو مارضى وحلف مايتركها تروح منه..

طلع جواله واتصل على رقم..

بعد ثواني رد عليه..

عبدالله\السلام عليكم..

عبدالله\وعليكم السلام..أهلاً يا صديقي..

عبدالله\ولكم ولكم..ياماي نيم..وير از غازي..؟؟

عبدالله\هههههههه لا اعرف..لماذا لا تتصل به..؟؟

عبدالله\وت يو مي ذير از يو..

عبدالله\هههههههههه لا افهم ماذا تقول..

عبدالله\عنبوا ابليسك كيف اتكلم معك..؟؟

عبدالله\وجع..

عبدالله\تعقب ماوجع الا في سيقان حرمتك يا القطو..

لو رجال تلبسها عباية وتصكها بوكس تلبس طرحة..

عبدالله\ياصديقي دائماً تتصل بي ولا افهم ماتريد..

إتصل بديل وهي ستخبرني ماذا تريد انت..

عبدالله\وت .. افري دي نو بربلم مع السلامة ياماي نيم..

قفل الجوال وهو مصمم يتعلم اللغة الانجليزية..

وظل يردد في باله من تعلم لغة قوم امن مكرهم.

لايكون يسبني مثل ماسبيته ويضحك علي..

أكيد الهياط ماهو محصور بس فيني..

يالبى سميي بس ولو يسب المهم سميي..

ألحين زوج عمتي كيف القاهـ مايرد علي..

هآت همك .. هآت جرح بيـوم هآنـك

و هآك قلبي .. هآك روحي و القوآفي

ولو يجيني مآ يجيني بس .. عشآنـك

بذمتي مآ أقول له : يآ جرح كآفي ..

وقفت بسرعة لما شافته على الخيل جاي لها..

مسحت دموعها بشكل سريع وهفت على وجها بيدينها ..

تحاول تخفي معالم البكاء من عليها..

مشت بعكس إتجاهه بخطوات هادية..

وقفت غصب عنها لما وقف قدامها..

وصار يدور حوالينها..

مد يدهـ لها يناديها تركب معه على الحصان..

غازي\تعالي..

هديل بهدؤ\أبي امشي...أنت روح..

غازي\مدي يدك..مشتاق أتمشى معك..

شاف ترددها ولاحظ ملامحها الباكية..

نزل لها شالها وركبها على الحصان..

ضربت الحصان بسرعة قبل يركب معها..

ضحكت بمرح لما ابتعدت عنه وسمعته يهددها ترجع..

هديل\الضيق في القبوور..تذكر..

غازي يبتسم\إيه اذكر..وقفي لاتبعدين..

هديل\ما ابي صحبتك..

ضربت الحصان أكثر وأبتعدت عنه أمتار طويلة..

كملت طريقها ولا التفتت عليه..

تستاهل مرة ترتكتني بآخر المزرعة من نذالتك يـ النذل..

خلك لحالك الحين..

ياليت تجي عاصفة ويضربك المطر مثل ماضربني بيومها..

يالنذل يـ القاسي يا الجلموود..

وقفت الحصان ونزلت من عليه..

وهي متفاجئة بـ اللي تشوفه..

مشت مبهورة بـشكل المبنى اللي قدامها..

أبتسمت بألم ودموعها تهددها..

حطت يدها على فمها وجلست على ركبها بضعف..

تتذكر لما شال كروم العنب ومنعهم مايزرعونها في المزرعة..

ولما جرد الأرض وصارت غير صالحة لـ الزراعة..

كان يمنعها ما تبتعد عن القصر والإسطبلات..

ماكان يبيها تجي لهذا المكان وتشوف وش يسوي..

سمعت صوت يقترب منها..

ما التفتت لانها تدري مابيكون غيرهـ..

وقف عندها وهو مبتسم بحسرة..

غازي\وقفت بنايته بعد موتك..

كنت بأحرقه مثلك..بس ماطاوعني قلبي..

إحساس البني آدم..لما يذنب يحب يحتفظ بشيء يذكره بذنبه..

أنا احتفظت بأشياء كثير تخصك..

جديلتك..دفتر خواطرك..

صورك اللي اخذتها لك وأنتي ماتدرين..

وأبعدت عسولة عني ماحبيت اشوفها من دونك..

ما احد سألني وينك..؟؟

ولا احد عاتبني..ابوك وهادي عاتبوا نفسهم ولا عاتبوني..

بعد رجوعك اصحى من النوم وأفكر هي صدق حية..

أشك بنفسي وانتي قدامي واقول حلم أو وهم..

مسكت يدهـ ووقفت على ارجولها..

شدت عليها وعيونها في عيونه..

هديل بغصة\مامت..

أبتسم بندم ولم يدينه حوالينها..

ضمها له بقوووة..

بين لها بعض من كل..

وهي مثل مايعرفها..

قلبها يغلب عقلها..

دائماً حنونة..ماتحب الندم يتملك أحد كثر ماتملكها..

هذي ثاني مرة تطمنه..

الأولة لما قالت إن جروح ظهرها ماهي منه..

وهذي الثانية وهو واثق إنه غلط في حساباته..

غازي بحنية\تعالي شوفيه من داخل..

هديل تبتسم\لا مو اليوم..

باشوفه إن شاء الله لما تنهيه..

غازي بمحبة\أعجبك..؟؟!

هديل تغيضه\شوي مو كثير..

غازي\ههههههههههه لو ماقلتي كذا كنت باشك فيك..

هديل تبتسم\لا تجعل إنك تعرفني..

صابت معك هذي المرة..

غازي بوله\وكل مرة..

هديل\اممم ما ابي اشوف نفسي وكذا..

بس الأحرف الناقصة فوق.. V و e ..

صــح ..؟؟

غازي\ومن غيرك يحق له يشوف نفسه..

صـح يا جنوني..

أبتعدت عنه وقربت من البناية..

غازي\أدخلــي..

هديل\لابس أشوفها من برا..

غازي\باين عليك الفضوول ذابحك..

هديل\ليش بنيتها..؟؟

غازي\طلبت شركة البناء تنهيها بسرعة..

كنت راح اجيبك هنا واعترف لك إنك زوجتي..

أنهي المأساة اللي بديتها..

ضيعت الطريق لك..كيف ارضيك وكيف اعترف لك..؟؟

بس الله قدر لنا غير اللي خططت له..

هديل كيف عرفتي إنك زوجتـــي..؟؟!

جاوبيني..

تراجعت بخطواتها وعينها بعينه..

عضت شفايفها واشرت براسها علامة الرفض..

صدت عنه تبي ترجع القصر..

خلنا ننسى..

إذا شفتني ناسية متناسية..

جاملنــــــي..

إنســـى معي..وخلنا نكذب على بعـــض..

طلبتني في يوم نكون اصحـــاب..

خلنا اصحاب لحتى ينقطع اللي بينا وننتهي..

تحمـــلني كثر ماتحملتك زمان..

لا تسألنـــي..عن شيء يضايقك اكثر من ما يضايقني..

رفعت راسها وشافته على حصانه قدامها ومد يدهـ لها..

مدت يدها له ورفعها جلسها قدامه..

حست فيه يضمها أبتسمت غصب عنها ..

غازي\حصانك هرب وخلاك..

ولاني أحبــك باخذك معي..

هديل\الله يكثر خيــرك..

ناظرت المبنى مــرة أخيـــرة..

هناك كان بيعلن لها إنها زوجته..

بيعترف لها..بس مثل ماقال..

الله قدر وحكم بغير اللي خطط له..

حمــامتي..

مبنى زجاجي بشكل حمامة لامة أجنحتها..

تذكر همسه لها بيوم من الأيام..

ناداها الحمامة الكسيـــرة..

وللأسف لازالت كسيـــرة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛

فديت شمآغكـ الاحمر ..

و عطر العود حين اقبلت ..

طالب بمحبة\مساء الحب يا ام الوليد..

شوق\هلا..

طالب\ماشاء الله الوجه منوور اليوم..

والحالة تمام..

شوق تبتسم\الحمدلله..صرت احسن..

طالب\إيه كذا إبتسمي..

تكشيرتك تخوف..

شوق تذكرهـ\يقولون الولادة صعبة..

طالب\هههههههههه على ذمة القايل..

بما إن النفسية مرتاحة..

جبت لك هدية ماهي قدرك عندي..

شوق تبتسم\هههههههه تو الناس..

طالب عقد حواجبه\لازم تنقدين يعني..

وش اسوي أنتي مكشرة وامك ملازمة عندك..

وانا ابي جو رومنسي..

شوق\طيب يالرومنسي ماتقصر..

يكفيني وجودك..

طالب\الله لايحرمني منك يا ام تيتشر..

تفضلي يالغالية..

أخذت الهدية منه وهي مبتسمة..

فتحت الهدية ..

كانت طقم ذهب راقي..

فتحت البطاقة وتفاجئت بالصورة اللي طاحت..

شالتها وضحكت لما أدركت وش تكون..

طالب\وش رايك فيني قول وفعل..؟؟

شوق نزلت راسها بإحراج\مالك حل أبداً..

طالب\ههههههه..

قلت لك أنتي في حضني وعقبال ولدنا..

وهذا هو جاء الوليد..

شوق\الله يحفظه ويحفظ ابووهـ..

طالب\ويحفظك يا بطة..

شوق\لاتقول بطة..

طالب\واحلى بطة بين بطات العالم كلهم..

رد على جواله قبل تكلمه..

وكان غازي..

سولف معه شوي وعلق على شوق وطريقة ولادتها الجديدة..

طالب\ألحين بتبكي أختك..

خذ سنعها وقل لها تخلي عنها الدموع والهبال..

قال إكتئاب قال مدري وشهو..

شوق\اللهم عافهم مما إبتليتنا..

أخذت الجوال منه وردت على غازي..

شوق\هلا ابو ذياب......الحمدلله طيبة.....لا والله بخير لا تشيل هم.......

هههههههه تعرف طالب يحب يهايط............إيه وصلت هديتك فديتك..........

تعيش وتهدي..........الحمدلله المهم طيبين..؟؟

ألـــو غازي.............ألووو تسمعنـــي............ويـــنك.....� �؟

قفلت الجوال واعطته لطالب..

طالب\وش فيك..؟؟

شوق\أعتقد انقطع الخط..مارد علي..

وعدت

بإلغاء عينيك من دفتر الذكريات

ولم اكن أعلم أني سألغي حياتي

ولم اكن أعلم أنك

رغم الخلاف الصغير أنا..

وأني أنت

وعدتك أن لا أحبك

با للحمــــــــاقة

ماذا بنفسي فعلت؟؟!

لقد كنت أكذب من شدة الصدق

والحمد لله أني كذبت ...

نزار القبـــاني ...

سحبت الجوال من يدهـ وقفلت الخط..

وقف مصدوم من حركتها ومن نظراتها..

عقد حواجبه غير راضي بتصرفها أبداً..

هديل ببرود\الحمدلله هي بخير..

ولدها بخيــر..وصلتها الهدايا..

والاهم من هذا كله أمها معاها..

لا الاهم زوجــها معها..

يعطيها دم إذا احتاجت دم..

ويكون متاكد إن الدم بعروقها دم مسلم مو كافر..

يأذن باذون ولــدهـ..ينسبه له ويفرح فيه..

تصحى وهي متاكدة إن هلها حوالينها..

ماهي يتيمة ولا مقطوعة من شجرة..

ندمت لأنها تكلمت..

لانها سمحت لنفسها تعاتبه وتبين له ضعفها بايام ولادتها..

الغصة خنقتها ولا قدرت تكمل كلامها..

نزلت جواله على الكنبة وصدت طالعة من عندهـ..

وقفت لما سمعت صوته..

غازي\إقبال عزالدين عمره 29 سنة..

رجل مغربي مسلم متغرب في إيطاليا..

هو اللي تبرع لك بالدم..

الغيبوبة اللي دخلتي فيها..

كانت بسبب الكسر اللي صار معك براسك..

بعد ماضربك الحصان وفقدتي النظر..

ولدتي طبيعي ومن شد الأعصاب دخلتي بغيبوبة...

طبيبتك قالت لو ولدتي بعملية ماكانت الغيبوبة واردة عندهم..

حيرتهم غيبوبتك وبعد الفحوصات عرفوا السبب..

ياكـــــــثر ما أهمــــك..

ويــاكثر ما اجرحك وتجرحنـــي..

يـــارب آآلف بينا وريحنا..

تعبني وتعبته ..

أصلـــح حالنا ياربي يا حبيبي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

أسالك بالله جاوب

سؤالـــــــــــي .؟

وأسألك بالله اصدق

بالجـــــواب

في غيابي مر في بالك

خيـــالي؟

ولا ما يفرق حضوري

والغياب؟ ..

مدت يدها تصافحه..

وقرات عدم الرضا على معالم وجهه..

قربت منه وقبلته على خــدهـ..

ضحك وضمها له بقوووة..

ياسمين\الحمدلله على السلامة..

سلمان\الله يسلمك ياقلبي..

طمنيني كيفك وهديل كيفها..؟؟

ياسمين\الحمدلله إحنا بخير..

ولاتنسى إسمها نرجس..

سلمان\أول ماناديتها هديل..

ألحين صعب اغيرهـ..

ياسمين\هذي رغبت هديل..

سلمان\بعدها زعلانة..؟؟

ياسمين\المسالة مو زعلانة..

هي ماتبي احد يسمي باسمها..

حتى اخوها طلبت منه يغير اسم بنته بس هو مارضى..

سلمان\الله يصلح حالها..

ياسمين\وش سويت في اللي قلت لك..؟؟

سلمان\اممممم صعبة علي يا قلبي..

شهرين كثييير..

ياسمين\سلمان شووف كم سنة مرت..

مشتاقة لأخوي خلينا نروح الله يخليك..

سلمان\ما اقدر هذي الفترة على آخر السنة ممكن نسافر هناك..

ياسمين بزعل\هذا نفس كلامك قبل آخر مرة..

سلمان\جاء الموعد وانتي حامل بآخر شهورك..

وتوك مخلصة نفستك..