صقر بصدمه : وش جابك هنا شتسوين!

ملاذ عقدت حواجبها باستغراب وهي تناظر فيه ، ومن عادة ملاذ تمشي تطلع بالنوم وماتدري عن نفسها ،

صقر كان مصدوم منها وقرب سحبها معه ،

وتوجهو للفندق وناظر فيها : طلعتي بهالشكل! ومتى طلعتي!

ملاذ رفعت كتوفها بمعنى ماتدري ،

صقر كتم ضحكته من شكلها : نامي نامي ،

ملاذ توجهت انسدحت وهي تحاول تتذكر ،

'

سلطان بحده : تكلمييي ليه ساكتهه!! شتبيننن منييي؟؟؟

سُلاف مدت يدينها لوجهها وهي تبكي ،

سلطان تنهد بقلة حيل و توجه عند التسريحه وقف وهو يحاول يهدي من نفسه والتفت لها : ليه تسوين كذا علمبنيي!! بتاخذين مقابله على هالشي!! ايش تستفيدين وانتي تدمريني!

سُلاف كانت تسمعه وساكته وترتجف بخوف ،

سلطان اخذ نفس وطالع فيها وكمل : من وين تعرفينيي انتيي! وليهه تسوينن كلل هذاا معييي ايش سويت لك انااا!!! وناظر فيها كانت ساكته ومشى وهو يوقف قدامها وبصراخ : تكلميي!

سُلاف فزت و رفعت راسها ودموعها تنزل : ءسامحني تكفى سامحني انجبرت انا مجبوره على كل شييي مالي ذنب اناا ،

سلطان انصدم وانحنى على ركبته وجلس : ع ايش مجبوره!! مجبوره انك تدمرينيي وتشوهين سمعتي! مجبوره انكك تخلينييي بسببك طعنت ظهر ابوي!!! على ايش؟ سكت وصارخ بقوه :  تكلمييييي!!!! على ايشش مجبورهه!!!

سلاف فزت من صراخه وناظرت لوجهه كان معصب ويتنفس بقهر وهمست : ءءمووو بسببييي موو انااا مو انااا ،

سلطان بحده : الحين اقوم امسكك من يدك و اطلعك برا و ارميكِ بنص الشارع ماراح يوقفني احد بس ابي اعرف ليهه سويتيي كل هذاا وليهه تزوجتييي منييي!!!

سُلاف نزلت راسها وهي تتذكر كلام متعب " لو عرف بشي او حتى شك انسي عندك ولد " فزت والتفتت لعساف بدموع،

سلطان ناظر فيها وعرف انها خايفه على عساف وقام وقف وتوجه لعساف وهو يشيله : من بعد اليوم اعتبري انه مات! لين ما اعرف السبب ماراح تشوفين وجهه حتى ،

سُلاف فزت وركضت له وهي تبكي : ءءتكفىى اترك ولدييي والله مالي ذنب بشيء والله مالي ذنب ،

سلطان هز راسه بالنفي وهو ماسك عساف : ماراح اتركه راح اخذه معي ولا راح اخليكِ تشوفينه وصد بيمشي ، ركضت سُلاف وهي ترتمي عند رجوله وتبكي : ءءتكفى ولدييي تكفى،

سلطان رفع راسه وهو ياخذ نفس ويحاول يمسك نفسه ،

سُلاف نزلت دموعها وهي طايحه عند رجوله : ءءتكفى تكفى،

سلطان نزل نظره لها : عطينييي سبب واحد ليه سويتي كذا!!

سُلاف : انجبرتتت انا انجبرت والله انجبرت ،

سلطان ناظر فيها بحزن ومن حالتها ترك عساف على الارض ،

سلاف اخذت عساف بحضنها وهي تبوسه وتشمه ،

سلطان كان واقف يناظر بهدوء : ماراح اتركك لين اعرف السبب ليه سويتي كل هذا!! معك ساعه اذا ما علمتيني وعزة الله ماراح تشوفين وجه هالولد وصد طلع من الغرفه. ،

سُلاف نزلت دموعها وهي تناظر بـ عساف ،

'

= الساعه ١٢ تحديداً في جده =

'

امال قامت بطفش وطلعت وهي تشوف امها و ام صقر نايمين بالصاله ضحكت ومشت لغرفتها وفتحت الشباك وهي تناظر من الشباك وناظرت للسوبر ماركت كان مفتوح ابتسمت بحماس ومشت سحبت عبايتها تلبس واخذت شنطتها وطلعت بهدوء عشان لا يحسون وفتحت الباب وطلعت ،

عبدالرحمن كان تحت عند الفندق بسيارته ياكل سندويش بعد دقايق خلص وسحب المنديل مسح فمه و نفض ثوبه ونزل وقفل سيارته وتوجه دخل الفندق وضغط زر المصعد ،

امال كانت بالمصعد تنتظر يفتح المصعد ،

انفتح المصعد فزت وهي تشوف عبدالرحمن واقف ،

عبدالرحمن ناظر فيها وعرفها من عباتها : على وين؟

امال صدت : مو شغلك وطلعت من المصعد ،

عبدالرحمن ناظر فيها وعقد حواجبه ومشى وراها ،

امال التفتت له : ايش تبغى تراقبني!!

عبدالرحمن : عشان ما ابتلش و اقعد ادورك اخلصي وين رايحه؟

امال صدت وطلعت وتوجهت للسوبر ماركت لكن وقفت وهي تشوف العامل يقفله وتنهدت بقهر : اوفف لااا ،

عبدالرحمن سمعها وناظر : تبين سوبر ماركت؟

امال التفتت له : يعني انت وش شايف؟ جايه عرس؟

عبدالرحمن : ي طول لسانك قولي اي وخلصنا امشي اخذك بسيارتي في هنا بعيد شوي ،

امال : اروح بنفسي ما يحتاج سياره وقامت بتمشي ،

عبدالرحمن بحده : اوقفي ! امال صدت عنه وهي تمشي،

عبدالرحمن تنهد وهمس : اي اي روحي ترا الهنود متجمعين هناك روحي وشوفي شيصير ، امال انصدمت من كلامه ووقفت وناظرت فيه : ماني خايفه منهم ،

عبدالرحمن : طيب روحي تفضلي وخلي ابوكِ يرجع يصارخ،

امال تنهدت بخوف وهي ماتبي تبين له وغيرت طريقها للبحر،

عبدالرحمن انصدم و ركض لها : وين رايحه هنا؟؟

امال : رايحه البحر يعني وين اروح؟

عبدالرحمن : شايفه الساعه كم؟ ولا مجنونه انتي!

امال ما ردت عليها وهي تمشي ، عبدالرحمن تنهد ولحقها،

'

نجلاء وقفت وهي تناظر بشعرها وضحكت : يمه شكلي كيف،

مشعل ابتسم : والله وصرتي ام نايف صدق ،

نجلاء التفتت له : يمكن مو نايف طيب الصدق ودي ببنت،

مشعل عقد حواجبه : بنت ولا ولد المهم انا ابوه ابو عيالك ،

نجلاء سكتت وناظرت فيه : مبسوط انك ابو عيالي؟

مشعل بضحكه : لا بس انتي محظوظه اني ابوهم اكيد ،

نجلاء : ما شاء الله يالثقه ي مشعل ،

مشعل بهدوء : ودي نعلم امي والله راح تنبسط وتحبك ،

نجلاء هزت راسها بالنفي : مشعل ماودي انا احد يعرف الحين،

مشعل : طب ليه علميني ؟

نجلاء ابتسمت : ودي نسوي حفله بسيطه ونعلم الكل ،

مشعل بتفكير : ايش رايك في البر واعلق اللمبات و نجهز الجلسه والكل يجون ونعلمهم؟

نجلاء سكتت وهي كان بخاطرها تروح الكافيه وتعزم امال وامها ويتجمعون وتعلمهم وهمست : بكيفك ،

'

ملاذ كانت مبسوطه و متحمسه اخيرًا بترجع السعوديه وتشوف اهلها امال ونجلاء و ام نجلاء وابوها وجدها ،

كانت تحس انها فقدتهم كثير واكثر شي جدها ،

صقر طلع وهو بيدها كوبين قهوة ومد لها : تفضلي ،

ملاذ اخذت الكوب منه وهي مبتسمه ،

صقر جلس وهو يشوفها كيف مبسوطه وتجهز الاغراض وابتسم وهو يطالع فيها : ودك نروح السوق؟

ملاذ التفتت له وهزت راسها بـ اي وهي مبسوطه ،

صقر قام : تمام قومي يلا ونروح ناخذ لهم هدايا ادري راح تطفريني وتقشين لخواتك ،

ملاذ ضحكت من كلامه وهي تاخذ الكوب وتشرب ،

'

عمر كان جالس ياكل من البسبوسه وعمير معه ويسولفون ،

عمير بهدوء : عمر افكر لو ابوك اجبرك شتسوي؟

عمر التفت له : مستحيل يجبرني وانا بكلمه خلاص ماعاد ودي بشوف لي وظيفه ثانيه او اروح الشركه اساعد دحوم ،

عمير : ان شاء الله يوافق وعاد انتظر تعزمني على عرسك ،

عمر بضحكه : افاا عليك ابشرر ،

'

عبدالرحمن كان وراها وهو يناظر فيها ، امال مشت وقفت عند البحر بعناد وهمست : ليه تلحقني ترا ما اخاف من احد ،

عبدالرحمن : اقول اسكتي لا يجي واحد يرميكِ من هنا و بياكلونك السمك ومحد برا عنك ،

امال صدت وهي تناظر في البحر : ي حظ السمك انهم تحت في البحر ما يشوفونك ليتني مكانهم ،

عبدالرحمن عقد حواجبه : ي سوالفك البايخ ذا ،

امال التفتت وضحكت وهي تشوف الرجال يحاول يصيد السمك وحطت يدها على بطنها : ياربي غبي ذا ،

عبدالرحمن : قصري صوتك وامشي اخلصي الوقت متاخر ،

امال ناظرت فيه بقهر : شتبي انت بكيفي ابي اجلس هنا،

عبدالرحمن تنهد بقلة حيل واخذ جواله ومشى وقف عند البحر يطالع و يصور لـ عمر ،

امال ناظرت فيه ماكان منتبه لها ومشت بهدوء تروح بعيد عنه وتفتك منه ومن مراقبته وتدور ريمان لعلها تكون موجوده ،

'

امال مشت لنفس المكان الي اهل ريمان كانوا جالسين ما انتبهت لـ عبدالرحمن الي كان وراها اول ما حس فيها انها مشت سوا نفسه ما يشوفها ولكن كان يراقبها وراها ،

امال وقفت وهي تشوف الرجال الي جالس بهالمكان توقعت انه طلال ومشت وهمست : لو سم..فزت من عبدالرحمن سحب يدها والتفتت له بصدمه وسحبت يدها منه ،

عبدالرحمن بحده : شتسويننن هنا!

امال ناظرت لملامحه : ءتفكيرك قذر جيت ادو..قاطعه عبدالرحمن وهو ياخذ جواله : اتصل على ابوكِ يجي ويتفاهم بنفسه ، امال انصدمت وناظرت : ابوي ماله دخلل ،

عبدالرحمن : امشي قدامي طيب ،

امال ناظرته بقهر وقامت بتمشي عبدالرحمن التفت للرجال وناظره بقهر ومشى عندها وسحبها من كتفها : ليه رحتي له!

امال بصدمه : اذا هذا تفكيرك ف ماراح ابرر لك ،

عبدالرحمن بحده : راح تبررين فاهمه!

امال : ومين انت عشان تقول ابرر لك!! لا تتعدا حدودك ولا رفعت يدها تهدده لكن طاح الاسواره من يدها ونزلت نظرها ،

عبدالرحمن انتبه وناظر للاسواره الي طاح على الارض و رفع نظره لها : واذا تعديت حدودي!

امال صدت وقامت مشت عبدالرحمن انحنى وهو يشيل الاسواره ولحقها ، امال كانت تمشي بقهر عبدالرحمن ناظر للسيارات الي يمرون ومشى وهو يسحبها : اهجدي بشويش ،

'

نجلاء كانت طالعه من المطبخ وناظرت لريما كانت لابسه العبايه وطالعه وهمست باستغراب : وين رايحه؟

ريما التفتت لها : بروح مع صحباتي نتمشى ونروح الكافيه،

نجلاء بصدمه : و مشعل وافق؟

ريما هزت راسها بالنفي : لا انا استاذن من بابا ،

نجلاء تصنعت الابتسامه وسكتت ريما مشت طلعت لبرا ،

نجلاء دخلت الغرفه وناظرت لمشعل كان وقف يعدل شعره وصدت مشت جلست على السرير وهي ماتبيه يشوفها ويشوف دموعها او يشوفها بذي الحاله ،

مشعل كان عند التسريحه وهو يلبس شماغه : رايح للعم سالم ويمكن اتاخر اذا بغيتي شيء اتصلي علي ،

نجلاء كتمت دموعها وهمست : تمام ،

مشعل التفت وهو يشوفها تنسدح وهمس : لايكون تعبانه؟

نجلاء : لا بس بنام مصدعه ، مشعل ابتسم بخفه ومشى وهو يطفي الضوء وطلع لبرا ناظر لامه كانت جالسه تتابع المسلسل وابتسم ومشى وهو يقبل جبينها وجلس جنبها وناظر : هاه شالاخبار ي ست الحبايب ،

ام مشعل ابتسمت : ابي اكلمك بموضوع ،

مشعل تنهد : اذا عن زوجتي ف بقوم بمشي ،

ام مشعل هزت راسها بالنفي : لا عن اختك ريما ،

مشعل باستغراب : عن ريما؟

ام مشعل : اي تتذكر الضيوف الي جاو ذيك المره؟ جاو عشان يشوفون ريما وبيجون يخطبونها ،

مشعل قام ووقف بحده : قولي لهم ماعندنا بنات للزواج سحب مفاتيحه وصد طلع برا ،

ام مشعل انصدمت وهي تناظر فيه وهو طالع ،

'

صقر دخلها لمحل العاب ملاذ دخلت المحل و ابتسمت وهي ترفع راسها وتناظر يمين يسار صقر ضحك على شكلها ومشى وهو ياخذ دبدوب لونه ابيض : شرايك ؟

ملاذ ضحكت وهزت راسها بالنفي ومشت وهي تناظر لـ العاب الاطفال واخذت كم لعبه والتفتت لصقر الي تصنم بمكانه يطالع فيها ومشى عندها وهمس : ليه مستعجله انتي؟ خل عنك تعالي نروح مكان ثاني ، وسحبها من يدها وطلعوا ،

ملاذ طلعت معه و دخلوا الاسواق وهم يشترون هدايا ،

'

سُلاف مسحت دموعها وهي تناظر لعساف وقامت طلعت لبرا وهي تشوف سلطان مو موجود تنفست براحه ومشت للغرفه وناظرت من الشباك فزت وهي تشوفه في المزرعه والواضح قاعد يدور الجوال والتفتت لعساف ومشت وهي تشيله ،

سلطان تنهد بتعب انه ما لقى الجوال وتوجه دخل البيت ومشى للغرفه دخل وناظر فيها : قومي امشي معي ،

سُلاف هزت راسها بالنفي وهي ماسكه عساف لحضنها ،

سلطان توجه لعندها ووقف قدامها : ليه قاعده تاذين نفسك و تاذيني معك ؟ ليه تسوين كذا وتاذين هالطفل معك؟

سُلاف رفعت نظره وناظرت فيه وهمست : مو انا ،

سلطان رفع يده للسرير : طب اجلسي ، سُلاف جلست بهدوء سلطان جلس جنبها وناظر فيها : لا تخافين انا معك بس علميني ليه كذا؟ وش تستفيدين وانتي تدمريني؟

سُلاف كانت ترتجف بخوف سلطان لاحظ عليها ومد يده وهو يمسك يدينها : قلتلك لا تخافين! سُلاف فزت وسحبت يدينها وناظرت فيه : ءاوعدني ما تعلم احد اني علمتك؟

سلطان عقد حواجبه وهمس : تمام اوعدك تكلمي!

'

مارلين طلعت من المطبخ وهي تدور عمر و توقعت انه داخل بغرفته ومشت وقفت وقربت تحط اذنها تسمع ،

عمر بهاللحظه كان داخل للبيت انصدم ووقف وهو يشوفها ،

مارلين استغربت مافي صوت وبعدت عن الباب والتفتت بتمشي فزت وصارخت بخوف وهي تشوف عمر واقف ،

عمر : بدينا هالحركات تجسسين علي؟

مارلين بكذب : ايش هادا كلام ليه انا في جاسوس بيت ؟

عمر : اقول لاعاد اشوفك عند غرفتي لا اطردك من البيت ،

مارلين : انا الحين كلم بابا سولتان ايجي انا علم انتا في كلام بنات بوسه بوسه ،

عمر ناظر بضحكه وصد وتوجه لغرفته وقفل الباب ،

'

امال دخلت الغرفه بقهر واخذت جوالها تبي تطلع حرته فيه وكتبت له : سافل حقير نذل كل شيء بالدنيا ،

عبدالرحمن مشى انسدح بينام لكن وقف وهو يشوف رسالتها وكتم ضحكته ودخل كتب ' حلوين خلي ابوكِ يصحى ،

امال : مسوي تهددني؟ تحسبني بخاف يعني؟ على اساس يصدقك ،

عبدالرحمن : متاكده من كلامك انه ما يصدقني؟

امال : اي متاكده ماراح يصدقك وتخسي يصدقك ،

عبدالرحمن : تمام بنشوف بكره ،

امال باستغراب : وش بتقول له مثلًا؟ كنت تقنعني انك تاخذني بسيارتك ورفضت و رحت للبحر و لحقتني؟

عبدالرحمن ضحك وهو يقوم يطلع ويتصل عليها ،

امال فزت من رن جوالها و ردت بهدوء وسكتت ،

عبدالرحمن مشى وهو يضغط على المصعد : لحقتك انا؟

امال : اي انت لحقتني تحسبني طفله ،

عبدالرحمن : والله على كلام ابوكِ عقلك صغير ،

امال بقهر : شتبي الحين اتصلت علي؟

عبدالرحمن تنهد : ودي بشاهي تسوين لي واقولك قصيده؟

امال بتفكير : لا طبعًا ما بسوي دامك تعلم بابا كل شيء ،

عبدالرحمن : اوه بشرط اجل تسوين شاهي وما اعلمه ،

امال : بس برضوا ما جبت معي الاغراض كيف اسوي؟

عبدالرحمن : والله مدري دبري نفسك اشتهيته ،

امال : بتروح السوبر ماركت؟

عبدالرحمن تذكر وهمس : الا صح وش بغيتي كنتي رايحه؟

امال : مو شغلك اخاف هالشيء بعد تعلمه لابوي وتهددني ،

عبدالرحمن بضحكه : لا وعد ما اعلم ونزل طلع من المصعد ،

امال : كنت رايحه اخذ لي شوكلاته واتصل على اختي ونسولف بس خربت علي كل شيء ،

عبدالرحمن ابتسم : تمام خلاص انا رايح اجيب لك شوكلاته وتسوين لي شاهي وبدال اختك انا ،

امال بصدمه : وشو انت؟

عبدالرحمن : تسولفين لي يعني خلي اختك اكيد تكون نايمه ،

امال بتوتر : لا صاحيه هي ماعليك ،

عبدالرحمن : طب عندي لك قصيده ترا عطيني شاهي واعطيكِ قصيده تراي تحت ضوء القمر اسولف لك ،

امال عقدت حواجبها ومشت فتحت الباب تشوف سيارته لكن وقفت وهي تشوفه واقف عند السياره يكلمها و رفعت نظرها للسماء وهي تشوف القمر : ي كثر النجوم ،

عبدالرحمن عقد حواجبه و رفع راسه : اعدهم لك؟

امال بضحكه : بيخلص عمرك وانت ما خلصت ،

عبدالرحمن : نفس هالنجوم ماودي حتى سوالفك تخلص ولا حتى ودي الشاهي من كوبي يخلص ،

امال انصدمت من كلامه و تصنمت ..

'

مشعل كان يضحك وهو يشوف العم سالم الي جالس يسوي القهوة والنار وسطهم ويسولفون ،

العم سالم بضحكه : وتصير اب ي مشعل ،

مشعل ابتسم : ي عم سالم وعاد ولدي يجيك هنا بدالي و يحب النياق اكثر مني ، لكن سكت من رن جواله وناظر للاسم كان سعود ..

'

صقر دخل البيت وملاذ معها وبيدهم اغراض كثير و دخلوا بتعب صقر مشى ارتمى على السرير وملاذ ركضت وهي تفتح الدولاب تجهز اغراضها ومبسوطه ، صقر انصدم من حماسها وقام جلس وناظر فيها : لهدرجه مبسوطه ؟

ملاذ رفعت نظرها له وهزت راسها بـ اي ،

'

مشعل ابتسم وهو يرد : ياهلا وين الناس ،

سعود : جايك جايك ما بقى شي ،

مشعل : الله يجيبك بالسلامه بالله عجل علينا ،

سعود بضحكه : اخر شهر وخلاص جاي و هونت ما كمل اجيب زوجتي ويصير خير ، ،

مشعل بصدمه : صادق ولا تستهبل علي؟

سعود : لا والله ما استهبل جاي وعاد انت اكيد عارف الوصيه،

مشعل : اي كنت بالمجلس سمعتهم يسولفون ،

سعود : اي خلاص اعتمد على نفسي واتزوج واجيبها هنا ،

مشعل : ترجع تاخذها بريطانيا؟

سعود : اي يمكن سنه وشوي نجلس عندكم وبعده اجيبها هنا،

'

سلطان كان ساكت ويناظر فيها وهي تتكلم وتبكي ،

سُلاف ببكاء : ءءاجبرني اسوي كل هذا ولااا ياخذه منيي ياخذ مني ولدي يذبحهه يرميهه انجبرت انا ،

سلطان غمض عيونه وهو يشد على يده : منهو!!

سُلاف رفعت راسها وناظرت فيه : ءكنت احبه ووعدني نتزوج ءءسويت كل شييي بس دمرنيي هو دمرنيي وتركنيي طلقني و رمانييي وابوي اجبرني اتزوج من ناصررر وهو طلقني لانه ما يتحمللل يصرف على ولدييي يشوفه ذنب، نزلت راسها تبكي،

سلطان صد وهو يحاول يمسك نفسه : ميننن رسلك ليي!!! ليهه تزوجتييي منييي ودمرتينيي معك انا ايش ذنبيي!!!

سُلاف اخذت نفس وهمست : ءءمتعب ،

سلطان فز بصدمه و لف وجهه لها وهو يطالع فيها بصدمه وقام يضحك ووقف وهو يطالع فيها : شتقولين انتي!!

سُلاف هزت راسها بـ اي وهي تبكي : هووو هووو يخدعك بسببه انجبرتت على كلل شييي اليي قدامك ولدهه ولدهه،

سلطان سكت وهو مصدوم ويطالع فيها بصدمه ،

سُلاف نزلت راسها وهي تبكي ،

سلطان ماكان عارف وش قاعد يصير معه ووش الي سمعه من سُلاف وليه متعب يسوي كذا!! صد وقام طلع لبرا وهو مصدوم و ركض ركب سيارته ،

سُلاف حطت يدها على فمها وهي تبكي ،

'

صقر ناظر لساعته وهو يشوف الوقت وهمس : باقي كثير تعالي ننام نريح شوي ونمشي الصباح ،

ملاذ هزت راسها بالنفي وهي مستحيل تقدر تنام بهالوقت تنتظر متى توصل السعوديه وتشوف اهلها ،

صقر عقد حواجبه : ماراح اخليكِ تنامين في الطياره ترا!

ملاذ ابتسمت ومشت عنده جلست ع طرف السرير ،

صقر كان منسدح وناظر فيها وسكت من تذكر انها اذا رجعت وما شافت جدها راح تزعل وتكرهه لانه ما علمها شيء تنهد وسكت وسرح بتفكيره ، ملاذ استغربت منه وقربت بهدوء وهي تنسدح جنبه ، صقر لاحظ وابتسم وهو يسحبها لحضنه

وهمس : ملاذ تدرين اني احبك صح؟

ملاذ سكتت باستغراب وهزت راسها بـ اي ،

صقر مد يده : حطي يدك بيدي و اوعديني ماراح تزعل مني مهما صار ومين ما تركك ما تزعلين مني!

ملاذ كانت مستغربه وحطت يدها بيده بهدوء ،

'

عبدالرحمن انتبه لسكوتها طول المكالمه : وين رحتي؟

امال فزت على صوته وهمست : ءءولاشي موجوده بقفل بروح اسوي الشاهي ،

عبدالرحمن : مو قلتي مافي الاغراض؟

امال : الا تذكرت ماما جابت الاغراض مع اغراض القهوة ،

عبدالرحمن : وش ودك ناكل مع الشاهي؟ مافي كليجه الليله ،

امال : ءمدري الي تبيه لنفسك جيبه ،

عبدالرحمن مشى وهو يركب : تمام انتظرك و ايش ودك من البقاله بعد ؟

امال بتوتر : ءولاشي وقفلت الخط بسرعه وحطت يدها على قلبها وهمست : ءيمه شفيني توترت احتريت ومشت طلعت من الغرفه وتوجهت للمطبخ وهي تسوي الشاهي ،

'

عمر بهدوء : الى الان ما قلتيه لي؟

غلا فهمت عليه وهمست : وش اقول لك؟

عمر : فاهمه بس تستعبطين اعرفك ،

غلا بضحكه : طب فهمني ؟

عمر : احبك قوليه قولي احبك كم لي انتظر؟

غلا بهدوء : ما بقوله لين اصير حلالك وتصير حلالي ،

عمر ابتسم : اذا ما صرتي حلالي بتصيرين حلال مين؟

غلا ابتسمت وسكتت بهدوء وهي تنتظره يغير السالفه ،

عمر : كيفها بنتنا بيلا؟

غلا عقدت حواجبها : بنتنا؟

عمر : اي بنتنا خلاص من بعد اليوم صارت بنتك بعد ،

غلا ابتسمت وهمست : بخير بس تراها مشتاقه لك ،

عمر : وعزة الله ما المسها ولا اشوفها لين تصيرين عروستي وتزفينها معك وتجوني ،

'

سلطان وقف سيارته عند بيت متعب وغمض عيونه بقهر وهو ماوده يشوف الحقيقه بعيونه وانه الانسان الي طول عمره كان معه ويوقف معه بكل شيء هو الي طعنه بظهره ويحاول يدمره مشى وقف عند باب بيته واخذ نفس وقرب وهو يدق الباب غمض عيونه وهو يشد على  كف يده بعصبيه ،

متعب كان بغرفته نايم مع وحده وهذي عادته عقد حواجبه وقام مشى فتح الباب وهو يشوف سلطان قدامه وانصدم ،

سلطان رص على سنونه وهمس : ليه سويت كذا؟

متعب التفت لورا وهمس : مشغول الحين تعال بع..قاطعه سلطان وهو يصارخ : ليههه سويتتتتت فينيييي كذااا جاوبنيييي جاوبببب ليهه تدمررنيييي ليهه ترمييي ذنبك فييي رقبتيييي ليهه !!

متعب انصدم وناظر فيه وعرف انه اكيد عرف بالموضوع ،

سلطان صد وهو يمنع دموعه وناظر : ليه ي متعببب تكلممم ليهه سويتتت كذااا!!! ليهه ترميييي ذنبك علىى رقبتيييي ! اجبرتنييي اتزوج منهااا عشان تتخلص منهااا ومن ذنبك!

متعب وقف وهو مصدوم ويطالع فيه بصمت ،

سلطان بحده : الحيننن وبهالوقتتتت امسكهااا من يدهااا و ارميهاا براا وش راح تسويي وقته؟؟ انا ايش ما سويت عشانك ي متعب!! اعرفككك واحد نجس وخبيث اعرفكك رغم هذا كله كنت  اوقف معك و اوقف ضد اخوي الي يمنعني عنك!!

متعب نزل راسه بصمت وصد ،

سلطان بصراخ : تكلمممممم جاوبببب لاااا تسكتتت كذاا!!

وصد وهو ياخذ نفس ورجع ناظر فيه : ماعندك وجه تكلمني صح! او حتى تحط عينك بعيني! طيب ي متعب من بعد اليوم لا اعرفك ولا تعرفني ومد يده لجيبه وهو يطلع الاوراق ، متعب رفع راسه بصدمه وناظر فيه ، سلطان مسح دموعه بـ كُم ثوبه وفتح الورقه و رفعه بوجهه : مبسوط انها برقبتي صح!! ومد يده وهو يشق عقد النكاح و رمى الاوراق بوجه متعب وصد ركب سيارته ، متعب كان واقف يطالع وما توقع انه ممكن سلطان يكشف كل شيء و ركض ركب سيارته يلحقه ،

'

سلطان كان يسوق وضرب بيده على الدركسون بقهر ودموعه بعيونه وقف سيارته عند المزرعه ونزل وهو يشوف بنفس اللحظه متعب وقف سيارته وناظر فيه بحده وصد توجه بيدخل لكن وقف متعب وهو يصارخ : سلطانننن ،

سلطان التفت له و رفع اصبعه بتهديد : خلك بعيد عني ،

متعب مشى له وهو يوقفه : ماراححح تسويي شي ،

سُلاف انصدمت من صوت السيارات وركضت وقفت عند الشباك وهي تناظر تجمدت بمكانها وهي تشوف ،

سلطان انصدم و دفه بقوه : هييي طالقهه فاهم!! والتفت للبيت و رفع صوته وهو يصارخ : طالقههه   ،

سُلاف حطت يدها على فمها بصدمه وهي تناظر ،

متعب ترك سلطان من بعد تطقه للكلمه مرتين ،

سلطان قرب وهو يناظر فيه : تبي تسمع بعد!! لعبتك انتهتتتت وخذ ذنبك واطلعععع ، وتوجه دخل البيت ،

متعب قرب يلحقها لكن وقف وهو يشوفه داخل البيت ، اخذ جواله وهو يتصل على مصعب وحاط يده على قلبه بوجع ،

سلطان دخل الغرفه وناظر لسُلاف الي كانت واقفه عند الشباك ودموعها تنزل وعساف ماسكته بقوه ، مشى عندها وقرب وهو يسحب عساف منها ، سُلاف هزت راسها بـ لا وهي تبكي رفعت يدينها تترجاه : ءءولدييي تكفى لا. تسوي كذا ،

سلطان صد وطلع وعساف بيده ومشى وناظر لمتعب الي واقف ومغمض عيونه بالم وحاط يده على قلبه ،

سلطان مشى وهو يحط عساف ع ارض : لما تغلط ي متعب ف تحمل افعالك لاااا تخلييي وحدهه تحمللل بالحرام وتحط ذنبك برقبتيييي ،

متعب رفع راسه له بصراخ : ماهووو ذنببب ماهووو ذنببب،

سلطان التفت لسيارة مصعب الي وقف و ركض لهم بصدمه سلطان ضحك وهو يناظر : حتى انت معه باللعبه!!!

مصعب ناظر لمتعب والتفت لسلطان وناظر لعساف الي على الارض ويبكي و رافع يدينه لسلطان يبيه يشيله ،

سلطان بحده : يكفيييي يخييي يكفييي مافينيي اتحمللل انصدمم اكثرررر ، متعب غمض عيونه بتعب ،

مصعب ناظر لمتعب والتفت لسلطان : لا تصارخ ،

سلطان بحده : اصارخخخخ اصارخخخ ليهه ما اصارخخ!!!! ليهه تجمعتواا كلكممم علييي ليهه تدمرونيييي مره حدهه!!!! في ايش اذيتكم اناااا ايششش الشيء الي سويته لكم عشان اتحمل عذابه!!! سكت وهو ياخذ نفس ويهدي من اعصابه ،

مصعب ناظر فيه : الولد الي تقول عنه ذنب هو مو ذنب متعب ذنبك انتتت ي سلطاننن ،

سلطان انصدم وناظر وهو يضحك : ذنبي!!

مصعب بلع ريقه وكمل : الليله الي كنت تطقطق فيه ومبسوط وكلنا جالسين معك وقته انت كنت شايف متعب سكران ويتعاطى وكنت تعرف كل شيي عنه برضوا ي سلطاننن انت تركته ذيك الليله يسوي سواته  ،

سلطان سكت وهو يتذكر ' فلاش باك '

'

سلطان كان يضحك وهو يشوف متعب الي يشرب ويسولف ، وهمس : يلا انا رايح تاخرت عن البيت ،

صد وطلع لبرا مشى وهو يفتح سيارته لكن وقف وهو يشوف البنت الي تدور تاكسي وعقد حواجبه والتفت لمتعب الي طلع وراه وناظر فيه : ي رجال بدري اجلس ،

سلطان : لا والله ي متعب تاخرت بروح البيت اريح شوي ،

سُلاف كانت واقفه تدور تاكسي كان الوقت متاخر وهي راجعه من دوامها والتفتت وهي تشوف سلطان ومتعب ،

سلطان ناظر لساعته : شتسوي هذي هنا ،

متعب التفت للبنت وابتسم : شكلها تنتظر احد واضح انها من اي نوع ليه انا ما اروح لها ،

سلطان ضحك وما فهم عليه : اجل خذها انت ، و ركب سيارته وحرك ، ومتعب. الي اخذ سيارته وتوجه عند سُلاف وناظر فيها وهمس : تنتظرين مين؟

سُلاف ناظرته بخوف : ءانتظر تاكسي ،

متعب : وين تلقين تاكسي هالوقت اركبي انا اخذك ،

سُلاف ما كانت متطمنه وناظرته بخوف وتراجعت لكن وقفت وهي تشوف اتصالات ابوها الي ما وقف واكيد يكون معصب انها للحين ما رجعت ، و ركبت وراء بهدوء وهي متجاهله الشخص الي ياخذه ومتجاهله نظراته و نيته الشين ،

'

سلطان انصدم وناظر لمتعب بصدمه والتفت لمصعب الي كمل كلامه : انت وش كنت متوقع متعب بياخذها يوصلها البيت وهو بذي الحاله!!! انت بنفسككك طلبت منه ياخذهاا وهذا غلطتككك انت ي سلطاننن انجبرنااا حنااا ،

سلطان سكت وهو مصدوم يناظر لمتعب ، وماعرف سلاف ولا شكلها لانها كانت متنقبه ومتحجبه ،

مصعب ناظر وكمل : بتقولل مالك دخللل لانه هو غلط هالغلطهه ويتحمل نتيجة افعالهه!!!! صح! والتفت لمتعب و مد يده له متعب ناظر فيه وتوجه لسيارته اخذ الاوراق و مشى عنده سلطان كان مصدوم ويناظر بصمت ،

مصعب اخذ الاوراق و مدهم لسلطان : تلقى جوابك هنا ،

سلطان قرب اخذ الاوراق وهو متجاهل عساف الي عند رجوله يبكي ويضربه يبيه يشيله ،

سُلاف دخلت المطبخ وهي تدور سكين اي شي تبي تفتك من كل شيء وقفت وهي تناظر للدرج مشت اخذت السكين وهي تناظر فيه نزلت دموعها و مدت يدها...

'

امال ابتسمت وهي تصب الشاهي في كوب والتفتت على صوت جوالها وهي تشوف عبدالرحمن راسل : عند الباب ،

ابتسمت ومشت وهي بيدها الكوب توجهت للصاله وهي تشوف امها و ام صقر نايمين توجهت عند للباب وفتحته ،

عبدالرحمن كان واقف وجواله بيده التفت وناظر ،

امال طلعت يدها ومدت له الكوب عبدالرحمن التفت و ابتسم ومد يده اخذ منها وهمس : اغراضك تحت شيليهم ،

وتوجه للمصعد ، امال تطمنت انه مشى بعد ما سمعت صوت المصعد وطلعت يدها سحبت الكيس فتحته وهي تشوف عقدت حواجبها ومشت للغرفه قفلت الباب ومشت للسرير وهي تشوف الي جابهم كندر وكتكات والخرابيط فزت من رن جوالها ناظرت للاسم كانت نجلاء ابتسمت و ردت : اهليننن،

نجلاء بقهر : لا اسمع لك صوت ي حيوانه وينكم فيه!

امال : ما بعلمك يالخاينه اجل تجلسين اسبوع وسحبتي،

نجلاء تنهدت : وش اسوي تعبت وطفشت ونفسيتي خربت ،

امال : خلي شعلولي يفيدك حنا جينا جده اوف البحرر ،

نجلاء بصدمه : متى ي حيوانهه!!

'

عبدالرحمن وقف سيارته وهو يناظر للجدار الي مكتوب فيه ،

" خذني من ليلي إليك ' ابتسم و رفع كوب الشاهي الي بيده وهو يصور عند الجدار ويبي الكلام يبان بالضبط و رسله لها ،

وابتسم وكمل يشرب وهو ينتظر ردها ،

'

صقر صحى من نومه وهو يشوف ملاذ نايمه بحضنه ضحك على شكلها ومشى متوجه للحمام " يكرم القارىء " بعد دقايق طلع ومشى يغير وعدل شعره ودخل المطبخ يسوي كوفي ،

ملاذ كانت نايمه والغرفه برد ولا حاسه بشيء ،

صقر مشى وهو يفتح باب البلكونه وناظر للشمس الي بدا يشرق والتفت وهو يشوف ملاذ مشى عندها وجلس على طرف السرير  وقرب يبوس خدها وهمس : ملاذي ،

ملاذ تحركت بانزعاج من شنبه الي خدش خدها وفتحت عيونها وابتسمت ،

صقر ناظر : حلو عرفت كيف اصحيكِ قومي يلا صحصحي بنمشي للسعوديه ،

ملاذ تذكرت وفزت جلست وناظرت فيه ،

'

مشعل وقف سيارته ونزل لكن وقف وهو يشوف ريما طالعه من سيارة صحبتها عقد حواجبها ووقف يناظر لها ،

ريما التفتت له وهي تعرف وش بيكون ردة فعله ،

مشعل رفع يده وقربه منها : شايفه الساعه كم؟

ريما هزت راسها بهدوء : اي اعرف كنت عند صحبتي ،

مشعل بحده : انتييي بنت مانتيي ولد تجلسين عند صحباتك بهالوقتت!! وانا بنفسي اتفاهم مع ابوي الي عطتك هالحرية،

ريما ناظرته بصدمه وسكتت وهي تشوفه يدخل البيت ،

ولحقته ودخلت ، مشعل توجه لغرفته وقفل الباب وناظر لنجلاء كل ملابسها كانت على السرير وتطبقهم ،

مشى فصخ ثوبه و رماه على الكنب : شيليهم بنام ،

نجلاء عقدت حواجبه من اسلوبه : تمام اصبر شوي ،

مشعل توجه للحمام بعد دقايق طلع وهو يشوفها باقي ترتب وهمس بحده : مووو قلتلككك شيليهمم بناممم!!!

نجلاء بصدمه : اصبر طيب ارتبهم ،

مشعل مشى وهو يشيل الملابس ويرميهم على الارض ،

نجلاء ناظرته وهي مصدومه : شفيك انت!!

مشعل بحده : اذاا قلتلكك كلمه افهميي ! وصد وتوجه ينسدح بتعب ، نجلاء تجمعت الدموع بعيونها ومشت بهدوء وهي تشيل كل ملابسها من الارض وحطتهم بالدولاب ومشت طفت الضوء بتمشي لكن وقفت وهي تسمع : ارجعييي نامي ،

اخذت نفس وهي ماودها تناقشها وتتهاوش معه ومشت بهدوء طفت الضوء و انسدحت وهي كاتمه غصتها ،

'

ملاذ عدلت شعرها والتفتت وهي تشوف صقر في البلكونه واقف وبيده الكوب يشرب الكوفي ومشت توجهت لعنده وجت من وراه وحضنته صقر حس عليها وضحك والتفت لها وهمس : هاه مبسوطه؟ ملاذ هزت راسها بـ اي ،

صقر ابتسم : يلا تعالي اشربي وبنمشي ،

ملاذ وقفت جنبه وتقدمت تناظر من البلكونه للشارع ،

'

امال خلصت من نجلاء ودخلت وهي تشوف الصور الي رسله عبدالرحمن وشافت انه اتصل اكثر من مره ، و رديت عليه بالواتس ' اسفه كنت اكلم اختي '

عبدالرحمن كان داخل الفندق يدخل المصعد وشاف رسالتها وتجاهل بعد دقايق وقف المصعد ومشى للجناح ينسدح ينام تعب وهو سهران ، وتجاهل رسالتها ولا رد ،

امال تركت جوالها بطفش ومشت تمسح مكياجها وتنام وغيرت ملابسها وتوجهت للسرير انسدحت تحاول تنام ،

'

مشعل حس بصوت نجلاء كانت تبكي والتفت لجهتها وناظر فيها وهمس بهدوء : نجلاء ،

نجلاء حطت اللحاف على وجهها ماتبي يشوفها ،

مشعل قام من مكانه جلس ومد يده يسحب اللحاف عنها ،

نجلاء بدموع : مشعل اتركنيي ابعد عني ،

مشعل تنهد : طيب ليه تبكين تكلمي!

نجلاء بدموع : مشعل اتركنيي ابعد عني ،

مشعل تنهد : طيب ليه تبكين تكلمي!

نجلاء صدت عنه وهي تمسح دموعها ،

مشعل بهدوء : عشاني عصبت عليكِ؟

نجلاء ما ردت عليه وهي منسدحه وتمسح دموعها ،

مشعل صد وهو يقوم : انا رايح نامي انتي ،

نجلاء فتحت عيونها وهي تشوفه طالع من الغرفه صدت بقهر وقامت جلست و دموعها تنزل حطت يدها على بطنها وهي تفكر كيف تتحمل تعيش معه اكثر خصوصًا لو جابت البيبي ،

قامت مشت وهي تطلع الشنطه وتحط كل اغراضها ،

بهاللحظه مشعل كان داخل ياخذ جواله وقف وهو يشوفه انصدم وناظر : مجنونه انتي! شقاعده تسوينن؟؟

نجلاء صدت عنه وهي تحط كل اغراضها ، مشعل مشى عندها وهو يمسكها ويسحب من يدها الملابس : نجلاء اكلمكك!!!

نجلاء دفته وهي تبكي : ءءلااا تكلمنييي اتركنييي في حاليي ،

مشعل قرب وهو يناظر فيها : ماني تاركك فاهمه!! وارجعي مكانك اجلسي خلينا نتفاهم ،

نجلاء بدموع : ءما ارجععع لمكاننن بروح لاهليي تعبت منك ي مشعلل وتعبت من كل شييي تعبتت من هالبيتت احس اني قاعدهه اختنققق ومانت حاس فينييي وكل مره تبغانيي امشيي على كلامكك كل مره اتنازل عشانكك وكل مره تصارخ علي كل مره تهاوشني واسكت واتحمل! بس لين متى ي مشعل! تبغى يجي هالطفللل على هالحياه وتقدر تعذبنيي صح!! واتحمل عشان خاطره!! ما اروح اقول انك تتغيررر لانه ابو طبيع مستحيل يترك طبعهه ماعاد عندي امل انك تتغيرر مشعل كان ساكت وقف يناظر فيها ،

نجلاء مسحت دموعها وكملت : ريمااا تطلعع وتروح لصحباتها وتروح لكافيه وتروح لكل مكاننن بس اذا انا رحتتت هنا فجاه تتذكر رجولتك و تسترجل علي!! اما اختك ما تقول لها شيي ! انااا حتى ابويي ماا تحكم فينيي كثر ما انت تتحكم فينيي،

مشعل بحده : تمام تفضلي روحي بيت ابوكِ وعيشي هناك ولاعاد ترجعين مره ثانيه واذا تبين الطلاق اطلقك ماعندي مشكله لاني ما اتحمل عقلية وحده زيك ي نجلاء روحي وين ماتبين من بعد اليوم بس لاعاد ترجعين لهالبيت اذا عندك كرامه ولو شوي ، وصد مشى سحب جواله ومفاتيحه وثوبه وطلع ، نجلاء انصدمت من كلامه وهي تناظر فيه لين طلع نزلت دموعها وجلست على السرير وهي تبكي اخذت جوالها تتصل على آمال لكن ما ردت تنهدت بقهر انهم اهلها مو موجودين،

'

سلطان سحب الورقه وهو يقرا تقرير المستشفى والتفت بصدمه لمتعب وناظر فيه وهو ساكت ،

مصعب : لووو جيتتت قلتلكك متعب يمر بهالحالهه وتزوج زوجته واهتم بولده كان رفضت صحح!! متعب ماكان ناوي يصدمك او حتى يتهمك بس انت قبل تتهمه فكرت ولو شوي!!

سلطان غمض عيونه بقهر وصد و رجع يناظر للتقرير ،

متعب نزل راسه وهمس : الذنب الي تتكلم عنه ماهو ذنب انا عشان اصلح غلطتي تزوجت منهه انجبرت اطلقهااا وابوها هو الي زوجهااا لناصررر وهو ماا تحملل يصرف ويهتم ويربي لـ وناظر لعساف وهمس الي تقول عنه ذنب !

مصعب بهدوء : بتقول ليه ما علمتك كل شيي بس متعب ماكان يسمح لييي ولما ناصرر جاك الفندق ف متعب رسلهه يجي يطلب الولد عشانن ما تشكك والي خرب القضيه متعب،

سلطان كان ساكت ويناظر فيهم ويتنفس بقهر ،

متعب : تطلقها او تخليها ماعاد يفرق معييي بس تذكررر انت لك يددد للحاله الي وصلتهااا هيييي ي سلطان ،

سلطان انصدم و رمى الاوراق بقوه وبصراخ : ماليييي ذنببب انااا ماليي ذنبب ولاااا كنتتت عارففف شييي ولاا دريتت نيتك وسخخ وهذاا موتك قربببب وباقييي مستمررر على افعالكك!!!

متعب ناظر فيه : ماني خايف من الموت ماني خايف من شي ابي اتعذببب وهذاا انا قاعددد اتعذببب كلل لحظهه اموتت فيه من الالممم جيتتت اتخلصصص من الذنب الي ارتكبته بسببككك ي سلطاننن بسببكك هالطفللل.صد وهو يتتفس،

مصعب ناظر لسلطان الي كان مصدوم ولا قادر ينطق بحرف،

عساف طول الوقت كان يبكي عند رجول سلطان و وجهه احمر مسك ثوبه وهو يضربه بيده على رجله ويرفع يدينه له ،

سلطان كان متجاهل وناظر لمتعب : ماراح اسامحك ي متعب وعزة الله ي متعب لو تطيح بالمستشفى من قوة وجعك ماراح اقرب منك الليله الي يدفنونكك فيههه راح ارقص ماراح احزنن لانك مانت حاسس بالوجع والغدره الي حسيته منك يخييي انتت اييششش ي متعب!!! ليهه تسوي فينييي كذااا !!!

متعب : ماني مطول صدقني ي سلطان راح ترقص على جنازتيي ماني مطوللل بس هالطفل برقبتك لين يوم القيامه بسببك هو هنااا وبسببك..ماكمل كلامه الا وسلطان مسكه من ياقته وهو يصارخ : لاااااا تحططهه برقبتيييييي ماليي ذنببب!!!

'

صقر وملاذ كانوا بالطياره متوجهين للسعودية ،

ملاذ كانت تناظر من الشباك ابتسمت وهي تلتفت لصقر الي جنبه وحطت راسها على كتفه ،

صقر بضحكه : اقول مافي نوم خليكِ صاحيه ،

ملاذ رفعت راسها و اشرت له بمعنى ليه؟

صقر : ما يطاوعني قلبي اشوفك نايمه واصحيكِ،

ملاذ ضحكت من كلامه وهي تطالع فيه ،

'

نجلاء كانت جالسه على السرير وجوالها بيدها ومقهوره من تصرفات مشعل و اخر كلامه الي قاله لها تنهدت بضيق وهي تنتظر آمال ترد ، بهاللحظه دخل مشعل وناظر فيها وهمس وهو يناظر : للحين جالسه؟ قومي روحي لابوكِ ليه جالسه؟؟

نجلاء التفتت له : صدقني بروح وماعاد ارجع وافتك منك ،

مشعل : تمام بنشوف هذا وجهي اذا ما رجعتي بنفسكك ،

نجلاء بسخريه : ارجع بنفسي!! حتى الحمار لو عاش معك وتركته ما بيرجع لك وتتوقع مني انا ارجع لك؟

مشعل : الحمار حمار لا يكون انتي حماره ! وبعدين وش مفكره انتي اهلك لو عرفوا بخبر حملك ابوكِ راح يرضى اطلقك!! انتهت ذيك الايام ي نجلاء تهايطين فيه وتمشين علي كلامك! الحين الي ببطنك طفلييي وقبل تفكرين بنفسك فكري فيه ، انتي وش تحسبين انه كلامي الي قبل شوي كنت صادق فيه؟ لا طبعًا بس اشوف وين بتروحين لاني داري ابوكِ يرجع يرميكِ عندي واذا لا ف باخذ ولدي منك والطلاق باطل لين تولدين،

نجلاء انصدمت من كلامه وهمست : تستغل طفلك الي باقي ما جاء على الدنيا!! و زين عرفت حقيقتك وقسم بالله هالطفل ماراح يجي على الدنيااا ويا انا و يا هو ،

مشعل فز وناظر فيها بصدمه : شقصدك!!

نجلاء بحدها : زي ما سمعتتت وهالطفلل بنفسي اروح المستشفى و..قاطعه مشعل الي مشى عندها بصدمه وقرب مسك يدها بقوه : تهدديننن انك تقتلين طفلييي!!!

نجلاء حاولت تسحب يدها وهمست : راحح اسويهه ،،

مشعل عقد حواجبه و دفها على السرير : بشوف كيف تطلعين قسم بالله اذا اخطيتي خطوه من هالغرفه راح ادفنككك ،

نجلاء ببكاء : ءادفنيي اذبحنييي خلصنييي منك و ريحنييي ،

مشعل : خلييي يجيي الطفل على خير و ادفنكك ،

'

عمر ناظر لمارلين : طلعيي اللوحه بسرعه اخلصيي ،

مارلين بقهر : ليهه انتااا في اورسم الحيننن انتا كلام اول مافي رسم وخلاص في اعتزل رسم شفي الحين رجع رسم ،

عمر : ي كثر كلامك مالوم زوجك لما يفكر يطلقك اخلصي ،

مارلين التفتت له بصدمه : زوج انا طلق انا؟

عمر : ي بنت الناس اخلصيي فكيني منك ومن زوجك ،

مارلين ناظرته بقهر ودخلت المخزن تطلع اللوحه ،

عمر ماكان صغير وهو يحب الرسم و يبدع وانتشر له رسم كثيرر لكن اعتزل الرسم ، وهالمره قرر يرجع يرسم ،

مارلين طلعت وحطت اللوحه و اغراض الرسم ،

عمر ناظر وابتسم وهو يتذكر ملامح غلا ،

'

امال فتحت عيونها وناظرت للوقت كان ٤ الفجر وفزت : يمه خلص الصلاة وللحين انا نايمه! قامت بسرعه ومشت فتحت الباب وهي تشوف امها و ام صقر بالمطبخ يجهزون الفطور والقهوة والشاهي، ابتسمت ومشت للحمام " يكرم القارىء "

'

الجد سُليمان ويوسف وفهد وعبدالرحمن كانوا راجعين من المسجد ودخلوا الفندق ، عبدالرحمن اخذ جواله وهو يرسل لامال ' جهزي الشاهي ضبطيه زي امس اشتهيته '

وطلعوا من المصعد وتوجهو للجناح ،

وفهد مشى يكلم زوجته اذا جهزو الفطور ولا باقي ،

'

متعب صد وهو يكح والدم الي طلع من فمه ،

سلطان كان واقف جنبه وانصدم وهو يطالع فيه ،

متعب التفت وهو يطلب منديل من مصعب ،

سلطان بهدوء : طلقتها انا وكل الي علي اكسب هالقضيه وماعاد لي علاقه لا بولدك ولا فيها وصد توجه يدخل البيت ،

مصعب مشى مد المنديل لمتعب وهمس : كيف عرف؟

متعب : كنت عارف عارف ماراح تسكت وتعلمه ،

مصعب ناظر فيه : سلطان مو غلطان بشيء ومعه حق بس انا اوقف ضده بسببك ي متعب وسلطان طلقها ومستحيل يرجعها واعرف هي مالها احد ولا تقدر ترجع لابوها الي بعنفها وولدك يتاذى بسبب ابوها بس مافي حل غير تسفرها تعيش في الخارج وتكمل حياتها ،

متعب التفت له بصدمه : كيف تقول سلطان ماله ذنب!

مصعب بهدوء : انا مع الحق ي متعب صحيح وقفت معك ضد سلطان بس الحقيقه ما تنكره سلطان ما طلب منك تاخذها ذيك الليله انت بنفسك اخذتها وغلطت غلطتك ، الحين يوم مرضت حطيت اللوم عليه وناوي تحط هالطفل برقبته وتمشي! و زي ما انت شايف سلطان ما تقبله ولا يقبل،

متعب بحده : انا ما احط شي برقبته بسببه انا ذيك الليله طلعت ولحقته وشفتها هناك وماقدرت امسك نفسي وح..سكتوا وهم يسمعون صراخ سلطان : اتصلوااا على اسعاف، مصعب انصدم ومشى له : شص..قاطعه سلطان الي صارخ : اتصللل بسرعهه ، كان ناسي جواله بالسياره ،

متعب انصدم وهو يناظر لسلطان الي على ثوبه دم ، تجمد بمكانه مجرد ما فكر انها سُلاف ممكن سوت شي بنفسها ،

'

مشعل مشى وهو ينسدح ، نجلاء مسحت دموعها بقهر ومشت سحبت المخده وحطته على الارض ،

مشعل التفت وناظر وسكت وهو كل عقله بـ ريما وبالشخص الي خطبها غمض عيونه وهو ما وده يفكر اكثر ويصارح امه،

اخذ جواله وهو يشوف سعود يتصل قفل الخط وانسدح ينام،

نجلاء كانت نايمه على الارض وتناظر بالسقف بهدوء وتتذكر اهلها نزلت دموعها وكتمت الغصه وغمضت عيونها تحاول تنام ،

'

عبدالرحمن : شالاخبار اشوفك ماعاد اتصلت؟

عمر بضحكه : اي خلاص نسيتك من كثر ما تهج من البيت ،

عبدالرحمن : هذا نهاية الحفيد الاول والابن الكبير يخلونه يهج معاهم بكل مكان وينكرف ،

عمر : والله الى الان مقتنع صقر الاكبر معليش ،

عبدالرحمن بضحكه : يلا زين عاد انبسطت والله ،

عمر : يخي انت غصب تصغر نفسك ،

عبدالرحمن : اقول وينه سلطان ما رد علي ،

عمر بهدوء : مدري ايش اقولك بس من وقت ما رحتوا وقته طلع وماعاد رجع البيت للحين ولا حتى جاء ينام مدري وينه،

عبدالرحمن بصدمه : تستهبل انت! روح تاكد من مارلين يمكن جاء وماكنت فيه ،

عمر : لا والله ما جاء طول وقتي بالبيت ما شفته ،

عبدالرحمن باستغراب : تمام خلني اشوفه ، قفل من عمر وهو يتصل على سلطان تنهد وهو يشوف انه مايرد وجواله مقفل،

'

سلطان كان واقف بالمستشفى وعساف نايم على الكرسي،

متعب ومصعب كانوا جالسين ، متعب صد وهو يحس بالم،

سلطان كان مغمض عيونه وحاط يده على راسه بتعب ،

مصعب التفت لمتعب الي حط يده على فمه و ركض طلع،

سلطان فز والتفت ناظر فيه وصد وغمض عيونه بقهر ،

مصعب فز من شاف الدكاتر ياخذون متعب وهو على السرير وعرف انه اكيد طاح عليهم والتفت لسلطان الي فز بصدمه،

مصعب : انا رايح اشوفه و ركض يكلم الدكتور ،

سلطان مشى جلس على الكرسي ونزل راسه ودموعه بعيونه من القهر ومو عارف ايش يسوي يتحمل صديق عمره يموت قدامه ولا من الحاله الي طاح فيه! يحمل الذنب لنفسه على الي وصلت له سُلاف بسببهم تنهد وصد وهو يتنفس ،

'

" في جده تحديداً بعد ما اكلوا وخلصوا "

امال : يمه شرايكم القهوة نشربه عند البحر ؟

ام صقر : صادقه انا جايه عشان البحر مو عشان اجلس هنا ،

ام نجلاء بضحكه : تمام خلوني اكلم الرجال ،

امال : يوه اكيد بابا يرفض بعد سالفة امس خلونا نروح حنا ،

ام صقر : قومي يا بنتي جيبي عبايتي وعبايتك وبنمشي ،

ام نجلاء رسلت لفهد انهم بيروحون يشربون القهوة بالبحر ،

فهد ناظر لرسالته و رفع راسه : بنمشي البحر نشرب القهوة هناك ونغير جو شوي طفشنا من هالفندق ،

الجد سُليمان ابتسم : اي والله انك صادق طفشت انا ،

عبدالرحمن اخذ جواله وهو يشوف انها ما شافت رسالته ،

امال دخلت الغرفه وهي تلبس عبايتها وحطت مكياج خفيف ، اخذت جوالها وفزت من كثر اتصالات نجلاء استغربت ورجعت تتصل عليه ،

نجلاء كانت نايمه على الارض فزت من رن جوالها وناظرت للاسم كانت امال وما ردت وقامت بتعب وهي تحس بوجع بظهرها بسبب نومة الارض قامت جلست وهي تتالم ،

مشعل قام بانزعاج من صوت جوال نجلاء ، واخذ جواله يشوف الساعه والتفت ناظر لنجلاء الي كانت منزله راسها وحاط يدها على خصرها فز من انها صار فيها شي و ركض لها بخوف : نجلاء شفيكِ؟؟

نجلاء فزت من صوته و رفعت راسها ناظرت فيه وصدت بقهر،

مشعل تنهد : قومي نامي فوق انا رايح الدوام ،

نجلاء قامت وتوجهت للحمام ، مشعل مشى جلس ينتظرها تطلع فجاه اندق الباب مشى فتح الباب وهو يشوف ريما ،

ريما مدت له صينية الاكل : اليوم ماما طلبت مني اجيب ،

مشعل هز راسه : اعرف ليه طلبت منك وليه تسوي ، وقرب اخذ الصينيه منها وقفل الباب ،

نجلاء طلعت ناظرت فيه ومشت وهي تعدل شعرها ،

مشعل : تعالي كلي ولا تعانديني ،

نجلاء بهدوء : شبعانه مو مشتهيه شيء ،

مشعل : ما يهمني انتي وش مشتهيه همني الي ببطنك ،

نجلاء صدت ومشت جلست على السرير ولا ردت ،

مشعل بهدوء : طيب طيب خليني اطلع و اتفاهم معك ، ومشى دخل الحمام " يكرم القارىء "

نجلاء قامت بسرعه ومشت طلعت لبرا وناظرت لريما و ام مشعل كانوا جالسين بالصاله ومشت بهدوء وجلست بينهم ، لانها تدري مشعل مستحيل يقدر يصارخ قدامهم او يعاند ،

'

سلطان كان جالس بهدوء و رفع راسه لمصعب الي جلس قدامه وهمس بغصه : كيفه؟

مصعب تنهد : داخل مو راضي يتعالج ما معه فلوس ،

سلطان سكت ومد يده لجيبه وطلع بطاقته و رماه قدامه وهمس : الود ودي يموت ي مصعب ودي يموت القهر والنار الي ولعه بوسط صدري ما يحس فيه لا هو ولا انت طول عمري اركض وراكم طول عمري اوقف معاكم اسندكم صرت لك الظهر يا مصعب وانتم طعنتوني و غدرتوا فيني الغصه الي بوسط صدري راح يقتلني ي مصعب راح اموت قسم بالله ،

نزل راسه وحط يده على وجهه وهو يمنع دموعه و رجع رفع راسه : بس تدري مو قادر اتحمل انه يموت مو قادر اتحمل اشوفه يتالم ويتعذب بس هو عذبني وقهرني و طعنني بس انا ليه مو قادر اتحمل! ليه اخاف انه يموت! قل لي ي مصعب انتم نفسهم الي كنت اهرب واجيكم وقت اتالم وقت اشتكي وقت افضفض !! انا ايش ذنبي ! ذنبي اني طلعت ذيك الليله وما عرفت نيته الوسخ! ليه احس بالذنب وانا مالي ذنب! ليه احس هالولد الي جنبي برقبتي! ليهه ي مصعببب ليهه!

مصعب سكت بهدوء وهو يناظر فيه : لا تسالني ي سلطان،

سلطان : اسال مين طيب!! لي احد غيركم!! كل ما طحت جيتكم كل ما صار فيني شي جيتكم! بس الحين علمني اروح لمين؟؟ اشتكي لميننن!!! علمنييي يا مصعب ليه كذا!!!

مصعب سكت ونزل راسه بحزن وهو ماعنده جواب ،

'

مشعل طلع وهو يشوف الاكل على الطاوله ونجلاء مو فيه تنهد ومشى لبس ثوبه وعدل شعره وسحب مفاتيحه وطلع وهو يشوف نجلاء جالسه على الكنب مع امه و ريما ،

وهمس بهدوء : سلام ، وصد طلع لبرا وقفل الباب ،

نجلاء استغربت منه ومن اسلوبه ومشت دخلت الغرفه وناظرت للاكل صدت ومشت انسدحت تنام ، انسدحت على السرير وهي تفكر فيه وليه تغير وليه ما عاند! وليه سكت ! وليه امس كان متغير تنهدت بتعب من كثر التفكير ،

'

متعب كان على السرير منسدح فز من دخل سلطان عنده وهو ماسك يد عساف وقف عند الباب وترك يد عساف ،

عساف كان بيده رضاعته ومشى يركض يدور بالغرفه ،

سلطان كان ساكت يطالع بـ متعب وبخاطره الف سوال و سوال وده يعاتب وده يسال بس ينهزم من يشوفه بذي الحاله مشى وهو يوقف قدامه : انا ما جيت هنا و اشر على قلبه بقهر وهمس : هذا الي جابني ليه ي متعب انت قدرت تشوفني وانا اطيح بس انا مو قادر! ليه انت خنت العشره الي بيننا! بس انا مو قادر ! الود ودي اطلع من هالمستشفى بكبره و اترك كل شي ورا ظهري و افكر بنفسي و اهلي بس ماني قادر ي متعب مو قادر وانا اشوفك بذي الحاله مو قادر امشي و اتركك تتالم وتتعذب لوحدك يخي انت عمرك ما تركتني لوحدي ! حتى وانت سكران وتشرب كنت توقف معي و تحضنني اذا شفتني متضايق بس ابي اسالك سوال انت نفسه هو ولا تغيرت!

متعب نزل راسه بهدوء : لو جيتك وعلمتك غلطتك كان ما تقبلته بسببك ي سلطان هالولد هنا وناظر لعساف ،

سلطان صد بقهر : برضووو برضووو تحط الذنب علي!!! يخي متعب وصد بقهر وطلع لبرا ودموعه بعيونه ،

عساف كان جالس على الارض ويلعب بـ رضاعته ،

متعب كان منسدح على السرير وغمض عيونه بتعب ،

سلطان طلع وقف برا و سند ظهره على الجدار وهو يبكي ، لاول مره يبكي بهالطريقه ويتالم مو قادر يستوعب انه انغدر منهم الاثنين وبنفس اللحظه ماوده يفقد صديق عمره ،

مصعب كان متوجه عند متعب لكن وقف وهو يشوف سلطان مشى عنده بهدوء وقرب حضنه : ءسامحني ي سلطان ،

سلطان حاول يدفه بقهر لكن مصعب كان حاضنه بقوه ،

سلطان بدموع : يقول الغلططط مني ي مصعب يحط الذنب عليي!! انا راح اقول اي ذنبي بس هو راح يتركني ويموت! ماراح اخليه ي مصعب ماراح اخليه باقي انا ما اخذت حقي منه باقي ما عاتبته ما تهاوشت معه ليه سوا فيني كذا! والحين يبي يتركني ويموت! ماراح اخليه ي مصعب ،

'

ام صقر و ام نجلاء طلعوا من الجناح وبنفس الوقت الرجال طلعوا و توجهو للمصعد ، والحريم توجهوا ينزلون من الدرج،

امال كانت ماسكه جوالها بيدها وتصور لنجلاء ،

ام صقر و ام نجلاء كانوا بيدهم الاغراض القهوة والتمر والحلا،

ونزلوا كلهم تحت وتوجهو للبحر ،

يوسف التفت لعبدالرحمن : خلك وراهم لا يضيعون ،

عبدالرحمن هز راسه بـ اي ووقف وهو ينتظرهم ،

امال كانت تصور وما انتبهت لعبدالرحمن الي قدامها و رفعت جوالها وهي تصور ، عبدالرحمن التفت ولاحظ وتوقع انها تصوره وضحك وصد اخذ جواله ،

امال فزت من شافته ونزلت جوالها بهدوء ،

ام صقر : ما شاء الله تبارك الله الاجواء حلوهه اليوم ،

ام نجلاء : شوفي الزحمه كيف ما شاء الله ،

'

عبدالرحمن اخذ جواله وهو يكتب : مين سمح لك تصوريني؟

امال ناظرت لرسالته و رفعت راسها طالعت فيه : من زينك عشان اصورك كنت اصور الغيوم وما شاء الله ي كبرك مهما رفعت جوالي راسك طالع ،

عبدالرحمن كتم ضحكته : عالاقل ماني قصير زيك ،

امال ناظرت لرسالته : اسرع شفيك واقف كانك حارس ،

عبدالرحمن : ي سماجتك الحين نكته هذي ولا ؟

امال : الا صح ترا مافي شاهي اذا ما تدري ،

عبدالرحمن عقد حواجبه : بس انا طلبت؟

امال : اي بس ما احب اسوي الا في الليل الصباح ما احب،

عبدالرحمن : اها كذا نظامك يعني؟

امال ضحكت وهي تشوف انهم وصلوا للبحر ،

يوسف مشى وهو يفرش الفرشه ويجلسون ،

والحريم بعدو بعيد عنهم وفرشوا فرشتهم وجلسوا ،

'

مشعل رجع وفتح الباب ودخل وناظر لامه كانت جالسه وناظرت فيه : تعال ابي اكلمك لا تتهرب ،

مشعل : انا قلت الي عندي ردي قولي ماعندنا بنات للزواج اعرف الولد واعرف افعاله ما يناسبنا ،

ام مشعل بصدمه : ابي اعرف وش السبب ترفضه!

مشعل : ماعندي جواب وانا مصدع ابي ارتاح ،

ام مشعل : بنفسي اكلم ابوك وهو اكيد موافق ،

مشعل سكت وتوجه فتح الباب و دخل وهو يشوف الاكل نفسه على الطاوله ونجلاء على السرير تبرد اظافرها ،

مشى وبيده الكيس وتوجه حطه على السرير : شالاخبار ،

نجلاء ما ردت عليه وكملت تعدل اظافرها ،

مشعل جلس على طرف السرير : ما اكلتي ؟

نجلاء بهدوء : مو مشتهيه شيء اتركني ،

مشعل سحب الكيس الي على السرير وهمس : غمضي ،

نجلاء ناظرت فيه انه يتصرف ولا كانه مسوي شي ،

مشعل : غمضي بوريكِ شيء ،

نجلاء : ما بغمض ،

مشعل تنهد : يليل اخلصي راح تشوفين شي تحبينه بسرعه تاخرت على الدوام ترا ما رحت ،

نجلاء : وليه ما رحت ؟

مشعل : ما طاوعني قلبي اروح و اتركك زعلانه مني ماتدرين يمكن يصير فيني حادث و اموت بالطريق..قاطعته نجلاء شهقت بخوف : ءيمه مشعل اسكتتت مو وقتك ،

مشعل ابتسم : تخافين علي؟

نجلاء : ما اخاف ويلا بغمض قل شتبي ، وغمضت عيونها ،

مشعل ضحك وهو يفتح الكيس ويطلع ملابس نونو ، ومعه ورا احمر وحطهم قدامها : افتحي عيونك يلا ،

نجلاء فتحت عيونها وناظرت وضحكت لا شعوريًا وهي تشوف حجم الملابس و رفعت راسها لمشعل : كيوتتت ،

مشعل ضحك من فرحتها : وعاد الباقي قلت نروح مع بعض،

نجلاء اخذت اللبس وهي تطالع فيه وتبتسم وتتخيل النونو،

مشعل اخذ الورد الاحمر وناظر : و شصار على الورد؟

نجلاء ناظرت فيه وهمست : لاعاد تصارخ علي وتجنني ،

مشعل تنهد بهدوء : كنت معصب وانتي زدتي علي تعرفين اكره اشوفك تبكين قدامي واكره دموعك و امي اشغلتني بسالفة ريما والي خطبوها وانتي زدتي علي بحركاتك ،

نجلاء باستغراب : شفيها ريما ؟

مشعل : مدري عن امي تقول خطبوها الضيوف الي جاو ذيك الليله وانا مابيها تتزوج من ولدهم قابلته كم مره وسالت عنه وافعال مو مرضيني ،

نجلاء بهدوء : و عمي يعرف ؟

مشعل : مدري والله وتاخرت عن الدوام بروح بس قومي كلي،

نجلاء بهدوء : مالي خلق انت روح اذا اشتهيت اكل ،

مشعل بحده : قومييي بدون نقاش!

نجلاء ابتسمت وهزت راسها بـ اي وقامت ،

مشعل : عالفكره باقي ما راضيتك زين انتظري ارجع وتشوفين ،

نجلاء ضحكت وهي تشوفه طالع من الغرفه ، والتفتت كلست وهي تشوف الملابس وابتسمت : ياربيي كيوتتت ،

'

صقر وملاذ وصلوا لارض القصيم واخيرًا ،

ملاذ رفعت راسها وهي تشم الهواء ،

صقر ابتسم : يلا تعالي بنمشي وعدلي عبايتك ،

ملاذ عدلت عبايتها ومشت معه ركبوا التاكسي متوجهين للبيت صقر كان يفكر بردة فعل اهله كيف بيكون ابتسم وبعد ساعات وصلوا ، صقر ضحك لا شعوريًا وهو يشوف باب بيتهم اشتاق لكل شيء بيتهم واخوانه و امه وابوه ، ومشى وهو يطلع الشنط من السياره ومشى اخذ المفتاح فتح الباب و دخل واستغرب من الهدوء دخل لكن فز من مارلين شافته وصارخت وقامت تنط وحاطه يدها على فمها : سقرررر سقرررررر ،

ملاذ ضحكت وهي تشوفها والتفتت يمين يسار تشوف البيت،

'

امال اخذت القهوة وهي تشرب وناظرت لعبدالرحمن الي مشى عند البحر وهو يشرب قهوته ويطقطق بجواله ،

امال ابتسمت و رفعت جوالها تصوره و رسلت له : شف طولك، عبدالرحمن دخل وهو يشوف الصوره ضحك والتفت وراه يدورها ناظر فيها كانت جالسه : تعالي عند البحر ،

امال انصدمت وكتبت : لا يسمعك بابا عشان ما يذبحك،

عبدالرحمن : والله ناسيه انك كنتي معي لوحدك؟

امال قامت بـ ترد لكن سكتت وهي تناظر لامها وتسمع سوالفهم وهمست : خالتي قومي نروح للبحر ،

ام صقر التفتت وناظرت : قومي طيب بنمشي ،

ام نجلاء : روحوا انتم وانا هنا جالسه ،

ام صقر قامت امال كتبت له : جايه مع امك وريتها رسالتك،

عبدالرحمن ضحك والتفت وهو يشوف امه مع امال ،

'

ريما دخلت للغرفه وناظرت لنجلاء : تمشين للحديقه؟

نجلاء ابتسمت وناظرت فيها : الحين؟

ريما : اي بروح مع بابا نغير جو شوي الحديقه قريب هنا ،

نجلاء : تمام بلبس عبايتي واجي ،

ريما : ما شاء الله ي نجوله زاد وزنك ،

نجلاء ناظرتها بتوتر وتصنعت الضحكه ومشت تلبس ،

ريما : بروح اسوي كوفي لي ولك ونشرب ونتمشى ،

نجلاء طلعت من غرفتها وهي لابسه عبايتها وناظرت لـ ابو مشعل كان لابس شورت وتيشيرت وضحك : رايح اسوي رياضه عشان عمتك ما تخلعني بهالوزن ،

نجلاء ابتسمت وهمست : عمي ابي اطلبك طلب عادي؟

ابو مشعل عقد حواجبه : اكيد عادي ي بنتي لا تستاذنين ،

نجلاء : ابي اروح لاهلي تاخذني على طريقكم؟

ابو مشعل باستغراب : اهلك مو راحوا لجده ولا رجعوا؟ ابوكِ كلمني امس انهم في جده ،

نجلاء : اي بس اختي في البيت لوحدها اروح لها ،

ابو مشعل ابتسم : ابشري يابنتي تعالي ،

ريما طلعت وبيدها كوب كوفي ومشت مدت لنجلاء وابوها،

نجلاء ابتسمت بهدوء و رجعت لغرفتها ومشت اخذت شنطه صغيره عشان محد يشك وحطت اغراضها الي تحتاجهم ومشت طلعت وتوجهت للسياره تركب ،

ريما : يبه قبل كل شيء ابي اخذ دونات من دانكن ،

ابو مشعل : ابشري ،

نجلاء كانت جالسه ورا وغمضت عيونها بخوف وفزت من رن جوالها وناظرت للاسم كان مشعل وقفلت جوالها ولا ردت ،

'

الدكتور طلع وناظر لسلطان : هي في الغيبوبه الى الان ما صحت وجرحت يدها والجرح عميق جدًا دعواتكم بس ،

سلطان صد وهو ياخذ نفس وناظر لمصعب الي جالس ،

مصعب رفع نظره له : انا اروح البيت اذا احتجت شي كلمني،

سلطان صد بقهر ومشى وهو يجلس ونزل راسه يفكر لكن بحركه سريعه فز من سمع صوت طفل يبكي وتذكر عساف قام طلع وهو يدورها ومشى لمتعب ناظر فيه كان منسدح ويناظر بالسقف وصد عنه وهو يدور عساف لكن ما لقاه عقد حواجبه وطلع لكن وقف وهو يشوفه نايم على الارض والعامله الي تنظف المستشفى جنبه وكانها تدور اهل عساف ،

وتوجه بهدوء وهو يشوفه حاط بفمه رضاعته الي فاضي ،

وقرب يشيله بحضنه وناظر للعامله وهمس : شكرًا ،

العامله ابتسمت له ، سلطان توجه ومشى جلس وهو شايله ،

رفع راسه و سند ظهره على الكرسي ، وده يهرب وده يترك كل شيء بس مايدري كيف يطلع نفسه من هالموضوع كله ،

وناظر لعساف الي تمسك بثوبه ونايم ،

'

مشعل طلع من المحل مُلاحظه " يشتغل بـ محل الجوالات ،

طلع وناظر لجواله الي رن و رد : ياخي طفشتني يخي ،

سعود بضحكه : ليه وينك فيه؟

مشعل : توي طالع من الدوام اروح البيت ارتاح شوي ،

سعود : يلا دور لي وظيفه مابقى شي وجايك ،

مشعل : يا شينك ي سعود بالاول تعال و ابشر ادور لك ،

سعود : والله جايك اصبر علي بس. 

مشعل : اي يصير خير من عرفتك وهذا كلامك ويوم جيت جلست كم يوم و رجعت ،

سعود : شسوي اهلي كانوا هنا بس ان شاء الله نجي كلنا هالمره واتزوج وارتاح ،

'

صقر ناظر فيها : وين امي؟

مارلين : بابا كبير وبابا صغير وماما كلو روح جده ،

صقر بصدمه : في جده؟؟

مارلين : ايوا هنا بيت بس في عمر وفي سولتان ،

فجاه فتح الباب عمر وتصنم بمكانه وهو يشوف صقر ،

صقر التفت له وضحك عمر ركض له وهو يحضنه ،

ملاذ كانت مصدومه تناظر فيهم كلهم وتناظر للبيت ،

عمر : الله ياخذك متى جيتتت؟؟ وليه ما علمتني!!

صقر : والله ليتني علمتكم مافي احد لا يكون دحوم بعد راح؟

عمر : يخي تعال اجلس ارتاح واعلمك ،

صقر التفت لملاذ وناظر لمارلين : خذيها لغرفتي ،

ملاذ مشت مع مارلين لغرفتها فتحت الباب و دخلت و رفعت نظرها وهي تناظر بالغرفه كله ومشت تفسخ عبايتها ،

صقر جلس وعمر جلس جنبه : يخي تكفى قل صدق انت هنا؟

صقر ضحك وهو يقرصه : هاه حسيت ولا لا؟

عمر بضحكه : لا والله للحين مو مصدق انك رجعت ،

صقر اخذ جواله : خلني اهاوش امي شوي ،

عمر ضحك وهو جالس وصارخ : مارليننن قهوة قهوة عشان يحس انه في السعودية ،

صقر ضحك وناظر فيه : اي والله اشتهيت قهوة وتمر ،

عمر ضحك وهو يناظر فيه وصقر دخل يتصل على امه ،

عمر : يخي تغيرت شفيك ونحفت مره؟

صقر : تكفى عمر شكله جتك حالة امي اسكت بس ،

عمر التفت يمين يسار : اسمح لي اسلم على زوجة الاخ ،

صقر عقد حواجبه : والله لا اقوم ارفسك ،

عمر : يخي خلني اشوفها واسالها كيف شكلي دامها صارت تشوف ، صقر ضحك وصد وحط جواله على اذنه ،

عمر : ما ترد ؟ صقر هز راسه بالنفي ،

عمر : اتصل على عبدالرحمن اجل ،

'

ام صقر مشت وقفت عند البحر و آمال معها ،

عبدالرحمن مشى عندهم : يمه تدرين في وحده ماتت هنا؟

امال التفتت على صوته وهي تشوف وقف جنب امه على يسار وهي جنب ام صقر على يمينها ،

ام صقر شهقت : صدق؟؟؟

عبدالرحمن ضحك :  انتي تصدقين اي شي ،

ام صقر : زمان كانوا يقولون في ولد طعن بنتي هنا ،

امال بضحكه : خالتي اشاعات الواتس انتم تصدقونه ،

عبدالرحمن التفت على ضحكتها ، امال فزت من تذكرت انه في ، واخذت جوالها اول ما رن وبعدت وهي ترد ،

نجلاء : حيوانه وينكم ليه ما تردون اتصل على امي ماترد!

امال بضحكه : نست جوالها بالفندق وبعدين شتبين اتصلتي؟

نجلاء : الشغاله في البيت صح بسرعه!

امال باستغراب : اي في البيت ليه؟

نجلاء : خلاص اعلمك بعدين وقولي لماما تدق علي اشتقت لها رحتوا ونسيتوني ،

امال ابتسمت : تمام ابشري اكلمها واكلم بابا بعد ،

نجلاء ابتسمت وقفلت منها ،

ابو مشعل  و ريما كانوا بالبقالة فجاه انفتح الباب ر ركبوا ،

امال التفتت وهي تشوفهم يسولفون ومشت وقفت ،

عبدالرحمن رن جواله انصدم وناظر للرقم : صقر!!

صقر : ي حسرتي بس خيبتوا ظني جيت وانتم هجيتوا ،

عبدالرحمن بضحكه : تستهبل انت متى جيت! وليه ما علمتنا!

ام صقر التفتت له باستغراب : شصاير؟

عبدالرحمن : تعال تعال سناب امي تصدق ،

وناظر لامه : صقر رجع ابشرك ،

ام صقر صدت : لا تكذب علي هالكذبات ما اصدقك انا ،

عبدالرحمن : ي صقر ارسل صورتك عشان تصدق ،

صقر ضحك وطلع وهو يصور مع عمر و رسله واتس ،

عبدالرحمن دخل لصورته : هاه شوفي ،

ام صقر : الصوره قديم اك..سكتت وفزت وحطت يدها على قلبها وهي تشوف صقر كيف تغير ونحف كثير تجمعت الدموع بعيونها وسحبت الجوال من عبدالرحمن وهي تشوفه ،

عبدالرحمن التفت لآمال الي كانت واقفه تناظر بصدمه وابتسمت بفرح انها ملاذ رجعت واخيرًا ،

عبدالرحمن اخذ الجوال اول ما صقر اتصل سناب كام ،

و رد وهو يفتح الكام والتفت لامال و اشر لها بمعنى ابعدي ،

امال استغربت وسكتت وهي تبعد عنهم شوي ،

ام صقر اخذت الجوال وهي مصدومه : صقرر!!

صقر ضحك وهو يناظر : ياهلا بالغاليه كيفك ي يمه ،

ام صقر ما كانت تسمعه بسبب الموج صوت البحر ،

نزلت دموعها : جايك ي يمه جايه ،

عبدالرحمن : يليل يمه استانسي وانتي تبكين واخذ الجوال منها ، ام صقر مسحت دموعها  وقامت بتمشي آمال لحقتها،

صقر : يقلبي رجعهااا ي عبدالرحمن والله اني ميت شوق لها،

عبدالرحمن : والله اني راجع الليله وجايك ابشر ،

صقر : وينه ابوي ابي اشوفه ،

عبدالرحمن ابتسم : اروح احط الكام عليهم بس انكتم ياويلك تطلع صوت ، ومشى متوجه عندهم وجلس وهو رافع جواله ،

الجد سُليمان : والله مافي افضل من انه الانسان يشتغل ويتعب على نفسه ،

يوسف : هذا حنا يبه من جينا على الدنيا وحنا نشتغل ،

فهد بضحكه : اي والله ما علمونا الا الكرف ،

صقر كان يسمع سوالفهم ابتسم وهو يشوفهم ،

عبدالرحمن : يبه سمعت جانا ضيف في بيتنا ،

يوسف التفت له باستغراب : ضيف وحنا هنا؟

الجد سُليمان : اكيد اسماعيل الي جاء من فتره يتصل واقفل،

عبدالرحمن تغير ملامح وجهه وصد : صقر الي جاء ،

فهد انصدم وناظر : صقر !

يوسف ابتسم بفرح : صقررر صدق ولا تستهبل انت!

'

ابو مشعل وقف سيارته : يلا يابنتي وصلنا ،

ريما ابتسمت : سلمي على امالوه اشتقت لها ،

نجلاء ابتسمت وهمست : ابشري يلا مع سلامه ، نزلت وتوجهت للبيت وهي ترن الجرس ،

الشغاله كانت في الحديقه تكلم اهلها فزت من رن الجرس ومشت : ماما مافي في البيت ،

نجلاء : افتحيي هذي انا نجلاء ،

الشغاله فتحت وابتسمت وهي تشوف نجلاء ،

نجلاء دخلت وقفلت الباب : سوي لي شي سريع ميته جوع ، الشغاله هزت راسها بـ اي ومشت ،

نجلاء مشت توجهت لغرفة امال حطت شنطتها والعبايه وجلست بتعب ..

'

عمر : شرايك نروح الماك ناكل ونرجع؟

صقر ابتسم : تمام خلني اغير واخذ له شاور واجي ،

عمر : تم يلا بسرعه انتظرك ، واخذ جواله يكلم غلا ،

صقر توجه دخل الغرفه وهو يشوف ملاذ عند التسريحه تشوف نفسها وابتسم وناظر فيها : مالومك تتاملين نفسك ،

ملاذ فزت على صوته والتفتت له وناظرت فيه ،

صقر : اهلك واهلي كلهم في جده بيرجعون بكره ،

ملاذ سكتت وهزت راسها بـ اي وهي مو قادره تنتظر ،

صقر مشى وهو يفتح الدولاب وطلع ثوبه : والله اشتقت ،

ومشى حط ثوبه وطلع شماغه الاحمر وحطه وتوجه للحمام،

ملاذ اخذت نفس. مشت جلست وهي تفكر بـ اهلها وتبي تشوفهم باسرع وقت وتشوف وجههم وكل شيء فيهم ،

عمر مشى لغرفته يغير ثوبه وطلع : مارلين ،

مارلين ركضت له وناظرت فيه : شفي نادي انا؟

عمر : روحي للعروسه يمكن تبي اكل او شي عطيها وانا وصقر بنروح وانت خليكِ عندها لا تبتلشينا ،

مارلين ناظرته : عمر انا في سوال ايسال؟

عمر : لا تكفين لا تسالين ،

مارلين : الا في ايسال وين بيلا مافي شوف اسبوعين ؟

عمر بتوتر : ماتت اندعست تحت السياره وعقبالك وافتك ،

مارلين شهقت : بسم الله على انا ليه انتا يبغى موت انا؟

عمر تنهد وهو يصد لكن استغرب من اندق الباب ومشت وهي تفتح الباب وضحك وهو يشوف خالتهم مُزنه ،

خاله مُزنه دخلت وهي تزغرط : لولولولوش ،

عمر ضحك وهو يسلم عليها : خالتي مُزنه !

خاله مُزنه : اي امكم اتصلت تبكي تقول ولدي جاء وانا بعيده قلت والله لا اروح واشوفه ما حضرت عرسه عالاقل استقبله،

عمر ضحك وناظر : والله اني مشتاق لك تعالي تعالي ،

صقر وقف وهو يعدل شماغه وتعطر والتفت لملاذ الي كانت جالسه و سرحانه ومشى عندها : ايش فيكِ يقلبي؟

ملاذ وقفت وناظرته وابتسمت وقربت تعدل شماغه ،

صقر قرب وهو يبوس خدها : يلا بمشي انا انتبهي لنفسك،

ملاذ هزت راسها بـ اي وصقر قرب خده منها : بسرعه يلا ،

ملاذ ابتسمت و باسته ، صقر ضحك ومشى طلع ،

اول ما طلع انصدم وهو يشوف خالته الي بدات تزغرط ،

وعمر يصفق : الف صلاة وسلام وضحك وهو يشوف صقر ،

ملاذ كانت جالسه استغربت وهي تسمع اصوات وصراخ ،

خاله مُزنه مشت وهي تحضن صقر وتبارك له ،

مارلين كانت واقفه وقعدت ترقص وتضحك ،

صقر التفت لعمر : قم انقلع بتجي زوجتي تسلم ،

عمر : يليل لازم تخربون علي خلها تجي اغمض و اصفق ،

صقر : خاله مُزنه تكفين صفقيه و بردي قلبي ،

عمر ضحك : خلاص خلاص رايح البس شماغي اقلدك ،

ومشى متوجه لغرفته وقفل الباب ،

صقر : كيفك وكيف صحتك والله من زمان عنك ،

خاله مُزنه : خلك مني وينها زوجتك بشوفها ،

صقر مشى فتح باب غرفته وناظر : ملاذ تعالي ،

ملاذ طلعت وكانت لابسه فستان ابيض خفيف وفاتحه شعرها

طلعت وهي تناظر ، خاله مُزنه ابتسمت بفرح وقربت وهي تحضن ملاذ : ياهلا ياهلا بعروسة هالبيت ،

صقر ابتسم وهو يناظر : خاله رايح مشوار و راجع واجيب عشاء معي انتظرينا ومافي روحه لبيتك ،

خاله مُزنه بضحكه : ماني رايحه بجلس مع العروسه ،

صقر ابتسم وناظر لملاذ : هذي خالتي مُزنه اخت امي الوحيده وكلنا نحبها وحنا صغار محد ينقذنا غيرها لما امي كانت تجلدني ، ملاذ ضحكت والتفتت واشرت لخاله مُزنه بمعنى فسخي عبايتها ، فهمت عليها وفسخت عبايتها ،

صقر ضحك ومشى لغرفة عمر ناظر فيها كان يلبس شماغه والتفت للوحه الي كان مغطي بقماش : ليه مغطيه؟

عمر فز بتوتر : عشان ما يجي عليه غبار ، يلا بنمشي؟

صقر : اي يلا و زين جت خالتي ماكان بخاطري اترك زوجتي،

عمر : قل ملاذ وش زوجتي ترا اعرف اسمها ،

صقر عقد حواجبه : قسم بالله لا ادفنك لو رجعت تنطق اسمها ي حيوان ،

عمر بضحكه : يليل الغيور امزح خلاص معرف شسمها ،

صقر ابتسم وطلع عمر لحقه وهو يضحك ويعدل شماغه ،

صقر : لابس ابيض اكيد حق سلطان ،

عمر : لا ماعليك حقي ، وطلعوا متوجهين للسياره و ركبوا ،

صقر ركب وناظر لعمر الي بدا يسوق متوجهين للماك ،

عمر : بالله شبك شبك شغل شي ودي ارقص ،

صقر : يليل تبي تسوي فينا حادث اخلص ،

عمر : يخي شغل احس عرسك اليوم والله ،

صقر ضحك وهو يشبك البلتوث ويشغل ،

'

ام نجلاء و ام صقر وصلوا الفندق وهم يجهزون الاغراض ،

والرجال كلهم كانوا تحت وخلاص الليله بيرجعون ،

يوسف : حنا بنروح بسياره وحده وناظر لعبدالرحمن وانت خذ امك و زوجة فهد والي معاهم و الحقني ،

عبدالرحمن : ابشر يبه ،

يوسف مشى وقف عند السياره وهو يناظر بالمرايه ويعدل شماغه ، نزل فهد وبيده الاغراض : حطهم ورا ي ولدي ،

عبدالرحمن مشى وهو يحط الاغراض بالسياره ،

الجد سُليمان كان جالس في السياره ورا عشان يرتاح ،

فهد كان بيده شماغه ومشى ركب قدام ، ويوسف ركب ،

عبدالرحمن مشى فتح باب السياره وهو يطلع شماغه ،

الجد سُليمان ويوسف وفهد حركوا متوجهين للقصيم ،

عبدالرحمن تنهد وهو ينتظرهم ينزلون ،

امال كانت واقفه تتمكيج : انتظروني شوي ،

ام نجلاء : على فاضي تتعبين راح نوصل متاخر ،

امال ابتسمت : عادي اهم شي ملاذ تشوفني متكشخه ،

ام نجلاء ابتسمت ومشت : اكلم نجلاء كانت تتصل ،

امال مشت وهي تطلع فستانها الموفي ومشت وهي تلبس وتتجهز بعد دقايق خلصت و لبست عبايتها والكعب ،

حطت النقاب بالشنطه ما لبسته عشان ما تخرب مكياجها وحطت الطرحه على وجهها واخذت جوالها وطلعت ،

ام نجلاء : شكلها نامت اختك ماترد يلا انزلي جاين انا وخالتك،

ام صقر : والله بنتك بسببها تاخرنا عبدالرحمن معصب يتصل،

ام نجلاء : يلا يلا خلينا ننزل لا يمشون ويتركونا ،

امال مشت ركبت المصعد قبلهم ونزلت كانت متوقعه تروح مع ابوها ونزلت لتحت ، عبدالرحمن كان واقف عند السياره وماسك جواله فاتح الكام ويعدل شماغه ويتصور لصقر لكن عقد حواجبه من الانسانه الي طلعت بالكام والتفتت وهو يشوفها كانت واقفه والجوال بيدها وماسكه عبايتها ، وفستانها الي واضح من العبايه عقد حواجبه : رايحه عرس انتي؟

امال فزت على صوته وناظرت فيه : وين بابا؟

عبدالرحمن : اركبي بسرعه ما تشوفين الرجال رايحين جاين!

امال : بنروح معك؟

عبدالرحمن : لا والله انتظري بينزل الطياره من السماء الحين وياخذك اخلصي بسرعه اركبي ،

امال ناظرته بقهر ومشت تركب ، بهاللحظه نزلوا ام صقر و ام نجلاء ومشو وهم يركبون السياره ، ام صقر ركبت قدام ،

عبدالرحمن ركب وبدا يسوق متوجهين للقصيم ،

ام صقر ابتسمت : توكلنا على الله ،

'

سلطان كان بالمستشفى ناظر لساعته واخذ جواله وهو يشوف شاحنه مخلص تنهد وتركه والتفت لعساف الي بدا يبكي وصحى من نومه يبي رضاعه ، سلطان قام وقف وحطه على الارض و مد اصبعه له عساف مسك اصبعه وهو يبكي ويمشي معه ، سلطان طلع من المستشفى وهو يحس بصداع طول الوقت صاحي ولا اكل شي و غرقان بالهموم توجه دخل سوبر ماركت ومشى ياخذ حبوب صداع واخذ مويه وهو يشرب ،

عساف مشى يركض بالسوبر ماركت ومشى وهو يشيل كيك،

سلطان وقف يناظر فيه ومشى لعنده شاله واخذ له كيك وعصير وطلع ومشى حطه فوق السياره وهو يفتح له ،

عساف بدا ياكل ويناظر فيه ، سلطان مشى فتح باب سيارته وشبك جواله بالشاحن ومشى لعساف وهو يناظر فيه بهدوء وكيف قاعد ياكل بنفسه وهمس : ليه صرت الوم نفسي واشوف وجودك على هالدنيا بسببي! انا ايش ذنبي اتحمل غلطة امك وابوك وانا مالي يد بشي! قل انت ي عساف انا صدق غلطت بحقك ! ي بحق امك او ابوك! يخي صرت اشوفك واطالع فيك و العن نفسي و اسب نفسي ! عساف كان ساكت ياكل ويطالع فيه تنهد سلطان : ليه تطالع فيني كذا ! حتى انت تشوف اني انا السبب بوجودك! يخي صد وسكت و استوعب على نفسه انه قاعد يتكلم مع طفل ، غمض عيونه بقهر وقرب شاله وتوجه دخل المستشفى ،

'

مشعل دخل البيت وتوجه لغرفته انصدم وهو يشوف نجلاء مو فيه توجه للحمام : نجلاء!! لكن ماكانت فيه وطلع وهو يدورها وناظر لريما : وينها؟

ريما بهدوء : راحت لبيت اهلها ما قالت لك؟

مشعل بصدمه : مين اخذهاا؟؟؟

فجاه دخل ابو مشعل وناظر : انا اخذتها كلمتني ،

مشعل : مو اهلها مو في ليه راحت؟

ابو مشعل : الا قالت لي اختها في البيت و لا يكون صاير بينكم شيء نجلاء ماكانت على بعضها ،

مشعل صد وقام طلع بقهر ، ريما انصدمت وناظرت لابوها ،

ابو مشعل عقد حواجبه : شفيه اخوكِ؟

ريما : اكيد متهاوشين عشان كذا نجلاء راحت معك ،

ابو مشعل تنهد : الله يهديهم ،

ريما بخوف : يبه تكفى الحقه اخاف يسوي لها شيء ،

ابو مشعل : اخوك عاقل ماهو طفل عشان يضربها ،

ريما : برضوا يبه روح وشف شسالفه وليه يتهاوشون ،

ابو مشعل : ماودي اتدخل بامورهم الشخصي بس عشانك بروح و اتفاهم مع اخوكِ يهجد ، ومشى طلع يلحق مشعل،

'

نجلاء كانت جالسه بغرفة امال منسدح وتطقطق بجوالها وتشوف الصور والمقاطع الي رسلتهم آمال ، سكتت وهي جوالها يرن وناظرت للرقم كان مشعل وقفلت الخط ،

لكن فزت وهي بنفس الوقت تسمع الجرس يرن استغربت وقامت بتمشي تشوف من الشباك ،

الشغاله كانت جالسه في الحديقه وفتحت الباب ،

دخل مشعل وناظر : فين نجلاء! والتفت للبيت وهو يصارخ : نجلااااء اطلعييي بسرعه ،

نجلاء انصدمت وهي تسمع ومشت طلعت للحديقه وهي تشوفه وهمست : شتبيي منيي ليهه جايي!!

مشعل بحده : انتيي شصاير. لعقلك!!

نجلاء : مو بنفسك طردتني وقلت لي روح! وتبغى تشوف اذا ابوي يرميني عندك ولا لا صح! تفضل شف انا هنا في بيتي ،

مشعل بعصبيه : نجلااااء لااا تجنينييييي ،

نجلاء بصراخ : ماراححح امشسيي معكك و راح اعلم ..سكتت من دخل ابو مشعل ، ومشعل انصدم والتفت لابوه ،

ابو مشعل بصدمه : شصاير فيكم ما تشوفون الباب مفتوح وتصارخون كذا! والتفت لنجلاء الي كانت واقفه تبكي ،

وهمس : ليه تبكين يا بنتي شصاير!

مشعل رفع راسه لنجلاء : طيب خليكِ جالسه هنا ولا عاد ترجعين ومن بعد الليله لاعاد اشوف وجهك ، وقام بيمشي لكن مسكه ابو مشعل : شقاعددد تقولل انجنيتتت انتتت!!!

مشعل : اي يا يبه انجنيت و زي ما سمعت ماعاد ابيها ،

نجلاء صدت وسكتت ولا ودها تطول لسانها قدام ابوه ،

ابو مشعل التفت لنجلاء : تعالي هنا ي بنتي ،

مشعل عقد حواجبه وناظر لابوه الي ماسكه من كتفه ،

نجلاء مشت لعنده ودموعها تنزل : ءعمي حتى انا ما ابيه ،

ابو مشعل : قولي شمسوي فيكِ هالكلببب! وليه تبكين كذاا!!

مشعل سحب يده من ابوه بقوه بقهر وناظر لنجلاء ،

ابو مشعل : لا تخافين يا بنت انا هنا اعتبريني زي ابوكِ وقولي،

نجلاء بدموع وحقد : ءدايم يصارخ علي ويضربني..سكتت وهي تشوف مشعل الي انصدم وتجمد بمكانه وناظر فيها ،

ابو مشعل التفت لنجلاء بصدمه : ضربك!

مشعل سكت وهو يناظر فيها ولا تكلم بحرف واحد ،

نجلاء : تعبت منه ي عمي يتحكم فيني بكل شيء و يهددني انه يطلقني ويقول ارميكِ عند ابوكِ و..ماكملت كلامها وفزت وهي تشوف ابو مشعل الي رفع يده وضرب كف لمشعل ،

مشعل حس يد ابوه طبع على خده من قوة الكف غمض عيونه بقهر وحط يده على خده والتفت ناظر لنجلاء ،

ابو مشعل رفع اصبعه بتهديد : هذااا افعالككك مع زوجتكك!!! وش تبغى ارد على خالككك لماا يعرف افعالكك!!! تبغى تسوددد وجهيي!! هذا نهاية تربيتييي فيككك!!

نجلاء ناظرت لمشعل الي كان ساكت وواقف بهدوء ،

ابو مشعل التفت لنجلاء : شوفي يا بنتي ارجعي البيت انتي وقسم بالله اذا رفع يده عليكِ او حتى صارخ تعالي كلميني انا! وبنفسي اتفاهم معه و اربيه بس الحين ارجعي البيت ماودي بمشاكل مع ابوكِ وانتي تعرفين علاقة عمتك وابوكِ كيف ،

مشعل نزل راسه بالارض وهو يسمع بهدوء ،

نجلاء كانت منصدمه منه وهمست بخوف : مابي ارجع ،

ابو مشعل : خايفه منه! خايف منه وعمك موجود! روحي يا يبه تجهزي وانزلي ماني رايح من هنا لين تجينن ،

نجلاء سكتت وتوجهت للبيت وهي خايفه ومتوتره وتعرف مستحيل مشعل راح يسكت وبياخذ حقه اذا رجعت ،

ابو مشعل ناظر لمشعل : شف ي مشعل كلمتين وحطه براسك انا ماني ناقص مشاكل باخر عمري!! ولا ودي اواجه الناس و انزل راسي بسبب افعالك! كيف اواجه خالك لما يقول ولدك يضرب بنتي! قد شفتني ضربت امك! اعقل ي مشعل اعقلل،

مشعل بهدوء : ان شاءالله ، وصد بيطلع لكن وقف وهو يسمع : اوقفف انتظرها تجي وخذها معك للبيت ،

مشعل سكت بهدوء و رجع وقف ، نجلاء نزلت وهي لابسه عبايتها مشعل رفع راسه ناظر فيها : انتظرك ومشى طلع،

ابو مشعل ابتسم وناظر لنجلاء : روحي يابنتي تفاهمت معه،

نجلاء هزت راسها بـ اي وهي ماودها الموضوع يوصل لابوها ولا توقعت الموضوع يكبر كذا نيتها كانت تهدد مشعل ،

ومشت طلعت وهي تشوفه ينتظرها بالسياره ومشت فتحت الباب و ركبت ، مشعل حرك سيارته بهدوء متوجه للبيت ،

نجلاء كانت خايفه من سكوته طول الوقت ولا قادره تطالع فيه او تحط عينها بعينه ،

'

صقر وعمر كانوا جالسين وقفوا السياره على جنب وبداو ياكلون ويسولفون ،

عمر : تدري بكره اتخرج و افتك اخيرًا ،

صقر ابتسم : والله اجل زين جيت ،

عمر ناظر فيه : صقر تدري ماعاد ودي اصير عسكري صحيح ازعجتكم و ابلشتكم بس خلاص كنسلت ،

صقر عقد حواجبه : وليه كنسلت! ابوي متحمس ومابقى احد ما علمه ولدي بيصير عسكري دعواتكم والله وانا في المانيا صاحب ابوي اتصل ويقول انت عمر الي بتصير عسكري ،

عمر بضحكه : يخي ابوي يصلح في اخبار التاسع.

صقر : لا تخيب ظنه يعمري هو يتباهى فيك ي اخر العنقود ،

عمر سكت وكمل ياكل وهو يتذكر غلا ، مستحيل يتركها،

'

خاله مُزنه مشت وهي تبخر البيت ومارلين تحط القهوة ،

ملاذ ابتسمت وهي ترتب مخدات الكنب ،

خاله مُزنه التفتت لها : لااا يا يمه لا تشتغلين اجلسي انتي عروسه ما اخليكِ تشتغلين ، ملاذ ابتسمت وجلست وهي تناظر فيهم وقعدت تناظر بساعتها تنتظر اهلها ،

'

عبدالرحمن كان يسوق بهدوء والتفت من مدت له امه العلك واخذه منها وهو ياكل ويسوق ،

ام صقر التفتت لوراء وهي توزع لهم العلك ،

عبدالرحمن رن جواله اخذه وهو يرد : هلا عمر ،

عمر : وينكم يخي سنه تجون القصيم ،

عبدالرحمن : بالطريق جاين خلكم صاحين ،

عمر : والله انا عن نفسي ما انام بكره اتخرج ،

عبدالرحمن بضحكه : محد مهتم لتخرجك صدقني ،

ام صقر التفتت وضحكت وهي تعرف عبدالرحمن وش مُخطط، ويبي يبين لعمر العكس عشان ينصدم ،

عمر بقهر : يخي محد سالك بكيفي مستانس انا شتبي انت!

عبدالرحمن : يلا يلا قفل لا اخذ مخالفه بسببك،

'

نجلاء مشت دخلت لغرفته مشعل دخل البيت لكن وقفه صوت ابوه الي وصل معاهم بنفس اللحظه : مشعل ،

مشعل التفت له : هلا ،

ابو مشعل : شف يا يبه بنت الناس برقبتك امانه لا تزعلها ولا تضربها تعرفها دلوعة اهلها وتعرف خالك كيف يدلع بناتهم ويحبهم بكره تروح تشتكي له وتكبر السالفه وتعرف امك بعد ماراح تقصر وتزيد المشاكل ياولدي اعقل وانهي المشاكل،

مشعل تنهد وهمس : ان شاء الله يبه ماراح اعيده ،

ابو مشعل ابتسم ومشى متوجه دخل البيت ،

مشعل مشى لغرفته فتح الباب وهو يشوفها جالسه تعلق عبايتها ، تجاهلها ومشى فسخ ثوبه وحطه على الكنب وانسدح بهدوء وغمض عيونه ينام ، ولا طلب منها تقفل الضوء ،

مشت بهدوء وهي تسحب المخده وتنام على الارض ، مشعل حس لكن ما تحرك وهو يحاول ينام ولا وده يتناقش معها ما توقع منها لهدرجه تكبر الموضوع وتكذب عليه! عمره ما رفع يده عليها ولو يموت مستحيل يرفع يده عليها! لكن ما حب يفشلها قدام ابوه ، وحط الغلط كله على نفسه رغم انه صارخ عليها بلحظة غضب ماكان متعمد بس نجلاء كبرت السالفه وخلته يندم باليوم الي حبها فيه ، طرد كل الافكار من راسه وهو يحاول ينام ،

نجلاء كانت منسدحه وتفكر : ياربي ليه تسرعت وكذبت.

نجلاء كانت منسدحه وتفكر : ياربي ليه تسرعت وكذبت اكيد بيكون زعل بس قهرني كيف يقول ابوي يرميني عنده! بابا يحبني ومستحيل يسوي فيني كذا! تنهدت وغمضت تنام ،

'

صقر نزل من السياره والتفت لعمر الي نزل بيلحقه يدخل وقفه وناظر : اصبر بشوف زوجتي بالصاله ولا داخل ،

عمر تنهد : يليل الحين وضعي نفس السواق ،

صقر ضحك ودخل وناظر ملاذ مو موجوده وصارخ : ادخللل ،

عمر دخل وناظر لخالته كانت واقفه تبخر ومشغله شيله ،

صقر ابتسم ومشى وهو يجلس : وينها زوجتي ي خالتي؟

خاله مُزنه : راحت تتجهز ياولدي ،

عمر كان وقف يرقص مع مارلين ويضحك ،

صقر : مجانين وتجمعوا ، قام وتوجه للغرفه ،

ملاذ لبست فستان اصفر وحطت روج احمر وتعطرت من عطرها الي تحبه وامها كانت تعطرها منه دايم ونفس العطر الي شمه صقر في جاكيتها ووقفت وهي تعدل شعرها فزت من انفتح الباب والتفتت وهي تشوفه ،

صقر وقف بمكانه وهو يقفل الباب بيده ويناظر فيها ويبتسم،

ملاذ لاول مره تلبس فستان ضيق قدامه وتتمكيج كذا ،

صقر مشى وهو يشم ريحة العطر بالغرفه كله ،

ملاذ ناظرته بهدوء ، صقر تقدم لعندها وسحب شماغه وهو يرميه عند السرير : ناويه علي! لو داري ما جبتك ،

ملاذ ابتسمت بهدوء وتوتر وناظرته بصمت ،

صقر قرب وهو يمسكها من يدها ويسحبها له : كيف اتحمل؟ وانا اشوفك كذا؟ من بعد اليوم مابي اشوفك الا كذا ،

ملاذ سكتت وهي تناظر بعيونه ،

صقر تنهد وهو يتذكر : انتي ذبحتيني من ذيك الليله بعطرك ،

ملاذ عقدت حواجبها وكمل صقر : ما اذكر قد علمتك قبل خفت تزعلين مني بس انا الي انقذتك وقت طحتي ،

ملاذ سكتت وهي تحاول تتذكر ومتى شافها ومتى طاحت ،

صقر مد يده لشعرها وهو يبعد الخصله عن عيونها ،

ملاذ سكتت وعطته ظهرها ووقفت عند المرايه تعدل شعرها،

صقر قرب وهو يحضنها من ورا : خلينا نسحب عليهم ،

ملاذ ابتسمت وهي تناظر فيه من المرايا ،

صقر قرب وجهه وهو يشم شعرها و ريحة عطرها ،

'

يوسف وقف السياره ونزلوا فهد والجد سُليمان ،

وبنفس اللحظه وقف سيارة عبدالرحمن ونزل ،

الرجال بعدو عن الباب ووقفوا بعيد عشان الحريم يدخلون ،

عبدالرحمن مشى وهو يفتح الباب لامه ، ام صقر نزلت ،

و ام نجلاء نزلت من ورا ودخلوا ، امال نزلت من الباب الثاني والتفتت وهي تدور ابوها ، طلع عمر من البيت من سمع صوت السياره والبوري ووقف وهو يشوفهم ،

صقر كان بغرفته لكن سمع صوت البوري وصراخ مارلين ،

ملاذ فزت من تذكرت اهلها وصلوا تجمعت الدموع بعيونها،

صقر سحب شماغه وهو يلبسه لكن وقف وهو يشوفها بدات تبكي وناظر : ياويلك مني ي ملاذ! لا تبكين تكفين راح توجعين عيونك ولو صار فيكِ شي والله لا ارجعك المانيا ،

ملاذ سكتت بخوف ومدت يدها تمسح دموعها وقامت بتمشي لكن وقفها صقر : اوقفي اكيد اخواني برا اشوف واكلمك ،

امال مشت بتدخل البيت لكن وقفت وهي تشوفه عمر الي كان طالع بنفس الوقت و رفعت نظرها له ،

عبدالرحمن كان واقف يناظر وناظر لعمر الي طلع ولا بعد عن الطريق ، امال دخلت بعد ما طلع عمر ،

عبدالرحمن مشى عنده : حمار انت! ماتشوف البنت بتدخل!

عمر التفت : والله ما انتبهت لها على بالي دخلوا ،

عبدالرحمن : وينه صقر! خله يجي للمجلس الحريم داخل،

الرجال كلهم دخلوا المجلس من الباب الخلفي ،

صقر فتح الباب وطلع وهو يشوف امه و ام نجلاء ،

امال كانت متغطيه واقفه على جنب تدري يسلمون على صقر،

ام صقر انصدمت وهي تشوفه صقر مشى وهو يسلم عليها ،

ام صقر حضنته ودموعها تنزل : كيفك؟

صقر ابتسم : بخير ي يمه بخير لا تبكين ولا راح ارجع ، والتفت لـ ام نجلاء وهو يسلم عليها : كيفك خالتي ،

امال انسحبت وتوجهت دخلت غرفته تدري ملاذ تكون هنا،

ملاذ كانت واقفه تنتظر فزت من دخلت امال وناظرت فيها وهي متجمده بمكانها ، امال ناظرتها وكيف تغيرت ركضت وهي تخضنها : ملاذذذذ ، ملاذ حضنتها ودموعها بعيونها ،

امال بعدت وهي تطالع فيها نزلت دموعها : اشتقت لك ،

ملاذ رفعت راسها وهي تشوفها وتشوف شكلها وكل شي فيها،

بهاللحظه دخلت ام نجلاء وهي تشوف ملاذ ،

ملاذ التفتت لها و ركضت لها وهي تحضنها وتبكي ،

ام نجلاء بدات تبكي وهي تمسح على شعرها وحاضنتها.

'

سلطان كان جالس يطالع بـ عساف الي يركض واخذ جواله وهو يشوف الرسايل و اتصالات من عمر وعبدالرحمن وصقر

تنهد وترك جواله وتوجه للدكتور سال عن سُلاف لكن للاسف باقي ما قامت وتوجه لغرفة متعب ناظر فيه كان نايم ،

وطلع وناظر لعساف الي كان يركض بالمستشفى مشى وهو يمد يده له عساف مسك يده ، سلطان طلع واخذه معه ومشى ركب سيارته وحطه على المقعد وبدا يسوق ،

'

صقر دخل المجلس وهمس : السلام عليكم ،

الكل فزو من مكانهم يوسف قام و ركض وهو يحضنه ،

صقر ابتسم وهو يشد عليه ويقبل يدينه وجبينه ،

والتفت لجده الي قام ومشى وهو يقبل يده ،

فهد قام وقف وهو يناظر بـ صقر وبنفس الوقت خايف يواجه ملاذ وتساله الاسئله الي هو خايف منه ،

صقر مشى يسلم عليه : كيفك عمي ،

فهد ابتسم وحضنه : بخير ياولدي بخير اخبارك انت ،

عبدالرحمن كان واقف يناظر لصقر ويشوفه كيف متغير ،

صقر مشى عنده عبدالرحمن حضنه بقوه وهو مشتاق له ،

صقر بضحكه : تراي متعطر لا تنكتم ،

عبدالرحمن ضحك وهر يبعد عنه : خلني انكتم يخي.

'

سلطان وقف سيارته ونزل وتوجه عند المحل ونزل واخذ عساف معه ومشى ياخذ ثوب لنفسه ، لانه توسخ ثوبه وعليه دم بعد ما شال سُلاف ، بعد دقايق خلص و غير ثوبه ومشى وهو يرمي ثوبه بالسياره على مقعد الي وراء ،

عساف كان فوق السياره جالس يناظر للقطوه وهمس : باء،

سلطان : يرحم امك لا تنكبني هناك ، وقرب شاله و ركب متوجه لبيته بعد دقايق وصل عقد حواجبه وهو يشوف زحمة السيارات عند بيتهم نزل وهو يشيل عساف وتوجه يدخل البيت لكن وقف وهو يشوف الكعب الي عند الباب ،

وهمس : لا يكون في ضيوف وقرب يدق الباب ،

مارلين وخاله مُزنه كانوا بالصاله والباقين بغرفة صقر مع ملاذ،

مارلين مشت فتحت الباب وانصدمت وهي تشوف سلطان ومعه عساف : ميننن هاداا؟

سلطان قرب مده لها : خذيه داخل انتبهي له ،

مارلين استغربت وقربت وهي تاخذ عساف ودخلت وقفلت الباب وناظرت لخاله مُزنه : سلطان جيب بيبي هادا ،

خاله مُزنه استغربت ومشت وهي تاخذه : منهو ذا؟

مارلين : مافي معلوم مافي كلم انا مين هادا ،

عساف كان ساكت ويناظر فيهم ويضحك ،

خاله مُزنه بضحكه : ي حليله مبسوط وحطته على الارض ،

عساف وقف وهو يطالع بـ مارلين الي كانت تضحك له ،

ام صقر كانت مبتسمه وهي تناظر لملاذ كانت حاضنه امها ،

امال : ياربي نجوله ماترد الحيوانه ،

ام نجلاء مسحت دموعها : اكيد تكون نايمه يمكن ،

ام صقر اخذت جوالها وهي تشوف رسالة صقر : يمه انا جاي عند الباب كلمي خالتي تجي ابي اكلمها بموضوع ،

سلطان كان عند سيارته يتعطر وقفل الباب لكن وقف وهو يشوف صقر الي طالع من الباب الخلفي تجمد بمكانه وهو يشوفه صقر رفع نظره و ابتسم وهو يشوفه : ياهلا ياهلا ،

ومشى لعنده سلطان مشى له وهو يحضنه : متى جيتتت؟؟؟

صقر : ما شاء الله عليكم جيت ومافي احد شكلكم انتم الضيف مو انا ، سلطان ضحك و رجع يحضنه ويشد عليه ، كان بحاجة احد يحضنه ، اخذ نفس وهو حاضن صقر ،

صقر ضحك وهو يبعد عنه : خنقتني يخوي ،

سلطان ابتسم : وينهم كلهم ؟

صقر : في المجلس روح يذبحونك من ساعه يتصلون عليك،

سلطان ضحك وتوجه يدخل المجلس : السلام عليكم ،

الكل ردو السلام ، الا عبدالرحمن الي ناظر فيه بحده ،

الكل قاموا وهم يسلمون عليه ،

يوسف : وين كنت جيت مالقيتك؟

عمر : هذا من امس مو ف..سكت من قرصه عبدالرحمن بمعنى اسكت ، عمر سكت باستغراب ،

سلطان تنهد : كنت مع متعب ،

عبدالرحمن تنهد من سمع اسم متعب واخذ الفنجان يشرب،

سلطان مشى لعنده وناظر فيه كان صاد وجهه ،

وعمر الي قام حضنه : انقذك من دحوم ولا كان فضحتك،

سلطان التفت لعبدالرحمن ومشى جلس جنبه ،

عبدالرحمن تجاهله وهو يسمع سوالف فهد ويوسف ،

'

ام نجلاء طلعت وهي تلبس طرحتها : شسالفه؟

ام صقر : مدري والله بس قال انه يبي يكلمك ،

ام نجلاء مشت فتحت الباب وهي تشوف صقر واقف و ابتسمت وهمست : هلا ياولدي ،

صقر ابتسم : شفتي بنتك انبسطتي ؟

ام نجلاء بدموع : اي شفتها ما اوصف لك فرحتي والله ،

صقر تنهد وهمس : خالتي انا ما علمتها عن جدي هي متوقعه انه موجود ابيكِ تكذبين عليها قولي لها انه مسافر اي شي ،

عشان لا تبكي و توجع عيونها وتوها عملية عيونها ما طاب ،

ام نجلاء انصدمت وسكتت : ان شاء الله ياولدي ،

صقر : وياليت ما تخلينها تبكي اكثر عشان عيونها ،

ام نجلاء ابتسمت : ان شاء الله ياولدي لا تخاف و زين كلمتني كنت ناسيه كل شيء من فرحتي فيها ،

'

ام صقر ناظرت لعساف : منهو ذا؟

خاله مُزنه شالته وهي تضحك : ولد صقر توك تعرفين ،

مارلين بضحكه : ولد سولتان مو صقر ،

ام صقر : استغفرالله اخلصوا منهو ؟

خاله مُزنه ابتسمت : مانعرف والله ولدك سلطان جابه ،

امال طلعت وهي تدور امها لكن وقفت من شافت عساف و ابتسمت ومشت : يناس كيوتت منهو ذا؟ وقربت تاخذه ،

مارلين : مافي احد معلوم هادا مين بابا سولتان مافي علم ،

امال اخذته وهي تبوسه ، خاله مُزنه مشت وهي تشغل اغاني والتفتت لهم : خلاص يكفي دموع نادو العروسه تجي نتقهوى ونرقص شوي ، عساف فز من صوت الاغاني وبدا يبكي ،

امال ناظرت : يووه خاله مُزنه خوفتيه يعمري عليه ، ومشت اخذته لغرفة ملاذ ، ملاذ كانت تعدل شعرها والتفتت وهي تشوف عساف مع امال وابتسمت فرح وهي تشوفه ،

عساف كان يبكي وناظر لملاذ وللغرفه وسكت وهو يطالع فيها،

ملاذ قربت وهي تبتسم وتمسك خدوده ،

امال : ياربي ما اتحمللل كيوت ،

دخلت خاله مُزنه وناظرت : تعالوا الصاله يلا نتقهوى ،

ملاذ ابتسمت وهزت راسها بـ اي ،

امال قربت وهي تحط عساف على الارض ومسكت يده وطلعوا للصاله وملاذ معها ، ام نجلاء حطت طرحتها وناظرت لملاذ وهمست : تعالي اجلسي جنبي ، ملاذ ابتسمت ومشت لها ،

عساف ناظر لمارلين الي بدات ترقص وتهز راسها ،

وخاله مُزنه تصفق ، و ام صقر كانت تصب القهوة ،

امال ضحكت وهي تناظر لعساف الي بدا يصفق ،

ملاذ كانت مبتسمه وتناظر ،

'

= عند الرجال طلعوا العشاء وتعشوا وخلصوا =

فهد قام وقف : والحين اعذروني بمشي ادور فندق نجلس كم يوم والتفت لصقر : وباخذ بنتي معي ،

صقر ابتسم : ان شاء الله ياعمي هي بنتك قبل تصير زوجتي،

عمر التفت لسلطان الي كان ساكت و سرحان ،

يوسف : اجلسوا عندنا عادي ،

فهد : لا والله وانا اخوك اروح اشوف لي اقرب فندق.

يوسف : اجل خلني امشي معك وعلى الطريق نتقهوى ،

فهد ابتسم : حياك تعال والله معرف شي في القصيم ،

يوسف ضحك وهو يقوم معه وطلعوا متوجهين للسياره ،

الجد سُليمان التفت لهم : يلا قاموا اطلعوا انا بنام ،

عمر : افا ي جدي تطردنا!

الجد سُليمان : كلكم مطرودين الا ولدي صقر ،

عمر : ما شاء الله ياجدي طفشت مننا والحين تحب صقر ،

صقر قام : خلونا نطلع و جدي يرتاح اكيد تعب من الطريق،

عمر : وين بنروح؟ الحريم كلهم داخل ،

سلطان رفع نظره لعبدالرحمن الي قام طلع لبرا ولحقه ،

صقر ناظر لعمر : اطلع يلا ،

سلطان ناظر لعبدالرحمن : دحوم ،

عبدالرحمن التفت له : لا تكلمني لاني تعبت منك ي سلطان !

سلطان بهدوء : يخي اسمعني عالاقل قسم بالله اني تعبان لا تزيده علي ! ، وسكت من طلعوا عمر وصقر ،

عبدالرحمن تنهد : نتفاهم بعدين ،

سلطان سكت ومشو عند السياره ووقفوا يسولفون ،

عمر التفت وهو يدور عمير يناديه لكن ما شافه ،

طلعت مارلين وهي ماسكه عساف الي كان يبكي و وجهه احمر لانه طاح وطلعت وهي تصارخ : سولتاننن سولتان ،

سلطان فز على صراخ عساف ومشى لها : شفيه يبكي؟

وقرب اخذه منها ، مارلين ناظرت وهمس : في طيح ع ارض،

سلطان تنهد وهو يشيله لحضنه يطبطب عليه ،

عمر باستغراب : منهو ذا؟

سلطان مشى لهم وهمس : ولد خويي شفيكم مصدومين؟

صقر ابتسم وهو يشوفه : عطني ياه ،

عساف كان يطالع فيهم باستغراب وسكت ودموعه تنزل ،

عبدالرحمن ضحك ومد اصبعه يمسح دموعه ،

عساف التفت لسلطان و رجع يبكي ،

عمر : شفيه الولد لا يكون احول يطالع فيني ولا فيك؟

سلطان قرب وهو ياخذه من صقر ويحطه فوق السياره ،

صقر : ي عمر ارقص خله يشوفك ويسكت ،

عمر : معليش كل شي الا هيبتي ارقص عشان ورع يسكت!

صقر ضحك وهو يطالع بعساف ومد يده : تعال ،

عساف رفع يدينه صقر ضحك وشاله وهو يحطه على الارض،

عمر طالع فيه وضحك : لو اشوته بيطير لبيت عمير ،

صقر : جرب بس تشوته ادفنك والله ،

عمر : اجل الحمدلله ماهو ولدك ، وجلس على ركبته يبوسه،

صقر سكت من قال عمر ' الحمدلله ماهو ولدك '

عبدالرحمن لاحظ عليه وغير السالفه : شرايكم نمشي لحديقه ونجلس هناك بدال ما نوقف طول الليل هنا ،

'

مشعل وقف عند التسريحه وعدل شعره ولبس ثوبه وطلع لبرا للصاله وناظر لريما وامه جالسين يتقهون ،

ومشى جلس بهدوء وناظر للتلفزيون : عطيني الريموت ،

ريما مدت له ، مشعل جلس يغير على القنوات ،

ام مشعل : ريما روحي جيبي فنجان لاخوكِ ، ريما مشت،

و ام مشعل ناظرت لمشعل : ايش فكرت بموضوع اختك؟

مشعل وعيونه على التلفزيون : بكيفك مالي دخل بشيء ،

ام مشعل استغربت وسكتت من دخلت ريما ،

نجلاء قامت من النوم واخذت جوالها وهي تشوف اتصالات من امال و امها استغربت وتركت جوالها وقفت وهي تشوف مشعل مو موجود ، مشت متوجه للحمام بعد دقايق طلعت اخذت لها شاور على السريع وتوجهت تمشط شعرها ،

ام مشعل و ريما حطوا العشاء مشعل مشى جلس ،

ريما اخذت الصحن : اخذ لنجلاء ،

مشعل بهدوء : ما يحتاج تاخذين لها لو تبي تنزل بنفسها ،

ريما استغربت وحطت الصحن وجلست تاكل ،

ام مشعل انصدمت من مشعل وابتسمت من حست في هوشه بينهم وهمست : اكل ما تجي تاكل لازم ناخذ لها لغرفتها حتى المواعين ما تغسل شف يد اختك كيف صارت كليوم تغسل،

نجلاء طلعت من غرفتها بتشرب مويه لكن وقفت وهي تشوفهم يتعشون ،

ام مشعل التفتت لها : غسلي المواعين ونظفي المطبخ طول وقتك نايمه و ريما تشتغل طول اليوم ،

مشعل سمع لكن تجاهل وكمل ياكل بهدوء ،

نجلاء ناظرت لمشعل الي ما تكلم وهمست : ءتمام ،

ام مشعل بحدها : وغسلي ملابس زوجك بعد ،

مشعل ترك الملعقه من يده وقام توجه طلع لبرا ولا حتى التفت وطاله فيها ، نجلاء انقهرت ومشت للمطبخ ،

'

مصعب كان جالس لكن وقف من طلع الدكتور : مين عساف؟

مصعب باستغراب : ولدها ليه؟

الدكتور : هي صحت بس تبي ولدها تبكي ،

مصعب بهدوء : ولدها مو هنا مع اب..سكت وهو يسمع صراخها وتوجه عند متعب وناظر لمتعب كان ساكت وسرحان وهمس : صحت من الغيبوبه تبي ولدها وولدها مع سلطان،

متعب كان ساكت ويناظر بالسقف بهدوء ،

سُلاف ببكاء وصراخ : ابييي ولدييييي جيبوووه ليييي ، كانت تحاول تطلع الابره من يدها ودموعها تنزل ،

متعب قام من مكانه وطلع لبرا وقف وهو يسمع صراخها ،

والتفت للسستر : ابي اكلمها وقل لها ولدها معي ،

السستر دخلت وناظرت لسلاف وعلمتها ،

سُلاف نزلت دموعها بخوف وهزت راسها بالنفي : مابيهه مابيهه ابييي ولديييي جيببببووههه لييي ،

'

= وصلوا الحديقة عساف كان مع عمر وصقر =

عبدالرحمن بهدوء : شتسوي بحياتك انت يا سلطان؟ وينك طول الوقت ! ومازلت تمشي مع هالخسيس!

سلطان بهدوء : ندمت يا عبدالرحمن ندمت وخسرت كل سيء بحياتي وخايف اخسركم بعد ،

عبدالرحمن انصدم والتفت له : تخسرنا؟

سلطان حس على نفسه والتفت : مقصدي ناوي اسافر ،

عبدالرحمن : شقاعد تقول وليه تسافر! ما صدقنا صقر رجع! وبترجع تسافر انت يخي ماودي افقدكم!

سلطان بهدوء : مجبور اسافر كله فتره و ارجع ،

عبدالرحمن : امي ماراح تخليك ولا راح توافق ،

سلطان : تكفى دحوم تفاهم معها ماودي اتناقش و اقنع احد مصدع وتعبان كارهه نفسي وهالدنيا بكبره ،

عبدالرحمن مد يده لكتفه : بسبب القضيه؟

سلطان التفت وناظر فيه وهز راسه بـ اي ،

عبدالرحمن : بتهون يا سلطان بتهون صدقني ،

سلطان تنهد وصد ياخذ نفس ويناظر لعساف الي يركض وعمر يركض وراه ويلعبون ، وصقر وقف يطالع بصمت ،

عبدالرحمن بهدوء : ليت لو الي فيه فيني ،

سلطان انصدم والتفت له : الله لا يقول لا فيك ولا فيه فيني انا ان شاء الله ،

عبدالرحمن رفع نظره له : حاشر نفسك بالدعوه بعد يخي ما احب اشوفكم متضايقين وشايلين هم وانا موجود!

سلطان ناظر فيه والود وده يعلمه بكل شيء ويشتكي بس مُستحيل يسويه يعرف عبدالرحمن سريع بردة الفعل ويعصب بسرعه سكت وهو يناظر لصقر الي توجه عندهم ،

'

نجلاء كانت بالمطبخ واقفه تغسل بهدوء ، فجاه دخلت ريما وطالعت فيها : روحي انتي ارتاحي انا بكمل ،

نجلاء هزت راسها بالنفي : لا يا ريما روحي انتي انا بكمل ،

ريما : ما اكلتي شي عالاقل كلي!

نجلاء تجمعت الدموع بعيونها وهزت راسها بالنفي ،

ريما استغربت ومشت اخذت جوالها تكلم مشعل ،

مشعل كان واقف بالمحل ويفكر بنجلاء و سرحان ، والتفت لجواله الي رن و رد بهدوء : هلا ريما ،

ريما : وينك فيه نجلاء مو راضيه تاكل شي كان كلمتها !

مشعل تنهد : بكيفها بطني ولا بطنها! تاكل ولا لا مايفرق معي،

ريما بصدمه : مشعللل شفيك! تكفى لا تقل انك تغيرت بسبب كلام امي وصرت كذا! يخي مالها ذنب هي!!

مشعل : شوفي ي ريما انا نزفت كل طاقتي بهالعلاقه عشان تدوم عطيت بالمقابل ما اخذ شي عطيتها كل الحُب الي في قلبي وانا ما اخذت شيء لا حب ولا اهتمام! وش تبين اسوي لها بعد! انا اقولك هالكلام لانها مافي غيرك اقدر اتكلم معها،

ريما بحزن : مشعل هي مو متعوده اكيد تتعود وتحبك ،

مشعل : ريما عندي شغل الحين اذا جيتك اكلمك وقفل منها،

ريما تركت جوالها بحزن من كلام مشعل و رفعت نظرها تناظر لنجلاء الي توجهت دخلت غرفتها ،

'

سُلاف كانت على السرير تبكي وتضرب بيدها على السرير وتصارخ : ابيييي ولدييييي اخذهه منيييييي اخذهه جيبووو ليييي ولديييي مابيي منكممم شييي ابيي ولديي بسس، نزلت راسها ودموعها تنزل ، متوقعه متعب اخذ ولدها و رجعت لها نفس الكابوس من كان عساف صغير متعب ياخذه منها ويرميه عند اصحابه بس عشان ياذيها و يخوفها ويخليها توافق على كل كلمه منها و احياناً يرميه عند الشغالات نزلت راسها وهي تشد شعرها بقوه وتبكي ،

متعب كان واقف برا يسمع صراخها ومصعب واقف معه وصد وهو ياخذ جواله ويكلم سلطان ،

سلطان كان واقف مع اخوانه وبعد عنهم وهو يشوف رقم متعب و رد وحط الجوال على اذنه ينتظره يتكلم ،

مصعب : وينكك فيهه! بسرعه ارجعع صحت من الغيبوبه وتبي ولدها قاعده تصارخ بالمستشفى زي المجانين ،

سلطان بحده : تقولون انه ذنبي صح! انا اخذت ذنبي ومشيت والباقي عليكم ولا عاد تتصل علي ، وقفل الخط بوجهه ،

مصعب انصدم من كلامه وهو يناظر انه قفل الخط ،

سلطان اخذ نفس والتفت وهو يشوف عبدالرحمن واقف و عساف معه يبوسه غمض عيونه بقهر وتوجه عندهم ،

'

= عند الحريم بعد ما تعشوا وخلصوا =

'

ام نجلاء : ابوكم في الطريق جاي تجهزي يا ملاذ ،

ام صقر ابتسمت : بتاخذونها مني ما شبعت منها ،

امال : بنرجع المدينة وتجلس عندكم للابد ،

ملاذ كانت مبسوطه وقامت مشت تتجهز ،

ام صقر : ان شاء الله تجوني مره ثانيه بنسوي عشاء بمناسبة تخرج ولدي عمر من الجامعه ،

ام نجلاء : ما شاء الله تبارك الله عمر اخر العنقود صح؟

ام صقر ابتسمت : اي الله يحفظه ويحميه ،

خاله مُزنه التفتت لامال : انتي بالجامعه صح؟

امال هزت راسها بالنفي : ما انقبلت للاسف ،

ام نجلاء : ما شاء الله نجلاء تخرجت وهذي باقي ان شاء الله السنه الجاي تحاول مره ثانيه دعواتكم ،

امال ابتسمت وقامت : بروح اشوف ملاذ ،

خاله مُزنه : كان شفتوا لها واسطه يقبلونها ،

ام صقر : اي واختي مُزنه كل بناتها دخلوا الجامعه بواسطه هي تعرف بهالامور بس بجامعة القصيم اذا تجلسون ف توسط لبنتكم ومستقبلها اهم من كل شي بدال ما تضيع عمرها ،

ام نجلاء عقدت حواجبها : بس صعب في القصيم مايمدي ،

خاله مُزنه : اجلسوا في القصيم وفي الاجازات روحوا لمدينة ،

ام نجلاء ابتسمت : والله مدري اشاور ابوها واشوف ،

ام صقر : ان شاء الله وبراحتكم والله حبيت اقولك بس،

'

سلطان قرب وهو ياخذ عساف : يلا بمشي انا ،

صقر : وين تمشي اقول تعال البيت نجلس شوي ،

عبدالرحمن : اذا رحت ف تختفي للابد تعال يلا ،

سلطان ابتسم بـ خفه ومشى ركب سيارته وعساف معه ،

وعمر وصقر وعبدالرحمن ركبوا بسياره وحده وحركوا كلهم ،

متوجهين لبيتهم بعد دقايق وصلوا ونزلوا ، صقر التفت وهو يشوف فهد واقف وعرف انه بياخذ ملاذ معه تمنى لو رجع قبل شوي كان لحق يشوف ملاذ و يودعها وقف وهو يشوفهم طالعين ، العيال بعدو عن الطريق وقفوا على جنب ،

امال وملاذ و ام نجلاء توجهو ركبوا السياره ،

فهد ابتسم والتفت للعيال : يلا مع سلامه ي يبه ،

يوسف : بحفظ الرحمن ، فهد حرك سيارته ومشى ،

والكل دخلوا البيت يوسف التفت لهم : قولو لامكم رايح انام في المجلس تعبان ، ومشى توجه دخل المجلس ،

'

ريما كانت جالسه تنتظر مشعل فجاه انفتح الباب و دخل مشعل وناظر فيها كانت جالسه ومشى جلس : ليه سهرانه؟

ريما : انتظرك ابي اعرف شصار لك تغيرت عنها كذا! مو انت كنت تحبها وتطلب مني اوصل لها رسايلك وهديتك شصار!

مشعل بهدوء : لو رجع فيني الزمن ماعاد اطلب منك ي ريما ما توقعت نجلاء انانيه لهدرجه وتفكر بنفسها وبس ،

نجلاء كانت طالعه من الحمام بعد ما غسلت الملابس لكن وقفت وهي تسمع كلام مشعل ،

ريما : يخي نجوله كذا طبعها وانت كنت تعرفف ،

مشعل التفت لها : لا ي ريما هي ماكانت كذا الغلط مني دلعتها وحطيتها بعيوني وبسبب حركاتها طاحت من عيني وما صرت اشوفها زي قبل ولا عاد صارت تهمني وين ماتبي تروح ماراح امسكها تروح كافيه تطلع لوحدها تروح لاهلها تذبح نفسها ماعاد يهمني شيء ماعاد يهمني احد ،

ريما بحزن : تكفى مشعل لا تصير كذا يخي ،

مشعل :صرت كذا بسببكم يا ريما بسبب امي وبسبب نجلاء وبسببك وش اسوي ياخي!! ارجع من الدوام اتحمل كلام امي عن زوجتي! واذا رحت لزوجتي ادور راحتي تتصرف معي كاني عدوها مو زوجها! وطول وقتها نفسيتها بخشمها! وانتي الي للحين ساكته ولا تكلمتي بحرف عن زواجك من ابن الكلب!

نجلاء انصدمت من كلامه ووقفت وهي تاخذ نفس ،

ريما ناظرته بصدمه : زواجي!

مشعل عقد حواجبه : اي زواجك ولا امي للحين تخبي عنك!

ريما قامت بترد لكن التفتت لنجلاء الي مشت من قدامهم ومنزله راسها والواضح انها تبكي اكيد ،

مشعل صد عنها وهو يناظر بالارض بهدوء ،

ريما بصدمه : مشعل اكيد انها سمعت كلامك!

مشعل بهمس : خليها تسمع ولو تبيني اقوم واقولها هالكلام بوجهها راح اقوم اقولها عشان تعرفين هي ولاشي قدامي ،

ريما سكتت وهي تطالع فيه ومصدومه كيف تغير كذا ،

مشعل : عالعموم شوفي ي ريما امي كلمتني عن زواجك والي خطبوكِ انا سالت عن الولد وفعاله تسود الوجه والقرار بيدك،

وقام وقف وتوجه لغرفته فتح الباب و دخل وهو يشوفها منسدحه على السرير ومغطيه وجهها باللحاف ،

مشى وهو يرمي ثوبه على الكنب وتوجه ينام لكن شافها نايمه على السرير وسحب المخده ونام على الارض ،

نجلاء حست فيه من فتح الباب كانت تبكي تحت اللحاف حست بغلطها وتعرف انها غلطت! بس شلون مشعل يقول عنها انانيه وهمها نفسها وهي الي تنازلت عن اشياء كثير لاجل خاطرها! يقول ما همني شي يعني حتى طفله ماعاد يهمه! نزلت دموعها ومدت يدها تمسح دموعها ،

مشعل مغمض عيونه وهو كان متعمد بهالكلام كله كان عارف انها موجوده و شاف ظلها بالارض وعرف انها نجلاء وتعمد يقول كل هالكلام عشان تعرف بسبب كذبه منها طاحت من عيونه ! مستحيل بيجي اليوم الي يكرهها فيها مستحيل يوقف عن حُبها يحبها اكثر من نفسه مهما سوت ومهما كذبت بس تعمد وقال كل هالكلام عشان تحس فيه لا اكثر ،

نجلاء نزلت دموعها وهي مو قادره تنام من بعد كل كلامه الي سمعته منه سحبت جوالها وقامت طلعت برا ،

مشعل كان منسدح وفتح عيونه وهو يشوفها طالعه تنهد وقام جلس وسحب اللحاف عن نفسه وهو يفكر وين بتكون راحت ،

جلس وهو ينتظرها لكن تاخرت وما حب يروح لها وقام مشى للسرير وهو يشوف مكانها وانسدح بمكانها وحط راسه على مخدته وابتسم من شم ريحة عطرها حضن المُخده وغمض عيونه ينام ،

نجلاء مشت دخلت المطبخ وهي ترسل لامال : صاحيه؟

'

امال كانت جالسه طول الوقت تسولف مع ملاذ ،

وملاذ الي طول وقتها مبسوطه وفرحانه وتحس الارض مو شايلتها من الفرحه وتسمع سوالف امال عن الكل ،

امال فزت من رسلت نجلاء : نجلااااء ردتتتتت ،

ملاذ ابتسمت وهي مشتاقه لها وتبي تشوفها ،

امال بضحكه : اصبري اصبري خليكِ بعيده شوي ،

و دخلت سناب تتصل عليها كام ،

نجلاء شافت انها تتصل ومستحيل ترد وجهها متغير ما اكلت شيء وبكت كثير خافت يشكون بشيء و قفلت الخط وتركت جوالها كانت ناويه تفضفض لها وتبكي وتعلمها كل شيء بس تراجعت وهي تعرف امال مستحيل تمسك لسانها و راح تعلم امها وابوها و تكبر السالفه و يكرهها مشعل اكثر ،

قربت حطت راسها على الطاوله وقعدت تبكي ماتدري تروح لمين و تشتكي لمين كل ما فكرت بـ امال تراجع مالها احد ،

ام مشعل كانت داخله تشرب مويه لكن انصدمت وهي تشوف نجلاء تبكي ومن صوت بكاءها كيف عاليه وتبكي فز قلبها بخوف و ركضت لها : نجلاء شصاير لك!!

نجلاء رفعت راسها لها وهي تشهق وتبكي ،

ام نجلاء انصدمت من ملامحها وكيف متغيره لا شعوريًا قربت وحضنتها وهي تمسح على شعرها بخوف : شفيكِ؟؟

نجلاء كانت تبكي مو قادره تتكلم للحظه حست مالها احد ولا قادره تفضفض لاحد حست انها بتنفجر ،

ام نجلاء بخوف : تكلمي قولي شصاير لكِ!

نجلاء هزت راسها بالنفي ومدت يدها تمسح دموعها ،

ام نجلاء سحبت الكرسي وهي تجلس جنبها وتشوف شكلها كيف متغيره وهمست بحزن : مشعل سوا لك شيء؟

نجلاء هزت راسها بالنفي وهي تبكي ،

ام نجلاء : قولي تكلمي طيب بسببي انا تبكين لاني خليتك تغسلين المواعين وتنظفين! نجلاء سكتت وهي تمسح دموعها

وكملت ام مشعل : انا راح اغسل وانا راح انظف وانا اسوي كل شيء بس ليه تسوين بنفسك كذا ووينه مشعل؟

ريما كانت واقفه تناظر وهمست : مشعل الي سوا كذا اكيد،

ام مشعل التفتت على صوت ريما : مشعل!

ريما : اي متهاوشين واكيد مشعل ضربها او صارخ عليها ،

ام مشعل انصدمت وناظرت لنجلاء : مشعل ضربك!

نجلاء فزت و هزت راسها بالنفي و دموعها تنزل ،

ريما : لا تكذبين ي نجلاء شفتك وانتي تروحين لغرفتك واكيد سمعتي كلامه وتهاوشتي معه و سوا لك شيء وبعدين ما اكلتي شيء طول وقتك وهو حتى ما اهتم كلمته قال بطني ولا بطنه،

ام مشعل سكتت وهي تطالع بنجلاء وكيف تبكي كانت قاسيه لكن بهاللحظه تقطعت قلبها عليها وعلى حالتها ، وهما تقسى عليها بالنهايه هي بنت اخوها دم اخوها وتحس فيها وتخاف عليها ، وقربت وهي تمسك يدها : قومي تعالي والتفتت لريما : جيبي لها اكل ،

نجلاء مشت معها وهي تبكي وحطت يدها على بطنها وهي تحس بالم خفيف مشت جلست بالصاله معها ،

ام نجلاء كانت تناظر فيها بحزن : ابوكِ لو عرف بحالتك هذي راح يذبحني ويذبح مشعل معي ،

نجلاء كانت ساكته تناظر بالارض ،

ريما مشت وهي تحط الاكل على الطاوله قدامها ،

ام مشعل : يلا كلي ولا تقولين لا شوفي وجهك كيف صايره وخلاص توبه ماراح اقولك شي ولا اقولك اشتغلي انا بنفسي اسوي كل شيء بس لا تبكين كذا وتقطعين قلبي عليكِ ادري اني قسيت عليكِ بس تعرفيني احبك وانتي دم اخوي يعني دمي مافي فرق بدمي و دم اخوي ،

ريما بقهر : يمه هاوشي مشعل هو السبب بحالتها ،

نجلاء بدموع : ءلا تكفين عمتي لا تكلمينه بشي راح يقول انا الي علمتك ويعصب ويزعل ،

ام مشعل : اذا ما اكلتي راح اهاوشه يلا كلي لا تتعبين ،

نجلاء سكتت وقربت تاكل بهدوء ، ما استغربت ولا انصدمت من تعامل عمتها لانها تعرف انها كانت تحبهم من وهم صغار لكن بسبب مشكله بينها وبين فهد تغيرت وقست عليها ،

'

= كلهم كانوا جالسين بالصاله يسولفون =

وعساف يركض يروح لام صقر ويرجع لسلطان ويروح لعمر،

ام صقر ابتسمت : يا حليله الله يحفظه انتظر بس متى يجينا حفيد استعجل علينا يا صقر ابي البيت مليان اطفال ،

صقر تغير ملامح وجهه وقام بيقوم لكن مسكه عبدالرحمن ،

تنهد وسكت ونو يشوف عساف الي ركض له قرب وشاله وهمس : خلاص يخي نام بطاريتك ما تخلص!

عمر بضحكه : انا بروح انام الصباح تخرجي ،

عبدالرحمن : يلا يلا هش لا نشوفك ،

عمر ضحك و رمى عليه المخده ومشى لغرفته وعلطول اتصل على غلا وانسدح وهو ينتظرها ترد ،

غلا كانت بغرفتها وطول الوقت تنتظر اتصال منه فزت من اتصل و ردت بقهر : نسيتني شكلك!

عمر ابتسم : افا انسى عمري ولا انساكِ كيفك؟

غلا : زعلانه يخي طول الوقت ما رسلت ولا اتصلت!

عمر : حتى انتي ما ارسلتي تبين انا ابادر كل مره؟

غلا : لا بس خفت تكون مشغول و ازعجك ،

عمر : اي والله يقلبي كنت مشغول ما فضيت الا الحين وشوفي علطول اتصلت عليكِ وعندي لك مفاجاة بس ما اعلمك الحين انتظرك تجيني بفستانك الابيض وتدخلين غرفتي وتشوفينه ' وكان يقص اللوحه الي رسم فيها شكلها وما كملها باقي عليها كثير و راح يكملها و يرسم ،

غلا ابتسمت : ايش المفاجاة؟

عمر : مافي ما اعلمك ونسيت اقولك بعد راح اتخرج يعني تجهزي جاي اخطبك قريب ،

غلا بصدمه : عمرر مستحيل الحين توي اول سنه جامعه ،

عمر : عادي تجين عندي تكملين وانا اخذك الجامعه و ارجعك، غلا ابتسمت من كلامه ،

عمر بهدوء و توتر : غلا يصير اعلمك شي وما تزعلين مني؟

غلا باستغراب : ايش؟

'

ام صقر بصدمه : يسافرر و وينن؟؟؟

عبدالرحمن رفع كتوفه : معرف اسالي منه بس كلمني اقنعك،

صقر التفت لسلطان بصدمه : بتسافر صدق؟

سلطان هز راسه بـ اي بكذب : كله كم شهر و ارجع ،

ام صقر : لا تكفى سلطان ما صدقت اخوك رجع ،

عبدالرحمن : يمه وافقي خليه حلفت له اني اقنعك ،

ام صقر : بس ياولدي تعبت اتحمل فراق صقر والحين سلطان!

عبدالرحمن : تحملي شوي وخلاص يرجع وماعاد اخلي احد ،

سلطان كان جالس وعساف بحضنه يشرب رضاعته ،

ام صقر بهدوء : كلمت ابوك وجدك ؟

عبدالرحمن : يمه انا كلمتك وجيت اقنعك عشان تكلمينهم،

ام صقر تنهدت بضيق : ان شاء الله اشوف ،

سلطان سكت وهو يكذب عليهم انه يسافر مستحيل يسافر،

'

نجلاء اكلت وخلصت وجلست بهدوء وهي تناظر بالارض ،

ام مشعل بتغير جو : تعالي غرفتي نشوف مقاطع العرس.

ريما ابتسمت : صورنا وحنا صغار تكفين يمه ابي نجوله تشوف شكلي يفشللل ،

نجلاء التفتت و ابتسمت ،

ام مشعل : يلا تعالوا و عمك راح مع اصحابه للبر مايرجع الحين خلونا نسهر ونضحك شوي ، نجلاء و ريما لحقوها ،

و دخلوا الغرفه ام مشعل مشت وهي تطلع الصندوق من الدولاب والتفتت وهي تشوف نجلاء تضحك مع ريما ابتسمت ومشت جلست : عاد صوري انا وامك وابوكِ كله فضايح عندي،

نجلاء ابتسمت بحماس : عندك صور بابااا؟

ام مشعل بضحكه : ايي وصور عرس امك وابوكِ بعد ،

و دخلوا الغرفه ام مشعل مشت وهي تطلع الصندوق من الدولاب والتفتت وهي تشوف نجلاء تضحك مع ريما ابتسمت ومشت جلست : عاد صوري انا وامك وابوكِ كله فضايح عندي،

نجلاء ابتسمت بحماس : عندك صور بابااا؟

ام مشعل بضحكه : ايي وصور عرس امك وابوكِ بعد ،

'

عبدالرحمن التفت لصقر : متى بتصحى انت؟

صقر رفع كتوفه : متى ودك؟

عبدالرحمن ناظر لساعته : على ٧ كذا عشان نلحق وهو طالع،

صقر ابتسم : ابشر ان شاء الله ،

ام صقر : كلمتوا مارلين تكوي شماغكم؟

خاله مُزنه : وانا اكون في البيت تكملون الاحتفال هنا صح؟

عبدالرحمن بضحكه : اي خالتي ماعليكِ بنكمل هنا ،

صقر توجه لغرفته : يلا استاذن انا ومشى دخل غرفته ،

ام صقر : وانا اروح اشوف ابوكم يمكن محتاج شي ومشت ،

عبدالرحمن مشى جلس واخذ جواله وهو يخطط ،

خاله مُزنه : وش ناوي تجيب ؟

عبدالرحمن ابتسم : والله افكر وش بخاطره و يبشر ،

خاله مُزنه : شفت جواله مكسور وقال بيلا كسرته ،

عبدالرحمن عقد حواجبه : بس صقر الي قال بيجيب له جوال،

وجدي حالف يجيب له سياره وابوي يقول انه يقدم له بالعسكريه و امي ناويه تجيب له عروسه ما تركو لي مجال ،

خاله مُزنه بضحكه : اي والله ما تركوا لنا شيء ،

عبدالرحمن ابتسم : يلا بنجيب له قطوه نعوضه عن بيلا اظن ماتت قال مالها حس ،

خاله مُزنه : وانا دعواتي يكفيه بس سلطان وش يجيب له؟

عبدالرحمن تنهد : مدري عنه هذا ماهو بعالمنا طول وقته مشغول ولا هو داري عننا ،

'

سلطان كان يسوق متوجه للمزرعه لكن وقف سيارته عند المحل ينزل يجيب له مويا والتفت لعساف الي كان نايم على المقعد الي جنبه وتوجه للبقاله دخل ياخذ مويه ، سيارته كان بعيد عن المحل والسياره الي كان جاي من قدام وما انتبه والطريق ظلام ما انتبه لسيارة سلطان الا وصدم فيه بقوه سلطان مشى فتح الثلاجه طلع مويه لكن طاح من يده اول ما سمع صوت السياره واكيد صوت حادث ركض طلع لكن تجمد بمكانه وهو يشوف السياره الي من قوة ما صدم سيارته انقلب

حس انه يحلم و رجوله مو شايله من قوة الصدمه والمنظر الي يشوفه ومافكر بسيارته ولا همه شي غير عساف الي كان بالسياره و ركض وهو يصارخ وتجمعوا الناس حول الحادث والي طلعوا من بيوتهم من قوة صوت الحادث ،

سلطان جلس على ركبته وهو مصدوم ويناظر ولا قادر يسوي شيء كان المنظر جدًا بشع وكيف انقلب السياره من قوة ما صدم فيه حتى الشخص الي صدم السياره تاذى كثير كان يسوق بشكل سريع ،

'

ام نجلاء ناظرت فيه كان سرحان : ليه ماتبي تشوفها؟ ما اشتقت لها ما ودك تحضنها وتطمن عليها وتشوفك ؟

فهد هز راسه بالنفي : ماودي يا لطيفه ماودي قلبي يوجعني حرام فيني كلمة اب يا لطيفه ماقدرت اركض لعلاجها والغريب عالجها وش بتكون شعورها!!

ام نجلاء بحزن : لا تقول كذا يافهد وهو زوجها مو احد غريب!

فهد : بس كان غريب وهي تزوجت منه بس عشان علاجها!!

ام نجلاء بدموع : تكفى فهد وقف هالكلام وقم معي تبي تشوفك تنتظرك بنتك هييي دم اخوك!!

فهد سكت ونزل راسه بصمت وهو يفكر ،

ام نجلاء قامت ووقفت : اروح اناديها تجي يكفي تهرب منها،

فهد سكت ونزل راسه بهدوء ، ام نجلاء مشت طلعت ،

ملاذ كانت مع امال تسولف وتاكل فشار معها ،

امال : اوف بس نجوله حيوانه ماترد ،

ملاذ كانت بيدها الكتاب والقلم وتكتب : يمكن نامت ،

امال قربت تقرا وبعدت : وين هذي تسهر اكثر مني ومنك ،

فجاع دخلت ام نجلاء وناظرت : ملاذ تعالي ابوكِ ينتظرك ،

ملاذ فزت على طاري ابوها وابتسمت وقامت بسرعه ،

ام نجلاء مسكت يدها واخذتها معها امال لحقتهم ودخلوا ،

فهد كان جالس ومنزل راسه وخايف منها ومن ردة فعلها ،

ملاذ دخلت الغرفه و رفعت نظرها وهي تشوفه تشوف ابوها تجمعت الدموع بعيونها ، فهد قام وقف وفتح يدينه ملاذ ركضت وحضنته بقوه وقعدت تبكي بحضنه ،

فهد تجمع الدموع بعيونه وقعد يمسح على شعرها ،

'

سلطان كان جالس بالمستشفى ينتظر الدكتور ودموعه بعيونه وخايف خايف انه يصير له شيء بسببه خايف امه تفقده بسببه ماوده يعيش ويتحمل الذنب ويلوم نفسه اكثر رفع راسه وهو يدعي انه يكون بخير يدعي انه يطلع الدكتور ويبشره انه بخير لكن فز من شاف الدكتور الي طلع وينزل الكمامه عن وجهه و وجهه ما يبشر بالخير وقف بمكانه وهو خايف يسمع الكلمه الي ماوده يسمعه ، الدكتور ناظر فيه : انت ابوه؟

سلطان سكت لثواني وهو يتذكر كلام متعب الذنب ذنبك انت ي سلطان وهز راسه بـ اي : انا ابوه كيفه طمنني عنه تكفى ي دكتور قل انه بخير ؟

الدكتور تنهد وهمس : الحمدلله هو بخير لكن للاسف الاصابه برجله خطير جدًا وعنده كسر برجوله وماعاد يقدر يمشي ويكمل حياته طبيعي اسف مو بيدنا شي ، وطبطب على كتفه ومشى ، سلطان انصدم وجلس على الكرسي وهو مصدوم وكلام الدكتور يتكرر باذنه ، يعني خلاص عساف من هاللحظه ما يقدر يمشي ولا يكمل حياته طبيعي! وبسبب من؟ بسبب سلطان هو الي تركه نزل وجهه وهو يشد على يده بقوه ودموعه ينزل بقهر وحسره و لوم ،

'

سُلاف كانت على السرير تبكي وخايفه على عساف خايفه ماهي قادره تسوي شيء الدكاتره ما يخلونها كانت منسدحه و دموعها تنزل وتهمس : ابيي ولديي ابي ولديي مابي شي منكم غير ولدييي كانت تبكي بحرقه وخايفه على ولدها وكيف ما تخاف كل ام تخاف على ضناها خايفه تفقده خايفه متعب يحرمها منه غمضت عيونها وهي تبكي وتدعي يرجعونه لها ، ماهي قادره تتحمل اكثر ماتبي شي غير ولدها ضحت بحياتها وبنفسها و وافقت على كل الي طلبه منها متعب فقط لاجل خاطر عساف واليوم طول اليوم ما لمحت ظله حتى ولا شافته

مدت يدها لقلبها وهي تدعي وتبكي يرجعونه لها ،

'

سلطان بعد ما خلص من اوراق المستشفى توجه دخل وهو يشوف عساف على السرير وحالته يحزن و وجهه الي كله جروح ويدينه احمر صد ونزل وجهه وهو يبكي ماهو قادر يتحمل يشوفه ويشوف المنظر والحاله الي فيه عساف بسببه

مد يده يضرب الجدار بقهر كل ما تذكر انه ماعاد يمشي ومن تذكر الشخص الي كان بسبب الحادث وهو بنفس المستشفى ركض يسال الدكتور لكن للاسف كل الي عرفه انه مات والان بغرفة الاموات سكت ومد يده يمسح على شعره بقهر يتمنى لو انه هو الي كان بالسيارة بدال عساف وليت ما تركه وليت ما نزل وليت ما اخذ المويه وليت وليت والف من ليت لكن ماعاد ينفع لا فات الفوت ما ينفع الصوت والي كتبه ربي صار،

'

ملاذ كانت مبتسمه جلست وهي تسمع سوالف ابوها ،

ام نجلاء : خلاص يمه قوموا ناموا خلو ابوكم يرتاح ،

ملاذ ابتسمت وهزت راسها بـ اي وامال قامت معها وطلعوا،

فهد ابتسم بخفه : يارب انك تحفظهم و تحميهم ،

ام نجلاء : شفت انها مستحيل تلومك قلتلك تحبك ،

فهد ابتسم والتفت لها : حتى انا احبك ،

ام نجلاء ضحكت : ابي اكلمك بموضوع بخصوص امال والجامعه كلمتني ام صقر يشوفون لها واسطه بجامعة قصيم،

فهد عقد حواجبه : صدق؟

ام نجلاء : اي بس ماني راضيه مافيني اترك نجلاء وحيده في المدينة وبنفس الوقت همني مستقبلها وكل مره يرفضونها ،

فهد : نجلاء عند زوجها ماعليها خلاف الحين لازم نفكر بـ بنتنا ومستقبلها ما يهم شي كثرها ،

ام نجلاء هزت راسها بـ اي : يعني اكلمها؟

فهد : اي كلميها مو مشكله نجلس هنا لاجل مستقبلها ،

'

عمر : غلا والله ماني قادر اقولك واعترف لك خايف افقدك ،

غلا بخوف : بسم الله عمرك شفيك تكلم؟

عمر تنهد بضيق : مدري خايف بس الصدق ماني كويتي ياغلا،

غلا انصدمت : ءيعني كذبت؟

عمر فز : لا يخي ما كذبت مدري ليه قلت لك كذا ماني عارف قسم بالله بس يخي مايفرق بالنهايه اتزوجك انا !

غلا سكتت وهي تفكر كيف كذب عليها كذا وقفلت الخط بقهر، عمر انصدم ودخل الواتس يكتب لها : اسف يعمري والله اسف مادريت انك راح تزعلين بس تكفين سامحيني والله راح اتزوج منك ويحرم علي اي بنت غيرك ،

'

نجلاء بضحكه : تكفين عمتي مين الي سوت المكياج لماما؟

ريما : والله صدق لعبوا بوجهها كلها الوان تقول رينبو ،

ام مشعل : عاد ايامه كنا نشوف نفسنا فنانين ،

جلسوا يشوفون صورهم القديم ويضحكون ،

ام مشعل وهي تقوم : خلاص يكفي طقطقه قوموا ناموا ،

نجلاء ابتسمت وهي تقوم : والله مره انبسطت ،

ام مشعل : ونسيت اقولك نامي عند ريما لا تروحين عنده ،

ريما : صادقه ماما تعالي عندي وخليه يدورك ،

نجلاء بخوف : اخاف يرجع يعصب و..قاطعتها ام مشعل وناظرت فيها : احش رجوله لو عصب او هاوشك ،

ريما سحبتها من يدها : امشي انتي ماما بنفسها تتصرف معه،

نجلاء مشت معها وهي متوتره وخايفه ومشت دخلت لغرفة ريما ، ريما مشت وهي تنسدح : تعالي ننام ،

نجلاء مشت جلست وناظرت فيها : امك تغيرت احبها والله،

ريما ابتسمت : والله انها تحبك ي نجوله ماتتذكرين كيف كانت تحاول تغصبك توافقين نحدد موعد العرس وصحيح تغيرت عليكِ بس هي مو قاسيه والله وتحبك مره ،

نجلاء ابتسمت وهي تنسدح جنبها وتنام ،

'

= صباح يوم جديد على الابطال =

'

عمر توجه للجامعه وهو مبسوط واخيرًا يتخرج "

والجد سُليمان ويوسف والعيال كانوا جالسين يفطرون ،

يوسف التفت لهم : وينه سلطان اشوفه مو معاكم هالايام!

عبدالرحمن بتوتر : الا موجود نايم بغرفته ،

ام صقر رفعت نظرها له وعرفت انه يغطي عليه قدام ابوه ،

صقر : اي جاء متاخر اكيد ما يصحى الحين خلوه نايم ،

الجد سُليمان التفت لـ ام صقر : صادقين ولا كالعاده يكذبون!

ام صقر بتوتر : اي صادقين نايم قبل شوي تطمنت عليه ،

عبدالرحمن : افا ياجدي يعني ما تصدقنا ؟

صقر : الا شصار على تخرج عمر متى نمشي؟

عبدالرحمن ناظر لساعته : باقي في وقت شوي ناكل ونمشي،

يوسف ابتسم : الله يوفقه يارب و يوفقكم كلكم ،

'

سلطان طول الليل ما ذاق النوم كل همه عساف الي للحين ما قام ومشى وقف عند القزاز وهو يشوفه منه غمض عيونه بضيق ومد يده وهو يضرب على القزاز من قهره وهو يشوف حالته والتفت ناظر للدكتور الي دخل عند عساف يتطمن عليه

ومشى جلس بهدوء وهو يتمنى لو انه بحلم ويصحى باقرب وقت ويشوفه يركض قدامه ويلعب ويطلب منه يشيله ،

'

مشعل فتح عيونه وقام من النوم والتفت يمين يسار استغرب نجلاء مو موجوده وناظر بنفسه كان نايم بمكانها فز وهو يقوم وفتح الباب وطلع لكن وقف وهو يشوف امه جالسه تتابع التلفزيون وهمس : يمه وينها نجلاء؟؟

ام مشعل بهدوء : راحت لبيت اهلها ،

مشعل بصدمه : راحت لبيت اهلها؟ ومتى؟؟

ام مشعل وعيونها على التلفزيون : امس في الليل ،

مشعل باستغراب : مع مين؟؟؟

ام مشعل : معرف اتوقع بتاكسي ،

مشعل سكت بهدوء وتوجه لغرفته وهو مصدوم كيف راحت ومتى وكيف قدرت تروح بعد كلام ابوي كله !

مشى سحب ثوبه وهو يلبسه ومقهور من تصرفات نجلاء وانها ما اهتمت لكلام ابوه و رجعت لبيتها سحب جواله ودخل الواتس " حلو وانتي كليوم هاربه لبيتك ولا احترمتي ابوي ولا كلامه عالعموم لا تنسين اليوم موعدك بالمستشفى وانا جاي ابي اتطمن على ولدي ولا انتي بستين داهيه اجلسي ببيت اهلك طول عمرك بس ولدي راح اتطمن عليه تجهزي "

وحط جواله بجيبه وهو مقهور ،

'

نجلاء كانت نايمه مع ريما ولا حاسه بالوقت فتحت عيونها بانزعاج واخذت جوالها تشوف الوقت لكن سكتت وهي تقرا رسالة مشعل من الاشعار وانقهرت ولا فهمت شيء لكن تذكرت موعد المستشفى وتركت جوالها والتفتت لريما : ريما اصحي خلاص وابيكِ تمشين معي لمشوار ضروري ،

ريما فتحت عيونها والتفتت : مشوار ايش؟

نجلاء : ابيكِ تمشين معي للمستشفى قومي واعلمك ليه ،

'

عبدالرحمن وقف وهو يلبس شماغه والجد سُليمان كان يعدل البشت الي لبسه وصقر واقف يتعطر ويوسف يناظر فيهم،

عبدالرحمن دف صقر : ابعد كتمتني يخي ،

ام صقر : كم مره اقولكم اذا تتعطرون ابعدو عن اخوكم ،

عبدالرحمن نزل راسه وهو يعطس ، صقر ضحك وبعد عنه ،

يوسف كان يناظر فيهم بحُب وفخر وفخور فيهم وهو يشوف فرحة عياله ببعض وهمس : سلطان ما بيمشي؟

عبدالرحمن التفت له : لا خلوه نايم هذا وراه قضيه ،

الجد سُليمان : ما شاء الله عليه ملاحظ اكثر واحد يشتغل ومشغول بحياته ،

صقر : والله انا خلاص من بكره ببدا و اروح المستشفى لا يطردوني يقولون وش هالدكتور الي ما صدق انه تزوج ،

ام صقر لبست عبايتها وطلعت : يلا يمه لا نتاخر ،

صقر : الورد والهدايا بسيارتي شيلوهم ،

خاله مُزنه ناظرت فيهم : وانا اجلس بالبيت وارتب الوضع ،

ام صقر : جبتوا الكيك ياولدي؟

صقر بضحكه : الكيك حلمه رسمنا عليه عسكري ،

يوسف ضحك وطلعوا كلهم متوجهين يركبون سيارتهم ،

'

غلا كانت جالسه وسرحانه وتفكر ليه عمر كذب عليها ولعب عليها سكتت وهي تقرا رسالته الاخير ' اليوم اتخرج قسم بالله ما يكتمل فرحتي وانتي زعلانه تكفين ارضي عني "

ومشت وقفت عند الشباك ابتسمت وهي تشوف اهل عمر الي طلعوا من البيت ، عبدالرحمن مشى وهو ياخذ الورد الاحمر ، وصقر اخذ الهديه كان جوال ايفون و ورد ابيض ،

الجد سُليمان ابتسم والكل ركبوا السياره ،

متوجهين للجامعه '

'

امال وملاذ و فهد و لطيفه كانوا جالسين يفطرون ويسولفون،

فهد : وين ودكم اخذكم يا يبه؟

امال ابتسمت : اي مكان ودي نتمشى ،

ام نجلاء كانت ساكته و سرحانه مو معاهم ،

امال لاحظت وناظرت : بسم الله ماما وش تفكرين؟

ام نجلاء تنهدت : افكر باختكم خايفه عليها ومن امس ما ردت ولا اتصلت وقلبي مو مرتاح وهي بعيده عني هالكثر ،

فهد تنهد : الحين اكلم مشعل و اتطمن لا تحاتين ،

ملاذ ابتسمت على طاري نجلاء وهي تتمنى تشوفها ،

'

عمر كان مع العيال واقفين عند الجامعه ويلتفت لكل الي يجون اهلهم يستقبلونهم واخذ جواله يتطمن على غلا ،

بهاللحظه عبدالرحمن وقف سيارته وهو يدق البوري ،

نزل صقر و ام صقر ويوسف والجد سُليمان ،

عمر رفع راسه وهو يشوف سيارة عبدالرحمن انصدم وناظر ،

السياره كانوا مشغلين فيه اغنية " افتخر ي تاج راسي انا فيك'

عمر ضحك وهو يمشي متوجه لعندهم ، الجد سُليمان فسخ البشت وقرب وهو يلبسه لعُمر وقرب حضنه : مبروك مبروك،

عمر ابتسم وهو يقبل يدينه ويضحك شعوره متلخبط ،

والتفت لابوه ، يوسف ابتسم و رفع يده دق التحيه ،

عمر ضحك وقرب حضنه وهو يقبل يده و راسه ،

ام صقر نزلت دموعها من الفرحه وحضنت عمر وهي تبكي،

عبدالرحمن كان مبتسم وهو يطالع فيهم ،

عمر التفت لهم وقرب ارتمى بحضنه عبدالرحمن حضنه وهو يضحك : مبروك ياروح اخوك مبروك ،

صقر ناظر فيه و رجع يقلد ابوه و دق التحيه : هلا بالعسكري،

عمر حضنه وهو يضحك ومبسوط والكل فرحانين له ،

'

غلا ناظرت لرسالة عُمر صور له وهو لابس قُبعة التخرج

ضحكت وابتسمت وهي تشوف شكله وكتبت له " سَرني تخرجك يا كل السُرور مبروك ياروحي " وحطت جوالها وهي تفكر وش تاخذ له وش تعطيه هديه بهالمناسبة وابتسمت من خطرت ببالها فكرة ،

'

سلطان كان بالمستشفى ولا يرد على احد ولا وده يكلم احد ،

و صقر الي سجل له مقطع وهم يستقبلون عمر و رسل له '

لكن سلطان كان بعيد عن فرحتهم غارق بهمومه ولا قادر يتحمل اكثر وفز و ركض للدكتور الي طلع وهو يسمع صراخ عساف ومشى يناظر من القزاز وهو يشوف يعطونه المغذي

وعساف الي كان يبكي من الابره الي عطوه عشان المغذي ،

تنهد وهو يطالع فيه من القزاز مو قادر يتحمل يشوفه بهالحاله ويلوم نفسه انه عساف قاعد يتالم بسببه ،

'

ريما و نجلاء لبسوا العبايه وطلعوا ،

ام مشعل باستغراب : وين رايحين؟

نجلاء : نروح الحديقه ودي اشم هواء احسني مخنوقه ،

ريما سكتت وهي تعرف نجلاء تكذب قالت انها بتروح المستشفى ولكن ماتدري وش السبب بس تروح معها ،

'

سلطان وقف سيارته ونزل وتوجه دخل المستشفى عند متعب مشى للغرفه الي فيه متعب ووقف وطالع فيه ،

متعب كان جالس والابره بيده و رفع نظره له بهدوء ،

سلطان مشى عنده بهدوء وناظر فيه : شف حالتي وش صاير به بسبتك يا متعب البارحه ما ذاقت عيوني المنام من كثرت جروحي وكثرت وجعها اجر الصوت و اون مثل ون الحمام على غصن ورده وسط قلبي زرعها صرت اسال نفسي وش ابي بشخص حتى بحق نفسه ردي ! كتفي الي خليتك تسند عليه لا شدت عليك الضيق وضاقت فيك الدنيا اليوم انت الي كسرت كتفي يا متعب ودي اقول ارقد ي متعب عسى نومك كله كوابيس ارقد ي متعب عساك بنومك ما تهنا وياجعل الارض يخس بك منا ومنا هذي سبايبك فيني ياعلك تطيح...صد وهو يمد يده يمسح دموعه من قوة الغبنه والقهر ،

متعب كان ساكت يسمعه ولا له وجه يرد لانه عارف معه حق والتفت له بهدوء : اسف يا سلطان بس الحقيقه هو بسببك انا..قاطعه سلطان وهمس : لا تبرر يا متعب وين بلقى لك عذر! ما بقالك شي واحد يعذرك! ولا تقول اسف حتى هذي ما اظن ب تسترك نذر مانت بتلقى شخص كثري قدرك وسندك

ماكان ودي علاقتنا تنهي ب غدر لكن انت اهديتني من طعنت افعالك كسر ولا بلاقي جبر لهالكسر غدرت فيني وطعنت فيني منا ومنا اليا طحت على وجهي صدقني يا متعب على كثر ما صابني منك خذلان الا ان قلبك ما فكرت اكسره ويا للاسف انت جحدت طيبتي ونكرته رح يا متعب رح والدروب وساع والطيب معان ولا تلتفت لقلبي الي دمرته و دمرتني ، وصد طلع لبرا ، متعب كان ساكت بهدوء ما يمديه يتكلم ما ترك له فرصه قفل كل الابواب بوجهه لكن الرد كان كفيل لسلطان وهو يشوفه بذي الحاله والاكيد انه يتالم ويعاني بدون ما يشتكي المرض الخبيث منتشر بدمه واكيد ما يرحمه '

'

نجلاء طلعت برا مع ريما لكن انصدمت وهي تشوف سيارة مشعل الى الان واقف مشعل الي رفع راسه وانصدم وهو يشوفهم وفتح باب سيارته وهو يشوف نجلاء موجوده وسكت من تذكر امه كذبت لكن ما استغرب يعرف حركات امه بس راوده السوال وين كانت نجلاء! وهمس : اركبوا ،

نجلاء ناظرته بهدوء وهي ماودها ترد ويعصب وتصير هوشه ومشت فتحت الباب المقعد الخلفي و ركبت بصمت ،

ريما سكتت وتركتهم و رجعت للبيت مشعل ركب ،

نجلاء انصدمت انها ريما راحت كانت متوقعه تجي تركب قدام

مشعل سكت وحرك سيارته متوجه للمستشفى ،

نجلاء كانت جالسه و متوتره وش بتقول الدكتوره مشعل كان يسوق بصمت وعيونه على الطريق ولا كانها موجود بعد دقايق وصلوا ونزل والتفت لها وهو يشوفها تنزل و لحقها ودخلوا المستشفى ،

'

ام مشعل باستغراب : ليه رجعتي؟

ريما : مشعل كان واقف برا واخذها ،

ام مشعل بصدمه : بس انا كذبت انها نجلاء راحت لاهلها؟

ريما باستغراب : ليهه؟

ام مشعل : بس كنت ابيه يندم لكن مالقيت منه الا البرود وقلت اخليه يدورها بنفسه عشان يعرف يقدرها الصدق انها كسرت قلبي امس بصياحها ومن حالتها ،

ريما تنهدت وجلست : حتى مشعل متغير مدري شفيهم ،

ام مشعل : هذا ما ينفع معه الا اني اتفاهم معه بنفسي ،

ريما : حتى هالشيء ما ينفع مع ولدك ،

'

سلطان مشى جلس بصمت ومصعب جالس قدامه ،

مصعب : والحين بتعلمها ولا لا؟

سلطان صد : عشان تنهار اكثر مانت شايف حالتها؟

مصعب : طب ادخل عندها تراها من صباح تبكي وتصارخ تبي ولدها! ولا تقول انك طلقتها طلاقك باطل يا سلطان كان بلحظة غضب وما يسمى طلاق !

سلطان رفع نظره بحده : وش تبغى اقول لها! سامحيني كسرت ولدك و رميتها بالمستشفى زيك! والي يرحملي اهلك اعتقوني و اتركوني ، وصد عنه وهو يفكر ،

مصعب سكت وهو يقوم : بكيفك اجل وصد طلع لبرا ،

'

= الكل كانوا متجمعين بالصاله ياكلون من الكيك ويسولفون=

عمر بهدوء : يبه ابي اشوف لي وظيفه ثاني بطلت العسكريه،

الكل انصدموا من كلامه وهم يعرفون يوسف كان مبسوط من قرار عمر وكان حلمه واحد من عياله بيصير عسكري '

عبدالرحمن : لا تستهبل عشان ما اصكك كف ،

صقر : وش جاك انت توه مبسوطين وندعي لك؟

يوسف بهدوء : لا تغير قرارك ياولدي مافي افضل من انك تخدم وطنك وتحميه وانا مابي اسمع قرار ثاني وانتهى ،

الجد سُليمان : من وانت صغير ازعجتنا تصير عسكري وش غير قرارك ياولدي اهجد وادعي ربك يحقق لك حلمك ومرادك ،

عمر سمع ردود الكل وسكت ولا عنده القوه يواجهم ويرفض ،

'

غلا كانت مبتسمه بعد ما طلبت بلوفر اثنين نفس الشكل لكن الرياكشن الي عليهم مختلف واحد توم والثاني جيري ،

و طلبت اساور على حروفهم وهمست : ناقص اسوي بسبوسه وتكتمل ضحكت واخذت جوالها تشوف انه ما شاف رسالتها

تركت جوالها وهمست : اكيد مع اخوانه ناشبين له ما يتركونه اوف يعني انام وهو يحسبني زعلانه! تنهدت وقامت نزلت لتحت وهي تشوف محسن وابوها جالسين يسولفون ابتسمت ومشت جلست وهي تسمع سوالفهم ،

محسن : يزيد بيجي السعودية؟

ابو محسن : اي ياولدي جاي من الامارات  عشان شغله ،

غلا : منهو ذا يزيد الاماراتي الي استقبلنا من المطار؟

ابو محسن ابتسم : اي اي هو سافر للامارات وبيرجع السعودية،

'

مشعل وقف وهو يشوف الدكتوره طلعت وتوجهت عنده و نجلاء طلعت وراها ومشت جلست مشعل التفت لها وسكت،

الدكتوره : الحمدلله  الجنين بخير لكن للاسف زوجتك صحتها مو زينه و مو مهتمه بـ اكلها والام لازم تاكل عشان الجنين يتغذى ويكون بحال افضل اتمنى الموعد الجاي تجيبها وهي مهتمه بصحتها عشان نتطمن اكثر  ،

مشعل بهدوء : ان شاء الله ، والتفت لنجلاء الي قامت بتمشي لكن بحركه سريعه مسكها من يدها : سمعتي ولا اعيد كلامها؟

نجلاء سحبت يدها منه وهمست : سمعت ،

مشعل : حلو انك سمعتي ف تفضلي امشي قدامي وقولي وش بتاكلين؟ نجلاء ماردت عليه وطلعوا متوجهين للسيارة ،

نجلاء مدت يدها بتفتح باب السياره الخلفي لكن مشعل مد يده وقفل الباب : اركبي قدام ولت اسمع لك صوت ،

نجلاء اخذت نفس تهدي من اعصابها و ركبت قدام ،

مشعل قفل الباب ومشى ركب بهدوء وحرك سيارته والتفت لها وهمس : وين كنتي نايمه اليوم ؟

نجلاء : يهمك؟

مشعل : لا بس ولدي ببطنك ف ابي اعرف وين كان نايم ،

نجلاء ناظرته بقهر ومن رده : بغرفة ريما ،

مشعل : حلو و ايش اكل طول اليوم!

نجلاء تنهدت وهمست : ولاشي ولا يبغى اكل ،

مشعل : حلو برضوا لي تفاهم ثاني معه ولا تتدخلين بيننا ،

نجلاء عقدت حواجبها وسكتت وهي تناظر فيه بصمت ،

مشعل ناظر للشمس والتفت لنجلاء الي كانت تغمض عيونها من قوة اشاعة الشمس ومد يده فسخ نظارته ومده لها ،

نجلاء صدت : مابي ،

مشعل : مو لك لولدي اخاف يتضرر من اشاعة الشمس ،

نجلاء ناظرته بقهر : تطمن مايجيه شيء ،

مشعل كان يسوق وعيونه على الطريق وقرب النظاره من عيونها : البسي وخلصيني خليني انتبه للطريق ،

نجلاء تنهدت واخذته منه وهي تلبسه عشان يسكت ،

مشعل : ما قلتي وش بتاكلين اقصد ولدي وش بياكل؟

نجلاء : دام ولدك ف المفروض تعرف وش يحب !

مشعل : صحيح بس حابسته ببطنك اذا طلع يصير خير ،

نجلاء : لو بيدي طلعته اليوم قبل بكره ،

مشعل : ياطول لسانك يا نجلاء مالوم ولدي لما يرفض يطلع كيف يتحمل يسمع بربرتك جاوبي على قد السوال وخلاص،

نجلاء صدت عنه ،

مشعل وقف سيارته عند المحل : انزلي ،

نجلاء هزت راسها بالنفي : مابي قلتلك ،

مشعل تنهد وجلس وهو يطالع فيها : وش دك يا نجلاء عطيني من الاخر اذبح نفسي ولا اذبحك؟

نجلاء : اذبحني عشان ترتاح مو هذا الي تبيه انت؟

مشعل ابتسم : لا والله مين قال هالكلام؟

نجلاء بدموع : حتى سمعتك تقول ماعاد اهمك ولا يفرق معك شيء همك ولدك ومن يوم ما حملت وانت بس تقول ولدي و ولدي كاني مو موجوده انتظرك تراضيني تسولف وانت طول الطريق همك ولدك يخي خلاص غلطت انا واعرف غلطتي بس مو تعاملني كذا وتكرهني ماكنت ادري عمي يتصرف معك كذا ويضربك لو ادري كان ما كذبت بس كنت مقهوره منك ليه تقول لي كذا ابوي يرميني لك! انا حتى تفكير مابي افكر انه ابوي يسوي فيني كذا بس انت قهرتني ،

مشعل بهدوء : قهرتك؟ وانتي ما فكرتي فيني وعلطول تقولين راح تقتلين طفلي و تنزلينه ما فكرتي بقهري؟

نجلاء بدموع : مستحيل اسويه وانت كنت تدري بس برضوا قهرتني وتركتني ولا اهتميت لي ،

مشعل بهمس : بس انا راضيتك صح؟ وجيتك قبل اروح الدوام ما رضيت اتركك وانتي زعلانه بس انتي طولتي الموضوع يا نجلاء وانا ماراح اسكت لين اخذ حقي وقومي الحين معي اذا رجعنا البيت نتفاهم واعرف كيف اخذ حقي منك ، فتح الباب ونزل ومشى توجه لعندها وفتح الباب : انزلي ،

نجلاء ناظرت فيه ونزلت بهدوء مشعل ناظر لعيونها الي غرقانه بالدموع وهمس : امسحي دموعك ،

'

صقر فتح الباب ودخل غرفته واخذ نفس : قسم بالله مشتاق ارجعي يكفي غياب وتوجه مشى عند التسريحه وهو يناظر لاغراضها وابتسم بخفه وهو ياخذ عطرها و يبخ في الغرفه وغمض عيونه وهو يشم : ليتك هنا واكحل عيوني فيكِ ، اخذ نفس وهو يترك العطر من يده وتوجه جلس على السرير واخذ جواله لكن تذكر ما معها جوال ولا رقمه وترك جواله من يده ومشى طلع من الغرفه وناظر لـ ام صقر وخاله مُزنه وعبدالرحمن جالسين يتقهون ومشى جلس : ايش عندكم ،

عبدالرحمن فز وهو يقوم : كتمتني يخي كم مره اقولك ابعد عني وبعدين وش هالعطر النسائي متروش فيه ،

صقر عقد حواجبه : يليل الواحد ما ياخذ راحته يعني ،

عبدالرحمن مشى وهو يجلس جنب امه : شكله ذبحه الشوق،

ام صقر ابتسمت وناظرت لصقر : شكلها ماعاد بتجيك ،

صقر : والله لا اسحبها من بيت ابوها اشوف كيف ماتجيني،

خاله مُزنه ابتسمت والتفتت لـ ام صقر : ردت لك لطيفه؟

ام صقر : اي قالت لي في الواتس ابوها راضي وبيجلسون ،

صقر باستغراب : شسالفه؟

ام صقر : اخت زوجتك ما قبلوها الجامعه في المدينة ونسبتها ما تساعد مره ف كلمتهم مُزنه توسط لها في جامعة القصيم،

عبدالرحمن : كم نسبتها؟

ام صقر : والله مدري بس اقل من تسعين ،

عبدالرحمن : ما شاء الله هذي المفروض تحطونها بمكان مارلين وبعدين خالتي مُزنه مين بقى ما وسطتي لها؟

صقر : عبدالرحمن تكفى انت لا تطقطق على نسبة احد وانت كنت تجيب اقل من سبعين حتى في الماك ما يحطونك ،

ام صقر بضحكه : وكان ينجلد من ابوك ،

عبدالرحمن : والله ما انسى كيف كان يجلدني ،

صقر : اكثر اثنين انجلدوا انت وسلطان ،

عبدالرحمن : والله اتذكر انت كيف كنت تشد حيلك عشان ما تنجلد وانا وسلطان ما نفوت طلعات مع العيال والكوره ،

'

امال : وين بتروحين ؟

ام نجلاء : اروح عند خالتك ام صقر ،

امال : وانا و ملاذ بنروح للصالون نقص شعرنا وودي اصبغ،

ام نجلاء : ليه تخربين شعرك بالصبغه كذا زين ،

امال : لا يمه تكفين ما احب ودي اصبغ وملاذ تقص شعرها وتسوي اظافرها قبل ترجع لزوجها ،

ملاذ كانت واقفه و ابتسمت من تذكرت صقر ،

ام نجلاء : طيب تجهزوا اكلم ابوكم ،

امال ابتسمت وسحبت ملاذ معها ودخلوا يتجهزون ،

'

مشعل دخل البيت و نجلاء قدامه لحقته ودخلت الغرفه و دخل مشعل وراها وهو يحط الاكياس على الطاوله ،

و رفع نظره لها وهو يشوفها تحط عبايتها وتفك شعرها ،

ومشى جلس على الكنب بهدوء : تعالي عندي  اشوف ،

نجلاء التفتت له ومشت جلست ع طرف السرير وناظرت فيه،

مشعل : ماقلت هنا  قلت عندي ،

نجلاء بهدوء : مشعلل ادري راح تقول اني ما احبك ومن هالكلام و تلومني على كل صغيره وكبيره وانا مافيني حي..قاطعه مشعل وهو يقوم يمشي لعندها وجلس جنبها وهو يطالع بعيونها : ماراح اقول شي ولا راح الومك بس اسالك سوال وتجاوبيني قد السوال؟

نجلاء استغربت وهزت راسها بـ اي : ايش سؤالك؟

مشعل بهمس : لو بدلنا الادوار بيرضيكِ الي تسوينه معي؟

نجلاء سكتت بهدوء وهو تشوف نظراته ونطقت : لا ،

مشعل : حلو انك عارفه الجوال بس فكري اني متحمل وساكت ما قد عاتبتك ولا قد بيوم ضربتك ليه فكرتي كذا؟

نجلاء ناظرته وسكتت وهي ماعندها رد ،

مشعل مد يده وهو يقومها : قومي ، نجلاء قامت وناظرت فيه

مشعل سحبها وهو يجلسها على رجوله : طالعي فيني ،

نجلاء ناظرت فيه بصمت وهي تشوفه ساكت ،

مشعل : الكف الي اكلته بسببك ابيكِ تعوضيني عنه ،

نجلاء ناظرته وهمست : كيف اعوضك؟

مشعل رفع كتوفه : معرف فكري عندك وقت قبل اسوي شي ،

نجلاء ابتسمت بخفه وهي تطالع فيه وقربت باست خده ،

مشعل رفع نظره بحده : ماكان ذا الخد ،

نجلاء عقدت حواجبها مشعل لف وجهه لها : كان ذا ،

نجلاء ضحكت بخفه وباسته وبعدت عنه : خلاص عاد ،

مشعل بتفكير : بس الضربه كانت قويه بوسه وحده ماتكفي،

نجلاء ناظرته بطرف عينها لكن فزت وبعدت عنه من سمعت صوت الباب ، مشعل تنهد بقهر : راح انتقم منكم يا قاتلين المتعه واللحظات السعيدة ومشى وهو يفتح الباب ،

ام مشعل ناظرت فيه : كيفها نجلاء سمعت اخذتها المستشفى ؟

مشعل انصدم من سؤالها والتفتت لنجلاء الي ركضت لها وهمست : بخير خالتي بس كان تعب بسيط ،

ام مشعل ناظرت لمشعل : انتبه لها ولا تزعلها ، وقامت مشت،

مشعل التفت لنجلاء : هذي امي متاكده؟ ولا من بوستك تخدرت ماعاد افرق بين امي و ريما؟

نجلاء بضحكه : مشعلل حرام عليك ،

مشعل : اللهم الثبات بس ،

'

سلطان مشى وهو يدخل عندها ويناظر فيها من بعيد ،

سُلاف كانت منسدحه وطول الوقت تهمس : ابي ولدي ءعساف ، سلطان سكت بهدوء وصد وقف وهو ياخذ نفس

وقفت الممرضه وناظرت فيه : اليوم بنكتب لها الخروج ،

سلطان سكت وهز راسه بـ اي و رجع التفت لسُلاف الي كانت مو منتبهه له ومغمضه عيونها وتهمس باسم عساف ،

طلع لبرا ومشى توجه طلع لسيارته ركب وسحب المويه وهو يشرب وحرك سيارته متوجه للمزرعه ،

'

عمر طلع وناظر لعمير الي كان واقف ينتظره وضحك ومشى لعنده وحضنه عمير شد عليه وهمس : مبروك ،

عمر ابتسم : الله يبارك فيك وين كنت امس مالقيتك؟

عمير : والله كنت نايم داخل ،

عمر : يخي كنت ابغاك تجي وتتعرف على اخواني كلهم ،

عمير : انتظرني هنا هدية التخرج جبت لك بس اعذرني ماقدرت اجيب شي ولا قدرت اشتري لك شيء ،

عمر : ماله داعي والله وجودك يكفيني وانا اخوك ،

عمير توجه دخل الشقه وهو يشيل القطوه كان صغير توه مولود واضح وطلع ومشى له وهو شايله : تفضل ،

عمر بضحكه : يازينوو من وين جبته ؟

عمير : بالشقه امه كانت موجوده واهتم فيها كانت حامل وولدت وماتت و ابتلشت فيه معرف لهم ،

عمر ضحك وهو يقرب ياخذه منه ويمسح عليه ويضحك ،

عمير : شفتك تحبهم وقلت اكيد تستانس ،

عمر بضحكه : اي والله تعال انت اخواني كلهم في المجلس،

عمير بتوتر : لا ي رجال معرف اسولف ولا اعرف اتكلم ،

عمر : اقول خل عنك بس و الحقني تعال ،

ومشى عمير لحقه ودخلوا المجلس ،

صقر وعبدالرحمن والجد سُليمان كانوا جالسين ،

عمير : السلام عليكم ، الكل ردو السلام وناظرو فيه ،

عمر جلس يعرفه عليهم واحد واحد ،

'

ام صقر ابتسمت : وين البنات ما جبتيهم معك؟

ام نجلاء : لا والله ما جبتهم راحوا للصالون ،

خاله مُزنه : والله ولدنا صقر يبي زوجته مافيه ينتظر اكثر ،

ام نجلاء بضحكه : خلاص قولو له ينساها ماعاد تبي ترجع ،

ام صقر : اي والله اني قلتله وقال اسحبها من بيتها ،

ام نجلاء : يعمري الله يخليهم لبعض لا ان شاء الله بتجي بس تشبع من خواتها ،

خاله مُزنه : بخصوص آمال اتركي الموضوع علي وخليها تتقدم بالجامعه راح اعطيكِ اسم الجامعه وهم يقبلونها ،

ام نجلاء التفتت بفرح : صدقق؟؟؟

ام صقر : بس لا تعلمينهم خليها مفاجاة لها ،

ام نجلاء ابتسمت : شكرًا لكم والله كنت شايله همها ،

ام صقر : بنتك هي بنتنا ومافي شكر بيننا ،

'

الجد سُليمان ناظر لعمير : كم يعطونك راتب ياولدي؟

عمير بهدوء : الحمدلله يعطوني الف يكفيني ،

عبدالرحمن عقد حواجبه : تستهبل انت وشو الف وانت تنكرف عندهم ومشاوير الحريم معروف ما تخلص ! كليوم رايح جاي و في السنه الف!

عمير : انا وحيد مالي احد ف تكفيني الف ،

الجد سُليمان : ليه ياولدي تقول انك وحيد مو عمر اخوك ولا ما تعتبره اخوك! ومن اليوم تشتغل مع حفيدي عبدالرحمن ،

عمير بصدمه : لا والله ياعمي لا تتعبون نفس..قاطعه الجد سُليمان بحده : لا تقول عمي قل جدي دام عمر يعتبرك اخوه ف انا اعتبرك حفيدي ومانت وحيد كلنا معك ،

عمير ابتسم بخفه والتفت لعمر الي كان يضحك ،

صقر : وترا جدي عصبي لا تعصبه اكثر عشان ما يجلدك بالعكاز ، عمير ضحك على كلامه وسكت باحراج ،

عبدالرحمن قام وقف : يلا استاذن انا رايح لمشوار و راجع ،

ومشى طلع لبرا وتوجه لسيارته ركب واخذ جواله دخل الواتس يكلم سلطان لكن سكت وهو يشوف رقمها و دخل الواتس وكتب : لي شاهي من يدينك؟ ولو ودك بكليجه اجيب ،

'

سلطان دخل الغرفه بياخذ لها عبايتها لكن وقف وهو يشوف العاب عساف على الارض وقعد يتذكر لما كان يركض بالغرفه يلعب ويشيل العابه ويركض له تجمع الدموع بعيونه ومشى جلس على ركبته وهو يشيل العابه ويناظر فيهم نزل دموعه وصد وهو يمسح دموعه ومشى وهو يسحب عباية سُلاف وطلع وقفل الباب لكن وقف بالمزرعه من سمع صوت القطوه و تذكر عساف لما كان يركض ورا القطوه ومايخليهم ابتسم من بين حزنه وهو يتذكر لما خاف من صوت الكلاب وكيف تمسك بثوبه اخذ نفس ومشى ركب سيارته وتوجه للمستشفى ،

'

مشعل ناظر فيها : وشو شبعتي كملي كلي!

نجلاء بتعب : والله مشعل شبعت خلاص تعبت وانا اكل ،

مشعل : اقول اجلسي بمكانك ولا مافي روحه للسوق ،

نجلاء ناظرته بقهر وجلست : اخر لقمه وماعاد اكل ،

مشعل : اي يصير خير كملي ومد يده يقطع لها الدجاج ،

نجلاء : مشعلل خلاص وبعدين طفشتني كل مره بخاري!

مشعل : اي ابي ولدي يطلع زيي ونسحب عليكِ ،

نجلاء : اجل ان شاء الله تطلع بنت ،

مشعل بتفكير : شرايك لو توام بيكون احسن ؟

نجلاء فزت : لا يمه وشو توام اسكت تكفى ،

مشعل ضحك وكمل ياكل نجلاء ابتسمت وناظرت فيه ،

مشعل رفع نظره : ليه تطالعيني كذا؟

نجلاء : ما ودك اطالع فيك؟

مشعل : الا طالعي بس قاعده تخليني اتهور بنص اكلي!

نجلاء صدت وهي تضحك : خلاص ما اطالع ،

'

ام مشعل : غريبه نجلاء ما طلعت اليوم من غرفتها؟

ريما بضحكه : اكيد رضو وخلاص انسيها الحيوانه ،

ام مشعل عقدت حواجبها : واذا رضو يعني ماتجينا؟

ريما : زين ولدك يتركها ناشب لها ،

ام مشعل ابتسمت وسكتت والتفتت للتلفزيون : شغلي مسلسل او شيء ،

ريما : وينه بابا ما جاء؟

ام مشعل : هذا هو اخذ اجازه من الدوام ويفرفر مع اخوياهه،

'

امال مشت وقفت وهي تشوف شعرها واختارت لون الصبغه

بني فاتح مع اشقر وابتسمت برضا والتفتت : شرايك؟

ملاذ هزت راسها باعجاب ومدت يدها توريها الاظافر ،

امال ناظرت لشعرها : اظافرك تجنن بس شعرك لو قصرتيهم اكثر كان طلع احلا بس برضوا حلوه بكل حالاتك وخليني اشوف بابا وينه اخذت جواله تتصل عليه لكن وقفت وهي تقرا رسالة عبدالرحمن وابتسمت واتصلت على ابوها : وينك؟

فهد كان واقف عند الصالون ما طاوعه قلبه يتركهم وخاف يتاخر عليهم وهمس : واقف يابنتي ما رحت انزلوا ،

امال ابتسمت : تمام جاين يلا ، والتفتت لملاذ : يلا بنمشي،

ومشت عدلت طرحتها ونزلوا ،

'

عمر كان جالس في المجلس ويسولفون واخذ جواله وهو يشوف رسالة غلا وكتب لها : احبك طيب تدرين ولا لا؟

غلا كانت منسدحه فزت من رسل عمر ودخلت وقرات الرساله ابتسمت وعضت طرف شِفتها وكتبت له : اتصل؟

عمر رفع نظره وهو يقوم : اشوف امي واجي ، ومشى طلع وهو يتصل عليها غلا ردت علطول : ليه ما خليتني انا اتصل؟

عمر : ما يهم انا ولا انتي علميني ليه طلبتي تتصلين؟

غلا رفعت كتوفها وهي تحس شعورها متلخبط لاول مره بحياتها تحب شخص وتشوف منه الاهتمام والحُب وكل يومها تفكر فيه ما توقعت انها تحبه لهدرجه وكل ويومها يكون عباره عنه وكل تفكيرها فيه وهمست : عمر اوعدني ما تتركني؟

عمر عقد حواجبه : انا حياتي وعمري كله انتي يا غلاوي تتوقعين اني اتركك بيوم؟ لو بيدي احطك بداخل قلبي واقفل عليكِ محد يحبك ويشوفك غيري! قسم بالله يا غلا انا ماعرفت حلاة هالدنيا الا لما عرفتك اخذتي كل شي فيني وصرتي كل شيء بحياتي صرت انا الي اخاف افقدك ودي يا غلا تصيرين عروستي اليوم قبل بكره ودي امسك يدينك ،

غلا ابتسمت من كلامه وهمست : حتى لو بيوم زعلتك او عصبتك لا تتركني ولا تزعل مني ياعمر ،

عمر ابتسم وهو ياخذ نفس : من عيوني وجعلهم يدفنون اذا تركتك او زعلتك انا ، غلا حطت يدها على قلبها من قوة الحُب وكلامه الي زرع فيها شعور متلخبط وحُب ،

'

سلطان وقف وهو ينتظرها بهدوء مايقدر يتركها ويمشي وولدها برقبته و طايح بالمستشفى وناظر فيها وهو يشوفها طالعه والممرضه ماسكه يدها وهمست : ماهي قادره تمشي تدوخ يومين ما اكلت شيء ولا ناويه تاكل وبس تبكي ،

سلطان سكت وهز راسه بـ اي و مد يده الي كان يرجف لاول مره يمسك يد بنت بحياته كله ما مسك غير يد امها ،

سُلاف ما كانت حاسه بيده ولا بوجوده عيونها غرقانه بدموع ولا قادره تستوعب هي وين و وين رايحه كل همها عساف ،

سلطان مسك يدها وهمس : امشي يلا ،

سُلاف شدت على يده تحاول تمشي ومشت بهدوء ،

طلعوا من المستشفى سلطان مشى فتح الباب ومسكها من يدها يركبها سُلاف ركبت السياره ونزلت راسها تبكي ،

سلطان رفع راسه وهو ياخذ نفس يقوي نفسه ويتحمل ومشى ركب وحرك سيارته متوجه للمزرعه وطول الطريق ماغير يسمع صوت بكاءها وهي تهمس ابي عساف ولدي ،

كان عيونه على الطريق وساكت يسوق بصمت ،

وقف سيارته من وصلوا المزرعه والتفت ناظر فيها ما وقفت عن البكاء فتح الباب ومد يده يمسك يدها ويطلعها ،

سُلاف طلعت و رفعت راسها وهي تشوف المزرعه فزت وهي تتذكر عساف لما كان في المزرعه والتفتت لسلطان و دفته بقوه وهي تحاول تمشي وتركض تدخل المزرعه كانت متوقعه بتلقى عساف داخل لكن للاسف ماهو داخل ،

سلطان انصدم والتفت وهو يشوفها تدخل المزرعه بنفسها ومشى وهو يناظر فيها سُلاف دخلت البيت وهي تلتفت يمين يسار وتصارخ : عساففففف ، سلطان فز قلبه من صراخها وناظر فيها كان واقف وراه ويلحقها ،

سُلاف مشت للغرفه دفت الباب بقوه بيدها ودخلت وهي تدور عساف لكن ما لقت غير العابه على الارض مشت وارتمت عند العابه قعدت تشيل العابه وتضمهم لصدره وتبوسهم وتبكي ، سلطان غمض عيونه بقهر وهو يشوفها بذي الحاله ،

سُلاف بدموع : ولديييي ولدييي جيبوهه لييي ابيي ولدييي مابيييي احد ابييي ولدييي تكفونن ،

سلطان مشى بهدوء وهو ينحنى ويجلس على ركبته قدامها وهمس : اجيبه لك اوعدك اجيبه ،

سُلاف هزت راسها بالنفي وهي تبكي طرحتها كانت طايحه على الارض وشعرها كلها على وجهها ودموعها تنزل ،

سلطان نزل نظره لـ العاب عساف وهو يطالع بصمت ويسمع صوت بكاءها ،لكن فز من شافها طاحت على الارض وانصدم و...

'

امال وملاذ وصلوا البيت وغيرو ملابسهم وتطقموا بنفس البلوفر امال ابتسمت والتفتت لها : بنسوي كيك ولا دونات؟

ملاذ ابتسمت و رفعت كتوفها بمعنى ماتدري ،

امال التفتت لجوالها اول ما شافت نجلاء تتصل و ركضت وهي ترد وعلطول فتحت الكام وحطت الكام على ملاذ ،

نجلاء كانت جالسه بغرفتها ومشعل طلع عند امه ،

تجمدت بمكانها بصدمه ومن صدمتها توقعت انها صوره مو ملاذ صدق لكن امال التفتت الجوال على نفسها وتضحك ،

نجلاء نزلت دموعها من الصدمه : ءءملاذذذذ!!!!

امال مدت الجوال لملاذ ، ملاذ اخذت الجوال وهي تقربه وتشوف وجه نجلاء تجمعت الدموع بعيونها ،

نجلاء تجمعت الدموع بعيونها وهي تشوفها ،

نجلاء بدموع : ءملاذذذ كيفكككك ،

امال سحبت الجوال من ملاذ : لا تكلمينها خلي شعلولي ينفعك قصت شعرها وتغيرت توك تتصلين؟؟

نجلاء بقهر : اماللل رجعييي الجوال بشوفها ،

امال : مافي خليكِ عند شعلولي لو يحبك يجيبك للقصيم ،

نجلاء بدموع : تكفينن خليني اشوفها واكلمها ،

امال بعناد : مافي انا وملاذ نختبر لك مُدة حب شعلولي لك اذا جابك للقصيم معناته يحبك واذا لا ف ما يحبك ،

نجلاء بقهر : ..

امال : مافي خليكِ عند شعلولي لو يحبك يجيبك للقصيم ،

نجلاء بدموع : تكفينن خليني اشوفها واكلمها ،

امال بعناد : مافي انا وملاذ نختبر لك مُدة حب شعلولي لك اذا جابك للقصيم معناته يحبك واذا لا ف ما يحبك ،

نجلاء بقهر : ما اسامحكك يا حيوانهه ،

امال ضحكت وهي تقفل الخط والتفتت لملاذ وشافت دموعها وهمست : خيررر ملاذذذ لا تخلينا نكلم زوجك يرجع ياخذك ،

ملاذ ابتسمت على كلامها من بين دموعها ،

امال : تعالي الحقيني المطبخ ابي اعرف في بيبي في الطريق ولا مطولين ، ملاذ هزت راسها بالنفي ومشت لحقتها ،

امال اخذت جوالها وهي تشوف رسالة عبدالرحمن وكتبت له

" ماودي بكليجه ودي بشهيانه تجيبه ولك شاهي "

عبدالرحمن كان يسوق بهدوء ومشغل اغنية والتفت لجواله على صوت الرساله وابتسم من قرا : اجيبه لك للمزرعه '

امال التفتت وناظرت لملاذ كانت تطلع الاغراض وسكتت بتفكير وكتبت له " المزرعه ماعاد صارت لنا صارت لكم "

عبدالرحمن عقد حواجبه : لكم قبل يصير لنا وبطلي هالكلام وجهزي الشاهي ناوي اسهر على ضوء القمر ،

امال ابتسمت : لي قصيده ؟

عبدالرحمن : اختاري قصيده ولا كليجه ولا انا؟

امال بصدمه : انت؟؟

عبدالرحمن : يصير اتصل لاني قاعد اسوق؟

امال بتوتر : لا اختي معي ،

عبدالرحمن : تمام اذا فضيتي كلميني ابي اقولك شي ،

امال باستغراب : تمام وحطت جوالها ومشت لملاذ تساعدها،

'

نجلاء مشت عند الشباك وهي تنتظر مشعل تنهدت انها ما وصل للحين مشت جلست على الكنب تنتظره وابتسمت من تذكرت ملامح صقر وقعدت تفكر متى وصلت وكيف وليه توي اعرف قاطع تفكيرها مشعل الي فتح الباب فزت وقامت ،

مشعل : بسم الله عليكِ بشويش على ولدي شفيكِ؟

نجلاء مشت له بهدوء : ليه تاخرت؟

مشعل :  ما حسيت بالوقت انتي ليه سهرانه؟

نجلاء : اقولك شيء ترضى؟

مشعل : اوه تفضلي يا ام نايف تامرين امر قولي ،

نجلاء : اختي رجعت من السفر وهم في القصيم ودي اروح،

مشعل سكت وهو يطالع فيها نجلاء سكتت وناظرت فيه ومدت يدها على ازرار ثوبه : تكفى مشعل ،

مشعل هز راسه بالنفي : بيجون المدينة وتروحين ، وبعد عنها ومشى وهو يفسخ ثوبه : و اكلتي شي طول اليوم؟

نجلاء مشت له : مشعلل تكفى الله يخليك خلني اروح ،

مشعل : لا تخليني اهفك بكف وشو تروحين لوحدك! مشغول انا وراي دوام كيف اتركك تسافرين لوحدك ،

نجلاء ناظرته بقلة حيل ومشت جلست بصمت ،

مشعل انسدح على السرير : تعالي هنا نامي جنبي ،

نجلاء انسدحت وناظرت فيه : عشان خاطري؟

مشعل ابتسم وهو يطالع فيها : ولو اقولك هالمره انتي قدريني وقدري ظروفي قسم بالله عيوني لك يا نجلاء لو فاضي اخذتك بس وراي دوام ومشغول والله ،

نجلاء سكتت بهدوء مشعل مد يده وهو يسحبها لحضنه وهمس : اسف والله ما ودي اخلي شي بخاطرك بس مشغول،

نجلاء : خواتي قالوا يختبرون مُدة حبك لي تاخذني ولا لا !

مشعل بضحكه : اشوف خواتك يدورون مشاكل معي؟

نجلاء : قهروني متجمعين بدوني ،

مشعل ابتسم بخفه : انا ما اكفيكِ عنهم؟

نجلاء : كل وقتك برا وتتاخر وترجع من الدوام وتروح للبر ،

مشعل : اخاف اجلس ونتهاوش و تزعلين وتبكين وانا اكره دموعك ولا ابي اشوفك تبكين ،

نجلاء ابتسمت بخفه و رفعت نظرها له : ما اخذتني للسوق؟

مشعل : انتظر نعرف اذا نايف ولا جوهره ،

نجلاء ابتسمت : ودي بـ بنت ،

مشعل سكت وهو يشد عليها كانت بحضنه منسدحه وهمس بهدوء : اذا ولد ف ماعليكِ نرجع نجيب بنت ،

'

مارلين كانت تغسل ثوب العيال كلهم والاسواره الي طاح من جيب عبدالرحمن ' في بارت البحر لما طاحت من امال واخذه" مارلين انصدمت وهي تشوف الاسوارة واخذته وهي تلبسه : اكيد حق انا بس انسى يعطي انا وابتسمت وهي تشوفه ، وكملت تحط الثوب بالغساله ومشت طلعت ،

'

عبدالرحمن اخذ جواله وهو يرسل له : الموقع عشان الشاهي؟

امال كانت تضحك مع ملاذ ويحطون الفراوله على الكيك

والتفتت وهي تقرا رسالته والتفتت تشوف الشاهي على النار و دخلت رسلت له وكتبت " بس خلي سيارتك بعيد ماودي ابتلش فيك ولا تدخل الفندق وتجي فوق بنفسي احط لك الشاهي بالمصعد "

عبدالرحمن قرا رسالته وضحك بخفه و دخل الموقع وحرك ،

'

غلا كانت مبسوطه وتشوف البلوفر الي وصلوا اخذت البلوفر الابيض الي اخذته لعمر وابتسمت واخذت جوالها وهب ترسل لعمر : صاحي؟

عمر كان جالس بغرفة صقر ويسولفون '

صقر : مدري والله ما كلمته مدري وين راح ،

عمر : شكله جاه حالة سلطان ،

صقر : تفضل انت انقلع بنام اريح راسي ،

عمر مشى بعيد عنه وهمس  : كيف تنام بدون ملاذ؟

صقر بحده : قسم بالله يا عمر اعطيك كف اصن اذنك صن اسبوع ما يمديك تسمع شيء ،

عمر بضحكه : تخيل ملاذ لا لا اقصد زوجتك ،

صقر قام بيوقف لكن عمر هرب وهو يضحك ،

'

امال : ماما وبابا نايمين؟

ملاذ هزت راسها بـ اي وهي تشيل الكيك متوجه للجناح ،

امال ابتسمت وهي تاخذ كوب الشاهي ومشت فتحت الباب وناظرت للمصعد كان بعيد وتاكدت مافي احد مشت بسرعه فتحت المصعد وحطت الكوب وضغطت الزر ،

عبدالرحمن كان ينتظر وكلمها انه تحت '

امال دخلت الغرفه ومشت جلست مع ملاذ ياكلون من الكيك ويسولفون ويتقهون ، ملاذ قامت وهي تفرش اسنانها ،

امال اخذت جواله وهي تشوفه مصور لها الشاهي ،

و ردت عليه : بالعافيه وعاد اشكرني تعبت نفسي عشانك ،

عبدالرحمن قرا رسالتها وكتب " شكرًا تسلمين يمدي اتصل؟

امال رقعت نظرها لملاذ الي توجهت تنسدح عشان تنام ،

وهمست : نامي وانا بروح اشرب شاهي واجيكِ ، ومشت طلعت واخذت الكيك معها وحطتها بالثلاجه وصبت الشاهي لنفسها وهي مستغربه من نفسها ليه قاعده تسوي كل هذا بس عشان تكلمه! ومشت جلست بالمطبخ تتصل ،

عبدالرحمن كان يسوق ولبس السماعات و رد : ياهلا ،

امال : اي ايش موضوعك ؟

عبدالرحمن بهدوء : قبله قصيده ولا الموضوع اول؟

امال بتفكير : الشاهي قرب يخلص ف عطني قصيده ،

عبدالرحمن : ماراح تهربين وتقفلين؟

امال بتوتر : لا ماراح اهرب وليه اهرب؟

عبدالرحمن : انزين اسمعي جيتيني في صبحٍ ماليته الرحابه مثل حضور الشمس بالطول والعرض من عقبها اشوف تحتي سحابه هالحين وش يقنعني إني على الارض؟

امال سكتت بهدوء ولا ردت وهمست : حلو ،

عبدالرحمن : بس حلو ما يحتاج اقول مقصوده؟

امال باستغراب : مقصوده ايش؟

عبدالرحمن : انتي ما يمديني اقولك مقصوده جيتيني في صبحٍ ماليته الرحابه ما صارحت من قبل ولا حتى صارحت نفسي بس لو تبين الصدق..قاطعته امال وهي تقفل الخط حست برجفه وتوتر وشعور متلخبط ونبرة صوته وكيف يتكلم حطت جوالها على الطاوله وهي تحس انها ترجف بخوف ماتدري ليه كل هالخوف بس انها خافت من طريقة نبرة صوته وسحيت جوالها تحذفه وتبلكه من التوتر  ،

عبدالرحمن سكت بهدوء واستوعب على نفسه وكلامه وعقد حواجبه : انا وش قايل لها؟ واخذ جواله وهو يشوف انها ما رجعت اتصلت وترك الجوال وهو يفكر : انجنيت انا ولا وش وسكت بهدوء وهو يسوق وكل عقله بـ امال ويفكر ليه تسرع وقال هالكلام صحيح حس بشعور اتجاها لكن ما توقع انه يصارحها بهالطريقه وسكت بهدوء وهو يسوق ،

امال مشت دخلت الغرفه انسدحت وهي تتذكر كلامه حاولت تنام لكن عجزت تنام ماتدري هي خايفه ولا هو فعلًا كان نيته زي ما هي فهمت وتنهدت وغمضت عيونها تنام و رجعت فتحت عيونها اخذت جوالها تتاكد بلكته ولا لا ،

'

عبدالرحمن وقف سيارته لكن ناظر لـ صقر الي طالع والتفت له وهمس : وين كنت؟

عبدالرحمن بهدوء : رحت لمشوار و رجعت ،

صقر : شفيه وجهك كذا ؟

عبدالرحمن بضحكه : وش فيني؟

صقر : مدري عنك قامط كذا ادخل ادخل ،

عبدالرحمن : انت وين رايح؟

صقر : ولا مكان طلعت اتطمن اشوف وينك ، '

'

امال ماقدرت تنام ومشت طلعت لبرا توجهت للمطبخ اخذت لها مويه شربت وتوجهت للغرفه تحاول تنام ،

عبدالرحمن كان بغرفته منسدح وسرحان بتفكيره اخذ جواله يرسل لها في الواتس لكن عقد حواجبه وعرف انها بلكته سكت وهو يترك الجوال : طيب عالاقل افهمي وش كنت بقول ،

اخذ نفس وسكت وانسدح بينام ،

'

غلا طلعت البسبوسه وابتسمت و اخذت جوالها و رسلت له

" حليب مكثف ولا نوتيلا ودك؟

عمر كان جالس يسولف مع عمير وابتسم وكتب : الي ودك ،

عمير : بنمشي بكره للملعب؟

عمر بتفكير : متى؟

عمير : س ١٠ كذا اذا فاضي ،

عمر ابتسم : ابشر اذا كنت فاضي بنمشي .

عمير : يلا الحين اروح انام شوي و اريح ،

عمر : نوم العوافي اشوفك الصباح ، عمير ابتسم ومشى ،

عمر اخذ جواله وكتب لغلا : تاخرتي وينك؟

غلا : بس شوي و انزل لك ،

عمر : طيب بس انتبهي لا ننقفط ،

غلا ابتسمت : لا تخاف مافي احد راحو للمطار كلهم ،

عمر : ليه مسافرين؟

غلا : لا اتوقع صاحب بابا جاي ف يستقبلونه راحوا ،

عمر : اوه الله يحيه يلا انزلي لي ،

صقر كان عند شباك غرفته يدخن وابتسم وهو يتذكر ملاذ لكن وقف من شاف عمر متوجه لبيت الجيران الكويتين عقد حواجبه وهو يناظر باستغراب ،

عمر مشى وحط جواله بجيبه ووقف ينتظرها ، بهاللحظه نزلت غلا وهي لابسه عبايه ملونه لونها وردي وطرحه ابيض ،

صقر انصدم وهو يطالع ومصدوم نفث الدخان من يده وتوجه نزل بسرعه ،

'

سلطان قرب وهو يشوف اغمى عليها ركض سحب قرورة مويه وهو يكب على يده ويمسح على وجهها وهمس : سلاففف ،

سُلاف شهقت من برود المويه وفتحت عيونها : ءءابي عساف،

سلطان تنهد بضيق وسكت لثواني ونطق : ءاجيبه لك اجيبه قومي انتي ، سلاف تمسكت بيده وقامت جلست وهي تبكي،

سلطان وقف ومسك يدها و قومها معه ومشى جلسها على السرير : اجلسي ارتاحي اوعدك اجيبه لك اوعدك ،

سُلاف بدموع : ليهه تسوننن فينييي كذاا ليهه شتبونن منييي ،

سلطان بهدوء : انا الي اسالك هالسوال يا سلاف ليه تسوين فينيي كذا ليه طيحتيني بهالنار!

سُلاف رفعت نظرها له وهمست بدموع : ءءما سويت شي انا ما سويت شييي انااا انجبرتتت كان يهددنييي يذبحه كان يهددنييي يقتلهه خفتتت انا خفتت ياخذه منيي بس اخذهه اخذههه منييي تكفى رجععع لي ولدييي تكفى وانا اوعدكك ماراححح اسويي شييي و راح اروح من هنااا ،

سلطان ناظر فيها بحزن : ليه ما علمتينيي كل شي! فيي قانونن يا سلاف في محاكمم ليه رضيتييي له بكل شييي!!

سُلاف هزت راسها بالنفي وهي تبكي : ءاناا كنت مجبورهه كنت تحت يدينهه ماكان فيهه ذرة رحمه مااا رحمنييي ضربنييي بس عشاننن اسوي كل الي يبيهه وهددني بولديي انجبرتت انااا ماكان بيدي شي تكفى سامحنييي و رجع لييي ولديي تكفى ولدي ماله ذنببب اخذهه منييي اخذهه ،

سلطان سكت وناظر فيها : انا وعدتك راح اجيبه لك صح!

سُلاف هزت راسها ب اي ودموعها تنزل ،

سلطان : اثقي فيني ماراح اخلي يصير له شي و راح اجيبه لك،

سُلاف بدموع : ءءاوعدك راح اطلع من حياتكمم كلكم و راح اروح من هنااا بس ابييي ولدييي ،

سلطان سكت وهو يقوم : ارتاحي وانا بمشي ولا تفكرين تسوين شي بنفسك فكري بولدك ماله احد ،

سُلاف سكتت وهزت راسها بـ اي ، سلطان توجه طلع من الغرفه ونزل للمزرعه ومشى وهو ياخذ نفس ،

'

غلا ابتسمت ومدت له الهدية والبسبوسة: بالعافيه ،

عمر ابتسم : يعافيكِ بس قبل تمشين ودي اقولك شي..سكت والتفت لصقر الي صارخ : عمرررر ،

فز والتفت لورا وهو يشوف صقر الي واقف ويناظر لهم ،

غلا تجمدت بمكانها و ركضت دخلت البيت ،

عمر ترك الهديه الي بيده والبسبوسه على الارض بتوتر ومشى عنده بهدوء صقر كان واقف يطالع فيه ومصدوم منه عمر وقف عنده صقر بحده : ايششش كنتتت تسويييي!!!!

عمر بتوتر : ءءولاشي بس ج..سكت من صقر قرب مسكه من ياقته بحده : لاااا تحاوللل تكذببب شفتككك بعيونييي الثنتين معهاااا!!! هذاا حركاتك ياعمرررر انت تعرف شقاعدد تسويي!!

عمر دفه وهو يبعد عنه : ما اسوي شيي غلط و اي احبها و راح اكلم امي تخطبها حتى انت حبيت ملاذ ،

صقر بحده : لااااا تنطققق اسمهااا وانا حبيتهااا ما رحتتت اكلمهاااا و اقابلهااا وانت وش مفكر امي راح توافق؟؟؟

عمر : لو انها تشوف وتتكلم كان كلمتها اكيد بس انها عمياء ولا ت..سكت من صقر عطاه كف بكل قوته وهو مصدوم منه وكيف يتجراء يرد عليه ، عمر انصدم وناظر فيه ،

صقر : قسم بالله يا عمر وعزة الله هذا وجهي اذا تزوجت منها وحتى لو امي وافقت اشوف كيف تاخذهااا وتدري شييي الحيننن اروح اكلمم اخوها مو تقابلها بالدس باخر الليل!!

عمر انصدم وسكت وهو يطالع فيه.

صقر صد و رجع ناظر فيه بحده : قبل تقابلهااا بالحرام ما فكرتت لو ابوي شافكك راح يدفنك يالكلببب!!! ما فكرتت فيهاا هيي؟؟؟ وانت وش مفكر انك عاقل يوم تتصرف كذاا؟؟؟

عمر صد وهو ساكت وهمس : مالك دخل فيني ولا تتدخل فيني بكيفي اسوي الي ابي انا ما تدخلت فيك ولا بحياتك ،

صقر بصدمه : تمام يا عمر تمام يصير خير ودخل البيت وقفل الباب بقوه بوجهه ، عمر فز من صوت الباب وسكت بهدوء وجلس على دكة الارض ونزل راسه بخوف من كلام صقر ،

وغلا الي كانت واقفه تطالع من الشباك ونزلت دموعها من شافت صقر ضرب عمر ،

صقر دخل لغرفته وقفل الباب وسكت وهو يتذكر كلام عمر

" لو انها تشوف وتتكلم كان كلمتها بس انها كانت عمياء "

شد على يده بقهر وهو ياخذ نفس ومشى سحب المويه من الطاوله وهو يشرب دفعه وحده و رمى القرورة على الارض بعصبيه وهمس : طيب يا عمر بنشوف ومشى وهو يطلع باكيت الدخان والولاعه ،

'

عمر سكت لكن تذكر رده وكلامه لصقر و استوعب على نفسه و رد وهو متوتر ولا عرف انه ايش قاعد يقول وقام فتح الباب و دخل للبيت بهدوء والتفت لباب غرفة صقر وهو يشوف مقفل توجه دخل غرفته ومشى جلس بهدوء وهو يفكر وغمض عيونه بقهر : ليتني مسكت لساني ليتني ،

و غلا الي شافته دخل البيت ولا اخذ الهدية مشت نزلت تشيلهم ،

'

سلطان كان واقف بالمزرعه و رافع راسه يطالع بالسماء بصمت بهاللحظه طلعت سُلاف تشم هواء حست انها تختنق وقفت وهي تناظر فيه من بعيد ، سلطان حس و التفت لها وعقد حواجبه وتوجه لها : بغيتي شيء؟

سُلاف هزت راسها بالنفي وهمست : جيت اشم هواء ،

سلطان سكت ونزل راسه للارض وهو يمسح على التراب بنعاله

ويطالع بصمت وهمس : ساعتين اشم هواء وباقي مختنق يدين متعب حول رقبتي يخنقني بكل دقيقه ماكنت كذا انا كنت احب هالحياة و اقصى امنيتي اسافر لباريس وضحك بخفه وكمل بس شوفي الحين امنيتي اتنفس براحه ولو دقيقه امنيتي احط راسي وما افز من نومي ودي ارتاح من كل شي ،

سُلاف نزلت دموعها وهمست : ءءانا اسفه سامحني ،

سلطان قاطعها : انتي مالي ذنبك يا سلاف الذنب ذنبي يوم اني صاحبت واحد بحق نفسه ردي بس حتى انتي كذبتي علي قلتي لي تحبينه بس عشان تنقذينه من خبثه ،

سُلاف هزت راسها بالنفي : ما كنت انقذه كنت خايفه ماكان فيني القوه انطق و اقول وش سوا فيني وليه انجبرت اتزوج منه ابوي رماني له اول ما جاء خطبني كان يشوفني عار عليه لاني بنت ولما طلقني متعب خطبني ناصر بس عشان شهوته مو عشان شي و ابوي برضوا رماني له مع ولدي كنت ابي اصارخ و ارفض بس ماكان بيدي شي تقول ليه ما رحت اعيش لوحدي؟ ماكان معي شيء حتى وظيفه ما يقبلوني ما معي لا شهادة ولا حتى درست كنت اشتغل من ذيك الليله الي سواه فيني متعب دمر نفسيتي وصرت اخاف اطلع حتى صرت اشوف هالعالم بنظرة وحش مافيهم رحمه محد يرحم احد ابوي وهو ابوي ما رحمني ، نزلت راسها تبكي ماقدرت تكمل،

سلطان رفع راسه وناظر فيها بحزن وهو يشوفها تبكي والي صار فيها مايدري هو صدق سببه زي ما يقول متعب ولا ماله ذنب وهمس : سامحيني انا ي سلاف سامحيني وبس ،

سُلاف كانت منزله راسها تبكي وهمست : ءابي ولدي بس،

سلطان : وعدتك انا راح اجيبه لك ادخلي ارتاحي وانا بمشي اجيكِ الصباح و اخذك له اوعدك اثقي فيني بس ،

سُلاف هزت راسها بـ اي وناظرت فيه سلطان مشى توجه لسيارته ركب وفتح الشباك طالع فيها لثواني وحرك سيارته متوجه لبيته ، سُلاف مشت وقفت بنص المزرعه وهي تاخذ نفس وتتذكر عساف ضمت نفسها بيدينها وقعدت تبكي ،

'

= صباح يوم جديد على الابطال =

'

عبدالرحمن قام من نومه والتفت اخذ جواله ناظر للوقت وتركه وهو يقوم لكن وقف من دخلت مارلين تعلق ثوبه بالدولاب وهمس : ماتعرفين تدقين الب..سكت وهو يطالع بيدها والاسواره وهمس : اوقفي اوقفي ايش الي بيدك؟

مارلين ناظرت وهمست : هذا حق انا ،

عبدالرحمن بحده : اسالك وين لقيتيه؟؟؟

مارلين بخوف : في ثوب حق انتا ،

عبدالرحمن قرب ومد يده : عطيني ياه بسرعه ،

مارلين : ليه حق مين اول علم؟

عبدالرحمن : هاتي بسرعه خلصيني وراي دوام ،

مارلين سكتت وطلعته ومدته له عبدالرحمن رماه على السرير وتوجه دخل للحمام " يكرم القارىء "

صقر كان جالس في الصاله وبيده كاسة مويا يشرب بصمت و سرحان و رفع نظره لغرفة عمر للحين ما طلع ولا قام واخذ نفس وهو يقوم وهمس ومشى طلع لبرا متوجه لسيارته لكن وقف وعقد حواجبه وهو يشوف سياره اول مره يشوفه

ومشى وهو يدور سيارة سلطان لكن ما لقاه وعرف انه يمكن بيكون سيارة سلطان لكن شصار لسيارته استغرب ومشى ركب سيارته وهو يتصل عليه ،

'

عبدالرحمن طلع من الغرفه وهو يقفل ازرار ثوبه و رفع نظره لامه كانت مع خاله مُزنه يجهزون الفطور : صقر صحى؟

خاله مُزنه : اي صحى من زمان وفطر وتوه طلع ،

عبدالرحمن سكت ومشى جلس يفطر مع جده و ابوه ،

يوسف : وينه عمر كالعاده جالس قبلنا؟

عبدالرحمن باستغراب : عمر ما صحى؟

ام صقر : لا والله نايم يمكن كان سهران امس طول اليوم ،

فجاه طلع سلطان من غرفته وهمس : صباح الخير ،

الجد سُليمان : زين شفنا وجهك تعال افطر ،

سلطان : لا اروح افطر برا صقر قاعد يتصل اشوف وش يبي،

ومشى طلع لبرا ونزل وناظر لصقر كان ينتظره ،

صقر نزل من سيارته وناظر : وين سيارتك؟

سلطان بهدوء : بالورشه خرب ف استاجرت هالسياره ،

صقر : وليه ما كلمتنا ولا عطيتنا خبر؟

سلطان تنهد : ما كنت ابي ازعجكم وخلاص دبرت اموري ،

صقر : حلو وامس وين كنت ما شفتك ساعه ٣ في البيت؟

سلطان سكت بتعب وهمس : كنت مع اخويايي ،

صقر ناظر فيه وعطاه نظره وسكت وتوجه يركب سيارته ،

سلطان ناظر فيه ومشى توجه لسيارته ،

عبدالرحمن طلع ومشى عند صقر : وين رايح؟

صقر : اركب اركب ناوي اكلمك ،

عبدالرحمن استغرب ومشى ركب : شفيك ؟

صقر : هالكلب عمر ما صحى؟

عبدالرحمن بصدمه : سلامات لا يكون صاير شي بينكم؟

صقر بحده : واحد يفرفرفر مع البنات اخر الليل والثاني يقضي كل يومه برا ويجي الليل واذا سالتهم يجحدون بالله عليك يا عبدالرحمن حتى وانا مسافر كنت شايف افعالهم وساكت!

عبدالرحمن بصدمه : شقاعد تقول انت ولا تتهم سلطان ما يفرفر مع البنات تكلمنا بهالموضوع وخلصنا ،

صقر : مو سلطان يا عبدالرحمن عمر ابشرك كبر لدرجه صار يرد بوجهي و يسكتني ويقول مالك دخل فيني امس شفته مع بنتهم و اشر على البيت وواقف معها ويضحك ،

عبدالرحمن فز بصدمه وناظر فيه : عمر؟؟؟

صقر : اي عمر لو شافه ابوي ولا جدي كان دفنوه يا عبدالرحمن فهمه وخله يصحى من الغفله الي فيه الكلب ،

عبدالرحمن سكت بهدوء : هاوشته؟

صقر : لا صفقت له قلت له برافو عليك كمل يعني شرايك يا عبدالرحمن اسكت له!

عبدالرحمن سكت وهو يفتح باب السياره : انا اشوفه ،

ونزل وتوجه دخل للبيت ، صقر حرك سيارته ومشى ،

'

نجلاء كانت جالسه والتفتت لمشعل كان نايم وتنهدت ومدت يدها تصحيه : مشعللل ، مشعل تحرك بانزعاج وفتح عيونه ،

نجلاء : خذني للبر تكفى الحين بسرعه ،

مشعل انصدم وعقد حواجبه : صاحيه انتي؟

نجلاء هزت راسها بـ اي : اييي تكفى قم يلاا ،

مشعل قام وهو يعدل جلسته و رفع يده : هذول كم؟

نجلاء : ثلاث صاحيه وربي صاحيه شفيك؟؟

مشعل ضحك وهو يطالع فيه : يابنت طيرتي نومي وش بلاكِ؟

نجلاء ناظرت فيه : قممم بسرعه يا مشعل مشتهيه تراب ،

مشعل انصدم وفتح عيونه على الاخر : تراب؟؟؟

نجلاء ناظرت فيه : اييي ابي اكل من تراب البر تكفى خذني ،

مشعل بحده : اقول ناويه تقتلين ولدي  انتي!!! وشو تراب البر قسم بالله ماني ماخذك تعقبين اخذك ،

نجلاء بقهر : تكفى مشعللل ابي اكل تراب اشتهيته ،

مشعل صد وهو يقوم : والله ماني ماخذك ،

'

عبدالرحمن دخل البيت وناظر لغرفة عمر مشى دق الباب و دخل ناظر فيه كان منسدح ويناظر بالسقف وسكت بهدوء وقفل الباب وهمس : ليه ما جيت تفطر ؟

عمر بهدوء : مالي خلق ،

عبدالرحمن مشى وهو يجلس على طرف السرير : تعبان؟

عمر ناظر فيه : لا تسوي نفسك ماتدري اعرفه صقر مافي شي ما يعلمك واكيد علمك عني ماني غبي واعرف ليه جيت وهذا صقر رجعو له زوجته هي راحت و انجن علينا حنا  ،

عبدالرحمن عقد حواجبه : طيب ليه تسوي كذا جاوبني؟

عمر صد : احبها وماراح اتركها حتى لو امي ما وافقت ،

عبدالرحمن سكت وهو يقوم : قم افطر واذا رجعت من الدوام راح انتظرك تحت انزل لي لاني تاخرت على الدوام الحين ،

عمر سكت ولا رد ، عبدالرحمن توجه فتح الباب ومشى ،

نزل ركب سيارته ودخل وهو يشوف ما شالت البلوك واخذ جواله الثاني وهو يسجل رقمها ودخل يرسل لها واتس '

" اسف ان كان ازعجتك امس وانا عارف إنك من بيوت المكارم سليلة بنتٍ أطهر من الماء في بطون السحايب "

وترك جواله وحرك سيارته يسوق بصمت ،

'

امال كانت جالسه وبيدها كوب شاهي حليب تشرب بصمت

وملاذ و ام نجلاء يسولفون ويشربون شاهي وياكلون شابوره ،

ام نجلاء : اي زين سويتو فيها خلوها تجي ،

ملاذ ضحكت وبيدها الدفتر والقلم وتكتب لامها وهي ترد ،

امال اخذت جوالها ودخلت الواتس رجفت بخوف وهي تقرا ودخلت كتبت له ' تكفى لاعاد تكلمني ولا ترسل شيء '

عبدالرحمن وقف سيارته وكان داخل للشركه توجه دخل المكتب وناظر لرسالتها و رد ' مو بيدي انتي تجبريني اجيكِ من الف رقم ولو بلكتيني هالمره ف تلقيني في المجلس مع ابوكِ عشان كذا اختاري تسمعيني ولا اجي ابوكِ يسمعني؟

امال انصدمت وهي تقرا وتركت جوالها وهي تحس بحرارة وخوف وفزت من رجع رسل ' انتظر اتصالك '

تنهدت بقهر وهي ترجع تقرا كلامه و رفعت نظرها ناظرت لملاذ و امها الي طلعوا من الغرفه وهم يسولفون ويضحكون ،

'

صقر كان بغرفته دخل ومشى وهو يحوس بالدرج يدور مفاتيح سيارته القديم  لكن ما لقاه والتفت لمارلين الي كانت تدور معه : ويننن راحححح؟؟

مارلين بخوف : ءوالله انا مافي معلوم ،

صقر بصراخ : اجلل ويننن المفاتيححح الارضض بلعههمم؟؟؟

مارلين سكتت بخوف وهي تشوف ملامحه ومعصب ،

صقر تنهد بقهر و قفل الدرج بقوه ومشى طلع لبرا ،

ام صقر ركضت بخوف : شصاير؟؟

مارلين رفعت كتوفها : معرف بابا صقر في عصب ،

عمر كان وراهم وهمس : انا قايل رجعو له زوجته انجن علينا ،

'

نجلاء ناظرت لمشعل كان في الحمام " يكرم القارىء " ومشت وهي تلبس عبايتها وتتجهز مشعل طلع وناظر فيها بصدمه : مجنونه انتي؟

نجلاء بعناد : يلاا مشعلل تكفى نروح ،

مشعل : والله ماني ماخذك مانتي صاحيه صاير شي لعقلك تخلين ولدي ياكل تراب البخاري في ايش مقصر معك؟

نجلاء ناظرته بقهر : تاخذني ولا لا؟؟

مشعل بتفكير : طيب يلا تعالي خليني البس ،

نجلاء ابتسمت بحماس وهي ماتدري هو وش مُخطط له ، مشعل لبس ثوبه وعدل شعره والتفت لها وهمس : يلا امشي ومسك يدها وطلعوا ،

'

امال مشت وهي تقفل باب غرفته واخذت جوالها بتوتر واتصلت عليه وهي خايفه منه ومن كلامه ،

عبدالرحمن كان جالس يشوف الملف لكن التفت لجواله اول ما رن و اخذ نفس و رد ولا تكلم بحرف ينتظرها تتكلم ،

امال سكتت من هدوءه وهمست : ءايش بغيت؟

عبدالرحمن : ليه خايفه؟ ماتبين احبك؟

امال انصدمت من سمعت منه كلمة ' احبك ' مو عادي هالكلمه وخصوصًا منه حست بشعور غريب من هالكلمه الناس ينطقونه بكثره لكن من نبرته وصوته حست اول مره تسمع هالكلمه بحياتها وسكتت وهي تسمع دقات قلبها ،

عبدالرحمن رجع ورا و سند ظهره على الكرسي : خايفه مني؟ وانتي ملكتي قلبي وخذيتي كل الحُب؟ ما صارحت نفسي حتى استحيت قلت هالشنب واطيح ب نار وحده بزره ؟ بس لعلي طحت يا بنت فهد وقلت بجي لمجلس ابوكِ ونشرب القهوة واقول ياعمي جاي اطالب بيدك على سنة الله و رسوله بس خفت تصدين وجيتك وانا اطالب بشاهي والمقصد شوفة عيونك كنت اقول

رايحه عرس؟ بس اثرك كنتي رايحه لقلبي الله يسامحك على سواتك والي سويتيه فيني ،

امال كانت تسمعه وساكته ولا قادره تتكلم وتحس برجفه ،

عبدالرحمن : خذي وقتك وفكري وانا على انتظار جوابك ،

امال ماقدرت ترد حست لسانها انربطت من بعد كلامه ،

وكمل عبدالرحمن : قبل اقفل اسمعيني يا حصيلة عمري اللي فات ياكيفي وكمّي يا رجاوي عمري اللي جاي، ياخير السبايب

بـ أكتبك شعر يتهادى من سماء راسي لـ فمّي مثل مايسقى جفاف القاع من رش السحايب ' وابتسم وقفل الخط ، وتركها تنهار من لخبطة الشعور مابين الخوف والتوتر والرجفه ولا هي قادره تفكر حتى او تحس بشعور اتجاهه ما ترك لها فرصه حست بـ انهيار ولا هي قادره تستوعب وتحس نفسها بحلم مب واقع وتركت الجوال من يدها وتوجهت للحمام " يكرم القارىء " ومشت وهي تغسل وجهها اكثر من مره ومشت طلعت وهي تحس بحرارة رغم برود الغرفه الا انها تحس بحرارة تسري بجسدها ومشت وهي تسحب الروب وتوجهت تاخذ لها شاور بارد لعل وعسى تستوعب شوي ،

عبدالرحمن كان مبتسم ومستحيل يسمح لنفسه يفكر من طبعه ومن عادته يسوي الي براسه ويقول الي يبيه ولا حتى شاور نفسه ولا حتى فكر قرارته اسرع من البرق قام من الكرسي وهو مبتسم وتوجه لسيارته وهو يرسل لـ عمر ينزل تحت ،

'

امال طلعت وهي تنشف شعرها و لبس بلوفر ابيض وبنطلون اسود وتركت شعرها مفتوح ومشت جلست بهدوء سحبت اللحاف تتدفى وجلست وهي تفكر بهاللحظه دخلت ملاذ وبيدها عصير فراولة بارد ومشت لها مدت لها ،

امال ابتسمت واخذت منها كاسة العصير وتدعي هالعصير البارد تبرد حرارة جسمها تروشت بمويا بارده لكن الى الان تحس بحراره بجسمها ،

شربت من العصير وناظرت لملاذ : اجلسي عندي تكفين ،

ملاذ استغربت وجلست جنبها امال مسكت يدها وطالعت فيها وهمست : احسني بموت يا ملاذ لاول مره اطيح بفخ كذا ولا عارفه وش اسوي لا تسالين شسالفه بس اسمعيني ،

ملاذ عقدت حواجبها وهزت راسها بـ اي ، امال اخذت نفس تنهدت وكملت : ودي نرجع المدينة خايفه هنا احس بخوف مو طبيعي مدري ليه بس خايفه والله واحس ما اتحمل اكثر ابي اطلع من هنا وابعد عن كل شي و ارتاح والله حتى ماقدرت انام زين سبب لي رعب بحياتي مو حب يا ملاذ ..سكتت من استوعبت على نفسها وناظرت فيها : كله منك انتييي ،

ملاذ صدت عنها ومشت وهي تسحب الورقه والقلم وتكتب لها  " شسويت انا وحب مين ؟ "

امال قرات وطالعت فيها : بعلمك بس اوعديني تكفين ما تعلمين احد ولا حتى زوجك! خليه سرر بيننا تعبت والله حتى نجوله مو لي ف بعلمك تكفين لا تعلمين احد ولا حتى صقر ،

ملاذ كانت مصدومه وهزت راسها بـ اي ،

امال اخذت نفس تهدي من توترها وهمست : اخو زوجك عبدالرحمن اعترف لي انه يحبني بس ملاذ والله والله ما كنت داريه انه بيصير كذا ولا حتى كنت اعرف شي تعبت وربي ،

ملاذ شهقت بصدمه وهي تطالع فيها ،

امال بقهر : لاا تطالعين كذا كله منك بسبب جبت رقمه وكلمته والحين يقول انه يجي يخطبني وانا مابيي ودي ارد عليه و اقوله مابي مابي بس من وقت ما اسمع صوته احس بانهيار انسى كل شيء و اخاف ! ودي اقوله انت اكبر مني ما ابيك انا بابا مستحيل يوافق بس مقدر مقدر مدري ليه ،

ملاذ سكتت بهدوء وكتبت لها : من متى يعرفك؟

امال ناظرتها : من زمان من قبل يخطبك صقر ومن شهور يكلمني بس مو كثير وصادفني اكثر من مره وكرهته والله مابيه احس اني خايفه ارد عليه خايفه اكلمه ابي اهرب منه ابلكه ويرجع لي قسم بالله حتى نوم ما نمت زين بسببه احس قلبي بيطيح من قوة الرعب يخوفنيي طريقة كلامه و اسلوبه معرف معرف شي بس خليكِ جنبي لا تروحين ،

ملاذ سكتت وجلست جنبها بهدوء وهي تسمعها ،

امال التفتت للشباك : صرت اخاف يدخل علي من الشباك بعد وما يستحي علطول يقول وناظرت لملاذ وسكتت ما ودها تنطق كلمة احبك تتذكر صوته ونبرته وبحة صوته ،

وهمست : بذبحكك معه لو علمتي احد حتى زوجك لا تعلمينه يخي وش هالاخوان ماعندهم وقت علطول يحبون!!!

ملاذ كانت ساكته و ابتسمت بخفه من طاري صقر واخذت القلم وهي تكتب " وانتي ما تحبينه " امال قرات وانصدمت وناظرت فيها وهمست : انا؟ و احبه؟ سكتت وماكملت وقعدت تفكر وهمست بقلبها لا يارب شدخلني احبه معرفه اكبر مني شايب لو متزوج عنده وحده قد عمري و..سكتت من ضربتها ملاذ وفزت : لااا ما احبه ما احبه والله حيوان خبيث ويقول انتظر جوابك ابي اتصل و اقوله ي سافل ما تستحي وانت وسكتت وناظرت لملاذ " تخيلي يخطبني؟ وين اهرب؟؟؟

ملاذ لا شعوريًا ضحكت وهي تشوف شكلها وكيف منهاره ،

امال : لااا تضحكين تكفينن انا ببكي والله ابتلشت ما اتخيل انه يصير زوجي والله ي ملاذ لو تسمعين كيف يتكلم ،

'

عبدالرحمن كان يسوق وقف سيارته والتفت لعمر الي كان واقف ينتظره ومشى ركب وطالع فيه وهو يشوف مبتسم ومروق وهمس : شعندك ؟

عبدالرحمن : ماعندي شي قلت اتفاهم معك بروقان ،

عمر ناظر فيه وسكت وهمس : دحوم كنت معصب واحس غلطت بحق صقر يخي والله كنت متوتر ما عرفت شقول وهو ضربني ما فهم مني شي ولا حتى فهم وش ابي اقول ،

عبدالرحمن بهدوء : زعلان صقر ومعصب اليوم والسبب كلامك ياعمر يخي ليه تتكلم عن زوجته انت تعرف انه كيف يحبها حتى اسمها يعصب اذا نطقته ف ليه تقول عنها عمياء وما تتكلم ! لو مكانه دفنتك مو بس ضربتك ،

عمر بحزن : اعرف تسرعت وغلطت بحقه والله بس حتى هو ما فهمني يخي حتى انا احب وحبيتها زي ما هو حب زوجته ،

عبدالرحمن : شف يا عمر ماراح اهاوشك ولا اعصب عشان ما تقول اني وقفت مع صقر وقت حب زوجته والحين اوقف ضدك! لا يا عمر بس الحب بحدود ما تستحي وانت تروح تقابلها كذا ولا حتى فكرت ب ابوي وجدي لو شافوك بالصدفه؟ راح يذبحونك يخي انت و ام عصاقيل الي معك وبعدين تدري انت امي ماراح توافق ،

عمر ناظر فيه وسكت : بنفسي اقنعها ،

عبدالرحمن : وش تاكل؟

عمر سكت وهمس : اي شي ،

'

مشعل كان يسوق وناظر لنجلاء : قبل تاكلين تراب قولي وش تشربين ؟

نجلاء ناظرته وسكتت بتفكير : مشعلل ابي بليلة ،

مشعل تنهد : بليلة؟؟ خليني اشوف اذا يبيعون هنا ،

نجلاء : الاا في يبيعون بابا كان يجيب لي قبل ،

مشعل كان يسوق ووقف سيارته : ودك ببطاطس؟

نجلاء ابتسمت : اييي بطاطس و بليلة وودي بغزل البنات ،

مشعل اخذ نفس وهمس : يالله الصبر ونزل ومشى يجيب لها بطاطس بعد دقايق مشى عند شباكها ومد لها ،

نجلاء شمت ريحة كمون وهمست : مشعلل ابي اشرب كمون،

مشعل : امسكي امسكي بس ابتلشت بوحده مجنونه مو حامل ، ومشى يجيب لها بليلة ،

نجلاء قعدت تاكل من البطاطس وتشم ريحة كمون ،

مشعل توجه ركب وبيده البليلة ومد لها.

نجلاء اخذت البليلة وعطته البطاطس ،

مشعل اخذ البطاطس منها وكمل ياكل عنها وهمس : تبين شي بعد ولا احرك؟

نجلاء التفتت : ابي بليلة بعد ،

مشعل سكت ونزل مشى يجيب لها للمره الثانيه ،

نجلاء كانت تاكل وناظرت لمشعل الي رجع ركب وبيده بليله وهمس : لا تاكلين كثير عشان ما ابتلش بوجع بطنك

'

عبدالرحمن جلس وناظر لعمر : تكلم اسمعك ،

عمر تنهد ونطق : وش اتكلم فيه ؟

عبدالرحمن : ام عصاقيل الي طايح فيها بسببها ماتبي العسكريه؟

عمر هز راسه بـ اي : اشوف لي وظيفه ثانيه ،

عبدالرحمن : داري انا لا امي توافق ولا ابوي يوافق بكيفك ماراح اقولك شي صقر ما قصر اتوقع ،

عمر ناظر فيه بطرف عينه : دحوم!

عبدالرحمن بضحكه : طب امزح خلنا ناكل ونمشي ،

عمر سكت وقرب ياكلون ،

'

امال كانت ساكته و سرحانه وملاذ جالسه معها تناظر فيها.

بهاللحظه دخلت ام نجلاء وناظرت : ملاذ تجهزي يا يمه زوجك جاي يبي ياخذك والله ما بخاطري اخليكِ بس استحيت ارفض،

ملاذ ابتسمت وهي تقوم لكن بحركه سريعه من امال مسكتها من يدها : يمه خليهااا تجلس تكفين وهو ما شبع منها كل هالشهور معها ! ملاذ ضحكت والتفتت لامها ،

ام نجلاء : زوجها هو تبيني اقول له لا اتركها تعيش عندنا!

امال سكتت وناظرت لملاذ : بتروحين؟

ملاذ هزت راسها بـ اي واخذت القلم وهي تكتب لها '

" اذا تبيني وافقي عليه وضحكت وهي تشوفها تقرا ،

امال انصدمت و ضربتها على كتفها : انقلعي روحي لزوجك ،

ملاذ ضحكت وهي تقوم ومشت تعدل شعرها ،

ام نجلاء توجهت لغرفتها وتركتهم ،

امال ناظرت لملاذ : ما منك فايده همك زوجك وبسببكم انا تورطت و ابتل...سكتت وهي تشوف رساله من عبدالرحمن اخذت جوالها تقرا " طولتي بالجواب ولا يتهياء لي ؟ "

تركت جوالها وهي تطالع بملاذ الي لبست عبايتها ومشت حضنتها امال ابتسمت وهمست : ياويلك تعلمين احد ،

ملاذ ضحكت وهزت راسها بالنفي ومشت تودع امها وابوها،

'

صقر كان جالس بسيارته ينتظرها تعب بدونها وطفش صار ما يتخيل يمر يومه بدونها وبدون ما يشوفها تعود عليها ولا قادر ينام ويرتاح بدونها نزل من السياره اول ما شاف البنات انفتح وطلع فهد ومعها ملاذ ابتسم ومشى يسلم على فهد ،

فهد : زعلان منك والله ما جيت جلست ولا تقهويت ،

صقر : والله مستعجل يا عمي ان شاء الله مره ثانيه ،

فهد ابتسم وهمس : ان شاء الله و بنتي بامانتك ،

صقر : لا توصي حريص يا عمي ،

'

مشعل ناظر لنجلاء : تاكلين تراب ولا بطلتي؟

نجلاء ناظرت فيه و حست باهانه من طريقة كلامه ونبرة صوته ونطقت بقهر : قصدك اني اكل تراب واسكت صح!

مشعل بضحكه : والله انتي طلبتي تاكلين تراب ف اقولك تاكلين ولا بطلتي؟

نجلاء : ولدك الي ياكل تراب مو انا ،

مشعل ضحك وسكت : خلاص طيب ليه عصبتي انا الي باكل تراب بس فكيني من زعلك ،

نجلاء سكتت وهمست : تعبت وانا جالسه متى نوصل؟

مشعل وقف سيارته عند السوق : انزلي ،

نجلاء ابتسمت بحماس من شافت المول والتفتت لمشعل ،

مشعل نزل وهو مبتسم ومشى فتح لها الباب : تفضلي انزلي،

نجلاء نزلت مشعل ناظر عبايتها كان مفتوح من تحت و تنحنى جلس يقفل ازرار العبايه ووقف ومسك يدها ودخلوا المول ،

متوجهين لقسم الاطفال ،

'

صقر ركب سيارته وملاذ ركبت معه ابتسم واخذ نفس ومد يده يمسك يدينها وهمس : ما اشتقتي ؟

ملاذ هزت راسها بمعنى انها اشتاقت له ،

صقر : والله لا ليلي ليل ولا نهاري نهار تعبت بدونك ولا قادر انام وانتي بعيده عني متخيله انك ماخذه كل شي فيني؟ حتى عقلي مو معي صرت اتصرف وانا مو بوعيي ،

ملاذ ضحكت من كلامه صقر مد يده للدركسون وهو يسوق وهمس : اضحكي اضحكي مبسوطه اشوفك نستيني ولا ودك ترجعين لي اجل تحسبيني اخليكِ؟ والله تبطين زين اني تحملت بُعدك لاسبوع ،

'

سلطان وقف سيارته ونزل للمزرعه وتوجه دخل للبيت عقد حواجبه من الهدوء مشى فتح باب الغرفه وهو يشوفها منسدحه وماسكه بيدها العاب عساف ابتسم بحزن و دق الباب و دخل سُلاف فزت وقامت جلست وهي تناظر فيه ،

سلطان بهدوء : اسف اذا خوفتك بس تجهزي باخذك لعساف،

سُلاف لا شعوريًا ضحكت من بين حزنها ومشت تسحب عبايتها وتلبس ولا اهتمت لملابسها كانت لابسه بجامة نوم

سلطان وقف وهو يطالع فيها وصد وهمس : انتظرك برا ،

وتوجه طلع ينتظرها ، سُلاف عدلت طرحتها ونقابها ومشت طلعت لحقته ناظرت فيه كان واقف بالمزرعه ومشت له ،

سلطان مشى ركب سيارته وهمس : اركبي قدام ،

سُلاف سكتت بهدوء و ركبت قدام ،

'

مشعل كان واقف يطالع فيها ويبتسم وهو يشوفها كيف متحمسه وتنقي ملابس اطفال و رضاعه و اللهاية ،

مشعل : لا تطفريني وحنا باقي ما عرفنا ولد ولا بنت ،

نجلاء التفتت له وضحكت : اذا ولد برضوا البسه ملابس البنات محد يدري ولد ولا بنت ،

مشعل : والله اذبحك كل شي الا رجولة ولدي اجل تلبسينه ملابس بنات خليني اعطيكِ فكره اذا ولد ف مره الجاي نجيب بنت شرايك؟

نجلاء ضحكت وصدت عنه وهي تشوف اغراض الاطفال ومدت يدها لبطنها : يالله مشعل ما اتحمل ،

مشعل ناظر لساعته : فيني نوم يلا بسرعه اخلصي بنمشي،

نجلاء ناظرت فيه بتفكير : نعلم عمتي؟

مشعل رفع كتوفه : الود ودي بس لاجل خاطرك هونت ،

نجلاء ابتسمت : شرايك نسوي لها مفاجاة هي و ريما؟

مشعل باستغراب : مفاجاة ايش وكيف؟

نجلاء بتفكير : احط هالملابس بكرتون و اغلفه واخليها تفتحه وتنصدم لما تشوف ،

مشعل ابتسم وهمس : بكيفك ماراح اقولك لا اذا تنبسطين بهالطريقه و تفرحين ف عيوني لك ،

نجلاء ابتسمت وهي تطالع فيه ومشت تختار ،

'

صقر وقف سيارته وهمس : تعالي انزلي نغير ونمشي ،

ملاذ عقدت حواجبها و اشرت له بمعنى وين؟

صقر : راح تعرفين بعدين تعالي يلا ودخلوا للبيت ،

ام صقر وخاله مُزنه كانوا جالسين يتقهون مع الحلا ،

ام صقر ابتسمت من شافت ملاذ وقامت ملاذ مشت وهي تسلم عليهم وجلست معاهم مبتسمه ،

صقر : راجع اخذها معي ما اخليها لا تستانسون ،

ام صقر باستغراب : ليه وين تاخذها توها جت؟

صقر : نغير جو شوي من جت من المانيا وهي هنا ولاهلها ،

خاله مُزنه : اي زين كذا خلها تشوف السعودية زين ،

ملاذ ابتسمت لهم وهي تاخذ القهوة من يد ام صقر ،

'

عبدالرحمن وقف سيارته ونزل وعمر معه وفتحوا الباب بيدخلون لكن طلع لهم صقر اول ما سمع صوت الباب وناظر فيهم بهدوء : زوجتي بالصاله روحوا للمجلس ،

عبدالرحمن سكت وهمس : تعال طيب بكلمك ،

صقر ناظر لعمر بقهر ونزل مشى : شسالفه؟

عبدالرحمن التفت لعمر الي كان ورا ظهره واقف بصمت ،

عمر رفع نظره لصقر وهمس : اسف ماكان قصدي بالكلام الي قلته خفت و توترت وماعرفت شقاعد اقول ،

صقر عقد حواجبه وطالع فيه بحده : اعتذارك وفر..سكته عبدالرحمن وهو يسحبه من كتفه : خلاصصص ياهوه  عرف غلطه وجاي يعتذر !

صقر بصدمه : منجدك عبدالرحمن عاجبك الوضع! ويوم انا علمتك صفقتني ليه ما صفقت الي وراك يصحصح شوي!! ما يستحي وهو يوقف عند بيتها و يقابلها ؟؟

عبدالرحمن : خلاص يخي كلنا نغلط وكلمته ماعاد يكرر غلطته وانا صفقتك وانت صفقته وانتهى الاثنين غلطانين وخلاص ،

صقر بحده : الموضوع سهل بالنسبه لك؟

عبدالرحمن : صقرررر خلاص ياهوه فهمته وكلمته ماراح يكرر. هالحركات وش يفيد هالزعل والهواش الحين؟

عمر كان ساكت وواقف خلف عبدالرحمن يسمع بصمت ،

صقر ناظر لعمر وهمس : يصير خير وتوجه دخل للبيت وناظر ملاذ ماكانت في وهمس : ادخلوا ومشى لغرفته ،

عبدالرحمن وعمر دخلوا ومشو يجلسون يتقهون ،

خاله مُزنه : وينكم طول اليوم؟

عبدالرحمن : كنت في الدوام و رحنا تعشينا و رجعنا ،

ام صقر : مارلين جيبي صحون اعطيهم من الحلا ،

عبدالرحمن قام وهمس : لا والله انا ماودي بالعافيه عليكم اروح اريح شوي وتوجه لغرفته وقفل الباب ،

'

صقر لبس الجاكيت فوق الثوب والتفت وهو يشوف ملاذ واقفه تناظر فيه ومبتسمه وهمس : تجهزي يلا الدنيا برد البسي جاكيت ولا شيلي معك لا بردتي ،

ملاذ هزت راسها بـ اي ومشت شالت جاكيت ولبست عبايتها بعد دقايق طلعوا متوجهين لسيارتهم و ركبوا ،

'

مشعل و نجلاء وصلوا البيت و دخلو متوجهين لغرفتهم نجلاء حطت الاغراض ومشت وهي تعلق عبايتها ومشت تطلع ملابس البيبي لكن وقفها مشعل بحده : خلاصص ارتاحيي! وانا بنزل اكلمهم يطلعون العشاء و انزلي نتعشى ،

نجلاء تنهدت وهزت راسها بـ اي ومشت تنسدح ترتاح ،

مشعل فتح الباب ونزل لتحت وهو يصارخ : ريمااا ،

ريما ركضت له : هلا تناديني؟

مشعل : اي اناديكِ طلعوا العشاء ميت جوع ،

ريما : تمام بس خلني اكلم ماما انك وصلت كانت تنتظرك ،

مشعل : خليها انا بروح لها ومشى متوجه لغرفتها ،

'

امال كانت واقفه عند الشباك وسرحانه وتفكر بكلامه ،

عبدالرحمن جلس على السرير وهو يشمر اكمام ثوبه لكن شد انتباهه الاسواره و ابتسم بخفه وتذكرها واخذ جواله يتصل عليها ، امال فزت اول ما شافت رقمه و ترددت لثواني و ردت وفضلت السكوت ولا تكلمت بحرف ،

عبدالرحمن : موجوده؟

امال بهدوء : اي اسمعك ،

عبدالرحمن : لا تسمعيني هالمره انا بسمعك جاوبيني ؟

امال تنهدت وهي تحاول تاخذ نفس وترد : ماعندي جواب ،

عبدالرحمن عقد حواجبه : اجل باخذ الجواب من ابوكِ؟

امال فزت بتوتر : ءءلا لا تكلمه بشيء ولا تجي ،

عبدالرحمن : انزين وش ودك انتظر اكثر؟

امال تنهدت وهمست  : لا بس انا ما ابي اتزوج ابي اكمل دراستي واكمل الجامعه ماني موافقه اتزوج ،

عبدالرحمن سكت لثواني ونطق : ما قلت زواج  ،

امال بهدوء : الي هو زواج ولا خطوبه انا ما ودي ،

عبدالرحمن : بكيفك اذا ما ودك بس انا ودي وانتي خايفه من ايش؟ وليه صوتك متغير كذا بسببي؟

امال بتوتر : عبدالرحمن نطقت اسمه وسكتت ،

عبدالرحمن ابتسم اول ما نطقت اسمه وهمس : لبيه تكلمي ،

امال : وقف كل هذا وقف تكلمني وترسل لي خايفه والله وانت تخوفني اكثر يا عبدالرحمن ماعندي جواب ل اي شي ،

عبدالرحمن عقد حواجبه : ليه خايفه؟ تخافين وانا معك؟ انتي محفوظة بين جفن عيني والهدب وانتي المقصوده بكل قصيدي لو ضمة ضلوعك يجي عقبها الموت والله لا اضم صدرك دام باقي لي انفاس ولو كنتِ صحراء عجاج ومحدٍ لك يزورك انا الوحيد اللي ابي أمشيكِ حافي ولا تقولين لا تحبني الناس واجد انا داري الناس واجد والمحبة لها أبواب مير الغلا واقف على باب بيتك وما سكن بين الضلوع الا سموك ،

امال كانت تسمعه بصمت وساكته تناظر من الشباك ،

عبدالرحمن : لا يلحقك خوف ولا تخافين من شيء وتطمني انا واقف على بابك لاخر عمري وبنتظرك ماني مستعجل بنتظر تخلصين الجامعه ومتى ما بغيتي جيتك نتزوج ،

امال فزت من كلامه وخصوصًا من كلمته الاخير " جيتك نتزوج " وهمست : واذا قلتلك ما ودي ابدًا ؟

عبدالرحمن سكت وهمس : براحتك ماراح اجبرك ،

امال سكتت وقفلت الخط وتركت جوالها ،

'

صقر وقف سيارته بمكان صحراء شُبه البر ونزل والتفت لملاذ وهمس : انزلي يلا ، ملاذ نزلت وابتسمت من قوة البرد ،

صقر توجه يطلع المفرش وفرشه وناظر : تعالي نجلس ودي نكون بعيد عن هالعالم نجلس لوحدنا ،

ملاذ ابتسمت ومشت جلست صقر توجه وجلس وناظر فيها وانسدح وحط راسه على رجولها بصمت وهو يطالع فيها ،

ملاذ ابتسمت وحطت نقابها على جنب ومدت يدها تلعب بشعره صقر كان ساكت ويطالع فيها : احبك ،

ملاذ ابتسمت وقربت تبوس جبينه وبعدت عنه تطالع فيه،

صقر : يمدي لو نوقف هالدنيا بذي اللحظه وماعاد نمشي من هنا؟

'

نجلاء بعد ما تعشت وخلصت مشت قبل الكل توجهت لغرفتها تجهز للمفاجاة وجابت علبة هديه صغير وحطت فيه ملابس البيبي وقفلته و ابتسمت وحطته ورا ظهرها ونزلت لتحت وهي مبتسمه وتوجهت عندهم كانوا كلهم جالسين بالصاله يتقهون ومشت جلست : عمتي عندي لك مفاجاة ،

مشعل ناظر فيها و ابتسم ، نجلاء مشت مدت العلبه لـ ام مشعل الي كانت مستغربه واخذته : وش ذا؟

ابو مشعل ترك الفنجان من يده : وانا مالي شي؟

نجلاء بضحكه : عمتي فكيه وشوفي بنفسك ،

ريما قربت وسحبته من امها : انا بفتحه ، اول ما فتحته انصدمت وهي تشوف وصارخت بقوه : حاملللل ،

نجلاء ضحكت من صراخها ، ام مشعل تجمدت بمكانها من الفرحه وسحبت ملابس البيبي وهي تشوف وقامت وهي تحضن نجلاء : حامل؟؟؟ نجلاء هزت راسها بـ اي ،

ابو مشعل ضحك بفرح ومشى وهو يحضن مشعل : مبروك ،

ريما نزلت دموعها : هالله يناديني عمتي! وقامت حضنت مشعل ونجلاء ودموعها بعيونها ،

نجلاء : ما علمت ماما ولا خواتي اروح لهم و اصدمهم زيكم،

ام مشعل ابتسمت وهي تناظر لنجلاء وقربت حضنت مشعل،

'

غلا كانت جالسه بغرفتها و بيلا بحضنها تمسح عليها تنتظر اتصال من عمر او حتى رساله لكن للاسف ما رسل وخافت ترسل له وتزيد المشاكل يمكن جواله مو معه تنهدت من التفكير ومشت للشباك تناظر سيارته كان موجود ،

واخذت جوالها لعل وعسى رسل لكن للاسف ما رسل ،

لكن وقفت وهي تشوف ابوها ومحسن نزلوا من السياره وهم يرحبون بـ يزيد و دخلوا البيت ،

'

عبدالرحمن كان بغرفته منسدح و سرحان لكن رفع نظره اول ما انفتح الباب و دخل عمر وهمس : تعال تعال حياك ،

عمر مشى جلس ع طرف السرير وناظر فيه : مقهور من نفسي،

عبدالرحمن عقد حواجبه : ليه شفيك؟

عمر : توي استوعب اني غلطت معك وصقر معه حق المفروض استحي على نفسي وانا رايح اشوفها و اقابلها ،

عبدالرحمن سكت وطالع فيه : حسيت بغلطك وعرفته وخلاص مافي احد معصوم عن الغلط اهم شي انك استوعبت ،

عمر : دحوم والله اني احبها و صادق بمشاعري لها ،

'

نجلاء دخلت الغرفه وهي مبتسمه ومبسوطه من فرحة الكل لها و لمشعل ومشت وهي تنسدح بتعب رفعت نظرها لمشعل الي دخل وناظر فيها : هاه تعبتي ،

نجلاء : اوف لا تسال ميته من وجع ظهري طول وقتي كنت جالسه ،

مشعل : يلا اسمحي لي اروح الحين للعم سالم ،

نجلاء عقدت حواجبها : وتتركني لوحدي؟

مشعل : وين لوحدك امي و ريما كلهم في البيت ،

نجلاء هزت راسها بالنفي : ابيك انتي جنبي وما تمشي لمكان،

مشعل ابتسم : تبشرين والله ماني رايح ، ومشى وهو يجلس جنبها على طرف السرير : اي سولفي اسمعك ،

نجلاء ابتسمت : مشعل ما اتخيل كيف بتكون فرحة ماما وبابا احسهم راح يستانسون مرره واخاف يزعلون اني ما علمتهم؟

مشعل هز راسه بالنفي : من الفرحه ينسون الزعل صدقيني ،

نجلاء ابتسمت وهي تناظر فيه : ودي اروح لهم ،

مشعل اشر على عيونه : من عيوني بس افضى ،

'

امال كانت جالسه بغرفتها وسرحانه وكل تفكيرها بـ عبدالرحمن وكلامه ومشت اخذت جوالها دخلت الواتس تشوف صورته الي كان حاطه بالعرض سكتت لثواني وهي تشوفه وتركت جوالها وقامت طلعت توجهت للمطبخ تسوي شاهي وتحاول تطرد كل الافكار من راسها لكن لا شعوريًا ابتسمت من تذكرت كلامه ' انتي محفوظة بين جفن عيني والهدب وانتي المقصوده بكل قصيدي لو ضمة ضلوعك يجي عقبها الموت والله لا اضم صدرك دام باقي لي انفاس "

وفزت من سمعت صوت امها والتفتت : هلااا يمه ،

ام نجلاء : تعالي وجيبي جوالي نكلم نجلاء ،

امال تنهدت : تمام جايهه ،

'

عبدالرحمن : خلاص ي رجال انسى وصقر تفاهمت معه ،

عمر سكت وهو يطالع بالارض : ندمان قسم بالله ،

عبدالرحمن ضحك وهو يرفسه برجله : قم انقلع وخل عنك هالكلام الي صار صار انسى ،

عمر ضحك من رفسه برجله : جاك حالة صقر ،

عبدالرحمن : الا وين راح ماله حس؟

عمر : اتوقع راح مع زوجته يتمشى ،

'

سلطان وقف سيارته عند المستشفى وهو متوتر من ردة فعل سُلاف اذا شافت عساف بذي الحاله وناظر فيها بهدوء : تعالي يلا ، ودخلوا متوجهين للمستشفى ،

سلطان وقف سيارته عند المستشفى وهو متوتر من ردة فعل سُلاف اذا شافت عساف بذي الحاله وناظر فيها بهدوء : تعالي يلا ، ودخلوا متوجهين للمستشفى ، سُلاف كانت مستغربه ودخلت معه بهدوء وهي تشوفه وقف بهدوء انصدمت وناظرت فيه بدموع : ءءوين عساف؟؟

سلطان اخذ نفس ومشى وقف عند القزاز وهو يطالع فيه

سُلاف انصدمت و ركضت وقفت جنبه تناظر تجمدت بمكانها وهي تشوف حالة عساف ولدها كيف على السرير والابره الي عليها والمغذي حطت يدها على وجهها وشهقت ،

سلطان غمض عيونه اول ما سمع شهقاتها وعرف راح تنهار،

سُلاف مدت يدها على القزاز وهي تناظر ودموعها تنزل حطت يدها على وجهها وهي تبكي والتفتت لسلطان الي كان واقف بصمت وقربت وهي تمسكه من ياقته : شفيههه عسافففف ! ءءليهه ليهه هناااا ليهه..طاحت على الارض عند رجوله وهي تبكي وتهز راسها بالنفي : ابيييي ولديييي ابييي عساففف ابيهه

الناس الي كانوا بالمستشفى منصدمين ويطالعون بصمت،

سلطان انحنى بهدوء وجلس : قومي معي ،

سلاف هزت راسها بالنفي وهي تبكي : ءءما اخليهه ما اروحح،

نزلت راسها تبكي ومصدومه سلطان نزل راسه وهو يسمع صوت بكاءها وهمس : ماراح اسامح نفسي و ادري ماراح تسامحيني ماكمل كلامه الا وسلاف ناظرته بصدمه كانت متوقعه متعب سوا فيه شي وناظرته : ءءشسويتتت فيه؟

سلطان بلع ريقه و رفع نظره لها : امشي معي واعلمك ،

سلاف ناظرته بصدمه سلطان قام وقف ومسك يدها وهو يقومها ما وده يعلمها و تنهار اكثر قدام الكل ،

سُلاف كانت مصدومه ومشت معه وهي تناظر فيه والتفتت لوراء وهي تشهق وتبكي مو قادره تترك عساف وتمشي ،

'

= بعد قبول عمر في العسكريه كلهم كانوا متجمعين =

يوسف بفرح : مبروك ياعمر مبروك راح تصير عسكري و راح تخدم وطنك قرب وحضنه،

عمر انصدم وسكت بصمت ولا قادر يتكلم بحرف وهو يشوف فرحته وحضنه وهو يتصنع الابتسامه وسكت ،

عبدالرحمن كان جالس ويناظر لعمر الي ساكت وعارف طبع عمر مستحيل يكسر كلمة ابوه والان هو بين نار غلا و ابوه ،

عمر جلس وهو يشوف فرحة الكل له اخذ نفس ونزل راسه ،

الجد سُليمان : وينهم سلطان و صقر مالهم حس؟

يوسف التفت لزوجته : اذا جاء سلطان خليه يجيني ابي اكلمه و اتفاهم معه هالايام صرت ما اشوفه في البيت ،

ام صقر : ان شاء الله و صقر راح مع زوجته يغير جو ،

خاله مُزنه كانت بالغرفه ماقدرت تطلع عشان يوسف والجد برا

عمر قام بهدوء و انسحب من بين سوالفهم وطلع لبرا ،

عبدالرحمن لاحظ وترك الفنجان من يده وهو يقوم يلحقه ،

الجد سُليمان : وين رايح يا يبه؟

عبدالرحمن ابتسم : رايح اكلم عمر وجاي ، ومشى طلع لحقه،

عمر نزل وطلع وقف بحديقة البيت بصمت و رفع نظره لـ شيهان وصد و رفع راسه وهو يفكر كيف يكلم ابوه، والتفت اول ما حس بيد شخص على كتفه وناظر : ليه جيت ؟

عبدالرحمن : اعرف وش تمر فيه ووش شعورك طايح مابين نارها و نار ابوي وعارف انك مستحيل تكسر بخاطر ابوي سنه و سنتين وبعده اترك العسكريه وتزوج منها و مو هي باقي وراها جامعه؟ خلاص تخلص الجامعه ويصير خير ،

عمر هز راسه بالنفي وهو كاتم غصته : دحوم مقدر اتركها ولا قادر اقولها خايف يزوجونها غيري يا دحوم قسم بالله راح اموت لو زوجوها ،

عبدالرحمن تنهد وهمس : ماراح يزوجونها غيرك اوعدك ،

عمر تنهد بضيق : ماودي يا عبدالرحمن تكفى فهم ابوي وحاول معه انت حاول علشان صقر وحاولت مع امي عشان سلطان يسافر هالمره انا اطلبك بالله اقنعهم !

عبدالرحمن سمت بتفكير وناظر فيه : بس يا عمر مو بيدي انت كل هالسنين وهمت ابوي بهالحلم وانك بتصير عسكري كيف راح اقنعه بيوم وليله! انت روح للدوره العسكريه ولا تقول له شي اوعدك انا راح احاول وماراح تتزوج الا منها ،

عمر سكت وهو يطالع فيه وصد يناظر بالارض بصمت ،

عبدالرحمن مد يده وهو يطبطب على كتفه : كله خيره ،

'

نجلاء كانت منسدحه بحضنه وماسكه ملابس البيبي ومشعل يضحك وهو يشوفها : مستعجله اكثر مني ،

نجلاء : افكر كيف اتحمل ما اكله كيوت والله ،

مشعل ضحك والتفت لجواله الي رن اخذه وهو يشوف رقم سعود و رد : ياهلا وعليكم السلام ،

سعود ابتسم : اشوفك في المطار ،

مشعل بصدمه : جاي؟؟؟

سعود : مو قلتلك اجي اخر الشهر ولا نسيت؟

مشعل : والله توقعتك تستهبل تعال تعال خالي مو فيه بس موجودين حنا نستقبلكم انا و ابوي بس جاين مع الاهل؟

سعود ابتسم : اي ابشرك هالمره الموضوع اكيد جاي مع الاهل وماني رايح الا لما اخذها وتصير على ذمتي ،

مشعل ابتسم بخفه : ان شاء الله وعاد بنتكم لولدي الي بالطريق ،

نجلاء كانت تسمعه ومستغربه وفزت من قال هالكلمه ،

سعود بضحكه : والله تخسي انت وولدك ،

مشعل بصدمه : اهب عليك يالحمار طايح من عينك!

سعود : معليش بنتي ما اعطيها لاحد احطها بعيوني الثنتين،

مشعل : اقول انقلع انقلع انت و بنتك بس ،

سعود ضحك وهمس : يلا اقفل اذا وصلت ارسل لك ،

مشعل : تمام يلا ، وقفل الخط وناظر لنجلاء الي كانت تطالع فيه وهمست : ما شاء الله ومين ذا الي ولدي بياخذ بنته؟؟

مشعل عقد حواجبه : زوج اختك ولا ماوصلك العلم؟

نجلاء بصدمه : زوج اختي؟ لا يكون صقر؟

مشعل هز راسه بالنفي : لا ي غبيه سعود مو صقر ،

نجلاء فزت وهي تجلس : سعود؟؟؟ و زوج اختي ؟؟

مشعل باستغراب : اي ماتدرين وصية جدك سعود يتزوج من اختك اتوقع اخر وحده الصغيره من وهم صغار جدك قرر هالقرار وسعود يحبها من وهي صغيره ويعرف وصية جدك ومتعلق فيها و ترك دراسته وجاي عشان الزواج ،

نجلاء كانت منصدمه : ليه بابا ما علمنا ؟؟

مشعل : يمكن يبيه مفاجاة او شي وانتي اسكتي لا تعلمين احد كانك ما تدرين بنفسهم يقولون لك ،

نجلاء سكتت لثواني وضحكت : يالله سعود اتذكره والله ي حظ اختي فيه اتذكر كيف كان يدافع عنها اذا ضربتها وكيف كان يحبها وينقذها من عيال الجيران ويجيب لها حلويات بمصروفه وكنت اغار من اختي بسبب ضحكت وناظرت لمشعل الي نطق : ليتني كنت موجود اجيب لك ،

نجلاء ابتسمت : يالله يارب اولد قبل عرسهم ،

مشعل بضحكه : مافي وقت الولد مستعجل ومتحمس تبينه ينتظر لين تولدين زين لو كملتي شهر ،

'

امال كانت بغرفتها تناظر لامها الي تتصل على نجلاء وتركت الجوال وهمست : ماترد يمكن مشغوله ،

امال ما سمعتها وكانت سرحانه وساكته تناظر بالارض ،

ام نجلاء باستغراب : شفيكِ؟ ' امال ما ردت وهي سرحانه لكن فزت من حست بيدها وناظرت فيها : هلا يمه ،

ام نجلاء : قاعده اكلمك وينك سرحانه؟

امال بكذب : مافيني شي بس اشتقت لنجوله وملاذ .

ام نجلاء : اي والله اني اشتقت لهم ليت نجلاء جت معانا ،

امال تنهدت وهي تقوم تشيل الصينيه : احطهم في المطبخ،

ام نجلاء : تمام وانا اروح انام مصدعه من الصباح ، ومشت،

امال دخلت المطبخ حطت الصينيه على الطاوله و توجهت رجعت لغرفتها مشت جلست على السرير وهي تفكر واخذت جوالها تشوف لكن مافي ولا رساله منه اخذت نفس وهي مستغربه : ياربي ليه طحت بهالمصيبه ليه افكر فيه ليه كل ما حاولت اهرب ارجع افكر فيه ، تنهدت بضيق وهي تترك جوالها بقهر و انسدحت تنام ،

'

عبدالرحمن كان جالس بسيارته يسوق وعينه على الطريق التفت اخذ جواله يتصل على سلطان لكن ما رد وترك جواله وقف سيارته عند الشركه ونزل يجيب الاوراق والملف الي طلبهم منه ابوه بعد دقايق طلع من الشركه وتوجه ركب سيارته ومد يده فتح الدرج بياخذ اللاوراق الباقيه لكن وقف وهو يشوف الورد ومد يده طلعه وهو يشوفه ناشف سكت وهو يتذكر و ضحك لا شعوريًا و رجع حطه واخذ الاوراق ،

'

ملاذ حست بالبرد ومدت يدها حطهم بجيب الجاكيت صقر لاحظ وهمس : بردانه؟ ' ملاذ هزت راسها بـ اي '

صقر ابتسم : انزين قومي نمشي اخاف تمرضين ،

ملاذ ابتسمت وقامت توجهت للسياره صقر حط المفرش بالسياره وتوجه ركب وهو يشوفها تنزل مراية السياره تعدل نقابها وهمس : لا تلبسين خليني اتاملك وانا اسوق ،

ملاذ ابتسمت وناظرت فيه صقر مد يده للدركسون و ربط الحزام وناظر فيها : حطي راسك على كتفي و نامي مطولين ماراح اخذك للبيت ابي ندور بالشارع ونسمع اغنيه وانا وانتي وبس بعيد عن العالم ابي ارتاح راحتي معك وبس ،

ملاذ سكتت وهي تطالع فيه وحست انه فيه شي تصرفاته غريب و واضح عليه الزعل والضيق ماقدرت تساله وحطت راسها على كتفه بصمت ومدت يدها لصدره تمسح عليه ،

صقر ابتسم بخفه ومد يده حرك سيارته يسوق ،

ملاذ كانت حاطه راسها على كتفه وتناظر بالطريق وتفكر شفيه وليه تعبان كذا من كل شي ،

'

عمر كان واقف عند باب البيت ولا قادر يرسل لغلا او حتى يكلمها وده يقنع ابوه ولا يوافق رفع راسه لشباك غرفتها وطالع لكن كان مقفل والتفت ناظر لعمير الي طلع من بيته وتوجه عنده وناظر فيه بهدوء : ودي اجلس معك شوي ،

عمير عقد حواجبه وهمس : ابشر تعال وتوجهو جلسوا عن الرصيف عمير ناظر فيه : شفيك ليه متضايق ؟

عمر بهدوء : لا تسالني يا عمير تعبان قسم بالله ومتضايق الدنيا قفل كل ابوابه بوجهي واحس اني ضايع ماني متحسف على شي بالدنيا غيرها احسها بتضيع مني ،

عمير التفت لبيت غلا و رجع التفت لعمر : صاير شي بينكم؟

عمر هز راسه بالنفي : لا بس ابوي يبيني بالعسكريه وجاني القبول و اروح للدوره العسكريه وخايف اخسرها او يزوجونها غيري ماني قادر اقنع ابوي محد فاهمني قسم بالله ،

عمير ناظر فيه بصدمه : يعني تتركها؟

عمر فز و التفت : جعلني اموت و بيدينها تدفنني اذا تركتها ،

عمير انصدم وسكت وهو يحس من قوة كلامه وضيقته ،

عمر نزل راسه بحزن : تعبت اكتم الغصه بوسط صدري من الظهر وانا طايح ما بين سريري وما بين الشارع ماني عارف يا عمير وش اسوي لا تقول اني ارفض مستعد اموت ولا اكسر فرحة ابوي او اكسر بخاطره مافيني هالقوه يا عمير كل شي اقدر اسويه الا اني اكسر بخاطر ابوي ،

عمير : طب وش تسوي مافي حل ثاني؟

عمر : اخوي عبدالرحمن يقول روح للدوره وكم سنه و اترك العسكريه لين تكمل جامعتها بس خايف يزوجونها غيري ،

عمير : اخوك صادق يا عمر ولا تخاف ما اظن يزوجونها وهي ما كملت جامعتها حتى ،

عمر : طب وش اقول لها! اقول لها الحقيقه ؟ مستحيل ي عمير : قل لها انك مسافر اي شي ومايمديك تكلمها هالايام،

عمر هز راسه بالنفي : اخاف تكشف كذبتي و تكرهني يكفي كذبت عليها للمره الاولى و سامحتني هالمره تتركني ،

'

= في المزرعه عند سُلاف وسلطان =

سلطان ناظر فيها بحرن : ما انتهبت وعزة الله ما انتبهت ،

سُلاف كانت تناظره بصدمه اول ما عرفت سلطان السبب بحالة عساف ،

سلطان تجمع الدموع بعيونه : والله يا سلاف لو هالشي يكلفني حياتي كله مستعد اعالجه اوعدك راح يمشي ،

سلطان قربت مسكته من ياقته وهي تدفه بقوه وتبكي وضربته على صدره : ليههه ليهه سويتتتت كذاااا ليهه اخذتهه ليههه ، تركته ودفته بقوه وارتمت على الارض تبكي انهارت مجرد ما عرفت عساف ماعاد بيمشي ولا يكمل حياتي طبيعي حطت يدها على وجهها وهي تصارخ وتبكي وتهز راسها بالنفي ،

سلطان غمض عيونه بقهر و انحنى جلس : سُلاف!

سلاف رفعت راسها وطالعت فيه : ءءليهه اخذتتت حقككك منهه ايششش ذنبهه هوووو كانن ذبحتنييي انااا كانن قتلتنييي ليهه ليهه سويتتت فيهه كذااا بسس عشاننن تنتقمم من خويككك ايششش ذنبهه ولديييي ايشش ذنبهه ،

سلطان انصدم من كلامها وطالع فيها بصدمه من تفكيرها وهز راسه بالنفي : تتوقعين اني انتقمت !!! ايش ذنب الطفل انتقم منه يا سلاف قسم بالله ما كنت ادري ولا تعمدتتت!!

سلاف كانت منزله راسها تبكي بحرقة صدر على عساف ،

سلطان كان جالس يناظر فيها وقام وقف : ماراح يصير له شي ،

سلاف رفعت راسها وناظرت فيه ووقفت قدامه : بسببكككك ولديييي ماراحح يقدرر يمشيييي بسببككك بسبككك كله منككك بسببكككك خسرتهه بسببككك ، قربت تضربه على صدره وتبكي وتتكلم وهي مو مفهومه شقاعده تقول ،

سلطان كان واقف بثبات وساكت تركها تفرغ كل غضبها وحرقة صدرها عليه وتطلع حرته كان ساكت و يطالع بصمت ،

سلاف كانت واقفه قدامه تبكي وتضربه على صدره بيدينه ،

سلطان ما تحمل ومسك يدينها ونطق : اسف اسف خلاص ،

سلاف نزلت دموعها وهي تناظر فيه وقرب وهو يحضنها بقوه ،

سلاف انهارت اكثر وانصدمت منه ، سلطان حضنها وهو يثبتها بحضنه وحط راسه على كتفها : سامحينيي سامحيني تكفين اوعدك ماراح اخلي يصير له شي اوعدك راح يمشي ،

" لا شعوريًا حضنها لانه ماعرف يتصرف ولا قادر يوقفها وهي يشوفها منهاره توقع بهالطريقة يقدر يوقفها "

'

صقر كان يسوق وعينه على الطريق وهمس : ملاذي ،

ملاذ كانت حاطه راسها على كتفه والتفتت وطالعت فيه ،

صقر بهدوء : اوعديني انك ما تتركيني حتى لو ظلمتك وكذبت عليكِ وما صار عندنا اطفال اوعديني وش ما يصير ما تتركيني!

ملاذ انصدمت وطالعت فيه وهو تشوفه مد يده ومسكت يده بهدوء وهي تشوفه يكمل : اعرف قالوا لك جدك مسافر واعرف انتي ودك باطفال واعرف انك تتوقعين بنجيب طفل ونكمل حياتنا مبسوطين بس كل هذا كذب يا ملاذ ماني قادر اسكت اكثر و اتحمل ، ملاذ انصدمت وسحبت يدها منه ،

صقر وقف سيارته على جنب والتفت لها : جدك مو مسافر يا ملاذ ولا هو موجود بهالدنيا ولا راح يكون عندنا طفل من بعد اليوم انا فيني نقص ي ملاذ انا ...سكت ونزل راسه وضرب بيده على الدركسون بقهر وغمض عيونه ،

ملاذ شهقت اول ما سمعت عن جده ولا اهتمت لباقي كلامه،

صقر رجع التفت لها وهو يشوفها تبعد عنه وتشيل راسها عن كتفه وتناظره وهي مصدومه ...

'

امال طلعت من غرفتها وهي تشوف امها وابوها جالسين يتقهون مشت جلست اول ما عرفت ابوها وصل جلست جنبه وحضنته ، فهد ابتسم وحضنها من جنب : شفيكِ زعلانه اليوم؟ امك تقول طول وقتك ساكته و سرحانه؟

امال ابتسمت بخفه وهزت راسها بالنفي : مافيني شي ،

فهد رفع نظره لـ ام نجلاء : الا نسيت اقولك بكره بيجي سُليمان و احفاده ، امال انصدمت اول ما تذكرت كلام عبدالرحمن انه قال بيجي وسكتت وناظرت لابوه ،

فهد : وبنروح لقبر ابوي ازوره و اتصدق عنه ،

امال سكتت بتوتر وقامت : بروح اكلم نجوله ،

ام نجلاء : و هاوشيها قولي لها تتصل علي اتصل عليها ماترد،

فهد ضحك وهو يطلع جواله : انا الحين اتصل اهاوشها ،

امال ابتسمت وجلست ، فهد اتصل على نجلاء ،

نجلاء كانت جالسه بعد ما راح مشعل يستقبل سعود و اهله،

التفتت على صوت جوالها ابتسمت وهي تشوف اسم ابوها و ردت : كيفك يبه توك تتذكرني!

فهد بحده : لا تكلميني زعلانين منك انا وامك ليه ماتردين ؟

امال ناظرت لابوها وامها مشغولين بسوالف مع نجلاء ،

انسحبت و توجهت لغرفتها قفلت الباب ومشت اخذت جوالها وهي مقهوره و اتصلت على عبدالرحمن ،

عبدالرحمن كان بغرفته يناظر لاوراق الشركه ويفكر لوظيفه عشان عمير ، والتفت لجواله وهو يشوفها تتصل عقد حواجبه و رد ونطق : الو؟ سكت وهو يسمعها ،

امال بحدها : يخي ما تفهم انت! قلتلكك لاااا تجييي ولا تكلم بابا بشييي بس تعانددد!! مو قلت انك تنتظر ردي! ليه جاي الحين! والله راح ارفضك ولا راح اوافق عليك ،

عبدالرحمن عقد حواجبه وسكت وهو يسمعها تكمل ،

امال سكتت لثواني ونطقت : ادري تحبني وادري انك صادق بس وش هالحركات قلتلك لا تجي ! و قلت لي براحتك ماراح تجبرني ! اوكيه خلاص اعترف اني حتى انا صرت ما افكر بشي غيرك وتعبت منك كل وقتي افكر وخايفه وانت تبي تجي و..سكتت اول ما نطق عبدالرحمن : تفكرين فيني؟

امال استوعبت و انصدمت وسكتت ،

عبدالرحمن ابتسم : اي كملي تفكرين فيني ووش بعد؟ تحبيني؟ ولا بس تفكير ؟...

'

عمر بهدوء : اذا صرت عسكري يا عمير ماراح اقدر اتزوج منها هي كويتيه يا عمير تعبت افكر كل الابواب تقفل بوجهي ،

عمير سكت وهو يطالع فيه : مافي حل دام ماودك تكسر خاطر ابوك وفرحته وبعدين ليه ما تطلب الموافقه من وزير الداخلية يمكن يعطونك المواقفة وتتزوج منها؟

عمر رفع نظره له : بالاول خلني اقنع ابوي ماظنتي بيوافق ،

عمير : ان شاء الله امورك بالسليم بالاول اخلص الدوره ويصير خير وكثير جاهم قبول و تزوجو بس انت وحظك عاد ،

عمر نزل راسه وسكت بتفكير ،

'

عبدالرحمن ابتسم : اي كملي تفكرين فيني ووش بعد؟ تحبيني؟ ولا بس تفكير ؟

امال سكتت بتوتر وهي تحاول تستوعب ايش قالت ،

عبدالرحمن : اذا ما ودك تقولين هنا عادي ارسلي واتس اشوف ولا اذا مستحيه ف هذا شي ثاني ،

امال سكتت لثواني ونطقت : انت اكبر مني يا عبدالرحمن وبابا مستحيل يوافق وبعدين ماني واثقه فيك ولا في ح..قاطعه عبدالرحمن وهمس : خلي ابوكِ على جنب اقنعه بنفسي ، لكن وش هالثقه هذي مانتي واثقه فيني؟ وين راحت الي تسولف معي وتسوي شاهي كل هذا بدون ثقه؟

امال سكتت وحست انها انحشرت من كلامه : ماله دخل ،

عبدالرحمن : الا له دخل و داري انا انك واثقه ف بطلي تدورين مخرج عطيني من الاخر اجيكِ ولا تجيني؟

امال تنهدت وهي تعرف مقصده بيجي لابوها : اجيك ،

عبدالرحمن ضحك وهمس : صادقه؟ ولا ؟

امال ابتسمت : ليه اكذب عليك يعني؟

عبدالرحمن هز راسه بالنفي : لا توقعت تسكتيني ،

امال بتوتر : طيب بقفل الحين بروح لبابا ينتظرني ،

عبدالرحمن : اسمعيني قبل تروحين يا واحدً جابك الله حلم وأعجوبة '  الأرض ما تليق بكِ خذي موطنك صدري قبلك ترا حياتي ماهي بمرغوبة وشلون جددَ وجودك رغبتي؟ مدري عن عيني الناس ملغيه ومحجوبة ما أشوفك الا سماي وكلهم حدري ، وفداكِ القلب و راعي القلب والله ،

امال كانت تسمعه وعلى اخر كلامه ابتسمت لا شعورًيا وضحكت ، سمع صوت ضحكتها وابتسم : يابو ضحكة فيها من الحُب عمرين اغيض بها سُود الايام واتباهى ،

امال ابتسمت : من بعد اليوم بتسولف كذا؟

عبدالرحمن اخذ نفس وهمس : ودك؟

امال : مدري بس احب وجدًا احب القصايد ،

عبدالرحمن : تسمعين قصايد للشاعرين؟

امال : اي اسمع كثيرر ،

عبدالرحمن : اصير شاعرك و تمحين كل الشاعرين من حياتك وما تسمعين الا قصايدي اصير شاعرك والقصيد عيونك ،

امال انصدمت من كلامه وسكتت لثواني وهي تحس بشعور غريب وفعلًا طاحت ومحد سمى عليها واكتفت بـ ابتسامه،

عبدالرحمن استغرب من سكوتها : الان مالك مهرب مني ولا لك سما الا سماي وانا شاعرك وانا حبيبك وانا كل الي ودك،

امال توترت وهمست : بروح ،

عبدالرحمن : روحي وانا على انتظار رجعتك ان رجعتي اتصلي،

امال سكتت وقفلت الخط تركت الجوال و توجهت جلست وهي تضحك وهمست : ياربيي شفيني انا كذا ، وسحبت اللحاف وهي تنسدح وتناظر بالسقف وضحكت من تذكرت كلامه وقصايده : لا يكون حلمي يتحقق! كنت احب القصايد واخذت جوالها : مو على كيفه امحي الشاعرين من حياتي!

'

صقر رجع التفت لها وهو يشوفها تبعد عنه وتشيل راسها عن كتفه وتناظره وهي مصدومه ونزل نظره ليدينها الي بدات ترجف بقوه والدموع تتجمع بعيونها وملامح وجهها وكيف مصدومه نزلت راسها وهي تبكي وتشهق وتتنفس بصعوبه،

صقر انصدم وهو يطالع فيها : ملاذذذ!!!

ملاذ هزت راسها بالنفي وحست انها تستفرغ مدت يدها فتحت الباب وقعدت تستفرغ غمضت عيونها تحاول تتنفس ، صقر نزل من سيارته و ركض توجه لعندها بصدمه ،

ملاذ كانت مصدومه اول ما سمعت عن جدها و رفعت راسها وكررت الحركه الي كررته بعد الزواج مدت يدها لقلبي وهي تضرب على قلبها بقوه وتبكي ودموعها تنزل ،

صقر نزل راسه وفهم عليها انها تبكي امها كانت تسوي هالحركه دايم اذا بغت امها و اهلها وهمس : ابشري ،

ملاذ ركبت ونزلت راسها تبكي وتضرب على قلبها طول الطريق ودموعها تنزل ، صقر كان قلبه يوجعه عليها لكن ما قدر يناقشها او يكلمها اكثر بذي الحاله وعلطول حرك سيارته لاهلها،

'

نجلاء بعد ما خلصت من اهلها تركت جوالها وهي تضحك و رفعت راسها اول ما سمعت صوت الباب وهمست : حياكِ،

دخلت ام مشعل وبيدها صحن الفواكه : ليه ما تنزلين لنا ،

نجلاء ابتسمت : يوه عمتي والله كنت مشغوله اكلم ماما وبابا،

ام مشعل ابتسمت وجلست جنبها على طرف السرير : انتظرتك تجيني و اقطع لك من الفواكه ماجيتي ف جيتك انا،

و دخلت ريما وبيدها كاسة عصير طازج : الله يعينك ،

نجلاء ضحكت : عمتي تكفين الحين اكل الفواكه ولا العصير!

ام مشعل : راح تاكلينهم كلهم ولا اعلم مشعل عنك ،

نجلاء ضحكت والتفتت لريما الي كانت تضحك عليها وجلست : هالله متى يجي بس واسمع صياحه واغير له ،

ام مشعل : ان شاء الله قريب ونتهاوش مين يشيله ،

'

غلا نزلت دموعها بقهر وهي تشوفه من الشباك جالس مع عمير ولا يتصل عليها ولا يرد عليها مدت يدها ومسحت دموعها وهي مقهوره منه ومن حركاته والتفتت ناظرت لبيلا

وتوجهت طلعت من الغرفه صادفت ابوها وناظرت فيه ،

ابو محسن : كلمي الشغاله تجهز القهوة الرجال وصل ،

غلا باستغراب : ليه جاء ؟

ابو محسن : عشان الشغل شغل الشركه هو محامي في الامارات و ابوه راعي شركات ما شاء الله عندهم خير ف جاي يتفق معي بامور الشركه ونصير شركاء دعواتك بس ،

غلا ابتسمت وهزت راسها بـ اي و دخلت المطبخ ،

ووقفت وهي تفكر بـ عمر وايش قاله اخوه وليه سحب عليها لا يكون كان يلعب علي وكشفه اخوي وماعاد راح يكلمني! حست بصداع من كثر التفكير واخذت نفس وسحبت كورنفلكس تاكل شي وتروق وتبعد تفكيرها عن عمر ،

'

صقر وقف سيارته ونزل وناظر لملاذ الي نزلته قبله و ركضت دخلت الفندق وهي تبكي لحقه بخوف ملاذ كانت اسرع منه مشت للمصعد تضغط دخل صقر معها : ملاذ تكفين ا..سكت وهو يشوفها رفعت يدها بمعنى اسكت ، وتنهد وسكت ،

اول ما انفتح المصعد ركضت ملاذ طلعت متوجه لجناح اهلها وقعدت تدق الجرس وتضرب على الباب وتبكي ،

فهد انصدم وترك الفنجان من يده وهو يقوم يفتح ،

ام نجلاء : بسم الله من ذا يدق الباب كذا ،

فهد اول ما فتح الباب انصدم وهو يشوف ملاذ ارتمت بحضنه تبكي وتهز راسها بالنفي و رفع نظره لصقر الي واقف ،

ام نجلاء انصدمت وهمست : ملاذ!! ملاذ ركضت لها ،

فهد بصدمه : شفيها ملاذ؟

صقر بهدوء : عرفت بموضوع جدي عبدالعزيز يا عمي ،

فهد تنهد وهمس : لاحول ولا قوة الا بالله والتفت لملاذ ،

صقر : انا رايح يا عمي و حاولوا معها تكفون لا تبكي كثير ،

'

= في مطار جده =

مشعل وقف سيارته و ابوه معه وتوجهو دخلوا المطار ،

سعود كان واقف و اخته جنان وامه وابوه وباقي خواته ما جاو '

ابو مشعل ابتسم من لمح ابو سعود ومشى يحضنه ويسلم،

سعود توجه لمشعل وحضنه بقوه : ياهلاااا ،

مشعل ابتسم : واخيرًا ما بغينا يا وحش ،

سعود ضحك وهو يطالع : ميت نوم خذنا لاقرب فندق ،

مشعل : تخسي والله علطول لبيتي اجلسوا عندنا ،

ابو سعود سمعه وناظر : لا ياولدي مانبي نثقل عليكم ،

ابو مشعل : ثقل وشو وانا اخوك مابي اسمع ولا كلمه وانا اعتبرني اخو فهد زي ما تسمع كلامه اسمع كلامي بعد ،

ابو سعود ضحك ومشى معه والكل مشو متوجهين للسياره ،

سُلاف كانت جالسه على السرير بهدوء وتبكي وبيدها المنديل

سلطان دخل ومشى وهو يحط الاكل على الطاوله وناظر فيها وهمس : ليه تبكين و توجعيني وتحرقيني وتخليني الوم نفسي الف مره! ليه يا سلاف تسوين فيني كذا مو انا وعدتك!

سلاف رفعت نظرها له بدموع : ءءاخاف يصير فيه شي ،

سلطان مشى عندها وجلس جنبها : مانتي واثقه فيني؟ وعدتك ماراح يصير له شي و راح يكون بخير اوعدك بس قومي الحين كلي شي و اوعدك راح اخذك عنده تجلسين معه ترافقينه،

سلاف فزت وطالعت فيه : ءءاحلف راح تاخذني!

سلطان : والله راح اخذك بس على حالتك هذي تدوخين كل شوي ماراح اخذك قومي كلي و اخذك ،

'

عبدالرحمن كان جالس بغرفته وقام وتوجه لبس ثوبه وطلع لبرا وهو يشوف امه وخاله مُزنه ومشى جلس معاهم وناظر لهم وابتسم : ايش تسولفون ؟

ام صقر : خلك من سوالفنا وينه اخوك سلطان ماله حس؟

عبدالرحمن رفع كتوفه وهو ياخذ فنجان القهوة من خاله مُزنه وهمس : يعطيكِ العافيه خالتي ،

ام صقر : الحين خالتك موجوده كلمتها تدور لك عروسه ،

خاله مُزنه التفتت له : جدك قال بنت اسماعيل ،

عبدالرحمن اخذ نفس وهو يترك الفنجان : لا تنكدين علي ،

ام صقر التفتت لخاله مُزنه : مو راضي وانتي تعرفينه عنيد وانا بكلم جده بخطب وحده من بناته لـ عمر بس عبدالرحمن لا ،

عبدالرحمن فز على طاري عمر : ليه عمر مو سلطان؟

ام صقر ناظرت له : سلطان ماراح يرضى عمر الوحيد الي سمع كل كلامي وكلام ابوك راح يرضى اعرفه لاجل خاطر جدك ،

عبدالرحمن هز راسه بالنفي : ماراح يرضى هو ضحى بحياته كثير عشان خاطرك وخاطر ابوي وخاطر جدي بس يكفي يا يمه و اسماعيل ابن الكلب تبين ناخذ من بناته! والي سواه بجدي عبدالعزيز مو هين ي يمه ولو جدي ما تراجع عن قراره اعرف كيف اتصرف بنفسي ، وقام صد وطلع لبرا بقهر ،

خاله مُزنه ناظرت لـ ام صقر بصدمه : شفيه عصب كذا؟

ام صقر تنهدت : ماتعرفين عبدالرحمن وحركاته ،

خاله مُزنه : اعرف حركاته بس كيف يكلمك كذا ويرفع صوته! خليه يرجع بنفسي اتفاهم معه ما توقعت عبدالرحمن كذا ،

ام صقر : خليه يختي خليه كل واحد صاير همه نفسه لا لهم حس في البيت ولا يجلسون حتى معرف ايش صاير فيهم ،

'

ام مشعل ناظرت لنجلاء : اي هذي الجلابيه جابتها صحباتي من الامارات و لبسته يوم كنت حامل في مشعل و احتفظت فيه لزوجته ،

نجلاء ابتسمت وهي تناظر للجلابيه : بلبسها اليوم اجل ،

ريما : اي تكفين وعاد مشعل قال الضيوف بالطريق ،

ام مشعل ضحكت وهمست : راح يستانس مشعل..سكتت اول ما رن جوالها و ردت : هلا يا يمه ،

مشعل : يمه بالطريق حنا جهزو القهوة والتمر يقعدون عندنا،

ام مشعل : ان شاء الله انتم بس تعالوا وكل شي جاهز ،

نجلاء مشت لغرفتها و ريما لحقتها وهي تسولف معها ،

'

ام نجلاء ناظرت لفهد كان واقف يلبس ثوبه يروح للجد سُليمان وهمس وهو مبتسم : سعود وصل واهله بعد ،

ام نجلاء ابتسمت بفرح : صدق وصلوا ؟؟؟

فهد : اي وصلو و راحوا لبيت اختي يرتاحون كم يوم و اعزمهم هنا ما يمديني اروح هناك عشان جامعة بنتك شصار ؟

ام نجلاء : اي ام صقر اتصلت ان شاء الله بروح لها واشوف،

فهد : وكيفها ملاذ الحين ؟

ام نجلاء تنهدت بحزن : للاسف تبكي و امال معها ،

فهد : ان شاء الله خير يلا انا بمشي الرجال ينتظرني ،

'

ملاذ كانت منسدحه على السرير وماسكه شماغ الجد عبدالعزيز بحضنها وتشمه ودموعها تنزل وهي تتذكر سوالفه وكلامه ما تتذكر غير صوته غمضت عيونها و رجعت تبكي ،

امال بدموع : تكفين ملاذ لا تقطعين قلبي مو بيدنا شي هو راح للي ارحم مننا المفروض تدعين له ،

ملاذ كانت ساكته ومنزله راسها تبكي ومنسدحه ،

امال مدت يدها وهي تمسح على شعرها و تواسيها التفتت اول ما رن جوالها ناظرت للرقم كان عبدالرحمن وقفلت الخط ،

'

صقر كان برا جالس بسيارته و يدخن عمر كان طالع و لاحظ عقد حواجبه وتوجه لعنده وهو يفتح باب السياره ،

صقر حس و التفت وهو يشوفه يركب : شفيك؟

صقر هز راسه بالنفي واخذ نفس : مافيني شيء ،

عمر : الا فيك اعرف من وجهك و مو بس عبدالرحمن الي يعرفك وتشتكي له! حتى انا اخوك يا صقر لا تخبي عني ،

صقر التفت له : زعلان مني ؟

عمر عقد حواجبه و هز راسه بالنفي : ماني زعلان وكان معك حق يوم انك ضربتني لاني صحيت على نفسي و استوعبت كنت غلطان بحق نفسي وبحقها ،

صقر ترك الزقاره وهو يطفيه وهمس : اسف يا عمر ماكان المفروض ارفع يدي عليك بس كنت مقهور وتعبان ومعصب ،

عمر : لا تعتذر يا صقر انا الي بعتذر لاني غلطت بحق زوجتك ،

صقر سكت على طاري ملاذ وهمس : قهرتني و حرقتني بكلمه منك يا عمر قسم بالله كان ودي ادفنك بيديني من القهر ،

عمر تنهد بضيق : والله اسف يا صقر ما عرفت شصار فيني وماكنت عارف شقول والله ندمت وندمان ولا قادر اطالع فيك،

صقر سكت لثواني ونطق : وافقت على العسكريه؟

عمر : اي وافقت مابي اكسر بخاطر ابوي وبعد الدوره اقدم اوراقي للحكومه و راح انتظر موافقتهم عشان اتزوج منها ،

صقر عقد حواجبه : واذا ما عطوك الموافقه؟

عمر سكت وهو يطالع فيه : نتفاهم بعدين انت قل لي شفيك؟

صقر هز راسه بالنفي : مافيني شي ،

عمر : الا فيك ليه يخي تفرق بيننا وش معنى عبدالرحمن تعلمه وتشتكي له وانا لا! ولا تحسبني بزر صحيح اصغر منكم بس احس فيكم و احب اسمعكم زي ما تسمعوني ،

صقر ابتسم بخفه : خلاص ياهوه هد وقل لي وش اكلت؟

عمر : ماني ماكل شي ولا لي نفس ،

صقر حرك سيارته : ولا انا اكلت شي خلنا نمشي ،

'

سلطان دخل البيت وناظر لامه وخالته : السلام عليكم ،

ام صقر  فزت : وعليكم السلام وين كنت طول اليوم؟؟

سلطان توجه لعندها وهو يبوس جبينها وهمس : معليش يمه بس والله مشغول دعواتك بس ،

خاله مُزنه صدت : ولا كاني جيتكم وضيفه عندكم طول وقتك برا شف اخوانك يجلسون معي ويسولفون وانت الي ماتفضى،

سلطان ابتسم غصبن عنه ومشى وهو يجلس جنبها : افااا ،

ام صقر : شف خالتك زعلت منك طول وقتك برا ،

سلطان : افاا يا خالتي مُزنه تزعلين مني! وانا كنت دلوعك ،

خاله مُزنه ناظرته : بس الحين تغيرت يوم كنت صغير كنت كل ما جيتكم تركض وتجيني وتنام جنبي وتسولف معي ،

سلطان ابتسم بخفه : اييي يا خالتي الله يرحم ذيك الايام لا هموم ولا ضيق الحين شوفي بالله عليكِ انا نفسه!

ام صقر ناظرته بحزن : الله يقويك يارب يا ولدي ،

سلطان ابتسم وهو يقوم : اروح اخذ لي شاور وراي دوام اوعدك يا خالتي اجي بدري عشان اسهر معك ،

خاله مُزنه ابتسمت وهزت راسها بـ اي ،

سلطان توجه دخل غرفته ،

'

نجلاء ابتسمت بعد ما لبست الجلابيه والكعب واستشورت شعرها ويفي وقربت من عند المرايا تلبس الحلق و السلسال لكن فزت من حست بيد شخص وانصدمت وهي تشوف مشعل متى جاء وكيف وصل وليه ما حست فيه ،

مشعل كان يطالع فيها ومصدوم وهو يتذكر صورة امه كانت لابسه نفس الجلابيه وهمس : انتي امي ولا نجلاء؟

نجلاء ضحكت وهمست : امك طلبت مني البسه عشانك ،

مشعل ابتسم بخفه وهو يطالع فيها : اهخ منك ي ام نايف،

نجلاء ضحكت وهزت راسها بالنفي : ما بيطلع نايف يمكن ،

مشعل : مو على كيفك انا ابيه نايف و ان ما جاء تحملين من جديد سكت وهو يسمع ضحكتها ويطالع فيها بحُب ،

نجلاء كانت تضحك على كلامه وهمست : ياربي منك ،

مشعل : تكفين قولي ابو نايف ابي اسمع ،

نجلاء ناظرته : انا اقول خلني امشي وصلوا هُم صح؟

مشعل مسكها : مانتي رايحه لين تنطقينه وتقولين احبك ابو نايف ولا غيره ماراح اخليكِ ،

نجلاء بعناد : ماراح اقول وخلي عمي يهاوشك وانت هنا ،

مشعل : كذا نظامك يعني! ترا مردك الليله تجيني بنفسك ،

نجلاء ضحكت وناظرت فيه : ما بجيك بجلس مع البنات ،

مشعل : الصباح رايحين لابوكِ لا تستانسين كثير ،

نجلاء بصدمه : صدق؟؟ سعود بيروح القصيم ويخطبها!!

مشعل هز راسه بـ اي : اي الصباح بيروحون هناك ،

نجلاء ناظرته بصدمه : ءمشعلل وانااا؟؟؟

مشعل : انتي مالك الا انا ونايف ، انسيهم كلهم ،

نجلاء ناظرته بقهر : مشعل تكفى خلنا نروح معاهم ،

مشعل : نتفاهم بالليل ماني ماخذك لين تنطقينه ، وقام بيمشي لكن مسكته نجلاء ونطقت : احبك..مشعل لف لها بصدمه اول ما سمع منها وكملت نجلاء : ي ابو نايف ،

مشعل ضحك وهو يسمع منها وهمس : عيديها ،

نجلاء دفته : لا والله اذا اخذتني اعيدها لك عشره مرات ،

مشعل بضحكه : بذمتك!!

نجلاء ابتسمت : والله

'

سعود كان جالس وفنجان القهوة بيده و رفع نظره وهو يشوف مشعل يدخل ومشى جلس جنبه وهو يشوف ابوه و ابو سعود يسولفون وهمس : ايش يسولفون ،

سعود : عن الشغل خلنا منهم متى بنمشي القصيم؟

مشعل رفع كتوفه : خالي ما كلمكم؟

سعود هز راسه بالنفي : لا اعتقد كلم ابوك بس ماعرفت متى؟

مشعل كتم ضحكته : مستعجل اشوفك ،

سعود : اي والله الله يكون بعوني من وانا بزر وهي بخاطري وانتظر متى تصير زوجتي وما تبغاني استعجل؟؟؟

مشعل : والله تدري يا سعود احلا شي سواه جدي سهل لك الطريق تاخذ حب الطفوله ،

سعود ابتسم : اقول تراك زودته لا تسولف عن زوجتي ،

مشعل عقد حواجبه : ي شينك يالخسيس متى سولفت عنها!

سعود : بالله افتح معاهم السالفه متى نمشي ،

مشعل : ورا انت ما تسال؟

سعود : ابوي راح يجلدني يقول فشلتنا ماصدقت تخطب ،

مشعل ضحك والتفت : متى بنمشي القصيم كلمتو خالي؟

ابو سعود : اي كلمته قال تعالوا الصباح بس نمشي بعد يوم ولا يومين توه تعبانين من الطريق ،

سعود سمع وقرص مشعل بكتفه : حسبي الله ،

مشعل فز و دفه : يقلع شكلك هذا وانا احاول عشانك ،

سعود : والله ماني تعبان من الطريق خلني امشي قبلكم ،

'

ام نجلاء ناظرت لامال : نامت ملاذ؟

امال بحزن : اي ياعمري عليها ما قدرت تتحمل الخبر ،

ام نجلاء تنهدت : الله يعين يابنتي ونسيت اقولك بيجي سعود و اهله يجلسون عندنا كم شهر و الباقي ابوكِ يكلمك بنفسه ،

امال عقدت حواجبها : صبر يمه ليه حنا مانروح للمدينة!

ام نجلاء : قلتلك ابوكِ يجي يكلمك بنفسه ،

امال استغربت وسكتت وهي تشوف امها رايحه عند ملاذ ،

ووقفت بالمطبخ واخذت جوالها وهي تشوف اتصالات من عبدالرحمن و رسلت له بالواتس : ليه اتصلت ؟

عبدالرحمن كان منسدح بغرفته ويتابع فلم واللابتوب بحضنه والتفت اول ما سمع صوت جواله اخذه وهو يشوف رسالتها

و رد " وش الي ليه! يعني ادور سبب عشان اتصل ما اشتاق؟

امال قرات رسالته وابتسمت لكن تلاشت ابتسامها اول ما اتصل عليها علطول وطلعت وهي تلتفت يمين يسار ماكان في احد و ردت بهدوء : هلا ؟

عبدالرحمن : وش الي هلا وينك طول اليوم ما تردين؟

امال تنهدت : كنت مشغوله مع اختي زوجة اخوك ،

عبدالرحمن عقد حواجبه : مو صقر اخذها من عندكم؟

امال : الا بس عرفت عن جدي و انهارت ف رجعها ،

عبدالرحمن : اوه الله يرحمه يارب ويصبركم ،

امال : امين والله كنت متضايقه عشان كذا ما رديت ،

عبدالرحمن : متضايقه وانا موجود! لاضاقت عليكِ الوسيعه انهب لك الراحة نهابة واسرج لك خيول الرضى انتي بس ازهميني ازهميني وانا بجيكِ و براضيكِ ،

'

سلطان وقف سيارته عند المزرعه وهو لابس ثوب وفوقه جاكيت اسود و دخل وهمس : سلاف ،

سلاف كانت لابسه عبايتها وتنتظره فزت من سمعت صوته وطلعت ناظرت فيه كان واقف وهمست : بنمشي؟

سلطان : اكلتي؟ ' سُلاف هزت راسها بـ اي ،

سلطان ابتسم : بالعافيه تعالي ، وطلعوا ركبوا السياره متوجهين للمستشفى بعد دقايق وصلوا ونزلوا دخلوا ،

اول ما دخلوا شافو الدكتور طالع من عند عساف والتفت لهم و ابتسم : الحمدلله ولدك بخير تقدر تدخل تشوفه ،

سلاف انصدمت وناظرت لسلطان اول ما الدكتور قال له ولدك، سلطان ناظر فيها وانتبه لنظراتها وهمس : ادخلي ،

سلاف مشت وقفت عند القزاز تناظر ابتسمت وهي تشوفه منسدح ويلعب برضاعته الي بيده و مشت دخلت من عند الباب و ركضت له وهي تحضنه ودموعها تنزل ،

سلطان وقف عند القزاز وهو يناظر فيهم بصمت ،

عساف ابتسم من شم ريحة امه وبدا يبكي ،

سلاف شالته لحضنه سكت وهو يمسك عبايتها ،

سلاف رجعت تبوسه وتضحك وهي تطالع فيه ،

سلطان تنفس براحه وهو يشوفهم ،

'

صقر وقف سيارته ونزل عمر نزل معه و دخلوا البيت ،

صقر توجه لغرفته دخل و رمى المفاتيح على السياره وجلس وهو يفكر بـ ملاذ وكيف تكون حالتها لكن رفع نظره من دخل عبدالرحمن وهمس : وين كنتم انتم الاثنين؟

صقر : اخذته لمطعم قلت اغير من جوهم بعد الي سويته فيه،

عبدالرحمن ابتسم : زين سويت وانت ليه متضايق كذا؟

صقر هز راسه بالنفي : ماني متضايق بس مصدع انام و ارتاح،

عبدالرحمن : وينها زوجتك امي قالت انك جبتها؟

صقر وقف وناظر فيه : جبتها بس ما اظن راح ارجع اجيبها لاني واجهتها بكل حقيقه خبيته عنها واجهتها مره وحده وانتهيت وهي مشت عني و راحت لاهلها ،

عبدالرحمن انصدم وناظر : علمتها الي صار فيك!

صقر رفع نظره : وش صار فيني!! هاه! اعلمها عن الحادث الي صار فيني! راح ترفضني صح وانا الي تقبلت فيها ب اسواء حالتها والحين هي اول ما عرفت فيني بكت تبي اهلها !

عبدالرحمن : هد طيب شفيك معصب يمكن عشان جدها ،

صقر رفع نظره : جدها! وانت شعرفك ما علمتك اني علمتها عن جدها!

عبدالرحمن سكت بتوتر وناظر فيه : انت قلت كل الحقيقه توقعت جدها بعد و شفيك معصب علي شسويت انا!

صقر ناظر فيه : مانت مسوي شي وصد دخل الحمام ،

عبدالرحمن اخذ نفس : يالله شكرًا انك انقذتني منه مو ناقص والله ، وتوجه طلع وهو يشوف عمر جالس : وانت شعندك؟

عمر رفع نظره له : شفيني؟

عبدالرحمن : يخي انبسطوا يخي كل واحد نفسيته بخشمه،

عمر : فكنا منك يا دحوم مدري مين عطاك وجه ومبسوط ،

عبدالرحمن حك راسه وضحك من تذكر امال وصد طلع يشوف شيهان ،

'

ام مشعل ابتسمت : كيفكم وكيف سعود والبنات؟

ام سعود : والله الحمدلله كلنا بخير انتم كيفكم ؟

ام مشعل : الحمدلله بس ليه ما جبتي البنات كلهم؟

ام سعود ضحكت وهمست : خلاص كبروا وصارو مشغولين بعيالهم و زوجهم ما بقى لي غير جنان وسعود عندي ،

ام مشعل : ما شاء الله تبارك الله يخليهم لك يارب و سعود عاد جاي بيتزوج و يستقر هنا اتوقع مشعل قال لي كذا ،

ام سعود : اي اي يجلس هنا كم سنه ويجيبها عندنا ويرجع للسعودية وعلى هالحاله بس الله يتمم لهم على خير ،

فجاه دخلت نجلاء وهي مبتسمه : السلام عليكم ،

ام سعود قامت و ابتسمت : ياهلا ياهلا وعليكم السلام ، قامت وهي تسلم عليها ، جنان ناظرت لنجلاء ضحكت وهي تقوم تسلم عليها : ياحيوانههه تغيرتتتييي مررره ،

نجلاء ضحكت وهي تجلس : والله انتم الي تغيرتوا مرره ،

جنان : ياربي نجلاااء تذكرت ايامنا زمان ،

نجلاء ضحكت وجلسوا يسولفون ،

'

غلا طلعت وناظرت لمحسن بصدمه : بابا يتزوج؟؟؟

محسن رفع نظره لها وهمس : اي بيتزوج ويسافر للامارات ،

غلا انصدمت ودموعها تنزل : محسنننن بابا حلففف انه ماراح يتزوج على ماما!! وكذب علي انه جاين عشان الشغلل!

محسن : غلا حق من حقوقه كيف تبين نمنعه! امي الله يرحمها في وقت مرضها عطته الموافقه يتزوج. 

غلا كانت واقفه تبكي وناظرت لابوها اول ما دخل وصدت ركضت لغرفتها وقفلت الباب بقوه وهي تبكي ،

'

عمر كان جالس يفكر بِ غلا وماهو عارف ايش يقول لها اخذ جواله وهو يتصل عليها حس انها اشتاق لها ولصوتها ،

غلا كانت بغرفتها تبكي وتتذكر امها وكيف ابوها طاوعه قلبه يتزوج عليها وليه كذب ما اعترف انه خاطب ام يزيد وهي بعد جت من الامارات كذب عليها بكل شيء ، التفتت وهي تشوف يتصل نزلت دموعها و انهارت اكثر من شافت اسمه وتذكرت انه سحاب عليها يوم كامل ولا اتصل ولا كان يرد عليها ،

عمر تنهد بضيق وهو يشوف انها ماترد ،

'

عبدالرحمن كان لابس الدس وشيهان على يده ابتسم واخذ جواله يصور يرسل لامال ،

امال كانت جالسه مع ملاذ و تقنعها تاكل شيء ،

ملاذ هزت راسها بالنفي وهي تبكي ، فهد دخل للغرفه وناظر فيها ومشى وهو يجلس جنبها : ملاذ ابوي تكفين لا تقطعين قلبي وقلب امك اكثر ، ملاذ ناظرت فيه وحضنته بقوه ،

فهد ابتسم بخفه وهو يمسح على شعرها : يلا كلي شيء وخلينا نمشي نروح نتمشى وننبسط وننسى كل شيء ،

امال التفتت لجوالها اول ما رسل عبدالرحمن توترت و رفعت نظرها لابوها وتركت جوالها : يلا ملاذ خلينا ناكل ونمشي ،

'

مشعل كان واقف برا عند السياره مع سعود ،

سعود : تخيل مشعل تتذكر لما جيت اخر مره ؟

مشعل : ي حمار قل ابو نايف.

سعود : تخيل مشعل تتذكر لما جيت اخر مره ؟

مشعل : ي حمار قل ابو نايف.

سعود : يليل شعرفك انه ولد يارب تطلع بنت ،

مشعل بضحكه : يليل الحاقد ماعليه برضوا تناديني ابو الجوهرة بكل الحالتين لا تنطق مشعل  ،

سعود بعناد : الا مشع..ماكمل كلامه الا ومشعل ضربه بوكس على بطنه سعود ضحك وهو يبعد عنه : هذا الي بيصير اب!

مشعل عقد حواجبه : طايح من عينك؟؟

سعود : والله مررره طايح ارفع علومك وين حركات الاباء ؟

مشعل : تخيل سعود اسطرهم اذا ما درسوا؟

سعود : تم وانا معك اذا تحتاج مساعده والله لا اخليهم يعضون الارض واخذ حقي منهم مانسيت ايام تضربني انت ،

مشعل بضحكه : يالخسيس حاقد عليهم وهم باقي ما جاو ،

سعود : يارب يطلع نايف عشان اعرف اجلده بالعقال ،

مشعل : تعقببب والله لا اخليك تندم انك جيت السعودية ،

سعود ضحك وهو يصد : رايح القصيم قبلكم ،

مشعل عقد حواجبه : كلمت خالي؟

سعود : اي رسلت له واتس وقلت اجيك قبلهم قال حياك ،

مشعل ضحك وهو يناظر فيه : رح رح فكني من شرك ،

سعود ابتسم بخفه : متى اوصل بس ،

'

ام نجلاء : يعني توافق الحين! ولا كلمت بنتك؟؟؟

فهد هز راسه بالنفي : لا سعود جاي اكلمه انها وراها جامعه وهم يستقرون هنا في السعودية باذن الله ،

ام نجلاء : ومتى طيب تعلم بنتك؟

فهد مشى وهو يجلس : اكلمها اكلمها بس خليها الحين ،

ام نجلاء سكتت وناظرت : كلمتني ام صقر وقالت خلوها تقدم وتجيها القبول وبنفسها تنصدم بس مين ياخذها ويجيبها تحط لها سواق؟

فهد هز راسه بالنفي : سعود موجود ياخذها و يرجعها ما تتذكرين ايام كانت صغيره تروح معه! والحين هو ماهو غريب بيصير زوجها ومنه يتعرفون على بعض اكثر ،

ام نجلاء ابتسمت : اتذكر كان يجي يدق الباب وياخذها معه،

'

سلطان دخل وناظر لسُلاف كانت جالسه وحاضنه عساف ،

سلطان وقف وناظر فيها : انا بمشي اذا احتجتي شي اتصلي،

ومد له الجوال وكمل : جوالي القديم ما استخدمه خذيها ،

سُلاف رفعت نظره له بهدوء واخذت الجوال ولا تكلمت بحرف، سلطان ابتسم وناظر لعساف ومشى طلع من المستشفى توجه ركب سيارته متوجه للبيت ،

'

عبدالرحمن كان طالع من البيت وقف وهو يسمع صوت الباب ومشى فتح الباب وانصدم وهو يشوف اسماعيل واقف ،

بهاللحظه الجد سُليمان كان طالع من البيت : منهو جاء ؟

عبدالرحمن صد وفتح الباب ، الجد سُليمان انصدم وهو يشوف اسماعيل من بعيد ومشى للباب وناظر فيه بهدوء ،

اسماعيل : كيفك يا سُليمان اتصل عليك ولا ترد! ولا بعد وفاة عبدالعزيز تشوفني عدوك! ناسي العشره الي بيننا؟؟؟

الجد سُليمان بهدوء : ماني ناسي يا اسماعيل تفضل ادخل،

عبدالرحمن انصدم وناظر لجده وكيف يدخله البيت بعد كل الي صار بسببه! سكت من كلمه الجد يجيب القهوة ،

وهز راسه ولا تكلم بحرف وتوجه دخل يكلم امه ،

'

غلا كانت بغرفتها تبكي وهي تشوف عمر كل شوي يتصل و اخطت جوالها و ردت وهي مقهوره وتبكي : ايشششش تبغى منييي ايشش تبغىى!!!

عمر بصدمه : غلاوي تبكين؟؟؟

غلا بدموع : يخي ايش سويتت انا عشانن تسون فيني كذاا!! كنت احبب ماما وتركتنييي والحين باباا تركنيي و راح تزوج وحبيتك وانت تركتنيي و تتجاهلني ولا ترد عليي كل شيي احبه يروحح منييي ايش سويت انااا؟؟؟ سكتت وهي تبكي ،

عمر انصدم وفز جلس : غلاوي قلبيي متى تركتك انا!! انشغلت قسم بالله اموت ولا اتركك تفهمين!!

غلا بدموع : ليه تسويي فيني كذاا ما ترد على اتصالاتي! وطول وقتك جالس تحت اشوفك من الشباك و ارسل لك ماترد!

عمر بحده : وقفي هالدموع عشان اقدر اجاوبك! وبطلي تبكين عشان ما اهفك بكف تبكين عشان موضوع تافه!

غلا ببكاء : عمررر مو موضوع تافهه كيف قدر يخون ماما!!

عمر بهدوء : ما اقصد ابوكِ بس تصارخين تبكين عشاني سحبت! وبخصوص ابوكِ وش تبينه يسوي يتزوج ولا يجلس بالنهايه امك ماراح ترجع له صح؟ ف ليه مايشوف حياته؟

غلا نزلت دموعها : عمر هو وعدها ماراح يتزوج!

عمر : ادري يا غلاوي خلينا من هالموضوع قومي غسلي وجهك ووقفي هالدموع و اتصلي علي ابي اكلمك ،

غلا اخذت نفس وهمست : ءتمام ،

عمر تنهد بحزن : اسمعيني ،

غلا مدت يدها وهي تمسح دموعها : اسمعك ،

عمر : لا ارجع اشوفك تبكين وتحرقين قلبي! ما اتحمل يا غلا اشوف دموع احد وخصوصًا الي احبها لاعاد تبكين! اوعدك ماراح اكرر حركاتي وتذكري اني احبك مستحيل اتركك!

غلا ابتسمت وهمست : ءادري ،

'

ام صقر بصدمه : اسماعيل جاء؟؟؟

عبدالرحمن بقهر : اي وقسم بالله ي يمه لو جدي رجع فتح معي موضوع بنته راح اترك هالبيت و امشي ي احرق نفسي و ارتاح مره وحده !

ام صقر ناظرته بهدوء : اسكت وخذ القهوة وشف ايش الموضوع وليه جاي ،

عبدالرحمن بسخريه : والله اني اعقب اجلس بالمكان الي هو فيه وكلمي عمر يروح ياخذ له القهوة جعله سم ببطنه ،

ام صقر انصدمت وضربته على كتفه : وش هالكلام!! وبسرعه روح وخذ القهوة واجلس هناك مافي احد غير جدك ويمكن يحتاج شي! ولا اسمع منك كلمه يلا قدامي ،

عبدالرحمن تنهد بقهر واخذ صينية القهوه ومشى طلع ،

'

= البنات كانوا بغرفة نجلاء =

ريما : اوف نجوله اولدي بسرعه مافيني انتظر ،

نجلاء : يالله منك ومن اخوكِ ي ريما ،

جنان : والله لو جاو راح تطفشين منهم ي ريما اسالي مني ،

ريما : معليش مستحيل اطفش منهم عيال اخوي هُم ،

جنان التفتت لنجلاء وهي تضحك : ابي اشوف امال ،

ريما : مافي نروح المدينة وتشوفينها هناك ،

جنان : ياربي مافيني انتظر ابي اشوف زوجة اخوي ،

ريما ابتسمت : ياحظك انا اخذت نجوله وانتي امال ،

نجلاء اخذت جوالها توريها صور امال الي صورتهم ،

جنان ابتسمت وهي تاخذ الجوال منها وتشوف الصور والمقاطع ووقفت وشغلت المقطع الي صورته امال ولما رفعت الكام طلع وجه عبدالرحمن ، جنان عقدت حواجبها وهي تشوف عبدالرحمن : هذا زوج ملاذ؟

نجلاء انصدمت واخذت الجوال وهي ما شافت المقطع كامل وهزت راسها بالنفي : لا وين هاتي اوريكِ صور عرسها

جنان تركت الجوال وناظرت : حتى صورك انتي و زوجك ،

نجلاء ابتسمت و قعدت توريها ويسولفون ،

'

عبدالرحمن صب القهوة لجده والتفت يصب لاسماعيل ومد له اسماعيل اخذ وابتسم : يعطيك العافيه ،

عبدالرحمن تصنع الابتسامه : يعافيك ، وهمس بقلبه سم ببطنك ان شاء الله مو بالعافيه ، ومشى وهو يجلس.

الجد سُليمان : انا عند وعدي ولا خلفت بوعدي ،

اسماعيل : وانا جيت نحدد موعد الملكه لين متى ننتظر ولدكم طلع لها شيب ودخل الثلاثين خلاص صار وقته ،

عبدالرحمن رفع نظره بصدمه و التفت لجده ،

الجد سُليمان ضحك وهمس : ان شاء الله خير يجي يوسف ونتفاهم و نرد لكم ان شاء الله ،

اسماعيل ترك القهوه وهمس : يلا بمشي انا قلت امرك ونسولف وبمشي للدوام ،

الجد سُليمان : اجلس ليه رايح بدري؟

اسماعيل ابتسم : تاخرت ان شاء الله المره الجاي ومشى ،

عبدالرحمن التفت لجده : مسرع ياجدي نسيت كلشي! موت جدي عبدالعزيز بسببه وانت جالس تشرب معه قهوه!

الجد سُليمان بحده : وقف هالبربره وقم نادي لي امك وعبدالعزيز الله يرحمه هذا يومه و ربي اخذ امانته ،

عبدالرحمن سكت بقهر وصد قام طلع من المجلس لكن وقف من شاف امال تتصل واخذ نفس وقفل الخط ،

امال استغربت وهمست : حيوان قفل بوجهي! و رجعت تتصل ، عبدالرحمن تنهد و رد : هاه ايش تبين؟

امال بصدمه من اسلوبه : شفيك؟

عبدالرحمن : اكلمك بعدين متضايق مالي خلق اتناقش ،

امال بهدوء : كنت بقولك تجي نشرب شاهي؟

عبدالرحمن بهدوء : اقولك متضايق وتقولين نشرب شاهي؟

امال : نشرب شاهي وتقول لي سبب ضيقتك ؟

عبدالرحمن هز راسه بالنفي : الليله مالي نصيب من الشاهي اشربي عني انتي بالعافيه ،

امال بهدوء : لهدرجه متضايق ؟ ترفض الشاهي!

عبدالرحمن : اي لو جيتك هالليلة وتركت كل شيء ف راح افقدك للابد ولا ارجع اذوق الشاهي من يدينك الشاهي تعوضينه لي المره الجاي بس انا من يعوضني لو فقدتك!

امال بصدمه : عبدالرحمن شتقول شفيك؟

عبدالرحمن : قلبي ممكن اقفل واتصل بعدين؟

امال رجف قلبها من كلمة " قلبي " وهمست : تمام ،

وقفلت الخط وسكتت وهي تحاول تستوعب كل كلامه ،

عبدالرحمن دخل داخل وناظر لامه وخالته وهمس : روحي له يبي يكلمك بس اسمعيني يا يمه قسم بالله و عزة الله يا يمه وانا احلف لك قدام خالتي مُزنه وهي شاهده انك اذا وافقتي على قرار جدي ف من بعد هالليله ماراح تشوفين وجهي ،

ام صقر انصدمت من كلامه وشهقت : عبدالرحمن!!!!

خاله مُزنه وقفت بصدمه : وش هالكلام ي عبدالرحمن!

عبدالرحمن : انا قلت الي عندي طول عمري ساكت احترم وامشي على كل قراره وعلى كل كلمه منه! لكن هالمره ماراح اوافق لو وافقت ف افقد روحي وانا اعز ماعلي روحي ماودي افقدها ' كان يقصد امال " وصد ومشى جلس ،

ام صقر ناظرته بهدوء ومشت طلعت للمجلس ،

خاله مُزنه ناظرت لعبدالرحمن وجلست : زعلتها!

عبدالرحمن صد : انا قلت الي عندي وانتهى ،

خاله مُزنه : ايش السبب طيب! عطنا سبب بنته ما شاء الله تبارك الله مافيهم شي غلط ليه ترفض!

عبدالرحمن بسخريه : طالعين على امهم اكيد مو زوجة جدي عبدالعزيز تركته وهربت مع هالكلب اسماعيل! ايش تتوقعين من بناته بالله؟

خاله مُزنه : عبدالرحمن احترم نفسك ولا تقول هالكلام ،

عبدالرحمن : لا راح اقول ي خالتي وحده تركت حفيداتها وولدها و زوجها وهربت تزوجت من عشيقته وجابت منه بنات والحين يرمونهم برقبتي! والله وثم والله ماني موافق ولو على جثتي ، وسحب مفاتيحه وقام طلع لبرا ،

'

صقر كان بغرفته نايم قام بانزعاج والتفت اخذ جواله يشوف الساعه كم ومشى توجه لبس للحمام بعد دقايق طلع ولبس ثوبه ومد يده بياخذ العطر لكن وقف وهو يشوف عطر ملاذ و اغراضها ابتسم بخفه واخذ عطرها وهو يرش منه بالغرفه وغمض عيونه وهو يشم عطرها وابتسم وترك العطر وسحب مفاتيحه وطلع وهو يشوف خاله مُزنه جالسه لوحدها. ،

خاله مُزنه التفتت اول ما طلع صقر وقامت بسرعه مشت عنده ومسكته : روح شف شصاير في المجلس وقل لي ،

صقر عقد حواجبه : ليه شصاير؟

خاله مُزنه جلست تعلمه كل شيء وكلام عبدالرحمن ،

صقر انصدم وناظر : امي الحين في المجلس؟

خاله مُزنه هزت راسها بـ اي ، صقر طلع متوجه للمجلس،

'

سلطان وقف سيارته عند البيت عقد حواجبه وهو يشوف عبدالرحمن وقف عند السياره ومتكي ،

عبدالرحمن كان واقف عند سيارته ويكتب على فوق القزاز وهو يشوف الغبار " على البال و رسم القلب ، والتفت من حس بصوت سلطان الي نطق : شتسوي لوحدك هنا؟

وناظر فيه وصد : نفس ما انت لوحدك برا ولا ندري عنك ،

سلطان بهدوء : ما تسالني ليه كنت بعيد عنكم؟

عبدالرحمن : ما اسالك لاني ادري مالها سبب عندك ولا ابي اسال وتعطيني حلوف خايف ذنوبك يزودها الكذب ،

سلطان سكت ونزل راسه : عبدالرحمن ليه تتصرف معي كذا؟

عبدالرحمن رفع نظره له : انت تجبرني يا سلطان كل مره تكذب كل مره تكذب تعبت منك صرت استحي اسالك و اسمع منك جواب كذب و...سكت وهو يشوفه عمر طالع ،

عمر مشى عندهم و ابتسم : متجمعين بدوني!

سلطان ناظر لعبدالرحمن وصد توجه دخل البيت ،

عمر باستغراب : شفيه ؟

عبدالرحمن رفع كتوفه : معرف خلك منه وينه جدي ؟

عمر : معرف ما شفت احد ،

'

فهد وقف سيارته ونزلوا كلهم ملاذ و امال ونجلاء عند الحديقه امال ناظرت لملاذ الي كانت سرحانه وهمست : تعاليي يلا،

فهد ابتسم : روحوا ادخلوا استانسوا وانا وامكم بنروح نجيب العشاء وناكل هنا ،

امال ابتسمت وهزت راسها بـ اي ومشت واخذت ملاذ معها ،

وجلسوا يتمشون ويسولفون وهمست : ملاذ بقولك شيء؟

ملاذ كانت ماسكه يدها وهزت راسها بـ اي ،

امال : تدرين اني صرت ما ابيكِ تروحين بدونك انتي و نجوله مره اطفش لوحدي ولا عندي احد اكلمها يخي ابيكم معي ،

ملاذ ابتسمت بخفه وحطت راسها على كتفها وهم يمشون،

امال ضحكت والتفتت للاطفال : كيوتت شوفي كيف يلعبون،

ملاذ ناظرت للاطفال و ابتسمت بخفه ،

'

مشعل دخل للغرفه وناظر لنجلاء : رايح انام مع سعود ،

نجلاء عقدت حواجبها : ما بتنام عندي؟

مشعل تنهد وهم يقفل الباب : الود ودي والله بس حسبي الله على سعود مو مخليني حالف انام معه ،

نجلاء ضحكت وهمست : اليوم سعود بكره نايف ؟

مشعل ابتسم : يعقب يبعدني عن امه ،

نجلاء : خلاص روح وانا بروح للبنات ،

مشعل هز راسه بالنفي : خليني اسحب على سعود ،

نجلاء : ياويلك تسحب عليه زوج اختي تراه ،

مشعل هز راسه : اي كلمي اختك تمسك زوجها ابلشني قسم بالله ما تركني طول ما انا جالس ازعجني يبي يروح القصيم،

'

الجد سُليمان : انتي شرايك متى نحدد موعد الملكه؟

ام صقر بهدوء : عبدالرحمن مو موافق كيف نقدر نحدد؟

الجد سُليمان بحده : يكسر كلمتي!!

ام صقر هزت راسها بالنفي : ليه مو عمر !

الجد سُليمان : الرجال عطيته كلمتي تبيني اغير كلامي! وعدته انا والحين اخلف بوعدي!!'

ام صقر بصدمه : لا مو قصدي كذا ادري انت قلت انك تخطب لعبدالرحمن وحده من بناته ووعدته ف انا اقولك نخطب لعمر مو عبدالرحمن ! انت تعرف عبدالرحمن عنيد ومستحيل يرضى دامه رفض ف ليه تسوي معه كذا!

الجد سُليمان : بنفسي اتفاهم مع يوسف ،

فجاه دخل صقر وهمس : السلام عليكم ، الكل ردو السلام،

صقر مشى وهو يقبل جبينه وجلس : شسالفه؟

الجد سُليمان : ياولدي فهم اخوك وش هالكلام! انا وعدت الرجال وعطيته كلمتي والحين يبي ينزل راسي قدامه!

صقر تنهد : يصير خير يا يبه انا بتفاهم معه لا تعصب انت ،

الجد سُليمان سكت وهو ياخذ فنجان قهوته ويشرب ،

ام صقر طلعت من المجلس بتمشي لكن وقفت وهي تشوف عبدالرحمن الي دخل وهمس : كلمتيه!

ام صقر رفعت نظرها له : ابوك بيتكلم معه ان شاء الله ،

عبدالرحمن بحده : اقنعيهم يا يمه ماودي اتكلم و اتصرف بنفسي و ا ارد بوجه الي اكبر مني وعلمتك يا انا ي بنته وقسم بالله ي يمه ثاني مره احلف لك اذا سكتتي ماراح تشوفيني ،

ام صقر تجمعت الدموع بعيونها و رمت فنجان القهوة من يدها بقوه وهي تبكي : خلاصصصص خلاصصص تعبتت منكمممم انااا تعبتتت ارحمونييي. ..الكل انصدموا من صراخها و ركضوا طلعوا لبرا سلطان وصقر وعمر والجد ،

ام صقر بدموع : ارحمونييي انت واخوانك تعبتت منكمم واحدد لا يجلس في البيت ولا اشوف وجهه والثانييي مشاكلهه مع زوجتهه ما تخلصص وتحسبونيي غبيهه ما اشوفف امكممم انت امكم واحس فيكمم ارحمونييي ،

سلطان نزل راسه وهو يعرف هو المقصود ،

صقر سكت وناظر لعبدالرحمن الي كان ساكت ،

ام صقر ناظرت فيهم كلهم وهي تبكي وصدت بتمشي لكن وقفها صقر وهمس : يمه..دفته ام صقر ومشت لداخل ،

الجد سُليمان ناظر لعبدالرحمن : ما تستحي انت!!! مافيك ذرة رجوله تخلي امك تبكي!! ما تستحي !!! اهب عليك ي خسارة التربيخ يا حيفي بس حيفي وتوجه للمجلس ،

صقر ناظر لعبدالرحمن : حمار انت! عقلك ماعاد يستوعب! ماكل شي! ولا شارب شي! وش قايل لاميي!

عبدالرحمن صد ومشى فتح الباب وطلع متوجه لسيارته ،

صقر التفت لسلطان : وانت الثاني ارتحت خلاص! ولا باقي تكمل كل يومك برا البيت! يخي حسووو فيهااا !!!!

سلطان رفع نظره بهدوء : وش اسوي اترك دوامي واجلس!

صقر بحده : اي دوام هذا الي يخلص ٤ الفجر!!!

سلطان سكت وناظر لعمر الي كان واقف يناظر بصمت ،

صقر صد و دخل البيت وناظر لخاله مُزنه : وينها امي؟

خاله مُزنه بهدوء : راحت لغرفتها مو راضيه تفتح الباب ،

صقر تنهد بضيق ومشى وهو يدق الباب : يمهه افتحيي ،

ام صقر كانت جالسه على السرير تبكي وتتذكر تهديد عبدالرحمن وهمس : مابيي اكلممم واحددد فيكمم روحوو. ويننن ما تبونن ولا تكلمونيي اعتبروني مت ،

عمر كان واقف وسمع صراخ ابوه و ركض طلع ناظر فيه ،

يوسف : شف خالتك موجوده ولا لا عشان ادخل بسرعه ،

عمر دخل وناظر لخاله مُزنه : ابوي بيدخل ،

خاله مُزنه مشت بسرعه دخلت الغرفه وقفلت الباب ،

بهاللحظه دخل يوسف وناظر فيهم : وينها امكم!

صقر التفت له : مو راضيه تفتح الباب ،

يوسف توجه وناظر فيه : بسرعه قل لاخوانك يجون بالصاله وكلكم اشوفكم هنااا قدامي يلا لا بسرعه ، صقر : ابشر ومشى،

يوسف وقف وهو يدق الباب : منيرره افتحييي الباببب ،

منيره " ام صقر " سمعت صوته انصدمت ومشت فتحت الباب ،

صقر ناظر لعمر : كلم عبدالرحمن يجي بسرعه ووينه سلطان!

عمر : سلطان تحت ، صقر صد ومشى يناديه ،

عمر اخذ جواله و رسل لعبدالرحمن : بسرعه تعال ،

يوسف دخل وناظر فيها وقفل الباب : تبكين!

منيره رفعت راسها وطالعت فيه : تعبتتت منهم يا يوسف ،

يوسف مشى وقف عندها وهمس : تعالي عندي تعالي ،

منيره مشت له وحضنته وقعدت تبكي بحضنه ،

يوسف : لا تبكين شوفي ايش اسوي فيهم كانوا صغار كنت اسطرهم اذا ازعجوك والحين بعد اسطرهم انتظري بس ،

منيره كانت ساكته ومدت يدها تمسح دموعها ،

يوسف : خلاص لا تبكين وانا اتفاهم معاهم ولا نترك البيت ونمشي ونخليهم يسون الي يبون تبين كذا؟

منيره هزت راسها بالنفي : ابوك يجبر عبدالرحمن ،

يوسف عقد حواجبه : على ايش لا يكون بنت اسماعيل؟

منيره هزت راسها بـ اي وهمست : عبدالرحمن هددني لو اجبره بحياتي كله ماعاد اشوف وجهه ،

يوسف سكت والتفت من سمع صوت الباب : تعالي معي ،

منيره صدت : مابي اشوف وجه واحد فيهم ،

يوسف مسك يدها وهمس : تعالي خليني اتفاهم معاهم ، وطلع و ام صقر معه وناظر فيهم كلهم كانوا جالسين ،

عبدالرحمن رفع نظره بهدوء وصد وهو يناظر بالارض ،

سلطان قام وتوجه يقبل يدين امه لكن وقفه يوسف وناظر فيهم بحده : ارجع مكانك ولا واحد منكم يقوم والتفت لعبدالرحمن وهمس : ليه تهدد امك!

عبدالرحمن بهدوء : ما هددت يا يبه بس قلت الي عندي ونفس الكلام اقولك ياه بعد لو وافقتو على قرار جدي قسم بالله ما تشوفون وجهي ،

يوسف بصراخ : عبدالرحمن!!!

منيره فزت من صراخه والتفتت لعبدالرحمن الي صد عنهم،

يوسف : تهددنيييي انا وامك!!

عبدالرحمن وقف وناظر : ما اهدد!

صقر انصدم ووقف وهو يسحب عبدالرحمن : انجنيت انت!!!

يوسف : خله ي صقر خله اشوف وش نهايته تبي تطلع من هالبيت! قم انقلع الحين وبهالوقت ولا اشوف لك صوت ،

منيره انصدمت ومسكت يوسف : يوسف!

عبدالرحمن رفع نظره لابوه وقام بيمشي لكن وقفه عمر الي فز من مكانه وهمس : عبدالرحمن تكفى اجلس خلاص ،

يوسف اخذ نفس و التفت لهم : اجلس بمكانك بسرعه ،

عبدالرحمن كان بيعاند لكن سكت وهو يناظر لامه ومشى جلس بهدوء فجاه رن جواله وناظر كانت امال وقفل الخط ،

صقر : يبه خلك منه الظاهر انجن ،

عبدالرحمن التفت على كلامه وسكت ،

يوسف : اسمعوني انتم كلكم من بعد اليوم قسم بالله واحد منكم ازعج امكم او حتى صارخ بوجهها بلحظة غضب ولا بدون راح اخذها و ونترك لكم البيت مو كافي انها تحملت بما فيها الكفايه! تحملتكم وانتم صغار حتى بشنبكم هذا ما تستحون! تبكي بسببكم!!! وناظر لسلطان : وانت يالمحامي وينك ما تجلس في البيت! اسبوع وهي تشتكي لي عنك!!

سلطان ناظر وهمس : كنت مشغول بالقضيه ،

يوسف : شوفوا يا يبه انا ساكته وكل وقتي في الشركه بس لا تحسبون ما اعرف شي اجي البيت امكم تعلمني كل شي و تشتكي لي عنكم من بعد اليوم ان سمعت من امكم شي احاسبكم واحد واحد! وانت الثاني وين زوجتك للحين!!!

صقر ناظر وهمس : في بيت اهلها بترجع بنفسها ،

يوسف بحده : قم بسرعه و رجعهااا الحيننن !

صقر تنهد وهمس : ان شاء الله ،

يوسف التفت لعمر وناظر فيه وسكت وهمس : عبدالرحمن ،

عبدالرحمن رفع نظره وناظر : هلا ،

يوسف وهو متوجه لغرفته : الحقني تعال لغرفتي ومشى ،

منيره ناظرت لصقر وسلطان الي توجهو لها يعتذرون ،

عبدالرحمن صد ولحق ابوه و دخل الغرفه : هلا يبه ،

يوسف مشى جلس وناظر : تعال اجلس قدامي ،

عبدالرحمن مشى جلس وناظر : ادري يبه وش راح تقول بس انا حلفت ماني موافق ولا راح اتزوج من بنته ،

يوسف هز راسه بالنفي : انت تعرف ي يبه اني طول عمري اشاوركم و اشوف وش يرضيكم وثم اتكلم صح! ماكان فيك تجي للمكتب تكلمني او تتصل او تنتظرني! علطول قمت تهدد امك المسكينه الي ما بيدها شي! انت عاقل ي عبدالرحمن صدمتني من تصرفاتك وحركاتك !

عبدالرحمن تنهد بضيق : اسف يبه بس والله اني مقهور جدي مو راضي يسمعني! ولا اهتم لموت عبدالعزيز ولا اهتم ل عمي فهد لو عرف اني بتزوج من اخته تتوقع يسكت! راح تصير مشاكل وانا مو ناقص والي بيخرب علاقتهم صقر وملاذ!

يوسف : انت وش متوقع ياولدي اني موافق على قرار ابوي! وتعرفني مستحيل اوافق على قرار عيالي مو راضين فيه ولا مانت واثق من ابوك!

عبدالرحمن رفع نظره له : توقعت بتقول جدك مريض و وافق عشانه ومن هالكلام عشان كذا ما تكلمت معك وكلمت امي ،

يوسف بحده : كان بسببي غضبي عاندتك لانك تصرفت كذا مع امك و والله يا عبدالرحمن تهديدك لامك قهرتني فيه وكنت صادق بكلامي وناوي اطردك بس مسكت نفسي ! يا يبه انتم رجال هذا طولكم وشنبكم وتصرفاتكم يخليني انزل راسي!

عبدالرحمن بهدوء : اسف يبه ماراح اعيدها اوعدك ،

يوسف : لا تعتذر مني اعتذر من امك لا اشوفها تجيني وهي متضايقه قم اعتذر منها و تصالحوا انا رايح لجدك اتكلم معه اخلص اجي اشوف امكم ، وتوجه طلع من الغرفه وناظر لـ منيره كانت تضحك مع عمر وتسولف معه ، ابتسم ومشى،

عبدالرحمن ما تحرك وكان ساكت يفكر بهدوء ،

سلطان كان جالس مع امه وسرحان كل تفكيره بسُلاف وعساف،

'

صقر كان بسيارته ويسوق بهدوء و سرحان ما وده يرجع ملاذ كان يبيها ترجع من نفسه وتعتذر له لكن بسبب ابوه مجبور يرجعها واخذ جواله وهو يتصل على فهد بعد دقايق رد ،

فهد كان يسوق متوجهين للبيت وملاذ وامال كلهم معه ،

فهد : هلا يا صقر ، ' ملاذ فزت على طاري اسمه '

صقر : اهلين عمي كيفك شالاخبار عساك طيب؟

فهد : الحمدلله بخير وانا ابوك انت كيفك وكيف الاهل؟

صقر : الحمدلله عمي كلنا بخير والله بس بغيت اقولك جاي اخذ ملاذ اذا تسمح لي و حالتها زينه؟

فهد ابتسم : زينه زينه الحمدلله بس قبله تجيني نشرب القهوة ولا ماراح تاخذ بنتي ،

صقر ابتسم بخفه وهمس : ان شاء الله عمي ابشر جايك ،

فهد وقف سيارته عند الفندق : يلا انتظرك توي وصلت ،

امال نزلت وملاذ معها و توجهوا دخلوا الفندق ،

ام نجلاء كانت جالسه تنتظر فهد يخلص من المكالمة ،

ملاذ دخلت ومشت حطت عبايتها وجلست وهي تفكر ،

امال : تكفين خليني اخبيكِ لا يأخذك زوجك ،

ملاذ ابتسمت بخفه وسكتت وهي تفكر ،

امال عقدت حواجبها : وشفيكِ مو مبسوطه ماتبين تروحين؟

ملاذ ناظرت فيها وهزت راسها بالنفي ،

امال : اوف حتى انا مابي بس شنسوي المسكين جاي من بعيد يبي ياخذك روحي وبجيكِ انا لانها ماما كانت تقول خالتي ام صقر تبي تكلمني بموضوع مدري وش ،

'

سعود انسدح جنب مشعل وناظر فيه : تراني سعود مو زوجتك اخاف تحضنني بنص نومك ،

مشعل انصدم وضحك وهمس : والله لا ارفسك برجلي،

سعود ابتسم وناظر : بالله مشعل...قاطعه مشعل وهو يضربه برجله وهمس : ابووو نايف ي حمار ابو نايففف تفهم!

سعود : يليل طيب يا ابو نايف بالله عليك النوم احلا معي ولا معها الصدق!

مشعل ضحك وناظر : والله انك انت تخسي وتعقب ،

سعود : اهب عليك ما تستحي وانت تقول هالكلام !

'

عبدالرحمن توجه ركب سيارته واخذ جواله يتصل عليها ،

امال كانت بالمطبخ تسوي القهوة وجوالها على الطاوله ابتسمت وهي تلمح رقمه من بعيد اخذت جوالها و ردت وهمست : وينك طول الوقت تقفل بوجهي؟

عبدالرحمن تنهد وهمس : خليكِ مني انتي ليه كنتي تتصلين؟

امال بهدوء : مدري بس كذا ،

عبدالرحمن : توقعت صاير معك شي كل دقيقه تتصلين ،

امال عقدت حواجبها : خلاص طيب ماعاد اتصل ،

عبدالرحمن : يليل مو قصدي كذا ابي اكلمك شتسوين؟

امال : اسوي قهوة اخوك عندنا ،

عبدالرحمن باستغراب : اخوي من؟ صقر؟

امال : اي في غيره؟

عبدالرحمن : اي في ليه هو الي اخوي بس؟

امال : بسم الله شفيك انا شعرفني فيهم هو زوج اختي بس ،

عبدالرحمن تنهد : مافيني شيء ،

امال باستغراب : اسلوبك و صوتك متغير وتقول مافيك شي؟

عبدالرحمن : لا بس ما نمت طول اليوم مصدع ،

امال : تمام نام مابي اكلمك وهذا اسلوبك ،

عبدالرحمن ابتسم بخفه : طيب خلاص اسفين اعتذر ،

امال : لا صدق اتكلم نام واذا صحيت كلمني ،

عبدالرحمن : متاكده! ما زعلتي؟

امال ابتسمت : لا ما زعلت تطمن نام ،

عبدالرحمن : تمام يلا قلبي انتبهلك اذا صحيت اكلمك ،

امال ابتسمت وهمست : تمام تصبح على خير ،

'

ملاذ كانت جالسه بالغرفه وتتذكر صقر فزت من سمعت صوت السياره ومشت عند الشباك وقفت وهي تناظر من الشباك

صقر وقف سيارته ونزل دخل الفندق ،

ملاذ ابتسمت من شافته ومشت طلعت للمطبخ عند امال ،

آمال ناظرتها : جاء؟؟

ملاذ ابتسمت وهزت راسها بـ اي ومشت تطلع التمر ،

امال صبت القهوة في الدله وهمست : راح افقدكك ،

'

نجلاء كانت نايمه بغرفة ريما مع البنات ابتسمت وهي تتذكر مشعل ولما يسولف معها وقت النوم تنهدت وهي تحس مو قادره تنام مشت طلعت من الغرفه توجهت لغرفتها وهي تتصل عليه ، مشعل كان منسدح يسولف مع سعود ، التفت من اتصلت نجلاء وبعد عن سعود وجلس و رد : هلا روحي؟

نجلاء : مو قادره انام تعال نام معي ،

مشعل سكت و التفت لسعود وهمس : جايك ، وقفل منها و انسدح وهمس : سعود قلت لي اخذك للمطار صح الصباح؟

سعود ناظر فيه باستغراب : اي لا يكون بطلت؟

مشعل : لا بس كفر سيارتي راح فيهم وغيرت بس بالله اطلع و شف الامور كيف ولا رجعوا تنسمو ،

سعود : يخي خلاص نشوفهم الصباح ،

مشعل : والله ما اخذك لو ما تقوم تشوف ،

سعود تنهد وهو يقوم : حسبي الله ذليتني تراك ،

مشعل ضحك وهو يشوفه طالع ، قام سحب مُخدته وطلع متوجه لغرفته وهو يضحك ،

و فتح الباب دخل وهو يشوف نجلاء كانت واقفه عند المرايا تشوف بطنها ، مشعل وقف وناظر فيها و ابتسم : هاه شكله نايف يزعجك؟

نجلاء ابتسمت والتفتت له : توقعت سحبت علي ،

مشعل : اعقب والله ان سحبت عليكِ ،

نجلاء ضحكت وهمست : و سعود سحبت عليه؟

مشعل : يخسي انام معه عجزت انام بسببك رحت زوج اختي و زوج اختي بالاخير بنفسك نادتيني ،

نجلاء ابتسمت : وش اسوي ما قدرت انام ومبسوطه نروح للقصيم وبعلمهم عن نايف ،

مشعل ضحك وهو ينسدح : لا تنسين الاتفاق ،

نجلاء عقدت حواجبها : اتفاق؟

مشعل : اي اتفاقنا انك تقولين ابو نايف ايش؟

نجلاء ضحكت وهمست : ما اقول هنا اخاف تسحب علي ،

مشعل : وانا ما ارضى هناك اخاف تسحبين علي!

نجلاء ابتسمت : اجل بالطياره؟

مشعل بتفكير : طيب ان ما قلتي ارميكِ من فوق الطياره ،

نجلاء بضحكه : تضحي فيني وفي ولدك !

مشعل : عادي ارمي نفسي وراكم مو مشكله ،

سعود دخل البيت ومشى للمجلس انصدم وهو يشوف مشعل مو فيه وناظر مُخدة مشعل ماكان في وعرف انه سحب عليه وضحك وهمس : يلا عقبالي اهرب كذا عشان زوجتي ، واخذ جواله وهو يرسل له : يالخسيس سحبت علي !

'

ام نجلاء ابتسمت : روحي يا يمه انا واختك نجيكم بكره ،

ملاذ ابتسمت وهزت راسها بـ اي وهي تلبس عبايتها ،

امال كانت جالسه تشرب القهوة : يالله انتظريني انشب لك،

ام نجلاء : انتبهي على نفسك يا يمه ،

ملاذ هزت راسها بـ اي وناظرت لابوها الي دخل وهمس : يلا،

ملاذ مشت معه وطلعت وهي تشوف صقر واقف عند الباب،

فهد ابتسم : يلا استودعتكم الله يا يبه ،

ملاذ طلعت وصقر مسك يدها : يلا عمي مع سلامه ،

فهد قفل الباب وهمس : لطيفهه تعالي ،

صقر دخل المصعد وملاذ معه وهمس بهدوء : زعلانه مني؟

ملاذ رفعت نظرها له وهزت راسها بالنفي ،

صقر عقد حواجبه : صادقه ما زعلتي مني؟

ملاذ رجعت هزت راسها بالنفي وهي ماسكه يده ،

صقر استغرب وهمس : يلا الحمدلله ،

'

يوسف : يبه شف انت تعرفني عيالي اهم شي عندي و رضاهم اهم من رضاي طول عمري ما سويت شي ما هُم راضين عليه!

الجد سُليمان رفع نظره : اختصر وش ناوي تقول؟

يوسف : عبدالرحمن مو راضي على هالزواج مقدر اجبره وحياته وهو حر فيه انا من رايي الافضل ما نجبرهم ،

الجد سُليمان : اذا هذا كلامك يا يوسف ف ليه ايامه وافقت!

يوسف : كنت متوقع يوافق بس بعد كل الي صار بسبب اسماعيل عيالي يكرهونه ما ودهم ببناته ،

الجد سُليمان هز راسه : روح انت وولدك سودتو وجهي بما فيه الكفايه انا بنفسي اتصرف ، وقام وقف على عكازته ومشى ،

يوسف استغرب من كلامه وسكت وجلس يفكر ،

'

صقر كان يسوق وهو ماسك يد ملاذ : ما اشتقتي لي؟

ملاذ ابتسمت وهزت راسها بالنفي وضحكت ،

صقر : اهخخ منك يا ملاذ لهدرجه ما حسيتي بغيابي ولا اشتقتي! وانا الي بغيت اموت بغيابك! توقعتك زعلتي !

ملاذ ابتسمت وحطت راسها على كتفه وهي مبتسمه ،

صقر مد يده وهو يمد يدها لقلبه : حسي فيهه ولو شوي ،

'

= صباح يوم جديد على الابطال =

'

ام صقر طلعت من الغرفه وهي تشوف الخاله مُزنه تبخر البيت وهمست : شوفي فستاني حلو ولا اغيره؟

خاله مُزنه ناظرت : لا حلو لا تغيرينها هم متى بيوصلون؟

ام صقر : بعد شوي كذ..سكتت وهي تشوف ملاذ طلعت من غرفتها انصدمت وناظرت : انتي متى رجعتي؟

مارلين كانت واقفه وهمست : امس في ليل في رجع هي ،

ام صقر مشت وهي تسلم عليها وتحضنها : اشتقت لك والله،

خاله مُزنه ابتسمت ومشت لملاذ تسلم عليها ،

'

امال لبست فستان ابيض خفيف ومشت وهي تعدل تعدل شعرها سوتهم ويفي ومشت اخذت جوالها وهي تشوف عبدالرحمن كان راسل لها " رايح المكتب اكلمك اذا فضيت "

ابتسمت وحطت جوالها بالشنطه ومشت طلعت وناظرت لامها كانت لابسه جلابيه لونها اخضر : وش هالزين ي يمه ،

ام نجلاء ابتسمت : يلا البسي عبايتك ابوكِ تحت ينتظرنا ،

امال ضحكت ومشت وهي تلبس عبايتها ،

و توجهوا ركبوا السياره بعد دقايق وصلوا لبيت يوسف ،

ونزلوا ، عمر كان واقف مع عمير عند الباب ناظر فيهم وصد مشى وهو يسلم على فهد ، ام نجلاء و امال دخلوا ،

ام صقر ابتسمت وهمست : ياهلا ياهلا نورتوا ،

دخلوا وهم يسلمون وجلسوا ملاذ جلست جنب امال ،

خاله مُزنه ابتسمت وهي تصب لهم القهوة : والله نورتونا ،

'

سعود ناظر لمشعل الي كان يسوق متوجهين للمطار ،

مشعل : يلا انقلع و انتظرنا نجيك الاسبوع الجاي ،

سعود : والله لو مشينا الحين مره وحده و افتكينا ،

مشعل : عاد هذا ابوك مو راضي يقول تعب من السفر ،

سعود : يلا زين اروح قبلكم و اكسب قلب عمي فهد ،

مشعل بضحكه : ليته يرفضك ولا يعطيك بنته ،

سعود انصدم وناظر : استغفر بسرعه يالكلب ضيعت عمري وانا انتظرها وتقول يرفضني! والله لا انتحر ،

مشعل بضحكه : خلاص ياهوه نمزح ،

'

امال طلعت مع ملاذ لحديقة البيت ابتسمت اول ما لمحت شيهان الي كان على الوكر والبرقع على وجهه ضحكت ومشت له وهمست : ياربي اشتقتتت ، واخذت الدس وهي تلبسهم،

ملاذ ضحكت وبعدت بخوف وهي تناظر ،

امال ناظرت لشيهان الي على يدها وابتسمت تشوفه وتذكرت صورة عبدالرحمن لما كان ماسكه بهالطريقه والتفتت لملاذ وهمست : صوريني ملاذ بس من الجنب بدون وجهي ،

ملاذ كانت ماسكه جوال امال  وهزت راسها تصورها ،

فهد اخذ جواله وهو يشوف رقم سعود و رد : هلا ياولدي ،

سعود ابتسم : اهلين عمي في الطياره جايك ،

فهد : ياهلا ياهلا حياك الله وانا بالطريق رايح اخذ شاليه نجلس فيه كلنا قبل يطردونا من الفندق ،

سعود بضحكه : والله مالومهم لو يطردونا من كثرنا ،

فهد : يلا لا تتاخر كلمني اذا وصلت اجيك استقبلك ،

سعود ابتسم : ان شاء الله عمي ابشر ،

'

امال كانت جالسه تشوف الصور ابتسمت وحطت الصوره عرض بالواتس وحطت جوالها وقعدت تشرب من القهوة ،

ملاذ كانت جالسه جنبها ناظرت لشنطة امال اخذتها وهي تطلع المناكير ابتسمت وقعدت تحط على اظافرها ،

امال التفتت لها : ياعيني الي تحط مناكير ،

ملاذ ناظرت فيها وضحكت وكملت تحط قاطعتها مارلين الي ركضت لها : ملاظ ملاظ بابا سقر في نادي انتي ،

ملاذ ضحكت من نطقها وهي تقوم والتفتت لامال الي كانت ميته ضحك من نطق مارلين لاسم ملاذ ،

ملاذ مشت دخلت الغرفه ناظرت فيه كان منسدح ،

صقر رفع نظره لها : وين رحتي صحيت مالقيتك؟

ملاذ ناظرت فيه ومشت وهي تسحب القلم وتكتب بالورقه ،

صقر جلس واخذ الورقه منها وهو يقرا : تمام طلعي لي ملابس وشوفي في ثوب بالدولاب ولا كلمي مارلين تكوي بسرعه ،

ملاذ هزت راسها بـ اي وقامت بتمشي لكن صقر قام ومسكها من يدها ملاذ فزت اول ما حست مناكيرها خربت ،

صقر سحب يده بسرعه من لصق المناكير بيده : وش ذ..ماكمل كلامه وناظر لاظافرها : لا اله الا الله ،

ملاذ ناظرت فيه بخوف من انه يعصب ويصارخ لكن سكتت وهي تشوفه صد وتوجه يغسل يده ، وناظرت ليدينها بقهر وهي تشوف المناكير خربت ومشت سحبت المنديل تمسح بقوه وهي مقهوره ، صقر طلع وهو ينشف يدينه عقد حواجبه وهو يشوفها كيف تمسح يدها ومشى لها : ملاذ شفيكِ؟

ملاذ هزت راسها بالنفي وكملت تمسح مسك يدها صقر وهو يناظر فيها : لا يكون زعلتي عشان خربت مناكيرك؟

ملاذ رفعت نظرها وسكتت بهدوء والواضح انها زعلت ،

صقر ابتسم وقرب مسك يدها : خليني امسح وانا احط لك، وين المناكير؟ ملاذ هزت راسها بالنفي وكملت تمسح ،

صقر مسكها : خلاص يا ابوي انتي وش هالزعل! والله انا احط لك روحي جيبي المناكير وينه انتي ماعندك مناكير ،

ملاذ سكتت وهي تطالع فيه ،

صقر ضحك وهمس : روحي جيبي و اوعدك الليلة اخذك تاخذين كل الوان المناكير الي تعجبك ،

ملاذ ابتسمت بخفه ومشت تجيب المناكير ومزيل المناكير ،

'

عبدالرحمن كان جالس بالمكتب مع ابوه ومد له الملف : خلصت شغلي يبه يلا بمشي انا ،

يوسف : تمام ولا تنسى تراضي امك ،

عبدالرحمن ابتسم : ان شاء الله حاضر ،

ومشى طلع توجه ركب سيارته شبك الشاحن بجواله ودخل يتصل عليها ابتسم وهو يربط الحزام ،

امال كانت تناظر لملاذ الي اخذت المناكير ومشت ،

التفتت اول ما رن جوالها فزت وهي تشوف رقم عبدالرحمن وناظرت لـ ام صقر بتوتر وقفلت الخط بسرعه ،

عبدالرحمن عقد حواجبه وترك الجوال وكمل يسوق ،

امال دخلت الواتس وكتبت له : مووو وقتككك تتصل ،

عبدالرحمن اخذ جواله وهو يقرا : ليه شصاير ؟

امال : انا عندكم في بيتكم وخفت احد يشوف رقمك ،

عبدالرحمن بصدمه : انتم عندنا في بيتنا؟

امال : اي لا يكون توك تدري؟

عبدالرحمن : اي والله توي ادري وليه خفتي احد يشوف رقمك ؟ اكتبي حبيبي و ريحي راسك ،

امال ضحكت وهي تقرا : ناوي تورطني؟

عبدالرحمن : انا حاط اسمك قلبي دليل ماني خواف زيك ،

امال عقدت حواجبها : يعني تشوفني خايفه؟

عبدالرحمن : اي خوافه لو انك مو خوافه اكتبي حبيبي ،

امال ضحكت وطلعت تغير اسمه وكتبت " قمراي "

وصورت الشاشه و رسلت له : باقي تشوفني خايفه؟

عبدالرحمن لا شعوريًا ابتسم وهو يقرا : احبك طيب ،

امال توترت وتركت جوالها وهي تضحك وتشرب من القهوة،

'

فهد بعد ما استاجر الشاليه طلع واخذ جواله وهو يشوف سعود راسل انه مابقى شي و يوصل لمطار جده ،

ابتسم ومشى ركب سيارته وحرك متوجه لمطار جده ،

" نسرع الاحداث بعد ما وصل سعود واستقبله فهد "

كانوا جالسين بالسياره فهد وقف سيارته اخذ قهوه له ولسعود وهمس :والله و ابوك سحب علي ،

سعود بضحكه : اي يقول تعبان من السفر ،

فهد : يلا ان شاء الله يجون على خير وانا ناوي اكلمك بخصوص بنتي آمال ،

سعود عقد حواجبه : اي تفضل تكلم اسمعك ي عمي ،

فهد : باقي ما كلمتها عنك قلت تخلص الجامعه والدراسه وقته نفتح الموضوع ونتكلم و اشاورك انت شرايك؟

سعود بهدوء : والله براحتك ياعمي رايي من رايك الي ودك ،

'

ام نجلاء التفتت لامال : ابوكِ بيجي الحين وقال معه ضيف ويجي ياخذنا وهو معه الله اعلم من ،

امال باستغراب : ومن هالضيف الي يكون معه ويجي ياخذنا وبنفس السياره يعني؟

ام نجلاء : والله مدري قومي البسي قال انه بالطريق ، أمال استغربت ومشت تلبس ،

ام صقر : تو الناس كان جلستوا شوي بعد ،

ام نجلاء : والله جلسنا كثير وجينا عشانك طلبتي ماحبيت ارفض ،

ام صقر : زين جيتوا والله انبسطت معاكم ،

'

صقر كان جالس على السرير وملاذ جالسه جنبه ،

صقر كان يحط لها المناكير بتركيز وخايف يخرب يدها ،

ملاذ كانت متوتره وهي تشوفه كيف مركز معها ويحط ،

صقر ابتسم : يا بنت اهجدي لا تتحركين كثير ،

ملاذ ضحكت وهي تثبت يدها ، صقر التفت لجواله اول ما رن و اخذه و رد : هلا سلطان؟

سلطان : انا رايح عندي شغلي بالله كلم امي لانها ماترد ،

صقر . تمام بس لا تتاخر قبل ٣ تكون في البيت ،

سلطان : ان شاء الله ، وقفل منه وتوجه للمستشفى ،

'

فهد وقف سيارته وناظر لسعود الي كان بينزل يركب ورا وهمس  : خلك ياولدي خلك عمتك تركب ورا ،

سعود سكت و ابتسم والتفت وهو يشوف امال طالعه و ام نجلاء سكت وهو يشوف عيونها وتذكر لما كانت صغيره وعيونها السود ابتسم وهو يصد نظره ،

امال مشت ركبت ورا و ام نجلاء معها وناظرت وابتسمت وهي تشوف سعود : ياهلا ياولدي نورت القصيم ،

امال انصدمت وهي تشوف سعود كانت جالسه ورا وتناظره ،

سعود ابتسم وهمس ببحه : القصيم منور باهله والله ،

امال كانت جالسه تناظر فيه وكيف تغير مرره وسكتت وهي تتذكر صورتهم لما كانوا صغار " سعود كان واقف وعلى راسه العمامه ولابس جاكيت وماسك يدها ومشعل وراهم يناظر فيهم ضحكت وهي تتذكر هالصورة وناظرت فيه وصدت ،

فهد بهمس : نوقف عند الفندق انزلوا يا يبه جيبوا الاغراض بنمشي للشاليه استاجرت يكفينا كلنا ،

امال نزلت و ام نجلاء نزلت معها و دخلوا الفندق ،

سعود : اروح اساعدهم و انزل الاغراض ، ونزل وتوجه معاهم و ركب المصعد وناظر لامال الي كانت تناظره لكن صدت مم انتبهت انه ناظر فيها وتوترت خافت يفهم نظراتها غلط ،

ام نجلاء نزلت وتوجهت للجناح امال كانت بتلحقها لكن وقفها صوت سعود الي همس : امال ،

التفتت له من صوته وكيف نطق اسمها وهمست : هلا؟

سعود مد يده لجيبه وهو يطلع بسكوت شاي " ومد لها وهمس : تفضلي هالمره من راتبي مو من مصروفي ،

امال ضحكت وهي تناظر وتتذكر لما كانت صغيره تحب هالبسكوت مره وتغمسه بشاهي وتاكله وكان دايم يجيبه لها من مصروفه وهمست : للحين ما نسيت؟

سعود ضحك من ضحكتها : مانسيت والله و اخذته من المدينة قلت اجي القصيم اعطيكِ.

امال اخذته منه وهمست : شكرًا ،

سعود ابتسم وهمس : بالعافيه ،

امال حطته بالشنطه وتوجهت للجناح وهي مبتسمه وانه كيف متذكر كل التفاصيل رن جوالها وحطت البسكوت واخذت جوالها وهي تضحك و ردت : هلا ؟

عبدالرحمن عقد حواجبه من صوتها : ضحكيني معك؟ اشوف على ايش تضحكين ،

امال ابتسمت : اضحك على سعود يخي احبه ،

عبدالرحمن بصدمه : ما سمعتك عيدي كلامك!

امال استوعبت وهمست :  اقصد مو حب حب زي اخوي هو ،

عبدالرحمن بهدوء : زي اخوكِ مو اخوكِ صح! و ايش الطاري فجاه ووينك انتي مو ببيتنا؟

امال : لا رجعنا عشان سعود جاء وبابا استقبله و رجعنا معه،

عبدالرحمن : اوه حلو وليه كنتي تضحكين على ايش؟

امال بصدمه : بسم الله شفيك بس كذا كنت اضحك على سعود وانه للحين ما نسى الاشياء الي احبه ،

عبدالرحمن عقد حواجبه : وهو ايش عرفه ايش تحبين؟

امال : عبدالرحمن ترا سعود زي اخوي من وحنا صغار مع بعض فـ طبيعي يكون يعرف ،

عبدالرحمن : شوفي هو مو اخوكِ ولا بيصير اخوكِ خليكِ بعيده عنه ولا اشوف لك نقاش معه او حتى طاري اسمه اسمعه منك الماضي خليه في الماضي الحين هو مو بزر ،

امال انصدمت وهمست : عبدالرحمن وش هالتفكير!

عبدالرحمن بحده : قبل تحاسبيني على تفكيري فكري انك بتصيرين زوجتي وانا ارضى تضحكين مع واحد وتقولين اعتبره اخوي! الحين اروح انا اكلم البنات بالشوارع اقول اعتبرهم اخوي بترضين وتسكتين؟

امال انصدمت وسكتت وهي تسمعه وكيف كبر الموضوع على شي بسيط و لهدرجه تفكيره كذا وهمست : تمام ،

عبدالرحمن قفل الخط بوجهها وترك الجوال ونزل من سيارته وتوجه دخل المحل ، امال انصدمت وحطت جوالها بالشنطه وهي مقهوره من تصرفاته وطريقة كلامه ومشت تجهز اغراضها ، 

عبدالرحمن دخل محل الورد ياخذ بوكية ورد لامه ،

'

عمر كان جالس مع عمير يسولف وهمس : بقى قليل و اروح،

عمير ناظر فيه : والله راح افقدك يا عمر ،

عمر ضحك وناظر فيه : اجل خلنا نمشي نلعب نحلل هالايام،

عمير ضحك وهو يقوم وهمس : بجيب الكوره من السياره ومشى ، عمر رفع راسه وناظر لشباك غرفة غلا ابتسم وهو يشوف الشباك مفتوح واخذ جواله و رسل لها : البدر اليوم ما طل؟ طلي علينا و اروي شوقي !

غلا كانت جالسه تذاكر اخذت جوالها وهي تشوف رسالته ضحكت وفهمت مقصده ومشت للشباك وهي تدوره لكن لمحته كان واقف عند بيت عمير ويناظر للشباك ،

عمر ابتسم من لمحها من بعيد و ابتسم بخفه ،

'

نجلاء كانت بغرفتها تحط الاغراض كله بالشنطه والتفتت وهي تشوف مشعل داخل وهمس : لا تنسين اغراضي ،

نجلاء : ياربي يا مشعل شنطتي صارت كله ثوبك ،

مشعل : تحملي بكره بتلقين ثوب نايف بعد ،

نجلاء ضحكت والتفتت له : ويمكن فساتين الجوهره؟

مشعل : ويمكن الاثنين الله يعينك عاد ،

نجلاء : اقول ما علمتني متى بنروح متحمسه ،

مشعل : والله ابوي وعمي للحين يفرفرون بالمدينة لين يطفشون ونمشي ،

نجلاء : امال حيوانه ما اتصلت وسعود راح لها ،

مشعل : يلا انا رايح للمجلس ان بغيتي شي اتصلي ،

'

عبدالرحمن وقف سيارته ونزل وقفل الباب وتوجه دخل البيت وابتسم وهو يشوف امه جالسه ومشى وهو يبوس جبينها وابتسم و مد لها الورد : اسف يا يمه ،

ام صقر صدت : ماني بحاجة ورد منكم ،

عبدالرحمن جلس وناظر لخاله مُزنه : خالتي قولي لها اذا جلست كذا زعلانه راح اتركها و امشي صدق ،

ام صقر بهدوء : مُزنه قولي له يروح ماعاد يهمني ،

عبدالرحمن : تمام يلا اجل وصارخ : مارلين جهزي اغراضي،

ام صقر انصدمت والتفتت له : يعني عادي تتركني!

عبدالرحمن ناظر فيها : والله انتي طلبتي تبين ارفض؟

ام صقر ناظرته وضربته على كتفه : كنت امزح ،

عبدالرحمن بضحكه : حتى انا كنت امزح تخيلي اتركك بس!

خاله مُزنه : منيره ما تحسين ولدك وراه شي ؟

ام صقر ناظرت لعبدالرحمن : اشك والله ،

عبدالرحمن ضحك وهو يطالع فيهم : تشكون فيني!

خاله مُزنه : حركاتكم هالايام ما شاء الله  ،

عبدالرحمن ضحك وهو يقوم : اروح انام تعبان ،

ام صقر ابتسمت والورد بحضنها : نوم العافيه ،

'

امال كانت جالسه على السرير وتفكر بكلامه وكيف فكر كذا هي تعتبر سعود زي اخوها لا اكثر ومشت من سمعت امها تناديها طلعت وهمست : هلا يمه ،

ام نجلاء : اذا خلصتي من اغراضك تعالي سوي القهوة  ،

امال همست : تمام جايه ومشت دخلت تسوي القهوة وشاهي لنفسها واخذت نفس وهي تحس بصداع ،

'

مشعل بضحكه : هاه وصلت مبروك ،

سعود ابتسم : اي وصلت بس ناقصني انت تعال ،

مشعل : متاكد ناقصك انا ولا وسكت وهو يضحك ،

سعود : اي والله مو ناقصني انت انتظركم تجون نتكلم بالموضوع ،

مشعل : ماعليك جاين جا..قاطعه سعود : بقفل عمي جاء،

مشعل ضحك وهو يشوفه قفل الخط بوجهه ،

'

جنان و ريما ونجلاء كانوا يجهزون اغراضهم بيمشون للقصيم،

ام سعود : ان شاء الله هالمره الموضوع اكيد ،

جنان : يارب عاد متحمسه تصير زوجة اخوي ،

ريما : الله يعين خالتي لطيفه اخذنا كل بناتها ،

ام سعود : الا صح كيفهم اهل زوج ملاذ؟

نجلاء ابتسمت : يهبلون والله حلوين ،

جنان : اتوقع ماعندهم بنات صح؟

نجلاء : اي عندها بس اربع عيال ،

جنان : ياحياتي ي ملاذ لوحدها ،

نجلاء : لا امهم كيوت تحب ملاذ ،

ام سعود : ما شاء الله حلو كذا ،

ام مشعل : والحين دوركم تاخذون عروستكم ،

'

امال اخذت كوب الشاهي و توجهت لغرفتها مشت اخذت جوالها وهي ترسل لنجلاء : اشتقت لك ي حيوانه ،

نجلاء كانت مشغوله مع البنات وبعيده عن الجوال ،

امال تنهدت وهي تشوف انها ماترد و دخلت لواتس عبدالرحمن وهي تشوفه مو متصل ترددت تتصل عليه وتركت جوالها ومشت للشباك فتحت الشباك وهي تشوف مسبح الشاليه كان ما يبين شي من الشباك غير المكان الخارجي للشاليه ابتسمت واخذت كوب الشاهي وتوجهت طلعت وقفت وهي تشم هواء واخذت جوالها ترسل لملاذ لكن ما ردت تنهدت بضيق وجلست تتامل الاجواء والقمر الي عاكس ضوءه على المسبح اخذت جوالها وهي تصور تحتفظ للذكريات و رجعت دخلت لرقم عبدالرحمن وهي تشوف مكتوب على رقمه " قمراي " ابتسمت بـ تردد واتصلت،

عبدالرحمن كان بغرفته نايم تحرك بانزعاج اول ما سمع صوت جواله اخذه وهو يشوف الاسم " قلبي " عقد حواجبه و رد باستغراب : هلا قلبي ،

امال استغربت من صوته وهمست : لا يكون نايم و ازعجتك ؟

عبدالرحمن : لو اني ميت بقبري رديت عليكِ قولي اشتقتي شكلك ؟

امال بتوتر : لا ما اشتقت بس كذا اتصلت اتطمن ،

عبدالرحمن : اوه تمام يلا اقفل اذا اشتقتي اتصلي،

قاطعته امال وهمست : عبدالرحمن بسالك ،

عبدالرحمن : عيوني اسالي ،

امال : ليه انزعجت من طاري سعود وليه طولت الموضوع؟

عبدالرحمن سكت لثواني ونطق : زعلتك؟

امال بهدوء : لا بس صدمتني ما توقعت تعصب كذا ،

عبدالرحمن : كلامي كان واضح يا امال هو مو اخوكِ حتى لو انتي تعتبرينه ما تدرين هو وش يشوفك بكره لا اشوفه في مجلس ابوكِ يخطبك وقته تقولين تعتبرينه اخوكِ!

امال بصدمه : عبدالرحمن وش هالتفكير سعود مو كذا!

عبدالرحمن : يعني تدافعين عنه بعد ! شوفي كلامي لك من الاخر يحرم عليكِ اي رجال بالدنيا غيري مايهمني سعود ولا غيره كلامي لك انتي لا اشوفك تتكلمين عنه عندي او حتى عند احد غيري قلتلك ماضي و ذكرياتكم انسيه و احرقيه و احرقي سعود معاهم ولا تكررين عندي طاريه مره ثانيه مفهوم!

امال سكتت وهمست : تمام انا الغلطانه الي اتصلت عليك وقفلت الخط بوجهه بقهر من تفكيره وطريقة كلامه ،

عبدالرحمن انصدم من حركاتها وترك جواله وهو يقوم ،

'

سلطان دخل المستشفى وتوجه دخل للغرفه الي فيه عساف وقف باستغراب وهو يشوف فيه ناس ثاني مو عساف ولا سلاف انصدم وناظر للممرضه : لو سمحتي عساف الي كان بهالغرفه رقم ٣٦ وين؟

الممرضه : معرف الافضل تروح تسال منه عن دكتوره ،

سلطان هز راسه وتوجه يسال عن عساف ،

'

ملاذ ابتسمت وهي واقفه عند المكيف و رفعه يدها تنشف مناكيرها والتفتت لصقر الي دخل الغرفه وهو ينشف شعره وناظر فيها : يابنت الحلال لك ساعه تنشفين مناكيرك ،

ملاذ ابتسمت وناظرت فيه ، صقر توجه وهو يلبس ثوبه وهمس : من بكره راح ابدا دوامي وتجلسين لوحدك قومي نطلع نتمشى شوي ونفرفر بالسياره ،

ملاذ هزت راسها بالنفي بمعنى ماتبي تطلع ،

صقر عقد حواجبه : وليه ماتبين تطلعين ؟

ملاذ رفعت كتوفها ، صقر سكت وهمس : بكيفك اجل ،

فجاه اندق الباب صقر استغرب ومشى فتح الباب ،

مارلين : ماما كبير نادي ماما ملاظ ،

صقر ضحك والتفت لملاذ وهو يقلد مارلين : ي ملاظ روحي،

ملاط ضحكت من نطقه وضحكته ومشت لكن مسكها صقر من يدها والتفت لمارلين : في احد من اخواني بالبيت؟

مارلين : لا بس دحوم هو في نوم مافي بالصاله ،

صقر سكت وهمس : تفضلي روحي ، ملاذ ابتسمت ومشت طلعت وناظرت لـ ام صقر وخاله مُزنه جالسين يتابعون المسلسل ويسولفون ومشت جلست معاهم وهي مبتسمه،

ام صقر : زين جيتي قلت يمكن طفشانه لوحدك تعالي تقهوي معانا وتابعي مسلسل وغيري جو ،

'

الدكتور ناظر وهمس : اي موجود بس الام طلبت تنقله لغرفه ثانيه وطلبت ما نعطي خبر لاحد لكن مايمدي نخبي عنك الولد على مسؤؤليتك ، سلطان انصدم وسكت : مشكور ،

وتوجه يدور الغرفه وناظر لرقم الغرفه و دخل وهو يشوف سُلاف نايمه على السرير وعساف يلعب على السرير ،

سكت وهو يطالع فيها وعساف الي ضحك اول ما شافه ،

سلطان مشى وهو يجلس على الكرسي ،

'

نجلاء كانت جالسه وهي تحس انها مشتهيه بليله واخذت جوالها ترسل لمشعل : مشعللل وينك ؟

مشعل كان جالس بالمجلس مع ابوه و ابو سعود ،

مشعل : هلا ياروحي في المجلس بغيتي شي؟

نجلاء : لا بس بخاطري بليله ودي تاخذني وناكل ؟

مشعل ابتسم وهمس : ابشري كم ام نايف عندي؟ اطلعي لي،

نجلاء ابتسمت وهي تقوم وتوجهت تلبس عبايتها ،

مشعل وقف وناظر : يبه تبي شي من برا رايح لمشوار ،

ابو مشعل : لا يا يبه سلامتك ، مشعل توجه طلع ومشى لسيارته ،  وقف وهو ينتظرها ،

نجلاء لبست عبايتها وناظرت للبنات : بمشي انا ،

ريما : خير وين رايحه؟؟؟

نجلاء بضحكه : ما بعلمك اذا جيت اعلمك بس تبون شي من برا؟

جنان : اي تكفين ابي ايسكريم ،

نجلاء : تمام يلا ومشت طلعت وهي تضحك وتوجهت وقفت وهي تشوف مشعل معطيها ظهره واقف نجلاء مشت من وراه وصارخت تخوفه ،

مشعل فز و التفت وضحك : ي حيوانه ،

نجلاء بضحكه : خوفتك؟

مشعل : اركبي اركبي يلا ،

''

الجد سُليمان طلع وناظر لعمر كان واقف يلعب كوره مع عمير وهمس : عمر تعال ي يبه ابي اكلمك ،

عمر عقد حواجبه وهمس : جايك ي عمر ، وتوجه مشى عند الجد سُليمان وناظر : هلا يبه ؟

الجد سُليمان : تعال الحقني للمجلس اكلمك بموضوع ،

عمر استغرب و لحقه وتوجه دخل معه المجلس ،

الجد سُليمان جلس وناظر فيه عمر جلس جنبه باستغراب ،

الجد سُليمان : قبل تروح للدوره العسكريه ناوين نفرح فيك ،

عمر بصدمه : تفرحون فيني؟

الجد سُليمان : اي نفرح فيك اخوك ما سمع كلامي وكسر كلمتي قلت اكلمك انت وامك بعد راضي بهالفكرة ،

عمر : وش معنى انا؟ ليه مو سلطان!

الجد سُليمان بحده : وششش جااككمم انتممم؟؟؟؟ كل واحد لسانه هالطوللل!!!

'

عبدالرحمن اخذ جواله وهو يشوف انها للحين ما رسلت له شي واخذ جواله وهو يرسل لها : انا من لي من بعدك عينك؟ عسى عمرك معاي يطول ولا يطري على قلبك في يوم يهون مقدارك احبك والعُمر مرة وأحبك والسنين فصول واذا كان العمر يرجع بـ احبك وارجع اختارك ، وقفل جواله ابتسم وطلع لكن انصدم من شاف ملاذ جالسه بالصاله توجه بسرعه و دخل غرفته وصارخ : مارلينننن ،

ملاذ التفتت على صراخه وناظرت لمارلين الي ركضت له ،

'

سُلاف فتحت عيونها وانصدمت وهي تشوف سلطان جالس فزت وجلست وهي تشوفه قدامه ومصدومة ،

سلطان وقف وناظر بحده : وش مفكره ما ارجع القاكِ؟؟؟

سلاف ناظرته بخوف : وش تبغى ؟؟؟

سلطان : وش ابغى! انتي متوقعه بعد كل الي سويتيه فيني اتركك!! لهدرجه متوقعه مني اني بسهوله انهي كل شي! واحد خدعني وطايح على سرير الموت والي سويتيه فيني ان..قاطعته سُلاف وهي تبكي : ءءاناااا ما سويتتت شييي طلقنيي و اتركنييي بحالييي وش تبغى مني!!!

سلطان بحده : قومي بسرعه امشي معي واعلمك وش ابي ،

سلاف ناظرته بخوف وقربت وهي تمسك عساف : ماراح امش..قاطعه سلطان الي مد يده وسحبها بقوه : قومييي!!!

سُلاف ناظرته بصدمه و دفته : ابعددد عنييي ولا اصارخخخ!!!

سلطان بسخريه : صارخي اشوف! يلا صارخي!

سُلاف كانت مصدومه و دموعها تنزل ،

'

مشعل وقف سيارته ونزل يجيب بليله ، نجلاء ابتسمت وفتحت الشباك تناظره تنتظره ، مشعل اخذ وتوجه لعندها ومد لها : تبين بطاطس بعد ولا خلاص يكفي؟

نجلاء ضحكت وهمست : خلاص خذني لسوبر ماركت بعد ،

مشعل تنهد وهمس : والله هالنايف راح يطفرني الظاهر ،

ومشى ركب سيارته وناظر : وش تبين من السوبر ماركت؟

نجلاء : مدري بروح اشوف حتى البنات طلبوا اجيب لهم ،

مشعل بضحكه : اجل بسبب نايف حتى البنات يطفروني ،

'

امال كانت جالسه وناظرت لرسالة عبدالرحمن ابتسمت وتلاشت ابتسامه من تركت اخر مكالمه بينهم وتركت جوالها وهي تناظر لامها : يمه ودي اروح لسوبر ماركت ،

ام نجلاء التفتت لها : كلمي ابوكِ شوفي اذا فاضي ياخذ ،

امال ابتسمت واخذت جوالها تكلمه ،

فهد وسعود كانوا طالعين من المجلس متوجهين للسياره بيمشون عشان يستاجر سياره لسعود بما انه يجلس عندهم،

واخذ جواله اول ما امال اتصلت و رد : هلا ي بنتي ،

امال : يبه اذا فاضي عادي تاخذني لسوبر ماركت؟

فهد ابتسم : تمام انزلي توي كنت طالع انتظرك ،

امال ابتسمت وتوجهت لبست عبايتها واخذت جوالها وشنطتها ونزلت ، سعود كان جالس مع فهد بالسياره ،

امال توجهت تفتح الباب لكن وقفت وهي تشوف سعود سكتت وتوجهت ركبت ورا وسكتت بهدوء ،

فهد : رايحين ناخذ سياره لسعود خليني اخذك بعد ناوي اغير سيارتي اشوف ذوقك ، امال ابتسمت له بهدوء ،

'

عبدالرحمن كان ماسك جواله وناظر انه شافت الرساله ولا ردت سكت وترك جواله وحرك سيارته بياخذ له قهوه ما كمل نومه ومصدع وقف سيارته يشتري له قهوه ،

'

فهد وقف سيارته وناظر : تعال بدال ما تستاجر خذ لك جديد،

سعود ابتسم وفتح الباب ونزل و امال نزلت وناظرت ودخلوا لداخل سعود وقف وهو يناظر للسيارات ،

امال دخلت و ابتسمت وهي تشوف السيارات و الوانهم وهمست : يبه اذا بتاخذ سياره ف خذ لون ازرق ،

سعود سمع كلامها وسكت والتفت لفهد : هاه ياعمي ،

فهد : والله انا ماراح اخذ الحين خذ انت شف ايش يعجبك،

سعود ابتسم وهو يحك راسه ويناظر للسياره الي لونه ازرق وحبته امال وهمس : شرايك فيه ياعمي؟

'

ملاذ كانت جالسه بغرفتها وواقفه عند التسريحه وحست بطفش ومشت وهي تفتح الدولاب وناظرت لملابس صقر و تيشيرته و بلوفراته ابتسمت وهي تاخذ بلوفر له ومشت تلبسه ..

'

'

عمر سكت بهدوء وهمس : يصير خير يبه اذا رجعت ،

الجد سُليمان ناظر فيه : انتظر موافقتك انا وصد عنه ،

عمر تنهد وقام وتوجه طلع من المجلس وقف وهو يشوف صقر داخل وبيده كيس وناظر فيه وصد بيمشي لكن وقفه صوت صقر وهمس : شفيك؟

عمر التفت له وهز راسه بالنفي : مافيني شي ،

صقر عقد حواجبه : شفيك زعلان كذا ؟

عمر ابتسم بخفه : لا مو زعلان بس متضايق شوي ،

صقر : افااا انتظرني جايك الحين لا تنام ،

عمر ناظر فيه : لا يخي روح انت لزوجتك لا تشغل بالي معي،

صقر : ياهوه من متى كبرت عشان تقول كذا! انتظرني جايك ،

عمر ابتسم ووقف ينتظره ، صقر توجه دخل ومشى فتح الباب،

ملاذ كانت لابسه بلوفره و رافعه شعرها وجالسه تسوي اظافرها ابتسمت من شافت صقر ، صقر ابتسم وهو يشوفها و رفع نظره وهو يشوف بلوفره وضحك : بدينا نسرق هاه!

ملاذ ضحكت وهي تطالع فيه صقر توجه وحط الكيس قدامه و انسدح يتكي على السرير وهو يضحك على شكلها وكيف البلوفر كبيره عليها وهمس : اهخخ منك يا ملاذ تعبتيني،

واخذ الكيس وهو يطلع الايفون وحطه قدامها : تفضلي ،

ملاذ عقدت حواجبها وناظرت فيه و..

'

عمر كان بغرفته يجهز نفسه بيمشي للدوره العسكريه بعد دقايق خلص وتوجه طلع ينتظر صقر لكن صادف عبدالرحمن الي دخل وبيده القهوة وهمس : ايش عندك صاحي! ليه ماتنام مو الصباح بتمشي؟

عمر تنهد ونطق : الا بس انتظر صقر ،

عبدالرحمن مشى وهو يجلس على الكنب : شفيه صقر؟

عمر جلس جنبه : قال بيجي يجلس معي ،

عبدالرحمن : خلنا من صقر انت شفيك مو على بعضك؟

عمر بهدوء : يخي جدي يحاول يجبرني اتزوج خلص منك وجاء عندي وماني عارف وش اسوي تعبت ،

عبدالرحمن بصدمه : شفيه جدي فجاه صار يجبرنا!

عمر : مدري وش فيه وليه مُصر على قراره ،

عبدالرحمن : اشك اسماعيل هذا وراه سالفه ،

صقر ضحك وهو يشوف ملاذ اخذت الجوال تشوفه وقام وقف وناظر : انتظريني جايك وتوجه طلع فتح الباب وناظر لـ عمر وعبدالرحمن كانوا جالسين مشى جلس معاهم : اهلين ،

عبدالرحمن : ياهلا تعال نجلس معه قبل يمشي .

صقر التفت يمين يسار : غريب وينه سلطان ما جاء؟

عبدالرحمن : هذا ما ينعرف له ولا اثر فيه كلام ابوي ،

صقر التفت لعمر : ما علمتني ليه كنت متضايق؟

'

سعود بعد ما وافق على السياره الي حبته امال وطلعوا متوجهين للسوبر ماركت فهد وقف سيارته ونزلت امال ،

سعود نزل وراها وفهد جلس بسيارته ينتظرهم ،

امال دخلت والتفتت لسعود الي كان وراه وتذكرت كلام عبدالرحمن ومشت اخذت كتكات بسرعه ماتبي تطول اكثر ،

سعود عقد حواجبه وضحك : جايه عشان كتكات؟

'

امال هزت راسها بـ اي وقرب سعود مد يده لجيبه حاسب ،

امال انصدمت من حركته كانت تبي تحاسب بنفسها لكن فضلت السكوت ومشت متوجه للسياره ولحقها سعود ،

امال ركبت واخذت جوالها وهي تشوف عبدالرحمن للحين ما اتصل تنهدت وتركت جوالها بعد دقايق وصلوا البيت نزلت ومشت دخلت البيت بتعب وتوجهت لغرفتها قفلت الباب ولبست بجامة النوم وشغلت المكيف و انسدحت تنام ،

'

صقر بصدمه : شفيه جدي ليه يجبر كل واحد فيكم!

عمر : مدري يخي والله اني ماراح اترك غلا ،

عبدالرحمن : هالله هالله غلا وحركات هاه ،

صقر ضحك وهمس : اوووه غلا اجل ،

عمر عطاه نظره : خلني ساكت يا زوج ملاذ ،

صقر بصدمه : اقوللل لا تخلينييي اجلدك ،

عمر ضحك وهو يقوم : اروح انام الصباح ماشي ، ومشى ،

عبدالرحمن ناظر لصقر وضحك : نسى سارونه ،

صقر فز بخوف من انه يسمع عمر وناظر وراه كان مو موجود وضحك وهمس : الله يعين هالغلا عليه .

عبدالرحمن : خلنا منه ابي اعرف ليه جدي يسوي هالحركات!

صقر : والله مدري عنه ولا ابي اوجع راسي و افكر اكثر ،

عبدالرحمن سكت وناظر فيه : الله يعين تعبت انا ،

صقر ابتسم وهو يقوم : انا رايح انام اذا صحيت نتفاهم ،

عبدالرحمن سكت وهو يشوف صقر متوجه لغرفته ، اخذ الجوال وناظر انها امال ما اتصلت وترك جوالها وتوجه لغرفته ينام ،

'

جنان و ريما و نجلاء كانوا سهرانين يسولفون وياكلون من الخرابيط والحلويات قاطعتهم نجلاء : طفرتوا زوجي ،

ريما بضحكه : خليه يتحمل نتوحم معك ،

جنان : يوووه اشتهيت ورق عنب شكلي اتوحم صدق ،

نجلاء ناظرتهم وهي تقوم : قوموا قوموا ننام بكره نمشي ،

جنان : يحمس عرس امال وسعود و نرقص ،

نجلاء : وعاد باقي ما علمت اهلي بحملي ،

ريما : متحمسه لردة فعلهم اكثر منك ،

نجلاء ضحكت ومشت وهي ترسل لمشعل يجي ينام معها .

مشعل كان بغرفته ينتظرها ، نجلاء كانت متوقعه انه بالمجلس، مشعل شاف رسالتها ومشى يتخبى ورا الستاره ،

نجلاء فتحت الباب و دخلت ومشت حطت جوالها وهي تنتظر مشعل يجي ومشت جلست على السرير تنتظره ،

مشعل كتم ضحكته وهو يراقبه من ورا الستاره ، وناظر فيها كانت جالسه واخذت الكريم تحط ليدينها ترطب ،

مشعل فسخ ساعته و رماه على الارض ، نجلاء فزت بخوف وقامت وقفت وهي تلتفت يمين يسار ،

مشعل ما قدر يكتم ضحكته طلع من ورا الستاره وهو يضحك على شكلها ويناظر فيها ، نجلاء انصدمت وناظرت : مشعلللل خيررر ،

مشعل ضحك وهو ياخذ ساعته : تستاهلين ،

نجلاء بقهر : ياربي خوفتني ،

مشعل مشى وهو ينسدح : تعلمت منك هالحركات تعالي ي خوافه ننام ورانا سفره ،

'

صقر دخل غرفته وقفل الباب وهو يشوف ملاذ جالسه تشوف جوالها مشى وهو يفسخ ثوبه ويرميه اتجاه الكنب وتوجه انسدح وناظر فيها : هاه عجبك ؟

ملاذ ابتسمت وهزت راسها بـ اي وتركت الجوال وناظرت فيه،

صقر ابتسم ومد يده يمسك يدها : احبك ،

ملاذ ابتسمت و انسدحت جنبه وهي تناظر فيه ،

صقر ضحك وهمس  : بالله ملاذ حكي لي ظهري عشان انام ،

ملاذ ابتسمت وهي تشوفه صقر جلس وهو يفسخ الفنيله و رماه على الارض و انسدح : عاد احب هالحركه ماكان في احد يسويه لي ، ملاذ ابتسمت بخفه ومدت يدها ،

صقر فز من برود يدها وناظر : وشو بيدينك ثلج ولا ايش!

ملاذ هزت راسها بالنفي ومدت يدينها ،

صقر جلس وناظر : يابنت الناس ليه يدينك بارده كذا! تجمدتي شكلك ومسك يدينها وقربهم من فمه وهو ينفث انفاسه الحاره على يدينها لعلها تدفي ،

'

نجلاء كانت منسدحه وهمست : متحمسه مقدر انام ،

مشعل ما سمعه كان مغمض عيونه ونايم بنوم عميق ،

نجلاء التفتت له وانصدمت انه نام بسرعه لكن سكتت وهي تشوفه و تتامله وتتامل شكله ابتسمت بحُب ولحفته وانسدحت تتلحف وتنام كانت تناظر فيه لين نامت ،

'

= صباح يوم جديد على الابطال =

'

ببيت الجد سُليمان الكل كانوا صاحين يودعون عمر ،

ام صقر تجمعت الدموع بعيونها وهي حاضنته ،

عبدالرحمن كان واقف يناظر لعمر الي مشى يحضنه وابتسم وهمس : راح افقدك والله ،

عمر ضحك بخفه وكمل يودع الكل والود وده مايروح ، ويفكر بـ غلا الي ما ودعها للحين بعد ما خلص منهم طلع وقف عند السياره اخذ جواله يتصل على غلا لكن ما ردت وكتب لها ،

" غلا حبيبي وعمري انتي وكل حياتي هالشهر ما يمديني اكلمك ولا اقدر اتواصل معك ب اي شكل لاني مسافر للخارج عشان شغل ضروري مع اخوي وما اتوقع راح افضى بس تذكري انك بقلبي ومستحيل انساكِ انتي بس انتبهي على نفسك ولا تزعلين ولا تبكين وباذن الله اول ما ارجع راح اخطبك وقفل جواله ، والتفت لصقر الي طلع له ،

'

مشعل ونجلاء والبنات و ام مشعل و ام سعود و ابو سعود و ابو مشعل كلهم كانوا جالسين في المطار متوجهين للقصيم ،

نجلاء كانت جالسه جنب مشعل واخذت جوالها صورت و رسلت لامال : انتظريني وعندي لكم مفاجاة حلوه ، ابتسمت وقفلت جوالها ،

غلا صحت من نومها وابتسمت وهي تشوف بيلا على السرير يسارها ابتسمت وتذكرت عمر اخذت جوالها استغربت وهي تشوف الاشعار دخلت بسرعه تقرا انصدمت من كل كلامه وكيف ماعاد يكلمه! و شهر كامل!! علطول ضغطت على رقمه تتصل لكن جواله مقفل لا شعوريًا نزلت دموعها بخوف و رجعت تتصل وترسل له في الواتس يرد لكن للاسف عمر قفل جواله ، انصدمت ودموعها تنزل كيف عمر يسوي كذا! يودعها برساله وحده ولا فهمها شي ولا كلمها حتى!

'

امال كانت بغرفتها تتمكيج وتتجهز بيوصلون نجلاء والبنات ،

ابعد دقايق خلصت والتفتت لجوالها على اتصال عبدالرحمن اخذته و ردت بهدوء : هلا؟

عبدالرحمن : وش الي هلا شفيكِ زعلتي مني؟؟

امال : ما زعلت بس ماحبيت لا اسلوبك ولا ردك ،

عبدالرحمن عقد حواجبه : ما اشوف اني قلت شي غلط!

امال تنهدت : طيب خلاص لا ترجع تفتح نفس الموضوع ،

عبدالرحمن سكت وهمس : تمام بكيفك ،

امال : بابا كلمكم؟

عبدالرحمن باستغراب : لا ايش يكلمنا ؟

امال : بيجون مشعل و اهل سكتت لثواني وهي ما ودها تقول اهل سعود وهمست : وصاحب بابا عشان كذا ناوي يسوي عزيمه في شاليه قال بيعلمكم تجون بعد؟

عبدالرحمن هز راسه بالنفي : لا والله مدري يمكن كلم جدي ،

امال سمعت الصراخ وفزت : اكلمك بعدين تمام؟

عبدالرحمن ابتسم : تمام وانا بقوم اتجهز للدوام ،

امال قفلت منه و ركضت طلعت لبرا انصدمت وهي تشوف نجلاء و جنان و ريما و ام سعود و ام مشعل ، ام نجلاء كانت تحضنهم وتسلم عليهم ، امال ركضت لنجلاء وهي تحضنها ،

نجلاء ابتسمت : اشتقتتت لك ي حيواننهه ،

جنان ناظرتها ومشت تسلم عليها وجلسوا يحضنون بعض،

نجلاء ما فسخت عبايتها عشان ما يشوفون كبر بطنها او يشكون مشت جلست وهي مبتسمه و مبسوطه وتحس بتوتر لما تعلمهم وتشوف ردة فعلهم ،

'

ابو محسن وقف سيارته ونزل ومن تزوج ما يجي للبيت الا قليل ومشى توجه فتح الباب و دخل وهو يشوف محسن جالس وناظر فيه : اتصلت عليك ليه ما رديت؟

محسن اخذ جواله وناظر : والله مافيه شاحن ،

ابو محسن جلس وهمس : وينها غلاوي و كلمتها بالموضوع؟

محسن تنهد : من جيت وهي نايم بغرفتها ،

ابو محسن : انزين انا اروح اكلمها وقام توجه لغرفة غلا و دق الباب ، غلا كانت عند الشباك تناظر لبيت عُمر ودموعها بعيونها وتفكر فيه وماسكه جوالها تتصل عليه ، فزت من سمعت صوت ابوها ومدت يدها مسحت دموعها وصدت،

ابو محسن ابتسم وهو يعرف انها زعلانه ومشى لعندها وناظر فيها : افا زعلانه مني؟ ، غلا ما ردت وكانت ساكته ،

ابو محسن : اعرف يا غلا انك زعلتي مني ولاني خلفت وعد امك بس والله اني للحين احبها الله يرحمها ، وش تبين اسوي؟ اجلس طول عمري كذا! يا يبه انا بحاجة زوجه تهتم لي بحاجة وحده بحياتي والزوجه سنه وماني مسوي شي حرام عشان تزعلين! ومكانة امك بقلبي محد بياخذها صدقيني ،

غلا بدموع : بس يبه ليه خبيت عني كل شي!!

ابو محسن : كنت داري انك راح تبكين كذا و تزعلين عشان كذا خبيت عنك وتعالي اجلسي ابي اكلمك ،

غلا عقدت حواجبها وجلست بهدوء : هلا يبه؟

ابو محسن : بسوي عرس بسيط بيننا وبين اهل يزيد وبين اخوياي بس عرس رجال وبعده بنمشي للكويت وهناك تكملين دراستك وعشان عرس محسن من بنت عمك ،

غلا انصدمت وناظرت : وما نرجع للسعودية؟؟؟

ابو محسن هز راسه بالنفي : لا خلاص اخوكِ محسن خلص دراسته وجامعته هنا الحمدلله وخلاص نمشي للكويت عند عمانك وعماتك وعشان عرس محسن ،

غلا سكتت وهي مصدومه وتتذكر عمر : يبه تكفى لا ،

ابو محسن بصدمه : وشو لا ماتبين اخوكِ يتزوج؟

غلا سكتت وهمست : خلي عمي يجي هنا كلهم يجون ،

ابو محسن بضحكه : يابنتي وش هالاستهبال تعرفين جينا عشان محسن يخلص دراسته وجامعته هنا سنتين وحنا هنا وجدتك كل يوم تتصل تقول ارجع وجيب حفيدتي ،

غلا سكتت وهي تحاول تمسك نفسها وهزت راسها بـ اي ،

ابو محسن ابتسم وناظر لجواله الي رن وهمس : خليني ارد وبكره العرس يكون بسيط في البيت بيننا بس وبين اهل امك،

غلا انصدمت من كلمة " امك " وهي تدري مقصد ابوها اهل زوجته وسكتت وهي تشوف ابوه طالع و مشت ركضت اخذت جوالها وهي تتصل على عمر والدموع بعيونها و ركضت للشباك وهي تناظر لبيته وتشوف هدوء مافي سيارة احد ،

قعدت تضرب بيدها على الشباك بقهر و ترجع تتصل عليه ،

'

امال ناظرت لنجلاء باستغراب : ورا ما تفسخين عبايتك؟

نجلاء ضحكت وهمست : يمه متوتره ابي اعلمكم شي ،

الكل ضحكوا وهم يعرفون الا امال و امها ،

امال باستغراب : ليه تضحكون شصاير؟؟

نجلاء مدت يدها لشنطتها وهي تطلع ملابس البيبي و رفعته توريهم ، امال شهقت وحطت يدها على فمها بصدمه ،

ام نجلاء صارخت : حاملللل؟؟؟؟ نجلاء هزت راسها بـ اي ومشت وهي تحضن امها وتضحك ، ام نجلاء تجمعت الدموع بعيونها من الفرحه ومشت تحضن ام مشعل و ام سعود ،

امال قامت وهي تحضن نجلاء بقوه : اصيرررر خاله واخيرًا ،

نجلاء ضحكت وهي حاضنتها : ماقدرت اعلمك وانتي بعيده عني ي حيوانه ،

امال ضربتها على كتفها : اول شهر؟؟؟

نجلاء هزت راسها بالنفي : الشهر الاول خلصته وانا ما دريت والحين اكمل شهر ثاني و ادخل الثالث ،

امال ضحكت وهي متحمسه : بنت ولا ولد!!!

ام نجلاء : ابوكِ يعرف؟

نجلاء هزت راسها بالنفي : لا قلت اجي اصدمكم بنفسي ،

امال ابتسمت وهمست : تعاللييي اجلسييي جنبي ،

نجلاء كانت تضحك وحطت عبايتها ومشت جلست ،

امال : يالله ماني مصدقه نجوله البزره تجيب بيبي!!!

جنان بضحكه : عقبالك انتي عاد ،

ريما : امال شكلك باقي ما عرفتي ناوين يسمونه نايف ،

امال بصدمه : امااا ولد؟

ريما : لا بس الام والاب متحمسين من الحين ،

نجلاء : ياربييي اتصلوا على ملاذ متى تجي!!

امال : ماما كلمت زوجها قال راح يجيبها الحين ،

'

ام صقر كانت جالسه و سرحانه تفكر بـ عمر ومتضايقه ،

خاله مُزنه : ان شاء الله بيرجع لا تشيلين همه ،

ام صقر بحزن : ماني متعوده افقد حسه في البيت ،

خاله مُزنه : والله حتى انا هالشهر جيت بس وفقدته من الحين،

قاطعهم صقر الي طلع وملاذ معه : يمه ماتروحين؟

ام صقر هزت راسها بالنفي : لا اروح لهم بكره وقت العزيمه الحين خذ زوجتك مصدعه انا ،

صقر عرف انها متضايقه عشان عمر راح وتوجه جلس جنبها ومسك يدها : يمه ليه خايفه ومتضايقه كذا؟ بيرجع كله شهر ،

ام صقر : ما تعودت على غيابه ماني قادره اتحمل ،

صقر تنهد بحزن والتفت لملاذ الي طلعت ولابسه عبايتها ،

خاله مُزنه ابتسمت : انت قم خذ زوجتك انا موجوده مع امك،

صقر هز راسه وقام ناظر لملاذ : يلا تعالي ، ومد يده ،

ملاذ مسكت يدها وطلعوا متوجهين للسياره ،

صقر عقد حواجبه ووقف وهو يشوف بيت ابو محسن ،

كان العُمال واقفين يعلقون اللمبات و يزينون العماره ،

صقر عقد حواجبه باستغراب وهو يشوف ومشى لسيارته ،

غلا كانت طول الوقت عند الشباك تناظر لبيت عمر فزت من شافت صقر الي طلع وقعدت تطالع وهي تشوفه يناظر لبيتهم، نزلت دموعها بقهر و تمنت لو انه عمر الي طلع ،

اخذت جوالها وهي تشوف اسمه و رقمه وقعدت تتصل لكن مقفل جواله والتفتت ناظرت لبيلا الي ركضت عند رجولها ،

انحنت وقربت شالتها وهمست : بيلا ليه يسوي فيني كذا! ليه مايرد ليه ما يجيني خايفه اروح وهو ما جاء! ليه يسوييي كذا ،

تنهدت بضيق وقهر و رجعت التفتت تناظر لبيته ،

'

= في المزرعه =

سلطان وقف سيارته ونزل وسحب سُلاف معها ،

سلاف سحبت يدها منه بقوه بنص المزرعه ورفضت تدخل البيت وهمست بدموع : اتركنيييي بحالي الله يخليك اتركنييي،

سلطان بحده : تدرين سُلاف طول هالايام كنت الوم نفسي! بسببك وبسبب متعب وتوقعتك انتي البريئه وانا ظالمتك! بس لا يا سُلاف طلعتي شاطره انتي قبل تفكرين تهربين مني ما فكرتي اني اقدر اطلعك! ي رحتي داخل الارض ي خارج القصيم راح اجيبك ،

سُلاف رفعت نظرها له بدموع : وش تبي مني يا سلطان!

سلطان : انتي في ستين داهيه مابي منك شي انا همني الولد!!!

سُلاف بسخريه : الولد ولدييي مو ولدك ،

سلطان بحده : ولد متعب ومتعب وصيته اني انا اهتم بولده واذا تبين الموضوع عناد ف صدقيني ماراح اطول اخذه منك!

سُلاف انصدمت وناظرت : من اي حق تاخذه منيي!!

سلطان : شوفي يا سلاف دام النفس طيب عليكِ ف..قاطعته سُلاف الي دفته بقوه : ءليهه تسويييي كذااا !!! شفتنييي ضعيفه وساكته صرتتت تذلنييي و تهددنييي!!! وخويك الي يوصيك على عساف!! خله بالاول يحاول يقوم من السرير رجل واحد بالدنيا والثاني بالقبر! و يوصيك عليه! انا الي اوصيك على خويك روح انقذه قبل يشيلونه للقبر ،

سلطان سكت وناظر فيها : عساف ماراح تاخذينه لمكاننن ،

سلاف : راح اخذذهه ولديييي هو اخذه لويننن ما ابي ،

سلطان هز راسه وهمس : جربي ونشوف ، وصد وهو يشوف جواله يرن اخذه وناظر للاسم كان مصعب و رد : شتبي!

مصعب بصراخ : سلطانننننن تعاللللل بسرعههه سلطانننن ،

سلطان انصدم من صراخه : مصعب شصايرررر!!!

مصعب : ءءمتعب متعب يا سلطاننن ،

سلطان انصدم وعرف اكيد متعب صار فيه شي ، و ركض ركب سيارته وترك سُلاف ، ولا دقيقه حتى فكر بافعال متعب والي سواه فيه مهما سوا فيه مستحيل ينسى وقفة متعب معه طول عمره وكيف كان يسنده ويوقف معه ، حرك اتجاه المستشفى ،

'

غلا تنهدت بضيق وهي تعبت وهي واقفه عند الشباك توجهت مشت جلست على السرير و دموعها تنزل ومدت يدها اخذت البلوفر وهي تشوفه هدية ميلاده الي تركه وما اخذه ، ابتسمت بخفه ومشت تلبسه لكن وقفت وهي تشوف محسن فتح الباب وناظر فيها : غلاوي تعالي انزلي تحت ابوكِ ينتظرك،

غلا همست : تمام اغير واجي ،

'

متعب كان بالمستشفى على السرير و يحاول يلقط انفاسه الاخير وحالته الي تغير كثيررر وكيف نحف ومتغير حيل تعبه المرض الخبيث وتغيرر كثيررر وخصوصًا انه تعب اكثر لانه هالايام ماكان قادر يشرب او يدخن او يسوي شيء ،

سلطان الي ركض و دخل الغرفه ووقف بمكانه وهو مصدوم ويناظر لمتعب ، ومصعب الي واقف ودموعه بعيونه ،

سلطان ركض لمتعب وهو يمسك يده : متعبببب اصحى ،،

متعب ابتسم بخفه : ءءقلت ءماراح ءءتجيني ءولو اندفنت ،

سلطان بحده : متعب وقففف هالكلام الي ماله داعي وكلامي كان بلحظة غضب انا مستحيل اتركك يا متعب! مستحيل انسى كيف كنت توقف معي و تسندني !

مصعب ناظر لسلطان : تاخرت يا سلطان ماعاد له داعي هالكلام هو طول ماهو يصارع هالمرض كان ندمان وكليوم يشتكي لي عنك و انه غدر فيك وخانك متعب حس بغلطته لكن انت ما حسيت الف مره اتصلت ما كنت ترد ،

سلطان التفت لمتعب وهو يشوفه يحاول يتنفس وقرب جلس ومسك يده : متعب ماراح يصير لك شي انا بنفسي اكلم الدكتور وقام بيمشي لكن مسك يده متعب : ءسلطان ،

سلطان التفت له : متعب ماراح اسكت ماراح اخليك لو كلفني هالشيء حياتي كله ماراح اتركك ولو اخذك لمكان ثاني راح اعالجك ماراح اخليك وح..قاطعه متعب وهو يضحك وناظر فيه : ءءلا تعالجني ءءاخاف ارجع اغدر فيك و ارجع..سكت وهو يلقط انفاسه وضحك و رجع كمل : ءءتنقذني ءوانا ءوانا غمض عيونه وهو يحاول يتنفس ويضحك من بين كل كلمه،

سلطان نزل دموعه وهمس : ءانت غدرت فيني و طعنتني بظهري وانا طعنت بظهر ابوي بسببك بس الى الان ما نسيت ايامنا و العشره الي بيننا يا متعب ليه تسوي كذا!

متعب رفع نظره : ءءولدي يا سلطان ءولدي عساف وينه؟

سلطان اخذ نفس وهمس : ولدك محفوظ بين يديني بس انت ماراح تمشي من هالدنيا و راح تربيه وترجع لزوجتك فاهم!

متعب ضحك وهمس : ءءما راح اعيش يا متعب ءءماراح اعيش ولديي ءعساف بامانتك يا ءسلطان ،

'

عمر كان في الدوره العسكريه كان منسدح على السرير وكل العيال الي حوالينه نايمين وهوو الي صاحي يفكر بـ غلا و بكلام جده تنهد بضيق وهو يطالع بالسقف ويتذكر غلا ،

ولا قادر ينام ،

'

غلا كان جالسه وتناظر لابوها ومحسن الي يسولفون عن الذبيحه كم ذبيحه تكفي ويعزمون من ومن ، غلا كانت سرحانه تفكر بـ عمر وحست بشعور انه عمر اكيد بيكون جالس بهالوقت عند بيته وقامت بسرعه وهمست : يبه جايه الحين، ومشت توجهت لغرفتها و ركضت فتحت الشباك وهي تناظر لكن للاسف مافي احد الشارع فاضي حتى عمير مو موجود ،

تنهدت بضيق واخذت جوالها لعل وعسى في رساله منه ،

لكن للاسف الشديد مافي ولا رساله ولا حتى شاف رسايلها ،

'

ملاذ وصلت ومشت وهي تدق الباب ، امال ركضت فتحته و ابتسمت وهي تشوف ملاذ وهمست : فسخي عبايتك بسرعه،

ملاذ ضحكت ومدت لها عبايتها وعدلت شعرها وهي لابسه فستان وردي وناظرت لملاذ وهي متحمسه تشوف نجلاء ،

جنان ونجلاء و ريما وكل الحريم جالسين يتقهون ،

امال دخلت وهي ماسكه عباية ملاذ و شنطتها : ادخلي ،

الكل رفعوا نظرهم بهاللحظه دخلت ملاذ ، نجلاء انصدمت وفزت بفرح وتركت الفنجان الي بيدها وقامت و ركضت وهي نحضن ملاذ ، وتجاهلت صراخهم وهم يقولون لها بشويش،

ملاذ تجمعت الدموع بعيونها وحضنتها بقوه وهي تشوفه،

نجلاء بدموع وقهر : ياااحيوانهه ملاذذذذذ ،

ملاذ ابتسمت من بين دموعها وهي حاضنتها ،

'

ابو سعود و ابو مشعل و فهد ومشعل وسعود كلهم كانوا واقفين عند الشاليه ويفكرون في العزيمه ،

ابو مشعل : نخليه داخل ولا هنا افضل؟

سعود : وين داخل ياعمي ما اتوقع المساحه كبير ،

فهد : شرايكم هنا عند الشاليه افضل نفرش الفرش الاحمر ونجيب الكراسي الاحمر ونرتب الوضع ونعلق اللمبات ،

مشعل : من رايي افضل كذا والله ما تكفي المجلس ،

ابو سعود : عاد نبي سامري واغاني لازم ،

فهد بضحكه : ابشر ابشر وما نقصر بالعرضه ،

مشعل : تذكرت ايام المزرعه كل شتاء نتجمع ونرقص ،

الكل سكتوا من تذكرو الجد عبدالعزيز وبدا يترحمون عليه،

'

عبدالرحمن كان يسوق ومستغرب انها امال طول الوقت ما ردت على رسايله ولا حتى اتصلت ترك جواله ووقف سيارته عند البيت و صادف صقر الي بنفس الوقت وقف سيارته ،

عبدالرحمن ابتسم ونزل صقر ناظر فيه ونزل من سيارته ،

عبدالرحمن عقد حواجبه وهو يشوف بيت ابو محسن والتفت لصقر : شصاير هنا عرس مين؟

صقر رفع كتوفه : مدري والله شكله الي ببالي ،

عبدالرحمن سكت لثواني وانصدم وناظر : حبيبة عمر؟

صقر هز راسه بـ اي و رفع نظره للبيت وهو يشوف الانوار الي معلقين وهمس : اي الظاهر هي اعتقد ،

عبدالرحمن : يمكن محسن اخوها ؟

صقر هز راسه بالنفي : ما اظن ماعليه نعرف بكره احتمال ،

عبدالرحمن بهدوء : الله لا يقول انها هي بينحرق قلب عمر ،

صقر وقف من شاف محسن الي طالع وهمس : مبروك ي عريس، محسن التفت لهم و ضحك ومشى عندهم : سلام ،

عبدالرحمن : وعليكم السلام ياهلا مبروك العرس ،

محسن بضحكه : لا وين ماني انا العريس انا عريس في كويت،

صقر سكت والتفت لعبدالرحمن الي نطق : رايح كويت؟

محسن : اي خلاص خلصت دراستي نرجع للكويت هالاسبوع،

عبدالرحمن انصدم وسكت وتوقع راح يزوجون غلا ويمشون ،

صقر خطر بباله نفس تفكير عبدالرحمن وابتسم تسليك ،

محسن : حياكم بكره تعالوا معزومين تراكم ،

عبدالرحمن ابتسم : نعتذر والله بكره ورانا عزيمه بعد ،

محسن : اووه براحتكم بس تمنيت لو تجون ،

صقر : ان شاء الله وقت ثاني نجيكم ،

'

البنات كانوا كلهم متجمعين يسولفون ويشربون القهوة ،

بعد دقايق توجهو يتعشون كلهم وانتهى يومهم بسوالف وضحك وفرح والكل مبسوطين والي يتجهزون لعزيمة بكره،

امال اخذت جوالها وهي تشوف رسايل عبدالرحمن ابتسمت وكتبت له " اسفه والله مرره مشغوله مع البنات "

'

سلطان كان واقف برا لانه متعب تعب مره والدكاتر كانوا عندهم ، سلطان ومصعب وقفوا برا ينتظرون وخايفين ،

طلع الدكتور ونزل الكمامه عن وجهه الي ما يبشر بالخير ،

سلطان ناظر لمصعب الي ركض له : كي..ماكمل كلامه الا وتكلم الدكتور : اعظم الله اجركم و احسن الله عزاكم دعواتكم له بالرحمه والمغفرة ما قدرنا ننقذه ،

سلطان الي تجمد بمكانه من الصدمه اول ما سمع كلام الدكتور وناظر لمصعب الي ركض دخل يشوف متعب ،

سلطان ما تحمل يدخل يشوفه وغمض عيونه ودموعه ينزل وجلس على الكرسي ونزل راسه وهو يبكي بصمت ،

مصعب وقف وهو يناظر متعب على السرير ومغطين وجهه،

نزل دموعه وهو كان عارف انه مستحيل يكمل حياته متعب اول ما عرف بمرضه ،

'

عبدالرحمن ناظر لصقر بهدوء : شكلها هي ،

صقر بصدمه : كيف يتحمل عمر لو رجع وشافها متزوجه؟

عبدالرحمن رفع كتوفه : ماني عارف ليت كلم امي قبل يمشي،

صقر تنهد بضيق : ليت لو بيدي اوقف هالعرس ،

عبدالرحمن ناظر لعمير الي طلع من بيته ووقف وهو يناظر لبيت غلا و الانوار الي معلقين انصدم وجلس يطالع والتفت على صراخ عبدالرحمن ومشى لهم : شصاير ؟

صقر ناظر فيه : عمر كلمك بشيء قبل يمشي؟

عمير هز راسه بالنفي : لا بس قال ينتظر موافقه من العسكريه عشان يرجع يخطبها بس شصاير لا يكون يزوجونها؟

عبدالرحمن ناظر لعمير : تعال الحقني ،

عمير استغرب ولحقه ، وصقر الي انصدم ووقف يطالع فيهم،

عبدالرحمن مشى عند بيتهم وعمير معه ومشو من الطريق الخلفي لورا العماره وقف عبدالرحمن و رفع راسه وهو يطالع وهمس : قطعهم تكفى خرب كل شيء ،

عمير بصدمه : تستهبل يعني بكذا يوقفون العرس!!

عبدالرحمن : اترك الموضوع علي انت بس قطع هالانوار ،

عمير بخوف : اخاف في كاميرا او شي يشوفوني ،

عبدالرحمن : يا غبي خفت قدام يكون في عشان كذا جينا هنا،

وشبك يدينه ببعض وناظر فيه : اعرف ماراح توصل يلا حط رجولك على يديني و ارفعك قطعهم ،

عمير ضحك و رفع رجلينه على يدين عبدالرحمن و تمسك بالجدار و مد يده يقطع الاسلاك ،

صقر كان واقف باستغراب ينتظرهم انصدم من شاف الحاره صار ظلام اول ما طفى الانوار ضحك من عرف فكرتهم ،

عمير نزل وعبدالرحمن ناظر : اركض بسرعه ،

و ركضوا توجهو للبيت صقر ناظر فيهم : ادخلوا ادخلوا ،

و دخلوا لحديقة البيت وهمس صقر : وش الفايده يعني؟

عبدالرحمن : في فايده والله ما اخليهم يتهنون اصبروا بس،

عمير : شكلك ناوي على شي ،

عبدالرحمن : اسمعني انت وياه بكره خلو عيونكم على البيت ابي اعرف مين الي بياخذها و فقعو كفر  سيارته ،

عمير عقد حواجبه : ياهوه اخاف ننكشف؟

عبدالرحمن تنهد : ما يهمني لو بيدي خربت العرس بكبره ،

صقر : يخي مايفيد اكيد برضوا راح ياخذها ،

عمير بحزن : الحين صدق عرسها هي؟ طيب مو هي تحب عمر كيف تنساه بهالسهوله وتتزوج؟

صقر رفع كتوفه : يمكن اجبروها ،

عبدالرحمن كان ساكت ونطق : خايف على قلب عمر ،

صقر : مابيدنا شي يخي هذا انت مابيدك شي و رحت تقطع الاسلاك يعني ماراح يرجعون يشبكونهم؟

عبدالرحمن بقهر : يخي من قهري قسم بالله ماعرفت شسوي،

عمير بهدوء : يخي لو رجع عمر لا تعلمونه قولوا سافرت ،

صقر : اي عشان يضيع عمره ينتظرها ،

عبدالرحمن : بكل الحالتين يضيق خاطره من هالدنيا ،

عمير : طيب وش بنسوي عشان نوقف الي قاعد يصير؟؟

عبدالرحمن : مافي حل ماودي نتكلم ويوصل الموضوع لابوي او نسوي شي وننكشف و ننفضح ،

عمير : انا بسوي يخي راضي انفضح ومالي احد عشان يوصل لهم الموضوع قولو بس وش اسوي؟

عبدالرحمن بتفكير : ببالي فكره اخاف نجيب العيد؟

عمير : قل ماعليك قسم بالله اسوي المستحيل اوقف هالعرس،

صقر : قل وش الفكره ؟

عبدالرحمن : لو تدخل عليهم بنص العرس وتسوي نفسك تحبها وتقول عنها كلام وانها محد ياخذها ؟

صقر بصدمه : لا عاد اخاف يطول الموضوع كذا؟؟

عمير : راح اسويه مايهمني يعني وش بيسون يذبحوني! راضي اهم شي قلب عمر ما ينكسر ،

عبدالرحمن : ولا اقول بطل لا تسويه اخاف نخرب سمعتها؟

صقر : صادق كذا راح تخرب سمعة البنت بين الضيوف ،

عمير بقهر : يخي مافي حل طيب؟؟

عبدالرحمن : والله ماني عارف ،

عمير : خلوني اسويه عشان محد يخطبها لو خربت سمعتها بكذا يجي عمر ويخطبها ونعلمه السالفه؟

صقر بحده : ياهوه لو بنتي ما رضيت قسم بالله حرام ،

بهاللحظه دخل يوسف وناظر : السلام عليكم ، الكل ردو السلام،

يوسف بهمس : تجهزو بكره روحوا عند عمكم فهد من بدري و ساعدوه بترتيب العزيمه ،

عبدالرحمن : ايش مناسبة العزيمه؟

يوسف : عشان الضيوف الي وصلوا ،

صقر : تمام ان شاء الله ، يوسف سلم على عمير ومشى داخل،

عمير ناظر فيهم : يعني بتمشون بكره؟

عبدالرحمن تنهد : اي بس خلاص زي ما تكلمنا انت تدخل عليهم تسوي اي شي وتوقف عرسها ،

عمير ابتسم : ان شاء الله خلو الموضوع علي ،

'

البنات والحريم والرجال  كلهم ناموا عشان يصحون بدري للعزيمه ، امال كانت منسدحه وبيدها الجوال تنتظر رد عبدالرحمن ناظرت انه تاخر ما رد ونامت جنب نجلاء ،

ملاذ كانت منسدحه جنب ريما وتتذكر صقر وتبتسم ،

'

__________________

= صباح يوم جديد على الابطال =

'

ابو محسن ومحسن كانوا واقفين برا يناظرون للعماره محسن عقد حواجبه : مدري ما يشتغلون ،

ابو محسن : اتصل خلهم يجون يصلحونهم ،

محسن همس : ان شاء الله يبه ، اخذ جواله يتصل ،

عمير كان واقف عند البيت يراقبهم ومتخبي ورا السياره ،

محسن وقف وهو ينتظر يجون يصلحون الانوار ،

غلا كانت واقفه عند الشباك تناظر كالعاده تنتظر عمر ،

'

سعود ومشعل كانوا يفرشون السجاده الاحمر ويرتبون الكراسي

ابو مشعل وابو سعود وفهد كانوا واقفين يسولفون ،

وقف سيارة عبدالرحمن الي نزل كان لابس ثوب اسود وشماغ احمر ومشى وهو يسلم ، وصقر وراه كان لابس ثوب ازرق وشماغ ابيض وجاكيت لونه اسود ومشى وهو يسلم ،

مشعل وسعود توجهو عندهم يسلمون ،

'

ريما ونجلاء وامال وملاذ كانوا واقفين في الشاليه و يناظرون من فوق الجدار يراقبون وهم يشوفون التجهيزات ،

امال فزت من شافت عبدالرحمن الي يضحك ويسولف مع فهد وكل شوي يعدل شماغه الي يخرب من قوة الهواء ،

مدت يدها لقلبها وهي تحس بدقات قلبها من قوة التوتر والحُب ضحكت وهي تطالع فيه وتشوفه وتراقب كل حركاته،

ريما : اوف برد بروح داخل ومشت ولحقته نجلاء ،

امال التفتت وهي تشوف البنات كلهم رايحين و رفعت جوالها بهدوء وهي تصور عبدالرحمن ونزلت ومشت دخلت وهي ترسل له الصوره وكتبت " كنت اشوفك "

عبدالرحمن كان يسولف مع مشعل واخذ جواله وهو يشوف صورته وضحك وكتب لها : لما ارسل لك وقته تعالي شوفيني "

وحط جواله بجيبه ومشى يساعد العيال '

'

سلطان الي كان لابس الشماغ و متلثم بالشماغ وواقف عند قبر متعب و دموعه بعيونه ومتعب جنبه وباقي الرجال الي واقفين عند قبر متعب و يدعون له بالرحمه ،

سلطان كان منزل راسه ومغمض عيونه وهو يتذكر صداقتهم مع بعض و ايامهم و ايام الثانوي كانوا مع بعض تعرف عليه وقته وكيف كان يفزع له اذا تهاوش مع العيال.

'

امال كانت جالسه بعيده عن البنات تشوف صورة عبدالرحمن وودها ترجع تشوفه و رفعت نظرها وهي تشوف ملاذ الي تبخر و نجلاء ترتب المخدات و ريما تسوي القهوة مع امها تساعدها ، و جنان تحط التمر ، و ام نجلاء كانت تطلع الدله للقهوة و ام سعود تساعدهم وتغسل المواعين ،

'

عمير رفع راسه وناظر اول ما صلحوا الانوار و اشتغلوا وبدا يغرب الشمس وهو جالس يشوف ابو محسن الي طالع و داخل للبيت ينتظر الضيوف ،

كان لابس بشت بُني وقف سيارة زيد الي نزل ولابس بشت ابيض لانه عرس امه " مُلاحظه ابوه متوفي " وابتسم ومشى وهو يسلم على ابو محسن ،

عمير انصدم ووقف وهو يطالع فيه وتوقع انه هو العريس لانه لابس بشت لكن ابيض مو اسود ،

'

عبدالرحمن كان واقف بعد ما خلصوا وناظر لمشعل الي اخذ دلة القهوه ومشى يرتب الوضع وابتسم بخفه من تقدم له مشعل وهمس : اصب لك؟ وهز راسه بـ اي ،

مشعل ابتسم و صب له : بالعافيه ، عبدالرحمن اخذ الفنجان من يده وهمس : يعطيك العافيه ، والتفت لسعود وهو يشوفه جالس يسولف مع فهد وعقد حواجبه وهو يناظر بفضول انه وش يسولف فيه سعود ، ونزل نظره لفنجانه الي ما شرب منه وتقدم ومشى ومد لفهد : تفضل عمي ، وناظر لسعود ،

فهد ابتسم واخذ منه : يعطيك العافيه ،

عبدالرحمن ابتسم ووقف وناظر لسعود وهو يشوفه يتكلم ،

سعود : عمي انا اقول لو عرسي يصير بهالطريقه راضي والله ،

عبدالرحمن عقد حواجبه وهو يفكر ايش دخل فهد يعلمه ليه ما يعلم ابوه ويقول له هالكلام سكت والتفت لصقر الي كان يناديه وتوجه لعنده : شصاير ؟

صقر مد له الجوال : بالله شبك وشغل ماني عارف ايش فيه ،

عبدالرحمن ابتسم واخذ منه ، والتفت من وقف سيارة ابوه،

يوسف نزل ومشى وهو يسلم عليهم ، والجد سُليمان الي نزل وراه وكان لابس بشت اسود وتقدم يسلم على الكل ،

ام صقر وخاله مُزنه توجهو دخلوا الشاليه عند الحريم ،

عبدالرحمن شغل " ياعوض هو غايتي ومرادي "

وحط جواله والتفت وضحك من شاف مشعل الي ماسك السيوف ويناظر فيهم : والله عرس مو عزيمه الظاهر ،

عبدالرحمن ضحك وناظر فيهم الكل كانوا واقفين فهد ويوسف يسولفون ، والجد سُليمان و ابو سعود و ابو مشعل يسولفون،

صقر التفت وهو يشوف مشاري الي وصل ومعه جاسم عزمه لانه فهد طلب منه يعزم اخوياهه وعزم مشاري ،

جاسم ناظر لصقر ضحك وهو يركض له ولابس ثوب ،

صقر ابتسم وهو يشيله ويبوسه ،

عبدالرحمن مشى لعنده : وينه سلطان مايرد؟

صقر : والله مدري اتصلت عليه كثير مايرد ،

مشاري بعد ما سلم على الكل توجه لصقر وعبدالرحمن ،

صقر : اذا زوجتك جت ترا الحريم في الشاليه ،

مشاري هز راسه بالنفي وضحك : لا والله ما جت ،

عبدالرحمن التفت وهو يشوف سعود ومشعل الي ماسكين السيف ويستعدون للعرضه ، اخذ جواله وهو يرسل لامال وكتب لها " اطلعي لي وشوفي " وحط جواله بجيبه وتقدم ياخذ السيف وهو يوقف ينتظر انها تشوف وتجي وترسل له،

امال كانت تضحك وتسولف مع ام صقر شافت رسالته ابتسمت وكتبت له " جايه " عبدالرحمن شاف رسالتها ومشى وقف وناظر لصقر : ازهلني وانا اخوك ،

امال التفتت يمين يسار ماكان في احد في الخارج بالشاليه ومشت بحكم انه الجدار مو طويل ويمديها توقف على شي وتشوف وقفت فوق الكرسي و رفعت راسها تناظر ،

'

غلا كانت بغرفتها وهي تحس بضيق مو قادره تتحمل اكثر تعبت وهي تنتظر رساله او اتصال واحد بس عالاقل! لكن للاسف ما اتصل ولا حتى رسل تركت جوالها وتوجهت للشباك وهي تشوف زحمة السيارات والناس الي وصلوا ، و رفعت نظرها لبيت عمر ماكان في سيارة احد والبيت هدوء والواضح حتى انوار البيت بالحوش طافي مافي احد الظاهر ،

مشت فتحت الباب ونزلت لتحت وهي تشوف بيلا ابتسمت و رفعت نظرها للشغاله الي دخلت وبيدها توزيعات الجوكليت ابتسمت وهمست : يوووه بخاطري اكل منهم ، فزت من سمعت صوت ابوها الي همس : بالعافيه على بنتي ،

ابتسمت بخفه ومشت وهي تاكل وتحاول تفكر بشي غير عمر،

'

امال كانت واقفه و رافعه راسها تناظر لعبدالرحمن ،

عبدالرحمن كان ماسك السيف ويرفعه يرقص قدام فهد الي كان يناظر فيه وتوجه لعنده وهو يرقص قدامه و رافع السيف،

امال كانت مبتسمه وهي تناظر فيه وفزت على صوت نجلاء الي همست : انتي شتسوين هنا! تشوفين مين؟

امال ارتكبت وتوترت وهمست : ولاشي بس اشوف شيسون ،

نجلاء : حيوانه قاعده ادورك داخل تعالي بسرعه ،

امال انقهرت ومشت معه لداخل ،

مشاري التفت لصقر الي كان ماسك جاسم : وينه عمر؟

صقر : راح للدوره العسكريه والثاني لا تسالني عنه معرف وينه ولا حتى يرد ولا حتى درى عن العزيمه ،

مشاري : عاد الثاني مانيب سايل عنه حتى بعرسك هرب ،

صقر : يخي معرف وش سالفته ما يجلس في البيت حتى ،

عبدالرحمن التفت لفهد الي كان مبتسم ويطالع فيه ، ومشى وهو يترك السيف من يده وناظر لسعود الي كان واقف يصب قهوه لفهد ومشى ناظر فيه : صب لي بالله ،

سعود ابتسم وهمس : ابشر ومسك الفنجان يصب له ،

عبدالرحمن طلع جواله من جيبه يرسل لامال : هربتي؟

امال كانت جالسه بين البنات الي سوالفهم ما تخلص طول الوقت وابتسمت من شافت اشعار رسالته واخذت جوالها و ردت " ما هربت شفتك ترا "

عبدالرحمن اخذ القهوه من سعود وهمس : يعطيك العافيه،

وكتب لامال : هاه شرايك ' امال ضحكت وما ردت تركت جوالها خافت نجلاء تلاحظ كانت جالسه جنبها ،

صقر ناظر لعبدالرحمن : كفو والله يا دحوم ،

عبدالرحمن ضحك وهو يوقف قدامه ويشرب من القهوه ،

مشعل مشى وقف عندهم وناظر لجاسم : ياهلا بالرجال ، واخذه من صقر وهو يضحك وقرب يبوسه ،

مشاري : هاه يالعريس متى نشوف عيالك بعد ،

مشعل بضحكه : خلاص صرت ابو نايف ابشرك ،

مشاري انصدم وناظر : بذمتك!

صقر الي سكت وضاق خاطره وتذكر عرسهم كان بنفس اليوم والحين مشعل بيصير اب بعد وهو لا سكت وهو يبعد عنهم ،

عبدالرحمن لاحظ وسكت وهمس : ياهلا ب ابو نايف ،

مشاري : يخي ليه مو بنت كان خطبت لولدي ،

مشعل : ماعليك باقي ما وصلني الخبر اذا بنت ولا ولد بس يخسي ولدك الشايب ياخذ بنتي ،

عبدالرحمن بضحكه : اي والله شايب وياخذ طفله!

مشاري : يخي لا تظلمون ولدي توه بعمر الزهور ،

عبدالرحمن التفت وهو يشوف صقر الي وقف بعيد يدخن وترك الفنجان من يده على الطاوله وتوجه لعنده ووقف قدامه وناظر : اتركه من يدك و ادعس لا ادعس عليك ،

صقر التفت له وهمس : اتركني يخي ابي اكون لوحدي ،

عبدالرحمن : اعرف ليه هربت وجيت تدخن ماني غبي!

صقر التفت له : عرسنا كان بيوم واحد واعرف اذا امي عرفت بسالفة حمل زوجته راح تقعد تزعج زوجتي وتقول ليه ما حملت وهي حملت يخي سوالف الحريم داري فيهم انا ،

عبدالرحمن : خلك من هالمواضيع وانسى الموضوع دام زوجتك تعرف السالفه كله خلاص ،

صقر هز راسه بالنفي : ما اظن انها استوعبت كلامي وقته لاني احسها الى الان تتصرف معي ولا كانها تدري بشي! اش.قاطعه عبدالرحمن الي نطق : نتفاهم بهالموضوع اذا وصلنا البيت الحين امشي ماودي ابوي يشوف و يشك بشي ،

صقر سكت وهو يرمي الزقاره من يده ويدعس عليه برجله ،

'

عمير ناظر لبيت غلا وهو يشوف الباب كان مفتوح كله والرجال داخلين وطالعين والسيارات الي توقف و زحمه عند بيتهم و رفع راسه وهو يشوف الانوار وناظر لـ يزيد الي طلع كان مبتسم و يرد على مكالمة جواله ، ناظر فيه وصدره ينغلي من القهر مجرد ما حس بشعور عمر ومشى وهو يشوفه واقف ووقف على جنب وهو ياخذ نفس يبي يسوي الي براسه ،

'

سلطان وقف سيارته عند المزرعه ومشى دخل لداخل ،

سلاف كانت جالسه في المزرعه ولا دخلت لداخل و قامت وقفت وهي تشوف سلطان الي دخل وعيونه احمر والشماغ على كتفه مشى وقف عندها وهو يرمي لها الاوراق ،

سلاف عقدت حواجبها وهي تاخذ الاوراق كان اوراق من المستشفى عن موت متعب ، ناظرت للاوراق وانصدمت و رفعت راسها ناظرت فيه وهمست : دعواتي استجابت ،

سلطان انصدم و طالع فيها بهدوء ،

سلاف بحقد : زيننن انه مات ليهه ماااا علمتنيييي عشاننن ارقص على قبرهه و اصفققق انه مات وافتكيتتت ،

سلطان اخذ نفس وهمس : متعب ندم ،

سلاف بدموع : وش يفيد ندمه! وششش يفيدددد ندمه!!! راح يشفي الالم والعذاب الي عشتتته !!! وشششش راح يفيددد!!!

سلطان بهدوء : حتى كلامك هذا مايفيد ،

سلاف ناظرته ودموعها تنزل وصدت : ابي اروح لولدي ،

'

عمير مشى وقف عند البيت وهو يناظر للباب الي مفتوح و رفع راسه ومشى وهو يدخل داخل وقف وهو يشوف باب المجلس الي مفتوح كله والرجال جالسين داخلين والقهوجي الي يصب لهم القهوة ، محسن وابو محسن رفعو نظرهم له،

عمير سكت بتوتر وهمس : السلام عليكم ، الكل ردو السلام ،

عمير التفت ليزيد وناظر فيه بهدوء والتفت وهو يشوف نظرات الكل وما قدر ينطق مشى وناظر ليزيد : مبروك ،

يزيد عقد حواجبه و اشر على ابو محسن : هو العريس مو انا،

عمير انصدم والتفت لابو محسن وناظر فيه وناظر للرجال الي مشى يبارك له ، سكت وهو متفشل من نظرات الكل ومشى يبارك لابو محسن ومايدري يجلس ولا يطلع ،

'

= في العزيمه =

الكل كانوا جالسين وبيدهم السيف ويرقصون ،

عبدالرحمن كان مبتسم والسيف بيده وسمع صوت جواله وصله رساله وتجاهل وهو يرقص جنب العيال ومبتسم ،

البنات سمعوا صوت الاغاني و ركضوا طلعوا تجمعو وهم يشوفون من فوق الجدار  ومبتسمين وهم يشوفون ، كلهم ماسكين السيف الجد سُليمان وفهد ويوسف و ابو مشعل و ابو سعود والعيال كلهم ومشاري جنب بعض والاغاني والعرضه،

عبدالرحمن ضحك وهو يشوف جاسم الي رافع يده يقلدهم والتفت اخذ العصا ومده له : يلا شد حيلك ،

جاسم كان يضحك وهو يناظر لمشاري ابوه ويقلده ،

نجلاء كانت تناظر لمشعل : يناس مو قادره اتحمل ،

جنان : شكلك صرتي تتوحمين على زوجك ،

ريما : اما تقصد مشعل احسب تقصد الطفل الصغير ،

امال كانت ساكته مبتسمه وتناظر لعبدالرحمن ،

فهد رفع يده وهو ماسك السيف وسعود الي وقف جنبه وهو يرفع سيفه ، عبدالرحمن لاحظ على سعود وتوجه عند فهد وقف على يمين وسعود على يساره فهد كان بالوسط ،

البنات سمعوا صراخ الحريم و ركضوا لداخل ،

ام سعود : تعالوا يلا نتعشى ،

نجلاء : غريب لاول مره نتعشى قبل الرجال بكل مُناسبه هم قبلنا ،

جنان بضحكه : منجد والله ،

'

ابو سعود بضحكه : خلاص وقفوا نتعشى تعالو ساعدوني ،

و مشو العيال مع ابو سعود يطلعون العشاء ويتعشون

عبدالرحمن اخذ جواله وهو يشوف رسالة امال " يالله بابا مصدوم منك اشوفه " ضحك وحط جواله بجيبه وهو يمشي يجلس والكل بدا يتعشون قبل يمشون ، وانت عزيمتهم بفرح والكل مستانس وجمعة الاهل والسوالف '

'

البنات كلهم كانوا جالسين ياكلون ويسولفون والمكان كله ضحك وسوالف و ام صقر الي وسعت صدرها من سوالفهم وجمعتهم كانت متضايقه على عمر ومن جت عندهم نست كل شيء ومبسوطه بسوالفهم وودها تجلس اكثر ،

'

عمير طلع من بيتهم وهو يضحك على نفسه ويضحك على حركات عبدالرحمن والي سووه و قطعوا الاسلاك مشى جلس وهو ميت ضحك وهمس : اهخ يالله فشلنا الرجال حنا بس يخي يهون يهون لعيون عمر ، ومشى جلس عند بيته وهو يتذكر وسوالفه ابتسم بخفه : ليتك موجود تشوف غباءنا ،

'

سلطان كان جالس على الكنب ومنزل راسه ودموعه بعيونه والشماغ على كتفه وهو يتذكر متعب وحالته لما شافه اخر مره  يتذكر كل شي يخصه وكل ايامهم مع بعض لا شعوريًا قعد يشهق ، سلاف كانت واقفه انصدمت من سمعت صوت بكاءه وشهقته لاول مره تشوف قدامها رجال يبكي كذا بحياتها كله ما شافت رجال يبكي ، سلطان كان مقهور على فقد متعب وقهره وحرقة صدره ما يطفيه شي رغم الغدر والخيانه الي عاشه من متعب الا انه مستحيل يكرهه مستحيل ينسى كل الي كان يسويه له متعب كانوا اكثر من اخوياء لدرجه سلطان كان يوقف بوجه الكل لاجل متعب ولما اخوانه ينصحونه يبعد عن متعب ماكان يسمعهم ولا يرضى على متعب رغم انه متعب كان افعاله جدًا قذر الا انه كان انسان طيب مع سلطان،

سحب شماغه وهو يمسح دموعه ويبكي ،

سلاف كانت تناظر فيه ونزلت دموعها من حالته وهي تشوفه،

ومشت بهدوء وجلست قدامه وهمست : ءءالله يرحمه ،

سلطان كان ساكت ومنزل راسه ،

سلاف ناظرته بحزن ومدت يدها حطته على كتفه : ءءسلطان،

سلطان التفت لها : لا تحاولين معي ولا تحاولين تواسيني فاهمه! انا فقدت روحي فقدت اخويي!! ماراح يجبرني شي ولا راح يجبرني مواساتك ! فقدت اغلى انسان بحياتي ! فقدت ضلع من كتفي ماراح يجبرني شي اتذكر يوم كان يجيني وضحكاته على وجهه وكيف كان يغليني! انا السببب في موته بسببي مات هووو انااا الي خليتهه يندمم، رجع نزل راسه وهو يبكي ، سلاف نزلت دموعها من كلامه ،

سلطان التفت لها و دموعه بعيونه : ليهه كللل الي حوالينييي يتركونيي!!! ليهه انا السببب في كللل شييي!!! هووو كاننن ندماننن كان يبي يعتذرر. منييي كان يتصلل بس ماكنت ارد!

سلاف ناظرته وهمست : ءءالغلط منه هو الي غدر فيك!

سلطان : راضي لو يرجع يغدر فينيييي انا اعرففف اني خسرت قضيتين بسببه ! الاول عشان ما انصدم و اتعود على الخساره عشان يرميكِ في رقبتي و ارجع اخسر ما انصدم!

سلاف ناظرته بصدمه وعرفت انه يقصد ايلان وخُطه متعب وهمست : ءءكنن تعرف؟

سلطان صد وهمس : ماكنت اعرف بس عرفت كل شي بعد موته رحت بيته وشفت كل شيء عرفت كل شي وكنت شاك بس يخي فييي سنين داهيه شغلي والقضايا بس هو ليه تركني!

تركني! وقال ولدي بامانتك اي امانه كان يتكلم عنه وهو ولده بالمستشفى بسببي!!! فقد اغلى شي بحياته بسببي!! كيف كان فيني اتكلم واقوله انا واحد مووو قد امانتككك كيفف! انتي جاوبيني وقولي انا وش سويت بحياتي عشان هذا جزاتي!!

سلاف هزت راسها بالنفي : لا ي سلطان مافي شي بسببك الي مكتوب يصير يعني تعترض على قضاء الله وقدره!

سلطان بقهر : لا يخي ما اعترض بس تعبت انا تعبت محد حاس فيني ولا في احد حولي تعبت قسم بالله ، رجع نزل راسه وهو يبكي ، سلاف كانت تناظر فيه بحزن ومدت يدها وهي تطبطب على كتفه وهمست : ءءاسفه اذا بسببي انا كل الي قاعد يصير معك والله مالي يد بشيء انا انجبرت بسبب متعب ماكان ودي ادخل بحياتك و اسبب لك مشاكل م..سكتت من ناظر فيها سلطان وهمس : الغلط مني انا يا سلاف الغلط مني انا مو منك انتي ماكان فيني اترك متعب ياخذك ذيك الليله،

سلاف : ءبس انت ماكنت تدري يا سلطان ان..قاطعه سلطان وهمس : بس متعب قال انا السبب وحط كل الذنب علي! وتحملت حتى انتي قولي الغلط مني حطي كل الذنب علي و انا اتحمل لانه متعب كان يشوف اني اتحمل كل هالثقل الي حطه بصدري ما يدري اني ضعيف ما اتحمل ! وش كان متوقع يوم سوا فيني كذا ! هو هو الي نصحني و كلمني اتزوج منك وهذا انا تزوجت منك و طعنت ظهر ابوي و امي ووقعت على عقد النكاح وطلقتك و رجعتك فكرتي اني كيف قاعد اخذ قرار حياتي بدون اي احد حولي يسندني! وين متعب وين مصعب ما اشوفهم حواليني! مستحي من نفسي اشكي همومي لاخواني الي طعنتهم وسويت هالحركات من وراهم! انتي حتى صرتي تهربين مني مو انا تزوجت منك!

سلاف انصدمت وناظرت فيه بهدوء ،

سلطان : انا تعبت ي سلاف قسم بالله تعبت طاقتي انتهت بهالحياة لين متى اهرب وراكِ و ورا هالولد! وكيف اترككم وانسى كل شي ومتعب حطكم برقبتي!!

سلاف سكتت ونزلت راسها وهمست : ايش تبغى طيب؟

سلطان صد : معرف لا تساليني بس قولي وش اسوي!

سُلاف رفعت نظرها له بحزن وهمست : انت الي قل لي شسوي؟ وانا راح اسويه ماراح اتعبك اوعدك الي تبيه اسويه ،

سلطان ناظر فيها : خليكِ معي لا تطلبين مني اطلقك ،

سلاف انصدمت وناظرت فيه وهي مصدومه ،

سلطان : لا تبعدين وتاخذين الولد لا تخليني اكمل حياتي وانا حاسس بالذنب واني تركت امانته ولا انتبهت له!

سلاف سكتت وهمست : سلطان اهلك!

سلطان : اهلي خليهم علي بس اوعديني ما تاخذينه مني ولا تهربين مني!

سلاف سكتت وهي تناظر فيه ، سلطان قرب وهو يمسك يدينها وناظر فيها : اوعدك ي سلاف راح اهتم فيه و لو كلفني علاجه عمري كله راح اعالجه ماراح يتركه يكمل حياته كذا! انتي بس وافقي لا تروحين مني!

سُلاف نزلت راسها وهي تحس ببرود يده وسكتت بهدوء ،

وكمل سلطان : وش تبين انتي؟ همك حياة عساف صح! اوعدك راح اهتم فيه و اعطيه حياتي كله! وماراح اترك كل الي ظلموكِ و راح اسجنهم واحد واحد و راح اخذ حقك منهم!

سُلاف بهدوء : مابي اتعبك اكثر ي سلط..قاطعه سلطان وهو يناظر فيها : لو تركتي عساف بحياتي ماراح اتعب بس بدونه راح اتعب وانا افكر ! انا اوعدك ماراح اقرب منك ولا راح المسك حتى بدون رضاكِ بس ما تهربين مني و تتركيني!

سلاف سكتت بهدوء وهي تناظر لكفوفه الي يضم كفوفها ،

سلطان بهدوء : ماراح اصارخ عليكِ ولا راح اعصب ولا راح اتركك و امشي بس جاوبيني ما تروحين عني؟

سلاف كانت ساكته بعد دقايق نطقت : ءءاخاف ،

سلطان عقد حواجبه : تخافين من مين؟ مني! قولي!

سُلاف : مابي سلطان مابي تتعب اكثر مابي اهلك يعرفون مابي بسببي تصير لك مشاكل مابيك تتعب بسببي ،

سلطان ابتسم بخفه : اذا تخافين علي من التعب خليكِ جنبي وبس! اتركي هالدنيا وهمومه على كتفي وبس ،

'

بعد ما رجعوا من العزيمه كانوا جالسين في الصاله ،

ام صقر : والله يا حليلهم استانست معاهم مرره ،

خاله مُزنه : ياحلو بناتهم وسوالفهم تجنن ،

عبدالرحمن كان جالس وشماغه بحضنه وماسك جواله و رفع نظره وهمس : اجل اخطبوا لي اذا عندهم بنات ،

ام صقر بضحكه : كلهم صغار ماهُم قد عمرك ،

عبدالرحمن : ما يهم المهم مو اكبر مني اصغر مني عادي ،

خاله مُزنه بتفكير : شرايك ب جنان ي منيره؟

عبدالرحمن عقد حواجبه من الاسم وهمس : امزح امزح ماني متزوج ضحك وهو يقوم يتوجه لغرفته ،

'

صقر كان بغرفته منسدح واخذ جواله يرسل لملاذ : صاحيه؟

ملاذ التفتت لجوالها وهي تشوف رساله في واتس من صقر ابتسمت و دخلت و ردت عليه : اي صاحيه ،

صقر ابتسم بخفه وهو يسجل لها : اي كيفك اشوفك مشغوله عني متى بترجعين افكر اجيكِ بكره مو قادر انام لوحدي!

ملاذ ابتسمت وهي تشوف انه رسل فويس مشت وهي تسحب السماعات وتلبسهم ، اما نجلاء و امال كانوا مع امهم ،

وملاذ جالسه بغرفة امال تكلم صقر ،

'

ام نجلاء : يلا يمه ادخلوا نامو ارتاحو و انتي ي نجلاء قبل تنامين كلمت اختك امال تسوي لك كاسة عصير طازج اشربي زين لصحتك ،

امال ضحكت وهي تقوم : يلا ننكرف لعيون البيبي ومشت تسوي لها ،

نجلاء : وين بابا ما جاء ابي اعلمه قبل مشعل الحيوان ،

ام نجلاء كتمت ضحكتها : ابو زوجك ما قصر علمه و فرح مره و اتصل علي كان يبي يكلمك بس كنتي مع البنات ،

نجلاء ابتسمت : ياربي كنت ابي اشوف فرحته ،

ام نجلاء : مبسوط انه بيصير جد ،

طلعت امال وناظرت فيها : تعالي يلا ومشت لغرفتها ،

نجلاء قامت وهمست : يلا يمه بروح اجلس معاهم ووقت النوم اجيكِ انام عندك مابي تنامين لوحدك ،

ام نجلاء بضحكه : تمام يلا انا بروح ارتاح شوي بغرفتي ،

امال دخلت وهي تشوف ملاذ حاطه السماعات وماسكه جوالها ضحكت وهمست : بدينا هالحركات هاه ،

ملاذ ضحكت وتركت جوالها وناظرت فيها ،

دخلت نجلاء وهمست : ياربي تعبانه ابي ارتاح ،

امال : تعالي انسدحي ارتاحي لا يشوف شعلولي و يبلشنا ،

نجلاء ضحكت وهي تجلس : حرام عليك ترا صاير كيوت ،

امال : اي عارفه ما شاء الله ،

'

غلا كانت جالسه بغرفتها و بيلا بحضنها تمسح عليها وتفكر بـ عمر تنهدت بضيق واخذت جوالها وقعدت تشوف صور عمر وتركت جوالها و رفعت راسها وهي تشوف محسن الي دخل ونطق : جهزي اغراضك بنمشي بكره س ٩ الليل ،

غلا فزت وهمست : ليه بهالسرعه؟

محسن : جدتي تعبت و اخذوها المستشفى وابوي اتصل وقال اكلمك تتجهزين و انا كلمت الشغاله تجهز اغراضي اروح اودع اخوياي واجي ننام ونمشي بكره ومشى طلع برا ،

'

ام سعود و جنان و ام مشعل كانوا بغرفه ثانيه بالشاليه ،

ام سعود : ليه امال تتصرف كذا وكانها ماتدري عن شي؟

جنان : منجد حتى جبت طاري زواج سعود ماشفت ردة فغل،

ام مشعل تنهدت : اي اخوي ما علمها ولا حتى قال لها شي مدري وش ينتظر ،

ام سعود بصدمه : يعني هي ماتدري؟

ام مشعل : لا وين ما اظن انها تدري ،

'

سلاف كانت بالغرفه جالسه و رفعت نظرها وهي تشوف سلطان الي دخل وهو يقفل الباب : بتنامين ؟

سُلاف عقدت حواجبها وهمست : اي ما بتروح انت؟

سلطان هز راسه بالنفي وتوجه وهو يجلس : انام عندك اذا تسمحين مافيني حيل اسوق تعبان ،

سلاف سكتت بهدوء وهمست : بيتك مايحتاج تستاذن مني،

سلطان مشى وهو يجلس على السرير : اخاف اذا شفتيني نمت جنبك تقومين تنامين بمكان ثاني ،

سلاف سكتت وهي فعلًا كانت ناويه تنام بالصاله : اي ،

سلطان : وش غير كلامك! مو قلتلك ماراح المسك!

سلاف بهدوء : اي بس ننام بمكان واحد وك..قاطعه سلطان وهو يسحب المخده ويحطه بالنص : ارتحتي كذا!

سلاف ابتسمت بخفه وسكتت وهي تشوفه سلطان سحب اللحاف وانسدح بثوبه ولا فسخه والتفت لها : نامي لا تخافين ماراح اكلك وبنمشي الصباح لعساف ونشوف حالته كيف ،

سلاف هزت راسها بـ اي و انسدحت جنبه تنام ،

'

____________________

= صباح يوم جديد على الابطال =

'

ام صقر صحت من النوم وهي طول الليل كانت تنتظر سلطان لكن ما رجع ونامت اول ما صحت توجهت لغرفة سلطان فتحت الباب وهي تشوفه مو موجود انصدمت انه ما رجع البيت واخذت جواله تتصل عليه ،

'

سلطان كان نايم وسلاف اللي كانت صاحيه ما قدرت تنام جنبه ومعه بنفس السرير كانت متوتره ولا قدرت تنام فزت من رن جواله والتفتت له وهي تشوفه نايم ولا صحى من صوت جواله وقربت يدها لكتفه وهي تهزه : سلطان جوالك ،

سلطان فز من حس بيدها وقام جلس واخذ جواله وهو يناظر لرقم امه و رد علطول : هلا يمه ،

ام صقر بخوف : وينك ما جيت طول اليوم؟

سلطان بنعاس : نايم عند اخوياي ماقدرت اجي ،

ام صقر : خوفتني عالاقل كان اتصلت او رديت على رسايلي ،

سلطان : جاي الحين توي صحيت ،

سلاف ناظرت فيه بهدوء وسكتت ، سلطان قفل من امه وهو يقوم يوقف وينفض ثوبه ويقفل الازرار : رايح لامي اجيكِ العصر  واخذك للمستشفى ،

سلاف هزت راسها بـ اي ، سلطان توجه طلع من البيت ونزل للمزرعه وهو يلتفت يمين يسار ومشى ركب سيارته ،

'

فهد : اجلسوا مسرع بتمشون؟

ابو سعود بضحكه : خلاص بروح الحائل بيتنا وكل اقاربنا هناك ان شاء الله نجيك مره ثانيه وناخذ عروستنا ،

فهد ابتسم : ان شاء الله ، والتفت لابو مشعل : انت اجلس ،

ابو مشعل بضحكه : اي اكيد مالي احد هنا غيركم ،

سعود ناظر لمشعل : خاب ظني والله يقولون تكمل دراستها ،

مشعل : تستاهل تركت دراستك وجيت و لقمت ،

سعود : ماعليك هي مستقبلي ،

مشعل بضحكه : اي بنشوف هذا وجهي اذا ما شفتك تكنس الشوارع تارك دراستك وجاي ،

سعود : اسكت لا اهفك بكف الحين ،

مشعل : اقول احترم نفسك ترا اصير اب ،

سعود : تكفى مشعل كم مره قلت لي انك بتصير اب! هذا وجهي اذا الطفل طلع الدنيا وما تبرى منك يالفاشل ،

مشعل : والله لو ابوه انت وقته تكلم راح يتبرى منك اذا عرف انك تركت دراستك و ركضت جيت عشانها و لقمت ،

'

عبدالرحمن ناظر لعمير وهو يضحك وصقر معه اول ما عرفوا كان عرس ابوها مو عرسها ،

عمير بضحكه : والله ي اني تفشلت من نظراتهم،

عبدالرحمن : ما ضحكني غير انه قطعنا الاسلاك ،

صقر : والله وانا اقول شفيها تتزوج فجاه اول ما هج عمر هم علقوا الانوار انصدمت ،

عمير : اقولكم قعدت اعدل نفسي و دخلت عليهم ومدري اتهاوش ولا استخير ولا اسلم وهبدت لهم قلت السلام عليكم والكل يطالعون فيني ،

صقر : زين ما هبدوك بس ،

'

ابو سعود و سعود و اهله توجهو للحائل بيتهم هناك ،

ام مشعل و ام نجلاء كانوا جالسين يسولفون ،

امال التفتت لملاذ : يووه ودي يتكرر نفس العزيمه ،

نجلاء ابتسمت : منجد كان حماس يارب يتكرر ،

ام مشعل : ماعليك يتكرر في عرسك ،

ملاذ التفتت وهي تشوف صقر يرسل لها واخذت جوالها وهي تشوف انه رسل صورته وهو في السياره و لابس البدله متوجه للمستشفى خلاص راح يبدا دوامه'مُلاحظه هو دكتور القلب ،

ملاذ ابتسمت وهي تشوف صورته و رسلت له قلب وتركت جوالها والتفتت لنجلاء الي كانت تسوي شعر امال ويفي ،

امال : يووه اشتقت لما تسوين لي بكل مُناسبه ،

'

سلطان وقف سيارته و دخل البيت وناظر لامه كانت جالسه تنتظره ابتسم ومشى عندها وهو يقبل يدينها وجلس جنبها وناظر فيها : اسف اني تاخرت ولا عطيتك خبر ،

خاله مُزنه : ولا تنسى وعدك الي وعدتني وخلفت فيه ،

سلطان ضحك وهمس : والله نسيت انشغلت مره ،

خاله مُزنه : و ايش الي اشغلك؟

سلطان بهدوء : خويي مات ومتضايق والله ،

ام صقر انصدمت وهمست : يوه الله يرحمه ويصبر اهله ،

سلطان هز راسه بالنفي : اهله متبرين منه ولا همهم موته ،

خاله مُزنه همست : لاحول ولا قوة الا بالله ،

سلطان تنهد وهو يقوم : اروح اغير و اروح للعزاء ببيت خويي ومشى توجه لغرفته ياخذ له شاور على السريع ويتجهز ،

'

كلهم كانوا جالسين بالصاله انصدموا اول ما سمعوا صوت المطر نجلاء فزت : يمهه مطررر! ومشت بسرعه طلعت ،

امال و ملاذ ركضوا لحقوهم وامال صارخت : يمطررر ،

ام مشعل و ام نجلاء ركضوا طلعوا وهم مبتسمين ،

نجلاء ابتسمت وهي رافعه راسها : اهخخ الريحه ،

امال ابتسمت : ياربي بردد ومطر وشتاء مافي احلى من كذا ،

ملاذ كانت مبتسمه و اخذ نفس وهي تحس بقطرات المطر على وجهها قعدت تضحك ومبسوطه ،

'

عبدالرحمن طلع من الشركه وهو لابس ثوب ابيض وجاكيت بُني طلع وهو يشوف المطر كيف غريز وتوجه بسرعه ركب سيارته وشعره الي صار كله مويا من المطر وثوبه ابتسم وهو يناظر وحرك سيارته واخذ جواله يرسل لامال : وينك الدنيا مطر لا تقولين انك نايمه! واخذ جواله يصور لها المطر ،

امال كانت ماسكه جوالها وواقفه ابتسمت من شافت رساله منه اخذت جوالها و توجهت دخلت داخل و ردت ؛ صاحيه ،

عبدالرحمن شاف و ابتسم وعلطول اتصل عليها ،

'

غلا كانت واقفه تناظر من الشباك وتشوف المطر تجمعت الدموع بعيونها وهي تشوف عمر للحين ماله حس ولا موجود ولا طلع من بيته وماتدري وينه ولا رجع رد عليها اخذت نفس وهي تقفل الشباك وتلتفت تناظر لاغراضها كلهم على جنب مابقى غير ساعه وبيمشون نزلت دموعها وهمست : يارب يارب بهالمطر اجبر قلبي و طمن قلبي عليه يارب لا تبعدني عنه ولا تبعده عني اخذت نفس ومسحت دموعها ومشت وهي تشيل بيلا وتبوسها وابتسمت من تذكرت اول لقاء بينها وبين عمر رفعت نظرها وهي تشوف محسن الي دخل ياخذ الاغراض صدت وهي تمسح دموعها و رجعت فتحت الشباك لعل وعسى تلقى عمر و رفعت جوالها تشوف انه ما شاف رسايلها ولا حتى اتصل ،

'

امال ابتسمت و همست : معك خمس دقايق تسولف الان عندي جواسيس كل خواتي هنا ،

عبدالرحمن بضحكه : اووه عشان ما تسالين عني ،

امال ضحكت من ضحكته : تركت المطر وجيت اكلمك ،

عبدالرحمن مد يده وهو يفتح الدرج : تتذكرين اول لقاء بيننا مطر و ورد ولما طلبتي انقذ القطوه ولما اخذت لك ورد ،

امال ابتسمت وهي تتذكر ، عبدالرحمن طلع الورد وهو يشوف كيف ناشف و اوراقه تطيح ضحك : الورد مات بس معي ،

امال بصدمه : للحين عندك الورد؟

عبدالرحمن : اي معي اسمعيني بقولك ،

امال عقدت حواجبها وابتسمت : اي قل؟

عبدالرحمن : انتِي قصيدة تغنت بين وردُ ومطر ت..ماكمل كلامه الا وهي قفلت بوجهه من شافت نجلاء دخلت ،

عبدالرحمن ضحك وتذكر كلامها : جواسيس وترك الجوال وهو يشوف المطر كان ناوي يطلب منها كوب شاهي لكن للاسف مافي مجال دام الجواسيس موجودين على قولتها ،

'

سلاف انسدحت تنام و تلحفت وشمت ريحة عطر رجالي ريحه قوه عقدت حواجبها واخذت اللحاف وهي تشمه وتذكرت انه سلطان تلحف من هالطرف و ريحة عطره ،

'

سلطان لبس ثوبه وسحب جاكيته الاسود وتوجه نزل لسيارته فتح الباب وهو يشوف الدنيا غرق من المطر ركب سيارته بسرعه وقفل الباب وحرك متوجه للمزرعه عند سلاف كان ناوي يروح العزاء عند مصعب لكن للاسف مطر واكيد الكل مشى وقف سيارته بالمزرعه ونزل وهو يلبس جاكيته ،

'

امال ناظرت لنجلاء : شصاير ؟

نجلاء تجمدت من البرد ومشعل اتصل ينتظرني بروح معها وانتي ماما تقولك جيبي جاكيت لملاذ ،

ومشت لداخل تلبس عبايتها و امال لحقتها تاخذ جاكيت لملاذ وطلعت جاكيتها : عاد مافي الا حقتي ،

'

مشعل كان جالس بسيارته ينتظر نجلاء وهو يشوف المطر نجلاء طلعت ومشت بسرعه و ركبت السياره ،

مشعل ابتسم والتفت لها : وينك تاخرتي ،

نجلاء : كنت البس عبايتي وقعدت ادور لك جاكيت بس مالقيت الا هالشال ، مشعل ضحك نجلاء قربت وهي تحط الشال برقبته : عاد ما يدفيك بس برضوا ،

مشعل : الشال ما تدفي بس حضنك يمكن تدفي ،

نجلاء ضحكت وضربته : مشعلل خير بسياره حنا ،

مشعل : شدعوه عشانه سيارة ابوكِ تستحين ؟

نجلاء سكتت وهمست : حرك يلا ابي اشغل اغنيه ونفرفر ،

مشعل ابتسم : من عيوني ابشري ،

نجلاء اخذت جوالها تشغل ومشعل حرك سيارته ،

'

سلطان دخل البيت وتوجه للغرفه فتح الباب وهو يشوف سلاف نايمه سكت ومشى عند الشباك فتحه وهو يشوف المطر والتفت وهمس : سلاف ،

سلاف فزت من نومها على صوته وناظرت فيه ،

سلطان ابتسم : قومي الدنيا مطر ناخذ عساف ونمشي ،

سلاف ابتسمت على طاري عساف وناظرت فيه وسحبت اللحاف عنها وهي تقوم. سلطان كان واقف يطالع فيها لكن صد من شافها لابسه ملابس النوم وخفيف وتوجه يناظر من الشباك للمطر ، سلاف طلعت من الحمام وغيرت وسحبت عبايتها تلبس سلطان التفت لها : انتظرك برا وتوجه طلع نزل للمزرعه وهو يشوف المطر كيف قوي والبرد بدا يشتد ،

سلاف طلعت وهي تشوفه واقف وهمست : يلا؟

سلطان التفت وناظر : تعالي يلا ، ومشى ركب سيارته سلاف ركبت معه متوجهين للمستشفى عند عساف ،

'

ابو محسن وقف سيارته و زوجته هند معه وناظر لمحسن الي نزل وحط الاغراض ، غلا نزلت وقعدت تناظر لبيت عمر ماودها تروح لكن مجبوره جدتها بالمستشفى ولازم يروحون ، مشت ركبت وهي تحاول تمسك دموعها و اتكت وقعدت تناظر من الشباك وتشوف المطر وتتذكر عمر ،

'

عبدالرحمن وصل البيت ومشى حط جاكيته على الكنب وتوجه دخل غرفته ينام مشى فسخ ثوبه وهو يرميه على الارض وتوجه انسدح بتعب وغمض عيونه لكن تذكر امال واخذ جواله ابتسم وهو يشوف صورتها الي في العرض بالواتس وشعرها البُني على اشقر ضحك بخفه وهمس : حلوه والله ،

'

ابو محسن وقف سيارته عند المطار ونزلوا ينتظرون طيارتهم الكل كان مشغول باله بالجده الا غلا اللي كانت تفكر ب عمر وخايفه عليه ووينه مختفي تنهدت وهي تفكر بعد عدة ساعات ركبوا طيارتهم متوجهين للكويت فعلًا ، جلست و دموعها تنزل وفعلًا بتمشي من السعوديه وتروح الكويت وكل ذكريات عمر بالقصيم حتى بيلا تركتها عند الشغاله لعلها ترجع وهي عارفه مالها رجعه لكن اخذت معها سلسال الي كانت لابستها بيلا ،

دموعها كانت تنزل وهي تناظر من الطياره ،

" وابتدت الحكاية من ارض القصيم وانتهت ب ارض الكويت "

'

32

'

سلطان وقف سيارته عند المستشفى وهمس : خليكِ لا تنزلين المطر انا بنزل استاذن واجيبه معي ، وفتح الباب ونزل ،

سُلاف سكتت بهدوء وجلست والتفتت للشباك وهي تدعي انه يتحسن عساف ويتشافى كانت تنتظره لكن تاخر سلطان وسندت ظهرها على المقعد وهي تنتظر فزت من شافت سلطان طالع وشايل عساف بحضنه ومشى فتح الباب و ركب وهو شايله وعساف الي كل ملابسه صارت مويه من المطر ،

سلاف ابتسمت بفرح وقربت وهي تاخذه منه وتبوسه ،

سلطان ابتسم بخفه وهمس : اي مطعم نروح وناكل ؟

سلاف رفعت كتوفها وهمست : ما اعرف ،

سلطان سكت وحرك سيارته يروحون للمطعم ياكلون ،

'

مشعل رجع للبيت وهمس : انزلي يلا ولا ما طفشتي ،

نجلاء بضحكه : لا والله ما طفشت بس بنزل ينتظروني ،

ومشت نزلت وتوجهت دخلت الشاليه ، مشعل قفل سيارته ومشى للمجلس عقد حواجبه وهو يشوف الدنيا مطر و ابوه وفهد نايمين ضحك بخفه ومشى انسدح ينام معاهم ،

'

الجد سُليمان كان واقف عند المسجد ويشوف المطر ،

اسماعيل كان طالع ووقف وهو يشوف الجد سُليمان وابتسم ومشى له : ياهلا زين صادفتك شالاخبار؟

الجد سُليمان ابتسم : والله بخير واقولك ولدي العسكري بيجي هالشهر ونخطب له وحده من بناتك ،

اسماعيل عقد حواجبه : عبدالرحمن دخل العسكريه؟

الجد سُليمان : لا لا عمر مو عبدالرحمن ، عبدالرحمن مايبي يتزوج وقلت نخطب لعمر هو ناوي يتزوج ،

اسماعيل سكت وهمس : ما يهم مين المهم بنتي لحفيدك،

'

صقر وقف سيارته وتوجه بيدخل البيت لكن انصدم وهو يشوف بيت غلا مكتوب عليه للبيع عقد حواجبه ومشى توجه لبيت عمير وهو يدق الباب ، عمير استغرب ومشى فتح الباب،

صقر ناظر فيه : شصاير وين راحوا؟

عمير رفع كتوفه : معرف ليه مو في البيت هُم؟

صقر : تعال معي شف وش مكتوب و توجهوا عند البيت ،

عمير انصدم وهو يشوف مكتوب للبيع وناظر لصقر وهو مصدوم وهمس : كيف كذا ! ومتى راحوا؟؟؟

صقر التفت له : لا يكون سافروا الكويت؟

عمير ناظر للشغاله الي طلعت وهي تحط بيلا بالشارع وماسكه شنطتها و ركض لعندها : وين راحوا ؟

الشغاله ناظرت وفهمت عليه وهمست : سافرو كويت ،

صقر تجمد بمكانه وناظر لعمير : راحوا !

عبدالرحمن كان طالع من البيت استغرب وهو يشوفهم متجمعين مشى عندهم : شفي..سكت وهو يقرا الورقه الي مكتوب عليه للبيع ،

عمير همس : راحوا الكويت والبيت للبيع ،

عبدالرحمن انصدم ونطق : تستهبلون! متى راحوا وكيف! و مو هي تحبه كيف تتركه وتروح!!

صقر : يمكن انجبرت او عمر قال لها شي مافي اي سبب فجاه سافروا للابد الشغاله تقول ،

عبدالرحمن كان مصدوم وواقف و بيلا الي كانت بالشارع وتحس بالبرد وركضت عند رجول عبدالرحمن ،

عبدالرحمن فز وهو يتنرفز منهم لكن من شاف بيلا تذكر عمر وهمس : مو عمر قال انها ماتت؟

عمير هز راسه بالنفي : لا كانت عندها  عطاها القطوة ،

صقر عقد حواجبه : حتى بيلا تركته يعني تركت عمر برضاها ولا ليه ترمي بيلا وهي تدري عمر يحب بيلا اكثر شي!

عبدالرحمن سكت وهو يناظر لبيلا وانحنى جلس وهو يمسح عليه رغم انه يتنرفز منهم لكن فقد عمر وجدًا وما حس بشي يذكره بعمر غير بيلا لا شعوريًا جلس يمسح عليها ،

صقر تنهد : ما بقى شي وبيخلص الشهر لا يرجع وينصدم ،

'

سلطان وقف سيارته وهو يشوف المطر الي وقف من وقت طويل ونزل و سلاف نزلت معه وهي ماسكه عساف ،

ودخلوا لداخل للمطعم سلاف دخلت جلست وسلطان مشى يطلب ، سلاف كانت تضحك مع عساف وشايلته ،

سلطان يبدا يبكي سلاف شالته وهي تجلسه فوق الطاوله ومدت له الرضاعه عساف كان جالس ويشرب من الرضاعه ،

دخل سلطان ومشى وهو يحط الاكل ابتسم وناظر لعساف وهمس : ياهوه صرت رجال وباقي على الحليب! و التفت لسلاف وقرب يقفل الستاره : شيلي النقاب وكلي ،

سلاف : ءلا شبعانه بس جيت عشانك ما اكلت شي ،

سلطان تنهد : لا تخليني اتناقش معك اكثر كلي وبس ،

سلاف سكتت وهي تفك نقابها وتحطه على جنب ،

سلطان ناظر لعساف الي كان جالس وبيده الرضاعه ،

واخذ حبه من البطاطس ومده له : هاه خذ ،

سلاف فزت بخوف : لا سلطان اخاف يختنق ،

سلطان بصدمه : مجنونه انتي! الولد وش كبره و يختنق! خلاص شيلي عنه الرضاعه ما اشوفه ياكل شي طول حياته على الرضاعه شوفي كيف نحف مافيه شي غير عظام ،

سلاف بخوف : اخاف يصير له شي ،

سلطان هز راسه بالنفي وناظر لعساف الي اخذ منه البطاطس وحطه بفمه ياكل ، وسلاف تراقبه بخوف ،

'

نجلاء : منجدك ملاذ بتروحين؟ ملاذ هزت راسها بـ اي ،

نجلاء كانت منسدحه وهمست : عاد اجلس هنا شكلي طول عمري لين امال تخلص من الجامعه الظاهر ،

امال بضحكه : اعرف شعلولي من بكره بيجي ياخذك ،

نجلاء ابتسمت : والله الظاهر قال هالاسبوع نرجع المدينة،

امال : وملاذ حيوانه بتمشي اليوم زوجها بيجي ياخذها والله اطفش بدونكم ولا لي احد و..سكتت وهي تشوف ملاذ الي غمزت لها انصدمت وهي تعرف وش مقصدها ،

نجلاء ما لاحظت لملاذ كانت تناظر لاظافرها : ودي احط مناكير.

'

= بالكويت عند غلا =

كانت جالسه بالمستشفى مع ابوها وتنتظر خبر عن جدتها للحين ما صحت قامت مشت طلعت من المستشفى وقفت وهي تشم هواء وتحس ضيق الكون كله بوسط صدرها ودها تعرف اي شي عن عمر كانت ماسكه الجوال ومشت تاخذ لها كوفي وما انتبهت للسياره الي جاي من يمينها وصراخ ابوها الي كان طالع وناظر للسياره الي جاي سريع وغلا متوجه للكوفي ما حست الا وهي طايحه على الارض وجوالها وكل اغراضها طاحوا ، ابو محسن صارخ بكل قوته و ركض لها ،

وهو يصارخ ومن حُسن الحظ المستشفى قريب وشالوها واخذوها وجوالها الي كان بنص الشارع ولا احد شالها والسيارات رايحين وجاين وجوالها اندعس من تحت السيارات وكل شي فيه راح رقم عمر و صورهه و محادثاتهم ،

'

عبدالرحمن كان جالس بالصاله وبيلا بحضنه يمسح عليها وهمس : فقدته والله متى يمر هالايام ويرجع ،

صقر بهدوء : ماعاد ودي يرجع لانه راح ينكسر اكثر لما يعرف انها سافرت ولا يعرف اي شي عنها ،

عبدالرحمن : يخي انت تعرف عمر يحبها و راح يتصل عليها ويعرف مكانها وبيسافر لها ،

صقر هز راسه بالنفي : الموضوع مو سهل يا دحوم ،

عبدالرحمن تنهد وهو يترك بيلا على الارض : ربك يكون بعونه،

صقر تنهد ووقف : اروح اجيب زوجتي انت بتنام؟

عبدالرحمن هز راسه بالنفي : لا اروح اشوف امي وينها غريبه ما جت للصاله ، وقام وقف وتوجه دق باب غرفة امه و دخل،

ام صقر كانت منسدحه و تفكر بـ عمر التفتت من دخل عبدالرحمن وابتسمت : اهلين تعال يا حبيبي ،

عبدالرحمن : غريبه وينها خالتي مُزنه؟

ام صقر ابتسمت : خلاص راحت لبيتها جلست كثير ،

عبدالرحمن : اوه تعودت عليها وهي هنا ،

ام صقر : خلاص راحت لعيالها وبناتها ،

عبدالرحمن : خلينا منها انتي ليه طول وقتك هنا شصاير لك؟

ام صقر بحزن : عمر ياولدي عمر فقدته والله ،

عبدالرحمن : ما بقى شي وبيرجع ي يمه ان شاء الله ،

ام صقر : يارب الله يسمع منك فقدته والله ،

عبدالرحمن : كلنا يا يمه والله كلنا ،

ام صقر بهدوء : بطلب منك طلب بتسويه؟

عبدالرحمن عقد حواجبه : وش؟

ام صقر اخذت نفس وهمست : ابغاك تراقب اخوك سلطان وتلحقه وتعرف وين يروح ووين يجي وتعلمني كل شيء!

عبدالرحمن انصدم وهمس : مافهمت انتي شاكه فيه يعني!

ام صقر : امس في الليل رجع وقال لي انه كان نايم عند اخوياهه بس لما جاء جلس جنبي شميت منه ريحة عطر نسائي يا عبدالرحمن وانا مو متطمنه من اصحابه ،

عبدالرحمن انصدم وناظر : صبر صبر يعني كان نايم مع وحده!

ام صقر نزلت دموعها : عشان كذا طول اليوم بغرفتي ابكي ماودي ظني فيه يطلع صح تكفى ياولدي خيب لي ظني!

عبدالرحمن كان مصدوم وناظر لامه الي تبكي وماوده يخلي شكوكها صح وهمس : لا وين يمه سلطان مو كذا وامس صقر قال انه صادفه بالمول واكيد جرب اي عطور هناك ،

ام صقر بصدمه : بالمول! بس ما قال لي انه راح المودل ،

عبدالرحمن بتوتر : يمكن نسى يعلمك يمه حنا تربية يدينك خليكِ واثقه مستحيل نسوي هالحركات! وطبيعي عاد تعرفين سلطان يمشي ويتعطر من اي عطر ،

'

عمر الي اخذ قرار كبير بحياته ولا شاور احد ولا كلم احد ما قدر يتحمل كل هالبعُد عن اهله وحاس بشعور غريب خايف على غلا اخذ قرار كبير جدًا بدون ما يشاور حتى اخوانه قرر يترك العسكريه ويرجع ولا عطى خبر لاحد ماهو قادر يتحمل ويكمل وهالليله فعلًا عمر كان راجع بعد ما اخذ هالقرار وترك العسكريه كان عارف مستحيل يعطونه الموافقه انه يتزوج من غلا لانها كويتيه ، كان راجع ومتغير حيل و لونه تغير صار اسمر وحلق شعره صفر متغير مرره هالاسبوعين وثلاث تغير جدًا ،

بالنسبه له سنه كامل مو فقط اثنين ولا ثلاث اسابيع ،

كان خايف من ردة فعل الكل او بالاصح ردة فعل ابوه ،

'

عبدالرحمن كان بغرفته يناظر من الشباك و سرحان يفكر بكلام امه وفعل حتى شكه كان فيه صح! تنهد بتعب وهو ينتظر سلطان يرجع ومشى جلس على السرير وهو يفكر فجاه رن جواله و ابتسم : هلا ياقلبي. 

امال بهدوء : جالسه لوحدي وقلت اتصل عليك اذا صاحي ،

عبدالرحمن : اي صاحي عيوني لك اي وقت ودك اتصلي بس شكلهم الجاسوسات ناموا عشان كذا اتصلتي؟

امال بضحكه : اي وحده جاء اخوك اخذها والثانيه نامت،

عبدالرحمن ابتسم : وانا متى اجي اخذك؟

امال سكتت من كلامه ونطقت : ليه صاحي؟

عبدالرحمن سمع صوت السياره وهمس :  قلبي شوي واتصل ، قفل الخط منها وتوقع سلطان الي جاء ومشى يشوف لكن للاسف كان صقر نزل وملاذ معه و توجهوا دخلوا البيت،

'

غلا اول ما صحت وهي تبكي وهمست : ءويننن جوالييي يبه ابي جوالي وينه ،

ابو محسن انصدم ومد لها جواله : هاه خذي جوالي شفيكِ؟

غلا هزت راسها بالنفي وهي تبكي : ابييي جوالييي يبه تكفى جيب لي جوالييي قل لمحسن يجيبهه يجيب جواليي ،

نزلت راسها وهي تبكي ودموعها تنزل : ابي جواليي ،

ابو محسن : يابنتي الشارع زحمه سيارات من وين اجيب جوالك وين راح القاها ! والحادث صارت الصباح الحين الدليل ليل وين اروح ادور جوالك حتى اغراضك ما جبتهم اكيد احد اخذهم ، غلا التفتت بصدمه ودموعها تنزل وتتذكر سلسال بيلا بعد كانت بالشنطه وضربت يدها على السرير بقهر وهي تبكي وتهمس : يبه تكفى ءقل لمحسن يدور جواليي ،

'

عمر وقف عند البيت واخذ نفس وفتح الباب و دخل لداخل،

مارلين كانت متوجه للمطبخ انصدمت وهي تشوف عمر وقعدت تصارخ : عمررررر عمرررررو عمرررر ،

الكل انصدموا من صراخها و ركضوا طلعوا لبرا تجمدو بمكانهم وهم يشوفون عمر ، الا ام صقر الي انبسطت و ركضت تحضنه ،

يوسف ناظر بصدمه : كيف جيت و..قاطعه عمر الي همس : تركت العسكريه ما اتحمل ول.سكت من يوسف قرب وعطاه كف بكل قوته وهو مصدوم ، عبدالرحمن و صقر انصدموا و ركضوا يمسكون ابوهم يبعدونه عن عمر ،

يوسف بصراخ : ءانتتتت عارففف شقاعددد تقوللل!!!

عمر كان ساكت ومنزل راسه بهدوء ،،

صقر ناظر لابوه : يبه اهدا اتركه خلاص ،

عبدالرحمن ناظر لعمر وهمس : عمر اطلع روح ،

عمر رفع نظره وناظر لابوه وهو يشوف وجهه وكيف معصب ومصدوم ، وتوجه طلع لبرا وهو يسمع صراخه ،

يوسف : اناااا ضحيتتتت بعمريي عشانهه وعشاننن احقق حلمهه وهووو ياخذذذ قرارر كذااا بدونن ما يشاورنييي!!!

ام صقر كانت ساكته ولا تكلمت بحرف واحد ،

يوسف بحده : لااا اشوفف وجهه ولااا اشوفه داخلل البيت ، و ومشى لغرفته وقفل الباب بقوه وهو معصب ،

عبدالرحمن ناظر لصقر وصد ركض طلع برا يشوف عمر ،

صقر ناظر لامه : خذي مويا لابوي وخليه يهدى من اعصابه، ومشى لحق عبدالرحمن عشان يشوف عمر ،

عمر كان واقف ويمسح دموعه بيده ومقهور ،

عبدالرحمن مشى له وهمس : عمر تبكي! منجدك!

عمر التفت وحضنه بقوه ، عبدالرحمن انصدم منه وهو يطبطب عليه وهمس : خلاص ياهوه ماصار شي ،

صقر نزل وتوجه له وهو ماسك قرورة مويه : خذ اشرب ،

عمر اخذ منه المويه و رفع راسه وهو يشرب و رفع نظره لبيت غلا وهمس : ما تركت العسكريه بدون سبب يخي ما تحملت البُعد عنكم وكنت عارف ماراح يعطوني الموافقه اتزوج منها!

عبدالرحمن سكت على طاري غلا وتغير ملامحه ،

صقر بهدوء : دامك رجعت برضوا مافي فايده ،

عمر باستغراب : ما فهمت وشو مافي فايده!

عبدالرحمن التفت لصقر : صقر!

صقر مد يده : تفضل اطلع شف وس مكتوب على بيتها ،

عمر انصدم من كلامه و ركض طلع يشوف ،

عبدالرحمن ناظر لصقر بحده : منجدك انت!!

صقر : وش تبغانا نكذب عليه عشان وهو بنى احلامه وجاي!

عمر تجمد بمكانه وهو يشوف مكتوب على البيت للبيع هز راسه بالنفي وهو مصدوم كيف غلا تروح! ووين راحت! ركض وهو يدق باب البيت بقوه ويصارخ : غلاااااا اطلعيييي ،

عبدالرحمن سمع صراخه و ركض طلع له : عمر انجنيت!

عمر بصراخ ودموع : وينننن راحتتت وينهاااا غلااااا!!!!

صقر ناظر فيه وصد : سافرت راحت الكويت للابد ،

عمر ناظر فيه بصدمه و دفه بقوه : تكذبب علييي انتتت انت ما تبغانيي اتزوج منهه والتفت لعبدالرحمن : دحوم انت قلل وينه مو انت وعدتني اتزوج منها! تكفى قل وينها وين واحت'

عبدالرحمن كان ساكت مافيه القوه ينطق ويتكلم وهو يشوفه منهار وكيف يبكي ويصارخ ، عمر التفت لبيت عمير وهو يصارخ : عميررررر ياعميررررر ، و ركض يدق باب بيته ،

عبدالرحمن ناظر فيه بحزن وهو يشوفه كيف انجن ويصارخ بالشارع ولا همه احد ،

عمير كان صاحي وانصدم وهو يسمع صراخ عمر وتوقع انه يحلم و ركض فتح الباب وهو يشوفه واقف تجمد بمكانه من الصدمه : عمر !

عمر بدموع : عميررر وينهااا وينن راحتتت قل تكفى لا تكذب علي زيهممم قل وينهااا غلااا!!!

عمير سكت وهو يناظر لصقر وعبدالرحمن : سافرت ،

عمر دفه بقوه : حتى انتتت تغيرتت علي حتى انت تكذبب،

و ركض فتح سيارته طلع جواله وهو يتصل عليها لكن للاسف مافي ولا رد ودخل الواتس يشوف رسايلها ونزل دموعه و رفع نظره : شوفوااا شوفوا هي كاتبه انهااا تحبنييي وتنتظرنييي مستحيلل تتركني و ركض لبيت غلا وهو يدق الباب ،

صقر كان واقف بهدوء ويراقب بصمت ،

عمر التفت وهو يصارخ : ياعميررررر عميررر ،

والتفت ناظر : ياعمير ماجاب البخت مرمش الجيش

تصفقت ماجت بعلم الطراشه.

غابت ورآ شمسه نجوماً مراهيش

حولين حالن كيف مالوقت حاشه.

ياعمير ترى عروق قلبي معاطيش

تشدا لقاعا" مبطيا" عن رشاشه

عليه بحشايه رماحا" لواكيش

صكن بصندوق الضلوع الهشاشه.

كني مكلف مع طيور الخفافيش

يومن كلا" غافيا" في فراشه

.أسج وأرقب فوق روس المطانيش

وأهل دمعي فوق خدي طشاشه

وأطنب طنيب اللي فردوها الطواريش

عن الولايف وإنتحوا بالغباشه

ياعمير ماعينت هيل العطاريش

اللي خطاته تقل مالقاع ناشه.

أوصيك يافرد الرفق بالمهاويش

يافازعا" لقلوب جتلك عطاشه

أوصيك باللي وصفها مابعد حيش

لاشفت ماغيره بوجهه بشاشه

العين عين اللي مغيرا" بتوحيش

حرا" على كبد الخظيرا إنتعاشه

له فكرتا" يرمي بها كامل الريش

يرسل إسهوما" عفوها في رماشه.

ومبيسمه جمرا" بطرق الهوى نيش

يسطع بوجهاً أبيظاً تقل شاشه

ومجدلا" غطى لبوس الدشاديش

ليلاً سواده لف وأخفى قماشه

بشوح الجذيل إن صد بالعنق بشويش

جد النحر شمسا" صفت من غباشه

تزمه نهوده على الخصر تنعيش

ويضيق صلبه للردوف بنشاشه

يظف ردفه لأوسط الورك ياويش

مبروم ساقه مثل جنب الدعاشه

إن عمهج بزوله خطاته بلا طيش

يازن خطاته مثل خطوات باشه

ياعمر خذ وصفي مع الناس تفتيش

عنّ الركاب مع الوعر والجشاشه

ترقبه مع ناقلين التخاريش

ناسا" يجيبون العلوم الدهاشه

عث الديار المرمسات النواهيش

اللي بها قطون البدو مستحاشه

صبح بقوم ومسّ قوما" مطاويش

أنشد عن اللي نازح البعد طاشه

ماريته طرشا" تحاود مفاريش

وضحا" كما غيما" نشا من نشاشه

تلقى النزل في نايفا" عن مباحيش

بأرضا" ربيع وعشبها بإنفراشه

إنشد ونبش لي عن العلم تنبيش

عن من غدت بذراع يدها نواشه

اللي رمتني في رموشا" معاكيش

من تعترض له ينقرط بإفتراشه

ياعمير إنشد لو تجيب التناويش

باللي أرحلوا من دون كف ونباشه

عن إقصرانا بالرخا والتشاويشج

على النقى ماخالطته الدفاشه

ماتقل نقسم بيننا لقمة العيش

ولاتقل صفينا لقوما" إطشاشه

إيضا" ولا أعزبنا بلادا" مهاميش

يوماً كلاً صافياً مابجاشه

ياما وقفنا للمعادي مقاشيش

عن ذودهم طاحت شيوخا" بلاشه

ياعمير شدوا وإنتحوا للمخابيش

أمست منازلهم توالي دشاشه

في دارهم ظلت بقايا خرابيش

تهل عيني شوفهن من طفاشه

غديت تقل مقيداً لي بكلابيش

بأرضاً قفر ماحول ماها مشاشه

ياعمير لاتسوي سوات المباليش

دور لأبن ظلام ونساً لجاشه

وختامها مني سلاماً بلا طيش

إعداد ماللنور طارت فراشه