رواية خريف الحب الفصل الاول 1 بقلم خياله والخيل عشقي
رواية خريف الحب الفصل الاول 1 هى رواية من اجمل الروايات الرومانسية السعودية رواية خريف الحب الفصل الاول 1 صدر لاول مرة على موقع التواصل الاجتماعى فيسبوك رواية خريف الحب الفصل الاول 1 حقق تفاعل كبير على الفيسبوك لذلك سنعرض لكم رواية خريف الحب الفصل الاول 1
رواية خريف الحب الفصل الاول 1
الورقه�� الأولى (جده)
وصلت قاعة الأفراح مع لبنى فسخوا عباياتهم وحطوها في الامانات واخذوا رقمهم…. وقفت قام المرايا اللي في مدخل القاعه.. شيكت على لبسها وشعرها الناعم اللي واصل لاخر ظهرها، اما مكياجها اللي كان عباره كريم مرطب، وروج فوشي زادت عليه، وكحلها الاسود اللي برز لون عيونها العسليه الفاتحه.. بخت عطرها بكثافه واستنشقته بعمق علشان تهدي نفسها ..لفت ل لبنى اللي كانت تراقب تعابير وجهها بقلق وكأنها تدور على تعبير معين…
لبنى /راجعي نفسك ..ترى مؤيد مستني برا على أمل أنك تغيري رأيك
ابتسمت بحب وهي تمسح على خد لبنى بخفه/ماجيت علشان ارجع.. وتابعت بمرح/بعدين ليا فتره عن الزواجات ،نبارك ونعمل الواجب ونتوكل.
مشت وهي تتجاهل همسات توصلها من هناوهناك ..اللي تقول ماعندها احساس ليه جات.. واللي ياحرام شكلها مغصوبه عالجيه واللي طيب ليه؟ شكلهامره حلووه
وصلت جهة الأستقبال اهل العروسه عاليمين وزادت ابتسامتها وثقتها بنفسهاوهي تسمع شهقاتهم المستنكره وجودها الليله ..
سلمت على ام العروسه بالخد وباست راسها/الف مبروك،منه المال ومنها العيال والله يتمم لهم على خير.
ردت ام العروسه بارتباك/الله يبارك فيكي،محد قال انك جايه،كنت استقبلتك عالباب علشان قدرك.
ردت بثقه تقهر/الله يعلي مقدارك..وقدري مايوصله استقبال عالباب ولاحتى ضرب بنادق.
سلمت عالبقيه وتركتهم وراحت جهة اهل العريس
الف الف مبروك يا بنات… الحمد لله اللي وصلكم لذا اليوم .
ليلى بغرور/يبارك فيكي ..
لطيفه بنفس الغرور وهي تطالعها من فوق لتحت باحتقار/ لو قلتي انك جايه ..كان حجزنا لك في اي مشغل بدل مني تفشي كذا
ردت لبنى/الحمد لله جمالها ربااااااني ،يعني ما يحتاج جالون بويا علشان يادوووب تبين حلوه
ليلى بحده/نعم اخت لبنى ،،ايش قصدك ،مو كفايه سايبتنا وقاعده معها واحنا محتاسين هنا
لبنى ببرود/موقصدي شي ،بس اللي على راسه بطحه ايش يسوي؟ وحطت اصبعها على راسها وتابعت/ومزاجي اجي دحين واقعد مع اللي احبهم ،و
قاطعتهم بدلع لايق عليها/لولو،اتأخرنا عالبنات ..تلقيهم ماشربوا حتى القهوه وهم يستنونا.. ومسكت يدها وراحوا وسابوهم يغلوا
انتي من جدك تردي عليهم ،طنشيهم.
لبنى بقهر/وووع يرفعوا الضغط،مالت عليهم.
ضحكت من قلب/هههههههههههههه سبحان من خلق وفرق هههههههههه ما كأنكم اخوات.
مشوا لجهة الكوشه وهما يسلموا على الحريم ******** اللي مستغربين حضورها واللي اختلفت نظراتهم بين شماته.. حزن..استغراب.
وصلت لطاوله عليها حرمه لفت من ورائها وغطت عيونها،فزت الحرمه وحاولت تفك الايدين اللي على وجههاوووبدهشه/جورييييي!!
ضحكت بشقاوه وهي تلف عليها وتحضنها بحب/ياعيون وقلب جوري انتي .
الحرمه بزعل وهي تبكي/ليه جيتي ،انا قلت ساعتين وراجعه.
جوري باستهبال وهي تمسح دموع الحرمه بيدها/جايه احرس الجمال.. وصفرت بأعجاب /صايره عروسه ياام خالد، شوفي الحريم كيف مبحلقين ،قل اعوذ برب الفلق من عينهم..
ام خالد /هههههه يقلع شيطانك اي عروسه استحي يا بنت.
جوري وهي تزيد لها الروج/انتي ماعليكي انا بشوف مواصفات العرسان واقعد معاكي وننقي ياجميييل.
ام خالد بصدق/ ربي يسعدك ويعوضك خير.
جوري وهي تبوس راسها/ دامك راضيه عليا خلاص عوضني،وخلاص فكيها يلا ..قايله لاتتفرجي هندي يأثر عليكي،هههههههه وانتي عارفتني دمعتي جاهزه وماصدق احد يعزم عليا ههههههههههه.
وبعدين ليه سايبه ضيوفك.
ام خالد/ انت ماعزمت احد،مو هما قعدوا وراه لين عمل اللي في راسه،يختلصوا.
جوري برجاء/يمه.. اذا انا جيت بنفسي علشان ماكسر فرحته ،تقومي انتي تجيب لنفسك الكلام.
لبنى بقهر/اهاا جايه علشانه، انتي بتجلطيني .
جوري بحده / جبتك عون صرتي فرعون.
ام خالد/خلاص فكونا،وراحت.
الله الله، احنامنقعوعين زي الرز لينا ساعه ،وانتم هنا تتضحكوا وتتغزلوا في بعض هاا.
التفتتوا لقوا بنات جيرانهم..ساره،فاطمه، حنان.
لبنى بعصبيه/بلاغزل بلا هم، الا رفع ضغط،تعالوا خذوها قبل مارتكب جريمه.
ساره باستغراب/خير ياطير.
جوري تسلم عليهم بشوق/هلا والله بالحلوااات. وحشتووووووووني يا دبب.
لبنى/قال ايه الهانم شايله هم حبيب القلب لايزعل وهوا مو داري عن اهلها.
فاطمه تغير الموضوع وبصوت عالي/ياهووووا ارحمينا شويه، ايش بقيتي للعروسه هاا، ايه الحلاوه دي يابت.
ساره ماشيه معاها/انا اقول الشارع كان مظلم ..اتاري القمر نازل يتمشى عندنا.
حنان/تعالي احصنك،وقولي ايش سر الجسم الحلو دا.. واللي انا مارح اقوله لساره اساسا.
جوري والبنات/هههههههههههههههههههههههه.
ساره وهي تضرب فاطمه على راسها/انقلعي ياحيوانه ،ليه شايفتني برميل مادخل من الباب.
جوري وتشد خدود ساره/ياناسووووا عالخدود المكلبزه،فديتها الجميله،قهرانيين ،ايش فهمهم في الجمال دول.
ساره تبوس جوري وتدور بجسمها تستعرض. حنان تمسك فمها بتمثيل/وووووع،وووع. فاطمه وهي تتخبى وراء لبنى /هههههه على ايه ننقهر ياحسره! عالدهون ولا عالشعر الحرير. (ساره مو متينه بس جسمها مربرب وشعرها شويه ممو)
ساره وهي تسوي حركات بيدها تحرهم/ والله دهون ،شعر حرير،عاجبني وكفايه جوجو شهدت لي.
جوري تضحك/وانا اشهد هههههههههههههه بنات خلاص ريقي نشف من الضحك والحريم ههههههههه هيموتوا ويعرفوا بنضحك ليه.
لبنى بعد ماشرت لهاساره /ترى من جد محلوه والفستان هياكل منك حته.
جوري صارت تدور بخفه على نفسها/ترررررررررااااااااا، How do I look
(كيف شكلي)
البنات بصوت واحد /ووواووووو.
خجلت من كلامهم وخدودها حرمت/ترى بصدق ،بعدين ماتعرفوا تقابلوني غير بموعد،تعرفوا الناس الجميله اللي مثلي ..احمم احم عليها طلب. ههههههههههه.
ضحكوا على تواضعها وخجلها ،كل محد مدحها تغير الموضوع وتقلبها تريقه وضحك .فعلا كانت جميله خلوني اوصف لكم جوري، ( بيضاء. عندها غمازه في خدها اليمين شعرها بني فاتح وناعم. خشمها وسط. وفمها وسط بس شفايفها حلوه ورويانه. اما عيونها فهي اللي تميزها عيونها وسيعه ورموشها كثيفه وطويله لونها
عسليه فاتحه جدا )
كانت لابسه فستان دانتيل كحلي باكمام طويله وماسك عالجسم ومن تحت سمكه وذيل طويل وشعرها تركته بطوله لاخر ضهرها ومثبته غرتها من قدام بطوق كريستال كانت جذابه اكثر من انها جميله
بالذات مع ابتسامتها اللي ماتفارقها .
جوري وهي ترمش بعيونها بدلع/بناااااات،
يعني القمر اتنازل وجاكم اليوم وانتوا القهوه ولا شاي ولا اكل.
لبنى/هههههه قمر جيعان.
جوري تبوز/تراه زواج يعني اكل وحش وفله ورقص، ولا برجع البيت ابرك لي.
ساره وهي تجلسها عالطاوله/اقول عن الهياط الزايد .انثبري بس. صرخوا البنات وصفرواوهم يصفقوا/حركات ..بنت الرياض رجعت لأصلها.
ساره تصب قهوه/وانا صادقه ،تهايط على روسنا،حش.،ورقص،وهي لاحشينا صارت رابعه العدويه،ورقص ماسكتلنا ماحبه وماعرفه
↚
ومر الوقت في حش وتنكيت والكل يحاول ينسيها همها.
قربت الزفه والحريم لبسوا العبايات لان العريس بينزف،وراحوا البنات يجيبوا العبي.
ساره باستغراب/جوجو.. ليه لبستي العبايه؟
جوري /مؤيد ومازن بيدخلوا.
بدات الزفه،ودخلت العروسه على انغام رومنسيه كانت قمه في الجمال بفستانها الابيض كانها اميره وصلت للكوشه وغطوها بجلال ابيض، وبعدها دخل العريس،كان شكله ملفت بالبشت الاسود والسكسوكه اللي زادته جمال ،وكان معاه اثنين شباب في العشرينات مايقلوا عنه في الجمال والشياكه ومعاهم طفل ما تجاوز 3 سنوات لابس ثوب ودقله حجازيه كان ياخذ العقل بشعره الاشقر وعيونه العسليه.
استقبلتهم ام خالد بمباخر العود ولبنى ولطيفه وليلي ومعاهم بنت لابسه فستان وردي منفوش وشعرها رافعته بتاج وصاروا يسلموا عليه وبدوا البنات يرقصوا..
جوري كانت تراقبهم وفي قلبها حسره حمدت ربها انها لابسه نقاب ولا كان اللي مايشتري يتفرج على قولة اخوانا المصريين. لبنى والشباب اكتفوا بالتصفيق وهم واقفين على جنب ويتكلموا اشرت لهم لبنى على طاولة جوري التفتوا عليها واشرت لهم بيدها يرقصوا بس هزوا راسهم بلا.. نادتهم وقربوا منها ..مؤيد /ترى دخلت علشانك بس رقص مع نفسه،ومازن معايا.. اشر لها مازن بايوه،
جوري بترجي/مدام علشاني كملوا جميلكم بدل منتوا واقفين زي خيال المآته،وغمزت لمؤيد ..بعدين في ناس هتموت على ماتشوفكم ترقصوا.
مؤيد على طول يور بعينه عالحريم ،ضربته جوري بشويش في كتفه/استحي وروح يلا،واشرت للبنت اللي لابسه وردي وجاتها مسكت يدها واعطتها لمؤيد /ارقصي مع عمو.
اشرت لبنى للمطربه تغني اغنيه حماسيه وتلثم مازن ومؤيد وصاروا يرقصوا باحترافيه وسط تصفير البنات اللي فهوا عليهم (للاسف بيصير فعلا في الزوجات) الكل انشغل بالرقص والهيصه وبقيت جوري في افكارها وعالمها اللي محد يعرف يدخله خلصت الاغنيه وطلعوا الشباب وهي مانتبهت غير لما حست بيد على كتفها التفتت قلت البنات يتأملوها بنظرات كلها خوف وقلق،رمشت بتوتر وابتسمت/ ايش بكم لا تخافوا مافيا شي كنت بستوعب الموقف لا اكثر.
لبنى /هكلم العيال علشان نمشي.
جوري برجفه بسيطه/بلا هبل.. خلاص.. نخلص مره وحده وناخذ امي ونروح.
ساره بقلق/جوجو حبيبي لاتعندي، امشي، انتي ليه بتعذبي نفسك كذا؟
جوري بلهجه قاطعه/ خلاص يا بنات، لاتوتروني وانا مافيا شي.. وتابعت بلهجه اخف/اسفه، ماقصدي.،التفتت عالكوشه وشافتهم يلبسوا الدبل ،الشبكه ويتصوروا ويقطعوا الكيك بانسجام،
لفت عالبنات وبصوت مخنوق/بروح دورة المياه(اكرمكم الله) خلوكم هنا، دقيقه وبجي.
اخذت شنطتها ومشت بسرعه وهي تدعي انها ماتطيح،دخلت وفسخت عبايتها ونقابها وعلقتهم عالباب التفتت للمرايه وسمحت لدموعها بالنزول بحريه،بكت وبكت وبكت لحد ما جاها صداع،غسلت وجهها كذا مره، ورفعت راسها وهي تشوف انعكاسها في المرايه وبهمس/خلاص ياجوري،كفايه بكى ودموع،كفايه خذلان وضعف،سنه تبكي احساسك بخيبة الامل والغدر،سنه وانتي لسا مصدومه منه،ايش مستنيه ..متى تفوقي لعمرك ؟لما يجيه اول ولد! خلاص لازم تثبتي لنفسك قبل غيرك انك قويه ،وان اللي سواه ما زادك غير قوه ،وان خيانته مازادتك الا وفاء،وبعده عنك مازادك الاتمسك بحقك،ارفعي راسك ولاتسمحي لأي شخص يكسرك ،ذا واقعك،وذي حياتك ولازم تعيشيهابدون خوف.
اخذت نفس عميييق ..شهييييييق.. زفيييييير،كررتها كذا مره ،اخفت علامات البكى بشوية بودره،اتكحلت بكثافه وحطت روجها الفوشي ،عدلت فستانها وشعرها ، بخت عطرها، شدت جسمهاورفعت ايديها لأعلى شي وكأنها تتمرن ،اعتدلت في وقفتها واخذت اغراضها وطلعت وهي تستغفر.. لحد ما وصلت للبنات، وبهدوء/السلام عليكم.. وبضحكه/هههههههه انا جيت بالسلامه،اذا بلغتوا كنسلوا البلاغ،ههههه واذا ارسلتوا العسس فعسوا وراهم علشان يرجعواههههه.
هزوا البنات روسهم بيأس من طبعها اللي ماتغير من يوم عرفوها..ماتحب تبين زعلها ولا مشاكلها ،ماتحب تشغل احد وتقلقه عليها،واذا بان عليها الحزن تحاول تتظاهر بالعكس ،وتحول الموضوع لنكته.
ساره/المهم انك بخير.
هزت راسها بايوه وهي تبتسم لهم ومعطيه الكوشه ظهرها.
فاطمه بتصريف/ايش اللي نعس وراء العسس،ههههههههه من وين جبتيها دي.. هاا اعترفي.
جوري باستهبال/ابدا ،بس كنت متعرفه على واحد من عهد هارون الرشيد،ههههههههه ولطشتها منه… هبلا انتي يعني عسس ايش يركب عليها مثلا.. ادق له بيجر ..ولا اعمله كوول مي ،خلاص،عسي هي اقرب شي للشي .
حنان /اما بيجر… ههههههههه ترى بطلوه الناس.
جوري بتريقه/هههههههاااااي وانا اقول في غبار في الجو كح كح ،اتاريه من الغبره اللي قلتها.
البنات كلهم قاموا يكحوا باستهبال/ كح كح كح كح ههههههههههههه. ورجعوا يكملوا شرب شاي وقهوه.
مانتبهوا لام العروسه اللي قامت ومسكت المايكرفون وهيا ترحب بضيوفها ويعني اني انسانه ذوووق وهي من جنبها.. واستمرت في هياطها وووواللي يعزني يسمعني زغروطه لزووووجة العريس……
البنات اللي شرقت واللي طشت القهوه من فمها واللي تنحت.. وهيا لازالت مكمله/ياريت تتفضل عالكوشه مشكوره.
جوري وهيا تتمالك نفسها/هوا انا يتهيألي اللي قالته.. ولا انتوا سمعتوا معايا؟
ساره وقفت بقهر/بنت اللذينا.. والله محد بيربيها غي…. جلستها جوري بهدوء وهي تغلي من جوه وبهمس/مانبغى فضايح، روقي..وتابعت وهيا ترسم ابتسامه حلوه على وجهها/يلا كنت ناويه اغير نفسي واصير اقوى.. جات من الله ،اعتبروها بروفه.،وادعوا لي .
وفي الكوشه كان في واحد انصدوم وبقووووه اول ما سمع كلام ام العروسه ووذا الشخص… اكيد عرفتوه...ايوه ..(خالد) اللي كان منسجم مع عروسته لدرجة انه ماشاف جوري مع انها مو متغطيه ،واول ماقالت لها تتفضل ،اتجمدت كل خليه في جسمه، وساب يد العروسه اللي انتبهت لوجهه المتغير،وقف وهو بيدور بعينه يبغى يتأكد فعلا جات ولا لا.. بس ماطول وهو يدور لانه شافها وهي توقف بشموخ وتطلع الكوشه بثقه ماتوقعها،وابتسامتها الحلوه على شفايفها وهي رايحه لأم العروسه المبتسمه بخبث واضح انتبه له وسلمت عليها ،قعد يراقبهم وعقله يحلل ويخطط ،ابتسم بخبث وهوا عارف ان نتيجة اللي بيسويه مو في صالحه الليله، بس مو مشكله (ابرد حرتي)فيكي وبعدها اصالح بنتك.
وقف وساب العروسه ومشي ناحية جوري بخطوات اتعمد تكون سريعه صار وراها، ولما لفت لقته في وجهها،مدت يدها بمصافحه، بس هوا فاجأها لما سحبها لحضنه،رمشت بعدم استيعاب وهو يطبع بوسه طويله على جبينها وبعدها باس يدها تحت انظار العروسه وامها المصدومين من حركته،
وتصفير وصراخ البنات اللي ملئ القاعه بتشجيع… رفع راسها اللي منزلته من خجلها والتقت عيونهم في كلام طويل ..عيونه تتأسف لها عاللي صار.. وعيونها بتشكره بامتنان على رد فعله..وبتهور باست خده بسرعه واحراج ،لبنى اشرت للمطربه اللي ماصدقت/ الاغنيه ذي إهداء من العريس لزوجته جوري وشغلت الدي جي
(يابعدهم كلهم.. عبدالمجيد عبدالله) ،زاد هبل البنات على رومانسية خالد،اما جوري وجهها قلب على طماطم، سحبت يدها من يد خالد بس شد عليها وبنظره منه استسلمت لايتهور في شي اكبر، سحبها لحضنه وصاروا يرقصوا سلوه وهي تجاريه .
كانت الاغنية بمثابة طعنه للعروسه وهي تشوف ليلة عمرها اللي خططت لها من شهور وتحلم فيها من سنين تتهاوى قدامها في لحظه، انظار الكل صارت على جوري والادوار انقلبت في ثواني صار الكل ينظر لها هي بنظرات الشماته والشفقه، وكأنهم يقولوا لها تستاهلي ،انتي اخذتيه منها،هيا احق منك بيه،شدت على مسكتها لحد مااوجعت اصابعها ،وامها جنبها وهي تسب في خالد وجوري .
قاطعتها بعصبيه وبكى/انتي السبب،ليه تناديها ليه،انتي خربتي ليلتي.
الام بقهر/ماكان قصدي كذا ..كنت بس بأدبها علشان ماتفكر تتجرأ عليكي، وتفهم انها خلاص صارت ماضي وانتي الكل في الكل.
العروسه ببكى/هوا اللي ادبنا شوفيه كيف سايبني ويرقص معها.
الام/ خلاص اهدي،الناس انتبهوا لشكلك.
وفي ناس كمان مصدومه(ليلى. لطيفه) /
اكيد ساحرته ، اتجنن ساب العروسه وماسك في ذي.
ام خالد/الا الله يفرحه ويجبر بخاطره زي ماجبر خاطر الضعيفه ذي، ولاكان عاجبكم اللي سوته العقربه امها،تبغى تذلها وتكسر نفسها ،لكن ربي مايرضى بالظلم ورد كيدهم في نحرهم.
لطيفه/ندى مالها صلاح باللي عملته امها.
ام خالد ببرود/ينحرقوا سوا ،المهم جوري مبسوطه.
↚
(خالد ، جوري)
خالد وراسه على كتف جوري/ما توقعت انك بتجي.
جوري بهدوء/مو قلت انك تتمنى جيتي، وفرحتك بتكمل بوجودي.
خالد/يعني جيتي علشاني.. انتي ما تتخيلي فرحتي الليله كيف وانتي معايا.
جوري/الله يهنيك،بس مو وقت ذا الكلام، انا اخذتك منها في ليلة عمرها وعمرك، اكيد انها زعلانه.
خالد ببرود/ايه اللي اخذتي واخذت،كلكم زوجاتي،واذا زعلانه انا براضيها،انتي لاتشغلي بالك.
جوري بابتسامه وهي تبعد عن حضنه/ وانا يكفيني اللي عملته الليله،مارح انسى موقفك طول عمري.
مسكت يده ووصلته للعروسه اللي هتنفجر.
مسك خالد العروسه ووقفها قدام جوري اللي على طول سلمت عليها/الف مبرووك يا ندى
والله يجمع بينكم على خير.
التقت عيونها بعيون ندى اللي كلها حقد وقهر،حزنت عليها لانه موقفها جدا بايخ وما كانت موقعه يصير كذا. وسلمت على ام ندى اللي واقفه جنبها/تسلمي على ذوقك ياخاله،بصراحه كنت بسلم عليهم ومستحيه اخرب جلستهم ،بس انتي ماقصرتي جبتيه لعندي ووفرتي عليا الاحراج.
دفت خالد وندى لوسط الكوشه يرقصوا وخالد يدعي تعدي الليله على خير .
لبست الجوي والبنات عباياتهم علشان يمشوا، وراحت لخالد ووقفوا على جنب، جوري/خلاص ماشيه.. توصي شي.
خالد/خليكي ونمشي كلنا مره وحده.
فلتت منها ضحكه وهي تأشر على ندى وامها/هههههههه ..تبغاهم ينجلطوا..ايش نمشي سوا.،ههههههه لايكون حجزت لي معاكم وانا مدري.
خالد/اذا تبغي دحين احجز لك.
جوري فكت ضحكت/هههههههههههههههه هههههههههه اتخيل المنظر وقتها هههههههه خلاص بطني تعورني هههههههههه.
صاروا يضحكوا سوا والحريم يشوفوهم باستغراب.، ايش حكايتهم ،وكيف علاقتهم غريبه.. محد قادر يفهمها .
خالد يحاول يكتم ضحكته/ههههه خلاص بس،لا يحسبوناههههههههه مجانين.
جوري تاخذ نفس وتسمي بالله/ترى عيب والله،ندى هتفكر اني متقصده اقهرها.. يلا الشباب برا ،الف مبروك وتصبح على خير.
خالد بامتنان/الله لايحرمني منك.
اكتفت بهز راسها،وسلمت على ندى ونزلت من الكوشه، وراحت لأم خالد/يمه.. انا ماشيه تجي معايا ولا مع البنات.
ام خالد/لا حبيبتي بجي معاكي ،ايش يقعدني معاهم .
رن جوال جوري /هلا مؤيد.
مؤيد/هاا بتمشوا ولا لسا.
جوري بضحك/ايش لسا،احد قلك بنظف القاعه واقفلها هههههههههههه .
مؤيد /عارفك حنونه.. قلت يمكن بتساعدي.
جوري/ لاياقلبي،كان زمان وجبر.،وقف قريب للباب وانزل شيل قصي،احنا جاهزين. مؤيد بتردد/امم،بنوصل احد بطريقنا.
جوري بنذاله/احتمال،في مجال ولا اعتذر.
مؤيد بمكر/حسب البنات، من بيجي.
جوري بمكر زيه/ امممم،مدري، اقلك اعتذر منهم احسن ،لسا نضرب لهم مشوار،بلاها.
مؤيدبسرعه/لااااااا، يعني ..عادي، الجيران لبعض،يلا انا برا.
جوري راحت للبنات/صبايا نوصلكم.
حنان/اخويا برا،مرسيه.
ساره/هههههه انا قاطه معاكم.
فاطمه بخجل/وانا اذا مافيها كلافه.
جوري بحلقت فيها/على فكره ..ترى مو لايق عليكي الادب،،من متى ، هاا.. لايكون علشان وتغمز ..حبيب القلب مازولا..
استحت فاطمه ورمتها بورده كانت معاها/بلا في شكلك،قليلة ادب.
جوري تعطيها قصي تشيله/لاتسرقي كلمتي(قليل ادب.. تقولها لخالد) بعدين على بالك انا الحب ترميني بالورد.
طلعوا برا وهيا ماسكه البنت اللي لابسه وردي في يد وام خالد ماسكتها باليد الثانيه.
شافت مؤيد برا السياره،راحوا ركبوا،ومؤيد اول ماشاف قصي راح ياخذه/عنك ياحلوه لاتتعبي.
فاطمه ارتكبت واستحت واعطتها ظهرها.
مؤيد استغرب /ايش بك هاتيه.. ماردت عليه
مؤيد بضحك/خلصيني،اخاف تشيليه وتطيحي بكعبك ذا،هههههه،واتورط واشيلك، وشكلك متنتي،ههههههههه، بتكسري ظهري.
لفت عليه فاطمه وهي مطرطعه،واعطته قصي بقوه ومشت بعصبيه.
مؤيد استغرب وفي نفسه"ام غبائي، البنت مو ناقصه الله يعينها"
دخلت السياره وقفلت الباب بقوه /ياحماره ياحيوانه يا…. سكتت لما دخل مؤيد، وانتبهت انها راكبه وراه، اما جوري /كااااااااك
مؤيد مستغرب"توها كانت تنافخ"/ انتي شاربه شي جوه.
جوري /هههههههههه ربي يسعدكم قولوا امييييييين.. الكل /امييييييين.
ام خالد /حبيبتي فيكي شي؟
جوري وهي تتمالك نفسها/ انا لا، بس غيري يمكن هههههههههه .
قرصتها فاطمه/اااااااي ايي ، خلاص سكت.
ساره تضحك بدون صوت مافي غير كتوفها تهتز.
جوري/مؤيد مر بيت ابو محمد وابوعلي ،نوصل البنات.
مؤيد يعدل المرايه ويشوف وراء/ يبشروا، ليه ماقلتي من اول انه في ناس معانا.
جوري بلكاعه /اشمعنى .
فك الدرج وطلع عطر ..عطر السياره واتعطر ونسف الشماغ.
مؤيد/يعني… احافظ على برستيجي،وغمز في المرايه.
فاطمه ذابت وساحت من الغمزه وريحة عطره.
جوري/هههههههه لا ماعليك ،برستيجك محفوظ، والقرد في عين امه غزال ههههههههه.
فاطمه بهمس / انطمي ياحيوانه،انا استاهل اللي جيت معاكم.
جوري بلعانه/خلاص يابنت الحلال،ماقلنا شي .
فاطمه شهقت بقوه وبحلقت في جوري ،. مؤيد مبسوط عرف انها وراه/ بسم الله عليكي، ومد لوراء قارورة مويا ،جوري اشربي لايعورك حلقك.
استحت فاطمه من جرائته ولصقت في الباب و مؤيد يراقبها من المرايه/ جوري اخاف تطيحي وانتي لاصقه في الباب.
ام خال بحسن نيه تلتفت لوراء/جوري في النص مو جنب الباب.
مؤيد وجوري وساره/هههههههههههههههههه.
ام خالد/ بسم الله ،بسكم ضحك،مو كويس .
مؤيد حس انه زودها وحب يعتذر/انا اسف.. وحقك عليا،بس خلاص مارح اتكلم لين نوصل البيت،بس انتي روقي ولا تعصبي علينا.
ام خالد باستغراب/انت مالك اليوم، من قال اني معصبه،بسم الله عليك.
فاطمه في نفسها"معقوله قاصدني ،عمره ما وجه لي كلام ولا لمح.. معقوله جوري قالت له شي عني "رفعت عينها بخوف وطاحت على المرايه وعينه عليها اتعلقت عيونهم ببعض للحظات قبل ماتحس على نفسها وتنزل عينها بارتباك وخجل.
جوري /مؤيد… مؤيد!
مؤيد/-------
جوري/مؤيد يا اخويا الوسيم… مؤيد يا قلبي.
مؤيد/-------
جوري بصرخه/مؤيد ووجع يوجع الشيطان.
مؤيد بارتباك/هلااااا ،،ايش فيه.
جوري باستهبال/لا ..سلامتك مافي شي، بس ترى عندي اولاد وابغاهم ويبغوني،وفي ناس عندهم مستقبل وردي يبغوا يعيشوه.
مؤيد بملل/اختصري، المطلوب.
جوري/ المطلوب يا قلبي تحط عينك عالطريق.. هااا ..عالطرييييق، عندنا امانات نوصلها لأهلها.
مؤيد بفهاوه/وانا مستعد اصير سواق للامانات ،وانا قدها بعون الله ،لاتوصي
جوري وهي تضربه بخفه على راسه/بعد هبل اليوم هيبطلوا،ولا رح نشوفهم لسنه قدام.
مؤيد بخوف/لاااااااا، والله كنت امزح.
جوري بروقان/ اجل عينك قدام، واحرمنا من تغريدك لين نوصل.
مؤيد بتريقه/ ابشري عمتي،ماطلبتي شي.
وظل ساكت لين وصل الكل وراحو بيتهم.
-----------------------
(خالد،ندى)
بعد ماانزفوا وراحوا الفندق ،دخلت جناحها وهي تبكي، فسخت عبايتها وجلست عالكنب.
جلس خالد جنبها ومسح وجهه وهو يسمي بالله/وبعدين يعني مارح نخلص من ذا الفلم. ندى بحده/انت لك عين تجلس جنبي وتكلمني بعد اللي عملته.
خالد ببرود/ليه المفروض اخذ منك موعد قبلها! وبعدين ايش اللي عملته.
ندى بصراخ/يابرودك يا شيخ..كل اللي عملته وجاي تسأل.، انت كيف تسيبني عالكوشه وتروح لها،كيف قدرت تسلم عليها وترقص معاها قدامي وقدام الناس،انا تذلني وتشمت الناس فيا انا…وين كلامك ووعودك.. وين اللي بتعيشني ملكه وتشيلني على كفوف الراحه.. وين دا كله راح،من اول ليله تروح لها.. خلاص موقادر على بعدها.. طيب تعبت نفسك ليه وقعدت سنتين وانت تحاول في اهلي لين وافقوا عليك.. ليه خ…… .
قاطعها بحده/انكتمي وصوتك لايعلى.. محنا في بيتنا… وبسك تخبيص.. انتي عارفه اني ماحب جوري ومتاكده اني احبك انتي .
ندى وهي تبكي بقهر/كنت غبيه وصدقتك، المفروض كنت اعرف انك تحبها من ساعة مارفضت تطلقها،سنتين واهلي يضغطوا عليك وقالوا عالمكشوف اذا طلقت خذني بدون مهر، بس انت رفضت ،وانا حبيتك اكثر وقلت اللي مافيه خير لأهله مافيه خير للناس.،بس مو كذا.. موكذا.
تابعت وهي تشهق/انت ..كسرتني اليوم.. خربت فرحتي،ونكدت عليا ليلتي دخلتي.
ضمها بقوه / انا ماخربت شي.. ولا رحت لها وكنت اعرف انها جات اساسا، امك هيا اللي
استفزتني بحركتها البايخه والوقحه.
ندى تدفه بعصبيه/لا تحط امي في النص.. امي ماقالت لك روح حب واتغزل فيها ،امي ماقالت لك تسيبني زي اليتيمه عالكوشه والناس تتشمت فيا.
خالد بحده/يعني امك بريئه! ماغلطت! ردي.
ارتبكت/ انا انا ما قلت كذا.
وقف بغضب وراح ناحية الشباك وفتح الستاير ووقف يشوف الشوارع تحته/شوفي بابنت الناس.. انا ماضحكت عليكي انتي عرفتيني وانا متزوج،ومن البدايه صارحتك جوري لايمكن اني اطلقها،وشرحت لك اسبابي وانتي وافقتي.،وقلت لك الف مره اليوم اللي بتزوجك فيه بتصيروا اخوات، وبرضه الف مره قلت لك جوري ماعندها حركات الحريم التافهه، ومالها في اللف والدوران،يعني عامليها بالطيب بتحطك على راسها.
ندى بغيره/كل ذا غزل فيها،مادامت ملاك زي ماتقول ،اتزوجت عليها عليه!
خالد جلس في طرف السرير ونزل راسه/لاني احبك ..انا شرحت لك من قبل ،بس بشرح مره اخيره ،انا اتزوجت جوري وهيا لسا ماعدت 14سنه ،يعني طفله، فجأه لقت نفسها في بلد غير بلدها، واهل غير اهلها ،فتحت عينها وقلبها عليا انا،كانت تنام وتصحى في حضني، كبرت على يدي وقدام عيني،ماتعرف غيري اب واخ وزوج،وشفت فيها براءه وصدق وطيبه ماشفتها في اخواني،عمرها ماعصتني ولاضايقتني،اتحملت مني اشياء ماتتحملها طفله في عمرها وسامحتني عليها، اعتبرت اهلي اهلها ،وقالت ربنا بيقطع من جهه ويوصل من جهه ،حرمتها من اهلها ووصلتني باهلي،امي تعتبرهابنتها،واخواني يعتبروها اختهم مو زوجة اخوهم،انتي عارفه لو ابويا كان عايش كان لايمكن يوافق اتزوج عليها.
ندى بغيره وقهر/خلااااص. بسك غزل ومدح، انت بتموتني،فيه احد يتغزل في زوجته الاولى يوم دخلته عالثانيه.
خالد/انا ماتغزلت ولا مدحت ،انا بفهمك اللي مو راضيه تفهميه، بعدين ناسيه انها اللي خلت ابوكي يوافق على زواجنا بعد مايئسنا انه يوافق ،يعني عملت معانا معروف.
واذا بتلومي احد عاللي صار اليوم !لومي امك ..امك لوحدها ..
وبعصبيه/لايكون على بالك اني صدقت حركة الشكر والزغاريط والفلم اللي عملته امك.. تابع بغضب/الظاهر امك شافتني متمسك فيكي وسويت الهوايل وصبرت سنتين علشان يوافقوا.. قالت بس ذا ميت في بنتي وغرقان لشوشته.. فقالت خليني اكسر عينه زياده واكسر حرمته معاه..نادتها علشان تذبحها ،وتموتها قهر،وتشمت الناس فيها.. بس انا الغلطان، انا بديت بذبحها لما ترجيتها تحضر.. انا اللي قهرتها بانانيتي، كنت ابغاها تحضر علشان اكذب على نفسي واطمنها وانا اشوفها جايه وتباركلي،، اصدق انها مو زعلانه ولا شايله في خاطرها عليا،اصدق اني ماخنتها.. واستغفلتها سنه بكاملها وانا اعرفك ومتغير عليها،قلت في نفسي اذا جات ..يعني خلاص سامحتني.
ما توقعت انه قلبها كبير لذي الدرجه،وانه حبها لي تعدى حدود العقل عندها لدرجة انها تموت نفسها بجيتها زواجي،ذبحت نفسها بشوفتي معاكي،فضلت قلبي على قلبها، وراحتي على راحتها،عارفه ليه؟ علشان بس قلت لها ان فرحتي بتكمل بوجودها..
ههههههههههههههه شفتي نصب وكذب اكبر من كذا،رمى قارورة عطر عالتسريحه وهو يتابع بغضب/ماحبت تكون فرحتي ناقصه.. وانا اللي حرمتها فرحتها..
ماحبت اكون مشتت الليله اذا شفتها ماجات.. وانا اللي شتتها وبعثرتها بانانيتي.
وفي الاخير تجي امك بكل بساطه تهينها وتكسرها قدامي فوق كسري لها.. اخذ نفس بقوه /لاعشت ولاكنت ان خليتها تنهان وتنذل بسبب حبها لي ..فلا تقولي انتي انهنتي،انا مااهنتك،انا صنت كرامتها وحفظت اعتبارها اللي امك كانت ناويه تبعثره بحقدها وغيرتها.. افهميني.. جوري مالها احد هنا بعد الله غيري.
بكت بقهر"معاه حق،امي هيا اللي بديت بالغلط،جوري مالذنب ،بس انا كمان مالي ذنب،مااستاهل اللي صار لي اليوم"
عوره قلبه عليها وهيا تبكي ليلة عمرها،هيا كمان مالها ذنب.. جلس جنبها ومسك ايديها/حبيبتي.. اسف.،والله ماكان قصدي اللي صار،ولاكان قصدي ازعلك،ولا قصدي انفجر فيكي كمان… خلاص انسي ،وخلينا نبدأ حياتنا وانتي متأكده انك حبي الوحيد ،انتي اللي ملكتي قلبي. رمت نفسها على صدره وهي تبكي ضمها وحوطها بذراعه،وصار يمسح على شعرها بحنان وهو يهمس لها بكلمات اعتذار وحب ويحاول ينسيها اللي صار.
-----------------------
لا إله إلا الله وحده لا شريك له.. له الملك وله
الحمد وهو على كل شي قدير
↚
في احد احياء جده المتواضعه
اخيرا وصلت جوري على بيت العيله زي ما تحب تسميه،اللي هو بيت ابو خالد اللي اصر انهم تسكن معاهم بعد زواجها،الشي اللي رحبت فيه وماعارضت ابدا…
كان بيت شعبي وكبيير ومفروش بذوق ،فيه قسم خاص للرجال وله مدخل منفصل عباره عن مجلسين كبير ومتوسط مع دورة مياه (اكرمكم الله) ومطبخ تحضيري صغير ..اما القسم الثاني الاساسي بيتكون من ظ¦ غرف للنوم وصاله ومطبخ ودورتين مياه(اكرمكم الله) ومجلس الحريم مع ملحقاته… كان البيت يتوسط حوش متوسط الحجم…
عائلة ابو خالد
ابوخالد(محمد) متوفي.. ام خالد(مريم)
الاولاد… لطيفه،خالد،ليلى،لبنى،مازن،مؤيد..
دخل مؤيد وهو شايل ياسمين ولحقته ام خالد وجوري وهي شايله قصي…
مؤيد / جوري.. حطيت ياسمين في سريرها والتف لامه.. تبغوا شي قبل ماانام…
ام خالد/لا يا قلبي روح ارتاح… تصبح على خير.
جوري /الله يعطيك العافيه.. تعبتك معايا.
مؤيد بملل/ على طول تاعبتني ايش الجديد. ام خالد بعتاب/ بس يا ولد استحي.
مؤيد بضحك وهويبوس راسها/ نمزح نمزح ياام خالد.. على طول تدافعي وووول تراني ولدك مو هيا.
جوري بعد ماحطت قصي في سريره ورجعت/يالطيف عالحسد… قل اعوذ برب الفلق ..فسخت نقابهاوحضنت ام خالد بحب وهي تطلع لسانها لمؤيد/فديت امي حبيبي الله لايحرمني منها. (جوري ماتغطي عن اخوان خالد،تتحجب وتلبس ساتر)
ام خالد/بنتي غصبا عن اللي مايعجبه…
جوري بلعانه/ههههههههههه لقط وجهك قبل ماتروح.
مؤيد وهو يدور في الارض وباستهبال/ما لقيت شي.. مالت عليكي.. اروح انام ابرك.. وانتي وهيا غنوا على بعض براحتكم.. تصبحوا على خير، وتركهم وهم يضحكوا عليه..
بعد ما خرج مؤيد راحت لعيالها وغيره ملابسهم ورجعت لام خالد/يمه جيعانه،احط لك شي تاكليه..
ام خالد /ما يحتاج..ايش رايك تنامي عندي.
جوري بضحكه/هههههههههه تووووبه، اخر مره نمت عندك صحيت وانتي ضامتني على بالك حمودي الله يرحمه..
ام خالد/الله يرحمه.. ومن جد مالت عليكي وعلى اللي يعزمك عنده ..
جوري تبوس يدها وتتنهد/لا تخافي عليا يالغاليه خلاص الليله عدت على خير،ومافيا الا العافيه .. انتي بس صلي وادعيلي.
ام خالد تضمها لصدرها بقوه/الله يعوض صبرك خير يا بنتي.
جوري باست راسها وراحت لغرفتها فسخت عبايتهاواخذت دوش سريع ولبست لها بيجامه برمودا رمادي مع تيشرت رمادي وفسفوري ولمت شعرها واتعطرت ولبست جلال الصلاه وصلت قيام الليل اللي صارت مات تتركها من ظ£ سنين بعد ماشافت برنامج عن فضل صلاة الليل وفضلها عند الله سبحانه وتعالى .. قال تعالى: ( تتجافى جنوبهم عن المضاجع يدعون ربهم خوفا وطمعا ومما رزقناهم ينفقون فلا تعلم نفس ما أخفي لهم من قرة أعين جزاء بما كانوا يعملون) السجدة 16 17.
خلصت صلاتها وصارت تقرأ قرآن حتى أذن الفجر.. صلت السنه وجلست تقرأ الاذكار حتى قامت الصلاه ،صلت وتابعت استغفارها وتسبيحها لين شرقت الشمس وصلت صلاة الشروق.. كان ذا من ضمن روتينها اليومي. فسخت جلال الصلاه وهي تحس برغبه في الجري.. لبست كوتش رياضه وخرجت الحوش وبدأت رياضتها المفضله(الجري) لين حست بالتعب ، اتوجهت للجزء الخلفي اللي كان الجو فيه مهدي للأعصاب، بسبب عبير الورد الطايفي والفل المغربي المختلطه مع ريحة الليمون و النعناع وانواع بسيطه من الخضار.. جلست على فرشه في زواية الحوش وعليها مساند وتكايات وكم مخده موزعه بطريقه مريحه.. اتنفست بعمق وتعب بسبب جريها،ودارت بعينها تتأمل المكان اللي على قد ماكانت تحبه وترتاح فيه لانه يفكرها ببيت اهلها،على قد ماكرهته في اليوم اللي اكتشفت فيه حقيقه زلزلت عالمها
ومنزلها المثالي.. حقيقه خلت حبها واحلامها تنهار……
قبل سنه
خرجت من غرفة اولادها بعد ماخلصت طقوسهم زي ماتسميها وناموا(عودت ياسمين وقصي انها تحكي لهم قصه عن الانبياء او للأطفال ويقروأ آية الكرسي والمعوذات قبل النوم) كانت الساعه ظ،ظ، وخالد لسا ماجاء،صار له كم شهر يرجع متأخر وعلى طول سرحـان ومهموم وكل ماسألته قال مشاكل في الشغل،مااقتنعت لكن مابيدها حيله،كانت حاسه بملل ام خالد راحت بيت اختها ،ومؤيد ومازن راحوا زواج واحد صاحبهم في الحاره ،زفرت بضيق وهي تحوس في البيت خلصت شغلها والبيت مرتب ونظيف وماهي لاقيه شي تعمله،اخذت دش ولبست جينز اسود وبلوزه حمراءبشرايط عالكتف استشورت شعرها الفراوله اللي اختارها لها خالد لانه يحب الشعر القصير.. حطت روج احمر واكتفت بكحل اسود داخل العين ،لبست اكسسوار خفيف وفلات احمر وراحت المطبخ، فتحت الثلاجه وتأملتها دقايق قبل ما تطلع شمام وثلج سوت عصير وصبت لها كاسه وحطت الباقي في الثلاجه،رجعت عالصاله ودارت فيها وهيا تشرب عصيرها ،شغلت التلفزيون وقلبت القنوات بملل لين استقرت على دبي كانوا عارضيين مسابقة فروسيه وصارت تتابعها باهتمام وحالميه،كانت طول عمرها تحب الخيول وتتمنى تمتلك فرس عربي اصيل وعلى طول تتابع مسابقات الفروسيه والبرامج اللي تعرض اي شي يتعلق بالخيول سواء بطريقة ركوب الخيل او بانواع الخيول وطرق العنايه بها،كان الموضوع بالنسبه ليها عشق وحلم.،تابعت بحماس وهيا متفاعله مع المتسابقين وتشجع وتنتقد كأنها معاهم... صرخت بيأس لما خلصت المسابقه/لااااااااااا شكلها بدأت من اول… قامت وهيا زعلانه /ياربي… .حبكت يخرجوا العيال اليوم… وخالد كمان مره اتأخر.. ايش الملل ذا..
قررت تروح حديقتها تشوف لها شغله تسليها اخذت جلال الصلاه معاها في حالة اذا جوا الشباب ،طلعت عالحوش بهدوء ولما قربت عالجزء الخلفي سمعت حس احد، اتوترت "ياربي مايكون حرامي،انا لوحدي مع الاولاد" قربت بتردد وهي تحاول ماتطلع صوت "لازم اتأكد اذا كان حرامي،يمكن بسه ،وماله داعي اتصل لخالد واقلقه" مشت على اطراف اصابعها وهي خايفه وكل ماقربت الصوت صار اقوى واوضح،عقدت حواجبها بأستغراب"خالد.. متى جاء..وايش يسوي هنا"ابتسمت بشقاوه وشر وهي تفكر كيف تخوفه زي ماخوفها ،قربت اكثر وصار صوته واضح ومفهوم/انتي ليه مو راضيه تفهمي.
جوري في نفسها"اكيد لطيفه ياليلى،مافي غيرهم مايفهموا"
خالد بضيق/حبيبتي انتي ،لاتقولي ماما ولابابا،احنا متفقين من البدايه صح ولا لا..
--------
خالد بضيق وعصبيه/طلاق مو مطلق،عدت الكلام ذا الف مره.
جوري في نفسها"ياربي ،انا ايش سويت لهم،ليه يكرهوني،"قررت تقطع عليه المكالمه ماحبها.. والله ماحبها،جاها صوت خالد المعصب وهو يتابع بنفس النبره/انا ماحب غيرك،ليه مو مصدقه…
حست رجولها مو شايلتها انهارت عالارض بضعف وهي ترمش بتوتر"ماحبها.. ماحب غيرك.. مو معقول تكون وحده من اخواته"
خالد بحده/يعني علشان مابغى اطلقها لازم اكون احبها.. في اعتبارات ثانيه للموضوع..
غطت اذنها بكفوفها وهي تهز راسها بقوه"اسكت ..اسكت مابغى اسمع شي" خالد يشرح/ماقدر اطلقها بالسهوله ذي.. بس والله ماحس معاها بأي شي.. اللي بينا عشره وواجب مو اكثر من كذا..
---------------
خالد وهو يتنهد بضيق/حبي افهميني.. انفرضت عليا في وقت ماقدرت ارفض فيه.. كنت وقتها مضطر اتزوجها..
غمضت عيونها بقهر وصدمه، قاعد يذبحها، كلماته اخترقت قلبها مثل السكاكين..
كان مصر يذبحها بكلامه/اتزوجتها واتفاجأت لما شفتها كانت طفله، سبتها سنه بكاملها وكنت ناوي اطلقها بس ماقدرت، ابويا رفض واتزوجتها على امل اني احبها بس كان بينا حاجز ،ماقدرت احبها حب رجل لامرأه، ماحس ناحيتها باي شي مميز ،بس اتعلقت فيها وصارت جزء من حياتي ..وبينا اولاد.
----------------
خالد وهويتمالك اعصابه/مو موضوع الاولاد مع مين ..انا مابغى اطلقها،ولا ابغى اشتت اولادي ..
---------------
خالدبضيق/شوفي يابنت الناس انا ماضحكت عليكي،صار لنا سنه نعرف بعض،وانتي عارفه اني متزوج ومتمسك بزوجتي واولادي،واعطيتك الهرجه على بلاطه من اولها،تجي تقولي اهلي مو موافقين،علشان متزوج،شغل لوي الذراع ذا ماحبه وانتي عارفه...
حاولت تتسند عالجدار وتوقف"لازم اروح من هنا.. لازم اتحرك ..اذا قعدت اكثر من كذا بيجرالي شي..
مشت بخطوات مهزوزه وهي ترجف ،برد مو غريب عليها غزا اطرافها وزحف لعظامها،اسنانها صارت تصتك من قوة الرجفه اللي اجتاحت كيانها،وصلت لغرفة اولادها بجهد وانفاسها صارت تضيق عليها راحت لسرير قصي ودخلت جنبه تحت اللحاف،تنفسها صار اصعب وصارت تشهق وهي تحاول تتنفس.،السواد بدأ يلفها وراسها يثقل و------------
فتحت عيونها بصعوبه وهي تحس بوخز في عيونها وراسها، دارت بعيونها في سقف الغرفه "ذي مو غرفتي.. انا وين" انتشلها صوت من حيرتها..
How do you feel now
(كيف تشعرين الان) ..رفعت راسها شافت ممرضه جنبها وهي تعدل لها المغذي…
جوري هزت راسها وانتبهت لقناع الاكسجين اللي على وجههاوشالته/ I'm fine ... Since when I'm here(انا بخير.. منذ متى وانا هنا) الممرضه/ one hour ago (منذ ساعه)
جوري/ كح كح، I am thirsty(انا عطشانه)
هزت الممرضه راسها وخرجت تجيب مويا.
رفعت جوري نفسها واستندت عالسرير ، مدت يدها وسحبت ابرة المغذي بشويش من يدها الثانيه ورمتها عالارض/ااااه..
دخل خالد/الحمد لله على سلامتك حبيبتي ومسك يدها ورفعها لشفايفه يبوسها ووقف لما شاف دم على يدها،بس جوري سحبتها بسرعه وعدلت شعرها ..
خالد بعصبيه وهويمسك يدها بعد ماشاف ابرة المغذي عالارض/انتي مجنونه.. ليه فكيتيه.. رجعت سحبت يدها ببرود/مااحتاجه.. وسحبت مناديل من الطاوله اللي جنبها ومسحت الدم اللي في يدها. .
دخلت الممرضه واعطت جوري المويا… .
وبعصبيه/ مدام ايس هادا what did you do
(ماذا فعلتي)
جوري بابتسامه/ I'm fine now .. do not worry(انا بخير الان.. لاتقلقي)
عقمت الممرضه مكان الابره وحطت عليه بلاستر،وخالد يراقب جوري باستغراب وشك
عدلت عبايتها ورمت طرحتها على وجهها وطلعت بعد ماشكرت الممرضه .
وصلوا البيت بدون مايتبادلوا اي كلام طول الطريق، دخلت وشافت ام خالد مستنيه في الصاله وباين عليها الخوف ،واول ماشافتها حضنتها على طول/ايش بك ايش يعورك ياقلبي..
جوري وهي تبوس يدها/سلامة قلبك يمه، مافيا شي ،بس هبوط في الضغط لاني مااكلت اليوم مزبوط..
جلستها ام خالد /والله قلبي طاح لما اتصل خالد وقال اجي علشان العيال،لانه بيوديكي الطوارئ… .
وقفت جوري بدون ماترد/يمه اسمحي لي بروح انام.. حاسه نفسي دايخه..
خالد بسرعه شالها /انا بوديكي الغرفه ..
لفت وجهها عنه وماردت ، دخلوا غرفتهم وحطها عالسرير ومد يده بيفسخ عبايتها دفت يده عنهاببرود / لاتتعب نفسك.
خالد بعصبيه/انتي مالك ،شكلك مو طبيعي.
طنشته وراحت لدولابها طلعت بيجامه وراحت الحمام(الله يكرمكم)...
خالد رمى نفسه عالسرير وهويفك ازرار ثوبه بعصبيه"تصرفاتها مو طبيعيه ..معقوله سمعتني،بس كيف، انا لقيتها في غرفة الاولاد، يعني ماعرفت اني جيت اساسا، بس الحاله اللي رجعت لها فجأه،وبرودها ذا عمرها ماعاملتني كذا حتى لما نختلف،،
الله يستر ،زفر بضيق وقام يغير ملابسه…
استغفر الله وأتوب إليه
↚
عند جوري.. جلست تحت الدش بملابسها وهي ضامه رجولها لصدرهاوسانده راسها عليها،زادت دموعها وحطت يدها على فمها وهي تحاول تمنع شهقاتها اللي تفلت منها بين لحظه والثانيه،هزت راسها بعنف وكأنها تطرد صوته اللي جالس يتردد داخلها "ماحبها..انفرضت عليا.. احبك انتي.." كلامه يتكرر ويتكرر داخلها"ليه يا خالد تذبحني ليه تموتني،صارت تضرب صدرها بقوه وبهمس/ كله منك.. انت السبب،انت ليه حبيته،ليه نسيت اللي سواه فيا،ليه سامحته وقبلت فيه . كيف عايش معايا 5 سنين وهو مو طايقني.. ولا يحبني.. وكمان مجبور عليا ،حياته معايا كانت كذب .. كيف قدر.. كيف طاوعه قلب يمثل عليا الحب..
قلبها/(الحب) بس هو عمره ماقالك (احبك) كنتي تصبحيه وتمسيه على كلمة (احبك) كل مره كنتي تقوليها يقولك (وانا كمان) بس عمره ماقالها صريحه.
جوري/بس هوا قال انه الحب مو بالكلام وهوا معاه حق،وانا صدقته ورضيت قلت يمكن مايعرف يقول كلام حب وغزل.بس تصرفاته كانت ثبت لي انه يحبني.. اسلوبه معايا،وقوفه معايا ضد لطيفه وليلى لما يتصرفوا معايا بوقاحه ،هداياه، صحيح ماكان زي الحب اللي قريت عنه في الروايات ولاقصايد الشعر ،بس حبني.
قلبها/بس كنتي متأكده انه مايحبك.. عالاقل مو زي ماانتي تحبيه..
جوري/يمكن لأني أول مره أحب ..يمكن لأني صغيره.. يمكن لأني حبيته عني وعنه واكتفيت باللي قدمه ليا رغم احساسي بأنه بينا شي مفقود ..
قلبها/لاتضحكي على نفسك،انتي في داخلك كنتي متأكده انه يكن لك أي شعور الا الحب..
جوري بألم/طيب الخمس سنوات اللي عشناها،اذا ماكانت حب ايش تكون؟
قلبها/من ناحيتك كانت حب.. بس من ناحيته.. يمكن احترام.. الفه..تعود.. اعجاب.. عشره ،موده،اي شي ماعدا الحب.
جوري باستغراب /والحب ايش يكون غير اللي قلته،مو ذي الاشياء اللي توصل للحب، ربنا ماقال وجعلنا بينهم حب.. ربنا قال (وجعلنا بينهم مودة ورحمة)..
قلبها/انتي ليه مصره على كلامك،تبغي توصلي لووين بالضبط.
جوري/ انت اللي ليه ياقلبي تبغى تحطمني وتكسرني..
قلبها /انا مابغى احطمك ولااكسرك، ابغاكي تفوقي من الكذبه اللي عايشه فيها ومصدقتها..
جوري بصدمه/كذبه.. كذبه.. حبي ليه.. حياتي معاه صارت كذبه! غربتي عن أهلي وبلدي صارت كذبه؟صدمتي فيه وتعبي لسنه كامله وانا احاول اتقبله واسامحه واحاول اخطط لحياتي معاه صارت كذبه؟
قلبها باستهزاء/الحمد لله ..قلتيها بنفسك، حبك،غربتك،حياتك، مو ملاحظه انك بتتكلمي بصيغة المفرد؟ ماقلتي حبكم، ولا غربتكم ،ولا حياتكم.. ليه؟ لانك متأكده انك عايشه كذبتك لوحدك بدون مايشارك فيها،
راجعي نفسك.،ارجعي لبدايتكم، ارجعي وواجهي مخاوفك اللي دفنتيها.. ورح تشوفي حقيقة حبك كامله وهيا مجرده من كل الاضافات اللي اضفتيها علشان تخترعي عالمك المثالي وتقدري تكلمي حياتك بدون تفكير..
جوري بتوتر وقلق/ارجع لفين.. لمتى.. ذي مو شهر، ولا سنه ،ذي ست سنين ،تعرف يعني ايه ست سنين،يعني طفولتي ومراهقتي مجتمعه،تبغاني انبش فيها وافتح جروحي من جديد، وانا ماصدقت نسيتها ؟ واذا لقيته زي ماقلت ..كله وهم ،كذبه عيشت نفسي فيها.. كيف رح استمر معاه،كيف هكمل كذبتي وانا عارفه انها مجرد كذبه.. مجرد وهم اختلقته علشان يطابق احلامي اللي رسمتها معاه.. ضربت صدرها بقوه وهي تبكي/ كله منك،انت السبب،ليه ماصرت زي باقي القلوب! كل شي عندها عادي ومباح.. الحب،الكذب،الخيانه.. كلها تتشابه،مايقيدك حرام وعيب وغلط،ليه ليه؟
سندت راسها عالجدار وهي ترجع بذاكرتها لوراء، ومضات فلاشيه مرت عليها عن كل شي عاشته.. ولادة قصي،موت ابو خالد، مشاكلها،لحظات حب وخصام، ولادة ياسمين ،صدمتها في اخوان خالد وكرههم لها، زواجها، صدمتها فيه،كل شي عاشته عدى على ذاكرتها بسرعه،شريط حياتها كله انعرض قدامها بس بشكل عكسي بكل حلوه ومره ،لحد ماشافت نفسها في بيتهم.. ابتسمت بحنين للصوره اللي قدامها.. ابوها وامها واخوانها.. ايامها الحلوه اللي ذكراها مافارقتها لحد اللحظه ذي …
اللهم اني اصبحت اشهدك.. واشهد حملة عرشك وملائكتك ،وجميع خلقك ..انك انت الله لا إله الا انت..وحدك لا شريك لك، وان محمد عبدك ورسولك
↚
ﻧï؛¸ï؛کï؛ژﻕ ï»·ï؛·ï»´ï؛ژï؛€ ï»—ï؛ھﻳﻤï؛” .. ؛
ï؛؟ï؛¤ï»œï؛ژتï* ï؛ƒï؛·ï؛¨ï؛ژï؛¹ ï؛ƒï؛‘ﻌï؛ھï؛—ﻬﻢ ï؛چï»·ï»—ï؛ھï؛چï؛* ﻋﻨّï؛ژ .. ؛
ï؛ƒï»*ï»—ï؛ژï* ﻛﻨï؛ژ ﻓﻴﻬï؛ژ ï؛³ï»Œï؛ھï؛چï؛€ ï؛ںï؛ھï؛چً .. ï»*ï؛ƒï؛·ï»´ï؛ژï؛€ ï»›ï؛œï»´ï؛®ï؛“ ï»ںﻦ ï؛—ﻌﻮï؛© ï؛ƒï؛‘ï؛ھï؛چ…
----------------------
أبو معاذ(صالح).. أم معاذ(أروى)
الاولاد،،وداد،معاذ،علياء،عبدالرحمن، جوري
شيماء،نور..
قبل 6سنوات(صنعاء.. اليمن)
في احدى حارات صنعاء المعروفه بكثرة اشجارها واخضرارها..
جوري وهي تأشر بيدها / قربي اكثر… ايوه يلا استعدي..
اتراجعت وهي تتمايل للأمام والخلف لحد ماقربت الغصن للجدار وثبتت رجلها عليه ،حاولت قد ماتقدر تنحني وتتخبى وسط اوراق شجرة التين الضخمه..
جوري بحماس/3.2.1 يلاااا…. وصارت ترمي حبات التين للبيت اللي قبالهم اللي يفصل بينهم شارع صغير يتسع لمرور ساره واحده….
جوري تضحك/ ههههههههههههه ياهبلا طيحتي نصهم…. القفي مثل الناس…
في الجهه الثانيه من الشارع كان في بنتين واقفات في حوش بيتهم وكل واحده ماسكه طرحه بين ايدينها وفاردتها، ويحاولوا يلتقطوا حبات التين اللي ترميها جوري….
سبأ بنت الجيران بتأفف/انتي الحولا.. شوفي وين بترمي..
شيماء بخوف/ اووووف منك.. لازم كل يوم ذي الحركات…. ذحين يدخلوا من الصلاه ،والله العظيم افلتك واروح...
جوري بتريقه/وانتي كل يوم تقولي نفس الكلام ،خلاص حفظته..انتي راقبي ومالك دخل…
جوري متعوده تتسلق شجرة التين وقت صلاة الظهر ،لأن الشارع بيكون فاضي والكل في المسجد ، ترمي تين لجيرانهم وهم يرموا لها تفاح من اللي زارعينه ..
(اغلب البيوت اليمنيه بتكون مزروعه بانواع خضار وفواكه للاستخدام اليومي)
الهام وهي ترمي التفاح/ ورينا شطارتك….
جوري صارت تقلف التفاح بمهاره/لا تحاولي مارح اطيح ولا وحده.. ههههههههههه…
سبأ/الله يقلعك،مثل الاخطبوط ههههههههه
الهام تشهق/قولي ماشاء الله.. عينك ياكلبه.
جوري / ايوه ،دافعي عني ياصديقتي..
وانتي من عيوني شغلك في المدرسه…
شيماء بارتباك/بسرعه انزلي ،صوتهم قريب..
جوري بعجله/ بنات خلاص .شكرا..
سبأ/مع السلامه..
لمت حبات التفاح وسط طرحه ورمتها لاختها شيماء اللي حطتها على جنب..
وصارت جوري تتعلق من غصن لغصن لحد ماقربت للارض ونطت،،
وقفت بسرعه وصارت تنفض ملابسها من التراب وعدلت حجابها على شعرها على دخلة ابوها واخوانها…
ابو معاذ /جوري.. ايش تسوي عندك؟
جوري بارتباك/اهلا وسهلا.. الناس تسلم اول شي..
ابومعاذ بنظرة شك/ايوووه.. السلام عليكم..
مشت جوري لجهة النعناع والكزبره اللي زارعينهاوصارت تقطف منها وبضحك/وعليكم السلام ورحمة الله وبركاته.. مرحبا بأحلى اب في الدنيا..
شيماء جرت لأبوها باست يده وهربت لجوا البيت..
ابومعاذ/ ايش عندك في الشمس ذي .
راحت لأبوها باست راسه وبشقاوه/ابدا ياوالدي العزيز،بس رورتك قالت اجيب نعناع وكزبره للسلطه وسلامتك..
معاذ بعصبيه/انا كم مره قلت لاتخرجي الحوش بالبنطلون،وقلت تتلثمي ..لو احد من الجيران في سطوحهم، بيكشف الحوش كله..
جوري وهي تحك راسها/هاا.. من بيطلع السطح وقت الظهر ..الناس بتصلي،بعدين لابسه حجابي..
وراحت لمعاذ باست خده بقوه /آآآسفه.. اخر مره.. وبهمس/ خليك محضر خير… ولا والله ما انتبه لصلوحي ،واخليه عندك يغنيلك طول الوقت..
معاذ شد اذنها من فوق الحجاب/عجييييب عادك تهددي ..
جوري بمبالغه/اااااااااااي…… .يبه شوف معاذ
ابومعاذ بعتاب/معاذ… لاتوجع اختك.
معاذ يفك اذنها ويضمها/كذاااابه ..اصلا ما اقدر اوجعها…
جوري بشماته/ناس ماتجي الا بالعين الحمراء.. وطلعت له لسانها وراحت جري…
معاذ وهو يمسك راسه/يارب رحمتك… البنت ذي متى تعقل..
عبدالرحمن/ذي اعقل منك..بس بمزاجها..
ابومعاذ بحب/مالكم ومالها.. ذي وردة البيت. معاذ يعقد حواجبه/اعوذ بالله.. ذي وردة البيت.. وانا ايش اطلع..
عبدالرحمن/غصبا عنك.. وانت معروف.. مزهريه.. هههههههههههههه..
معاذ يدف عبدالرحمن/مزهريه ياكلب…. اروح اتغدى احسن.. وانتوا اتغزلوا فيها…
دخلوا البيت وهم يضحكوا، وام معاذ وشيماء يحطوا السفره ويقربوا الاكل.. جلس الكل وجات جوري ونور اخوها وناديه زوجة معاذ ومعها ولدها صالح…
ابومعاذ/ حيا الله الشيخ صالح.. هاتيه عندي.
ناديه/لا ياعم بيجننك ومايخليك تتغدى.
ابومعاذ/يفداه الغداء.. والله فقدته وانا غايب...
جوري جلست جنب ابوها وبرطمت/ ذحين تقول للنتفه ذا فقدته.. وانا لا..
معاذ /نتفه في عينك… ذا الشيخ صالح.. بعدين لاتقارني نفسك فيه..
جوري تقلب عيونها/ ههههههه حبيبي اذا كان شيخ بس علشانه سمي شيخ الجابر.. ولاهو نتفه لاطلع ولا نزل.. اما انا واعوذ بالله من كلمة انا… احم احم،جوري صالح الجابر شيخة الجوري وشمعة الدار ،وباست ابوها وبدلع/ صح يابو جوري..
ابومعاذ بابتسامه/وفي كلام بعد كلام شيخة الجابر….بس انا فقدتكم كلكم.. ارتحتوا..
معاذ /ابو معاااااااذ ياهبلا.. قال ابو جوري، وانت يبه انفخ فيها وكبر راسها لما محد يقدر يكلمها..
عبدالرحمن بغمزه/يمه.. قال فقدنا كلنا قصده انتي.. بس مستحي يقول..
ضحكوا عليها لما استحت وسوت نفسها ماسمعت،وبعد ماهدات موجة الضحك ..
ابومعاذ/ بعد يومين بيجونا ضيوف من جده.
الكل/الله يحييهم..
ام معاذ/ من بيجي.
ابومعاذ/ابو خالد وزوجته وولده خالد.
جوري بفرح/ قول والله….
ضربها معاذ في راسها بالملعقه/بلا قلة ادب،
ايش والله ذي..
جوري/ اااح وحكت راسها وبترقيع،، ماقصدي.. يعني فرحت بس.. علشان بشوف عم محمد…
ام معاذ بفرح/ اخر مره شفتهم قبل سنه لما اعتمرنا..
معاذ/ وليش جايين..
ابومعاذ/ كيف ليش جايين.
معاذ/ قصدي شغل ولا زياره.
ابو معاذ بارتباك/يعني… الاثنين.
انتبه معاذ لارتباك ابوه/اهااا.. يجوا بالسلامه، العين اوسع لهم من البيت..
خلصوا غداهم وراحوا الرجال المجلس والبنات شالوا السفره..
جوري /شيماء.. كنسي الصاله بسرعه.. وخذي جمر من الموقد وبخري الصاله والمجلس.
شيماء/ااوووف.. ارتاح شويه واكنس.
جوري بحده/خلصيني وقومي.. شويه والرجال بيجوا يسلموا على ابي ويتحمدوا له بالسلامه.
شيماء بلكاعه/وليش انتي ماتكنسي إن شاء الله..
جوري/ياشيماء يا حبيبتي، داريه ان صوتي حلو ..بس كل يوم اغنيلك نفس الموال… شوفي شغلك من سكات، لاتجننيني..
شيماء/ وانتي ايش تسوي اذا انا كنست .
جوري / بروح انظف المطبخ.
شيماء تتخصر/ناديه في المطبخ ياكذابه..
جوري بنرفزه/اليوم جمعه ياهبلا.. يوم راحتها،مو كفايه انها بتشتغل طول الاسبوع واحنا في المدرسه،انقلعي خلصي ولا والله اخلي عبادي يتفاهم معاكي.
شيماء مشت بسرعه/لا لا. . خلاص، مالت عليا.
جوري بضيق /ممله.. يا لطيف.
راحت المطبخ عند ناديه واخذت منها الشاي..
جوري/انا اشيله،ارتاحي.
ناديه/بنيم صلوحي وارجع اساعدك لا تبدأي.
جوري /والله ماتسوي شي ..روحي نامي.. ولا اقلك روحي لمعاذ،شفته طول الغداء يراقبك، مدري ايش فيه.
ناديه بارتباك/هاا.. ليش يراقبني..
جوري ببرائه /والله مدري يشوفك ويبتسم زي الاهبل..
ناديه بضحك/اهبل في عينك.. والله انتي اللي هبلا وماتدري عن شي..
جوري بلقافه/ليش ايش صار ومدري عنه.
ناديه تتاملها/بدري عليكي تعرفي،روحي ودي الشاي،ونادي معاذ بس كلميه في اذنه
جوري بعبط/ليش هو سر.. بقله ناديه تقلك تجي بسرعه.
ناديه شهقت/ياويلك من الله ياكذابه..اموتك لو سويتيها
جوري ضحكت وطلعت لسانها وجريت وشبشب ناديه طاير وراها..
دخلت وهي تضحك وتتنفس بسرعه ..
معاذ أخذ الشاي قبل مايطيح منها/مالك اتجننتي خلاص.. ليه طايره بالشاي ..
جوري /ههههههههههه… مالك دخل ،كلم ناديه بس مو بسرعه.. هههههههههههه.
معاذ باستغراب/هااا… كيف يعني.
جوري تصب الشاي وتعطيه كاسه وتهمس له/ناديه قالت اناديك بس اكلمك في اذنك، وانا قلت بتكلم عادي وهي زعلت.
معاذ يبتسم/هيا قالت في اذني،،ورجع يشدها من اذنها/وليش ماتسمعي كلامها،،
دفته قبل مايخلص كلامه/اي.. اي.. اي.. فركت اذنهاوتابعت/يااخي عاجبتك اذني قول وماتغلا عليك.. كل شويه تشدها.. اقولك،اخذت منه الشاي وبصوت عالي/ تقلك ناديه تعال بسرعه.. ضروري.. اسرع شي.. وراحت اتخبت وراء ابوها..
ام معاذ بزعل/ جوري.. بس قلة حياء.
معاذ استحى وارتبك وشافها بتهديد وهو يأشر على رقبتها بمعنى هذبحك…
جوري بخوف/ يبه شوف معاذ بيموتني.
ام معاذ/ لانك قليلة ادب ..ليش الهباله ذي.
ابومعاذ وعبد الرحمن يضحكوا عليها وهي خايفه من معاذ وامها ..
جوري/والله كنت امزح.. لان ناديه قا….. قاطعتها ام معاذ/خلاص ارحمي نفسك وارحمينا.. اسكتي شويه،ارتاحي ..
ابومعاذيأشر لجوري تجلس جنبه/خليها بتمزح مع اخوها ..بعدين من يسلينا لا سكتت..
باست جوري راس امها/ حقك عليا خلاص…. وشبكت ذراعها في ذراع ابوها وحطت راسها على كتفه/والله محد فاهمني غيرك..
وبزعل/طول منت مسافر كتموا انفاسي، لاتعلي صوتك،لاتضحكي ،لا تخرجي،حتى اللعب لاتلعبي…
ام معاذ بغضب / واللي سويتيه اسمه لعب، اقول ايش سوا جارنا ابو احمد لما..
قاطعها عبدالرحمن/يمممممه،خلاص عرفت غلطها وماعد تلعب مع عيالهم.. ام معاذ عقدت حواجبها بغضب وجوري وجهها شحب فجأه وصارت عيونها ترمش بتوتر،وسحبت ذراعها من ابوها وراحت جلست جنب عبدالرحمن وهي تبلع ريقها بصعوبه..
ابو معاذ استغرب/ايش سوت جوري.. وايش دخل ابو احمد جارنا..
ارتبكت ام معاذ وانتبهت لزلتها واشرت
لعبد الرحمن/ هو يقلك…
التفت بتساؤل لعبد الرحمن اللي ابتسم وبهدوء/مافي شي لاتقلق ،بس وانت مسافر جوا عيال ابو احمد كالعاده وقامت بنتك الهبلا تلعب معاهم وبعدين مدري على ايش اتضاربوا وجوريتي الله يقويها اخذت حجر ولراس محمد هههههههههه واصابت الهدف بدقه…. بس راح يشتكي لابوه وابوه جاء يتنقد علينا يحسب انا ضاربه ولما دري انها القمر ضحك وضرب محمد ليش يضاربها…
جوري طول ما اخوها يحكي متخبيه وراه ويدها شاده على كتفه والدموع مجتمعه في عيونها،وهي تدعي ان ابوها يصدق كلامه
رفعت راسها لما سمعت ضحك ابوها/ههههه هههههههههه،حسبي الله على ابليسك، فتحتي راس الولد وخليتي ابوه يضربه بسببك...ههههههههههههههه..احمم احمم، وبجديه / وليش رميتيه بالحجر، من متى بتتضاربي مع العيال.. وبشك/سوا لك شي؟
نقلت نظراتها المحتاره بين امها واخوها وماعرفت ترد"ايش عرفني ليه رميته، ولدك مألف القصه،وتسألني انا"
عبدالرحمن/كانوا يلعبوا كره وهي بتاخذها منه قام يدفها وبالغلط سحب حجابها وبان شعرها،وهي ماعندها تفاهم..
ابومعاذ / ياسلاااام .. ها ياجوري بس كذا.
جوري صدقت/والله اذا سحبه اكسر راسه ، ليش انا اتحجب واتستر وهو يفكه، خليه قليل أدب يستاهل..
ام معاذ وعبدالرحمن بحلقوا فيها باستغراب.. كذبوا الكذبه وصدقتها…
ابومعاذ/وانتي ليش تلعبي معاهم مو صرتي كبيره وتغطي،ولا غطاكي بالمزاج..
جوري بارتباك/هاا.. لا ..يعني محمد وابراهيم قدي، ومن زمان نلعب سوا ..وانااا لابسه حجاب…
عبدالرحمن/يبه خلاص سامحها،اصلا هي بطلت حركاتها ،ووعدتني ماتعيدها،
وبنظره لجوري/صح جوريتي؟
هزت راسها بسرعه بايجاب"لو يدري ايش صار يمكن يعلقني في السقف"
شهقت بخوف " يممممممه" التفتوا لها باستغراب ،انتبهت انها صاحت بصوت مسموع.. وقفت بسرعه وخرجت،ولحقها اخوها..
ام معاذ بضيق/البنت ذي بتجنني،مدري متى
تعقل،،ولا عاد في ناس خطبوها ،شفت قلة العقل.
ابومعاذ/من الناس اللي خطبوها.
ام معاذ/اخت جارنا ابوعلي،خطبتها لابنها سالم ال* * ماشاء الله رائد في الشرطه.
ابومعاذ/ عرفته،والنعم فيه رجال،، طيب وليش قلة عقل.
ام معاذ باستغراب/لما يخطبوها وهي عادها ما كملت 14سنه ايش اقول عليهم.
ابو معاذ/طيب وداد وشيماء اتزوجوا في عمرها وانتي اتزوجتك وانتي بعمرها.
ام معاذ بضيق/لا ..كانوا كملوا 15سنه،بعدين هم كانوا عاقلات وفاهمات معني بيت وزوج لكن جوري مسكينه وعلى نياتها،، وبتساؤل.. لايكون انت موافق؟
ابومعاذ/ على سالم لا.. لكن عالزواج في سنها ايوه...جوري ماشاء الله عليها كبرت،وهي اللي بتساعدك في شغل البيت والطبخ والخبز، حتى صالح ابن معاذ معاها اكثر من امه.. ليش ماتتزوج.
ام معاذ/يا صالح افهم..جوري شافت اخواتها الكبار اتزوجوا وصار البيت عليا رحمتني وقامت تساعدني علشان تريحني حتى بتستحي من ناديه اذا شافتها بتشتغل تقول انا اولى بخدمة اهلي، وفعلا قادره تقوم بالبيت لوحدها،لكن انها تتحمل مسؤلية زوج لا ..ذا شي ثاني.
ابومعاذبجديه/بصراحه في ناس اتقدموا لها وانا وافقت.. شاف نظرات زوجته المصدومه وتابع كلامه/ناس والنعم فيهم عشرة عمر ونسبهم مايتعوض.
ام معاذ/كيف يعني وافقت.. خلاص انخطبت رسمي.
ابومعاذ / ايوه اعطيت الناس الموافقه.. واليومين هذي بيجوا يتقدموا رسمي واذا الله كتب يمكن نعقد لها…
ام معاذ برجاء/اذكر الله وفهمني من ذول الناس وكيف توافق عليهم من غير لاتعطينا خبر .
ابو معاذ بغضب/ومن متى بشاور النسوان في كلام الرجال،ولا اجي اخذ الاذن منك.
ام معاذ وهي تبكي/ والله ماقصدي،الشور والراي لك ،لكن عالاقل تكلمني قبلها .
ابومعاذ عارف انه مو قصدها/اللي حصل حصل، محمد كلمني وقال طلبتك وماقدرت ارده خايب.
ام معاذ بخوف/محمد من…
ابومعاذ/ابوخالد..
شهقت بقوه وصدمه/انت بعقلك ولا لا… ابوخالد ،وافقت على خالد.. وصارت تبكي بقهر.
ابو معاذ قرب جنبها ومسك يدها بحنان/صلي عالنبي واسمعيني وبعدها..
قاطعته ببكى/عليه افضل الصلاة والسلام..
لكن ابو خالد لا ،ابوخالد لا… وصارت تشق بكاء يقطع القلب.. ابوخالد عايش في السعودية يعني بنتي تروح تتغرب وهي في ذا العمر.. حرام عليك..
↚
نشتاق لأشياء قديمة…
ضحكات أشخاص أبعدتهم الأقدار عنا،،،
أوقات كنا فيها سعداء جدا... وأشياء كثيره لن تعود أبدا…
----------------------
ابو معاذ يحاول يقنعها/يا أروى.. البنت مالها الا زوجها ،وين مايروح تروح معاه.. ولا تنسي انا اتزوجتك في عمرها وفلتنا القريه واهلك وجينا صنعاء،ايش حصلك..
ام معاذ تهز راسها برفض/انا اتزوجتك وانا فاهمهاب يعني زواج ورجال،وماجينا صنعاء الا ومعايا وداد ومعاذ.. يعني عشت وسط اهلي لفتره طويله قبل مابعد عنهم… بعدين السعودية ماهي مثل صنعاء.. وجوري صغيره ماتتحمل زواج وغربه.، ليش ماتفهم ابومعاذ بقلة صبر/جننتيني،على كل كلمه قلتي صغيره،لاهي اول ولا اخر وحده تتزوج وتتغرب عن اهلها..ليش جوري بس الي صغيره..
ام معاذ تترجاه/ياصالح جوري على نياتها، لاتشوف كلامها وضحكها معاك وعدم خوفها منك زي اخواتها.. تحسبها قويه والله انها تخاف من الناس ولو خرجنا الشارع تتعلق في يدي زي الاطفال،تحسب كل واحد بيراقبها ويشوفها،حتى الجيران اذا جوا يلاا تسلم وتضيفهم وتهرب لغرفتها، وخرجه للناس والسوق زي باقي البنات مابتخرج.. واتنهدت وحياء/ ايش اقلك بس.. بنتك عادها… يعني مالها كم شهر.. من وقت ما… ...يعني كبرت…
تابعت بحزن وحرج/جوري ما تعرف كيف النسوان يحملوا ويولدوا،وانت تقول زوج وفوقها غربه،حرام عليك…
ماقدرت تكمل كلامها وسط بكاها لدرجة ان ابو معاذ حزن عليها حضنها وجلس يهديها وهو يفكر " انا اعطيت محمد كلمه ولا اقدر ارجع فيها.. بس كلامها صحيح.. لاحول ولا قوة الا بالله"
رجعه للواقع صوت جوري الخايف/يممه ايش فيه،،يبه امي ليش تبكي.. تعبانه؟…
جلست جنب امها اللي على طول حضنتها بقوة وهي مستمره في بكاها وصارت جوري تبكي معاها وبرجاء/يبه امي ايش قلت لها خليتها تبكي..
ابو معاذ يبتسم لها ويسحبها من حضن امها ويجلسها جنبه/مافي شي بس امك كبرت وخرفت..
مسحت دموعها بكم بلوزتها بطفوليه وهي تنقل نظراتها بحيره بينهم/لا تقول خرفت...
ابو معاذ بتصميم/ الا خرفت وكبرت،وقلت لها بتزوج عليهاوبكت..
شهقت جوري بقوه/بلااا كذب ،وبارتباك/قصدي لاتمزح كذا….
ابو معاذ ضحك وشد شعرها/بلا كذب… هااا. من قلك اني بكذب..
جوري تمسك يده وتترجاه وهي تبكي/ حرام عليك ايش سوت لك.. والله هي تحبك واحنا نحبك،ليش تتزوج عليها….
صارت تشهق/خلاص.. والله العظيم.. مالعب مع محمد وإبراهيم إذا جوا،ولا اتسلق الشجر… ولا اطلع السطح.. حتى شيماء ماكلمها.. بجلس عاقله وماتسمع لي حس ولا احد يشتكي مني… بس لا تتزوج..
ابو معاذ يحضنها بقوة وهو مصدوم من كلامها/بس بس ، والله امزح معك..
صار يحلف لها انه يمزح ويهديها وهي تبكي بقوة على دخلةمعاذ وناديه وعبدالرحمن اللي جوا على صوت ابوهم وبكاها…
معاذ بخوف/ ايش فيه.. من مات..
ابومعاذ بضحك/ لا إله الا الله.. محد مات..
عبدالرحمن بقلق/جوري ليش تبكي،والتفت لأمه اللي حضنتها ناديه/يمممه ايش فيه؟
معاذ بعصبيه/ اكيد عرف بمصيبه من مصايبها،وصيح عليها..
عبدالرحمن بقهر/ معاذ مش وقتك..
ابومعاذ /ههههههههه اعوذ بالله اي مصيبه.. ههههههه والله ماسوت شي ولا صيحت عليها،قلت ههههههههه قلت لها بتزوج على امكم،ومثل ماتشوفوا..
سحبها عبدالرحمن لحضنه وهي اتعلقت في رقبته بقوه وهي تدفن راسها في صدره، صار يمسح على شعرها وبهمس لها في اذنها يهديها…
معاذ اتمدد عالارض وهو يضحك/والله انك هبلا هههههههههههههه يابطني ههههههههه صوت البكاء وصلني احسب احد مات ولا صار فيه شي… هبلا وحده..
عبدالرحمن بعدها من حضنه ويمسح دموعها بيده وهو مقهور من معاذ/والله محد اهبل غيرك…
اتعدل معاذ وبقق عيونه في اخوه/نعممم ماسمعت…
عبدالرحمن بعصبيه/والله اذا انت ما عديم احساس، ذي مشكلتك، لازم تطلع عليك ولا تكون هبلا..
رماه معاذ بعلبة المناديل على راسه/اشوف لسانك طول.. احترمني يا اخي قدام الكلام.
ناديه بضحك/ ماكذب.. بعدين جوري حساسه مش هبلا..
معاذ وهو يحاول يضحك جوري بعد ما هدأت شويه/ماقد شفت اي احساس لها ،كل احاسيسها لعب وضرب وجنان حتى عيال الحاره عارفينها،، ههههههههههه اصحابي فقدوها كل يوم يسألوني .. وين جوري ،ليش ماعد بتخرجها معاك ،والله انها احسن من العيال.. ليش تخلوها تتغطى ،فضحوني هههههههههههه..
ناديه تقرصه بشويش/الا حساسه وعلى طول تبكي، بس مش قدامكم ،تعطيكم الوجه الجامد وتنوح في غرفتها انا عارفه.
معاذ..هههههههههههه..
معاذيفتح لها ذراعيه/تعالي ياحساسه تعالي.. راحت له وحضنها و باسها /اصلا لازم تكون حساسه،طالعه لأخوها حبيبها، صح ياقلبي.
جوري بابتسامه / اعوذ بالله اطلع عليك.. بعدين انت في طريق والأحساس في طريق ماتتقابلوا ابدا..
دفها وهو معصب/ انقلعي ياحماره.. الغلط عاللي يراضيكي.. انتي تطولي تطلعي شبهي.. هزولت ..
فكوا عليه ضحك وهو مستمر يبربر علشان يضحكها لحد مانست اللي صار
↚
يقولون البعد ينهي كل شي، وأنا أقول.. مادمت أذكركم في دعائي في سجودي..
ستبقى اساميكم وملامحكم في نبضات قلبي..
ولن يزيدني البعد إلا… شوقا إليكم…
---------------------
بعد يومين وصلوا الضيوف وراح معاذ وعبدالرحمن يستقبلوهم في المطار…
وفي بيت ابو معاذ الكل مستعد ومتحمس لمقابلتهم بحكم علاقة ابو معاذ وابو خالد اللي اتعرفوا على بعض في المملكه من اكثر من 20 سنه، استمرت فيها الزيارات بين العيلتين ..ان كان في مواسم الحج والعمره او شغل ابو معاذ اللي يسافر له من وقت الثاني لمدينة جده، او زيارات ابو خالد وام خالد لصنعاء للسياحه وزيارة عائلة ابو معاذ..
وداد وعلياء بنات ابو معاذ الكبار وصلوا من العصر علشان يساعدوا ويجهزوا لأستقبال عائلة ابو خالد…
وداد تمشط لبنتها سوسن/جوجو.. الله يسعدك.. قولي ل علياء تشوف الكيك…
جوري/خلاص طلعته من اول..
وداد/روحي شوفي لك شغله مفيده ،الناس على وصول..
جوري بطفش/مافي شي اسويه البيت نظيف ومبخر وناديه وعلياء يجهزوا الشاي والقهوه والحلا.. وذول اتأخروا..
وداد بضحك/ يا ربي.. اللي يسمعك يقول بتأخذيهم بالأحضان، وانتي بالغصب تسلمي على عم محمد.. خلاص ليه مستعجله عليهم.
جوري بصدق/ مدري لما اكلم عم محمد في التلفون عادي.. بس لما يجي واسلم عليه وكذا استحي..هو يحسبني لسا صغيره يحضني ويلعبني ويشتري لي…
ضحكت بفشله ووجهها صار احمر وهي تتذكر حركاته معاها…. بس والله احبه كذا طيب ومايخلي احد يزعلني ويدافع عني زي أبي..
وداد بهدوء/ شاطره حبيبتي ،خلاص انتي صرتي كبيره ومايجوز اصلا يحضنك ويلعب معاكي زي اول.. بس ابي هيقلك تعالي سلمي، البسي البالطو والحجاب وسلمي عليه بأدب واتوكلي.. مش تجلسي مثل المره اللي فاتت وصوتك ماشاء واصل لعندنا..
دخلت ام معاذ وصارت تسمعهم وهي ساكته
جوري بضحك/ والله مالي دخل ،انا دخلت سلمت وكنت بخرج بس هو جلسني جنبه، وجلسنا نتكلم ونرجع الذكريات وجلست احكيله عالمدرسه و الحاره وكذا، والله كان يوم جميييل ،لما قال لي خلاص بطنه بتوجعه من كثر الضحك ركزت.. ولا معاذ من اول يغمز لي اخرج،وانا مانتبهت.. وبعدين لما خرجت لحقني معاذ وقال انه كان ناوي يضربني،بس عم محمد حلفه مايلمسني.. هههههههههههه مسكين انقهر،شفتي يحبني ويدافع عني علشان كذا انا احبه..
ام معاذ اتضايقت من كلام جوري البريئ لانها عارفه انها تحب ابو خالد مثل ابوها، وابو خالد كمان يحبها مثل بنته ،بس مو معناه انها تتزوج ولده وتروح معاهم السعودية ..
وبضيق/ جوري روحي غيري بيجامتك والبسي سوا…
جوري باستغراب/ليش اغير انا بلبس البالطو واسلم عليه من الباب..
ام معاذ بعصبيه/ اهم شي عندك ابو خالد.. طيب وام خالد ماتسلمي عليها..
جوري بصوت واطي/يمممه.. ليش اسلم عليها ماعرفها.. يعني من زمان ماشفتها خلاص مش لازم اسلم.. عندك البنات كلهم بيسلموا عليها..
استغربت وداد عصبية امها،ماعمرها عصبت على جوري وبسياسه/جوجو حبيبتي عيب، لازم تسلمي عليها،بعدين هم بيجلسوا عندنا مش في فندق يعني لازم هتقابلك وتشوفك ،روحي البسي وتعالي اسوي لك ظفيره هنديه،مو انتي تحبي اسوي شعرك كذا..
جوري تعض شفايفها وهي تفكر في امها المعصبه، راحت باست راسها ومسكت خدودها بشقاوه/خلاص بروح البس واجي اسلم عليها واخليها تتجنن وتموت فيا وتقول من ذي القمر اللي جات ،خلاص بزوجها لولدي ههههههههههه،يلا خليني اشوف الشمس (قصدها ابتسامتها) يلااا علشان اروح البس..
ضحكت وداد وام معاذ على حركاتها..
جوري بضحكه/ ايوه شوفي الدنيا كيف نورت.. والتفتت ل وداد/ياويلك تغيري رايك.
وداد تضحك/ والله اذا جيتي وقد لميت بكل سوسن ما امشط لك..
خرجت جوري جري قبل ماتخلص وداد كلامها..
وداد وهي تشوف امها تمسح دموعها/ يمه مالك، من ساعة ماجينا وانتي معصبه ،والله لو ما اعرفك كنت ظنيت انك متضايقه من جيت ابو خالد واهله..
ام معاذ/ الا متضايقه من جيتهم ..
وتابعت وهي تشوف صدمة وداد/ كيف ما اتضايق وهم جايين يخطبوا اختك..
وداد باستغراب/اختي من؟
ام معاذ بعصبيه من غبائها/يعني من مثلا.. علياء ولا شيماء.. اختك جوري.
وداد بصدمه/ جوررري.. بس جوري لسا صغيره، كيف يخطبوها.. ولمن..
ام معاذ/ والله قد خطبوا وتموا وهم جايين يمكن يعقدوا لها ولخالد هذي اليوميين.. سبحان الله جالسه تمزح وماهي عارفه انه صدق خطبها وخلص.
وداد بعدم تصديق/ متى خطبوها أبي كان مسافر ورجع من اسبوع.
ام معاذ/ خطبوها لما كان عندهم في جده، اخذوا الموافقه منه وجوا يتمموا.
انقطع كلامهم بدخول جوري المتهور كالعاده/ ما اتأخرت صح.. ههههههههه شوفي البكل مالميتيها..
جلست قدام وداد وهي معطيتها ظهرها، وبدأت تمشط شعرها وتظفره بضيق وهي ساكته..
دخلت ناديه وعلياء/الله الله ياجوري ،ايش الدلع والحركات ذي…
وقفت جوري بعد ماخلصت شعرها وهي تعرض فستانها بخجل/ صدق حلو..
ناديه بحب وهي تحصنها/ لا.. انتي اللي حلوه وحليتي الفستان.. صح يا بنات..
علياء تمثل الغيره/يممه ،ليش جوري شعرها اشقر وعيونها عسليه.. ماهي شبهنا ،لا يكون مو بنتنا وانتوا لقيتوها جنب المسجد ..
ام معاذ بابتسامه /بطلي هباله، واتكلمي سوا
جوري وهي تطلع لها لسانها / خليها تحسبني بصدقها زي زمان وانقهر.. بعدين ياكذاابه عيون أبي وعبادي مثلي حتى شعر عبادي مثلي.
علياء بلكاعه /اصلا هو مثلك لقيناه جنب المسجد.. ماتشوفيه شبهك شكلكم تؤام ههههههههههههه
جوري تهز راسها بيأس/تؤام بينا 4 سنين، يمكن اتولدنا بالتقسيط.
ناديه باستهبال/ وانتي ايش عرفك بالولاده كيف تكون… هااااا.
جوري ببرائه/ ما يحتاج لها ذكاء يا ام العريف تؤام يعني طفلين في نفس البطن ، يعني بيخرجوا طفل ويخلوا الثاني 4 سنين وبعدين يخرجوه.
وداد بحسره/ ومن اللي بيخرجه.
جوري بطفش/ الدكتوره من يعني،مو لازم عمليه علشان يخرجوا النونو من بطن امه..
والتفتت ل علياء المهم أبي قال اني شبه جدتي،وانتي موتي قهر وطلعت لسانها وخرجت..
وسابتهم مع ام معاذ اللي جلست تحكي لهم عن خطبة جوري وخالد..
يتبع
اريد أن استعيد طفولتي بكل تفاصيلها..
سئمت من حياة الكبار ،،ومن وجع الكبار..
---------------------
خرجت جوري عالحوش وراحت جهة الزرع اللي هو عشقها، وقفت عند شجرة الورد الجوري، كانت تحب ذي الشجره بشكل خاص، لأنها انزرعت وقت ولادتها وكبرت معها.. اتعودت ترعاها وتنظفها من الورق الذبلان والآفات وتهتم بسقايتها بشكل خاص وماحست بالوقت وهي تحوس وسط الشجر وتغني اغاني افلام الكرتون ومبسوطه.. لحد ماسمعت صوت اخوها
معاذ/اتفضلوا الله يحييكم.. البيت بيتكم.
ابو معاذ /الله يحييك ،ماقصرتوا يا ولدي وتعبانكم معانا
عبدالرحمن / مافي تعب ،احنا اهل الله يسلمك.
وقفت بربكه "ياويلي ،ليش خرجت، والله معاذ بيوريني شغلي" اتخبت وراء جذع شجرة التين الضخمه وساعدها وجود الشجر المنتشر قدامها انها ماتبان خاصة انه محد مركز..
دخل ابو خالد وزوجته في البدايه، ووراهم
معاذ وعبدالرحمن اللي شايلين الشنط ووراهم خالد شايل شنطة ملابسه..
معاذ وعيونه عالارض/ اتفضلي ياخاله باب الحريم هناك ،وانا بدخل اغراضكم…
راحت ام خالد ودخلوا الرجال..
خالد بطفش/ اسبقوني.. نسيت شي في السيارة، حط شنطته عالباب وطلع..
حست جوري انهم راحوا وطلعت تتسحب من وسط الشجر وجريت باسرع ماعندها ووووو طاااااااخ.
صدمت في جدار وطاحت عالارض بقوه..
قامت تنفض ملابسها وبألم/ وجعتني ياغبي ووسخت ملابسي.. شهقت وتابعت … عبدالرحمن شوف دم..
مدت يدها المجروحه توريه ورفعت راسها، لقت رجال قدامها،تنحت ويدها ممدوه في الهواء وعيونها ترمش بسرعه وكلها دموع ووجهها صاير احمر من الخوف..
أما خالد اللي دخل بعد ماجاب جوازه من السياره ،حس بشي صدم فيه وطاح نزل راسه وشاف بنت عالأرض وقفت وهي تسب فيه،كانت لابسه فستان ازرق فاتح نص كم يوصل لتحت ركبتها و بحزام بني عالخصر ولابسه صندل بني ، شده شعرها الاشقر وعيونها العسليه اللي كلها دموع، صار يتأملها وفي نفسه"ياقلبي عالشقراء دي.. تجنن،شكلها صغيره وخايفه" شافها ماده يدها وفيها جرح ونازل منه دم، مسك يدها
وبحنان/ معليش حبيبتي عورتك.. اشوف وريني.. مد يده الثانيه لوجهها مسح خدها بشويش/ لاتخافي جرح صغير وو
دفت يده وشهقت بقوة /يممممممه… وجرت عالبيت..
خالد فك عليها ضحك/ ياحليلها الحلوه، خافت مني.. بس مين دي...
وكمل طريقه ودخل ونسي اللي صار..
دخلت جوري وهي تبكي من الخوف "ياويلي من ذا.. من وين جاء الغبي ،الحمار جالس يتفرج عليا قليل الأدب"
علياء/ليش تبكي ،مالك..
جوري مدت يدها بارتباك/طحت وجرحت يدي.
علياء وهي تمسح دموعها/بس كذا.. صايره دلوعه، شوفيه جرح صغير احط لك لصق ويخف.
سحبت يدها/عندي لصق انا اسويه.
علياء/غسلي الجرح اول ..وبسرعه تعالي سلمي..
غسلت وجهها ويدها وحطت عالجرح لصق وراحت المطبخ تشرب ولقت وداد اختها جوري بشويش/بدخل اسلم بس تدخلي معي.. وبعدين انتي تخرجيني..
وداد بضحكه/ طيب بس اجلسي شويه..
دخلت وهي ماسكه يد جوري اللي عينها عالارض ومستحيه ..
جوري بصوت واطي/السلام عليكم..
الكل رد السلام.. ورفعت راسها شافت مكان الحرمه وراحت سلمت عليها وباست راسها.
ام خالد باعجاب /تسلمي حبيبتي، ماشاء الله تبارك الرحمن يا ام معاذ قمر الله يخليها لك.
جوري في نفسها"مالهم اليوم،كل واحد شافني حبيبتي،حبيبتي"
ام خالد /كيفك جوري.
جوري بهمس /الحمد لله.
ام خالد/سنه كم تدرسي.
جوري / ثاني اعدادي.
ام خالد بمحبه/ شكلك نسيتيني.. منتي فاكرتني ابدا..
رفعت جوري راسها وهي تدقق في وجهها واستحت منها وهي تأشر لها بلا..
ام خالد / انا اعرفك من وانتي في اللفه،بس اخر مره شفتك يمكن قبل 5 سنين.
مارت عليها وطالعت في وداد بترجي..
وداد بتصريفه/جوري.. روحي شوفي سوسن لاتكون راحت الحوش..
جوري ماصدقت وعلى طول خرجت، راحت لغرفتها ولقت سوسن وشيماء اختها يلونوا ويرسموا، غيرت ملابسها وجلست تذاكر..
بعد صلاة المغرب
عند الرجال وبعد الترحيب والقهوه والشاي..
ابوخالد/يابو معاذ ويالوجوه الطيبه،انا جاي اليوم وطالب القرب منك في بنتي جوري، واتمنى انك ماتردني.
ابومعاذ/مثلك نسبه ماينرد، ويزيدنا شرف يابوخالد، وانا اعطيتك موافقتي من قبل ،
والتفت لخالد وحط يده على كتفه/وما بنلقى احسن من ولدنا لبنتنا..
ابتسم خالد بتوتر وباس راس ابو معاذ/تسلم ياعم صالح ماعليك زود.
ابوخالد/دام وافقت كنت حاب نتمم الملكه بسرعه وحاضرين لكل طلباتكم من ..
قاطعه ابو معاذ/ البنت بنتك يامحمد جاتك من الليله بدون طلبات وشروط.
ابوخالد بفخر/تسلم وماتقصر ..قول وفعل ياصالح.
ابو معاذ/ إذا انت صامل اجيب المملك الليله ونتوكل على الله.
التفت خالد على ابوه بأرتباك وصدمه واضحه مافاتت على ابو معاذ/وإذا حابين نأجل الملكه ماعندي مانع، انت فصل واحنا نلبس..
ابو خالد بحزم/إذا ماعليك أمر نتوكل على الله ونتمم الليله.
ابو معاذ ينهي النقاش/معاذ.. روح جيب المملك* ***.
اتبادل معاذ النظرات المصدومه مع اخوه عبدالرحمن واحمد ومحمد ازواج وداد وعلياء لأنهم كانوا فاهمين انها خطوبه مو
الملكه.
وقف عبدالرحمن ومعاذ/ ابشر يبه، لكن لوسمحت دقايق بس..
خرجوا من المجلس ولحقوهم احمد ومحمد معاذ بصوت واطي/يبه انت صدق بتملك لجوري الليله..
ابومعاذ / ليش ذي الامور فيها مزح ولا كيف.
عبدالرحمن بعصبيه/يبه جوري صغيره عالزواج، وانت قلت انها خطوبه بس.
معاذ/ ليه ماقلت لنا من اول.
ابو معاذ بحده/ والله انا ابوها والشور شوري، ولا استئذن منكم.. لامت وصار شورها بيدكم يصير خير ياعيالي..
احمد زوج وداد/ حاش لله ياعم صالح،والله ماقصدهم،الله يطول في عمرك.
محمد زوج علياء يأشر لمعاذ وعبدالرحمن
يبوسوا راسه/هم خايفين لأنها صغيره ياعم. معاذ باس راس ابوه باعتذار/ مسافة الطريق واحنا عندك إن شاء الله.
راح معاذ واحمد يجيبوا المملك، والبقيه راحوا للحريم يعطوهم خبر باللي صار ..
--------------------
اما عند خالد اللي رافض فكرة الملكه نهائيا.
خالد بعصبيه/ابويا،احنا مااتفقنا على كذا… انت قلت اشوف البنت وحدنا خطوبه… لكن تدبسني انت وهوا… لا ..
ابو خالد باستنكار/ ندبسك ياقليل الحياء، انت تبغى تفشلني مع ارحامك.
خالد بتريقه/ خلاص صاروا ارحامي، واي فشيله الله يخليك،الرجال كأنه ماصدق قال اجيب المملك و…
قطع كلامه بصدمه لما حس بكف على وجهه وسمع صوت ابوه الغاضب/ياعديم التربيه، ابو معاذ ماينقال عليه كذا… احد قلك بنته بايره ولا فيها عيب علشان يرميها عليك ،، الناس تشتري نسب ابو معاذ بالذهب ياتعبان وبنته جاها بدل الخطيب عشره.. اصل وفصل ومنصب،وهواللي كان يردهم قدامي
والرجال من طيب اصله ومحبته لنا وافق عليك، وحب يتجمل معانا ،ولا طلب ولاشرط وفكر انه يشتري رجال،، لكن خسارة المرجله فيك دام ذا تفكيرك..
حاول خالد يستوعب كلام ابوه مع انه حاقد وباس راسه ويده/ حقك عليا يابويا، والله ماقصدي افشلك ، لاعشت ولاكنت ان عملتها
بس انا مابغى اتسرع،اتفقنا على خطوبه اشوف البنت واعرفها وملاحقين عالزواج.. وتابع بضيق/ انت عارف وضعي وانا مو مستعد اعيد اللي صار.. كل الموضوع اني اتفاجأت بس…
حط ابو خالد يده على كتف خالد وشد عليه / علشان وضعك انا استعجلت الملكه، ابغاك تشوف البنت وتجلس معاها علشان تنسى وترتاح، وانا ما اخترت لك اي وحده، انا اخترت لك اللي ظفرها يسواها ويسوى كل قبيلتها، انت شوفها ورح تدعيلي.
خالد باستسلام وضيق من السيره/ اللي تشوفه اعمله.
بعد صلاة العشاء امتلى المجلس بالرجال اللي كلمهم ابو معاذ يحضروا الملكه وكانوا من الجيران والاقارب ،وجاء المملك وتمت الملكه على خير وارتفعت اصوات الرجال بالتهاني والتبريكات وسط ذهول خالد اللي اتفاجأ بوجود الرشاشات والبنادق اللي كل واحد معلقه على كتفه.. وثواني امتلت السماء بصوت العيارات الناريه اللي اطلقها معاذ واللي معاه(كتعبير عن الفرح واعلان عن مناسبات الزواج في اليمن)
وعند الحريم كان الوضع مشابه للرجال بسبب توافد الجارات اللي حضروا الملكه واول ماوصلهم صوت طلق الرصاص بدأت موجه من الزغاريط والتهاني والدموووع من ام معاذ وام خالد وبعض الجارات الكبار في السن ووسط دعاء لاينتهي بالسعاده والفرح للعرسان..
اتعشوا الضيوف وانفض المجلس على خير..
ابومعاذ/ عبدالرحمن شوف لي امك وين..
جات ام معاذ وهي تبكي/ الف مبروك يابو معاذ.. الله يوفقهم.
ابو معاذ يحضنها بحنان/ ايووه ذا الكلام ادعيلهم بالتوفيق والصلاح، وين عروستنا علشان اكلمها وافهمها.
ام معاذ بحسره/جوري نايمه،انت عارف وراها قومه من الفجر وعندها مدرسه. .
وتابعت بخوف/انا مدري ايش هتسوي لما تروح المدرسه ويباركوا لها البنات عالملكه.. والله لاتمرض،انت داري انها ماتتحمل.
ابو معاذ بقلة حيله/خلاص بكره تغيب، واول ماتجيني الفجر بكلمها لاتشيلي هم.. المهم جهزتوا غرف الضيوف الناس يناموا ويرتاحوا ومن اصبح افلح..
ام معاذ/ خليهم يتفضلوا لفوق كل شي جاهز..
-------------------
في الدور الثاني اللي مخصص للضيوف دخلت ام خالد على زوجها وولدها/ السلام عليكم..
ردوا السلام ووقف خالد يسلم على امه اللي حضنته وهي تبكي من الفرحه/الف مبروك حبيبي،الله يتمم لكم على خير..
خالد بمجامله/ يبارك فيكي ياغاليه ولايحرمنا منك..
ابو خالد/بشري.. كيف شفتي العروسه؟
ام خالد والابتسامه شاقه الوجه/ لا اله الا الله، تبارك الرحمن ..تقول للقمر قوم وانا اقعد مطرحك.
خالد باستهزاء/اوووف،لذي الدرجه.
رمته بالمخده/تتريق.. وربي ماكذب ادب وتربيه ماعليها كلام.. وشقار وعيون عسليه وبياض،تجنن الله يحفظها.
خالد باستغراب/ امااااا، امي من جد ولاتمزحي.. من وين بتجيب الشقار والعيون العس.. سكت فجأه وفي نفسه" الاذيك البزر كانت شقراء وعيونها عسليه.. شكلها اختها الصغيره.. احلللى، لو شبها ياحظي"
ابوخالد يحرك يده قدام وجهه/ يابو الشباب وين وصلت..
خال بفهاوه/ هاااا… لا، بس اقول لمين طالعه..
ام خالد/ امها تقول انها شبه جدتها لأبوها وحتى تشبه لأخوها عبدالرحمن..
خالد يتذكر ملامح عبدالرحمن الوسيم وبشك/ امي حبيبتي انتي،كلام اكيد.. اخاف تمشيني وانصدم بوحده شبه المفك.
ابو خالد باستغراب/ مفك! ايش مفك؟
خالد/ بالعربي معفنه، شاكوش.. وبعدين انت عارف اليمن مو زي جده.. اخاف البنت مالها في اللبس والحركات ،وماعندها اسلوب..
ام خالد بعصبيه/ بلا كلام فاضي، ترى اليمن جنب السعودية.. والناس عندهم خير ومو مقصرين عالبنت، ولاتنسى انهم على طول بيروحوا جده ،حتى كلامهم زينا مو يمني مررره..
ابو خالد ببرود/ لاتنسى اصلك ،تراك يمني اذا نسيت، وخلك رجال وسيب كلام الحريم الماسخ،ادري انه مو كلامك وذا كلام لطيفه ووليلى،بس حسابهم معايا لما نرجع، وانت ان سمعت انك مزعل جوري بكلمه لا انت ولدي ولا اعرفك..
خالد بضيق/ ابويا الله يخليك ترى ماقلت شي ..مو كفايه اتدبست.. قصدي ملكت بدون ماشوفها،كمان ما اسأل..
وبنذاله/ بعدين ايش عندك ! مصر عالبنت وتدافع عنها ..لا تكون ماخذني كوبري يا.. ماكمل لان ابوه ضربه على راسه بحقد/ ياكلب،انا تقلي كوبري ياحيوان يابهيم، سكت لما قام خالد كتفه بقوه وهو يضحك/والله امزح، بعدين ايش فيها يدك اليوم تحكك عليا ..
ام خالد تتشمت/هههههههههههه تستاهل ،
المهم بكره تشوفها وتحكم، ان شاء الله انت تعجبها.
خالد بغرور/ ههه.. هيا تطول خالد محمد* * نص بنات جده راميات عندي ..
ابو خالد يرفسه برجله/انقلع نام ياللي ماتستحي ،فرحان بوجهك ذا..
خرج من عندهم وهو يضحك.. وراح نام وهو يتخيل شكل جوري كيف هيكون وراح في النوووم بدون مايحس..
↚
ولا يبقى معنا الا صدى أصواتهم وضجيج اشتياق مؤلم..
تبا لهكذا رحيل ..لا يترك لنا الا ..لملمات حنين لهم.
-------------------
صحيت على صوت مزعج،مدت يدها بكسل وقفلت المنبه،رمت بطانيتها على جنب ووقفت تصحي اختها شيماء/شيماء يلا صلاة الفجر ..قومي ،بنتأخر عالمدرسه..
مسكت خصله من شعرها ومررتها على وجه شيماء بشقاوه وهي مبتسمه،عادت حركتها بأزعاج اكبر وصارت تحط شعرها في خشمها واذنها لحد مابدأت شيماء تتحرك بضيق وتبعد الشعر عن وجهها / خلااااص بس شويه،، روحي انتي خلصي وقوميني.
جوري بأصرار/ لا.. قومي قدامي، كل يوم تأخريني.. اليوم اول حصه ابله نجاة والله ما اتأخر بسببك.
شيماء وهي نايمه/ اذا اتأخرت اسبقيني.
جوري عصبت/قلت الف مره نمشي سوا،ويلا قومي ،بروح اتوضأ واذا جيت وانتي نايمه بقومك بكاسة ماء على راسك..
سابتها وخرجت،وشيماء قامت وهي تكلم نفسها/ لو ماكان برد كنت نمت وطز فيكي، لكن مجنونه تسويها..
راحت جوري اتوضت ورتبت امورها ومرت صحت امها وابوها، وهي خارجه من غرفتهم قابلت ناديه وبابتسامه/صباح الخير..
ناديه وهي تتثاوب/صباح النور والنشاط والحيويه..
جوري/هههههههه ،باين النشاط والحيويه..
اذا معاذ صحي خليه يصحي نور انا اتأخرت، ولسا بتضارب مع شيماء..انتي صاحيه؟..
هزت ناديه راسها وراحت..
ابتسمت جوري لما رجعت الغرفه ومالقت شيماء،فرشت سجادتها وصلت الفجر، بعد ماخلصت صلاه لبست جزمه سبورت وجاكت برد ولفت على شعرها شال صوف وطلعت عالحوش ، لفحها الهواء البارد اول ماخرجت،الشمس لسا ماشرقت والدنيا شبه مظلمه ،ابتسمت واخذت شهيق عميق وهي مستمتعه بريحة الأرض المختلطه بريحة المطر وشذى اشجار البرتقال والليمون والورد اللي في حوشهم..كانت تعشق ذي الأجواء اللي خلتها عاده صباحيه لها..
حوشهم كان كبير مره يتوسطه بيت كبير من دورين بينما الدور الثالث لسا ماكتمل،يعني في جزء خلفي للحوش يساعدها انها تجري براحتها حوالين البيت،والجزء الامامي كان من الجانبين مزروع بأنواع مختلفه من الاشجار بينما في الوسط مرصوف كممر للسياره..
شدت الجاكيت عليها وبدأت تمشي بشويش وهي تردد اذكار الصباح، سرعت وتيرة مشيتها تدريجيا وجريت اربع مرات حول البيت،بس وقفت على جنب لما سمعت صوت عبدالرحمن اخوها/طريق ياولد طريق ..
مدت راسها باستغراب علشان تشوف وضربت جبهتها بخفه"ياربي عالغباء، كيف نسيت انه في ناس عندنا"
كان ابو معاذ واولاده وابو خالد وخالد في الحوش.
ابو معاذ بضحكه/اي طريق.. محد غريب .
عبالرحمن بمجامله/ ايووه… ههههه نسيت.
خالد يشوفهم بملل"ياصباح الظرافه"
ابو معاذبصوت عالي/ جوري… جوري.. تعالي سلمي على عمك محمد.
التفت ابو خالد باستغراب /وينها جوري.. وايش مطلعها في ذا البرد.
معاذ وهو يتممطط/وحده فاضيه ماوراها عمل.
ابومعاذ/خلاص شفتك ..تعالي.. جوري.
عبدالرحمن بضيق/ انت داري انها ماحتجي، خلاص لاتتعب نفسك.. ودخل مع اخوانه.
ابو معاذ/ هذا يامحمد ،جوري كل يوم تخرج الفجر تعمل لها كم لفه في الحوش.. يعني رياضه على قولها وتسقي الزرع وكذا.
ابو خالد بأعجاب/ماشاء الله عليها.. بس شوف كيف زرعكم حلو واخضر ..طلع منها.
خالد يدور بعيونه يمكن يلمحها وبأستهزاء"مابها شي طلعت تعرف الرياضه"
ابو خالد / لكن مو برد عليها.
ابو معاذ /لا ماعليك، هي تحب ذا الجو ويعجبها.. ودخلوا كلهم..
جوري اتضايقت من ابوها ليش مصم انها تسلم، ولأنها ماتقدر تكمل جري وتسقي الزرع لان المجلس يطل عالحوش وبتنكشف قدامه،فدخلت البيت وشالت اللي عليها وراحت المطبخ،لقت امها وام خالد في وجهها وماقدرت ترجع..
ام معاذ/تعالي لاتستحي.. محد غريب.
دخلت وباست راس امها وام خالد وبأحراج/صباح الخير..
ام خالد بحب/ صباح الجوري حبيبتي.. خلصتي مشيك..
رفعت راسها باستغراب لأم خالد اللي تابعت/امك قالت لي انك تمشي كل يوم وتجهزي القهوه لأبوكي.
هزت راسها بموافقه" ماشاء الله مسرع اعطتها التقرير" وبصوت هادي/ خلاص يمه روحوا وانا بجيب لكم القهوه ،وقهوة أبي بحطها عند الباب وياخذوها..
ام خالد / دخليها انتي،محد عنده طلعوا يناموا..
جوري بفرحه/والله… قصدييي… طيب .
ام معاذ/ اصلا اذا جوري ماودت القهوه واتقهوت مع ابوها مايرتاح .
وطلعوا وسابوها سوت القهوه وجهزت التمر والبيتي فور والكعك المالح ووزعته للرجال والحريم ، وصلت لامها وام خالد القهوه..
-------------------
اخذت الصينيه وراحت لأبوها عالمجلس ودخلت بحماس/صباحك أنا يا أحلى صلوح في الدنيا..
حطت الصينيه وجلست قدامه وباست راسه ويده وبمرح/ وحشتني من أمس لليوم..
ابو خالد يدق ولده اللي مبقق عيونه عليها ما كان شايف وجهها لأنه وراها،كانت لابسه بيجامه شتويه موف وكمها طويل وبنطلونها اسود وشعرها فاكته وواصل لنص ظهرها.
ابو معاذ بأبتسامه/ اهدي شويه، ياصباح النور والسرور .
صبت القهوه ومدتها لأبوها وبعتاب / كنت ناويه اعاقبك واحرمك مني ومن قهوتي اليوم،بس ماهنت عليا..
ابو معاذ بضحكه/اووووف ست الكل زعلانه علينا.. ايش سويت؟
جوري بضيق/ لا والله.. يعني ماتعرف، ايش فيك اول ..جوري ..جوري ..جوري، كأنك تجرب اسمي، فهمني بس ليش تناديني هااا.
ابو خالد كان معجب باسلوبها وأشر لخالد بنظره معناها شفت اختياري،وخالد هز راسه وهو مستني متى تلف وجهها"ماتلفي وجهك وتخلصيني،مع البطانيه اللي لابستها جسمك موباين شكله ،بس شكلك قصيره مره، بس شعرك حلو، باقي الوجه الله يستر"
ابو معاذ/ بس،ذا اللي مزعلك.. ناديتك تسلمي على عمك محمد..
جوري باستهبال وهي تشبك يدينها وتمدها قدامها بحب/ حبيبي عم محمد والله فقدته…وبشوفه واسلم عليه ..
وتابعت بجد / بس مو بالبيجامه وبشعري.. خلاص عيب صرت كبيره.
ابو معاذ بزعل/اصلا عيب عليكي،ماجيتي ولا سلمتي وفضحتيني قدامهم، ايش يقولوا عليكي.. ماتعرف الأدب ..
جوري باست راسه وبضيق/ آسفه يبه.. لاتزعل الله يخليك، بس انا كم مره قلت لك انا ماعدت صغيره، لا تقول لي اسلم ..يا اخي والله استحي…
هنا خالد ماقدر يمسك نفسه على كلمة (يا اخي).. هههههههههههههههههه ههههههههههه
نطت جوري بخوف/ بسم الله.. عبدالرحمن ياحمار خوفت….. سكتت وتنحت لما لفت وجهها وشافت خالد وابوه قدامها.. ابو خالد كان مبتسم.. اما خالد كان مركز عيونه عليها بقوه لدرجه خوفتها منه،رجعت وراء وصدمت في ابوها اللي وقف وراها لفت عليه واتخبت وراء ظهره وهي تبكي/ والله ماشفتهم. ماكنت ادري.. والله مانتبهت.
صارت تسحب ابوها معاها لجهة الباب ولما وصلت فكت ابوها وطلعت تجري..
خالد جلس وهو مصدوم وفي نفسه" اكيد يمزحوا.. ذا اكيد مقلب.. ذي.. ذي زوجتي"
ابو خالد بزعل/ الله يصلحك ياصالح.. ياريتك قلت لها اننا هنا ..شوفها خافت وقلبها وقف.
ابو معاذ بضيق / انا نسيت انها بتجيب القهوه، وقلت اكيد مابتدخل وانتوا هنا.. وشكلها نسيت انكم موجودين..
ابو خالد برجاء/بالله عليك روح شوفها وراضيها.
ابو معاذ/ طيب انتوا اتقهووا ،وانا راجع. مرت عليهم 5 دقائق وهم ساكتين قبل مايتكلم ابو خالد/ها ياخالد.. ايش رأيك في زوجتك.. عجبتك؟
خالد وهو شاد على اسنانه/ انت متأكد ان ذي زوجتي..
ابو خالد باستغراب/كيف متأكد! زوجتك جوري.. وذي جوري.
خالد بعصبيه/ ابويا لاتجنني الله يخليك.. أكيد انت غلطان.. مو معقول ذي زوجتي..
ابو خالد بحده/ايه هوا اللي غلط.. ومتأكد..
خالد مسك راسه بقوة/ ابويا ذي طفله.. طفله
كيف زوجتي.. ذي اختها الصغيره، ذي عمرها كم 12 سنه؟
ابو خالد بهدوء/باقي لها 7شهور وتتم 14سنه .
خالد بأستهزاء/يعني عمرها 13..وحتى اذا 14سنه.. برضها طفله.. بزره.. ابويا أنا عمري 23 سنه.. يعني اقل شي اتزوج وحده عمرها 18،19 مو.. مو… ذي.
ابو خالد بأقناع/يا ولدي البنت زي ماشفت جميله وشخصيتها حلوه، وعمرها مناسب ليك.. وإذا على عمرها بتكبر .
خالد بضيق/ ابويا انا مو صغير، انا داير وعارف بنات، ولما انت اصريت عالزواج قلت اوكي اتزوج وانبسط مع وحده قدي، مو تجيبوا لي طفله، ذي ..ذي ايش اسوي بيها.. اربيها؟
ابو خالد بتفهم/لاتقول طفله.. ذي زوجتك، وايوه تربيها على يدك وتكبر قدام عينك وتتعود على طبعك.. وانت شايفها كيف طبعها واخلاقها حلوه..شوف كيف مهتمه بأبوها ومايقدر يستغني عنها،وانت كمان كلها فتره وتتعلق فيها..
خالد بحده/خلاص يخليها جنبه لايورطني فيها..
ابو خالد بعصبيه/هنرجع نعيد كلام امس، خلاص البنت صارت زوجتك..
خالد بضيق/ والمعنى.
ابو خالد وهو يأخذ نفس/المعنى تصلي عالنبي وتروق..
خالد / عليه الصلاة والسلام.
ابو خالد بأقناع/انت مو شفت البنت.. ايش رأيك فيها..
خالد/مررره صغيره..
ابو خالد/ياحبيبي ركز معايا.. سيبك من عمرها.. انا قلت رأيك فيها.
خالد بملل/رأيي من أي ناحيه.
ابو خالد وصل حده/يا أخي رأيك فيها كبنت.. كأنثى..
ابتسم خالد وهو يتذكر كلمتها (يا أخي)/ ما دام فيها يا أخي ههههههههه البنت حلوه، مع اني ماركزت كثير ..
ابو خالد بغمزه/ما ركزززت.. ابدا ..بس اكلت البنت بعيونك…
خالد بصدمه/ أنا…متى.. هاااا… لا لا ،انت فاهم غلط.. كل الحكايه اني امس لما وصلنا وحكى لأبوه اللي صار…
ابو خالد بمكر/ايووه قول كذا… وامس عامل زعلان ..وماشفت العروسه.. اتاريك شايفها شوفه شرعيه من بدري ومزبط امورك..
خالد وهو يضحك/ههههههههه اي شوفه واي بطيخ.. اقلك البنت اول ماشافتني فكت البزابيز وهات يادموع.. فكرتني ب لبنى وحزنت عليها،كنت بعطيها فلوس علشان تسكت… ولا كمان اقول لها حبيبتي هههههههه قطع ضحكته فجأه وهو مستغرب/هيا ليه بكيت وخافت لما شافتنا..
ابو خالد/ عادي ..انا عارفها مررره خجوله وتستحي…
خالد/لا مو عادي.. يعني اذا مستحيه منا عادي بس هيا اتخبت وراء ابوها وسحبته معاها لين الباب ..علشان ..لانشوفها؟..لا يكون.. لايكون ماتدري اني زوجها..
ابو خالد بأرتباك/هاا.. مدري.. يمكن.. خلاص ابوها بيتفاهم معاها… عادي..
خالد بعصبيه/ ايش عادي.. كيف تتزوج بدون ماتدري..
ابو خالد/ياحبيبي عادي الشيخ هنا مايسأل العروسه ابوها وكيلها وهوا يزوجها..
خالد بضيق/ ابويا انا مالي شغل مين وكيلها.. انا كلامي واضح.. هيا تدري اني زوجها.. تدري انه امس ملكتنا..
ابو خالد باستسلام/لا ماتدري.. الملكه صارت فجأه، وهيا كانت نايمه ومالحقوا يكلموها..
خالد/انتوا كيف تسووا كذا، ياربي منكم.. اتاري البنت خافت.. الله يستر بس.
ابو خالد/ خلاص عمك صالح بيحلها ..
↚
لذكرياتهم.. رائحة.. تستفز حنيني.. لأبكي
دخلت جوري الغرفه وقفلت الباب، جلست في زواية غرفتها تبكي بصدمه من اللي صار كيف ماحست بوجودهم، والأهم كيف ابوها مانبهها ولا قال لها تخرج كيف سمح لهم يشوفوها بذاك الشكل .. رفعت راسها للباب اللي مابطل دق من وقت مادخلت وصوت شيماء المستفز يطلب منها تفتح الباب علشان تتجهز للمدرسه، مسحت دموعها وفتحت الباب ودخلت شيماء بسخافتها المعتاده وشكاويها الكثيره اللي ماتخلص، اكتفت جوري بالسكوت وهي تشغل نفسها بتجهيز نفسها وشنطتها وهي حاس بالضيق.
دق الباب وفتحت شيماء دخل ابو معاذ/شيماء مافي مدرسه اليوم ،اخرجي وقفلي الباب.
بحلقت فيه وهي مو مصدقه اول مره ابوها يغيبهم من المدرسه،ماكذبت خبر وعلى طول رجعت اغراضها وخرجت من الغرفه.
التفت لجوري وشافها تلبس البالطو (العبايه)
ابو معاذ بعتاب/ ماسمعتيني لما قلت لأختك مافي مدرسه اليوم؟
ردت بصوت مبحوح/ اول حصه عندي اختبار ولازم اروح.. مقدر أغيب.
سحب الشنطه من يدها وبهدوء/ انا بستئذن لك، وبترجع تختبرك يوم ثاني،اجلسي بكلمك.
جلست جنبه بهدوء غير مسبوق،عيونها عالأرض وماسكه دموعها لاتنزل قدامه، شبكت ايدينها في حضنها وهي عارفه هيكلمها في اي موضوع.
ابو معاذ / انتي زعلانه مني .
خانتها شجاعتها معاه، لأول مره تسكت بوجوده وماتعرف ترد عليه، كيف تقول له انها زعلانه منه وشايله في خاطرها، كيف تسأله وتعاتبه وهو ابوها،حبيبها وتاج راسها،زعلانه منه كيف هانت عليه تنكشف بذاك الشكل قدام رجال مو محارمها، حتى لو كان يعتبر ابو خالد مثل اخوه ومصر عليها انها ماتغطي منه بحجة انها صغيره ،بس ما توصل انه يشوفها من دون حجاب وزياده على كذا معاه رجال ثاني،هو نسي انهم موجودين ،ولا ايش الحكايه بالضبط ، كيف اتهاون في ذا الشي وهو اللي مربيهم الأخلاق وتعاليم الدين ،وماعمره سمح بأي تقصير في امور الشرع ..
زفرت بقهر وهي كاتمه كل اللي تفكر فيه داخلها ،ماقدرت تنطق ،حاسه لسانها عالق في حلقها ورافض يتحرك وينطق.
ابوها كان جالس يتأملها بصمت وهو عارف في ايش تفكر، لما شاف خوفها ودموعها لما اتفاجأت بوجودهم انكسر قلبه عليها ،بس هي اللي جبرته يسوي كذا..
كانت كل ماجاء موضوع الزواج ترد بكل بساطه" ليه افلت (اترك) اهلي واخواني واروح اتزوج وابعد عنهم وماقدر اشوفهم ولا اكلمهم الا كل فين وفين، انا مرتاحه ومبسوطه بحياتي كذا ،وإذا… إذا بتزوج هيكون بعدين يعني 25,30.
حس بصدقها لما شافها كيف متعلقه بيه وبأمها وأخوانها،حياتها من البيت للمدرسه، زيارات خارج البيت نادره إلا للمقربين ومن باب صلتها للرحم فقط،ورغم صداقاتها وعلاقاتها القويه بصديقاتها وبنات جيرانهم إلا إنها حصرتها في مقابلتهم في المدرسه او في مقابلتهم في مناسبات الزواج بحكم أنهم في حاره وحده، حتى خروجها للسوق نادر، وإذا خرجت ماتخرج إلا معاهم..
اتذكر لما كانت في الإبتدائيه واتزوجت وداد وعلياء ،كيف اتعلقت بمعاذ وعبدالرحمن وكانت ترافقهم في كل خرجاتهم وصارت تتصرف مثلهم، وفي يوم طلبت منه يشتريلها جزمة رياضه لأنهم ماخلوها تلعب معاهم كره علشان لاتوجع رجولها، ولما اشتراها صار كل مارجع البيت يشوفها تلعب كره ،ولما سألها ليه قالت علشان يوافقوا يلعبوها معاهم، وفعلا جلست وراهم لحد ماوافق معاذ وصارت تلعب في فريقه كل مره، والعاب غيرها اتعلمتها بس علشان تقدر تلعب مع أخوانها..
حبها واتعلق فيها اكثر من كل اولاده لأنها كانت قويه وتتحمل وإذا حبت تتعلم شي مافي شي يمنعها مهما كان صعب عليها ، كانت وردة البيت وبهجته بضحكتها الرنانه وابتسامتها اللي ماتفارقها ابدا ..حنونه وحساسه وفي نفس الوقت الواحد يقدر يعتمد عليها وهو مطمن ، بس لما لاحظ أنها رافضه موضوع الزواج وتعلقها بهم زاد قرر أنه إذا اتقدم لها اللي يناسبها بيزوجها بدون مايسألها ،مالقي غير ذا الحل لأنه واثق من رفضها، كان مخطط يقول لها بهدوء على زواجها ويفهمها الاسباب اللي خلته يسوي كذا ،كان بيقنعها بهدوء لأنه عارفها عاقله وتفهم إذا احد فهمها،بس دخلتها عليه خربت كل اللي كان ناوي يسويه..
رفع وجهها بيده وبحب/انتي تحسبي أني بخليكي تكشفي عند رجال غرب ..
شوفي ياجوري انتي كبرتي وماعدتي صغيره، والبنت لما تكبر وتصير حلوه مثلك ..كل الناس تتسابق عليها علشان يخطبوها ..
عقدت حواجبها بأستغراب وخوف من كلامه.
ابو معاذ/ انتي عارفه أن عمك محمد يحبك؟ وانتي تحبيه؟صح..
هزت راسها بموافقه..
تابع كلامه/ ولأنه يحبك خطبك لأبنه خالد… ذاك اللي كان شفتيه قبل شويه.. وأنا وافقت وامس كانت ملكتكم.. يعني.. أمس انتي اتزوجتي خالد..
فتحت عيونها بصدمه وبصوت مرتجف/ كيييف ..اتزووجت... أنا.. أنا كنت نايمه... كيييف..
مسك كتوفها بحنيه/ يعني عقدنا لكم بس، علشان كذا هو شافك بدون حجاب هو وعمك محمد، خالد زوجك يعني عادي.. والزواج بنخليه على راحتك..
" أكيد يمزح معي، كيف اتزوجت وأنا مدري، كيف صار زوجي.،كيف" هزت راسها بعدم تصديق وبصوت باكي/ مالي دخل ..لا تقول أتزوجت، من قالك أني بتزوج، قله يروح.. مالي دخل.. مالي دخل..
نزلوا دموعها بغزاره لما حضنها أبوها وصارت تبكي بصوت عالي وتشهق وهي تردد نفس الكلام ..مابتزوج.. قله يروح..
حاول يهديها ويفهمها بس ماعطته فرصه ببكاها اللي قطع قلبه، أول مره يشوفها تبكي كذا ، عمره ماشافها تبكي حتى لما كانت تتضارب مع معاذ ويوجعها بلعبه القاسي، كانت تمسك نفسها علشان لا يضحكوا عليها ويقولوا إنها ضعيفه وماتعرف تلعب معاهم، تضحك وتبتسم وتنكت طول الوقت..
زاد بكاها وحس بضيقه في صدره وهو شايفها مو قادره تتنفس وصارت تشهق بقوه… صرخ بصوت عالي ينادي زوجته وناديه اللي جوا يجروا من صراخه..
أم معاذ بخوف/ ايش فيه مالك ب… سكتت لما شافت جوري وهي تشاهق ووجهها احمر…
جرت ناديه تجيب مويا وطلبت من شيماء تنادي عبدالرحمن..
ام معاذ حضنت جوري وهي تبكي/ بسم الله عليكي.. بسم الله.. خلاص ياأمي صلي على النبي.. ايش فيكي..
دخل عبدالرحمن بسرعه واول ما شاف وجهها فتح درج وطلع منه كيس ورق، جلس جنب جوري وهو يسحبها من حضن امه سندها على ابوه وفتح الكيس وحطه عند فمها وبأمر/ خذي نفس بعمق… .يلا ...شهيييييق… زفييييير ، جوري.. لاتخافي ...يلا حبيبتي.. اتنفسي.. رفعت عيونها لوجهه وصارت تتنفس مثل ماقال لها كانت انفاسها متقطعه وشهيقها عالي ،مسك يدها وحطها عالكيس تمسكه وخلاها توطي راسها وتنحني شويه لقدام وهي تتنفس داخل الكيس، أشر لأمه والبنات يخرجوا لأنه عارف أنها ماتحب أحد يشوفها بذي الحاله،التفت لأبوه وشاف وجهه مسود من الزعل على حالة جوري وبصوت واطي/ يبه لاتقلق..مافيهاشي.. ذحين تهدى وترتاح.
هز راسه بصمت وخرج من الغرفه.
قفل معاذ الباب وفتح شباك الغرفه ، جلس وراء جوري وسند ظهرها على صدره وجلس يمسح شعرها ويقرأ عليها لحد ما انتظمت أنفاسها ورجع وجهها للونه الطبيعي.
شربها مويا وبعدت عنه بأنكسار وخجل مسكها من يدها وضمها لصدره وبحنان/ أبي قلك؟
هزت راسها وهي تضمه بقوه بدون ماتعلق..
بعدها عنه بشويش وبأبتسامه/ايش رأيك نروح لأحلام؟
هزت راسها بموافقه سريعه خلته يضحك عليها،ضربته على كتفه بقوه وبعصبيه/ انقلع
مسك يدها ولفها وراء ظهرها بشويش وبتهديد/ قد كلامك.. هيا دوري أحد يوصلك لأختك..
فكت يدها ودارت بجسمها عسكه وصارت هي لافه يده وراه ويدها الثانيه تشد أذنه وببرود/ لاتوصلني،ذحين أتصل على خالي ويجي بنفسه يوصلني..
فك نفسه منها بسهوله وشالها على كتفه وخرج الصاله وهي تضربه وتشد شعره علشان ينزلها لقي أم معاذ وأم خالد في الصاله استحى منها ونزل راسه الأرض وهو يكتف ايدين جوري/يمه شوفي بنتك.. قلت لها بوصلها بيت خالي قامت تضربني قليلة الأدب ..
شهقت جوري/كذااااب لاتصدقيه، جالس يذلني عالروحه.
ابتسمت براحه وهي تشوف جوري رجعت لطبيعتها، هي خرجت من عندها ومتأكده إنها هتكون بخير لأن عبدالرحمن معاها.. بس لما شافت ضحكتها ارتاحت واطمنت..
ام معاذ/ خلاص نزلها ياكذاب.. بنتي مؤدبه ماتمد يدها على أخوها الكبير..
ضحك ونزلها/الله أكبر يامؤدبه.. من متى..
عدلت بيجامتها وهي مستحيه من أم خالد وبصوت واطي/ يمه ..بروح عند أحلام.. ممكن..
ام معاذ/ كلميها اول يمكن قد راحت المدرسه.
هزت راسها وراحت تتصل..
عبدالرحمن/ كيف حالك ياخاله.. كيف صحتك ..
أم خالد/ الحمدلله.. بخير ياولدي.. أنت كيفك.. وكيف دراستك..
عبدالرحمن/ الله يسلمك ويعافيكي.. الحمد لله ماشي الحال ،ذي آخر سنه ادعي لنا..
ام خالد/ الله يوفقك ويسهل أمرك.
عبدالرحمن/اللهم آميين.. يمه بروح اكلم أبي قولي لجوري تلبس وتخرج..
دخل عبدالرحمن المجلس وراح لأبوه/ يبه.. بوصل جوري بيت خالي وبنتأخر ..لا تنتظرونا عالغداء..
ارتاح ابو معاذ وفي نفسه" الحمد لله، مادام بتروح لأحلام يعني هي بخير" وبتساؤل/ هي بخير ذحين؟
فهم عبدالرحمن إنه يقصد جوري وهز له راسه بأبتسامه مطمنه.. وأخذ مفتاح السياره وخرج..
↚
سمراء الوجه... بيضاء القلب… بعيون بنيه جميله… وكلام يقطر بالعسل… ..
هذه هي (أحلامي)
-----------------
دفت الباب ودخلت بجنونها المعتادوصارت تدق ابواب الغرف بقوه وبصوت عالي/ يانااااس، ياعاااااااالم….. قومووووووووووا وين الفطوووووور .. وين الخبز الحاررررر… جيعااااااااانه….. قوموااااااااااااا…. صبببااح القهوووووه… صببااح النشاط… .. صبببببباح الجوووووووورري…
انفتح باب وخرج رجال في الخمسينات اسمر وقصير مسك اذانيها الاثنين وشدهم في الجهات/يالله صباح خير… يالله صباح الرضى… الناس تدق الباب…. تسلم…. وبعدها تطلب أكل ونفكرررر نأكلك ولا لا…
مدت يدها لبطنه وهي تدغدغه بقوه وهي تضحك لحد ماتركها و بضحك/ هههههههههه بس ياهبلا... كم مره اقلك لاتسوي كذا…. هههههههه… يابنت بس ..استحي..
جوري بفلسفه / عمرك شفت احد يستئذن وهو داخل بيته؟
حست بيد سحبتها بقوه وبعدتها، التفتت لقت رجال طول بعرض معصب و لابس بدله ميري والمسدس على خصره ..
جوري بغيظ/ انت ايش جابك، ليش تحشر نفسك يا بارد.. يامستفز..ويدك مره ثانيه لاتمدها ،احسن لك..
+++/والله كلام عجيب ..البيت بيت أبونا والغرب يطردونا.. ويدي امدها بمزاجي.. الله يرحم ايام الضرب بالشباشب.. هههههههههه.
شهقت يقوه/الله أكبر… غرب مره وحده ياعلي…
التفتت للحرمه الحامل اللي جنبه وجالسه تضحك، وبقهر/ وانتي فرحانه وتضحكي ياست بشاير ، عداكي البارد وصرتي مثله ماعندك أحساس ولا مشاعر بأخوانك المسلمين.
ماقدر علي يمسك نفسه اكثر من كذا وفك ضحك عليها/ هههههههههههه اخوانك المسلمين.. انتي من وين تجيبي ذا الكلام.
بعدين مالك دخل في بشورتي… مو كفايه انك هتولديها قبل وقتها بجنانك وهبالتك ذي.. واستحي على وجهك واحترميني، لاافرغ فيك المسدس والحقه بالرشاش
جوري بتريقه/ ياماما… بالله عليك.. خوفتني صراحه، اشوفك صدقت نفسك بالميري اللي انت لابسه..
والتفتت للرجال الاسمر وبتهديد/ شوف ياخال ،أنا هسوي نفسي ماسمعت شي.. علشانك بس، بس لو عادها صدقني ابلغ عليه واقول انه يستغل منصبه في تهديد وترويع أمن المواطنين الابرياء.. الا هل بلغت اللهم فأشهد.. والوجه من الوجه أبيض..
علي فتح عيونه / اعووذ بالله منك ..انتي ايش ؟راضعه مع ابليس… جالسه تخططي وتهددي في بيتي.. وين البراءه اللي بتضحكي بيها علينا ..نفسي المحها بس.
ابو علي/ الله يعيننا على هداركم(الكلام الكثير). وانت كل ماجتمعت أنت وهي خلاص ماعد تسكتوا ابدا، قسما ولا طباين.
جوري بمسكنه/ راضيه ضميرك ياخال،يرضيك يقلي غرب ،أنا صرت غرب، ويطردني من بيتي ،هذا وانت موجود ..وبعد عينك لاقدر الله والله يطولي في عمرك ..ايش بيسوي فيا..
سحبها ابو علي وحط ذراعه على كتفها وهو يلفها لولده/ محد غريب غيره والبيت بيتك انتي ،هو الخارج وانتي الداخله، ايش تشتي (تبغي) زياده.
علي بقهر / ياعيباه ياابو علي،تهزئني وتطردني وأنابالبدله، وعلشان ربع المتر اللي راضعه مع ابليس.
دخلت حرمه جميله في الاربعينات ومعاها بنت لها نفس الجمال،جرت عليها جوري وهي تضمها وتبوس راسها،والتفتت للبنت ورمت نفسها في حضنها وهي تضمها بقوه/ أحلامي.. والله فقدتك ياقلبي…
واشرت على علي بعصبيه/ ليش ماقلتي لي أن الشي ذا موجود عندكم..
وراحت للحرمه وبتحرييش/ شوفي يمه.. ولدك جالس يعيد ويزيد ومصمم .. من الصبح يغلط عليكي وانا محترمه أن مرته جنبه ولارديت عليه..
شهق علي/ نعممممم، ماعاد الا هي تغلطيني في أمي عيني عينك، ياظالمه.
التفت عالبقيه/ أحد فيكم سمعني غلطت ولا جبت سيرة أمي من أصله..
جوري بدفاع/ الله يجعلني مظلومه ولايجعلني ظالمه.. .انا مفتريه ولا أنت، من الصبح وأنت تقول راضعه مع إبليس ،قال ولا ماقال ياخال..
ضحك ابو علي وهو فاهم قصدها وبتأكيد/ والله أنه قال وأنا أشهد..
جوري بشماته/ هههههههه الحمد لله… ابوك وشهد عليك ماجبت شي من عندي..
علي بملل وهو يشوف ساعته/ يا الله خراجك من ذي الأذيه.. وين الغلط.. لاتكوني راضعه معاه صدق..
جوري بأنتصار/ والله أنا مدري إذا راضعه معاه او لا لكن اسأل أمي إذا هي رضعته معي ذا كلام ثاني… هاا يمه إبليس ولدك ولا لا…
ام علي بمسايره/والله يابنتي علمي علمك، لكن مادام علي قال.. خلاص هو صادق.
علي التفت علىجوري وهي تطله لها لسانها بتشفي وهو توه يستوعب اللي صار ويفهم لعبة جوري ،قام يبوس راس امه ويدها/ انا فداكي يمه لاتزعلي ، الله يخليكي، والله ماقصدت كلامها..
والتفت لجوري اللي جرت عالمجلس لأخوها عبدالرحمن وبصراخ/ عبادييييي الحقني..
اتخبت وراه وهي تشوف علي جاي وراها. علي بعصبيه/ خرجها بسرعه ..بتنجلد اليوم بتنجلد مافيها كلام.
عبدالرحمن وهو فاطس ضحك لأنه سامع كل شي من اول مادخلت ،وقف قدام علي وهو يدفه لايمسك جوري/ههههههههههه والله ماتلمسها وأنا حلفت.. ههههههههههههه ،بالله عليك ماتستحي تضحك عليك وأنت زي الاهبل داعس ولا انت داري بالدنيا ..
علي بنرفزه/ اقلك فكني عليها والل…
حط عبدالرحمن يده على فمه يمنعه من الحلف/ والله ماتلمسها، لاتحلف، انا يلا سمعتها تضحك وانت عادك تشتي(تبغى) ترجعها تبكي .
علي استغرب ونسي السالفه/ ليش تبكي.
استحت جوري/ آسفه ..والله كنت امزح.. حتى أمي مازعلت أنا غمزت لها بس نقهرك.
وخرجت برا الغرفه.
↚
عائله ابو علي(عبدالله) خال جوري
ام علي(ورده) امها بالرضاعه
(الاولاد) علي، وزوجته بشاير
عبدالملك. احلام. مروان
رجعت جوري عند امها والبنات اللي يحطوا الفطور..
بشايربفرح/الف مبروك.. متى العرس..
ام علي/ على ايش مستعجله.. البنت عادها امس ملكت..
بشاير/ مش مستعجله بس اشتي اعرف هتسكن معاه في جده ولا بتجلس عندنا. .
سوت نفسها ماسمعت وشغلت نفسها بتوزيع كاسات الشاي..
أحلام/ جوجو.. جبتي الملخصات معك..
جوري بسرعه/ ايووه ..تمام أنك ذكرتيني..
أحلام/تعالي غرفتي علشان تأخذي باقي الواجبات وتشرحي لي فقره مافهمتها..
وقفت أحلام وسحبت جوري معاها وراحوا غرفتها وقفلوا الباب..
ضمتها جوري بأمتنان/ فديت اللي تحس فيني، وتنقذني من الأحراج..
أحلام بعتاب/ تحسبي أني صدقت الجنان اللي سويتيه مع علي،بس قلت بشوف آخرتها معك..
جوري وهي لسا في حضنها/ عاد هو اللي جاء في وجهي.. كنت حاسه بضيقه ومكتومه، وارتحت شويه بعد ماجننته، بس بعد كلام بشاير،رجعت ضيقتي أكبر من أول.
مسحت على شعرها بحب/ قلت لك آخرتك بتتزوجي، والبنت مالها غير بيت زوجها،بس انتي الله يهديكي ركبتي رأسك واقنعتي نفسك أنك بتجلسي بدون زواج،والأن شوفي النتيجه، منتي متقبله زواجك وزعلانه.
بعدت جوري عنها بقوه ووقفت وصارت تدور في الغرفه وبخنقه/ كيف اتقبله وأبي زوجني بدون مايقول، زوجني وأنا فعلا نايمه في العسل..أنا عارفه أنه ماشاور وداد وعلياء في زواجهم.. لكن قلهم قبلها،اعطاهم خبر، واتقبلوا الموضوع،عملوا خطبه.. ومدري ايش حصلهم ..المهم كانوا فرحانات.. لكن أنا حرمني حتى من أني اعرف.. نمت وقمت لقيت نفسي متزوجه.. كيف اتقبل قولي لي.. ليش يحسسني أني ثقيله عليهم.. خلاص البيت مايوسعني، ولا جننتهم أني ماأشبه أخواتي.. طيب أنا ربي خلقني كذا ..مرجوجه ولساني طويل وما أقر في مكان.. ليش لازم اكون مثل وداد هاديه ومالي حس ولا اكون مثل علياءاحب الخرجات والزيارات.. ههههههههه ولا مثل شيماء مايعجبني شي ودلوعه.. هم ربي خلقهم كذا.. دلوعات وحساسات...
أحلام بصدمه/ انت من قلك ذا الكلام الفاضي، من قال انك مثقله عليهم ولا متضايقين منك لأنك مش باقي أخواتك.. والله خالي صالح لو سمعك لايزعل منك..
جوري ببكى/ كلهم يقولوا أني مش مثل البنات.. معاذ دايما يصيح عليا لأني بلعب مع العيال كره، ولما يشوفني العب بالاثقال حق عبدالرحمن يأخذها مني، حتى لما كنت العب واتسابق معاهم يضحك عليا ويقول أني مش بنت.. ليش ماتكوني رقيقه ودلوعه مثلهم..
مسكتها أحلام/ بلا هباله.. انتي عارفه انه يمزح معك، حتى علي شوفي كيف بتتضاربي معه،لكن والله انه يحبك ويقول أنك احسن وحده في البنات، وحلف إذا بشاير ولدت بنت هيسميها جوري علشان تطلع مثلك..
تابعت بهدوء واقناع/ والله ذي كلها اوهام في راسك لأنك زعلانه من خالي بس.
جوري وهي تمسح دموعها/ حتى لو كان صح ومش اوهام، انابسوي الحاجات اللي احبها،مادام ماتضرني ولا تضر أحد ولا بسوي غلط، ليش لازم اغير نفسي علشان اكون مثلهم..
أحلام/ اصلا محد بيسمح لك تغيري نفسك لأن الكل يحبك مثل منتي، لأنك جوري ومحد شبهك، ولا أحد يقدر يجي ربعك..
جوري بضيق/ طيب خلينا من الكلام الفاضي ، ذحين ايش اسوي..زواج مابتزوج.. انا بجلس هنا معاكم.. كيف اروح معاهم جده.. وانتوا بتكونوا هنا.. كيف بعيش وانا بعيده عنكم… وانتي كيف بتعيشي بدوني..
رجعت تبكي بقهر وبكت أختها معاها وتابعت من بين دموعها/ انا بسافر بلاد ثانيه غير اليمن.. مابشوفكم ولا اكلمكم،وهناك الهواء غير والناس غير،الشوارع والبيوت كلها غير.. مابتزوج.. مابتزوج..
ضمتها أحلام بقوه وهي حاسه فيها.. كيف ماتحس وهي اختها.. اتقاسموا كل شي من يوم ماانولدت جوري.. اتقاسمت معها حليب أمهاواتقاسمت معها المها وحزنها وفرحها.. حتى عماها اتقاسمته معاها ورفضت تخليها لحالها في ظلامها..
( أحلام صار لها حادث بعمر السنتين ودخلت في غيبوبه لمدة خمس شهور، ووقتها انولدت جوري، فقررت أم جوري أنها تخلي أم أحلام ترضعها كتعويض عن غياب أحلام وعلشان تساعدها تتخطى محنتها وفقدها لبنتها، اللي للأسف الحادث أثر عليها وافقدها البصر)
حست جوري براحه بعد ماتكلمت مع أحلام وطلعت شويه من اللي داخلها.. كانت متأكده انها بترتاح إذا شافتها وذا اللي صار..
أحلام بمزح/ سبحان الله أنتي ماتبكي طول السنه، كأنك تجمعي دموعك ولما تبكي مره تغرقينا..
جوري بأبتسامه/ اتخيليني ابكي مثل شيماء
صاحت أحلام / لااااا تقولي، الله يحفظك غرقيني مره في السنه ولا تغثيني كل خمس دقايق.. لا صدق شيماء كيف عايشه طبيعي كذا..
جوري/ هههههههههه والله يختي ذا سلاحها السري.. كل ماصار شي قامت توون وكل شي يجيها، لكن عبادي فديت قلبه.. ممشيها عالصراط.. يوووه نسيت..
فتحت شنطتها وطلعت اوراق ودفاتر وبهدوء/ شوفي ياحلوه… الدفاتر كملتها، سلميها بكره علشان اتأخرت وابله نور مارصدت درجتك.. وطبعت ملخصات علم النفس والنصوص والأحياء،ذاكري منها للأختبارت الشهريه،طبعا الاسئله المهمه كالعاده عل…
قاطعتها أحلام بصوت عالي/عليها ورده أنتي حفظتها..
جوري باستهبال/ معكي اين ماكنتي…. ههههههههه
أحلام بصدق/ شكرا حبيبتي، اكيد اصابعك وجعتك من الطباعه ، انتي لو تسمعي كلامي وتخليني اعطيها احد من المعهد يطبعها… .
قاطعتها جوري بحزم/ لا تخليني أحلف ..أن دريت أنك أعطيتي كتبك لأحد لساني مايخاطب لسانك طول عمري يعني حاسدتني عالراحه والسعاده اللي احسها لما أقدر اسوي لك شي..
أحلام بضيق/ والله مو قصدي.. بس أنتي بتتعبي معي ،انتي مستوعبه أنك بتدرسي كتب لمرحله غير مرحلتك.. بتكتبي لي واجباتي كل اسبوع،وتلخصي لي المواد وفوق ذا كله تطبعيها بالأله الكاتبه.. غير مذاكرتك وشغل البيت.. والله حرام عليكي نفسك.. شوفي كيف جسمك جلد على عظم..
شهقت جوري/ ذي اسمها رشاقه.. لياقه.. مرونه.. مش جلد على عظم.. وذي الألعاب و التمارين اللي بسويها ايش فايدتها.. انا بتجهز للأولمبيات.. ومحد مركز... بعدين إذا اشتكيت وتعبت بوقف من حالي… تمام ..
أحلام بضحك / تمام يا أولمبيات..
كملوا ضحكهم وسواليفهم بعد مانضموا للبقيه وبعد الغداء وداهم علي الملاهي بعد ماحكى له عبدالرحمن اللي صار فحب يغير نفسية جوري اللي فعلا نست أو تناست ،علشان تنبسط في يومها ..
↚
ذكرياتنا تسكن في مدن الأحلام.. ونسيانها يسكن في.. مدن الأوهام
مرت أربع أيام على ملكة جوري وخالد.. مرضت فيها جوري بسبب نفسيتها السيئه وعدم تقبلها لخالد،ولازمت فيها غرفتها متعمده علشان تبين للكل مدى تعبها، وبكذا تتهرب من أي محاوله لمقابلة خالد اللي عرفت أنه يبغى يشوفها،ونجحت خطتها..
دخلت ناديه ومعاها باقة ورد جوري احمر قمه في الروعه وبحالميه / اتفضلي ياست جوري ..الف سلامه عليكي…
اتفاجأت جوري وبفرح / ذا الورد لي أنا…
اخذت منها الورد ودفنت وجهها فيها وهي تشم ريحتة بعمق ..
جوري بتأثر/ تسلمي ياقلبي .. والله يجنننن ليه تعبتي نفسك..
ناديه بضحكه/ وأنا ايش دخلني، أنا ما جبته..
جوري بأستغراب/ مش أنتي .. يعني معاذ؟
وبأبتسامه/ فديت قلبه،ليش ماجابه… مستحي مني.. ولااا بيعتذر بدل أبي..
ناديه/ لاتذكريني أمانه.. كل مااتذكر كيف جنن وزعل يوم دري أنك مش موافقه على خالد ولا كنتي تدري أنه خطبك،قلبي يطيح.. وأنتي هبلا تروحي تقولي مابتزوج.. قد اتزوجتي وخلصتي..
اتضايقت جوري وهي تتذكر بعد مارجعت من بيت خالها، وجاء معاذ يبارك لها وسألها إذا صلت إستخاره وأرتاحت، ولما قالت له إنها ماتدري عن الموضوع أساسا وإنها مش موافقه ،عصب وزعل وقلها إنه بيكلم أبوه وبيفركش الزواجه كلها، وكيف زعل من ناديه وقالها ماتتدخل لإنها قالت إنه بتصير مشكله مع ابو معاذ لإنه خلاص الزواج تم ومومعقول يخلي أخته تتطلق بعد يومين من زواجها ويخلي الناس تتكلم عليها..
جوري بندم/وأنا ايش عرفني أنه بيزعل وبيروح يتصايح مع أبي.. وبعدين على قولك اتزوجت وخلصت،يعني ماهستفيد شي إذا اتزاعلوا بسببي.، علشان كذا قلت أني ماعندي مشكله في الزواج بس زعلت لأنه ماكلمني قبلها..
ناديه /سويتي عين العقل.. لإنه لو كان كلم عمي والله لاتوصل لطرده من البيت، ولا تحسبي أن عمي بيقله ..انت كلامك صح طلق أختك منه.. والله الحرب العالميه الثالثه بتقوم…
جوري/ الحمد لله على كل حال… هاا ماقلتي الورد من جابه..
ناديه ترمش بعيونهابدلع/ آآآه.. خاااالد..
جوري شافت الورد بقرف ورمته لناديه اللي صرخت/ياحماره ليش ترميه… حرام عليكي شوفي فيه كرت..
اخذت الكرت من الباقه ومدته لجوري اللي لفت وجهها عالجهه الثانيه بدون ماتأخذه..
ناديه/مالت عليكي،ماعندك رومانسيه وحركات مثله.. يلااا أنا بقرأ ايش كاتب لك الرومانسي… آحم آحم ..الف سلامه عليكي ياأجمل عروسه.. زوجك خالد...آآآه ياقلبي رومانسيه وغزل،ياحظك..
جوري بقرف/ خذي الورد وأنتي خارجه ريحته كتمتني…
ناديه/ جوري بلا هباله عيب عليكي،وين أخذه لو شافتني خاله فاطمه أيش اقولها.. جوري قرفانه من هدية ولدك وقالت أرميها..
جوري/ ناديه اشتي (ابغى)اذاكر، رجاء لاتزعجيني..
رمتها ناديه بالمخده/ بطلي كذب… الروايه باينه تحت مخدتك.. قلك اذاكر..
جوري بضحك/ والله ماكذب.. اصلا عبادي بيجي ويسألني عالأحداث، لازم أكون.. آممم ملمه بالتفاصيل…
ناديه بتريقه/ والله أنكم مجانين ..اقرأ قصه وأجلس أحللها هههههههههههه…
اتعدلت جوري وهي تطلع الروايه من تحت مخدتها وبحماس/ يختي أجاثا ذي عليها أسلوب وحبكه في القصه خطيرررره.. تحسيها مجرمه بالفطره ..تكتب عن الجرايم كأنها عاشتها.. ولا هركيل بو…..
قاطعتها ناديه/الله يخليكي لا تغثيني بكلامك الفاضي ذا.. موكفايه نص مصروفك انتي والمجانين أخوانك رايح في شوية ورق… وانتوا على رجل المستحيل.. مدري ايش الطبيعه..والعجوزه حقك ذي ..صدق المجانين في نعيم…
جوري بصدمه/ بس بس ياعدوة الأدب.. ياعدوة القراءة.. ولو سمحتي لا تجيبي سيرة.. أدهم صبري ودكتور رفعت على لسانك.. ياجاهله.. يا.. يا.. عديمة الخيال.. اقلك روحي.. روحي..خلصي زياراتك وانتبهي لايفوتك خبر ولا شي..
ناديه تبوسها بقوه/طيب اشربي دواكي.. علشان تتعافي وتمسكي صلوحي واروح براحتي..
جوري بحقد/ كلبه.. اشربي دواكي هااا،مش لله لزوم المصلحه.. روحي بس وخذي ض أمه معاكي علشان انتبه لصلوحي واتجول بحريه.. ولاتنسي تخرجي هدية وبتريقه /آآآه الرومانسي… مالت عليكي وعليه..
---------------
(خالد)
كان واصل حده من القهر، صار له أربع أيام وهو يكلم أمه علشان يشوف جوري،وامه ترد إنها مريضه وتعبانه وماتقدر تقابله، واخيرا فكر إنه يجيب لها ورد ، بما إن البنات يحبوا الورد والحركات ذي،فحب يعمل فيها جنتل مان ويعمل جو قدامها..
وطول الأيام اللي فاتت يخرج مع معاذ او عبدالرحمن من بعد العصر ومايرجعوا غير بالليل وهم يتمشوا ويفرجوه معالم (صنعاء) الأثريه والأسواق الشعبيه القديمه، حتى مزرعتهم ومنحل العسل التابع لها راح شافها واتجول فيها..
اليوم أخذه معاذ لزيارة أبرز المعالم السياحيه في(صنعاء) واللي هو (دار الحجر) وهو أحد أهم المباني التاريخيه في (اليمن) وسمي بهذا الأسم نسبة للصخره الغرانيتية الي شيد عليها هذا البناء..
ويعود بناء القصر إلى أواخر القرن الثامن عشر الميلادي حين أمر ملك اليمن الإمام المنصور على بن العباس وزيره علي بن صالح العماري (1736-1798) والذي اشتهر بالهندسة المعمارية والفلك، والشعر والأدب - أمره ببناء قصر في (وادي ظهر) ليكون قصرا صيفيا له، ويروي المؤرخون انه بني على أنقاض قصر سبئي قديم كان يعرف بحصن (ذي سيدان) الذي بناه الحميريون عام 3000 ق. م، ودمر الحصن على يد الأتراك قبل أربعمائة عام، واعيد ترميمه في بداية القرن العشرين على يد الإمام (يحيى حميد الدين) بعد أن توارثه عدد من الملوك اليمنيين. ويعد حالياً معلماً سياحياً يقصده الآلاف من أنحاء العالم.. كان البناء على طريقته الأولية لسنوات، حتى قام الإمام يحيى بن حميد الدين بإضافة الطابق الأعلى (المفرج)..
انبسط خالد بذي الزياره، وحب المكان اللي زاره، لأن معاذ كان دليل سياحي ماهر بسبب أسلوبه الجذاب ومعلوماته الغزيره لدرجة انه فيه مجموعة سياح أجانب انضموا لهم،ولما شاف معاذ أهتمامهم صار يشرح لهم تاريخ المبنى باللغه الانجليزيه وافتكروه الدليل السياحي المكلف بشرح تاريخ المعلم….
خلصوا زيارتهم وكانوا رايحين يتعشوا بس العشاء اتكنسل بسبب أتصال جاء لمعاذ اللي اقترح انه يودي خالد للمطعم قبل مايروح ،بس خالد رفض علشان لايأخره، وطبعا أحتار بعدها فين يمكن يروح لأنه مايعرف الأماكن ولا الطرق ففضل يرجع البيت...
دخل البيت قبل صلاة العشاء وهو حاس بتعب وارهاق فضيع بسبب المشي الكثير اللي مشاه وهو يتفرج على(دار الحجر)، راح لجهة مجلس الرجال وقبل مايدخل لفتت أنتباهه ضحكه رنانه جايه من الجزء الخلفي للبيت،سمع صوت عبدالرحمن/ امسكي بقوه ياهبلا لايطيح،ههههههههههههه،لو شافنا معاذ بيعلقنا على باب البيت..
حس بفضول ومشي بشويش ناحية الصوت ووقف لما سمع ضحكة جوري/ههههههههههه خليها والله لا أطلع كل نذالته في ولده… ههههههههههه،بس شوفه يجننن فرحان… صح حبيب عمه… هوووووووبااااا..
انصدم وهو شايف جوري واقفه وقدامها عبدالرحمن على بعد مترين تقريبا.. كانت ماسكه صالح ولد معاذ بيدينها وترميه في الهواء ناحية عبالرحمن اللي يتلقفه كأنه كوره، ويرجع يرميه على جوري بنفس الطريقه وصالح مبسوط وفارط ضحك.. وقف يشوف جوري اللي كانت واضحه بسبب الانوار المتوزعه في الحوش، كانت لابسه ترينق رياضه ولادي اسود وفانيلة رياضه لمنتخب الأرجنتين، ورافعه شعرها ذيل حصان.. كانت مبسوطه وتضحك من قلبها وهي تلعب"ماشاء الله .. مبسوطه وتلعب والضحكه شاقه الوجه .وين تعبانه ومريضه.. قاعده تنصب عليا" جلس في ركن يتفرج عليهم بصمت بدون مايحسوا..
جوري بتعب/ خلاص يدي وجعتني.. صلوحي حبيبي.. ماتعبت.. هااا..فديت القمر والله..
عبالرحمن شرب وصب لها مويا،شربت وشربت صالح اللي ريقه نشف من الضحك.. وجلسوا عالفرشه اللي مجهزه فيها اغراض صالح ،سوت له سيريلاك وبدأت تأكله جلسوا يضحكوا و يعلقوا على حركاته اللي تجنن..
عبالرحمن بهدوء/ يالله.. كلها فتره وتكوني أم وتجيبي لنا ولد شبه صلوحي… مش قادر اتخيلك وانتي عندك ولد..
جوري بتريقه/ خلي الولد يأكل، لايجيه عسر هضم…
عبدالرحمن/ههههههههه، ذحين زواجك يجيب عسر هضم..
جوري بأندفاع/عسر هضم وبس وتلبك معوي وحموضه و اي شي يخطر في بالك..
عبدالرحمن بجديه/ جوري بلا هباله.. عيب، خالد زوجك ذحين ..
جوري بأستغراب/ وأنا أيش قلت، بعدين ايش دخلني فيه اساسا..
عبدالرحمن/كل ذا وماقلتي شي، عاد في نفسك شي؟يمكن ناسيه..
جوري بضيق/ وع ..وع.. لا تتكلم زي معاذ..
وتكبر الامور.. خلاص زوجي.. والمطلوب.. أخذ منها صالح اللي خلص اكل.. وحطه في الكرسي تبعه علشان ينيمه، ويقدر يتكلم معاها براحته..
عبدالرحمن/ ذحين خالد ايش سوا لك علشان تكرهيه، ابوكي هو اللي زوجك بدون مايقول لك، هو ايش دخله.. وفوق ذا راح جاب لك ورد وانتي مريضه،تقومي ترميه!
جوري بصدق/ من قال أني اكرهه، أنا مااعرفه اصلا علشان احبه ولا اكرهه.. كل مافي الأمر أني مابتزوجه، حررره.
عبدالرحمن بأقناع/ ياحبيبتي افهمي .. خلاص اتزوجتيه وانتهينا،بعدين الرجال جالس يحاول يشوفك وانتي جالسه تتعذري بمرضك.. لاتحسبي أني مافهمت حركتك..
مسكت خدوده بيديها وضغطتها بتحبب/ ياقلبي عاللي فاهمني،هههههههههه محد كاشفني غيرك..
دف يدها وهوماسك ضحكته وبتمثيل/جوري مش وقت سماجتك،انا اكلمك جد.. جوري باستهبال/جد ولا عم.. ههههههههههههه سكتت لما شافته عصب من جد/ما امزح يعني حرام… قسما انكم مملين، كل واحد شافني قال نفس الكلمتين.. وبضيق/ بيشوفني بيشوفني… طيب وأنا؟ محد سألني في الزواج ومحد سألني بشوفه ولا لا كلكم مهتمين باحساسه وخايفين لايزعل، ينفلق يا اخي، ساب السعوديه وضارب مشوار وجاي يتزوجني،ليه مافي بنات..
عبدالرحمن بعصبيه/انتي من جد هبلا.. ذا نصيب،ربي كاتبه له ولك.. بعدين لاتتريقي في بنات اتخطوا الثلاثين و يتمنوا يتزوجوا وانتي مش حاسه بالنعمه اللي انتي فيها.. قولي الحمدلله.. انقهرت من كلامه ومسكت دموعها لأن ماقصدها تتريق وتسخر من أحد بس هي من جد مستغربه ، اكيد يعرفوا ناس هناك ليه ماتزوج منهم وريحها
جوري بهدوء/الحمدلله الذي لايحمد على مكروها سواه.. أنت عارف أني ماأقصد كذا.. أختصار الموضوع،مابشوفه، ولا يجيب لي ورد ولا بطيخ يخليني في حالي ،هو بالغصب يعني.. اقلك شي،قله جوري ماتشتي تشوفك وخلاص،مش هو اهبل مايفهمها وهيبطل من نفسه، يرتاح ويريحني وجزاه الله خير..
عبدالرحمن/شوفي أنا عاذرك وفاهمك،بس ذا مايخليكي تقلي أدبك،ماعاد الا اروح واقله زوجتك تقولك خليها في حالها.. جننتي خلاص،وماعد في أدب ولا أحترام….
جوري بصدمه/ أنا ماعندي أدب ولا أحترام أنت اللي تقول كذا..كل ذا علشان ال… علشانه..
نزلت دموعها وببكى/شكرا.. انك نبهتني علشان الحق اتأدب من جديد..
شالت صالح بشويش ومشت للبيت وهي مطنشه عبدالرحمن اللي يناديها..
خالد كان جالس يسمع كلامها وهو يغلي من الغيظ والقهر" انا.. انا ماتبغى تشوفني،أنا مرض ،وانفلق كمان ورمت الورد اللي جبته ليها،ماعندها ذوق ولا أحساس،صدقت نفسها البزره ذي.. مفكره أني ميت على شوفتها.. وسايب البنات اللي عن جد بنات وجاي مخصوص علشانها.. هههههههه وجالسه تتدلع هيا وجهها وتعمل فيها تعبانه.. لعبت عالكل وصدقوها.. بسيطه بسيطه، ماأكون خالد ولد محمد أن ماطلعت كل اللي قلتيه من عيونك،والله لأعرفك مقامك يالبزره،ههههههه ماكان ناقصني غيرك.. اخلص من وحده تجيني الثانيه ..هوا انا عامل شي في حياتي ،ولا امي شكلها داعيه عليا ولا ايش الحكايه بالضبط"…
اتنهد بغضب ودخل البيت وهو يحلف ويتوعد لجوري.. (الله يستر)
↚
بعض البشر يملكون قلوبا إصطناعية،خالية من المشاعر،لاتعرف إلا ..النبض فقط!!!
صحت جوري ثاني يوم الفجر وهي حاسه بكآبه فضيعه،أول مره عبدالرحمن يزعل منها ويقول لها كلام قاسي وبذا الأسلوب..
لطالما كان لها الملجأ الآمن والحنون، اللي تتشارك معاه كل مشاعرها وافكارها،هو (تؤام روحها) بلا منازع،و مدافعها العتيد في وجه الكل ،حتى لما تغلط ..دايما يبرر لها ويلتمس لها الأعذار ،وينصحها ويعلمها غلطها بينه وبينها.. وأول مره تنام وهو زعلان منها كانت طول الليل تفكر في خالد بكره لأنه في نظرها سبب زعل عبادي عليها، بس رجعت غيرت رأيها وفكرت في كلام أخوها ولقته منطقي،يعني هي فعلا زوجته وعادي يشوفها.. اتذكرت وداد وعلياء لما كان يجوا احمد ومحمد يزوروهم وهم مملكين ،صح كانت زيارات ماتنعد على أصابع اليد الوحده وكانت بوجود أبوها أو احد من طرفهم،بس أسمها زياره وشوفه،اتنهدت بضيق لما طلع خالد معه حق وأنها ظلمته بكرهها له ،وإنها هي سبب زعل عبدالرحمن منها.. قررت تنهي مرضها اللي زادت فيه وتروح المدرسه ،إذا مو علشانها علشان أحلام اللي كانت كل يوم تجيها في العصر تطمن عليها وتنقلها اللي صار في المدرسه.. كررت فيلمها اليومي في تعذيب شيماء علشان تصلي وتجهز للمدرسه وجهزت نفسها وصلت الفجر وخرجت الحوش، وقفت على جنب لما دخلوا من الصلاة،وشافت أبو خالد وأبتسمت بحب وهي تتذكر لما جاها، يسلم عليها وهي تعبانه وكيف اصر يأكلها بيده،وكيف لمح لها إنه زعلان لإنها ماسلمت عليه من وقت ما وصل ..
انتبهت إن خالد مو معاهم،أشرت لأخوها نور اللي شافها وجاء
جوري بصوت واطي/ نور ،تعرف خالد..
هز راسه بموافقه وبحلق فيها بعيونه العسليه/وأنتي تعرفيه؟
ابتسمت/ لا.. طيب هو وينه ،عاده في الجامع؟
نور يوشوشها/ اصلا هو ماخرج اليوم يصلي.. الله بيزعل منه ..صح..
هزت راسها بموافقه ونعكشت شعره البني وهي عارفه إنه يكره الحركه ذي وثواني وصار يدف يدها بزعل ويتأفف منها ويروح..
عدلت شعرها وراحت لأبوها وأخوانها وبصوت واطي/السلام عليكم…
الكل رد السلام،اتوجهت لأبوها بهدوء وباست راسه وراحت لعمها ومعاذ وعادت نفس الحركه، ولما وصلت لعبدالرحمن حضنته بدون ماتتكلم وهو ضمها بقوه اكثر وهمس في أذنها/آسف…
معاذبتريقه/لاحول ولا قوةإلا بالله، اللي يشوفكم يقول لكم شهر ما تقابلتوا ،وانتوا كأنكم تؤام سيامي طول الوقت لاصقين في بعض..
ابتسم عبدالرحمن وهو يبعدها بشويش ويحط ذراعه على كتفها/قل اعوذ برب الفلق،عينك يا أخي لا يصير فينا شي…
ابو خالد/كيفك اليوم يابنتي.. صرتي أحسن..
جوري بأبتسامه/ الحمدلله ..لاتخاف عليا شوية سخونه وبرد…
رفعت عيونها بشوق لأبوها اللي كان يشوفها بصمت،من يوم ماقلها على زواجها وهي تتجنبه،حتى لما مرضت كان كل يوم يزورها في غرفتها،بس كان الصمت حاضرهم ..
وبهدوء/يبه.. نتقهوى هنا؟
ابتسم لما قالت (نتقهوى) يعني بتجلس معاهم/ماهو برد عليكي ..
ردت بأبتسامه/بجلس جنبك تدفيني..
وراحت تجهز القهوه وهي حاسه براحه و إن كل كآبتها أختفت، ودت القهوه لأمها وأم خالد، وراحت الحوش لقتهم فارشين تحت شجرة التين جلست جنب أبوها اللي حط ذراعه على كتفها وغطاها بفروته وجلسوا يسولفوا ويضحكوا والكل مبسوط بلمتهم.. وبعدها وصلهاعبدالرحمن لمدرستها مع شيماء .. وتابعت يومها بشكل طبيعي..
--------------
فتح عيونه وهوحاس بصداع،اتعدل في جلسته وشاف الساعه وهو يتثاوب، وقف بسرعه لما شافها 10 الصباح، رمى ساعته بعصبيه ومسح وجهه بقهر على نومته الغبيه اللي خربت كل خططه اللي مانام وهو يفكر فيها طول الليل، راح يتوضأ وصلى الفجر اللي فاته ونزل المجلس وكان فاضي،ومالحق يسأل نفسه وينهم،لأنه شافهم من الشباك وهم جالسين في الحوش، اتنهد وخرج لهم/صباح الخير..
أبو خالد بعتاب/صباح النور ،ولو إنه قرب الظهر.. ايش بك قفلت الباب وماصحيت وانا ادق عليك الفجر..
خالد بأستغراب/دقيت وماصحيت! غريبه ماسمعت شي.. يمكن لأني تعبان ما انتبهت ..
أبو معاذ بضحك/ الحمدلله عالعافيه.. انتوا بالدور وحده تقوم وواحد يمرض..
خالد/كيف يعني..
أبو خالد/الحمد لله ..جوري اليوم صارت أحسن،رجعنا من الصلاة وهيا مستنيتنا وقعدنا نتقهوى هنا،رااااحت عليك .. هههههههههههه..
خالد بأبتسامه/ الحمد لله.. أهم شي إنها قامت بالسلامه،والقعده ملحوق عليها..
وفي نفسه"كنت متأكد إنها هتخرج مادام إنها كويسه ومافيها شي،هههههههههههه ،بكره مو بعيد" وعدى باقي اليوم بشكل طبيعي..
ثاني يوم كانت جوري تراقبهم بعد مادخلوا من الصلاة.. و تأففت لما سمعت صوت خالد/أنا حاس نسي تعبان برجع أنام ،لاتصحوني عالفطور.. وتركهم وراح..
جلست جوري دقيقتين لحد ما أكدت إنه راح وجاتهم/صباااااح البرد…
شد أبو خالد الجاكيت عليه /ليه طلعتي في البرد ذا ،انتي لسا ماطبتي مزبوط..
ووقف جنبها يشوف حرارتها..
معاذ بغيره/ اشوفكم نسيتونا وماعد تشوفوا غير القزمه ذي..
قربهاأبوخالد جنبه وذراعه على كتفها/هذي الغاليه بنت الغالي وزوجة الغالي..
أبو معاذ/أوووه من متى المحبه يامحمد …
باست خد عمها بخجل و بشقاوه/من زمان، ذا صاحبي حمودي،مش أي واحد… صح حمودي..
ضحكوا عليها لما سحبها معاذ جنبه وضربها على راسها بشويش وبهمس/صاحبك.. وحمودي،ليش معاكي في الحاره وانا مش داري؟
صاحت بصوت عالي/آآآي.. مو أحنا أصحاب، ولا لا ياحمودي…
دف معاذ عنها وفرك راسها مكان الضربه/ أعز الأصحاب كمان ،أحد يحصل له يصاحب القمر ذي ويرفض ،أطلع أنت منها بس…
طلعت له لسانها تقهره، وهو متفشل منها.. وبأحراج/ مادام اطلع منها.. أروح لزوجتي أحسن..
عبدالرحمن بتحريش/ راحت عليك ياأبو معاذ.. عم محمد أحتل قلبها خلاص.. ماعد لك مكان..
ابومعاذ بزعل/ الظاهر كذا…
ضمت ابوها وباست راسه/من قااال أن أحد يقدر يأخذ مكانك في قلبي.. مكانك محفوظ ياصلوحي… كل واحد ليه قدر ومعزه..
وشبكت يدينها في ايدين أبوها وأبوخالد وصارت بينهم وبأستهبال/ قلبي شقق مفروشه يوسع الكل براحه… هههههههههههه...زورونا تجدوا مايسركم…
الكل ضحكوا لين دمعة عيونهم من هبلها..
ابومعاذ/بسك هباله رأسي بيوجعني من الضحك، هههههههههه ونشفنا من البرد،انتي مش بردانه لأنك بتجري من أول…
برطمت بزعل/ أنا غلطانه قطعت تمريني وجيت أضحكم شويه ،وآخرتها اصير هبلا…
فكت يدينها منهم ودفتهم بشويش/روحوا الله يسهل لكم،وضحكت بصوت عالي/قول أنك عجزت وتعبت من الوقفه معي ياصلوحي..
أبوخالد/ والله عجزنا من جد… وأنتي مابتدخلي مع العجايز…
جوري بلكاعه/لا ياحمودي،بكمل تمرين علشان ما أعجز بسرعه مثلكم،وبرجع اجيب القهوه وأجيكم ياعجزان.. السلام عليكم….
سابتهم ورجعت تجري وهم دخلوا المجلس، لفة حوالين البيت وهي تضحك بدون ماتنتبه للعيون اللي تراقبها بقهر ..
---------------
( خالد)
بعد ماسابهم راح للجزء الخلفي من الحوش واختار مكان وسط الشجر وجلس يسمع كل كلامهم وهو مقهور من ضحكها اللي واصل لعنده" مالت عليها ..من جد بزره.. وهرجها هرج بزوره،ماسخ وماله داعي..
سمع ضحك أبوه يضحك ويتغزل فيها.. "أموت وأعرف يحبها على أيه،أكلت عقل الشيبه، وجالس مبسوط ويضحك على أيه.. دمها ثقيل، وكلامها غبي زيها.. بسيطه.. يا أنا يا أنتي ياجوري"
انشدت حواسه لما سمعها تسلم وشافهم يدخلوا المجلس، استكان في مكانه وهو يسمع خطواتها تقرب منه وعدت من جنبه وكملت جري، مشي بسرعه لوراء البيت ولصق في الجدار وهو يحاول مايبين نفسه وانتظرها.. وأول ماحس فيها قربت من مكانه طلع في وجهها بسرعه، وفي ثواني صارت رهينه بين ايديه……
**
لو مرت في حياتك أحداث ليست على مرادك،،ولا تصب في هدفك… فأعلم أنها تصب في خبراتك.. وتبني فيك شيئا جديدا!!!
كانت تجري وهي طايره من السعاده، لأن علاقتها بأبوها رجعت مثل قبل، من بعد ماكلمها على ملكتها وهي تتجنبه، كانت مقهوره منه وعليه ،لإنها ماقد مر يوم عليها بدون ماتتكلم وتضحك معاه، حست بروحها مفارقتها وهي بعيده وزعلانه منه…
وبدون مقدمات طلع شيئ في وجهها، مالحقت تشوفه مسك يدينها الاثنين ولف جسمها بسرعه وفجأه لقت نفسها محجوزه بين أيديه ،صار ظهرها لصدره وايدينها مكتفه صدرها وهومثبتها بذراعه بقوه، وكفه الثانيه على فمها.
حست بالرعب وصارت تتحرك بعنف وتحاول تفك ايدينها اللي مربتطها ، وترفس برجولها على أمل توجعه ويتركها،حست فيه يضمها بقوه أكثر كل ما قاومته، وزاد جنونها وخوفها وهي تحاول تعض كفه اللي مغطي فمها بقوه توجع.. " ياربي حرامي ،ولا مجرم،ليش ماسكني" حست بكتمه في صدرها ودموعها تنزل بغزاره وهي تفكر "محد بيدري لو صار لي شي،والله يقتلني ويروح وهم يحسبوني أجري"
حاولت تصرخ وتنادي عبدالرحمن ومعاذ بس صوتها ماتعدى تفكيرها
أووووشششششش،أنا خالد، ياخوافه….
استكانت فجأه كأن أحد صب عليها برميل مويا بارده.. حست برجولها تخذلها وتضعف ونزلت عالأرض بأنهيار وهومعاها لسا ماسكها بنفس القوه.. "خالد.. خالد.. الحمد لله.. الحمدلله" غمضت عيونها براحه وبكت من قلبها.. للحظه فرحت إنه خالد مو حرامي ولا مجرم و------
خالد ببرود/ هاااا.. ايش رأيك، مفاجأه حلوه صح..
هزت رأسها بقوه وهي ترجعه على وراء وتحاول تضرب رأسه علشان يفكها…
-----------
(خالد)
حس بنشوه وأحساس غريب لما مسكها، كأنه صياد وأصطاد فريسته بعد طول إنتظار.. وكل ماحس بخوفها ،حس بنار قهره تخف منها ..
خالد بضحكه/ ههههههههههه لاتحاولي،مارح افكك إلا بمزاجي.. أيووووه قلتي لي أنا (مكروه)، وعسر هضم.. آآممممم وايش كمان ياخالد ،أيش كمان…. ااها.. افتكرت.. حموضه وتلبك معوي…لسانك طويل ويبغاله قص ، بس حلو.. عندك خلفيه عن الأمراض.. ناويه تدخلي طب… ههههههههههههههههههههههههه.. ضحك بقوة علشان يقهرها وهي تحاول تتخلص منه..
وبحركه سريعه حرر شعرها من الشال اللي كان مغطيه.. وبخبث/ ماله داعي تغطي شعرك، أنا زوووجك محد غريب….
نزل وجهه لشعرها اللي غطى كتوفها وصار يشمه بقوه وهو يحرك خشمه في رقبتها وبهمس/أنا أشوفك وقت ما أبغى ،وغصبا عنك.. فاهمه..
ضحك بأنبساط لما حس في جسمها اللي يرتجف بين أيديه و كيف تبغى تبعد رأسها عنه بخوف، وحب يخوفها أكثر/تدري أني لو سويت فيكي شي محد بيدري عنك.. يمكن أقتلك وتمر عليكي ساعه واثنين ولا أحد سائل عنك، حس فيها ترجف اكثر وهويضمها لصدره بقوه أكبر وهمس لها/ بس أنا مارح أقتلك، أحد يقتل عروسته اللي ماتحبه بذي السرعه.. عالاقل مو قبل ماتعطيني فرصه علشان تتعرفي عليا ..وتحبيني..
قرب من رأسها وباس رقبتها بشويش ، ضحك لماحس فيها استكانت فجأه وحس بإنتصار ه عليها، وباسها مره ثانيه وثالثه قبل ماتنتفض بقوه وتحاول تعضه وتقاومه بجنون..بس كل ماقاومته أكثر ،كان يحس بضعفها وخوفها أكثر ،ويتمادى معاها لدرجه هو نفسه ماكان مخطط لها…
كان ناوي يبوسها بوستين عالماشي علشان يفهمها إنه زوجها وإنه من حقه مو بس يشوفها ..و إنها كلها على بعضها حقه وملكه و إنه يقدر يشوفها ويوصل لهاغصبا عنها.. وإنه إن تركها الأيام اللي فاتت فهذا الشي بمزاجه..
بس في لحظات اتعدى حركة التأديب، والبوستين صاروا أربع وخمس، واتحولت من الهداوه واللامبالاة ..للشغف وهو يوزع بوساته على رقبتها وجانب وجههاو يشم ريحة شعرها بهيام.. وبهمس/ أأووششش لاتخافي… أنا زوجك… لاتخافي….
شال يده من فمها ولفها عليه بسرعه ،صارت يد على خصرها،ويده الثانيه وراء راسها وهو يقربها لوجهه وفي ثواني صارت شفايفها اسيرة شفايفه وهو فاقد السيطره على نفسه كليا....
-------------
(جوري)
في البدايه ماتت من الرعب ،بس لما سمعت صوت خالد حست براحه غريبه وأمتنان عمرها ماكانت تتخيل إنها تحس فيه لما تسمع أسمه.. حست بتعب من كثر ماخافت وماقدرت توقف على رجولها ، هدأت للحظات،بس رجعت لخوفها لما سمعت كلامه " يمممه، من قال له كلامي.. عبادي لايمكن يقول.. كيف سمعني ومتى وأنا متأكده إنه خارج البيت.. ياويليي"
زاد خوفها أكثر لما فك شعرها وقعد يهمس لها في أذنها،وصار جسمها يرتجف بقوه وأحتارت من كلامه، شويه.. يقتلها وشويه تعطيه فرصه تحبه… حاولت تفهم قصده بس انصدمت لما باسها في رقبتها حست بقشعريره وبشعر جسمها كله وقف من حركته ولثواني حست بتناحه غريبه، بس فاقت لما كرر حركته كذا مره…. انتفضت بقوه.. حست بخوف وقرف وغضب وصارت تتحرك في كل الإتجاهات وتحاول تعضه على أمل إنه يتركها، بس كل ماحاولت تبعد كان تحس بقوتها تضعف ،وزاد خوفها ودموعها وهو يهديها ويقلها لا تخاف وإنه زوجها، مافهمت كلامه ولاحاولت تفهمه ،كل اللي كانت عارفته إنه بيسوي شي غلط وعيب ..محد له حق يلمسها بذي الوقاحه وقلة الأدب
قعدت تدعي ربها بخوف ورجاءإنه يتركها، وحست إنه دعوتها استجابت لما نزل يده عن فمها، وحست بأيديه ترتخي عن جسمها ،غمضت عيونها واتنفست براحه وهي تحمد ربها إنه خلاه يتركها،بس مالحقت تأخذ نفس لما التفت أيديه على جسمها ثاني مره ،فتحت عينها برعب وهي تحس بشي على شفايفها،رمشت بعيونها بسرعه وهي تشوف وجهه لاصق في وجهها وتستوعب اللي قاعد يسويه، وبحركه لا إراديه حطت يدينها على كتوفه ودفته بأقوى ماعندها لدرجة إنه طاح عالأرض وطيحها فوقه وهو متمسك فيها بإحكام… وفي لحظه صار هو بكل ثقله عليها وهو مثبتهاعالأرض، ومستمر في همجيته وحالته الغير طبيعيه بالنسبه لها ..
اصابتها حاله من الجمود وهدأت مكانها ،وهي تحس أنفاسها تضيق عليها وماعادت قادره تتنفس وبدأ البرود يتسلل لأطرافها بسرعه حتى وصل لعظامها، حست بخفقان غير طبيعي في قلبها لدرجة إنها حاسه فيه بينفجر ..وجاهدت حتى تأخذ نفس لو بسيط ،وماعادت تحس بجسمها ولا بخالد واللي يسويه ، وانزلقت لعالمها الخاص.
↚
قطفت ورودي، لا لأنك أحببتها.. بل لأن أشواكها أدمت أصابعك القاسيه ..فسحقتها على قارعة الطريق !!! ومضيت دون ندم.. (بقلمي)
-------------
(خالد)
صوت غريب أخترق سمعي ورجعني للواقع،رفعت راسي للسماء اللي بدأت الشمس ترسل فيها أول خيوطها الذهبيه وأنا اتنفس بصعوبه، مسحت وجهي بيديني وأنا استعيذ بالله من الشيطان، والتفتت لجوري و----
انصدمت من اللي شفته، وجهها الشاحب شحوب الموتى ، عيونها المفتوحه ونظراتها المتعلقه بالفراغ ، شعرها المتناثر عالأرض ،جاكيتها المرمي بأهمال وأزرار بلوزتها المفتوحه ..صوت شهقه صدرت منها وگأنها جايه من مكان بعيييد، كان نفس الصوت اللي فوقني في البدايه، جلست جنبها بخوف ومديت يدي بتردد ولمست يدها.. انصعقت بملمسها ..كانت متصلبه لدرجة أني ماقدرت أثني أصابعها وجسمها كله متصلب وقاسي بطريقه غريبه.
اتفاجأت بمدى برودتها لمست خدها وكان نفس الشيئ جسمها كان عباره عن قطعة جليد ببرودته ،وشفايفها ترتجف ومافيها نقطة دم كان لونها أزرق فضيع، كانت ساكنه بشكل مخيف ،حتى عيونها ماترمش ، مافي شي يدل على إنها حيه غير شهقه تطلع من صدرها بصعوبه كل فتره والثانيه ،سميت بالرحمن وأنا أحاول أتمالك نفسي وبهمس/ ججوريي، ججوري، ضربت خدها بخفه وأنا أحاول أجذب أهتمامها..
هزيتها بشويش / جوري سامعتني.. جوري ردي عليا..
خفت أكثر .. شكلها غريب ، وصوت شهقاتها أشبه بطعنات الخناجر في قلبي ،وقفت بتوتر.. أنا أيش سويت فيها.. أنا.. أنا ماكان قصدي .. مو معقول أن اللي فيها خوف مني ،أكيد هيا تعبانه ،أكيد بتشكي من شي .. والجاكيت متى… ..، أكيد بردت.. الدنيا بارده..
كيف أتصرف، لازم أنادي اخوانها.. لازم أسوي شيئ ،بس كيف.. شد شعره بقهر وهو يدور حولها بخوف..
جلس جنبها وزرر بلوزتها بيده اللي ترجف ولبسها الجاكيت ،لم شعرها بعشوائيه وحط الشال عليها بإهمال وسندها عالجدار وكأنها جالسه،اصلا ماعرف يحرك جسمها المتصلب غير كذا.. رماها بنظره أخيره قبل يدخل البيت وفي باله شيئ..
------------
(عبدالرحمن)
كان قاعد يلبس ويجهز أغراضه وهومبسوط لإنه صالح جوري.. ماكان عارف كيف عصب منها وسمعها ذاك الكلام القاسي وهو مايقصد منه أي حرف.. بس هي استفزته بردودها البايخه والوقحه.. وكان ناوي مايكلمها كم يوم، تأديب لها على وقاحتها ولا مبالاتها. . لكن أول ماشافها وهي جايه تسلم عليهم ضعف ودور وجهه الناحية الثانيه علشان لايشوفها.. بس هيا ماأعطته مجال يتجاهلها ،وأول ما ضمته لها حس بإنكسارها وآسفها حتى بدون ماتحكي.. ضمها بشوق وهو يعتذر لها على كلامه البايخ ،وماأرتاح غير لماسمع ضحكتها اللي تشرح صدره..
اتنهد براحه أكثر لما اتذكر شكلها مع أبوه قبل شويه.. رجعوا لطبيعتهم وكل شي صار تمام..
غمض عيونه بقوه وهو يحس بنغزات في صدره.. استعاذ بالله من الشيطان الرجيم وضغط على صدره بقوه.. خطرت جوري في باله بسرعه ، ابتسم بتعب " أكيد تسبني لأني أتاخرت والقهوه بردت" أخذ كتبه وخرج من غرفته..
----------------
راح المجلس،وقابل خالد عند الباب ووجه كله مويا..
عبدالرحمن بتريقه/ وجهك طاح في المغسله؟
خالد برجفه بسيطه/هاا،لا.. ماقدرت أنام قلت اغسل وأجي أشرب القهوه معاكم.. ونسيت ما أخذ منشفه….. يا أخي برد عندكم....
جاب له عبدالرحمن منشفه ودخلوا المجلس.
عبدالرحمن بأستغراب/ ويين القهوه، كل ذا بتسويها جوري..
أبو معاذ/روح شوفها طولت.. وبتتأخروا ..
راح للباب الفاصل حق المجلس ونادى جوري وماردت عليه..
جاته ناديه/ جوري عادها مادخلت من الحوش..
عبدالرحمن/أيش فيها طولت اليوم، طيب جهزي القهوه بسرعه ودقي الباب..
ناديه بإبتسامه/ من عيوني ،دقايق..
خرج وهو يناديها ولما ماردت راح للجزء الخلفي وهويتلفت ووقف مكانه لثواني..
جري لعندها وهويشوفها طايحه عالأرض ومتشنجه..
وبخوف/جوري ..جوري ..قومي…
شاف حالتها متدهوره و شالها بسرعه عالسياره اللي لسا واقفه في الحوش حطها عالكراسي وراء بهدوء علشان محد ينتبه له من اللي في المجلس لأن السياره قباله..
دخل يدور ناديه اللي جات/ثواني والقهوه تج------
قاطعهابصوت واطي/هاتي البالطو حق جوري، هي تعبت شويه بوديها العياده وأجي،وقولي لهم كنت مستعجل وأخذتها معي.. سامعه..
جريت وجابت البالطو والنقاب تبعهاوبقلق/ أحلف إنها بخير..
هز راسه بسرعه وخرج وهو ينادي معاذ/ معاذ ..يامعاذ.. يوسف يقول تجي ضروري هو خارج منتظرك..
خرج معاذ بأستغراب/أيش جاب يوسف ذحين... يوسف مسافر..
سحبه للسياره وفتح له الباب رمى اللي في يده عالكرسي وراء ودفه بقوه لداخلها وبعصبيه /خرج السياره بسرعه..
راح فتح له الباب الكبير علشان يخرج السياره. .
خرج معاذ السياره بسرعه وهوحاس إنه في شيئ صار، عبدالرحمن مايتصرف كذا لله. .
لحقهم خالد وصار يفقل الباب الكبيرمع عبدالرحمن وسأله بقلق/ أيش صار شكلك مو طبيعي.
رد عليه بضيق/ جوري تعبت شويه بوديها العياده وأجي ،لاتقلق.
راح للسياره وركب وارء ،وقبل مايقفل الباب لقي خالد راكب قدام عند معاذ..
حرك معاذ السياره والتفت لأخوه بعصبيه/أيش حصل… ليش خر-------
سكت لما شاف جوري عالكرسي بدون حركه ،وعبدالرحمن يفسخ لها الجاكيت و يحاول يلبسها ويغطي شعرها..
معاذ بصرخه/ ايش فيها .. مين زعلها وجاء جنبها…
رد عليه بعصبيه/ لاتصيح… مدري لقيتها في الحوش الوراني…. اسرع لك شويه.. يعلم الله من متى وهي بذي الحاله..
فتح معاذ الدرج قدام خالد وسحب منه كيس ورق واعطاه لعبدالرحمن اللي أخذه منه بسرعه، سند جوري عالكرسي وحط لها الكيس وهو يكلمها ويحاول إنها تستجيب لكلامه بدون فايده…
سحب معاذ فرامل بقوه وسط الشارع لما سمع صرخة أخوه والتفت له برعب/ ايش صار..
شافه شايلها ومجلسها في حضنه ويبكي.
نزل معاذ من السياره بخوف وسط اصوات السيارات والبواري اللي تدق بأحتجاج على وقوفه وسط الطريق..
سحبها من أخوه وحط يده على وجهها وقاس نبضها، وزفر براحه وهو يقفل الباب وقف لحظه برا السياره قبل مايركب ويحرك بعدم إهتمام بالناس اللي تكلمه، وبصوت مبحوح/عايشه ياكلب، عبادي سامعني.. مافيها شيئ بس أغمى عليها..
التفت عليه هو وخالد وشافوه حاضنها وجالس يبكي بصمت..
وأول ماوصلوا العياده شالها معاذ وجري بها مع عبدالرحمن متجاهلين الممرضين اللي يسألوهم عن الحاله وناسيين خالد اللي يجري وراهم بضياع..
دق عبدالرحمن الباب بقوه ودف الممرضه اللي فتحت ودخل وهويمسك الباب لمعاذ اللي دخل جوري/ دكتوره بشرى….. جوري ..جوري تعباانه.. وقف يأخذ نفس وهو يشوف الدكتوره قامت بسرعه للسرير اللي حط معاذ جوري عليه وبقلق/أيش حصل لها؟
معاذ بتعب/ والله مدري أيش نقول… لقيناها متشنجه وما قدرت تتنفس مهما حاولنا،واغمى عليها وأحنا جايين.
أشرت للممرضه وبحزم/ لوسمحتوا،برررا.. عبدالرحمن بأعتراض/ انا بجل ------
قاطعته بحده/عبااااادي ..مش وقتك.. أختك تعبانه…
سحبه معاذ وخالد بالقوه وخرجوه وهو يسب فيهم ودموعه تنزل/بجلس في الزاويه مابسوي لها شيئ…
أخذه معاذ في حضنه بقوه وجلس يكلمه بصوت واطي لحد ما هدأ،وجلسوا ينتظروا خروج الدكتوره… .
↚
وكلما تذكرتك.. اردد " حسبي الله ونعم الوكيل…
رفع راسه لأمه بضيق/أمي.. يعني لمتى مارح يكلمني.. بيقاطعني العمر كله!!
ضغطت على جبهتها بيدينها وبنفاذ صبر/أنت ياولد أهبل من جد،ولا تستهبل علينا.. لك عين بعد اللي عملته تتكلم وتعاتب..
رد بعصبيه/ حلفت لكم ألف مره.. ماكنت أقصد،أعمل أيه علشان تصدقوني،،أموت نفسي،يمكن ترتاحوا…
ردت بسخريه مريره/ لا حبيبي.. كفايه بنت الناس بين الحياة والموت.. موناقصتك والله.. الله يعين أهلها اللي بيتجننوا ،ولاعارفين أيش جرالها..
حس بخنقه وقهر من لوم أمه وعتابها اللي ماوقف من ساعة اللي حصل، أخذ أغراضه وخرج من البيت، وهو حاس بندم ،وغضب ،وشفقه وقهر، مقهور لأنه شايف نفسه مو غلطان ..ويعني باسها وحضنها ،خير ياطير ..
زوجته واللي عمله طبيعي ، وبيصير بين أي اثنين متزوجين، هو صحيح أنه اللي بينهم لسا ملكه وأنه أتهور لما عاملها بذيك الطريقه، بس تظل زوجته…
رن جواله برقم معاذ اتنهد بضيق وهو يرد/ هلا معاذ.. فتح عيونه عالآخر/بالله عليك.. يلاااا… ذحين اقلهم ونجيكم…
قفل من معاذ ووقف مكانه بتوتر " فاقت ..ياترى حكت لهم اللي صار، لاااا،يكلمني طبيعي،يمكن لسا ماقالت لهم شيئ،ياربي " رجع البيت وقال لهم إن جوري صحت من الغيبوبة، وراحو بسيارة أبو معاذ للمستشفى. وهناك كان الوضع مربك بسبب مشاعرهم اللي اتفاوتت بين الفرح بصحيانهاوالترقب للي هتقوله وبين الصدمه لما عرفوا إنها مو قادره تتكلم،ورجعت حالة الحزن تخيم عالكل ، وثاني يوم طلعت جوري من المستشفى وبعد ما أطمنوا على صحتها وإن حالة الصمت مجرد تابع لصدمتها وبمجرد ماتتحسن نفسيتها رح ترجع تتكلم مثل قبل.. خالد ماقدر يظل عندهم أكثر من كذا.. حس بإختناق طول فترة جلوس جوري في المستشفى،وبعد ماطلعت زاد أحساسه بالخنقه خاصة بعد ما ساءت علاقته بأبوه أكثر ،بعد ماعرفوا عن حالة الخرص اللي صابت جوري،و اللي مامنعتها من تأليف كذبه لهم عن اللي صار وماجابت سيرته نهائيا، بيتهم صار ما يخلى من الناس اللي جايين يزوروها ،غير كلامهم اللي وصله،اللي يقول عين واللي يقول مس،واللي يقول كويس ماذبحها الحرامي..
وبعد ثلاث أيام كان أبو خالد وزوجته وولده في الطياره راجعين لجده...
فك حزام الأمان بعد ماستقرت الطياره في الجو،اختار كرسي بعيد عن أبوه اللي مايتكلم معاه من ساعة اللي صار،غمض عينه بتعب و سند رأسه عالكرسي وهويرجع بذاكرته لوراء….
(قبل أسبوع)
الكل كان متوتر وهم منتظرين خروج الدكتوره علشان تطمنهم على جوري ..معاذ يهدي أخوه وداخله بركان خوف من اللي جاي وعبدالرحمن اللي كان في غير وعيه كلامه متقطع وغير مفهوم وكل شوي يسأل عليها.. وخالد ماكان أحسن منهم، ماهو مستوعب هو كيف اتجرأ وعمل اللي عمله.، مو هذا اللي كان مخطط له، لعن نفسه ألف مره على ضعفه قدامها، وماهو مصدق انها في ذي الحاله بسببه.. يبغاها تفوق علشان يرتاح من عذاب ضميره،وفي نفس الوقت خايف لما تفوق ويسألوها عن اللي صار،ايش بيكون موقفه قدام أهلها..
قطع حبل أفكارهم خروج الدكتوره وعلى وجهها علامات الحزن والغضب وبحده/ ممكن أفهم أيش اللي حصل بالضبط..
معاذ بلهفه/ هاا.. فاقت ..ريحيني الله يريح بالك.
هزت راسها بأسف/ جوري أتعرضت لصدمه عصبيه..وحاليا.. هي ..نايمه.. يعني نقدر نقول ..غيبوبه..
أنهار عالكرسي وهو يهز راسه بعدم تصديق ورفع رأسه وهو يكرر ورأها/ صدمه عصبيه… غيبوبه.. كيف يعني صدمه عصبيه…
جلست عالكرسي بهدوء/ أنا جالسه أحاول أفهم منكم اللي حصل،بس أنتم ما ساعدتوني بشيئ..أكيد حصل شيئ صدمها،خوفها المهم وصلها لذي الحاله..
معاذ بضياع/ كيف نساعدك أحنا ماندري أيش حصل لها.. كانت تجري زي عادتها في الحوش وعبدالرحمن لقاها عالأرض وجبناها على طول.. هي لها فتره طويله بخير والحاله ماعاد جاتها من أكثر سنتين…
دكتوره بشرى/للأسف.. جوري أتعرضت لضغط شديد، وبالنظر لحالتها القديمه.. أتوقع إنها حالة خوف وصل للرعب..
معاذ بخوف/ والغيبوبه أيش سببها..
دكتوره بشرى/ جسديا هي ماتعاني من أي مشكله، لكن الصدمه اللي أتعرضت لها كانت اكبر من أحتمالها، وأعتقد إن غيبوبتها وسيله دفاعيه منها للتحايل عاللي صار لها..
خالد كان في حيره من اللي يسمعه.. مو مصدق ،صدمه وغيبوبه،التفت للدكتوره وبصوت مبحوح/كيف يعني وسيله دفاعيه.
ردت بهدوء/ الإنسان أوقات، لما يصادف مواقف قوية ويعجز عن مواجهتها أحيانا بيدور وسيله للهروب من الموقف اللي هو فيه، وفي حالة جوري.. النوم كان وسيلتها للهروب من الشيئ اللي واجهته…
لما شافت ملامح عدم الفهم على وجوههم تابعت/بإختصار.. جوري فضلت تنام علشان ماتواجه اللي صار لها.. لما عجزت عن المواجهه عقلها فضل الإنسحاب والدخول في غيبوبه لحد ماتتوازن نفسيا وتقدر تتخلص من صدمتها..
معاذ بتردد/خالد.. ممكن تتركنا شويه؟
طالع فيه وهز رأسه ومشي وجلس بعيد عنهم..
معاذ/جوري قبل كم يوم اتزوجت.. بدون علمها.. ولما عرفت تعبت وجاتها الحاله، بس عبدالرحمن كان معاها والحمد لله عدت على خير..
ردت بحده/ انتوا كيف تتصرفوا بذي الطريقه وأنتوا عارفين حالتها… معاذ أختك حساسه جدا،وبعد اللي صار لها زمان أصبح أي شيئ يأثر فيها،وأنا شرحت لكم ونبهت عليكم تبعدوها عن الزعل والخوف.. تقوموا تزوجوها بدون علمها.. أكيد أنصدمت ..
وبتفكير/لكن أنت قلت أن ذا قبل كم يوم ..مش معقول عادها تستوعب الموضوع ،أكيد حصل شيئ ..
هز رأسه بيأس والتفتت للأخوه و-------- وين عبدالرحمن؟
استغرب لما ماشافه عالكرسي،دار بعيونه عالكراسي اللي حوله ،شاف خالد اللي جاي لعنده وناس بتراجع مثل حالتهم..
دكتوره بشرى/دخل لجوري اول ماخرجت من عندها.. وتقدر تشوفها وتطمن عليها ،بس بسرعه ..عموما لازم تنقلوها المستشفى لأن العيادة مش مجهزه لأستقبال ذي الحالات،أنا رتبت كل شي مع مستشفى* **** وأنت شوف الأوراق ووقعها..
دخل معاذ وخالد وشافوها نايمه عالسرير بوجهها الشاحب وقناع الاكسجين على وجهها،والسيروم في يدها.. وعبدالرحمن جالس جنبها عالسرير ،كان يلم شعرها بشويش كأنه خايف لايوجعها وحطه على جنب، ومسك يدها بين ايديه وهو يكلمها بصوت واطي..
قرب منها معاذ وباس جبينها وهويقرأ عليها ،أتأملهم خالد بحزن وندم على حالتهم اللي تسبب فيها وماقدر يجلس وطلع برا وهو يفكر في در فعل البقيه لما يعرفوا اللي صار..
مرت عليهم ساعات من أصعب مايكون،،اضطر فيها معاذ يتصل بأبوه اللي جاء مع أبو خالد وهم في صدمه وماهم مستوعبين .. قبل ساعه كانت معاهم وتضحك ومافيها أي شيئ ،أيش اللي حصل في الوقت اللي غابت فيه عنهم،الكل في حيره وضياع وخوف، والحريم اللي في البيت ماكانت حالتهم أحسن،خاصة بعد ماقالت لهم ناديه أن عبدالرحمن أخذ جوري المدرسه وبعدها خروج أبو معاذ وأبو خالد المفاجئ، وجية معاذ بعدها وأخذ أمه وأم خالد اللي أكد لهم أن جوري فيها شيئ… عالمغرب رجع الكل للبيت ماعدا عبدالرحمن اللي أصر يظل عندها ومايتركها لحالها .. ماقدر يتحمل أصوات بكاهم اللي زاد أول ماوصلوا البيت ،وراح غرفته على طول وبعد ربع ساعه دخلت أمه ووجهها مايتفسر، وبعد خمس دقائق صمت،التفت لأمه/ أمي أيش عندك،في كلام على لسانك،قوليه وارتاحي ..
اتنهدت وبضيق/ أيش سويت لجوري؟
وقف بتوتر/هااا، جوري.. أنا ماعملت لها شيئ، مالي صلاح فيها..
أم خالد بحده/ لاتكذب.. أنت بعد الصلاة ماطلعت غرفتك.. وبعدها أنا شفتك وأنت طالع ،كنت خايف وشكلك مو طبيعي،وبعدها رجعت نزلت ووجهك مقلوب.. أنا عارفتك ياخالد.. قول وريحني..
خالدبعصبيه/قلت لك ماسويت شيئ، هيا اللي مجنونه ومدري أيش فيها…
مسكت يده بخوف/ خالد حبيبي، لاتخاف أنا أمك قولي أيش صار وأنا بتصرف..
دف يدها ووقف وصار يدور في الغرفه بضياع وتوتر/ماسويت شيئ،ماسويت ..أنا بس.. هي السبب.. هيا قالت ماتبغاني.. ماتبغى تشوفني.. أنا كنت بس بعاقبها…هيا اللي طاحت مدري أيش فيها..
دخل أبوخالد ومسكه من ملابسه بغضب/ أيش سويت ياكلب،أيش سويت سود الله وجهك..
صرخ بغضب/زوجتي.. ماسويت شيئ غلط.. أيش يعني لو بستها ولا حضنتها.. زوجتي ومالكم صلاح
… سكته الكف اللي جاه من أبوه قبل مايدفه عالأرض وتوقف أمه بينهم وهي تدف أبوه اللي يصرخ بقهر/سود الله وجهك ياعديم المروه، ياقليل الشرف.. اتهجمت عالبنت وفي وسط بيتها.. اتهجم-----
قاطعه خالد بصراخ/ لاتقول اتهجمت عليها، تراها زوجتي، ومحد يقدر يمنعني عنها،زوجتي ولو بأخدها اليوم محد يقدر يفك حلقه بكلمه..
أم خالد بترجي/ وطي صوتك لاتفضحنا مع الناس….
أبو خالد بعدم تصديق/ ولدك الكلب فضحنا وخلاص.. متهجم عالبنت ،أعتدى عليها.. موتها حسبي الله عليه من ولد.. أيش أقول لصالح.. بأي وجه اقابله وعياله..
جلس جنب أبوه وهو يترجاه/لاتقول موتها.. والله كنت بس بكلمها،لكن كلامها استفزني، كنت ..كنت بأدبها.. بس بوستها.. ماسويت لها شي..هيا مدري أيش جرالها… .وفجأة صار يبكي ويشهق/والله ماكان قصدي.. هيا ماتت.. أنا ماسويت لها شي.. صحيتها بس ماكانت تسمعني.. كانت ميييته.. يدها بارده وماترد عليا.. أنا ماسويت شيئ
انصدموا من بكاه ودموعه ومالقي أبوه غير إنه يضمه بقوة ويهديه/خلاص.. هيا بخير.. هتكون بخير.. خلك رجال ولا تبكي ..
خالد بترجي/أبويا… خلاص أنا بطلقها.. ما..
دفه أبو خالد بعصبيه/ أقلك خلك رجال.. تقول اطلقها.. أنت مافيك خير.. بعد اللي سويته فيها.. بطلقها.. هوا ذا الي قدرت عليه..
خالد/ أبويا افهمني.. البنت مو طايقتني.. أنت شايف أيش جرالها علشان بس بوستها… وإذا فاقت.. أكيد مارح تسامحني..
عصب من ولده وصار يشد في شعره بقهر/أنت ناوي تجنني.. بدل ماتجلس معاها لين تتحسن وتعتذر لها عن همجيتك، وتصالحها تقول هيا مو طايقتك.. أنا قايلك ذي ماهي زي اللي كنت ماشي معاها،ذي على نياتها ،ماتعرف من الدنيا وخباثتها شي.. قلت لك أتقرب لها وحببها فيك وعلمها على يدك .تروح ..تروح تعتدي عليها..
تابع بغضب/ أحنا بنجلس لين تقوم بالسلامه، وبعدها نشوف أيش هيصير.. وأحلم ياخالد أنك تطلقها.. ورب البيت اتبرأ منك ليوم الدين…
شهقت أم خالد بصدمه/الله يخليك لاتقول كذا..
خالد/أبويا أنت من جدك… كيف ت---
-ابوخالد بغضب/ كلمه ومارح أعيدها ياخالد.. إذا صحت جوري هيا اللي هتحدد مصيرها بنفسها وأيش ماقالت كلامها بيمشي عليك غصبا عنك…
حاول يتمالك نفسه بالقوة/طيب يا أبويا ،اللي تأمر فيه هنفذه ،بس أنت هدي بس ولا تزعل نفسك..
باس رأس أبوه وأمه وطلع من البيت وهو بينفجر من الضيق ،مو طايق يجلس في بيتهم ولا يقابل أحد من أهلها، وقف تاكسي وطلب منه يلف في الشوارع بدون هدف،فتح الشباك وسمح للهواء البارد يتغلغل في صدره بقوه وهو يراجع كلام أبوه " هيا مو زي اللي كنت ماشي معاها" سب نفسه ألف مره وهو يتذكر"هلا"حبيبته… لسا فاكر جمالها اللي أسره وضحكتها ودلعها اللي خلاه يحبها من أول مره شافها فيها…
↚
(قبل3 سنين)
راح العصر يتمشى مع أصحابه في البحر وبعد ماسبحوا قرروا يمشوا عالرصيف لحد ماتنشف ملابسهم لإنهم ماعملوا حسابهم عالسباحه وماجابوا ملابس.. كان يمشي على وراء وهو يتكلم وينكت معاهم قبل مايأشر له فيصل يلف وراه،لف بسرعه وصدم في شي وطاح عالأرض..
رفع رأسه لما سمع صوت معصب/عمى… ماتشوف…
أجمل وجه ممكن يشوفه كان قدامه عيون بنيه مرسومه بإتقان ووجه مدور مثل البدر وشفايف بروج أحمر صارخ ماحس على نفسه وهويتأملهاغير لما دفته بقوه/بلا في شكلك،مأخد راحتك.. الله يقلعك..
ركز إنها طايحه عالأرض وهو فوقها،قام بسرعه وهو متفشل بسبب ضحك أصحابه وتعليقاتهم البايخه،شافها تعدل لثمتها وهي تسب فيه ومشت مع بنتين واتعدتهم..
التفت للعيال بعد ماأخذ ضربه على رأسه من رائد/ الأخ مسرح.. الواد راح فيها. .. ههههههههههههههه
،،الكل شاركه الضحك وهو ماعبرهم ،عينه عليها لين شافها جلست على كرسي بعيد شويه وهي تفرك رجلها…
فيصل بمكر/ شكل السناره غمزت ياشباب..
خالد بفهاوه/اصير لها سمكه.. بنت اللذينا عليها عيون…. تطيح الطير من السماء…..
محمد/ تقولوا تشبك معانا لو رحنا لها..
فيصل/ ماسمعتها وهي تسبه ويقلدها.. بلا في شكلك.. عمى.. حضريه ياواد... والله بتفرشه هنا…
خالد وهو يعدل شعره بيده/ ياريت… تفرشني تمرمطني.. مارح اقول لا.. بس تعطيني وجه..
صفروا الشباب،وصاروا يتحدوه ويتراهنوا يروح يكلمها..
خالد بتفكير/رائد حبيبي.. نط الصيدليه وجيب ربطه طبيه.. بس سرييييع..
رائد بحمقه/لاا ياشيخ… أنت تشبك وأنا اتمشور.. اقلب وجهك بس..
خالد بترجي/ حبيبي أنتا.. أخاف أروح وأتاخر وهيا تمشي… براقبها.. تكفى رئود.. يلااا ياحيوان ..
فيصل/هههههههههههههههه ،تكفى ولا حيوااان حدد أسلوبك…
دفه خالد بقوة/أنت انطم،ولاروح جيب… ياأخي يلااااا.. ولاتبوها تروح ..والله قلبي يدق بقوة.. بموت لو ماكلمتها.. شباب الفزعه.. الحقوا صاحبكم..
محمد/انقلع أنت وهوا، أنا بروح لها… لسا هتعملي فيها دكتور.. وربطه وبنج، ههههههههه….
ضحكوا كلهم.. وراح رائد الصيدليه.. وفيصل راح يشتري ورده.. ومحمد راح السياره يجيب العطر.. وبعد ما أتجمعوا كلهم وخالد زبط نفسه أخذ الورده وكيس الصيدليه، وأتوجه ناحيتها، انتبه للي معاها يأشروا عليه وشافها التفتت ناحيته ولفة وجهها عنه.
خالد بأدب/أحم أحم… لو سمحتي…
ردت عليه بنت من اللي معاها/نعم.. أيش تبغى..
طالعها بإستحقار/نعامه ترفسك.. قولي آميييين… ترى ما كلمتك…
فلتت منها ضحكه خلته يفهي زياده/ اللهم صلي عالنبي.. والتفت لخويتها/شوفي الناس الذوق،مو زيك.. ردت خويتها بعصبيه/نععععععععم…
زادت ضحكتها وخويتها تسب فيه لما طلب منهم يتركوهم لحالهم… التفتت عليهم وأشرت لهم يروحوا وبنفاذ صبر/ياريت تقول اللي عندك وتفارق.. نعم!
جلس جنبها وبزعل/أفاااا دوبي أقول ناس ذووق. مسرع ماقلبتي..
طلت فيه وبدلع/ زوووق عصبا عن عينك،مو أنتا اللي تحدد..
خالد بإبتسامه/ وأنا أقدر أقول غيرا كذا..
وبجديه/أنا آسف.. ترى ما كنت قاصد أطيحك… ومد لها الوردة/ياريت تقبليها مني
أتخصرت/نعم حبيبي ماسمعت… اقبلها منك بأي صفه..
خالد بهدوء/عربرن أعتذار.. ترى ماقصدي شيئ… بس شفتك وأنتي ماشيه كنتي تعرجي.. شكلي عورتك مررره.. علشان كذا حبيت أعتذر…
وقف وحط الكيس وعليه الوردة عالكرسي وبإحراج/آسف مره ثانيه،ماكان قصدي أزعجك.. عن أذنك..
أعطاها ظهره وبدأيمشي وفي داخله"5'4'3'2
أبتسم بإنتصار لما سمع صوتها/هااااي أنتا.. التفت لها وعيونه عالأرض/خالد.. أسمي خالد..
ردت بتساؤل/ أيش هادا الكيس..
اخذ الكيس وجلس جنبها وهويطلع الربطه وبخاخ البنج ويرفعه قدامها/ماقلت لك شفتك تعرجي.. رحت الصيدليه،أكيد رجلك ألتوت..عالعموم تقدري ترميها عادي..
وقف بيمشي بس مسكت يده بطرف أصابعها وبتردد/أنا معرف أسويه..
أبتسم لها بفرح/يعني سامحتيني! ؟
ضحكت بخفه ودلع/ حزنتني،وقلبي مايهون عليه أحد يزعل…
باس الوردة وناولها/ممكن تقبليها،علشان أتأكد أنك سامحتيني…
أخذتها منه وشمتهاوهي تطالع فيه/ مقبوله.
حك خده وبحذر/يعني ممكن تمشي معايا للسياره..
تابع بسرعه لما شاف نظرتها الغاضبه/لايروح بالك بعيد.. بس علشان ألف الربطه على رجلك.. مو معقول اعملها قدام الرايح والجاي..
ردت بصوت واطي/أنت اللي لايروح بالك بعيد.. بجي معاك علشان رجلي بس تعورني..
وقفت بشويش ومشت بعرجه واضحه وبدون تردد كان واقف جنبها وهو ماسك ذراعها بيديه الأثنين/ماني ناقص تطيحي وينكسر فيكي شيئ…
هزت رأسها بموافقه ومشيت معاه للسيارة تحت أنظار أصحابه وصحباتها المتفاجئين
فتح لها الباب اللي قدام وساعدها تجلس وجلس قدامها عالأرض وأشر على رجلها،رفعت عبايتها بخجل ومدت رجلها بشويش ،حط رجلها على فخذه ورفع بنطلونها وهويشوف كاحلها منتفخ ومزرق..
وبأسف/يا الله… شوفي كيف رجلك منتفخه عن جد آسف.. ماكان قصدي يااا ..أيش أسمك؟
ردت بألم/هلا.. أنا هلا.. أمانتك لاتعورني ..
مسك رجلها ودلكها بخفه وبحنان/لاتخافي حبيبتي.. ذحين مع البنج مارح تعورك..
عملت نفسها ماسمعته،وهو حط لها البنج ولف رجلها وبعد ماخلص نزل بنطلونها وعدل عبايتها وبهدوء/ ألف سلامه عليكي.. حطي عليها ثلج ولاتضغطي عليها كثير وكلها كم يوم وتخف..
خرجت من السيارة بعد ما ساعدهاووقفها جنبه وبهمس/مشكور.. عن أزنك،أتأخرت عالبنات.
. جات بتمشي بس مسك يدها ووقفهاوبإحراج/ممكن ..رقمك.. علشان أطمن عليكي..إذا ما يضايقك…
سكتت شويه وهيا تتأمله كان جميل بمعنى الكلمه.. عيونه البنيه وشعره الناعم.. خشمه سلة سيف وشفايفه رقيقه..والبلوزه الكت لاصقه في جسمه مع المويا ومبينه عضلاته..
فاقت على ضحكته/ مطوله وأنتي تتأمليني عارف أني حليوه..
دفته بعصبيه/ مالت عليك..بلا في شكلك.. مغرور..
مسك يدها وضغط عليها بشويش وقرب من وجههاوبهمس/أمزح معاكي،أيش بك معصبه. بعدين يحق لي أنغر،مادام طحت في حضن القمر .. وغمز لها…
تنحت فيه وهي ذايبه وغمضت عيونها بتنهيده لما حست بشفايفه على أطراف أصابعها،صحت من سرحانها وسحبت يدها بضعف وبعصبيه/ لاتتعدى حدودك.. هتذلني بمساعدتك..
مشت من جنبه بغضب"كيف سمحت له يتمادى معايا،أيش يقول عني دحين" لحقها ووقف قدامها وبأعتذار/والله ماقصدي، طلعت عفويه مني،آسف ،خلاص لاتزعلي مني..
بعدت عنه ومشت وهي معصبه منه، بس وقفت بصدمه لما جلس عالأرض قدامها وصار الناس يطالعوا فيهم، وبهمس/يامجنون.. أوقف الناس تطالع فينا…
مسك يدها وبترجي/ مارح اوقف غير لما تسامحيني.. قولي سامحتك وأنا أوقف…
حاولت ترفعه من الأرض وصارت هيا تترجاه/خلاص سامحتك.. والله سامحتك.. خلصني..
أبتسم بمكر/ والله ما أوقف غير لما تعطيني رقمك.. ابطمن عليكي.. مارح اقدر أنام الليله غير لما اسمع صوتك وأعرف أنك كويسه..
هزت رأسها بتصريف/أوكي.. بس أوقف خلصني، السواق هيشوفني..
وقف بفرح وهو يصرخ بهبل/ سامحتني… سامحتني…
صار الشباب في البحر يصفروا ويصفقوا واللي يسب فيه واللي يضحك على هبله. غير البنات اللي تنحوا في جماله ورومانسيته،وكل وحده تقلها يابختك، يجنن،رومانسي،ماعنده أخ..
نزلت رأسها بخجل وصارت تمشي بسرعه وهو لسا ماسك يدها وماتركها غير لما أخذ رقمها، وودعها وهو طاير من الفرحه، وماهو حول الشباب اللي قطعوه حش وتنكيت طول طريق الرجعه. .
وماصدق جاء الليل علشان يكلمها ،والإتصال صار إتصالين لحد ماصارت مكالماتهم يوميه وأتطورت للمقابلات في البحر والملاهي والمطاعم.. عاشوا أجمل قصة حب ماترك خلالها كلمة حب ما قالها ولا هديه ماأهداها.. ووصلت علاقتهم لدرجة البوس والأحضان اللي للأسف صارت مقياس لإظهار الحب عند الكثيرين من ضعاف النفوس..
استمرت علاقتهم سنتين،اتعرفوا فيها على بعض اكثر وعرف عنها حاجات كثير ،مثل إنها وحيدة ودلوعة أهلها.. طلباتها كلها أوامر لبسها كله ماركات، وكل صيفيه الأجازه في بلد أوروبي.. عشق دلعها وجمالها وصار مايتخيل حياته بدونها،وهي مابخلت عليه بكلام وحركات الحب والغزل، لحد اليوم اللي أكتشفت أمه علاقته فيها بسبب روج كان على تيشرته.. ولما واجهته ما أنكر وقلها إنه حبها وإذا ماخطبوها ليه بينتحر وعملهم فيلم هندي،لحد ماأقتنعت وأقنعت أبوه ..
وجات اللحظه الحاسمه وفاتح هلا في موضوع الزواج وإنه بيجي يخطبها رسمي.. ووقتها صارت كل يوم تتحجج وتطلع بعذر شكل علشان تأجل جيتهم،واستمرت عالحال ذا 4 شهور لحد ماواجهها بمخاوفه/حبيبتي.. أنتي ماتبغيني أجي وأخطبك؟
ردت بتوتر/من قال ..أنت عارف قد أيه أنا أحووبك..
خالد بعصبيه/حركاتك مالها غير تفسير واحد.. وهو أنك تتهربي مني.. أنا أقنعت أهلي ووافقوا وكل ماأقول نجي اليوم الفلاني تطلعي لي بسالفه... أيش حكايتك يابنت الناس..
هلا بحذر/ خلودي حبيبي، أنتا عارف أنتا أيه بالنسبه ليا،بس أنت ناسي إنه فيه حاجات تانيه ناقصتنا..
خالد بإستغراب/حاجات أيه.. إذا قصدك عالشغل،أنا باقي لي فتره وأتخرج وشغلي مضمون في شركة ***** صاحبها أبو خويي.. والبيت موجود، وأهلي موافقين.. أيش باقي..
هلا بضيق/حبيبي أكيد تمزح.. أنت ناسي أني سعوديةوأنتا يماني..
خالد بهدوء/أعتقد أحنا عارفين ذا الشيئ من من أول تعارف وإذا.. أنا بقدم عالموافقة وكل الأوراق الرسمية.. أنتي لاتشغلي بالك بذي الحاجات.. بعدين أحنا مو أول ناس تتزوج وأحنا من جنسيتين مختلفه..
هلا بعصبيه/كيف لا أشغل بالي.. وأولادنا اللي بيجونا.. مابيكونوا سعوديين..بعدين لاتنسى وضعي.. أنا ليا وضع خاص وأسلوب حياة معين ما أقدر أتنازل عنه، وأنتا بصراحه ماتقدر توفره ليا..
خالد بصدمه/بس ذا ماكان كلامك في البداية.. أنتي عارفه وضعي وأمكانياتي، ووعدتك أني هعمل المستحيل علشان أعيشك في نفس المستوى اللي أتعودتي عليه.. بعدين أحنا مو فقراء، حالتنا الماديه يمكن مو زي حالتكم ،بس أحنا مرتاحين وماعلينا كلام..
هلا بأستهزاء/حبيبي أنتا عارف أنا أصرف كم في نزلة سوق وحده… أأممممممم أتوقع راتب شهرين من شغلك.. غير حفلاتي وسفرياتي اللي تكلف بابا شي وشويات…
خالد برجفه/وين كلامك عن حلمنا، وأنك مادمتي معايا ماتحتاجي شي ثاني، وأنك بتصبري وتتحملي معايا لغاية ماكون نفسي وأبني ثروتي الخاصه بيدي..
غمض عيونه بألم وعدم تصديق من صوت ضحكتها اللي أتحولت من النعومه والإغراء للشماته والتعالي وبدلع أستفزه/حبيبي،أنتا قلتها،كلااااااام كله كلام،بس وقت الجد، أنا مارح أقدر أعيش حياتك..
خالد بحسره/يعني كنتي تضحكي عليا.. توهميني بحبك وأنتي.. أيش.. تتسلي معايا.. تقضي وقت وأنتي في المملكة…
هلا بصدق/ لا ياخالد.. أنا حبيتك من جد وكل كلمه سمعتها مني كنت صادقه فيها.. بس لما جيت أحسبها صح.. طلعت كفتك خسرانه.. أهلي مارح يوافقوا عليك.. وبابااا بابا قبل كم شهر أتقدم له واحد وطلب يدي.. وأنا وافقت..
خالد بغضب/نعم يختي.. اتقدملك واحد ووافقتي.. وقبل كم شهر.. وأنا أيش وضعي ..كيس بطاطس.. خيشة رز؟..كيف وافقتي وأحنا نحب بعض.. أنتي لايمكن تكوني هلا اللي حبيتها.. هلا اللي كلها رقه وأحساس، هلا اللي تموت فيا وتذوب في حضني من لمسه..
هلا ببكى/والله أنا هيا أنا هلا اللي تحبك وتموت عليك،بس ظروفي أقوى مني،أنت موحاس بالضغط اللي عايشته.. أنا أحووبك ومجبوره أقبل في واحد تاني..يمكن لو كنا في دنيا تانيه مافيهاطبقيه وغني وفقير كنا رح نتزوج ونعيش بسعاده،بس أحنا عايشين في دنيا أهم شي فيها الفلوس وأسم العيله والواسطه،دنيا فيها الغني هوا الليه ليه الحق يعيش..
خالد بصدمه/ الغني اللي تتكلمي عنه ذا كم ، واحد ،اثنين ، عشره،وباقي الناس يموتوا، يندفنوا بالحيا.. مالهم حق يعيشوا ويحبوا..
لاتبرري لنفسك.. أنتي وحده ضعيفه وأنانية اتخليتي عن حبك بسهوله ،ذا لو كنتي حبيتيني أساسا.. عالاقل أنا واجهت أهلي وأقنعتهم بحبي مو زيك هربت في أول مواجهه..
ضحكت بوقاحه/أقنعت مين ياأبو أقناع أنتا، أنتا بتفهمني إأهلك ماكانوا موافقين عليا أنا، أنا هلا ال* ****، اللي الكل يتمنى رضايا، أهلك مو موافقين عليا، ليه.. على أيه ياحس
قاطعها بغضب/ أحترمي نفسك ولاتجيبي سيرة أهلي على لسانك.. خلاص يابنت الناس،وضحتي قصدك وفهمته.. بنت العز والحسب والنسب لايمكن يجمعها القدر بواحد زيي.. أعتقد وصلنا للنهاية ومافي داعي نجرح في بعض،الله يهنيكي----
هلا برجاء/خالد والله أحوووبك،،افهمني بس أحنا نقدر…..
قاطعها بعصبيه/لاتفكري تنطقيها.. خليني أحتفظ بصورتك في بالي زي ماكنت أشوفها لاتشوهيها رجاء.. من اليوم أنسيني وأمحيني من ذاكرتك ولا تفكري فيا زي ما أنا رح أمحيكي من حياتي.. ومارح افكر فيكي بعد اللحظه ذي.. مع السلامه..
قفل منها وهو حاس بيد تعصر قلبه بقوة ..خلاص راحت من حياته بسرعه زي مادخلتها بسرعه..
أنهار لمدة شهرين بعدها،صار جسد بدون روح.. وفي الشهرين ماوقفت إتصالات هلا اللي طنشها،والكل لاحظ حالته ونفسيته اللي أتغيرت.. حتى أبوه لما فاتحه في خطوبته من هلا ،ثار وغضب وماترك شيئ ماكسره وهو يردد إنه مايعرف وحده بذا الأسم.....
وعدت عليه الأيام وتناسى الموضوع ورجع يمارس حياته بشكل طبيعي والكل يتجنب سيرة هلا ..
لحد ماجاء اليوم اللي فاتحه أبوه إنه بيخطب له بنت أبو معاذ اللي خالد يعرفه ويعرف قوة علاقته في أبوه.. في البدايه عارض بس مع الضغط عليه وتذكيره بأختياره السابق وافق،بس إنه يشوفها وإذا عجبته أوكي وإذا لا خلاص بيتركوه في حاله..
رجع لحاضره على صوت المضيفه وهي تطلب منهم يربطوا أحزمة الأمان استعدادا للهبوط في مطار جده…
↚
(صنعاء-اليمن)
دخلت شيماء بإستعجال/خلصتي.. عبدالرحمن خارج..
رفعت عيونها لأختها وعلى وجهها إبتسامه وهزت رأسها بموافقه.. أخذت شنطتها ولبست نقابها وخرجت الصاله والكل مجتمع فيها..
أم معاذ بقلق/كيف حاسه نفسك اليوم..
أشرت لها بيدها بأوكي وراحت لها وباست رأسها ورأس أبوها،واتوجهت لمعاذ باست خده
،مسك يدها/اوصلك بالسياره أحسن..
أشرت بيدها بلا ،وبدون ماينتبه دخلت يدها في جيبه بسرعه وطلعت فلوس وجرت بعيد عنه وفي داخلها تضحك ..
التفت لها وهي تجري وبعصبيه/يانصابه تعالي… طيب مو كلها ياحيوانه..
أبو معاذ/خليها تأخذها حلال عليها..
دقت جوري عالطاوله جنبها علشان ينتبه لها معاذ،وحطت جزء من الفلوس عالطاوله وطلعت تجري..
أبو معاذ بحزن/الدكتوره أيش قالت لما راجعتوها.. متى تتكلم مره ثانيه..
معاذ بهدوء/مافي جديد.. نفس كلامها الأول،إذا أتحسنت بتتكلم لحالها..
ناديه بمواساة/مالكم مكبرين الموضوع.. شوفوها كيف صارت أحسن من أول بكثير.. نسيتوا كيف جلست أسبوعين ماتخرج من غرفتها،ولاتشوف أحد.. كويس إنها قررت تروح مدرستها،حرام السنه كانت بتروح عليها..
أم معاذ تمسح دموعها/الحمدلله على كل حال،بس هي ماراحت المدرسه إلا علشان لاتفلت أحلام لحالها..
معاذ/المهم إنها خرجت،علشان نفسيتها تتغير، وانتوا خلاص لاتجلسوا تفكروها باللي حصل..
ناديه بخوف/طيب الشرطه أيش قالت.. لحد الأن مالقيوه..
معاذ/كيف يلاقوه،ليش هي جابت وصف واحد يعتمد عليه..
أبو معاذ/والله أحنا سوينا اللي علينا ..حتى رجال الحاره ساعدونا وسوينا دوريات ووزعناهم عالحاره ولمدة أسبوع وأحنا نحرس الحاره في الليل.. بس مافي فايده ، محد شاف شيئ ولا أحد بلغ عن سرقات..
وقف معاذ وباس ولده صالح وأعطاه ناديه/ذا نصيب بنتك، السارق ماطلع إلا في وجهها. يلا أنا اتأخرت.. السلام عليكم
--------------
عند جوري
كانت شيماء في المقدمه تمشي مع بنات الجيران ،لإن كلهم في مدرسه وحده (المدرسه تضم كل المراحل)
وعبدالرحمن وجوري كانوا ماشيين سوا وهو يتكلم معاهافي كل شي، وهي ماسكه دفتر وقلم وترد عليه..
وفجأة حس بيد جوري تتمسك فيه بقوه وهي لاصقه فيه وترجف ،رفع راسه بقلق/مالك،فيكي شيئ..
ماردت عليه واكتفت بإنها تتمسك فيه بصوره أكبر،لم كتفها بذراعه وقربها منه وهويدور بعيونه في الشارع،ومافي شيئ غريب،إلا مجموعة من الشباب والأولاد اللي رايحين مدارسهم..حس فيها موقادره تمشي وخطواتها مرتبكه،وقف تاكسي ونادى شيماء وركبوا كلهم ودقايق وهم في المدرسه، ساعدها تنزل جنب بوابة المدرسه وسألها/نرجع البيت،شكلك تعبانه..
هزت رأسها بلا وكتبت له بيد ترجف/حسيت بدوخه،بس صرت أحسن.. لاتخاف
عبدالرحمن ماصدقها بس ماحب يوترها وبهدوء/شيماء شوفي أحلام إذا داخل قولي لها تكلمني..
دخلت شيماء وبسرعه جات ومعاها أحلام اللي ماده يدها في الهواء ،وعلى طول أعطاه يد جوري اللي مسكتها بفرح..
وجه كلامه لأحلام/ماوصيكي،إذا حسيتيها تعبت أتصلي عالبيت ولا على خالي بدون ماتشاوريها..
ردت بصوت واطي/لاتقلق في عيوني.. الله معاك.
↚
ركب التاكسي وراح وهو مومصدق جوري في اللي قالته..
لها أكثر من أسبوعين من وقت ماصحت من الغيبوبه اللي الحمد لله ماعدت كم يوم.. لكن أتفاجؤا إنها ماتتكلم، والدكتوره قالت لهم إنه رد فعل طبيعي لما بعد الصدمه.. وبمجرد ماتتحسن نفسيتها بترجع لطبيعتها، ولما أتحسنت وسألوها عن اللي صار كان ردها إنها شافت شيئ ولا شخص كان كله أسود في أسود كان فوق جدار الحوش لما كانت تجري،وبعدها ماتتذكر شيئ،،الكل أعتقد إنه سارق وكان ناوي يدخل البيت،لكن لما شاف جوري هرب..
بس هو ماصدق كلامها ولا دخل مخه.. إذا كان سارق مو معقول يجي يسرق بعد الفجر والناس طالعه من الصلاة والشمس على وشك تشرق، إلا إذا كان سارق غبي ، بس اللي شككه أكثر كان إرتباكها وسكوتها لما سألوها،كإنها كانت تفكر وترتب كذبه في بالها،حافظ حركاتها وتفاصيلها ويقدر يعرف متى تكذب، هومتأكد من كذبها،بس اللي جننه ليش تكذب وأيش مصلحتها.. وكل مايحاول يستدرجها في الكلام تغير الموضوع بسرعه..
واللي زاد حيرته إنفعالها لما زارها أبو خالد في المستشفى،وطلبه إنه يتركهم لوحدهم ،ولما رجع كانت في أسوء حاله.. و بعدها بيومين الرساله اللي طلبت يوصلها لأبو خالد، ياترى أيش اللي بينهم،و اللي زاد خوفه الكوابيس اللي تجيها وماعرف عنها غير من أسبوع…
كان سهران يذاكر لأمتحان الرياضيات، راح يشرب وهو راجع مر غرفتها يطمن عليها.. فتح الباب بشويش وشافها بوضوح بسبب النور اللي صارت ماتطفيه من وقت خروجها من المستشفى،قرب منها وشافها تتحرك بإنزعاج وايدينها تتحرك في الهواء وكأنها تحاول تبعد شي عنها،كانت خصل شعرها لاصقه في جبينها بسبب العرق.،وأستغرب لما صارت تتمتم بكلام مو مفهوم،مسك ايديها وقرب لشفايفها علشان يسمعها" عبادي..لاتلمسني.. معاذ.. عبادي.. تعالوا"ونفس الكلام تعيد وتزيد فيه بخوف ،ارتجف بمجرد مافكر إنه أحد قرب منها أو أتهجم عليها،معقول السارق سوا لها شيئ..هز رأسه بقوة وهويحاول يبعد الأفكار اللي تهاجمه وتلعب في رأسه ،ضرب خدها بخفه
جوري،جوري ،قومي خلاص.. انتي تحلمي ،جوري..
فتحت عينها برعب وهي تصرخ وصارت تدفه بقوة ،ضمها بقوة وبهمس/أنا عبادي، لاتخافي،ذا أنا جوريتي، تؤامك عبادي.. حس جسمها أرتخى وبيدينها تلتف على خصره وتشد عليه وهي تأخذ أنفاسها بقوة ،جلس يقرأعليها ويمسح شعرها بحنان وهو يبكي مع بكاها المكتوم.. لحد ماهدأت وانتظم تنفسها ،مدها على فراشها بس أتفاجأ بيديها اللي ماسكه بلوزته بقوة،مد جسمه جنبها و غفت عينه وهو يدعي إن اللي في باله مايكون صحيح..
فتح عينه وهو يشوف أستغراب أمه اللي أتفاجأت بوجوده جنب جوري،فقلها إنها جاته الغرفه لإنها كانت خايفه نام معاها،خاف يقلها عالكوابيس ويزيد قلقها،ومن يومها فرش له جنبها وصار ينام معاها وكل يوم تصحيه نص الليل على نفس الكابوس ونفس الكلام..
مسح وجهه بتعب لما صحاه صاحب التاكسي من أفكاره،وحاسبه ونزل..
***
(جده)
الساعه11 الليل
من يوم ماصار اللي صار ورجعوا جده وأبوه مقاطعه وما يعطيه وجه، وكل اللي قاله إنه الزواج بيتأجل ،وأمه تحاول تزبط علاقتهم وإن كانت شايله في خاطرها علي عملته في جوري..
الأحساس بالذنب كان معذبه،خاصة لما صحت وقالت لهم إنها شافت حرامي،قد أيه كبرت في عينه وحس إنها أحسن منه،مع إنه أستغرب منها ،ليه ماقالت لهم،عالأقل كانت فكت نفسها من الزواج دامها ماتبغاه، بس كلام أبوه حسسه قد أيه هو صغير وتافه،معقوله زي ماقال أبوه ماتبغى تعمل مشاكل بين أهلها وبينه،معقوله تكتم في نفسها وتتعذب باللي صار علشان خايفه لاينصدموا فيه، وتضيع علاقة أبوها وأبوه اللي تعتبر علاقة أخوه.. أبوه كان يكلمه بثقه حيرته….
صار يكلم معاذ و يعرف أخبارها. وزاد ضيقه لما عرف إنها ماتحسنت، حاول يشغل نفسه وصار يشتغل دوامين في الشركة علشان يتجنب يقابل أبوه اللي يحس نظراته كلها لوم وعتاب، وعلشان لايفكر فيها...
رن جواله شاف الرقم ورد بتردد/هلا والله..
----/ لا ياشيخ.. كثر منها..
ضحك/رئود، طفشااان ،مو وقت سماجتك..
رائد/ياااااي، ليه المدام مو عاطيتك وجه.. هههههههههههههه…
اتنهد بضيق/أنت هتقول فيها…
رائد بجديه/إذا زعلانه صالحها، كلمتين منك تزبطها ..
خالد/ هيا راضيه تكلمني .!..
رائد/أووف،أيش سويت يابايخ حتى ماترد عليك..
خالد في نفسه"آخ، أيش أقولك بس،البنت انخرصت بسببي"/اللي سويته المهم زعلت وخلصنا..
رائد/ على كذا مافي زواج قريب..
خالدبملل/أي زواج ياشيخ.. مو وقته،بعدين خليها تخلص ذي السنه ويصير خير..
رائد/كويس عالأقل تخلص الثانوي..
ضحك بسخريه/هههههههههههههه، ثانوي مين والناس نايميين.. أنا ماقلت لك، تراها في ثاني متوسط.. لاا وعمرها 14سنه.
رائد بصدمه/ أماااااا.. تمزح،متزوج بزره..
خالد/شفت الهناء اللي أنا فيه..
رائد سكت شويه وفك ضحك/ههههههههههههه.. والله اتحمست ابشوفها.. ههههههههههههه..
خالد عصب/ تشوف ميين ياحيوووان،
تستهبل..
رائد/هههههههههه، أيش فيك،دوبك تقول 14 يعني بزره عادي، زي أختك لبنى، خلاص بجيب لها معايا حلاوه… ههههههههههه بس والله إنها رهيبه..هذه وهي بزره وطلعت عينك من ذحين.. لاااا ومعطيتك رصيف وماترد عليك.. ههههههههههههه..
خالد بقهر/ ماغيرك البزر ،أنا غلطان اللي كلمتك، قال زي لبنى ،انقلع ياحيووووان..
قفل في وجه بغيظ وهو يسب في جوري.. وفي رائد
رن جواله برقم رائد وقفل الخط في وجهه ودخل البيت..
↚
(أبو خالد)
طول ماكانت جوري في غيبوبتها، كان بيموت من الحزن والقهر ،حزين عاللي صار لها وموقادر يريح بال أهلها ويحكي اللي حصل، ومقهور من خالد كيف أتجرأ وعمل اللي عمله فيها..
وماصدق خبر أول ماقالوا فاقت ،طار عالمستشفى يبغي يشوفها ويقابلها ويطمن عليها،،كيف وهذه الجوري بنته وحبيبته.،كبرت على يده سنه وراء سنه، وحبها وأتعلق فيها وصارت زي بناته وأكثر،كانت غير عن أولاد صالح حب شقاوتها وخجلها وحنانها وقوتها ، كان يحسها غير عنهم يمكن لإنها تشبه صالح أخوه وصاحبه اللي ماجابته أمه ، المهم كل يوم يمر يتعلق فيها لدرجة إنه يجي اليمن حتى إذا ماعنده شيئ بس علشان يشوفها،ومن صغرها وهي بالنسبه ليه زوجة خالد، ومارح تكون غير ليه، وطار من الفرح لما طلبها من صالح وأعطاه..
لكن فرحته بصحيانها من الغيبوبة اتبخر وهو يشوف نظراتها الحزينه ،شاف خوفها وحيرتها لماسألوها عاللي صار.. غمض عيونه بقهر وهو يشوفها تألف لهم حكاية وتطلع خالد من الموضوع..
حس بالخزي والعار لإنها كانت أقوى منه ومن ولده .. حس بنظراتها وهي تشتتها علشان لاتواجههم،وسب خالد مليون مره عاللي سواه.. وسلم عليها وطلع..
بس اليوم راح لها وهو ناوي يتكلم معاها في الموضوع..
راح وكالعاده لقي عبدالرحمن معاها،أبتسم في داخله على حبهم وعلاقتهم القويه ، سلم عليه وطلب منه يتركهم لحالهم ،في البدايه اتردد وبعدها خرج وتركهم ..
اول ماشافته لفت رأسها عالجهه الثانيه..
جلس جنبها عالسرير ومسك يدها بشويش، وحس في يدها ترتجف ،وبصوت حزين ومكسور/خلاص.. كرهتيني ياجوري؟
التفتت عليه بصدمه وهي تشوف الدموع متجمعه في عينه ،وهزت راسها بلا..
أبو خالد/طيب ليه ماتبغي تشوفيني، ادري إنك زعلانه وخايفه بسبب خالد..
فتحت عيونها عالآخر لماسمعت أسمه وارتجفت بخوف..
مسك يدها بقوة وبرجاء/سامحيني يابنتي ،يمكن أنا ماعرفت أربيه، أنا السبب في اللي صار..
ماخلته يكمل كلامه ورمت نفسها على صدره وهي تبكي ..
----------------
نزلت دموعها وهي تهز رأسها.. من وقت ماصحت وجوا أهلها وهي مالها وجهه تقابلهم،حاسه بالخجل والإنكسار ومالها عين تواجههم،هي تدري إنها ماغلطت،بس داخلها في شيئ محسسها بالضعف والقهر،ليه ماصرخت ،ليه مادافعت عن نفسها،ليه سمحت له يقرب منها بذيك الطريقه البشعة،
ولما سألوهاعن اللي حصل،ماعرفت ترد عليهم، وترد أيش تقول! إذا هي ماتدري أيش اللي حصل،ليه أتصرف معاها كذا، وكيف سمح لنفسه يلمسها، محد بيصدقها، الكل هيحملها الذنب ،كيف تقول لهم إنه ماخاف من الله،ولا أهلها اللي تارسين البيت… ألفت لهم كذبه وصدقوها ..
وذحين عمها محمد كمان جاء ،من وقت مادخل وطلب من أخوها يتركهم وقلبها يدق بخوف من طلبه،خايفه تكون معاه لوحدهم،هيا عارفه إنه مو مثل ولده، بس في شيئ داخلها مو محسسها بالأمان، و مو قادره تحط عينها في عينه..
بس لما مسك يدها وسألها إذا تكره أنصدمت وطالعت فيه"كيف تفكر أني أكرهك،أنت أبويا الثاني"زادت دموعها وهي تشوفه مكسور قدامها ودموعه باينه في عينه،حسته في ذي اللحظه مثلها.. هي مكسوره وحاسه بالخجل من نفسها،وهو مكسور وحاس بالخجل من اللي سواه ولده،
كلامه يعني إنه عارف باللي صار،معقوله قال له..
وبدون ماتحس رمت نفسها على صدره وهي تبكي، بكت بقهر وخوف ..كانت كاتمه في نفسها كل اللي صار.. حتى عن تؤامها، اللي مافارقها حتى في غيبوبتها،كانت تحس فيه وهو ماسك يدها ويحكيلها أخبار أهلها ،تحس فيه وهو يشغلها قرأن ،وهو يقرأ لها الروايات اللي تحبها،يستعجلها تقوم من النوم، ويضحك على شكلها وهي نايمه.. حست فيه و استحت تقول له وتحكي وتفضفض، خافت يتغير عليها،يلومها،يكرها..
وأخيرا لقت أحد حاس فيها،أحد عارف اللي صار ومايحتاج إنها تقول له شي، أحد عارف إنها ما غلطت ،إنها مظلومه..
حست بالراحه والأمان في حضن عمها،وطلعت كل شي في نفسها لما بكيت،وبعد ما هدأت،بعدت عنه بهدوء وخجل،وابتسمت وهي تأشر على ثوبه اللي غرقته بدموعها..
ضحك براحه وهويمسح وجهها/فداكي الثوب وصاحبه كمان.. المهم شفت إبتسامتك الحلوه..
سكت شويه وبجديه/شوفي ياجوري.. زي ماهوا ولدي أنتي بنتي،واللي هتقوليه هيسويه غصبا عنه..
عقدت حواجبها بإستغراب من كلامه وحس إنها مافهمت عليه، وتابع بشرح/يعني إذا أنتي.. ماتبغيه.. بخليه يطلقك.. وإذا تبغيه يعتذر بسحبه لحد عندك.. قولي أيش اللي يرضيكي وأنا أسويه..
رفعت كتوفها ونزلتها وهي تأشر بيدها بمعنى ما أعرف.. مسكت الدفتر والقلم اللي جابه أخوها علشان تكتب اللي فيه اللي تبغاه وكتبت له ومدت الدفتر وجهها أحمر/أنا ماأحتاج أعتذاره.. أنا بعرف ليش سوا كذا؟
حك دقنه بإرتباك/أيش أقولك بس،يعني زوجك.. عادي..
طالعت فيه بصدمه وعقدت حواجبها بغضب وكتبت له/ وإذا زوجته، كيف عادي ، هو .. أنت..
رمت دفترها بقهر ونزلت دموعها،كيف يقلها كذا،،كيف تفهمه ولده أيش سوا..
رفع الدفتر وشاف اللي كتبته وبهدوء/ أنتي لسا صغيره وماتعرفي شيئ،هوا صح غلط لما سوا اللي سواه،لكن لازم تعرفي إنه ماهو حرام ولاعيب.. هوا زوجك.. يعن-----
سكت لما شافها تحط ايدينها على أذانها الاثنين وتهز رأسها برفض لكلامه، وقف ومسك ايدينها/خلاص أنسي اللي قلته.. مو وقته..
دفت يده بقوه وهي تبكي واللي صار يمر قدام عينها من جديد.. ضاقت أنفاسها وبدأت تحس بثقل في جسمها..
خاف لما شاف وجهها أحمر وهي تحاول تتنفس بصعوبه، خرج ينادي الممرضه ولقي عبدالرحمن في وجهه وبقلق/جوري مدري أيش----
دخل عليها بخوف بدون مايسمع باقي الكلام،كانت تضرب صدرها بقوه وهي تحاول تتنفس ، جلس قدامها ومسك وجهها بكفوفه وبصوت حاول يكون هادئ/جوري… اتنفسي،يلااا… بهدوء جوري.. خذي شهيييق ..ركزي معي ..اتنفسي.. أيووه ..كمان مره.. حبيبتي..صار يتنفس معاها وهي تحاول تنفذ اللي يقوله،سحب كيس من الدرج و ثبته لها وهو يهديها تحت أنظار أبو خالد والممرضه اللي دخلت ومنعها عبدالرحمن تقرب لجوري..
اتنهد أبو خالد بضيق وداخله "الله يسامحك ياخالد،جننت البنت" ومد يده وقطع الورق اللي كتبت فيه بدون ماينتبه أخوها اللي أنشغل معاها..
وهي بمجرد ما أتمالكت نفسها حطت رأسها عالمخده وأعطتهم ظهرها وهي تبكي بصمت..
الممرضه/لازم الدكتور يجي يشوفها،أنت كيف تمنعني أشوف شغلي..
عبدالرحمن بتوتر/آسف ماقصدي،بس أنا عارف أيش فيها ومايحتاج دكتور.. خليها تنام شويه وهترتاح..
خرجهم معاه وقفل الباب ، والتفت لأبو خالد بقهر وبصوت واطي/أيش قلت لها ياعم خلاها تتعب..
أبو خالد/ماقلت لها شيئ،كانت كويسه وفجأه صارت كذا، أنت قلي أيش بها،هيا مريضه ،فيها شيئ..
عبدالرحمن بعصبيه/ جوري مافيها شيئ.. بس لما تخااف، شد عالكلمه أو تززززززعل ماتقدر تتنفس..
أبو خالد بأهتمام/طيب أيش السبب،أكيد في شيئ خلاها كذا..
ضغط على جبينه بقهر/ عادي.. يعني ماهتقول في أيش كلمتها..
حط يده على كتفه بهدوء/لاتخاف عليها،ذي بنتي ومارح أضرها بحاجه..
استحى منه وباس رأسه وبإعتذار/ سامحني ماقصدي أرفع صوتي.. بس هي عادها فاقت من الغيبوبة،والدكتور قال لازم ماتنفعل..
هز راسه بتفهم وودعه وخرج..
↚
بعد يومين ارسلت له جوري رساله مع أخوها فتحها بإستغراب وانصدم من اللي فيها..
بسم الله الرحمن الرحيم..
أبي الحبيب.. في البداية أحب أعتذر عن مابدر مني في آخر لقاء بيننا،وأتمنى إنك مازعلت مني،خاصة لإنك مازرتني بعدها،الله يخليك سامحني، ولاتشيل في خاطرك ..
بالنسبه لكلامك،بصراحه ماعجبني و أنا مافهمت قصدك ،لكن هحاول أفهمه،علشان أرتاح.. وبالنسبه للي يرضيني ، أنت قلت هتسوي اللي أقول عليه.. حالياأنا بكمل دراستي وأختباراتي باقي عليها شهر ،أنا ما أقدر أقول لأهلي أني بتطلق ولا أقدر اقول السبب ،أنت أخو أبي حتى لو ماكان بالدم ..وأنا ماقدر أخرب اللي بينكم من سنيين، علشان كذا لو سمحت آجل الزواج عالأقل للوقت اللي أفهم كلامك،وأقدر أنسى وأسامح ولدك، ووقتها الله يكتب لنا الخير ..وإذا لي خاطر عندك قول له لايجي يزورني لأني ماهقابله أبدا..
بنتك المحبه (جوري)
قرأ الرساله مرتين وثلاث وعشر وهو يبكي بوجع عليها، وفي الأخير قطع الرساله علشان محد يشوفها،وفي نفسه"والله ماتستاهلها ياخالد"
وبعدها كلم أبو معاذ على تأجيل الزواج، وطبعا وافق ورحب بالفكره ،وبعدها زارها سلم عليها ورجعوا على جده…
↚
مرت سنة على بطلتنا بحلوها ومرها..
(جوري)
مرت عليا سنه.. كنت أعاني فيها من أعتداء خالد الهمجي، الكوابيس كانت ماتفارقني.. لكن استمراري في جلساتي مع الدكتوره بشرى جابت نتيجه وفي خلال شهرين من الحادث ،رجعت لي ثقتي بنفسي ورجع صوتي ،وأصبحت الكوابيس تجيني بين فترات متباعده..
رجعت الفرحه لبيتنا من جديد، واتحسنت نفسية أبي وأمي اللي تدهورت بسبب مرضي الغريب ،وحاولت أرجع جوري القديمه علشان اطمنهم وأريح بالهم،وعلشان أتناسى اللي صار..
لكن كيف أتناسى واللي أسمه خالد يحاول يكلمني بإستمرار ،وكأنه مصر أني ما أنسى، حاولت اتهربت منه بكل الوسائل.. تعبانه ،مستحيه،نايمه، مشغوله.. جربت كل شي، وفي الأخير مالقيت غير عمي حبيبي يفهمه إن إتصاله غير مرحب فيه،و فهم وبطل يتصل، وأنا أوهمت أهلي إني بكلمه من فترة للثانية..
لكن أنا ماأرتحت.. كيف ارتاح ،وأنا عارفه إني نهاية المطاف هتزوج نفس الشخص اللي صرت أشوفه شيطان في ثوب إنسان.. كنت أتظاهر قدام أهلي بالهدوء وفي داخلي براكين من الخوف والغضب والقهر.. حاسه نفسي محاصره من كل الجهات.. ماقدرت اقول اللي بداخلي لأحد.. ولا قدرت أتقبل اللي سواها وأتقبله كإنسان أساسا..
وبعد طول عذاب لجأت للدكتوره بشرى، هي الوحيده اللي أقدر أكلمها بحكم عملها كدكتوره نفسية أولا.. وبحكم علاقتنا الطويلة واللي خلتها مقربه مني لدرجه كبيره ثانيا،ومع ذالك ماقدرت أحكيلها اللي صار بالضبط.. كل اللي قلته أني رافضه الزواج عامة والشيطان اللي أسمه خالد خاصة..
لكن أعتقد أن وحده بخبرتها وذكائها ربطت بين اللي صار لي وبين رفضي التام ليه.. لإنها بدأت تشرح لي عن العلاقة الطبيعية بين أي زوجين،وإنه بيكون بينهم أحتكاك جسدي وذا شي عادي وحتمي على كلامها..
طبعا الكلام ذا ماناسبني ولا حبيته ولا اتقبلته.. لكن هي ما يئست وحاولت معي كذا مره لحد ما فهمت نوعا ما إن اللي سواه طبيعي وعادي ،لكن ذا ما غير من نظرتي وشعوري ليه في كل الحالات..
بعد اللي حصل اتغيرت أشياء كثيره في حياتي ، أهمها إلتحاق عبدالرحمن بالمعسكر ، وذا الشيئ نتج عنه فراغ كبير داخلي ،خاصة إني كنت محتاجه لوجوده جنبي ذي الفتره،ومع ذلك كان حريص يقضي كل إجازاته معي وكان يسوي لي كل اللي نفسي فيه..
وأحلام كمان كانت زياراتها مكثفه ، وتحاول تعوضني غيابه لإنها عارفه إني متأثره ببعده..
اتغيرت حاجات كثير فيني،حسيت إني كبرت وتفكيري أتغير،صح إني لازلت العب واضحك وأمارس حياتي بشكلها العادي،لكن صرت أهتم بجلستي مع أخواتي وداد وعلياء وناديه لما يجتمعوا،أحاول أسمع كلامهم وأفهم كيف عايشين مع أزواجهم، وأستغربت لما شفت كل وحده تمدح زوجها وتحكي عن حبها وأحساسها وشكلهم فرحانين.. طيب ليه أنا ماحسيت بذي الأشياء ليه كل ما أتذكر ذا الإنسان حس بكره ونفور وخوف،وين الحب والمشاعر الحلوه اللي يقولوا عنها،والشيئ الثاني اللي شدني في كلامهم كان عن وحده نعرفها اتطلقت من زوجها.. وكيف حياتها بعد الطلاق اتغيرت للأسوء،لإن الناس ماخلتها في حالها وكل واحد طلع كلام عن سبب طلاقها وكلام كثير ماله أساس من الصحه لإني أعرفها ولايمكن تكون مثل ماقالوا عليها الناس..
كلام البنات خلاني أفكر في حالي ،إذا طلبت الطلاق مصيري بيكون مثلها والناس هتتكلم عليا وهشوف نظراتهم اللي كلها ظلم وإتهام وين ماكنت.. طيب إذا أنا ما اهتميت أهلي كيف بيكون موقفهم ،كيف هيواجهوا الناس.. هيسكتوا ويتحملوا كل الكلام اللي هيسمعوه عليا…
احترت وأصبح عندي خيارين أحلاهم مر.. لجأت للدكتوره بشرى اللي صدمتني بكلامها وإني إذا فكرت في الطلاق فلازم استعد للأعظم،لإن مجتمعنا مايؤمن بالطلاق كحل،وإنه مهما كان سبب الطلاق فاللوم بيكون من نصيب الزوجة مهما كانت بريئه ومالها ذنب في الطلاق..
وذا خلاني افكر بجدية في زواجي وفي أمكانية نجاحه،إذا مش علشاني فعلشان أهلي..
(خالد)
ماأقدر أوصف لكم مقدار فرحتي لما عرفت إن جوري إتحسنت وصوتها رجع،أحساسي بالذنب أختفى وحل محله شعور بالرضى ،أخيرا هرتاح وأكلمها وأعتذر لها ونشوف نهاية زواجنا ذا.. حاولت أكلمها أكثر من مره وعلى فترات متباعده ومختلفه ،بس كان الرد نفسه في كل مره ،مجرد أعذار،وفي كل مره كان عبدالرحمن هو الي يكلمني مهما كان اللي رد عليا كان يرجع هوا ويبلغني بذا الكلام،لحد مافهمت إنه يصرفني ،واللي أكد لي ذا الشيئ كلام أبويا لما طلب مني إني ماأكلم جوري وأعطيها وقت علشان ترتاح نفسيا وتتقبلني كزوج..
أنا محد بيجلطني غير أبويا ذا.. حسسني إنها بنته وأنا الغريب،شايلها على كفوف الراحه وكل يوم والثاني مكالمات وضحك معاها ،حسيت هوا اللي زوجها مو أنا..
ومافي غير جوري سوت ،جوري عملت ،جوري قالت.. والله ودي أخنقها ذي الإنسانه..
--------------
(أبو خالد)
الحمد لله ،اخيرا رجعت جوري لطبيعتها اتحسنت صحتها،ورجعت تتكلم معايا عالتلفون ، رجعت ضحكتها وسواليفها المجنونه، والأهم إنها طلبت مني أقول لخالد يوقف إتصالاته لإنها مارح ترد عليه،وفي نفس الوقت ماتبغى تلفت إنتباه أهلها لرفضها لمكالماته،وذا الشيئ خوفني على طبيعة زواجهم وكيف بيكون..
لكن بعد فتره فاجأتني لما قالت أحدد موعد الزواج مع أبوها.. كنت متخيل إنها بتأجله لبعد تخرجها من الثانوية،وكنت رح أوافق بدون تردد..
والحمد لله اتطمنت وحسيت إن أمورهم هتكون بخير إن شاء الله ..
واخيرا كلمت صالح وحددنا الزواج في العطلة الصيفيه….
--------------
(أبو معاذ)
كيف اوصف لكم أحساسي وأنا أشوف جوري وهي تموت قدامي ،بدون مايكون بيدي شيئ اسويه لها،فجأه تطيح علينا وتدخل في غيبوبة، حسيت بالعجز وقلة الحيله ،أيش اللي حصل وخلاها بذي الحاله.. حسيت روحي راحت مني ،صار البيت فاضي ومافيه حس، أصبح بارد ومافيه حياه ،وكأن كل شيئ فيه دخل في غيبوبة بدخول جوري فيها ،أصبح كل شيئ ماله طعم ..الأكل ،الكلام،حتى النوم ،كله مثل بعض،كل واحد فينا يتحرك بدون أحساس ،وصرنا ننتظر موعد الزيارة بفارغ الصبر علشان بس نشوفها ونطمن عليها ونعوض غيابها،وأكثر واحد حس بغيبتها كان عبدالرحمن اللي رفض يخليها لوحدها، وأصبح ظلها اللي مايفارقها..
مرت علينا ثلاث أيام كأنها تلاث شهور ، والحمد لله اللذي استجاب لدعائنا،وقامت بالسلامه ..
علشان نتفاجأ بإنها ماتتكلم،حكمتك يارب،لكن أحتسبنا وقلنا قدر ولطف ،المهم إنها فاقت من الغيبوبة،وعرفنا إنها شافت سارق فوق الجدار وهو فجعها،بلغنا الشرطه وحاولنا نمسكه لكن مالقينا شيئ..
والحمد لله بعد فتره أتحسنت صحتها ورجعت مثل أول تنور علينا البيت بضحكتها وصوتها اللي كان لنا مثل الحياة، ورجعت لدراستها ولحقت السنه ونجحت، لكن بعدها حسيتها اتغيرت شوية يمكن بسبب غياب عبدالرحمن اللي ماتعودت عليه ..
والحمد لله بعدها درست وقدمت أختبارات صف ثالث إعدادي ومازلنا منتظرين نتيجتها..
ولما كلمني أبو خالد على موعد الزواج حرصت ذي المره إني ما أكرر غلطي،ورحت شاورتها وأنا مقرر أسوي اللي تقول عليه مهما كان،لكن فاجأتني لما قالت أتفقوا أنتوا وحددوا وأعطوني خبر بالموعد..
وفعلا اتفقنا إن الزواج يكون في العطلة الصيفية بعد ماتطلع نتيجة الأختبارات..
عرض البوم صور فيتامين سي رد مع اقتباس
قديم 06-12-15, 12:03 AM المشاركة رقم: 27
المعلومات
الكاتب:
فيتامين سي
اللقب:
متدفقة العطاء
البيانات
التسجيل: Jun 2008
العضوية: 80576
المشاركات: 3,192
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195
االدولة
البلدSaudiArabia
مدونتي
الإتصالات
الحالة:
فيتامين سي غير متواجد حالياً
وسائل الإتصال:
كاتب الموضوع : فيتامين سي المنتدى : القصص المهجورة والغير مكتملة
افتراضي رد: خريف الحب / للكاتبة خياله،،والخيل عشقي
(جوري)
اخيرا طلعت نتيجتي وأتخرجت من المرحلة الإعداديه بتفوق،وطبعا أهلي جهزوا لي حفلة كبيره بمناسبة النجاح..
وبدأت التجهيزات لزواجي، اللي ماكنت متحمسه له وأعطيت لوداد وعلياء الضوء الأخضر علشان يتكفلوا بكل شيئ،فكانوا يروحوا السوق ويشتروا لي لوازم الزواج بداية من الذهب والملابس حتى العطور والمكياج وفستان الزواج،كانوا يوروني الأغراض وهم كلهم فرحه وحماس لموعد الزواج،بينما أنا كنت أتفرج على كل شيئ ببرود وعدم إهتمام ،كنت أوافقهم على كل شيئ وأبين لهم إن كل حاجه عاجبتني، مع إني مدري أيش اللي اشتروا، ومحد كان مركز ومنتبه غير عبدالرحمن اللي حاول كذا مره إني أعترف له بشكوك في باله ،لكني أصريت على موقفي ، والله لو عرف باللي حصل خالد بيموت لامحاله، وبصراحه مش مستغنيه عن أخي أبدا،
ومرت الأيام وأنا أدعي ربي يسهل أموري،ووصلنا لساعة الصفر…..
--------------
(عبدالرحمن)
كنت مضطر إني أبعد عن جوري لمدة سنه بكاملها بسبب إلتحاقي بمعسكر الجيش لتأدية الخدمة العسكرية الإلزامية بعد الإنتهاء من المرحلة الثانوية،بس ذا مامنع إني اقضي كل أجازاتي اللي كنت أنزلها من المعسكر معها ، وأحاول أعوضها عن غيابي باقي الأيام ، وكنت ماأخلي شيئ في نفسها لعب كره ، تمارين ، خروج للمكتبات وشراء الروايات،وفي الأخير ضحكتني لما طلبت مني أعلمها السواقه ،رغم رفض معاذ الشديد للفكره ، لكن أبي وافق وماكان بيد معاذ شيئ ،ومع ذلك جوري قامت تترجاه علشان يوافق وقالت له إن ربي مابيوفقها ولا هتتعلم لإنه رافض ،وجلست يومين ترفض تروح معي للتمرين ،وفي الأخير معاذ الغبي حزن عليها ووافق، ورجع هو يحاول يقنعها تتعلم وهي تتدلع عليه، هههههههههههههه والله إنها تحفه، وبعدها كنت أخذها للمزارع البعيدة علشان نأخذ راحتنا وتتدرب ، وكالعاده كانت أكثر من جيده في السواقه ،ومع كل المغامرات والأكشن اللي كنا نسويه ماقدرت تقنعني إنها فرحانه،كنت المح حزن في عيونها، وحتى في ضحكتها كان في تصنع وأحسها مش من قلبها ،شيئ تحاول تخبيه من وقت مرضها، ورفضت تقوله حتى لي ولأحلام، رغم محاولاتي الكثيره معها..
لكن اللي أنا متأكد منه هو إن خالد له يد في الموضوع..
من وقت ما فاقت والفت لنا كذبة السارق اللي ما دخلت رأسي،لحد ماشفتها كيف تتهرب من زيارته لها في المستشفى وبعدها مكالماته اللي كانت ترفض تستقبلها ،وفي كل مره تطلب مني أكلمه وأقول له أي عذر علشان لاتكلمه،وطلبها الأغرب إني ما الفت إنتباه أبي والباقين لتصرفها،واللي أكد لي إنقطاعه المفاجئ عن الإتصال، رغم إنها مفهمه اللي في البيت إنه بيكلمها من فتره للثانيه وبيطمن عليها، بصراحه حاس نفسي أكره ذا الآدمي ،ومش مرتاح لزواجه منها، وكنت منتظر في أي لحظه إنها تطلب الطلاق، بس شكلها شافت الموضوع من زاوية ثانيه،لإني اتفاجأت لما حددوا موعد الزواج وفهمت إنها موافقه، وماعد بيدي شيئ غير أني ادعي لها بالتوفيق..
↚
الله يديم لنا لمة الأهل… وضحكة الأصحاب… والناس اللي تسعدنا..
مرت السنه بسرعه ووصل خالد وأهله قبل الزواج بكم يوم ،وطبعا سلمت على عمي وعمتي وطنشت خالد ..
بيتنا اتملئ بالناس.. أقارب وأهل من القرية، جيران ..أصوات الزغاريط والدعاء بالتوفيق ماوقفت وبسمعها كل ماخرجت من غرفتي وقابلت أحد ..
بكره يوم الحناء، واليوم جات المنقشة تنقشني.. وكرهت حياتي.. أتخيلوا رفضت أمي إني أتنقش في غرفتي، وأصرت إني أكون في المجلس ..وصار لي 3ساعات جالسة على نفس الوضعية.. والحريم حولي كأني مزهرية وكل شوية وحده تعلق على النقش ولونه وريحتة.. وكل وحده تنصح بنقشة وحركة ،حتى المنقشه صدعت منهم ههههههههههه ..
-------------
(خالد)
أوقات كثيره مرت عليا وأنا أحس نفسي في حلم ،وكأن ذي الإنسانه مجرد طيف مر عليا، صارت بالنسبه ليا مثل الحكاية ،أسمع عنها من أبويا وأمي..ماحسيتها زوجتي ولا عشت معاها فترة الملكة،اللي المفروض نقرب فيها من بعض،ونعيش فيها مشاعر الحب والغرام..
أدري إني السبب الرئيسي في حالتنا ،بس هيا كمان ما أعطتني أي فرصه علشان ابرر لها موقفي أو أعتذر منها،يمكن لو كانت أكبر ،كانت اتفهمت واتقبلت اللي صار بشكل أحسن من كذا، وماكنا وصلنا لذي المرحله من الجمود وعدم الراحه..
اتحدد الزواج ووصلنا قبل موعده بكم يوم،
وزي ماتوقعت ماشفتها ولاسمعت صوتها، يلاا أصلا ماكنت فاضي لها ،ولا والوضع يسمح بسبب الناس اللي ماليين بيتهم،اهلهم وأقاربهم ،وجهي اتشنج من كثر ما أبتسم واردد "الله يبارك فيكم"
------------
جوري… (يوم الحناء)
همست لأحلام/خرجيني بسرعه من هنا،ولا والله لأخرج ومادخلي بأحد..
أحلام بحده وهمس/بلا هباله مش وقتها.. أصبري ساعة والنسوان بيروحوا..
جوري بضيق/حرام عليكي لي ساعتين محنطة عالكرسي،رقبتي أتشنجت وجسمي كله بيوجعني..
ضغطت أحلام يدها بشويش/خلاص ياقلبي أصبري شوية بس..
جوري بضيق/خلاص أنا بتصرف..
التفتت لسبأ صاحبتها في المدرسة وبنت جيرانهم،مسكت يدها وبرجاء/سبوئه،شوفي علياء وقولي لها تجي..
سبأ/هههههههه.. سبوئه، طيب أيش عندك وأنا أسوية..
أخذت نفس بقوة/شوفي غرفة فاضية وخرجيني من هنا..
سبأبقلق/مالك.. مريضة؟
هزت رأسها بلا.. وراحت سبأ وبعد دقائق رجعت،كلمت البنات ووقفوا كلهم وصاروا يغنوا لها ويصفقوا ووقفتها سبأ مع أحلام وزفوها لبرا المجلس ،وقابلتهم وداد بإستغراب/ليش خرجتوا!!
شافتها جوري ولفت وجهها عالجهه الثانية،
وردت عليها سبأ/داخل كلهم نسوان كبار وزحمة،قلنا نطلع فوق نأخذ راحتنا شوية..
وداد بهدوء/طيب لكن لاتتأخروا.. شوية وتنزلوها علشان النسوان يشوفوها..
كملوا زفتهم للمجلس اللي فوق،وأول مادخلوا قالت جوري/بسرررعه قفلوا الباب..
قبل مايشوفوني..
سبأ/قد حفظوا شكلك ياعروسة..
إلهام/ماشاء الله عليكي شكلك رووعة..
اتأملوها البنات بأعجاب كانت لابسة فستان عودي مطرز بالذهبي وبدون أكمام ، وعلى شعرها طرحة بنفس لون الفستان، ووجهها مغطى ببرقع مثبت عليه سلاسل ذهبية توصل لبداية صدرها، وماباين من وجهها غير عيونها العسلية اللي زاد جمالها بالكحل الأسود والرسمة الفرنسية ، وأيديها مزينة بالنقش الأسود (الخضاب) وهو حجر طبيعي لونه أسود يستخدم في اليمن في النقش والزينة بدل الحناء.. كانت النقوش شديدة السواد على شكل ورود وأغصان متداخلة بإتقان وروعة برز لون بشرتها الأبيض.. اتخصرت جوري وبلكاعه/قصدي يشوفوني كذا..
مدت يدها وسحبت البرقع و فكت البنس اللي مثبتة الطرحة وشالتها وفكت شعرها المجموع في كعكة كبيرة،وسط شهقات البنات المستنكرة لحركتها،لإن العروسة محد يشوفها..
حست أحلام بقلق وهي تسمع وشوشة البنات، وبخوف/أيش فيه..
مسكت يد أحلام وحطتها على شعرها وضحكت لما سمعتها تشهق/هههههههههه، أخيرا أتحررت.. الحمد لله..
ضحكت أحلام وهي تنعكش شعرها/ يامجنونة لو شافتك عمتي هتموتك…
جلسوا عالأرض وجوري تتنهد براحة/والله يابنات لحقتوني على آخر رمق.. رأسي وجعني من كثر ما كنت ثابتة ،خايفة اتحرك وتخرب الطرحة.. حسيت إني أبو الهول وأنا متصنمة ساعتين..
منى بقلق/ لو تجي أمك ولا وحده من نسوان الحارة ياويلنا…
ضحكت جوري والبنات وقفلوا الباب ،بعد مارسلوا يجيبوا لهم أشياء..
سبأ / أنتي ماترتاحي غير لما نتهزأ بسببك كالمعتاد ..
جوري بقهر/لو أعرف من قال إن العروسة ماتتحرك ولاتتكلم ولاتأكل.. كان موته على يدي اليوم..
زينب/كل العرايس كذا ،أنتي بس اللي قليلة ولف..
سبأ بضحك/لو شفتوا أستاذة ردينه قبل فترة… كانت تمشي وتكلم نفسها..
قلت لها مالك سلامات.. قالت أنتي تعرفي جوري من زمان؟ قلت أيوه جيران من زمان.. ليش! قالت ماقد سمعتي إن جوري فيها شيئ.. ملبوسة ممسوسة؟
بحلقوا فيها البنات وانفجروا ضحك لما عصبت جوري/جني يلبس إبليسها يارب.. ليش شافتني بطير ولا بجنن وأقطع ملابسي..
إلهام/ههههههههه،تذكري آخر يوم في شعبان،وقت ماكان عندنا حصص فاضية وكنتي تدوري في الفصول..
هزت رأسها وبمرح/كان يووم روووعة..
سبأ/كان يوم ماشكت فيكي.. قالت أنتي عارفة إني شفت جوري اليوم في المدرسة كلها.. طلعت فصول الثانوي لقيتها.. رحت المقصف لقيتها.. في الإدارة.. حتى عند الحارس لقيتها.. هي بتطير ولا عندها توأم.. وليش مبتسمة على طول زي الهبلا..
شهقت جوري/ أستغفر الله بس، بتحاسبني عالإبتسامة.. الإبتسامة في وجه أخيك صدقة،لازم أمشي مبرطمة زيها.. ولا أكون ملبوسة..
أحلام بهدوء/جوري.. لاتغتابيها..
جوري بنرفزه/يختي جننتني،مش أول مره تقول كذا ..دايما توقفني وتحقق معي من وين جيتي.. وين رايحه.. ليش تضحكي.. أكيد مسوية مصيبة..
إلهام/هي كذا مع الكل.. مش بس أنتي..
منى بتريقة/يابنات أفهموا.. هي بتتصايح مع زوجها في البيت ،وتجي المدرسة تفرغ قهرها فينا.. مابتقدر عليه.. أيش تفعل له تنقصه درجات ولا ترسله للإدارة..
ضحكوا البنات وهم يتذكروها ويتذكروا كيف ماقد أحد شافها تضحك، على طول جدية وماعندها مزح..
سبأ/بيني وبينكم جوري ذاك اليوم مدري مالها.. ماقرت والله.. ولاخلتنا نقر ساحبه البنات معاها.. والمديرة سكتت بمزاجها ،قالت رمضان وعوافي..
جوري بشرح/ياربي منكم.. كنت أودع البنات.. طلعت عند أحلامي ولفيت معاها عالبنات أسلم عليهم.. بعدها نزلنا للفصول الخارجية شفت كم وحده كنت مسلفتها روايات.. ورجعوها لي.. أيش اخليها معاهم علشان معاذ يعلقني في باب الشارع..
إلهام/وعم محمد ،وعمال المقصف .. ليش رحتي عندهم.. كم مره قلنا لك لاتتكلمي معهم..
جوري بعصبية/لا والله.. عم محمد مالكم دخل بيني وبينه.. رحت أبارك له بالشهر، بعدين. حرام عليكم.. من متى وهو حارسنا.. من صف ثالث إبتدأئي.. وماعمره غلط علينا ولازعلنا.. وأي شيئ نحتاجه من خارج المدرسة يشتريه لنا مع إنه ممنوع.. وحق المقصف رحت أشتريت بس مابينا كلام غير السلام وهو لله ..
أحلام بإبتسامة/قصدك ماغلط ولازعلك أنتي.. حتى الشراء مايشتري غير لك أنتي. .
منى/صدق والله ..حتى بنات الثانوي إذا يشتوا حاجه يجوا لك وأنتي تكلميه ويشتري، ولا هم يكلموه ولا يسمع لهم.. وعمال المقصف يمشوكي أول وحده ولو كنتي في آخر الشباك ومن غير ماتطلبي عارفين طلبك.. أيش السر..
جوري ببرود/ولا سر ولاشيئ،واحد يعرفني من يوم سجلت في المدرسة و يعتبرني زي بنته.. وعمال المقصف عمرهم مارفعوا عينهم وهم يبيعوا وكلامهم محترم، مع إنهم في مدرسة بنات.. وفي بنات مايعات وأنتم عارفين.. أما ليش بيقدروني ولا يمشوني قبل الكل،فذا شيئ منهم وأنا ماهروح واسألهم ليش.. وأعتقد كل شيئ قدام الكل..
أحلام بدفاع/أصلا محمد مره وأحنا خارجين من المدرسة،كانوا واقفين معه عند البوابة ولماخرجنا أشر لهم على جوري ووصاهم عليها وقلهم ذي بنتي..
حاولت سبأ تغير الموضوع لما شافت جوري هتزعل من البنات اللي كل مره يقولوا نفس الكلام بحسن نية،وبحدة مفتعله/وليش تخلينا نلف المدرسة ونطلع وننزل،رجلي يومين توجعني..
إلهام بلوم/ أمرك لله صدق ..والله تعبتينا..
جوري بملل وتأكل بسكوت/والله أنا ماغصبت أحد قلتوا ملل،الحق عليا لعبتكم وسليتكم.. كل مره تلعبوا وتغيروا جو وبعدها تتذمروا و----- التفتوا كلهم للباب لما سمعوا شهقة قوية.. وشافوا علياء اللي تطالعهم بذهول، ارتبكوا صحبات جوري اللي من المدرسة ووقفوا بإحراج منها لإن علاقتهم بأهل جوري رسمية،بعكس سبأ وإلهام ومنى وزينب بنات جيرانهم..
علياء بعصبية/أيش بتسووا.. وأيش ذا.. دارت بعيونها عالغرفة كانت مفروشة بجلسة عربية منخفضة باللون البني والبنات كلهم في الأرض وفي الوسط أكياس شيبسات وعصاير وبسكوت وشكولاتات،بس اللي صدمها منظر جوري وهي متربعة عالأرض وشعرها المفرود بطول ظهرها،في حضنها كيش شيبس،وفي يدها بسكوت شوكولاته وروجها ممسوح وجالسة ولا على بالها..
تابعت بحده/أكيد أنتي اللي مسوية كذا محد غيرك..
سبلت عيونها ببرائه/لااا.. أحلام والبنات عزموني..
شهقوا البنات من كذبها وهزوا رأسهم بنفي لعلياء..
ضحكت أحلام/شوفي.. هي قالت تشتي تأكل، وإننا نكلمك ترسليلها حاجة،قلنا خلاص أحنا بنعزم العروسة وندلعها،جمعنا اللي معانا ورسلنا العيال يشتروا لنا..
علياء/يعني أنتي.. طيب عشر دقائق وأرجع القاكي مثل ماطلعتي.. تمام..
جوري بتأفف/حرلم عليكي… رأسي بيوجعني من البنس.. خلاص يكفي.
علياء بحزم/خلاص يلااا. أمشي ذحين قدامي.
صرخت/لاااا.. عشر دقائق وأنزل..
وفعلا بعد عشر دقائق كانت علياء عندهم وعدلت جوري ونزلوا لتحت،وعدى اليوم على خير..
↚
في الليل في غرفة جوري ..
أحلام بتساؤل/أنتي ليش خايفة..
جوري بهدوء/أبدا.. من قال خايفة.. واحد بنام معه في نفس الغرفة ولحالنا،مافي حاجة تخوف..
مسكت يدهاوأتنهدت/ياحبيبتي لازم تسوي زي ماقالت دكتورة بشرى، عودي نفسك عليه واتقبليه كزوج.. حاولي تحبيه.. ولا رح تتعبي في حياتك..
ردت بخفوت/ لو كان واحد غيره.. يمكن كنت أتقبلته من زمان..
أحلام بإستغراب/أنتي لو بس تقولي ليش تكرهيه.. أنتي حتى ماشفتيه..
وقفت بعصبية/لا تدافعي عنه وأنتي ماتعرفيه.. والدكتورة بشرى ذي تستهبل.. أيش أقنع نفسي وأعودها عليه وأنا هحبه.. ليش هي لعبه..
أحلام/هي دكتوره وأدرى بشغلها.. وأكيد شافت حالات مثلك..
بحلقت فيها/حالات مثلي.. ليش أنا مريضة؟
ردت بسرعه/قصدي بنات لقوا نفسهم في وضع مفأجئ،وساعدتهم..
أخذت نفس عميق/أنتي متخيله إني بكون معه طول الليل.. لوحدنا.. ومن حقه يقرب مني.. يلمسني..وو.. أنتي موفاهمه حاجه. . و ما أقدر أمنعه.. أوحتى أبعد عنه.. لأن الملائكة هتلعني.. أيش دخل الملائكة في في ذا الموضوع..
زفرت أحلام بضيق/أنتي ليش ماتريحي نفسك وتسألي وداد وعلياء..
غمضت عيونها بألم ورجعت بذاكرتها لليلة أمس..
التفتت للباب اللي دق وطلت منه وداد بإبتسامة/ممكن أدخل ياعروسة.
حطت الرواية جنبها وبهدوء/اتفضلي..
وداد/ إن شاء الله مستعده.. والنفسية تمام.
أكتفت بالصمت وهي تبتسم بمجاملة..
وداد/أيش قالت لك دكتورة بشرى؟
همست/مافهمت منها حاجة،نفس كلامها حق كل مره..لكن...
وداد/لكن أيش.. قولي لاتستحي..
طالعت فيها بحيره/قالت لي لا أتوتر والأمور هتأخذ مجراها الطبيعي.. انتوا كل مره تحيروني أكثر من أول..
وداد بتفهم/مافي شيئ يحيرك.. أنتي عرفتي إنه بيكون بينك وبين زوجك أحتكاك جسدي،وإنها حاجة طبيعية،أنا عارفة إنك بتستحي لكن حاولي تضغطي على نفسك وتتحمليه شوية علشان ليلة الدخلة تمر بخير وتخلصي..
أستغربت من كلامها/أخلص من أيش.. حست وداد بضيق من مهمتها الصعبة اللي كلفتها فيها أمها،إذا هي بالقوة حاولت تفهمها طول السنة اللي فاتت إنه شيئ طبيعي الزوج يلمس زوجتة ويقرب منها بشكل حميم، وهي لحد الأن ما أقتنعت بذا الشيئ،كيف تشرح لها اللي بيحصل ليلة الدخلة واللي هينتظرها، اتنهدت ومسكت يد جوري وبهدوء/حاولي تركزي معي وتفهمي لإني ماهعيد كلامي مرة ثانية،ولا تقولي ليه وكيف.. أسمعيني وسوي اللي أقوله.. تمام.. هزت جوري رأسها بتوتر وتابعت وداد شرحها وهي ملاحظه ملامح جوري اللي تتغير للخوف وعدم الأقتناع كل ماتعمقت في كلامها،وفي الأخير/هاا.. فهمتي كلامي. نفضت يد وداد من أيدينها ووقفت بعصبية وهي تهز رأسها برفض/أنتي أتجننتي.. أو تمزحي.. أيوه تمزحي..
وداد/ لااا..أنا بتكلم جد.. وكل اللي قلته هيحصل.. وأنتي لازم تكوني مستعده..
جوري بخوف/أنسي .. ماهيقرب مني ولا يسوي شيئ.. أنسي..
وداد بحزم/مش بكيفك.. ذا شرفنا ولازم تسلميه لزوجك، وبعدين لازم تعرفي إنك لو منعتي زوجك من حقوقه الملائكة هتلعنك..
جوري بغضب/أيش دخل الشرف والملائكة؟ وداد بهدوء/دخلهم اللي قلته لك.. أنتي كل المطلوب منك إنك تكوني هاديه ومطيعه،ومهما أتوجعتي تتحملي.. خليكي صبوره وقوية مثل ما أعرفك ولايطلع منك صوت.. أنتي سوي مثل مايقول زوجك هو هيتصرف..
غطت وجهها بكفوفها وهي ترجف بخوف وعدم أستيعاب للي سمعته، رفعت وجهها لوداد وبعصبية/مابسوي قلة الأدب ذي.. ولا تقولي زوجي وحقه.. خلاص الزواج ذا خلصوني منه.. بقول لأبي يطلقني وخلاص------
حطت يدها بصدمه على خدها من الكف اللي جاها وطالعت في أختها بألم/وداد…
وداد بغضب/أنتي بتفضحينا.. تتطلقي قبل زواجك بيوم.. أيش بيقولوا الناس عليكي ..فيكي شيئ وخايفة تنكشفي.. أنتي ليش طفلة وماتفكري بعقل.. مسكتها من ذراعها بقوة وسحبتها للمراية وبحده/شوفي نفسك كيف كبرتي ، ليش مصرة تتصرفي مثل الأطفال،ليش تفكيرك مايتغير ويكبر مثل جسمك.. خلاص ماعدتي طفلة في إبتدائي.
اتأملت إنعكاسها في المرايه ودفتها عنها بهدوء لبست البالطو وخذت حجابها وخرجت من الغرفة وهي متجاهله نداء وداد واللي قابلتهم في طريق خروجها، راحت للحوش الخلفي وجلست عالأرض بإنهيار وتركت العنان لدموعها اللي حابستها من أول وهي تحس بالندم لإنها استمرت في الزواج من البداية كان لازم تستغل الفرصة وتطلب الطلاق أول ماخيرها عمها وخلى القرار في يدها.. كان لازم تعرف إن الزواج أكبر منها وإنها مش مستعده تتشارك حياتها مع إنسان وبالذات خالد.. مسحت دموعها وهي تحاول تتحكم في أنفاسها وتسيطر على نفسها قبل ماتسوء حالتها وكل اللي في البيت ينتبه لها..
صحت من ذكرياتها على يد أحلام اللي تهزها بهدوء/وين رحتي ..أكلمك وماتردي
تعبانه.. حاسه بشيئ..
ضمتها بقوة وحاولت يكون صوتها طبيعي وتهدي أختها القلقانه/مافيني شيئ،الحمدلله بس تعبت وبنام..
تركت أختها ووصلتها لفراشها، ورمت نفسها في فراشها عالأرض جنبها وهي تقرأ أذكارها وتدعي ربها يسهل أمورها ويقويها..
↚
(خالد)
اخيرا جاء يوم الزواج ، صلينا الفجر وبعدها رجعت أنام،بس استغربت إنهم ضحكوا عليا واستلموني حش، وانصدمت لما عرفت إن زواجهم يبدأ من الصباح،وفعلا جاني معاذ باللباس التقليدي وهو عبارة عن كوت لبسته عالثوب مع شال مطرز خاص بالعرسان ولبست (الجنبيه) وهي خنجر فضي له مقبض من قرن الغزال وله جراب وحزام مطرز وينربط عالخصر،وعصب رأسي بعمامه،ولبست عقود فل،حسيت شكلي تحححفة،بس اللي صدمني فعلا هو الرشاش اللي اصر معاذ إني البسه على قوله أحتزم برشاش ومسدس، للحظه شكيت إني رايح أجاهد مو أتزوج ، وطلعت لقيتهم ناصبين خيمة كبيره في الشارع ،وناس كثير متجمعين وكلهم شايلين أسلحة مختلفه وأول ماشافوني اشتغلوا طلق نار في الهواء والأولاد بالطراطيع،وبدأت حقهم العرضه مدري الرقصه اللي أسمها(البرع) وهي رقصة يستعرضوا فيها حركات بخناجرهم على أنغام المزمار والطبول، و استمرينا عالحال ذا لين أنقذني المؤذن لصلاة الظهر ، والحمد لله رميت الأثقال اللي كنت شايلها وصلينا وبعد ماخرجنا من الصلاة اتفاجأت بالغداء اللي فارشينه في الشارع وطبعا الدعوة عامة للرايح والجاي ،بصراحه حبيت بساطتهم وتواضعهم ،تحسهم ناس ماعندهم تكلف وغرور..
المهم رجعنا بعد الغداء لنفس الموال وكنا نأخذ فواصل وقت الصلاة ،واخيرا عالساعة 10في الليل خلص الزواج وتقريبا راحوا أغلب الناس، ومابقي غير أهلهم اللي بيباتوا في بيتهم…
دخلت المجلس وأنا أخذ نفس عميق، وموحاس بجسمي من كثر التعب، جلست ومديت رجولي وأنا حاس فيها شد عضلي بسبب وقوفي عليها من الصباح ، دخل معاذ ومعاه الشاي وصب لي كأسه ومدخا ليا..
معاذ/ذحين الشاي يعدل مزاجك..
خالد بتعب/ياأخي أيش ذا،قسم بالله تعذيب..
معاذ بضحك/تحسبه مثل أعراسكم ساعتين في الليل، وتجي ماشي..
خالد بقهر/يامحلاها زواجاتنا، العريس يا أخي ينام طول النهار ويرتاح ،يتزبط يجهز نفسه،والعشاء يروح القصر قعد ساعتين يتونس مع خويانه وأهله،ويأخذ المدام ويعيش حياته..
ضربه معاذ على كتفه بعصبية مفتعله/هيييي أنت ،تراها أختي ،انتبه على كلامك.. قال يعيش حياته ..
دفه خالد وهويضحك/ لا تنق فيها ،أشك إن أختك بتنام في غرفتها اليوم ، حاجزيني من بعد الفجر لذحين ياظلمه،طير بس يرحم أمك..
معاذ بجدية/ طيب بتمشوا ذحين عالفندق ولا أيش نظامك.. قد رحنا جابناها من القاعة بعد المغرب..
خالد بصدمة/أمااا،تستهبل على رأسي.. وليش ماقلت لي،و سايبيني برا لذحين..
معاذ يحرك حواجبه بلكاعه/محلاني وأنا جاي أقولك وسط الرجال، تعال داخل المدام منتظره.. والأحلى إنك تفلتهم وتدخل لها..
خالد بقهر/أنا شفت نذاله ،بس زي كذا لااا، يعني هيا هنا وأنا أفتكر إنه بنروح نأخذها ومن هناك عالفندق..
اتمدد معاذ وحط رأسه عالتكاية وهو يتثاوب علشان يجنن خالد وببرود/لا ياحبيبي عرس النسوان يخلص بدري، بعدين هيا راجعه علشان تأخذ راحتها مع أخواتها وصحباتها وتتصور معاهم وكذا.. المهم أنا بغمض عيني عشر دقائق أريح.. ولما تطيب نفسك وتشتي تمشي الفندق صحيني وأنا برسم الخدمة،أوصلك من عيوني ..
بقق خالد عيونه بقهر على معاذ وهويعطيه ظهره وينام من جد،ماحس نفسه غير وهو ساحبه من رجوله بنذاله وبحده/وربي ماتنام ياحيووان،قوم نادي زووووجتي لا أدخلها وم------
سكت لما شاف معاذ يرفسه علشان يفك رجوله وهو يضحك/ههههههههههه، أعوذ بالله من أخلاق العرسان، محد يمزح معاكم..
تركه خالد وبطفش/وربي مو فايق لك، ياأخي مو وقت سماجتك.. خلصني،ولا بروح الفندق وخلي أختك عندك..
معاذ بحمية/وأنا أبن صالح وأخو جوري، وأنا في ذيك الساعة لما تجلس أختي حبيبتي قرة عيني في بيتها معززه مكرمه، تحسبها جالسه في الشارع،أما أنت يالحبيب يلاااا قدامي عالفندق.. يلااا بسرعه أصلا هي تعبانه وقالت بتنام..
نط خالد وحط يده على فم معاذ/ بس بس والله أنت اللي محد يمزح معاك،أعوذ بالله كإنك ماصدقت وعلى طول نيمتها..
معاذ بضحك/أشوفك قلبت الكلام،بس بمشيها علشان عريس..
وقف خالد يعدل ثوبه قدام المرايه/وأنت خليت فيها عريس ،ذليت أهلي بأختك.. قووم خلصني وودينا الفندق..
عدل معاذ العمامه على رأس خالد وجري للباب بسرعه/بس هم قالوا اجيبك علشان تتصور مع العروسة،بس شكلك تعبان ،،مش لازم… هههههههههههه..
صرخ خالد بقهر/يااانذلللل.. والله لا اوريك يامعاذ.
طاح معاذ جنب الباب وهو ميت من الضحك وخالد طايح فيه ضرب ..
مسح معاذ دموعه وهو يحاول يبطل ضحك ويبعد خالد عنه/خلاص،شوف شكلك ، صدقني ماتتصور مع جوري بذا الشكل..
وقف خالد وصار يعدل نفسه ومعاذ يساعده قبل مايدخل للحريم..
↚
جوري
(يوم الزواج)
صحيت ورأسي هينفجر من كثر الوجع، ماقدرت أنام طول الليل من الكوابيس والقلق. . صليت وقريت أذكار الصباح وأنا في عالم ثاني ومشي الوقت بسرعة ، وبعد الظهر رحت للمشغل مع علياء وأحلام وسوسن بنت وداد اللي ماتفارقني طول ماهي في بيتنا..
وبعد ساعتين، الكوافيره/ماشاء الله تبارك الله.. حصنوها لاتصيبها عين…
علياء/لا إله إلا الله.. بسم الله عليها من كل عين تشوفها وماتصلي عالنبي..
نقلت نظرها للمرايه وهي تشوف نفسها بإستغراب وقرف"وووع.. أستغفر الله،أيش سوت هذي.. أي عين وأي خرط"
همست أحلام بحزن/كان نفسي أشوفك يوم عرسك...
قربت منها جوري ومسكت أيديها وحطتها على شعرها وهي تحركها وبهدوء/حاسه شعري كيف شكله،كله مطبات ولفات مثل طريق الحديدة.. (مدينة يمنية)
نزلت بيدها على وجهها وتابعت بضحكه/عيوني كإن معاذ ضاربني فيها، لونها بنفسجي،وشفايفي منفوخة مثل لما تأكلي فلفل وفمك يلتهب وينتفخ، ووجهي كله مش وجهي..
ضحكت أحلام من قلب وهي تحاول تتخيل شكلها من الوصف، وجوري تضحك معاه وتمسح دموع أختها..
الكوافيره بزعل/ماعجبك المكياج.. والله إنه جميل..
ردت بإرتباك وإحراج/لا مش قصدي، لكن.. يعني..ليش كذا غريب..شكلي زي المهرج.
علياء/بلا هباله ،طالعه حلوه..
الكوافيره/ والله حلوه،لكن أنتي مش والفه عالمكياج ،علشان كذا بتحسي شكلك غريب.
هزت رأسها بموافقة وبإحراج/آسفه لاتزعلي من كلامي.. ماقصدي شيئ والله.
ضحكوا عليها ولبسوها وخرجوا عالقاعة على طول، وأول ماوصلت لبست فستانها وعلياء تساعدها وبعدها زفوها للحريم.. عدى عليها الوقت بسرعه وهي تراقب الكل بجمود وبرود.. وجهها خالي من أي تعبير أو إبتسامة ،الكل فرحان ويهنيها،صحباتها حاسدينها عالسعادة والهناء والعريس الوسيم اللي لمحوه كم مره في الحارة.. وكل وحده تدعي إنها تتوفق في زواجها مثلها،وفي داخلها"بتحسدوني على أيش،لو بيدي كنت بدلت مكاني مع أي وحده فيكم بطيب خاطر"
بعد المغرب خلص الزواج وجوا أخوانها وزفوها في موكب لبيتهم ومن هناك عالفندق..
↚
(خالد)
دخلت مع معاذ لغرفة كبيرة كلها حريم لابسين عبايات ومغطيات وأول ماشافوني أشتغلت الزغاريط والمباركات وأنا مقهور ..خلصت من الرجال طلعوا لي الحريم.. شفت أمي ورحت سلمت عليها وباركت لي بدموعها قبل كلامها/ألف مبروك،منك المال ومنها العيال حبيبي..
سلمت على أم جوري بالرضاعة وعمتي اللي برضه تبكي/ألف مبروك، والله يجمع بينكم على خير ..
خالد/ياهووو.. ليه الدموع بس ،المفروض تنبسطوا ..
معاذ /ذي دموع الفرح ..ماسمعت عنها من قبل؟
والله حزنت عليهم الأمهات دموعهم جاهزة،في الفرح في الحزن يبكوا.. التفتت أبغى أشوف عروستي، لقيت معاذ الواطي واقف قدامها ومعطيني ظهره ومو باين منها غير أطراف فستانها الأبيض..
رحت لعنده ودقيته في كتفه/ترى أنا العريس.. لايكون نسيت..
لف معاذ وهو رافع حاجب/وترى هي أختي، لايكون نسيت..
جات عمتي والحمد لله سحبته وهي تخاصم فيه،ههههههههههه يستاهل..
رفعت رأسي وأخيرا شفتها.. تقريبا.. لإنها منزله رأسها للأرض وباقي شوية وتنكسر رقبتها،وقفت جنبها وسلمت/السلام عليكم..
ردت السلام بهمس يادوب سمعته ..
تابعت/ألف مبروك ياعروسة..
أكتفت بهز رأسها، ياليل ذي أيش اقلها .أرفعي رأسك أبغى أشوفك، طالعت في أمي اللي قربت منها وكلمتها/أرفعي رأسك خلي عريسك يشوفك… ومدت يدها ورفعت وجهها بشويش..
صدمة.. صدمة.. صدمة..
مين ذي؟ وين جوري! وين الطفلة اللي سبتها من سنة.. لايكونوا ملخبطين..
وقفت اطالعها بصدمة.. لما رفعت رأسها شفت وحده غير جوري.. أتغيرت مررره عن المره اللي شفتها فيها.. مدري هيا مع المكياج والتسريحة أتغيرت ولا هيا كبرت وأحلوت… مكياجها كان بدرجات البنفسجي وكان مخلي عيونها تجنن.. شفايفها بلون بنفسجي فاتح وشعرها اللي رافعته بتسريحة حلوه.. حتى فستانها مع إنه منفوش بس باين جسمها متغير عن أول.. مدري أيش صار فيها.. المهم إنها صارت حلوه.. ماعادت الطفله اللي سبتها.. طول ماكنت اتأملها كانت تنقل نظراتها في كل مكان علشان لاتستقر عليا،وباين عليها متوتره من شدها لفستانها اللي باقي شوية وينقطع..
مسكت يدها اللي ترجف وحاولت تسحبها فشديت عليها بقوه وقربت عليها وهمست في أذنها/أهدي ..كلهم يشوفونا ..
هدأت بسرعه وشوية ودخل أبويا وأبوها وأخوانها، وباركوا لنا.. وكل ذا بدون ماسمع صوتها.. أخذنا صور كثيره لوحدنا ومعاهم وبعدها بدأ الكل سلسلة التوصيات والنصايح بالذات من الأمهات..
وبعدها ودعناهم والكل يدعي لنا ،غير نصايح أبويا الخاصة.. ههههههههههه..
ركبنا مع معاذ اللي هيوصلنا الفندق ولحقنا عبدالرحمن واللي معاهم بسيارات وعملوا لنا موكب وزفة ورجه لين وصلنا الفندق..
جوري
رجعنا البيت ومشي الوقت وأنا أتصور مع البنات وأمي وعمتي ،كان نفسي أغير الفستان اللي خنقني من ثقله لكن طبعا ممنوع ،لازم عريس الغفلة يجي ويشوفني،وأول ماقالت ناديه إنه بيدخل مع معاذ ..حسيت برجفه غريبه وبرجولي كأنها مثل الجيلي رخوه ومهزوزه ،ذي اللحظه اللي كنت أتجنبها من سنه.. لحظة أقابله،لحظة أشوف الشخص اللي كان السبب في مرضي وكوابيسي لمدة طويلة.. أول ماسمعت الزغاريط غمضت عيوني وشديت بيدي على فستاني بقوة وأنا اسمع صوته.. كان مرتاح وهادي ويسلم ويبارك وكإنه عريس حقيقي.. كإنه ما حصل حاجه.. صرخت وصرخت وصرخت.. لكن صوتي ماتعدى عقلي ومامحد سمعه ولا أنتبه لي ..
ماكنت منتبه لمعاذ واللي يقوله،الصوت الوحيد اللي كنت اسمعه صوته،وفجأه أختفى معاذ من قدامي ،نزلت رأسي بسرعه أول ماشميت ريحة عطره.. أيوه عطره،الشي الوحيد اللي لايمكن أنساه من يوم اللي حصل.. أوقات كنت أصحى من نومي وأنا حاسه بإختناق لإني شامه ريحته عليا.. كنت أجلس تحت الدش وأفرك جسمي بالصابون لحد ماأحس جلدي يلتهب من كثر الفرك وأنا أحاول أزيل ريحته مني.. سلم عليا وأضطريت ارد السلام ،بس لما بارك لي أكتفيت بهز رأسي،لكن اللي قهرني إن فيه أحد رفع رأسي علشان يشوفني.. حاولت أشتت نظراتي في كل الغرفة.. في أي إتجاة إلا إنها تشوفه وتلمحه.. عارفه إني غبية وجبانة بتصرفي ذا،لإني بعد ساعة هكون معه ولحالي وبدل ما هيكون أكبر همي إني أشوفه.. هيكون همي شيئ أكبر وألعن..
شيئ مسك يدي.. كانت يده ..حسيت بخوف وبدون شعور حاولت أسحبها بقوة،لكن ما أعطاني فرصه وهو يذكرني بإنا مش لوحدنا.. قريت وخليت يدي مكانها بقهر، والحمدلله دخل أبي وأخواني وخالي وعمي.. سلموا علينا وأتصورت معاهم ، لكن للأسف خلصنا بسرعة وجاء وقت روحتنا للفندق.. سلمنا عالكل وسط دموع أمي وأمي ودعواتهم .. هههههههه،أمي بالرضاعه وأخواتي وعمتي،حاولت أتحكم في دموعي ورسمت إبتسامة مدري كيف كان شكلها.. حاولت أبان هاديه ومرتاحه،لكن أول ماحضنتني وداد وهمست في أذني/سامحيني.. يارب تنكسر يدي-----
قاطعتها بقوة وأنا أبكي/بعد الشر عليكي.. لاتدعي على نفسك..
وداد /ألف مبروك.. أنا عارفه إنك عاقلة ومابتسوي شيئ ينزل رأسنا قدام الناس..
هزيت رأسي بموافقة ومسحت دموعي..
علياء بهمس/شنطتك في السيارة وفيها كل شيئ.. مثل مافهمتك.. الله يوفقكم ياقلبي
حضنتها بقوة وبعدها أحلام وهي تبكي طمنتها وهديتها،لبست وخرجت وسط طلق النار والألعاب النارية اللي رافقتنا للفندق بسبب عبدالرحمن واللي معاهم ..
طلعوا معي لغرفتي وهناك بديت أنهار وماعدت أقدر أمسك دموعي.. قرب مني علي وباس رأسي ورميت نفسي في حضنه بقوة وأنا أبكي، معاذ بمزح/ياكلب أيش سويت في أختي.. من أول تضحك وفرحانه وأول ماشافتك قرحت..
حضنها علي بقوة وهمس لها/ليش بتبكي ياقلبي..
زادت في ضمها له/ليش مادخلت البيت.. حسبتك ماجيت..
ضحك بقوة وبعدها عنه وهويمسح دموعها وبحنان/مجنونة أنتي؟ كيف ما أجي وأشوفك وأنتي عروسة.. ذي فرصة ماتتعوض.. أخيرا شفتك عاقلة وهادية ومستحية مثل باقي البنات..
للحظه نسيت كل شي ورجعت لنقارها ومشاكستها معاه،اتخصرت وبزعل/مافيك فايدة،أنا غلطانه اللي أنتبهت لغيابك ولا أنت محد داري عنك رحت ولاجيت.. خلاص روح..
ضحكوا عليها وهم عارفين إنها ناسيه وجود خالد..
حاول عبدالرحمن ينبها وسحبها جنبه/ هيي أنت وياه،لاتزعلوا العروسة.. ما أسمح لكم..
باست خده بقوة ولفت عليهم وطلعت لسانها /أمممممممم.. فديتك والله مو مثل بعض ناس..مالت علي. ك.----
قطعت كلامها وهي تتأتأ لما شافت خالد مكتف أيديه على صدره ويطالع فيها بإستغراب.. أما أخوانها فكوا ضحك عليها لما وجهها حمر وأعطتهم ظهرها بإحراج..
علي بتمثيل/أنت ..ليش تشوف أختي وتبحلق لها بعيونك.. هااا.. تحسب إنك بتخوفها.. منا ثلاثة لو انفلتنا عليك محد بيفكك منا..
معاذ بتأييد/وأنا مع أخي ..فأحترم نفسك وخلك مؤدب لو سمحت.. وغمز لخالد..
خالد بمزح/ياريت تحترموا نفسكم وتهوونا.. ترى الساعة 12ونص.. يعني طابت ..ولا ناويين تباتوا هنا..
عبدالرحمن بجدية وهو يجلس عالكنبة ويجلس جوري معاه/كل شيئ جايز.. أميرتنا بس تأشر..
فتح خالد عيونه عالآخر بقهر لما شاف علي ومعاذ جلسوا عالكنبة وهم يحشروا نفسهم جنب جوري وعبدالرحمن..
خالد ببرود/ماشاء الله عليكم، دمكم خفيف مرررره.. إذا تحبوا بحجزلكم جنبنا..
علي بنذالة/لا خلاص أحنا مرتاحين هنا مع أختنا.. أنت أحجز لك غرفة وروح ارقد وارتاح،وأحنا بنتبادل أطارف الحديث مع القمر هذي بنعرف سر الجمال ذا اليوم..
معاذ/روح أرتاح أنت صاحي من الفجر، لاتستحي منا محنا غرب..
طالع خالد في جوري وشافه كتوفها تهتز من الضحك وهي منزله راسها وباقي شوية وتجلس في حضن عبدالرحمن من كثر الحشره..
وربي رفعوا ضغطي ،على بالهم يضحكوا، وبعصبية/بتقوموا بالأدب ولاكيف.. ترى أعطيتكم وجه.. خلصوني..
راح لحدهم ومسك معاذ وسحبه بالقوة ووقفه وحاول يسحب علي بس ماقدر حتي يحركه لإنه أطول وأعرض منه بكثير..
ضحك عبدالرحمن بشماته على خالد اللي يحاول يقوم علي لكن عبث..
خالد بقهر/ياأخي أنت أيش يأكلوك في الجيش ..ماشاء الله ،جدار مو إنسان..
عبدالرحمن/قل أعوذ برب الفلق.. عينك لاتصرع الرجال..
علي ببرود/والله شكلي بسحبك للمعسكر أسويلك دورة وأرجعك ..عالأقل أطمن على أختي معاك..
معاذ بضحك/هههههههههه الله يعينك ،خلاص علي حطك في رأسه وراحت عليك ياعريس..
خالد بتريقه/أنتوا لسا فاكرين أني عريس.. بركه ياشيخ..
وقف علي ووقف جوري معاه وباس رأسها وبهدوء/يلا ياقلبي الله يجمع بينكم على خير ويعينك عالشيئ هذا..
التفت لخالد وسلم عليه وباس رأسه بإعتذار وهو يضحك/لاتزعل ياعريس، بنشوف قوة أحتمالك بس..
خالد بإبتسامة/أفاا عليك محد يزعل من أخوانه..
معاذ/لانوصيك على أميرتنا..
عبدالرحمن حضنها بقوة/من الصباح وأنا عندك.. مش تنامي وتنسيني .
هزت رأسها بإبتسامة مجاملة وهم يودعوها، وفجأة لقت نفسها لحالها مع خالد ،وشافته يقفل الباب بالمفتاح ويتنهد/أخيرا راحوا..
لف عليها بإبتسامةوهو يقرب منها/ نورتي ياعروسة..
بلعت ريقها بخوف وهي تتراجع على وراء وووو
↚
بعض الأشخاص يُجبرونك على كُرههم مهما حاولت وبذلت أقصى جُهدك لتحبهم..
قفل الباب براحة" أخيرا"..التفت لها واتقدم منها وهي ترجع للخلف بتوتر أبتسم/نورتي ياعروسة..
بلعت ريقها بصعوبة،وغمضت عيونها لما مد يده ناحيتها وووو
وبهدوء/ هساعدك في العباية.. أكيد مضايقتك..
فتحت عيونها بشويش وشافته جالس على ركبه ويفتح أزارار العباية اللي تحت ويرتفع بجسمه لحد ماصار قدام وجهها.. لفت وجهها عنه وهي تتنفس بقوة وسحب العباية من كتفها بشويش ..بعد عنها وسحب شنطتة وطلع ملابسه /هاخذ دش وأطلب العشاء..
أول ماسمعت باب الحمام ينقفل انهارت عالأرض بسرعة وهي مو مصدقه إنه تركها بسهوله.. ظلت مكانها لدقايق وهي تحاول تستوعب وضعها.. خلاص انقفل عيهم باب واحد وكلها لحظات ويطلع وأكيد اللي قالته أختها هيحصل.. حست بصداع وكتمه .. وقفت وراحت لشنطتها اللي فوق السرير، فتحتها وشافت قميص النوم السكري اللي قالت لها علياء تلبسه.. رفعته بصدمه وهي تشوف حمالاته الرقيقة والفتحتين اللي عالجنب لحد النص تقريبا،رمته عالسرير وطلعت قميص ثاني أسود ،وشهقت بقوة ورمشت بتوتر كان قصير جدا والصدر كله دانتيل وشفاف ،رمته بقهر،وطلعت أثنين غيرهم وكل واحد العن من الثاني،رجعتهم وهي تسب نفسها على غبائها اللي ماخلاها تشتري كل شيئ بنفسها وتوكل أخواتها بالمهمة.. رجعت للقميص السكري اللي كان أهونهم وجهزت أغراضها وهي تتذكر كلام وداد والي لازم تسوية ..
معليش اتأخرت ..
التفتت بفزع وطاحت ملابسها عالأرض/بسم الله..
نزلت تلمها بسرعة بدون ماتطالع فيه "غبية ..كيف نسيت إنه موجود" ناولها قميصها وبنبره باين فيها ضحك/أسف ماقصدت أخوفك..
وقفت بتوتر وبهمس/حصل خير.. مدت يدها بتررد وأخذت منه القميص وجت عينها عليه وفتحت عيونها بصدمة لثواني قبل ماتغطي وجهها بقميصها وبقوة "قليل أدب" وجريت عالحمام. .
طالع فيها بإستغراب واتحرك للمراية وهو يحك رقبته وووو انفجر بالضحك لما عرف سبب كلمتها وهو يشوف كيف لاف المنشفة على خصره ويادوب واصله لركبته وفي داخله" ياربي.. ذي كيف بتصرف معاها"
--------------
قفلت الباب مرتين ورمت ملابسها بقهر وهي تسب فيه.. قليل الأدب.. الحمار.. خارج لي كذا.. وقفت قدام المراية وهي تهف على وجهها الأحمر من الخجل.. غبي ماعرف يلبس قبل مايخرج.. وبدأت تفك فستانها بصعوبة وهي تسب في اخواتها بقهر.. لإن موديله بأزرار من الظهر ولازم أحد يساعدها في فكها.. فكت كم واحد وحاست في البقية وبدت دموعها تنزل وهي تتخيل نفسها محبوسه في الحمام أو إنها تناديه يساهدها.. زفرت بضيق"لو أموت مايساعدني" مسكت فستانها من الجنبين وشدته بقوة لحد مانقطعت الأزرار وطاحت عالأرض.. فسخته ورمته على جنب وجلست على طرف البانيو وهي تتنهد براحة.. بدأت تفك تسريحتها نزلت التاج وتأملته بإبتسامة ذبلانه"طول عمري كنت أتمنى البسك وأنا أتخيل نفسي أميرة وأكون مثل أميرات الحكايات،لكن يوم مالبستك ماحسيت بفرحه ولاحتى إني أميره" نزلت البنس وهي تضحك بخفه لإن الحوض قدامها اتملئ وهي كل مادخلت أصابعها في شعرها طلعت بنسه" هذي تستهبل،كم حطت في شعري.. علبة! وأنا أقول ليش رأسي يوجعني .حطت أصابعها في شعرها وصارت تسوي مساج لرأسها براحه.. وبعدها مسحت مكياجها وأتروشت بسرعة ودهنت جسمها بالكريمات واتعطرت ولبست قميصها ..اتكحلت ويدها ترجف،ومسكت روج أحمر صارخ بتردد وحاسه لونه قوي وحطته بعدم أقتناع..
سحبت المنشفه من شعرها ونشفته بعصبيه ومسكت الفرشة وصارت تمشطه على جنبها اليمين لفترة وبعدها على الجنب الشمال وظلت لمدة عشر دقائق تمشط شعرها وهي تأخذ شهيق وزفير عميق وتحاول تهدأ وكلام أختها يتردد في عقلها، وقفت قدام المرايه ورفعت أيدينها لفوق وحركت رجولها وكأنها تجري مكانها للحظات، شافت وجهها الأحمر وشفايفها اللي ترجف ،عضت عليها بقوة وضربت بكفوفها على وجهها بخفه كأنها تفوق نفسها "أنا قوية ..قوية.. وذي حاجة عادية.. هو ز..و..ج… ي..زوجي.. زوجي" غمضت عينها ومدت يدها للباب وفتحته..
------------
(خالد)
لبست بيجامتي ودلعت نفسي وطلبت العشاء.. شغلت التلفزيون بملل وأنا استناها تطلع.. مرت ربع ساعة ..نص ساعة.. وهيا جوه.. درت في الغرفة بعصبية ..مو قادر أجلس مكاني،أنا أساسا متوتر منها .. ياترى نسيت اللي صار.. سامحتني.. والله شكلها مايدل ابدا.. خوفها مني.. توترها.. عيونها اللي ماحطتها في عيني للأن،وأشك إنها تعرف شكلي.. ياليييييييل علينا.. كيف أتصرف معاها ذي.. أمشي الليلة أخوية.. ولا أقرب منها…. أووووففففف… أيش بأهلها طولت كذا ، لايكون بتحبس نفسها هناك طول الليل.. أو يكون صار لها شيئ..
قرب عالباب بتردد ورفع يده بيدق الباب وسمع صوت المفتاح يدور، أرتبك وجري ورمي نفسه عالكنبة وهويتنفس بسرعة "الحمد لله مادقيت" أخذ نفس وهدئ نفسه.. والتفت عليها بإبتسامة/نعي.. م..ا… جمدت الإبتسامة على وجهه وهويشوفها، وقف وقرب منها وهويتأملها.. كان فاكر إنها أتغيرت بسبب المكياج،بس طلع غلطان ..كانت قدامه جوري الأنثى مو الطفلة اللي تركها.. طولت بشكل ملحوظ وجسمها أتغير واتملئ مع إنها خانقه نفسها بروب القميص وحاولت تغطي فيه رقبتها.. نفس ملامحها الطفولية بلمحة أنثوية،عيونها الوساع المكحله وشفايفها الحمراء بلون الدم وجهها اللي تدور واحلو.. عرفت بنات أحلى منها .بس ذي غير .. فيها شيئ يجذب ..يمكن لإنها حقي أنا .. ليا لوحدي ،وأنا أول واحد في حياتها.. حسيت على نفسي مبلم فيها بغباوه مد يده وثبت وجهها عليه وبهدوء/مبروك حبيبتي..
قرب منها وطبع بوسه على جبينها وهو حاس برجفتها الواضحة،بعد عنها وشافها مغمضمة عينها وعاضه على شفتها الشفلية بقوة.. زفر بشويش ومسك يدها و بإبتسامة/ العشاء برد..نزلت رأسها ومشت معاه بهدوء وجلسوا عالطاولة وسألها/أيش تحبي تأكلي..
هزت كتفها بمعني أي شيئ ،وهوحط لها قليل من كل شيئ.. سمى وأكل وهي حاولت تأكل ولو شوية بس قدامه ..
لاحظ إنها تلعب بالملعقة أكثر ماتأكل وحب يكسر جوهم المتوتر/ألف مبروك عالنجاح.. سمعت أنك من المتفوقين..
هزت رأسها بموافقة،كيف لا وهي الثالثة على مدرستها..
خالد بهدوء/أيش حابه تدرسي في الثانوي..
أتعمد يسألها سؤال ماتكون فيه الأجابة هزة رأس..
همست بهدوء قد ماتقدر/علمي..
خالد بإستهبال/أدبي.. ليش..
رفعت عيونها من الصحن اللي قدامها والتقت بعيونه وهو يبتسم لها بمكر"اهاااا.. يستهبل"
رمشت بتوتر وحاولت تركز نظرها عليه بقوة ولامبالاة/علمي.. بدخل علمي..
أنبسط خالد بحركتها وحس إنه فيه أمل وبأهتمام/أيش معنى علمي.. أنتي حابه تكملي جامعة..
جاء دورها تهتم بكلامه/كل أخواني وأخواتي درسوا علمي.. وإذا ربنا سهل بدخل طب..
خالد بإعجاب/طب مره وحده.. شكلك مايدل أنك تتحملي الدم والمناظر المقززه اللي هتصادفك..
ردت بهدوء/المظاهر تخدع أحيانا.. أنت عندك مشكلة إذا دخلت الجامعة..
حك خده وهو يفكر/مشكلتي مو الجامعة ..مشكلتي التخصص،الطب يعني إختلاط وأنا مو حاب إنك تكوني في مجال زي كذا..
جوري بتفهم/هو صح إختلاط بس كل وحده تقدر توضع لنفسها حدود في التعامل.. وإذا كل واحد فكر مثلك معناه ماهنلقى أي دكتوره أو ممرضه.. وبعدها هنضطر نتعلاج عند دكاتره رجال.. يعني ذي أحسن؟
أبتسم من طريقة تفكيرها،كان خايف تكون طفله ومايعرف يفتح معاها أي حوار ،بس زي ماقال أبوه عنها ،عاقله وفاهمه حتى أسلوبها سابق سنها ..
أنتبه إنها صارت تأكل وهيا تتكلم وإن كان شيئ بسيط..
أرتبكت من نظرته اللي حستها غريبه وتركت ملعقتها وهي ناوية توقف لكنه رد على سؤالها/ أكيد أني أفضل أعالج أهلي عند دكتورة،بس يظل الواحد مايحب أن زوجتة أو أختة هيا تكون ذي الدكتورة.. وعمي وأخوانك موافقينك؟
ردت بهدوء/أكيد موافقين،ولا ماكنت فكرت في ذا الشيئ وأختصرت الطريق على نفسي
أحنا هنا نظرتنا مختلفة عنكم..
عقد حواجبه بإستغراب/مين عنا!!
جوري ببساطه/قصدي عندكم في المملكة بصورة عامة،أحنا صح محافظين وتقليدين بس في نفس الوقت منفتحين في حكاية الدارسة.. مدارسنا قبل كانت مختلطه في الإبتدائية.. والأختلاط مستمر للأن في الجامعات والمعاهد الخاصة ، صح الإختلاط مش عاجبني ،لكن ذا شي واقع ،والحريم هنا بينتخبوا ويترشحوا للإنتخابات، وعضوات في مجلس النواب،وأعتقد أنك شفتهم بيسوقوا في الشوارع بكل أمان وراحة بال..
خالد بحدة/أفهم من كلامك أنك من تبع حقوق المرأة والكلام الفاضي ذا.. ويمكن تقولي تبغي تسوقي إذا ماكنتي بتسوقي أساسا..
أترسمت إبتسامة على شفايفها وبانت غمازتها بدون ماتحس من تحوله المفاجئ، سابت ملعقتها ومسحت فمها ويدها بمنديل،ونزلت عيونها وبهدوء/ لاتحرف كلامي على مزاجك.. أنا قصدت أن نظرتنا للمرأة هنا غير،أيش ماكان نوع عملها ومهنتها فاللي بننظر له في الأول والأخير هو تعاملها وأدبها مع اللي حولها في مجالها المختلط .. مهما كانت وظيفتها فبتلقاها بحجابها الشرعي وتلقى حدود في التعامل والكلام.. غير إن عندنا الرجال هنا غير..هنا الرجال بيحترموا الحريم وكل واحد فيهم بيعتبر أي وحده في الشارع أخته وعرضه، من يوم ولدت وأنا أشوف الحريم عندنا بيسوقوا وماحصلت ولا سمعنا أي مشاكل صارت بسبب سواقتهم ..محد بيتعرض لهم ولا يأذيهم.. طبعا في حريم ورجال أستثنيهم من كلامي ذا.. لأني أرجع واقول كل واحد وتربيتة، ومثل مافي المحترمين في العكس..
تابعت كلامها ذي المره وعيونها عليه/وحقوق المرأة أكيد أنا معها بس في حاجات وحاجات ..وبالنسبة للسواقة فأنا أعرف أسوق.. بس ذا مايعني أني بسوق في الشوارع ..
رجع استند عالكرسي وكتف أيديه على صدره وبإستهزاء/وأيش الحاجات ذي إن شاء الله..
شدت على يدها بقوة بقهر وهي تلمح طرف إبتسامة على شفايفه وتسمه نبرة الإستهزاء في صوته،وقفت بهدوء/حاجات تخصني وما أعتقد تهمك في حاجة.. عن أذنك.
راحت الحمام (أكرمكم الله) وغسلت يدها وهي ترجف من الغضب ضربت شفايفها بأصابعها "غبية ..غبية.. ليش أتكلم معه أساسا.. كل من ذا الفم واللسان الغبي.. مايعرف يسكت ابدا" طلعت فرشة أسنانها وصارت تفرش أسنانها بغيض ..
أما خالد وقف بعصبيه وراح فتح الشباك ووقف يدخن "أستغفر الله بس كنا ساكتين وحلوين.. حبكت أفتح معاها موضوع.. أيش دخل أمي في حقوق المرأة أنا.. وذي كمان أيش بجدها قلبت مره وحده.. دوبها كانت بتموت وصوتها مو راضي يطلع.. قامت تتفلسف على رأسي، وآخرتها تسيبني وتروح أنا اللي غبي وأستاهل..
سمع صوت قربعه التفت ولقاها تغطي الأكل وترجعه عالعربية وتحطها جنب الباب،غسل يده وفرش أسنانه ورجع وهي عالكنبة تقلب في التلفزيون بدون هدف .. فزت أول ماجلس جنبها،مسك يدها بقوة /لايكون زعلتي من كلامي..
هزت رأسها بلا وهي تحرك يدها علشان تفكها،شدها وجلسها عالكنبة.. اتخلت عن فكرة تحرير يدها منه وهي متوتره من جلوسها جنبه.. حاولت تبعد عنه قد ماتقدر ويدها لسا في يده ،وأنصدمت لما فرد أصابعها على راحة يده الثانيه وشبك أصابعه فيها،حست بجسمها كش لما باس يدها وقرب منها وبهمس/ماكان قصدي شيئ باللي قلته.. ماقدرت ترد عليه ولا تهز رأسها حتى تفكيرها كله أنشل وعقلها صار أبيض..
أنتبه لحالتها وماحب يضغط عليها، رجع رأسه عالكنبه وخلى يدها في يده زي ماهيا أخذ الريموت وقلب في القنوات وهومو شايف أيش فيهاوبضحكه/أيش تحبي تتفرجي.. هزت رأسها بأيوه، وضحك بقوة/هههههههههههه،أيه هوا اللي أيوا.. قاعده تصرفيني..
وقعد يخفف دمه ويحاول يخليها تفك شوية وتطلع من خوفها،وبعد فتره وقف وبحذر/الساعة صارت 2 وبكره لازم نروح بيتكم.. ولا لا..
هزت رأسها وهي حاسه بشيئ يعصر قلبها بألم.. وقفها بهدوء/أنا ..بسبقك..
ما أنتظر ردها، فك يدها وراح جهة السرير ،وهي على طول جريت عالحمام(أكرمكم الله) وقفلت وراها الباب بخوف.. أخذت نفس وهي حاطه يدها على صدرها وتضغط عليه بقوة.. خلاص مافي مهرب ولا مفر ..جاء وقت الجد ومافي تراجع.. شرفنا.. حقوقه.. ليلة الدخلة.. كل ذا يضرب في رأسها مثل الصواعق.. شافت وجهها كيف أنخطف لونه فجأة وجسمها كله يرتجف بخوف"من أيش خايفة ..خلاص هو زوجي وله حقوق.. مافي حاجة غلط.. شهيييييق… زفيييير ..أيوه لازم أتنفس وأهدئ ..زوجي ..حبيبي ..زوجي حبيبي.. عادي ..عادي.. غسلت وجهها كذا مره وأيديها ترجف،نشفت وجهها وعدلت الروج والكحل.. سمت بالله وخرجت وهي تحاول تتوازن في مشيتها.. حمدت ربها لما شافت الأنوار مطفيه ماعدا الأباجوارات اللي جنب السرير،وقفت بتردد لما شافته متمدد عالسرير و حاط أيديه تحت رأسه وتارك لها مجال...فتح عين وحده وأبتسم وبعد اللحاف عن السرير /تعالي.. أكيد تعبانه زيي..أتحركت خطوة ناحيته لما وقفها سؤاله/بتنامي كذا.. قصدي بالروب..
طالعت فيه بصدمة ،وانتبه لكلامه وفز وأتعدل وبإرتباك / قصديييي.. محد ينام بالروب ..ذا يتلبس وأنتي قاعده في الغرفة مو… وأنتي نايمة.. ذا قصدي.. حك قفا رقبته بإحراج من غبائه..
أما هي فماتت مكانها"من الغبي اللي بيقول الحاجات هذي.. أيش بيسوي الروب المسكين ذا.. بيخنقني وأنا نايمة مثلا.. ولا بيكتفني.. وأنت يابارد.. روبي وأنا حره فيه.. أنام فيه.. أحرقه.. أخلية خرقة مطبخ.. مالك دخل" شافت خالد وهويحاول يشتت نظراته بعيد عنها ..فكرت تفك الروب بسرعه وتدخل تحت اللحاف قبل مايشوف جسمها اللي كله باين تحت القميص.. عجبتها الفكره وبسرعه فكت الروب ولمته في يدها ورمته وووووووووو
↚
فكت الروب ولمته في يدها ورمته وووووووووو
جاء في وجه خالد اللي أول ماحس بالروب عليه التفتت لها بإستغراب وشاف يدها معلقه في الهواء وهي عاضة شفايفها بقوة ..مسك ضحكته على شكلها لإنه عرف إنها موقاصده..
------------
(جوري)
كرهت فكرتي بسبب حركتي الغبية و تنحت مكاني وحاولت أغطي جسم بيديني ،ماعرفت أيش أسوي.. كيف أجلس جنبه بعد مارميت روبي في وجهه و لفتت أنتباهه أكيد بيقول إني قاصده ذا الشيئ..ليش يشوفني كذا.. مافي غير إني أهرب عالحمام.. أعطيته ظهري ووووووو
---------------
(خالد)
والله حاولت قد ما أقدر أمسك نفسي ماأضحك وأخرب الليلة عليا.. بس هيا تضحك أيش أسوي ،وقفت بوجهها الأحمر اللي حسيته بينفجر من كثر الضغط اللي هيا فيه،وتسوي حركات غريبه بيدها كإن فيها مغض.. اتمالكت نفسي وهدأت،طالعت فيها وأنا أفكر أهديها، فهمت ليه محتاسه وماهي على بعضها.. عن جد الروب ذا مال أمينه داعي.. وأنا أقول ليه خانقه نفسها بيه من أول الليلة.. أتاريها تبغى تخبي عني ذي الحاجات .. جسمها كان وووااااااوو،متناسق ورويان وبارز في الأماكن المطلوبه وفتحة القميص اللي واصله لنص فخذها..والصبغة السوداا اللي عاملتها لحد ركبتها باين منها شوية.. وربي اللي جاب القميص ذا يستأهل هدية محترمة.. صحيت من تناحتي وهي تحاول تفرك من قدامي،ماحسيت غير بنفسي واقف وراها مسكتها من خصرها وشعرها الطويل مغطي أيديني وريحته شيئ… آآه.. أنتبهت لجمودها ورجعت لذاكرتي لحظه مشابه لذي اللحظه،وبسرعه سبت خصرها ولفيتها من كتوفها وشفت عيونها حابسه دموعها بصعوبة.. مسكت أيدها وحاولت يكون صوتي طبيعي/لاتخافي مني.. مارح المسك.. خلاص خلينا ننام أحنا صاحيين من بدري..
ماردت عليا،ساعدتها تتمدد عالسرير وغطيتها، جلست جنبها على الأرض وبإعتذار/أنا أسف ،أنسي اللي صار بينا قبل،،أنا غلطت وماكان قصدي،سامحيني، وخلينا نبدأ من جديد.. أوكي..
بست خدها بسرعة/تصبحي على خير..
دخلت تحت اللحاف وحاولت أكون بعيد عنها،وهيا زي ماحطيتها ماتحركت من مكانها.. إن شاء الله تكون أقتنعت بكلامي وصدقتني.. ماينفع نبدأ حياتنا وهيا كارهتني وتخاف مني.. أحسن شيئ سويته اليوم إني كلمتها ..أحس نفسي أرتحت. وقعد يفكر كذا لحد ماغلبه النوووم..
--------------
(جوري)
فتحت عيني وأنا حاسه بثقل على صدري.. غمضت عيني مرة ثانية بتعب حاسه جسمي كله مكسر وفيا نووووم، أستغفر الله ماصليت والشمس شرقت.. كيف ماسمعت المنبه،ونادية الهبلا ليه ماصحتني.. ياربي منها..بعدت اللحاف ووووووووو
بحلقت في اللي نايم على صدري ولاف ذارعه على خصري.. أتذكرت أمس ،،ذا أيش جابه عندي.. لايكووون… يممممممه… حاولت أبعده عني قليل أدب ودب وغبي.. السرير فاضي ونايم فوقي ليه،ياربي ذحين يصحى ويشوفني كذا.. غمضت عيوني بقهر وأتذكرت أمس هو نيمني عالسرير وقالي أسف بس مش متذكره على أيش.. غبي هو لو مامسكني كنت بخير. مش داري إنه فكرني باللي صار.. شديت شعره وهزيت كتفه و ماصحي.. ميت مش نايم.. أووووف.. وفجأة أتذكرت شيماء وكيف أصحيها للمدرسة،مسكت خصله من شعري وحركتها على وجهه بقوة مره ..مرتين. . والثالثة حرك وجهه بضيق.. أخيرا حس البارد.. رجعت كررت نفس حركتي وذي المره حطيت شعري في خشمه و أذنه ،حرك يده بقوة على وجهه وعلى طول هديت وغمضت عيوني وسويت نفسي نايمة،مع أن قلبي يدق بسرعة وخايفة ينتبه لي..
------------
(خالد)
حسيت بشيئ على وجهي ضايقني ونغص عليا نومي.. فتحت ورفعت رأسي لقيت جوري في وجهي، وشعرها عليا.. التفت لقيت نفسي نايم عليها ومحوطها بذراعي، الله.. أيش جابني عندها… ههههههههههههه، وربي لو صحيت وشافتني يمكن تموت.. رجعت حطيت رأسي على صدرها وضميتها وأنا أشم ريحتها بعمق وأنا أدعي إنها تطوول في نومتها.. لإن شكل ذي الطريقة الوحيدة اللي هكون فيها قريب منها.. إذا أمس لمستها وكانت بيغمى عليها.. قلبها يدق بسرعة معقولة خايفة حتى وهيا نايمة!! رفعت رأسي واتأملت وجهها ..وربي طفلة كبيرة قربت منها وبست شفايفها وماطولت في بوستي مع إنه كان ودي.. بس خفت تصحى تلقاني في وجهها تنجلط.. حسيتها أنزعجت و اتحركت،على طول بعدت وتمددت جنبها وعملت نفسي نايم.. وفعلا بعد شوية حسيتها صحيت وقامت من جنبي بهدوء..
-------------
(جوري)
حمدت ربي إنه صحي.. وحسبت إنه بيقوم من فوقي.. بس قليل الأدب حضني بقوة ورجع نام.. وبعدها….. باسني ..في شفايفي… حسيت نفسي بموت.. وخفت أبعده ويعرف أني مش نايمة.. سويت نفسي أتضايقت وأني بصحى.. والحمد لله بعد الغبي عني..
ياربي من قليل الأدب ذا ..مايخلي فرصة مايستغلها في مساخته ذي،قمت بشويش ولبست الروب وجريت عالحمام(أكرمكم الله) دخلت تحت الدش بملابسي وأنا أمسح شفايفي بقرف وقهر.. عشر دقايق مرت وأنا ابكي.. ياربي ليه دموعي زايدة ذي الفترة.. خلاص زوجي زوجي ..يبوسني. يشيلني . عادي بلا غباء.. قفلت الدش وفسخت ملابسي ونشفت جسمي ودورت ملابسي مالقيتها… ووين راحت.. اتلفتت في المكان زي المجنونة.. ههههههههههههه.. مادخلت ملابسي.. حسبي الله عليك،نسيتني ملابسي ياغبي.. لفيت المنشفة عليا بقهر وشفت نفسي في المرايه"يمممه"غطيت فمي بيديني لما سمعت صدى صوتي العالي.. نزلت دموعي من جديد،كيف اخرج كذا.. والله لو أموت ماخرجت له بالمنشفة.. وجعتني رجلي من كثر مادرت في الحمام.. وجسمي كش من البرد.. صحت بخوف لما دق الباب /جوري .. أنتي نمتي في الحمام؟
ليه تصرخي..
"غبي ياناس يفجعني ويسأل"،حطيت يدي على قلبي وأنا حاسته بيخرج من مكانه، قربت من الباب وبهمس متوتر/ولاحاجة.. أنت فجعتني لما دقيت..
خالد/معليش حبيبتي.. بس طولتي.. خفت تكوني نمتي.. هههههههههه.. طيب مابتطلعي..
سكتت " أطلع كيف بس"وبتردد/هييييي..ياا لوسمحت.. ممكن طلب؟
خالد بإستنكار/ أنا تقولي لي هييييي ويااا.. أسمي خالد ..خالد ..ماتعرفيه..
ردت بإحراج/هااا.. طيب.. لوسمحت هات الشنطة..
دار بعينه في الغرفة وشاف شنطة ملابسها مكانها من أمس،ضحك بنذالة وغطى فمه بيده لاتسمع ضحكته"هههههاااااي،نسيت ملابسها،وأنا أقول نامت جوه ليه" وبإستهبال/أي شنطة.. شنطتي..
ردت بحقد/شنطتي أنا.. مالي ولشنطتك..
خالد بلعانة/ثقيلة ودوبي صحيت ماأقدر أشيلها.. تعالي أنتي خذيها..
شدت شعرها بغيض"المايع.. قال ثقيلة.. وأخرج أنا.. ههههههه،لوبتنازع وروحك بتطلع ماخرجت لك"وبتوتر/ماقدر أخرج.. أسحبها للباب بس.. وأنا بكمل.
خالد بملل/ أقلك بطال الواحد يشيل شيئ ثقيل أول مايصحى..
جوري بحده/من الغبي اللي قال كذا.. لاتصدقه.. شيلها على ضمانتي.. مابيحصلك حاجه..
فك عليها ضحك/هههههههههههه.. لاياشيخة على ضمانتك كمان.. أسف.. ماضمنك.. طيب قولي أيش تبغي منها وأنا أجيبه ليكي.
صرخت بخجل/لاااا.. لاتلمس شنطتي ولاتجيب شيي.. "ياويلي.. ذا قليل أدب.. بيشوف حاجاتي"
خالد خلص كلامه وراح فتح شنطتها من جد وصار يقلب فيها بإهتمام وهويشوف قمصان النوم وملابسها الداخلية"يعني ..مو بطال.. حركااات.. حلو.. مره لااا"وبصوت عالي/تبغي فستان ولا جينز.. فيه كمان جلابية..
شهقت بقوة وفتحت طرف الباب وبقهر/هييييي أنت.. قفل شنطتي...
التفتت لها وشافها مطلعه راسها من واء الباب ووجهها زي الطماطم من قهرها،أخذ من الشنطة قطعتين من ملابسها الداخلية وقرب منها،وببرائة/الحق عليا قاعد اساعدك،مو قلتي ماتقدري تخرجي،وبرضك تنادي هيييي،ترى عيب عليكي.. عموما أيش حابه ذا ولاذا.. ورفع ملابسها قدامها وهوماسك ضحكته من ملامحها اللي اتغيرت بصدمة وتابع بلعانة/الأسود هيطلع عليكي أحلى، خذي البسيه.. ورماه في الهواء، ولاشعوريا سابت الباب ومدت يدها بسرعة مسكت الملابس وخبتها وراها وبغضب/أنا ماطلبت منك تساعدني ..
تابعت بقهر لما شافته ساكت ومايرد/ومرة ثانية لاتفتش حاجاتي.. فاهم..
اترفع ضغطها من بروده وخرجت بقهر لشنطتها ،وزاد غضبها لما شافت قمصان النوم عالأرض لمت ملابسها في الشنطة بإحراج و عشوائية وأخذتها ورجعت وشافت خالد على حاله يطالع فيها بنظره غريبة وساكت،دخلت الحمام(أكرمكم الله) وقفلت الباب بعصبية..
رمت شنطتها عالأرض بعصبية وهي تسب فيه"غبي ..ووقح.. ليش يشوف ملابسي ليش.. و يقلي أيش البس قليل الأدب، السخيف" لمت شعرها كعكه،وغسلت وجهها وشافت كيف صار أحمر من القهر.. وفجأة صرخت/ آآآآآآآآآآه.. مسكت منشفتها بقوة و جلست عالأرض تبكي بقهروخجل وبصوت مسموع/..قليل أدب.. غبي… سخييييييف..
بكت من غبائها وتهورها اللي دايما يوقعها في مشاكل وآخرتها لما استفزها وخلاها تخرج قدامه بالمنشفة.. شدت على كتوفها بقهر لدرجة إنها جرحت نفسها بأظافرها،كيف سمحت لنفسها تخرج كذا،وهي لها ساعة تحلف لويموت ماتخرج بالمنشفة ..تقوم بكلمتين غبية منه تخرج بسهولة. طيب كان عالأقل مات مثل ماقالت.. عالأقل ماتتضطر تشوفه بعد ماشافها بذا المنظر ..رجعت تبكي تحت الدش،وهي شايله هم كيف تخرج ..
↚
(خالد)
بصراحة كنت حاب أنرفزها والعب بأعصابها بعد ليلة أمس اللي راحت عالفاضي.. وكنت مروق ومستمتع عالآخر وأنا عارف إنها مستحيه مني ووالود ودها تموتني ،بس أيش دخلني هيا اللي نسيت ملابسها .لا وتقولي هييييي ويااا.. سلامات مالي أسم تستاهل خليني أنقزها شويه،كنت حاس أني زودتها شوية بحركة الملابس اللي وديتها ليها، وكنت بعطيها على طول.. ماتوقعت أن الهبلا بتعصب من حركتي لدرجة إنها تنسى نفسها وتطلع لي بالمنشفة.. وياليتها ماطلعت.. أول ماشفتها قدامي آآآه ياقلبي.. الحيوانة شكلها يجنن بشعرها المبلول اللي نازل على كتوفها وواصل لخصرها ولا منشفتها اللي يادوب واصله لنص فخوذها وعاصره جسمها من كثر ماشدتها على بالها بتطول كذا.. هههههههههههه.. حتى الصبغة السوادءاللي لمحتها أمس كانت واضحة ومبينه بياضها بزيادة ..وقفت اتأملها بتناحه وهيا تخاصمني ورايحه تجيب شنتطها ورجعت بيها وعيونها تطالعني بغضب.. وشوية وتأكلني.. مانتبهت غير لماسمعت قفلة الباب اللي غريبة إنه صمد وما أنكسر من قوة الرزعة اللي أخذها ..رميت نفسي عالسرير وقلبي يدق بقوة وحاس بحر ومو قادر أخذ نفسي ..فتحت الشباك وصرت اتنفس بعمق وأعمل ريلاكس.
وفجأة التفتت لما سمعت صراخها،قربت من باب الحمام(أكرمكم الله) وسمعتها وهيا تسب فيا.. قليل أدب وغبي وكمان سخيف ..غمضت عيوني بإرتباك.. شكلها دوبها ركزت إنها طلعت لي بذاك الشكل..يا الله ..كل ما أقول أقرب منها يصير العكس ..صار لها نص ساعة جوه علشان ماعندها ملابس.. أجل ذحين متى بتطلع بعد ماشفتها كذا…أوووف.. شكل الليلة باين من أولها.. الله يستر..
وبعد فترة،دق الباب بخفه وبهدوء/جوري.. ترى بطال قعدتك كذا ..مو كويس..
تابع لما ماجاه رد/الساعة 10ولسا ماصلينا الفجر يابنت الناس.. طيب أطلعي خليني اتروش وأصلي أنا بلاش أنتي ..براحتك.
اتأففت من كلامه"أهم شيئ أنت تصلي ..وأنا طز ..حطب لجهنم" كورت يدها وضربت عالحوض بقهر،لمتى بتجلس هنا ..صار لها ساعتين حابسه نفسها ،اتروشت ولبست، وحاولت تنسى اللي حصل وماخلت روج ولا كحل الإ وحطت منه في وجهها،شافت نفسها في المرايه.. آآخ بس لو تقدر تخرج له كذا والله لايوقف قلبه من الفجعه.. لونت وجهها بالارواج وخططته بأقلام الكحل بطريقة غربية في محاولة منها علشان تنسي اللي حصل ،بس بدون فايده،أخذت وقت لحد مانظفت وجهها تمام ،ورجعت أتكحلت وحطت روج ،مع إنه مايستاهل في نظرها ،بس خلاص لازم تسوي كذا خاصة وهم رايحين لأهلها.. ظفرت شعرها من الجنب مثل ماعلمتها وداد وسابت الجنب الثاني وخلت شعرها مفكوك وأكتفت بغرس بنس عليها حبات لؤلؤ وسط ظفيرتها.. حطت شنطتها في الركن وهي مقررة إنه هيكون مكانها بعد اليوم ..أخذت نفس وفكت الباب ،لقت خالد عالكنبة ومشغل التلفزيون ..
لبست شرشف الصلاة وفرشت سجادتها وصلت ،شافها بطرف عينه وهوعامل نفسه يتفرج، وأول ماصلت طفى التلفزيون،وأخذ منشفته وراح يتروش..
خلصت الصلاة ورتبت السرير.. ولماسمعت صوت الباب راحت للشباك وأعطته ظهرها "أكيد خارج بالمنشفة.. قليل أدب"
وفعلا كان خارج بالمنشفة بس ذي المره أخذ ملابسه ورجع لبسها جوه وطلع لها لابس وجاهز.. وبهدوء/صباح الخير.. ردت بنفس الهدوء/صباح النور..
جلس عالسرير وهي واقفه مكانها/نفطر هنا ولافي بيتكم..
اتحركت للشماعة وعيونها عالأرض/في بيتنا.. لبست عبايتها ونقابها،وهو أخذ أغراضه وطلعوا،ولما وصلوا تحت شافوا عبدالرحمن جالس في الكراسي اللي في الأستقبال مع كم واحد،و يقرأ الجريده بملل،راح له خالد ودق كتفه/صباح الخير..
اتنهد ووقف/ياصباح النور والتطنيش ياعريس.. سلم على خالد اللي يضحك/أنتا من متى هنا..
رد بسرعه وعينه تدور على جوري/من 7..
لمح جوري واقفه بعيد عنهم وراح لها/صباح الورد ياوردتي..
مسكت يده بين أيديها بفرح وشدت عليها/صباح النور والسرور لأحلى عبادي..
خالد بمزح/أنا صباح النور وبالعافية،وأنت كل ذا الترحيب..
حمر وجهها بغيض من تلميحه الواضح، ومشي عبدالرحمن وهو ماسك يدها وطلعوا من الفندق،وبغرور/علشان تعرف أن الناس مقامات.. لاتصدق إنك عريس.
خالد في داخله "أنت هتقول فيها.. أي عريس وأي بطيخ"
ركبوا السيارة والتفت عبدالرحمن بتساؤل/ فطرتوا!
خالدبإستهبال/أختك مافطرتني.. من اول أصحي فيها وأقول لها جيعان،وماعبرتني..
بحلقت فيه بحقد،ورد عبدالرحمن بمكر/والله أختي تصحى من الفجر وماتحب النوم،وإذا عالفطور.. تفطر قبيلة مو شخص.. بس الظاهر العلة من عندك أنت.. فلا تتبلى عليها.. شوف أيش مسوي وتعال أتكلم..
طالع فيها خالد/بالله عليكي سويت لك شيئ.. أخوكي قاعد يتبلاني من صباحية ربنا..
اترفع ضغطها ووجهها صار أحمر،أشرت له بيدها يسكت،وهو يمثل الغباء/شفت ماتقدر تقول شيئ..
عبدالرحمن بتلميح/لإنها متربية وماتطلع أسرار بيتها،علشان كذا أنتبه عليها وحاسب على حركاتك معاها..
ضربت جبهتها بيدها بيأس وخافت يقول شيئ ماله داعي عن شكوكه الكثيرة.
خالد بتصريفة/والنعم فيها وفي اللي رباها.. ماقلت لي وين بتفطرنا..
ردت بإندفاع/وصلوني البيت وروحوا أنتوا أفطروا..
عبدالرحمن بضحك/بجيب لك السندوتش العجيب..
هزت رأسها بأصرار/بفطر في بيتنا..
خالد بإستغراب/أيش السندوتش العجيب ذا؟
ضربته جوري علشان لايرد و ضحك عبدالرحمن/آآآيي.. بسوق ياهبلا.. التفت لخالد وبضحك/ذا سندوتش جوري المفضل وهو بيض مسلوق مع جبنه وبطاطس مقلي وفلفل حار.. سوته مره وخلت المدرسة كلها تسويه بعدها…
وقف جنب كافتيريا،وقبل ماينزل/والله ماأكله لاتشتري..
ضحك/بجيب لك عصير منقا.. يازعوليه.. وأنت أيش أجيب لك
خالد بتفكير/سوي واحد عجيب وعصير منقا
والتفت لجوري/بشوف سندوتشك يستاهل سمعته ولا لا..
استنت لما راح أخوها وبهمس غاضب/لوسمحت أنتبه على كلامك قدام أهلي..
خالد ببرائة/أي كلام.. أنا قلت شيئ.
عصبت منه/خالد بلا هباله وبطل أحراج.. والله لأخليك لوحدك بعد كذا وما أرد عليك قدامهم.. وأنت براحتك..
خالد بإنتصار/أخيرا عرفتي أسمي.. وياويلك أن كلمتك وطنشتيني،وربي لأسوي حاجه ماتعجبك وقدامهم.. وساعتها لاتقولي ليه تحرجني..
جوري بتردد/أيش قصدك تحرجني..
رد بلعانة/ذا ماينقال ذا ينعمل ..وأنتي وخيالك عاد..
تمتمت بقهر/قليل أدب..
رد بجدية/تبغي أوريكي قليل الأدب أيش يسوي..
رفعت رأسها بصدمة وشافته مركز عيونه عليها،أرتبكت ولفت وجهها بخوف للشباك، واتنهدت براحه لما شافت أخوها جاي، كملوا طريقهم وذي المره سابها خالد في حالها وكان كلامه مع عبدالرحمن لحد ماوصلوا البيت..
↚
وصلوا بيتهم واستقبلوهم بالرصاص والطراطيع ،خالدبإستغراب/ياأخي مابلعت حركتكم ذي ابدا..
عبدالرحمن/أي حركة..
أشر عالرجال اللي ماسككين الرشاشات والبنادق/كيف تمشوا بالسلاح كذا،،وكل لحظة والثانية تطلقوا.. وين أحنا قاعدين..
عبدالرحمن بجدية/في اليمن.. وذي عادات من جدود الجدود.. أن فرحنا رمينا رصاص.. وأن زعلنا رمينا رصاص.. عندنا العيال تكبر على شيل السلاح ،نتعلم الرماية وأحنا نتعلم كيف نأكل ونشرب..
خالد بعدم أقتناع/بس ذا غلط،كيف تعلموا أطفال عالسلاح ويمشوا بيها في الشوارع.. بتفهمني إنه ماصارت حوادث قتل بسبب الحاجات اللي شايلينها على طول..
عبدالرحمن/إلا صارت وهتصير ،للأسف في ناس سلاحهم يسبق لسانهم.. وصار واتحولت مشاجرات عادية لقتل ..لكن قلت لك عادات تربينا عليها،دليل عالرجولة عندنا..
خالد/اهاا.. يعني اللي ماله في السلاح ،أيش وضعه بينكم..
عبدالرحمن بضحك/وضعه مشكوك فيه، فحاول تدارك الموضوع وتتعلم بسرعة.. خاصة ..إن حرمكم المصون… بترمي براعة.
خالد بإستنكار/نعمممممم.. تمزح.. أحلف..
علي/الظاهر في حاجات كثيرة ماتعرفها عن مرتك..
خالد/نتعرف ،أيش ورانا. وكملوا سواليفهم..
-----------
اما جوري أول مادخلت استقبلوها بالزغاريط والمباركات.. سلمت عليهم بشوق ولهفه، وداد بتريقه/اللي يشوفك يقول ماشفتينا من سنة.. عادك أمس عندنا..
ضمتها أم معاذ بحب/والله كأنها سنة.. فقدنا حسك في البيت..
أم خالد/والله وحشتينا والبيت بدونك ماله داعي.
علياء بخبث/ليش اتأخرتوا.. عبادي عندكم من 7.. المجنون كان بيروح لكم بعد الفجر وأبي صيح عليه. .
حمر وجهها بسرعة وأرتبكت من تلميح أختها المحرج،و انقذتها أحلام/وحده وزوجها ،مالك دخل..
سحبتها وداد على جنب وبهمس/طمنيني.. أيش حصل.. كله تمام..
هزت رأسها بنفي وغمضت عيونها من صوت وداد المعصب/جوري لاتجننيني،قلت لك اتحملي شوية واضغطي على نفسك وخلصينا..
مسكت نفسها لاتبكي من الإحراج/مالي دخل ،هو قال… مابيلمسني.. وأنا ننام..
وداد بقهر/أكيد بكيتي ولاسويتي شي خلاه يقول كذا..
جوري بهمس غاضب/أحد قال أني حجر.. حتى البكاء والخوف ممنوع ..بعدين عادنا أمس أتزوجنا ..لاتخافي مابطير ومصيري راجعه معه آخر الليل..
مشت وتركتها وراحت لباقي الحريم سلمت عليهم وكملت يومها عادي ..وعالمغرب جات نادية وقالت لها تروح مجلس الرجال.،راحت غيرت ملابسها ولبست جلابية سكرية مطرزة بالذهبي ودخلت عنهم.. كان الكل موجود أبوها وعمها وخالها وأخوانها.. سلمت عالكل بإحراج وجلست بين أبوها وعمها، أبوخالد/من الصباح تجي ولانشوفك..
معاذ بتريقة/خلاص كبرت وتجلس مع الحريم.. هههههههه
طلت فيه بغيض"مش وقت سماجتك"
أبومعاذ /بنتي من يومها كبيرة وعاقلة.. وبعدين حتى لو عجزت لازم تجلس معانا ولا لا..
باست يد أبوهاوبهمس مسموع/ماعليك منه ،تلقاه مقهور لإنه ما شاف صالح طول اليوم.. وقام لصقها فيني..
ضحكوا عليه لما أرتبك ورماها بعلبة المناديل ومسكتها بسرعة..
علي/تستاهل تحسب إنها اتزوجت وبتسكت عنك..
والتفت لجوري وبمزح/بس والله كبرتي وصرتي تلبسي زي النسوان..
معاذ بلعانة/الله يرحم الترينقات وفنايل الرياضة .
بحلقت فيه بقهر لماخالد ضحك ، وشافت عبدالرحمن بمعنى أنقذني،بس سبقه خالد/أنت وياه.. مالكم دخل في زوجتي.. تلبس حتى خيشه ،برضها أحلى منكم يالشاوكيش.. راح لها وسحبها من يدها وجلسها جنبه ولف ذراعه على كتفها وتابع/ياويلكم أحد يزعلها.. حسابه معي..
علي / أنت قد كلامك ذا. .
نزلت رأسها بخجل وشعر جسمها كله وقف من ذارعه اللي محوطها ومثبتها فيها.. مروان يأشر على خالد/فلت أختي ..ليش تمسكها.. وقام يسحبها من يدها..
خالد بعصبية/هييييي ..من ذا كمان.. روح ياولد لا أشوتك..
معاذ بضحك/ذا مروان وذاك عبدالملك عيال خالي عبدالله.. أبو علي.. ونور أخي تعرفه..
أبو علي بإبتسامة/أخوان مرتك.. أنسابك ..
مسح خالد وجهه/والنعم فيك وفيهم.. بس أنا ماخلصت من الثلاثي المرح ذول وأشر على معاذ وعلي وعبدالرحمن. .يجيوني ذول كمان...راضعه مع نص صنعاء أنتي..
رفعت رأسها بخوف/قول ماشاء الله.. عينك على أخواني.. قووول ..
ضحكوا عليه كلهم لما شافها بحقد/ماشاء الله يختي.. أحد قلك عيني حاره..
التفت لأبوه/كله منك.. لو جايب أخواني معايا مو أحسن ماتذلني بأخوانها..
أبوخالد /ونسيب أخواتك لحالهم في البيت يافهيم...
قام علي وسحب جوري وجلسها جنبه وجنب معاذ وأشر لأخوانه وجلسوا كلهم معاها/صدق مروان لما جاء بيأخذها منك.. أيش يجلسها جنبك في وجودنا.. ياحسود..
ذي المرة ضحكت جوري من قلبها على شكل خالد المقهور"تستاهل.. أنا فداكم ياأحلى أخوان".
عصب من ضحكتها الرنانة وطالع فيها بغيض"طيب أكتمي صوتك بالكذب .. بس فالحه لاتحرجني قدام أهلي ..بسيطة" وببرود/مبسوطة ياعروسة ..عجبتك النكتة
هدأت ضحكتها لما سمعت نبرته الباردة وبهدوء/مالي دخل ..اتفاهم معهم..
عبدالرحمن بمزح/شوف لاتجلس تهدد أختي.. شوفها رقيقة وحساسه..
خالد بإبتسامة/أقول أنطم بس،كأن محد عنده أخت غيركم..
قرص معاذ خدودها بحب/أكيد.. محد عنده مثل جوري..
خالد بغرور/أكيد لأنها حرم خالد..
حست إنها لوجلست أكثر من كذا بيجرالها حاجه.. وقفت بسرعة وخرجت بدون كلام..
راحت غرفتها ولقت في وجهها أحلام/اتأخرتي..
اتنهدت بضيق/أيش أسوي ربي جاب لي أخوان دمهم خفيف،سخيفين ومايعرفوا يتكلموا.. فلتوا كل المواضيع في العالم ، واتكلموا عليا.
أحلام بخجل/كيف كانت ليلتك أمس..
أرتبكت وبعصبية /لاتذكريني..وعادنا اليوم بنعيد نفس الفيلم.. يارب صبرني..
أتذكرت حاجة وجريت عالدولاب.. طلعت لها ملابس وجهزتها في كيس وخبته في الدرج علشان تأخذه وهي خارجة.. اتنهدت براحة لما ما انتبهوا لها وداد وعلياء.. وبعدها بساعة راحت مع خالد أتمشوا واتعشوا في مطعم وعالفندق..
---------------
خرجت من الحمام(أكرمكم الله ) وعلى وجهها إبتسامة راحة،راحت للسرير واتغطت باللحاف..
أنتبه لها خالد "اللئيمة..اتخبت بسرعة" راح لها وبهدوء/ممكن تنامي في الجهة الثانية
شالت اللحاف عن عيونها بس وطالعت فيه بإستغراب/هااا..
خالد/نامي في الجهة الثانية.. أنا متعود أنام في الشمال..
ردت بشك/لكن أمس نمت عاليمين..
خالد بملل/عندك مشكله في أي جهة تنامي.. هزت رأسها بلا،تابع/خلاص روحي نامي هناك..
زفرت بضيق"ياصبر أيوب" بعدت اللحاف بشويش وقامت من السرير قدام نظراته المصدومة،إبتسمت برضى من ملامحه وراحت شربت مويا ورجعت عالسرير.. جلس جنبها ومسكها من كتوفها وجلسها قدامه،وبصدمة/أنتي أيش لابسه. ؟
ردت ببرائة/بيجامة.. حلوه صح..
اتأمل بيجامتها بآسى واضح،كانت لابسة بيجامة قطن بنية بكم طويل وعليها صورة سلاحف النينجا..
شد على أسنانه بغيض/بس ذي ماكانت في شنطتك.. ماشفتها.
بعدت خصل شعرها اللي نازلة على وجهها، وبهدوء/عارفه.. جبتها معانا لما جينا ..
حاول يظل هادي/طيب وملابسك اللي في الشنطة،مابتلبسيهم..
صار وجهها أحمر وبإرتباك/هااا.. إلا بس اليوم برد ،علشان كذا بدفي نفسي ..ههههه.
خالد بخبث/حبيبتي أنتي ليه ماقلتي لي، أنا أدفيكي. .
طالعت فيه بإستغراب/ يعني.. عادي ..
رجع نيمها عالسرير وطفى كل الأنوار وأتمدد جنبها.. وسحبها جنبه،جوري بهمس/أنا ماحب الظلام ،فك النور..
خالد بهدوء/ ولا أنا ..
جوري بعصبيه/طيب بعد شوية..
خالد بإستهبال/ما أقدر ..خايف..
ردت بتوتر/طيب إذا أنت خايف فك النور ،بلا هبالة..
خالد بتمثيل /أوووششش،سامعه شيي..
أرهفت سمعها/مافي حاجه،بطل هباله..
خالد بإصرار/إلا فيه.. أنتي أهدي بس وهتسمعيه..
حست برجفه لما ضمها لصدره،وهي متأكدة إنه يستهبل" زوجي .. عادي..هاديه.. هو هيتصرف.. اتحمل شوية وننتهي من ذا كله"
حسمت أمرها وغمضت عيونها بإستسلام... وووووووووو
↚
شغل نور الأباجورة بخوف/جوري ..جوري.. اتنفسي.. أهدي خلاص أنا سبتك.. جوري.. ردي عليا .
مسح وجهه بتوتر وإرتباك"لا ياربي.. مو مرة ثانية" حاول يدلك أطرافها المتصلبه والباردة وهو يشوف وجهها الشاحب وانفاسها المنقطعه.. أتذكر شنطتها وهويقلب فيه شاف أكياسها الورقية،جري وجاب واحد بسرعة.. جلسها عالسرير وغطاها باللحاف وسوى زي عبدالرحمن ماعلمه لما تجيها الحالة.. حاول يهديها/جوري اتنفسي بس شوية الله يخليكي،خلاص مارح المسك والله .. شوفيني بعدت عنك ولبست بيجامتي،أخذ قميصه ولبسه،وتابع/خلاص انتهينا،أنتي أهدي بس.. اتنفسي،يرحم أمك..
عدل لها الكيس ولم شعرها اللي أزعجه على جنب،وصار يتنفس معاها لحد مابدأ نفسها ينتظم ورجع لوجهها لونه بالتدريج... استمرت تتنفس في الكيس مع إنه ماله داعي،لكن كانت الطريقة الوحيدة اللي تتجنب فيها خالد بعد اللي صار
-------
(خالد)
مادري كيف تركتها عالسرير ورحت فتحت الشباك ،حاس أني مخنوق وموقادر اتنفس
"كيف ينقلب حالها بذي السرعة ..كيف أتحول جسمها الناعم اللي كله حياة لجسم بارد وصلب ،وأنفاسها الحارة كيف أنقطعت فجأة وصارت بتجاهد علشان تتنفس نفس واحد بس وماهي قادره... كل ذا خوف مني، أوكره من اللي عملته فيها قبل" التفت لها بتردد ،وماكانت موجوده حتى اللحاف مو فيه.. رميت عالسرير بضيق وأفكار توديني وأفكار تجيبني ماغرقت فالنوم.
-----------
(جوري)
بدأت أستوعب اللي حصل لما شفته عند الشباك معصب.. ماقدرت اجلس أكثر من كذا اتمنيت الأرض تنشق وتبلعني ،غطيت نفسي باللحاف وجريت عالحمام (أكرمكم الله) . دخلت تحت الدش ونزلت دموعي بغزارة ،أنا حاولت أني أكون هاديه وما اتوتر،لكن هو اللي وترني بحركاته ، الموضوع مش بالسهوله اللي هم صوروها ..ياترى أيش بيقول علي،أكيد زعل..طيب كيف أخرج ذحين..خرجت بعد فترة وهي تتسحب وارتاحت لما شافته نايم بالعرض بدون مخدة ،غطته باللحاف،
و بهمس/أنا حاولت ،لكن... ماقدرت تكمل كلامها وسابته وراحت غيرت بيجامتها بجينز وبلوزة ثقيلة شوية، حطت مخدة عالكنبة ونامت...
↚
فتحت عيني بصعوبة وجلست بكسل عالسرير،الشباك مفتوح والشمس ماليه الغرفة،شفت الساعة 9 ،ياربي اليوم كمان راحت عليا الصلاة،التفت بصحي جوري مالقيتها..وين راحت ذي ،قمت من السرير ودرت بعيني في الغرفة، الحمد لله شفتها متكوره على نفسها في الكنبة ،وماعندها غير مخدة،أفتكرت أني نمت بدون لحاف بس شكلها غطتني ونامت كذا..جلست جنبها وبشويش/جوري..جوري.. قومي صلي.
إبتسمت وبانت غمازتها وهيا مغمضه / ههمممممممم..ناديه والله صليت..شوية بس. أعطتني ظهرها و كملت نوم،شكلها تحلم.. نادية مين..مسكت كتفها وهزيتها/جوري يلا اصحي ،أنا خالد
اتعدلت في جلستها وفركت عيونها/.من خالد ..
خالد بتريقة/زوجك..
وقفت بسرعة وطالعت فيه وهي تركز ،لما شعرها على جنب ومسحت وجهها بيديها وبهمس/صباح الخير..
رد بهدوء/صباح النور.. ليه ماصحيتيني اصلي الفجر معاكي..
ردت بإرتباك/مدري..
أبتسم/طيب أكذبي وقولي صحيتك ومارضيت تصحى
هزت رأسها بلا ،وراحت وبعد دقائق رجعت وهي مشطه شعرها ذيل حصان ومغسله وجهها،وهو راح يغسل ويتوضأ وبعد ما صلى التفت لها /تبغي تروحي بيتكم
ردت بتوتر/على راحتك
رد بعد تفكير /نتمشى في النهار أحسن..وخرجوا لفوا في الشوارع وفطروا ووقت الغداء رجعوا عالفندق.. وانتهت الليله بشكل سيئ مثل اللي قبلها..
مرت 3 أيام ما نروح بيتهم وحسيتها كإنها تتهرب منهم، وصرنا نخرج نتمشى،وظليت على ذا الحال.. في النهار احاول اتقرب منها واكسر حاجز الخوف اللي بنته حولها، وفي الليل يخرب كل شيئ بمجرد ما المسها.. لحد ماكرهت نفسي وصارت إخلاقي في طرف خشمي منها ، وانعكس ذا على كلامي معاها ، صرت بارد ولا مبالي .. أدري إنها مو قاصده اللي يصير معاها ،بس أنا كمان معذور ،عريس وعندي زوجة حلوة ومقدر اقرب منها وهيا قدامي.. والمصيبة في أهلي وأهلها اللي أشوف نظراتهم ليا ،هنكمل أسبوع مع بعض ولسا ما دخلت عليها ، حسيتها طعنة لرجولتي ،كيف افهمهم باللي يصير ،كل اللي قلته لأبويا لما سألني "خلي البنت تتعود عليا ،ليه مستعجلين..أحنا بندبر أمورنا ولاتشغلوا بالكم" ولعت سيجارة ودخنتها بقهر وأنا واقف عند الشباك استناها علشان نطلع....
-----------------
(جوري )
لي نص ساعة حابسة نفسي في الحمام (أكرمكم الله)ما لي عين أقابل خالد وأشوفه بعد اللي حصل أمس،كل شيئ كان ماشي تمام ،كان صبور و لطيف ولمساته رقيقة كإنه خايف يوجعني.. وأنا في المقابل حاولت أكون هاديه وما أمنعه من شيئ،لكن كنت حاسه بإحساس غريب ،أول مره أحس فيه وذا الشيئ وترني وخوفني في نفس الوقت ،لإني ما أحب أكون في وضع وما أعرف كيف اتصرف فيه.. عارفه إن كلامي غريب ويمكن غبي،لكن هذي طبيعتي ومقدر اغيرها في يوم وليلة.. المهم إن كل شيئ خرب ورجعنا لنقطة البداية،درت في المكان بتوتر وأنا المح وجهي في المرايه شاحب وفي هالات خفيفة تحت عيني من كثر التفكير وقلة النوم ،،لنا كم يوم مانروح بيتنا بطلب مني ..تقدروا تسموه هروب من نظرات أهلي وأهله،ومن كلام وداد وعلياء الصريح.. الكل يلومني وكأني متعمده يحصل ذا الشيئ،حتى خالد كلامه أصبح رسمي وكأنه مغصوب عليه وحتى نظراته يتعمد يبعدها عني لما يكلمني ،أعتقد إنه كاره يشوفني ويجلس معي في نفس الغرفة..سبحان الله ذحين حسيت بأحساسه وأنا كاره وجوده معي..
تعبت ولازم القى حل... المشكلة مشكلتي وحلها بيدي،ماينفع أجلس ساكتة واتفرج على الكل وكل واحد على أعصابه ،فكرت في فكرة مجنونة،لكن ذا الحل الوحيد اللي لقيته،وماعندي غيره،غمضت عيني وعديت العشرة قبل ما أقرر وأفتح الباب..
خرجت وكان واقف يدخن مثل عادته مؤخرا ،وطبعا ذا بسببي لإني فهمت منه إنه له فترة طويلة مايدخن..رحت ووقفت جنبه وبهدوء/ممكن تروح تتمشى لوحدك اليوم..
التفت لها بإستغراب/ليه.حاسه بشيئ ،تعبانه ..
إبتسمت/لا.. الحمد لله ،لكن صحباتي بيجوا يسلموا عليا..
خالد ببرود/يجوا بيتكم يسلموا عليكي ،مو لازم هنا.
تابعت بنفس الإبتسامة/بيتهم قريب من الفندق ،بعدين مابيتأخروا عندي يمكن نص ساعة ..
لف وجه عنها/خلاص بجلس تحت لحد مايمشوا... ما أقدر أسيبك لوحدك هنا.. بروح أجيب فطور من برا..
مشي من جنبها بدون مايطالع فيها،ووقف لما حس بشيئ مسك يده، التف لها وشافها ماسكه يده بطرف أصابعها بتردد/ممكن جوالك،بعمل مكالمة ومابتأخر..
سكت شوية و أعطاها الجوال وسحب يده وخرج..
قفلت الباب بالمفتاح،ودقت الرقم ويدها ترجف ،وبتوتر/ السلام عليكم،كيفك حالك..أنا جوري..
**/وعليكم السلام ..الحمدلله،كيفك ياعروسة..
جوري بهمس/عندي مشكلة ،ومحد، بيساعدني غيرك ...---------------------------،وبعد ربع ساعة قفلت وهي حاسه براحة نوعا ما
رجع خالد وفطروا وبعدها راحوا يتمشوا لإن صحبتها بتجي المغرب..اتغيرت نفسيتها للأحسن و حاولت تتقرب من خالد وتتكلم معاه في أي حاجه،ولما شاف أهتمامها أستغرب في البداية بس اتجاوب معاها وانبسطوا في طلعتهم..
وفي المغرب لقت البنت عالباب جلسوا نص ساعة سوا وودعتها وراحت..
وجاء خالد ومعاه عبدالرحمن اللي مانقطع عن زيارتهم في الأيام اللي فاتت وسهروا سوا على فيلم كوميدي وعدت الليلة بسرعة وراح أخوها وبقيوا لووحدهم..
خالد بتوتر/بروح أشتري دخان،تبغي،شيئ.
إبتسمت/سلامتك،لاتتأخر..
زاد توتره من إبتسامتها وكلامها"ماهي طبيعية ، اليوم فيها شيئ" خرج بحيرته.. وهي راحت بسرعة للدولاب وطلعت شريط حبوب من تحت ملابسها وبلعت حبة بقرف شربت مويا وبتردد أخذت حبة ثانية وشربتها ،خبت باقي الحبوب في ملابسها وراحت أخذت دش وطولت ،سمعت خالد لمارجع وماطلعت وكملت شغلها،دهنت جسمها باالكريمات واتعطرت بكثافة رسمت عيونها رسمه فرنسية واتكحلت وحطت روج أحمر صارخ، وفي الأخير مسكت قميص النوم بتردد وخجل "مافي مجال للتراجع.. لازم أكمل اللي بدأته وأنتهي من ذا كله" لبست قميص النوم وعليه البشكير ومشطت شعرها وتركته على ظهرها وخرجت..
----------------
↚
(خالد)
رجعت من برا وسمعت صوت الدش ،جلست عالكنبة ،وعقلي عند جوري وتصرفاتها الغريبة اليوم،كانت تتقرب مني ،ماكان يتهيألي مسكت يدي أكثر من مرة وأحنا ماشيين وكانت تجلس جنبي،وتتكلم وتضحك، معقوله ما صارت تخاف مني وتستحي،ولا ذي طريقتها في الأعتذار عن اللي صار أمس واللي قبله..آآخ هتجنني البنت ذي..لو أعرف بس كيف تفكر...صحيت من افكاري على ريحة عطرها ،كانت قوية والتفت لها غصبا عني ،كانت واقفه جنب السرير وترتبه مع إنه مرتب ،لفت وجهها عليا و اتفاجأت بمكياجها المرتب وإبتسامتها الغريبة ،وقفت مكاني بحيره"أيش قصدها بالمكياج والإبتسامة ذي..معقوله..لاااا لا... ماتعملها" أخذت منشفتي ورحت أخذت دش وخرجت ،رحت الدولاب أطلع ملابس وارجع البسها في الحمام (أكرمكم الله )زي ماتعودت الأيام اللي فاتت لإنها تستحي تشوفني كذا.. أخذت ملابسي بضيق وقفلت الدولاب بقوة وجاني صوتها الهادي/ليه معصب ..
محد غيرك معصبني ورافع ضغط،رفعت رأسي وببرود/سلامت.....................
فتحت عيني وأنا مو مصدق اللي شايفه ، وقفت مكاني بصدمة وطالعت فيها بتركيز ..هههههه..والله جوري ،قربت منها بتردد وهيا لسا مكانها جنب الشباك ،مارجعت وراء ولا تحركت ،ولاجريت من قدامي زي كل مره أقرب منها .. واقفة جنب الشباك بهدوء ولابسه قميص نوم أسود شفاف لنص الفخذ مرسوم على جسمها رسم ومبين أكثر من اللي مخبيه، بلعت ريقي بصعوبة..ذي بتجنني رسمي..وين بجايمها الطويلة تبع اليومين اللي فاتت...
أعطتني ظهرها/البس قبل ماتبرد..
شفت أنعكاسها في قزاز الشباك وهي بنفس الإبتسامة قربت منها وضميتها لصدري بتردد وخوف من رد فعلهاوبهمس/ليه واقفه هنا.
حسيت برجفتها وترددها/أستناك..
غمضت عيني وأنا أحاول استوعب كلمتها "استناك" يعني هيا لابسه كذا علشاني ، حسيت بلخبطه،رجفتها وخوفها يقولوا أبعد ،بس كلامها ولبسها وشكلها يقولوا شيئ ثاني..
لفيتها وخليت وجهها في وجهي /مو خايفه مني ..
نزلت دموعها على خدها، وهزت رأسها بنفي، وهمست/لا ..
طالعت فيها /طيب،ليه الدموع بس
ماحسيت بيها غير وهي تضمني وجسمها يرجف ،ضميتها بقوة وأنا مو فاهم شيئ، اللي فهمته إنها جاتني بنفسها وذا يكفي..شلتها وحطيتها عالسرير وووو-----
↚
أنثر الشوك حولي ..أنثره ولاتخف أن تمزق قدماي، فقد مزقتني كلي..
(خالد)
فتحت عيني بكسل ورجعت أغمضها وافتحها ،كررت حركتي كذا مرة علشان أستوعب اللي شايفه..أبتسمت براحة وأنا أشوفها نايمة في حضني بإستسلام ،بعدت شعرها عن وجهها وشفت أثار الدموع على خدها ،بستها بشويش وضميتها وتفاصيل ليلة أمس على بالي.. شكلها لما ضمتني ودعوتها الصريحة ..هدوئها ورقتها.. إستسلامها.. والغريب دموعها اللي ما وقفت.. ماكنت متوقع ولا في أحلامي إنها تجيني وتأخذ الخطوة الأولى ناحيتي.. بس مو مهم كل ذا.. المهم إنها اتقبلتني وما نفرت مني ومن لمساتي ليها..لا وجه شاحب.. ولا نفس مقطوع..ولاجسم متصلب وبارد..كانت جوري الرقيقة زي أسمها.. وكانت ليلة ولا أروع..أتاري الزواج حلو وماكنت أدري.. بعدتها عني وصحيتها بشويش/جوري.. حبيبتي.. أصحي.. حبيبتي الساعة 9 ..
كانت نايمة وما في أي علامة على إنها سمعتني. .قربت منها وبستها على شفايفها بعمق..بصراحة فرصة ماتتعوض لإني ما اضمن أيش بتسوي لما تصحى وتلقى نفسها في أحضاني.. رجعت أصحيها بشكل أقوى/حبيبتي يلا أصحي..ماصلينا الفجر.. جوري.. شفت مافي أمل إنها تصحى..الظاهر ليلة أمس استنزفت كل قوتها.
.سبتها تنام ورحت أخذت دش ولبست وصليت ..طلبت الفطور وفطرت لما يئست إنها تصحى وانشغلت بالتلفزيون وما انتبهت إلا على صوت المؤذن لصلاة الظهر..
رحت أصحيها بقلق ،كل ذا نوم والمشكلة على نفس الوضعية ماتحركت يمين ولا شمال..قربت منها بخوف وحطيت رأسي على صدرها..الحمد لله يدق.. طيب ليه ماتصحى.. رشيت وجهها بشوية مويا وأتوقعت إنها تفز من نومها..بس ولا كأني عملت حاجه ،هزيتها وحركتها ولعبت في وجهها وكل اللي طلع منها.. إنها انقلبت عالجهة الثانية وكملت نووم.. لا ذي ماهي طبيعية! في نوم كذا.. غطيتهابالمنشفة وشلتها للبانيو وفكيت الدش عليها وهيا ولا اتحركت..يلعن أم النوم اللي كذا..ضربت خدها بشويش وأنا أثبت وجهها تحت الدش لحد ما دخلت المويا فمها وانكتمت منها..وأخيرا كحت وفتحت عينها بتعب/كح كح كح..طالعت فيا بغرابة وصمت.. كأنها تطالع في فراغ..
حركت يدي قدامها/شايفه يدي.. حركت عينها مع حركتي ..وهزت رأسها بدون كلام..
سألتها بقلق /أنتي كويسه ؟
بلعت ريقها بصعوبة وهزت رأسها بلا ، خرجت وجبت لها مويا وساعدتها تشرب ،شربت كأنها ماشربت من أسبوع.. من جدها ذي ..
طالعتها بإستغراب/بروح أصلي وأرجع... لاتقفلي الباب بالمفتاح،أنا بقفل الغرفة من برا ، أنتي خليكيهنا لين أجي.. طيب.
هزت رأسها بموافقة،ورحت أصلي وبالي معاها..
(جوري)
صحيت وأنا حاسة الدنيا كلها ضباب، وبمويا في حلقي كتمتني وخلتني أكح بألم .. في شيئ يتحرك قدامي،في حاجه على عيوني مخليتني ما قدر أشوف بوضوح .. بدأت الرؤية توضح بالتدريج.. ذا خالد بيتكلم بس مو قادره أرد عليه .. رأسي يوجعني ، و أذني حاسه فيها طنين وصوت مزعج ،وفي مطر بينزل عليا ،ولساني ثقيل وحاسه بجفاف في حلقي،أخيرا جاب لي مويا ،عطشااااانه بقوة.. شربت لما أرتويت.. وراح خالد .. اتروشت وأنا مكاني وجاهدت لحد ماقدرت أوقف وأطلع من البانيو ،لبست البشكير بتعب وجريت رجولي جر للسرير ورميت نفسي عليه.. حاسة بدوخه فضيعة وبغثيان وجسمي كله يرتجف ويوجعني ..آآآه.. يارب نزلت دموعي بغزارة وصرت أشهق وأنا أتذكر اللي حصل أمس.. ضميت رجولي لصدري وبكيت لحد ماحسيت بعيوني توجعني..وبيد تسحبني لمكان كله ظلااااااااام..
-------------
(خالد)
استغفر الله العظيم.. صليت وبالي مع جوري..وأول ماخلصت الصلاة جريت عالفندق.. دخلت بسرعة ولقيتها متكومة عالسرير.. شعرها كله مويا ومانشفته ولابسه البشكير بالمقلوب ،هههههههه قسم بالله طفله..جلست جنبها وسحبتها لحضني/مسرع نمتي ،جوري..
حاولت أصحيها.. بس شكلها مو نايمه..جبت عطر ورشيته على وجهها ورقبتها لحد مافاقت شوية، سندتها عالسرير وهي ترجف ومغطية خشمها وفمها بيدها..
حاولت توقف بصعوبه وساعدتها/أوديكي الحمام (أكرمكم الله) هزت رأسها بأيوه وشلتها على طول ووقفتها جوه ،دفتني بشويش وقفلت الباب.. أستغربت منها لما سمعتها تستفرغ.. حااااامل..هي لحقت.. إبتسمت بغباء على تفكيري اللي مدري كيف..البنت تعبانه وأنا أستهبل..
رفعت صوتي/ترى بدخل..
ماسمعت غير صوت المفتاح وهي تقفل الباب .
دقيت الباب بعصبية من بزرنتها اللي مو وقتها / جوري بلا إستهبال فكي الباب.. حبيبتي أخاف تطيحي ولا شيئ ..
ردت بصوت مبحوح وهامس/مافيني حاجه ،شوية وأخرج..
وربي ما صارت ذي دخلة ..وكمان تكملها بعنادها مو كفاية تعبها، مرت عشر دقائق وهي جوه وسمعت صوت الدش ،قلت بجدية/وربي،لو مافتحتي بكسر الباب .. جوري خلصيني وفكي الباب.
جاني صوتها ضعيف /بلبس .
بعد شوية انفتح الباب وطلعت وهي تتسند عالجدار.. قربت منها بشيلها ،وقفتني بحركة من يدها /لا.. بمشي لوحدي..
وقفت وأنا بشوف النهاية معاها ، كملت مشيها لين سجادتها،فرشتها ولبست شرشف الصلاة وصلت وهي جالسه..
اتصلت عالروم سيرفيس، وطلبت شاي وحليب وعصير وأنا مو عارف هتشرب ولا لا.. خلصت صلاتها وقامت جلست عالكنبة ، وجلست جنبها ومسكت يدها /سلامتك حبيبتي.. بأيش حاسة..قومي اوديكي المستشفى..
سحبت يدها بشويش وسندت رأسها على وراء،وبهدوء/الله يسلمك..مالها داعي المستشفى.. شوية بس وأكون بخير..
دق الباب ودخلت الحاجات اللي طلبتها، التفت لها/حليب ولاعصير ...
ردت بهدوء/ شاي و ياريت بالنعناع.. أعطيتها الكاسة وأخذتها ويدها ترجف جبت اللحاف وغطيتها فيها،وجلست جنبها وحوطتها بذراعي وإبتسمت على خدودها الحمراء.. وبعد فترة /ها صرتي أحسن .
هزت رأسها وحطت الكأس عالطاولة..
سألتها/أيش رأيك أطلب لنا الغداء..
التفتت لي/ممكن نروح البيت..
ضحكت/طفشتي مني خلاص..
نزلت رأسها/ لازم نروح لهم..اتأخرنا عليهم ..
إبتسمت لما فهمت قصدها.. وقفت ووقفتها معايا/يلا البسي ..وأنا بنزل اوقف تاكسي وأجي..
غيرت ملابسها ومشطت شعرها..ووقفت جنب السرير ومدت يدها بتردد وأخذت الشرشف وطبقته بسرعه، مسحت دموعها لماسمعت صوت الباب ودخل خالد /هااا..حبيبتي خلصتي..
التفتت عليه /البس البالطو بس .
شافها ماسكه الشرشف وتحطه في شنطة يدها.. بعد عيونه عنها بإرتباك وراح جاب عبايتها من الشماعة،ناولها بأستغراب /ليه لابسه كذا...
كانت لابسه فستان أبيض شيفون بحزام عالخصر لنص الساق وأكمام طويلة،وعليه طبعات ورود ملونه.. وتحته بنطلون جينز.
ما فهمت عليه وأشر لها عالبنطلون/ليه لابسه الجينز..مو راكب عالفستان؟
ردت وهي تلبس البالطو/عارفه.. بفسخه لما نوصل.. لابسته علشان الطريق ،الواحد ما يضمن عمره..يمكن لاقدر الله يحصل حاجه ،أكون عالأقل مستره..
هز رأسه/اهااا...فكره برضه..مشينا ؟
مسك يدها وخرجوا..وارتاحت لما وصلوا وماكان موجود غير أهلها ،وكل الضيوف مشيوا .. حتى وداد وعلياء رجعوا بيوتهم سلمت على أمها وعمتها ونادية بهدوء أستغربه الكل..
أم معاذ بقلق/جوري ..فيكي شيئ.
إبتسمت وحاولت يكون صوتها مرح/لا.. مافي، حاجه ،بس وحشتوني..وجالسه أشوفكم وأسمعكم..
نادية بخبث/وحشناااكي..باين علشان كذا كم يوم مانشوفك..
أم معاذ بعصبية/ناديه مالك دخل.. هتحاسبيها وهي مع زوجها..
ضحكت جوري بمراره/خليها..تمزح.. بعدين وين معاذ اللي،يسمعك يقول مخليكي لوحدك..
أم خالد بحنان/حبيبتي شكلك تعبانه ،فيكي حاجه..
وقفت وباست رأسها/والله بخير..بس ماتغديت ،عندكم غداء ولا أصرف نفسي..يمه جيعانه بروح المطبخ ادور لي أكل..
وقفت أم معاذ وبعتاب/الساعة 3..ليش ماتغديتي لذحين..زوجك أتغدى ولا لا..
هزت رأسها بلا..
راحت المطبخ مع أمها تسخن الأكل ولما جهزت كل شيئ التفتت لأمها/انتظري هنا لا تروحي..
راحت جابت شنطتها وطلعت الشرشف ومدته لها بتوتر وخجل،أخذته منها بإستغراب/أيش هذا؟
نزلوا دموعها وبهمس/اللي منتظرينه طول الأسبوع.. خلاص ارتاحوا ذحين..
وشالت الأكل وطلعت بسرعة ،وقفت في الصالة ومسحت دموعها وأخذت نفس عميق ورسمت إبتسامة على وجهها ودخلت ،حطت الأكل على جنب وسلمت على أبوها وعمها اللي كان شكلهم فرحانين "أكيد عرفوا" قامت بتروح.. وقفها خالد/على وين؟
ردت بإرتباك/بجلس معاهم جوه..
طالع فيها خالد/أجلسي نتغدى وبعدين روحي ..
اتغدت أي كلام وهي حاسة القمة واقفة في حلقها..وبعدها شالت السفره وجلست مع أهلها شوية وماهي مرتاحه..
كلمت خالد ومشيوا قبل حتى ماتشوف معاذ وعبدالرحمن.. طلبت من خالد يلفوا برجولهم شوية قبل مايروحوا الفندق، وبعدها وصلوا تعبانين ، وماحب خالد يضايقها فغيروا وناموا على طول..
وثاني يوم اتحسنت شوية وكلمت عبدالرحمن ونزلوا يتمشوا وراحوا السوق ومرت على بيت خالها سلمت عليهم وماطولت لإن علي ماكان موجود ومافي من تناشبه.. رجعوا عالفندق ومعاهم افلام سهروا عليها وبعدها نزل خالد يوصل عبدالرحمن لتحت..
أخذت حبة من دولابهاوبهمس/الحمدلله أني أتصلت وسألتها،ولا كان بيحصل لي نفس ذاك اليوم..
اتروشت واتجهزت ودخلت تحت اللحاف وهي تدعي إنه يتأخر وتنام قبل مايجي..
لكن خاب ظنها لما سمعت صوت الباب.. سوت نفسها نايمه وهي سامعته لما اتروش وغير ،انتبهت عليه لما دخل تحت اللحاف. . وبعد لحظات قرب منها/نمتي؟
ردت بهمس/مستنيتك..
إبتسم بفرح على كلمتها اللي بمثابة دعوه ليه مد يده وسحبها لحضنه/وحشتيييني..
مالقي رد منها غير إنها ضمته بقوة ودموعها اللي نزلوا علشان يحتار ..
↚
(جوري)
الحمدلله مر علينا كم يوم بشكل عادي وطبيعي..خالد فرحان ومبسوط وأهلي وأهله مطمنين..حتى وداد كانت فرحتها ماتتوصف لما سمعت الخبر.. صار لنا أسبوعين مع بعض ، كان بيعاملني بطيبة ووو..ماقدر أقول حب ولا أيش بالضبط ..لأني ما أعرف الحب ببساطة ،وما اقدر أقول إني حبيته أو ملت له لإني لازلت أحس داخلي بخوف وعدم أمان في وجوده ..وكل مايقرب مني كل اللي حصل ينعاد من جديد قدام عيني ولولا الحبوب اللي وصفتها ليا دكتوره بشرى مدري أيش كان حصل لي ،الظاهر إن فكرتي ماكانت مجنونة مثل ماكنت أظن.. مانسى يوم ماكلمتها وقلت لها إن الحبوب مرضتني وتعبت منها أول مرة ،ولما عرفت إني أخذت حبتين عصبت مني وزعلت وقالت إنها غلطت لما أعطتني شريط كامل ،لإنها مرة قوية و لا قدر الله كان ممكن يحصل لي حاجة .. وإني لازم ما أستعملها مادام الدخلة تمت وخلصنا..بس اللي ماتعرفه والأهم إني صرت مع خالد في شبه اتفاقية كنت أشرب الحبوب يوم ويوم لا..اليوم اللي أشربها أتجهز وانتظر خالد وهو صار يفهمها لوحده ولما يشوفني ما استعديت يكتفي بإنه يحضني وننام أخوان مثل مايقول ..بس خلاص المفروض إني اتعودت على قربه ولمساته وإصبحت شيئ عادي بالنسبة لي..إن شاء الله كل الأمور تمشي مثل ماهي بدون الحبوب ...لإنها.. ببساطة....خلصت..
-------------
(خالد)
مر علينا أسبوعين من أجمل ما يكون... جوري حلوه.. ذكية. دمها خفيف ومرحة لما تكون مع أهلها أو تنسى إني موجود.. ههههههههه .أقدر أقول إنها جذبتني بشخصيتها الغريبة طيبة.. عنيدة.. حساسة...خجولة تركيبة مامرت عليا قبل كذا يعني أقدر أقول أعجاب.. أما هيا فما أدري أيش تحس فيه ناحيتي..ماشفت شيئ يدل ع الحب أو حتى الأعجاب..دايماً تحاول تتجنبني وكلامها معايا قليل وتستحي من ظلها ..ومع ذلك بتسمع كلامي وماتعارضني في حاجة ،وإذا كنا مع أهلها تتصرف بطريقة عادية وماتلفت الإنتباة ،واللي مجنني حالها اللي ينقلب في الليل ،تقابلني بإبتسامة حلوه وتتعامل معايا براحة عجيبة، ويروح خجلها ،ومع ذلك دموعها ما توقف من اول لحظه المسها فيها ..لدرجة إني بديت أشك إنه عندها إنفصام في الشخصية..
---------------
(جوري)
اليوم تعبنا من كثر اللعب و اللف في الملاهي.. رحنا كلنا مع أهلي ماعدا أبي وعمي اللي رفضوا يجوا .. حتى علي وباقي أخواني راحوا معنا...لعبت مع أحلام كل الألعاب.. ودعت عليا من قلبها لما ركبت معي سيارات الصدام ،والله أنا أسوق تمام بس البنات هههههههه حووول يصدمونا من كل مكان.. بعد المغرب أفترقنا وكل واحد راح بيته..بالنسبة لنا الفندق طبعاً..
راح خالد يجيب عشاء من برا ،وأنا اتروشت ودخلت تحت اللحاف أريح جسمي على ما يجي ورحت في النوم...
------------
(خالد)
رجعنا من الملاهي تعبانين ،وصلنا عالفندق طلعت جوري الغرفة ورحت أجيب عشاء..قاعد أفكر نروح نتمشى في مدينة ثانية،مليت من صنعاء وأبغى أشوف مكان ثاني.. دخلت الغرفة والأنوار مطفية ماعدا لمبة بعيدة عن السرير .. شكلها ماقدرت تستنى ونامت من التعب. .ماشاء الله عليها ماهجدت ولا قعدت في مكان.. مافي لعبة مالعبتها ،ولا مكان مامشيت فيه..أنا تعبت من المشي معاها وهيا ولا على بالها..
حطيت الأكل في الثلاجة، وأخذت دش وانسدحت جنبها وجاني فضول أشوفها.. شغلت الأباجورة وشفتها متكررة على نفسها.. ما عرفت نومتها ذي كيف ،غريبة زيها المهم. كانت لابسة شورت وبدي موف وشكلها مررره حلو وشعرها مغطي وجهها وكتوفها..شعرها على نعومته ولونه بس ماحبيته.. طوله مزعج ويضايق.. شكلي بخليها تقصه ..أخذتها في حضني وشكلها انزعجت لما حركتها..بستها على شفايفها وخدها ورقبتها وهي تتحرك بقلق وانزعاج.. ضحكت لما فزت فجأة وتطالعني بخوف/أيش فيه..
ضميتها لصدري/ أووششششش.. لاتخافي ههههههههههههه.. ذا أنا.. نامي..
حاولت تبعد عني وشكلها لسا نايمة، بس أنا زدت في ضمي لها بقوة وطفيت النور...
--------------
↚
(جوري)
صحيت قبل الأذان وصحيت خالد بتوتر ،وأول ماحسيت إنه فاق أكتفيت بكلمة وحده/الفجر..
قام من السرير وراح اتروش ولبس وخرج.. وانا اتروشت و فرشت سجادتي وصليت ودعيت بكل جوارحي ( اللهم إليك أشكو ضعف قوتي ، وقلة حيلتي ، وهواني على الناس ، أرحم الراحمين ، أنت أرحم الراحمين ، إلى من تكلني ، إلى عدو يتجهمني ، أو إلى قريب ملكته أمري ، إن لم يكن بك غضباً علي فلا أبالي ، غير أن عافيتك أوسع لي ، أعوذ بنور وجهك الذي أشرقت له الظلمات ، وصلح عليه أمر الدنيا والآخرة ، أن تنزل بي غضبك ، أو تحل علي سخطك ، لك العتبى حتى ترضى ، ولا حول ولا قوة إلا بك ) خلصت صلاتي وجلست أقرأ قرآن لبعد الشروق وبعدها صليت الضحى ورتبت الغرفة ، صارت الساعة 6ونص وخالد مارجع..لايكون صار له شيئ ،المسجد جنب الفندق ليش اتأخر.. معقولة زعلان..أكيد زعلان بعد اللي حصل أمس..درت في الغرفة بخوف إذا حصل شيئ وأنا لوحدي كيف اتصرف.. لا.. كيف أعرف..أنا رقم جواله ماأعرفه ،أحسن شيئ أتصل لعبدالرحمن يجي ،مافي غير ذا الحل.. مسكت التلفون بتوتر وأتصلت على بيتنا وجاني صوت أبي الحنون/السلام عليك .
مدري أيش حصل،لي لما سمعت صوته،نزلت دموعي ومسحتها بسرعة وحاولت أخلي صوتي طبيعي/وعليكم السلام ورحمة الله وبركاته..يبه وحشتني..
أبو معاذ/ياهلا والله بست الكل.. ياهلا بشمعة الدار وحبيبة أبوها..
جوري بضحكة/الله.. كل ذا لي..خلاص بتصل لك كل يوم من الفجر..كيفك حبيبي..
أبو معاذ/أنتي أتصلي وماعليكي تلقي من ذا وأكثر..الحمد لله كلنا بخير ونسأل عنك... منتي ناوية تجي نشرب قهوة ..
جوري بحب/أجيك طيران ياقلبي.. لا تقول ماتقهويت لذحين..وين عمي عنك..
أبو معاذ/جنبي وجالس يسحب السماعة بيكلمك ،خذيه..
أبو خالد/يا صباح النور والفل والياسمين..
ضحكت بفرح/يا صباح القلوب الطيبة والناس الحلوة..كيفك يبه.. وحشتني..
أبو خالد/أنتي الحلوه حبيبتي..ووحشتيني أكثر..ترى قهوة أم معاذ مو زي قهوتك بس أبوكي يخاف ومايقدر يقول.. ويشربها سكيتي..
شهقت/حرام عليك... بعدين ذا مش خوف..ذي أحاسيس ومشاعر ،ما يقدر يزعل القلب.. بعدين خلي القلب حقك يسوي القهوة وبنشوف بعدها كلامك..
أبو خالد بضحكة/أوووه.. لو ذقتي قهوة أروى.. مابتشربي غيرها..
جوري بتريقة/بدينا الخوف ..لاتكون جنبك بس.
أبو خالد/لاتطولي علينا وتعالي اليوم..
جوري/ إن شاء الله..إذا عبدالرحمن جنبك هاته أكلمه.. ومع السلامة
عبدالرحمن/ السلام عليكم...أي ريحاً طيبة أتت بك..
جوري بإبتسامة/وعليكم السلام ورحمة الله وبركاته...رياح الشمال أتت بي... ليش ماتشتري جوال مثل معاذ وتريحني..
عبدالرحمن/والله بفكر..ليش متصله من الصبح.. شايفتني في الحلم ..
جوري بجدية/ياريت.. أكيد هيكون حلم وردي ..المهم تعال عالفندق بسرعه.
عبدالرحمن/ليش..في شيئ..
اتجمعت الدموع في عيونها/خالد من الفجر خرج ومارجع..يمكن حصل له شيئ.. تعال بسرعة..
أنسحبت منها السماعة،والتفتت لقت خالد في وجهها،نزلت دموعها وراحت عالحمام (أكرمكم الله) وقفلت الباب..
خالد/هلا عبادي..يا صباح النور.
عبدالرحمن/وينك يا أخي فجعت البنت ياروميو صنعاء..
خالد /صليت ولفيت شوية الجو حلو وماانتبهت عالوقت ،وجبت فطور وهذي دخلتي.
عبدالرحمن/الحمدلله على سلامتك..يلاا روح شوف جولييت.. شكلها كانت تبكي ،سلام..
قفل منه وراح دق الباب/جوري أطلعي ولا بخرج..
فكت الباب وراحت حطت الفطور وأكلوا بصمت وقاموا ..
شاف وجهها المحمر وعيونها اللي باين عليها أثر الدموع ،وناداها بأمر/تعالي هنا...ليه أتصلتي باأخوكي..
قربت وجلست في طرف الكنبة وبهدوء/شفتك اتأخرت..قلت يمكن حصل شيئ..
رد بعصبية/وليه شايفتني بزر زيك..يعني،لما تتصلي بيدوروا عليا في الشوارع مثلا..
طالعت فيه بإستغراب/أنت ليش معصب.. أنت خرجت من الفجر ومارجعت وأنا ماأعرف رقمك..أيش المفروض اسوي وأنا لحالي.. وعالأقل أنا مابقلق اللي حولي وأشغلهم بحركاتي مثلك..
↚
عصب منها زيادة/لااا..تعالي علميني كيف أتصرف زيك بالمرة.. ذا الناقص.. وبعدين ذا من فلاحتك.. في زوجة ماتعرف رقم زوجها .
حاولت تسيطر على دموعهاوزفرت بقوة/أنت ليش مكبر الموضوع..المفروض تفكر فيا وأني جالسة في فندق لحالي،إذا بتتأخر براحتك ،لكن أتصل طمني إنك بخير.. ما طلبت منك تقول أنت وين ومع مين..أنا ماغلطت ل---------
قاطعها بغضب/الله.. الله..أنتي لسا هتناقشيني وتطلعيني غلطان..وأنتي العاقلة والكبيرة..
غمضت عيونها بخوف للحظه وفتحتها من صوته الغاضب،وطالعت فيه/طيب أنا طفلة ،بزر،جاهل كل اللي قلته صح..أنت أيش مشكلتك معي بالضبط..كل ذا علشان قلقت عليك..خلاص مرة ثانية لو تموت قدامي ما هتحرك ولا حتى أشوفك..تمام كذا..
وقفت بقهر وأعطتها ظهرها ومشت..وماحست غير بيدها أنخلعت من مكانها لما سحبها بقوة ولفها عليه،وبصراخ/لا تعطيني ظهرك وأنا أكلمك..
طالعت فيه بصدمة من شكله اللي خوفها "كل ذا الزعل والعصبية علشان كلمت عبدالرحمن" شدت على أسنانها بقوة من الألم وهي محافظه بهدوئها قدامه وتطالع فيه بقوة/ما كان قصدي.. هاا ..باقي شيئ،نسيت تقوله..
خالد بعصبية/أنتي أيش ياشيخة..أيش البرود والغرور اللي أنتي فيه..على أيش شايفة نفسك ،فهميني بس..
نزلت رأسها وماردت عليه،حست إنه يدور عليها الغلطة ففضلت تسكت،وماعرفت إنها جننته زيادة بحركتها ،ساب يدها ومسكها من كتوفها بقوة/لا تطنشيني،وردي عليا..
رفعت رأسها وبهدوء/أيش ممكن أقول و ما تزعل وتعصب منه.. كل ماقلت شيئ ماعجبك...
دفها بقوة وضربت رجلها في حافة الطاولة وطلعت منها آآه مكتومة وغمضت عيونها بألم..
جاها صوته بغضب/تقولي من وين جبتي ذي الحبوب ،وليه كنتي تشربيها؟
رفعت عينها بسرعة وشهقت بصدمة وهي تشوف شريط الحبوب في يده ،نقلت نظراتها بينه وبين الشريط بعدم إستيعاب "كيف وصل ذا ليده"
تابع بسخرية/أكيد بتسألي نفسك من وين وكيف جبتها..سبحان الله اللي خلاني أشوفها في الزبالة وأنا رايح أصلي،يلا ذحين سمعيني صوتك وقولي أيش ذي..
ردت بصوت مهزوز/أيش أقول ..دواء عادي..
ردد وراها/اهاا.. دواء عادي..ولأيش بالضبط.
جلست عالطاولة بضعف وماردت عليه ..
تابع بنفس السخرية/أنا أقولك أيش قال الصيدلي...وضرب على خده بأصابعه وتابع/دواء مهدئ للأعصاب..ياترى في أيش تحتاجيه..
قوت نفسها وردت بثبات/قلك مهدئ ،يعني مافيه شيئ،بعدين أنا أخذته بوصفة طبية... أنت ليش مكبر الموضوع..
كور يديه بغضب/هو سؤال وتجاوبي بدون كذب..متى أخذتيه أول مرة؟
هزت رجولها بعصبية وبعدت عيونها عنه بتوتر،جاوب عنها/ليلة ما دخلت عليكي.. صح..علشان كذا كنتي غريبة ومو طبيعية.. لا..كنتي مسطوله رسمي.. ياترى كم حبة شربتي..4،5 علشان تصيري بذيك الحالة..
ردت عليه برجفة/حبتين..بس حبتين..وأيش يعني مسطوله..
رد بعصبية/يعني مهويه..منتي بوعيك.. ماتدري وين الله حاطك..
قاطعته بتوتر/لا تبالغ..ذي مجرد حبوب مهدئه للأعصاب..تساعد عالأسترخاء والراحة.. ما تخليك تحس بألم أو خوف.. يعني دواء.
مسكها من كتوفها بقوة/يعني ماحسيتي بشيئ ليلتها.. كنتي مخدرة ،في عالم ثاني وأنا أفتكرت أنك..... يعني ماحسيتي بأي شيئ من اللي عملناه يومها ،ولا الأيام اللي بعدها ..ولا حتى بذي.. حط يده على خصرها ويده الثانية على رقبتها وقربها منه وباسها على شفايفها بقوة.. كانت هادية للحظات ولما أستوعبت اللي يسويه حاولت تبعده عنها بدون فايدة،وفي لحظة لقيت نفسها طايرة في الهواء واتعلقت في رقبته بخوف/خا... لد..نز..لني.. وال..
رماها عالسرير بقوة وتراجعت ببكاء وهو يثبت أيديها بقوة بيده ويضمها بيده الثانية ويبوسها على شفايفها ورقبتها بقوة/أوووششششش..لاتخافي..
صرخت بترجي /والل..ه.. خلا..ص.. ماشربها..خا..لد..آخ ..ر..مره... وال..والله.. أخرص صراخها وبكاها ببوسة وحشية على شفايفهاو -----------
↚
الأمَــــل : هُوَ نَظرةْ طَويلَه للسَماء وَشَفتِينْ تَنطُق يَارَب وَهِي تَثقْ أنْ الله يَسمعَهَا وَ لَنْ يَخذلهَا
---------------
(خالد)
وقف بهدوء ولبس بنطلونه ودخل يتروش وماهو حول اللي نايمة عالسرير بتشنج مكتوم..اتروش وطلع يلبس ،التفت للسرير وببرود/قومي بلا دلع..بنروح بيتكم..عشر دقائق والقاكي تحت..وأخذ أغراضه وطلع..
نزلت وأنا حاس بكتمه وصداع.. من بعد الفجر وأنا أدور صيدلية لين لقيت وحده فاكه ولما سألته عن الحبوب قال إنها مهدئه،وسألني إذا كان عندي،أحد مدمن أو مريض نفسي.. لإن ذا الدواء ينوصف لعلاج المدمنين ..يعني يتوصف لهم على جرعات لحد مايتخلص جسمهم من السموم اللي فيه،أو لحالات المرض النفسي المزمن وخرابيط،ما أستوعبت منها شيئ..وأنا افتكر حالة جوري أول مرة لما جاتني بنفسها.. يعني لبسها وهدوئها وتجاوبها .إبتسامتها معايا كانت وهيا مو في وعيها.. وأنا اللي افتكرت إنها ذابت من لمساتي وقدرت أحرك فيها أحساس الأنثى ،طلعت مسطوله وماهي عارفة أيش قاعدة تسوي..حسيت بالدم يغلي في عروقي..ذي البزر..الطفلة.. تستغفلني وتلعب عليا أنا.. ولما شفت دموعها وهي تكلم أخوها ..حسيت الجن ينطوا قدامي ..كمان عامله فيها قلقانه وخايفة عليا قدام أهلها..كنت قاعد أتلكك لها عالوحدة،وأحسب إنها بتنطم وتبكي،بس لما ردت عليا بكل برود ولا كأنها شايفتني قدامها..ماقدرت أمسك نفسي وطلعتني من طوري..انفجرت وسألتها عالحبوب وبرضها تطالع فيا بعين قوية..كنت بس مستني منها أعتذار وندم ودموع كمان عاللي سوته،بس ولاهمها وكإنه شيئ عادي.. ماحسيت بنفسي غير وأنا راميها عالسرير وهاجم عليها ،سمعت بكاها وتوسلها وصراخها ،بس وقتها ماكنت في حالة تسمح لي أني أرحمها.. كنت أحسها تستهزء بيا وبرجولتي..تخدر نفسها علشان تجبر نفسها عليا ..ليه..أيش فيا مو عاجبها..أيش فيا يخليها مو متقبله لمسه وبوسة مني.. مين مفكره نفسها علشان تستغفلني بذا الشكل.. بعد ماشفتها كيف متكوره على نفسها وتبكي ماقدرت اتحمل منظرها اتروشت ولبست وسمعتها كلمتين ونزلت وأنا مو طايق ملابسي اللي عليا....
(جوري)
فتحت عيوني ومسكت رأسي بقوة من الوجع اللي أحسه..حاسة بألم في كل جسمي..مو قادره اتنفس ...درت بعيني والحمدلله مالقيته.. مابشوفه ،دورت ملابسي ولقيت بلوزتي مقطوعة وطايحة جنب السرير ،غطيت نفسي باللحاف وحاولت أوقف وأنا أبكي وأشهق بألم..مشيت وأنا أسند نفسي عالجدار ودخلت الحمام (أكرمكم الله) وطلعت لي كيس ورق ، ورميت نفسي في البانيو باللحاف..حاولت اتنفس وأسيطر على نفسي.. ودموعي كل مالها تزيد و أنا اسأل نفسي..ليش سوا كذا.. أنا ماغلطت عليه وماكان قصدي شيئ..هو ماسمعني ولا خلاني أشرح له..حيوان ونذل وسافل وحقير..ياربي أرحمني برحمتك ..يارب مالي غيرك..هديت نفسي لحد ماإتنفست بإنتظام واتروشت ووقفت قدام المراية..
شهقت بصدمة من الأثار اللي على رقبتي وصدري.. الحقير أيش سوا .. ليش جسمي كذا ،بكيت بقهر وأنا البس. . مشطت شعري بصعوبة ولميته أي كلام وحاسه يدي توجعني بقوة ،اتذكرت إنه سحبني بقوة..الله يأخذه،شكلها التوت أو انفكت من المفصل..سمعت صوت باب الغرفة ،اتأكدت إن الباب مقفول قفلتين بالمفتاح ،وأتكومت في الزاوية بتعب..
-----------------
(خالد)
اللهم طولك يا روح..قلت لها عشر دقائق وتنزل لطعتني ساعة تحت..طلعت وأنا معصب منها.. دخلت الغرفة ومافيها أحد أكيد تتروش،سبتها عشر دقائق وأنا أغلي. شكلها متعمدة تتأخر ،دقيت الباب بعصبية/مطوله حضرتك جوه..وبالنسبة السواق الملطوع تحت ،أيش وضعه..
تابع لما ماردت عليه/جوري وبعدين.. خلصيني بمشي..
برضه ماردت عليا..استغفر الله العظيم... أكيد زودتها معاها والبنت خايفة مني.. حاولت أهدئ واكلمها بشويش/جوري فكي الباب..لاتخافي خلاص انتهينا..اطلعي يلاا.
فكرت انرفزها واخليها تطلع زي ذاك اليوم/جوري بلا بزرنه وشغل أطفال..
إبتسمت لما جاني صوتها من وراء الباب مهزوز وخايف/أنا قابله أكون بزره وطفلة طول عمري.. المهم ما أكبر وأكون مثلك..
أختفت إبتسامتي بسرعة زي ما ظهرت... اتوقعتها تعصب وتطلع ،مو تطول لسانها وتقل أدبهاعليا/طيب أطلعي وويني شجاعتك ذي..مو متخبية جوه وتطولي لسانك..
جوري بثقة/لساني مو طويل..أنت جالس، تغلط عليا من أول،وأنا علشان قلت ما بكون مثلك،قلت عليا كذا.. أنا حرة أطلع شبه اللي يعجبني..
خالد بنرفزه/يعني مو طفلة،وخايفة مني؟
اتنهدت بتعب/قلت لك كلامك مايهمني،بس علشان ترتاح..كيف بتقولها أنت! أهاا.. ما..أبغى..أشوفك.. ولا أسمع صوتك..ماكفاك اللي سويته..بجلس هنا خليني في حالي..
خالد بغضب/ يعني أنا اللي ميت على شوفتك..بعدين أنا ماسويت شيئ..تراكي زوجتي وذي حقوقي.. فاهمه،يعني وقت ماأبغاكي تجي غصب عنك مو بكيفك..
ضرب بيده الجدار بقهر.. ماكان يبغى يقلها ذا الكلام ،بس استفزته وطلعت العن مافيه... التفت عالباب لما سمع صوت المفتاح وخرجت ووقفت قدامي بوجهها الأحمر وعيونها المنفوخة اللي لسا دموعها مانشفت، طالعت فيا وبهدوء/ليه بالغصب.ذي حقوقك..تبغاها ذحين.. بكره ،بعده،اتفضل مابمنعك.
ومشت بشويش لحد السرير وجلست عليه.. مسحت وجهي وأستعذت من الشيطان الرجيم ،لأني حسيت وقتها أني بقوم أخنقها..ذي كيف عايشه..عارف إنها خايفة ومرعوبة مني ،ليش ماتبكي وتعتذر وخلصنا..
-----------
(جوري)
ياربي ذا ليش ما يفهم.. كيف يتجرأ ويجي بعد اللي سواه.. وجالس يدور لي غلطة..قال سواق..أيش دخلني فيه.. حاولت اسكت وما أرد عليه ،لكن لما قال أني طفلة. لساني ما رضي يقر في فمي ونطق الكلمتين اللي أعتقد خلته ..يمكن ...معصب.. وجلس يقول كلام ماله داعي..طفلة..خوافه..لساني طويل!!أنا لساني طويل؟ليش..لازم أقول كلام على مزاجه ولا يكون لساني طويل... والله حاولت مارد عليه،لكن هو يتمادى وآخرتها يذلني بحقوقه بكيت بقهر.. أيش حكاية الحقوق اللي الكل أكل رأسي عليها من يوم ما أتزوجته ،طيب ..يحسبني بترجاه وأبكي علشان لايلمسني مثل ماترجيته أول وماعبرني.. يحلم..مسحت دموعي وغسلت وجهي،وخرجت وقلت له يأخذ حقوقه ويخلصني.. علشان أشوف النهاية..
قآلت مريم : يآليتني مت قبل هذا ولم تعلم أن في بطنهآ نبي !بعض الكربات قد تحمل في طيّاتهآ كرامآت ، فلا تيأسوا ان طال البلاء.
-------------
بعد كم شهر
جلست جنب أم خالد بتعب ..وأخذت منها المنشقة ونشفت وجهها..
أم خالد بعتاب/يا بنتي لاتتعبي نفسك وأرتاحي..أرحمي نفسك شوية..
ضحكت بخفة/يممه ...ترى كلها لفتين في الحوش..
وأبطئ من السلحفاة..
دخل مؤيد بصربعته المعتادة/جوري يلاا.. شبكت السيجا من أول.. بعدين بيجي خالد ومايخلينا نلعب..
أم خالد بغضب/مؤيد انقلع،أختك تعبانة.. وأنتي خلاص ،بطنك قدامك ولسا تلعبي معاهم..
قامت جوري معاه وهي تضحك/يممممه..كل حركة والثانية قلتي بطنك وبطنك..أيش أعمل.. اتحنط وما سوي شيئ بسبب بطني ذي..
لبنى بدلع/ووووع..سيجا أيش دا..تعالي نروح لساره بلا شغل بزوره .
مؤيد بنفخ/لبنى مالك صلاح ..والله لو قلتي لخالد ياويلك مني ..
ضربته جوري على رأسه بخفه/لا تهددأنت ووجهك.. أسكت عنها ومابتقول شيئ..
مؤيد بملل/سيبيكي منها وخلصيني بس..
التفتت للبنى/لولو معليش..ما أقدر أخرج من البيت الأيام ذي..كلمي ساره والبنات إذا يبغوا يجوا بكره.. الله يحييهم..
أم خالد بتهديد/مؤيد والله لو طفشتوها أنت ومازن رح أقول لخالد.
مؤيد/ياربي..ترى بنلعبها ونسليها أيش بكم..
وجاء ماشي ومسكته جوري من قفاه وسحبته على وراء/على وين ياطيب.. كأنك ناسي شيئ.
حك رقبته بغباء/ ناسي شيئ،ناسي شيئ... لاااااا..يلا أمشي..
سندت نفسها عالجدار وكتفت ايديها على صدرها،
و بإستهبال/أمشي وين....نسيت وين كنت رايحه.. إلا أنا وين كنت رايحة يالبنى.
لبنى بمسايره/كنا رايحيين بيت ساره..بروح أجيب عبايتك..
اتنهد مؤيد بضيق/خلاص يارزاله..أفتكرت.. روحي وبلحقك..
ضحكت جوري/ياويلك لو اتنذلت وماغسلتها تمام...
التفتت لأم خالد/شايفه كيف مزبطه أموري.. لا تقلقي..هههههههههههههههه.
خرجت وراحت المجلس ووقفت قدام المكيف تبرد نفسها ،ذا الشيئ اللي ماقدرت تتعود عليه للأن..حر جده..
دخل عمها ومعاه مؤيد شايل صحن فواكه.. قرب منها وسحبها بشويش من قدام المكيف، وبخصام/يا بنتي كم مرة قلت لك لا توقفي قدامه كذا..بتمرضي..
باست رأسه وبمرح/أيش أسوي في حركم ذا،حاسه نفسي مو قادره اتنفس..وبنت بنتك جننتني ترفيس..كأني ناقصه..
جلسها جنبه وقرب لها صحن الفواكة، وبمزح/بنت بنتي يبغى لها تكسير رأس زي أمها..علشان تسمع الكلام..
طالع في مؤيد بشك/غسلت الفواكه زي الناس ولا مشي حالك..
ضرب جبينه بيده بقهر/وربي غسلتها،أنتوا ليه مو مصدقيني..خلي بنتك ذي،بس تجي إن مافقعت وجهها..تشوفي..
سوت نفسها معصبه/تحلم تمد يدك عليها.. وربي لأجرك في الحوش من قفاك..على بالك بسيبك....خلاص ما أبغى أكل.. بيجيني مغص بسببك..جايبها بدون نفس.. شوف من يلعب معاك..ولا أقلك خلي مازن يجي ويكسر رأسك..ويارب ماتصد ولا كوره..وما تدخل أي هدف كمان..
قرب منها ومسك يدها/حبيبتي أنتي صحبتي.. أمزح معاكي..أيش بك صرتي تزعلي بسرعة..أنا أصلا اللي بشيلها وانيمها وأكلها..
خالد بإستهبال/وأهم شيئ تغير لها الحفايظ..
ساب يد جوري وبقرف/أنقلعوا..قلك أغيرلها وأنت وهيا أيش أب وأم عالفاضي..
أبو خالد/أجل لا أشوفك تتمسكن عندها علشان تلعب معاك..
سلم خالد على أبوه وجلس جنب جوري وباس يدها/كيف بنوتاتي الحلوات اليوم
سحبت يدها بسرعة وبخجل/الحمدلله،بخير ويسلموا عليك..اتأخرت وشغلتني..
رفع كيس قدام وجهها وبتعب/ذا اللي آخرني..
صاحت بحماس/الله.. أيش عرفك أني نفسي فيها.. شكرررااا أكثر شيئ في الوجود.
أخذت الكيس وطلعت كيكة الشوكولاته منه وأكلت لقمه بتلذذ..
أبو خالد/كلي الفواكه..بعدين ذي..
سحب خالد منها الصحن وبأمر/كلي زي ما قال أبويا وذي بكره..
صاحت بإعتراض/يبه قله يجيب الصحن..
وقف خالد ورفعه فوق وهي تحاول تسحب الصحن منه ،وبتهديد/خالد أحسن لك جيب الصحن..خالد لاتطفشني والله تعبانه..
مؤيد بتريقة/الله يالدنيا.. دوبك كنتي تذليني هههههههههاااااااي..الحمدلله برد قلبي بسرعة.. هبلا أنتي.. كل ذا علشان كيكة.
جلست بنرفزه/عجبك كذا لما شمته فيا..أنت كذا ماترتاح غير لما تجيب لي الكلام..بعدين ذي مو أي كيكة.. اتنهدت بحسره/ذي كيكة بيتزا هت ،مافي زيها ومحد يقدر يسويها..
طلع لها خالد لقمة في الملعقة/آآآ.. أفتحي فمك..
طالعت في عمها بتردد ،وغمز لها خالد/يلا قبل ماغير رأيي وأرجعها..
فتحت فمها بسرعة وأكلتها وخالد وعمها يضحكوا عليها بسبب حبها المجنون في ذي الكيكة بالذات..
أعطتهم ظهرها بزعل وبدأت تلعب مع مؤيد وبسرعة أندمجت في اللعب ونسيت الموضوع..
أبو خالد/حاول ماتتأخر ذي الأيام..أنت عارف إنها يمكن تولد في أي لحظه..
رد بتفكير/شكلي بقدم على أجازة من الدوام.
تأملها بإبتسامة وسرح في ذكرياته لقبل كم شهر...
↚
جلس قدامها وهو يحاول يتمالك نفسه وما يعصب عليها/لا تحاولي تستفزيني ،لإن ذا مو في صالحك..
طالعت فيه بإستغراب/أستفزك؟ أنت قلت بتمارس حقوقك وأنا موافقة.. وين الأستفزاز بالضبط..
خالد بعصبية/من وين جبتي الحبوب،وليه أستخدمتيها..
وقفت بتوتر/جبتها من الدكتورة بشرى. وليش أستخدمتها! أعتقد أنت شفت اللي حصل لي بدونها ،فما له داعي تسأل..
خالد بعصبية أكبر/أنتي هبلا من جد.. ولا مو فاهمه اللي سويتيه.
دارت في الغرفة وهي تحاول تجمع أفكارها وبعصبيه /أنت مش كنت زعلان ومتضايق علشان ما..ما..قدرنا..
.المهم..وأهلي منتظرين.. وأهلك مثلهم.. كلكم كنتوا تشوفوني بنظرات غريبة وتتهموني..أنا شفت عيونكم.. شفتها..كيف تشوفني ، كوني هاديه وصبوره.. زوجك هيتصرف واتحملي..شرفك سلميه لزوجك ..وزوجك له حقوق.. حقوق..حقوق.. حاولت أسوي كل اللي قالوه.. حاولت مرة وأثنين وثلاثة..وماقدرت.. أيش اللي كان بيدي أسويه وماسويته..وأنتوا كلكم بتحملوني مسؤلية شيئ مش بيكفي..مالي ذنب فيه..أنا كذا جبانة، خوافة،مريضة..ولما فكرت مالقيت غير ذا الحل.. الحل اللي هيريحني ويريحكم قبلي..
وذا اللي حصل.. أنت خلصت مهمتك..وهم أتأكدوا من تربيتهم وشرفهم وأهلك أطمنوا وفرحوا بأختيارهم.. جاي تزعل ذحين ليش..ليش..
إنهارت عالأرض وبكيت من قلبها.. كان الكلام يخرج منها بسهولة وعفوية .. كل اللي حست فيه الفترة اللي راحت والضغوط اللي عانت منها ومحد حاس فيها.. خرجت كل شيئ وحست بحمل أنزاح عن كتفها..
راقبها خالد وأنصدم من كلامها وإنفجارها المفاجئ..زعل من اللي عملته وأعتبره طعن لرجولته وكرامتة..بس هو ما فكر فيها ولا كيف حاسه..ما فكر أيش اللي وصلها للحالة ذي وخلاها تلجأ لذا الحل الجنوني..
طاحت عالأرض وبكيت بهستيريا وصارت تشهق بقوة..خلاص بكيت وأنكسرت..ذا اللي كنت مستنيه منها..طيب ليه ما أرتحت ولاهديت..ليه حاس بدموعها نار تحرقني.. قرب منها وشالها وحطها عالكنبة وهي مو حاسه فيه ومستمرة في بكاها،مسك وجهها بين أيدية وبأمر/طالعي فيا..جوري طالعي فيا وأهدي.. خلاص.. أنا مو زعلان.. والله مو زعلان..
ما صدرت منها أي حركة تدل إنها سمعت كلامه، راح جاب كيس ورق وحاول،فيها لحد ماركزت معاه وبدأت تتنفس بالتريج لحد ما أستقرت حالتها وأطمن عليها..شالها للسرير وغطاها ،قفلها الستاير وطفى النور وسابها تنام وتهرب من مواجهته .. بعدها تركوا الفندق.. ورجعوا بيتهم،حس إنها هتكون مرتاحة أكثر وهم حولها و معاها ،خاصةً إنه قرر إنهم يرجعوا على جده وبلغهم بذا الشيئ وبعدها بأسبوع جهز كل أوراقها وحجز لهم.. انتبه لحالتها من وقت ما قال لها إنهم بيسافروا.. صارت تقريباً ماتنام تصحى من الفجر وتجلس مع أهلها قد ما تقدر أعتكفت في البيت وطلبت من أخواتها يباتوا معاها قد مايقدروا.. وماتتركهم غير آخر الليل لماتنام.. طول وقتها تضحك وتمزح بطريقة رعبتني ،صارت تتصرف زي الآلة وكأنها تحاول تخزن أكبر كمية ممكنة من وقتها معاهم وتحاول تستفيد من كل لحظه قبل السفر..وفي ذي الفترة ماخرجت من البيت غير مرة وحدة ،ويوم سفرنا أتوقعتها بتبكي وتسوي مناحه..بس صدمتني ببرودها وضحكها اللي ماوقف حتى لما بكيوا أمها وأخواتها أتريقت عليهم وجلست تنكت لحد ماضحكتهم غصب..حتى عبدالرحمن اللي أتوقعت إنها تنهار لما تودعه..أكتشفت إنها طلبت منه ما يجي معاها للمطار..وفعلاً ودعني في البيت ووصاني عليها.. في الطيارة اللي توقعتها هتبكي فيها ،أتبدل حالها وصارت وحدة ثانية.. وحدة جامدة وهادية ماأتحركت من مكانها ولا طلع منها صوت طول الرحلة ،وحتى لما وصلنا يادوب ردت على أسئلة الموظف في المطار.. أما في بيتنا صارت وحدة ثالثة..
----------------
(جوري)
صحيت وأنا حاسة بتعب.. نومي مو مريح وظهري فيه ألم مو طبيعي..صحيت خالد وأمي وأبويا والأولاد وقت الصلاة..ذي صارت مهمتي من يوم ماوصلت.. قاعده أحاول ماأغير شيئ من عاداتي عند أهلي..صليت وقرأت أذكاري ووردي اليومي،وخالد رجع ينام.. وبعدها رحت المطبخ أجهز القهوة و الفطور. لقيت أمي هناك ،وإبتسمت أول ماشافتني/صباح الخير..
بست رأسها/يا صباح النور على عيونك..الله. . أنتي مسوية فطاير؟
ردت بحنان/ روحي أجلسي عند أبوكي وأنا أجيبها لك برا..
أستحيت منها،صار لها فترة تدخل المطبخ من بدري وتجهز الفطور قبلي علشان تريحني، حطيت القهوة عالنار علشان أشربها مع أبويا
وبلوم/يمممه..ليه تتعبي نفسك.. مو كفاية دخلتك من الفجر كل يوم..كمان تسوي فطاير..هأكل أي شيئ.
خاصمتني كالعادة/طول عمري أدخل المطبخ وماسبته غير لما جيتي وماعد سبتيني أسوي شيئ..الفترة ذي أنتي تعبانه ولازمك راحة..ومدري كيف حملك ذا.. قربتي تولدي ولساتك ترجعي اللي تأكليه..
مررت كفي على بطني بشويش/ تستاهل حبيبة أمها أتعب علشانها..
أم خالد بحزن/كان ودي حملك يتأخر لين تكبري شوية،ماكان وقته ..بس الحمدلله. أخذت القهوة وإبتسمت/دام حملت فذا وقته..كل شيئ ليه حكمه..الحمدلله..
جلسنا في الصالة وفطرنا وبعدها راحت لبنى ومازن ومؤيد المدرسة ،وحلفت عليا أمي مادخل المطبخ ،رحت صحيت خالد واتجهز للدوام وأنا جهزت له القهوة.. دخل علينا بإبتسامة/يا صباح الخير..
ردينا عليه و جلس يشرب القهوة وسألني/فطرتي؟
أبويابعتاب/ أكلت فطيرة بالقوة..ليه ماتجلس معاها وتفطرها بالغصب..
خالد بزعل/جوري وبعدين معاكي..مو قلت لك تنتبهي لأكلك..نسينتي الدكتورة أيش قالت..وزنك نازل والبنت حجمها صغير..
اتنهدت بملل من السيرة اللي تتكرر كل يوم ،وبهدوء/ياجماعة أيش بكم..أكلت كفايتي.. لاتغصبوني برجع أنا اللي أتعب..
راح خالد ورجع بصحن فواكه/كلي ذا كله.. ولما أرجع أتفاهم معاكي..
طالعت فيه بقهر ،إبتسم وباسني و قبل ما يخرج ،قالت له أمي/لاتتأخر اليوم ،وجيب معاك غداء ..أحنا معزومين عالغداء عند أختك لطيفة ومابنطول.
هز رأسه بموافقة وخرج، وأنا سبتهم ورحت أنام.. وقبل الظهر جات أمي تقول إنهم بيروحوا ..قمت وأناحاسة بمغص وألم في ظهري.. أتوضيت وسويت نعناع يمكن أرتاح شوية..صليت واستنيت الأولاد لما رجعوا من المدرسة وجاء خالد وحطت لبنى الغداء وبعد العصر جاتني لبنى/جوجو.. ممكن تذاكري لي ،عندي إمتحان أنجليزي..
هزيت رأسي بتعب و الألم قاعد يزيد..شكلي بردت.. وحاسه بسكاكين في بطني وظهري.. جلست أذاكر لها وأتضارب مع مؤيد علشان يذاكر
دخل خالد وبإستغراب/صوتك ليه طالع..
أيش فيه..
لبنى بحقد/مؤيد مو راضي يذاكر وطفش جوري ،وأزعجنا بالتلفزيون..
خالد بتهديد/مؤيد اترزع ذاكر بالطيب لاتخليني أجيك أوريك..
مؤيد بعصبية/كذاابه لاتصدقها..اسأل مازن.. طنشه مازن وجلس يحل واجباته..
جوري/خلاص بيذاكر ذحين ،روح لاتتأخر.
خالد بقلق/شكلك تعبانه حاسه بشيئ؟
جوري بتصريف/أتروشت ونمت..شكلي بردت.
خالد/أنا قدمت عالأجازة بس بكره بيوقعوا عليها.. يعني بجلس لك .
ضحكت بخفة/يا مكثر الكراسي..أجلس وارتاح..
راح شغله واتلهت مع المذاكرة.. وبعدها ماقدرت تجلس.. صرفت الأولاد وراحت تمشي في الحوش يمكن وجعها يخف بس،مافي فايدة..لها يومين تحس بألم وكل ماله يزيد.. بس ذحين ما عادت قادرة.. حاولت تتمدد ما أرتاحت ،حتى الجلوس والوقفه والمشي ما أرتاحت فيهم ..
دخلت تتوضا للمغرب وبعدها أتصلت لخالد لقت جواله مقفول..أتصلت على بيت لطيفه/السلام عليكم.. هلا لطيفه..كيفك.
لطيفه/وعليكم السلام.. الحمدلله بخير..
جوري/بالله أعطيني أمي..
جاها صوت أمها القلقان/هلا جوري..فيكي شيئ.
حست بغصه/يممه تعبانه.. وخالد مايرد تعالي..
صاحت بخوف/لاتكون ولادة..
جوري ببكاء/يمه ..في حاجات نزلت مني.. خايفة يصير شيئ للبنت.
هدتها/لاتخافي مابيصير شيئ..البسي وجهزي أغراضك وشوية وأحنا عندك..
قفلت منها ولبست وجابت شنطة البيبي اللي مجهزتها.. أتصلت لخالد أكثر من مرة وبرضه جواله مغلق.. حاولت تمسك دموعها علشان لاتخوف الأولاد اللي اتلموا عليها..
وبعد ربع ساعة وصل أبوها وأمها وودوها المستشفى..أول ما كشفت عليها الدكتورة قالت ولادة.. بكت وأترجت الدكتورة علشان أمها تجلس معاها..ووافقت الدكتورة لإنها تعرفها طول فترة حملها.. وبعد ساعة..
خرجت أم خالد والممرضة بإرتباك..
أبوخالد بقلق/بشري ...ولدت..
أم خالد ببكاء/ولادتها متعسره..ولازم عملية..
الممرضة/لو سمحت..زوجها لازم يوقع عالعملية..أو أحد مسؤل عنها..
أبو خالد/أنا عمها..أبو زوجها..بوقع لين يجي ولدي..
راح معاهم ووقع عالأوراق..ودخلوها عالعمليات..وفي الليل جاء خالد عالمستشفى..أتصل على أبوه/وينكم..
أبو خالد/تعال عالحضانة..
بعد دقائق كان عندهم وهو يتنفس بقوة/أيش صار.. وينها..
أبو خالد بعصبية/جوالك ليه مقفول.. طول اليوم نتصل عليك وماندري وينك..
خالد بقلق/كان عندي مشوار برا الشركة وجوالي خلص شحنه..ولما رجعت البيت قالت لي لبنى..يادوب شحنت الجوال وجيت..جوري وينها..
مسحت أمه دموعها وأشرت على قزاز الحضانة/ولدت وجابت بنت زي القمر.
حط أيديه على القزاز وقرب وجهه منه وهويشوف الأطفال اللي موزعين عالأسرة بلفاتهم الوردية والسماوية ومو عارف أي واحد فيهم بنته،التفت لأمه/جوري كيفها.. أبو خالد بهم /لسا مافاقت من البنج،بس الدكتورة قالت إنها بخير..
خالد/بنج..ليه بنج..
أم خالد/ولادتها أتعسرت..كشفت عليها الدكتورة وقالت ولادة،وبعد شويه مدري أيش صار لها..أتشنجت وماقدرت تتنفس.. حتى أبرة المغذي ماقدروا يثبتوها في يدها جسمها صار زي الخشب..والدكتورة خافت وقالت لازم عملية ولا بتروح هيا والجنين فيها..
جلس بتوتر عالكراسي، كيف ماشكيت إنها بتولد ،تعبها كان واضح من كم يوم ،واليوم كان زايد عليها ..لعن نفسه على غبائه ..كان المفروض مايروح الدوام وهوشايف حالتها..وكان لازم يتأكد إنها مارح تشكي له ألمها ..وبتتحمل في صمت لحد الإنفجار كعادتها..نادى الممرضة وطلب منها تجيب بنته بعد ماأعطاها أسم جوري..وبعد لحظات خرجت وهي شايله معاها لفة وردية صغيرة وحطتها في يده بهدوء/هادا بيبي زوري، مبروك..
شالها بإرتباك وهو مو عارف كيف يمسكها بسبب حجمها الصغير..وساعدته أمه في حطها بوضع مريح لهم الأثنين،اتأملها بصمت وهو يدقق في كل ملامحها.. شعر أشقر خفيف وخشم وفم وعيون يادوب يبانوا.. إبتسم بفرحه وهو يضمها لصدره ويبوس عيونها المقفله.. وهو مو مصدق ،بنته ..ذي تكون بنته.. قطعة منه ..كيف ذا المخلوق الصغير كان السبب في تغيير حياتة وحياة جوري.. حس بحركة على كتفه والتفت لأبوه اللي يبارك له/مبروك ماجاك..والله يجعلها من عيال البر ..أنا أذنت في أذنها أول ماأتولدت.. بس أنت أذن لها كمان.. هز رأسه بإبتسامة وهو يأذن لها.. وبعد لحظات بدأت تتحرك بإنزعاج وطلع صوتها العالي..طالع فيهم بخوف/أيش بها ذي...أمي خذيها ما أعرف لها..يمكن تطيح..
أخذتها أمه بحنان وهي تسمي عليها وتهزها بلطف ،وجات الممرضة ورجعتها عالحضانة..
كلم أمه/أمي وديني لجوري بشوفها..
راحوا على غرفتها وبما إنها مستشفى خاصة محد دقق في دخولهم المتأخر..
كانت الغرفة تسبح في نور خفيف.. قرب من سريرها بهدوء ،وانصدم من شكلها..وجهها اللي عليه قناع الأكسجين وماأخفى شحوبها الشديد والهالات السوداء اللي تحت عيونها.. خصلات شعرها الخارجة من الطاقية البلاستيك ولاصقة على جبينها بفعل حبات العرق اللي عليه..أيديها اللي مغروزه فيه المغذيات،أخذ منديل ومسح جبينها من العرق ،رغم جو الغرفة المعتدل،جلس جنبها ورفع يدها لشفايفه وباسها بهدوء وبهمس/أسف أني ماوفيت بوعدي..أسف أني ماكنت معاكي زي ماطلبتي..
رجع يدها بهدوء وراح يسأل الدكتورة عن وضعها ،وبعدها رجع للبيت مع أبوه بعد ماعرف إنها بتفوق عالصباح..ونامت أمه عندها..
↚
(جوري)
رمشت بعيونها للحظات بتعب قبل ماتفتحها بألم.. حلقها جاف وحاسه بطعم دم فيه.. وجسمها كأن عشرات الأيدي بتتجاذبه في إتجاهات مختلفة.. حاولت تتحرك وصاحت بألم مكتوم لما حست بسكين تطعنها في بطنها بقوة.. حطت يدها على بطنها واتحسستها برعب وهي تدور بروزها اللي أتعودت عليه لتسعة شهور..مررت يدها على بطنها بالكامل وهي تشهق من الألم ،ودموعها على خدها.."بنتي.. يارب.. بنتي.. وينها"أخر شيئ تتذكره لما قالت لها الدكتورة إنها بتولد وإنها لازم تكون قوية علشان تساعد بنتها،بس هي انرعبت لما أستوعبت كيف هتولد..محد قلها إن الولادة كذا.. كيف يمكن لعقلها اللي اتبرمج على فكرة إنها بتروح للدكتورة وتطلع لها بنتها بمنتهى السهولة ،إنه يفهم كمية الألم الفضيعة اللي حست بيها ..كيف عقلها وجسمها يتحملوا الآم الطلق ومشاعر الرعب والخوف اللي صابتها من مجرد إحتمال إنها تفقد طفلتها بذي السهولة.. كلام الدكتورة نزل عليها زي الصواعق "أنتي كدا بتموتي البت..بلاش دلع وأحزئي.. خدي نفس قامد وخلي البت تطلع وتشم شوية هواء..أقمدي ..حرام عليكي البت هتروح مننا"الكل بيطلب منها تكون قوية..صبورة..الكل يبغاها تكون صخرة ماتحس ولا تتأثر..بس هي ماهي قوية ،هي أضعف مما يتصور الكل..هي محتاجة أحد يقويها ويشد عزمها..وذحين خلاص بنتها راحت.. اللي قبلت حياتها علشانها ،وخلتها تفتح صفحة جديدة مع خالد وتتناسى أي شيئ صار في الماضي.. راحت.. ماتت.. بسببها..بسبب ضعفها وخوفها ومرضها اللي خرب عليها حياتها .. راحت وأتخلت عنها وهي اللي كانت منتطرتها على أحر من الجمر.. حتى خالد أتخلى عنها.. بعد ماوعدها وحلف لها إنه بيكون معاها..وبيستقبلوا بنتهم سوا..أتخلى عنها وقت حاجتها له .أتصلت عليه مائة مرة..همست لبنتها من بين دموعها وألمها إنها تنتظر وتصبر ولاتطلع على الدنيا إلا ويدها بيد أبوها..بس لابنتها أنتظرت،ولا أبوها جاء زي ما وعد... بكت حزن..ألم.. خذلان.. وفراق لحد صوتها ماجمع الممرضات حولها.. حست بحضن موغريب عليها يضمها بحنان محتاجته وصوت دافئ حنون/ليه تبكي حبيبتي.. الحمد لله على سلامتك.
صاحت بصوت مخنوق/يمه بنتي،بنتي راحت وخلتني..جيبيها يمه.. ماشميتها ولاضميتها.. أبغى بنتي..يمه جيبي بنتي.
مسكت وجهها بيديها بثبات/قولي لاإله إلا الله.. بنتك بخير.. لاتخافي..أذكري الله..
جلست تصيح وتبكي وتهذي ببنتها لحد، ماغاصت في عالم أحزانها المظلم ..
صاحت أم خالد بفزع لما طاحت بين أيديها جثة بدون حركة /جوري.. جوري حبيبتي
الممرضة/ماما مافي كوف..هازا منوم الشان هازا دموواا مافي كويس..مدام نوووم،مافي كوف ماما..أوكيه..
جلست عالكرسي تبكي بإنهيار/حسبي الله ونعم الوكيل ..يارب ألطف ببنتي وقويها يارب.
-------------------
(خالد)
نمت لوقت متأخر لأني ماداومت اليوم ،وصحيت على إتصال أمي وصوتها الباكي ،فزيت من السرير بخوف وعقلي وداني لجوري..أكيد صار لها شيئ..ولا ليه أمي تبكي بذا الشكل.. أرتحت شوية لما قالت لي إنها فاقت بس تعبانه ولازم أجي..لبست بسرعة ورحت لهم..
وفي المستشفى حكت لي اللي صار وفهمت منها أن الدكتورة الغبية هيا اللي كانت السبب،رحت لها وشرشحتها في مكتبها وطلبت لها المدير وأشتكيت عليها، وقلت له بأي حق تكلمها بذي الطريقة وتخوفها كذا..إذا هيا مو قد وظيفتها لاتشتغل.. أنا جايب زوجتي مستشفى خاص علشان يهتموا فيها ويراعوها.. مو يعقدوها.. وهددتهم لو صار لها شيي بشتكيهم في الشرطة..طبعاً المدير طار في الدكتورة وهزئها قدامي وخلاها تعتذر لي.. وشغلت لي أسطوانة وماعد سكتت المصرية..
رجعت لجوري بعد ما أرتحت نوعاًما وبردت ناري في الدكتورة شوية..
قالت الممرضة إن المنوم مفعوله إنتهى وإنها هتصحى في أي لحظه..خطرت لي فكرة ونفذتها على طول..
---------------------
(جوري)
شميت ريحة غريبة أثارت كل حواسي بسرعة،فتحت عيني وشفت سقف الغرفة الأبيض ..كانت قريبة مني وتداعب خشمي بخفة ،حسيت أني في حلم جميييل..نزلت دموعي غصبا عني وغمضت عيوني وأستنشقت الريحة بعمق وتلذذ غريب..بنتي ..ذي ريحة بنتي .ياما شميتها وأتخيلتها.. ياما حلمت بيها..فتحت عيوني وأنا أحس بشيئ يضغط على رقبتي وصدري .. كان خالد جنبي وحاط يده على صدري،إبتسم لي/بنتك أزعجتنا من أول تصحيكي وأنتي غرقانه في النووم.. خذيها تعبتني.
رمشت بعيوني بتوتر من اللي سمعته "بنتي.. هو قال بنتي تصحيني ..قال أخذها..أنا سمعته مايتهيألي"
نزلت رأسي والريحة لازالت محاوطتني بقوة ،أنتبهت ليده اللي على صدري كان ماسك شيئ فيها،رفعت أيديني بتردد ومسكت اللي ماسكه وقلبي يدق بقوة لدرجة حسيت إنه بيخرج من صدري ..كان شيئ طري وصغير وريحته حلوة ومميزة أحلى من أي عطر باريسي وأفخم من أي دهن عود..ريحة برائه.. حب..طفولة ممزوجة ببودرة أطفال ناعمة.. ضميت الشيئ الصغير بقوة وأستنشقت الرائحة بعمق لحد ماتغلغلت فيا حتى النخاع .. هيا نفسها ، والله ريحة بنتي.. ريحة ياسمين.. رفعتها لوجهي وزدت في ضمي لها وأناأبكي بحرقة ومو مصدقة إنها في حضني وبين أيديني.
حسيت بأحد يسحبها مني،وبصوت خالد يضحك/بشويش على بنتي فطستيها وخليتيها تبكي..
فتحت عيوني بخوف وأنا أسمع بكاها الحاد والعالي ،إبتسمت بفرح وأتحولت إبتسامتي لضحكة عالية وصوت بكاها كأنه سمفونية عذبة لماجدة الرومي..قصيدة لنزار قباني بصوت كاظم الساهر..
شديتها بقوة وبرجاء/حلفتك بالله لاتأخذها.. خليهامعايا ..لاتأخذها..
ضحك بقوة مع أمي اللي واقفة جنبه وتمسح دموعها..ضميتها لصدري بيد وحاولت أسند نفسي عاليد الثانية وأرفع جسمي لفوق علشان أقدر أشوفها..وصحت بألم وعجز من الوجع اللي أحس فيه..قرب مني خالد وعدل لي السرير..ورفعني بشويش لحد ماأستقمت في جلستي نوعاً ما..رفعت بنتي قدامي بلهفه.. أخيراً شفتها.. اللي ياما اتخيلت شكلها وانتظرتها شفتها اليوم..كان وجهها أحمر وصغير ومكرمش بشكل يضحك بسبب بكاها اللي ما وقف.. خشمها غريب ومنقط بنقط صغيره مدري كيف أنتبهت لها ..وشعرها أشقر وخفيف.. حطيتها في حضني ومسكت يدها كلها في أصباعين من أصابعي ،كانت صغيرررررة وطرية..فتحت كوفلتها وشفت جسمها ورجولها الصغيرة وضحكت من قلبي عليها...
رفعتها قدامهم بحذر/يممه شايفه شكلها.. صغيرة مررره..يمه حلوه وتجنن..
أم خالد/الله يحفظها ويقر عينك بها يا بنتي.
غطيتها بكوفلتها وضميتها لصدري بشويش/بس ياقلبي.. سامحيني وجعتك..خلاص أووششششش لاتبكي ،أنا هنا ..ماما هنا...
خالد بضحكه/لا يا شيخه..فهمتك كذا..يلا رضعيها خليها تسكت أزعجتنا بصوتها ذا...
طليت فيه بخوف/قول ماشاء الله على بنتي..حرام عليك..
جلس عالكرسي جنبي وبحماس/ماشاء الله مليون مره..أرتحتي..يلا رضعيها ،بشوفها وهيا ترضع..
طالعت فيه بتناحه/أرضعها..ماأعرف..يمممه تعالي..
أم خالد بهدوء/أيش اللي ما تعرفي أنتي الثانية..حطيها على صدرك وهي بترضع لوحدها..
عدلتها في يدي ورفعت رأسي وفكت لي عقدة اللبس حق المستشفى..ونزلته من كتفي قبل ماأوقفها بسرعة/لحظه لحظه.. قولي لولدك يخرج أول..
نط خالد قدامي بإستنكار/أنا...وربي ماأخرج..ليا ساعة أقولك رضعيها بشوف.. تقولي أخرج.. مع نفسك والله ما أتحرك من هنا لو أيش يصير..
أم خالد ببساطة/جوري سيبيه ،مالك فيه.. بعدين أيش بيشوف أنتي كمان..شايف كل شيئ..
صحت بإحراج/يممممممممه..
ضحك عليا خالد بشماته/ههههههههه ،من جد والله.. يلا جوري البنت ماتت من الجوع..
رديت بخوف/بسم الله عليها ..لاتقول كذا مره ثانية..
وقف ضحك وجلس جنبي عالسرير، وبجدية/ أسف حبيبتي مو قصدي والله...
ورجع بترجي/يلا جوري ..بالله رضعيها ..بلاإستهبال..
هزيت رأسي برفض قاطع/ خالد من جدك، بلا قلةأدب.. حل عني ياأخي.
خالد بأصرار/حلفت ماأخرج..أنسي الموضوع..
أم خالد بعصبية/وبعدين معاكم أنتوا الأثنين.. البنت جيعانه وأنتوا تستهبلوا..
طالعت فيه بغيض/لف وجهك هناك..بسرعه..
لف وجهه وهويضحك ومبسوط/أخيراً ..
طلعت صدرها لبنتها اللي على طول ركزت عليه ..وسبحان الله اللي علمها كيف تمسكه وترضع منها بهدوء..سحبت طرحة أمها من على رأسها وحطتها على كتوفها وغطت صدرها براحة..
خالد بنذالة/يلا..ترى بلف وأشوفك وأنتي ترضعي بنتي..
أم خالد بضحكه/لف يلاا..
التفت بحماس ووقف بصدمه وهويشوفها كيف مغطيه نفسها بطرحة أمه،وبعصبية/جوري بلا إستهبال.. شيلي الطرحة قبل ما أسحبها..بشوفك وأنتي ترضعيها..
رفعت رأسها بإبتسامة/سألتك بالله ماتسحبها.. بعدين أكلت رأسي بالشوفه ذي...ماعاد إلا هي تشوفني أرضعها ،أحد قالك أني فرجة..
جلس بقهر/وربي أنك سخيفة..ليه تحلفيني..قلت لك بشوفكم ،ماقلت شيئ. إذا ناسيه..ترى شفت كل شيئ..
شهقت بقوة وحمر وجهها بخجل وبهمس/قليل أدب.
غمضت عيونها بألم وشدت على اللحاف بقوة ،وانتبه لها خالد/تعبانه،أنادي الدكتورة..
جلست أم خالد جنبها ومسحت على رأسها/عادي حبيبتي ذي التقلصات بسبب الرضاعة كم يوم وتتعودي..المهم ترضعيها مو تتعوري وتسيبيها ترضع من الرضاعة..
جوري بهمس/لا..إن شاء الله بترضع طبيعي..مو مهم الألم..
ضمت بنتها لصدرها بحب وسندت رأسها عالمخدة بتعب..
قرب منها خالد ومسك كتفها،فتحت عيونها بسرعة.. للحظه فكرت إنه بيسحب الطرحة من كتفها..بس اتفاجأت بكلامه/أسف أني ماكنت موجود..والله كنت برا وجوالي مطفي..ماكنت قاصد أخلف وعدي، سامحيني..
إبتسمت وغمضت عيونها ،وبشرود/ خلاص، مو مهم..المهم إنها جات وما خلتني..
هز رأسة بموافقة وردد وراها/أيووه،المهم إنها جات..باس رأسها وخرج..
↚
(خالد)
طلعت من عندها وأنا حاس بخنقه..أدري أني غلطت لما ماجيت عالوعد..وأدري إنها كانت خايفة وقت الولادة.. وأكيد لما فاقت وأفتكرت إن ياسمين ماتت أترعبت وقربت تتجنن كمان،بس أنا ماتعمدت ذا الشيئ.. ظروفي جات كذا..المفروض ماأزعل من كلامها قبل شوي..هيا تعبانه وماقصدها شيئ باللي قالته..بس أنا ليه أتضايقت منها..يمكن لأني عارف إنها قبلت بوضعنا وحياتنا بسبب حملها..ولإنه السبب في تغيرها اللي صار..اتنهدت بضيق وقررت أرجع البيت بعد ماكنت ناوي أقعد معاها..
(جوري)
أرتحت لما سمعت صوت الباب وعرفت إن خالد راح..فتحت عيوني بشوق للمخلوق الصغير اللي ضامته..نزلت الطرحة وشفتها ترضع بهدوء وراحة..يالله قد أيش جميلة وتأخذ العقل.. كنت متخيله إني وصلت لحبي لها وهيا داخلي لدرجة مو معقولة ..كنت أكلمها وأشكي لها وأغني لها كأنها قدامي.. بس لما شلتها وشميت ريحتها وضميتها لصدري أيقنت إن حبي لها تجاوز حدود العقل والمنطق..كيف يكون المخلوق الصغير ذا.. له القدرة للسيطرة على مشاعرنا بذي القوة والإحكام.. أسرتني بوجهها البريئ وريحتها المميزة وصوتها الباكي الضعيف..
بستها على عيونها وخدودها وخشمها بشوق وهمست لها/تستاهلي كل شيئ عملته علشانك..تستاهلي كل غلطة سامحته عليها، وكل كلمة حب قلتها له.. وكل لمسة أتنازلت له عنها..تستاهلي أعيش حياتي كلها علشانك أنتي وبس..بس أنتبهي في يوم تكسريني زي أبوكي..أنتبهي تكبري وتصيري زيه..قلبك قاسي ومايرحم..لاتخليني في يوم أندم على قراري..فاهمه..
مسحت دموعها بهدوء وضمت بنتها لصدرها وإبتسمت وهي تتذكر اليوم اللي عرفت فيه حملها.. والأيام تلت وصولها لجدة
------------
(قبل كم شهر)
خلصت تنظيف المطبخ بعد إصرار منها لعدم دخول أمها علشان تساعدها..شالت الصينية اللي عليها الشاي والقهوة العربية وحطتها في الصالة قدام أبوها وأمها مثل ماتناديهم ورجعت تجيب صحون الكيك والتمر اللي جهزته،ناداها أبو خالد بحنان/تعالي جنبي..
ليه تعبتي نفسك ،كنتي كلمتي خالد يشتري كيك من برا..
هزت رأسها بلا وصلت لهم الشاي والقهوة كلاً حسب طلبه..دخل عليهم مازن ومؤيد بحماس/ شفت ماقلت لك سوت كيك..
جلس جنب جوري ومد يده لمازن بإنتصار/بسرعة هات الخمسة.
اتأفف مازن بضيق وطلع من جيبه خمسة ريال وأعطاها مؤيد اللي باسها بفرح وحطها في جيبه..أخذ قطعة كيك وأكلها بضحك..
أم خالد/أيش فيك مبسوط كأنك غايب من المدرسة.
مازن بقهر/أخذ فلوس مني ،ليه مايكون مبسوط.
أبوخالد بإستغراب/وليه زعلان وأنت معطيه بيدك..
مازن/ وأحنا في الشارع..قال إنه بنجي وجوري مسويه كيك،قلته أيش عرفك قال أحساس ،واتراهنا إذا سوت بعطيه خمسة وإذا لا بيعطيني هوا..
ضحكوا على مازن اللي قاعد يبربر وهومعصب.. مسك خالد مؤيد من أذنه وبتهديد/طلع الخمسة بسرعة..
مؤيد بإندفاع/أحنا متراهنين..بزرنه هيا.. صارت حقي .
خالد بعصبية مفتعله/لا يا شيخ..زوجتي تتعب وتسوي الكيك..وأنت تأخذ الفلوس وكمان تأكل.. كيف تجي ذي..عالأقل أقسمها بالنص معاها..
مؤيد بلؤم/الله أكبر...هيا مستنيه الريالين والنص حقي..على أساس ماتعطيها أنت و أبويا..
أبو خالد/يا قليل الحياء،بتحاسبنا وتحاسبها ضربه خالد على رأسه/زوجتي وأعطيها.. أنت أيش حارق رزك..
مؤيدبمسكنه/الله يالدنيا..أنا من زمان أخوك وتضربني علشان زي البزره اللي دوبك متزوجها..هان عليك العيش والملح.. ضحكوا على كلامه اللي طالع من قلب..
ضحكت جوري وطلعت من جيب تنورتها عشرة ريال وأعطتها مازن اللي رفض يأخذها بأدب،قربت منه وحطتها في جيب قميصه ،وبهدوء/والله تأخذها..وثاني مرة لاتصدق لمؤيد،كان عندي في المطبخ وأنا أسويها.
قلها بأدبه اللي تعودت عليه من يوم ماجات/شكراً..خلاص في المغرب بجيب لك معايا بطاطس وعصير توت ،مو تقولي شبعانه..
هزت رأسها بإبتسامة..واتأملت الكل بصمت ..في قلبها شكر للأثنين اللي خففوا عنها من يوم ماوصلت لجدة..مازن ومؤيد..مازن راقي في تعامله وأدبه معاها..ومؤيد على طول يضحكها بحركاته ومقالبه في لبنى ومازن..ولبنى اللي فكرتها بشيماء أختها ،نفس الدلع والدموع اللي تنزل وقت اللزوم. كانوا ماليين عليها وقتها بطريقة حلوه.. عمها وعمتها اللي غرقوها بطيبتهم وحنانهم علشان ماتحس بنقص وغربة.. خالد ومعاملته اللي تغيرت معاها من بعد إنهيارها المفاجئ ..ما حاول يلمسها طول الأسبوع اللي قضوه في بيت أهلها قبل سفرهم ..وحتى بعد وصولهم لجدة ظل معاها يوم بكامله يحاول فيها إنها تتكلم أو تبكي أو تعبر بأي شيئ عن اللي تحسه بسبب فراق أهلها..ومالقي منها غير كم كلمة قالتها بكل برود ماتدري من وين نزل عليها/مافيني شيئ،محد بيموت من فراق أحد يحبه... الحمدلله عايشه..
وبعدها هي صارت وحده ثانية ..أستغربت من نفسها ليش مابكيت ..كانت حاسه مثل لوكان بداخلها حفرة وكل مالها تكبر وتبلع معاها جزء من نفسها ..حست بفراغ وعجز ،حتى دموعها رفضوا ينصاعوا لأوامرها وينزلوا..كأنهم مستكثرين عليها تبكي وترتاح ..صارت تسوي شغل البيت وتجلس شوية مع عمتها وعمها وباقي الوقت في غرفتها مع رواياتها..أختفى الضحك..المرح..حتى حوارات خالد المستفزة والمعتمدة ماصارت ترد عليها ،ورغم إنها كل يوم تنتطره وهي بزينتها ولبس النوم.. إلا إنه كان يكتفي ببوسة على خدها أويضمها لصدره قبل ماينام..هي تحاول ماتحرمه من حقوقه.. وهو عارف إنها مو متقبلته وبيحاول يكسب قلبها بحركته ذي..
لطيفة وليلى ذول نوع ثاني من البشر ،نوع أول مرة تقابله ..هي سمعت عن الغرور والتكبر ،بس ماقد صادفت أشخاص في حياتها بذي الصفات..ورغم برودها المفاجئ إلا إنها قابلتهم بإبتسامة بشوشة وصادقة.. بس أنصدمت من نظراتهم المتعالية وسلامهم البارد اللي كان بدون نفس..لكن الأيام اللي بعدها ومقابلتهم معاها،خلتها تعرف طباعهم.. وعلى قد ما هم جميلات من الخارج،كانوا قبيحات من داخلهم..شايفين نفسهم بقوة ، مغرورات بجمالهم ،مايحبوا غير ناس بنفس تفكيرهم السطحي ،والأهم من كذا ..شايفين خالد كثير عليا..وإنه ظلم نفسه بزواجه مني..
حسيت بأحد يهزني،التفت لقيت مؤيد/أنتي ماتسمعي..
رديت بهدوء/أسفه ما أنتبهت..أيش فيه.
أشر على خالد وبنبرة عدم تصديق/خلود يقول إنك حريفه في الكوره..من جده ولا يمزح..
طالعت في خالد المبتسم بإستغراب"أيش عرفه أني ألعب كرة..ماقد لعبت قدامه"
ردت على مؤيد/يعني..أعرف ألعب شوية..
لبنى بأشمئزاز/كورة..يعععععع..في بنت تلعب كورة؟
إبتسمت وهي تتذكر لما كانت تروح تلعب في الحارة مع أخوانها وشيماء تعصب منها.. مازن بإهتمام/طيب تعالي ألعبي معانا ،فيه كورة..أنا وأنتي فريق،وخالد ومؤيد فريق.
أستحت من عمها وعمتها وخالد ومنهم..لها شهرين تتعامل معاهم بالمسطرة،وفجأة تقوم تلعب كرة معاهم.. هزت رأسها بلا..
أم خالد بمكر/من جدكم أنتوا...ماتعرف..
أبو خالد بتشجيع/ذي جوري.. قومي كسري رأسهم وأنا الحكم..
إبتسمت على حماس عمها وماحبت تكسر بخاطره،التفتت لمازن/بلعب شوية ،لا ترجع تتريق عليا..
وقفت واتفاجأت بخالد اللي سحبها لغرفتهم وفتح دولابها،طلع لها بنطلون رياضة أسود وفانيلة الأرجنتين وبحماس/البسي ذول وتعالي عالحوش ..
وقفته بيدها قبل مايطلع/لحظه..البس كذا قدام أخوانك،عادي؟
ضحك وسحبها للمرايه/تنكتي أنتي ووجهك تراكي صغيرة..وبعدين ذول أصغر من لبنى، أنتي عمرك 15،ولبنى 13..يعني مازن اللي مستحيه منه عمره 11،وأبو لسان طويل عمره 10..يعني عادي وشيلي حجابك ذا كمان.
خرج وسابها بعد ما أقتنعت وبعد دقائق خرجت الحوش بمنظرها الجديد عليهم بلبس الرياضة والكوتش وشعرها اللي رافعته ذيل حصان، وسط ذهول وإستنكار لبنى،وإستغراب مازن ،وحماس مؤيد/ههههههههههههه،حركااات والله ،على بالك لو لبستي كذا بتعرفي تلعبي.. والله شعرك حلو،بس أنتبهي لايعورك ..هههههههههههههه.
إبتسمت بثقة/مالك ولشعري..لو فزت عليك بتشتري لي كيكة بدل اللي خلصتها،ولو أنت فزت بسوي لك كيكة لوحدك..تمام.
صفر لها مازن بإعجاب/شكلك حريفة ..أنتي في فريقي ..لاتنسي..
خالد بأعتراض/زوجتي تلعب معايا... أسرحلك..تعالي هنا.
راحت لمازن وحطت يدها على كتفه/أسفه أختارني قبلك..بعدين كيف ألعب معاك وهم مع بعض ،كذا اللعب يصير مافيه تكافؤ.. العدل أثنين كبار مع أثنين صغار..
مؤيد بعصبية/هيييي..أنتي،أيش صغار ذي،صدقتي نفسك تراكي قد لبانه..
لبنى بدلع/بابااااااا..قله يبطل يقول لي لبانه..
أبو خالدبملل/خلصونا والعبوا..مؤيد أنطم ولا أنقلع جوه..
شده خالد من أذنه/صوتك ما يترفع على زوجتي..وياويلك لو أنبرشتلها ولا كسرتها،تحسبها واحد من عيال الحارة.
مؤيد/هاااا..بدينا..زوجتي ومازوجتي ..أنت قلت حريفة ،خلاص تلعب ،أما تقعد تتبكبكلي من ذحين مو لاعب.
أم خالد بغضب/ولد..تبغى تكسر أختك ولساتها عروسة.. هموتك لو سويت لها شيئ.
عصب منهم وجلس على جنب/يلعن أمها من كيكة..بطلت مو لاعب.
ضحكت جوري وراحت سحبته من يده وبجدية/أول شيئ لاتلعن حرام..وثاني شيئ إذا قدرت تكسرني مدري الثانية اللي قالها أخوك وماعرفتها المهم سويها..
مؤيد بتريقة/أنبرشلك..يعني أتزحلق وأخذ الكورة منك.
رددت وراه/أنبرشلك..اهااا..قول اتزحلق وخلصني..مو مشكله يلاا.
انقسموا وكل فريق حدد المرمى حد المرمى تبعه وبدأت المباراة .. الكل كان يلعب هجوم ويتراجعوا للحراسة.. لبنى وأم خالد يشجعوا جوري ومازن وأبو خالد يشجع الكل... أنسجمت جوري مع اللعبة وحطت فيها كل ضيقها.. سجل خالد هدف في الشوط الأول وحاول مؤيد ينبرشلها كذا مرة رغم تهديد خالد ،بس جوري قدرت تتفاداه بكل سهولة و ما عرف يأخذ منها الكورة.. وفي الشوط الثاني أتحمست جوري وسجلت هدفين بعدها خالد سجل هدفين،وأنتهت المباراة بفوزهم..
الكل دخل وسط صراخ مؤيد الفرحان بفوزهم ،ومحاولاته إنه يخلي جوري ومازن ينقهروا ..بس جوري كانت مبسوطه باللعبة وما أهتمت بالخسارة ومازن كان متحمس على لعبها وطلب منها يلعبوا سوا بعد كذا علشان يتمرن معاها..
خالد وأمه وأبوه كانوا مبسوطين لأنهم قدروا يخرجوا جوري من حالة الصمت والبرود اللي هيا فيها وكسرت الحاجز اللي بنته حولها..وخلال أسبوع أتحسنت علاقتها في لبنى ومازن ومؤيد وصار أغلب وقتهم اللي يقضوه في البيت يكون معاها يلعبوا سوا وصارت تروح أوقات مع لبنى لبنات جيرانهم وحبت منهم ثلاث بنات بشكل خاص(ساره،حنان ،فاطمة ) ساره وحنان سعوديات ،وفاطمة كانت يمنية وأصغر منها بكذا سنة ،بس مع الوقت اتعلقت فيها.. كانوا لطيفات ودمهم خفيف،وطيبات ودخلوا قلبها بسرعة ..
↚
صار لها أسبوعين تعبانه كل يوم تصحى وهي حاسه بصداع وغثيان وأستفراغ ودوخه غريبة تفاجئها في كل وقت.. بعد ماشربت قهوتها مع عمتها وعمها راحت تصحي خالد لداومه..دخل يتروش وطلعت له ملابسه وحطتها عالسرير ووووو
وبعدها لقيت نفسها نايمة عالسرير وخالد وعمها وعمتها حولها..عدلت نفسها بإستغراب/مالكم..في شيي؟
أم خالد بخوف/أنتي اللي مالك..ليكي كم يوم تعبانه ووجهك مصفر ،وذحين طحتي دايخة..
جوري بشك/أنا.. متى!
خالد بقلق/طلعت من الحمام(أكرمكم الله) لقيتك طايحه عالأرض..أمي لبسيها العباية بوديها المستشفى..
جوري برفض/من جدك أنت..عادي بس يمكن مانمت ولا ما أكلت كويس.
أبو خالد بعتاب/أيووه.. ليكي كم يوم أكلك مو عاجبني..ليه مهمله نفسك كذا..
ردت بتفكير/يمكن الجو متغير عليا،حاسه الأكل ريحته وطعمه غريب..موقادره أكل..
أم خالد بشك/من متى وأنتي تعبانه؟
خالد بعصبية/يالله منك..مادامك تعبانه ليه ماتتكلمي..البسي بسرعة ،أنا برا..
وخرج بغضب ولبست عبايتها وطلعت.
-----------
نادت الممرضة أسمها ودخلت مع خالد للدكتورة ..
الدكتورة/ بتشكي من أيش ياحلوه..
جوري بهدوء/لي فترة بحس بتعب عام، ودوخه وغثيان..ول---
قاطعها خالد/واليوم أغمى عليها..
إبتسمت الدكتورة/أنتوا عرسان؟
خالد/صار لنا تقريبا ثلاث شهور.
مسكت التقويم وسألت جوري/متى كانت أخر دورة..
بحلقت فيها بإرتباك/هااا..
كررت سؤالها/أخر دورة متى كانت..التاريخ..
حطت يدها على جبهتها بإحراج من السؤال الغبي،وحست بعيون خالد مسلطه عليها وبأحراج/مدري..
الدكتورة بإستغراب/كيف ماتدري..في وحده ماتعرف دورتها متى تجيها..
جوري بهدوء ممزوج بخجل/أيوه أنا.. وأيش المهم فيها علشان أعرف..بتجيني كم يوم وتروح..وخلصت الحكاية..
أتنهدت الدكتورة/أنتي كم عمرك..
خالد بإبتسامة/ 15.
الدكتورة/أهااا.. علشان كذا..طيب روحوا أعملوا تحليل الدم ذا وتعالوا بعد نص ساعة..
راحوا عملوا التحليل وبعد نص ساعة..
جوري/خالد لو سمحت أستنى هنا و لا تدخل معايا.
خالد بجدية/ليه إن شاء الله..
جوري بأحراج/ذي دكتورة نساء،ليه تدخل..
حس بأحراجهاوحب ينقزها/وأنتي نساء وزوجتي لازم أدخل معاكي وأطمن عليكي..
جوري بعصبية/خالد مو وقت خفة دمك.. خلاص أنا بقولك أيش يصير.. رجاءً.
ضحك وهز رأسه بموافقة وجلس عالكراسي برا وهي دخلت للدكتورة وأعطتها نتيجة التحليل..
رفعت الدكتورة رأسها وهي مبتسمة/زي ما توقعت...مبروووك...أنتي حامل..
حامل.......حامل........حامل.......حامل
اترددت الكلمة في عقلها كذا مرة،أنتي حامل
رمشت بعدم إستيعاب ورددت بصدمة/حامل...أنا!..ليش.......كيف حامل؟
الدكتورة بضحك/كيف كيف وليش..زي كل الناس..وحده متزوجه وحامل عادي... بتحصل في أحسن العائلات..تعالي معايا ..
أخذتها ونيمتها عالسرير وعملت لها السونار وورتها نقطه في الشاشة ذا البيبي.. جنسه يبان في الشهر الرابع..أنتي تقريبا حامل في شهر ونص لشهرين ...
قامت لمكتبها وساعدت الممرضة جوري اللي مانطقت بكلمة.. وأكتفت بهز رأسها بين لحظه والثانية ..خرجت بعد ماأعطتها الدكتورة كتيبات عالحمل ونصايح بالأشياء اللي تعملها وتتجنبها.. وقفها خالد/هااا،أيش قالت الدكتورة..
طالعت فيه بصمت وأعطته ظهرها ومشيت ،مشي وراها وهومعصب منها ،ولما وصلوا للسيارة وقفها بغضب،طالع فيها بإستغراب عيونها مليانه دموع وركبت السيارة بهدوء، طول الطريق ساكتة وأحترم سكوتها..ألف فكرة جات في باله، لكن فضل يوصلها البيت ويرجع للدكتورة يفهم الموضوع منها.. دخلت لغرفتها على طول فسخت عبايتها وجلست عالأرض، دخل خالد وراها وخاف من شكلها دموعها تنزل على خدها بصمت وهي تتنفس بعمق وتركيز...جلس جنبها ومسك أيديها وبقلق/يابنت الناس أيش صار.. الدكتورة أيش قالت لك خلتك كذا.. جوري اتكلمي خوفتيني.
خاف أكثر لما طالعت فيه بدون ماترد/إذا فيكي شيئ لاتخافي بعالجك..وإذا لزم الأمر بسفرك برا..الطب أتقدم وكل شيئ صار سهل،أنتي قولي أيش فيه.
رمت نفسها في حضنه وصارت تبكي وهي تضمه بقوة،خلاص ذحين اتأكد إن فيها بلاء..ضمها لصدره وصار يهديها/خلاص حبيبتي.. لاتخافي.. أنا معاكي ،بنلقى حل للمشكلة..لاتبكي،ذحين بتتعبي زيادة ،أهدي شوية..
فجأة وقفت بكاء وبعدت عن حضنه ،صارت تتنفس بهدوء وهي مغمضه عيونها..مسك أيديها بحنان/أيوه.. أهدي،وأتنفسي.. وكل شيئ له حل.
فتحت عيونها ومسحت دموعها،طالعت فيه بنظرات غريبة ورفعت يده وحطتها على بطنهاوبصوت مبحوح/أنا....أنا....حامل....
سحب يده من بطنها وفز بسرعة/حامل..كيف..
وقفت قدامه ومسكت يده بقوة ورجعتها على بطنها،وبثبات/أنا.. ح..ا..م..ل..يعني في مخلوق عايش داخلي.. يتنفس الهواء اللي أتنفسه..يأكل اللي أكله.. يعتمد عليا في كل شيئ..يعني هنا حياة،فاهم يعني أيش حياة؟ يعني يكبر معايا يوم بيوم ويعيش اللي أعيشه ..ويحس في اللي أحس فيه.
هز رأسه بموافقة وهي تشد يده على بطنها وتتابع كلامها بس ذي المرة بدموع/بس أنا ما أبغاه يعيش اللي عايشته، ويحس باللي حاسته ذحين..ماأبغاه يكبر معايا وأنا حاسه بمرارة في حياتي.. ماأبغاه يخرج للدنيا ويلقانا كذا.. حياتنا غريبة ومالها أساس متين تنبي عليه، ومشاعرنا ملخبطة، وعلاقتنا مالها وصف محدد.. جلست عالأرض بتعب/أبغاه يخرج يلقانا منتظرينه سوا،يدنا بيد بعض،يخرج يلقى أم وأب يحبوا بعض ومتفاهمين..يلقى بيت يحتويه ويكبر فيه بأمان وهو عارف إننا حوله وماهنتخلى عنه أبدا.. اللي جالسه أطلبه كثير ولا شيئ مستحيل !..ولا شيئ راح وقته ومو من حقي أطلبه؟
رفعت رأسها ليه بتساؤل وشافته يطالع فيها بجمود وكأنه في عالم ثاني..نزلت عيونها بألم"أكيد شايف إنه شيئ مستحيل ومو من حقي".حاولت توقف بثبات ومسحت دموعها وإبتسمت/لاتضغط على نفسك..خلاص ردك وصلني..أنا بخرج شوية وبعدها برجع علشان نتفاهم على كل شيئ.. مشيت بهدوء قد ما تقدر مع إنها حاسه بغثيان ودوخه،بس لايمكن تضعف قدامه مرة ثانية مادام أختار يبعد نفسه عنها واللي في بطنها..
وصلت للباب بجهد وفتحته واتفاجأت بيه ينقفل بقوة وبصوت المفتاح يدور فيه..
↚
لنتفائل بحدوث أشياء سعيدة،أخبار جميلة، مستقبل أفضل..فالثقة بالله تجلب كل مالم يكن في الحسبان..
فقط أحسنوا الظن به..
------------
(خالد)
على كثر الأفكار اللي جات في بالي لما شفت حالتها بعد ما طلعت من عند الدكتورة ،لكن الفكرة الوحيدة اللي ماخطرت لي..إنها تكون... حامل...حامل!!
مدري ليه فجأة حسيت بالخوف..بالضياع.. بالإرتباك. كيف تكون حامل..يعني فوق وضعي المعقد معاها.. زاد تعقيد الوضع أكثر بخبر حملها..صدمتني بكلامها عن حياتنا واللي نمر فيه..قالت كل اللي كنت حاس فيه وموقادر أشرحه ولا أقوله لأحد.. وأنا اللي كنت مفكر أني الوحيد اللي كنت شايل هم حياتنا وأحاول القى لها حل..كانت تتكلم عن اللي في بطنها وكإنه إنسان كامل وخلاص خرج عالدنيا ،وتبغى حل فوري لوضعنا في اللحظة ذي بالذات..كنت حاس نفسي في دوامة وخبر حملها صدمني..
انتبهت للغرفة اللي هديت فجأة وأختفى منها صوتها ،التفت لها ولقيتها بتطلع..قفلت الباب بالمفتاح ومنعتها من الخروج،وأنا واصل حدي منها/ كم مرة قلت لك لاتمشي وأنا أكلمك..رايحة فين وسايبتني..
طالعت فيه بنظرات زايغة/بس أنت ماتكلمت أساساً، أنا اللي جالسه أتكلم من ساعة وأنا حاسه إني أكلم نفسي..أنا قلت اللي عندي وأنت ماعجبك كلامي..خلاص جلستي مالها داعي أكثر من كذا..
سحبهاخالد للسرير بعصبية/أنتي ليه بتتكلمي عني..أنا نطقت وقلت كلامك مو عاجبني؟..ليه بتفكري وتقرري من نفسك ولنفسك! وتفسري تصرفاتي على كيفك.
جوري برجفه/سكوتك ماله تفسير ثاني..أنا قلت لك كل اللي حاسه فيه وكل اللي خايفة منه..كل شيئ كاتمته في داخلي..وكنت منتظره منك كلمة تريحني..وأنت أيش كان ردك..صمت في صمت..وجاي تلومني على تفسيري لتصرفك..
خالد بحده/وين حسن ظنك..ليه ماأحسنتي الظن في سكوتي وفسرتيه بشيئ ثاني..
ضحكة بعصبية/أنت شايف أني في حالة تسمح لي إني أحسن الظن في تصرفاتك ..
اتنهد بضيق/بلاش تحسني الظن..أقل شيئ تفكري بعقل ومنطق..أنتي عالأقل كان عندك وقت تستوعبي خبر حملك ،فكرتي في كل شيئ من وقت ماعرفتي لوقت ماجينا عالبيت..بس أنا أنصدمت..فاجأتيني بحملك ومستنية مني رد في نفس اللحظة.. كيف إذا أنا لسا ما أستوعبت اللي تقوليه..الأمور ذي يبغالها وقت علشان الواحد يفكر فيها ويخطط لها بهدوء..
طالعت فيه بإستغراب/تفكر وتخطط بهدوء؟
أنت ليه أناني وتفكر في نفسك وبس؟ ليه ما تفهم إنه في طرف ثالث بينا،معتمد علينا وصرنا مسؤلين عنه،طرف يستاهل إنه نحل كل خلافاتنا علشانه، ونبدأ صفحة جديدة سوا.. بتفكر وتخططط لأيش.. بيدخل أي مدرسة؟بيتزوج في أي عمر ؟بيشتغل أيش لما يكبر؟ كل اللي طلبته منك هو التفكير في وضعنا الحالي.. إذا كنا بنستمر عالوضع ذا.. أو إذا ناوي نبدأ من جديد..
خالد بهدوء/تقدري تقولي لي أيش خطتك علشان نقدر نبدأ من جديد؟
ضغطت جبينها بألم/أنت أيش حكايتك مع الخطط والتخطيط ،أنت محاسب ولا مهندس معماري؟
خالد بحدة/تتريقي حضرتك!
هزت رأسها بنفي/أنا أختصرت لك الموضوع في كلمتين..نخلي الماضي ورانا ونفتح صفحة جديدة ونفكر في اللي جاي..ليش لازم أشرح بالتفصيل..
أخذت نفس طويل وتابعت برجفة واضحة/يعني اللي صار بينا أول ملكتنا خلاص.. بسامحك عليه.. ومارح أفكر فيه،ولا هسمح إنه يكون.. حاجز بيني وبينك..واللي صار بعد زواجنا كمان هعتبره... حقك..حقك وأخذته مني.. أو عقاب منك عاللي سويته فيك وقتها.. هعتبرك من اليوم زوج ..وأخ.. وأب.. و..ح.ب.ي.ب.. هتكون شيئ ثابت ومهم في حياتي ووو
ماقدرت تكمل كلامها من موجة الغثيان اللي فاجأتها بقوة..حطت يدها على فمها وهي تحاول تهدأ..
مسكها خالد من كتوفها بقلق/أهدي شويه..
تبغى تستفرغي..أشيلك لل---
قاطعته بتعب/ مافيني شيئ..أنا بخير ..لاتشغل بالك..
خالد بحده/جوري وربي مو فايق لك..أنطمي وخليني أشوف أيش فيكي..
حط يده على جبينها وخدها/حرارتك مرتفعة بروح أجيب خافض حرارة.
هزت رأسها بلا/ما أقدر أشرب دواء.
طالع فيها بعصبية/جوري مو قت دلعك.. لازم تشربية حتى لو ماتحبيه..
بحلقت فيه/مو دلع..أنا ماأحب أشربها لإنها تمرضني زيادة..لكن ذحين ماأقدر علشان النونو..يمكن يأثر عليه...
طالع فيها بإستغراب "صح كلامها ،كيف مانتبهت لذي النقطة،اللي يشوفها يقول جايبه عيال قبل كذا" زفر بضيق/بروح أنادي أمي تجي تشوفك،أكيد هتعرف تتصرف..
مسكت يده،وبخفوت/لا تناديها..ماخلصنا كلامنا..
طالع فيها بنرفزة/مو وقته..خلينا فيكي.. أنتي ماترتاحي غير لما يحصلك شيئ.
شدت على يده بقوة وبإصرار/قلت لك مافيني شيئ،إذا تبغاني أتحسن قلي بتفكر في أيش..
جلس جنبها وبتريقة/لا ياشيخة ،كلامي دواء وأنا مدري.
جوري بعصبية/خالد مافيني شيئ ،كل اللي فيا لأني متوترة..خلصني قول اللي عندك..
طالعتها بشك/من جد ولاتمزحي..
مدت يدها اللي ترجف قدامه بعصبية/مابيني وبينك مزح..أنا كذا لما أتوتر ونفسيتي تتعب أمرض على طول..شوف. مسك يدها بإنتباه وهو ملاحظ رجفتها ووجهها الأحمر وتنفسها القوي،طالع فيها/يعني الغثيان ذا والسخونة مو من الحمل.
سحبت يدها ودستها تحت اللحاف/إلا من الحمل ،بس في حالتي زادت الجرعة شوية..أتمنى إنك تخلي حالتي على جنب وتعطيني قرارك ،وصدقني مهما كان أنا موافقة عليه وماهعارضك أبداً.
فكرت وبهدوء/كوني متأكدة أن قراري أتخذته أول ماقلتي نبدأ من جديد،لإن ذا نفس الكلام اللي كنت هقوله ليكي،بس أنتي كالمعتاد أنفجرتي وفضلتي تنسحبي..
جوري بترقب/أفهم من كلامك..إنن..إنك..
قاطعهابسرعة/موافق..موافق نبدأ من جديد.. وننسى كل شيئ صار..من اللحظة ذي أحنا زوج وزوجة طبيعيين في بداية حياتهم وبيتعرفوا على بعض ويتعودوا على بعض.. غمز لها/ ويحبوا بعض..هااا موافقة..
شافته بتردد وتركيز ،كإنها تدور في وجهه على شيئ يدل على صدقه،وبشك/متأكد من قرارك..ما هتغير رأيك بعد فترة؟
هز رأسه بنفي،وقرب منها وفتح أيدينه لها/إذا أنتي متأكدة تعالي هنا..وإذا عندك شك في قرارك ،خلاص هفهمها..
لمح في وجهها تردد وغمض عيونه بيئس، كان حاس إنها قالت كلامها في لحظة إنفعال لا أكثر،أكثر من سنة ماقدرت تتقبله وتسامحه..كيف يتغير رأيها في ساعة وحده.
نزل أيديه بهدوء وقبل ماتستقر جنبه حس بيها تحضنه. .فتح عيونه وكانت حاطه رأسها على كتفه ولافه أيديها على خصره ،أتنهد وضمها لصدره بقوة ..ذحين يقدر يرتاح ،هيبدأ معاها حياة جديدة وطبيعية.. حملها اللي صدمه في البداية هو السبب في تصليح وضعهم الغلط.. إبتسم بفرح..هيكون له عيله زوجة بمعنى الكلمة و هيكون أب لطفل أو طفله..هيكون مسؤل عنهم..
بعدها عن حضنه بشويش ومسح دموعها وبضحكة/ممنوع الدموع طول فترة الحمل.. ماأبغى ولدي ولا بنتي يطلعوا بكايين..
هزت رأسها بموافقة وإبتسمت لكلمة ولدي وبنتي..
رجع يشوف حرارتهاو بجدية/مو قلت لك قراري ، والمفروض أرتحتي ..ليش مانزلت حرارتك .
ضحكت بخفه/لا ياشيخ... هو سحر.... بأخذ دش وتنزل ..
طالع فيها للحظات ووقف وشالها بين أيديه..
صاحت أول ماشالها/ لاتخرجني لهم كذا.. نزلني..
طالع فيها بإبتسامة/ومن قال أني بخرجك... بوديكي الحمام(أكرمكم الله)تتروشي.. جوري /حسبت..طيب نزلني..أنا حامل مو معاقة!! أعرف أمشي..
نزلها جوا البانيو وفك المويا عليها بسرعة...
وصاحت /ليش كذا طيب ...
وبإبتسامة/ شكراً عالتوصيلة..خلاص روح..
فسخ ثوبه وإبتسم لها/ سواق أنا؟ وين أروح..
أختفت إبتسامتها ولفت وجهها بخجل ،وبعصبية/روح برا غير ملابسك.
سمعت الباب ينقفل ،أتنهدت براحة وفسخت بلوزتها الغرقانه وهي مبتسمة ..لفت وجهها وشهقت من المفاجئة/خااا..االد.
قرب منها وبهدوء/قلنا بنبدأ حياة جديدة وطبيعية زي أي أثنين متزوجين..
هزت رأسها بإرتباك بأيوه،قرب منها وووووووو
↚
(جوري)
الكل فرح بخبر حملي..أهلي في اليمن ..عمي وعمتي والأولاد..الكل كان سعيد، ماعدا لطيفة وليلى اللي لحد الأن أنا مش عارفه أيش مشكلتهم معايا بالضبط.. نظراتهم فيها أحتقار وعدم أحترام..راجعت نفسي يمكن أتصرفت أو قلت شيئ ضايقهم مني ،لكن مالقيت شيئ أصلا لطيفة ماأقابلها غير مرة كل أسبوع لما تجي زيارة .. وليلى وجودها في البيت وعدمه واحد،يا في غرفتها طول الوقت ،يازايره في بيت لطيفة أو السوق مع صديقاتها.. وكلامنا بالقطارة.. سين وجيم.. في البداية حاولت أقرب منهم.لإني مأحب أتواجد مع ناس في مكان وأنا عارفه أنهم كارهين وجودي.. لكن لما ما لقيت منهم غير جفاء ورفض.. بطلت محاولات وأقتنعت بمقولة المحبة من الله..والظاهر ما بيننا محبة..بطريقتهم
علاقتي بخالد بدأت تتحسن من ذاك اليوم اللي فاجأني فيه..هو صح أنا اللي قلت نعيش بشكل طبيعي ، لكن كان قصدي بعد أسبوع.. شهر.. لكن كل شيئ بيجي في وقته الصحيح والظاهر إن ذاك كان هو الوقت.. عملت بنصيحة دكتورة بشرى..في إني أتقبله وصرت أتخيله فارس أحلامي.. وأميري .. بصراحة كان أخلاق في تعامله وطيب وحنون أوقات كثير يفكرني بمعاذ وعلي ..دخلت مفردات جديدة في كلامي معاه زي حبيبي.. وقلبي..رغم إني كنت بقولها على طول لأبي وأخواني..بس لما أقولها لخالد كنت أحس بغصة وثقل في لساني..ومع ذلك أستمريت عليها وأنا مصممه على تنفيذ أتفاقنا..مع إني لأوقات كثيرة أحس أني جالسة أكذب على نفسي وعليه.. كله من مخي المتنح ذا.. لازم له وقت لحد ما يغير قناعاته ويتقبل طريقتي الجديدة في التفكير..وما دام حطيت الموضوع في مخيخي فلازم أسويه طال الوقت أو قصر..
(بعد فترة)
صرخت في مازن اللي شال القهوة والحلا بإستعجال/مازن على مهلك..بتكب القهوة عليك..
مازن/طيب ..يقول خالد جيبي ياسمين..
مسكت رأسها بطفش/لا تقول إن رائد وفيصل هم اللي داخل.. رجاءً.
هز رأسه بموافقة وضحك عليها.. صحت ياسمين بشويش/صباح الورد و الياسمين وكل الحاجات الحلوه..يلا حبيبة ماما..قومي شوفي عمو الرزل جاء يشوفك..يلاااا.
ضحكت على بنتها اللي تتمغط وتسوي حركات بوجهها وكلها نووم..جلست تبوس فيها وتدغدغها لين صحصحت وبدأت تضحك..غيرت ملابسها بفستان وردي ومشطت لها وعطرتها على دخلة مؤيد اللي يزعق/كل ذا تلبسيها...ترى طفشوني بسرعة جيبيها..
طالعت فيه بنظرة/وبعدين معاك.. كم مرة قلت لك لاتصرخ.. شوف كيف خافت منك..
شالها بسرعة وهو يسويلها حركات ويضحكها وبلكاعه/مالك صلاح أنا أعرف لها..
شدت أذنه بشويش/لا..جوري صالح.. هههههههه، قال مالك صلاح..شيلها عدل ولا تطيرها وأنت ماشي..
ومسحت على رأسه بمسكنه/ميدو حبيبي، إذا شفتهم صاروا يطفشوها،خذها وفرك من عندهم طيب..لاتخليهم يبكوها زي كل مره..
طالع فيها بمكر ومد يده/بقولهم بوديها البقاله،بس ماعندي فلوس كيف أشتريلها..
طلعت من جيبها عشرة ريال وإبتسمت/يلاا، ذحين ماعندك عذر ...ولا أوصيك..
أخذ منها الفلوس بفرح وراح عالمجلس ،وأول مادخل هجم عليه رائد بحماس/هلا بحبيبة عمو،هلا والله بزوجة ولدي..
فيصل/بعينك تزوجها ولدك..وولدي وين يروح..ترى شفتها قبلك.
صار رائد يطيرها في الهواء وهي تضحك بإنبساط وفيصل يحاول يشيلها منه بالقوة وهو يدف فيه ويقهره/ماتبغاك يالوووح ، شوفها فرحانه بيا وتضحك ..
فيصل بحدة/فجعتها ياثووور ،شوف كيف تنحت..قال فرحانه قال..
سحبها خالد من بينهم بعصبية/انقلعوا أنتوا الاثنين.. دوختوها ياكلاب.
باسها بحب/سيبيكي من ذول الهبل.. ماعندهم سالفه.. معذورين ماشافوا بنات حلوات من قبل..
رائد بملل/يالييييل..بدينا الموشح كإن محد جاته بنت غيرك..
فيصل بتأييد/يا أخي طير أنت وبنتك..ترى أعطيناكم وجه.
طالع فيهم وصار يغني/اللي مايطول العنب.. حامضاً عنه يقول..وقول عني ماتقول... ههههههههههههههه،يحزنوني العزابيه..
أخذها رائد منه ورجع يبوس فيها ويلعبها وهو يضحك ويتأمل عيونها البنيه وشعرها الأشقر وخدودها الحمراء/لو ضامن أني بجيب زيها بتزوج بكره..بس خايف الإنتاج مايكون بذي الجودة.
خالد/قل أعوذ برب الفلق..شرب البنت من قهوتك قبل ماتطلع..شكلها بتصلع من عيونك..
مسح رائد على شعرها/ماشاء الله عليها.. لاتخاف بشربها قهوتي وأتفل عليها كمان...
فيصل بتريقة/أووووووه ،عاد تفلة رائد فيها الشفاء...على طول برص هههههههههههه.
خالد بقرف/أيش تفله وبرص، الله يقرفكم.. أنتبهوا على كلامكم..تراها تلقط الكلام..
رائد/ من جدك...حبيبي سوسو قولي حماااار..كللللب...
ضربه خالد في رأسه/أنت غبي..أقلك أنتبه تعلمها ذي الهباله.
فيصل بنذاله/واااااطي..يبغى يخرب تربيتك..
رائد/ياأخي فكنا،اللي يسمعك يقول ذحين بتقول من جد..بعدين خلاص ولدي اتدبس فيها حتى لو لسانها طويل،قابلين فيها.
خالد بتريقة/شكل الأفندي حقك مابيشرف، وباين إنه مطول دامك لذحين مافكرت في الزواج..
رائد/هههههههههههههههه،بصراحه كنت ناوي، بس كل مافتكر شكلك بعد ماملكت، يجيني إكتئاب.. ههههههههههههه،ناقص أنا وحده تطفشني وتسوي فيها زعلانه وأقعد أتحايل عليها و أراضيها..يابويا خليني كذا مرتاح وملك زماني..
خالد بهدوء/كل الأزواج بيكون في بداية حياتهم مشاكل لين يتعودوا ويفهموا بعض،وبعدها كل شيئ يزبط..
صفر فيصل بإعجاب/لا..لا..لا. مو معقول أيش العقل اللي نزل عليك مرة وحدة..
عدل ياقة الثوب/أحم أحم..ليه تحسبني بقعد زيكم ماعندي سالفة..لا حبيبي كبرنا خلاص..
ألتفتت على صوت ياسمين اللي صرخت بقوة ورائد بعضها في خدودها/الحيوانه خدودها تجنن..
خالد بعصبية/رئود ياكلب ،كم مرة أقلك لاتعضها..أخذها منه وصار يسكتها ويهزها ورائد يضحك ويحاول يأخذها منه/سوسو حياتي شوفي عمو أيش جاب...طلع لها جالكسي وصار يحركه قدامها لين أنتبهت عليه وسكتت وهي تشهق وتمد يدها علشان تمسكه،شالها وباسها ومسح دموعها،وفيصل مستغرب/أما.. سكتت علشان الجالكسي..
حطها رائد في عربيتها وطالع فيهم بحماس/لايفوتكم..
حط العربيه في طرف المجلس وبعد عنها وصار يناديها ويحرك الجالكسي قدامها،وأول ماشافته صارت تنطنط بفرح جوه العربية وتمشي بسرعه لين وصلت عنده وأخذت الجالكسي منه بعد ما فكه لها وصارت تاكله بفرح وهي تضحك..
خالد/ترى محد بيخرب أسنانها غيرك..
رائد /ارحمني ياأسنانها..ترى كلها 4سنون ما غيرها..
وجلسوا في نقارهم وهبلهم لين راحوا..وفي الليل خالد يحكيها أيش صار ،جوري بتنهيده/صار يعرف لها..وذحين بيشتغلها عض ويرجع يدحلسها بالجالكسي..شوف وجهها كيف صار ،كله منك ليه تقله..
خالد بضحك/ههههههههه،خليه بس يجيب عيال،وأنا أوريكي فيه..بعدين الله يرحم نسيتي صالح ولد معاذ كيف كنتي تبهذليه..
إبتسمت بحب/حبيبي والله وحشني الكلب.. بس ماكنت أخليه يبكي مايهون عليا..
خالد/خلاص أجل..ذا تخليص حق..
جوري /طيب ماعلينا...بروح بكره السوق.. ممكن .
خالد/غريبة..مو بالعادة..
طالعت فيه بحماس/خلينا نروح نشتري لياسمين ملابس.. حبيبتي كملت السنه وملابسها بدأت تصغر عليها..وناقصها حاجات لازم أجيبها ..
طالع فيها بتعب/بكره مشغوووول،ليه ماتروحي مع ليلى كل يوم وهي رايحه السوق مع لطيفة..
إبتسمت بمجاملة وبهدوء/أنت عارف أني ما حب أروح السوق غير معاك..طيب مولازم بكره،بعده أو اللي بعده.
اتمدد عالسرير وحط يده تحت رأسه/المشكله ذا الأسبوع عندنا جرد وأنتي عارفه كيف بيكون الضغط.. خلاص المرة ذي روحي مع البنات وبعدها أنا بفضى لك.أوكي..
هزت رأسها بموافقة وفي داخلها "الله يعيني بكره"
↚
وثاني يوم الكل متجمعين عالغداء،طالع في ليلى/اليوم وأنتي رايحه السوق خذي جوري معاكي..
غصت باللقمة/كح كح كح،هااا.
أم خالد/بسم الله ..على مهلك.
ناولتها جوري كأسة مويا،بس طنشتها وعملت نفسها ماشافتها/تجى معايا ليه..
خالد بإستغراب/وليه ماتروح معاكي،ولا هو السوق بأسمك وأنا ماأدري..
أرتبكت/لاااا..بس غريبة يعني مو بالعادة.
كمل أكله/عادي.. مشغول وماهقدر أوديها.. وأنتي ولطيفة ماشاء الله مو عاتقين ،فخذوها معاكم تجيب اللي ناقصها ولاتتأخروا..سامعه.
هزت رأسها وقامت من السفرة،وكملت جوري أكلها بدون نفس..هي عارفه إن وجودها معاهم غير مرحب فيه،زي ما هي كمان ماتحب تتواجد معاهم في السوق..بس ورطها خالد وماتقدر ترفض علشان مايشك في شيئ..
عالساعة 5 جاتها لبنى تقول لها إن ليلى مستنيتها برا لبست عبايتها الكتف السادة ونقابها وخرج مؤيد عربية ياسمين لبرا وطلعت وراه وهي شايله بنتها،لقت عمتها/أسمعي مني وسيبيها عندي ،هتطفشك في السوق..
باست رأسها/معليش تطفشني ولا أشتري شيئ ومايزبط عليها وأضطر أرجع مرة ثانية..
ضحك عمها ومدلها فلوس/أول مرة أشوف حرمه ماتحب اللف في الأسواق.
رفضت الفلوس وباست رأسه/ خيرك سابق أعطاني خالد قبل مايروح..بعدين ألف معاك وخالد أيوه. بس لوحدي أنسى..ليلى بتأكلني اتأخرت عليها..السلام عليكم.
خرجت وفعلا كانت لطيفة وليلى يطالعوها بعصبية ومشيوا على طول.. وصلوا سوق وسط البلد اللي كان عاجب جوري بشكل كبير ...لطالما كان التاريخ من المواضيع اللي تجذبها بشده، ووسط البلد وجده القديمة اللي بتضم معالم ومباني أثرية وتراثية زي سور جدة وحاراتها التاريخية أكبر مثال على ذا التاريخ.. عجبتها ذي المنطقة وجذبتها ببيوتها الشعبية المبنية بالحجار والطين والمميزة بكثرة شبابيكها الخشبية المزخرفة وشوارعها الضيقة وأزقتها اللي تنتشر فيها المحلات المختلفة..
فاقت من تأملها على صوت ليلى/دقيقة وجايه.
زفرت بضيق وهي تستغفر من حركات ليلى المستهتره اللي صدمتها أول مره وخلتها تحرم تنزل معاها السوق،بس الله يهديه خالد اللي أصر على نزلتها..جات ليلي بشكلها الملفت بعد ماتلثمت وكحلت عيونها اللوزية بشكل كثيف ابرزت جمالها وجزء من حواجبها المرسومه بإتقان باين..كان شكلها ملفت بلثمتها الشفافة اللي ما أخفت وجهها الجميل.. ماكان قدامها غير إنها تخليهم يتقدموا في المشي وهي وراهم تدف عربية ياسمين وتحاول ماتضيعهم وهي خايفة.. بس ذا كان أهون عندها من إنها تمشي جنبهم وتسمع كلام الغزل السامج والوقح من الرجال وإصرارهم على ليلى إنها تأخذ أرقامهم وهي تصدهم بدلع ووقاحه.. واللي كان قاهرها سكوت لطيفة عن تصرفاتها المستفزه..المفروض إنها أختها الكبيرة وإذا شافت أختها تغلط تنصحها وتردها.. لكن كلامها كان واضح من أول يوم نزلت معاهم واتفاجأت بليلى اللي كانت مغطيه وجهها بطرحتها ،تدخل دورة مياة(أكرمكم الله) وتخرج وهي بمكياج كامل ولثمه شفافه، وريحة عطرها سابقتها بميل.. وابتدأ قدامها مسلسل الغزل اللي ماقدرت تتحمله وبينت لهم أشمئزازها وإستنكارها لتصرفاتهم.. قالت لها بكل صراحة ووقاحة إن ذا شيئ مايخصها ولا لها حق تتدخل فيه، وذي حياتهم والمفروض إنها تفرق بين حياتها في اليمن و حياتها هنا.. مافهمت أيش علاقة المكان بالتصرفات ،بس حبت تبرأ ذمتها وتنصحهم وكل واحد بعقله..
خلصت كل أغراضها بسرعة ونشبت في حلوقهم لين طفشوا ورجعوا البيت وهم يحلفوا مايخرجوها معاهم بعد كذا..
↚
سلم أمرك لله و إبتسم وإطمئن ، فإن أتاك شيء فهو حتما لك و إن لم يأتك فتأكد أنه لا يناسبك ..ثق بالله دائماً ..
(بعد زواج خالد)
دخلت الصواني الثلاجة وغسلت يدها وصارت تعدد الأشياء الي باقي ماعملتها، رن جوالها وردت عليه بسرعة/ السلام عليكم.. ياهلا والله بالبكاشه..
لبنى بدلع/وعليكم السلام والرحمة.. أنتي ماهتبطلي عادة السلام ذي أول ماتردي.. وحشتيني..
جوري/لا إله إلا الله..ترى السلام لله..وأنتي واحشتني كمان..وينك.
لبنى/سوري حبي لأني ماجيت ،بس الأخ عامل فيها تعبان ولازق لي في البيت.
ضحكت جوري/يا عيني عالشوق وعمايله.. خفي عالرجال شويه حرام عليكي..
لبنى/خليه..ناس ماتجي غير بالعين الحمراء، ماعلينا المهم..كيف الأخبار..
طلعت الحلا من الفرن وحطته عالطاوله/ الحلا وورق العنب جاهز ،وصينية البشميل في الثلاجة..أممممم والسلطات أخر شيئ..
لبنى بقهر/مالت عليهم مايستاهلوا.. ال--
قاطعتها جوري/ههووووو علينا..رجعنا لنفس السيرة.
لبنى/طيب طيب..خلاص ،أنا بجيب معايا كيك ومعجنات.
جوري/لا تجيبي...وصيت مازن عليها ..أنتي شرفينا بطلتك البهيه وبس..ويلااا عطلتيني،السلام عليكم ..
لبنى بضحكه/إن شاء الله حبي،وعليكم السلام..
قفلت منها وخرجت للصالة والكل فيها..
طالعت في مؤيد اللي يرمش لها بدلع، وبضحكه/اللي بعده..أيش تبغى..
حك رأسه بإحراج/ يعني مافي فايده..
ضحكوا عليه ونط قصي لحضنها يبوسها..ضمته بقوة/هلا بشيخ الشباب وزينتهم..
مؤيد/هههعععععع...اللي مافقس من البيضه شيخ وزينتهم..أمال أنا أيه..
جوري بثقة/وسيد الرجال كمان..عندك أعتراض..بعدين أخلص وقول..
ياسمين بتريقه/يبغى حلا..عصافير بطنه بتصوصو..
مازن بضحكه/أمااا..تصوصو مره وحده.
أم خالد/مؤيد بلا شغل بزوره..أخوك وحرمته شويه ويوصلوا وبعدها كل براحتك.
طالعت فيه جوري وهزت رأسها/بااااس،ولك ساعه تبربش لي بعيونك كأنها مساحات سيارة علشان الحلا..مالت عليك أفتكرت عندك سالفه..
مؤيد/علشان تعرفي أني موطماع زي ماتقول الإشاعات..الموووهم بروح أكل..
جوري بتهديد/ياويلك إن عتبت باب المطبخ..تبغى تخرب شغلي كله في دقيقة.. كلها ساعة وأبشر أنت أول واحد بيذوق..
أم خالد/كله منك ..عودتيهم عالتزغيط زي البط..وذحين مو قادر يستنى.
شهق مؤيد/بط!!أنا ينقلي بط..أيش بقيتي للغرب..
ضحكوا عليه وراحت جوري ورمت له جالكسي/مشي حالك بذا للمغرب..وإن عرفت ولا سمعت إنك فكرت تدخل المطبخ هموتك..فاهم.
فتح الجالكسي وأكله بملل/لاتذلينا بحقك الحلا،من حلاته يعني ..بس أنا أحب أشجعك.
شبكت أيديها وحطتها قدامها زي المكرفون وبتمثيل/أحب أشكر كل من شجعني ودعمني في مشواري في عالم الطبخ.. وأخص بالذكر أخويا وصديقي مؤيد اللي لولا الله وثم تشجيعه ليا كنت لازلت ورطانه في صحون الكيك المحروق وصواني الحلا اللي محد بيأكلها غيره..
رماها بعلبة المناديل بضحك/أنقلعي..تتريقي أنتي ووجهك..نسيتي لما كان خالد يفشلك ويتريق عليكي،وأنا الوحيد اللي كان يعبرك ويأكل الحاجات الغريبه اللي بتسميها حلا.
طالعت فيه بحب أخوي/ومن قال أني أتريق ذي الكلمة اللي هلقيها لما أفتتح الكافيه تبعي..وببروز صورتك وأحطها في واجهة المحل..أيش تبغى كمان..
عدل فنيلة الرياضة اللي لابسها بغرور/أحم أحم..تصدقي صورتي ذي بتسوي شغل وتجيب لك البنات زي الرز..كلهم بيجوا علشان يسألوكي من الوسيم ذا..
مازن بتريقه/طيب أيش رأيك تروح تتروش ياوسيم ،لأنك صدعت روسنا بريحتك ذي..
نط عليه مؤيد بنذاله وحضنه بقوة/ياوااد كانت مباراة حماسية.. فاتتك.
وطالع في جوري /يا جبت فيهم هدفين زي الحلاووه.. فاتك بس .
دفه مؤيد بقرف/محلاك ماتجيب أهداف وجوري سنين تدرب فيك..
ياسمين بدلع/ماما أحسن منكم كلكم..
باستها جوري/عسل ياناس..يلاا روحي غيري وغيري لأخوكي..
هزت رأسها وأخذت قصي ..طالعت في أمها/يمه تبغى شيئ قبل ما أروح.
أم خالد/روحي حبيبتي وأرتاحي..مدري ليه تحبي تتعبي نفسك،كنا جبنا العشاء من برا وخلصنا.
جوري بإبتسامة/على أساس إنه مو من برا.. والمشويات اللي طالبينها أيش تكون.. معليش بخلي قصي معاكي شوية.
قلب مازن في القنوات بملل/أنا بآخذه معايا المجلس، وبعدين بأخذه نجيب العشاء .
إبتسمت بإمتنان وراحت غرفتها..فسخت جلال الصلاة اللي صارت تلبسه على طول في وجود مازن ومؤيد،أخذت دش وصلت المغرب.. ولبست تنورة بنية لحد الركبه وبلوزة مشمشية نص كم وقفت قدام المرايه وجففت شعرها بالإستشوار ووقفت محتارة أيش تعمل فيه وفي الأخير عملت نفخه خفيفة من قدام ونزلت خصل بعشوائية وجمعت باقي شعرها شنيون وهي تضحك وتتخيل رأسها كيف بيكون مع جلال الصلاة.. حطت بلاشر مشمشي وروج مشمشي ورسمت رسمه فرنسية وأتعطرت.. لبست إكسسوار خفيف وصندل بني .. خرجت عالمطبخ وولعت فحم ونادت ياسمين اللي جات تتدلع بفستان أخضر لتحت الركبه بشريطة عريضة عالخصر ومنفوش نفسه خفيفة..وطالعه تجنن ،سمت عليها وحصنتها/قريتي أذكارك..
أعطتها ياسمين الفرشة علشان تمشط لها/قريت الأذكار وصليت المغرب..وبرجاء/مامي،أعملي شعري زيك..
جوري بشرح/أخاف البنس تضايقك..
هزت رأسها بلا..عملت بسرعة نفخة و شنيون خفيف.. وأرسلت معاها القهوة والحلا للشباب في المجلس،لأنهم حبوا يخلوها تأخذ راحتها في التجهيز.. راحت غرفة العرسان بخرتها وشغلت الفواحات وشيكت على الترتيبات اللي عملتها برضى وحطت هدية ندى عالتسريحة وطلعت..
لقيت لطيفة وليلى ولبنى في الصالة يسلموا على أمهم..سلموا عليها ببرود ،وأخذتها لبنى بالأحضان وصاروا يدوروا مع بعض بهبل، لبنى/وحشتييييني..
ضمتها جوري بقوة/وأنتي أكثر ياقلبي..
طالعتهم ليلى من فوق لتحت/بلاش،أفلام الهنود دي..تراها بايخه..
لبنى/أيش فهمك في المشاعر ياباردة..ذا شوق وحب.. حاجات ماتعرفيها..
جلسوا البنات وراحت جوري تجيب القهوة والضيافة ..
ليلى توشوش لطيفة اللي ألتفتت تتأمل جوري،وبعصبية مكبوته/يعني علشان تقعدي براحتك،تطردي أخواني برا..
كانت جوري تتكلم مع لبنى بحماس وما أنتبهت للطيفة غير لما نادتها بحدة/ جوري.. من الأدب أنك تردي لما أكلمك.
رفعت رأسها وردت عليها بعفوية/معليش حبيبتي ماسمعتك..أمري..
ليلى بخبث/كيف تطردي مازن ومؤيد للمجلس علشان تقعدي براحتك..
أستغربت من كلامها/طردتهم..متى..من قال؟
لطيفة بعصبية/ذا اللي باين.. أخواني مو قادرين يجوا يسلموا على أخواتهم وقاعدين في المجلس علشان حضرتك ماتقابليهم بالمكياج..
أم خالد بحدة/لطيفة وليلى.. أشربوا قهوتكم من سكات وسيبوها في حالها..
ليلى بتمثيل/يعني مو شايفتهم يا أمي كيف قاعدين هناك لوحدهم ممنوعين من الدخله هنا..لا سلموا علينا ولا حتى أكلوا..كله علشان أفكارها الغبية اللي مو قادره تغيرها تفتكر نفسها..-----
قاطعتها جوري بهدوء/والله ذول أخواني زي مهم أخوانك..بعدين أنا ماطردتهم ولا طلبت منهم يروحوا المجلس،بس هما لإنهم ناس ذوق ويفهموا في الأصول إنسحبوا بطيب خاطر..ولاتخافي عليهم من الجوع قهوتهم وحلاهم عندهم..أما بالنسبة لأفكاري اللي مو عاجبتكم فأعتقد إنها فرض علينا مو جايبتها من رأسي،وكفاية إني بقابلهم لإني تربيت معاهم ومعتبرتهم أخواني،فمو معقول كمان أقابلهم بمكياج، بعدين أنا ماألزمتكم بأفكاري ،ولا أنتم ماشيين عليها أساسا..فما له داعي تعيدوا وتزيدوا في نفس الكلام لأني مارح أغير نفسي علشانكم..فصلوا عالنبي وأجلسوا أتقهووا وعينوا من الله خير..
لطيفة بغضب/أيش قصدك؟ أناماعندي ذوق ،أشوف لسانك صار طويل وتردي علينا..عالأقل أحترمي إنا أخوات زوجك الكبار..
لبنى بحدة/لا ياشيخه..دحين هيا اللي لسانها طويل.
جلستها جوري جنبها،وببرود/اللي يدق الباب يسمع الجواب، واللي يميزني شبر أميزه ذراع..
أم خالد بإبتسامة/قالت لكم اجلسوا أشربوا قهوتكم،بس مافي فايدة فيكم لازم تسووا فيلم وتسمعوا لكم كلمتين كل ماجيتوا..
لبنى بتريقه/المشكلة أفلامهم بايخة ومكرره.
وقفت جوري بهدوء/طبعاً البيت بيتكم... خذوا راحتكم لأني مشغولة في المطبخ.. راحت وسابتهم ولحقتها لبنى وبصوت عالي/خديني معاكي،الجو هنا مره يخنق..
التفتت لطيفة لأمها/أمي من جدك عاجبك كلامهاالوقحة ذي.. وقاعده تتفرجي عليها وهيا تغلط علينا..
طالعت فيهم أم خالد وهي تشرب قهوتها وتأكل بقلاوة ولا على بالها،وبهدوء/والله الوقحين أنتي وأختك اللي مو عاتقينها وكل ماجيتوا سمعتوها كلمتين تسم البدن.. وهيا عمرها ماغلطت عليكم،بترد عليكم بأدب..كثر خيرها اللي ساكته عنكم ومابتشكي لأخوكي من عمايلكم..وأنتي عارفه لو عرف باللي بتعملوه فيها ماهيحصللكم طيب..
ليلى بعصبية/أنا قلت لكم أكيد ساحرتكم ..أنتوا مو طبيعيين بالمره..
قامت لطيفة بقهر/بروح للي برا وأشوف لي حل معاهم..
إبتسمت أم خالد لما سمعت صوت خالد اللي وصل وأصوات العيال اللي يسلموا عليه في الحوش،التفتت للبنات/قفلوا السيرة أحسن وأقعدوا باركوا لأخوكم..ولا روحوا بيوتكم أحسن من الصداع حقكم..
طالعوا في بعض بقهر وراحوا للباب يستقبلوهم .
(جوري)
دخلت عالمطبخ مع لبنى اللي فاكه ضحك وموقادرة تتنفس/هههههههههههههههه.. خسارة ما جبت الكاميرا ،كان يبغالهم صورة.
جوري بإبتسامة/بس لاتفطسي عليا..ياحبك للشماته.
حاولت تتمالك نفسها بعد جهد جهيد/بس والله إنك رهيبة..أيش ذا البرود..الله يرحم زمان.. كنتي تطنشيهم وأصيدك في غرفتك تبكي.
طلعت ورق العنب وصارت ترصه في صحن التقديم بترتيب،وبهدوء/قلتيها زمان..كنت لسا صغيرة ومفارقه أهلي وبلدي،غير أني كنت عامله حساب لأبويا وأمي وخالد..بس بعد فترة فهمت أنهم من النوع اللي يحسب الأحترام خوف..والأدب ضعف،فقلت يابنت غيري سياستك يمكن يتعدلوا وربك يصلح الحال..بس مافي فايده فيهم،لكن عالأقل أوقفهم عند حدهم من غير مانزل نفسي لمستواهم.
لبنى تهز رأسها وهي تأكل ورق العنب اللي ترصه جوري في الصحن بتلذذ،ضربت جوري يدها بخفه/سخيفه.. سيبي ذا وكلي من القدر .
التفتوا للباب لما سمعوا الزغاريط وأصوات البنات اللي يباركوا لخالد وندى، سحبتها لبنى للحوض بعصبية/غسلي بسرعة ياغبية، حبكت ترصي ورق العنب دحين،طالعيني أشوف.
ضحكت عليها جوري ودفتها بشويش/بلا هباله ،هذي أنا حق كل يوم،بعدي بس خلينا نطلع.
عدلت لبنى شعرها بعصبية/ياحماره ماشافك من أسبوعين..لازم تكوني أحلى منها.. علشان يعرف أيش طير من يده..
مسكتها جوري بثبات وبتريقه/ عصفور على غفله،إيش اللي أطير..بعدين أنا اللي بيشوفني ،أنتي ليه متوتره..ريلاكس.. أيوه.. ذحين يلااا أمشي قدامي..
مشيوا خطوتين ولقيوا خالد قدامهم،نطت لبنى تحضنه وتسلم عليه/الحمدلله عالسلامه ياقلبي..
خالد/الله يسلمك يادلوعتي..كيفك حبيبتي. مدت بوزها بزعل/بكاش.. حبيبتك ودلوعتك وماتسأل عليا بإتصال.
حك رأسه بإحراج/في ذي مقصر،بس رح أعوضك.. رضيتي.
مسكته من كتفه ولفته لجهة جوري وغمزت له/أنا مو مهم..المهم ترضي بعض ناس.
طلعت وعند الباب أشرت لجوري إنه اتلحلحي وغمزت لها وقفلت الباب.
اتقدم منها خالد وأخذها في حضنه/وحشتيييييني..
ضمته بهدوء وباست خده/وأنت أكثر.. الحمدلله عالسلامه..
بعدها عن حضنه بشويش وطالع فيها بشوق/الله يسلمك.. أيش الحلاوه ذي..يقولوا زعلانه.
جوري بإبتسامة/يعني ماتعرف لبنى وحركاتها،سيبك منها.
حاوط خدودها بكفوفه وقرب وجهه من شفايفها،وهي على طول أعطته خدها يبوسه،وبعدت عنه بشويش ومسكت يده/يلااا نطلع اتأخرنا عالعروسة.
وما أعطته فرصة للرد سحبته وفكت الباب وطلعوا..
سابت يده وأتوجهت لندى اللي تطالعهم بقهر ،ضمتها بهدوء/الحمدلله على سلامتك، نورتي بيتك ياعروسة..
ندى بمجامله/تسلمي ،منور باللي فيه.
جلسوا وضيفتهم لبنى وجوري.
طالعت فيهم لطيفة وبخبث/عيني عليكم بارده..الخدود مورده والبال رايق..شكلكم أنبستطوا في شهر العسل..
كملت ليلى/وليه ماتورد والبال يروق..أحد معاه ندى القمر ومايغرق في العسل.
طالعتهم جوري بإبتسامة وهي تتقهوا بثقة وفي نفسها"لو تدروا إنه حركاتكم ذي ماهزت فيا شعره،كان ريحتوا نفسكم" وبلعانة/كان حقكم تجلسوا كمان أسبوع،الجو في مصر حلو في ذا الوقت..
ندى بغرور/والله كنا بنقعد..خالد حبيبي مره كان مبسوط ومايبغانا نرجع دحين،بس في ناس كل يوم يتصلوا وأزعجوناو-----
قاطعها خالد بهدوء/أنا قلت لك حاجز لأسبوعين بس..ماأقدر أسيب البيت أكثر من كذا..وشال قصي في حضنه وباسه وجلس ياسمين جنبه،وتابع/بعدين ما أقدر أبعد عن ذول الحلوين..وحشووني.
لبنى بمكر/بس دول اللي وحشوك..علينا.
ضحك على كلامها/وأمي وأنتي والكلاب اللي برا. ومن باقي..
شهقت لبنى/لا ياشيخ والحلوة اللي جنبي دي.
إبتسم خالد ومد يده لجوري/من غير كلام ،أكيد واحشتني الحلوة ذي وهيا على طول في بالي..تعالي جنبي..ليه قاعده هناك.
قامت من مكانها وجلست جنبه تحت أنظار ندى اللي تهز رجولها بعصبية،وبهدوء/يعني تأخذ راحتك مع عروستنا..بس عيالك ماصدقوا شافوك ولصقوا فيك..
أبتسم لها/أنا مرتاح وأنتوا كلكم جنبي.
التفت لأمه/إن شاء الله مانقصكم شيئ في غيابي..ومازن ومؤيد كانوا قد المسؤلية وماطفشوكي بهبلهم.
إبتسمت/مانقصنا غيرك ،وأخوانك ماقصروا وهبلهم جوري تقدر عليه..لاتقلق كأنك موجود.
وقعدوا في سوالف لين وقت صلاة العشاء. همست جوري لخالد/خذ ندى غرفتكم ،يمكن تبغى تغير ولاترتاح على مانحط العشاء.
خالد/على قولك علشان العيال كمان يدخلوا.
(خالد)
وقفت وأخذت ندى ورحنا غرفتنا ،وأول مادخلنا أستقبلتنا ريحة البخور والفواحات أنبهرنا بالشموع اللي موزعة بطريقة حلوة وبوكيه الورد اللي مزين الطاولة وعلى السرير بتلات ورد أحمر على شكل قلب..كان شكل الغرفة رووعة وقمة في الرومانسية ضمته ندى وبدلع/حياتي الغرفة تجنن..أكيد أنت اللي طلبت من لطيفة وليلى يرتبوها بالشكل دا.
هز رأسه بنفي/ماطلبت منهم شيئ..
طالع في الغرفة بإعجاب،وبثقة/ذي أكيد جوري اللي رتبتها.
شالت يدها من رقبته وبقرف/مو معقوله تكون هيا..أكيد لطيفة حبيبتي حبت تعملها ليا مفاجأة.
خالد بسخرية/ترى لطيفة مو حولك، ولافاضية لترتيب غرفتك.
شاف الهدية عالتسريحة،شالها وقرأ الكرت ومد لندى الهدية بإبتسامة/ أتفضلي ياعروسة..
فتحت العلبة المغلفة ولقيت خاتم ذهب حلو وفخم،طلعته ولبسته بفرح/واوووووووو حبيبي رووعه..
قربت منه بجرأه ولفت أيديها على رقبته/ودي هديتي ليك..باسته في شفايفه ووووو
وبعد دقائق بعدها عنه،وأبتسم/بالله كثري من الهدايا ذي..بس أيش مناسبتها..
رفعت يدها اللي فيها الخاتم قدامه/رد لهديتك الحلوة.
أخذ منديل ومسح الروج من وجهه وشفايفه و عدل ملابسه/بس مو أنا اللي جبته.. أعطاها الكرت تقرأه "ألف مبروك،ومرحبا فيكي فرد جديد في عائلتنا،أختك الصغيرة جوري "
طالعت فيه بصدمة أتحولت العصبية/مين سمح لها تدخل غرفتي،وبعدين أيش قصدها بالصغيرة.. شايفتني عجوزة.
خالد بإستغراب/تراها ما دخلت غرفتك من أول ماخصصتها ليكي،وأستئذنت مني قبل كم يوم وأخذت المفتاح من أمي علشان ترتبها لأستقبالك..وبعدين أنتي عمرك 25، وجوري21طبيعي تقول الصغيرة.
ندى بقهر/حبيبي كل دي أعذار علشان تكلمك وتخرب علينا شهر العسل ..
خالد بهدوء/تراها زوجتي ماتحتاج عذر علشان تكلمني..ولعلمك أستئذنتني برسالة ،يعني مافي شيئ من اللي في رأسك.. بعدين الحق عليها اللي عبرتك وحبت تعمل لك مفاجأة.
ندى/لا حبيبي محد طلب منها..الله يستر بس لاتسوي شيئ في الغرفة..لاتنسى إنها سمعتك وأنت تقول لي إنك ماتحبها..يعني أكيد تكرهني لإنك فضلتني عليها.
مسك كتفها بعصبية/الكلام ذا تنسيه ولاكإنك سمعتيه مني في يوم من الأيام.
ضمته لصدرها وبدلع/ليه أنساه..مو ذي الحقيقة..أنت ماتحبها وتحبني.
بعدها عنه بقوة/لا مو الحقيقة،أنا أحبها وما أستغني عنها..ولو عرفت إنك فكرتيها أو بس لمحتي لها بالكلام ذا يومك ما هيعدي على خير ياندى.. فاهمه.
طالعت فيه بصدمة/يعني كذبت عليا.
مسح وجهه بعصبية/أفهميها زي ماتحبي.. وقفلي السيره.
دخل الحمام(أكرمكم الله)ووقف تحت الدش وحاول يتمالك نفسه بصعوبة وذاكرته ترجعه لليوم اللي واجهته فيه جوري بمكالمته مع ندى واللي سمعتها وتعبت ذيك الفترة بسببها..
↚
(قبل سنة)
(خالد)
صار لجوري أسبوع وهيا تعبانه ومتغيرة..من يوم مالقيتها متشنجة في غرفة الأولاد ووديتها عالطوارئ وحالها مو عاجبني.. كلامها معايا محدود، ووجهها جامد بدون ملامح،وتتجاهلني بنظراتها بشكل مو طبيعي..صارت تعاملني بطريقة غريبة،حتى بداية زواجنا كانت طريقتها أرحم..عالأقل كانت تعصب مني و تتفاعل معايا وترد عليا لما أرفع ضغطها ولا أحرجها بكلامي وحركاتي،أما ذحين كإنها مو شايفتني ،ترد عليا بالقطارة ،صرت أتعمد أقعد جنبها وأمسك يدها وأفتح معاها مواضيع قدام أهلي،لإنها بتعاملني في وجودهم بحذر وإنتباه علشان لاتلفت إنتباههم..ومع ذلك برضها بتتجنبني وتبعد عني بذكاء بدون ماتعطيني فرصة.. قربت أتجنن وصرت حذر في مكالماتي مع ندى لإني شاك إنها سمعتني وأنا أكلمها.. بس اللي محيرني ليه ماواجهتني أو لمحت لي عالأقل..كنت ملاحظ إنها تقوم بواجباتها المنزلية على أكمل وجهه،ولما ندخل ننام القاها لابسه ومتزينه،صح مو لابسه قمصان النوم الي اتعودت عليها وأكتفت بالبجايم الطويلة والبرمودا بس لو لبست خيشه بتطلع حلوة ،لكن البرود اللي في ملامحها كان يخليني أتردد..لكن بعد أسبوع مر بطيئ وكئيب من غير حسها حولي ومعايا..حسيت بشوق ليها،شوق لحضنها وريحتها حتى ضحكتها وكلمة قليل أدب أشتقت أسمعها منها..
اتروشت وطلعت لقيتها تقرأ رواية ، أعطتني ظهرها كعادتها لما ألبس ،أكتفيت بشورت واتعطرت وأنسدحت جنبها بتوتر ،أعطيتها ظهري وبعد فترة رجعت نمت على ظهري ومسكت جوالي وقعدت أقلب فيه بملل،دقائق ورميته وأنا حاس بأعصابي مشدوده ..ريحة عطرها في اللحاف وفي مخدتي وترتني زيادة وقربها مني حسسني بضعف.. صرت أحرك رجولي بعصبية في كل جهة وأنتبهت لعقدة حواجبها اللي تدل على أنزعاجها لإنها ماتحب حركتي ذي..قفلت روايتها وطفت الأباجورة وأنسدحت جنبي بهدوء.. مديت يدي بحذر وعملت نفسي مو منتبه وحطيتها على كتفها،ولما شفتها ما تحركت أتشجعت ومديت ذراعي تحت رقبتها وسحبتها لحضني وووووووووو
وقفت بهدوء ولفت نفسها بالشرشف وراحت تتروش.. اتأملتها للحظات، شكيت إنها كانت تجاملني مو أكثر..حاس إن جسمها موجود وعقلها كان مو معايا.. طالعت في الساعة ما بقي شيئ عالفجر.. لما شفتها طولت رحت أستعجلها،وقفت جنب الباب بقلق وأنا أسمعها تستفرغ وتتأوه بألم..دقيت الباب بشويش/جوري..فكي الباب
ماردت عليا وبعد شوية طلعت لابسه الروب ووجهها أصفر وتعبان..قربت منها وسندتها علشان أجلسها،بس صدمتني لما بعدت يدي بشويش ولفت وجهها عني وجلست قدام التسريحة تنشف شعرها ببرود..
جلست على طرف التسريحة وبشك/أنتي تعبانه..فيكي شيئ.
هزت رأسها بلا وأستمرت في اللي تعمله بدون ماتطل فيا حتى ،ماحسيت على نفسي غير لما سحبت الفرشه من يدها ورميتها عالأرض بعصبية/وبعدين معاكي..أيش فيكي، ليه بتعامليني كذا..
طالعت فيه ببرود/كيف بعاملك.
خالد بغضب/جوري لاتجننيني.. ليكي فترة مو أنتي..أيش بك.
وقفت وراحت الدولاب تطلع لها ملابس وبهدوء/ناقصك شيئ..بيتك مرتب ،أغراضك جاهزة،أولادك غيرك يتمناهم،زوجتك وتحت أمرك وقت ماتبغاها..أيش اللي مجننك.
خالد بقهر/أنتي ليه متغيرة..ليه صرتي بارده ومالك داعي..أنتي سامعه كيف تكلميني.
جوري بنفس الهدوء/متغيرة،بارده،ومالي داعي..أحسن من إني أكون كذابة ومنافقة وبوجهين..باردة لإن ذا فعلا اللي حاسه فيه..متغيرة لإني ما عدت نفسي.
خالد بإستغراب/ وليه تكوني كذابه ومنافقة وبوجهين؟
جوري بإستنكار/لما شخص يوهم شخص ثاني بحبه وهو كارهه،أيش يكون ..ولما يعيش معاه سنين وهومجبور ومضطر ومابيده حيله، أيش يكون..لما يقول له كلام ويقول للناس كلام غيره ،أيش يكون..
طالع فيها بصدمة وحس نفسه أنقطع"يعني سمعت كل شيئ"
مسك يدها بإرتباك/أنتي مو فاهمه،خليني أشرح لك.
نفضت يده ببرود/ جاي ذحين تفهمني وتشرح لي..للأسف اتأخرت..أتأخرت خمس سنين ،لا ستة سنين مع السنة اللي قضيتها في بيتنا بعد الملكة..
مسكها من كتوفها وثبتها قدامه/أعطيني فرصة وأسمعيني للأخير وبعدها قرري .
دفته عنها بقوة وبعصبية/لا تفكر تضحك عليا بكلمتين،وتفرحني بأني صاحبة القرار..
ليه من البداية من خليتني أقرر..لما انجبرت عليا وأتزوجتني ،ليه ماقلت لي وأنا أقرر.. لما عشت معايا سنين وماحبيتني ،ليه ماصارحتني وخليتني أقرر..لما رحت تتعرف وتحب وتعيش حياتك ،ليه ماخليتني أقرر..
سكتت وحاولت تتنفس بقوة وهي تحاول تسيطر على نفسها،وتابعت/ أنا ماكذبت عليك ولا خدعتك..كنت عارف أحساسي، ناحيتك من أول مرة شفتك فيها..ومع ذلك حاولت أحبك وأعطيتك وأعطيت نفسي فرصة علشان نبني بيتنا ونحافظ عليه.. حفظتك في عرضك وبيتك ومالك وأهلك.. ليه ماصارحتني باللي حاس فيه----
قاطعها برجاء/والله أنا حاولت زيك،ومن جد صرت أحبك.. اللي سمعتيه كان مجرد---
قاطعته بقوة/لاتكذب ولا تجيب سيرة الحب على لسانك،لإنه مايهمني ..على بالك زعلت وأنصدمت لما أكتشفت إنك ماتحبني،لايروح بالك بعيد..أنا زعلت إني ضحيت بسنين من عمري مع واحد مومهتم،لااا وطلع مغصوب عليا..أنا حرمة وانغصبت ذي فهمتها.. أنت أيش عذرك..
خالد بعصبية/جوري أحترمي نفسك..ما أسمح لك تغلطي عليا..
طالعت فيه بثقة/الحمدلله محترمة نفسي ومو محتاجتك تعلمني الأحترام..وماتسمح لي أغلط ؟
وأنت مين سمح لك تقلل من أحترامي قدام حبيبتك ،تتكلم عني وعن حياتي معاك عندها ،بأي حق تقلها إنك ماتحبني ومو طايقني ليه..و من سمح لك تأخذ القرار عني في حياتي معاك،وتقول إنك متمسك بيا ومارح تطلقني..لا ااا بصراحة غرقتني بكرمك وعظيم فضلك..
خالد بغضب/لايكون تبغي تتطلقي..
جوري ببرود/ذحين اللي همك طلبي الطلاق ،لكن اللي عملته أنت عادي..عموما ذا شيئ مايخصك.. زي ماصارحتك بداية حملي ..قلت لك كل شيئ وخيرتك وأعطيتك حرية الأختيار وأتشاركنا في قرار حياتنا...كان لازم تصارحني وتحطني في الصورة وتترك لي حرية الإختيار وأنا اللي أقرر أكمل حياتي معاك ولا لا.. لكن أنت كنت أناني ومغرور ،سويت اللي يرضيك ولغيتني من حساباتك ولافكرت في وجودي في حياتك. أنت أستكثرت عليا حقي وحرمتني من إني أقرر وذحين تقلي أعطيني فرصة..خلاص أنت مالك أي حق عندي.
مسح وجهه بنفاذ صبر/هوا بكيفك ،أيش اللي مالي حقوق،أنا زوجك لاتنسي ذي الشيئ.
طالعت فيه ببرود/لحسن الحظ أنا مو زيك.. يعنى مارح أقدر أنسى إنك زوجي.. زي ما نسيت أنت أني زوجتك وكرامتي من كرامتك..
طالعت في ساعتها وأعطته ظهرها وبجدية/هيفوت وقت الصلاة..
مسك يدها ولفها ليه و بتردد/أنتي.. ليه كنتي تستفرغي.. أنتي قرفانه من قربي ؟
سحبت يدها بشويش/كنت أتمنى ماتسألني.. لإن جوابي مارح يعجبك..ومارح أجاملك.
أخذت ملابسها وطلعت برا.
جلس عالسرير بقهر..كان لازم أعمل حساب ذا اليوم،وأعرف إنها مارح تمشي اللي صار على خير،أنا الغبي،كيف أكلم ندى في البيت وهيا معاها حق،أنا غلطت لما قلت لندى ذا الكلام..كيف أقلها كذا وأنا مخطط أنهم بيكونوا الاثنين على ذمتي،كيف هيكون شكل جوري قدام ندى اللي أكيد مارح تفوت فرصة إلا وتفكرها بيها..ذحين كل شيئ اتلخبط..أهل ندى مو موافقين،وجوري.. معقول تطلب الطلاق!!لااااااا..أنا مستحيل أطلقها،مستحيييييل..
سمع صوت الأذان،أستغفر وراح يتروش ويلحق عالصلاة.. ولما رجع جاب معاه فول وتميز للفطور ،ولقيها تجري في الحوش بكل نشاط..
وقفهاوبهمس/ ممكن نجلس زي الناس ونتكلم بهدوء.
وحطتها على جنب/أعتقد ذا مو الوقت ولا المكان المناسب للكلام.
وقف قدامها ومنعها من الحركة/يعني لمتى بنجلس عالحال ذا..ومتى يكون الوقت المناسب.
طالعت فيه بهدوء/لما أقدر أحط عيني في عينك من غير ما أحس بندم على أي لحظة قضيتها معاك..وقتها بجيك بنفسي وأحط النقط عالحروف.
طالع فيها للحظات قبل مايسيبها ويدخل البيت.
-------------------
(بعدها بيومين)
دخل المطبخ يشرب ولقاها جنب الفرن..
طلعت البسبوسة من الفرن وسقتها بالشيرة وحطتها على جنب ولا كإنه موجود..
طالع فيها للحظات قبل ما يفتح الباب ويطلع وتجلس عالكرسي بتعب وإستسلام.
وبعد ساعة دق باب المجلس،طلت جوري وهي لابسه عبايتها ونقابها في يدها/خالد أنا جاهزة.
طالع فيها بإستغراب،ونط مؤيد/على وين من غيري،ومن غير سنافرك..
إبتسمت وبهدوء/عازمه خالد برا ولوحدنا.. وسنافري عند أمي..ياريت تنتبه لهم..ممكن.
غمز لخالد،وبلكاعة/حركاااات،الحب راضية عليك وعازمتك وأنا أتدبست وبلوشي.
رفسه خالد بشويش ووقف/بلا لقافه وخليك في حقك الحب..
رمى مؤيد نفسه عالأرض وحط يده على قلبه وبهيام/ حبي فطوم..متى بس تخطبوها ليا..تراها قد جوري لما اتزوجتك،يعني كبيرة.
ضحكت جوري/الله يجعلها من نصيبك.. عموما البسبوسة في المطبخ،يعني رعايتك مو بلوشي.
وقف بسرعة ونسي فطوم في ثانية/بمكسرات..
هزت رأسها بأيوه..ومد يده وسلم عليها وهو خارج ،وهي فاكه ضحك عليه وبإمتنان/أصلي عليكي.. والله إنك بنت بنت.
هز خالد رأسه بيأس من أخوه اللي رافض يعقل..وطلع مع جوري..
وقفوا في البحر وأختاروا مكان مافيه ناس كثير وجلسوا فيه..
طالع فيها خالد وحاول يعرف في أيش تفكر بدون فايده، لطالما كان فاشل في قرأت أفكاره ومعرفة خطوتها الجاية رغم وضوحها الشديد..وذا الشيئ كان يسبب له التوتر لإنها بتفاجأه بردود فعل وكلام مايخطر على باله.
قطعت عليه أفكاره/أنت ناوي على أيه أنت وحبيبة القلب..
رد بتوتر/ماهي حبيبة القلب، لاتقول-------
قاطعته بهدوء/ياريت تختصر وتعفيني من تبريراتك اللي ماتهمني..أنا مو حابه أقاطع كلامك كل شوية.
خالد بعصبية/أتكلم على كيفك يعني.
ردت بنفي/لا طبعاً..بس ياريت تتكلم في اللي يخصني ويهمني..
طالع فيها وبحذر/ماتبغي تعرفي مين هيا، وكيف أتعرفت عليها.
إبتسمت بلامبالاة/مايهمني أعرف ولايفيدني في شيئ.
طالع فيها بمكر/كيف مايهمك..ذي المفروض هتكون زوجتي، وأنا زوجك..يعني المفروض تغي--------
وقفت وقاطعته بهدوء/إذا مصر نضيع الوقت في حاجات تافهه،رجعني البيت أحسن.
مسك يدها وجلسها بعصبية/خلاص..أنتي ماصدقتي! ناوي على أيش..ناوي أتزوجها طبعاً
جوري/حقك،وأنا أيش وضعي..
خالد بإستغراب/وضعك زي ماهوا،لاتفكري إني بطلقك..ذا الشيئ تنسيه وتشيليه من بالك..
ضحكت بخفه/بتعيشني معاك بالغصب..
خالد بعصبية/لا طبعاً،بالطيب وبرضاكي.. بحاول فيكي لين توافقي،ومارح أتنازل عنك أبداً..فإذا حاطه الطلاق في بالك،أنسيه.. فاهمه.. أنسيه.
ردت بتساؤل/وياترى وين بتسكنها..
رد بإندفاع/في بيت لوحدها،مارح تضايقك ولاتشوفك.. مالها أي علاقة فيكي..ورح أرضيكي بالهدية اللي تختاريها..بس أنسي الطلاق،أيش تبغي كمان..
طالعت فيه ببرود/أوكي..وأنا موافقة أنسى الطلاق بس بشرط..
طالعها براحة ممزوجه بحذر/أيش شرطك؟
إبتسمت وبثبات/ندى تسكن عندنا..في نفس بيتنا، وإذا حسيت في يوم بإي شيئ يقلل في أحترامي أو يهز صورتي حتى لو قدام نفسي، فأعتبر اللي بينا أنتهى وذي هتكون أخر فرصة لينا مع بعض.. إذا نفذت اللي قلته كان بها..غير كذا أنسى موافقتي.
طالع فيها بصدمة/هااا..ليه،وليه رابطه سكنها معاكي بطلاقك..أنا في البداية فكرت كذا، بس أعتقدت إنك هتفضلي سكنها بعيد عنك.
طالعت في البحر وإتنهدت بهدوء/لإنك أناني، أنت فكرت كذا علشان تشتري راحتك، تبعدنا عن بعض وبكذا تتفادى المواجهات اليومية اللي هتصير بين أي ضراير ،وتريح رأسك من النقار والشكاوي وتوابع الزواج اللي مافكرت فيها..صح!
تابعت بنفس الثقة لما مارد عليها/لكن في وسط تفكيرك ذا نسيت شيئ مهم..نسيت أمك اللي مالها غيرك.. نسيت أخوانك المراهقين اللي محتاجين لسند وعون في ذي الفترة..والأهم نسيت أولادك.. تقدر تقول لي متى هتلقى لهم وقت علشان تجلس معاهم وتشوف احتياجاتهم،وأنت متشحطط من بيت لبيت..
خالد بإرتباك/أنا مارح أقصر عليهم،ووضعهم ومصروفهم بيمشي زي ماهوا.
جوري بشرح/أنا ماقصدت الإحتياج المادي مع إنك هتحتاج ميزانية وقدرها علشان تفتح بيتين.. بس مو مشكلتي.. أنا قصدي الإحتياج المعنوي والنفسي..أنت هتضطر تغيب يوم أو يومين عند كل وحده أو حسب ترتيبك..يعني مارح تكون متواجد معانا على طول ،وإذا صار لها شيئ وأنت مو عندها،هيا كيف هتتصرف،عالأقل أحنا عندنا مؤيد ومازن إذا صار لنا شيئ..وبعدين لما تقول مالكم علاقة ببعض،أنت مستوعب إنك إذا ربنا أراد هتجيب منها أولاد..يعنى أخوان عيالي،تبغاهم يتفرقوا ويعيشوا في أحزاب.. لاااا معليش..أنا أبغاهم يتربوا مع بعض،يكبروا سوا وهم عيال خالد مو عيال ندى وجوري..يكبروا وهم يحبوا بعض وقلوبهم على بعض يكونوا عون وسند لبعض، مابغى يكبروا على شغل الضراير والكره والحقد،وطول ماهم بعاد عن بعض ذا اللي بيصير..فهمت ليه مصره ولا لسا..
وقف وراح وقف عالشاطيئ وكلامها يدور في رأسه"أنا كيف مافكرت في ذا كله،كيف ماحسبتها صح ووزنت الأمور بعقل..معقول حبي لندى أعماني،لذي الدرجة ..وصرت زي ما قالت جوري أفكر بس في راحتي حتى لو على حسابهم،كلامها غير كل حساباتي وصار لازم أعيد التفكير في الموضوع من جديد"
رجع لجوري ووعدها يفكر في كلامها بجدية..
وبعد كم يوم وافق على طلبها ودخل في دوامة جديدة مع ندى اللي رفضت بإصرار وبعد جهد جهيد أقتنعت على أمل إنها بتأثر عليه بطريقتها لما يكونوا مع بعض..
صحي من ذكرياته وركز إنه طول في دشه ،لف جسمه بالمنشفة وطلع وشاف ندى مكانها،فك الدولاب وإبتسم لما شاف ملابسه مبخرة ومرتبة بترتيب جوري المنظم ،لبس وصلى العشاء وهي لسا على وضعها..التفت لها بهدوء/غيري ملابسك وألبسي شيئ عدل وتعالي سلمي على مازن ومؤيد،لاتتأخري، وتركها وخرج..
↚
من أهم أسرار السعادة أن يتذكر الإنسان ما لديه من نعم قبل أن يتذكر ما لديه من مشاكل وهموم..
-------------------
أبتسمت وحطت كوب قهوتها عالطاولة وجلست قدام الأله الكاتبة ومررت أصابعها عليها بحنين وهي تتذكر لما طلبت من خالد يشتري لها وحده وكيف إستغرب لما عرف إنها تطبع بطريقة بريل،بعدها ظلوا فترة يدوروا لحد ما فاجأها بوحدة طرازها أحدث من اللي كانت معاها،يومها فرحت بشكل كبير خاصة إنها ماكانت تقدر تكلم أحلام براحتها بسبب أسعار المكالمات الدولية،فكانت تكتفي بالسلام والسؤال عن الحال بشكل عابر من وقت للثاني..لكن بعدها صارت تتراسل معاها بشكل أسبوعي ويوافوا بعض بأخر المستجدات في حياة كل وحدة فيهم.. أترددت كثير قبل ما تقرر إنها تكتب لأحلام عن زواج خالد ..خاصة إنه مر عليه إسبوعين ولسا أهلها مايدروا..بس صار لازم يعرفوا.. فردت أصابعها بتوتر وسمت بالله وبدأت تكتب..
(أحلامي الغالية)
السلام عليكم ورحمة الله وبركاته..
اتمنى توصلك رسالتي وأنتي في أحسن حال وبصحة جيدة. أحلامي أشتقت لك بشكل ما تتخيليه..أشتقت لملامحك الطيبة وصوتك الهادئ.. أشتقت لحضنك الدافئ.. أشتقت لجلساتنا سوا ومذاكرتنا ولمتنا مع البنات.. أشتقت لأيامنا الحلوة اللي كان فيها أكبر همي فيها إنه يمر صباحي بدون ماأشرب قهوتي مع أبويا..إني يمر عليا يوم بدون ما أطلع السطوح مع عبدالرحمن.. أو إني أروح المدرسة وما القاكي جنب البوابة تنتظريني،أو أتسلق شجرة التين بدون مايصيدني معاذ..أو إني أجيكم البيت وما يكون علي موجود وأطفش بدونه.. كبرنا وكبرت معانا همومنا وأتغيرت الأشياء اللي صرنا نخاف منها..صرت أخاف من إنشغال أبويا عليا وخوف أمي، أخاف من نبرة الشوق واللهفة اللي في صوتهم لما يكلموني،أخاف من معاذ وعلي وعبدالرحمن اللي على طول بيتصلوا علشان يعرفوا أحوالي.. أخاف أحد فيهم ينتبه لنبرة حزن أوضيق في صوتي،ينتبه لآه حنين أو شوق ،لكلمة تفلت مني بدون قصد وتحسسهم بعذابي في بعدي عنهم..
(أحلامي) أشتقت لكم لحد الوجع.. صرت أنتظر الأجازة بفارغ الصبر وأنا أدعي أن أموري تتسهل وأقدر أزوركم بدون تأخير.. لكن أول مرة أخاف من قرب الأجازة. خايفة من المواجهة واللي هيصير فيها..خايفة من زعل أبويا وأمي..من غضب علي وتهور معاذ، من غيرة عبدالرحمن، ومن قلبك الطيب..
أحترت كيف أوصلكم الخبر ،وبالأصح كيف أوصلكم الخبر وأنا بعيدة عنكم..كنت أتمنى أكون موجودة على الأقل أقدر أشرح لكم وأفهمكم دوافعي..أقدر أطمنكم وأريح بالكم عليا،أقدر أوريكم إني قوية وأتحمل أي شيئ في بعدكم.. أنتي أكيد مستغربة المقدمة الطويلة ذي..لكن لاتخافي ولايروح بالك بعيد،كل ما في الموضوع إن (خالد أتزوج) فقط لاغير..يعني كل شيئ في الحياة ماشي وفق نظامه الطبيعي..الشمس بتشرق من الشرق..أيام الأسبوع ثابتة..الطيور بتهاجر وترجع لموطنها الأصلي..مافي شيئ أتغير، حتى حياتي ماأتغيرت ولا أختلفت بزواج خالد، مر على زواجه أسبوعين وأنا مرتاحة ومبسوطة ومافي،أي شيئ يخليكم تقلقوا أوتخافوا عليا منه..عايشين مع بعض ومستقرين ولله الحمد..
أدري إنك ماهتصدقيني بس كوني متأكدة إني ما زعلت لإنه أتزوج أو حتى غرت..وعلى فكرة أنا حضرت زواجه ورقصت كمان..أيش رأيك فيا،قلت لك إني قوية ومو أي شيئ يأثر فيا بسهولة..الظاهر كلام علي ومعاذ طلع صح.. ماعندي مشاعر وأحاسيس،ولا أنا رقيقة زي باقي البنات..شفتي كل شيئ له حكمه..المهم أنا قلت لك الخبر لإني ماهقدر أمتص غضبهم وإنفعالهم وقت مايعرفوا، لكن وجودك جنبهم هيساعدني هتكوني حائط دفاعي الخاص،هديهم وحاولي فيهم يكونوا عقلانيين علشان ماألقى علي ومعاذ على أول طيارة..يمكن طلبي صعب وثقيل عليكي، لإنك هتكوني زعلانه بنفسك..بس أنتي أكثر وحدة عارفة أحساسي وإنه زواجه ماعنى لي أي شيئ من اللي ممكن يفكروا فيه.. (أحلامي)كوني قوية علشاني ولاتستسلمي.
أنا تعتمد عليكي وعلى عبادي..الله يعيني عليه..ذا لوحدة بجلس ساعة أفهم فيه لإنه أساساً منتظر لخالد غلطة ..
أدري إن رسالتي ذي مملة وكئيبة ياريت ترميها بعد ماتخلصي منها علشان ماتكتئبي كل ماتقريها..أقرأي رسايلي الثانية لإني أدري إنك محتفظة بيها مثل ما أنا محتفظة برسايلك ورسايل عبادي وسوسن والبنات.. وكل ما حنيت لكم أقرأها وأرجع جوري القديمة من جديد..
صار لازم أكلمهم فكوني مستعدة وهرجع أتصل وأسمع صوتك وأطمن عليكي..وحتى القاكي..دمتي لأحبتك ولي بخير..(جوريتك)
(بعد فترة)
جوري ولبنى وحنان متجمعات في بيت ساره، وقاعدين عالأرض وحاطين القهوة والحلا والشيبسات والعصاير ..ويتناقشوا في موضوع مهم..
ساره بعصبية/الله يعينك على برودك.
جوري بضحكه/يختي أيش تبغيني اسوي..
حنان بإستغراب/أنت تبغي تقنعيني إنك مابتغيري ولاتتضايقي؟ جوري حبيبتي أنتي لقطة البوس في الأفلام تغيري القناة،كيف عالواقع.
جوري بصدق/أكيد بتضايق..أنا ما أحب ذي الحركات،بعدين ذي أشياء حميمية المفروض يكون لها وضع خاص..لكن غيرة..ولا جات على بالي..
لبنى بضيق/وربي إنك مستفزه..أنا أنصدمت منهم وتنحت مكاني،وهيا شافتهم وكملت طريقها ولاكإنه صار شيئ.
طالعت فيها جوري بإستنكار/لاياشيخه..أجل أحجز مقعد في الدرجة الأولى وأحضر الفيلم.
ساره بتعجب/وربي صادقة ،إنها أفلام ومن تمثيل السوسه ندى.
لبنى بحقد/لا وأفلام +21
شهقت حنان/ياويلي..والله أنهم مايستحوا.. أنتي كيف متحمله.
أتنهدت جوري وبتفكير/للأمانة يعني..أول مرة شفتهم أنصدمت وتنحت فيهم قبل ماأستوعب المنظر وأفك رجلي، وبعدها صار كذا موقف وكنت أنسحب بدون مايحسوا ..بس لما أتكررت الحركة واتأكدت إنها بتتعمد تخليني أشوفهم في ذي المواقف.. غيرت سياستي.
سارة بإهتمام/واللي هيا.
شربت قهوتها بإستمتاع وبهدوء/سياسة التطنيش..يعني هيا بتسوي كل ذا على بالها بنقهر وأنجن وأغير...خلاص أنا صرت إذا شفتهم في وضع محرج أكمل طريقي ولا كأنهم موجودين..وذا الشيئ رفع لها الضغط والسكر..
سارة بقهر/الواطية ..الحيوانة ..تستاهل ،يارب ي------
قاطعتها جوري/لاتدعي عليها..مالنا ومالها..
لبنى بملل/بالله سيبوكم منها ذي كمان.. خلوها براحتها لين تتطلق من تحت رأس الحربايه ندى .
جوري بشرح/لعلمكم ترى ندى طيبه وحبابه، بس أمها الله يهديها هيا اللي تبلفها وتحشي دماغها بكلامها الفاضي.
سارة بتريقه/أي مرررره طيبة،بدليل أفلام البوس والأحضان اللي بتعملها مع زوجك قدامك..يا أمي طيري بس..أنتي اللي هبلا.
ضحكت جوري بخفه/أنا هبلا ،طيب مقبوله منك يا دبتي..
وتابعت بجدية/والله أكلمكم جد..ندى من جواها طيبه،بس مشكلتها إنها وحيدة أمها وأبوها،ماعندها أخوان وأمها من النوع المتسلط ،بتتحكم في خرجاتها ومين تصاحب ومين تكلم،يعني بالعربي ضيقت عليها الخناق..وخالد كان الشيئ الوحيد اللي أختارته بنفسها، حبته وأتعلقت فيه بس كان فيه مشكله واللي هيا أنا..أمها كانت معارضه زواجهم بحجة إني بحول حياتها لجحيم، والبنت اتأثرت بالأفلام وشغل الضراير..
قالت في بالها توريني العين الحمراء وتفرض سيطرتها من بدري خاصة إنها عارفه إن البيت كله في صفي..فهمتوا..
طالعوا فيها بتفكير وكل وحده تقلب الموضوع في دماغها بتفكير غير الأول.
حنان بعصبية/وخالد كيف يسمح لنفسه يسوي كذا..
جوري بهدوء/خالد ماله صلاح..ندى كانت تتعمد تكون هيا اللي في الواجهه،يعني لما كنت أدخل مكان بيكون معطيني ظهره ومو شايفني أساسا..ورغم كذا أنا ما ابرأه بالعكس المفروض هوا الرجال وهوا اللي يكون له الكلمة الأخيرة ،والمفروض حتى لو ندى هيا اللي كانت تجيه وتسوي له حركاتها التافهه،المفروض كان يوقفها عند حدها ويفهمها إن ذي الحركات لها مكان معين..بس ما عليكم،اللي ينساه أنا دايما أفكره بيه..
سارة/قلتي له؟قولي قسم.
ضحكت بقوة/وأنتي الصادقة..قلت لهمااااا..
التفتوا لها بحماس/أيش قلتي...
طالعت فيهم بنص عين وبدأت تحكي..
خلصت جري في الحوش قبل صلاة المغرب ودخلت المطبخ تشرب مويا..ولقت ندى عالطاوله وخالد عالكرسي وضامين بعض وو وفي عالم ثاني.. نزلت عيونها بسرعة بملل من المنظر المتكرر وصبت لها كأسة مويا من البراده وطلعت بعد مالمحت إبتسامة ندى الخبيثة..
بعدها خالد بسرعة ووقف بإرتباك/مين اللي دخل؟
باسته في خده بلامبالاة/جوري أخذت مويا وطلعت..
مسح الروح من شفايفه بضيق/ياالله منك ياندى..يعني حبكت لك.
ندي بعصبية/والله بيتي وبأخذ راحتي..لسا هستئذن منها علشان أبوسك.. بس أنا اللي أستاهل لإني وافقت نعيش مع بعض..
وطلعت من عنده معصبه،وقابلت جوري في الصالة مع عمتها،وبحده/ترى من باب الذوق لما تشوفيني مع خلودي في وضع حميم تطلعي وتسيبينا،مو تكملي عادي..أناليا خصوصية و ما أحب أحد يتدخل فيها..
طالعت فيها جوري بإستغراب/ذوق!! وخصوصية!!
سكتت شوية وضحكت بخفه/هههههههههههه
ترى الذوق والخصوصية مايجتمعوا معاكي أنتي بالذات..
ندى بعصبية/جوري أحترمي نفسك..أنا ساكته عنك من يوم ماجيت ومطنشه حركاتك وأنتي كل شوية تتطفلي علينا..
أم خالد بإستغراب/أيش فيكم يابنات...
ألتفتت لها جوري بإبتسامة/مافي شيئ حبيبتي ،بس في كلمتين بقولها لندى.. روحي صلي المغرب وأنا بجيكي عالغرفة..
طالعت فيهم بقلق من نظرات ندى اللي تحرق الأخضر واليابس وراحت لغرفتها.
ألتفتت لندى بجدية/شوفي يابنت الناس أنا مارح أناقشك في الأحترام لإني محترمة نفسي من قبل لا أعرفك.. وبعدين داخله عليا حاميه وخصوصية وذوق وأتطفل..أولاً من باب الذوق اللي تتكلمي عنه إنك ماتعملي الحركات ذي هنا..تانياً أي خصوصية ذي اللي بتتكلمي عنها وأنتي بتقدمي لنا عرض مفتوح على كراسي درجة أولى،ثالثاً وهو الأهم أنا ماأقتحمت عليكي خلوتك علشان تقولي أتطفلت عليكي وأنت ساكته ومتحمله.. إذا كنتي ناسيه فذا بيتي،وحطي في بالك إني همشي في كل ركن فيه بدون ما أعمل لك حساب أنتي وزوجك..وإذا تبغي خصوصية فمكانها في غرفة النوم،وإذا شفتيني نطيت لغرفتك ذيك الساعة قولي أتطفلت عليكي..مو فاضحة نفسك قدام الله وخلقه وتجي تحطي اللوم عليا..سكتت تأخذ نفس وتابعت بهدوء/أسمعيني ياندى وأفهمي اللي هقوله..حركاتك ذي كلها ماهمتني ولاهتهمني في يوم..فريحي نفسك يابنت الناس وخلينا نعيش مع بعض مرتاحين وبدون وجع رأس وحركات ماسخه مالها داعي ..
طالعت فيها ندى بإرتباك من كلامها اللي ماتوقعته وراحت بسرعة.
دخلت جوري غرفتها ولقت خالد،طنشته وراحت طلعت ملابس علشان تتروش ،مسك يدها وبرجاء/جوري والله ماكنت أدري إنك هنا..أنا وعدتك مارح أضايقك.
فكت يدها بهدوء/وإذا ماكنت موجوده..أمك وأخوانك وأولادك مو موجودين كمان...
أرتبك و ما عرف أيش يقول،تابعت بجدية/أنا ماأقدر ألوم ندى لإنها زوجة وعقلها صغير وأكيد بتفكر بطريقة غير..لكن اللوم كله عليك ،أنت الرجال وأنت اللي المفروض توقفها وتعلمها الصح من الغلط مو تمشي وراها مغمض عيونك بدون إعتبار لأي أحد..
هز رأسه بموافقة وبإحراج/والله ماكان قصدي شيئ..
جوري ببرود/قصدك ولا لا..مايهمني ،بس عيب عليكم اللي تسووه.. عن جد عيب.
أخذت ملابسها وراحت تأخذ دش .
رفعت رأسها للبنات وبتمثيل/وتوته توته خلصت الحدوته..حلوه ولا فتفوته..
ساره بشماته/جزاهم وأقل..
حنان بقهر/يابجاحتها الندى ذي..الله يعينك عليها..
جوري بملل/قلنا لكم خلاص عقلت وبطلت، فضوها سيرة طفشتوني..
كملوا سهرتهم يتفرجوا فيلم رعب..وبعدها رجعوا عالبيت..
سمعت صوت صراخ وبكاء،رمت كتاب ياسمين من يدها ووقفت بسرعة/ياسمين خليكي هنا ولا تطلعي.
خرجت للصالة وكلها خوف على أمها،بس كان الصوت جاي من المطبخ،دخلت بسرعة وشهقت من الصدمة..كانت ندى طايحة عالأرض وتبكي بألم ويدها على بطنها،قربت منها وحاولت يكون صوتها هادي/بسم الله عليكي ،لاتخافي بسيطة.
ندى ببكاء/جوري الحقيني...آآآآهه بطني، كلمي خالد يجي.
حاولت جوري توقفها بس ندى ماساعدتها بالمره من كثر بكاها وألمها،أرتبكت جوري لما أنتبهت لبقعة دم في بنطلون ندى البيج..
أخذت نفس عميق،ومسكت ندى من كتوفها وبهدوء/أنا بروح أجيب عبايتي ونروح المستشفى،بطلي بكاء حبيبتي علشان ماتتألمي زيادة..مارح اتأخر.
خرجت بسرعة ونادت عمتها علشان تنتبه لندى،لبست عبايتها وجابت عباية ندى وفي دقائق لبستها بمساعدة أمها..
أم خالد بعصبية/يا بنتي حاولي توقفي علشان تروحي، كذا ماينفع ..مافي أحد يساعدنا حتى الأولاد برا.
بكت وغمضت عيونها بألم/عمه والله مو قادرة.. تعبانه..جيبوا لي خالد..كلموا ماما..
علقت جوري شنطتها بشكل مايل على كتفها وجلست قدام ندى وأعطتها ظهرها.
وبأمر/ أطلعي على ظهري..
أم خالد/جوري من جدك ،بلاهبل..ماتقدري..
جوري بهدوء/ندى خلصيني أركبي على ظهري ،كأننا نلعب يلااا ياقلبي.
ندي برفض/لااا ما أقدر ،بستنى خالد لين يجي..ولا---
قاطعتهاجوري بحدة/لين يجي بيكون اللي في بطنك مات..خلصيني يلااا.
طالعت ندى في أم خالد بصدمة/أنا حامل؟
لفت عليها جوري وسحبت ذراعها وحطتها على كتفها ورجعت أعطتها ظهرها/يلاا ياندى ما عليكي أنا قوية وأقدر أشيلك لاتخافي..
أتعلقت في رقبتها بمساعدة أم خالد وسمت جوري بالرحمن ووقفت بصعوبة في البداية،وبعدها أتوازنت ومشيت بشويش وهي مثبته ندى على ظهرها بيديها،وصلت لباب الحوش وفتحته أم خالد ونادت جوري على واحد من العيال يوقف لها تاكسي ويجيبه جنب الباب ،وأول ماوصل خرجت وأشرت للسواق اللي نزل وفتح لها باب السيارة ،دارت بظهرها وحطت ندى بشويش عالكرسي وعدلتها وركبت جنبها من الجهة الثانية..
وبعد ساعة في العيادة، خرجت الدكتورة لجوري اللي وقفت على طول بخوف/هااا بشري..
الدكتورة/الحمد لله الجنين بخير وأختك كمان ..لا تقلقي..
جلست عالكرسي براحة/يستاهل الحمد.. يعني هيا كويسة أكيد..
الدكتورة/الحمد لله الطيحة ماكانت قوية ولا كان الحمل نزل خاصة إنها في الشهر الأول ،أنا أديتها مثبتات للحمل ويبغالها راحة وتنام على ظهرها لمدة أسبوعين ، وماتشيل شيئ ثقيل ..
جوري بثقة/بسيطة..أنا بنفسي بنتبه لها..
تابعت الدكتورة/وأهم شيئ ممنوع أي أتصال حميم في ذي الفتره..طبعاً فاهمة قصدي؟
أستحت جوري وبإرتباك/شوفي..هوا زوجها بيجي وأنتي فهميه عالحاجات ذي..أنا دوري لحد هنا وخلص.
ضحكت الدكتورة وسابتها وراحت..
حركت يدها قدام وجهها كإنها تهويه"ماعاد إلا هي ،أروح أقله كذا..يمه"
دقت الباب ودخلت لندى ،شالت نقابها وأتوجهت لها بإبتسامة/الحمدلله على سلامتك،ماتشوفي شر يارب..
ندى بتعب/الله يسلمك..
ضمتها جوري وباست رأسها/ألف مبروك يا عروسة..ولا هههههههههههههههه خلاص راحت عليكي..شدي حيلك وبطلي دلع..
إبتسمت ندى/والله مو دلع حسيت روحي طلعت..وين خالد.
سحبت كرسي،وجلست جنبها وطلعت كأسة عصير فريش من كيس معاها، حطت لها المصاص،وقربته من فمها/أشربي ذا..خالد كلمته من أول مادخلتي ،دقائق ويكون هنا إن شاء الله..
بعدت ندى الكأسة،وبقرف/أيش ذا..مو حلو..
جوري بضحكة/أدري إنه مو حلو،حتى أنا ماأحبه الله يعز النعمه..ذا برتقال بالجزر بس كويس ليكي..
رجعت لها الكأسة بالغصب وبأمر/لازم تخلصيها كلها وتعوضي الدم اللي راح،ولا ترى بجيب لك عصير طماطم..ههههههههه.
ندى بضيق/طماطم أيه أنتي كمان..جزر وبرتقال أرحم..
جوري/هههههههههههههههه..أيووه..جني نعرفه ولا أنسي مانعرفه..
تنحت ندى بغباوة/يعني أيه.
أتنهدت جوري/يالييييييل أبو لمبه..مثل يمني ياقلبي.. .ومفاده اللي نعرفه أحسن من اللي منعرفوش..فهمتي.
هزت رأسهابأيوه/قولي كذا من الصبح.
هزت جوري رأسها بيئس/ يمنية فاشلة، شكلك والله أعلم ماقد طبيتي الحدود حتى.
اتثأبت ندى بتعب/من جد ما أعرفها ولا رحتها ولا عندي فضول أروحها..أنا حابه الحياة هنا وذي بلدي من يوم ما ولدت.
جوري بتفهم/ما أختلفنا،بس الواحد لازم يتمسك بهويته. .يعرف عنها..ينتمي لها..يكون عنده جذور..فاهمه قصدي؟
ندى بلامبالاة/أنا ولدت واتربيت وعشت هنا، وذا يكفي..لكن أنتي غريبة..على كثر مافي ناس يتريقوا عليكي ويستهزئوا في جنسيتك، إلا إنك ماشية تغنيها في كل مكان حتى في الزواج لما سألتك الحرمة أنتي شامية،قلتيلها لااااا يمنية وبالفم المليان..
طالعت فيها بإستغراب/وليه ماأقولها بالفم المليان..أنا يمنية وأفتخر بذا الشيئ،ليه لازم أستحي وأفرح لمجرد إنها قالت لي شامية..المفروض كل إنسان بيفتخر بجنسيتة أيش ماكانت..ماعلينا بعدين بعطيكي دروس في الوطنية والإنتماء.
أتذكرت ندى وشهقت بقوة/ ماما اتأخرت ،لايكون صار لها شيئ في السكة..
جوري بهدوء/أيش المأساوية اللي أنتي فيها..أنا ما كلمتها أساساً.
ندى بعتاب/ليه ماكلمتيها..
جوري/ماله داعي تخوفيهم عليكي..نوصل البيت بالسلامة وترتاحي،وبعدها بشريها بحملك بدون الأضافات اللي مالها داعي.
انفتح الباب فجأة ودخل خالد/السلام عليكم.
ردوا السلام ،وأتوجه لندى بخوف/سلامتك حبيبتي،ليه حاطين لك مغذي..أنتي مو اتزحلقتي بس.
شافته جوري لما جلس عالسرير جنبها وبدأت ندى تبكي وضمها لصدره بخوف وأهتمام ،طالعت فيهم بنظرة غريبة وإبتسمت وطلعت بهدوء وأخذتها رجولها للمكان الوحيد في المستشفى اللي ممكن تجلس فيه لساعات بدون ماتتضايق أوتقرف من ريحة المعقمات فيه..وقفت قدام القزاز وصارت تطالع في الأطفال بحب والإبتسامة ماليه وجهها،راقبت وجوههم اللي تحمل تعابير مختلفة المبتسمة والباكية والنايمة ..واتفرجت عالناس اللي بيجوا يطلبوا أطفالهم علشان يشوفوهم..قعدت فترة بدون ماتحس بالوقت لحد ماحست بحركة على كتفها، ألتفتت لقت خالد/كنت متأكد إنك هنا.
مشيت معاه بهدوء/ألف مبروك..ويتربى في عزك ..
رد عليها بإبتسامة/يبارك فيكي.. مشكوره عاللي سويتيه،ندى قالت------
قاطعته بسرعة/قالت الدكتورة متى تخرج؟
خالد / كنت عندها،بروح أدفع الحساب وأوقع الخروج وأجيكم..
رجعوا عالبيت وبعدها بيومين أتصلت ندى على أمها وجات تزورها وتطمن عليها..
دقت الباب ودخلت بإبتسامة/حيا الله من جانا،نورتي البيت ياخاله.
مدت لها كاسة القهوة والحلا/أتفضلي.
أم ندى بهدوء غريب/تسلمي حبيبتي.
طالعت فيها جوري بإستغراب وأشرت لندى بمعنى أيش فيه،هزت ندى رأسها بإبتسامة إنه عادي لا تقلقي.. طالعت فيهم وخرجت..
↚
(بعد8سنوات)
ياسمين وبعدين معاكي..ركزي شوية..
ياسمين بضيق/ماما والله طفشت..
جوري بحزم/باقي ربع ساعة خلصي بسرعة ولا بمددها لساعة كمان.
مسكت ياسمين يدها برجاء/لاااا لا خلاص.
ضحكت ندى بشماته/هههههههه ماكان من الأول طيب..لازم العين الحمراء.ياسمين بقهر/يارب يجيكي يوم وتسوي
فيكي زيي.
شرقت ندى بالشاي/كح كح كح..أعوذ بالله من عينك ياحيوانة..الله لايوقعني في يدها..أنا ناقصة..
ضحكت ياسمين عليها وطالعت فيها جوري بنظرة خلتها تسكت،والتفتت لند/ترى سكت عنكم كثير وأنتوا مسختوها،كل ماشفتوني قلتوا الكلمتين ذي.
ندى مدت بوزها بطفش/وأنتي كمان مو سامعتها،ناقصة أنا تدرسيني وأتنكب معاكي، عيدي،صححي،ركزي،يلا خلصت ثانوي وأفتكيت..أنتي اللي بس غاوية تعب،ولا في وحدة عاقلة ترجع تكمل دراستها ومنازل..وووع.
جوري بضحكة/فاشلة..وياخوفي تأثري على العيال.
ياسمين/ من جد ماما..كل ماأقول لصحباتي إنك تدرسي منازل يستغربوا..
جوري بإستغراب/أيش الغريب في الموضوع، وحده وقفت دراستها ورجعت تحملها..عادي..بتحصل في أحسن العائلات.
ندى بفخر/بس مو كل وحده تدخل منازل وعلمي تجيب إمتياز..
جوري بإحراج/ترى الإمتياز كان في أولى لإنه سهل.. ذحين علمي والله يستر..
ضمتها ياسمين بفخر/لاتنسي الترم ذا جبتي 98%..مرررره فخورة بيكي،بالذات يوم إجتماع الأمهات..كل صحباتي جابوا أمهاتهم علشان يتعرفوا عليكي..وواوووووو.
رمتها ندى بعلبة المناديل/شوف اللي ماتستحي وأنا ماجبتي سيرتي ياناكرة الجميل..ما كأني قاطه معاها من الصباح في،الإجتماع الخايس ذاك.
باست ياسمين رأسها/أنا ناكرة الجميل،الله يسامحك..أصلا لماسألوني عليكي البنات.قلت لهم هديك المزة تصير ماما الثانية..
ومنها جوري بالمحاية في رأسها/آآآي آي.. أيش فيها دحين..
شدتها جوري من أذنها/كم مرة قلت (مزه)ذي لاتوصفي فيها أحد.
فركت ياسمين أذنها بقوة/والله نسيت،بعدين كل البنات يقولوها في المدرسة،جات عليا يعني.
طالع فيها قصي وبهدوء/وأنتي مع القوم ياشقرا،ماعندك شخصية..
ردت بضيق/مالك لاح ياملقوف ماكلمتك. جوري بتريقة/الله الله..قوموا مدوا يدكم كمان ،ليه قاعدين،عادي شوالات بطاطس أحنا..
قام قصي باس رأسها ورأس ندى/أسف ماما..بس هيا تعصب الواحد،كل شوية تفهميها وترجع تعيد نفس الأشياء.
قامت ياسمين وباستها وباست ندى/أسفه ماما..مو قصدي.
مسكت ندى ضحكتها على شكلهم وشكل جوري المعصب اللي ماعندها مزح في ذي الشغلات.
جوري بجدية/أولاً: أعتقد قلت لك معنى كلمة (مزه)قبل كذا ،وفهمتك إنهاكلمة تقلل من قيمة البنت وتحط من قدرها لإنه كان القصد منها هو تشبية البنات بالمزة(خضار أو فاكهه أو مكسرات) اللي تنأكل مع الخمر علشان يضيعوا طعمها الكريه،وكانت تنقال لبنات الليل لوصف عملهم..يعني مو معناها جميلة وحلوة ..فأعتقد إنه من الوقاحة وقلة القيمة إنك تنزلي نفسك أوغيرك لذا المستوى بذي الكلمة،وأحنا ولله الحمد عندنا في لغتنا العربية كلمات بليغة ومعبرة عن الجمال ،أختاري منها اللي يعجبك. فهمتي..
أخذت نفس وتابعت/ثانياً وهو الأهم: سياسة القطيع ذي لاتتبعيها في كل شيئ وتصيري زي ما قال أخوكي مع الخيل ياشقرا لازم يكون لك تفكير ورأي مستقل مايتأثر لمجرد إن مجموعة من الناس خالفوكي فيه حتى لو كانوا أكثر منك.
ياسمين/يعني كلهم غلط وأنا لوحدي صح؟
مسكت جوري يدها ويد قصي وجلستهم جنبها وبهدوء/ذحين الرسول عليه الصلاة والسلام وكل الرسل اللي قبله ،لما أرسلهم الله عزوجل للناس كان الكل كفار فيهم الملحدين اللي أنكروا وجود الله،والمشركين اللي معترفين بالله ولكن بيشركوا في عبادته مخلوقات ثانية ،صح كلامي..
هزوا رأسهم بموافقة وندى معاهم،تابعت/ولما أرسل الله الرسل كانوا شاذين ومختلفين عن الناس ،مو مختلفين عن عائلة واحدة بل عن قرية أو بلد بأكمله لإن الرسول أو النبي بيدعو للتوحيد وعبادة الله وحده، بينما كل القرية كانت مشركة ومجتمعة عالكفر ،فهل ذا معناه إن النبي كان غلطان؟
صرخوا كلها/لااااا.
إبتسمت وهي شايفه حماس هم/أهااا، وصلنا لمربط الفرس اللي هوا ،مو شرط إنك لما مابتعملي شيئ الكل بيعمله،إنك تصيري غلط وهم الصح.. لإن أوقات كثيرة الناس بتتعود على عادات وتقاليد،غريبة ومالها أساس من الصحة لمجرد إنهم اتوارثوها عبر الأجيال زي ماذكر ربنا في القرآن فيما معناه لما كان الأنبياء يسألوا الكفار هم ليه كافرين ويعبدوا الأصنام فكانوا يردوا عليهم بإنهم لقيوا أبائهم وأجدادهم يعبدوها فأتبعوهم وصارت عادة من جيل لجيل لحد ما أنتشر الشرك في كل مكان..بس لو كان واحد فيهم وقف مع نفسه شوية وفكر وحلل الموضوع كان غير حياتة وحياة غيره..وأنتي نفس الشيئ لاتقولي ماجات عليا ،وأنا وحده و ما بيدي شيئ لإن ذا تفكير الناس الكسالى والإتكالية اللي تبغى كل شيئ بسهولة.
ياسمين بتفكير/ وأيش بيدي طيب.
مسحت شعرها بحنان/الأول تكوني حيادية يعني تنظري للموضوع بعقلية بحته،يعني مو علشان عاجبك أو شخص يهمك تقومي تحددي صح الموضوع أو غلط ،ينفع أو ماينفع ، لازم تفكري وتتأكدي إذا كنتي على حق ولا لا.. وبعدها تقنعي نفسك واللي حولك،وبكذا مارح تكوني لوحدك أنتي هتغيريهم وهم بدورهم بيغيروا غيرهم وكذا لحد ماتزبط كل الأمور فهمتي.
هزوا رأسهم بالموافقة..وأتنهدت براحة لما أستوعبوا كلامها عن جد..
↚
إن خسرت شيئاً..فتذكر أنك قد ربحت أشياء في المقابل،فليست خسارة شيئ هي نهاية المطاف...
رن جوالها وردت بملل/هلا عبدالفتاح..
عبدالفتاح/اهلين..ترى ماهقدر أمرك اليوم..نامي عند أهلك..
لطيفه/ليه إن شاء الله..
عبدالفتاح/واحد من الشباب سوا حادث وبنام معاه في المستشفى.
لطيفه بقرف/وأنتا ليه تتلقف..وين أهله.
عبدالفتاح ببرود/والله صاحبي وبرافق معاه، اللي يسمعك يقول هتموتي نفسك على ماتشوفيني وتقعدي معايا..ارتاحي بس وبكره بجيكي..سلام
قفلت بعصبية"مالت على وجهك..أموت على شوفتك،من حلاته يعني"
لبنى بضحكه/مالك طالعه زاربينك،ههههههه.
لطيفة بغرور/ذا عبودي الله يهديه عصب مني علشان قلت ببات اليوم..تعرفي مايستغنى عني.
لبنى بإستغراب/غريبة تبغى تباتي ،مو عوايدك يعني.
ليلى/وأنتي أيش حارقك،بيت أبونا وبنبات ،عندك مانع..
ضحكت لبنى بقوة/هههههههههههههههه،لا فيكم شيئ اليوم..حتى ليلى خانوم بتبات ،أعترفوا سويتوا مصيبة وشاردين من بيوتكم هههههههههههه.
أبتسمت جوري ودقتها علشان تسكت وهي مستمره في الضحك..
لطيفة بقهر/بس ياسخيفة مافي شيئ يضحك..
ندى بحماس/ونااااسه..أيش رأيكم بعد العشاء نلعب..
ليلى بأحتقار/أشوفك انعديتي من بعض ناس،ورجعتي لطفولتك..
جوري بهدوء/والله الواحد مهما كبر يظل فيه شيئ يحن دايما لطفولته..
لبنى بتأكيد/أيووون.. أنا معاكي..وعلشان كذا بكلم رورو حبيبي يخليني أبات كمان.
التفتت لليلى ولطيفه وبإبتسامة/ماأقدر أفوت جمعتنا سوا..
فكت ندى وجوري ضحك وأنسدحت جنبهم لبنى وهم يشوفوا لطيفه وليلى اللي قاموا معصبات وخرجوا من الصالة
أم خالد/خفي عليهم يالبنى،ما ينفع كذا .
هزت رأسها وأتصلت وهيا لسا تضحك/ألو حبيبي..
ياعيونه وقلبه وروحه..
لبنى بدلع/رااااائد بطل إستهبال ..
رائد بفهاوه/ يابختك يارائد..شكلي بسوي حادث بسببك.
شهقت/بسم الله عليكي..بس ياسخيف كم مرة أقول لك لاتفاول على نفسك.
رائد/لااا ،خلاص أنا بجيكي ذحين..
لبنى بسرعة/لا..أنا ببات هنا..
رائد/نععععععم..مافي بيات..أنتي قلتي تزوريهم بس ما أتفقنا على كذا.
لبنى بدلع/روروووو..بيبي..بليييييييز.
رائد ذاب بس مسوي معصب/مافي لاتحاولي..بيات لا..
مدت بوزها بزعل/بيبي،أخواتي هنا ولينا زمان مابتنا سوا..بليييييز رورووو.
أتنهد بضيق/دحين تسيبيني علشان ريا وسكينه..
فلتت منها ضحكه/يا ويلك لو سمعوك.. بتروح فيها اليوم
رائد/خلاص رحت واللي كان كان ،مادام سبتيني وبتباتي عندهم..
لبني بضيق/رائد مو معقول كل ماقلت أبات تزعل..أنت عارف إني ماأعرف أنام وانتا زعلان مني.
رائد/لا ماني زعلان،حبيبتي قدامي تفتيش، شوية وأكلمك.
قفلت وهيا معصبه منه وزعلانه عليه،أنتبهت لها جوري وبهمس/خييير..قلبتي طختك، دوبك كنتي شاقة الحلق بالضحكه ماشاء الله.
لبنى بضيق/رائد زعل علشان قلت ببات..
ضربتها على كتفها بخفه/وتباتي ليه يامتخلفه..سايبه حضن زوجك وجايه تباتي عندي .
لبنى بإستغراب/جوري أنتي ليه متناقضه.. على طول بتنصحيني وتنصحي البنات وتعلمينا أشياء حلوه..بس أنتي مابتعمليها..
طالعت فيها وعضت على شفايفها وأتنهدت ،مسكت يدها وبهمس/حبيبتي لولو.. كل إنسان ليه حياته الخاصة اللي تفاصيلها بتختلف عن حياة غيرة ..لاتجلسي تقارني بينا في كل شيئ..أنتي ربنا رزقك برائد يحبك ويموت على ترابك واستناكي سنتين لين خلصتي الثانوي ، لاتضيعيه منك بحركات الدلع والبزرنه اللي تسويها عمال على بطال..الدلع حلو ومطلوب، بس مو طول الوقت.. بعدين أنتي ماتقدري تنامي غير في حضنه مو ذا كلامك..كيف تخليه ينام وهوا زعلان كمان..ولا قدر الله لو صار له شيئ وهوا يسوق بسبب كلامك الماسخ، هتنبسطي وقتها..
حست بالندم ونزلت منها دمعه،مسحتها جوري بأصابعها/أتصلي عليه..وسمعيه كلمتين حلوين ولاتنسي تتمرقعي.. ههههههه قولي ماهان عليا زعلك ،ولا أقدر أنام وأرتاح غير في حضنك..هههههههههههههههه.. روحي غرفتي أتكلمي براحتك.
أعطتها جوالها وراحت لندى اللي أستلمتها تحقيق/أيش بها لولو..كأنها زعلانه..
ضحكت جوري/ياحبك للقافه..تموتي وتعرفي أيش حاصل لكل واحد.
دفتها ندى بقهر/مالت عليكي،مو لقافه إهتمام..يلا قولي..
جوري بهدوء/كانت بتبات ورائد زعل،قلت لها ماله داعي تروح بيتها الله يسهلها مو مستاهله تزعل زوجها علشان بيات،وفي الأخير ما تقدر تنام.. دلع حريم بعيد عنك.
ندى بتريقة/لاياشيخه..وأنتي مو حريم؟
جوري بتريقة مماثله/أعوذ بالله،أصير زيكم ماعندي سالفه،حاشا وكلا.
ندى بشوية غيرة/وليه أيش ناقصك،بسم الله عليكي تجنني..
جوري تدغدغها/وأنا أقول أيش صاير لك ،أتاريكي اتجننتي بسببي.
نطت معاها ياسمين وخلود بنت لطيفه وريم بنت ليلى وقلبوها لعبة..
(لبنى)
راحت غرفة جوري واتصلت على رائد اللي رد على طول/ها حبيبتي في شيئ.
لبنى بتمثيل/قلبي يعورني وموقادره أتنفس.
رائد بخوف/لاتخافي ذحين أجيكي،أنتي نامي..قصدي أرتاحي..دوبك كنتي كويسه أيش صار؟
لبنى بدلع/كنت أكلم حبيبي وزعل مني، وتعرف لما حبيبي يزعل أنا ما تحمل وأتعب على طول..كيف أكون كويسه وهوا زعلان مني وموراضي عليا..
اتنهد براحة،وبثقل/أجل تستاهلي اللي صار لك،ليه تزعليه وأنتي عارفه إنه يحبك ومايحب تنامي بعيدة عنه..
لبنى/وأنا أحبببببه وأموت فيه ومستنياه يجي يأخدني لبيتنا علشان أصالحه.
رائد بإرتباك/أأحلفي..قصدي كويس لاتزعليه مرة ثانية علشان هوا كمان يتعب لما تزعلي.
لبنى بدلع/أمووووه،ذي علشان نصحتني بروح أجهز وأستناه ،قله لايتأخر.
رائد بفرح/طيرررررران ياقمر.
قفلت وهيا طايره من الفرحة ووقفت قدام المرايا تعدل مكياجها وهيا تتذكر كيف خطبها..
---------------
جات من المدرسة فرحانه ومبسوطه، فسخت عبايتها أول ما دخلت الحوش ومشيت لمجلس الرجال لما سمعت صوت التلفزيون.. دخلت بسرعة وشافت خالد يشبك السوني ومعطيها ظهره..جريت عليه وضمته من وراء بفرحة/خلودي،نجحت نجحت..مو مصدقه..نجحت.
وقف فجأة ولف عليها ورمت نفسها في حضنه وهي تبكي/لو بابا كان هنا كان أنبسط علشاني صح خلودي..خالد.. ليه ماترد أنت موفرحان علشاني..
بعدت عنه وهيا تمسح دموعها وتنحت مكانها بغباوه وهيا تطالع فيه،وبصوت مبحوح/ر..ر..رائد .
رد عليها بإستغراب/لبانه!..ذي أنتي..إلا والله أنتي ..
نزلت دموعها بقهر وبعصبية/لبانه في عينك يا غبي.
وطلعت تجري من المجلس وهي تبكي دخلت الصالة وخبطت في خالداللي مسك يدها/وووووو، هدي..من وين جايه وليه تبكي؟
رمت نفسها في حضنه وصارت تبكي،ضمها لصدره بإستغراب/حبيبتي لولو ليه تبكي، في شيئ.
هزت رأسها بلا وبهمس/أنا نجحت..دوبي جاية من المدرسة.
ضمها بفرح/ألف مبروك ياقلبي..وليه البكاء طيب.
جريت على جوري اللي جات من المطبخ على صوتهم/بشري لولو..إن شاء الله ناجحة
جريت وضمتها بقوة/نجحت.. بس أفتكرت بابا..
باستها جوري وبحنان/الله يرحمه..أكيد لما يعرف هيفرح علشانك..
لبنى بإستغراب/وكيف هيعرف؟
إبتسمت جوري ومسحت دموعها/لما يروح خالد والأولاد يزوروه هيكلموه وهيسمعهم وهيفرح.. بس أنتي لاتبكي لإنه ماكان يحب دموعك..مو..
هزت رأسها بموافقة وراحت تبشر أمها..
خالد بحزن/كانت مره متعلقة بأبويا..وشكلها لسا ما نسيته.
جوري بهدوء/محد بينسى الأموات،بس بنحاول نتعود على بعدهم وفراقهم لا أكثر.
أتنهد وضرب جبينه/نسيت رائد،عجلي بالفطور بالله.
بعد ما جهزت لهم الفطور وأخذه خالد..راحت للبنى ولقتها عالسرير تبكي.. دخلت وقفلت الباب وجلست جنبها،مسحت على ظهرها بحنان/ماتبغى تقولي ليه جالسه تبكي..أنا عارفه إنه مو علشان أفتكرتي أبويا..أحكي علشان ترتاحي..
أتعدلت لبنى ومسحت دموعها وبشك/ويفضل سر بينا؟
مدت بوزها بزعل/أخص عليكي لولو..من متى اللي بيني وبينك يطلع برا.
لبنى بندم/مو قصدي..بس..ذا شيئ محرج.
مسكت يدها وضغطت عليها وإبتسمت/ومن متى بينا إحراج،مو قلتي إني أختك الكبيرة.. أتطمني اللي هتقوليه هيكون بينا واتأكدي إني إذا ماقدرت أساعدك فمارح أضرك.. أوكي.
عضت أصابعها بإرتباك/أنا رحت المجلس.. وووحكت لها اللي صار..
طالعت فيها جوري وهيا حاطه يدها على فمها وماسكه ضحكتها وكتوفها تهتز..
لبنى بعصبية/أتخيلي الغبي لدحين فاكر لبانه ويقولها بكل بجاحه.. الغبي هوا اللي علم مؤيد عليها .
طاحت جوري عالسرير تضحك/هههههههههه، مو متخيله ههههههههههههه قطعتي خلفه، ههههههههه،أستفغر الله أستغف هههههههههه. وقفت لبنى بقهر/أنا الغلطانه اللي حكيت لك..
لحقتها جوري عالباب ورجعتها/هههههه، لحظه بس هههههههه،خلاص وربي..
أخذت نفس لحد ما هدأت وبضحكه/ذحين أنا أقلك غضي البصر ولاتفكري فيه ولساتك صغيرة عالحاجات دي ،تقومي تترمي في حضنه مره وحده..الله أكبر على إبليسك..
بكيت لبنى بقهر/والله مو قصدي..أفتكرته خالد..أيش عرفني إنه صايع،سايب شغله وجاي يلعب الغبي..دحين أيش هيقول عليا..أكيد يفكرني بالعنيه..
مسكتها جوري من كتوفها وبجدية/خلاص، إن الله حليماً ستار،ربنا عارف إنه مو قصدك.. وهو أيش هيقول يعني..أكيد فهم اللي صار وإنك من فرحتك ما أنتبهتي..
لبنى بخوف/يمكن يقول لخالد عاللي صار، أنتي عارف الغبي بيتكلم عني عادي قدام خالد..
جوري بتفكير/ هوا بيتكلم عنك من باب إنك لبانه اللي يعرفها الدلوعه أم ظفاير اللي يوديها البقاله ويشتريلها حلويات.. لكن ماأظن يحكي له عن دخلتك..لإنها قوية شوية..ههههههههههههه.
وتابعت بتريقة/شوفي هوا هيصير حاجة من أثنين..يا يحرم يجي بيتنا بعد الفجعه اللي أكلها،يايجي يخطبك..
شهقت لبنى بصدمة/أتخيلي..يعملها..يخط.. يخطبني..رائد يخطبني..
حركت جوري يدها قدام وجه لبنى/ووووو، أنتي ماصدقتي..أيوه يخطبك،أيش ناقصك.. سحبتها ووقفتها قدام المرايه/أنتي شايفه شكلك..من اللي تضميه وتبكي في حضنه وأنتي بذا الوجه الحلو،وماينضرب على قلبه ويحبك ويخطبك من ثاني،يوم...يعني مو شرط ثاني..يمكن شهر.. أثنين،حسب تفكير الرزل..سوري..رائد..
طالعت لبنى في نفسها بتفكير،الكل يشهد لها بالجمال..شعرها الأسود اللي واصل لكتوفها، عيونها اللوزية البنية،خشمها الواقف وفمها الصغير..كانت تشبه أخواتها وأخوانها بس على أجمل..طالعت لبسها اللي كان تنورة سوداء للركبة وبلوزة حمراء نص كم مبينه بياض بشرتها وجسمها المتناسق ،كانت طالعه حلوة..بس ياترى رائد شاف كذا..
جوري برجاء/يمكن أكون غلطت وأتسرعت في كلامي..أوعديني ماتفكري فيه كثير،أو حتى تفكري إنك تكلميه أوتلمحيه حتى بالصدفة..أنتبهي تنزلي من نفسك قدامه أو قدام أي أحد..فاهمه يالبنى.
لبنى بإنكسار/بس..أنا أحبه..عارفه أيش يعني أحبه..
جلستها جنبها وبهدوء/شوفي يالبنى مارح أقلك ليه وكيف حبيتيه لإن أكيد ذا شيئ مو بيدك..ولا هقلك لاتحبيه لإنه حرام و ما يجوز..بالعكس الحب موحرام..أم المؤمنين خديجة رضي الله عنها أعجبت بالنبي عليه الصلاة والسلام وبأخلاقة ويمكن حبته علشان كذا أرسلت له عن رغبتها في زواجها منه..وهوا كمان لماعرف عن أخلاقها أعجب فيها ووافق يتزوجها بدون تردد..يعني الحب موحرام..بس الحرام إنك تكلمي رجال مو من محارمك وتطلعي معاه بعذر الحب زي مابيعملوا البنات اللي بتحكي لي عنهم في مدرستك..الحب شيئ أكبر من كذا..أكبر من المقابلات في السر..والكلام في التلفون من وراء أهلك..أصلا لو الرجال حب وحده عن جد ،مارح يرضى لها بالغلط والمضره..صح ولا لا.. ذي كلها تسالي بيتسلوا بيها،لكن وقت الجد بيروح يدور له بنت مايعرف عنها أي شيئ وتكون عن طريق أهله، لإنه مافي رجال بيتزوج وحده كان يعرفها قبل الزواج ،إلا من رحم الله،وذول نادرين.. وحتى إذا صار نصيب واتزوجوا صدقيني حياتهم هتكون جحيم لإنه مافيها ثقة..هوا هيفكر إنها بتكلم غيره وهيا نفس الشيئ..
لبنى بحيرة/طيب كيف أعرف إذا يحبني ولا لا..
جوري/أنتي ليه مستعجله..أنتي لسا ماعديتي16 سنه،يعني العمر قدامك..ويمكن مايكون رائد حبك الحقيقي..يمكن مجرد مراهقة منك..أتعلقتي فيه لإنه على طول قدامك..وكان يلعبك ويوديكي ويشتري لك..
إبتسمت لبنى بحب/ولسا بيشتري لي ويرسلها مع خالد.. بعدين مين قالك إنه مو حبي الحقيقي..أنا متأكدة من دا الشيئ..
جوري بإستغراب/وأيش اللي خلاكي متأكدة كذا..
أشرت على قلبها/دا.. دا اللي أكد لي..أنتي ماتعرفي كيف بيدق لما أشوفه أو أسمع صوته أو حتى أفكر فيه بس..بيدق بقوة لدرجة إني بفتكر إن الكل سمعه صوته..بيدق لدرجة إني بحس إنه هينفجر..بحس براحة لما أشوفه مبسوط وبيضحك..وبزعل لما أشوفه زعلان ولا أسمع من خالد إنه صار له شيئ.. أنتي لما بتشوفي خالد مو بتحسي بدا الشيئ!
طالعت فيها بجمود وهزت رأسها وبحزم/أوعديني ماتسوي شيئ غلط، وتحكي،لي أي شيئ يصير.
ضمتها لبنى بإمتنان/أوعدك ياأحلى أخت في الدنيا.
وقبل ماتخلص الأجازة كان رائد فاتح خالد في خطبته للبنى اللي كانت بتموت من الفرحة ووافقت بدون تردد..وتمت خطبتهم ،وبعد تخرجها من الثانوي أتزوجوا على طول..
↚
(مؤيد)
خرج لاف المنشفة على خصره وطالع في اللي نايمة عالسرير..جلس جنبها وقرب شعره المبلول من وجهها بنذالة،دفته بقهر/بايخ..ليه تصحيني كذا..
مؤيد بضحكة/مزاجي كذا..ليه أنا صاحي وأنتي نايمة.. بطتي يلاا قومي..
فاطمة بدلع/ميدو حبيبي..بس شوييييية.. حرام عليك أمس ماخليتني أنام..
ورجعت أتغطت مرة ثانية..رفع اللحاف وأنسدح جنبها وصار يبوسها في وجهها بشويش،وبهمس/أغيب يومين وأجي تستقبليني بالأحمر وتبغي تنامي..مع نفسك.. ورجع يبوسها بقوة أكبر وهي ماسكة ضحكتها ومسوية معصبة منه/ يعني كيف يعني..ماألبس وأتشيك..خلاص مرة ثانية بتلقاني بلبس المطبخ عقابا ليك..
شهق بصدمة/حرام عليكي..مو كفاية مستنيكي 23 سنه.. كمان بتعاقبيني..
طالعت فيه بنص عين وبغيض/23سنه يابكاش.. يانصاب.. ليه حبيتني وأنت في اللفة..
سحبها لصدره وضمها بقوة وبضحكة/أنقزي اللفة اللي مزعلتك لإنها أووفر شوية..لا كثير.. طيب من أولى إبتدائي لذحين كم سنة..أأممممم 18سنة يامفترية.. بعداً وولوعة وفراق قلبت أم كلثوم ومو عاجبك..
باسته في خده برقة/ميدو عن جد حبيتني، من الإبتدائي؟..
طالع في عيونها وأتنهد/والله مدري أيش أسمه ذاك..بس اللي أعرفه أني لما شفتك خارجة من بيتكم أول يوم لينا في المدرسة وأنتي ماسكه علي أخوكي ولابسة مريولك وشرايطك طايرة مع ظفايرك.. طليت في مازن وقلت له ،شوف ذيك البنت بتصير عروستي.. ومن يومها أتنيلت على عيني وحبيتك..
قرصته في كتفه/أتنيلت.. هااا.
شد شعرها بخفة/أكيد..لأني كنت متعذب وأنتي مو دارية عني..نسيتي فلوسي اللي صرفتها عليكي،نسيتي أيام البطاطس وعصير التوت ..وإيس كريم عزوز لما كنت أكله وأبقي لك اللبانه..ولا لما كنت أحرسك وما أخلي أحد يضربك ويسويلك شيئ..
ضحكت من قلبها،وبقرف/كيف أنسى اللبانه وأنت كنت تحطها في فمك وبعدين تطلعها ليا على أساس نظفتها من الإيس كريم.. ووووعع..وأية حراسة حبيبي إلا كنت خانقني ومانعني ألعب مع عيال الحارة..
طالع فيها بقهر/ذحين لبانتي صارت وووعع، وأنا اللي كنت أحرم نفسي منها لإنك كنتي تصجيني ويقلدها..الله يحليك مودي لبانه.. والعيال كانوا يشدوا شعرك ياهبلا ويقطعوه وأنتي تتنحي وتبكي..فعلاً زي البسس تأكل وتنكر..روحي خسارة إنك حبي الأول، بس ملحوقة.. شكلي بسوي زي خالد وأتزوج..
أستغرب لما سكتت رفع رأسه واتفاجأ بوجهها المصدوم ودموعها اللي تنزل على خدها.. مسك وجهها بأيديه،وبهمس/حبيبتي ليه تبكي..
شهقت ببكاء/لو حبيت وحدة غيري هموت، إذا تبغى تقتلني سويها يامؤيد..
باس شفايفها بوسة طويلة ومسح دموعها وضمها بقوة/هموت قبل ماأسويها..أنا أحبببببببك يامجنونة.. أنتي حلمي اللي أستنيته سنين علشان يتحقق..كل شيئ عشته كان علشانك..حياتي ودراستي وشغلي..كنت أشوفك فيهم..أنا قلبي ليكي وبس.. وماصدقت إني أتقدمت وأهلك وافقوا..أنا أحببببببببببك،تفهمي ذا الشيئ.
ضمته بقوة وهي تحمد ربها اللي رزقها بمؤيد وكان من نصيبها.. وراحوا في عالم الحب..
↚
(جوري)
خرجت الحوش وردت عالجوال بفرح/السلام عليكم.. مرحبا ألف..
علي/وعليكم السلام والرحمة..مرحبا مليوووون..كيفك ياروح الروح.
جوري بإبتسامة/أكيد بشاير جنبك ياحبك في النكادة.. بخير ياقلبي جعلك بخير..أنت كيفك حبيبي وحشتني.
علي/الحمد لله في أحسن حال نسأل عنك وعن عيالك.. كيف الدنيا معك ومع العيال.
جوري بهدوء/كلهم بخير ياقلبي.. كيف أمي وخالي والعيال..
علي بضحكة/الله يعينك على نفسك..كيف أمي تقولي لها أمي وأبي تقولي له خالي،وهو أبوكي..
حكت رأسها بغباوة/ياأخي ألف مرة أقلك أتعودت..مدري كيف والله هيا مسكت معايا كذا هيا أمي وهوا خالي..ه ههههههه..ماعلينا كيف سميتي،إن شاء الله مو معذبها زي ماكنت معذبني..
علي/ وعبودي ليش ماتسألي عليه ..بس سميتك،لو تدري إني نزلتها من فوق الخزان قبل يومين ،ذكرتني بك ياجنية..
جوري/ عبودي عربجي طالع لأبوة ،هذا الشبل من ذاك الأسد ،لكن هيا... ههههههههه.. يلااا الظاهر عرقي دساس دام فيها تسلق خزانات..ههههههههه..يلااا تسليكم في غيابي.
علي/والله إنها بتسلينا،وبعدين أمي وأمك وأحلام وعبادي مايخلوا أحد يمسكها.. تشوفيها قدها مثل إبليس تسوي الشيئ ولاهمها أحد..
جوري/بسم الله عليها..بس لاتدلعها مرره ، بترجع تتعبكم..ترى مو كل الصغار عاقلين زيي.
علي/هههههههههههههههه..من عاقل؟ أنتي.. الكلام ذا على غيري يا روحي،مش عليا.
شهقت/أفااا..ذي فكرتك عني،يلا مقبوله.
علي/خذي أختك وأختصري لا تخسروني..
جوري بتريقة/والعقيد راح والعقيد جاء.. وأنت مطفر.. هههههههههههه،يلااا فدايا.
علي/وإن شاء الله عميد عما قريب..
جوري بفرحة/ألف مبرووووك، تستاهل حبيبي..لكل مجتهداً نصيب..بالتوفيق يارب.
علي/الله يبارك فيكي..يلا أنتبهي لنفسك وسلمي عالعيال وزوجك.. مع السلامة.
جوري/أستودعتك الله..
أحلام/السلام عليكم..وحشتييييييييني.
جوري/وعليكم السلام ورحمة الله وبركاته وأنتي كمان واحشتني.. كيفك يا عمري.
أحلام/الحمدلله بخير..لكن فقدتك..متى تجي عندنا.
أتنهدت وبهدوء/قريب إن شاء الله،أنتي أدعي ربنا يسهل ويجمعنا على خير..وبعدين ليه مستعجله..على شقاكي..
أحلام بحزن/مالك دخل،تعالي بس وأنا راضية تلفي بي صنعاء كلها..
جوري بمرح/لااا ياشيخه، ومن اللي كانت رح تبكي لما رحنا (باب اليمن-سوق شعبي)
أحلام/والله أنتي اللي مجنونة..من العصر لبعد العشاء وأحنا نلف برجولنا..وماخليتي عربية بطاطس وحلويات وعصير الا أكلتي منها..
ضحكت جوري بفرح/يا الله ماأحلى ذاك اليوم.. هههههههههههههههه فاكرة لما ماأنتبهت لباب المحل القزاز وخبطت فيه وكنت بطيح.. هههههههههههه، ولا لما أتزحلقت في الرصيف وخبطت في الرجال وعبادي هزئني... هههههههههههه.
أحلام/هههههههههههه فاكرة لما أشتريتي البطاطس ورشيتي عليه (البسباس-فلفل مجفف مطحون مع ثوم وزعتر وملح)بيدك، وبعدها مسحتي عيونك هههههههههههههههه، وجلستي ساعة تصيحي،وعبادي غسل وجهك بالنقاب ب3قوارير ماء وسط الشارع هههههههههههه.
جوري/أأحح ،وربي أتعذبت.. بعدها3أيام وعيوني مغطية..
أتنهدت وتابعت بحنين/ كان يوم جميييييل، شوفي كم ذكرى حلوة فيه..تعيشي عليها عمر بحاله..الله يعيدها أيام ،بس بدون فلفل..هههههههههههههههه.
علي بصراخ/طيب ياكلبة،أنا غلطان اللي أتصلت..
جوري بلكاعة/أوووبس،نسيت ماأقلك عندي رصيد دولي مجاني،خلاص راحت عليك.. بكلم عبادي فيه..
علي بقهر/أيووه عبادي حبيبك ماتخسريه، صدقيني لأضرب سميتك بسيطة.
طلعت لسانها كأنه شايفها/أأممممممممم.. أتحداك.. ههههههههههههه..خلاص حقك عليا علولي..
علي/علوا إبليسك.. قولي آمييين،يلاا مع السلامة.
جوري/ الله معاكم..
قفلت وأتنهدت بحب ، وأنصدمت بندى اللي متنحه فيها/لا إله إلا الله..مين ذا اللي ضحكك كذا..
جوري بفرح/أخواني جعلني مابكيهم..بعدين سلامات اللي يسمعك يقول ماده البوز عندك..
ندى/لااااا..أنتي أصلا زي الهبلا على طول تضحكي..بس لما تكلمي أهلك،ضحكتك تصير غير..يعني أحسها من قلبك..
لفت جوري الهرجه وبعصبية/أيووه قلتي لي هبلا ..تصدقي فكرتيني بأبلة كانت تدرسني في اليمن ،كانت تقول ليه مبتسمة طول اليوم زي الهبلا؟ أنتي ملبوسة..
ندى هزت كتفها/الحمد لله يعني مو أول وحده أقول..بعدين كم مرة أقلك لاتقعدي تدوري وتحوسي وأنتي ماسكة الجوال... خيلتيني يختي..أثبتي مكانك..
طالعتها بنص عين/يعني ماتبغيني أضحك.. ولاتبغيني أمشي وأنا أتكلم..ماتبغيني ما أتنفس بالمرة!!
ندى بضحكه/أيش رأيك تجربي ونشوف.
قربت منها جوري وكتفتها من ظهرها بسهولة لإن ندى أقصر منها، ونادت الأولاد بصراخ، خرج قصي أول واحد وهو خايف/ماما أيش فيه؟
سكت وضحك لما شافها ماسكة ندى وهي تدف جوري بخوف/جوري بلا هبالتك فكيني..
ضحكت بشر/نييييههههااااااهههههااااييي..
والله ووأعتي ولاحدش سمى عليكي يا أوطه..قصي لي المويا بسرعة.
التفتت لياسمين/جيبي حلبة التزلج ،نادر.. جيب الفيري من المطبخ.. نادين.. خليكي بعيد
وبصراخ/جنوووود...إنتشاااااااارر.
ندى بصراخ/جوري لاااا..مويا لااااا دوبي مخلصة إستشوار.. خالد دحين جاي حلفت-----
غطت فمها بسرعة/معليش ياحلوة لاتحلفيني..بعدين خلاص هتضحكي عليه طول عمرك.. ههههههههعععععععع،خليه يشوف شعرك على حقيقته.. نييههههااااهههههااااايييي .
مسكت لي المويا اللي يغسلوا فيه الحوش وفي دقيقة كانت ندى متروشه وهيا تصيح بدلع..والأولاد يرشوا عليها الشامبو..
وجوري تصرخ بمرح/دش مجاني بخدمة مميزة..تعالي لنا كل يوم..
فكت ندى بعد ماشافت العيال جابوا حلبة التزلج اللي كان عبارة عن مشمع بلاستيك سميك فرشوه في الحوش ورشته جوري بالمويا والفيري..صاروا يتزحلقوا عليه بحماس وأصواتهم طالعه..
ألتفتت لندى/تعالي ياروح طنط أتزحلئي معانا.
اتأففت بغيض/جوري حلي عني.. وربي زعلانه منك..
غمزت للأولاد وبنبرة تعجب/الحلوة زعلانه.. أفااا ذحين أراضيكي..
جريت مع الأولاد وسحبوها للمشمع ورجعوا يرشوها وسط صراخها.
خرجت أم خالد وصارت تتفرج عليهم وتضحك..راحت لها جوري ومسكت يدها برجاء/يمممممه تعالي جربي معانا..
شهقت أم خالد/فارقي هناك لا تخليني أقوم لك..
جوري بضحكه/هههههههه يمه والله تنبسطي..لاتخافي بسويلك زي نادين.. أشرت على بنت ندى اللي عمرها 3سنين وهيا جالسه عالمشمع وياسمين تدفها لقصي وقصي يدفها بالعكس وهيا تتزحلق ومبسوطة..
ضربتها أم خالد على يدها/ذا الناقص..الله يكفيني هبلك ياذي البنت،روحي العبي وأنا أتفرج عليكم وأعالج كسوركم..
جوري بثقة/أفاا عليكي يمممه..بنتك متزلجة متمرسة..إن شاء الله تجي على كدمات بس،
المهم إذا أتحمستي لاتستحي صفري بس تلقي نفسك في قلب الحدث..
ورجعت تجري وتتزحلق وتوازن نفسها علشان ماتطيح وسط تشيجع الأولاد وندى اللي إندمجت معاهم بعد ماخرب شعرها، وضاع برستيجها..وبعد شوية أنفتح الباب ودخل خالد بعصبية/صوتكم واصل لبرا.. ماتعرفوا تلعبوا بشويش.
رشته جوري بالمويا وبتحدي/إذا لعبت بشويش بنلعب زيك..ورينا شطارتك..فسخ ثوبه ودخل معاهم وبعد دقيقة كان صوته أعلى منهم..
↚
ثلاثة هدايا مجانية تقدمها للناس: أذن صاغية لمن يود أن تسمعه،كلمة شكر لمن أعطاك بإخلاص،إبتسامة بسيطة لكل من حولك..
عائلة أبو محمد (عبدالفتاح زوج لطيفه47سنة.. محمد 18سنة،خلود 14سنة،لؤي8سنوات)
(لطيفه)
دخلت ماسكه جوالها وبغرور/مره ماعندها ذووق،شفتي لبسها كإنها جايبته من أبو عشرة..لاستايل ولا لون--------حتى بيتها مافيه ذوق ولاتناسق-----------من جد ربي معطيهم فلووس عالفاضي..
هز رأسه بيأس من عادة زوجته اللي ماتبطلها..جايه من عزومة عشاء وكالعادة ماعجبها شيئ وماخلت كلمة حش ماقالتها في حق أصحاب العزومة..
قفلت الجوال وطالعت فيه/أنت هنا!
طالع في ساعتة اللي عدت 12بعد نص الليل ،وبتريقة/لا..هناك..الحمدلله على السلامة.. كان قعدتي كمان.
فسخت عبايتها وجلست قدام التسريحة تعدل شعرها ومكياجهاوبملل/بلييييز لا تبدأ..تراني قرفانه وتعبانه ومو متحمله محاضراتك البايخة..
عبد الفتاح بهدوء/ومدام إنك تعبانه على قولك ليه ماترتاحي في بيتك وتنتبهي لعيالك.. بلاش زوجك حذفته من اللسته..
ألتفتت له بحدة/عبدالفتاح لو سمحت..بيتي أحسن بيت وأولادي موناقصهم شيئ..وأنت مو مخلي شيئ في نفسك.. سهر مع أصحابك وسفر وأستراحات وماحاسبتك على شيئ،فلا تجي دحين وتصدع رأسي وتعمل فيها الأب المثالي..
ضرب عالطاولة بقوةووقف بغضب/بيتك أحسن بيت بفضل الشغالات..وأولادك فحدث ولا حرج..واحد مفحط سنتين في تاني ثانوي وبنتك ماتدري وين الله حاطها،والثالث قرب يجيه توحد من كثر أهمالك..وأنا لو لاقي حرمه في بيتي كان أنطقيت وأترزعت عندها..بس وينها الحرمه..وينها الزوجة.. وهيا مو فاضيه حياتها كلها حفلات وعزايم وحش في فلانه وعلانه..
لطيفه بعصبية/أيوووه...علق عليا كل شيئ، أنت ولدك فاشل أنا أعمل أيه..وبنتك دلووعه ولاتحمد ربها كل طلباتها مجابه،وولدك أنت السبب في اللي هوا فيه،محاصرهم عالطالعة والنازلة أستجواب ومحاضرات.. بطل أسلوبك القديم دا تراك قربت عالخمسين.. يعني اللي اتربيت عليه خلاص حبيبي راحت عليه..وحفلاتي مالك علاقة فيها..مو مستعده أضيع حياتي وأنا دافنه نفسي علشان ألبي طلباتك ياسي السيد..
مسح وجهه بقهر/أنتي أيه يا شيخه.. أحساس معدوم، قلب مافي..متى تفهمي متى تعقلي تراكي سكيتي الأربعين ، بطلي شغل المراهقة اللي أنتي فيه-------
قاطعته بغرور/المراهقة اللي مو عاجبتك.. أنت حفيت على ما وافقت عليك..ولا نسيت إنك كنت....ولا بلاش لا تزعل.
طالع فيها بإبتسامة غريبة/لا مانسيت.. ولانسيت جميل أبوكي اللي وافق عليا ،رغم إني كنت شغال عنده..مو ذا اللي تبي تقوليه..
طلعت لها ملابس علشان تغير وطالعت فيه بإستهزاء/حلو إن الواحد يعرف قيمة نفسه.
هز رأسه بموافقة وبهدوء/مو هذا اللي صبرني طول السنين اللي فاتت..جميل أبوكي.. الرجال الطيب اللي رباني وأعتبرني زي ولده،ووقف جنبي وساعدني لحد ما أستقليت وكونت شغل خاص فيا..سنين وأنا أجامل غيري على حساب نفسي وكرامتي.. بس في النهاية كل شيئ وله حدود يالطيفه، خليكي فاكره..
لطيفه بلامبالاة/ تجامل مين..وكرامة أيه اللي بتتكلم عنها.. أيش بتسوي يعني.
لبس ثوب وأخذ أغراضه وبهدوء/لاتأخذي في بالك..أنتي خليكي في عالمك وأنتبهي شيئ يفوتك..
وخرج وقفل الباب،شمقت بقرف/عكرت مودي بلا في شكلك.. بركه ريحتني من وجهك العكر..
غيرت ملابسها ومسكت جوالها ورجعت تتصل وتكمل باقي التقرير لصديقاتها..
خلاص حبيبتي أرحمي نفسك..وراكي قومه من بدري ..
رفعت ظهرها من فوق مكينة الخياطة وهي حاسه فيه مقسوم نصين ،شافت أمها اللي سانده نفسها عالجدار بتعب،وقفت بسرعة وساعدتها تجلس وبعتاب/أمي ليه طلعتي من غرفتك..ليه مازهمتيني واجيكي ياقلبي
مسحت شعرها بحنان/هلكتي نفسك ياخوله بالخياطة دي ..شوفي الساعة كم صارت.
شافت الساعة المعلقة في الجدار المتأكل بصدمة وهي تشوفها عدت1بعد نص الليل "معقولة من 9 لدحين وأنا أخيط..ومستغربه ليه مو حاسه بضهري" طالعت في أمها بإبتسامة/مو تعبانه ياأمي،بعدين لازم أخلص الليلة علشان أسلمها بكره وأستلم الفلوس.
أم خوله/الله يرزقك برزقنا يا بنتي..بس أنتي هلكانه من الفجر،عالأقل نامي لك ساعتين علشان تعرفي تصحي أخوانك ..
غطت فمها واتثأبت بتعب/يلا دحين بنام، ماتبغي تأكلي شيئ حبيبتي.
هزت رأسها بلا ووقفت معاها ووصلتها لغرفتها اللي باين إنها أتجددت من فترة.. جدرانها باللون الأبيض والأزرق البحري.. وفيها سريرين بتصميم أمريكي بسيط بالخشب البني الفاتح ودولاب وتسريحة صغيرة بنفس اللون..نيمت أمها على سريرها وغطتها باللحاف الأزرق الثقيل/نامي وأرتاحي ولاتشغلي بالك..كل شيئ هيكون كويس.
غمضت أمها عيونها بتعب وهي تدعي لها بهمس،باست رأسها وطفت النور وطلعت بهدوء..رجعت لمكينتها ولمت أغراضها ورتبتها وحطت الفساتين اللي خلصت خياطتها في علاقات وغطتها بأكياس نايلون من الغبار ،طفت النور وراحت تتطمن على أخوانها ولحفتهم وشيكت عالباب واتأكدت إنه مقفول،ورجعت لغرفة أمها ضبطت المنبة على صلاة الفجر ورمت نفسها عالسرير الثاني ونامت في ثواني من التعب.
(جوري)
رتبت ملابسها وعلقتها،مدت يدها بتردد للعلبة المستطيلة في دولابها ،نزلتها بهدوء وقفلت باب غرفتها بالمفتاح،جلست عالأرض جنب السرير وحطت العلبة قدامها وفتحتها وبدأت تطلع منها رسائل مرتبة على شكل مجموعات مربوطة بشرايط.. فكت أول مجموعة وأخذت منها رسالة وكان الخط فيها سيئ والحروف ناقصة بشكل واضح و تدل على عمر كاتبها،إبتسمت وبدأت تقرأ المكتوب ( بسم الله.. حبيبه أميره يقوت ،كف حالك.. أنا اميره زهره الجبل ..وين انتي..يوم ويوم اجي بيت جدو وادور عليك.. مالقاك.. ماما قالت روحي بعيد..اميره الجبل زعلناه من اميره يقوت... محد يلعب معي..بيان تضربن..صلوحي ميلعب بس يكبي..اميره الجبل سوسو..)حطت الرسالة وأتذكرت سوسن بنت وداد ،هذي كانت أول رساله تكتبها لها بعد ماسافرت.. واتذكرت لما كانت تتصل عليها وداد وتكلمها سوسن وهيا زعلانه لإنها ماكانت تلقاها لما تروح بيت جدها..قالتها تجي لإنها لقيت مكان جديد تتخبئ فيه لما يلعبوا الغميضة.. وإنها أشترتلها سيف جديد علشان سيف الأميرة ياقوت أنكسر..وإنها طفشانه بيان بنت علياء تضربها وصالح ولد معاذ على طول يبكي و ما يعرف يلعب..
أخذت رسالة ثانية(خالتي الحبيبة.. وحشتيني،أنا نجحت للصف الرابع..وماما سوت لي حفلة بس أنا كنت زعلانه لإنك ماجيتي..شجرة الجوري بسقيها كل مارحت بيت جدو بجلس في الحوش وأتذكر أيامنا الجميلة..أميرة ياقوت تعالي وبس سفر .. سوسو،أميرة الجبل) مسحت دموعها وضحكت على لقب الأميرة ياقوت اللي سمتها بيه سوسن زي فيلم الكرتون اللي كانوا يتابعوه..أخذت رسالة من مجموعة ثانية كانت من نادية(السلام عليكم..حبيبتي جوري.. وحشتيييني ووحشتي البيت اللي فضي علينا من يوم سفرك..حتى الحوش فقد جريك فيه..وشجرة التين صارت وحيدة.. كلنا فقدناكي..عمي فقد قهوتك وجلستك معاه،وعمتي على طول بتتكلم عنك..حتى صلوحي أوقات كثيرة يبكي ويروح غرفتك يدور عليكي..معاذ على طول يتذكر نقاركم وصياحكم،وأنا حاسه بملل ووحشة بدونك.. وعبدالرحمن مدري كيف عامل في غربته كل شيئ أتغير في غيابك، لكن اللي مطمنا إنك مرتاحة ومبسوطة مع خالد ،وإنك هناك وسط أهلك..مدام أنتي بخير يكفينا نشوفك في الأجازة ونسمع صوتك من فترة الثانية-----
ماقدرت تكمل الرسالة وضمتها لصدرها وهي تشهق ببكاء مكتوم "آآآه،بخير ..أنا بخير ..بخير مادام أنتوا مرتاحين ومو شاغلين بالكم عليا..رح أكون بخير ومارح أخوفكم عليا أبداً..كفاية الغالي اللي أتعذب ومرض بسببي" أتذكرت مكالمتها لهم لما خبرتهم بزواج خالد،أتذكرت زعل أبوها.. صدمة أمها..غضب معاذ..كره عبدالرحمن.. بكاء أخواتها.. رد فعلهم الأول هيج مشاعر الحنين والشوق لهم وحسسها ببعد المسافة بينهم، حسسها بضعفها وحاجتها لهم،كانت محتاجة حضنهم ، محتاجة تفضفض لهم وتحكي لهم سنين عاشتها وهي حية ميتة.. أهتمامهم،خوفهم ،لهفتهم،قهرهم عليها، أسئلتهم ربطت لسانها وماعرفت ترد عليهم..أنتي بخير؟..لاتزعلي..طز فيه.. هنجي نأخذك وخليه يتزوج 10حريم.. أما رد فعلهم الثاني فحطم باقي حصون القوة اللي فيها..ليه أتزوج.. وكيف..أيش نقصتي عليه.. ليش ماقال لهم..والأهم ليش ماكلمتينا من البداية.. وليش جالسة معاه للأن.. أسئلة كثيرة مالقت لها جواب مقنع يريحهم على الأقل من وجهة نظرهم..ولما أستوعبوا الخبر بعد يومين من الإتصالات قرر أبوها إنه بيجي وبيأخذها لحد مايتفاهموا مع خالد ويعرفوا أيش الحكاية..لكنها صدمتهم ببرودها وحزمها..قالتها بكل وضوح..أنا كنت موافقة ورحت خطبتها ليه وحضرت زواجه،وأشترطت عليه سكنها معايا..كل شيئ تم برضايا وعلمي..وإنها ماهتسافر معاهم علشان كذا لا يجوا ويتعبوا نفسهم.. وإنها بخير ومرتاحه ورح تزورهم في أقرب فرصة..كلامها كان حاسم وغير قابل للنقاش، قفلت عليهم أي طريق للنقاش معاها خاصة بعد ماوضحت لهم أقتناعها التام بزواجه وإنه حقه والشرع حلل له أربع،و ما دام إنه قايم بواجباته ومو مقصر عليها بشيئ فمالها حق تزعل أوتطلب الطلاق..وماكان قدامهم أمام أصرارها غير إنهم يرضخوا للأمر الواقع رغم إنهم زعلوا منها وعليها،أبوها كان حاقد على خالد وحاس بالذنب والندم لإن خالد كان أختياره اللي عمره ما شك في صحته. كلمها معاذ وعلي بحميه وصارحوها إنه بيكون لهم كلام مع خالد وهي أعطتهم الضوء الأخضر ،قالت لهم أنتوا أهلي ولكم الحق تدافعوا عني وتبينوا له إني لي عزوه وسند،بس بدون ماتقطعوا معاه طريق الود والرحم..
وفعلا أخذ خالد نصيبه وزيادة من اللوم والعتاب وكلام عن إنه ماصان الأمانه ولا عمل بأقل واجباتها اللي تتمثل في إنه كان المفروض يعطيهم خبر علشان ماتكون جوري لوحدها في ذا الموقف،خاصة إنها معاه في غربة ،وإنه بحركته ذي لغى وجودهم وما أحترمهم وأفتكر إنها مالها أهل يسألوا عليها..وكلام كثير في الصميم .. وفي الأخير وصلوا له معلومة مهمة وهي إنها لو جات في أي وقت تشكي منه فلا يحلم إنه يشوف ظفرها أو طرف شعرها..
أستمرت في قراءة مقتطفات من رسايلها ..وأتذكرت سفرها بعد زواج خالد وكيف أستقبلوها بالدموع والأحضان ومشاعر الحزن والشفقة على حالها..وكيف أستقبلتهم هي بالإبتسامات وصوت ضحكتها الرنان اللي مافارقتها طول الشهرين اللي قضتها معاهم.. اتذكرت حماسها ولعبها ومزحها وجنونها مع كل واحد فيهم وكيف بينت للكل راحتها وعدم أهتمامها ،كيف وصلت للكل فكرة أنا بخير ومبسوطة وسعيدة في حياتي ومافي أي شيئ أتغير فيا بزواج خالد..أنا باقية نفسي المجنونة..المرحة.. القوية.. الخجولة..وأهم شيئ أنا الأم اللي هتحافظ على بيتها وأولادها من التشتت والضياع..واجهت نظرات الإتهام والشفقة في عيون الناس ..وكلامهم الصريح والمبطن بألف تلميح وتلميح بوجهه مبتسم وقلب بارد ، ومازادوها غير قوة وقناعة باللي عملته، وكان ردها الدائم..حقه الشرعي، ولا أنا أول وحدة زوجها يتزوج عليها ولا تكون أخر وحده.. ورغم إنهاكانت جوري المرحة إلا إن الكل لاحظ تغيرها.. صارت أقوى من قبل وتفكيرها نضج وصارت تفكر بطريقة ماتعودوا عليها ..ما عادت جوري الطفلة الخجولة واللي تكتفي بالصمت في وجود الأغراب..خجلها غلفه البرود..وصمتها اتغلف بالحدة.. كانت جوري ووحدها تشبها ..
رن جوالها وصحاها من ذكرياتها المفرحة المبكية،شافت جوالها ينور بأسم توأم روحي ، فكت الخط وبحب/السلام عليكم ورحمة الله وبركاته..هلابقلبي وحياتي وعمري.
عبدالرحمن بحب مماثل/وعليكم السلام ورحمة الله وبركاته..أهلين بشمسي وقمري وكل ورودي. وحشتييييييني ياقردتي.
شهقت جوري/الله أكبر..طيرتني لسابع سماء وخسفتني لسابع أرض في ثواني.. طيب أستنى شوية.
عبدالرحمن/هههههههههههه علشان رأسك لايكبر ،تعرفي التوازن مطلوب..كيفك حبيبتي..
جوري بضحكة/الحمد لله حبيبي في أحسن حال..توك على بالي حبيبي كنت أفكر فيكم..
عبدالرحمن بجدية/قسم أني في الشركة.. وفجأة وبدون مقدمات حسيت بقلبي يرفس ويخبط وينطنط.. قلت بس ذي أكيد أنتي محتاجتني ...تعرفي توارد الأفكار معاكي مضبوط عالعالي.
جوري بإبتسامة/والله ماكذبت..بس ماصار توارد أفكار ذا اللي كله خبط ورفس ونطنطه..من جد قردة.. ههههههههه..كيف غنى وكيف حبيبة عمتها..وحشوووني.
عبدالرحمن بهيام/ياقلبي قلبااااه على غناتي بخير وتسلم عليكي..وحبيبتك تجنن وجننتنا معاها..
جوري/ربي يسعدها والله لايحرمكم من بعض..وسلامة قلبك ياعنترة،أيش سوت فيك عبلة؟
عبدالرحمن/زعلانة مني،وخرجت وهي ماده البوز وقالبة صورتها..
جوري بإستغراب/أوووف لذي الدرجة.. أيش عامل،غنى عاقلة ومافي منها و ما تزعل منك لله.. قول وأشجيني أيش عملت؟
عبدالرحمن بجدية/وربي ما عملت شيئ..هيا بس كبرت الموضوع وسوت قصة حزينة.
جوري بقلق/عبادي أخلص عليا وقول،أيش صار..
عبدالرحمن/أنتي هبلا! أقلك مافي شيئ..كل الموضوع إني مسافر 3شهور عندي شغل وهي أول ماسمعت ركبوها الجن وطولتها وهي قصيرة.
جوري بهدوء/وأيش الشغل ذا..تبع الشركة؟
عبدالرحمن/لااا..شغل خاص.
جوري بمرح/وعلى وين العزم إن شاء الله.. عبدالرحمن بلكاعة/حزري فزري أنا وين مسافر؟
↚
(ندى)
قامت من النوم بكسل وغسلت وجهها وغيرت ملابسها بشورت أسود لفوق الركبة وتيشرت أصفر ولبست فلات أصفر وأستشورت شعرها القصير وطلعت الصالة لقت أمها جالسة تأكل بنتها نادين..ونادر يتفرج على سبيس تون..
جلست جنب أمها/صباح الخير مامي.
أم ندى/ أي صباح حبيبتي..قرب الظهر..كل ذا نوم..
رجعت رأسها عالكنب وغمضت عيونها/وربي فيا نوووم.. خليني أعوض شوية..
أم ندى بضحكة/ووول عليكي.. بسك نوم ماجلست معاكي غير ساعة لما جيتي أمس.
فتحت عيونها ونادت الشغالة/نينا..جيبي النسكافية.. ماما كم الساعة.
أم ندى وهي تمسح وجهه نادين/11حبيبتي، كلي شيئ مع النسكافية على مايجهز الغداء.
هزت رأسها برفض/بعدين مارح أتغدى..
التفتت لنادر/يلا حبيبي قوم أتروش علشان صلاة الجمعة.
نادر/أتروشت ياماما وأتوضيت ،بس باقي البس الثوب لما يجي جدي.
دخل أبو ندى وسلم عليهم وردو السلام، جلس أبو ندى جنب نادر وحط ذراعه على كتف نادر/مرحبا بالشيخ نادر..
باس نادر رأسه وفخم صوته/مرحبا ألف، ماعليك زود.
ضحكوا على كلامه اللي أكبر منه،ابوندى بفخر/تسلم ياشيخ..والله إنك بيضت الوجه أمس..
ألتفت لندى/ولدك رجال ماشاء الله ،ماشفتوه أمس في المجلس كيف سلم عالضيوف وقهواهم وناداهم للعشاء..والله وعرفتي تربيه..الله يحفظه.
ندى بضحكة/آمييين،بس والله ياباباحكاية القهوة دي متكفل فيها قصي حبيبي مايقصر هوا اللي معلمه.
أبوندى/والله قصي ماشاء الله عليه رجال من ظهر رجال..والله ماكإن عمره 11سنه.. الواحد يعتمد عليه وهوا مطمن.
أم ندى بإعجاب/والله تربية جوري ما عليها كلام..حتى بنتها ماشاء الله أدب وجمال وست بيت..عيني عليهم بارده.
أبو ندى بإستهبال/شوفي أمك ياندى بدل ماتمدح زوجك وتقول خالد ربى ،تمدح ضرتك..
ندى بإبتسامة/ماما ماكذبت..خالد الله يعينه يدور رزقنا،يلاا نشوفه أخر الأسبوع زي الخلق..وجوري أختي مو ضرتي،وهي اللي قاعدة عليهم تربيهم وتعلمهم..حتى قصي هيا اللي تعلمه وتدخله مجلس الرجال وترسله كل المشاوير مع أبوه وعمانه،حتى لما سافرنا عند أهلها،ماكنا نشوفه على طول مع الرجال مع إني كنت أخاصمها وأقولها صغير لاتعقديه..بس كانت تقول خليه يتعلم ويصير رجال،مو صاير له شيئ..وطلع كلامها صح..دحين نعتمد على قصي الله يحميه في كل مشاويرنا وطلباتنا، ودحين مستلمه نادر ومخليته يلازم قصي زي ظله.. هههههههههه،صاير نسخة أخوة ربي يسعدهم.
ألتفت أبو ندى لنادر/تحب ماما جوري وياسمين وقصي..ولا ماما ندى ونادين!!
نادر بإبتسامة/أحبهم كلهم زي بعض..
أبو ندى/لا ماينفع ،لازم تحب أحد أكثر من الثاني..
هز رأسه برفض/لااا..أحبهم كلهم..ماماتي يقولوا لازم نحب كلنا زي بعض..
ضحك عليه/أيش ماماتي ذي.
نادر بملل/جدي أنت ماتعرف..ماما ندى وماما جوري.
أبو ندى/الله يخليكم لبعض ويحنن قلوبكم على بعض..
ألتفت لندى/والله أنا ذي البنت حبيتها من يوم ماجات تخطبك لزوجها..قلت معقولة في حرمة كذا،كنت شاك فيها بس لما كلمتني أرتحت لكلامها وحسيتها ماعندها شغل الضراير وكيدهم،ولما صليت إستخارة أرتحت وأتوكلت على الله ووافقت..والحمد لله صار لك سنين معاها وماجاكي منها غير كل خير،رغم إن أمك ماكانت حابتها أبداً،ولا تنكري.
ضحكت أم ندى بإحراج/كنت خايفة على ندى منها مهما كان ذي ضرتها،غير كلام لطيفه اللي خوفني ،بس مع العشرة عرفت إني ظلمتها..
ندى/والله يا بابا حتى أنا كنت ظالمتها وأسويلها حركات مالها داعي،بس دا كله من زن ماما ولطيفه وليلى..هما اللي كانوا يبلفوني ويحرشوني عليها،بس لما عشت معاها وعرفتها عرفت إن ربي عوضني بيها عن الأخوان اللي ربي ما كتبهم ليا.
أم ندى/والله أنا ماأنسى وقفتها مع ندى وكيف شالتها على ظهرها وأسعفتها للطوارئ. وبعدها طول فترة حملها أهتمت بيها وبصحتها وكإنها أمها مو أختها..حتى أنا تعاملني بأدب وأحترام ولاكإني كنت أدقها بالهرج وأحرجها قدام الناس كل ما أجتمعنا.. وتعامل عيال ندى زي عيالها وماتفرق بينهم حتى في الحب،والحمد لله اللي مسخرهم لبعض،والله يحميهم من العين ويكفيهم شر الناس.
ندى بصدق/آآمين،من جد ماما أدعيلنا..وربي صرت أخاف من الناس لمايسألونا.. كيف وليه وأيش السر..حسبي الله عليهم.
قام أبو ندى ونادر علشان الصلاة وسابهم يرجعوا ذكرياتهم ..
---------------
(ليلى)
رفعت الخط وبعصبية/وينك يازفته..قدامك خمس دقائق ياسماح ورح أمشي.
سماح بدلع/حبيبة قلبي شوفيني قدامك.
قفلت ليلى الخط ورفعت رأسها وشافت صحبتها سماح جاية وريحة عطرها سابقتها وأنتبهت للرجال اللي ماسك يدها وجاي معاها،قربت منها وباست خدها بدلع/هااااااي ياحلوة.
نزلت سماح طرحتها على كتفها والتفتت للي معاها/ودي ياسيدي حلا صحبتي الأنتيم.. حلا..أعرفك على أوسم رجال في جدة.. زياد.
طالع فيها زياد بنظرة تفحصية بداية من لثمتها الشفافة ونظارتها الشمسية اللي غطت عيونها،لعبايتها الكتف المطرزة اللي طالعة منها يدها المصبوغة بالمناكير الأحمر وأكسسواراتها الشيك..مد يده بإعجاب/هلا والله بالحلا كله.
طالعت فيه من فوق لتحت وطنشت يده الممدوده ولفت لسماح ببرود/ماقلتي لي إنك جايبه معاكي محرم.
حس بحرج من حركتها ونزل يده وجلس عالطاولة،ضحكت سماح بسماجه/حلوووه محرم.. من وين جبتيها دي،بعدين هيا جات كدا فجأة كلمني في أخر لحظة وقلت له يجي..بروح ازبط الميك آب،أطلبوا لي إسبريسو ياحلوين.
ألتفت لها زياد وهو كاتم عصبيتة/إذا وجودي مضايقك بروح طاولة ثانية.
ردت بلامبالاة/وأنا مالي ومالك علشان تضايقني ولا لا،أنت جاي مع سماح روح قلها دا الكلام..
جاهم الجرسون يأخذ طلبهم،وبعد ماراح وقف زياد وراح طاولة جنبها بدون ماتلتفت له ،مسكت جوالها وأتصلت على وحده من البنات وقعدت تتكلم معاها وتضحك بدلع وزياد حاقد منها لإنها أهانته بحركتها،بس اللي مصبره إن سماح قالت إنها فوق الحلوة..جاتهم سماح وأستغربت لما شافته في طاولة لوحده،سألت ليلى/حلا أنتي طيرتي زياد هناك.
قفلت الجوال وببرود/لا طيرته ولا كلمته،هوا اللي راح..بعدين مارح تبطلي حركاتك دي، قلت لك تبي تطلعي مع أحد لاتورطيني معاكي أنا وحده متزوجة.
سماح بوقاحة/أنا كمان متزوجة أيش دخل دي في دي..دي كلها تسالي ياقلبي..
ليلى/حبيبتي أنا أتسلى عالفون بس ،لكن طلعات والكلام دا لا،لاتقروشيني معاكي.
سماح بشويش/دحين هوا غلط عليكي، ضايقك بشيئ،ترى زياد جنتل مان وفري فاني.
ليلى بملل/والمطلوب..جيبي من الأخر.
سماح/كلميه يجي،عالأقل يشرب معانا القهوة. .وبعدهاإزا ماحبيتيه همشيه..أوكي.
ليلى بغرور/تبي تكلميه يجي براحتك،لكن أنا أنسي يا ماما،كفاية وافقت يقعد معانا.
راحت سماح وكلمته ولحظات وجاء جلس معاهم.
(مؤيد)
رفس الباب برجله ودخل وهو شايل فاطمة ويصرخ بإستهبال/أمي..ماما..يأم خالد..
جات أم خالد وجوري وندى والأولاد مفجوعين من صراخه،جريت عليه جوري لماشافت فاطمة في حضنه/فطوم حبيبتي، أيش بها.
خبت فاطمة رأسها صدرة وهي تخبط فيه.
مؤيد بفرح/حامل ..بطتي حامل..حامل.
أتنهدت جوري براحة واتلموا عليهم يباركوا لهم..نزل فاطمة جنبه وباس رأس أمه ويدها وهي تمسح دموعها وتبارك له ولفاطمة، باركت لهم ندى والأولاد ،أستغرب مؤيد جوري اللي طنشتهم وماباركت لهم وراحت المطبخ ونادت الأولاد..طالع في فاطمة وبهمس/هيا زعلت؟
إبتسمت فاطمةوهزت كتفها بمدري.
وفجأة أنطفت الأنوار وخرجت جوري شايلة كيكة والأولاد ماسكين شعلات نارية صغيرة ،قربوا من مؤيد وفاطمة وفرقعت لهم ندى الطراطيع اللي كلها ورق ملون وسط فرح و صراخ الأولاد وإستغراب مؤيد من الكيكة كانت نصها بالفانيليا والفواكة والنص الثاني بالشوكولاته ومكتوب فيها (ألف مبروك m&f)طالع فيها مؤيد/بسم الله ..أيش عرفك دوبنا راجعين من المستشفى.
شغلوا الأنوار وجوري ضمت فاطمة وبفرحة/ألف مليون تريليون مبرووووك. مدت يدها لمؤيد وقبل مايسلم عليها سحبت يدها وضربته على رأسه/آآآي ،يابنت اللذينا.. ليه كذا.
طلعت لسانها تنرفزه/علشان تبطل هبل ياسخيف ياسامج..بيجيك ولد ولا بنت وبدل ماتعقل جاي تجلطنا..خوفتنا يابايخ.
فرك رأسه مكان ضربتها/يدك زي المرزبه ماشاء الله ..كيف عرفتي ومتى جهزتوا كل ذا.
حركت حواجبها/أدري من أمس ياطيب، اليوم راحت علشان تتأكد.
أتخصر وألتفت لفاطمة/ياخاينة تقولي لها قبلي..كلهم عرفوا قبلي.
هزت رأسها بنفي وبإرتباك/لا وربي ما كلمت أحد..
شدت جوري أذنه/بلاغباوه..لاتسويلها سالفة محد كان عارف غيري لإني اللي جبت لها جهاز تحليل الحمل أمس وقلنا اليوم تتأكد.
والكيكة عملتها ومحد شافها غير دوبهم.
طالع فيها بقهر/جوري أحترميني قدام ولدي..هزيتي صورتي قدامه،كل شوية تلطشيني،والقهر ماأقدر أمد يدي..ولا كان فقعت وجهك..
فكوا عليه ضحك وهومسوي زعلان وطايح أكل في الكيكة، وجوري تنرفزه/خليني أعوض قلة أدبك ومدة يدك عليازمان،صدق اللي قال الدنيا دوارة..بعدين أنت كيف زعلان! وشغال لغ.
مؤيد بزعل/ترى كنت ألعب معاكي ،يالطيف قلبك أسود..وتراها مو طعمه بس حرام تترمي ،أدري محد بيرضى يأكلها غيري.
وألتفت لأمه وفاطمة وبقهر/والله مدري أيش وضعي بينكم،لا أم تدافع عني ولا زوجة.. زوجك ينضرب وانتي شغالة ضحك كأنك مبسوطة..لو ولدي مو في بطنك كنت وريتك شغلك مزبوط.
ندى بلكاعة/والله فاطمة صديقة صدوقة.. يعني أنسى تقلب على جوري علشانك..
حط الشوكة من يده وطالع فيها/ترى أنا أعرفك من قبلها..أشتغلت لك بودي جارد وحارس عمارة ومرسال رايح جاي لبيتكم.. يعني اتمرمطت وطلعت عيني علشان،تجي وتسوي فيها وفية ليها بنحرك في نص الصالة و أيتم ولدي قبل لا يتولد.
قرصته أمه في فخذه بقوة/أعوذ بالله من لسانك..لاتفاول وأذكر الله.
جوري جلست عالأرض ومسكت بطنها من كثر الضحك/هههههههههههه ياربي كذا كثير هههههههههههه،ماشاء الله عليك ،أنت عادي وطبيعي،أنا لو مكانك أختفي..أطير... ههههههه.
حقد منها وقام لعندها وهيا تضحك ومطنشته وفجأة صاحت ونطت واقفة وبصدمة/ياحيواااااااان ،وربي ماأعديها ليك..
طالعوا فيها ووجهها وجلال صلاتها كله مويا وهو واقف عند باب الصالة وماسك جك المويا ويحركه قدامها بنرفزه/هههههههههاااااااااااااااااي، أديها ميه تديك طراوه..وربي ذحين بس أرتحت..نعيماً ياأختي..حمام الهناء.
جوري بضحكة/الله ينعم عليك ،قد الحركة ذي؟
مؤيد يرقص حواجبه/قدها وأنا أبو محمد.. أنتي بنت أمك لو قدرتي تمسكيني.
جلست جنب فاطمة اللي أعطتها مناديل ومسحت وجهها وبتهديد/وليه مستعجل ياحبيبي..الأيام قدامنا وأدينا بنتسلى..وأنا وأنت قاعدين هنروح فين من بعض.
أم خالد/تراكم كبرتوا..منتي بنت ال15.. وأنت ياعبيط تراك سكيت 23 منت بزر ،أستحي على طولك..ماتكلمي زوجك يختي.
فاطمة بضحكة/والله ياعمة أخوان ويختلصوا مع بعض..من يوم ماعرفتهم وهما زي البس والفار،أنا حامل وأخاف عاللي في بطني،موناقصه جنانهم .
مؤيد بتفكير/والله كنت ناوي تعشوني على شرف الخبر السعيد،بس الأجواء ما تساعد.. علشان كذا مضطر أعشي نفسي وحرمي المصون..وأشوفكم على خير..
حط الجك عالأرض وطالع فيهم/بطتي مضطر أتخلى عنك وأسبقك للسيارة لإني ما أضمن المتوحشة اللي جنبك لو دخلت يمكن ماأطلع قطعة وحدة..فالحقيني على برا، ولاتنسي تجيبي معاكي كيكتي.
ياسمين/كيكتك مع نفسك..تراك ماكل نصها.
عض على شفايفه بقهر/أنقلعي ياسنفوره مو باقي غيرك يا ربع المتر..أختي حبيبتي سوتها ليا ،أيش دخل أهلك..وربي يابطتي لو ماجبتي الكيكة إنك.. إنك بشوفلك حل بعدين..سلام ياماماتي.
سابهم وطلع وسط ضحكهم ،حطت جوري الكيكة في حافظة وودعت فاطمة..
↚
نعاني،نتألم من الداخل ونخفي الكثير من أحزاننا..من أجل أن نبرهن بأننا نتحمل.. ونحن عكس ذلك!!
(ياسمين)
أبا ورق عنب وتويكس.
ياسمين/طيب فهمت،هوا نفس الطلب كل يوم يارؤى.
رؤى/يمكن تنسي مع زحمة البنات.
سلوى/ياسمين دفي البنات وأزنقي نفسك بينهم ،خلصينا.
ياسمين بطفش/خدوا الفلوس وأطلعوا من رأسي.. بستناكم في مكانا.
سابتهم وراحت تحت الدرج وفرشت شرشفهم اللي حاطينه هناك..وأول ماقعدت جاتها بنت قاصه شعرها بوي ومشمرة أكمام قميصها ورافعه مريولها ورابطته عند الخصر وتحته جينز..طالعت فيها ياسمين بتوتر ولفت تشوف صحباتها،جلست البنت قدامها وهي تتأملها بإبتسامة وبصوت خشن/صباحك قشطة ياقشطة.
أرتبكت وحاولت تبين طبيعية/صباح النور.. هلا عبير.
كشرت عبير/عبووود.. عبود ياحلوةمالحقتي تنسي يا ياسمينتي.
ياسمين/أنا مو ياسمينة حد.
عبير/عازمك عالفطور..تعالي..
ياسمين بإبتسامة/شكراً،البنات جايين ومعاهم الفطور.
رؤي/هلا هلا عبير،اتفضلي معانا.
عبير/يالله صباح خير..قلنا عبووود.. أنتوا ماتفهموا .
سلوى/عبود حمود،براحتك روقينا بس وأقعدي أفطري.
كشرت بوجهها/لا شكراً..لينا فطور ياحلوة غمزت لياسمين وراحت..البنات طالعوا في ياسمين اللي لونها أنخطف،رؤى/ما عليكي منها ذي وحده فاصلة.
سلوى بقلق/لازم نتصرف..ماينفع نسيبها كذا.
ياسمين برجفة/بنات والله خايفة منها، شوفوا كيف تطل فيا،وربي مو طبيعية.
سلوى/المشكلة حاطتك في بالها الحيوانة.
رؤى بملل/ترى أديتوها أكبر من حجمها،أيش هتسوي يعني.
ياسمين بحدة/أقلك نظراتها ماتريح،وليها فترة تحاول تقرب مني وتقلي معجبة ومدري أيش شكله..
رؤى/ياهووو..تراها موضة وطالعين فيها.. قلك معجبة وأحبك والهبل دا..يعني هتخاويكي من جد.
سلوى بعصبية/وربي محد أهبل غيرك..أنتي فاكره إنها تمزح ،تراها من جد مسوية حبيبه وتعجب بالبنات وتخاويهم.
ياسمين بتفكير/كيف حبيبه وتخاويهم،أيش بيعملوا يعني.
عصبت منها سلوى/يعني مفكره نفسها ولد وتتعرف على بنات وتعاكسهم وحركات قلة أدب،فهمتي ياهبلا منك ليها.
ضحكت رؤى وشهقت ياسمين بخوف/أنتي من جدك ولاتمزحي..
رؤى/هههههههههه،يختي أنتي عليكي هرج، مدري من وين تجيبيه..أيش الهرج المفقع دا.
سلوى بتأفف/فقعوا دماغك ياشيخة..وربي مو هرج شفتها بعيني ورح أخليكم تشوفوا اليوم..
ياسمين برفض/مابا أشوف شيئ،خلوها تحل عني وبس..دي باين عليها مجنونة،أهلها كيف سايبينها كدا.
سلوى/أيش أقول بس،شكلهم مو دارين عن جدها.. المشكلة مو فيها بس،شفت غيرها كم وحدة بنفس الهرجة..أيش بجدهم البنات انهبلوا فجأة وقلبوا عيال كذا.
رؤى تأكل ولا على بالها/قلتلكم ماصدقتوني، ترى من جد موضة..كل يوم والتاني تجيني وحدة تقلي أنا بويا وأسمي مدري أيه..وربي عاهات.
ياسمين بقلق/بس كدا غلط،هما بنات كيف يتصرفوا زي الأولاد ،وأيش حكاية معجبة وأحبك وتخاويني دي..هما بيوصلوا لأية بالضبط..أيش يبغوا.
قاطعهم صوت الجرس اللي رن وأعلن نهاية الفسحة.. وقفت سلوى بتصميم/دحين أوريكم أيش يبغوا ،ورح تفهموا كلامي..
ياسمين بخوف/سلوى الله يسعدك مالنا وما لهم،بطريقتهم..
رؤى بحماس/لا لا خلينا نشوف،أبعرف أيش هرجتهم دول.
سلوى/أستنوا بس لما تفضى الساحة،وأول ماتشوفوا الأبلات دخلوا،جري عالحمامات بس بهدوء علشان ماينتبهوا علينا،دن..
رؤى وياسمين/دن.
وبعد دقائق فضيت الساحة ودخلوا المعلمات واتسحبوا البنات عالحمامات بهدوء..سحبتهم سلوى واتخبوا وراء جدار بحيث يكشفوا الحمامات ومايبانوا..وبعد لحظات شافوا عبير ومعاها كم بنت وكانوا ب-----------
غطت ياسمين فمها بصدمة من اللي شافته وطالعت في رؤى اللي ما كانت أقل صدمة منها،سحبتهم سلوى وطلعوا برا ومشيوا ناحية فصلهم بخطوات مهزوزة. سلوى بأسف/ياسمين وربي ماكنت أدري..أول مرة أشوفها معاهم..
هزت ياسمين رأسها بصمت ودخلوا الفصل وبالها مع اللي شافته.
(خالد)
مرت كم سنة على زواجي والحمد لله مو حاس بأي ندم على قراري..معرفتي بندى وزواجي منها أحلى شيئ صار في حياتي. كل شيئ فيها يجذبني شكلها،دلعها،حبها ليا،أعتمادها عليا في كل شيئ،والأهم غيرتها..ومع إنه بتجمعها علاقة قوية مع جوري وصاروا زي، لا صاروا فعلا أخوات.. يحبوا بعض ويخافوا على بعض ،وكل اللي يشوفهم لايمكن يجي في باله إنهم ضراير.. حتى ذي الكلمة مايحبوها.. ورغم كل ذا إلا إنها بتغير بشكل مو طبيعي من شيئ أسمه جوري..أي شيئ يتعلق بيها بيوصلها لدرجة الجنون،مجرد إني أنادي جوري أو أجيب سيرتها يخلي عداد الغيرة عندها يوصل لآخر حد..رغم إن علاقتي بجوري جداً عادية بل وأكثر من عادية..يعني هيا معقدة ومو معقدة.. كيف أفهمكم..يعني صح أنا أعشق شيئ أسمه ندى،لكن في نفس الوقت جوري ليها وضع خاص،كنت متخيل إن حياتنا بتتعقد بعد زواجي لفترة معينة ،عالأقل لحد ماتتقبل وجود ندى بينا خاصة إنها كفشتني في مواقف محرجة،بس صدمتني بإنها عدت الموضوع بعد ماسمعتني كلمتين لا أكثر..تدروا أحلى شيئ فيها واللي يعجبني بقوة إنها دايماً عندها القدرة على الفصل بين اللي بيصير في حياتها وبين واجباتها تجاة غيرها ..سواءً مع أهلي أو معايا..أكيد فهمتوا قصدي..وأنا بصراحة مرتاح في وضعي معاها،يعني مهما كنت أحب ندى وأشوفها في عيني أحلى وحده..فجوري للأمانة أنثى جدا جميلة وزوجتي وأنا رجال ليا متطلبات واحتياجات..والحمد لله تقدروا تقولوا عن علاقتنا إنها صداقة أكثر منها زواج،هيا بالنسبة ليا زوجة وصديقة أقدر أعتمد عليها في أصعب الظروف وأنا واثق من قدرتها على حل الأمور بطريقة مثالية..أخت مافي منها سواءً ليا أولأخواني بنت بارة بأمي.. وفي نفس الوقت أم مثالية حنونة وحازمة..لما شفتها كيف تعامل الأولاد ولاتفرق بينهم وتربيهم وتعلمهم مع بعض بنفس الطريقة، وكيف صاروا على قلب واحد وماعندهم عقدة حرمة الأب ولا حكاية ذا أخويا وذا شقيقي.. فهمت اللي كانت تقصده بكلامها وقت ماشرطت عليا أسكن ندى معاها..بصراحة أوقات بخاف أحسد نفسي على حياتي ،كل اللي أعرفهم ومتزوجين أثنين طالعة عينهم وبسمع منهم هروج تشيب الرأس من مقالب الحريم وشغل الضراير..بس ربنا وفقني بحرمتين مافي منهم..ندى حب حياتي ونصي الثاني، وجوري رغم إني مو عارف المسمى اللي ممكن أطلقه عليها..إلا إني متأكد إنها شيئ مهم وثابت في حياتي زي ما قالت عليا مرة..يمكن أكون أناني في تفكيري وأكون ظالمها،بس مشاعري مو بيدي..كل اللي أقدر أعمله إني أعدل بينهم في الحقوق والواجبات.
والحمد لله حياتنا ماشية كأحسن مايكون.
(سارة)
مسكت جوالها وأتصلت للمرة الثالثة ومازال الجوال مغلق ..رمت جوالها بقهر وهي تتوعد لسعد زوجها بأبشع عقاب.. صار له يومين برا البيت وماجاها أي خبر عنه،كل اللي قاله عنده مهمة ومارح يقدر يكلمها لحد مايخلصها ونفس الكلام اللي يقوله لها قبل كل مهمة يطلعها واللي مايريحها أبداً..راحت تشوف ولدها عبدالله اللي كمل السنتين ولقته نايم..رجعت تصحح دفاتر البنات وهيا تحاول تشغل نفسها وتنسى الضيقة اللي حاسه فيها،وبعد ثالث دفتر سابتها عالطاولة لإنها ماكانت شايفة اللي بتصححه..راحت أتوضت وصلت ركعتين وهي تدعي له وتستودعه الله.
------------------
(مازن)
Mazin..you have to take the request table 8
(مازن عليك أن تأخذ طلب طاولة 8)
مازن/ok Marc.
راح لحد الطاولة وبإبتسامة/ Hello, I Mazen and I'm in charge of the service tonight
(مرحباً،أنا مازن وأنا المسؤل عن خدمتكم الليلة)
أخذ طلب أفراد الطاولة الأربعة بأدب وسهر على راحتهم لحد ماخلصت سهرتهم ودفعوا الحساب وبقشيش كبير لمازن وطلعوا..
أتوجه لمارك بتعب/ This was the last table for me tonight
(كانت هذة أخر طاولة لي لهذة الليلة)
حط مارك يده على كتف مازن بإبتسامة وبعربية مكسرة/.ياتيك افيه هبيبي ..
مازن بضحكة/الله يعافيك، ههههههههههه..يجي منك.. I'm going to sleep.. good night
(سأذهب لأنام.. تصبح على خير)
مارك/good night
سلمه حساب الليلة وراح غير ملابسة في غرفة الموظفين وقفل خزانتة وطلع..
ركب السيارة وهو يتثأب.. شاف ساعته 2بعد نص الليل ،اليوم الشغل كان كثير يادوب ذاكر 3ساعات قبل مايجي المطعم ومن وقتها وهو يلف على الطاولات لحد ذحين ..مسك جوالة وأتصل على كذا رقم ومحد رد..أتصل لأخر رقم وبعد كم رنة يأس وكان بيقفل قبل مايجيه صوت كله نوم/السلام عليكم..هلا مازن.
مازن بإحراج/وعليكم السلام والرحمة..معليش جوجو.. أزعجتك.
جوري/لا حبيبي عادي..فيك شيئ،ليه متصل ؟
مازن يتمغط/دوبي مخلص دوام..وخفت أنام وأنا أسوق..قلت أكلمكم ،بس خالد ومؤيد الكلاب محد فيهم عبرني ورد..قلت أجرب وأكلمك..قروشتك؟
ضحكت جوري/وربي إنك طيب تبغى مؤيد وخالد يصحو من رنة جوال..خير إن شاء الله..ولا ماقروشتني خلاص صرنا قرب الفجر..يعني كسبت أجر وصحيتني.. بعدين كيف تكلمني وأنت تسوق،بتأخذ مخالفة.
مازن/حاط إسبيكر،خلاص أتعودت على نظام البلد.
جوري/أحسن علشان تركز عالطريق..أنت كيف صحتك ودراستك..طمني.
مازن/الحمد لله دراستي كويسة وببيض وجهكم إن شاء الله..بس وحشتني كبستك.
ضحكت جوري/الله يفتح عليك ويسهل دربك،ولاحق عالكبسة إن شاء الله يادكتور.
أتنهد مازن/يارب الله يسمع منك..
جوري/الله كريم ياأخي..أنت حافظ عالصلاة ،وأنتبه على نفسك من عيال الحرام ،حلفتك بالله يامازن حاول تلقى شقة بأسرع وقت إن شاء الله خرابه.. المهم أبعد عنهم ذول ماوراهم خير.
مازن/أنا مالي و مالهم،يادوب بجي أنام،بس برضه بحاول أطلع منهم.
جوري بهدوء/أدري إن وقتك يادوب مابين الجامعة وشغلك،بس لاتنسى إنك بتقروشهم عالطالعه والنازله ،يعني ماهيرتاحوا غير لما يسحبوك لدائرتهم وتصير زيهم ومافي أحد أحسن من أحد .
هز رأسة بموافقة/إن شاء الله،خلاص لاتشيلي هم..يلا خسرتيني،بقشيش الليلة هيروح في الفاتورة بسببك.
شهقت بقوة/والله أسفة.. خلاص أستودعتك الله ،السلام عليكم.
قفلت بسرعة وهو يضحك عليها..هز رأسه بهم وهو طالع الشقة اللي متشاركها مع ثلاثة عرب.. أول ماجاء لندن كان ساكن مع عائلة أنجليزية يأجروا غرف في بيتهم للطلاب وكان مرتاح لإن الإيجار كان معقول والبيت قريب من الجامعة،لكن قبل سنتين توفى صاحب البيت وقامت زوجتة ببيع البيت وأضطر إنه يدور سكن ثاني ،وللأسف مالقي غير سكنه الحالي ،ومن أول يوم سكن معاهم وهو يشوف أنواع المسخرة ،شرب وبنات ورقص،في البداية سكت عنهم وحاول ينصحهم وبعدها أتخاصم معاهم وأتفقوا تكون الشقة للسكن وأي تخبيص يخلوه برا وصار يتجنبهم ويادوب يقابلهم في الدخله والخرجه..هانت باقي له سنة وكم شهر ويتخرج ويرجع المملكة الحبيبة..
↚
(جوري)
خرجت من الحمام (أكرمكم الله)لابسة الروب ولافة شعرها بمنشفة جلست قدام التسريحة تنشف شعرها على خصلة خصلة..دق الباب وراحت تفتح لقت خالد في وجهها،أرتبكت لما إبتسم لها وبعدت عن الباب علشان يدخل وقفل الباب بالمفتاح،جلست بتوتر ورجعت تنشف شعرها،وبهدوء/تبغى شيئ!!
عقد حواجبه وبإستغراب/لازم أبغى شيئ علشان أجيكي الغرفة..
جوري بإبتسامة/بلا إستهبال،قصدي محتاج شيئ ،تبا أسويلك شيئ.
ضحك/أنتي تبي تخربي جسمي الرشيق، مافي غير أكل وحلا طول اليوم..
جوري/عليك بالعافية،بعدين أنت بتتعب دوامين في الشركة غير السوبر ماركت اللي لازم تشيك عليه.
أتنهد وبهدوء/عاد السوبر ماركت من ريحة الغالي لازم أنتبه له،ولاتنسي ذي أمانة ولازم أحافظ عليه..وكويس فكرتيني علشان أحول لمازن نصيبه..
أعطاها جوالها/معاذ أتصل وأنتي تتروشي.
حطته عالتسريحة ورجعت تنشف شعرها بإهتمام.
مسك خصلة في يده،وبإستغراب/أنا مو عارف ليه متعبة نفسك وسايبته يطول كذا..مو مضايقك طوله..ما يتعبك لما تتروشي وتمشطيه..ليه ماترجعي تقصيه زي زمان.
سحبت شعرها من يده بشويش وشافت إنعكاسه في المرايه وبصدق/أنا حابته كذا، كنت قبل الزواج أمشطه أكثر من عشر مرات في اليوم بس كذا حتى لوكان مرتب.. وماكنت متخيلة في يوم أني هقصه،بس قصيته علشانك، بس ذحين عندك ندى شعرها قصير زي ما تحب.. خليني أطول شعري زي ما أنا أحب.
خالد بنظرة/قصدك خلاص.. منتي ملزومة تسوي الشيئ اللي أحبه علشان ندى بتسويه ولا علشان أنا أخترتها فخلاص أنتي برا الحسبة،مو فاهم .
غمضت عيونها للحظه/لا مو قصدي كذا..بس مدام ندى قاصه شعرها،خلاص ليه لازم أقص كمان..كذا يصير فيه تنوع علشان ماتمل.. يصير عندك الطويلة والقصيرة الشقراء والسمراء.. زي كذا.
ما أقتنع وكان بيرد بس قاطعه رنة جوالها اللي مسكته على طول بإمتنان/السلام عليكم..هلا بعزوتي وتاج رأسي..هلا معاذ.
معاذ/وعليكم السلام ورحمة الله وبركاته.. هلا بش يا أميرتنا..كيفش ياقلبي وحشتيني.
ألتفتت للباب لما سمعة صوت ولقت خالد خرج وقفله،راحت قفلت بالمفتاح.
وبضحكة/الحمد لله من الله منيحه وموناقصني غير شوفة الغاليين.. ومالك كافش في الشين..
معاذ/والله كنت مع موكل جاي من القرية وتعرفي كلامهم..كويس جات عالشين بس.
جوري بحماس/وإن شاء الله تقدر تساعده يامتر..
معاذ/الله يقدرني وأساعده..المهم أخبارك والعيال..
جوري/كلنا بخير ياقلبي لاتشيل هم ،أتطمن وطمن أمي معاك..أنتوا سايبين سبع بعون الله.
معاذ بضيق/والله مو كاسرني غير كلامك الفاضي ذا..تحسبي إنك بتضحكي علينا بذي الكلمتين..لكن ما بيدنا شيئ مادام ذا قرارك وأختيارك..وما أقول غير الله يصلح حالك ويعينك..لكن اتأكدي إنك في اللحظة اللي تقرير تنهي كل شيئ هتلقينا كلنا معاكي، يعني لاتخافي أنتي مش لوحدك فاهمة ياشيخة الجابر وأميرتهم .
ضحكت بغصة وهيا تسمع شيخة الجوري زي ماكان أبوها يناديها،أخذت نفس عميق وحبست دموعها،وبصوت هادي/الله يديمكم على رأسي ولا يحرمني منكم..أنتوا بس أرتاحوا وأطمنوا أنا بخير وموناقصني غير وجودكم.
معاذ بتصريف/الله يريح بالك ويطمنا عليكي،عالعموم أنا أرسلت لك نصيبك من إيراد المزرعة..وسامحينا عالتقصير.
جوري بزعل/حبيبي ليه أرسلت،قلت لك مو محتاجة ،كان خليته وأستفدت بيه في تجديد المزرعة،أنا عارفة إن الشغل فيها ماصار زي قبل،وأنت لازلت بترسل نفس المبلغ.. يعني بتزود من حسابك الخاص ،صح.
معاذ بحدة/حسابي الخاص ولا العام ،أعتقد إنك لسا مسؤلة مني، وزيك زي باقي أخواتك ولا عندك كلام ثاني..
إبتسمت وبضحكة/أووووووه..مسرع ماقلبت،دوبك كنت يالزيز يارايق..تخوف والله.
معاذ بتهديد/يصير خير لما نتقابل،ساعتها أطلع اللزازه والروقان من خشمك يامغبره..أنا مستغرب منك كيف متذكرة الحاجات ذي ياجدتي.
جوري بصدق/أي شيئ يتعلق بيكم مستحيل أنساه،وإن شاء الله ما أنساه أبداً..يلا حبيبي طولت عليك..سلم على حبيبتك..وعلى صلوحي قلبي وباقي كتاكيتك.
معاذ/يوصل حبيبتي، أنتبهي لنفسك وبوسي عيالك.والله يجمعنا على خير ،السلام عليكم.
جوري/آمييييين ياقلبي..أستودعتك الله..وعليكم السلام وال----،قفلت الجوال ماقدرت تكمل رمت نفسها عالسرير وسمحت أخيرا لدموعها بالنزول بحرية..بكت بحرقة وهي تلوم نفسها"للدرجة ذي أنا مكشوفة،معقولة محد مصدقني منهم..يعني مهما سويت بيظلوا خايفين وقلقانين عليا،لا أرتاحوا وأنا معاهم ولا أرتاحوا وأنا بعيدة عنهم..ماجاهم مني غير الهم"طلعت ألبوم صور وقلبت فيه وهي تمرر أصابعها بشوق على وجوه اللي فيها كإنها بحركتها ذي بتحس إنهم معاها وبتلمسهم.. طلعت صورة بتجمعها مع أبوها وكانت في الحرم،باست صورته بقوة وبهمس/سامحني يبه،أنا السبب،سامحني.
أتذكرت كيف بعد زواج خالد وندى بسنة مرض أبوها بالسكر.. وكان واضح للكل إنه بسبب خوفه وقلقه الدائم عليها،لإنه ماعاد أستئمن خالد عليها ولا حاب حياتها معاه بعد اللي صار.. كثرت إتصالاته بيهاوكان كل مرة يكلمها يحاول يقنعها بالرجوع بدون فايدة.
وفي يوم من الأيام ناداها خالد وقلها تجي المجلس، دخلت واتفاجأت بأبوها قدامها، رمشت بعدم أستيعاب وهي متخيلته سراب أتشكل لها من كثر شوقها وتفكيرها فيه..ماصدقت وجودة غير لما ضمها لصدرة حست بدفاه..شمت ريحته اللي ماتبدلها بأي ريحة في الكون يومها بكت وبكت اللي في البيت معاها،فقدت القدرة على كبح دموعها اللي أتمردوا عليها وعصوها لأول مرة،يومها نامت في حضن أبوها براحة أنحرمت منها لوقت طويل..وبعدها فاجأها برحلة معاه ومع ياسمين وقصي،ورفض عرض خالد في إنه يوصلهم... هما بس ولأسبوعين جلسوا في مكة خمس أيام ،أعتمروا وصلوا ولفوا الأسواق القريبة من الحرم،وبعدها طلعوا الطايف أتمشوا وإنبسطوا وماتركوا زاوية ماتصوروا فيها..و بعدها راحوا المدينة لفوها شبر شبر.. زاروا الروضة الشريفة.. جبل أحد وجبل الرماة ومسجد قباء ومقبرة البقيع.. عاشت معاه أجمل أسبوعين وحسن إنها رجعت جوري القديمة أم ظفيرة ،رجعت لعادتها الفجرية لشرب القهوة معاه،بس كالمعتاد الأوقات الحلوة تنتهي دائماً بسرعة..خلصت الأسبوعين ورجعوا لجدة وبعدها بيومين ودعها بس ذي المرة كان هو اللي ذرف الدموع وبحرقة،وبدون ماتحس لقيت نفسها بتضمة في صالة المطار غير مبالية بنظرات الناس اللي أستغربوا منظر أبوها الباكي،سحبهم خالد وجلسهم على كراسي الإنتظار، ضمته بقلبها قبل أيديها وبرجاء/ياجعلني فداك ياتاج رأسي ،ليه البكاء بس..يبه والله دموعك تذبحني.
مسح أبو معاذ دموعه/هفقدك يابنتي وهفقد عيالك،الظاهر إني كبرت وخرفت وصرت مثل أمك دموعي جاهزة تصب.
جوري بضيق/أنا فداكم يبه ،خلاص أجلس معايا وبخلي خالد يحجز لي وبسافر معاك..خلاص مالي قعدة هنا وأنت بذي الحالة.
إبتسم لها وباس رأسها/خليكي عند زوجك وعيالك هم أحق بك منا.
باست يده ورأسه وضمته/محد له حق غيرك،خالد معاه زوجتة مو صاير له شيئ، وعيالي بأخذهم معايا مو تاركتهم،مو مهم مدرسة ياسمين توقف ذي السنة.
بعدها من حضنه ومسك أيديها بقوة/خلاص ياشيخة الجوري والجابر كلهم رجعتي للدلع ..شفتك وأطمنت عليكي وعلى عيالك.أيش باقي ..وإن كان لنا نصيب ،الله بيجمعنا على خير..
جوري ببكاء/باقي أطمن عليك،أنتا تعبان أنا حاسه فيك،مارح تضحك عليا.
نادى خالد اللي واقف بعيد عنهم علشان يأخذوا راحتهم،وبحزم/جوري أمانتك وبسألك وأخاصمك فيها يوم القيامة، لاتضيعها يابن محمد.
أتبادل مع خالد كم كلمة ماأستوعبتها وهي مشغولة بإبرة الإنسولين اللي أعطتها ليه، وودعها وضمها للمرة الأخيرة قبل مايسافر ويأخذ قلبها معاه.
بعد شهر اتفاجأت بخالد اللي رجع من دوامة المسائي بدري على غير العادة..ومؤيد ولبنى، حتى أم ندى وأبوها كانوا عندهم،وسارة وفاطمة وحنان..الكل كان موجود بشكل أستغربته وبتريقه/يوم الأحباب العالمي ..خير اللهم أجعله خير.
بس اللي رعبها كان خالد اللي دخلها غرفتها مع أمة اللي تبكي،وبخوف/يمه ليه تبكي،حبيبتي أنتي تعبانه.
صدمتها لما ضمتها بدون كلام،ولما سحبها خالد لحضنه وهو يردد"إنا لله وإنا إليه راجعون" دفته بقوة وطالعت فيه بتردد، أنصدمت من نظرتة اللي أول مرة تشوفها.. نظرة خوفتها لإنها مافهمت معناها..حاول يضمها لصدره مرة تانية بس منعته بأصرار وبرجفة/أهل..أهلي فيهم. شيئ..ليه.. ساكت قول..أمي؟..أبويا؟
إنهارت عالأرض لما شافت وجهه اللي أتغير لما قالت أسم أبوها،حاولت تتماسك وطلع صوتها بارد ومافيه حياة/في المستشفى..
هز خالد رأسه بنفي وقرب منها وجلس جنبها ،حاول يمسك يدها بس هي لما أيديها في حضنها وسندت ظهرها عالدولاب،وببرود/ مين كان معاه.
طالع خالد فيها وفي أمه بإرتباك/أخوانك كانوا معاه..صلوا العشاء في المسجد وبعدها قلهم تعبان بيرتاح..ولما.. دخلوا يصحوه للعشاء.
هزت رأسها بهدوء/الحمد لله صلى العشاء.
وقفت وفتحت دولابها،طلعت جوازها وأعطته لخالد ونزلت شنطة من فوق الدولاب ورمتها عالسرير وصارت تحط فيها ملابسها بدون كلام.
مسكها خالد بقوة/حبيبتي أنتي بخير..تبي المستشفى.
هزت رأسها بنفي وبأمر/أحجز لي ذحين، بشوفه قبل مايروح.
ضمتها أم خالد/عظم الله أجرك يا بنتي، لاحول ولاقوة إلا بالله.
ماردت عليها،حست لسانها أتربط،ظلت تردد داخلها إنا لله وإنا إليه راجعون..
إنا لله وإنا إليه راجعون..
ماحست بالبنات اللي أخذوها في أحضانهم وعزوها بخوف من حالتها..كان وجهها شاحب ونظراتها زايغة وتطالع في الفراغ..وماردت على أحد منهم.. أكتفت بهز رأسها والدعاء لأبوها في داخلها بدون صوت ظلت يومين عالحال ذا،ما ترد على أحد حتى إتصالات أخوانها اللي بيطمنوا عليها ماردت عليها،سمعت صوت عبدالرحمن بعد أصراره على خالد يحط الجوال عالإسبيكر وأول ماسمعت صوته مسكت الجوال ورمته عالجدار بعنف وصار مائة قطعة..كانت تقوم تسوي مهامها اليومية بصمت وترجع تصلي وتقرأ قرأن، الكل كان خايف عليها،والبنات فكروا يعرضوها على دكتور نفسي، بس خالد قال أنها هتتحسن لما تروح لأهلها،وبعد يومين لقي لها خالد حجز وسافروا.. بس للأسف أستمرت على نفس الحال ،ورغم حالة الحزن الجديدة اللي كانت محاصرة بيتهم واللي فيه إلا إنه مانزلت دمعة وحده منها.. جاب معاذ الدكتورة بشرى اللي برضه ما عرفت تطلعها من حالتها،والكل أستنتج إنها في حالة صدمة وخرس زي اللي جاتها قبل..ماكان أحد يدري عن خروجها للحوش وجريها فيه بعد نص الليل لحد ما ينقطع نفسها،ولايدري عن بكاها ولومها لنفسها ،كانت محمله نفسها اللوم على مرض أبوها بالسكر ،كيف لا وهو مرض من كثر ما زعل عليها وشال همها،كان إبليس يوسوس لها إنها السبب في موته وإنها لو رجعت معاه ماكات صار له شيئ..كانت تستعيذ بالله وترجع تستغفر وتصلي وتدعي له،بس لما تشوفهم لسانها ينربط ودموعها تجف ويتهيأ لها إن الكل بيلومها ويتهمها ..خالد أعتذر وأضطر يرجع بعد أسبوع لجدة وهي ظلت لمدة شهر عند أهلها عالحال ذا،رغم محاولات الكل علشان يطلعوها من حالتها بدون فايدة،حتى أحلام وعبدالرحمن فشلوا في ذا الشيئ وماسمعوا صوتها غير قبل سفرها بيوم علشان تطمنهم عليها.
رجعها من الماضي صوت الباب اللي يندق بهدوء،مسحت دموعها ودخلت غسلت وجهها من أثار البكاء ،عدلت شعرها ورشت عطر علشان تهدأ وغمضت عينها للحظات قبل تضرب وجهها بكفوفها بخفه وتفتح الباب بإبتسامة/الواحد مايقدر يرتاح شوية إلا والكل فوق رأسه.
ندى بملل/طيب أيش أسوي،نونو طفشني ومو راضي يذاكر يقول يبغى ماما جوري.
جوري/ألبس وجاية وراكي.
رجعت أخذت دش ولبست برمودا أبيض لتحت الركبة وتيشيرت أصفر بكم طويل وماسك عالجسم،صلت ركعتين وطلعت للصالة اللي كلها كتب ودفاتر وأقلام.. أم خالد جالسة عالكنب وتقرأ كتاب (لاتحزن)وياسمين وقصي ونادر عالأرض ويذاكروا. طالعت في الأرض وبهدوء/ذي أغراض مين؟
رفعوا عيونهم عن اللي في يدهم والثلاثة رفعوا يدعم بشويش وهم مبتسمين بشقاوة.
طالعت فيهم بنظرة فهموها وقام كل واحد يلم اللي يخصه ويحطه جنبه،.عضت ندى أصابعها بغيض/دحين أنا من أول أقول لكم لموا أغراضكم لاتجي نادين وتقطعها ومحد أهتم..وفي ثانية أختفت كذا..
نقلت جوري نظراتها بينها وبين الأولاد وبزعل/يعني كلمتيهم وطنشوا؟
هزت ندى رأسها بأيوة وهي عاقده أيديها على صدرها، وتطالع في الأولاد بإببتسامة.
جلست جوري عالأرض جنب نادر وأخذت كتاب الرياضيات، وبهدوء/مرة ثانية خذي كتبهم وأرميها برا عند الباب من غير كلام..
صاحت ياسمين وقصي بإعتراض وسكتتهم بنظرة/أنتوا أيش تذاكروا؟
ياسمين بهمس/إنجليزي.
قصي/علوم.
هزت رأسها بتفكير وهي تردد/إنجليزي وعلوم.. ومطلعين اللي في الشنطة كلها ليه.. مو قلنا قبل كذا الكتب تطلع حسب المادة اللي نذاكرها ولما نخلص نرجع الكتاب ونطلع اللي بعده؟ ولا نرمي الكتب في الأرض و نجلس كإنا في زريبة..وبعدها نبكي لما تجي أختكم تشخمطها وتقطعها..
ياسمين بتبرير/نادر هوا اللي بدأ،أنا جيت وكتبه ف-------
سكتتها جوري بأشارة من يدها،وبحده/لا ياشيخة،ذحين صرتي تتعلمي من أخوكي الصغير بدل ما يصير العكس..ليه ما خليتيه يلم كتبه بدل ماترمي كتبك زيه..ولما كلمتكم ماما ندى ليه طنشتوها..هاا؟
سكتوا وعيونهم عالأرض،تابعت بهدوء/طيب خلصوا مذاكرتكم وبعدها يصير خير.
التفتت لنادر بإبتسامة/هاا حبيبي،أيش اللي مو فاهمه.
أشر لها على مسألة/ذي مرة صعبة.
ضحكت وطلعت ريالات من جيبها وصارت تشرح له/ذحين معاك عشرين ريال ورحت البقالة،أشتريت ليك ولكل واحد من أخوانك بريالين، بكم أشتريت،وكم يبقى معك؟
أخذ العشرين وصار يحسب بسرعة/6 لاا 7..
مسكت يده تهديه/لحظه لحظه..أحسب بشويش ليه مستعجل.
نادر بعصبية/هوا يحاسب بسرعة كذا.
طالعت فيه بإستغراب/مين هوا!
نادر بضيق/موني صاحب البقالة.
فلتت منها ضحكه/ههههههههههه،طيب أنت ذحين في البيت خلي موني في حاله ، أحسب بشويش، والريال اللي تعده تحطه على جنب يعني قول 1وحط الريال من يدك،2وحط الثاني وكذا..فهمت..على مهلك.
هز رأسه وعمل زي ما قاله له،وبإبتسامة/10
طالعت فيه /كيف 10.
عد لها الفلوس/ريالين ،وريالين، وريالين، وريالين ،وريالين.
فلتت من ياسمين ضحكة وعصب منها نادر/ياسين أسكتي.
ياسمين بحدة/ياسين في عينك..
طالعت فيها جوري/وبعدين معاكي ،مو وقتك.
رجعت لنادر بهدوء/كيف طلعت 10..مو قلت أشتري لك أنت وأخوانك.
نادر /أيووه ،أشتريت .
جوري بإبتسامة/شاطر حبيبي..طيب كم أشتريت وكم بقي من العشرين.
نادر/ أشتريت بعشرة وباقي عشرة.
جوري/ليه عشرة ،عد الباقي مزبوط وبشويش.
نادر بتأكيد/عشرة.
مسكت ندى الفلوس اللي موزعها وبعصبية/ نادر ،قصي، ياسمين،نادين..8ريال مو 10،ذي الريالين ليه ماعديتها.
أخذها منها وحطها في جيبه وبملل/ذي حق عمو مؤيد..يعني باقي عشرة.. التفت لجوري /صح ماما.
طالعت فيه وضغطت جبينها وهي ماسكة ضحكتها/ذحين أيش دخل مؤيد ،أنا قلت أنت وأخوانك ؟
نادر ببرائة/هوا لما يشوفني في البقالة يقول أشتري لي معاك أنا أخوك.
ضربت كف بكف وهي تضحك/حسبي الله على إبليسك يامؤيد.. يمه ولدك قاعد ينصب عالولد بأسم الأخوة، ولخبط شجرة العيلة ودماغ الولد.
ضحكوا على نادر اللي زعل وبالعافية رجع يذاكر..
رن جوالها وطالعت في ندى الواقفة/ ندو بالله جيبي الجوال من الشاحن..رح أبوس المتصل اللي أنقذني من الصداع ذي.
ضحكت ورمت لها الجوال وبتريقة/واوووووو،هتبوسي عمو مساعد..العجوز راح فيها..
مسكت الجوال وبحلقت فيها بخجل/قليلة أدب.
