بالمساء اجتمع الجميع بالمجلس وكان الكل موجود وريم جالسه مع الاولاد واعطت طاف لرغد ومي لانهم يوم للي اجت فيه بنات خالتهم وخالهم رفضن يلعبن معها ومن بعدها ريم ما تلعب الا مع الاولاد كانت تجلس بجانب عبود وتستمع له بحماس وهو يروي لها بطولاته الكذابيه وهي اعطته جو بالحماس للي خلاه يزيد عيار الكذب . ...

كانوا الشباب ينظروا لريم بكره وحقد وخاصة سليمان للي بنظره حطمت احلامه

الجد : اي ساعة نويتم تتطلعون لسوق عشان عيد الاضحى

سلطان ونظر لساعة يده : بعد ربع ساعه

الجد بحزم : خذوا ريم معكم واشتروا لها ملابس العيد

سلطان بطريقه حتى ما يزعل ابوه : شوف ابو سليمان ياخذها معه

فهم ابوه عليه لانه حالف يمين الطلاق التفت لام سليمان : ريم بتبقى معك واشتري لها كل شي نفسها فيه ولا تهتمي للسعر ابد مفهوم

هزت راسها ام سليمان وهي تغلي من القهر بس ما يطلع بيدها ترادد

وقفت ريم باعتراض : انا ودي اروح مع عبود ولوت بوزها

الجده بقهر : لا والله لايق عليك تتدللي اقول احمدي ربك ان نشتري لك

ريم بقوه : حقي اشتري مو على كيفك ما دام شيخ القبايل موافق اني اروح انتي ما لك علاقة

انبسط الجد على المديح وقف واتجه لريم ومسك يدها : انا وجدتك رح نروح بس ما نقدر نلف السوق رح ننتظرك بالمطعم لحد ما تكملي ابقي مع خالتك الجوهرة وانتبهي تضيعي فاهمه

لوت بوزها ريم وبدون نفس : فاهمه

سليمان بقهر يكلم نواف بهمس : على وش شايفه نفسها وتتكلم مع جدي ولا هامها احد وشد على اسنانه من القهر

الجد التفت على الجميع : يالله توكلنا على الله

وصلوا السوق وتوزعوا الجد والجده وابو سليمان جلسوا بالمطعم

وسلطان وزوجته واولاده اتجهوا للمحلات وسليمان وعمر ونواف وام سليمان وبناتها الصغار وريم اتجهوا للمحلات

كانوا يلفوا السوق وريم تدخل المحلات وما يعجبها شي وام سليمان ما خلت شتيمه وريم تتعمد تقول ما عجبها حتى تقهرها

سليمان بعصبية : قسم بالله اذا ما اخترتي الحين من هذا المحل لارميك بالزباله

ريم رفعت حاجب ونظرة تحدي : اتحداك تقدر تعملها

مسك نواف يد سليمان : طنشها بزر وتركوها وصاروا يتجولون بالمحل بعد ما اعطاها سليمان نظرة وعيد

لفت وجهها ريم : مالت عليك يالعمود

ام سليمان بنفاذ صبر : اطلعي من المحل يالله بسرعة جلسوا هم بالمطعم مرتاحين وحطوك شوكه بحلقي وطلعت من المحل وهي معصبه

دخلوا محل وقعدت تشوف ريم الفساتين وهي رافعه حاجب وبعدها اشرت على فستان

ام سليمان : باحلامك شوفي سعره يا حلوه انتي لو باعوك ما بتسوي ريال وطلبت من صاحب المحل يعطيها فستان ثاني اشرت عليه

احضره العامل ووضعه بكيس

ريم بعصبية : اقول لك ودي هذا الفستان انتي ما تفهمين ما ابغى للي اشترتيه

ام سليمان مطنشه ولا كأنها ريم تتكلم حاسبوا والتفت على ريم : يالله كملنا خلنا نروح عالمطاعم عندهم

ريم بعناد : ما ودي ما ارح اطلع من هنا الا اذا اشتريتي لي الفستان

ام سليمان : باحلامك امشي احسن لك

وريم معانده انها تطلع

سليمان وهو يحاول يتحكم باعصابه : امشي قدامي احسن ما ادفنك هنا بسرعة

ريم جلست وتربعت عالارض ونظرت بتحدي : اعلى ما بخيلك اركب

توجه سليمان ومسك يدها وجرها بقوه وبما انه ريم حجمها صغير كان سهل عليه

كانت ريم تحاول تفلت منه وتشتمه : يا حيوان والله لاشتري الفستان رجعني عالمحل ودي ذاك الفستان

كان الناس واقفه تناظرهم بالبدايه فكروه خاطفها بس لما سمعوا كلامها توقعوا انه اخوها

سليمان بعصبية : والله ما تشتريه وهذا انا حلفت

وصلوا عند طاوله الجد وقف الجد بانفعال للموقف :،وش فيه با سليمان ليه ساحب بنت عمك وكانها خروف وراك

ترك يدها سليمان يدها بقرف في هذه الاثناء وصلت ام سليمان ونواف وعمر وسلطان وزوجته واولاده مستغربين الوضع

ريم وحاولت تقاوم دموعها وما قدرت وقفت وصارت تمسح دموعها

اقترب الجد منها وسالها : وش صار ؟؟

كان سليمان مندفع وده يتكلم اشر له الجد بمعنى اسكت ووجه كلامه لريم : انا اسالك وش فيه

ريم نظرت لجدها بانكسار : اخترت فستان ورفضت خالتي تشتريه لانه غالي وقالت لي انتي لو باعوك ما بتجيبي ريال واحد وراحت اشترت لي فستان على ذوقها

وبناتها اشتروا كل شي ودهم اياه ليه انا ممنوع اشتري للي ابغاه كل هذا عشان ما عندي اب يدافع عني ما عندي امي تشتريلي

وجلست على الارض ودخلت بنوبة بكاء ....

دخل البيت المكون من طابق واحد اشتراه نايف لما سافر كان مكون من صاله متوسطة الحجم اول ما تدخل وعلى اليمين ثلاث غرف وبالوسط مطبخ وجهة اليسار غرفتين

دخل بهدوء بعد ما رد السلام وجلس بهدوء بجانب ساميا للي كانت جالسه بالصاله

ساميا بهدوء : وعليكم السلام

نايف بهدوء التفت على بناته وبابتسامه : يالله جهزوا حالكم حتى نطلع نغير جو

ساميا باعتراض: الدنيا برد اخاف البنات يبردون

وبعدين سيف نايم

نواف : لا ما يصير لهم شي لبسيهم كويس ودفيهم وسيف انا احمله بس دفيه خلهم يتونسون بكره العيد ورح نعيد هنا خلينا ننتونس ونضيع وقت

سلمى نظرت لابوها بابتسامة وبعدها وقفت : يالله يا ماما جهزينا

ساميا زفرت بضيق : بلشت تحنحن فوق راسي

نايف باستغراب : علامك متضايقة ؟؟!

ساميا بضيق : مو متصورة العيد بعيد عن اهلنا كيف رح يكون ولوت بوزها

نايف : يا بنت الحلال لا تعقديها وان شاء الله العيد الجاي رح نعيد هناك

ساميا بتذكر : صح تذكرت اخوك فيصل بكره راجع هو عيلته علشان العيد

نايف باشتياق : يالله زمان ما شفته علشان اني مسافر قرر يرجع بكره

ساميا باستغراب : مو عارفه وش عاجبه فيصل اخوك بهاذي الغربه ؟؟؟

نايف بضيق نظر لساميا بحزن: انتي تعرفين من بعد ما راح الغالي ما قدر يبقى وما يشوفه وبعدها قرر يسافر وصار ييجي بالقطاره تنهد بحزن ومسح على وجهه وعيونه مدمعه لذكرى اقرب انسان على روحه

سلمى بضجر : بابا متى نطلع ؟؟؟

نفخ نفس لعله يزول الضيق وبعدها وقف : يالله انا جاهز انتظركم قاعد

قامت ساميا بتكاسل مشيت خطوتين وبعدها التفت على نايف : صحيح كمان اختك هيفاء بكره راجعه من السفر هي وزوجها وخلص قرروا يستقرون هناك

نايف برفعة حاجب : اشوفك اليوم وكاله انباء من وين لك كل هاذي الاخبار ؟؟

ساميا بضحكه خفيفه : اتصلت اليوم مع زوجة فيصل وهي إلي قالت لي كل شي

سلمى ولينا بضجر وبصوت واحد : ماما وبعدين ودنا نروح

سلمى : خلص بالطريق خبريه

ضحك نايف وساميا على شكل سلمى ولينا

ساميا توجهة لغرفة النوم : سيف نايم علشان تحمله انا ما لي دخل

سلمى ولينا توجهوا خلف امهم حتى تجهزهم ....

كان واقف نايف ويتابع زولهن وابتسم بداخله وهو يدعي ربنا يحفظ اطفاله

جاء في باله طيف ريم هز راسه وكانه يطردها من تفكيره ......

*

*

*

*

*

طلعت من الحمام بعد ما اخذت دش بارد وتوجهت للبلكونه كان الجو فيه نسمه هواء بارده تعمدت تعمل كذا حتى تمرض ما ودها تحضر العيد

جلست على ارضيه البلكونه البارده وهي تدعي انها تمرض تكورت على نفسها وصارت تتذكر احداث المول ......

الجد جلس على مستواها ومسك راسها ورفعه وبحنيه غير معهوده بالنسبة لاحفاده : لا تبكين بدال الفستان اشتري لك 100 فستان وقربها منه ومسح دموعها وحضنها وهو يمسح على راسها

كانت ريم ما زالت شهقاتها الخفيفه تسمع

الجد بأمر وهو يلتفت لام سليمان : الحين خذي معك سليمان وتروحين تشترين لها الفستان للي اختارته ريم

ام سليمان باعتراض : بس يا عمي

ابو سليمان بعصبية : بدون بسبسه بسرعة لا تأخرونا ونظر لسليمان بحده يالله استعجل خذ امك وروح

توجهت ام سليمان تشتري وهي تشتم ريم وسليمان الشياطين تنطنط فوق راسه

ابعد الجد ريم عن حضنه وبهدوء : ارتحتي الحين

هزت ريم راسها بالموافقة وعيونها ما زالت مدمعه ولها شهقات خفيفه

وقف الجد ومسك يد ريم وجلس على طاوله فارغة بهدوء بعد ما اجلس ريم مقابلها

كانت ريم جالسه بهدوء وتمسح دموعها للي رفضت التوقف .....

*

*

*

كانوا الشباب جالسين ومقهورين عالاخير

عمر بقهر : انا ما قاهرني غير هالجوكر بتدلل مالت عليها مو لايق

بدر بحسد : شوف شوف كيف جدي يدللها وحنا دايما يبهدلنا

نواف بعقلانيه : شوفو انا ما اطيقها وخاصة بعد ما خبصت عنا

بس حرام عليك يا بدر حاسدها على حنية جدي لها لا تنسى انها باعتبار يتيمه لا اب ولا ام وحيده بالهدنيا وفوق كل هذا الاغلب ينبذها

خليها تدلل عند جدي وش عليك منهم

عمر بدون نفس : ترى حكمك للي بتنزل مرة وحده ما اطيقها

نواف هز كتافه : بكيفك تطيق وإلا ما تطيق بس هاذي الحقيقة ...

بدر : هذا سليمان رجع وقسم بالله شكله يخوف من العصبيه

نواف بنص ابتسامه : صدقت الله يكون بعونك يا ريم بالمستقبل

*

*

*

*

*

وقف الجد بعد ما شاف سليمان وامه : يالله يا ريم

قامت ريم وهي تمسك بيد جدها

تقدمت ام سليمان وبدون نفس : تفضلي يا ست ريم هذا فستانك

مسك الجد الكيس وفتحه وسأل ريم بهدوء : هذا الفستان للي تبغينه

نظرت ريم للفستان بهدوء

وبصوت مبحوح من البكاء : ايوه

رجع الجد الفستان بالكيس وبعدها نظر لاولاده واحفاده للي موزعين حالهم على الطاولات : يالله مشينا

قام سلطان بهدوء وتوجه لابوه : يبه بعدنا ما تعشينا انتظر شوي

الجد بلامبالاه : ودكم تتعشون تعشوا انا مروح ونظر لمزنه للي كانت قاعده على الطاوله يالله يا ام سلمان

قامت الجده وتوجهت بهدوء للجد

ابو سليمان : يبه خلي ريم هنا تتعشى مع البزران

الجده بنغزه : ما له داعي ترجع ريم بدون عشاء يمكن ما معكم ريالات تعشوها واعطى نظرة حاده لام سليمان وتوجه خارج المطعم برفقة ريم والجده

اما ام سليمان عرفت انه يقصدها وصارت تدعي على ريم بنفسها لانها خربت العلاقة مع عمها

ابو سليمان وهو يشد على اسنانه : عجبك الحين اتفضلي يا مدام واشر على الطاوله

جلسوا بهدوء والوضع متكهرب بينهم

ام بدر كانت تمسح دموعها من بداية الموقف وهي مقهورة على ريم

ونفسها تضرب ام سليمان كف على وجهها

اما سلطان حاس بالندم على تهوره بحلفان اليمين ............

*

*

*

*

*

في صباح يوم العيد كان برنامج الجد كالاتي صلوا الصبح وبعدها صلاة العيد وبعدها ذبحوا ووزعوا الاضاحي عالفقراء والاقارب وبعدها رجعوا للبيت

جهزوا نفسهم وجلسوا بالمجلس الكبير

كانت الجده جالسه بجانب الجد دخلوا الشباب وسلموا على جدهم وجدتهم واعمامهم وجلسوا بعد ما تحلوا وبعدها دخل البزران وسلموا على الحاضرين واخذوا عيدياتهم

كان الجو سعيد جدا وخاصة بعد ما حظر فيصل وعائلته وهيفاء واولادها

بينما كان المجلس يضج بالموجودين دخل صقر

قام الجد والجده وسلموا عليه بحراره وسلم على الموجودين وجلس وهو يشعر بسعاده

الجد : ما توقعتك تيجي وخاصة العيد الفطر ما جيت

صقر بسعاده : ما تتصور سعادتي اني حضرت العيد هنا لو بقيت هناك بموت

فيصل بابتسامه : الله يوفقك هاه يا نواف مستعد للنتايج الثانويه قربت

نواف بارتباك : ان شاء الله خير يبه

الجد بسعاده وهو يشوف. اغلب اولاده واحفاده حوله كان يشعر بالسعادة وقف وبصوت جهوري : يالله الحين موعد اذان الظهر توكلنا على الله

خرج الجد واولاده واحفاده للصلاه

اما الحريم جلسن يسولفن وبعدها قامن للصلاة

اما البزران البنات بالحديقه يلعبن والاولاد بالشوارع بقياده عبود

بعد الظهر حضرت الهنوف وكان الجميع مستانس وكان سلطان وام بدر غير موجودين لانهم من الصباح عيدوا وتوجهوا للمستشفى لانه ام بدر بالمستشفى تعبانه

دخل عبود المجلس وكان وجهه احمر من اللعب بالشمس نظر للحاضرين وبعدها سأل جدته : وين ريم ما اشوفها ؟؟

الجده : وش ودك فيها ؟؟

عبود ببراءة : اشتريت لها حلاوه وودي اعيد عليها كمان

الجد بتذكر لانه ما تعود على وجود ريم وخاصه بالاعياد : صحيح وين ريم ما شفتها حتى ما سلمت علينا

الجده بكره : الحمد لله شفت بعينك حتى ما كلفت نفسها تعيد علينا !!!

الجد بحزم التفت لعبود : نادي لي ميرفت بسرعه

طلع عبود بسرعه .....

فيصل باستغراب : مين ريم ؟؟

الجده بحقد : بنت سارة

فيصل بكره : غريبه ما حد قال لي ومن متى تعيش هنا بنت سارة ؟؟

الجده بقرف : مو مهم تعرف اخبار هالحثاله

دخلت ميرفت المجلس بهدوء : نعم بابا

الجد بحزم : وين ريم ؟؟

ميرفت : انا صبح دق باب بس ما ترد

وقف الجد وبصراخ : وليه ما قلتي من وقتها

ميرفت بخوف : ما اعرف

الجد بعصبية : خلص انقلعي من هنا

وقفت الهنوف ونظرت لابوها : لا تعصب يبه الحين اروح اشوفها

الجد بقهر : قسم بالله لتندم هالريم على تطنيشها

توجهت الهنوف خارج المجلس وسالت الخدم عن غرفة ريم وخبروها انها بغرفتها القديمة

*

*

*

*

الشباب انبسطوا سليمان بهمس للشباب : واخيرا رح نتشمت فيها الفتانه

عمر وهو يضحك : رح اصور بهدلتها علشان اضحك عليها ههههه

صقر باستغراب : علامكم ضد هالبنت ؟؟

بدر : ما تدري عن خباثتها هالفتانه

نواف : بعدين نخبرك اما الحين خلينا نشاهد هالفيلم بين جدي وريم

كان الجد معصب من حركة ريم وينتظر قدومها بفارغ الصبر

اما جهة الحريم كانت ام سليمان وهيفاء و زوجه فيصل يحشون بريم وامها ويشتمونها *

*

*

*

*

*

بعد دقايق دخلت الهنوف وهي تلهث من المشوار ولانها حامل

الجد بنظرة ناريه : وينها ما اشوفها معك يالهنوف

الهنوف بتردد وخوف : ءءء يبه طقيت الباب بس ما حد يرد والباب مسكر من الداخل

وقف الجد بذهول وقام بسرعة متوجه لغرفتها توجه خلفه ابو سليمان وفيصل وصقر والهنوف

الجده بقهر : حسبي الله عليها ودها تنكد علينا العيد مثل عيد الفطر لما نكدت علينا

هيفاء : ارموها على امها وش حاملكم تربوها

الجده بقله حيله : لو الامر بيدي كان زمان رميتها بس وش يطلع بيدي وتنهدت بقهر .......

*

*

*

*

*

طق الجد الباب بقوه : يا ريم قسم بالله لو ما تفتحين اقول لك افتحي

الهنوف بخوف : يبه يمكن البنت صار لها شي

صقر : ما في حل غير نخلع الباب

هز راسه الجد لصقر بالموافقة

بعد جهد وجهيد خلعوا الباب ودخلوا

نظر الجد بانحاء الغرفه ما لها اثر

دخلت بسرعة الهنوف للحمام بس خرجت وهي تهز راسها انها مو موجوده

التفت الجد للبلكونه للي كانت مفتوحة وبسرعة توجه لها

وانصعق لما شاف ريم نايمه على البلكونة

جلس على الارض ومسك يدها وبسرعه نفض يدها

فيصل نظر لريم وبعدها للجد : وش فيها يبه يمكن تمثل

ما فيها شي

الجد بعصبية : اسكت البنت مم

التفت الجد للبلكونه للي كانت مفتوحة وبسرعة توجه لها

وانصعق لما شاف ريم نايمه على البلكونة

جلس على الارض ومسك يدها وبسرعه نفض يدها

فيصل نظر لريم وبعدها للجد : وش فيها يبه يمكن تمثل

ما فيها شي

الجد بعصبية : اسكت البنت ممسخنه

حملها الجد بسرعه وتوجه للسرير ووضعها عليه برفق ونظر بانحاء الغرفه شاف كاس المويه على طاوله المكتب توجه بسرعة جابها وبدأ يمسح على وجهها وهو يسمي عليها

نظر الجد لصقر بحده : انت تدرس طب تعال شوف وضعها بسرعه

تقدم صقر لريم ومسك يدها وبذهول وبعدها وضع يده على جبهتها ورفع بلوزتها وحط يده على بطنها : درجة حرارتها مرتفعة اتوقع انها فوق الاربعين

ازاح يد الجد عن ريم بسرعة وحملها بسرعه وتكلم وهو متوجه للحمام : الحين احطها تحت المويه تبرد شوي درجة حرارتها وبسرعة جهزوا السياره

فيصل ببرود ظاهري : يعني حالتها تحتاج لمستشفى يا دكتور صقر قالها بتريقه

صقر وقف عند باب الحمام : اقول لك درجه حرارتها فوق الاربعين والبنت غايبه عن الوعي وبصراخ بسرعه جهز السياره وبعدها دخل للحمام

كان فيصل يناظر مكان صقر ومستغرب كيف يرفع صوته عليه نقز على صوت ابوه : تحرك تحرك بسرعة

نظر فيصل لابوه : ان شاء الله يبه وتوجه خارج الغرفة

الهنوف ودموعها على خدها : كنت مفكر نايف اخذها معه ما كنت ادري انها هنا ما حد قال لي

مسح الجد دموع الهنوف : لا تخافي يبه سخونه وان شاء الله تكون بخير

الهنوف وهي تبكي : يا رب اشفيها يا رب وجلست على السرير تدعي لريم

بعد خمس دقايق طلع صقر من الحمام وهو حامل ريم بين اديه وملابسها كلها مويه توجه خارج الغرفه ولحقه الجد بسرعه وخلفهم الهنوف ....&

&

&

&

&

دخل المجلس عبود وهو يلهث : جده جده ريم ودهم يوخذونها للمستشفى

وقفت الجده بسرعة وتوقعت زوجها طق ريم وعلشان كذا ودهم ياخذونها المستشفى اتوجهت للباب الخارجي بسرعه شافت صقر وهو حامل ريم

الجده ملامحها بهتت : وش فيه ؟؟؟

تجاوزها صقر وما رد عليها مستعجل الجده بعصبية لما شافت الجد طالع خلف صقر : خبروني وش فيه ؟ بشروني عساها ماتت

وقف الجد لثواني واعطى زوجته نظرة ناريه وتوجه لسياره فيصل وكانت الهنوف تركض ركض حتى تجاري مشيهم

تجاوزت الهنوف امها بدون ما ترد على تساؤلات امها ...........

&

&

&

&

&

&

&

&

ركبوا السياره الجد : بسرعة يا فيصل بسرعه يا ولدي

فيصل بنفسه مستغرب ليه مهتمين لبنت ساره بستين داهيه هي وامها بس ما قدر يتكلم خاف من عصبية ابوه فما كان رده إلا انه هز راسه وزاد السرعه

صقر كان خايف كثير وخاصة انه نبضها ضعيف كان حاطها بحضنه ويهز رجله بتوتر

اما الهنوف كالعاده دموعها تفسر حالها ......

*

*

*

*

*

*

جلست بالمجلس وهي معصبه الاخير : انا مزنه يحقروني وما حد يرد علي عشان هاذي الله ياخذها اخخخخخ يالقهر

بدر يزيد النار : والله يا جده ما لهم حق يحقرونك وانت شيخة الحريم وعلشان منو حقروك علشان وحده ما تسوى ريال وإلا وش رايكم يا شباب ؟؟؟

واطلع للشباب وغمز لهم بضحكه ماكره

عمر : او الله انك صادق على الاقل يقولون لك وش فيه مو يتركونك كأنك خدامه تسألينهم وما عبروك !!!

سليمان وده ينتقم من عمته الهنوف لانها دايما تلطعهم كلام : ولا تنسون ام دميعه عمتي الهنوف صايره حنونه ووجه كلامه للشباب تصدقون جدتي تسألها وهي مطنشه عالاخير والله لولا انها عمتي كان كسرت راسها

نظر نواف لجدته وشافها من العصبيه الشياطين تنطنط فوق راسها فما حب يزيد عليه وتتعب فأعطى للشباب نظرة بمعنى اختصروا

وطلع جواله ورن على صقر

الكل سكت لما شافوا نواف طلع جواله

نواف بعد عده رنات : الو

صقر : هلا

نواف : وش فيه ؟؟

تنهد صقر : ما في شي بس ريم حطوها تحت الملاحظه

نواف باستغراب : ليه وش فيها ؟؟

صقر : درجه حرارتها مرتفعة كثير وجسمها ما تحمل وعندها التهاب بالرئه يالله نواف مستعجل اكلمك بعدين وسكر الخط

نظر نواف للجوال وهو ماسكه ولوى بوزه وبعدها نظر للموجودين خبرهم بحالتها .........

&

&

&

&

بالمستشفى كانت حالتها تعبانه وطلب منهم الدكتور تتنوم بالمستشفى لحين يتحسن وضعها

بعد ما غادر الدكتور تكلمت الهنوف بحزن : انا رح ابقى عندها الليله

فيصل اعطاها نظرة حاده وبعصبيه : ناسيه يا مدام انك متزوجه وزوجك قبل ساعة اتصل علشان ترجعين وتروحين عند اهل زوجك وناسيه انك حامل وتعبك وكشر بملامحه امشي قدامي احسن ما اجرك جر

الهنوف بمعارضة : بس

الجد بحزم : انتي امشي ولا تهتمين انا بدبر امرها ما رح يضرها شي والممرضات عندها

ومسك يدها قبل ما تعارض القت الهنوف نظره على ريم كانت نايمه وتتنفس بصوت عالي شوي ووجها اصفر

وصدرها يطلع وينزل كان شكلها يكسر الخاطر

الجد بهدوء : يالله توكلنا على الله .....

*

*

*

*

*

بعد ما اغلق السماعه تنهد وهو يفكر بكلام ابوه عن ريم وعن مرضها

محتار بمشاعره المتضاربة ناحيتها لكن مشاعر الكره والحقد غالبه مشاعر الحب

رمى راسه على الكنبه وغمض عيونه وهو يتمنى يكون جنب ابوه واخوانه ويعيد عندهم.....

*

*

*

*

*

كان مجلس الرجال مليان بالرجال للي جايين يعيدو على الجد ويتحمدون بالسلامه لفيصل وعمل الجد عشاء بمناسبه زيارة فيصل لهم وما انتهت العزيمه وروحوا المعازيم إلا بعد الساعه 12 بالليل ومن التعب الجد حط راسه ونام ونسي ريم انها بالمستشفى ......

اما صقر بعد ما انتهت العزيمه توجه بسرعه مع الشباب للاستراحه للي مشتاق لها كثير ونسي ريم لانه اصلا مو متعود على وجودها ......

*

*

*

*

*

*

*

بالليل صحيت فتحت عيونها وغمضتم ورجعت فتحتهم حركت راسها يمين وشمال وهي تطالع الغرفه بوحشه ومو عارفه هي وين وخاصة اول مرة تدخل مستشفى

كانت خايفة وهي تشوف ابره المغذي بيدها صارة دموعها تنزل

دخلت الممرضة عندها شافت دموعها تنزل لوت بوزها الممرضة وبدون نفس : ليه تبكين وإلا بنت عز متعوده عالدلال

دخلت على جملتها ممرضه ثانيه تكلمت وهي تتوجه لريم : حرام عليك يا نوف البنت مريضه

ريم بتعب نقلت عيونها بين الممرضتين : وين انا ؟؟

الممرضه نوف : يمامي انتي بفندق خمس نجوم

الممرضه سوزان وهي تعمل بالمغذي:، انت بالمستشفى تعبتي والظهر جابوك اهلك هنا

الممرضة نوف : حطوك وما رجعوا بيفكرونا خدامات عندهم بيتكلموا معنا برووس خشومهم

وتوجهت خارج الغرفه عدلت الممرضه سوزان المغذي وبرقه : اذا احتجتي شي اضغطي على هذا الزر وحنا بنكون عندك اوكي

ريم بتعب وصوت مبحوح عالاخر : كم الساعة ؟؟

الممرضة وهي طالعه الساعه وحده بالليل نامي يا حلوه وبكره ان شاء الله رح تكوني بخير

وطلعت وسكرت الباب وراها بهدوء وما زالت كلمه الممرضة تتردد في اذنها حطوك وما رجعوا كان تفكر وهي تردد هاي الكلمه معقول رموها خنا وما يبونها واذا المستشفى طردوها وين تروح على دار الايتام بس نفضت هاذي الفكرة لان دار الايتام ودهم فلوس وهي ما معها ريال وصارت تفكر وين تروح تذكرت جنى بس صابها احباط هي ما تعرف بيتهم وما في مدرسة الحين حتى تقدر تشوفها عضت على شفتها السفليه ودموعها مليانه في وجهها وصارت تشهق بالخفيف وتدعي بصوت خفيف يا رب اموت وارتاح من هالدنيا يا رب اموت يا رب

قطعها صوت دخل الغرفة وما انتبهت لدخوله وهي سرحانه بفكرها : بعيد الشر عنك ليه تقولين كذا وجلس على السرير ومسح على شعرها بحنان

تفاجئت ريم بهذا الشخص وصارت تمسح دموعها بيدها الثانيه للي ما فيها مغذي ما ودها حدا يشوف دموعها

صقر بهدوء : ليه تدعين على نفسك ؟؟

ريم نظرة لصقر تذكرت نايف لانها كثير كانت تشوفه معه كرهته لانه بنظرها صديق نايف ردت بقرف : ما لك دخل وبشراسه فاهم

استغرب صقر معاملتها معه وردت فعلها فتح الكيس للي بيده اليسار وناولها بكيت بسكويت كبير وبحنيه : جبت لك هديه ومد يده حتى تتناول ريم منه

ريم حست انه ينظر لها بشفقه لانه اهلها ما حد يسأل عنها لا امها ولا ابوها حتى سلطان الحنون ما تذكرها بالعيد صارت دموعها تنزل غصب عنها

صقر بحنيه : يالله خذي هديتي

قاطعته ريم وضربت يده بعنف ووقع البسكويت على الارض واعطته نظرة كره : ما ابغى منك شي تفهم

تضايق صقر من تصرفها لكنه ما اظهر ابتسم لها : اكيد ما عجبك البسكويت وفتح الكيس وطلع منه شوكولاته اكيد رح يعجبك ومد يده يالله لا تفشليني

ريم بهدوء : مو محتاجه شفقة منك حتى لو امي وابوي رموني وما سألوا عني مو معناه انك تيجي وتجيب هداياك وتشفق علي ولفت جسمها وراسها للجهة الثانية

صقر نزل يده ورجع الشوكولاته للكيس وهو بنفسه مستغرب من عنادها

في هذه الاثناء بدت ريم تكح وكانت كحتها قويه تقرب منها صقر وجلسها على السرير : اناديلك الممرضه ؟؟

ريم من بين كحتها اشرت بيدها بمعنى لا بعد ما هديت الشوي

ريم بصوت مبحوح ومعالم صوتها رايحها : تعرف تفك هذا واشرت على المغذي ؟؟

صقر بشبح ابتسامه : ليه ودك تفكينها

ريم بتعب القت نفسها على السرير بهدوء

تقرب صقر منها ومسك يدها وفكه برفق غمضت عيونها شوي لانها شعرت بالالم وبعدها فتحت عيونها ونهضت من السرير ببطئ وتوجهت للحمام تحت اانظار صقر المراقبه لها

دخلت الممرضة الغرفه وشافت صقر لوحده بالغرفه : وين المريضة

صقر بدون ما يلتفت لها : داخل الحمام

بعدها بدقايق طلعت ريم من الحمام وشافت الممرضه واقفه تستنى لوت بوزها وتوجهت بحركة بطيئة للسرير مد صقر يده حتى يساعدها بس ريم ضمت يدها لصدرها دلاله على الرفض جلست بهدوء وعي تلهث من التعب تقدمت الممرضة منها ومسكت يدها

بتلقائيه سحبت ريم يدها وضمتها لصدرها

الممرضه : يا حلوه هاتي يدك ارجع المغذي بسرعه

ريم هزت راسها بالرفض

صقر بهدوء : ريم اعطيها يدك علشان تحط المغذي وتشفين بسرعة بإذن الله

ريم بعناد ضمت يدينها لصدرها بقوه

قام صقر وتوجه لريم ومسك يدها بقوه صارت ريم تبكي وترافس

الممرضة : ما ينفع كذا

صقر بعصبية : وبعدين معك يا ريم

ريم ببكاء : الحين توجعني ما ابغى يا رب اموت وارتاح منكم كلكم كلكم

وبعدها ارتخى جسم ريم وصارت تبلع شهقاتها

صقر عوره قلبه عليها وصار يمسح على راسها حس انها ودها تنام واشر للممرضه تطلع وصار يقرأ عليها قران بصوت شبه مسموع وبعد 10 دقايق دخلت ريم بسبات النوم وكانت وهي نايم ما زالت شهقات خفيفه

بعد ما تأكد صقر بنومها مسك يدها برفق وركب المغذي نظر لها بعد ما،ركبه عفست ملامحها لكنها بعدها ارتخت ملامحها

حط يده على جبهتها كانت درجة حرارتها شبه طبيعيه

باس راسها والقى عليها نظره اخيره وطلع لانه طيارته الساعة5 الفجر .........

*

*

*

*

*

*

*

قاعد يشرب قهوه بالصاله مع الجده وفيصل معهم

الجد براحه : الله يسهل دربه صقر ويرجع معه الشهاده للي ترفع الراس

فيصل : ان شاء الله

الجده : ربي يوفقه وين ما توجه وبعدها نظرت لفيصل علامه ولدك الكبير مقاطعنا ولا ييجي هالديره وإلا لحست عقله هاليهوديه

فيصل بابتسامة : الله يسامحك يمه انتي عارفه انه ما يقدر يترك اولاده هناك مع زوجته وخاصة انها رافضه تيجي هنا

الجده بقهر : ليه تبليه بوحده كافره هاه قولي ؟؟

فيصل مل من هالسيره دايما امه تفتحها ونفس هالاسئله ونفس الاجوبه يرد عليها : يمه لما سافرت معه علشان الدراسه خفت الولد ينحرف من هالبنات فقررت ازوجه حتى ابعده عن الحرام بس للي ما حسبت حسابه انه زوجته تحمل من اول شهرين

الجده بشوق : يالله كم مشتاق اشوف اولاده

الجد : الله يوفقه صحيح وسكت وكانه تذكر وضرب جبهته بخفه

فيصل رفع حاجب : وش فيه يبه ؟؟؟

الجد وقف : نسيت ريم بالمستشفى

الجده بلامبالاه : وانا على بالي تذكرت شي مهم

فيصل بدون نفس : اجلس يبه وش رح يصير عليها خليها هناك يهتمون بها ولما تتحسن رح يتصلون فينا وقتها نروح نجيبها

دخل ابو سليمان بعد ما استأذن قبل ما يدخل وسلم على الموجودين وجلس وهو يناظر ابوه : يبه اجلس في كلام لازم اخبرك فيه بالنسبه للفرع للي ودنا نفتحه بالخارج

جلس الجد باهتمام ونسي موضوع ريم ابتسم فيصل للجده بارتياح انه الجد نسي الموضوع .....

انشعل الجد مع ابو سليمان وهم يتناقشون لوقت اذان الظهر وبعدها توجهوا للمكتب وهم منشغلين بالمشروع الجديد ......

*

*

*

*

*

وهم بالمكتب بعد العصر رن جوال الجد رد وهو مشغول : الو

الهنوف : كيفك يبه ؟؟

الجد وهو مشغول بالاوراق : الحمد لله بخير

الهنوف بهدوء : بغيت اسالك عن ريم كيفها الحين ؟؟

الجد تذكر ريم : بخير يبه ما فيها الا العافيه يالله ودك شي مشغول الحين واقفل الخط وتنهد وفتح سجل المكالمات وشاف عنده عده مكالمات لم يرد عليها ومن ضمنها رقم المستشفى

ابو سليمان باهتمام : مين عالجوال يبه ؟؟

الجد رتب الاوراق قدامه بعد ما وضع الجوال بالجيب وبعدها وقف : الهنوف تسأل عن ريم

ابو سليمان : هي بعدها بالمستشفى ؟؟

الجد بلوم : الله يسامحك كله بسببك كنت الصبح ناوي اروح المستشفى بس انت اشغلتني بالمشروع والحين كمل الباقي انت وانا طالع للمستشفى

وتوجه خارج المكتب بدون ما ينتظر رد من ابنه ابو سليمان ........&

&

&

&

&

&

&

&

دخلت البيت وهي تتنفس بصعوبه شافت بالصاله فيصل وزوجته والجده جالسين ومستانسين

الجده متفاجئة : ريم انت جيتي من جابك ؟؟

نظرت ريم لجدتها من فوق لتحت وصوتها مبحوح وعلامات التعب واضحة على وجهها وبأمر: ارسلي حد يحاسب التاكسي واقف ينتظر عند البوابه

شهقت الجده وحطت يدها على صدرها : جاييه مع التاكسي لوحدك ؟؟

ريم بقرف وهي تأشر عل جدتها : اذا كنت تفكري يا عجوز النار ترميني بالمستشفى علشان تتخلصوا مني حامض على بوزكم رح ابقى شوكه بحلوقكم واشرت على حلقها

وبسرعة التاكسي ينتظر تحت وتوجهت للدرج ركبت اول درجتين بس في يد مسكتها بعنف ولفتها لجهتها

: اشوف لسانك اطول منك يا بنت ساره ورفع يده يضربها بس وقفه الصوت للي هز البيت : فيصل

تقدم الجد وسحب ريم من يد فيصل وبتهديد لفيصل : وقسم بالله لو شفت يدك تمدها على ريم اقصها لك وبصراخ فاهم

وبأمر : روح حاسب التاكسي بسرعه

ونظر لريم ومسك يدها برفق : يالله يا بنتي تعالي ارتاحي بغرفتك

نظرت ريم لجدها وهي تحاول ما تبين ضعفها هزت راسها وتوجهت مع الجد لغرفتها .....

فيصل بقهر طلع خارج البيت

الجده بقله حيله : حسبي الله عليك يا بنت سارة ورجعت جلست مكانها بالصاله وزوجة فيصل تعبي راسها ......

&

&

&

&

&

جلسها الجد على السرير وبعدها ناولها كأس المويه بعد ما شربت ريم تناول الكاس وارجعه مكانه وبحنيه : الحمد لله على سلامتك ماتشوفين شر

ريم بصوت مبحوح : الله يسلمك وبعدها نزلت راسها

جلس الجد بجانبها ورفع راسها بيده وبحنيه : مين قال لك انه حنا رميناك بالمستشفى علشان نخلص منك ؟؟؟

ريم وهي تطالع جدها وببراءه : سمعت الممرضه قالت رموها هني وما حد طل عليها

تنهد الجد ونظر لعيونها المليئه دموع : البارحه جانا ضيوف وما قدرت اجي واليوم من الصبح انشغلت بالمشروع وبعدين انا حطيت لك ممرضتين يهتمون بك وكنت طالع للمستشفى بس تفاجئت بوجودك واسألي عمك سلمان اذا ما صدقتيني

مسحت ريم دمعه عن خدها نزلت غصب عنها :،صدقتك ما له داعي اسأل

الجد باس رايها : طيب الحين المستشفى خرجوك ؟؟

ريم ببراءة : لا انا هربت واجيت مع تاكسي قلت له وصلني بيت سليمان ........

ضحك الجد : حافظه اسمي كامل وبعدها تغيرت ملامحه للجديه اسمعيني زين هذا الموقف ما ودي يتكرر تطلعين مع تاكسي وياما اطفال سرقوهم اصحاب التاكسي فانتبهي مرة ثانية وبعدين هذا بيتك وافكارك الغريبه شيليها من راسك مفهوم

ريم : مفهوم

وقف الجد : والحين نامي وارتاحي علشان لما تصحي تتعشين

خرج الجد وهو يتوعد المستشفى بإهمالهم ................

*

*

*

*

*

*

على طاوله العشاء سأل الجد ميرفت : طلعتي اكل لريم بغرفتها

ميرفت : نعم بابا

الجده بقهر : انا نفسي اعرف ليه مهتم فيها هالكثر

الجد بجديه : اكلي وبدون فلسفه وبعدها نظر لفيصل متى نويت ان شاء الله على السفر

فيصل وبعده زعلان من صراخ ابوه عليه وكانه طفل : بكره الفجر الساعه 5.30 ان شاء،الله

الجد : الله يسهل طريقك انت والعيال وبعدها نظر لنواف وانت ودك تسافر وإلا رح تبقى هنا

نواف براحه : لا هنا يا جدي

فيصل بمحاوله اقناع : تعال يا ولدي وادرس هناك افضل لك من هنا

سديم عمرها تقريبا 13 سنه : يا اهبل تعال معنا علشان يخطب لك ابوي هناك

نواف بتفكير : اذا فيها زواج خلص اروح معكم

فيصل بنفي : لا لا تحلم من بعد خالد مستحيل ازوجك من هناك وبعدها تحمل مرتك وتجيب توام مثل اولاد خالد لا لا توبه

نواف بلامبالاه : شايفين انتم ما ودكم إياني اروح معكم

الجد بجديه : اقول كمل عشاك بلا كثرة حكي

لوى بوزه نواف لانه جدهم لازم يفشلهم : حاااضر

سديم ترفع حواجبها لنواف : تم قصف الجبهة بنجاح

انقهر نواف وقام عن الاكل : الحمد لله اشبعت

*

*

*

*

*

*

سافر فيصل وزوجته واولاده وسلطان رجع هو وام بدر بعد ما تطمنوا على خالته وبطريقهم جابوا الاولاد للي ناموا عند اهل ام بدر

ريم تحسنت حالتها مع الايام وكان الجد يوميا يزورها بالغرفه ويطمئن عليها وهذا اكثر شي قاهر الجده

وامضت ريم العطله الصيفيه نغس البرنامج متابعة افلام الكرتون وتلعب بلايستيشن وبعد العصر كوره مع الاولاد .......

انتهت العطله الصيفيه وبكره دوام المدارس

نزلت ريم وهي تزحلق على الدرابزين لما قربت توصل لاخر الدرج نطت وبعدها وقفت وغمزة لجدها وجدتها : كيف هاذي الحركه

الجد يمثل العصبيه : ودي اكسر رجلينك على هذي الحركه كم مرة نبهتك اتركي عنك حركات القرود

ريم تنظر للجد بنص عين : انا الحين قرده وبعدها كملت ما هقيتها منك يالشايب

الجد وقف : الحين اراويك من الشايب ركضت ريم لجهة الباب وشافت نواف داخل ركضت لجهته وتخبت وراه وهي تضحك

نواف : ابعدي عني يالفتانه

وقف الجد وبامر : نواف جيب لي هالملسونه خلني اوريها من الشايب

نواف وكانه ينتظر هالفرصه : ما طلبت شي يالغالي ويمسك ريم للي متخبيه وراه ويجرها وريم تضحك وتصارخ علشان يفلتها

مسكها الجد من اذنها : مين الشايب ؟؟

ريم وهي تضحك : خلص توبه توبه ما اعيدها

الجد بابتسامة : يالكذوب دايما تقوليين توبه وترجعين وتعيديها بس يالله هاذي المره سماح ترك اذنها بسرعة يا ريم جهزي نفسك علشان نروح عالسوق

ريم رفعت حاجب : ليه السوق ؟

الجده بكره : علشان تشتري اغراض المدرسه يالفالحه

ريم نظرت لجدها : دقيقه واكون عندك وصعدت الدرج مثل البرق .....

نظر الجد للجده وبضحكه : حفيدتك هاذي عقلها فاصل

الجده : لا تقول حفيدتي واشاحت بوجهها

نواف كان يناظر مستغرب معامله جده لريم تختلف عن معاملته لهم صحيح انه يحبهم بس ما وصل لهاذي الدرجه بالتدليل لوى بوزه وطلع خارج البيت متضايق

الجد باستغراب،: علامه حفيدك هذا الثاني ؟؟؟

الجده بدون نفس : وانا وش عرفني

قاطعتهم ريم وهي نازله تزحلق عالدرابزين : يالله انا جيت

نظر لها الجد بقله حيله : عمرك ما تتوبين الا اذا تكسرتي من ورى هالزفت

نطت عالارض ووقفت عند الجد وضربت على صدرها : ما تخاف انا طرزان

وقفت الجده بتكاسل : مالت عليك وعلى طرزان

ريم بجديه نظرت لجدها : انا انصحك تتزوج عليها شوفها صايره عجوز ويالله تقدر تمشي

نظر الجد للجده وصر عيونه وهو يناظرها : كذا رايك يا ريم ؟

توجهت الجده للريم وبسرعة ومسكتها من اذنها : وقسم بالله اذانك هذول اقطعهم

ريم بضحكه : امزح معك امزح امزح اتركيني

شال الجد يد الجده عن اذن ريم : علامك البنت تمزح معك اصلا انتي شيخة الحريم ومسك يدها وتوجهوا خارج البيت وريم تمسح اذنها من الوجع ...........

في صباح جديد صحيت ريم على صوت الخدامه : يالله انت مدرسه دوم

انزعجت ريم من صوتها وعفست ملامحها بإنزعاج وبعدها فتحت عيونها وتذكرت المدرسة والاغراض للي اشترتها البارحة للمدرسه وقفت على حيلها بسرعه وهي متحمسه للمدرسه وتوجهت للحمام

كانت الخادمه تناظرها وعلامه الاستغراب على وجهها

*

*

*

*

كان الجد جالس وجنبه عاليمين الجده وبالجهة اليسرى نواف

الجده باستفسار وهي تشرب القهوة : خلص عزمت وما انت مغير قرارك

فتح نواف اذانه حتى يعرف وش هو القرار

الجدم بإصرار : تعرفين يا مزنه انا من زمان اخطط لهذا المشروع وافتحه بالخارج والحين جاتني الفرصه ماني بمضيعها

الجده نظرة للجد بتحقيق : ومن يشرف عليه هناك ؟؟!!

الجد نظر للجده بلوم : وانا ماني معبي عينك ؟؟

الجده اعترضت بضيق : وين ودك تروح هناك وتتركني هنا ؟؟

الجد بابتسامة : وش رايك ترافقيني ؟؟

الجده باعتراض : انا من ديرتي ما اطلع وبعدين نسيت العله للي فوق وين تروح فيها ؟؟ .

الجد باستسلام : على راحتك وبعدين ريم تروح معنا سكت لثواني وبعدها كمل انا رح اشرف عليه وارجع هنا واذا احتاجوني هناك اسافر وبعدين سلطان و سلمان هنا ماهو بناقصك شي بس لو تشيلي هالعناد من راسك وترضين تسافرين معي

كانت الجده ودها ترد بس قاطعها دخول ريم توجهت ريم وسحبت كرسي وجلست مقابل نواف بعد ما ردت السلام بصوت واطي

الجده بهجوم شرس وهي تناظر ريم : انت متى تتعلمين الاداب وتسلمين مثل الناس والعالم

الجد ناظر الجده : ما عليك منها وبعدها ناظر ريم يالله بسرعه افطري علشان ما تتأخرين عن المدرسه

ريم بهمس : ان شاء الله

استغرب الجد الهدوء النازل على ريم بس طنش والتفت على نواف : متى رايح تعمل اجراءات الجامعه ؟؟

نواف وهو يشرب الشاهي : انتظر سليمان اتفقنا نطلع من هنا على الساعه 8.00

الجد بارتياح : الله يوفقكم وبعدها ناظر ريم : يالله يا ريم عجلي وكملي الحليب بسرعة

ريم لوت بوزها : ما ابغى حليب ابغى شاهي

الجد بحزم : اشربي حليب افيد لك

ريم اشرت على نواف بقهر : ليه هذا يشرب شاهي وانا لا وبدلع غير مقصود يالله خليه يشرب حليب

نواف بنظرة احتقار لريم : اقول طيري ما بقى غيرك يعلمني وش اشرب يالبزر

الجد بحكمه : ريم انت بعدك صغيره لازم تشربين حليب علشان تكبري بسرعه اما نواف كبير لما تصيرين كبيره مثله انا بنفسي احط لك شاهي اتفقنا

ريم بدون نفس : اتفقنا وبعدها وقفت

الجد باهتمام : تعالي عندي هنا

تقدمت ريم من جدها مسك يدها وفتح كفها : خذي هذا مصروفك والحين عجلي عالمدرسه

ريم ترددت تاخذ بالبدايه بس بعدها تذكرت انهم اهلها وغصب عنهم لازم يصرفون عليها ردت على جدها : ان شاء الله

وتوجهت للمدرسه

بعد ما طلعت ريم الجده تلعب براس الجد : شفت قليله الحيا حتى كلمه شكر ما قالتها ولا سلمت مثل احفادنا اي اذا سامي اصغر منها بس تلاقيه اول ما يشوفك يسلم عليك ويبوس راسك مو مثل العله هاذي

الجد بهدوء : يا مزنه البنت تحتاج تربيه من اول وجديد وانا قاعد اعلمها الصح من الخطأ بالتدريج بدون ما تحس بس تحتاج وقت وإن شاء الله خير

لوت بوزها الجده مو عاجبها

اما نواف المستمع للي حصل خبر يسوى مليون علشان يخبر شلته ..........

*

*

*

*

كانت ريم بالصف وتعرفت على بنات صفها كونها انتقلت للصف الرابع وما ظلت مع صديقاتها بالصف الثالث

بالبداية شعرت بالرهبه والخوف لانها جديده بالصف بس تأقلمت بسرعة بس كانت منزعجه لانها دورت على جنى بس للاسف خبرتها بيان انه جنى رحلت مع اهلها ..........

*

*

*

بعد الغداء صعدت ريم لغرفتها بعد ما تناولت الغداء لوحدها لانه جدها بالشركة وجدتها عند عمها ابو سليمان

فتحت التي في وجلست على الرسوم المتحركه وهي تتذكر صديقاتها بالمدرسة وخاصه الجوري للي عوضتها عن فقدان جنى ......

صحيت ريم وجدت نفسها نايمه عالارض قدام التي في عرفت انها نامت بدون ما تدري عن نفسها قامت وهي تثاوب وتوجهت للبلكونه شافت انه الوقت بعد بعد العصر تذكرت اللعب وبسرعه طلعت من غرفتها شافت ميرفت نادتها وهي متحمسه

ميرفت : نعم

ريم قربت منها : تعرفين رقم بيت عمي سلطان

ميرفت : روح هناك في اسماء دليل

توجهت للهاتف الارضي بسرعة وهي تتلفت حولها رفعت السماعه بعدها رجعتها وقعدت تبحث عن اسم عمها سلطان

بعد جهد لقته مسجل باسم سلطان ابو بدر صارت تضرب الارقام ببطئ لانها مو متعودة عليه

بعد ما كملت حطت السماعه على اذنها

سامي : نعم

ريم بصوت منخفض : نادي لي عبود بسرعة

*

*

*

*

جلس عبود بالصاله الخارجيه عند امه وقرفان حاله من الدوام والواجبات

ام بدر : من امرك تطلع من غرفتك ارجع كمل دراسه بسرعة انت الحين بالصف الرابع ولازم تشد حيلك وتجيب علامه ترفع الراس

عبود بقهر مكبوت : يمه ارحميني كله دراسة دراسه دراسة اليوم اول يوم بالمدرسه ما اخذنا شي

ام بدر بدون اهتمام : حتى لو ما اخذتم شي حضر للدروس الجايه لعب السنوات الماضية والعطلة الصيفية انساه فاهم واعطته نظرة حازمه

وقفت ام بدر اذا رجعت وبعدك هنا انا رح اتصل بابوك وهي يتفاهم معك وسحبت نفسها وتوجهت للصاله الداخليه

عبود ودموعه على وشك النزول من القهر دخل سامي الصاله وهو طفشان رن الهاتف الارضي ركض سامي ورد بغرور يقلد ريان : نعم ..........عبود موجود ........بس مين انتي ؟؟

عبود لما سمع سامي بسرعه توجه له وسحب السماعه وباستغراب : الو .........مين انتي .......وش فيه .......امي مو راضيه اطلع ..........كيف ادبرها ........خلص دقايق واكون عندك ........طيب رح اجيب سامي وحموده .........لا لا دحوم مو هنا راح مع عمتي هيفاء .........سلام

سامي بتحقيق : مين هاذي البنت ؟؟

عبود : ما يخصك فاهم

سامي بخبث : الحين رح اقول لامي في بنت تتكلم مع عبود بالجوال

ومشى سامي خطوتين مسكه عبود بسرعه من بلوزته الخلفيه ولف وجه لجهته وبهمس : يا غبي هاذي ريم تبغانا نلعب معها وبدون نفس يالله وراي

سامي بتردد : وامي ؟؟

عبود بلامبالاه : ما عليك بس تعال ما رح تعرف

وبسرعة هربوا من البيت باتجاه بيت جدهم

*

*

*

*

*

*

نزلت الدرج تزحلق على الدرابزين لحسن حظها جدها ما كان موجود وبسرعة وهي مبسوطة توجهت للحديقه الخلفيه

وبعد دقايق حضر عبود وسامي وحموده وقسموا حالهم فريقين .........

جالسين بالحديقه بمكانهم المعتاد وعيونهم على الاولاد وخاصة ريم

نواف بابتسامه خبيثه : صحيح شباب قرب الانتقام

بدر بغباء : اي انتقام ؟؟

نواف اشر على ريم

سليمان بقله حيله : كيف ننتقم منها وجدي جالس دفاع عنها يا فهيم !!!

نواف بفرحه : يا خبل جدي نوى يفتح مشروعه بالخارج ورح يشرف عليه بنفسه

عمر : طيب وين الموضو سكت وبعدها فهم على نواف والله انك داهيه وقام وباس نواف على راسه

بدر وهو يناظر الشباب : يا جماعة فهموني وش قصدكم

سليمان : يا غبي جدي حيكون مسافر يعني نقدر ننتقم من ريم وما في حد يدافع عنها وبعدها التفت للشباب ترى بنختار الوقت للي يكون عمي سلطان وابوي بالشركه .........

بدر استوعب وبعدها التفت على نواف : يا داهيه ههههه

*

*

*

*

*

*

مرت ايام الاسبوع بسرعة خلال الاسبوع كانت ريم مبسوطه بالمدرسه ونفس الروتين حياتها نوم وتي في ولعب وتضايقت ام بدر وام سليمان من ريم لانها تلهي الاولاد عن الدراسه ولكن ريم تسمع من هنا وتطنش وكأنها ساحره الاولاد اتفقت معهم وقت اللعب ترن على عبود وعبود بعدها يجمع الاولاد

اليوم الخميس سافر الجد البارحه بالليل وبما انه عطله قررت ريم تطلع من غرفتها

نزلت وتوجهت للصاله الداخليه ولقت جدتها جالسه لوحدها توجهت لجدتها وجلست جنبها بهدوء

الجده بدون نفس : ليه ما انطقيتي بغرفتك وإلا جايه تغثيني ؟؟

ريم ببراءة : انا

الجده بكره : فنى للي يفنيك ويريحني منك قومي من هنا لا بارك الله فيك

دخلت المجلس رغد وهي تركض وتضحك .

الجده بابتسامة : هلا رغوده تعالي يا بنتي اجلسي هنا واشرت مكان ريم

وتكلمت وهي تناظر ريم بكره : قومي من هنا لا بارك الله فيك

وقفت ريم وبلعت غصتها ليه تعاملها بالجفا وتوجهت خارج المجلس بهدوء

استغربت الجده من ريم انها ما ردت عليها هزت كتفها وبعدها صارت تسأل رغد عن امها وابوها .......

*

*

*

*

جلست بالحديقه متضايقة وحاسه بالوحده تنهدت واخذت نفس يمكن ترتاح لكنها نقزت لما حست بحد مسك يدها

نظرت خلفها شافت سليمان يبتسم ابتسامه شريره : نقزتي لا تخافين وسحبها من يدها ووقفها وبعدها مسك يدينها وخلاهم ورى ظهرها وكتفها

وبعدها التفت للشباب : يالله نبلش

نواف : بالبداية رح تتعاقبين على المويه للي رشتيها علينا

وبعدها اشر لعمر جاب عمر الحبل وربطوا يدينها من الخلف وجلسوها على الارض

وبعدها تقدم بدر ومعه دلو مويه كبير

اشر له نواف مسك بد الدلو وفرغه فوق راس ريم كانت المويه بارده حيييل

شهقت ريم اول ما حست بالمويه ضحكوا الشباب عليها

وبعدها تقدم عمر بدلو مويه وفرغه فوق راسها شهقت للمره الثانيه وصارت ترجف لانه المويه بارده

بعدها تقدم سليمان ومسك الدلو وفرغه فوق راسها

كانت ريم منزله راسها وشفايفها يرجفوا من البرد

وبعدها تقدم نواف ومسك دلو وفرغه فوق راسها اختلطت دموعها بالمويه للي غرقتها كانت تشعر بالضعف ينقصها السند للي يوقفهم عند حدهم تذكرت ابوها وزادت دموعها بالنزول وين تركها هنا ليه ما اخذها حتى يوم العيد ما اتصل فيها ولا تطمن عليها تركها بمكان منبوذه فيه حتى ام بدر صرخت عليها الاسبوع الماضي وطلبت منها تبعد عن اولادها وعمها سلطان ما عاد يسال عنها وحتى جدها سافر ما في حد تشكيله ضعفها وحزنها

كانت غارقه بانكسارها وهي تسمع الشباب يضحكون عليها قطع افكارها صوت عبود وهي ينادي على الشباب وصل لعندهم وهو يلهث بتعب من الركض : شباب ابوي وعمي سلمان رجعوا

تقدم منها نواف وجلس على الارض وفك الحبل وبتهديد : هاذي مجرد قرصة اذن ويا ويلك مرة ثانيه تيجي صوبنا

وبعدها وقف يالله شباب لا تنسون الاغراض ويالله بسرعه عالملحق

عبود : وقف وقف انا ما اشتغل معكم مجانا وين اجرتي ؟؟

توجهوا الشباب للملحق وتكلم سليمان وهو يمشي : تعال للملحق خذ الفلوس علشان تشتري حلاوه

حست ريم بشي تكسر بداخلها عبود باعها مقابل حلاوه كرهت عبود وكرهت اهلها كلهم غمضت عيونها بألم وبعدها فتحتهم مسحت دموعها ووقفت كان حالها يكسر الخاطر شعرها مبلول وملابسها كمان كانت مبلوله شفتيها يرجفن من البرد توجهت للداخل التقت بعمها سلطان وعمها سلمان عند الباب الرئيسي

نظرت لعمها سلطان نظره عجز يفسر معناها هل هي نظره انكسار او لوم

وبعدها توجهت لغرفتها بدون ما تعبر جدتها للي كانت تناديها

دخل سلطان وسلمان

الجده بقهر : قليله الحيا اناديها ولا ردت علي وبعدها نظرت بتساؤل لسلطان : علامها كذا ملابسها كلها مويه انا ناقصها بعد تمرض وابتلش فيها من مستشفى لمستشفى

سلمان : يمه اذا ودك جالسة على هاذي السيره خلني ارجع للبيت

الجده بقهر : خلص تعال نجلس هنا بالصاله ونشرب قهوه راسي وده ينفجر

سلطان بخوف : سلامتك يمه بعيد عنك الشر ومسك يدها وتوجهوا للصاله .....

كانت ريم واقفه اخر الدرج ودموعها تنزل ما في احد يهتم فيها ويداريها او يسال عنها ضايقها كلام جدتها وحز بخاطرها بس حزنها ما يغير شي مسحت دموعها وتوجهت لغرفتها .......

*

*

*

*

*

في مكان اخر

بابتسامه : طال عمرك كل شي جاهز بس ننتظر اشاره منك

ضحك بخبث : ههههه ايام يا ابو سلمان وسمعتك على كل لسان هههههههههه

*

*

*

يتبع .....

كانت ريم واقفه اخر الدرج ودموعها تنزل ما في احد يهتم فيها ويداريها او يسال عنها ضايقها كلام جدتها وحز بخاطرها بس حزنها ما يغير شي مسحت دموعها وتوجهت لغرفتها ....

*

*

*

جلس سلطان جنب امه وبهدوء تكلم وهو يناظر امه : يمه طلبتك لا تقسين على هالضعيفه يكفي انها محرومه تعيش بجو اسره محرومه من امها محرومه من ابوها ما ذاقت طعم الحنان حياتها مشرده هذا يرميها هنا وهذا يرميها هنا

سكت لثواني وفي عيونه بريق دمع ومسك يد امه وبرجى يمه تكفيين عوضيها عن الفقدان للي شافته بحياتها

تنهد سلطان بحزن وهو يناظر امه

الجده بعدم اقتناع : بلاك ما تعرفها هاذي الملسونه ما تحترم لا كبير ولا صغير

سلطان بيأس انه يلين قلب امه على ريم : ما الومها دام نايف ابوها وانت جدتها

الجده بنظره حازمه لسلطان : وش تقصد بكلامك

دخل عبود الصاله وحامل بيده حلاوه وهو يلهث : وين ريم ؟؟؟

نظر الموجودين له باستغراب

سلطان بتحقيق : ليه تبغى ريم ؟؟

عبود بحماس : ودي اعطيها حلاوه وتكلم بعجله وهو يحرك يده يالله وينها ؟؟؟

سلطان بنظره شك : من وين جبت الفلوس ؟؟

نظر عبود لابوه وببراءه : الشباب اعطوني اياهم

الجده : ماني خابره الشباب كريمين وش المقابل حتى يعطونك ؟؟

عبود ببراءة : لانهم ودهم ينتقمون من ريم قالوا لي اجلس عند البوابه اراقب لما تيجي انت وعمي سلمان اروح اخبرهم

ظهرت علامات العصبيه على وجه سلطان : ينتقمون منها ليه ؟ عبود بسرعه قول وش عملوا فيها ؟؟

عبود لما شاف عصبيه ابوه تندم انه قال وبخوف : امزح معك يبه ما عملوا شي يالله سلااام

ولوح بيده للموجودين ولف ظهره متجه للباب بس وقفته صرخت ابوه : عبود تعال هنا وعيونه تتطاير منها الشرار

بلع عبود ريقه وشتم نفسه ميه مره لف نفسه واتجه لعند سلطان للي كان جالس بصدر المجلس بس عبود جعل مسافة بينه وبين ابوه خاف انه يتأزم الموضوع علشان تكون فرصة للهرب

سلطان بحزم وهو يناظر عبود : تكلم بسرعه وبدون لف ودوران وإلا قسم لتشوف شي ما يعجبك

الجده بقهر : علامك عالولد شوف كيف وجه اصفر من الخوف والله اعلم يمكن عملها على نفسه

ضحك ابو سليمان بخفيف على كلام امه وبعدها نظر لعبود للي وجه كان اصفر من الخوف

سلطان ناظر امه وباحترام : يمه الله يرضى عليك خليني اتفاهم معه

وبعدها التفت على عبود وهو يكتم عصبيته : تكلم بسرعة

عبود بخوف : انا ما لي دخل قالوا لي اراقبكم ولما جيتم رحت انبهم لقيتهم مربطين إيدين ريم بحبله ومجلسينها على الارض وكل واحد يفرغ دلو مويه عليها

سكت سلطان لثواني وتذكر شكل ريم لما دخلوا هو ظنها كانت تسبح بالمسبح

وقف بعصبيه وهو يغلي من الداخل على الشباب

وقفه صوت ابو سليمان للي كانت العصبيه ظاهره من عيونه : خليك انت لا تنسى يمين الطلاق وانا اتفاهم معهم

توجه ابو سليمان من الصاله وهو يتوعد بالشباب ......

بحث بنظره سلطان على عبود حتى يعاقبه لكنه اختفى عض على شفايفه بقهر

الجده : يمه لا تضايق نفسك علشان الملسوونه خلها تستاهل ما جاها ماحد عارف قدرها بالبيت غير هالشباب خلهم يربونها

سلطان وهو يكتم غضبه احترام لامه : يمه الله يسلمك لا تقهريني بكلامك هذا

والله حراااام طفله

اخذ نفس وغمض عيونه لعله يرتاح وهو يتذكر نظرات ريم له قبل ما تدخل

اخخخخ وعض على شفته بقهر وهو يكلم نفسه ويردد قهروها وذلوها المسكينه .......

كانت الجده ساكته وهي تناظره وماسكه نفسها انها تتكلم حتى لا تقهر سلطان وتضايقه بكلامها .......

*

*

*

*

كانت جالسة على السرير والتي في شغال بس ما كانت معه كانت سرحانه وتشعر بالحزن ومضايقها كثير عبود ومو قادره تستوعب كيف باعها علشان حلاوه

نزلت دمعه من عيونها مسحتها بسرعه لما شافت الباب انفتح

استغربت وجوده وليه جاي هنا

تقدم منها وببراءه مد يده للي كان فيها حلاوه : ريم خذي اشتريت حلاوه لك

نظرت ريم لعبود للي كان يبتسم لها وبعدها هزت راسها للجهة الثانيه انها زعلانه منه تكلمت وهي صاده عنه : انا زعلانه منك ليه تركتهم يعملون كذا وما دافعت عني !!

عبود بصدق : انا وافقت علشان اخذ الفلوس واشتري لك حلاوه وبعدين انا خبرت ابوي عنهم وعمي سلمان راح يضربهم ويمسح فيهم الارض

وبابتسامه يالله خذي الحلاوه

اخذت ريم منه الحلاوه وصارت توكل وما زالت الدموع بعينيها وجلس امامها عبود على الارض وتربع وصار يتكلم لها عن قصص و بطولاته الكذابيه وريم متحمسه معه وتضحك على بعض المواقف وكأن شيئا لم يحدث ....

هكذا هم الاطفال دائما رغم الشجار الذي يحصل بينهم وقد يصل إلى الضرب لكنهم سرعان ما يعودون للعب مع بعضهم وكأن شيئا لم يحدث ......

واحيانا يوجد شخص يريد ان يسعدك ويقدم لك ما يسعدك لكنه احيانا يسلك طريقا خاطئا في اسعادك وهذا الطريق سبب لك ضررا لكن هو تصرف بحسن نيه لكنه دون ان يدرك العواقب .....فلندع فرصه للغير في تبرير مواقفهم ...........

كان ابو سليمان يناظر عبود وريم من شق الباب المفتوح ويرى السعاده على وجه ريم ارتاح بعد ما رأى ابتسامتها وابتسم على براءه عبود وريم وطفولتهما البريئه .....

كان يريد الدخول لكنه للحظه قبل ما يطرق الباب قرر تركهم على راحتهم مستانسين .....

وهو نازل الدرج تذكر نايف وغيرته وقف عالدرج محتار شاف ميرفت صاعده الدرج فقرر احترام لاخوه نايف طلب من الخادمه تنادي عبود بسرعه عالصاله بعدها نزل بهدوء متوجه للصاله ........

*

*

*

*

*

ام بدر باصرار : الله يوفقك قوم خلني اروح اشوف ريم

سلطان بهدوء : الساعه 11 وين تطلعين الحين بكره الصبح روحي عندها اما الحين لا

ام بدر بقهر : انا نفسي افهم يعني هم بزران يحطون عقلهم ببزر اخخخ هالبدر قسم بالله لو يموت ما لساني يناطق لساني شهر كامل .بقهر كذا يعمل ببنت عمه وفركت يدينها ببعض نفسي اخنقهم وقسم بالله يقهرون

سلطان : هدي لا تخافين اخذوا عقاب مرتب من سلمان ونظر لها بدون دموع وبابتسامه يخفف الجو مزوجيني ام دميعه وحساسه كثير

ام بدر تمسح دموعها : لا تلومني هاذي البنت غلاتها اكثر من اولادي وما اطيق حد يصرخ عليها او يضربها .....

سلطان بنص عين : بس انت يطلع لك ؟؟

ام بدر وتذكرت قبل ايام لما تكلمت معها بحزم وكم صرخه تنهدت بندم : قسم بالله اعتبرها بنتي وما ارضى عليها انا ابغى تكون من الاوائل وخاصه وضعها لازم تهتم بمستقبلها وعلمها هو سلاحها وبعدين شوف كيف وجها احترق من الشمس ما تفرقها عن الاولاد

ونظرت لسلطان ما ودي تلعب مع الاولاد وتاخذ طباعهم هي بنت ولازم تلعب مع البنات .....فهمت يا سلطان ليه كلمتها كذا انا ابغى مصلحتها وكنت معها حازمه حتى تعرف انه الامر جدي وما امزح معها ....

تنهد سلطان : الله يعين وابنك الملسون وين راح ؟؟

ام بدر بابتسامة وما زالت عيونها تلمع من الدموع : نام زمااان قبل لا تيجي .....

سلطان بهدوء: ربي رحمه وإلا لو مسكته بالصاله الله اعلم وش يكون وضعه .........

ام بدر : الله يهديهم

سلطان : آ مييين

*

*

*

*

في صباح اليوم الثاني وكان يوم الجمعه جلست على طاوله الافطار الجده وابو سليمان وريم رفضت تنزل بحجة النوم ...

ابو سليمان : ما قال لك ابوي متى راجع ؟؟

الجده بهدوء : ما حدد قال لما يكمل شغله حيرجع يمكن اليوم او بكره ما حدد ...

ابو سليمان وهو يشرب الشاهي : على خير ان شاء الله

*

*

*

*

ابو سعد بخبث : قبل اي خطوه ابشرك انه بكره حقدم الطلب بالمحكمه وانت تعرف النتائج وانت رجال لك سمعتك ودرجتك بالمجتمع اكيد ما رح تقبل ينذكر اسمك على لسان الناس امه المحكمة طالبتك

الجد ابو سليمان ببرود ظاهري : بس انت خسران القضيه !!!

ابو سعد بخبث : اعرف اني خسران القضيه بس ليه ما نجرب ما تدري يمكن اكسبها

الجد ابو سلمان يحاول انهاء المكالمه : انت تعرف انك خسران القضيه 100/100 فما له داعي اللف والدوران من الاخر وش تبغى البديل المقابل

ابو سعد بابتسامة مكر : تعجبني تفهمها على طول انا حنسى موضوع المحكمه مقابل تتنازل عن مشروعك للي تشرف عليه الحين

بهت الجد ابو سلمان وسكت وهو يفكر مشروعه للي سعى له سنوات طويله مستحيل يتنازل عنه بهاذي السرعه مستحيل مسح على ذقنه بتفكير وبعدها تكلم : اسمع اعطيني وقت افكر انت تعرف انه مشروع كبير

قاطعه ابو سعد : معك مهله لبكره الساعه 8.00 الصبح واذا ما رديت علي نتلاقى بالمحكمه يالله سلام

قفل الجد الخط وهو يرسم بالخطه مستحيل يسمح لعدوه يخرب كل مخططاته يعرف نقطة ضعفه السمعه لكنه مستحيل يسمح له يخرب مشروعي ساكت طول هالسنين وهو ينتظر هاللحظه حتى يخربها علي خبيث يا ابو سعد بس انا لك بالمرصاد ..........

*

*

*

*

*

*

في صباح يوم الجمعة ما طلعت ريم من غرفتها صحيح انه البارح راضاها عبود بس ما زالت فكرة انها منبوذه مؤلمه بالنسبة لها .......

رفضت تنزل ريم لغداء الجمعه وجلست كالعاده امام التي في تتابع افلام الكرتون باندماج غفت عينها ونامت بمكانها على الارض .......

بعد العصر صحيت ريم على صوت ازعاج بغرفتها فتحت عيونها وغمضتهم وبعدها فتحتهم بكسل وشافت نفسها نايمه على الارض عدلت نفسها وجلست وعلامات النعس واضحه بوجهها وجهت نظرها لمكان الصوت والازعاج شافت الخادمه عند خزانتها وقدامها حقيبة كبيره تحط فيها ملابس ريم

ما استوعبت ريم وفتحت عيونها على وسعهن وتأكدت انه للي شافته صحيح

نهضت من مكانها وبسرعة توجهت للخدامه وبغضب : وين رايحه بملابسي ؟؟

الخدامه تكمل شغلها بدون ما تناظر ريم : ما اعرف !!

ريم بصوت عالي : دامك ما تعرفين ليه تاخذنهن ومسكت الملابس للي بيد الخدامه ورجعتهم للخزانه وبامر اطلعي براااااااا

الخدامه بتكشير : ما في معلوم بابا كبير يقول جيب ملابس انت

ريم باستغراب : ابو سلمان هنا متى جاء ؟؟

الخدامه بضجر : قبل شوي ابعد انت انا اكمل سغلي

ريم وهي تاشر على الخدامه : مااالت عليك ووقفت تفكر ليه جدها طلب ملابسها وصارت تحلل ووصلت لعدة احتمالات يمكن جدها اشترى لها ملابس جديده ويبغى يوزع ملابسها القديمه او انه ابوها طلبها تسافر عنده او جدها رح يسفرها ما في غير كذا .......

كانت ريم ودها تطلع من الغرفه بس وقفها صوت الخدامه واشرت على الملابس بيدها : انت تعال غير لبسك بسرعه بابا كبير يقول

عبست ريم ملامحها واستغربت من هاذي الاجراءات وقررت تغير ملابسها وتنزل تشوف وش صاير .......

*

*

*

*

*

*

الجده بفرحه : خير ما سويت والله ودي اقوم ارقص واعمل حفله واخيرا نفتك منها

اعطاها الجد نظره حاده : قسم بالله اذا ما بلعتي لسانك ليصير شي مو طيب

ابو سليمان يحاول يزيل توتر الجو : صلوا عالنبي يا جماعه الموضوع ينحل بس بالتفاهم

ام بدر وقفت بتردد ولاول مره : عمي اذا انت مو قادرين تحملون مسؤوليتها انا موافقه انه سلطان يتدخل بشؤونها وخلي يمين الطلاق يقع وبعدها يرجعني على ذمته كلها طلقه وحده

وقف سلطان مقابلها وبتأييد : انا هاذي الفكره من زمان في بالي كلها طلقه وحده ما رح تأثر بعلاقتي مع ام بدر وش رايك يبه ؟؟

الجد للي كان معصب على الاخير وقف وبصراخ : شي ما تعرفونه لا تتدخلون فيه مفهوم وريم ما حد له دخل فيها ولو ارسلها لجهنم الحمراء لا تتدخلون فاهميين

كان سلطان وده يعترض قاطعه ابوه وهو يأشر بيده : قلت لك ما ودي اسمع صوتك انت ما تفهم وبتعب وصوت مقهور وهو يأشر على الجده كله بسبب ابنك وطيشه قول لي بس فايده وحده كسبناها من زواجه من هالزفته ضرب كفوفه ببعض ولا استفدنا شي غير هالشوكه ريم ظلت بحلوقنا واللي ما يسوى وده يلوي ذراعي فيها لكن بعده امه ما ولدته للي يحاول يلوي ذراعي وانا له بالمرصاد

تنفس بتعب وبعدها التفت على ابو سليمان قوم معي خلني اخلص من هالمشكله وبسرعه نادوا العله للي فوق .....

كانت واقفه قريب من الباب وسمعت كلام جدها كانت حاسه بسكينه تنغرس بصدرها وعيونها مدمعات اخذت نفس وفي داخلها ودها تعرف وش سبب الكره والعداوه لها

*

*

*

*

*

ركض باتجاها ومسك يدينها وبرجى : تكفين يا ريم لا تروحين خليك هنا

رفعت ريم راسها وصارت دموعها تنزل وتمسحهن بيدها الصغيرة

وقف الجد وبحزم وهو يناظر ريم وقلبه من الداخل يتقطع بس ما في غير هذا الحل : يالله يا وبدون دلع خلصيني

تمسكت ريم بعبود وهي تبكي : وين ودك تاخذني ؟

الجد وصبره نفذ : امشي وبعدين تعرفين

ريم بعناد وهي متمسكه بعبود : لا بالاول قول وين ودك تاخذني

اشر الجد للخدامه تنقل حقيبتها للسياره وبعدها تقدم من ريم وسحبها من يدها وهي تصارخ : اتركني يالشايب وتنادي عبووووووووود تعاااااااال عبووووووووووود

ركضت بسرعه لها ومتجاهله ردت فعل عمها ومسكت يد ريم تحت انظار الجد المندهش من تصرفها مسكت ريم وهمست بإذنها كلمات

انرسمت ملامح الدهشه على وجه ريم وكأنها ما استوعبت الكلام ......

نظرت ريم لام بدر وبعدها نظرت لجدها وتوجهت للسياره بهدوء

طنش الجد موقف ام بدر وتوجه خلف ريم للسياره .........

*

*

*

*

*

دخلوا المجلس بعد ما احضر معاه رجال كبار لهم سمعتهم في البلد وعلامات الدهشه على وجه ابو سعد وابناءه بعد ما رحبوا بالضيوف وشربوا القهوه ....

ابو سعد : هلا الله يحييكم

الجد ابو سلمان بهدوء : الله يحييك سكت لثواني وبعدها وجه نظره لابو سعد : يا ابو سعد انت بمقام ابوي والبارح اتصلت فيني ودك حفيده ابنك ترجع تعيش عندك وعلشان كذا قلت لي انك ناوي بكره ترفع قضيه صح كلامي ؟؟

اتورط ابو سعد وكيف احرجه قدام شيوخ البلد : ايه صح كلامك يا ابو سلمان انا قلت لك ارفع قضيه بكره بالمحكمه علشان البنت

الجد ابو سلمان بحكمه : مع انك تعرف انك ما رح تكسب القضيه لانه البنت بنتنا وما لكم فيها وإلا كلامي خطأ يالحاضرين ؟؟؟

كل الموجودين قالوا انه كلامه صح باستثاء ابو سعد واولاده

ابو سعد : المطلوب ودك تحرمنا من البنت ؟؟

ابو سلمان بخبث : لا والله بس انا جيت اقول لك وجبت معي هالوجوه الطيبه حتى اقول لك انت بمقام الوالد وما ارضى عليك المحاكم وشوشرتها وبالاخير ما رح تحصلون شي فلذلك انا جبت معي البنت هنا

ابو سعد بقهر وخطته فشلت : بس وش الفايده اشوفها الحين وتاخذها معك انا ودي البنت تعيش هنا

الجد ابو سلمان وهو يرمي قنبلته: عشان كذا انا جبت ريم هنا علشان تعيش عندكم هنا قريب من امها ....

احد الحضور من المشايخ الكبار وهو يوجه كلامه لابو سعد : والله انه ابو سلمان ما قصر غيره لو تموتون ما شفتم ظفر من البنت

ابو زيد يؤيد كلام اللي قبله : ايه والله صدقت الرجال ما قصر

ابو سعد بقهر : بس وش يضمن لي يوم يومين وبعدها ياخذها انا ابغاها تعيش هنا على طول او المحكمه بيننا

ابو زيد : بس ما يطلع لك يا ابو سعد

ابو سلمان : وانا موافق البنت خلها عندك وانا عند كلمتي وما رح اتراجع والرجال هنا شاهدين

ابو سعد اتورط : وانا موافق وخلك عند كلمتك بس وينها البنت ما اشوفها وقالها بطريقة تشكيك

ابو سلمان بنغزه : مو انا اتراجع عن كلمتي والبنت موجوده بالسياره واشر لابو سليمان يحضرها من السياره .......

دخل نواف الصاله وجلس جانب امه بعد ما سلم على الموجودين

بعدها دخل سامر الصاله وهو يكلم بالجوال وعلامات الدهشه على وجهه : ماات ......متى .......انا لله وانا اليه راجعون

وقف الجد بخوف ونظره على سامر : مين اللي مات ؟؟؟؟

سامر وهو ينهي المكالمة ويناظر الجد : خلص ان شاء الله ساعه بالكثير اكون عندك .......لازم نقوم بالواجب ........ان شاء الله ......مع السلامه

ضغط على الزر الاحمر ورجع الجوال لمخبأه وبعدها ناظر الموجودين وعلامات الخوف على ملامحهم

فيصل بخوف وترقب : تكلم مين اللي مات ؟؟

سامر مسح على وجهه وبعدها توجه وجلس بجانب نواف و بحزن : ابو صديقي معتز

كانت الجده حاطه يدها على صدرها من الخوف لما عرفت انه ابو صديقه تنفست براحه .......

الجد وعلامات التأثر على وجهه : إنا لله وإنا إليه راجعون الله يرحمه ويغفر له وانا اشهد كان رجال شهم

فيصل تأثر مع انه ما يعرف الرجال معرفه شخصيه : الله يرحمه ويجعل الجنه مثواه

نايف بصوت اقرب للهمس : الله يرحمه

وبعدها بدقايق دخلت سديم كان الاجواء هادية والصمت يلازم المكان سلمت على الموجودين وجلست بهدوء بجهة اليسار بجانب عمها نايف

التفت لها نايف وبابتسامه دافيه وهو يضع يده على كتفها : ها عمي كيف الدراسه ؟

رفعت نظرها لنايف وبابتسامه ناعمه يغلبها الحياء : الحمد لله

فيصل وهو يناظر بنته : انتبهي يا بنتي على دراستك ولا تنسين إنها اخر سنه لك بالثانويه وبعدها بتنتقلين للجامعه ابغى علامه ترفع الراس

سديم اكتسى وجهها الحمره من الحياء وخاصه لانه صار محور الكلام عنها وبهدوء : إن شاء الله يبه

الجد وهو يفتخر فيها : لا تنسين تراك اكبر حفيده وان شاء الله تكونين اول حفيده تدخل الجامعه

الجده تناظرهم ومبسوطة وكأنها فجأة تذكرت شي التفت على نايف وبجديه : نايف يمه البارحه كانت سلمى هنا ولابسه عبايه ونقاب

نايف رفع حاجب وكأنه فهم قصد امه لكن يعمل حاله مو فاهم : طيب علامك مستغربه ؟؟

الجده ومو عاجبها : يمه البنت صغيره بعدها 13 سنه يعني لو عبايه لوحدها كان اشوى

نايف بدون مبالاه لاقتراحات امه : هذا إلي عندي البنت من سن 13 تلبس كامل وما يبان منها شي إلا اذا ام سيف شكت لك واحتدت ملامحه رح يكون لي اجراء ثاني

الجده خافت نايف يعمل مشكله لساميا ظهرت علامات التوتر على وجهها : الله يصلحك يمه الحرمه ما قالت شي بس انا البارحه شفتها وسكتت لثواني

اقول لك خلص انسى الموضوع والتفت على سديم وين اختك منال ؟؟

ضحك نايف بداخله على امه وكيف غيرت الموضوع

وبعدها التفت لابوه وفيصل اللي كانوا مندمجين بمشاريعهم ........

*

*

*

*

صحيت الصبح على صوت منار وهي تزاعق عليها علشان تصحى فتحت عيونها ورجعت سكرتهم لثواني وبعدها فتحت عيونها ناظرت المكان بهدوء وهي مطنشه منار وصياحها وبعد دقايق جلست على السرير وهي تشعر بالخمول والكسل بس اتحاملت على نفسها وتوجهت للحمام وهي تمشي مثل السكران وعين مفتحه وعين مسكره

ومنار واقفه تناظرها وهي مكتفه ادينها وهي فاتحه فمها كيف طنشتها ريم ولا كأنها موجوده ....

انقهرت منار من الحركه وضربت رجلها الارض بقوه وطلعت من الغرفه وهي معصبه .....

*

*

*

*

*

بعد ما اخذت دش اريح فيه نفسيتي مشطت شعري وانا اناظر نفسي بالمرايه بعد ما كملت ربطت شعري ذيل حصان وبعدها لبست بنطال جينز ازرق غامق و قميص فوشي طويل ضيق ولفيت الشيله على راسي ونزلت بهدوء على غير العاده وصلت للصاله عند البنات وكالعاده منار وعلاء اصواتهم واصله للبيت كله بصراحه نسيت احزاني ووقفت اناظرهم وانا افكر بمستقبلهم كيف رح تكون حياتهم وخاصه انه جد امي ابو سعد محيرهم لبعض عفست ملامحي وانا افكر علاء اكبر من منار بسنه عمره 15 سنه مسكينه رح تنتظره لحتى يكبر ويجهز نفسه وقتها يمكن يكون عمرها 25 سنه وبعدها ناظرت البنات واولاد خالي مبسوطين تساءلت بداخلي معقول هاذي سعاده حقيقيه وإلا بس يظهرون سعادتهم ظاهريا خاصه انه ابو سعد كل البنات محيرهم لاولاد عمهم تنهدت براحه الحمد لله انه ما له كلمه علي كان حيرني لواحد من هالرخمات شهقت شهقه عاليه وانا اتذكر كلام عمي ابو سليمان بالالعاب اذا ودك تحيرها حطيت يدي على صدري بخوف وقلبي يدق معقول عمي حيرني لابنه غمضت عيوني بقهر وانا اردد بداخلي يا رب لطفك يا رب يكون قصده التهديد يا رب يا رب وانا مندمجه بالدعاء حسيت بيد على كتفي صرخت صوت عالي من الخرعه وفتحت عيوني من الخوف شفت اسماء والكل يناظرني وعلى راسهم علامه استفهام ؟؟؟؟؟

كردت فعل من الخوف صرخت على اسماء : جعلك للماحي خرعتيني يا دبه وحطيت يدي على قلبي اللي كان ما زال يدق بسرعه اخذت نفس حتى اهدي نفسي

اسماء بخوف : انت علامك شهقتي بصوت عالي وفتحتي ثمك على وسعه وكأنه مصيده ذبان !!

تقدمت شوق وهي تضحك وتضرب كتف اسماء : ههههه ترى تعبير متعوب عليه هههههه

نظرت ريم للبنات وهي ترفع حواجبها بتكبر وقرف : سخيفات وتركتهن وتوجهت للكنب وجلست قريب من شروق ......

كان هيثم وده يسألها عن سبب شهقتها والفضول وده يذبحه ناظر ريم اللي جالسه بالجهة المقابله : ريم ليه شهقتي ؟؟؟

ريم ناظرت له باستصغار : اقول قوم الحق على صلاة الجمعة قبل ما تخلص

منار باستهزاء : شوفوا مين يعطي دروس دينيه واشرت على ريم باستهزاء الشيخه ريم هههههههههه

دخلت زوجة محمد الصاله واستغربت وجود الاولاد ونهرتهم : انتم ما رحتم للصلاه ما عندي علم انكم صايرين حريم

تلون وجه الاولاد باحراج وخرجوا بسرعة للمسجد بدون مجادله

زوجه محمد توجه كلامها لبناتها : يالله جهزن حالكن للصلاه وبعدها طلعت وتوجهت للمطبخ ......

تمددت ريم على الكنبه وكأنه موضوع الصلاه لا يعنيها لا تذكر انها صلت بحياتها إلا بالمدرسه بالابتدائيه لما علمتهم الابله عالصلاه وغمضت عيونها وهي تحاول تهرب من الواقع ....

منار وهي متضايقة : بنات انا رايح اصلي وثواني اكون عندكم علشان اخبركم خبريه عن الفنان ........

شروق مسكت يدها وبرجى : تكفين بعدين صلي وش يصير لو اخرتيها

منار وهي تفلت نفسها من شروق : ما رح اتاخر ثواني واكون عندكم علشان امي ما تحن فوق راسي وبعدها ناظرت البنات قبل ما تطلع طيب تعالوا صلوا

البنات بردود مختلفه /بعدين /قبل شوي اذن / بجمعه مع العصر

اما ريم كانت مغمضه عيونها وداخله بعالمها الخاص وما معاها خبر الصلاه .....

البنات كانوا يصلون بس يقطعون مو مثل ريم اللي ما كانت تصلي ابد .......

وخلال دقيقتين كانت منار نازله للبنات ركض نسيت ان الصلاه عباده بين الرب وعبده صله وليست سباق او هم تنجزه بسرعه حتى تتخلص منه ....

قيا بأن فأرة رأت جملا فأعجبها..فجرت خطامه فتبعها فلما وصلت إلى باب بيتها

وقف الجمل فنادى بلسان الحال..

إما أن تتخذي دارا تليق بمحبوبك أو تتخذي محبوبا يليق بدارك.

>> قال ابن القيم بعدهذاالموقف :

"وأنت..إما أن تصلي صلاة تليق بمعبودك أو تتخذ معبودا يليق بصلاتك!"

شروق وهي منصدمه : كملت صلاه ؟؟؟

منار مشيت من جنبها بدون مبالاه : ايه كملت وبعدها جلست مقابل ريم اللي ما زالت مغمضه عينيها ونادت البنات حتى يخططون كيف يقضون الوقت ......

ما سألوا ريم وش فيها لانهم فكروها نعسانه ........

*

*

*

*

*

بعد الغداء توجوا البنات واجتمعوا بغرفة النوم وكانوا طاقينها سوالف وريم داخله جو معهم حتى تتناسى احداث البارحه

فجأة طق الباب عالخفيف وبعدها دخلت ساره

نظرت ريم لساره وحست وكانك جبت سكينه وطعنتها مجروحه منها حيل كيف ما تنجرح وهي انطعنت من اكثر شخص كانت تحمل له مشاعر المحبه وكم مره تجرعت الضرب من ابوها وهي تدافع عنها وبالاخير حست بغصه بحلقها تمتمت بصوت هامس غدرت بي اخذت نفس حتى تعدل نفسيتها وهي ما زالت تناظر ساره واستغربت من طلبها : بنات اذا سمحتم تطلعون ابغى ريم

منار بشك : عمتي ريم جاييها عريس وودك تشاورينها ؟؟

نطت اسماء وبسرعه ركضت لعمتها ومسكتها وبرجى : تكفين تكفين يا عمه اذا فيه عريس اعطيني اياه انا اكبر من ريم

توجهت شوق لاسماء ودفشتها ومسكت عمتها : لا يا عمه لا تردين على اسماء بالله بالله اذا انه مزيون خليه لي انا اكبر منهن بالله

شروق وهي واقفه مكانه ومتخصره : لا والله لا انت ولا هي هذا لي انا اكيد اذا انه مزيون يبغى وحده مزيونه مثلي وصارت تلعب بحواجبها تغيض بالبنات

منار عصبت : لا والله انا

قاطعتها ساره بصراخ : بس قسم بالله ما في حياء انا الحين نازل اخبر محمد ومعاذ على كلامكم هذا

البنات بخوف : خلص يا عمه والله ما نكررها بس لا تخبري ابوي

ساره بخبث : طيب اطلعوا من الغرفه وخلوني انا وريم علشان ما اخبر عنكم

البنات بدون نفس : ان شاء الله

منار وقفت على الباب قبل ماتطلع وناظرت ريم وبتهديد : والله اذا بتوافقي عليه غير اكلك باسناني

ساره تمثل العصبيه : وبعدين ؟؟؟

منار بقهر : خلص خلص اطلعنا اففففف وسكرت الباب خلفها بقوه

ناظرت ريم امها وهي تتساءل بنفسها يمكن بقى شي يسم البدن وما خبرتني به

تقدمت ساره من ريم وجلست على السرير بعيد شوي عن ريم

سكتت شوي ساره وبعدها تكلمت بهدوء وهي تفرك يدينها مو عارفه من وين تبلش : ريم اممم يمكن البارحه زعلتي من موقفي بس انتي ما تعرفين ظروفي لو عرفتي يمكن تعذريني

كانت ريم جالسه عالسرير ومتكوره على نفسها وعيونها بالارض تنتظر امها تكمل كلامها

ريم انا غلطت لما تزوجت ابوك وكانت اكبر غلطة بحياتي ما كنت اتوقع اني غبيه وساذجه وبالسهوله يضحك علي نايف سكتت لثواني وبحسره ريم لا تلوميني الايام الماضية راحت وانطوت بس رح تظلين انت العلامه للي تذكرني بغائي وسذاجتي انا لما اشوفك اكره نفسي واذكر غبائي ونظرت لريم للي كانت صاده للجهة الثانيه وهي متكوره

امممم يمكن لو ما كنت ما تشبهين ابوك يمكن اقدر اتقبلك بس المشكله انك تشبهين اكره مخلوق على قلبي فصعب اتقبلك .....

بلعت غصتها ريم وهي تسمع كلامها الجارح لو ما جاءت كان احسن اخذت نفس وهي ما زالت على وضعيتها بالجلوس وبهدوء تكلمت عكس البركان للي بداخلها : ليه كذبتي علي وقلتي لي انه ابوي ميت وبصوت متدحرج بالبكاء ليه كذبتي علي جاوبي

انصدمت ساره ما توقعت هالسؤال وما توقعت ريم تتذكر هذا الكلام : اممممم كنت افكر انك رح تعيشين عندي وما كنت ودي إياك تتعلقي ويكون لك ابو مثل نايف

سألتها ريم وهي ما زالت على وضعيتها وبصوت يكتم العبرات : ليه تركتيني ؟؟ كنا عايشين مع بعض ومبسوطين ليه تخليتي عني ؟؟ وعضت على شفتها ودموعها تنزل بهدوء

اخذت ساره نفس عميق وبعدها تكلمت وهي تتذكر الماضي : ريم وقتها انا كنت صغيره وبعز شبابي انحبست بالملحق 3 سنوات طق كبدي من القعده وانا جالسه وحدي ولما جاء جدي وعرض علي الزواج من ابن عمي وشرط علي انك ترجعين لابوك وش كنت تنتظرين مني ؟؟؟

وهي تلعب بذبلتها اممم بصراحه كانت فرصه لي كبيره اخرج من هالسجن وانتقم من نايف واعيش حياتي

قاطعتها ريم بهدوء وهي نفس الوضعيه متوره على نفسها وتكلمت بانكسار وطعون تحسها بداخلها : وانا ما فكرتي فيني ؟؟

وبنبره حزينه تعبر عن شدة المها : ما كنتي كذا لما كنا بالملحق !! كنت البلسم اللي يداويني بالرغم اني كنت مسجونه معك بالملحق بس كنت احس طعم الحياه غير كان وجودك جنبي يكفيني وبغصه ما توقعتك تتخلي عني بالسهوله !!

تنهدت ريم وبهدوء معاكس للنار للي تحسها بجوفها طووول الفتره الماضيه وانا اتحراك والشوق بداخلي ينفجر ما كنت اتوقع منك الغدر وكنت احط لك اعذار وادافع عنك لما جيت هنا اعيش اول ما شفتك ركضت على حضنك اللي انحرمت منه سنوات حضنتك ابكي سنوات الحرمان والبعد عنك سنوات الالم والضياع والتشتت سنوات القهر والظلم احتضنك حتى تلملي شتاتي وتكون اخر مرحله بشتاتي حضنتك حتى تضمدي جروحي بس ما توقعت اكون منبوذه عندك وبنبره منكسره بتعرفي معنى النبذ بتعرفي معنى تعيشي عند ناس كلهم ينبذونك وكأنك نكره شي قذر سكتت لثواني خانتها الكلمات ما في كلمات تعبر عن معاناتها وبغصه ما كنت ادري انك مثل نايف واهله بتنبذيني والسبب في معاناتي كلها انتي

انا اتعذبت بسببك انتي ولما ركضت لحضنك لاول لقاء كنت انتظر هالحضن للي ينسيني كل معاناتي بس للاسف ما لقيت سوى حضن بارد خالي من المشاعر ما حسيت بمشاعرك تجاهي ومع ذلك كذبت احساسي ومشاعري كنت انتظرك لما جيتي ترجعين لبيتك كنت متلهفه اروح معك وانام بحضنك بس خيبتي ظني ومع ذلك حطيت اعذار واهيه لك اقنع نفسي بها حسيت في حاجز كبير بينا وانت اللي وضعتيه حاولت بأقصى جهدي اهدمه واتقرب منك بس ما شفت من الا الصد والهرب .....

كنت اناظر اهتمامك بإخواني وفرحتك فيهم ولهفتك عليهم كنت انتظر منك تنصحيني مثلك مثل الامهات تسألني عني وعن اخباري تجلسي معي تشوفي وش ينقصني ومع ذلك كنت اعذرك انك مشغوله بتربية اخواني ولاخر لحظات وانا احط لك اعذار واهيه

خانتها شهقه طلعت : ما كنت اتوقع انك تكرهيني يا ساره ما توقعت مسحت دموعها وهي على نفس جلستها متكوره

وبصوت مبحوح وين اروح انتي تكرهيني ونايف يكرهني ما حد يبغاني ....

سكتت لثواني اخذت نفس كنت دايما احصل ضرب من نايف والسبب اني كنت ادافع عنك جسمي كان ازرق واحمر من الضرب وللحين في بعض علامات بسيطه يا ما نمت ودموعي على خدودي من الالم والوجع كان انيني يرجع لي ما في احد يكفكف دمعتي ويمسح على راسي ما كنت اشوف حولي الا الخيبه ويا ليتك تستاهلين كنت افكر اهرب من عنده وارجع لك بس كانت المشكله ما كنت اعرف بيتك

ولما تشاجرت معه علشان يوديني عندك تعرفين وين رماني

بصوت مهزوز مبحوح متعب : بدار الايتام شفتي حظي امي وابوي عايشين واسكن بدار الايتام وبعدها رجعوني ورموني على عمي سلطان عشت عنده احلى ايامي بس للاسف فتره قصيره ورجعت اعيش عند جدي وبعد فتره رماني جدي عليكم

ما اعرف مين هو اللي رح ياخذني المره الجايه بعد ما ترموني .......

كنت اتمنى وجودك معي باول يوم بالمدرسه كنت اناظر البنات كلهم مع امهاتهم الا انا انا انحرمت من امي وهي عايشه سكتت لثواني تعرفين من سجلني بالمدرسه ميري

وبصوت مخنوق مو قادرة تعبر عن اللي بداخلها :

كنت اتناسى نظرتك البارده وجفاك معي واقنع نفسي يكفيني بس شوفتك كنت ارسم طموح عالي ادرس علشان اكون نفسي واجي عندك درست وتفوقت علشانك انتي

رفعت راسها ريم وناظرت امها وعيونها ذبلانه : خلص ما في شي يستحق ادرس واتوفق للي كنت اسعى خلفه حتى اسعده وارفع راسه بتفوقي اكتشفته على حقيقته

وقفت ريم وناظرت امها بحزم : صحيح كنت مغفله لما كنت اشوفك روحي تفز والتهف على شوفتك واظل احوم بالمنطقة للي جالسه فيها كنت على امل اشوف نظره غلا وحب منك كنت اغليك واحبك اكثر من نفسي وحطت يدها على قلبها كنت انتظر منك تغمريني باهتمامك في

وبصوت مهزوز : آسفه يا ساره لاني ضايقتك بنظراتي وملاحقتي لك بس اوعدك وبغصه من اليوم ما رح اضايقك او اهتم لوجودك تقدمت من ساره وهي تقرب وجها من وجه ساره وعيونها حمر من البكاء وانفها احمر وتكلمت بشراسة لاني اكرهك اكرهك ولاخر يوم بحياتي رح ابقى اكرهك وما يشرفني تكوني امي لانه ما عندي لا ام ولا اب

وبعدها دخلت الحمام وسكرت الباب واستندت عليه وهي تحس بالغربه ودموعها تنزل بغزارها حطت يدها على فمها حتى تكتم شهقاتها ........

*

*

*

*

كانت ساره ما زالت جالسه عالسرير ومتفاجئه من ريم وحاسه بندم لانها كسرت قلب ريم وهي السبب اخذت نفس وهي تقنع نفسها انها ما لها دخل تروح تلوم ابوها هو السبب وانها ما لها دخل وقامت وطلعت من الغرفه وهي مو متناسيه طفله كسرتها وحطمتها وخلت حياتها بدون معنى اهم شي حياتها كانت ساره بقمه الانانيه على الرغم انها ما كانت كذا وش اللي غيرها وخلاها تكسر قلب الواحد وبدون ما تهتم حتى لو كانت بنتها اللي كانت من لحمها ودمها

!!!!!!!!!

*

*

*

*

*

كانت ريم واقفه عند البلكونه وقت الغروب وشعرها منسدح على طوله كان يوصل لاخر ظهرها كانت تلبس تنوره سوداء لتحت الركبه بشوي وسيعه من تحت والهواء يحركها وبروتيل زهر وماسكه بيدها كوب مويه والهواء يلعب بشعرها الطويل كانت تحس بالضيق ومخنوقه ودموعها بعيونها خلاص ما عادت تتحمل الحياه امها تكرها وابوها يكرها وين تروح وين تهرب ويييييين ما في مكان ما في غير الانتحار

كانت تسأل نفسها ليه ما تنتحر وتخلص من هالحياه خلص ما عاد فيه حد تعيش وتتحمل علشانه وكذا بترتاح وتريح امها وابوها منهم تقدمت من درابزين الشرفه وهي تناظر ارتفاعها

*

*

*

منار كانت تتمشى بالحديقه ووصلت لتحت البلكونه وناظرت لفوق وشافت ريم وصرخت بصوت عالي : ريم لاااااااااااااااااااااااا ااااااااااااا

لكن فات الاوان ما فادت منار صرخاتها لانه لما صرخت منار كانت المويه على راسها

منار والشياطين تنطنط فوق راسها وبصراخ وهي تناظر ريم اللي واقفه عالبلكونه وتضحك بصوت عالي : ياااااااا كلبه والله لتندمي انتظريني وركضت منار بسرعه للداخل متوجهه للغرفه

ركضت ريم خارج الغرفه وهي تضحك وتردد بداخلها ما حد يستاهل انكد على حياتي رح اعيش حياتي على كيفي وما رح اهتم لحد وبسرعه تخبت بزاوية الدرج ومنار صوتها يرعد بالبيت وهي تدور على ريم ........

*

*

*

*

بالسوق ريم تمشي مع بنات خالها والمكياج بوجها الوان اشكال والعبايه المزخرفه والكعب العالي علشان تطول كلهم لابسين نفس شكل العبايه تقريبا

شوق وملامح وجهها مو مبينه من كثر المكياج : بنات خلونا نروح نجلس بالمطعم

شروق باعتراض : لا لا هنا احسن خلنا نتسوق وش ورانا ما مليتي القعده بالبيت

اسماء وعيونها طلعوا من راسها : شوفوا بنات هناك يا قلبي

ناظروا البنات وشافوا شله شباب يمشون مع بعض من بعيد شوي

قاطعهم واحد وده الرقم شوق ما عجبها هذا الشخص دفتها اسماء واخذت الرقم وصارت تحكي معه وكانه من محارمها

مروا مجموعة الشباب اللي شافتهم اسماء من جنبهم وناظروهن باحتقار

منار بعصبيه من هاذي النظره : يمالي عيونكم للفقع ان شاء الله

كان واحد منهم وده يرد بس مسكه الثاني من يده طنشها هذول حثاله وكملوا طريقهم ومنار مولعه منهم

ريم كانت تناظر البنات كيف متضايقات وبداخلها تقول صادقين الشباب وضحكت بداخلها لو بسمعونها البنات وش تقول وبعد كم لفه راحن البنات للمطعم وجالسات يسولفن وبضحكن وكانهم بالبيت .....

*

*

*

بدر وهو يناظر البنات اللي قباله : عمر مو هذول نفسهم البنات

التفت للخلف عمر وهو يناظر بدقه : اي والله انك صادق

نواف كان جالس بجانب عمر وهو يناظر البنت للي تضحك وتسولف ولا هامها احد

سليمان ينغزه بفخذته : وين وصلت ؟؟

نواف وما زال يناظرها : البنت اللي قبالي جهة اليسار ما بعرف احس اني شفتها من قبل بس ما اعرف وين وعقد حواجبه وخو يفكر

سليمان يناظرها ويناظر طريقة كلامها وحاس فعلا انه شافها من قبل : وانا كمان بس مو عارف وين شفتها وحط يده على خده وهو يفكر اسلوبها مثل مين مين

بعدها خرجوا البنات والشباب يفكرون بالبنت مين تكون ؟؟؟!!!!!

*

*

*

*

ثاني يوم بالمدرسة جالسه بالفسحه مع الجوري : يا دبه ضروري تكوني دافوره وتصيري اولى ثانوي وانا اكبر منك تسبقيني وصرت ما اشوفك الا بالفسحه

ريم وبندم : يا ليتني اسمعت كلامك وما انتبهت على المعلمات وما درست ولا تفوقت وعضت شفايفها بندم

الجوري ضربتها على راسها بقهر : غبيه لا تخلي الموقف للي حصل يغيرك طنشي وعيشي حياتك

ريم بيأس : وهذا للي رح يصير رح اعيش حياتي واطنش كل شي واول التطنيش الدراسه وابتسمت ابتسامه بائسه

الجوري بقهر وهي منفعله : غبيه طول عمرك غبيه هذا مستقبلك ليه تضيعينه علشان موقف سخيف

نظرت ريم لها بانكسار وبتعجب : موقف سخيف !!! امك تكرهك وما تطيق تشوفك وتقولين موقف سخيف ولفت وجهها عنها وهي تحس بالعبره خانقيتها

سكتت الجوري مو عرفه وش تقول فقررت احسن حل تغير مزاج ريم ضربتها على كتفها وبابتسامه : يا دبه ما قلت لك ؟؟

التفتت ريم للجوري وعيونها مدمعه وبنظره فيها تساؤل وبصوت حزين : لا ما قلتي لي

الجوري وهي تتربع وبابتسامه عريضه : انخطبت

ريم فتحت فمها ومتفاجئه : قولي قسم بالله وبسرعة سألتها انتي عمرك 15 كيف اهلك وافقوا

الجوري بابتسامة : لو سمحتي عمري 16 راسب سنه هههههه وبعدين واذا كان عمري 15 وش فيها في بنات كثير يتزوجون صغار عادي

ريم ونسيت حزنها وهمومها وبحسره : يا بختك وترفع بدينها لفوق يا رب متى اخطب متى

الجوري ضربتها على راسها : عيب بعدك صغيره جيل قليل ادب بعدك 14 سنه وودك تخطبين وبعدين اذا بعدك حاطه عينك على عبود لا تنسي انه اكبر منك بسنه يعنب بدك تنتظريه سنين لحتى يجهز حاله

حمروا خدود ريم وقرصت الجوري : يا دبه مين جاب طاري عبود وبعدين مين قالك اني رح انتظره انا رح ادور على واحد جاهز وبعدها سألت الجوري بتحقيق خطيبك ما له اخ عزابي بليييييز خليه يخطبني

الجوري وهي تلعب بحواجبها : ما في خليك على عبود احسن لك

قامت ريم وهي تكش عليها : مالت عليك وعلى خطيبك وعلى عبود ولوت بوزها

وقفت الجوري وهي تضحك : ههه غيوره ترى ما اسمح لك تغلطيني على خطيبي وقالتها بدلع

ريم وهي لاويه بوزها وتقلد الجوري : خطيبي اييي مالت عليك لو خطيبك شاف كشتك غير يهج

الجوري وهي تنفش ريشها : يصح لك امشي امشي خلصت الفسحه ..........

*

*

*

*

*

رجعت من المدرسه ودخلت البيت كان هادي على غير عاده استغربت وتوجهت للمطبخ وسألت الخدامه : وين جدتي ؟؟؟

الخدامه وقفت عن شغلها وناظرت ريم : بابا كبير ابو سئد حادس كبير يمكن موت انا ما اعرف

ريم بلامبالاه لانه ابو سعد ما كانت تشوفه ولا تختلط فيه كانت تحتلط بس ببنات خالها وخالتها بس اما الباقي علاقتها كانت جدا سطحيه طلعت من المطبخ وتوجهت للغرفه دخلتها كانت هاديه حتى البنات مو موجودات بدلت ملابسها ودخلت الحمام .........

*

*

*

*

نايف وهو جالس مع صقر بمكتبه وماسك القلم ويلعب فيه : اصابته ابو سعد خطيره وما توقعت يطلع منها إلا برحمه رب العالمين

صقر مؤيد لكلامه : حالته حرجه جدا وبعدها سكت لثواني وسأل باستغراب : شفت البنات اللي واقفات باب الغرفه ولوى ثمه باستنكار ما يتغطون ولباس اعوذ بالله اهلهم ما عندهم غيره

نايف وهو يتكلم عنهم بقرف : اسألني عنهم انا حياتهم فري كل شي عادي ولوى بوزه منقرف من هالسيره

صقر رفع حواجبه باستنكار : طيب كيف سمحتم لريم تعيش عندهم ورضيت

نايف بقله حيله : لا تفكر اني مرتاح والله انها نار بقلبي بس وش يطلع بيدي لو ابيع كل اولادي ما اسمح لاحد يلوي ذراعه واليوم والا بكره اخرها ترجع عنا وخاصه لما نزوجها وقتها ما يطلع لابو سعد وغيره يطالبوها البنت بتكون ببيت زوجها

صقر ومو عاجبه الكلام : طيب كم عمرها الحين ؟؟؟

نايف غمض عينه وهو يحسب : اممم تقريبا 14 سنه

صقر وهو حاس غليان بقلبه : يا برودك ومتى رح تزوجوها لا تقول تيصير عمرها 18

نايف هز اكتافه وهو يغيض صقر ببروده عمدا : وش عرفني يمكن

ضرب الطاوله صقر بيده بقهر واعطى نظرات ناريه لنايف وطلع .........

كانت تمشي مع ابن خالها علاء وخالها محمد يمشي قدامهم ومعاهم شوق كانت تناظر المستشفى وتتذكر لما دخلت المستشفى كان واقف مع عمه نايف ويؤشر على ريم وشوق ويخبره موقفهم بالمول وكيف انهن طايشات وانه ما توقع انهن من حفيدات ابو سعد ....

كانت ريم تمشي ومو مهتمه لوجود احد وهي ماشيه حست انه صندلها فلت نزلت على الارض تزبطه تأخرت شوي وهي تعدله

وقفت الجوري وناظرت خلفها وبصوت عالي شوي : يالله يا ريم عجلي

كانوا قريبين وسمعوا الاسم ناظر نايف سليمان والعصبيه بانت على وجهه : اسمعت اللي سمعته

سليمان وداخله بركان بس يحاول يهدي عمه ومسكه من يده : يمكن يا عمي تشابه اسماء وعندهم بنت غيرها اسمها ريم

وبعدين هاذي ما تشبه ريم بنتك

مسك نايف يد سليمان وهو يصك على اسنانه من القهر وبعدها وتوجه لجهة ريم

بعد ما كملت ريم وقفت تمشي بس في شي مسك يدها التفتت للخلف وناظرت الشخص وعلى وجهها علامات الاستغراب هي عرفته بس تجاهلت وباسلوب استعلاء مسكت يده وبعدتها عنها ومشت متجاهله الشخص وهي تبلع ريقها وتدعي انه ما يعرفها

كان واقف نايف ويناظر زولها وقف جنبه سليمان : قلت لك لا تتسرع يمكن انها من احفادهم وتشابه اسماء

نايف بملامح جامده : انا متاكد انها هي بس المشكلة انه ما في شبه بينها وبين ريم الصغيره لكن لو اكتشفت انها هي وقسم بالله لاطلعها من تحت يدي جنازه وشد على اسنانه بقهر

*

*

*

*

ريم وهي حطه يدها على قلبها وهو يدق بسرعه وتحمد الله انه ما عرفها لانها حطه 2 كيلو مكياج على وجهها فطمس ملامحها ولو كان عرفها كان تنومت بالمستشفى من شكله المعصب وعيونه الحمراء ........

في اليوم الثاني بعد العصر كانت جالسه بالحديقه وتتذكر شكل نايف ما كان متغير كثير كان جميل حيل بملابس المستشفى بس اللي كان واقف وبعيد عنه نفسه اللي كان بالمول معقول يقرب لنايف وحطت اصبعها بفمها وهي تصك فيه يا ويلي اذا عرفني وقال لنايف عني او يمكن يكون مجرد زميل له خلص توبه ما عاد احط مكياج مثل ما قالت الجوري لانه شكلي بالمكياج يختلف 360 درجه ما اشبه حالي وكذا ما رح يعرفوني وابتسمت على ذكاءها وبعدها كشت على حالها من غباءها خلص وين رح تشوفهم هاذي كانت صدفه وان شاء الله ما تتكرر

جلست بجانبها شروق بدفاشه وهي تقول : اشك انك مهبوله تكشين على حالك يا مجنونه

نظرت ريم لشروق بغرور : ما يخصك ويالله انقلعي من هنا

شروق واقتربت من ريم وهمست بإذنها : قومي خلينا نرروح المستشفى

بعدت عنها ريم ورفعت حاجب : الي يسمعك كلك خوف على ابو سعد

شروق بابتسامة خبيثة : ما علينا المهم نزور جدي ونطمن عليه وغمزت لريم وباستعجال يالله قومي ومسكت يدها

ريم وهي تتذكر نايف سحبت يدها من شروق وتوتر : روحي الله يسهل دربك انا مو رايحه

شروق سمعت منار تناديها نظرت لريم ورفعت اكتافها : بكيفك بااااااااااي

تنهدت ريم وهي حاسه بضيقه صحيح انها تضحك وتلعب مع البنات بس حاسه حالها مطعونه ومستحيل تنسى شدت على فبضو يدها بقوه وهي تردد رح اعيش وانبسط واخلي نايف وساره يعرفون انهم ما هموني ابد ولا رح اوقف حياتي علشانهم ورح تبقى حياتي طنش فنش عش تنتعش

واخذت نفس عميق حتى تسترد قوتها وما تضعف وبعدها قررت ترجع لغرفتها تحضر فيلم او اي شي يسليها ........

*

*

*

*

نقزت من النوم على ازعاج وصياح نطت بسرعة وتوجهت بسرعة وحطت الشيله على راسها وبسرعه نزلت تحت وافهمت من كلامهم وازعاجهم انه ابو سعد مات والظاهر فيه مشكله بين الاخوان على الميراث ضحكت بداخلي وانا متعجبه سبحان الله بعدهم ما دفنوه واتذابحوا على الميراث فعلا ما يملي عين ابن ادم الا التراب دخلت الغرفه وارجعت دخلت في سبات عميق بالنوم .........

*

*

*

*

دخل المجلس ووجه نظره لابو سليمان وبملامح جامده : قوم بسرعة روح جيب ريم الحين

ناظر ابو سليمان ساعته وبتعجب : الحين الساعه عشره والدنيا ليل

الجد بحزم : ابو سعد توفى وعياله مذابح بينهم عالميراث بسرعة يا بوك انا اتصلت بخالها محمد وما عارض

نهض ابو سليمان نفسه حتى يقوم بس وقفه صوت فيصل: خليك يا اخوي ما حد يجيبها غيري

ابو سليمان عارف عصبية اخوه ولسان ريم وباعتراض بعد ما وقف : لا يا فيصل لا تتعب نفسك انا اجيبها الحين

فيصل بحزم وهو يناظر ابو سليمان : والله ما حد يجيبها غيري انت اخوي الكبير اجلس وارتاح

الجد مثل ابو سليمان ما كان له خاطر يجيبها فيصل بس رضخوا للامر الواقع

كان نايف جالس وحاط يده تحت خده ويناظرهم وهو رافع حاجب ولا كأنها بنته ما حد يشاوره تضايق من اسلوبهم على الاقل هو اولى يجيبها من اخوانه بس سكت ما حب يزعل ابوه وعلامات الضيق على وجهه

*

*

*

*

دخل عليها خالها محمد وهي جالسه مع البنات يلعبون شده وبمجرد دخوله بسرعة خبو الورق وقفن وعلى ملامحهن التوتر

محمد طنش بكيفه وبامر لريم : جهزي نفسك خلال ربع ساعه عمك رح يكون هنا خذي اغراضك كلها

وبعدها طلع بدون نقاش ناظرت زوله وهي تتأمله خالها محمد دايما كذا ما عنده اسلوب جامد كثير حتى مع بناته قطع سرحانها البنات وهن يحضننها ما ودهن تتركهن وبعد الفلم اللي عملوه البنات قاموا يساعدونها بتجهيز اغراضها وقفت امام المرايه ترتب شيلتها وهي تقول بنفسها لو امها بتحبها كان رفضت انها تروح لكن عضت على شفايفها بقهر وهي تتذكر مواقف امها هزت راسها بالرفض ما ودها تفكر فيها خلص رح تنساها وتمحيها من الوجود مثل ما ساره محتها من حياتها اخذت نفس وبعدها ناظرت البنات كانوا مجهزين اغراضها وعلامات الضيق ظاهره على ملامحهم ودعتهم مره ثانيه وكانوا البنات متأثرات كثير ووعدتهم انعا تزورهم وبعدها توجهت خارج الغرفه بعد ما نادت عليها الخدامه نزلت كان البيت هادي والظاهر اغلبهم في بيت ابو سعد فما كانت مضطره تسلم او تودع حد فيهم لانه علاقتها بينهم عاديه جدا ....

طلعت خارج البيت وبعدها نظرت للبيت وتأملته خلص رح تغادر المكان اللي عاشت فيه 6 سنين حست بالعبره تخنقها لانها رح تفقد البنات اللي عاشت معهن اجمل اللحظات ما رح تنساهن ورح تفتقدهن وتفقد روحهن المرحه تنهدت ومشيت كم خطوه شافت خالها محمد اشر لها تيجي توجهت له بهدوء والعبره خانقيتها وين امها تيجي تودعها تقول لها كل اللي سمعتيه كذب هزت راسها بالرفض خلص ما رح تفكر بامها ولا رح تبعث عن كلمات توصف جرحها وحزنها لانه الكلمات ما رح ترجعها لحضن امها تنهدت بالم وهي تمشي بجانب خالها محمد .........

*

*

*

كنت واقف انتظر ريم مع انه حاول خالها اني ادخل لكني رفضت واتعذرت باعذار واهيه تأففت وانا انتظر حشى كأني انتظر الاميره لي ساعه ملطوع وانا انتظر حضرتها تشرف واغراضها زمان ارسلوهن وش قاعده تعمل للحين وقفت وصرت اضرب السيارة باصابعي عالخفيف وبعدها بدقايق شفت محمد جاي ومعه بنت متوسطه الطول لابسه عبابه ضيقه عالاخير وشاله على راسها ناظرتهم وانا رافع حواجبي بس

تقدم محمد مني وبجمود : هاذي ريم يالله انا استأذن والسموحه اخرناك

وبعدها سلم على ريم ببرود وغادر المكان

التفتت على ريم ورفعت حاجبي وبنظره قويه : وش هالعبايه اللي لابسيتها

ناظرت ريم العبايه وبغرور : ما عجبتك ؟؟

فيصل بشر : ما في داعي تلبسيها من الاصل لانه وجودها وعدمه واحد

مسكت ريم العبايه وصارت تفكها مسكها فيصل بقوه : وش تسوين انتي ؟

ريم تظهر ملامح الغباء : اشلحها لانه هي ووجودها وعدمه واحد

فيصل وهو يكتم عصبيته : انقلعي عالسياره

توجهت ريم للسياره مسكها من يدها بعد ما تذكر نايف : وين نقابك ؟

ريم ببرود : ما اتغطى وتوجهت للسياره من قدام وجلست

ضحك فيصل بخبث وهو يقول بنفسه علامك ما تدرين عن البركان نايف قسم بالله لو يشوفها بالعبايه هاذي الا يكسر راسها وش علي بالطقاق .......

توجه للسياره وجلس وناظرها وهي تلعب بالمسجل وتتذمر وبعدها ناظرت فيصل وهي عافسه ملامحها : اكيد انك من اخوان نايف ما علينا المهم ما في بالسياره شريط اغاني

فتح عيونه على وسعهن من قله ادبها : انا عمك فيصل تاج راسك وناظرها بحده انا ما احط اغاني ومحرمات بسيارتي

ريم لوت بوزها : طيب شغل الراديو

فيصل طنشها

ريم بصوت هامس بس سمعه فيصل : شايب وش ارتجي من وراك وكشت بيدها والتفتت تناظر من الشباك

انقهر فيصل منها وشغل السياره وعزم انه باكر يصبغ شعره وتوجه لبيت ابوه .......

*

*

*

*

صف السياره ونزلت ريم بسرعة وهي تركض نزل فيصل من السيارة ووقف يناظرها وهي تركض فقد الامل منها وعزم ميه بالميه انها مخبولها وتوجه خلفها بسرعة

دخلت المجلس بدون لا احم ولا دستور اعطت نظره للموجودين استغربت الاشكال وبعدها ناظرت جدتها نفس شكلها ما تغيرت

وقفت الجده بعد ما شافت البنت عرفت انها ريم حست بالقهر والحقد عليها رجع من جديد بس تفاجئت باللي ركضت وتعلقت برقبتها

ريم وهي مبسوطة وتعلقت برقبة جدتها : كيفك يا عجوز النار اشتقتلك امواح وباستها على خدها

الجده منقرفه ومسحت مكان البوسه : ابعدي عني ابعدي

نزلت ريم عالارض وبابتسامه اكبر : روحت وارجعت والوان الطيف بعدها بوجهك

اقتربت من جدتها والجده تحاول تبعدها عنها وكأنها منقرفه بس ريم طنشتها وقربت منها وهمست باذنها كلامات

نظرت الجده لريم بكرة وبصراخ : يا قليله الحياء وبتهديد دواك عندي يا حيوانه

ريم ابتعدت خطوات عن جدتها وبعده ركضت على جدها ونفس الحركه عملت تعلقت برقبته وباسته على خده : اشششششتقتلك يا الشايب

الجد يناظرها ووجه بوجها : شايب بعينك يا قليله الحيا وبعدها نزلها من رقبته وبهدوء خنقتيني انزلي انزلي يا ملسونه

نزلت وبعدها ناظرت عمها سلطان تمنت انها ترمي نفسها بحضنه في شي منعها وتقدمت وسلمت باليد بس سحبها سلطان وحضنها وباس راسها وابتسم لها بمحبه ابتسمت بهدوء بس في صوت خلاها تلتفت للخلف ....

يم ابتعدت خطوات عن جدتها وبعده ركضت على جدها ونفس الحركه عملت تعلقت برقبته وباسته على خده : اشششششتقتلك يا الشايب

الجد يناظرها ووجه بوجها : شايب بعينك يا قليله الحيا وبعدها نزلها من رقبته وبهدوء خنقتيني انزلي انزلي يا ملسونه

نزلت وبعدها ناظرت عمها سلطان تمنت انها ترمي نفسها بحضنه في شي منعها وتقدمت وسلمت باليد بس سحبها سلطان وحضنها وباس راسها وابتسم لها بمحبه ابتسمت بهدوء بس في صوت خلاها تلتفت للخلف : ريم

كانت ام بدر واقفه عند الباب دوبها داخله ناظرت ريم ام بدر وهي واقفه عند الباب تمعنت النظر فيها على الرغم انها كانت متغطيه بس عرفتها من عيونها ونبره الحنيه اللي دايما يلامس صوتها ما قدرت تمنع نفسها ما وعت على نفسها إلا وهي متعلقه بام بدر وتحتضنها بقوه وكيف لا تحتضنها وهي كانت بمثابة الام واكثر اهتمامها لهفتها عليها معرفه كل ما ينقصها بدون ان تطلب ريم حضنتها ريم بقوه وتحس بمشاعر لا تستطيع وصفها حضنها كان دافي بعكس حضن امها زادت باحتضانها وصوتها خنقته العبره وهي تهمس بصوت لم يصل الا لاذن ام بدر : ليه تركتيني وما سألتي عني ؟؟؟

كانت ريم مغطيه وجهها بحضن ام بدر زادت ام بدر باحتضانها وانحنت وهمست بإذنها بصوت باكي : سامحيني يا بنتي وبغصه الظروف كانت اقوى مني وما ظنيتك تقبلين لي المضره وبعدها رفعت نفسها شوي وقبلت راسها وبعدها ابعدتها عن حضنها بهدوء وهي تناظرها وقلبها منفطر على ريم

رفعت ريم راسها بهدوء ومسحت دموعها من اسفل النظاره بشويش حتى ما يزيل ما وضعته ريم على وجهها وبعدها اخذت نفس وهي تذكر نفسها انها تنسى شي اسمه دموع وحزن خلص هذا المصطلح لازم تمحيه من قاموس حياتها بعد ما اخذت نفس كانت تردد بداخلها شعارها طنش فنش عش تنتعش وبعد ما اخذت نفس ابتسمت ابتسامه عريضة وهي تناظر عيون ام بدر : اشتقت لك يا خالتي وبعدها ناظرت الموجودين بتمعن ومستغربه من الاشكال الجديده عليها وبعدها رجعت نظرها على ام بدر ومسكت يدها وهي تلتصق فيها وتناظر عيونها وبلهفه سألتها لاحظها كل الموجودين : خالتي وين عبود ؟ ليه مو موجود ؟؟؟ ولوت بوزها بطفوله

بدون ان يشعر احد قرصتها ام بدر بكتفها حتى تنبها بأنه تسكت على امل انه ما حد سمع سؤاله واعطتها نظرها بمعنى اسكتي

بس ريم ببراءه صارت تفرك مكان القرصه وعفست ملامحها وناظرت خالتها بعتاب على القرصه وبصوت مسموع للجميع : ليه قرصتيني ؟؟ وبابتسامه بريئه وهي تلتفت على الموجودين ضاربه عرض الحائط لبعض النظرات الناريه من بعض الحاظرين وباسلوب عبيط وينه عبود ليه ما اجى ؟ وسامي كمان وينه ؟؟؟

الجده وهي ما زالت واقفه بصدر المجلس ونظرات ناريه لو اخترقت ريم لاحرقتها : ايا قليله الحيا وهي تؤشر على ريم وش ودك بالولد يا .......

الجد بعصبية ناظر الجده الواقفه بجانبه وبحده وغضب من الكلمه للي نعتت بها ريم :رفع يده وبتهديد وقسم بالله لو اسمع هاذي الكلمه تنعاد لا تلومين الا نفسك فاهمه

وبعدها ناظر ريم بحده وتوجه لجهتها وقف وناظرها وهي واقفه بالقرب من ام بدر عند الباب : الحقيني عند المكتب

وبعدها طلع متوجه للمكتب رفعت ريم راسها لام بدر اللي كان فرق الطول واضح وكأنها مترددة تلحق جدها

ام بدر تطمنها لانه الوضع بالمجلس مكهرب : روحي يا بنتي وابتسمت ابتسامه تطمنها بانت من عيونها

ردت ريم الابتسامه وهمت بالخروج لكنها تداركت نفسها ورجعت بحماس وبابتسامه : خالتي بالله قبل ما اطلع وينه عبود والله اشتقت له هالشين

ام بدر بضيق من سماكة مخها اللي مو قادرة تستوعب انه سؤالها عن عبود ما يصير اشرت على عبود اللي كان جالس مع الشباب ووجهه صار احمر من الاحراج

لكن ريم ناظرت مكان ما اشرت ام بدر عقدت حواجبها وهي تبحث عن عبود الصغير وبلحظه غباء منها نسيت انه عبود صار كبير وبعدها ناظرت ام بدر وهي عاقده حواجبها : وينه ما اشوفه كلهم كبار عبود مو معهم

تقدم نايف منها وصبره نفد ومسكها من معصمها وتكلم وهو يشد على اسنانه : وقسم بالله اذا ما طلعت الحين غير اطلع روحك الحين وشد على اسنانه من الغيض وهو يتوعد وعقابك بعدين على هاذي الحركه امشي قدامي امشي لا بارك الله فيك وبصراخ امشي غمض عيونه لثواني وهو يحاول يكتم عصبيته وشد على معصم ريم اكثر وكانه يفرغ عصبيته بمعصمهت

رجف ريم قلبها من الصرخه بس اتذكرت الجوري ونصائحها قوت نفسها وتناست وجع معصمها للي حسته تفتت وابتسمت ابتسامه زادت قهر نايف : حااااااااااااااضر سيدي وحطت يدها الثانيه وهي تمثل التحيه العسكريه

وافلتت يدها الثانيه بصعوبه من نايف وركضت بسرعة باتجاه المكتب وهي تضحك بصوت عالي حتى تغيض نايف ووقفت باب المكتب وهي تبلع غصتها

نايف والشياطين كلها تجمعت فوق راسه كان وده يروح ويدبغها ويطلعها جنازه بس في يد مسكته من معصمه : هدي يا نايف البنت بعدها بزر لا تحط راسك براسها

نايف الي ما تعود يرد اخوه الكبير : بس يا ابو سليمان

ابو سليمان بهدوء : لا بس ولا شي خلص البنت رجعت هنا وتقدر نربيها من جديد بس بشويش وسكت للثواني وبملامح جامده اشر لاخوانه يلحقوه عالمكتب عند ابوه .......

*

*

*

*

*

خرجوا اعمامي وانا واقف متصنم مو قادر استوعب عضيت على شفايفي من القهر وانا اشوف ريم مو قادر اتصور انها خطيبتي لا والمشكله جدي قبل يومين اكد لي بانه قريب رح تكون الملكه والزواج بعد سنه غمضت عيوني بقهر وجلست بتعب وانا حاط راسي بين يدي يا رب ما اعترض على خلقتك بس شينه وما في كلمه توصف بشاعتها وهي صغيره كان شكلها الطف من الحين يا رب طلعني من هالورطه انا مو همني لبسها الماصخ لاني غصب عنها رح تلبس عباية عالراس انا مشكلتي بشكلها صح تذكرت ما رح اوافق الا بشرط اني اتزوج عليها واخطب سديم وقتها ما رح تفرق معي اما انها تبقى بخلقتي طول حياتي بأحلامهم مو مستعد ادمر مستقبلي او خلص ما رح اتزوج طول حياتي واخليها معلقه معي

قطع سرحاني ومخططاتي همست نواف بإذني : لا تقول انك غرت من عبود ؟؟

رفعت راسي وناظرته بقهر وبهمس : حرام عليهم يظلموني بها هاذي جوكر يا نواف جوكر ما ا قدر اتقبلها وعض شفايفه بعجز ما حد شاعر بالي داخلي

نواف حس بمعاناة صديقه وتذكر شكل ريم بالنظاره ووجها اسمر بقوه وقريب لدرجه السواد وفي حبوب خفيفه على وجهها : لا تنسى انها فتره مراهقه يمكن تتعدل لما تكبر وكلها لربك وتهون

تنهد سليمان بقهر وهو يردد حسبي الله ونعم الوكيل .....

*

*

*

في مكان ليس بعيد بنفس المجلس كانت الجده مولعه وما خلت شتيمه لريم وام سليمان تتحصر على ولدها للي ضاع مستقبله ورح يتحطم بزواجه هذا اما زوجه فيصل ام خالد كانت تزيد النار وتشحن فيهن

ام بدر ساكته ما تقدر تعترض وساميا ساكته لانها ما تحب تدخل بامور غيرها ..........

وفي نفس المجلس بس جهة البنات كانت الي ماسكه القعده بالسوالف سديم كونها اكبر وحده بالبنات : اللهم اعفنا واعف عنا شفتم شكلها بتخزي

رغد بقرف : مسكين اخوي اسمعت امي وابوي يقولون انه جدي محيره لسليمان من زمان

سديم وكانك حطيتي عليها مويه بارده ووجهها مخطوف : متأكده ؟؟ وصارت النار تلعب بقلبها وهي تقول بنفسها هالشينه تتزوج سليمان اخخخ يالقهر

لينا وهي ترفع حاجبها الايسر : اصلا ريم مو حلوه من لما كانت صغيره يعني ما تغير شي

سلمى كانت ودها تتكلم بس خافت يوصل الكلام لامها وتعاقبها لانه دايما تحذرها ما تتدخل بامور ما تعنيها

وكملوا سوالفهم وهم يحشون بريم ........

*

*

*

*

كنت جالس مع الشباب ومنحرج منهم ومن نظراتهم ونغزاتهم بسبب الغبيه ريم احرجتني هالحيوانه قال تدور علي وشكلها تدور على ولد صغير وش تفكرني بعدني صغير الله يغربلها هي وشكلها تقول انها جنيه وقسم بالله خفت من شكلها هذا اللي ناقص علي ريم وعقدت حواجبي وانا افكر معقول انها ت ... ونفضت الفكره من راسي حتى لو كان انا غير لينا ما اتزوج .........

*

*

*

*

طقيت باب المكتب بعد ما اخذت نفس وقويت نفسي دخلت بعد ما اذن لي جدي بالدخول سميت بالله ودخلت مشيت خطوتين داخل المكتب وبعدها ناظرت المكان نظره خاطفه وبعدها ناظرت جدي اللي كان يناظرني بنظرات ناريه وهو جالس على كرسي المكتب وبيده قلم يحرمه يمين شمال

اشر لي بالجلوس وتكلم بحزم : كان ما اجيتي احسن ممكن اعرف ليه التأخير يا

قاطعه دخول اعمامي تنفست براحه جلس عمي سلطان بجانبي وفي الجهة المقابله عمي ابو سليمان ونايف وعمي فيصل كنت اشوف نايف يناظرني بتمعن وبعدها انقلبت نظراته كره وحقد بس طنشت والتفتت على جدي ......

*

*

*

بعد ما جلست ناظرت ريم بتمعن وانا رافع حاجبي وانا اقارنها بالبنت للي كانت بالمستشفى لاني كنت ناوي اذا كانت نفسها اقوم واطلعها جنازه تأملت ملامحها وبشرتها ما في شبه بينهم البنت بالمستشفى اطول بكثير وابيض واجمل بكثير من هالجوكر وصرت اتاملها سبحان الله ولا كانها بنتي من ناحيه الجمال حتى ولا طلعت لامها ساره اذكرها كانت مثل الثلج بالبياض وقلبت ملامحي كره لما تذكرت ساره شكيت انها تطالعني ريم بس مو متاكد من النظاره للي لابسيتها والي يشوف هالنظاره يظنها من عصر الانباط كانت النظاره شكلها مضحك وغريب وما توضح شكل العيون بعدها لفت ريم وجهها لابوي بعد ما لوت بوزها .....

*

*

*

*

*

الجد يناظر ريم وبجديه بعد ما تنحنح: بالبدايه ورفع حاجبه الايسر ممكن اعرف وش هذا للي لابسيته

ريم وهي تصطنع البراءه وتناظر عبايتها : هاذي عبايه وبعدها ناظرت جدها وابتسمت بعباطه ما تعرف العبايه ؟؟

الجد بحزم وهو يناظرها : انا ما اضحك والعب معك انا اتكلم بجديه بالله تسمين هاذي عبايه وش فايديتها اذا وصفت جسدك كله وباسلوب رقيق يا بنتي العبايه ستر للبنت وحمايه لها من الشباب للي ما يخافون الله البنت مثل اللؤلؤة الغاليه مو كل واحد يشوفها ويلمسها لازم نخبيها عن عيون الناس سكت لثواني وبعدها كمل هاذي العبايه ما ابغى اشوفك لابسيتها وبكره روحي السوق واشتري عبايه فضفاضه وبهدوء اتفقنا

ريم كانت مقتنعه بكلام جدها من قبل ما يقول بس في شي بداخلها يخليها تعترض وبنظرة لوم وهي ترفع حاجبها وناظرته بنص عين : وينك طول هالسنين عن هالؤلؤه الحين بس اكتشفتها وبهدوء عكس النار للي بجوفها كملت كلامها وبعدين انا ما ارتاح اذا ما كانت العبايه كذا

فيصل بقهر من عنادها وانها ترادد ابوه ولا واحد من اولادهم رد الكلمه لابوه تيجي هالبزر ترادد : عمرك لا ارتحتي وكلام ابوي بتسمعيه غصب عنك مو بكيفك فاهمه ولا تفكري انك غاليه وثمينه انتي اصلا ما تسوين ريال

التفتت ريم لعمها فيصل صحيح انه جرحها بكلامه بس طنشت وبابتسامه تغيضه وتحط رجل على رجل : اعصابك يا عم ليطق لك عرق ونبلش فيك من مستشفى لمستشفى ورفعت حواجبها ونزلتهن

وقف فيصل معصب وهو يناظر ريم ووده يوكلها باسنانه مسكه ابو سليمان وبحكمه وهمس له بالهداوه كل شي يتصلح مو بالصراخ ومسك يده ورجعه مكانه

ناظرت ريم جدها وبدلع تغايض نايف وفيصل : بس انا مو متعوده على الوسيع والبنات بالمدرسه اذا لبست وسيع يصيرون يتمسخرون علي

فيصل فقع من دلعها للي مو لايق عليها بنظره وبعصبيه وهو يناظرها : ان شاء الله الله يمسخك قرد فوق ما انتي قرده وتتدلعين

نايف وهو يتأفف ومعصب رجع ظهره على الاريكه ومد يده على الاريكه و بتأييد لكلام فيصل وهو يلوي بوزه : يا شين السرج عالبقر

سلطان بضيق منهم وهو يناظرهم : استغفروا الله وصلوا عالنبي

علت اصواتهم بالذكر وبعدها ناظر الجد ريم : يا ريم خلهم يتمسخرون بالبدايه وبعدين يتعودون ومين الاهم ترضين رب العالمين والا صديقاتك بالمدرسه

كانت ريم ودها ترد بس سمعت نايف يقول : اشك انه عندك صديقات روحي شوفي وجهك بالمرايه مين المجنونه للي بتصاحبك وواعطاها نظرة وكانها شي قذر

اعطته ريم نظره عجز يفسر معناها والتفتت على جدها للي بنظرها حتى لو ما يحبها بس يصف معها وقررت تستغله لصالحها : اعرف انه كلامك صح بس انا عشت في بيئه كل شي عادي وفجأة كل شي ممنوع صعب علي اتقبله صح ؟

الجد بمواقفه لكلامها : صح كلامك كل شي بالتدريج

ريم بابتسامه لجدها : خلص باي وقت انزل عالسوق واشتري عبايه وسيعه

نايف باعتراض : ما له داعي تروحين احنا نجيب لك لفات السوق مو عندنا الهياته للي كانت هناك ما تمشي هنا

الجد بحزم : نايف اتوقع اني انا اتكلم مع البنت وانا اقرر انها تروح او لا وبعدها اردف وهو يناظر ريم وبلهجه لطيفه خلص خلال اليومين تروحين عالسوق وتشترين عبايه على مقاسك اتفقنا

ريم بابتسامة نصر خلت نايف وفيصل يولعون من القهر : اتفقنا

الجد بهدوء : النقطه الثانية وين نقابك ؟؟ احنا ما عندنا بنات ما يتغطون شوفي اختك سلمى اصغر منك ومع كذا تلبس غطاء كامل علشان كذا من الحين تتغطين عن اولاد عمك ولا تقولين انك ما تعودتي حياتك هناك ببيت سالم انسيها لانها ما تناسبنا فاهمه

نظرت ريم نظره خاطفه لفيصل ونايف كانوا يناظرونها بنظره انتصار بس وين مستحيل تخليهم يفرحون بنصرها التفتت لجدها وبملامح جديه : دامها بيئتهم ما تناسبكم ليه ترميني عندهم ولا كلفت نفسك تسأل عني علشان كذا ما يحق لكم تنتقدون او تعترضون على تصرفاتي هذا حصاد زرعكم فلا تلوموني وبعدها ارخت ملامحها وناظرت الارض وبهدوء تكلمت

كان ودي البس نقاب بس قبل فتره تعبت ورحت عالمستشفى وقال الطبيب انه عندي ضيق بالتنفس ما اقدر اتغشى

سكت الجد وهو يناظرها ويفكر بكلامها وبعدها ناظر نايف للي العصبيه ظاهره على ملامحه : كذابه لا تصدقها يبه وش يضمن لنا صدقك وهو يناظر ريم وماسك نفسه عن ضربها

رفعت ريم راسها كان ودها ترد على نايف بس انصدمت من الكف اللي نزل على وجهها من نايف وعيونه حمر من العصبيه وهو يؤشر بيده : لا تكذبين فاهمه والنقاب تلبسينه غصب عنك بدون لف ودوران فاهمه

كانت رح تضعف لكنها تذكرت لاخر لحظه انه مصطلح البكاء مسحته من قاموسها وتذكرت شعارها ابتسمت بوجه نايف وبعدها ناظرت جدها للي كان يناظر الموقف مندهش : اذا مو مصدقين بكره نروح على اي مستشفى حتى تصدقون والاوراق معي وبابتسامه حماسيه حتى تقهر نايف اروح اجيبهن ونهضت نفسها حتى تروح

بس اوقفها صوت جدها الحازم : خلص صدقتك اجلسي واشر على نايف واعطاه نظره قويه : اخر مره ايدك تمدها عليها وخاصه بحضوري البنت مو بزر تضربها البنت صارت كبيره وقريب تصير عروس مفهوم

رجع نايف مكانه جلس وهو شاد على اسنانه من القهر : ان شاء الله يبه السموحه وبنفسه ابشع عروسة الله يعوضك يا سليمان

طنش الجد اعتذاره كالعاده ووجه كلامه لريم بابتسامة : خلص النقاب انسيه الحين ورح اخذ لك موعد بالمستشفى حتى تراجعين هناك وتتحسن صحتك وبعدها سأل وهو معقد حواجبه ما قلت لي وش سبب ضيق النفس عندك ؟؟

وقعت ريم نظرها على نايف وبعدها ناظرت جدها وهي تبتسم بعباطه : زلقت رجلي بالمسبح وغرقت لدقايق وسببت لي ضيق بالتنفس

نايف بصوت واطي بس سمعه الموجودين : ليتك غرقتي ومتي واخلصنا منك

ناظرت نايف وحسيت بسكين طعنتني اذا ابوي يتمنى لي الموت ما الوم واعتب على الباقيين وين اروح نفسي اعرف وش الذنب للي اقترفته وش ذنبي اعيش منبوذه الكل يكرهني اذا ابوي كذا للي مفروض يدافع عني يوخذ بحقي ما يسمح لاحد يذلني ويكسرني هذا ابوي للي مفروض يعزني مو يذلني ويكسرني كسر قلبي جرحني جرح ما رح انساه طول حياتي اخذت نفس واحس النار بجوفي وانا اتجرع المر خلص مو قادرة اتحمل اكثر عضيت شفايفي بقهر كلماته كانت طعناتها اقوى من الكف غمضت عيوني ورفعت راسي لفوق وانا اعض على شفايفي وبعدها نزلت راسي وحطيت يدي على فمي امنع شهقاتي تطلع شهقات مليئه ذل وانكسار ضيقه عجز حرمان وتشتت خلص اندثر جرحي وقلبي ما عاد يتحمل و يصبر اكثر احس نفسي خلص تبعثرت وزادت شتاتي متى يرحل حزني ؟!

متى ألملم شتاتي؟!!

متى اودع همومي ؟!!!

شديت اكثر بيدي على فمي وانا اكتم شهقاتي ومجرد ما حط عمي سلطان يده على كتفي ما قدرت اتحمل اكثر وقفت وركضت خارج المكتب وشهقاتي للي ملأت المكان خلص حسيت نفسي مخنوقه مو قادره اتحمل اكثر وركضت باتجاه الدرج وصعدت لغرفتي ودخلت بسرعة وقفلت الباب وجلست ورى الباب على الارضية وتكورت على نفسي ودخلت بنوبه من البكاء لعل كل همومي والضيقه تفارقني جرحوني حاسه بنار تكويني احاول انسى كل المواقف لمتى رح اتحمل كل الطعنات ذبحوني بجفاهم حاسه خلاص رح اموت من القهر كنت اتحرى اليوم للي انادي كلمه بابا 14 سنه انحرمت منها

حرموني من كلمه بابا تعالت شهقاتي مو قادرة اسيطر عليهن مو قادرة فوق احتمالي

عضيت على شفايفي من القهر حتى شعرت بالدم لما تذكرت نظرتهم لي هذا اكثر شي يوجعني النبذ وكأني شي مقرف او مرض معدي يخافون اعديهم تذكرت امي وانا اردد ما تفرق عنهم ما تفرق عنهم اكرهم اكرهم

ضاقت الدنيا بعيني .....وذبلت اوراق العمر

وانكسر قلبي بحزني .......وصاحت امواج البحر

اندفن فرحي بحزني ........ومات من قلبي الصبر

الزمان للي هجرني ابتلى قلبي بالسهر

انسجن همي بصدري .....وغابت اصوات القهر

اه يا غربة زماني اه يا اخر عمر

ذبلت ازهاري بصدري ......وغابت انوار الفجر

يا طيور الحزن خليني انندفن بصدر القبر

لملمي اخر شتاتي .....وضمدي روحي بصبر

*

*

*

*

بعد ما طلعت ريم وشهقاتها رجع صداها بالمكان وقف الجد بعصبيه وهو يناظر نايف : انت ما تعرف تمسك لسانك ؟؟؟ من يوم رايح كلمه واحده ما ابغى اسمعك تتكلم معها ما لك فيها من يوم ورايح

وعض على اسنانه من القهر وتوجه خارج المكتب وبعده قام سلطان واعطى نايف نظره لو كانت النظره تقتل لقتلته وبعدها طلع وضرب الباب خلفه بقوه وهو يمسح دمعه تسلسلت من عينه ....

حط نايف راسه بين يدينه وهو يتنهد بندم ما توقع انها تتاثر ويكسر بخاطرها وعض على شفته بندم وهو يردد بداخله يا رب ازل كرهها من قلبي يا رب بدل مكانه محبه كان يحس بالندم ريم البكر عنده المفترض يكون لها ميزه عن اخوتها بس تنهد بتعب وهو يرفع راسه ويسنده على الكنبه وهو مغمض عيونه مع شعوره بالندم لكن يرفض ان يعترف بالخطأ يكابر بعدها وقف وطلع من المكتب وخلفه فيصل وابو سليمان للي كانوا ساكتين بدون تعليق يذكر .....

*

*

*

*

كانوا الاغلب واقف قريب من المكتب مستغربين من الوضع لما سمعوا الشهقات العاليه خرجوا من المجلس بفزع بس شافوا زول ريم وهي باخر الدرج وهي تركض وبعدها بدقايق خرج الجد ووجه متجهم وما كلم احد وخرج من البيت وبعده سلطان للي صفق الباب بقوه نقز البعض منها واستغربوا من عصبيته وما حد عارف وش للي صار

الجده بفرحه : اكيد هالحيوانه اكلت طراق يعدلها ويسنعها

ام خالد وهي مبسوطه : اكيد خالتي والدليل صوت بكاها اكيد اكلت طراق يعدلها

خرج نايف ووجه اسود وبعده فيصل وابو سليمان والكل ساكت ما حد تكلم وخرجوا من البيت والكل على زجههم علامات استفهام ما حد عارف وش للي صار

نزل راكان من الدرج وهو يركض : يمه البنت للي فوق تبكي

ام خالد بتشكيك : وانت وش عرفك ؟؟

راكان وكانه اذاعه اخبار : خالتي ام بدر تطق الباب علشان تفتح بس ما فتحت بس صوت البكى طالع منها

الجده بشماته : خلها تستاهل

وبعدها بدقايق نزلت ام بدر بهدوء ولما وصلت سألتها الجده بتحقيق : علامها بنت ساره تبكي

ناظرت ام بدر الجده وهي تحاول تعدل صوتها حتى ما يعرفون انها كانت تبكي : ما اعرف رفضت تفتح الباب وحتى تسكر اي حوار لكلام ثاني التفتت على اولادها بعد ما مسكت يد بنتها ام 4سنوات : يالله عالبيت وبعدها استأذنت وطلعت من البيت وحاسه حالها مخنوقه على ريم بس ما يطلع بيدها شي تنهدت بتعب وهي مطنشه اسئله اولادها ........

*

*

*

*

*

*

*

لوت الجده بوزها لعد ما طلعت ام بدر : والله هالحرمه ما ذبحها غير طيبتها وحساسيتها الزايده قلبها رهيف

وتوجهت راجعه للمجلس شافت البنات واقفات عند باب المجلس ويطالعن بلقافه نهرتهن الجده وبسرعة دخلن داخل بعد التهزيئه .....

مسك نواف يد سليمان واشر لعمر وبدر يتبعوه وطلعوا للحديقه وعند الباب شافوا صقر داخل

صقر بابتسامة : قوكوا يا شباب

نواف بابتسامة : هلا هلا والله كملت شفتك ؟؟

صقر : لا بعدني وناظره وهو يرفع حاجبه يا سخافتك يعني قدامك واقف راجع للبيت اكيد مكمل شغل

عمر : تعال اجلس معنا ؟؟

صقر وهو يتثاوب : تعبان ودي اخذ دش واناااااااااام وارتاح من قرف المستشفى

بدر يغري صقر : انت حر بس فاتتك احداث خطيره

صقر بتشكيك : واو احداث خطيره دخيلك يا خطير انت بس وش هي هالاحداث الخطيره ؟؟

عمر بلقافه : كنا ودنا نقلك لا تدخل داخل لانه الوضع متكهرب بلاش تضربك الكهرباء وتموت ههههههههوضرب كفه بكف بدر

صقر وهو يعقد حواجبه : يا سخافتكم انتم الاثنين يعني دخلناكم جامعه بالواسطه حتى تصيروا فهمانين وثقيلين

بدر يستخف دمه : والله اني زدت كيلو بعد الجامعه

عمر وهو يضحك : ههههه وانا بعد زاد وزني بالجامعه 2كيلو

صقر وهو يكش عليهم : زاد وزنكم من المواد للي حاملينها

بدر وعمر سكتوا وحسوا وكانه مويه بارده فوق راسهم انكبت

نوف بابتسامه راكزه : الحمد لله انك سكتتهم واذا انك تعبان روح وما ترد عليهم ما في شي بس ريم جات

صقر براحه : طيب في حد بالداخل ؟؟

سليمان بهدوء وهو متكتف : ما في غير الحريم

صقر باستغراب : وين. الباقي ؟؟؟

بدر بابتسامة : هذي الاخبار الخطيره للي ودنا نقولك عنها تعال تعال ومسك يده تعال عالمقر خلينا نقول لك وش صار احداث من الاخر

انصاع صقر لهم وتوجه معهم للمقر جلسوا طبعا صقر يحب يسمع الاخبار من بدر وعمر يعطونك الخبر بالتفصيل مو مثل نواف وسليمان للي صاروا يا دوب تطلع الكلمه من حلوقهم وكل شي باختصار عندهم

بدر بلش يسولف له من اول ما جاءت ريم بالتفصيل حتى شكلها وصفه وكان وهو يوصف يناظر سليمان نظرات خاطفه خايف منه يقوم بدوس ببطنه يوصف خطيبته بس سليمان ما علق لانه كان سارح بخياله وما سمع شي من كلام بدر

صقر وهو عاقد حواجبه : طيب هي مخبوله عقلها فيه شي بقوه عين ودها تشوف عبود

عمر يكمل عن بدر : هذا للي جاك وبعدها دخلوا اعمامي معها عالمكتب وبعد وقت اسمعنا صوت بكى وشهقات لما طلعنا كانت ريم اخر الدرج صارت وبعدها طلع جدي وبعده اعمامي معصبين وما حد تكلم معنا وطلعو من البيت كله

صقر وهو يفكر : امممم يمكن حصلت كم طراق علشان كذا كانت تبكي

وعمر وهو مو مقتنع : طيب ليه اعمامي طلعوا معصبين ؟؟؟

صقر وهو يفكر : يمكن عصبوا من لسانها الطويل

نواف وهو يناظر للبعيد : يمكن جدي فاتحها بموضوع خطبتها لسليمان

لما سليمان سمع كلمه خطبه صحى من سرحانه

صقر وهو رافع حاجب : يمكن احتمال كبير بس حرام البنت صغيره

سليمان بقهر : حرام صغيرة وانا مو حرام يبلوني فيها ااخ انت ما شفت شكلها وعض على شفايفه بقهر

صقر بهدوء : عمر الجمال ما كان كل شي اهم شي الاخلاق والادب

سليمان وهو يناظر صقر بقهر : هذا انت قلتها بعظمه لسانك اهم شي الاخلاق وين الاخلاق لابسه عبايه ودها تنمزق من كثر الضياق وين الادب لسانها اطول منها وما تخلي لا كبير ولا صغير إلا ترد له بدل الكلمه عشره وفوق كل هذا شينه وحط يده على راسه وبألم مو قادر استحمل راسي وده ينفجر من كثر التفكير

سكت صقر لانه ما لقى شي يواسي سليمان فيه وكلامه صحيح ميه بالميه

ناظرهم سليمان بقهر وهو شاد على راسه : كله بسببكم حطيتوها برقبتي وبلتوني فيها وبعدها قام وغادر المكان وهو حاس الدنيا ضاقت به .......

صقر تنهد : الله ييسر الاحوال واستأذن وتوجه للبيت

مرت الليله بسلام وحل الصباح ...........

*

*

*

*

صحيت الصبح ولقيت نفسي نايمه عند الباب وبعدني لابسه عباتي والشيله على راسي اتحاملت على نفسي ووقفت بتعب وتوجهت بخطوات بطيئة متعبه للمرايه ناظرت نفسي نقزت اول ما شفت حالي بس تذكرت اني حطيت البارحه قبل ما اجي هنا كريم اساس للتسمير وحطيت فوقه بلاشر بني غامق وعجبت على حالي ولبست نظاره وما لبست كعب حتى ابعد شكوك نايف عني وما يعرفني بس الحين ما عادت تفرق معي ومو عاجبه بلاش هاذي حياتي رماني وما سأل عني وجاي يحاسبني خلص بعد البارحه قلبي مات وموت معه الاحساس بطلت تفرق معي ورح اقهرهم بابتسامتي وشديت على قبضه يدي بقهر وندم كيف ما ثبتت نفسي عن البكاء مبارح تنهدت بألم وبعدها توجهت للحمام واخذت دش اريح فيه اعصابي وشفت حقيبة اغراضي على الارض تقربت منها بشويش وفتحتها بملل واحترت وش البس لكني بالاخير قررت البس برمودا زهر مع بلوزه خيط لونها زهر ومنقوشه برسومات ابيض لبستهم وبعدها بديت امشط شعري صحيح انه طويل بس ما في عقد بسرعه امشطه بعد ما مشطته سرحت شعري جدوله عاليمين وجدوله عاليسار كان شكلي طفولي جدا وخاصه اني ما حطيت مكياج للي يشوفني يفكر عمري 10 سنوات توجهت للسرير ورميت نفسي عليه بتعب وانا مستلقيه على بطني قررت اني ما اطلع اليوم برا وبنفس الوقت خايفه هو مو خوف بس ما احب حد يتهمني بشي انا ما عملته يعني الشباب بالمول هم نفسهم الموجودين بالمجلس اذا شافوني وتذكروا اني للي كنت بالمول اكيد رح يلبسوني تهم ما لها اساس غمضت عيوني وانا محتاره ارجع احط من الكريم الاساس المسمر وخاصة اني ما رح اتنقب اففففففف والله محتاره بس الجوري وبنات خالي يقولون اني بالمكياج ما اشبه حالي فرق شاسع ومستحيل حد يصدق اني نفس الشخصيه وغرقت بالنوم بدون ما احس وانا محتاره كنت احس في صوت طرقات بس تداخلت مع الحلم وبقيت بعالم الاحلام .......

*

*

*

*

مر 6 ايام على تواجدي ما طلعت من الغرفه كانت الخدامه تحضر كل وجبه بوقتها سألتها عن جدي قالت لي مسافر وسألتها متى بيرجع قالت ما تعرف جلست على التي في اتابع فيلم من بعد ما روحت عند اخوالي تغير تفكيري حتى افلام الكرتون توقفت عن متابعتها كله افلام ومسلسلات <هذا من تاثير الصحبه السيئه عفانا الله وإياكم

ومر اليوم علي ممل كالعاده حتى المدرسه عطلت وما داومت خلص قرفت الحياه وما عادت تهمني الدراسة رجعت للتلفاز ومرت ساعات على نفس الجلسه بالليل سمعت صوت الخدامه جايبه عشاء بس طلبت منها ترجعه ما كان لي نفس للاكل رجعت مكاني اتابع بصمت واستغربت حتى ام بدر بعد ذاك اليوم ما رجعت بس اتوقع عندها ظروف يمكن جدي او جدتي مانعينها لانها اتذكر قالت لي اكيد ما ترضين لي المضره يالله على كل حال الله يوفقها ونمت وانا ادعي لها ......

صحيت على دقات الباب قمت مفزوعه وبسرعة توجهت للباب. سألت مين بدون ما افتح الباب ردت الخدامه وهي تخبرني انه جدي طالبني وطالب كمان البس العبايه والشيله وانزل تحت استغربت وكنت ودي اطنش بس تراجعت وقررت انزل بس احترت احط كريم وإلا لا وتذكرت اشكالهم الاسبوع الماضي كيف كانوا يطالعوني انا وسوادي هههههه وفكرت خليني استانس دامهم ما اكتشفوا الحيله وبلشت اطرش وجهي وزدت العيار وعملته بمهاره حتى للي يشوفه ما يخطر بباله انه مكياج وبعدها لبست النظاره وتذكرت شكل بنات خالي قبل ما اطلع لما شافوني كذا حاولن يعرفوا وش السبب بس طنشتهن وذبحتهن لقافتهن يالله مشتاق لهن كثير ولقعدتهن وضعت اللمسات الاخيره وانا اردد طنش فنش عش تنتعش ونزلت لتحت

مفزوعه وبسرعة توجهت للباب. سألت مين بدون ما افتح الباب ردت الخدامه وهي تخبرني انه جدي طالبني وطالب كمان البس العبايه والشيله وانزل تحت استغربت وكنت ودي اطنش بس تراجعت وقررت انزل بس احترت احط كريم وإلا لا وتذكرت اشكالهم الاسبوع الماضي كيف كانوا يطالعوني انا وسوادي هههههه وفكرت خليني استانس دامهم ما اكتشفوا الحيله وبلشت اطرش وجهي وزدت العيار وعملته بمهاره حتى للي يشوفه ما يخطر بباله انه مكياج وبعدها لبست النظاره وتذكرت شكل بنات خالي قبل ما اطلع لما شافوني كذا حاولن يعرفوا وش السبب بس طنشتهن وذبحتهن لقافتهن يالله مشتاق لهن كثير ولقعدتهن وضعت اللمسات الاخيره وانا اردد طنش فنش عش تنتعش ونزلت لتحت بهدوء كان المكان فارغ بس في صوت

بالصاله الداخلية توجهت وانا ارسم البسمه ومقرره اعيش حياتي واطنش كل شي اهم شي وناستي دخلت الصاله كانت جدتي واتوقع انها زوجة عمي فيصل وام سليمان الظاهر انه نازله عليهن مصيبه من اشكالهن دخلت وانا ابتسم بخبال ورفعت يدي وبصوت عالي : هاااااااااااااي انا جيت وابتسمت بعباطه وانا اناظرهن واسبل بعيوني

ناظرتني ام سليمان بناظرات ناريه يمه والله تخوف وقالت بكره و هي تردح لي : الله لا يجيب الطريق للي جابتك

ناظرتها ببراءه : طؤ طؤ طؤ لا يا خالتي ما هقيتها منك ومديت شفايفي لقدام وانا ادلع

الجده بكره ومن ملامحها كأنها شايفه جني : انقلعي من وجهي يا حيوانه لا بارك الله فيك مثل ما دمرتي نفسية هالولد وش ذنبه يبتلى فيك

عقدت حواجبي وانا مو فاهم قصدهن بس طنشت وجلست جنب جدتي وتقربت منها وبستها : امواح وطلعت صوت عالي ليه زعلانه يا عجوز النار ؟؟

ردت علي ووجهها صار احمر ومع الوان الطيف للي على وجها من المكياج صارت تحفه فنيه : انت قليله حياء ما تستحي ما تخجلي ما تحترمي للي اكبر منك انقلعي برا انتظري جدك علشان تنقلعي معه

حطيت يدي على قلبي وغمضت عيوني بألم معقول رح يرميني كمان مره بس هاذي المره وين وسألت بهدوء عكس شطانتي للي كانت قبل شوي : وين رح يؤخذني ؟؟؟

ام سليمان بقهر وبشراسه وهي توجه كلامها لي : لا تسوين نفسك بريئه و ما تدرين عن شي وكله من تحت راسك يا حيه انتي اخخخخخخ منك حسبي الله ونعم الوكيل فيك

عقدت حواجبي وانا مو فاهمه القصد من كلامهن وببراءه : والله ماني فاهمه وش قصدك ؟؟

زوجة عمي فيصل ناظرتني بتكبر: يعني ما تدرين انه اليوم ملكتك على المسكين تعيس الحظ ابنها واشرت على ام سليمان وعمي يستناك يوخذك عالمستشفى علشان الفحوصات

بصراحة كانت صدمه كبيره ما كنت متوقعه تكون ملكتي بصراحة بعد ما ملكة الجوري تمنيت اني انخطب لا تقولون بعدني صغيره لاني بصراحة ودي استقر كرهت حياة التشتت خلص واخيرا رح احصل على الاستقرار بغض النظر عن الشخص من الفرحه نطيت لفوق ومديت يدي بالهوى وانا اقول : ياااااهو

وبصوت عالي صرت اردد مو مصدقه اليوم ملكتي مو مصدقه ونطيت عند زوجه عمي فيصل ابوس فيها : امواح امواح الله يسعدك رح اجيبلك هديه لانك انت بشرتيني امواح

وقفت زوجة عمي فيصل وابعدتني عنها وبقرف : ابعدي عني اقرفتيني ما اقول الله يكون بعونك يا ام سليمان على هاذي البلوى وتوجهت وجلست جنب ام سليمان حتى تبعد عني

وقفت وانا ابتسم حتى اقهرهن < اعرف اني مو قليله 

رفعت عباتي وربطتها على خصري ومشيت لعند جدتي وسحبت منها السبحه اعترضت بس انا طنشت ووقفت بوسط الصاله ونزلت رقص ودبكه واهز واغني وازغرد وألولح بالسبحه لمده عده دقايق

بعدها قامت جدتي وبصوت عالي صرخت : بس بس

وقفت اناظرها وانا مكشره تكلمت جدتي بعصبيه : بس يا قليله الحياء ما في مستحى انا اعرف البنت اذا قالوا لها عالزواج تستحي وتذوب بثيابها من الخجل مو مثلك قايمه تترقصي وضربت كفوفها ببعضهن انت ما منك فايده

تقدمت منها وانا واقفه على رؤوس اصابعي علشان اطولها واعطيتها نظره نص عين ووجهي قريب من وجهها : يعني لما خطبك الشايب بدك تقنعيني انك ذبتي بثيابك حياء وبعدت عنها كم خطوه اممم بصراحه اشك بالموضوع يا عجوز النار

ولعت جدتي كانت ودها تردح لي بس قاطعتها : ما علينا من هاذي السوالف ووجهت نظري لام سليمان الي يشوفها يقول قابره زوجها من الضيق ههههه بصراحه منظرها ضحكني لهاذي الدرجه تكرهني ما عليه قربت منها وانا اسبل بعيوني وادلع : خالتي ما قلتي لي ابنك وش يشتغل وش اسمه ؟؟

ام سليمان بقهر وهي تناظرني بحده : لا والله ادللي كمان اصلا يصح لك تاخذي سليمان الف وحده تتمناه هذا دكتور كل البنات يتمنوه بس ما اقول غير حسبي الله ونعم الوكيل مثل ما كسرتي احلامه

زوجه عمي فيصل تزيد النار : وإلا شاب مثل سليمان كل البنات ينتظرون منه نظره يتزوج هاذي واشرت علي بقرف شينه شينه يا رب ما اعترض على خلقتك بس ما اقول غير الله يكون بالعون

ناظرتهن بنص عين وانا ارفع حاجبي : كأنكن تحشن في و انا واقفه بس ما عليه بمشيها بمزاجي لانه في اشياء ودي اسأل عنها اهم

وبحماس طيب متى رح البس فستان وغمضت عيوني بحالميه متى انزف وانا ماسكه يد خطيبي _وشبكت يدي وانا رافعهن _وكملت احلامي وانزل ارقص على المنصه اه متى متى والناس تقول سبحان الله ريم الدلوعه الاموره توخذ ابن المتوحشه هاذي

نقزت بصراحة على صراخ ام سليمان وهي تردح، : تخسين اصلا رح يقولون مسكين الله يعينه على ما ابتلاه وبعدين انتي ما عندك حياء وخجل تتكلمين بهاذي الامور وباسلوب تحقيق وش عرفك بالاعراس وش يصير فيها ؟؟

تقدمت منها وانا امشي بغنج وجلست على الارض قدامها وهي جالسه على الكنبه وتربعت وانا اطالعها وانا اسبل عيوني : اممم لاني بكل بساطه ما خليت عرس قريب ولا بعيد الا حضرته ورقصت فيه رقص والناس كلها تأشر علي وتقول يا صلاه عالنبي

وفجأة تذكرت شي وناظرت جدتي للي كانت تناظرني ونظراتها ودها تقتلني ناظرتها بدلع : صحيح يا عجوز النار بعرس ام زياد نزلت ارقص ورقصت رقص من الاخر بعد ما كملت تقدمت مني حرمه اسمها ام عبدالله سألتني بنت مين انتي قلت لها بنت نايف سليمان .....

قالت لي انتي جدتك مزنه قلتها ايوه قالت سبحان الله نفس الشكل تشبهينها كثير وسبلت عيوني لجدتي

وقفت جدتي بعصبيه بعد ما اشرت علي : تخسين انك تشبهيني وهاذي ام عبدالله شغل حش وسواليف مثل وجهها

يا فضيحة الفضيحه الحين ما رح تخلي حرمه إلا تقول لها حفيدة مزنه رقاصة وشينه وصارت تروح وتيجي بالصاله وكانها بعزاء

ام سليمان تحاول تهدي جدتي : يا خالتي عرس ام زياد صار قبل سنتين يعني الظاهر انها ما تكلمت والا كان سمعنا لا تردين عليها هاذي شغل خراب بيوت وناظرتني بكره : قومي ابعدي عني مو طايقك

وقفت وانا اقول لها اصلا قايمه اكمل رقصي بمناسبه ملكتي

ام سليمان بقهر : لا تفرحي تراه سليمان يكرهك وما يطيقك لا تفكري اخذك محبه مغصوب عليك

طنشت كلامها للي مثل وجهها وحبيت اقهرها وقفت بغنج : عادي خالتي الحب بعد الزوااااااج ورفعت حواجبي ونزلتهن وانا ابتسم

ام سليمان بقهر وتوعد : والله لتندمين والايام بيننا يا ام السعف والليف

طنشتها ونزلت دبكه وألولح بالسبحه واغني والعب بحواجبي حتى اقهرهن كانت مناظرهن تضحك مولعات من العصبيه

وانا ارقص ما اعرف وش للي صار بس تحمست زياده واطلقت زغروده عاليه هزت البيت

وبعدها انخرست لما سمعت صراخ عمي فيصل يصرخ من ورى الباب : انت ما تستحين على حالك ما تخجلين بتفكرين نفسك لوحدك بالبيت ترقصين وتغنين وقسم بالله اذا اسمعت همس لك الا ادخل وامردغك بمكانك

ناظرت خالتي ام سليمان جالسه بدون عبايه فأخذت راحتي بالكلام وبتحدي وانا متكتفه : اتحداك تدخل وبعدين جدي قال ممنوع تمدون يدكم علي

عمي فيصل بعصبية: والله ما خربك غير دلال ابوي لك

وبعصبيه اكبر ريم اختصريني ولا تحديني ادخل ووقتها اترحمي على نفسك وبصراخ فاهمه

رديت عليه وانا ناوي اقهره وانتقم منه وبصوت عالي : مو فاهمه واعلى ما بخيلك اركب < اعرف انه غلط ولازم احترم للي اكبر مني بس ما اعرف وقتها كان كل افكاري انتقام واقهره مثل ما قهرني

فيصل بعصبية : ام خالد افتحي لي طريق خليني اوريها قليله الحياء

الجده وبفرحه : دقيقه يمه افتح لك طريق وقامت جدتي وام خالد اعطوا ام سليمان عبايه حتى تتغطى

بصراحه حسيت حالي خلص اليوم رح اطلع جنازة وكله بسبب لساني الطويل وخلال دقايق وسمعت صوت جدتي الماكر : ادخل يمه واعطيها كم طراق

تتسنع فيهن

وخلال ثواني كان عمي عند الباب وانا بوسط الصاله حسيت حالي بحصار وين اروح وين اهرب خلص اكلت زفت وخاصة جدتي وام خالد وقفن عند الباب حتى ما اهرب برا

غمضت عيوني خلص قررت استسلم واقنع نفسي واقويها انه ما يقطع الراس الا للي ركبه ولما حسيته قرب مني

وتيجيني فكره واركض بسرعه عند ام سليمان واتخبى عندها وامسك بعبايتها

وقف عمي فيصل وبقهر وعجز ما يقدر يقرب من خالتي ام سليمان وبصراخ : ريم تعالي هنا دام النفس عليك طيبه

ناظرته بصراحه غريب وده يضربني ويطلب مني اروح له برجلي اكيد بعقله شي تمسكت بام سليمان اكثر للي كانت تحاول تبعدني عنها وبدلع جلط الموجودين : خالتي ابعديه عني انا خطيبة ولدك ترضين انه يضربني وانا بعدني عروس وصرت العب بحواجبي اقهر عمي فيصل

اعرف اني العب بدمي بس ما قدرت امسك لساني

فيصل وكل الشياطين تنطنط فوق راسه وبصراخ هز البيت : ريييييييييم

بصراحه نقزت وقلبي صار طبول من الخوف وحسيت قلبي نزل لعند ركبي بس حطيت يدي على قلبي براحه لما شفت جدي دخل الصاله وبحزم : وش صاير يا فيصل

فيصل بقهر وهو يؤشر علي : هالحيوانه ترقص وتغني بصوت عالي ومبسوطه انها اليوم ملكتها لا حياء ولا احترام

ناظرني جدي وبحزم : صحيح هذا الكلام ؟؟

فيصل بقهر : يعني يبه انا اكذب ؟؟

الجد بحده : انا سألت ريم صحيح هذا الكلام ؟؟

ناظرت جدي بتوتر وبتردد : صحيح وانا افرك يديني ورفعت راسي بابتسامة لجدي امممم كنت مبسوطة ونسيت نفسي من الفرحه انه اليوم ملكتي

فيصل بقهر : شفت يبه شفت بعينك ما في حياء عندها هالبنت

الجد براحه ظهرت على ملامحه : يعني ما عندك اعتراض عالملكه ؟؟؟

وبسرعه ركضت لعند جدي وبلهفه للخطوبه : لا لا ما عندي اعتراض وبعدين وينك تأخرت وانا انتظرك يالله بسرعة عالمستشفى قبل ما يقفل وتتأجل الملكه

جدي بابتسامة دافيه وهو يمسك يدي ويمشي خارج الصاله : لا تخافي ما رح يقفل المستشفى

وطلعنا خارج البيت وتركنا عمي فيصل بركان ثائر ......

*

*

*

*

*

الجده جالسه بجانب فيصل وتهدي فيه : يا ابني طنشها لا تخليها تقهرك

فيصل بقهر يناظر نايف للي دخل بعد ما غادر الجد : كله بسببك انت وإلا بنت طول شبر ما قدرت تسنعها وإلا بس شاطر على سلمى بعدها 13 ولبستها كامل وهاذي القزمه مو قادر نقاب مثل باقي بنات العيله تلبسها وبصوته يقلد ريم بصوت غنج عندي ضيق بالتنفس مالت عليها

نايف ببرود وهو يناظر فيصل للي كان بركان مولع : يعني اعطيني حل اقول لك انا ما رح اتكلم اسأل امي كيف ضربتها بنت ما منها فايده

الجده بقهر : والله يا فيصل ضربها وكسرها تكسير ولسانها كل ما فيه يزيد هالبنت ملسونه ولسانها متبري منها

وقف نايف وببرود استأذن وتوجه للمستشفى بملامح جامده .......

*

*

*

*

*

قبل ما انزل من الباب تكلم جدي بهدوء وهو يمسك يدي : ليه حاطه هالالوان بوجهك ؟؟

بصراحه انصدمت ما توقعت انه يكتشف والله ما هو قليل هالشايب

تكلمت بابتسامة : مجرد تغيير وسكتت ما عرفت وش اقول

مسح على يدي وتكلم بهدوء : وكمان يدك ملونيتها وتنهد وكأنه مو عاجبه حركتي

تابع كلامه بهدوء : اسمعي يا ريم انتي كبرتي وصرتي عروس باي صف تدرسين الحين ؟

جاوبت بهدوء وانا اناظر عيونه وحواجبه للي غزاها الشيب : اولى ثانوي

تكلم جدي : حلو الله يوفقك وبحزم هاذي الخرابيط ما ودي اشوفك حاطيتها لانه رح تشوفي تصرف ما يعجبك مني فاختصري عصبيتي الله يسعدك والنظاره هاذي كمان مد يده حتى يسحبها بس قبل ما يمسكها بعدت راسي بسرعة

جدي ناظرني ونزل يده وتكلم وبهدوء : اعطيني اياها لاني متأكد انك حاطيتهم منظر وناظرني بنظرة تشكيك

بصراحه ما قدرت اكذب عليه : اممم صحيح مجرد تغيير

الجد بحزم : مثل ما توقعت يالله بسرعه نزليها واعطيني اياها

تكلمت معه كاخر محاوله : خلص لما نرجع من المستشفى اعطيك اياها بس خليها الحين بلييييييز وسبلت رموشي بدلع

ناظرني جدي وبامر : زين لما نرجع النظاره وعلبة الوانك هاذي رح اخذهن والحين حطي الشيله على وجهك

كنت ودي اعترض بس قاطعني بحزم : ما رح نتاخر دقايق ما رح تضرك

وبدون تردد نزلت الشيله على وجهي وانا مستغربه اني ما عاندت نزلت من السياره ودخلنا البوابه الرئيسية وبعدها اتصل جدي بالجوال وكان شخص يوصف له المكان مشيت خلفه وانا حاس نفسي رح اطيح مو متعوده اتغشى وبعدها وقف جدي وتكلم مع شخص رفعت راسي وتأملته وتذكرته وخاصه لما قال جدي يا صقر تقريبا نفس الشكل ما تغير بس يمكن صار اطول وقاطعهم شاب ثاني تقدم منهم توقعت انه سليمان لاني سمعتهم يرددون الاسم كنت بعيده شوي عنهم

ناظرت سليمان كان طويل يمكن طوله 1.85 ونحيف بس مو كثير بشرته حنطيه شعره قصير هذا للي قدرت اشوفه بسبب الشيله نفخت نفس دليل على الضجر واقفين يسولفون ولا كأني واقفه

وبعد دقايق اشر لي جدي اتبعه دخلنا غرفه وكان صقر معنا سأله جدي : وش رايك يا صقر تسحب العينه من ريم انت ؟؟

وبسرعة قبل ما يرد صقر اعترضت : لا لا انا ودي دكتوره او ممرضه

وتكلمت بنفسي مستحيل اخليه يسحب مني العينه يا فضيحتي يشوف الالوان والعجايب للي حاطها على يدي

ناظرني صقر بغرور : براحتك لا تظني اني ميت اسحب منك عينه بالعكس تريحيني

استغربت لهجته معي ليه يكلمني كذا وكأني ماكله حلاله سكتت وما رديت عليه لاني كنت متوتره وخايفه

من الابره وبعدها طلع سليمان وهو يناظرني نظرات ناريه وتبعه صقر وظليت انا وجدي وبعدها دخلت الممرضة

وسحبت العينة بعد ما طلعت روحها من الخوف وحطت مكان الابره قطنه وفوقها لزقه وكانت تناظر يدي ومستغربه الساعد ابيض وكف يدي بني هههه بس الحمد لله انها مو عربيه

كنت ارتب العبايه دخل سليمان وصقر وكنت كاشفه وجهي دخل سليمان وهو باين على وجهه الضيقه وعلامات الدهشه على صقر متفاجئ من شكلي بس سكت وما علق

سليمان وهو يوجه الكلام لي : بسرعه انقلعي نزلي الشيله على وجهك علشان ترجعين البيت معي

طنشته ولا كأنه يكلمني وناظرت جدي : يالله خلينا نرجع

رد جدي وهو يناظرني : انا عندي كم شغله اكملها وارجع للبيت

انت ارجعي الحين مع سليمان علشان تجهزين نفسك للملكه

لويت بوزي : بس من الحين ما رح اتغشى

سليمان يناظرني بازدراء : لا تفكرين اني اقول لك تتغشين غيره لا صححي معلوماتك لاني انحرج امشي جنبك والناس يشوفونك معي وبغرور وهو ينفش ريشه انا الدكتور سليمان لي مكانتي بالمجتمع

رديت وانا اكش عليه وانا اميل فمي باستهزاء: دخيلك لا يكبر راسك زياده علينا

راسك تراه قد القدر مو قادرين لك كيف اذا كبر زياده

سليمان بعصبية وبتهديد : حطي لسانك بحلقك احسن لك لا ارتكب فيك جريمه

ضحكت عليه بصوت عالي : هههه حلو هاذي ارتكب جريمه وينشرون بالاخبار عريس يرتكب جريمه بعروسته ليله الملكه

اذا انك قدها تعال اقتلني اشوف وتخصرت وانا اناظره بتحدي

سليمان ناظر جدي والظاهر ما حب يضايقه بزياده ناظرني بكره وقال بغرور : الرد على السفهاء السكوت ويالله الحقيني بدون هذره زايده

وطلع بدون ما ينتظرني

كلمني جدي بحده وهو يناظرني : ريم لا تحديني اتصرف تصرف ما يعجبك الحرمه السنعه ما ترادد زوجها وبامر بسرعه الحقيه

بوزت وطلعت من الغرفه وجكر فيهم ما تغشيت كنت اشوفه يمشي ومستعجل حتى ما ناظر خلفه يفقدني مالت عليه مصدق حاله عريس

بس انصدمت لما وقف مع نايف ابوي للي كان الظاهر دوبه داخل المستشفى

وكانوا يسولفون باندماج بامور ما سمعتها بس لما قربت منهم بلعت ريقي لما ناظرني نايف نظره قويه

طنشت ولما وصلتهم بس في مسافة بيني وبينهم

تعمدت احرجهم وناديت وكاني متفاجئة بوجوده : بابا نايف انت هنا

كان في بعض الاطباء والممرضين ماشيين قريب بعد ما تكلمت ناظرونا

وزدت احراجهم : بابا نايف خطيبي سليمان رح يوصلني للبيت لا تتعب نفسك

سليمان رفع راسه والتفت حوله كان فيه بعض شباب يتدربون معه وقريبين ويتهامسون اكيد سمعوا كلامها

شد على قبضت يده وهو يشوف متدربات يتهامسن وبعض الدكاتره للي كانوا قريبين وبعض الزوار كان حاس بالاحراج ونايف لا يقل عنه تفشلوا وتمنوا انه الارض تنشق وتبلعهم من الاحراج وبداخلهم بركان بعصبية ويناظرون ريم بوعيد

اما ريم رفعت حاجبها واعطتهم نظره انتصار

نايف وهو يشد على اسنانه بقهر واحراج من الموقف تكلم بصوت منخفض : الوعد بالبيت يا كلبه يصير خير

اما سليمان للي ما كان يقل عن نايف بالعصبيه استأذن عمه وتوجه خارج المستشفى وريم خلفه تمشي بعد ما لوحت لنايف : مع السلامه بابا

وكانت تمشي وهي تشعر بالانتصار

*

*

*

*

ركب السياره وسكر الباب خلفه بقوه وهو خلص مولعه معه

فتحت الباب الخلفي وجلست من الخلف وانا اشعر بالانتصار والابتسامة ما فارقتني

لف سليمان علي وهو معصب وعيونه تشع منها العصبيه وهو يناظرني : وقسم بالله لتندمي بس بعد الملكه انا اعرف كيف اربيك بعد العشاء موعدنا يصير خير

ولف وجهه وشغل سياره وبعدها حرك

وانا اضحك بداخلي هههههه مبسوطه يا ناس كيف ما انبسط واليوم احداثه روعه بدايتها قهرت الجوز الثلاثي جدتي وحريم اعمامي وبعدين قهرت عمي فيصل وبعدين نايف وسليمان وفوق كل هذا اليوم ملكتي ما تفرق معي مين يكون الشخص للي رح يرتبط اسمي فيه

اهم شي اصير مخطوبه مثل الجوري وانا ارسم احلامي كنت اضحك مع نفسي وفاتحه فمي وانا اتبسم

نقزت على صوت سليمان هو يوقف السياره ويلتفت لي : الحمد لله والشكر على نعمة العقل مخبوله انتي تضحكين مع نفسك بس ما اقول غير الله يكون بعوني في ما ابتلاني شينه ومخبوله الله لا يبلانا

ورجع يشغل السياره بس تراجع ورجع التفت علي وبتحقيق : هو سؤال ابغى جوابه كنت تحومين مع بنات خالك بالاسواق ترقمين مثلهم ؟؟ ما انتظر مني اجابه وهو يكمل مع اني ما اتوقع انك تروحين وتحرجين نفسك ما اظن في حد يناظرك وبعدها احتدت ملامحه وهو يتوعد وقسم بالله لو اسمع انك متواصله معهن او طالعه السوق معهن لا تلومين الا نفسك فاهمه

رديت وانا احس بالملل من كلامه بصراحه ما تأثرت من كلامه لاني اعرف انه شكلي الحقيقي مقبول صحيح البنات بالمدرسة يقولون عني جميله بس ما اعرف احس نفسي عاديه واقل من عادي رديت عليه بهدوء وانا مصممه ما احط مكياج على وجهي بالايام الحاليه لانه بعده ما نسي موقف المول : ان شاء الله تامر امر

احتدت ملامحه وبصراخ ما له داع : اسمعي انا ما امزح معك ولما اقول الكلمه تتنفذ فاهمه

تاففت بقوه منه ومن اسلوبه ورديت بعصبية : وبعدين معك اذا عاندت وما رديت تعصب واذا اطعتك تعصب وش المطلوب مني با اخي قرفتني !

ناظرني وبعدها لف وجهه : خلص صوتك ما ابغى اسمعه وشغل السياره وحرك بهدوء .....

صديت وجهي للشباك وانا افكر بمستقبلي ........

*

*

*

*

*

وصلنا البيت ودخلت قبل سليمان وانا اركض ما اعرف وش السبب مبسوطه يا ناس متى اجلس على الكوشه والبس الفستان الابيض واعمل تسريحه كبيره كنت اسمع صوته يناديني ويصرخ بس طنشت لانه كان سليمان

وتوجهت للداخل ودخلت الصالة الداخلية كان الجوز الثلاثي بعدهن جالسات وفي بنات اول مره اشوفهن جالسات بالزاويه

وقفت على باب الصاله ومن سعادتي اطلقت زغروده بصوت هز البيت لا تلوموني

نقزت لما سمعت صراخ سليمان شكله واقف برا بالصاله الخارجيه وسمع زغرودتي : طنشت ودخلت الصاله وانا اتغنج : هاااااي

ناظروني الجوز الثلاثي نظره ناريه طنشت واقتربت من الجوز الثلاثي وانا ادلع : باركن لي اليوم الملكه بعد العشاء

ام خالد بكره : الله لا يبارك فيك وبتحقيق مع مين رجعتي؟؟؟

رديت وانا ناوي اقهرهن ناظرتهن وبدلع مصطنع : مع سلومه خطيبي

وحده من البنات ما عرفتها تكلمت بحقد : يا شين السرج عالبقر

رديت عليها بدلع : ليه حبيبتي مقهوره لانه محيرني من وانا صغيره وسبلت رموشي وانا اتدلع

تكلمت ام خالد بحقد : سديم لا تتكلمي معها طنشيها الله لا يبلانا مخبوله ما عمرها توقعت انها تنخطب

الجده بقهر وهي تؤشر على سديم : حد يترك هالورده ويروح عالشوك بس ما اقول حسبي الله

تكلمت بنت ثانيه : مسكينه خلها تفرح الحين بس تذكري زين والله ما تتهنين وما اكون رغد ان ما طينت عيشتك

احترت وش اعمل كلهن ضدي والحقد يشع من عيونهن

قررت اطنشهن وما انكد على نفسي _ طنش فنش عش تنتعش _ رفعت عبايتي وربطتها على خصري ونزلت ادبك واغني على نفسي وكأني بعرس

وقفت جدتي وبصوت عالي الحين ارن على فيصل يجي يعطيك كم طراق يسنعك وبتهديد تراه متحلف فيك من الصبح وهي تقرص عيونها

وقفت عن الرقص وانا امثل عدم المباليه : اصلا عادي اتصلي لاني الحين رح اطلع لغرفتي واجهز نفسي للملكه ما في وقت وابتسمت بطريقه افتزازيه وتوجهت للباب والوح بيدي بدلع : سلاااااااااااام واعطيتهن بوسه بالهوى وركضت بسرعه على غرفتي ........

*

*

*

*

*

الجده وهي تحط يدها على صدرها وهي تشهق : قليله الحيا هاذي البنت فاصخه الحيا

ام خالد وهي توجه كلامها للجده : انا متأكده يا خالتي انها هاذي البنت مخبوله وعقلها مو طبيعي انا اول مره اشوف عروس تغني وترقص

ام سليمان : ما سمعتيها وش قالت الصبح ما تخلي عرس الا وحضرته ورقصت فيه البنت خلاص طار حياها بس انا اخلي سليمان يسنعها يصير خير

الجده تكلم ام خالد وهي مغمضه عيونها : صبي لي قهوه على الله يروح الصداع صدعت راسي قليله الحياء

ورجعوا يحشون بريم ..............

*

*

*

*

*

دخلت غرفتي وقفلت الباب وتوجهت للسرير ورميت نفسي على السرير وسمحت لسيل الدموع بالنزول وحيده كلهم ضدي ينتظرون الفرصه للي ينتقمون مني مو عارفه يمكن لازم اعترضت على هالزواج للي مبين من بدايته الفشل بس لو اعترضت ما رح يسمعون مني لانه جدي مجهز كل شي

يا رب حاسديني فرحتي بالخطوبه ليه ليه يحبون ينكدون علي بس والله ما اسمح لهم اهم شي اني انخطبت ورح افرح وارقص واقهرهم ومسحت دموعي بيدي وكالعاده دخلت عالم الاحلام وانا اخطط وارسم للحياه المستقبليه

*

*

كنت واقف عند الصاله الخارجيه واسمع صوتها من الداخل تزغرد كنت مصمم ادخل واقص لسانها بس للي منعني وجود بنات عمي فيصل من لما رجع عمي فيصل حدنا الصاله الخارجيه والمجلس غيره ما ندخل علشان بنات عمي يوخذن راحتهن مع انه الطابق الثالث مخصص لعمي فيصل بس القوانين قوانين نرجع لريم ولسانها للي وده قص ما كان عندي حل غير اني اصرخ عليها بعد صراخي سكتت وما سمعت صوتها بس الظاهر انها قاعده تبربر لانه في صوت كلام طنشت ودخلت وجلست عند سامر للي كان شغال بالجوال بس لما حس في رفع عينه عن الجوال وطالعني وابتسم : حي الله العريس

ناظرت نظرت شخص محطم بائس وتمددت على طولي وانا اتكلم من رؤوس خشومي : لا تذكرني بمصيبتي

سامر وهو يطقطق بالجوال بدون ما يلتفت : غريبه انت تقول عندك عزاء والعروسه من الصبح ازعجتنا وهي تغني وترقص وتزغرد للي يسمعها يقول عانس وتزوجت

رديت بغرور : تطول واحد مثلي عريس لقطه وبعدين فجأة سكتت و استوعبت كلام سامر نهضت نفسي وطالعت سامر وبتحقيق انت اسمعتها تغني الصبح

سامر للي ظهرت على وجهه علامات التردد والتورط حك ذقنه : هاه لا لا اسمعت جدتي تقول انها ازعجتهم

ناظرت للبعيد وانا بداخلي اتوعد فيها يصير خير بعد العشاء اذا ما سنعتها هالملسونه ما يكون اسمي سليمان ......

*

*

*

صحيت وانا اشعر بالكسل فتحت عيوني بشويش كانت الغرفه شبه ظلام فزيت على طولي خفت بصراحه تكون راحت علي نومه وتتأجل الملكه وبسرعه شغلت الضوء وناظرت الساعه وانا يا دوب اشوفها ركزت وفتحت عيوني على الاخير وتنهدت براحه باقي ساعتين عالموعد

وبسرعة توجهت للحمام حتى اخذ دش وقبل ما ادخل انتبهت اني حتى العبايه بعدني ما بدلتها تثاوبت وانا احط يدي على فمي وبعدها بدلت العبايه ودخلت الحمام

بعد ما طلعت توجهت للكبت واخترت فستان خفيف ماسك من عند الصدر وبعدين يكون وسيع لونه خمري بدون اكمام وكان يوصل لتحت الركبه بشبر

ما كان فيه حركات كان بسيط وناعم بس حلو <عاجبني 

بعدها توجهت للمرايه ومشطت شعري وتركته على طوله بس اخذت خصله من اليمين وخصله من اليسار وثبتتهن بوسط راسي

وبعدها طفيت الضوء وتوجهت البلكونة وقفت كان الجو حلو كثير

كان الهواء يلعب بفستاني ويحركه يمين وشمال وشعري يتموج بالحركه من الهواء

تكتفت ورفعت راسي وانا اتامل السماء والنجوم غمضت عيوني وضميت يدي لصدري حاسه بخوف مو مرتاحه وتنهدت بالم

يا الله اليوم ملكتي ما في حد عندي يونسني ويفرح معي حتى ام بدر من اسبوع عند اهلها امها مريضه وتعبانه الله يشفيها ....

فجأة سمعت صوت اقتربت من سياج البلكونه وناظرت للاسفل بهدوء ما حد رح يشوفني لانه الغرفه مظلمه

كانوا الشباب واقفين تحت ويسولفون وفجأة لمحت طيف سليمان قادم وهو مبتسم للشباب

تقدم منهم وهو يبتسم وبصوت عالي شوي باركولي يا شباب

بدات التبريكات تنهل على سليمان وهو يضحك ومبسوط عالاخير

فجأة سمعت صوت اقتربت من سياج البلكونه وناظرت للاسفل بهدوء ما حد رح يشوفني لانه الغرفه مظلمه

كانوا الشباب واقفين تحت ويسولفون وفجأة لمحت طيف سليمان قادم وهو مبتسم للشباب

تقدم منهم وهو يبتسم وبصوت عالي شوي باركولي يا شباب

بدات التبريكات تنهل على سليمان وهو يضحك ومبسوط عالاخير

سأله واحد من الشباب : الحين لك شهر مقرفنا ما تبغى تخطب والحين اشوف الابتسامه العريضه على وجهك وش للي تغير ؟

رد عليه سليمان وهو يبتسم بفرح : ما تغير شي يا بدر كيف ما ودك اياني افرح وانا مناسب عمي ابو خالد

ناظروه الشباب وعلى راسهم علامات استفهام

عمر وهو معقد حواجبه : قصدك عمي ابو سيف الظاهر انك من الفرحه خربطت بالاسماء

سليمان وهو مبسوط على الاخير وهو يناظر عمر : ما خربطت لاني اليوم ملكتي على سديم بنت عمي فيصل وناظر الشباب وهو يبتسم والفرحه تشع من عيونه

بصراحة كانت صدمه لي مستحيل مستحيل طيب وانااااااا

اخذت نفس عميق حتى اقدر اضبط اعصابي

كيف يملك على سديم الزفته اكيد لعبن بعقله الجوز الثلاثي

واخذنه مني جلست على الارض وانا مو قادرة استوعب يعني خلاص طار العريس ما في فستان ما في كوشه ما في زفه شديت على قبضه يدي وانا اردد مستحيل مستحيل

سمعت واحد من الشباب يسأل : كيف ؟؟ وريم والفحوصات اليوم وش للي تغير ؟؟

سمعت صوت سليمان يرد: هذا جدي جاء الحين يوضح لكم كل شي

وبعد دقايق سمعت صوت جدي سلم على الشباب

من الصدمه ما قدرت اوقف اشوف اكتفيت اني اسمع اصواتهم

الجد بهدوء ناظر الشباب : اكيد عرفتوا انه ملكة ريم من سليمان انلغت

بدر بتعجب : والسبب ؟؟

ناظره الجد وبعدها وزع نظره على باقي الشباب : ما تطابقت الفحوصات

وبعدها كمل وين الحريم ؟؟

سامر : بالصاله الداخليه

الجد ناظر سامر وبامر : روح تأكد انه الكل بالداخل واقفل الباب الخارجي الكلام للي ودي اقوله ما ودي حد يسمعه المفروض نتكلم بالمكتب بس ما في وقت الملاك على الطريق وربعنا على وصول وسكت لدقايق

بعد ما اشر له سامر انه الوضع تمام ناظر الجد احفاده وبعدها تكلم بهدوء : الحين رح نملك لسليمان وسديم

وبعدها ناظر الشباب وسألهم كلهم نفس السؤال وكلهم اجابوا نفس الاجابه الا شخص واحد ما كان وده يرفض لكن اضطر انه يرفض لاسباب راجعه له

بعد ما سمع اجاباتهم

رد عليهم بصيق براحتكم انا مستحيل اغصب واحد منكم على شي ما يريده وخاصة الزواج لازم يكون اختياري مو بالغصب

والحين يالله على المجلس الجماعه على وصول

مشى الجد وتبعه اولاده واحفاده والسكوت سيد الموقف ......

*

*

*

وقفت على طولي وانا احط يدي على فمي امنع شهقاتي وبداخلي مستحيل مستحيل انا يعرضني على احفاده امتلات عيوني بالدموع وبسرعة توجهت للسرير ورميت نفسي عليه وانا ابكي مو مصدقه يعرضني عليهم وبالاخير كلهم رفضوني وين اودي وجهي الحين من الجوز الثلاثي ومعايرتهن وخاصه بعد العرس للي عملته الصبح رح يشتفون بي ويتشمتون اخخخخخ يالقهر

وعضيت على شفايفي من القهر ودموعي ما وقفن بكى

لا تقولون الموضوع ما يسوى كل هذا البكاء حطوا نفسكم مكاني تكونوا متجهزين للملكه وفجأة ما في ملكة ولا خرابيط صعبه والله صعبه وخاصة انه المعرس قدام الكل انه يبين للكل انه رافضني ومبسوط انه ارتاح مني ليه

حطوا نفسكم مكاني انعرض على اولاد عمي وكلهم يرفضوني والله صعبه صعبه

بس لحظه نهضت نفسي وجلست على السرير ليه انا ابكي علشان يتشمتون بي لكن حامض على بوزهم اصلا هو المفروض هم يبكون خسروا وحده مثلي والله لاقهرهم كلهم مثل قهروني والايام بيننا

مسحت دموعي ودخلت للحمام وغسلت وجهي اكثر من مره وانا اخذ نفس علشان تروح الدموع

وبعدها طلعت من الحمام وناظرت نفسي بالمرايه رتبت شعري من جديد

ورجعت للبلكونه ووقفت عند السياج وانا حاسه حالي محطمه من الداخل كلما افرح ما تكمل فرحتي .....

*

*

*

*

الجده بفرحه : الحمد لله الحمد لله يا كثر فرحتي انه سليمان ملك على سديم الحمد لله

ام سليمان وهي واقفه بوسط الصاله وتضحك : نفسي اشوف شكل ريم لما تعرف انه سليمان ملك على سديم

ام خالد تناظر سديم للي وجهها احمر من الخجل : اسمعيني زين كل صبح ومساء تحصنين نفسك من هالريم بلاه تحسدك هاذي حسوده وعينها حاره مثل امها

سديم بفرحه واحراج : ان شاء الله يمه

الجده تقوم من مكانه وتجلس جنب سديم وتبوسها : امواح هذول البنات الخجولات مو مثل قليله الحياء للي تترقص ما في حياء ولا مستحى

ام سليمان بتأييد : صادقة يا خالتي الحمد لله انفكينا منها .......

وبعدها التفوا البنات حول سديم يخططون للملكه الاسبوع القادم .........

*

*

*

*

*

دقيت الباب بطرقات خفيفة وبعدها فتحته ما انتظرت منها الاذن بالدخول

كانت الغرفه ظلام شغلت واحد الاضواء الخفيفه ناظرت انحاء الغرفه ما كانت موجوده وبعدها وقعت عيني على البلكونه استغربت وجود طفلة صغيرة بالغرفه بعدها استوعبت مستحيل بهذا الوقت استدارت ريم وناظرتني

كان الهواء يلعب بشعرها الطويل ولابسه فستان حق البزران وقصيره وايد ونحيفه بشكل كبير

بصراحة بقيت مكاني اتأملها

لما شافتني دخلت الغرفه كانت تمشي حافيه وابتسمت ابتسامه خفيفة انرت الاضاءه القويه وتأملت ملامحها كانت عيونها وسيعه نفس نايف ورموشها كثيفه لون عيونها غريب للوهله الاولى تظن انه ملون لكن لما تقترب لونهم عسلي

انفها وسط لا صغير ولا كبير مناسب لوجهها اما فمها نفس امها لا هو كبير ولا صغير مرسوم رسم وعلى جانب فمها الايسر حبت خال صغيره معطيتها جمال زياده

وجها دائري طفولي بشرتها بيضاء بس في بعض حبوب بسيطه منتشره بوجهها يمكن لانها في فتره مراهقه

بس اذا شفتها تحلف يمين انها عمرها 10سنوات طفله صغيره

لما تأملتها بعدها قررت اعود ادراجي وهونت عن الموضوع بس وقفني صوتها الناعم

*

*

سمعت صوت بالغرفه التفتت شوفت جدي داخل واقف ويناظرني بتفحص

وبعد دقايق من التأمل حسيته وده يطلع سألته وانا ابتسم : بغيت شي ؟؟

رد علي بتردد : خلص انسي الموضوع ولف نفسه حتى يطلع

عاد تعرفون عندي لقافه انسى فيها ام احزاني توجهت لجدي وتكلمت بهدوء : والله ما تطلع غير لما تخبرني

تنهد جدي وظهرت علامات الضيق على ملامحه وبعدها مسك يدي وتوجه وجلس على السرير واجلسني جنبه وبهدوء تكلم وهو يناظرني : تعرفين انه كل شي قسمه ونصيب

قاطعته وانا ابتسم و مصممه مستحيل اخلي حد يتشمت في : اذا قصدك تقول عن سليمان اعرف انها انلغت الملكه وانه ملك على سديم

تفاجئ جدي وبعدها سألني : وش عرفك ؟؟

رديت وانا حاسه جدي في موضوع ثاني شاغله رديت بلامبالاه : ما في شي هالايام يبقى متخبي المهم وش الموضوع للي جيت هنا علشانه

ناظرني جدي وبعدها شتت نظره بانحاء الغرفه : اسمعي صديقي ابو زياد اليوم خطبك لابنه والحين هو بالمجلس ينتظر علشان تملكين لكن انا الحين هونت انسي الموضوع ونهض نفسه واقفه

وبسرعة مسكت يده عريس ثاني مستحيل اطيره من يدي اذا رفضت رح يظنون اني ميته على سلمانوه تكلمت بانزعاج وانا خايفه انه يطير العريس : ليه هونت ؟؟؟

رد جدي وهو يرجع يجلس ويناظرني : بعدك صغيره كثير حتى العريس كبير عليك عمره 28 سنه خلص سكري عالموضوع وانا اتصرف

وقفت بعصبية : ما رح انسى واسكر عالموضوع اتوقع هاذي حياتي وانا اقرر مستقبلي مو انتم

وقف جدي بضيق وعصبيه مكبوته : ممكن اعرف ليه ميته عالزواج وانت بعدك صغيره ؟؟

ريم وبصوت مخنوق : ودي اعيش حياتي ابغى شخص واحد بس مسؤول عني مو يكون قراري بيد مئه واحد والشاطر يرميني هنا وهنا

خلاص انا قرفت حياتي انا ودي استقل اكون تابعه لشخص واحد وبغض النظر عنه تعرف لو تزوجني للحارس الهندي ما عندي اعتراض اهم شي اني اتزوج واستقل بحياتي هذا للي ودي إياه

وبعدين لا تقول صغيره ليه كنت ودك تزوجني سليمان دامني صغيره

وقف جدي وتنهد وبعدها ناظرني بحده : صحيح كنت ودي املك لك على سليمان بس كنت ناوي الزواج يكون بعد 3 سنين على الاقل وقتها تكوني كبرتي وسكت لثواني وبعدها ناظرني بقهر دام هذا رايك ما راح اعترض واتفضلي قدامي علشان توقعي واشر للباب

حسيت بالانتصار اني صممت على راي واخذ للي ودي إياه بدون ما افكر بالعواقب اهم شي كان عندي اني املك وبس

اشر جدي على الشيله : حطيها على راسك احتياط مع اني طلبت من الشباب ما حد يدخل داخل بس احتياط

مسكت الشيله وانا مستغرب وش فايدتها وانا لابسه فستان خيط وقصير بس يالله اهم شي اني املك

مشيت خلف جدي بهدوء حتى نسيت البس برجلي الصندل كنت عاريه القدمين <حافيه 

نزلنا الدرج بهدوء وكان اصوات الحريم قادم من الصاله الداخليه توجهنا للجهة الثانيه

وصلنا للغرفه للي جنب المجلس وقفت وانا اسمع اصوات الرجال مندمجين بالسوالف اخذت نفس وانا احس نفسي متوترة كله يهون اهم شي املك واقهرهم كلهم

ناظرني جدي بقهر : استني هنا ادخل واجيب الدفتر علشان التوقيع ولما يسألك الشيخ تقولين موافقه

وبعدها اعطاني نظره ناريه بصراحه خوفتني فوق توتري

بس قبل ما يمشي جدي فتح باب المجلس ودخل علينا صقر واغلق الباب وراه وبعدها نقل نظراته بيني وبين جدي

وبعدها تقدم منا وسأل وكأنه وده يقطع شكوكه : وش صار معك فوق ؟؟

رد جدي وهو يناظرني بوعيد : كل خير بس خليني ادخل اجيب الدفتر علشان العروس توقع واشر علي

ناظر صقر جدي بدهشه : هاذي ريم ؟؟

رد جدي باستهزاء : ابشرك هاذي ريم واشر علي

صقر وكانه جن جنونه : كيف ودك تزوجها هاذي بعدها بزر صغيره

انقهرت منه انا بالموت حتى وافق جدي ييجي ويخرب كل شي بنيته تكلمت معه وانا ارفع اصبعي له بتهديد : انت لا تتدخل وبحده فاهم

وبعدها ناظرت جدي : عجل جيب الدفتر اتأخرت عالشيخ

رد صقر وهو يشد على اسنانه : روحي يا بابا شوفي الرضاعة تلاقينها بالمطبخ وباستهزاء قال تتزوج هذا اخرها نزوج بزران

وبحده انقلعي على غرفتك

وبعده ناظر جدي انا الحين ادخل وانهي هاذي المهزله

ومشى خطوتين ركضت عند الباب قبله وبتهديد : قسم بالله اذا بتخرب الموضوع لادخل كذا وافشلكم

ناظرني باستهزاء :،عادي ادخلي رح يفكرون انك بزر مضيعة رضاعتها وبحده اعمليها وقسم بالله لاحش رجولك حش

رديت بقهر : بزر بعينك انت لا تتدخل حياتي وانا حر فيها فاهم

الجد بعصبيه : الحمد لله انها الغرفه فيها عازل صوت والا كان انفضحنا عند العربان وناظرني بعصبيه انقلعي عن الباب وانت اشر على صقر الحقني داخل ويا ويلك اسمع كلمه منك فاهم

ابتعدت عن الباب وفتح الباب صقر وقبل ما يطلع اعطاني نظره ناريه

تنهدت براحه بعد ما طلع بصراحه نظراته تخوف

بس قبل ما يطلع جدي تكلم بدون نفس : قربي من الباب ولما يسألك الشيخ جاوبي انك موافقه

ابتسمت ابتسامه عريضه : ان شاء الله

خرج جدي وكان مفتوح الباب علشان يطلع صوتي لما يسألني الشيخ اجاوب

وبعد دقايق اسمعت الشيخ يقول : بس يا ابو سلمان البنت صغيره وانا اخاف تلحقني مسؤوليه علشان كذا اقترح عليكم تأجلونها لحتى تكبر البنت

بصراحه قهرني انا كلما اقول زانت انعمت وبدون شعور رديت على الشيخ :انا موافقه يا شيخ وانت وش عليك مني صغيره والا كبيره ملك وبعدها توكل

اسمعت تمتمات وبعدها الشيخ على بركة الله بعدها بدقايق دخل جدي ومعه الدفتر وبقهر ونظرات توعد : بسرعه وقعي

ناظرته وانا استخف دمي : و ين اوقع ؟؟

شد جدي على اسنانه بقهر واشر: هنا وقعي

مسكت القلم وانا متوتره بدون ما افكر او احسب حساب للحياه الجايه كان اهم شي اني املك وبس

بعد ما وقعت مسك جدي الدفتر وبنظرات وعيد يصير خير

هزيت اكتافي باستغراب ليه يتوعد فيني ما عملت شي

بعدها دخل جدي وقفل الباب وراه وبعد عده دقايق

الظاهر طلعوا الجماعة

تضايقت ما شفت عريس الغفلة لاني كنت ودي اطلع بس تاخرت علشان اشوفه

فجأة دخل اعمامي وعيونهم تقدح شرار

جدي بعصبية : انتي ما تستحين على وجهك لسانك طوله مترين ما في حياء تتكلمين قدام الرجال

عقدت حواجبي باستغراب : انت قلت لي اقول للشيخ موافقه صح والا لا وانا قلت له موافقه

رد جدي بعصبية : قلت لك اذا سألك الشيخ مو تردين قبل ما يسألك وشد على اسنانه بقهر

حطيت اصبعي بفمي بحركه طفوليه وابتسمت : والله انسيت خلص المره الجايه ما رح اجاوب غير لما يسألني وابتسمت بعباطه بعدين جاي تصرخ بوجهي الواحد يبارك بالاول

واقتربت من جدي وانا ابوسه واسلم عليه وانا واقفه على اصابع رجلي : امواح الله يبارك فيك وعقبال ما نفرح فيك

سحبني من يدي عمي فيصل بقسوه وهو ياشر على وجهي : وش حاطه على وجهك حتى صرتي كذا

ناظرته وانا اسبل عيوني متجاهله وجع يدي : سرررررررررر المهنه

رد جدي بحزم : ريم علبة الالوان والنظاره ما نسيت الحين تروحين وتجيبيهن

عفست ملامحي بضيق : طيب وين المشكلة فيهم ليه ودك تاخذهم ؟؟؟

رد بحزم : حتى اضمن ما تحطين على وجهك مثل اليوم

رديت عليه وانا ادلع : عادي اشتري علبه ثانيه

قاطعني جدي بعصبية : علشان احش رجولك وقسم بالله لو ترجعي تحطين على وجهك مثل الصبح لتندمين

وبعدها كمل وهو يناظرني بجديه : اسمعي زين عرسك بعد سنتين

رديت بدون وعي وانا اتخصر : ليه سنتين مطول

قول لهم بعد شهرين

عمي فيصل بغيض : انا للي ودي ادفنها هنا ناظرني بحده بعده طولك شبر وميته عالزواج اثقلي يا قليله الحياء

لويت بوزي وما عجبني الكلام

كمل جدي وهو يناظرني نظرات ناريه : ما علينا مكالمات معه ممنوع وتجلسين معه كمان ممنوع ولا تطلعين معه

قاطعته بعصبية وانا متخصره: نعم نعم وليه ان شاء الله صديقاتي بالمدرسه خاطبات ويكلمون بالجولات وكل وحده فيهن تجلس مع خطيبها لوحدهم ويطلعون مع بعض لوحدهم بالاسواق واشرت على نفسي بقهر ليه انا ممنوع ؟؟؟

وضربت رجلي بالارض من القهر

رد جدي وهو يحاول يكتم عصبيته : جاوبتي بنفسك صديقاتك مو انت في اختلاف كبير وبحزم انا لما اتكلم ما تقاطعيني فاهمه

النقطه الثانية بالنسبة للاكل رح تاكلين كل الوجبات بغرفتك حتى تاخذي راحتك واولاد عمك ياخذون راحتهم والنقاب ممنوع تتغطين كامل عيونك ما ابغى اشوفهم ظاهرات

ومناقره مع بنات عمك ما ودي اسمع مفهوم وبكره تشترين عبايه راس و غشاوه اما نقاب ولثمه ممنوع

رديت باعتراض وانا ودي ابكي من القهر : بس انا ما اقدر اتغشى وليه البنات هنا يلبسون نقاب وانا ممنوع

قاطعني جدي : اعرف انه عندك ضيق نفس بس اتوقع اذا تغطيتي من البيت للباص ما رح تختنقين وهنا بالبيت رح اعفيك منه بس مو بالطالعه والنازله رايحه جايه حدك الصاله الداخليه والطابق الثاني ما حد من الشباب يدخله خذي راحتك وبتهديد يا ويلك اذا سمعت انك وصلتي المدرسة بدون ما تتغطين كامل فاهمه وهو يناظرني نظره قويه

حسيت بداخلي انه ينتقم مني لاني وافقت عالزواج دامه مو عاجبه ليه يكلمني عنه اخخخ يالقهر رديت بقهر وانا مكتفه يديني : انتظر دقيقه اروح اجيب قلم ورقه علشان اكتب القوانين وباسلوب ساخر حتى ورقه ما ظنيت انها تكفي وش رايك اجيب دفتر

قاطعني بصراخ : ريم حطي لسانك بحلقك احسن ما اقصه لك وخلص تقدرين تروحين الحين ولا تنسي ترسلي الاغراض

ناظرت الموجودين عمي ابو سليمان كالعاده ملامحه جامده ما يتكلم وبعدها ناظرت عمي فيصل للي كان يناظرني بنظرات ناريه تجاهلت نظراته وانا اناظر نايف كان واقف عند الباب ولا كأنه له دخل يناظرنا بصمت ناظرته بكره اكره ولاخر يوم بحياتي رح اظل اكره هو وساره اكرهم مثل ما دمروني وحطموني

حسيت بالعبره تخنقني فقررت الانسحاب واطلع من الغرفه قبل ما اضعف اخذت نفس وبعدها اتجهت خارج الغرفه بهدوء ...........

*

*

*

*

*

بعد ما طلعت ريم تكلم فيصل بقهر : يبه كيف زوجتها هاذي بزر حرام والله صغيره ما تعرف مصلحتها ليه تطاوعها ليه

وبعدها ناظر نايف للي واقف عند الباب وهو يؤشر عليه : وانت ما كأنها بنتك ساكت وراضي بالمهزله بكره لازم تروحون للمحكمه واطلقونها هذا الموضوع ما ينسكت عنه انا بالبدايه سكتت ما كنت ادري انها بزر وحط يده على راسه مو قادر يستوعب وبعدها كمل انا اول ما دخلت فكرتها بنت الجيران جايه تلعب مع بنتي نوف للي عمرها 10 سنوات مو قادر اتخيل انكم زوجتوها

الجد ينهي الموضوع : خلاص البنت ملكت وين عيني من ابو زياد وانا اطلب منه الطلاق انا منعتها بس هي اصرت خليها تتحمل نتايج عنادها

فيصل بقهر : بس يبه

الجد بقهر وهو يناظر فيصل : خلاص الموضوع انتهى لا تفتحه

ناظر فيصل ابوه وشافه مخنوق وخاف عليه : رح اسكت الحين وكانه تذكر وبانفعال مدرستها لازم تغيرها ما خربها غير هالبنات صارت تسمع سوالفهن حتى صارت هالبنت ما في حياء ولا احتشام

الجد بلامبالاه : لا بنات ولا شي بس هي فاتحه اذانها لهاذي السوالف وبعدين البنت اولى ثانوي لنفرض انها ما كبرت وظلت نفس الحجم نحرمها من الزواج لانه حجمها صغير واختك هيفاء تزوجت وعمرها 16 سنه يعني الموضوع ما يحتاج منك كل هالعصبيه يا فيصل ......

نايف وهو يرفع حاجب باستهزاء وهو يتكتف : مين للي قالك يبه انه عمرها 16 ريم عمرها 14 سنه

لف الجد وناظر نايف وهو يفتح عيونه : انت وش تخربط ؟؟

نايف ببرود : ما اخربط هذا للي جاك اذا سلمى عمرها 13 سنه وريم اكبر منها بسنه كيف صار عمرها16 فهمني وهو يقرص عيونه

الجد بقهر وعصبية مكبوته وهو يأشر على نفسه : انا اليوم سألتها قالت لي اولى ثانوي وشد على قبضة يده يا فضيحتي بين العربان يقولون زوج حفيدته وهي بهاذي العمر اكيد فيها شي

غمض عيونه بقهر وبعصبيه بعد ما فتحهم : انا ابو سلمان تكذب علي وقسم بالله لتندم الحيوانه

بس قاطعه صوت الزغروده العالي .........

*

*

*

*

*

بعد ما طلعت من الغرفه كنت ناويه اصعد لغرفتي بعدين غيرت راي الحين الزوج الثلاثي يظنون اني منقهره منهم بس والله لاقهرهن وتوجهت للصاله الداخليه وانا اتغنج بمشيتي

دخلت الصاله واطلقت الزغروده العاليه كل الموجودات ناظرني وعلى راسهن علامه استفهام

دخلت وانا ادبك واغني وبعدها التفتت لجدتي وبدلع : باركي لي يا عجوز النار وسبلت رموشي بدلع انخطبت

ناظرتني جدتي بشماته مثل ما توقعت وبعدها كشت علي: يا مخبوله سليمان تركك وخطب هاذي المزيونه واشرت على سديم

ام سليمان بشماته : خليها يا خالتي تحلم ههههههه

ناظرتهم بتعالي وبابتسامه نصر : ومين قال لكم اني ملكت على سليمان وكشيت عليهم بدلع وانا اتمايل

انا ملكت على زيود خطيبي وسبلت عيوني بدلع

وبعدها ناظرت سديم وانا اجاكرها والعب بحواجبي : لا تفكرين انك اخذتي سليمان يعني شي كثير واشرت باصبعي بدلع لا يا حلوه خليها حلقه بإذنك دايما بقايا الذئاب لا تأكله الا الكلاب

وبعدها بصراحه بلعت ريقي وانا اسمع جدي يصرخ باسمي الله يستر بس ما حبيت اظهر خوفي قدام الحاضرين دخل جدي وعيونه النار تطلع منها وبصراخ وهو يناظرني ؛ انا تكذبين علي انا

تقدمت منه وقلبي طبول من الخوف وبابتسامه ما لها مكان بهذا الموقف : تعال نتفاهم بالمكتب يا طويل العمر وغمزت له بدون ما حد يشوفني بمعنى لا تفشلني قدامهن

ناظرني بقوه كان وده يتكلم بعدين سكت لثواني وبعصبيه : الحقيني عالمكتب بسرعه وبعدها طلع تنفست براحه

لفيت خلفي وانا ادلع : باااااااااااي وغمزت لجدتي وطلعت بسرعه ودخلت المكتب من الباب الداخلي

دخلت ورجع قلبي طبول لما شفت نظرات جدي الناريه اشر لي بالجلوس

قعدت بهدوء وناظرت جدي للي كان واقف عند كرسي المكتب سألني بحده : اي صف تدرسين يا ريم ؟؟

ناظرته باستغراب وجاوبت بهدوء : اولى ثانوي

نقزت على صرخته : كذااااابه

وتقدم مني ووقف امامي وبحده رح اعيد السؤال مره ثانيه : اي صف تدرسين يا ريم ؟؟

رفعت راسي وناظرته باستغراب : اولى ثانوي

ما حسيت إلا بكف على وجهي وكرده للفعل حطيت يدي على خدي

جدي بعصبية : ليه تكذبين علي ليه تظنين اني بزر تضحكين علي وشد على اسنانه بقوه لاخر مره اسألك اي صف تدرسين يا ريم ؟؟؟

حسيت العبره ودها تخنقني صرت اردد بداخلي طنش عش تنتعش ونزلت يدي عن خدي ورفعت راس وناظرت جدي بثقه : اولى ثانوي

ما حسيت الا بيده على خدي الثاني حطيت يدي على خدي وناظرته وعيوني تلمع بالعيون

جدي بعصبية وهو يناظرني بحده : ليه تكذبين علي ليه وانتي عمرك 14 وانا المغفل للي فكرتك 16 اجلت العرس لسنتين لحتى يصير عمرك 18

وبتهديد يصير خير الحين انقلعي عن وجهي قبل لا ارتكب فيك جريمه

اخذت نفس وتقدمت منه وانا مقرره ابيع كل الاحساس للي عندي ابتسمت ومسكت يدي وانا ادلع : بهون عليك ترتكب في جريمه يالشايب وسبلت عيوني بدلع

ناظرني جدي وهو ينفض يده مني بعصبية : شايب بعينك وبحده تراني مو طايقك اختصريني وابعدي عني لا تفتكري انه من لما جيتي هنا ضحكت معك اني اغليك ولك درجه لا لا تفكرين انت بالنسبه لي مجرد حفيده دخلت علينا بالغصب ومجبورين نربيك بس

ومهما عملتي مستحيل توصلين لدرجة احفادي مستحيل وناظرني بحقد

صحيح قررت ابيع الاحساس للي عندي بس هذا مجرد كلام لاني بشر وعندي احاسيس ومشاعر يمكن اطنش احساسي ومشاعري اما اتخلى عنها مستحيل وناظرت الارض

كلامه وطريقته معي كانت جارحه جدا ليه يقول لي هذا الكلام؟؟؟

وش الفرق بيني وبينهم ؟؟؟

ليه يكرهوني ليه؟؟؟؟

وش ذنبي ؟؟؟

بس مستحيل اضعف طنشت احاسيسي ومشاعري وناظرته وابتسمت بصعوبه : اذا وجودي يضايقك رجعني لعند نايف اعيش عنده هو اولى يتحمل غلطته وابتسمت وعيوني تلمع بالدموع

ناظرني باستهزاء : نايف مو كانه ابوك ؟؟ عموما اصلا ابوك وشدد على حرف الكاف زمان تبرى منك قبل 6 سنوات علشان كذا انا تبرعت واتكفل فيك واربيك

ناظرته وانا متكتفه و امثل اسلوب الامتنان للي باطنه استهزاء وبداخلي طعنات : مشكور كثر الله خيرك ما تقصر يا طويل العمر

رد جدي وهو متوجه لكرسي المكتب وبحزم : اول مرة واخر مرة تكذبين فاهمه

رديت بابتسامة : ان شاء الله والمره الجايه وضح سؤالك لانك الصبح سألتني بالسياره اي صف ما سألتني عن عمري ....

لف علي وناظرني وهو يجلس على الكرسي ورفع حاجبه : وش يفرق معك السؤال اذا كانت الاجابة وحده يا انسه ريم

رديت بثقه : الاجابه مو وحده لاني بصف اولى ثانوي

قاطعني جدي بعصبية : ريم قلت لا تكذبين خلص سكري على الموضوع احسن ما ادفنك مكانك

رديت عليه وانا اضحك ومتجاهله حزني : هههههه اذا دفنتني هنا يطلعك شبحي بالليل وتموت من الخوف ويدفونك هنا جنبي ههههه كيف هاذي الفكرة وغمزت له

رد علي جد وهو يقرص عيونه : سخيفة مثل صاحبيتها والحين اطلعي بسرعه قبل ما ادفنك لانك اليوم قهرتيني بافعالك

رفعت يدي وانا ارفع يدي واعمل الحركه العسكرية : حااااااضر سيدي

وبعدها نزلت يدي وانا اسبل عيوني بدلع : اوامر ثانيه ؟؟

بدون ما يرفع راسه : ما في شي ثاني بس اطلعي وسكري الباب خلفك

رديت بهدوء : ان شاء الله

وطلعت خارج المكتب وبسرعه ركضت لغرفتي قبل ما اشوف حدا ويشوفون الخرايط للي بوجهي ويتشمتون بي

وصلت الغرفه وبسرعة قفلت الباب بالمفتاح وتوجهت للمرايه بعد ما انرت الاضاءة ناظرت نفسي كانت خدودي لونهم احمر شديد ومكان اصابع جدي واضح حطيت يدي على خدي وانا احس النار شابه فيهم من الوجع واحسهم انهم انتفخوا اخذت نفس وما قدرت امنع شهقاتي وسيلان دموعي

وبسرعة ركضت على السرير ورميت نفسي ابكي واحمد الله اني ثبتت نفسي وما انهرت عند جدي لاني لو تاخرت دقايق كان انفجرت عنده

جرحوني وقهروني وكسروني وذلوني كنت ودي ادعي عليهم بس تراجعت وانا ادعي يا رب صبرني يا رب قرفت الحياه سنتين انتظر سنتين هنا اكيد رح اموت قهر ما اقدر اتحملهم سنتين

كله بسبب نايف اكره هو وساره اكرهم اكرهم اكرهم اكرهم ودخلت بسبات عميق وانا اردد الكلمه وصوت انيني بانحاء الغرفه ...........

*

*

*

*

*

*

بعد ما صرخ الجد على ريم وناداها عالمكتب طلعت ريم من الصاله الداخليه

التفتت الجده على ام خالد وام سليمان وهي فاتحه عيونها : شفتم قليله الحياء مركبه باروكه وحاطه عدسات ومكياج

ام سليمان : انا اتوقع حطت 2كيلو مكياج ويالله يخفي سوادها

ام خالد باستغراب : شفتم كيف مبيضه حالها بالمكياج والله ودي اسألها وش اسمه والله انه اصلي للي خلى ريم بيضاء

رغد : يمه اشتريلي نفس النوع وقسم بالله ما عرفتها هالحيوانه مين يصدق انها ريم السوداء صارت بالبياض هذا

سلمى : حتى الباروكه للي حاطيتها لولا شوي اطول منها ههههه

ساميا اعطتها نظره بمعنى اسكتي

بلعت سلمى ريقها وسكتت

مي وبمسخره : شفتم ما اقصرها مع اني اكبر منها بسنتين بس الفرق بالطول كثير

سديم وهي تضحك : ههههه والله انا فكرتها نوف اختي حاطه باروكه ههههههه طولها شبر ومع الفستان صدق انها بزر

روان بغرور : اسمعتي وش قالت عنك قال بقايا الذئاب لا يأكله الا الكلاب

سديم بقهر لما تذكرت : والله ما حد كلب غيرها

لينا : وش قصدها بالمثل ما فهمت

الجده وهي تناظر لينا : قصدها يا بنتي انه سليمان خطبها بالاول وبعد ما تركته اخذته سديم

يعني هي الذيب وسديم الكلب

ام خالد : تخسى والله ما احد كلب غيرها وبعدها ناظرت الجده بس مين للي خاطبها صحيح يا خالتي ما قلتي لنا

الجده بلامبالاه : جعلها متملكه على قرد ما همتنا اهم شي طلعت غريبه وارتاحوا عيالنا منها

ام سليمان باستفسار : وش عرفك انه غريب انا خايف يكون واحد من عيالنا

الجده ببرود : لا ما سمعتيها وش قالت خطيبي زيود وحنا ما عندنا اسم زيود

ام سليمان بدهشه : وش تقولين يا خوف قلبي يكون زياد

الجده وهي معقده حواجبها : مين زياد ؟؟؟

ام سليمان بقهر : خالتي علامك نسيتي زياد ولد ابو زياد صديق عمي

الجده براحه وهي تستبعد توقعات ام سليمان : لا لا ما اظن زياد اسمه يصدح بالبلد معروف ومشهور وله مكانته بالمجتمع وكثير نشوفه على التي في ودك يوخذ ريم ههههه ضحكتيني بصراحه

ام خالد تناظر ام سليمان وهي تقرص عينها : والله الظاهر انك خرفتي زيااااااااد يوخذ ريم الظاهر انك انهبلتي وين ريم وين زياد ما في مقارنه بينهم

وكملوا سوالفهم وهم يتوقعون من يكون خطيب ريم .......

بعد ما خرجوا الجماعه والجد والاعمام دخلوا داخل توجهوا الشباب للحديقه

صقر بقهر وهو يجلس على الارض ويتربع : اخخخخ قهرتني تقول لي وهو يقلد صوتها انت ما لك دخل فاهم اخخخ قهرتني انتم ما شفتوها بزر

بدر قاطعه وهو يضحك : وانت وش للي قاهرك بقلعتها

صقر بقهر مكبوت : ما رح تفهموني

سليمان : والله اني كنت ودي اقوم وادفنها مكانها كيف فشلتنا قدام الجماعه للي يسمعها يقول عانس 40 سنه وخايفه العريس يطير وصار يقلدها موافقه يا شيخ حتى جدي تفشل وما عرف وش يقول من الفشيله

تقدم فيصل وابو سليمان وجلسوا مع الشباب بعد ما ردوا السلام

عمر باستفسار : وين جدي وعمي نايف ؟؟

فيصل وبعده معصب :نايف طلبوه المستشفى وابوي راح عند ريم الحيوانه تزغرد وترقص بصوت عالي مصدقه نفسها عروس

سامر ببرود : من الصبح وهي ترقص وتغني وما عمل لها جدي شي ما رح يعمل الحين شي لها

فيصل يبتسم بشماته وهو يناظر لبعيد : اتوقع تحصل لها كم طراق الحيوانه طلع عمرها 14سنه ومخبره ابوي انها اولى ثانوي وابوي معصب عالاخير حاولنا نهديه علشان صحته بس ما سمع لنا

نواف فتح عيونه : صغيره كثير كيف تزوجونها لازم تطلقونها باسرع وقت

صقر بقهر : وزياد كبير 28 سنه بينهم 14 سنه وباستهزاء ما ظنيت تقبل ريم بالطلاق لو شفتها ميته عليه

فيصل بقهر وهو يلعب بالعشب للي على الارض: ما خربها غير بنات المدرسه تقول كل صديقاتها خاطبات والحيوانه معترضه وترادد ابوي ودها تجلس معه وتطلع معه بالاسواق مثل صديقاتها فعلا قلة الحياء انا ما قاهرني الا لما شفتها وقسم بالله بنتي نوف مبينه اكبر منها بزر صغيره كثير وطولها شبر

صقر بقهر وهو يضغط على كف يده : كنت ابغى اطلع وانهي الموضوع واكنسله ركضت عند الباب ووقفت وتهدد بي اذا الغيت الملكه الا تطلع قدام الرجاجيل وتفشلنا

سليمان باستغراب : هي عملت وقالت لكم كذا ؟؟

فيصل : ايه قالت وتعمل اكثر من كذا شيطانه بجسد طفله

بعدها ناظر نواف بقهر انا قلت لك اخطبها لك علشان اسنعها بس انت ما تسمع الكلام وناظره بلوم

ابو سليمان بحكمه : يا فيصل البنت ملكت وبعدها صغيره بكره تكبر وبتعقل بس انت طول روحك شوي كل شي بالهداوه وعلشان يغير الموضوع متى رح يرجع خالد ؟؟

فيصل بقهر : هذا الثاني قاهرني كل مره يقول بعد شهر بعد شهرين بعد ست شهور كل ساع براي وتارك اولاده هنا ومزعجني اعطيني الاولاد اكلمهم

صقر بابتسامة : اولاده اكيد رح يشتاق لهم

فيصل بانزعاج : بس مو كل ساعة يرن والاولاد لما يكلموه خذ بكى ودهم ابوهم

عمر بابتسامة حتى يخفف عن عمه : والله يا عمي شكلك صرت شباب مع الصبغه الجديده مين يصدق انه عندك احفاد

فيصل ابتسم وهو يمسح على شعره والشماغ بحضنه : اسكت لا تذكرني كله بسبب الكلبه ريم تقول عني شايب وخبرهم بالموقف علشان كذا رحت صبغة شعري وخذ تعاليق من هنا ومن هنا

ضحكوا الشباب بهدوء على الموقف إلا

عمر انسدح عالارض : ههههههههه خطيره هاذي الربم لو ما ملكت كان خطبتها ههههههههه

فيصل وهو يرفع حاجب : تدري انك مخبول وش للي يضحكك بالموقف لهاذي الدرجه

عمر وهو يضحك : هههههه لا بس هههه تخيلت شكلك يا عمي هههههههههه وريم تقول لك كذا

فيصل وهو يرفع حاجب : اقول متى رح تعيد المواد للي حاملها بالجامعه

سكت عمر وناظر صقر بلوم للي ما خلى حد وقال له

ضحك صقر وهو يناظر فيصل : عرفت تسكته هههههه

فيصل بافتخار وهو يغمز لصقر : اعجبك .......

*

*

*

*

*

في مكان اخر ما دخلناه من قبل

حط الشماغ على الكنبه وبعصبيه مكبوته وهو يناظر ابوه : يبه وش هذا الموقف السخيف للي حطيتني فيه كذا تحرجني قدام الجماعه على الاقل لو حطيت عندي خبر مو اكون مثل المغفل

ابو زياد ببرود : يعني للي يسمعك يقول تطيعني ما كان في طريقه اني ازوجك الا كذا نسيت لما كنت ودي اخطب لك بنت عمتك ورفضت وقتها زعلت عليك طنشتني ولا اهتميت ودامك رافض فكره الزواج ما كان في حل الا الاحراج

زياد بقهر وهو يناظر ابوه : وانا اقول ليه الزمت علي اروح معك على ملكة حفيد ابو سلمان ولما شفت اعمامي استغربت بس طنشت وانا حاس في شي بالموضوع

ام زياد وهي توزع نظرها بينهم : وش صاير مو فاهمه شي ؟؟

زياد باستهزاء،: ابد يالغاليه بس زوجك إلي هو ابوي واشر عليه طلب مني احضر ملكة حفيدة ابو سلمان ولما وصلنا بعد ما ملك حفيده التفت الشيخ وسال وين المعرس الثاني اشر ابوي علي اتخيلي يمه موقفي حسيت حالي مغفل وعض على شفته من القهر

سوسن بلقافه : شفتها ؟ حلوه ؟ كم عمرها ؟

زياد لوى بوزه : اشتغلت اللقافه لا ما شفتها ممنوع عندهم جدها طلب اني ما اشوفها ولا ازورها ولا اتكلم معها حتى بالجوال ما يبغاني اكلمها اما عمرها يقولون انها اولى ثانوي والزواج طلبوا بعد سنتين حتى تكمل الثانويه ارتحتي الحين هذا للي اعرفه وبس

نوفه : لا تقول انك لما تتزوجها تعذبها وتنتقم منها مثل الروايات وغمزت له

ناظرها زياد وهو يرفع حاجبه : مو انا للي انتقم بامور سخيفه صحيح انه ابوي احرجني بس انا متأكد لو ما احرجني ابوي وسالني قبل ما نروح اكيد رح اوافق لانه ربنا كاتب انها تكون من نصيبي وهذا النصيب ما ما اعترض عليه بالعكس رح احطها بعيوني اما سخافاتك يا نوفه انتي وخيالاتك مو عندي

وبعدها التفت على ابوه وهو يضحك : شفت يبه كيف فشلتهم هههههه اما شكلها البنت نهفه هههههه

وخبرهم بالموقف

ام زياد وهي مو عاجبها هالشروط : وانت موافق على شروطهم

زياد بلامبالاه : اصلا موضوع الزواج كله مو ببالي فاعتبر نفسي اني ما خطبت وبعد سنتين يصير خير

ام زياد باعتراض : بس

قاطعها ابو زياد : لا بس ولا شي دام زياد موافق ما في مشكله وخلي الامور على ما هي ......

وبعدها استاذن زياد وطلع على غرفته وهو يفكر كيف شكل هالريم ...........

*

*

*

*

*

صحيت الصبح وانا حاسه راسي مصدع من كثره البكاء تنهدت بتعب وانا حاسه حالي مكسله بس لازم اروح عالمدرسه لاني غبت الاسبوع الماضي كله تذكرت بنات خالي يالله مشتاق لهن ولجلستهن وسوالفهن وخبالهن انا لازم اكلم جدي علشان ازورهن

قمت من السرير بكسل واتمايل وقبل ما ادخل الحمام ناظرت نفسي بالمرايه وانا احك شعري واتثاوب بكسل ناظرت وجهي كان فيه علامات خفيفة مكان الكفوف مسحت على وجهي بلطف

وبعدها ناظرت ملابسي يالله نسيت ابدل ملابسي نمت بالفستان اخذت ملابس ودخلت الحمام اخذ دش وانا اقوي نفسي واطنش كل من حولي

وبعد ما جهزت نفسي ومشطت شعري وعملته جدوله على جهة اليمين وربطتها بشبره حمراء وجدوله على جهة اليسار وربطتها بشبره حمراء وغرتي قصيره يعني للي يشوفني يفكرني بالابتدائي

لبست عباتي وحطيت الشيله على راسي وغطيت شعري كله وبعدها سمعت طرقات خفيفه على الباب كانت الخدامه جايبه الفطور طلبت منها ترجعه ما ودي افطر نفسي مسدوده من البارح كسروا فرحتي ونغصوا علي لكن بسيطه وقسم بالله اذا شفت سديم تجلس مع سليمان لولع الدنيا ليه هي تجلس مع خطيبها وانا لا

اه يا ترى كيف شكله انا لازم اسال عنه واخذ معلومات علشان البنات اذا سألوني اقدر اجاوبهم

وبعدها حملت حقيبة المدرسة للي كانت بمكانها من الاسبوع الماضي ما لمستها وتوجهت خارج غرفتي وانا اتثاوب بكسل وصلت عند الدرج ما قدرت اقاوم التزحلق على الدرابزين

تزحلقت وانا مبسوطة على الاخير لمحت زول جدي وبسرعه ركضت خارج البيت قبل ما يكتشفني ويشلع اذاني

وصلت البوابه كان صقر واقف عند سيارته ويكلم بالجوال كان يكلم بالجوال وهو يناظرني بس انا اعطيته طاف ومشيت وانا ادلع ولابسه كعب يمكن شبرين علشان ابين اني كبيره بس وقفني صوت صقر الحازم بعد ما تعديته بخطوتين : ريم

بدون ما الف عليه تكتفت : نعم

سمعت خطواته تقدم ووقف قدامي

بصراحة انقهرت مع اني لابسه كعب بس جنبه كنت قصيره كثير

ناظرني باستهزاء : اخذتي معك الرضاعه ؟؟

بصراحة قهرني يتمسخر رديت عليه وانا ارفع حاجبي بغرور : الطول طول نخله والعقل عقل صخله

ومشيت خطوه بس مسك يدي بعصبيه : وقسم بالله اذا كلامك هذا ينعاد لادفنك هنا وبسرعة غطي وجهك

ناظرته وانا اضحك بعد ما فكيت يدي منه : تعرف حيرتوني انت ودك تدفني هنا والشايب وده يدفني بالمكتب والعم فيصل وده يدفني بالصاله الداخليه

وبعدين معكم حددوا مكان واحد

ناظرني بغرور : يا سخافتك بسرعة غطي وجهك وبلا كثرة حكي والعبايه هاذي اذا شفتها عليك مره ثانيه احش رجولك قبل ما تطلعين فيها فاهمه

رديت علشان اغيضه تكلمت بدلع وانا اتخصر : مالك دخل وبعدين دامه وسبلت عيوني بدلع خطيبي زيود ما اعترض ما حد له دخل مفهوم

ناظرته وهو مفول من العصبيه : طالت وشمخت يالبزر وبعدها تكلم وهو يكتم عصبيته ريم انا طبعي هادي لا تعصبيني

شفت الباص وبسرعة ركضت وقبل ما اطلع وقفت وتكلمت باسلوب ينرفز : انا رح اغطي لانه خطيبي وده اياني اتغطى مو علشانك وبعدها مديت لساني وحطيت الشيله على وجهي وركضت بسرعه للباص ....

*

*

*

*

دخلت المدرسة وبالصف طول الوقت وانا سرحانه واتخيل شكل خطيبي ولا انتبهت للشرح وفجأة نقزت على صوت صراخ الابله : ريييم

ناظرتها بغباء : نعم

الابله بعصبية : انا لي ساعه اناديك وحضرتك مو معنا ليه ان شاء وبهدوء فيك شي يا ريم انت طالبه متفوقة وحافظي على تفوقك والحين يالله اطلعي عالسبورة وحلي هاذي المسأله

بصراحه بما اني نويت اعيش حياتي بالتطنيش والدراسه من ضمن التطنيش خلص ما في داع للدراسه وحبيت اقوم بدور البنت الغبيه وقفت وانا ابتسم بعباطه ووقفت عند السبوره وبابتسامه عبيطه : ابله اكتب من هنا والا من هنا

ناظرتني الابله وبعدها تكلمت بدون نفس : هنا المساله يالله عجلي بسرعة حليها

ناظرت المسأله وبديت اجيب واحط من عندي تخبيص وقفت الابله فوق راسي وبعصبيه : وش ذا التخبيص امحي بسرعة واشرت على حلي وارجعي مكانك وركزي معنا

مسحت السبوره كلها ومع المساله عصبت الابله : انا قلت لك امسحي االحل للي كتبتيه بس ليه مسحتي المسأله وبقهر ارجعي بسرع مكانك

رجعت مكاني وانا ابتسم لانه هذي الابله عصبيه واكره ما عليها حد يحل على السبورة غلط كانوا البنات يناظروني مستغربين لاني معروفه بذكائي واليوم ولا حصه شاركت واذا سألوني المعلمات اجيب من الغرب واحطه بالشرق هههه بصراحه عجبتني حياة الكسل يا ليتني رديت على الجوري كان الحين جالسه جنبها ومونسيتني

خلصت الحصة وبعدها كانت الفسحه وبسرعه ركضت للخارج مشتاق للجوري والنور واول ما شفتهن سلمت عليهم بحراره وجلسنا نسولف وخبرتهن باخر الاحداث واني ملكت

الجوري : يا غبيه لازم تتعرفي وتجلسين معه قبل الزواج حتى تتفاهمون مع بعض

النور : صحيح كلام الجوري انا اجلس مع خطيبي عادي ما فيها شي دامك ملكتي ما فيها حرام على الاقل تتكلمين معه بالجوال

لويت بوزي بقهر : من وين اجيب رقم جواله وانا اصلا ما معي جوال

الجوري بتفكير : لا تخافي رح ندبر لك حل المهم بنت عمك سديم حلوه

لويت بوزي بقرف من هالسيره : امممم هي امممم ايه حلوه

النور بلقافه : وصفي لنا شكلها

ناظرت النور وانا اتذكر شكلها : ما اعرف طولها بالضبط لانها كانت جالسه بشرتها حنطيه وعيونها وسط وانفها صغير كثير وفمها وسط عادي وعيونها بني غامق وشعرها اسود مو ناعم كثير بس حلوه فيها جاذبيه

الجوري بقهر : يعني احلى منك ؟؟

ابتسمت بعباطه : والله ما اعرف يمكن هي احلى مني يكفي انها مبينه وحده كبيره مو مثلي كل الناس تفكرني بزر وبقهر شوفو لي حل ودي اكبر

قبل ما يشوفني العريس ويتركني ويقول هاذي بزر

النور بتفكير : صحيح للي يشوفك يظن انك بالابتدائي ناظرتها بحده

النور تضحك : ههههه لا تناظريني كذا اخاف وبعدين اسمعي كلامي للاخر

ناظرتها واستهزاء : كملي يا حكيمه زمانك

النور بابتسامة : غصب عنك حكيمه المهم انت بعدك 14 يعني بسن النمو يمكن لما يصير عمرك 16 تتغيرين وتصيري كبيره مثلنا

رديت بقهر : طيب بنات جيلي طويلات واشرت على بنت من عمري شوفو هاذي من عمري بس شوفو الفرق بالطول مو مثلي قزمه

الجوري تبتسم : يا بنت الحلال ربنا خلقك كذا ما يصير تعترضين على خلقته قولي الحمد لله وانتبهي لغذائك واكلي كويس علشان تطولين وكثري اكل فستق يقولون انه يطول

رديت : الحمد لله خلص اليوم ودي اشتري فستق واظل اكل ليل ونهار ........

*

*

*

*

رجعت عالبيت وانا تعبانه وحاس نفسي ضايق من الشيله دخلت وبعدني راكبه اول درجتين وقفني صوت جدي : ريم

لفيت عليه وانا متغشيه :: نعم

تكتف وهو يناظرني بحده : وش علاقتك بزياد ؟؟

بصراحه استغربت السؤال ورديت بغباء : مين زياد ؟؟

الجد بعصبية : .........

*

*

*

1_مين الشخص للي كان وده يوافق على ريم بس تراجع ورفضها ؟؟؟

2_ ايش راي زياد اذا شاف ريم هل رح يكمل الخطوبه والا رح يفسخها ؟؟

3- نايف وسكوته ايش سببه ؟؟؟

4- الجد شو سبب سؤاله لريم وش سمع حتى يسألها هذا السؤال ؟؟؟

رجعت عالبيت وانا تعبانه وحاس نفسي ضايق من الشيله دخلت وبعدني راكبه اول درجتين وقفني صوت جدي : ريم

لفيت عليه وانا متغشيه :: نعم

تكتف وهو يناظرني بحده : وش علاقتك بزياد ؟؟

بصراحه استغربت السؤال ورديت بغباء : مين زياد ؟؟

جدي بعصبية وهو يناظرني بحده : مين زياد تنكتين حضرتك وشد على اسنانه زياد خطيبك

ابتسمت بفهاوه وبعدها حكيت راسي بطريقة غبيه : هذا انت جاوبت بنفسك وقلتها بدلع خطيبي

عصب جدي وهو يرفع اصبعه : بنت تأدبي خلي عندك شي اسمه حيا

وباسلوب تحقيق متى طلب منك تتغطين كامل وناظرني نظره قويه

اعمامي وجدي عليهم نظرات تخوف

طنشت نظراته وجلست على الدرج وكشفت عن وجهي وانا اركي ظهري على الدرابزين وناظرت جدي للي كان متكتف وبابتسامه قلت : البارحه لما كان هنا زيود وجلسنا انا واياه بغرفتي قال لي يا حياتي ما ابغى حد يشوف جمالك الا انا علشان كذا ابغاك تتغطين فرديت عليه وقلته له حاضر يا اغلى ناسي ...

نقزت على صرخة جدي ونظراته ناريه وخلفه عمي فيصل متى جاء ما ادري المهم كانوا يناظروني وعيونهم حمراء من العصبيه : يا قليله الحياء وش قله الادب هاذي وفوق قله الادب تكذبين وناظرني بحده

عمي فيصل بعصبية : الظاهر انها تحلم تجلس معه

ناظرته وانا اسبل عيوني : كل اليوم احلم فيه فديته

نقزت على صرخة عمي : وقسم بالله اذا اسمعت كلامك الماصخ

قاطعه جدي وهو يناظرني بحده : الحين جاوبيني متى قال لك هذا الكلام وهو يشد على اسنانه

قهروني وقفت بقهر وانا اردح : يعني بتكذبون الكذبه وتصدقونها يعني وين ودي اشوفه والجوال ممنوع واقعد معه ممنوع حتى شكله ما اعرفه كيف اقدر اتواصل معه وتاففت بصوت عالي

عمي فيصل وهو يرفع اصبعه باتجاهي : لا تتاففين فاهمه

ناظرني جدي بهدوء : طيب كيف قلتي لصقر انه زياد طلب منك تتغطين

رديت بعصبيه : هذا صقر الفتان ما له دخل بحياتي يا كرهي له يحشر حاله بامور ما تخصه

تقدم عمي فيصل مني الظاهر وده يضربني بس مسكه جدي : تعوذ من الشيطان يا فيصل

عمي فيصل بعصبية وهو يؤشر علي : هي الشيطان بذاته وبصراخ صقر هذا للي مو عاجبك هذا عمك وتحترمينه غصب عنك فاهمه

لويت بوزي : يعني اخرتوني بتحقيقكم علشان تقولون النسر قصدي الغراب وحكيت راسي قصدي البوم لا لا قصدي الصقر قال

صرخ جدي بصوت عالي : ريم ورفع اصبعه بتهديد صقر عمك تحترمينه فاهمه

وسكت لثواني وبعدها تكلم بأمر : جهزي نفسك بعد المغرب صل وانزلي هنا علشان تروحين عالسوق مع صقر

تخصرت وانا اعترض : لا لا ما رح اروح معه خلص اعطيني جوالك اكلم بنات خالتي واطلع معهن عالسوق

ضحك جدي وهو يناظر عمي فيصل : المشكلة واثقه من نفسها كثير قال بنات خالي وبعدها ناظرني وبحزم انسي شي اسمه بنات خالك مفهوم

كنت ودي اعترض قاطعني عمي فيصل : ولا نفس بنات خالك انسي علشان تهيتين معهن بالسوق وترقيم الشباب

بلعت ريقي معقول عرفوا بس انا ما لي دخل ولا مره رقمت بس كيف عرفوا عضيت على شفايفي وناظرتهم وهم يعطوني نظرة تشكيك بس الظاهر ما معهم خبر عني بس مجرد شكوك لازم ما ابين لهم

تكتفت : ما لكم حق تحرموني من بنات خالي اوكي ما ودكم اطلع معهن عالسوق انا موافقه بس حطوا في بالكم نهايه الاسبوع انا رايحه ازورهم

جدي رفع حاجبه باستهزاء : لا وكمان تعطينا قرارات اقول اصعدي على غرفتك وبلا هذره زايده

وصار جدي وعمي فيصل يضحكون و يتكلمون ويتمسخرون علي بس مستحيل اخليهم يقهروني لازم اقهرهم قبل ما اطلع عدلت وقفتي علشان اهرب بسرعه اذا تطلب الامر وتكتفت وانا اناظرهم :،خلص ما ابغى اروح مع بنات خالي خلص اتصل وبدلع بخطيبي زيود علشان ياخذني عالسوق وسبلت عيوني بدلع

تقدم عمي فيصل بعصبية : انا الحين رح ادفنك هنا يا قليله الحيا

وبسرعة 360 انطلقت لغرفتي وقفلت الباب بالمفتاح احتياط وبعدها تنهدت براحه

قررت اخذ دش واانام واريح نفسي .........

*

*

*

*

*

*

الجده : اخخخ يالقهر والا هذي المنتفه توخذ زياد ............انا استبعدت توقعاتك ............انصدمت مو قادرة اصدق ..............والله الهندي وكثير عليها بنت ساره ............احس بالقهر المفروض خطبوا روان والا رغد احسن من ام السعف والليف ..............حسبي الله عليها ............يصير خير ..........تعالي العصر علشان نتفق على ترتيبات الملكه .........ان شاء الله .............مع السلامه

قفلت الجوال وناظرت ام خالد : احس راسي مصدع من لما عرفت انه زياد خطب ريم اخخخخ يالقهر

ام خالد : بس يا خالتي المفروض يكون نظره شرعيه حرام يظلمون الرجال بكره بعد الزواج ينصدم من شكلها وبعدين يطلق وش يسكت الناس وقتها ويقنعهم انه مو عاجبه شكلها

دخل فيصل وهو يناظر زوجته : ما رح يطلقها علشان شكلها

دخل الجد خلفه وجلس بصدر الغرفه وكمل عن فيصل : بنتنا ما ينقصها شي ويحمد ربه انا اعطيناه والكلام الناقص هذا ما ودي اسمعه مره ثانيه واعطى نظره حاده لام خالد وللجده

فيصل يناظر امه : لو الامر بيدي ما زوجتها لزياد حاولت اقنع نواف بها بس الغبي رفض

شهقت ام خالد وحطت يدها على صدرها وهي تناظره : ودك تبلي ابنك فيها

رفع فيصل حاجب وناظر زوجته باستنكار : وش ينقصها ريم حتى تقولين كذا ؟؟

ام خالد بغرور : ينقصها كثير اهم نقطه الجمال وين نواف وين هي نواف تلزمه ملكة جمال علشان تناسب جماله

رد عليها الجد باستهزاء : متى تعينتي بشركه المعايير والمقاييس حتى تعرفين من تناسبه

وناظر الجده متى الغداء ان شاء الله

الجده بدون نفس : جاهز

الجد بحرص : لا تنسون ترسلون لريم اكل بغرفتها

ام خالد بقهر : ان شاء الله

*

*

*

*

*

*

*

بعد الغداء توجه الجد للمكتب هو وفيصل يتناقشون ببعض المشاريع

قاطعهم دخول صقر بعد ما رد السلام

جلس على الكنبه بهدوء وهو يسأل : سألت ريم عن موضوع الصبح؟؟؟

تنهد الجد وبعدها ناظر صقر : هاذي البنت رح تجلطني قليله الحياء وخبره بالموقف

صقر وهو يشد على اسنانه : وسكتت لها اخخخخ يالقهر لو كنت موجود كان دفنتها بمكانها كله بسبب نايف ما رباها وتركها واهملها

هاذي البنت ضحية هذا الطلاق هو عايش حياته وامها عايشه حياتها والبنت تحطمت ولا تستبعد تعمل كل هذا علشان تنتقم منا وتقهرنا

الجد مسك القلم واخذ نفس : يعني بنظرك يا صقر وش الحل معها نرخي لها الحبل وتعيش على كيفها

فيصل : يبه هذاا الجيل يحتاج لحزم وقد ما تقدر اضغط عليها

صقر وهو يناظر ابوه : انا مع فيصل لازم نشدد عليها ونكون حازمين بس ما يتعدى الضرب لاني ضده هددها بالضرب اما انك تمد يدك عليها انا اعترض

الجد : انا طلبت من اعمامها كلهم ونايف كمان ممنوع يضربونها اذا عملت غلط يخبروني وانا اتصرف معها

فيصل وهو يعض شفته بقهر : اخخخخ يبه لو تعطيني الاشاره الخضراء واعطيها كم طراق يسنعها

صقر عقد حواجبه وهو يناظر فيصل : انت ما عندك الا الضرب وبعدين البنت اكلت ضرب من صغرها حتى شبعت نايف ما قصر معها والله انها تكسر الخاطر وحتى اشر على الجد وحتى ابوي ما قصر نزل فيها ضرب بالعقال وهي بالابتدائي وربي وقتها يسرني وابعدته عنها

الجد يناظرنه وهو يقرص عينه : مسكينه جالسه وانا تبليت عليها وضربتها مو كأنه لسانها مترين

فيصل وهو يتكتف : هاذي البنت مثل المسمار تبغى دق علشان تتسنع

صقر وهو يوقف وهو يناظر الجد : على كل حال انا حبيت اخبرك بكلامها حتى تتأكد لازم ننتبه لها البنت صغيره واخاف يلعب بعقلها زياد

الجد وهو يناظر الورق للي قدامه : يصير خير

وبعدها استأذن صقر وطلع .......

*

*

*

*

*

التعريف بعائله ابو سلمان

ابو سلمان الجد رجل اعمال له سمعته بالبلد حازم وعصبي واهم شي عنده سمعته يحب احفاده مع انه حازم مع الشباب اكثر من البنات

الجده مزنه اهم شي عندها عيالها واحفادها باستثناء ريم

تهتم بنفسها ودايما تحط على وجهها مكياج جسمها وسط لا خي ضعيفه ولا سمينه وسط بشرتها حنطيه طولها 165 سم

الجد والجده عندهم خمس اولاد وبنتين نبدا بالاولاد

سلمان «ابو سليمان » عمره49 سنه طويل وجسمه وسط لا سمين ولا نحيف وجه تقريبا اسمر خفيف له لحيه خفيفه غزاها بعض الشيب هادئ جدا ويحب يحل الامور بالهداوه يشتغل مع ابوه بشركاته

الجوهرة«ام سليمان »: زوجة ابو سليمان عمرها42 جسمها مليان شوي بشرتها حنطيه عيونها وساع وانفها كبير شوي بس مناسب لوجهها وفمها وسط ووجها دائري وسيع وشعرها اسود طويل بس خفيف

سليمان الابن البكر عمره24 سنه اخر سنه له بالطب طوله 186 سم جسمه وسط مناسب لطوله وشعره قصير اسود لون بشرته حنطي اقرب للسمار لون عيونه اسود انفه طويل شوي لحيته خفيفه

عمر عمره 21 سنه يدرس اقتصاد بالجامعه كل فصل يحمل ماده طوله 170 سم نحيف شعره لحد اذنه لون شعره اسود ناعم بشرته بيضاء يلبس نظاره طبيه لحيته خفيفه

رغد عمرها 18 سنه ثالث ثانويه ادبي جسمها مليان شوي طولها 162 بشرتها حنطيه عيونها لونها بني غامق رموشها خفيفه انفها فيه طول بس مو كثير فمها صغير شعرها لحد كتوفها اسود ناعم

مي عمرها 17 سنه ثاني ثانوي ادبي طولها 165 نحيفه وجسمها حلو بشرتها سمراء بس حلوه عيونها وساع انفها صغير وفمها صغير نعومه كثير شعرها قصير لنص رقبتها لونه بني

فيصل «ابو خالد» عمره 48 سنه طوله 175 جسمه اقرب للنحافه شعره مصبوغ 

وجه نحيف و بشرته حنطيه له غماز على خده اليمين

يشتغل مع ابوه يالشركات امضى وقت طويل بالخارج لكن قبل سنتين رجع واستقر هنا

عصبي كثير

ام خالد طولها 160 نحيفه وتعتني بنفسها حليوه

خالد ابنهم البكر عمره 26 سنه طبيب بيشتغل بالخارج طوله 188 سم جسمه وسط لا نحيف ولا سمين بشرته بيضاء وشعره طويل شوي

اعصابه بارده بشكل

متزوج اجنبيه من كان عمره 18 سنه عنده بنت وولد توأم

طيف بيضاء كثير ملامحها عاديه عمرها 7 سنوات

مصعب يشبه اخته كثير ابيض وشعره قصير ودبدوب شوي عمره 7 سنوات

نواف طوله 172 نحيف كثير ابيض يشبه اخوه خالد يشتغل بإحدى الشركات مهندس عمره 24 سنه

سامر عمره 22 سنه يدرس بالجامعة اداره اعمال جسمه مليان بشرته حنطيه وشعره قصير طوله 160 سم

سديم عمرها 18 سنه ثالث ثانوي علمي <تم وصفها من قبل طولها 163 مخطوبه لسليمان ولد عمها

روان عمرها 17 سنه طولها 157 سم بشرتها حنطيه وجسمها وسط عيونها وسط لونهم اسود انفها كبير شوي وفمها وسيع وحلو في بعض حبوب ببشرتها شعرها خشن ومعقدها كثير

نوف عمرها 10 سنوات ملامحها طفوليه حنطيه صوره مصغره عن سديم

احمد عمره 8 سنوات اسمراني ونحيف كثير

باقي الشخصيات رح نعطيكم نبذه عنهم لاحقا 

نرجع للاحداث

صحيت وانا افرك رقبتي توجعني من النومه تثاوبت وبعدها وقفت وصرت امشي وانا مثل السكران وصلت للحمام وغسلت وجهي وبعدها طلعت وناظرت الساعه بعدها عصر مطول المغرب بدلت ملابسي و طلعت برا الغرفه وكنت لابسه شباح كابوي وتحتيه بلوزه زهر حفر وشعري ربطته قرون برباط لونه زهر

يمكن تضحكوا علي وتقولوا كبيره وتقلد الاطفال بس ما اعرف السبب احب البس مثل الاطفال يمكن لاني انحرمت اعيش طفولتي والحين قاعده احاول اعيش ايام الطفوله للي انحرمتها

المهم وقفت باب الغرفه وتفاجئت بوجود بزران بالصاله يلعبون بلايستيشن اول مره انتبه لوجوده تقدمت منهم وهم مندمجين باللعب وسحبت السلك من الكهرباء

ناظروني بقهر وصرخت وحده منهم : ليه تفتيه يا دبه

ناظرتها باستهزاء : اول تعلمي تتكلمين زين وبعدين تجين هنا وناظرتهم وحبيت استقوي عليهم وبصراخ مين سمح لكم تجلسون هنا

وقفت وحده تردح لي : هذا بيتنا انتي انقلعي برا

تقدمت منها ومسكتها من اذنها : هذا الطابق كله لي جدي البارحه قال كذا فاهمه

يالله الحين انقلعوا من هنا قبل ما انادي جدي لكم واعطيتهم نظره تخوف وانا بداخلي اضحك على اشكالهم

تقدم واحد من الاولاد وابتسم : انا اثمي احمد انتي اثمك ثو

تكلمت وحده من البنات : انا اثمي طيف ليه ما تثجلي معنا بنفث المدرثه انتي بثف نوف

ناظرت البنت للي تأشر عليها وطار عقلي

نوف ببراءه : انا بالصف الرابع تعالي سجلي بصفي

خلاص الوضع زاد عن حده الشاطر يتمسخر علي حتى البزران يتمسخرون علي

وخلعت الصندل وانا اناظرهم بحقد وبتهديد : وقسم بالله لتندمون وتوجهت لهم وانا رافعه الصندل حتى اضربهم بس هربوا وصرت اركض وراهم بالصاله وانا الهث وصوت صراخ البزران بكل مكان

فجاه شفت صقر واقف عند اخر الدرج ودوبه داخل الصاله

لما شافوه البزران ركضوا بسرعة وتخبو وراه

تقدمت وانا اصرخ : تعالوا هنا وحاولت امسكهم من ورى صقر

بس صقر منعني ورفع حاجبه : ليه ودك تضربيهم ؟؟

ناظرته وانا اردح : اسألهم قليلين الحيا وحطيت يدي على خصري

التف على البزران وبابتسامه : ليه ودها تضربكم ؟؟؟

طيف ببراءة : والله يا عمو ما عملنا اثي بث دلتلها انتي بثف نوف

صرخت عليها وانا معصبه : سدي حلقك يا حيوانه وصرت اتريق عليها بثف نوف

رد صقر وهو يضحك : ههههههه ريم ترى رضاعتك بالمطبخ جهزتها الخدامه هههههههههه والتفت على البزران لا تردوا عليها هاذي مخبوله وتدرس بالروضه هههههه بعدها ما دخلت المدرسه ههههههههه

وبعدها ناظر البزران انزلوا تحت بسرعه

ركضت حتى امسكهم بس ابو طويله منعني اخخخخ يالقهر وبعد ما نزلوا البزران دفشني عالخفيف

واعطاني نظره ما فهمتها وبعدها نزل

قهرني توجهت للبلايستيشن وشغلته وجلست على الارض وتربعت وبلشت العب

وبعد 15 دقيقة تقريبا لمحت ظل صغير وراي بس طنشت وقعدت العب

جلس جنبي بهدوء وبطفوله : العب معك عادي

ناظرته وسالته عن اسمه كان اسمه مصعب وافقت الاعبه وبلشنا نلعب مع بعض بس هالحيوان ما هو قليل بلحظه كان رح يفوز علي بس الحمد لله سبقته وفزت عليه ووقفت انط من الفرحه

شفت البزران واقفين ويطالعوني بتردد وتشجعت نوف وتكلمت : هذا جهازنا واحنا كمان ودنا نلعب

ناظرتهم بغرور : امممم طيب بما انها هذا بيتي رح اسمح لكم تلعبون بإذني بس

يالله تعالوا عالدور تلعبون وقعدنا نلعب وطول الوقت انا العب فزت خسرت ما لي دخل اظل العب وهم على الدور يلعبون معي

انبسطت وسمعت صوت الاذان وتذكرت طلعة السوق

قمت وفصلت السلك وناظرتهم : يالله خلص اللعب

حاولوا علشان يلعبون بس طردتهم واخذت وصله الكهرباء علشان ما يلعبون نذاله

دخلت غرفتي وجهزت نفسي وفكيت شعري وربطته ذيل حصان ولبست الشيله وعدلت اللثمه ناظرت نفسي برضى وبعدها نزلت وانا اتزحلق على الدرابزين وبعدها نزلت بهدوء علشان الكعب للي لابسه

شفت ميرفت سألتها عن صقر خبرتني انه صقر ينتظر برا

طلعت شفته واقف مع واحد من الشباب ما عرفته

ترك صقر الشاب وجاء ناحييتي ومعصب عالاخير

لما وصل عندي وقفت تكلم وهو يشد على اسنانه : ليه حاطه لثمه واعطاني نظره قويه

رديت ببرود : طالعه عالسوق وما اقدر اتغطى كامل عندي ضيق بالنفس

صقر وهو يكتم عصبيته : يا بنت الحلال لا تعصبيني نزل الشيله على وجهك

سمعت صوت من خلف صقر : ردي على عمك وغطي وجهك كله بلا كثره حكي

قررت لاول مرة ما اعاند بما انه الامر فيه مصلحتي ونزلت الشيله على وجهي بهدوء

حضروا بنات عمي ومن صوتهن مبسوطات

صقر وهو يناظرهن : الكل جاهز سلمى ولينا

سلمى بصوت ناعم : انا هنا يا عمي

صقر يبتسم معها : فديتك تعبني نايف حتى يقتنع علشان تروحين انت ولينا والحمد لله وافق بالاخير

ناظرت بنات عمي لابسات نقاب ولينا عبايه وكاشفه بحكم انها صغيره عندهم

جدي يناظر صقر : انتبه للبنات يا صقر

صقر بابتسامة : ان شاء الله

وبعدها توجهنا للسياره وركضت سديم وفتحت الباب الامامي وجلست

كنت امشي خلف البنات وحاسه بداخل نار تكويني اخذت نفس وقفت عند الباب ناظرت للداخل اشر لي صقر اجلس بالخلف

سكتت وجلست بالخلف وجلست جنبي لينا كانوا البنات يضحكون ويتكلمون مع صقر ومبسوط صقر عالاخير معهن بعدها بدقايق وقف عند البقاله وناظر البنات : وش رايكن اشتري لكم عصير الجو حار اليوم

وافقوا البنات وهن مبسوطات عالاخير وكانت لينا واقفه فوق كرسي البنات وتضحك وتشارك معهن بالسوالف

بعد دقايق دخل صقر ووزع على البنات العصير وانا مطنشيني ولا كأني معهم

بعد ما تحرك صقر نادت لينا صقر : عمي عمي ريم ما اخذت عصير

وقف السياره وبعدها ناظر للخلف بلوم : سوري ريم نسيتك اذا تبغين الحين انزل واشتري لك

ناظرته من المرايه ولفيت وجهي لجهة الشباك وانا مخنوقه

رد صقر بعصبية : بكيفك عمرك ما رديتي ان شاء الله

كنت اناظر من الشباك وحاسه العبره خانقيتني كلهم ناسييني دايما على الهامش ما حد يعتني في

ما في يهتم لي

وش يفرقوا بنات عمي عني حتى يضحك صقر معهن وانا بس يعصب علي

كلهن لابسات نقابات وعيونهم برا ليه انا ممنوع

كرهت حياتي وكرهت كل الناس اكرهم كلهم تسلسلت دمعه من عيني مسحتها بسرعة اخذت نفس وانا حاسه حالي مخنوقه

استغفرت ربي وبعدها بدقايق سمعت صوت صقر يطلب منا ننزل

ما كنت ودي انزل خلص ودي ارجع البيت كرهت السوق والطلعه

بس ما في فايده نزلوا البنات وكنت اخر وحده ولما كنت ابغى انزل مسك يدي صقر بعده ما نزل من السيارة وناظرني : والله يا ريم اني نسيتك مو قصدي شي وبابتسامه اذا ودك الحين اشتري لك حليب

نفضت يدي منه بقوه ونزلت وانا مقهور منه يتمسخر علي

دخلنا المول ووقف معنا صقر وتكلم بهدوء : انا عندي مشوار مستعجل ما رح اتاخر عنكم لا تبعدون عن بعض وبينا اتصال اوكي

سديم : خلص عمي احنا رح نتسوق من هنا ولما تكمل رن علينا ونخبرك بمكانا

صقر : ان شاء الله ما رح اتاخر دقايق بس

واستأذن وبعدها غادر

كنت واقفه مع البنات وقرروا يدخلوا احد المحلات

تكلمت بهدوء : لحظه خلينا نروح على محلات العبايات

تكلمت وحده منهم بتكبر وهي تشير علي باصبعها : يا حلوه ما معنا وقت نروح محلات الاطفال وضحكت بصوت منخفض

ردت الثانيه : لو سمحتي لا تيجين معنا ما نحب نشتري ومعنا حد غريب

رديت ببرود عكس القهر للي بداخلي : يقال انا للي ميته امشي معك

لينا وهي تكلم البنات : طنشوها طنشوها لا نضيع وقتنا عليها

ناظرتها سبحان الله هاذي اختي المفروض توقف معي وعضيت على شفايفي بقهر

وغادروا البنات وتركوني

حسيت بالغربه نفسي اهج على مكان ما اعرف حدا فيه وين اروح غمضت عيوني بالم وانا حاسه حالي مخنوقه التفتت حولي وشفت زاويه بعيده عن الناس

توجهت لها وجلست وانا متكوره على نفسي ريال واحد ما معي لو معي فلوس كان روحت واشتريت عبايه لوحدي وعضيت شفايفي بقهر

مر الوقت صقر ما رجع قال دقايق ويرجع اشوفه ما رجع

بعد مرور وقت رفعت نظري شفت رجال كبير بالسن يكلمني بهدوء وحنان : يا بنتي محتاجه شي

اه نبره الحنان بصوته ذبحتني كنت ودي ارد عليه بس قاطعنا شاب من خلفه : يالله يبه تاخرنا

الرجال الكبير : انتظر شوي يمكن البنت محتاجه مساعده

تافف الشاب : يا يبه هذول نصابات ودهم فلوس خلص اعطيها كم ريال وخلصنا وناظر ساعته مستعجل

الرجال الكبير طلع بوكه من جيبته وكلمني : كم محتاجه يا بنتي

الشاب بسخريه : كمان تسألها كم تبي هذي النصابه لو تعطيها كل فلوسك ما قالت لا وضحك بسخريه

كان يتكلم ويستهزئ بي كلهم يسخرون مني كلهم ينبذوني اكره الناس كلها اكرهم تكلمت بصراخ وانا اشر على الشاب : انت اخرس وحط الزفت بحلقك فاهم

واخذت نفس وانا احس حالي مخنوقة مقهوره من العالم

رد الشاب : هي هي احترمي نفسك واعرفي تكلمي مع الاكبر منك زين فاهمه

انقهرت كلهم يرددون نفس الكلمه فاهمه فاهمه فاهمه فاهمه وبصراخ وبدون وعي : لا مو فاهمه وانقلع من هنا وبصراخ اعلى تفهم

ونزلت راسي على ركبي وانا ابكي خلاص مو قادرة اتحمل اكثر قرفت حياتي ووقفت ومشيت من جنبهم بسرعة وتعديتهم كم خطوة سمعت الشاب يقول لابوه : شكلها بزر

لفيت عليه وبتهديد : اخرس

وابتعدت عنهم وصرت امشي ودموعي تنزل مو عارفه السبب مخنوقه يا ناس

كنت امشي وعيوني بالارض مو عارفه وين اروح بس فجاه وقفني صوت صقر : ريم

التفتت للصوت تقدم مني صقر لما تاكد اني ريم وبقهر تكلم وهو يمسك يدي : وين انقلعتي

حاولت افلت يدي منه بس شد على قبضة يدي : تكلمت بهدوء وحاول يكون صوتي طبيعي : لفيت على المحلات اشحد منهم فلوس علشان اشتري عبايه وبعصبيه ظليت مكاني مكان ما تركتني الاميرات رفضن اجي معهن وما معي ريال واحد اشتري عبايه

صقر بهدوء : طيب ليه رفضن يعني ما طولتي لسانك عليهن ؟؟؟

بصراحه قهرني ليه دايما يحطون مني الغلط يا غباي يعني حفيداتهم اكيد رح يصفون معهن وانا بحريقه ما حد سأل عني صاارت دموعي تنزل وما رديت عليه لاني لو رديت بكلمه رح انفجر بالبكاء

رد صقر بهدوء : مع اني متاكد من لسانك الطويل بس هذا مو سبب يخليهن يتركونك هنا لوحدك وتنهد وكمل كلامه الحين تعالي معي اشتري لك عبايه والبنات حسابهم بعدين وسحبني معه

ودموعي ما وقفت وصلنا محلات العبايات وتكلم عمي مع صاحب المحل وخلال دقايق صار يعرض لنا العبايات

ما كان لي نفس اشتري او حتى اناظرهن وخاصة مع الغشوه مو شايفه شي

كان صقر يناظر بالعبايات ويختار ولا كاني موجوده ياخذ راي

اخذت نفس وانا احس نفسي مخنوقه كلما طال الوقت يضيق النفس عندي خلص مو قادره اتحمل اكثر مخنوقة صرت اخذ النفس وانا خلص حاسه روحي رح طلعت صار التنفس عندي سريع

بعد دقايق سمعت صقر يقول يالله مشيت خلفه وانا مو قادرة خلص انخنقت

وبصعوبه وصلت السياره كانوا البنات ينتظرونا فيها ودخلت من الخلف وانا خلاص احس نفسي انتهيت

روحي احسها قربت تطلع غمضت عيوني بألم خلاص رح ارحل عن هاذي الدنيا وما في حد رح يفقدني ويحزن علي

مالي ام تفقدني وتبكي علي مالي اب يحضني وانا بالكفن ويقولي رح افقدك يا بنتي ما لي اخ ما لي اخت تفقدني

كلهم رح ينبسطون ويرتاحون ويمكن يعملون عرس انهم ارتاحوا مني وخاصه جدتي للي تكرهني من طفولتي وتحاسبني بذنب انا ما اعرفه اخذت نفس كلهم رح يفرحون واخذت نفس ثاني مو قادره خلاص انخنقت مين رح يبكي علي ويرثيني ااااااااه واخذت نفس تذكرت زياد معقول يفقدني وهو ما يعرفني كلهم مثل بعض كلهم يكرهوني حطيت يدي على صدري وانا اتنفس بسرعه خلاص هاذي انفاسي الاخيره

كانوا يتكلمون ويضحكون بس ما سمعت شي من كلامهم اوجاعي كانت اقوى اخذت نفس وتذكرت صلاتي وتندمت على تركها كيف الاقي ربي وانا كل حياتي معاصي اخذت نفس وصرت اتنفس بسرعه وقفت السيارة ونزلوا البنات نزلت بشويش وانا حاطه يدي على صدري واخذ النفس احاول استنشق الهواء بصعوبه

خلص ما اقدر امشي اكثر انخنقت وصارت الدنيا حولي ظلام وسقطت على الارض .........

*

*

*

*

نزلوا البنات الا ريم متاخره عنهم وتمشي ببطئ قفلت السياره وناظرت البنات صاروا قريب الحديقه وريم بعدها خطوتين كنت ودي اقول لها تستعجل بس تفاجئت لما شفتها وقعت على الارض

ركضت بسرعة بخوف ورفعت الغطاء عن وجهها كان وجهها ازرق ما في حياه حطيت يدي على نبضها كان ضعيف جدا وبسرعه حملتها وبسرعة حركت وتوجهت للمستشفى باقصى سرعة .......

*

*

*

*

*

دخلوا البنات بيت الجد وكان الجميع مجتمع بالمجلس دخلوا البنات بعد ما ردوا السلام وجلسوا بمكانهم المخصص

الجده بابتسامة : كملتوا اغراضكم

روان بفرح : ايوه الحمد لله كملنا

التفت الجد للبنات : وين صقر وريم ما اشوفهم ؟؟؟

لينا : عمي صقر كان خلفنا وريم كمان خلفنا الحين يدخلون

بعد مرور خمس دقايق وقف الجد وهو ياشر لعبود : روح شوف عمك صقر بالخارج

قام عبود وبعد دقايق،رجع وناظر جده وكان صوته غليظ : ما في احد بالخارج حتى سيارته مو موجودة

عقد الجد حواجبه : طيب ريم وين وطلع الجوال من مخبأه ورن على صقر بس ما في رد عقد حواجبه بزياده وناظر اولاده صقر ما يرد

نواف يناظر جده : الحين ارن عليه

ورن نواف بس صقر ما يرد

استغرب وصاروا الشباب يرنون على صقر بس ما فيه رد

وللي زاد استغرابهم وخوفهم على صقر اختفاء ريم .........

وصل صقر المستشفى وبسرعة حملها على الطوارئ بعد ما دخلوها العنايه المركزه دخل صقر عليها كان وجهها ازرق وشاحب وكمامه الاكسجين على فمها والابر مغروزه بيدها تنهد وطلع لمكتب الدكتور وجلس معه وبعد ما سأله صقر عن حالتها

رد الدكتور بهدوء : البنت متعرضه للاختناق بس ما في علامات تدل انه احد خنقها او حاول انه يخنقها

تذكر صقر الغشاوه وانها عندها ضيق بالتنفس وشد على يده بقهر وهو يلوم نفسه انه السبب

وبعدها ناظر الدكتور تتوقع يصير عندها اضرار

الدكتور وهو يعدل نظارته : شوف يا دكتور صقر للحين ما عرفنا درجه الضرر وان شاء الله ما يكون فيها الا العافيه

وقف صقر : ان شاء الله واستأذن من الدكتور وطلع تذكر جواله فتحه وجد 50 مكالمه من اخوانه وابوه والشباب تنهد واخذ نفس ورن على ابوه ........

*

*

*

*

الكل جالس ومحتار وخايف وخاصة الجده ما خلت فال شين الا حطته وهي تدعي ربنا يرجع لها صقر

فجأة رن جوال الجد للي فوق الطاوله وبسرعة تناوله وناظر الاسم

وبعصبيه وصراخ : انت وينك ؟؟؟ ...........ليه بالمستشفى .........

الكل ناظر وعلامات الخوف على وجههم

وش فيها ريم ؟؟؟..........

الكل تنهد براحه انه صقر بخير

طيب ليه ما خبرتنا ............لو بسيطه ما يحطونها بالعنايه المركزه .......

الكل استغرب العناية المركزه

طيب الحين انا جاي ........طيب خلصنا .......مع السلامه

قفل الجد الخط بعصبيه ووقف

ابو سليمان بهدوء : خير يبه وش فيه صقر ؟؟

الجد وهو يمسح على وجهه : والله ما ادري بالضبط يتكلم وصوته يرجف يا دوب فهمت عليه كم كلمه يقول ريم بالمستشفى حاطينها بالعنايه المركزه الله يستر

وقف ابو سليمان : يالله عالمستشفى واشر لفيصل للي ما كان وده يقوم ونايف للي كان وده يعترض بس اعطاه ابو سليمان نظره خلته يقوم بالغصب

طلع الجد واولاده كان نواف وسليمان ودهم يروحون بس الجد ما خلاهم ......

بعد ما طلعوا التفتت الجده على البنات : علامها ريم صار شي بالطريق ؟؟

البنات ناظروا بعض وبعدها تكلمت روان،: ما صار شي يا جده بس يمكن تدلل

الجده وهي تهز راسها : وانا اقول كذا اكيد تدلل

وكملوا سهرتهم البنات يحشون بريم وساعة يتكلمون عن الملكه والتجهيزات

اما الجوز الثلاثي ما يخلون حد الا يحشون فيه

اما الشباب طلعوا من المجلس وتوجهوا للحديقه .........

بعد ما خرج الجد من غرفة ريم شد على قبضة يده بقوه وهو يحس انه السبب لو صار شي لها ما رح يسامح نفسه لانها

خبرته بضيق النفس عندها بس ظنها انها تمزح معه وحجه منها حتى ما تتغطى

واصر عليها تلبس خوف عليها لانه بنظره فتاه صغيره وبهذا الجمال ما يحميها من الذئاب الا الحجاب

حتى انه رفض تلبس نقاب لجمال عيونها فما وجد طريقه لحمايتها الا تغطي وجهها كامل بس

ما توقع يصير كذا مع ريم حمد الله بقلبه على سلامتها بعد ما طمنه الدكتور عن وضعها

وحمد الله انه صقر ما تأخر بعد ما فقدت وعيها والا كان صار عندها مضاعفات

واكمل طريقة بالممر وهو يحمد الله وتوجه خارج المستشفى

كان نايف وصقر وفيصل وابو سليمان ينتظرونه عند السياره بعد ما تطمنوا على ريم خرجوا واصر الجد يجلس عندها لوحده وينتظرونه بالخارج

وصل الجد عندهم بعد ما رد السلام

ناظرهم بهدوء وناظر نايف وهو يتأمله سبحان الله من كان يتوقع نايف العصبي المغرور يبكي وعلى مين على ريم

لمح الجد نايف وهو يبكي بغرفة ريم

بس مستحيل نايف المغرور يظهر ضعفه لازم يلبس قناع عدم المبالاه

استمر لعده ثواني الجد وهو يناظر نايف وكان يطقطق بالجوال ويظهر عدم المبالاه للي حوله

ابو سليمان بهدوء : توكلنا على الله يبه

هز الجد راسه بالموافقه وتوجهوا للسياره

كلهم بسياره فيصل والصمت سيد الموقف

الا صقر رجع بسيارته لوحده ........

*

*

*

*

دخلوا المجلس وكان ما فيه غير الحريم والبنات وبعض البزران

جلس الجد بمكانه المعتاد وتنهد بتعب وبعد دقايق دخلوا الشباب

الجده بكره وهي تسأل الجد : عساها ماتت ان شاء الله ؟؟؟

ناظرها الجد نظره ناريه : اسم الله عليها ربي يحفظها من كل سوء واعطى الجده نظره وعيد

سليمان بهدوء يناظر جده واعمامه : ليه دخلوها المستشفى ؟؟

كانت سديم جالسه وحاسه بنار الغيره ليه يسال سليمان عن ريم

الجد بهدوء : البنت عندها ضيق بالنفس من زمان وخبرتنا بس ما اهتمينا للموضوع

ولما تغطت بالسوق لمده طويله اثر عليها وصابها اختناق

الجده وهي ترفع حاجبها بتشكيك : يمكن عملت هاذي التمثيليه عمدا علشان ما تتغطى

وقف الجد بعصبية وهو يناظر الجده : وبعدين معك لازم اخذتك يا دكتوره علشان تقيمين حالتها اذا صادقه او لا

بعدها زفر بقهر وهو يعد على اصابعه الدكتور محمد اخصائي وابنك نايف شافها وابنك صقر شافها والدكتوره نسرين شافتها وكلهم يقولون حالتها سيئه الا انتي مو مقتنعه

عمرك ما اقتنعتي ما علي منك

ويكون بعلم الجميع ريم ما رح تغطي وجهها لا هنا ولا بالسوق ولا بالمدرسه وخلي واحد منكم يعترض والا يسمعها كلمه ويضايقها وقسم بالله ليندم وطلع من المجلس بعصبية ......

الجده بقهر وهي تناظر اولادها : اعوذ بالله حريقه ابوكم تقول انها بنت ساره حاجبيته حسبي الله عليها

عمر يناظر اعمامه : كيف ترضون انها تطلع كاشفه وجهها

صقر بحزن وقف وناظر عمر : انا كنت مثلك ضد انها تطلع بدون ما تغطي وجهها وقبل ما نطلع السوق اجبرتها تغطي كامل بس انا مع ابوي البنت حالتها تعبانه لو شفتوها كان ما اعترضتم

وبعدها طلع وهو مخنوق .......

الجده بقهر ناظرت نايف : وانت ما لك كلمة هاذي بنتك كيف تقبل تصير تطلع بدون تغطايه والا بس تنفذ كلامك على سلمى ولينا والفرعون ريم ما تقدر عليها

اخذ نفس نايف وهو يحاول يضبط اعصابه وما يزعل امه : اتوقع اني تبريت منها فلا توجهي الكلام لي عندك اعتراض قدميه لابوي وبعدها وقف والتفت لساميا : يالله يا ام سيف

وبعدها طلع هو وبناته واولاده من المجلس ........

ناظرت الجده ابو سليمان بقهر : يالله قوم اطلع انت الثاني علشان ريموووووو حسبي الله عليها

وقف ابو سليمان وناظر امه بهدوء : الحين رح اطلع مو علشان ريم وبابتسامه علشان انام تأخر الوقت واشر لام سليمان .........

*

*

*

*

الساعة 7.00 صباحا تحسن وضع ريم ونقلوها للغرفه ثانيه

فتحت عيوني بتعب وحاسه جسمي مكسر غمضت عيوني اتذكر وش للي صار اخذت نفس وفتحت عيوني بعد ما تذكرت

مع اني توقعت انها النهايه قطع علي دخول جدي بعد ما طرق الباب

توجه لناحيتني وباسني على راسي وبابتسامه : الحمد لله على سلامتك

ناظرته دايما جدي متقلب احيانا يكون طيب معي واحيانا يكون معصب ابتسمت ابتسامه باهته كلها تعب

مسح على شعري وهو جالس على الكرسي بجانب السرير : كذا خوفتيني عليك يا لعابه

رديت بصوت متعب : من متى اهمك حتى تخاف علي غريبه تنكت على الصبح يالشايب

ضحك جدي بصوت عالي واستغربت الظاهر انه مروق عالاخير وبعدها ناظرني وما زالت البسمه في ثغره : رح اسامحك هاذي المره علشان انك تعبانه المره الجايه اذانك اقطعهم اذا قلتي عني شايب

ناظرته وانا اقرص عيوني : الظاهر انك مروق يالشايب

اقترب مني وشد اذني اليمين عالخفيف : لا تخليني اقطعها وبعدها ابتسم وناظر الكمدينه للي جنبي ومسك الهديه للي احضرها لي

تكلم بفرح : جبت لك هديه ان شاء الله تعجبك

رديت بهدوء : مشكور وسكتت لثواني وسألت متى رح اطلع من هنا

الجد باهتمام : ان شاء الله اليوم بس اي ساعة ما ادري بالضبط يمكن الظهر

سألت جدي بتردد : ءءءءء اممممم وبعدها ناظرته خبرت خطيبي ييجي يزورني وابتسمت باحراج بس

نقزت على صوت مستحيل انساه

انا اليوم رح ادفنك هنا واحطك بثلاجه الموتى يا قليله الحيا

التفت جدي وبابتسامه : هدي اعصابك يا فيصل هاذي البنت وجهها مغسول بمرقه ما تستحي وبعدها ناظرني بس

يالله نمشيها لك لانك مريضه وش رايك يا ابو خالد

فيصل وهو يقرص بعيونه ويناظرني بوعيد : بس لانك مريضه رح اطنش ولا كأني سمعت بس مره ثانية رح ادفنك بمكانك وباسلوب أمر اثقلي وخليك راكزه

هزيت راسي بهدوء وحاسه بالعبره خانقتني ما حد زارني الا جدي وعمي فيصل المفروض ابوي يكون فوق راسي وامي مرافقه عندي بس وش اقول

ناظر عمي فيصل الساعه وبعدها ناظر لجدي : يالله يبه تأخرنا على الشركه ولازم نوصل ابكر من كذا

رد جدي وهو يوقف : الله يسامحك سمعتني الاسطوانه هاذي قبل ما ندخل والله اعرف انك مستعجل

فيصل وهو عند الباب : قلت لك اجل الزيارة بعد الظهر بس ما سمعت كلامي

وقف جدي بابتسامة : يالله الظهر ان شاء الله امر عليك

وبعدها توجه لعند الباب وهو يكلم عمي فيصل : قلت لك لا ترتبط بي كان رحت والحقتك بعدين

وبعدها غابت اصواتهم عن اذني اخذت نفس وغمضت عيوني بقوه لعل وعسى ادخل عالم الاحلام

حتى اتوقف عن التفكير واهرب من واقعي .........

*

*

*

*

*

*

كان جالس بمكتبه دخل عليه صقر بعد ما رد السلام

وجلس على الكنب مقابل المكتب ومد يده على الكنبه وهو يناظر نايف وبعدها تكلم بهدوء : زرت ريم ؟؟

نايف يرفع حاجب وهو عافس ملامحه : اذا ودك تفتح محاضرات تراه الباب يوسع جمل واشر على الباب

وبعدها حط يده على راسه تراه راسي مصدع مو رايق لمحاضراتك

ومسك ورقه من على الطاوله وصار يقرأ فيها

تنهد صقر وهو يناظر الارض وبتساؤل : نفسي اعرف وش تفرق ريم عن اولادك ؟؟ ليه تعاملها كذا ؟؟ وبقهر رفع راسه وناظر نايف بالله عليك لو سلمى او لينا او سيف بالمستشفى ما بتزورهم ؟؟

ورفع يده لا تجاوب واشر على نفسه انا اجاوب عنك لو سلمى تدخل المستشفى رح تنام وتصبحى عندها وما تفارقها

رفع نايف نظره عن الورقه وببرود : جاوبت بنفسك

صقر بعصبية : طيب ليه وش تفرق عنهم ؟؟

رفع نايف حاجبه وببرود يقهر صقر وببطئ تكلم : الفرق انه سلمى ولينا وسيف ومحمد اولادي اما ريم بنت ساره

هذا الفرق بس وشد على حرف السين

وقف صقر بعصبية : انت حرام تكون اب

نايف ببرود :،لا تفتي على كيفك واعطاه نظره حاده

وبعدين لا تنسى انك كنت سبب رئيسي بمرض ريم رب العالمين لطف والا كانت بعداد الموتى وبحده ناظر صقر والسبب انت

صقر وهو يناظره ويحط يده على صدره : انت قد الكلام هذا للي تتهمني فيه ؟؟

نايف يمسك ورقه ثانيه : لو ما كنت قده كان ما قلته

طلع صقر من المكتب وهو عازم ينفذ للي بباله

طنش نايف صقر ورجع للاوراق للي قدامه

*

*

*

*

بعد الظهر على الساعة 2.00

لبست الشيله وكنت على وشك احط الشيله على وجهي

بس مسك يدي جدي وبهدوء : خلص ما له داعي

صحتك اهم بس اهم شي عباتك هاذي ما تلبسينها

ناظرته بغباء : يعني بس هنا وبالبيت وبالمدرسه اتغطى ؟؟؟

تنهد جدي وبعدها ناظرني : يا بنت الحلال خلص غطاء ما في الا لما يتحسن وضعك والدكتور يسمح لك فهمتي الحين

هزيت راسي بالموافقة وابتسمت ومسك جدي يدي

وتوجهنا خارج الغرفه نزلنا بالمصعد وبعدها وقفنا عند الريسبشن ما ادري ليه

بعدها بدقايق شفت صقر ومعه نايف ابوي وصلوا عندنا تكلموا مع جدي بس بصراحه جرحوني ولا واحد منهم قال لي الحمد لله على السلامة

طنشت تجاهلهم لي وبعد دقيقة تقدم منهم سليمان

سلم على الموجودين وبعدها ناظرني بدهشه نغزه صقر بكتفه بعدها نزل نظره وسال جدي وهو يحك ذقنه : ما اذكر يا جدي عندك بزران ؟؟ وغمز لجدي

ابتسم جدي : اخر هالعمر ربي رزقني بأحلى بزر تملي علي حياتي ولف لجهتي وابتسم صح يا ريم

سليمان رفع حاجب بتشكيك : قول انك متزوج يا جدي ودك تقنعني انها هاذي ريم هاذي بزر صغيره

رد جدي وهو يحط يده على كتفي ويقربني منه استحيت واحس خدودي حمروا : واحلى بزر

فكيت يده عن كتفي بقهر : ماني بزر انا مخطوبه يعني كبيره

ناظرني سليمان بتهديد : باحلامك تتم الخطوبه انا اقول يا جدي بكره تطلب الطلاق من زياد هذا الناقص نزوج بزران والناس تتكلم علينا وبعدين ليه تزوجها غريبه واولاد عمها وش كثرهم

جدي بحزم وهو يمسك يدي وهو يناظر سليمان : هذا الموضوع منتهي البنت عقدت ما حد له دخل بالموضوع لو كلامك صحيح ما تركتوها تروح للغريب وانت فاهم قصدي

وبعدها استأذن جدي وهو ماسك يدي بقوه

وتوجهنا خارج المستشفى وانا احس بالقهر وش دخلهم حتى يلغون الخطبه هاذي حياتي وانا راضيه وعضيت على شفايفي بقهر من ابوي لانه وجوده وعدمه واحد

*

*

*

*

*

بالكفتيريا وهو يعض على اصابعه بقهر : كيف جدي يزوجها بعدها هاذي صغيرة

صقر وهو يقرص عيونه : صغيره

سليمان بلعثمه : هاه لا وحك راسه بتوتر وبعدها استدرك الوضع وكمل اقول لك صغيره بزر الله يصلحك انت وتفكيرك وبعدين اولاد عمي اولى بها من الغريب

صقر بجديه : وش للي مضايقك البنت راحت بنصيبها لا تتدخل بامور ما تعنيك

سليمان بعصبية : كيف ما تعنيني هاذي بنت عمي

صقر وهو يشرب العصير ببرود : الحين اكتشفت انها بنت عمك وينك عنها صار لها اسبوع مخطوبه الحين بس تذكرتها والا علشانها

وسكت صقر

سليمان يرفع حاجب : وش تقصد كمل كلامك

صقر بلامبالاه : خلص انسى واتمنى انك ما تتدخل بموضوع ريم اختصار للمشاكل

ناظره سليمان وهو يتوعد بداخله اذا ما خرب الموضوع ما يكون سليمان .........

*

*

*

*

*

اول ما دخلنا البيت كان هادي توجهت لغرفتي بسرعه

ما لي خلق لمشاكل مع جدتي دخلت الغرفه وقفلت الباب بالمفتاح وبدلت العبايه ورميتها على الارض ورميت بنفسي على السرير حاسه جسمي مكسر

ودخلت بعالم الاحلام حتى اهرب من الواقع .......

بعد مرور وقت من النوم فتحت عيوني وسمعت اذان العصر

جلست على السرير بتعب وتذكرت البارحه الاختناق لو ما كنت اصلي كيف الاقي ربنا نويت اقوم اصلي بس

عفست ملامحي ما اذكر كيف الصلاه

وحكيت راسي بندم لو اروح اسأل حد بالبيت اكيد رح يتمسخرون علي

خلص من الاسبوع الجاي رح اصير اصلي واسال معلمه التربيه الاسلاميه عن الصلاه واقنعت نفسي

بهذا العذر ....

وقفه

قال الغزالي : إن التسويف يسبب أربعة أشياء :

1- ترك الطاعة والكسل فيها .

2- وترك التوبة وتأخيرها .

3- والحرص على الدنيا والاشتغال بها .

4- وقسوة القلب ونسيان الآخرة .

وقال الحسن :إياك والتسويف ، فإنك بيومك ولست بغدك،

فإن يكن غداً لك فكن في غد كما كنت في اليوم ،

وإن لم يكن لك غد لم تندم على ما فرطت في اليوم .

فكم اضعنا صلاتنا وصيامنا وارتكبنا المحارم ونحن نقول غدا سوف اتوب

غدا سوف اصلي

غدا سوف ابر بوالدي

غدا سوف اترك الاغاني والافلام وكل المحرمات

غدا سوف اصوم

غدا سأرتدي الحجاب

غدا غدا غدا غدا غدا غدا غدا غدا غدا غدا غدا غدا غدا غدا غدا غدا غدا غدا غدا هل يا ترى هل تضمن ان تعيش ليوم الغد .............

نرجع للاحداث

في اليوم الثاني ما داومت بالمدرسة وتحسنت صحتي كثير ومع الادويه ناظرت وجهي كانت خدودي لونها زهر وناظرت عيوني سبحان الله كل البنات بالمدرسة يقولون لي عيونك ملونه مع انه عيوني لونهم عسلي مثل جدتي ام محمد عيونها مثلي لوزيات

كان الوقت العصر فقررت اطلع من غرفتي اغير جو

وقبل ما اطلع

غيرت ملابسي ولبست شورت كابوي لنصف الساق لونه اسود ولبست بلوزه بيضاء حفر عليها بعض الرسومات الكرتونيه وتركت شعري سايح على طوله وحطيت طوق لونه ابيض وعليه ورده لونها اسود

وطلعت من غرفتي وتوجهت للبلايستيشن بعد ما اخذت الوصله وبيدي اليمنى عصير سن توب وتربعت على السراميك كان لونه اسود حطيت علبه العصير على الارض

وبلشت العب حتى انسى تعبي

سمعت صوت من خلفي : قال مريضه يالكذوب ضحكتي على جدك وعملتي هالتمثيليه والمسكين

صدق كذبك

وقفت اللعبه والتفتت عليها وغمزت لها بابتسامة : كيف براعتي بالتمثيل وسبلت عيوني بدلع

اقتربت جدتي مني ومسكت شعري وشدته : ليه لابسه هاذي البروكه ؟؟

حاولت ابعدها عن شعري بس كانت تشد بقوه وبعدها تركت شعري وعلامات القهر بوجهها

وبعدها نزلت بقهر .....

رتبت شعري حسبي الله وجعتني كله غيره من شعري قال ليه حاطه باروكه

وبعدها رجعت اكمل اللعب وبعد نص ساعة حسيت بحركه بالصاله

التفتت شفت زول صغير دخل غرفتي وبسرعة وقفت وتوجهت لغرفتي ولما دخلت

شفت طيف كانت لابسه فستان زهر خيط ساده ورابطه شعرها ذيل حصان

ناظرتها وهي مو منتبه لي : وش عندك هنا يا طيف ؟؟

لما سمعت صوتي نقزت وبسرعة تناولت علبه العصير للي على الطاوله وهربت

انا جن جنوني عند عصيري المفضل ما اسمح لحد يشربه او يلمسه

واركض خلفها مثل المجنونه وانزل الدرج درجتين درجتين بس الدبه لفت من خلف الدرج ولحقتها بس طلعت لبرا وانا نسيت نفسي ولحقتها بدون وعي دخلت المجلس

وما انتبهت للموجودين وبصراخ وانا اركض وراها : يا حيوانه هاتي العصير

ركضت طيف عند عمي فيصل وتخبت بحضنه

انقهرت منها مسكت شعرها وشديته وا انتبهت لنظرات عمي كان كل همي اخذ العصير

لما شديت شعرها ارخت يدها وبسرعة سحبت العصير وابتعدت عنها وبابتسامه نصر : علشان ثاني مره تسرقين مني العصير

سكتت لثواني وانا اشوف نظرات عمي النارية استغربت وناظرت جهة اليمين شفت زوجات اعمامي وجدتي للي تناظرني بقوه وفاتحه فمها

استغربت ليه يناظروني كذا ناظرت جهة اليسار وكانت الصدمه

كل الشباب موجودين

بصراحه صدمه وكرده فعل حطيت يدي على فمي وشهقت وخلال ثواني نطيت خارج المجلس وبسرعه

ركضت على غرفتي وقفلتها بالمفتاح

يا ويلي من عمي فيصل لا بالله اليوم رح يصلون علي الجنازه

وبعد دقيقتين طق الباب بقوه وبسرعة بعدت عن الباب ونقزت وانا قلبي طبول

وللي زاده صراخ عمي فيصل : افتحي يا قليله الحيا

وبصراخ وهو يضرب على الباب بقوه افتحي

اذا ما دفنتك اليوم ما اكون فيصل

تركته يصرخ ويضرب على الباب وما حبيت اتكلم لانه اذا قلت كلمه زياده اتوقع رح يكسر الباب ويدفني

بعد عشر دقايق الظاهر انه مل وراح وهو يتوعد بي

اخذت نفس براحه بعد ما راح

وحمدت ربي انه جدي وعمي صقر مو موجودين ولا ابوي اففففف الحمد لله

*

*

*

بعد ما ركضت ريم برا المجلس وقف فيصل والتفت للشباب بنظرات ناريه

وطلع من المجلس وعيونه حمراء من العصبيه

الجده بحقد : حسبي الله عليها داخله لا حيا ولا خجل

سامي : جده مين هاذي البنت

الجده بكره : مين غيرها بنت ساره حسبي الله عليها

ام خالد تكلم الشباب : الله يرضى عليكم اطلعوا قبل ما يرجع فيصل ويقلبها نكد

وقف عمر ولوى بوزه : واحنا وش دخلنا يعني حنا قلنا لها اطلعي كذا

ضربه نواف على كتفه: اقول امشي قدامي

وطلعوا الشباب من المجلس بهدوء

ساميا وهي رافعه حاجبها وملامح الاستغراب على وجهها : هاذي ريم ؟؟

الجده بدون نفس : ايه ريم

ساميا : ما شاء الله عليها ربي يحفظها من العين

خزتها ام سليمان بقوه : تلاقينها حاطه 10كيلو مكياج ومركبه باروكه

الجده بكره تتكلم عن ريم وهي تناظر ام سليمان : ما هي باروكه انا شديت شعرها بيدي اليوم شعرها طبيعي حتى شفتها من قريب ما هي حاطه مكياج

ام خالد بكره : طيب كيف اول يوم جت فيه كان وجهها اسود

الجده : خبرني ابو سلمان انه ريم كانت حاطه على وجهها كريم ما ادري وش هو مسمره نفسها حتى اخذ منها العلبه ومنعها تحط منه

ساميا باستغراب : طيب ليه عملت كذا ؟؟

الجده بضيق : وجعتوا لي راسي بكثره اسئلتكم روح عليها هالمقروده واسألوها

وبعدها دخل فيصل ومولع على الاخير توجه للكنبه وجلس عليها وهو يهدد ويتوعد بريم

*

*

*

*

كان الشباب متوجهين لمقرهم بالحديقه بدر وهو يصفق يده : مو مصدق انها ريم هاذي صغيرة

نواف بدون نفس : بلاه تصدق

جلسوا على الارض وتكلم سليمان بقهر : عاجبكم بنت عمكم تطلع للغريب وانتم ولا على بالكم

عمر : وش ودك ايانا نعمل البنت ملكت وانتهى الموضوع

سليمان بقهر وهو يناظر للبعيد : مين قالك انه الموضوع انتهى وبعدها التفت للشباب لازم ريم تتطلق منه وواحد منكم يخطبها

عبود بحماس : انا اخطبها

طقه سليمان على راسه بالخفيف :،انت بعدك صغير ابغى واحد من الاربعه

نواف او بدر او عمر او سامر واحد منكم لازم يخطبها

رد بدر وعمر بنفس الوقت : انا اخطبها

ناظرهم سليمان : واحد منكم تنازلوا

بدر بحده : انا قبلك تكلمت

عمر بجديه : لا انا قبلك تكلمت

وناظروا بعض بقوه

سليمان يهدي الوضع : حنا جينا ننتفاهم مو نتشاجر

وبعدها ناظر نواف وسامر : وش رايكم ؟؟

سامر بابتسامة : فكره مو شينه البنت بحياتي ما شفت بجمالها ونعومتها بس المشكله مع امي ما رح توافق

سليمان : ما عليك من امك وبعدها التفت على

نواف : وش رايك ؟؟

نواف بهدوء : البنت صغيره واحسها ما تناسبني ابد وبعدين قريب افكر اتزوج وريم بعدها صغيرة ما تناسبني لو كانت كبيره والله ما احد يحلم فيها منكم

بس حظكم البنت صغيره.....

سليمان وهو يكش عليه : يا رجال البنت اخرها تكبر

نواف باعتراض : وافرض انها ما كبرت وظلت قصيره

لا لا ما ابغى

سليمان : بكيفك يعني الحين صرتم ثلاثة واحد منكم

يتنازل لثاني علشان لما نخبر جدي نحدد واحد مو الثلاثه

طبعا الشباب كل واحد راكب راسه ومو راضي يتنازل

عمر بقهر لبدر : مو كنت ودك تخطب سلمى ليه هونت الحين

بدر يحط اصبعه على راسه : بكيفي ما ابغى سلمى ودي اخطب ريم

احتدت ملامح عمر ونزلوا الاثنين ببعض شتم

سكتهم سليمان ونواف : الحين من وانتم صغار صحبه والحين تتشاجرون على بنت

بدر بقهر وقف : ما اتشرف بصحبته

وقف عمر وبعصبيه : انا للي ودي اموت علشان اصاحبك يا فاشل يا اناني كل شي تاخذه مني واسكت لك بس هاذي المره حامض على بوزك تفهم

عصب بدر وضرب عمر بوكس على بطنه ويرجع عمر ويضربه بكس على وجهه ويهجمون على بعض

وبعد تدخل ابو سليمان للي كان مار يالصدفه وشافهم

فرق بينهم وبقهر : انتم الاثنين تتشاجرون انتم اولاد عم وطول عمركم صحبه ومثل الاخوان

علموني وش المشكله ؟؟

نواف يستدرك الموضوع ويغطي عليه : موضوع تافه كل واحد يقول انه الصادق والثاني كذاب وكذا من هاذي السوالف حتى تشابكون مع بعضهم

ناظر بدر الموجودين وبعدها ترك المكان بزعل

ناظرهم ابو سليمان بهدوء : الله يصلحكم ثاني مره يا ويلكم اذا تكررت هذي الحركه

وبعدها ترك المكان

وبعد دقايق ناظر سليمان عمر : عجبك كذا ؟؟

عمر بقهر : بدر اناني مستحيل احط عيني على شي الا ياخذه مني ودايما اطنش واسكت بس هاذي المره يحلم انه اسكت له

نواف : على كل حال الموضوع رح ناجله حتى نلاقي حل وبعدها يصير خير ........

*

*

*

*

بعد الموقف جلست بغرفتي يومين مقفله الباب

حتى المدرسه معطيتها طاف واليوم الخميس عطله قررت اطلع من الغرفه

لبست عبايه من للي اشتراها صقر وكانت كبيره خلعتها ورمتها على الارض بتأفف

بحثت بالعبايات للي اشتراها صقر وجدت عبايه مفتوحه من الامام و لها كباسات وحجمها مناسب

لبستها بسرعة ولفيت الطرحه على راسي وطلعت

خارج الغرفه

وتوجهت للدرابزين ونزلت اتزحلق عليه

وبعدها توجهت للصاله الداخليه دخلت ما كان في الا جدتي

دخلت وبابتسامه : حيالله عجوز النار

ناظرتني جدتي بحده : عجوز بعينك يا قليله الحيا

تقدمت وجلست جنبها وبستها على خدها : امواح

ابعدتني وصارت تمسح وجهها وهي منقرفه

ابتسمت : لا لا تمسحي الوان الطيف الحين تروح وضحكت ههههههه الله يسامحك عجوز وبعدك

تلونين وجهك

وبعدها وقفت وخلعت العباية والشيله وحطيتهم على الكنبه

كنت مسرح شعري جدوله ولابسه بنطال برمودا لونه

نهدي غامق وبلوزه اكمامها قصيره كثير وشحاطه اصبع لونها نهدي

وبعدها جلست بابتسامه : اقول انت وش اسم ابنك الكبير

ناظرتني وهي تقرص عيونها : سلمان

.ابتسمت : حلو خلص رح اناديك بدل عجوز النار ام سلوم كيف حلو صح

ناظرتني جدتي ولوت بوزها وما ردت

كلمتها : ما علينا يا ام سلوم المهم تدرين انك حلوه بس تخربين نفسك بالالوان للي حاطيتها على وجهك

عصبت جدتي : يالي ما تستحين

قاطعتها : ليه عصبتي وانا صادقه بكره هالشايب يروح يتزوج عليك لما يشوف هاذي الالوان مو كذا ينحط المكياج

جدتي بسخريه : للي يسمعك يقول فاتحه صالون تجميل وباسلوب نهر فارقي عن وجهي فارقي

دخلت ام خالد : سمعتي وش قالت لك فارقي قبل ما انادي عمك فيصل تراه متحلف فيك

رديت ببرود : عادي ناديه شفته لما طلع قبل شوي وحركت حواجبي

وبعدها التفتت على جدتي : هاه وش قلتي يا ام سلوم وش رايك احط لك مكياج وخالتي ام خالد الحكم

الجده بعصبية : قلت لك فارقي تراك رفعتي لي ضغطي افففففف

ام خالد بسخريه : هذا للي ناقص بزران يحطون لك مكياج

وقفت بتحدي : لا تستهينوا بقدراتي واتحداكم

وناظرتهن بحماس الحين احط لجدتي مكياج اذا عجبكم والكل مدح المكياج اصير صديقتكن وما تطردني

واذا الكل ما عجبه لكم شرطين وانا انفذهن

كانت جدتي ودها ترفض بس قاطعتها ام خالد : خالتي اكيد ريم خسرانه ليه ما نكسب من وراها شروط ونطلعهم من عيونها

جدتي بتفكير : اممم خلص موافقه

نطيت بحماس يالله يا ام سلوم على غرفتي

*

*

*

توجهنا لفرفتي وفتحت الباب ودخلت جدتي وام خالد شهقت : ليه غرفتك كذا ؟؟

ناظرت الغرفه كانت معفوسه حكيت راسي باحراج : بعدين ارتبها

قفلت الباب وطلبت من جدتي تغسل وجهها وتحط مزيل المكياج

وطلبت من خالتي ام خالد تجلس على السرير وما تناظرنا

وطبعا اول شي بديت بشعر جدتي سحبته وبعدين سرحته بطريقه تناسب عمرها

وبلشت اطرش وجهها وانا ابتسم وجدتي تتوعد في اذا عجبت عليها

وبعد مرور من الوقت كملت وعملت اللمسات الاخيره على شعرها

وابتسمت: كملت يا ام سلوم

كانت جدتي ودها تناظر نفسها بالمرايه بس ما خليتها ولبست عبايتي والشيله

وطلبت من ام خالد تشوف جدتي فتحت فمها وههي مندهشه

جدتي تسأل ام خالد : قولي لي كيف وجهي اخاف عجبت علي قليله الحيا

ام خالد باندهاش : يا مقروده وين تعلمتي كل هذا

ابتسمت وغمزت لها : سر المهنه

ام خالد : تدرين خالتي خلص ما رح اقول لك تعالي ننزل تحت ونشوف ردت فعل الجميع الحين تلاقينهم بالمجلس

كانت جدتي ودها تعترض بس مسكتها ام خالد من يدها وسحبتها خارج الغرفه

طبعا وبسرعة لحقتهم

*

*

*

*

دخلنا المجلس واول ما دخلنا كانت النظرات على جدتي والكل مستغرب شكلها

دخلت بابتسامة وناظرت جدي : كيف العروس واشرت على جدتي

ناظر جدي جدتي بمرح : والله بالبدايه ما عرفتها ما كنت ادري انه المكياج يصغر

بدت كلمات المدح تنهل على جدتي والكل يمدحها

وبعدها اقتربت منها وهمست بإذنها : خليك قد كلمتك انتي وخالتي ومن يوم ورايح انا صديقتكم وما تطردوني اوكي

لوت بوزها جدتي : ان شاء الله

وبعدها توجهت عند جدي وبوسته على راسه وبابتسامه : اخبارك يالشايب

جلسني جنبه وبابتسامه مد يده وقرصني بخدي : كم مره قلت لك لا تقولينها

ضحكت : خلص خلص اتركني يالشايب صدقني ما اعيدها

ترك خدي : ملسونه

وبعدها همس بإذني : زياد اليوم اتصل فيني

ناظرته بدهشه وبصوت عالي : احلف

ضربني على راسي : يعني اكذب عليك

وبلهفه سالت : ما قال متى ييجي يزورني

الجد بهدوء : طلب زيارة بس انا رفضت

بصراحه عصبت وبصوت عالي : ليه رفضت ؟؟؟

دخل عمي فيصل : وصمخ ان شاء الله ورفع يده بتهديد هذا صوتك امحيه عن الوجود اذا ظل يبربر

طنشته وسالت جدي بزعل : ليه رفضت ؟؟

جدي بهدوء قربني له : خلص اسكتي بعدين نتناقش في هذا الموضوع

هزيت راسي باستسلام

عمي فيصل يناظرني وهو رافع حاجب ومتكي على يد الكنبه : علامك مبوزه وزعلانه ؟؟؟؟

رديت بدون نفس : ابد يالغالي ماني زعلانه بس بتعرف اذا ما شفت بعض ناس وجلست معهم اتنكد

عصب عمي فيصل واعتدل بجلسته : حامض على بوزك ظلك احلمي يا بابا وبعد سنتين راجعينا

رديت ببرود : عادي الله يعيني على هالسنتين استحملهم

نواف يهمس للشباب : ما ظنيت تقبل ريم بالطلاق

سليمان بحده وصوت هامس : غصب عنها مو بكيفها

دخل مصعب وهو يركض ومسك يدي وكان خلفه احمد

دفش مصعب احمد للخلف وبصراخ : والله ما توخدها اندلع

مسكه احمد من بلوزته وشده : انت اندلع

وقف عمي فيصل وبعدهم عن بعض وناظر احمد ومصعب : وش فيكم يا بابا تتشاجرون ؟؟

مسك مصعب يدي ويشدها واحمد يحاول يسحب يد مصعب من يدي

مصعب وهو وده يبكي : انا دلت ازوز ليم بث هدا يدول هو يزوزها

ضرب احمد مصعب على راسه : اخلس ليم علوستي اندلع من هنا

كل بالمجلس يضحكون انا بصراحه وجهي صار احمر من الفشيله

فلتت يدي منهم وبعصبيه : لا انت ولا هو وبدلع انا مخطوبه لزيادو

مصعب بعصبيه : والله لاضلبه زيادو

فيصل بعصبية : احمد مصعب وش ذا الكلام البايخ عيب وبحزم يالله انقلعوا برا اشوف واذا سمعت هذا الكلام مره ثانية ما يحصلكم طيب

وبعدها التفت علي وهو يشد على اسنانه : الكل يدري انك مخطوبه ما له داعي تفلسفين

لويت بوزي وسكتت يالله هالعم طالع لي نشبه مثل الشوك بالبلعوم

*

*

*

*

نغز سليمان بدر وعمر وبابتسامه : لكم منافسين هههههههه

ناظر بدر عمر بتكبر ولف وجهه

عصب عمر وبصراخ : قسم بالله اتوطى ببطنك الحين واعرفك مين عمر للي تتكبر عليه

وقف بدر بعصبية : لا يمامي خوفتني اقول روح تلايط

صرخ الجد بعصبية : وكمان قدامي ما في احترام تتشاجرون بالمجلس ما احترمتم حريم اعمامكم ولا بنات اععمامكم

ونزل جدي بهدله فيهم وحاول يعرف سبب المشكلة

بس ما حد خبره وقالوا مشكله بالجامعه

وبعدها صعدت لغرفتي ارتاح شوي ....

*

*

*

توجهوا الحريم للصاله الداخليه ومعهم البنات

رغد باستغراب : والله مو مصدقه بدر وعمر يتشاجرون وش للي غيرهم

مي : صحيح 24 ساعة مع بعض وضحك وش للي غيرهم

روان بقهر : الاهم شفتوا الكلبه ريم اخخخ احس بالقهر جالسه مع جدي وتضحك معه وتقول له الشايب يا حسره علينا لو حنا للي قلنا له شايب زمان دفنا

سديم بكره : يا ثقل دمها تتدلع وحالتها حاله مالت عليها

سلمى ببراءه : يمكن يدللها جدي لانها حلوه كثير

روان بقهر : يقطع حلاتها وين جمالها ما ادري وبغيره عاديه واقل من عادي انا احلى منها

سديم بغيره : احنا احلى منها يكفي انها قزم

مي : اتركونا منها لا تنسون بكره الحفله

سديم وهي تخبط على راسه بالخفيف : تدرين اني ناسيه

وجلسوا البنات يخططون للحفله .......

*

*

*

*

*

ام سليمان بانبهار وهي تناظر الجده: والله ما توقعتها هالملسونه تعرف للمكياج طالعه قمر يا خالتي

انبسطت الجده على المديح وخاصة بعد ما شافت نفسها بالمرايه : انا اقول وش رايك تخلين ريم تجهز سديم للحفله

ام سليمان باعتراض : لا لا يا خالتي اخاف تعجب عليها من الغيره هاذي بنت ساره لا لا انسي

ام خالد : انا بكره مكياجي على ريم غصب عنها تزبطني

الجده ناظرت ام خالد : انا قبلك تجهزني

ام خالد باعتراض : يا خالتي انا ام العروس ولازم اتجهز بالاول علشان المعازيم

الجده عفست ملامحها : انا الجده ولازم اكون جاهزه علشان المعازيم واعطتها نظره

ام خالد بدون نفس : ان شاء الله

ام سليمان بتفكير : وانا كمان افكر انها تجهزني

ام خالد تناظر ام سليمان : انا قبلك حجزت

ام سليمان : طيب طيب انتي قبلي

صحيت الصبح على طرقات على الباب فتحت عيوني

بصعوبة ورجعت سكرتهم مو قادرة افتح عيوني من النعس

زادت الدقات على الباب تاففت بضيق وجلست على السرير وانا مفتح عيني ومسكر عين

وتوجهت للباب افتحه كنت امشي مثل السكران وبلوزه البيجاما رافعه من جهة اليمين وشعري معفوس

سالت من ورى الباب بصوت ناعس : مين

سمعت صوت عجوز النار : افتحي بسرعه

فتحت الباب وانا شبه مغمضه : نعم

جدتي فتحت عيونها : بعدك نايمه اليوم حفله سديم وانتي نايمه

رديت وانا مغمضه: طيب ؟؟

ردت جدتي بعصبيه : ما في وقت يالله يمديك تجهزيني

فتحت عيوني نص تفتيحه : ومين قال لك اني موافقه اجهزك شايفيتني فاتحه صالون

فتحت جدتي عيونها : نعم نعم وانا ما حجزت كوافيره علشان انت تحطين لي مكياج

رديت بصوت ناعس : طيب خلص خليني انام واشبع نوم علشان اعرف اجهزك على الساعه 1.00 ناديني

ردت باعتراض : لا لا ما يكفي الوقت لازم ابكر من كذا

تاففت : اقول لك انا ما ابغى اجهز احد تبغين على الساعة 1.00 حياك ما تبغين خلي الكوافيره تجهزك اوكي

جدتي بضيق وباستسلام : طيب طيب لا تتاخرين

هزيت راسي وانا مغمضه عين ومفتحه عين

وبعدها غادرت جدتي وبسرعة ركضت على السرير

حتى اكمل نومتي

**

**

**

**

**

**

**

كنت مستغرقه بالنوم بس صحيت مفزوعة على

صوت صراخ قريب مني : بعدك نايمه

نهضت بسرعة وفتحت عيوني بشويش

وناظرت جدتي وبعدها غمضت عين وفتحت عين وانا اناظرها

جدتي بعصبية : ريم صحصحي

ناظرتها وانا مغمضه عين وفاتحه العين الثاني وبصوت ناعس : نعم

جدتي وهي شاده على حالها كثير : نعامه تر

وبعدها سكتت واستدركت كلامها نعم الله عليك يالله عجلي ما بقى وقت

ناظرتها وانا افرك عيوني : كم الساعة ؟؟

ردت جدتي وهي تحاول تكتم اعصابها :الساعه 1.00

وقفت وانا اتثاوب: الحين الحقك بس دقايق اسبقيني على جناحك

هزت راسها جدتي وطلعت

اما انا تثاوبت مره ثانيه وبعدها توجهت للحمام وغسلت وجهي حتى اصحصح واخذت اغراض المكياج وتوجهت لجناح جدتي

**

**

**

دخلت الجناح بعد ما طرقت الباب اول ما تدخل تلاقيك صاله متوسطة الحجم كذا شكلها

بصراحه ما عجبتني كثير  بعدها توجهت لغرفة النوم خلف جدتي وكان شكلها كذا

جلست على كرسي التسريحه وانا اتثاوب

ناظرتني جدتي وعلامات الاستعجال عليها ومرتبكه : يا بنت الحلال خلصيني ما جبتك علشان تنامين هنا عجلي مستعجله ورانا الضيوف ولازم اكون جاهزه قبل وصولهم

ناظرتها ببرود : قبل ما ابدأ فيه شروط نفذتيهن اجهزك رفضتيهن انا الحين طالع من الغرفه

وناظرتها بمعنى وش رايك

ناظرتني جدتي بقهر ولو يطلع بيدها كان خنقتني هي مولعه ومستعجله وانا اتكلم ببرود : يعني ضيعتي علي الوقت والحين جايه تتشرطي وجلست على السرير قبالي وهي تضرب كفها على فخذتها حسبي الله عليك وشدت على اسنانها خلصيني وش هي شروطك

ناظرتها ببرود : امممممم تشتري لي 3 كراتين عصير سن توب

قاطعتني بقهر : خلص خلص اشتري لك يا مشروهه 3كراتين !!!

يالله عجلي تراك رفعتي ضغطي

وقفت ببطئ واشرت لها تجلس مكاني

وبديت اجهز فيها ولما قربت اجهزها دخلت ام خالد وام سليمان

ام خالد وهي مستعجله : عجلي ما بقى وقت

ناظرتها ببرود : الوقت طويل ربع ساعه واكملها

ام خالد رفعت حاجبها : وين طويل الله يسامحك وانا وام سليمان متى تخلصين لنا

رفعت حاجب وعفست ملامحي : نعم نعم ومين خبرك اني موافقة اجهزكم انتم واشرت عليهم

ولويت بوزي وتخصرت اصلا يا دوب اجهز نفسي ما بقى وقت

اتصلوا بالكوافيره تيجي الحين وتجهزكم انا ما عندي وقت

ولفيت وجهي وانا احط مكياج لجدتي

ام خالد بقهر : من وين الحين نلاقي كوافيره كذا قطعتينا

رديت بلامبالاه.: اتوقع اني ما اتفقت مع احد اني اجهزه لو اتفقتم معي وبعدين انسحبت حقكم تعترضون حتى ام سلوم ما اتفقت معها

ام سليمان باعتراض : طيب ليه خالتي ما اتفقتي معها والحين جهزتيها

جدتي وهي جالسه على كرسي التسريحه ومجمده

ملامحها خايفه يخترب المكياج : اسكتي اسكتي رفعت ضغطي حتى وافقت وكمان بشروط مو لله تشتغل هالمقروده

ناظرتها بتهديد : انا مقروده وقرصتها بعيوني

لما شافتني وانا اهدد وما رح اكمل لها ضحكت بتصنع : ههههه لا لا امزح معك

ام خالد بقهر : طيب اشرطي علينا وحنا ننفذ بس عجلي ما ودنا نتاخر

تكتفت وبتفكير : اممممممم الحين ما مو ذاكر شروط بس لما اذكر وعد تنفذوهن

ام خالد بسرعه : وعد ننفذهن بس عجلي

ناظرت ام سليمان بنص عين : وانت خالتي موافقه

ام سليمان وهي تكتم غيضها : موافقة

جدتي بصراخ : خلصيني رفعتي ضغطي

حكيت راسي وبعدها رجعت اكمل لها

وبعد ربع ساعه انتهيت

وتوجهت للسرير وجلست عليه وانا اتمطل

ناظرتني ام خالد : يالله عجلي يا ريم دوري الحين ما فيه وقت

وقفت وانا اتخصر : لحظه لحظه اجهزكم وبعدين تروحون على القاعه وتتركوني لحالي ومين يوديني ؟؟

ام سليمان : يا بنت الحلال ننتظرك لحد ما تجهزين وتروحين معنا

وقفت عند الباب : انا مو مغفله الحين اروح غرفتي البس واتجهز قبل ما اجهزكم

وطلعت من الغرفه قبل ما يعترضن

**

**

**

**

ام خالد وهي تعض على شفايفها بقهر : اخخخ يالقهر

نفسي انتفها من شعرها ذلتنا

ام سليمان بضيق وهي تناظر الساعه : قلت لك خلينا نشوف كوافيره تيجي هنا واحنا ندلل عليها مو هي تذلنا مثل هالحيوانه

ام خالد وهي تتنهد : المشكله هالحيوانه مبدعة بالمكياج شوفي خالتي ما تصدقين انها هي نفسها

ام سليمان وهي تناظر الجده : صادقه

الجده دخلت غرفة الملابس تلبس جلابيه الحفله

وبعد دقايق دخلت على ام خالد وام سليمان : كيف ؟؟

ام خالد ناظرت الجده وهي لابسه جلابيه لونها ازرق وكلها برق واكمامها عريضه ومن عند الخصر ضيقه : واو روعه لاول مره تكونين كذا

اعطتها الجده نظره قويه : وش تقصدين ؟؟

ام سليمان بانبهار : مو قصدها شي بس روعه المكياج ناعم ومناسب لك مو مثل كل مره يكون ثقيل

الجده وهي تناظر نفسها بالمرايه ومبهوره بنفسها : يالله طلع من وراها فايده بنت ساره

**

**

**

**

دخلت غرفتي وتوجهت للحمام اخذت دش عالسريع وجففت شعري

وبسرعة توجهت للخزانه واحترت وش البس اخترت

فستان لونه عنابي ماسك على الجسم كله

خيط ساتر لنصف الساق ومخصر وله سير فضي على الخصر

و لبست صندل كعبه عالي لونه فضي وبعدها سرحت شعري وعملت فيه حركه بسيطه وحطيت فلل لونها فضي ولبست سلسلة فضيه فيها حرف اسمي وخاتم فضي ناعم

وطلعت بسرعه على جناح جدتي بعد ما اخذت العبايه والشيله

دخلت بعجله وانا ابتسم وسمعت صوت جدتي الهامس : بسم الله ما شاء الله

طنشت نظراتهن المبهوره وطلبت من ام خالد تجلس حتى اجهزها وطلبت منها تشتري لي لاب توب ووافقت بدون تردد مقابل اجهزها بسرعة

**

**

**

**

بعد مرور وقت طويل كملت وانا احس ظهري انكسر

جلست على طرف السرير وانا اناظرهن واقول بنفسي الله يخلي المكياج صحيح انهن ناعمات بس بعد المكياج اتوقع يغطن على سديم

بعد ما قفلت جدتي الجوال ناظرتنا وبعجله : يالله عجلوا صقر ينتظرنا تحت

ام سليمان وهي تلبس الشيله: ساميا راحت ؟؟

ام خالد وهي تلبس العبايه : راحت مع بناتها على الصالون

وبسرعه تجهزنا ونزلنا

وصلنا عند السياره نزل صقر من السياره وفتح الباب الامامي وركبت جدتي ومن الباب الخلفي ركبت خالتي ام خالد وام سليمان

ولما تقدمت اركب وقفتني يد صقر الممدوده : وين ؟؟

ناظرته ببراءة : ودي اركب معكم

صقر رفع حاجب وسكر الباب وناظرني بحده : اسف مو سواق عندك

رديت بقهر : طيب مع مين اروح ؟؟

هز صقر اكتافه بلامبالاه : مو مشكلتي

جدتي كانت فاتحه الباب وتتكلم بالجوال بعدت الجوال عن اذنها وسالت صقر : علامك واقف ؟؟

صقر وهو يتكتف : هاذي واشر علي ما تطلع معنا

جدتي بهدوء : ما في حد تيجي ريم معه كل اعمامها بالقاعه خلص مشيها

صقر بصراخ ما له داعي : والله ما تركب انا مو سواق عندها وعند كل واحد يخلف ويرمي بناته علي

لا وهذا انا حلفت ما تركب معي

جدتي كلمت للي كانت تحكي معه بالجوال : سمعت يا نايف بإذنك صقر مو قابل تعال انت وخذ بنتك ....... كيف مو فاضي مين ياخذها للقاعه ..........ناظرتني ببرود هذا نايف يقول لك ارجعي على البيت ما في داع تحضرين وبعدها كملت كلامها على الجوال صقر معصب وراكب راسه ..........خلاص قلت لها ترجع ........ان شاء الله ........مع السلامه قفلت الجوال والتفتت على صقر : يالله يمه عجل تأخرنا

سكر صقر الباب وبعدها لف الجهة الثانية وحرك السياره وغادر المكان

وانا واقفه اناظر زول السياره تسلسلت دمعه من عيني غصب عني وانا حاس بالعبره خانقيتني

ما تتصورون الموقف للي كنت فيه صعب صعب توقعت صقر انه يمزح معي ما توقعته لئيم كذا رفعت نظري للسماء وغمضت عيوني بألم وانا محتار من هالعايله الحقوده

كلهم حقودين لئيمين اكرهم اكرهم نزلت دموعي على خدي وانا رافعه راسي للسماء ومغمضه عيوني

لو وحده من بنات عمي ما تركوها بالبيت لوحدها بس انا ما حد سأل عني

حتى ابوي لو سلمى بيرضى انها تبقى بالبيت لوحدها

ليه بناته وزوجته بنفسه وداهم للقاعه وانا ما حد سأل عني !!!!

جلست على الارض وعضيت على يدي ودموعي تنزل و بداخلي دوامه من الافكار وقررت انفذ للي في بالي وما علي من حد ما رح اضعف وابكي مثل الصغار

وقفت وانا امسح دموعي وشهقاتي تعلى مو قابله توقف

مشيت خطوتين وبعدها وقفت وانا اهز راسي بالرفض الفكره الاولى ما رح انفذها

وبعدها توجهت للبيت ناديت ميرفت وانا في بالي انفذ الفكره الثانيه وطلبت منها تيجي معي بعد ما اخذت العنوان

وبعدها ناظرت نفسي بالمرايه الموجوده ببدايه الصاله وعيوني منفخه من البكاء وانفي احمر وبسرعه توجهت للمغسله وغسلت وجهي ونشفته وعدلت الشيله وناظرت نفسي

وبعدها طلعت مع ميرفت توجهت لغرفة السايق وطلبت منه يوديني للعنوان المكتوب بالكرت

صحيح اني حزينه وقلبي مجروح بس مستحيل ابين لهم ضعفي لازم اكون قويه

كنت جالسه بالسياره واناظر من الشباك وحاسه نار بداخلي نبذهم لي يجرحني ......وصلنا القاعه ونزلت كان فيه رجال قريب من القاعه

ولاول مره احس بالخجل بس طنشت هالشعور ودخلت من بوابه النساء

وقبل لا ادخل للقاعه خلعت العبايه ورتبت نفسي وحطيت مكياج بطريقه يخليني بنت كبيره

وبعدها دخلت القاعه بثقه كانت كثير من النظرات حولي بس طنشت وقفتني جدتي بدهشه وبصوت هامس : كيف اجيتي ؟

رديت عليها بغرور وبدون نفس : ما يخصك

قاطعتنا وحده من الحريم : ما شاء الله تبارك الرحمن هاذي حفيدتك واشرت علي

بصراحه كنت بعدني متضايقة من الموقف وكرهانه كل الناس بس صممت احضر عناد فيهم كلهم وغصب عنهم وحبيت افشل جدتي لانه لو صممت كان ابنها النسر ما تركني

ناظرت جدتي والحرمه بتعالي وبعدها تركتهم ورحت

مع انه مو من طبعي كذا بس ما اعرف الفيوزات كانوا عندي ضاربات 

**

**

**

الجده باحراج من تصرف ريم : ايييي هاذي ريم بنت نايف

ام زياد بقهر : وعلامها نافشه ريشها كذا وكأننا مو من مستواها

الجده بطيبه زائفه : هاذي حياتها مغروره ونافشه ريشها علينا بنت ساره حسبي الله ونعم الوكيل

ام زياد لوت بوزها وتتوعد بداخلها ريم

**

**

**

**

**

كنت اناظر الناس بكره اكرهم كلهم لا تسألوني البنات وش لابسات لاني من القهر للي بداخلي ما ناظرت حد وبعدها توجهت لطاوله بعيده وجلست عليها وانا حاسه حالي ودي ابكي

قطع علي خلوتي بعض الحريم

الحرمه الاولى : مخطوبه

ما ادري ليه جاوبت كذا يمكن لانه معظم انظار الحريم علي ومطنشين بنات عمي فحبيت اقهرهن : لا مو مخطوبه

الحرمه الثانيه : كم عمرك ؟؟

فكرت ورديت : اولى ثانوي

الحرمه الثالثه : مو كأنها صغيره ؟

الحرمه الاولى : لا لا موصغيره الفصل قرب ينتهي يعني ثاني ثانوي مناسبه

الحرمه الثانيه : مناسبه اممم وش اسمك يا حلوه واسم ابوك ؟؟

رديت بابتسامة ما ادري سببها : اسمي ريم نايف ........

الحرمه الثالثه : هذا النسب للي يشرف

نغزتها وحده من الحريم وبعدها استأذنوا وراحوا

وصار كل شوي تيجي حرمه وتسألني نفس الاسئله وجاوبت نفس الاجابات

وانا مبسوطه لفت نظري بنات اول مره اشوفهن يناظرني بحقد بس طنشت يمكن غاروا مني وبعدها وقفت وتوجهت للمنصه ونزلت ارقص واهز هز كل الانظار كانت علي

وبنات عمي يناظرني بحقد وغيره وخاصة روان

بعد ما كملت قالوا انه سليمان وده يدخل وانا انجن جناني وركضت بسرعه ولبست عبايه وحطيت اللثمه على وجهي اخاف واحد من الشباب يعرفني لاني حاطه مكياج

ورح تصير كارثه اذا عرفوا اني نفس البنت للي كنت بالمول

المهم دخل سليمان واعمامي وابوي ونواف وسامر

والكل كان حولهم

حسيت بالقهر بداخلي ليه سليمان وسديم عملوا حفله وانا لا

حتى خطيبي ما شفته ومنعوني اشوفه

جلست على احدى الطاولات وحاسه حالي ودي انفجر من البكاء

وعيوني مليانه دموع حاسه بالغربه عضيت على شفايفي من القهر متى اتزوج وابعد عنهم

وبعد ما انتهت الحفله توجهت للمغاسل وغسلت وجهي من المكياج ونظفته بالكريم

وعدلت شيلتي

وطلعت برا القاعه وحطيت اللثمه على وجهي ادور ميرفت وين اختفت ما ادري

وما ادري مع مين ارجع مر من قدامي رجال اثنين واحد يقول لثاني : بنات ما يستحن على وجوهن بهاللثمه للي يحطونها لو انها اختي كان كسرت وجهها وبعدها وقف عند سيارته ينتظر الظاهر اهله

بصراحه قهرني ان شاء الله يلتموا عليه عشره ويكسروه تكسير

طلعت جدتي وام خالد وام سليمان طنشتهم وراحن على سيارة صقر يركبن

يمكن يظنن اني الحين ابوس اديهن علشان ارجع معهن بس حامض على بوزهن

لفيت وجهي لمحت طيف ميرفت وبسرعه مشيت خطوه لجهتها بس في يد مسكتني ........

**

**

**

**

بعد ما راح صديقي وقفت عند السياره انتظر امي واخواتي وعيني على قليله الحيا للي واقفه برا لا حياء ولا احتشام وفوق كذا لابسه لثمه وعيونها مكحلات

كنت اتمنى انها تقربلي حتى اروح واكسر راسها تكسير عضيت على شفتي بقلة حيله

بعدها ركبت السياره لما شفت امي واخواتي طلعن

بعد دقيقتين ركبن وردوا السلام

وجلست انتظر الخدامه اخذت بنت اختي على الحمام

ناظرتني امي وبقهر : ما ادري ما بقى بنات حتى ابوك يبليك بهالزواج

ناظرتها باستغراب : وش فيه ؟؟!!

ردت امي بقهر : خطيبتك هالحيوانه نافشه ريشها علي وتكلمني من رؤوس خشومها وكاني حشره عندها

وبعدها التفت لخواتي : خبرنه بعمايلها بنت الحسب والنسب

تكلمت اختي : خطيبتك الحريم يسألونها مخطوبه ترد عليهن انها مو مخطوبه واخذوا اسمها حتى يخطبوها

في بنت تستحي على حالها تعمل كذا

قاطعتها امي : حتى قدام اولاد عمها حاطه اللثمه والمكياج ينقط تنقيط

بصراحه عصبت انها تلبس كذا قدام اولاد عمها بس حاولت اضبط اعصابي واحط اعذار ما احب احكم على الشخص بدون ما يدافع عن نفسه او اسمع منه

هزيت راسي بهدوء

امي بعصبية : مو مصدقنا شوف قدامك واشرت على البنت للي واقفه قدام القاعه هاذي خطيبتك مو مصدقنا روح اسألها

بصراحه انا جن جنوني عندي غيره مو طبيعيه انا خطيبتي تلبس كذا

وبسرعة نزلت من السياره وتوجهت لها قربت منها مشيت خطوتين وهي مو منتبه لي مسكتها من يدها ووقفتها

لفت وجهها وناظرتني باستغراب وبعدها عفست ملامحها وحاولت تفك يدها : يا قليل الحيا فك يدي

ناظرت عيونها كانت وسيعه ومع الكحل ولونهم المحير كانوا فتنه

رديت وانا اكتم غيضي : لو تعرفين الحيا ما طلعتي كذا وناظرتها بنظرات ناريه

ردت بعصبيه وبريق الدموع بعيونها : اتركني وش تبغى مني يا قليل الحيا وبعصبيه وصراخ بدون وعي اتركني اقول لك اترك يدي ما تفهم

**

**

**

**

سمعت صراخ استغربت وناظرت نواف اشر لي نواف ومشينا باتجاه الصوت

شفنا بنت وزياد ماسك يدها بس لما شافتنا نادت : نواف

تقدمنا منهم وشفت ريم والدموع بعيونها وناظرت زياد ماسك يدها بقوه

ناظرته بحده : نعم وش عندك ماسك يدها وبعصبيه اتركها قبل ما اكسر يدك

ناظرني زياد ببرود : بصفتك وش تكسر يدي ؟؟

رديت بعصبية يعني يخفف دمه وهو عارف اني ابن عمها : ابن عمها

رد ببرود : وانا زوجها

رديت بعصبية : باحلامك تتزوجها لو على جثتي وبامر ريم تعالي هنا

التفت زياد على ريم بعصبية : غطي وجهك وشد على اسنانه بقهر

وبسرعه غطت ريم وجهها كامل بالشيله انا جن جنوني يتامر عليها وهاذي مثل الهبله خايفه منه وبصراخ : ريم تعالي هنا ولا تردين عليه

زياد وهو يكتم عصبيته : اذا سمحت وخر منها زوج وزوجته لا تتدخل بينا فاهم

نواف بعصبية : متى ما تزوجتها ساعتها تكون زوجتك اما الحين حامض على بوزك ونصيحه باقرب وقت يا ليت ترسل ورقه الطلاق وبعصبيه ريم تعالي انقلعي هنا واعطاه نظرة تحدي

تقدمت ومسكت يد زياد ابعده عن يد ريم

بس دفشني زياد بعصبيه وبتهديد وهو يرفع اصبعه بوجهي: اذا قربت مرة ثانيه من زوجتي اكسر وجهك مره ثانيه

نواف وعيونه حمر من العصبيه : بدر استنى بس دقيقة نبعد ريم وبعدين نتفضى له

وبامر ريم تعالي هنا

هزت راسها بالرفض

عصبت منها ملزقه بعريس الغفله وبصراخ : يا حيوانه تعالي هنا

ناظرني زياد بغرور : اسمع مو فاضي لك الحين عندي كلام بيني وبين زوجتي بالعاميه فارق انت وللي معك

كلامه وطريقته استفزتني وبدون وعي هجمت عليه وضربته بكس ببطنه

ترك زياد يد ريم وهجم علي بصراحه كان الفارق بالطول واضح ضربني زياد كم لكمه على وجهي وطبعا فزع لي نواف والتفينا الاثنين عليه

كان صراخنا بالمكان كله تجمع الرجال حولنا واولاد عمي سمعوا بالهوشه ووقفوا معنا وطبعا قرايب زياد واصحابه ما قصروا وصارت مشاجره كبيره

حاولوا الشيبان يوقفون الشجار بس لا حياه لمن تنادي

وبعدين حضرت سيارات الشرطه وبصعوبه فرقت بيننا

واخذت كل المشاركين بالشجار لمركز الشرطه

ولحقوا الشيبان لمركز الشرطه حتى يشوفون وش سبب المشكله

......

**

**

**

**

اضطريت ارجع مع جدتي وحريم اعمامي وزوجه ابوي مع السواق

جدتي وهي حاطه يدها على صدرها : يا رب استر واحفظ عيالي يا رب يا رب يا رب

ساميا : طيب وش سبب الشجار ومع مين متشاجرين ؟؟؟؟

ام خالد : علمي علمك ما ادري قلبي ناغزني على نواف يقولون كان ببدايه الشجار

ام سليمان : لا حول ولا قوه الا بالله

كنت اسمع كلامهن وساكته لو يجيهم خبر اني سبب الشجار كان دفنوني هنا

خليني ساكته احسن يا رب احفظ زياد من كل مكروه

حطيت يدي على قلبي وهو يدق بسرعه خايفه وقلبي ناغزني حسيت بالاختناق نزلت الشيله عن وجهي

وانا احاول استنشق الهواء

ناظرتني جدتي بقهر : وانت يا قليله الحيا كذا فشلتيني مع الحرمه

ناظرتها بدون نفس يعني انا وين وهي وين

كملت جدتي تكلم حريم اعمامي : قليله الحيا حماتها ام زياد واقفه ودها تسلم عليها ناظرتها بغر

قاطعت جدتي باندهاش : الحرمه للي كانت واقفه معك نفسها ام زياد خطيبي ؟؟؟

جدتي بدون نفس : ايه نفسها وبعد ما انقلعتي صارت تذم فيك ......

حطيت راسي بين رجليه ويدي على راسي وانا خلاص فقدت اخر امل العريس طار طار والله ما كنت ادري

انها ام زياد ما كنت ادري

وعضيت على شفايفي بقهر الحين عرفت ليه البنات كانوا يناظروني بحقد لانهم بناتها كانوا واقفات معها

خلص طار العريس

علشان كذا كان معصب علي معاه حق يعصب

اكيد امه الحيه واخواته الفتانات خبرنه

يا ربي انا وين ما اروح الاقي بوجهي ناس حقوده لئيمه فتانه

مين مسلطهم علي وصارت دموعي تنزل خلص مو قادره استوعب انه خلاص طار العريس

ما ادري متى وصلنا نزلت وبسرعة ركضت لغرفتي

وقفلته بالمفتاح ودموعي على خدودي

كلما اقول زانت انعمت يا رب لطفك

وجلست جنب السرير على الارض وسندت راسي للجدار

وغمضت عيوني وانا احس خلاص انتهيت دمروا حياتي .........

**

**

**

**

**

**

بالمركز الامني

كانت الدنيا مقلوبه اضطر الضابط يدهل المشاركين

بالشجار حتى يتم التحقيق

توصلوا بالتحقيق انه بدايه الشجار كان بين زياد ونواف وبدر

فاستدعوهم للمكتب

الضابط بهدوء وهو يناظر الثلاثة : ممكن اعرف وش سبب المشكله ؟؟؟

بدر وهو يثبت نفسه حتى ما يقوم يرفس زياد : حضرته ماسك يد بنت عمي ويصرخ عليها بالشارع وضربها

زياد بعصبية : فوق قله ادبك و تكذب كمان

الضابط بحزم يناظر زياد : كلامه صحيح اني كنت ماسك يدها بس اني اصرخ عليها وضربتها اسمح لي انه هذا واشر على بدر كذاب

الضابط باحتقار لزياد : وتقولها كمان ببرود ماسك يد بنت عمه

ناظره زياد بابتسامة نصر : بالاول قبل ما تناظرني كذا يا سياده الضابط إسأل وش علاقتي بالبنت وبعدين تحكم على الناس لانه البنت تكون زوجتي وشدد على الكلمه

ناظر الضابط بدر وهو يقرص عينه : صحيح كلامه ؟؟

بدر بقهر : صحيح انه ملك عليها بس والله ليطلقها

الضابط بحزم اشر لبدر يسكت وبعدها التفت لزياد : كمل وش سبب الشجار ؟؟

وقفت مع زوجتي ومسكت يدها بس هي ما انتبهت لي وخافت وصرخت ولمحت هذا واشر على نواف ونادت باسمه

طبعا تقدم هذا واشر على بدر بفوقيه وتهجم علي وضربني بوكس على بطني وبعدها هجمت عليه ارد له الضربه وبعدين صار للي صار

**

**

**

**

**

**

**

بمكان اخر في بلاد الغرب في بيت بسيط جدا يتكون من غرفتين ومطبخ وحمام في قريه نائيه لا توجد فيها خدمات مثاليه كان جون جالس بغرفه بسيطه فراشها قديم خاليه من الاثاث تقريبا كان يناظر ابنه الصغير

جون : جوليا تعالي بسرعه وانظري ماذا فعل ابنك

دخلت الغرفه جوليا وعفست ملامحها : يا إلهي لقد نظفت الغرفه للتو

ضحك جون بصوت عالي : ابنك هذا مشاغب جدا وليس كباقي اخوته

دخل الغرفه البسيطه الابن الاكبر : امي متى وقت الغداء اشعر بالجوع

جوليا وهي تنظف الغرفه : اصبر قليلا

مر شهر كامل على الشجار انتهى بصلح بين العائلتين وجدي اقام عشاء كبير للصلح ما فاتحني جدي بالموضوع ولا سألني عن شي بس ما خلصت من تحقيق عمي فيصل وصقر وقتها اتهموني اني على تواصل بينه بصراحه يضحكوني بافكارهم وما خلصت من نظرات الاحتقار من الاثنين وخاصه لاني لما جاء الضابط انكرت انه زياد ضربني وقفت بصف زياد لانه اولاد عمي هم المخطين يمكن تقولون انه انا ناديت نواف استنجد فيه وبعدين وقفت ضده

صحيح اني ناديت نواف لاني ما كنت اعرف انه هذا الشخص نفسه زياد

بس الخطأ على اولاد عمي المفروض قالوا لي ترى هذا زوجك مو يتشاجرون معه ويسببون بمشكلة كبيره

يعني ودهم اشهد زور علشان يرضون علي

وطلعت مني اه بالم لما تذكرت موقف ابوي وقتها قام الدنيا وولعها وحصلت منه كم طراق وصار يدعي

علي بالموت ولا هالفضيحه عنجد احيانا احس انه عقلهم فيه تخلف وين الفضيحه ما ادري

وجدتي هاذي عباره عن شريط كل ما تشوفني تعيد نفس الاسطوانه تدرون قسم بالله حفظتها عن غيب كلامها

(يا قليله الحيا تتواعدين معه ولا تصف مع الغريب ضد اولاد عمها الله لا يوفقك عجبك كان رموا احفادي بالسجن علشان تقابلينه......

وموشحات طويله عريضه وكاني مو حفيدتها وطبعا الجوز الثلاثي نفس الكلام يزيدون ويعيدون نفس الكلام

مع ذلك طنشت كلامهم وزدت شطانه تدرون اخذت ثلاث انذارات من المدرسه صرت مزعجه ومشاغبه وكسوله علاماتي كلها صفر واحيانا واحد

لا تلوموني وتقولون مستقبل لانها خلاص ما عادت تفرق معي ما تهمني لا دراسه ولا غيرها صرت كل الضغوطات للي احسها افرغها بالمدرسه اجاكر المعلمات او مع البنات اتشاجر

الظاهر رح اتاخر عن المدرسة وانا اخبركم 

تنهدت بتعب وحطيت الشيله على راسي ورتبتها وناظرت نفسي بالمرايه وتحسست الحبوب المتواجده بطرف خدي احسها خفت عن اول وبعدها

حملت حقيبة المدرسة وطلعت من الغرفه وكالعادة

انزل على الدرابزين صحيح ما خبرتكم زاد طولي 2 سم

بعد ما نزلت عن الدرابزين لبست الحذاء لاني امسكه بيدي وانا اتزحلق علشان اعرف انط

عدلت الحذاء ورفعت نفسي كان ابن عمي فيصل عرفت اسمه مؤخرا اسمه سامر ناظرني مثل ابوه بإحتقار وطلع

بصراحه انا عصبت يمالي الساحق والماحق انا ما خلصت من ابوه حتى يجيني هو لويت بوزي وطلعت من البيت بهدوء لا تسألوني عن الفطور خبرتكم بالبدايه اتناول جميع الوجبات بغرفتي

مشيت باتجاه البوابه بس المشكله الدكتور نسر قصدي صقر واقف قريب من البوابه ويناظرني بتعالي

يا لطيف يا لطيف من هاذي العايله مشيت من جنبه

وما رديت السلام كذا مزاج سمعت صوته ينادي علي بس طنشت ولا كأنه حد يناديني وركبت الباص وتوجهت للمدرسه

**

**

**

**

**

بالفسحه جالسه مع الجوري واسمع سوالفها عن خطيبها

مرت من جنبنا بنت دايما تناظرني باحتقار وتكبر واسكت لها بس اليوم الفيوزات كانت ضاربه معي

وقفت وناديتها طبعا وقفت البنت وهي تناظرني بتكبر

انا اكره هاذي النظره لانها نفسها يناظروني اهل ابوي بها تحسسني وكاني شي منبوذ قذر ما يستحق الحياه

وبدون وعي ضربتها كف على وجهها وبعدها هجمت عليها مع انه فارق الطول واضح بس ما اهتميت اهم شي افرغ الكبت والقهر للي عشته بحياتي

وما وعيت على نفسي الا بالاداره مين فرقنا عن بعض وش صار ما ادري وكاني كنت بحلم ناظرت البنت وجهها كله تخميش ودم خفيف نازل منه وشعرها منفش

بصراحه استغربت ما توقعت اني قويه كذا نقزت على صراخ المديره : عجبك كذا

الحين لازم اتصل بولي امرك

ما رديت عليها لاني متأكده نايف ما رح يرد او ييجي لانه الشهر الماضي لما ضربني عصب جدي عليه وقال انه لو يشوفني ميته قدامه ما له دخل

فجلست على الكنبه باريحيه وانا ابتسم

اجرت المديره اتصال وبعدها كانت تكتب وبعدها اتصلت على رقم ثاني وكلمته ييجي المدرسة حالا

استغربت رقم مين حصلت كنت بعيده عنها شوي وتتكلم بالجوال بصوت هامس حتى اني توقعت انها تكذب علي وما اتصلت باحد

بس المفاجئه بعد ثلث ساعه المديره والمعلمات تغطوا

رفعت نظري للباب حتى اشوف مين للي حضر بلعت ريقي لما شفت جدي ومعاه عمي فيصل هالعم ناشب لي بكل شي لو ظل مسافر افضل لي

جلس جدي وسال المديرة بهدوء : اتصلتي فيني وطلبتيني فيه شي ؟؟

المديره بقوة شخصيه : قبل ما ادخل بالمشكله الرئيسية احب اطلعكم على امر مهم مستوى الدراسي للريم سيء علاماتها كلها اصفار

رد عمي فيصل ببرود : يعني اذا البنت غبيه نشتري لها مخ حتى تصير ذكيه ولوى بوزه

قاطعته المديره : اتوقع يفرق لما يكون الطالب متفوق وبعدها تصير علاماته اصفار

ومسكت كالمديره كشف العلامات وناولته لجدي

وتكلمت بهدوء : شوف يا عم الفرق بين علامات الفصل الاول والفصل الثاني

ناظر عمي فيصل مع جدي بالكشف وبعدها ناظروني بحده

المديره : لو ريم كسوله كان ما اعترضت بس طالبه متفوقة مثلها وتم نقلها مرتين لصفوف اعلى

المفروض الحين ريم بالصف الثامن بس لانها متفوقة تم تقلها لاولى ثانوي

فتح جدي عيونه على وسعهم وبعدها ناظر الورقه وكانه وده يتاكد من هالمعلومه

عمي فيصل اعطاني نظره قويه : وش السبب يا ريم علاماتك بالفصل الاول كلها كامله والحين كلها اصفار ما شاء الله شي يرفع الراس وبعدها هز راسه بوعيد

المديره : في امر ثاني لازم اطلعكم عليه

ناظرتها بقهر هالفتانه

المديره بهدوء : البنت مشاغبه كثير تتطاول على المعلمات والطالبات واعطيناها ثلاث انذارات

جدي رفع حاجبه : بس ما وصلنا شي من الانذرات !!!!

المديره مسكت القلم وطلعت اوراق ومدتها لجدي : شوف كل انذار كانت تيجي حرمه وتتعهدها

ناظرني جدي بقوه : مين للي اتكفلتك ؟؟

ناظرت المديره نظرة بمعنى خلص يكفي فضايح ونشر غسيل بس لا حياة لمن تنادي هالفتانه

كملت المديره كلامها : انا اليوم استدعيتكم لاني اتوقع انه المدرسه فتحوها للتعليم مو حلبه مصارعه

اشرت علي ريم اليوم تهجمت على بنت وعجبت عليها وجه البنت كله دم وحالتها حاله حتى اتوقع اهلها ما رح يسكتون فحبيت احطكم بالصوره قبل ما يوصل اهل الطالبه وهم الحين على وصول فتفاهموا معاهم انتم

عمي فيصل وعيونه حمر من العصبيه وهو يتوعد بي : ليه تضربين البنت ؟؟

رديت بثقه عكس قلبي يلي يتراقص من الخوف : هي للي بلشت مجاكره ودايما اسكت لها واسأل البنات

هز راسه بتوعد : وتضربيها وكانك خريجه سجون ما شاء الله طالعه لخطيبك

رديت بدفاع : بدر هو للي بدأ وضربه

قاطعني بصراخ : اخرسي حاطينك محامي دفاع عنه

وبتوعد يصير خير يصير خير

جدي بحزم ناظر المديره : اذا سمحتي تعطينا ملفها رح ننقلها لمدرسه ثانيه

فيصل بقهر : من زمان قلت لك انقلها من هاذي المدرسه لانه ما حد خربها غير هاذي المدرسه

كانت المديرة ودها تدافع عن المدرسه بس قاطعتها : ما رح انقل من هاذي المدرسه

اعطاني نظره عمي : ولك عين تعترضين بس يصير خير حسابك بالبيت

صرت اقرا الفاتحه على روحي من الحين لانه اكيد جدي عمي رح يدفنوني .....

**

**

**

**

**

ركبت بالسياره من الخلف بعد ما انحلت المشكله مع ولي امر البنت واخذ جدي ملفي من المدرسه

بعد ما حرك عمي فيصل السياره وجدي جنبه وساكتين

حبيت اكسر الصمت تنحنحت وبابتسامه : عمي وقف عند البقاله اشتري لي عصير عطشانه

وقف فجأة عمي فيصل ولف وجه علي : اختصريني تراني دافنك اليوم بس حليني ادفنك بالبيت مو هنا

رديت بابتسامة تقهر : طيب قبل ما تدفني اكسب في اجر وجيب لي عصير

بما اني مدفونه مدفونة خليني اقهره قبل ما يقهرني

رد علي بصراخ : ولا نفس لا تخليني انزل من السياره

رديت بتلقائية : انزل

فتح عمي الباب تكلمت بسرعة : خلص خلص امزح معك

مسك يده جدي قبل ما ينزل : ما ودنا فضايح تنصل البيت ويصير خير

تردد بالاول وبعدها رجع وحرك السياره وتكلم وهو يكتم غضبه :

انا اقول يبه نسجلها مع البنات علشان اي خطأ عليها بالمدرسه يخبرونا البنات

هز جدي راسه وهو يتوعد الله يستر اليوم لا بالله اليوم رح تطلع جنازتي

غمضت عيوني بالم وبعدها وصلت البيت وانا احس وصلت لعند المقبره اليوم رح يدفنوني

يا ليتهم يذبحوني واموت وارتاح من الحياة وصرخت بداخلي يا ليت

نزلت من السياره بهدوء وانا حاسه نفسي امشي للموت برجليني

عمي فيصل بعصبية : امشي قدامي اشوف

مشيت بهدوء خلفهم دخلنا البيت

فيصل يناظر جدي : خليني بس اليوم اربيها واسنعها

ناظرني جدي والعصبية تشع من عيونه ومسك يدي وصعد الدرج حاولت افلت يدي منه واهرب بس وين اروح وين اهرب

كنت اسمع جدتي وام خالد يسألون عمي فيصل وكنت اسمع كلماتهن خلها تستاهل يمكن تتسنع

وصلني لغرفتي ودخل هو وعمي فيصل وقفلوا الباب بالمفتاح

وبعدها مسكني جدي من شعري وهو يشد على اسنانه : لمتى اسكت عن تصرفاتك الطايشه ها لمتى

ورماني على الارض

وبعدها مسك العقال وشعرت بلسعات العقال على جسمي

غطيت وجهي بيدي كنت احس بالالم بكل انحاء جسمي بس ما صرخت ولا طلبت منهم يوقفون عن الضرب مستحيل اذل نفسي لناس قلوبها حجر وحقوده

مسك الجد يد فيصل ووقفه وبتعب : يكفيها للي اجاها وبصراخ وقسم بالله يا ريم اذا كررتي حركاتك هاذي لادفنك اليوم

وبعدها طلع جدي وعمي فيصل وقفلوا الباب علي بالمفتاح

ما تحركت من مكاني وانا مغطيه وجهي ودموعي ما وقفت

بكيت وجعي وحزني بكيت يتمي انا احس نفسي يتيمه واهلي عايشين وينك يمه تعالي شوفي غلطتك انتي و ابوي تعالوا بس عيشوا معاناتي للحظه بس

عايشين حياتكم ومبسوطين وانا وانا اتجرع مر الغربه

اتجرع مر الشتات مر النبذ

نفسي اعيش مثل باقي البنات اقول بالمدرسه بابا قال وبابا عمل وبابا اشترى لي وبابا وبابا وبابا

لما اجي ابغى اقول قدام البنات بابا ما في شي اقوله الا بابا ضربني بابا تبرى مني

عضيت على شفتي بقهر

حاولت اكتم شهقاتي ما قدرت اكرهم كلهم وش الفرق بيني وبين حفيداتهم مدللينهم وانا مبهدليني

طول الشهر الماضي اسمع الشتايم علي ومع ذلك ابتسم واطنش لمتى لمتى اصبر على هالعيشه

اخذت نفس وانا احس حالي مخنوقه وبعدها غمضت عيوني بألم ..........

**

**

**

**

**

**

قفل الجد الباب على ريم بالمفتاح وبعدها ناظر الجده للي كانت واقفه هي و ام خالد وبعدها نزل بدون اي كلمه ولحقه فيصل

دخلوا الصاله الخارجيه وجلس الجد بصدر الصاله وبجهة اليمين جلس فيصل وبعدها دخلت ام خالد والجده

وبعد سكوت دام ربع ساعه دخل صقر ورد السلام واستغرب السكوت وجلس بجانب فيصل وبهدوء : وش فيه وناظر امه ؟؟

الجده : والله يمه ما ادري بالضبط وش فيه بس رجع ابوك واخوك ومعهم ريم ودخلوا غرفتها ونزلوا فيها ضرب

تفاجئ فيصل وناظر ابوه باستفسار

الجد بقهر : هالحيوانه تظن نفسها خربجة سجون نازله ببنت ضرب ومعجبه عليها وبالموت اهل البنت تنازلوا حتى دفعنا لهم تعويض

وشد على اسنانه بقهر انا اخر هالعمر تشوه سمعتي وتستدعيني مدرسه حكوميه على امور تشرف مثل ذي

فيصل يهدي ابوه : خلص يبه هدي نفسك

ناظر الجد صقر بحزم : اسمع حنا اخذنا ملفها ورح ننقلها لمدرسة بنات عمها ورح توخذها وترجعها مع البنات وانت تتابع سلوكها المدرسي ويا ويلها اذا وصلتني شكوى عنها

صقر بهدوء : طيب وينها ريم الحين ؟؟

فيصل بكره : بغرفتها منطقه وابوي قفل الباب عليها

وقف صقر وهو يكتم عصبيته : يعني ما ادري عنكم

ما عندكم حل الا بالطق وناظر ابوه ما لقيت غير هذا الوحش يدخل معك واشر على فيصل

فيصل احتدت ملامحه : انا اخوك الاكبر منك ثمن كلامك قبل ما تكلمني

طنشه صقر وناظر ابوه : اعطيني المفتاح

الجده لوت بوزها : خايف على مشاعرها

اخذ صقر المفتاح وطنش كلام امه وتوجه لغرفه ريم فتح الغرفه وشافها نايمه على الارض ووجهها مغطى بشعرها

تقدم منها وجلس على الارض وابعد شعرها عن وجهها

وتنهد بقهر بعدها حملها بشويش وحطها على السرير وغطاها وطلع بهدوء من الغرفه

وبعدها طلع من البيت كله لانه ما يضمن نفسه يتشاجر مع فيصل

**

**

**

**

**

**

**

صحيت الصبح وانا اتالم وتذكرت البارحه لما صحيت وبدلت ملابسي كان جسمي خرايط وكل الالوان للي تعجبكم

قمت بشويش وحمدت الله انه اليوم عطله ما في دوام وتوجهت للمرايه اناظر نفسي

ناظرت نفسي كنت لابس بيجاما خيط لونها زهر ومرسوم عليها صوره دبدوب

وشرت البيجاما لحد الركبه ناظرت ذرعاني كانت اشكال والوان حتى رقبتي ما سلمت منهم

وتحسست مكان الضربه على رقبتي لونها بنفسجي

بلعت غصتي وعيوني تلمع من الدموع

خلص قرفت الحياه نفسي اموت واخلص منهم كلهم حتى كف يدي وصله كم ضربه

مسكت شعري ورفعته بالكماشه ما لي خلق امشطه وتوجهت لجنب السرير وجلست على الارض وسندت راسي على الجدار

واناظر بانحاء الغرفه بلا نقطه وبعدها نزلت نظري للارض وسرحت بعالمي الحرمان ......

**

**

**

**

**

دخلت غرفة ريم كان السرير فاضي شفتها جالسه على الارض قربت منها وجلست على الارض

وانصدمت من الضربات المعلمه بجسمها رفعت راسها بيدي وانصدمت من العلامات للي برقبتها

تنهدت بندم كيف ما ضبطت اعصابي ناظرت عيونها

كانت حزينه و تلمع بالدموع

مسحت على راسها وبهدوء وصوت نادم : سامحيني يا بنتي فقدت اعصابي

لفت وجهها عني وما تكلمت مسكت يدها بشويش : يهون عليك تزعلين من الشايب

ما ردت علي تنهدت بألم : يا ليت يدي انكسرت قبل ما امدها عليك صدقيني ساعة غضب

كانت ساكته ولافه وجهها للجهة الثانية وما تتكلم بصراحه سكوتها يذبحني احب اشوف البسمه على وجهها

مستحيل اقبل بالبسمه تنطفي من محياها : انا اسف شوفي انا ابو سليمان اعتذر منك وبابتسامه ترى ولا واحد من اولادي او احفادي ضربته واعتذرت له الا انت سكتت لثواني طيب كلميني واي شي يرضيك انا مستعد اجيبه لك بس ارضي وفكي هالكشره

تعبت معها مطنشيتني عالاخير بصراحه قلبي عورني عليها احس اني اذيت يتيمه مع انه امها وابوها عايشين بس ما حسسوها بالابوه والامومه حتى امها صار لها شهرين ولا مره طلبت تزورها طلبت تزور بنات خالها اما امها ما تجيب لها طاري

متاكد مثل ما عاملها نايف عاملتها ساره بس وش ذنبها هاذي اليتيمه

ناظرتها وهي صاده وجهها عني وقلبي محروق عليها

سبحان طول عمري قاسي لكن ريم ما ادري ليه لها شفقه بقلبي احزن عليها

تنهدت بقله حيله : الحين اتركك لوحدك بس تاكدي ما رح ترتاحين مني الا لما ترضين فاهمه

ناظرتها وهي نفس الحاله كاني اتكلم مع الجدار ولا عبرتني استغفرت ربي وطلعت من الغرفه وانا خلقي ضايق عليها ........

**

**

**

**

**

**

بعد العصر

الجده تناظر ام سليمان : اسكتي اسكتي عمك راح وراضاها بس يقول ما تكلمت معه ولو بحرف ساكته وما تكلم احد حتى الغداء ما تناولته

ام سليمان ببرود : اخرها ترجع توكل لما تجوع

الجده تناظر ام خالد وام سليمان وساميا : وين البنات ؟؟؟

ام خالد : في بيت نايف مجتمعات هناك

الجده تحوس ومو عارفه تقعد : ام خالد اطلعي حاولي بريم تنزل تجلس معنا هالحيوانه مو عارفه اجلس بدونها

ام سليمان : والله صادقه يا خالتي سوالفها وحركاتها

تحلي القعده مع اني ما احبها بس احب قعدتها

ام خالد بضحكه : هههههه وقسم بالله سوالفها نفس سوالف الحريم وتعليقاتها من الاخر

التفت الجده على ساميا : روحي شوفيها خلها تيجي تكمل سولافة ام سعيد ما كملتها وانا احوس ودي اعرف وش صار

وقفت ساميا : ان شاء الله

**

**

**

**

**

**

**

دخلت الغرفه بعد ما طرقت الباب وما حد رد علي كانت جالسه على السرير

ناظرتني وبعدها لفت وجهها وصارت تتطالع الشباك

ترددت وش اقول لها لانه ما في علاقه بيني وبينها : ءءء ريم خالتي تقول لك تعالي اجلسي تحت بالصالة

حتى ما كلفت نفسها تناظرني

عدت مرة ثانية ولا حياه لمن تنادي ساكته وما تكلمت بحرف واحد

قررت اتركها على راحتها وطلعت من الغرفه بهدوء وانا مقهورة من نايف تارك بنته للي وده يستفرد عضلاته

حرام والله حرام دخلت الصالة بضيق

سالتني خالتي : ناديتيها ؟؟

جلست وبعدها ناظرتها : والله حرام يا خالتي البنت كبرت ومخطوبه ما يصير يضربهوها كذا جسمها كله

الوان وسكتت من القهر

خالتي بلامبالاه : خليها يمكن تتسنع وتصير عدل

ام خالد : ما حد يموت من الضرب وحتى تغير الموضوع وش اخبار ام بدر

ام سليمان : رح تبقى عند اهلها لبعد الولاده وضعها تعبان وبنتها مغلبيتها تقول اخواتها يساعدنها عليها

ام خالد : الله يقومها بالسلامه .......

بعد الغروب شديت على بطني بيدي وانا احس بالجوع

بس ما لي نفس للاكل وقفت وتوجهت للبلكونه

كان الجو خيالي وفيه نسمه بارد ترد الروح للجسد ناظرت

للسماء يكسوها اللون الاحمر وكان فيها بعض غيوم متفرقه وبعدها ناظرت الاشجار بالحديقه كانت تتمايل من الهواء الخفيف وكانها تتراقص

ضميت يدي لصدري والهواء يلاعب شعري الطويل

وتنورتي تتحرك يمين ويسار بخفيف

اخذت نفس وما ادري ليه جات امي على بالي

مشتاق لها ومشتاق لكلمه يمه

ومشتاق لشوفتها رغم كل للي صار وسمعته منها

رح ابقى احبها احبها بالرغم من الجفى احبها اتمنى ارجع وارتمي بحضنها

وارمي كل همومي عليها

اتذكر لهفتي عليها لما تزور بيت جدي اركض من غرفتي بسرعه وانزل عندها بس اتفشل دايما لانها. كانت تنشغل مع خالاتي

وبلعت غصتي حتى اذا سألتها اي سؤال تطنشني ولا كأني كلمتها

ما زلت اذكر الموقف لما سألتها سؤال طنشتني ولا كأنه حد يكلمها

وانا متأكده انها سمعتني بس تشاغلت بالكلام مع خالتي ازهار

ظليت اناظرها وانا انتظر ترد على سؤالي

وبنفس الوقت جاء ابنها وسألها تركت خالتي وجاوبته وهي تضحك وبعدها ضمته وباسته على خده وهي مبسوطة

كنت اناظرها وقلبي ينفطر انا استحق هذا الحنان والاهتمام اكثر من ابنها

انا المفروض تجلس معي وتسألني عن حالي طول المده للي عشتها عند جدي سالم كنت انتظر امي تسألني عن حالي

تسألني كيف حياتي عند نايف

تسألني عن مدرستي

تسألني اذا ينقصني شي

تسألني تسألني تسألني تسألني

واجاوبها عن حالي واقول لها حياتي بدونك وبعيد عنك عذاب

كنت انتظر تسألني كيف قضيت 5 سنين عند نايف

كنت اتمنى اجاوبها واخبرها عن السجن للي كنت اعيشه اخبرها الظلم وقسوة نايف

كنت اتمنى اخبرها عن طفولتي المحرومه

كنت اتمنى اخبرها عن دار الايتام

كنت اتمنى اخبرها عن اول يوم بالمدرسة

كنت اتمنى اخبرها استهزاء البنات علي لانه ما عندي ام ترتبني

كنت اتمنى اخبرها عن كل شي ينقصني مثل باقي البنات

واطلع معها عالسوق وتشتري لي احلى الفساتين

كنت اتمنى اخبرها عن عمتي الهنوف وطيبتها وعن هديتها للي اعطتني اياها

كنت اتمنى اخبرها عن ام بدر وروعتها

واشياء كثيره كنت انتظر الفرصة حتى اخبرها بس ما اعطتني وقت كانت دايما تتهرب مني

عضيت على شفتي بألم وانا اتذكر لما كنا جالسين بالصاله وكنا نخطط لحفلة ذكرى ميلاد شروق ومندمجات بالتخطيط

بس لفت نظري لما خالتي غاده سألت امي : ابنك المقرود هذا متى ذكرى ميلاده واشرت على اخوي

ردت امي بابتسامه وهي تبوس اخوي وفرحانه فيه : ربي يحفظه ذكرى ميلاده ..../......./... ورح يكون بيوم الاثنين

ردت غاده بابتسامة : ول ول الظاهر انك حاسبه كم شهر بقى وكم يوم وكم ساعة

ردت امي وهي تحضن اخوي : بقى شهرين و6 ايام

سألتها خالتي : وريم متى ذكرى ميلادها

ناظرت امي وانا انتظر بشغف اسمع منها تاريخ ميلادي واحس فعلا اني مهمه عندها عالاقل بمعرفه تاريخ ميلادي

راضيه بالاهتمام القليل راضيه بس انصعقت لما سمعت الجواب وكأني زجاج وتحطم لقطع صغيرة

ناظرت امي خالتي وبتفكير : كأنه ....../....../.....

بصراحه كانت صدمه لي تاريخ ميلادي غلط غلط غلط رفعت نظري للسماء وانا هالذكرى تؤلمني ومع ذلك حطيت لها عذر يمكن ذاكرتها ضعيفة وتنسى وهزيت كتفي بحزن وانا اردد يمكن يمكن

اخذت نفس وذكرياتي تحوم لليوم للي غرقت فيه

غمضت عيوني وانا اتذكره بألم

اتفقت مع البنات نطلع للحديقه ونجلس فيها كان الوقت بعد العصر

طلعنا وجلسنا وحضرنا كل لوازم الجلسة وكنا جالسات ونضحك ومبسوطات ونعلق على بعض

شروق وهي تضحك : ههههههه بنات تخيلو شكل ريم وهي عروسه هههههههه

شوق وهي تكمل : ههههه ما اظن تلاقين فستان زفاف على حجمك

منار وعيونها تنزل منها الدموع من كثر الضحك : هههههه خلص روحي على قسم الاطفال عندهم فساتين ههههههه شي من الاخر

شروق وهي توخذ نفس من كثر الضحك : هههههه وتخيلوا العريس طولها ههههههه نقول له يروح على قسم الاطفال ههههههههههه

ناظرتهن : سخيفات اصلا وسكتت وفتحت عيوني على وسعهن

واشرت للبنات بخوف وانا اشوف اخوي الصغير قريب من البركه

وقفوا البنات بخوف وبعدها ركضنا قبل ما يقع بالمويه

بنفس الوقت شافته امي وخالاتي وركضوا مثلنا حتى يمسكونه قبل ما يسقط بمويه البركه

لما اقتربنا منه مدت شروق يدها تمسكه بس بلحظه تزحلق وغرق بالمويه

بنفس الوقت وصلت امي وجن جنونها لما شافت ابنها بالمويه وبدون قصد ابعدتني بيدها عن طريقها

بعجله حتى تنقذ ابنها

دفعتني بقوه عن طريقها وبسبب الدفع وقعت بالمويه وما كنت اعرف السباحه

كنت احاول ارفع راسي لخارج المويه حتى اخذ النفس شفت امي وانا احس نفسي خلاص رح اموت كنت احاول اطلع راسي من المويه وانا احس المويه تدخل حلقي واحرك يديني مثل المجنونه

نزلت امي للمويه ناظرتها وانتظرت تساعدني

بس انشغلت بانقاذ ابنها وطلعت من المويه وهي حامليته وابتعدت عن البركة

للحظه كنت رح استسلم للمويه خلاص ما اقدر اقاومالمويه اكثر ارتخى جسمي وغرقت بالمويه ...

ولما البنات استوعبوا الموقف نزلت بسرعة شوق ومنار وطلعوني من المويه بعد ما فقدت الوعي

كانت امي تصرخ باسم ابنها ما صرخت باسمي وكانه ما في بهالدنيا غير اولادها

وانا وانا يمه وين موقعي بحياتك وين موقعي بحياتك يمه وصرت اردد بيت شعر

يمه يا نبع الحنان .......

ناظرت الاشجار والسماء والغيوم والشفق الاحمر ببطئ وانا اتساءل

وين الحنان ليه ما سقتيني منه يمه ليه ؟؟؟؟

يمه مشتاق لغلاك قلبي الغلا اهداك ........

رفعت نظري للسماء وبألم تساءلت

ليه ما قابلتي الهديه بالمثل اهديت امي الغلا

ليه ما بادلتيني بالشوق والغلا ليه ؟؟؟؟؟؟

شوفتك تسوى كثير وحبك بقلبي كبير .......

غمضت عيوني بألم

ليه ما حبتيني مثل ما حبيتك

مسحت دمعه تسلسلت من عيني لما سمعت طرقه

خفيفه على الباب قطعت علي خلوتي بنفسي

سمعت خطوات قادمة باتجاهي ما تحركت من مكاني ظليت واقفه وضامه يدي لصدري

بعدها استقرت الخطوات جنبي وسمعت صوت دافي قريب من اذني : الجو ما شاء الله روعه

ما رديت وما اصدرت اي حركه وكاني متجمده سوى شعري للي يتطاير وتنورتي للي يحركهم الهواء وكأن الهواء يلاعب شعري وتنورتي

لما ما لقى مني جواب حط يده على كتفي برفق وبحنان وبلهجه تصرخ بالندم : بعدك زعلانه ؟؟ طيب لك رضاوتك اطلبي وانا انفذ وش قلتي ؟؟؟

ما رديت عليه

لفني على جهته وهو ماسك اكتافي بيدينه الاثنتين : وش يرضيكي يا بنتي ؟؟

وكانه بكلمة بنتي فجرت كل طاقه التحمل عندي

بعدت يدينه عني بعنف ودموعي غصب عني نزلوا وبألم رديت : مو بنتك انا مو بنتك لو انا بنتك كان ما ضربتني كذا كان ما خليت المتوحش يضربني

دايما اسمعكم كلكم تشتموني وتحتقروني وتضروبوني ما لي قيمه عندكم ما لي احترام

ضربتوني وكانكم ودكم تنتقمون مني

روحوا على بيت سالم وانتقموا منه انا ما لي ذنب بشي

واشرت على جهة الشارع : روح على سالم وانتقم منه وبضعف انا ما لي دخل فيكم كل يحط حرته فيني وش ذنبي علشان ما لي ام ولا اب يحموني ويدافعون عني

ويوم قررت اخذ حقي بنفسي وادافع عن نفسي ضربتوني

حرمتوني اعيش مثل اي طفله بين امها وابوها

حرمتوني اعيش طفولتي مثل باقي الاطفال

حرمتوني افتخر واذكر اسم بابا او ماما قدام البنات

حرمتوني اعيش جو اسره واحس بالامان

حرمتوني من كل شي تمنيته بحياتي ودكم الحين

تحرموني ادافع عن نفسي ودكم البنات يهينوني واسكت لانه ما عندي ام او اب ياخذون حقي من البنات ويدافعون عني

بعدها خففت نبره صوتي وناظرته بعيون دامعه مكسوره مذلوله : وين اروح ؟؟؟ ما حد طايقني ؟؟ ما حد يحبني ؟؟ انتحر وخلاص ارتاح وترتاحون

وجلست على الارض وحطيت يدي على فمي وانا اشاهق : ابوي يكرهني ما وده يشوفني وفوق هذا متبري مني بدون ذنب وامي ما تبغاني وبدون ذنب اقترفته الا اني غلطه غلطه

اذا امي وابوي كذا متبرين مني وحاقدين علي ويكرهوني لاني اذكرهم ببعض ما اعتب على حد اذا كرهني

وبعدها ناظرت جدي بابتسامة ألم : لا تخاف مو زعلانه منك

جلس جدي على الارض وحضني بقوه وبصوت مهزوز : ما عاش من يذلك وانا راسي يشم الهوى يا ليت يدي انكسرت قبل ما امدها عليك

وبعدني عن حضنه وابتسم على الخفيف وهو يمسح دموعي : انتي بنتي غصب عن الكل انت بنتي للي ربنا رزقني بها بعد هذا العمر مستحيل افرط فيك وبعدين انا اعاملك مثل بناتي اسألي هيفاء والهنوف عن الضرب للي حصلنه مني

انتي ولا شي على الاقل انتي انا راضيتك اما الهنوف وهيفاء كانوا يجون يراضوني هم وادلل عليهم

وبعدها وقفني وهو يبتسم : يالله غسلي وجهزي نفسك بعد العشاء عازمك بمطعم على احلى عشاء ويا ويلك اسمع اعتراض

اتفقنا

ناظرته ودموعي بعدها بعيوني ما ادري ليه رضيت عليه ابتسمت وانا اهز راسي وبصوت مبحوح : ان شاء الله

لا تقولون كيف رضيتين بسرعة انا طبعي كذا اذا زعلت ارضى بسرعة

اقترب جدي مني : ايوه كذا خلي الابتسامه على وجهك كذا احلى

ابتسمت بخجل

كمل كلامه : بعدين لا تقولين لحد عن الطلعه سر بيني وبينك اوكي

هزيت راسي بالموافقة

وبعدها باسني على راسي وطلع

**

**

**

**

**

**

**

بعد العشاء جهزت نفسي وناظرت نفسي بالمرايه واخذت نفس

وانا محتاره من تصرفات جدي احيانا يكون قاسي معي واحيانا طيب بس ما ادري ليه احسه يعاملني مثل بنته

صحيح انه البارحة ضربني بس ما الومه كل اب يعمل كذا لو المدرسة اتصلت به وخبرته ببطولات بنته مثلي اكيد رح يضربها ويعصب ويزعل منها وبما اني تحت رعايته فمن حقه اذا اخطأت يعاقبني بس انا للي زعلني وضايقني عمي فيصل ما له دخل بحياتي وما له يمد يده علي بما انه جدي موجود هو ما له دخل

وبصراحه تندمت لاني ضربت البنت كذا

كان لازم اتخذ اسلوب ثاني اخذ حقي منها مو كذا وكاني خريجة سجون

لحظه غضب بسببها فقدت صديقاتي وانتقلت لمدرسه ثانيه

لويت بوزي وبعدها طلعت من الغرفه توجهت لجهة الدرج وكالعاده ما اقدر اقاوم التزحلق

حملت صندلي بيدي ونزلت تزحلق على الدرابزين ولما قربت اصل للارضيه نطيت باحترافيه

سمعت صوت تصفيق رفعت راسي كان صقر يبتسم : ما شاء الله فاتحين سيرك هنا

طنشته وجلست على الدرجه الاولى البس الصندل

ناظرني وهو يغمز لي وبمرح : لا لا يهون عليك تقاطعين عمي الصغير لانه طردك من سيارته لا لا ما اقدر على بعدك انا

ناظرته بنص عين وبعدها رجعت اعدل الصندل

ناظرني وهو يضحك : ههههههه تدرين يا ريم انك هههههههه تحفه وانتي زعلانه ههههههههه

وقفت بقهر : نفسي افهم شخصيتك المتناقضه احيانا تضحك معي وتمزح وكاني واحد من ربعك

واحيانا تناظرني بفوقيه وغرور وتسمعني كلام يغث

ممكن اعرف وش سبب التناقض وكتفت يديني

ناظرني وهو يبتسم : امممم سؤال وجيه وحتى تعرفوا الاجابه تابعونا بالحلقه القادمه هههههههه

ناظرته بقهر : متاكد انك مو شارب ؟؟

ناظرني وهو يضحك : سالب وإلا موجب هههههههه

قهرني يتريق علي طنشته وطلعت وانا اسمعه يناديني وين رايحه

##

##

##

##

كان جدي بالسياره ينتظرني فتحت الباب الامامي وركبت بعد ما رديت السلام بصوت هامس

وبعدها حرك جدي بهدوء ......

دخلنا المطعم واختار جدي طاوله بعيده شوي عن الناس

جلسنا بهدوء ناظرني جدي وهو يبتسم : يالله المزيونه وش ودها تتعشى ؟؟

ابتسمت بخجل وناظرته : للي تبغاه اي شي

رد علي : وش رايك بكبسه ؟؟

ناظرته باستغراب : كبسه !!!

ناظرني وهو يقرص عيونه : انتم البنات تحبون الاشياء الخفيفه هاذي الاشياء ما تعجبكم تخافون يخرب البرستيج

ابتسمت : لا عادي خلص اطلب كبسه

رد جدي وهو يسند ظهره على الكرسي : اذا ما تبغين كبسه خلص عادي اختاري شي ثاني وما عليك مني لاني لو يطلع بيدي فطوري وغداي وعشاي كبسه

رديت بهدوء : لا عادي خلص اطلب كبسه ما عندي مشكله

طلب جدي لنا كبسه وامور ثانويه وبعدها التفت علي : هاه مبسوطه يا بنتي ؟؟

هزيت راسي بالموافقة

تنهد وهو يسند راسه على يدينه : تعرفين كان ودي اخذك معي لما اسافر بعد يومين تغيرين جو وتتعدل نفسيتك شوي

رفعت حاجب : طيب وين المشكلة ؟؟؟

ضربني على راسي بخفه : ناسيه المدرسه ؟؟؟

لويت بوزي : عادي اعطل ما رح يؤثر !!

رجع جدي سند ظهره على الكرسي : ما شاء الله عليك والاصفار للي تعبتي حتى حصلتيهم حرام يروح تعبك على الفاضي

وناظرني وهو يقرص عينه : تذكرت انا اتصلت بمديره المدرسة الجديده وخبرتها عن وضعك وعن مرضك وقالت مو مشكله تعيد الامتحان الاول عندهم وبعدين لا تنسين انه امتحانات الشهر الثاني على الابواب يعني جدولك فل

لما ينتهي الفصل رح اخذك معي وتختارين المكان للي نفسك تسافرين له اتفقنا

هزيت راسي وانا مقهورة من المدرسه ضيعت علي السفره

ناظرني جدي وسألني سؤال ما توقعته صعقته بالجواب وتناقشت معه بهذا الموضوع

وحنا نتناقش وصل الاكل وبعد ما راح الجرسون ناظرني وابتسم : شرطك ووافقت عليه بس المقابل تدرسين وتحصلين علامات ترفع الراس والحين تعشي وبعدها اطلبي اي شي مني وانا انفذه بس استعجلي وقت الدلال محدود

ابتسمت وتذكرت وحبيت استغلها لصالحي : اممم جدي ابغى خط نت

ناظرني بشك : وش تبغين فيه ؟؟

رديت : يعني كل بنات للي بعمري عندهم لاب توب ويدخلون النت الا انا حتى بنات عمي عندهم

رد بتفكير : بس اخواتك ما عندهم !!

رديت بابتسامة : انت جاوبت اخواتي بنات نايف اما انا بنتك وبعدين انت قلت لي اطلبي وانا انفذ

تنهد جدي : طيب اعتبريه وصلك ولاب توب كمان

وش تبغين

لعبت بالملعقه وانا احركها : اممم جوال

ناظرني وكانه مو عاجبه : بس بعدك صغيرة على الجوال ما له حاجه قبل ما تقولين بنات عمي عندهم اقول لك ما حد عنده الا سديم ورغد لانهم باخر مرحله بالثانويه

رديت باعتراض : بس انا كبيره ادرس اولى ثانوي

ضحك جدي وهو يناظرني : هههههه تذكرين يوم المكتب وانا اسألك أي صف تقولين اولى ثانوي وقتها رفعتي الضغط عندي

رديت بزعل : تضحك وانت كسرت وجهي من الكفوف مشكلتكم ما عندكم حل وسط كله ضرب

ضحك جدي : ههههه لا تقولين ودك الحين رضاوه على هاذي السولافه تراها قديمه

رديت وانا لاويه بوزي : ايه زعلانه وابغى رضاوه جوال

ابتسم جدي : طماعه اوكي خلص اعتبري الجوال وصلك

قمت من مكاني وبسته على راسه : مشكووووووور

وانا مبسوطه على االاخير وانا اتخيل شكل بنات عمي لما يشوفون معي الجوال وكمان عمي فيصل خله يفقع < اعرف اني مجاكره 

رجعت مكاني وناظرني جدي بحزم : بس من الحين اقول لك لو اسمع خبر انك تكلمين زياد ما رح اسحب منك الجوال رح اكسره فوق راسك مفهوم وما رح اراضيك وقتها

ابتسمت : اوكي اتفقنا وبحماس متى تجيبه لي

ابتسم جدي على حماسي : كملي عشاك وبعدها اشتري لك

كملت عشاي بسرعه وانا متحمسه للجوال احس نفسي ودي اطير وانا اناظر جدي ياكل ببطئ

فزيت بسرعة لما وقف جدي بس ناظرني جدي باستغراب : وين وين ؟

ابتسمت باحراج : اروح معك علشان الجوال

اشر لي بالجلوس : اقعدي وخلك ثقيله انتظري هنا اغسل واجيك ما رح اتاخر

حسيت بالفشيله وجلست على الكرسي باحراج

بعدها رجع جدي وتجولنا بالسوق واشترى لي جوال من احدث الانواع واخترته لونه زهر وبعدها اشترى لي خط للجوال وخط نت وبعدها اشترى لي لاب توب

كنت امشي معه واحس نفسي طايره من الفرح ودي اطير

نسيت كل احزاني اعرف اني بعدني مثل الاطفال يبكون واذا حد اعطاهم هديه ينسون ام البكاء وما يدرون عنه

وانا الحين مثلهم فرحتي كانت كبيره

حاول جدي يقنعني اشتري ملابس او اي شي ينقصني

بس رفضت وانا مستعجله ودي ارجع عالبيت وامسك الجوال بيدي

رجعنا على البيت وانا بقمه سعادتي 

**

**

**

**

**

**

**

جالس بالمجلس ويهز رجله بتوتر وبنرفزه: يا برود اعصابك تقول انها طلعت ومو عارف مع مين وجالس تنكت مع الشباب

رد صقر ببرود وهو يناظره : بقلعتها وش تبغاني ادور بالشوارع ادور عليها

فيصل بقهر : خلص اسكت ما ودي اسمع صوتك وناظر ساعته حتى ابوي تاخر وين راح ارن عليه ويعطيني مشغول

وبعدها ناظر نايف : وانت بنتك الوقت تأخر وما رجعت وبعدك جالس

صقر ببرود يقهر : يمكن مواعده زياد وبعدها ناظر الشباب كل شي جايز

صرخ فيصل : اخرس ما ودي اسمع صوتك فاهم

وبعدها ناظر امه المشغوله مع الجوز الثلاثي بامور مهمه الله يستر من تجمعهن

ناظر فيصل امه : عاجبك سوالف ابنك

الجده : والله يا بنيه ما ادري وش اقول وبعدها رجعت تكمل سوالف مع الجوز الثلاثي الظاهر سوالفهم خطيره ما تحتمل التأجيل حتى انها ما تهتم لامر ريم

نواف يهمس لسليمان : تتوقع وين راحت ؟؟ تدري لو ادري انها مع زيادوووو الا اكسرها بيدي

سليمان وهو يناظر للبعيد : يمكن ما استبعد عنها شي لا تنسى وقفتها مع زياد ضدنا المره الماضيه

نواف يؤشر بحواجبه على بدر وعمر : لمتى رح يضلون على هاذي الحاله ما يكلمون بعض

سليمان بدون اهتمام : لا تخاف بكره يرجعون لبعض مستحيل تنقطع العلاقه على طول

المهم عندي انه ريم تتطلق من الزفته بس مو لاقي طريقه اطلقها منه

وجدي رافض فكره الطلاق والحيوانه ملزقه فيه وكانه حاجب لها وعض على شفته بقهر

نواف بهدوء: انا معك بطلاقها بس اخاف من الاثم والحرام ولو يطلع بيدي هالحقير يطلقها اليوم قبل بكره

فجأة دخل المجلس الجد ورد السلام بصوت جهوري شوي

ردوا الموجودين السلام وبعدها وقف فيصل حتى يخبر الجد بس سكت

لما شاف ريم داخله المجلس وبصوت ناعم ردت السلام

سليمان ينغز نواف : ما كانت كذا وهي صغيره

نواف : الظاهر انه حرق شمس وبعدها اعطاه نظره تهديد اخبر السلطات عليك واشر بحاجبه على جهة سديم

سليمان يبتسم : لا دخيلك وبعدين مجرد راي شوف شوف هذول الاربعه اكلوها بعيونهم واشر بحواجبه على بدر وعمر وسامر وعبود

ناظرهم نواف : حتى سامي بس تدري احس انهم ودهم يخطبونها عناد ببعضهم

هز سليمان راسه : يمكن كل شي جايز

فيصل يناظر ريم للي جالسه جنب الحريم : وين كنت طالعه بدون استئذان

ناظرته ريم وبابتسامه تقهر : كنت مع جدي عزمني على العشاء واشترى لي لاب توب وخط نت وكمان اشترى لي ورفعت يدها وهي تمسكه جوال

وبابتسامه تقهر : حلو صح ؟؟؟

ناظرها الجد ابتسم وهو عارف مقصدها

وقف نايف بعصبية : لهنا ويكفي مهزله وناظر ابوه سحبت البنت مني وقلت انك ودك تربيها عندك ورفضت انها تسافر معي ومع ذلك ما اعترضت

زوجتها ولا اخذت شوري ومع ذلك ما اعترضت

منعتها من التغطايه وما سمعت اعتراضي

واخرتها تشتري لها جوال اسمح لي يبه رجاء اسحبه منها بدون مشاكل

ناظرت ريم نايف باستغراب وهي تقول بنفسها معقول كان صادق معي و رجع ياخذني علشان اسافر معه بس جدي منعه ليه ؟؟؟

وقف الجد بعصبية : اولا رفضت انها تسافر لاني خبرتك السبب اكثر من مره وش يضمن انك ما تضربها والبنت تهرب وين رح تلاقيها ببلاد الغرب قول لي وين رح تلاقيها

ثانيا زوجتها وعمرها 14 وكثير بنات يتزوجن بهذا العمر مو مثلك لما كان عمرها 8 او 7 سنوات ودك تزوجها لعزام صاحبك !!!

الكل ناظر نايف باستغراب وعلامات الدهشة على وجوههم

كمل الجد متجاهل نظرات الاستغراب

ومنعتها تتغطى لانك تعرف وضعها الصحي اكثر مني

اما الجوال فريم بنتي وانا حر بنفسي اشتري لها للي ودي إياه وبعدها اعطى نايف نظره قويه

نايف بهدوء وهو يحاول يضبط اعصابه وهو يناظر ابوه : طيب خلها ترجع تعيش عندي انت شايف البيت كله شباب عندي توخذ راحتها اكثر

رد الجد بحزم : اتوقع طلبت هذا الشي مني اكثر من مره وقلت لك ريم ما تطلع من بيتي الا لبيت زوجها ويا ليت ما ترجع تفتح الموضوع مره ثانيه

ورجع الجد مكانه وجلس بهدوء

نايف جلس مكانه وهو حاس نفسه مقيد كثير من ابوه تنهد بقهر وعجز

كان فيصل وده يعترض بس سكت لما سمع كلام ابوه اذا نايف ما سمح له يتدخل اكيد ما رح يسمح له كمان يتدخل وعض على شفته بقهر وناظر ريم تلعب بالجوال وكانها تجاكر فيه شد على اسنانه بقهر وهو يتمنى يقوم يطقها

عند البنات

روان بقهر : اخخخخخ يالقهر انا اكبر منها ورافضين يجيبون لي جوال

سديم تناظر ريم بحقد: شوفوا تلعب فيه علشان تقهرنا مالت عليها

مي وارتفع عندها الضغط : ليه يعني جدي يميزها عنا كذا يعني وش تفرق عنا ولا كمان مشتري لها لاب توب و انا ما عندي الا لما ادخل ثالث ثانوي واضطر استخدم لاب رغد

سلمى لوت بوزها : انتم على الاقل عندكم اما احنا ممنوع نستخدمه

روان بقهر : عمي نايف وابوي كبي بيس نسخه واحده بالعقليه والتحجر افففف بعكس عمي ابو سليمان وعمي سلطان تحسونهم في شي اسمه تفاهم عندهم ومواكبه العصر

سديم تناظر اختها روان وهي تقرص عيونها : لو يسمعك ابوي يا عصريه

رغد اشرت بعيونها : اقول ناظرن ريم كيف مندمجه بالسوالف مع الحريم ما ادري كيف تستحمل سوالف الحريم فلانه تطلقت وتزوجت

سديم وهي ترجع ظهرها للكنبه : لا والمشكله جدتي وحريم اعمامي يستانسون معها وامي تقول والله القعده مع ريم احسن من القعده معكن

والله مو عارفه وش يعجبهن بسوالفها

رغد تغمز لسديم وبصوت هامس : ما علينا منها قولي لي سليمان ما اتصل فيك اليوم

سديم بصوت هامس مقهور : لا ما اتصل بس ارسل رسالة

رغد بهمس : خليني اقرأها

سديم خايفه حد يسمع وبصوت هامس : بعدين بعدين

وبعدها رجعوا يكملون كلامهم مع البنات ......

**

**

**

**

**

الجده وهي تضحك بشويش : يقطع شرك يا ريم طيب وما قالت لك البنت وش صار بعد ما ابو سعيد ضربها وطردها

ريم وهي تناظر جدتها والحريم ومعطيه طاف للي حولها : لا والله ما قالت لي البنت لانه صارت المشكله بالمدرسه وما جلست معها

ام خالد : شفتي يا خالتي طول وقتها تقول انا وانا ونافشه ريشها وبالاخير طلع زوجها ضاربها وطاردها كمان

ناظرت ريم ام خالد وام سليمان : انتم ضحكتوا علي وعدتوني بلاب توب وما

قاطعتها ام خالد : انتي للي ما عجبك تتشرطين ودك النوع الفلاني وما ادري ايش انا وعدتك لاب وانتي ما حددتي نوعه وبعدين يا طماعه دوبه عمي مشتري لك واحد

ابتسمت ريم : ومين قال لك اني ودي تجيبين لي لاب توب الحين

خلص فستان زواجي تفصيله على حسابك انتي وخالتي ام سليمان

ومن الحين اقول لك انا اختار التصميم اتفقنا

ام سليمان : بعد سنتين ذكرينا هههههه

ام خالد بتحقيق : وكيف اقنعتي عمي يشتري لك جوال ؟؟

جدتي بقهر وكأنها الحين تذكرت : وكمان عازمها على العشى وانا صار له متزوجني0 100 سنه ولا مره عزمني على مطعم

سبلت ريم عيونها بدلع وهي تبتسم : لانه ما عندكن اسلوب بالكلام والدلع مثلي

ام سليمان وهي تكش عليها : لا يا شيخه اقول طيري

ردت ريم بابتسامة : اذا مكياج ما تعرفن تحطن على وجيكهم ودكم تنعزمون على مطعم

ناظرتني ساميا : صحيح تذكرت من وين متعلمه هذا الرقص

جدتي : اعوذ بالله من هالرقص الله لا يبلانا

ناظرت ريم الجده وهي تقرص عيونها : قولي انك غيرانه لانك ما تعرفين ترقصين مثلي وبدلع اصلا ما رقصت كويس لانه حفلتكم اسلاميه ومو حاطين اغاني

شهقت جدتي وحطت يدها على صدرها وبصوت عالي نست نفسها : وهذا والحفله اسلاميه ورقصتي كذا يا ريم شلون ترقصين لو كان اغاني

ناظروا الكل لجهتنا

ناظرت ريم الموجودين باحراج وصار وجهها الوان وبعدها ناظرت جدتها بمعنى عجبك فضحتينا

وبعدها همست ريم لهن : صدقني ما رح اعلمكم الرقص على اصوله ولوت ريم بوزها

ام سليمان : ومين قال لك ودنا نتعلم ؟؟!!

ريم رفعت حاجب وبدت تلعب براسهن

نتركها تلعب براس الحريم ........

**

**

**

**

**

**

**

**

صقر جالس عند الشباب ومبسوط فجأة سمعوا صوت ضحك عالي

كل المجلس ناظروا جهة الحريم كانوا يضحكون ومو قادرين من كثر الضحك

والجده حاطه يدها على فمها من كثر الضحك ودموعها تنزل

وريم تناظرهن بابتسامة جميله وجذابه

اعطى الرجال الحريم نظره سكتن إلا الجده صارت تضرب على فخذها من كثر الضحك

الجد بحزم : وبعدين

ردت الجده وهي تضحك : ههههههه مو ههههه قادرة هههههههه يقطع ههههههه شرك يا ريم ههههههههه

ودخلت بنوبه ضحك والحريم رجعوا يضحكوا من جديد بقوه

عصب الجد وبصراخ : قومن اطلعن برااااااا ولا وحده تبقى هنا اشوف

وقفن الحريم وهن مو قادرات يوقفن من كثر الضحك والجده تتمايل بمشيتها من كثر الضحك

وصوتهن برا المجلس يقولون ريم

وقفت ريم تطلع بهدوء بس ناداها الجد بحزم : ريم تعالي هنا

تقدمت ريم لعند الجد للي كان جالس بصدر المجلس : نعم

الجد بحزم : وش قلتي لهن حتى ضحكوا كذا

ناظرت ريم الموجودين بالمجلس والكل يناظرها وعنده لقافه يعرف وش سبب الضحك

رجعت ناظرت جدها وبابتسامه : سوالف حريم

فيصل عصب وبقهر : انتي يالبزر وش عرفك بسوالف الحريم وصار يقلدها باستهزاء سوالف حريم

ناظرت ريم عمها فيصل وهي تحط يدها على خصرها : وش شايفني شاب شواربه مترين ؟؟

صقر : لا شايف قزم مضيع رضاعته

ضحكوا الشباب بصوت عالي

اسكتهم صرخت الجد : ولا نفس هاذي بنت عمكم وتحترمونها غصب عنكم وبعدها ناظر فيصل لا تكلم ريم مرة ثانيه كذا البنت كبيره ومخطوبه

وبعدها ناظر ريم : ابغى اسمع سوالف الحريم يالله سمعينا خلينا نضحك

اقتربت منه وهمست بإذنه وخبرته بالسولافه

وقبل ما اكملها ضحك جدي

وهو يناظرني : ههههه انتي داهيه ههههه خلص روحي ههههههه

ناظرته ريم : بس بعدني ما كملت لك السولافه

اشر الجد بيده : هههه خلص ما ودي اسمع اثقلي يا بنت هههههه يالله اطلعي بسرعه

طلعت ريم والكل يناظر الجد وعنده لقافه يعرف السولافه

صقر : علامك يبه تضحك ؟؟؟

الجد زاد في الضحك وما قدر يرد من كثر الضحك

فيصل والفضول ذبحه : وش للي يضحك كذا ،؟؟

الجد وهو يضحك : سوالف حريم ههههههههه خلص انسوا السولافه هههههههه

سكت الجميع وهم متضايقين ودهم يعرفون السولافه والفضول ذبحهم ....

**

**

**

**

**

**

**

في صاله وسيعه جدرانها محجره باللون البني والبيج والكنب اوف وايت وعلى الجدار بالزاويه ساعه كبيره على شكل قلبين حب مندمجات ببعض القلب الاول فيه xxxxب الساعه والقلب الثاني منظر من ورد كان جالس بالصاله ومتربع على الكنبه و يطقطق على اللاب ومنسجم

دخلت امه بهدوء وحطت فنجان القهوة على الطاوله

وبضجر جلست مقابله

ناظرها وهو مروق ويبتسم : علامه القمر زعلان ؟؟

ناظرت ابنها ذو البشره الحنطيه والملامح الجميله وبقهر: انت اخرتك تجلطني ببرودك

ناظر امه وابتسم من يوم الشجار وهي تفتح معه موضوع الطلاق ما ملت : يا يمه البنت ما لها دخل باولاد عمها

لوت امه بوزها : وعاجبك انها تكلمني من طرف خشومها وإلا لبسها الماصخ

ابتسم على امه نفس السولافه تعيد كل يوم : يا يمه لا تحكمي على البنت من اول مره يمكن كانت تعبانه واكيد انها ما تعرفك

لو كانت تعرفك كان استقبلتك احلى استقبال ولباسها انا ما رح احكم على البنت اولا لانه يمكن بيئتها ما ساعدتها على الالتزام

وجدها خبرني انها اصلا ما تتغطى عندها مشكله ومع الايام تنحل

وبعدين احس البنت فيها خير كونها ما تتغطى بس بالحفله تقولين تلثمت قدام اولاد اكيد علشان المكياج

والبنت الظاهر انها مطيعه لاني بس طلبت منها تغطي وجها

تغطت بدون اعتراض

رفعت ام زياد حاجبها : تدافع عنها كذا وانت بعدك ما تزوجتها عيل لما تتزوج اكيد رح تبعينا كلنا علشانها ست الحسن والجمال

اخذ نفس زياد ومو عارف كيف يقنع امه واخيرا اجت فكره براسه : اسمعي يمه وش رايك بكره تزورينهم

واذا استقبلتك استقبال ما عجبك انا مستعد اطلقها

لانها للي ما تشيل اهلي بعيونها ما ابغاها

موافقه ؟؟

ناظرته امه بتفكير : موافقه ولا تخاف وتقول اني رح اكذب عليك رح اقول لك الصدق

ابتسم زياد : خلص اتفقنا وتناول فنجان القهوة وشربه بهدوء .......

**

**

**

**

**

**

**

**

**

في اليوم الثاني ( يوم جمعه )

بعد الغداء كانت ريم تحضر فلم سمعت طرقات على الباب وبصوت كله ملل : مين

فتحت طيف الباب : انا تعالي العبي معنا

ناظرتها ريم وبعدها التفتت على التي في : ما ابغى الحين بعد العصر تعالي

تبرطمت طيف وطلعت تخبر الاولاد

ورجعت ريم تتابع الفلم

كانت حياتها فارغه روحيا ما في اي صله بينها وبين ربها

اكملت ريم متابعة الفلم دون ان تدرك ان الله يراقبها ومطلع عليها

وبعد انتهائه توجهت للاب توب ودخلت النت تتصفح بشكل عام بعض المواقع المهتمه بالازياء

بعد وقت دخل عليها احمد بلهفه : يالله اذن العصر تعالي العبي معنا

بدون ما تناظره ريم وهي تتصفح المواقع : وش قاعدين تلعبون ؟؟؟؟

احمد بحماس دخل الغرفه : الغميضه يالله تعالي

ناظرته ريم وتاففت وهي تسكر الاب : الحين اجي

وبسرعه ركض احمد يخبر الاولاد

طلعت من الغرفه العب معهم وبدينا

اللعب ودخلت حماس باللعبه

وبعد مرور وقت باللعبه كانت طيف تلحقني حتى تمسكني

كنت اركض بالصاله للي قدام غرفتي كنت اركض بحماس

والحيوانه طيف سريعه كثير ومن كثر الحماس بدون وعي توجهت للدرج وتزحلقت على الدرابزين

ومع ذلك هالزفته طيف نزلت على الدرج تلحقني

وصلت قبلها لتحت وبسرعة توجهت خلف الدرج

وهي تلحقني

وبعدها ركضت على المطبخ وانا خلاص تعبت ما اقدراتحمل ركض اكثر

تخبيت تحت الطاوله بالمطبخ

ارتاح شوي واريح جسمي كنت اتنفس بسرعة وقلبي يدق بسرعه

وبعد خمس دقايق دخلت طيف المطبخ كنت مرتاحه شوي ونفسي رجع طبيعي تقريبا

خليتها حتى اعطتني ظهرها وبسرعه طلعت من المطبخ وانا اركض

ومن كثر الحماس كنت ازاعق

دخلت غرفه استقبال الحريم ووصلت لنص الغرفه وانا اناظر خلفي وازاعق

بعدها وقفت وناظرت امامي وانصدمت وانا اشوف عندنا ضيوف

وللاسف مو اي ضيوف

ناظرت نفسي كنت لابسه بلوزه باكمام طويله لونها اسوده ماسكه على جسمي (بدي)

وشباح جينز ازرق وكمان ضيق

وشعري هنا المشكله رابطه قرون وحاطه شبره لونها ابيض

كنت واقفة ومتصنمه دخلت طيف من خلفي وهي تضحك ومسكتني وبصراخ : مسكتك مسكتك

ناظرتنا جدتي وبحده : ريم طيف

كنت ودي انزل وادبك واقول طار العريس طار العريس

يخلف علي وعلى حظي ....وداعا إلى اللقاء يا عريس الغفلة <فيس يبكي

بس لااااااااااا مستحيل استسلم واطير العريس من يدي

اخذت نفس وبابتسامه : هلا والله بخالتي ام زياد وانا اقول البيت منور

وتقدمت منها وبوستها على راسها وجلست مقابلها وانا اهلي وارحب بها

وبعدها ناظرت طيف : خلص روحي عند البزران

وبعدها ناظرت ام زياد وانا ابتسم : تعرفين اطفال صغار وجدي ما يخليهم يطلعون يلعبون برا فحبيت افرحهم والعب معهم وحتى اكون قريبه منهم لبست وعملت كذا بنفسي وابتسمت بغباء

ناظرت جدتي وهي متفشله مني وتناظرني بحده

ابتسمت ام زياد مجامله : اخبارك يا ريم ؟؟

ناظرتها وانا ابتسم : بخير الحمد لله

ردت ام زياد : اسفين زرناكم بدون موعد

ناظرتها وانا ادلع : لا عادي يا خالتي البيت بيتكم وبأي وقت تشرفينا

دخلت الخدامه ومعها العصير وقفت بسرعة حتى اظهر قدامها اني سنعه وتناولت من الخدامه صينيه العصير

ام زياد :خلص لا تتعبي حالك

قدمت لها العصير : تعبك راحه يا خالتي انا اخدمك بعيوني وبنفسي كنت اقول كله علشان عريس الغفلة 

وبعدها قدمت لجدتي وهي تهمس لي علشان ابدل ملابسي طنشت لانه خلص شافتني وانتهى الأمر

وحطيت صينيه العصير وجلست مكاني

ناظرتني ام زياد نظره ناقده : وكيف دراستك ؟؟

ابتسمت : الحمد لله

دخلت الغرفه ام خالد وقفت وانا اهلي بها : هلا هلا خالتي تعالي اجلسي اعرفك على خالتي ام زياد

ناظرتني ام خالد وهي تقرص عيونها بمعنى من متى الاحترام بس سلكت لي

تقدمت وسلمت على ام زياد وبعدها جلست

ودخلوا مع بعض سوالف مع انه جدتي وام خالد ماخذين موقف منها علشان المشكلة للي صارت

وبعد مرور ساعه استأذنت ام زياد كان ودي اطلع معها بس جدتي حشرت نفسها وطلعت معها

انقهرت وجلست على الكنبه بقهر ناظرتني ام خالد

وهي ترفع حاجبها : مبسوطه على حالك

ناظرتها : وش تقصدين ؟؟؟

ام خالد وهي تناظرني بتأكيد : اذا ما وصلتك ورقة الطلاق باي وقت راجعيني

تظنين ام زياد رح تسكت ابنها يتزوج بزر روحي ناظري نفسك بالمرايه

انا ما اهينك قاعد بس انا اقول الحقيقة لانه ما في ام ترضى ابنها يتزوج بزر مثلك

وبعدها وقفت وطلعت من الغرفه بدون ما تنتظر مني جواب

بصراحه دب الرعب بقلبي معقول تخلي ابنها يطلقني الله لا يوفقها اذا عملت كذا لانه حرام عليها انا مالي ذنب

حسيت الدنيا سكرت بوجعي وبسرعه طلعت من الغرفه وتوجهت للدرج وانا ناسيه وجود اولاد عمي بالطابق الاول وصلت الدرج وما انتبهت على الشخص للي شافني وصد وجه للجهة الثانيه

دخلتي غرفتي وانا اندب حظي ........

**

**

**

**

**

**

ركبت ام زياد مع زياد وبعدها حرك السياره كانت امه

ساكته واستغرب سكوتها

سألها بهدوء : كيف الزياره ان شاء الله استانستي

بس تفاجئ بدموع امه

وقف السياره والتفت لامه : علامك تبكين يمه ؟؟ وش صار ؟؟ حد آذاك بكلمه ؟؟

مسحت امه دموعها وبعدها تنهدت : حرام عليهم

ناظرها باستفهام وهو عاقد حواجبه

نزلت دمعه من خدها : ولا شي يمه تمم زواجك منها البنت طيوبه وعلى نياتها والابتسامه ما تفارق وجهها

وان شاء الله تسعدك

ناظر زياد امه وحس في شي تخبيه عنه بس ما حب يضغط عليها هز راسه وبعدها حرك السياره وهو يفكر ليه امه تبكي .........

**

**

**

**

**

**

**

**

**

رمت نفسها على السرير وهي خايفه حتى ما طلعت من غرفتها ومقفله الباب على نفسها

وحتى رفضت تتعشى اخذت نفس وخلاص راسها انفجر من كثر التفكير

ووصلت لقرار نهائي اكيد اي لحظه رح توصلها ورقه الطلاق

**

**

**

**

دخلت غرفتها بدلت ملابسها وبعدها بدقايق دخلوا بناتها عندها وطلبوا منها تخبرهم عن مشوارها

ناظرتهم بحزن ودموعها تلمع بعيونها : اه يمه لو شفتوها تكسر الخاطر ما تصدقون انها نفسها للي شفناها بالحفله هاذي طفله صغيرة تصدقون ما تفرقونها عن حفيدتهم بالصف الأول الابتدائي ما ادري كيف زوجوها

قاطعتها سوسن : بس بالحفله عادي شكلها !!!

طيب كيف استقبلتك ؟؟ وش كانت لابسه ؟؟

ردت أم زياد : اصلا ما تدري عن وجودي قاعده تلعب مع البزران وهم يلحقونها دخلت الغرفه وتفاجئت بوجودي لابسه بنطال وبلوزه ورابطه شعرها قرون

ضحكوا بناتها وهم مستغربات قرون

تنهدت الام : اقول لك ما تفرقينها عن البزران

سألت نوفه : طيب حلوه بدون مكياج ؟؟

ردت ام زياد : تبارك الرحمن مثل اللعبه وخدودها يجننون لونهم زهر وشعرها سبحان الخالق لونه يجنن ما ادري اذا مصبوغ او طبيعي

بس سبحان الله الزين ما يكمل البنت قصيره كثير وما تناسب زياد من ناحية الطول فرق كبير يعني للي يشوفها يظنها بنته مو زوجته

ردت بنتها سوسن : الطول لا تحزرين عليه يمكن تطول هذا عند ربنا

ام زياد : ان شاء الله ربنا يسمع منك والله انها تكسر الخاطر

تصدقون انها تعيش عند جدها

سألت نوفه : وابوها عايش صح ؟؟

ام زياد : ابوها وامها عايشين بس راميينها وتكفلها جدها والله احس قلبي متقطع عليها لو تشوفين عند رقبتها شفت لون احمر خفيف الظاهر انه مكان ضرب وبحرص انتبهوا لا تجيبون سيره لزياد مو ناقصنا مشاكل

حرصت ام زياد بناتها ما يخبرون زياد بشي وكملت لهم كلامها عن الزياره ......

**

**

**

**

**

**

**

**

صحيت ريم الصبح ونفسيتها زفت وعقلها مشغول

وهي تفكر

جهزت نفسها وقبل ما تطلع ناظرت نفسها ووجها شاحب

طنشت وما تناولت الفطور نفسها مسدوده ونزلت

الدرج بهدوء

كان سامر ونواف واقفين بالصاله الخارجيه طنشت ريم وجودهم ونزلت الدرج بهدوء وهي سرحانه بعقلها

مو عارفه وش تسوي اذا طلقها اكيد الجوز الثلاثي رح يشتفون فيها

وعمها فيصل وعضت على شفتها بقهر اكيد رح يشتفي ويجاكرها

امتلأت عيونها بالدموع خلص مو قادرة تستوعب فكرة الطلاق

مر على ملكتها شهر ونص وتطلق نفضت راسها بالرفض حتى تبعد هاذي الفكره من راسها

بس

نقزت على صراخ صقر رفعت نظرها وجدت حالها بعدها بنص الدرج واقفه

ناظرت صقر بغباء علامه يصرخ

تكلم صقر وهو عاقد حواجبه : انتي مخبوله لك 5 دقايق واقفه بنص الدرج واكلمك وانتي بعالم ثاني

ناظرته ريم وكان سامر ونواف واقفين جنبه وبعدها نزلت راسها ونزلت بهدوء وما تكلمت بحرف

ناظرها صقر باستغراب من الهدوء والسرحان والدموع للي بعيونها

مرت من جنبهم بهدوء وما تكلمت بحرف وكأنه كل هموم العالم فوق راسها

نواف يناظر صقر : علامها اليوم ساكته كل يوم تلاقيها صوتها يرج البيت بالازعاج

صقر وهو يبتسم : يمكن ناسيه رضاعتها

وبعدها طلع متوجه لسيارته حتى يوصل البنات للمدرسه قبل ما يروح دوامه

**

**

**

**

**

**

**

**

**

وصلت ريم لسيارة صقر كانوا البنات متجمعات عندها وقفت بعيد شوي عنهم كانوا يناظرونها ويتهامسون

طنشت نظراتهم وهمساتهم سمعت صوت صقر قريب منهم وهو يناظر البنات : ابعدن عن السياره لتخربوها والله ما ادري وش مستفيد منكن كأني سواق

سديم تناظره : واحلى سواق بالعالم

ناظرها صقر وهو يصغر عيونه : اضحكن علي بكم كلمه يالله يالله اركبن بدون كثرة حكي

توجه صقر وفتح بابه وقبل ما يدخل ناظر ريم للي كانت واقفه بعيد عن البنات ابتسم لها وهو حاسها حزينه وشي مشغل بالها : يالله شرفي والا ودك عزيمه يا اميره

دخلوا البنات بدون تعليق وبعدها تقدمت ريم بهدوء وما ردت على صقر

وركبت من الخلف وجنبها لينا

بعدها حرك صقر وطول الطريق يناظر ريم من المرايه ومحتار وش للي يخليها كئيبه كذا

طول الطريق وريم تناظر من الشباك وكأنه كل احزان العالم فوق راسها

وبعد مرور وقت وقف صقر ولف وجهه على البنات : يالله شرفن يا جواكر

روان فتحت عيونها : حنا جواكر ؟؟؟

صقر وهو يبتسم : ايه كلكم جواكر باستثناء القمر للي بالخلف زعلان

ناظروا البنات كانت ريم تناظر الشباك وعلامات الحزن على وجهها

ما عجبهم البنات الكلام ونزلوا وهم يتحلطمون

حركت ريم نفسها حتى تنزل وقبل ما تنزل مسك صقر يدها وبجديه : وش مضايقك ؟؟؟

ناظرته ريم ونزلت دمعه من عيونها مسحتها بيدها الثانيه وبعدها نفضت يدها من صقر وبصوت مبحوح : ولا شي

وبعدها نزلت بهدوء ودخلت المدرسة .....

استغرب صقر حالتها وش للي يخليها تبكي وصمم اليوم يعرف وش سبب بكائها

حرك السياره وبعدها توجه للمستشفى ......

**

**

**

**

**

**

دخلت المدرسة ببرود ما كانت مهتمه انها ما تعرف احد لانه عقلها كان مشغول بامور ثانيه

وبعدين هي تعودت هاذي المره الثالثه تدخل مدرسه جديده عليها لوحدها

ناظرت البنات في اختلاف كبير بين البنات في هاذي المدرسه ومدرستها القديمه من ناحيه المظهر

سألت احدى البنات عن الاداره وبعدها توجهت للاداره بثقه وما اهتمت لبنات عمها واخواتها للي تركوها ولا وحده ارشدتها

كان اغلب البنات يناظرنها لانها جديده بالمدرسة

دخلت الاداره بثقة وسألت عن صفها وخبرتها المديره تراجعهم علشان الاختبارات .....

كان يومها عادي بالمدرسة وما خلصت من لقافة البنات

بالفسحه كانت تمشي مع بنت من صفهم صاحبتها بس للحين ما تعرف الا اسمها

قاطعتهم بنت طويله ونحيفه وبشرتها ناعمه وباستفسار : انتي ريم بنت عم سديم

ناظرتها ريم باستغراب : ايوه

نوفه بابتسامة : يعني انتي خطيبة اخوي زياد

ريم لما سمعت اسم زياد حست الزمن وقف

استوعبت الموقف بعد ثواني وبعدها ردت ريم بغباء : مين زياد ؟؟؟

ضربتها نوفه على راسها بخفه : لا بالله عقلك ضارب البارحه امي كانت عندكم نسيتي

حكيت راسي باحراج : اه صحيح تذكرت

قاطعتني ليان صديقتي الجديده : لا لا ما اصدق انتي مخطوبه

تخصرت نوفه للبنت : يعني مو عاجبيتك خطيبه اخوي ؟؟

ليان بفشيله : لا مو قصدي ما شاء الله عليها بس بعدها صغيره

كانت ريم تناظر نوفه والافكار تجول بعقلها وهي تقول بعقلها معقول اخوها ارسلها علشان تخبرني بالطلاق

نوفه بابتسامة : البارحه امي مدحتك وتقول ما شاء الله سنعه ومو مثل الحفله كنت مغرورة

كانت ريم مو مصدقه مدحتني يعني ما قالت لابنها يطلقني اخذت ريم نفس بارتياح وبعدها ابتسمت : لا لا يوم الحفله انسيه كنت تعبانه ومتضايقه اصلا ما كنت اعرفكم

خلصت الفسحه

نوفه بابتسامة : يالله حصل خير اشوفك مره ثانية

وبعدها استأذنت وراحت

وانا تنفست براحه وحالي انقلب 360 درجه كان ودي اقوم وارقص واغني من الفرحه .......

**

**

**

**

**

**

**

**

في مكان بعيد

كان البيت كله حزن فبعد موت زوجها جون اضطرت ترحل للمدينه هي واطفالها الصغار

استأجرت بيت صغير جدا

وحتى تكسب قوت يومها اضطرت للبيع على عربه بعض الاكسسوارات واطفالها يبيعون الورود

يا ترى ما قصتهم وهل سيكون لهم تأثير بروايتي ؟؟؟

**

**

**

**

**

**

**

بعد انتهاء دوام المدرسه كنت مبسوطة على الاخير

وتأكدت انه زياد ما رح يطلقني

وبنات صفي الحمد لله نوعا ما طيوبات

طبعا طلعت قبل بنات عمي وتعمدت اوصل سياره صقر قبلهن

وصلت السياره قبلهم وفتحت الباب الامامي وجلست بثقه والابتسامة العربضه مرسومه على وجهي

ناظرني صقر وهو رافع حاجب : اشوف الصبح قالبه بوز والحين مبسوطه على الاخير سبحان من غير الاحوال

تنهدت براحه وانا اكش عليه : اسكت اسكت فلم رعب كنت عايشه من البارحه لليوم حتى الفسحه

الحمد لله اختفى الرعب

رد صقر وهو يتريق : طؤ طؤ طؤ هذا فلم رعب طلع

خبريني عنه هذا الفلم والاهم بطولة مين ؟؟؟

شافت ريم البنات قربوا من السياره : خلص انسى اهم شي انه راح الرعب والحين ارتحت تصدق بعدني على غداء البارحه

ناظرني وهو يقرص عيونه : كله بسبب الفيلم

قبل ما ارد عليه فتحت سديم الباب وبامر : يالله انزلي يا انسه هذا مكاني

ناظرتها بغرور : لما جلست ما شفت اسمك مكتوب عليه وبعدين انا جيت قبلك

سديم وهي تكتم غيضها : اقول لك انزلي

لفت ريم وجهها لصقر وناظرته بمعنى تكلم

تنهد صقر بقرف : وبعدين يعني ؟؟ خلص سديم ارجعي للخلف ومن يوم وطالع للي توصل اول هي للي تركب قدام

يالله خلصوني تراها واصله معي من الحر اففففففف

سكرت سديم الباب بقهر ورجعت للخلف وهي تتحلطم

اما ريم كانت مبسوطه على الاخير لانها قهرتها

سديم بقهر : هالقزم صاير يعنقر ويجلس من قدام اصلا للي ينظر للسياره من الامام يظن الكرسي فاضي ما يدري انه القزم جالسه عليه

لفيت وجهي عليها وانا احرك حواجبي : القزم للي مو عاجبك احلى منك بمليون مره يا جوكرررررر

اصلا احمدي ربك كل يوم انك خطبتي وما رضي جدي بالشوفه الشرعيه والا لو شافك عريس الغفلة

كان هج مسكين وصابته سكته قلبيه من وجهك للي يجيب الغث

سديم بقهر : اخرسي يالقزم وصاير لك لسان كمان

روان بكره : على الاقل سديم ابوها مربيها وضافها في بيته مو مثل بعض ناس ابوها راميها ومتبري منها الله لا يبلانا

حست بالغصه ريم من كلامها بس مستحيل تخليهم يتشفون فيها ناظرتها بغرور : وش الفايده اعيش مع اب ويطعمني ويسقيني بس ما يثق فيني لو ابوك واثق فيك ليه ما يشتري لك جوال

روان بقهر وعصبية : اخرسي يا حيوانه

صقر بصراخ : بسسسسسسس

وقسم بالله اذا سمعت نفس واحد الا تنزلوا كلكم من السياره مفهوم

سكت الكل وعم المكان الصمت .......

**

**

**

**

**

**

**

دخلت انا وسديم وروان البيت بس ما تكلمت معهن

توجهت لدرج الطابق الثاني

وحمدت الله اني ما شفت احد وخاصة عمي فيصل

مستحيل يشوفني الا يسمعني كم كلمه

دخلت غرفتي وقفلت الباب بالمفتاح ورميت الشيله على الارض والحقيبه

وتوجهت ابدل ملابسي واحط راسي وانام بدون غداء لاني ما نمت امس من كثر التفكير .......

**

**

**

**

بعد العصر كنت جالس على مكتبي ومن شهر ونص عقلي مشوش

رميت الكتاب للي على مكتبي على الارض بقهر ومو متخيل انها خلاص طارت مني وملكت على غيري

حطيت يديني على راسي وانا اكرر غبي غبي

ليه رفضت لما سألني جدي ليه رفضت

عضيت على شفتي بقهر كله بسبب غروري وكبريائي ما سمح لي

ما سمح لي غروري ارضى اخطب بنت يطلب جدي مني اني اتزوجها

كنت مخطط اني بنفسي اخطب ريم من جدي بس خلاص كل شي صار سراب

حلم الطفوله طار من صغري وانا اخطط اني اخطبها

اخخخخخ

شديت على يدي بقوه وانا مقهور من غروري وكبرياءي لي حطم حلم حياتي ..........

صحيت كانت الغرفه مظلمه فركت عيوني وانا اتثاوب

وقفت بكسل وانا اتمطل

بعدها فركت عيوني وانا اتثاوب

و بعدها شغلت انوار الغرفه وتوجهت للحمام غسلت وجهي ونشفته وبعدها طلعت وبدلت ملابسي

ولبست تنوره طويله وسيعه لونها اخضر زيتي وبلوزه اكمامها طويله لونها ابيض وفيها حركات بسيطه وسيعه شوي

اجى على بالي احط كحله

كحلت عيوني وبعدها حطيت الشيله على راسي ولبست صندل كعبه عالي وبعدها طلعت من غرفتي بعد ما القيت نظره اخيره على نفسي

توجهت للدرج وشفت الخدامة وسألتها وين جالسين وخبرتني بالصاله الخارجيه

نزلت ولما اقتربت من الصاله سمعت صوت

وحده تتكلم غريب شوي علي

ما ادري ليه قررت ارجع على غرفتي رجعت خطوتين بس المشكلة عمي فيصل لمحني

وبصوته للي يرفع الضغط عندي : ريم تعالي اشوف

كنت ودي اطنشه بس متأكده رح يعمل لي مشكلة

وهو بس ينتظر الزله علي

دخلت الصاله وانا ابتسم : نعم

عمي فيصل بأمر : تعالي سلمي على عمتك هيفاء

وبنات عمتك واعطاني نظره رفعت ضغطي

ناظرت مكان ما اشر شفت للي يسمونها عمتي اول ما شافتني لوت بوزها بقرف لا لا يا شيخه خلي عنك

بس اذا ما قهرتها ما اكون ريم

توجهت بدلع وانا ناويه مثل ما يعاملوني اعاملهم

مدت يدها والظاهر انها تنتظر ابوس راسها سلمت عليها برؤوس اصابع يدي

وسحبت يدي منها بقرف وانا رافعه حواجبي بغرور

وبعدها توجهت لبنات عمتي طبعا جالسات مع بنات عمي مالت عليهن كلهن

سلمت عليهم نفس الطريقه برؤوس اصابعي

وبعدها توجهت وجلست جنب ساميا بغرور ومسكت جوالي

وصرت اطقطق فيه مع انه مو مسجل فيه رقم جدي

كنت اسمع سوالفهم بدون ما اناظر احد

جدتي بفرح : الحمد لله واخيرا استقريتي هنا قريب مني

عمتي هيفاء : اقرفت الغربه يا شينها

ناظرت عمتي وهي تكلم جدتي

وبعدها ناظرت جوالي طفيته كانت القعده ممله جدا لويت بوزي وبعدها وقفت طلعت من الصاله وتوجهت للحديقه برا

كنت اتمشى بهدوء لفت سمعي اسم عبود التفت لمكان الصوت شفت اثنين وينادون على شخص اسمه عبود واخيرا عرفت شكل عبود

شفت عبود توجه لهم كنت افكر اروح لهم بس غيرت رأي لما شفتهم جايين لجهتي

وصلوا لعندي وردوا السلام علي

رديت بهدوء وانا ابتسم سبحان الله مين يصدق هالبزران صاروا كذا كبار وطويلين الا انا قصيره

سألتهم وانا ابتسم : اخباركم

ناظروها ورد عليها عبود : بخير اخبارك ؟؟

ابتسمت ريم وبفرحه : الحمد لله بخير

وبعدها ناظرت سامي وحموده : ما عرفتكم انتم الاثنين ؟

ضحك سامي : هههه لا تقولين ناسييتني وغمز لها

ابتسمت ريم ابتسامه جميله : لا لا مو كذا قصدي انكم كبرتم وما عدت اعرفكم

حموده : والله من حقك ما تعرفيني لاني تغيرت كثير وما شاء الله كل بنات الحاره ذبحتهم بجمالي

ابتسمت ريم : خلاص عرفتك انت حموده ابن عمتي هيفاء صح ؟؟

سامي وهو يتكتف : ليه عرفتيه وانا لا ؟؟ طيب ليه

قاطعته ريم وهي تضحك : ههه عرفتك يا ابو الطلبات ساااامي

عبود وهو يقرص عيونه : يا دبه اشوف سبقتيني بالدراسه !!!

حكت ريم راسها بغرور

سامي وهو يضرب عبود على راسه : ما حد قال لك تكون كسول

ضحكوا على شكل عبود المنحرج بس قاطعهم صوت تصفيق

ناظروا خلفهم وظهرت علامات الخوف على ملامح الشباب

اما ريم ناظرت وبنفسها يا ليل النشبه

فيصل يناظرهم وهو مو عاجبه ورافع حاجبه وهو يوزع نظره بين الاربعه : ما شاء الله وهز راسه ما شاء الله وبصراخ وش قله الادب هاذي

وبعدها ناظر ريم بحده : انت يا محترمه اشوفك واقفه وتضحكين وطاقه الميانه معهم وضرب يدينه ببعض ما في حياء ولا احتشام

ناظرته ريم وهي تتكتف وعافسه ملامحها : وش فيها كلمت اولاد عمي

فيصل بعصبية مسكها من كتفها وهو يشد على اسنانه : بنت لا تراددي وقسم بالله تندمين

ناظرته ريم وهي ترفع حاجب : بالله انا جاي على بالي اندم وش رح تعمل يعني ؟؟ نفسي اعرف ليه حاط ضدي ؟؟

نفض فيصل ريم من يده بقرف : الحين رح تعرفين وش رح اعمل بس اتصال بسيط

قاطعته ريم بلامبالاه : ودك تخبر جدي عادي اتصل وخبره

ضحك فيصل باستهزاء : ومين قال لك اني ودي اتصل بابوي مسكينه رح اتصل بعريس الغفله زياد واقول له خطيبتك جالسه ومع اولاد عمها وبدون عباية وببرود كمل وبعدها انتظري اذا ما وصلتك ورقة طلاقك من زياد

بهتت ملامح ريم وتذكرت يوم الشجار كيف عصب وطلب منها تغطي وجهها قدام اولاد عمها

كيف لو ييجي ويشوفها الحين بهذا المنظر ولا واقفه ونازله سوالف وضحك مع اولاد عمي

ناظرت عمها فيصل وبنظرات خوف : خلص عمي انا اسفه والله ما اكررها بس لا تقول له

ناظرها فيصل بقهر : الحين لما وصل الامر لزياد اسفه وما اكررها ومن قبل لسانك مترين يرادد

لكن بأحلامك ومسك الجوال وفتحه

اقتربت ريم ممه وبرجى : تكفى يا عمي تكفى لا تخبره

ابعدها فيصل بقسوه واخيرا لقى طريقة يقهرها فيها : ابعدي عني

رجعت ريم وقربت منه : تكفى يا عمي طلبتك لا تقول له بالله عليك لا تقول يا عمي

ناظرها فيصل وانصعق من الدموع للي في وجهها

ووجهها احمر من البكاء والكحله ساحت على وجهها

انقهر منها لهاذي الدرجه تخاف منه وهي ما شافته الا مره

وانا معطيتني طاف ولا تخاف مني و تراددني بقوه عين

عض على شفته بقهر

قاطعهم صقر للي وقف عندهم ناظرهم باستغراب : وش فيه ؟؟؟

جلست ريم على الارض وهي تشاهق وبعدها رفعت نظرها لصقر وبصوت متقطع من البكاء : ع ع م ي و ددد ه يي ق و ل ودخلت بنوبه بكاء

عقد صقر حواجبه وناظر الشباب : فهمومي وش السالفة ؟؟

عبود بتردد : ءءء عمي وده يتصل بزياد ويقول له انه ريم وسكت خايف عمه صقر يعصب عليه

صقر وضغطه بدأ يرتفع ما حد مفهمه السالفه وريم قطعت نفسها بكى خاف تكون السالفه كايده وبعصبيه : خلصني وش وده يقول ؟؟

فيصل ببرود ناظر صقر ومسك الجوال وهو يجري اتصال : الحين تدري وش رح اقول بعد ما اتصل وتسمع بإذنك وش رح اقول لزياد

ناظرت ريم عمها فيصل وهو يجري اتصال وبسرعه ركضت ومسكت يده للي حامل فيها الجوال : تكفى يا عمي تكفى لا تقول له

وبسرعة توجهت لصقر ومسكت يده : تكفى قول لعمي ما يتصل بزياد اخاف يطلقني تكفى يا عمي

سحب صقر الجوال من فيصل وبعصبيه : فهموني السالفه !!

ريم ودموعه على خدودها والكحل سايح : عمي فيصل وده يتصل بزياد ويقول له اني

اخذت ريم نفس

وبعدها رجعت ناظرت صقر يقول له اني كنت واقفه مع عبود وحموده وسامي واتكلم معهم واضحك واني مو لابسه عبايه

صقر بداخله يضحك على ريم عامله هاذي المناحه على هاذي السالفه وانا خايف ظنيت السالفه كايده تنهدت براحه وناظرتها ببرود : طيب واذا قال له وش فيها اولاد عمك واذا مو عاجبه الاستاذ زياد بعد ما يتزوجك يمنعك اما الحين ما له دخل بتصرفاتك

وناول الجوال لفيصل وغمز له بدون ما ريم تنتبه : خذ كلمه واعلى ما بخيله يركب

وقفت ريم وبسرعة ومسكت الجول وبصراخ : لا لا لا والله اذا سمع ليطلقني ويزعل مني وناظرته برجى تكفى يا عمي لا تخبره

صقر ناظرها ورفع حاجبه : دامك عارفه انه يزعل زياد ليه تكلمينهم وناظرها ينتظر الاجابه ؟؟؟

ريم اشرت على الشباب بتعب وخلاص طاقتها انتهت : هم للي وقفوا عندي وكلموني انا ما لي دخل

ناظر صقر الثلاثه وهم منحرجين وراسهم بالارض : ما شاء الله بصراحه ابدعتم من متى عنا الاولاد يكلمون البنات ويضحكون معهن وهز راسه بوعيد حسابكم بعد يومين لما يرجع ابوي يتفاهم معكم

عبود ووجه اصفر : الا جدي ما يدري والله ما كان قصدنا شي

خلص توبه والله ما نعيدها

قاطعه صقر وهو يؤشر بيده : انتهى الموضوع لكن وقسم بالله لو يتكرر

حموده براحه : والله ما يتكرر

وبعدها صقر ناظر ريم ومسك يدها بحنيه ومسح الكحل وبابتسامه : والله لو ييجي الحين زياد غير يهج من الخوف ويتخرع من شكلك

ضربته ريم على صدره بخفيف وبصوت مبحوح : اسكت

ناظرهم فيصل وهو يمسك الجوال : ومين قال لكم انه الموضوع انتهى انا الحين رح ارن على زياد

وبسرعه ريم ناظرت عمها فيصل وبعدها ناظرت صقر نظرت استعطاف بمعنى شوفه

تقدم صقر وحط يده على كتف فيصل وهو يغمز له : خلاص امسحها بوجهي يا ابو خالد

رجع فيصل الجوال لجيبه : بس علشانك يا اخوي امسحها لكن قسم بالله اذا بعض ناس لسانها الطويل ما قصته اني ما رح اسكت لها

واخلي زياد

قاطعته ريم بدون نفس : خلاص قلت لك اسفه

فيصل رفع حاجبه باستنكار : شفت شفت اسلوبها الخايس معي

ضحك صقر وضرب على كتف فيصل بخفيف : خلص امسحها بوجهي

وبعدها ناظر ريم : بسرعة قبل ما يغير فيصل رايه طيري من هنا

ناظرت ريم فيصل وبعدها اقتربت من صقر وبصوت هامس لصقر : انتبه عليه لا يتصل على زياد راقبه زين

رفع صقر نفسه وناظرها باطمئنان: خلاص لا تخافين بس روحي

لفت ريم نفسها تغادر بس تفاجئت بوجود كل الشباب قريب منهم انحرجت اكيد سمعوا المناحه للي عملتها صار وجها احمر من الفشيله وبسرعة غادرت المكان ......

*

*

*

اقترب صقر من عبود ومسكه من اذنه : وش كنت تتكلمون معها ؟؟

ناظرهم فيصل بعصبية : انتم ما تستحون على دمكم هاذي بنت عمكم من لحمكم ودمكم لو يدري نايف قسم بالله ليدفنكم الثلاثه مكانكم

واعطاهم نظرة تهديد اعتبروا هاذي المره قرصت اذن وقسم بالله مرة ثانيه لتندمون وبعدها اشر لصقر بحواجبه حتى يدخلون داخل

ترك صقر وفيصل الشباب وتوجهوا للداخل

فيصل بقهر : شفت شفت كيف تخاف منه !!

صقر يضحك : هههه اما حرام عليك انا متاكد نشف الدم بعروقها

فيصل وهو يضحك : هههههه اما نكته ما تدري ريم اصلا انه رقم زياد مو معي ههههههه حبيت العب بأعصابها

صقر بابتسامة : انت مو لعبت باعصابها انت حرقت اعصابها وبالاخير رقم زياد مو معك لو تدري ريم كان اكلتك بأسنانها ......

*

*

*

*

*

*

*

مرت ريم من الصاله الخارجيه وهي معصبه عالاخير

سمعت صوت عمتها هيفاء : تعالي يا بنت ساره

ريم بصراخ : اذا عندك كلام خليه بحلقك فاهمه

وبعدها توجهت ركض على غرفتها

وقفلت الباب بالمفتاح ورمت نفسها على السرير وهي تبكي لو درى زياد اكيد رح يزعل ويطلقها

وقفة

سبحان الله كثير نشاهد هاذي المواقف بحياتنا نخاف من الناس وما نخاف من رب الناس

كثير اشوف بنات متزوجات او مخطوبات ازواجهن عندهم غيره ولازم يطلعون بلبس ساتر اشوفهن بحضور ازواجهن متسترات وبغياب زوجهن عادي ما يهتمن ولما تقولين لها تقول لك اهم شي فلان ما يدري

طيب ورب العالمين المطلع علينا بالكبيره والصغيره

عادي يشوفك ويغضب عليك ؟؟؟!!

هاذي مشكلتنا نخاف زعل الناس واعز الناس علينا يزعلون علينا

اما رب العالمين هل حسبنا حساب انه بأفعالنا المخالفه لاوامره رح يغضب علينا ؟؟!!!

**

**

**

**

**

**

هيفاء وجها احمر من الفشيله وحمدت ربها ما في احد الا حريم اخوانها والبنات

ناظرت امها بقهر : شفتي يمه وش قالت لي

عجبك بنت ساره وش قالت لي ؟؟

الجده ببرود : قلتي بعظمة لسانك بنت ساره وش ترتجين منها

ام خالد تزيد الحطب : لا والله يا خالتي ما يصير هذا الكلام وكانها هيفاء شغاله عندها تصرخ بوجهها

ام سليمان تؤيد ام خالد : والله انك صادقه في شي اسمه احترام الكبير

هيفاء صار وجهها احمر من العصبيه

دخل فيصل وصقر وهم يضحكون تفاجئوا بملامح هيفاء

صقر وبعدها الابتسامه مرسومه على ملامحه : وش فيها اختي العود زعلانه

هيفاء ووجهها محتقن من العصبيه : الكلبه للي فوق تصرخ بوجهي كأني بزر قدامها

ناظر صقر فيصل وضحك : ههههههه بالله لا تلومينها ههههههه كويس انها هدمت البيت عليكم ههههههه

فيصل بجديه : فتحتي مع ابو محمد الموضوع ؟؟؟

هدت ملامح هيفاء شوي : والله فتحت الموضوع وقال ما عنده اعتراض اذا البنت موافقه خلاص على بركة الله

ناظر فيصل سميه بجديه : وان شاء الله استخرتي يا بنتي

سميه باحراج وهي تناظر الارض

الجده تناظر فيصل : لا تحرج البنت تظنها ريم ؟؟

تنهد فيصل : ريم ما في مثلها نسخه انا اعرف البنت تستحي مو توقف بوجهنا وتطالب تجلس معه كمان

سميه تساسر سديم : ما اقل حياها هالريم كيف تطالب بكذا والله فشيله

سديم بكره : قلت لك هاذي البنت ما تستحي

سميه بصوت هامس : بس الصراحه جميله كيف اولاد خالي ما خطبوها وطلعت غريبه انا مستغربه

سديم ما عجبها المدح : مالت عليها هالشيفه

سكتت سمية وبداخلها تقول والله ما حد شيفه غيرنا بجنبها

**

**

**

**

**

**

**

جلسوا الشباب بالحديقه وسليمان يتكلم بحده : انتم كيف تسمحون لنفسكم تكلمونها

سامي لوى بوزه : يا ليل ابو لمبه تراكم

قاطعه سليمان بقهر : انت بالذات انطم يالبزر فاهم انا اتكلم مع عبود وحموده

سامر : قسم بالله تقهر لهاذي الدرجه تخاف من زياد وتحسب له حساب

بدر بقهر : مالت عليها هالحيوانه ما ادري ليه متعلقه فيه كذا

ريان ببرود كالعاده : خطيبها اكيد رح تحسب له حساب وما ودها تزعله

بدر بقهر يؤشر على ريان : سكت دهرا ونطق كفرا

وقف ريان ببرود : متخلف

وبعدها غادر المكان بهدوء

وقف بدر يلحقه مسكه سليمان : علامك هذا اخوك كانك ما تعرفه وما تعرف بروده

تعوذ بدر من الشيطان وجلس مكانه ............

**

**

**

**

**

في صباح اليوم الثاني نزلت ريم بعجله حتى تسبق سديم والشله عند السياره

طلعت وتوجهت للسياره بس حست بالقهر لما شافت البنات عند السياره بس اعدادهم زايده

صارت تمشي شوي شوي وبدلع

وقفت بعيد عنهم شوي

وهي معطيتهم طاف والبنات يناظرنها ويتهامسن

وبعد دقايق وصل صقر وتكتف وناظر البنات : وش هذا انا حاسه حالي باص مدرسه

فتح باب السياره ودخلن البنات

صقر بقهر : اطلعوا انا كذا سيارتي ما تستحمل

روان من داخل السياره : عمي ريم ما لها مكان

صقر بعصبية : لا ريم ولا انتي رح تركبون سيارتي يالله كل البنات انزلوا

كل واحد يوخذ بنته على المدرسه يالله انزلوا

سديم برجى : يا عمي مشيها بس اليوم الحين ننتأخر على الدوام

طنشها صقر واتصل على فيصل ونايف وابو سليمان وابو محمد

وطلب منهم يوصلون بناتهم واعتذر منهم

وبعدها ناظر بنات هيفاء: يالله ابوكم ينتظركم باب البيت

نزلوا البنات وهم يتحلطمون

وصل نواف ومعه نوف وطيف بضيق : يعني يا صقر ضروري تنكد علي من الصبح يالله تفضلوا

توجهت روان وسديم ونوف وطيف مع نواف للسياره

وبعد دقايق ضرب هرن سليمان عند البوابه الرئيسية توجهت رغد ومي للسياره

وبعده مباشره وصل نايف طلعت سلمى ولينا لسياره نايف

وناظرت ريم صقر انتظرت منه يطلب منها تبقى بس ما تكلم

توجهت بهدوء لسياره نايف بس قبل ما توصل حرك نايف السياره وغادر المكان

وقفت ريم تناظر زول السياره بلعت غصتها ولفت ادراجها لداخل البوابه كان صقر جالس بالسياره ضرب هرن لها صقر بس طنشته وتذكرت لما طردها صقر من سيارته وين كرامتها كيف نسيت وركبت معه

شدت على قبضه يدها بقهر وين كرامتها لما ركبت معه

وعضت على شفايفها بقهر

طلع صقر من سيارته : ريم تعالي انا اوصلك

طنشته ريم وركضت للداخل دون ما تلتفت له

دخلت غرفتها وقفلت الباب بالمفتاح ومسحت دمعه

ما رح ابكي

وتوجهت للسرير وطلعت الجوال من تحت المخده وجلست على السرير

واخذت نفس ورنت على جدها كم رنه وفصلت

وبعد دقيقة رن عليها فتحت خط الو .........الحمد لله بخير ..........انت ودك اياني اروح عالمدرسه مشي ..........يعني ترضاها يطردني صقر من سيارته .......طردني وكل البنات راحوا مع اهلهن ..........اقول لك كل بنات عمي حتى اخواتي وبنات عمتي ......... ليه .......انا اجاوبك لانه ما لي اهل ........لا تدافع لو كان لي اهل كان ما رجعت لغرفتي ما في حد يوصلني .......مستحيل ارجع اركب معه ........اقول لك لو تقطعني ما اروح معه .........طردني مرتين من سيارته ما رح ارجع ........حلفت يمين ما اركب سيارته ........ما رح اكفر عن يميني ...........الحل خلص اروح مع السواق والخدامه ..........بعدت ريم السماعه عن اذنها من صراخ جدها ............طيب يالله اعطيني الحل ........نايف تركني واخذ بناته وما رضي يركبني ........

طيب انتظرك .........سلام

**

**

**

**

**

**

رن جوال صقر ناظر الاسم واستغرب رد وبهدوء الو ..............علامك يبه معصب ............انا باب الييت .............انا ما طردتها لوحدها طردت البنات كلهن ............ابعد صقر الجوال عن اذنه من صراخ ابوه وبعد ما خلص الجد بهدلته لصقر ومسح فيه الارض قفل الجد الخط بوجه .......

**

**

**

**

رن جوال ريم ردت بهدوء : الو

الجد بهدوء : اسمعي هذا عمك فيصل ينتظرك حتى يوصلك

ردت ريم باعتراض : لا لا مستحيل اركب مع عمي فيصل

صرخ الجد : بسسسسسس وبعدين معك صقر ونايف ما ودك تركبين معه وابو سليمان مو فاضي وسلطان مو موجود ها قولي لي مع مين ان شاء الله ناويه تروحين ؟؟؟

نسيت ريم نفسها وبزلت لسان وبدلع : مع زياد

صرخ جدها بعصبيه : ريم بلاها قله الحياء هاذي وبسرعة انزلي عمك ينتظرك بس اتحملي يومين ولما ارجع انا بنفسي اوصلك كل يوم للمدرسه اتفقنا

ردت ريم بقهر : اتفقنا

الجد بهدوء : يالله بالسلامه يا بنتي

ريم : الله يسلمك وقفلت الخط وعي تتأفف ما لقى غير فيصلووووووه

وقفت ونزلت وانا امشي بشويش حتى اتاخر عليه

وصلت قريب من السياره ناظرني عمي فيصل بقهر : خلصيني تمشين على بيض وخايفه ينكسر

ما رديت عليه ومشيت من جنب عمي صقر ومسكني من ذراعي وهو معصب : يا فتانه وش قلتي لابوي ؟؟

اخفيت ابتسامتي وعرفت من ملامحه انه جدي مسح فيه الارض ما رديت عليه وتظاهرت اني زعلانه عليه

لما شافني مبوزه ارتخت ملامحه والظاهر انه حاس بالندم بس يتظاهر بالعصبيه كان وده يتكلم بس قطع عليه فيصل معصب : خلصوني

تركته ريم وجلست من الامام ساكته ناظرها فيصل بعد ما حرك : انا بناتي مو فاضي اوصلهم للمدرسه وش دخلني حتى اوصلك

ناظرته ريم وهي تصغر عيونها : سبحان الله بكل صغيرة وكبيره تخصني تتدخل فيها وضربتني وكل يوم تسمعني كلام يسم البدن عادي انت عمي ولك حق تتدخل

اما توصلني على المدرسه ما لك دخل على طول تنسحب

ناظرها فيصل وكأنها كبت عليه مويه بارده كلامها صحيح : انا نفسي اعرف لسانك هذا الطويل كم متر ؟؟

ردت عليه ريم بابتسامه : طول لسان اختك هيفاء وبنتك روان

فيصل بعصبيه يقاطعها : تخسين صحيح روان لسانها طويل بس قدام اعمامها والاكبر منها تسكت وما تتكلم اما انتي اعوذ بالله

ناظرته ريم وبجديه : عمي ليه ما في اغاني بسيارتك ؟؟ علشانك شايب ما تحط اغاني ؟؟ بس مو شرط خالي محمد شايب بس كل سيارته اغاني !!

فيصل انقهر : شايب بعينك يا حيوانه اذا خالك شايب انا بعز شبابي واعطاها نظره

ريم بعدم تصديق : بعز شبابك واحفادك طولك ؟؟!!

ناظرها وده ياكلها كيف ترادده : لانك غبيه انا تزوجت بعمر صغير قبل عمك سلمان

ريم بضحكه : هههههه شايف يا عمي طالعه لك بالزواج المبكر هههههه

فيصل يضربها بخفيف على راسها : ما الومك يا قليله الحيا دام اخوالك عيله ابو سعد انزلي انزلي وصلنا

نزلت ريم وقبل ما تصك الباب ناظرت عمها بجديه : على الاقل اخوالي احسن منكم ولا مره واحد فيهم مد يده علي وصار يفرد عضلاته وسكرت الباب بقوه ودخلت المدرسة

وتركت خلفها بركان ثائر يتحلف لها ......

**

**

**

**

**

**

**

انتشر بالمدرسه خبر انه زياد اخو نوفه خاطب ريم وما خلصت ريم من لقافة البنات

بالفسحه جالسه ريم مع ليان والبنات يناظرونها البعض بحقد والبعض بانبهار

مروا بنات من جنبها ناظروها بحقد وتهامسن بصوت وصل لسمع ريم : كيف زياد يخطب هاذي القزم

ريم صارت عندها عقده من كلمة قزم طنشت البنات ورجعت تسولف مع ليان

اشرت ريم لليان بعيونها : شايفه الشله هذيك ؟؟

ناظرت ليان مكان ما اشرت ريم : ايه

ريم بابتسامة الم : هذول بنات عمي واختي وبنات عمتي

ليان باستغراب : ليه تناظرون بعض كذا بحقد

هزت ريم اكتافها بمعنى ما ادري

قاطعتهم زميلتهم اسمها فاطمه جلست معهم وغيروا الموضوع وصاروا يتكلمون عن الدراسه ......

**

**

**

**

**

**

**

مرت ايام ريم خلال الاسبوع عاديه بالمدرسة تعرفت على صديقات جديدات

وما كانت تختلط ببنات عمها نهائيا

عمها فيصل كل اليوم يوصلها للمدرسه لوحدها للي خلى سديم وروان ينقهرون لانه ابوهم ولا مره وصلهم للمدرسه ......

صقر حاول يراضي ريم ويتحركش فيها بس ريم اعطته طاف

عبود وسامي وحموده بعد الموقف ما عادوا يكلمون ريم خافوا عمهم يخبر جدهم لما يرجع من السفر

الشباب كل واحد له مخطط وافكار يرسمها لحياته تختلف عن الثاني

الجوز الثلاثي بحضور هيفاء يتضددون لريم بزياده لذلك صارت ريم تقل نزلاتها تحت تمضي وقتها على النت

ولما ما تنزل كل شوي ترسل الجده وام خالد حد ينادي ريم

سديم منشغله مع سليمان وتكلمه بالسر بدون علم اهلها لانه فيصل عنده ممنوع

سميه وافقت على نواف بس تنتظر قدوم الجد حتى يملكون

نايف خلال هذا الاسبوع هادي ويمضي وقته بالمستشفى

**

**

**

**

**

**

**

لمحه بسيطه عن سميه : بنت هيفاء عمرها 23 سنه متخرجه لغة عربية طولها 165 حنطيه عيونها وسط انفها صغير فمها وسط وجها وسيع دائري لها غماز بخدها الايسر شعرها لحد كتوفها ناعم لونه اسود

جسمها نحيف

**

**

**

**

**

**

جالسه مع جدتها وتسولف معها ومندمجه بالسالفه

قاطعتها ام خالد : طيب وش عرفها البنت انها جارتهم اشترت الماس

ريم وهي تكش عليها : اقول لك البنت هاذي بحفله اخوها تقول جات جارتهم ولابسه خاتم وحلق الماس وتتفشخر فيهم

ام خالد بتذكر : ايه ايه صح تذكرت طيب وبعدين الشرطه وش عملت ؟؟؟

ريم ببرود : ولا شي لانه ما في دليل

وقفت ساميا وناظرت الجده : هاذي الحرمه مو قليله سمعت عنها من قبل

يالله استأذن يالله يمداني اجهز الغداء

الجده : خليك وتغدو هنا

ساميا : لا لا يا خالتي مره ثانيه وبعدها ناظرت ريم : تعالي تغدي عنا

استغربت ريم وبحرج : لا شكرا مره ثانيه

ساميا بإصرار : تراك هنا تقريبا شهرين ما دخلتي بيتنا

حالفه يمين ؟؟؟

ريم : لا يا خالتي مو لشي بس وفركت اصابعها بتوتر

الجده تناظر ريم : قومي قومي لا تفشلين الحرمه هذا بيت ابوك مهما عمل يبقى ابوك وله حق عليك

احتارت ريم تروح او لا وبالاخير قررت تروح لبست عباتها وتوجهت مع ساميا باحراج وخايفه نايف يطردها ..........

**

**

**

**

**

دخلت بيت ابوها وساميا ترحب فيها ناظرت البيت فيه تغيرات لون الجدران الكنب السجاد الستائر تغيرت

بس حوض السمك بعده موجود وهاذي الفازا موجودة وفيه بعض مناظر جديده

جلست ريم بالصاله باحراج ناظرتها ساميا : لا تستحين هذا بيتك تراه

حست ريم بالحزن سبحان الله بيت ابوها وتستحي تدخله

نادت ساميا البنات بما انه اليوم عطله نزلوا وتفاجئوا بوجود ريم

طلبت ساميا منهم يسلمون على ريم واعطتهم نظره تهديد

سلمت ريم على البنات وجلست بهدوء

لينا بلقافه : غريبه ريم عندنا

ناظرتها امها بتهديد : ليه غريبه هذا بيتها مثل ما هو بيتكم

التزموا البنات الصمت وبعد دقايق راحت ساميا على المطبخ تشرف على الاكل

استغلت سلمى ولينا الوقت وصعدن فوق

تنهدت ريم وهي تناظر اخواتها يصدن عنها بدون ذنب وبعدها دخل سيف وهو يلعب

ناظرته ريم بابتسامة رد لها الابتسامه : كيفك ريم ؟؟

ريم بصوت ناعم : الحمد لله

سيف يمثل الزعل : انا زعلان عليك !!

ابتسمت ريم على اسلوبه : ليه زعلان مني ؟؟

سيف بطفوله : تلعبين مع الاولاد اما انا لا

ريم بابتسامة : انت ما اشوفك كثير اما احمد ومصعب دايما عند غرفتي يجون اما انت ما تيجي

سيف بغرور : تعرفين ما احب العب مع البنات لاني كبير

ضحكت ريم على اسلوبه فعلا انه بزر

سيف بجديه : سمعت انك شاطره بالمدرسه ليه ما تساعديني بحل واجباتي

ريم بهدوء : ليه ما تعتمد على نفسك ؟؟

عفس سيف ملامحه : الدراسه صعبه وما افهمها ما ادري من وين الاسئله

ريم بمزح : من المريخ

سيف يصدق كلامها : طيب ما في الا المريخ يجيبون من عندهم اسئله

دخلت ساميا الصاله وتفاجئت انه البنات مو موجودات وظهر عليها الضيق بس ما تكلمت

وقفت ريم وطلبت تساعدها بترتيب الاكل على السفره اعترضت لكن ريم اصرت عليها

كانت ريم ترتب الاكل على السفره وسمعت صوت السلام

رفعت ريم راسها وشافت نايف ردت السلام بهمس واشغلت نفسها بالترتيب .......

**

**

**

**

**

جلس نايف على الكرسي بهدوء وهو يناظر ريم ترتب الاكل

دخلت ساميا بابتسامة : يعطيك العافيه

نايف بهدوء: الله يعافيك

تجمع الكل على طاوله السفره وجلست ريم معهم جنب سيف كانت تاكل وخدودها حمر منحرجه

ناظرها نايف وهو في باله موال مستحيل يتخلى عنه كان الصمت يعم المكان

كملت ريم اكل مع انها ما اكلت كثير

وقفها صوت نايف للي وقف عن الاكل وبأمر : ريم الحقيني

ترددت ريم تلحقه بس تشجعت وهي تناظر ساميا واخوانها انرسمت على وجوهم علامات الاستغراب ............

**

**

**

**

**

**

***

**

**

جالسين بالصاله الخارجيه بعد الغداء

صقر باستغراب : ريم وافقت تروح على بيت نايف والله غريبه

الجده وهي تمسك السبحه : بالبدايه اعترضت بس ساميا اصرت عليها

فيصل : فيها الخير ساميا

نواف : يبه اي ساعه جدي يوصل

فيصل : بعد العصر ان شاء الله يكون هنا

سديم : وخالد اخوي ما رح يرجع معه

فيصل بقهر : هذا اخوك رح يقهرني ما ادري وش يعجبه بالغربه تارك اولاده هنا وهو هناك مستانس

صقر بضحكه : اخاف تزوج مرة ثانية من هالشقر

فيصل يعقد حواجبه : كل شي جايز ما استبعد عنه

**

**

**

**

**

**

**

كل البنات بالمدرسة يسولفون عن خطيبتك

ناظرها وهو يمسك العصير بيده ورافع حاجب : وش يقولون عنها

نوفه وهي تحرك حواجبها : ما رح اقول لك

وبسرعة ركضت فوق قبل ما يمسكها بتحقيق

تنهد وهو مو عاجبه هذا الحال حفله ملكه ممنوع شوفه شرعيه ممنوع اكلمها بالجوال ممنوع اجلس معها ممنوع اطلع معها ممنوع

افففففف زودها هالشايب انا لازم اكلم ابوي يكلم جدها ويحلحلها شوي على الاقل البنت تعرف طبيعتي وش الاشياء للي تعجبني والاشياء للي ما تعجبني حتى ما نختلف بعد الزواج

اففففف بعد سنتين وقت طويل ضحكت على نفسي. انا كنت رافض فكره الزواج وعامل كذا

ما اقول غير الله يعيني على طلبات هالشايب

**

**

**

**

**

**

**

**

كان الكل مجتمع بالمجلس وينتظرون لحظه وصول الجد

على الرغم من قسوته وشدته الا انه الكل يحبه

دخل الجد بابتسامة وسلم على الجميع وبعدها حمل طيف وهو يبوس فيها على خدها

وتفاجئ الجميع بدخول خالد سلم الجميع عليه بحراره وام خالد والجده يبكون من الفرح

وبعد السلام عن الحال والاحوال كان جالس خالد وحاط طيف بحضنه ويبوسها من شده الفرحه وزوجته جالسه مع الحريم ومتغطيه كامل مو ظاهر شي منها

ناظر الجد الموجودين وبهدوء سأل الجده : وين ريم ؟؟ ليه ما جت تسلم علي ؟؟

بلعت الجده ريقها وخايفه من المشاكل ناظرت نايف بتردد وسكتت

الجد بحزم : انا اسال وين ريم ما تسمعون ؟؟

نايف ببرود : ريم في بيتي

الجد رفع حاجب بحده : وش تعمل ببيتك اتوقع هذا بيتها روح جيبها الحين

وقف نايف وهو يكتم غيضه : يبه رجاء البنت بنتي ما يطلع لك تاخذها مني

الجد مو عاجبه الكلام : انا حلفت يمين ما تطلع من بيتي الا لبيت زوجها

نايف ما لقى غير هذا الحل : بالطلاق من ام سيف ما تعيش ريم غير عندي لحتى تتزوج

وقف الجد بعصبية : انتم ما عندكم غير بالطلاق بالطلاق

وقف ابو سليمان : يبه هدي وكل شي بالتفاهم خلص انت كفر عن يمينك يبه وخلي البنت تعيش عند ابوها

الجد بعصبية وبحزم وبدون تراجع بقراره: ما علي منه يطلق يزوج ما لي دخل ريم ترجع هنا الحين وبصراخ بسرعة تيجي الحين

الجد مو عاجبه الكلام : انا حلفت يمين ما تطلع من بيتي الا لبيت زوجها

نايف ما لقى غير هذا الحل : بالطلاق من ام سيف ما تعيش ريم غير عندي لحتى تتزوج

وقف الجد بعصبية : انتم ما عندكم غير بالطلاق بالطلاق

وقف ابو سليمان : يبه هدي وكل شي بالتفاهم خلص انت يبه كفر عن يمينك وخلي البنت تعيش عند ابوها

الجد بعصبية وبحزم وبدون تراجع بقراره: ما علي منه يطلق يزوج ما لي دخل ريم ترجع هنا الحين وبصراخ بسرعة تيجي الحين

فيصل وقف : يا جماعة الخير صلوا على النبي وما يصير الا خير

واشر للبنات يطلعون من المجلس

ردد الموجودين بصوت هامس « اللهم صل على سيدنا محمد »

الجد خفف عصبيته شوي : انا قلت ترجع ريم الحين يعني الحين

ناظر نايف وهو يكتم عصبيته : يبه الله يخليك البنت عندي خلاص ما تعمل مشاكل

الجد بصراخ : قصدك اني انا اعمل مشاكل واشر على نفسه

تقدم نايف من ابوه وباسه على راسه : محشوم يبه

ابعد الجد نايف عنه بقهر وبأمر : روح جيبها الحين

الجده وهي جالسه وتناظرهم بخوف : بس نايف نقل كل اغراضها لبيته

التفت الجد بعصبية : انا هنا بالبيت كرسي والا طاوله ما ادري عن شي وما حد يستشيرني بشي

وبحده اشر على نايف من سمح لك تاخذها وبصراخ جاوبني

اقترب خالد من جده : يا جدي لا تتعب نفسك صحتك اهم من الكل وكل شي ينحل بالتفاهم

ابعد الجد خالد عنه بهدوء وطلع جواله وفتحه وضغط على احد الاسماء

الكل كان يراقب ومو عارفين يتصل بمين بس تفاجئ انه الجوال مغلق

ناظر نايف والشرار يتطاير من عيونه : ساحب منها الجوال ؟؟

نايف بهدوء : اظن انها صغيره عالجوال ومو ضروري يكون معه و..

قاطعه الجد بصراخ : اخرس مو انت تقرر ضروري والا مو ضروري

تفاجئ وانقهر نايف انه ابوه يهينه قدام الجميع

ناظر الجد فيصل وبأمر الحين تيجيني ريم ومعها كل اغراضها

فيصل باعتراض : يبه والطلاق ؟؟؟

الجد بلامبالاه : بحريقه هو وطلاقه علشان ثاني مره يحلف بالطلاق وبامر والتعب ظاهر بصوته بسرعة رجعوها هنا

تقدمت ساميا ببكاء من الجد : تكفى يا عمي تكفى خليها عنا لوقت زواجها تكفى يا عمي لا يطلقني وببكاء تكفى

نايف بعصبيه : ساميا

خالد ببرود : متى زواج البنت ؟؟؟

فيصل وهو يتنهد : بعد ما تخلص الثانوية

خالد رفع حاجب : يعني كم بقى حتى تكمل الثانويه ؟؟

الجده بتعب وهي تشوف زوجها وابنها حالهم كذا : بعد سنتين وحطت يدها على صدرها حسبي الله على ساره وبنتها ما جانا من وراهم غير وجع الراس

خالد ببرود : طيب الحل خلي زواجها قريب وتنتهي المشكله

صقر بعصبية : سكت دهرا ونطق كفرا البنت صغيره وبعدين كيف نتصل فيهم تعالوا تزوجوا البنت وحنا شرطنا عليهم الزواج بعد سنتين

الحين رح يقولون اكيد فيها بلاء علشان قربوا موعد الزواج

خالد ببرود وبابتسامه بارده : احترمني تراني اكبر منك

اعطاه صقر نظره هم على اعصابهم وهو ببرود يتكلم

مسك الجد الجوال مره ثانية واتصل برقم بعد دقايق جاه الرد

السلام عليكم .........كيفك ............الحمد لله كلنا بخير ...........لا والله كنت ودي افتح معك موضوع ...............ما في غير كل خير ان شاء الله ............كنت ودي اجلس معك بس ما عندي وقت واليوم راجع من السفر .............الله يسلمك ...........ما يأمر عليك ظالم ابغى العرس يكون بعد اسبوعين ...........ادري اني فاجئتك .............اعتبر كل التجهيزات على حسابي والحجوزات ................ادري انك ما تقصر بس انا ودي اخليها هديه البنت للعرس .............لا لا بعد شهر كثير مثل ما قلت لك اسبوعين وانا ادبر الحجوزات بنفسي .............خلاص اتفقنا .........مشكور يا زياد ..........مع السلامه

ناظر الجميع الجد بوجه مبهوت وانصعقوا

ناظر ابو سليمان الهادي ابوه بقهر : يبه انت وش عملت يبه ودك يقول اكيد البنت فيها بلاء والا ما رماها كذا علينا وضرب على جبهته بقهر وجلس وكل الهموم فوق راسه

سليمان بعصبية : يخسى يتزوجها والله على جثتي ما يتزوجها

الجد ببرود جلس مكانه : اعلى ما بخيلك اركب

طلع سليمان من المجلس وهو يتوعد وبعدها لحقه نواف وقبل ما يطلع ناظر جده : اذا ودك تفقدنا ويتنفذ حكم القصاص علينا زوجها لزياد

جلس خالد ببرود : انت عقلك يا نواف والغبي للي قبلك من ايش ؟؟ وش دخلك زياد زوجها وبأي وقت له حق يوخذها انتم ما لكم علاقه

نواف ناظر اخوه الكبير وطلع بدون ما يرد عليه

فيصل بقهر من ابوه جلس بدون كلمه لانه ما يضمن يضبط اعصابه

نايف كان واقف ويناظر للبعيد الافكار متضاربه بعقله مو مستوعب انه ابوه عمل كذا

ناظر ابوه بقهر وبوعيد : وقسم بالله لاحرق قلبك عليها

وطلع من المجلس مستعجل

وقف الجد وبخوف : ام سيف وين ريم ؟؟؟

ام سيف من بين بكاءها بغرفه مقفل عليها الباب

بسرعة طلع الجد خلف نايف وهو قلبه قارصه خايف من عصبية نايف لانه اذا عصب ما يعرف للي قدامه

كان يمشي بسرعه وهو يردد اللهم اني اسألك رد القضاء

طلع من المجلس خلف االجد ابو سليمان وفيصل وصقر وخالد والشباب بهلع وخوف من تهديد نايف .......

**

**

*

**

***

***

**

الجده وقفت بتعب وقلبها يتراقص من الخوف و من بين دموعها : ابني واعرفه اذا عصب ما يعرف ابوه من اخوه

حطت يدها على صدرها الله لا يوفقك يا ساره انت وبنتك للي من وراها رح يقضي ابني حياته بالسجن

يا رب لطفك يا رب هالمجنون ما ادري وش رح يعمل بالبنت يا رب لطفك يا رب

جلست على الارض رجلينها مو قادره تشيلها من الخوف خايفه على ضناها يرتكب جريمه

تعرف نايف اكثر واحد باولادها عصبي وعند كلمته

ساميا وهي تشاهق : انا ال غ بي ه ل يه نا دي ته ا

وعضت على شفايفها بندم

ام خالد تهدي الوضع وهي تفرك يدينها : يا خالتي اهدي ان شاء ما يصير الا الخير

الجده وهي جالسه وتناظر ام خالد وتهز راسها : اي خير وبنت الحيه بيننا اي خييييييير

ام سليمان رايحه جايه متوتره وخايفه

دخلوا الينات لما سمعوا السالفه و بكاء الحريم

كانوا يناظرون بصمت لانه الموقف ما يتحمل كلام زايد .........

بعد مرور وقت وسديم ترن على اخوها نواف بس ما يرد

امها بخوف : شوفي عمك صقر تأخروا

رنت سديم ويدينها ترجف من الخوف رن حتى فصل ما حد يرد

ناظرت امها وهي تعاود الاتصال واشرت بحواجبها

انه ما رد

فجأة دخل مصعب ومعاه احمد وهم يركضون

احمد : يمه يمه ريم

دفشه مصعب : انا رح اقول

احمد يمسك مصعب من كتفه : لا انا رح اقول

صرخت الجده واعصابها تالفه : بس بس لا بارك الله فيكم قطعتوا قلبي وش صار

دخلت نوف وهي متحمسه ومعاها الاخبار : يمه يمه

ريم ما لقوها بغرفتها وعمي نايف ما لحقوه طلع بسيارته مسرع

وجدي كان يصرخ ويقول رنوا على نايف بس كانوا يقولون مغلق تلفونه

الجده بانهيار : خلص اسكتي اسكتي لا بارك الله فيك

وبنحيب خلاص ابني راح ابني راح يا ويلي عليه بعز شبابه يقضي عمره بالسجن حسبي الله عليك يا ساره حسبي الله عليها

ساميا لما سمعت بالخبر صارت تبكي بصوت عالي

يا ليته طلقني ولا قتلها يا ليته طلقني ولا قتلها خلاص يا خالتي نايف طار

جلست ام خالد وام سليمان يهدون الوضع

وسلمى ولينا يبكون والخوف دب بقلوب الموجودين الا وحده جالسه تناظرهم باستغراب ومو فاهمه شي عليهم الا بكاء وصراخ

**

**

**

**

**

**

**

دخلوا الرجال المجلس ووجههم ما يبشر بالخير

جلس الجد وتنهد بتعب ونفسه ضاق : لا حول ولا قوة الا بالله

ابو سليمان يهدي ابوه : وكلها لله وان شاء الله خير والحين بإذن الله نلاقيه

الجد حط راسه بين يدينه : لهم الشباب ساعه دوروه وما لقوه وين راح بالبنت وين وعض على شفته بقهر

فيصل وهو رايح جاي بالمجلس وقلبه قارصه ويدعي ربه انه يرجع نايف بالسلامه يكفي انهم فقدوا عماد ما ودهم يفقدوا نايف

دخل صقر المجلس ورد السلام بصوت خالي من الحياه

وقف الجد بلهفه : بشر يا صقر لقيتوهم ؟؟

هز صقر راسه بالرفض وجلس وعقله مشوش اخذ نفس وغمض عيونه بألم

ناظرهم خالد ببرود : ما ادري ليه مكبرين السالفه ابو وبنته ما رح يضرها مهما معصب ما رح يضرها تبقى ضناه و..

قاطعه صقر بصراخ : اقول لك انت اسكت احنا على اعصابنا وانت يا برودك

تقول هذا الكلام لانك ما تعرف نايف روح شوف جسم البنت للحين علامات الضرب والتعذيب بجسدها من عمك الزفته للي ما قلب فيه ذره رحمه هذاك الوقت كانت طفله كيف الحين رح يسوي فيها

انصعق خالد معقول عمه نايف كذا ليه يفرق بالمعامله بين بنت ساره وبين سلمى ولينا غريب كل هذا حقد ناظر صقر ببرود : مهما كان رح تبقى بنته ويخاف عليها اكثر منك ومن الكل لانها بنته من لحمه ودمه

صقر من بين اسنانه : وقسم بالله اذا ما قفلت على فلسفتك هاذي ليصير شي مو طيب

خالد ببروده المعتاد ابتسم : حاضر عمي مع اني اكبر منك بس يالله نمشيها للحلوين وغمز له بابتسامة

ناظره صقر بقهر وسكت الوقت مو وقت شجار والا كان كسره تكسير على بروده ........

**

**

**

**

**

**

**

**

**

جالس مع امه وخبرها انه قدم موعد الزواج

ام زياد بقهر : والله يمه ما يمدانا نخلص تجهيزات

زياد ببرود : معكم اسبوعين

سوسن باعتراض : يعني مو مناسب ابد

نوفه : وعنا دوام بالمدرسه كيف نجهز ما في وقت ابد ما في وقت ولوت بوزها

وقف زياد بهدوء : انا اعطيتكم خبر وجهزوا اموركم وابوي اتصلت فيه وخبرته وما عنده اعتراض بالعكس انبسط كثير

تركهم زياد وهم يتحلطمون وطلع للحديقه وجلس على كرسي منزوي وناظر السماء وهو يفكر وش سبب تقريب موعد الزواج ؟؟ قرار مفاجئ

غمض عيونه وهو يتذكر صوت ابو سلمان كان متعب معقول صارت مشكلات على زواجي منها

يمكن احفادهم اعترضوا وقرر يقدم موعد الزواج حتى تنتهي المشكله

قاطعه رنين الجوال استغرب رقم غريب

رد بهدوء الو

رد المتصل بتهديد : كلمتين اسمعهن كويس بطلق ريم غصب عنك فاهم

زياد بهدوء وعرف انه توقعاته صح : من الادب ترد السلام وبعدين تعرف بنفسك ا...

قاطعه المتصل : لما تحترم نفسك وتطلق بنت عمي وقتها افكر ارد عليك السلام

تكلم شخص آخر : وقسم بالله يا زياد اذا ما طلقت البنت غير يوم زواجك يزفونك جنازه فاهم

زياد ببرود : اعلى ما بخيلك اركب وقفل الجوال بوجه المتصل

وشد على الجوال بقهر وقف وهو يفكر وشاد قبضة يده على الجوال

**

**

**

**

**

**

**

بالمجلس جالسين على اعصابهم رن جوال الجد

كل الموجودين ناظروا بخوف

شاف الجد رقم المتصل ارتاح شوي

ورد بهدوء : الو ..............الله يسلمك ............ الجد تحولت نظراته لغضب مين منهم ..........

الموجودين ناظروا بخوف

ما قال اسمه ............صحيح كلامك ولك الحق تزعل ..........لا تهتم دواهم عندي .............ادري لو تبلغ يعتبر تهديد وينسجن عليها ادري ........بارك الله فيك ..........خلاص اعتبر السالفه انتهت .......ان شاء الله خير .........مع السلامه

قفل الجوال وناظر جهة الشباب اربعه مو موجودين

الجد ناظر عبود بعصبيه : قول للكلاب للي برا يجوني الحين وبصراخ بسرعه ........

فيصل وعلى راسه علامات استفهام : وش فيه يبه خرعتنا مين للي اتصل

طنشه الجد وهو يناظر للبعيد وشاد على اسنانه بقهر **

**

**

**

**

**

**

**

**

سليمان بقهر : قسم بالله ليندم

بدر : يمكن يخاف من تهديدنا

عمر بتفكير : ما اظن يخاف بس يمكن اختصار للمشاكل يطلق

نواف بتفكير : احس يا شباب تسرعنا لازم فكرنا بعقلانيه بدون طيش لانه اكيد رح يخبر جدي عنا

سليمان بلامبالاه : ما ظنيت لانه جبان

قاطعه عبود : شباب جدي يبيكم بسرعه تعالوا له

بدر : عمي نايف اتصل

ابتسم عبود نص ابتسامه : لا ما اتصل انتم تعالوا وتعرفون السالفة

تركهم وراح وطول الطريق الشباب يفكرون

دخلوا المجلس وقف الجد بعصبية : انتم اغبياء مجانين تتصلون بزياد تهددونه بالقتل

ناظروا للي بالمجلس الشباب باندهاش

الجد بعصبيه : مين الحيوان للي اتصل فيكم ؟؟

انتم ما تدرون انه المكالمه مسجله ويقدر يقدم عليكم شكوى تهديد بالقتل

تفاجئوا الشباب ما توقعوا كذا كانوا معصبين وتصرفوا بدون وعي

وقف فيصل بعصبيه : لا بارك الله فيكم انتم ودكم تنزلون راسنا بالارض

ما عندي علم انه مربين في بيتنا مجرمين سفاحين

نواف : ءءء يبه

قاطعه ابوه بعصبية : اخرس وانا اقول نواف الهادي الفهمان بينهم المهندس ويطلع منك هذا الكلام تهدد بالقتل وانت واولاد عمك

ما الومك انت وسليمان طول ما انتم تتمشون مع هذا الجوز واشر على بدر وعمر فاشلين دراسيا وبكل شي

ابو سليمان بقهر : يصير خير بس خليها تنتهي سالفه نايف وبعدها يصير خير

الجد ناظرهم بتهديد : قسم بالله لو اسمع انكم تتعرضون لزياد لو بنظره وقسم بالله ما يصير خير لكم

صقر مسك ابوه من عضده وبهدوء : يبه ريح نفسك صحتك اهم شي والبزران ذولا حسابهم بعدين

سليمان يناظر جده : وقسم بالله بس مجرد تخويف له ما قصدنا شي

الجد يهز راسه بتعب واعصابه خلاص ما عاد يتحمل

غمض عيونه بتعب

رن جوال صقر استغرب وبصوت هامس المستشفى

ناظر الجد صقر وفتح عيونه على وسعهم واشر له حط على الخارجي

وقف صقر ورد بهدوء عكس قلبه للي يدق بخوف وحط الجوال على الخارجي : الو

وينك يا صقر

رد صقر بهدوء وقلبه يدق :بالبيت

تعال للمستشفى ضروري

صقر بخوف : ليه

حاله طارئه

صقر وهو يبلع ريقه : يعني حادث

لا جريمه قتل والضحيه البنت بحاله حرجه تحتاج لعمليه ضروري بسرعة لا تتأخر

وقف الجد بخوف وخلاص اخر امل عنده تبخر

عض على شفته بقهر وهو يردد انا لله وانا اليه راجعون

وجلس على الارض وخلاص ما عنده قوه يتحمل اكثر

قفل صقر الجوال وهو منصعق مو قادر يستوعب خلاص اكيد المجنون عملها

غمض عيونه بألم مو قادر يتحمل طفلة بريئه لازم يساعدها

فتح عيونه وناظر الموجودين ملامحهم شاحبه خلاص كل شي انتهى وعم المكان الصمت

طفلة بعمر الزهور انتهت حياتها ناظر امه للي تبكي بصمت والحريم بحاله لا يرثى لها

وفيصل ملامحه جامده ساكت وكأنه تمثال

رفع راسه للسقف وغمض عيونه بألم ما يقدر يشوفها مقتوله بين الحياه والموت ما يقدر

وابشع قاتل اخوه ما يقدر

وبداخله يردد يا رب رحمتك

طلع جواله من جيبه ويدينه ترجف ودموعه بعيونه رن على المستشفى واعتذر عن الحضور وطلب منهم يتصلون بالدكتور عثمان

قفل الخط وهو يناظر حوله وكأنه الزمن توقف كل شي حوله ساكن الا من صوت بكاء خفيف

مسح بعض قطرات العرق عن جبينه حاول ياخذ اكسجين مو قادر حاس الاكسجين بالغرفه انتهى

اخذ نفس بصعوبه بالغه وتفاجئ من دخول هذا الشخص

حس بالدم يفور بداخله ناظره بنظرات ناريه جاي بقوه عين شد على قبضه يده بقوه .......

**

**

**

**

**

**

دخل المجلس بتعب ناظر الحاضرين و ملامحهم باهته حزينه

جلس بجهة اليسار بهدوء ومسح على وجهه بتعب رفع راسه وشاف نظرات الجميع

كانت نظراتهم الشرار يتطاير منها

وقف الجد بقهر وكره وهو يناظر نايف : خلص هانت عليك بنتك

يا خساره تربايتي فيك وهز راسه بأسف يا خساره

نايف ببرود : مو هذا للي ودك اياه هذا انا نفذته

صقر وجن جنونه من بروده وفقد اعصابه وهجم على نايف بدون وعي وهو يصرخ : ذبحتها قتلتها يا مجرم وصار يضرب فيه بكوس على بطنه ووجهه

وقسم بالله لأسلمك للشرطه بنفسي

الجده وقفت بهلع : تكفى يا صقر اترك ضناي من بين دموعها اكيد ندم يمه اكيد ما كان قصده اتركه يمه لا تقتلني بعده

فيصل واقف عاجز ما يدري مو مستوعب شي كأنه بحلم مو قادر يصحى منه بس اهم شي ما يفقد اخوه ما يفقد اخوه

ناظر صقر بانكسار : اتركه يا صقر اتركه وناظر نايف بقهر ليه يا نايف عملت كذا ليه ؟؟

وبصراخ ليييييييييييييييه ؟؟

الضنى غالي يا اخوي ليه عملت كذا ليه ؟؟؟؟

هاذي طفله طول الاسبوع الماضي اكتشفت انها طفله تفكيرها طفولي

نزل عيونه للارض

طفلة بريئه بعمر الزهور ليه تقتل احلامها وتذبحها بتسرعك وغبائك

وجلس على الارض خلاص ما يقدر يسمع اكثر او يلوم اكثر ما يقدر

الجد بقهر : حسبي الله عليك حسبي الله عليك

وبحزم ناظر صقر : اتصل بالشرطة وبلغهم

قاطعته الجده وهي تمسك يده ومقطعه نفسها بكى : تكفى يا ابو سلمان تكفى لا تحرمني من ابني الثاني

ابو سليمان بقهر ابعد امه بلطف : يمه نايف غلط ولازم يتحمل عواقب اخطائه

كانوا الشباب يناظرون ببهوت مو مستوعبين الاحداث كأنهم بحلم وينتظرون بأي لحظه يصحون منه

ما توقعوا نايف يقتل بنته وبدون سبب كل ذنبها انها غلطه !!!

ما توقعوا يزفها بالكفن الابيض بدل الفستان الابيض المقرر بعد اسبوعين !!!،

الجده من بين دموعها : ليه يمه عملت كذا ؟؟ ليه قتلت فرحتها ليه ؟؟ مهما وصل كرها عندك ما توصل لكذا ما توصل ؟؟

كانت راسمه احلام ليوم عرسها ناظرته الجده بحزن

كانت تنتظرك تزفها لعريسها مو تزفها لقبرها !!!

ليه قتلتها ودمرت حالك ؟؟ بعدك بعز شبابك ليه تحكم على نفسك بالسجن وبهستيريه ليه يمه ليه

انا من بعدك يمه اضيع

خفت نبره صوتها وهي تمسح دموعها المنهمره كيف انام وانا مو مطمنه عليك يمه بعيد عني !!!

كيف انام وما اشوفك كل يوم بعيني !!!

وبصراخ

كيف وكيف وكيف كله من ساره حسبي الله عليها للي خلفت وتركت هالبنت شوكه بحلوقنا بسببها خلاص ضاع ابني وبصراخ اشد ضاع ضاع ضاع

وقف نايف بصراخ : انتم وبعدين معكم ؟؟ وش فيكم علي ؟؟؟

اخذتها اربيها عندي واعترضتم ولما رجعتها لكم قلبتوها علي وبعصبيه وش المطلوب مني ؟؟؟

خالد ببرود وقف وبصوت عالي : يا جماعة الخير اتوقع في خلل في الموضوع وفي سوء تفاهم

صقر بعصبيه ويناظر نايف باحتقار : اي سوء تفاهم

والبنت بالمستشفى بين الحياه والموت

نايف وخلاص سكرت معاه وبعصبيه : اي بنت بالمستشفى تتكلم عنها ؟؟

صقر يناظره باحتقار : لا تحاول تهرب وتخلص نفسك من الجريمه تراها لابسيتك

قتلك لريم ورميك لها ما رح يمر بسلام البنت بالمستشفى الحين واكيد الشرطه تحوم بالمكان لانها جريمه قتل واعطى نايف نظره حاده

نايف اقترب من صقر والشرار يتطاير من عيونه : انا الحين رح ارتكب فيك جريمه وبقهر انتم وش تخبصون مين قتل مين ؟؟

خالد ببرود : يا عمي بنتك وين ؟؟

نايف اخذ نفس يخفف من عصبيته : اي وحده ؟؟

خالد بهدوء : بنت ساره ما ادري وش اسمها ديما او ريما

نايف وهو يكتم غضبه ما يطيق حد يسأل عن بناته :

بغرفتها هنا فوق

الكل ناظروه وكأنهم انصعقوا

صقر وهو مو مصدق : والبنت للي بالمستشفى ؟؟؟

نايف جلس بقهر : تراكم طفشتوني اي بنت ؟؟

فيصل وهو يحاول يفهم الموضوع : طيب ما شفناها هنا لما دخلت

نايف يناظرهم وهو رافع حاجب : دخلت من الباب الخلفي انا طلبت منها وبعدها ناظر ابوه ترى اغراضها رجعتهم على غرفتها من الباب الخلفي

خالد : والطلاق؟؟

نايف ببرود : بعد بكره امر المحكمه واستفتيهم ان شاء الله

الجد وهو مو مصدق : ريم فوق بغرفتها ؟؟

هز نايف راسه بتأكيد خرج الجد متوجه لغرفة ريم وهو يردد الحمد لله الحمد لله

لحقه صقر للي كان متشوق يشوف ريم ويتأكد انها بخير

توقع خلاص ما رح يشوفها مره ثانية وتذكر لما قبل ما يسافر لما ضربها نايف بالشارع تمنى انه ما يسافر ويدافع عنها

خلاص الحين استقر هنا مستحيل يقبل حد يهينها

مين ما كان

رح يساندها ويشجعها بكل شي ويرجع لها الامل

مستحيل يفرط فيها

غمض عيونه بألم لما تذكر لما كان يهين ريم بوجود نايف

كان يحاول يهينها ويسمعها كلام جارح كله علشان يخلي نايف يصحى على نفسه ويوقف مع ريم

كان يتعمد يهين ريم قدام نايف حتى يثير غيرته ويخليه يوقف بوجه الجميع ويقول

هاذي بنتي ما اسمح لك يا صقر

كان كل مبتغاه يسمع من نايف حدك ريم ما اسمح لك

هذا سبب التناقض للي كان يدور حول صقر كان بوجود نايف فقط يهينها ويضايقها

اما بغير وجود نايف كان يضحك ويمزح معها وعلاقته مع ريم روعه

بس بمجرد حضور نايف يقلب على ريم ويصير ضدها

بس بدون فايده لانه نايف طول الفتره الماضيه يناظر بصمت ما اعترض ولا وقف ولو بكلمه مع ريم

علشان كذا قرر صقر خلاص يكنسل هاذي الخطه ويرجع مع ريم عادي

يكفيها للي جاها

من اليوم

رح يعتبرها مثل بنته

وصل غرفة ريم وهو يردد هاذي بنتي بنتي بنتي

&&

&&

&&

&&

الجده جالسه على الارض ومو مستوعبه الموقف

ناظر نايف امه ووقف وتقدم وجلس على الارض ومسك يدها وبحنان : علامك يمه ؟؟

حضنته امه وهي تبكي وتشاهق وتقول كلام مو مفهوم الا كم كلمه ( خفت افقدك مثل عماد )

اوجعته بكلامه لانه تذكر رفيق روحه عماد وزاد الكره لعيله ابو سعد وكل احفاده حتى ريم من ضمنهم

مع انه ما لها ذنب الا انها تحمل دمهم

**

**

**

**

**

**

فتح الباب بدون ما يطرق الباب ودخل الغرفه مندفع وهو وده يريح قلبه بشوفتها

شافها جالسه على السرير

حمد الله بصوت هامس

وتقدم بهدوء عكس قلبه للي يتراقص من الفرح

رفعت ريم وناظرته باستغراب وبعدها ناظرت صقر للي واقف عند الباب

كانوا يناظرونها ومو مصدقين كأنهم بحلم

اقترب الجد منها وحضنها وبصوت متعب : وينك يا بنتي ما جيتي تسلمين علي والا نسيتيني

ابتعدت ريم عن حضنه وباسته على راسه : والله ما نسيتك بس

قاطعها جدها بتحقيق : وين كنت قلقت عليك ؟؟

ريم بهدوء : اخذني معه شوف يا يا ابو سلوم اشترى لي هدية العرس واشرت على الهديه فوق التسريحه

وبحالميه وهي شابكه يدينها ببعض ورافعيتهم ومغمضه عيونها

ياه مو مصدقه اني بعد اسبوعين البس الفستان الابيض واجلس على الكوشه وانزف وا ...

قاطعها الجد بضربه خفيفه على راسها : بنت استحي ابتسمت ريم : وش هدية زواجي ؟؟؟

تنهد الجد براحه وبعدها وقف وهو يبتسم براحه : مفاجئه

تعلقت ريم برقبته وهو طالع من الغرفه : بالله بالله وش هديتي ؟؟

نزلها الجد بهدوء وهي تتحلطم : اثقلي يا بنت لا تخليني اكنسله

ضحكت ريم ببراءه وهي تقلد الاطفال : توبه توبه والله ما اعيدها بس لا تكنسله

ابتسم لها الجد ونزل

ناظرها صقر وهو يحمد الله انه مجرد سوء فهم

اقترب منها وباسها على راسها وبصوت كله حنيه ومحبه : الحمد لله على سلامتك يا قمر

وبعدها نزل ودموعه بعيونه

ناظرتهم ريم وهي مستعربه تصرفاتهم

**

**

**

**

**

**

**

**

دخل الجد المجلس براحه وبعدها دخل صقر بعد ما مسح دموعه خارج المجلس

ناظر نايف الموجودين وبعدها تكتف ورفع حاجب : ممكن اعرف مين مؤلف الفلم الاكشن للي عملتوه ؟؟؟؟

ناظروا ببعض واشروا على صقر

فتح صقر عيونه على وسعهم وهو واقف وسط المجلس : انا

هز اغلب الموجودين راسهم

جلس صقر بابتسامة صفراء : انت السبب واشر على نايف قبل ماا تطلع تتوعد تحرق قلب ابوي

ولما طلعنا وراك حركت سيارتك وطلعت وريم مو بغرفتها ونرن عليك وجوالك مقفل وتاخر الوقت وحضرتك ما رجعت وبعدها يتصل المستشفى ويخبرنا انه في جريمه قتل والبنت بين الحياه والموت

حك راسه باحراج

وبتعرف ربطنا الاحداث ببعض وتوصلنا لنتيجه انك القاتل

وابتسم صقر بعباطه

نايف بتريقه : لا يا كونان انت حرام مواهبك تروح عالفاضي لازم درست بمجال التحقيق

وبحده وقسم بالله الضربات لاردها لك انا اخوك الكبير وتمد يدك علي يصير خير وناظره بتوعد

فيصل بابتسامة : خلص امسحها بوجهي وسامحه

نايف : متهمني بجريمه قتل وضاربني ووده يسلمني للشرطه وودك اسامحه !!!

صقر بابتسامة : يا اخي قهرتني ببرودك

خالد بابتسامه : يعني لما جيت عملتوا فلم الاكشن هذا وغمز لعمه نايف وابتسم

تصدق يا عمي وانا اقول لهم عمي نايف ما يعملها وادافع عنك وما حد صدقني

صقر ناظره وهو يقرص عيونه : تدري كنت اثبت نفسي ما اهجم عليك

ناظرت الجده خالد بابتسامه وهي تناظر لحيته الخفيفه وعلامات الصلاح على وجهه : باحلامك تضرب اغلى احفادي

صقر بنغزه : وش هذا التمييز ليه انتي وابوي تفضلون خالد عن باقي الاحفاد هذا ظلم

ونظر لامه بتشكيك لا تقولين بكره لما اتزوج تحبين هذا واشر على خالد بتكبر اكثر من عيالي

فيصل : انت تزوج وبعدها يحلها ربك ولا تقارن نفسك تعرف اولادي فيهم ميزه ينحبون بسرعه وحرك حواجبه

صقر بقهر : مالت على اولادك وبالاخص خالد

خالد بابتسامة تقهر صقر : احترمني تراني اكبر منك وعندي اولاد

صقر لوى بوزه : مالت عليك انت واولادك وخاصة هالطيف خدودها كانها كيس مغذي

ضحك اغلب الموجودين

انقهر خالد بس مستحيل يظهر ابتسم ببرود : يصح لك تجيك بنت بحلاتها

الجد يناظر الموجودين : بما انه سالفه نايف وانحلت والحمد لله

وخلوكم من سالفه مين اغلى لانه فيه سالفه اهم

سالفه المجرمين السفاحين الثانيين

ابتسم نايف : يعني مو لوحدي قاتل مين مجرم مثلي ؟؟؟

اشر فيصل على الاربعه بحواجبه : ما شاء الله ذولي متصلين بزياد يهددونه بالقتل

الجد بحزم وقف واشر للاربعه يتبعونه للمكتب .....

وقف سليمان بقهر بعد ما طلع الجد : قلنا له بس مجرد تهديد بس

نايف بعصبية : وانت وش عليك بنتي وزوجتها وش لك علاقه حتى تطلقها واعطاه نظره قويه

فيصل ناظرهم بقهر : قدامي على المكتب نشوف وش اخرتها

طلع ابوسليمان بعد ما سحب الاربعه معاه

تنهد نايف بقهر وطلع ومعاه فيصل وصقر

وقف خالد واقترب من زوجته وبالانجليزي : انتظري هنا لن اتاخر

هزت راسها بهدوء

الجده تناظر خالد : يمه ما لقيت تتزوج غير هاذي لو تشتمنا ما ندري عنها ولا اكيد رح نضحك بوجهها نفكرها تمدح فينا

خالد بابتسامة : جايز هههههههه

الجده بقهر : عاجبك ومبسوط انها تشتمنا

وقفت سديم وجلست قريب من الحريم : ما ادري وش معجبك بهاذي البلوى

خالد رفع حاجب وببرود يقهر : انا عاجبيتني وما طلبت رايك اوكي

وبعدها طلع للمكتب

وقفت الجده بهدوء وناظرت سديم : قولي لمقصوفة الرقبه هاذي تلحقنا على غرفه الحريم خلينا نشوفها

طلعت الجده والحريم لغرفة الحريم بالداخل ......

بالمكتب جلس الحاضرين وبعدها بدقايق دخل خالد المكتب وكان الهدوء سيد الموقف

جلس خالد بهدوء جنب ابوه فيصل وناظر جده للي كان يناظر الورق للي قدامه

تنهد الجد وبعدها

رفع راسه بهدوء ووزع نظره بين الحاظرين وتكلم بهدوء وهو يحدد نظره على الاربعه : ممكن اعرف سبب هاذي السخافه للي عملتوها مع الرجال

بدر بنرفزه : لو انه رجال كان طلق ريم ومو يشتكي لك مثل الحريم كان واجهنا

قاطعه الجد بعصبية : انت اسكت ولما اسمح لك تتكلم وقتها تكلم وبحزم من متى هاذي المرجله بالفعل انه تفكيرك تفكير بزر

ناظره نايف بقهر كيف يلفظ اسم بنته بالسهوله هاذي وقدامه كتم غيضه وناظر ابوه يشوف وش اخر هاذي المهزله

الجد بحده ناظر نواف : ممكن تتكلم وتقول سبب هاذي السخافه

نواف ناظر اعمامه وبعدها ناظر جده بعد ما اخذ نفس وهو يرتب الكلام : الصراحه انا اعترف انا اخطينا يوم هددنا زياد المفروض فكرنا بطريقة ثانيه انه يطلق

قاطعه نايف بقهر وعيونه يتطاير منها الشرار : وانت وش عليك حتى تطلقها وش دخلك ببنتي وبحزم انا ساكت احترام لابوي وقسم بالله اذا دخلتم نفسكم ببنتي لتندمون واعطاه نظره قويه

سليمان وقف بعصبيه : وقسم بالله ما يتزوجها وعلى جثتي

وقف نايف وهو ثاير : انت ما لك دخل فاهم ورفع اصبعه بتهديد

وقف صقر وفرق بينهم جلس نايف وهو يعطي الشباب نظرات ناريه

الجد بعصبية ناظر الشباب : اعتقد اني قبل ما املك عليها

سألتكم وشاورتكم اذا حد منكم وده يملك عليها

وبقهر

كلكم رفضتم

وبصراخ

والحين لما ملكت البنت ودكم تطلقونها

خفف الجد عصبيته وبحزم

اعطوني سبب واحد لسخافتكم هاذي

سليمان ببرود : بنت عمنا ما تطلع غريبه اولاد عمي اولى بها

عمر بجديه : طلقها من زياد وانا مستعد املك عليها

ناظره بدر بتحدي : تخسى تملك عليها لانها من نصيبي فاهم

وقف بعصبيه واعطى بدر بوكس على وجهه

حط بدر يده مكان البوكس وتحسس دم خفيف من انفه وجن جنونه وهجم على عمر وهو يصرخ : والله ما تتزوجها

بعدوهم عن بعض وجلس كل واحد بجهه وكل واحد يناظر الثاني نظرات كره

ناظرهم ابو سليمان وكأنه عرف سبب المشكلة بينهم ناظرهم باحتقار : تتضاربون بسبب بنت من شهرين ما تكلمون بعض علشان بنت وهز راسه ومو عاجبه حالهم

فيصل بقهر : انتم الاثنين ما تحشمون حد

واشر على نايف

على الاقل احشموا ابوها قاعدين تتقاتلون علشان بنته

قاطعه صقر بعصبية : انتم دمكم من وش تتقاتلون على بنت متزوجه ورفع حاجب باستنكار وهو يردد

متزوجه متزوجه متزوجه وبصراخ تفهم وش يعني متزوجه

الجد بهدوء : على كل حال خلها حلقه بإذنك انتم الاثنين حريمتكم تتزوجون ريم وبعصبيه وقسم بالله طول ما انا على قيد الحياه والله ما يتزوجها واحد منكم للي رفضتم ريم والحين تبغونها

ا

وبحزم

يالله قدامي انتم الاربعه على بيت زياد وتعتذرون منه

وقفوا الاربعه وبصوت واحد وعصبيه : يخسى

وقف الجد بعصبية : من متى كلمتي تصير اثنتين ؟؟

والا كبرتم وصار شوركم براسكم

ارخى ملامحه شوي : خلاص اكسروا كلمتي يا عيال

نواف بقهر : جدي لا تفسر الكلام على كيفك حنا مو قصدنا نكسر كلمتك بس صعبه نروح نعتذر له

الجد ناظره وعافس ملامحه : ما شاء الله الحين دريت اني ما افهم الكلام وافسره على كيفي بس اعذرنا يا حضرة المهندس انت والدكتور للي معك

سليمان ما يهون عليه زعل جده : جدي مو قصدنا كذا

الجد وقف بحزم : الحين انا طالع واعتبروني اذا وصلت السياره وانتم الاربعة ما جيتم اعتبروا هذا البيت محرم عليكم تدخلونه وانت يا سليمان اعتبر خطبتك من سديم ملغيه وانت يا نواف انسى تتم ملكتك على سميه

وانتم الاثنين اشر على بدر وعمر

ممنوع تدخلون البيت ولا حتى بيت واحد من عيالي وحتى مصروف لو ريال واحد ما تشوفون

وطلع بدون ما يسمع رد فعلهم

ضرب سليمان بوكس بكف يده من القهر

ابو سليمان : يا عيال انتم اخطيتم وتحملوا نتايج طيشكم ترى ابوي جاد لا تضيعون مستقبلكم

نواف بقهر : عاجبك يا عم جدي وده يذلنا قدام زياد ما ادري وش يعجبه فيه

خالد بعجله : ترى مو وقت كرامه بسرعة لحقوا جدي قبل ما يصل السياره بسرعه

فيصل ناظرهم بقهر وطلع من المكتب ولحقه نايف بعد ما اعطى الشباب نظره ناريه

صقر ناظرهم بهدوء : تستاهلون ما جاكم و..

قاطعه سليمان بعصبية : حط لسانك بحلقك واشر للشباب الحقوني قبل ما يصل جدي سيارته

طلعوا الشباب وهم يتحلطمون

اطلق صقر ضحكه عاليه على اشكال الشباب

خالد بابتسامة : وش رايك نروح معهم ونصور الشباب فيديو وهم يعتذرون

نط صقر بخبث : والله انك داهيه يالله قدامي

طلع خالد وصقر وهم يتهامسون ويضحكون

&&

&&

&&

&&

&&

&&

&&

&&

جالسه على الارض وسانده راسها على الجدار وهي تتذكر لما تغدت اليوم في بيت ابوها غمضت عيونها وهي تتذكر الاحداث ... . . ..

بعد ما طلب مني ابوي الحقه وقفت لثواني وبعدها قررت اشوف وش يبغى

صعد الدرج وتبعته بهدوء وصلنا لوحده من الغرف

دخل وطلب مني ادخل وراه

دخلت بهدوء والقيت نظره على الغرفه وانا اتأملها

غرفه بناتيه وحلو ومرتبه

قاطع تأملي نايف : اجلسي يا ريم

جلست مكان ما اشر على طرف السرير

وجلس هو مقابلني على كرسي سكت لثواني وبعدها طالعني : اسمعي يا ريم لا تقولين عاجبتك حياتك هاذي

ناظرته وانا ساكته

كمل كلامه : اسمعي من الحين رح تعيشين هنا عندي مع اخوانك وحاولي تتأقلمي معهم

وما ابغى اسمع اعتراض

ناظرته ببرود : وجدي وافق ؟؟

ناظرني وهو يكتم غيضه : ما حد له دخل

وقف وناظرني

من اليوم روحه لبيت ابوي ممنوع الا بإذني

وجوال ما في

ومدرسه ما رح احرمك من الدراسه رح تدرسين بالبيت وانا مستعد اجيب لك مدرسات للبيت لوقت ما تتشافين وتتغطين

اما طول ما انتي تكشفين وجهك حتى حديقة البيت ما اسمح لك تتطلعين لها الا بحضوري

مفهوم

كنت ودي اتكلم بس اشر لي بحزم

بعدين نتفاهم بالموضوع وطلع من الغرفه وقفل الباب بالمفتاح

ناظرت باب الغرفه وانا مو مصدقه رجعت للسجن برجليني

معقول خطه من ساميا ونايف حتى يحتجزوني هنا وارجع اعيش نفس سجن الطفوله

تذكرت الغرفه للي عشت فيها سنيين من طفولتي اشتقت لها

اذكر وانا صغيرة طلبت مني ساميا تنقلني لغرفه ثانيه اكبر بس وقتها عاندت ورفضت

ناظرت الغرفه لون جدرانها نهدي وستائرها مدموجه بالموف والابيض

وفيها كبت مقارب للون الغرفه وفيها حمام السرير حجمه وسط غرفتي في بيت جدي احلى واكبر

مر وقت وانا جالسه ومليت ما ادري وانا صغيرة كيف كنت امضي الوقت لوحدي بدون العاب ولا تلفاز ولا شي يسليني

قررت اخذ قيلوله وبعدها اشوف وش اقدر اعمل

رميت نفسي على السرير وانا افكر بكلام نايف

كلامه منطقي المفروض اعيش هنا بس بدون سجن

ودخلت عالم الاحلام خلال دقايق ..........

&&

&&

&&

&&

&&

&&

ما ادري كم نمت من الوقت بس صحيت على ازعاج بالغرفه

فتحت عيوني بشويش وانا افرك فيهم وبعدها ناظرت بالغرفه

شفت نايف ناقل كل اغراضي هنا

تنهدت يعني ما في مفر من السجن ناظرت الاغراض

وسألته بهدوء : وين الاب توب

ناظرني : انسي اشي اسمه لاب مفهوم

انقهرت كل شي ممنوع وتاففت بصوت عالي افففف

ناظرني بتهديد : لا تتأففين مثلك مثل اخواتك فاهمه

قهرني بس في شي مقيدني ما اقل ادبي الابله الاسبوع الماضي خبرتنا بقصص عن عقوق الوالدين مع انه امي وابوي ما اعطوني حقوقي حتى ابرهم

بس مهما كان رضاهم من رضى رب العالمين <- ريم من النوع للي تأثر عليه القصص وتردعها وتستقبل امور الخير بسرعه بالرغم انه التزامها صفر بس لو وجدت بيئه توعيها ما كان حالها كذا

نرجع للاحداث

ناظرته بهدوء وما حبيت اجادله اخاف افقد اعصابي

واصير عاقه ففضلت السكوت

ناظرني وملامحه جامده يحاول يخفي شعوره بها : يالله رتبي الاغراض ورح ارجع لك بعدين نكمل تفاهم

طلع بدون ما يسمع مني كلمه واحده وقفل الباب بالمفتاح .........

تعاجزت ارتب الغرفه ورميت نفسي على السرير

وبدون ما احس غفيت

بعد مرور وقت صحيت على صراخ نايف ومسك يدي

بسرعه البسي عباتك

ناظرته بغباء مو فاهمه شي وقفني وناولني عباتي وبعجله : بسرعة البسي بسرعة

توترت وبسرعه لبست وحطيت الشيله على راسي وانا مو فاهمه شي والنعاس بعده بعيوني

مسكني من يدي وسحبني برا الغرفه وهو شبه يركض وانا مثل الهبله منظري يضحك من سحبته حتى ما اقع اركض معه

دخلني السياره وحركها بسرعه جنونيه كنت اناظر وانا خايفه وعلى راسي علامات استفهام ؟؟؟؟؟؟

بعد ما ابعدنا عن البيت خفف السرعه

سألته بهدوء وانا من داخلي خايفه : وش فيه ؟؟!!

طنشني وبعدها وقف على جنب الطريق ونزل وابتعد شوي عن السياره

كنت اشوفه واقف والظاهر انه يفكر وبعد ربع ساعه رجع وحرك السياره وطول الطريق كنت ساكته وهو ما تكلم ملامحه جامده

واخيرا وقف عند احد المولات وبهدوء : انزلي يا ريم

نزلت وانا مستغربه

دخلنا المول وبعدها توجهنا للمطاعم واختار طاوله وجلسنا بهدوء

تم ساكت لعدة دقايق بعدها ناظرني نظرات عجزت افسر معناها : عاجبك وضعك تطلعين بدون تغطايه

ما رديت

طلب لنا عصير بعد ما سألني وش اشرب

بعد ما وصل العصير شرب منه شوي وناظرني : تدرين ابوي حلف يمين ما تعيشين غير عنده ورفض انك تعيشين عندي

ما رديت

ناظرني بقهر : اكيد مبسوطة لانك رح تفتكين مني وساميا تتطلق

رفعت حاجب مستغربه وبهدوء : ليه انت طلقتها ؟ وش علاقتها بالموضوع ؟؟!!!!

رد علي بدون نفس : سالفه طويله

تدرين كنت ودي ارجعك تعيشين عندي واربيك من اول وجديد

ناظرته بقهر بس رديت بهدوء : ليه تربيني ؟؟ شايفني هايته من سوق لسوق ؟؟

ضحك باستهزاء : تعتبر حالك متربيه وانتي عايشه عند غاده وساره وأشكالهم ولوى بوزه باشمئزاز

قهرني رديت : دام مو عاجبينك ليه ترميني عندهم ؟؟؟

ناظرني بنظرات مو مفهومه : شي ما تدري عنه لا تسألي عليه فاهمه

المهم نرجع لموضوعنا تدرين يا ريم كنت بلحظات قبل شوي ودي اذبحك واقهر ابوي عليك

تفاجئت بكلامه ما توقعت لهاذي الدرجه حقده ابتسمت عكس الجروح للي بقلبي : يا ليت عملتها وريحتني من هالحياه تدري وقتها رح اكون شاكره لك ومستعده اكتب وصايه اني انا قتلت نفسي حتى ما تدخل السجن بس اهم شي اتخلص من الحياه

ناظرته بحماس وانا ابتسم من الالم للي بداخلي : وش رايك الحين اكتب لك الوصيه وانت تنفذ

ناظرني بملامح جامده : لذي الدرجه تكرهين حياتك ؟؟؟

جاوبته بألم : اكثر مما تتصور اكره حياتي

رد بهدوء : مهما تعرضتي لضغوط المفروض تكونين اقوى من كذا

سكت لثواني وبعدها سألني بتردد : تكرهيني اكثر واحد على وجه الارض صح ؟؟

ناظرته وابتسمت : اممممم تقدر تقول انت وساره اكثر شخصين اكرهم على وجه الارض

تفاجئ بكلامي : تكرهين امك ؟؟؟

اعترضت : لو سمحت انا ما لي ام ولا اب اسمها ساره

رفع حاجب مستغرب : كنت دايما تبكين تبغين امك والحين صارت اكره شخص على قلبك غريبه انت يا ريم

ابتسمت : ليه تستغرب ؟؟ هاذي الحقيقه

رد بهدوء : مستحيل توهمي نفسك بالكره لساره بس بالحقيقه تحسين نفسك تحنين لها وودك تشوفينها مع اني ما ادري سبب كرهك لها

كلامه صحيح على الرغم اني اكره ساره الا انه احيانا اشتاق لها

ناظرته بهدوء : حرمتوني من كل شي بدون ذنب ودكم إياني الاقيكم بالاحضان

ضحكت باستهزاء : لو فيه مشاعر اكبر من الكره كان وصفتكم فيها انت وساره

كان ساكت وهو يشرب العصير بعدها ناظرني : لا تغتري مشاعر متبادله لا تظنين الحين اموت عليك

وما اقدر اعيش دونك

ناظرته : طيب انا اكرهكم لاسباب كثيره واهمها حرمتوني اعيش مثل اي طفله بالدنيا

انت ليه تكرهني ؟؟؟

ناظرني : لانك نقطه سوداء بحياتي وتذكريني بأحقر وانجس ناس على وجه الارض وما اضمن انك تحملين دمهم وصفاتهم الخبيثه

ابتسمت رغم الالم : تدري ساره تكرهني لنفس السبب وابتسمت بألم سبحان الله كيف تكرهوني لنفس السبب وبدون ذنب

مع اني ما ادري وش سبب الخلاف بين العايلتين ولا ادري سبب الطلاق وبالرغم من اختلافكم ومشاكلكم الا انكم اتفقتم على شي واحد انكم كلكم تكرهوني

سكت وما رد علي وهو سارح بعدها ناظرني وابتسم : صح ما خبرتك زواجك بعد اسبوعين

ناظرته بدون اهتمام : قصدك بعد سنتين !!

ضحك بهدوء : يا خبله اقول لك بعد اسبوعين ابوي اليوم اتصل بزيادووووو وخبره الزواج بعد اسبوعين

ناظرته وانا مو مصدقه

ناظرني بجديه : ريم صدقيني بعدك صغيره فكري كويس واذا غيرتي رايك انا مستعد اخلي العرس يتاجل بعد سنتين

مسكت يده بلهفة : دخيلك لا خليه بعد اسبوعين احسن

تنهد : اسمعيني خلاص الحين لما نرجع اخذ اغراضك وارجعها لبيت ابوي مع اني كنت ودي تعيشين عندي

بس خلاص انسي وحتى انسي انه عندك ابو

ضحكت بتريقه : متى كان عندي ابو علشان انساه ؟؟!!

احتدت ملامحه وشد على اسنانه : ريم

ابتسمت وما علقت

وقف وبأمر : يالله قومي

ناظرته وانا جالسه وبعدها وقفت مسك يدي واتجه لمحلات الذهب

ناظرته باستغراب

جاوبني بدون ما اسأل : رح اشتري لك هدية الزواج وبعدها ابتسم على ملامح وجهي المتفاجئه

بعد ما اختار لي الهدية واطلعنا من المحل توجهنا للسياره

ركبت السياره ناظرته بهدوء : لا تفكر بهديتك رح تمحي الكره للي بقلبي لك

ناظرني ورفع حاجب : ومين قال لك اني اعطيتك الهديه علشان تحبيني

ضحك باستهزاء : عمرك ما همتيني الا انه اسمك بإسمي فقط

رديت بإبتسامه : اعرف وبعدها لفيت وجهي للشباك اناظر وانا ابلع غصاتي ........

قطع افكاري دخول طيف وهي تزاعق

ناظرتها بعد ما نقزت وقفت واتجهت لطيف وبهدوء : طيف ابو سلوم وين ؟؟

تخصرت طيف وناظرتني : والله لاقول لجدي انك تقولين عنه كذا

مسكتها من اذنها وشديتها انقلعي من وجهي

وسكرت باب الغرفه بالمفتاح حتى ما تدخل مرة ثانية وتزعجني

كنت اسمعها تتوعد بي بس طنشت وجلست على السرير وفتحت الاب وجلست اتصفح بعض مواقع الازياء ........

&&

&&

&&

&&

&&

&&

&&

&&

وصل الشباب عند الجد للي كان جالس على كرسي بالحديقه لما شافهم وقف : يالله قدامي

نواف برجى : تكفى يا جدي لا تذلنا قدامه تكفى مستعدين نعمل اي شي بس الا الإعتذار

ناظر الجد الشباب للي هزوا راسهم بالموافقه

حك لحيته وبجديه : مستعدين تنفذون اي شي اطلبه منكم

ردوا الشباب بصوت واحد : موافقين

الجد بحزم : ومو تتراجعون ابغى كلمة رجال

سليمان : جدي حنا رجال وعند كلمتنا وما رح نتراجع

ابتسم الجد بانتصار : للي ودي اياه ما ابغى تتعرضون لزياد ولو بكلمه وحده انتم بحالكم وهو بحاله واعطاهم نظره تحدي

انقهروا الشباب وتكلم سليمان بقهر : لك ما طلبت

وبعدها انسحبوا الاربعه بقهر خارج البيت

تنفس الجد براحه انه انهى مشكله زياد والشباب

بعدها توجه والباقي للداخل

خالد وهو يضحك : هههههههه مناظرهم تكسر الخاطر هههه

صقر وهو يحط يده على كتف خالد : عاد كان ودي ابوي يصمم على رايه ويروحون يعتذرون واصورهم ههههه

خالد : تدري ...

قاطعته عند باب الصاله بنته طيف وهي تركض و تبكي

انجن جنونه تقرب منها : وش فيك تبكين ؟؟

اشرت على اذنها

صقر لما شاف اذنها عرف انها ريم وبسرعة شال طيف وهو يبتسم : خلاص انا رح اذبحه احمد لانه ذبحك هالحيوان

طيف وهي تبكي وتدلع : لا مو

قاطعها صقر : رح اخذك معي اشتري لك حلاوه

وحملها وطلع قبل ما تقول طيف انه ريم ضربتها ما حب تصير مشكله بين ريم واخوه فيصل لانه اكثر من مره فيصل نبه على ريم ما تضرب طيف

توجه خالد لاخوه احمد وضربه ليه يضرب بنته واحمد يبكي ويحلف انه ما ضربها

فيصل عصب على خالد ليه يضرب اخوه الصغير

انقهر خالد وطلع من البيت معصب ......

&&

&&

&& .

&&

&& .

&&

&&

&&

&&

&&

كملت تصفح على النت وقررت تروح لجدها بجناحه طلعت من غرفتها وتوجهت لجناح جدها طقت الباب بهدوء

وبعد دقايق فتح لها الجد واستغرب وجودها وبهدوء : بغيتي شي ريم

ريم باحراج : اممم ابغى اكلمك بموضوع

جدي وهو يتثاوب بعد ما ناظر ساعته : الوقت تأخر وش رايك بكره تخبريني فيه

ابتسمت ريم : ما رح اخذ وقت بس خمس دقايق

فتح الباب الجد واشر لها بالدخول

دخلت ريم بهدوء وجلست بالصاله : ام سلوم وين ؟؟ جلس جدي مقابلني : ما تجوزي عن حركاتك يا ريم

وناظرني بجديه المهم وش الموضوع الخطير للي ما يتأجل ؟؟

ناظرته ريم بابتسامة : قول تم

ابتسم الجد : حسب الطلب

ناظرته برجى : تكفى قول تم

تثاوب جدي : طيب تم

ابتسمت ريم : ابغى اروح عند بنات خالي اجلس الاسبوعين عندهم قبل الزواج

احتدت ملامح الجد : لا مستحيل

ناظرته برجى : انت قلت تم

سكت دقايق : امممم طيب اسبوعين كثير

ردت ريم : طيب اسبوع وسبلت عيونها

الجد بهدوء : خلاص تجلسين عندهم يومين

قاطعته ريم : لا جدي قليل ابغى اسبوع

الجد بحزم : ثلاثه ايام او اكنسل الروحه كلها

لوت ريم بوزها بقهر : طيب خلاص موافقة 3 ايام بكره الصبح اروح 8:..

الجد : خلاص بكره اوصلك بنفسي بس لا تخبرين احد وخاصه فيصل ونايف تعرفين عصبيتهم

هزت ريم راسها واستأذنت وطلعت من الجناح تجهز اغراضها .........

&&

&&

&&

&&

&&

بالصاله الداخليه كانت الجده وام خالد وسديم وروان جالسات مع زوجة خالد

ونازلات حش فيها وهي مو فاهمه عليهم

الجده : تدرين يا ام خالد صحيح انها هالمخلوقه بيضاء بس ما في شي يجذب فيها

ام خالد ناظرت زوجه خالد : صادقه يا خالتي ما ادري هالخالد متعلق فيها شايفه حالها وتكلمنا برؤوس خشومها هالكافره

سديم بقهر تكلم زوجه خالد بالاجنبي< بس انا بكتب لكم الترجمه 

: لماذا لا تذهبين للنوم ؟؟

ناظرتها زوجة خالد بغرور : اذا كنت متضايقه من وجودي فغادري انت

الجده تناظر سديم : هالملعونه وش تقول ؟؟

سديم لوت بوزها : اقول لها انقلعي على غرفتك تقول لي اذا متضايقه مني انقلعي من هنا

شفتي با جده تطردني بقوه عين

ناظرتهم بغرور وحقد وهي مو فاهمه عليهم

فجأة دخلت ريم المجلس بعد ما جهزت ملابسها

وبصوت عالي وهي تكرر حرف الراء : مرررررررحبا

لوت الجده بوزها : انت ما نمتي للحين

اقتربت ريم من جدتها وباستها باسلوب ينرفز : امواااح ما اقدر انام بدون ما اشوفك يا ام سلوم

مسحت الجده خدها وهي منقرفه

ناظرت ريم واشرت على زوجه خالد : مين هاذي ؟؟

ام خالد بدون نفس : زوجة خالد ابني

ابتسمت ريم وهي تهز راسها : ام طيف ومصعب ؟؟

الجده : ايوه

اقتربت ريم منها وهي تبتسم : اخبارك يا حلوه ؟؟

روان بغرور : مو عربيه هاذي اجنبيه ما رح تفهم عليك وش عرفك بلغتهم

قاطعتها ريم : طيب روحي انخمدي احسن لك واعطتها نظرة اشمئزاز

وبعدها ناظرت زوجه خالد وابتسمت ومدت يدها وسلمت

الجده : ابعدي عنها يا ريم يمكن تعديك وتصيرين كافره مثلها

تفاجئت ريم : مو مسلمه ؟؟

ام خالد ببرود : صار لنا 8 سنوات نقنع فيها هالكافره ومن دون فايده وناظرت زوجه خالد باشمئزاز

ناظرت ريم زوجه خالد وهي تشعر بالحزن مو قادرة تستوعب انها هاذي كافره

مستحيل تفرط بهاذي الفرصه وتضيعها منها لازم تقدم شي للاسلام

ابتسمت لزوجة خالد وجلست بجانبها وسألتها بالانجليزي : كيف حالك

قاطعتها سديم وروان بضحكة استهزاء : هههه حافظه هالجمله بالمدرسه وجايه تسمعينها هنا

ناظرتهن ريم بغرور وبعدها التفتت على زوجه خالد وابتسمت و بالانجليزي : سخيفات اليس كذلك ؟؟

روان بقهر : ما حد سخيف غيرك

طنشتها ريم ومسكت يد زوجه خالد وهي تبتسم : ما رايك ان تاتين معي لغرفتي نجلس براحتنا بعيد عن الازعاج

ابتسمت زوجه خالد لريم : حسنا

الجده بقهر : شوفي هالكافره من لما جت وهي ماده البوز والحين تبتسم مع هالقرده

ردت ريم وهي تتدلع وتسبل عيونها : ام سلوم كل هاذي الحلاه وتقولين قرده

روان بقهر : يقطع حلاتك انت والشيفه للي جنبك لايقات على بعض لانكم سخيفات

طنشتها ريم وهي تبتسم وتحرك حواجبها

وطلعت من الصاله وتوجهت لغرفتها فتحت ريم الباب وناظرت زوجه خالد بابتسامة : مرحبا بك في غرفتي

زوجة خالد بابتسامة: شكرا لك

جلست ريم وزوجة خالد على حافة السرير

ريم وهي مصممة انها ما تضبع الفرصه من يدها لكن بالبداية لازم تتعرف شوي عليها

ريم : ما اسمك ؟؟

زوجه خالد بابتسامة : كاترين وانتي ؟؟

ريم : اسمي ريم كم عمرك ؟؟

كاترين :26 سنه وبابتسامه وانت ؟؟

ريم :14 عام

كاترين : واو انت صغيره كما توقعت

ابتسمت ريم وبدت تحكي معها وتتعرف عليها وعلى جياتها بالخارج

من خلال حوارها عرفت انه علاقتها باهل خالد سيئه وانه اطفالها مو متعلقين فيها لانه دايما اهل خالد يبعدونهم عنها لانها مو مسلمه ويخافون على الاولاد منها فهي عناد بهم رفضت دخول الاسلام من تعاملهم الجاف معها

تعاطفت ريم معها وحست بالقهر من بيت عمها كيف نفروها من الاسلام بسبب تصرفاتهم المغروره

واستغلت ريم هاذي الثغره ودخلت منها وبدت تخبرها انه بيت عمها ما يمثلون الاسلام وكل الناس تخطئ طبعا ما اعطتها ادله من القران او السنه لانها اصلا لا تؤمن بالقران كيف تعطيها دليل منه بل استغلت تقنعها بالعقل والتفكر بهذا الكون وبعد نقاش طويل

وبكاء ريم خايفه على كاترين تموت وهي كافره

تاثرت كاترين بكلامها وخاصه انها مقتنعه بس عناد باهل خالد رفضت الاسلام

ريم من بين دموعها : اخاف ان يقبض الله روحك قبل ان تدخلين الاسلام

مسحت كاترين دموع ريم وعيونها مليانه دموع : لم اعلم ان هناك مسلمون رائعون مثلك يا ريم

لا انكر اني مقتنعه بالدخول لكن عنادي وترددي هما السبب في عدم دخولي الاسلام

بالرغم من محاولات خالد في اقناعي لكنك استطعتي ان تقنعيني شكرا لك

ريم بابتسامة وحماس : هيا لنردد الشهاده معا

هزت كاترين راسها بابتسامه وسعاده

ريم : اشهد

كاترين : اشهد

ريم : ان

كاترين : ان

ريم : لا

كاترين : لا

ريم : إله الا الله

كاترين : إله إلا الله

ريم : وان محمدا

كاترين :وان محمدا

ريم : رسول الله

كاترين : رسول الله

حضنت ريم كاترين وهي تبكي : الحمد لله الحمد لله

وقفت كاترين بفرحه : سأذهب اخبر خالد بهذا الخبر لقد انتظر هاذي اللحظه لمده طويله

ابتسمت ريم وهي تمسح دموعها

غادرت كاترين الغرفه وهي بقمه سعادتها

قفلت ريم الباب بالمفتاح وهي تردد الحمد لله انه ربي قدرني اقدم شي للاسلام الحمد لله

نزلت كاترين للصاله الداخليه وهي تبتسم شافت خالد جالس وقفت بابتسامة : خالد لدي خبر سيفرحك

خالد ببرود : ما هو ؟؟

الجده تناظرهم نظرات تضحك : هاذي وش تقول اخاف قاعده تشتم فينا وانت ساكت لها !!

كاترين ما اهتمت لكلام الجده لانها ما تفهمه ناظرت خالد : لقد اسلمت

خالد وهو مو مصدق : قولي قسم

كاترين معتاده على هاذي الكلمه من خالد ضحكت : قسم

وقف خالد بابتسامة : الحمد لله الحمد لله ضربها على راسها بالخفيف : ما الذي غير رايك ؟؟

ردت بابتسامة : فتاه هنا اسمها ريم اقنعتني ورددت الشهاده وراءها

ام خالد بابتسامة : الحمد طلع من ورى هالريم فايده

الجده : تراني ماني فاهمه شي !!

ام خالد : هاذي زوجة خالد اسلمت والقرده للي فوق هي للي اقنعتها

الجده بابتسامة : الحمد لله على نعمة الإسلام بس هالقرده ريم ما جلست معها ساعتين اقنعتها

خالد يناظر امه : هاذي البنت طلبها بلسانها مكافأة لها على هذا الانجاز والله تستاهل مو مثل اخواتي نفروها من الاسلام

الجده : لا تغتر تراها هالملسونه

قاطعها دخول فيصل وخبروه بالخبر وفرح وحمد الله انها اسلمت

وتعجب من هالريم : الحمد لله على الاقل طلع من وراها هالملسونه شي مفيد

الجده : صادق يا ابو خالد اثاوبت الجده تاخر الوقت اروح انام

ام خالد وقفت : صحيح تاخر الوقت الساعه 2.30

وين نواف

فيصل وهو يطلع من الصاله : بالملحق مع الشباب ودهم ينامون هناك

هزت راسها ام خالد وطلع الجميع كل واحد على جناحه .........

&&

&&

&&

&&

&&

&&

جالس نواف وسليمان وصقر جنب بعض

صقر وهو يناظر بدر وعمر : شوفوا اتوقع انهم انهبلوا

كان بدر وعمر يتهامسون ويضحكون

نواف : الحمد لله انهم رجعوا مثل اول وانتهى خلافهم بعد ما قطعوا الامل من جدي

سليمان وهو يسند راسه على الجدار : قلت لك رح يرجعون مثل قبل

نواف ناظر سليمان : مقهور مو قادر استوعب لو جدي صمم انروح نعتذر كيف رح يكون منظرنا

سليمان بعصبية : تدري يمكن وقتها ارتكب جريمه بزيادوووو

ابتسم صقر وبنفسه لو يدرون انه ابوي اتصل بزياد علشان يعتذرون بس رفض زياد انهم يعتذرون وحلف يمين

علشان كذا ابوي كنسل روحتهم

..............

&&

&&

&&

&&

&&

صحيت ريم الصبح وهي تثاوب تذكرت وقفت بسرعة

ومسكت الجوال وضربت على جدها بعد دقايق فتح خط

ريم بحماس : وينك ؟؟ متى نروح ؟؟

الجد بهدوء : اسمع الحين مو مناسب بعد ربع او نص ساعه اتصل عليك وتكون جاهز

عرفت ريم انه واحد من اعمامها موجود علشان كذا يتكلم معها بصيغة المذكر فاضطرت توافق : اوكي انتظرك

توجهت للحمام حتى تجهز نفسها للطلعه

&&

&&

&&

&&

&&

&&

&&

استأذن فيصل علشان يطلع يشوف عياله بالملحق ويصحيهم لصلاة الجمعه

انتهز الجد الفرصة واتصل على ريم بعد ما طلعت الجده للمطبخ

توجه لسيارته بهدوء وجلس ينتظر ريم وبعد دقايق كانت جالسه بالسياره وهي تلهث من التعب

وبعدها ناظرت جدها وابتسمت

رد الجد لها الابتسامه وحرك السياره

ريم بهدوء : امممم افكر اجهز للعرس مع بنات خالي

ناظرها الجد بهدوء : ريم نصيحتي لك ابعدي عن بنات خالك لا تظنين اني الحين ودي اتحكم فيك وافرض شخصيتي عليك

لا بالعكس انا ابغى مصلحتك

ريم بهدوء : بس هم طيبات معي

الجد بدون ما يناظرها : انا حذرتك ولا تنسي انهم مو من ثوبنا

وزياد لو يدري انك رايح لهم ما ظنيت يقبل لانه عيله ابو سعد معروفه كل شي فري عندهم

ناظرت ريم جدها : لا تخبر زياد لانها رح تكون اخر مره رد جدها : اصلا وافقت لانها رح تكون اخر مره وما حبيت ارفض طلب لك يا عروسه وابتسم

ريم بابتسامة : مشكور

مسك الجد يدها بجديه : ريم انا واثق فيك انتبهي للباسك

قاطعته ريم بابتسامة : ان شاء الله امممم حد يدري عن طلعتنا ؟؟

الجد بهدوء : لا ما حد يدري لما توصلين واطمن عليك وقتها اخبرهم

تعرفين نايف وفيصل ما حبيت اكدر خاطرك قبل ما تطلعين

لما ارجع بخبرهم وقتها ما يقدرون يعملون شي

ناظرت ريم جدها بامتنان : مشكور

&

&

&

&

&

&

&

&

الجده بالصاله الخارجيه جالسه لوحدها دخل فيصل

ناظر الصاله وجلس : ابوي وينه ؟؟

الجده بهدوء : والله ما ادري رجعت ما لقيته وسألت الخدم يقولون طلع انت ما شفته ؟؟

فيصل مسك الجوال : لا ما شفته الحين اتصل فيه

اتصل فيصل على الجد وبعد عده رنات فتح خط

فيصل بهدوء : الو ......وينك يبه ........طيب مع السلامه

ناظرته الجده وبيدها فنجان القهوة : وينه ؟؟

فيصل وهو يعدل جلسته : يقول قريب الحين يوصل

دخل خالد وبعده نايف وجلسوا معهم

وبعد عدة دقايق دخل الجد رد السلام وجلس بهدوء

فيصل : وين رحت يبه ؟؟

الجد بدون مبالاة : وصلت ريم لبيت جدها

فيصل وملامحه احتدت : نعم كأني سمعت غلط وين وديتها ؟؟

الجد وهو يشرب القهوة : صاير ما تسمع يا فيصل اقول لك ارسلت ريم لبيت جدها تجلس هناك 3 ايام قبل عرسها

فيصل بقهر : يبه

قاطعه الجد بحزم : ولا كلمه اسمع البنت عندي وارسلها واجيبها ما حد له دخل وللي عنده كلام يحطه بحلقه وناظر نايف وفيصل بحزم

نايف للي احمر وجهه من العصبيه بس كتمها ناظر الحاضرين بقهر وطلع من المجلس زعلان

الجده تناظر نايف لما طلع من الصاله : عجبك هذا نايف طلع زعلان

الجد بلامبالاه : للي يزعل بيرضى وناظر خالد اليوم اي ساعه طيارتك ؟؟

خالد بهدوء : بعد العصر ان شاء الله

الجده : متى تستقر هنا متى ؟؟

فيصل بقهر : خله عند الشقر احسن من شوفتنا عنده

ابتسم خالد : انتم اغلى من الدنيا كلها عندي

الجده بقهر : وملكة اخوك ما رح تحضرها وبعدها تذكرت شي

ناظرت الجد

طيب انت ارسلت ريم عند بيت جدها وبملكة نواف مين رح يجهزني ؟؟؟

الجد ببرود : اعتقد اني قلت 3 ايام رح تجلس و خطبه نواف يوم الخميس والاثنين ريم رح تكون هنا بإذن الله

خالد : طيب ليه ما تروحين على الصالون احسن لك ؟!!

دخلت ام خالد وبيدها صينيه حلا : اسكت هاذي البنت فنانه مكياج والله لو تشوف جدتك ما تعرفها تقول وحده بالثلاثين

الجده اعطتها نظره : ام خالد

ضحك الجميع على شكل الجده الا فيصل للي كان شاد على قبضه يده من القهر .....

ناظر خالد جده وبفرح : ما قلت لك يا جدي انها كاترين اسلمت وبدأ يخبره والجد مبسوط على الاخير وهو يحمد الله على هذا الخبر

&

&

&

&

&

دخلت ريم بيت جدها وكان البيت هادي دخلت الصاله وهي منحرجه شوي

وكان جدها وجدتها جالسين يتقهون سلمت عليهم وهي منحرجه

وطنشت نظرات الاستغراب واستأذنت منهم تطلع تكمل نومها فوق

صعدت لغرفة البنات وفتحتها بشويش وشافت البنات

نايمات

ابتسمت بشوق للبنات من زمان ما جلست معهن واستانست

رمت العبايه والشيله على الارض ورمت نفسها على سريرها القديم

ودخلت بعالم الاحلام ..........

بعد مرور ساعات صحيت ريم مفزوعه من المويه للي على وجهها

ناظرت حولها والبنات واقفات يناظرنها

ريم بصراخ : وقسم بالله لتندمن يا حيوانات ومسحت المويه عن وجهها