ليردف..\أنتي ماعندك حرميه للوجع الاتوجعين وتصرين عليه...أسمعك بـأذني وتقولين قد الشي...قد أيش يا الثريا...منتي قد

شي..!

الثريا بـ أنفجار...\ قد أمور واجده انت ماتعرفها...قد اني ما انهار واطيح واصير مداس لشامتين الرايح والجاي يتشمت ويقول

هذي الي بدأ رجلها عليها صديقتها....قد اني كسرت عيونهم كلها فيك...قد كل لسان حكى وقال ماتاخذ الا رجال عنده

حرمه والا عنده عيال مثل حال كل المطلقات ولو كانت أحلاهم تبقى في أخر شي على الرف مطلقه...أخرست هذي الالسنه

كلها فيك...وعشان شعور أنا قلته بصراحه ماوصلني كلمه منك لأني حسيت انك تقول كلام ماهولي ..مثل ماانا مجروحه من

غيرك وماعاد وثقت في كل كلمه حلوه لني حسيت ماحد يقدر هذي الكلمه من فخامتها..تقولي بطلقك...!

حاتم بثوره ..\أيه بطلقك...أستمرار الحياه بينا بعد الي سمعته صار شبه مستحيل...روحي أرجعي للي تحسين معه بطعم

الحب...روحي له...يمكن يقول شي انا ما أقدر أقوله يوصل لقلبك وانا ماقدر أوصله...روحي أرجعي لولدك الي ناسيته

وحاذفته من طقوس أهتمامك فيني المبالغ...ماجاك الامره ولآعاد فكرتي تجيبنه مره ثانيه ...روحي أرجعي لنقطة البدايه انتي لغيري

وماتدرين فيني وانا للورق وللحبر ..!

الثريا تتجاهله وهي تشد خطواتها لدولآبها المشرع وتشرع في أعادة ثيابها الملقاه في الحقيبه ليشد الخطوات

لها ويشد الثياب من يديها ويلقيها في الحقيبه...وبغضب...\ تبيني أرمي عليك يمين الطلاق الحين...أأ

وضعت كلتا أصابعها بشده على شفتيه لتحكم أقفالها..وبوجع محتقن ..\ لآتطلق...!

.

.

.

سنعتاد ثم ننسى ثم نصبح بخير..!

.

.

.

بعد ساعه...

وعلى أريكة الصاله..فتح عينيه لتقع على السقف...أغمضها من جديد من ثم فتحها....

لآ..يدري لما لم يطلقها...؟

هل بسبب تلك العينين الغارقه في بقايا كحل عشقه فيها...؟

أم لأنه لآيستطيع نطق الكلمه المهلكه..!

كما أنه لآيستطيع أن يمسح من ذاكرته ثرثرتها مع شقيقتها..

ولآيستطيع قبول أعتذارها..

ولآيستطيع أن يتقبل فكرة بقائها معه ولآ يستطيع أن يطلقها...!

لما يا الثريا أغرقك با الكلمات المملؤه با الحب...وأنتي تغرقيني الان با الوجع..!

لما حاتمي أنا معك بعطاء...وأنتي حاتمية جداً با الوجع...!

لما سمعت تلك المكالمه...ليت الروح لم تسمعها...ليتها بقيت في نسج خيوط الحب وتنسيق زهوره...!

كيف لي أن أشاهدك صباحاً مساء..والاذان تسترجع أنك لآ تشعرين معي با الحب ولآحتى بشيء..!

أستفاق من ثرثرته الصامته على جرس الباب ...

لينهض بكسـل ويـتوجه لـ الباب.....فتح الباب ليتفاجئ من وقوف والداه ووالدته...

ليرحب بهم بحراره....

أبو حاتم ...\ جينا نشرب عندكم فنجال وناخذ علومكم ..

آبتسم حاتم بترحيب...\يامرحبا يا الغالين...أقلطو...حياكم الله في بيتكم...

دخل أبو حاتم أولاً من ثم أم حاتم التي كان قد عانق حاتم رأسها وكفها بقبله ودخل بها المكان وهو يحتضن يدها...

جلسا با الصاله لتهمس ام حاتم..\ أذا الثريا نايمه والله ماتصحيها شفني حلفت...

آبتسم بـ أرتباك...\ وليه ماتصحى من كثر ماتجونا الا تصحى وتصلح فطورنا....

أبو حاتم..\ماحنا بضيوف...والفطور سبقناكم...اجلس بس لآتروح....

حاتم بهدوء..\انا طالع على كل حال أجيب جوالي...دقيقه وأجيكم...يامرحبا والله ومسهلآ فيكم ..

شد الخطوات حاتم...لـيصعد لـغرفتهم....وقف أمام الباب لثواني وما أن هم بفتح الباب الا وأستدار المقبض من الجهه

الاخرى...للتتفاجئ هي من وقوفه خلف الباب...

حاتم وهو يتجاهلها ويدخل من ثم يستدير بهدوء...\غيري لبسك...أبوي وأمي تحت...مابيهم يشوفونك كذا...!

كانت ترتدي جلآبيه بلونين متداخله تصل لمنتصف الساق ومزينه ساقيها بـ خلخل فضي و...!

همس حاتم وهو ينحني بـ نظراته لـقدمها التي كانت مشدوده برباط....\وش في رجلك ..؟

همست بهدوء وهي تستدير للتوجه لـغرفة التبديل..\مافيها شي مهم...

دخلت الغرفه لتخرج لها قميص وتنوره..لـبستها سريعاً...من ثم شدت الخطوات للخارج...

نزلت بترحيب دافئ...\يا الله انك تحييهم..وش ها الصباح الحلو ياعمي وياخالتي..هلآومرحبا ..

أبتسم أبو حاتم على ترحيب الثريا ليستقبلها بذراعيه وتقبل جبينه وأنفه..من ثم تنحني لـيده لتقبلها وترتفع ليقبل هو

جبينها...

وبرقه\الشيبان مايجون الا مع الضحى تعرفين مسيارهم دايم...

الثريا..\الله يحييكم أن جيتو مع الصبح زان يومنا وان جيتو مع الليل بينور فيكم بيتنا...

من ثم تقدمت لـ أم حاتم لتقوم با السلام عليها...هبط حاتم في هذه التوقيت لـيأمرها بـ أحضار القهوه والشاي ..

دخلت الثريا لتجهيز القهوه والشاي...وفي أثناء ذلك كانت أم حاتم تدخل معها...

أبتسمت الثريا ..\ لآتتعبين نفسك ياخالتي...وش له داخله معي قهوه وشاي وبحضرها على طول ان شاء الله...

جلست أم حاتم على الكرسي لتهمس..\ والله ان خاطري ضايق ذا اليومين ولجيت أبو حاتم معي ويوم أصبحنا ولقاني

أصلي الضحا قال وش رايك نروح لحاتم نوسع صدورنا شوي وعقبه نروح لـعمه كايد قلت ماهنا خلاف...

الثريا..\يامرحبا فيكم أيه والله...

من ثم همست بضيق..\مافي الطريق شي يا أمك عسى يتوسع صدري با أخبار زينه...؟

الثريا بـ أرتباك..\ما الله كتب شي للان ياخالتي...

أم حاتم بستفسار...\ أنتي راجعتي دكتوره ها اليومين...؟

الثريا ..\أيه وقالت الحمدلله كل شي طبيعي الان كنت أكل حبوب مانعه للحمل بعد خالد بكذا سنه تذكرين تعبت في حملي وولآدتي

وقتها ويوم فكيتها عطتني مناعه وثم عقبه جاني ضعف بسيط وتعالجت منه وأخر سنه حملت مادريت بنفسي

وسقطت وعقبه حصل الطلاق بشهر...

أم حاتم بهدوء..\الله يكتب لكم الذريه الصالحه الي تعوضك وتعوضه خير...عسى اموركم زينه ..؟

الثريا تـضع التمر بـصينيه..\أيه الحمدلله..لآتشلين هم ياخالتي حاتم بحطه بعيوني...!

كانت تلك الجمله المختومه التي رفعت فيها أنظارها الثريا المبتسمه لـوالدته لتتفاجئ من الواقف بـ الباب والمستمع لحديثهم

منذو وقت لآتدري متى...!

أبعد نظراته المشمئزه منها ليقترب من والداته ويعانقها بكلتا يديه على اكتافها ويهمس برقه..\ تغدون هنا ماهو مسموح

لكم تطلعون...

أم حاتم..\لآ يا أمك مانبي الا نشوف اخباركم ونسلم عليكم...ونمشي لـعمك بعد نوسع خاطره تعرفه ياامك

يضيق خاطره والزين بترجع من الجامعه ماتلقى احد...

.

.

.

سنعتاد ثم ننسى ثم نصبح بخير..!

.

.

.

نسف طرف شماغه لـطرف الاخر وأخذ محفظته وضعها بجيبه تحت نظراته لها من ثم

أغلق أكمامه بكبك أنيق فضي وجلس بقربها ...!

يؤلمه مشكلة أخرى تطل برأسها عليهم لتخبره بـ أن كل القضايا تحل الا قضيته الخاسر فيها منذو بدايتها...!

يؤلمه وجع حبيبته..وروحه...وزوجته الدائم منه...!

يؤلمه أستسلامها التام...وتفكيرها بـ أن العلم لم يقدم لها سوا سنين مضت لآتعوض...

يؤلمه فقدان بريق يعشق بعينيها المتحديه الدائمة الجموح..

يؤلمه آنحصار أشعة الشمس من وجها بسبب شي لآيستطيع أصلاحه ولآتعويضه..!

موجوع جداً من حديثها الليله الماضيه وبأنها قامت بـ أخفاء الامر عنه خوف من أبتعاده..بينما هي تشكل بنسبه له الحياه كلها...فكيف تفكر

بـ أن يبتعد خطوه واحده ويتركها ...

يتركها...!

أي ترك بـعد أحتضان روحها بين جنابات روحه...

أي ترك بعد آشباع عروقه من فيض قربها مره ومرتين وعشرون وأكثر..!

أما ينجب منها...أو...لآيريد من سواها..

فقد ربـا أربع بنات وتذوق الابوه معهم وراضي بما قسمه الله ...!

أبعد طرف المفرش عنها ويهمس برقه متناهيه...\ماعندك محاضرات اليوم..؟

حركت أهدابها لتوليه ظهرها بهدوء...\ مالـي خلق أقابل أحد...ولآحتى القي محاضرات يبي لها صبر وطوالة بال

وانا اليومين هذي مالي خلق شي فيني خمول وكسل...؟

بهدوء\ أجل قومـي معي نتمشى ونفطر ونغير جو..وبعدها أنزلك وأروح لمكتب

أصلن ماعندي شي مهم الى الساعه11...

همست بخفوت..\ مشتهيه أكمل نومتي ياقايد ...

نزع شماغه بهدوء...وأنثنى بهدوء لجوارها...ليشدها برقه لذراعه بعد أن أدخله تحت رأسها لـيثنيها لـطرف صدره..

صمت هادئ صادر من الروحين...لتعانق بـ أناملها البارده طرف أزرته السفليه لـصدره...

همست بختناق \ بتنام ويفوتك المهم والي ماهو مهم...؟

قايد بمحاولة اغاضه\ صادقه بيفوتني موعد مهم مع وحده من الموكلات في قضيه بس عشان خاطر ها الي متقلده رقبتي

بنأجل موعدها..!

الجموح بملل ..\وين متقلدين رقبتكـ يادنجوان زمانك أنت الي تبي النوم وحاط العذر أنا...

قائد يبتسم وهو ينحني لـيطبع قبله على شعرها..ويفاجئ بطرقات على الباب وصوت وصائف الغاضب...\ياقايد الدوام

فاتك يا أمك..الهمام لمكتبك...!

وبصوت ساخر...\ يايمه قايم والله بـس عندي حرمة متعلقة برقبتي ....!

صرخت الجموح بغضب وهي تضع كلتا أناملها على شفتيها لتحاول كتم جنون الصباح الذي تلبسه...!

أم قائد بـستغراب...\ وش تقول يا أمك...عجل قم...!

الجموح برتباك...\ صاحي ياخالتي...الحين بيلبس وينزل...!

أبعد يدها بـيده الاخرى..\والله ما انزل ورب هذي العيون الحلوه ان أفشلك تفشيله معتبره تحت أذا ماداومتي مثلي

أجل أداوم وأنتي تتقلبين على ها السرير .!

الجموح بهدوء..\بلآ سماجه تعوذ من الشيطان وأنزل...

قائد يدعي النوم وهو يشد أحد كفيها ليضعها برقبته..\ بقول لـ أمي لقيتها تبكبك ومتعلقة برقبتي تقول ضايق صدري من الجامعه

وأهلها لآتداوم اليوم أجلس معي...خليها تقول ياعوابتها ماعاد تركت رجلها يروح لـدوامه ماغير تدلع وقلب قايد رهيف ماهان

عليه يخليها وهي متعلقة برقبته..!

الجموح بغضب وهي تحاول النزول من السرير..\ مع ان هذا الشي ماهو بداخل براس خالتي وصايف

بس ماضمن سماجتك تدخلها وتفشلني قدامها ...

قايد بـضحك \أجل من راي تلبسين و تروحين لجامعتك أبرك لك من سماجتي وهذي جلسه لين تلبسين وتنزلين معي...!

نظرات الجموح الغاضبه والتي بعد ثواني تحولت لـ أبتسامه متهكمه...\ ياقرد حظ الي أنت محامي خصمه...!

.

.

.

سنعتاد ثم ننسى ثم نصبح بخير..!

.

.

.

محمد بغضب...\وليييش المفتاح في الباب من الاساس ليييش...!

نجد ..\يامحمد هذا الحمام الخاص بقسم الحريم يعني شي اكيد المفتاح فيه الحين ماهو وقت مناقر الحين وقت نشوف حل

ونشوف كيف تفتح الباب...؟

محمد يشير بغضب..\وش حله الحين تفكرين بحل ليه مافكرتي تعلقين المفتاح بـزينه فوق اذا جو الحريم ياخذونه ويندفسون

في الحمام يسكرون على انفسهم.!

طلال يحاول المقاطعه..\يابابا هو يعرف يفتح مرتين قفل على نفسه عند امي ويفتح اخر شي...!

قائد مستمر في البكاء..لتهمس نجد با التسميه عليه والقراءه ...بينما محمد كانت أعصابه مشدود وثائر...!

محمد بصوت مرتفع..\كم مره قلت لك أنتبهي عليهم كم مره يانجد...يوم واحد ماتقدرين تنتبهين...فالحه لي بـجدول النظامي لعيالك

وعيالي عجزتي عنهم...عجزتي تنتبهين لعيال التافه الي خذاك...والا عساني مع عيالي بحريقه..!

نجد تشد نفس وتزفر بـ توتر..\أعوذ باالله من الشيطان الرجيم..يامحمد أهد وأسكت شوي أتركني أقدر أفكر أسكت ...

محمد بثوره..\ وش أسكت ولدي بيروح مني ماتسمعين صوته...!

كان محمد يركل الباب بقهر..ويحاول بكامل قوته أن يكسـره...وكل محاولاته تبؤ با الفشل المؤكد فا الباب من النوع الخشب

القوي جداً...والمتين.....

نجد بغضب تحاول أبعاد محمد بكامل قوتها..\ لآتروع الولد كذا...منت قادر تكسره بهذي الطريقه...

محمد بستهزاء..\لآ.أروع الولد...أيه هامك ها الولد...صدق من قال أقضب مقرودك لآيجيك الي أقرد منه هذا حالي في الزواجتين..

روحي جيبي لي شي من المطبخ أكسر الباب فيه....!

نجد بصرامه..\وش تكسره منت قادر تكسره دق على الدفاع المدني يجونك في ظرف دقايق يفتحونه بدال ترويع الولد أكثر...!

وكزها بغضب...\منتي نافعه لشي...أجيبه بنفسي أحسن...!

تراجعت بغضب للتتجاهله...وتقترب من الباب أكثر..وتشير لـ طلال وثامر أن يقتربا لتهمس لهم بـصوت هادئ...

ليتقدم طلال أولاً..\قايد أفتح الباب زي أول عند ماما..أول تقفل الباب وفتحته انت!

صوت بكاء الذي يصدر منه...ولآ أستجابه

لتهمس نجد وهي تنحني لـ الارض وتطل..\قايد حبيبي ..ياقلبي شوفني من تحت طل ...شوفني عندك شوف لآتبكي ياقلبي...

بدأ صوت البكاء يخف...

نجد تدخل اناملها من تحت فتحت الباب وبهدوء..\شوف أصابعي تقدر تسوي مثلي...شوف اخوانك يدخلون اصابعهم بعد..

كان ثامر وطلال يقلدون حركات نجد كنوع من التقليد فقط...

ليقوم قائد بهدوء وأدخال أنامله من جهته لتداعب نجد أصابعه ..\طيب تقدر تسحب المفتاح تعطيني هو...وأعطيك فلوس معي...

أخبرت ثامر أن يركض ويحضر عشر ريال كانت موجوده بـ أحد الفازات القريبه لـيحضرها ثامر فوراً وتقوم بـ أدخال

طرفها...\قيودي حبيبي بتشتري فيها شبسات وعصير وتطلع معهم الحين للبقاله يا الله ياقلبي لاتأخرهم...

سمعت الباب يقوم بمحاولات فاشله..لتزفر بيأس..\طيب حاول تسحبه وتعطيني هو...تقدر يابطل..صح تقدر..ياالله وشوف أخوانك

بيشعجونك يا الله ياثموري وياطلال قولو قايد قايد..!

بدأ ثامر وطلال بتشجيع والتقافز أيضاً... ليبدأ التحرك من الباب من ثم شعرت بمحاولة سحب المفتاح..لتقوم بتشجيعه بحماس..

وينسحب فجأه بعد عدة محاولات فاشله من ثم تأمره بسرعه أن يدخله من تحت الباب...

وباالفعل قام بـ أدخله لتلتقطه بـسرعه وتقوم بفتح الباب...وتحمله بفرحه ومن ثم تقوم بتسميه عليه وقراءة أية الكرسي والابتعاد به ل

المغسله الموجوده بقسم النساء وتغسيل وجه وضمه ومسح وجه المحمر...

كان ثامر وطلال قد تقفازا لـ أخبار محمد الذي كان أتى بـ أداة حاده بيده ومطرقه...من ثم رماها بعصبيه لـ الاريكه

وشد قائد من أحضان نجد وبعصبيه..\الحين تخمخمين فيه...!

نجد ..\سم على ولدك الحين ترا بعض الهروج مالها داعي...أحمد ربك على سلآمته...

محمد بغضب..\بعض الهروج مالها داعي طبعاً الي ماتعجبك تكون مالها داعي...صدق الام ماتتعوض يانجد ماتتعوض ..

ذابحه نفسك في الاهتمام بعيالك ويوم صارو عيالي في البيت تقفل عليهم الحمام بغفلة منك..!

نجد بغضب بحت..\بعض الامهات ماكأنهم أمهات لآتحسسني ان أمهم مهتمه مره فيهم ...

وبعدين منت فالح لي فيه الا أنتي وأنتي مدري وين تبي توصل بضبط...هذولا البزران طبيعي

تصرفاتهم لآتحملني شي ماهو ذنبي...!

محمد..\ تبين تعايرينهم في أمهم يانجد هانم ...!

نجد بغضب وصوت مرتفع ..\لآوالله ماعاد فيك ذرة عقل أنهبلت الظاهر...تهاوش وتعافر ذبحتني وغثتيني با الكلام الي يغث ...

عليك حكي ماهو موزون حتى البزر مايقوله...!

محمد بجنون...\ وبعد تتكلمين معي بهذا الاسلوب وتقولين ماعاد في راسي ذرة عقل وحكيي ماهو موزون وترفعين بعد الصوت

تحسبين خلاص ماعاد أقدر أستغني عنك لآوالله يابنت نايف فارقيني تراك طالق ...!

.

.

.

سنعتاد ثم ننسى ثم نصبح بخير..!

.

.

.

بعد خروج أهله...كان النعاس قد غلبه لذا صعد لـ الطابق العلوي ودخل الجناح لـيجدها

تجلس على طرف الاريكه مشبكة أناملها ...

أخرج هو حقيبه صغيره من الدولآب...ورمى بها عدة ملآبس لها...ومن ثم توجه وأخذ غطاء لـ السرير كان مرتب

بـ أحد ألآرفف..وشد الحقيبه التي لم يقفلها..ورماها لتستقر تحت قدميها

وبغضب...\روحي نامي بغرفة خالد .!

بعد ان القى كلامه توجه لغرفة التبديل...

أنتزع القميص الذي كان يرتديه ليرتدي له قميص لبيجامه بعد ان غير بنطاله ليتفاجئ بـدخولها غرفة التبديل...

وبجديه...\ حاتم لو سمحت أتركنا نحل الأشكال الي بينا حنا كبار وفاهمين ونقدر نستوعب المشكله الي صارت ..؟

حاتم غاضب...\وش مشكلته يا أم خالد...علميني وش مشكلته...المشكله هي تصير بين زوجين

في شي في أمور الحياة يعتذر منها وتعتذر منه وتمشي سفينتهم...لكن علميني أذا كان كلامك الي سمعته يعتبر مشكله تقدر تنحل..؟

الثريا التي كانت عينيها تنظر له بصمت مطبق...

ليردف وعينيه بعينها..\ماتسمى مشكله يا ام خالد هذي تسمى فجوه في علاقتنا الزوجيه ...!

وبـقسوه...\انا مو قادر أفهمك...أنتي أنتصرتي على فهد بـحركتك السخيفه هذي...وحسيتي بأنك الثريا العاليه المرتفعه

وخلتيه يعض أصابعه عليك ندم...طيب وش الي في راسك بعده ليش ماتبين أطلقك...؟

الثريا..\ ياحاتم والله العظيم وشوفني احلف لك الحين ماكان هذاك الحكي الا شي أنقال والله يلعن الشيطان أبوخالد ماهو

في بالي ولآ أبيه كنت أشكي لـ أختي ان الحب يجي مره وحده وأني موجوعه لدرجة ماحسيت بكلامك ياحاتم الشي الي صار

معي لآتحسبه بسيط..والله العظيم ماهو بسيط خلاني أقفل أذني وأسكر قلبي لآني مابي أحب وأنفجع كنت أبي أمشي حياتي وبس...

حاتم بستهزاء يضع أنامله على طرف جبينه من ثم يبعدها \ تمشين حياتك...!

من ثم أشار لـعنقه..\واصله لهنا معي يا الثريا منك لآتزودينها بتمثيلك البايخ هذا...!

الثريا بمحاولة هدوء وجديه...\ما أمثل... !

حاتم بتهكم..\أوووه أجل الممثله الممتازه أعتزلت المهنه وهي ماكملت شهرين وشوي ..؟

أرتفعت عينيها له لتهمس..\لو سمحت لآتوجعني با الحكي لآهو لآيق لك ولآ لآيق لي..أنت عزيز

وغالي وولد عم...وانا عزيزه وأعتقد غاليه على قلبك...خلآص ضمني على حشمه وتقدير ماهو على مهونه وهرج يوجع..!

كانت تهم با الانسحاب...ليشدها ويلصقها بـ الدولاب...\ ودامني عزيز وغالي وولد عم ليه رضيتي لي الشي

الي ماتحملتيه على نفسك ساعه ليه رضيتي ان الكلام الي في خاطرك يطلع ليه ماخليتيه حبيس وكملتي تمثيلك البايخ على

الاقل يبرد خاطري بقربك سنين طويله مثل سنين مضت خاليه ليه مارحمتي الي مااوجعك بكلمه ولافعل أيد...ليه يا الثريا

لهذي الدرجه انا أستاهل هذا الشي منك تخدعيني توهمين رخيص انا لهذي الدرجه مشاعري عندك مالها قيمه...!

الثريا تستقر عينيه بـعيينه على ذات القرب الموجع لروحيهما...لتهمس بخفوت..\ ترا الي يحب صدق مايوجع صاحبه ياحاتم

لآتوجعني وانا ماقصدك أوجعك ولآأجرحك أنا ما اوجعت الا نفسي ولآأتعبت الا نفسي...!

أفلتها بوجع من بين يديه...

كان ينوي أيذائها بكلمات تذيبها من شدة الوجع ...كما أذابته كلماتها بحقه من الوجع...!

كان يريد ان تمتلئ تلك العينين المرسومه بدقة أللهيه با الدموع...يريدها ان تبكي وتغسل مافي روحه من ألم..!

وكانت الحقيقه الموجعه انها قتلته مره أخرى بجملتها التي صائبه..الذي يحب بصدق لآيؤلم صاحبه...!

لكنه تركها..تركها لـن روحه تأمره بذلك....ليتوجه لسرير ويرمي جسده عليه كـ صريع....!

أيؤلم روحه...وبراعم حلمه...!

كيف جبر الروح على الكره والابتعاد مؤلم...!

آآآوه...منك يا وجع يتعاظم...!

لآتريدك...لكن كل خلية بروحك تريدها...لما الجسد والروح يتحدون على العقل...!

على الجانب الاخر...!

كانت هي تزفر بـ أختناق وتعانق أناملها عنقها الطويل...من ثم تنحني بوجع لـحظها العاثر في الحب..لتجلس

على الارضيه البارده...وترفع اناملها من عنقها لـ جبينها....

من ثم تزفر بعد ربع ساعه وهي تشعر با الصداع يفتك برأسها وترفع عينيها لـطرف المفتوح...لتجده مستلقي

على السرير كا جثة أهمدتها هي بـكلمات مبعثره قالتها ولـيتها أصابها الطرم...

فـ..أخر أنسان تريد أيذائه هو حاتم الزوج..!

نادمه وبشده...ليس على ثرثرتها لـشقيقتها...لكن لـانها أخرجت تلك الثرثره من بواطن روحها..

فبعض الكلمات لآتفسر لنها لن تفهم الا بتجربه...والتجربه التي مرت بها خلفت أثار مدمره على صعيدها الروحي جعلتها

متخبطه..

تقول الروح لها لآتؤمني با الحب فما في الروح من الجروح تكفي....ويخبرها القلب بـ أن تبصر أبصار المبصرين

وترآ كيف الحب الحقيقي يحتفظ بحبه ويؤلم روحه با الصمت سنين طويله لـ أجل حبيبه لآتعرف عنه شيء..!

ويعنفها العقل بـ أن حاتم الزوج سمع منها ماينهي علاقتهم تماماً وان الاستمرار لـ أجل الاستمرار هو مذبحة جماعيه ...!

بينما الاورده تقوم بـتصويت جماعي...بـ أن المشكله تقوم على مسألة واحده...هي مسألة بناء ماتم هدمه...!

أستدارت لتخرج لـها قميص حريري بلون الاسود ...نعم الأسود..ذاك اللون الداكن الذي يعانقها معانقة العشاق...!

رتبت خصلاتها على فتحت ظهرها فتغطيه...عندما أرتفعت عينيها

وقعت على المرأة الطويله الموجوده...لتكتشف تفاصيل وجع مستوطن محياها...

وجها متعب جداً...ومرهق جداً..

ويكشف عن كل خلية تتصارع الان بداخلها..!

لم تبكي...لكن الملآمح تفضح قوة عظيمة تتخلخل الان...!

لذا تحركت بخطوات صغيرة لدورة المياه وغسلت وجها مرات عده...وهي تشعر با ان الحراره تسري فيه فتحوله

للون الاحمر وكأنه يتحسس من ألم ما...وباالفعل كان يتحسس من ألم داخلي عميق ...

خرجت من دورة المياه...لتذهب لـزاوية السرير البعيده وتستوطنها بعد أن كانت ذراعه وطنها المسائي ...!

بات ظهره الممدود منفاها الحالي...!

لآتريد الخروج من الغرفه...ولآ أطاعته ...فـ أن أطاعته وأبتعدت عنه...لآتستغرب ان طلقها ...فمن تجرع البعد سنين طويله

وتذوق القرب لفتره قليله من ثم عاد وتجرع البعد قد يعتاد أيضاً ويبتعد للابد...!

حولته بعد عدت كلمات لـشخص أخر...شخص من شدة وجعه يريد ان يجعلها تتجرعه ...

هل كان يحبني بذلك العمق الموجع...لتكون هذه ردة فعله الموجعه..

وكيف لي أن أعلم بـ أن الرجال يحملون وفاء ورقه لهذه الدرجه المتفانيه والموجعه لهم...أبي ..وفهد لـيسو أوفياء...؟

كيف يرمم الكسور التي بيننا...كيف تترمم وتتجبر عظم عظم وشظية شظيه...!

ليت بعض الثرثرات التي لآقيمة لها تبقى حبيسة الصدور..!

اخسرتني وانكرت قلب غمرها

با المحبه والوفا لين استباحت

والله اني مذكر ان قلبي كسرها

استرحت من المعاتب وأستراحت

ماهي بكفو العيون ولا سهرها

وماهي بكفو الضلوع اللي تناحت

كنت اقول انها هي العين ونظرها

لين مابانت حقايقها وباحت

دورت جرحي وربي مانصرها

زحتها من قبل لاتقفي وزاحت

ذا جزاها في غرام الي ذخرها

استدارت عن مواثيقي وشاحت

كنها الا دمعتن بلخد ثرها

طاحت وماعاد ترجع يوم طاحت

اذكر ان قلبي كثر ماهوذكرها

اذنها اليمنى علي لجة وصاحت

لوعذرها الوقت والله ماأعذرها

لين تعذر دلة بنار فاحت ....

من طعن روح المحبه في ظهرها

والله ان يبطي ونفسه مااستراحت

تبغي الزله على اللي ماجبرها

لين شفت عيونها باالغي لاحت

اسالتني في حياتي ش اعتبرها

قلت روحي والبلا صدت وراحت

.

.

.

بدايه

مساء الامطار والخير والبركه يارب لك الحمد والشكر...

و

مية هلا با الوجيه الطيبه الي نورتنا من خلف الكواليس أيه كذا طلو علينا وخلونا نشوف ردودكم الحلوه ولآتبخلون

علينا با التواجد الدائم العطر=)

وهلآ با الغايبين الي طلو علينا...هلآ بنجوله الي تبي الخلاط والنوري الي تبي النجر...مالكم الا من يجيب لكم الصحن

الي بتنكبون فيه..=)

تدرون ياأهل الثرثره لو تركزون في نقاشكم تلقون ان أنتم منقسمين وكل قسم معه حق..وهذا الي أنا أبيه لأن كل بطل معه

حق ...نجد معها حق..وفي نفس الوقت محمد معه حق..

بعد الثريا معها حق...وفي نفس الوقت حاتم معه حق...

كل واحد له وجهة نظره الصحيحه في موضوعه...وكل واحد بيدور الحلول لمشكلته من وجهة نظره هو...!

فيه بيوت تعمرت بدون حب على الموده والاحترام...وفيه بيوت الحب هو ركيزتها الاساسيه..!

فيه شخصيات مثل حاتم رقيقه جداً لدرجة ان الكلمه يمكن تقتلها وتنهيها تماماً...

وفيه شخصيات مثل نجد مثل حد السيف في تصرفاتها بس القلب ماتقدر عليه لنه ماهو بيدها...

وفيه شخصيات مثل الثريا تنقتل ومن ثم تتبنى فكره ان الحب غير موجود لأنها أنقتلت في مكان عميق بروحها..

وفيه مثل محمد الي يبي الانسانه الي حبها تحبه لأنها له وحده والمفترض تكون معه بكل جوارحها ..

هي خليط مركب من وجهات نظر كثيره تجمعت في شخصيات تتركنا نتناقش هل هذا صحيح...والا تصرفه هذاك صحيح

لو أنا مكانها بتصرف كذا لن التصرف الي بوجهة نظري انا هي صحيحه..!

بس لو كنت مكانه بتصرف كذا لن تصرفه ماهو صحيح...!

وهكذا =)

.

.

.

لآتليهكم الروايه عن الصلاة في وقتها...

.

.

.

نجد بغضب وصوت مرتفع ..\لآوالله ماعاد فيك ذرة عقل أنهبلت الظاهر...تهاوش وتعافر ذبحتني وغثتيني با الكلام الي يغث ...

عليك حكي ماهو موزون حتى البزر مايقوله...!

محمد بجنون...\ وبعد تتكلمين معي بهذا الاسلوب وتقولين ماعاد في راسي ذرة عقل وحكيي ماهو موزون وترفعين بعد الصوت

تحسبين خلاص ماعاد أقدر أستغني عنك لآوالله يابنت نايف فارقيني تراك طالق ...!

أربعة حروف من كلمة واحده ..يحرم الله بـها تلآمس الاجساد...!

عميقه تلك الكلمه بـرغم من خفة حروفها وسهولة نطقها...!

نجد الواقفه بـذهول ...لم ترمش عينيها...بقت واقفه مفـجوعه تماماً...وهي تنظر لـه بعدم تصديق...!

بينما محمد...بعد ان خرجت تلك الكلمه في ثورة غضبه من شفتيه...بدت له كأنها صاعقه وقعت عليه فوراً بعد نطقها وجعلت

ذاك الغضب يتهاوى فوراً في بئر عظمية تلك الكلمه ...!

أنزل قائد من يديه....وهو يشاهد أحمرار وجه نجد...وتحوله للون شديد الحمره وكأن العروق تفجرت كلها التي بجسدها متجه

جميعها للوجه...

أنسحبت بـخطوات سريعه بـ أتجاه الطابق العلوي....لـيرمي جسده على الاريكه بـ الغرفه المجاوره ويلعن الشيطان

لمرات كثيره...!

خلخل أنامله بـشعره وكأنه يشد تلك الخصلات للاسفل يريد أنتزاعها من جلد الرأس...

لآ...يصدق....لآ...يصدق...

بثورة غضبه خرجت تلك الكلمه....ولو أنتزعت روحه لكان عنده أهون من أخراجها....!

يا الله...!

يا الله...!

قذف بـظهره للخلف....وحرك بقوه شديده أنامله على شفتيه لـيعض الأبهام بـقوه وهو يشعر با القهر يتصاعد لـرأسه...!

كيف طلقها...كيف أنسحبت الكلمه هكذا من لسانه..!

لآيدري كما مضى...!

وهو في وضعية المذهول....والعدم أستيعاب...

لكن أفاقته من وضعه تطويق عنقه وجسد صغير يستوطن أحضانه ...

وهمس مرتبكـ...\ بابا لآتعصب ....!

لما تلك الكلمه لم تنطق الا الان...!

هل أخبرك يا لولوه أني من ينكث الكلام والوعود من يـضرب على صدره ويقول من ثم لآيفعل...!

هل أخبرك يالولوه...أني أب فاشل في الحقيقه وفـي المحاولات الفاشله معكم...!

هل أخبرك يالولوه أني حين أثور لآ أصبح الا مراهق لآيستطيع ضبط غضبه...!

هل أخبرك يالولوه أني خسرتها الان الزوجه الحبيبه والام والحنون والمهتمه بـ أدق تفاصيلي والتي أطالبها با الاكثر والاكثر..

من ثم لآتغضب ولآتثور بل تصمت..بينما أنا أخلط جميع الامور وأقذفها في وجها..!

أبعد عينيه عن لولوه لتستقر بـثامر الجالس بهدوء وبجانبه طلال وقائد على الاريكه البعيده ينظرون لـه بشكل غريب

متوجسين وصامتين وهم با الحقيقه لآيعلمون با الضبط ماهو الطلاق ...فقط رأو ان الكبار علا صوتهم وان أمورهم

ليست بخير...!

محمد وهو ينزل لولوه من أحضانه \ ثامر أنتبه لـ أخوانك شوي وأجيكم..

ثامر يقف...\طيب ياعمي...

شد الخطوات لـ الطابق العلوي...ومن ثم توقف عند الجناح...الذي عشقه لأنها فيها...

عشق نجد لأنها نجد....!

نجد المرتبكه بـليلتهم الاولى المرتعب من قائد ان تبكي أخته فـحمله على أذاعة القران لتهدئ...!

نجد التي أرعبها بتصرف صبياني بنظرها لنه دخل في بيت ليس بيته وأراد منها المبيت فيه...!

نجد التي كادت تموت بين يديه من شوكة سمكه في وجبتهم الاولى...!

نجد التي تعشق صغارها بطريقه نظاميه مرتبه ومجتهده في أخراجهم من مدرستها الاموميه على أكمل وجه..!

نجد المهتمه بتفاصيل الزوج الملابس المعلقه المكويه والمعطره...البخور العابق بـ الاركان..التفنن با الاطباق اللذيذه...

والصوت المنخفض..والانثى التي تناقش بـعقل رزين وتحاول بحكمه في أن يترك زوجها التدخين..!

وبعد ذلك كله...طرقت أبواب روحي بـ أناملها الانثويه بـحب عاصف يخبرني بـ أنه لن يبقيني بخير..!

لن يبقيني محمد المعقد...

لن يبقيني محمد الذي أطفاله في ركن قصي وهو في ركن قصي أخر من البلاد....

لن يبقيني بلآ أبنه...ولن يبقيني بلآ حب...

سيقوم بـتغير جذري لـجدول حياتي بـ أكمله...!

ولأني أغار من ماضي مدفون...ولأني عصبي في حاضر مجهول..خرجت في ثورة ما ..كلمة هي المهلكه..!

زفر بـ أرتباك...وهو مستعد تماماً لكارثه روحيه تنتظره...!

فتح الباب....!

وقعت عينيه عـلى حقيبه مفتوحه وفارغه..حرك عينيه لـ الاتجاه الاخر لـيجدها تجـلس على أحد أطراف السرير موليه

لـ الباب ظهرها...!

تحرك بخطوات ثقيله...وكأن الاقدام تحمل لها قيود....

لـيقف أمامها وترتفع عينيها به بوجع..

وبصوت متخثر بـ الف عبره...\ يوم خطبتني دق الصدر عمي تركي وقال رجال وأنا أكفله يابنت نايف...

بس ماقال لي ان هذا الرجال الطلاق عنده أبسط من شرب المويه...!

حرك عينيه لـ الذي بين أناملها جهاز الجوال..مدسوس بين كفيها بقوه..و..حتى الكفين لـ أول مره يعلم أنها قد تحمر

بهذا الشكل الموجع...!

ليهمس بعثرات..\في وجه نايف ماتدخلين أحد في السالفه لآ تركي ولآقايد...يابنت نايف والله انه الشيطان الله يلعنه ..!

نجد بوجع تقاطعه..\يانجد لآتجلسين كذا غصن يابس..يانجد أخذي محمد البتار وأورقي وخليك غصن خضر ..وخذيته

وبدال غصن خضر..أو غصن يابس...برجع لهم غصن مكسور يامحمد...

جلـس على ركبتيه بـ ألم عاشق..لـمعشوقه تستحق لأنها أنثى تميل للكمال بعين أي رجل...\ لآوالي خلقك يانجد منتي

غصن مكسور أنتي ديره كبيره تورق فيك الاغصان في أشجارها...

وبندم رجل ..شد كفيها بين كفيه...\ طلقه وحده برجعك يا نجد حزة شيطان انتي تعرفيني أذا عصبت ماعاد أقدر في

نفسي وهي طلعت مني بـطلع كفارة يمين وبرجعك...ماقدر أستغني عنك يانجد والله العظيم ماقدر قولي عني

الي تقولين بس لآتطلعين من بيتك لآتطلعين...

كانت تهز رأسها بوجع..والدموع العصيه تتساقط على الخد...وبوجع أنثى تصرخ في وجه..\مراهق..أنت مراهق...

أنا خذيت لي واحد مراهق..دقيت الصدر فجأه..وبسرعه تزوجت..وبسرعه تبي الحب وبسرعه طلقت وبسرعه

ندمت وبسرعه تبي تصلح الاوضاع حالاً..!

من ثم أردفت..\طلقت أشواق وهي أم عيالك ثلاث طلقات وش يفرقني عنها ويمكن حنا الثنتين ماأشتركنا الا في

الحظوظ المايله رجال الطلاق معه على طرف لسانه ..!

محمد..\ لآ...لآتخلطين الامور أنتي غير أشواق..أشواق هي الي خلتني أطلقها سوت فيني الي مايتسوى ..أنتي ظالمك

بطلقه الي طلعت مني المفروض ماطلعت بس زاد علي وشد أعصابي حسيت انك ماتعطيني أهتمام لآ انا ولآعيالي لنك

ماتحبيني كـحبيب وزوج هذا الشعور يخنقني يوترني يخلي أعصابي دايم مشدوده بشكل ماهو طبيعي...!

أبعدت عينيها عنه..من ثم رفعتها بـوجع في سقف الغرفه وهي ترفع رأسها للاعلى وبصوت من عمق الروح..\يارب

أنا وش سويت بنفـسي...وش سويت...يارب لغيرك ما أشكي حالي...يارب لغيرك ماأشكي حالي...

كان عنقها مشدود وذقنها مرتفع للاعلى والوجه ممتلئ با الاحتقان وحالتها باتت مزريه تماماً أمام عينيه...

لتخفضها بعد ثانتين ...وتهمس..\ محمد أطلع مابي أشوفك ولآ أسمع كلمه منك...

محمد يشد الهاتف من بين أناملها وهو يقف بصمت...ويشد بخطواته بصعوبه للخارج....ومن ثم القى نظره لـها ليجدها

ترمي بـجسدها على السرير وتنخرط ببكاء عميق...!

.

.

.

يامقيدني وأنا حر الجناح..لآتبعثرني وأنا بك ممتلي..!

.

.

.

فـي الجامعه...

واقفه بهدوء على الاستيج المخصص للمحاضره..وعينيها تتفحص الوجوه المتفاوته بـا القاعه وهي قد القت عليهم سؤال

يدخل في نطاق المشاركه وكل واحده منهم تدون في الورقه أجابتها..

لفت أنظارها أن أحد طالبتها المتفوقات منتفخ بطنها ...أبتسمت بـ ألم....وعينيها تتفحص أكثر...

لتهمس بصوت خجول...\روضه...أنتي بـ أي شهر...؟

روضه التي أرتفع رأسها بـستغراب وأحراج...وعيون الطالبات توجهت لها..لتهمس بـخجل..\ليش تسألين دكتوره..؟

نزلت الجموح من الاستيج بهدوء لتتقدم بخطوات هادئه وتجلـس على طرف الطاوله التي تخص روضه..\توني

أنتبه أنك حامل ماشاء الله..؟

همست روضه بـهدوء..\دكتوره انا بسادس الحين...؟

الجموح أرتفعت حاجبيها بفرح..\ماشاء الله ...ومتفوقه يا روضه تبارك الله على الحمل...؟

روضه بهدوء...\ انا متزوجه مبكر يادكتوره من ثاني ثانوي...وعلي الحين بنتين وهذا الثالث...انا أحب العلم وجاتني

صعوبات ياكثرها بس راعي العزيمه القويه ربي يسهله ويوفقه..ويالله الحين نبي نتخرج أخر الهم هذا الترم الله

يعديه على خير..!

الجموح بألم...\ماتعارض مع زواجك...ليش مانتظرتي الى ان تخلصين جامعتك وعقبه تزوجين..على الاقل تحققين شي بيدك..

الزواج ماهو مضمون..؟

رفعت كتفيها بـهدوء..\كل شي في الحياه ماهو مضمون..وبعدين هذا كان ولد عمي ويحبني وأحبه وماقدرت أقول

لبوي لآ خاصة ان الدراسه اقدر اكملها عنده وكملتها اول سنه صح عارض واقلقني عشان اتركها بعذر الحمل وتعب

ومدري ايش بس بنهايه اقنعته وشوفيني الحين على اخر مراحل الجامعه ياربي لك الحمد والشكر..!

صمتت والابتسامه المتألمه على شفتيها...وكفها المرتجف يربت على كتف روضه المتفاجئه من أسئلة دكتورتها الغريبه...,

همست الجموح بهدوء..\بنات من الي متزوجه فيكم ترفع يدها بنشوف عددكم ...؟

تفاوتت الايدي المرتفعه...!

الجموح..\ماشاءالله بنات الزواج وفقتو بينه وبين الدراسه...؟

أحدهم..\يادكتوره ماهو شرط..والله مادهورني الا ذا العرس الي أنشبوه بحلقي...رجعني لـعشر سنين وراء ..قال

مافيه دراسه ولآفيه طلعه ولآدخله..ونكد بنكد لين طلقني...الشي توفيق من الله بعضهم الرجال يساعد وبعضهم ينشب

بحلقها ويقعدها في البيت وأحمدي ربك اني متفضل عليك ومتزوجك..!

.

.

.

يامقيدني وأنا حر الجناح..لآتبعثرني وأنا بك ممتلي..!

.

.

.

فتح عينيه بـألم بالغ ورفع أنامله لتعانق جبيبنه بـ ألم..غير وضعيته لـجانب الاخر لـيجدها بجواره...

حرك عينيه على تفاصيلها...لآ..يدري ما الرهان الموجع الذي راهن فيه...

هل راهن على الماء في الكف أن يبقى..؟

أعتقد بما أنها فضلته على زوجها وأبنها...بـ أنه قد رجحت كفت الميزان لـصالحه...

لكن...!

الأنثى هي الأنثى..تبقى وفية لـ الشخص الاول الذي يدخل حياتها مهما أنكرت وأبتعدت وأنفصلت...يبقى الرجل الاول بحياتها..!

من الذي ظلم الأخر الان يا الثريا...!

أنا أم أنتي...أم...كلآنا ظلم الأخر بطريقة أو أخرى...؟

أنزل قدميه في الارض وأعتدل بجلوسه..من ثم أنحنى بـ ألم من صداع فضيع يكاد يفجر رأسه ليمسكه أكثر بكلتا يديه...

وقف بعد عدة دقائق...وتوجه لـدورة المياه شطف وجه من ثم خرج

وتوجه لدولآب ليخرج ملآبسه الداخليه...ليجدها مرتبه بترتيب أنيق جداً...

فتح الدرج الاخر..وأخرج ساعته وكبكه الفخم...رمى الكبك عندما تذكر بأنه هديه منها وتناول كبك أخر..!

أرتدى ثوبه الابيض ..و..شماغه ...تناول ساعته وأغلقها بهدوء...بينما هي على الطرف الاخر شعرت بـه

منذو جلوسه والصداع الذي شعر به...

لـذا ذهبت وشطفت وجها بشكل سريع وتوجهت له ...

لتجده موليها ظهره ويرتدي ساعته...بعد أن التقطت عينها أبعاد كبكها المتعمد منه..

همست وهي تقف بهدوء بجانبه..\ معك وقت ماتأخرت على معرض الكتاب...

وكانت بكلماتها تشد الكبك الذي رمى به وبهدوء..\يليق على ساعتك أكثر حاتم...بسكره لك..؟

كانت تحاصر كفه بكلتا كفيها وتغلق الكبك الاول ..ليسايرها ويناولها كفه الثاني وتغلقه...!

فاجأها بهدوئه..وتركه لها ليشد الخطوات ويتناول مفاتيح سيارته من الفازه الانيقه على الطاوله...

وقفت على باب وعينيها تتبع تفاصيله...

طوله...وهيبة حضوره...هدوئه...حلمه العميق...والف كلمة تشتعل

بـا أعماقه ويكضمها...!

لآتعلم مانيته..وماذا سوف يفعل...وحياتهم كيف سوف تكون...لكنها متأكده ان الاستمرار يجب أن يحصل..!

همست لـه...\حاتم...!

بقى واقف لم يلتفت وصوت تقليب المفاتيح بين انامله تعبث باالسكون بجنون...,

بهدوء والخطوات تبتلع النهايات وهي تقترب منه وتدس بجيبه شيء ما...لتهمس\جوالك...!

قبل أن تشد خطوات التراجع كان هو يشد ذراعها العاري لـتصبح مواجه له تماماً..

طولها يقارب طوله الا أنه يقصر بـحضوره ومحاذته...

همس بكلمات متأنيه هادئه لكنها خارجه من موقد يشتعل...\لآ تمثلين أكثر من كذا لأني بنفجر يا الثريا بنفجر...لآتقولين

هذا حليم ويحب ولآهو بمطلق بـسوي وكأن شي ماصار وأهتم فيه وبيطخ الي براسه وينسى ...!

كان يغرس أنامله بـذراعها يغرسها بقوه...لتحاول تحرير ذراعها من غير فائده وتهمس بغضب..\وأنا وش سويت الحين

قلت ايش وسويت أيش...كل الي سويته اني سكرت الكبك لك وحطيت جوالك بجيبكـ لآقلت لك كلام حب ولآضميتك عشان

تقول تمثيل في تمثيل...الي سويته تسويه أي زوجه تذكير وتنسيق......؟

حاتم بغضب..\مابيك تهتمين فيني...لآتذكريني جوالي ولآتسكرين كبكي...مابي منك شي ..ترا واجد عليك يا الثريا

أني ماطلقتك وللان ماسك أعصابي ..تراني ساكت على الجمر ..

وبـغضب أكبر يؤكد...\يعني لآتهتمين فيني ولآتتعبين نفـسك بتمثيلك البايخ ...خلـيييني في حالـي...!

الثريا بـغضب ومن دون خوف من تهديده وبصدق \ أخليك في حالك ليش...هو أنت بعد كلامك الي سمعته خليت كل شي على حاله..!

حاتمـ...\يوم قالو السكوت من ذهب ماكذبو...اكيد ان الكلام مايترك شي على حاله لن

الكلام الذهب الي سمعته منك قتل حاتمك العاشق ولآبقى لك الحين الا حاتم ولد العم ولد العم وبس..

فعشان كذا لآتقتربين مني واجد عشان ماننحرق أثنينا...خلينا نتفق يا الثريا دامك سكرتي فمي بيدك عن طلاقك...!

الثريا ...\ونتفق على أيش ...؟

حاتمـ...\ لآتمثلين وأتركيني بحالي...ولآ...أوجعك بطلاق..!

صمتت من عينيه التي تبتعد عن الهدوء وعن طبعه الهادئ لـمتفجر غاضب يشتعل...صمتت...لن الصمت أفضل..!

أفلتها....لتبقى على المسافه الشاسعه التي حددها هو بخطواته الراحله من الجناح...!

مؤلمه محاولة الترميم...لـشي أصبح مشطوراً لنصفين...!

.

.

.

يامقيدني وأنا حر الجناح..لآتبعثرني وأنا بك ممتلي..!

.

.

.

بعد المغرب...!

عندما تنام لـ أجل أن تهرب فـ النوم يكون خير هروب من الواقع...هكذا فعلت وهكذا مرت عليها الساعات...!

بعد هجومه الموجع عليها...دخلت للاستحمام لـتزول بعض من الحراره التي سكنتها والغضب المتفجر...

لو أن الطلاق هين لـطلبته ولآ تذوقت الكلمات التي بقوة المسامير حين تدق بـا العظم...

لآيريد أن يفهم...ولآيريد أن يقبل الأعتذار..يريد فقط أن يؤلم...أن يؤلم بقدر الذي تجرعه...

المشكله هي أن ماتشعر به يفوق مراحل ألم...فقدان الثقه با الحب...فقدان الثقه حتى با النفس...!

آبعدت خصلآتها...وهي تجـلس وهاتفها المدسوس بين الوسائد تلتقطه وهي تنتبه لـ أهتزازه...لـتشاهد الاسم المدون..!

[...أبوي تركي....]

ردت بـهدوء...\لبيه...,

أبو حاتمـ...\ثالث مره أدق عليك وينك من جوالك هو أنتي نايمه ذي الحزه....؟

الثريا بهدوء..\أيه والله نايمه غطيت بعد ماطلع حاتمـ العصر سم بغيت شي فديتك..؟

أبو حاتم ..\ أيه البسي بسرعه حنا قريب منكم بنتعشى في المخططات القريبه منكم ..الزين أزعجتنا تبي تظهر لها

أسبوع واليوم كنها جني فوق راسي ..

صوت الزين يـصلها ضاحكاً...لتهمس..\بس حاتم ماهو بعندي ياعمي..ومدري أخاف أطلع معك ويرجع هو في

البيت لحاله...

تركي..\وأذا رجع وانا أبوك وجلس لحاله بياكله الذيب..؟

غرقت بضحكه هادئه..\لآ الذيب ماياكل أخوه ..بس ماأقدر أطلع لآخذيت أذنه ولآبيه يجي ولآيلقى عشاه ولآيلقاني..؟

تركي..\يازين ذرابتك يا الثريا أجهزي وانا أبوك تراني دقيت عليه وبيلحقنا وأنا بمرك الحين ...

الثريا بهدوء...\خلاص أجل دامه بيجي انا بلبس ولآانتم واصلين ان شاء الله الا أنا جاهزه...

.

.

.

بعد نصف ساعه...,

كانت الزين تجلـس بحماس..\أزين شي صدق سلة هذي الحلاو...

الثريا..\والله لو معلمني عمي مبكر كان صلحت قهوه وشاهي وفطاير وحلآ..بس ماامداني الا اعبي هذي السله من الحلاو الي

في التقديمات عندي...

ام حاتم..\انا اشهد انك ماسويتي في الزين خير بتزيد شحيماتها وهي يوم رجيم ويوم ضرب يمين..!

أبتسمت الثريا على ملامح الزين التي كانت تقضم قطعه من الشكولآ لتردف..\والله يمه ماعرفنا لكم انتم ماهو يعجبكم الي مربرب

وتقولين هذي العافيه وهذا الشكل الزين وراك الحين مايعجبك...

ام حاتم ..\اهم شي العافيه عندي يا امك سمنتي والا نحفتي...

أبو حاتم يتناول فنجال القهوه التي تسكبه الثريا...\ما أتصل عليكم رهان..عنبو بليس ذا الولد الظاهر انه لقى هباله هناك

والله ماهو بـ أحسن له ان سمعت عنه شي كأنه وجهه ان أفصله وأجيبه...!

الزين تغرق بضحك..\وش يابوي تفصله وتجيبه ليه هو في مدارسنا الي هنا ..وبعدين رهان بسم الله عليه ماهو بحق خرابيط

تربية يمناك طير شلوى..!

ابو حاتم...\والله مدري عن أخوك ماظنتي حتى يعرف شلوى وطيورها...!

الثريا مبتسمه...\رهان الله يخليه لنا رجال من منبت طيب والطيب ماتنبت شجرته الا طيب ياعمي...يعني هذي اللحية

البيضاء وش بتطلع جعل عيونا ماتبكيك...

أبوحاتم...\الله يحفظه يابوك..والله يابوك نربي والا مانربي ترا اذا أصلحه ربك صلح ...

رنين صوت الهاتف الخاص بـ أبو حاتم رفعه لـيرد على حاتم ويخبره بـ المكان وماهي الا عشر دقائق وتتوقف

سيارته بـقربهمـ...

نزل حاتم بهدوء وأغلق باب سيارته وبيده كيـس أنيق...

الزين بممازحه...\ياربي صرنا مثل عبدالله السدحان وناصر القصبي وكشتتهم أنت تحط السياره من قدام وابوي يحط

السياره من جهة ثانيه ياناس خلونا نتنفس هواء ربي ماحد معاكس والله ماحولنا الا الخلا...!

أبتسم وهو يلقي السلام لـيهمس بـنبره أقرب لجديه..\ماحب طول اللسان يا الزين منك بذات..؟

قفزت الزين لتقبل رأسه وأنفه...\ياجعل عيني ماتبكيك هو أحد يطول لسانه عليك ويسلمـ من عيونك الي تنقد بصمت ..

آبتسم بهدوء وهو يناولها الكيس...\أجل أخذي هديتك عقب بوسة الراس...

الزين تشد الكيس وتخرج ثلاث كتب.....لتهمس بخيبة أمل..\الله يهديك يا أخوي يعني أنت اخوي الي

من لحمي ودمي ولآتعرف وش الي أحبه والي ماأحبه...وحرمتك تعرفه...جايب لي كتب وانت تعرف ماحب أقرا والثريا

جايبه لنا شكولاته والعلوم الزينه...!

أبتسم وهو يجلس لجوار والداه ..\ ماتبينها رجعيها في السياره بعد..

جلـست لـجواره من الجهة الاخرى..\لآوش دعوه مايرد الكريم الا الئيم حاطه لي أرفف زينه بـغرفتي بحطها فيها بتطلع

حلوه من دخلها بيحسب اني مثقفه وأقرا وانا ماعندي ماعند جدتي..!

ضرب رأسها بخفه..\ أملي هذا الراس بشي ينفعك ماهو بس في بطنك ترا مافيه شي أشر من أن يملئ الانسان بطنه...

بضجر..\أعوذ با الله أعوذ باالله انا طالعه اوسع صدري والا كلكم علي ...

نظرات الثريا التي أنسحبت من حاتم وهي تنتبه لـ التجاهل التام من قبله لها حتى السلام لم يلقيه عليها ولاحتى

النظره....

شعرت بـ ان المكان يضيق يضيق حتى يكاد ان يكتم أنفاسها لـذا وقفت بهدوء...\بمشـي يا الزين تمشين معي..؟

أرتفعت أنظاره مع نهوضها ووقوفها...ليهمس بـستغراب...\وين تمشون ماحولكم أحد والمكان ورانا ظلام..!

أبو حاتم يلتفت بهدوء..\الا قماري وانا أبوك الا أمشي وانا عمك ومشي ذي الدبيه معك عساها تخف شحومها...!

الزين بضجر ...\حتى أنت يابوي بعد ...يعني أمي كانت رشيقه يوم خذيتها...؟

أبو حاتم بضحك..\لآوالله يابوك لو انها على قولتس رشيِقه ماخذيتها انا أحب الملينات وش لي بعظام..!

غرقت الزين بضحك..\أجل دور لي واحد مثلك..مايحب العظام أذبح عمري في الرجيم عشان ويش والله مافيه شي يسوى..!

وبمداعبه...\بمشي بس عشان القماري والجو الزين والا جسمي راضيتن فيه ..

الثريا تبتسم بهدوء وهي تتناول يد الزين ويبتعدان بخطواتهم عن المكان تحت نظرات حاتم ....

أبو حاتم بهدوء...\ وش فيك خاطرك ماهو بزين...؟

حاتم وهو يتناول الفنجال من يد والداته..\لآ يابوي جعل عمرك طويل خاطري الحمدلله زين بس يمكن مرهق من معرض

الكتاب الي برياض هذي اليومين...؟

أرتشف الفنجال الساخن وشد سلة الحلويات...لتهمس والداته...\ وجهك والله انه قالب أسود يا امك كان مارحت وأتعبت

نفسك..

أبتسم بهدوء وهو ينزل الفنجال ويتوجه أنظاره للعشاء..\ جايبين عشاكم معكم ماهي بكشته بدون مانصلح العشاء ونضبطه..؟

أبو حاتم \والله يابوك عشان خاطر ذي المتصربعه لآجهزنا لآعزبه ولآشي كنها بزر فوق راسي ودني ودني وانا أرحمها

ماحولها أحد يرد لها الصوت ماغير حنا يا الشيبان...مرينا لنا مطعم وخذينا عشانا جاهز نتعشى ونتقهوى ونرجع

وبعوضها ان شاء الله ان كان الله أمرني في تخييم في ذي الاجواء الزينه حنا وانتم والقايد..والمحمد...والماهر..

أم حاتم ..\ماهر أدق عليه يقول مع الدانه بسوق ولآني بحولكم...

أبو حاتم..\زين أشوف انه هجد ولآعاد طامر في الاستراحات والبران التهى بنفسه الله يهديه..والله اني ماحبه يظهر في

البران واجد خاصة مع ذا السلاح الي معه دايم ويحطه تحت راسه أقول ياولدي امنعني من التهاون في السلاح وش

له تحطه تحت راسك يقول مايهنى لي النوم الا هو تحت راسي يابوك لآيفجر راسك أمنعني من الردا لكن ماحولك من يوحيك..!

غرق حاتم بضحك تحت كلمات أم حاتم المتجزعه..

على الجانب الاخر...وبعد أكثر من عشـر دقائق...

جلـست الثريا بتعب...\ هروله عاد...والله لو أني عسكري برتبه ماراح أطامر كذا..!

الزين تبتسم بعد جلوس الثريا..\ انا شبه أهرول في ها الجامعه أكثر من كذا يومياً ماغير نطامر ندور قاعتنا

والا نركض ورا بحوثنا والاوراق الي تهمنا...الا أنتي وش فيك كنك تعرجين..؟

الثريا تمد قدمها بهدوء وأصابعها تعانق ربلة ساقها ..\والله تعورني وأحس عوارها براسي تفكني شوي وترجع ...كنت لآبسه

كعب وانكسر...!

أبتسمت الزين وبمداعبه ..\خلي الانوثه تنفعك وش يشكي منه الواطي...مااواطن الكعب أضراره واجده...

دعكت الثريا ساقها وبـصدمه...\ ياالله يا الزين الخلاخل الي برجلي أنقطع...؟

الزين بستغراب...\وش خلاخله لآتقولين حق خالتي وصايف الي أشترته لك الذهب..؟

وقفت الثريا بـا أنزعاج...\الا....

الزين بتهدئه...\ بنحصله أن شاء الله هو أكيد هنا بـمكان أنتي متأكده انه برجلك وانتي معي ..

الثريا ...\أيه يابنتي متأكده...أتوقع ماطاح الا قريب من هنا...مستحيل طاح مني وماحسيت فيه لهذي الدرجه الخلخال ثقيل

مدري وين عقلي صدق..

الزين وهي ترفع هاتفها الذي أضاء فجأه وتجد رقم حاتم لتهمس..\ياليل حاتم اليوم والله وجه مبعد منه الترويق وانا مستخفة دمي

الله يستر بيقول ارجعو ..

الثريا...\وش أرجع بدوره وأرجع قولي له شوي ونرجع...

الزين ترد بهدوء...لتهمس..\ياحاتم فديتك الحين بنرجع بس ثريا طاح خلخال برجلها ذهب وبندوره واذا حصلنه بنعود..

ياقلبي ليش مزاجك كذا والله أنك مروق دايم وش زينك...شويات بس ممكن..؟

أها...مادريت طيب..!

أغلقت الهاتف بمحاولة كتم ضحكه..لتهمس الثريا بغضب...\يعني توني قايله لك قولي له شوي ونرجع الا تعلمينه بـا

الخلخال...

الزين بـ أبتسامه ..\وليتك سمعتي وش قال...يقول ترا الخلاخيل مايلبسونها الا الغجريات دوروه لـصبح..!

أبو حاتم \وش فيك ماقلت لهم أنه طاح منها عندنا ..؟

حاتم وهو يدخل الخلاخل في جيبه العلوي...\الي يضيع الشي الغالي يتعب على تدويره وعلى كلام امي

أنه هدية من خالتي وصايف وأنه ذهب خالص مايقل عن ثلاث الاف ...

أم حاتم...\ قوم والله أن تقوم ترحمهم من التقليب في ذا الليل لآيقرصهم شي ...

حاتم يرتشف القهوه..\مالك لوا يمه والله اني تعبان حتى أعنز ظهري على سيارة أبوي...تبيني عاد اقوم لهم وهم من نشاطهم

كنهم يمترون الارض ويحددون قياسها...

أبو حاتم يقاطعه..\تعبان والا منت تعبان تبي الثريا تدور شي هو في مخباتك قوم والله ان تقوم..!

حاتم يبتسم بتعب..\أستغفر يبه...أستغفر ..

أبو حاتم يتناول فنجاله الفارغ..\والله لآمن تقوم أن أضربك فيه....

وقف بـهدوء وأبتسامه \طيب أبشر عاد كله ولآعقب ذا العمر تضربني ضربة ماهر عشان بنات نايف...

أبو حاتم يبادله الابتسامه..\جعلكم فدا بنات نايف ماتلحقونهم بمنقود والا أنتم راعين المناقيد كلها..!

أمال أبتسامته بتهكم...وشد خطواته لـمكان الزين والثريا..!

الزين..تضع يديها على خاصرتها...\ أجلسي انتي وذا الرجل المنفوخه الظاهر مانقطع الخلاخل من خير...!

الثريا ..\وين أجلس تبين وصايف تدري ان هديتها ضاعت وتسكت والله أن توجعني با الحكي وتقول لـو انها غاليه

من غلات راعيتها كان ماضيعيتها ...

الزين بضحك..\أنا أشهد ان خالتي أذا بغت توجع ماترحم ولآهو بحظك أجل..!

الثريا بتهكم...\تضحكين انتي وجهك ...والله ان قلبي يدق دق وانتي تستبهلين ..!

الزين بـجديه..\تدرين يمكن ان نجد والدانه حدهم كلمه من خالتي وصايف لكن انتي تروعين ماغير

وصايف الثانيه مايطيح الي في راسك الا ربك..!

أرتفعت أنظار الثريا بـستغراب..\ليش تقولين هذا الحكي..؟

أرتفعت أكتاف الزين...\ تتشابهون كثير وبكل شي.....

حاتم يقاطعهم بخطواته التي أقتربت...لتنشد له أنظار الزين بينما الثريا منشغله بـمحاولة الانجذاب للبحث أكثر

من أقترابه...

حاتمـ...\ روحي يا الزين لـ أمي تبيك عشان تنكبون العشاء ونتعشى ونسري..!

الزين بـ أرتباك..\ طيب أبشر...!

خطوات الزين الراحله...تحت نظراته المراقبه لـ أبتعاد الزين عن المكان همس بهدوء \وين ضيعتيه بضبط ماتذكرين...؟

الثريا ترتفع نظراتها له لتجده ينظر لها بشيء من الهدوء الغريب جداً ..الهدوء الذي بدأ لها من نبرة الجمله...

هدوء متهكم...!

تجاهلته...لتهمس...\لو أذكر ماشفتني أدور بشكل عشوائي الحين..وعلى فكره يا المثقف ترا الخلخال مايلبسونه الغجر وبس

حتى الاميرات يلبسونه...!

تكتف بهدوء..\خلينا نرجع.... الشي لآضاع ماعاد ينلقى وان انلقى يمكن بعد تعب وصعوبه..وأنا تعبان ومرهق وماجيت

لـهذي الطلعه الا عشان خاطر أبوي..!

الثريا توقفت وبمحاولة هدوء..\واضح عليك انك تعبان ومرهق بس هذي هدية أمي لآزم القاها ماراح أسري لين ألقاها..!

حاتم..\ طيب ضاعت بندور يعني لـصبح من جدك انتي أخلصي علي مشينا..؟

تجاهلته ...وهي توليه ظهرها وتشد الخطوات تبحث من جديد...

حاتمـ \ يا أم خالد أنا تعبان ومرهق..وانتي تدورين لي خلخال...الظاهر حتى الذرابه والسنع نسيتيه..!

زفرت بـضيق وهي تقسم أن تعود مع قائد في الغد وتبحث بنفس المكان لـتهمس بـوجع..\ سلامتك ياحاتم من التعب والارهاق

لآ ابشرك مانسينا السنع ولآ الذرابه..!

أستدارت له...وبـ أستدارتها كانت تنظر لـه بـشئ من الغضب المكضوم..تجاهلها مرغماً روحه

لتطفئ أضائة هاتفها وتشد الخطوات خلفه...كان يمشي بخطوات شبه مدروسه..شعرت أنه يسير متباطئ

حتى تكون بقربه ..!

.

.

.

يامقيدني وأنا حر الجناح..لآتبعثرني وأنا بك ممتلي..!

.

.

.

قايد ..\ولآ تاكلينها..ولآتفكرين تخالفين كلآمي وبلآ حركاتك الي دايم..!

كان يرفع الحبوب المنشطه بيده...بينما الجموح تقف بقربه وتحاول شد يده..\ياقايد مالك دخل في هذي النقطه لو سمحت..

أترك أدويتي ..هذي الدكتوره أعرفها أختك نجد هذي دكتورتها الي دايم..!

قايد..\أنا قضيتين جايتني من ها المستشفى الي تحسبونه أحسن مستشفى عندهم أخطاء طبييه وش كثرها..وبعدين يمكن مافيك

الا العافيه على طول تبين تاكلين حبوب منشطه من اول كلمه من دكتوره...نروح لدكتوره ثانيه..!

الجموح بغضب..\ ياربي يا الوسوسه الي مدري وش تبي...قايد هات الحبوب ..

قايد...\ماتطب فمك ...حلفت...أروح انا وأنتي لدكتوره ثانيه ونشوف وش بتقول نسوي لك تحليلات كامله وفحص كامل...

لكمته بقوه على ذراعه....\وش بتقول الدكتوره الثانيه والا يمكن تقول مبروك تراك حامل ...خلاص هذي أرتحت معها وبكمل..

وش يهمك غير تنكد علي ...

أبعدها بهدوء عنه...ليجلس على الكرسي...\ وأنتي وش يضرك لو تسمعين حكيي ...نفسي في مره من المرات يا الجموح

تصيرين عاقله وذربه ومن اول الحكي تقولين ابشر ياقلبي وسم ولبيه..!

برغم منها غاضبه منه...\تبي كلمت ياقلبي على أيش ياقايد...؟

أبتسم بـهدوء...\ أيه صح..على أيش أبيها...وانا عارف أني قلبك وكل نبضك..؟

فتحت أناملها وهي تمدها له ..\هات الحبوب يامغرور...؟

أبتسامه متهكمه أرتسمت على شفتيه ليهمس بمكر...\هات الحبوب ياقلبي..؟

الجموح تبتسم برغم من أنها تعلم أنه متهكم ..\ أذا قلنا ياقلبي بتعطينا الحبوب يعني..؟

أشار بـ الادويه بـمعنى..أعطي..وخذي...!

الجموح..\قايد ذكرتني حاجه في ها التلويحه..!

أرتفع حاجبه بهدوء...\زين تذكرتيها..عشان تعرفين صدقي دايم..!

الجموح بـ أبتسامه ..\الا قول خبثك...هات الحبوب بلآ حركاتك هذي ترا التميلح ماينفع مع الناس الثقال ..؟

قائد وضع الادويه بجيبه الجانبي..من ثم خلخل شعره بـ أنامله وهو يدعي التعب...ويقف..لـتهمس بـجديه...\أنت من جدك

تنتظر مني كلمة ياقلبي...؟

حرك كتفيه بهدوء وبمحاولة أشغال..\وليش ما أنتظرها قولي يمكن متلهف عليها....بخيله معي في هذي النقطه دكتوره جموح...بخيله

وأنا كريم معك في كل كلمه حلوه...!

كـان يـجبرها في وقوفه على رفع يديها بيديه حتى تطوق عنقه...ليهمس..\ يا..قـ...لـ...بـ....ي...أذا تبيني أعلمك نطق الحروف

مثل الأطفال أول ماينطقون أبشري أعلمك نطقها ..!

عينيها التي تتجول بـ وجه الـمتعمق بـ أعماق روحها همست بهدوء...\أنت قلت أنك عارف أنك هو.. و...نبضه..؟

بـ أستكانة وجع...\بـس أنتي قلـتي يامغرور..

أفلتت أحد كفيها من تطويق أنامله ..لـتمسح شعيرات ذقنه..\ قايد يمكن أذا زاد حبـك أكثر يحرق ويحولني رماد..السنين

الي مضت بينا ماتركتنا بخير..لآ أنت بخير..ولآ أنا بخير...لآتكذب ولآ أكذب..!

بعذوبه..\ قولي يمكن أذا زاد حبك أكثر كلنا بنكون بخير...عطيني الاكثر..أوثقي فيني..أنتي ماتوثقين فيني عشان كذا

كل الكلام الحلو يطلع منك شحيح..

أمالت رأسها بهدوء لـكتفه لـتهمس بهدوء...\ الا..واثقه فيك..وهذي الثقه جابت لي التعلق فيك ومن كثر

تعلقي فيك خايفه ما يحمل رحمي منك نفـس خايفه كل شي يفوتني الحب..والحمل ..وكل شي...!

ضمها لـروحه أكثـر....لـ أعمق مكان شدها أكثر....

لآتدرين يا الجموح...أي جنون يسكن رأسي

لو تصابين بـ أذى من تهوركـ في الحب وفي الشيء أذا أردتيه...

.

.

.

يامقيدني وأنا حر الجناح..لآتبعثرني وأنا بك ممتلي..!

.

.

.

كان يدخل جناحه قبلها بخطوات سريعه...لتهمس بـستفهام...\حاتم أنت صدق مثل ماقلت لـعمي بتسافر بكره الصبح...؟

بـهدوء صارم...\أيه..

نزعت طرحتها وعبائتها وتهمس بهدوء وهو يشد الخطوات لـدورة المياه..\طيب وين ماقلت لي أحضر لك شي..؟

حاتم مبتعد...\ لـشرقيه ..أسبوع...أو..أكثر...وبحضر كل شي لنفسي...!

كانت فرقعة باب دورة المياه هي ماجعلها تتراجع وتجلـس على الاريكه..بقت لـوقت طويل تنتظره...

شعرت بـأنه يتأخر متعمداً...

دائم كان الاستحمام عنده قبل النوم يأخذ دش سريعاً من ثم يتوجه لفراش وينام...لكنه الليله تأخر عمداً تعلم ذلك..!

لـذا وقفت وتوجهت لـدولآبه..أرادت أخراج شي له...لكنه سوف يثور في وجها لـذا تراجعت لـتخرج لها بيجامه هادئه

وترتديها...

من ثم تتوجه لـطرف السرير وتجلس..فتحت درج الكومدينه ولم تجد مرهم أخذته من منزل والداتها لتخفيف

أوجاع قدمها...

رفعت عينيها لـتجده على التسريحه...ما أن وقفت الا وسمعت فتح باب دورة المياه وخروجه...

شدت الخطوات لـمكان المرهم..تناولته بيدها ..من توجهت للاريكه...وأخذت تدعك ساقها المتورمه..كان في

تلك الاثناء قد دخل غرفة التبديل وأرتدى ملآبس نومه من ثم خرج لـيجدها تدعك ساقها المتورمه...

همس بهدوء...\ تعبانه منها...؟

الثريا بهدوء..\مو كثير..ألم بسيط...والمرهم كويس...

جلـس على طرف السرير الـذي يقابلها ليهمس..\ماتبين المستشفى...؟

أشارت بـ النفي...لتهمس \ماقلت لي ليش بتروح لـشرقيه...أسبوع كامل او يمكن أكثر..؟

أبعد أطراف المفرش...\ طلعت لي شغله...

الثريا...\ أخذني معك بتروح لـحالك أسبوع وأكثر...؟

حاتم يلقي أنظاره لها...\ متعود ولآ أبيك معي...!

الثريا بجديه...\بس بسميه أنا هروب مني لو شغل مثل ماتقول كان خذتني معك عادي ولآيتعارض بوجودي لنك في جده خذتني

معك لمعرض الكتاب مافي أشكال ...!

أبتسم بتهكم وصمت..

الثريا بمحاولة هدوء..\ أنت ماتبي تعطينا فرصه جديده تبي تروح وتبعد لو صدق من كلامك حاتم العاشق مات فـ انت تكذب على نفسك

لن الحب مايموت بين يوم وليله...أذا كان صدق..!

حاتم بنظره حارقه ..\تصدقين ماهو عيب الانسان يتعلم على كبر ومن قال مافي شي يبقى على حاله ماكذب..

تجنبيني يا الثريا وتعوذي من ابليس لآتسمعين الي مايسرك ترا ماهو كل شي نقدر نعبر عنه با الكلام ...

اذا أنتي متعوده تتكلمين بصوت عالي ويسمعك

البشر..

أنا عكسك ثرثرتي للجمادات وبتبقى للجمادات الي ما فيها روح كل شي تجمد ناحيتك بين يوم وليله وأنسلبت مني

الحياه ماقصرتي ذبحتيني بسكين بارده وليتك أحستني الذبح..!

بوجع وهي تقف وتتجه بـ أتجاه بخطوات متألمه...لـتجلـس على الارض...

وكفيها تعانق بأجبار كفيه..\كل هذا وماتبغى

تسمعني الي مايسرني كفيت وفيت ياحاتم..لكن ماراح أترك بيتك ماهو ضعف مني ولآعلى حلف امي ..أمي لو قلت

لها عن وضعنا ماهي راضيه المهونه لكن بقعد وفاء للحب الي كنت شايله لي..وأخفيته عن الناس بصدرك..وبلحظة ثرثره

مني ضيعته..ماستجدي حبك ياحاتم لني أنا مذبوحه من مقلب الحب فيني عشان كذا ماستوعبتك ولآ أستوعبت أنها أنا

الانثى الي في البدايه...غرت منها والله العظيم غرت منها وكنت أقول بخاطري لها أنا خذيتك منها عشان أبرهن لنفسي

أن الحب يستبدل بثاني...حاتمـ ليه عندك وقف الحب وما أستبدل بثاني...ليه علمني...!

همس بوجع وهو يراها مثنيه هكذا بهدوء وملتصقه كفيها بكفيه وبنبره متعبه...\ المسأله ماعاد هي مسألة حب..المسألة تعدت أكثر..

أنا أحس أنك أستغفلتني يا الثريا وافقتي علي جسر

لـ أنتقامك لآأكثر ولآ أقل...خليتني سلآح تذبحين فيه طليقك ..ويديني الحين مربطه لآعاد أقدر اطلقك وأتخلص من ها الشعور

ولآ أتقبلك وأتخلص من ها الشعور.....ثريا لآتحاولين تناقشين...خلآص ماعاد أقدر معك الا التجريح وهذا الي ما أرضاه لك

ولآ أقدر أكتم شعوري أذا سمعت منك أقل الكلام..فتجنبيني الله يرحم والديك..خلينا نعيش أسم زوجين قدام الناس

أحسن لي ولك..ماعاد للحب معنى لنه هو نفسه الي ماوصل قلبك وأنتي بحضني

وحبك الي ماردع فهد على ان يحط على راسك حرمه...!

.

.

.

يامقيدني وأنا حر الجناح..لآتبعثرني وأنا بك ممتلي..!

.

.

.

الثالثه فجراً....!

..أستاهل...أنا وجه حريم عاقلات...أنا ما أستاهل الا اشواق وطقتها..!.

أجل من لآذنب طلقتها...وهي وش ذنبها في ان قايد قفل على عمره ...أستغفر الله بس..!

بس لو تموت...لو تشق هدومها مستحيل أخليها تطلع من البيت...ولو تماسكت انا وتركي وقايد بحلوق..

الله مشرع ثلاث طلقات وراحت وحده من حقي تجلس عندي وهذا شي منصوص عليه با القران ماتطلع من بيتها...!

مقفل جوالـي...وساحب جوالها خفت تكلم أحد من أهلها..بس نسـيت الثابت..على العموم انا أخذ أحتياطي ومقفل

الباب عليها لو يقطع نفسه قايد ماقدر يكسره....المفتاح وين طس..!

كان يبحث عنه بـ جيبه العلوي..من ثم نفض جيبه الجانبي..ليسمع صوته..أدخل يده سريعاً...وفتح الباب...!

دخل بخطوات شبه هادئه في الدور السفلي....أطل على المطبخ....وجد أطباق موزعه على طاولة الطعام بعدد

الصغار وطبقها غير موجود...وجد سانتدوتشات تونه ...وبقايا كأسات عصير...لم تغسل الاواني بقى كل

شي على حاله...!

حتى وفي مصيبة الطلاق أطعمت صغارها وصغاره..!

كارثي أنا على روحك يانجد كارثي...!

وقف بـهدوء...وهو يـدعك ذراعه الايسر متألم من ألمها الذي أصبح ملآزم له..لـدقائق شعر أن أنفاسه

تكاد تخرج من صدره...سعل لـعدة مرات...

من ثم شد الخطوات لـدور العلوي...أطل على غرفة صغارها بما انها أول غرفه تواجه...وجد ثامر يغط با النوم العميق

وسرير لولوه خالي تماماً ..خمن ان لولوه معها في غرفتها...!

توجه لـغرفة صغاره....لتسقط عينيه على طلال على سريره ومتخذ دور الكبير لذا فارد يده وقائد نائم على ذراعه..

أجبره الوضع على التبسم..

وتذكر موقف مشابه بعيد جداً جداً....بوفاة والداه...كان سند متخذ نفس الوضعيه لـ أنام أنا في ذراعه اليمين

ومريم بذراعه اليسار...

ليستيقض في اليوم التالي ويبكي في أحضان جدتي رحمها الله ويخبرها أن كلتا ذراعيه

تؤلمه...!

أبعد ذراع طلال ..وحمل قائد لـسريره....ليرفع عينيه ويتفاجئ بها على الاريكه البعيده بوضعية الجلوس ورقبتها

مائله قليلاً على رأس الاريكه وتغط في نوم غير مريح أبداً...!

بوده أن يحملها بين ذراعيه ويحتضنها بصدره...ويخبرها أنه مراهق وطفل وكل صفة تقولها يستحقها ..فكيف

تبقى ومن ثم تصمت هكذا بل وتبات بوضعية المراقب في غرفة أطفاله..وهو يطلقها لأنها غفلة عنهم...أي ظلم

وقع لك بجواري يانجد وانا من أعتقدت اني المظلوم ..!

منع الخطوات ان تمضي لها فلو مضت لـن يمنع نفسه من أحتضانها وتقبيلها رغماً عنها ...

يقبلها لأنها بقت هكذا برغم من أنه قد قفل الباب عليها كـي لآتخرج...

لكنها بقت ولم تتخذ وضعية المستعد المتحفز على الانقضاض بـ الكلمات الحاده وهي تنتظره..!

بـل جرت الأمور في البيت بعد العاصفه بهدوء...عشاء لـصغار...ونامت بغفلة عن أوجاعها وأوجاعه...

يريد ان يقبلها لأنه أشتاق لـها...أبتعد لـساعات فقط والشوق قتله الف مره..!

يريد ان يقبلها ويحتضنها لـيقسم على روحه بـ أن الفراق أمر لن يكون أبداً الا اذا فارقته روحه أولاً...!

يريد ان يحتضنها لأنها ألأكثر تعقل منه...والأكثر حنو عليه من نفسه..!

لكن الليله الأمور هكذا أفضل على مسافة لـحين قرارها هي من بين شفتيها هي..!

الخطوات تبتلع التراجع لـجناحه...

يريد أن ينام بين عطرها وزهرها..فلن يستطيع مفارقة قرب جسدها من ذراعه ويفارق

في ذات الوقت جناحها العابق بها....

عندما فتح الجناح...

كانت المفاجئه الرقيقه بـ أنتظاره...رقيقه جداً...لدرجة أن تكون كـا سكين حاده جداً..!

لولوه متمدده كـ أميرة ما بنصف الفراش أبتسم لآ أرادياً...وأستلقى على الفراش هو الاخر...ليشدها لـ أحضانه ويقبلها بقوه...

فتحت عينيها بـنعاس من مضايقته بتقبيلها...لتهمس بضجر...\يابابا جيت...؟

أبتسم بهدوء..\ياعين أبوك أيه جيت...سمي ولبيه...؟

لولوه تدعك العين اليمنى...\ ثامر الوسخ طقني هو وطلال الى ان بكاني وبكيت وأمي ماتطقهم بس ساكته وتناظر الجدار...!

محمد بمسياره متوجعه...\بكره بعقال أطقهم لين يبكون الوسخين كله ولآ بنيتي..؟

تعلقت بـعنقه بهدوء...ودست رأسها الصغير بطرف رقبته لتعود لـ أحضان النوم من جديد متلاصقة بـقرب دفئه...

طوقها بذراعه الاخرى...طوقها بـحب عميق...عميق جداً لآيفسر الا أنه حب أبوي خالص...

قل لي...؟

هل أحببت أمرأة قبلي..

تفقد حين تكون بحالة حب...نور العقل..؟

قل لي...قل لي..!

كيف تصير المرأة حين تحب..؟

شجيرة فل..؟

قل لي..

كيف يكون الشبه الصارخ بي الأصل والظل..بين العين والكحل..؟

كيف تصير أمرأة عن عاشقها..نسخة حب ..طبق الأصل.؟

قل لي لغة حب لم تسمعها أمرأة غيري..؟

خذني نحو جزيرة حب..!

لم يسكنها أحد غيري

خذني نحو كلام خلف حدود الشعر

قل أني الحب الاول..

قل لي..اني الوعد الأول

قطر ماء حنانك في أذنيا

أزرع قمراً في عينيا

ان عبارة حب منك تساوي الدنيا

يامن يسكن مثل الورد في أعماقي

يامن يلعب مثل الطفل على احداقي

انت غريب في أطوارك مثل الطفل

انت عنيف مثل الموج

وانت لطيف مثل الرمل

لآتتضايق من أشواقي

كرر ..كرر أسمي دوماً

في ساعات الفجر..وفي ساعات الليل قد لآ أتقن فن الصمت..

فسامح جهلي..

فتش فتش في أرجاء الارض فما في العالم انثى مثلي

انت حبيبي لآتتركني

اشرب صبري مثل النخل

اني انت فكيف أفرق بين الاصل وبين الظل...!

.

.

.

بدايه

مساء....النقاش اللذيذ

والله مستعجله عندي ضيوف وعالم أسفه على التأخير

وكان ودي أناقش معكم في أمور بس خيرها في غيرها أن شاء الله..

لكن بشكل عام

على راسي الغوالي كل وحده منكم ناقشتنا بـذوق وعقل ومنطق وأثرت المتصفح بـكلآم مثل الجواهر...وهذا الي

أنا أعرفكم فيه وبصراحه أفخر فيكم بـدرجه كبيره جداً ..

أم الوليد أنقلي البارت للجوار لاهنتي ما أقدر مستعجله مره وليلاس رد واحد وينزل الرد كامل بتأخر لو أنزله في الجوار

جعله مايخلى من أهله..

.

.

.

لآتلهيكم الروايه عن الصلاة في وقتها..,

.

.

.

يوم جديد....,

.

.

.

العاشره صباحاً..

.

.

.

أنزل الحقيبه المتوسطه التـي كانت بلون نسائي فاخر وأغلق باب سيارته...كانت هي تقف على الاتجاه

الاخر...

بـطولها الفارع ولون بشرتها المناقـض لـعبائتها ممسكه بـشكل أنيق بـحقيبه أنيقه بـيدها ..وضع الحقيبه

المتوسطه عند قدميها من ثم أعتدل بوقوفه ولم يـلقي حتى النظره...لم يلقي نظره حتى لمسافه الصغيره جداً

الفاصله بينهم...!

بصوت هادئ...\ سلم على عمي كايد قبل لآتروح تراه يزعل وياخذ بخاطره...

كانت في خلآل حديثها ترفع نقابها بهدوء لـيرفع عينيه ..توقفت نظراته لـبرهه..من ثم أنزلها للحقيبه

الانيقه التي بين الأنامل البيضاء المطليه أظافرها بلون بنفسجي ..

مد يده بـصمت لجيبه...وأخرج عملآت نقديه من فئة الخمس مائه من محفظته

التي أعادها لجيبه...وبـ أنامله الطويله مدها لـحقيبتها...

أنتبهت لـتبعد هي الحقيبه بيدها الاخرى..أرتفعت أنظاره بـستغراب...وبـ أرتفاع حاجب منه مدها لـكفها

المحرره الاخرى...!

ما أن وضع المبلغ بيدها حتى تحركت أناملها بـشكل سريع ومدروس لـتشبك أصابعها بـه ويعتصر المبلغ بين

كلا الكفين المتضاده...!

ما ان أنتبه لـحركت تشبيك أنامله بـها بتلك الطريقه الماكره...الا وأرتفعت عينيه من جديد وهو ينفض يده...\أم خالد...!

الثريا أبعدت يديها عن تشبيك يديه برقه وفتحت حقيبتها لـتدس ببرود المبلغ المالي فـي الحقيبه...

حاتم بفتور \ جوالي بـ أضطر أقفله لآتتعبين نفسك تقلقين ولا تزعجين قايد بـشي أذا خلصت شغلي

دقيت عليك وخليت السايق يجيبك...

صـمتت ..لـيعلن رحيله بـ ظهره الطويل لـتستوقفه بتهكم...\ وما كأنك بسفريتك هذي مافقدت شي بين أصابعك ضايع..

والا الضايع صعب نلقاه ..؟

رفع أصابعه بـمفاجئه وهو يقلب كفه لـيلتفت بـغضب..\ أم خالد أذا هي معك هاتيها...؟

تراجعت خطوه وهي تشد حقيبتها ذات العجلات ..\ عادي حاتم أتركها معي الله أعلم بنوايا بتركك لها بعد وضوئك للفجر

أول مره تنساها سبحان الله....!

كانت توليه ظهرها لـيتقدم بخطوات واسعه ويتوقف أمامها وبـ أمر غير قابل لـمناقشه...\ هاتي الدبله...!

همست بهدوء وعينيها تستوطن عينيه..\ماتوقع تفرق معك بدون الدبله ؟

شد نفس عميق من ثم أخرجه بمحاولة هدوء...\ وبعد تمثلين الغيره...هاتي الدبله هذي الدبله الي ماحسبتي حسابها

تمثل للاسف أجمل ليله بحياتي..بينما دبلتك يامدام أذا مالقيتها على أرفف التلفزيون والا أكيد بلقاها في المطبخ

عند الغسيل..وأذا ماحصلتها هناك...أكيد بحصلها على الكومدينه أو تدورينها...!

أطبقت شفتيها التي تخلو من الروج ومكتفيه بمرطب لترطيبها فقط..\ بس بنهايه أفقدها وأدور عليها واحطها بيدي

ماهو أتركها وراي وأسافر...!

حاتم مد كفه وهي مفتوحها ..\لآتأخريني فوق تأخيري ...؟

الثريا...\وأنت لآتأخر نفسك ولآتنسى مثل ماقلت تسلم على عمي كايد عشان لآيزعل...!

أرتدى نظارته الشمسيه...وبهمس غاضب..\طيب يا الثريا...!

تراجع بخطواته لـ مجلـس الرجال قاصداً العم كائد.....

تحت نظراتها المتأمله بـ الحال المزري جداً الذي حدث....فجوه عميقه بينهم...عميقه...!

على الجانب الأخر...

كايد يتغنى بـصوت متعب..\

أبكي وعيني تسهر الليل يا ريم ,,,, مدري بلاها الشوق والاالظليمه

ياريم دمع العين مدري على الريم ,,,, والاعلى قلبن تواكل صميمه

تقول لطمني على نونها سيم ,,,, ابكي وعندي لزرق الدمع قيمه

ويمكن يكون الدمع للعين تكريم ,,,, ويمكن يكون الها عذاب وحريمه

والله يا لولا دمعتن كنها الديم ,,,, راحت ضلوعي من عذابي حطيمه

ودام البكاء يا ريم ما فيه تحريم ,,,, يا عنك والله لارخص الدمع شيمه

أبتسم حاتم وهو يقاطعه بهدوء ويقبل أنفه...\صبحك الله بخير ويبعد عنا بكا العين ...

كائد يعتدل بضعف ..\من...؟

حاتم يسايره..\ ولدك حاتم ..

كائد بغيض...\ماعرست عشان يجي علي عيال...ولآظني عيال الآخوان بـيتذكرون عم بعيد...!

جلـس لجواره وبسترضاء...\ والله ياعم انها الأشغال..وصادق مافينا خير نطل عليك دايم...بس والله ما أفضى مثل

أول...هذاني جبت أهلي ومريت عليك قبل لآ أروح..طمني عليك ان شاء الله طيب..وش مهيضك على بندر بن سرور..؟

أشار بـرأسه وهو يرتشف بقايا القهوه من الفنجال..\ ماهيضني عليه الا ذا الكيف...؟

كان يمد الفنجال لـحاتم الذي كان بعيداً نوعاً ما من الدله...تقدم حاتم قليلاً ليتناول الدله ويسكب له في فنجال..من

ثم أستمع لـ أسترسال حديث كائد الذي توجه لـ أتجاه أخر لبندر بن سرور من ثم تكلم عن قصيدته [سخيف الذرعان]..!

ما أن همس بـتلك الجمله الا وأنحنت نظراته لـ أنامله يتفقد مكان دبلته فـي أصبعه..!

.

.

.

ماكسر ضلع الثقه غير الغياب..وماحفر قبر الوداع الا التغلي..!

.

.

.

.

كانت بعد صلآة الفجر...قد نامت على سـرير ثامر بعد أن وضعته بـسرير لولوه...

والان..

أستيقضت لـتجد بوكيه ورداً ضخم على طرف السرير وبجانبه علبه متوسطه ويبدو أن هذه بقايا هديه...!!!!

أعتدلت نجد بـكسل وهي تشاهد لولوه تعبث بما أتى به محمد...!

فـا الورد يُحتمل بـ أنه كان أكثر أناقه من هذا الشكل...والهديه قد أرتدتها لولوه وأنتهى الموضوع..!

لم ينجو من عبث لولوه الا الكرت المغروس بـشده في البوكيه...!

شدت الكرت بهدوء...بخط يد محمد...تعلم ذلك فـ ألاملاء عنده كارثه كبيره...والتعبير أندفاعي كدأبه...والخط أه من

الخط أيضاً قد شطب على عدة كلمات وأستبدلها بـ أخرى ...!

مسدت عنقها وهي تشاهد زحف لولوه بركبتيها الصغيره لـها لتهمس وهي ترفع الاسواره الجميله بيدها \بابا أشتراها

ويقول عطيها أمك وصحيها وبوسيها لين ترضى..؟

أبتسمت بـألم...\ عمك محمد تقولين له بابا ...؟

أشارت برأسها وهي تعبث بـ الاسواره ذهاباً وأياباً بمعصمها الصغير...

همست بتعب..\وين أخوانك...؟

لولوه...\ ثموري تحت يلعب..وطلال وقايد مع بابا راحو بسياره..

خمنت أن والداتهم أحرقت هاتف محمد بـ الاتصال لـذا ذهب بهم لها...زفرت بتعب وهي تقف لـتذهب لدورة

المياه..

أغتسلت وبعد ربع ساعه خرجت وهي ملتفه بـروبها الثقيل لـتصادفه واقف بقرب الباب من ثم أغلق

الباب بقفل ..!

همست بهدوء..\محمد لو سمحت أطلع...لآتعتقد انك بترجعني بـبوكيه ورد وأسوارة ذهب...تعبت أعدل فيك

وشكل مافيك فايده ولآني بمستعده أستمر أكثر من كذا أنا البارح فكرت بما فيه الكفايه وشفت الاستمرار فيه ظلم لكل

واحد فينا..ودامك أنت طلقت فكثر خيرك لـهنا وأنتهى فينا الطريق..!

هي تريد تأديبه...!

أرعابه...!

أتخاذ موقف جدي واضح..

غاضبه جداً..نعم غاضبه من طلاقه لها بتلك الطريقه السخيفه..!

لكن كان هو يقطع المسافه الفاصله بينهم بـخطواته...

لـيحشرها بـ الزاويه التي خلفها وبكلا ذراعيه يحتضن جسدها ويضع

أنفه بين عنقها وخصلها المبلوله وبهمس ..\رآجعتك....!

شعر بـ أنتفاضتها العميقه لـيهمس بتطويق أكثر..\ ولآهو مهم رايك لني راجعتك خلاص أذا أنتي أنانيه مره..فـ أنا يمكن أناني

فيك عشرين الف مره...!

دفعته بغضب بـعد أن أنتزع قبلة سريعة منها...وكتم ضحكته المتهوره بـعد أن قذفته بقوه بكلتا يديها فيتراجع

خطوتين للخلف من قوتها وهي غاضبه جداً ...!

ثم أخذ يتراجع لـخطوات كثيره ويجلس على طرف السرير يستمع بـ أنصات لثورتها....!

نجد بغضب...\ رآجعتك....وأنت على بالك أن كل شي ينحل بسهوله وحالاً مثل حركتك هذي الي قبل شوي...أمس مطلق واليوم

مرجع...هذا وش دليله يامحمد دليل ان حتى العقل الي في راسك يروح في الغضب بشكل تام ولاراح جيت تبي تصلح

الامور ..

كتف يديه يدعي الصمت والأنصات...يريدها أن تهدئ...!

نجد تردف..\ وبعد تراجعني بهذي الطريقه عشان تكمل أمورك كلها وأستخفافك بطلاق...ولآ كأن لي رياجيل

لآزم يدرون بـ الرجال العاقل الي خذاني وبثواني طلق وبثواني رجع...أبي أعرف رايهم لن يمكن راي بتغلبه العاطفه

عشاني حرمه..بنشوف راي الرياجيل في هذي المواضيع..!

حرك يديه بهدوء..\والله أنا داخل بوجه رجال أن قطعتي وجه فـ أنتي ماتعرفين السلومـ...وأن تجاهلتي والله ماعندي مشكله

يجي تركي وقايد والي يبونه يبشرون فيه لكن مسألة يظهرون حرمتي من بيتي فـي هذي انا الي بتجهلني السلوم ومستعد

مثل ماقلتي أصير مراهق ودرباوي بعد لو تبي ذي العيون الحلوه ..!

غاضبه جداً..\ لآتدخل وجه أبوي نايف في الموضوع هذا لنه لو انه عايش مارضاها لي...؟

تركته غاضبه وهي تتوجه لـغرفة التبديل ليلحق بها بخطوات سريعه ويقف عند بابها لـيشاهدها وهي تخرج

ملآبسها....

لتردف بغضب...\آسمعني يا محمد دامك رجعتني فَ نجد القديمه أنساها ملابسك أنت الي ودها لـمغسله غسيل وكوي مني مافيه...

أكلك وشربك لآتعتقد اني بلاحقك فيه وفوقها أحط اللقمه في فمك اذا كنت تشتغل والا منت مشتهي ..

صحتك أنت اهتم فيها والا بكيفك لن محد خاسر الا أنت...

عزايمك وكرمك الحاتمي أسفه ماعاد عندي أستعداد أتعب نفسي عشانك يا إما لآعاد تعزم والا

أطلب لضيوفك من المطعم...يعني بصريح العباره بكون لك برواز حرمه تحطها على الكومدينه لن الي يستخفون

بطلاق والترجيع مالهم عندي الا كذا...!

كادت عينيه ان تخرج من أسلوب نجد المستفز له ليبتلعه بصعوبه...\ وش ذا الصكه يانجد..أهدي هذا وانا مراضيك

بهديه وبوكيه ورد وكلمتين حلوه بكرت والله انك ماتستاهليني..!

يستخف دمه أيضاً ليشعلها \ ولآتحاول تستفزني بخفة دمك ذي السامجه حلآت الرجال ثقل وركاده...خاصة في

المواضيع الجديه يا محمد..!

حرك رأسه بهدوء..\صادقه..ودام المواضيع جديه فـ أنا والعيال بنطلع نتغدا في المطعم وانتي صلحي غداك وأكليه

بلحالك...دارهمي واجده وبتخدمني وأنتي أنانيتك ماتودي معي ولآتجيب وعلى الفكره الباب بقفله وخلي قايد أن

كانه رجال يكسر بابي لشتكي عليه ذاك المحامي المتاآآغـ طــ ررس...!

ولم ينطق الكلمه الاخيره كما يجب....

لـذا همست بتهكم \الله يخلف علي يامحمد أنطق الكلمه زين وعقبه تعال قلها عن قايد أخوي... !

محمد يوليها ظهره..\المهم انه الي قلته...!

.

.

.

ماكسر ضلع الثقه غير الغياب..وماحفر قبر الوداع الا التغلي..!

.

.

.

.

.../ سعوديات سعوديات ياشيخه أزعجتو أم أمنا...وش سعودياته مع ها اللهجات المخيسه وهذي التصرفات الاخيس

الا يعقبون ويخسون بعد على قولة عمي كايد..!

جميله..\ شوفو الكيك له حسناته...وحسناته أشوف انها أكثر من سيئاته...و..

الزين تقاطعها..\باالله عليك جمول انتي من تدخلين بنقاش وأشوفك صافه بـ أتجاه شي أدري على طول انه علت كبد..

وش محاسنه يا أم محاسن...الي شفته والله مساؤى لآتعد ولآتحصى...يجونك ها الشباب يستخفون دمهم وانا الخفيف

الي دمي شربات ويبدأ يمغط لي العيون والفم وينتقد الشارع السعودي والي فيه خف علينا يا الي تنقط منك المميزات...

جميله بضحك..\مب كذا زنزون شفتي نصور وعبدالملك ..سلفر ..وفيحان...وبدر يهبلون وراك جامعه الكل..

الزين...\الا شفت لوجين يامن مسكها مع شوشتها لين تدري انها طاست تدرس ماهو تصور لنا في ذا الكيكات

وتقول مانيب بمتغطيه...

هناء..\هين هذي لوجين ماهي بسعوديه وحتى لو فرضنا كانت سعوديه ماتشرفنا ولآتشرف مجتمعنا المحافظ يطلع

لك عقليات والوان اشكال في الكيك فيها الصالح وفيها الطالح فيها الي يبث السموم وعقله المريض يسول له يسوي

أشياء يقشعر منها جلد الانسان السوي وأخر شي تجيك علم المملكه بجانبه حتى يدل على انه من هذا المجتمع بس كتشويه

وأفساد..

ديمه..\لوجين ماعرف لها الاسلفر يوم قال الصعلوك البرتقالي والقى قصيدة بنت الجزيره..,

بسمه..\ولنفرض أنها سعوديه ونرجع هذا الشي للهجه أعتقد سعوديه بس الاكيد أن وراها جهه معنيه البنت

عندها غسيل مخ ماهو بشوي...,

الزين..\زبدة الهرج ياحبايبي ماداني الكيك ولاداني طاريه يصدع راسي من كمية السماجه الي طايرين فيها وخصوصاً

الي يجونك اعمارهم 15 هذولي السم والبلا حقين المراهقه..مايذبحني الا الي تصور بعبايتها وتسوي لها حركات

تجيب الهم يا اما تنطيط بشوارع والاطالعة مع خويها ..اه يا القهر ولآيبون هيئه الا يازين من ركبها في الجمس ها

الي يشوهون المجتمع ب افكارهم وافعالهم..

بسمه...\يا أخوات ليش نرمي على المراهقين وعلى الشباب أستغلالهم لـتطور والتكلولجيا بهذا الشكل يقولون من زرع

حصد..وهذا زرع لـتربيه نحصده..لو التربيه كانت سليمه وجيده ماكان هذا الحصد وهذا الوضع ..بينما في جهه

تقول حنا نربي ونكبر ونأسس صح بـس يلتمون على رفقاء يدهورن لهم عقليتهم وتربيتهم...أقول لهم أهتم راقب

شوف ..لآتهمل الحكمه الي تقول : قل لي من تصاحب أقل لك من أنت...والصاحب صاحب...وحديث حامل المسك ونافخ الكير...و

كلكم راع وكلكم مسؤؤل عن رعيته

هذي هي التربيه صعبه وكبيره والا كيف يكون حق الوالدين عظيم بهذا القدر...الا لأن التعب

عظيم...

الزين...\ تصدقين يابسمه معك حق..التربيه تلعب دور كبير...أشوف متهاونين بهذا الشي كثير ويقولون ماعليه خليهم

يوسعون صدورهم..الحين المراهقه الي ماتدري وين ربي حاطها طايرة باالعجه ماتشوف امها وراها ولآتفتش وراها

والله حتى قصات الشعور ماينتبهون لـ أشكال بناتهم ماينتبهون لملابسهم وهم يطلعون يعني نظام التربيه عند البعض فيه خلل ..

أمي الله يخليها لي والله الى الان وهي تقرص فخذي لآنقدت علي..!

غرقت بسمه بضحك..\يمكنك تستاهلين ....

الزين..\قطع ذا اللسان هاتي بس العصير ماورا نقاشكم الا فورة الدم تحمست وفار دمي عطيني أبرد على كبدي...!

.

.

.

ماكسر ضلع الثقه غير الغياب..وماحفر قبر الوداع الا التغلي..!

.

.

.

.

بعد مرور خمسة أيام

.

.

.

حضر خالد ليوم وكان سريعاً ..أخبرني أن والداه لآيرفض له طلباً وأنه مستمتع معه..وأن رزان ليست بسيئه معه...

سألته عن نادي الكراتيه الذي سجل فيه وأخبرها أنه ممتع جداً...كما أن والداه يحضر له مدرس لتقوية اللغه الانجليزيه

عنده ...وقد يتعلم ركوب الخيل لكن في وقت الاجازه...بمختصر يخبرها أن يومه أصبح مشغول جداً ....

هي تعلم أن فهد يتعمد ذلك...يتعمد أن يجعل جدول يومه ممتلئ حتى لآيفكر أن يعود لها...لكنها تراه من الزاوية

الاخرى...

زاوية ان نادي الكراتيه رياضه له وسوف تفيده...

وأن اللغه الانجليزيه ضروره ان يتكلم فيها بطلاقه...

وأن جميع الانشطه الترفيهي التي يحشرها له بجدوله.. خالد مستمتع بها...وهي سعيده لن خالد سعيد هي لآتريد

الا ان يكون مرتاحاً بشكل او بـ أخر...ف..هي تعلم بـ أنه ضحية رجل خائن وأمرأه لآتغفر...لكن مابيد حيلة في

نهاية الموضوع..و زمام الامور سوف تصبح بيدها هي ان ارادت فهي تتغاضى وتغض الطرف حتى ينقضي الترم الدراسي له ومن ثم بعدها سوف يتعلم فهد ان أذا كان له حق فلها ثلاث حقوق !

لكن الأخر.....!

لم يتـصل...و..لم يقوم حتى بفتح هاتفه...مغلق....و..طوال اليوم....فقط أرسل رساله من نصف سطر...

[ قلت لك بقفله...بجلس فتره هنا..]

لفتره بمعنى ان المده سوف تكون مفتوحه...ولآتدري متى يعود....

الموجوع في الموضوع...أنها أشتاقت له...وتفتقده بشده...كشعور جميع النساء عندما يبتعدون أزواجهم في السفر..

داهمها هذا الشعور بغفلة منها...!

أصبحت تتقلب في فراشها مئات المرات...ولآ...يأتيها النوم الا حيله...!

أصبحت مسألة سرير خالي من روح أخرى تشاركها فيه مسألة تسبب لها الصداع والتوتر....

التوتر الذي لآتفهم سببه فـ هي لآتتوتر باالعاده من شيء كـ هذا..؟

قد يكون ذاك التوتر يداهمها بـسبب أنه أصبح في عمق تفكيرها...

تفكر بـ أنه رجل...ورجل منحه الله الوسامه والثقافه والشهره...فـ أصبح مقياس فاتن لـجميع النساء فكيف با المراهقات..!

تداهمها الغيره ..فلآ تعلم هل هي مؤلمه بطبيعتها أم أنها مضاعف عندها كمية ألم..!

كما وأنها أشترت الروايه التي تخصها منه بـ أهداء موقع منذو زمن ...وأستحوذت على تفكيرها أكثر...

لكنها لم تقرأها...أبقتها بـحقيبتها ...!

تمنت لـوقت..أن العجله تعود للخلف لـبرهه...ويقترن بها...ويكون خالد هو الثمره لـذالك الحب...ولم تتذوق صدمه..

ولم يتذوق هو كذلك صدمه ولآوجع ...!

جلـست بـ أرهاق...وتوجهت لـدورة المياه أغتسلت..من ثم خرجت لـتردي لها ملآبس وتهبط لدور السفلي

فـتجد والداتها تتناول أفطارها...

الثريا وعبائتها بيدها...\صباح الخير يمه...

أرتفعت أنظار وصايف بهدوء..\صباحك نور..وين على الله مع ها الصبح..؟

الثريا ..\ بروح أجيب لـي أغراض من البيت خاصه...شكل حاتم بيتأخر في سفرته الله يحفظه...

وصايف تنزل رأسها بهدوء..\ ماعليه روحي ...لكن رجلـتس ماشفتك تكلمينه ذي اليومين هو مايكلمك...؟

الثريا تغلق حقيبتها بهدوء...\ الا..يكلمني بس متأخر...

وصايف...\ أنتي تقولين انه سكت ولآعلق عقب ماجيتي لكن يكلمتس بخاطر ضيق..لو كلمك بخاطر ضيق فتراه يحق

له..أصبري عليه..أصبري وأرخي حبال الصبر لآتشدينها...

أشارت برأسها بهدوء وهي تستأذن...

وتشد الخطوات لتخرج من المكان وتطلب من السائق أيصالها...

.

.

.

ماكسر ضلع الثقه غير الغياب..وماحفر قبر الوداع الا التغلي..!

.

.

.

.

...\جيجي بس صدعتي براسي..!

الجموح ..\أكيد صدعت براسك لن راسك فاضي لـكل شي الا لـي أنا...فاضي لـقضايا المترزازت على بابك وفي

جوالك...مو كنا متفقين اليوم ترجع تاخذني ليش انا ماداومت عشان أقابل الجدران...دامك منت فاضي لـي ليش

ماتركتني أكل الحبوب الي صرفتها لي الدكتوره وأمشي على النظام الي رسمته لي...ليه حشرت نفسك وسويت نفسك

الخايف علي...!

قايد بغضب...\قلت لك ماقدرت طلع لي حاجه مهمه لازم أخلصها كنت مأجلها والحين ماينفع تتأجل وانتي ماهمك

الا أنت كذا وأنت كذا...بكره نرتب لها موعد ونروح لها مو مشكله...

الجموح..\ الا مشكله خمس أيام تماطل فيني بكره بكره...لآ ياقايد الحين بروح مع خالتي وأنت خلك بين قضاياك وأوراقك

لأنهم مهمين أكثر مني...

أنهت المكالمها بـ أن أقفلتها بوجه...لينفجر غاضباً وهو يلقي بقبضته بـطرف الكرسي...

كانت مستعده ومسألة أنتظاره مع ضرب المواعيد الكاذبه مسأله لن تنتظرها أكثر وأرهقتها مع الضغط الذي تعانيه ...

لـذا نزلت لـدور

السفلي ووجدت وصائف جالـسه تشرب قهوتها وتأكل من حبات تمر موجوده أمامها....

القت السـلآم الجموح من ثم جلـست لجوارها وهي تكتم غيضها من ذاك البارد...وشدت فنجال لترتشف قهوه فـ

الصداع بدأ سوف يفجر رأسها....

وصايف بهدوء...\دوامك اليوم متأخر يا أمك والا وش فيك مارحتي...!

الجموح بـمحاولة هدوء..\ أيه متأخر خالتي...!

هاتف وصايف أعلن رنينه لـتقوم بـ الرد...\يامرحبا أيه والله....

قائد بغضب...\يـمه أذا جاتك الجموح خليها تعقل وتنثبر مكانها لـين أخلص شغلي وأوديها أنا بنفسي..!

وصايف بغضب..\ ليه وش بينكم...؟

قائد ...\ لها مراجعات في المستشفى وماقدرت أفضى اليومين هذي لها...وزعلت ونزلت لك تبيك تودينها ولآ أبي

أحد يوديها غيري...

وصايف تنزل فنجالها..\أجل خلآص خلك بشغلك وانا بودي بنتي لـمراجعاتها مع سايق...,

قائد ...\لآ...يمه مالك لوا...

وصايف..\لوا يلوي عدوك لين تعرف وش معنى لا لـ أمك خلصنا من طول الهبال والمعاند يا قايد..

صمت لـثواني....

من ثم همس بغضب..\ترا ان قويتيها علي ماهو بصاير طيب لها...!

غضبت وصايف بشده...\ الحكي ذا ينقال قدامي أسكت بس وفارق ...!

أغلقت هذه المره وصايف السماعه بوجه وهي تعلم انه أنفجر الان تماماً...

همست بـ أصرار \قومي يا الله البسي وخلينا نروح لـموعدك...؟

.

.

.

ماكسر ضلع الثقه غير الغياب..وماحفر قبر الوداع الا التغلي..!

و

أصبح دمه خفيف لـدرجة أني أكتم ضحكتـي ولآ أدري هل صحيح يظهرعلى وجهي الاحمرار كما تقول لولوه

أم انه متفق مع لولوه على ذلكـ..!

ومع أني أتجاهله...الا أني أضطر مرغمه على مراقبته...

فـ أن لم يأكل أُصاب انا أيضاً بـ أنسداد بشهيه...!

أعلم أنه لآيحب الأكل من المطاعم كثيراً لكنه يستحق أن يأكل منها اليومين هذه...

وعندما أصنع عشاء خفيف لـصغار...أستثني صحنه...وأدعي الرجيم كـي لآ أكل مثله...!

يتململ في البدايه ولكن في النهايه يحضر عشاء له من الخارج ..ويتعمد أحضار مشروب غازي كي أمنعه لكني

أضطر لـصمت مرغمه...فا أنا أصبحت متأكد أن كثرة الدلال قد أفسده...

وحين يوجه لي حديث عفوي أتعمد تجاهله..يغضب قليلاً من ثم يلقي حديث على لولوه موجه لي..!

وعندما أُبالغ بـتجاهله..يتعمد أغضابي...

فـ أجد ان العواصف قد هبت على المطبخ بـدعوة انه سوف يقوم بـحفلة شواء

في السور أنتهت بـ دجاج محترق أضطر لـ أكلها وحده فا الاطفال رفضو وأنا أكلت قبلهم سلطة خضراء ..!

والان متمدد في أحضان لولوه وهما يضعان وساده صغيره أمام التلفاز وأنا أنهرها لكن يتعمد أغضابي كي أتكلم معه

فـ أضطر أن أصمت...!

همست لولوه بضجر...\بابا عورت يدي..!

...لآ...جواب...!

لولوه بغضب من جديد..\يابابا عورت يدي قوووم...!

كانت تشد يدها من رأس محمد ليسقط رأس محمد بقوه على الارض...!

وقفت نجد برعب وهي تقذف با المجله من أحضانها وتطلق التسميه وهي تركض بـ أتجاه....

جلست على ركبتيها وبخوف...تحركه...\محمد...محمد....محمد...!

كانت تهز كتفه بخوف وللحظه شعرت أن صوتها لآيسمع...ليفتح عينيه بصعوبه..\وش ...وش فيك..!

زفرة نفس مرتعباً وهي تغرس أناملها المرتجفه بـشعرها المتدلي لتبعده للخلف...\مدري عنك انت ونومك الثقيل خوفتني الله يهديك...!

كانت تشعر بـ أرتجافه شديده في جسدها لـذا أستندت على يدها في جلوسها ومن ثم

أرادت ان تقف ليمنعها من الوقف بـ أن عانقت أنامله معصمها ومن ثم وضع رأسه على فخذيها وبهمس..\خليك شوي ..

كان يطوق معصمها بـستحواذ ورأسه بـحجرها مطبق شفتيه وكأنه يتألم ومطبق عينيه وكأنه تعمق في النوم

في ظرف ثانيه..!

نجد بجديه...\ أذا بتنام أطلع لـغرفتك فوق...

همس بـضجر...\وش يطلعني في غرفة راعيتها ماهي فيها...؟

كان يشد كفها لـشفتيه ليقبله بهدوء ومن ثم يدون قبلات صغيره متقاربه...

نجد وعينيها تنخفض لـه \ الا انا فيها...وش ها الكلام يعني وين ظنك أنام ..؟

محمد بلوم...\ ماتجينها الا اذا تأكدتي اني نايم...وتصحين قبلي..أشم ريحتك الحلوه بجنبي ولآ أطول الا أحط راسي على مخدتك

لآصحيتي...

أخفضت عينيها لـه أكثر لتلتقي بعينيه..لتنساب بهدوء خصلآتها من كتفها لـ أحضانها...

محمد بشوق موجع..\ تحملنا حملة التجويع ضدنا والخدمه السيئه بس عاد ترا والله ماهو بعقاب الي تسوينه فيني وانتي تدرين

اني ماتحمل انك تتعمدين ما أوصل لك بأي طريقه...؟

بوجع..\أنت أخترت هذا الشي بعد ترجيعك لي وأستخفافك بطلاق..خلاص تحملني مثل ما أتحمل انا طيشك ومراهقتك..

كان يقبل كفها ومع ختم حديثها عضها بطريقه مؤلمه لتشد هي أصابعها من بين شفتيه وبغضب..\شفت ان خبالك ماله علاج...!

أبعدت رأسه من أحضانها بغضب ليطلق هو ضحكه عميقه...ويعتدل بجلوسه...ما أن أعتدل بجلوسه الا وقفزت

لولوه بـ أحضانها...

شعر بوخز بـجهة ذراعه الايسر لـيمسدها بباطن كفه...ويتجاهله...

.

.

.

ماكسر ضلع الثقه غير الغياب..وماحفر قبر الوداع الا التغلي..!

.

.

.

.

وضعت المفتاح بـ الباب وفتحته...دخلت بخطوات هادئه لـفله...

أنزلت طرحتها على عنقها بعد ان أبعدت نقابها وأدخلته بحقيبة اليد التي بيدها...

تريد ملآبس من خزانتها وبعض الكريمات التي تركتها وضعت حقيبتها على الاريكه وأنزلت عبائتها بجانبها

كانت ترتدي فستان خفيفاً يمسك فقط منطقة الصدر من ثم يتدلى بشكل مريح لـمنتصف الساق ...

أنتبهت لـ الاريكه التي بجانبها عليها بطانيه خفيفه كانت بـخزانه المخصصه لـمفارش الضيوف او الزائده...

ومن ثم

زاد أستغرابها كوباً على الطاوله التي قريبة منها..وهي متأكدها انها لم تخرج الا وكل شي نظيفاً ومرتباً...

لـذا توقعت ان قد نسيت المرور لـصاله...لآتدري....شدت البطانيه ورتبتها من ثم توجهت لخزانها وأدخلتها بها

من ثم عادت للكوب وتوجهت لمطبخ تريد غسله لـتفاجئ بـ المطبخ وأكياس وجبات خاليه به...!

تراجعت خطوتين لـتخرج من المطبخ وهي لم تجد تفسيراً منطقياً لما تراه...فا المنزل خالياً تماماً...وهو

مسافر.....

هل بات تلك الليله هنا ولم يسافر...وسافر في اليوم التالي....!

قطع سيل تفكيرها الباب المردود لـمكتبه....وصوت تشعر انه يصدر منه...!

شدت الخطوات لـ المكتب من ثم دلفت الباب أكثر لتتلبسها الصدمه وهي تراه واقفاً موليها ظهره ببيجامته وقدمين

حافيه وبيده كوب والاخرى يطقطق بـ رؤؤس أصابعه على الورق المنثور أمامه...!

دلفت الباب بـشكل أصدر صوتاً....ليلتفت حاتم بـستغراب....من ثم يعقد حاجبيه بمفاجئه من تواجدها....!

الثـريا بـصوت مستغرب...\متى رجعت...؟

وقف لـبرهه...من ثم أنزل الكوب من يده بعيداً عن الورق...وعانق بـ أنامله مؤخرة رقبته يدعكها ..\البارح...!

من ثم أردف بستغراب..\وأنتي ليش جايه وانتي تدرين اني موفيه..؟

أشاحت بنظراتها عنه...\كنت أبي لي أغراض خاصه فيني......!

كانت متوقفه بـ مكانها ...وهو كذلك متوقف بمكانه....!

بينهم مسافه فاصله....هي المسافه المبنيه بينهم..!

هي خمسة أيام ...تريد ان تخبره بـ أنها لم تنام بـشكل يملئ الأجفان....

ليلها مملؤى ومتخم بتقلبات لأنه كان يملئ ذاك الليل بـذراع محتضنه لـها ..

فيبعدها عن جولآت التفكير الكثيره...وصولات الوجع العميقه...

يجعل ليلها هادئ بين ذراعيه...

هكذا كانت بعد سفره الاول عنها هاجمها أرهاق البعد عنه...هاجمها بضراوه...!

وهو يبخل بمكالمه واحده يخبرها بـ أنه وصل...الى هذه الدرجه خلفت بضع كلمات نار حبه الى رماد...

هل هذا حبه وهذه صيغته....يترك فجأه...لآيستمر...!

يتخلى بسهوله ...يكتب لـسنين عنه..ويحب لـسنين...ومن بضع كلمات بسبب تجربه مررت بها المحبوبه

ينفض يديه ويقسم أنه المظلوم في تلك المعادله...بينما كلانا مظلوم....!

الابتعاد عنها أفضل....كي أجمع شتات الحروف الذي فرقها قربها التمثيلي مني...!

كذبت لم أسافر....!

بل أعتزلت وتقوقعت في هذا المكان..أنفض غبار الحروف والقلم وأحث الخطى للورق...لـ أدون بداية

روايه جديده تبدأ من النهايه...!

أرتحت كثيراً من يومين كانت أعصابي فيها مشدودة لدرجة لم أكن بها من قبل....

تملكني شعوراً با الراحه وأنا أغوص با الكتابه لـ أبعدها عن تفكيري ....

سافرت بـ الحرف لـلبعيد...

البعيد حيث لآهي ولآتلك المشاعر العصيه...!

والان ظهرت بشكل مفاجئ ...قد تخبرني بـ أن البعيد هي....وأن القريب هي...كلآهما في ذات الوقت هي...!

لما عندما تظهر...وتقع عيني على ذاك المحيآ أتئلم بشده وأشعر ان الجرح كـ نافورة من دم..!

أبتعد بخطواته لـيتوجه لـخلف مكتبه....وبهدوء...\أحتاج لـهدوء...أذا كتبت ماحب صوت...؟

الثريا تبتلع برودهـ الموجع وهي تخطي الخطوات الهادئه....\ وبادي تكتب الحين...؟

لم ترتفع عينه ..بقت تعانق الورق والقلمـ...

أطلت على أوراقه لتهمس من قرب بتهكم...\ مذكرات سبعيني...جالس تكتب روايه عن سبعيني وبتكتب كل تخريفاته

ولآهان عليك ترفع سماعة تليفونك وتقول انا برياض...أو...حتى تسلم علي الحين مثل أي أثنين لهم من بعض أيام...!

أرتفعت عينيه لـعينيها ...مكتبه الفاصل بينهم...هي تضع أناملها على طرف الطاوله....بينما هو يضع مرفقه

وتفصل بينهم مساحات للورق...للمجموعة أقلام أنيقه بمقلمه....لـ التحفتين الصغيره....الساعة الرمليه بيسار الطاوله...

وعلى اليمين أيطار لـ أيه قراءنيه...!

من ثم مساحه واسعه ...!

حرك كرسيه الدوار بـ أتجاه اليمين....ليقف بهدوء وهو يهمس بنبرة ما...\ صدقتي مثل أي أثنين لهم من بعض أيام...لآزم

نسلم على بعض...!

هي لم تقصد الكلمه بحرفيتها...لكن كانت غاضبه من طريقته من أسلوبه من عدم تفهمه الى الان وتوقعت

أن يلقي بنظره لها...ويقول سوف أنفجر...أخرجي..!

لم تختم ثرثرتها المستغربه لـيصبح أمامها من ثم أنحنى بطـريقه أنيقه وخاصه له..

ليقبل جبينها ...قبله صامته...بـ أخر مطافات تعبيرها [مبعثره لـ أرواح متوجعه...]...!

همس وهو يتراجع...\ راسي مصدع...تقدرين تسوين لي قهوه نجديه طوال هذي الخمس أيام والصداع ملازمني

ماتقهويت الا قهوه سريعة التحضير...؟

الثريا بهدوء وهي تبعد خصلات تمردت لخلف أذنها..\ دقايق وتكون جاهزه...تبي شي خفيف معها..؟

بجمود وهو يبتعد بنظرات التقت بها من جديد...\ لآ ..شكراً...!

بعد ربع ساعه.....

كانت تدخل لـتجده غارقاً تماماً لـ أذنيه...أو....يخيل لـها بـ أنه يريد الغرق والابتعاد عنها....

وضعت صينية القهوه على الطاوله الصغيره بـجلسه الصغيره التي بـزاويه المكتب...وبهمس..\حاتمـ تعال تقهوى...!

رفع عينيه لـينتبه لدخولها...من ثم يلقي نظره لـ الترمس الصغير ذو اللون العنابي والرأس الفضي وصحن أنيق

بجانبه به حبات تمر من أجود التمور..ومسكوب عليه طيحينه سائله...هذا مايحتاجه الان لـ أن يوقف

الصداع الذي سكن رأسه لـ أيام عديده قهوتها...!

وقف وحمل بيده الاوراق ليراجع ماكتبه هذه اليومين وهو يرتشف القهوه وكي لآيدخل بحديث روحي بقربها...!

جلـس على الكرسي...سكبت له فنجال...شعر أن رائحته وصلت لـرأسه قبل أن يرتشفه...!

مد يده لـها وهو يبعد عينيه عن الالتقاء بعينيها لكن عينيه التقت مرغمه بـ أناملها التي تمسك

الفنجال ودبلته تستوطن أصبعها ...قطعت تفكيره بسؤال مباشر ..!

الثريا ..\وش سويت بشرقيه...جلست بفندق والا وين رحت...؟

بهدوء وعينيه تبحث بـ الفصول التي رتبها بحسب عمر السبعيني فـ العشرين هي النهايه والثلاثين ماقبل النهايه

بينما الاربعين والخمسين تكون بمنتصف الروايه..والستين والسبعين هي البدايه...!

همس بتأني..\أكيد بفندق يعني وين بجلس فيه...؟

الثريا...\ قلت لي بتجلس فتره...توقعتك تطول أكثر من كذا..؟

حاتم ..\ خلصت ورجعت ..؟

الثريا بهدوء..\ كيف قضيت يومك كان ممل والا ماليه شغلك...؟

حاتم...\ كان الشغل مايتركني أفكر أذا كان وضعي ممل والا عادي...ولو سمحتي أم خالد مابي أسئله أكثر من كذا..!

يهرب للورق....فعينيه تهرب للورق...وشعوري موجع أن بعد هذا الفجوه التي بيننا يتعمد ان يغذي الفجوه بـتركها

تكبر أكثر بسفر..وبا الورق...

بعد أن كانت الساعات في بعدي هي أيام...وكلمات الماضي الشوق وكلمات اليوم أبتعاد...والورق في وجودي ليس الا ورق أصبح

الان الورق هي الأنثى التي تفتنه وتخبرني بـ أنها تسلبه لأني لم أستوعبه..!

كان يحرك طرف الورق بـين أبهامه وسبابته والورق في أحضانه..وأنامله الاخرى تعانق الفنجال بين شفتيه

وعينيه متعمقه بـما بين السطور...!

همست وهي تمد أناملها بهدوء للورق...\ تسمح القي نظره...!

أبعد عينيه عن الورق...لترتفع بستغراب...\مو مكتمله...أأإإترركي..هـ...ا...!

كانت تتجاهل رفضه وهي تشد الورق من أحضانه لـيستوطن أحضانها مجبر...\ حاتم القاء نظره لا أكثر مو مهم

مكتمله او لا...تقهوى أنت الحين..!

حاتم بنظرات مائله للغضب..\الثريا...الروايات ماهي واقعيه ماهو هذا حكيك ولآتحبينها...أتركي الشي لين يكتمل

ماحب أحد يطلع على الي مابعد أكتمل من رواياتي وهي لسا مسودات..!

بنصف أبتسامه وبنبره جديه..\ مشكلتك تاخذ على كلامي كثير وتحطه على محمل الجد بينما هو حكي نسوان...!

زفر وهو يتراجع بظهره لـخلف ويرتشف فنجال القهوه كله من ثم ينزله بغضب بصينيه ويسكب له أخر من ثم

يرتفع بعينيه لها...!

تحرك شفتيها بطريقه لآيدري كيف يصفها وهي تقرأ حروف في ورق من مسوده...

تتقلص حاجبيها تارة وهي

تصتعب قراءة بعض الكلمات على الرغم من الوسائل الحديثه مريحه في الكتابه الا أني أعشق الحبر على الورق

وخطي المعروف بجماله يتعرج على السطور...وهي من حركت شفتيها وحاجبيها بعض الكلمات أشكلت عليها..!

لايوجد أي مساحيق على ذاك الوجه الذي فتن الروح صغيراً وقتلها كبيراً....يوجد فقط عينين واسعه تعلمت المكر

والكذب وخلت اليوم لـ أول مره من السواد الذي يعانق المحاجر...!

لما لم تضع المكياج الذي يعشق ملآمحها ....؟

ومن ثم لم أكتفت بـ صندل مسح متخليه عن الكعب وأنوثته الفاتنه...!

قد تكون لانها لم تعلم أني في البيت...فتخلت عن الزينه...تتزين لي لتزيد فتنتها بينما هي فاتنه في جميع أحوالها

لولآ وجع سمعته نسف كل شي لها بداخلي وأخبرني بـ أن النساء مؤلمات جداً عندما يقسمون على أذية الرجل...!

وقف بوجع...\ الثريا لو سمحتي حاولي ماعاد تدخلين هنا اذا كنت موجود...أحترمي رغبتي مابي أوجعك وماتهونين علي

أشوفك منوجعه من حكي مني...بس انا أبي أجلس لحالي أذا كتبت...الدور الي فوق كله لك والي تحت بعد...بس

القسم هذا حاولي قد ماتقدرين لآتدخلينه...!

كانت صامته...ولم ترفع عينيها لـثواني معدودهـ...لكن بوجع...رمت الاوراق بـ الاريكه....وتركت المكان له...!

.

.

.

ماكسر ضلع الثقه غير الغياب..وماحفر قبر الوداع الا التغلي..!

.

.

.

.

بعد ساعتين

الطبيبه...\ بعطيك حبوب منشطه..أنتي معك ضعف مثل ماقالت الدكتوره الي كشفتي عندها أول مره بس

المفترض يشوفون سبب تسقيطك والي طالع عندي الحين ان عضلة الرحم ضعيفه عشان كذا ماقدر يمسك

الحمل...فعشان كذا بنرتب لك جدول من فتيامينات وجدول بينك وبين زوجك..وأذا حدث ان شاء الله حمل

نعطيك مثبتتات وأعتقد راح يكون معك نزيف بسبب ضعف الرحم فـ نسوي عملية ربط لـعنق الرحم حتى ان شاء

الله يكون وضع الحمل تمام...

وصايف بهدوء تقاطع الطبيبه...\يا أمتس يعني مايمسك الحمل رحمها يطيح على طول عشان كذا تسقيطها الاول كذا..

طيب ماينفع نعطيها شي شعبي يقوي رحمها أخبر ان الحلبه والادويه الشعبيه تقوي الرحم ...

أبتسمت الطبيبه..\ياخالتي هذي امور طبيه ماينفع معها الادويه الشعبيه في حمل الاخت الجموح لازم نربط الرحم لها لن

المشيمه مع حملها وضعها راح يكون نازل بحسب الحالات الي في وضع الجموح ...هو راح يكون صعب لكن العزيمه والايمان

باالله مايخلينا نتضايق صح يا الجموح...؟

الجموح بمحاولة هدوء...\أنا مؤمنه با الله لكن أذا مامسك رحمي الحمل وصار تسقيط ثاني..وش العلاجات الثانيه...؟

أبتسمت..\مانبي نستبق شي..لآزم نبدأ الحين بكورسات العلاج ومن ثم بعدها لكل حادث حديث وين زوجك ليش جايبه

الوالده معك بداله...؟

الجموح بغيض \ لن يمكن بعض الامهات أفضل من الرياجيل نفسهم..الظاهر النساء متلهفين على الحمل أكثر من الرجال..لن

عامل العمر عند الرجال مايفرق معهم...خصوبتهم مستمره لـ سن متأخره بعكسنا عشان كذا أبي الحمل لنفسي ماهو له..!

.

.

.

ماكسر ضلع الثقه غير الغياب..وماحفر قبر الوداع الا التغلي..!

.

.

.

.

الدانه بضحك...\ياقلبي ياماهر أتركني يعني وش يعرفك في المطبخ الله يخليك لي...؟

ماهر يحمل الصينيه عنها \ماعليه بس حاولي ماتشلين شي ...يعني هو لو ماحلف أجيب من برا كان جبت له ولآ

خليتك تصلحين وانتي تعبانه...,

الدانه...\وانت خليتني أصلح...طقيت له علبة فول ..وطقيت له علبة فاصوليا...وتبي تعشي الرجال عندنا فول

وفاصوليا الله يهديك على الاقل أتركني اصلح صينية خضار دامه حالف ومايبي الا خفايف...

ماهر ينزل الصينيه ليساعدها في أفراغ بصحون..\ماعليك منه هو عزابي متعود على كذا ...صلحي شاهي ونامي

لآتسهرين مدري متى بيروح...,

أبتسمت بهدوء..\بحط لكم حلا مصلحته العصر لي ولك ولآكليناه...

ماهر أبتسم وهو يتوجه لـمجلـسه ويقوم بـ الترحيب الهادئ من جديد...

فيصل...\يارجال كان ماسريت على أهلك يصلحون لي عشاء ماله داعي ياابو تركي.,

ماهر...\وش الي ماله داعي ماهو بحقك هذا وانت جايني أول مره في البيت يعني الذبيحه والله أن تاكلها حلفت والا

ماحلفت الحق حق...

فيصل يبتسم...\ والله ماجيتك أتضيف..ولآبينا ذا الحكي...

وضع العشاء أمامه ليجلس ويتناول العشاء مع بعضهم البعض...

ماهر بـضحك...\الاستراحه ماعاد زي اول

صرنا حتى ننسرق فيها..الشباب الي أعرس وخذته حرمته والي جاته دورات لمناطق برا الرياض وخويا البر

هم الي خذتهم دوراتهم برا...أنت الي منت بعاجبني لك شهر وانت وجهك أسود وفيه علم ولآتبي تعلمني وكل ماحشرتك

قلت لي مافيني شي ...,

فيصل ..\ ظروفي الخاصه صعبه ذي اليومين....

ليردف بمحاولة هدوء..\

الي كنت خاطبها بنت عمي سلطان لها شهر وهي تقول ماعاد أبيه ...هذا واحد ماعنده شهاده ولآوظيفة

صاحيه وأنا الجامعيه المثقفه الفاهمه أبتلش فيه تحسب الرياجيل مناظر ماهي مخابر...وتلآقطو الحريم بينهم وماشفت

الا أمها داقت علي وتقول يافيصل البنت ماتبيك انت رجال مافي مخباك حتى الريال وشلون تصرف عليها لآتبلشنا

عشانك ولد عمنا ...!

ماهر بغضب...\ زواج هذا اوله ينعاف تاليه وش تبي في ناس يتمنون عليك وهم مابعد حتى جوك وصارو في