على الساعه 1.00م

سليمان : بالعنايه المركزه بعد ما سمعت انه زوجها

متزوج عليها

الجد باستغراب : ما توقعت انه ابو زياد يعملها

ويتزوج على ام زياد

الجده لوت شفايفها : الرجال ما لهم امان

الجد بابتسامة : وش رايك اجيب لك وحده تسليك

الجده ناظرته بقهر

ضحك الجد على تعابير ملامحها

ابو سليمان : طيب من وين متزوج ؟؟

سليمان وهو يعدل جلسته : يقولون اجنبيه ومعاها

ولدين وبنت تزوجها علشان تسلم

والحين اسلمت هي واولادها

فيصل وهو عاقد حواجبه : وعندها اولاد ؟؟

الجد بهدوء : ابه صح تذكرت قبل فتره خبرني عنها

ابو زياد تبيع على عربايه وضعها المادي صفر بعد موت زوجها

يمكن تزوجها حتى يكسب فيها اجر وتسلم

الجده : طيب والعرس كيف وامه بالعنايه ؟؟

سليمان بضيق من هذا الموضوع : لا اتوقع بموعد

العرس تكون صحتها كويس

الجده : الله يكون بعونها على هاذي المصيبه

ابو سليمان : روح يا سليمان على اخواتك بالمدرسة

لا تتأخر عليهم

قطع كلامهم جوال الجد

ناظر الجد الاسم باستغراب ورد بهدوء :

الو .........هلا ........الله يسلمك بخير .........

الحمد لله على سلامه الوالده .........وش فيه .........

تغيرت ملامح الجد ......طيب انت متأكد من قرارك .........لا لا ما زعلت كل شي مقدر .........انا رح اخبر البنت ......لا تهتم ....... مع السلامه

%%%%

%%%%

%%%%

%%%%

%%%%

%%%%

%%%%

%%%%

%%%%

%%%%

%%%%

كانت ريم جالسه على السرير وتتصفح بعض مواقع

قطع عليها دخول جدها

الجد بهدوء : السلام عليكم

ناظرته ريم بهدوء : وعليكم السلام

جلس على الكنبه مقابل لها وتنحنح : اممم ريم

بالنسبة للدراسه اليوم كلمت مدرستك وسجلونك غير نظامي وقت الامتحانات تروحين عالمدرسه

تقدمين الامتحان

هزت ريم راسها بالموافقة

الجد بهدوء : امم شي ثاني بالنسبه للعرس

*

&

*

*

&

*

&

&

*

*

&

&

كان جالس بسيارته ويفكر هل للي عمله صحيح

مستحيل يتزوج وامه حالتها كذا

كان قراره سليم انه اتصل وطلب تأجيل الزواج

تنهد وين كان عقله لما راح للمحكمه

كان للحظه رح يطلق ريم حتى يقهر ابوه وخاصه

انه ابو سلمان له معزه خاصه عند ابوه

بلحظه غضب منه كان رح يحطم قلب فتاه ما لها

دخل

تعوذ من الشيطان وحمد الله انه رجع لعقله قبل ما

يغلط ويطلقها

جن جنونه لما شاف امه بالعنايه المركزه فقد عقله

وكان رح يتهور ويطلقها

صحيح كلام ابوه اقنعه انه كسب اجر اسلام اربع

اشخاص

وانه عمره ما فكر يتزوج على زوجته بس لما شاف هاذي المراءه وحيده مع اولادها

قرر انه يلمها ويكسب فيها اجر

بس رؤيه امه بهذه الحال تفقده صوابه

نزل من السياره وتوجه داخل المستشفى يطمن

على امه

توجه لغرفة العنايه وسأل عن امه وقالوا له تحسن وضعها

واعطوه رقم الغرفه للي نقلوه عليها

توجه بهدوء وقبل ما يدخل طرق الباب

سمع صوت انثوي : دقيقه

بعدها سمع يقولون له ادخل

دخل كان فيه اخواته وحريم ثنتين ما عرفهم

رد السلام بركاز : السلام عليكم

نوفه : وعليكم السلام

تقرب من امه وباسها على راسها : الحمد لله على

سلامتك يالغاليه

ام زياد بتعب : الله يسلمك

بعدها اشرت نوفه : ترى هاذي خطيبتك وجدتها

جايين يزورون امي

رفع راسه الحرمه الاولى كانت طويله شوي ومن عيونها واضح انها كبيره بالعمر : اخبارك يا خاله ؟؟

الجده بهدوء : الله يسلمك يا بنيه

التفت على الواقفه جنب الجده : كيفك يا ريم ؟؟

ريم باحراج : الحمد لله

ناظر عيونها اللوزيه كانت تلبس نقاب

نوفه بضحكه : من لما دخلت رافضه ترفع النقاب

ونشوف خشتها تقول لوكه الجديد مفاجئه

نزلت عيونها ريم باحراج وبنفسها اخخ لو تشوفون اللوك الجديد

اضطرت تلبس نقاب علشان تغطي الخرايط للي

بوجهها

ناظرها زياد بابتسامة وهو يحمد ربه انه مسك

اعصابه

وبعدها ناظر امه : كيف وضعك الحين ان شاء الله

احسن ؟؟

ام زياد بتعب : الحمد لله بخير بس ليه ودك تأجل

العرس خليه بموعده

زياد باعتراض: بس يمه وضعك

قاطعته : انا بخير يا زياد اذا لي خاطر عندك لا تأجله

زياد باستسلام : خلاص رح يبقى بموعده اهم شي

سلامتك

الجده : ريم اتصلي بجدك علشان نرجع

ام زياد : خليكم قاعدين

الجده : لا والله تأخرنا ان شاء الله نزوركم بالبيت ونتحمد لك بالسلامه

مسكت ريم الجوال علشان تتصل

ناظرها زياد ولاحظ قصرها الواضح بس ما يهمه وبصوت واثق : لا تتصلين انا اوصلكم

الجده : لا لا تتعب حالك

زياد : تعبكم راحه يا خاله

اتصلت ريم على جدها وبصوت ناعم : الو ......وينك

.........

قاطعها زياد : اعطيني الجوال

ناظرته ريم بتردد وبعدها مدته له

مسك الجوال الو .....السلام عليكم .....كيف حالك يا عمي ........الله يسلمك .......خلاص لا تتعب نفسك

انا اوصلهم ......لا ما في غلبه ......ما في بينا هذا الكلام ......يالله مع السلامه

مد الجوال لها بهدوء : خلاص انا اوصلكم

الجده باعتراض : لا بس

زياد : الحين ازعل يا خاله منك يالله تفضلوا

طلع زياد وخلفه الجده وريم بعد ما استأذنوا

الجده تهمس لريم بوعيد : تلقي وعدك عند فيصل

غير يدفنك

ريم ببرود : اعلى ما بخيله يركب يروح يتمرجل على بنته ويدفنها

الجده بتهديد : حطي لسانك بحلقك واحترمي

اعمامك

والا بس قدام اهل زياد تعملين حالك سنعه

ترى التمثيل ما يدوم

ريم بتطنيش لكلامها : ترى من الحين انا اجلس من قدام

الجده : حامض على بوزك

وصلوا عند سياره زياد فتح لهم الباب وبأدب :تفضلوا

جلست الجده من قدام وريم من الخلف ركبت وهي تتحلطم

ركبت ريم من الخلف وهي تتحلطم بقلبها

من جدتها

حرك السياره وبعدها شغل المسجل على قران

كان الشيخ بالشريط يتلو سوره البقره

كان الهدوء يعم بالمكان وصوت القران يعم المكان

بالسكينه والراحه

كانت ريم تناظر من الشباك وما رفعت عينها او

ناظرت لقدام

كانت تفكر بحياتها بعد ايام رح تتزوج وتنتقل لحياه جديدة

تجهل طبيعتها كيف رح تتأقلم معهم ما تدري

تذكرت اخته نوفه شكلها حبوبه وامه حبوبه

تنهدت ومو عارفه تتوقع كيف رح تكون حياتها

الجديده

زياد كيف تعامله واخلاقه عصبي او لا

غمضت عيونها بتذكر تذكرت لما التقت فيه يوم

خطوبه سليمان كان عصبي كثير

تنهدت وهي تواسي نفسها حتى لو كان عصبي ما رح

يوصل درجه عمها فيصل وابوها وحتى جدها

ما رح تنسى بالمكتب لما ضربها كفوف على وجهها

لما فتح معها تحقيق

رح تكون مطيعه وما رح تقول له لا

تذكرت اهلها معقول يزورونها بعد ما تتزوج او رح ينسوها

ما تتوقع انهم يزورونها حتى ابوها تتوقع رح يمسح

اسمها من دفتر العائله

اصلا متى هو اهتم لامرها

بس كيف رح يكون موقفي قدام اهل زوجي

رح يقولون اهلها ما يزورونها

وش رح ارد عليهم ؟؟

حسبي الله ونعم الوكيل رح يحرجوني قدام

اهل زوجي

مو مشكله اهم شي ارتاح وابعد عنهم واعيش

حياه مستقره ما حد يرميني على الثاني

اخذت نفس عميق وبداخلها متى اعيش بدون تشتت ؟؟

صحيت من سرحانها على صوت جدتها : يا بنت

انزلي فشلتينا عند الرجال

زياد بابتسامة : لا عادي يا خالتي على راحتها

حست ريم باحراج

وقبل ما تنزل زياد يناظرها : الحمد لله على سلامة يدك انتبهي مره ثانيه لما تنزلين من الدرج

ناظرته ريم بغباء وهزت راسها ما تدري وش عرفه عن يدها

نزلت من السياره بدون اي كلمه

بعدها حرك زياد وغادر المكان

كانت ريم تناظر زول سيارته

ضربتها جدتها بشويش على كتفها : يا قليله الحيا

وين تناظري ؟ وبعدين كذا تفشلينا مع الرجال اكيد الحين يقول

هاذي البنت ما تسمع

طنشت ريم كلامها : وش عرفه عن يدي ؟؟

الجده بدون نفس ؛انا قلت له وحنا بالسياره وين عقلك لما كنا نتكلم ؟؟

ريم بابتسامة تنرفز : عقلي بالمريخ راح يشتري بطيخ

الجده وهي تكش عليها : مالت عليك ما ادري كيف

وافق عليك يالقزمه !!!

وحتى امه كيف وافقت انا لو مكانها ما زوجت ابني من قزمه مثلك

ريم مدت شفايفها : حرام عليك والله اني زاد طولي

2 سم

الجده بتريقه : لا احلفي اقول روحي ادفني نفسك

عامله نفسها سنعة قدامهم ولسانها ينقط عسل

وهنا لسانك ينقط سم مثل الحيه

ريم بقهر : يعني ودك إياهم يشوفون وجهي اشكال والوان

الجده تناظرها بتفحص : ليه ما حطيتي ثلج عليه ؟؟

ريم بهدوء : قال لي صقر احط ثلج وحطيت وكمان

جاب لي دهون احطه على وجهي يخفف منه

دخلوا الصاله الخارجيه وريم بعدها لابسه النقاب

كان سامر وسليمان وفيصل جالسين

ردت الجده عليهم السلام اما ريم ناظرتهم بغرور

وتوجهت للدرج

فيصل وده يقوم ويدفنها على وش شايفه نفسها

سامر ببراءه : وين جدي ؟؟

الجده بدون مبالاه : ما ادري عنه وصلنا زياد لهنا سليمان بعصبية : ما لقيتم الا هذا يوصلكم ؟؟

كانت ريم باخر الدرج التفت على سليمان : هذا للي تقول عنه له اسم واذا مو عاجبك بلط البحر

فيصل بصراخ : ريم

ريم بقهر طنشتهم وطلعت

فيصل بقهر يناظر امه : ليه ما اتصلتي فينا نرجعكم

جلست الجده على الكنبه جنب سامر : قلت لريم تتصل بجدها ولما اتصلت فيه اخذ منها زياد الجوال

وكلم ابوك علشان يرجعنا وابوك وافق

والله هالزياد انه محترم وانسان ذوق يقول لي

ما شاء الله عليك يا خاله مو باين عليك انه عندك احفاد

وبحسره والله ما يستاهل هالملسونه للي فوق

سامر بابتسامة مبطنه : طيب هو شاف وجهك ؟؟

رفعت الجده حاجب : لا بس من عيوني يقول مبينه

صغيره

فيصل بدون وعي : لو شاف وجهك رح يغير رايه

وبعدها وعي على نفسه وحط يده على فمه

وابتسم باحراج

الجده فتحت عيونها بقهر : وش قصدك ؟؟

ابتسم فيصل : مو قصدي شي

وقفت الجده بزعل : خلي القعده لك والله انه زياد

احسن منكم كلكم

ودخلت للداخل وهي معصبه من فيصل

سامر بضحكه : الحين صار زياد احسن منا لانه مدحها

فيصل وقف وهو يبتسم : اروح اراضيها ما اقدر

على زعلها

دخل فيصل للداخل

سليمان وعيونه يطلع منها الكره والحقد: يا كرهي

لزيادووووو شايف نفسه وبقوه على وش ما ادري

ولوى بوزه بقرف

سامر وهو يسند راسه على الكنبه : يحق له عمره

28 وصار رجل اعمال ومشهور وله اسم بالبلد

وفوق هذا

وقف سليمان بغيره : حط لسانك بحلقك حاطينك

محامي دفاع عنه

وطلع من البيت معصب

&&

&&&

&&&&

&&&&&

&&&&&&

&&&&&

&&&&

&&&

&&

بعد ما وصل ريم وجدتها قرر يرجع عالمستشفى

قعد يفكر بريم

قصيره كثير بس غريبه ما رفعت النقاب قدام امي

واخواتي

بس الظاهر انها مطيعه وما رح اتغلب معها

وحتى عبايتها وسيعه كثير

بس غريبه طول الوقت وهي تناظر الشباك وما رفعت

عيونها وسرحانه كان نفسي ادخل عقلها واعرف

وش للي شاغل فكرها

خبرتني جدتها انها وقعت عن الدرج وهي تركض

وبدون ما تنتبه زحلقت ووقعت

بس حسيت جدتها تلعثمت بالكلام لما سألتها

عن يد ريم

حزنت عليها لما طلعت الجوال بيد وحده ومتغلبه

كنت ودي اساعدها بس تراجعت

ما حبيت احرجها

بس جدتها جلستها مسليه بس الظاهر هي وريم

علاقتهم مو ذاك الزود لاني كنت اسمع همساتهم قبل ما نوصل السياره

وكأنهم على خلاف

تذكر زياد زواج ابوه قعد يفكر بحل لهاذي المشكله

****

*****

*****

****

****

***

**

بعد العصر قررت تطلع تلعب مع البزران بعد ما سمعت

صوتهم بالصاله كانت لابسه بلوزه خيط رفيع لونها بنفسجي

وتنوره لحد الركبه لونها ابيض وشعرها مو مربوط

ما تقدر تربطه علشان يدها حاطه طوق ابيض على شعرها

طلعت من الغرفه : نوف تعالي هنا

ناظرتها نوف وتقدمت وهي تتخصر : نعم

ريم عقدت حواجبها : ليه تكلميني كذا ؟؟

نوف وهي تتخصر : انتي فتانه انا ما اكلمك

ناظرتها ريم : يا لطيف انتم الحقد عنكم يسري بالشرايين

بسرعة ينتشر

ناظرتها نوف مو فاهمه شي

ريم بلامبالاه : انتي الخسرانه بعد كم يوم عرسي

ما رح اخليك تدخلين الصاله

طيف : انا ما دلت سي رح تليني احدل العرث ؟؟

ناظرتها ريم باستغراب المفروض نطقها افضل من كذا : امممم خلاص انت رح اخليك تحضرين عرسي

اما انت واشرت على نوف انقلعي

مصعب ببراءه : وانا ؟؟

ابتسمت ريم : وانت برضو رح اسمح لك

احمد : وانا ؟؟

ريم وهي تجاكر نوف : وانت برضو يالله تعالوا نلعب

مصعب : خلينا نلعب على البلايستيشن

ريم : لا يدي ما اقدر احركها خلينا نلعب الغميضه

بدت تلعب معهم الغميضه وحاسه بوجع خفيف

بيدها بس طنشت الوجع وصارت تركض مع البزران

نوف باعتراض : طيب ليه ما تلعبوني ؟؟

ريم بنظره شريره : روحي على سديم تلعبك وحركت حواجبها

نوف وصارت دموعها تنزل : خلاص انا ما احب سديم

احبك انتي خلوني العب

ناظروها البزران : حرام خليها تلعب

ناظرتهم ريم بتفكير : اممممم طيب موافقه بس

عليك عقاب تقفزي 30 قفزه ورى بعض <نذله

نوف بدون تردد : موافقه

وبدت تقفز نوف وريم والبزران يعدون

بصوت عالي : 1.2.3.4.5.6.7.8.9.10.11.12.13.14.

قاطعهم الصوت العالي : بس بس

وانت عرسك بعد ايام وتراكضين مع البزران

ريم وهي تكش على نفسها : يا حسره علي بعد كم يوم عرسي

وما حد مهتم بي ولا حد مدللني

ابتسمت بشماته : وش ودك احسن من هذا الدلال

واشرت على يد ريم وخدودها

مصعب باستفسار : مين دربك هنا واشر على خدودها

ريم بقهر : جدك المتوحش فيصلووووووووو

الجده بصراخ : يا قليله الحيا احترمي عمك

تدرين كنت جايب لك كريم علشان الالوان للي بوجهك تروح بسرعه

بس خلاص ما رح اعطيك

ريم تقدمت من جدتها وتحاول ترضيها : يهون عليك

انزف كذا وسبلت عيونها بدلع

الجده بعناد : ما رح اعطيك حتى تحترمي اعمامك

ريم بطفوله : خلاص توبه ما رح اعيدها بس اعطيني

الجده بدون نفس : امشي قدامي على الغرفه

تقدمت ريم تنرفزها كالعاده بس الجده بعدتها

بيدها : وقسم بالله اذا عملتي حركاتك ما رح اعطيك

ريم بانصياع : اوكي

توجهت الجده وريم للغرفه مطنشه نداء البزران

للي ينادونها ترجع تلعب معهم

جلست الجده على كرسي التسريحة : اسمعي حطي

منه مرتين باليوم

اممم وش رايك تحطين لي مكياج الحين ؟؟

ريم وهي تدهن وجها وتناظر جدتها من المرايه : صعب ما اقدر اشتغل بيد وحده

انقهرت الجده : خلاص

ريم بابتسامة : وش رايك بأهل زياد ؟؟

لوت الجده بوزها : قصدك زياد ؟؟

هزت ريم راسها بالموافقة

الجده بدون نفس : مسكين تورط فيك والا هو يستاهل الافضل

عقدت حواجبها ريم : وانا وش ينقصني ؟؟؟

الجده بدون نفس : من ناحيه الشكل قصيره كثير

انا لو ابني مستحيل اقبل فيك ما ادري كيف ام زياد

وافقت عليك

وبعدين زياد ما شاء الله عليه والكمال لله ما ينقصه

شي الا شي واحد

انتي يا ريم

ريم بلامبالاه : تغارين مني صح وسبلت عيونها بدلع؟؟

وقفت الجده : اطلع من الغرفه قبل ما اختنق من

دلعك الماصخ

طلعت الجده وهي تتحلطم على ريم

اما ريم طلعت تكمل لعب مع البزران

***

***

***

***

***

***

***

جالس على الكرسي بغرفه امه وحاس بالسعاده

بعد ما حس انه امه تقبلت الوضع بعد ما شرح

لها ابوه الوضع بالزبط وانه حس انها فرصه

يقدم للاسلام شي وما قدر يفوت هذه الفرصه

على نفسه

فعرض الزواج على جوليا وبعدها اسكنها في بيت

راقي وصرف لها راتب شهري واشترى لاولادها

كل ما ينقصهم

وعاملها احلى معامله وبدأ يعرض عليها الاسلام وياخذها لمراكز الدعوه في منطقتهم

حتى اسلمت واسلم اولادها معاها حتى ابوه يقول

انها متمسكه بالاسلام كثير لا تفوت ولا ركعه وتقرأ القران

حتى انها تجلس لساعات تعلم ابنائها القران والاحاديث النبويه

وفوق هذا ملتزمه باللباس الشرعي

ما اجمل ان نخدم ديننا ولو بالقليل كم رأينا فتاه متبرجه

او نامصه او تستمع الى الغناء .......ومع ذلك لم نستطع

ان ننصحها بحجه ما لنا دخل بأحد او كل واحد حر بحاله

ونسينا قوله تعالى :« كنتم خير امه اخرجت للناس تأمرون بالمعروف وتنهون عن المنكر »

&&

&&&

&&&&

&&&&&

&&&&&&

&&&&&&&

&&&&&&&&

&&&&&&&&&

&&&&&&&&&&

باليل نزلت على الصاله الداخليه كان الزوج الثلاثي

موجود ومنظم لهم هيفاء

ريم ما تحب هيفاء ودايما تحمد ربها انها مشغوله وما تيجي

عند اهلها كثير

كان قرفت حالها ريم من فيصل وهيفاء

المهم دخلت وردت السلام بطريقه شبابيه : سلام يالربع

الجده : تعالي تعالي اجلسي خلينا ندردش معك قبل ما نرتاح من وجهك

ام خالد : اكيد بكره رح تنسينا

هيفاء وهي تعلك وبدون نفس : ما ادري كيف تجلسون

مع هاذي الاشكال وناظرت ريم باحتقار

ناظرتها ريم : لا لا تراني اموت اذا ما كلمتيني وكشت

عليها ريم باشمئزاز

الجده بحده : ريم كم مره قلت لك احترمي الاكبر منك ؟؟

ريم باعتراض : ما سمعتيها وش تقول عني

؟؟!!

ام سليمان : ما قالت شي غلط اجلسي اجلسي ودي

اسألك كم سؤال

دخلت سديم ولما شافت ريم مسكتها من كتفها : كيف تسمحين لنفسك تقولين لابوي كذا

التفت ريم وناظرتها وهي رافعه حاجب : حر انا اقول للي ودي اياه

ما حد له دخل فيني فاهمه وحاولت تبعدها عنها

بس تفاجئت بروان للي فلتت شيلتها ومسكت شعرها وشدته

ريم بألم وهي شاده على اسنانها : اتركي شعري يا حيوانه

كانت ريم مو قادره تتحرك خايفه على يدها

مسكت روان من شعرها وشدتها بكل قوة

هجمت سديم ومسكت ريم من شعرها كمان وشدته

حست ريم شعرها انقلع كله

ثنتين قاعدات يشدون فيه

شدت ريم شعر روان اكثر من شده الالم

كان الحريم يحاولون يبعدونهم عن بعض بس ما في فايده

ريم وهي شاده على شعر روان : اتركيني يا كلبه

سديم مسكت يد ريم المجبره وشدتها بقوه

ريم من قوة الوجع : صرخت صوت هزت البيت هز

وبعدها فلتت اعصابها وصارت تضرب روان وسديم

برجلينها

ودموعها على خدودها وتصرخ : اتركيني يا كلبه يا

حقيره وبصراخ اتركيني

قاطعهم صراخ الجد : بس انتي وهي

وابعد سديم وروان

بس ريم بعدها ماسكه بشعر روان

الجد بعصبية : ريم اتركيها

ريم من القهر والوجع والالم هجمت على روان وخمشت وجهها ومكنشه صراخ جدها

وبعدها مسكت يدها وعضتها بقوه

صارت روان تصرخ من الوجع

الجد يصرخ على ريم وهي مو بوعيها مطنشه شاده

على يد روان

مسكها الجد من كتفها يبعدها بس كانت ريم متمسكه وشاده على يد ريم

الجده بصراخ : اتركيها حسبي الله عليك

الجد بعصبية : ريم اتركيها اقول لك

دخل فيصل ونايف بعد ما نادتهم سديم وقالت

للحريم يتغطون

تقدموا من روان للي تصرخ من الوجع وريم شاده

على يدها وعاضه بقوه

تقدم فيصل بجنون لما شاف دم بسيط نازل من يد

روان <يع 

سحب ريم بقوه وابعدها عن روان

مسحت ريم فمها بقرف ودموعها على خدودها

روان لما شافت يدها : الله ياخذك

فيصل بعصبية : وش هذا انت يا نايف مخلف كلبه

وانا ما ادري

كانت ريم جالسه على الارض وتمسح دموعها

وعيونها بالارض وشعرها منفوش وفي منه مقطع

على الارض

الجد بعصبية : وش هذا وقسم بالله اولاد الشوارع ما

يعملون كذا

مين للي بدأ ؟؟

ام خالد بدفاع عن بناتها : ريم الغلطانه لسانها الطويل

الجد بصراخ : انا اسأل واشر على ريم وسديم وروان

روان بدفاع : يعني شفتها بعيونك يا جدي كيف هاجمه علينا

فيصل : يبه انا ما اسمح لها تمد يدها على بناتي

انت قلت اذا غلطت اخبرك هذا هي غلطت

يالله تصرف معاها

سكت الجد بتفكير

ام سليمان بضمير : يا عمي البنات ببعض بتشاجرن وبعدها يصطلحون

الجد بحزم : سديم وش للي صار ؟؟

سديم : غلطت علينا وهي للي بدت واسأل رغد كانت

واقفه

الجد بحزم : ريم

تقدم نايف من ريم وجلس على مستواها ومسكها

من كتفها

ووقفها بملامح جامده

مسح دموعها وبعدها ناظر البنات بحزم : وقسم بالله

لو سمعت وحده منكم ضاربه ريم اني انا بنفسي

لكسر راسها

بنتي مو مضربه للي رايح وللي جاي

وبعدها ناظر ابوه بحزم : وقسم بالله اذا انضربت ريم مره ثانية ما رح اخليها تجلس هنا ولو ثانيه

وانحنى على ريم : تعالي اوصلك لغرفتك

ريم بتعب : مو قادرة يدي توجعني ضربوني عليها

مسك شعرها برفق ولفه

كانت ريم تتألم بصوت عالي : شوي شوي اخخخخ

وبعدها مسك الشيله وحطها على راسها

ومسكها من يدها السليمه توجه خارج الصاله

الجد بحزم : وين ؟؟

نايف بدون ما يلتفت وبقهر : اخذها على المستشفى

ما شاء الله الشاطر يفرد عضلاته على بنتي

فيصل بنغزه : من متى الحنيه ؟؟

نايف التفت بصراخ : بنتي اموتها اقطعها ما حد له دخل فيني بس ما اسمح لحد يضربها مين ما كان

وبعدها طلع وهو ماسك يدها

فيصل بقهر : عاجبك يبه نايف ؟؟

الجد بحزم ناظر البنات : هاذي الحركه ما تنعاد

واعطاهم نظره ناريه وطلع

فيصل بقهر : والله لتندم هالكلبه ريم

هيفاء : فيصل خذها تدق ابر من عضة هالكلبه

فيصل بحده : وانتم واشر على سديم وروان حركات البزران هاذي ما تكررونها

وبعدها طلع

الجده ضحكت على شكل روان : روحي عقميها

ههههه

ام خالد بقهر : خالتي وقت ضحكك الحين شوفي هالكلبه

كيف نزلت الدم من يدها حسبي الله عليها

قومي يمه اعقمها لك

طلعت ام خالد واخذت روان والبنات خلفها

هيفاء وهي تعلك : من متى نايف يحن على بنت ساره

خابرته ما يطيقها وكل طراق احلى من الثاني

الجده : البنت كبرت وما عاد ينفع الضرب بس ودك

الحق قعدت هالبنت ما تنمل احب اجلس معها

وما ادري كيف بعد ما تتزوج اقعد بدونها

بس لما اذكر انها بنت ساره لو يطلع بيدي احرقها

واتخلص منها

هيفاء وهي تعلك : انا ما اطيق اشوف وجهها

اتركونا من سيرتها

&&&&&&

طلع نايف وهو يمسك بيد ريم للي كانت تحاول تسحب يدها

بهدوء

وقف نايف بالصاله الخارجيه على صوت ريم المكتوم

: ما له داعي المستشفى الحين اشرب مسكنات

ويخف الالم

الجد من خلفهم : خذها للمستشفى يا نايف وتأكد

من يدها

فيصل من خلفهم بنرفزه : ليه ما اشوف هذا الاهتمام ببناتي

وقف قدام ابوه وكمل وهو كاتم قهره : مع انه هاذي الكلبه

هي ضربت روان بس ما حد قال علشان ياخذها للمستشفى

الجد ببرود ناظره : طيب خذها للمستشفى خلهم يدقونها

عشر ابر يمكن تكون مسعوره وناظره بحزم وش هذا الكلام يا فيصل

فيصل بقهر وهو يناظر ابوه : دايما تقول لي لا تمد

يدك عليها

اذا غلطت انت تتفاهم معها والحين غلطت قدام

عيونك ومع ذلك ما حركت ساكن

نايف بهدوء : شوف يا فيصل تذكر كلامي دايما

انه اولادي فدوى لك ومستحيل افضل ابني

على اخوي لانه الابن بيتعوض ام الاخ مستحيل

يتعوض

بس مو معنى كلامي انه للي وده يفرد عضلاته

يفردها على ريم

اشتدت ملامح نايف

ببصراحة انا ما اقبل ابدا انه البنات يمدون يدهم على

ريم

انا اعترف واقول انه ريم ملسونه ولسانها يباله

قص وما تحترم الاكبر منها

بس انت من عقلك بنت يدها شبه مكسوره

والتم عليها ثنتين ونزلوا فيها ضرب

حتى لو ضربتهم ما رح تقدر تبعدهم عنها وخاصه

انه ما تقدر تحرك يدها

كان فيصل وده يتكلم قاطعه نايف وهو يأشر

بيده بمعنى استنى

كمل نايف وهو رافع حاجب : لا تعترض وتقول انه ريم هجمت على روان وعضتها بيدها

لاني اتوقع

ما عملت ريم كذا الا كرد فعل للالم للي حصلته لما

ضربتها روان او سديم على يدها المصابه

اتوقع انك يا فيصل سمعت صرخة ريم ودك تقنعني هذي الصرخه لانهم شدو شعرها

نايف بنفي جازم وهو رافع حاجب

مستحييييييييل

شوف انا لو ريم مو مصابه كان انا اول واحد كسرت

راسها على هذا الشجار لاني اعرفها مشكلجيه

اما بوضعها هذا متأكد انها مو هي للي بدت

بالضرب

قاطعه الجد بهدوء وهو يناظر جهة ريم : انا كنت ناوي بعقاب للثلاثه بس كنسلته

علشان وضعك الصحي والا كان حسابك عسير عندي

كانت ريم طول الفتره تناظر الارض وشاده على اسنانها

من الوجع والعرق يتصبب على جبهتها

غمضت عيونها من الالم وبعدها سحبت يدها من

يد نايف وبداخلها انها سكتت لهم كثير وصاروا يتمادون

عليها

مستحيل تسكت بعد اليوم ورح ترجع ريم المعانده

الملسونه

وتستهزئ بنفسها قال عقاب حسسها انها بالسجن

قاعد يهدد ويمن عليها

رفعت راسها بتعب ومسحت العرق عن جبهتها

واخذت نفس وناظرت جدها بتريقه بالرغم من وجهها الشاحب وعلامات التعب الواضحه: كثر الله خيرك ومدتها باستهزاء

نايف بحده : ريم

ناظرت ريم جدها وابوها وفيصل بكره وحقد : ريم ريم

ريم كرهت اسمي بسببكم اكرهكم وطول حياتي رح اكرهكم

يا متوحشين

تعاملوني وكأني دميه ما احس ما عندي مشاعر

الشاطر ينتقم من الثاني عن طريقي

وبقهر

انا ريم مو غاده

انا ريم مو ساره

انا ريم مو ابو سعد

انا ريم مو سالم

انا ريم

قاطعها جدها بصراخ : ريم حطي لسانك بحلقك

ريم والعرق يتصبب على اطراف وجهها

عضت على شفتها من الالم وبحده : ما رح اسكت

ورح اظل شوكه بحلوقكم وبالاخص

اشرت على نايف وفيصل والجد وبتريقه وام سلوم

نايف

جن جنوني وانا اسمع كلامها كل ما احاول ازيل الحاجز للي بيني وبينها

ترجع بعمايلها تخلي الحاجز اقوى

ناظرتها وهي تناظرنا بحقد وكره وتتكلم وترادد

للي اكبر منها

يزيد حقدي عليها كم مره اقول لها تحترم للي اكبر منها بس ما في فايده

شديت على قبصه يدي وانا امسك اعصابي

ما ودي اتهور واطلعها جنازه

ناظرتها وهي ترادد ابوي على الرغم التعب الواضح

عليها والعرق للي يتصبب من جبهتها

الا لسانها مستحيل يمرض من صغرها ملسونه

بعد ما اشرت علينا وانها تهدد رح تبقى شوكه

بحلوقنا

ناظرني فيصل نظره شماته : هاذي للي قبل شوي كنت تدافع عنها

والله روان احسن منها على الاقل تحترم اعمامها

والاكبر منها

انقهرت من كلامه وكأنها ضربه لي انك ما تعرف تربي

وللي قهرني بزياده

لما ناظرت ريم فيصل بحقد وهي ترفع اصبعها بتهديد:انت لا تتدخل فاهم وعضت على شفتها من الالم

ناظرت ريم بحزم : ريم اختصري

ردت علي بتمرد : ما رح اختصر وش رح تعمل يعني

ودك تضربني اضربني عادي لاني صرت مدمنه

على الضرب

ودك تشتمني عادي لانه الشتيمه صارت بدل اسمي

ودك تذبحني وتخلص علي يا ليت هاذي امنيتي

وناظرتني بكره وحقد

تنهدت وانا احاول اضبط اعصابي لسانها الطويل ما اقدر اتحمله وصعب اكتم غضبي

زفرت بضيق وقررت الانسحاب قبل ما اعمل

ما لا يحمد عقباه

ورح اتصرف تصرف ثاني معها

ناظرتها بوعيد وبعدها طلعت من البيت كله

&

&

&

&

&

طنشت ريم نظراته وتوجهت للدرج

وقفها صوت فيصل بتريقه : وين يا حلوه اتفضلي على المستشفى

طنشته ريم وتابعت طلوعها لغرفتها

ناظر الجد زولها وبعدها زفر بضيق وطلع من البيت

فيصل بصوت عالي : والله لتندمين يا ريم وهذا انا حلفت

لفت ريم عليه وبتعب وهي مغمضه ومفتحه عين :

اعلى ما بخيلك اركب

ولفت متوجه لغرفتها

حست بصوت ركض فيصل على الدرج

نقز قلبها وبسرعه ركضت لغرفتها وقفلت الباب بالمفتاح

واخذت نفس براحه نقزت من قوه ضرب فيصل

على الباب وكان يصرخ ويتوعد فيها

كشت عليه بتعب وكأنها يشوفها

وبعدها توجهت للكومدينه وتناولت الدواء

غمضت عيونها لعل وعسى تخف الامها

خلعت العبايه بشويش ورمتها على الارض ومسكت الشيله

ورمتها على الارض توجهت للمرايه بارهاق

وناظرت شعرها للي كان حوسه

تمنت تكون بصحتها وتمسك روان وتاكلها بسنونها

لفت شعرها بعشوائيه بيد وحده وحطت عليه كماشه

توجهت للحمام فتحت المغسله وغسلت وجهها

بيد وحده

كانت مخنوقه وتحس بالعجز صعبه تكونين متعوده هلى يدين ثنتين

وفجأة ما تقدر تستخدم الا يد وحده

الحمد لله على هذه النعمه للي انعم الله علينا بها

كم شخص عاجز عن استخدام كلتا يديه ؟؟؟

هل حمدنا الله على هذه النعمه العظيمه ؟؟؟!!!!

بعد ما غسلت وجهها وحاولت تبعد الشعر الملتصق

على رقبتها

زفرت بضيق وطلعت من الحمام

بعد ما مسحت وجهها

جلست على السرير وناظرت يدها للي عليها الجبس

ريم

ناظرت يدي للي عليها الجبس وما زالت الامها

موجوده

ما رح اسكت لهم مره ثانيه لانه الوضع تعدى الحدود

وكأني لعبه كل واحد وده يفرض شخصيته علي

غمضت عيوني بحالميه متى اطلع من هالبيت للابد

مستحيل ازورهم اكرهم كلهم

باستهزاء قال وده يعاقبني

وبحده يعاقب بنات ابنه بالاول

يا كرهي لهن باشمئزاز

عضيت على شفتي بقهر اعرف اني للي بعمله

غلط لازم احترم للي اكبر مني

بس ما اقدر من لما جيت هنا وكلهم ضدي

لا تقولون صقر حنون علي

بس كان ايام يهيني فيها

بس اغلب الايام حنون معي

اما فيصل اخخخخ يالقهر حاط راسه براسي مو قادرة

احترمه غصب عني ارادده

لانه ينرفز ويتدخل بكل شي

بس من يوم ورايح ما رح اسمح لهم مهما

كانت النتيجه

رميت نفسي على السرير وغمضت من الوجع

وتذكرت نايف للي هو ابوي

تصدقون احس هاذي الكلمه صعب انطقها

او استحي اقولها وكأنه مو من حقي

صحيح اليوم وقف معي ما انسى بس بنفس الوقت

الكلام ينرفز

يعني سكت عني شفقه والا كان كسر راسي

اكره نظره الشفقه وكل واحد يناظرني بها

متضايق ابوي لانهم ضربوني نسي نفسه علامات الضرب

للحين لها اثار خفيفه بجسمي

نسي كم طراق حصلته منه وانا طفله صغيره

جسمي ما يحتمل نسمه الهواء

وزعلان ليه الحين البنات ضربوني وش هذا التناقض ؟؟!!

لا وبصغري كان يحاول يتواصل حتى ازور امي وتحن

علي

ليه بدل ما يركض خلف حنان الام ليه ما اهتم بي

وحاول يعوضني النقص

بس الصراحه ما قصر كل طراق احلى من الثاني

وبناته مدللات وعوضهم عن كل شي بالرغم انه امهن

موجوده

ليه ما راعى شعوري واهتم بي

كنت عايشه في بيتهم واحس نفسي غريبه ما لي

حق اعيش في بيتهم

نظرات الكره والاحتقار للي كان يناظرني بها

ما زالت محفوره بعقلي ما رح انساها

يمكن لما كان يتصل بخالي محمد وبعد ما يتلقى

الرفض

ييجي يحط حرته بي

يمكن كان وده اروح عند ساره يمكن تحن علي وتاخذني

ويرتاح مني

مسكين ما عرف انه قلبها اقسى من الحجر

الاثنين انا بنظرهم غلطه

وكل واحد منهم وده يرميني على الثاني

حتى اكون شوكه بحلقه

علشان كذا كان نايف للي هو ابوي كان يحط حرته

فيني لانه يتذكر انه ساره هي للي انتصرت عليه

وخلتني شوكه بحلقه

حاس يدي خف الوجع يمكن تقولون وين الوجع

ولسانك ما سكت من الحكي

اه ما تدرون كيف لما تكون مجروح من قلب تنسى

الالام الجسديه

وجع يدي ما بتقارن بالواقع المرير للي اعيشه

نفضت راسي بقوه خلاص ما ابغى افكر بشي

ومن بكره رح يشوفون ريم القديمه للي لسانها

اطول منها

بس ابوي ما رح ارادده حتى ما اكون عاقه اما غيره

رح لكل كلمه ارد عليها بعشره

ما بقى غير يوم وبعدها اطلع من عندهم رح اطلع هذا

اليوم من عيونهم وخاصة ام سلوم وهيفاء وام خالد

كلهم كلهم رح اقهرهم

رحت بسبات عميق وانا اردد كلهم كلهم كلهم

**

**

**

**

**

**

نزلت من الدرج بعد ما فقدت الامل انها تفتح

صرخت بصوت عالي : وقسم بالله لتندمين

بكره الوعد اذا ما قصيت لك لسانك

نزلت للصاله الخارجيه وانا اتوعد فيها

كان صقر وسليمان وبدر وعمر وسامر بالصاله

والظاهر دوبهم واصلين

ناظرني صقر وهو معقد حواجبه : علامه صوتك واصل اخر الدنيا

رديت وانا اشد على اسناني : وقسم بالله هالكلبه

لتندم

بدر بغباء : مين تقصد ؟؟

رديت بعصبيه : مين غيرها الكلبه ريم بس انا اراويها

هزيت راسي وجلست جنب سامر وانا الهث تعبت وانا اركض

على الدرج

صقر وهو رافع حاجب : وش صاير ؟؟

رديت بقهر من صقر لانه دايما يرقع لها : ما حد خرب البنت

غيرك قاعد ترقع لها وشوف اخرتها هجمت على روان وعضتها ونزلت الدم منها مثل الكلبه وبالموت حتى

ابعدناها عنها كان قطعت اللحم

بدر وهو يضحك ويضرب كف بيد عمر : ههههه تتذكر لما عضت سليمان برجله وبالغصب ابعدها

والا كان قطعت اللحم

عمر وهو يضحك بصوت اعلى : هههههههه الاخت

الظاهر انها مسعوره هههههه

صرخت عليهم بقوه اعصابي محروقه وهم جالسين يضحكون : بس انت واياه ما عندكم غير هالضحك

صقر بشك : عضتها كذا بدون احم ولا دستور

احمد كان واقف عندهم ويسمع كلامهم : روان

مسكت ريم من شعرها وضربتها على يدها المكسوره

اجت ريم صرخت بصوت عالي

مصعب قاطعه وهو يمثل : كدا صرخت اااااااااااه وفتح فمه على وسعه

ضربه احمد على راسه بالخفيف: اسكت

وبعدها هجمت على

روان وعضتها بيدها

وما قبلت تتركها حتى جاء ابوي وبعدها عنها

ناظرته بحزم : احمد انت كنت موجود من البدايه ؟؟

احمد بحماس طفولي : ايه وشفت روان لما دخلت

وسحبت شيله ريم ومسكت شعرها

مصعب بتأييد : وانا وانا شفتها

تنهدت : خلاص روحوا العبوا بالداخل

ناظرني صقر بقهر : شفت بعينك قسم بالله اذا ما

تصرفت مع روان وسديم الا اتصرف انا بطريقتي

زفرت بضيق : خلاص انا اتصرف وبدون هاذي النظرات كأني ماكل حلالك

ناظرت بدر للي يتهامس مع عمر ويضحكون :

متى سلطان يرجع

اشوفه تاركك على هواك داير لا سائل ولا مسؤول

ولا عاد نشوفه ام بدر ولدت من اسبوعين

وليه ما رجع للحين ؟؟

ناظرني بدر وكأني ذكرته بالموت : حرام عليك يا عمي

خليني اتنفس واشم هواء قبل ما يرجعون

وانت تعرف ابوي يضغطني كثير لما يكون موجود

ناظرته ومو عاجبني ابدا لا هو ولا عمر كثير متسيبين

: ان شاء الله يحطك بطنجره ضغط لما يرجع

اتصلت فيه اليوم وكان مغلق ليه ما يرد ؟؟

رد علي بدر وهو متنكد : وش عرفني بس اليوم

اتصلت بأمي وقالت بكره راجعين

ولا تسألني اي وقت لاني ما ادري

ناظرته بغل : انا اول مره اشوف واحد ما يحب يلتقي

بأمه وابوه وناظرته باستحقار

رد بتلعثم : مو كذا قصدي اممم انا كل يوم اتصل

فيهم واطمن عليهم

بس كثير ابوي يتدخل بحياتي كل ما يشوفني

ادرس

صلي

لا تمشي مع فلان

لا تتأخر على البيت

لا تضحك كثير

ويا ويلك لو دخنت

قاطعته بحده : ليه انت ناوي تتدخن ؟؟

رد علي بابتسامة نرفزتني : يعني اذا عصبت او واحد

من اصحابي عزم علي وحده استحي ارده و..

قاطعته لانه بكلامه نرفزني : يا قليل الحيا وش هذا الكلام وناظرته بتحقيق

سلطان يدري عنك ؟؟؟

طالعني وهو يضحك مع عمر بصراحه نرفزني

صرخت عليه : جاوب يا قليل الحيا

بلع ريقه وابتسم بغباء : هي مرتين وابوي دري عني

واخذت للي فيه النصيب

ما في داع الحين تسمعني محاضرات طويله عريضه

لاني خلاص وعدت ابوي ما ادخن

ناظرته بفقدان امل : انتم الاثنين مستحيل عمركم

تصيرون قد المسؤوليه

وبعدها وقفت ودخلت داخل وطنشت صقر للي كان ينادي علي

سليمان بحده : انتم لمتى رح تبقى حياتكم كلها

مسخره كذا ؟؟

عمر وهو يضحك مطنش سؤاله : سليمان بعدها علامه العضه

من ريم موجوده ؟؟؟

سليمان ناظره بقهر : يا ثقل دمك انت وإياه

وبعدها وقف سليمان وطلع

اما سامر وصقر كانوا مطنشينهم ومنشغلين

بالجوال .........

^^^^&^^^^^&^^^^

^^^^&^^^^^&^^^^

^^^^&^^^^^&^^^^

^^^^^^^^^^^^^^^^

يوم الاربعاء

صحيت الصبح وشربت الدواء وبدون اكل

بعدها شغلت التي الفي

صارت الساعة 11 وما حد ارسل لها الفطور

اغلبهم الحين بالدوام

تابعت تقليب القنوات بضجر

وهي تتابع التي في غفت عينها ونامت كالعاده

مر ساعات على نومها وهي مستغرقه بالنوم

فجأة صحيت لما قلبت على الجهة الثانية

وحطت راسها على يدها المصابه

صحيت بفزع وجلست وهي تفتح عيونها بشويش

ناظرت يدها وهي عاقده حواجبها

بعدها زفرت بضيق وتوجهت للكومدينه ما في مويه

بالكاس الا شوي وما ودها تنزل تحت

شربت الدواء وبعده المويه كشت بملامحها وهي تحس

انه بعض اقراص الدواء واقفه بحلقها

ناظرت نفسها وقررت تبدل ملابسها

توجهت للكبت واختارت فيزون اسود و بلوزه طويله

حفر لونها فوشي

اتجهت للمرايه ناظرت شعرها كان مثل ما هو منفوش

ثبتته بالكماشه بدون ما تمشطه صعب عليها

زفرت بضيق وحاسه بمرار بحلقها من الدواء

قررت تنزل تشرب مويه

لبست العبايه بصعوبه ولفت الشيله على راسها

بعشوائيه

واخذت الجوال معها

ناظرت ساعة الحائط قبل ما تطلع كانت 2.45

غريبه ما حد ارسل لها الغداء

ابتسمت باستهزاء يمكن عقاب من الشايب لا فطور ولا

غداء ويمكن ولا عشاء

كشرت ملامحها خلاص كرهت هالبيت وللي فيه

ما عاد تطيق تقعد فيه ثانيه وحده

فتحت ريم الباب وناظرت ما في اكل في الغالب لما يكون الباب مسكر يحطونه عند الباب

توجهت للدرج ونزلت بهدوء والكشره راسميتها على وجهها خلاص ما رح تضحك معهم

وما رح تسكت لهم

توجهت للمطبخ ودخلته بهدوء ما كان فيه الا الخدم

وضعت الجوال على الطاوله

وتوجهت للثلاجه وفتحتها وحطت لها كاس مويه وشربته

كامل

اغلقت الثلاجة بهدوء وناظرت الخدم : ليه ما حد طلع

فوق

ولا حد منهم عبرها

الا وحده من الخدم تكلمت وهي تشتغل : ما في معلوم

انقهرت بزياده مسكت الكاسه ومن قهرها

رمتها بالارض بقوه

تناثر الزجاج على الارض تحت اندهاش الخدم

اعطتهم نظره حقد تناولت الجوال عن الطاوله

وطلعت واخلاقها مقفله من

العصبيه

شافت بوجهها طيف معها حلاوه

ناظرتها ريم بحقد وهي تقارنها بنفسها

طيف امها وابوها مسافرين وعايشه عند جدودها

ومع ذلك ما تحس بالنقص

كل شي تحصله مدلله عند الجميع ما حد يكرها

مثلها

الكل يحاول اسعادها اما هي الكل يحاول ينتقم منها

زاد الكره والحقد بقلبها

لما كانت بعمر طيف كم طراق حصلت كم شتيمه

كم اهانه كم حرمان

اما طيف ما انحرمت من شي

تمالكت اعصابها وهي تبلع غصاتها

طيف اقتربت من ريم وهي تضحك : عمي سلطان اعطاني

حلاوه

ابعدتها ريم عن طريقها بقسوه وتوجهت لغرفتها

وهي حاسه الدنيا سوداء بوجهها

وصلت اخر الدرج واستوعبت كلام طيف

عمها سلطان هنا مو مصدقه

نزلت عن الدرج تركض وتوجهت لبيت عمها بدون

استئذان

***

***

*****

*******

*********

************

***************

ريم

وقفت باب بيت عمي سلطان والشوق والحنين

يجروني لهم

طقيت الباب ودخلت بدون ما انتظر حد يفتح لي

دخلت الصاله كان نفسي اصرخ بصوت عالي وانادي

عليهم بس حسيت صوتي مو طالع

كانت الصاله فاضيه

للحظه حسيت اني تسرعت يمكن طيف خربطت

وقصدها صقر

لو حد شافني هنا كيف رح ادافع عن نفسي وابرر

موقفي

رجعت خطوه لورى بتردد والافكار مبعثره براسي

نقزت من صوت الشغاله : اهلا

حطيت يدي عند قلبي وبصوت متردد خايف يسمع

الجواب : وين ام بدر ؟؟؟

غمضت عيوني مو قادرة اسمع الجواب وش هاذي

الورطه للي حطيت نفسي فيه بسبب تهوري وطيشي

الحين وش يفكني من عمي فيصل

عضيت على شفتي بعجز لحل هاذي المشكله

بس فتحت عيوني باندهاش لما سمعت

الخدامه تقول فوق

مو مصدقه سألتها بصوت راجف : وين ام بدر ؟؟

الخدامه عقدت حواجبها : فوق بغرفتها

وبعدها تركتني وراحت

خايفه تكون الخدامه فهمت سؤالي غلط

مع ذلك اصريت اصعد فوق

شوقي لها هو للي كان يدفعني لغرفتها

صعدت الدرج وانا اركض توجهت لغرفتها

اخذت نفس عميق وطرقت الباب بهدوء

سمعت صوتها الحنون : ادخل

فتحت الباب ودخلت ووقفت اناظرها

ظهرت على ملامحها الدهشه

وبعدها سألتني بتأكيد : ريم صح ؟؟

هزيت راسي وانا ابلع غصتي وركضت باتجاها

حضنتها وانا ابكي واشاهق

مسحت على راسي بحنيه : ليه كل هاذي الدموع يا

ريم ؟؟؟

ابعدت نفسي وناظرتها وانا امسح دموعي بيدي

وبصوت مبحوح : اشتقت لك

جلستني على الكنبه وبهدوء : كيف حالك ؟؟

ابتسمت بألم : الحمد لله بخير

سألتها بعتاب : وينك رحتي وما رجعتي من لما جيت

اختفيتي ؟؟

ناظرتني بمحبه : كنت حامل وكنت تعبانه فيه فاضطريت اروح

عند اهلي لموعد الولاده

تفاجئت : ما حد خبرني انك حامل !!

تنهدت ام بدر براحه : الحمد لله قبل اسبوعين انجبت

بنت اموره مثلك

ناظرتها : الله عندك بنت خليني احملها

وقفت ام بدر : لا الحين نايمه بالغرفه بالداخل لما تصحى رح اخليك تحمليها

وتوجهت للباب وقفلته بالمفتاح وابتسمت لي : خذي راحتك

هزيت راسي وخلعت الشيله والعبايه بشويش

اقتربت مني ام بدر وباستغراب جلستني على الكنبه

: متى وقعتي على يدك ما حد خبرني !!

ابتسمت بألم : ما وقعت

رفعت حاجبها باستفسار : كيف انكسرت ؟؟؟

ابتسمت بقهر : بركات عمي فيصل

فتحت عيونها : متى كسرها ؟؟ انا خبرني ريان انه فيصل ضربك على وجهك وكان الوان حتى للحين الاثار

موجوده بس ما خبرني عن الكسر !!

زفرت بضيق : بنفس اليوم للي ضربني على وجهي

كسر يدي

تخيلي لانه ما رضيت اقول له ليه رجعت من بيت جدي

تخيلي وبلعت غصتي ما قدرت اكمل

مسحت ام بدر دموعي بيدها : خذي راحتك

فضفضي قولي كل شي عندك لا تكتمي شي بقلبك

ناظرتها ودموعي على خدودي : والبارحه اجتمعت

سديم وروان علي ومسكوني من شعري وضربتني

روان على يدي المكسوره

انا من الوجع عضيتها ما حد حس بالوجع للي شعرت

فيه لما ضربتني عليها من حراره الروح

هجمت عليها وعضيتها

تخيلي عمي فيصل عصب وده جدي يعاقبني وبنات

ما قال لهم كلمه وحده

مسحت دموعي وناظرتها بقهر

تخيلي جدتي وهيفاء وام خالد وام سليمان موجودات

ولا وحده شهدت معي ووقفت وقالت روان هي للي بدت

ولا وحده

لهاذي الدرجه الحقد والكراهية للي يحملونه لي

لهاذي الدرجه وعضيت على شفتي بقهر

ام بدر بهدوء : طيب نايف وش قال ؟؟؟

ابتسمت باستهزاء : لما ضربني فيصل ما قال كلمه

واحده ولا دافع عني

اما البارحه عصب من بنات عمي وقال له انه ما يسمح لبناته يمدون يدهم علي

ام بدر برفع معنويه : طيب فيه تحرك دافع عنك

ابتسمت باستهزاء من بين دموعها : ضحكتيني تدرين ليه قال كذا شفقه بس

يقول لعمي فيصل لو ما كنت مكسوره كان كسر راسي

هو وجدي يقول كان وده يعاقبنا بس كنسلها لاني

مكسوره

قهروني ليه انا بسجن حتى يعاقبني

ليه ما عاقب بنات فيصل هم للي ضربوني بالاول

بس ما حد يقدر يقول لهن شي

عندهم اب وام يدافعون عني اما انا لا

انا بستين حريقه

تنهدت بقهر

اذا امي مو سائله عني ازعل على للس يكرهوني

ليه يعاملوني كذا !!

ام بدر تحاول تغير الجو : طيب ما كلمتيني عن

حياتك عند امك 6 سنوات افتقدتك فيهن كان

ودي ازورك بس عمي حلف يمين

ما احد يتصل فيك او يزورك غصب عنا

رديت بهدوء : فقدتك 6 سنوات ولا حد سأل عني

ام بدر : يالله كلميني عن حياتك هناك كيف كان موقف

امك لما رجعتي هنا ؟؟

بسؤالها ضربت الوتر الحساس : ناظرتها بضياع

تدرين امي ما تبغاني وما تطيق تشوفني لاني اذكرها

بنايف

ام بدر بعدم تصديق : ريم يمكن تتوهمين

قاطعتها بقهر : هي قالت لي بلسانها ما تطيقني

تدرين 6 سنوات ما سألت عني

انا اسال عنها واتقرب منها ومع ذلك تحاول تطنشني

عمرها ما تقربت مني او حسستني بالاهتمام بالمحبه

عمرها ما نصحتني عمرها ما سألتني عن حياتي للي

عشتها عند نايف

بالاخير اكتشفت انها هي للي رمتني على ابوي

علشان تتزوج

وطلبت مني اعذرها لاني بالنسبة لها نقطه سوداء

بحياتها

عمري ما توقعتها كذا

تكورت على نفسي وانا ابكي واشاهق : اكرهم اكره الناس كلها

اكرها متى ارتاح متى ؟؟

رفع راسي بيده وبحنان : بترتاحين عمرها الاحزان

ما كانت طول العمر رح ييجي يوم وتنسين

ولا تنسين بكره عروس وكذا حالك ؟؟؟

زفرت بضيق : ضيقوا خلقي يا عمي

ورميت نفسي بحضنه

باسني على راسي وبصوت كله حنيه : خلاص يا عمي

ان شاء تفرج

ام بدر بابتسامة : ها يا عروسه جهزتي اغراضك ؟؟؟

بعدت راسي عن عمي سلطان

وهزيت راسي وبصوت مبحوح : جهزت اغراضي الاسبوع الماضي مع بنات خالي

تخيلي ولا حد سألني من حريم اعمامي عن التجهيزات

ولا سألوني اذا نقصني شي او وين حجزت ولا اهتموا

احس نفسي غريبه بينهم منبوذه

عمي سلطان بهدوء : طنشي يا بنت ابحثي عن

سعادتك وات تهتمي لكل كلمه تسمعيها لانك

رح تتعبين

والحين اسألك انا ناقصك شي ؟؟؟

ابتسمت على طريقة كلامه : لا ما ابغى شي

سلطان : مو كأنك صغيره عالزواج عالاقل كملي

دراستك

رديت بهدوء : كذا احسن ودي ارتاح ابغى شخص واحد

يتدخل بأموري مو الف واحد

بصراحه خنقني عمي فيصل يتدخل بكل شي

كلهم يفرضون رايهم علي

كلهم ودهم يتحكمون بي

لمتى هذا الحال ؟؟؟

كذا احسن ابعد عنهم

سلطان : براحتك

بعدها ناظر شعري علامه شعرك كذا ؟؟؟

ابتسمت وناظرت ام بدر

ام بدر بابتسامة : لا تعمل نفسك ما تدري شفتك

وانت واقف عند باب الغرفه تسمعنا

ناظرته وانا رافعه حاجب

ابتسمت وحك راسه باحراج : صحيت وسمعت صوت بكاء طلعت اشوف

شفتك بس ما حبيت اضايقك قعدت اتسمع انا بغرفتي

ابتسمت : شعري عارف قصته نفشوه لي بنات عمي

ويدي ما اقدر احركها فما قدرت اغسله او امشطه

هاذي قصته

ناظرني وابتسم : تدرين يا ريم احلى شي فيك

اذا كنت متضايقه بسرعة تروقي وتنسين تعرفين ليه

السبب ؟؟

ناظرته وانا رافعه حاجب : ليه ؟؟؟

ضحك بهدوء : لانك بعدك بزر يبكي ولما تراضيه

ينسى بسرعه

فتحت عيوني على وسعهم : انا بزره ؟؟؟

ابتسمت ام بدر ومسكتني من يدي : تعالي اغسل لك

شعرك

وبكره الصبح ان شاء الله احاول الصبح اكون عندك

هزيت راسي ودخلت لغرفة النوم وما ناظرت داخل

الغرفه وتوجهت معها للحمام

غسلت لي راسي برفق وبعدها طلعنا من الحمام

جلستني على كرسي التسريحه

و بدت تمشطه لي برفق حتى ما توجعني

فجأة حسيت بمخلوق صغير دفعني

نقزت لما شفت بنت صغيره علامات النوم ظاهره على وجهها

وبصراخ وهي تناظرني : هادا مسط ماما اندلعي من هنا

ناظرت ام بدر وهي تضحك : هذي بنتي جنى

سألت بدهشة : عندك بنت ؟؟؟ ما حد خبرني !!

ابتسمت ام بدر : عمرها 4 سنوات

ابتسمت : الظاهر انها متضامنه مع بنات عمها ضدي ضحكت ام بدر : جنى هذي ريم

جنى وهي ودها تبكي : مسطنا (مشطنا)

ام بدر : ههههه ترى جنى بخيله وما تطيق حد يستعمل شي

يخصنا تدرين تغار من اختها الصغيرة متعبيتني حيل

ناظرت جنى وانا ابتسم تمنيت يكون عندي اخت

من امي وابوي تشاركني احزاني

كملت ام بدر شعري بصعوبه بسبب جنى

للي نشبت لنا بحلقنا

وطلبت منها تعمله لي ذيل حصان

وبعدها صارت تبكي جنى بصوت عالي ليه شعري طويل

وهي شعرها قصير

دخل عمي سلطان وحاول يراضيها وهي تصرخ وتبكي

اكثر ودها ابوها يقص شعري ويحطه على راسها

بصراحه اضحكتني هي وطريقتها بالكلام

وحسيت نفسي نسيت احزاني

فجأة صارت البنوته البيبي تبكي ركضت لجهة السرير

اشوفها

كان وجها احمر من البكاء وكل شي فيها صغير

كنت ودي احملها

دفتني جنى وهي تبكي وبصراخ : اختي اختي

شرسه هالبنت

تقدم عمي سلطان وحمل البيبي : كيف رح تحمليه ويدك ؟؟؟

ابتسمت : عادي بيد وحده احملها

ناظرني وهو رافع حاجب : طيري مو مستغني عنها

علشان توقعيها طيري

ضحكت بصوت عالي : ههههههه انت الخسران

راح عليك سموي يحمل بنتك وحركت حواجبي

قاطعتنا جنى وعيونها حمر شعرها قصير ناعم حنطيه كل شي فيها صغير : انت دامه اندلعي

ابتسمت : شفت يا عمي بنتك طردتني

مكتوب علي وين ما اروح انطرد

ام بدر تغير الموضوع : وش رايك يا ريم نعزمك على

المطعم احتفال بمناسبه زواجك يعني وداع لك

ريم بحماس :موافقه

قاطعني رنين جوالي كان جدي ما في غيره يعرف

رقمي

فتحت الخط وقبل ما اقول الو

واجهتني عاصفه من الصراخ : انت وينك ؟؟؟

رديت بغباء : انا

جدي بصراخ : لا خيالك وينك ؟؟؟

بلعت ريقي : انا عند عمي سلطان

قاطعني بعصبية : ما تعرفين شي اسمه استئذان ؟؟

قاطعني رنين جوالي كان جدي ما في غيره يعرف

رقمي

فتحت الخط وقبل ما اقول الو

واجهتني عاصفه من الصراخ : انت وينك ؟؟؟

رديت بغباء : انا

جدي بصراخ : لا خيالك وينك ؟؟؟

بلعت ريقي : انا عند عمي سلطان

قاطعني بعصبية : ما تعرفين شي اسمه استئذان ؟؟

ما رديت

سحب عمي سلطان مني الجوال

وتكلم بهدوء : يبه يعني اذا جاءت تزورني لازم تستأذن

يعني الحين انا غريب ؟؟؟

كان صوت جدي عالي من السماعه : مو كذا يا سلطان

المفروض اعطتني خبر قلبت البيت عليها لما رجعت

من الدوام قبل شوي وما لقيتها والله حتى الغداء

بعدني ما اكلت

يالله بسرعة خلها ترجع

عمي سلطان باعتراض : لا يبه خليها عازمها على طلعه

جدي باعتراض : لا لا انا قلت ترجع الحين عقاب لها

معها جوال ليه ما اتصلت بي وخبرتني ؟؟

يالله بدون اعتراض خمس دقايق تكون عندي

عمي سلطان بزعل : ان شاء الله

قفل جدي الخط

ناظرته ومديت يدي واخذت الجوال بهدوء وانا احسها

غاصه بحلقي وبهدوء : انا راجع وابتسمت بألم

ام بدر بمواساه: لا تزعلين اكيد من خوفه عليك

تضايق

ناظرتها : انا للي يقهرني ليه بنات عمي كل ساعه في

بيت واحد من اعمامي بدون اذن ليه انا لو مجرد

اروح عالحمام لازم استأذن

سلطان وهو يقرص بعيونه : كأنك بتبالغين يا ريم

ضحكت على شكله ووقفت عند الباب : اروح قبل

ما يسكر السجن ابوابه

ابتسم عمي : الله معاك

توجهت للصاله ومسكت العبايه بس اخذتها ام بدر

مني ولبستني إياها بشويس

وبعدها لبستني الشيله : لا تنسينا بعد الزواج

هزيت راسي وابتسمت فتحت لي باب الجناح المقفل وطلعت معي

وورانا جنى تصرخ علشان ابعد عن امها

وصلت لعند الباب الرئيسي وسلمت على ام بدر

وطلعت وهي توصيني على نفسي

واوسع صدري وما اتحسس من كل كلمه

هزيت راسي وطلعت ابعدت كم خطوه عن باب

البيت

تذكرت اني نسيت اسألهم عن اسم البيبي كنت رح

ارجع بس غيرت رأي لما شفت عبود راجع على بيتهم الحين وش يفكني من لقافته

تابعت المشي باتجاه بيت جدي وطنشته مع انه

كان وده يتكلم معي

دخلت البيت وانا ماده الكشره مترين

دخلت الصالة الخارجيه كان جدي جالس لوحده

لما شافني

وقف وكأنه مو مصدق اني قدامه : ريم انت هنا ؟؟

رديت بدون نفس : لا بعدني هناك

ضحك وضربني على راسي بشويش : سخيفه

لا تبدلين ملابسك خليك جاهزه بعد المغرب

الحين رايح اصلي وارجع لك وبحزم يا ويلك اذا ما لقيتك هنا فاهمه

لويت بوزي وهزيت راسي

وطلع جدي وجلست على الكنبه والمكان يعمه الهدوء

سندت راسي على الكنبه وغمضت عيوني

وانا اتخيل نفسي عايشه عند عمي سلطان

رح اكون اسعد وحده بالعالم

اهتمامهم بي ولهفتهم علي تسعدني

يا رب اسعدهم مثل ما اسعدوني تذكرت جدي

الله يستر من عقابه اكيد رح يفتح لي محاضرات

طويله عريضه الله يعيني

فتحت عيوني وناظرت لما سمعت صوت قريب

مني كانت ام خالد متخصره وطيف واقفه معها

ام خالد بقهر : مين سمح لك تمدين يدك على طيف؟؟

ناظرتها وابتسمت ابتسامه تنرفز : اممممم انا سمحت لنفسي

وسبلت عيوني وانا اجاكر عند مانع ؟؟

ام خالد تنرفزت من اسلوبي : تكلمي عدل احسن ما اكسر راسك

ويا ويلك اذا سمعت انه طيف شكت منك مره ثانيه

رديت بمسخره : يمه خوفتيني

عصبت وبصوت عالي صرخت : ريم

دخل عمي فيصل : وش هذا الصوت ناظر زوجته

ادخلي بسرعة الحين يدخلوا الشباب

غطت وجهها وبقهر اشرت علي : شوف بنت اخوك

ضاربه طيف اليوم

عصب عمي فيصل وناظرني بتهديد : تراك زودتيها

لا تخليني احطك براسي

ابتسمت بحسره كذا وبعده مو حاطني براسه

كمل بتهديد انا اليوم رح اشوف نايف يحط لك حد او اتصرف انا

دخل جدي وخلفه الشباب : علام صوتك طالع ؟؟؟

فيصل من بين اسنانه : حضرتها ضاربه طيف

ناظرني جدي باستفسار :صحيح هذا الكلام ؟؟؟

وقفت وابتسمت ابتسامه اغاضت عمي وزوجته: لا

كذب ما ضربتها

جدي ناظر فيصل : انت شفتها لما ضربتها او ام خالد ؟؟

فيصل بغيض : انا ما شفتها

ام خالد : طيف هي للي خبرتني انها ريم ضربتها

وبعدين طيف ما تكذب

قاطعها جدي بحزم : وريم ما تكذب قالت انها ما ضربتها ما في داعي تكذبوها وطيف بزر

بصراحه احرجني بكلامه : انا والله ما ضربتها بس كنت ماشيه وابعدتها عن طريقي بس

الجد بدون اهتمام : ما علينا يالله جاهزه الحين ؟؟؟

فيصل رفع حاجب : وين ؟؟

ابتسم جدي وهو يناظرني : عازم ريم على العشاء

قاطعه عمي فيصل بقهر : انا نفسي اعرف ليه تفضل ريم على بناتنا ولا عمرك طلعت واخذت وحده من بناتنا الا ريم ليه ؟؟

ناظرته بقهر : لمتى رح تبقى تعاملني كذا ؟؟

ناظرني عمي فيصل بجديه : اذا طلبتي الطلاق من زياد

وتزوجتي واحد من اولادي سامر او نواف وقتها افك

شري عنك

ام خالد بسرعه : نسيت انه نواف خاطب

قاطعها عمي فيصل : مجرد خطبه ما ملك عليها

عادي نكنسل الخطبه بنت عمه اولى بها

قاطعه جدي بعصبيه : فيصل وش هذا الكلام ؟؟

واعطاه نظره ناريه ومسك يدي وسحبني

خارج البيت

&&&&&

&&&&&&

&&&&&&&&

&&&&&&&&&

بدر بلقافه : عمي انت من جدك تتكلم ؟؟

رد فيصل بتريقه : لا من خال

وسحب نفسه ودخل للداخل

لحقته ام خالد وهي تتحلطم على زوجها ومن كلامه

للي مو عاجبها

دخلوا الصاله الداخليه ام خالد بقهر : انت من جدك

ودك تزوج واحد من اولادك لهاذي ليه انقطعوا البنات !!!

الجده مو فاهمه شي : وش فيه ؟؟

ام خالد بقهر : ابنك وده يزوج هالريم لسامر او نواف

فيصل جلس وناظرها ببرود : وش ناقصها ريم مو عاجبتك

الجده : وسميه ناسي انك خطبتها لابنك وبعدين

ريم بكره زواجها وش هذا الكلام يا فيصل

فيصل ببرود : انا قلت لو تطلب ريم الطلاق الا اخطبها

لسامر او نواف مجرد فراضيات

ام خالد بقهر : لا تجلطني بكلامك

فيصل : والله ما تدرين عن نفسك والله انها مثل القمر

الجده لوت بوزها : وش الفايده جمالها وهي قزم

ابتسم فيصل على تفكيرهم : والله انكم تضحكوني

بالله قزم !!

البنت بعدها بسن نمو رح تطول وتذكري كلامي

وبعدين القصر مو عيب

ام خالد زفرت بضيق : بالله تسكر هالموضوع لانه ضيق خلقي

فيصل ما رد وهو يفكر <الله يستر 

**

**

**

**

**

دخلنا المطعم وجلسنا على الطاوله

ابتسم جدي : بعدك زعلانه ؟؟؟

هزيت راسي بالنفي

ناظرني جدي : وهذا اجمل شي فيك ترضين بسرعة

ابتسمت وما رديت

سألني : حد طلع لك غداء اليوم ؟؟؟

هزيت راسي بالنفي : ما حد طلع لي وسألته عقاب

صح ؟؟

ضربني على راسي بشويش : لا مو عقاب انا طلبت

منهم ما يطلعون لك شي لاني من البارحه مقرر اعزمك على العشاء واعرف اكلك مثل الصوص

علشان كذا قلت لهم ما يطلعون لك اكل علشان

تجوعين ووقت العشاء تاكلين

حسيت بالخجل لاني ظلمته : وطيب والفطور ما حد

ارسل لي ؟؟

رفع حاجب باستغراب : كيف ما حد ارسل لك ؟؟ انا قلت لهم بس غدا ما يرسلون

حسابهم لما نرجع

هزيت راسي وما تكلمت

ناظرني بجديه : ريم ليه ما اتصلتي بي اليوم وخبرتيني

انك عند سلطان ؟؟

رديت بهدوء : نسيت

هز راسه وتنهد : جن جنوني لما رجعت من الشركه وطلعت على غرفتك وما لقيتك وسألت

الخدم وقالوا لي انهم شافوك بالمطبخ وكنت معصبه

رفعت حاجب باستفسار : طيب بنات عمي يروحون على بعض بدون اذن ليه ؟؟

رد : صحيح كلامك عادي لاني متعود على هذا الشي

يروحون على بعض

اما انتي مو متعود تطلعين بدون اذن وما في مكان

تروحين له بالعاده

ناظرته وعيونه يشع منها الخوف والاهتمام بدون وعي : اسفه ما كان قصدي

تكلم جدي بدون ما يناظرني : يمكن تفكرين اني ادخل

فيك واتحكم فيك من باب التحكم

غلطانه اذا بتفكرين كذا صدقيني ما حد ينصحك

ويبعدك عن الغلط الا وده مصلحتك

انا لما ازعل عليك واصرخ اكون ودي مصلحتك

يمكن لانك ما عشتي بجو اسري بين الام والاب

تتخيلين انه الطفل امه وابوه ما يصرخون عليه

او يعاقبونه وكثير اباء تصل فيهم ويضربون اولادهم

هذا شي طبيعي

انا لما اصرخ عليك او اعاقبك او امد يدي لاني اعتبرك بنتي وودي مصلحتك

الشباب إسألي كم مره عاقبتهم وحرمتهم من اشياء

يحبونها

يعني مو بس انتي

حتى فيصل يمكن قدامك ما تكلم بشي بس اسألي وش

عمل بروان وسديم

سحب اللاب وفصل النت وحرمان من المصروف لمده

اسبوع لانهم تشاجروا معك

يعني لو تشاجروا معك او مع غيرك رح يعاقبهم

وما يسكت لهم

هزيت راسي بهدوء

ناظرني : خلينا نغير السيره وابتسم اليوم زياد اتصل

وسألني اذا ناقصك شي

سألته : وش رديت عليه ؟؟؟

ابتسم : قلت له كثر الله خيرك مو ناقصها شي

هزيت راسي بابتسامة وبعدها تعشينا والصمت

مخيم على المكان

لفيت السوق مع جدي واشترى لي بعض الهدايا

بصراحه انبسطت معه كثير

وحسيت انه كثير مهتم بي ويخاف علي ويبغى مصلحتي

رجعت على البيت واول ما دخلنا كانت جدتي واقفه

ومسنتره والظاهر انها تنتظرنا

اول ما دخلنا : بكير اشوف سلكت رجلك كل يوم ماخذها عالمطعم

قاطعتها : مرتين بس

جدتي بقهر : وانا ليه ما اخذتوني معكم متى اخر مره

عزمتني على مطعم

جدي ابتسم بهدوء : ريم اطلعي على غرفتك

هزيت راسي وطلعت على الغرفه بهدوء

وانا نفسيتي مرتاحه عالاخير

**

**

**

**

**

**

**

يوم الخميس

كانت ريم بالصالون وما بقى غير اللمسات الاخيره

كانت قمر كلها براءه

والجده تناظرها وتصلي على النبي خايفه حد

يصيبها بالعين : ريم حصني نفسك لحد

يصيبك بالعين

هزت راسها بابتسامه

بعد ما كملت وقفت ريم

ام بدر باعجاب : ما شاء الله قمر

ريم بابتسامة تناظر جدتها : من الحين اقول لك رح انزل ارقص

ما لي دخل

ام خالد : ارقصي وشوي وبترجعين مكانك

ريم باعتراض : لا لا ما لي دخل البنات يرقصون وانا لا

الجده : ريم لا تفضحينا خليك راكزه وثقيله احسن لك

طنشتها ريم وهي تناظر بنفسها بالمرايه وفرحانه

بالفستان زي الاطفال

&&

&&

&&

&&

&&

&&

بالصاله تشرف على كل الامور

دخلت اختها الاكبر منها وسلمت عليها بحراره

لانها كانت مسافره قبل سنه ورجعت تحضر عرس

زياد

جلسوا على الطاوله ام زياد،: اخبارك يا ام محمد زمان عنك

ام محمد : والله اني مشتاق لك اكثر والله اني فرحت لما خبرتيني بزواج زياد

الحمد لله فكت عقدته

ام زياد بفرح : الحمد لله ربك كريم

ام محمد : ما خبرتيني من وين العروس ؟؟

ام زياد : هاذي بتكون حفيده ابو سلمان صديق ابو زياد

ام محمد : اها اي واحد فيهم ؟؟

اام زياد: اسمه نايف ؟؟

ام محمد ما عرفته: مين زوجته ؟؟

ام زياد : هذا متزوج ثنتين الاولى طلقها والثانيه ساميا تكون من قرباته بنت لطفيه تعرفيها

ام محمد : ايه ايه لطفيه اعرفها وطيب العروس بنت ساميا ؟؟

ام زياد : لا من الاولى

ام محمد : زوجته الاولى بنت مين ؟؟؟

ام زياد : اسمها ساره حفيده ابو سعد اتوقع تعرفينه

معروف بالبلد

ام محمد بدهشه : ساره ما لقيتي غير بنت ساره

ام زياد رفعت حاجبها : وش فيها امها ؟؟

ام محمد : هاذي امها ........

***

****

*****

******

********

**********

بدأ المعازيم بالحضور والشباب بناء على طلب جدهم

حضروا غصب عنهم كانوا يناظرون زياد بحقد وكراهيه

زياد معطيهم طاف ومبسوط عالاخير يسلم على الناس

والابتسامه مرسومه على محياه

فجأة اخذ ابو زياد الجد ابو سلمان بمكان بعيد

وكلمه بموضوع

وبعدها ظهرت على ملامحه الدهشه

نادوا على اعمام ريم وبدو يتكلمون والانفعال على ملامحهم

كانوا الشباب يناظرون من بعيد واللقافه ذبحتهم حتى يعرفون وش فيه

بعدها نادوا زياد وبعد دقايق انفعل زياد

وكان معصب ومتضايق

كانوا يناظرون المعازيم والحيره على وجوههم

وبعد تشاور

وقف ابو سلمان وابو زياد قدام المعازيم

وصوت جهوري تكلم ابو زياد : حيا الله كل الموجودين

بصراحه ما ادري من وين ابدأ بالكلام

قبل شهرين ونص ابني زياد ملك على حفيده ابو سلمان

وانا اشهد انهم من خير الناس ونسبهم يشرف

واليوم حددنا الزواج

لكن قبل شوي حضرت خالة العريس وبعد ما سألت

عن العروس وامها

قالت انها بالماضي رضعت ام العروس وبعدها بسنوات رضعت ابني زياد

وعلى كلامها كذا زياد يكون خال العروس بالرضاعه

وحنا للتأكيد رح نلغي الزواج لانه هاذي الامور لا بد

من التثبت منها

والله يجيب الخير

زياد

وجه اسود من القهر والوسواس بقلبه يمكن

خطه من اهلها علشان يجبروني اتركها او اطلقها

لكن وقسم بالله لو طلع الامر مدبر اني ما رح اسكت

واعلمهم كيف يلعبون معي

ناظرت الشباب كانوا يناظروني بشماته شديت على قبضه يدي وانا اسلم على المعازيم وهم طالعين

بدون ما ادري وش يقولون

خالتي مسافره من سنه كيف تواصلت معهم

صحيح انه دايما امي تقول اني رضعت من خالتي لما دخلت امي المستشفى

انا لازم اتحقق من الموضوع وحسابهم عندي عسير

***

***

***

****

****

****

دخل اعمام ريم وابوها والجد وابو زياد وزياد احد

الغرف بالصاله

وكانت ام محمد من ورى الباب بعد ما طلبوا منها

توضح الامر

ام محمد : قبل ما اتكلم ويشهد ربي اني

للي اقوله صدق وهاذي شهاده مهمه ما اقدر اكتمها

زمان كنت ساكن بحي ........ وكانوا قوم ابو سعد جيران

لنا وبيوم من الايام تشاجر سالم مع زوجته وزعلت منه تركت البيت وحتى بنتها الرضيعه تركتها

كان اسمها ساره

بالليل جات عندي زوجة ابو سعد وطلبت مني ارضع لها البنت لانها من الصبح الرضيعه ما ذاقت شي ورافضه ترضع من الرضاعه وخايفه على البنت

استأذنت زوجي وبعد ما ساف حال الرضيعه وافق

وصارت البنت ارضعها لمده شهر حتى رجعت امها وبعدها رحل قوم ابو سعد كلهم من المنطقه

ومرت السنوات وبيوم مرضت اختي ام زياد ودخلت المستشفى

وقتها اخذت زياد ورضعته لمده اسبوع حتى طلعت اختي من المستشفى

زياد اعترض بقهر : بس يبه

ابو زياد بحزم : بكره او اليوم نروح عند قوم ابو سعد

ونتأكد منهم

ابو سلمان بحزم : بالنسبة لنا الموضوع صار فيه

اشتباه علشان كذا يوم السبت نلتقي بالمحكمه وناخذ الشهود ونفسخ العقد

واذا ما كان فيه شهود وقوم سالم رفضوا يشهدون

تطلقها

زياد باعتراض : يمكن خالتي مضيعه

فيصل : ويمكن كلامها صحيح خلاص كل شي انتهى الله يرزقك ببنت الحلال

ابو زياد : كلامكم مضبوط فيه اشتباه بالموضوع خلاص نلتقي بالمحكمه يوم الاحد اما نفسخ العقد

او زياد يطلقها

دخلنا بالمعروف نطلع بالمعروف

*****

*****

&&&&

******

******

&&&&

******

******

طلعت من الصالون بعد ما اتصل صقر عليها

علشان تطلع

ركبت بالسياره بمساعده ام بدر وبعدها حرك

صقر وهو ساكت

كانت ريم تحس بتوتر بس تحاول تخفيه

كانت تناظر بالطريق وتفكر بحياتها الجديده

بس لفت انتباها الطريق نفس طريق البيت

بس ما علقت اقنعت نفسها يمكن تكون طريقه مختصرة

بس تفاجئت لما وقف صقر باب البيت

ناظرته باستغراب

لف علي وبهدوء : انزلي يا ريم ابوي وده يكلمك

بموضوع بعدين يصير خير

اعترضت : بس كذا رح اتأخر على الزفه ما في وقت

بهدوء : لا تخافين ما رح تتأخرين انتي انزلي وما يصير الا خير

ناظرت ام بدر هزت راسها انها ما تعرف شي

نزلت من السياره بمساعده ام بدر

بعدها مسك يدي صقر ودخلني داخل

كنت مغطيه كامل الرؤيه مو واضحه شفت بالصاله

الخارجيه اولاد عمي

استغربت المفروض الحين يكونون بالعرس

صار قلبي يدق مو مرتاحه

مو قادره اركز واتوقع واعرف وش للي صار

بلعت ريقي لما شفت اعمامي واقفين باب الغرفه

حسيت انه في شي كايد

زفرت بضيق

لما وصلت عندهم كان جدي واقف عند الباب

ناظرني بملامح جامده : ادخلي يا ريم

دخلت الغرفه وجلست على السرير

جلس جدي على الكرسي مقابل لي

بعد ما ساعدني بخلع الغطاء

ناظرني وهو يصلي على النبي :،ربي يحفظك من العين

ابتسمت باحراج

جدي بجديه : شوفي يا ريم قبل ما اقول لك امر ودي اسألك سؤال وجاوبيني عليه

لو وحده تزوجت واحد وبعد فتره من الزواج طلع زوجها اخوها

بالرضاعه تتوقعين وش كانت تتمنى هاذي البنت

رديت بدون تفكير : اكبيد تتمنى انها لو عرفت قبل الزواج

وبعدها استوعبت الكلام وبتردد قصدك انه

هز جدي راسه : زياد طلع خالك بالرضاعه

سكتت لدقائق استوعب الامر وبعدها سألت : متأكدين ؟؟

رد جدي بضيق : خالة زياد مرضعه امك بصغرها وبعدها بسنين ارضعت زياد

واتصل ابو زياد بجدك سالم يتأكد واكد له جدك سالم الكلام وحتى عمات امك يشهدون على هذا

الامر

تنفست براحه وابتسمت لجدي : الحمد لله اكتشفنا الموضوع قبل الزواج صح ؟؟

ابتسم جدي براحه : الله يكملك بعقلك

وقفت وانا ابتسم وفرحانه بالفستان : اهم شي اني لبست

الفستان كان نفسي البسه واخيرا لبسته

ناظرني جدي بصدمه من تفكيري

دخل عمي صقر وضربني على راسي بشويش : الحين كل همك تلبسين الفستان فعلا انك بزر

لويت بوزي : بزر بعينك

عمي فيصل اول مره اشوفه مبسوط : يالله بدلي الفستان

قاطعته باعتراض وانا اتخصر : لا والله ما رح ابدله الحين

انا ما صدقت والبسه ما رح ابدله

ناظرني عمي سلطان بفرح : روحي بدليه قبل ما تشوفك جنى

غير تعمل مناحه علشان تاخذه

وقف جدي بابتسامة : خليها على راحتها يا سلطان

طلع جدي وبعده فيصل وقف نايف وناظرني نص ابتسامه ما فهمت معناها وبعدها طلع

اقترب مني عمي سلطان وباسني على راسي : خيرها بغيرها

ما ندري وين الخير وبعدين بعدك صغيره صح

هزيت راسي بابتسامة

ناظرني صقر وهو يقرص عيونه : وانا خايف عليك

وعلى مشاعرك وبالاخير طلع اهم شي عندك تلبسين فستان

رديت عليه : ما لك دخل

يمكن تستغربون اني عادي ما تضايقت بس عقليا

الحمد لله اني عرفت قبل الزواج

لعله خير يا رب تختار لي الافضل وبعدين ليه اتضايق

وانا زياد ما اعرفه حتى اتضايق بس بنفس الوقت

كانت لي صدمه ما توقعت

يمكن لو خبروني قبل ما اتجهز والبس الفستان اتضايق

لكن بما اني لبست الفستان عادي تقبلت الامر 

طقني على راسي : وين سرحانه ؟؟

ابتسمت : بالله صورني بجوالي وناظرته بفيس يترجى ناظرني بغرور : طيري هذا للي ناقص اشتغل مصور

كشيت عليه ولويت بوزي بعدها طلع هو وعمي سلطان وهم يضحكون من الغرفه

لفيت حول نفسي وانا مبسوطة على الفستان وصرت

اروح واجي واتمختر بغرور واطالع نفسي بالمرايه

بسعاده لا توصف <تفكيرها طفولي

&&&&

&&&&&

&&&&&&

&&&&&&&

&&&&&&&&

&&&&&&&&&

&&&&&&&&&&

بمجلس الرجال مجتمع الجد والاعمام فقط

سلطان : يعني يوم السبت تراجعون المحكمه ؟؟؟

الجد بهدوء : ان شاء الله

صقر : كأنك يبه متضايق ؟؟

الجد زفر بضيق : شوف زياد شاب ما يتعوض وبنفس الوقت كلام ناس اكيد ما رح يصدقون

رح يقولون ما اكتشفوا الا يوم العرس

صقر بعصبية : للي وده يتكلم اقص لسانه

ابو سليمان بحكمه : اسكت يا صقر مو كذا تنحل الامور وبعدين يبه الناس تتكلم الحين بكره تنسى

هز الجد راسه بهدوء وبعدها ابتسم : هاذي البنت نهفه انا خايف على مشاعرها وهي ما اهتمت

اهم شي لبست الفستان ولا عند بالها

صقر بابتسامة : ما شفتها وهي تتمختر بالغرفه

مو مصدقه انها لابسه فستان فرحانه فيه

سلطان : البنت بعده عقلها طفولي يعني الحين

تعال على طيف او نوف او جنى كيف فرحتهم لما يلبسون الفستان بالمناسبات وهي مثلهم ما زال

تفكيرها طفولي

فيصل بهدوء مريب : بكره بتكبر وبتعقل

&&&

&&&

&&&

&&&

&&&

&&&

&&&

&&&

دخلت ام بدر الصاله الداخليه وجلست جنب ام سليمان

الجده بترقب : وينها ريم ؟؟

ام بدر هزت براسها بقلة حيله وناظرت الجده : عجزت

معها بعدها لابسه الفستان ومو راضيه تبدله

مبسوطة فيه

ام خالد بغل : صدقيني يا خالتي انه عقلها ناقص

ام بدر تضايقت من كلامها : مو كذا اي بنت تفرح بفستان الزواج

الجده : قهرتني تكلمني من رؤوس خشومها

ومع ام بدر الضحكه شاقه حلقها

ام خالد : حتى انا تكلمني وبوزها شبرين

سكتت ام بدر ما قدرت تبرر لانه فعلا ريم كانت

تكلم جدتها وحريم اعمامها من رؤوس خشومها

لما صعدوا لغرفتها

ولما عاتبتها على هذا الفعل ردت ريم انهم حريم اعمامها

جايين يتشمتون فيها والدليل قبل العرس

ولا وحده صعدت لعندها وسألتها اذا ناقصها شي او تبغى

مساعده ويوم انلغى العرس صاروا يعرفونها

حاولت ام بدر تغير نظريتها بس عناد ريم كان اكبر

وعناد فيهم رفضت تبدل الفستان

بالاخير اقنعتها انها ما تقدر تفك التسريحه لوحدها

والفستان

وانها بأي وقت ترجع للبيت وافقت بعد نص ساعة

ترجع تساعدها

دخلت جنى تبكي ام بدر : ليه تبكين ؟؟؟

جنى وهي تبكي : ابا بستوت

زفرت ام بدر بضيق : روحي على عبود او سامي يشتري لك

طلعت جنى

وناظرت ساعتها ام بدر وقررت تطلع تساعد ريم وترجع

على البيت ترتاح لانه حاسه راسها مصدع وجنى زادت

وجعه بدلعها

صعدت الغرفه ودخلت على ريم لقتها جالسه على السرير وجالسه على اللاب

قفلت الباب بالمفتاح وما اعطيتها فرصة تعترض : يالله

يا ريم تأخرت على البيت تعالي اساعدك قبل ما اروح

هزت راسها ووقفت بهدوء

طلبت منها ام بدر تجلس على كرسي التسريحه

جلست ريم بهدوء وبدت ام بدر تفك التسريحه

بعد وقت كملت ام بدر

وكملت مساعدتها وطلعت بهدوء

رمت ريم نفسها على السرير برفق

وغمضت عيونها وهي تستذكر احداث اليوم

مو مصدقه الاحداث وكأنه حلم تنتظر تصحى منه

هذا اليوم للي كانت تنتظره بفارغ الصبر حتى تترك بيت

جدها

والحين رح تجلس فيه مده طويله

من وين طلعت خالته هاذي

معقول ارسلتها غاده تخرب عرسي ؟؟؟!!

ليه لا ما استبعد عنها

انا مو زعلانه ابد ولا متضايقة اذا فعلا كان خالي برضاعه

اما اذا كان مو صحيح عنجد شي يقهر بس مو

مشكله اهم شي لبست فستان الزفاف

وكنت مثل العرايس

ابتسمت وانا مغمضه عيوني واشعر بالراحه

بالرغم من للي صار نفسيتي مرتاحه ولله الحمد

^^^^

^^^^^

^^^^^^

^^^^^^^

^^^^^^^^^

الشباب جالسين بالحديقه

سليمان بفرح : تمنيت نواف معي وينبسط

على شكل زياد

قلنا له من البدايه طلق ما رد يستاهل بيوم العرس يكتشف

انه خالها

عمر بضحكه : لو شفتم شكله كيف متضايق

ووقف بدر قباله يحرك حواجبه

ولو شفتم كيف كان شكله الظاهر انه كان يثبت نفسه ما يهجم على بدر

بدر بلامبالاه : بقلعته ارتحنا منه

عبود : طيب ريم وش رد فعلها ؟؟؟

سليمان بهدوء : للحين ما اعرف ما حد خبرنا بس

لا تخاف انا اجيب لكم الاخبار بكره

يوم الجمعه بعد العصر

جلست ريم بالصاله مع الحريم والبنات

طبعا البنات عاملات حزب لوحدهن يتهامسن

ويناظرن ريم ويرجعون يتهامسون

كانت ريم مطنشيتهم عالاخير

والحريم يحشون

ناظرت هيفاء ريم

ناظرتها ريم ونزلت راسه وانشغلت بالجوال

هيفاء من رؤوس خشومها تتكلم : في بعض ناس مو مصدقه

سالفه الرضاعه يقولون الحين طلعت هاذي السالفه

قبل الزواج بساعات ؟؟!!

يعني يقولون يمكن سمع عن البنت شي وغير رايه

وناظرت ريم بتشكيك

الجده وحطت هيفاء الوسواس بقلبها : يا خوف قلبي

وهي عند بيت جدها عجبت والكلام وصل زياد وبعدها طلع هاذي السالفة

سديم وهي رافعه حاجب : والله ما تستبعدي شي

يا جدتي

روان : الله اعلم وش مهببه مدام ههههه لا قصدي

انسه ريم

ساميا مو عاجبها الكلام : وش هذا الكلام ؟؟؟ ريم ما شاء

الله عليها ما عندها هاذي الحركات صار لها شهرين ونص ما شفنا عليها شي

ام خالد لوت بوزها : ليه الحين تلاقيها ترسم على واحد

من العيال بعد ما اتفركش الزواج

ناظرت ريم بحده : بس حامض على بوزك اذا قربتي

من نواف وسامر تراني مو مثل ام سليمان اردح شوي

واسكت لا خليها بحلقه بإذنك اذا كنت مخططه

تحلمين تتزوجين واحد من عيال عمك

ام سليمان : اصلا ما حد رح يرضى فيها من العيال مطلقه

وحتى من برا العيله ما حد رح يخطبها بعد الكلام

للي طلع وفوق كل هذا مطلقه

هيفاء وهي تعلك : كان يتزوجها واحد مطلق وعنده

10 عيال ههههه او ختيار على حفة قبره

الجده بقهر : حسبي الله عليك اذا طلع الكلام صحيح

ودك تنزلين راسنا بالارض يا بنت ساره

مين رح يخطبك ؟؟ انا اقول لك على بلاطه ما حد من

العيال رح يوافق عليك

والدليل انه سليمان لما غصبه جدك على انه يتزوجك راح وزور النتايج

كان كلامهم مثل السكاكين يطعن بريم وللي زاد

انه توصل فيه يزور النتايج

بس مستحيل تضعف قدامهم

ناظرتهم ريم بغرور بعد ما قفلت الجوال : لا لا تحطميني بالله عليك زوجيني لواحد من عيالكم

تراني اموت

اصلا هم يتمنون اوافق عليهم

ام خالد بتريقه : والدليل لما زور سليمان النتايج

وعرضك جدك على كل اولاد عمك ورفضوك

ناظرت ريم الموجودين وخاصه البنات للي كانوا

يبتسمون بشماته

ابتسمت بغرور : بس للي ما تعرفيه كل اعيالكم خطبوني من جدي وسألني جدي عن رأيي ورفضت

لانهم مو من مستواي

وناظرتهم باشمئزاز

رغد بحقد : كذابه

ابتسمت ببرود : مو مصدقه روحي اسألي جدي

صارت ريم بداخلها تستغفر ربها من وين جابت هاذي

الكذبه وهي مو متعوده تكذب كذا

ام خالد بحقد : لو ما يبقى الا انتي بالدنيا ما وافقت

عليك يا بنت ساره

وقفت بثقه : بنت ساره او بنت نايف المهم اني الحين

رح اروح لجدي واخبره عن كلامكم عني وطعنكم

وهو يتفاهم معكم

هيفاء بتوتر : عادي اصلا ما رح يصدقك وبعدين

مستحيل يكذب كل الموجودين ويصدقك

سديم بثقه : انقلعي روحي قولي ستين داهيه وراك

ام خالد بثقه : روحي قولي ووقتها رح نقلب السالفه

عليك

ريم ببرود : خالتي ساميا شاهده على الكلام للي قلتوه

الجده باختصار للمشاكل : ريم خلاص اختصري

وساميا اذا شهدت معك او تدخلت بالسالفه

رح توقعينها بمشاكل مع نايف فاقعدي مكانك

وانت تدرين هذا للي صار يعني بس مجرد كلام

مو قصدنا شي

ناظرتها بعصبيه : لا والله تطعنون بي واظل ساكته

بأحلامكم

ام خالد بدون اهتمام : روحي قولي ما حد رح يصدقك

ناظرتهم ريم وابتسمت بخبث : بنشوف مين رح

يضحك بالاخير

طلعت ريم من الصاله وهي تغلي من الداخل

ناس حقوده مستحيل تنسى هي وش علاقتها بأمها

يعادوها لأنها بس بنت ساره

توجهت للدرج بعد ما نادت على الشغاله تلحقها

دخلت غرفتها وطلبت من الشغالة تساعدها

بوضع اغراضها بالحقائب

خلاص هنا ما بقى لها مكان

ما خلت شي بالغرفه كل اغراضها اخذتهم

تنهدت وطلبت من الشغاله تحملهم معها تحت

نزلت ريم بيدها السليمه حقيبه صغيره وخلفها

شغالتين معهم اغراضها

وقفت عند باب مجلس الرجال وطلبت من الشغاله

تتأكد انه ما في رجال غريب

طلعت الشغاله وخبرتها ما في حد غريب

حملت ريم الحقيبه ودخلت بهدوء

وضعت الحقيبه على الارض وناظرت الموجودين بثقه

وبداخلها نار تغلى

كانت نظرات الاستغراب على وجوه الاغلب من تواجدها

وتواجد اغراضها معها

الجد بهدوء : وش فيه يا ريم ؟؟!!!

تقدمت خطوه وبصوت واثق فيه اهتزاز من القهر :

اذا انتم ترضون لي المذله انا ما ارضاها لنفسي

تقدمت من جدها للي كان جالس بصدر المجلس

وقفت عنده وفتحت الجوال ومدته له بدون اي كلمه

شغل الجد مقطع الصوت (رح اعرض الكلام للي سجلته ريم )

ناظرت هيفاء ريم

ناظرتها ريم ونزلت راسه وانشغلت بالجوال

هيفاء من رؤوس خشومها تتكلم : في بعض ناس مو مصدقه

سالفه الرضاعه يقولون الحين طلعت هاذي السالفه

قبل الزواج بساعات ؟؟!!

يعني يقولون يمكن سمع عن البنت شي وغير رايه

وناظرت ريم بتشكيك

الجده وحطت هيفاء الوسواس بقلبها : يا خوف قلبي

وهي عند بيت جدها عجبت والكلام وصل زياد وبعدها طلع هاذي السالفة

سديم وهي رافعه حاجب : والله ما تستبعدي شي

يا جدتي

روان : الله اعلم وش مهببه مدام ههههه لا قصدي

انسه ريم

ساميا مو عاجبها الكلام : وش هذا الكلام ؟؟؟ ريم ما شاء

الله عليها ما عندها هاذي الحركات صار لها شهرين ونص ما شفنا عليها شي

ام خالد لوت بوزها : ليه الحين تلاقيها ترسم على واحد

من العيال بعد ما اتفركش الزواج

ناظرت ام خالد ريم بحده : بس حامض على بوزك اذا قربتي

من نواف وسامر تراني مو مثل ام سليمان اردح شوي

واسكت لا خليها بحلقه بإذنك اذا كنت مخططه

تحلمين تتزوجين واحد من عيال عمك

ام سليمان : اصلا ما حد رح يرضى فيها من العيال مطلقه

وحتى من برا العيله ما حد رح يخطبها بعد الكلام

للي طلع وفوق كل هذا مطلقه

هيفاء وهي تعلك : كان يتزوجها واحد مطلق وعنده

10 عيال ههههه او ختيار على حفة قبره

الجده بقهر : حسبي الله عليك اذا طلع الكلام صحيح

ودك تنزلين راسنا بالارض يا بنت ساره

مين رح يخطبك ؟؟ انا اقول لك على بلاطه ما حد من

العيال رح يوافق عليك

والدليل انه سليمان لما غصبه جدك على انه يتزوجك راح وزور النتايج

كان كلامهم مثل السكاكين يطعن بريم وللي زاد

انه توصل فيه يزور النتايج

بس مستحيل تضعف قدامهم

ناظرتهم ريم بغرور بعد ما قفلت الجوال

ناظر الجد الجوال بهدوء بعد ما انتهى التسجيل والكل ساكت

ريم بقهر : اذا انتم ترضون انطعن بس انا ما ارضى

اذا للي محسوبين اهلي يطعنون بي ما الوم الغريب

وقف الجد بعصبية : وقسم بالله ما يمر الموضوع بسلام

سليمان بنغزه : يمكن قبل ما تسجلين قلتي شي

وخلاهم يقولون كذا

ناظرته ريم بغرور واحتقار : عمي صقر لما دخلت عن الحريم اي ساعه ؟؟

صقر : كانت 5.13

ردت ريم بهدوء: جدي شوف وقت تسجيل المقطع

الجد وهو يصغر عيونه ويناظر : 5.14

صقر ويناظر سليمان بحده : يعني ما امداها تفتح ثمها

وبعدين الصوت الاول لهيفاء انا اعرفها شغل ترمي كلام

ابو سليمان : صقر احترم اختك الكبيره

صقر بنرفزه : ما سمعت وش تقول ؟؟!!

وقف الجد بحزم : عبود قول للشغاله تنادي

الحريم هنا بسرعة

الجد بعد ما طلع عبود : وليه اغراضك هنا ؟؟

ريم بحزم : خلاص ما لي قعده هنا بعد هذا الكلام

انا راجع

حست بصعوبة بنطقها

انا راجعه لبيت ابوي

ناظرها نايف : اصلا بدون ما تقولين بعد هذا الكلام مستحيل

اقبل تبقين لو دقيقة

الجد باعتراض : بس

سلطان : يبه البنت الافضل ترجع لابوها على الاقل تاخذ راحتها

يعني مو حياه اذا قررت تطلع من باب غرفتها تلبس عبايه ولباس كامل عند ابوها تاخذ راحتها

طالع الجد ريم

هزت ريم راسها بالموافقة

الجد باستسلام : على راحتك

دخلت الجده والحريم والبنات وجلسوا بهدوء بعد

رد السلام

الجد بحزم : وش هذا الكلام للي سمعته ؟؟

هيفاء : صدقتها يبه وبدون ما تسمع منا ؟؟!!

فيصل بحده : اصلا ما تكلمت ريم بشي بس الجوال

تكلم يعني فرضنا ريم كذابه والتسجيل للي على الجوال كذب

بلعت ريقها هيفاء بتوتر وسكتت

الجد بعصبية : انا ما ادري كأنكم ما تدرون

تراها من لحمكم ودمكم واي شي يمسها يمسكم

انتم ما رح يقولون بنت ساره

رح يقولون بصراخ بنت نايف

لكن وقسم بالله ما يمر الموضوع بالساهل حسابكم عندي

هيفاء : يبه

الجد بعصبية : لسانك ما يناطق لساني فاهمه

انا ما عندي بنت تتطعن ببناتنا

وانت يا ام خالد من متى تشورين وتمونين ؟؟

عفس ملامحه باشمئزاز لو ابغى الحين املك

لريم لواحد من عيالك ومو بكيفك لا انت ولا غيرك

بس انا رافض انهم يتزوجوها

وحالف يمين ما حد منهم يتزوجها

فيصل بتأكيد : بدر وعمر وسامر وس

سكت ما كمل الاسم اختصار للمشاكل

خطبوها وشهرين عمر وبدر ما

يكلمون بعض وهم يتناقرون مين يخطبها وهي

على ذمة زياد

وللحين اقولك البارحه واليوم خطبتها لواحد لسامر او نواف

بس ابوي رافض مو قابل نهائيا لا تفكرين انكم

يالحريم تشورون علينا

دام الولد موافق وابوي موافق والبنت موافقه

ما لكم كلمه عندنا

كانوا الحريم ساكتات وما يتكلمون

الجد بحزم : في نقطه مهمه رح اتفاهم عليها

بعدين معك يا سليمان يبغى لها جلسه

بلع سليمان ريقه وعرف انه الجد يقصد تزوير التحاليل

كان نفسه يقوم ويمسك ريم ويكسرها تكسير هالفتانه

الجده بتبرير : والله ما قصدنا شي

قاطعها الجد : ولا كلمه ولسانك ما ابغى يناطق لساني

بدل ما توقفين بوجه هاذي المسخره

وبتوعد

يصير خير

وقف نايف وناظر هيفاء بحده : للي يتكلم على

بنتي كأنه يتكلم علي وبعدين كل شي ولا العرض

ما اسمح لحد يطعن بنتي

المره هاذي ما رح ارد لكن وقسم بالله المره

الجايه ما رح اسكت وانت تعرفين زعلي ما ينحمد

وانت يا سليمان كان قلت لي بدون ما تغلب نفسك

وتزور النتايج كان كنسلته الموضوع بطريقتي

واعطاه نظره ناريه

وناظر ريم وام سيف : يالله نرجع على البيت

هزت ريم راسها وطلعت بعد ما اخذت الجوال من جدها

ونظرات عمتها عليها لو كانت تحرق لاحرقتها

حملت الحقيبه الصغيره وطلعت خلف نايف وساميا متجه لبيت ابوها

&&&&&&

&&&&&&&

&&&&&&&&

&&&&&&&&&

&&&&&&&&&&

بعد ما طلع نايف وريم

ناظر الجد سليمان بعصبية : عقاب لك تحلم يكون

الزواج بعد اسبوع واعتبره ملغي

واي اعتراض وقسم بالله لاخليك تطلق سديم غصب

عنك

وانتم اشر على روان وسديم عقابكم عندي

وطلع من المكان معصب

الجده بقهر : لا حول ولا قوة إلا بالله

كله بسببك يا هيفاء

هيفاء فتحت عيونها : الحين صار علي الحق ؟؟

وقفت بزعل وسحبت نفسها وطلعت من بيت ابوها

زعلانه

فيصل والشرار يطلع من عيونه : سديم وروان اطلعوا

فوق

واعطاهم نظره وعيد

وانتي يا ام خالد اطلعي فوق نتفاهم بعدين

وقفت ام خالد وبناته وطلعوا من المجلس بهدوء

طلع فيصل وراهم وهو مو ناوي على خير ولحقه

سامر يهدي الوضع

سليمان بقهر : كله منها هالفتانه

سلطان بعصبية : حط لسانك بحلقك ما اسمح لك تتكلم

عليها بحرف وتستاهل ما جاك لو انك رجال كان

وقفت بوجهم وقلت ما ابغى ريم مو تسلك طرق

ملتويه

وبحده : بدر وعبود وريان وسامي قدامي عالبيت

قام بدر وهو يتحلطم وده يبقى جالس ويشاهد

الحدث كامل بس ما يقدر يعارض ابوه

طلع سلطان مع اولاده

وقف سليمان بعصبية : عيشه تقصر العمر

ابو سليمان بقهر : روح عالبيت احسن لك ترى افعالك

ما تنطاق وتستاهل للي جاك

انقهر سليمان وطلع معصب

*******

&&&&&

********

&&&&&

********

&&&&&

*********

&&&&&&

دخلت ريم بيت ابوها وحاسه حالها غريبه

بالمكان صحيح عاشت فيه سنين بس

ما كانت تتصرف فيه براحتها

التفتت على نايف للي ناداها

نايف بهدوء : ريم الحقيني

هزت ريم راسها بهدوء وتبعته بهدوء

دخل نايف نفس الغرفه للي جلست فيها قبل اسابيع

وطلب منها تجلس فيها

دخلت خلفه وبعدها الشغاله حطت اغراضها وطلعت

زفر نايف بضيق وناظرها : اسمعيني زين

هاذي غرفتك يا ريم

بالنسبة لبيت جدك سليمان خلاص ما عاد تدخلينه

لا هو ولا بيت واحد من اعمامك

حتى بيت سلطان مو بعيده عنهم يطعنون فيك

مره ثانيه وخاصه انه بيت عمك سلطان كله عيال

وكله هذا بمصلحتك

الدراسه انا رح اتواصل مع المدرسه واشوف مواعيد

الامتحانات علشان تختبرين

مشاكل مع سلمى ولينا ما ابغى اسمع وانا اعرف

لينا وسلمى ما عندهم مشاكل مو مثلك

ناظرته ريم بقهر

كمل نايف بهدوء : لا تناظريني كذا اعرفك اكثر من

نفسي مشكلجيه ولسانك يحتاج قص

وحتى اذا افترضنا انهم غلطوا عليك انت الكبيره

ولازم تستحملينهم

الحديقة برا لا تطلعين الا مع اخواتك او ساميا او انا

لوحدك لا تطلعين اتفقنا

هزت ريم راسها بهدوء ما لها خلق تجادل

والحين اطرش لك الشغاله ترتب لك الاغراض

اقترب مني خطوه ورفع حاجب : لا تفكرين اني

ما اعرف انه انت نفسك للي كنت بالمستشفى

لما كان ابو سعد بالمستشفى

سبحان الله كشفتك البارحه وانت حاطه مكياج نفس

الشكل

بس مشيتها بمزاجي لك لكن لو انعادت وطلعتي

بهذاك المظهر مره ثانيه رح ادفنك مكانك

واذا سمعت انك متواصله مع اي واحد من طرف ابو

سعد لا تلومين الا نفسك فاهمه

هزت ريم راسها بتوتر لما تذكرت الموقف

بعدها طلع نايف

تنفست ريم براحه لما تذكرت ذاك الموقف

موقف كان رهيب بالنسبة لها

نفضت راسها وهي تتخيل لو وقتها عرفها نايف

اكيد ما رح يتركها الا جنازه

قاطعها دخول الشغاله توجهت ريم لها

وصارت ترتب معها الاغراض

»»»»»»»»»

««»»»»»»»

»»»»»»»»»

«««««««»»

»»»»»»»»»

«««««««««

»»»»»»»»»

«««««««««

نايف

جلست بالصاله وانا بعدني مقهور من هيفاء

كيف تقول هذا الكلام

حتى لو كانت ما تحبها بس لا يعني انها تطعن فيها

صحيح اني كل ما تذكر عماد يزيد حقدي على

عيله ابو سعد وريم معهم

مع انها ما لها دخل بس ما ادري احس انها يمكن تحمل

دمهم الخبيث علشان كذا مستحيل اثق بريم

بيوم من الايام

مع انها تصرفاتها نسخه عني بالعناد والمشاكل

ولسانها الطويل ونظراتها حتى الغماز للي بخدها من جهة اليسار نفس للي بخدي

بس لون عيونها اللوزي لاهل امها حتى بياضها

برضو لاهل امها

مسحت على وجهي وانا ندمان لازم لما سافرت اخذتها

معي وما تركتها

بس افضل حل اني جبتها اليوم عندي مع اني

مستغرب انها طلبت تعيش عندي وهي تكرهني

غريبه هاذي البنت بتفكيرها

قاطعتني ساميا بضجر: انا اناديك من ساعه وين سرحان ؟؟؟

ناظرتها باستغراب ما حسيت فيها هزيت كتفي بمعنى

ولا شي : وش كنت ودك مني ؟؟؟

ساميا رفعت حاجب : ولا شي بس الشاي برد

ناظرته كوب الشاي ما انتبهت عليها لما وضعته

ناظرتها وانا اغير الموضوع : وين لينا وسلمى ؟؟

ساميا بهدوء : فوق بغرفهم يذاكرون

ناظرتها : طرشي الشغاله تناديهم

هزت راسها ساميا وكأنها عارفه وش ابغى منهم

بعد دقايق نزلوا سلمى ولينا بعد ما سلموا

جلسوا بهدوء

ناظرتهم بحزم : اليوم ريم رجعت هنا تعيش

لينا لوت بوزها : ليه رجعت ؟؟

نايف بعصبية : وقسم بالله اذا سمعت كلامك هذا

يتكرر لا تلومين الا نفسك

كلام سديم ورغد ما ابغى اسمعه هنا

ريم الحين بغرفتها ويا ويلكم اذا سمعت كلمه من هنا او من هنا مفهوم

هزوا راسهم بهدوء

زفرت بضيق : خلاص تقدرون تطلعون على غرفكم

&&&&

&&&&

&&&&

&&&&

&&&&

&&&&

&&&&

&&&&

بالصاله الداخليه وقفت بضيق : اروح انام احسن لي تاخر الوقت

ام خالد : وفيصل ما رجع الظاهر بعده زعلان

الجده بقهر : حتى ابو سلمان ما يكلمني زعلان

تدرين احس زودناها بالحكي على ريم

وخاصه هيفاء كلامها ثقيل هي السبب رمت الوسواس بقلبي

ام خالد بتبرير : انا ما طعنت فيها بس انا خايفه

يدبسوها بواحد من عيالي وخاصه نواف خاطب

الجده باستبعاد : من هاذي الناحيه ارتاحي عمك حلف

يمين ما يزوج ريم لواحد منهم

ام خالد براحه : الله يريح قلبك اهم شي بنت ساره

ما ياخذها واحد من عيالي

ما نسيت كلامها الحربايه ساره قبل ما تطلع من هنا

قالت وهي تناظرني بحقد : اخذتها ريم الحين بس بكره رح ترجع لكم وغصب عنكم

وقتها رح ياخذها واحد من عيالك ويكونون احفادك

من نسلي

وضحكت بصوت عالي بعدها ضحكتها

ترن بإذني علشان كذا مستحيل اقبل انها تكون

ريم زوجه لواحد من عيالي

الجده : ان شاء الله ما تكون لواحد من عيالك

بس تدرين رح احاول اقنع عمك يرجعها تعيش هنا

يا ليت امها مو ساره

كل ما اتذكر اهل امها احقد عليهم كلهم

بسببهم راح ضناي

^^^^^^^^

^^^^^^^^

^^^^^^^^

^^^^^^^^

صحيت على دق الباب فتحت عيوني بشويش

وغمضتهم

زاد الطق على الباب

زفرت بضيق من الازعاج ناظرت المكان وبعدها

استوعبت

توجهت للباب وانا مغمضه عين ومفتحه عين

فتحت الباب وبدون نفس : نعم

الخدامه : بابا يقول انزل انت تحت غداء

فركت عيوني وانا اتثاوب : كم الساعه ؟؟؟

الخدامه : 2.30

شهقت مو مصدقه اني نمت كل هذا الوقت

توجهت للحمام وغسلت وجهي بيد وحده

ونشفته

طلعت وناظرت نفسي بالمرايه

شعري بعده ذيل حصان من لما سرحته لي ام بدر

تركته مثل ما هو

وتوجهت للكبت واخترت بلوزه مخططه ابيض واسود

شبه حفر وبنطلون اسود ضيق

وطلعت بهدوء

نزلت من الدرج وتوجهت لصاله الطعام وانا امشي

رجل لقدام ورجل للخلف

ناظرتهم والكل مجتمع على الطاوله

تقدمت بهدوء بعد ما رديت السلام بصوت منخفض

جلست جنب سلمى

ناظر نايف الجميع وبصوت مسموع : بسم الله

الله بارك لنا فيما رزقتنا وقنا عذاب النار

الكل رد مثله بصوت هامس

مسكت الملعقة وحركتها بصحن السلطه يمين يسار

وبعدها اكلت لقمه من السلطه كانوا براس الملعقه

قعدت امضغ فيها لدقايق وبالاخير يالله قدرت ابلعها

ما لي نفس بالاكل

ناظرت ساميا المشغوله

ساميا : سيف تبغى شوربه والا صلصله ؟؟؟

سيف : ابغى شوربه

نايف : لا حطي له من الاثنين

غرفت له بابتسامة

وبعدها حطت قدام لينا صحن فيه لحم

نايف باهتمام : حطي لها من المرقه

ساميا ناظرت سلمى : بعيد عنك الرز خذي هذا الصحن

اخذت سلمى الصحن

سيف : ماما اعطيني صحن السلطه

نزلت عيوني وانا احرك الملعقة بصحن السلطه

اغبطهم على جو الاسره الجميل للي يعيشونه

اتخيل لو امي مكان ساميا

وتبتسم لي وتسألني وش ابغى اكل وتقرب لي

صحن السلطه والرز واللحمه

وابوي يحلف يمين ما اقوم حتى اكمل صحني

ما اجمل الجو الاسري تحسي نفسك عايشه

مع ناس يحبونك ويخافون علي ويهتمون بي

لو كانت امي مكان ساميا كيف رح تكون حياتي

اكيد ما رح تكون مثل كذا

انا عايشه ببيت ابوي واحس نفسي غريبه

احس بالاختناق لما اشوف غيري يحصل على الدلال

والاهتمام

اتذكر اهتمام نايف بسلمى ولينا لما كانوا صغار

وللحين الاهتمام واضح مع انهم كبروا

بس احسه مهتم فيهن كثير وحتى ساميا

مو مثلي

قاطع افكاري هزت كتفي ناظرت كانت سلمى

ناظرتها اشرت لي على نايف

سألني بهدوء : وين سرحانه ؟؟

هزيت راسي بالنفي وانا ابلع غصتي

سألني : احط لك من المرق مع اللحمه

نزلت راسي : لا انا شبعت

وقفت وطلعت بسرعة من الصاله ورجعت على غرفتي

قفلت الباب وانا احس نفسي مخنوقة

طريقته معي وكأنه يؤدي واجب عليه مو مثل طريقته

مع اخواني

يمكن اكون انا حساسه زياده وهو طريقته عادي كانت

معي بس يمكن لاني اعرف انه يكرهني وما سألني

الا رد عتب

مو مثل اخواني للي الحب لهم يشع من عيونه

*****

*****

*****

*****

*****

*****

*****

*****

*****

استغربت من تصرفها بعد ما اعطت ساميا الرز

لسلمى سألتها اذا تبغى مرقه مع اللحمه

بس ما ردت علي

ناديتها اكثر من مره بس ما ردت الظاهر انها سرحانه

هزتها سلمى من كتفها

ناظرتنا باستغراب وكأنها كانت بعالم اخر

سألتها عن سرحانها بس ما ردت

كانت عيونها تلمع بالدموع

طنشت سؤالي حتى ما احرجها وسألتها اذا تبغى مرقه اللحم

نزلت راسها وقالت انها شبعت مع انها ما اكلت الا

براس الملعقة سلطه

وبعدها غادرت الصاله وهي شبه تركض

رجعت اكمل اكل وانا نفسي اعرف وش كانت تفكر

يمكن لما تشوفني تسد نفسها عن الاكل من

كثر ما تكرهني

علشان كذا ما اكلت

ناظرت ساميا : خلي لها صحن بالمطبخ يمكن تجوع

وترجع تاكل

هزت ساميا راسها بالموافقة

ورجعت تكمل اكل بهدوء

*****

*****

*****

*****

*****

*****

*****

مر الاسبوع صعب على الجده لانه الجد ما يكلمها

وبصعوبه حتى رضي وكلمها

وهيفاء بعدها ما رجعت على بيت اهلها

وام خالد وفيصل تصالحوا بعد جهد وجهيد

ام بدر زارت ريم في بيت ابوها خلال هذا الاسبوع مرتين وكانت مثل البلسم للي يداوي الجروح

اما سديم وروان للحين فيصل ما يكلمهم هو والجد

ونعوا عنهم النت واللاب والجوال نهائي

وممنوع يطلعون من البيت ولا البنات يزورونهم

اما سليمان امضى الاسبوع مخنوق ويتكلم من

رؤوس خشومه ونفسه يمسك ريم ويقص لسانها

صقر كان مبسوط خلال الاسبوع وزار ريم اكثر من مره

وارتاح لما شاف نفسيتها عادي وتحاول تتأقلم مع

اخوانها

بدر كلم ابوه يخطب له ريم بس الجد رفض

وعمر حاول يقنع جده بس رفض بشده

وبالاخير اعطاهم الجد كلمه اذا تخرجوا وتوظفوا وقتها يصير خير

اما سليمان عرسه تأجل لوقت غير معلوم

ساميا عادي ما اعترضت ابدا على وجود ريم بالعكس

بنظرها المفروض من زمان عايشه عندهم

اما لينا وسلمى علاقتهم سطحيه جدا مع ريم

بتأثير من رغد ومي والبنات

اما نايف عايش عادي ومرتاح نفسيا انه ريم عنده

ولنفس الوقت علاقته معاها سطحيه حتى ما يشوفها الا بوجبه الغداء

اما ريم ما تطلع من غرفتها كثير تختلط شوي مع

ساميا وتتكلم معها

وتجلس على النت والغريب انه نايف ما فصله

عنها ولا سحب منها الجوال

مجملا مرتاحه عندهم واحساس الغربه بدأ يخف

بعد ما جلست مع ام بدر واقنعتها انه هذا بيتها

ولها حق مثلها مثل سلمى ولينا وسيف ومحمد

ما يتفضلون عليها بشي

مثل ما هو بيت ابوهم هي كمان بيت ابوها

بعد ما مر اسبوع من الاحداث الماضيه

اليوم الجمعه والعايله كالعاده مجتمعه

بس نايف منع ريم تروح وحتى سلمى ولينا

منعهم يروحون حتى ما تبقى ريم لوحدها بالبيت

وطبعا زعلوا لينا وسلمى

بس نايف طنش زعلهم وراح على بيت ابوه هو وساميا وسيف

&&&

&&&

&&&

&&&

&&&

&&&

&&&

بعد ما جلس الجميع بالمجلس

حتى هيفاء حضرت الجمعه مع بناتها

الجده باستفسار : وين البنات يا نايف ؟؟

نايف ببرود : بالبيت

الجده باعتراض : ليه ما جبتهم

قاطعها نايف حتى ينهي الموضوع : ما له داعي

الجد : ليه ما جبت ريم معك والا ودك تمنعها تدخل

بيتي ؟؟؟

نايف بهدوء : للي وده يشوفها بيتي مفتوح

سكت الجد لما شاف رد نايف يعني علنا ما وده

يجيبها

هيفاء : متى حددتم عرس سليمان ؟؟؟

سليمان ناظر جده ووده ينقهر من هذا التحكم

الجد بلامبالاه : بعدنا ما فكرنا بالموضوع مطول

شد سليمان على قبضه يده بقهر

هيفاء رمت القنبله بقصد : صحيح في وحده جاره

لنا اخوها عمره 35 سنه مطلق وعنده 3 اولاد

وخبرتني اسألكم علشان يخطبون ريم

فيصل بعصبية : انتي ما تجوزين عن طبعك ؟؟!!

زوجيه لبناتك

ويا ويلك اذا فتحتي حلقك بهذا الموضوع مره ثانيه

وريم ما رح تطلع غريبه اولاد عمها اولى فيها

ولا تخليني احطك براسي وانتي فاهمه قصدي

بلعت هيفاء ريقها وسكتت

الجد طنش كلامها لانه ما يستحق ينزل مستواه

وفي موضوع اهم شاغل تفكيره مع ابو زياد

طول القعده الحريم يحشون

وكانت هيفاء تحاول تخلي امها تكره ريم اكثر

وتذكرهم بالماضي

ام بدر تضايقت من هيفاء بس اختصار للمشاكل اخذت بناتها ورجعت عالبيت

اما الشباب

كانوا يتكلمون ومبسوطين عدا سليمان

****

****

****

****

****

****

بعد ما طلع نايف وساميا لبيت جدها

فتحت حقيبه المدرسه بيد وحده

تسلي نفسها وتذاكر شوي لانها معطله عن المدرسه

وما تحضر الحصص فحبت تدرس علشان وقت الامتحانات

ما تنضغط بالدراسه

بعد مرور ساعه ونص ملت من الدراسه

قررت تحط راسها وتنام احسن لها

تركت الكتب مبعثره على الارض

وملابسها ملقاه على الارض بإهمال

كانت غرفتها كالعاده تعج بالفوضى

رمت نفسها على السرير بإهمال ودخلت عالم الاحلام نفسيتها صارت افضل بكثير

بعيده عن الحريم ما عادت تسمع نغزاتهم

مرتاحة من ناحيه اللباس مو مضطره تلبس عبايه

وكمان مرتاحه من بنات عمها

صحيح من اول ما دخلت بيت نايف ما طلعت من باب البيت

بس هذا الشي مريحها بعدها عن الناس اريح من مخالطتهم

ما تنسى كل يوم البزران يزوروها واحمد يبكي

علشان ترجع

تنبسط لما تجلس معهم وتلعب لانها معهم تنسى كل

شي تفضل تقضي وقتها مع البزران وتفكيرها

ما يتعدى التفكير الطفولي

ما ودها تكبر وتفهم الدنيا اكثر او تخاف تنتبه لاشياء

ما كانت منتبه لها تجرحها بزياده

اما كذا تحس حياتها اجمل تضحك وتلعب مع البزران

وحاسه بالندم والتسرع انها وافقت على الزواج

من زياد

كانت ودها تتزوج علشان تلبس الفستان وتستقل بحياتها

وخلاص الحين لبست الفستان

ما عاد يهمها هذا الموضوع < تفكير طفولي

وحمدت ربها انه ترفكش الموضوع

خلاص ما ودها تطلع من هذا البيت مبسوطه فيه ما حد يقول لها شي ولا يتدخل بأمورها

حتى ساميا مع انها زوجه اب بس ما تتدخل بشي

بحياتها ولا تمنعها من شي وجودها كعدمه

الا انها احيانا تجلس تتكلم معها بمواضيع عامه

حتى نايف ما يسألها عن شي ولا يتكلم معها

اصلا ما تشوفه الا وقت الغداء

وهذا مريحها كثير

نرجع للاحداث ^_^

&&

&&

&&

&&

&&

&&

&&

نزلت عن الدرج بهدوء وانا لابسه فستان فوشي

لنصف الساق

ضيق من عند الصدر وبعدها يوسع شيلاته عريضه

مع صندل عالي نفس اللون

وشعري ما ربطته حطيت له طوق فوشي

كنت اشوف علامات الاعجاب بعيون ساميا

سلمت وجلست مقابل لها

ساميا بهدوء : اليوم طالعين على المول جهزي نفسك بعد العشاء

ناظرتها لثواني وبعدها ناظرت الخاتم للي بيدي وصرت العب فيه : ما ابغى اطلع

ناظرتني باستغراب : ليه ؟؟ رح تغيرين جو بعدين

كل اعمامك طالعين

ناظرتها : انا كذا مرتاحه ما ودي اطلع من باب البيت

مليت من القال والقيل

والنغزات ونظرات الكره والاحتقار خلاص قرفت

كذا مرتاحه

ردت بهدوء تغير الموضوع : كيف الدراسه بالبيت ؟؟ ناظرتها وابتسمت بهدوء : عادي

وقفت وتوجهت للمطبخ اشرب مويه

بعد ما شربت طلعت من المطبخ وتفاجئت بوجود

ابوي

جلست بمكاني بهدوء وما تكلمت

نايف وهو يناظر ساميا : اليوم اخوك محمد راجع

بالمستشفى

ساميا : ليه فيه شي ؟؟؟

نايف بهدوء : لا يقول واقع عن الدرج والظاهر انه

رجله فيها تمزق

ساميا : محمد هذا مطيور ما يلتفت قدامه

كم مره امي تقول له انتبه بس ما في فايده

وقفت ساميا : خليني اروح اتصل اشوف وش صار عليه

هز نايف راسه وبعدها طلعت ساميا لغرفتها

نزلت نظري للارض

ما ودي اناظر ابوي ما ادري وش السبب

كنت احس بنظراته علي

جلست اناظر الارض لعده دقايق بعدها رفعت

نظري وكما توقعت كان يناظرني

لما ناظرته كانت عيونه مدمعه

وبسرعه شال نظره عني وطلع الجوال وصار يقلب

فيه

استغربت موقفه بس طنشت

عم الصمت المكان لربع ساعه بعدها

دخل سيف وهو يتحلطم من المدرسه

بس شافني صرخ : بابا شوفها ما احلاها مثل البزران

الصغار الحلوين

احرجني بكلامه

ناظرت نايف للي ناظرني بتمعن وحزن وبعدها

طلع لغرفته

سيف يسألني : بابا زعلان ؟؟

هزيت كتفي بمعنى ما ادري

:::::::::::

:::::::::::

:::::::::::

:::::::::::

:::::::::::

:::::::::::

:::::::::::

:::::::::::

جلست بجناحي وانا امسح دمعتي

لما ناظرتها وهي تناظر الارض كانت نسخه

عن عماد تشبه عماد اخوي وهي مغمضة عيونها

ما ادري اليوم وهي بهذا الفستان

كأني اناظر عماد

قلبي مو قادر يتحمل فرقاه كان نصفي الثاني

عشت طفولتي ومراهقتي معاه

ما افترقنا دايما مع بعض اسرارنا مع بعض

فقدته بيوم وليله

كيف انساه وهو

شاركني بافراحي واحزاني

قاسمني نفس الغرفه

مو قادر استوعب انه خلاص

يا رب ارحم فؤادي ما اقدر اتحمل اكثر

الشبه اليوم بينهم كبير

اول مره انتبه لهذا الشبه

ما قدرت اناظرها وانا اشوف فيها عماد

مسحت على وجهي بحزن

يا رب اغفر له وارحمه

«»«»«»«»

«»«»«»«»

«»«»«»«»

«»«»«»«»

«»«»«»«»

«»«»«»«»

«»«»«»«»

رفض نايف ينزل للغداء تحت استغراب الجميع

كملت ريم غداها وطلعت لغرفتها

وهي منحرجه من سيف طول الوقت

يمدح جمالها ويقول لسلمى ولينا ريم احلى منكم

ماما شوفي ما احلاها

سلمى ريم ابيض منك بكثير

لينا شوفي شعر ريم طويل ويجنن

ماما شوفي فستان ريم حلو

اخر شي صرخت عليه ساميا يسكت

سيف : اخر اشي شوفي ماما عيونها ما احلاهم

بس كانت اشكال البنات تحفة وهم يتوعدون بسيف

لانه مدحني

بس طول الوقت وهي تردد ما شاء الله خافت

يصيبها سيف بالعين

دخلت غرفتها وجلست على النت ......

&&

&&

&&

&&

&&

قبل العشاء دخل نايف غرفتها بعد ما طرق الباب

ناظر غرفتها بقرف : ريم ليه غرفتك كذا ؟؟

انتي مو صغيره كأنك جالسه على مزبله !!

ناظرته ريم باحراج : علشان يدي ما اقدر انظفها

ناظرني وهو يصغر عيونه : صدقتك عموما رح اطرش لك الشغاله تنظفها

بس لما تفكين الجبيره يا ويلك اذا شفت غرفتك كذا

المهم الحين طالع لصلاه العشاء

ودي ارجع الاقيك جاهزه

ردت ريم باعتراض : بس ما ابغى اروح

ناظرها بكشره : انا اصلا ما ابغى تروحين بس ابوي حلف يمين اجيبك معي

والا كنت مخطط انت وسلمى ولينا ما تطلعون

هزيت راسي باستسلام

بعدها طلع ......

بعد ما جهزت نفسي جلست اتابع صاحب

الظل الطويل

احب شخصية جودي وانا احضر بالحلقه زاد

اصراري اني اطنش واعيش حياتي وانبسط

واقول للحزن وداعا

مثل جودي

لازم اوسع صدري وما اتحسس من اي كلمه

واعيش الحياه للي ابغاها

ليه اضيق صدري وانكد على نفسي واحرمها

من الاستمتاع بالحياه علشان ناس مو سائله

عني ولا يهمها امري

اغلقت التي في بعد ما سمعت الشغاله تناديني

قبل ما اطلع ناظرت نفسي بالمرايه

كنظره اخيره وطلعت وانا مبتسمه

خلاص مسحت من قاموس حياتي

حزن / دموع /نكد

وقفت عند ساميا بالصاله وانا ابتسم بفرح

نزل ابوي من جناحه ووقف عندنا وبهدوء : وين الباقي ؟؟؟

ساميا بهدوء : سيف ينتظر برا وسلمى..سكتت

واشرت ساميا على لينا وسلمى للي كانوا على الدرج

ناظرتهم وهم ينزلون عن الدرج

بس حسيت حد يطالعني

التفتت كان نايف يناظرني بتأمل

استغربت اليوم وش فيه يطالعني كذا

صرفت نظري عنه وناظرت اخواتي للي وقفوا عندنا

ناظر نايف لباسهم بتدقيق : سلمى وين القفازات ؟؟؟

سلمى طلعتهم من حقيبتها : بالسياره البسهم

هز راسه وبعدها طالعني كان وده يعترض او

يقول شي بس سكت وبأمر : يالله شرفوا

تنفست براحه الحمد لله انه هون وما قال لي شي

ركبنا السياره وبعدها حرك بهدوء

كنت اناظر من الشباك وسلمى ولينا يتهامسون

ما اتوقع بيوم تكون علاقتنا زينه مع بعض

طول ما الحربايه سديم وشلتها يجلسن مع اخواتي

نفضت راسي ما ابغى شي يعكر مزاجي

اصلا ما يهموني عشت 14 سنه بدونهم

اقدر اكمل باقي حياتي بدون اخوه

رح اتخيل نفسي وحيده امي وابوي وما انجبوا غيري

وبعدها ماتوا

ناظرت للامام كان سيف يكلم ابوي وساميا

ومبسوطين عليه وعلى حماسه للطلعه

ابتسمت بألم وبعدها رجعت اناظر من الشباك

وارسم حياه سعيده لمستقبلي

**

***

****

*****

******

*******

نايف

رجعت من صلاه العشاء طلعت لجناحي

وبعدها بدقايق نزلت

كانت واقفه مع ساميا ومبتسمه والفرح واضح على معالمها

وقفت عندهم وسألت عن العيال

وبعدها نزلت سلمى ولينا عن الدرج

شفتها تناظرهم جلست اتأمل فيها

ما تشبه عماد ما ادري كيف الظهر شفتها

تشبه عماد

يمكن من شوقي ولهفتي له صرت اتخيل

بس لا يمكن لما تغمض عيونها تشبه عماد

اما لما تفتحهم ابدا ما تشبه الغالي

ناظرتني وهي مستغربه من نظراتي

وبعدها صدت بنظرها تناظر اخواتها

ناظرت سلمى ولينا اتأكد من لباسهم كان كل شي

تمام سألت سلمى عن القفازات مع اني اعرف انها

تلبسهم دايما بالسياره

بس سألت متعمد كتمهيد لريم

ناظرت ريم وكنت رح اسألها وين النقاب بس

سكتت لما تذكرت وضعها

حتى ابوي رح يعترض وما استبعد عنه يسحبها

عنده لذلك سكتت

وخاصة انه للي يشوفها يظنها صغيره مو باين

عليها انها كبيره

مع انها اكبر من سلمى بس سلمى تبان اكبر منها

حجما وحتى من ناحيه الملامح

دخلنا السياره وكانت تناظر من الشباك ومبتسمه

ولينا وسلمى يتهامسون مع بعض

مر اسبوع على تواجدها ومع ذلك ما في اندماج

مع اخواتها

ساميا تقول انها تندمج مع سيف وعلاقتها حلوه

معه

اما مع اخواتها ابدا ما تختلط

شفتها من المرايه كانت تناظرنا وسيف يكلمنا عن الطلعه والحماس

بس الظاهر انها تفكر

لانها بعدها ابتسمت بحزن ولفت وجهها

للشباك

****

****

****

****

****

****

****

وصلوا المكان المحدد ونزل الجميع من السيارات

وقسموا انفسهم واتفقوا الجد وابو سليمان وفيصل ونايف وشلطان والجده يجلسون بالمطعم

اما الحريم يروحون الشباب معهم

كانت ريم واقفه مع البزران وتتكلم معهم وتبتسم

اشر لها نايف تيجي لعنده

تقدمت ريم بهدوء : نعم

نايف بهدوء : ودك تشترين شي من السوق ؟؟؟

هزت ريم راسها بالرفض

نايف بارتياح : تعالي اجلسي معنا ما له داعي تروحين معهم

اقترب الجد منهم وبابتسامه،: اشوف ريم هنا

اخبارك يا حلوه ؟؟؟ ولا تقولين ازور هالشايب

ابتسمت ريم وتقدمت وسلمت عليه

الجد : يالله روحي معهم واشتري للي ودك اياه

نايف باعتراض : لا يبه ريم ما ودها تروح صح ؟؟ وناظر ريم

ناظرت ريم الموجودين وبنفسها لو كانت امها

موجودة كان راحت اما الحين تحس نفسها

حمل ثقيل عليهم

التفتت لجدها : ما ابغى اروح معهم

ارتاح نايف من جوابها وبنفس الوقت مستغرب

كيف ما عاندت

الجد بحزم : انا اقول روحي معهم يالله بلا كلام فارغ

وصار يقلدها : ما ابغى اروح معهم

نايف تضايق : يبه خلها على راحتها

قاطعه الجد : انت اسكت والتفت على ام بدر

وبحزم : ام بدر

اقتربت ام بدر بهدوء،: نعم عمي

الجد : خلي ريم معك واذا بغت شي اشتري لها

وانا ادفع لك

ام بدر بزعل : عمي وش هالكلام ريم مثل بنتي

واشرت بيدها يالله يا ريم

ناظرت ريم نايف وكان متضايق بس طنشت

وتوجهت مع ام بدر وهي تبتسم وتمسك يدها

وجنى تصرخ وتبعد يد ريم عن امها

وريم تضحك ولعانه بجنى تتمسك بام بدر

دخلوا قسم الاطفال

مسك احمد ريم من يدها تعالي معنا

تركت يد ام بدر وابتسمت لاحمد

وصارت تتجول المحل مع البزران

وينبشون الاغراض ويضحكون

وبعدها صاروا يركضون وريم تركض معهم

ضربت ريم احمد على راسه وصار يلحقها

وهي تركض بالمحل

والناس تطالعهم وهي ابدا مو واعيه على تصرفها

ركضت باتجاه ام بدر للي كانت تختار احد الفساتين

لجنى

تخبت ريم خلفها ووجها احمر وهي تضحك : خخ خالتي شوفي احمد وده يضربني

وقف احمد وحاول يضربها وهي متخبيه ورى ام بدر

وتروح يمين ويسار

وصوت ضحكها طالع

ام بدر بحزم : ريم ولا صوت

وانت يا احمد ابعد

عنها عيب حنا بالسوق مو بالبيت علشان تلحقها كذا

يالله روح

احمد بعناد : لا والله الا اضربها

وناظر ريم بحزم: تعالي هنا

ريم وهي تضحك ومتخبيه خلف ام بدر وتطلع

راسها وتحرك حواجبها وتمد لسانها لاحمد

ام بدر تنرفزت : وبعدين معكم احمد اقول لك عيب

مصعب : خلاث ريم تعالي رح نعيد اللعبه من جديد

ريم ترفع حواجبها بالرفض : كذاب علشان تضربوني

اقترب احمد من جديد وحاول يمسك فيها وهي متخبيه خلف ام بدر

وام بدر ارتفع ضغطها منهم صارت تلتفت حولها وتدور الشباب واخيرا وقعت عينها عليهم وهم قربين من المحل داخلين

اشرت بيدها لهم حتى يشوفون حل لهم

ريم كل ما حاول احمد يمسكها تزاعق : لا لا اه ههههههه احمد. خلااااااااص توبه هههههه لا

مسكها من كتفها صقر واعطاها نظره ناريه : ريم

وش هاذي الحركات ؟؟؟

ريم وهي تحتمي فيه : شوف احمد ومصعب

ودهم يضربوني

لف احمد من خلف صقر علشان يضربها

زعقت ريم صوت عالي

وصارت تركض بالمحل وخلفها احمد

يتوعد فيها

اما صقر والشباب تفشلوا من الموقف

سليمان بسرعة ركض خلف احمد ومسكه من اذنه :

يا قليل الحيا احنا بالسوق امشي قدامي

احمد متعود عالدلال وما حد يصرخ عليه : اتركني والله لاقول لبابا علشان يطقك

ابعد سامر سليمان عن احمد : دخيلك لا تفضحنا

مع ابوي ان عرف انك ضربته

سليمان بعصبية : عاجبك هاذي المصاخه كل الناس

تطالعنا

رجع سليمان وسامر ومعهم احمد للي يتوعد فيهم

وقفوا عند ام بدر

وخلفهم صقر ماسك يد ريم ويزف فيها

وقف صقر عندهم وناظرهم بوعيد

احمد فلت من سامر وهجم على ريم

ريم زعقت صوت واحتمت بصقر

صقر وصلت معاه حده بعد ما شاف الناس تناظر فيهم

عصب عالاخير ومسك احمد واعطاه كف على وجه

الكل ناظر باستغراب اول مره صقر يضرب طفل

احمد وبدت صفارات الانذار عنده تشتغل

وصار يمسح دموعه وهجم على صقر وهو يحاول

يوصل لريم : والله لاضربها والله لاقول لبابا عنكم

وريم تناظره من خلف صقر وتمد لسانها بطفوله

سليمان بعصبية : ريم حطي لسانك بحلقك

احسن ما اقصه لك

ناظرته ريم ومدت لسانها اقصى ما عندها وصارت تلعب بحواجبها

صقر مسك احمد من كتوفه : انا اسف ما كان قصدي

وهاذي اشر على ريم حسابها بالبيت رح امسكها

لك واخليك تضربها اما هنا عيب

شوف الناس قاعده تطالعنا

ناظر احمد الناس ومسح دموعه

وبعدها ناظر ريم بوعيد : حسابك بالبيت

صقر بابتسامة : لا تجيب سيره لابوك اني ضربتك

والحين اشتري لك مثلجات رضاوه اوكي

هز احمد راسه بابتسامة : ما رح اقول

وناظر ريم بابتسامة : تعالي معنا عمي وده يشتري لنا مثلجات

وبالبيت رح اضربك بس الحين سامحتك

صقر بابتسامة : لا ما ودنا تيجي معنا لانها ضربتك

احمد مسك يد ريم : لا حرام ما عندها ام ولا ابو

خليها تيجي معنا

ناظرته ريم وكأنه ضربها على الوتر الحساس

مع انه طفل وما قصد كلامه

لكنه كلامه جرحها جرح عميق

حست بمعنى اليتم ليه كل ما تقرر تنسى

لازم ييجي شي ويذكرها بواقعها !!!

حتى البزران يناظرونها بشفقه !!

تكره هاذي النظره ما تحب حد يناظرها بشفقه

ويحسسها انها مو مثل الناس

ما تبغى من احد شفقه ما تبغى من احد شفقه

ابعدت يد احمد الصغيره بعنف

وناظرته بحقد وطلعت خارج المحل

وقفت عند زاويه بعيده عن الناس وصارت تمسح

دموعها للي رافضه توقف

آيآ دموعـي ترى كآفي تعبت أعآني الهجرآن ..

تعبت أمثل الضحكه وأعيش الوقت بِ النسيآن ..

دخيلك مآ أبي غـيرك على فرقآك أنآ ندمـآن ..

ترآك أدرى بمعآنآتي من الفرقى من الأحزآن ..

دخيلك لاتخليني أعآني قسوة الهجرآن ..

هز كتفها عالخفيف ولفها لجهته بهدوء

ورفع راسها بهدوء وانصعق من الدموع

حس بنغزه بصدره لما شاف دموعها

ما صار شي يخليها تبكي بهاذي الطريقه

مسح دموعها وبحنان : ليه كل هاذي الدموع ؟؟؟

لفت ريم عنه واعطته ظهرها وهي تمسح دموعها

شتمت نفسها الف مره لانها بكت

خلاص ما رح تبكي وما رح تتحسس من اي كلمه

اخذت نفس ولفت على صقر بزعل : انت لا تكلمني

وتركته ورجعت عند ام بدر ومسكت بيدها وناظرتها

بابتسامة

ناظرتها ام بدر وبانت ابتسامتها من عيونها

كان يناظرها ومستغرب من تقلب حالها

تقرب منها وسحبها من يدها اضطرت تفلت يدها من ام بدر

نزل نفسه على مستواها وقرص خدها : ليه زعلانه

مني ؟؟؟

ريم بدون نفس : لانك ما ودك تاخذني معك وتشتري لي مثلجات

صقر بابتسامة : كل المحلات على حسابك

اهم شي ما تزعلين

وقف جنبها احمد وهو يمسك بعبايتها : زعلانه مني ؟؟

دفته ريم عنها بزعل : انقلع لا تكلمني

احمد وهو وشوي يبكي : اسف والله ما كان قصدي

على حالهم هذا كانت اعين تراقبهم

سليمان بقهر : تدلع مو لايق عليها نفسي اعطيها

كم طراق على وجهها اعدله لها

بدر : حرام عليك كل هاذي البراءه وتضربها

ناظره سليمان بقرف : خلك مع امك انت وعمر وانا وسامر رح نروح نشوف الحريم والبنات اذا كملوا بالطابق الثاني

وبعدها سحب نفسه وطلع مقهور

صقر اشر لبدر وعمر انه طالع ومعه ريم واحمد ومصعب

هز راسه بدر بهدوء واضطر يلحق امه ومعاه عمر

صقر طلع مع البزران يشتري لهم مثلجات

وكانوا مبسوطين ويضحكون

***

***

***

***

***

***

***

***

***

توجه صقر بهم لقسم الالعاب مع انه متردد

شوي لانه ريم معه

لعب احمد ومصعب وريم تشجعهم لانه رفض

صقر انها تلعب

كان صقر ماسك يدها بقوه خايف عليها

ارتاح لما كملوا لعب اشترى لهم مثلجات

مصعب : ريم اعطيني العلبه للي معك اخذي هاذي

ريم رفعت حاجب : طير وقعدت تلحس بالمثلجات

مصعب عصب : اعطيني انا ابغى فلوله

ريم وهي تاكل : اول انطقها صح بعدين افكر اعطيك

وبعدين روح اشتري بطعم الفراوله من المحل هاذي لي

صقر توهق فيهم : خلاص الحين اشتري لك بفراوله

مصعب بعناد : لا ابغى علبه ريم

صقر بنرفزه منهم : ريم اعطيه علبتك والحين اشتري

لك وحده ثانيه

ريم بعناد : لا لا هاذي حقتي لو يموت ما يشوفها

مصعب بتهديد : اقول لك اعطيني والا اقول لبابا

فيصل عنك

ريم لوت بوزها : يا غبي فيصل جدك مو ابوك

وكشت عليه مالت

مصعب : لا تتدخلين بابا بابا ومد لسانه لها

صقر بهدوء يحاول يكتم غيضه : ريم انت اكبر منه

خلاص اعطيه والحين اشتري لك وحده

ريم باعتراض : لا

صقر بحزم : ريم

ناظرت مصعب للي يبتسم بانتصار

انقهرت وابتسمت بخبث : خذ يا مصعب

واقتربت منه وبسرعة مسكت العلبه وكبتها على ملابسه

ناظر مصعب ملابسه وهو منصعق وبعدها

رفع راسه بشويش وبدت صفارات الانذار

صقر زفر بضيق : ريم وش هالتصرف

امشوا قدامي تحلمون اشتري لكم شي

احمد : انا مؤدب

مصعب فاتح فمه على الاخير وكانها مغاره

ودموعه نازله

توهق فيهم صقر بالصدفه مر من جنبهم شاب

وبسرعة طلع الجوال وصور مصعب بدون ما يدري

صقر

بعدها اقترب من صقر : هههههه اما شكلك تحفه وانت مع البزران

صقر تنهد بقهر : بالله هذا وش يسكته

راكان بابتسامة مكر : لو يشوفك خالد عامل بابنه كذا صقر بدون مبالاه : بقلعته اصلا وش يعرفه

واقترب من مصعب : خلاص يالله نرجع عالبيت وريم حسابها بالبيت رح اخليك تكب عليها دلو مويه

مصعب اغلق المغاره وهجم على ريم وعضها بيدها صارت ريم تزاعق وتحاول تبعده عنها

ابعده صقر عنها وناظر ريم : اعوذ بالله من صوتك

تزاعقين ريم خلاص اسكتي

ريم وهي تمسح مكان العضه هجمت على مصعب

ومن شعره وصارت تشد

ومصعب يبكي بصوت عالي

صقر بعصبيه : خلاص ومسك ريم وابعدها عنهم

وبحده

ريم انت كبيره مو صغيره تحطين عقلك بعقل بزران

لكن حسابكم بالبيت واعطاهم نظره وعيد

قاطعه رنين الجوال

عقد حواجبه باستغراب وبعدها رد بدون نفس

الو

خالد بعصبية : وقسم بالله لو انك تحت يدي كان كسرتك تكسير وش عامل بمصعب وليه حالته كذا

صقر ببرود : خساره انك بعيد هههههههه رح انتقم منك

بولدك الدلوع تراه يلوع الكبد من دلعه الماصخ

خالد بصراخ : صقر وقسم بالله لا تخليني الحين احجز وارجع

صقر باستفزاز : ارجع مين ماسكك

خالد بصراخ : صقر

صقر بضحكه : هههههه اعصابك تراه ابنك دلوع

زياده

الحق علي اشتريت له مثلجات

وتعرفه مشفوح مثلك كب العلبه على نفسه

وصار يبكي وده العلبه نفسها

خالد بهدوء : بس كذا ؟!

صقر بابتسامة : ايه بس كذا

خالد بارتياح : طيب اشتري بدل العلبه كرتونه اهم شي ما يبكي

صقر بقرف : تراك تخرب الولد بتربيتك الماصخه هاذي

خالد : اول لا يكثر واشتري له كل شي بنفسه

صقر : لحظه لحظه انت وش عرفك عن الجيكر ابنك ؟؟

رفع نظره صقر وشاف راكان ينسحب بهدوء

ويبتسم بتورط وبعدها ركض بسرعه

صقر بصوت عالي : دواك عندي يا راكانووووووو

وانت قفل احسن ما اقفل بوجهك

خالد : هههههه تعرف راكان صديق طفولتي وما يخبي عني

شي هههههه ارسل لي صورته

صقر بنرفزه : خلاص مو طايق اسمع صوتك وهذا ابنك

قسم بالله اذا ما سكت رح اعطيه طراق محترم

يسنعه

خالد : ههههه اعطيني اياه انا اخليه يسكت

صقر بحده ناظر مصعب،: تكلم مع ابوك

وبعد دقايق قفل الخط ومصعب يضحك

صقر وهو يدق على صدره : صدق احفاد مخبولين

يبكون وخلال ثواني كل الدموع تختفي

اقول امشوا قدامي تراها سكرت معي

مسك بيد ريم وهي تضحك وتتكلم مع مصعب

واحمد وللي يشوفهم ما يقول قبل دقايق

كانوا بحلبه مصارعه زفر بضيق منهم

****

****

****

****

****

****

****

****

الكل كمل شراء وتجمعوا بالمطعم ومقسمين

نفسهم على الطاولات

عدا صقر وريم ومصعب واحمد تأخروا عنهم

بعد دقايق دخلوا المطعم وريم تبتسم والفرح

باين من عيونها وتكلم صقر وتمد لسانها لاحمد ومصعب

توجهوا لطاوله الجد والجده

الجد بهدوء : وينكم تأخرتم ؟؟

صقر سحب كرسي وبتعب : توبه ارافق ذول الثلاثه

بهدلوني

الجده رفعت حاجب: مصعب ليه ملابسك كذا ؟؟؟

احمد ضحك : هههه كبته

اعطاه صقر نظره بلع ريقه : اشتريت لهم مثلجات

ووسخ نفسه

طلبتم عشاء ؟؟

نايف وهو يوقف : الحين يوصل واشر لريم تلحقه

على طاوله مغلقه عند ساميا والبنات

بعد ما راحوا

الجده بقهر : شفت قلت لك ريم مقاطعيتني حتى

ما سلمت علي ولا على وحده من حريم اعمامها

صادقه لما قالت هيفاء انها حقوده مثل اهل امها

الجد : غلطتوا عليها بكلام ثقيل ودك اياها

ترضى بسرعة

وهيفاء والله لو جينا للحقد ما في احقد منها

تنطم وتسكت

صقر يغير الموضوع : شفت راكان ابن الجيران

وصور مصعب وهو يبكي بدون ما ادري ومرسلها

لخالد

الجد بابتسامة : وش خلصك من خالد ؟؟

صقر : اقرفني لو سمعته كيف يصرخ ليه ابنه يبكي

الجده بابتسامة : بكره تزوج يا صقر وتصير مثله

ما تطيق حد يلمس اولادك

صقر لوى بوزه : بعد مرافقة هالبزران مستحيل اتزوج

عفت الزواج والعيال

الجد بابتسامة : كلام بكره بنفسه ييجي ويقول لك اخطبي لي

الجده بحالميه : متى ييجي اليوم للي اشوف

فيه عيالك

&&&

&&&&

&&&&&

&&&&&&

&&&&&&&

&&&&&&&

&&&&&&

&&&&&

&&&&

&&&

وصل العشاء وكالعاده اكل ريم مثل الصوص

على الرغم من ذلك ولا مره نايف

طلب منها تكمل صحنها مثل ما يقول لعياله

مع انهم يكملون صحنهم وزياده

بس مع ذلك كانت تطنش ريم

وتحاول ما تتحسس من ابسط الامور

اكلت ريم كم لقمه صغيره واكتفت

تكتفت وصارت تناظرهم وهم ياكلون

وشعرت بالملل شعور مزعج تجلس تناظر شخص

يتناول الطعام

سلمى بنعومه : الحمد لله

نايف رفع حاجب : كملي اكلك

سلمى وهي تمسح فمها بمنديل : خلاص احس

ودي انفجر من كثر الاكل

ساميا بابتسامة : بس كلي هاذي اخر لقمه

ابتسمت سلمى بنعومه واكلتها

ناظرتهم ريم وهي تفكر معقول حركاتهم مقصوده

علشان يقهروني

اهتمامهم الزايد ببعض معقول مقصود ؟؟!!

يعني خايفين على سلمى تجوع وهي ماكله الصحن

وملحسيته اصلا ما في داعي يغسلونه

مغسول جاهز

وصارت تقلد بنفسها : بس كلي هاذي اخر لقمه

يا شيخه طيري انت وبنتك ماكلين المطعم

وعاملات حالهم برستيج

ناظرت نايف وهو يحط بصحن سيف ويبتسم معه

ويشجعه يوكل : يالله يا بطل اذا انك بطل تقدر

تاكل الصحن كله

سيف بحماس : انا بطل رح اكله كله

ناظرته ريم باشمئزاز وبنفسها : انت بصل ومو اي بصل

بصل معفن

اكرهم كلهم يتعاملون معي وكأني كرسي

اغلب للي حولي يناظروني كأني لا شي

مو شايفيني بعينهم

يضحكوا ويتكلمون وانا وجودي وعدمه واحد

لهاذي الدرجه الحقد يخليهم يهمشوا وجودي

قسم بالله المتسول اذا اعطيته طعام

تقول له كمل اكلك

وانا طيب ليه ما يهتم بي ولا يسأل عني

ناظرتهم بحقد وكره

قاطع نظراتي نايف : وين وصلتي بأفكارك السوداء ؟؟؟

ناظرته وما رديت

ابتسم بسخريه : تراك تضرين نفسك بأكلك هذا

تاكلين مثل الصوص علشان اقول لك

كملي اكلك

لا يا حلوه لا تنتظرين مني كذا فلا تضرين نفسك

علشان تحصلين على اهتمام زائف

اذا ما كان نابع من القلب ما رح يطلع مني

فما رح ييجي يوم واقول لك ليه ما تاكلين او كملي

صحنك بقلعتك وناظرها بحده وكره فاهمه

ناظرته وكأنه شطرها من النصف كسر هيبتها

قدام اخوانها

ما كان ضروري يقول لها كذا قدامهم على الاقل

بينها وبينه

ليه هو قاسي عليها مستحيل ييجي يوم وينسى الماضي

رح يبقى الماضي عقبه بينهم

بس ليه تهتم لكلامه وتنكد على حياتها

ما رح تنكد على حياتها بسببهم رح تبتسم وتضحك

وتقهر كل اعدائها

ناظرته وهي تبتسم وما ردت

نايف

جلسنا للعشاء والكل يتناول

طبعا توكل وكانها صوص كم لقمه وتشبع بسرعة

ما ادري ليه تصورتها ساره

حسيت ساره هي للي قاعده توكل حسيت بموجه

كره اجتاحتني ناحيتها

كان نفسي اقوم واكسر الطاوله على راسها مع انها

ما عملت شي

من يوم ما جاءت عندي وهي هاديه ومطيعه

وما تعمل مشاكل

بس ما ادري مو طايق اشوفها

اكلت كم لقمه وكتفت يدينها يعني شبعت

كنت اثبت نفسي كان نفسي اقوم اصفعها كم

كف ابرد حرتي فيها

بس نفس الوقت سيطرت على مشاعري ما عملت

ذنب حتى اضربها

مسكت نفسي سمعت سلمى تقول الحمد لله

طلبت منها تكمل اكل بس رفضت

كنت اشوف ريم تناظرنا بحقد وكره من عيونها

لما طلبنا من سلمى تكمل اكل

حبيت اقهرها ما ادري وش السبب

صرت اضحك مع سيف واحط له اكل

وهي تناظر بحقد

بدون شعور قلت لها انها تضر نفسها وهي توكل

كذا من اول ما جاءت عندنا وهي اكلها

خفيف وسمعتها كلام قاسي ومحرج قدام اخوانها

بس فاجئتني لما ابتسمت وما ردت

اسلوبها نرفزني

وقفت وبعصبيه :قومي انقلعي عن وجهي

قبل ما اقلب الطاوله على راسك

ساميا باستنكار : ليه معصب البنت ما عملت شي

رديت وانا ضاعط على اسناني : كم مرة قلت لك لا تتدخلين بيني

وبينها كم مرة

ناظرتني ريم باستغراب من عصبيتي وبهدوء سحبت

نفسها وطلعت من المكان

جلست وانا اتعوذ من الشيطان وكأني الحين

استوعبت الموقف

تعوذت من الشيطان مره ثانيه وانا افكر البنت ما

غلطت وما قالت شي

ليه عصبت كذا وهي ما لها دخل بساره وبغاده

بس وش اعمل بقلبي للي مو قادر يتقبلها

وش اعمل شديت على قبضه يدي

وناظرتهم بحزم : كملوا اكل

رجعوا يكملون اكل وانا مسكت كاسه المويه

اشرب منها لعله يطفي قهري وحزني

&&&&&

&&&&&

&&&&&

&&&&&

&&&&&

طلعت من عند طاوله ابوها وناظرت اغلب المكان

طاولات مغلقه

وين تروح الحين ما ودها تروح عند جدها

اكيد رح يشك بالامر وتخاف يرجعها

عنده وهي ما ودها ترجع عنده

بلعت عبرتها ورسمت ابتسامه على وجهها لما

شافت احمد اشرت له وجاء يركض لها

احمد بابتسامة : كملتي عشاء

هزت راسها بابتسامة غبيه: ايه كملت وانت ؟؟

مسك يدها احمد : ايه كملت تعالي نلعب

سحبت يدها بهدوء : لا الحين يرجعون للبيت

احمد بابتسامة : ودي اقول لك سر بس لا تقولين لاحد

هزت راسها بالموافقة

وانحنت ريم شوي واقترب احمد من اذنها : طيف

عملتها على نفسها

رفعت راسها وما استوعبت كلامه بعدها فهمت عليه

وضحكت على شكل طيف للي متخبيه خلف سديم

كانوا بالحمامات والظاهر انها مستحيه

بعدها الكل كمل تناول العشاء وتجمعوا

كانت ريم واقفه مع احمد ومصعب وتضحك

عليهم وهم يتمسخرون على طيف ويوصفون

الموقف

اشكالهم كانت مضحكه وهم مبسوطين

وطيف تناظرهم وتتوعدهم بيدها

نسيت او تناست ريم الموقف وضحكت من قلبها

لمحت نايف كان يناظرها ورافع حاجب باستغراب

طنشته ريم

ورجعت تضحك مع البزران

تجمع الجميع عند السيارات

كان في شخص ينتظر الفرصه وينتقم

تقدم من الجد والاعمام كانوا واقفين مع بعضهم

سليمان بانتقام : جدي مره ثانيه طلعه فيها

بزران انا ما رح اطلع

الجد باستغراب : ليه ؟؟

سليمان : وقسما بالله اليوم تفشلنا

ريم تركض بالمحل تزاعق واحمد ومصعب من خلفها

يتراكضون والناس كلها تطالعنا شي محرج ويفشل

الجد عقد حواجبه : متى هذا الكلام صار ؟؟

سليمان بانتصار : لما كانت خالتي ام بدر بقسم الاطفال زاذا مو مصدق اسأل خالتي ام بدر

احتدت ملامح نايف وفيصل والجد

قاطعهم صقر للي اعطى سليمان نظره ناريه : يعني

البنت مع ام بدر

وفجأة يمسكونها ودهم يضربونها

اتخبت خلف ام بدر عنهم

ومصعب واحمد مصممين الا يضربوها وبالغصب بعدتهم عنها

حتى مسكينه مصعب عضها بيدها

جننوها الاثنين

فيصل يدافع عن ابنه وحفيده : ليه ودهم يضربوها

؟؟ اكيد فيه سبب

عبود بدفاع عن ريم : انا كنت قريب منهم ريم قالت

لاحمد ابعد شوي

وابعدته عن طريقها وعصب احمد الا يضربها

فاحتمت بامي حتى ما يضربها وما تركها حتى ابعده

عمي صقر والشباب

ناظره سامي بفجع من كذبه اصلا ما كانوا موجودين

وقتها وصلوا متأخرين لما مسك سليمان احمد

عبود ناظر سليمان وبخبث :

وحتى سليمان مسك احمد من اذنه وشدهم بقوه

وصار احمد يبكي من الالم

سليمان حس انه توهق ناظر عبود بقهر وهو يتوعده

بعيونه

فيصل بعصبية : من سمح لك تمد يدك على احمد ؟؟

ناظره ريان ببرود : ما ترضى حد يطق اولادك يا عمي وانت عادي تطق ريم سبحان الله

وبعدها انسحب ببرود

فيصل بقهر : شفت يا سلطان ابنك كيف يراددني

سلطان بهدوء : مو قصده ريان بس يعني كلامه

صحيح

تضايقت لانه سليمان شد احمد من اذنه

وش يقول نايف للي كسرت يد بنته بدون سبب !!!

سكت الجميع لانه كلامه صحيح

سلطان بضيق : يالله يا بدر وانت يا عبود عالسياره

وبعدها استأذن وتوجه للسيارته

فيصل بقهر : يعني انا علي الحق صار ؟؟؟

ابو سليمان بهدوء : خلاص يا جماعه ما صار الا الخير

بزران يتشاجرون ويرجعون يتصالحون

واشر على ريم واحمد ومصعب وهم مبسوطين

الجد بهدوء : المكان مو مناسب لهذا الكلام

خلاص انسوا الموضوع وكل واحد على سيارته

بعدها انسحب الجميع

ركبت ريم السياره بهدوء

دخل نايف السياره وزفر بضيق وبعدها حرك

كان يناظر ريم من المرايه وهي تناظر الشباك

وسرحانه

تضايق من سرحانها دايما سرحانه نفسه يدخل

عقلها ويعرف وش كانت تفكر

«»«»«»«»««»»««««««»»»»»«» »»»»»»»»»»

نزلت ريم من السياره بعد ما وصلوا وهي تبتسم

صحيح كان فيه منغصات بالطلعه وامور

حزت في بالها

لكنها لاول مره تحس انها انتصرت على أحزانها

وما سيطر عليها الحزن وبدلت مكانه الفرح

بس يا فرحه ما تمت قبل ما تصعد الدرج وقفها

صوت نايف : ريم

زفرت بضيق والتفتت بهدوء : نعم

اقترب منها وبعيون حاده : ليه تزاعقين بالمحل

اقترب منها خطوه وكتلقائيه غطت ريم وجهها

بيديها قبل ما يضربها

سكت نايف وبهدوء : مره ثانيه يا ويلك اذا تكرر هذا الموقف

هزت راسها وهي مغطيه وجهها خافت

تكون خدعه علشان تبعد يدينها ويضربها

زفر نايف بضيق : خلاص روحي على غرفتك

لفت وجهها بسرعة وتوجهت لغرفتها

قفلت الباب وزفرت براحه رمت الشيله والعبايه

على الارض

ورمت نفسها على السرير وغمضت عيونها

وهي تفكر مين الفتان للي خبر ابوها مين

معقول صقر

نفضت راسها مستحيل صقر يعملها

ما في غيرهم اولاد عمي اكرهم كلهم

تنهدت بقهر ما ودها تصير حقوده وعدوانيه وتكره الناس

بس ظروفها هي للي تخلي نفسها كذا

«»««»«»««»»»»»»»»»»«»»»»» »»»

جلست على كنبه بالصاله بعد ما طلع الجميع فوق

كنت للحظه داخل اكسرها تكسير

ويكون فيه ذنب من خلاله اضربها واطلع قهري

بس تراجعت لما شفت ردت فعلها

ناظرتها وهي مغطيه وجهها وحجمها الصغير

ونحفها

ويدها المكسوره

رجعت لرشدي قبل ما اتهور

تعوذت من الشيطان

رجعت اناظرها وانا احس قلبي تقطع عليها

بهذا المنظر طلبت منها تطلع بسرعه قبل

ما ترجع مشاعر الكره وتعميني

مسحت على وجهي بحيره لمتى رح اعاملها

كذا وهي ما لها ذنب

مو قادر اتقبلها واعاملها مثل عيالي

متى تتزوج واطمن وارتاح انها بخير

وتعيش سعيده بعيد عني وعن ساره

متى ؟؟؟؟!!!!!

:::::::::::::::::::::::::::::::::::::::::::::::::: :::::::::::::::::

من لما رجع من المول وهو يزن فوق راس امه

علشان تروح وتخطب له

وامه تعطي للبنت 100 عيب وهو مصمم

الا يخطبها

دخلت مزاجه

في اليوم الثاني قبل ما يطلع يذكر امه لا تنسى تروح

عند اهلها تخطبها

وامه بدون نفس تهز راسها

حرق تلفونها وهو بالدوام كل شوي يتصل

يسألها اذا راحت او لا

بالاخير امه بضجر قالت له العصر رح تروح عليهم

طنشت اعتراضاته

وصممت انها ما تروح الا العصر

طول الوقت وهو بالدوام قاعد على نار

بعد العصر توجهت امه لبيت ابو سلمان

دخلت عليهم بعد ما رحبت فيها الجده

وبعد السؤال عن الحال والاحوال

تكلمت ام راكان : والله يا ام سلمان اليوم جيت افتح

معك موضوع واذا تم فيه قبول كل شي يصير رسمي الجده فهمت الموضوع بس ما عرفت مين

ودها تخطب من البنات : قولي وان شاء الله ما يصير الا

كل خير

ام راكان : والله يا ام سلمان ودنا قربكم واليوم جيت افاتحك

واقول لك ودنا نخطب ريم لراكان

ناظرت الجده باستغراب وهي فاتحه فمها

وبعدها استوعبت الموقف : بس البنت بعدها صغيره

ام راكان : مو مشكلة راكان يقول رح ينتظرها حتى تكبر

يعني بس ملكه ولما تكبر يصير خير

الجده : طيب واذا مصممين ودكم تخطبون من بناتنا

عندك بنات ابو سليمان اكبر منها وانسب

ام راكان بقله حيله : الولد ما يبغى الا ريم وحتى

ذكر لي اسمها

الجده عقدت حواجبها :وش عرفه فيها ؟؟

ام راكان توهقت : هاه بس لا انا ذكرت قدامه انها

تفركش زواجها لانه خالها بالرضاعه

وبعدها قال لي اخطبها له

الجده بدون اقتناع : اها

شوفي انا اكلم ابوها وجدها وبعدها ارد لك خبر بس اعطيني مهله

ام راكان : خذي الوقت للي ودك إياه وبعدها ردي لي خبر

مو تسحبي علي

الجده : لا ان شاء الله ارد لك خبر

ام راكان : يالله اسمحي لي تأخرت

الجده : خليك بعدها بكير

ام راكان بدون ما تنتبه : لا خليني اروح حرق لي الجوال

كل شوي يتصل

الجده ناظرت مو خاشه مخها السالفه بس اضطرت

انها تمشيها

#####

##########

#################

طلب الجد بعد العشاء من اولاده يتجمعون بالمكتب بعد ما خبرته الجده بالموضوع

بعد ما اجتمع كلهم بالمكتب

ناظرهم الجد بهدوء وركز نظره على نايف : اليوم

زارتنا ام راكان

وجلست مع امكم وخبرتها انهم ودهم يخطبون

ريم لراكان

سلطان باعتراض : يبه البنت صغيره ليه ودكم تزوجونها

فيصل مو عاجبه الوضع : وش عرفهم فيها ؟؟

الجد بدون ما ينتبه : راكان طلب من امه تخطبها

له

بعدها انتبه وسكت

نايف بغيض : وش عرفه فيها وهي بس من 3 اشهر

هنا

الجد يرقع : امه تكلمت قدامه انها تفركش موضوع

زواجها لانه خالها بالرضاع وبعدها طلب منها تخطبها

له نايف : هاذي السوالف ما تدخل راسي

يعني تفركش زواجها ييجي يخطبها ما ندخل عقلي السالفه

ابو سليمان بهدوء : علامك معصب ؟؟ راكان جار لنا

من هو بزر عمرنا ما شفنا عليه الزله

شاب ما شاء الله عليه محترم ومؤدب وخلوق

وملتزم بصلاه المسجد وش فيها لو خطب بنتك

يمكن شافها وهي رايحه للمدرسة ولا تنسى انه بنتك

ما تتغطى

صقر بنذكر : ايه صحيح تذكرت البارحه لما كنت قريب من

الالعاب كان معي مصعب واحمد وريم

وهناك التقيت براكان واكيد شافها معي

حتى صور مصعب وهو يبكي وارسلها لخالد

سكت نايف وتذكر انه صقر خبرهم البارحه بالموقف .بس تذكر شي وعصب : وش عرفه بإسمها ؟؟؟

صقر وهو يمسح على شعره باحراج : انا قلت اسمها

بدون قصد قدامه

صقر ناظره وعيونه يتطاير منها الشر : اخخخ منك

ودي اكسرك كيف تذكر اسمها قدام رجال غريب

الجد بحزم : خلاص يا نايف ما صار شي لو عنده

راكان شي عاطل ما ارسل امه تخطبها من ثاني يوم

سكت نايف لما شاف كلامهم صحيح اخذ نفس

وبعدها ناظر ابوه : انا ما عندي مانع موافق على

راكان

فيصل بحده : وانا مو موافق

نايف بهدوء : وش السبب ؟؟

فيصل ناظر ابوه : اولاد عمها اولى فيها من الغريب

صقر : اتوقع انه القرار للبنت ناخذ رايها

الجد بهدوء : بما انه وافق نايف خلاص انا حبيت اعلمكم

بالموضوع وبما انه نايف ما عنده مانع القرار الاخير

لي وبكره رح اسأل البنت بنفسي

واذا وافقت ما رح اقف بطريقها

فيصل بعصبية : يبه اكيد رح توافق نسيت يوم ملكتها على زياد

الجد ببرود : اذا وافقت على بركه الله الله يكتب لها الخير

وبعد اسبوع او اكثر نرد لهم خبر وما حد يتدخل

بالموضوع بعد كلامي هذا واعطى نظره حاده لفيصل

سكت الجميع وما حد علق

************************************

************************************

ثاني يوم دخل الجد بيت نايف وتوجه لغرفه

ريم بعد ما سأل عن مكان الغرفه

طق الباب بهدوء وفتح الباب بعد ما سمع صوتها

تقول : ادخل

دخل الجد بابتسامة تفاجئت ريم من وجوده ووقفت

على حيلها وتقدمت منه : هلا وغلا

الجد سلم عليها وجلس على طرف السرير : الله يحييك

اخبارك ؟؟

جلست ريم جنبه وبابتسامه : الحمد لله بخير

الجد بهدوء : والدراسه ؟؟

هزت راسها : الحمد لله

الجد بهدوء : الحمد لله

اسمعي يا ريم البارحه خطبك

تفاجئت ريم وقاطعته بهدوء : جدي لا تكمل انا ما ابغى اتزوج خلاص ودي اكمل دراستي

الجد : الشاب ما شاء الله عليه ملتزم وصيدلاني ويكون

جار لنا اسمه راكان

ريم بدون مبالاه : ما يهمني خلاص انا مرتاحه هنا

وما افكر بالزواج

حط الجد يده على جبهتها بمزاح : درجه حرارتك مرتفعه

مستحيل انت نفسك للي اكلتينا يوم ملكتك على زياد

اكيد انك مريضه اقول لك جايك عريس !!!

ابتسمت ريم : وانا اقول لك اني رافض

مستحيل اتزوج قبل ما اكمل دراستي للي ابغاها

الجد بابتسامة : الله يوفقك

مرتاحه هنا ؟؟

هزت ريم راسها بالموافقة

الجد باهتمام : اذا ضايقك بشي قولي لي وانا اتفاهم

معه

ردت ريم براحه : والله مرتاحه اكثر هنا

الجد وهو يقرص عيونه : وش قصدك ؟؟؟

ضحكت ريم : والله ما اقصد شي

وقف الجد : مصممه على رايك ؟؟

هزت ريم راسها

الجد : وش رايك تاخذين مهله يومين تفكرين

ريم بإصرار : لا لا ما افكر بالموضوع كله

هز الجد كتفه : براحتك

وبعدها طلع من الغرفه

رمت نفسها على السرير وهي تفكر

مستحيل تتزوج خلاص رح تبقى عازبه طول حياتها

راكان تذكرت موقف المول وحاولت تتذكر شكله

اكيد هذا للي صور مصعب

بدون مبالاه ان شاء الله وزير ما ابغى اتزوج

يمكن المره هاذي يطلع عمي بالرضاعه

عدلت جلستها وفتحت اللاب ورجعت على الصفحات

*****************

*****************

*****************

*****************

وقت الغداء نزلت بهدوء وتوجهت لصاله

الطعام

كان الكل متواجد ردت السلام بهمس وجلست

كالعاده جنب سلمى

نايف بهدوء : بسم الله اللهم بارك لنا في ما رزقتنا

وقنا عذاب النار

وبعدها بدأ الجميع بالاكل

لينا بابتسامة : بابا اليوم اخذت درجه كامله باختبار

العلوم

نايف بفرح : ما شاء الله رح اجيب لك هديه اليوم

سلمى بنعومه : وانا اخذت درجه كامله باختبار العلوم

نايف بابتسامة : وانتي برضو لك هديه

وانت يا سيف كيف امتحان اليوم ؟؟

سيف لوى بوزه : صعب الاختبار ما ادري من وين

يجيبون هاذي الاسئله

حتى الاول بالصف ما عرف يحل صلح الاستاذ ورقته

وقال له علامتك مو زينه

نايف رفع حاجب : وانت كم درجتك ؟؟

سيف : ما اخذتها باكر اخذها

نايف ناظره بحسره : ما ادري ليه مو طالع ذكي

بالمدرسة

يا خوفي تطلع لبدر وعمر

ساميا : لا حرام عليك والله انه ذكي بس يحتاج

وقت

نايف وما عجبه كلامها : متى ييجي هذا الوقت

يمكن طالع لاخوك محمد

ثلثين الولد لاخواله

ساميا لوت بوزها : مو عاجبينك اهلي ؟؟

نايف بابتسامة : اهلك على عيني اما اخوك محمد

هذا انا ما ابلعه

غثيث

لينا : ودايما يضربنا

لوت ساميا بوزها بقهر : ما اسمح لكم هذا اخوي

تتكلمون عليه كذا

نايف بتريقه : حاضر عمتي

كانت ريم تناظرهم وهم يتكلمون وهي مثل الكرسي

نزلت راسها واكلت لقمه صغيره من الرز

وبعدها وقفت وطلعت من الصاله

وحست بقهر ولا حد يهتم بأكلها

توجهت لغرفتها دخلت وقفلت الباب وطلعت بسكويت وجلست تاكل بهدوء

من اول ما جاءت عند نايف وهي تعتمد على البسكويت والعصائر وسلطه

&&&&&&&&&&&&&&&&&&&&&&&&&

&&&&&&&&&&&&&&&&&&&&&&&&&

ساميا : عاجبك اكلها لازم تكلمها تاكل يمكن تستحي

منا باكر يصيبها ضعف دم ما شفت كيف نحفانه

زياده

حرام كذا البنت ما تاكل شي

نايف بلامبالاه : ما حد مسك يدها وقال لها لا

تاكل شوفي الاكل يا كثره

ساميا ما عجبها كلامه سكتت وما ردت

*************

********_*****

***************

الجده بحرج : والله ما ادري وش اقول لك بس

البنت رافضة ودها تكمل دراسه

ام راكان بقهر : لا عادي كل شي قسمه ونصيب

الجده : الله يرزقه بنت الحلال للي تسعده

ام راكان : امين يالله ما اطول عليك

الجده : مع السلامة

قفلت الجوال وناظرت ابنها بقهر : ست الحسن

رفضت ما تبغى تتزوج ودها تكمل دراستها

راكان بهتت ملامحه : طيب انا مستعد ادرسها

وانتظرها تكمل

ام راكان بعصبيه : وش تبغى فيها بنت باعتبار

مطلقه وفيه 100 بنت تتمنى تخطبها

راكان بتصميم : عاجبيتني ورح اخطبها بنفسي

مره ثانيه من جدها

ام راكان بقهر : ليه تذل نفسك على شانها رفضتك

بقلعتها

راكان : اكيد رفضت لانها طالعه من تجربه واكيد

تأثرت نفسيتها

ما رح استسلم والحين رايح على جدها

ام راكان : خلاص البنت رفضتك ليه تركض وراها

وقف راكان عند الباب : عجبني ادبها واخلاقها

وطفولتها وكل شي

يطلع لها تتدلل

وبعدها طلع وام راكان حاسه بقهر ودها تاكل ريم

كسرت بخاطر ابنها

************************

دخل مجلس الرجال وبعد الترحيب

راكان ناظر الجد بتوتر : والله يا عم وصلنا ردكم

بس انا الحين اطلبها مره ثانيه على سنه الله ورسوله

الجد بحرج : بس والله البنت انا سألتها بنفسي

حتى رفضت بدون ما تعرف الشخص رافضة

الزواج نهائيا وحاولت فيها تفكر بالموضوع

وربي يشهد اني مدحتك امامها بس البنت رافضة

راكان بخيبه : طيب يا عم شاورها مره ثانيه وقول لها

اني مستعد ادرسها وانتظرها تكمل دراسه

فيصل كان يناظره ورافع حاجب مو عاجبه

خلاص البنت رفضت ليه يرجع مره ثانيه

الجد بهدوء : جيتك عزيزه علي

تكرم ما طلبت شي انا اليوم ارجع اكلمها

راكان ببصيص امل : مشكور يا عم ما تقصر

والحين اسمح لي تأخرت على الوالده

الجد بابتسامة : مسموح يا ابني

بعدها طلع راكان وعنده امل انها توافق

بعد ما طلع راكان

فيصل بقهر : وان شاء الله رح تسألها مره ثانيه ؟؟

الجد ببرود : رح احاول فيها مره ثانيه

فيصل بتفكير : غريبه ريم ترفض عريس !!

الجد : تقول ودها تكمل دراسه

وبعدها وقف : اروح اشوفها واسألها مره ثانيه

طلع الجد ودخل فيصل للصاله الداخليه

كانت زوجته وامه قاعدات

جلس فيصل جنب امه بهدوء

الجده بلقافه : وش يبغى راكان ؟؟؟

فيصل بقهر : جاي يخطبها مره ثانيه ابوي راح

يستشيرها مره ثانيه

ام خالد بفرحه : يا رب توافق وين تلقى احسن من

راكان

ناظرها فيصل بغل : اشوفك مبسوطة ؟؟!!

ام خالد : كيف ما انبسط اذا وافقت ارتاح انه ما ياخذها واحد من عيالي

فيصل بعصبية : وبعدين مع تفكيرك هذا

اخخخخخخخ لو يوافق ابوي وقسم

بالله الا اليوم تملك على سامر او نواف بس لو يوافق

ابوي

ام خالد سكتت لما شافت عصبيته ولوت بوزها بزعل

الجده : وبعدين معك وانت واياها

خلاص سكروا الموضوع

ام خالد بزعل : انا للي اسكر حلقي علشان بعض ناس ترتاح

وناظرت فيصل بزعل وطلعت

الجده زفرت بضيق : الله يصلحكم

************************

************************

ناظرها نايف ببرود : ليه رافضه ؟؟

ريم ناظرته وبعدها ناظرت جدها : ودي اكمل دراسه

الجد بهدوء : بس هو مستعد يدرسك وينتظرك حتى

تكملين دراسه

ريم بعناد : بس انا ما ابغى اتزوج مرتاح كذا

الجد : يعني الشاب رجع طلبك مني مره ثانيه

والله يعز علي ارد شاب مثله خلوق ومتعلم

سكتت ريم وناظرت ابوها : اذا وجودي يضايقك

اعتبرني موافقه

ناظرها نايف : ليه يضايقني وجودك وعدمه واحد

بالنسبة لي

الجد بحزم : نايف

ريم بابتسامة : خلاص قول لراكان ما في نصيب

انقهر نايف منها وكأنه يقول نكته قاعده تبتسم

الجد : خلاص براحتك

وبعدها طلع الجد و نايف

جلست ريم على السرير ومستغربه

من اصراره على خطبتها

*********************

رغد بحقد : قزمه وش عاجبه فيها حتى يخطبها

مرتين

ولا والاخت تدلل رفضته مرتين

روان بغيره : الحين تنفش ريشها بزياده انها

انخطبت ورفضت مالت عليها هالكلب

سديم : امي لما عرفت انها رفضته ارتفع ضغطها

وناظرت سميه : تعرفين ابوي ناوي يخطبها لنواف

او سامر

سميه بفجعه : طيب وانا ؟؟

روان : ابوي يقول مجرد خطبه وكلام لو فسخناها

ما يصير شي

سميه بحقد لريم : الله لا يوفقها اذا ودها تاخذ

خطيبي

مي : لا تستبعدي عنها شي هاذي حيه

رغد : الله ياخذها ويريحنا منها

سديم : امين

***********************

***********************

مر اسبوع على خطبه راكان لها

واليوم خبرها نايف علشان تروح تفك الجبيره

جهزت نفسها ونزلت بهدوء

وجلست بالصاله تنتظره بعدها نزل بهدوء

واشر لها

وقفت ومشت خلفه باتجاه السياره

جلست من الامام وهي متردده

وبعدها حرك نايف بهدوء

دخلت المستشفى وكملت الاجراءات والعلاج وجلست بكراسي الانتظار

نايف بهدوء : اجلسي هنا دقايق ما رح اناخر ويا ويلك

لو تحركتي من هنا

هزت راسها بهدوه

بعد ما راح نايف صارت تلعب بأصابعها

لدقايق رفعت نظرها واستغربت من هذا الشخص

للي قاعد يطالعها ومن عيونه واضح القهر

نزلت عيونها بسرعه للارض وصارت تطالع الارض

وعقلها يفكر ليه كذا يطالعها وكأنها ماكله حلاله

حست بيد على كتفها زعقت بخوف

ظنته الشاب

رفعت نظرها كان نايف ويناظرها بوعيد : اقطعي

صوتك فضحتينا حسابك بعدين

قومي يالله نرجع عالبيت

هزت راسها وقلبها يدق بقوه من الخرعه

وقفت ومشت خلفه

وقفت لما شافته وقف مع نفس الشاب للي كان

يطالعها

فتحت اذانها على وسعهم حتى تسمع وش يقولون

سمعت ابوها يقول له راكان

هذا راكان صحيح نفسه للي كان بالمول

علشان كذا يناظرني وزعلان

هزت راسها بتفهم بس صرخت صرخه هزت المكان

لما وضع شخص يده على كتفها

ناظرت خلفها وهي حاطه يدها على قلبها يدق بسرعه

وهي تحس خلاص خارت قواها قلبها ما يستحمل

هاذي النقزات

جلست على الارض وهي حاسه نفسها مو قادرة تاخذ النفس من الخوف

تناست كل من حولها وحطت يدها على قلبها

وهي تحاول تاخذ نفس مو قادرة

اقترب منها نايف وهو متفشل من هذا الموقف

صرخت بخوف : اااااااه

وبعدت عنه

مسكها صقر : بسم الله عليك بسم الله عليك

وش فيه

ريم وهي تحاول تبعده عنها ووجها صار احمر مايل للزرقه : م. خ. ن. و. ق. ه

حملها صقر وبسرعة توجه للطوارئ

لحقه نايف وهو مستغرب حالتها

حطوا لها اكسجين ومغذي

كانت مغمضه عيونها ودموعها تنزل

صقر باستغراب : وش صار عليها ؟؟؟

نايف رفع حاجبه : تركتها بالانتظار دقايق ورجعت

حطيت يدي على كتفها

نقزت وصرخت بصوت عالي الظاهر انها سرحانه

وبعدها مشت خلفي بهدوء وقفت وسلمت على

راكان انفجعت من صرختها

صقر بتبرير : والله مو قصدي شفتها تناظر الارض

وبعيده شوي عنك

بس حطيت يدي على كتفها وبعدها انفجعت

والله ما كنت ادري انه قلبها ضعيف وما تتحمل

مزح

نايف زفر بضيق : والله حسيت بالفشيله والناس تناظرنا

صقر بقهر : ما همك ابا الفشيله

سكت نايف وناظر ريم

اقترب صقر منها ومسح دموعها

وحط يده على قلبها ورفع حاجب : تعال شوف

قلبها للحين يدق بسرعة

اقترب نايف وحط يده : وش للي خلاها تخاف غريبه

مستحيل ودك تقنعني علشان حطيت يدك

عليها خافت معقول صار شي بغيابي

بس والله ما غبت عنها الا دقايق

انت شفت بعد ما جيت انت

واقتربت منها اسكتها كيف مرعوبه

صقر : لما تصحى نشوف وش صار عليها

هز نايف راسه وسكت

بعد ربع ساعة صحيت ريم وشافت صقر فوق راسها

ناظرت الغرفه وشافت نايف واقف عند الشباك

صقر بابتسامة : الحمد لله على سلامتك

وقف صقر الحين انادي الدكتوره

وبعد دقيقة دخل ومعاه الدكتوره

بعد ما اطلعت على وضعها

طمنتهم انها بخير وينتبهون ما يمزحون معها كذا

وكتبت لها خروج

ساعدها صقر ولبست الشيله ووقفت وحاسه قلبها

يدق بس مو مثل قبل يعني اقرب للانتظام

اخذت نفس

صقر بحنان : ليه خفتي ؟؟؟!!

ريم بابتسامة متعبه : خفت فكرت انك ودك تخطفني

نايف يدق على صدره : يا حسرتي على تفكيرك

مين للي وده يخطفك وانا معك فشلتينا

بالمستشفى

نفسي ادخل عقلك البزر واشوف وش تفكرين

صقر : وبعدين معك

هز نايف راسه بفقدان امل منها : شرفوا الحين

ناظرت ريم صقر وهزت راسها وطلعوا خلف نايف

وهي ماسكه يد صقر بقوه

كان يناظرهم من بعيد وارتاح لما شافها بخير

واستغرب سبب خوفها

معقول خافت مني ؟؟؟

قرر يتصل بصقر ويطمن عليها او ينتظره يرجع

لانه ما خلص دوامه

وبعد ربع ساعة دخل صقر المستشفى

اقترب منه وسأل عنها : كيفها الحين ؟؟

ضربه صقر على كتفه : متأكد ما شافت خشتك وبعدها

انصرعت

راكان بغرور: محترررررر لاني احلى منك

صقر كش عليه : تراك ماخذ بنفسك مقلب

راكان : يا كثر هرجك انا سألتك عن وضعها

صقر بابتسامة : احمد ربك انها مو من نصيبك

هاذي البنت نكته

تدري ليه صرخت وهذا الفلم الاكشن للي عملته

فكرتني ودي اخطفها

فعلا عقلها طفولي

ابتسم براحه وبعدها ناظر صقر بجديه : اممم حاول

معها مره ثانيه انا مستعد اخطبها مره ثالثه

صقر بجديه وتمثيل الحزن : اممممم شوف ما اتوقع توافق بعد

ما شافت خشتك هههههههههه

ضرب راكان صقر على راسه : مالت عليك من غيرتك

صقر وهو يضحك : امشي على مكتبي خلينا نتكلم

مو هنا

ناظره راكان ووده يدفنه يضحك وهو على اعصابه

توجهوا لمكتب صقر يتكلمون

بالطريق ناظرها نايف : كيف الحين تحسين ؟؟؟

ناظرته بابتسامة : اهتمام زائف ؟؟؟

ما اتوقع يهمك وجودي وعدمي واحد

وناظرته بابتسامة

نايف مع شبح ابتسامه : شطوره تحفظين الكلام

صحيح لا تنسي باكر تبدأ الامتحانات النهائية

واتوقع ارسلت لك البرنامج مع ساميا وصلك ؟؟

هزت راسها بهدوء

وبعدها التفتت للشباك

وصل البيت نزلت بهدوء وهو من خلفها

دخلوا بهدوء وتوجهت للدرج تصعد غرفتها

وقفها صوته : ريم

ناظرته بمعنى نعم ؟؟؟

نايف بأمر : مره ثانيه بالمستشفى ممنوع تكشفين

يكفي اليوم فشلتينا فاهمه

ناظرته وابتسمت هذا للي هامه : ان شاء الله

وصعدت لغرفتها

دخلتها ورمت الشيله على الارض والعبايه وتوجهت

للحمام تاخذ دش تريح فيه نفسها

لانها حست حالها انضغطت بالمستشفى

وقبل ما تدخل خبرت الشغاله انها ما ودها غداء

وما تصحيها لانها تعبانه ودها تنام

************************

************************

************************

بدت الامتحانات وكانت ريم تروح المدرسة

تختبر وضاق

صدرها من البنات ونغزاتهم عليها علشان زياد

كملت امتحاناتها وارتاحت خلاص

كملت اولى ثانوي بسهوله

بدت العطله واليوم اول ايام العطلة

وكالعاده ما طلعت من البيت

مع انه سلمى ولينا راحوا عند البنات بس

ما حد قال لها تروح

اصلا بيت جدها ما دخلته بعدها من اخر موقف

وللحين مصممه ما تروح

نادت سيف وجلست معه تلعب بلايستيشن

دخل عليهم نايف ورفع حاجب باستنكار : ريم ليه غرفتك كذا ؟؟

وقفت اللعبه ريم وناظرت الغرفه باحراج

ملابسها ملقاه على الارض

كتبها موزعه على الارض والسرير حوسه لوحده

ورق الشيبس والبسكويت على الارض

كانت الارض حوسه وعباره عن مزبله

نايف بحزم : من قبل كانت يدك مكسوره والحين ؟؟

وبصراخ

قومي الحين نظفيها ويا ويلك اذا رجعت ولقيتها

كذا

ريم ببرود : طيب خلي الشغاله تساعدني

نايف بعصبية : والله لتنظفيها انتي يالله بسرعه

واشر على سيف : ليه ما رحت مع اخواتك

سيف : ودي العب مع ريم بعدين ليه اروح معهم

خايف يضيعون ؟؟

نايف بصراخ : اسكت وتعال الحقني وانتي نظفي

المكان بسرعه

وطلع معصب

ريم مسكت سيف : خلينا نكمل الشوط

هز سيف راسه بالموافقة

بس نقز على صراخ نايف وهو واقف عند الباب : اقول لك تعال

وانتي قسما بالله اذا ما تعدلتي اكسره فوق راسه

واشر لسيف قدامي

طلع نايف ومعاه سيف جلست ريم على السرير وناظرت

الغرفه بعجز كيف تنظفها

وقفت بخمول مسكت العبايه والشيله ورمتهم بالخزانه بدون ترتيب

وتوجهت للارضيه وجمعت كتبها بضجر

وحطتهم بالحقيبه بعشوائيه

وبعدها صارت تحط الزباله بكيس

وجلست على السرير ترتاح مع انها ما انجزت شي

بس وش نقول مو معدله 

رفعت نفسها لما سمعت صوت الباب

وبضجر : ادخل

دخلت ام خالد والشرار يطلع من عيونها : اسمعي

مني هالكلمتين

يا ويلك اذا وافقتي على ابني

صدقيني ما رح تتهنين واقعد لك مثل الشوكه

بحلقك واخليه يطلقك فاهمه

ناظرتها ريم بغباء مو فاهمه شي

ام خالد بقهر : لا تناظريني كذا هذا الناقص اخذ لابني مطلقه

وقفت سديم من خلفها : حنا حذرناك وتحملي النتايج بنفسك

ناظرتهم ريم ببرود : اذا كملتوا سكروا الباب وراكم

ورمت نفسها ترتاح من تنظيف الغرفه < مصدقه حالها باذله جهد الاخت 

ام خالد بقهر : والله لتندمين يا ريم

نهضت نفسها ريم وبقرف : هي تراني انا ما انزل من مستواي

واخذ واحد من عيالك هذا الناقص

سديم تنرفزت : اصلا اخواني ما يتشرفون ياخذونك

ام خالد مسكت يد سديم : امشي الحين انا حذرتها

طلعوا من الغرفه

وريم تفرك عيونها اكيد هذا حلم

وبعدها ضحكت بصوت عالي على موقفهم ناس

عقولها ناقصه

ابنها قال اصلا ما تدري عن الموضوع

هزت بكتفها بلامبالاه ورجعت رمت نفسها على السرير

وهي تفكر بكلامهم وضحكت على الخفيف : ههههه يمه يخوفون

رن جوالي نقزت ومديت يدي وانا نايمه على السرير

فتحت الخط كان رقم غريب

كان صوت يغرد بأجمل الاصوات الله سبحان

من خلق جمال هذا الصوت

بعدت السماعه عن اذني وانا احس طبله اذني

ثقبت من صوتها النشاز

ام خالد بصراخ : انا حذرتك يا ريم يا ويلك اذا وافقتي

وقسم بالله لتندمين

ضحكت ضحكه تنرفز : هههههاي وش ودك تعملين ؟؟؟

ام خالد بقهر : اقول لك اختصري المشاكل وارفضي

وانتهينا

الظاهر انه الجده سحبت الجوال من ام خالد : ريم

خلاص اختصري المشاكل وارفضي

وبعدين لا تنسين انتي مو من ثوبنا وفرق بينا وبينك

مو من مستوانا ولا تناسبي عيالنا

فتحت عيونها ريم على وسعهم وش تخبص قال مو

من مستواهم سمعت طقه على الباب

قفلت الجوال بوجهم وهي متنرفزه من جدتها

*******

*******

*******

*******

*******

*******

ريم

دخل جدي وخلفه ابوي استغربت من بدايه العطله

وش يبغون مني

جلس جدي وهو متردد ونايف واقف وهو متكتف

جدي بهدوء : كيفك يا ريم ؟؟

رديت وانا احاول اكتم غيضي : بخير

جدي حس اني متضايقة : وش فيك ؟؟؟

ابتسمت بغباء : ها لا ولا شي بس تعبت وانا ارتب غرفتي

ناظر ابوي الغرفه باشمئزاز : كذا منظفيتها

وهز راسه مو عاجبه

جدي ضحك : الحين كبرتي لازم تتعلمين هاذي الامور

هزيت راسي وانا ابتسم بمعنى اخلص وش عندك

بس ما قدرت اقول لاني رح اطلع جنازه 

جدي : شوفي يا ريم ابن عمك فيصل خطبك

مني

قاطعته لما تذكرت ام خالد وجدتي والله لاقهرهم

مثل ما قهروني : موافقه يا جدي

جدي بتفاجئ : موافقه

والدراسه ؟؟؟

ريم بابتسامة مكر : عادي بعد الزواج اكمل ما عندي

مشكله

وبنفسي اهم شي اقهر سديمووووووو وامها وجدتها ناظرت جدي ساكت : يعني انت مو موافق ؟؟

جدي : مو كذا على الاقل خذي يومين فكري فيهم

قاطعته : خلاص انا موافقه

وقفت بابتسامة عبيطه : والحين خليني اكمل تنظيف

الغرفه

نايف بحده : يعني طرده ؟؟

ابتسمت : لا لا مو كذا

جدي وقف : اتركها يا نايف يمكن البنت مستحيه

منا ودها ايانا نطلع

ناظرني نايف باستهزاء : مقطعها الحياء كثير واضح

وبعدها طلع وهو وجدي

بس نسيت اسألهم نواف والا سامر

ضحكت وانا اتخيل شكل ام خالد لما تسمع

خبر موافقتي

وبعد نص ساعة بدت الاتصالات من نفس رقم

ام خالد بس اعطيتها طاف وما رديت عليها

وانا اشعر بالانتصار

***************************************

جالس مع امه وحاس بخيبه

ام بدر : كل شي قسمه ونصيب

ريان زفر بضيق : لعله خير

ام بدر بقهر : هالبنت خبله ضيعت نفسها

عناد بام خالد وافقت

حتى بدون تفكير اعطت الجواب وحتى ما تعرف

مين للي خطبها

تقول لي لما سمعت انه من اولاد عمها فيصل

وافقت على طول

ريان بقهر : غبيه وطول عمرها غبيه هذا اهم قرار

بحياتها تتخذه عناد بدون تفكير

قسم بالله انها بعدها بزر وعقلها طفولي

ام بدر : حاولت فيها تتصل بجدها وتخبره انها ودها

تفكر بس رفضت قال خلي جدتها وام خالد يفقعون

من القهر

دخل سلطان بضيق : وقسم بالله اغبى من هالريم

ما شفت قال عناد بام خالد لا حول ولا قوة إلا بالله

ام بدر بهدوء : والعريس وش ردت فعله ؟؟

سلطان باستغراب : مبسوط اصلا هو خطبها من ابوي

بدون ما يقول لفيصل

وين بدر ؟؟؟

ام بدر ضحكت : قال عامل نفسه متضايق لانه

ما خطبها وقسم بالله انه نكته وشكله وهو معصب

نهفه وطلع لغرفته وقفل الباب على نفسه

وباستهزاء

عايش الاخ الدور

ضحك سلطان : هههههه يا ليتك صورتيه وقسم بالله

هذا الولد رح يجلطني بأفكاره الغبيه

وقف ريان ببرود واستأذن

بعد ما طلع ريان سلطان : والله كان ودي ريان يخطبها

بس ابوي الله يسامحه رفض وقال بعد ما يكمل دراسه

اذا كانت مو مخطوبه وقتها يصير خير

ام بدر :كل شي نصيب والولد عاقل ما شاء الله

عليه يقول لعله خير

مع اني تمنيت ريم تكون زوجه لواحد من اولادي

بس قدر الله وما شاء فعل

سلطان هز راسه بالموافقه

&&&&&&&&&&&&&&&&&

ام خالد بعد ما سمعت بموافقة ريم

جن جنونها واتصلت بريم تبرد حرتها

بس ريم ما ردت عليها

جلست بغرفتها وما طلعت وهي زعلانه بعد ما تشاجرت مع فيصل

سديم بحقد : وقسم بالله لطير عشها

ام خالد تحاول تهدي نفسها : مو كذا نسيتي انك

مخطوبه

مثل ما تعملي تلاقي بوجهك انت خليك بعيده

روان بنغزه : هاذي للي فضلتيها علينا وطول وقتك

معاها

ام خالد هزت راسها بقهر : انا ما بيني وبين البنت

شي

انا ما ابغى ساره تكون جدة احفادي وتمشي كلمتها

علي

اخخخخ ودي انقهر

سديم : خلاص الحل ما تحمل

قاطعتها امها بصراخ : اطلعن براااااااا

طلعت سديم وروان وزعلانات لانه امهم صرخت عليهم

اليوم التحليل

جهزت نفسها وهي ما تدري مين للي خطبها

ام بدر عصبت منها لانها وافقت

وما رضيت تقول لها من للي خطبها

وحست بالحرج تسأل مين للس خطبها

طلعت من الغرفه ونزلت بهدوء وهي حاسه

انها تسرعت

ناظرها نايف بهدوء : يالله يا ريم

طلعت معه وبعدها حرك السياره متوجه

للمستشفى

طول الوقت ما تكلم ولا هي تكلمت

ولما وصلوا المستشفى

نايف بحزم : حطي الشيله على وجهك

غطت ريم وجهها بالشيله بدون اعتراض

وبعدها نزلوا

اخذوا منها العينه وبعدها رجعها نايف على

السياره وطلب منها تنتظر بالسياره

دخل للمستشفى واتصل بالمعرس يسأله عن مكانه

جلست ريم تهز رجلها بملل

مر ثلث ساعه وابوها ما رجع حست بالضجر تكره الانتظار

ناظرت بوابه المستشفى وتذكرت اخر موقف

قبلها بالليل حضرت فلم رعب يخطف البنات

ويقطعهم كان مرعب بشكل كبير

ولما كانت سرحانه وحط صقر يده على كتفها

انهبلت والفلم يتصور بين عيونها

ورؤوس البنات المخطوفات مقطع ومشوهات

صرخت وقتها بدون وعي

كان بينها وبين الجنون شي بسيط

حست انه الفلم حقيقه وجاء دورها يخطفوها

ويقطعون راسها

نفضت راسها من التفكير بالفلم

تنفست بارتياح لما شافت ابوها طالع من باب المستشفى

دخل السياره بهدوء وقبل ما يحرك : اليوم بعد المغرب ملكتك

ناظرته تنتظر يقول اسم الشخص بس ما ذكره

وبعدها حرك

كانت تناظر للامام وتفكر بحياتها الجديده

وصلوا البيت نزلت بهدوء ودخلت البيت

وبسرعة توجهت لغرفتها

وكالعاده القت اغراضها على الارض بإهمال

وعقلها يحوس مين للي خطبها

سامر والا نواف

مو قادره تحدد مو عارفه تسأل مين وام بدر

حلفت يمين ما تقول لها

صارت تروح يمين ويسار وهي تفكر كيف تعرف

مين هو

وبالاخير بيأس القت نفسها على السرير بعشوائيه

وغمضت عيونها ونامت من كثر التفكير

«»««««»»««»»»»»»»»»»»»»»» »»»

سلطان بهدوء : يبه انت ما قلت لريم مين للي خطبها ؟؟؟

الجد بتفكير : امممم لا تدري نسيت اقول لها اي واحد

الله يصلحها وافقت بدون ما تسمعني

سلطان هز راسه باسف : للحين ما تدري على مين ملكتها

وين رح تكون الملكه هنا والا ببيت نايف ؟؟؟

الجد بهدوء : لا في بيت نايف وما في داعي للنسوان

الشيخ يملك وخلصنا

سلطان : على خير ان شاء الله

دخل صقر وسلم عليهم

الجد: وينك اتصل فيك تعطيني مشغول

صقر زفر بضيق : كنت هنا قريب مع راكان

الجد باستفسار : ومعاه خبر عن الخطبه ؟؟؟

هز صقر راسه : والظاهر انه زعلان يقول على حساب

ودها تكمل دراستها !!

سلطان : وش قلت له ؟؟؟

صقر بهدوء : قلت له البنت لما خطبتها كانت رافضة

الزواج نهائيا

وللحين بس عناد بأم العريس وافقت

الجد رفع حاجب باستنكار : ضروري تكشف صفحاتنا

للجيران

صقر بابتسامة : يبه راكان صديقي وبعدين حبيت اطيب

خاطره لما شفته متضايق وافهمه انها ما رفضته ريم لشخصه بس لانها رافضة فكره الزواج

وما وافقت الحين الا عناد بأم خالد

وخبرته انه بعده عقلها طفولي ومن هذا الكلام

الجد : وش قال ؟؟

صقر بابتسامة : ضحك من قلبه على تصرفها

وبعدين قال الله يوفقها

سلطان : الله يجيب للي فيه خير ......

&&&&&&&&&&&&&&&&&&&&&&&&&&

دخل غرفتها هو وصقر

انار الغرفه وكتم غيضه نايف لما شاف غرفتها

ناظر السرير وكانت نايمه بوسط السرير

ناظر صقر بمعنى عاجبك

ضحك صقر وتقدم منها وهزها عالخفيف : ريم ريم

فتحت عيونها بشويش ورجعت سكرتهم

صقر ويهزها من كتفها : ريم ريم قومي بسرعة

فتحت عيونها وجلست وهي تثاوب : وش فيه ؟؟

صقر بابتسامة : نسيتي اليوم ملكتك !!!

ناظرته وبعدها مو مصحصحه

تقدم نايف من السرير ومسكها

من يدها وسحبها معه وتوجه للحمام

غسل وجهها شهقت ريم من المويه

وبعدها صحصحت

نايف : واخيرا صحيتي تعالي انزلي تأخرنا على الجماعه علشان الشيخ يسمع موافقتك

طلعت معه وجلست على السرير ومد لها العبايه

لبست العبايه وحطت الشيله

صقر بابتسامة : يالله خالد ينتظر على نار

ريم وهي عاقده حواجبها : مين خالد ؟؟؟

صقر : وش فيك يا ريم خالد ابن عمك فيصل !!

ريم عقدت حواجبها : وش علاقته بالموضوع ؟؟؟

صقر فجر القنبله : خالد هو للي خطبك

ريم باندهاش :بس خالد متزوج وعنده اولاد !!!

نايف وببرود : غبيه حد يوافق على الزواج بدون ما يعرف

اسم العريس !!!

ريم بدهشه : طيب وزوجته ؟؟

نايف وهو يكتم غيضه ناظر صقر : ادفنها والا تدفنها

انت ؟؟؟

ابتسم صقر : هدي بالك شوي وناظر ريم

ريم خالد زوجته ماتت بعد ما سافرت بكم يوم

فتحت ريم عيونها بصدمه وحزنت : ماتت طيب ليه

ما احد خبرني ؟؟؟ وكيف ماتت ؟؟

نايف وهو يشد على اسنانه : صار معاهم حادث

خلصيني انزلي فتحتي تحقيق

وقفت ريم بعناد : بس انا ما ودي اتزوج خالد

نايف بعصبية : لا والله يعني لما جاء الملاك والمعازيم

ودك تفشلينا انزلي بسرعة بلا كلام فاضي

ريم بعناد اكبر : ما رح انزل ودك تزوجني لواحد عنده

عيال مستحيل وتكتفت

نايف وهو يتكلم من بين اسنانه : ريم وقسم بالله

ادفنك هنا انزلي اقول لك تأخرنا على الجماعه

حركت ريم حواجبها بالرفض

نايف بصراخ : ريم وقسم بالله ادفنك هنا اقول لك انزلي

صقر ناظر نايف : خلاص انت روح وانا الحقك وهي معي

نايف بعصبية : والله ما انزل الا وهي قدامي ويالله انزلي

علشان الشيخ يسمع موافقتك يالله

ريم بقهر وعناد : خالد مستحيل اخذه لو تقطعوني

تقدم منها نايف وضربها كف على وجهها : اقول قدامي

صقر انقهر من نايف وناظر ريم : خلاص ريم هذا اختيارك وانت وافقتي بدون ما تسمعين مواصفات العريس

يالله اختصري وانزلي وان شاء الله ما تندمي

ومسك يدها برجى : لا تفشلينا حنا ما نلعب

هذا اختيارك

هزت راسها بالموافقة وناظرت نايف : انا اسفه

ومشت باتجاه الباب

هز راسه نايف باستغراب من تقلب حالها

ناظر صقر وبعدها طلعوا خلفها

وقفت خلف الباب بهدوء

وسألها الشيخ اذا تقبل الزواج بخالد .....

ناظرت نايف بخبث ورفعت حاجب :

نايف فتح عيونه بصدمه ما توقع تصل فيها

الحقاره تفشلهم قدام المعازيم

علشان كذا اعتذرت الحقيره

علشان تنفذ مخططها وترفض براحتها

كيف رح يكون موقفه قدام اخوه وابوه

بزر ما قدر يربيها

شد على قبضه يده بس ارتخت

لما سمع صوتها الطفولي : موافقه يا شيخ

تنفس براحه لما سمع ردها كان وده يمسكها

ويخنقها على حركتها البايخه

اعطاها صقر الدفتر وقعت وابتسمت بهدوء

وبعدها طلعت بدون كلام

دخلت غرفتها وقفلت الباب بالمفتاح

وهي محتاره هل تسرعت والا لا

رمت نفسها باهمال على السرير وغطت

بالنوم وهي تفكر ......

&&&&&&&&&&&&&&

ام خالد بقهر : صدقني البنت ما تناسبك

خالد ببرود : يمه خلاص انا ملكت وكل شي انتهى

وبعدين انا حطيت البنت براسي من بعد اسلام كاترين

بس ما ردني عنها الا انها مخطوبه لزياد

هزت ام خالد راسها : صدقني انك فاهم الموضوع غلط البنت مو مثل انت متصورها

فيصل وقف : صدقني تسرعت يا خالد انا كنت ودي اخطبها لنواف او سامر

اما انت ما تناسبك ابدا

انت يناسبك بنت كبيره عاقله تراعي عيالك

قاطعه خالد : خلاص للي صار وانا مقتنع بقراري

رجاء ما حد يعارض ........

ام خالد بقهر : صدقني البنت ما تناسبك

خالد ببرود : يمه خلاص انا ملكت وكل شي انتهى

وبعدين انا حطيت البنت براسي من بعد اسلام كاترين

بس ما ردني عنها الا انها مخطوبه لزياد

هزت ام خالد راسها : صدقني انك فاهم الموضوع غلط البنت مو مثل انت متصورها

فيصل وقف : صدقني تسرعت يا خالد انا كنت ودي اخطبها لنواف او سامر

اما انت ما تناسبك ابدا

انت يناسبك بنت كبيره عاقله تراعي عيالك

قاطعه خالد : خلاص للي صار وانا مقتنع بقراري

رجاء ما حد يعارض

هاذي البنت بدون ما اعرفها دخلت مخي

وانا ابغاها ملتزمه مثل ريم يكفي انها

لما شافت كاترين ما ضيعت الفرصه وحاولت تقنعها

مو مثل بناتك نفروها من الدين

ام خالد هزت راسها بأسف : تراك غلطان انت ما تعرف

البنت وحكمت عليها انها ملاك من موقف واحد

خالد مسك يد امه : يمه الله يسعدك يرضيك

اليوم ملكتي واكون منكد خلاص للي صار صار

فكي هالكشره علشاني وارضي عني

ابتسمت ام خالد بدون نفس : الله يوفقك ويرضى عنك دنيا واخره

ابتسم خالد بفرحه : الله يخليك لنا يا احلى ام بالدنيا

ام خالد وهي تحاول تتقبل الموضوع : ليه ما شفتها ؟؟

ابتسم خالد : عمي نايف رفض هو وصقر وحلفوا يمين ما اشوفها

مع انه جدي زعل عليهم بس انا قلت ما في داعي اشوفها

والعرس بعد اسبوع

ام خالد بفجعه : اسبوع ليه مستعجل ؟؟؟

خالد بهدوء : دراسه وكملت وقدمت اوراقي هنا

خلاص رح استقر واجلس عندك قرفت السفر والغربه

ليه التأخير ؟؟؟

ام خالد عفست ملامحها : بس ما يمدينا اسبوع !!

فيصل بهدوء : انتم الحريم ما ادري كيف تفكرون معكم اسبوع يكفي وزياده

والقاعه ابوي تكفل بكل شي يكون جاهز

ورح يسكن بالطابق الثاني الجناح جاهز من زمان

بس يغير اثاثه وكل شي تمام

خالد : من باكر ابدأ اجهز بالجناح

ام خالد بدون نفس : وعيالك وين رح يسكنون ؟؟

خالد بهدوء : معي بالجناح لا تنسين الجناح الغربي

كبير ووسيع

ام خالد رفعت حاجب بنغزه : وريم رح توافق ؟؟؟

خالد بدون اهتمام : عمرها ما وافقت عيالي عندي

ومستحيل اتخلى عنهم

وبعدين ريم احسها عاقله وما رح تعترض

كشت عليه ام خالد : خليك على عماك

وبنفسها بسخريه قال عاقله والعلم عند الله لو

ياخذوها على مستشفى المجانين غير يدخلوها

فيصل بشبح ابتسامه : الله يوفقك

وبعدها وقف: يالله يا ام خالد

وقفت ام خالد وطلعت مع فيصل

ناظرهم خالد باستغراب وحس انهم يخبون

عنه شي يخص ريم

&&&&&&&&&&&&&&&&&&&&&&&&

ريم

رميت نفسي على السرير مو عارفه انام

بعد ما قال لي ابوي الزواج بعد اسبوع

ليه مستعجلين كذا ؟؟؟

غمضت عيوني وانا استرجع الاحداث احس

نفسي تسرعت اني وافقت

كنت معاند ما انزل اوقع بس فكرت فيها

هذي نتاايج قرراتي المتسرعه ليه احمل الناس

خطأي وبنفس الوقت تذكرت كلام جدتي

زاد قهري وقررت اقهرهم واملك بغض النظر عن

الشخص اهم شي اقهرهم

نهضت نفسي وجمعت شعري وابعدته عن رقبتي

احسه خنقني زياده

زفرت بضيق ووقفت بضجر وتوجهت للتسريحه

جمعت شعري مره ثانيه ولفيته بعنف وثبته بالكماشه

تأففت متضايقه وقرفانه نفسي مو عارفه السبب

نزلت خصله من غرتي على جبهتي نرفزتني

صرخت وكأنها تفهم علي : وبعدين ؟؟؟

مسكتها بقسوه ورجعتها للخلف

ما رفعت يدي الا رجعت استقرت على جبهتي

وكأنها تعاندني مسكتها بغل : وقسم بالله انهيك

من الدنيا

رجعتها للخلف بطريقه عنيفه المتني

غمضت عيوني من الالم وبقهر : عجبك يا زفته وجعتيني

مسكت الطوق ولبسته وناظرت نفسي بالمرايه

ونظري محدد على الخصله

لعبت بحواجبي وارتحت اني قهرتها

هههههه اعرف اني انهبلت بس وش اعمل عقلي

مشوش مو مرتاح

ضربت على راسي بعنف غبيه غبيه متسرعه

للي قاهرني ما اعرف شي عن العريس المجهول

مين أسأل وعضيت على شفتي بقهر

وفجأة لمعت براسي الفكره مثل كونان لما يكتشف

القاتل

ما في غيرها طلعت من الغرفه بسرعة وانا شبه

اركض نزلت على الدرج بهدوء لما شفتها جالسه

بالصاله لوحدها

ارتحت انها لوحدها نزلت بهدوء وانا ابتسم بوجهها

جلست جنبها بعد ما رديت السلام

ناظرتها بتردد : امممممم ممكن سؤال ؟؟

ساميا بهدوء : تفضلي

سألتها : امممم بالنسبة لخالد ما اعرف عنه شي

قاطعتني : لا تهتمي انا اقول لك السيره الذاتيه له

وابتسمت لي

هزيت راسي بالموافقه

ساميا بتفكير : اممممم هو اكبر حفيد عمره تقريبا 26سنه

ناظرتها باستغراب : صغير ؟؟ كيف عنده عيال كبار !!! ردت علي بهدوء : انتي بتعرفي عمك فيصل امضى حياته بالخارج

ولما وصل خالد عمره 18 قرر يزوجه اجنبيه خاف عليه

ينحرف بس زوجته حملت وخلفت توأم طيف ومصعب

كمل دراسه هناك طب وتخرج قبل فتره

سألتها : طيب زوجته ما صار لها فتره متوفيه صار وده يتزوج ؟؟؟؟

هزت كتوفها : للي اعرفه من زمان انه ناوي يطلقها من زمان متفق معها

لما يكمل دراسه يطلقها ويرجع هنا لانها رافضة تعيش

هنا وهو اصلا رافض فكره زوجه اجنبيه وده يتزوج من بلاده بس فيصل اصر عليه يتزوجها

هزيت راسي

ساميا : تدرين يا ريم مو تدخل بحياتك بس المفروض

بما انك وافقتي على الزواج الحين لو اخذتي راكان

افضل لك على الاقل تبعدين عن المشاكل

وتبدين حياه جديده

هزيت راسي كلامها مزبوط بس اذا فات الفوت ما ينفع الصوت : كل شي نصيب يا خالتي

هزت راسها : صادقه كل شي نصيب الله يوفقك

ويكتب لك الخير

وقفت وبصوت هامس : امين

ساميا بتردد : اذا ودك تروحين السوق انا جاهزه

ناظرتها بهدوء : مشكوره خالتي ام بدر رح تطلع معي

ما ودي اغلبك

هزت ساميا راسها : براحتك

توجهت للدرج وانا افكر واحس بالندم لو وافقت

على راكان افضل لي كان بعدت عنهم وارتحت

من المشاكل

بس لما اذكر ام خالد وجدتي انبسط اني قهرتهم

دخلت غرفتي وزفرت براحه : الحمد لله صغير شوي

مو شايب

رن جوالي توجهت للسرير وشفت

الجوال كانت ام بدر رديت عليها بهدوء

طلبت مني علشان اروح السوق معها تعذرت

منها انها ساميا ودها تاخذني

ما اعترضت وطلبت منها تحجزي لي بالصالون وفستان الزواج على ذوقها

قفلت منها وانا مو ناوي اروح عالسوق

وش ذنبها ام بدر تترك بناتها علشان تروح معي عالسوق

ما ودي اغلب حد معي وما رح اجهز والمهر رح اخبيه

للمستقبل يمكن احتاجه

شغلت التي في وانا عقلي سارح وافكر بالمستقبل

&&&&&&&&&&&&&&&&&&&&&&

الجده قفلت من الكوافيره وزفرت بضيق : اففففف قهرتني وهي تتعذر قال مشغوله

ام خالد بقهر : انا مو عارفه وش هذا الزواج للي بإسبوع ؟؟؟

ام سليمان بنغزه : خلاص استسلمتي لبنت ساره ؟؟؟ ام خالد بغبن : مثل ما سكتي قبلي انا سكتت

بالله وش يطلع بيدي يعني لما خبرنا خالد كان متفق

مع عمي على كل شي وحنا اخر من يعلم

لو عرفت من البدايه قبل ما يخبر عمي كان تحلم

بنت ساره تاخذه

بس مليت من المشاكل طول الفتره وفيصل ما يكلمني زعلان

وخالد حرق قلبي وانا منكده عليه

الجده باستسلام : خلاص للي صار صار والله ما

احب اشوف خالد متنكد وضايق خلقه

والسبب حنا

خلاص دامه اختارها الله يوفقه

ام سليمان : وش عرفه فيها ؟؟؟

ام خالد بدون نفس : ما يعرفها بس سمع عنها من كاترين

من كثر ما مدحتها ويقول حتى لما سافروا واخذها

على مكتب الدعوه حتى تتعلم عن الاسلام اكثر

يقول طول الطريق وهي تمدح فيها

حتى دخلت هالبنت عقله

ام سليمان بدون نفس : الله يوفقه

ام خالد والجده باستسلام : امين

»»«»«»»««««««««««««»»»»«« «««««««««««««

خلال الاسبوع ارتحت شوي وقضيت وقتي باللعب مع

البزران ما اقدر اقاوم اللعب معهم

احس اني انسى العالم وكل همومه معاهم

احس نفسي مثل الفراشه اطير من مكان لمكان

بعيد عن الاحزان

يكفي انه الحزن ما يعرف بابي لما العب معهم

بالرغم من نظرات نايف لي بانتقاد بس

ما يهمني اهم شي وناستي وبس

هاذي حياتي وانا حره فيها

كانت تتصل في ام خالد على الجوال بس اعطيتها

طاف وما رديت عليها

جهزت اغراضي كلها بالحقائب وما اشتريت ولا

شي من السوق ولا طلعت من باب البيت

كنت انتظر نايف يسألني عن التجهيزات

بس خاب ظني طول الاسبوع ما عبرني

بس كان يرمقني بنظرات انتقاد

الكوافيرة : ارفع راسك فوق شوي

رفعت راسي بهدوء خلاص مو ضروري تعرفون وش صار خلال الاسبوع

المهم اني الحين بالصالون وبعد ساعات نتوجه

للقاعه

بعد ما طق كبدي وانا مثل الصنم ما اتحرك

واخيرا انتهيت وقفت اناظر نفسي بالمرايه

عفست ملامحي : كعب الصندل صغير ودي اطول من كذا

جدتي وهي ترمقني بنظرات اعجاب : لا كذا مناسب طولك

ام خالد لوت بوزها : يا حسره على ابني ما لقى غير قزم يتزوج

ناظرتها بغرور : القزم الف واحد يتمناها

ام بدر قبل ما يشتد الوضع : سلطان يسأل متى تجهزون ؟؟؟

الجده : لما نكمل نتصل عليهم

############

ناظرت ريم نفسها بالمرايه : واشرطه الاغاني جاهزه ؟؟

ام خالد بمجاكره : ما في اغاني يا حلوه

لفت ريم بعصبية : ليه ان شاء الله ؟؟؟

ام خالد : خالد قال ممنوع تتشغل الاغاني واستغلت

ام خالد الفرصه وضربت على خالد بدون ما ريم

تنتبه

ريم وهي تناظر جدتها : يا رب فرحة العمر كيف

ما في اغاني ؟؟؟

انا ودي ارقص ما اعرف ارقص على الاسلامي

الجده وهي تصغر عيونها : ما تعرفين ترقصين على الاسلامي

ورقصك الخالع بخطبه سليمان !!!

اصلا ممنوع تنزلين ترقصين ناقصنا تفشلينا

قدام المعازيم

ريم : الله يسامحك يا جده هذا هز عالخفيف

والحين ما لي دخل ابغى اغاني والا والله ما اروح لا

عالقاعه ولا على الزفه

وكتفت يدينها

ام بدر : ريم خلاص زوجك ما يبغى اغاني احتصري

ولا تنسين انه حرام

ريم بقهر : كلها كم ساعه بس !!

اذا هو ما يبغى اغاني انا ابغى

ام خالد بخبث : اسمعتها بإذنك

شهقت ريم وحطت يدها على فمها من الصدمه

ام خالد بانتصار : خذي وده يكلمك

ناظرت ريم ام خالد بقهر واشرت بحواجبها بالرفض

ام خالد بابتسامة : مو راضية تكلمك ..........

رجعت ام خالد ناظرت ريم: يقول لك بس دقيقة وده يكلمك

الجده بنهر : يا قليله الحيا ردي عليه

عفست ملامحي واقتربت من ام خالد وسحبت الجوال

حطيته على اذني وبهدوء : الو

خالد ببرود : كيفك يا ريم ؟؟؟

ريم بتوتر : الحمد لله بخير

خالد ببرود : وش قصه الاغاني ؟؟؟

ابتسمت ريم بغباء : ها لا هاذي جدتي الله يسامحها مصممه الا تحط اغاني ودها ترقص و...

قاطعتها الجده بعصبية : ريم يالكذوب

ضحكت ريم على شكل جدتها

وبعدها تذكرت انه خالدةعلى الخط سكتت باحراج

خالد بهدوء : اممم عموما الاشرطه الاسلاميه

جاهزه

وانا اعتمد عليك لا تخلين حد يشغل اغاني اتفقنا

ريم عفست ملامحها : اتفقنا

خالد : يالله ما اطول عليك مع السلامه

ريم : الله يسلمك

رمت الجوال على الكنبه بقهر

ام خالد وهي مبسوطة : تستاهلين اشوف القط بلع

لسانك ليه ما اعترضتي ؟؟

الجده مسكت ريم من اذنها : يا ملسونه انا طلبت

الاغاني

ريم بقهر ودموعها على وشك النزول : ما لي دخل

ام سليمان : كل هذا علشان اغاني

ام بدر مسكت يدها : ريم كبري عقلك وش تبغين بالاغاني ؟؟

هذا اول يوم لك بحياتك الجديده تبدين فيه بمعصيه

ربنا ؟؟

ريم بطفوله : كلها ساعه !!

ام بدر بحنان : اذا تضمنين عمرك بهاذي الساعه

انا مستعده اتصل بسلطان يخليه يقنع خالد

بس جاوبيني تضمني انك ما تموتين بهاذي الساعه ؟؟

ريم : ما اضمن

ام بدر : لا تنسين اذا حطيتي اغاني كل الحريم

للي رح يحضرون اثمهم برقبتك انتي

تقدرين تتحملين كل هذا الاثم ؟؟؟

ريم شبه اقتنعت : خلاص ما ابغى اغاني

باستها ام بدر على جبينها : الله يطول بعمرك يالغاليه ابتسمت ريم بمحبه لام بدر

الجده : مو وقت افلامك الحين لا يخترب المكياج

وانتي يا ام خالد اتصلي شوفي البنات كملوا

ام خالد بضجر : اخخخخ منهم رفضوا يحجزون هنا

معنا وبعدها اتصلت عليهم

&&&&&&&&&&&&&&&&&&&&&&&&&&&

عند الرجال كان خالد واقف يسلم على المعازيم

ومبسوط عالاخير

وخاصة لما شاف الفرحه بعيون ابوه وجده واعمامه

اما اولاد عمه يحسهم مو ذاك الزود معه

وكأنه ماكل حلالهم

ناظر صديق الطفوله راكان حسه متضايق

مو مثل العاده بس ما يدري وش السبب

هز كتافه وهو ناوي بعد العرس يشوف علامه متضايق

تذكر ريم وابتسم يا حليلها مطيعة وما عاندت

وابتسم زياده لما تذكر موقف امه اتصلت فيه

تسمعه كلام ريم بدون ما تنتبه

هز راسه وهو يردد بنفسه ان كيدكن عظيم

نغزه صقر بكتفه : الله يعوض تضحك مع نفسك

رفع خالد حواجبه : محتررررررر

كش عليه صقر : مالت عليك

عند الحريم

بعد ما انزفت ريم ورفض خالد يدخل عند الحريم

كانت جالسه على الكوشه

ودها تنزل ترقص بس محاصره ام بدر واقفه عندها

ما خلتها تقوم

ريم وهي تشوف البنات يرقصون انقهرت

وخاصه سديم تحسها تجاكر فيها

وهي ترقص

ناظرت ام بدر وشوي وتبكي : بس شوي يا خالتي

بس شوي

ام بدر بحزم : لا يعني لا

ريم من القهر صارت دموعها تنزل لما شافتها ام بدر

وقفت قدامها تحاول ما حد يشوفها : خلاص اخليك

تنزلين بس لا تبكين ويخترب المكياج

مسحت لها ام بدر الدموع بشويش

وبقهر يالله انزلي انا بحياتي ما شفت عروس

خفيفه مثلك اثقلي يا ريم

ريم بدون مبالاه : هاذي فرحه العمر

هزت ام بدر راسها مو عاجبها حركة ريم

نزلت ريم ترقص مع ام بدر وهزت هز وام بدر

أتأشر لها بحواحبها علشان ترجع

وهي مبسوطه وترقص ومعطيه طاف لام بدر

مو مصدقه نفسها انها لابسه فستان الزفاف قدام الناس

شعورها الحين تحسه شعور اجمل عن لباسها للفستان المره الاولى

يمكن الحين لانه الناس شافوها وحست فعلا انها

عروس

الجده متفشله تقربت منها ومسكت يدها : يالله

يا ريم المعازيم ودهم يباركون لك وبعدها تطلعين لانه خالد ينتظر

ريم بطفوله : بس شوي

وبطلوع الروح حتى قدروا يرجعونها مكانها

سلموا الحريم عليها وباركوا لها واغلبهم يصلون على النبي من جمالها

سلمت عليها ام زياد وبناتها وفرحوا لها

اما ام راكان سلمت عليها بقهر وبعدها طلعت

بنات عمها ولا وحده سلمت عليها وما باركوا لها

كانوا واقفين قريب منها بس ريم طنشتهم

وما اهتمت لامرهم

اما اخواتها سلموا عليها بهدوء وباركوا لها

******************************************

ركبت السياره وانتظرت تسمع ابوها يوصي عليها

بس وين اصلا ما شافته ولا بارك لها

وين امها الحين عنها كل الامهات ينتظرون لحظه

يزفون بنتهم

بس وين امها عنها ؟؟؟!!!

لا ام ولا اب !!!

تحس نفسك وحيد على الرغم من كثر الموجودين

الا تحس فيه نقص

نفضت راسها بالرفض خلاص انا قررت ما افكر

بناس مو سائله عني

رح اعيش حياتي وانبسط واليوم بالذات لازم ما انكد على نفسي

وقفت السياره عند بيت الجد لانه خالد رفض يروح عالفندق

ما كانت ريم تدري مين حولها ومين معها بالسياره

كانت سرحانه بعقلها بعالم أخر

ايقضتها من السرحان يد ام خالد : يالله يا ريم انزلي

ساعدتها ام خالد على النزول

نزلت ومسك يدها عمها فيصل : يالله يا ريم

مشت ريم مع عمها فيصل وخالد جنبها

حست الطريق طويييييل للجناح

دخلو الجناح

اقتربت ام خالد ورفعت الطرحه عن ريم وساعدتها

وخلعت العبايه

وجلستها جنب خالد

بعد ما بارك لها خالد

كان خالد يناظرها ويصلي على النبي بنفسه مو مثل ما قالوا

انها صغيره بس جميله حيييل

الجد بتوصيه : ريم انتبهي على زوجك واسمعي كلامه

ولسانك الطويل قصريه فاهمه

فتحت عيونها على وسعهم من كلام جدها

ضحك خالد على تعابير وجهها

فيصل بابتسامة : لا تناظري كذا

مثل ما سمعتي لسانك الطويل قصريه واسمعي كلام زوجك فاهمه

ناظرته بقهر كان ودها ترد وتبرد حرتها بعمها وجدها

بس بلعت لسانها قدام زوجها وسكتت وهي

تقول بغيض : ان شاء الله عمي

خالد بضحكه : طيب المفروض توصوني عليها !!

الجد : ما يحتاج عارفينك اما بعض ناس تحتاج

مجلدات بالتوصيه

ناظرت ريم جدها بتوعد

ولوت بوزها زعلانه

بعدها استأذنوا وطلعوا بعد ما وصاهم خالد على عياله .................

«»««»»«»»»»»»»»»»»»»««««« «««»»»«««»»»

ثاني يوم بعد العصر كانت جالسه مع الحريم

وهي لابسه فستان ازرق غامق لنصف الساق

بأكمام طويله ومخصر وفيه حركات بسيطه

وشعرها مفتوح بدون حركات مو مثل العاده

سديم بنغزه : اول مره اشوف عروس بدون ميك آب

ريم انقهرت لما تذكرت وهي تحط مكياج اعترض

خالد وقال لها ممنوع تحط شي على وجهها

لانها ما تغطي وجهها

وحتى الفستان ممنوع يكون بدون اكمام طويله ولازم يكون طويل

اضطرت تسمع كلامه لانها عندها كلام الزوج

لازم ينسمع وما تقول له لا

ابتسمت بوجه سديم : خالد ما رضي احط يقول

جمال رباني مو بحاجه للمكياج وحركت حواجبها

انقهرت سديم ولوت بوزها

وقعدوا يسولفون وكان الجوز الثلاثي مع ريم عادي

مثل اول يتكلمون ويضحكون

لحد ما دخلت هيفاء ورافعه خشومها مترين

سلمت على الموجودين وعلى ريم برؤوس اصابعها

طنشت ريم وجلست مكانها

هيفاء بنغزه : بالله هذا شكل عروس والله انك يا ام

خالد تفشلين بالبدايه اول ما دخلت ظنيتها

صديقه طيف ونوف بالمدرسه

حتى الناس يتكلمون يقولون ما لقت لابنها الا هاذي

القزم

ام خالد ما ردت لانها عارفه انها هيفاء كلامها مو صحيح

خاصه البارحه بالعرس كان طول ريم عادي مع الكعب مو واضح قصرها

دخلت ام بدر على كلام هيفاء وبابتسامه : ليه تقولين

كذا والله البارحه اغلب الحريم يقولون نايف وين

مخبي هالغزال

وغمزت ريم

ابتسمت ريم على كلام ام بدر

الجده بحسن نيه : حتى ام راكان زعلانه كثير

تقول على حساب ما ودكم تزوجونها

والله اني انحرجت منها

ساميا : كل شي نصيب بالدنيا

هيفاء احتقن وجهها من القهر

بعدها دخلوا بناتها وسلموا على ريم عادي مو

مثل امهم

وجلسوا مع البنات

دخلت طيف ونوف وهم يركضون ومسكوا يد

ريم تعالي بسرعة احمد ينادي عليك

ام بدر اشرت لها لا تقوم بعيونها

اضطرت ريم ما تقوم وعقلها عند احمد معقول

اشترى شريط اللعبه الجديد

صارت تهز رجلها بحماس طفولي

رجعت طيف واقتربت من اذن ريم وهمست فيها

ريم بحماس بدون وعي : احلفي

ناظروها الحريم والبنات باستغراب

طنشتهم ووقفت متحمسه عالاخير

الجده : وين يا ريم ؟؟

ريم لبست عبايتها بإهمال والشيله على راسها

وبدون اهتمام للجده : الحين ارجع

وبسرعة طلعت من مجلس الحريم

وبحماس : وينه احمد يا طيف ؟؟

طيف مسكت يدها : بسرعه بالصاله فوق

طلعت ركض مع نوف وطيف وتوجهت للطابق

الثاني

احمد بحماس : جبته جبته الشريط

ريم بحماس : يالله شغله بسرعة بسرعة

شغلوا الشريط وجلست على الارض تلعب بحماس

وهي واحمد

والبزران يشجعونهم

ونسيت الجلسه تحت ونسيت انها عروس ولازم

تتواجد تحت

هاذي ريم عند الالعاب تنسى كل شي حولها

وعقلها ينحصر بالالعاب مثل البزران

############################

بعد مرور ساعتين ما رجعت ريم

ام خالد باستغراب : وين ريم ما رجعت ؟؟؟

الجده : يمكن خالد ناداها

رن جوال ام خالد ردت بفرح : هلا وغلا بالمعرس...............ليه ريم مو عندك قبل ساعتين طلعت وبعدها

ما رجعت ................خلاص رد لي خبر وينها وخلها

تنزل الحريم يسألون عنها ..........ان شاء الله مع السلامة

الجده باستغراب : مو عنده ؟؟

ام خالد وهي متأكدة من مكانها : لا يا خالتي يقول ما شافها واقتربت من الجده وهمست بإذنها

الجده فتحت عيونها وبهمس : بتعملها هالريم

الحين تاركه الجمعه علشان الزفت متى تعقل هاذي البنت متى ؟؟؟!!

ام خالد : انداري

طلع للطابق الثاني وهو يفكر وين راحت

ساعتين مو قليلات

دخل الصاله سمع صوت البزران وصوتها غالب : احمد والله لافوز عليك

احمد : ههههه باحلامك

طيف تشجع : احمد بثرعه اثبقها بثرعه

مصعب : يالله يا ريم يالله اسرعي

ريم وشوي وتبكي : احمد غشاش وقسم بالله

لاكسر سيارتك غشاش

كان واقف متكتف ويناظرهم ببرود بدون ما ينتبهون عليه

احمد نط لفوق : هههههه فزت عليك

ريم بكيد وقهر رمت للي بيدها بقهر ودموعها

ينزلوا

ومسكت احمد من يده وبصراخ : وقسم بالله

لنعيدها وافوز عليك يا دب

احمد وهو يلعب بجواجبه : نو نو نو نو

ريم بقهر وعصبيه : والله لتعيدها

قاطعهم صوت طيف : بابا انت هنا ؟؟

وركضت عليه

ناظرت ريم خلفها وهي تمسح دموعها بطفوله

وانحرجت من وجوده

مصعب ركض : بابا

مسح على شعر مصعب بحنان وهو يبتسم له

وبعدها ناظر ريم بهدوء : ريم وش هذا التصرف ؟؟!! الحريم يسألون عنك وانت تلعبين هنا ؟؟

يالله بسرعة انزلي تحت عند الحريم ومسحي دموعك

وانتم كملوا لعب

ناظرته ريم وسكتت بقهر

وتوجهت لتحت وهي تعدل الشيله وتمسح دموعها

&&&&&&&&&&&&&&&&&&&&&&&&&&&

دخلت عند الحريم وهي مخنوقة وداخلها نار

كيف احمد الدب فاز عليها

جلست عند ام بدر وبوزها شبرين

ام بدر : علامك متضايقه ؟؟

ردت وشوي وتبكي : احمد الزفته فاز علي باللعبه

حطت ام بدر يدها على فمها : ريم كنت تلعبين ؟؟؟

انت الحين كبيره على اللعب

لوت ريم بوزها

الجده وعارفه مكانها وعارفه ليه زعلانه : وين كنتي ؟؟؟

ريم بعصبيه : بجهنم الحمراء

روان ورفعت حاجب : ليه العروس معصبه ؟؟؟

سديم بضحكه تنرفز : لا وكمان بتبكي اكيد محصله

كم طراق محترم

ناظرتهم ريم باشمئزاز ولفت وجهها

ام بدر مسكت يدها : هدي

هزت ريم راسها وزفرت بضيق ما رح ترتاح اذا ما فازت على احمد

انفضت الجلسه وما بقى الا اهل البيت

الجده : البسي عباتك والشيله نواف وسامر ودهم يدخلون

بدون نفس لبست ريم العبايه والشيله

دخل الجد وفيصل وخالد ونواف وسامر

وجلسوا بهدوء

الجد بابتسامة : اخبارك يا ريم ؟؟

ريم بهدوء وصوت هامس : الحمد لله

دخل البزران وهم يضحكون

طيف جلست بحضن ابوها وخالد يضحك فيها

ومبسوط عليها

ناظرت ريم احمد بتوعد

احمد جلس جنبها وبهمس : بعدك زعلانه ؟؟؟

ناظرته ريم وبهمس : حسابك بعدين يا دب

احمد بابتسامة وهمس لها : والله مو قصدي افوز عليك خلاص تعالي الحين نعيدها مره ثانيه

سحبت يدها بعنف : انقلع عن وجهي

احمد وشوي يبكي ما يطيق يشوفها زعلانه : اسف اسف والله مو قصدي

طنشته ريم

احمد : تعالي نعيدها واخليك تفوزين علي

فيصل : احمد وش عندك جالس عند ريم مو عيب

عليك تعال هنا اشوف

احمد يمسح طرف دمعه : بس شوي الحين اجي

ومسك يدها تعالي نعيد اللعبه

سحبت ريم يدها لما شافت اغلبهم يناظرونها : انقلع عني

الجد بحزم : احمد وش عندك ؟؟؟ تعال هنا واترك ريم

احمد بقهر قام وجلس عند سامر

«»»«»»««»»»«»»»»«»»»»»»»» »»»«»»»»»»

سديم بهمس : شوفي العروس عريسها ولا معبرها

ولا كأنها موجوده

روان بشماته : هههه تستاهل

سديم غمزت لروان : خالد

ناظرها خالد بابتسامة : نعم

سديم : الله ينعم عليك

قدمت اووراقك للمستشفى. ؟؟؟

خالد بهدوء : ايه قدمتهم

نواف : وش يعجبك بالطب يلوع الكبد كله دماء

سامر باشمئزاز : مقززززززززززز

خالد يحرك حواجبه : محترين

الجده بفخر : من قهركم تقولون كذا

هذا الدكتور خالد يرفع الراس

فيصل : وانت يا نواف متى قررت زواجك ؟؟؟

نواف بابتسامة : خلاص نويت بعد اسبوعين

ام خالد : علامكم تقررون بسرعه والواحد ما يمداه

يجهز نفسه !!!

خالد : في وقت وزياده

سديم : ما يمدي نجهز !!

نواف : كيف جهزتم لعرس خالد باسبوع ؟؟ انا اعطيكم كمان اسبوع زياده

سامر : خلاص رح تطلع من قفص العزوبيه

بس الله يعينك على عمتي تراها قشرا

الجد بحزم : سامر

حك سامر راسه باحراج : اسف

طيف : بابا انا اشتري فثتان لعرث عمو

خالد بفرح باسها : اكيد يا قمر

مصعب ببراءه : سميه طويله مو مثل ريم قزم

ناظرته ريم وهي مفتحه عيونها

وضحكوا البنات بصوت عالي

خالد بابتسامة : مصعب عيب هذا الكلام لا تعيده

اتفقنا

مصعب بفرح : اتفقنا

نزلت ريم راسها بقهر ونفسها تمسك مصعب وتقص لسانه مع انها متأكده انه سديم وروان قالوا له

يقول كذا

طنشت حتى ما تخليهم يحصلون مرادهم

نواف بابتسامة : غريبه ريم ساكته القط ماكل لسانك

ناظرته ريم باشمئزاز طفولي من متى تجلس معه وتتكلم

معه حتى يقول عنها كذا

طنشته وما ردت عليه

نواف حس انه تفشل انقهر منها على وش

شايفه نفسها

وقف خالد بهدوء وهو حامل طيف : يالله نستأذن الحين

ناظرت الجده ريم واشرت لها بحواجبها تقوم

كان ودها تعاند بس اختصرت قدام خالد تخاف

يزعل منها

وقفت وهي تبتسم

خالد مسك يد مصعب وطلع وريم خلفه تمشي

طلع الدرج بدون ما يلتفت لها

ودخل الجناح وهو يكلم طيف ويضحك معها

دخلت خلفه بدقايق بهدوء

كان يلاعب بطيف ومصعب ويرفعهم بالهواء

وصوت ضحكهم طالع

جلست على الكنبه بهدوء بعد ما خلعت الشيله

وتناظرهم بملل

جلس مقابلها على الكنب وهو يضحك : خلاص

تعبت يا طيف

مصعب بطفوله : بس اخر مره

خالد : خلاص بابا بكره العبكم الحين تعبت اتفقنا

مصعب وطيف بفرح : اتفقنا

جلسوا عند ابوهم طيف من جهة اليمين ومصعب

من جهة اليسار

وصار يمسح على راسهم ويحكي لهم قصص

وطيف ومصعب منصتين ومنسجمين بالقصه

كانت ريم حاطه يدها تحت خدها وتستمع للقصه

بانسجام

خالد يوزع نظره بين طيف ومصعب ويبتسم

كان يا ما كان في قديم الزمان

كان في بنت اسمها

طيف بحماس : اثمها ليلى

ابتسم خالد وهو يناظرها حافظه القصه : اسمها ليلى

قالت لها امها روحي ودي الكعك لجدتك وانتبهي

للطريق لا تضيعين الوقت وانت تقطفين ورد

واذا طلع لك الذيب لا تردين عليه ولا تكلمينه

قالت ليلى لامها

مصعب بحماس : حاضر يا ماما

مسح خالد على شعر مصعب بحنان : قالت لها حاضر

اخذت ليلى الكعك

وصارت تمشي بالشارع والورد على جنب الطريق

عجبتها ورده ولقطتها وصارت تلعب وتلقط

ورد وفجأة طلع لها

طيف : الذيب

خالد بابتسامة : صح الذيب قال لها وين رايحه يا ليلى

قالت ودي اروح اودي الكعك لجدتي قال لها

وش رايك نتسابق في طريقين طريق قصيره ووعره

وطريق طويله وسهله

اختاري اي طريق

اختارت ليلى الطريق الطويله السهله

وراح الذيب من الطريقه القصيره

وصلت ليلى لعند جدتها طرقت الباب

دخلت على جدتها وحطت الكعك

طيف اشرت على ريم : بابا شوف ريم نامت

ناظرها كانت حاطه يدها تحت خدها وسانديتها

على يد الكنبه ونايمه بعمق

خالد بابتسامة : وش رايكم تنامون مثلها وباكر اكمل لكم القصه اتفقنا

مصعب وطيف : اتفقنا

وقف خالد : يالله على غرفكم

وصل طيف على غرفتها وغطاها

وبعدها طلع مع مصعب لغرفته غطاه وقفل النور

وطلع للصاله

اقترب منها بهدوء وهزها من كتفها : ريما ريما

فتحت عيونها بشويش ومو مستوعبه

خالد بهدوء : قومي نامي يالله

وقفها وهي شبه نايمه ما تدري عن شي وتوجه للغرفه

&&&&&&&&&&&&&&&&&&&&&&&&&&&

جالسه بالصالة مع طيف ومصعب وبقهر : كذابه

طيف : والله العظيم انك نمتي قبل ما تخلص القصه

مصعب : بعدك زعلانه من احمد

ريم تكتفت وبزعل : ما رح اكلمه

مصعب بطفوله : انا ما لي دخل انا شجعتك صح ؟؟

ريم بابتسامة مكر : اسامحك بشرط روح جيب الشريط

من احمد ولا تقول له انا قلت لك علشان نلعب هنا

انا وانت وبس

مصعب : الحين اروح ؟؟

ريم بفرح : ايه الحين بس لا تتأخر انا انتظرك

وقفت طيف : والله غير ادول لاحمد

مسكتها ريم من يدها وبصراخ : مصعب روح بسرعه وقف خالد دوبه قايم من النوم : وش هذا الصراخ ؟؟

وين رايح يا مصعب ؟؟

ارتبكوا الثلاثه وريم اعطت طيف نظره بمعنى يا

ويلك اذا قلتي

مصعب : بابا ابعى اروح العب مع احمد

خالد بحزم : لا ارجع هنا الساعه 10.30 تعال افطر بالاول وبعدها تروح تلعب اتفقنا

مصعب بإحباط : اتفقنا

خالد يناظر ريم بهدوء : جهزتي الفطور ؟؟

ريم بنظره غبيه : انا ؟؟

جلس خالد على الكنبه بهدوء: لا للي وراك !!

ايه انتي جهزتيه ؟؟

ريم باحراج ما تعرف شي بالمطبخ وبهمس : الحين اجهز الفطور

دخلت المطبخ وعفست ملامحها ما تعرف شي

فتحت الثلاجه طلعت لبنه وجبنه

ما شافت شي مفيد للفطور

بعدها حطتهم بصحون

وطلعت من المطبخ بهدوء وصوت هامس : الفطور

جاهز

ناظرها واستغرب سرعتها بالتجهيز : يالله يا طيف ومصعب غسلوا يدينكم وتعالوا على الفطور

غسلوا يدينهم وتوجهوا للمطبخ

جلس خالد على الطاوله وباستغراب ناظر وجبة الفطور

ما في الا صحن لبن وجبنه وبهدوء : وش هذا ؟؟

ناظرت ريم الطاوله وبهمس : فطور

ناظرها : طيب وين القهوه ؟؟؟ وين الشاهي ؟؟ وين الحليب ؟؟

وقف خالد بهدوء وااتجه لريم

خافت ريم ورجعت خطوه للخلف

خالد ببرود : انتبهي علي كيف اجهز القهوه والحليب

اتفقنا

هزت ريم راسها

خالد ببرود اعصاب جهز الحليب والقهوه وهو

يقول لها الطريقه ويعلم فيها

وعمل توست بالجبنه

وريم تهز راسها بطريقه غبيه

بعد ما كمل حط القهوه والحليب على الطاوله

واشر لها تجلس

سكب له من القهوه ولريم

وسكب كوبين حليب لمصعب وطيف

طيف بفرح : بابا طباخ

خالد غمز لطيف : يالله اشربي الحليب وش رايك فيه ؟؟؟

مصعب شرب من الحليب : اممممم شكرا بابا

خالد بفرح : اهلين كل يوم زورنا

كانت ريم تناظر الحليب ودها منه بس تستحي

تطلب والقهوه ما تشربها الا نادرا

فجأة وقعت كاسه طيف على الطاوله وانكبت

ناظرت ريم وابتسمت وعرفت انها نافسيتها وعينها

عليها

نقزت على صوت خالد : بسرعة جيبي فوطه

ناظرته بطريقه بلهاء وبعدها وقفت

تناولت فوطه وتوجهت للطاوله ومدتها لطيف

ناظرها خالد بجديه : تعالي نظفي مكانها الله يجزيك الخير

تضايقت ريم بداخلها مو هي للي كبته علشان تنظفه

بس سكتت وصارت تمسح فيه

بطريقه نرفزت خالد : مو كذا يا ريما

طيف : بابا اسمها ريم

اخذ منها الفوطه ونظف المكان : كذا نظفيه مره ثانيه اتفقنا

هزت راسها وهي تتوعد بطيف تعبتها بالتنظيف

خالد بهدوء : اغسلي الفوطه قبل ما يموت فيها

الوسخ

هزت راسها وراحت تغسلها وبداخلها تتحلطم

كملت غسيل ودها تجلس وترتاح حاسه نفسها

تعبت من الشغل < الاخت مصدقه حالها 

رجعت جلست على طاوله الطعام بهدوء

وتناولت التوست وصارت تاكل مثل الصوص

وقف خالد : الحمد لله

وطلع من المطبخ

طيف : اعطيني دهوه اشرب

مصعب : والله لاقول لبابا عنك

طيف : بس شوي <فيس يترجى

ريم بانتقام : لا القهوه للكبار بس

طيف باعتراض : طيب انتي ليه تشربين ؟؟

مصعب وقف : اروح اقول لبابا عنك

طيف بقهر : خلاص ما ودي اشرب بس لا تقول له

بعدها وقفت : الحمد لله ريم تعالي شوفي

دفتر رسمي

وقفت ريم بملل : يالله

مصعب : وانا الحمد لله

ناظرتهم وطلعت معهم من المطبخ وتوجهوا

لغرفه طيف كانت الصاله فارغه

دخلوا غرفه طيف جلست ريم على سرير طيف

مسكت طيف دفترها : شوفي

فتحت ريم دفتر طيف وتصفحت اوراقه وبصوت عالي ضحكت : هههههههههههه هاذي خرابيش دجاج ههههههههههههه هذا رسم ههههههههه

قاطعهم دخول خالد

طيف بزعل : شوف بابا ريم تقول عن رسمي خرابيش

خالد تقدم وسحب الدفتر من ريم وناظره : حلو رسمك يا بابا اكيد لما تكبرين رح تصيرين رسامه

هزت راسها طيف بفرح

خالد ناظر ريم : ليه المطبخ كذا يا ريما ؟؟؟

ناظرته ريم بغباء : انا ؟؟

هز راسه : لا يمكن اتكلم مع السرير

كرد فعل ناظرت السرير خلفها

خالد ببرود : تعالي نظفي مكان المطبخ الله يآجرك

وقفت ريم وبداخلها بركان ما ودها تشتغل

بس ما تدري ليه ما تقدر ترفض وطلعت من الغرفه

متوجه للمطبخ

ناظرت المطبخ بعجز وملل تكيف تنظفه

حكت راسها وتقدمت من الطاوله واخذت الجلي

بالمجلى بعصبية

تكره الجلي والتنظيف

مسحت الطاوله بضجر وبعدها توجهت للجلي وبداخلها تكلم نفسها

بيتهم مليان خدم ليه انا انظف لازم وقفت بوجه

وقلت له اسف نظف انت

لا لا عيب وبعدين ما انسى مره وانا اقلب بالقنوات

كان درس ديني عن الزوج وكيف طاعته

ما انساه لو نامت المراءه وزوجها غضبان عليها

طول الليل الملائكه تلعنها

وما يصير تطلع بدون اذنه وامور كثيره

نقزت على صوت خالد التفتت للخلف

خالد بهدوء : بسم الله عليك

الطاوله لا تنسين تنظفيها قبل ما تطلعين

انا وطيف ومصعب نازلين تحت لا تتأخرين علشان الغداء

هزت ريم راسها وبنفسها لو يدري اني نظفتها

الطاوله

بعد ما طلع من المطبخ توجهت ريم للطاوله

وناظرتها يا حلاتها وش فيها نظيفه بس الظاهر

عنده وسوسه زياده

رجعت تكمل جلي وهي بضجر وتتحلطم بداخلها

كملت جلي وناظرت المجلى وزفرت بضيق : خليني

ارتاح بعدين انظف المجلى والطاوله والارضيه

توجهت للطاوله وجلست ترتاح < عايشه الدور ريم

**********************************

نزل من الدرج بهدوء وجلس بصاله التي في

مع امه وجدته وابوه وجده

ام خالد بفرح : افطرت يا خالد ؟؟

خالد بابتسامة دافيه : ايه يمه افطرنا فوق

الجده : لسه ما تفطرون هنا ؟؟

خالد : لا يالغاليه نفطر فوق والغداء هنا

فيصل : خليهم براحتهم

الجد : وينها ريم ؟؟؟

خالد : تنظف الجناح وبعدها تنزل

الجده باعتراض : يا خالد بعدها عروس والخدم يا

كثرهم

خالد : يا جدتي تعرفين اكره ما علي الخدم يدخلون

جناحي

وبعدين الشغل قليل بس فطور رح تنظف المطبخ

وتنزل خليها تتعود تتحمل مسؤولية

فيصل : صادق خلها تتحمل المسؤولية

خالد : وين نواف وسامر ؟؟

ام خالد : نواف طلع من الصبح على دوامه وسامر مع

اولاد عمه يمكن

خالد هز راسه بهدوء

:::::::::::::::::::::::::::::::::::::::::::::::::: ::::::::::::::::

بعد ما كملت شغل اخذت دش تجدد فيه

نشاطها

لبست برمودا زهر وبلوزه خيط لونها ابيض

ومشطت شعرها وقسمته من النص

وجدلته جدوله من على اليمين وجدوله على اليسار

وربطته برباط لونه زهر

كانت طفوليه للغايه ولا كأنها عروس

ناظرت للساعه كانت 2.00 وقت الغداء تأخرت

وبسرعة لبست العبايه والشيله

بدون ما تناظر بالمرايه وطلعت من الجناح

ما تقدر تقاوم التزحلق ابتسمت وتزحلقت على الدرابزين

بعدها قفزت باحترافيه عدلت وقفتها وتوجهت

لصاله الطعام بهدوء

دخلت كان الجميع متواجد على راس الطاوله الجده

وقباله خالد وعن يمينه طيف

وعن يساره مصعب

وعلى يمين الجد الجده وعلى يساره فيصل وجنب فيصل ام خالد و سديم وروان واحمد

وجنب الجده سامر ونواف ونوف

توجهت وجلست جنب احمد بهدوء بعد ما ردت

السلام بصوت منخفض

ناظرها نواف وبعدها همس لسامر : من وين الادب نازل عليها

سامر بابتسامة : اسكت لحد يسمعك

خالد منشغل بعياله واكلهم

ام خالد : خالد اتركهم ياكلون لوحدهم

خالد بابتسامة : خايفه يخلص الاكل

الجده : خلهم يعتمدون على نفسهم ويتعودون

على الاكل لوحدهم

خالد : شوفي ياكلون لوحدهم بس مجرد اشراف

كانت منحرجه منهم اول مره تاكل معهم وخاصة

بحضور نواف وسامر

شربت من المويه ومن زود الاحراج فلت من يدها وقع على الارض وتكسر

الكل ناظرها

ناظرت جدها باحراج ووجها احمر من الفشيله

الجد بهدوء : انكسر الشر

الجده بلوم : وين عقلك ؟؟

نواف بمزح : عقلها بالمريخ

سديم بهمس سمعته ريم : ليه عندها عقل

روان : مفشوحه

ام خالد وقفت : اروح انادي على ميرفت تنظفه

خالد باعتراض : والله ما تروحين كملي اكلك

واشر لريم : روحي نادي ميرفت تنظفه

هزت ريم راسها بهدوء وطلعت من الصاله

ودمعتها على طرف عينها

دخلت المطبخ وطلبت من ميرفت تروح تنظف

غسلت وجهها وتحس بدموعها على خدودها

كان نفسها تمسح فيهم الارض

بس علشان خالد سكتت

احترام الزوج نشفت وجهها وجلست على الكرسي بالمطبخ

بعد دقايق رجعت ميرفت بعد ما نظفته

ناظرت ميرفت يمكن قالوا لها علشان

تخبرها ترجع تكمل اكل

بس ميرفت ما تكلمت

حطت راسها على الطاوله وغمضت عيونها

حاسه بنعس شديد

وخلال ثواني دخلت عالم الاحلام

***************************************

بعد ما كملوا اكل سديم وروان طلعوا على جناحهم

والباقي توجه لصاله التي في

الجد : وين ريم ما رجعت ؟؟

ام خالد : يمكن رجعت على جناحها

الجده : شفت قلنا لميرفت تناديها تكمل اكل

وما رجعت

الجد : يمكن انحرجت روحي يا نوف شوفي وين ريم

وقفت نوف

خالد : خليك انا اروح اشوفها وقف وبعدها طلع على الجناح

دخله ما في احد فاضي

دخل مطبخ الجناح هز راسه بأسف كذا مع التحريص وطلع شغلها كذا

بعدها طلع من الجناح وتوجه للمطبخ تحت

دخله شافها

حاطه راسها على الطاوله اقترب منها وناظرها كانت

نايمه

عقد حاجبه باستغراب وين ما تيجي تنام

هزها على الخفيف : ريما ريما

رفعت راسها ومالت براسها عالخفيف وهي تحس

رقبتها توجعها

حركت راسها يمين ويسار

خالد وهو يناظرها : غلط تنامين كذا

اطلعي على الجناح فوق ونامي اذا بعدك نعسانه

هزت راسها بنعس وتعب ووقفت وتوجهت خارج المطبخ وهي مثل السكران

طلع من المطبخ بعدها وهو حاس بضيق

ورجع عندهم

&&&&&&&&&&&&&&&&&&&&&&&&&&&&

طلعت الدرج وهي دايخه من النعس قبل ما توصل

الجناح ركض عليها

مصعب متحمس : ريم ريم

ناظرته وهي مغمضة عين : هممممم

مصعب بحماس : جبت الشريط

فتحت ريم عيونها وكل النعس طار : احلف

طلع مصعب الشريط من داخل بلوزته مخبيه

وصار يحركه يمين يسار

خطفته ريم من يده بسرعه ومدت يدها بالجو

بحماس : ياهو

تعال نلعب بسرعه داخل الجناح

علشان احمد ما يدري

وتوجهوا للجناح دخلت بسرعه ورمت الشيله والعبايه على الارض بعشوائيه

وشغلت الجهاز وتربعت على الارض وجلس جنبها

مصعب متحمس

دخلت الجناح طيف وشهقت : متى اخذتوا الشليط ؟؟؟

طنشوها الاثنين وهم متحمسين للعبه

اقتربت منهم وصارت تشجع مصعب

وتمسك ريم من جدولتها وتشدها علشان

تخسر

وريم تصارخ بصوت عالي وتتوعد فيها

وطيف تضحك بصوت عالي

فجأة دخل الجناح وتكتف وهو يشوفهم كذا

طيف بصراخ : مصعب اسبقهاااااااااا بسرعة

ريم بصراخ : وقسم بالله لتندمي يا طيف

طيف : مصعب مصعب مصعب

ريم : خلاص الحين رح افوووووووز

فجأة طفى الجهاز

ريم بقهر ناظرت شافت خالد واقف و ساحب اسلاك

الجهاز

مصعب بزعل : ليه عملت كذا ؟؟؟

خالد بجديه : وش هذا الصراخ كأننا بملعب !!!

طيف : بابا هاذي ريم

خالد : وانت صوتك يا طيف ليه طالع ؟؟

طيف بزعل : اشجع مصعب علشان يفوز

حملها خالد وباسها : ربي يسعدهم المشجعين

وبعدها ناظر ريم بلوم : ليه ملابسك على الارض كذا ؟؟؟

رتبيهم وثاني مرة لا ترمينهم كذا اتفقنا

هزت ريم راسها

خالد بهدوء : ما يؤمر عليك ظالم

اعملي لي فنجان قهوة

هزت ريم راسها بهدوء وتوجهت للمطبخ

*************************************

خالد

نفسي اعرف وين يروح صوتها قدامي هاديه

بشكل كبير بحضوري

ما ادري وش السبب وهذا المطلوب الحمد لله من ناحيه

الطاعه مو متغلب معها ما تقول لا بس انا احب البنت

الحركه السنعه تشتغل تنظف مو مثلها ما تعرف شي

انا ما اطيق اشوف مكان مو نظيف لازم كل شي

يلمع ومرتب

قاطعني مصعب : بابا وديني الالعاب

كنت ودي اكمل لكم عن رأيي بريم بس قاطعني

مصعب اكمل لكم بعدين

ناظرته : امممم الاسبوع الجاي

طيف برجاء : يا بابا يا بابا

مصعب : زمان ما اخذتنا معك

رديت بتفكير : امممممم خليها لبكره احسن اتفقنا

طيف ومصعب بدون نفس : اتفقنا

جلست اكلم طيف ومصعب واضحك معهم

دخلت ريم ومعها القهوة ناولتني الفنجان كان ودها تجلس

اشرت لهاعلى ملابسها

توجهت وحملتهم ودخلت لغرفه النوم

مسكت فنجان القهوة ارتشف منه

ويا ليتني ما طلبت قهوة من الاساس

ما ادري وش طعمها علقم محروقه ما اقدر اصف

لكم توجهت للحمام اغسل فمي واتمضمض

لعله يروح

وبعد مرور دقايق طلعت من الحمام شفتها

واقفه تناظر ومستغربه

سألتها بهدوء : اليوم انا عملت قدامك القهوه ؟

هزت راسها بالموافقة

سألتها ببرود : وليه ما عملتيها الحين مثلي ؟؟؟

ردت بصوت اقرب للهمس : عملتها مثلك نفس

الطريقه

خالد : الله يسامحك الظاهر غلتيها كثير حتى انحرقت ردت بأسف : مو قصدي اعمل لك غيرها

ناظرتها باستغراب هاذي البنت للي لسانها طويل

والكل يشكي من طوله : لا مشكوره ما ودي اغلبك

ناظرت ساعة يدي : اصلا ما يمدي قريب اذان العصر

وطلعت للصاله : يالله يا مصعب تعال معي عالمسجد

ركض بسرعة ومسك يدي وطلعنا بهدوء من الجناح

^^^^^^^^^^^^^^^^^^^^^^^^^^^^^

بعد ما طلع خالد رمت نفسها على السرير تنام

دخلت عليها طيف : ودك تنامين

ريم وهي تفرك عيونها : تعالي نامي هنا بس بدون ازعاج

هزت طيف راسها ونامت جنب ريم .........

بعد ما كمل صلاه رجع من المسجد كانت جدته جالسه بالصالة الخارجيه : تعال اشرب قهوه

تذكر قهوه ريم وحس نفسه تقلب عليه : الحين نازل بس اتفقد طيف وارجع لك

طلع للجناح ودخله كان هادي دخل المطبخ يشرب مويه

وعفس ملامحه لما شاف المطبخ معفوس

ومقلوب

ضرب كفه على جبهته : يا رب كله فنجان قهوة

طلع من المطبخ ودخل غرفه النوم

وشافها نايمه وهي وطيف كان وده يصحيها تنظف المطبخ

بس تراجع ونوى يخليها تنظفه بعد ما تصحى

طلع من الجناح بهدوء ونزل تحت

فيصل ناظر خالد وبهدوء : وين ريم ؟؟؟

رفع خالد نظره لابوه : نايمه

عقد فيصل حواجبه : حد ينام الحين بعد العصر

انتبه يا خالد لا تعطيها وجه باكر تندم تراها

ملسونه وعنيده اطلع صحيها خلها تنزل تجلس

معنا وتتسنع

ابتسم خالد وهو يناظر ابوه : خليها نايمه وبعد نص ساعه اصحيها

فيصل لوى بوزه مو عاجبه : المربيه ليه ودك تسفرها ؟؟؟

خالد بهدوء : ما لها لزوم خلاص تزوجت

الجده هزت راسها بأسف : ومين يهتم للعيال ؟؟؟

ابتسم خالد نازلين تحقيق معه : هاذي ريما من باكر

ان شاء الله تهتم فيهم

فيصل بلوم : تراك تظلم عيالك

ليه ما تزوجت وحده كبيره واعيه تهتم فيهم مو

بزر يالله تقوم بحالها

هز خالد راسه بندم : كل شي قسمه ونصيب

والصغير يكبر ويتعلم صح يا جدي

كان الجد يناظرهم وساكت ويسمع كلامهم

حدد نظره على خالد : كلامك عين الصواب بس

خلك شديد معها حتى تتسنع

بس ما تظلمها

خالد ببرود : ان شاء الله

دخل سلطان وسلم على الموجودين وجلس وزفر بضيق

فيصل وهو يحرك السبحه بأصابعه : علامك متضايق ؟؟

سلطان يعدل جلسته : رفع ضغطي هالبدر

الجده بتأثر : الله يكون بعونك عليه ما ادري متى

يعقل ؟؟؟

فيصل بغل : يعقل اذا اعطيته كم طراق يعدله

سلطان بابتسامة : كل شي عندك ضرب

كانت ودها تتزحلق بس لما شافت خالد

تراجعت

نزلت بهدوء وابتسمت بفرح لما شافت سلطان

توجهت له

وقف بوجهها وبسرعة رمت نفسها عليه وحضنته

الجده بغيره : اهجدي يا بنت

همس سلطان بإذنها : اخبارك يا عروس ؟؟؟

هزت ريم راسها بعد ما ابعدت عنه وخدودها حمروا

جلست جنبه بهدوء

فيصل بحده : ليه نايمه للحين ؟؟ انت الحين كبيره

مو صغيره عندك مسؤوليات وواجبات

مو مثل قبل

قاطعهم دخول عبود وهو يبتسم : حياكم الله جميعا

وجلس جنب خالد وبابتسامه : اخبارك يا ريم ؟؟

ناظرته ريم بقهر من هو وصغير ملسون وملقوف

بعدها ناظرت عمها سلطان ونزلت نظرها وبصوت منخفض : بخير

عبود بابتسامة : وانا بخير

ناظرته ريم وهي عاقده حواجبها من ثقل دمه

سلطان اعطاه نظره

وقف عبود وهو يبتسم بعباطه : يالله عن اذنكم

فيصل مو عاجبه انه يكلم ريم : اذنك معك

بعد ما طلع التفت على سلطان بحده : عاجبك ابنك

وش عنده يكلمها

سلطان يخفف من عصبيته : خلاص لما ارجع البيت

افرك اذنه على هاذي الحركه

فيصل ناظر ريم بعصبية : وانت جالسه هنا وفاتحه

حلقك للكلام شفتيه دخل ما له لزوم قعدتك

الجد بحزم : فيصل علامك معصب ما صار شي

عبود بس سألها عن اخبارها ما صار شي

فيصل اعطى ريم نظره توعد

انقهرت منه ريم من اول ما جلست وهو نازل بساحتها

وهي ساكته

خالد بهدوء : ريما اطلعي شوفي طيف بعدها

نايمه

وقفت ريم وداخلها تغلى وتوجهت للجناح

خالد وقف واستأذن وطلع من البيت

************************************

جالسه مع حريم أعمامي والبنات

رغد بنغزه : خالتي ليه خالد ما راح شهر عسل ؟؟؟؟

ام خالد ناظرتها : رفض يروح خالد يقول قرف السفر

والغربه

ناظرتهم بقهر نفسي اسافر اذا ما وده يسافر

انا اسافر

لو اسبوع اهم شي اسافر غبيه لازم حطيت شرط

بالعقد شهر عسل

وقهرتني هالرغد قال ما تدري ليه ما رحنا شهر

عسل

سديم وهي تعلك وتجاكر : وانا وسليمان قررنا نروح

شهر عسل على فرنسا

ناظرتها بغرور : بعد كم سنه الله اعلم متى يوافق

جدي على زواجكم وضحكت ههههههه

تدرين يا سديم حزنتيني ولعبت بحواجبي

سديم بقهر : اصلا جدتي قالت احتمال كبير

بعد زواج نواف

ناظرتها بطريقه تنرفز : اوكي لما يتحدد عرسكم خبريني

علشان اتجهز

روان بحقد : اصلا انتي بالذات ممنوع تحضرين

العرس

مي : نخاف تصيبين سديم بالعين

رديت بدلع وانا اسبل عيوني بدلع : محتررررررررات

ناظرتنا جدتي : بس انتي واياها صوتكم لا يطلع

ناظرت جدتي بدلع ماصخ : شوفيهم غيرانين مني لاني احلى منهم

ام بدر : خلاص يا بنات عيب عليكم انتم بنات عم

وكذا علاقتكم ببعض

سديم بحقد : تخسى تكون بنت عمي

وقفت وانا اردح لها : بنت عمك غصب عنك وغصب

عنكم كلكم

وبحده

رح اظل شوكه بحلقكم طول حياتي

هيفاء بقرف ناظرتني : الله ياخذك ونرتاح منك

ناظرتها بابتسامة نرفزتها : امين وانت قبلي ويعملون

عزا بنفس الوقت

ويقولون ماتت هيفاء ورملت زوجها وبناتها تركتهم

وثاني يوم زوجك يتزوج عليك

ويعمل عرس كبيييير

قاطعتني هيفاء وهي مثل المجنونه : الله يقص

لسانك الطويل

وناظرت جدتي بعصبية : عاجبك كلامها ؟؟؟

جدتي بحيره : خلاص يا هيفاء تحطين عقلك

بعقل بزر وبعدين انت للي دعيتي عليها بالاول

ردت هيفاء بعصبية والشرار يتطاير من عيونها : انا

الحين غلطانه

خلي القعده لريم وناظرت بناتها بعصبية قدامي عالبيت

لبست هيفاء عباتها وهي تبربر وانا اقول بنفسي

بقلعتك

****************************************

حاولوا الحريم يراضونها بس كانت معصبه

وطلعت وصوتها طالع

كانوا الرجال راجعين من صلاة العشاء

استغربوا حالها

هيفاء بصوت عالي ناظرت ابوها : لا يمكن ادخل

هالبيت ما دام هالكلبه فيه

سلطان مسك يدها : وش فيه ؟؟؟ ادخلي

هيفاء ناظرت خالد بعصبيه : لما تقص لسان زوجتك

وقتها افكر ادخل هالبيت

وبعصبيه : يالله يا بنات

وطلعت وهي مفوله عالاخير

فيصل ناظر ابوه : اكيد متشابكه مع الملسونه

الجد هز راسه مو عاجبه الوضع : ادخل نشوف وش

صار

دخلوا المجلس الكبير بهدوء ونادوا عالحريم

نواف يهمس لسليمان : ما حد يقدر لعمتي الا هالقزم

سليمان : صادق هالقزم تنرفز الواحد بلسانها الطويل

نواف ابتسم : لو تشوفها قدام خالد مؤدبه ومطيعه

سليمان : بيجي يوم ويكتشف لسانها الطويل

هز نواف راسه : شوف خالد ولا كأنها زوجته للي

عامله المشكله

يضحك ويسولف مع صقر

سليمان : تراه اخوك يرفع ضعطي ببرود اعصابه

نفسي اشوفه معصب

*********************************

عند الحريم

الجده بحزم : اشوف قدامي يا ريم اكيد هيفاء

قالت لهم

ريم وهي جالسه وتلعب بالجوال : ما رح اتحرك من

مكاني

وللي وده اياني ييجي لعندي

ام خالد هزت راسها بقهر : نفسي اعرف هالعناد

للي براسك من وين اقول لك قومي

ريم بدون ما تناظرها : ما رح اروح

ام بدر كأخر محاوله : الحين جدك يمكن يعصب

ريم بعناد : بعصب وبعدها بروق

ام سليمان : خليها حنا قلنا لها وهي براحتها

يالله نطلع تأخرنا

سديم وهي رافعه يدينها : يا رب جدي يمسح فيك

الارض

رغد : وخالد يعطيك كم طراق

ريم بدون ما تناظرهم وهي تلعب بالجوال : اعلى ما

بخيلهم يركبوا

الجده بحزم للبنات: قدامي واتركوها هي بكيفها

طلعوا الحريم

وجلست ريم تفكر الحين اكيد الكل رح يشهد

ضدها ويطلعونها غلطانه

حسبي الله على الظالم

عدلت جلستها وهي تلعب بالجوال وخلاص طلعت بنتيجه

ما يهمها يقولوا للي ودهم اياه اهم شي عندها

قهرت هيفاء

وقفت نوف عند باب الصاله : ريم جدي يقول لك

تعالي بسرعه

رفعت نظرها لنوف وبعدها رجعت تناظر الجوال

وتكمل لعب وببرود : قولي له مشغوله بعدين تيجي

طلعت نوف

ورجعت ريم تكمل اللعبه وبنفسها لو يموتون ما رحت

بعد دقايق رجعت نوف : ريم جدي يقول لك

دقيقه وتكونين عنده

ريم بعناد وبدون ما تناظر نوف : قولي له مشغوله

الحين

طلعت نوف

وريم معانده ما تروح

نوف بعصبية : وبعدين معك انا تعبت رايحه جايه

جدي معصب يقول لك ثواني وتكونين عنده

ريم بعناد : خلاص قولي له مشغوله

كانت ريم مندمجه مع اللعبه ومتحمسه

مو حاسه بشي حولها

كان المكان يغلب عليه الصمت ويشوبه صوت خفيف

للعبه كانت ملامحها مندمجه مع اللعبه

كانت تعقد حواجبها وبعدها تشد على اسنانها

وتلوي شفايفا لليسار

وتبتسم كانت مندمجه مع اللعبه

فجأة انسحب من يدها الجوال

نقزت ريم ورفعت عيونها للاعلى بشويش

حنى تعرف هويه الشخص

هي تعرفه بس ودها تتأكد

استقر نظرها على ملامح هذا الشخص

هز راسه بعصبية : مشغوله يا ريم ؟؟؟

انا انادي عليك 3 مرات وتطنشيني !!

شايفيتني بزر عندك ؟؟؟

وقع نظرها خلف جدها على خالد

ناظرها بزعل وطلع

جن جنونها كيف زوجها يزعل منها

نسيت وجوده عضت على شفتها بزعل

وناظرت جدها وعيونها مليءه بالدموع

الجد بعصبية : ليه ما جيتي ؟؟؟

نزلت راسها بانكسار : علشان تمسح بي الارض

قدام اعمامي والشباب والبنات ويتشمتون بي

على الاقل

اذا عاندت رح تيجي هنا بنفسك وتمسح بي

الارض

بس ما رح يكون قدام البنات وتحرجني قدامهم

خفت نبره الجد : ومين قال لك اني ودي امسح

فيك الارض ؟؟؟

رفعت ريم راسها وناظرت جدها ودموعها على

وشك النزول : الحريم قالوا لي والبنات اكيد

رح تمسح بي الارض علشان هيفاء

الجد بحزم : عمتك هيفاء

وبهدوء

اصلا انا اعرف انه هيفاء هي للي غلطت عليك

بدون ما اكون موجود

بس انت ضايقتيني لما طنشتيني

ريم بهدوء : انا اسفه

ابتسم الجد ومسك يدها ووقفها : يالله تعالي

اجلسي معنا

تراك عروس بعدك مستحيل ازعلك

ابتسمت ريم : الله يخليك لنا يالشايب

الجد فتح عيونه : انا شايب ؟؟

ومسكها من اذنها

ريم بضحكه : هههههه خلاص توبه توبه بس اتركني

ترك اذنها الجد بابتسامة : علشانك عروس سامحتك

يالله البسي عباتك وتعالي معي

هزت ريم راسها بالموافقة

«»««««««««««»»»«««««««««« «««««««««

الجده تناظر خالد : عجبك زوجتك وعنادها ؟؟؟

فيصل بقهر : اخخخخ من ابوي لو خلاني اتفاهم

معها

سلطان يرقع : يا جماعه الخير يمكن البنت صحيح

مشغوله

ناظره خالد وابتسم على الترقيعه

فيصل بعصبية ناظر خالد : قاعد تبتسم انا لو مكانك كسرت راسها

على عنادها هذا

صقر بدفاع : علامكم على البنت تقول لكم مشغوله

فيصل مو عاجبه : ظل رقع لها انت وسلطان ما اعتب

الا على نايف للي ما سنعها

ناظره نايف وطنش كلامه

صقر بابتسامة وهو يهمس لخالد : على الجوال

تلعب

ابتسم خالد وهز راسه : ايه عالجوال تلعب

ضحك صقر بصوت عالي

ناظره فيصل بقهر وهو يغلي من الداخل

فجأة دخل الجد وهو يضحك بصوت عالي

وريم ماسكه بساعد يده وتتكلم ومبسوطه عالاخير

سديم بقهر ،: اخخخخ يالقهر لاحسه عقل جدي

رغد : وقسم بالله تمييز لو واحده منا عملت

كذا الا يدفنها بمكانها

فيصل بحده : يعطيك العافيه سمعت انك مشغوله

الجد بابتسامة وهو يغمز لريم : والله مشغوله

وطلبت منها تأجل شغلها لبعدين وتيجي

تجلس معنا صح ؟؟ وناظر ريم

رفعت ريم نظرها لجدها وابتسمت : صح

فيصل بقهر سكت

جلست ريم جنب ام خالد

ناظر فيصل ريم بحده : قومي سلمي على ابوك

والا منعميه مو شايفيته

ابتسمت ريم لفيصل ابتسامه نرفزته فيها

وبعدها قامت تسلم على نايف

سلمت بهدوء وحست بمشاعر بارده تجاه

نايف

وكأنه شخص غريب عنها

رجعت جلست عند ام خالد بهدوء

الجد : بما انه الجميع متواجد انا قررت

بما انه الحين عطله نطلع على شاليه

ابو سليمان : انا موافق ما عندي مانع

الجده تحمست :ايه والله زمان ما طلعنا

وتجمعنا مع بعض

الجد : خلاص قرروا اي يوم وانا جاهز

الجده : باكر

فيصل عقد حواجبه : باكر !!! ليه مستعجله ؟؟

الجد بهدوء : خلاص باكر الكل يكون جاهز على الساعه 9.30

وانا اتصل بصديق لي يحجز لنا الشاليه ويرتب امورها

البنات مبسوطات عالاخير

وقعدوا يخططون للطلعه

وقعدوا الحريم يخططون للطلعه

احمد ومصعب من بعيد اشروا لريم تيجي

كانت ودها تقوم مسكتها من يدها ام خالد وبهمس : اقعدي

وبلا حركات بزران

لوت ريم بوزها واشرت لاحمد ييجي لعندها

اقترب احمد منها وهمس بإذنها

نايف باعتراض : احمد وش تعمل عندك ؟؟

ناظر احمد عمه بخوف يخاف من نايف : ولا شي

فيصل بهدوء : بعده صغير يا نايف علامك خرعت

الولد

استغل احمد الفرصه وطلع هو ومصعب برا المجلس

بعد نص ساعة وقف خالد ببرود : يالله يا طيف

وناظر بالمجلس يشوف مصعب

دخل مصعب وهو يركض ويلعب مع احمد

خالد : يالله يا مصعب عالنوم

مصعب بدلع : بابا بس شوي

صقر لوى بوزه بقرف : لو انا عندي مثل ابنك هذا كان زمان انتحرت

خالد رفع حواجبه : محتررررررررر

يالله يا بابا

ركض مصعب عند ابوه وهو يضحك ومسك بيده

ام خالد بهمس : قومي مع زوجك

ريم لوت بوزها : الحين اقوم

وقفت بملل وطلعت خلف خالد

&&&&&&&&&&&&&&&&&&&&&&&&&&

دخلت الجناح بعدهم وحاسه بالجوع بعدها على توست

الصبح اكلت منه بس شوي وما تغدت

قفلت الباب خلفها

ناظرها خالد : خذي طيف ولبسيها بيجاما

ولا تنسين تجهزين اغراض الطلعه لباكر

وعلشان باكر تجهزي طيف وانا اجهز مصعب اتفقنا

هزت ريم راسها بدون ما تطالعه

وتوجهت لطيف ومسكت يدها وتوجهت لغرفه طيف

دخلت وتوجهت للكبت بدون نفس واختارت بيجاما

لطيف : يالله يا طيف تعالي بدلي ملابسك

طيف حمروا خدودها باحراج: لا انا ابدل لوحدي

ريم ضحكت على شكلها : لا تعالي عادي

طيف بعناد : لا لا

وقفت ريم واقتربت منها ركضت طيف وصارت ريم تلحقها

بالغرفه وصوت ضحكهم طالع

فتح خالد الباب ورفع حاجب وهو يناظر الغرفه معفوسه : وش هذا الازعاج ؟؟

ركضت طيف عند ابوها وهي تلهث ووجهها احمر : بابا سوف ريم ما ودي تبدل لي ابدل لوحدي

خالد بابتسامة : بدلي لوحدك وانتي يا ريما

اشرفي عليها وعدلي لها وبعدها رتبوا الغرفه اتفقنا

طيف بفرح : اتفقنا

طلع خالد من الغرفه بهدوء

طيف بابتسامة : يالله غمضي عيونك

لفت وجهها ريم للخلف بعد ما رمت عليها البيجاما :

يالله بسرعه بدلي انا مو شايفك

جلست طيف تبدل

بعد ما كملت ضحكت بفرح : دملت

لفت ريم عليها وناظرتها : كملت قولي

طيف : كملت

ريم اقتربت منها وصارت تعدل بقميص البيجاما

ومسكت شعر طيف وفتحته

وحطت الرباط على التسريحه

وبأمر : يالله رتبي الغرفه

طيف : وانتي معي بابا قال

ريم : طيب طيب يالله خلصيني وبعدين هاذي غرفتك

مو غرفتي

وجلست على السرير بتعب : يالله كملي يا طيف

انا تعبت

طيف فتحت عيونها بطفوله : تعبتي ؟؟!!

ريم اكره ما عليها الشغل كسوله بشكل كبير : اسكتي

بعد ما كملت طلعت من عند طيف بعد

ما رقدت بسريرها طيف

توجهت للصاله كان خالد جالس يتابع محاضره دينيه

على التي في

كان ودها تجلس بس قاطعها خالد : المطبخ نظفيه

قبل ما تجلسين

واعملي لي فنجان قهوة بس لا تغليها كثير

هزيت راسي وبداخلي اتحلطم

يعني ما في راحه على الاقل ارتاح

من ترتيب غرفه طيف يخليني

انظف المطبخ وين عقلي لما وافقت على الزواج

كنت مرتاحه عند نايف لا شغل ولا مشغله

اما هنا كله شغل وكل شي ممنوع

بس بنفس الوقت ما احب يزعل مني ورح احاول

اكون زوجه مطيعه

كملت تنظيف المطبخ وجهزت القهوه

وطلعت من المطبخ متوجه للصاله

بعده على نفس الجلسه يتابع البرنامج الديني

حطيت القهوه قدامه

بدون ما يناظرني : يسلمو

جلست مقابل له وهو يناظر التي في

بعدها تناول فنجان القهوة ارتشف منه وبعدها

عفس ملامحه بس ما تكلم

ناظرت التي في كان برنامج فتاوي

قعدت اسمع يمكن استفيد شي

لفت نظري انه ما رجع يشرب منها الظاهر انها

ما عجبته

بعدها قفل التي في ومسك صينيه القهوه ودخل فيها للمطبخ بهدوء

سمعت صوت بالمطبخ الظاهر انه غسل الفنجان

والصينيه

تذكرت اني ما اكلت اليوم وحاسه بالجوع

مسحت على بطني وهو يقرصني من الجوع

توجهت لغرفه النوم حتى اكل بسكويت من خزانتي

بعد جهد وجهيد حتى صحيت

هز راسه خالد بقله حيله : بعدين يا ريم قومي

وقفت ريم وهي تفرك عيونها

خالد لما تأكد انها قامت : شوفي انا رح اروح اجيب كم

غرض من السوق وارجع الساعة الحين 7.46 لما ارجع

الاقي كل شي جاهز لا تحطي فطور لمصعب وطيف .بنفطر عالطريق اتفقنا

هزت راسها

بعدها طلع خالد مستعجل حتى يرجع ابكر

تثاوبت ريم وجلست عالسرير وهي مغمضة عيونها

وخلال ثواني كانت بعالم الاحلام

«»»»

««»««

«»»«»»«

تأخر من الزحمه دخل البيت على الساعه 9.00

كانت امه وجدته وفيصل بالصالة الخارجيه

فيصل : علامك تأخرت ؟؟

خالد : زحمه الطريق

كانت ام خالد تناظر ابنها بتمعن طويل وابيض وله لحيه

خفيفه زايده وسامته عيونه وساع

لا ترى احد اجمل من ابنها عفست ملامحها لما تذكرت انه ريم زوجته ابد ما في تناسق

صحيح انها ريم جميله بس بنظرها ما تناسب ابنها

الجده بحرص : جهزت اغراضكم يا خالد؟؟؟؟

خالد وهو يوقف عند الدرج : جهزت ريم كل شي وشوي انزل الاغراض

وبعدها استأذن ودخل الجناح

مان هدوء قاتل لو سقطت ابره يمكن تسمع صوتها

من السكون

دخل غرفه النوم انصعق لما شافها

نايمه ما بقى وقت

اقترب منها وهزها : ريما ريما ريما

صحيت مفزوعة : وش فيه ؟؟

خالد بهدوء : الساعه 9.00 وانت نايمه ما جهزتي شي شهقت ووقفت كان ودها تتكلم

اشر لها خالد بمعنى اسكتي : لعله خير يالله بسرعة

خذي دش حتى اصحي مصعب وطيف تكوني جاهزه هزت راسها وطلع من الغرفه بهدوء

دهل غرفه طيف وصحاها وما غلبته جلسها بالصاله

وطلب منها تنتظر ريم

توجه لغرفه مصعب وصحاه وتوجه فيه للحمام

اخذ لمصعب دش وقعد يلبس فيه

وجهز اغراض للشاليه

طلع ما لقى طيف توجه لغرفه طيف

كان صوت ريم وطيف بالحمام طلع منها وتوجه لغرفتهم يجهز اغراض الطلعة لانه متأكد انها نسيت

تجهزهم

تضايق من اهمالها وناظر الساعة كانت 9.20

هز راسه وكمل تجهيز له ولها

وبعدها طلع بسرعه ودخل غرفه طيف

لقاها تمشط شعر طيف

رن جواله رد الو ........... خلاص امشوا قدامنا وبعدها

نلحقكم ......خلاص ماشي ........خلهم ينتظرون تحت........مع السلامة

ناظر شعر طيف اول مره يشوفه مرتب بهاذي الطريقه

وقفت ريم بعد ما جهزت طيف

خالد : روحي البسي عبايتك وانا اجهز اغراض لطيف

يالله بسرعة

طلعت بهدوء

وبعدها جلس يختار ملابس لطيف بعد ما كمل

ناظر ساعته كانت 9.42

هز راسه الوقت يمشي بسرعه

حمل الحقيبه وناظر طيف : يالله تعالي بسرعة

تأخرنا

هزت راسها وطلعت معه

بنفس الوقت ريم طلعت من غرفة النوم وهي تعدل الشيله

خالد جمع كل أغراضهم بسرعة: الحين انزلهم

وانتم الحقوني على السياره

وناظر ريم : قفلي الجناح

هزت راسها وطلع قبلهم خالد وهم طلعوا خلفه

قفلت ربم الجناح

وتأكدت انه خالد طلع تزحلقت على الدرابزين

وبعدها طلعت مستعجله

وصلت السياره وعفست ملامحها لما شافت

سديم وروان معهم

اقتربت من السياره وحاولت تكون طبيعية حتى

ما تظهر لسديم انها متضايقه

فتح خالد السياره وبسرعه سبقت سديم وجلست

من قدام

طلعوا كلهم بالسياره وبعدها حرك خالد بهدوء

طيف : بابا خليني اجلس من قدام

خالد وهو يناظر لقدام : لما نروح على السوبرماركت

اجلسك قدام اتفقنا

طيف : اتفقنا

مصعب : وانا

خالد يناظرهم بالمرايه : وانت كمان يا بطل

كانت ريم مغمضة عيونها وسانده راسها على القزاز

للي يشوفها يفكرها نايمه

بس ما كانت نايمه

سديم بقهر : يعني الحين انا المفروض اجلس قدام

انا اكبر منها

روان : شفتي كيف دفعتك علشان تركب من قدام

مثل البزران

مثل لما كنا نروح مع عمي صقر سبقتنا علشان

تركب من قدام

ابتسم خالد : وش يعجبكم بالجلسه من قدام ؟؟؟

سديم بقهر :إسأل للي جنبك

ضحك خالد على طريقة سديم : كل شي ولا زعلك

خلاص بالرجعه انتي تجلسين

مصعب : بابا جوعان

روان بنغزه : ليه ما افطرتم ؟؟

خالد بهدوء : انا طلبت منهم ما يفطرون الحين اشتري لكم فطور على الطريق

وبعدها وقف على جنب الطريق : ناظر بالمرايه

وش تبغون ؟؟؟

سديم : انا افطرت بس اشتري لي كوب نسكافيه اعدل مزاجي

روان : وانا مثلها

طيف : ابغى دندوسه

ضحك خالد : قصدك ساندويشه وانت يا مصعب ؟؟

مصعب : زي طيف

ابتسم وبعدها نزل من السياره

سديم انشغلت بالجوال تكلم رغد

وروان اذنها على السماعه تسمع

بعد دقايق رجع خالد ومعاه واحد من العمال حامل معه

الاغراض

فتحت السياره بشويش واعطى سديم وروان النسكافيه

ومسك كوب قهوته وحطها قدام وبعدها تناول من العامل

باقي الاغراض وشكره

دخل السياره واعطى مصعب وطيف كل واحد فطوره

واعطاهم بكيت العصير لكل واحد

وباقي الاغراض حطهم قدام بعد ما شافها نايمه

وبعدها حرك بهدوء

كانت مغمضه عيونها وريحه الفطور ذبحتها

ريحه تفتح النفس

ما تقدر تفتح عيونها تخاف يقولون عنها مشفوحه

شمت ريحه الاكل قامت

بس المفروض يصحيها تفطر

وبنفس الوقت مو قادرة تفتح عيونها من النعس

سمعت طيف تقول بابا وبعدها دخلت عالم الاحلام

طيف : بابا ريم تقول لي شعرك مو حلو

مصعب وهو يشرب العصير : شعرك مو حلو ريم شعرها احلى

سديم بغيره : لا تردين عليها شعرك يا طيف احلى

منها ام كشه

ناظرها خالد وابتسم : كأنك تبالغين يا سديم

مين ام كشه ؟؟

سديم بغيره واضحه : انا لون شعرها ما يعجبني

وبعدين الشعر المسحوب وناعم كثير ما احبه

ولوت بوزها

روان : يمكن صابغيته ما عندنا بالعيله حد مثل لون

شعرها

بني فاتح وفيه خصل اشقر اتوقع صابغيته

رن جوال خالد وقطع كلامهم

الو .............لا قربنا .........ربع ساعة ......ان شاء الله ........مع السلامه

بعدها حل الصمت بالمكان وبعد ربع ساعة

وصلوا مكان الشاليه

نزلت سديم وروان بفرحه ومصعب وطيف مبسوطين

ناظرها وهي نايمه هزها عالخفيف : ريما ريما

فتحت عيونها بشويش

خالد بهدوء : وصلنا يالله ننزل

ناظرت حولها وهي عافسه ملامحها

وتجاهد حتى تفتح عيونها

مسك كيس فطورها ونزل من السياره

وتوجه لجهة بابها فتحه بشويش ومسك يدها : يالله

يا ريما انزلي

نزلت بشويش من السياره

وابتعدت عنه قليلا لما شافت فارق الطول الكبير

ركضت نوف باتجاهم وخلفها احمد

نوف وهي تلهث : اعطيني ساندويشه وعينها على الكيس

دفعها احمد : لا انا اعطيني

ناظر خالد الكيس للي بيده وعيون اخوانه على الكيس

ينتظرون منه فتحه

ما في بداخله الا ساندويشه وحده

احتار لمن يعطيها

ناظرهم وابتسم وفتح الكيس بهدوء

ومسكها وقسمها بالنصف اعطى نوف واحمد

ناظرت ريم السندويشه وحست ريالتها رح

تنزل وهو يقسم فيها

بلعت ريقها

والتفتت تعترض

شافت خالد ينزل الاغراض من الخلف

بسرعة تقدمت من نوف وسحبت منها نصف الساندويشه واكلت لقمه

صرخت نوف وضربت ريم وسحبت منها الساندويشه : حماره

غمضت عيونها ريم مو قادرة تقاوم الطعم لذيذه

فتحت عيونها ما كان فيه اثر لنوف

هربت انقهرت ريم يعني على اي اساس

يوزع وهي لها على الاقل يستأذن منها

ناظرته وهو يضحك مع صقر ومبسوط عالاخير

وهي تتضرع من الجوع

ودها تبكي ودها نفس الساندويش

اشر لها صقر وبصوت عالي : اخبارك ؟؟؟

ناظرته باشمئزاز ولفت وجهها تبحث بنظرها عن احمد

او نوف تاخذ منهم الساندويش

ابتسم صقر وناظر خالد : علامها ريم قالبه البوز ؟؟

ناظرها خالد وبعدها اغلق باب السياره وطنش سؤاله : يالله يا صقر نخيتك احمل معي

صقر بابتسامة : قول عمي صقر

خالد يضحك : ودك تذلني انقلع الحين انادي واحد من

الشباب ويساعدني وحرك حواجبه

صقر يمثل الزعل : ليه ما احد من الاحفاد يحترمني

تراني عمكم

خالد باستهزاء : اقول يا عم طير من هنا

صقر ضرب خالد على راسه بشويش : اروح عند بنت

اخوي احسن من وجهك من يوم العرس ما شفتها

كش عليه خالد : مالت عليك

حمل الاغراض كلها مع بعض واشر لريم براسه

توجهت خلفه وصقر ماسك بيدها ويبربر فوق

راسها

وهي ساكته ما ترد عليه عقلها مع الساندويش

ارتاحت من زن صقر لما نادى جدها على صقر

ام خالد : وينك يمه تأخرت ؟؟؟

الجده : مو قلت دقايق ونازل ؟؟؟

ام خالد وهي تناظر ريم : اكيد اخرتيه انتي

ابتسم خالد الحين يمسكونه بتحقيق : بعدين اقول لك وش

صار بعد ما احط الاغراض بالغرفه

ام خالد : الله يسامحك فيه خدم خلهم يساعدونك

خالد بملل من هالسيره : وبعدين يمه انا اغراضي ما احب حد

يلمسها لا من قريب ولا من بعيد احب اخدم

نفسي بنفسي

يالله يا ريما

طلعت ريم خلفه وبوزها شبرين

ام خالد مسكت يدها : ليه ما تساعدينه بحمل الاغراض

ريم ناظرت خالد بعيد عنها وما رح يسمع : ما يحب

يغلبني ومدتها بدلع ينرفز

الجده كشت عليها : مالت روحي الحقي زوجك

وانتي يا ام خالد تعالي نروح عند الحريم

توجهت ريم خلف خالد وهي شبه تركض فتح الباب فيه صاله صغيره كثير تفتح على غرفتين

دخلت ريم خلفه بعد ما سكرت الباب

حط الاغراض على الارض وهو يفرك يدينه

توجه لاحد الغرف وبعدها طلع ناظر ريم : رتبي اغراض طيف

ومصعب بالغرفه الثانيه

هزت راسها بهدوء وداخلها بركان

خالد وهو يناظر المكان : ارتاحي شوي وبعدها رتبي

الاغراض اتفقنا

ما ردت وهي واقفه تناظر الصاله

خالد بهدوء : انا طالع الحين

ناظرته وهزت راسها

وبعدها طلع

زفرت بضيق وضجر مو متعوده على المسؤولية

ودها تنام الحين

ناظرت الاغراض بعجز

وبعدها قررت ترتب الاغراض وبعدها ترجع تنام

«»«««»««»»««««««««»»»»»»» ««««««««««»»

فتحت عيونها بشويش مدت يدها تتلمس مكان

الجوال

حست بالجوال سحبته بهدوء ناظرت الساعه وهي

عافسه ملامحها

وشهقت بسرعه ونهضت نفسها الساعه قريب

المغرب ما حد صحاها

زفرت بضيق مين رح

يسأل عنها او يفقدها

صار لها من يوم العرس ما اكلت الا شوي من التوست

ولا حد اهتم لها ضغطت بيدها على بطنها وهي

تحس بقرصات الجوع

قررت تنزل تحت تلاقي شي تسد فيه جوعها

تناولت عباتها عن الارض ولبستها وبعدها لبست

الشيله

بدون مرايه وطلعت من الغرفه

كان المكان فاضي والظاهر ما حد دخله بعدها

فتحت الباب وطلعت

***********

***********

***********

***********

***********

ريم

طلعت من الغرفه ومو عارفه وين المطبخ

حاولت اشم لعلي اصل للمطبخ بس ما في فايده

ناظرت المكان بضجر يا رب وين المطبخ

مشيت بهدوء سمعت صوت الحريم

توجهت لجهة الصوت

كانوا جالسات جلسه عربيه ومبسوطات

جدتي اول ما شافتني : بكير وينك غطستي ؟؟

ناظرت شفت ام بدر متغلبه ببنتها الصغيره وجنى تزن فوق راسها

طنشتها وطلعت من المكان بقهر

شفت احمد ناديته

اقترب من عندي : يالله وش ودك مستعجل ؟؟

كشيت عليه بقرف : مالت عليك يا اجرب

احمد بعجله : الحين اروح

مسكت يده انتظر : تغديت ؟؟

احمد بابتسامة : ايه تغديت الرجال اكلوا لوحدهم

والحريم لوحدهم

دفيته بقهر وارجعت للغرفه بقهر وانا ودي ابكي

فتحت الشنطه وطلعت بسكويت ما في غيره

الحين يسد جوعي

رميت العبايه والشيله على الارض

وجلست اكل بسكويت

اكلت اكلت احس حالي بمجاعه مو شبعانه

حتى اكتفيت

رجعته مكانه وخبيته اخاف انام وييجي

مصعب وطيف ياكلونه

او حاتم الطائي يوزعه على نوف احمد

لويت بوزي ورميت نفسي على السرير

واحساس الغربه يغزوني

غمضت عيوني وانا افكر بالدنيا

ما ادري حاس العبره خنقتني يمكن لاني

فاقده الاهتمام ما حد يهتم فيني او يسأل عني

يمكن لاني ما حصلت عليه من صغري احاول اعوضه

الحين وابحث عنه بس للاسف ما في

غمضت عيوني لعل وعسى انام وارتاح من هالدنيا

خلاص قرفانها

ورحت بسابع نومه

صحيت على صوت مصعب وهو يصرخ

نهضت نفسي واحس راسي مقلوب

مسكت الجوال وانصعقت الساعه 10.15 صباحا

نمت كل هذا الوقت ؟؟!!

طلعت من الغرفه شفت مصعب وطيف بالصاله

معهم كره

اقتربت منهم : افطرتوا ؟؟

طيف : زمااااااااان

وبعدها طلعوا وهم يركضون

سكرت الباب بقوه وانا اغلي من القهر

ليه ما حد يصحيني ؟؟؟ ليه ؟؟؟

رجعت عالغرفه وانا شبعانه نوم مسكت الجوال

وجلست العب عليه

بعد نص ساعه

دخل خالد وناظر الغرفه : ريما اغراضك لا ترميهم على الارض مره ثانيه

وبعدين انا قلت لك رتبي الاغراض مو تحطيهم بعشوائيه

ناظرته بهدوء

اخذ غرض وبعدها طلع من الغرفه

رجعت اكمل لعبتي وانا اغلي من القهر

وصممت ما اطلع من الغرفه وصار عندي

امل يمكن نادوا علي بس انا ما صحيت

جلست العب واناظر الساعه

ولا حد سأل عني شديت على الجوال وانا العب

صارت الساعه 3.00 ولا حد نادى ولا حد سأل عني

حسيت لو اموت ما حد يدري عني

قفلت الجوال وتوجهت للحمام اخذ دش اضيع وابرد حرتي

بعد الحمام جليت امشط شعري بعنايه

وتركته مفتوح

ورجعت على السرير جلست وفتحت الجوال

اكمل لعب واضيع وقت

غفت عيني وانا ماسكه الجوال

صحيت كانت الغرفه مظلمه تململت بالفراش

وبعدها جلست

تلمست مكان الجوال كانت اللعبه شغاله

والوقت بعد المغرب

وقفت بشويش وانرت المكان وتوجهت للشنطه

اكل بسكويت

هزيت راسي وانا اكل حياتي صارت نوم لعب بسكويت

اكلت كم حبه وانا احس نفسي مسدوده عن الاكل

خبيته مكانه ورجعت على السرير

وانا شبعانه نوم من البارحه وانا نايمه

مسكت الجوال وصرت العب اضيع وقت

جلست العب للساعه 3.00 الفجر

استغربت حتى طيف ومصعب ما رجعوا

غمضت عيوني ونمت

سمعت صوت بالغرفه بس ما فتحت عيوني وكنت مغطي وجهي باللحاف

رن جوال خالد الو .........لا الحين جاي .........بدلت ملابسي والحين انزل .......ان شاء الله مع السلامه

وبعدها اختفى الصوت

الظاهر انه طلع

زاد قهري ولا حد مهتم بي هذا اليوم الثالث وما طلعت ولا شفت حد ولاحد فقدني

عايشه على البسكويت احسن ما اشوف وجههم

ناظرت ساعة الجوال كانت الساعة 12.30

رميت الجوال على السرير وتوجهت للحمام

غسلت يديني وطلعت

ما ادري ليه متضايقه مع اني متعوده على الوحده

من الملل رجعت اكمل اللعبه

احس عيوني مو قادره اشوف منيح فيهم

فركتهم وناظرت الساعه كانت 4.00

قررت اريح عيوني بالنوم بس بالاول اكل بسكويت

وبعدها انام

ناظرت علبه المويه قربت تخلص

مع انها المويه مو بارده بس تحاملت وشربت منها

حتى ما اضطر اطلع برا

بعد ما كملت رميت نفسي بتعب على السرير

وحاسه جسمي مهدود

غمضت عيوني ونمت علشان اريح عيوني

#################

خلال 3 ايام كانوا الحريم يجلسون لوحدهم

والبنات اغلب الوقت بالمسبح او يجلسون مع بعض

اما الشباب امضوا الوقت لعب وهبل وتخويث

سلطان وام بدر رجعوا من ثاني يوم بنتهم الرضيعه

تعبت واخذوها للمشفى

«»««»«««««««»««««««»»«««» ««««»««««

صحيت على شخص يهز بكتفي

خالد بهدوء : يالله يا ريما قومي جهزي اغراضك

رح نمشي بعد ساعه

رفعت الغطاء عن وجهي واحس كل جسمي مكسر

ما ادري تعبانه يمكن من قله الاكل

ناظرني باستغراب : تعبانه ؟؟

هزيت راسي بالرفض

وعدلت جلستي

وقف بهدوء : اذا تعبانه خلاص انا اجهزهم

وقفت وبصوت هامس : انا اجهزهم

رن جواله وطلع من الغرفه

اخذت نفس بتعب

وصرت احط الاغراض بالحقائب بعشوائيه

فجأة ابعد يدي بهدوء : مو كذا يترتبون

خلاص اجلسي وانا اجهزهم ارتاحي

جلست على السرير وهو يرتب الاغراض بدقه متناهيه

وبعد وقت سكر الحقائب وطلع فيهم برا

غمضت عيوني وبعدها قفت وتوجهت للحمام

غسلت وجهي اكثر من مره

وبعدها نشفته وطلعت

لبست العبايه بتعب وحطيت الشيله على كتفي

وجلست على السرير واعطيت ظهري للباب

مسكت الجوال كانت الساعه 2.30

استغربت من نومي الكثير وعرفت السبب

يمكن من الجوع وسوء التغذيه جسمي حيله مهدود

علشان كذا انام من التعب

سمعت صوته عند الباب : يالله ننزل

لفيت الشيله على راسي باهمال وبعدها طلعت

كان صار طالع

طلعت كان بعيد عني مشيت خلفه بشويش

وصلت عند الباب الرئيسي

كان الجوز الثلاثي واقفين ومعهم هيفاء

ناظرتهم قبل ما يشوفوني وتعديتهم بدون لا سلام

ولا كلام

ما لي خلق لاحد

سمعت جدتي تقول : قليله الحيا حتى ما ردت السلام

علينا

بعدها ما ادري وش قالوا توجهت لسياره خالد

كانت سديم مسنتره من قدام

فتحت الباب الخلفي بهدوء وجلست

سديم تجاكر : السلام لله

طنشتها وما رديت

شفت خالد واقف مع الجوز الثلاثي ويردحون وخالد

مستمع لهم

وبعدها ناظر سيارته ورجع يسمع لهم

غمضت عيوني بتعب مو قادره

فجأة دخل مصعب وطيف السياره وهم يضحكون

ويصارخون على بعض

عفست ملامحي من ازعاجهم واحس راسي

يوجعني وكانه حد يخبط فوق راسي

بعدها دخلت روان وهي نافشه ريشها

طنشتها وما ناظرت جهتها

واخيرا توجه خالد للسياره

دخل وبعدها سأل : في حد ناقص ؟؟؟

سديم : كله موجود

حرك خالد السياره بهدوء لفيت وجهي للشباك

وانا احس التعب يزيد

تعبانه ودي ابكي من التعب

تكورت على نفسي وانا ضاغط على نفسي ما ابكي

هزتني طيف : ريم مالك ؟؟

ما رديت عليها بلعت ريقي بصعوبة وانا احس

اني قاعد افارق الدنيا

غمضت عيوني

بعد فتره حسيت السياره وقفت

سمعت صوت خالد : خليكم هنا وانا اشتري لكم

سديم باعتراض : كل البنات نزلوا

روان : وبعدين متغطيات وش فيها ؟؟

خالد مو عاجبه : براحتكم بس لا تتأخرون

طيف بحماس : بابا انا ودي انزل

خالد : يالله يا مصعب ننزل على السوبرماركت

بعدها حسيت السياره فضيت

مو قادره ارفع راسي واشوف احس خلاص خارت قوتي

من التعب والارهاق والقهر صارت دموعي تنزل

وامسح فيهم طلعت مني شهقه غصب عني

مسحت دموعي ما ودي ابكي

بس مو بيدي تعبانه

احس طلعت روحي وهم بعدهم يتشرون صار لهم اكثر من ثلث ساعة

مسحت دموعي ورجعت تكورت على نفسي

واخيرا حسيت برجعتهم واصوات مصعب وطيف العاليه

دخلوا السيارة بازعاج وصوت سديم تصارخ عليهم .بعدها حسيت السياره

تحركت

اسمع صوت خربشت مشترياتهم

وسديم تتكلم وتضحك وروان معها وخالد

من صوته مبسوط ويضحك معهم

واخيرا حسيت السياره وقفت

بس كيف انزل وانا احس ما في قوه عندي اتحرك

نزلت سديم وروان ومصعب وطيف

حسيت بصعوبة مو قادرة ارفع راسي

حسيت بالباب جنبي فتح وبعدها بهزه على كتفي : يالله وصلنا

بصوت هماس رديت : الحين انزل

حسيت بخطواته ابتعدت عن السياره يمكن ينزل الاغراض

رفعت راسي بتعب مو قادره اترك ونزلت من السياره

بتعب وصرت امشي تجاه البيت

يمكن السلحفاه اسرع مني

كنت امشي رجل لقدام ورجل للخلف

احس ريقي ناشف عالاخير

ناظرت البيت بعجز متى اصل الغرفه

^^^^^^^^^^^^^^^^

^^^^^^^^^^^^^^^^

^^^^^^^^^^^^^^^^

كان واقف فيصل والجده

ناظروا ريم وهي تمشي ببطئ لما اقتربت منهم

ناظرتهم ريم وهي عافسه ملامحها

الجده فتحت عيونها : ريم

فيصل اقترب : وش فيك ؟؟

هزت راسها بالنفي وكملت مشي

مسكها فيصل من يدها

ولفها لجهته

حط خالد الاغراض وعقد حواجبه : وش فيه ؟؟

اقترب منهم وناظر ريم وانصعق كان وجهها شاحب

خالي من الحياه

شفايفها لونهم ابيض

حول عيونها هالات سوداء

اقترب خالد : وش فيك ؟؟

هزت راسها بالنفي وحاولت تسحب يدها من فيصل

فيصل بقهر : عنيده ما ادري هذا العناد للي براسك

من وين ؟؟

بصعوبه سحبت يدها من فيصل وتركتهم

وتوجهت للداخل

فيصل بعصبية : انا لو ادفنها بمكانها لا حد يلومني

الجده : الله يصلحها عنيده هالبنت

حمل خالد الاغراض ودخل خلفها

ما كانت بالصاله الخارجيه توقع انها طلعت على الجناح

توجه بسرعه للجناح .....

************************

احس جسمي مهدود توجهت للمطبخ الرئيسي

فتحت الثلاجه

وطلعت علبه عصير طبيعي

وطلبت من الخدامه تفتحها لي مو قادرة افتحها

تناولتها من الشغاله وجلست على

الكرسي وجلست اشرب واشرب

اخذت نفس وانا احس الروح ردت لي

كملت العلبه خلال ثواني

ناظرت الشغاله واشرت لها بمعنى تعطيني

كمان علبه

توجهت الشغاله للثلاجه واعطتني علبه بعد ما فتحتها

مسكتها وصرت اشرب اشرب حتى ارتويت

واحسيت حالي احسن

وقفت وتوجهت للثلاجه وطلعت مويه اشرب

وشربت حتى ارتويت

حسيت بالانتعاش اخذت نفس وطلعت من المطبخ

وتوجهت للجناح بهدوء

وقف لما شافني على الدرج : انتي هنا ؟؟؟

ناظرته وبقلبي ما اغبى هذا السؤال لا هناك

هزيت راسي بهدوء

سألني بهدوء : تعبانه ؟ اخذك على المستشفى ؟؟؟

هزيت راسي بالنفي وصعدت الدرج وتجاوزته

ودخلت الجناح

واخيرا وصلت الجناح توجهت لغرفتي

وكالعاده رميت العباية والشيله على الارض

ورميت نفسي على السرير ارتاح شوي

غمضت عيوني وبعد ربع ساعة حسيت بحركه

حولي

فتحت عيوني بتعب

ناظرني بهدوء : قومي معي للمطبخ شوي

ناظرته وبقلبي اتحلطم الحين يقول نظفي المطبخ

قاطع افكاري : يالله

وقفت بتعب وتوجهت للمطبخ بتعب وهو يمشي معي

دخلت المطبخ وقع نظري على الطاوله

تكلم بهدوء : يالله اجلسي وتغدي

ما ترددت وجلست لأني ميته من الجوع حتى قرفت

اشي اسمه بسكويت

جلس امامي وصار ياكل معي

استغربت حاتم الطائي الظاهر انه ما تغدى معهم

كمت اتناول الاكل بهدوء

تعرفون برستيج قدامه

اول مره بحياتي اكل كذا دايما اكل مثل الصوص

واشبع مع كم حبه بسكويت وعصير

احصل على كفايتي

قطع افكاري سؤاله : انتي ما كنت تاكلين مع الحريم ؟؟؟

ناظرته وبسرعه نزلت نظري وما رديت

كمل كلامه : شوفي وجهك كيف شاحب انتي تضرين

نفسك

حتى لو كنت ما ودك تلتقين بعمتي هيفاء كان

خبرتيني

وجبت لك الاكل لغرفتك

هذا العناد ما يفيدك انتي الخسرانه يعني لو

فقدتي صحتك

عمتي هيفاء بتهمك او بتفيدك وقتها ؟؟؟

طبعا لا

انتي ما تعرفين مضار سوء التغذيه ؟؟؟

اليوم ان شاء الله رح اشتري لك كتاب عن ااهميه

الغذاء والصحه

كنت اهز راسي وانا بداخلي مقهوره يكلمني

وكانه يكلم بزر ويعلم فيه

بعدها تكلم : كملي اكلك علشان نروح عالمستشفى نتأكد ما صار معك مضاعفات

هزيت راسي بالرفض وبصوت هامس : انا بخير

قاطعني : حتى ولو نطمن على صحتك

هزيت راسي بالرفض : والله ما فيني شي

هز راسه : طيب اذا حسيتي بالتعب خبريني اتفقنا

هزيت راسي

وبعدها وقف : لما تكملي اكل خبريني علشان انزل الصينيه تحت

وقفت باحراج : خلاص كملت

تكلم بتصميم : كملي اكلك انت متخيله المده 4 ايام بدون اكل

اشر بيده بحزم كملي كل الصحن وحتى تاخذين راحتك

انا بالصاله انتظرك

وبعدها طلع

كنت ودي ابكي من الفرحه ما اجمل شعور

الاهتمام تحس في شخص مهتم فيك

من زمان كان نفسي بهاذي الكلمه

كملي اكلك

غمضت عيوني بفرح ورجعت اكل ونفسي

مفتوحه للاكل

تكلم بتصميم : كملي اكلك انت متخيله المده 4 ايام بدون اكل

اشر بيده بحزم كملي كل الصحن وحتى تاخذين راحتك

انا بالصاله انتظرك

وبعدها طلع

كنت ودي ابكي من الفرحه ما اجمل شعور

الاهتمام تحس في شخص مهتم فيك

من زمان كان نفسي بهاذي الكلمه

كملي اكلك

غمضت عيوني بفرح ورجعت اكل ونفسي

مفتوحه للاكل

اكلت اكلت مو شبعانه اول مره يصيبني شعور الجوع

كذا ناظرت الصحن قرب يخلص

وانا جوعانه

حطيت اللقمه بفمي

نقزت على هزت كتفي

فتحت عيوني بشويش ورفعت راسي وانا احاول استوعب المكان

كنت جالسه على الارض والاغراض والحقائب

قدامي

ناظرت الاغراض باستغراب وش جابهم هنا ؟؟؟!!

عقلي مشوش وين انا ؟؟؟حكيت جبهتي وانا افكر

قاطعني صوته : بعدك ما رتبتي الاغراض ؟؟؟

ناظرته بغباء : وين انا ؟؟؟

حط يده على جبهتي : ما عليك حراره !! وش فيك

حنا بالشاليه !!

ناظرته مو مستوعبه : كم يوم لنا هنا ؟؟

ضحك بصوت عالي :هههههه الله يقطع شرك

يا ريم ههههههه قبل ساعه وصلنا هنا !!!

ناظرته وحاسه انه يضحك علي معقول حلم ؟!!

حطيت يدي على بطني من الجوع الظاهر من كثر

جوعي حلمت بالاكل

مسك يدي وقفني وهو يبتسم :وصلنا الشاليه

وطلبت منك ترتبي الاغراض بعد ما ترتاحين

بس الظاهر انه انا طلعت من هنا وانت جلستي عند الاغراض ونمتي على طول

والحين الغداء جاهز وجيت اناديك

لقيتك نايمه بالصاله !!

اكيد انك الحين جوعانه والجوع لاعب بحسبتك

وقلب عقلك

يالله ننزل تأخرنا عليهم بس غسلي وجهك قبل ما تنزلي

علشان تصحصحين وبعدها ترك يدي و مسح على شعره

وهو يبتسم

توجهت للحمام وانا منحرجه منه وخجلانه يالله

مو مصدقه انه حلم

وقسم بالله حاس انه حقيقه

يمكن خالد يضحك علي

الحين لما انزل اسأل خالتي ام بدر وأتأكد

نشفت وجهي وطلعت

كان واقف ينتظرني وبعده يبتسم

احس وجهي ولع من الاحراج

طلعت معه وحنا ماشيين بالممر فجأة التفتت عليه وانا فاتحه عيوني

جلس على الارض وهو يضحك بصوت عالي

انقهرت منه يتمسخر علي

خالد من بين ضحكاته : هههههه اسف هههههه

والله مو قصدي هههههههههه

بس ضحكتيني هههههههه قال كم يوم صار لنا هههههههههه

بعدها وقف وحاول يوخذ نفس يوقف الضحكه

واشر لي : يالله يا ريما

مشيت معه وانا اغلي من الداخل ودي اصرخ

واقول له

اسمي رييييييييم

وقف واشر لي : ادخلي هنا الحريم

هزيت راسي ودخلت وانا زعلانه وانا اسمعه

يضحك بالخارج

شفت الحريم متجمعات على سفره الاكل

جدتي وهي ماسكه الملعقة : وينك رحتي ما رجعتي

للي يرتب الاغراض يقعد سنه تراني ميته من الجوع

طنشت وما رديت الجوع ذبحني طول الحلم وانا ميته

من الجوع

جلست جنب ام بدر وقعدت اكل بسرعة

خايفه يخلص الاكل وما اشبع

نغزتني ام بدر ناظرتها : وش فيه ؟؟؟

ام بدر بهمس : ليه تاكلين بسرعه وراك مشوار ؟؟؟؟

ابتسمت وبهمس : لا والله بس الجوع ذبحني

هزت راسها وباهتمام : انتبهي كلي شوي شوي

هزيت راسي وانا آكل وبعد دقايق صاروا الحريم

والبنات يقومون عن الاكل

لا تسألوني عن احد لانه عقلي كان منشغل بالاكل

بس

رفعت نظري تفاجئت ما في حد على السفره

غيري

حسيت حالي طالعه من مجاعه هزيت راسي ورجعت

اكمل اكل

حتى حسيت الاكل وصل لاخر حلقي واخيرا شبعت : الحمد لله

وقفت وانا احس حالي مو قادرة اتحرك من كثر الاكل

سألت الشغاله عن مكان الحريم

بعدها توجهت للمكان وانا انافخ ثقلت من الاكل

دخلت عندهم

كانوا جالسين بغرفه كبيره دهانها ابيض

كامل وكنبها احمر وابيض

ما فيها مناظر او اي شي مميز

نزلت الشيله على كتفي

وجلست عند جدتي وحطيت راسي على فخذها ومديت

نفسي على الكنبه

مسحت جدتي على راسي : تعبانه ؟؟؟

بدون ما اناظرها : اكلت كثير وتعبت

مسحت على وجهي : غمضي عيونك والحين ترتاحين

هزيت راسي وغمضت عيوني

سمعت خطوات قريبه وصوت ناعم : علامها ريم ؟؟

ردت جدتي وهي تلعب بشعري : ثقلت من كثر الاكل

ام بدر بهدوء : نبهتها على الاكل بس الظاهر انها

جوعانه كثير

سمعت جدتي تقول لها : وين ودك تروحين ؟؟؟

ام بدر وخطواتها تبعد : اروح اشوف جنى

جدتي بحرص : انتبهي عليها

كنت اسمع اصوات هاديه للحريم ويتكلمون بهدوء

كنت مرتاحه وانا مغمضه عيوني

اول مره اكسر الحاجز بيني وبين جدتي وانام على فخذها

توقعت تبعدني عنها بس استغربت انها ما عارضت

وصارت تمسح على راسي

شعور جميل انحرمت منه بطفولتي

حسيت نفسي طفله ونايمه على فخذ امي

وامي تمسح على راسي

كنت مسترخيه باستمتاع بس عكر مزاجي صوت

اكره اسمعه : انتي ماخذه الكنبه كلها قومي اقعدي

واجلسي مثل الاوادم واذا نعسانه انقلعي على غرفتك ردت جدتي بنهر : سديم خلي بنت عمك نايمه وانقلعي من هنا شوفي الغرفه مليانه كنب

سديم بعناد : انا ابغى اجلس هنا

كنت مغمضة عيوني وما رديت عليها

جدتي بحزم : وقسم بالله الحين اتصل بفيصل

يشوف لك حل وبعدين معك

سديم بغيره : انا ما اعرف هالريم لاحسه عقلك

وعقل امي وجدي

جدتي بنهر : سديم

تأففت سديم وبعدها راحت

يا ثقل دمها حتى النومه حاسديتني اياها

الله يكفيني شرها

وبعد دقايق دخلت وصوتها يلعلع اكيد عرفتوها

بدون ما اقول : انت نايمه هنا وزوجك يدورك ؟؟

لا بارك الله فيك

اشوفك يمه حاضنيتها لا بالله جيبي رضاعه ورضعيها

والا للي ما يحترموني ويغلطون علي

تقدرينهم

جدتي بصوت هامس : لا حول ولا قوة إلا بالله

سمعت خطواتها قريبه : خلها تنقلع زوجها يسأل عنها

جدتي بهدوء : اتركي البنت نايمه وبعدين معك

يا هيفاء

هيفاء : بقلعتها بس انا للي علي عملته وبلغتها زوجها يسأل عنها

سمعت جدتي تكلم بالجوال

الو ..........الحمد لله .......وينك ؟؟؟ .........هيفاء

تقول ودك ريم ............لا والله نايمه هنا بالغرفه ..........لا مو تعبانه بس الظاهر اكلت كثير ..........ايه بالضبط ............خلاص ان شاء الله .......مع السلامه

قفلت الجوال ورجعت تمسح على شعري

وبعدها بدقايق نمت

**********************

قفل الجوال ناظره صقر : وش ودك الحين بريم ؟؟؟

رفع خالد حاجبه : وش دخلك ؟؟

صقر وهو يغمز له : انا عمها كيف ما لي دخل ؟؟

خالد : اقول تلايط من هنا

مالت عليك من عم

صقر وهو يبتسم : بالله وش ودك فيها ؟؟؟

عقد حواجبه بتعجب من ثقل دم صقر : وش دخلك

زوجتي وانا حر

صقر : ليكون ....

قاطعه المسند على وجهه

بعدها وقف خالد : هذا جزاء للي يتدخل بشي ما يعنيه

وبعدها طلع

صقر بتوعد : وقسم بالله لتندم انا اراويك

طلع بعده بس ما شافه توجه عند ابوه واعمامه وكان خالد

جالس معهم اعطاه صقر نظره توعد

ابتسم خالد وحرك حواجبه علشان يغيض صقر

جلس صقر وهو ينافخ

الجد باستغراب : علامك تنافخ ؟؟؟

صقر لوى بوزه : ولا شي

وتوعد صقر بيده لخالد بدون ما ينتبه احد

ابتسم خالد وبعدها لف على جده يشاركهم

الكلام

ابو سليمان : ومتى رح تداوم بالمستشفى يا خالد؟؟؟

رد صقر قبل خالد : السبت الجاي والله انا كنت واسطه

له علشان يوظفونه حتى مدير المستشفى قال لي

بس علشانك نوظفه والا مو ناقصهم مبتدئين

ودهم اطباء معهم خبره

مو متأخرين سنه بالتخرج

وابتسم صقر بخبث

خالد بابتسامة يغيض صقر : الله يجزاك كل خير

وانت تعرف عندي عيال ومسؤوليات ومتزوج جديد

واحتاج وظيفه اصرف على عيالي وزوجتييييييي

وشد على الياء

صقر بقهر وبنغزه : صادق يالله يمداك تصرف كان عندك

بزران اثنين والحين صاروا ثلاثه يالله يمداك تشتري لهم حليب

فيصل بعصبية : صقر وش هذا الكلام ؟؟؟ انت ما تحشم

احد ؟؟؟

خالد اكبر منك بسنه وعنده عيال المفروض تحترمه

مو تقط كلام

الجد قاطعه : الحين اعتذر له يا صقر وبعدين بنت اخوك

ما هي صغيره انا لما تزوجت امك كانت بعمرها

ويمكن اصغر

واختك هيفاء تزوجت وعمرها 16 سنه

وعمتك ام جواد تزوجت وعمرها 14 سنه

وخالتك مريم تزوجت وعمرها 15 سنه

وكثير بنات بالعيله تزوجن بهذا العمر وهذا هم

كبروا وربوا عيالهم احسن تربيه

ليه هالكلام الناقص للي عليك ؟؟؟

يالله قوم الحين واعتذر لخالد وبحزم بسرعة

وقف صقر وحاس بالندم اقترب من خالد

الجد بأمر : حب راسه واعتذر له

صقر بندم : السموحه يا خالد

استغرب وناظر خالد وهو يضحك

صقر : الحمد لله والشكر على نعمه العقل

خالد وقف ضحك وتنحنح : السموحه من الموجودين

بس تذكرت موقف ضحكني وبعدين خلاص يا صقر

انا ما زعلت ورجع يبتسم

صقر ضربه على راسه بالخفيف : مالت عليك يا ابو

وبصوت هامس

يا ابو البزران

خالد بابتسامة : محترررررررررر

بدر داخل بالعرض : ليه يحتر منك صقر الف بنت تتمناه

عمر : والله صادق يا بدر هذا صقر شيخ الشباب

صقر وهو ينفش ريشه : اسمعت وش قالوا ؟؟

خالد بلامبالاه : مين يشهد للعروس امها وخالتها

وعشره من حارتها

وبعدها حرك حواجبه

نواف بابتسامة : حدك صقر يا خالد ترانا ما نرضى عليه

فيصل بنهر : نواف توقف ضد اخوك

هذا خالد

سليمان : نفسي اعرف وش يفرق عنا

تعاملونه وكأنه ملاك

خالد بابتسامة : قل اعوذ برب الفلق وصار يمسح

على نفسه

سليمان : على وش نحسدك ؟؟

عبود بدون تفكير : لانه تزوج ريم و...

قاطعه الجد واعطى عبود نظره : وش هالكلام الناقص هذا ؟؟

ناظر خالد ورفع حاجب باستغراب من كلامه

سلطان بعصبية يناظر عبود : انت ما تعرف تتكلم؟؟؟

ما توزن كلامك ؟؟

ابو سليمان يلطف الجو : علامكم قمتم على الولد

مو قصده شي

قصده انه خالد تزوج وهم بعدهم ما تزوجوا ولانه

سليمان ابوي رافض يزوجه الحين

حتى تتطلع نتائج الثانوية الاسبوع الجاي

وتدرس سديم بالجامعه على الاقل فصل بعدها يزوجه

وناظر عبود : صح كلامي ؟؟؟

عبود هز راسه بخوف

بدر وقف : يالله يا شباب نطلع برا

عمر وقف وحط يده على كتف بدر : والله انك صادق

خلينا نطلع

فيصل مو عاجبه تصرفاتهم الاثنين : مين ماسكك انت وإياه ؟؟؟

اشر بدر للشباب بعدها طلعوا كلهم ومعهم صقر

بعد دقايق استأذن نايف وسلطان وطلعوا من المكان

ما بقى الا الجد وابو سليمان وفيصل وخالد

الجد ناظر خالد للي جالس جنب فيصل وبصوت

هامس : خذ زوجتك وتمشوا مع بعض

خالد بابتسامة : زوجتي نايمه

فيصل بحده : اربع وعشرين ساعة نايمه هالبنت

لا تعطيها وجه زياده

تراك مدلعها كثير

حضرتها نايمه وتاركه زوجها هنا

خالد بترقيع : لا يبه مو كذا بس تعبانه شوي خليها

ترتاح

فيصل مو عاجبه : اتصل فيها خلها تقوم

ابو سليمان : دامهم متفقين اتركم بحالهم وشهوله

تتدخل بينهم

فيصل سكت ما حب يرادد اخوه الكبير

خالد ببرود : خلاص بعد ساعه اقومها

واستأذن وطلع عند الشباب

************************

فتحت عيوني بشويش وناظرت المكان وانا على نفس

الوضعيه

تثاوبت واعتدلت بالجلسه

جدتي : ارتحتي الحين ؟؟؟

هزيت راسي وبصوت فيه اثر النوم : الحمد لله

الظاهر اني هضمت

كم الساعه اللحين ؟؟

ردت جدتي : قريب العصر

ناظرت الغرفه البنات مو موجودات ولا البزران

ناظرتني هيفاء بحده : صح النوم يا عروس ؟؟ طنشتها ما لي خلقها

وقفت وحطيت الشيله على راسي

جدتي : وين طالعه ؟؟؟

لفيت عليها : اشوف خالتي ام بدر

رجعت خالتي تتكلم مع ام خالد

استغربت اليوم خالتي ام خالد ساكته مو مثل العاده

ووجها شاحب

طلعت من الغرفه وشفت جنى تبكي

اقتربت منها ومسحت على شعرها : ليه الحلو زعلان ؟؟؟

جنى وهي تبكي : ابغى ماما ؟؟

مسكت يدها حتى اخذها لخالتي : يالله نروح عند ماما

سحبت يدها وبدلع : احمليني

ناظرتها من دلعها الماصخ حملتها وسألتها : وين الماما ؟؟

اشرت بيدها لاخر الممر

مشيت شوي شفت عمي صقر

ابتسم لما شافني واقترب : تدرين اول مره اشوف

بزر يحمل بزر هههههه

ناظرته بغرور : سخيف

ناظرني وهو يمثل الجديه : هي تراني عمك

ناظرته بتريقه : تدري فكرتك خالي !!

لوى بوزه : سخيفه مثل زوجك

ناظرته بغرور : غيران من زوجي لانه احلى منك يا

جوكر ومديت لساني وانا احرك حواجبي

قرص عيونه : تدرين انك قليله حيا انا اعرف البنات

يستحون بدايه زواجهم

دفعته عن طريقي : قليل ادب

شفت خالتي ام بدر نزلت جنى على الارض

ركضت على امها وهي تبكي

تركت صقر واقتربت من خالتي ام بدر

وابتسمت : علامها تبكي ؟؟

واشرت على جنى

هزت راسها ام بدر : هاذي البنت ذابحيتني بغيرتها

ابتسمت : باكر تكبر وتعقل

ام بدر : آمين متى ذاك اليوم يالله الحين خليني اروح

احاول فيها تنام وافضى اجلس معك

وبعدها استأذنت وحملت جنى وراحت

&&&&&&&&&&&&&&&&

طلعت على الحديقه وشفت البزران يلعبون

كره

اقتربت منهم واخذت الكره منهم

نوف : هاتي الكره ودنا نلعب

برطمت : ليه تلعبون بدوني ؟؟؟

احمد : طيف قالت انك نايمه !!

تذكرت صحيح كنت نايمه : يالله نلعب وانا الحارس

مصعب : ريم انتي معي

هزيت. راسي وقسمتهم وقفت حارس للمرمى

ما كان فيه احد بالمكان ربطت العبايه على خصري

كنت لابسه بنطالون جينز اسود

ونبهتهم اذا شافوا حد من العيال يخبروني بسرعة

كنت اصد الكره بمهاره واصرخ على فريقي علشان

يتحركون ومندمجه باللعب

نوف بصراخ : نزلي عباتك عمي صقر

وقفت اللعبه وشفت صقر وخلفه خالد متجهين

لعندنا

نزلت عبايتي بسرعة

&&&&&&&&&&

وقف صقر عندهم وناظر ريم وبعدها ناظر خالد : لما قلت عنها بزر

واشر على ريم

ابوك وجدك زعلوا علي

وغنى بصوته النشاز : بتلوموني لييييه ؟؟؟

ضربه خالد على راسه وبعدها ناظر ريم بلوم : يالله

يا ريم الوقت قريب المغرب وانت يا مصعب وطيف

يالله قدامي

طيف بحماس : بابا بث شوي

مصعب : بس اسجل هدف

خالد ابتسم : باكر ان شاء الله تسجل هدف واصورك

فيديو واخلي كل الناس يشوفونك اتفقنا

مصعب بابتسامة : اتفقنا

طيف : وانا كمان

ضربها مصعب على راسها : عيب البنات يطلعون

ضحك خالد وناظر صقر : شايف تربيتي ي....

قاطعه صقر بقرف : قسم بالله يرفعون الضغط

بدلعهم الماصخ

بس اتوقع عيالك من ريم رح يكونون غير ادب وأخلاق

خالد ناظر ريم وابتسم : اذا طلعوا لامهم ما ظنيت

بس اذا طلعوا لي يا حليلهم ذكاء وجمال وادب وكل شي

ضربه صقر على كتفه : يا شين الغرور بس

ريم كانت متفشله منهم ووجهها احمر وعيونها بالارض

صقر متعمد يحرجها : يا حلاتك يا ريم وانتي مستحيه

خالد حمل طيف : اقول بس انقلع

ومشى وهو حامل طيف بحضنه

ومصعب وريم يمشون خلفه

دخلوا مكانهم المخصص

نزل طيف بالصاله : يالله يا بابا علشان تاخذين دش انت ومصعب

واشر على الغرفه

ركضت طيف باتجاه الغرفه وهمت ريم تلحقها

علشان تتحممها

بس في يد مسكتها التفتت للخلف وناظرته وهي تحس بالاحراج

خالد بهدوء : انتي الحين كبيره مو صغيره واتوقع

فاهمه علي

جالسه تلعبين بالحديقه وبأي لحظه يطلع العيال

مو حلوه بحقك متزوجه وقاعده تلعب مع البزران

وبعدين رابطه العبايه على خصرك

لو طلع واحد من العيال اكيد رح يشوفك صح ؟؟

هزت ريم راسها وبتردد : بس انا قلت للبزران اذا

شافوا حد يخبروني علشان انزل العبايه

رد عليها بهدوء : هذا الكلام ما يمشي عندي يمكن من اللعب ما حد ينتبه

من البزران

ترك يدها : جهزي طيف اغراضها بالكبت رتبتهم

ولما تكملين خبريني علشان اجهز مصعب

هزت ريم ووجهها احمر وتوجهت للغرفه بسرعة

جلس بالصاله ونادى مصعب يجلس عنده

غمض عيونه وهو يردد بداخله مهمله مهمله جدا

المفروض بعد ما صحيت من النوم رتبت الاغراض

لكني تفاجئت لما شفت كل شي مكانه

اضطريت ارتب الاغراض لانه ترتيبها وعدمه واحد

بس ان شاء الله مع الايام تتعدل

قاطعه مصعب : بابا متى نروح عالمول ؟؟

ناظره خالد : خلاص لما نرجع من الشاليه اخذك

سكت مصعب وهو يبتسم وفرحان

جلس يتكلم مع مصعب وبعدها ناظر الساعه

تنهد : معقول بعدها ما كملت

وقف وتوجه للغرفه وفتحها بعد ما طرق الباب

بهدوء

ناظرها وهي تربط شعر طيف تكتف وسند نفسه

على الباب

بعد دقايق كملت ريم

تقدمت طيف من ابوها وهي تلف حول نفسها : بابا

سوف شعري ما احلاه

ناظر خالد شعر طيف وابتسم كان مرتب وفيه حركات

ملفته للنظر حملها ورفعها بالهوى وبعدها نزلها

وباسها على خدها : تجننين يا قمر

طيف بفرح : وانت بعد حلو

نادى خالد : مصعب يالله تعال دورك

وقفت ريم بهدوء وتوجهت خارج الغرفه بس

وقفها صوت خالد : ربي يجزاك كل خير مثل ما فرحتي

طيف

ناظرته ريم وابتسمت وطلعت

توجهت ريم للغرفة الثانيه وفتحت الخزانه

وناظرت الملابس مرتبه بدقه متناهيه وكأنه مسطره

اخذت ملابس وتوجهت للحمام

**************************

طلعت من الحمام كان المكان هادي

جهزت نفسي وقررت اروح عند الحريم

طلعت وتوجهت لمكان الحريم

دخلت وانا مبسوطة ومرتاحه : هاااااي

جدتي بتحقيق : انتي وين رحتي ما رجعتي ؟؟؟

ابتسمت اغيض هيفاء : تعرفي زواج ومسؤوليه

وناظرت سديم بابتسامة تنرفز

هيفاء : والله ما ادري كيف ام خالد قبلت فيك

انا لو تموتين ما قبلت فيك زوجه لابني

ناظرتها بغرور : ومين قال لك اني اوافق على ابنك ؟؟؟

اصحي انا حرم الدكتور خالد

لوت بوزها هيفاء مو عاجبها

جلست وانا مستغربه خالتي ام خالد ما تكلمت

ساكته وكأنه وراها مصيبه

ناظرت جدتي : متى نرجع ؟؟؟

جدتي : مليتي من المكان ؟؟؟ ليه ما رحتي مع البنات

للمسبح ؟؟

رديت ببرود : ما اعرف اسبح

ما قلتي لي متى نرجع ؟؟؟

جدتي بدون نفس : يقولون باكر صارت مشكله

بالشركه وجدك وعمك ابو سليمان ودهم يسافرون

ويحلون الاشكال

بصراحه انبسطت انه رح نرجع مكان ممل

دخل احمد وهو يلهث : جدي يقول الحين نرجع

ناظرته جدتي : الحين !! وش صاير ؟؟

هز احمد راسه بعدم المعرفه وطلع يركض

وخلال دقايق رن جوال جدتي الو ...........ليه ...........

يا ليتنا ما طلعنا ............نعوضها متى ........خلاص الحين ابلغهم ........ان شاء الله ........مع السلامه

ام خالد بهدوء : وش صار ؟؟

وقفت جدتي : مضطرين يرجعون رحلتهم على الساعه 3.00 الفجر

ام سليمان بقهر : والله ما استانسنا بالطلعه

جدتي بدون نفس : يقولون لما يرجعون رح يعوضونا بطلعه احلى

يالله يا بنات كل واحد يجهز اغراضه وبعدها طلعت

جدتي وخلفها الحريم والبنات

بصراحه تكاسلت اقوم حبيت اتاخر لعل وعسى خالد

يكون مجهز الاغراض

بس لويت بوزي لما سمعت مصعب : ريم بابا

يقول لك تعالي بسرعه

اتحلطمت اكره الشغل والترتيب والتنظيف وكل شي

وقفت وانا امشي شوي شوي شوي شوي

اتوقع لو تحت رجليني بيض ما رح يتكسر من حركتي البطيئه

وبعد وقت وصلت دخلت كان خالد يطلع اغراض

طيف ومصعب ناظرني وصد بوجهه الظاهر انه

زعلان

عضيت على شفتي بقهر وانا اشتم كسلي

تقدمت منه وبهدوء وادب ما ادري من وين نزل علي : وش باقي اغراض ؟؟

ما طالعني وبهدوء : خلاص جهزتهم

ما عاتبني ولا صارخ علي مثل نايف وفيصل بس ينتظرون مني الزله

خالد غير عنهم من زواجنا ما صارخ علي ولا اهاني

يتكلم معي بهدوء واحترام

حمدت ربي بنفسي انه كان من نصيبي

تقدمت منه ابرر موقفي : اممم والله لما ناداني

مصعب جيت حتى اسأله

ناظرني وابتسم : كان اخذتي سياره اجره توصلك بدل

ما تيجي مشي اكيد تعبتي اكثر من ربع ساعه

وانتي تمشين من غرفه الحريم لهنا

مسافه تهد الحيل

بصراحه استصغرت نفسي وندمت على تصرفي

تكلمت بتردد : اممممم اسفه

بدون ما يطالعني حمل الاغراض : حصل خير

بعدها ناظرني : انتبهي على مصعب وطيف وتعالوا

مع بعض عند السياره اتفقنا

هزيت راسي باحراج

بعدها طلع وهو حامل الاغراض

زفرت بضيق وانا اردد بداخلي غبيه غبيه غبيه ما

اعرف اتصرف

ناظرت طيف : يالله قدامي انت ومصعب

بعدها طلعنا وتوجهنا للسياره

وقفت عند السياره واستغربت سديم وروان مو موجودات

وقف خالد وفتح السياره واشر لي اركب من قدام

وفتح الباب الخلفي لمصعب وطيف

جلست وانا افكر ليه سديم وروان ما رجعوا معنا

ركب خالد ورددبصوت متوسط دعاء السفر

وبعدها حرك بهدوء

***************

صقر

كنت راكب بسيارتي انتظر البنات يركبون

دخلت سديم وهي ماده البوز

ناظرتها بالمرايه : سلامات مالك معصبه ؟؟

سديم بقهر : ما ابغى اركب معك ومين قالك تطلب من ابوي علشان

نرجع معك

ابتسمت لما تذكرت طلب خالد انه ارجع روان وسديم معي

واطلب من فيصل انهم يرجعون معي

لو تدري سديم انه خالد هو السبب وش رح تعمل

بعد ما ركبوا البنات حركت السياره بهدوء

يوم الثلاثاء

كانت واقفه بالمطبخ وتناظر بعجز بعد ما ايقضها

خالد تجهز الفطور

زفرت ريم بضجر وتمنت لو ما رجعوا البارحه من الشاليه

كان كانت الحين مرتاحة مو قايمه

تجهز فطور

لها اكثر من خمس دقايق بالمطبخ بس واقفه

مو عارفه من وين تبدأ

مدت بوزها وتوجهت للثلاجه وتتريق بنفسها وهي تقلد بخالد : اعملي توست بس ما تغلبي حالك بفطور بس توست

اقول روح يا شيخ الخدم تارسين البيت واقوم من الصبح اعمل فطور

قال عروس يقطع حظي المفروض الحين اكون مسافره

شهر عسل

اخخخخخ مالت على حظي

شهر بصل

وعضت على شفتها بقهر

صارت تجهز الفطور وبعدها جهزت القهوه والحليب

رتبتبهم على الطاوله

وجلست تستريح وهي تناظر السفره بفخر

حست نفسها انجزت شي كثير

بعد دقايق وقفت وتلاشت فرحتها

لما تذكرت تنظيف المطبخ

طلعت من المطبخ بضيق وتوجهت للصاله

كان جالس ومصعب وطيف يلعبون حوله

وهو يلاعبهم ومبسوط عالاخير

ناظرتهم بغيره تحس الغيره تاكل قلبها

لما تشوف اهتمامه بعياله يذكرها بنايف

واهتمامه بإخوانها وهي ولا كأنها موجوده

تذكر نايف يضحك مع اخوانها و يلاعبهم ويشتري لهم ما يحرمهم

من شي يطلعهم يغيرون جو

وهي مثل الجدار ما لها وجود في حياة نايف

غمضت عيونها وهي تتذكر بصغرها كانت تتمنى

ابوها عايش علشان يضرب نايف وياخذها معه

ويدلعها ويلعبها ويشتري لها كل شي بنفسها

ما كانت تدري انه ما في مفر من نايف

لانه طلع ابوها

كان ولا زال ابوها بالاسم ما حست بحنانه

ما حست بالاهتمام

لما تناظره ما تحصل الا نظرات الكره والحقد والاحتقار

والاشمئزاز

فتحت عيونها وهي تقارن

خالد كان بينه وبين زوجته مشاكل ومتفقين على الطلاق

بس ما تشوفه يكره عياله بالعكس تحس ما عنده بالدنيا

الا عياله وما يسمح لاحد يمسهم بسوء ولو بكلمه

اما نايف طلق امها بس ما عاملها

مثل ما خالد يعامل عياله !!!

ليه وش يفرقون عنها طيف ومصعب

ما حد يزعلهم !!

مع انهم اهل ابوها ما يحبون كاترين بس ما حقدوا على عيالها !!

طيب هي وش تفرق عنهم اهل ابوها ما يحبون امها

بس كلهم يكرهونها ويحقدون عليها

ليه يفرقون ليه ؟؟؟

حرموها من كل شي

بس ما تشوف الحرمان بعيون طيف ومصعب !!

ما تشوفهم رموهم هنا وهناك !!

ليه هي رموها وكأنها شي مقزز ودهم يتخلصون منها

ليه ؟؟؟!!

غمضت عيونها بقوه متألمه نفسيا منهم

وش الذنب للي اقترفته حتى يعاقبوها عليه ؟؟؟!!

بلعت غصتها

وفتحت عيونها بألم

وناظرت خالد وعياله والسعاده ما تفارقهم

حست بالعبره خانقيتها

انتبه خالد على وجودها

ناظرها خالد بابتسامة : الفطور جاهز ؟؟؟

هزت ريم راسها بالموافقة بدون اي كلمه

ما تقدر تنطق حرف واحد لانها ما تضمن نفسها

تدخل بنوبه بكاء تحكي كل جروحها واحزانها للي

دفنتها بقلبها

ما تقدر تنطق حتى ما تسمح للبكاء يظهر ضعفها

لانها خلاص قررت ما تبكي وتنسى كل الماضي

الماضي للي كسرها وذلها وحرمها من كل شي

تمنته

وقف خالد وهو يمسك يد طيف وباليد الثانيه

مصعب : يالله يا حلوين الفطور جاهز

تقدمتهم ريم ودخلت المطبخ وجلست بهدوء

دخل خالد وهو يردد : خلص يا طيف الحين ازعل منك

ردت طيف وابتسامتها العريضه وبطريقه طفوليه

تجذبك لتناظرها : توبه توبه ما اعيدها

حملها خالد بفرح وباسها على خدها : ربي ما يحرمني منك ويخليك لي يا اجمل طيف

بالدنيا كلها

ناظرته طيف والسعاده تغمرها وكأنها حصلت

على سعاده الدنيا كلها من كلام ابوها

لكن بنفس الوقت كان كلامه سهم اخترق قلب

ريم ليجعل قلبها

ينزف الما

وهي تتذكر كلام نايف

الله ياخذك وارتاح منك

نزلت نظرها للطاوله وانشغلت بسكب الحليب

تخفي احزانها وجروحها

حطت كوب الحليب قدام طيف وبعدها حطت

كوب لمصعب

سكبت لخالد كوب قهوه وحطته قدامه

رجعت مكانها وسكبت لها كوب حليب

قاطع سكونها : يع يع

ناظرت طيف باستغراب ليه تقول كذا

خالد بتأنيب على تصرفها : طيف وش هذا التصرف ؟؟!!

طيف بطفوله : بابا مو زاكي ابد

خالد ناظر مصعب وهز راسه بمعنى اشرب حليب

مسك مصعب الكوب وارتشف منه بعدها عفس

ملامحه

هز خالد راسه على تصرف عياله ومد يده وتناول كوب

طيف وشرب منه عفس ملامحه باستنكار للطعم

وناظر عياله : ما فيه شي بس وده سكر ويصير طيب

وناظر ريم : انتي اضفتي مويه له ؟؟

ناظرته ريم وغصبت نفسها تتكلم : شفتهم ما يكفون

اضفت مويه حتى يكفون

تكلم وهو ما يزال يناظرها : طيب ليه ما قلتي لي

انه الحليب ما يكفي كان نزلت واشتريت

مو تضيفي مويه شوفي كيف خفيف وماله طعم للحليب

اي شي ينقص بالمطبخ خبريني اتفقنا

هزت راسها بهدوء وبدوتن اي كلمه

مصعب : طيب بابا وش نشرب الحين ؟؟

وقف خالد بابتسامة وهو يناظره : الحين انزل تحت

واجيب لكم حليب من المطبخ تحت اكيد مجهزين

تحت لنوف واحمد

طلع من المطبخ بهدوء

طيف تمدح نفسها بطفوله : ما تعرفين تعملين

حليب انا اعمل حليب اشطر منك

ريم بدون نفس : كملوا فطور وبلا كثر حكي

مسكت طيف التوست واكلت لقمه ومصعب

نفس الشي

وبصوت واحد : يععععععع

وقاموا عن السفره

وطلعوا من المطبخ

ريم ما اهتمت لهم وبنفسها بقلعتكم

مسكت كوب الحليب وشربت منه كان طعمه

منفر بس صممت تشربه

تناولت قطعه من التوست تذوقتها وحست طعمها

غير مستساغ ابد

استغربت مع انها عملت نفس طريقة خالد

بس ليه الطعم يختلف

صممت تاكل منها وما تخلي تعبها يروح على الفاضي على الاقل هي تتناوله

سمعت صوت خالد بالصاله : ليه ما كملتوا فطور ؟؟

طيف بقرف : بابا طعم الفطور يعوووووو

مصعب : خلاص ما نبغى نفطر

سمعته يقول لهم : الحقوني على المطبخ اشوف

دخل عند ريم وحط ابريق الحليب على الطاوله

ومسك قطعه من التوست وتذوقها

عفس ملامحه وطلع من المطبخ وبسرعه توجه

للحمام

بعد دقايق دخل المطبخ وشاف ريم تاكل من التوست

وتشرب من الحليب

تقدم منها وسحب صحن التوست وكوب الحليب

وتوجه فيهم للزباله

رجع للطاوله ناظرته بتساؤل

جاوبها بدون ما تسأل : اممم بما انك اول مره

تعمليه لوحدك انجاز بس تحتاجين تضبطين المقادير

اكثر والحليب الطازج ما تضيفين عليه مويه حتى لو اضفتي يكون شي بسيط مو المويه تكون

اكثر من الحليب

ان شاء الله باكر رح يكون افضل من كذا بكثير

والحين اذا ما عليك كلافه تعملين لطيف ومصعب

كل واحد ساندويشه سنيوره او جبن او اي شي

قامت ريم بهدوء وتوجهت للثلاجه وبعدها. عملت لهم

واعطتهم لمصعب وطيف

وجلست مكانها

اشر خالد لها على ابريق الحليب تشرب منه

بدون تردد حطت لها كوب وجلست تشرب منه

وخلال ثواني حست نفسها تقلب عليها

وبسرعه ركضت للحمام

حست روحها طلعت وندمت انها شربت من الحليب

واكلت من التوست

غسلت وجهها ونظفت المكان

وطلعت بهدوء كان واقف عند الحمام وبلوم ناظرها :

المفروض ما اكلتي منه يالله لعله خير تعالي اشربي حليب

علشان تقعدين نفسك

هزت راسها وتوجهت معه للمطبخ

جلست بهدوء ومسكت كوب الحليب تشرب لعله

تروح اللوعه

لفت نظرها خالد كان يشرب قهوه وهو عافس ملامحه

طيف بطفوله وهي تنصح ريم : غبيه ليه تاكلين

منه

قاطعها خالد بحزم : طيف اول مره واخر مره اسمعك

تغلطين فاهمه

طيف مدت بوزها : فاهمه

وقف خالد بهدوء وناظر ريم : انا نازل تحت لا تنسين

تنظفين المطبخ بعد ما تجهزين طيف

هزت راسها بملل وعجز من التنظيف

طلع خالد ومعه مصعب

وقفت ريم بضجر : شرفي يا انسه طوفه

طيف بزعل : اسمي طيف

طلعت ريم بدون نفس لغرفه طيف جهزتها ومشطت شعرها وعملت لها تسريحه بسيطه حلوه

بعدها طلعت طيف وهي مبسوطه عالاخير

طلعت ريم من غرفه طيف وناظرت جهة المطبخ بعجز

قررت تجلس على النت شوي وبعدها تنظف المطبخ

*

*

*

*

*

*

*

*

بعد ما صلى الظهر بالمسجد قرر يرجع للجناح

يرتاح شوي لوقت الغداء بعدها ينزل

دخل الجناح كانت الصاله فاضيه

توجه للمطبخ يشرب مويه وانصعق لما شاف

كل شي مكانه

مثل ما تركه توجه لغرفه النوم دخل بهدوء

شافها جالسه على اللاب ومندمجه عليه

وقف وتكتف وهي مو منتبه له تنحنح بصوت عالي

وهو مركز نظره عليها وهي جالسه على السرير

وحاطه اللاب بحضنها ورافعه شعرها بإهمال

انتبهت ريم عليه ونقزت وناظرته وهي حاطه يدها

على صدرها

خالد ببرود : ليه المطبخ كذا ؟؟؟

نزلت ريم نظرها وما ردت عليه

تكلم وهو مركز نظره على ريم : تعالي نظفيه بسرعة

قبل موعد الغداء

وقفلي اللاب واتمنى انك مره ثانيه ما تنسي

تنظفينه

ناظرته ريم وباحراج : ان شاء الله

قفلت اللاب وبسرعه حملته ورجعته مكانه

وصلت باب المطبخ وقفها صوته : لما تكملين اعملي

لي فنجان قهوه بس لا تخلينها خفيفه كثير مثل الصبح

هزت راسها وطلعت

رمى نفسه على السرير وغمض عيونه بتعب

*

*

*

*

*

*

*

*

*

*

جلست على سفره الاكل باحراج لكنه اخف

من المره السابقه

صارت تاكل مثل الصوص ومن وقت لوقت

تسترق النظر لخالد

كان مندمج بالاكل مع عياله وكأنه ما في المكان

الا هو وعياله

ناظرها سامر : اقول يا ريم انتي ادبي والا علمي ؟؟

رفعت نظرها وبهدوء : علمي

نواف بابتسامة : ما شاء الله ذكيه بنت العم

ناظرت ريم خالد مو معهم منشغل بعياله

الجده : انا اقول تقعدين بالبيت ما له داعي تكملين

دراسة

ريم بحده : هذا مستقبلي وما حد له دخل فيه

فيصل ناظرها ورافع حاجب : قصري لسانك ولا تخليني احطك براسي وتقعدين بالبيت

ريم فتحت عيونها على وسعهم وبكشره : لا والله

خالد بهدوء : ريم

ريم وقفت وفقدت اعصابها : ريم ريم ريم الله ياخذ ريم

وسحبت نفسها وطلعت بعصبية

فيصل شد على اسنانه وهز راسه بحده : يصير خير

هز فيصل راسه وسكت وعلامات العصبيه واضحه

على ملامحه

بعد دقايق وقفت طيف ومصعب : خلاص بابا

هز خالد راسه بهدوء وبعدها وقف : الحمد لله

وطلع من صاله الطعام

*

*

*

*

*

*

*

*

*

دخل الجناح بهدوء والقى نظره سريعه على المكان

توجه للمطبخ دخله ما كان فيه احد

بعدها توجه لغرفه النوم كانت جالسه على السرير

وماسكه الجوال وتلعب

رفعت نظرها وشافته بس ما اهتمت وده

يضربها مو مهتمه خلاص الكرامه باعتها زمان

ما رح تسكت لاحد لو على رقبتها السيف

اقترب منها بهدوء ونزل العقال عن راسه

غمضت عيونها بتلقائيه وفتحتهم

شافته حطه بالخزانه مع الشماغ بترتيب

بعدها رجع جلس على حافه السرير وناظرها بتركيز ومد

يده

وسحب الجوال وقفله وبهدوء وحطه على السرير

وناظرها بعدوء ونصح : مو كل واحد قال كلمه خلاص تنفذت

يعني جدتي قالت لك تتركين الدراسه

كلامها يتنفذ ؟؟!! وتتركين الدراسه ؟!!

طبعا لا

انا زوجك وانا المسؤول عنك وما حد له كلمه عليك

متى ما سمعتي مني اقول لك ما في دراسه

وقتها تعترضين بيني وبينك هنا مو قدام العيله

كلها

اما انا للحين اقول لك رح تكملين دراسه مثلك مثل

اخواتي

بالعكس انا مع الدراسه والتعليم

بس اسلوبك ما عجبني ابد

كان بإمكانك تعبرين عن رايك بأسلوب اجمل وارقى

من كذا

اما انك تراددين جدتي كذا وكمان ابوي حتى لو كان عليهم

الحق ونرفزوك ما كان لازم تردين عليهم بذي الطريقه

يعني لو كان لك الحق يصير عليك الحق

اتمنى هذا التصرف ما يتكرر وصوتك ما يعلى على

صوتي اتفقنا

ناظرته ريم بخجل من تصرفاتها : اتفقنا

بعدها وقف وطلع من المكان

ناظرت ريم زوله وهو خارج

وغمضت عيونها وبنفسها تردد : اااااااااه ما اروع هذا

الانسان

ما الوم جدي وجدتي لما يفضلونه عن باقي الاحفاد

انسان راقي متعلم خلوق محترم مرتب كل شي

فيه رائع

يا ليت ابوي مثله كان ما كان حالي كذا

كنت الحين اسعد انسانه على وجه الارض

استغرب انه ابوه فيصل سبحان الله خلق وفرق

قاطع افكارها صوته وهو ينادي عليها : ريما يا ريما

كان نفسها توقف وتصرخ بإذنه وتقول له : اسمي ريييييييييييم

وقفت وتوجهت للصاله وبهدوء : نعم

ناظرها : اذا ما عليك امر تفقدين طيف ومصعب

احس جسمي مكسل رح اغفى هنا اريح شوي

هزت راسها : ان شاء الله

دخلت الغرفه ولبست العبايه وحطت الشيله على راسها

وطلعت من الجناح

وبسرعة ركضت على الدرابزين تتزحلق

كان نواف وسامر واقفين

نواف باستهزاء : متى تعقلين ؟؟؟

سامر بابتسامة : لما يحج البقر على قرونه

ناظرتهم ريم باستعلاء : سخيفين

وصدت بوجهها بغرور ودخلت داخل

توجهت للصاله الداخليه وهي تبتسم

اول ما شافتها الجده مدت بوزها

ضحكت ريم : هههههه اموت انا بالزعلانين

الجده بزعل : انقلعي عن وجهي ما تحشمين احد

جلست ريم جنبها وكالعاده باست جدتها على خدها

بطريقه تنرفز : امممممواح

ابعدتها جدتها عنها وصارت تمسح مكان البوسه

بقرف : انتي ما تجوزين عن حركاتك البايخه هذي ؟؟

جلست ريم وناظرت ام سليمان : خالتي اذا رسبت

رغد بالثانويه

قاطعتها ام سليمان : اسكتي اسكتي ان شاء الله

تنجح وتحصل على معدل يرفع الراس

الجده بهدوء : ان شاء الله ونعمل حفله كبيره

دخلت ام بدر وخلفها جنى ماسكه طرف عباية امها

وتتدلع

وقفت ريم بابتسامة عريضة : هلا والله

وتقدمت نحو ام بدر وهي تهلي وترحب فيها

وجني تصارخ وتبعد ريم عن امها

جلست ام بدر وضجرت بضيق : بعدين يا جنى ؟؟ الجده : علامك على البنت اصبري عليها

ام بدر بضيق : دللوها وانا اقع فيها وبدلعها الماصخ

جننتني يا خالتي والله احس روحي طلعت منها

بعدها ناظرت ام خالد : الله يكون بعونك اذا جبتي

بنت مثلها

ناظر الزوج الثلاثي ام بدر بنظره حاده من الكلام للي زل لسانها فيه

ام بدر بتورط : اممم ما انتبهت لوجودها واشرت على ريم

فتحت ريم عيونها على وسعهم وهي تناظر ام خالد :

حااااااااامل

ام خالد باحراج : قصري حسك

وقفت ريم باندهاش وبعدها ضحكت : ههههههههه

خالتي ام خالد حامل وانا اقوووول متغيره ووجهك شاحب هالايام

ههههههه قسم بالله فشيله بعد هذا العمر تحملين ههههههههه والشايب عمي فيصل وش يقول ؟؟؟

الجده بنهر لكلام ريم الغير موزون : حطي لسانك بحلقك

ريم وهي تقاطع جدتها : لحظه يا ام سلوم

وبعدها ناظرت ام خالد : يا رب تجيبين بنت تكون

روعه مثل خالد مو مثل بناتك الجوكر

ام خالد بعصبية يغلبها الخجل : قصري حسك فضحتينا

ريم بدون مبالاه : بأي شهر يا خالتي ؟؟؟

هههه تدرين فشيله الناس رح يقولون جده وحامل

هههههههه

ام بدر اعطت ريم نظره قويه : عادي وش فيها

في حريم كثير عمرهم 44 سنه ويحملون

ريم بابتسامة : خلاص يا خالتي رح ندللك من يوم ورايح

وما تتحركين كثير علشان البيبي ههههههه والله مو قادر اتخيل صورتك يا خالتي وانت بالاشهر الاخيره

قاطع كلامها صوت من خارج الصاله : ريما يا ريما

نطت ريم وشهقت

الجده بخوف من حركه ريم : وش فيه ؟؟

ريم وهي تلبس العبايه بعجله : خالد قال لي اتفقد

مصعب وطيف ونسيت

الجده ودها تقول تدفنها بمكانها : حسبي الله على عدوك

خرعتيني وبالاخير تقولين كذا

طلعت ريم بعجله وما ردت على جدتها

وصلت عند خالد وهي تلهث بتعب

خالد بعتاب : ليه تحرجين امي ؟؟؟

ناظرته ريم وفتحت عيونها بدهشه : وش عرفك ؟؟

خالد بابتسامة : ما شاء الله صوتك يلعلع كل البيت

سمعه

وين طيف ومصعب ؟؟؟

ناظرته ريم وهي تبتسم بعباطه : هاه

تركها خالد وحس انه الكلام معها ضايع

وقبل ما يروح خبرها تكون جاهزه بعد العشاء

علشان يروحون عالمول وتوجه طالع من المكان

&

&

&

&

&

&

&

رجعت ريم للصاله لهبالها وما تركت ام خالد

حتى عرفت بأي شهر وكانت ام بدر بالشهر الثالث

ومنحرجه بعد هذا العمر تحمل

وريم كل شوي تذكرها وتحرجها

الجده بنرفزه من ريم : وبعدين معك !!

قسم بالله اذا ما غيرتي هالسيره الا اقوم واترك

القعده لك

ريم بطريقة طفوليه جميله : خلاص اسكت

ام سليمان : ومتى قررتم تسكنون بالفيلا الجديده ؟؟

ام خالد ببرود : كل شي جاهز بس بقى نواف جناحه

ينتظر سميه تختار الاثاث والديكور وهذي الامور

يعني احتمال كبير الاحد ننتقل للبيت

الجده تعودت على وجودهم : وتتركون البيت فاضي

ام خالد : والله يا خالتي فيصل يقول البنات ياخذون راحتهم بالبيت الجديد وحتى صقر من لما سكنا هنا

وهو مشرد مو ماخذ راحته وحتى فيصل يقول اخوانه

يترددون لما يدخلون البيت يحسهم ما ياخذون راحتهم

وباكر صقر يتزوج وين يروح خلاص يسكن عندك

ويونسك

بعدين يا خالتي مو رايحين بعيد عنك بيتنا قريب منكم

كل شوي رح نكون بوجهك

ام سليمان : الله يهنيكم فيها

ريم بابتسامة وهي تناظر ام خالد : رح نفقدك يا خالتي

رفعت ام خالد حاجب : ليه تفقديني ؟؟؟ وانتي معي

بنفس البيت

ام سليمان تشرح لريم للي تناظرهم بغباء : يا خبله

انتي رح تنتقلين مع بيت عمك فيصل

وقفت ريم وهي تتخصر : لا والله انا ابغى هنا

وما حد خبرني انه رح ننتقل من هنا

ام بدر بابتسامة : يعني زوجك رح ينتقل اكيد رح تنتقلين معه

ريم مو عاجبها تترك بيت جدها بس مضطره

تروح مع زوجها

اقتربت من جدتها وجلست جنبها وحضنتها : رح افتقدك

يا عجوز النار

ابعدتها جدتها بعصبية : يا قليله الحيا متى تجوزين

عن حركاتك هذي ؟؟؟

انا عجوز النار ؟؟

ام بدر ناظرت ريم بلوم : ريم

ابتعدت ريم عن جدتها وناظرت ام خالد : خالتي وحنا

متى نروح نختار اقاث جناحنا ؟؟

ام خالد بابتسامة : يا خبله خالد اختار الاثاث بنفسه

وكل شي جاهز بجناحكم

ريم باعتراض : طيب ليه ما طلب مني اختاره انا ؟؟

ليه سميه تختار اثاث جناحها وانا لا ؟؟

الجده بدون مبالاه : روحي على خالد واسأليه

ليه تسألينا حنا ؟؟؟

ام بدر بهدوء : يا ريم ما فيها شي اذا هو اختار

اثاث وديكور الجناح اكيد رح يكون ذوقه حلو

دامه خطبك واختارك

ابتسمت ريم على مديح ام بدر مع انها حست بضيق

ليه ما اختارت وسميه اختارت

بس طنشت ورجعت لمرحها

دخلت طيف تركض : يالله يا ريم بسرعة تعالي

جهزيني علشان نطلع

وقف ربم بحماس

الجده باستفسار : وين ؟؟

طيف بمرح طفولي : بابا وده ياخذنا على الموووول

ومسكت يد ريم وهي تسحب فيها

طلعت ريم مع طيف

الجده مو عاجبها الوضع : عاجبك وضع ابنك ؟؟ المفروض يطلع هو وريم لوحدهم يتمشون

يعني بعدها عروس مو طول وقته مع عياله

وهاليتيمه ولا كأنها عروس

ام سليمان : صادقه يا خالتي المفروض يعزمها على مطعم يكفي انه ما اخذها شهر عسل

والله احسها هنيه ما تعترض وراضيه بعيشتها

صحيح لسانها طويل بس احس قلبها طيب

مو مثل امها ساره

بالرغم من حياتها الا انها اغلب وقتها تضحك

الجده : حتى لو زعلت بسرعة ترضى ولا كأنه صار شي

ام خالد هزت كتوفها : وش يطلع بيدي يا خالتي

قال له ابوه خذ البنت اطلع انت وإياها مع بعض

رفض وقال بدون عياله شبر واحد ما يتحرك

الجده لوت بوزها مو عاجبها كلام خالد : الله يهديه

*

*

*

*

*

*

*

*

*

دخلوا المول واول شي توجهوا للالعاب

كان مصعب وطيف فرحانين على الاخير

وخالد يناظرهم ومبسوط معهم وريم جالسه

تناظرهم بملل

وبعد وقت طويل قدر خالد يطلعهم من الالعاب

اشر لها

قامت ومشت معهم

مصعب ماسك يد ابوه : بابا ابغى مثلجات

خالد ناظره بابتسامة : الحين اشتري لكم

طيف وهي تهز يد ابوها : وانا بابا ابغى

خالد بابتسامة انتظروني هنا والحين اجيب لكم

وناظر ريم بحرص : انتبهي عليهم ما رح اتأخر

هزت ريم راسها بالموافقة

وبعدها غادر

كانت واقفه وتبتسم مع طيف ومصعب

فجأة سمعت صوت : ريم !!

التفتتت خلفها باستغراب وتفاجئت بنات اخوالها

اقتربوا منها وهم يضحكون بصوت عالي

وسلموا عليها

شوق : اخبارك يا عسل ؟؟؟

ريم بدون نفس : بخير

شروق بابتسامة : سمعت انك تزوجتي ولا عزمتينا !!

ريم بهدوء : لو عزمتك ما رح تحضرين

منار بابتسامة خبث : اعطينا رقمك نتواصل معك

ريم بحرص : مو حافظ الرقم خلاص اعطوني رقمكم

وانا اتصل فيكم

مدت شوق يدها بالكرت لريم : لا تنسين تتصلين

فينا

قرب شاب منهم وهو يتغزل بالبنات

ريم تضايقت من هذا الوضع وخافت ييجي

خالد ويشوفها بهذا الموقف : يالله عن اذنكم يا بنات

مسكت شوق يدها : لا تعالي رح اعزمك على حسابي

سمعت صوت خلفها قريب : مصعب

التفتت بخوف وتردد وبعدها ناظرت البنات : يالله

عن اذنكم

ومسكت يد طيف وتوجهت لخالد

شاف خالد الكرت بيدها وبهدوء : من وين تعرفين البنات للي كنت واقفه معهم ؟؟

ريم بتردد : بنات خالي

سحب من يدها الرقم : هذا رقمهم ؟؟

هزت راسها بدون كلام

مسك الكرت وشقه من الوسط ورماه على الارض

تحت انظار بنات خالها

واعطى بنات خالها نظره احتقار وبأمر : يالله

ناظرته ريم حست بعيونه

في كلام سكتت وبدون جدال او كلام مشت ريم معاه وحل الصمت بالمكان

ابتعدوا عن بنات خالها واعطى كل واحد مثلجات

مسكت ريم العلبه وفتحتها

مصعب باعتراض : لا ابغى علبه ريم

خالد ببرود : يا بابا كلهم نفس الطعم

مصعب بعناد : لا علبه ريم ازكى

خالد بهدوء مد يده ياخذ علبه ريم : اعملي تبديل

معه

رجعت ريم للخلف وخبت العلبه وراء ظهرها وبعناد : لا هذي لي

مصعب بعناد ودلع زايد عن حده : هاتي العلبه

حركت ريم حواجبها بالرفض

خالد بهدوء : مو حلو منظرنا كذا يا ريم اعطيه

والحين اشتري لك مو وحده ثلاثة

بعده بزر وانت اكبر منه الحين تفكيره يقول انها

علبتك احسن

ريم بعناد : هو دايما يعمل كذا

كل شي له ؟؟

اقترب من ريم بهدوء : اسمعيني

وبسرعة غافلها وسحب العلبه منها

وغمز لها بابتسامة بمعنى مشيها هالمره

اقترب من مصعب واعطاه العلبه : خذ يا بابا شوف

نفس الشي اعطيني علبتك

مصعب وهو ماسك العلبتين : لا ذول حقتي

ابتسم خالد : صادق صقر لما يقول عنك مفشوح

خالد ناظر ريم بهدوء : الحين اشتري لك غيرها

ريم ناظرته والعبره خانقيتها وغصبت نفسها تتكلم : خلاص ما له داعي

خالد : انتبهي على طيف ومصعب

تقدمت ريم ومسكت يد طيف : ما له داعي

حس نبره صوتها الزعل : زعلتي ؟؟

هزت ريم راسها بالنفي

خالد بهدوء : براحتك يالله نروح عالمطعم

توجهوا للمطعم وخالد ماسك علبه مصعب الثانيه

وياكل منها

ومصعب يصارخ : بابا لا تاكل منها هذي لي

وخالد يضحك عليه

دخلوا المطعم وحجزوا طاوله مغلقه

خالد وهو ياكل من علبه مصعب مد لريم : تاكلين ؟؟

ناظرته ريم وهي تثبت نفسها انها ما تفرغ العلبه على راسه وراس ابنه : لا

بعد وقت قصير وصل العشاء بناء على طلب

طيف تبغى شاورما ومعجنات

حط القرسون العشاء وطلع

خالد بابتسامة : بسم الله

طيف بفرح : بسم الله

وتناولت قطعه من الشاورما وصارت تاكل

تناول خالد قطعه واعطاها لمصعب وهو يبتسم

ناظرتهم ريم بتفكير لو كانت ام طيف ومصعب جالسه معهم

وش رح يكون شعورهم

اكيد رح يكونون اسعد من كذا

قطعت سرحانها لما سمعت مصعب : بابا ابغى عصير ريم ازكى

ناظرته ريم بقهر وعصبية ومسكت عصيرها وحطته قدامه بقوه : اشبع يا دب

مصعب بدلع فتح صفارات الانذار وهو يبكي

ودموعه على خدوده

خالد جن جنونه لما شاف ابنه يبكي : اقترب منه

وحمله ويمسح على راسه : خلاص بابا خلاص

مصعب وهو يمسح دموعه : قالت لي دب

مسح خالد دموع مصعب : تمزح معك مو قصدها

طيف بنخوه طفوليه لاخوها : قول لها قزم

مصعب بابتسامة ودموعه بعيونه : قزم قزم قزم

ابتسم خالد : لا بابا عيب ازعل منك وما اخذك على الالعاب

وناظر ريم بزعل : رجاء هذا التصرف ما يتكرر

ما اسمح لك تتعدين حدودك مع مصعب او طيف

ونزل مصعب وجلسه على الكرسي وبابتسامه : يالله

يا بابا كمل اكلك

ومسح دمعه متخلفه عن خد مصعب

نزلت ريم نظرها للاكل والعبره خانقيتها

اهتمامه الزايد بعياله يخنقها يذكرها بالماضي وآلامه

ندمت انها طلعت معهم

لانها والكرسي واحد

اكره ما عليها تكون على الهامش

طول الوقت منشغل مع عياله وهي ما لها داعي

مو قادرة ترفع راسها تحس الدموع بأي لحظه

ينزلوا

خالد بهدوء : كملي اكلك يا ريما علشان نتجول بالاسواق

طيف بطفوله : بابا اسمها ريم مو ريما

اخذت نفس عميق وبعدها رفعت راسها وابتسمت

بهدوء وبريق الدموع بعيونها

ناظرها خالد ورفع حاجب كان رح يتكلم بس

سكت ورجع ينشغل مع عياله

مسكت ريم كاس المويه وشربته كله

لعله يطفي النار للي بجوفها

وامضت الوقت وهي تلعب بالاكل وما ذاقته فتحت شنطه طلعت منديل وناظرت الساعه بالجوال

بعدها ناظرت خالد بهدوء آمر : ابغى ارجع البيت الحين

خالد باستغراب : الحين رح نلف بالاسواق

ريم بتصميم واسلوب ينرفز : اقول لك تعبانه ودي ارجع الحين

ناظرها بهدوء وطنش طريقه كلامها : اوكي الحين نرجع بس يكمل مصعب وطيف

سكتت وما ردت وهي تهز رجلها

رفع حاجب وابتسم : اعصابك لا ينهد المطعم على

رؤوسنا

ناظرته ومدت بوزها بطريقة طفوليه : كيفي

ابتسم وما علق ورجع يشرب العصير بهدوء

بعدها ناظرها : يعني ما يصير كذا ما تاكلين ولا تشربين شي بالطلعه