توليب ارتجفت برعب:- اكسره ماهمني

حامد ضحك بخبث:- الخوف واضح من صوتس هههههههه

توليب مسكت راسها وهي تحس بدوخه وعيونها بكل مكان بالغرفه وقامت:- مابفتح الباب

حامد ابعد شوي عن الباب وصار يضربه بكتفه مره ومرتين وثلاثه والرابعه انكسر الباب وفتح عيونه وهو يشوف الشباك مفتوح وتوليب متعلقه فيه والناس متجمعه وهم يشوفونها فوق وماسكه الشباك

حامد بلع ريقه بخوف:- توليب تعالي لا تطيحين انتِ ناويه تنتحرين!

توليب بكسره ودموع : ماراح أسمح لك تقرب مني لو على جثتي!

حامد خاف:- ماراح اقرب انتي تمسكي فيني لا تطيحين

توليب دموعها تطيح عشر على عشر:- لا تقرب مني الله ياخذك ماراح اسامحك كل عمري

ام توليب شافت الناس متجمعه عند شباك غرفة بنتها ودب قلبها الخوف من شافت بنتها متعلقه عند الشباك واي لحظه تطيح

ام توليب تجري ودموعها تسبقها:- بنتي بنتييي انقذولي بنتي تكفون

توليب وهي تسمع صوت امها:- ماما تعالي انقذيني

الناس كلهم يصرخون على توليب اللي رافضه مساعدة خالها ومصدومين منها

توليب بصراخ:- هذا الوصخ يبي يتحرش فيني مستحيل اخليه يقرب مني

الناس كلهم مصدومين وخالها عصب من كلامها عنه

ام توليب دخلت وهي تمد يدها لبنتها طاحت دموع توليب وهي تمسك يد أمها وأرتمت بحضنها وهي تبكي ودموعها ماوقفت

توليب بخوف:- ماما إذا تحبيني أبعدي الحقير عننا

أم توليب تمسكت فيها بخوف عليها:- طيب راح يصير اللي تبينه بس أنتِ أهدي

توليب وهي مو راضيه تنزل من حضن أمها كأنها طفله ضاعت بين غابه فيها كلب مفترس ولقت حضن أمها اللي يحميها من كل شي

.

.

<عند رحاب وأمها ببيت الشيخ عايض>

علقت البشوت على الباب وتعدهم مسحت على جبينها بتعب

ام رحاب:- بشري بنتي كم خيطتي؟

رحاب بتعب:- خيطت ٤ بشوت بس يبي لهم تعديل

ام رحاب:- الله يعطيتس العافيه ماقصرتي

رحاب:-ماما وين زوجة الشيخ ماشفتها

ام رحاب تسكتها:- اسكتي لا تسألين عنها

رحاب بفضول:- ليش مانسأل عنها هي مو زينه؟

ام رحاب وهي تخيط:- مو قصة تسذا بس هي لها مكانها الخاص وماعليها من اللي يشتغلون

رحاب قامت وتتأمل الحوش الكبير:- ماما حلمي يكون عندنا حوش كبير تسذا

ام رحاب رفعت يدها للسماء:- الله يبلغني فيتس وتتزوجين واحد غني وافرح فيتس

رحاب طيرت عيونها:- ماما مو وقته توني صغيره

ام رحاب:- لا يابنتي لا تقولين تسذا لا جاء نصيبتس ان شاءالله راح تنسين الهم كله

رحاب:- وش همه ياماما؟ انتِ وأخواني مو هم أنا مرتاحه ومستانسه بحياتي معتس ومع أخواني

ام رحاب:- الله يرضى عليتس انا فخوره فيتس بس روحي شوفي عبدالرحمن وعبدالهادي وعبدالملك وينهم

رحاب قامت:- اكيد يلعبون كوره بالشارع أنا أعرفهم مايتركون حركاتهم يستغلون أشغالنا

ام رحاب ضحكت عليها:- خلي اخوانتس يتهنون بطفولتهم

رحاب:- هم يتهنون بس انا بطفولتي كنتي دايم ماتخليني اطلع العب كثير

ام رحاب:- لانتس اول فرحتي واخاف عليتس

رحاب حطت الطرحه براسها وهي تقرب تطالع بالشارع وشافت اخوانها يلعبون وبهاج كان واصل وهو مد يده يفتح الباب

رحاب فتحت فمها من شافت يد رجال وهربت داخل على طول

بهاج انصدم من كائن طار بسرعه ولمح بنت تدخل والشال طاح من شعرها الناعم وحرير ومسك الشال وقعد يشم فيه وشوي تعوذ من الشيطان ودخل لغرفته

بهاج نزل اغراضه وهو يشكر ربه على كل النعم وانسدح بسريره وهو طول النهار يشتغل

ام بهاج دخلت عليه:- انت متى وصلت هنا؟

بهاج فتح عيونه:- هلا بالغاليه

ام بهاج بعصبيه:- غاليه؟ وماجيت تسلم علي وانا انتظرك

بهاج:- اسف يالغاليه كنت تعبان ودخلت انسدح

ام بهاج بخوف:- بسم الله عليك علامك كله من ابوك ماغير يشغلك

بهاج باس يدها:-يا امي ابوي شيخ الديره وانا ولده ولازم اشتغل وابيض وجهه ولا انا بالمستقبل شلون بدير عائله؟

ام بهاج بفخر:- انا فخوره فيك بس ماتفكر تفرح امك؟

بهاج:- ابشري باللي ودتس

ام بهاج:- ابي اخطب لك وافرح فيك

بهاج ابتسم:- اللي تناسبتس اخطبيها لي

ام بهاج غمزت له:- احلام عاجبتني

بهاج بعدم راحه وابتسم بتسليك:- اللي يريحتس

.

.

<عند بيت خالده ام احلام>

شافت بنتها وهي تزرف تلفون السلك لغرفتها

خالدة بعصبيه:- احلام رجعي التلفون لمكانه!

احلام زفرت بقهر:- ماما بكلم صديقتي بعدين ارجعه

خالدة:- وجع يوجعتس انا مو عاجبني وضعتس كل الوقت بغرفتس وتكلمين خوياتس

احلام:- طفش الديره والنت يادوبك يجي

خالدة بعصبيه:- البنات يشتغلون ويسون شغل البيت ويعاونون امهم الا انتِ على التلفون الزفت ذا امشي ساعديني ورانا شغل

احلام بحلطمه:- لا ما ابي اخرب اظافري انا لي شهرين اطولهم

خالده:- السناعه بشغل البيت مو باظافرتس هذي

احلام بقهر:- ماراح اعاون بشغل البيت مو جايز لي

خالدة:- شلون بزوجتس لولد الشيخ وانتِ ماتعرفين شي؟

احلام ضربت راسها:- ماما انتِ ماتشوفين زوجة الشيخ ماتلمس شي وتجلس زي الملكه وعندها خدم

خالده:- وانتِ وش دراتس انها ماتشتغل عايشه معها؟

احلام:- شدعوه ماما الديره صغيره وكل شي ينعرف فيها

<عند الهنوف>

قفزت من سريرها وهي تفتح الشباك وتشوف امها تستقبل صديقتها اماني اخت بهاج

الهنوف ركضت بفرحه وهي تحضن اماني صح ان اماني عمرها ٢٠ واصغر من الهنوف بس علاقتهم قويه

الهنوف بفرحه:- ما بغيت اشوفتس اشتقت لتس

اماني بادلتها الفرحه:- اكثر والله، اقولتس اليوم جيت اسير عليتس

الهنوف:- امشي داخل نسولف براحتنا

اماني:- منجدتس يا الهنوف تتزوجين من هداج وهو كبير عليتس؟

الهنوف بقهر:- وش اسوي يا اماني نصيب

اماني:- عاد سمعت من اخوي بهيج انه مسيطر على حريمه

الهنوف بدون اهتمام:- وش اسوي له يعني ماهمني

اماني:- كيف ماتهتمين هو بعد اسبوع يصير رجالتس

الهنوف تاففت:- اماني مو وقت تجيبين طاريه انا خلقه متوتره من الموضوع كله وكيف بتزوج واحد كبير احسه اصلع وله كرش كبير

اماني انفجرت من الضحك:- ههههههههههههههههه يلا يا الهنوف تخيلي بس يطلع تسذا بموت ضحك عليتس

الهنوف :- انكتمي لا ادعي عليتس تاخذين واحد مكرش

اماني طيرت عيونها :- لا تكفين الا هذي

الهنوف ضحكت عليها:- لا ماعليتس انا متأكده اللي ياخذتس كفو

اماني:- ياعمري انتِ احبتس

الهنوف نزلت راسها بحزن:- الا انا ماتحقق حلمي بأخذ واحد معدد

اماني ضمتها:- هونيها وتهون يمكن خيره لتس

الهنوف بادلتها ودموعها تنزل:- انا ماعاد يهمني شي بس ابي الايام تعدي وانا اعدي معها

اماني مسحت دموعها:- دموعتس غاليه تكفين لا تبكين وتقطعين قلبي عليتس

الهنوف بقهر :- اصعب شي ان ابوي يدور الفكه مني

اماني مسحت على ظهرها:- مرات ماندري وين الخيرة

.

.

<عند هداج وسميه>

سمية جابت الفواكه وهي توكل هداج

هداج:- بناتس ناموا؟

سمية بدلع:- اي حبيبي نومتهم

هداج:- اي زين عفاف علامها منقلبه؟

سمية نزلت راسها:- ما ادري وش اقولك بس هي زعلانه عشان راح تتزوج

هداج بعصبيه:- فهميها ان الغيره عندي لا وما أحبها انا رجال اللي يحق لي اغار بس الحريم ماتغار

سميه هزت راسها بخوف:- ابشر ابشر ماراح يصير الا اللي تبيه

هداج قام لفراشه وهو يأمرها تطفي الاضواء وسرح وهو يفكر بالهنوف وانه بعد اسبوع يشوفها ابتسم بخفه وهو يلعب بشنبه ويحسها راح تكون مثل حريمه

هداج بينه وبين نفسه:- اول الايام بدلعتس يا الهنوف بعدين تلقمين مع زوجاتي هههههههههههههههههههههه

<بهاج تذكر خويه وراح طلع وشافه واقف قريب من بيته>

نمر:- علامك طولت يارجال

بهاج:- اسف والله بس صار معي شي وجيت للبيت وتأخرت عليك

نمر:- ليكون فيك شي؟

بهاج:- لا بس مو مرتاح لاحلام

نمر:- ليش وش مسويه احلام

بهاج:- بقولك بس بيننا

نمر:- قول يارجال اخرشت اهلي

بهاج:- انت تدري اني احبها بس انصدم من تصرفاتها

نمر:- هي وش مسوين عشان مصدوم تسذا

بهاج:- هي تحبني بس راميه نفسها علي بزياده

نمر:- شلون راميه نفسها عليك

بهاج:- يارجال افهم البنت جريئة وهذي مو من عوايدنا بالديره

نمر:- اي فهمت عليك والله انك صادق عيب تسذا

بهاج:- حتى اختي حسيتها ماتبي احلام لي واكيد هي تعرف شي انا مو عارف له

نمر:- اي لان الاخت تبي لاخوها الزين ودام اختك ماتبيها الاكيد شايفه عليها شي

بهاج:- المشكله انا خايف اتركها واكون اظلمها

نمر:- لازم تستخير وتدعي ربك يعطيك الحل

بهاج:- وانت صادق والله

نمر:- الحين مشينا نقوم المسجد نصلي

بهاج:- ايه يالله الحين صلاة المغرب

قامو للمسجد وصل بهاج صلاته وهو يركع بسجوده رفع يده للسماء وهو يدعي ان هالسنه الله يزوجه وحده بنت اصول وان اذا احلام فيها شر له تبعد عنه قام من صلاته وهو يحس براحه كأنه ربي صب عليه الراحه وطمن قلبه سمع صوت الامطار وهو يحسها اشارة من الله شكر ربه وحمد ربه على كل شي

.

.

<عند رحاب وأمها>

كانت تخيط وتسمع صوت المطر وتذكرت أبوها وأبتسمت بحزن لما تذكرت كيف كان أبوها يحب ينام بالمطر بس عشانه بيوم ولادته كان في مطر وسموه مطر

ام رحاب:- يابنت خيطتي كم فستان؟

رحاب بتعب:- خيطت ٣ وتعبت الشغل واجد الله يعين

ام رحاب: ماصليتي المغرب؟

رحاب:- الا صليت ماما

ام رحاب:- عفيه عليتس ابيتس تسذا ماتنسين لا شغلتس ولا صلواتس لازم تصلينها كلها

رحاب:- ابشري ماما

دخل ابو بهاج البيت وشاف الباب مفتوح وكانت رحاب تشتغل والشال نازل عن راسها انعجب فيها وهو ماهمه عمرها ودخل وهو يشوف شكله والشيب براسه وبلحيته ودقنه

ابو بهاج حط رحاب براسه وبتفكير:- انا ماكبرت بعدي شباب بصبغ الشيبات ذول وبتزوج بنت ام رحاب اكيد ماراح ترفضني لبنتها وبعدين الشرع حلل اربعه وش علي من ام بهاج؟

<عند اهل الهنوف بعد مرور أسبوع>

جهزت دبشها وزفرت بضيق باقي ساعات على عقد قرانها من شخص غريب انعصر قلبها وطاحت دموعها بقهر

الهنوف :- مستحيل اكون مثل الحريم اللي يخضعون للرجال

ام الهنوف دخلت عليها:- جهزتي نفستس؟

الهنوف هزت راسها:- اي جهزت نفسي

ام الهنوف:- وجع ليه تبكين مفروض تفرحين اليوم ملكتس

الهنوف بقهر:- خليت الفرح لتس ولابوي افرحو على كيفكم

ام الهنوف بضيقه:- الله يهديتس بس

بعد ساعات جاء الشيخ وهو يأخذ موافقة هداج والهنوف ويوقعون على الزواج وصاروا رسميًا متزوجين

ابو الهنوف بفرحه :- الحمدلله ربي يتمم على خير

هداج:- امين، متى تبي نحدد موعد الزواج انا مستعجل عليها

ابو الهنوف:- اذا مستعجل حدد الوقت اللي يريحك

هداج قام: اجل على بركة الله الزواج بعد اسبوع

ابو الهنوف :- مبروك لك الثالثه

هداج ابتسم بفرحه:- الله يبارك فيك ياعمي، استأذن منك

ابو الهنوف بفرحة :- بحفظ الرحمان

.

.

<عند عروستنا الحزينه الهنوف>

دخلت الهنوف غرفتها وهي غارقه بدموعها لانها تزوجت ومقهوره لانها ماشافته وجاء ببالها انه اصلع وله كرش ومجرد تفكير بكت وهي تشوف جمالها وانفها الاحمر

الهنوف بقهر:- مالت على حظي اخرتها اصير لشايب اكيد اصلع وله كرش وله ريحه خايسه يع ما اتخيل

ام الهنوف دخلت:- مبروك حبيبتي الحمدلله ان الله بلغني افرح فيتس

الهنوف بقهر:- شكرا

ام الهنوف:- وعسى ان تكرهوا شيئاً وهو خيرًا لكم

الهنوف تأملت كلام امها:- ماما ابي انام

ام الهنوف:- نوم العوافي

.

.

<عند هداج>

دخل للبيت وهو يشوف حريمه يباركون له على زواجه الثالث

هداج بفرحه:- عقبال الرابعه

عفاف شهقت من كلمته وسميه ابتسمت بتسليك

هداج خزهم:- خير ليكون عندكم مانع؟

سميه بخوف :- لا اعوذ بالله ماعندنا مانع

هداج:- اي عبالي لان ماعندي وحده تمشيني على كيفها انا هداج وبطبق شرع الله

عفاف:- حبيبي هدوجي شرايك اليوم ليلتي

هداج:- اليوم ليلة سميه وانا مشتاق لها

عفاف بقهر:- امس ليلتي وماجيت عندي

هداج بعصبيه:- وخير تحاسبيني انا ماتجي وحده تمشي كلمتها علي وامس كنت مشغول بكرا دورتس

عفاف انقهرت وشافت هداج دخل غرفة سميه وهي دخلت وراه وقفلتها

عفاف:- ماراح اترك هداج لتس ياسميه لا انتِ ولا الجديده

<عند توليب وامها>

ام توليب بغصه:- اخوي حامد انا اعزك بس بنتي تهمني راحتها

حامد بقهر:- يعني راح تطرديني عشان بنتس؟

ام توليب بحزن:- انت تعز علي وتدري مالي الا هالبنت وما ابي اخسرها

حامد بعصبيه:- افهم من كلامتس انتس مصدقه كلام بنتس عني؟

ام توليب:- لا مو مصدقه ولا بصدق عنك يا اخوي بس ما ابي تتدمر نفسية بنتي وافقدها

حامد:- انتي تسذا خسرتي حتى اخوتس وبسبب بنت التسلب

ام توليب بعصبيه:- ما اسمح لك هذي بنتي تعبت ومابقى علاج الا جربته بس عشان اشوف قطعه من كبدي

حامد بعصبيه:- بنتس الله اعلم وش نيتها الوصخه ولا ليه تفهم خالها غلط

ام توليب بصراخ:- بنتييييي انا مربيتها احسن تربيه مايطلعهههه منها العيب!!!!!

حامد بعصبيه:- بنتس هذي وصخه وبدال ماتخافين على نفسيتها خافي عليها من نفسها لان عقلها طاير

ام توليب صفقت حامد كف:- اللي يجيب طاري بنتي يتحمل

حامد جن جنونه ومسك ام توليب وهو يسحبها من شعرها ويضرب راسها بالجدار بكل قواه العقليه وصار يعيد الضرب فيها بالجدار وهي تنزف دم من راسها جت توليب وهي تحاول تبعده وكان يدفها طاحت ام توليب وهي تتنفس بصعوبه وراسها ينزف وشافت حامد اخوها يقرب من توليب ودمعت

ام توليب:- ابعد عن بنتي

توليب ببكاء:- ماما ساعديني منه

حامد ضحك بشر:- هذي المره امتس ماراح تنقذتس مني انتِ لي

ام توليب انصدمت وهي تلقط أخر انفاسها:- ياااااحقييييير ابببعدددد لا تتتققققرربب منهاااا "وماتت لان ضربها على راسها من وراء بقوة"

توليب صرخت:- مـامـااااااا لااااا تخلييييييننننيييي

حامد مسك توليب اللي تصارخ بكل قواها وتدفه وتضربه على صدره

توليب وهي مستمره تضربه من صدره ودموعها اربعه اربعه:- ذبحتتتتت اميييي ذبحتتتهاااا الله لا يساااامححححكككك

حامد استوعب إن قتل روح ومو أي روح هذي روح أخته شاف أخته طايحه والدم كله بكل مكان ماتحمل المنظر وهو يشوف توليب تحضن امها والدم بملابسها والناس كلها عند الباب

توليب بصراخ:- مـامـا تكفون دقو على الاسسسععااافف انقذوهاا

الاسعاف جت بعد نص ساعه وخذوها وتوليب تلحق امها وخالها وراهم وهو يدعي الله انه اخته ماتموت

حامد بينه وبين نفسه:- مو وقتها هذي تموت مستحيل اصلاً انها ماتت

توليب ببكاء:- مااااامااااا تكفيييييينننننن لااااا تخخخخخليننننيييييي رججججججحييييتتتتتتكككككك انااااا ماااااللللليييي اححححدددددد الا اننننتتتتتتتتتتٍ

بعد ساعه وصلوا للمستشفى ونزلوها وهم يدخلونها داخل بس عشانها فقدت روحها طاحت توليب على حيلهااا ووو

<عند بيت أهل أحلام بالديره>

ام احلام:- ياهلا بزوجة الشيخ نورتي بيتي

ام بهاج بغرور:- تسلمين بس بدخل بالموضوع لاني مشغوله ومستعجله

ام احلام:- اي عادي ادخلي بالموضوع بس ان شاء الله خير؟

ام بهاج:- كل خير ان شاء الله

ام احلام:- الحمدلله

ام بهاج:- جيت اطلب بنتس احلام لولدي بهاج

ام احلام انصدمت بس فرحت:- هذي الساعه المباركه اللي جيتي فيها تخطبين بنتي لولدتس اتشرف وكلي الشرف

ام بهاج:- تمام بعد يومين تعطينا قرارتس على الموضوع

ام احلام:- مايحتاج بنتي لولدتس

ام بهاج:- تسذا تعجبيني هههههههههههههه

احلام سمعت كل الحوار والفرحه ماليه ثغرها

راحت غرفتها وهي تشوف حسابها اللي كله عيال وحست قضت وقت كثير معهم وشافت نفسها بالمرايه وباست نفسها من بعيد

.

.

<عند بيت ام رحاب بالديره>

كانت رحاب تكنس الصاله حقتهم واخوانها يركضون بالشارع يلعبون كوره والباب يندق عليهم

ام رحاب بصراخ:- يا رحاب شوفي اخوانك وين راحوا وشوفي الغسيل وطفي المويا وشوفي مين يطق الباب

رحاب بتعب:- يلا ماما ابشري

لبست حاجبها وهي تقفل المويه وراحت عند الباب

رحاب بصوتها الناعم والمُلفت:- مين عند الباب؟

ابو بهاج ابتسم بخبث:- انتِ رحاب؟

رحاب استغربت:- اي انا رحاب مين عند الباب؟

ابو بهاج:- انا الشيخ ابو بهاج نادي لي امتس

رحاب راحت تركض تعلم امها ودخلت داخل تسوي الغسيلات

ام رحاب وقفت عند الباب:- هلا والله يا شيخ سم

الشيخ ابو بهاج بثقه:- ذا راتبس وتستاهلين بس ابي منتس طلب؟

ام رحاب ابتسمت:- الله يوفقك ياشيخ ويرزقك، وش طلبك؟

الشيخ ابو بهاج:- ابي اطلب يد بنتس رحاب

ام رحاب استانست:- تطلبها لولدك بهاج؟

الشيخ ابو بهاج بعصبيه:- لا اطلبها لي وش دخل ولدي!

ام رحاب بصدمه:- هاااه؟ بنتي صغيره كيف تبيها لك؟

الشيخ ابو بهاج:- انا بعد يومين بنتظر منتس الموافقه وطلع وهو معصب من ردت فعلها.. ام رحاب سكرت الباب وطاحت من طولها ان الشيخ ابو بهاج طلب بنتها وهي صغيره عليه وخافت زود على مستقبل بنتها