📌 روايات متفرقة
0

رواية ثرثرة ارواح متوجعة الفصل الاول 1 بقلم ضمني بين الاهداب

ahmed ahmed

رواية ثرثرة ارواح متوجعة الفصل الاول 1 بقلم ضمني بين الاهداب

رواية ثرثرة ارواح متوجعة الفصل الاول 1 هى رواية من اجمل الروايات الرومانسية السعودية رواية ثرثرة ارواح متوجعة الفصل الاول 1 صدر لاول مرة على موقع التواصل الاجتماعى فيسبوك رواية ثرثرة ارواح متوجعة الفصل الاول 1 حقق تفاعل كبير على الفيسبوك لذلك سنعرض لكم رواية ثرثرة ارواح متوجعة الفصل الاول 1

رواية ثرثرة ارواح متوجعة بقلم ضمني بين الاهداب

رواية ثرثرة ارواح متوجعة الفصل الاول 1

إن سألوك يوماً عنّي / و سـ يفعلون !

فـ قلْ لهم :


غادرتني فقد كنت [ضعيفاً ].. !!


أضعف من الإحتفاظ بِـ ” اُنثى “

أحبتني بـ جنون~ !

و احتملت بـ جنون ~ ،

و سامحت بـ جنون ~ ،

قل لهم غادرتنى !
فقد كنت شرقيا

و الرجل الشرقي يزهد بـ إمرأة تجاهر بحلمها
ونبضها وحرفها ودمعها !


قل لهم [غادرتني].. !


تلك التي حين أكون مع { سواها ....؟


تموت ألـف مرة ...

و... لا يعلم بـأمر موتها سواها


قل لهم غادرتني ،


تلك التى إن نام الكون استيقظت فـ صلّت / فـ سجدت /


فـ ردّدت : ” اللهمّ إحفظه لي “ !


قل لهم غادرتني ،

تلك التي إن بكت السماء ،


رفعت يديها الى السماء و ذكرت اسمي بـ ” دعاء “ لا أعرفه ،


و إن سألتها قالت الدعاء فى المطر مُجاب !


قل لهم غادرتني ،

الأنثى ” الوحيدة “ التي أدمنتها !

قل لهم غادرتني ..و.. وعدتني... [أنها لن تعود .. ]

مهما حدث !


لأنني لا أملك قلباً قوياً بما يكفي … لِـ [ إمـتـلاكـهـا ]


بدايه...

مساء الحنين .....


مساء أحبتي وقلوبهم الدافئه....


مساء غب ماشئت فـ َسيجلبك الحنين =)

هل أقول أشتقت لكم...؟

أم...

أصارحكم بأني أحترقت من الأشتياق..

هل أنقش لكم حروف الأشتياق كي تُعانقكم قلباً قلباً...؟

أم أسُيرها عفوية سلسه كي تتشبث بعفويتكمـ الطاغيه..؟

هل أحكي لكم عن الغياب وماذا صنع..؟

أم أغلق بابه...

فقد أستبشرنا اليوم بِ شعشعة اللقاء من جديد..,

لذا..

أسأل الله أن يجعل أجتماعنآ الثالث على خير وذكر..وقلوب مُتألفه..ومتحابة..,


[...لآ تُليهكم الرواية عن الصلاة في وقتها..]


ترى...!

هل ذرفت الدموع على تربيته..

و..

ذهبت النفائس من أجل أهداب عينيه ترضى..


و...

قدمته على كل شيء..!

على الروح..

الضحكـ..

على السعادة..!

على كل شي.!


منذو ان كان لحمة صغيرة بين يدي..لآ..حول لها ..و ..لآ..قوة...

تسارعت الأنفاس الوجله...أذا لحظت أرتفاع طفيفاً بحرارته...!

كنت أخاف ان أفقده ببساطه...

لأن كل شي ثمين يذهب ببساطه وبلمح البصر...!

وهو كان أثمن الـنعم التي وهبني الله..

أحببته..كما لمـ أحب.. أحداً..

رأيت فيها العوض والسعادة الأبديه..!

رأيت فيه عوض الحب المتخاذل...!

رأيت فيه رايات الحلم تخفق..!

رايته فيه تلك الأمنيات المتخاذله تنمو كـ بذرة صغيرهـ...

كبرت وكبرت وكبرت وأصبحت تظلني كا شجرة..!

رأيت فيه كل الدنيا ...


وأسميته [ ...قائد...]....


كي يقود الجميع ويخضعهم تحت رايات حضوره...!


والان يا قائد ماذا حصدت أنا...؟


جراء وجع أسقيته ليثمر لـي أوجاع...!


قارنت منزلـتي بتـلكـ الحمقاء ...


و


أحرقتني ...
فـ أصبحت
كـ ورقة أشعلت أطرافها..

فـ تنحارت النار لـتذويها رماداً...!

وكلت الوجع لـي بمكيالين...بـ أن

أصبحت مشارف على أنتصاف الثلاثين...

لآ

بل قاربت و أوشكت على فسخ رداء الثلاثين...!

والاخرى العاشقه لك تعس حظها بعد أن كبلتها بعد رفضها لكـ...

بـ قيود أبن العمـ...القاتل...!

أبتلع كمية كبيرة من كوب الحليب الذي يزينه طعم الزنجبيل وعينيه تنظر لـ [ الجمر..]...!

أحترقت وذويت....نعم...!
وأشعلت رأس السنوات العقيمة في ظل..[عشق سرمدي هارب..]..نعم..!
وعاشق لـي فرس جامحه..نعمـ...!
لكن يا جامحه...

أمآ..أن لك أن تعلمين بـإن الأذرع التي تهربين منها سـوف تحتضنك في يوماً ما...!
أقُسم..أن أسوقكـ لـ المشيب سوقاً...

فلآ..أنتي تقترني بسواي يا قاتله...
و..لآ..أنا اقترن بسواكـي...

سآ الطمـ...الجرح..حتى لايفيق...!
أخدره بـ مسكنات تسري ب العروق حتى يغفو..ويغيب...!
أنا العدالة التي تلوح من بين الظلامـ...

أنا لسان العدالة...أنا ناطقها والملوح بها...و..المجاهر بها..
فـَ كيف لآ أنتصف من جرح عتيق..!

قائد

متى أستعبدت الحب وقد خرج من رحم الحياة حر....؟

متى أصبح الحب ذليلاً منكسر مهان...؟


متى أنطفى نوره....وهو كـ الـفجر يختال بين العتيم...؟


تباً لك....ف وربِ أن ضلوعي سَ تلفضكـ ...!

أنا الجموح يا قائد الأنكسارات..!


وسَ أكسرك..!
.
فهد

ما أنا الا الثريا...!
وآنفلاقات الصبح وأستبشاره...!


ما أنا الأ سرب من الحمام حلق في سماء عالية...لآتطالها رعونتك...!


ما أنا الا مزيج من الكبرياء والأنفة...

و

ما أنت الا الـماضي الأسود...الذي ذهب ..و ..ولى....
لـم يعد لكـ مقام بين الأضلع...!

زفتك تلك الحنايا التي أحبتك يوماً لخارجها...!

بكلماتنا المجردة من كل بهرجة...قد تم ..[طردكـ...] ...!

فَ

صبراً ي قلبي صبراً

فـ كل صدع بين حنايكـ...

هو وطن من الكبرياء...!

وكل آنحنائات شق من شقوقكـ هو عزاً ونهراً من الكرامه...!


تلك الغجريه..!

سلبت عقلي وروحي.!

أستطونت كل شي...؟

ولم تبقي أي شي...!

سرقتها من متاهات الحلم...

من أروقة المستحيل..!

من حبر من ورق...!

[..حاتميه..] هي في المحال..!


ما المستحيل في أن أكون أشهر من نار على علم..!

أتبع العلم ..وأستفرد به...!

يدون أسمي بجانب كبار المخترعين والمفكرين...بَ ماء الذهب..!

أعقدو الرهان يا سادهـ..

.فابرغم من خفة دمي اللذيذه...وكثرة مزاحي..ومقالبي السمجه ..!

الا..

أنني [..الرهان..] الكاسب..


أغلضت الايمان وكذبت..

جلت وصلت بإرض عشقـي..

أسقطتني عن عرشـي وحكمت..

من ثم ماعدلت...

فهل يلام شعبـي ان يحاكموكـ

ويقذفوك بغيابت الجب ...

فإنت [ماهراً] بـ أتقان...

وتستحق من يقتلك ميدانياً كـ ما فعلت..

ماغصت با البحار..ولآ...زرت الصاغه..

جائتني تتهادئ ...وأصبحت لـي [دانه] ..

وما ان أصبحت لـي...

الا وقذفتها خلف الف سور...!

ياحرس...ي سادهـ...!

في غياب العقل لآيُحاكم ولآيؤخذ با الحكم..


الـ كايد

كايد..بلغ من العمر عتياً =)

وهو عم نايف و تركي ال كايد...


نايف ...متوفى منذو بضع سنوات مضت..

أم قائد.. وصايف..

قائد..محامي لامع في أروقة المحاكمـ...

ثريا ..

نجد ..

دانه..


تركي الكايد


تركي [أبو حاتم..]...الأب...

ام حاتم..

حاتم كاتب قصصي ..

الجموح دكتوره با الجامعه

ماهر ..

رهان ..

الزين..

^

كانت هذه لمحة عن الشـخصيات بشكل سريع ومختصر..


نهاية يومـ طويل

أغلقت باب الـسيارهـ...


بهمس وهي تجلس بهدوء\السلام عليكمـ...

ابتسامه خفيفه منه..\ وعليكم الـسلآم..

شد كفـها المندس بحضانها لـيقبله بـحنان\شلون يعني...ماراح تسلمين..ترى لـي منك أسبوع...,

أشارت بطرف عينيها الـمحمره لـذاكـ الواقف بـمحاذات الـبوابه الخارجيه مبتسم ...ببحه\ أسـتحي يشوفني أخوي ويقول ملهوفه عليكـ...وهو النقود....,

حرك كتفيه بـ الامبالة..\زوجكـ انا يَ دانه...وابيك ملهوفه لشوفتي دومـ...

حركت جسدها قليلاً..لـتلقي نظره لـعينيه..وبهمس عذب..\كل هاجس مايجيب الآخيالك ...سلوتي في [..صحوه..] ..و..[..غفوهـ..]

التفت بهدوء لها ..وبتمتمه خافته ضاحكه..\الله الله الله...,

ليردف \والعيون هذيك ماسألتي ليه أهدابها مبتله..؟

أبعدت عينيها بَ ارتباكـ...,

ماهر بستغراب وهو يحرك السياره \ها ..ليش ماتردين...؟

الدانه/ مافيه شي عشان ارد عليه..يتهيألكـ..حبيبي...!

ماهر \لا مو يتهيألي...ألا بعد اكيد ..وش مبكيك..عسى عيون الكون تبكيه..!

أختنقت بـعبره موجعه..أندست بـحنجرتها... \اليومـ...بمدرسه..

صمتت بعد ان أختنقت تماماً...بـمزيج أوجاع بحنجرتها..,

أنصت بهتمامـ...,

شهقت بـ أنين\دخلت على الي كنت أظنهم صديقاتي...ألي مثل أخواتي كنت احسبهم...وهم يتكلمون بكل أريحيه...!


يقولون العرجاء...العرجاء...العرجاء...


لو تشوفون زوجها يوم خذاها قبل فتره...فلقة بدر..


طول وكمال والكمال لله..حرام عليه خذى له وحده عرجاء..حرام عليه

يدفن نفسه..حتى عرجتها مره واضحه...!
كيف خذاها..!

أكيد ملعوب عليه...

أبتلعت ريقها بمرار\ردت الثانيه...وقالت..لآ...هذا ولد عمها...مسكينه..يمكن يبي ياخذ فيها أجر أو أبوه أجبره....من جد وش يحس أخذ عرجاء...وحنا الكاملات مالنا نصيب

صدق من قال حظ الردي على ماتهيآآآ...!!!

وتجبر الكسر وحده منهم وهي ضاعفته..تقول استغفرو لآتبتلون بعيالكمـ...,

وترد وحده بعيده ب اخر المكاتب ..و بتطنز...تقول تخيلت اشكالهم بزفه...!

وضعت أناملها المشتعله..بـقرب من صدرها وبأنين\ها الكلمه الاخيره أحرقتني حيييل ياماهر..كان ودي أدخل عليهم واصرخ واقول مانزفيت لهذا السبب ياسفهيات..عشان امثالكم
مايعلقون..


صمت....!

وادار سيارته لـيدخل لـداخل الفله..


لم ينتبه بأنه مضى على صمته نصف ساعه..وهي المسافه الفاصله بين بيت قائد وبيتهم...

صمت يولد الوجع بـداخل تلك الضلوع...,

شدت انفاسها وهي تشد علبة المناديل وتشد لها منديل...لتمسح بها بضع من عشر أوجاعها..,\ ماتبـي تنزل...؟


شد هاتفه \لآ...بلحقك بعد دقايق..أسبقيني..,


نزلت بهدوء...,


راقب تلك الخطوات الموجعه لروحه...

وهي تعرج بـوضوح تام...

عيب وشمه على ساقها اليمنى...

يذكره بتلك الـمراهقة الطائشه...

عذاب مستمر لها .. وله..

هو ...سببه...!

تباً لطيش....


كاد أن ينفجر وهو يسمع أنين الوجع بـداخلها...

هو من تسبب بتلك العرجه الواضحه لها..!

هو السبب..!

هو السبب..!

ليته ينطوى وينسى تلك الحادثه البغيضه...!

تسبب بوجع لآ ينام ولآيغفى..

وعذاب ضمير لآينتهي..

تذكر ثرثرتها ذات ليله لـه وهي بنصف الاخر من السرير...تشد انامله البارده لـتضعها براحة كفها الدافئه...وهي تتأكد من شعور يؤلمه..,


الدانه\أكيد ..يا ماهر...أنت أنت ما أخذتني شفقه...

لأنك انت الي مسبب ها الحادث لي...؟

لـيسكتها بـ أن دس وجها بصـدرهـ...لـترتاح تلك الروح من ثرثرتها الموجعه له..,


تنفس بعمق...والقى نظره على هاتفه بيده لـيلقيه بـشده بجانب الاخر من السياره ...
كبت دأب على أفراغه في أي شي يسقط بيده..!

لـدي شخصٍ في ذاكرتي...أفتقدهـ , حد الضيآع..!


بمجالـس الخارجيه...

أرتفع حاجبه وهو يستمع لكلمات سائقه الخاص...\عند البوابه...بـهذا الوقت...!

أرخى عينه بـتعجب لـيرى الساعه الحاديه عشر ونصف...!

وقف وتحرك بـخطوات متباعدهـ...

حتى وقف بـ البوابه...

لـينظر لتلك المرأهـ...!


ترتجف متضح تماماً...!

ومحتضنة بكفها لطفل بعاشرهـ...

صوتها متهدجـ...يشبه صوتٍ متعب مترنح...!

صوت قادم من الهموم..!

قادم من الأهات..و...الأوجاع..!

صوت مترجي ومتذبذب...!


صوت أمرأهـ بكل نقاطها [زجاج..]


أبتسم بـرفق\سمي...بغيتي شي أختي...!

أكمل جملته ويدهـ تدخل بـجيبه الجانبي...

وعينيها الخائفه تراقب تلك اليد

لتقطع رحلة أفكارهـ ..

بكلمات متهدجة مرتبكهـ\لآ...مابي صدقه...أبي أوكلك بقضية...!

لتردف قبل ان يقاطعها\..ماعندي أحد..يجي معي...سامحني جيتك في هذا الوقت وببيتكـ...لكن مافيه حيله للمضطر الا ركوب الأسنة..!

يكتوي ويتذوى بجمر من الوجع...

عندما تصادفه تلك النساء الضعيفات الاتي لآحول لهم ولآقوة...!

يشعر بـ أرتعاش يسري في جسده...

أذا رأى انكسارهم الموجع...

وتأتي لـنصافها من همـ يقصم ظهرها...!

أهـ يا النساء..!

لـدي شخصٍ في ذاكرتي...أفتقدهـ , حد الضيآع..!


يومـ جديد


9:30ص

ماتوقف هذا الشي عند هذا الحد..لآ..الأوربين طلعو بنظرية التفوق العنصري..!.

وقالو ان كل أوربي با الهند له تفوق عنصري ...مايقبل التحويل...

و..الانجليزي في الهند يعتبر بمرتبه مرتفعه وانه من جنس مكتوب انه يحكم كل الشعوب..!

وبسبب هذي النظريه الي هي متعاليه من الانجليز..

طفح الكيل في الهنود..

حتى ان الهنود ممنوع منع تام انهم يوصلون لرتبة ضابط او حتى وظيفه مدنيه في بلادهم..!

طبعاً هذا ظلم كبير بحقهم..!

وبكذا صار فيه فجوه كبيره جداً بينهم وزاد عليها ان حياة الهنود تعتبر رخيصه عند الانجليز..!

وأستمر هذا الحال لمدة اربعين سنه...!

نظرت لـساعتها لتبتسم برفق..\خلاص يابنات نكتفي بمحاضرتنا بهذا القدر..وراح نكمل استعمار البريطانين للهند..وأنفجار الهنود ضدهمـ...بمحاضره الجايه...

فيه أي سؤال يا أخوات..؟


رندا..\دكتورهـ...أنا ماشيه على نظام التحديد الي متبعينه با الترم الأول..لكن سمعت من زميلاتي أنك راح تتركين المنهج عايمـ...هذا الترم...!

الجموح\مافيه شي عندي أسمه عايمـ...وماحب مبدأ دكتوره وطالبه...أنا علاقتي معكمـ أحبها تكون علاقه أخويه مدروسه...

لأني في يوم من الأيام كنت مكانكم بهذي المقاعد...ومع حفظ حقوق الأحترام لدكاترتي الأ انهم طلعو المناهج العايمه من عيونا..


ضجة القاعه بضحكـ...

خلود\دكتوره بالله عليك قولينا من الي حاضرك لما كنتي بمكانا هنا...من دكاترة القسم...

أذكر الدكتوره نوره هي أكبر دكتوره با القسم ومدرسه كل دكاترة القسم...

أبتسمت\الدكتوره نوره الله يطولنا بعمرها قيمه كبيره للجامعه كا كل...هي علم متحرك...يالله يابنات ..أخرتكم على البريك وأنتم أخرتوني على الطلعه لأنه خلص دوامي ...


لملمت أغراضها الجموح ورتبتها بـ حقيبه صغيره تحملها...لتخرج من القاعه....

يتحلق حولها طالبات يـسألونها عن بعض المسائل في المحاضره...

لفت أنتباها شلة من الطالبات....متوسطتهمـ شقيقتها...

لتعبس ملامحها وتتغير...!


لـدي شخصٍ في ذاكرتي...أفتقدهـ , حد الضيآع..!
↚
نجد تُقلب عينيها في الصالة المفتوحه...

تحف مكـسورهـ...شنط متناثرهـ هنا وهناكـ...

أطفال تـبكي...

خبز و حلويات متناثره ب ارجاء الصاله...

علبة أرواج عابثه بـ الـكنب الـممتد بـ الوان فاتحه...!

وجلـسة اخوات أزواج أعينيهمـ تلتهمها ...

صوت شيخه القادمـ من الـسور ...والغضب يعتليها وهي تضرب أيدي ثامر..

وعينيه تحتقن بدموع..\والله ياعمه مابقى شي...حاسبت العامل وهذي اغراضكـ...؟


شيخه\كذوب..الا باقي خمسه ريال وينها طلعها ولآ شفطتها مثل حلالنا الي تشفطونه كل يوم..!


نجد بغضب جامح تـرمي با الاغراض التي بيديها الارض وبصوت عالي\ عسى خيرك مايكثر انتي وها النوايا السود...


شدت صغيرها لها لـتردف..\...واذا شفتك ماده يدك على ولدي وبنتي قصيتها لكـ من الذراع...سامعه...!!!

شيخه \ على هونك على هونك الحلال حلال ابونا والقوم قاسمونا...تراهم عيال اخوي مثل ماهم عيالكـ ولي يد عليهم مثل مالك يد ..وش بلاك داخله بشراع ومجداف...

نجد تشير بيدها بـصرامه\أسمعيني يا شيخه انتي وشلة الأنس الي معكـ تجون ي مرحبا ومسهلا لكن بإدبكم...لكن ترفعون ايديكم على عيالي..

وتمدون لسانكم با الحكي والوجعات

الباب يوسع جمل..ولآتحسبين ساكته عنكم حشيمة لكم...

لآوالله مالكم عندي حشيمه ولآقدر..لكن الحشمه لخالتي ولـمرحوم ولدها...

شيخه تقف وبـبتسامه\عطينا شناطنا احسن..لآوالله الي ماعاد فيه سحى...الحلال هذا الي انتي فيه يا نجيد من حلال اخوي ...اجحدي بعد واطردينا..حنا في حلالنا وفي مالنا...

نجد بـصلابه..\أنتم مالكم ريال عندي...نصيبكم في اخوكم عطيتكم هو اول ماتوفى ومابـقى الا حلالي الي شاركت فيه أخوكم وأرث عياله...كل شي موثق وما

ظن يجهلك شي....

شيخه\ايه اكيد موثق با الاوراق وبكل شي...اخوك يا حبـيبتي معك...متشاركين في الارنب الكبير..وشلون نلقى على قايد مدخال في ميدانه...؟

أم محمد \بـس ي شيخه..أقضبي لسانك..واقصري شرك انتي وخواتك...ولآتجـيبون اسم قايد على لسانكـم ...لآتحسبيني بسكت عقبها...أتركي هبالكـ ترى عيالك صارو طولك..

شيخه\ماتشوفينها يمه...نجيكم يومين وتستكثر علينا ...وخير ان شاء الله كذبت في كلامي قولي ..ماهو بقايد راس الملاعيب..

ماهو الي مضبط اوراقها وحلالها الي تقوله..وش درانا لو لـ محمد ورث ثاني مادرينا عنه..هو قال هذا الي لكم وهذا الي لكم وحنى من دلاختنا قلنا سمعن وطاعه...وأخرتها

العماير والخير لـ اخته وحنا مالنا الا القريشات الي راحت من يومها...!

ام محمد\ اعقبـي وأخسي ...لآوالله كذبتي..وماصدقتي..


قاطعتهم نجد وهي تقف بـقارورة زجاجيه كبيره \أسمعيني يا شيخه...ان جبـتي كلمه ثانيه عن ابو نايف...والله ان يشيلونك خواتك بعد شوي لآنتي حيه ولآميته..


تراجعت شيخه وهي تشهد وقفت نجد والقاروره بيدهـا وهي تعلم ما اصبحت عليه نجد..!


بتراجع\وشلون يعنـي ...بتضربيني وانا بين خواتي الست واهلـي...!


نجد\ قولـي في قايد حرف يا شيخه...وشوفي حكـي نجد فعل ...ماهو بقايد الي ينقال عنه هذا الحكي وهذي الفعول ماهي بله...!

أردفت نجد بـتهكم\من الي لهف عمارة محمد الي بـحي الشفا ورممها من جديد من مزاجه لآ استأذن احد ولآ شاور احد..خلع الباب وسكن...لو نبي المناشب والوجعات خليت

الحديد بيدين الي ياكلون حق اليتيم..!


شيخه بـشهقه \أنا أم هدار...الحكي هذا لـي..انا اخوي عطاني هذيك العماره على حياته عسى ربي يدخله الفردوس..بعد أخلفو في وصاة الميت وقولو مالنا خبر..!


نجد بتهكم\صدق يا ام هدار...!

أرتبكت \وحتى لو ماهو بصدق اخوي ولنا قسمة فيه..والا حلال عليكم وحرام علينا ناخذ من خيره...!

نجد \كفـي شرك كفيه...قبل والله ان أطلعك من هذيك العماره مثل مادخلتي بخلع الباب..تركتك لن الخير واجد وانتي عمتهم..
وعياله ماهو بقاصرهم شي دام قايد الي تقولين ان ذمته وسيعه حي لهم


ام محمد \يا شيخه...أدوشتو راسـي بعيالكم ومناقرتكم أنتم جاين توسعون صدري والا تضيقونه...راح محمد ولآبقى الا عطر ثيابه..ترحمو عليه وأوصلو بعياله..


شيخه \الله يرحمه ياميمتي ويوسع مدخله..وحنى ماقلنا الا الصدق..


أم محمد \ ي نجد روحي يا مك..شوفي عيالك وش يبون مايلحقك قصور ولآيلحقك هرج كاذب..والله انك مكمله بكل طيب الله يبيض وجه من رباكـ...


أشاحت نجد بنظراتها المتحديه عن شيخه..لتنسحب بهدوء من المكان مع ابنها..على وقع ثرثرة هامسه..

لـدي شخصٍ في ذاكرتي...أفتقدهـ , حد الضيآع..!


هي لم يتحرك منها شي...سوى انها حركت بؤبؤة عينها لليسار قليلاً...

أم قائد بـألم وعينيها تٌراقب الثريا ...,\وليش تزوج سكيتي كذا...ليه ماحط له طنه ورنه...ماهو هو ابو الطنات...!

أم حكيمه \ مدري عنه عساه مايصيد...من خيبات عينيه وفاله..والا يترك ثريا...ويروح ياخذ هذيك العصلا المصلا..الوكاد العقل مفارقه..!

أم قائد بهدوءها المعتاد\إيه نصيب...وأكيد بيتزوج...أصلن متملكها والثريا عندهـ...,

أم حكيمه\أيه يَ وخيتي...علوم الناس واجد..لكن يقولون أنه طارح العين عليها يوم أنها صديقة الثريا وجارتها...وذمتي بريه منهمـ. كُلهم..,

لتردف بغضب كامل\وهي بعد ...جعلها السلال...مالقت الا رجل صديقتها والي ماكله من صحنها ,,ضاقو رياجيل الدنيا...ماتستحي على وجها...

وقفت الثريا وبهدوء مقاطعه\عن اذنكم...وراي كم شغله ضروريه...

امـ حكيمه بصوت مرتفع\ الله بيعوضك خير...شايف حالتكـ....والحمدلله طلعتي بولدكـ وشهاده معكـ...والا ذيل الكلب أعوج طول عمره مستحيل يتعدل ولاهو متعدل و يا الثريا

ي سيدة الغنادير ترى العوض بربك كبير...!

.

.

.

ايه..!

العوض بربي كبير...!

كبر الأجنحه الي تسافر بسرب الأماني بـ أخر الليل..!

أيه العوض بربي كبير...!

أكبر من طعم ألم...

أكبر..من الوجع..

وأعظم من هقاوت عبداً فقير...!

ايه...!

العوض بربي كبير..!.

أعمق من الاهات...

والجروح...

و الدموع...

وخيبات الأمل..!

.

.

.

العوض بربي كبير.............!

.

.

.

ورقة الطلاق...!

بيضاء....تحمل أسماء...وشهود...وكاتب عدل...وعدة كلمات...!

تقسم ظهر السنين...!

تحفر بعمق...في خاصرة...المستقبل..!

ورقة الطلاق..!

أتكأت..أنين..!

ودمع معلق بـ أهداب الحنين..

رجل وأمرأهـ...

وضحايا..

و

طلاق..!

خالد بصوت مرتفع \ي ولد...ي ولد...!!!!

منتصفه خطوات الثريا الـصاله الواسعه لتكشف خلف الباب الـمردود خالد...

أبتسمت بصعوبه \هلا ي الغالـي..تعال سلم مافيه الا خالتكـ ام حكيمه...

ام حكيمه \تعال ي خويلد تعال...سلم...جعل عيني ماتبكيك..

العبره تسللت لـصوته لـتقدح فيه شرر..\يمه تعالـي أبيك ضروري...!

تسارعت الخطوات المستغربه القلقه لـتقف على بعد خطوه منه...\لبيه ي عمري وش تبي..فيك شي...؟

عينيه المحتقنه بدمع...وخيل الرجوله الجامح يأبي..\يمه...يقولون عيال خالتي أم حكيمه قبل شوي لـ خالـي قايد ان أبوي تزوج ...صدق يمه...هو صدق...!


أمالت رأسها له بألم...

لآيصل طوله لمنتصف خصرها..

ومع ذلك متشرب لـرجولة مُسقاة أوجعته..

لما الان...!


بهدوء ورصانه\يقولونه..

لتدارك \وحتى لو تزوج...ترى ماراح يتركك..ولآينساك...أنت ولده الوحيد الغالي البكر...أول فرحته..!

خالد بـ ألم والدمع يخونه ليمسح خيانته بقسوه ...\أنتي أنتي أنتي يمه الي تركتيه...ليه ماجلستي هناك ولآخلتيه يطلقك..ليه الحين هي خذته منا...ليه...!


أختنقت بعبرتها وذاك الـتماسك كاد أن يتساقط...


بـدموع ذاك الصغير وهي التي لآيكسر عزمها وقع الحسام...\يَ خالد أبوكـ خلاص أنتهى من حياتنا وراح..بقراره هو وعزمه هو...

اذا انت تبي تعيش مع ابوكـ ماراح امنعكـ..ولا اوقف بوجهكـ..

واذا تبي تعيش عندي فلا تكثر اللوم ياخالد لآتكثره اشياء كثيره ماراح تفهمها الى ان تكبر...!


أهتز صوته وبعنفوان..\أكبر...انا اصلن كبير افهم كل شي...!


أردف بوجع\ يمه خلـينا نرجع..لـبيتنا ..لمدرستي القديمه...لـجيرانا القديمين..يمه اشتقت لـكل شي هناكـ...اشتقت لبوي لعماتي ...يمه انا احب خوالي لكن اشتقت لـ ابوي

وعماتي وعماني ..


ليه ماتحبين ابوي..ليه تركتيه الى ان جات حرمه ثانيه وخذته منا....ياليـتني أموت وافتكـ منك ومنه...؟


لمت الثريا طفلها الذي كبر فجئه بغفله عن عينيها وقلبها..\الف بسم الله عليك يابوي..الف بسم الله عليك في كل حاقد عليك وحاسد ها الموت ولآفيك...

لآتقول كذا تكفـى يا خالد...


أردفت لـتقوي روحه \أنت سندي الحين ..و...أنت رجالـي...أترك كلام الاطفال...وخلك من اليوم رجال...كيف تبـيني اخبرك عن كل شي وانا اشوف تصرفاتك

تصرفات اطفال...

أبيك رجال مثل خالك قايد..كلنا تحت جناحه...عاقل وراكد...

يحترم الكل ولآ يغلط على احد..والكل يحبه ويعزه...


أبتلع ريقه بـ عبره مٌختنقه....القى نظره موجعه لـعيني والداته...من ثم ترك لها المكان..!


با الوريد...


يابلسم الوريد سكبت السم وأحرقت الـنبض...!


أسعيده انا بـأحراق أوراق أغصان عمري..!


أسعيده أنا بأنحنئات القهر..و...ألأنين...!


أسعيده أنا بـ سكرات الأختناق...!

ياروح الـنبض...


يابلسم كل وجع...


أهـ من الحظ اذا أنحنى و بكـى..!


القت نظره على والداتها...لتجدها تهز رأسها بأسى...


من ثم دخلت جناحها بتماسك ظاهرياً أمام عيني والداتها الُمراقبه لها...

لـتغلق الباب بهدوء وابتسامه بارده ...

أحكمت اقفال الباب ...
وقفت لدقيقتين بعد ان ابتعدت عن الباب خطوه...

من ثم

أسقطة جسدها على ارضية غرفتها..

بألم ينتحب له أضلعها تحاول كتم صوتها بـ اناملها التي تضعها على صدرها ..وتعقبه على شفتيها كي لايسمع احد صراخها الموجع..

بثرثره موجعه \فـهد...الله ياخذك ي فهد الله ياخذك...ليش سويت فيني كذا...لـيش...وش قصرت انا معك فيه وش قصرت...

أحتضنتك اليوم وحده غيري...شمت عطر ثيابكـ...نامت بحضنك...همست لها ب أيش ي كذاب...!

أردفت وهي تتلاحق انفاسها ..\بعتني انا وولدك ب أرخص الاثمان ي َ قاتل...حسبت صدرك لـي وطن وصار لي أكبر منفى..حسبت أحلامي معك قصور وأبراج طويله..

نثرت احلامي على ذراعك...رتبت افراحـي على اهدابك...وش جنيت من ثقتي العظيمه فيك...ماجنيت غير القهر والاوجاع والغبينه..

ضيعت مستقبلي واحلى سنين عمري تحت وسادتك الريش...واليوم...أنت بحضانها على نفس الوساده الريش..!


لـدي شخصٍ في ذاكرتي...أفتقدهـ , حد الضيآع..!


-وانتي جآيه تطبقين كل شي فوق روسنا..ي اختي فهمنا...ب الجامعه وهنا...

ترى انا حره بصديقاتي...وبعالمي...

وش تحشرين نفسك فيه...لوسمحتي مالك دخل فيني...!

الجموح بـصوت ناهر\شوفـي ي الزين....اذا بعلو الصوت..

.وبـقلة الاحترام مقصدك بتفرضين شي غلط ومآله اصل واساس والمطلوب منا ا ن حنى نقدر ونفهم مرحلتك العمريه فتكونين غلطانه...!

-آطفئت التلفاز الذي يصدح بصوت عالي...\انتي من تفرضين على الناس اخلاقك ومبادئك وتربيتك...وبيئتك الي طلعتي منها...!

-لـتردف ب اصرار\ماهو الناس الي يفرضون عليك شي انتي ماتربيتي عليه...

-ماتعبو ابوي وامي على تربيتك...عشان تضيع في اول معترك لك ب الحياه....

الشله الي انتي معها مو معجبتني...شله كسلانه فيهم ميوعه غريبه..

لآهم لايقين لكـ ولآ انتي لآيقه معهم...أنتي طالبه مجتهدهـ بخمس الاوائل بمدرستك والحين الثانيه على دفعتكـ ..

كل الدكاتره والاساتذه يثنون على اجتهادك بمحاضرات لكن يعطوني ملاحظات على الشله الي حولكـ..

و

تماضر ونرجس ...بنتين وقحتين..لآيحترمون دكتوره ب الجامعه ولآيقدرون آستاذه ..او محاضره...!

هذا غير لبسهم الغير مرحب فيه بين جنبات جامعتنا...!

فـ..آذا شفتكـ لو صدفه....

لو خيآلك...معهمـ...

آقسم لك ب الله..

أن حاتم يوصل كل شي له...

الزين بـتمسكن\دكتورتي جي جي...حبيبتي..الله يخليك آفصلي بين انك دكتورتي ب الجامعه واختي هنا باالبيت وش يضرك لو تغاضيتي عن شوفتي

ب الجامعه اعتبري انك ماتشوفيني...

الجموح\ ي الزين...الشغله ماهي رغبه في ان افرض سيطره والسلام...الشغله كلها...هي انك تربيتي على شي...ورميته ورى ظهرك للاسف...

وش لك ب الفشخره الكذابه...والمحتوى فاضي...!

دينا نهى عن اشياء كثيره اشوفها مستباحه عندنا للاسف اليومـ...

ي الزين...تكفين...لآتنجرفين مع كل ناعق...الحين ي ماما وش له ها الحلق ب الحاجب...!

تدرين لو ينتبه له حاتم...سود عيشتك...آحمدي ربك ان حاتم ماهو دقيق ملاحظه في هذي الامور...والا كان خلاك تبلعين ها الحلق...!


شدة الزين بخوف الحلق من حاجبها...\يمآآآمي...ي هولآكو...!

آبتسمت \آيه....خليك بنتاً الزين الحلوه..الصغنونه....قبل يدعسك ب جزمته البنيه هذيك..!

آغلقت الباب....لتتوجه لـجهة الصاله المفتوحه...

لتجد والداتها بمسبحتها الطويله ...

وبيدها كوب من الحليب المتتطاير منه رائحة الزنجبيل...

قبلة رأسها لتجلس بقربها...\شحوالك اليوم يمه..

آشارت برأسها بحزن\بخير لو اشوفك ي امي متوفقه ومعكـ عيالك جايه لي مسـيره...

آبتلعت ريقها المـتغلغل ب الـ ألم وتهكم\يمه الله يخليكـ... وها العله ناشب بـحلقـي...وين اتوفق ويطق الحظ السعيد بابي..؟

آتجهت عيني والداتها لها...\قايد ماهو عله...ي الجموح...تكلمي كلام زين والاتراني بزعل..!

زفرت ب ألم\لآوالله...وش يمه ماهو بعله...الاعله ..ومتخلف ورجعي...

والله لويشيب راسه...لو يلعب احفاده بحضنه...مايعرف الجموح بنت تركي تحت سقف بيته...!

ام حاتم بـهدوء ساخر\هو يحصلكـ قايد...يـ امي...قايد طمحت الحريم من رياجيلها بسبته...

ي امي قايد شوق العذراى والغنادير ب جماعتنا...وش بلاك..!

و..

تقولين لو يشيب شعر رآسه..!

.آبشرك بتجدلين الـشيب جدايل...

وانتي في محلكـ.

.قايد عزيز نفس مايكـسره حب رهيفين الـخدود..!

الجموح بأرتباك\ ماشاء الله يمه ترصفين حلو الكلام فيه..لكن آبجدل جديلتي لو طغى على سواده بياض..آبجدلها...بس مابلى عمري بـ واحد مثله...

وأردفت بألم \مآدرست هذا الدرس كله ولارحت وتغربت عشان ابلش بعمري معه...!

رمقتها والداتها بنظره مشتعله..\الجموح...عنادكـ هذا هو الي خلآك تجلسين لآ رجال ولآحياة....درآسه وقلنا ادرسـي....وكملتي وخلصتي....

وجيتي لنا بـ دراسه برى ومدري كيف اقنعتي ابوكـ......ودرستي مع حاتم...والكل زعل على ابوكـ واولهم قايد...

حتـى حاتم....صار بينه وبين قايدـ قطيعة سنتين بسبة ها السالفه..


وصرتي دكتوره ب الجامعه....وعقب وش استفدتي...؟


راتب ضخم..؟

لآماكان هذا الي تبينه لنكـ شبعانه ولله الحمد من خير ابوك..وش كنتي تبين وراى ها المعمعه ..؟

آبتلعت الرييق المتدحرج ب حنجرتها\يمه انا ما خطيت...ولآتعايريني با العنوسه لـن مالي يد فيها....وقايدكم هذا درس القانون وطبقه مع الكل الامعي انا....

ام حاتم\راسس يابس..وعيونك عميا...حب قايد لك مآخآلطـه المآء...!

نفضت ثيابها وهي تقف\الي مثله قلبه اسود مايحب...فآلح لي بقضايا الناس يكسبها وقضيته معي خسرانه....

وش ها الفشخره الكذابه مسوي لـي فيها يدافع عن حقوق المرأه بمجتمعه..وحق الجموح ليش صار مسلوب وعلى قولتكم مغيول..ماهي بعد مرأه وبمجتمعه وقريبته بعد وبنت عمه!

أردفت بألم\ياترى لو اجي لـه بمكتبه بقضيتي بيترافع عنها..لو كنت مو انا الجموح..؟

والا بيقول ماترافع في قضايا التحجير..لأنه من المشاركين في هذي جريمه بحق كل مرأه

أنداست تحت ها الـبند؟

أم حاتمـ..\لآتقولين الا خير..عند قايد كثرة الحكي والبربره توقف...!

الجموح بتهكم\الله أكبر..مافلح الا بحكي والبربره..وأنتم ماشاء الله عليكم..ونعمـ المشجعين والمصفقين والمطبلين ..لـمثل هذي النوعيات ...ي

ليت تعقم أرحام النساء اذا جابت مثل هذي العقليات..



أنسحبت لجناحها على وقع قرع كلمات والداتها\قايد منتي باول مخاسيره راس الخساير انتي الي بتجنينها...


لـدي شخصٍ في ذاكرتي...أفتقدهـ , حد الضيآع..!

آغلقت باب جناحها بـوجع...

لـتقذف ب آنفاسها الثائره على ذاك السرير..

غليان يسري بـ جميع اوردتها...,

قايد هو من يوقد جمراً يـكويها...ويحرقها..

ويحولها الى رماد تذره

الرياح...


نعم..!

سأرفع على حضرت جنابه قـضية..

فيها أضرار وتعدي على غير وجه حق..

سا كتب فيها العين بعين والسن بسن..والـجروح قصاص..

أقتص منه.. الساعه بيوم ..و.. اليوم بشهر....و..الشهر بسنه..

لن عمر الرجل ليس

مثل عمر المرأهـ...

ولأن قوة الرجل ليست مثل قوة المرأه...

ولأن زهرة المرأهـ..تذبل ..!

ليست كمثل شجرة الرجل تورق وتكبر كل يوم...!

قايد السبب الاول ...

لـوقوفها بـ هذا السن ..دون زواج ..او..حتى طفل..؟

وهي التي حلمت ب الأمومه منذو نـعومة أوائل العشرين..!

تعشق الأمومه..؟

شعوراً فطري يزرعه الله بـداخل حنايا أي انثى...؟

شعوراً لادخل لها به..

جُبلت عليه بنات حواء جميعهم..,


آستدارت لتستوي على ظهرها...

وصدرها يرتفع وينخفض بـ ألم...

وهي تتذكر زميلتها ندى...وهي تبتسم بأنها تريدها لـ اخيها مصعب..!

الاستاذ..المستقيم...المبتسم...,


آبعدت طرف مخدتها...

لـتشد صوره قديمه له...

سرقتها بمرحلة مراهقتها من غرفة أخته ثريا..!
↚
تمتمة بـ ألم وقهر\

آنت...!

قايد المحامي الـحقير..الأناني...!


لـدي شخصٍ في ذاكرتي...أفتقدهـ , حد الضيآع..!


تلكـ...

دخلت جناحها وأغلقت الباب بعنف...

والـقت جسدها على الكـرسي القريب من الستائر...

زفرة بضيق..ورمت بقارورة الزجاجه بقربها...

وقعت عينيها على صورته الـموضوعه بـطاولة قريبه من الباب...
كما هو...!
مبتسم..حنون..

عينيه العاشقه تنقلها لـعالم مخملـي اخر...!


زفرة بضيق ..وثرثرة لـصورته\أيه...هذي انا بعدكـ...صايره قاسيه بتصرفاتي..وعنفوانيه درجه اولى...والظاهر صاير فيني مرض العزله

أيه..معترفه انا بهذا الشي لـيش مستغرب يا محمد...!

لكن الحياة هذي وخواتك يستاهلون واكثر كثير...!

يحسبوني ضعيفه بـياكلون حقهم وحقها وحق عيالها...!

يحسبوني نجد الرومانسيه الحالمه الـكتومه الي على عهدكـ....وتحت ظلكـ...

مادرو ان الحزن والسنين عجنتني من جديد وشكلتني جسد ثاني وعقل ثاني ومنطق ثاني...!

يحسبوني مع الوقت بـعطيهم ايجار الـشقق الي ساترتني انا وعيالي ...

يحسبوني بخدم فوق راسهم كل ماجوني بعيالهم وارحب فيهم واهلي وحكيهم علي عند الناس مصبحني وممسيني..!

لآ..

انا نجد ثانيه...

والـي بيخطـي علي انا وعيالي بكيل له في خطاهـ المكيال اثنين...!

لـدي شخصٍ في ذاكرتي...أفتقدهـ , حد الضيآع..!

وقف بـ قرب من العم كايد ...لـيعدل [ الفروه..] التي يرتديها

العم كايد ...

ويجلس بـمحاذته ويقلب بقايا الجمر...

كايد\ي ابوكـ وين العرب ماشوف لي احد؟

قايد ابتسم\بيجون بعد شوي ..تحس ببرد..؟

كايد\لآ..عمك...

تركه قائد بعد ان أطمئن على تدفئته من ثم آلتقط ملف قضيه كانت بيده يتصفحها مبتسم...؟

برغم من انها قضيه شائكه..

الا

انها تدعوه لقهقه...

أمرأه تشاركت هي و زوجها في بيت...

وتزوج عليها زوجها

من ثم طلبت الطلاق وسكنت ب الدور العلوي...

وتزوجة نكاية فيه هي ايضاً...وسكنت هي وزوجها ب الدور العلوي...

فلم يتحمل الزوج رؤيتهم امامه..

وحصلت مشكلة رفع هو قضيه بـسببها...,


النساء...!


يسهل وقوعهم في الحب ويصعب ويستحيل أن يُخرجهم الرجل منه...

موجع وقاتل انتقامهم..!

رقيقات جداً...

شفافات جداً...

عذبات جداً...
تباَ لـذاك الرجل..
أيريد من أمرأهـ ان تتحمل رؤية أخرى تأخذ كل شي كان لها وتصمت...!

ضرب من الجنون يصيبنا معشر الرجال عندما نقترن ب أخرى..!

كايد يسعل من ثم يتحدث بصوت يشبه رائحة المطر..\ياولدي ياقايد..!

قائد التفت بـ محبه \لبيه يا عمـ...

كايد \ وش ها البريقين الـي فوق بعض...!

قائد يلقي نظره على اباريق الشاي التركيه...\هذا بريق شاي تخففه وتثقله..مقلـدين فيه الاتراك ..خرابيط خالتي ام حاتم جايبتها لـ أمي وابلشتنا فيها...

كايد\أيه..أيه..سقى الله ايامـ راحت مع اهلها...

أردف بـمرارهـ\كنا ناكل وانا عمك الـتمر..و...نشرب اللبن...وياكبر حظه الـي عنده صاع طحين بر...حريمنا يخيطون بيوتنا..و..ياخذون جلود الغنم ويـزينون فيها فرش وحوايج

لهمـ...وعايشين ومبسوطين وانا عمك...لآعندنا همومكم ولآ خرابيطكم الجديدهـ..

نزوج عيالنا على ثلاثة عش..واربعة عش...لأنهم رياجيل..يشيلون حمولهم..والحين يشيب راس الرجال ويقول مابعد فكرت بعرس...لآ..ولآهو بكفو حمول..!

أبتسم قايد\صدقت ي عم ..


كايد\ أقول ياقايد...!


أنزل الاوراق قائد بأبتسامه فهو ما ان جلس مع العم كايد فا الأعمال تؤجل رغم عن أنفه..!
اردف\ وانت يا الخبل..ماعرست للحين ليه..!


أأأأوه..!

عمي أنتقل بـضغطة زر من الماضي المجيد

للحاضر التعيس


قائد بتهكم \ماني بمعرس لين تعرس...!

كايد بنتفاضه\ أتعقب وتخسى يا التيس...تبيني أعرس عقب ماماتت نوف..

لآ بالله ماعرف العرس عقب عينها النجلا..!


قائد بـفرح يتسلل لروحه من قصة حب عذري أرتبطة بتاريخ مع ذاك العمر الذي أشعلت سنين طويله شعره للبياض..

وحفرت مئات التجاعيد على وجه..


بصوت رخيم\تحبها ياعم...لدرجة انك عفت الحريم عقبها..!


كايد بعبق الماضي \ايه والله ياقائد يسلى القلب عن كل مخلوق الا نوف...يادفنة العين نوف مامثلها با النساء أحد...


قائد\طيب دام انك شلت ها الحب كله لها وراها ماخذتكـ عسى على قبرها الغيث..!


أطلق أنين بخلجات السنين\ مدري ردات حظ والا نصيب..!

قائد\وخليتها تروح كذا...ليه ماكسرت راسها ...أفا ي عم مقعد طويلين الأشناب وعجزت عن أدعج العين..!

كايد\ خليتها محجرة سنين وسنين ..بس...جاتني مره على الغدير...وقالت ياكايد...والله ثم والله ...ماتعرفني ولآعرفكـ حليل وحليله..

غير اطلق سراح قيدي ياولد عمي...!

قائد بـوجع\ وخليتها ياعم...كسرك قو عزومها...!

أبتسم \لآوالله ياقايد ماكسرني كود دمعة بعينها يوم ختمة حكيها...!


أبتلع قائد ريقه الذي جف فجئه...وأنزل عينيه للارض..!


أه يا الجموح...!


هو بعد السنين الجرد بترككـ لغيري...!

لآ


والله ...!


ولو تهل من عينك سحاب..!


العم كايد بخبث \و مكحل العين...!


قايد بصدمه و أرتباك..\وش مكحل عينه...!

نقف هنا...

البارت الاول كـَ أطلاله بعد غياب و كـ َنسمة هادئه لبعض الـشخصيات ...

الثرثره كـما سبقها..نزلت بـدون دعوة لـحضور حتى لايعتب أحد...

فـ كل محب سيلحق بركب ..

فـ الجميع بـقلبي متساون بـمنزله..

المواعيد يَ أحبه ان شاء الله كما كنا...أثنين وسبت...,

همسة محبة / قُبض الحبيب الرسول صلى الله عليه وسلم وعمره ثلاثه وستون عام لم يخلف دينار ودرهم مات ودرعه مرهونه في كذا صاع شعير ..فديناك يَ

من له المقام المحمود واللواء المعقود والحوض المشهود والمذكور في التوارة والانجيل....,

لقاء يتجدد اذا الله كتب يوم السبت..=)
↚
فيِنا بصماتٌ من أمنياتِ آدم

و لهفة قابيل

فينا من دلالِ حوّاء

و حزنِ أم موسى

فينا من طهر هارون

... و عنفوان موسى

فينا من تراتيل سحرة فرعون

و أمواج من البحر المفلوق

فينا من فقدِ يعقوب

و براءةِ الذئبِ الذي طالما يتّهمونه

و فينا ريح من قميص يوسُف

فينا عيسى المسيح

و فينا سليمان الملك

فينا من مريم الـ لّم يمسسها بشر

و فينا من نوح قلب أب

و شموخ الجودي

و فينا مُحمّد المُعلّم

و محمد الأب

و مُحمد الشرف

و مُحمد المُفدّى

و مُحمد الـ لا ينتهي و لا ينفد و لا يغيب

و مُحمد السّؤدد

و محمد الذي لا يشبه إلا قلبه

و فينا الزهراء

و عائشة

و أنوار من عيون الحجاز





فينا أسراب الطيور تجيء من سبأ

و فينا بلقيس سليلة التاريخ

و إسماعيل يبني بيديه الحرم

و مكّة تحتفي بالناس

و النيل لم يعُد يطمع في العذارى

و العراقين عراقٌ واحِدة

فينا الشام لا يموتُ من كثرة ما طعنوه

فينا يثرب مازالت أمنية خفية في قلوب المهاجرين



فينا شعرٌ من ابنُ رواحة

و فينا الحيدرة

و حنظلة تغسله الملائكة لأن زمن المتاعب قد تعب

و فينا عُمر و سلمان الفارسي

فينا بلال لم يعد يبكي في شجن

فقد التقى الرسول [صلى الله عليه وسلم..]





و فينا القُدس يضيّعُها اليهود الوطنيون

و اليهود السياسيون

و اليهود المُفكرون

و اليهود الماركسيون

و اليهود الباعة المُتجولون





فينا المصابيح

و نحنُ في الظلام





للأنيق \جسور أبن أدمـ...
.
.
.

بدايه..

.
.
.

صباحكم نرجس ..
أسعدني والله الترحيب الدافئ
بـ المتصفح بـ العام بـ الخاص بـ التقيم...أخجلتمونـي يَ أحبه...,
كما أنتمـ وعهدتكم..
بآذخين بسقوف من مخمل...
.
.
.

بعض الردود خمنت أن وصايف [ أم قائد..] حاقده على [ الجموح ]...وذكـرتو عدة أسباب ..
أتوقع أسنتجتو هذا الكلام من مقدمة البارت الاول...
خطأ يَ أحبه أستنتاجكمـ .سجلو عندكم نقطه تحسب لضمضم ^^

.
.
.
الثرثره لآتصنف تحت خانة الروايات الحزينه...

ممكن العنوان أعطاكم فكرة مبدئيه ان الروايه كـ كل راح يطغى عليها الحزن...

لكن الروايه تتكلم عن جانب.. و .. زاويه ..لـ كل شخص فينا..

لـذا الأعتدال في كل شي جميل =)
.
.
.



[ ..لآتليهكم الروايه عن الصلاة في وقتها..]



.
.
.
بخبث \و مكحل العين...!

قايد بصدمه و أرتباك..\وش مكحل عينه...!

كايد بصوت رخيم مرتجف \جميح..؟

عض على شفتيه ..\أنت تنسى الي تبي وتذكر الي تبي...متى تترك حركاتك هذي ياعم... !



القى بـضحكه تهكميه..كـ عادته..\وش حركاته...انا شايب كبير في السن أخذه على قد عقله..خوياه الي بزمانه اليوم هم تحت التراب...
وحتى الأخوان والخوات مآتو...وهو بلا ضنى..وبلا عصى..!


.
.
.


يعلم تماماً أن العم كائد يتقن السخرية الشديدة من وضعه الحالـي..


ويعلم تماماً أن هذا العم يتقن العزف على الوتر تماماً..


و..


يرمي فـَ يصيب ف َيقتل..!


لـكنه بحق يتألمـ كل ما دلف الباب ليدخل فيجده يثرثر لنفسـه لماضـي لن يعود...

.
.
.


قائد بـ أشفاقه...\ الله يطولنا بعمرك يَ عم..ويخليك لنا...والله ماضحكت على حالك..لكنك الله يهديك تعرف الي يوجعني وتنبـش وراه...

كائد بخبث\لآ...تضحك علـي...وترى أبشرك الي جانـي بيجيكـ...وينحني ظهرك وتطيح عند واحد من عيال عيال عمك ..
بعد من زين الطبوع أبوك ماجاب الا أنت...ماحتال
يجيب لـه خمسه والآ ستت عيال فالح لـي بس بمطارد الغزلان..!

قائد يكتم ضحكته وهو يلتقط خبثه\ لاحول ولاقوة الا بالله..وش تبي ب أبوي الله يرحمه ويسكنه الجنه...وبعدين وش ها الفآل لـي..لآ أبشرك بعرس وبيجي علي أنا الـسته
تحسـبني مثلكـ أخلي بنت عمـي لـغيري...وهواي فيها...وأضحي لها كل سنه...

أردف \ومن رداة حظها الـضعيفه خذت لها واحد ماهو بكـفو..يضربها
ليلها ونهارها وأعرس عليها...وجابت خمس عيال وكلهم ماتو صغار...
وماتت لآحب ولآضنى...
شفت لو أنك خذتها غصب وجاك عيال منها..ماعاد نقدو عليك العرب يوم
أنك كل سنه تضحي لها..وكان أحفادك منها اليوم مزعجينكـ....

بحزن شفاف\مكتوب لها يَ ولدي و مكتوب لي..قـسمة على كل أنسان..مادريت والله أن الـسلب يضربها..شد فيها للشمال .والله
لو أني داري بوقتها كان دفنته حي..

أردف بغضب \ وأنت قم أنقلع مني ماغير تقلب في سالفة نوف جايز لكـ توجع عمك جعل الي بين ضلوعك الوجع...

غرق بضحكه خافته لـيقف ويقبل رأسه ويجلس بقربه...\ لآ والله ي عم مابي أوجعك لكن جايز لـي سوالفك...الله يطولنا بعمركـ...


صمت كايد فجئه لـيردف بعد ثواني معدوده وبـهدوء\أنت من أنت عليه...؟


قائد برحابه صدر\على نايف ولد أخوكـ...

كايد يشير بيده بعدم اهتمام \ماعرفك ولآعرفهم...لآتجلـس جنبـي...قم فارقني هناكـ....

.
.
.

العم كائد يلقـي الخيوط جميعها..ويعبث بها...ويتناسها عمداً ...أو..صدقاً...

.
.
.




أبتسم قائد وهو يرى دخول حاتم ورهان لـمجلس الواسع...

ليعلو صوت التراحيب...!

حاتم بـ أبتسامه \مكانك يابو نايف والله ماتقوم..
أرتخى حاتم ليقبل أنف قائد وكذلك رهان...

قائد\الله يعز قدركم كبرتوني يا شباب..
أبتسم رهان بخبث\انت أصلن شايب من جيل عمي كايد...!



العم كايد بصوت عالي \من الي دخلو يا ولد...؟


ليردف بكرم بدو \ قم أذبح لرياجيل الي دخلو....قم وجب الرياجيل .!


أبتسم رهان وبممازحه وخبث \والله مانذوق شي حنا سبب فيه....!

كايد / في مجلس الـ كايد ولايعلقون الذبايح...لآبالله أن تعلق ..

رهان بممازحه وخبث يتميز به\ماهذا يا عم...أتريد ان يؤكد حقوق الحيوان بأنآ متوحشون نقوم بقتل الأغنام والجمال كُلما دخل علينا ضيف من ثم أردنا أكرامه بقتل
وبا الوحشيه هذه..

ماذا اقول لـ أصدقائي بـحقوق الحيوان..!

أجب ياعم...!

هل الشعب السعودي خاصة يتميز با الكرم [الهياطي ]

كُلما دخل عليهم ضيف من ثم أرادو توجيبه وأكرامه بتنكيل بتلك الأغنام الضعيفه...

بأي عصراً انت...!

هيا... [أحتسي..]

لقد وصلنا لعصر ماك وكنتاكي وانت مازلت على [المفاطيح...]
ماهذا ياعم...!


غرق حاتم وقائد بضحكـ..

ليردف قائد \لآ بالله نبشر بخير...منك يارهان..!

تركهم العم كايد بعد أن القى نظره تفحصيه عليهم من ثم أستلقى على ظهره وتغطى بفروته وتركهم ببساطه.

رهان\ افا ياعم نمت...وخليت ضيوفك...أسهر معنا.. جايب لك بيره بَ الشعير الي تحبها...!

كايد بخبث\ عشوهم انتمـ...أنا برقد وراي روحة بدري مع الحلال أتبع الربيع..

ليردف بصوت منخفض \ وأترك البيره لآتروح فيها...!

لـيغرقون ثلاثتهم بـضحكـ ...

من ثم أردف حاتم \ رهان بيسافر يدرس برى وهذي علومه...لآتفشلنا بسفاره هناك ترى أعرف لي ناس فيها ويعرفونا..

أبتسم قائد\ خلاص خلصت أوراقك يا رهان..؟

رهان \ايه أبشرك خلصت....وبعد كم سنه برجع لكم ان شاء الله بَ الشهاده الكبيره .

قائد\الله يرجعك بسلامه ويكفيك شر ها السفره الي ماني بمرتاح لها...!

رهان بتملل\ وليه يا أخوك والله ان العلم نور ويرفع الأنسان..

قائد بجديه\ أمريكا...دوله ماعاد يروحون لها لدراسه صار الي يروح لها مفقود والي يرجع منها مولود...الله يستر عليكـ...!

قاطعه حاتم \وانا أقوله بعد بس هو يقول التخصص هذا مايندرس الا هناك...الله يستر عليه وعلى كل شاب يروح لهم

رهان \والله أنكم تضيقون الصدر....و...تجيبون الهم ..لآتسمعكم بس أمي وتقول أنثبر على راسك مافيه دراسه...يالله أقنعتها وهي ماهي مقتنعه...


ابتسم حاتم له بمسايرهـ...

من ثم تتبع نظراته لـ قائد الذي أنشغل بأوراق بيديه.


.
.
.
يوم طاحت سنيني مثل طيحة تمر..
………………أنشرى الصبر لكن من يسوم النخيل
.
.
.

الزين تقرع الباب لتدخل...

الجموح \تفـضل...

أبتسمت الزين وهي تراقب أنغماس الجموح بـ أوراق بيديها
وعدة كتب...

رفعت رأسها الجموح لتبتسم \هلا حبـيبتي...تعالـي...شوي وأخلص الي بين يدي...

الزين بهدوء \سمعت كلام أمي لك قبل شوي...جوجو...ترى امي تبي مصلحتكـ..؟

أنخفض رأس الجموح للاوراق وبَ أبتسامه\ بتعلميني مصلحتي يا الفصغونه..؟

الزين بدلال تقترب لتصعد على طرف مكتب الجموح\ايه دام الكبار مايعرفون مصلحتهم الدور علينا يا الصغار نفهمهم وننصحهم...

أردفت بحماس\ والله قايد حنون شـوفـيه عند خواته كيف يعاملهم والـي يعامل خواته وأهله بهذي الطريقه أكيد بيكون مع زوجته أحسن و
زيدي عليه شخصيته واثقه وفيه رجوله نابعه منه ماهي تصنع ..وش تبين أكثر من كذا كل المواصفات الـي تحلم فيها كل بنت فيه...
تبين الصدق لؤطه...!


الجموح برزانه \خلصتي...!

الزين \ ..أيه خلصت ..وش في وجهك تغير لونه ترى نتناقش لآتعصبين علي...!

الجموح\الموضوع هذا بذات الف مره قلت هذا شي خاص فيني ومابي أحد يتدخل فيه...
وبعدين الله أكبر صار الحين قايد عريس لؤطه ...أجل دامه لؤطه..على حد قولكـ... يالله شدي حيلك وخوذيه عليك بعافيه..!

الزين تقف بـعد نبرة صوت الجموح الغاضبه المتهكمه..,

لتمازحها بتوتر\ المشكله انه مايبي الا انتي ...والا كان خذته من زمااااان
وبعدين هو يشوفني اخته الصغيره الى الان تصدقين اذا شاف أخواني معي والا وحده من خواته يقول لهم قولو لها ترجع كرتون الكت كات..
يذكرني يوم دخلت غرفته وانا صغيره وسرقت كرتون كت كات عنده الله لايعودها من سرقه كلن درى فيها...الحمدلله والشكر..يحسب الدنيا واقفه ماحد يكبر..
حتى هو شيب وكبر...ومايشوفني كأني نخله..
وهو كل ماشافني نفس الاسطوانه...
و يدري اني أستحي وأذا شفته احس اني بتكرفس بعباتي....
أردفت بعد ان قلبت عينيها بسقف \ولآ الي يبكيني صدق اذا سيرت على أهله..وكانو خواته متجمعين..أذا راح يشتري لبزران خواته شوكلا وعصيرات يوزعها لهم بكياس
وانا بعد يحط لي معهم ويعطيها اخته الثريا وتفشلني تقول معليش..هو مايصدق انك صرتي حرمه...وسعي صدرك..هو مثل اخوك حاتم...
فـ ذا خذتيه فهميه وعلميه ان انا صرت بجامعه...وان الي يسويه هذا اسمه عيب..يساوي بنت جامعيه مثقفه بـ مبزرة خواته

رفعت حاجبها \ وليه ماتقولين يَ الخبله ان ثامر ولد محمد يعلمه بخبالكـ...
مثلاً هواشك معه على الايباد اذا حمل العاب ..
والا..
على طراطيع العيد اذا وزعته خالتي وصايف وتقاسميتها مع ثامر و أخته وخالد....

و الا على الدباب حق ثامر اذا رحنا لمـخيم..وبعدو الرجال بمخيمهم...وش كنتـي تبوسين راس ثامر كم مره عشان دورهـ...

أذكرك بعد خبالكـ والا ناسيه كل هذي الأشياء الي تسوينها وتوصل له من سوالف البزران...

وبعدها تلومينه اذا وزع لك شوكلاتات وعصيرات مع البزران هذا لأنك بزر ومابعد كبـرتي ولآكنك خشيتي جامعه..

الزين وهي تضع اناملها بصدمه على صدرها\الله...كل ها الاشياء فيني...والله ان احسب اني حرمة عاقله...حسيت الحين اني بزر..وش أسوي وش أسوي..علميني علميني...!

تهز الجموح رأسها \حمدلله والشكر..حمدلله والشكر...مانترجي بين المقابر صوت..!

الزين بتهكم \ الاوالله حمدلله والشكر منك انتي...أجل تبيني معقده وحالتي حاله..لآ ياحبيبتي..بونس عمري توني..صغيره...بركب الدباب...
وبفحط ...وبلعب بطراطيع ورى البزران في العيد..
وبحمل العاب في ايبادي لين أقول بس..وش قدامي تكفـين اذا عقلت...هذا انتم عاقلين وفيكم الف عله...اذا العقل بنظركم يحرمني كل هذي الاشياء خليني بزر
في عين قايد وعين الجماعه كلهم بعد...بعكس والله الكاكو والعصير الي يجبيها حلوهـ...

أردفت وهي تشد الخطوات لخارج الغرفه \ راجعي راجعي اوراقك يادكتوره..أصلن الشره علي الي يجي يشوف خاطرك وش فيه...
↚
أبتسمت الجموح على طفولة الزين الجميله...

مهما حاولت أن تجعلها تـكبر بتقريعها الدائم لها...

فـهي تستجيب أسبوع أو شهر...

من ثم تعود لـ تصرفات طفوليه...

هي لآتستطيع ان تتحكم بـنفـسها...

قد يكون لانها حضيت بدلال من الجميع...

فـ الجميع يـسكب لها الدلال في راحة كفيها...

لآتكبـر تلك الروح يَ الزين لآتكـبر...فـهي نقيه جميله...

روح طفوليه لآيشبها الا المطر..,



.
.
.
يوم طاحت سنيني مثل طيحة تمر..
………………أنشرى الصبر لكن من يسوم النخيل
.
.
.


وضعت يدها على شقها الأيسر ...وبـألم \ أنا أسفه

أنا أسفه على السنين التسع الماضيه..

أنا أسفه على كل لمه صادقه طلعت منك ..

أنا أسفه على صدقك وطيبتك..

أنا أسفه على أني أبد ماعطيتك حقك ...

أنا أسفه على أني كذبتك الف الف مره

أنا أسفه يَ ها النبض الي صار يوجعني بكل دقه ونبضه

أنا أسفه بكل دقاتك على غدرهم وذبحكـ...!



بمقابل أردف باب المجلس الخارجي بعد ان تأكد من تدفئه عمه...
وخطى الخطوات لـ داخل الفله...
ليفاجئ بصوت حركه خفيفه من جهة قسم الحريم...



أبتسم على الأنارات الهادئه وجلوس أخته الثريا

بطرف الدرجات المقدمه ..

قائد يخطي الخطوات الهادئه وبـصوت خافت\ قماري والثريا ..وها الجو البارد...!

أرتفع رأسها ب أبتسامه كاذبه \هلا أبو نايف....كنت أظن أنك نمت من وقت طويل...

لأني ماعاد سمعت أصواتكم بمجالس..؟

قائد وهو يجلس بقربها..\راحو الشباب وجلست أراجع لي كم قضيه..وتوني أخلص...
أنتي وش مسهرك يا الغاليه..؟

ثريا بـرقه\ مآفـيه شي...بس تعرفني أحب القهوه وأكثر فيها بعد المغرب...وتسبب لـي أرق....!

أبتسم بمسايـرهـ \آها...,

ثريا \حاتم ورهان الـي كانو موجودين...والا بس رهان...لأني أسمع ضحكه الله يوسع صدرهـ ماغير ضحوكـ...

قايد \ أيه حاتمـ معه....بس والله مافـضيت لجلستهم...عندي كذا شغله كان لازم اراجعها وأدقق فيها...وملـو هم بـسرعه ومشـو...

ثريا \ ما هون رهان من الـسفر...؟

قايد بزفرهـ\ ولآفكـر ..عازم أموره الله يستر عليه...

ثريا \الله يستر عليه ويخلـيه لعين ترجيه...ها الولد الكل يحبه...مايدخل في جلـسه الا يحليها و أخلاقه عاليه..الله يحفظه ونفرح فيه...

قايد \أمين...

القى نظره على وجها الشاحب..وبرقه رفع أنامله لـوجها...\لـيش طالـعه لك هالات سوداء هنا...؟

أبتسمت وهي تبعد يدهـ \لآتبدأ موالكـ....أنا بخيـر...لآ تشيل همـي...ترى أشيل همك وهم خواتك معكـ....

ختمت جملتها بـ ضحكة باردهـ...!

تتبعت عينيه كذب الحروف بشفتيها المرتجفه...\ و تكذبين علي وعينك بعيني..يَ أم خالـد. أفآ..سهرانه والدموع اثارها باقيه بـعيونكـ...وتقولين أرق من قهوهـ...


أرتبكت ..

لتشد أناملها وتضعها بـ أحضانها...وتبعد عينيها عنه \ مافـيه شي...مجرد مراجعة حسابات...و...صفحة من حياتي يبي لازم تنطوي
وانا واثقه ان ذكرياتها ماراح تعيقني بمستقبل...انا بخير...وبطوي هذي الصفحه قريب..أنا بخير..!


قايد \ماراح تقدرين تطوينها لحالك ي َ ثريا...لآزم الكل يساعدك في طوي هذي الصفحه...أنتي مو بلحالك..ولآ ترغمين نفـسك على ان لآزم تطوين هذا الماضي بفتره
قياسيه ...

عطـي الوجع حقه لآ تقهرينه بـتكميم..تكلمـي...قولـي...أنا أسمعك لو تبيني مستمع صامت..





صمتت من ثم أبتلعت ريقها الجاف...المر \ موجوعه حيل حيل يَ قايد موجوعه ..خـنجر مسموم أنغرس بـظهري في عتمة ليل...و..رمح مسنون أنطعنت فيه بصدري بوضح النهار...

يعني ماحصل الا هـي الي مثل تؤم روحي يتزوجها...وهي وافقت...
وهي متأكده انها بتنحرني بهذا الشي...
كيف جات في باله...؟
يمكن من كلامي عنها...
بس انا ماعمري مدحت شكلها..؟
كنت بس أسولف عنها سوالف عن محبه...
وهي ...
كيف وافقت..ياترى حبته من كلامي عنه....؟؟

كنت أمدح فيه....!
و
أقولها كل شي...برومنسيته...بحبه لي....بهدايه...بكل شي...وهذا من حبي له...
بمشاكلنا...بـزعلاتنا...وترضيته لي...!

كنت أتكلم عنه ...مثل اي صديقه تتكلم مع صديقتها المقربه منها...تشكي وتحكي ...

لكن ماتوقعت أبداً انها في النهايه بيحلى في عينها وبتتزوجه...وبتحلى في عينه وبيتزوجها..


لـيش أختارها هـي بذات...ضآقو الحريم عليه...ضاقو..!

والا يـبي يتخير أكثر الاشياء الـي بتهدنـي هد...!!

طيب لـيش...انا وش سـويت له...؟



أختنقت روحها وهي تنظر لعيني قائد \ أبسألك ياقايد أنتم لـيش ماتصونون الحب...ليش تحبون بكل ذره في جسدكم سنين وسنين وفجأهـ...!

يروح كل شي بغمضة عين...وكأنكم ماحبيتو....!

وكأنه ظلكم..

أو...

أشباه لكم الي عاشو معنا وأغرقونا بـكذبة [..الحب...]..!

قول لي ياقايد...!

الحب عندكم من أيش..؟

والقلوب الي بصدوركم...هي نفسها الي تدق بضلوعنا..؟

علمني يَ قايد...!

كيف بحب من جديد..؟

و..

كيف بعقد صداقات من جديد..؟


ها الأثنين أظلمو الدنيا بعيني...خيانة [..حب..]..و...خيانة [..صداقه..]..

تزوج من صديقتي...!

صديقتي...!

صديقة العمر كله...!

لك تتخيل الوجع..؟

قائد بتهدئه \يا الثريا ...

قاطعته وهي تشير بكفها وأناملها المتفرقه أن يصمت...

لتكمل هي ثرثرتها المتوجعه...\حبيته بكل ذره فيني أعترف...!

عشقة تفاصيله...

عشت معه على الحلوه والمرهـ...

ماكنت أحب أهله ولآ أطيقهم...

بس عشان خاطر عينه..حبيتهم وحطيتهم على راسي من فوق..!

طول عشرتي معهم ماشافو مني الشينه ولآعبست في وجه صغيرهم...ولآ..كبيرهم...

صنت بيته...صنت كل شي يخصه...

حبيته ياقائد بكل عرق ينبض فيني...!

وفجأه ومن غير أي سابق أنذار...

يدخل علي وبكل أريحيه...

ويقول

الثريا...أبـيك تكونين حرمه عاقله وتتفهمين... ترى تملكت على رزان بنت عبدالرحمن...!

تدري كيف كان شعوري...!


شعور أختناق ..و..أحتقار..وغدر..وذل..و..مهانه..!

لآ...أكثر كـثير....!


لآ...لآ...


أنتم ماتعرفون عن شعور الأنثى أي شي...!

أنتم مازلتم بعصر شـهريار..ألي أكبر همومه نفسه وبس..!

الرسول صلى الله عليه وسلم قال فيما معناه..رفقاً با القوارير..!

وانتم تدرون وش قلتمـ...كسراً با القوارير...!

كسرتو قلوبنا...

تحسبون قلوبنا من فولاذ..

لآ
تحس..ولآتشعر..ولآتنبض..!

كـسرتو أرواحنا....

وأنتم تحسبون أرواحنا مَ تتعب ولآ تتوجع ولآ تمـوت وتنتهي...!
.
.
.

صمتاً يَ الثريآ...صمتاً..

فقد أغرقتيني يا الثريا ..

ب َ بحر من الوجع وأنا الجاهل با السباحه...

فكيف أنتشلك منه...!

أيَ يارب..

هل كتبت لـ أخواتي العذاب في حياتهم وأكون أنا من أتجرعه مناصفة معهم...

.
.
.

أه يا الثريا...

صمتي لشهوراً عديده

واليوم ثرثرتي بما يقتل الروح..

وينحرها....,


.
.
.

مسـحت دموعها بـ أناملها بـشده تحت أنظارهـ لـتزفر بحرارة أنفاس..و بتـماسكـ\أنا بكون بخير....صدقني بكون بخير....في حاله وحده...لما يـجي لـي فهـد
وهو مثل المتشرد الـي رفضته كل الدروب..لما يجيني وهي نافضه جيوب قلبه...وتلقاني بكل خانه وبكل زاويه ..وتلـقى كل الحكاية نزوة وطيـش كبار ..

أردفت \ ماتقدر رزان تقدم له شي انا ماسبق وقدمته..كل شي راح يكون مكرر و ملل بنسبه له...كل شي سبقتها انا فيه بـ أميال..حتى لو حاولت تتذاكـى...هي مثل
التلميذ الصغير الي حاول يقلد الاستاذ لكنه نسى انه لـسى ما تعلم الفصل بين الكلمات والجمل...!

وقفت \ بـيجي فهد...صدقني بيجي...ولعند هذا الباب بيوقف..يدورني من جديد...لكن بكـون مثل الـثريا صعبه حيل وموجعه...!


.
.
.

يوم طاحت سنيني مثل طيحة تمر..
………………أنشرى الصبر لكن من يسوم النخيل

.
.
.
يوم جديد
.
.
.

صوت خالد الفيصل ينعش الصباحات برذاذ كلماته...

برودة الأجواء...

تدفع بطبقه خفيفه باردة على زجاج السيارهـ الأمامي...

أبتسمت الجموح وبهدوء \ياااه يا حاتمـ..أجواء الروحه معك غير...

حاتم با أبتسامه هادئه..\ليش..خطوطنا تقدم خدمات حصريه..؟

الجموح \تقدر تقول كذا...

أردفت بشفافيه \ برودة الجو برى... و...صوت دآيم السيف الدافي هنا.. ..و..كاتب روائي معي ..و..صباحات الرياض..مو أقولك تفرد وتميز ..؟

أبتسم وتوقف عند الأشارهـ...ليشدهـ منظر

طفل بائع المناديل...!

و

إبتسم بعفويه وهو يفتح النافذهـ...

أبتسم الطفل وبـخطوات متسارعة يمد المناديل له...

ليأخذها حاتم وبعفويه \ماتروح للمدرسه أنت..؟

الطفل ببراءهـ\ ماقدر أروح...لآزمـ...أبيع المناديل عشان أهلي ياكلون...!

تكفى ياعمي خوذ مني ..ترى مناديلي غير..!

أبتسم وهو يأخذ جميع ماعندهـ...ويناوله النقود...ويودعه بـ أبتسامه..

الجموح \تصرفك خطأ...كذا تشجعه..بدال ماتعطيه كرتك وفيه رقمك وتساعده بشغله أحسن من كذا...أو...تكفل بدراسته...تشتري كل الي عنده...!

حاتم بهدوء\ مانقدر نغير ها الفئه.. ياجموح هذي أذا قالو لك قاع المدينه...!

لتردف بموضوع أخر\ وش صار على روآيتك القديمه..الى الان وأنت عالق بحروفها..؟

بهدوء\ كتبت ...موقف بسيط ..!

الجموح بـتدقيق \ أحيان بكتابتكـ تأكد لي أنك كنت عاشق أو مازلت..لكنك الف مره تنـكر...!

ألقى نظره متهكمه..!

الجموح بحنان \تذكر أيام الدراسه...تغيرت كثير ياحاتم ..كأنك صرت حاتم ثاني..؟

حاتم بزفرهـ\الله لآيعودها....كـانت...!

لـيصمت بـ نصف أبتسامه ذابله....!

الجموح بألم\كمل...قول...ليش سكت..!

لتردف بوجع \أنا عارفه ان هذا الموضوع يضايقك لكن انا ماسويت شي غلط...رحت وكملت دراستي الي ماهي عيب ولاهي حرام..
بنت طموحه..وكملت دراستها بحجابها وبا التزامها..ومع أخوها...وش العيب والحرام في هذي النقطه.؟..!

أبتسم بتهدئه\لامو عيب ولآحرام..بس تذكرت فترة خلافـي معه...وهي فتره موجعه بنسبه لي...بحكم عمق علاقتي فيه...

أبتسمت بتهكمـ..\أيه...قايد....يحق له مالا يحق لـغيرهـ...

ويحق له بعد...فرض نظامـ القبيله...الى عفى عنه الزمن...!

ويحق له بعد...التحجير...بـ أسم ولد العم..!

ويحق له التصفيق والمعمعه...!

صحيح...

قائد بن نايفـ..المحامي المرموق ...خساره تخسر شخص مثله يَ حاتم..معك حق..

حاتم بتفهمـ...\ الجموح..الحكـي هذا يضايقني منك...قفلي على الموضوع يَ الغاليه...

الجموح\وليش أسكرهـ...دامه أنفتح...

حاتمـ وهو يبعد عينيه عنها لـجهة مآ..\هو كان محدد الملكه والزواج...و...أنتي أصريتي على دراستكـ معي بوقتها..هو رفض وأنتي عندتي...وكسرتيه ورحتي وسكت عنك..!

الجموح أطلقت ضحكه هادئه..\سكت...آآآممم التزم الصمت...صادق ياحاتم الصمت..الي وصلني لـ الثلاثينات..والي عنوانه [التحجير..]..صادق..صمت قائد..صمت مهيب..!

هو

قالها لـ أخته ثريا...قال والله لـ أسوقها لشيب سوق...وفعلن ماكذب..!

أنا عارفه مقصده من هذا...مقصده يأدبني با السنين..

لني فضلت دراستي عليه...!

حاتم \الله يهديك حتى هو ماتزوج وهو خلاص بيخلص الثلاثين... !

الجموح \أن شاء الله يلحق عمي كايد ...ومايتزوج أحد...أنا مو حكر لا له ولا لـ أشكاله...

أبتسم لينحني لجهتها بهدوء ليفتح الباب...\يالله صباح خير..الله يعين طالباتك عليكـ..أحيانا تطلعين على أسمك...ماكذب من سماكـ..أنزلي ..

خجلت وهي لم تنتبه لجامعه...

لـتنزل بصمت مطبق بعد العاصفه...,


.
.
.
خطت الخطوات السريعه لـ جهة البوابه ...

وبثرثره صامته...
.
.
.

تبـي تعلمنـي درس للعمر كله يَ قايد...

عارفه مقصدك زين ومايجهلنـي....

مقصدك


بحفظك درس عجـز الي درستيه كله يعلمك هذا الدرس...


[ ..لآتتحدين رجآل ...]

ونسيت يَ فالح على عمق خبرتك و علمكـ...


أن أنا يمكن أكون ضلع أعوج منك...


لكن أنت كلك منـي أنا...!
↚
يوم طاحت سنيني مثل طيحة تمر..
………………أنشرى الصبر لكن من يسوم النخيل
.
.
.

أم حاتم بـختناق \يأمك والله ان قلبي مارتاح لهذي السفره يَ أمك أجلس جعل عيني ماتبكيك...
رهان وهو يضع رأسه بـحضن والداته...\ يمه برجع لكـ الناس يشيرون لي بأيدهم..
هذا رهان بن تركي...الـي درس التخصص النادر ..
أرفع رأس المملكه...!
أم حاتم\ يا ولدي الممكله ماهي منتظرتك ترفع راسها..مرفوع راسها من دونك أنت أجلس بس عندي هنيا..يارهان أنت حشاشة الجوف..!
الزين بضحكه\ حلوووه الذبه هذي يمه والله أليمه...مشكله الي ماخذ مقلب في عمره..
رهان بنظره متهكمه \أنتي شدي بس حيلكـ في تخصصك النادر وبعدين تعالي تتطنزي...يحصلكم واحد عبقري مثلي..!
الزين ترفع يديها بتهكم\ والله وش يشكي منه قسم المكتبات..أهم شي أتخرج..وأعرس..!
جلس رهان وبضحكه مجلجله \من ياخذك ي أم شعر فلافل...من ردي الحظ...ماخطبك أحد من يوم كبرتي..!
الزين بـعصبيه \يمه شوفيه سكتيه ...رهان تراك سخيف..والله سخيف..!
رهان يتوجه بكلام لوالدته..\صدق يمه ..شوفي حل لك مع شعر بنتك..ماهو بطاق بابكم أحد وشوشوتها كذا...
ام حاتم بعفويه \ يمك خلقة ربك...لآتتهزء يجيك بنات شعورهم كذا...؟
الزين بـ أختناق تام وعينيها تمتلئ بدموع \يمه وأنتي معه كذا..طيب وش أسوي سويت فرد مافاد...
مدري ليه شعري مو مثل الجموح...ولآشعركـ يمه...حظي ردي..أعرفه..!
رهان بخبث\صراحه دايم أرحمك أشوفك شاده حيلك زيوت..وأقنعه ..وفرد..بس ترى الشعر الناعم من الله...
الزين بوجع \صدق رهان..واضح مره...أنه مو ناعم وشين...!
هز رأسه بخبث\ تعرفيني واضح وماحب أجامل..شعرك مأساه..!

قاطعهم دخول ماهر..\ماعليك من الخبل...شعرك ماهو بشين...ماتشوفين شوشته اذا نزل الكاب...؟
رهان يرفع الكاب لتتكهرب خصله \انا رجال..والرجال مايعيبه الا جيبه..!
جلس ماهر بمحاذة الزين وطوق كتفيها بيمينه \ الجيب فاضي والعقل قاضي...يازينك ساكت...
رهان \أوووه جاها الـتعزيزات أرض جو...ترى منت نافعهااا صارحها بأن شوشتها أسلاك كهرب متهاوشه..!
الزين بوجع من تعليقاته \ ياربي ياماهر..تراه قاهرني من الصبح...شعري صدق مو ناعم مره..بس مقبول شكله..
أطلق ضحكه صاخبه..رهان \من الي لاعب عليك...!
ماهر \قم أنقلع...لآ...أقوم أرفسك برجلي...
رهان بـوقوف\اصلن انا قايم..بس هين بتدقون علي عقب أسبوعين تقولون مظلم البيت عقبك يا رهين..خلو ام اسلاك ملتمسه تنفعكمـ...!
زفر ماهر بتهكم...\رح بس ...!

الزين بـ دلال تضع يدها على جيبه العلوي \الي بجيبك لي..بروح المشغل اليوم فيه!
ماهر بضحك\مايصلح لكـ...خوذي الي بجيبي الي من جهتك أفضل لكـ...
الزين بخبث\أكيد انها الورقتين الزرقاء...مالي شغل لي..!
ماهر برفع حاجب متهكمه \خوذي الي من جهتك أفضل لك...
الزين تشد مافيه جيبه العلوي لتخرج لها ورقات من الصرافه..!
لتردف \حظي ردي..أأأبي الي بجيبك الثاني ..!
ماهر يبعد يده عنها ...\لآ...الرمح على ركزته...فاتك خلاص...
أم حاتم بنهر\الزين أنتي ماتستحين...؟
الزين\يمه أخواني...وليش أستحي منهم...بعدين أنا الغاليه انا القعده..؟
ماهر يخرج لها مبلغ..\يمه أتركيها على كيفها انا بس أمازحها...
الزين تقبل كايد بشده \يالبى قلبك ...أنا عارفه انك منت بتارك رهين يتطنز فيني ويفرح بشوشتي...؟

أبتسم على قفزات الزين السريعه لجناحها..ليعلو صوت ماهر \تجهزي العصر بوديك مع الدانه...!

الزين وصوتها يغيب \فديتك عيونك الثنتين...يا كايدهم انت..!

أم حاتم \ترى نص دلع الزين من راسك أنت...مايصلح ياولدي تدلل البنت كثير ..والله يشين طبوعها..

ماهر \يمه ..الزين تستاهل من يدلعها وبعدين الخبل رهان والله انه وقف العبره بحلقها حسبي الله على عدوينه...

ام حاتم \الله يخليكم لبعض ويرزقك الذريه الصالحه..
أبتسم برقه\اللهم امين..
.
.
.
يوم طاحت سنيني مثل طيحة تمر..
………………أنشرى الصبر لكن من يسوم النخيل
.
.
.

بـ الجامعه

سماح \ترى العنود جايبه فطور اليوم عشان ترقية زوجها..ماشاء الله علق ثلاث نجومـ..!
الجموح \تبارك الله...
سماح بهمس \ بيني وبينكـ..هي خايفه يطير منها...أمه تبيه لبنت أختها من سنين وسنين..والعنود شاده حيلها...
جمال..وكشخه..و..شهاده ..وعيال مثل الورد تبارك الله..ونظافه..و..أهتمام بس تعرفين أهل الزوج..
الجموح ب أستفاهم\عليها خمسه صح...؟
سماح تشير برأسها \ولآ كانها جابت أحد ماشاء الله..هو اصلن مايشوف غيرها يعشقها عشق..
بس قلبها قارصها لن كثر الدق يفك لحامـ..
صدق مافيه أحد مرتاح...!!

أبتسمت وهي تضع روج بلون الـخوخي على شفتيها..
ليلفت نظرها شعرة بيضاء أخرى...بين خصلها...!
أختنقت تماماً...
و
هي تتاكد من تلك الشعرهـ...!
.
.
.
العنود أكبر مني بـ أربع سنوات فقط...!
وخمسة أطفال ورجل عاشق..!
و
أنا...!
...شعرات بيضاء..!
وهم يزاحم الامل..
وسنين تتقافز طرباً...!
.
.
.
قائد...!
قتلت شبابي وتريد مقاتلتي لـ البياض..!
كلا وربي...
سَ أشرب دلو البياض حتى ما أبقي شيئ...ولآتفوز بـ المعركه...
.
.
.
أهتز صوتها بـ أختناق \عندي محاضره عن أذنك..
.
.
.
يوم طاحت سنيني مثل طيحة تمر..
………………أنشرى الصبر لكن من يسوم النخيل
.
.
.

نجد بحنان \خالـتي اشتريت القماش لك عشان تلبسينه في عرس هديل بنت أختكـ...هو القماش الـي تحبينه..وبـحط عليه موديل هادي وبيطلع عليك يهبل...
أم محمد بـمحبه\والله العظيم مكلفه على عمرك يَ الغالـيه...الدرج مليان من ها الملابس والله بعد ماعاد لـي نفـس في جديدها...
نجد\لآتقولين كذا خالتـي...هذا عرس هديل بنيت أختك فرحي أختك بلبسك وضحكتك وشكلكـ...الناس مايدرون وش في القلوب ان كانت حزينه والا فرحانه..
الا بيقولون كل هذا الخير والنعمه الي عندها وباخله على نفسها بثوب جديد...
أبتست ام محمد\قولـي يالله يَ بنتي ان الله يفرحك بغواليك ان كان ماقصرتي علي في صغر الشي والا كبره...والله لو انهم بناتي وهم بناتي ماقامو بنص الي تقومينه..
نجد\افا عليك ي خاله وليه انا ماني بحسبة بنتكـ..
ام محمد بحزن\الا والله انك اغلى منهم بعد...
نجد\اجل خلاص لاعاد تقولين هذا الحكـي....

صمتت أم محمد بحزن من ثم اردفت\نجد ي بنيتي...,

نجد \لـبيه..

ام محمد بهدوء \لـيه ماعلمتيني ان فيصل ابن سعد خاطبكـ....من فترهـ...

أرتبكت من ثم \ موضوع تسكـر في يومه...انا ماعد لـي في العرس حاجه بعد محمد الله يرحمه...وعندي ثامر وأخته يسون رياجيل الارض كلهمـ...

أم محمد \الله يخليهم لك ي كريم لكن يَ امكـ ماهو مرضيني ولا مرضي من يحبك تجلـسين كذا عقب محمد...كم لمحمد متوفـي...وانتـي توك بزهرة شبابكـ...
بتضمنين قايد الله يخليه لكم يجلـس عايش لكـ...والا عقب سنين بتضمنين ان ثامر بـيجي ولد كفو وتجين في ظلاله...لازم تعرسين رجال يكون
صدره دفئ لك وذراعه امان...

نجد بحزن عميق\يَ خالتـي انتي الي تقولين هذا الحكـي ومحمد ولدكـ...والله ماقدر اتخيل مجرد خيال اني بنام في غرفه وحده مع واحد ثاني غيرهـ...شلون عاد اكمل
كل الحياه معه....وانا بخير والحمدلله وبستين نعمه ولاني بمحتاجه أحد من فضل ربـي....

أم محمد وعينيها تلتقط دخول تغريد وأختها الصغيره مستيقضين من النومـ....\الله يكتب لك الخيره في كل أمورك ...
أردفت ام محمد \هلا با الي صاحـين قبل أمهم...هلا بنظر العين...
أبتسمت نجد \يَ الله ي حلوات غسلو وجيهكم وتعالو أفـطرو وأشربو حليب وبعده أحط لكـم افلام الكرتون...ي الله حبايبي
أم محمد \يَ نجد والله ماتستاهل شيخه تعاملين بزرانها كذا ....الله يهديها ويصلح قلبها وعقلها هي وخواتها...
نجد\ والله ياخالـتي...الاطفال مالهم ذنب في خلاف الكبار وهواشهم...ودام الفطور موجود والخير ..ليه ها الصغيرين ما ياكلون ...ترى انا يمكن صرت قاسيه..
لكن والله قـلبي مايصفط لهم الا كل خير....
أم محمد بصدق \جعل يومك بعيد يَ بنت نايف...

.
.
.
يوم طاحت سنيني مثل طيحة تمر..
………………أنشرى الصبر لكن من يسوم النخيل
.
.
.

با القاعه...!
.
.
.
صوتها الممتزج بهدوء صارم \لو سمحتو ياخوات ..لو سمحتو...
الي ماله نيه يستمع لمحاضره ويستفيد يتفضل الله يرضى عليه يطلع ..
كلكم تعرفون ماعندي تحضير...والملازم تنزل لكم با التصوير..
والتخطيط انا بنفسي انزل ملزمتها بتصوير عشان اخواتنا المنتسبات...
فـَ الله يرضى لي عليكم...أستماع للفائده او خروج ...


بدأت القاعه تهدئ الى ان عم الصمت الـجميل..

الجموح بـهدوء\جولاتكم قفلوها يَ أخوات مو بنص المحاضره أسمع أغاني...!

هدأت القاعه...

لـتبدأ هي...

بسم الله الرحمن الرحيم
نبدا محاضرتنا...
توقفنا عند الثوره على الانجليز عام 1857م
كان السبب المباشر لثورة هو ان الانجليز أرغمو المسلمين على قطع ب أسنانهم قطع من دهن الخنزيز والبقر... لتشحيم بنادقهم
طبعاً المعروف ان المسلمين محرم عليهم الخنزيز...
والهندوسي محرم عليه دهن البقر..!
ف الجنود الي تذمرو...عاقبوهم ايضاً الضباط الانجليزي وبشكل عنيف..
هذا وصل الجنود لحاله سيئه تركتهم ينقلبون على الضباط وقتلوهم..
من ثم أنطلقو لنودلهي...
وانتشرت الثوره بشكل واسع جداً...في الهند..
مثل مانشوف كيف كانت شرارة الثوره في مصر وسوريا وليبيا وبقية الدول كيف كانت صغيره من ثم كبرت وأسقطت الحكام وهذا الي صار في الهند
لكن فيه شي افتقدو له التخطيط المنظم والقياده...
مثل الحاصل الان في مصر كيف أختلط الحابل با النابل الله يرفع عن المسلمين كربتهم ويوحد صفهم ويلم شعثهم يارب..


صمتت فجأه...!

وعينها تسقط على اثنتين يتناولون القهوه...!


بـ أخر القاعه..!

ابتسمت بـ تهكم\ قديم لما كنت ب ألابتدائي..كنت أقرا لوحات معلقه بفصلي مكتوب عليها...

أطلب العلم ولو بصين...!

وكاد المعلم ان يكون رسولا..!

وقصة أبناء الرشيد مع معلمهم..!

زمان ب أيامي...

كان الاستماع لدرس متعه..وللمعلم هيبه..!


هذا زمان..لما كنا فيه أطفال...


وبَ الوقت القريب...

كانو دكاترتي وهم يلقون محاضرتهم.. أكون انا مثل حالة حلم بيقضه..!
يحملونا لعالم ثاني...وننهل من علمهم...و
نقدر ونحترم الكرسي..الي وفر لنا وحرم غيرنا..!
واليوم أقول لكم..كل شي راح أوفره لكم..تخطيط ملازم...كل شي..

والي تطلع من المحاضره ماراح احسب لها غياب لن ماعندي تحضير..
أهم شي تتواجدون بنفس وتستمعون للمحاضره ببال صافي..
الغيت التحضير..لني أعرف بظروف بعضكم فيه المتزوجات وفيه التعبنات وفيه الحوامل..

وفيه وفيه وفيه..قلت من باب التوسعه لكم..وعدم التضيق...

وأبيكم تحضرون المحاضره وأنتم بفعل تبون العلم..ماهو ضغط مني عليكم..
ومع كذا....أحصل هذي النوعيه من البنات...!
كرسي محسوب..لـطالبه تشرب قهوه..وكأن نحنى بكـافيه...!



جمعت اوراقها وكتبها .
.وشدت الخطوات على رجاء الطالبات بمكوث..!
وسارعت الخطوات لمكتبها وتركتهم...

بلا وعيد ولآتهديد...

لكن بتأديب قادم..!
.
.
.
يوم طاحت سنيني مثل طيحة تمر..
………………أنشرى الصبر لكن من يسوم النخيل
.
.
.

أرتشف كوب الشاي..ليسأل الثريا \طيب أوديه المستشفى على طريقـي...

الثريا \ ألم بطن عادي أعطيته شراب وبتركه ينامـ ويرتاح...والمدرسه اليوم عندهم رحله..يعني ان شاء الله ماراح يفوته شي...

قائد \الجـو بارد يمكن أخذ برد...

الثريا \ يمكن...,

عينيه راقبت دخول خالد الصامت..


قائد بَ ابتسامه\علوم أبو فهد...؟

خالد بنظره منسحبه وهو يجلـس بقرب والداته \أنا أبو كايد...مو أبو فهد..؟

قائد بمسايره\أفا الي اعرفه ان الرجال يسمي على ابوه مو على عم جدهـ لـ أمه ؟

خالد بتهكم \ودي أسمي كايد..مافيها شي..!
قائد يغمس قطعة الخبزبـعسل ويلتفت لـثريا الصامته بحزن\طيب ولآنزعل شيخ الرياجيل..أبو كايد على سن ورمح..أمر وش تبي ي ابو كايد ..!
خالد بتهكم طفولي\والله انت الي تسأل..مدري عنك..!
قائد بممازحه \أيه نسيت كنت أسألك عن علومك...؟
خالد \ماعندي علوم..ولآ...شي...
ثريا \تكلم مع خالك بأدب...ماهو براس خشمك...
قايد يحرك أنامله ب أبتسامه\أتركيه .ماقال شي..صادق ماعنده علوم ولاشي..
أصلن انا الي عندي العلوم الذربه..والحركات..والدبابات وكشتات البر وحركات انتم يا الحريم ماتعرفونها..
أنشد أنتباهـ خالد وعينيه تنشد لقائد..
ليكمل قائد من دون ان ينظر لخالد وببتسامه\دايم انتم يا الحريم ناشبين لنا بسوالفنا..ماتخلونا نسولف براحتنا..تجهز بس يا بو كايد عندنا يوم الاربعاء كشتت شباب..!
قفز خالد بفرحه \صدق والله ياخال..كشته...!
قائد ..\كشته..ومن غير حريم..!
خالد بفرحه عارمه يقبل رأس خاله \الله يطول بعمرك ياخال أكيد جاهز من الحين..!
غرق بضحكه قائد ...على قفزات خالد الممتلئه بفرحه.!
ثريا \الله يهديك أكيد ماهو من صدقك بتاخذه معك...شوف مأكنه قبل شوي تعبان..
قائد\الا ان شاء الله بيروح معي وليش عمري وعدت وماوفيت..؟
ثريا بـخوف\ياربي ي قائد بيروح ولدي للبر ولوحده وينام بعيد عن حضني..لآمستحيل..!
قائد بنظره غاضبه\ياثريا..أنتِ تربين رجال ماهو بنت..وش ينام بحضنك وش يروح بعيد عنكـ...ربيه على شبت النار..ماهو على توليع شمعه..!
أردف \خالد داخل التسع...يعني رجال ماهو بزر...
ثريا بألم \داريه..لكن قـلبي عنه مايصبر...

دخلت أم قائد بخطوات متباطئه لـيشد الخطوات قائد ويقبل رأسها ويجلسها على الكرسي ..\يالله انك تصبح ها الوجه الصبوحي بكل خير..!
أبتسمت ام قائد \الوجه الصبوحي خالفنا..وخالفناهـ...وهذا أكبر عيالنا مقبل على الأربعين...!
قائد بـمحبه\لو سمحتي يمه بتكبرين كبري عمركـ شي وراجع لك ..لكن تزودين عمري سنتين فَ لآتخربين علي!
ام قائد \أمحق..ثمانيه وثلاثين أخت الاربعين من الرضاعه..!
غرق قائد بضحك لـتردف والداتها \والشيب كسى الشعر وعلوم مايعلمها الا الله...أنت متى تفرح قلبي وتاخذ بنت تركي..؟
عقد حاجبه \تو الناس يمه...؟
والدته بغضب \وين تو الناس ...بدري من عمرك يابو نايف...البنت صكت الثلاثين..لآ..أنت الي تركتها تاخذ نصيبها ولا انت الي صرت نصيبها...
ترضاها لـ أختك...ترضاها ..؟
عادل مع الناس البعيدين وظالم مع الاهل والرحم..؟
ياولدي

لآيغرك سكوت عمك تركي...ترى تركي ماسكت الامن غلاك...؟

ولآيغرك حلم حاتم ترى ماحلم الا من حبه لك...

ولآيغرك هدوء ماهر..ترى ماهدى الاحشيمه لك..

ولآيغرك تجاهل رهان..ترى ماينضمن الرهان..!

أبتسم بـثقل\ اهل ورحم..قلتيها...وأدمح لهم ويدمحون لي..!

قاطعته بعنف \وش ذنب البنت..ماتقول لي...؟
شد جسده ليقف \الحمدلله شبعت...تسلم يدك يا الثريا على الفطور..!
أمسكت كفه لتجبره على الجلوس عند ركبتها بضبط..
لينساق بـ أخفاض جناح لها...
و..يبتسم بصعوبه..\قفلي على الموضوع يمه..!
ام قائد بعنفوان وغضب..\ماهو انت الي تقفل مواضيع أفتحها انا..سود الله ها الوجه..!

ختمت جملتها بـ أن وضعت أصبعها على ذقنه لتدفعه قليلاً

تأكد من أغضابها لـيتداركها بتقبيل جبينها...

أردفت ام قائد \ أنت وش النهايه معك...وش أخرة ها الجنون وها العناد..علمني قولي..أنت بتاخذها و الا تكسير روس...؟

قائد \ أكيد ماحجرت لها الا أبيها...

ام قائد بحزم \أجل يالله قوم معي نخطبها من أهلها الحين وتاخذها با الأجازه...ونقطع ها السالفه الي استفحلت وكبرت وساقت لنا السنين سوق..
والا..أرفع أيدك عنها وخلها تاخذ نصيبها...!
أبتسم \أنا نصيبها...بس مابيها الحين...!
ام قائد بغضب\عناد...؟
قائد يرفع كتفيه \لا ...ماهو بعناد...بس ماني بمستعد لزواج الحين...
أم قائد ترفع أناملها بـوجه وبحده \الا عناد...تعلمني فيك لكن والله ثم والله
أجبرها تصمت بأن وضع أنامله على فمها برقه وشد أناملها لـيقبلها \يـمه الله يهديكـ لآتحلفين على شي وأخالفه...

من ثم وقف بهدوء \تطمني يمه كم سنه وتشوفينها تفتل في بيتك لآتشلين هم..
واذا قصدك على الكبر والسن انا ابيها كبيره وب َ الشيب ماعندي مشكله..!

وصايف بألم\ ي قايد ترى الجموح ماتنقاد...إنتيه ترخي حبالها...أترك عنك ها العناد...الي ضيع زهرة شبابك وشبابها...ترى الجموح مافيه مثلها في جماعتنا با العقل
والرزانه والمنطق والزين...يابوي انت وراك مرخصها كذا...؟

القى نظره صامته لـ والداته من ثم أنسحب بهدوء...
.
.
.

نقف هنا...
.
.
.
همسة محبة..\

اللهمـ...الـبس [والدة ] طيف الاحباب...
و...
[والدة ]..عذراً ي َ قلب

ثياب خضراً من سندس وأستبرق...

وأرفعهم في عليين...

وشفع فيهم سيد الأولين والأخرين..[عليه الصلاة والسلام..]

أمين
↚
شفت الخيول الجامحـة ..؟ هـذي أنـا


ناظر جمـوح الخيـل تعـرف عزتـي


ما تنلجم خيل(ن) ظهرهـا مـا انحنـى


للـذل .. يـا نفسـي علـى العـز اثبتـي


شفت النجم فـي الليـل يرمـي بالسنـا


أنـا نظيـر سهيـل حـاذر رميـتـي


شفت الرماح الواقفة شفـت القنـا ..؟


أنـا القنـا والرمـح يشـبـه قامـتـي


شفت الرواسي الشم في وادي الضنا ..؟


أنـا شمـوخ جبالهـا فــي هامـتـي


يا اللي ما حفر فـي صخرتـي إلا العنـا


مـن نايبـك والعـز نايـب صخرتـي


انـا الغديـر العـذب للصاحـب هنـا


والنـار أنـا للـي استهـان بشوفتـي


في العز لو موتـي دنا..لـو هـو دنـا


احسبـه أنـا عيشـي وغايـة جنـتـي


وإذا دنـت لـي جنـة الـذل انثـنـى


عنهـا فـؤادي وارتضيـت بجمرتـي


أنا المسلـم الحـر لـي ألعـزه منـى


فيهـا الكرامـة والكـرامـة غايـتـي


.
.
.
بدايه...



صباحكم طهر...




اليوم الوطني يَ أحبه ليس لهز الأوساط ولآ لجولات بطولية في ميادين الاسواق ولآ بتقليعات الغربيه...ولآ لصور ولآ لبرسونالات ولآ شعارات...


نأسف والله على الحال أن كان هكذا...,


وطنا ي أحبه كما قال الامير نايف رحمه الله [ أنتم مستهدفون في وطنكم...]


وهذا لاينطبق على بلاد الحرمين فقط...بل على العالم الاسلامي كله..


الفتره الحاليه لـيست فترة أحتفالات بل فترة تكاتف وترابط ...و..وقفة رجل واحد...لـذب عن مايحاكـ لنا...ولـ الاسلام...ولـ للمسلمين..,




[ اللهم أحفظ خرائطنا وحدودنا من أطماع اليهود والنصارى وأذنابهم الـذين هم خلف ظهورنا...]




>وجهة نظر صباحـيه أرجو ان لآتضايق أحد..=)


.
.
.

شكل حاتم أقلقكمـ من الحين وتبون تزوجونه قبل قايد ...=)

باقـي كذا شخصيه راح تظهر تدريجيا ً ب البارتات..

أحد هذي الشخصيات راح تكون مستفزه نوعاً ما و محركـ لـلاحدث بشكل متوتر لـ بطلين من أبطالنا...

أعتقد انها راح تكون مفاجئه للجميع =)

وعلى قولة زيزفون باقي ابطال بكراتينهم =)

.
.
.

لآتليهكم الروايه عن الصلاة في وقتها...,

.
.
.
الزين بـاابتسامه \شكلي بصبغ شعري...وش رايك يا دانه..؟
أبتسمت \لآيق عليك كل شي حبيبتي...
الزين \ايه خلاص بصبغه قررت خلاص...وأنتي بتصبغين..؟
دانه بتردد\محتارهـ...يمكن...؟
قاطعهم ماهر \أيه اصبغيه مثل صبغتك الي بعيد الفطر العام..
دانه بـ أبتسامه \بندقي..؟
ماهر\مادري عاد عن الوانكم وش تسمونها اللون هذاك لايق عليك...؟
تعالت ضحكات الدانه والزين ....
ماهربـ ابتسامه على ضحك الاثنيتن ...\عسى ماقلت نكته...أنا والله صادق عندكم اختراع في اسماء الالوان بصراحه تجهلني..أعترف..!
الزين \بقوووه يَ ماهر بقوهـ....انت حتى ماتعرف البمبي وشو..أذكر يوم اقولك شف الفستان البمبي الي بزاويه وتقول وش بمبيه...
أنتم يارجال كذا...؟
الدانه\لا ..مو كلهم...بس ماهر من النوع الـي ما يحب تفاصيل ماتهمه..
التفت لها بهدوء وأبتسم..
الزين \خلاص هذا هو الـمشغل....يالله وقف...
.
.
.

أنـتـظــرته...وهو...أسرف بغياب...!
.
.
.
جلست بغضب في مكتبها...

سماح بـستفهام\عسى ماشر..أمداك تخلصين محاضرتك..؟

الجموح \لا..تركت المحاضره ك عقاب لهم..
أرتفع حاجب سماح\غريبه...أنتي يا الجموح يطلع منك ها الاسلوب..دايم ترفعين لافتت حقوق الطالب وتفهمه..والى أخر الحديث الي ماله طعمه..!
الجموح\ومازلت..وراح أظل متسمكه برأي بس ساعات تجيك نوعيه من الطلاب تخرب على القروب كله...فلتت اعصابي وماعاد قدرت..
سماح\هدي نفسك...مافيه شي يستاهل..أقرصي أذانيهم با الامتحانات..!
الجموح أبتسمت \ لا..وش دعوهـ...لو غلطت كم بنت..ما..أشيل البقيه بذنبهم..الله يهديهم مدري انا الي متنرفزه والاهم الي تعمدو نرفزتي..
أستغفر الله...خليني أدق على أخوي الصغير يجي ياخذني...
ماعندي شي ثاني...
.
.
.
أنـتـظــرته...وهو...أسرف بغياب...!
.
.
.
أغلقت جناحها بـ أحكام..
و
تمددت على سريرها...
و
أستنشقت ثرثرة روح ..!
وبصوت مسموع ..
أطلقت عنان الوجع..!



.
.
.

ثريا نايف الكايد..
الحاله الاجتماعيه ..مطلقه...!
.
.
.
زمت شفتيها ..
و..
وضعت أناملها على صدرها لـتشده بقوه عله ينتزع النبض..!
.
.
.
خلاص..أنا صرت من المطلقات..!
المغضوب عليهم من المجتمع مهما كانت الأسباب..!
بزواجات بتكون العيون تراقبني..بعد طلاقي وأنفصالي كيف يكون شكلي..!
نحفانه...
متغيره...!
ذبلانه...
كل ها الكلمات بتلاحقني حتى لو ماتغير في شكلي الخارجي شي..!
بعزايم..!
بيكثر الهمس واللمز...!
وبتوصلني أخباره...و..زواجه..وسعادتهم...!
بيقولون حرام ضاع شبابها معه..!
با الأعياد..!
بيتحاشوني الحريم...بيقولون بتخطف أزواجنا...
البعد عنها فيه الف خير.!.
انا
مطلقه....!
مطلقه..!
مطلقه..!
.
.
.
أنـتـظــرته...وهو...أسرف بغياب...!
.
.
.
بمكتبه....

سكرتيره الخاص دخل وبيده أوراق ليهمس بـصوت منخفض \فيه وحده برى تبي تقابلك عشان قضيه..هيئتها جداً محزن...

أرتفعت أنظار قائد لـ السكرتير ..وبعد ثواني أبتسم لـشخص الذي يقابله..\يا أستاذ فالح...قضيتك في الارض ان شاء الله كسبانه...مافيه عراقيل او اشياء تعقد القضيه...ان شاء الله تساهيل..
فالح\أكيد سمعتك تسبقك وكل قضيه تمسكها هي أكيد كسبانه..مايبي لها نشدة شيخ..!
ختم كلامه بضحكه مجلجله تكشف صف أسنانه المتساويه...
أبتسم بثقل وهو يقف \وماتوفيقي الا بالله...
وقف بمقابل فالح ليودعه ...

التفت قائد وبصوت مستعجل \بسرعه دخلها يا فهاد...و..تعال انت بعد...!

خرج فهاد وبعد لحظات دخلت المرأهـ وأبنتيها....

.
.
.
بعد ساعه ونصف...
.
.
.
أبتسم لـصغيرتان..وهم يتناولون طبق الحلوى المقدم لهم ويكاد ينفذ...
وبثقه \أسمعيني ي أخت هدى..زوجك بترفع منه الوصايه..وبتاخذين طلاقك ان شاء الله من أول جلسه عند الشيخ...
يتعاطى وسلوكه مشبوه...وعندك شهود على الشغله الي ذكرتيها...لآتقلقين ولآعلى بالكـ..ان شاء الله...
هدى وهي تكفكف دمعها\الله يجزاك خير طمنتي..
وبتردد\كم أتعباك بقضيه...وياليت تراعينا..
أبتسم برقه\ عشان عيون هذولا الصغار ..مابي أتعاب..أبتعادهم عن أب مثل زوجك..هو قيمة أتعابي!
هدى بـتردد \ لآ..يا استاذ قائد...لآزم تاخذ اتعباك ..هذا حقك..أنا مابي شي بذمتي..ومعروف مثل هذا والله كبير أشيله على كتوفي..
قاطعها بهدوئه الرصين وهو يـريح ظهره على الكـرسـي \ أقدر أوظفك وتسدديني ..تبين تتوظفين..!
بتوتر\بس انا شهادتي متوسطه...وكيف أسددكـ...؟
قايد وهو يشد ورقه صغيره ويدون فيها عدة كلمات ورقم هاتف...ويمده لها \تروحين لهـذا المكان..هو ..نسائي...محتاجين موظفات..
بتحصلين مديرة المركز..أسمها خلود سامي...قولي لها انا من طرف المحامي قائد ويطلب منك توظفيني...!
أردف بصدق \تبين تسدديني...تقدرين تسدديني أذا ربيتي ها البنتين بلقمه حلال ودخلتيهم مدارس وعلمتيهمـ..هذا هو أجر أتعابي...!

أبتلعت ريقها المتوجع

وفضلت التمتمه الـهامسه

بروح فـهي أبقى وأنقى..!
.
.
.
متألم حقاً..!
متوجع بفعل..
وعينيه لاتفارق تلك الصغيرتان..!
الوردتين ...!
و
مختنق تماماً..
وهو يرى أمرأهـ...تشكو له
شرب وعربدة رجل..!
و
يريد منها ألوصايه على بناتها...
لأنه رجل والاب والحق له.!
وهي أمرأه طاهره..
من اخمص قدميها الى قمة رأسها

سواد طاهر..!
.
.
.
أنـتـظــرته...وهو...أسرف بغياب...!
.
.
.

أبتسمت وهي تركب بجانبه...

وشقيقته تركب خلفه...بـكلمات غاضبه...


الزين \ياربي شعري أحسه أحترق...رااااسي احسه يدور فيني ...ماعاد أقدر اركز في الي قدامي..

ماهربخوف يلتفت لمقعد الخلفي \تبين المستشفى..!

قاطعته الدانه برقه وهي تكتم ضحكتها\لا...بس عشان الشغل الي جاها وكذا حاجه بمشغل انت ماتعرفها..

الزين بثرثره مرتفعه \ياربي ياماهر ياربي مر اقرب صيدليه قسم اني صادقه ابي كرتون بندول..
عوااار عوااار براسي ماهو طبيعي الله يقطع الزين ويقطع سنينه

ماخذيت من اسمي شي اه ياربي استغفرك ماعترض على خلقتك ..

بس شعري عقدني والله العظيم..عقدني....!



صوت ضحكة ماهر لم يكتمها حاول لتهتز أكتفافه تفضحه..

الزين بقهر\ايه اضحك وش عليك...دانو شعرها حررررير..!

دانه بفزع \أذكري الله يا ام عين حاره...!

لـتردف الزين بحنق \ يعني جايبه شي شديد يوم تحمسيني بمشغل...داريه ان انا سمراء بعد...راضيه بلونـي ليه تروحين وتقولين لـي لآ خليهم يسوون لك حمامات و
خنبقتهم الي بمشغل قطعو فيها جلـدي ها التركيات...
يحسبون مع دعكهم لنا أن الوانا بتفتح وتـصير مثلهم...وحنى مع الخيل يَ شقرا...نشوف ها التركيات ويجينا ها الحماس لـزين
...قال ايش قال عشان أفتح درجه...هو أنا شكيت لك الحال..أنا بس قلت شعري ...ليه تقنعيني ليه...؟

الدانه بـضحك\ماقنعتك انتي أصلن كنتـي طايره بعجه من يوم دخلنا...وش اسوي لكـ...كنتي تسأليني وانا اعطيك راي...شوفيني انا بس صبغت وانتي أعوذ بالله أدهرتي بعمرك
تقولين معرسه...

ماهر بستغراب \وش سو لك ؟

الزين تتجاهلها وتلقي بظهرها على مرتبة السياره...وتلتفت لنافذه..

ماهر لدانه \ وش سو لها ؟

دانه وهي تشير لـماهر بأن يصمت لأن الزين الان غاضبه ...\اشياء ماتعرفونها...,

لتردف \لو سمحت ماهر مر بيت أهلي ونزلني...أمـي أمس صوتها كأنه تعبان..

أبتسم وبصوت هامس\خلاص بنزل الدانه وبـشوف صبغتك..؟

دانه بخجل..\أذا رجعت بليل...أنت بس لآتتأخر علي عند أهلي مثل عادتكـ...

صمت وأدار مقود السياره والابتسامه على ثغرهـ...
.
.
.
أنـتـظــرته...وهو...أسرف بغياب...!
.
.
.
أغلقت جموح الباب لتهمس\السلام عليكم..
رهان \وعليكم السلام...
وضعت حقيبتها بجانبها ...
وخففت غطائها لتتنفس بأرهاق..
.
.
.
با الفعل مرهقه..
بكل معاني تلك الكلمه العميقه..
مرهقه من حياة روتنيه ..
أجبرتها القوانين العقيمه على الخوض فيها..
مرهقه..
من جبروت رجل أقحمها في عنق زجاجه..
من ثم أغلق العنق..
و
قطع الأوكسجين الذي بداخله...
من ثم يطلبون منها أن تعيش..؟
كيف تعيش..بلا اوكسجين!
تؤلمها قضية انها بنظر المجتمع [عانس..]..
لكن عانس.. و..[خطابها ..]كثيرون..!
أي قضية مربكه تلك..!
وذاك الجلاد واقف بـا باب القصر يقوم بجلد حظها العاثر..
كلما أرغم على الوقوف..!
برغم من بقايا حب غابر بداخلها له..
كلما رأته..أو..لمحته...أو..أشتمت رأئحته بـزوايا ..!
الا
أن فتيل من الوجع يشتعل ويشتعل ويشتعل..
ويرغمني على الجموح من أن يقودني هو..!
لست بقائدي يا قائد..!
لست بقائدي ..!
.
.
.
رهان بـصوت عالي..\وش فيك ماتردين.!
أنتبهت من غفوة ثرثرتها \لبيه فديتك..وش قلت..؟
رهان \الي واخذ عقلك يتهنى فيه..!
أبتسمت وبهمس \الا الله لايهنيه..!
التفت رهان بستغراب\ما أسمعك وش قلتي..؟
أردفت\أقول وش كنتي تبي فديت روحك..؟
رهان \بنزل أخذ لي كم شغله وش تبين مشروبكـ..؟
أبتسمت \مابي شي..بس حاول تستعجل لأني شوي تعبانه..
أغلق الباب \سلامتك تبين نمر المستشفى...؟
الجموح \لآ..صداع خفيف...
رهان بمشاكسه جميله \وبلاش أغراض مالها طعم..نطلع للبيت طوالي...أذا جوجو تعبانه..؟
الجموح با أبتسامه \لآ أنزل جب الي تبي...
رهان \كنت بجيب بيره لـعمي كايد...لأني بتغدى معه...خلاص يشرب معي لبن...والله صار العكس الشايب يحب البيره والولد يحب اللبن...

الجموح ب أبتسامه \ ماتخـلي حركاتكـ...
رهان \قولي أمين..؟
الجموح بستغراب\أمين.
رهان بعنجهيه \مايحرمكم الله من عبقريكم ..!

غرقت بضحكه هادئه \الله يخليك لنا..
.
.
.
أنـتـظــرته...وهو...أسرف بغياب...!
.
.
.
نجد وهـي تدخل بـ حافظات ممتلئه لـمطبخ على وقع ترحيب والداتها...

وصايف بـ حب شفاف \ يَ مرحبا يَ مرحبا يَ الله أنك تحـييهم...

ثامر يـسبق والداته..لـيقبل رأس وكف جدته...تحت دعوات رقيقه ..\ نورت البيت يَ أبو محمد...وش أبطى فيك علينا...لك أسبوع ...

ثامر \والله يَ جدتـي معليش عماتي عندنا ولآ أبـي أخليهم لحالهمـ....لآزم رجال ببيت...!

وصايف \كفـو ...أيه والله رجال...الله يجعلهم كلهم بظلكـ...ويرحم الي جابكـ....

نجد تخطي الخطوات لـتقبيل والداتها بعد ان أنزلت الحافظات لتقبلها والداتها..وتحتضنها بـرقه...
↚

أم قائد \وينك يَ نجد...أبطيتي علي هذي المرهـ....

نجد ب أعتذار شفاف \ والله يمه مجتمعين عندي خوات محمد ..صعبه أخليهم وأسير هنا وهناك..يجي والله في خاطر خالـتي أم محمد...ولآودي أزعلها...

أم قائد وهي تلتفت لـ الحافظات وصواني الحلا..\أنتي ماتتركين طبعك...وش له متعبه نفسك وأنتي تدرين ان قدامك خدم تامرين عليهم...لآزم تزعليني منك...

نجد \ لآوالله مابي أزعلك جعل عمرك طويل..لكن يمه والله مافيه تعب...هناك بعد خدم يساعدوني...وبعدين قايد يحب أكلـي ودي ياكل من أيدي كل ماجيتكمـ...

أم قائد..وهي تنظر لـ لـولوهـ الـصغيره..

واقفه بفستانها الوردي القصير بين التحف تحركها بـ أناملها الصغيره...\لولو..ي الله أنك تحييها...تعالـي سلمي تعالـي...

فتحت ذراعيها وصايف لتأتي الصغيره وتحتضنها..



.
.
.
أنـتـظــرته...وهو...أسرف بغياب...!
.
.
.

أبو حاتم وهو يضع فنجال القهوه الذي أعلن برودهـ...!
أم حاتم \ياتركي...الوضع هذا ماهو وضع عقال..البنت يطق بابها خطاب..ونردهم بزعم ولد عمها يبيها..
و..ولد عمها مثل ماتشوف..زاهد فيها واضح...بس حنى نرقع قطعة مايفيد فيها الترقيع..
لآتحسبني يوم اني بظاهر مأيده قائد وضد بنتي...أني من قلبي هذا الشي..لآوالله..
صح اني ابي قائد لها لانه رجال والنعم فيه يملئ المجالس بذكره الطيب ويعدل الصف بحضوره..!
لكن بنتي خلاص في الثلاثين..لآتزوجت ولآشفت عيالها جايتني وهي ماسكتهم بيدهم...
كل ماحضرت عرس معها بسم الله عليها جابت الخطاب من حسنها ومن شهادتها أذا نشدو عنها...
وبعزايم الحريم يهمزون ويلمزون..ليه ولد عمها الي محجر لها ماخذها وهي وصلت لثلاثين..!
وش أرد عليهم وش أقول..؟
وانت ماتقول لي ليش ماكلمت قائد في بنتك..ياهو رجال بيخطبها ويتزوجها والا يتركها لنصيبها..
ماعاد في العمر كثر ماراح..
ولآيدخل البنت في عناد ماله نهايه..!
أرتشف فنجاله ليهمس \ البنت لـ قايد...من يوم قايد صغير وانا قايل له ترى اول بناتي لكـ...وهو يبيها...ومازهد فيها مثل ماتقولين...
ام حاتم \وليش ماتزوجها لـ الحين دامه يبيها...ليش يماطل ولآ أعرس عليها..بنتنا فيها عيب وحنى مادرينا...والاناقصها شي..؟
والا يحسبنا حاذفينها عليه...؟
لآ..ياتركي لآ...
أذا ولد اخوك غالي عندك فا انا بنتي غاليه..والله والله اذا ماعزم اموره ها السنه ان مايعرفها ابد...؟

ابو حاتم بـزفره وحزم \ وآنتي تحسبني مرخص في الجموح...لكن هي الـي جابت هذا الـشي لـنفسها...قبل ماتروح مع أخوها دخلت عليها...
وقلت ...
ولد عمك محدد الملكه والعرس بعطله...وأنتـي بتروحين..وهو ماهو براضـي ولآ انا راضي...أنتي تبين تكملين دراستكـ...
وتتحملين كل شي يترتب بعدها...قالت أيه يَ أبوي أتحمل...المهم أروح مع حاتم وأكمل دراسـتي....
وأنتي شاهده على هذا الكلام ..ليش اليوم تلومون قايد ...أنتم الي أخـطيتو بحق قايد ماهو الي أخطـى...

أم حاتم \وش ها الخطـى الي مايغتفر..ضيع عمره وعمرها...خلاص كل حي يروح في حاله دام الخطى ماله غفران...

أبو حاتم..\يوم راحت هذاك اليوم الجموح..وتأكد انها بفعل راحت..جاء لي ..و..وجه مثل الليل...وقال يَ عم....أنت باقـي على عطاكـ حتى لو تطاولت السنين...؟

وفزيت من مركاي وقلت والله أنها ماتعرف غيرك دام هذا العقال على هذا الراس...!

ليردف بغضب \وتبون رجال غير قايد...من الـي يستاهل الجموح وكفوها دام ولد نايف ماهو بكـفو...؟

أم حاتم تزفر بضيق \ماقلنا ماهو بكـفو يَ رجال ...

أبو حاتم \أجل سكري على موضوع مخلصين منه من زمان..

.
.
.
أنـتـظــرته...وهو...أسرف بغياب...!
.
.
.
أبتسم أبتسامة وجع وهو يرى عرجتها الواضحها..

لتدخل الدانه بيت والداها..

وعينيه تراقبها بألم...!

بألم بحجم السماء..!

كلما شاهدها تعرج بتلك الطريقه..!

يؤلمه انه السبب ورى ذاك الوجع الذي يسكنها...

عرضها على أطباء..كي يصلح ما أفسده..ويرتاح من عذاب ضمير لآيهدئ


ليأتي التقرير بأنها لايمكن ان تعالج الـعرجه تلك الا بأنها تفقد حرية الحركه..

ولآتجلس الا على كرسي لآتستطيع الجلوس بمثلنا..ولآ..الحريه بجلوس كبقية الناس..!

بمعنى ..خروج من ألم.. و..وقوع بألم..!

معادله هو من أوجدها وهو من يتجرعها الان..!

يؤلمه انها تشعر انه متعلق بهَ بسبب تأنيب الضمير الداخلي..

تكشفه...!

و

تكشف كذبه على نفسه ومرواغته الدائمه..

دائم تردد..أنت...لآتحبني..بل..مشفق...

تغرس سهام مسمومه..


وتجلده بسوط الضمير الذي يعذبه كثيراً..

ليت طيش الشباب مات بمهدهـ...

ولم يوجد ذاك الالم بـبينا..

زفر بضيق لـيقفز فزع..من صوت طرقات الشباكـ...!


أبتسم بـضيق وفتح الشباك

قائد با ابتسامه \يارجال مالك قلب..وش ها الفزعه..؟
ماهر\سرحت شوي وأنت ماتعرف ان ترويع االمسلم مايجوز..؟
قائد رفع كتفيه بالامباله\والله ماروعتك..بس انت الي ودك تروع..أقلط..حياك..؟
أبتسم..\لآ..مواعد اهل البيت أجيب لهم أكل من المطعم ولو أخلف ذبحتني الزين توني منزلها ومواعدها..

ليردف\..و..الدانه تبي تسلم عليكم ونزلتها..

أبتسم قائد \اجل الله يستر عليكـ...

أشار بيده ماهر ليحرك السياره ويرحل عن المكان..ويدخل قائد بعدها لـبيت..
.
.
.
شد خطواته لـيدخل البيت ويبتسم لـوجود الدانه تنزع عبائتها لتعلقها...

فيحضنها بخفه...

لتصرخ بخوف..على ضحكاته

دانه بخوف ..\روعتني الله يهديك تعرف مالي قلب...

قائد غارق بضحكته \انتي ورجلك اليوم مالكم قلوب ...هذاك نقرت با اصابعي الشباك ونقز اكبر من نقزتك هذي...يبي لكم قرايه..

أبتسمت وهي تدفعه قليلاً..\انت الي يبي لك قرايه...بعد عني بس...مايسوى علي ها السلام...

تفاجت ام قائد بوجود دانه لتبتسم بحب \دوين يامرحبا..جيتي بوقتك ..
أبتتسمت دانه لتشد الخطوات وتقبل رأس والداتها\مرحبا فيك يمه..ليش أن شاء الله مافاتني شي...
ام قائد \ كل خير قدامكـ..مابعد فاتك شي..
لتردف الدانه \يمه شوفي حل مع ولدك...شغال تخرع فيني وفي رجلي..؟

أستغربت أم قائد \ماشاء الله...عندنا اجل رهان ثاني..ماخبرت الطفاقه في قايد...وراه يروعكم..؟

قائد مقاطع وهو يضع يده على فمـ دانه ليحاول كتمها...\ماعليك منها يمه...هذي في صف رجلها دايم...

أم قائد تضرب ذراع قائد بعكازها وتنهره \دوين لاتكتمها..الله يقطع مزح الرياجيل السامج اترك بنيتي يا قايد...

أبعد كفه وضحكته تتعالى ليجلس على الاريكه..

الدانه وجها محمر \لآبالله استخفيت صدق..أنت وش فيك اليوم...وش مفطر عليه...؟

الدانه بغضب \مزحك مزح بدو ...!

قائد يتهكم \شكل البدوي له مزح مخالف عن الجميع...؟

الدانه بـ ضحك \ايه يدهم ثقيله ومايعرفون المزح...وبعدين صدق فيك شي ..؟

رفع كتفيه\لاوالله سلامتك..بس فرحان بشوفتك...؟

الدانه\قول ها الحكي بهدواه ماهو بخنق وخرعات...قائد تكفى لاعاد تكررها ترى والله ماحنا متعودين عليك بشخصيتك الثانيه...

أبتسم \وش شخصيته الثانيه..؟

الدانه \الكوميديه..الي ماتصلح لك..ولآهي بثوبك ولا لآيقه لك..؟

أرتخى با الاريكه \أبشري طال عمرك..ولآعاد أكررها كم دانه عندنا..!


قاطعهم دخول لولوه ذات الاربع سنوات ونصف...مجلجله بضحك...وهي تسارع المشي هاربة بـَ شيء مآ بيدها....

تلقفتها أحضان قائد ليحتضنها وبـصوت ضاحك \والله ماتخذون الـي معها..خلاص وصلت خير...!

دخلت نجد على أثرها وبـَ ابتسامه لتقبل رأس قائد \والله انها سـروق ها البنت مدري من طالعة عليه....

لولوهـ تشتكـي لقائد بطفوله \ خالي حـقـتي..والله حقـتي...!

قائد بـضحك وهو يشدها لـصدره \أيه والله حقكـ...والـي فيه خير يقول لاماهو بحقكـ....

نجد بتهكمـ \طيب خلها تعلمك السروق وش حقها...أم حق...؟

جلـس من جديد على الاريكه \حقها من غير ماشوفه...

أردف بعد ان القـى نظرته على مابين أنامل لولوهـ لـيغرق بـضحكـ \وشلون خذتيها ..؟

نجد \داخله جناحك...وهذا والانوار مطفاهـ وهي تخاف من الغرفه الطافي انوارها لكن أقولكـ جايه سـروق...
شافت أقرب شي على الكومدينه ولطشته..أهم شي تفوز بحاجه بيدها...

قايد مبتسم لـ نظرات الصغيره لساعته ...ليشد الساعه من اناملها \ وش رايك تلبسينها...خلـيني أصلحها بيدكـ...

نجد \ أيه مَ فيه أمل دامها معكـ...

اردفت نجد \وش اخبارك دندون ان شاء الله بخير...سلمت عليك بسرعه من ها البنت الله يخليها لـي

الدانه \بخير يَ قلبـي أبشركـ....

نجد \بروح أنكب الغدى أحسن لنا ....وأنتي ي حبيبتي نادي الثريا و خالد فوق ...عشان نتغدى جميع...

الدانه ب ابتسامه \أبشري.....

قائد بعد ان وضع الساعه ب يد لولوهـ \يقولون الغدا من أيدينكـ كا العاده...ألله لايهينك يَ ام ثامر...تراك تكلفين على عمركـ...

نجد \لآوالله مافيه كلافه...مصلحه لك كل الاكلات الي تحبها عساها بعافيه على قلبك وقلب أهلـي...

قائد أبتسم ليحمل لولوه من جديد ويضعها بَ أحضانه...

.
.
.
أنـتـظــرته...وهو...أسرف بغياب...!
.
.
.
في المساء...
.
.
.
أغمض عينه...
لتغزوه تلك الغجريه بأحلامه..كمـا في أيامه...!
ترتدي..ثياب بيضاء...
وترقص رقص الغجر...!
ينتثر حول كتفيها أمنيات عاشق...
و
أهات مراهق...!

تلك الغجريه..يرسمها بحرفه المثير..
وجها الباسم كـ شروق الشمس..
ثغرها كـ حمرة غروبها...!

آنزل قلمه الذي اصابته البروده...
وهو واقف بين انامله...
أبتسم...
وفتح عينيه...!
حاتم زفر بضيق...
وتلك الروايه رافضه رفض تام ان تنساق بين يديه..فكل حرف فيها هو كولادة متعسره....!
أنتبه لطرقات خفيفه لباب...
ودخولها الهادئ يملئ اروقة هدوءه..عطر فاخر...!
.
.
.
الجموح بـرقه هادئه \قلت يمكن تحتاج لـ كوب بابونج...يريحك ويخليك تكتب بهدواه أكثر..؟
أبتسم وهس تضع الكوب بمحاذة الورق...\جاء بوقته..يا الغاليه...
أبتسمت لتجلس بكرسي قريب وتتدثر بصمت خجول وهي تراقب ارتشافه لكوب...
من ثم علقت على صوت البدر..
وهو يعانق نقوش مرسومة بزوايا غرفته المفعمة بَ ذوق رجولي خالص...\بدر..اذا بسمعه كل ليله..أحس ان الليالي كلها ليلة اكتماله..!
أنزل الكوب \ مثل دايم السيف ياخذك لـبعيد...
أردف \ذوقنا دايم واحد...با الاشعار وب الشعراء..با الكتب..با الأهتمامات..با الأفكار...تقولين تؤم..!
ختم حديثه بضحكه هادئه..
الجموح \ يمكن من حبي لك صرت أشبهك .. اذا قالو فيك ملامح من حاتم....أحس اني فوق الوصف كنت..!

وضع أطراف أنامله على خده يصغي لحديث جوريته ..و...يبتسم...,

أردفت \عارفه اليوم احتدينا بنقاش وزعلتك..بس والله مايهون علي زعلك لكن بهذا الموضوع انا أتنرفز...وأزعل الجميع..

حاتم بهدوء \ الظهر رحت لغرفتك وحصلتك نايمه...بلا غدى...يقولون مصدعه...عسى ماشر..؟

أبتلعت ريقها \صداع بسيط...

لتردف \لكن اوعدني ماعاد نفتحه عشان مانزعل من بعض واجرحك من دون ماقصد بكلامي...

حاتم بتهرب\ شفتي الروايه الي على الطرف..شق النهار...أقريها الليله...جميله وراقيه...باللهجه المصريه وانا عارفك تحبين اللهجه المصريه...

أبتسمت بتردد وهي تتناول باطراف اناملها الروايه لتفهم ان هذا الحديث كا المشنقه رباطها حول عنقها يشدها يوماً عن يوم...

الجموح \أستئذن...عندي كم شغله لازم اخلصها...تامر على شي يا الغالي..

أشار برأسه حاتم بنفي لتغادر الغرفه وييتبع بعينيه خطواتها..
و
أغلاقها للباب...
.
.
.


ترى هل أنا طرف أساسي في هذه اللعبه..؟


ماذنب الجموح كي تذبل يوم بعد يوم...؟




كي يتكرم قائد ويأتي لزواج بها...!


لما أصمت..!


لما لآ ارمي الكره خارج اسوار هذا الملعب الذي


ظلت حبيسة ملعب فارغ لايوجد به الا لاعب واحد...!
.
.
.
أنـتـظــرته...وهو...أسرف بغياب...!
.
.
.

صعد بخطواته الهادئه ليستغرب أطلالتها من ثم عودتها لصاله المفتوحه...

قائد بستغراب\ليش ماتنزلين...جارتكم ام حسين وبناتها..خبري فيك تحبينهم..؟

أرتبكت بألم \ها...لآ...مابي...!


أرتفع حاجبه وهو يلتقط أرتباكها وأنطوائها المفاجئ بحتضانها الكوب ..ليشد الخطوات ويجلس بـ الاريكة الاخرى...
ويشد ريموت الـشاشه ويقلب بـتظاهر بعدم اهتمام...

لحضات قليله...

ليستدرجها بهدوئه...\الى متى العزله...؟

ثريا ب مفاجئه تتداركها با ابتسامه\ها...وش عزلته..لآ...عادي...اصلن عادي..!

قايد \ ثريا أنتي صرتي انطوائيه زياده عن اللزوم...ماقلنا شي الواحد يبي له فتره يجلس بحاله لكن مايعتزلهم بشكل هذا...

أطلقت تنهيده \ قايد...انا نحفانه ها اليومين ومسمره..وحتى شعري تساقط...مابي يقولون من الحب يوم فارقة تطلقت شآينه

أكيد انها تبيه....وهو الي طلقها...

تعرف تفكير الناس الي ماهمه الا من تطلق ومن تزوج..!

أبي اجلس فتره واطلع بشكل ثاني وبلوك ثاني...أغيض فيه العدو وأفرح فيه الصديق...شكلاً ومضمون...

عطوني وقت أنا أقدر ارتب اوراقي المبعثره بنفسـي..ومن نفـسي برجع..!

وقف \على راحتكـ....أنا نازل لـعمي كايد....بنام عنده الليله خلـي الخدامه تنزل لـي فراش...,
↚
الثريا \أن شاء الله...,
.
.
.
بعد نصف ساعه...
.
.
.
عند العم كائد....

مستغرق بنوم عميق...


تحت أنظار قائد الذي يتأكد من تدفئته كل حين...


أبتعد بخطواته عنه لـيجلـس بـقرب الجمر..ويقلبه بـ الملقط....

.
.
.

كم سنه مرت علينا يَ الجموح...؟

لآ..

أنتـي لـنتي بـتسريب الكلام الـي يوصلني من حين وحين...!

ولآ...

أنا طاح بعض الوجع الي بصدري عليكـ..!


ماقدرت أضمك لـصدري زوجه...


وأنتي الي تغافلـتي الحب الـي لكـ ..و..رحتـي....وأخر همومكـ قلب بـ شنطة سفر وشهاده بدلتيه...!

أيه أدبتكـ....


وأستكـثرو الناس علـي الملامه وهم عن الهوى وكسره مايدرون...!



.
.
.
نقف هنا...
.
.
.
همسة محبه...\ كُلما ضاقت عليك نفـسك ردد...ربي أني مسـني الضر وأنت أرحم الراحمين...,
↚
ماخانك النور مرّه ....مع حدووود العتيم ؟
ومامرك الخووف.... وانت بغبّة ...الاسئله

اللي يُعاقب/ وهو مذنب .....شعوره... أليم
وش حال من هو يُعاقب .... والسبب يجهله

ماهي بـ شرهه ...على شح الوصل ياكريم
ولاهي بـ عادة مزونك.... تتركن / ممحله

انا تبنّيت ( طيفك ) ... وانت وصلك... يتيم
وانا تحضنت زولك .....والضفاف / اخيله

يومي على باب قلبك....كن [ الافراح ] ديم
وصعب الحزن في حضورك كنت استسهله

المشكله /في ثواني غيبتك..... وين اهيم ؟
والمشكله..... كيف ابكي ؟ هذي المشكله

تبخّر من الحراره ....جوفي وصاآآر / غيم
وتكثّف ( بـ موق عيني ) وانحدر... اوّله

وصَهَر من الوجد فيني... مابقى من هشيم
وانا بأقصاي خوووف ...وماقدرت اوصله

وهنا على جال جرحك جيتني / بالصميم
وانا استفزّك حضور... واغنيات.... و_ وله

مابيك ترجع ...وتلقى مابقى بي... رميم
انا نحرت الحنين.... وقلت لك : [ ازهله ]

ان كنت نآآوي توادع..... في امان ..الكريم
لكن امانه : لاتقفي..... والسبب / اجهله



.

.

.

.
بدايه..



صباحـ الأرواح الـراقيه...




الأختلاف في وجهات النظر لايفسد للـود قضيه...هكذا هي ببساطه =)


قـضية التحجير او التحيير...قضيه مَ أندثرت من مجتمعنا...قد تكون قلة نوعاً ما..لكن مَ أنعدمت..

وتختلف بـ أختلاف مناطق المملكه..و..المجتمع...

وأكبر دليل هو أختلافكم الجميل بردود حول الموضوع...

أحب مناقـشة القضايا النسـبيه...لأني أشرع باب للمنقشات جميله عابقه بكم..وتنطرح الأراء وتتشعب المفاهيم...

يختلف مجتمعنا يَ أحبه بعاداته وتقاليده...يختلف من متمسك ...او.. متفتح ..الى معتدل..

ذكـرني أختلافكم هذا بـخلافكـم بـَ قـضية في بعض العيون وهي قضية تفاوت النسب...فيه منكمـ عآرض ونفـى نفـي قاطع..

وفيه منكم تجاوب مع القضيه وطرح من واقع حياته أمثله...

وشخصية قائد ..كاركتـر شخص عادل مع الجميع الا مع حبه...وهذا الـي نشوفه بتعامله مع الاخرين...

مَ فيه كمال بـ أي شخصيه...لآبد من سقطه ..مو يقولون لكل جواد كبـوه...=)


وفي النهايه مثل مَ قلت الاختلاف بوجهات النظر لايفسد للود قضيه...,


.
.
.



الأعتراض الأنيق على أيام التنزيل ...=)


بوجهة نظري المتواضعه أشوف الأيام المتعودين عليها مناسبه لـي ولكم...

ومع ذلك أنا تحت أمركم...

لكم حرية أختيار أيام التنزيل بـشرط أنها تكون يومين با الأسبوع..و..أن تكونون شبه متفقين..

.
.
.

أحب أشيد بـردود لـعضوتين متواجدت بـ الثرثرهـ ردودهم أنتقائيه من غير قصور بـ الباذخات...


[ضلع أعوجاج...هجافي...]


تبارك الله على الحضور الطاغـي...وعلى ..رصف الحرف المميز...




و

وفيه رد لمشرفتنا الأنيقه اضواء الصباح...

فتحت فيه شنطة اليزيد..و...أخذت نجومه كلها...=)

...تبارك الله...

أيضاً...

بودي قبل أختم البدايه...أن...أشكر..أخوات...يـضعون ردهم بكلا المكانين..
وأنا أعرف أن بعضهم تواجده بمكان الاخر قليل...
.لو ..
تعرفون الشعور الـجميل الـذي يلامسنـي وأنا أقرأ ردكم بكلا المكانين...
شعور [ التقدير والمحبه ]..وصـلني منكم حتى أستوطن روح عآشقة لـكم ...

.
.
.

الثرثره اليوم طويله ومرضيه ...


البطل الـي بكرتونه.. كتكوته بـ أواخر العشرين.. بتطل عليكم ها اليومين...

.
.
.

[ لآ ..تليهكم الروايه عن الصلاة في وقتها..]
.
.
.



من بعد صلاة الفجر ...و...النوم مُعلن لـ هروبه عنه...

وتلك الذكريات ...باتت يوم عن أخر.. تضرب بسياجها الفولاذي على روحه....




.
.
.


قبل عدة سنوات...,


.
.
.


بـألم \ يا الثريا ...أنتـي ما قلـتي لها أنـي أحبها بجنون وبكل عرق فـيني ..ما قـلتي لها صرت أجهز للمكان الـي يجمعنا سوا انا وهـي ..
مَ قلتي لها ما راح أمنعها من دراستها لو تبـي تدرس...؟

الثريا \والله يَ قايد قلت لها بس مَ فيه فايدهـ...راكب راسها شيطان...تقول بروح أكمل تعليمي اول دام الفرصه سمحت..الفرصه ما تتكرر كل حين...ومدام انه يحبـني
خلاص ينتظر..دراسه وزواج مَ تضبط..أكيد بفرط في واحد على حساب الثاني...!

قايد بتهكم موجع لروحه\تفرط في واحد على حساب الثاني...تفرط في قلب لو تبـي ثمنها بكل غالـي...

تفرط في نبض يفز لـ أسمها...

هي ليه تبي تشرع باب السنين وتبيني أنتظر على رصيف الانتظار..؟



الثريا بـ حزن \مدري عنها ي قايد صدقني مدري...الجموح تعرفها عنيده...

قآيد بغضب\عنيده...!

أجل علميها لو تروح...والله لـ أسوقها لـشيب سوق...مَ تعرف غيري...دامها فـرطت في كل شي عشان شي...

الثريا بستغراب\تعوذ من أبليس وش تسوي يعني...بتتزوجها غصب...؟

قايد بتهكم\ ليش غصب...هي من البدايه موافقه علي..خلاص أجل تسافر الله يحفظها وتدرس وتاخذ الشهاده وتـجي فيها...والـي مركون على الرف ينتظرها...يعرف بعد
كيف يركنها على الرف...؟

الثريا \ كيف يعنـي...؟

بجمود \ ليش مَ سمعتي بـ التحجير او التحيير.. حق من حقوق ولد العم...خلاص...بنت عمي وأبيها...؟

الثريا بـصدمه \لآ...يَ قايد هـ الشي مو لك...مو انت الي تسويه...



.
.
.

زفـر بـضيق...وعينيه معلقه بـسقف..بآت يتوجع كـل ليله...

بآت لآيطيق الصبر أكثر...

لآيطيق الانتظار أكثر...

لكن ذاك الوجع طرياً لم يندمل بعد...

يعلم تماماً بأنه ظلمها...

لكن هي من ظلمته بـ البدايه...

.
.
.

بصوته المتهكم \ ما نمت من عقب الفجر...ما شاء الله مشغلك الأستغفار والتسبيح...!!!

أبتسم وهو يلقـي طرف عينه لـه...\يا الله صباح خير...يا عم...يا الله صباح خير..

كائد..\ تهوجس وعيونك ما غير تقولب بـسقف تقول مهموم ومغبون...وكل شوي تتنيفخ...!

قائد \انا على الأقل أهوجس على كلامك لكن وش تقول في الي كل ما غطيت غطه فز بـي واحد ينادي بـ أعلى صوته ي نوف...؟

كائد \وش جابك ترقد معه...تحمل ماجاكـ منه أجل...
.
.
.

قطع حديثهم دخول شخصين ..
.
.
.
تركـي بـصوته المميز \الـسلام عليكم ورحمة الله...صبحكم الله بخير....

قفز قائد مرحب بـتواجد عمه تركي وحاتم...\وعليكم السلام حياكم الله ...أقـلطو...يامرحبا..,

قبل قائد رأس تـركي....

من ثم خطى الخطوات تركـي لـ عمه لـيقبل رأسه بهدوء \صبحك الله با الخير ي عم....وشلونكـ...؟

كائد بخبث\ من ها الي سلم علي يا قايد...؟

أبتسم قائد وبمسايره \عمـي تركي ...و...ولده حاتم ما عرفتهم..؟

كائد \حويتم أعرفه...أما الي تقول انه عمك مـا أعرفه..!

تـركي يجلس بقربه \أفآ....أجل زعلان دامك ماتبي تعرفني....والله يا عم ما ياخذني عنك الا المشاغل وكثرتها الله لا يشغلنا الا بطاعته وانا كنت عندك أول الأسبوع...
أنت لو تطيعني وتجـي عندي هناكـ...

كايد \ أبـي أجلس عند وصايف و ولدها....أنت رجال ما تقعد في بيتكـ...وانا أبي من يونسيني ويجلس معـي...


أبتسم تركي وبمحبه \تخاوينا للبر..؟

كايد\علم زين..أي بالله انا خوي لكم...

تركي با ابتسامه \يامرحبا والله الا أنت معزبنا...ما أنت بخوي...,

قائد وهو يـشد القهوه والـحليب له...لـيبدأ بـضيافه ..ليناول عمه القهوه...

تركي بـمحبه...\سم ي عم تقهوى...

كائد \أبد...متقهوي وخالـص...من عقب صلاة الفجر ..وتوجعني يا عمكـ....

تـركـي يضع الفنجال بقربه ليحاور قائد \ لو حنا طالعين من عقب صلاة الفجر كان بنلـقى الصيد الزين..وش له ماخلـصتو أغراضكم بدري...

قائد مبتسم \بنلحق خير يا أبو حاتم...رهان وماهر عندهم كذا شغله..لآزم يخلـصونها ..ونبـي نمشـي جميع...,

تركـي ..\والله مدري وشلون بـصبر على غيبة رهان الله يحفظه...لكن عقله نظيف ولآزم يستثمر هذا الـشي ..

قائد مبتسم \أيه أكيد ياعم...لآيغرك خباله الدايم ...رهان كفـو لـهذي الروحه ان شاء الله...مع أنه عاند سنتين وجلـس...

تركـي \الله يحفظه الله يحفظه ويكـفيه شر عيون الناس ...والله ي أبوك من يومه صغير وعيون الناس عليه من تفوقه ..وعناده هذا عشان أمه رفضت انه يسافر
وقالت أدرس تخصصك هذا بـ المملكه موجود لكن هو الله يهديه مايبيه هنا...يقول هناك أحسن وأشمل...


حاتم بـأبتسامه \ يبه...وش فيك الله يهديك كأني سامع في صوتك بحه....

ليردف \ والله لو يسمع مدحك هذا ماعاد نلقـى شي يسكت فرحته بنفـسه هههههههه

ليغرق تركـي بضحك صآفـي...ويردف\الله يصلح قلبه وعقله ويثبته على دينه...ويرزقنا برهـ...

.
.
.
عيون خلـق الله على الـزله وسآآآع...!
.
.
.

خرجت من جناحها للتفاجئ بوجود نجد مستلقيه على الأريكه منهمكة بقراءة كتاب...!


ثريا بستغراب \ نجد...نايمه هنا...؟

تثاوبت بملل \ أيه خالـتي ام محمد أتصلت علي وقالت لـي انها بتطلع مع أخوها وبترجع اليوم العصر...فقلت انامـ هنا وش له اروح لبيت مافيه أحد...؟

ثريا وهي تجلـس بقربها \ كويس...شكله فاتتني السهره البارح أجل...

نجد\لآ والله ما طولت الدانه على طول راحت وجلست بلحالـي....بعد مانمتو..

لتردف \كم الساعه الحين..؟

الثريا \ داخله على الثمان...

نجد تغلق الكتاب وتنزل نظاراتها \أووه..زين ان ماعلي صلاه والا كان راحت علي...أنغمست في هذي الروايه...مرره...!

ثريا أبتسمت \روايه...وخذت هذا الوقت كله منك...؟

نجد\أيه روايه...من سلسلة روايات لحاتم..ولد عمي...جابها لـي قائد...ونصحني أقراها...قال لذيذه وبتاكلين الورق أكل من حلاوتها...

ماشاء الله على حاتم...يستاهل جائزته الأدبيه الي العام... روايته لها طابع رومنـسي فلسفي ساخر..!


أردفت بجديه\مدري ليش حنا أهله أخر ناس نشهد لبداعه ...ونقول ليش المثقفين والمفكرين قليل عندنا...عشان التحطيم والتهميش الي يشوفونه...

وبهتمام\ الروايه هذي تتكلم عن شخص وكأن حياته على شكل خواطر...


يبني قصه بشخوصها وبأحداثها..

واذا تعمقتي في القراءه تكتشفين أنه يثرثر وينبش ذاكرته بأتقان حرف...!

متهكم على ذاته..!

يحـكي بخلاصة وجع ..!


من ثم يكذب هذا الوجع بتهكم ساخر جداً...!




وضعت الرواية على الطاولة الزجاجيه...وقفت بعد أن أستئذنت لتدخل جناحها...



سقطت عيني ثريا على غلاف الروايه...



بلون الأبيض..


ونصف وجه أمرأهـ...


بعين متسعه...

وخصل شعر مبعثرة....


و بـزاوية الصوره رجل يحمل حقيبة سـفر...!



وعنوان الروايه المثير...
↚
[ روح تـثرثر..]


جلـست بهدوء...و...كل شي يشدها لتتصفح هذه الروايه..


جذبها الورق الفخم..

والمقدمة المحيره...


بخط اليد...


ختمها بـ أهداء الرواية لما بين القوسين..!




..[..لكِ أنتي يا روحـي الثرثاره..]..



بعثرة الورق بين يديها...لتقف بمنتصف...وتقرأ...عدة سطور...




هي باتت كل شي يحمل الـآ أستيعاب...!


هي باتت كل شي يحمل المستحيل والمحال...!


هي كل الالوان القاتمة والأرواح المهاجرة...!

هي كانت و مازالت وسا تظل...!

هي الامس واليوم والغد...؟





حملت حقائبها الجلديه..المزينه بـ الوان الورد..

و

جاءت لـ أمها تـشتكـي...تبـكي تتألم...

تقول ذاك الـرجل ..لم يحبني في يوم..

ولم أرده في يوم ...,


غضبت أمها لـتطردها ..وتأمرها بـا العوده لـ ذاك الرجل...

فلا يوجد حب...!


المهم ..هو أن تكونـي تحت ظل رجل....!



لـ أُقابل أميرتي على رصيف تلك المدينه...

ذات الانارات المصفوفه ب أنتظامـ...أحداهن معطلة ومطفأهـ تلك التي على اليمين...!

تبـكي وتجر خلفها طفل كـ الورد...متشبث بها..

عندما رأتني قذفت الأوجاع بوجهـي جهاراً...\أنت...لما لم تخبـرني بأنك ستعود يوم ما..لمآ تريد منـي أن أتجرع هذا ألمـ...أعيش مع أخر وقلـبي مع أخر...!

لمآ...


باتت حرمة الحب عندكم مستباحة أيه الرجال....؟


دسست يدي المرتجفة بـ جيوب ذاك البالطو البارد العتيق..وبألم \أنتِ لم تخبـريني بأنه مع رحيلي سوف تقترني فوراً بـسوآي...لم أتراجع كـي لا أجبـركـ على قبول حبـي...

ظننت أن سوف أعود يوماً لـ أجدكـ

في أبها حله...تنتظريني وأطلبكـ ...

وتزف لك والداتك تلك التبريكات بأني أتيتت لـ أطلبكـ...وتتراقص القلوب فرح بـ أقتراننا..

قهقت بقهر\ لو أخبـرتني بـحبك لـ أنتظرتك طويلاً...

لـ أنتظرتكـ..خلف الشباك كثيراً...

لـ أمضيت ليالي طويله أعد الأيام وتمضي أيامي خلف الشباكـ...

كان يرضيني كوخ معك صغير...

ورغيف خبز نتقاسمه نصفين...

أنت نصف وأنا نصفه الأخر...

وعلى ضوء شمعة..

تسرد لي حكايا وأشعار رومنسية...


هي أقسمت لي مراراً أنها كانت ستنتظرني بلا كلل ولاملل ...

حتى أرغموها على شخص مآ...أصبح اليوم والد صغيرهـا..!

من الموجع فينا يا أميرتي...

أنا الذي أمضيت سنين العمر ...ولم أخبـرك بـأني لك عاشق...

أم..

أنتي التي عقدتي القران وتركتيني خلفك وحيد..!

أهـ...

من عينيك في يوم ما كانت خلف الشباكـ ذو الحدائد الذهبيه تلمع تنتظرني...

لعلـي أمر من زقاق تلك المدينه ...

بجديلتك الحريريه و فستانك القـصير وأناملك الـصغيره وبراءة طفولتكـ...

سأبكي كمداً على رجل أخر ضمك لـصدره اليوم...

وفاز بأنه الرجل الاول الذي أنتي تحت سقفه...

وطفل كـ الورد...هو من رجل أخر غيري...


والان تأتين لـي تشتكين من رجل لا يحبكـ...!







لآ...!


لآ...!





أكذب القـصه ليست هكذا...!


أنا أحببت أن تكون هكذا...!


الحقيقه بإنها ..

أحبت ذاك القبيح الذي أتى من بعيد...مرتدي لـصهوة جواد الأحلام وأمنيات البنات...

وهـي سعيدهـ جداً...معه...ولم تأتي لي...!


بل لآ تعلم بـروحـي الثرثارهـ...



أنا فقط أثرثر لكم..!



.
.
.

أغلقت الروايه...


وهـي تتوجع با الفعل...من خلف السطور تلك ياحاتم من هي..؟

هل أنت عاشق..؟

ام هي رواية وكتاب..وقصه من بنات أفكاركـ..؟

أؤمن كثيراً..

بَ أن كل حرف يقبع خلفه قصة ما..مهما أنكرها حضرت الكاتب...

هل توقفك عن الزواج لهذا السن هي قصة ما...؟

قائد يحب الجموح ويعشقها وهذا كُلـنا نعرفه ويفسر السبب الرئيسي عن عزوفه عن الأرتباط بأخرى...؟

وأنت ..هل تُحب ...؟

هل تعشق...؟


هل قلبك محتل منذو سنوات...؟

من هي...؟

نفضت رأسها بستغراب\ياربي أنا وش ها الهبل في التفكير يجيني وأنا وش دخلني في حاتم وفي أن حب او لا..؟..!

وبا الأصل انا ليش جالسه أقرا...؟

الروايات تضيعت وقت وبس..أقوم أصلح لـ أمي وخلودي فطور أفضل...!

.
.
.
عيون خلـق الله على الـزله وسآآآع...!
.
.
.

بجامعه...,
.
.
.
ب َ القاعه..


قروب طالبات مجتمعات..,

بثينه \مررره جنان طريقة القاء الدكتوره لـ المحاضره.. فيه دكاتره على الرغم من حلاوة الماده الي معها تجيك هي وتلقيها بطريقه غثيثه تكرهك با التخصص كله..

وفي بعض الدكاتره الي مثل الدكتوره الجموح على الرغم من الماده الي معاها دسمه وصعبه الا انها تخليها سهله وسلسله الله يجزاها عنا كل خير..

مريم\والـي يرحم والديكـ أسكتي بـس..هذي الدكتوره بذات رافعه ضغطي رافعه خشمها ومايهمها الا الـستايل وش نازل...والا فرض الشخصيه بطريقه او بَ أخرى..!!

بثينه بـصدمه\انتي تقصدين الدكتوره الجموح...!!!

مريم\أيه...أقصدها...أنسانه سطحيه وترفع ضغطي مررررهـ...

تدخلت سندس \مريم الدكتوره الجموح مشهود لها با الكفائه فـي التدريس والأخلاق العاليه بتعاملها مع طالباتها وزميلاتها بقسم..
أصلن سامعه شائعه انها احتمال تترئس القسم...شوفي كم دكتوره كفـئ تجاوزتهم هي برغم من صغر سنها...؟

رحاب\والله طريقتها في المحاضره تخليني أعيش الأجواء وادخل عالم ثاني..والله أحيان أجي مالي نفس ومن أشوف ابتسامتها اول ماتدخل على ها الصبح والا
الجو الحميمي الي تتعامل فيه معنا وجمال المحاضره أنسى كل شي واعيش جو...

بثينه من جديد\يكفيك اختبارتها وتلخيصها والملازم الي تنزلها بتصوير ياناس عسل عسسسسل ...

رحاب تردف\مريم انتـي اصلن من حبيتي من الدكاتره .. الكل يشتكي منك ودايم انتي تجلسين في المقاعد الاخيره وتسببين ازعاج..ومقضيه المحاضرات بيبي و واتس وتويتر والخ...
معليش لاتزعلين ..بس بصراحه هذيك الدكتوره تستاهل من يدافع عنها لن رايتها بيضاء...

مريم \بس بس يقولون جبنا سيرت القط جانا ينط ..هذي هي جت...ترى ماقلنا شي مو بضروره نتفق على شي معين..بقوم مكاني..
وانتم يا الدافورات عيشو اجوائكم..خخخ..

بثينه\الله يصلحكـ...والله الدكتوره الجموح ماتستاهل هذا الحكي..لكن كل واحد يناظر الناس بمنظوره هو....



.
.
.


الجموح با ابتسامه دافئه\السلام عليكمـ...صباح الخير يا اخوات...كيفكمـ ان شاء الله كلكم بخـير..

الردود تفاوتت..با الايجاب...

الجموح\يالله يا اخوات..ندخل بمحاضره دايركت..عشان متأخرين..ونبي نلحق...


لـتردف بتذكر ...\ معلـيش يا أخوات أبـي الثنتين الـي سببو قفل بمحاضره الـي فاتت يطلعون لـي قدام...



وقفت مريم بـصدمه لتقف زميلتها بجوارها ويشدون الخطوات على أستيحاء من أعين القاعه المحدقه بهم...لـيصلون لـها...



مريم بأرتباك \ عسى ماشر دكتوره لآتقولين بتعاقبينا مثل أيام الثانوي ومدراستنا...تبين نعتذر منك ...راح نعتذر...ومانكرر هذا الـشي ان شاء الله..؟

أبتسمت وهـي تخرج كـيس أنيق بجوارها \لآ...أعتذار ما أبـي.. لكن أبيكم توزعون ها الاشرطه الدينيه وهي سلسلة محاضرات لـشيخ محمد العريفـي...من ثم
تـجون لـي بمكتب حتى أعطيكم دفعه ثانـيه توزعونها بقروبات البريكات اذا طلـعتو...

مريم با ابتسامه باهته..\من جدك دكتورهـ....ندور على البنات ونوزع ...؟

الجموح بجديه \هذا اذا تبون درجات حضوركم ماتنحرمون منها ولآ أرفع أسمائكم لـرئاسة القسم بـأنكم تتقهون بَ القاعه وغير مبالين بـ قيمة المكان...!

مريم بخوف \لآ...خلاص دكتوره...أوزع الاشرطه والسديهات أفضل لـي...

الجموح \أفـضل لك أكيد...لكن يَ عزيزتي أذا تكـررت هذي الحركه بـشكل او ب أخر...صدقيني راح يكون ردة الفعل والعقاب أكبـر من توقعك..لكن مراعيه عامل السن
الي أنتم فيه هـ المره...و..مفوته لكم العقاب الرادع بمزاجي...!

لتردف \تقدرين ترجعين مكانكـ...تفضلي...

أنسحبت مريم وزميلتها بهدوء و..أرتباك ...لـ أماكنهمـ...


ليجول صوت الجموح بـ القاعه...بـهدوء ...و....أتزان..\



بسم الله الرحمن الرحيم...



محاضرتنا اليوم عن الدوله الامويه في بلاد الاندلس وعن عمارتهم وأزدهار الاندلس بـعصرهم



طبعاً أحنا الحين عارفين أن بلاد الاندلس هي أسبانيا الحاليه..,


نشوف حتى بـلغة أسبانيا في بعض الكلمات عربيه وعمارتهم با الأساس ممتده من عماره أسلامية حتى أسمائهم فيه كثير أسماء عربيه..,

نتكلم عن عهد الناصر كان عهده ممتلئ با العمران والأزدهار...ونعتبره أعظم ملوك عصره والعصور الوسطئ بشكل عام..

ف من عمارته لبلاده أنه انشئ مدينه وأسماها الزهراء..


ولها قصه فريده راح نوردها بعد قليل لكن نتكلم الان عن المدينه...,


موقعها على بعد ثمان كيلو مترات من شمال قرطبه على سفح جبل العروس من جبال قرطبه..ولها نفس الاسم الى الان..

الدافع الاساسي لـ أقامة هذي المدينه هي رغبة الناصر في ان يجعل له مدينه عسكريه او دار خلافه...

وفيه مصادر قالت انه اقامها تكريم لـ جاريه له اسمها الزهراء..,

ومن قرن تقريبا المدينه هذي كانت مطموره تماماً..

وكانت المعلومات الي تأتينا منها عن كتب قديمه من أهمها نزهة المشتاق..


لكن في عام 1910 م تحركت الحكومه الأسبانيه ونقبت عن هذي المدينه وقام المهندس الأسباني بلاسكث بوسكو بهذي الأعمال..

وتمكن من العثور على أصول بعض الاسوار والابهاء والاعمده والجدران كم عثر على الاسقف ..

وايضاً من جمال تلك المدينه يقول الادريسي...

من مدينة قرطبه الي مدينة الزهراء وهي قائمة الذات باسوارها ورسوم قصورها وفيها قوم سكنو باهليهم وذريهاهم وهم قليلون..

وهي في ذاتها مدينة عظيمة مدرجة البنية مدينة فوق مدينة سطح الاعلى يوازي على الجزء الاوسط وسطح الثلث الاوسط يوازيه الثلث الاسفل

وكل ثلث منها له سور فكان الجزء الأعلى منها قصوراً يقصر الوصف عن صفاتها والجزء الأوسط بساتين و روضات

والجزء الثالث فيه الديار والجامع وهي الان خراب وفي حال الذهاب..)

أردفت الجموح بتبسيط \

كيف نفهم هذا الكلام يا أخوات...

هو يشرح بـوصفه أن الزهراء كانت مدينه ثلاثيه....و موجوده على سطح الجبل...

القسم الأعلى فيه قصور الخلافه ...والقسم الأوسط عبارة عن بساتين ورياض ..والقسم الأسفل بيحتوي على المسجد ومنازل خاصه وللحراس وكل قسم له سور وابواب...

واعمدة الرخام في الزهراء بلغت خوالي 14313 ساريه..

الجموح للطالبات \شايفين قد ايش بلغت الحضاره الأسلامية في بلاد الغرب..وكيف الفخامه..وكيف أبهة الملكـ..؟

هذي الأبهه وهذي الفخامه والغرب كان وقتها مندس في ظلام الجهل والتخلف والرجعيه..!

أحدا الطالبات متسائله\ دكتورهـ..هذي الابهه وهذي العظمه..ماكانت تنزف خزينة الدوله...؟

أبتسمت\صحيح تنزف خزينة الدوله وترهقها أيضاً...والخليفه الناصر كان له معارضون..لكن ماكان يبطش فيهم ولآينكل فيهم...

أحدى الطالبات\يعني بمصطلحنا ديمقراطـي...

الجموح\بضبط ديمقراطـي...

لتردف ذكرتني أورد لكم قصه عن الديمقراطيه الي كان يتمتع فيها \ كان فيه قاضي العاصمه و أسمه المنذر بن سعيد البلوطي..

كان ينصح الخليفه ويعرض فيه بمساجد تاره ثانيه..

وغضب منه الناصر وأقسم انه مايصلي خلفه في يوم الجمعه... لكن هذا ماجعله يبطش فيه ولآينكل فيه..مع أنه كان قادر..حتى أساس ماعزله ..

أحدى الطالبات \ممكن مداخله دكتوره في صلب المحاضره..

الجموح بتفهم\ تفضلي غدير ..قولـي مداخلتكـ..

غدير\دكتوره انا حافظه موقف لهذا القاضي مع الناصر ...

كان القاضي دخل على المنذر وهو مشغول مع المهندسين والبنائين لزهراء...

فـ نصحه ان هذا الي جالس يسويه ماهو من من صلب الحكم...فقال الناصر ابيات....


همم الملوك..اذا ارادوا ذكرها ...من بعدهم فبألسن البنيان

او ماترى الهرمين قد بقيا ... وكم ملك محته حوادث الازمان..

ان البناء اذا تعارض شأنه ..اضحى يدل على عظيم الشأن...


فرد عليه المنذر

ياباني الزهراء مستغرقاً... اوقاته فيها اما تمهل..

لله ماحسنها رونقاً .. لو لم تكن زهرتها تذبل...


الجموح \وبفعل كان كلام المنذر صحيح لأن مدينة الزهراء ماكملت ستين سنه الاو عمها الخراب والدمار بسبب تدهور الخلافه وسوء الاوضاع..وهذا حال كل شي يـكتمل..
لن الكمال لله وحده...

أردفت ا\ بارك الله فيك يا غدير ... نكمل المحاضره يا أخوات...




.
.
.
عيون خلـق الله على الـزله وسآآآع...!
.
.
.
بـ جناح الدانه




هي تريد فقط ان تجرب..قد تخف مظهر عرجتها قليلاً..!

أخذت لها كـعب طويل والأخر أقـصر بقليل...

أخرجت الكعب الطويل من علبته...

من ثم أخرجت الأخر من علبته الأخرى...

جلـست على طرف الـسرير...
↚
وأردتدهمـا.


هي فقط تريد أن تحاول...

لآ...

ضير من المحاوله والتجربه...حتى وان كانت فاشلة بتأكيد...!

وقفت بتمايل...!


فـهي لآترتدي الكعب مطلقاً...


خطت خطوة...من ثم خطوتين...


أبتسمت قليلاً...لحظها المتمايل...


شدت الخطوات بفرح...

من ثم تعثرت بـقوة....


للتلقفها أيدي ماهر الداخل بمصادفه للـجناح ليأخذ مفاتيح سيارته..

ماهر بـخوف\ حآآآسـبي...حآآآسبـي....

لـيردف بعد أنتبه لـ مغامرتها الـسخيفه...\أنتـي أكيد في عقلك شـي...أكـيد...؟

عدل وقفتها لـتنزع هي الحذاء من قدميها وبـضعف \ أبـي بس أجرب...؟

مآهر ب غضب..\لآ...أنتي ماتجربين ي الدانه...أنتي تستمتعين أنك تعذبين نفـسك وتعذبيني معكـ...تتلذذين بهذا الـشي...تحسينه أنه يقربـني منك أكثر....وتملـكيني بهذا الشي
أكثر...خلاص تقبلـي وضعكـ...ليش ماتتقبلينه..عيـشتي نفسك بعذاب وعيـشتيني معكـ....

الدانه بغضب وهي ترمي الحذاء من يدها \ العذاب انا الـي اعيـشه ماهو أنت...أنا الي اشوفه بعيون الناس ماهو أنت...أنا الـي أتطلش بتعليقات ماهو أنت...أنا الـي اسمع
كلمات الشفقه من بعضهم ماهو أنت...
أنت كامل ي َ ماهر ...ولآظنـي تفهم هذا الشعور أبد...لن هذا الشي في المرأهـ ينقص من أنوثتها بـعكس الرجل لو كان فيه..

ماهر بفقدان أعصاب..\ كل يوم تدخلين علي بنفـس هذي الاسطوانه...لآتملين ..ولآ...تحاولين تكسـرين هذا الشي...
الف مره قلت لك هذي التفاصيل ماتهمني الي يهمني انك تكونين قوية شخصيه...
مايكسـرك أحد...ولآ...يهزك أحد....
لكن أنتي مصره تخليني أشوف هذي العرجه كل دقيقه وكل لحظه...
وكأنك بهذا الكلمات وهذي الجمل..تقولين شوف وش سويت يا ماهر...هذا كله منكـ أنت...عيش بعذاب الضمير ليلك ونهاركـ...

الدانه وهي تمسح دموعها بـألم..\...تقول عذاب ضمييير...!
وش أسوي بعذاب ضميـرك....أضمد فيه إيش والا أيش والا أيش....قولـي....أضمد فيه عرجـتي والاكلام الناس والا نظرتهم..؟

ويا ترى الي جمعني فيك الحب ..و...الا... هو...[عذاب الضمير....]..!

صمت...ليتراجع قليلاً...

لتردف \تكلم قول...أنطق..؟

بضيق وبكلمات كا الجمر \الحب ماهو كل شي...الأحترامـ اذا تواجد بين الزوجين هو الأساس...!

الدانه ..بوجع وتهكم \ولا مره قلت لـي أيه أحبـك تقولها كذا بـصراحه...كل الي أسمعه منك أغليك...أحترمك...مشتاق لك...وكأني شي روتيني أنت تعودت عليه أو أجبرت
نفسك عليه......

مهما بدلت تفاصيل بحياتي أنت ما تهتم ولآ أصلن تنتبه...

والـي ماينتبه لـطرف الثاني ولآيهتم...وش ظنك شعوره له...مايحب..عشان كذا كان ردك الأحترام...

ماهر بـغضب \كيف ما أهتم بتفاصيلك...هذا أنتي صبغـتي أمس صبغه بشعركـ وعطيتك موشح مدح فيها...؟

ضحكت بألم \ نسيت..أن أنا الـي ذكرتك بـصبغتي...وحطيت أناملك البارده هذي على شعري عشان أذكرك بأنك كنت تبـي تشوفها...؟


ماهر \أنتي الى وين تبـين توصلين...تبيني أقولها لكـ بصراحه...بقولها لك وأريح نفـسي ...

ليردف \ أنا ما أعترف بـ الحب....ولآ...دق قلـبي أحد ولآ راح يدق...الحب كذبه كذبوها الجميع على الجميع...الي يجمعني فيك أحترام وتقدير فقط...وهذا أساس
متين لـ أي علاقه بين أثنين متزوجين...
رضيتي بهذا الـشي...خلـي سفينتنا تمشي مارضيتي أنا مو مجبور كل يوم أراعي نفـسيتك وأراعي أشياء كثيره خذت من
أعصابـي ومن تفكيري الكثير...

أبعدها بـ أطراف أنامله لـيخرج غاضب...

لتـرمي نفـسها على طرف الاريكه تبـكي مفاجئه موجعه لـروحها...

.
.
.
عيون خلـق الله على الـزله وسآآآع...!
.
.
.
بعد عدة ساعات...
.
.
.

بجناح الزين...

محضـره لملابـس رهان لترتبها في حقيبه صغيره له ..و...تعطرها..


رهان بـستغراب \وش فيك..؟

الزين يرتفع حاجبها وهي ترتب حقيبته الصغيره \آنت الي وش فيك...تبي تروح فيه با البر...؟

رهان \مافيها شي...أنسدح كذا على النفود وأتشمس...!

الزين بـضحكه خافته\بَ شورتكـ هذا أبو قلوب...أكيد تبـي تنجلد من أبوي...بحطه لك وبكيفكـ...

لتردف \وهذي وش تبـي فيها بعد...ليش أخذتها من تسريحتي...؟

رهان \حطيه بس بثلاجات عشان مَ يحتر ويخرب علي ..؟

الزين \يارهان مايصلح ...صلن أنت أسمر وش له تزيد..وبعدين أنا أشتريتها عشان الجموح كانت تبيها لكن مَ استخدمتها أعتمدت على ميك أب برونزاج..هذي مو زينه لنا..!

لتردف\ ترى بتصير مثل شجون الهاجري...كأنك محترق...ترى شمسنا حاره مايحتاج تحط كريمات...!

رهان وقف بستغراب \يُمه...تقولينه جد...بسم الله علي...تجي بشرتي مثل ذيكـ...يااااي..!

ختم جملته بستخفاف وهو يتشبث بها

الزين تبعده بتقرف\استغفر الله العظيم يارجال انت وش فيك...ابعد عني...رهان بطـل حركاتكـ ....

أبتعد رهان ليردف\خلاص أجل بحطه على بشرة ماهر... بقول له هذي الكريمات عشان البعوض...

الزين \ رهان عصبي تعرفه ماينمزح معه...أتـرك خبالك هذا ترى أبوي بعد بيروح معكم...يعني أي سماجه بيمسك العقال على ظهرك.ـ.

القى نظره متهكمه لـيفتح ثلاجتها الصغيرهـ ليجدها ممتلئه \أعنبو بلـيسك كل هذا تبلعين فيه...وأقول وش فيك مليانه ولآتنحفين مع أي رجيم...

اغلقت ثلاجتها بـشده \أصلن خلاص انا أخذت موعد مع أخصائية تغذيه وبـمشي معها على نظام غذائي...ولآ تحذف كلام ماله داعي لو سمحت...,

رهان بممازحه\ودي والله أزين أخلاقي معك عشان بسافر وأتركك بروحاتك هنا مع النفسيين أخوانك وعارف ماحد بيعطيك وجه بعدي..
لكن ي زوين ي حبـيبتي ترى هذي ثالث أخصائيه ضعيفه تكرهينها
با المهنه...أنتي شيلي هذي الثلاجه..وصدقيني بتنحفين...!!

الزين \والله بشتاق لكـ...ومن قوة شوقـي لك بنحف..صدق..مَ أكذب....

رهان بـستغراب يلتقط أختناق صوتها ليقترب بهدوء ويضمها لـه...\ ترى أكذب عليك وش حلاتك جسمك ماهو المليان الـشين وحتى شعرك ماهو بشين مرهـ ..حليو...!

ضربت كتفه بـ قبضتها \ سامج...!

.
.
.
عيون خلـق الله على الـزله وسآآآع...!
.
.
.
بـ وقت العصر...
.
.
.
قائد يبتسم لخالد وعينيه تلتقط رجولة مبكرة تنمو بين أظافره...

وهو يحاول جاهداً حمل معدات المخيم بـسياره وكل ماتناوله نجد...

نجد با ممازحه\يوووه يا قايد سكت بنيتي تبي تخاويكم شف دموعها .....

قاطعها خالد \وش تروح معنا له ياخالتي ..الا..تنثبر...أصلن المخيم كله رياجيل...وش تبي..

قائد حملها بين ذراعيه لـيضعها على السياره \ لولوه يا خالي وش تبين أمري يابعد كل المخاليق,,,

لولوه \ نلوح معكـ...

ليغرق قائد بضحكه رجوليه...

نجد بأبتسامه\الله لآيحرمني شوفت عيالك بحضنك ياقايد...؟

بـعفويه \عيالـي...!

نجد بـحب..\أيه عيالك...وش فيك..؟

رمقها بنظره بارده ليلتفت لـ الصغيره وهي تشد عقال رأسه...

ليردف\العقال وراعيه فدوه..حطيه على راسك والله أنك أطيب من بعض الرياجيل..!

قالها بخبث وهو يلتقط دخول رهان من الباب الرئيسي...

رهان بخبث اشد\ايه وانا أشهد اطيب من الي خذيتي من راسه العقال..ضاعت علومنا يوم يلبسون البنات عقلنا...!

ختم حديثه بابتسامه من خالد وهو يخطف العقال من رأس لولوه ...

لـينهره قائد بـغضب وهو يشد العقال من يده ويعيده على رأس الصغيره

خالد بتوتر\خالي العقال ماهو لنسوان...

قائد \وهم مثل العقل الي على روسنا...ياخالد..

ضم الصغيره على صدره وحملها ليقف ...

نجد وهي تشد الغطاء اكثر على عينيها وتسلم بحياء على رهان...

نجد \قايد لوسمحت عطني لولوه بوديها معي...

ناولها الصغيره وهي متشبثه بعقال...لترحل به...

رهان بصوت خافت \وراح عقالك...ماودك تشل الشماغ بعد وتلحقه العقال..؟

نسف أطراف شماغه على يمينه وعلى شماله \أطيب الناس مشايخنا بلا عقال...يازينك محمل العزبه وساكت...من يوم دخلت حاط راسك براس البزران...

غرق بضحك وهو يشد خالد ويتناوش معه بـحركات طفوليه...

.
.
.

عيون خلـق الله على الـزله وسآآآع...!
.
.
.


با المطبخ ...


.
.
.

أغلقت الفرن الكهربائي..وهي تخرج فطائرها..

الزين بابتسامه \ماشاء الله لك نفس في المعجنات والكيك والطبخ بشكل عام يا الجموح..

أبتسمت \ تعلمي أنتي مو صغيره....

الزين \ صلحت ورق عنب...و...كذا نوع سلطه ...رتبت الـسفره...وزعت الصحون..الشوك والملاعق الفنجايل والبيلات ..ترامس القهوه والشاي...

حطيت الحلويات بسلات حلوهـ...والله أني شغيله وأنتم مايبان بعينكم..؟؟

الجموح تلامس أنف الزين الغاضبه برقه \يعطيك العافيه...ماقـصرتي أمزح عليك...

لتردف بستغراب\ الا وين الدانه ...ماشفتها اليوم كله..عسى ماتشكي من شي...

الزين وهي تلتقط قطعة بيتزا..\مدري...طقيت الباب عليها.. قبل الظهر وطلع لي ماهر والشماغ بيده ووجه أسود أعوذ بالله..
وقلت وين دانه عازمين امها وخواتها لقهوه بعد المغرب أبيها تجهز معنا...قال هي تعبانه...وبتنزل لكم بعدين...عاد استحيت وانسحبت ...احس انهم متهاوشين..

بستغراب\غريبه عاد ماهر يداري خاطرها مداره وهي والله تعشق حتى ظلاله..
الله يصلح مابينهم اذا فيه شي...بعد شوي بطلع لها...واشوف وش قصتها...

غلفت الصحن المزين با المعجنات ووضعته مع بقية الصحون ..لتصعد لـ دانه...,
.
.
.
.
.
صوت طرقات الباب الخفيفه أجفلتها...

لينطلق صوتها المبحوح...\مين...؟

ليأتيها صوتها الواثق..\الجموح...تسمحين لي أدخل..؟

أبتسمت بـوجع \أيه...أدخلي...حياك...

دلفت الباب الجموح بأبتسامه ....\السلام عليكم...

وقفت بأرتبكاك لترتب شعرها بأحدى يديها وبأخرى تمسح بقايا دمعه...\وعليكم السلام هلا حبيبتي...

التفتت بأرتباك لترتب المفرش المبعثر \سمي جيجي بغيتي شي...؟

خطوات قصيره خطتها لتضع كفها على ذراع الدانه وبصوت خافت\وش فيه..صاير شي ..؟

أنفلتت شهقه عابره \ هواش عادي...مافي شي مهم...؟

أرتفع حاجب الجموح مشككه\هواش عادي...أول مره تتركين ماهر يطلع وهو زعلان منك...الاكيد انه مو عادي....

.
.
.
برغم من القرب الشديد من الجموح...

وعلاقتهم المتينه التي تربطهم ببعض..

الا ..ان...هذا الامر...

يسبب وجع هائل لروحـ دانه...

لآتجرؤ با ان تتحدث عن الوجع هذا بشفافيه مع الجموح...!

وكأنه وجع يسمع بَ الحديث...؟
.
.
.

أطلقت زفره خافته \ مو معصب مني ..يمكن من الشغل...تعرفين شغل ماهر...شد أعصاب...!

الجموح بمحبه \والله وصرنا نخبي عن بعض يا دانه....

أشارت بيدها بعد ان أبتلعت كميه من اللعاب المر\ولاشي..لآتكبرين المواضيع..لن اصلن مافيه شي....

أردفت\امي تقول عازمينها وهي جايه بطريق...تعالي ننزل...

الجموح بمسايره\ايه وانا جايه عشان تنزلين ..لن ماهر قال لزين انك تعبانه....!

دانه برتباك\تعب بسيط...معدتي....بتحمم وبنزل لكم ..

الجموح أبتسمت \طيب نتظرك لآ تتأخرين...
.
.
.
عيون خلـق الله على الـزله وسآآآع...!
.
.
.
9م
المخيمـ...


.
.
.

شف نحط فوقه الجمر مثل الحين ونتظر ينضج
خالد ببستغراب \عمي ينوكل عادي...؟
أبتسم حاتم \أيه عادي تاكله ترى لذيذ..!
أظهره خالد التقرف\وشلون لذيذ وهو جمر ورماد ...عمي مايصير في معدتي شي لو أكل زي كذا..؟
رهان وهو يجلس بـأبستامه \والله مايلام تحسبون عيال اليوم مثل حقين امس...
هذا لاياكل الخبزه هذي فزعنا فيه للمستشفى على طول نزله معويه..عاد من يفكك من لسان أمه...
أردف\شوف يا خالد.بـكره اذا قمت الفجر ورحنا نصيد الطيور بعلمك وشلون نزينها وناكلها
أترك منك خبزة عمكـ حاتم وتعال معي انا لـجدك تركي وعمك ماهر نجلـس معهم و بعدين خالك قايد مصلح مشاوي على قولتكم بس مشاوي بر ههه
و ترى عمك حاتم ماعنده سالفه الخبزه الي يصلحها بجمر بعد ماهي بله لـجدك كايد...
قفز خالد \خلاص بروح اساعد خالـي قايد أصلن أسمعه يناديني....
أبتسم حاتم وهو يحمل الخبزه بيده وينفضها من بقايا الرماد...\هقوتك كان يسلك لي..!
رهان\لآتلومه..اجل تدس عجينه برماد الله يديم النعمه وتبي الضعيف الي متعود على ماك وكنتاكي ياكلها...زين ماستفرغ قدامكـ...!

حاتم غرق في ضحكه خافته وصمت...


.

.

.

قائد بستغراب \ خالد وينك...أناديك...تعال ساعدني...في الشوي....

خالد بتبرير\والله ياخالـي أحس عمي حاتم فيه شي ..تخيل يحط نعمة الله في الرماد مايخاف العقوبه ...مايشوف البوسنه والهرسك والناس الي مايلقون ياكلون..يقول لي
ان اول كانو ياكلون كذا...بس أحسه ماهو بصادق..!
كتم ضحكته لـيسايره \ أيه ترى حاتم عمك أول يوم أنه كبـركـ طاح على راسه ومن بعدها فيه هفه بسيطه لاتنقد عليه...وانا خالك عادي سلك له ترى عليه قل صحه..!
حاتم وهو يقبل بـ خبزة الجمر....\ويا خالد ترى خالك يوم كبـر بعد طاح على راسه وجاته بعدها هفه لكن ما هي بسيطه...فلا تشره كثير..!...
أبو حاتم بجديه \أنتم ماتحمدون ربكم على العافيه...وتعلمون الولد بـ الصدق....
لـيردف بجديه ...\خالد تعال وانا جدكـ أعلمك بـالخبزه الي صلحها عمك حاتم وأعلمك بعد بسوالفنا القديمه...تستفيد أحسن لك...تعال عندي انا وجدك كايد...
شد الخطوات خالد لـ أبو حاتم ليجلس بقربه ويستمع بـ أستمتاع بعبق الماضي الجميل...


قايد وعينيه لـ حاتم الذي التقط اللحم لـيتبله ..ويضعه بَ الاسياخ...\كأنه ناقد علينا أبوكـ...!

حاتم \الا ناقد عليك أنت...أجل أعلم الولد بـشي صدق وتقول تعال ترى على عمك هفه وقل صحه...جعلك قل الصحه...

أهتزت أكتاف قايد بضحك لـيردف \والله ان تستغفر ..والله ما أنشب الا بحلقك انت ان مرضت والا جاني شي...

حاتم كتم ضحكته وتظاهر با الانشغال مع التتبيل ...

ليردف قائد بألم \والله ان خالـد مضيق خاطـري...يبي يرجع أمه على أبوهـ...ومايدري ان السبحه اذا أنقطعت خلاص ماينفع تنربط من جديد...

أرتبك قليلاً ليردف \ اذا هـي تبـي فهد...حاول تصلح بينهم...؟

قائد بتهكم\يـخسي ويعقب...ما ثمن الثريا تبـي عاد أرجعها له...

ليردف \لكن أبـشرك...هي ان شاء الله بتوفق...خاطبها منـي صفوق ...صديق قديم لـي...هو مدرس و أحواله الماديه اكثر من كويسه لكن متزوج وعنده ثلاث عيال...
مابعد كلمت الاهل لكن اول مارجع من البر ان شاء الله بكلم أمـي وهي تكلمها عاد وتتفاهم معها...صح مبكرين بهذي المواضيع عليها لكن
الرجال أعرفه زين وأخلاقه طيبه...وخالد ان شاء الله ماهو بضايع ..
بنخليها تشرط ان يكون معها...وان كان فهيدان يبيه ياخذه...أبد ماهو في ضياع ان شاء الله.

أحرقه السيخ فجأه بعد ان أمسكه عاري اليد ..ليرمي به بـصحن...

قائد \أسلم ..

ليردف \ أحترق كفكـ...!

حاتم بتوتر \ حرق بسيط حرق بسيط....!

أبو حاتم بمناده لهم \وش فيكم...وش صار...عسى ماشـر..؟

حاتم بـضيق\ مافيه شي يُبه...حرق بسيط...

تركي بـتحريص\ أنتبهو....مانتم ببزران تحترقون من اهون الهون....

قايد ببتسامه وعينه على ملامح حاتم الـمتضايق \أبشر بـنتبه...

شد قائد يد حاتم ليجبره على فتح كفه ...ليجد علامة السيخ ممتده كـ خط طويل...

أنعقد حاجبه و بجديه \يبي لك ثلج..أو ..معجون أسنان ..أنت منت بصاحي أحد يمسك السيخ بهذيك الطريقه شكل مالك عيون..!


حاتم \ حصل خير....ما أحس بألم كثير...!

.
.
.

التفت رهان بـَ أستغراب لـ ماهر الصامت ...\ عسى ماشر فيك شي...؟
ماهر ببرود\ لآ...بس شكل البرد دخـلني وبزكمـ...أحس بصداع...
رهان \أصلح لك زنجبيل...بيدفيك ويريح حلقكـ...جايبين معنا زنجبيل...,
وقف ماهر ليستأذن \ لآ... أسمحو لـي بدخل المخيم وبنامـ...
أبو حاتم بستغراب \عسى ماشر يا أبوك...فيك شي...؟
ماهر ببتسامه \شكلـي ماخذ برد...بنام وأن شاء الله بكره أقوم طيب...مافيني شي...
أبو حاتم \يا أبوك عشان ها اللبس الي تلبـسه ماهو بلبس شتاء...مر سيارتي وأخذ الفروه الـي ورى ...
ماهر \ عندي فراش دافي داخل.. تصبحون على خير....
أبو حاتم ..\وأنت من أهله...
.
.
.
.


دخل المخيم ...

ليمد فـراشه...ويندس به...


متعب جداً...

ومرهق أكثر....

.
.
.

مللت من عذاب ضمير دائم...

عدم ثقتها بـ نفسها من أجل عرجها يدفعنـي للجنون...

فـلآ...أطيق...ضعف الشخصيه....

وهي متشبثه بأني السبب الاول والاخير في ذاك الحادث الذي لم أتعمده مطلقاً...!

.
.
.

بعد العشاء...,
.
.
.

تـركي \لآ...تسهرون...نآمو عشان مع الفجر نبدأ ندور الصيد....أنا وعمـي بنام في مكان واحد..

لآ عاد تشلون همه..أنا بقوم كل ساعه او ساعتين أشيك عليه...تمسو على خير...

الجميع \ وأنت من أهله...

خالد \عمي حاتم تعـورك يدك الحين...والا بردت عليك..؟

أبتسم حاتم ..\ لآ...بـ الأساس ماعورتني كثيـر....

رهان وهو يلقـي نظره لـ كف حاتم \زين أن معنا شنطة الأسعفات الأوليه وحصلت فيها مرهم للحروق حاطته الجموح لـ مثل كذا...الله يجزاها خير كأنها حاسه ملحقتني
الشنطه وانا راكب السيارهـ...

أبتسم حاتم \تراكم معطين الحرق أكبـر من حجمه حرق بسيط...

قائد وهو يمسح يديه بـمناديل معطرهـ...\ لآ...حرقك ماهو بسيط...ماتشوفه معلم ...الظاهر كنت أكلم لـي واحد عقله ماهو براسه بوقتها ...الله يهديك....

حاتم بملل \قلت لك حصل خير..أقلقت راسـي....ماودكم تغيرون الموضوع...,

رهان بـ أبتسامه \نلعب ورقه..!



.
.
.
عيون خلـق الله على الـزله وسآآآع...!
.
.
.
بـ فلة أبو حاتم...,

.
.
.

أم حاتم بـعفويه مطلقه \حصلت أمس بجمعة الحريم أم سلطان مرة خال فهد ...تقول حـضرنا عرسه..كان خاص...وماغير فشايل لا اله الا الله...

الكوفـيره أعدمت وجه العروس...ماتقولون رزان الـي حنا عارفينها...

والكـوشه تقولين قفص مضيق الله عليهم فيها...وهو ماهو بمعهم أبد...حتى التصوير تهاوشو

مع المصوره وتركتهم...وتـعالـو شوفو لجة الحريم اذا جات هوشه...


ويوم قام ينزف هو وياها...بزران أخت رزان
ماغير سرداد مرداد بممر الزفه...وهو أصلن وجه قالب أسود...ماتقولين عريـس...ياسبحان الله...!

ام قائد بقهر \ أبد ..حوبة الغافل الساهـي....والا...هي كفوه وهو كفوها...!



تغيرت ملامح الثريا بعد ان سردت ام حاتم تلك التفاصيل لتنشغل بـ الشاي الذي بين يديها بارد...وتزفر بـا ثرثرة موجعه روحيه...


.
.
.
فهد..ماهو الا أوجاع تتلاحق..

كوابيس بالليل من خيانته الموجعه..

و

أسراب أفكار بنهار ...!

فهد...

صفحة ألم بحياتي..

لآ..أستطيع تمزيقها..ولآ أحراقها...

تطاردني...تحاربني..

تقضي على كل شي..!

تبث المرارهـ بـ حلقـي...أذا حضرت..

تعبث بـأفكاري أذا غابت..

تنطرب لـ ضعفي العابر...

تتراقص لدمعي الـمحتقن..!

أدفنها بـ غضب..!

تخرج لـي بعرس بـ أجتماع..بـزياره..لتذكرني...بسنوات مضت الخاسره فيها أنا...

تقاسمتها مع غادر..!
.
.
.

أه

لرايات الحب المـمزقة تحت أقدام رجل أوجعني بطعنة بظهر لم أحسب لها أي حساب..


أتجمل له...أتعطر له..أتفنن با الاطباق له..

وهو..

يبيت لـي الغدر..و..ألم...و...الـخذلان...

يلبس الف قناع...

كي اذا سقط قناع بقـئ تسع مئة وتسعن وتسعون..!

لما فعل ذاك بـي...!

لما قتلني بتلك الطعنة الغادره..!

لما أوجعني بتلك الطريقه المهينه..

لما جعلنـي بتلك السذاجه..

لما خـطف صديقتي مني...!

لما..؟

لما لون حياتي بلون الأسود..و..أنا من بعثرت جميع الالوان الجميله تحت قدميه ليرضى..!

لما لم يرحم روحـي..ولمـ يرأف لقلبي...

ولمـ يتخاذل عن جرحه عندما يضع عينيه بعيني...وتجمعنا وسادة واحده با الليل...

كيف يضمني لـصدرهـ...وهو يفكر بصديقتي يريد الاقتران بها..

كيف سمحت لـه روحه..بأن يجرح روح كـ روحي..

تركت كل شي لـ أجله فقط...

وماورثت بعده الا الخسران والـ ألم..!


فهد ...

لآ..


أورثك الله السعادة أنت وهي مع بعضكما البعض...!
.
.
.
الجموح بصوت مرتفع \يمه الله يهديك...الله يستر علينا وعليهم...لآعاد تسألون عنهم ولآعاد تفتحون سيرتهم عندنا...الثريا تستاهل الي أفضل منه بألف مره..وهو
خلاص خذى نصيبه والله يوفق الجميع...

لتردف لـ الثريا الـتي أنزلت الشاي بعد مداخلة الجموح...\ثريا...ليش ماتكملين دراستك..؟

أبتسمت ببرود\ يوم شاب ودوهـ للكتاب...؟

الجموح بصرار\ وش بيشغلك يعني..وش الي يمنع انك تكملين دراستك بعكس خلـي الظرف الي انتي فيه دافع لك لصنع شي طيب لمستقبلك..
اعرفك يا الثريا مصره وواثقه من خطوتك ومن نفسكـ...

الزين \وهـي صادقه الجموح كملـي تعليمك الجامعـي...الدراسه ماتوقف عند سن معين...الدراسه فقط طموح وأصرار..أصـري على شي تنجحين فيه...

الدانه تشارك أطراف الحديث \ بفعل يا الثريا...هذا أفـضل خطوه حقيقه بحياتك..كملـي تعليمك....,

الثريا تقطع الحديث \يـصير خير يصير خير...كل يوم برزقه ..!

.
.
.

عيون خلـق الله على الـزله وسآآآع...!
.
.
.


بعد ثلاث ساعات..


.
.
.


قائد بهدوء \ تارك المخيم كله وجايب فراشك جنبي...لآ..يكون خايف من شـي...!

أبتسم حاتم \ههههه ...رهان يشاخر ولآيجيني النوم قريب منه...وانت عاد تركت المخيم كله وجيت بهذي الجهه...خفت لآيجيك ذيب ويسحبكـ...على الاقل أعافر الذيب معكـ...

أبتسم \مسوي خفيف دم ...تعال بس قل وش وراك...؟

أخذ مخدته الثانيه ووضعها على فراش حاتم ليردف...\ شكلك نسيت مخدتك أخذ حقتي...عندي غيرها...
.
.
.


انشغل حاتم بفرش مفرشه ووضعه الوساده


تحت نظرات قائد...!
.
.
.


لم يأتي عبث


والنومـ يعلم تماماً انه مجافيه الليله كـ عادته...!


ما قصتك ياحاتم...


لآتنام الليل أبداً...
و

لآ..

تأخذ من بعد الفجر الا ساعتين وتكفيك..!

هل هو هم...تحمله على أكتافكـ..؟

أم تفكير ب أمر ما...؟

أم ماذا..

لما هذا الغموض الذي تتقوقع به..؟


.
.
.


قائد بهدوء\ ماتتعالج من الارق الي فيك...؟
أرتفعت عينيه بمفاجئه وأبتسم ببرود\ أرق عادي...مايحتاج علاج...
قائد بممازحه\ماتنام الليل كله وتقول عادي يارجال خاف ربك على الأقل أحيه با القيامـ..؟
حاتم\الحمدلله مرضي ربي ان شاء الله ومانسيت ركعتين والناس نيامـ...ومن ناحية الأرق فهو شي عادي أقلمت حياتي معه...
انا أنسان أكتفي بساعتين نوم....عادي...!
قائد با ممازحه\أنت ليش ماتعلمني باالصدق...أنت مسوي شي....؟...تراني محامي وبطلعك منها مثل الشعره من العجين؟
حاتم بتهكم\ وش مسوي يعني قاتل لي قتيل وماحد مسكني...أرتاح بس...ماني بمحتاج لك ..!
جلس قائد بقربه وابتسم\وتراهني.....!...كنت أظن ان أنا أقرب واحد لكـ...وأثاري اقصاهم...؟

ليردف بخبث \ ياخي تزوجها دامك تبيها والا موقفين على أبوابها حراس..؟


حاتم بهدوء خالجه أرتباك\ أنحشت من شخير رهان طحت في مرافعة قايد...

ليردف بـمقصد \وبعدين انا حالف ماتزوج الا بعدكـ...!

تراجع قائد بـ أبتسامه باهته ...

بعد فترة هدوء ساد...
.
.

أردف حاتم \ يا أبو نايف...!

قايد بـمحبه \سم..

حاتم يعتدل بجلـسته ويلقـي نظراته لـ قائد الذي استلقي على فراشه...\ أنا الـي سببت هذي المشكله..وانا الـي بحلها...؟

القـى نظرته قائد بـبرود...\ وش تقصد...؟

حاتم \ما أظن يجهلك مقصدي..؟

ليردف بجديه مطلقه...\ الجموح يا أنك تتزوجها هذي السنه يا تفسح المجال لـغيرك ياخذها...وأتـرك أبوي تركي على جنب لآتدخله في هذا الـشي ...دامنـي الـي
فركشة كل شي...برجع أرتب كل شي...
خلـص أمورك وتقدمـ لها...وهي لآتشيل همها...أضمن لك موافقتها...!


تراجع قائد بصمت...


حاتم ب أصرار ...\ ياقايد.. فتحت للمواجع أبواب...ومايرضيني وقفة الجموح كذا...

وهو لولا حشمتك وغلاك..وان انا عارف انك تستاهلها
وبتصونها وخاطرك فيها...كان ماعبرت لتحييرك لها بال...
و...
زوجتها من أول رجال يطق بابها خاطب..ولو الكل يوقف ضدي...
↚
يآخوي
ترجف هالمحآني من سنين
وآنآ كذآ يآخوي عمري أعده ..

فيني طفل
موجووع..خآيف ومسكين..
يضحك رغم أن الحكآيآت ضده

وفيني يتيمة
عشق مكسورة يدين
الحزن يضربها وتعجز ترده


يآقلب آنآ
ويآك نضحك على مين؟
يآقلب لون الحزن مانيب قده

للحشرجه
بآوتآر صوتي سكآكين
والدمع لو يقفي لجفني مرده

تدري بأني
قلب ضمن المسآجين؟
يعني ينآم وخوف نبضه يهده ..

يعني يخآف
الورد من نكهة التين
يعني وصل بي حزن جوفي لحده

كآن البكآ
مآهو لنا وصرت هالحين
آلمح موآري دمعته فوق خده

أحيآن اقول
احنا غلطنا ومخطين
واضم بعضي وابكي..شلون اصده

واصيح بك
صرخة سكآرى مجآنين
فرقى مآهي بيدي ولاهي بيده

اخيط جرحك
انت...من وين لي وين
وذراع جرررحي ابتره مآ أمده..

والحين جآي
تقول لي عيب تبكين
مآأرتوى من دمعي الا المخده

فمآن جرحي
يالرياض ش توصين
يمكن يجفف دمعتي بحر جده

يآخوي
انا اقفيت لكن على وين
والله مآدري درب مانيب قده



ل أساور حلم

.
.
.


بداية


صباحكم بآذخ وممتلئ بذكـر الله ...,


البارت السابق عرضنا عليكم تغيـير المواعيد وأشوف الأغلبيه فضلت المواعيد الحالـيه...السـبت والاثنين...

نبـقى على نفـس المواعيد يا أحبه...,


أطلالة الغاليه على قلبي أم الوليد..مثل أطلالة غيمه ماطرهـ...الله لآ يخلي المكان من هطولها...


وسبحان الله وأنا اكتب مسودة البدايه أرحب فيه بعودة أم الوليد وبسياق الكلام ذكرت عضوه غاليه على قلبـي أتمنى عودتها...

لـفاجئ وأنا داخله أعدل لـي خطأ في بداية البارت الرابع .. برساله لها على الخاص تطمئني على حالها وحال أطفالها...

يأ أهل الثرثره ...يا غرابة بعض المحبه...من عمقها ...تمتزج فينا..نتوجع أذا توجعـو...ونفرح أذا هم بألف خير..

متأكدهـ أنها أكبر بكثير من أوجاعها وأحزانها.. و..أن هذا المتصفح بيحتفل بعودتها بيوم مآ...,

والله يجبر قلب كل من فقد غاليه....



.
.
.

لآتليهكم الرواية عن الصلاة في وقتها...,
.
.
.


تراجع قائد بصمت...


حاتم ب أصرار ...\ ياقايد.. فتحت للمواجع أبواب...ومايرضيني وقفة الجموح كذا...

وهو لولا حشمتك وغلاك..وان أنا عارف أنك تستاهلها

وبتصونها وخاطرك فيها...كان ماعبرت لتحييرك لها بال...

و...

زوجتها من أول رجال يطق بابها خاطب..ولو الكل يوقف ضدي...

قائد \ مآهو با الحين يا حاتم...ماهو ب الحين...أنت تعرف الف مشكـله ومشكله على راسي والف هم...ماهو بناقص هذي الهموم الا أني أدق لها خيمه وندق لها طبلها..!

حاتم بـغضب...\ وش ذنبها الجموح تجلس تنتظر المشاكل والهموم الي عندك تنقضـي...وأنت بنفـسك...هو مال نفـسك عليك حق تعيش وتتزوج ..كم عمرك الحين يا قايد...

وكم عمر الجموح الحين...أنت تظن أن تحييرك لها ماهو مولع بصدري نار...ماهو يكويني انا واخوانها وأمـي كل يوم....كل هذولا الناس مالهم أي حشمه عندك..؟

قائد بـغضب \حشمه وخاطر...!....أنت يا حاتم...أنت الـي فردت جناحها وقويت عزومها ...لآتجلـس الحين تلوم واحد مقهور وموجوع من جموحها الي أنت داعمه..

أشار بـ يده بتهكم \لأني وقفت مع أختـي في حلم تبـي تبنيه هي وراسمته با الوانها...تبيني أكسر اللوحه واقول لها أبد مايحق لكـ...!

ليردف بألم \ لو أختك نجد..والا ثريا والا الدانه...ترجتك كثير توقف معها بتتركها...ليش أجل أنا اخوها..ليش أسمي نفسي عضيدها...ليش أجل بوجعها تنتخي فيني...

كذا كلمات ترص بدون أفعال...؟

تهكم بوجع \ لآ..تحشم عن الاقوال بدون افعال...كفو...كفو يا أبو تركي أنا أشهد أنك كفيت و وفيت..!!!!

حاتم \ يا قايد...يا أنك تحرك ها الموضوع الراكد...بخطبه...والا...بـفك قيد..والا...ترى الجموح ماعاد لك عليها حق...ولو يتجدد الشرخ القديم بينا...!

أرتفعت عينيه لـحاتم بـغضب...لـيتركه حاتم وينتقل لـفراشه ...!



.
.
.

شف قائمة أمنايتي ...[دونها سياجك]...,


والخافق أن ماتحقق حلمه.. بيشقى..!


.
.
.

أم قائد وهي تنزل من السيارهـ...\ ماكان ودي تجين الليله تنامين هنا...كان جلستي عند أهل رجلكـ أحسن ترتيب له جناحه وتجهزين له الي يبي لاجاء بكرهـ...

لـتنزل الخادمه من الباب الخلـفي وتنزل حقيبه صغيره لـ الدانه...

الدانه بأرتباك \ جناحي مرتب يمه...و ماهر أكيد بيجي بكره متأخر ومايبي الا الفراش ماراح يكون له خلق حتى يناظر وجـهي...

أم قائد \ ولو يمك ولو ...تغسلين ملابسه أن كان له ملابس تبي غسيل ..تجهزين له حلا ان كان يحب له الحلا...تشوفين وش الي ناقصك تسوينه قبل يجي ماهو تنطين
معي كأن توك البنيه الي معي قبل سنه ونص ..ماكأن ها البنيه خلاص كبرت والناس بينقدون عليها اذا جات سرداد مرداد لـ أمها ...

الثريا بمداخله باسمه وهي تدلف الباب الرئيسي \يوووه ياميمتي كثرتي الـعتب على دندون خليها على راحتها وتكفين وش لقينا من حوف الرياجيل غير المواجع والغبينه...تعالي يادندون بس تعالـي
أمك لو يحصل لها كان حطت ماهر بعيونها وغمضت عليه ماحد يشوفه ويطقه عين من حلاة وجه...!

أم قائد \أيه...وش فيها وماهر يستاهل الـتقدير والحشمه...وش العيب فيه ها علموني وش العيب فيه...

الثريا تجلـس على الكرسـي بفكاهه\لآحول ولاقوة الابالله كامل ولد تركي كامل والكامل وجه الكريم...!

أم قائد بـتهكم \أيه غصبن عليك يا ام خويلد...أجل في ماهر عذاريب...مافيه الا اليمنى الطويله با الجزايل..

الدانه تجلـس با القرب من الثريا بهدوء ....

لتردف ام قائد بعد أن جلـست \ دوين يأمك وجهك ماهو بعاجبـني..تشكين شي ..؟

الدانه بأرتباك \لآ...بس يمكن عشان معدتي ها اليومين تعورني و الدوره بـتجـييني ها الفتره عشان كذا باين علي التعب...

أم قائد \ وجهك ماهو بعاجبنـي...أنتي لآتكونين حامل ومادريتي بعمرك..؟

الدانه \ ما توقع حامل...تعب بسيط بس....

غرقت الثريا با الضحك \...أقول بس لاتشلين ثقيل...!

الدانه بضجر \ سبحان الله تعرفوني أكثر من نفـسي....خلاص غيرو السالفه ...!






.

.

.
شف قائمة أمنايتي ...[دونها سياجك]...,


والخافق أن ماتحقق حلمه.. بيشقى..!


.
.
.

يوم جديد...
.
.
.




هي لم تنم...مازالت عالقة بـ أهداب الليلة الماضـيه....

مازالت عالقة بـثرثرة لم تجعلها تنم...!






حين طلقها فهد..

أقسمت يمين أن تقترن بأول شخص يطرق بابها..مهما كان..

كـي تؤلمه كما أوجعها..كي تكويه كما كواها..

كي تحرقه كما أحرقها

تريده يتجرع الخيانة المباحة..كما تجرعتها هي...!

تريده يعاني..الويل...كما عانت...

تريده أن يترقب أخبار تلك الليلة الاولى ..

كما ترقبت هي بلحظتها أخبار لليلته الأولى بكثير من الدموع التي أضاعتها مع متخاذل كما هو...

تريدهـ يتمنى الموت من القهر كما تمنت هي..!
.

.

.
صعب جداً أن تجرح أمرأهـ كا الثريا صعب جداً..

صعب جداً أن تكون بكتمالها ويكون النقص موجع بتلك الطريقه المبكيه..

صعب جداً..أن تتغير كلياً..

يصبح تفكيرها أكثر رغبة با الأنتقام..

تتعلم أنواع المكر والخبث ..وتعزز قدرتها المناعيه عن الحب من جديد..

كي لاتصبح مغفله...كما ظنت..!

.
.
.
زفـرة سنين طويله..

وهي تتذكر بأنها كانت غير مقتنعه به ...

شـي عميق بداخلها كان يقول لها لآ ترتبطي به أنتظري قليلاً......

لكن أصرار وأقناع الجميع لها مع صغر سنها بحينها ..جعلها ترضخ..


فـ فهد لم يكن فيه عيب يذكر كما نظن..

لآ

تنكر بأنها أحبته كثيراً بعد ذلكـ..لأنها أرتبطت به صغيره..و...كبرت معه..

لكنه كال لها الحب أطنان من الأوجاع..!

.

.

.

أبعدت الوساده عن وجها..لـتلقي النظر لـ البعيد..من ثم تستدير...

لتجد تلك المرأهـ...بنصف وجه..وعين متسعه وشعر مبـعثر..وذاك ذو الحقيبة ..

تستفزها من جديد تلك الوريقات لتـقرأها..وتبحث عن ماينقصها بداخلها...

قد ينقصها ثرثرة تشبه ثرثرة حاتم..

تلقي بها على رصيف الورق..وترحل الوريقات بها..

بعثرة الصفحات...لتقف بـ أحداهن...

.
.
.


و أرسم وجها..الجميل...على صفحة السماء...


أجعل النجوم عينيها والقمر وهو يحث الخطى راحل لـ أخر الشهر شفتيها...

والليل السرمدي شعرها..


حدثتني بـيوم ما...قبل حين من الدهر..بغفله عن الأيام.....


بأنها أحبتني بجنون...

صارعت لـ أجلـي بجنون..!

رسمت عيني بلوحاتها الكثيرهـ...

عبثت بقصائد خالد وأهدتني الف بيت من أشعاره...

وأنا صدقتها...لأنها بنسبة لي أجمل النساء ..وأصدقهم...

أعشق حضورها المخدر لـ أوردتي..

وكلماتها الأتيه من عالم أنيق..

مرتبه مصففه..والكثير الكثير من التنميق فيها والحرص الشديد..

أشعر أحيان بأنها تفكر الف مرهـ..قبل ان تنطق بجملة قصيرهـ ..


و



مازال كرسي المهترئ هذا يصدر ضجيج وهو يهتز..

وكأنه يرسل لي رساله بأنه مل جلوسي الطويل عليه..و...أهترئ من كذبـي الدائم عليه...

كوب القهوه الذي أعدهـ كل ليله..أنتظر طيفها

لعلها تلـقي التحيه..أو ..تأتي بـحسب ميعادها الدائم لـي...

وهي

لآ
تأتي كل ليلة..ولآتلقي التحيه..ولكن أنا لا أمل...

برغم من مرور أعوام كثيره على وفاتها بـأضلعي...الا..أنني أؤمن بـ النهايات الجميله...

برغم ان الواقع التعيس يضحك بملئ فاهـ....


ويردد..تباً لك ياحاتم..!
.
.
.


ضمت أهدابها بأ ستغراب..بحثت بعينيها لتجد أسطر كثـيره...تدفعها للمضـي بقراءهـ....


لكنها تريد أغلاق هذه الروايه قبل ان تنغمس أكثر وأكثر...

ب أبجدايات وجع عاشق...يترائ لها ..!

حاتم...لما لم ننتبه بأنك تبدو بفعل عاشق...!

فَ أنت عازب لسنين طويله...و...صامت جداً...و...هادئ جداً...!

لـما با الآصل أخذت الروايه معها لـجناحها...


هي با الفعل لآتحب الروايات..تشعر بأنهم ينغمسون بعالم خيالياً بعيداً عن الواقع...

تشعر بأنهم غير عمليون..متكئون فقط على الحرف...

لآيحولون الورق الى أفعال...

هم دائماً هكذا الروائيون والقراء...!

هذا يثرثر وذاك يستمع...!

هذا يترجم وجعه با الكتابه..وذاك يجد لـ أوجاعه ملاذ با القراءهـ...!

أحب الواقعيه في الأمور...أعمل تجد...!
↚
لـذا ..

هذه الثرثره نتاج طبيعي لـعاشق ترك محبوبته ترحل...أذاً يستحق أن يثرثر على قارعة الذكريات كـ شيخ كبير أنهكه الوجع..!



رمت برواية حاتم لـترطتم بَ أريكه بعيده عنها وتسقط بأحضان الأريكه..

و..

بوجع \لو تعرف يا حاتم أن الحب أكبر خذلان ما يوم كتبت عنه..ولآ...ثرثرة روحك..!


.
.
.

شف قائمة أمنايتي ...[دونها سياجك]...,


والخافق أن ماتحقق حلمه.. بيشقى..!


.
.
.

أستلقت على مفرشها الزيتي المنتثر عليه رسومات ورد بلون الأصفر والبرتقالي..

تعشق سريرها الذي بجانب نجد...و..الثريا...

برغم من كل واحده منهم أستقلت بحياتها ..

الا ان هذه الغرفه لم تطالها أيدي عبثهم المتأنق للبيت..

حيث يقومون كل رمضان بشبه تجديد أن لم يكن بألاثاث فا المفروشات او ترميم او عبث أنثوي جميل...

الا هذه الغرفه..

بقت على حالها..منذو أيام مراهقتهم الجميله..

لم تطلها عبثهم..بقت مغلقه..

.كـذكرى جمعت فتيات ..أحلامهم ورديه..كل واحده منهم...تنسج حياة مخملية لها مع فارسها..؟


وكل واحدة منهم عادت أدارجها خائبه..


وكأن مامضى با السنوات الماضيه ماهو الاحديث عابر..لم تمر عليه سنوات او ليالي...!

بالامس أذكر تخرجي من الجامعه...؟

با الامس القريب...!

با الامس أذكر قطعة الكيك الكبيره التي التهمتها نجد وحدها عندما كانت تزن الثمانين كيلو غرام...!

ونحن نصرخ ونتوسل من ثم نتعارك..!

القى الحزن العميق ظلاله على نجداً..اولا.ً..لتعود الينا شخص أخر...

فترة مريرة مرة علينا جميعاً...

لآتنام الا بأحضان قائد وهو يتمتم بصوت مطمئن تارة...بـ يوسف...وبـ العمران...وتارة أخرى بماء زمزم...

ومرات أخرى كثيره بصوت السديس وهو يقرأ ..وهي بأحضان والداتي ترتجف...!

حياة رومنسيه لـسنوات معدودهـ..أنتهت بحادث شنيع...

أي كارثه وقعت علينا بعد تلك الايام..مازالت تبعاتها الى اليوم ماثله...!

فـ نجد..لم تعد نجد الحالمه...أصبحت شرسة جداً...و..صارمة جداً...





أبتسمت بوجع وسرير الثريا يتراء لها بقرب من الشباك الزجاجي...!


الثريا..!

هي التي تزوجت أولنا وأصغرنا سن بزواج...

أحبته بجنون...وقتلها بجنون...!

ليس هناك سبب واحد يدفع فهد با الاقتران بصديقتها...!

لآعيب في الثريا...ولآ واحد...هي من كمن قال تقيد أصابعها شموعاً لفهد..!

فلاهي أستمتعت بنور تلك الشموع ولآ أصابعها سلمت...!

خانها بزواجه من صديقتها الوحيده...جارتها القريبه...وأن كانت تلك الخيانه هي خيانه تحت مظلت شرعيه.. الا أنها خيانه..!

هي مطلقه...وهي في ريعان الشباب..لم تنجب من ذاك المسن الذي تزوجته أحد...عاشت معه لشهرين لتتطلق...

زارتنا كثيراً...وأكلنا من طبق واحد...لبست نصف ثياب ثريا...!

تبادلنا الحقائب والأحذيه الأكسسوارت والأطباق...!

كل شي...!

واخذت تلك منها كل شي...!

وتركتها....

بلاشي...

محطمه برغم من الكبرياء المشروخ الذي تدعيه...

مقـسوم ظهرها برغم من حالة الوقوف المترنحة التي تمثل بها..!


مذبوحة أنتي يا الثريا...من العنق...!




سقطت دمعة بكفها المفتوح بأحضانها وهي تنظر لآ أطراف مفرشها...!

وانا...!

الدانه...

ماوجعي لما أتيت الى هذه الغرفة من جديد..؟



تزوجته وانا بفعل عاشقه له...أعتقدت للوهله الاولى انه هائم بي...

لـ أصتدم يوماً بعد يوم...


بأنه يحترمني كثيراً...


لكن لايحبني ولآتدق مشاعره طبولاً لي..!

ويوماً عن يوم يؤكد لي بأن أرتباطه لـي مبني على عذاب ضمير يريد التخلص منه...؟


كيف لي أن أبتلع تلك الجمره التي تحرقني..؟



.
.
.

دلفت الباب المردود وبستغراب \وش عندك هنا...؟

مسحت دمعتها على عجاله لتردف بارتباك \ أشوف صور قديمه هنا....روعيتيني الله يهديكـ...!

الثريا بتشكيك وهي تشد الخطوات لها \ بسم الله عليكـ...

لتجلس على طرف سريرها وتغرق بـضحك \ خبول حنا والذوق الماسخ لهذي الغرفه أحد يصبغ هذا اللون بجدارن حمدلله والشكر...!

أرتفعت عيني الدانه بأبتسامه \يازينه يهبل ماعندك ذوق...

الثريا وهي تنظر لعيني الدانه \شكلك مانمنتي...فيك شـي..؟

الدانه \حتى انتي واضح مانمتي انتي وها الوجه المصفر...!

وضعت الثريا اناملها على وجها \صدق والله..!

لتردف \ عادي نومي ملخبط ...بحط زبادي وعسل وبيرجع له رونقه شوي...علميني بس...أنتي فيك شي..صح..!

الدانه \لآ..!

الثريا بأصرار \الا...منتي طبيعيه من البارح ما غير ساكته...وش فيك متخانقه مع ماهر...؟

الدانه بـختناق \خناق بسيط...ما يحمل ذكره...!

.
.
.


شف قائمة أمنايتي ...[دونها سياجك]...,


والخافق أن ماتحقق حلمه.. بيشقى..!


.
.
.

قائد وهو واضع رأس البندقـيه على كتفه..وبتهكم \ كم صدت...؟

رهان بضحك \قسم ماصدنا لاحمامه ولآطير منتف ولآعصفور ولاشي...مسكناها تتطعيس انا وخالد ...بس لآتعلم أبوي..!

أرتفعت عينيه بستغراب \جاي تتطعس يا المستهتر ومعك خالد...

رهان \نعم ياحضرة المحامي بعد قوم علي قضيه..أطعس با النفود ربي فيها شي...؟...والولد ماغصبته هو الي ركب معي يقول أبي عمي رهان..!

ليردف مبتسم \الله يهديك ...وين حاتم وعمي ..؟

رهان \سبقونا ...وحاتم شكله صايد كذا طير ماشاء الله عليه..

قائد ببرود\ ..بنصلح الغدا بدري..شكله بينزل مطر وخايف يجي سيل أو شي ماحسبنا حسابه...بـنرجع لبيوتنا بدري...

رهان وهو يلقي نظره لـسماء \صادق..وأنا أقوله بعد....


ليشدون الخطوات للمخيم...ليجدون ماهر بقرب من النار...


قائد \السلام عليكم....

ماهر بصوت متعب \وعليكم السلام..ها بشرو صدتو شي....

قائد ويضع الصيد بقربه \أكيد مايبي لها سؤال...لكن أخوك هذا لاعاد يخاوينا للبر...قايل له رح صيد راح يطعس...بالله عليك فيه رجاء ...؟

ماهر بـ ابتسامه \أيه دوره عند الورق والمختبارات..تلقاهـ دويفير....لكن عند علوم الرجال أبد مخالف كل علم رشيد..!

رهان وهو يشير با كلتا أصابعه له\ أعوذ بالله منكم ومن عيونكم هي الي بتوقفني عيونكم ما اروح لامريكا...وأسكتو لآيسمعكم أبوي...ويقول مهبول عندي هنا بسعوديه
كيف عاد لو سافر...الواحد ماينبسط عندكم...هذا حاتم صاد وهذا انت صدت خلاص يعني بتلقون على الغدا طيور...يعني طيوري هي الي بتشبعكم...!

ماهر أبتسم لـيلقي بقايا الاعواد الخشبيه من الحطب بنار...


حاتم وهو يقبل من بعيد بطيور بيدهـ ...\خالـد تعال ...

خالد يشد الخطوات لـيتلقف الطيور من يدي حاتم وهي منزوعة الريش والعنق والاقدام...

حاتم ب أبتسامه \لو بكرت با الجيه كان علمتك كيف ننتف الريش ونصلحها...الحين لازم نشويها شوي عشان الريش الباقي صغير فيها ينحرق ومايجي بطبخ...

أبتسم خالد بفرحه \ انا بشويها على النار ي عمي انا...

حاتم بمحبه \أيه أكيد أنت...وانا بساعدك...

نظرات قائد لـ حاتم الـمتشاغل عنه القى سلاماً بارداً من ثم ذهب مع خالد بقرب النار..


غسل يديه قائد من ثم شد الخطوات لـبريق الزنجبيل لـيسكب له ...و..عينيه تراقب خالد وهو سعيداً جداً بمرافقة حاتم ..و..حاتم ومحبته لـخالد الواضحه جداً...


قائد بهدوء \ حاتمـ...أنت شايل في خاطرك مني عقب البارحه...؟

حاتم ببرود \ ماظن أنك تحسب لخواطر حساب...ي ابو نايف...!

صمت و بخطوات متنزنه..ليثني قليلاً ويقبل رأس حاتم الذي أنتفض ليقف...لولا يد قائد الموضوعه على كتفه..

ليردف \أذا خاطرك أنت بذات ماله حساب..علمني يا حاتم من الي أحسب لخاطرهـ حساب...؟



ماهر مستغرب ومقاطع \وش فيكم...أنتم متهاوشين...!


قائد يشير بيدهـ \ لا...أخوك شايل بخاطره ...وبنرضيه...!


.
.
.
شف قائمة أمنايتي ...[دونها سياجك]...,


والخافق أن ماتحقق حلمه.. بيشقى..!


.
.
.

نـجد وهي تسكب الشاي لـ أم محمد \والله الوالده وكلهم يسلمون عليكـ...

ام محمد \الله يسلمهم ويخلي لهم غاليهم...وشلون وصايف هذيك المره تشكي من رجولها..

نجد \الحمدلله طيبه ..وبخير...

ام محمد بعفويه \ماله نيه قايد يفرح قليب أمه...وياخذ بنية عمه....

نجد بحزن \لاوالله يمه ماله نيه...مدري متى يطيح الي في راسه الله يخليه لنا...هذا الي يقولون شطحة العاقل...

غرقت ام محمد بـضحك لتردف \تذكرين عرس العنود الي حضرنه مع اهلك لكن جلست بطاولة بعيده عشان صوت الطقاقات...

نجد \أيه ياخالتي أذكره ليه...

أم محمد \جميح عسى عيونها الفرح دوم تقبل وتقفي لـي بعصير تحطه عندي والا الماء..يوم أنشغلتي بـ لولوه ...وجوني ناس ينشدون عنها هي معرسه والا لا...
قلت الا مخطوبه وعرسها قريب..ياالله تجعل كذبتي هذي فال خير عليها ...

غرقت نجد بضحك لتردف \ الله يسامحك ياخالتي كذبتي بتالي عمرك عشان قايد...

بفكاهه \الله يعفو عني لكن لبسهم ماعجبني متفسخات وينشدون بعد من زين النشده ومتخيرين بعد...!



طرقات الباب القويه أجفلتهم ....

أم محمد بـستغراب \بسم الله الرحمن الرحيم وش ها الطق على الباب قومي يا نجاوي شوفي من...؟

نجد وهي تقف \ ياجالسين الله يكفيكم شر الجاين...



شدت الخطوات لـ الباب لـتقف بقربه \ من...؟

ليأتيها الرد الغاضب الباكـي \أنا شيخه....أفتحي يا نجد...!

فتحت الباب وأختبئت خلفه لـتدخل شيخه بـ حقائبها...!

أغلقت الباب وبستغراب \ وش فيك يا شيخه عسى ماشر..؟

تجاهلتها شيخه لتخطي الخطوات لوالداتها الواقفه بستغراب...\شيخه وش بلاك..؟

شيخه بغضب \ تهاوشت مع الرجال...وحلفت مارجع له ...من زينه المنتف ومن زين العيشه الي معه تقصر العمر...وحتى عياله حذفتهم عليه...خلوه يجلس معهم ويعرف
الحق...

ام محمد بصدمه \ عنبو بليسك انتي ماتشبعين كل يوم جايتني متهاوشه مع ها العله رجلك...ذبحتيني صرت علك في فم ها الناس متى تعقلين يا شيخه متى وتضمين
رجلك وعيالك...؟

شيخه \ هو السبب يمه هو السبب...كل يوم أردى له من اليوم الي قبله...لآفيه أمل ولآفيه رجاء...ماغير هاتي هاتي فلوس...وفوقها عيونه يمين وشمال ...وش اصبر عليه
علميني وش اصبر...لآوظيفه مثل الناس عنده ولآ أخلاق...تعبت نفسيتي خلاص...

ام محمد \كل يوم هذا الحكي ينعاد...وأخر شي يجي وبكلمتين يطيرك بسماء وترجعين له...انا الي تعبت منك...

نجد بتلطيف الاجواء \الله يصلح مابينكم...هدي نفسك ي خالتي...هدي نفسك لآ تتعبين...خلاص تجلس شيخه ها اليومين ترتاح نفسيتها ونشوف وش المشكله..

شيخه تترك المكان لتدخل لـداخل البيت...

أم محمد \شفتي حظي في ها البنات...كل ماقلت زانت جد علماً جديد الله لايجعله رداة حظ الله لايجعله رداة حظ...






.
.
.

شف قائمة أمنايتي ...[دونها سياجك]...,


والخافق أن ماتحقق حلمه.. بيشقى..!


.
.
.

بعد الغداء ..


تركي وقائد يسكب الماء على يديه \والله ها الغداء خفيف على المعده وانا والله كثرت فيه لكن لحم ها الطيور والحمام طيب...

قائد \بعافيه يا عم بعافيه...

تركي بمحبه \الله يعافيك...يا الغالي...

مسح يديه بمـناديل لـيردف \ خلهم يخلصون بـسرعه قبل المطر ماينزل الله يستر ...وماهر بعد تعبان ...أستعجلو ياعمك...

قائد بهدوء \كل شي جاهز...لآتشل هم أنت بس أركب السياره ...



بـ المقابل



رهان يحمل الصحن لينظفه ...

حاتم يسارع الخطوات لـرهان \لحظه لحظه...

رهان بستغراب ..\ خير...وش فيك...بتنظف الصحن عني ي جعلني قبلكـ ...

حاتم بـ أبتسامه \لآ...بس أترك بقايا ها الاكل للقطاوه والا الـحيوانات الي بتمر ...ترى في كل كبد رطبه أجر وانا أخوك...هات السفره الي فيها الاكل عنكـ...أنا بفرشها بمكان
قريب...

رهان \ياحنييين أنت...ورى من حنانك ما تكفيني بعد وتغسل الصحن...؟

حاتم يتجاهل رهان بتجهم ..ويسارع الخطوات لـ مكان أخر...

رهان \العظمه لله...ورى أخلاقه شاينه...!

ماهر بقتراب \أنت وش تبربر خلص بسرعه ترى أبوي معصب...,

رهان بـبرود \الحنين أخوك شاينة أخلاقه ...مدري وش فيه...

ماهر بـهدوء \الله أعلم ان بينه وبين قايد شي البارحه واعتقد يخص الجموح...!!

رهان يلقي نظره متهكمه لماهر \والله أعلم أني بروح لـ أمريكا وبخلص دراستي وبرجع وبعرس ويجي علي عيال وأحفاد وها الموضوع تتناقشون فيه..
أغصبو الأثنين على بعض وأخلصو تراهم مثل الي يقول أغصبوني واتغيصب...!

.
.
.


شف قائمة أمنايتي ...[دونها سياجك]...,


والخافق أن ماتحقق حلمه.. بيشقى..!


.
.
.
الثريا با أبتسامه \ يَ حلو النوم بشتاء...لذيذ....

أم قائد \ نوم مهابيل وانا أمك...توك تصحين..حتى الغدا فاتك...لو دانه ماهي بـ هنا كان ماتغدى معي أحد...

الثريا تقبل رأسها \لبى قليبك يا يمه...والله ماجاني نومـ البارحه..مانمت الا مع الصباح...معليه أخر مره أن شاء الله ...

أم قائد \أيه كله ولآ النوم الزايد مادانيه وانتي تعرفيني وتعرفين طبوعي...عاد يا الثريا ان كانك أنهبلتي عقب ها العمر وش أشره على الباقين...؟

غرقت بضحك وهي تجلس وتلتقط كأس الشاي من دانه..\ الحين النوم هبال تالي عمر...والله ماجربتي هبال الزين ياميمتي كان تعرفين الهبال على اصوله...

أم قائد وهي تقف \ بروح أقيل وبعد العصر بروح لـجارتي ام سعيد...و...أنتي تغدي لآ تجلسين كذا ماكليتي شي...قايد مكلمني يقول يمكن يجون المغرب..جهزو لـ أخوكم القهوه والشاي ...وشوفو ملابسه مكويه ونظيفه والا لا...لأنه اكيد بيتحمم اول مايجي...

الثريا ب أبتسامه \أبشري أبشري...عاد هذا قايد مايوصى عليه فديتك....روحي نامي الله يجعله نوم عافيه...


الثريا أخذت جهاز تحكم التلفاز تحت أنظار الدانه الصامته لتقلب بـ المحطات وتضعه على قناة العربيه...\أحب هذي القناه اول ماصحى...هههههه...,

الدانه بـوجع \ ثريا....بقولك حاجه...؟

التفت لها الثريا بستغراب ..

لتردف بتوتر \ أنا عارفه أن انا أضعف شخصيه فيكم...مهزوزه لدرجة ان كلمه عابره تاخذني وترميني ب أعمق محيط مظلم...أنا مو مثلكم لآ أنتي ولآ نجد...
أنا ضعيفه جداً...

الثريا بألم \لآ يا دندون ليش تقولين كذا على نفسك فديتك...أنتي بس يتهأيلك...عشان ها العرجه الي فيك...ترى عادي ياقلبي الناس مالهم هم الا الانشغال ببعضهم بعض...

لتغرق في البكاء بلا مقدمات وبـوجع \ أبي أكون مثلك يا الثريا ...أبي أصير قويه في كل موقف لو من برى قدام الناس...او مثل نجد الي وقفت على رجولها
من جديد وحاربت عشان الكل يحسب لها الف حساب أبي أقوي شخصيتي تعبت تعبت تعبت من هذا الوضع...ليش انا مو مثلكم ليه..؟

وقفت الثريا لتجلس بقربها وتضمها لصدرها \أنتي شخصيتك حلوه يا دانه..وش له تقولين شخصيتك ضعيفه...أنتي مخبيه عني شي...بينك وبين ماهر شي...موجعك ماهر
بكلام ولآتبين تقولين لي...؟

الدانه تشد من أحضان الثريا \لآ...مافيني شي...بس متضايقه حيل حيل من وضعي...!


.
.
.

شف قائمة أمنايتي ...[دونها سياجك]...,


والخافق أن ماتحقق حلمه.. بيشقى..!


.
.
.
بعد عدة ساعات....,

با المساء

.
.
.

قائد يحمل خالد بين ذراعيه...

ليطرق باب جناح ثريا بهدوء...\ثريا نمتي ..؟

لحظات لتفتح الباب مبتسمه وتقبل جبينه\لآ ياقلبي...حياكم الله ..يا الاثنين...تأخرتو حيل...؟

حاولت تلقف خالد بين ذراعيها ليرفض قائد مبتسم..

قائد \حلف علينا عمي با العشاء ...سبحان الله جينا من البر ونحسب ان الرياض الحين غرقانه من المطر وحصلنا رش خفيف عليكم...

الثريا \أهم شي انبسطتو...,

أنحنى ليضع خالد على السرير ..

من ثم أرتفع ليضع يده فجأه على ظهره..!

ثريا بفزع \وش فيك قايد...تمسك ظهرك.....!

قائد يستند على الحائط با ابتسامه \الم خفيف يجيني بعمود الفقري من فتره طويله...!

ثريا بوجع\وتشيل خلودي بعد..الله يهديك وليش مارحت للمستشفى...الله يصلحك ياقايد ماتروح للمستشفى لو انك قاضي...

اشار بيده بهدوء\ الم بسيط...,
↚
ثريا\الم بسيط لاعاد اشوفك تشيل شي ...!

شدها له برفق ليقبل جبينها \ابشري عمتي امر ثاني...

وضعت كفها على صدره وبهمس \أيه أمر ثاني..!

أرتفع حاجبه بـ أبتسامه \سمي..؟

ثريا برزانه..\متـى تتزوج الجموح..؟

أبتسم بتهكم \أنتي وحاتم متفقين علي ها اليومين والا وش قصتكم...؟

ثريا بستغراب \بعد ...وفاتحك حاتم بموضوع...!

لتردف بـغضب \ أنت قلت لـي قبل سنين ماراح أتزوجها الا لما اسوقها لشيب سوق....مبروك يا قايد...وفيت بوعدك وحلفك...البارح شايفه شعره بيضاء بـ شعر الجموح واضحه
مره وكأن ها الشعره تقول روحي عطـي الي حلف الخبر الاكيد...هذا انا بـحرايرها السود موجودهـ...!

تراجع بألم...!

لتردف \ماطلع ها الشيب من كبر صدقني...طلع من التفكير والتوتر الي هي فيه من وضعها الحالي أكيد...ياخي أتق الله....في نفسك وفي خواتك عاجبك حظوظنا وحده ورى الثانيه
نجد توفى زوجها...و...أنا تطلقت...وهذي دانه معلوله مدري وش قصتها رافضه تعلمني....
عاقبتها صح...
ولكن الله ضاعف لك العقاب ب خواتك...ما نعترض على مكتوب الله لكن هذا الوضع مايل ولازم تعدله..!

وضعت كفها على صدره لـتتكلم بـجديه \أذا هذا القلب باقـي ينبض في حبها ...ماظنـي عقب ها الحكي اليوم يظل الوضع هذا على ماهو عليه...!
↚
أثركْ كرِيَم و أحْسبَكْ يَ صاحبَي فينِي شحوحَ
. . . عآدلَ و لآ تبخسّ فؤآديَ يَ محانيَه الحقوقْ


مآ هنتنِيَ مآ أرخصتنِيَ ، وآفِي علىَا العزّة شفٌوُح
. . . مآ غيرَ أنتَ أهديتنِي دمعاً علىَأ عيني يلوٌق


ظلمَتنِي ! منَ قآلَ يَ خليَ ! و لآ جبتَ الجروحَ
. . . يَ فرحتِيَ بكَ يومَ شفتكَ ل الغدرَ تآتي سَبوٌق


ذبحتنيَ ! كذّاب من قآله و لآ يعرف يبوّح
. . . و ترىَا الدلِيل الخنجَر الليَ بالظهر دمّه يرٌوق


أتعبتنيَ ! لآ و الذيَ سوآك و أنفَخ فيكَ روحَ
. . . لكنَي من زوَد التعَب ميّتَ و ب أحلآمَك آفوق


يَ حسرتيَ يوميَ معكَ متأمّلَ و جداً طَموٌح
. . . وَ يَ شين حلمِي لاَ تحطّم بعدمَا خآوَأكْ فوٌق


كنّ الحزنَ في خآفقِي متحلّف إنه مآ يروحَ
. . . و كنّه أبدَ مآ جآزّ له غيرهَ ب هالدنيَا خفوق


بَآسَه قويَ ، و لهَ بروقٍ قٌدْم أعيَانِي تلوحْ
. . . يَ كيفْ عينيَ ب المطر لاَ صآر هذيك البٌروقْ


اللهَ ي عمرٍ علىَآ ظلمَ الغلآِ يومَه يروَح
. . . و اللهِ منْ وقتٍ يسوٌق الحزنّ ل الخفّـآق سُوق


اللهَ معَك و أناِ ضميرِي يَ معاليقيَ سموحْ
. . . و أنا لي الله ، دآم حزنِي مسكنَه بين العروقْ



/

بدايه..,


صباح \مسسساء ...الياسمين..,


أن شاء الله جميع الأحبه بألف خير...


أسفه على التأخير الغير مقصود


مشكوره يَ ام نواف
على تعبك اليوم معنا

.

.

.
تدور مناقشات عن أعمار الأبطال..... الأعمار سبق وذكـرتها بـرد من ردودي على أحد الأخوات

لكن أفضل الآن أن تذكر بسياق الأحداث...,
.
.
.

نبهتنا قارئه لـثرثره بأن المدخل الأول لـثرثره فيه فتوى شرعيه...

وهو مقطع صلاة الحاجه....وأضافة رابط للفتوى...وأنها لآتجوز...شاكره لها...,

بحثت بـمحرك البحث وبفعل كلام الأخت صحيح..

وهذا يجهلني ويجهل الكثير والدليل الكثير ما أنتبه للمدخل ..,


جزاك الله خير يَ وردة شقى..


وأن شاء الله أنكـ [..وردة شذى...] الي عطرتي الثرثره وأهلها بهذي الفائده...

ويسعدني والله أن فيه أخوات واعيات في أمور الدين وينبهون غيرهم...,

أنا يا أخواتي لآ عالمه ولآفقيه ولآحتى ضالعة بَ أمور الدين...

يجهلني مثل مايجهلكمـ وأسعد كثيراً بهذي الملاحظات لأنها

توعينا جميعاً...


طلبت من الغاليه معزوفة حنين تحذف المقطع الـي يندرج تحته الفتوى الشرعيه بأنه بدعه...

وأبقينا على القصيدهـ..


.
.
.

و

ملاحظه أستبعاد تام في أن تأخذ الثريا على ثانيه ..!

ليش طيب ..؟

عادي يا أخوات...


وش يشكـي منه أبو سلمان ..=)


مآدري ليش الأنثى بطبيعتها تكره وتنفر من هذا الحل...,


يعنـي وش يسون المطلقات والارامل.. والمتأخرات بزواج.. ؟؟

يشقون أنفسهم نصين والا يجلسون يعدون نجوم السماء وتـروح سنين العمر..,

عطونا حل جذري أذا عندكم حل الله يرضى عليكمـ...؟


حلل هذا الأمر في الشرع لـ فائده ولحل مشاكل عديدهـ ...


وبعض الأزواج مايكتفي بواحده بطبيعته..حتى لو هذه الواحدة كامله...

حاجته الجسديه والنفسيه وأشياء كثيرهـ يمكن يكون ما حصلها بـ الاولى...,


والـرجل بطبيعته ...[غير..] ...المرأهـ...





لكن...!









على قولة أمي [أعقل الحريم في هذي السالفه تصير أهبلهم..]..>وأنا أشهد يمه وبنتكـ أولهم...=)




ثرثرتنا اليوم طويله وفي نهايتها حدث حاسم وفيه تحريك كبير لدفة الأحداث بشكل قوي...لكن قبل

مانبدأ...


البارت الجاي راح يكون مسائي أن شاء الله....,







,
.
.
.


لآتلهيكم الروايه عن الصلاة في وقتها..,


.
.
.

ترآجع بألم...

و

هو با الفعل يشعر أنه ممزق من كل كلمة كـا السمـ تقذفها الـثريا بوجه...


أه يا الثريا...

لو تعلمين فقط ..


كم أوجعتني تلك السنين العجاف...؟

كم.. و ..كم .. و..كم ..قلـبتني على الجمر...!

.
.
.

تـراجع بصمت من دون أن يعلق على الموضوع بـ رمته..و...ترك الجناح...


لـيشد خطواته الثقيلة لـ جناحه...


أغلق جناحه...


وهو يـشعر بأن أضلعه تضيق به...

و...

تضيق...

حتى تفقدهـ ألتنفـس...

تفقدهـ النبض...!

تفقدهـ الشعور بأنه في مكان مآ...!

.
.
.

أطلق زفرة عميقة....

وجلـس على طرف السرير....من ثم وقف...!

نزع شـماغه لـيضعه على الـكومدينة ذات اللون البنـي الغامق..

من ثم عاد وأستلـقى....!




يشعر با الفعل بـ غليان يـتخلل أوردته...

غليان يتخلل مابين الجلد والعظم..!

هي فقط الملامة في العذاب الفعـلي الذي بينهم...

هي فقط المذنبه...





هي من أوقفني حبها مُشارف على الأربعين على بعد خطوتين فقط من تلك الأعتاب...


حاولت مراراً وتكراراً أن أقذف بحبها العذري في غيابات جُب مظلم لآنور ولآهواء فيه...!


فوجدت أن هذا الحب يقذفنـي في بحر مظلم ..و ..أحاول فيه أن أجعل سفينتي تـصل الى الميناء سالمة..!



.

.

.

فكـرة أن أتزوج غيرها ..و..أُرغمها على أن تكون الثانيه..


لتنكوي وتنسلخ روحها...و...هـي ترانـي مقترن بغيرها...


لكن ...!


لم أرد...أن يقترن طرف ثالث أيضاً بلعبه..ويُظلمـ...



فتلك الروح عاشقة حتـى الثمالة لعنوداً جامحه ترفض الأنقياد والأنصياع..!




.

.

.

لما يا الجموح أوجعتيني بذاك الـ ألم...



حتى أوجعتك أنا بذاك الوجع...؟


لما دفعتي بـي لـ أرتدي ثوب غـير ثوبي...


وأمارس عليك قوانين ..و..طقوس.. تؤلمنـي وتمزقني قبل أن تؤلمك... ؟


.
.
.


فتح الأزرة العلوية من ثوبه...

ليقف بـألم...


فـا المكان بفعل يشعر أنه يخنقه..!

فـتح باب جناحه وخطـى الخطوات للخارج...

يُريد أن يتنفـس...

فا الجموح باتت تخنق أوردته بفعل..,

.
.
.


تفاجئ بـوقوف الدانه بـ القرب من جناح الـثريا ..

وبـستغراب \دآنه..!!!

أبتسمت بأرتباك \ لبيه...

أقتربت منه لـتقبل خده ..\ مساء الخير..كيفكـ....؟

قائد \...الحمدلله.. لـيش أنتـي هنا الليله..ماكلمك ماهر وعلمك أن حنا جاين الليله...؟

الدانه \ كلـمته المغرب وقال نامي عند أهلك يقول أنه معزوم عند واحد من زملائه..

التقط كذبها لـيردف \ ماهر تعبان من يوم مشينا منكم والانفلونزا هادته هد...يبيك أكيد ما تجين عشانه ..وترتاحين هنا الليله..!

تحركت عينيها بـقلق..\تعبان...

قائد يضع أنامله على فكها الـسفلي وبرقه...\تجهزي أنا بنتظرك تحت أوصلك لـه...لآ...تتأخرين...

الدانه مرتبكه\بـس...أنا...أأ

قاطعها وهو يتجه لجناح والداته \يالله لآتتأخرين...

.

.

.


فتح باب جناحها بهدوء لـيطل عليها ..


لـيجدها تستغفر تحت أناراتها الخفيفة مسـتلقية على سـريرها...



قائد \ مساء الخير يا حلوة الـمبسم...

أبتسمت وهي تهم بجلوس \يامرحبا والله يَ قايد...

أحتضن كفها ليقبله...من..ثم قبل رأسها المملوئ برائحتها المميزهـ...

قائد \وشلونك اليوم عساك طيبه...

أم قائد \الحمدلله بخير ..أنتم وشلونكم وش أخبار خلودي في البر عساهـ أنبسط...؟

أطلق ضحكة هادئه \أأأوه..يعجبك ولد الثريا...أخذ من أمه أكثر من أبوهـ...وده بس يتعلم ..وحاتم عاد أحسن معلم صاير..

أم قائد \حاتم...ياجعله يسلم..وفيه مثل حاتم...أكيد أنه كاسر خاطرهـ...ماتذكر وش كان يسوي بولد نجد أول ماتوفـى أبوه...

قائد \وللحين ..لآشاف ثامر رجع بزر معه...الله يرحم محمد ويسكنه الجنه أنا أشهد أن مافيه مثله أثنين الله من العشرة الطيبه...

أم قائد بحزن \ أيه والله صدقت...العشرة الطيبه والأخلاق الزينه..دنيا ماهي مخلية أحد الله يختم لنا بخير...

قائد بـصوت منخفض مليئ بـتفاؤل \ فيه موضوع يخص الثريا أبـي أفاتحكـ فيه وأبيك تقنعينها...

أم قائد \وش هو ياقايد خير أن شاء الله ...؟

قائد \ مكلـمني واحد يبيها...صفوق أبو سلمان......عرفتيه...؟

أم قائد \أيه أعرفه...وشلون ماعرفه...مكلمك في الثريا يبيها...!!

قائد \أيه يبيها...هي الثانيه والشرع محلل أربع...وهو رجال راكد وعاقل ..الصلاة ماتفوته با المسجد وحلقات الذكر..
مدرس وله كذا نشاط تجاري...مكتفـي مادياً...وأخلاقه كويسه...وش رايك يمه..أنا والله مهتويه لها...

أم قائد بـقلق\ والله ياقايد الثريا ماهي حمل ها اليومين ها الموضوع مابعد تسكرت جروحها يا أمك...

قائد بمقاطعه \يمه يعني أذا رجال مثل صفوق جاي يخطبها نقول مجروحه وتبكي ..و..حاطه أيدها على خدها عشان
تضيع الفرصه ويفوتها كل شي طيب بحجة الجرح ماطاب...!!!

با العكس تبدأ من جديد ...وتطوي صفحة الماضي كله...

أم قائد بـألم \ يا قايد صفوق من قبيله ثانيه ..ماهم من جماعتنا وربعنا...كيف تبـي الثريا تروح منـي بعيدهـ...وعيالها
يجون ماهم منا ..؟

قائد با أبتسامه \يمه الله يهديك عادي...المهم أن الرجال صالح أن شاء الله...هذا فهد منا وفينا وشوفي وش سوى فيها...


أم قائد بـوجع \الله يقدم الي فيه الخير...مابي نستعجل في الموضوع...


وقف قائد \أجل فاتحيها وشوفي وش ترد لك...أنا بروح أوصل الدانه..زوجها تعبان ماخذ برد...ومايصير تنام هنا وتتركه..

أم قائد \مايشوف شر أبو تركـي أيه والله ودها عساني ماذوق حزنك...

أبتسم لـيودعها برفق..


.
.
.


أنا لك من هنا حتى مغيب العمر وزهوره...!
الى مشرق مشيب العمر لين يغيب.. [..بترابه..]..,
.
.
.

لو لم توقضه الجموح لما شعر بنفـسه..

فـا الحرارة تشتعل بـجسده..و...ألم شديد بـرأسه...

أعطته الجموح مسـكن..

و..

هاهو يجر خطواته لـجناحه بتثاقل ويفتح بابه...

.
.
.

دخل الجناح...

ليجده مظلم بارد كـ الثلج...

لفت أنتباه أن التدفئة والتكيف مـطفئة...




أشعل النور...

ليجد الفراش بترتيبه ...

وحتـى عطرها لآ يحيط بمكان...!


التقط بطرف عينيه ...,


قـميصها الحريري الطويل ملـقى على طرف الـسرير....


أين هـي....لما لم تأتـي...؟


ولم تتصل..الا تعلم بأني هنا...ومتعب جداً...!



.
.
.

القى بجسده على الأريكة...


يشعر بحرارة تسري بجسده...حُمـى و أرهاق...!
.
.
.

هو

نادم قليلاً..وليس كثيراً...!

قد حن لحياة العزوبيه...

دانه أربكة عالمه ببكائها الدائم ..وعدم ثقتها بنفسها..

وتعذيب الضمير المستمر معها..!

فكرة الأنفصال قد تكون واردهـ...

لكن..

هو يريد الأنفصال يأتي منها هي..وليس منه..

بذلك قد يرتاح قليلاً...

لم يعاملها الا بمايرضي الله..

أحترمها...

ولم يـخطأ معها في شيء...

وأن أرادت الطلاق فلن يرفض..!
↚
زفر وهو يشد وشاح لها ليتغطى به فقد شعر ببرودة فجأه..

بعد تيارات الحرارة التي غزة جسـدهـ....

.
.
.


أنا لك من هنا حتى مغيب العمر وزهوره...!
الى مشرق مشيب العمر لين يغيب.. [..بترابه..]..,
.
.
.

الـثريا تُغلق جناح قائد...وتبحث عنه ...

لـيأتيها صوت والداتها وهـي تراها من طرف الباب المردود...\ أم خالد...

الثريا \لبيه يمه..ما نمتي للحين...؟

أم قائد \ لآ ...مابعد نمت...دخل علي قايد وسولف معي شوي ..وأنا على حروة نوم...

الثريا \ وينه قايد...أدوره بجناحه...دخل علي بعد ماجاء من المخيم...وهاوشته في موضوع الجموح...وأحس أنه لآن..

بس أوجعني قلبي عليه وأبـي أشوفه قبل لآينام...

أم قائد \ ماقلتي شي تدارين خاطره عقبه فيه ...الا ..كثـري عليه...سود الله وجه في بنت عمه...وفعوله معها...أجل أحد

يترك الجموح معلقة...كذا...!

خايب الحظ لو يطل في وجها طله...عض أصابيعه ندم على كل ثانية فرط فيها مـاهي بعنده...!


الثريا \أيه والله يمه ماتستاهل الجموح الي يسويه فيها...الله يصلح مابينهم...عن أذنك بدخل أجل أنام...

أم قائد تشير بيدها لطرف السرير \تعالي ...تعالـي... عندي موضيع صغير لك...

الثريا بستغراب \موضوع...وش هو يا الغاليه...!



جلـست الثريا بقرب والداتها...



لتضع والداتها يدها بيد الثريا وبحنان \أخوك قايد يقول أن صفوق
أبو سلمان...خاطبك..

يمدحه أخوك ويقول رجال عاقل وبيصونها ويعزها...وصافطه لكـ...

أرتفعت عينيها بـصدمه \يمه أتزوج الحين...!

والداتها بـألم \أيه...داوي جرحك ولآتخلينه كذا مفتوح...دام الرجال ينحط على الجرح يبرى وش له تضيعينه منك...
تبين يعني السنين تنطوي بزعم أنه مابعد طاب جرحك...!

أشارت بأناملها على صدرها\ يمه من جدك الله يخليك لـي...يمه أنا أصلن مابعد أستوعبت أني منفصله من فهد ...
مابعد أستوعبت وضعي الحالي الحين.. فهد ماهو يومين الي جلستها معه...فهد جلست معه سنين...

أم قائد \دآريه أن ماهي بيومين..لكن وش يضمنك أن الرجال الكفو بيجك كل حين...هذا هم البنات ببيوتهم ماجاهم أحد..
أنا يمك ماودي أغصبك لكن فكري...وبكيفك ماحد بغاصبكـ...ولآحد بشاد عليك...أنتي من نفسك قولي رايك...

تراجعت بألم \ يمه زوجته هي الي جتنا قبل كذا سنه يوم عزمهم قايد...الي أسمها ..حصه..؟

أم قائد بتذكر \والله ماذكر أسمها زين لكن أناديها أنا أم سلمان...مابخسها زين...الله يستر عليها..وهذا زواج قسمه ونصيب..

يعنـي الشرع محلل أربع...لآتقولين مايحق لي وبظلمها...

لتردف \ لآتقولين باخذ ولد والا مطلق ماعنده أحد.. ماراح أوجع حرمة مثلي أجي على راسها..

هذولا البنات ببيوتهم ماتزوجو..ماودي أوجعك يا أم خالد لكن مابيك تبنين في راسك شي ثاني...ومن راي

تزوجـي من الحين قبل يكبر خالد ويناشبك في زواجك ويجي له كلمة عليك....ها وش قلتي ..؟



الثريا صمتت بألم


من ثم أردفت بختناق \ مابـي أكذب عليك ودي أذبـح فهد بـ خبر زواجـي ..و...أوجع كل من تشمت فـي طلاقـي...
هذا أنا تزوجت مادارت
سنة وجعتـي...لكن يمه...الأرتباط من جديد بحد ذاته وجع ماتحمله...!

لتردف أيضاً \ أفكر...وأستخير...والله يكتب لـي الي يعوضنـي عن كل ماجانـي...

أم قائد \أيه والله ...ألله يعوضك خير...ويرزقك با الي يبرد حرة وجعتس..!..,

قبلة رأسها بعبرة تسكن حنجرتها وأنسحبت بهدوء..

.
.
.


أنا لك من هنا حتى مغيب العمر وزهوره...!
الى مشرق مشيب العمر لين يغيب.. [..بترابه..]..,
.
.
.

جناح حاتم..



الجموح بـصمت تلف على كفـه بشاش بعد أن وضعة مرهم عليها ..

لتهمس \ الحرق ماهو صغير يا حاتم...كيف أنحرقت بشكل هذا الله يهديك...؟

بهدوء\ أنحرقت وخلاص....

أرتفعت عينيها لـه لتجد ملامحه غارقه تماماً بتفكيـر...


وعينيه معلقة على كفـه ...


الجموح \ فـيك شي... ؟

ببرود \لآ...مرهق شوي...قـومي طفـي النور وسـكري الباب أبـي أنامـ...!


أنحرجت تماماً من كلماته الصارمه...


لتنسحب بهدوء وتغلق الباب ...

.
.
.


دقائق معدودة لـيزفر...و...يقف...


ويتجه لـنور الستائر الصادر من الشارع...

أبعد أطراف تلك الستائر ليلقـي نظرهـ لـ الـشارع...


.
.
.

هـي لن توافق..!

لـتو خرجت من تجربة فاشله...

مخترق سهم الغدر فيها صدرها وروحها...!

كيف توافق...؟

لآ ..أعتقد بأن جروحها سَ تطيب قريباً...

تحتاج لـوقت ..

تلعق فيه الأيام الجروح لتطيب رويداً رويداً...

لن تدخل تجربة جديدهـ...

أنا متأكد...


.

.

.


أنا لك من هنا حتى مغيب العمر وزهوره...!
الى مشرق مشيب العمر لين يغيب.. [..بترابه..]..,
.
.
.


أوقف سيارته وبهمس..\بينك وبين رجلك شي ي دانه..؟

توترت قليلاً..ثم أبتسمت\لا...ليش فديتك...؟

قائد\بس سؤال...الله يزين أيامك أجل...تصبحين على خير...

التفت بوجه لها...لينتظر قبلتها الوداعيه...

لكنها أرتبكت لتنزل من السيارة بإسرع من نسمة الهواء...

لم تقبله على خده...

كا عادة أزلية لها..

عندمـ تودعه فهي تطبع قبلة سريعة على خده..

لكنها لآتريد أن تضع عينها بعينه...

تخشى فضح الوجع..!

أطلق زفرة عميقه وهو يريد الرحيل من مشاكل أخواته التي لن تنتهي فيغرق بسلسلة أخرى...

حرك سيارته ليترك المكان ...,


.
.
.


أنا لك من هنا حتى مغيب العمر وزهوره...!
الى مشرق مشيب العمر لين يغيب.. [..بترابه..]..,
.
.
.

أغلقت بابها...!


وهـي لـتو تلحظ التعليقة الكـرستالية الـمحفوره با حرفيهما بمفتاح..!


تتدلـى ...!

تتدلى...!



.

.

.


لما لم تنتبه لهذا التفصيل السخيف الموجع من قبل...!



بقت تلك التعليقه أمام عيني لـعدة شهور لم أنتبه أنها من بقايه الغابره..!





أه يا فهد...


كم أحرقت الروح وأتلفتها أتلافاً...!




.

.

.

أغمضت عينيها...بحرقه..تريد أن تخفف هذا الوجع قليلاً...



لـتزفر...,


.

.

.

لما لآيهدئ....!


لما لم يُصنع مسـكن لهذه الأوجاع...!


الم يتطور العلم..؟


وتقفز الحضارات والعلوم...؟؟؟


أذاً..

لما لم يُخترع دواء لـ أوجاعنا كـي تخففها أو تخفيها...!



عندما أقسمت لكـ...


أن لآتعرفـني أبداً بعد تلك اللحظة تحت سقف واحد...!


تهكمت على أوجاعي أنت بأن لن يطرق بابي أحد...!


وأن..طرق...فـهو بتأكيد لآيساوي قرش بسوق الرجال...!



لم أنت بهذا التجبر...كـي...تكون على ثقة تامة...بأن لآيزاحمك أحد ...؟



الا تعلم بأني ثريا..


والثريا لآيطالها أي أحد..


هو فقط ذاك الحظ العاثر الذي أنحى وألقى بك في طريقي...


كي أتجرع كوؤس الـ ألم تباعاً...وأحتسب الأجر فقط...!


فما أنت الا ألم سـيكتب بأذن الله لـي فيه عوض وجبر خاطر ...!





.
.
.


أنا لك من هنا حتى مغيب العمر وزهوره...!
الى مشرق مشيب العمر لين يغيب.. [..بترابه..]..,
.
.
.



دلفت الباب لتجد الجناح مضاء..

بحثت عنه بعينيها...

فوجدته على الأريكة الرماديه غارق في نوم عميق...

شدت خطواتها له..

لتقترب بهدوء وتجلس بقربه..




تتأمله ببطئ...

تلك التقاسيم الرجوليه...

عشقتها للجنون وأكثر...



[..ذابت ..] ...فيه ...بكل مَ لتلك الكلمة العتيقة.. من معاني عديدة.. وأوجه كثيرهـ وتفاصيل صغيرة جداً..





شدة كفـه المقبوضه بـشده لتفتح أنامله الساخنه جداً..وتضع أناملها برقة بـكفه..




بأحضانه فقط تشـعر بعمق الدفئ و الأمان...


و...


بأنها تحت سقف رجل...


أجتمعت أجمل صفات رجال الأرض به....



وأختصرها هو بـحضوره...!





حتـى لو لم يحتضنها حب وعشق وذوبان...


الا...


أنه بفعل يحتـرم للخطوط المرسومة للعلاقة الزوجيه..,




[..با الفعل..]...


الأحترام هو كل شيء با العلاقة الزوجية كـي تستمر وتنضج...


لكن [الحب ]..


هو ذاك الشعور الدافئ الذي يجعلنا نتعمق أكثر وأكثر..


يشعرنا با الأمان أكثر وأكثـر...


يجعل الحياة الزوجيه أجمل و أعذب..,,




من فقد شعور الحب في العلاقة الزوجية ...هو... با الفعل فاقد لـ الدعامة الأساسيه لهذا الزواج...,





لما تشعر بأن [ الحب..]...


كائن مآ....


ظل طريقه فـ تواجد با الآرض فقتلوهـ أهل الارض لأنه غريب عنهم وأرعبهم ..,



أو ...



لما لم يكن كوكب دري يشار له با الآنامل...ونثرثر له بـ مساء...كـا القمر...!


هو سـيكون [..كوكب الحب..]..!





تراجعت قليلاً...من ملامحه التـي تغيرت فجأهـ...!


وكأن ثرثرتها الداخليه أغضبته..!


وضعت يديها الرقيقه على جبينه ..لترعبها حرارته...


أبعدت وشاحها منه...


ونهضت لـتأتي بكمدات باردهـ..


.
.
.

...صباح الجمعه...,
↚
أم محمد بـغضب \أنتـي متى تسكرين هذا الموضوع الـي ماخوذ خيرهـ..؟

شيخه \وين ماخوذ خيرهـ...لآبالله ماخذينا خيره...هي وأخوها الي خذو خيره...يمه...أذا أنتي طيبه بزياده وقدرت تاخذ

قلبك وعقلك من الحقيقه...فا أنا وخواتي لآ....ومثل ماعيالها أيتام..بعد حنا حقنا حق أيتام...

يمه هذا الموضوع تعبت وأنا أزيد وأعيد فيه...حقنا من ورث أبونا مع محمد في نفس ورثه الي الحين مع

نجيد وعيالها...يعني با الأوراق الرسميه حقهم....وحنا مالنا الا التراب...!


أم محمد \حقكم خذيتوه عطتكم قسمكم من ورثكم في أبوكم
الي مختلط مع تجارة محمد...
وقايد كان معكم...ورضيتو با النصيب الي خذتوهـ...وش له الحين تقولون ورث أبونا..؟

لتردف \ دامكم كذا لـيش خليتو فلوسكم مع فلوس محمد وقلتو أبد حلالنا واحد... ليش يوم قسم الورث وعطاكم قسمكم
قلتو لآ...حطها مع تجارتك وتاجر فيها..حنا أخوان ولآحنى بمختلفين ..لكن الخطأ خطأ محمد مافك عمره
وأستقل بتجارته وعياله...لكن وش أقول تعبت وأنبح صوتي وأنا أقوله ويقول أبد ياميمتي حقي انا وخواتي
واحد ماحنا مختلفين..وأذا هم يبون حقهم عطيتهم حقهم وزدت عليه...لكن أنا حافظ حلالهم بيدي من رياجيلهم...

نسى الموت وفجيعته...


شيخه \ أنا داريه أنه كان في نيته يحفظ لنا دراهمنا وحلالنا لكن ماوثق شي..
ماجانـي حقـي لآ أنا ولآخواتـي...يمه محمد مكبر تجارة أبوي تبون تقنعوني أن كل هذا من تجارته هو ونجيد...
وحنى كم قرش رموه علينا وقالو هذا أرث أبوكم وأرباح محمد مطلعها لكم...يلعبون علينا..
انا مافطـني لهذا الشي الا رجلـي...يقول لعبو عليكم يا الدلوخ..وعطوكم الفتات عقب موت محمد...,


أم محمد \يا شيخه لآتاكلين حق اليتيم...و...نجد بنت أصل وناس...والا وشلون بتعطيكم فلوس أبوكم وماحد
يقدر يمسك عليها شي..
كل شي با الاوراق الرسميه لها ولعيالها..وأخوها محامـي معروف ولآهو مخليكم تاخذون ريال من أخته...
لكن من خوفهم من الله..عطوكم حقكم وخافو انه يكون فيه لخبطه او نقص وزادو عليه من عندهم...,
هذا وش يدل عليه...؟
يدل على الذمه والضمير ماهو مثل ماتقولين..أتقـي الله يابنتي وأرضـي ب القليل يجيك الكثير...والحمدلله
مافيه قل..هذا انتي بخير وستين نعمه...لكن خبالك الدايم مايخليكـ...,

شيخه \أيه حتـسي..حستـي...!

دخلت نجد با القهوه والشاي \صبحكم الله با الخير...

أم محمد \صبحك الله با الرضا يَ أم ثامر يامرحبا والله...,

أبتسمت نجد وهـي تضع القهوه والـشاي وتهم بـسكب القهوه بفناجيل...\ تأخرت اليوم قهوتك وشاهيكـ..الشغاله تعبانه
ومادريت الاقبل شوي...العذر والسموحه...,

ام محمد \ياجعلك مسموحه فوق الارض وتحتها... مايلحقك قصور لو اني أبي القهوه كان ها الطامح خليتها تقوم
وتجيبها...ماغير تستدح وتبطح هنا...لآرجال ضمته ولآ قهوة جابتها...,

شيخه \الله أكبر يا يمه....متاكـثرتني...؟

قاطعتهم نجد \لآوالله ماحد متكاثرك ياشيخه أبد في بيت أخوكـ وكلنا في ظل ثامر أن شاء الله..

شيخه وهي تلتقط القهوه \داريه...داريه..!

لتردف \ راسـي مصدع...وأبـي السوق...تروحين معي يا نجد...,

أبتسمت نجد...\حتى انا أبيه...نروح العصر أجل ..

أم محمد بغضب \ أنتي..القلب الي بين ضلوعك وش هو منه...عيالك ماتدرين هم ماكلين شاربين ميتين جوع والا لا...وتبين
تطامرين في السوق...؟

شيخه ببرود\ مادرو عني...عماتهم عندهم..عيالهم وبكيفهم...ماهم نايمين جوعين وين حنا فيه..!

نجد \ يا شيخه كان جبتيهم وش ذنبهم الضعيفين كل شوي داخلين في هذي المشاكل..ترى حتى نفـسيتهم بتخرب..,

شيخه \الحمدلله والشكر تحـسبينهم مثل عيالكم المدلعين...عيالـي ماعندهم مشكله اللهم لك الحمد متعودين...أنتم عيالكم

لو أرفع العصى عليه بس تهديد دخلو في حاله نفـسيه أسبوع...خنبقة جيل جديد الله يكفينا شر حصادهـ...!

غرقت نجد في ضحكه هادئه \أنتي ياخبله يا تخيبلين...شيخه صدق متى تصحين على وضعك...والله راح العمر على
معافرك مع هذا الرجال ولو ان حنا دارين أنك ماتحبينه كان قلنا له يطلقك من زمان..؟

شيخه \أحبه...عساه في ديرة مافيها أحد...مافيها الا الكلاب الي تلحقه وتعض عراقيبه...ماتدرون أنتم بسوالفه خلوني ساااكته...

أم محمد \وانا أشهد انك لقيتي رجلك ورجلك لقاك ..!

شيخه بغضب \يمه والله أحيانا أحسك ماتحبيني وش ها الحكي قسم أنك تجرحين خويطري ...,

أم محمد \من خبالك ماعاد لقيت ترقيع أرقع فيها لناس كل يوم يقولون لي وش في بنتس شيخه جايتكم...
وهم يدرون بعاوبتك وطولة لسانك مهما تعذرت الله يعيني بس...

نجد بممازحه \أبد مثل كل مره بـيجي يرضيك وترضين...

شيخه بغضب \وش تقصدين ..تعايريني يعني...؟

نجد \لآحول ولآقوة الابالله يابنت الحلال مابينا معاير وتشمات...أنتي وش فيكـ..؟

شيخه \والله مايندرى عنك يانجد تغلفين حلو الكلام بـسمه...الله يكفينا شرك...

نجد بمسايره وهـي تكتم ضحكتها \اللهم أمين...الله يكفينا شر كل من فيه شر...,


.
.
.


أنا لك من هنا حتى مغيب العمر وزهوره...!
الى مشرق مشيب العمر لين يغيب.. [..بترابه..]..,
.
.
.

الجموح واقفه با المبخره بمنتصف الصاله...لـيأتي رهان وتبخرهـ...


رهان بممازحه\ماشاء الله عليك..حافظ مكانك كل يوم جمعه...ونفس المكان والوقفه ...


الجموح \يعنـي مابخركم الا كل جمعه...الله يسامحك...,

رهان \لآ والله ماهو المقصد...البخور كل يوم يجي من غرفتك ريحته..لكن يوم الجمعه لازم ها البخور بنص الصاله ولآزم

الجميع يتبخرون ...نظام جموحي منتااااز...!!!

الجموح \أها...أجل أجلس تقهوى وبكر للصلاة...ماهو لاخطب الشيخ تدخل المسجد...,


حاتم يدخل الصاله بهدوء ويلـقي السلام لـتستقبله الجموح با المبخرهـ...

ويبعد أطراف شماغه...

لينتشر رائحة البخور ويعانقه...

حاتم \وين أمي...ما شفتها اليوم...؟

الجموح \عند أبوي فوق والحين ينزلون...أجهـز لك شي تاكله قبل لآتروح لصلاهـ ...,

أبعد بأطراف يده المبخره التي بيد الجموح \لآ...ماقصرتي...أبي بس أتقهوى ونبكـر لصلاة...,

جلـس بقرب رهان لتقوم الزين بـسكب القهوة لهم...


وتجـلس الجموح بعيده عنهم نوعاً ما...,

حاتم \وش أخبار الزين..؟

الزين با أرتباكـ\بخير يا الغالي...الف سلامه علي يدك فديتكـ...,

أبتسم \الله يسلمكـ....

رهان بحديث ودي \ البارح وأنا طالع لفت نظري عامل بـ الشارع ملابسه حيل خفيفه...

والله رحمته من البرد واللبس الخفيف الي عليه..

مدري ليش حسيت بسخافة طلباتنا وخرابيطنا الي نحطها بـ قائمة الضروريات

.. و..هي لآهي أساسيات ولآحتى من الكماليات فقط

زيادة أشياء نبـي نحصل عليها...

فكـرت نجمع لنا مبلغ ...ونجيب كسوه للعمال...

بجايم شتويه ..قبعات صوف ..و.. بطانيات ثقيله ...و شرابات وجزمات الله يكرمكم...

ونوزعها عليهمـ...بكيس لكل واحد...ماراح يكلفنا شي...

الجموح بمشاركه\أيه والله يارهان صادق...هذا الشي من زمان وأنا أبـي أسويه والشيطان يأخرني...والله يارهان كل هذي الأشياء

البسيطه ماتجي نص قيمة فستان بـدروجنا الله لآيأثمنا ..و..لآيسلط علينا بـ أسرافنا من لآيرحمنا...

الزين \ والله قريب من الجامعه عمال يبنون أرحمهم لآ جكيتات ولآلبس يدفيهم ...خلاص أنا أول من بيحط مبلغ في هذي
الفكره الحلوه...والله يجعلها صدقه لنا مقبوله...,

الجموح \ وأنا بحول على حسابك مبلغ وأنت عاد تصرف فيه من ناحية تشتري وتوزع عليهم دام ماعندك شي ها اليومين..

رهان \خلاص قدام ...!

ليردف \وأنت ياحاتم وش رايك ..؟

أنتبه حاتم وبستغراب \في أيش ..؟

رهان \في الحكـي الي قلته.... العمال...!

حاتم \وش عماله...معلـيش...ماكنت معكم ..؟

رهان \نبي نجمع مبلغ حليو للعمال في هذا الشتاء ونجيب لهم شي يدفيهم...تعطينا مبلغ مع خواتكـ...والا وش نظامك..؟

حاتم \الا أكيد...خلاص لآرجعنا من الصلاه مريت الصرافه وسحبت لكـ...مافيها أن شاء الله خساره هذي الاشياء...,

ليردف \ قومي يا الزين روحـي أستعجلـي ماهر...أنا بمشي لـ المسجد...تخاويني يا رهان...!

رهان \أيه أكيد لكن أبوي نتركه..؟

حاتم \أبوي يمشـي على مهله ...مايحب يربط أحد...تجلس تنتظرهـ أجلـس...,

رهان \ لا بقوم أخاف أجلس ويهاوشني بعد..يقول ليه مابكرة لصلاه...يا الله أجل مشينا...,




.
.
.



أنا لك من هنا حتى مغيب العمر وزهوره...!
الى مشرق مشيب العمر لين يغيب.. [..بترابه..]..,
.
.
.



فتح أعينه بتعب...من ثم جلـس بتثاقل..

وضع أصابعه على جبينه..ليشعر بصداع يفتك بخلايه...



قلب نظره بجناح...


ليجدها بـ زاوية الغرفه مرتديه لـشرشف الصلاة..

و بكفي مفتوحه بدعاء صامت لا يسمعه...





وقف بتثاقل..

ليلقى نظرته اليها عن قرب ..


غارقه تماماً بدعوات خافته جداً...!





تحرك لتلك الستائر لـيتأكد بأنها قد تصـلي ركـعتي الضحى...



أسترجع ذاكرته ...


با الفجر بعد أن صـلى ..وجدها تغط بنوم عميق ...لآ...يعلم متى أستيقضت وصلت ...

فلم يكن به طاقه با الأصل حتى يوقضها...


وهـي من النـوع الذي يهتم لصلاة كثيراً فلا تفوتها مهما كانت متعبه...فلم يحمل هم أيقاضها..,


دخـل دورة المياه لـيشطف وجه...من ثم خرج بتثاقل...



وجدها تنزع شرشف الصلاة وتحرر خصل شعرها من ربطة وردية تعانق تلك الخصل...






مآهر بـصوت متعب \صبآح الخـير....,

أرتفعت عينيها له لـترد بصوت منخفض \صباح النور...,



تقـدمت لـتسريحه وشدت أحد العطورات لـتضعه على راحة كفـها....من ثم تعانق به عنقها..,



تقدم لها بخطوات متعبه لـيقف بقربها..


وينخفض بهدوء ويقبل كـتفها العآري ..\ ماتبين تسـلمين علي..؟


حركة كتفها قليلاً ...و...برتباكها الدائم تستدير لتقبل خدهـ ..بصمت مطبق..!.



عانقة أنامله أذرعها وبهمس ..\ مآكان قـصدي أجرحكـ دانه...!


أرتفعت عينيها له لتقاطعه \ مآجرحتني ماهر...أنت قلت الحقيقه..والحقيقه ماظن تزعل أحد..!



لـتردف بتجاهل \تـبي فطوركـ....؟


مآهر وعينيه تبتعد عنها \ أبـي شي دافـي بس...مو مشتهـي أكل...



شدت العربه الموجوده بـقرب منها لـتضعها بـقرب من الأريكه الـتي جلـس عليها...


لتسـكب له كوب حليب ساخن....وتشرع في فتح أغطية الافطار الخفيف...



ماهر بـهدوء\مآبـي دانه..لآتفتحين شي...,

الدانه \لآزم تاكل شي...البارح طول الليل تتقلب وحرارتك مانخفضت الا قبل الفجر بشوي...,

أرتفعت أعينه \ أجل أزعجـتك....؟

الدانه \ لـيش مانتبهت لـ كمدات الـي عليك طول الليل..؟

أبتسم لـيرتشف من الحليب \ كان قوي علي ها التعب..بس اليوم أحس أحسن بكثير...,

أبتسمت \الحمدلله..,


قطعة قطعه من الخبز لتغمسها بـ الجبن والعـسل...وتناولها لـفمه...,


فتح فمه كـ طفلاً صغير...أمه..تهتم بأدق تفاصيله...,



أبتسم بضجر \دانه والله كأنـي با الروضه وأنتي أمي تحرصين على فطوري..,

أبتسمت ....

لـيردف وهو يلقي أنظاره على ساعته \مارحتـي لدوامكـ اليوم ...!

الدانه \ أنت تعبان ماقدرت أتركك وراي والحراره كانت عاليه عندك مانزلت الا قبل الفجر...وأنا بعد مرهقه وتعبانه
من يومين...فا قلت أغيب اليوم أفضل,

أرتفعت أنظاره لها \ سلامتكـ...وش فيك..؟

الدانه بجديه \لآ...شكلك بفعل تعبان..اليوم الجمعه حبـيبي...!

غرق بضحكه هادئه \ والله نسيت...وانا أقول بطلب اليوم أجازهـ...,

الدانه تربت على يده بدفـئ...\ بسم الله عليك...,


قاطعهم طرق الزين على باب الجناح

وبمرحها الدائم \ مااااهر...ماهررر حبـيبي...أصحى...دندون...ياالله أصـحو...صلاة الجمعه أخواني تحت
ينتظرونكـ يا ماااااهر...



أبتسم وهو يقف ويشد الخطوات لـتلك الزين التي يعشق جنونها ..

و..

عدم تقيدها بأي نظام معين...وتعقيدات كثيره...

فـا حتى ذبذبات صوتها

يحمل كمية من المرح عجيبه...,




فتح الباب وأستند على طرفه...\ خيـر أن شاء الله ها الصوت العالي..!!

الزين بمفاجئه \ صوتي عالي صدق...!

لـتعانقه بـشده...

وتطبع قبلة قوية على خدهـ...\ها ..وش رايك الحين زد على الصوت العالي..دفاشة سلااام...

أعتدل بوقفته وسعل بشدهـ...\ الزين يا الدفشه صدق...كسـرتي خدي...,



أشارت بيدها بغير أهتمام \الحين ماتقولون لي يا أخواني ليش منتم كفو طلعت بر...واحد أحترقة كفه ..و...واحد راجع لنا تعبان
ومزكم وملوز وحالته حاله...أعوذ باالله..,


تحرك لها بهدوء لـيشد أذنها وترتخي بألم معه..

وبضجيج \ياربي يا ماهر توبه توبه توبه...خلااااص...مَ أعيد ها الخنبقه أبد أبد...!!!

ماهر يضغط أكثر ..\ مو كفـو بر...لسانك طايل يَ زوين..يعني الي يدلعك تطولين لسانك عليه ها...!

الزين بألم حقيقي \ أذني ياماهر أذني...يا قشرك...خلااااص...!


بتلك اللحظه فتح أبو حاتم جناحه وبحده \ مااااهر....أترك أختك يامال قص الاصابع...!


تركها والأبتسامه تعلو وجه...لتقفز بألم لـ والداها....


وهي تدعك أذنها المحمرهـ...وعينيها محتقنة بـدمع...,


ماهر \أستغفر يبه الله يهديك ترى بيوم جمعه...قص اصابع عشان فركة أذن لـزيون..


الزين \يبه ترى سو فيني كذا عشان قلت له حاتم ورهان مشو لصلاة وحاتم يقول صحي ماهر يلحق على الصلاة مبكر

تخيل يبه..مايبي يصلي مبكـر...تخيل..!



يرتفع حاجب ماهر وبتهكم\ بعد...!


أبو حاتم وهو يتـرك المكان \عجل بس أنزل لـي تحت أبيك توديني للمسجد القريب..وعقبها بنروح نسلم على ابو مرزوق

يقولون منكسرة رجله...الله يشفيه ...ياالله يا أبوك الهمام الهمام...!



ماهر \أبشر يبه...أبشر...أنزل وأنا بلبس وأنزل لكـ...


نزل والداه ...لـتلحق به الزين ...


فيمسك بعجاله ذراعها ويشدها لجناحه بعد أن كتم أنفاسها ...!!!



الدانه خارجة من دورة المياه في تلك الأثناء ...


وبرعب \بسم الله الرحمن الرحيم..وش فيك يا ماهر على أختك...!!


أقفل الباب قفلتين بيده الأخرى....\با أدب ها البنت.....,


الزين تفلت نفسها منه وبـرعب تقفز خلف الدانه \ ياربي أنت الي حديتني على كذا ...شوف أذني وش صار فيها...حمرررااا...

ماهر وش جاك علي صكوك عين...أكيد..أكيد...!


ماهر بتمثيل وهو يكتم ضحكه\صكـوني عين..أيه..يمكن...صرت أشوف لسانك طويل يبي له قص...تعالي ماحد يقدر يفزع لك الحين...


الدانه واقفه بينهم...وبتعب..\خلاص ماهر بلاش جنانك الحين..أترك زين..


الزين وهي تلتقط ملامحه الضاحكه لترتاح \ يوووه بسم الله على أخيي...بسم ربي أرقيك يابعد كل ها الدنيا من عيون الحساد

والحاقدين وكل من يشوف علاقتنا ولآيصلي على النبي محمد ...[عليه الصلاة والسلاة ]...


ماهر يشد أطراف شعرها له وهي تتشبث با الدانه المتضايقه...\بوسـي راسي وأعتذري...يا الله أشوف...!


الزين متألمه \بس كذا...لو تبي أبوس يدك بعد...ماهر عورتني صدق هد شعري..هذا بذات لآتتعرض له فديتكـ...!

قبلت رأسه وجبينه وخده...

ليغرق بضحكـ...,

لتردف الزين بستغراب \بسم الله عليك منت اليوم طبيعي..أروح الحين...أنصرفو الي كانو فيك...؟

ماهر بـا أبتسامه \لا...لآتروحين الحين باقي شغله...

الزين بخوف \خلاص ماهر تكـفى والله كفختني اليوم وأنت الي ماترفع يدك علي حتى لو بمزح......!

تركها لـيخطو الخطوات لـ الاريكه...\ شوفي بكومدينه الي عندك الجوال الجديد الي طلبتيه مني قبل أسبوع..ياالله حصلته..

قفزة بفرح حقيقي وهي تفتح الكومدينه..

وتخرج العلبه المغلفه بلون الزيتي ..وتحتضنها \ياعل ربي مايخليني منك ياماهر

انا داريه أن الي قبل شوي عين وبردت بمكانها...داااانه ...شوفي هذا الجهاز الي أقولك عنه...توه جديد با الأسواق مو منتشر..!



أرتفعت عينيها لدانه ...



لتجد الدانه ساقطه على الارض...



با القرب من دورة المياه...!





.
.
.


أنا لك من هنا حتى مغيب العمر وزهوره...!
الى مشرق مشيب العمر لين يغيب.. [..بترابه..]..,
.
.
.

قائد بقربه ملفات يراجعها..

وخالد واقف بقربه ممسك بـ دلة القهوه...و يمد له فنجال...


قائد \ لآ...ماهو بكذا...وأنت تمد الفنجال أمسكه من تحت أحسن..بعدين تبدا في الي جالسين من اليمين..اذا شفت أن أعمارهم

متقاربه ولآفيهم شايب...وأذا شفت شايب مد عليه الفنجال أولهم..من ثم أبدا من اليمين...,


خالد وهو متعب \خالـي...والله تعبت...خلاص بنزل الدله..عورتني يدي وظهري...


كايد وهو يحاول الجلوس ليساعده قائد...



فيتكئ وبتهكم \ خويلد...تعلم صب القهوه تعلمها ..وشبت الضو..وريحة الهيل...وركب الخيل..!
وأترك مني هذا يوجعني وذاك ياخال أتعبني..من هوى المرجله من صغره تعلمها..ماهو لآكبر يدورها ولآعاد يلقاها..!

قائد \أن شاء الله أن شاء الله أنه راعي شبت نار...ياخالد البس نعالك بنروح لـصلاة على ماركب عمي السياره أحصلك فيها..!

خالد وهو يقفز ..\أبشر ياخال....بروح..أسبقك وأفتح الباب لـ جدي..


كائد \وين الثريا ماش ماعاد أشوفها...وحتى وصايف ماغير تطل علي وترجع ماعاد تبـطي عندي مثل عادتها عسى ماتشكي
من شي...

قائد \...أبد مافيهم الا العافيه..الثريا عارف وضعها..تجيها ضيقه وتروح بعض الاحيان...وأمي رجليها توجعها..

كائد \ يامال عماة العين فهيدان ذاك..أحد يهد الثريا عقب ماجات بيمناهـ...سفيه..ذاك الرجال من يوم شفت عوناته..وانا داري
ماهو بمفلح ..!


قائد \كل راح بحال سبيله...الله يعوضها خير...


.
.
.


أنا لك من هنا حتى مغيب العمر وزهوره...!
الى مشرق مشيب العمر لين يغيب.. [..بترابه..]..,
.
.
.


على الأريكه...يدهـ تحت رأسها...

والاخرى قريبة من أنفها...\دانه..دانه...!

الزين بخوف \خلني أزيدهاعلى يدك..ترى ريحتها قويه...يمكن تصحى...!


تحركت بهدوء لتشعر بهم...

الجموح \أبعدو ها الكلونيا الخايسه...من وين جايبتها يا الزين...والله أنك لآطب ولآنفع...خلونا ناخذها للمستشفى أفضل..البنت
طاحت قريبه من الحمام على قولكم..!

ماهر بـغضب \أسكتــو...ممكن..!

ليردف \دانه...وآعيه الحين..بسم الله عليك أصحـي...!

التفت لـ الجموح \جيبي عبايتها ... بناخذها الحين لـطوارئ...,

همست بتعب \خلاص واعيه فيكم ..ماله داعي دوخه بسيطه...,

الجموح سكبت القليل من الماء براحة يدها لـتمسح به وجه الدانه وبهدوء\ماتشوفين شر...قومي خلينا نوديكـ...

والا تبين ماهر يشيلك..؟

حركت رأسها بنفـي \أنا بخير...بس يمكن لأني سهرت البارح واليوم مافطرت...دوخة جوع لآ أكثر...!

أتكئة على ماهر لتجلـس..

ماهر بحنان\ الحين أنتي بخير..؟

الدانه با أبتسامه باهته \أيه ..أيه..لآتقلقون...روح الحق على صلاتكـ...أنا بشرب لي عصير ..وبنام...مافيني شي...لآتبالغون..!

الجموح \وش الي مَ نبالغ..وجهك صاير لونه أصفر...ودها ياماهر للمستشفى شوف وش قصتها...؟

الدانه بضجر \مابـي المستشفى...أقولكم دوخه خلاص لآتعوروني براسي الله يهديكم..أبي أنام وبس...

ماهر وهو يقف \طيب نامي الحين وأرتاحي...واذا رجعت بشوف وش وضعك بضبط

ليردف لـ الزين \عطي الدانه عصير طازج...وشي تاكله...

الزين \أبشر..ألحين

.
.
.

با المساء...
.
.
.


كآنت تقرأ لـثامر عدة سور حتى يحفظ أيات على قلبه...فـا يكبر على حبه ...

وهو متحمس جداً للحفظ...ويردد خلفها...!


أبتسمت لـبعثرة لولوه لـدولابها وملابسها...

لولوه شقيه جداً...


ولحوحة جداً...


فا ...


تتركها حتى تفرغ طاقتها با البعثره هنا وهناك...من ثم ترتب كل مابعثرته..

أنخرطت مع ترديد الأيات مع ثامر ..


حتى تتفاجئ بـصوت صغيرتها الهامس...!


لترفع أعينها وتجدها ..

مشرعة جهة الدولاب الخاص بـ محمد...

ومحتضنه لـكم ثوبه المتدلي من التعليق..

وتشتمها بـطفولة وتثرثر لـنفسها \بابا...حلوه ريحتـه..ملللله...!!!


كادت تختنق من ثرثرتها القصيره جداً...


الموجعه جداً...!

والقاتله جداً...





لما أعتادت على تعطير ملابسه وتعليقها طوال السنوات الماضيه ..و..كأنه لم يغب ليوم واحد عن بيته...!

وكل جمعه تضع كـسرة من العود الكمبودي بـ المبخره وتضعها بـ أسفل دولابه...


ليمتلئ برائحة الـعود المفضل له..!


لما لم ترضى أن تغير هذا النظام التي أعتادت عليه...

وكأنها ترفض رفض تام بأن يتغير أي شي بعد رحيله...!



فرشاته..و..معجونه...شامبوه المفضل...روبه...منشفته...عطره...الكبك الفضي..القلم الاسود...محفظته الجلديه..!!!

تفاصيل..تفاصيل...تفاصيل...

ترفض رفض تام أن ترحل معه...!


قاطع ثرثرتها أنامل ثامر التي أحتضنت دمعتها \يمه لآتبكين...!

أستيقضت فجأهـ وهي تبعد ثرثرتها الداخليه وبعزم..\لبى عيونك مابكيت بس دخل بعين حاجه نزلة دمعها...!

لولوه الواقفه بـداخل الدولاب ومحتضنه لكم الثوب مبتسمه...!

لتبادلها نجد تلك الابتسامه وتتركها تشتم بقايا من رحل وترك لهم الكثير والكثير من الذكريات الجميله...!

.
.
.

أنا لك من هنا حتى مغيب العمر وزهوره...!
الى مشرق مشيب العمر لين يغيب.. [..بترابه..]..,
.
.
.


أم حاتم \ يا الدانه..وراك معييه من المستشفى..ترى ماحد ماكلك هناكـ...؟

بضحك \والله داريه بس والله المستشفى خرابيط على غير فايده..أكيد فقر دم..والا..قل أكل...عارفه نفسي..هههه...مخربطه
بكل شي ها اليومين...,

أم حاتم \الله يتمم عليك عافيتك أجل...بقوم أنزل لعمك أجل...

دخل ماهر ليستقبل خروج والداتها...ويعانقها بقبله على رأسها ..\أجلسي معنا وين نازله..؟

أم حاتم \بروح يا أمك..أزين عشاء أبوك..تعرف مايعرف له الا أنا...شف وش في خاطر حرمتك وجبه لها من برى...والا
علم الشغاله تصلح لها...وجها ماعجبني...!

أبتسم وهو يشير لعينيه...,

أغلق الباب بعد رحيل والداته...ويشد الخطوات لها...,


ماهر \ها كيفك الحين..؟

الدانه \انا طيبه...والله أنكم مبلشين العائله كلهم يحسبون ان فيني شي كبيره..
حتى حاتم مطلع لي مع الجموح مشروبات وكيكات وكرسونات مشتريها
الله يهديه..على باله ان ثلاجتي هذي مو مليانه...شوف طالع..!

القى بنظره على الأكياس الكثيره التي بقرب الثلاجه الصغيره...وجلس بقربها بهدوء \طيب ماودك نروح للمستشفى
انتي ليه مصره ماتبين..؟

الدانه بملل\لن مافيني شي...قلت دوخه بسيطه..الله يهديك...

ماهر يلتقط جواله \طيب ..على راحتكـ...انا طالع معزوم..وبمر أجيب لك عشى من برى لو تبين وانا راجع...وش رايك...!

الدانه \لآ...أكلت كرسون قبل شوي ومو مشتهيه شي...بس أنت أنتبه لنفسك...




.
.
.

يوم جديد

.
.
.


با المكتـب...




أبتسم بمكر..\ومن قال لكـ مو خاطب ..؟

بندر بستغراب \خاطب..؟

أشار برأسه \ومن سنين...!

بندر ترتفع حاجبيه بصدمه \أنت أكيد تمزح....

قائد\لاوالله مامزح وأزيدك من الشعر بيت..من أكثر من ثمان سنين..

ليتلاحق حديثه بعجاله\بس مافيه شي رسمي..

أرتخى بندر وبستخفاف\ياشيخ أكذب كذبه غيرها...

أبتسم قائد وشد أحد الملفات من جانبه ..وأرتشف قهوته التي أعلنت برودها...

بندر بجديه \شكلك جاد بكلامك...ثمان سنين يا شيخ وش ها الخطبه..؟

قائد \إيه صارت ظروف وطولة الفتره أكثر...

بندر \أجل شكلك متوهق فيها...أكيد أبوها حطها برقبتك..وأنت نشبة فيها..وفرها...!

أنعقد حاجبيه بغضب\لآ..هـي بنت عمي تركي وأنا إبيها..بس مأجلين الأرتباط..وطارت السنين...!

بندر يتراجع\أخوها زميلي ماهر ولد عمك..!

قائد بستغرب\أيه...


أبتلع ريقه وفضل الصمت المؤرق...!


قائد بحس شديد\ وش فيه...ليش تتأكد من معلومه عندك..؟

أبتسم برتباك \ هي الدكتوره الجامعيه..؟

قائد \شكل عندك خلفيه...!

بندر بحراج\لاوالله...بس قبل أم الديم...خـطبتها أمي لـي وقالو أنها وافقت..بس حاتم رفض..

ليردف \بس ماتوقعت أن بينكم خطبه شفهيه.....وبيني وبينك جاء في خاطري ...
كنت ابي أناسبكم ولكن حصل خير ...عاد فرحنا فيكـ قريب...!


.
.
.


أحـاط حديثه المرتبك..


بإضلع صدري بإن حولها لـ حطب...


من ثم أحضر مادة مشتعلة وجعلها تشتعل..


فـا...أشتعل جسدي..,




.
.
.


ألقى نظرته على كوب من الماء قريب لـيشده بين أنامله ..

ويرتوي قليلاً

ليطفئ شيء ما بداخله أشتعل...!


.
.
.


أذاً

موافقه على حضرت بندر..!

ومتجاهله تماماً بإنها لـي...

ولن أسمح لـ أي من كان أن يتجاوز حد رسمته أنا...

لمـ يردع تلك المسخره الا حاتم...

أقسم لو أن ماهر أرتكب تلك الـحماقه...

لـ..

أجعل تلك الحماقه يدفع ثمنها أضعاف مضاعفه...


.
.
.

منطوي على تلك الخطبه عدة سنين..!

كيف لم يذكرها عمي...!

بتأكيد لم تصل تلك الخطبه لـ آذانه...

لم يخبرني بها حاتم حتى...!

بتأكيد أن هذه الخطبه لها أخوات أخرى كثيرهـ...

تباً يا الجموح..

أو

تجلـبين الخطاب أينما حللتِ..!.

.
.
.

بندر بـحراج \قايد...ها ...وين وصلت يا أخوي..!.

أبتسم بثقل يشبه..\سم...معكـ...كنت تقول عازمـ الـربع على عشى بكره..؟

بندر با أبتسامه \زين توقعتك منت معي أبد...حياك الله بكره...

قايد \الله يكثر خيركـ...أذا ماعندي أرتباط أبشر وعلى خشمي...

بندر يقف..\تسلمـ...أجل مانـي بملزم..أنت راعي مكان واذا ماكان عندك أرتباط حياك الله...

أردف..\وهات خالد وثامر معكـ..ترى الديم تبيهم...

أبتسمـ\ أن شاء الله...

.
.
.

راقبة عينيه مغادرة بندر...


وأغلاق الباب...

بـشي من الغليان يـحرقه..

تحركت يده لتصتدم بـ القهوة با الخطأ

فـيتدحرج كوب القهوة على الأوراق ..

من ثم يعلن سقوطه على الأرضيه...

ليصدر ضجة الزجاج المتكسر...!






قائد بـعصبيه يجمع الأوراق التي تبللت ببقايا القهوه وينفضها بعجاله...


ويتمتم بقهر\ الجموح كل شي اذا وصله ذكرك صار مثلكـ...جامح ماعاد ينقاد..!


رمـى با الأوراق بطرف الأخر من ثم غادر المكتب غاضب جداً....


.
.
.




أنا لك من هنا حتى مغيب العمر وزهوره...!
الى مشرق مشيب العمر لين يغيب.. [..بترابه..]..,
.
.
.

بـ الجامعه...

الجموح بغضب \الــــــزين....!


أنتبهت الزين لـصوت الجموح الغاضب لتسارع الخطوات الخائفه لها...

وبرتباك \هلااااا.......

الجموح \يعنـي تعصيبي هذاك اليوم وحلـفي عادي مافيه أي مشكله عندك...طيب يا الزين أنتي أصلن مايسنعك
الا حاتم أخوك هو بس الي يعرف لكـ..

الزين بصوت منخفض وهي تلتصق با الجموح \توووبه توووبه والله ياجيجي توبه...حبـيبتي أنتي ...لآتعلمينه
والله ماعاد تشوفيني معهم ابد ابد..هم الي جاين لي عند صديقاتي يبون محاضرات أستحيت اصدهم...,


تركتها الجموح بغضب لتلحق بها الزين مترجيه\ جيجي والله ياقلبي ماعاد عودها اقولك والله...لآتعلمين حاتم
والله حاتم يقلب أقشر أذا عصب ماتقولين حتومي طويل البال الي نعرفه...طيب خلاص بتعلمين علمي ماهر
ماهر اهون عقاب ...

لتردف بغضب \بالله ياجيجي هذا كلام تهدديني بأخواني كأني بزر با الابتدائي

استدارت الجموح بغضب لتضرب رأسها بأطراف أصابعها \بلاه هذا الراس الفاضي ..والا أحد يصادق مثل هذي الاشكال

الزين \ياختـي عادي كل وحده حره في نفـسها..أروح أطقها على أيدها وأقول لآ..مايصير..

الجموح \أيه تروحين تطـقينها على أيديها با الكلام ياقلبي...بفعل..بـا الانكار...ولآتنسين هذي الايه

[ كَانُواْ لاَ يَتَنَاهَوْنَ عَن مُّنكَرٍ فَعَلُوهُ]

الزين تعض شفتيها \صادقه صادقه..معك حق..ميعوتهم الزايده تبط الكبد وغريبه..ومقضينها مكالمات وخرابيط...!

الجموح بحده \وشووو...مكااالمات...ياعلك الـعمى يا زوين...!

أرتبكت بـخوف \قسم بالله مالي دخل أنا بس أتفرج أشوف هم صادقين والا يستهبلون..أصلن لي عقل وداريه انه
حرام ومايجوز...وبعدين أنتم مربيني...مستحيل أوطي روسكم بهذي الامور...
تكفين جيجي لآتحمرين لي العين كذا..روعتيني صدق..

الجموح بألم \روعتك...أنتي أذا ماجلـطتيني ما ترتاحين...حسبي الله عليك يا زوين أن كانك مركبتني همك كأنه ناقصني هموم...

دخلت مكتبها لـتلحق بها الزين وتصمت بعد أن رأت الدكتـوره غصون...

الدكتوره غصون وهي تقف \أأأوه الزين عندنا بمكتب...

أبتسمت بأرتباك \صباح الخير دكتورهـ...

غصون تهم با الخروج وعينيها على الجموح الغاضبه \هذي البنت تنحط على الجرح يبرى يا الجموح...جايبه الدرجه كامله با ألآختبار..هي وبنت ثانيه
من قاعه ثانيه...بصراحه ماشاء الله ...شعله من النشاط أختكـ..,

الجموح بتهكم \ أيه والله يادكتوره..تنحط على الجرح بحيل يبرى..!

الزين مقاطعه كلام الجموح \والله يادكتوره غصون انتي الي تنحطين على الجرح يبرى..عسى ربي يعطيك عافيتك وصحتكـ..
كل شي عندك منظم ومرتب في المنهج...أبد وانا أذاكر فاهمه كل شي متذكرهـ وقفتكـ ونقاطك الي توقفين عندها وتثرينها
با الشرح والـتفصيل...الله يكثر من امثالك با القسم هذا الي أقوله..دايم أمدحك عند أهلي واختي الجموح حتى أسئليهااا!

غصون وهي خارجه أبتسمت من ثناء الزين لـ تضرب كتف الزين بخفه \ آنتي ينخاف من لسانك هذا الحلو..
علاقاتك مع دكتورات قسمك عميقه وكثيرهـ.. أكثر من الدكتوره الجموح الـي جديه في كل شي وعلاقاتها محدوده...هههههه..

خرجت غصون ...لينغلق الباب بهدوء...

لتبتسم الزين بمكر \ياحليلك يا دكتوره غصون أثرهـ يندهن سيرك با اللسان الحلو..أبشري من بيدهن سيرك صبح ومساء..!

لتردف الزين بأصرار\جيجي...

الجموح \وجع...!

الزين بتهكم \يوجع العدو...وش فيك علي ..شايفتني طالعه مع شباب والامكلمه أحد..أنا بس مصادقه ثنتين مش ولابد...أنا
عارفه أنك بتردين علي وبتقولين الصاحب ساحب...بس ياقلبي الزين أختك تختوخه ماتنسحب...,

فتحت حقيبتها الأنيقه لـتخرج محفظتها \ خوذي فلوس أفطري فيها...أمي مكلمتني تقول ما خذتي مصروفك اليوم...و..أنقلعي من وجهي

يتفاهم معك حاتم في هذي الامور..

الزين بخوف حقيقي\ياالله..تكفين جيجي بلاش عنادك الحين والله اني ضعيفه ومن نفخه من حاتم أبكي لين رد اليوم من الاسبوع
الجاي..الحين العقاب عندكم قبل الجريمه..وش ها القوانين الوضعيه الي برعايتك أنتي وأخوانك..؟

الجموح تضع أناملها على جبينها وبـملل\ خوذي مصروفك وأنقلعي...وحاتم لازم يدري بموضوع هذا...؟

جلـست با الكرسي \مابـي مصروف...ماهو لازم أفطر أصلاً...

الجموح بغضب وصوت مرتفع \ وأن شاء الله عمرك مافطرتي قومي أنقلعي من مكتـبي...الحين..!

قفزت الزين برعب لـتأخذ المصروف و تسارع الخطوات خارج المكتب ....,

شدت قارورة الماء من حقيبتها وأخرجت حبتين لـصداع وبهمس \ أستودعك الله يا الزين من كل شي يضركـ ..نربي
ونكبـر وبختلاط بسيط من أي شله فاسده ..تنقلب التربيه رأس على عقب..الله يحمي بناتنا وأعراضنا...يا كريم...

.
.
.


أنا لك من هنا حتى مغيب العمر وزهوره...!
الى مشرق مشيب العمر لين يغيب.. [..بترابه..]..,
.
.
.

ناولتها فنجال القهوه الساخن ...و...جلـست بقربها...وبعذوبه \ يمه...

أم قائد تلقـي نظره لها ...

الثريا بـهدوء \يمه أنا فكـرت في موضوع أبو سلمان...معك حق يمه...وش له أقعد حاطه يدي على خدي...
أبكي على جـرحـي...ماحد بيدري عنـي ولآحد مفكر فيني...

أم قائد بمفاجئه \ أمداك يا أمك تفـكرين...؟

الثريا برتباك \أيه يمه أمداني أفكر ...وأقرر بعد...ليش أجلس كذا...وش له أجلس بهذا الشكل وأخلـي كل شي يمشي وانا واقفه
بمكانـي...هذا هو تزوج وراح شهر عسل...وعايش حياته وأخر همه جرحي..وانا مكاني..لآجديد..

أم قائد \ أنا والله ودي أنـك تتوفقين لكن يمك..بعد فكري...والله أني قولبت السالفه براسي وتحسفت أني كثرت عليكـ في ابو سلمان..

ثريا تقاطعها \ليش تحسفين بعكس هذا المضبوط وهذا الصحيح رجال صالح مصلي وخلوق ليش أرفضه...لآ..ماينرفض مثله
وعلى كلامكم هو بعمر أخوي قايد..يعني الحمدلله شاب ....خلاص أتوكل على الله...بلغـي قايد أنا موافقه...

أم قائد بهدوء \معليه ...أستخيري...والله يكتب الخيره...ولآتستعجلين..كل شي ملحوق عليه...,

.
.
.

بعد نصف ساعه...

.
.
.

آوقف سيارته بـقرب من الفله....


من ثم نزل من سيارته وشد الخطوات لـداخل...

دلف الباب الرئيسـي...


لـيجد أبواب المجلـس الخارجي مشرعه...

سارع الخطوات لـيجده متكـئ وبقرب من الجمـر يدفئ يديه...!


ماهر أرتفعت أعينه لـيتفاجئ بدخول قائد...


وبترحيب صادق \يآمـرحبآآآآآ يا ابو نايف....



قائد بـغضب يقاطع ترحيبه\ أنت كيف تتجاهل تحـييري لـ الجموح وتوافق على الخطاب فيها...ولآكأن فيه أحد محجوزه هي له..؟


لـيردف بغضب حاد \جـــآيني اليوم بندر ولد سعود و بصدفه يقول أنه كان خاطب فيها وأن جميعكم وافقتم بـ أستثناء حاتم..والاكيد
عمي ماعندهـ خلفيه على الموضوع والا كان علمكـم السلوم من جديد...!


مآهر أبتعد عن وضعية الاستناد وبهدوء \...آنت يا قائد الحقـت النفس أقصاها...

قائد قاطعه \صدقـني لو أني أبي الحق النفس أقصاها كان ركنتها الثانيه او الثالثه...ولآتقدر تفتح فمك بكلمه...

ماهر يقف لـيخطـى الخطوتين ويواجه قايد \لـيش لأن أبوي بصفك وحاتم...

ليردف \ومدام الموضوع أنفتح الحين..فا أنا بصف الجموح..والجموح عليك ماهـي بموافقه...أحسم الموضوع اليوم يا قايد وأرفع يدك

عن وحده ماتبيك... فلآ تسبب مشاكل بين الارحام وتقطعها...!


أبو حاتم يلتقط الحديث وبغضب \تعقب وتخـسي يا التيـس...ماهو ب أنت الي تامر وتنهى في خواتك وأنا حـي...

ومن يقول بنت عمه ماتبيه ...الا تبيه...وأنا بنفسي الي ماخذ ها الحكي من لسانها...!

ماهر يلتفت لوالده وينتبه لـتواجده لـيردف\ متى يبه ها الكلام...قبل كم سنه..؟

أبو حاتم \حكـي الي قبل كم سنه هو نفسه حكي اليوم وش الي جد فيه ماجد فيه شي...قايد له بنت عمه والي بيقول في

هذا الحكـي شي قصيت لسانه قص....

ليردف بغضب ماهر \ أهااا قايد يحسبنا ما حنا فاهمين قصته....

يشب في راسه نار اذا أحد خطب الجموح واذا شافك صديت خاطبها طفت ناره...!


أذا هو شاري بنت عمه مثل مانت شاريه ومفضله علينا.....!


خلاص أجل لايمسي الليل الا وهي بذمته...!!

والاعقبها لايلوم الانفسه..ماعاد له عذر ...قدم الله وقدام خلقه..!!


حرام الي تسونه في الجموح بالله من يرضى عمرها راح وحنا ماغير
نتفرج عليها...!



وبتهكم موجع \ أنا طالع وهذا ولد اخوك عندك اذا أنت يابوي مُصر تشيل ذنب الجموح انا والله اعترف اني ضعيف مقدر اشيله..!

والجموح لـ أول رجال يخطبها وبيني وبينكم الشرع..

ماهي تقاليد باليه تحيير وماتححير وقفت حال أختي...والي كبرها عيالهم يركضون معهم..تراك يامدور العدل ظالم..!


قائد بحده \ ليش هي الأيام تمر على أختك ولاتمر علي وأنا بعد راح عمري ..ومن الي بداها أنا والا هي ...وأنتم شجعتوها...
هذي هي بعد سوت الي تبيه وشوت قلبي شوي..

ماهر بملل \آهاااا...خلاص أجل تصافيتو هنا...هي خذت شهادتها وعاندتك..وأنت أوجعتها بسنين...!

و بجديه \ شف يا قايد...موضوعكم اذا مانتهى خلال 24 ساعه...والا لحد يلوم الا نفسه...
ربي مايرضى بوقف الحال وكفايه العناد الي راح...!




ليترك ماهر المكان ويرحل بغضب..




أبو حاتم بوجع \ شف ياقايد ...ترى ماهر كل كلامه وأنا عمك صحيح...وأنا عند كلمتي ولـ أبوك قبلك..جموح لك...
وبنتي ماتعصاني وشف السنع وسوه...أن كانت بوقفة حالكم هذا شي يرضيك ...أنا راضي..
وأن كانك بتمم عرسك..وتسد حلوق كل لوام وتلم بنت عمك وبنت عمك تلمك..فهذا الي يرضي كل صديق ويفرحه...


قائد بـجديه \موعدنا بكره الصبح ياعم..لفحص...ونملكـ بوقت الي تحدده أنت..!
↚
عندي كثير أشيــاء يقبل بهَا : السوم


تبدأ ؛ بها الاحلآم لا زادها : الطيــش


يصعب علي أسّلم أحلامي فْــيوم


لكنهـــا : ماتلتفت ترفض / العيــش


دثرتها : عن نظرة الناس بهدوم


وكبرتها لين آتــضح فوقهآ / ريش !


يَا :شاري الاحلام عندي لك علوم


جهّز لي المنديل وأترك لي الـ : ليش



هي : أطول الاحلام وأنحلهٌم عزوم


وأن شحّ عزمي , ما تؤكلني : العيش



أشره على أقفال المقادير : والـــــوم


وأشوفها تفتح لــي الباب : بشويش



وأنا لَك : احكي زفّ لي حلمي اللوم


خلاص بس عّطنا من : الصبر بقشيش



مابين : ثورة كلام وقسوة أعذارك


تعزمّ : أبليس فينا وأنتهت [ عشره ]


ومن بعد قولة بأني : أجمل أقدارك


أشوف عينك : تدور حجة [ الهجره ] !


خلآص : أبعد لآ تشرح سبة : أصرارك


ماعاد : فيــها حمــول أخطائنا بُكره !


وأنا أيضا أبعد , وأحرم [ عورة أسرارك ]


ماعاد فيها : مجال صدورنــا / حكـره
















.
.
.

بدايه



يسعد مساء الأخوات المتحلقين هنا ..,


.
.
.


بودي أناقشكم قبل البارت في نقطتين ...


النقطه الأولى هي الردود الي مارد عليها...ترى يا الغوالي ماهو تجاهل ولآعدم تقدير ..يشهد علي الله مَ أحب أتجاهل

بذخ ردودكم...لكن عندي سوء أتصال أشبه بـ العم كايد...مره يخرف ومره يـجيك مضبوط ...!

فـ أتركو العتب مرفوع...

أنا أتابع ردودكم .. رد ..رد..وأسجل أعجاب وشكر وبعض الأحيان تقييم..وهذا أصغر شي أقدمه لكم...


النقطه الثانيه شخصية الثريا...

يا أخواتي الثريا شخصيتها جداً قويه...لكن هزة الطلاق للعلم قويه لـ أي مرأهـ...
فطـبيعي جداً...تشوفونها بألف حاله وحاله...
وطبيعي تشوفون لها ردات فعل معينه...وكثير راح تشوفونها متردده ..

بنتعمق كثير بشخصيتها...لأنها تمثل جانب المطلقات بمجتمع...مهما كان سبب الطلاق الا أن الشعور واحد...
وهو شعور الأنثى المجروحه..,


.
.
.
الغاليه انسام جبلية...و..الأخوات الي خمنو قضية الورث...
أعذروني مَ وضعت ببداية البارت الماضـي تنويه بردودكم الي خمنت القضيه...
كذا أخت توقعت هذا الشي ماشاء الله..بكلا المكانين ...
لكن أنا مَ عطاني الأتصال حرية مراجعة لردود البارتات وأشوف الردود المخمنه حتى
أحصر الأسماء..
لكن أن شاء الله من هذا البارت نـسجل التخمينات الحلوه بـمستند وننوه عن أصحابها ببداية البارتات...
ويـسلم ربي أصحاب التوقعات المضبوطه..=)



وبسياق التوقعات..



ما فيه أحد خمن الشخصيه الجديده الي راح تظهر اليوم...الا...القارئه ..
00:00:01
أنتبهت لبداية الروايه بثرثره الجماعيه للأبطال

وأقتبست المقطع الي كانت الشخصيه متواجده فيه..

لكن أبحرت بعيد جداً عن الشخصيه..=)


.
.
.
البيت الشعري مابين المقاطع هو من الذائقة المخمليه لـ الغاليه أموله بـ ردها الأخير...
.
.
.



لآتليهكم الروايه عن الصلاة في وقتها..,

.
.
.

أقـسى مافـي الحب ..هو...[الفراق..]...!

و

أقسى الفراق...هو...[ الموت...]...!


معادلة صعبه..لو..علم بـ وجعها العشاق...لمآ...أختلفو من أجل سخفات كثـيره...!


عندما فقط تتأكد أن الحبيب...بعيد عنك جداً...


بـركن مظلم من الكون ...يسمى.. [ المقبره..]....


تتأكد تماماً...


بأن كل شيء في الدنيا سخيف جداً...ولآ..يستحق التعب من أجله ولآ العناء...!


تركن ذاكرتنا العتيقه...لأبسط الأشياء والذكريات التي جمعتنا به...


فـا تعود تلك الذاكره..للوراء...للماضي...للأيام الخالية...كـي تتراقص على أوجاعنا..!





زفـرة بضيق...وأستغفرت ...


وشدت أناملها لـجهاز التحكمـ الذي بين يديها..,


أنتبهت شيخه وبستغراب \وش بلاك...؟

نجد وهي تلقي نظره لها \مآفيني شي...

شيخه \مانتبهت لـك أمس..وش أشتريتي من السوق...؟

نجد بملل \أغراض عاديه..كذا لبس لثامر ولـ لولوهـ...وكم غرض للبيت...

شيخه تشير بيدها المملؤه با الأساور الذهبيه بوجه نجد\مالت عليك يا الخبله وراك ماشريتي لعمرك شي..حمدلله والشكر..بتدفنين عمرك يعني..؟

نجد مبتسمه \ وش تقصدين..؟

شيخه \شوفـي ملابسك كلها الوانها قاتمه..أسود..رمادي...كحلي ...الخ...الوان تجيب الهم والغم وضيقة الصدر...!

لتردف \البسي وأكشـخي...و..وسعي صدرك...بس هآآآآ...ماهوب تشطحين مرة وحده و تعرسين...أجلسي ربي بزرانك ...!!

.
.
.

تريد أن تضحك با الفعل...!

فـا

شيخه وشخصيتها الـمزدوجه..


تارة تتحدث عن ميراث ليس لها فيه قرش..!

و

تارة أخرى تتحدث بـمحبه...!



تجعلها تضحك بفعل...


فآ آخر هم شيخه هو أن يتمكن الحزن منها...

فـهي أول من أفاقت من حزن الجميع على محمد...

و

طالبت بحقوقها من الأموال ...!

.
.
.

شيخه أنسانه سطحية جداً...

تعشق المال بشدهـ...

قلبها قد يكون طيب نوعاً ما...

لكن لسانها سليط جداً...


.
.
.

نجد \ وليـش بأعتقادك أني ممكن أتزوج...!

شيخه ترتشف الشاي \وليش لآ...بتقعدين طول عمرك كذا...أكيد بتعرسين...

حتى لو مزعجه روسنا ب أسطوانة ماتبين تعرسين أبد...

أنتي في بداية عمرك...

باقي الثلاثين وباقي الاربعين والخمسين والستين ووو..اذا الله عطاك عمر طبعاً...قولي يا حلوه..بتقدرين

تمشين في هذي السنين كلها من غير رجال....أكذبـي على غيرنا نجد وخليك واقعيه شوي..!

نجد \ تصدقين قلبت الموضوع براسي قبل فتره..وصادقه..والله الحياة بلا رجال جداً ممله...
بس خلي ثامر يشتد عوده هو وأخته شوي عشان
أخليهم عند عمتهم الكبيره العاقله...تعرفين مايصلح أخذ لي رجال يبي يونس عمره و أقعد ألجه بعيالي...وعاد أنتي عيال
أخوك الوحيد الله يرحمه ولآ أنتي بمقصرهـ أن شاء الله..


ختمة جملتها بغمزة عين ماكره..!


شيخه بـرعب \لآ والله ..وش لي ببزران ..و..وجع راس...عيالي راميتهم عند أبوهم...عجزانة منهم..تجين تبلشيني أنتي
تونسين وأنا أشل شليلك...لآ بارك الله فيك أنثبري أجل وخليك على ملابسك الي تضيق الصدر لآتشطحين..!



.
.
.

وقلبي اللي من فقدته مشعل حربه..
كل ما سجيت عنه قام ينخاني...
.
.
.


جلـست بـ الأريكه..بعد أن أغلقت بابها...





لمآ وافقت على أول خاطب بتلك السرعة الشديدهـ...


هل كـي تبر في قسمها وتحرق قلبه...!


أم


لـكي تقذف بوجه خبر بأن زوجته السابقه قد تمت [خطبتها..]




آه منـي..!


كيف وافقت...؟


وأن


ضاعة حياتي القادمه مع شخص أخر لآ أعرف عنه شـي الا التي أوردها قائد..!

و

خالد...!

لمن أتـركه لو أقترنة بـ الخاطب الجديد...!

لـ أيام مقفرة قادمة عليه ليس مع أب و لآ أم...

الكل منهما يجد ببناء حياته..و...هو معلق بين سماء وأرض...!


لكن مآ الخيار...؟



أنا سئمت من أحاديثهم الموجعة عنـي...التي تصـلني من حين الى حين...!


سئمت من النبش وراء قـصتي با الأحاديث الخافته....وقصة كيف وأين ولماذا أرتبط بصديقتي..!



لآ ..أريد لقب مطلقه..الذي أضحى وصمة موجعه..!


لآ...أريد تلك الدعوات العلنيه بأن يرزقني الله بزوج أخر يعوضني..فحتى الدعاء العلني أصبح موجع لي..!


لآ..أريد المكالمات الـمستغربه..من نساء تربطهم بهم علاقة غير متينة..فا..يتسارعون على ربط علاقات متينة فجأهـ..

كي يحضو ببعض الأسرار عن ذاك الطلاق فتصبح فاكهة مجالسهم...


لآ ..أريد التفكير با المستقبل..مع كبير سن في نهاية المطاف .. فيكون زواج والسـلامـ..





وبنات عمي وأخوتي يقنعوني با الدراسه...!


أي أحلام وردية يريدون أن يخيطونها لـي بـخيوط واقع مؤلم...!


أي نفسية تلك التي ترغب با الدراسه...!


أي طموح أعرج أريد أن أحققه...!


طموحـي كان زوج عاشق وأبناء ..


بيت صغير...وحياة هادئه...


وفجأه...ضاع كل شي...بـوجع قسم ظهري لنصفين...!


هم لم يتذوقو ذاك الكأس الذي شـربته كله...لم يتذوقوهـ...!



لذلك هم يجمعون تلك الغيوم لـي...

ويقولون أصعدي بسلم الطموح لها..!


سلم مكسورة درجاته !



ولآ..رغبت لـي بطموحهم...ولآ أريدهـ...أريد فقط أن أقسمه لشطرين..!


أريده..أن يأتي لي باكـياً..باكياً..باكياً..


عندها فقط...

سأشعر بنفـسي...

لآ..أحد يلومني...فمن تذوق ذاك الوجع هو فقط من يشعر بما أشعر به..!
↚
و

أبا سلمان..مناسب لـي جداً...نعم...مناسب...!

عمره يقارب عمر قائد...

وقائد لن يخبرني بـخطبته مالم يكن الشخص المناسب...!

وكل شي ذكره قائد..هو با الفعل خصال جميله ...لما أرفض أذن..؟





زفرة بضيق لتلتقط عينيها أطراف الكتاب بـزاوية الأريكه...!


تلك الروايه....!


التي في عمق تفكـيرها ب حياتها....تطل برأسها عليها...!



شدتها بـ أطراف أناملها....,


وعبثت بتلك الصفحات من جديد..لتقرأ...!








و





يتداولون نسوة المدينه حديث خافة عن محبوبتي...


هامس جداً...


لآ


أكاد أسمعه حتى وأن أرهفة سمعي من خلف شقوق الأسوار العتيقه...!



تباً لنسوة المدينه لآ يتركون أحاديثهم الهامسه...لما لآيرفعون أصواتهم قليلا ً...؟؟






هم ...دائماً أصواتهم على بعد أميال من المدينة نسـمعها...!



وعندما أتى الحديث عن محبوبتي....


جعلو الحديث همساً...فلآ...أكاد ...أسمع ركزاً...!




سمعت...سمعت.....!



ماذا....هل رحمها يرفض أن يحمل جنينآ....؟




سأرهف السمع أكثر...!








يآ ...بشرى....يآ...بشرى....!



ذاك الأحمق... عقيماآآآ...!!



نعم..نعم...بتأكيد لن تبقـى معه....!!



ستطلب الطلاق عاجلاً...نعم...لم لآ..تطلبه...فا زينة الحياة الدنيا المال والبنون...


والمال لآيغني عن البنون...


فا البنون هم المتصدقون والمستغفرون والوارثون...!



بتأكيد سَ تمسك بيدها والداتها الحكيمه...وسـتؤكد لها بأن البنون هم الأبقى ...!



وشقيقتها المتزنه ستخبرها بأنهم الأنقى..!




محبوبتي سوف تنفصل عن أحمقها...يَ...نسوة المدينه ما أجمل أحاديثكم الخافته...!!!














لآ...!!!



لآ...!




أكذب عليكم أيضاً...!


فـا نسوة المدينه جاءو لـي ببشرى...بأنها حامل وستنجب صبياً...!


و..


ذاك الأحمق سيصبح أب لـ أبن من محبوبتي...!!!




لطالما كرهة الأحاديث الهامسة من نسوة المدينة...فـهي ثرثرة عقيمة لآتجلب خيراً...!





وضعت أناملها على شفتيها وهي تغرق بـضحكـ....\ ياربي ياحاتم...ليش تتهكم كذا بزوجها...والله

هي الخسرانه الي ماعرفت أنك لها عاشق...؟


أغلقة الروايه...

بعد أن أنتبهت أنها عابثة بصفحات لم ترتب القراءهـ...

فا تارة تقرأ أن الطفل قد أنجبته وتارة أخرى

تقرأ أن محبوبته حامل...

ستحاول أن تقرأ الرواية بترتيب...

فقد أعجبتها ثرثرة حاتم..!


.
.
.


وقلبي اللي من فقدته مشعل حربه..
كل ما سجيت عنه قام ينخاني...
.
.
.


فـتح عينيه..


لـرقم هاتفها يمتلـئ به الشاشه...

أنتبه لـتو بأنه لـه أكثر من نصف ساعه قابع بـسيارته بـ طرف أحد الشوارع ....!

فـخطبته لها اليوم...


و


بتلك الطريقه التي لم يتوقعها...


أجفلة روحه..بأنه بات على بعد خطوات من عاصفتها...



أنهكة روحه تلك القضية المبنيه على العناد والوجع لكليهما...!




رفع الـجوال ورد برصانته المعهودهـ..\أيوهـ يا أم أميره...سـمي...!


صوت الصغيره المدلـل ..\قايد أنت دب..ودايم تقول لـي ماتسوي الي قلته..!



غرق بـضحكة خافته لـيجاوب تلك الشقيه..\أنا دب...أفا..وش قلت لك يا حبـيبتي ولآنفذت..ذكريني بواحد بس..؟


أميره بـملل\إبـي أروح وأشتري العاب جديدهـ..حقاتي كلها كسرتيه دلال بنت خالـي الوسخه..ترى ماحبها ي قايد أكرها...


أبتسم \طيب..وش بعد يا أميره..أمري ...؟

أردفت\بعد أنت تكلميني تكلميني..طفشيت أقعد بحوش ...

قائد \طفشيتي...والله يا أمورتي مشغول..مره..بس بحاول أجيك يا حبـيبتي...

أميره بـغضب \ مشغول..كل دوم كل دوم كل دوم...!

القى نظرته لـساعه ليردف..\ كل يووم يالي لسانك معوج...خلاص قولـي لـ أمكـ..تجهزك ساعه وأجي أخذك

ونطلع نشتري العاب لكـ جديده غير القديمه..ونتغدى برا...أتفقنا...

أميره بـملل\أصلين أنتَ ماتجي..

قايد\لا بـجي...أن شاء الله...

أميره بـفرح\طيب...

أغلقت السماعه بوجه قائد..

لـيغرق بـضحكه خافته \ياحـلو البنات...والله قهر ها الصغنونه بـ أولى مفروض بـ ثاني..

من ثم زفر بضيق وهو يتذكر تلك الخطبه...فَ سيخبر أهله عندم يعود لهم بمساء...!!

لـيحرك سيارته ويخرج من الشارع ...!

.
.
.
وقلبي اللي من فقدته مشعل حربه..
كل ما سجيت عنه قام ينخاني...
.
.
.
حـآتم يدخل من الباب الرئيسي لـيجد ماهر جالـس على أحد الأحواض...!


شد الخطوات له وبـستغراب \ الـسلام عليكم...



لـيرد ماهر بهمس على سلامه...,



حاتم \ سلامات..وش مقعدك في ها البرد أدخل في المجالـس أدفى لك..والا تدخن...؟


ماهر بغضب وهو يقف \أنت عارف تارك التدخين من زمان ...!


أبتسم حاتم وبتهكم \مدري عنك أنت تقوله وأنا أحصل ولاعه وخنبقه بمخباك أذا بغيت شي من ثوبك وأنت تاركه معلق..!


تركه ماهر بتجاهل وصد بَ أنظاره للمكان الأخر...!


حاتم \ صايـر شي با الدانه...وجهك فيه علم...؟


ماهر بحده \ قايد ولد عمك خطب الجموح اليوم بشكل رسمي...!!!!


حاتم بفرح \تقوله صدق...الله يبشرك با الخير...الله يتمم بخير ...الله يتمم بخير...و..أخيراً,


ليردف بستغراب \وأنت وش الي مزعلك...مفروض أنت أكثر واحد مبسوط...؟

ماهر بتهكم \لن حضرته مابغى يخطب بشكل رسمي الاعقب سالفة بندر ولد سعود توها توصل له...وجاي اليوم نافخ صدره

ويهاوش يقول ليه وليه...

ويوم سكته...دخل علي أبوك وسكـتني...وطلعت بعدها وبعد كم دقيقه طلع قايد من البيت وجاني أبوي

وقال قايد خطب رسمي في الجموح ولسانك أبلعه بحلقكـ...


ليردف بغضب \المفروض ماياخذها جزى له في التحجير الي سواه فيها...اذا الجموح ماتبيه ماهو ماخذها..هذا أنا قلت لكم
من الحين...وبيني وبينهم الشرع لو يبي...!


حاتم بغضب \أنت مجنون...والا ...خبل...الحين تبي تشارع أخوك...وأبوي راضي وكلنا راضين..وحتى الجموح راضيه...!

ماهر بتهكم \راضيه...البنت كل مافتحنا لها الموضوع قلبت لوحده ثانيه وتقول راضيه..بأي لغه تفهمون كلمة لآ أنتم...!

حاتم يشير بيده لصدره\أنا الي فاهم كلمة لآ عند الجموح وش معناها..وأنا الي بتكفل في أقناعها...مالك دخل أنت...

ومثل ماقال أبوي لك أبلع لسانك ...لآتزيد النار حطب...

خل أختك توفق مع رجال بيصونها ويحفظها...و أنت أكثر واحد تعرف أن قايد شاري أختك لكن موجوع منها وبا الحيل...



ماهر بغضب وهو يترك المكان \أيه با الحيل با الحيل...!


.
.
.
وقلبي اللي من فقدته مشعل حربه..
كل ما سجيت عنه قام ينخاني...
.
.
.

أغلقت الستائر ...

بعد أن رأت عصبية ماهر الواضحه بوجه حاتم عن بعد....

تمتمة بهدوء \الله يهديك...الله يهديك...وش الي معصب فيك الحين...,


جلـست على طرف السرير..

و..

وضعت أناملها البارده على بطنها...


وبعد فترة هدوء أمتدت لدقائق


برقه \مآبـي أروح للمستشفى..ويقولون منت ياحبيبي هنا...أخاف أتفشل مثل كل مره..

ويطلع فقر دم...أو..تخيلات...لكن أنا متأكده أنك موجود...أحس فيك...!!


أنا متأكده ميه بميه..أنك هنا...ي روحـي أنت....خلاص قررت أول مايرجع أبوك أقول له يوديني..!


و بحنين \يوووه لو تجـي...والله بسوي لك أشياء كثيره...أعرف أخيط بسناره...بسوي لك ملابس...أذا بنوته..

بسوي لك ياقلبـي...فساتين ورديه..وشرابات بيضاء..وقبعه فيها فونكه أنيقه...وحركات حلوه...

وأذا ولد...
مممم أول شي أسميك على خالك قايد...أبيك تطلع له ...حنون..و..تهتم بأدق التفاصيل الصغيره..وأذا ربي رزقني

بعد بنات..تكون أنت تحن عليهم ...بس هآآآآ...لآتطلع على عصبية أبوكـ أبداً...!

لتردف بألم \أنا مادري ليش م حملت فيك من زمان مع أني حللت كذا مره وكشفت وكل شي الحمدلله سليم...يمكن
لأن الله كاتب هذا الشي....ي رب لك الحمد والشكر...جاء بوقته مررره أبي طفل الحين...!!






.
.
.
وقلبي اللي من فقدته مشعل حربه..
كل ما سجيت عنه قام ينخاني...
.
.
.

ناولته فنجال القهوه ..

كايد \وينك يا وصايف ماعاد شفتك ياعمك...

وصايف \أبد ياعم عندك قريب...سم ولبيه...,

كايد \ صدري ضايق ياعمتس على ها الولد خبل ..ومالـقى من يفطنه ويعلمه ضاع عمره على هباله...

وصايف \أيه والله ياعم..المفروض الحين عياله طوله..ماهو بس يخمخم عيال خواته كأنه عقيم مايجي عليه أحد...

والله ياعمي موجعنـي حالتهم الاثنين لكنك تعرف قايد ما يبي الا هي..و..هي أوجعته حيل...

كايد \ يا عمتس...الحب ماهوب بعيب..ولآ..هو حرام..يقوله لتس واحد بابه مخلوع...أنصح قايد وانا برجلي وطيت النار حافي...

وأنا داري انه لآسامع مني نصيحه وماغير يضحك ويقول شف حالتك ياعم...

وصايف بصدق \ ياعم...والله من الحب الطاهر الـي بين ضلوعك ليت مثلك في الرياجيل واجد....الله يرحمها ما قدرته وخذتك كان حياتها كانت سعيدهـ...

أبتسم بضجر \راح الي راح...الله يرحمها ويرحم نايف...!



سهم أخترق روحها بتلك الأشاره الموجعه لـنايف بتلك النقطه بذات...!



لتردف بوجع \الله يرحم موتى المسلمين...!

كايد \ بيحيه يا عمتس ..ترى نايف والله أنه كان يحبك ويغليك...!

وصايف..\ الله يحلل كل ميت...كل شي راح ..بحلوه ومره...!

.
.
.
وقلبي اللي من فقدته مشعل حربه..
كل ما سجيت عنه قام ينخاني...
.
.
.

بعد ساعتين...
↚
بسيارهـ..


وضعت كيـس الوجبه بـقربه وأغلقت الباب وبهدوء\السلام عليكم ورحمة الله..

ماهر وهو يلتقط..الوجبه \وعليكم السلامـ...جوعاااااااااااان...!

أخرج وجبة البطاطس والتهم مجموعه...

وحرك سيارته بيد الأخرى..

الجموح تشد علبة الـكولا لتفتحها له..\ياربي دايم متصربع..قول بسم الله...

وأطلع من سور الجامعه ..و..وقف بمكان قريب وأكل..

مو تاكل بيد واليد الثانيه بسياره..وعين على الأكل وعين على المرايه..

ماهر بهدوء\يا أنك خوافه..يعني بصير لك شي ماهو بصاير لـي...وبعدين حنا يَ رجال متعودين كذا ..عادي...

الجموح بغضب\بسم الله علينا..وبعدين لآ تقول كذا..

ناولته الكولا...وضربت أنامله التي تمسك به وبغضب\أنا بشربك وأكلكـ..أنت بس سوق...لو داريه ماجبت لك شي..

أطلق قبله هوائيه لها وبخبث\..يا خواف أنت..تأكليني وتشربيني بيدكـ عشان ما نصدم شي..طول عمرك راعية مصالح ياجميح..

الجموح \وطول عمرك ماتحسب حساب شي الله يهديك ويخليك لنا...السرعه لـ أعلى شي والا ماترتاح..

وبستغراب \وبعدين وين حاتم ماجاء ياخذني..؟

ماهر بأرتباك\أنا قلت له لآيجي...أتصلت عليه..وقلت لآتطلع من مكتبكـ...بروح أخذ جموح بنفسـي...

الجموح \ولــيش أن شاء الله..عاد حاتم أهدا منك بسواقه وتعرف ماحب أروح معكـ...وهو با الأساس مكتبه قريب من جامعتي..

ماهر يرفع كتـفيه بمكر \ كذا عاد..!




أنتبه لـ جواله الموضوع على الصامت يضيئ...ليبتسم ويقلبه بهدوء..!


الجموح المـلتهيه بـ أوراق ب أحضانها...لم تنتبه له...!




ماهي الا ثواني لترفع رأسها له بحديث غاضب..\أنت ماتقولي وش قصتك مع الدانه...أشوف دايم عيونها تشكـي ولسانها ساكت...!


ماهر \وش قصتنا...مافيه قصه...مشاكل عاديه تجي وتروح بين أي أثنين..؟


الجموح بجديه \أسمعني ياماهر...أنت ترى مهمل الدانه بشكل غريب جداً...لآتسافرون مع بعض...لآتطلعون مطاعم مع بعض

لآتاخذها لمنتزه أو حتى لـطلعة مشـي عادي...

دايم أنت طلعات بر مع زملائك.. او.. مشاوير كثيره هي مالها فيها نصيب..هي دايم محبوسه بجناحها فوق..

حتى ماتجلس معنا كثير تستحي..!

ماهر \أنا كذا...وشلون يعني أعتذر لزملائي أذا قالو تعال عندنا كذا وكذا وأقول لهم لآ والله عندي زوجتي أبي أداري خاطرها
وأمشيها يومين..
والا...طالع معها مو فاضي لكم... يا الجموح هذي هي الحياه الزوجيه الحقيقيه والطبيعيه...ماهي خنبقة التلفزيون..والمسلسلات..
وبعدين هي حاطه كل عقدها بـعرجتها..مع انها ماتهمني أبد ...

الجموح بتأفف \لو ماطيشك ياماهر ما صار الي صار..

ألقى نظره لـجموح ..

من ثم \ عارف ومعترف ...والله العظيم عذاب الضمير رافقني في مراهقتي ..و..في شبابي..

كنت حاط قرار أن أتزوج دانه بأي شكل ..و..بأي ثمن مهما كان.. و...حتى لو ترفض برجع أخطبها بدال المره عشر..
و..
بدال العشر الف الى أن توافق..وأعيش معها..

لكن الدانه أنسانه اذا مابكت في اليوم كذا مره أستغرب أشوف وش له ماتبكي...!

أذا ماحضرت زواج ورجعت لـي وقالت الكل يعلق على عرجة رجلـي وتقعد تبكي أتعجب..!

أذا مارجعت من الدوام وقالت ياماهر فلانه صديقتي وعلانه يهمسون ويلمزون في مشيتي ..ما يصير...!

مليت من ضعفها ليش مافيها من قوة شخصية خواتها ..والا.. أنتي وقوة شخصيتكـ..

أي أحد يقدر يأثر عليها ويقلب مزاجها طول اليوم والأسبوع بكلمه وحدهـ...

أبتسمت بستهزاء\حساسه يَ الجلف حساسه...تحسبها مثلنا...والله يادندون النسمه تجرحها...يا أخي أصابعك أيدك مثل بعض..؟

كذا النسوان...الي معجونه بتمرد فا ما تقدر تقودها الا بمسايسها...والي ممرده بزجاج أي شي يكسره أذا ماعرفت تداريها...


ماهر بغضب\طول عشرتي معها أطبطب عليها وأحاول ما أجرحها...ماذيتها ولآجرحتها في يوم..

الجموح \..صارحني يا ماهر...حبيت الدانه ولآ تمشيت حال..!

ماهر بهدوء\عـادي...!



زفرة الجموح بوجع\ايه والله عادي ياولد أبوي صدقت..بس أذكر كلامي زين والله أن تشفق شوفتها بعدين..دام الوضع عادي الحين..!..



صمت لتمر دقائق معدود

ماهر \ أقول جموح...!

الجموح بغير أهتمام وهي تبحث بحقيبتها عن هاتفها \ لبيه

ماهر \ أنا بفاتحك بموضوع...وقبل ما أفاتحك فيه أبيك تتأكدين وتحطين براسك أنك تقدرين تحطيني على يمناك بكل شي...

بكل شي..!

الجموح \وش له ها المقدمه صاير شي..!


ماهر وهو يلقي نظره على المرآة الجانبيه وبتهكم \أأأأوه.....!

الجموح تلتفت بعد تهدئة سيارة ماهر ..و..وقوفها بجانب الأخر ..\وش فيه...!!!

لتردف بعد مارأت سيارة حاتم خلفهم متوقفه \ وش فيه .....!!!

ماهر بـهدوء \ مافيه شي..بس حاتم يجي دايم با الأوقات الغلط ..!



فتح الشباك وبتهكم كاذب \ حاتمـ...قايل لك بروح أجيبها...وش له متعب نفسك الله يهديك...!


لـيفتح الباب حاتم بغضب \وقايل لك لآتتدخل في الموضوع أفضل لك..!


شد ذراعه بـحده..ليسايره ماهر وينزل ..


ماهر بغضب \ وليش أن شاء الله ماتتدخل...أنت تنزلني من سيارتي وأبوي يسكتني... أنا مو أخوها بعد...!


تجاهله حاتم ليـركب بدل عنه...


أتـكئ ماهر على الشباك وبتهكم \أصلن الفزعه هذي الي فازعها.. صدقني لـي رد عليها بس ماهو الحين...!


الجموح بغضب \وبعدين معكم يا الاثنين ...أنتم في الشارع ...,


حرك حاتم أصابعه لـيغلق الشباك ...من ثم حرك السياره وترك ماهر خلفه...


ليتابعه بأطراف عينيه وهو يركب سيارته ...ويعكس الأتجاه...!



الجموح \اللهم لك الحمد والشكر مأكأنكم يا الأثنين شيبان...




حاتم مستفز من ماهر وبأعتقاده أن الموضوع قد عبث به ماهر بطريقته الخاصه..


حاتم وبهدوئه المعتاد \ ماعليك من ماهر...تعرفينه عنيد ..قايد والله أنه شاريك ويبيك...وماخطبك اليوم الا هو باقي
على خطبته الي قبل كم سنه وشاريك...ولقلقة ماهر عشانه بس مقهور من الوضع الي كان...وتفشيل أبوي له اليوم...
والا والله انه مايبي الا قايد لك...!!


.
.
.

وكأنها

لكمة قوية من شخص ضخم سددة لمعدتها للتتقـيئ ألم...!


أو...

قطع زجاج مفـتت..
مرغ فيه جسـدها ...
.

.

.

تنازل أخيراً وجدد الخطبه العقيمه..؟

سمح له ..عناده ..و..غروره...

والعنجهيه في أن يـزل لسانه بخطبتي..!

.
.
.

وصلكـ أن شعـري ظهر فـيه البياض...؟

رقـصت وطربت يومـ بشروك...؟

وش أهديت للي بشرك...؟

.
.
.
ياكيف أوجعك بمثل وجـعي فـي أن أشوف شعر أبيض فـي شعري الأسود..!

تدري أنت بوجع أنثى تشوف أوراق عمرها تتساقط ..؟

ولآ تقدر تنمو لها فروع عشان تورق من جديد..!

أكيد مايوصلك وجع أنثى...!

ياكيف أكيل لكـ الأوجاع ..!

ياكيف أرد لك الصاع صاعين يا قايد...؟

.
.
.

خلاص ملـيت من لعبت المراهقين... و...العناد الـي طاوعك عليها ناس مثلكـ ....؟

يومـ مليت وتعبت فـكرت فـي الـي بَ أخر الرف العتيق مركونه...!

تحـسب ماحد يحط راسه بـراسك ويقول لكـ الصاع بصاعين والبادي أظلم...!
.
.
.
و

دامكـ بـعرفهم عادل...!

وبعرفـي طغيت...!

وأنا بعرفهم ظالمه...!

وبـعرفك جامحه....!

وتركت سنين العمر ماتـزوجت غيري وحرمت أن أتزوج غيرك...؟

با أعلمك يا قايد كيف القاضي يكون هو المجلود...

وكيف يحكم ويوجعك حكمه...!


.
.
.
وقلبي اللي من فقدته مشعل حربه..
كل ما سجيت عنه قام ينخاني...
.
.
.
بأحدى المراكز التجاريه


بقسم المطاعمـ..



قايد \والله يا أموره أكره مطاعم الوجبات السريعه...أحس أنها لـمراهقين والـبنات...,


أميره منهمكه بأكل قطعة الهمبرقر والبطاطس...

أخذ قطعة من المـناديل..

ومسح بقرب من شفتي أميره الملطخه با الكاتشب..

وبـهمس\أموري بشويش لاتاكلين بسرعه...

أميره تشير بيدها \جوعينه..

أبتسم بـعفويه\جوعينه...أنتي عندك مشكله بـحروف...

أردف\أكلـي بشويش عشان ما تغصين...سميتي قبل..؟

اميره\أصلين أنا سميت قبل أشرب الكولا...

قايد بمسايره\وأصلين أنا قلت الكولا تعور بطن الأطفال ومو زينه..بس عندي وحده تبي أعضها عشان تستوعب..

غرقت بضحكه طفوليه وهي تخبئ شفتيها خلف أصابعها الملطخه بكاتشب

قايد\أيه أضحكي أضحكي..بكره تصيرين قزمه والبنات يطولون ويكبرون ويتزوجون وأنتي صغنونه ...أحسن...

أمالت شفتيها بـغضب\وأجلس مثليكـ ماتزوجت...لآ مابـي..!َ

ضحكـ بألمـ \وماتبين مثـليك..ياحبـي لك ي أمورهـ ياليت أمي يطيح الي براسها وتشوف ها السكر ها الـفتوفته...والله تونسين حيل..

أشارت بـ أصبعها الممتلئ كاتشب..\مميتي جايه شوف أكياس كثيره...!

أبتسم على تعليقها وهو يتجاهل القاء النظر لـها...

لـتشد مي الكرسي بجانبه وتضع أكياس المشتريات بجانب الأخر..\أوف الدنيا صايره نار..

قايد بدون مبالة\مدي رجولك على قد لحافكـ...

مي بخبث \الله يطولنا بعمرك..لحافنا بظلكـ طويل..

القت نظره لـ أميره وبـغضب\يوه يا قايد ليش طلبت لها كولا...أسنانها رايحه فيها...

قائد\والله يا أم أميره أنا ما أعرف للاطفال..

تجاهلت كلامه لـتردف\وماطلبت لي...يا ربي منكـ...

قايد بملل\الحين أقومـ أجيب لكـ...وش تبين..؟

مي \لآ خلاص باخذ معي وأنا طالعه سلطات..

بس تكفى قايد أبي أدخل محل بشتري لـي طقم الماس صغنون بس ما كفتني الفلوس..تساعدني..


قايد القى نظرهـ لـعيني أميره الـمتطلعه لهم بـ أبتسامه ...


مي تردف \بتزوج...بدخل على ناس مايعرفوني...والله ياقايد..أنت مثل أخوي...والله أتجرء عليك أكثر من أخواني...

أردفت \أخواني مع حريمهم ماحد يفكر في أحد...وخاصة بعد ماتوفت أمي العام الله يرحمها..حسيت أني وحيده أكثر...قايد معـي..!

قائد يـشرب بقايا عصير البرتقال..\أيه..خـلي الطقم بعدين..بسحب لك المبلغ الي تبينه وأحنا طالعين..

مي \والله ماحد بيوديني غيرك..تسحبه وش أسوي فيه..بعدين أصرفه في شي ماله داعي...أبي شي ينفعني..

حرك رأسه \طيب طيب..بس خلـي أمورهـ تخلص أكل...

ألقى نظره لـ أميره..

ليجدها تمسح يديها بقطعة المناديل..

أميره \قايد خلصيت...صح بسكن عندكم..

فضل الصمت وعينيه تفحص تلك الطفله...

أملتئت فمها بأبتسامه\أنا حلميت أن أنا نايمه بحضنك بعدين رفسيتكـ وأنت عصبيت..


أبتسم بوجع ...وصمت...
.
.
.

يؤلمه طفله صغيرة كـهذه يتوفى والداها...

وتتزوج أمها ...

وتتركها...لتتيتم مرة أخرى...!

وأمها أيضاً طفلة مثلها...وتريد أن تعيش حياتها..!



وهو الأخ الأكبر لتلك الطفله...

فيمثل دور الاب...

والأبن لـ أم غاضبه من تصرف مجبر هو عليه..

لآيستطيع التملص من مسؤليات ملقاهـ على عاتقه..

فـ هذه الصغيره تنتظر منه دور الأخ في ثياب الأب..

فـهي لم تتذوق طعم حنان [الأب...]

وهذه الأخرى..تريد منه دور [الأخ..]

الذي ألقتها الظروف مجبره لـتكون أرملة بـ أواخر العشرينات..

ومن هي خلفه..تريد منه بر [الأبن..]

الذي لآيؤلمها ..و..لآيجرحها.. و..لآيخدش أوجاعها..ولآيثير ملفات أوراق تؤلمها..!

يشعر بفعل أنه ممزق...

يريد..فرصه ليرتاح مع من [ أحبها..]...

فقد مضى العمر وهو لم يجعلها تبات بين أضلعه..

وتتقاسم ليله الطويل الممتلئ بثرثره...

لكن تلك التي أحبها...

جامحة جداً...

و...

سَ تصفعه وتمزقه وتـرمي به في قعر مظلم أن بآت معها ليله وتـأكدت بأمر عشقه لها..!
↚
من أكون , ما عرفْني
منهو منْكم : - شافني مره وعرفّني
يمّكن أني خوف , يمكن أني دمع والواقع ذرفني
هذا أنا عايش على / يمكن سنين ,
ما بقى بي صوت , يعزف للـ أنين
كل حلم , يمر فالشارع , إيّتعداني ويبّعد , ماعرفّني
ما الومه ..
حتى أنا
دايم أسألني , منْ أنت !
إي تذكرّت أني / كنت







مو حزين ! وكنت أكثر من حزين !
كنت مثل البرّد .. في وقت , الوداع ,



كل ما حاولت , أضحك لـ السنين
جااا يناديني من الظلّمه / ضياااااع !


وين أروح , وكل خطواتي حنين
البحر , كم مات في وسطه , شراع


هذي الرحله , مع خوف وأنين
هذي الرحله , بلا ( قلب ومتاع )


جيت أسافر , بس ما أدري لـ وين
جيت أدوّرني وسط هذا الصراع !


ما لقيت الا , سجين , ومو سجين
ضاعت أحلامه على أرضه وضاع


يا حزن .. ما كنت أنتظرك .. منين !
جيت لك , مع كل دمعه / بأندفاع


لو قدرت أسكت مع اللي ساكتين
ما قدرت الّبس عن الغربه : قناع


المدينه صوتها , مده , رهين
تتسع بالخوف , ضاق , الاتساع !


المدينه صوتها , مده , رهين
ما خلق هالكبّت غير .. الانصياع


ما يطيح الدمع ! طيّحي له يا عين
والله أني كنت .. وافي .. للنخاع


آصعب مّن الموت , عندي حاجتين :
الرحيل , بـ خطوة الرّجل الشجاع


ما يموت الشك , الا باليقين
أرّتفع يا صوت لـ أبعد .. أرتفاع !


وين آبلقى , داخل الدنيا أمين
كل حاجه , في نهايتها .. خداع


قوم يا جرحي , بـ نضحك للسنين
حتى لو نآآدى , من الظلّمه ضياع


.
.
.
بدايه


يسعد صباح المتحلقين هنا...,


بارت اليوم نزل مبكر جداً =)





الشخصيه الي أطلت عليكم با البارت السابق... هي شخصية مي..زوجة أبو قايد [نايف..]


بعضكم أستغرب أن وصايف رافضه الزوجه مي وهو المفروض أنها من الجيل القديم والجيل القديم المفروض متقبل
هذا الوضع..؟

يَ أحبابي ماهو شرط هذي النقطه...ولآهي قاعدهـ ...الأنثى هي الأنثى ترفض في معشوقها أي شريكه...


و..

وصايف لها ثرثرات كثيره مع نايف...الي راح يتواجد با البارتات كـ [ذكريات..] ونغوص في تفاصيل قصة زواج

نايف من مـي...!


أم الوليد..بغض النظر عن عدم ترحيبك بَ مـي =)


في ثناي ردك توقع خطير وصائب ببارت القادم ...





أيضاً


القارئه البتول..




كم من صحيح مَ يشكي عله...الا في عقله المتخلف والـرجعي يهدم مجتمعه بمخدرات بسرقات بخمر أو بتفكير ضال الخ...!

وكم من ذوي الأحتياجات الخاصه أهدئ مجتمعه أختراع تقدم فيه مجتمعه وأرتقى...!


شخصيتكـ وصلنـي أحساس أنها مثقفه وفيها ثقه بنفس مهما كان الوضع الـي أنحطة فيه..

ونقطة الدانه...حتى لو ماكانت عرجا..هي با الأصل [حساسه..] وظنت بتفكيرها أن العرج هو السبب..

حتى ماهر...منتظر من الدانه شخصيه قويه حتى يذوب بتفاصيلها...مَ ينتظر الأهتزاز وعدم الثقه بنفس...

فأذا وثقنا بأنفسنا وأعتبرنا هذا الـشي الي أمتحنا الله فيه سلم ودرجة أولى لـصعود فـ هنا يبدأ قصة التوازن بحياتنا والنجاح ..,


.
.
.

لآتليهكم الروايه عن الصلاة في وقتها...

.
.
.




دلفت الباب لـداخل الفله...


حاتم بـغضب وهو يشد ذراعها \أنتـي مخليتني أسولف على نفـسي طول الطريق ومتجاهلتني...ماتردين علي لو بكلمه...!






أستدارة متجاهلته...ليثبتها بيديه...



أفلتت ذراعها بغضب جامح...


ورمت بـملف الأوراق والحقيبة التي كانت بيدها با الأرض...


وبحده \وش تبيني أقول...؟


لـتردف بغضب \وش تبيني أقول في الوضع الي أنا فيه من سنين...تبيني أقول أيه موافقه على صف المدح والموشحات

الـي مفروض تكون من المعلقات في ولد عمك المحامي الـظالم..!

وش بظنك يكون ردي بعد ها السنين والوجع والـكلمات الي توصلني من هنا وهناك من الناس...!

وش بظنك يكون ردي لـواحد رفع رايات العدل في كل مكان الا هنا...!

وش بظنك يكون ردي ...أكيد..لآ...والف لآ....!

لآ...ياحاتم...على واحد مثل قايد ظالم...!

لآ...ياحاتم ...على أنانيته وحبه لنفسه...!

لآ ..ياحاتم...على تحييره وعناده...!

لآ...ماهو كل قضيه لآزم يربحها ولد عمك ياحاتم..!


قضيته معي أنا خسرانه...ولو... أقنع القاضي بألف حجه...!


حاتم بضيق \ أنتـي يا الجموح الي حكمتي على نفسك توصلين لهذي النقطه الي مافيها عوده...عاندتي وعاندتي وبعدين


كم صار عمرك الحين....؟


بوجع \من بركات المحامي الكبير وصولي لهذا العمر من غير زواج...أضفها لقائمة مديحك ي َ حاتم...!


حاتم يشير بأنامله لـرأسها..\عنادك هو الي وصلك لهذا الشي ماهو قايد...أنتـي تبين قايد يا الجموح..

وأنا أكثر واحد يعرفك زين لآتنكرين هذا الشي ...لكنك تبين قايد المتأسف المعتذر...تبين قايد الممتلي ندم بكل شي..

تبين قايد مقيود بـ الف سلسله من الأعذار لـحضرة سموكـ...!




وضعت عينيها المصدومه بـعيني حاتم الغاضب...لتـتراجع بأرتباك..وتصمت!




لـيردف حاتم بـضجر \ أذا بتلومين أحد في هذي القضيه فلوميني أنا...


أنا الـي وافقة على روحتكـ معـي..وتجاهلة قايد وخطبته وخذيتكـ معي,


الجموح بمقاطعه حاده\أعذار ...وهو العذر ينفع ...رجال علقني سنين وسنين..مافي خاطري له اليوم الا
المشاعر الي كلها وجع وقهر وأنين...والومك ليش..أختك ومعك وتحت عينك...على أيش الومك...!

حاتم بضجر \أنتي ليش مستمره بعنادكـ... ماشبعتي عناد كل ها السنين...أتـركي اللوم الحين...وصف الأوجاع...وأبدي
أنتي وهو من جديد...قلبين يجمعهم ربـي بحلال...أذا تبين مهر عالـي كـ رد أعتبار...أطلبـي...وأكسري ظهره بـ الرقم لو تبين...

والله مَ يرد الرقم الي تحطينه قايد...الا بيضاعف لك المكيال...!


غرقة بضحك لتردف...\مهر...ليش هي الفلوس تطيب بعدها النفوس..والا ترجع يوم واحد من سنين مضت...والا تجيب
طفل معي اليوم ينام بحضني ويصحيني ...

والا ترجع شعر أبيض وتحوله لـ أسود...قول ها الفلوس والاها الشروط

هي بتـطبب كل الجروح القديمه...هااا؟


حاتم بتهدئه \السنين هي التي تداوي السنين...عاقبيه بمثل ماعاقبك فيه..أوجعيه وكيلي له الوجع ضعفين..لكن تحت سقف واحد...
وش جنيتو يا الاثنين من كل ها السنين...وش حصدتو غير كل واحد شايل على الثاني في خاطره الف لوم..!


الجموح بحده \أنت أكيد تمزح..أجتمع انا وهذاك المجرم تحت سقف واحد.. هذا مفروض يحرمونه من شهادة المحامة المشكوكه
الي معه ويحطون بـيده الف قيد...وبدال مايكون قايد يكون مقيود..!


قاطعهم رهان وهو ينزل من الـدور العلوي على ضجيجهم...\الجـموح...أهدي شوي ..وفكري بعقلك...أعرفك عاقله يَ الغاليه..!


لمت يديها على صدرها لتردف بغضب \أها...متفقين اليوم علي كلكم...وبصف قايد...؟

رهان بخطوات متقاربه لها \لآ...بصفك أنتـي...ولآ...حنا بضد قايد...أنتم أثنين لآزم يطيح الي في راسكم ...وماراح
يطيح الي في راسكم الا اذا أجتمعتو بزواج...هو يبيك...و...أنتي بعد كنتـي تبينه..!

أشارة بيدها ..\أيه...[كنت..]...وهذا الشي كان..من الماضي...والماضي مايرجع أبد...




لـم يشعرو بـتواجد أبو حاتم وأم حاتم بـ الصالة المفتوحه...التي كانو على بعد خطوات منها...


الا بعد...



أسترجاع أم حاتم...!






أنتبهت الجموح لتواجد والدايها...لتتراجع بخجل...



وتسقط عينيها على حاتم الذي أنثنى يجمع الأوراق ويلتقط حقيبتها

الملقاهـ...!


أبو حاتم بمداخلة هادئه...\ وشلون يا الجميح...يعني رافضه ولد عمك...و..ماتبينه؟


بـثبات \أيه نعم مَ أبيه ...


أبو حاتم يردف\ولد عمك ويبيكـ...ولآ..أحد بجابرك عليه..لكن أذا رفضتيه ترى ماتطـلعين من عيال عمك...تخـيري فيهم من تبين
↚
تراجعت بـصمت وهي تعد بـأوجاعها من هم أولاد العم..!




لآيوجد غير قائد...!



وأخرون أصغر منها بكثير...أو...أكبر بكثير جداً بـسن في جنوب المملكه...


لعمـ لم ترهـ الا قليلاً..


فقد أثنته الحياهـ بعيداً عنهمـ فقد تبع ذلك العم رزقه...


وأبتعد رويداً رويداً..حتى باتت أواصر الوصل بينهم شبه مقطوعه..


أتصال بين الحين والاخر...

ترد هي عليه...

ليسلم بصوته المتعب...ويسأل عن أخيه ..ويتلقف الـهاتف أخيه..

أو زيارة كل بضع سنين تجود بها ...فقط......


وأبـي لم يلقي هذا الكلام على مسـمعي ..الا ...



لـيجبرني بلطف غريب على قائد ويصرح لـي بأن [..قائد..] هو فقط نصيبي وقسمتي بين خلق الله ومعاشر الرجال...!







أبو حاتم \وش تفكرين فيه يا جموح..؟



الجموح بـصوت منخفض..\أحسب عيال عمي كم أنا أكبرهم .. أو.. أصغرهم...لـقيت واجد في الحالتين..

أردفت بألم\وشلون تخيرني وأنت في ثنياها مجبرني...ليش يا أبوي تجبرني ...!


ابو حاتم بهدوء \أنا ماني بجابركـ...لكن عندي عيال عمكـ وقدام عيني وأشوفك..ولآياخذك أجنبي ماعرف أرضك من سماك عنده..

ولد عمك يصونك...ولآهو بهاينكـ...

لكن الأجنبي أقله لآجبـتي عليه عيال ..وتطلقتي حرمك من شوفتهم ...والآ.. خذا بناتك وتربو بعيد عنك وأذا كبرو خذو البنات منهم

وفيهم...

زيارتهم لك محسوبه..وشوفتك لهم محسوبه...


وأنتي عيونك وقلبك لي بيشكون عقبها ..!


علميني يا الجموح وش حيلتي وقتها ...أذا شفتكـ مكسوره ولآ أقدر على جبر كسركـ...؟




أردف بـصوته الرخيم\يابوك قايد..تعرفينه ومايجهلكـ...ضم الأم والخوات تحت جناحه..



لآهو راعي عربده ولآعلوم رديه...شهاده..و..عقل..وثقل..وكلمة مسموعه..أذا حضر كفى ..و..وفى ..وشلون ينرد من مثله...


أرتفعت عينيها بألم..\يبه كل هذي السنين الي ضاعت من عمري مافيه أحد ضيعها غير قايد ...

كيف تبيني أخذ من ضيع سنين عمري...؟


أردفت بألم\وليش عيال العم هم الي يصونون ..و..لآيطلع منهم العيبه با العكس...

عيال العم لو نسلم منهم كان نص المطلقات ماهم مطلقات ولاعلى ظهورهم الف عله والف هم...؟

كم واحد تزوج وحده وهو مايقرب لها ولآهو من جماعتهم صانها وأكرمها ..وحطها فوق راسه مثل التاج

..وصار لـ أنسابه نعم النسيب ونعم العضيد...

أبوحاتم..\صح كلامك يابنيتي وماعليه خلاف ..لكن ياجميح...أنا ماعطيتك فاسق ولآفاجر..عطيتك مصلـي وصايم...

ماعلى قايد عيب...غير عناده الي كان...

وأنتي لو أنك ماركبتي راسك وأصريتي تكملين دراستك مع أخوكـ.. كان ماطارت السنين بينكم...

وأنا مانـي من الي يقول القول وينفلق منه عشرين قول فلا تفشليني عند جماعتنا ..تراني والله مارخصتس فلا ترخصيني ..!


الجموح بـوجع\يا هذي الدراسه الي حطتوها شماعه لـكل عله...!



حاتم بـتهدئه\يا أبوي...ياليت تترك الموضوع لـفتره تفكر فيه الجموح أفضل..وتشوف وش الصالح لها...

بغض النظر عن عناد وتحجير قايد لها طول السنين...

الا أنه يحبها ومهتويها...أنا أدرى الناس بقايد ...

وجه نظراته لـها \يثمنك قايد بكل غالي يا الجموح لآتبـنين الصوره الي تركها براسك بعد موضوع سفركـ على شخصية قايد...

قايد أستثنائي حتى بحضوره وبمنطقه وبـجوهره...

لكن ممكن الموضوع الي كان صغير وكان ممكن يلملم بوقتها بس ماتوقعنا أن يكبر ويكون بهذا الحجم

الي كل سنه عن الثانيه يكبر أكثر...



الجموح بحسم \ زواجـ من واحد من عيال عمـي وأولهم قايد مرفوض بنسبه لـي...

لو أنطوت سنين عمـري قدامـي...أعذرني يبه...ماقدر أدفن روحي مع أنسان مثل قايد...

قايد مجرد مراهق في ثياب محامي...أو..متسكع أتعبه الضياع....!





أستدارت بغضب لـتصعد الدرجات وتقف بنصفها بعد صوته الحاد...!




أبو حاتم بحده\ لآتروحين قبل لاتسمعين أخر كلامي في الموضوع الي عالق من سنين...

يا الجموح أنا عمري مآ شديت عليك فـي شي...ولآ...أجبرتك على شي..

كل شي تبينه وتطلبينه أقولك فيه سمي ولبيه..

أقدر بناتي وأكرمهم ماني بجابرهم مثل بعض الرجال على أردى الرجال..

ولآموجعهم ولآحارق قلوبهم بـأني أقهرهم وأغبنهم..

لكـن مسألة أنكم تطلعون من عيال عمكمـ أو..جماعتكم با الكثير...فـهذا الموضوع منتهي وخالص وقافل بابه..

عيال عمكم وقدامـي.....أذا أوجعك قرصة لك أذنه...أذا بكاكــ أدبته لكـ ..

أذا زعلكـ عاتبته..عمه ولـي يد وكلمة عليه...كأني أبوهـ...

أنتي منه وهو منكـ..لآصار طلاق ولا شي...عيالك قدامك تقدرين تشوفينهم ماياخذهم ولآعاد لي حيلة أردهم لكـ...

أسمهم من أسمك...أهلهم أهلكـ...أذا مت وغابت عيني تقدرين تاخذين ألي تبينه لكن دامني حي ...

وعيال عمك مافيهم الـداشر ولآ السكران فـ عيال عمك اولآ لك من الغريب...الي ماعرف عنه شي..

أنتهى كلامي ...وأنتي عقلك راجح وفاهم...ولآظنـي تطلعين بحسبتك خسرانة الخفين..!





القت نظرتها الجموح على والداها الـمحمر وجه من الغضب...لـتنسحب بهدوء وتتركه...,



.
.
.

بأي قانون نبقى على ذمة قلوبهم وهم غائبون...؟
.
.
.

بـسياره...


التفت بهدوء والأبتسامة تلعو وجه..\ها مبسوطه...؟

أميره ورأسها يطل من بين الأكياس الكثيـره الممتلئه العاب لها...\كثيرين كثيرين ...أصلين أنا أحبك قايد..مرررتين..!

غرق بضحكـ...\وأنا عشرتين...

مي تدخل هاتفها حقيبتها \ أبو نايف ودي أقولك موضوع ومستحيه منكـ...!

قايد بعدم مبالة \تفـضلـي..ماله داعي الحياء..!

مي بهدوء\ والله المصروف الي ترسله لـي ولختكـ أميره سبب لـي مشاكل مع أهلـي وخاصة أخواني..

تعرفهم عطالين بطالين...وصارو ياخذون المصروف من أميره...

وأنا مثل ماتعرف بتزوج بـعد فتره...وأنت تبي أميره تجلـس عندك ما أخذها معـي...

وأبي أجي أجلـس بوحده من شققكـ الي تأجرها لـناس أنا وبنتي...ونقطع الشر الى أن أتزوج...ها وش قلت...؟




أنلجمـ تماماً من كلامها...


ليتدارك بعد ثواني \وش ظنك بخليك في شقه لحالكـ لارجال ولا أخو...لآوالله أبد...!

مي بمقاطعه \ والله هذا الي بصير أنا ماعاد بتحمل..أنت تعرف أخواني من سجن لـسجن ومن حفره لحفره ثانيه الله يهديهم...

وأنا مكسورة جناح ياخذون فلوس بنيتي..يرضيك يعني يرضيكـ...!


قاطعها بـثقل\مـي بلاش لعب على الذقون لو ماعرفك زين صدقت أنك مكسورة جناح...!

مي بغضب\وش يعني تعايرني والآ تتشمت فيني لاتنسى أني كنت زوجة أبوك ومثل أمك بعد ...

وبعدين حشمني بكلمة خاله لو سمحت..!

أبتسم \لآوالله وصايف منتي بمقامها ولآبمقامها أي مخلوق..فلا..تعقدين المقارنة الي بتوجعكـ..

وبعدين تراك من عمر خواتي...فـ...خلـي الطابق مستور...ي [خاله..]...!

مي بتأفف \ طيب ياقايد...لـنا الله دام الدعوه فيها وجعات با الحكـي...

أردفت\لآتنسى أني كنت مغصوبه على أبوك ومغلوبه على أمري...وأبوك صح أن عشرته كانت زينه لكن أنا كنت بعمر عياله...

الله يرحمه...

قايد \والله عاد هذي الملامه حطيها على كتف أبوك ..والا..أبوي يحسبك راضيه على حد علمي ماقلتـي مغصوبه الاعقب مامات...
وأبوي كان رجال متشبب ..و..يعتبر وسيم ..دلعك كثير ولآتنكرين عيشك أحلى أيام عمرك يا صغنونه فلا تكثرين لطم الحظ الكاذب...!

يالله...شي وأنتهى والله يرحم الشيبان..!

مي بـتأفف وضيق\يعني الزبده وشلون منت بحاط لنا وحده من الشقق نجلس فيها مع أختك...؟

قايد \لا...بفضي لك جناحي الي ببيتي تجين تجلـسين فيه أنتي وأختي...

مي بصدمه \وأمك..أمك مارضت على أبوك من يوم خذاني...ومات ماجاته يوم وصى عليها على فراش موته...

تبيها عاد ترضى أجي أعيش عندكم...أنت مجنون أكيد...!!!!!

قايد \المجنون هو الي يتركك تعيشين بلحالك مع بنت صغيره بشقه ..تبين أهلي وجماعتي ياكلون وجهي...

والا تبين العيب يلحق أبوي بقبره...

أحشمي الحاضر..وكرمي الميت...وأبد...ماهو بصاير شي...جهزي أغراضك بجي أخذك ها اليومين بعد ماجهز الجناح لكم...

ويا الله ي مي أشوفك على خير...!


ختم كلامه وهي تنتبه أنها أصبحت عند باب منزلهم...


القت نظره له غاضبه لـتجده ينزل ويفتح باب أميره...!





فتح الباب الخلفي لـيجد أميره تتظاهر بنوم...



شد قدميها له...


لتتضايق منه...وتفتح عينيها...\يادب عورتيني...!



شدها بلطف له..


لترفض هي النزول متشبثه بمرتبه...


قائد بملل \ أميرهـ..وبعدين..وش متفقين عليه..ماتسوين حركاتك هذي كل ماجيتك..يعني لآزم تزعليني...!



أميره بختناق \يطقووني دلآل وخواتييه يطقوووني..مآبـيييي...


مي بغضب \شفت حتى أميره متضايقه من الوضع...مالك حل الا شقه لنا...يا أخي شيك علينا كل يوم...وش ها الحرص الزايد...!




تجاهلها..



لـيردف بحنان لـتلك الصغيره \خلاص بقول لـ أسامه لاعاد تخلي خواتك يطقون أميره..يا الله أموره أنزلي..شوفي الناس بشارع


يناظرونا بعدين يقولون عندهم بنت مو مؤدبه ماتسمع الكلام...!



تجاهلته تماماً...


لتلقي برأسها من جديد على المرتبه وتدعي النوم..!



مي وهي تقترب من الباب ..\ أميره حبـيبتي خلينا ندخل...خلاص قايد بيخانق دلال وخواتها..أنزلي ..!




لآ...جواب...!



قائد شدها له لـيحتضنها...تحت بكائها الطفولي المتـرجي أن تذهب معه...



ليحاول دغدغتها ب شعيرات ذقنه...



فتطلق بعدها ضحكه تجعل أنفها الصغير وفمها يختبئ بـرقبته بغضب من أرغامه على أضحاكها..



همس لها بحنان \خلاص المره الجايه أن شاء الله وعد...أخذك عندي ومَ تنامين الا بحضني ...


بحزن وهو يناولها والداتها لتحملها \أصلين أنت مَ تحبيني..آنت لو تحبنني كان أخذتيننني..!


تقدم بخطوات موجوعه ليشد كفها الصغير ويقبلها ...


ويتظاهر با الغضب\أنتي ليش كلبوجه كذا...قلت لك وعد يا بنت خلاص أنتهينا..ماتسمعين..!


أشارة با أنامله الخمس جهته بغضب وقهر \كش عليك..!!!

ليغرق بضحك ويشير ب أنامله له \وعليك يَ ام لسان طويل..!

.
.
.

بأي قانون نبقى على ذمة قلوبهم وهم غائبون...؟
↚
ماهر دلف باب الجناح غاضب جداً..ليلقـي سلاماً خفيفاً..


الدانه وهي تبعد مفرشها عنها...\وعليكم السلام...وش فيك عسى ماشر...؟


ماهر يحرك يديه بغضب \ مافـيني شي..؟


دست قدميها في حذائها الـناعم ...لتردف\ وش مزعلك..مره واضح عليك محموق حبـيبي...,


نزع شماغه وبتأفف \ دااانه...قلت لك مافيني شي..خلاص أنتهينا...أنتي وش مسويه بعد الدوخه الي فيك...تقويتي الحين

والا تبـين أوديك المستشفى ..؟


الدانه وهي تشد روبها الـحريري على كتفيها \ مآدري ماهر...يمكن..!

التفت له وبستغراب\ وش ممكن..؟

أبتسمت \أحس حامل...يمكن أكون حامل...!


شدت أناملها على بطنها مبتسمه...وعيني ماهر متعلقه ببطنها...


مآهر \ متأكدهـ...!

الدانه بخجل \أحس..!

ماهر بملل \دانه مو زي المرات الي راحت..أجيب لك تحليل حمل تشوفين..؟

الدانه بـأرتباك \لا...خلينا نروح نسوي تحليل أحسن..ونتغدا برا...؟

ماهر بـملل وهو يهم باالخروج\أنا متغدي ...خلاص أجهزي وأنا بطل على الجموح من ثم بنزل أنتظرك بسياره...لآتتأخرين علي


الدانه \ عشر دقايق بس...وأكون نازله لك..,




.
.
.

بأي قانون نبقى على ذمة قلوبهم وهم غائبون...؟
.
.
.


طرق الباب ب أنامله...


لـيفتحه بعدها ويترك الباب مشرع...




مستلقيه على سريرها....محتضنه لـجزء من وسادتها....,



حاتم وضع الأوراق بـمكتبها الـصغير....من ثم وضع حقيبتها على الكومدينه...!


التقطة عينيه أنفاسها المتسارعه...




هو بتأكيد بكاء ...لآ...تريد لـ أحد أن يتطفل عليه...!



جلـس بقربها ...لـيضع أنامله على شعرها بـحنان..\جـموح..أأ..


قاطعته بصوت موجوع..\بس مابي منك أنت بذات حرف...!


حاتم بوجع \يا جموح أنا والله العظيم ماهو ضدك..و..لآ...أبـي أقهرك ..ولآ أغبنك..تبيني أزيد وأعيد الحكي الي قلته لك بسياره أجل..؟


تحركة بهدوء لتجلس \أبيك توقف معي اليوم مثل ماوقفت معي في المره الاولى...قايد مابيه..



صمت ليزفر بضيق بعدها...وينزل عينيه لـ الأرض..





الجموح \ حاتم..كيف تقضي حياتك وتشارك لك انسان هو الي ضيع زهرة حياتك..بعناده وأنانيته...

لتردف \أنا دكتوره جامعيه

تعبت على ماحصلت الشهاده الـي تتمناها كل بنت ..ماخالفة شرع..ماقتلت أحد...كنت أظن أنه مسألة يومين ويرضى

وأذا جيت بعد ماحققت أجمل شي بحياتي..أحصله مبسوط ومستانس لن حياتي هي حياته..ونجاحي هو نجاحه...

ماكنت أتوقع ولو واحد بميه أن يكون متمسك بعناده ويطلع لي بقصة تحجيره...عشان أيش...عشان يوجعنـي بزعم أنـي

عنيده وعاندته...أيه بعانده...أيه...بكمل تعليمي الي هو الركيزه الأساسيه في حياتي...الحب بداله الف حب والزوج بداله زوج

لكن الشهاده..قولي من يعوضني اذا راحت...؟


أشارة بختناق بيدها...\ زي الثريا...قدمت كل شي لـ فهد..وأخر شي...ماحصدت شي..لآحب ولآشهاده..ماحصت الا الجروح
والم والوجع الي مايندمل طول العمر ماهما تصنعت أنها بألف خير...!





.
.
.

أنتي يا الجموح...!



جامحه حتـى با الجروح العشوائيه...


أنتي ..


كَ من وجد رمح واقع بقـربي...

فلتقطيته فكسرتيه بـصدر أخيك..!

لمآ...يا الجموح..!

أقسم بأني لم أجرح روحك.. ولو.. لمره...

لمآ ضاعفتي الوجع لي الان...!

و

حطمتي أضلع الصدر...!

.
.
.


أرتبك ...لـيردف بألم..\ثريا بيعوضها الله خير...وأنتي...بعد...خليك ذكيه وأحسبي الحسبه زين...!


دلف الباب ماهر...لـيدخل وبمقاطعه\ وش فيكم...!


أرتفع رأس حاتم لـيزفر بغضب \وش فينا..مافينا شي...والا ..أنت أذا مالقيت لك جنازه وشبعت فيها لطم ماترتاح...!


أبتسم بستخفاف \أصلن اللطم مايجوز...بس التشبيه حلو لوضعكم أعجبني...!


برقه يداعبها وهو يلتقط أختناقها\ أنا أخو الجامح...والله ماحد يغصبك على شي وأنا حـي...لآتضيقين صدرك..ماعليك منهم...!


مسـحت دموعها بـألم \ الله يطولي في عماركم كلكم..ولآ...يبين غلاكم...,,

حاتمـ \ مآهر...يآ أما أصفط لـ أختك الخير والا أقصر شرك...أنت تشوف في قايد شي ينعاب...ما تصفطه لـ أختك..!


بهدوء يتهادئ ..\والله مافي أبو نايف شي ينعاب..الا...العناد والتمطيط الي صار ...بعكس ولد عم ونسيب

وأخو ينحط على اليمنى في كل شي...


حاتم أشار بيده له \خلاص...جزاك الله خير...وأقصر باقي الحكي الي ماله لزوم...!


ماهر \الا له لزوم..ولآزم تدري بهذا الشي الجموح...أذا ماتبيه ماحد بغاصبها..وباقي في ها الصدر نفس يطلع ويرجع...يبي
ولد نايف الطيب يبشر فيه...ويبي المناشب يبشر فيها بعد...!


حاتم بغضب يقف \ مناشب وشلون مناشب..!

ماهر يرفع كتفيه بغير أهتمام \والله...على حسب...يا تشمير كم...يا جلسة شيخ...!


حاتم يلتقط طرف جيبه أخيه العلوي ليدفعه قليلاً للوراء بقرف\سود الله وجهك أنت وكلامك...وش تحسب قايد أنت...!


الجموح بغضب تقاطعهم \ أطلعو وأتركوني أرتاح...مو ناقصه هوشات فوق راسي بعد...!


تراجع حاتم وماهر بعد كلامها لـيخرجا من الغرفه معاً...!





من ثم...





زفرة بضيق وبثرثرة روحية...!











بودي لو أسـرق رقم هاتفه..


من ماهر او حاتمـ..

و

أكيل له الشتائم...

فـتصب في أذنيه كـ حمم من بركان..

بودي البصق عليه...

وأن أثرثر على مسامعه ما أحدثه بـداخلـي من أوجاع تتصاعد..

بـودي لو لـي قوة عليه...

وأرمي بـجسده ذاك المتغطرس من أعلى جبل ...

فيتهاوى أمام ناظري ويتدحرج ...

حتى يصبح جثة هامدهـ...


كـ سنين عمري المـتهاويه...!


بودي أن أصرخ بوجه..


هل أنت مرتاح الان..

بأن علقت أعمارنا بين الغيوم وجعلت أعمارنا كا المراجيح..؟





بودي أخباره أني كنت له عاشقه..


وهو من علق مشنقة عشقـي له بأن أمتطى جواد أبن العم الذي يحق له مالا يحق لغيره..!


وأستخدم معي قانون قبلـي غير مدون لكن مختومـ بأضلعهم بـ أسم التحجير...!


وذلك كـ رد فعل غاضب بعد سـفري لـدراسه رغم عنه..,


لم يتبقى له الآن أي بذرة حب بريئة بداخلي...


لم يتبقى شي سوى مقت لـشخصيته ولـحضوره..



ويريد مني أن اتزوجه..كـي يستعبدني كـ حمقاء..؟


ويتجبر علي بـقانون الرجال...!


هيهات هيهات يا قائد ..


فـقد نبذنا الرق منذو دهور...


ولم يبقى سوى حرية ..


لآ يمكنك أن تقيدني بقيودك فمازال بروح متسع...

وأن أجبرتني على قانونكـ...

فصدقني س أكويك وستتوجع كما أوجعتني...!

.
.
.


بأي قانون نبقى على ذمة قلوبهم وهم غائبون...؟
.
.
.
با المساء...
.
.
.
فتح باب الفله الداخلي

ليجدها بـا الصاله...

أم قائد بـفرح \ يا مرحبآآآ..يامرحبآآآ...يا مرحبآآآ...!

قائد يشد الخطوات لـها بـ أبتسامة ويقبل رأسها وكفها \ الله الله ترحيب يشرح الصدر ياالغاليه..

أم قائد \ لـن الي أقبل شوفته تشرح الصدر...وينك يا وليدي ماجيت اليوم تغدا عندنا أنا ماعلمتك أن اللقمه ما تهنى لي

وأنت منت بقبالي...الله يخليك لي..

شد كفها من جديد ليقبله ويردف \ ماعليه يمه أنجبرت أتغدى برا...والله يا ميمتي مابي أذوق شي الا انا وأنتي متشاركين بصحنه
لكن تعرفين مشغالي جعل عمرك طويل..

توجهة أنظارها للقبله وبحنان \ياجعل كل خطوايك توافيق...,

أبتسم \أمين...

ليردف \ ياالله يا أم قايد عندي لك خبرين وأحد زين... و..واحد نص ونص..!

وجهة أنظارها له \كل شي منك زين...عطني العلم الزين أجل..لكن قبل ماتعلمني أنا بعد عندي لك خبر زين!

أرتفعت أنظاره لها وبـفرح \ قولي يَ أم قايد..أسمعك...!

وضعت يدها على كفه العريض الأسمر\ ثريا..وافقة على أبو سلمان...وتقول علمي قايد أنها موافقه..!

أبتسم أبتسامه عريضه وبصدق \زين الحمدلله...ماهي لاقيه مثل صفوق...رجال عاقل وبيحفظها أن شاء الله...فرحتيني
يمه..أحسبها بتقعد سنين متعقده من فهد ...

أم قائد بحنان \وأنت وش عندك من الأخبار الزينه..؟

أبتسم وبشوق \يمه خطبت الجموح اليوم بشكل رسمي...ونتظر تحديد الملكه من عمي ...وأن شاء الله ها اليومين!

أجتاحتها فرحه عظيمة لـتغرق في تلك الكلمات المتلعثمة \ أنت تتكلم صادق...هو صدق يا قايد...!

قائد \أيه صدق يمه..خلاص خطبتها من جديد..,




وقفة بـفرحه لتحاول أن تعبر عن فرحتها بتلك [ الزغاريد.]...لتفشل وتختنق بدموعها...!


وقف بـألم ليحتضنها لـصدر وتغرق هي بذاك الصدر الذي هو با الفعل كل شي لها...!


فـ...

هو الابن [..الوحيد..]

الذي مات بعده عدة أبناء ذكور...لم يتم لهم الشهرين حتـى يتوفاهم الله...

من ثم أتت الثريا..من ثم...نجد...من..ثم دانه...جميعهم بشق الأنفس ولادتهم..!

وهو الذي وقف بقربها ...من بعد خذلان حب أخر...فآحتضنها لصدرهـ...و...قوية بقربه...



وهو العاشق الذي تشفق على طوي السنين لسجل عمره ولم يقترن بمعشوقته...


هو القائد...الذي تولى مقاليد المسؤليه منذو أن كان صغيراً...

وكبر...وكبرت تلك المسؤليات يوم عن أخر ..

وتلك الهموم يوم عن أخر...!

تريده أن يرتاح مع من أحبها...ويغلق عليهم باب واحد..

فـلقد ذهب العمر وأنطوى على عناداً لآطائل منه غير الأوجاع التي تتراكم لكليهما...!





قائد بـمداعبه\يمه الله يهديك...ترى مابعد جات موافقة بنت تركي يمكن لها راي ثاني...!

وصايف \بتوافق أن شاء الله بتوافق...لكن حطها بعيونك يا قايد ترى الجموح الكل يتمناها عنده زوجه..والله انها القمر
الي يشد له العين وانها الي تنحط على الجرح يبرى...!

قائد مبتسم \الله يكتب الي فيه الخير....

وبستغراب هي أردفت\وش هو الموضوع الثاني..؟

قائد بأرتباك \خلاص خليه بعدين يمه...ملحوق عليه...بيكدر خاطرك عقب هذي الفرحه..؟

بأصرار \وش هو...الا علمني ...

تراجع خطوه \يمه بعدين فديتك...

ام قائد بغضب \علمني ياولد...!

قايد بأخفاض جناح\ مرة أبوي ..مي...دقت علي تبي تطلع بشقه خاصه متخانقه مع أخوانها عشان مصروف الي أرسله لـ اختي أميره
..وهم يناشبونها فيه..وتعرفين مارضى تسكن بشقه...فا ..من بعد أذنك بفضي جناحي لها تجي تجلس فيه لين تتزوج....ولآودي
أحرم منها أميره ها الفتره الي بتجلس فيها مع أمها...,






أنتظر ردها...




لكن الصمت حلق فجأه على المكان...


لـيستطرد\ها يمه وش قلـتي...؟




وصايف بـغضب \ ماجتمع أنا وهي في مكان واحد ي قايد...فآ لاتكثر حكي...



قايد \يمه...وين أخليها..مالها الا أنا...بحط لها الجناح حقـي....و...


وصايف بمقاطعه وهي تنفض يدها بغضب\أجل بـظهر من بيتكـ...


قايد\يمه الله يهديك وش ها الحكي تبـين تظهرين من بيتي تراها ماتسوى مواطيك لكن أنا مجبور ..والله العظيم مجبور...

تكفين يمه راعي هذا الشي..

وصايف بغضب شديد\ عيشتي عند ناصرأخوي أبرك الف مره من عيشتي معك عقب هذي العلوم..مابعد ماتو أخواني ياقويد ..

قائد \يمه..وش ها الحكي تراك العاقله الرزين...و

وصايف بـحده\وتعلمني العقل والرزانه في تالـي شبابي...وش بعد ناقص...؟

أردفت \أجل مي بنت سيف...تـجيبها عندي...تسكن معي..وتحت سقف واحد أنا وهي...

لـيه...؟

وش مربيتك ومكبرتك عشانه...؟

عشان تذلني بتالي شبابي وتوجعني وجعة ماوجعها عدواني لـي...؟

بتفهم \يمه يا عسى يفداك كل غالي..و..كل ثمين ياراس المال...ي المكسب الصافي...

وش ها الحكي...أنا أكسرك أنا اشمتهم فيك....

ليه يا الغاليه...؟

والله أن مي لو أن ماعليها بنت من ابوي..أن مايحلقني مشروه فيها

لكن يايمه...

قاطعته بشراسه..\دايم فرحتي مغمسه بوجع وبـكل عله...تفرحني بخطبتك وعقب تنكس أعلامك علي...

تبي تجيب ذيك العوبا عندي....؟

تبي تفرد جناحها عندي وتكسـر جناحي...؟

والله ماكان العشم ولا أكبر الأماني فيك يا ولد بطـني...؟

قايد \يايمه..

قاطعته \أأأأوص ولا كلمه...

الوجع بلغ أعلى حدوده بحنجرتها...\تجيبها عندي..هذا والله الي ماهوب بصاير....



الثريا تدخل بهدوء \ عسى ماشر وش صاير...؟


وصايف بحرقه\ تعالي يا الثريا تعالي...قايد أخوك...بـيسوي شي عجز عنه أبوك...

يبـي يجيب مي تناصفني البيت وتشاركني المكان...لآوالله ماهو بصاير ...


الثريا بـستغراب\هدي نفـسك يمه...أكيد أن في الموضوع لـبس الله يهديك...قايد ماهو مسوي أي شي يوجعك...

الأكيد أنك ما فهمتي الموضوع بشكله الصحيح أجلـسي أرتاحي..هدي..لآيرتفع ضغطك...


وصايف تشير بيدها \ أذا هو مسـوي فيها المحامي الكبـير راعي الحقوق والعدل...

فا انا أمه الي ربته بكل سنه من عمرهـ وجع وألم....

هذا من غير زفرات الولاده والحمل...

يجيني على أخر عمري...

ويقول بسكن الـطبينه بـجناحي يمه....!

أردفت بحزن شفاف وهي تجـلس على الاريكه\لآوالله الي خابت ظنوني فيك ياقايد..

لآوالله الي ضاع مشروهي على تالـي الناس دام خابت فيك هقاتي...
لآوالله الـي ماعاد فيه جرح أكبر ولآطعنه من الي تبي تسويه فيني...

تاخذ الخنجر الي رماه غيرك عشان تغرسه في صدري...وتقول يايمه الواجب والـمنقود....!

أنا من علمك الواجب والمنقود...أنا...!

أنا من علمك كيف تاكل وكيف تشرب...؟

كيف تمشي وكيف تضحك...؟

انا أول جلسه لك بـصغرك ذبحة لك وقربت الشحم ...أبيك تظهر رجال...كفو...

عضيد لـ للقريب..و..ظل أجي أنا بـنحره...!

أنا أمك...!


تدري وش أمك...؟


جنتك ونارك...!


ومن عظم فضلي مقرونة برضى الرب وبعد عبادته في القران..!

وش ترص الكلام لي وش بتقول..؟

وش الأعذار الي تبي ترتبها لـي برف مايل وتبي تقولها...؟



أنا الي علمك تشبيك الحروف ونطق الكلام...

وأنا الي أعلمك في كل يوم خطوه جديده ولو الشيب في شعرك ظهر..!


ياكيف يبي مني أقبل وأبتسم وأقول كفو يابو نايف في ذراك كل شي زين...!


خطوات قائد الهادئه لها

لـينخفض بـ تذلل...ويحاول تقبيلها لتصده

قائد بوجع \يمه جعلني فداء ها الرجلين..لآوالله ماني بمثل ماقلتي...
والله ان صدري لك درع وغطى من كل وجعه والا خنجر عدو...
خلاص ابشري ولآيصير الا الي يرضيك..
بخلـيها في شقه بس بسكن أنا معها...





لم تتحرك ساكن ولآتطرق بنظر لـه ...

بقت شامخه بنظرها كما هي...

لآ

تهتز ...









بـصوت ساخر تغلغل في صدع الوجع\ وشلون يعني...بتتركـ الحريم الي هم شعر وجهكـ...وتروح تلحق الناقد والمنقود...

لآ بالله كفـو يا ولد نايف..؟

قايد\يايمه...خلـيتني مثل الواقف الي بين الغار والنار...أن وطئ أحرق صدره ..وأن أرتفع ضرب الغار راسه...بقول لماهر
ودانه يجون هنا عندكم وش أسوي أذا أنتي ماتبينها هنا..!





وقفة بـوجع صامت...و...تركة المكان له...!




الثريا وهي تراقب خطواتها الراحله لـجناحها...


وبغضب \ وش تبي مي...تنثبر عند أهلها عساها ماتقوم...الى أن تتزوج...وتجيب أختي هنا...و..أنتهينا...ماحنا مكلفوين فيها...!

قايد \دامها مابعد دخلت عند زوجها الجديد..فـ أنا مكلوف فيها...تفهمين...هذي كانت زوجة أبوي و..أم أختي...لآتحسبين
والله أني سعيد بهذا الدور الي أداري فيه الكل..؟

الثريا \والله مي ماتستاهل شي...ماتستاهل الا من يصك الباب بوجها...ولآ أنت مجبور ...,

جلـس بضيق \ يا الثريا قولي الله لآيحدنا على أحد أفضل لك من هذا الكلام...!

الثريا تسكب له النعناع وتناوله له..\الله لآيحدنا على أحد والله يجعل أخلاقنا أخلاق أهل الجنه...

أردف \ أتـركي مني ها الموضوع...وقولي لي...أنتي موافقه على صفوق وأنتي مقتنعه والا تحصيل حاصل...!

خجلت و أرتبكت لـتتراجع...



قائد \ تكلمي لآتستحين...علميني...!

الثريا \ مآدري يا قايد...أنت تشوفه مناسب..وانا ماشوف فيه عيب...أذا فيه خير لي الله يكتبه واذا لآ...الله يجعل لي منه مخرج..
ويكتب لنا الخيره في أمورنا كلنا..!

قائد مبتسم \أجل الله يوفقك ...وأن شاء الله أنه خير لك...!
.
.
.

بأي قانون نبقى على ذمة قلوبهم وهم غائبون...؟

.
.
.




حاتم شد القهوه ليسكب له فنجال ساخن...\ وين قايد ياعم..؟


كايد بـستغراب \والله أشوفه يا عمك دخل البيت مستعجل حتى مامر يسلم علي مدري وش فيه..؟

حاتم مبتسم \ماعلمك أجل با العلم الجديد..!

كايد \خير أن شاء الله وش علمه...؟

حاتم \خطب اليوم الجموح...

كايد بفرحه عميقه \ بعددددي...أيه والله بعددددي...الله يبشرك ياولدي بخير..!

حاتم بخبث\ياالله عقبالك ي عم..؟

كايد بزمجره \أنت كأنك تيس مقطوعة أذانيه...وش له ماتقول ها الحتسي لعمرك..ها...تسم عمرك أنت يا التيس..؟

حاتم يقلده بتهكم \أنا ياعم..خلاص راحت علي ياالله براد الجنه...!!

كايد بتهكم \ ياالله براد الجنه...ياالله براد الجنه..الله من شين الفعول...!

حاتم \آفآ...والله فعولي ماخبرتها رديه...وش فيك ياكايد وش له ها القلبه الشينه علي...؟

كايد \ أنا وعايفن العرس وكلكم خابرين ليه...

ومضيع العقل ولد عمك عايفه عناد في أختك كل السنين الي راحت وهجده الله ياالله العقلان...!

وأنت يا الخبل تراك كبرت...وش بلااااكـ...فيك شي علمني ...أميمتك كل ماشفتها قالت والله ياعم

يقول مابعد لقيت مرتي للحين...ولآندري ها المره وين ديرتها وش هم أهلها...!


أردف \علمني منهم...وأبد..لآتشل هم بروح لـ أهلها وبيوافقون عليك...الا اذا كانت من بنات الفرنجين والخواجه...والله
ثم والله لآدري انك تبي منهم لآنت ولدي ولآعرفك.. يهود مايعرفون ربك..لآيصلون ولآيصومون...!


بمسايره خبيثه \ والله القلب ومايريد يا عم...!

كايد بغضب حقيقي\تبي بنت يهودي...أعقب ياحاتم..وأنا أحسب أنك أعقلهم...قلبي والله أنه داري...ينغزني دايم من صوبك...!

حاتم بهدوء \لآ..أن شاء الله ..الله يكفيني شرهم...وش لي ببنات اليهود ....أنا هواي في راعيات السباح العفيفات...!

كايد براحه \أجل علمني من الي في صديرك ..علمني ولآني بمعلم..أزهلها يارجال والله أن تزعد بصديري...!

حاتم بأرتباك\ وشلون يعني أذا ماتزوجت معناتها أنا أحب...طيب أفرض أني مَ حب ..ومابي أقلق مخي بعرس...وبزران وغثى..!

كايد بخبث \تسذوب مرواغ..!



غرق حاتم بضحك وصمت...!



لـيدخل قائد مبتسم لـ حاتم \يآهلا بولد تركـي...أشرقت الانوار...!!!



حاتم يقف لـيسلم \غصبن عنك أجل مشرقة بـا أبتسامتك البراقه...!


قائد بمغايضه \ايه فـيك قهـر ماهو ببسيط علي الله يكفيني شرك...

كائد بغضب \الحين ورى ماعلمتني أنك خطبت الجامح...؟

قائد ينثني ليقبل رأسه \هذاني جيت أعلمك...بس حويتم سبقني ...,

كائد \الله يبشره با الخير...والله ياعمكـ أني أستانست الله يجمع بينكم بخير...

قائد بضحكـ...\وزد على ها الوناسه ثنتين أجل...الثريا وافقت على ..[صفوق..]...

وبرد له خبر اليوم أن حنا موافقين ويعجل بعرس أذا يبي...!!


كائد \هذا اليوم المبروك..والله أنه يوم مبروك...الله يعوضها الكفو الي يستاهلها..تستاهل أم خالد من يثقلها ذهب..!




حاتم بغضب مفاجئ مقاطعهم\ وافقت...وشلون وافقت ..وليش توافق بهذي السرعه..؟



أنتبه قائد فجأه لـغضبه وبستغراب \ وش الي ليه وافقت..رجال كفو ..و...وافقت عليه..؟



حاتم يقف \ أي كفو..و..أي خرابيط...أختك توها طالعه من زواج فاشل ممتد لـ سنين طويله ..عطها وقت تلملم نفسها..ماهو
تبعثرها بزواج جديد...!


قائد بحده \عجيب منطقك ياحاتم..الحين أنا الي أبعثر خواتي...ماغصبتها ولآ كذبت عليها..أنا قلت لها عن الرجال وهي وافقة...!


حاتم \هي موافقه عليه...!


قائد بغضب \أيه موافقه...أنت وش بلاك...!


حاتم بغضب \وشلون توافق بهذي السرعه..تفكر على الأقل...أو..تستخير..تاخذ لها وقت يمكن يجيها الرجال المناسب الي أحسن منه..!


قائد بتهكم\لآ...شكلك اليوم ماخذ برد..أجلس حول الضو بس...من الي بيجيها احسن من صفوق ..!


شد الدله القريبه من الجمر لـيسكب القهوه لنفسه ويجلس بقرب عمه...






حاتم المرتبك فجأه...أستئذن وخرج...وتحجج بموعد..!



قائد بستغراب \وش موعده ها الي طلع له فجأه...أختبص فجأهـ الله يهديه!


كائد بـحسه الشديد وبحده\أعقب يا قايد ولد عمكـ خبصته هذي ماهـي عاديه...!

قائد يلتفت بـستغراب لـه..\ كـيف..!

كائد بفراسه\أقول لك الرجال أنعفس من خطبة الثريا..ولد عمك لو أنه مهتوي أختكـ وأنت مادريت..وهو ماقدم..!

أرتفع حاجبه بـصدمه ...\ أنت أكيد ياعمـ تهذي..الثريا وحاتم...!

كائد يشير للحيته \ والله ذا الشيب الابيض مَ طرد الأسود من عبث...ولد عمك مهتوي أختكـ لكن قاصر رجله من شي...

يا هو يمالـي نفسه هي بتوافق عليه والا بتفشله عند نفسه وأهله...والآ..مابعد حسم أمره يبيها والا ياخذ غيرها...!


تراجع قائد بصدمه كَ من سكب على رأسه دلو ماء....!

.
.
.

بأي قانون نبقى على ذمة قلوبهم وهم غائبون...؟
.
.
.

أه



كم عمري الان...!


من في عمري الان متزوجات ولديهن أطفال...


سعيدات با أزواجهم...


وبمشاكلهم وبأطفالهم...!





أريد أن أصبح أم قبل أن لآ أصبح...أبداً..!




أريد أن أستمتع بمشاغبتهم..بمشاكلهم..بضحكاتهم..بكبرهم سنة تتبعها سنة...



وبتقدمي با العمر بقربهم...وأكون سعيدة جداً بتقدم ذاك العمر لأن أطفالي يكبرون..وأنا أشيخ بقربهم...!


لكني عالقة بين رجل عنيد..لآ...يريد الأقتران بغيري..ولآيريدني أنا أقترن بغيره...!



وبحلم أمومة جميل يراودني كثيراً...


لكن لآ...أريده قائد لذاك الحلم الابيض..!





لدي بأحلامي ثلاثة فتيات وصبين...!


يصرخون بوجهـي دائماً يريدون الطعام..أو...يريدون الأستحمام...أو..يريدون التسوق معي...


وأنا أوبخ هذا...و...أكافئ ذاك...


أسرح شعر بناتي وأظفرها لهم...


أحدى بناتي تريد فستان أبيض...وأنا رافضه ..أريد لها الفستان الأصفر ذو الورود الصغيره..!



شقيقها يريد أن أضع قلم صغير بجيبه العلوي...والأخر يريد محفظه جلديه سوداء...يريدون رجوله مبكره بقلم ومحفظه...!


عنيدين أطفالي...وأنا أعشق عنادهم...!


تلك أحلامي التي تكبر معي يوم عن يوم...وكأني لست بثلاثين...


كأني طفله ترتب عرائسها على طرف سريرها وتعبث معهم في وقت قيلولة والدايها...!







دلفت الباب والداتها...

و

بيدها صينيه أكل لها...

برقه \جموح...

أستندت جموح على الوساده وبهمس \لبيه يمه...كان ماكلفتي على عمرك أنا مالي نفس بشي...,

وضعت الصينيه بقربها وبهمس \يا أمك لآتضيقين صدري عليك...أنتي وش فيك عقب ها العمر كله وتقولين الحين مابيه..؟

الجموح بألم \يمه لآتكثرين علي...قايد مابيه..!

أم حاتم بـحنان \أسمعيني يمك..وعقبه تكلمي..ترى الشهاده وأنا أمك ماهي كل شي في الحياة..

ولآتعني أنك خلاص صرتي فاهمه

وفوق الجميع...ترى الخبره والسنين والأيام هي الي تدق الادمي دق...هي الي تخليه يفكر بحكمه وبعقل ..!

يابنتي لآتسوين سوايا عمك كايد...والله أنه سولف علي مره والعبره بحلقه..

يقول ليتني طعت من نصحوني وأعرست يوم أفلست من نوف كان عيالي اليوم هم الي يشلوني..

وماني من حلق فلان لحلق علان..

كادت تنطق لولا أنامل والداتها التي وضعتها على شفتيها لتكمل حديثها ..\ يا جميح ياأمك..أعرسي..وجيبي لك ضنا...

ترى قايد ماهو مخليتس مثل كايد ونوف..!

ترى ماهو مخليتس وراسه يشم الهوا ..

اما بينشب بحلقتس ويطرد كل من نوى فيك مثل الحين..ويضيع عمرتس..والا

بتحدينه يبتلي برقبه..!

لآتبلينه وتبلين أهلتس..ترى ماهر مايرد عن الي براسه أحد..وقايد ماهو مخليتس لـ أحد دامه حي...!

أردفت بأشفاقه \ويا أمك شوفي نوف جمحت عن كايد..عناد كذا مثلكـ...وخذت لها واحد بهذل فيها وعناها...
...شقت بحياتها الله يرحمها لين ماتت...ومثل ماشفتي..
هذا عمك كايد يهذري فيها من حبه لها...لو أنها خذته كان أرتاحت

وقايد يحبك..لآتغلطين غلط نوف يوم ماعرفت تحسبها صح...ترى عناد قايد
من قطعة قلبه منكـ...

والا..
والله يابنتي أني أشوفه وأسمي عليه من عيون الحريم..من الأخلاق و زين الفعول..

مصلي ..لآيدخن..ولآسفريات ولآخرابيط شباب ها اليومين..طيعي والديك تفلحين أن شاء الله..!



صمتت بألم ...


لتردف والداتها..\ها ...ترى أبوك يبي رايك الحين...يقول ماعاد له داعي تطويل الوقت فوق الي راح..وجموح ماتعصى لي كلمه..!



صمتت..!



أم حاتم بأبتسامه وهي تردف على كتفها ..\نقول الصمت علامة الرضا مثل مايقولون...الله يوفقتس يابنيتي والله والله أن ماتندمين
ان شاء الله...من طاع والدايه فلح..!



وقفة والداتها...لتتداركها الجموح \يمه...


والداتها بـحب \لبيه..؟


الجموح \يمه...لـي شرط ...والشرط هذا ماراح أقوله الاعند الشيخ...والا ترى لو تسون الي تسونه على قايد مَ أوافق..!


أم حاتم بستغراب\علميني يمتس وش هو شرطتس..؟

الجموح \يمه..الشرط على قايد ماهو عليكم..ولآيسمعه الا قايد...ولآيكتبه الا الشيخ..غيره ماني ملزومه أقول لهم...!

أم حاتم \طيب يمك طيب...الله يقدم لكم الي فيه الخير ..



.
.
.

بأي قانون نبقى على ذمة قلوبهم وهم غائبون...؟
.
.
.



أندس بمفرشها الـحريري...

و

أبعد الغطاء عنها لـيشدها لـ ذراعه...

فلتت منها عبرة موجعه..

ماهر \....وش له البكاء الحين..شايفتني مستعجل يعني..؟

دانه وهي تمسح بأطراف أناملها عينيها ..

لتهمس \كنت متأكده أني حامل..ماتوقعت يطلع التحليل سلبي...

ماهر \يا دندون مالنا الا سنه وشوي..ليش مستعجله على الأطفال الله يهديك...والله انا عااادي...

دانه أبتعدت عنه لتجلس بقربه \ أنا أبي...أحس بيرتب أشياء كثيره بحياتنا..

ماهر يبتسم لها \من قال حياتنا مبعثره عشان يجي نتيفه يرتبها...حياتنا طبيعيه بس أنتي يمكن حساسه !!

شدها له من جديد...وبهمس \نامي يامزعجه..ياكثر ما تطقطقين على راسي يادندون..والله أنا منهك وأبي أنام..بكره

أبكـي على راحتك يا مزعجه أذا رحت لدوام..!

دانه بضجر تمسح أنفها المحمر \انا مزعجه.. والله أنت الـي كل شي عندك عادي..حتى الاطفال..يا ماهر ااا ...!

قاطعها بأن وضع أنامله على شفتيها وبتهكم \قلت لك ناااامي وأرتاحي الحين...ياالله هوووس خلينا ننام..!
↚
فيَ مـــــســـرحَ .. عيوٌنكِ تضجّ الأمـآنيّ
تعبتّ أنــــــآديّ وٌ يصفعّ الصـوٌتّ صمتكّ





أفــــزّ وٌ ارجــــــــعّ .. وٌ أتحسسَ مكـآنيّ
وٌ ألقــاكّ حـــــلــــمّ .. فيّ عيوٌنيّ رسمتكّ




جيتكّ ســــــحــــآبــــــةِ شعرَ تلـهمّ بنــآنيّ
جيتّ وٌ علىّ خـــــــــدّ الصحــآيفّ مطرَتكّ





أزرعّ حــروٌفــــيّ فـــــيَ ريآضكّ معآنيّ
بينيَ .... وٌ بينكِ..... تنتشـيّ لا عـــرفتكّ





جيتـكّ وٌ هـــــذا الشـوٌقّ .. رآسمّ حنآنيّ
لوٌحة مشآعرّ...... فيّ ضـلوٌعيّ نقشتكّ





تعـ،،،ـالّ وٌ اسمـــــعّ وٌشّ تقوٌلّ الثوآنيّ
يــــآ مـــا انتظرتكّ ؟؟.. وٌ انتظرتكّ وٌشفتكّ





وٌآقفّ وٌ أنا اســـــأل حظيّ الليّ عصآنيّ
وٌشـــــلــــوٌنّ تضوٌيّ دنيتيّ لا فقـدتكّ ؟ ؟





إرجـــعَ وٌ رجــــــــّع فـرحيّ الليّ نسآنيّ


شفّ كـــــمّ يــــا لــيـتّ ..بمفـرداتيّ كتبتكّ



سؤال ثــــــــــايرّ .. تحتَ صمتّ المحآنيّ
باللهِ .. قــــــــل لـيّ حبيـبي ..ما وٌحشتكّ ؟؟




تضيـقّ بغيـابكّ ...... صـــــــــدوٌر المـوٌآنيّ
يا مـا علىّ مـــرســـــىّ الليـاليّ .. سهرتكّ




جيتكّ ...... وٌ بأيـديّ وٌرد يــــا مـــا بكـآنيّ
وٌ داااايــــــــمّ يـواسيّ .. دمعـتيّ لا ذكـرتكّ




بـــحــــــــــرّ الرجـاوٌيّ فـوٌقّ شطّك رمـآنيّ
مـــــدّ الكـفوفّ ..وٌصــــــــبّ فينيّ عشقتكّ






خذنـيّ تـــــرىّ يــــــا مـا غرامـكّ خـذآنيّ
وٌيــــا مـــــا علىّ جذعّ انتظـاريّ حفرتكّ




جيتكّ وٌ مـــــــــا ادريّ كنّي إنسـان ثـآنيّ
طـــــــالَ الفـراقّ وٌ كــــــنّ تـوّي عرفتكّ




جيتكّ وٌ أنـــا مــــا جيتّ .. وٌاقفَ مكـآنيّ
طيـفكّ حضنّي وٌ احـــســــبّ أنيّ وٌصلتكّ
.
.
.
بدايه


يسعد صباحكم.....



ها اليومين يَ أحبابي راح نـتوقف...


بسبب الصوم ..و... زحمة الأجازه وتواجد الضيوف الدائم مع أقبال العيد...


الله يجعلها أيام مباركه علينا...


ويكتب لنا صيامها يَ كريم...


و..أوصيكم ..و..نفسي بأغتنامها با الصيام ..و...[..التكبير...]... و...أن لآيلهيكم شـيء عنها...


فلا نعلم هل نستطيع أن نلحق بركبها في العام المقبل أم نكون تحت التراب...؟





موعد العوده سيكون بإذن الله بعد العيد لكن في أي يوم لآ أدري..راح أنبه قبله بيوم أن شاء الله...,




.
.
.


لآتلهيكم الروايه عن الصلاة في وقتها...,


.
.
.

بعد نصف ساعه...,

.
.
.


أم قائد بـ أبتسامه...\الله يتمم لهم بخير...ويوفقهم بحياتهم ...

أم حاتم \اللهم أمين يارب..والله أن فـرحتـي الليله مايعادلها شي يا وصايف...

أم قائد بمحبه خالصه\ فرحتنا وحده يا الغاليه..عقبال مايفرحنا حاتم بعد...

أطلقت ضحكه خافته\ يَ وصايف..حويتم مدري وين بنحصل زوجته..الف شرط و مية عيب...!

أم قائد وهي تضع يدها على يد وصايف\أبد أذا الله جاب النصيب...غصبن عنه...يصير...أدعي له أنتي...





بـمقابل...!





الثريا بتهكم ...داخـلي...





الرجال يحب...و...على محبوبته طفل يَ براءتكم ...!




لو تدري خالتـي أن حاتم يحب وحده متزوجه بـصير في عقلها شـي...




أكذب طرف في الحب هم [ الرجال..]...هم الطرف الـمنافق..و..الخائن...!



يـكذبون الكذبه وبطهارتنا نصدقها...

مَ نقدر نعيش بدونكم...لكن عاشو...!

م َ نشارك ها الحياه مع أحد غيركم...وشاركو ..!

مَ نخون...نصدق الوعود..ومَ نحذف العهود...لكن...خانو ...!


و...


[ برباط شـرعي...]....!!


وأكيد حاتم...ينقش الحروف ويرسم الوجع..


وأنه العاشق الولهان الوافـي...لكن بـا الحقيقه...مصيره يمل..ويترك...!



الجميع كذا...لآ ..تكذبون ...!






نجد بـمداخله لـ الحديث..\ وين الجموح مانزلت للحين..نبي نبارك لها...والا مستحيه...؟

أم حاتم \ شوي وتجيكم ماهي متأخره أكثر..كلفتي على نفسك يا أم ثامر...الله يخليه لك...

نجد وهي ترتب مكان الـتورته...و..الحلويات..\مافيه كلافه...هذي الليله الي كلنا نتمناهـا...الجموح أختـي وقايد أخوي...

أثنين غالين على قلبي يشهد الله..والفرحه فرحتنا كلنا..الله لآيغير علينا...

أم حاتم بعتب\وراك ماعزمتي أم محمد...كان جات وأستانست...صح الملكه بسيطه وخاصه لكن هي من الاهل بعد..؟

نجد \والله تعبانه شوي وماهي نشيطه...تقول عظامها تعورها ماتقدر تجـي..دهنتها بـزيت زيتون وشوي زنجبيل مدفيته ..وتركت

شيخه عندها ...

أم حاتم \الله يخليها لكم...هي عاد الشمعه الي جامعة بناتها ..سبحان من عطاها القبول والمحبه بين الناس...

نجد \أيه والله...الله يطول بعمرها على طاعته ...

أم حاتم \شيخه جايتكم زعلانه من زوجها مثل دايم والا زياره..؟

نجد \ آلآ مثل العاده الله يهديها....

أم حاتم \هذي شيخه محرقة جوفـي بـهبالها...ولآهي بعاقله أبد..فيه نوع من الحريم مهما أدبته مايتأدب ولآيعقل...وشيخه من هذا

النوع...الله يعينكم عليها...

أم قائد \الله يستر علينا وعلى خلقه...,






لـحظات...




تدخل الجموح بتهادي وبخجل تسبقها الزين فـتلـقي الجموح سلاماً خفيفاً...



فـيضج المكان بـ الزغاريد...!




مرتديه لفستان من الـسكر منتثر على جسدها ب أنوثه..


ليغطـي تفاصيلها الأنثويه بـ أكمام طويله ضيقه حتى يصـل لـمنتصف المعصم فـ ينتثر عليه كرستالات لآمعه...


منسدل شعرها من دون عبث أيادي كثيره بـ أنسياب على أكتافها ليصل لمنتصف ظهرها...!


بسيطه جداً كانت....

فـ...

هي لآتحب التعقيدات الكثيره في مظهرها بذات..!



تشبه الماء....


فـ...الماء بلا تعقيد...


فلا...لون...ولآرائحه..ويتخذ أي شكل يـسكب فيه....


لكنه دائماً فاتن...!




الجموح كانت ترتجف...




وأزدادت تلك الرجفه عندما سمعت أصوات الزغاريد وأحضان أم قائد...


أم قائد همست برقه من بين دموعها..\ياجعلك تهنين وتهنينه...!





جلـست على الكـرسي بعد سلامها عليهم....وتبريكهم...


وهـي تشعر بأن الأرض تدور...والغرفه غير ثابته...!


أرتخت عينيها بـهدوء لـ أطراف فستانها السكـري...


لتحتضن أناملها المتجمده وتضعها بـ أحضانها...,




في يوم ..ما ..!


رغبت بشده بـهذه اللحظه...

لأنها اللحظه التـي تشغل بال الـكثيرات...!

ليلة الملكه...

تكون هي تحت ذمة شخص تريده....!

و

هي با الفعل كانت تريد قائد...لكن ذاك الحب الذي كانت تكنه له...

تقاعس سنة عن سنة حتى أختفـى..!

لآتنسـى أبداً سنة عودتها...

وهي تعد الأيام وتقـسم بأن غداً سوف يأتي ويـعلن بأنه يريد أن يتملكها حبيبه وزوجه مدى العمر..!

لكن ذاك الغد لم يأتي...


وباتت شمسه تعلن غروبها..كل حين...!


وبعد أن تبعت تلك السنه سنين طويله...أتى...

لكن بعد أن مات جميع سكان تلك الارض العاشقه..






حركت أطراف عينيها لـ أم قائد..التي كانت تقف بـقربها نجد...


يفتحون لـعلبة مشغولة بـ الكرستال مخملية بلون الأسود....فيترائ لها ذاك العقد ....


أبعدت أطراف فستانها السفلي...لـتقف بهدوء....


نحرها المكشوف صُقل بعدما وضعت أم قائد ذالك العقد عليه..

ليشكل لوحة جميله...بـ.. الاقراط الـذي وضعتها نجد بـ أذان الجموح..!


همست بـقرب من أذنيها بصوت خافت \على فكره ترى ذوق قايد..!




شعرت بغثيان لـثانيه...!

وفكرة بفكرة مجنونة...

لو أنها تقذف بـذاك الذوق في تلك [ القمامه..]






وجـها لم يعكس ثرثرتها..!

فقد كان يرتسم عليه أبتسامه خفيفة جداً لهم...





أم قائد \الله يجعله مبروك...يا الجموح...


لتحركت شفتيها بهمس ..,


أم قائد بـَ أبتسامه \ عاد لو تركي يسمح لـقايد يدخل يمتع عيونه بهذا الزين ويلبسها عقده...مَ هو أحسن..؟

نجد بمقاطعه ضاحكه \ تبينه أذا دخل بدال مايقول السلام عليكم بيقول الف بسم الله عليها من عيونكم...!



غرق الجميع بضحك بـ أستثنائها...!




الزين وهي تقف \يمه الحين ترى لو أنخطبت وتملكت..مالـي شغل أبي ملكه كبيره وأعزم صديقاتي والي يعزون علي...وتراني

برقص ماهو بتقولين عيب وماعيب شوفـي العالم المنفتحين لبى قلوبهم ترقص العروس عندهم وفالتها فل...

وأنا أن شاء الله باخذ لي واحد منفتح على الحياة


أم حاتم بصدمه \بترقصين...تبـين تفضحيني ...تسوينها ..غير دواتس العصا على راستس حتى لو أنس عروس...!


الزين بـحماس \والله أن أرقص..وأرقص...وأجيب رجلـي يرقص معـي...وترقصين معنا أنتي بعد...وآخليك تطيشين

وأنا أحمسك وأقول عاااااااشت أم حاااااتم...!


قفزت وحررت شعرها المهذب بـ الأستشوار نوعاً ما...



وأمسكت بيد والداتها المغتاضه منها لـتشدها تحت ضحكات الجميع...


نهرتها والداتها لـتأتي أم قائد تسايرها فترقص معها...!





الملكه كانت حميمه جداً..و..عائليه جداً...

لآرسميات..لآتعقيدات...لآ..فشخره كاذبه..!

سهره عائليه كانت...مملؤه جو الـضحك وثرثرة قليله..!
↚
الدانه توزع كأسات العصائر وتتوقف عند الجموح ..

وهي تهمس برقه \بسم الله عليك..تهبلين جيجي با العقد..لازم يشوفك قايد حرام كذا مَ يشوفك...!

غمزت عينيها بـمكر...



الجموح أبتلعت ريقها لتخفض عينيها برتباك...

.
.
.
ضحكتيني يا الدانه كثير...؟

أخوك لـو بيده كان أخذني الليله لـبيته..

خلاص بأعتقاده أنه فاز بـ المعركه الـي كانت بينا...!

لكن أفضل شيء بعايلتنا مافيه شبكني وأشبكك وتعال شفني وأشوفك...

وسرداد مرداد على البيت ...!


مَ فيه الا ليلة الزواج..

أختلاف مثل أي أختلاف...المهم أنه بـهذي النقطه أنا حبيت هذا الأختلاف...!

لنه بيعطيني فرصه أطبخ طبختـي برواق..!

قايد ماهو مثل أي رجال يتمنى شوفة الانسانه الـي أرتبط أسمه بـَ أسمها بليله..

ممكن عنده شوية ثقل كاذب....

وممكن صار الـي في خاطره ..وهو أن يبرهن لي أن أنا الخاسره الكبيره فـي هذي القضيه..وهو الي ربح...!

صوته وذبذبته...كان يحمل كمية غرور وثقه بنفس...وكأنه يقول بـس...هذا هو شـرطك...!

واثق حضرت المحامي أنه شرط واهي ماقدر أنفذه...أو..أن حضرت جنابه بيلعب ببنوده حتى يكون ورق وحبر أبله وأشرب مويته...!


غلطان صدقني غلطان...!





بمقابل...


بعد أجواء التبريكات التي كانت....


همس حاتم بـخبث \تبـي تشوف الجموح...بفضـي لكم المكان وتدخل...!

أبتسم وهو يعلم أنه مجرد كاذب \ لآ...حلاتها بليلة الزواج...بعدين عمي تركي بيزعل ولا ابي ازعله..!

حاتم مستمر \ ماعليك من عمك..أنا بـضبط كل شي..أدخل عليها ولبسها الدبله...والعقد ..والا لآيكون ماجبت لـ أختي

شي يا البخيل...؟




.
.
.

لئيم ياحاتم لئيم...!

تعلم أني أريد بتأكيد تلك الصفقه ...!

لكنك طرف كاذب في تلك الصفقه..!

وتريد فقط التهكم..!

لكن أقسم..لو يتأكد حديث عمي كائد...بأنك تريد الثريا..!

لـ أرد صاعات كثيره بجعبتي لكـ...!
.
.
.


قائد \ مَ اني بمستعجل..أصلن الزواج بـيكون قريب...وبعدها بخليها تقطع علاقاتها معك نهائياً...صدقني تلعب لعبه خاسره !

حاتم يرتشف الشاي \ مَ تعرف الجموح...هذي العصوي الـي ماتسمع فيني أحد..!

قائد متهكم \ لاتشل هم أضمن لك تشوفك ماتعرفك...!

غرق حاتم بضحك لـيردف \ وأضمن لك بأنك بتتعب كثير..!

ليبتسم \ ماراح أتعب..أنا الي متعب...!

حاتم \ شرطها كان مبلغ كبير....؟

قائد بستغراب ..\هآآ..إيه...لكن بَ أمكانـيتي...لآتشل هم...!

أبتسم حاتم \كنت متوقع...هي بـس تبـي توجعك عشان تحييرك لها...,





.
.
.

آها....!

لآتريدين أخبارهم بذاك الشرط يا الجموح...,

خائفة من ردة فعلهم..كيف تكون...؟

تريدين مكتبـي بورقة ملكية لك...؟

تأكدت بعد ضرب طوق السريه على شرطك بأنـكِ فقط تريدين التلويح لآ أكثر...

فـ أنتي خائفة جدا من أن يعلم أخوتك بشرطك ...؟

كيـف لـي برؤيتك الليله يَ فرس بلا لجام..

حتى نكمل حديثك الجامح عن الحقوق والملكيات...؟

عن الشعر الابيض والسنين...؟

عن الأخذ والرد..!

عن المخطئ والمصيب...!

لكن صعب جداً ..فـَ عمي قابع هناك كـَ الاسد...وكذلك ماهر كـَ الطاؤؤس..فيستحيل علي رؤيتك من دون أستئذانهم


وبتأكيد سـَ ترفضين


لآبأس...

الايام أمامنا وسَ أراكي...!











أبتسم قائد لـيبتعد بعينيه عن حاتم....









أأهمس له...و...أخبره بأني أريدها الان زوجه...!

أأأأرتدي رداء المجانين وأصرخ بعشقها مجاهر...!

أريد أختك يا قائد أريدها...!

فهي المعشوقه التي كانت ومازالت...

الطفله الصغيره ذات الضفائر...

لآأريدها تذهب مرة أخرى وتغادر دولتـي...!

هي العاصمه لـدولتي الصامته...!

كيف للعاصمه أن تحمل حقائبها ..و..تترك دولتها..؟

أبداً...

لن أسمح...
لم أنل شرف المحاوله...!

لكن لن أضرب على أسوارها الـمحاصره...لن..أجعلها عاصمة بلا أضواء...!






بعد عدة ساعات...,




بـ السياره....


مازالت وصايف متخذه رداء الصمت القاتل...


وبمقابل كان قائد غاضب من والداته لكنه صامت ..و...أزداد غضبه من عدم أتاحة فرصه

لرؤيتها ...


يريد رؤيتها ...وهي أصبحت كَ أميرة تسكن بـقلعة عالية أسوارها...!





نجد \ لآزم يا قايد تعزمنا عزيمه مرتبه بعد ملكتك...مَ راح نسمح للمناسبه تعدي بدون أكراميه ملكيه..

الثريا \ لآ العزيمه على خالد...هو الـي بيعزمكم كلكم...

نجد تلطف الأجواء \لبـى خلودي الي يعزمنا...شف ياخلودي ترى بزوجك لولو أذا كبرت...

خالد متضايق \وشو ياخاله...أخذ بنتك هذي...من ياخذها والله ماتلقين أحد ياخذها...شوفي شوشتها كنها شوشة الزين بنت عمي

نجد بغضب متهكم \من زينك حتى أنت منت بزين..بنبلش فيك كل مارحنا نخطب لك بيقولون ما نزوج معصقل..تضحك

بشوشة بنتي وأنت تبلع ولآيبان عليك كن في بطنك دود...بعدين لآعاد تذكر بنات عمك عند الرجال..حرام ومايجوز..!

الثريا \أيه والله المفروض يتغطون من خالد ولآعاد يدخل قسم الحريم...

خالد بتهكم \أنا أقول لزين دايم تغطي مني وتقوم تسحب خدودي..يمه هي أكيد عاقله والا خبله...أنا أحس أن فيها شي..؟


قائد مقاطعهم \ ترى الزواج راح يكون قريب أن شاء الله...رتبو أموركم بدري...!



القت والداته نظره مستغربه عليه من ثم أبتعدت عينيها عنه بتفكير عميق...




.
.
.

خطاي في توضيح وش هي غلاتك

وخطاك في توضيح وش هو تغليك...!
.
.
.



حاتم وهو يساعد والداته بـ الجلوس على طرف سريرها..\وش فيك تداريني كذا ..ترى بشبابي...,

حاتم ب أبتسامه \الله يديم الشباب عليك يمه...أبي أعرف أخبار جميح وملكتها..عساها مبسوطه ومبتسمه..؟

أم حاتم بحيره \أن شاء الله أنها مبسوطه...والله ماشاء الله ملكة زينه...رقصنا وأنبسطنا...أم ثامر تكلفت بـ الصواني

والحلويات لأنها حلفت مَ نطلبها من الـمطعم تقول مَ عندها شـي...وهي تحب الطبخ

حاتم \ايه والله أم ثامر ماشاء الله نفسها با الأكل مافيه مثله ...

أم حاتم \وين رهان ماشفته اليوم الا مرتين صاير يغط كثير....,

حاتم \اليومين هذي ملتهي بسفرته...الله يعينه...حتى مَ جلس لـ أخر الملكه..طلع يقول ضروري بخلص لـي أشغال..

أم حاتم \الله يعين...تدري ياحاتم عن الثريا انها أنخطبت لـ صديق قايد....

أشار بوجع وكأن والداته تغرس رمح بـصدره..\أيه..دريت بصدفه...

أم حاتم تشير بـرأسها \ورفـضوه...مدري هي وأمها وش ينتظرون ليه مايخذونه عشان زوجته دقت عليهم تنافخ..أكيد بتنافخ

أجل بتبارك.. بيرفضون الرياجيل الكفو الى ان ماعاد يجيهم أحد وتجلس على أحزانها..!



.
.
.
لم يصدق تلك الكلمات التي جادت بها والداته...

أيرقص فرحاً...!

رباهـ...مَ أكرمك...!

.
.
.
حاتم \يمه ..تقولين أن الثريا رفضت صفوق...؟

أم حاتم \أيه...رفضته...عقب ماوافقت..رفضوه..الله يعوضها خير....

حاتم بتأكيد \من الي علمك..؟

أم حاتم \ أمها علمتني بملكه الليله....تقول مَ كتب ربـي نصيب...مدري ليه يرفضونه الحمدلله والشكر...!



.
.
.
أمي....يَ رائحة المطر...!

أحمد الله أنا ..على رفضهم له...!

فقد أتى المخرج ولن أنتظر أكثر...!

لطفك يَ اللهي بَ عاشق أضناه كثرة السفر...!


.
.
.

خطاي في توضيح وش هي غلاتك

وخطاك في توضيح وش هو تغليك...!
.
.
.




مآهر \ خوذي الي تبين..أنا مادري كم بيطول فترة عناد أمك...ولآ أبي أنطط لفله أجمع لك أغراض ...

الدانه تنزع أقراطها \ بسم الله عليك وش بيصير لو تجيب لي كم غرض...وبعدين أمي مالها حق تسوي كل هذا في قايد...

أيه موجوعه ومقهوره لكن ماهو على قايد...

ليه ما فضت هذا القهر كله في وجه وأبوي وخلصنا...ليه ماتجاوزت هذا الشي

وجنبتنا المشاكل...شخصية أمي مره صعبه...الله يخليها لنا...

ماهر أرتفع حاجبه بـستغراب \ أنتـي عادي عندك أن زوجك يتزوج عليك مثل أبوك..؟

الدانه زفرة بضيق \عشان أقص راسك أول شي من ثم أقطع جسمك لقطع صغيره مره وأرميك با البر صدقه للكلاب الضاله والقطاوه

الجايعه...!

ماهر أمال فمه ..\مشكلتك قول ولآ أنتي بفعل..تخافين من ظلالك كيف عاد تذبحين حبيبك..؟

تقدمت له بخطوات هادئه لـتضع عينيها بعينه \صدقني في هذي النقطه بذات أنا قول وفعل وبدم بارد بعد...!

تراجع خطوه للخلف والأبتسامه ترتسم على شفتيه..\ ليش أجل تلومين أمك..؟

رفعت كتفيها بهدوء \لأنها مَ سوت غير الهجر لـ أبوي كان ممكن بوقتها تسوي أشياء كثيره لكنها فضلت تنسحب
وكأنها أنهزمت من الحرب...

صح الطرفين مافيه بينهم تكافـئ لكن طرف أمي ممكن ينحسب لها فيه أنها الحب الاول

وأم العيال..

ورفيقة العشره الطويله..

والي فاهمته من رمشة عينه ...

لكنها سكرت كل الأبواب وفضلت أنها تكون ملكه بدون مملكه ولآ أن تكون ملكه بملكيه مشتركه...

لآتجـي الحين تلومنا ...أميره أختنا ولآنقدر نسوي شي..وهذي مي

بتتزوج وبينطوي كل شي...وكأنه مَ صار...السنين تداوي أذا طالت..والنار تعقبها الرماد...والحره الي بصدر تبرد..سبحان الله
هذي هي الدنيا...!


ماهر \ ممكن بكلامك منطق ..لكن أنتـي بنفسك رفضتي أنك تكونين مكان أمك...و..أمك جداً مجروحه من عمي الله يرحمه

خاصة أنه كان يعزها كثير... المسأله حساسه جداً على أمك فلا تزيدين عليها...أتركي قايد ينهي الموضوع بطريقته..

مهما طولنا عندهم..لآ..أشوفك مزعلتها في الموضوع...


الدانه \ الموضوع كله مَ ينفتح با الاصل عند أمي كثير...ومَ راح أتدخل أذا مَ شفت ضروره...الله يصلح أمورهم يا رب..


.
.
.

خطاي في توضيح وش هي غلاتك

وخطاك في توضيح وش هو تغليك...!
.
.
.
يوم جديد
.
.
.



مي \قايد جايب أغراض كثيره الله يهديك...,

قايد يضع الأكياس بـا المطبخ \مو مشكله...زيادة الخير خيرين...وأكتبي لـي أي غرض تحتاجها أميره...

خـطى خطوتين ليردف \وأنتي بعد..!

ليأتيه صوتها الـمستفهم\ قايد...زعلت أمك بطلعتك معي صح...!

قائد بـضجر وهو يجلـس بـ أريكة الصاله \ لآ..تسألين عن شي مَ يعنيك مي...,

مي تتراجع لـتشد لها كأس بلاستيك وتسكب به عصير ..\ماودي أتدخل في شي مايخصـني...بس أستفسار بسيط..!.

خرجت لـه لتناوله الكأس بـ أبتسامه..\تفـضل...!

أخذ الكأس منها \الشقه يبي لها ترتيب ..تقدرين لوحدكـ...؟

أرتفع رأسها ...لـ الشقه \عادي ماوراي شـي برتب وأنظف على مهلـي...أنت بتنام بمجلـس...؟

قائد \أيه حطـي فراشـي بمجلـس بليل...



جاء له صوتها بـ غرفتها التي تملكتها وتريد تغير ديكورها با الكامل...\قاييييد تعالـيلا...!

مي بـضجر \أخوك مستعجل يا أموره...بالليل يجـي ويشوف وش عندك...


ثواني لتخرج متخصره بغضب \ بتروح قايد..؟

فتح أذرعه لها \برجع بليل..تعالـي عطيني بوسه قبل لآ أروح...

أحتضتنه وبـطفوله..\أبـي لون غرفتي ولدي...وسرير فوله..آآآبـي مكتييبه صغينونيه...وتلفززيونيه ..

أشار برأسه وهو يحاول حفظ القائمه برأسه \طيب..طيب..من عيوني...برجع بليل وأنتي جهزي ورقه وقلم وأنتظريني..



قاطعته أميره بغضب \كذذذذاب...أنت كذاااب...


رمت بكفها المقبوض الصغير على صدره بغضب لتغضب بـ أحضانه...!






الصغيرات المدللات.

يغضبون منا ويطلقون أبشع الكلمات الغاضبه..

وهم بـ أحضاننا...

فلا يخافون غضبنا ولآ يأبهون با الأصل لنا....

ونحن نسكب بـ قآرورة عبثهم قلوبنا...!






قايد يتصنع الغضب حتى يستطيع الخروج\مافيه أحد يقول لي كذاب غيرك قومـي يالله روحـي لـ أمك...قومي...ماتحترمين أخوك...!


غضبت بعنف..


لـتلم يديه بـ أحضانها أيضاً وكأنها تتملك يديه أيضاً وترفض الأنصياع ..



مي بغضب\ أقولك دلع..أنت كثير مدللها...ترى حتى ماتسمع كلامـي وتقول كلمات ماهي مؤدبه..لآعقاب ينفع ولآ أسلوب ينفع...

دامنا الحين بنعيش معك خلاص شف لـدلاك لها حل...مَ ينفع تسرف في دلال طفل لأنه يفسد...ألاعتدال زين في كل شي...


قايد \ الدلال يفسد صدقتي لكن الحرمان من الحنان يقتل..أنا أبوها يا مي لآنها ماشافت غيري

مَ أبيها م تلقـى دلال مثل كل البنات..وتكبر ناقصه وتبي أي شي يعوضها مهما كان...بـ أهتم بتقويم الكلمات بلسانها وبحاول

أشد معها شوي بتربيه...هي تبي شده بلين...!





قاطعهم هاتفه بـ أتصال من حاتم...

رد بهدوء \هلا با النسيب...!

حاتم بـ أبتسامه \ يَ ثقل الدم...وينك..؟

قائد \ بطلع لـمكتب بعد شوي...ليش..؟

حاتم \أنا قريب من المكتب بـغيتك بموضوع...؟

قائد بستغراب \موضوع عسى خير أن شاء الله..توني البارح معك...؟

حاتم \والله أستجد بعد البارحه الكثير...تجيني والا أجيك بمكانك...؟

غرق بضحك \أووه..موضوعك مستعجل شكله..لآ...با المكتب الوعد...

حاتم \صار...!



أغلق هاتفه...ودسه بجيبه ....لتحاول أخراجه اميره وتعبث به...


فيخرجه بصعوبه من بين يديها الصغيره...ويدسه بـ جيبه \بس أميره...خليك شاطره...,


مي بـستغراب \ تقول النسيب...؟

أبتسم \أيه..البارحه ملكة على بنت عمي تركي..الجموح..!

مي \والله...على البركه....الله يتمم لك بخير..آخيراً..

قائد وهو يقف وينزل من أحضانه أميره\ الله يبارك فيك...لآتنسين تقفلين الباب ...


أميره تتبعه \أبـي الوان قاييد...والا ترى بصير زعلين...!


قائد \طيب بجيب الوان بس خليك عاقله ومؤدبه....أتفقنا...؟


أشارت برأسها ...ليشد الخطوات بخروج ليتوقف عن سؤال مي..


مي \أقدر أحضر زواجك...ولآ...لآ..؟

قائد مبتسم \تعرفين الوضع مي..مايجهلك...وش لك بمشاكل....سكرو بابكم....


.
.
.
خطاي في توضيح وش هي غلاتك

وخطاك في توضيح وش هو تغليك...!
.
.
.

أم قائد بـستغراب من الحقيبتين الضخمه التـي أدخلها ماهر...!


ليرتسم الـصدمه على وجها وبخوف وهي تلمح الدانه خلفه\عسى ماشر يا بو تركـي...عسى مابينكم زعل..؟


أبتسم ماهر بـأرتباك وهو يقبل رأسها \لآ ياخالـه..لكن بنجلس عندكم كم يوم لو ماعندك مانع..؟


تراجعت بـستغراب \حياكم الله...لكن وش السالفه..؟


الدانه با أبتسامه مرتبكه أيضاً..\يمه الله يخليك لـي...يعنـي ما أجي عندكم كم يوم...وماهر حب يغير جو من بيتنا هناك..وأأأنا

مشتاقه لـ نومتـي هنا...وماهر قال خلاص نجي كم يوم...!




تراجعت بغضب لتجلس بكرسـي وهي تلتقط صف الكذب السمج الـذي تناوب عليه الأثنين..!




وبغضب \ يعني تبعها وسوى الـي براسه وقدم رضاها على رضاي..والله لـ أربيه من جديد ولد نايف..يحسب ان أمه

كبرت خلاص...!


ماهر متدخل...\ ياخاله الله يهديك..ترى الي فات مات..وحتى الشايب الـي موجعك مات خلاص..ووو...

أجابته بغضب\أنت أسكت بس...والله أنك الغالي عندي ولآ أحسب بتساير خبل العقل بعلومه...جايني فازع مع ولد عمك

متفقين يا أثنين أجلس أنت عندهم وأنا بروح عندها..عشان ترضا عقب أيام وتناديني ...!

ماهر كاد أن يغرق بضحك رغم أرتباك الموقف لـيجلس بقربها \ والله ياخالتي هو السالفه تبين الصدق كذا...بس والله

أن قايد حاده الـشين..و..

غاضبه تماماً..\وأنا قلت لك تعذر له..أنا قلت لك اسكت...جاييني يا ال كايد كل واحد يفزع لثاني..هذا يمد وذاك يقطع له..

يامال الحصد...!

ماهر يسايرها فـ هو يحبها بشده\أستغفري الحصد مره وحده يحول يَ خاله ماهو من كثرنا...خلينا نتفق أنا تراني فازع لكـ أنتي..

يخسـي قايد أفزع له..

انا ولدك وهو بيعيه بـرخص..!

أجابة بتهكم \لآ..تضحك علي يا ماهر بكلمتين ترى موجعني رخصه فيني...وموجعني الحين مسايرتك له وفزعتك..!
↚
هي بجملتها الأخيره..أخترقت صدره...


يكن لتلك المرأه أحترام عظيم جداً..

فـ

منذو طفولته وهي زوجة عمه المحببه...

الحنونه الطيبه..

وكبـر ذاك الحب وأظله الى أن أصبحت والدة زوجته...




وضع ذراعه على كتفها لـيشده لها برقه \ ي َ خاله..والله أنك بحسبة أمي..لآ...تحسبيني ناقص في قدرك..لكن أنتـي

ماتبين مي هنا..

ومي ماعندها أحد غير قايد مثل ماتعرفين الاخوان ماكنهم موجودين..وهـي أم أخته...

وش تبينه يسوي..زهمنـي وأنا مَ أرده..؟


الدانه الـغارقه با الدموع شدت نفـس لتردف \ والله يمه قايد يحبك ويغليك..تكفين يمه لآتلومينه..هو يدري أنه موجعك

لكن مايبي يترك مرة أبوي..يمه أبوي موصيه على مي ثلاث مرات وهو على فراش الموت أنا الي حضرت هذا الشي

كان يقول مي وأختك أمانه برقبتك..

وتبينه عقب وصاته يتـركها...بالله عليك يمه تعوذي من أبليس الي سنين وسنين مأزم الوضع كله عندك...,


صمتت...!


و


الصمت أعظم من الوجع أحيانا....


.
.
.

مـي...!


أيقونة الجمال الـتي أحرقت صدرها منذو سنوات عديدهـ....!



فتاة العشرين ..!


التي حضرت ذاك الزواج الـمشؤم...


وأعلنت عن [ أهداء لـ أبو قايد...] لـيصدح الصوت بـ الاهداء...


فراحت تتمايل بغنج وترقص بدلال..على أيقاعات الطبول....


وكأنها تؤكد أنه بفعل أصبح لها...!


وراح فريق من المصفقين الحاقدين الشامتين يشجعون تلك الايقونه الجميله...!


لم أشعر حينها الا بمرار كبير أبتلعه بدل من القهوة الساخنه الي كنت أشرب منها ...!


هذه الـتي أقترن بها...!



سارقه لـ زوج أقسمت باالله مراراً..


أن لآتستطيع أمرأة با الكون أن تسلبها أياه...مهما كانت جميله...!



و


أصبحت بمواجهة ظالمة جداً...ب العمر ..وب الجمال...


فا أنا أصبحت كبيره ذات تجاعيد...وتلك كانت صغيرة وموجعه..





لو..!

أن شـي بهذا الكون يحتفظ به للابد...لـ أحتفظت بـ نايف للابد...

فلم أعتقد لوهله بأن على رغم من تعبـي الدائم با الاحتفاظ به

أنه سيذهب وببساطه ولمح البصر...!


هو كاذب عظيم..


مراراً وتكراراً...يقسم لـي بأن لن يشاركه بحبـي أحد...


ولن..يسمح لـ أي أحد أن يدخل برأسه فكرة الزواج...


فـهي تتذكر ..تلك اللكمة الـي سددت لـ أحد أقربائه بعدما تهكم ساخراً و أقترح أن يتزوج غيري...!


كان يعشقني...والعشق في ظل الزواج..جميل جداً...!





لكن كان يزورني حلم غريب...هو...وأخـرى مع طفلة صغيره...بـسيارة مقلوبه....!


وشخص مسجى على الارض...بشرشف فوقه أبيض...متوفـى...وتلك الاخرى وصغيرتها تبكي فوق رأسه...!


وأنا أقف بعيدة جداً عنهم...وأبكي بحرقه...لكن لم أذهب له..!







سنوات وسنوات..وذاك الحلم الغريب يزورني...حتى تزوج نايف...وأقسمت أن لآيراني بعدها...


من ثم ماهي الا سنه

وحصل له حادث مع مي وهي خارجة من أربعينها بـ أميره...

وتوفى بعدها بأيام بـ المستشفى...!




لم أتقبل فكرة وفاته...كما لم أتقبل فكرة مسامحته...حتى وأن رحل من هذه الحياة ...

أنا لم أسامحه...!




لست بشخص الحقود أبداً صدقوني...!

لكني كنت أعشق تفاصيله الصغيرة قبل الكبيره...!

وكانت صفعته بزواج أكبر صفعه تلقيتها بحياة كلها...

و..

أعظم من جميع الاحزان..كلها...!


لم أراها الا بذاك الزواج الذي لآ أدري كيف التقينا فيه بمصادفه...!


ويَ فرحة الأعداء بتلك المصادفه الموجعه لـي ...

فقد شدوها لـطاولتـي شداً...[كي تسلم...]


أتذكر جيداً....تجاهلي لها....


كما أتذكر جيداً...رد الثريا الـذي كان جاهزاً....!

عندما لاكت تلك المرأه لسانها بخبث\ زوجة نايف الكايد سـلمتو عليها والا سـلمو...!

لترد الثريا\يامرحبا يامرحبا بنت رجال ليه مانعرفها...وش ظنك تعرفينا على مرة أبونا ظنك نجهلها وتجهلنا...!

لـتبتسم تلك بـخجل وتسلم ...وتتقاعس الاخيره بَ أبتسامة صفراء..!



أما أنا فقد تجاهلتها تماماً...


وكأنها غير موجوده وغير مرئيه...على رغم من غضب الثريا وأشارتها ...

الا

أنني لآ أعرف المجامله مطلقاً...ولآ...أعرف أن أدوس على كبريائي من أجل أغاضة الشامتون...!


لما تزوج علي...!


لما أقترن بغيري...لما...!


أي عذر واهي ذاك العذر يا نايف أي عذر...!


وأي فاجعة تلك لـي يانايف...!


هل حب السنوات يضيع أذا أصبح بمواجهة فعليه مع الحسن والجمال ..؟


.
.
.
خطاي في توضيح وش هي غلاتك

وخطاك في توضيح وش هو تغليك...!
.
.
.

خرج خالد بروبه الأزرق..وشبشبه الأزرق...!

والماء يقطر من خصلات شعره....

أبتسمت بعذوبه له وهي تناديه\تعال أنشف شعرك زين حبيبي ...

خالد مبتسم \يمه أبـي غرفه خاصه فيني...أبي ديكورها أزرق يعني هلالي...السرير والفرشه والابجورات وكل شي ...

سامعه يمه فاهمه..!!

تنشف شعره بـ المنشفه ...\أيه يا قلبي سامعه...بسوي لك الي تبيه..

خالد \انا قلت لـخالي وقال لي أبشر...أصلن انا مَ أبي أعيش مع فهد خلاص...بعيش معكم دايم حتى لو أكبر

بتزوج وأجلس هنا...

واذا كبر خالي قايد بسوي فيه مثل مايسوي بجدي كايد..بصير جنبه بغسل فمه بعد الاكل وبصب

له القهوه والشاي وأذا طفش طلعته للبر ووسعت صدره...

وفهد خليه مع عياله انا أصلن م عاد أبيه أبد..!

أبتسمت على الشق الاول من حديثه وأمالت فمها من الشق الثاني \ ياحبيبي هذاك أبوك مهما صار...وبعدين هو يحبك...

هو ماتصل عليك البارح وقال انه ببيته...وبيسوي لك غرفه جديده نفس الديكورات الي قلتها قبل شوي...!

خالد \أنا عارف وش يبي يبيني أجي عنده وأسكن يشتري العاب ويصلح لي غرفه جديده عشان أجلس عنده..أنا عارف

بس انا مابي...أنا أبيك أنتي...أنتي الي محتاجه لي...أنا ولدك..يعنـي رجالك...!

ضمته لصدرها \أيه والله فديتك يا خلودي...

أبتعد \يمه خلاص لاعاد كل شوي تضميني على صدرك كني بزر...أسمعيني عطاني فلوس خالي البارح...
يقول لي خلها مصروف معك..بس أنا مابي شي..أذا تبين أنتي تروحين لـسوق شوفيني حطيتها تحت مخدتك ...أنا ما بيها...لكن

يمه تكفين لآتتزوجين صفوق أصبري أكبر شوي وبشتغل واعطيك فلوس بعد!




أختنقت بعبره وهي ترى بذرات عوض أتي...\الله يخليك لـي...ولآيحرمني منك ياخالد...لآ ماراح أتزوجه خلاص أصلن قلت لـخالك

مابيه وانتهى الموضوع..!


أبتسم \بروح العب بلاستيشن...وابـي سنتدوشات الي تصلحينها دايم..تكفين يمه تكفين...


الثريا \خلاص ..ياعيوني..البس ملابسك...وانا شوي والحقك...كم خلودي عندي..


قفز خالد لـتبديل ملابسه...بينما هي شدت الروايه لتتصفحها من جديد....!






وتقابلت مع القبيح....


كان نحيل جداً....

وعظام خديه بارزه....

عينيه صغيرة جداً....وشفتيه عظيمة جداً...!

أسمر بل يميل الى قطع من الليل مظلم...!

يبدو على محياه ...أنه مجرم...أو...خارج من مصائب عديده..!

شفتيه سوداء جداً...

بتأكيد ذاك القبيح يـشرب السجائر بكثره...


تباً له سوف يكتم أنفاسها ويضايق رائحة عبيرها..!

وعينيه..ترتسم تحتها سواد كبير...وكأنه لا ينام أبداً...!


لآ أدري لما أقترنت به..الم تنظر اليه..!


كيف وافقت على عليه...!

فشكله ونحافته الشديده من بعيد تشبه شخصيه كرتونيه قديمه كنت أتابعها شخصية [موكلي...]


نعم ...موكلي...فتى الأدغال...!


كيف تقبله أمرأه....يمتلك ملامح قبيحه ولآيناسبها أبداً...!

هي كانت كا الجميلة والوحش...!



بل لآ...أدري كيف يسير في الطرقات والشوارع ولآيمسكون به ويحبسونه ...فقد تذكرت لوهله أن أحد حكام التاريخ. .

قد منع القبحاء والمجذومين من أن يسيرو في الطرقات كي لآ ينفرو الماره بقبحهم وجذامهم...!


لم لآيستن هذا القانون الان ويقبض على هذا القبيح...ويرمى با ظلمات السجن...أو يكون رهن أقامة جبريه بمنزله!



سأضحك حينها كثيراً....!




شعرت بفرحه عظيمه عندما قابلته...


فلا أدري هل أزددت وسامتة بقربه...وشعرت بأني وسيم جداً...أو..با بفعل أنا وسيم!




عموماً...


انا العاشق الكاذب كا العاده....!



وبطبع كنت أسرد لكم قصة من خيالـي وددت لو أنها حقيقيه...


فـ لقائي بـذاك الرجل كان موجعاً جداً...


فـ هو لم يكن قبيح أبداً...

ولم يمتد لـه القبح في يوم...!

فبشرته كانت بيضاء جداً..صافية..

ذو عينين بنيتن واسعة جداً..

جسده طويل متناسق...


لآ..أدري...هل هو رياضي...أم هكذا يخيل لي...!

ذو حضور لافت...!

و


كنت أعتقد بأني أوسم عائلتي والجوار..حتى رأيت ذاك التافه...فتقاعست وسامتي لصفر..!

تباً...كان لقائي معه موجع لي...ليتني لم أره...!

فـ هي أقترنت ببدر مكتمل...وأني لـ أرجو من الله أن يخسف ذاك البدر..!

ولكنه سيظل بعيني ذاك القبيح ...

وحتـى لو كذبت...فـ الجمال قياسياً اليس كذلك..؟



خالد بصوت مرتفع \يمه وين السندوتش...؟

أرتفع رأسها بـأفاقه...\طيب الحين أقوم...!



أغلقت الروايه...وهي ناسـيه بأنها تريد ترتيب قراءتها من أولى الصفحات...!



.
.
.
خطاي في توضيح وش هي غلاتك

وخطاك في توضيح وش هو تغليك...!
.
.
.

با المكتب


قائد يشرب قهوته الساخنه بـمكتبه \ جبتني على وجهـي...ترى خوفتني عسى مافيه قضيه والا شي يخصك...


أرتشف كأس من الماء ليبلل روحه...\ لآ..مَ فيه شي يخوف...لكن عندي موضوع بفاتحك فيه....كنت متردد...لكن اليوم

عزمت أموري خلاص...!


.
.
.


لما أنت بذاك التردد الـكبير...والارتباك...!

هل بفعل كلام عمي كائد صحيح وانك تريد الثريا..؟

هل تريد الثريا بفعل...؟


منذو متى يا أحمق وأنت تريدها..ولم تنطق ..!

بودي لو أشدك من جيبك من ثم أرتفع بك لـ أعلى وأسقطك أرضٍ لو تأكدت...!

.
.
.

حاتم مرتبكـ\ ياقايد قلت لي قبل ...أن...أنتم.. قبلتو ب صفوق...لكن الوالده البارح قالت لـي


أن جد علم جديد وأنكم رفضتوه...ولآ...أدري وش السبب الي من بعد موافقتكم عليه رفضتوه...



لكن أنا خاطري في أم خالد من بعد طلاقها...


قلت أتركها تعـدي مرحلة من بعد طلاقها عشان تستوعب وضعها الجديد ...لكن أنصدمت بخطبتها وانها موافقه...


فكرة بمخرج لـهذي الخطبه من يوم دريت بس والله مَ لقيت..الا كلام أمي البارح لما قالت رفضو..


وأنا الحين يا أبو نايف أبيها...أذا وافقت فَ والله بصونها وأكرمها ولآراح أضيمها وأنت أبخس الناس فيني...

وأذا رفضت فا بحترم رفضها والله يوفقها...لآ بحجر لها ولآبحيرها...مخيره هي بحياتها مَ عليها لوم...



تراجع قائد بظهره على الكرسي وهو يخفـي أبتسامته وفرحته...وبهدوء \ بس يا حاتم...الثريا سبق وتزوجت قبلك وعليها ولد..

وآنت مابعد دخلت حياة جديده

ولآسبق لك الزواج..تشوف الوضع مناسب لك..؟




حاتم \أقولك خاطري فيها ولآ يعيب الثريا رجال خذاها ولآقدرها وصانها...وخالد..كأنه ولدي...ولآتشيل همه..!


قائد بجديه \ تبي الثريا كل ها الوقت وساكت ومالمحت لي ياحاتم..لا يكون هي الفرس وأنا الحرس..؟


حاتم يبتسم \ الي مسكني يا أبو نايف أني دايم مسبوق عليها ومن ثم رديت الرجل بخطاويها لك ...

بصارحك ياقايد أنت منت بغريب..مابـي أم خالد تروح لغيري...

فَ..همتك معـي لو هي رفضتني...وأنا مابي جبرها أبد....!


قائد يريد أشعاله فقط..والبحث خلفه...


هل هي الثريا حبيبته الـقديمه..أم ..الثريا طرأت كـحدث جديد..\المشكله أن الثريا مستحيل تآخذ واحد مابعد تزوج..تبي

متزوج عشان ماتحس با النقص وأن الطرف الي قدامها من عليها بزواجه منها..تعرف عاد تفكير النسوان...؟


تحرك بـغضب \أنا أمن عليها بـ أرتباطي فيها...والله أن أحطها بعيوني يا قايد...كيف تقول هذا الحكي...م يسوي كذا

الا الردي والردي يبقى ردي مهما كبر مثل الصفر لو تضربه ب أكبر عدد يبقى صفر..؟


رفع كتفيه بخبث\ سبق خطبها مطلق..لكن مَ عنده أطفال...ورفضته قالت مَ أبي أحد الامتزوج أو مطلق وعنده طفل أو طفلين..مَ أبي

أتعذب بحياتي بشد والجذب...!





شعر بأنه ممزق تماماً بـعد أن أخبره قائد بخطبة جديده لآيعرف عنها شي

ليردف بوجع \ رد لي الدين يا قايد..


أبتسم بخبث\ وش دينه ..مالك أثبات عندي بأوراق دينك..؟

وقف بـضجر ليخرج\أنت وضميرك يامحامينا...أقنعها وبتقتنع....!



.
.
.
خطاي في توضيح وش هي غلاتك

وخطاك في توضيح وش هو تغليك...!
.
.
.

آغلقت أهدابها بهدوء من ثم فتحتها من دون تصديق...!


كان هو واقف بقرب من ستائرها الـسكريه..وأنامله تفتح أطراف الستائر بـرقه...

و ..

وجه مبتسم ..ينظر لها...!


أبعدت مفرشها لـتعتدل بجلـستها...وتختنق \ أنت جيت...كيف جيت...؟

بـرقه \سـفري كان متعب...تعبت كثير...كيفك وكيف عيالنا...؟

نجد ببكاء \بخير...لولوه بخير...وثامر بعد...أمك بخير..كلنا بخير...بس مشتاقين لك...أنت بخير...؟

محمد يخطـي خطوات هادئه \أيه...أنا بخير...بس متضايق كثير...و..دايم أجوع هناك..وأنتي ماترسلين لي دايم..؟

نجد أبعدت مفرشها للتتقدم له\أنت ياقلبي ماتقول لـي أنك جوعان كان صلحت معك حافظات أكل أو أي شي تتمناهـ..؟

محمد يشير لـها بهواء \أيه..أيه..حافظات أكل...أشتقت لطبخك كثير...وبعد ماء...أنا عطشان بعد...نجد لآتبخلين علي...؟

نجد \أنا أبخل عليك...كيف أبخل على روحـي...أنت روحي...محمد تعال والله أشتقنا لك كثير....

محمد أبتسم \ نجد...أذا جيت أخطبك من جديد تتزوجيني...؟

نجد بستغراب...\ كيف....حنا متزوجين وعلينا ولد وبنت...ليش تتكلم كذا...؟

محمد \ معليش...أذا خطبتك وافقـي...لآ...تترددين لآتفشليني...لآتحطين الأعذار الكثيره...أخذيني من جديد..؟



أشارت برأسها بستغراب...!





أستيقضت بـخوف....!


لتجد جسدها ممتلئ من العرق وترتجف...!



عضت شفتيها بشوق كبير له ولزيارته بمنام...


همست بـ أستغفار...


لعل الأستغفار والذكر يبلل تلك العروق التي أضناها الفراق...


أضناها الأشتياق...


أضناها البعد الجبـري...!


جلست بهدوء وهي تدس أناملها الطويله بخصلها الـبنيه...\ جوعان وعطشان...ويبي حافظات أكل...يبي أكيد صدقات اكثر...
..هذي مفهومه...و...واضحه...لكن يتزوجني من جديد..كيف..وش يقصد من

كلامه....

وضعت أناملها على أزرتها العلويه لـ البجامه وبحنين \أشتقت لك يا نظر العين وشريك الروح..الله أكبر على الموت وش

قطع له قلوب...الله يَ سور المقابر...بداخلك قلوبنا مدفونه...!


أبعدت مفرشها عنها بهمه....


تريد أن تنزل وتبدأ بـ أعداد حافظات طعام وتشتري لها من البقاله القريبه صناديق ماء...

من ثم سوف توزعها على عمال البناء بـ حيهم والاحياء القريبه....

سوف تضع له أيضاً برادات مياه...


وعازمه على بناء مسجد با الوقت القريب...!



همست بألم \أنا أبخل عليك يا حبيبي...عساني ماتهنى بلقمه أن بخلت عليك بيوم ...!

.
.
.
خطاي في توضيح وش هي غلاتك

وخطاك في توضيح وش هو تغليك...!
.
.
.
باالمساء...

.
.
.

كانت تنظف المجالس الخارجيه مع الخادمه...

وكانت عصبية جداً...\ نيني...انا قايله لك الظهر أنزلي للمجالس ونظفيها ...


وأنتي شايفه الهواء والغبار كان كثير مع الصباح...


شوفي كيف المجلس صايره لو دخل رجال الليله تفشلنا فيهم..ماتعرفين هذا الشي وأنا أنبهك دايم...؟

نيني\والله انا فيه أجي نظف بس هذا رهان مافيه كويس مافي نوم بغرفه هو.. أجي نظف كلام روحي هناك

مجالس نظيف...هو فيه نوم هنا...علق هنا ثوب..بعدين حوطي فراش بعدين نوم سروال فانيله...مافي أدب...كلام

أنقلعي أنقلعي...!

الجموح \طيب خلاص...روحي لـ الزين وقولي لها تجيب المنظفات الـي بمخزن أحسن من هذي...وخليها تنزل تساعدنا

لني بغسل السور بعد...

طالع السور والمقدمات بعد العجاج الـيوم أعوذ بالله..روحي ولآتتاخرين أنا أخاف أجلس بلحالي كثير...





أغلق الباب الرئيسي الذي كان مردوداً..


لتأتيه بحينها رسالة من حاتم بأنه غير موجود با المنزل وأنه بصحبة رهان بزواج صديق


غاضب..


فقد كان يتصل عليه طوال الوقت ولم يرد عليه...لتأتيه رسالة منه الان...


ف معه عدة أوراق ضروريه تخص حاتم...





ليلتقط صوتها المحفور بـرأسه والاتي من المجالس الخارجيه....!


و

أبتسم بخبث...!


حاتم ورهان مـعزومان لـزواج صديق لرهان..!

وماهر متواجد با منزلـي....

عمي تركي يغط بمثل هذا الوقت بنوم عميق...!

الزين ليست موجوده فـهي تطلب من الخادمه أن تناديها...!


أذاً....


لآ...

يوجد غيرها تلك الجامحه...!!!!





.
.
.

خرجت الخادمه ولم تنتبه له....!




ليدخل فوراً بعدها.....!!



ويجدها...!!!







مرتديه لـقميص مشمشي يصل لنصف ساقيها...


يزين أحدى ساقيها ثلاث من الخلاخيل ناعمة عدها عداً....!



أرتفعت عينيه لـيجد ذاك الـجسد المائل لنحافه لكنه يحمل كمية فتنه كبيره...


شعرها مرفوع بأهمال بـمشبك ...!


وهي مستغرقه بتنظيف تلك المكتبه....!



تقدم بخطوات هادئه وخفيفه لها....!


ليضع يده حول خصرها لتقفز برعب فـيكتم أنفاسها بأنامله....ويشدها له....!!!!!!


.
.
.

كادت أن تصاب بسكته قلبيه مَ أن تأكدت بأنه هو...

لوهله أعتقدت بأنه رهان...

لأنه صاحب تلك المزح الثقيله ....!

لكن مَ أن أصبحت عينيها بـعينيه...


آلآ...


وشعرت برعب كبير...كيف ومن اين ظهر...!






أبعد أنامله من شفتيها الممتلئه وبهمس \ قدرنا نشوفك أخيراَ...؟



الشـي الوحيد الذي فعلته بعد أن أبعد أنامله عن شفتيها...هي فكرة الهرب...!


حركت جسدها الغض لـتحاول أطلاق ساقيها والهرب...!




ليشدها من جديد له وببتسامه...\خلاص صدنا الغزال..شفتي غزال هرب من صياده...!

ahmed
ahmed

مقالات قد تهمك

تعليقات